བོད་ཡིག |
1a1 (aM) @#/ ! /mdo sde sna tshogs kyi skor bzhugs so/ /
1a2 (黃) 經藏第三十一部
1b1 @##/ /rgya gar skad du/ pUr+Na pra mu kha a ba dA na sha ti ka / bod skad du/ gang po la sogs
1b2 pa'i rtogs pa brjod pa brgya pa/ bam po dang po/ thams cad mkhyen pa la phyag 'tshal lo/ /sdom ni/
1b3 gang po bzang dang grags ldan ma/ /le lo can dang ded dpon rnams/ /zla ba che ba pad ma dang / /pany+tsa la dang
1b4 bdug pa dang / /rgyal po 'jug tu smos pa ste/ /'di ni sde tshan bsdus pa yin/ /ljongs shig tu bram ze gang po
1b5 zhes bya ba zhig byung ste/ de'i tshe sangs rgyas bcom ldan 'das la/ rgyal po rnams dang blon po chen po rnams
1b6 dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang /
1b7 lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang /
1b8 mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod par byas
2a1 te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan
2a2 pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ sangs rgyas gsar du byung ste/ gsung rab kyi snying khu 'thung ba'i dus la bab cing / lha dang mi man cad la
2a3 yang dag par rab tu ston pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /de nas bcom ldan 'das kyis byang chub mngon par rdzogs par
2a4 sangs rgyas nas/ ring po ma lon par 'jig rten thams cad du grags pas yongs su gang ngo / /de nas lho phyogs kyi ri bo zhes bya ba'i ljongs na bram ze che zhing mtho ba gang po zhes bya ba phyug cing nor mang la longs spyod che ba
2a5 yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas so/ /de yang dad pa dang ldan la dge zhing bsam pa bzang ba bdag la phan pa dang / gzhan la phan pa la
2a6 zhugs pa/ snying rje che ba dang / bdag nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig ste/ des re shig na rab tu byung ba thams cad la
2a7 mchod sbyin byas nas/ der mu stegs can la sogs pa stong phrag du mas zan zos so/ /gang gi tshe bcom ldan 'das kyis rgyal po gzugs can snying po 'khor dang bcas pa btul nas/ de btul bas srog chags 'bum
2a8 phrag mang po dul bar gyur pa de'i tshe/ rgyal po'i khab nas gang po'i nye du rnams lhags te/ gang po'i mdun du sangs rgyas dang chos dang dge 'dun gyi bsngags pa brjod do/ /de nas bram ze che zhing mtho ba gang pos bcom ldan
2b1 'das kyi yon tan thos nas dga' ba chen po thob par gyur to/ /de nas khang thog tu song nas rgyal po'i khab logs su kha ltas te 'dug nas pus mo gnyis kyi lha nga sa la btsugs te/ me tog kyang gtor bdug pa dang chu yang phul
2b2 nas bcom ldan 'das la gsol ba btab pa/ bcom ldan 'das bdag gi mchod sbyin la gshegs su gsol/ mchod sbyin gyi mdun sa gzigs su gsol zhes byas so/ /de nas sangs rgyas rnams kyi sangs rgyas
2b3 kyi mthu dang / lha rnams kyi lha'i mthus me tog de dag bcom ldan 'das kyi steng du me tog gi khang par gyur te 'dug go/ /bdug pa ni sprin gyi mgo lta bur gyur to/ /chu ni bai dUr+ya'i sdong bu lta bur gyur to/ /de nas tshe dang ldan pa kun
2b4 dga' bos thal mo sbyar nas/ bcom ldan 'das la zhus pa/ btsun pa spyan 'dren 'di ga las mchis lags/ bcom ldan 'das kyis bka' stsal pa/ kun dga' bo lho phyogs kyi ri bo zhes bya ba'i ljongs na/ bram ze che zhing
2b5 mtho ba gang po zhes bya ba 'dug pa der 'o bu cag 'dong dgos kyis dge slong dag chos shig /de nas bcom ldan 'das dge slong stong gis zhabs 'bring byas nas lho phyogs kyi ri bo'i ljongs su rgyu zhing gshegs te/ bram ze che zhing
2b6 mtho ba gang po'i mchod sbyin gyi 'dun sa dang nye ba zhig du gshegs nas/ 'di snyam du dgongs te ngas bram ze gang po rdzu 'phrul gyi cho 'phrul gyis dad par bya'o snyam mo/ /de nas bcom ldan 'das kyis dge slong stong po de dag mi snang
2b7 bar mdzad de/ nyag cig lhung bzed dang chu snod phyag na bsnams nas/ gang po dang nye ba zhig tu gshegs so/ /de nas bram ze che zhing mtho ba gang pos bcom ldan 'das sku skyes bu chen po'i mtshan sum bcu rtsa gnyis kyis legs
2b8 par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang shin tu rings
3a1 par bcom ldan 'das kyi thad du song ste bcom ldan 'das la gsol pa/ bcom ldan 'das gshegs pa legs so/ /bcom ldan 'das bzhugs su gsol/ bdag la phan gdags pa'i slad du bshos
3a2 gsol bar ci gnang zhes gsol to/ /bcom ldan 'das kyis bka' stsal pa/ gal te khyod kyis yongs su btang na lhung bzed 'di'i nang du byin cig /de nas bram ze che zhing mtho ba gang po bram ze'i khye'u lnga brgyas
3a3 g.yog byas pas/ bcom ldan 'das la zhal zas rnam pa sna tshogs mkhur ba dang bshos dang 'jams dang bldag pa dang bzhib pa la sogs pas lhung bzed 'gengs par byed do/ /bcom ldan 'das kyis kyang
3a4 nyid kyi lhung bzed kyi nang nas dge slong stong gi lhung bzed dag gi nang du zas de dag 'pho bar mdzad do/ /gang gi tshe bcom ldan 'das kyis dge slong stong gi lhung bzed rnams gang bar thugs su chud pa de'i tshe nyid kyi lhung bzed
3a5 gang bar bstan to/ /de nas dge slong stong lhung bzed gang ba zla ba tshes pa'i dbyibs lta bur 'khod pa bstan to/ /nam mkha' la gnas pa'i lha rnams kyis kyang / bcom ldan 'das dang dge slong stong gi lhung bzed rnams
3a6 gang bar gyur to/ /zhes bya ba'i sgra brjod do/ /de nas cho 'phrul bstan pa des bram ze che zhing mtho ba gang po dga' bar gyur nas/ dga' zhing mgu la rab tu dga' ste yi rangs shing dga' ba dang yid bde bar gyur te/ sdong po
3a7 rtsa ba nas bcad pa bzhin du bcom ldan 'das kyi zhabs la phyag 'tshal nas smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bdag 'jig rten long ba 'dren pa med cing
3a8 yongs su 'dren pa med par sems can ma rgal ba rnams sgrol ba dang / ma grol ba rnams 'grol ba dang dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs
3b1 rgyas su gyur cig ces byas so/ /de nas bcom ldan 'das kyis bram ze che zhing mtho ba gang po'i rgyu gcig nas gcig tu brgyud pa dang las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan
3b2 'das rnams gang gi tshe 'dzum pa mdzad pa'i chos nyid de de'i tshe zhal nas 'od zer sngon po dang ser po dang dmar po dang dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni
3b3 sems can dmyal ba yang sos dang / thig nag dang bsdus 'joms dang / ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang / kyi hud zer dang a chu zer dang /
3b4 ud pal ltar gas pa dang pad ma ltar gas pa dang / pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro
3b5 bar gyur te 'bab bo/ /de nas sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te kye ci bdag cag 'di nas shi 'phos sam 'on te gzhan du skyes sam snyam mo/ /de nas
3b6 de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par kyang ma gyur la gzhan du na yang ma skyes mod kyi/
3b7 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar
3b8 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni/ rgyal chen bzhi'i ris rnams dang sum bcu
4a1 rtsa gsum pa rnams dang 'thab bral rnams dang dga' ldan rnams dang / 'phrul dga' rnams dang / gzhan 'phrul dbang byed rnams dang tshangs ris rnams dang / tshangs pa'i mdun na 'don pa rnams dang tshangs pa chen po
4a2 rnams dang 'od chung rnams dang tshad med 'od rnams dang / 'od gsal rnams dang / dge chung rnams dang tshad med dge rnams dang dge rgyas rnams dang / sprin med rnams dang bsod nams skyes rnams dang / 'bras bu che rnams dang mi che rnams dang /
4a3 mi gdung ba rnams dang gya nom snang rnams dang shin tu mthong rnams dang / 'og min gyi lha rnams kyi bar du song nas mi rtag pa dang sdug bsngal ba dang / stong pa dang bdag med pa'i sgra sgrogs so/ /tshigs su bcad pa gnyis kyang
4a4 brjod par byed de nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par
4a5 byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer de dag gis stong gsum gyi stong chen po'-i 'jig rten gyi khams bskor nas/ bcom ldan 'das nyid kyi
4a6 phyi bzhin du 'brangs te gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su
4a7 mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye
4a8 bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag
4b1 g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /
4b2 nyan thos kyi byang chub tu lung ston par bzhed na ni zhal du mi snang bar 'gyur ro rang sangs rgyas kyi byang chub tu lung ston par gzhed na ni smin mtshams su mi snang bar 'gyur ro/ /bla na med pa yang dag par rdzogs pa'i byang chub tu
4b3 lung ston par bzhed na ni dbu'i gtsug tor tu mi snang bar 'gyur ro/ /de nas 'od zer de dag gis bcom ldan 'das la lan gsum du bskor ba byas te/ bcom ldan 'das kyi dbu'i gtsug tor du mi snang bar gyur ro/ /
4b4 de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /
4b5 nyi ma shar bas ji ltar bgyis pa bzhin/ /yang tshigs su bcad de gsol ba/ rgod dang bral zhing rgyags dang mi bgyes spangs pa yi/ /sangs rgyas 'gro ba dag ni dam pa'i rgyur gyur pa/ /rgyal ba dgra thub rnams ni rgyu rkyen
4b6 ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pas som nyi 'tshal ba rnams/ /thub pa khyu mchog gi ni gsung
4b7 mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum
4b8 pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par
5a1 rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo bram ze che zhing mtho ba 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo
5a2 bram ze che zhing mtho ba 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas stobs bcu dang mi 'jigs pa bzhi dang ma 'dres pa'i dran pa nye bar gzhag pa gsum dang /
5a3 snying rje chen po dang ldan pa'i yang dag par
5a4 rdzogs pa'i sangs rgyas gang po bzang zhes bya bar gyur te 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /gang gi tshe bcom ldan 'das kyis bram ze che zhing
5a5 mtho ba gang po bla na med pa yang dag par rdzogs pa'i byang chub tu lung bstan pa de'i tshe/ gang pos bcom ldan 'das nyan thos kyi dge 'dun dang bcas pa zla ba gsum gyi bar du mchod sbyin gyi 'dun sar bshos gsol te/ lhag
5a6 par yang des dge ba'i rtsa ba rnam pa sna tshogs dag par skyed do/ /dge slong dag de bas na 'di ltar bslab par bya ste ston pa la bkur sti bya'o/ /bla mar bya'o ri mor bya'o mchod par bya'o ston pa la bkur sti byas bla mar byas ri mor byas/
5a7 mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon
5a8 par bstod do// //grags ldan ma zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang / tshong dpon rnams dang /
5b1 ded dpon rnams dang / lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu dang /
5b2 gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha dang gdan dang snyun gsos
5b3 dang sman zong rnams brnyes pa/ nyan thos kyi dge 'dun dang bcas pa yangs pa can na spre'u rdzing gi 'gram gyi khang pa brtsegs pa'i gnas na rten cing bzhugs so/ /de nas bcom ldan 'das snga dro sham thabs dang chos gos gsol te
5b4 lhung bzed bsnams nas/ dge slong gi tshogs kyis zhabs 'bring byas te dge slong gi dge 'dun gyis mdun du bdar nas yangs pa can du bsod snyoms la gshegs so/ /yangs pa can du mthar gyis bsod snyoms la gshegs nas
5b5 dmag dpon seng ge'i khyim ga la der gshegs te byon nas gang na gdan bshams pa la bzhugs so/ /de nas dmag dpon seng ge'i mna' ma grags ldan ma zhes bya ba gzugs bzang zhing lta na sdug la mdzes pa zhig yod pa des
5b6 bcom ldan 'das sku mtshan dang dpe byad rnam pa sna tshogs 'bar ba dang ldan pa mthong nas shin tu dga' ba thob par gyur to/ /des gyos po la dris pa bdag kyang 'di lta bu'i yon tan dang ldan par gyur pa'i thabs 'ga' lta mchis sam/
5b7 de nas dmag dpon seng ge 'di snyam du sems te/ kye ma bu mo 'di ni rgya chen po la mos pa zhig ste gal te 'di rkyen dang phrad na ni/ bla na med pa yang dag par rdzogs pa'i byang chub tu smon lam 'debs par 'gyur ro snyam du rig nas smras
5b8 pa/ bu mo gal te rgyu yang dag par blangs te 'dug na ni khyod kyang bcom ldan 'das ci 'dra ba de lta bur 'gyur ro/ /de nas dmag dpon seng ges grags ldan ma'i dad pa 'phel bar bya ba'i phyir/ dbyig dang gser dang rin po che mang du byin
6a1 no/ /de nas grags ldan mas bcom ldan 'das nyan thos kyi dge 'dun dang bcas pa phyi de nyin khyim gyi nang du gdugs tshod la spyan drangs so bcom ldan 'das kyis kyang de la phan gdags pa'i phyir gnang ngo / /de nas bu mo grags
6a2 ldan mas gser dang dngul dang rin po che'i me tog rnams kyang byed du bcug /spos dang me tog phreng dang byug pa mang po dag kyang bsogs zhal zas ro brgya dang ldan pa yang bshams nas bcom ldan 'das la phrin gyis gdugs tshod bskul ba/
6a3 btsun pa gdugs tshod la bab ste bshos gsol lags na bcom ldan 'das kyis da de'i dus la bab par dgongs te gshegs su gsol zhes bskul to de nas bcom ldan 'das dge slong gi tshogs kyis zhabs 'bring byas te/ dge slong
6a4 gi dge 'dun gyis mdun du bdar nas dmag dpon seng ge'i khyim ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so/ /de nas bu mo grags ldan mas sangs rgyas la sogs pa
6a5 dge slong gi dge 'dun bde bar bzhugs par rig nas rang gi lag nas zhal zas ro brgya dang ldan pas tshim par byas te/ bcom ldan 'das la me tog dag gis gtor to/ /de nas me tog de dag 'di lta ste/ sangs rgyas rnams kyi sangs
6a6 rgyas kyi mthu dang lha rnams kyi lha'i mthus/ bcom ldan 'das kyi steng du rin po che'i khang pa dang khang pa brtsegs pa rin po che'i rgyal mtshan can mgar ba 'am mgar ba'i slob ma legs par lobs pas kyang byed mi nus pa de lta bur gyur
6a7 te 'dug go/ /de nas bu mo grags ldan mas lha dang mi dad par byed pa'i cho 'phrul shin tu rmad du byung ba de mthong nas/ sdong po rtsa ba nas bcad pa bzhin du lus thams cad kyis bcom ldan 'das kyi zhabs la phyag 'tshal nas smon lam
6a8 btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bdag 'jig rten long ba 'dren pa med cing yongs su 'dren pa med par sems can ma rgal ba rnams sgrol ba dang / ma grol ba rnams 'grol
6b1 ba dang dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis bu mo grags ldan ma'i rgyu gcig
6b2 nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe de'i zhal nas 'od zer sngon po dang /
6b3 ser po dang dmar po dang dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang bsdus 'joms dang ngu 'bod dang /
6b4 ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang / ud pal ltar gas pa dang pad ma ltar gas pa dang pad ma ltar gas pa chen por song nas
6b5 tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur
6b6 ro/ /de nas de dag 'di snyam du sems te kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong
6b7 nas 'di snyam du sems te kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse
6b8 zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der
7a1 nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang sum bcu rtsa gsum pa rnams dang 'thab bral rnams dang dga' ldan rnams dang 'phrul dga' rnams dang /
7a2 gzhan 'phrul dbang byed rnams dang tshangs ris rnams dang tshangs pa'i mdun na 'don pa rnams dang tshangs pa chen po rnams dang 'od chung rnams dang tshad med 'od rnams dang 'od gsal rnams dang / dge chung rnams dang tshad med dge
7a3 rnams dang dge rgyas rnams dang / sprin med rnams dang bsod nams skyes rnams dang 'bras bu che rnams dang mi che rnams dang mi gdung rnams dang gya nom snang rnams dang shin tu mthong rnams dang / 'og min gyi lha rnams kyi bar du song
7a4 nas mi rtag pa dang sdug bsngal ba dang / stong pa dang bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /
7a5 'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /
7a6 zhes brjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las
7a7 lung ston par bzhed na ni bcom ldan 'das kyis snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung
7a8 ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi
7b1 snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /
7b2 'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung
7b3 ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams su mi snang bar 'gyur ro/ /bla na med pa yang dag par rdzogs pa'i byang chub tu lung ston par
7b4 bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang
7b5 ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /
7b6 nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba
7b7 dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /
7b8 thub pa khyu mchog gi ni gsung mchog brten pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da
8a1 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /
8a2 de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo bu mo grags ldan ma 'dis nga la 'di lta bu'i
8a3 bkur sti byas pa mthong ngam/ btsun pa mthong lags so/ /kun dga' bo grags ldan ma 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum
8a4 gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang mi 'jigs pa bzhi dang
8a5 ma 'dres pa'i dran pa nye bar gzhag pa gsum dang snying rje chen po dang ldan pa'i yang dag par rdzogs pa'i sangs rgyas rin chen ldan zhes bya bar 'gyur de 'jig rten du 'byung bar 'gyur ro/ /de'i sbyin par bya ba'i chos ni gang
8a6 nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //
8a7 le lo can zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang / pho brang 'khor gyi mi rnams dang tshong dpon rnams dang ded dpon rnams dang /
8a8 lha rnams dang klu rnams dang / gnod sbyin rnams dang / lha ma yin rnams dang / nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor
8b1 byas mchod pa byas te lha dang klu dang gnod sbyin dang lha ma yin dang / nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/
8b2 na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi
8b3 kun dga' ra ba na bzhugs so/ /de'i tshe mnyan du yod pa na tshong dpon phyug cing nor mang la longs spyod che ba yongs su 'dzin pa yangs zhing rgya che ba rnam thos kyi bu'i nor dang ldan pa rnam thos kyi bu'i nor dang 'gran pa zhig
8b4 gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod kyang / bu med bu mo med nas de lag pa la
8b5 rkom tshugs bcas te/ bdag gi khyim nor du ma dang ldan du zin kyang bdag la bu yang med bu mo yang med pas/ bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam
8b6 ste sems khong du chud cing 'dug go/ /de nas dge sbyong dang bram ze dang ltas mkhan dang mdza' bo dang gnyen dang rtsa lag gzhan dag gis lha la gsol ba thob cig ces de la bsgo'o/ /'jig rten na yang gsol ba
8b7 btab pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de yang de ltar ni ma yin te gal te gsol ba btab pa'i rgyus bu dang bu mo skye bar 'gyur du zin na ni/ 'khor los sgyur ba'i rgyal
8b8 po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te/ gsum gang zhe na pha ma gnyis 'dod chags langs te phrad pa dang /
9a1 ma dus la bab cing zla mtshan dang ldan pa dang dri za 'ongs pa ste/ gnas 'di gsum tshogs pa las bu dang bu mo skye bar 'gyur na 'on kyang dge sbyong dang bram ze rnams dang ltas mkhan rnams dang mdza'
9a2 bo dang gnyen dang rtsa lag rnams kyis de la mtho brtsams nas/ de bud med de bu 'dod pa'i phyir gu lang dang chu lha dang ku be ra dang brgya byin dang tshangs pa la sogs pa dang / lha'i khyad par gzhan dag la yang gsol ba
9a3 'debs te/ 'di lta ste kun dga' ra ba'i lha dang nags tshal gyi lha dang lam gyi bzhi mdo'i lha dang sum mdo'-i lha dang / gtor ma len pa'i lha dang lhan cig skyes pa dang chos 'thun pa pa dang rtag tu phyi bzhin 'brang
9a4 ba'i lha rnams la yang gsol ba 'debs te de yang gsol ba 'debs pa lhur byed cing 'dug la/ sems can zhig kyang sems can gyi ris shig nas shi 'phos te de'i chung ma'i ltor zhugs so/ /bud med
9a5 mkhas pa'i rang bzhin can kha cig la ni thun mong ma yin pa'i chos lnga yod de lnga gang zhe na skyes pa chags pa yang shes la ma chags pa yang shes pa dang / dus kyang shes la zla mtshan yang shes pa dang bu chags pa shes pa
9a6 dang gang las bu chags pa shes pa dang / khye'u yang shes la bu mo yang shes pa ste gal te khye'u yin na ni lto g.yas logs su rten cing gnas so/ /gal te bu mo yin na ni lto g.yon logs su rten cing gnas so/ /
9a7 de nas de dga' ches nas khyim thab la sbran pa jo bo bdag la sras chags te/ bdag gi rum g.yas logs na rten cing gnas pa las na/ khye'ur 'gyur bar nges kyis dgyes pa bskyed du gsol zhes byas nas/
9a8 de yang dga' ches te ro stod ni bteg lag pa g.yas pa ni brkyang nas bdag gis yun ring po nas smon smon pa'i bu'i ngo mthong bar 'ong ngo bdag gi bu rung bar shog shig mi rung bar ma gyur cig /bdag gi bya ba dag
9b1 byed par shog shig gsos pa'i lan phyir gso bar shog shig nor skal la spyod par shog shig bdag gi rigs rgyud ring du gnas par shog shig bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod nams dag byas nas/
9b2 de gnyis gang dang gang du skyes shing 'gro ba der 'di song shig ces yon bsngo bar shog shig ces dga' ba'i tshig brjod do/ /des bu chags par rig nas bu'i
9b3 rim gro bya ba'i phyir/ khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang tsha ba'i tshe tsha ba'i yo byad rnams dang / sman pas bstan pa'i zas rnams dang ha cang kha ba ma yin pa
9b4 rnams dang / ha cang skyur ba ma yin pa rnams dang ha cang lan tshwa che ba ma yin pa rnams dang / ha cang mngar ba ma yin pa rnams dang ha cang ro tsha ba ma yin pa rnams dang / ha cang bska ba ma yin pa rnams te/ kha ba dang skyur ba dang
9b5 lan tshwa dang mngar ba dang tsha ba dang bska ba med pa'i zas rnams sten cing / do shal dang se mo dos lus rnam par klubs te lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u
9b6 'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so de zla ba brgyad dam dgu lon pa dang bu byung ste/ khye'u gzugs bzang zhing lta na sdug la mdzes pa zhig
9b7 btsas nas de btsas pa'i tshe khyim gang gi mi thams cad dga' bar gyur te de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed de/ nye du rnams na re 'di btsas pa
9b8 na khyim gang gi mi thams cad dga' bar gyur pas na de'i phyir khye'u 'di'i ming dga' byed ces gdags so zhes zer nas de'i ming dga' byed ces btags so/ /de nas khye'u dga' byed pang na 'tsho ba'i ma ma gnyis
10a1 dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te/ ma ma brgyad la gtad nas de ma ma brgyad kyis 'o ma dang zho dang mar dang zhun mar dang mar gyi snying khu dang
10a2 gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du skye drag par gyur to/ /de nas de gang gi tshe cher skyes te lo lnga 'am drug lon pa de'i tshe/ le lo can
10a3 mchog tu le lo che ba zhig du gyur te mal dang stan las kyang ldang mi 'dod do/ /de blo rno zhing gsal bas khyim gyi nang du 'dug bzhin du bstan bcos rnams bslabs so/ /de nas tshong dpon de 'di snyam du sems te
10a4 bdag gis lha mnyes par byas na/ brgya lam na lan gcig na bu skyes pa de yang le lo can mchog tu le lo che ba zhig du gyur te mal dang stan las kyang mi ldang na 'di ltar lus tha mal par gyur kyang
10a5 grum po bzhin du lnga re 'dug pa 'di 'dra ba'i bu lta ci dgos snyam mo/ /tshong dpon de yang rdzogs byed la dga' ste/ des mu stegs can gyi ston pa drug rang gi khyim du bos nas/ gal te khye'u 'dis
10a6 de dag mthong na rjes bskyed de mal nas ldang ba tsam yang byed srid dam snyam pa dang / de nas khye'u le lo can gyis ston pa de dag mthong nas mig gis kyang ma bltas na/ ldang ba 'am gus par smra ba 'am
10a7 stan bstabs pa lta ci smos/ de nas tshong dpon des gnas skabs de lta bu mthong nas ches rab tu gdung bar gyur te lag pa la rkom tshugs bcas nas sems khongs su chud cing 'dug go/ /de'i skabs su sangs
10a8 rgyas bcom ldan 'das rnams kyis ni mi mkhyen pa 'am mi gzigs pa 'am mi rtogs pa 'am thugs su mi chud pa ci yang med la sangs rgyas bcom ldan 'das thugs rje chen po dang ldan pa/ 'jig rten la phan 'dogs
10b1 pa la zhugs pa/ srung ba gcig dang ldan pa gcig tu dpa' ba zla med pa gnyis su mi gsung ba zhi gnas dang lhag mthong la gnas pa rig pa gsum snang bar mdzad pa bslab pa gsum la legs par bslabs pa/
10b2 'dul ba'i gzhi gsum la mkhas pa chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dres par byas pa mi 'jigs pa
10b3 bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol
10b4 tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i
10b5 snyoms par 'jug pa dgu la mkhas pa stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis
10b6 nyin dus gsum mtshan dus gsum du sangs rgyas kyi spyan gyis 'jig rten la gzigs te su ni rgud su ni dar su ni phongs shing 'dug su ni nyam nga bar gyur su ni gnod pa dang ldan su ni phongs pa dang nyam nga ba dang gnod
10b7 pa dang ldan/ su ni ngan song du gzhol su ni ngan song du 'bab su ni ngan song du bab su ni ngas ngan song nas phyung ste mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/
10b8 su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya su ni dge ba'i rtsa ba rnams ma bskyed pa rnams las bskyed par bya/ su ni dge ba'i rtsa ba rnams
11a1 bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /
11a2 dus las yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis khye'u le lo can gyis nga mthong na brtson 'grus rtsom par
11a3 'gyur te/ bla na med pa yang dag par rdzogs pa'i byang chub kyi bar du sems yongs su 'gyur bar 'ong ngo snyam du gzigs so/ /de nas bcom ldan 'das kyis mu stegs can rnams kyi rgyags pa dang dregs
11a4 pa gcad pa dang khye'u yi dge ba'i rtsa ba bskyed pa'i phyir 'od zer gser gyi kha dog can nyi ma stong gi 'od pas lhag pa dag bkye ste de dag gis khyim de kun tu snang bar byas so/ /bskal pa stong du yongs su bsgoms
11a5 pa'i byams pa'i 'od zer dag kyang bkye ste de dag gis de'i lus la phog ma thag tu rab tu sim par gyur nas/ su'i mthus bdag gi lus rab tu sim par byas snyam ste/ des phan tshun du bltas so/ /
11a6 de nas bcom ldan 'das dge slong gi tshogs kyis zhabs 'bring byas te khyim de'i nang du gshegs nas khye'u le lo can gyis sangs rgyas bcom ldan 'das sku skyes bu chen po'i mtshan sum bcu rtsa gnyis kyis
11a7 brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba rin po che'i ri bo 'gro ba la bu kun nas bzang ba mthong ngo / /mthong
11a8 nas kyang mchog tu dga' bar gyur te 'phral la rang nyid langs nas bcom ldan 'das kyi gdan bshams te bcom ldan 'das tshur gshegs so/ bcom ldan 'das gshegs pa legs so/ /bcom ldan 'das
11b1 gdan bshams pa la bzhugs su gsol zhes de skad kyang smras so/ /de nas de'i pha ma dang nang mi rnams kyis sngon ma mthong ba'i gus par sgrim pa mthong nas mchog tu ya mtshan du gyur to/ /de nas khye'u
11b2 le lo can gyis dga' zhing mdangs phyung ba'i mig dang ldan pas bcom ldan 'das kyi zhabs la phyag 'tshal nas chos mnyan pa'i phyir spyan sngar 'dug ste/ bcom ldan 'das kyis de la le lo'i nyes pa dang brtson
11b3 'grus rtsom pa'i phan yon rnam pa du ma bka' stsal nas/ tsan dan gyi dbyug gu zhig kyang de la byin te khye'u dbyug gu 'di rdungs shig ces bka' stsal to/ /de nas des dbyug gu de brdungs pa dang / sgra snyan pa thos
11b4 par gyur la rin po che'i gter sna tshogs kyang mthong ngo / /de nas de 'di snyam du sems de/ kye ma brtson 'grus rtsom pa la ni khyad par chen po de lta bu yod kyis/ bdag gis phyir zhing brtson 'grus brtsam par bya gor
11b5 ma chag snyam nas des mnyan du yod par dril gyi sgra bsgrags te/ bdag nyid kyis ded dpon bya bar bsgrags nas rgya mtsho chen po la lan drug rgal te gru'i don grub pas rin po che chen po bsdus te/ bcom ldan 'das
11b6 nyan thos kyi dge 'dun dang bcas pa khyim gyi nang du bshos gsol nas/ bla na med pa yang dag par rdzogs pa'i byang chub tu smon lam btab bo/ /de nas bcom ldan 'das kyis khye'u le lo can gyi rgyu gcig nas
11b7 gcig tu brgyud pa dang las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de de'i tshe zhal gyi sgo nas 'od
11b8 zer sngon po dang ser po dang dmar po dang dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang ngu
12a1 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang / kyi hud zer dang a chu zer dang ud pal ltar gas pa dang pad ma ltar gas pa dang pad ma ltar
12a2 gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can
12a3 de dag gi gnod pa'i khyad par rnam rtse zhil bar 'gyur ro de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir
12a4 bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te kye bdag cag 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung
12a5 ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa de la sems mngon par dga' bar gyur nas sems can dmyal ba myong bar
12a6 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang
12a7 sum bcu rtsa gsum pa rnams dang 'thab bral rnams dang dga' ldan rnams dang 'phrul dga' rnams dang gzhan 'phrul dbang byed rnams dang tshangs ris rnams dang tshangs pa'i mdun na 'don pa rnams dang tshangs pa chen
12a8 po rnams dang 'od chung rnams dang tshad med 'od rnams dang 'od gsal rnams dang dge chung rnams dang tshad med dge rnams dang dge rgyas rnams dang sprin med rnams dang bsod nams skyes rnams dang 'bras bu che rnams dang mi che rnams
12b1 dang mi gdung rnams dang gya nom snang rnams dang shin tu mthong rnams dang 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis
12b2 kyang rjod par byed de/ /nges par 'byung ba brtsam par gyis/ /sangs rgyas bstan pa sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /
12b3 bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor
12b4 nas/ bcom ldan 'das nyid kyi phyi bzhin du 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las
12b5 lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni
12b6 zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /
12b7 stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang
12b8 bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed
13a1 na ni smin 'tshams kyi mdzod pur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag
13a2 gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/
13a3 tshon sna stong gis spel ba sna tshogs can/ /mang po zhal gyi sgo nas byung bar gyur/ /de'i phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol
13a4 pa/ rgod dang bral zhing rgyags dang mi bgyes spang pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis pas/ /pad ma'i rtsa dang dung mdog lta bu'i 'dzum
13a5 mi ston/ /brtan po nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the
13a6 tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni
13a7 khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i
13a8 sangs rgyas rnams rgyu med rkyen med par 'dzum pa mi mdzad do/ /kun dga' bo khye'u le lo can 'dis nga la 'di lta bu'i bkur sti byas pa mthong ngam btsun pa mthong lags so/ /kun dga' bo khye'u le lo can 'di dge ba'i
13b1 rtsa ba dang / sems bskyed pa dang sbyin par bya ba'i chos yongs su gtong ba 'dis/ bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos
13b2 pa'i pha rol tu phyin pa drug yongs su rdzogs par byas nas stobs bcu dang mi 'jigs pa bzhi dang ma 'dres pa'i dran pa nye bar gzhag pa gsum dang snying rje chen po dang ldan pa'i yang dag par rdzogs pa'i sangs rgyas stobs dang
13b3 brtson 'grus dang mthu rtsal dang shin tu ldan pa zhes bya bar 'gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la mngon par dga' bar gyur pa 'di yin no/ /bcom ldan 'das kyis de skad ces
13b4 bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po gnyis pa/ ded dpon zhes bya ba ni/ sangs
13b5 rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin
13b6 rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci
13b7 dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa
13b8 nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na ded dpon chen po zhig rgya mtsho chen po'i
14a1 nang du gru bub ste/ phyir 'ongs nas des lan gnyis lan gsum gyi bar du lha thams cad la gsol ba btab ste/ rgya mtsho chen po'i nang du zhugs na 'on kyang gru bub ste phyir 'ongs so/ /de nas de mi
14a2 dga' ba chen po skyes nas de 'di snyam du sems te bdag gis thabs gang gis nor bsdu bar bya ba'i thabs ci yod snyam mo/ /yang de 'di snyam du sems te/ sangs rgyas bcom ldan 'das 'di ni lha thams cad las kyang
14a3 ches khyad par du 'phags te/ bdag la phan pa dang gzhan la phan pa la zhugs pa/ thugs rje can bdag nyid chen po chos la gus pa/ skye dgu la mnyes gshin pa yin gyis/ da ni bdag gis 'di la brten te yang
14a4 rgya mtsho chen po'i nang du zhugs la gru'i don legs par grub ste phyir 'ongs na nor phyed kyis 'di la mchod pa bya'o snyam mo/ /des de ltar brtson 'grus byas te/ yang rgya mtsho chen po'i nang du zhugs pa dang sangs rgyas kyi mthus
14a5 rin po che'i gling du phyin nas/ rin po che chen po bsdus te bde ba dang nye zho med par bdag gi khyim du phyin to/ /de ngal bso nas snod bzlugs na/ des rin po che rnam pa sna tshogs mthong nas chags pa chen po skyes te/
14a6 bdag gis rin po che 'di lta bu dag dge sbyong gau ta ma la phyed ji ltar sbyin snyam du sems pa la zhugs te ma la bdag gis 'di rnams bdag gi chung ma'i lag tu zho'i bzhi cha cig tu btsongs la/ bcom ldan 'das la
14a7 spos dbul bar bya gor ma chag snyam mo/ /des zho'-i bzhi cha gcig gis a ga ru'i spos nyos nas rgyal bu rgyal byed kyi tshal du song ngo / /de nas shin tu ngo tsha ba bzhin du sgo gang du 'dug nas a ga rus bdugs so/ /
14a8 de nas bcom ldan 'das kyis gang gis bdug pa de steng gi nam mkha' la yang dag par 'phags te mnyan du yod pa thams cad khyab par gyur nas sprin chen po'-i mgo ltar 'dug par 'gyur ba de lta bu'i rdzu 'phrul
14b1 mngon par 'du bya ba mdzad do/ /des lha dang mi dad par byed pa'i cho 'phrul shin tu rmad du byung ba de mthong nas dga' ba chen po skyes te/ bdag gi sems la brgyad bkag nas/ gang bdag gis rin po che'i sgo nas/
14b2 bcom ldan 'das kyi sku bslu ba 'di ni bdag gi cha ma yin no zhes byas so/ /de nas ded dpon des bcom ldan 'das nyan thos kyi dge 'dun dang bcas pa khyim gyi nang du bshos la spyan drangs so/ /de nas zhal zas bzang pos
14b3 tshim par byas nas rin po che chen po dag gis gtor to/ /de nas rin po che de dag 'di lta ste/ sangs rgyas rnams kyi sangs rgyas kyi mthu dang / lha rnams kyi lha'i mthus/ bcom ldan 'das kyi dbu'i steng gi nam
14b4 mkha' la 'phags nas/ rin po che'i khang pa dang khang pa brtsegs pa rin po che'i rgyal mtshan can mgar ba 'am mgar ba'i slob ma legs par lobs pas kyang byed mi nus pa de lta bur gyur te 'dug go/ /de nas ded dpon
14b5 des cho 'phrul de mthong nas ched kyis dga' ba skyes te/ sdong po rtsa ba nas bcad pa bzhin du bcom ldan 'das kyi zhabs la phyag 'tshal nas smon lam btab pa/ dge ba'i rtsa ba dang sems bskyed pa
14b6 dang sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par sems can ma sgral ba rnams sgrol ba dang / ma grol ba rnams 'grol ba dang / dbugs ma phyin
14b7 pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis ded dpon de'i rgyu gcig nas gcig tu
14b8 brgyud pa dang / las gcig nas gcig du brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de de'i tshe zhal gyi sgo nas 'od zer sngon po dang ser po dang
15a1 dmar po dang dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod
15a2 dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song
15a3 nas/ tsha ba'i sems can dmyal ba gang yin pa de dag tu bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par
15a4 rnams rtse zhil bar gyur to/ /de nas de dag 'di snyam du sems te kye ci bdag cag 'di nas shi 'phos sam/ 'on te gzhan du skyes sam snyam mo de nas de dag dad pa bskyed pa'i phyir bcom ldan 'das sprul pa 'gyed par mdzad de de dag gis
15a5 sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi 'on kyang sngon ma byung ba'i sems can snang ba 'di'i mthus bdag cag gi gnod pa'i khyad
15a6 par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/ lha dang mi rnams kyi nang du gang du bden
15a7 pa rnams kyi snod du rung bar 'gyur ba de der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang sum bcu rtsa gsum pa rnams dang 'thab bral rnams dang
15a8 dga' ldan rnams dang 'phrul dga' rnams dang gzhan 'phrul dbang byed rnams dang / tshangs ris rnams dang tshangs pa'i mdun na 'don pa rnams dang tshangs pa chen po rnams dang tshad med 'od
15b1 rnams dang 'od gsal rnams dang dge chung rnams dang tshad med dge rnams dang dge rgyas rnams dang sprin med rnams dang bsod nams skyes rnams dang 'bras bu che rnams dang mi che rnams dang mi gdung rnams dang gya nom snang rnams dang shin tu mthong
15b2 rnams dang 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis kyang rjod par byed do nges par 'byung ba brtsam
15b3 par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /
15b4 skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das
15b5 nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni
15b6 mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang
15b7 bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i
15b8 rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston
16a1 par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod
16a2 spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas
16a3 te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po
16a4 zhal gyi sgo nas byung bar gyur/ /de yis phyags rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /
16a5 sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /
16a6 dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /
16a7 mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan pa 'tshal/ /bcom ldan 'das kyis bka' stsal pa/
16a8 kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo ded
16b1 dpon 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo ded dpon 'di'i dge ba'i rtsa ba dang sems bskyed pa dang sbyin par bya ba'i chos yongs su gtang ba 'dis bskal
16b2 pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang
16b3 mi 'jigs pa bzhi dang ma 'dres pa'i dran pa nye bar gzhag pa gsum dang snying rje chen po dang ldan pa'i yang dag par rdzogs pa'i sangs rgyas spos mchog ces bya bar 'gyur te 'jig rten du 'byung bar 'gyur ro/ /
16b4 de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa
16b5 la mngon par bstod do// //zla ba zhes bya ba ni sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams
16b6 dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang /
16b7 gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas
16b8 dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na
17a1 bzhugs so/ /de nas mnyan du yod pa na tha ga pa zla ba zhes bya ba dbul zhing mchog tu dbul ba zhig gnas so/ /de yang las ji tsam zhig byed pa de tsam nyi tshe'i zan rnyed par zad do des cung
17a2 zad kyang bzhag tu med do/ /de nas de 'di snyam du sems te/ bdag ni 'jig rten pha rol nas kyang bsod nams ma byas par 'dir 'ongs la/ 'dir yang dge ba mi byed pas 'di nas 'jig rten pha rol tu yang bsod
17a3 nams kyang ma byas dge ba yang ma byas 'jigs shing skrag pa'i mgon skyabs kyang ma byas par 'gro dgos srid kyis/ bdag gis bcom ldan 'das la sna 'ga' zhig gis mchod pa bya gor ma chag snyam mo de nas
17a4 des khyim bdag gzhan zhig gi ras btags nas/ des de las ras kyi tshar tshar khyer te srang du zhugs so/ /bcom ldan 'das kyi snga dro sham thabs dang chos gos gsol te/ lhung bzed bsnams nas mnyan du
17a5 yod par bsod snyoms la gshegs so/ /de nas des sangs rgyas bcom ldan 'das sku mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od
17a6 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang bcom ldan 'das la sems mngon par dga' bar gyur to/ /
17a7 bcom ldan 'das kyis kyang de la phan gdags pa'i phyir nyid kyi chos gos ral bar bstan to/ /de nas des ras kyi tshar tshar de dag bcom ldan 'das la phul lo/ /bcom ldan 'das kyis kyang de'i mod la chos
17a8 gos drubs par bstan to/ /de nas de rgya cher dga' ba skyes nas bcom ldan 'das kyi zhabs la phyag 'tshal te smon lam btab pa/ sbyin pa chung la zhing ni rgya che ste/ /mthu chen khyod nyid thugs su chud
17b1 par bas/ /sbyin pa chen por gyur pa 'di yis ni/ /bdag ni rgya cher grags pa'i sangs rgyas shog /sbyin pa 'di ni chung ngu lags kyis kyang / /bdag gi sems ni rab yangs dpag yas te/ /mi dang lha
17b2 mchog rgyal bas bzhes nas ni/ /sbyin pa chung yang 'bras bu chen por 'gyur/ /bcom ldan 'das kyis bka' stsal pa/ khyod ni phyi mar zhi ba mthu che ba/ /rgya chen grags pa mi dang lhas mchod pa/ /
17b3 rang byung 'jig rten phan pa snying brtser ldan/ /tshar tshar bla ma zhes bya rgyal bar 'gyur/ /de nas bcom ldan 'das kyis tha ga zla ba'i rgyu gcig nas gcig tu brgyud pa dang / las gcig nas gcig du brgyud
17b4 pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang ser po dang dmar po dang dkar po dag byung nas/
17b5 kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang bsdus gzhom dang ngu 'bod dang ngu 'bod chen po dang tsha ba dang
17b6 rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song nas tsha ba'i sems
17b7 can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse
17b8 zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad do/ /
18a1 de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i
18a2 mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de lha
18a3 dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang sum bcu rtsa gsum pa rnams
18a4 dang 'thab bral rnams dang dga' ldan rnams dang 'phrul dga' rnams dang gzhan 'phrul dbang byed rnams dang tshangs ris rnams dang tshangs pa'i mdun na 'don pa rnams dang tshangs pa chen po rnams dang 'od chung rnams dang
18a5 tshad med 'od rnams dang 'od gsal rnams dang dge chung rnams dang tshad med dge rnams dang dge rgyas rnams dang sprin med rnams dang bsod nams skyes rnams dang 'bras bu che rnams dang mi che rnams dang mi gdung rnams
18a6 dang gya nom snang rnams dang shin tu mthong rnams dang 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis kyang
18a7 rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di
18a8 nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes brjod par byed do/ /de nas 'od zer de dag gis stong gsum gyi stong chen po'i 'jig rten
18b1 gyi khams bskor nas bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /
18b2 ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar
18b3 lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis
18b4 su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni
18b5 phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /
18b6 rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi
18b7 snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te
18b8 bcom ldan 'das la zhus pa/ tshon sna stong gis spel ba sna tshogs can/ /mang po zhal kyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /
19a1 yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag ni dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /
19a2 pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog
19a3 brtan pa dang / /bzang po dag gis the tshom skyes pa gsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo
19a4 mdzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs
19a5 pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo tha ga pa zla ba 'dis nga la 'di lta bu'i bkur sti byas pa mthong ngam/ btsun pa mthong
19a6 lags so/ /kun dga' bo tha ga pa zla ba 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bskal pa grangs med pa gsum gyis yang dag par bsgrub par bya ba'i
19a7 byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang mi 'jigs pa bzhi dang ma 'dres pa'i dran pa nye bar gzhag pa gsum dang snying
19a8 rje chen po dang ldan pa'i yang dag par rdzogs pa'i sangs rgyas tshar tshar bla ma zhes bya bar 'gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /
19b1 bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //che ba zhes bya ba ni/ sangs rgyas bcom ldan 'das la rgyal
19b2 po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang / nam mkha' lding rnams dang mi 'am ci rnams dang lto 'phye chen po rnams kyis bkur stir byas bla mar byas ri mo byas mchod pa byas te/
19b3 lha dang klu dang gnod sby-in dang lha ma yin dang nam mkha' lding dang mi 'am ci dang lto 'phye
19b4 chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha dang gdan dang snyun gsos dang sman zong rnams brnyes pa nyan thos kyi dge 'dun
19b5 dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na tshong dpon gyi bu che ba zhes bya ba zhig gnas so/ /de yang khro
19b6 ba'i kun nas bkris pa shas che ba zhig ste/ rdzogs byed la sogs pa ston pa drug la mchod pa byed do/ /de phyis nad tshabs chen po zhig gis thebs te de sman pa dang sman dang nad g.yog med de shi la thug nas 'di
19b7 snyam du sems te/ da ni bdag sdug bsngal bar gyur pa'i skyabs byed pa 'am srog phangs pa sbyin par byed pa sangs rgyas ma yin pa gzhan su zhig yod snyam mo/ /de nas de ltar bsam nas/ bcom ldan 'das
19b8 la gsol ba 'debs so/ /de'i skabs su sangs rgyas bcom ldan 'das rnams kyis ni mi mkhyen pa 'am mi gzigs pa 'am mi rtogs pa 'am thugs su mi chud pa ci yang med la/ sangs rgyas bcom ldan 'das
20a1 thugs rje chen po dang ldan pa/ 'jig rten la phan 'dogs pa la zhugs pa/ bsrung ba gcig pa dang ldan pa/ gcig tu dpa' ba/ zla med pa/ gnyis su mi gsung ba zhi gnas dang lhag mthong la gnas pa/
20a2 rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/
20a3 bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba
20a4 lnga las yang dag par 'das pa/ yan lag drug dang ldan pa pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/
20a5 lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu la dbang byed
20a6 pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug su ni nyam nga
20a7 bar gyur su ni gnod pa dang ldan su ni phongs pa dang nyam nga ba dang gnod pa dang ldan/ su ni ngan song du gzhol su ni ngan song du 'bab su ni ngan song du bab su ni ngas ngan song nas phyung te/ mtho ris dang thar pa dang 'bras bu la
20a8 gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i
20b1 rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /
20b2 'dir smras pa rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis tshong
20b3 dpon gyi bu che ba'i gnas skabs de gzigs nas/ 'od zer gser gyi kha dog can nyi ma stong gi 'od pas lhag pa dag bkye ste/ de dag gis khyim de kun tu snang bar byas so/ /bskal pa stong du yongs su
20b4 bsgoms pa'i byams pa'i 'od zer dag kyang bkye ste/ de dag gis de'i lus la phog ma thag tu rab tu sim par gyur to/ /de nas bcom ldan 'das de'i sgo gang du gshegs nas sgo srungs kyi mis bcom
20b5 ldan 'das sgo na bzhugs so zhes de la sbran no/ /de nas tshong dpon gyi bu che ba dga' bar gyur te/ dbugs mi phyin pa dbugs phyin par gyur nas bcom ldan 'das gshegs pa legs so/ /
20b6 bcom ldan 'das nang du gshegs su gsol/ bcom ldan 'das kyi zhal mthong bar 'tshal lo zhes gsol to/ /de nas bcom ldan 'das nang du gshegs nas gdan bshams pa la bzhugs so/ /
20b7 bzhugs nas kyang bcom ldan 'das kyis che ba la bka' stsal pa/ che ba khyod la gnod pa ci zhig yod/ che bas gsol pa/ bdag la lus kyi gnod pa dang / sems kyi gnod pa mchis so/ /de nas bcom ldan 'das
20b8 kyis de la sems can thams cad la byams pa'i sems kyis gdam ngag bstan te/ 'di ni khyod kyi sems kyi sdug bsngal gyi gnyen po yin no zhes bka' stsal to/ /de nas 'jig rten pa'i thugs bskyed de/ kye ma lha'i dbang
21a1 po brgya byin gyis ri spos kyi ngad ldang las sman gshi ri ka khyer te 'ongs na legs so snyam du dgongs pa dang / bcom ldan 'das kyis thugs bskyed pa'i mod la lha'i dbang po brgya byin gyis ri spos
21a2 ngad ldang las sman gshi ri ka blangs te bcom ldan 'das la phul lo/ /bcom ldan 'das kyis kyang nyid kyi phyag du bzhes nas che ba la byin te/ 'di ni khyod kyi lus kyi sdug bsngal tsha ba zhi bar byed pa yin no
21a3 zhes bka' stsal to/ /de nas des lus dang sems shin tu sbyangs pa'i bde ba thob nas/ bcom ldan 'das la sems dga' bar gyur to sems dga' bar gyur nas rgyal po gsal rgyal la bsnyad de bcom ldan 'das nyan thos kyi dge
21a4 'dun dang bcas pa bshos gsol nas/ 'bum ri ba'i na bza' phul te/ me tog dang spos dang me tog phreng thams cad kyis kyang mchod pa byas so/ /de nas sems la rtas par byas te smon lam btab pa/
21a5 dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis ji ltar bcom ldan 'das bla na med pa'i sman pa'i rgyal pos bdag gsos pa bzhin du/ bdag kyang ma 'ongs pa'i dus na
21a6 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang ma grol ba rnams 'grol ba dang / dbugs ma phyin pa rnams dbugs 'byin pa dang / yongs su
21a7 mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis che ba'i rgyu gcig nas gcig tu brgyud pa dang / las gcig nas
21a8 gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang ser po dang dmar po dang
21b1 dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang / ngu 'bod dang ngu 'bod chen po dang tsha ba
21b2 rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song nas/ tsha ba'i sems
21b3 can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams
21b4 rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir/ bcom ldan 'das sprul pa
21b5 'gyed pa mdzad de/ de dag gis sprul pa mthong nas 'di snyam du sems te kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba
21b6 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las
21b7 de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang sum
21b8 bcu rtsa gsum pa rnams dang 'thab bral rnams dang dga' ldan rnams dang 'phrul dga' rnams dang gzhan 'phrul dbang byed rnams dang tshangs ris rnams dang tshangs pa'i 'dun na 'don pa rnams dang tshangs pa chen
22a1 po rnams dang 'od chung rnams dang tshad med 'od rnams dang 'od gsal rnams dang / dge chung rnams dang tshad med dge rnams dang dge rgyas rnams dang sprin med rnams dang bsod nams skyes rnams dang 'bras
22a2 bu che rnams dang mi che rnams dang mi gdung rnams dang gya nom snang rnams dang shin tu mthong rnams dang 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med pa'i sgra sgrogs
22a3 so/ /tshigs su bcad pa gnyis kyang brjod par byed de/ nges par 'byung bar brtsam par gyis/ /sangs rgyas stan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom
22a4 par gyis/ /gang zhig chos 'dul 'di nyid la/ /bag yod spyod par byed pa ni/ skye ba'i 'khor ba rab spangs nas/ /sdug bsngal zad par byed par 'gyur zhes brjod par byed do/ /de nas 'od zer de
22a5 dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni
22a6 bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed
22a7 na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor
22a8 mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi
22b1 snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos
22b2 kyi byang chub du lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i
22b3 byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang
22b4 bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams
22b5 kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gis dam pa'i rgyur
22b6 gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi
22b7 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin
22b8 da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo
23a1 de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par mdzum pa mi mdzad do/ /kun dga' bo tshong dpon gyi bu che ba 'dis nga la 'di lta bu'i bkur sti
23a2 byas pa mthong ngam/ btsun pa mthong lags so/ /kun dga' bo tshong dpon gyi bu che ba 'dis dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum
23a3 gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang mi 'jigs pa
23a4 bzhi dang ma 'dres pa'i dran pa nye bar gzhag pa gsum dang snying rje chen po dang ldan pa'i yang dag par rdzogs pa'i sangs rgyas shAkya thub pa zhes bya bar gyur te/ 'jig rten du 'byung bar 'gyur ro/ /de'i sbyin par
23a5 bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //
23a6 pad ma zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang / tshong dpon rnams dang ded dpon rnams dang lha
23a7 rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur stir byas bla mar byas ri mor byas mchod pa byas te/ l
23a8 ha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas
23b1 dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa/ mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na
23b2 bzhugs so/ /gang gi tshe bcom ldan 'das 'jig rten du ma byung ba'i snga rol na ni/ rgyal po gsal rgyal lha gzhan dag la ni dus gsum du me tog dang bdug pa dang spos dang me tog phreng dang byug pa rnams
23b3 kyis brjed par byed do/ /gang gi tshe bcom ldan 'das 'jig rten du byung nas ni/ gzhon nu lta bu'i mdo'-i dpes rgyal po gsal rgyal btul nas/ bcom ldan 'das kyis bstan pa la dad pa rnyed de/ de'i tshe
23b4 dga' ba dang yid bde ba skyes nas dus gsum du bcom ldan 'das kyi thad du 'gro zhing / mar me dang bdug pa dang me tog dang spos dang me tog phreng dang byug pa rnams kyis mchod pa byed do/ /de nas re shig na kun
23b5 dga' ra ba'i srungs ma zhig gis me tog pad ma gser du byung ba zhig khyer te/ rgyal po gsal rgyal gyi thad du mnyan du yod par song ba dang / mu stegs can gyi dge bsnyen zhig gis mthong nas/
23b6 kye mi pha gi pad ma 'o ni 'tshong ngam zhes dris so/ /de na re 'tshong ngo zhes zer ro/ /de nyo 'dod pa las re shig na khyim bdag mgon med zas sbyin der phyin te/ des de las rin nyis sgyur du bskyed nas
23b7 de gnyis phan tshun ltod de 'bum gyur gyi bar du bskyed do/ /de nas kun dga' ra ba'i srungs ma 'di snyam du sems te khyim bdag mgon med zas sbyin 'di ni rgod bag can ma yin te/ sems can
23b8 brtan po yin pas na 'di la ni don zhig yod gor ma chag snyam nas de the tsom skyes te/ mu stegs can la dga' ba'i mi de la dris pa/ khyod kyis su'i don du 'di ltar skyed par byed/ des smras pa/ nga ni
24a1 bcom ldan 'das sred med kyi bu'i phyir skyed par byed do/ /mgon med zas sbyin gyis smras pa/ nga ni bcom ldan 'das sangs rgyas kyi don du skyed par byed do/ /kun dga' ra ba'i srungs mas smras pa/ sangs rgyas
24a2 zhes bya ba de su yin/ de nas mgon med zas sbyin gyis de la sangs rgyas kyi yon tan rgyas par bshad do/ /de nas kun dga' ra ba'i srungs mas/ mgon med zas sbyin la smras pa/ khyim bdag nga nyid kyis bcom ldan
24a3 'das de la mchod pa bya'o/ /de nas khyim bdag mgon med zas sbyin gyis/ kun dga' ra ba'i srungs ma de khrid de/ bcom ldan 'das ga la ba der song nas/ kun dga' ra ba'i srungs ma des/ bcom ldan 'das sku skyes bu chen
24a4 po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas
24a5 bzang ba mthong nas/ mthong ma thag tu kun dga' ra ba'i srungs ma des pad ma de bcom ldan 'das la bor ro/ /de nas bor ma thag tu pad ma de shing rta'i 'phang lo tsam du gyur te bcom ldan 'das kyi steng na 'dug go/ /
24a6 de nas kun dga' ra ba'i srungs ma des cho 'phrul de mthong nas sdong po rtsa ba nas bcad pa bzhin du/ bcom ldan 'das kyi zhabs la phyag 'tshal nas thal mo sbyar te/ sems la rtas par byas nas smon lam btab pa/
24a7 dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par/ sems can ma rgal ba rnams sgrol ba dang ma grol
24a8 ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan
24b1 'das kyis kun dga' ra ba'i srungs ma de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i
24b2 chos nyid de/ de'i tshe zhal nas 'od zer sngon po dang ser po dang dmar po dang / dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal
24b3 ba yang sos dang thig nag dang 'dus 'joms dang ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas
24b4 pa dang pad ma ltar gas pa dang pad ma ltar gas pa chen por song nas/ tsha ba'i sems can dmyal ba gang yin pa de dag tu bsil bar gyur te 'bab bo/ /grang ba'i sems can dmyal ba gang yin pa de dag thams cad tu ni dro bar
24b5 gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /
24b6 de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes
24b7 mod kyi/ 'on kyang sngon ma byung ba'i sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ /
24b8 sems can dmyal ba myong bar 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni/
25a1 rgyal chen bzhi'i ris rnams dang sum bcu rtsa gsum pa rnams dang 'thab bral rnams dang dga' ldan rnams dang 'phrul dga' rnams dang gzhan 'phrul dbang byed rnams dang tshangs ris rnams dang tshangs pa'i
25a2 mdun na 'don pa rnams dang / tshangs pa chen po rnams dang 'od chung rnams dang tshad med 'od rnams dang 'od gsal rnams dang dge chung rnams dang tshad med dge rnams dang dge rgyas rnams dang sprin med rnams dang bsod nams
25a3 skyes rnams dang 'bras bu che rnams dang mi che rnams dang mi gdung rnams dang gya nom snang rnams dang shin tu mthong rnams dang 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med
25a4 pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni
25a5 gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas
25a6 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni
25a7 bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed
25a8 na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor
25b1 mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur
25b2 ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub
25b3 tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs
25b4 pa'i byang chub tu lung ston par bzhed na ni dbu'i gtsug tor tu mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor
25b5 du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar
25b6 gyur/ /de yis phyogs rnams kun tu snang bar gyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/
25b7 sangs rgyas 'gro ba dag ni dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen
25b8 lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur
26a1 brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom
26a2 ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med
26a3 par 'dzum pa mi mdzad do/ /kun dga' bo kun dga' ra ba'i srungs ma 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo kun dga' ra ba'i srungs ma
26a4 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/ snying
26a5 rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang snying rje
26a6 chen po dang ldan pa'i yang dag par rdzogs pa'i sangs rgyas pad ma'i bla ma zhes bya bar gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar
26a7 gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //pany+tsa la zhes bya ba ni/
26a8 sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang / tshong dpon rnams dang ded dpon rnams dang lha rnams dang
26b1 klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod
26b2 sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang
26b3 gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /
26b4 de'i tshe byang phyogs kyi pany+tsa la'i rgyal po lho phyogs kyi pany+tsa la'i rgyal po dang mi mthun par gyur to/ /de nas ko sa la'i rgyal po gsal rgyal bcom ldan 'das ga la ba der song ste phyin nas bcom ldan 'das kyi zhabs la mgo bos
26b5 phyag 'tshal te/ phyogs gcig tu 'dug go/ /phyogs gcig tu 'dug nas bcom ldan 'das la ko sa la'i rgyal po gsal rgyal gyis 'di skad ces gsol to/ /btsun pa bcom ldan 'das ni chos kyi rgyal po bla na med pa/ sems
26b6 can phongs pa rnams la yongs su skyob pa phan tshun 'khon pa rnams kyi 'khon byang bar mdzad pa lags na/ byang phyogs kyi pany+tsa la'i rgyal po 'di lho phyogs kyi pany+tsa la'i rgyal po dang mi mthun te/ de gnyis phan tshun du skye bo mang po kha 'dog
26b7 par bgyid na/ bcom ldan 'das kyis thugs brtse ba'i slad du de gnyis yun ring po nas mkhon byung ba zhi bar mdzad du gsol/ de nas bcom ldan 'das kyis ko sa la'i rgyal po gsal rgyal la cang mi gsungs bas gnang ngo / /de nas
26b8 ko sa la'i rgyal po gsal rgyal gyis/ bcom ldan 'das kyis cang mi gsung bas gnang bar rig ste/ bcom ldan 'das kyi zhabs la mgo bos phyag 'tshal nas/ stan las langs te song ngo / /de nas bcom ldan 'das kyis de'i
27a1 phyi de nyin gyi snga dro sham thabs dang chos gos gsol te lhung bzed bsnams nas/ bA rA Na sI phyogs kyi ka shi rnams kyi grong brdal ga la ba der rgyu zhing gshegs te mthar kyis rgyu zhing gshegs pa dang bA rA Na sIr
27a2 byon nas/ bA rA Na sI na drang srong smra ba'i ri dgas kyi gnas na bzhugs so/ /de nas re shig na de gnyis kyis/ bcom ldan 'das bdag cag gi yul du gshegs par rig go/ /de nas bcom ldan 'das kyis rdzu 'phrul gyi
27a3 stobs kyis dpung gi tshogs yan lag bzhi pa sprul nas/ byang phyogs kyi pany+tsa la'i rgyal po skrag cing bred nas des shing rta gcig la zhon te/ bcom ldan 'das kyi thad du song nas bcom ldan 'das kyis de la mkhon
27a4 byang bar 'gyur ba'i chos bstan to/ /des chos de thos nas bcom ldan 'das kyi thad du rab tu byung ste/ des brtson pa dang bsgrub pa dang 'bad pas nyon mongs pa thams cad spangs te dgra bcom pa nyid mngon sum du byas so/ /
27a5 lho phyogs kyi pany+tsa la'i rgyal pos kyang / bcom ldan 'das nyan thos kyi dge 'dun dang bcas pa/ zla ba gsum gyi bar du spyan drangs te/ zhal zas ro brgya dang ldan pa gsol nas 'bum ri ba'i na bza' yang
27a6 phul te smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bdag 'jig rten long ba 'dren pa med cing yongs su 'dren pa med par sems can ma rgal
27a7 ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas
27a8 su gyur cig ces byas so/ /de nas bcom ldan 'das kyis lho phyogs kyi pany+tsa la'i rgyal po de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas 'dzum pa mdzad do/ /
27b1 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ /de'i tshe zhal nas 'od zer sngon po dang ser po dang dmar po dang dkar po rnams byung nas kha cig ni 'og tu 'gro'o/ /kha cig
27b2 ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams
27b3 thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i
27b4 sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam
27b5 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa de mthong nas 'di snyam du sems te/ kye bdag cag ni 'di nas kyang shi 'phos
27b6 par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems
27b7 mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur
27b8 ro/ /steng du 'gro ba gang yin pa de dag ni rgyal chen bzhi'i ris rnams dang sum bcu rtsa gsum pa rnams dang 'thab bral rnams dang dga' ldan rnams dang 'phrul dga' rnams dang gzhan 'phrul dbang byed rnams
28a1 dang tshangs ris rnams dang tshangs pa'i mdun na 'don pa rnams dang tshangs pa chen po rnams dang 'od chung rnams dang tshad med 'od rnams dang 'od gsal rnams dang dge chung rnams dang tshad med dge
28a2 rnams dang dge rgyas rnams dang sprin med rnams dang bsod nams skyes rnams dang / 'bras bu che rnams dang mi che rnams dang mi gdung rnams dang gya nom snang rnams dang shin tu mthong rnams dang 'og min gyi lha rnams kyi
28a3 bar du song nas/ mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis kyang rjod par byed de nges par 'byung bar brtsam par gyis/ /sangs rgyas bstan la sbyor
28a4 bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ skye ba'i 'khor ba rab spangs nas/ /sdug bsngal zad par byed
28a5 par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te gal te bcom ldan 'das kyis
28a6 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can
28a7 dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par
28a8 bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni
28b1 phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan
28b2 thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i
28b3 byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang
28b4 bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun
28b5 tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /
28b6 rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i mdzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /
28b7 thub pa khyu mchog gi ni gsung mchog brtan pa dang / /bzang po dag gis the tsom skyes pa gsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum
28b8 mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de
29a1 bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo pany+tsa la'i rgyal po 'dis nga la 'di
29a2 lta bu'i bkur sti byas pa mthong ngam btsun pa mthong lags so/ /kun dga' bo pany+tsa la'i rgyal po 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bskal pa
29a3 grangs med pa gsum gyis yang dag par bsgrub par bya ba'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs par byas nas/
29a4 stobs bcu dang mi 'jigs pa bzhi dang ma 'dres pa'i dran pa nye bar gzhag pa gsum dang snying rje chen po dang ldan pa'i yang dag par rdzogs pa'i sangs rgyas spos mchog ces bya bar gyur te/ 'jig
29a5 rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /bcom ldan 'das kyis de skad ces bka' stsal nas/ dge slong de
29a6 dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po gsum pa/ bdug pa zhes bya ba ni/
29a7 sangs rgyas bcom ldan 'das la rgyal po rnams dang / blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams
29a8 dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang
29b1 klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas
29b2 dang gzims cha dang gdan dang snyun gsos dang sman zong rnams brnyes pa/ na thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na
29b3 bzhugs so/ /de'i tshe mnyan du yod pa na tshong dpon gnyis phan tshun mi mthun par gyur te/ de gnyis la gcig ni rdzogs byed la dad/ gcig ni sangs rgyas bcom ldan 'das la dad do/ /de nas de gnyis
29b4 phan tshun gtam du bya ba nges par byed de rdzogs byed kyi dge bsnyen na re/ sangs rgyas pas ches rdzogs byed khyad par du 'phags so zhes zer ro/ /sangs rgyas kyi dge bsnyen na re bcom ldan 'das yang dag
29b5 par rdzogs pa'i sangs rgyas ches khyad par du 'phags so zhes zer ro/ /de nas de gnyis kyis bdog pa thams cad yal bar bya ba'i skugs kyi brda bzhag go/ /de nas re shig na rgyal po gsal rgyal gyis thos nas
29b6 blon po rnams la de gnyis kyi sbyongs shig ces bsgo'o/ /de nas blon po de dag gis yul thams cad du dril bsgrags te da ste zhag bdun na sangs rgyas dang mu stegs can gyi dge bsnyen gnyis kyi sbyang bar chad kyis/
29b7 su rmad du byung ba lta 'dod pa de dag sheg shig ces byas so/ /de nas zhag bdun lon pa na sa phyogs go skabs yangs pa zhig tu mi 'bum phrag du ma 'dus pa dang / nam mkha' la lha 'bum phrag du ma
29b8 'dus pa'i nang du ba lang gi lci bas dkyil 'khor byas te/ spos dang me tog phreng thams cad bsdoms pa la/ thog ma kho nar mu stegs can gyi dge bsnyen gyis bden pas gsol ba gdab pa
30a1 byas te/ bden pa dang bden pa'i tshig gang gis rdzogs byed la sogs pa ston pa drug mchog yin pa'i bden pa dang / bden pa'i tshig des na me tog 'di dag dang bdug pa 'di dang chu 'di de rnams kyi
30a2 thad du song shig ces byas so/ /de skad ces brjod pa'i mod la me tog de dag ni sa la lhags so/ /me ni shi'o/ /chu ni sa la thim zhing yongs su zad de yongs su gtugs par gyur to/ /de nas skye bo phal po
30a3 che de dag gis ca co dang ga zha bton te/ skad po che phyung ngo / /de nas mu stegs can gyi dge bsnyen gyis de mthong nas cang mi zer bar 'dug la/ spa gong zhing phrag pa bcums te mig phab nas spobs pa med par gyur te sems
30a4 khongs su chud la lag pa la rkom tshugs bcas nas 'khams shing 'dug go/ /de nas bcom ldan 'das kyi slob ma dga' ches nas dga' zhing mdangs phyung ba'i mig dang ldan pas bla gos phrag pa gcig tu gzar
30a5 te pus mo g.yas pa'i lha nga sa la btsugs nas bden pas gsol ba gdab pa bya ste/ bden pa dang bden pa'i tshig gang gis/ bcom ldan 'das sems can thams cad kyi mchog yin pa'i bden pa dang bden
30a6 pa'i tshig des na/ me tog 'di dag dang bdug pa 'di dang chu 'di bcom ldan 'das kyi thad du song shig ces byas so/ /de skad ces brjod pa'i mod la me tog de dag ni ngang pa rgyus pa bzhin du/ nam
30a7 mkha' la 'phags nas/ rgyal bu rgyal byed kyi tshal logs su kha ltas te song ngo / /bdug pa ni sprin gyi mgo lta bur gyur to/ /chu ni bai dur+ya'i sdong bu lta bur gyur to/ /de nas skye bo'i tshogs
30a8 phal po che de dag gis cho 'phrul de mthong nas/ ca co dang ga zha bton te skad chen po phyung nas de dag song ba'i phyi bzhin du 'brangs te dong ngo / /de nas me tog de dag ni bcom ldan 'das kyi steng na 'dug go bdug pa dang chu ni spyan snga na
30b1 'dug go/ /de nas skye bo phal po che de dag dga' bar gyur te bcom ldan 'das kyi zhabs la phyag 'tshal nas chos mnyan pa'i phyir spyan sngar 'khod de/ bcom ldan 'das kyis de dag la mdo 'di bka' stsal to/ /
30b2 bram ze dang khyim bdag rnams 'di gsum ni mchog tu gdags pa yin te/ gsum gang zhe na/ sangs rgyas mchog tu gdags pa dang / chos mchog tu gdags pa dang / dge 'dun mchog tu gdags pa'o/ /
30b3 sangs rgyas mchog tu gdags pa gang zhe na/ bram ze dang khyim bdag rnams sems can rkang med rnams sam rkang gnyis rnams sam rkang bzhi rnams sam rkang mangs rnams sam gzugs can rnams sam gzugs can ma
30b4 yin pa rnams sam 'du shes can rnams sam 'du shes can ma yin pa rnams sam 'du shes yod pa yang ma yin 'du shes med pa yang ma yin pa gang yang rung ste/ de dag gi nang na ni de bzhin gshegs pa dgra bcom pa yang
30b5 dag par rdzogs pa'i sangs rgyas mchog yin par bstan to/ /sangs rgyas la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par
30b6 smin pa yang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ bram ze dang khyim bdag rnams 'di ni sangs rgyas mchog tu
30b7 gdags pa zhes bya'o/ /chos mchog tu gdags pa gang zhe na/ 'dus byas sam/ 'dus ma byas kyi chos rnams gang yang rung ste/ de dag gi nang na ni 'dod chags dang bral ba'i chos mchog yin par bstan to/ /
30b8 chos la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi rnam par smin pa yang / lha rnams kyi nang du lhar gyur pa rnams sam mi rnams kyi
31a1 nang du mir gyur pa rnams kyi mchog 'ba' zhig tu 'gyur bar shes par bya ste/ bram ze dang khyim bdag rnams 'di ni chos mchog tu gdags pa zhes bya'o/ /dge 'dun mchog tu gdags pa gang zhe na/
31a2 'dus pa 'am tshogs sam mang po 'am 'khor gang yang rung ste/ de dag gi nang na ni de bzhin gshegs pa'i nyan thos kyi dge 'dun mchog yin par rig par bstan to/ /dge 'dun la mngon par dga' ba su yang rung ba de dag ni
31a3 mchog la mngon par dga' ba yin te/ mchog la mngon par dga' ba de dag gi ni rnam par smin pa yang / lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur
31a4 bar shes par bya ste/ bram ze dang khyim bdag rnams 'di ni dge 'dun mchog tu gdags pa zhes bya'o/ /chos kyi rnam grangs 'di bstan pa na/ bram ze dang khyim bdag de dag gi nang nas kha cig gis ni sangs rgyas dang chos
31a5 dang dge 'dun rnams la dad pa rnyed do/ /kha cig gis ni skyabs su 'gro ba dang bslab pa'i gzhi blangs so/ /kha cig gis ni rab tu byung nas phol mig lnga dang ldan pa'i 'khor ba'i 'khor lo 'di g.yo zhing mi brtan par rig ste/
31a6 'du byed kyi rnam pa thams cad rnyil ba dang lhung ba dang rnam par mthor ba dang rnam par 'jig pa'i chos can du rtsad chod nas/ nyon mongs pa thams cad spangs te dgra bcom pa nyid mngon sum du byas so/ /mu stegs can gyi
31a7 dge bsnyen des kyang bcom ldan 'das la dad pa rnyed do/ /de nas sdong po rtsa ba nas bcad pa bzhin du zhabs la phyag 'tshal te smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su
31a8 gtong ba 'dis bdag 'jig rten long ba 'dren pa med cing yongs su 'dren pa med par sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang /
31b1 yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis mu stegs can gyi dge bsnyen de'i rgyu gcig nas gcig tu brgyud pa dang /
31b2 las gcig nas gcig tu brgyud pa mkhyen nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang ser po dang dmar po dang dkar po
31b3 rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang ngu 'bod chen po dang tsha ba dang
31b4 rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/
31b5 /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad
31b6 par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom
31b7 ldan 'das sprul pa 'gyed par mdzad de de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i
31b8 sems can snang ba 'di'i mthus/ bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dad par gyur nas/ sems can dmyal ba myong bar
32a1 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams
32a2 dang sum bcu rtsa gsum pa rnams dang 'thab bral rnams dang dga' ldan rnams dang 'phrul dga' rnams dang gzhan 'phrul dbang byed rnams dang tshangs ris rnams dang tshangs pa'i mdun na 'don pa rnams dang tshangs pa chen po rnams dang 'od chung
32a3 rnams dang tshad med 'od rnams dang 'od gsal rnams dang dge chung rnams dang tshad med dge rnams dang dge rgyas rnams dang sprin med rnams dang bsod nams skyes rnams dang 'bras bu che rnams dang mi che rnams dang mi gdung
32a4 rnams dang gya nom snang rnams dang shin tu mthong rnams dang 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa
32a5 gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /
32a6 gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer de dag gis
32a7 stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni
32a8 bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni
32b1 zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /
32b2 mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur
32b3 ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du
32b4 mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i
32b5 gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi dbu'i gtsug tor du mi snang bar 'gyur to/ /de nas tshe dang ldan pa kun dga'
32b6 bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar
32b7 bgyis pa bzhin/ /yang tshigs su bcad de gsol pa/ rgod dang bral zhing rgyags dang mi bgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /
32b8 pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan
33a1 pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don tu dpa' bo
33a2 'dzum pa ston mdzad pa/ /da ni khyod las skye bo phal cher nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa
33a3 yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo mu stegs can gyi dge bsnyen 'dis nga la 'di lta bu'i bkur sti byas pa mthong ngam btsun pa mthong lags so/ /
33a4 kun dga' bo mu stegs can gyi dge bsnyen 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub tu yang
33a5 dag par bsgrubs te snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang mi 'jigs pa bzhi dang ma 'dres pa'i dran pa nye bar gzhag pa gsum dang snying rje
33a6 chen po dang ldan pa'i yang dag par rdzogs pa'i sangs rgyas mi g.yo ba zhes bya bar gyur te 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di
33a7 yin no/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //rgyal po zhes bya ba ni/ sangs rgyas bcom ldan 'das la rgyal
33a8 po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding
33b1 rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis
33b2 mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa
33b3 mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe ko sa la'i rgyal po gsal rgyal dang / rgyal po ma skyes dgra gnyis phan tshun mi mthun par gyur to/ /
33b4 de nas rgyal po ma skyes dgras dpung gi tshogs yan lag bzhi pa glang po che'i tshogs dang rta pa'i tshogs dang shing rta'i tshogs dang dpung bu chung gi tshogs go bkon nas/ ko sa la'i rgyal po gsal rgyal dang g.yul 'gyed pa'i phyir drangs so/ /
33b5 ko sa la'i rgyal po gsal rgyal gyis kyang / rgyal po ma skyes dgras dpung gi tshogs yan lag bzhi pa/ glang po che'i tshogs dang rta pa'i tshogs dang / shing rta'i tshogs dang dpung bu chung gi tshogs go bkon nas/ bdag dang g.yul
33b6 'gyed pa'i phyir drangs so zhes thos so/ /thos nas des kyang dpung gi tshogs yan lag bzhi pa glang po che'i tshogs dang rta pa'i tshogs dang shing rta'i tshogs dang dpung bu chung gi tshogs go bskon nas/ rgyal po ma skyes dgra dang
33b7 g.yul 'gyed pa'i phyir drangs so/ /de nas rgyal po ma skyes dgras ko sa la'i rgyal po gsal rgyal gyi glang po che'i tshogs dang rta pa'i tshogs dang shing rta'i tshogs dang dpung bu chung gi tshogs thams cad phrogs te/ ko sa la'i
33b8 rgyal po gsal rgyal pham zhing skrag la rdugs te/ rab tu pham zhing rgyab kyis phyogs par gyur nas shing rta gcig pus mnyan du yod par song te/ lan gsum gyi bar du yang de ltar gyur to/ /de nas ko sa
34a1 la'i rgyal po gsal rgyal mya ngan gyi khang par zhugs nas lag pa la rkom tshugs bcas te sems khongs su chud cing 'dug go/ /de nas mnyan du yod pa de na tshong dpon phyug cing nor mang la longs spyod che ba/ yongs su
34a2 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig 'dug pa des ko sa la'i rgyal po gsal rgyal ji lhar pham zhing skrag la rdugs te rab tu pham zhing rgyab kyis
34a3 phyogs par gyur nas/ shing rta gcig pus mnyan du yod par song ngo zhes thos so/ /thos nas kyang ko sa la'i rgyal po gsal rgyal ga la ba der song ste phyin nas rgyal po gsal rgyal la/ rgyal bar gyur cig /
34a4 sku tshe ring bar shog shig ces bstod nas smras pa/ lha ci'i slad du thugs ngan mdzad/ lha bdag gis ji tsam gyis da dung yang lha ji ltar dgyes mgur mdzad par 'gyur ba de tsam gyi gser lha la 'bul bar 'tshal lo zhes
34a5 byas so/ /des de la gser gyi phung po chen po spungs te/ der mi 'dug pas kyang mi 'greng ba mi mthong la/ 'greng bas kyang 'dug pa mi mthong ba zhig phul lo/ /de nas ko sa la'i rgyal po gsal rgyal gyis bdag
34a6 nyid kyi yul du rtog chen gyi mi kun tu bkye ste mi de dag ci zer ba nyon cig ces byas so/ /re shig na rgyal bu rgyal byed kyi tshal na/ rgan po gnyis shig phan tshun gtam zer te pad ma'i ze ba zhes bya ba'i g.yul gyi dgra
34a7 thabs yod de de la mi sdar ma gang yin pa de dag ni g.yul gyi gdong zan du gtong / /'bring gang yin pa de dag ni bar du gzhog /mi mchog tu dpa' ba gang yin pa de dag ni rgyab tu gzhog go zhes zer ro/ /de nas de dag gis
34a8 rgyal po la bsnyad de ko sa la'i rgyal po gsal rgyal gyis thos nas/ de bzhin du dpung gi tshogs yan lag bzhi go bskon nas rgyal po ma skyes dgra dang g.yul 'gyed pa'i phyir drangs so/ /de nas ko sa la'i rgyal po
34b1 gsal rgyal gyis/ lus 'phags ma'i bu rgyal po ma skyes dgra'i glang po che'i tshogs thams cad kyang phrogs so/ /rta pa'i tshogs dang shing rta'i tshogs dang dpung bu chung gi tshogs kyang phrogs so/ /lus 'phags ma'i
34b2 bu rgyal po ma skyes dgra yang pham zhing skrag la rdugs te rab tu pham zhing rgyab kyis bltas par gyur nas gson por bzung ste/ shing rta gcig la bskyon nas bcom ldan 'das ga la ba der song ste phyin nas/
34b3 bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la ko sa la'i rgyal po gsal rgyal gyis 'di skad ces gsol to/ /
34b4 btsun pa rgyal po ma skyes dgra 'di ni yun ring po nas bdag gi 'khon zla ma lags par 'khon du 'dzin pa dang / dgra zla ma lags par dgra bgyid pa lags mod kyi/ 'di ni bdag gi grogs po'i bu lags pa'i slad
34b5 du/ bdag ni 'di 'gum par mi 'tshal te 'di btang bar 'tshal lo zhes gsol to/ /bcom ldan 'das kyis kyang rgyal po chen po thong shig ces bka' stsal nas/ de'i tshe tshigs su bcad de bka' stsal pa/ rgyal bar gyur
34b6 na 'khon pa mang / /pham par gyur na sdug bsngal gnas/ /rgyal dang pham pa spangs na ni/ /nye bar zhi ste bde bar gnas/ /de nas ko sa la'i rgyal po gsal rgyal 'di snyam du sems te/ bdag gis rgyal srid phyir thob pa
34b7 'di ni/ tshong dpon 'di'i drin yin gyis bdag gis 'di la ci 'dod pa'i bya dga' sbyin pa'i skabs dbye'o snyam mo/ /de nas ko sa la'i rgyal po gsal rgyal gyis tshong dpon de la ci 'dod pa'i bya dga' sbyin pa'i skabs phye na/
34b8 de na re bdag ci dga' ba'i bya dga' 'tshal gyis bdag zhag bdun gyi bar du ci dga' mgur bgyid pa'i rgyal srid stsol cig ces byas so/ /de nas ko sa la'i rgyal po gsal rgyal gyis bdag gi yul thams cad du
35a1 dril bsgrags te/ nga'i rgyal srid zhag bdun gyi bar du tshong dpon la byin no zhes bsgo'o/ /re shig na tshong dpon des sangs rgyas la sogs pa dge slong gi dge 'dun rnams dang / rgyal po gsal rgyal
35a2 'khor dang bcas pa zhag bdun gyi bar du gdugs tshod la spyan drangs so/ /yul ka shi dang ko sa la na skye bo'i tshogs ji snyed 'khod pa de dag la yang pho nya btang ste/ zhag bdun gyi bar du khyed khral thud med par ci dga'
35a3 mgur 'khod cing bde ba la rag par gnas par gyis shig /'dir yang shog la sangs rgyas dang chos dang dge 'dun la skyabs su song shig /nga'i ston mo yang 'tshol la de bzhin gshegs pa la bsnyen bkur gyis
35a4 shig ces byas nas/ des zhag bdun gyi bar du bcom ldan 'das nyan thos kyi dge 'dun dang bcas pa la bkur sti chen pos bkur sti byas so/ /mi 'bum phrag mang po dag kyang dge ba la btsud do/ /zhag bdun
35a5 lon nas bcom ldan 'das kyi zhabs la phyag 'tshal te/ sems la rtas par byas nas smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bdag
35a6 'jig rten long ba 'dren pa med par sems can ma rgal ba rnams sgrol ba dang ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams
35a7 yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis tshong dpon de'i rgyu gcig nas gcig tu brgyud pa dang / las gcig nas gcig tu brgyud pa mkhyen nas
35a8 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang ser po dang dmar po dang dkar po rnams byung nas
35b1 kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang ngu 'bod chen po dang tsha ba dang rab tu tsha
35b2 ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song nas tsha ba'i sems
35b3 can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar
35b4 gyur to/ /de nas de dag 'di snyam du sems te/ kye ci bdag cag 'di nas shi 'phos sam/ 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad
35b5 de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi 'on kyang sngon ma byung ba'i sems can snang ba 'di'i mthus
35b6 bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams
35b7 kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang sum bcu rtsa gsum pa rnams dang 'thab
35b8 bral rnams dang dga' ldan rnams dang 'phrul dga' rnams dang / gzhan 'phrul dbang byed rnams dang tshangs ris rnams dang / tshangs pa'i mdun na 'don pa rnams dang / tshangs pa chen po
36a1 rnams dang 'od chung rnams dang tshad med 'od rnams dang 'od gsal rnams dang / dge chung rnams dang / tshad med dge rnams dang dge rgyas rnams dang sprin med rnams dang bsod nams skyes rnams
36a2 dang 'bras bu che rnams dang mi che rnams dang mi gdung rnams dang gya nom snang rnams dang shin tu mthong rnams dang / 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med pa'i
36a3 sgra sgrogs so/ /tshigs su bcad pa gnyis kyang rjod par byed de/ nges par 'byung bar brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni
36a4 gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer de dag gis
36a5 stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs
36a6 su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /
36a7 dud 'gror skye bar lung ston par bzhed na ni/ zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni
36a8 pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na
36b1 ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi
36b2 byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer
36b3 de dag gis bcom ldan 'das la lan gsum bskor ba byas te bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong
36b4 gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/
36b5 rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /
36b6 brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tsom skyes pa gsal bar
36b7 gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /
36b8 bcom ldan 'das kyis bka' stsal pa/ kun dga' bo de ni de bzhin no/ /de de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams rgyu med rkyen med par 'dzum pa mi mdzad
37a1 do/ /kun dga' bo tshong dpon 'dis de bzhin gshegs pa nyan thos kyi dge 'dun dang bcas pa la 'di lta bu'i bkur sti byas pa dang skye bo phal po che dge ba la btsud pa mthong ngam/ btsun pa mthong lags so/ /kun
37a2 dga' bo tshong dpon 'di dge ba'i rtsa ba dang sems bskyed pa dang / sbyin par bya ba'i chos yongs su gtong ba 'dis bskal pa grangs med pa gsum gyis yang dag par bsgrub par bya ba'i byang chub yang dag par bsgrubs te/
37a3 snying rje chen pos yongs su bsgos pa'i pha rol tu phyin pa drug yongs su rdzogs par byas nas/ stobs bcu dang mi 'jigs pa bzhi dang ma 'dres pa'i dran pa nye bar gzhag pa gsum dang snying rje chen po dang ldan
37a4 pa'i yang dag par rdzogs pa'i sangs rgyas mi 'jigs sbyin zhes bya bar gyur te/ 'jig rten du 'byung bar 'gyur ro/ /de'i sbyin par bya ba'i chos ni gang nga la sems mngon par dga' bar
37a5 gyur pa 'di yin no/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod
37a6 pa brgya pa las/ sdom gyi tshigs su bcad pa dang po rdzogs s+ho// // sdom ni/ mnyan pa dang ni ka ba khrus/ /yams kyi nad dang cho 'phrul dang / /lo lnga pa dang stod mchog sbyin/ /
37a7 ka shi ka dang lha yi zas/ /mnyan pa zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams
37a8 dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas/ bla mar byas
37b1 ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams
37b2 chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na chu klung khang ldan gyi
37b3 'jug ngogs mnyan pa'i grong na bzhugs so/ /de nas mnyan pa de dag bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal nas phyogs gcig tu 'khod do/ /
37b4 phyogs gcig tu 'khod nas mnyan pa de dag la bcom ldan 'das kyis chos kyi gtam gyis yang dag par bstan/ yang dag par 'dzin du bcug /yang dag par gzengs stod/ yang dag par dga' bar
37b5 mdzad do/ /chos kyi gtam rnam grangs du mas yang dag par bstan/ yang dag par 'dzin du bcug /yang dag par gzengs stod/ yang dag par dga' bar mdzad nas cang mi gsung bar bzhugs so/ /de nas
37b6 mnyan pa de dag stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la gsol pa/
37b7 bcom ldan 'das dge slong gi dge 'dun dang thabs gcig tu/ chu klung khang ldan gyi 'gram du bdag cag gi der sang gdugs tshod gsol bar ci gnang / gru zam las kyang bsgral bar 'tshal lo zhes gsol nas/
37b8 bcom ldan 'das kyis kyang mnyan pa rnams la cang mi gsung bas gnang ngo / /de nas mnyan pa de dag gis chu klung khang ldan gyi 'gram rdo dang gseg ma dang gyo mo med par byas te rgyal mtshan dang ba dan ni bsgreng /
38a1 me tog sna tshogs ni gtor/ spos kyi snod dag gi nang nas ni bdug pa gsol/ zhal zas bzang po ni bshams me tog mang po ni sta gon byas so/ /gru zam gyi steng yang me tog gi khang pa dag
38a2 gis brgyan nas/ bcom ldan 'das la phrin gyis gdugs tshod bskul ba/ btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs te gshegs su
38a3 gsol zhes bskul to/ /de nas bcom ldan 'das dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ mnyan pa'i grong ga la ba der gshegs te byon nas
38a4 dge slong gi dge 'dun gyi gung la gdan bshams pa la bzhugs so/ /de nas mnyan pa rnams kyis sangs rgyas la sogs pa dge slong gi dge 'dun rnams bde bar bzhugs par rig nas/ rang gi
38a5 lag nas bza' ba dang bca' ba gtsang ma bzang pos tshim par byas te ci bzhed pa bstabs so/ /rang gi lag nas bza' ba dang bca' ba gtsang ma bzang po rnam grangs du mas tshim par byas
38a6 te ci bzhed pa bstabs nas bcom ldan 'das bshos gsol zin te gsang sder ni gyu/ phyag ni bcabs par rig nas/ stan ches dma' ba dag khyer te chos nyan pa'i phyir bcom ldan 'das kyi spyan
38a7 sngar 'khod do/ /de nas bcom ldan 'das kyis mnyan pa de dag gi bsam pa dang bag la nyal ba dang khams dang rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos
38a8 bstan te/ de thos pas mnyan pa du mas ni rgyun tu zhugs pa'i 'bras bu thob bo/ /kha cig gis ni lan gcig phyir 'ong ba'i 'bras bu thob bo/ /kha cig gis ni phyir mi 'ong ba'i 'bras bu thob bo/ /
38b1 kha cig gis ni nyon mongs pa thams cad spangs nas/ dgra bcom pa nyid mngon sum du byas so/ /kha cig gis ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu sems
38b2 bskyed do/ /kha cig gis ni bla na med pa yang dag par rdzogs pa'i byang chub tu sems bskyed do/ /'khor de dag thams cad kyang sangs rgyas la gzhol ba dang chos la 'bab pa dang dge 'dun la bab pa la bkod do/ /de nas
38b3 mnyan pa de dag gis bcom ldan 'das dge slong gi dge 'dun dang thabs gcig tu bkur sti chen po dang ldan pas gru zam las bsgral to/ /dge slong dag kyang sangs rgyas kyi mchod pa mthong bas sems dga' bar gyur te
38b4 sangs rgyas bcom ldan 'das la zhus pa/ bcom ldan 'das kyis dge ba'i rtsa ba 'di dag gang du mdzad pa lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu
38b5 tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las rnams byas shing bsags te/ des na de bzhin gshegs pa la 'di lta bu'i mchod pa byas so/ /dge slong dag khyed nyan par 'dod
38b6 dam/ bcom ldan 'das nyan par 'tshal lags so/ /dge slong dag sngon byung ba 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar
38b7 gshegs pa/ 'jig rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das shing rta skal ldan zhes bya ba 'jig rten du byung ngo / /de dgra bcom
38b8 pa drug khri nyis stong gis zhabs 'bring byas te/ ljongs rgyu zhing gshegs pa las gang gA'i 'gram du byon nas/ de'i tshe ded dpon zhig 'khor brgya phrag du ma dang gang gA'i klung las 'gron po dag sgrol zhing 'dug go/ /
39a1 phyogs de na chom rkun gyi 'jigs pa chen po yang yod do/ /de nas ded dpon gyis yang dag par rdzogs pa'i sangs rgyas shing rta skal ldan dgra bcom pa drug khri nyis stong gis zham ring byas pa mthong ngo / /
39a2 mthong nas kyang sems dga' bar gyur te/ sems dga' bar gyur nas bcom ldan 'das la gsol pa/ bdag gis thog ma kho nar bcom ldan 'das bsgral bar 'tshal lo/ /yang dag par rdzogs pa'i sangs rgyas shing
39a3 rta skal ldan gyis kyang ded dpon la cang mi gsung bas gnang ngo / /de nas ded dpon des yang dag par rdzogs pa'i sangs rgyas shing rta skal ldan dgra bcom pa drug khri nyis stong gis zham ring byas pa 'byor pa chen po dang ldan
39a4 pas gru zam las bsgral te zhal zas bzang pos kyang tshim par byas nas/ bla na med pa yang dag par rdzogs pa'i byang chub tu smon lam btab bo/ /bcom ldan 'das kyis bka' stsal pa/ dge slong dag khyed ji snyam du
39a5 sems/ de'i tshe de'i dus na/ ded dpon du gyur pa gang yin pa de ni nga yin te ngas yang dag par rdzogs pa'i sangs rgyas shing rta skal ldan dgra bcom pa drug khri nyis stong gis zhabs 'bring byas pa/ gru zam las
39a6 bsgral ba dang / zhal zas bzang pos tshim par byas pa dang / smon lam btab pa'i las de'i rnam par smin pas ngas 'khor ba na bde ba chen po mtha' yas pa nyams su myong la/ da ltar bla na med pa yang dag
39a7 par rdzogs pa'i byang chub tu mngon par rdzogs par sangs rgyas pa na yang / 'di lta bu'i mchod pa byas so/ /dge slong dag de bas na 'di ltar bslab par bya ste/ ston pa la bkur sti bya'o bla mar bya'o ri mo bya'o/ /
39a8 mchod pa bya'o/ /ston pa la bkur sti byas bla mar byas ri mo byas mchod pa byas nas/ brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces
39b1 bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //ka ba zhes bya ba ni/ sangs rgyas bcom ldan 'das la/ rgyal po rnams dang blon po chen
39b2 po rnams dang phyug po rnams dang pho brang 'khor gyi mi rnams dang / tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am
39b3 ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod
39b4 cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa
39b5 ku ru'i ljongs rgyu zhing gshegs pa las ku ru'i grong khyer du byon te/ ku ru'i skye bo'i tshogs de dag kyang / sangs rgyas kyis gdul bar 'gyur bar sems rgya chen po dang ldan pa/ sbyin pa la sbed pa sha stag go/ /de nas
39b6 bcom ldan 'das 'di snyam du dgongs te/ ngas lha'i dbang po brgya byin lha'i 'khor gyis bskor ba dgug go/ /'on kyang de mthong bas 'di rnams kyi dge ba 'phel bar 'gyur ro snyam du dgongs ste/ /de nas bcom ldan 'das
39b7 kyis 'jig rten pa'i dgongs pa bskyed de/ kye ma lha'i dbang po brgya byin lha'i tshogs kyis g.yog byas pas/ tsan dan sa mchog pa'i ka ba khyer te/ 'ongs na legs so snyam du dgongs nas/ dgongs pa bskyed pa'i
39b8 mod la lha'i dbang po brgya byin lha'i tshogs kyis g.yog byas pa/ gang na las thams cad pa dang rgyal po chen po bzhi dang lha dang klu dang gnod sbyin dang dri za dang grul bum du mas g.yog byas pa dag lhags te tsan dan sa
40a1 mchog pa'i ka ba khyer te 'ongs nas/ ha ha zhes ca co dang ga zha bton te skad chen po phyung nas/ bcom ldan 'das kyi phyir tsan dan sa mchog pa'i khang bzangs legs par byas so/ /de nas khang bzangs der
40a2 lha'i dbang po brgya byin gyis/ bcom ldan 'das nyan thos kyi dge 'dun dang bcas pa la/ lha'i zhal zas dang lha'i gzims cha dang gdan dang lha'i spos dang me tog phreng ba dag gis bkur sti byas bla mar byas ri mo byas
40a3 mchod pa byas so/ /de nas ku ru'i skye bo'i tshogs rnams kyis lha'i 'byor pa de dag mthong ba dang / mchog tu ya mtshan du gyur nas 'di snyam du sems te/ 'di ltar bcom ldan 'das la dbang po dang bcas pa'i
40a4 lha rnams kyis mchod pa las na/ 'jig rten na mchog yin pa lta snyam ste/ sems 'dun par gyur nas/ bcom ldan 'das kyi thad du song ste bcom ldan 'das kyi zhabs la phyag 'tshal nas phyogs gcig tu
40a5 'khod do/ /phyogs gcig tu 'khod nas/ ku ru'i skye bo'i tshogs rnams khang bzangs de la shin tu dga' ba skyes so/ /de nas bcom ldan 'das kyis khang bzangs de mi snang bar mdzad nas/ mi rtag
40a6 pa nyid dang ldan pa'i 'phags pa'i bden pa bzhi rtogs par 'gyur ba de lta bu'i chos bstan te/ de thos nas ku ru'i mi rnams las kha cig gis ni rgyun tu zhugs pa'i 'bras bu thob bo/ /kha cig gis ni lan
40a7 gcig phyir 'ong ba'i 'bras bu thob bo/ /kha cig gis ni phyir mi 'ong ba'i 'bras bu thob bo/ /kha cig gis ni nyon mongs pa thams cad spangs nas dgra bcom pa nyid mngon sum du byas so/ /kha cig gis ni nyan thos
40a8 kyi byang chub tu sems bskyed do/ /kha cig gis ni rang sangs rgyas kyi byang chub tu sems bskyed do/ /kha cig gis ni bla na med pa yang dag par rdzogs pa'i byang chub tu sems bskyed do/ /'khor de dag thams cad kyang
40b1 sangs rgyas la gzhol ba dang / chos la 'bab pa dang dge 'dun la bab pa la bkod do/ /dge slong rnams kyang sangs rgyas kyi mchod pa mthong bas sems dga' bar gyur te/ sangs rgyas bcom ldan 'das la zhus pa/
40b2 bcom ldan 'das kyis dge ba'i rtsa ba 'di dag gang du mdzad lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/
40b3 dba' rgal bzhin du byung la/ gdon mi za bar 'ong ba'i las rnams byas shing bsags te/ des na de bzhin gshegs pa la 'di lta bu'i mchod pa byas so/ /dge slong dag khyed nyan par 'dod dam/ bcom ldan 'das nyan
40b4 par 'tshal lags so/ /dge slong dag sngon byung ba 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig
40b5 rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das tshangs pa zhes bya ba 'jig rten du byung ngo / /de nas yang dag par rdzogs pa'i sangs rgyas
40b6 tshangs pa dgra bcom pa drug khri nyis stong gis zhabs 'bring byas te/ ljongs rgyu zhing gshegs pa las rgyal po'i pho brang 'khor zhig du byon nas/ rgyal rigs spyi bo nas dbang bskur ba'i rgyal pos yang dag par rdzogs
40b7 pa'i sangs rgyas tshangs pa dgra bcom pa drug khri nyis stong gis zhabs 'bring byas pa ljongs rgyu zhing gshegs pa las/ bdag gi yul du byon to zhes thos so/ /thos nas kyang rgyal po'i 'byor pa chen po
40b8 dang / rgyal po'i mthu chen pos bcom ldan 'das yang dag par rdzogs pa'i sangs rgyas tshangs pa ga la ba der song te phyin nas/ yang dag par rdzogs pa'i sangs rgyas tshangs pa'i zhabs la mgo bos phyag 'tshal te/
41a1 phyogs gcig tu 'dug go phyogs gcig tu 'dug nas/ rgyal rigs spyi bo nas dbang bskur ba'i rgyal po/ bcom ldan 'das kyis byang chub thob par byed pa'i chos rnams la yang dag par btsud do/ /de nas rgyal po
41a2 de dga' bar gyur nas stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das la bdag gis na
41a3 bza' dang zhal zas dang gzims cha dang gdan dang snyun gsos dang sman zong rnams kyis bsnyen bkur bgyi bar 'tshal na/ bcom ldan 'das nyan thos kyi dge 'dun dang thabs gcig tu rgyal po'i pho brang 'khor 'dir zla ba gsum
41a4 gyi bar du bzhugs par ci gnang de nas yang dag par rdzogs pa'i sangs rgyas tshangs pas rgyal po la cang mi gsung bas gnang ngo / /de nas rgyal rigs spyi bo nas dbang bskur ba'i rgyal po des/ bcom ldan 'das kyi phyir tsan
41a5 dan sa mchog pa'i khang bzangs byed du bcug go/ /des de la na bza' dang rgyan rnam pa sna tshogs kyis brgyan nas/ me tog sna tshogs kyis ni gtor/ pog phor dag gis ni bdugs te/ bcom ldan 'das nyan thos kyi
41a6 dge 'dun dang bcas pa la phul nas/ zla ba gsum gyi bar du zhal zas bzang pos tshim par byas te/ na bza'i khyad par rnam pa sna tshogs phul nas/ bla na med pa yang dag par rdzogs pa'i byang chub tu yang
41a7 smon lam btab bo/ /bcom ldan 'das kyis bka' stsal pa/ dge slong dag khyed ji snyam du sems/ de'i tshe de'i dus na rgyal rigs spyi bo nas dbang bskur ba'i rgyal por gyur pa gang yin pa de ni nga yin te/
41a8 ngas yang dag par rdzogs pa'i sangs rgyas tshangs pa la de lta bu'i mchod pa byas pa'i las kyi rnam par smin pa des na/ des 'khor ba na bde ba chen po mtha' yas pa nyams su myong la de ltar bla na med pa yang dag par
41b1 rdzogs pa'i byang chub mngon par sangs rgyas pa na yang 'di lta bu'i mchod pa byas so/ /dge slong dag de bas na 'di ltar bslab par bya ste ston pa la bkur sti bya'o/ /bla mar bya'o ri mo bya'o mchod pa bya'o/ /ston pa
41b2 la bkur sti byas bla mar byas ri mo byas mchod pa byas nas brten te gnas par bya'o zhes dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/
41b3 bcom ldan 'das kyis gsungs pa la mngon par bstod do// //gang po la sogs pa rtogs pa brjod pa brgya pa/ bam po bzhi pa/ khrus zhes bya ba ni/ sangs rgyas bcom ldan 'das la rgyal po rnams dang
41b4 blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha'
41b5 lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am
41b6 ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams
41b7 brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na tshong pa lnga brgya
41b8 tsam dgon pa'i lam du zhugs pa las de dag lam stor nas/ bye ltongs zhig tu phyin te/ de dag lam gyi ngal bas bkos thag cing rgyags zad la/ nyi ma'i gung la nyi tshan gyis gdungs nas/ nya skam la bton pa bzhin du sa la 'gre ldog
42a1 ste sdug bsngal drag pa dang mi bzad pa dang tsha ba dang yid du mi 'ong ba'i tshor ba myong bas/ gu lang dang chu lha dang ku be ra dang brgya byin la sogs pa lha stong snyed la so sor gsol ba 'debs kyang de las skyob par
42a2 nus pa med do/ /de'i nang na dge bsnyen sangs rgyas kyi bstan pa'i rgyus shes pa zhig yod de/ des tshong pa de dag la smras pa/ khyed sangs rgyas la skyabs su song shig /de nas thams cad kyis skad sdoms te skyabs su song ngo / /de'i
42a3 skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am mi rtogs pa 'am thugs su mi chud pa ci yang med la/ sangs rgyas bcom ldan 'das thugs rje chen po dang ldan pa 'jig rten
42a4 la phan 'dogs pa la zhugs pa bsrung ba gcig pa dang ldan pa gcig tu dpa' ba zla med pa gnyis su mi gsung ba zhi gnas dang lhag mthong la gnas pa rig pa gsum snang bar mdzad pa/ bslab pa gsum la legs par
42a5 bslabs pa/ 'dul ba'i gzhi gsum la mkhas pa/ chu bo bzhi las rgal ba rdzu 'phrul gyi rkang pa bzhi'i zhabs kyi mthil shin tu brtan pa bsdu ba'i dngos po bzhi la yun ring po nas 'dris par byas pa/ mi 'jigs pa
42a6 bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa 'gro ba lnga las yang dag par 'das pa yan lag drug dang ldan pa/ pha rol tu phyin pa drug
42a7 yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa mthar gyis snyoms par 'jug pa dgu la mkhas pa/
42a8 stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du/
42b1 sangs rgyas kyi spyan kyis 'jig rten la gzigs te su ni rgud/ su ni dar su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang / gnod pa dang ldan/ su ni ngan song du gzhol/
42b2 su ni ngan song la 'bab/ su ni ngan song du bab/ su ni ngas ngan song nas phyung ste/ mtho ris dang thar pa dang 'bras bu la bzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun
42b3 med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni
42b4 yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs
42b5 rgyas dus las yol ba med/ /de nas re shig na/ bcom ldan 'das kyis tshong pa mang po/ phongs shing nyam nga bar gyur pa gzigs so/ /de nas mig gis cer zhes ltas pa tsam gyi yun gyis dge slong gi tshogs kyis zhabs 'bring
42b6 byas te/ rgyal bu rgyal byed kyi tshal nas mi snang bar gyur nas/ phyogs der gshegs so/ /tshong pa de dag gis kyang bcom ldan 'das dge slong gi dge 'dun dang bcas pa mthong ngo / /mthong nas kyang skad po che phyung ngo / /
42b7 de nas bcom ldan 'das kyis 'jig rten pa'i dgongs pa bskyed de/ lha'i dbang po brgya byin gyis dbang chen gyi char phab la/ ser bu bsil ba yang btang na legs so snyam du dgongs nas/ bcom ldan 'das kyis
42b8 dgongs pa bskyed pa'i mod la/ brgya byin gyis dbang chen gyi char yang phab/ ser bu'i bsil ba yang btang ste des na tshong pa de dag mi skom par gyur la/ tsha bas gdungs pa yang zhi bar gyur to/ /de nas tshong
43a1 pa de dag sems rtas nas bcom ldan 'das kyis de dag la lam yang bstan te/ des na mnyan du yod par phyin to/ /de nas de dag ngal bso nas bcom ldan 'das kyi thad du song ste/ bcom ldan 'das
43a2 kyis 'phags pa'i bden pa bzhi rtogs par 'gyur ba de lta bu'i chos bstan to/ /de thos nas kha cig gis ni rgyun tu zhugs pa'i 'bras bu thob bo/ /kha cig gis ni lan gcig phyir 'ong ba'i 'bras bu thob bo/ /kha cig
43a3 gis ni phyir mi 'ong ba'i 'bras bu thob bo/ /kha cig gis ni nyon mongs pa thams cad spangs nas dgra bcom pa nyid mngon sum du byas so/ /kha cig gis ni nyan thos kyi byang chub tu sems bskyed do/ /kha cig
43a4 gis ni rang sangs rgyas kyi byang chub tu sems bskyed do/ /kha cig gis ni bla na med pa yang dag par rdzogs pa'i byang chub tu sems bskyed do/ /'khor de dag thams cad kyang sangs rgyas la gzhol ba dang /
43a5 chos la 'bab pa dang dge 'dun la bab pa la bkod do/ /de nas dge slong dag the tshom skyes nas/ the tsom thams cad gcod pa sangs rgyas bcom ldan 'das la zhus pa/ btsun pa tshong pa 'di dag
43a6 bcom ldan 'das kyis 'di ltar dgon pa'i shul nas skyabs pa dang / dgongs pa bskyed pa'i mod la dbang chen gyi char phab te/ ser bu'i bsil ba yang langs pa ngo mtshar lags so/ /bcom
43a7 ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi
43a8 za bar 'ong ba'i las de dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni
43b1 phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang
43b2 khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong
43b3 dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu gdul ba'i kha lo sgyur ba/ bla na med
43b4 pa lha dang mi rnams kyi ston pa sangs rgyas bcom ldan 'das tsan dan zhes bya ba 'jig rten du byung ngo / /de nas yang dag par rdzogs pa'i sangs rgyas tsan dan ljongs rgyu zhing gshegs pa las/ rgyal po'i pho brang 'khor zhig tu
43b5 byon nas rgyal rigs spyi bo nas dbang bskur ba'i rgyal po de yang dag par rdzogs pa'i sangs rgyas tsan dan ga la ba der song ste phyin nas/ yang dag par rdzogs pa'i sangs rgyas tsan dan gyi zhabs la mgo bos
43b6 phyag 'tshal te phyogs gcig tu 'dug go/ /phyogs gcig tu 'dug nas rgyal rigs spyi bo nas dbang bskur ba'i rgyal po de bcom ldan 'das kyis byang chub 'thob par byed pa'i chos rnams la yang dag par btsud do/ /de nas
43b7 rgyal rigs spyi bo nas dbang bskur ba'i rgyal po de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ yang dag par rdzogs pa'i sangs rgyas tsan dan ga la ba
43b8 de logs su thal mo sbyar ba btud nas/ yang dag par rdzogs pa'i sangs rgyas tsan dan la 'di skad ces gsol to/ /bcom ldan 'das dge slong gi dge 'dun dang thabs gcig tu rgyal po'i pho brang 'khor 'dir zla ba gsum
44a1 gyi bar du bzhugs par ci gnang / de nas yang dag par rdzogs pa'i sangs rgyas tsan dan gyis rgyal po de la cang mi gsung bas gnang ngo / /de'i tshe than chen byung nas des chu dang khron pa rnams chu chung bar gyur la/
44a2 shing rnams kyang me tog dang 'bras bu med par gyur to/ /de nas rgyal pos yang dag par rdzogs pa'i sangs rgyas tsan dan la gsol ba btab ste/ bcom ldan 'das grong khyer 'di'i nang du rdzing spos chab kyis
44a3 gtam pa bgyid du stsol bar 'tshal na/ der bcom ldan 'das nyan thos kyi dge 'dun dang bcas pa khrus mdzad par gsol/ de ltar bcom ldan 'das kyis khrus mdzad na/ bdag gi yul 'dir dgung
44a4 char dbab du glo ba re lags so zhes gsol to/ /de nas bcom ldan 'das yang dag par rdzogs pa'i sangs rgyas tsan dan gyis/ rgyal po de la cang mi gsung bas gnang ngo / /de nas rgyal rigs spyi bo nas dbang bskur ba'i
44a5 rgyal po des/ blon po rnams la khyed kyis spos chab dang rin po che'i bum pa dag sta gon gyis shig dang / de dag gis ngas sangs rgyas bcom ldan 'das nyan thos kyi dge 'dun dang bcas pa khrus gsol bar bya'o
44a6 zhes bsgo'o/ /de nas rgyal po des blon po'i 'khor dang bcas pas grong khyer de rdo dang gseg ma dang gyo mo med par byas te/ rgyal mtshan dang ba dan ni bsgreng / /me tog sna tshogs kyis ni gtor/ /spos
44a7 chab kyis ni chag chag btab/ /bdug pa sna tshogs kyis ni bdugs/ /dbus su ni rdzing byed du bcug go/ /de nas bcom ldan 'das yang dag par rdzogs pa'i sangs rgyas tsan dan gyis sems can la phan gdags
44a8 pa'i phyir khrus ras gsol te/ rdzing bu'i nang du bzhugs so/ /de nas rgyal po blon po 'khor dang bcas pas/ bcom ldan 'das yang dag par rdzogs pa'i sangs rgyas tsan dan nyan thos kyi dge
44b1 'dun dang bcas pa/ spos sna tshogs kyis bsgos pa'i chus khrus gsol to/ /bcom ldan 'das yang dag par rdzogs pa'i sangs rgyas tsan dan khrus mdzad pa'i mod la/ lha'i dbang po brgya byin gyis
44b2 gang gis lo tog thams cad rgyal bar 'gyur ba de lta bu'i dbang chen gyi char phab bo/ /gzhi de las skye bo phal po che yang sangs rgyas bcom ldan 'das la dad pa rnyed nas/ spos kyis byugs pa'i mchod rten
44b3 du ma brtsigs te zhal bsros so/ /der yang dag par rdzogs pa'i sangs rgyas tsan dan la skyabs su song ba gang yin pa de dag thams cad ni yongs su mya ngan las 'das te/ de dag gi nang nas nga
44b4 'ba' shig lus so/ /dge slong dag de bas na 'di ltar bslab par bya ste/ ston pa la bkur sti bya'o bla mar bya'o ri mo bya'o mchod pa bya'o/ /ston pa la bsnyen bkur byas bla mar byas ri mo byas
44b5 mchod pa byas nas/ brten te gnas par bya'o zhes dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom
44b6 ldan 'das kyis gsungs pa la mngon par bstod do// //yams kyi nad ces bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi
44b7 rnams dang tshong dpon rnams dang ded dpon rnams dang lha rnams dang klu rnams dang / gnod sbyin rnams dang lha ma yin rnams dang nam mkha' lding rnams dang mi 'am ci rnams dang / lto 'phye chen po rnams kyis
44b8 bkur sti byas/ bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom
45a1 ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa/ rgyal po'i
45a2 khab na 'od ma'i tshal bya ka lan 'da' ka gnas pa na rten cing bzhugs so/ /de'i tshe yul 'dam bu tshal gyi skye bo mang po la mi nad byung ste/ der skye bo phal po che de dag nad kyis dkos thag nas/ gu lang dang chu lha dang ku be ra
45a3 dang / brgya byin la sogs pa lha stong snyed la/ so sor gsol ba 'debs kyang yams kyi nad de zhi bar ma gyur to/ /de nas yul 'dam bu tshal na dge bsnyen zhig gnas pa des/ 'dam bu'i tshal gyi bram ze dang khyim bdag rnams la
45a4 'di skad ces smras so/ /khyed tshur sheg sangs rgyas la skyabs su song la/ bcom ldan 'das de 'dir gshegs par gsol te/ bcom ldan 'das kyis ci nas tshegs chung ngus yams kyi nad zhi bar mdzad du gsol zhes kyang
45a5 gsol ba thob shig /de nas 'dam bu tshal gyi bram ze dang khyim bdag rnams kyis/ bcom ldan 'das la gsol ba btab te/ bcom ldan 'das 'dir gshegs la/ phongs shing nyam thag pa 'di las thar bar
45a6 mdzad du gsol zhes byas so/ /de'i skabs su sangs rgyas bcom ldan 'das rnams kyis ni mi mkhyen pa 'am mi gzigs pa 'am mi rtogs pa 'am/ thugs su mi chud pa ci yang med la/ sangs rgyas
45a7 bcom ldan 'das thugs rje chen po dang ldan pa/ 'jig rten la phan 'dogs pa la zhugs pa srung ba gcig pa dang ldan pa/ gcig tu dpa' ba zla med pa gnyis su mi gsung ba zhi gnas dang lhag mthong la
45a8 gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i
45b1 zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par
45b2 spangs pa/ 'gro ba lnga las yang dag par 'das pa yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me
45b3 tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa
45b4 la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du/ sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing
45b5 'dug /su ni nyam nga bar gyur/ su ni gnod pa dang ldan su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab su ni ngan song du bab/ su ni ngas ngan song nas phyung ste/ mtho ris dang thar pa dang
45b6 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las/ 'phags pa'i nor bdun gyi dbang phyug la dbang byed du gzhug par bya/
45b7 su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa
45b8 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom
46a1 ldan 'das snga dro sham thabs dang chos gos gsol te/ lhung bzed bsnams nas/ dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/
46a2 'dam bu'i tshal du gshegs so/ /de nas bcom ldan 'das kyis grong khyer gyi mi de dag thams cad la byams pas khyab par mdzad de/ des na mi ma yin pa rnams dong ste/ yams kyi nad zhi bar gyur to/ /de nas
46a3 bram ze dang khyim bdag de rnams bcom ldan 'das mthong bas dga' ba chen po skyes so/ /dga' ba skyes nas bcom ldan 'das nyan thos kyi dge 'dun dang bcas pa la na bza' dang / zhal zas dang / gzims
46a4 cha dang gdan dang snyun gsos dang sman zong rnams las ci bzhed pa'i skabs phye'o/ /de nas de dag la bcom ldan 'das kyis 'phags pa'i bden pa bzhi rtogs par 'gyur ba de lta bu'i chos bstan te/ de thos nas
46a5 bram ze dang khyim bdag du mas rgyun tu zhugs pa'i 'bras bu thob bo/ /kha cig gis ni lan gcig phyir 'ong ba'i 'bras bu thob bo/ /kha cig gis ni phyir mi 'ong ba'i 'bras bu thob bo/ /kha cig gis ni rab tu byung
46a6 ste/ nyon mongs pa thams cad spangs nas dgra bcom pa nyid mngon sum du byas so/ /kha cig gis ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu sems
46a7 bskyed do/ /kha cig gis ni bla na med pa yang dag par rdzogs pa'i byang chub tu sems bskyed do/ /grong khyer gyi mi de dag thams cad kyang sangs rgyas la gzhol ba dang / chos la 'bab pa dang / dge 'dun
46a8 la bab pa la bkod do/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sems can 'di dag 'di ltar bcom ldan 'das la dga' ba skyes
46b1 pas/ phongs pa las thar bar gyur pa ni ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/
46b2 dba' rgal bzhin du 'byung la gdon mi za bar 'ong ba'i las rnams byas shing / bsags pas na nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas
46b3 shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing
46b4 bsags pa rnams ni zin pa'i phung po dang / khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la
46b5 bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/
46b6 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das zla ba zhes bya ba 'jig rten du byung ngo / /de nas yang dag par rdzogs pa'i sangs
46b7 rgyas zla ba ljongs rgyu zhing gshegs pa las rgyal po'i pho brang 'khor zhig tu byon nas/ rgyal rigs spyi bo nas dbang bskur ba'i rgyal po des/ yang dag par rdzogs pa'i sangs rgyas zla ba bdag gi yul du
46b8 byon to zhes thos so/ /thos nas kyang rgyal po'i 'byor pa chen po dang rgyal po'i mthu chen po dang ldan pas/ yang dag par rdzogs pa'i sangs rgyas zla
47a1 ba ga la ba der song ste phyin nas/ yang dag par rdzogs pa'i sangs rgyas zla ba'i zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas/ rgyal rigs spyi bo nas dbang
47a2 bskur ba'i rgyal po de yang dag par rdzogs pa'i sangs rgyas zla bas byang chub 'thob par byed pa'i chos rnams la yang dag par btsud do/ /de nas rgyal rigs spyi bo nas dbang bskur ba'i rgyal po de dga' bar gyur nas
47a3 stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ yang dag par rdzogs pa'i sangs rgyas zla ba ga la ba de logs su thal mo sbyar ba btud nas yang dag par rdzogs
47a4 pa'i sangs rgyas zla ba la 'di skad ces gsol to/ /bcom ldan 'das la bdag gis na bza' dang / zhal zas dang gzims cha dang gdan dang snyun gsos dang / sman zong rnams kyis bsnyen bkur bgyi bar 'tshal na/
47a5 bcom ldan 'das dge slong gi dge 'dun dang thabs gcig tu zla ba gsum gyi bar du 'dir bzhugs par ci gnang / de nas yang dag par rdzogs pa'i sangs rgyas zla bas rgyal po de la cang mi gsung bas gnang ngo / /de'i tshe
47a6 rgyal po'i grong khyer de na skye bo mang po la mi nad byung ste/ des skye bo phal po che de dag la shin tu gnod par gyur to/ /de nas rgyal po des nad zhi bar bya ba'i phyir yang dag par rdzogs pa'i sangs rgyas zla ba la gsol
47a7 ba btab ste/ bcom ldan 'das yams kyi nad 'di zhi bar 'gyur ba'i thabs mdzad par ci gnang zhes gsol to/ /de nas bcom ldan 'das yang dag par rdzogs pa'i sangs rgyas zla bas rgyal po de la bka' stsal
47a8 pa/ rgyal po chen po song la nga'i chos gos snam sbyar 'di rgyal mtshan gyi rtse mo la thogs la/ bkur sti chen po dang ldan pas/ bdag gi yul skor du chug shig /'di la dga' ston chen po yang gyis
47b1 shig /skye bo phal po che thams cad kyang sangs rgyas rjes su dran pa yang dag par 'dzin du chug shig /des na khyed bde legs su 'gyur ro/ /de nas rgyal pos kyang ji skad bstan pa bzhin du thams cad de kho na bzhin du byas nas/
47b2 de'i rgyu dang de'i rkyen gyis yams kyi nad thams cad zhi bar gyur to/ /de nas skye bo'i tshogs de dag dga' bar gyur te/ rgyal po dang blon po dang pho brang 'khor gyi mi rnams sangs rgyas dang chos dang dge 'dun la skyabs su song ngo / /
47b3 bcom ldan 'das kyis bka' stsal pa/ dge slong dag khyed ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas zla ba de la mchod pa chen po byas
47b4 pa'i las kyi rnam par smin pa des na/ ngas 'khor ba na lha dang mir skye ba 'thob par 'gyur ba'i bde ba chen po nyams su myong la/ da ltar yang nga de'i rgyu las byung ba'i 'byor pa dang ldan par gyur te/ des na ngas
47b5 ci bsams pa dang / ci 'dod pa de dag thams cad de bzhin du grub par gyur to/ /dge slong dag de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri mo bya'o/ /mchod pa bya'o/ /
47b6 ston pa la bkur sti byas bla mar byas ri mo byas mchod pa byas nas/ brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong
47b7 de dag yi rang ste/ bcom ldan 'das kyis gsungs pa la mngon par bstod do// //cho 'phrul zhes bya ba ni/ sangs rgyas bcom ldan 'das la rgyal po rnams dang blon po chen po rnams dang / /phyug po
47b8 rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha'
48a1 lding rnams dang mi 'am ci rnams dang lto 'phye chen po rnams kyis bkur sti byas/ bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am
48a2 ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang / sman zong rnams
48a3 brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /gang gi tshe lhas sbyin gyis gcugs byas te/ rgyal po ma skyes dgras pha chos
48a4 can chos dang ldan pa'i rgyal po bsad nas/ rang nyid rgyal por zhugs pa de'i tshe/ su ma dad pa de dag ni mthu dang ldan par gyur to/ /dad pa can rnams ni mthu chung bar gyur to/ /de nas re shig na blon po rgan po ma dad pa/
48a5 bcom ldan 'das kyi bstan pa la sdang ba zhig yod pa des bram ze rnams la mchod sbyin byas te/ der bram ze 'bum phrag du ma 'dus nas/ de dag gis su yang dge sbyong gau ta ma la bltar mi 'gro bar nang khrims bcas so/ /
48a6 de nas bram ze rnams kyis khrims bcas te/ 'dus shing 'thun la/ kun tu dga' nas srang gi dbus su rig byed las 'byung ba'i cho ga bzhin du/ brgya byin la gsol ba btab ste/ rus pa med ma'i skyes
48a7 bu gshegs su gsol/ gshegs su gsol zhes byas so/ /de'i skabs su sangs rgyas bcom ldan 'das rnams kyis ni mi mkhyen pa 'am mi gzigs pa 'am/ mi rtogs pa 'am/ thugs su
48a8 mi chud pa ci yang med la sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa srung ba gcig dang ldan pa/ gcig tu dpa' ba zla med pa/ gnyis su mi gsung ba
48b1 zhi gnas dang lhag mthong la gnas pa/ rig pa gsum snang bar mdzad pa bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/
48b2 rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i
48b3 sgra chen po sgrogs pa/ yan lag lnga rnam par spongs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas
48b4 par bya ba drug la gnas pa/ byang chub kyi yan lag bdun gyis me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i
48b5 stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus
48b6 gsum du sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan
48b7 su ni ngan song du gzhol/ su ni ngan song du 'bab su ni ngan song du bab su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las
48b8 lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya su ni
49a1 dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu
49a2 srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis bram ze sngon
49a3 dge ba'i rtsa ba skyed skyed pa las/ thar pa'i skal ba can du gyur pa/ btsal bar bya ba rnyed pa/ mya ngan 'das pa la nang du bltas pa/ 'khor ba las phyi rol tu bltas pa/ de dag gzigs nas da
49a4 ltar mi dge ba'i bshes gnyen bsten pas/ nga'i bstan pa la sdang bar gyur te/ ngas 'di dag gdul ba'i phyir brtson par bya'o snyam du dgongs so/ /de nas bcom ldan 'das kyis brgya byin gyi cha lugs su
49a5 sprul te/ mchod sbyin gyi 'dun khang de lha'i 'od kyis snang bar mdzad de/ der gshegs so/ /de nas bram ze de dag dga' zhing mgu la rab tu dga' ste yi rangs nas dga' zhing yid bde bar gyur te/ skad
49a6 bsdams nas smras pa/ bcom ldan 'das gshegs su gsol gshegs su gsol/ bcom ldan 'das gshegs pa legs so zhes byas so/ /de nas bcom ldan 'das brgya byin gyi cha lugs su
49a7 bzhugs pa gdan bshams pa la bzhugs so/ /de nas rgyal po'i khab kyi grong khyer kun tu lha'i dbang po brgya byin mchod sbyin la gshegs so zhes de skad kyi sgra yang grags par gyur te/ de thos nas srog chags
49a8 'bum phrag du ma 'dus so/ /de nas bcom ldan 'das kyis bram ze rnams dad par gyur pa mkhyen nas/ brgya byin gyi cha lugs mi snang bar mdzad de/ sangs rgyas kyi cha lugs su zhugs nas/ 'phags pa'i
49b1 bden pa bzhi rtogs par 'gyur ba de lta bu'i chos bstan te/ de thos nas bram ze drug khri nyis stong gis 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu mngon
49b2 sum du byas so/ /srog chags 'bum phrag du mas kyang / bcom ldan 'das la dad pa rnyed do/ /de nas dge slong de dag the tsom skyes te/ the tsom thams cad gcod pa/ sangs rgyas bcom ldan 'das la
49b3 zhus pa/ btsun pa bram ze 'di rnams 'di ltar bcom ldan 'das dang mjal nas/ bden pa mthong bar gyur pa dang / srog chags 'bum phrag du mas dga' ba chen po thob par gyur pa ni ngo mtshar lags so/ /
49b4 bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag du tshogs rnyed cing rkyen grub pa dang ldan te dba' rgal bzhin du byung la/ gdon mi za bar 'ong ba'i
49b5 las rnams byas shing bsags pas na/ ngas las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni/ phyi rol gyi sa'i khams la rnam par
49b6 smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang / mi dge ba byas shing bsags pa rnams ni zin pa'i phung po dang / khams dang skye mched
49b7 rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong
49b8 dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul
50a1 bya'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das dbang po 'dul zhes bya ba 'jig rten du byung ngo / /de ljongs rgyu zhing gshegs pa las/ rgyal po'i pho brang
50a2 'khor zhig tu byon to/ /rgyal po'i pho brang 'khor de yang mu stegs can gyi dbang du gyur to/ /de nas rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas dbang po 'dul bdag gi yul du
50a3 gshegs so zhes thos so/ /thos nas kyang rgyal po'i 'byor pa chen po dang / rgyal po'i mthu chen po dang ldan pas yang dag par rdzogs pa'i sangs rgyas dbang po 'dul ga la ba der song ste phyin nas/ bcom ldan
50a4 'das yang dag par rdzogs pa'i sangs rgyas dbang po 'dul gyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas rgyal rigs spyi bo nas dbang bskur ba'i rgyal po de yang dag par
50a5 rdzogs pa'i sangs rgyas dbang po 'dul gyis byang chub 'thob par byed pa'i chos rnams la btsud do/ /de nas rgyal rigs spyi bo nas dbang bskur ba'i rgyal po de stan las langs te/ bla gos phrag pa gcig tu gzar nas/
50a6 pus mo g.yas pa'i lha nga sa la btsugs te/ yang dag par rdzogs pa'i sangs rgyas dbang po 'dul ga la ba de logs su thal mo sbyar ba btud nas/ yang dag par rdzogs pa'i sangs rgyas dbang po 'dul la 'di skad ces
50a7 gsol to/ /bcom ldan 'das la bdag gis na bza' dang zhal zas dang / gzims cha dang gdan dang snyun gsos dang sman zong rnams kyis bsnyen bkur bgyi bar 'tshal na/ bcom ldan 'das dge slong gi dge
50a8 'dun dang thabs gcig tu zla ba gsum gyi bar du 'dir bzhugs par ci gnang / bcom ldan 'das kyis bka' stsal pa/ rgyal po chen po khyod kyi yul na dge slong glo bur du 'ong ba dang / 'gro ba dag gi gnas su
50b1 rung ba'i gtsug lag khang 'ga' lta yod dam/ rgyal pos gsol pa/ bcom ldan 'das da ltar ma mchis kyis kyang / bcom ldan 'das bzhes su gsol dang / bdag gis dge slong glo bur du 'ong ba dang /
50b2 'gro ba dag gi gnas su rung ba'i gtsug lag khang bgyid du stsal bar 'tshal lo zhes gsol to/ /de nas rgyal po des de bzhin gshegs pa'i phyir gtsug lag khang byed du bcug ste/ ra ba dang rta babs dang skar khung dang sgo gang ni
50b3 bcas/ keg tse dang zla ba tshes pa dang lan kan gyis ni brgyan/ gding ba dang ni ldan/ rdzing bus ni kun tu gang shing ljon pa me tog dang / 'bras bu dang ldan pa mang pos ni bskor ba zhig byas so/ /byas nas kyang
50b4 bcom ldan 'das nyan thos kyi dge 'dun dang bcas pa la phul lo/ /de nas bcom ldan 'das la cho 'phrul chen po mdzad par gsol ba btab bo/ /de nas rgyal pos gsol ba btab nas/ bcom ldan 'das
50b5 yang dag par rdzogs pa'i sangs rgyas dbang po 'dul gyis/ sangs rgyas phal po che'i rnam par rol pa'i cho 'phrul chen po bstan te/ des na rgyal po dang blon po dang grong rdal gyi mi dang / yul mi dang pho brang
50b6 'khor gyi mi thams cad dga' bar gyur te/ bstan pa srung ba gces par 'dzin par gyur to/ /dge slong dag ji snyams du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag
50b7 par rdzogs pa'i sangs rgyas dbang po 'dul de la de lta bu'i mchod pa byas pa'i las de'i rnam par smin pas/ ngas 'khor ba na bde ba mtha' yas pa nyams su myong la/ da ltar de bzhin gshegs par gyur pa
50b8 na yang nga'i bstan pa 'di mdzes par gyur to/ /dge slong dag de bas na 'di ltar bslab par bya ste/ ston pa la bkur sti bya'o bla mar bya'o ri mo bya'o mchod pa bya'o/ /ston pa la bkur sti byas bla mar byas
51a1 ri mo byas mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom
51a2 ldan 'das kyis gsungs pa la mngon par bstod do// //lo lnga pa zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang phyug po rnams dang pho brang 'khor
51a3 gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas/ bla mar byas ri mo byas mchod pa byas te/
51a4 lha dang klu dang gnod sbyin dang lha ma yin dang nam mkha' lding dang mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod
51a5 nams chen po dang ldan pa/ na bza' dang zhal zas dang gzims cha dang gdan dang snyun gsos dang / sman zong rnams brnyes pa nyan thos kyi dge 'dun dang bcas pa/ rgyal po'i khab na 'od ma'i tshal bya
51a6 ka lan 'da' ka gnas pa na rten cing bzhugs so/ /gang gi tshe mi blun po lhas sbyin gyis/ bcom ldan 'das kyi bstan pa la gnod pa stong snyed byas kyang / bcom ldan 'das kyi ba spu bskyod par
51a7 yang ma nus pa de'i tshe/ rgyal po ma skyes dgra la smras pa/ rgyal po chen po rgyal po'i khab nas su yang dge slong gau ta ma'i thad du mi 'gro ba dang / kha zas mi sbyin pa'i khrims chos shig /de ltar
51a8 byas kyang des khe mi rnyed cing bsnyen bkur mi rnyed pas gdon mi za bar yul gzhan du 'pho bar 'gyur ro zhes byas so/ /de nas rgyal pos de bzhin du byas nas/ de na dge bsnyen bden pa mthong ba 'khod pa
51b1 de dag ngu ste/ kyi hud 'di ltar sangs rgyas bcom ldan 'das 'byung ba/ u dum ba ra'i me tog ltar dkon pa dang phrad kyang / de bsten kyang ma nus pa las na/ rgyal po'i khab kyi grong khyer gyi mi
51b2 rnams mgon med par gyur to zhes 'dzer to/ /tshig de nyid thor dge slong dag gis thos so/ /de nas tshe dang ldan pa kun dga' bos ji skad thos pa bzhin du/ bcom ldan 'das la gsol to/ /
51b3 bcom ldan 'das kyis bka' stsal pa/ kun dga' bo 'di la de bzhin gshegs pa nyid dus mkhyen kyis khyod snying ma chung shig /gzhan yang nga'i bstan pa ji srid yod kyi bar du yang / nyan thos
51b4 rnams kyi yo byad med par mi 'gyur na/ da ltar lta ci smos/ de'i skabs su lha'i dbang po brgya byin ni 'og ma la shes pa'i mthong ba 'jug ste/ des bcom ldan 'das kyi bstan pa de lta bur gyur pa mthong
51b5 nas/ mthong ba'i mod kho na la sbyin bdag dang / sbyin pa po rnams kyi spro ba bskyed pa dang / sangs rgyas 'byung ba'i che ba nyid yang dag par bstan pa dang / ma skyes dgra dang lhas sbyin gyi rgyags
51b6 shing dregs pa gcad pa dang bdag nyid kyi dad pa bstan pa'i phyir/ rgyal po'i khab ril gyis 'od chen pos snang bar byas nas skad po che phyung ste bdag gis deng phan chad/ bcom ldan 'das nyan thos kyi
51b7 dge 'dun dang bcas pa la/ lha'i na bza' dang zhal zas dang gzims cha dang gdan dang snyun gsos dang sman zong rnams kyis bsnyen bkur bya'o zhes smras nas/ bcom ldan 'das ga la ba der song ste
51b8 phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la lha'i dbang po brgya byin gyis 'di skad ces gsol to/ /
52a1 bdag gis ji srid 'tsho'i bar du rgyal po'i khab kyi grong khyer 'di nyid du/ bcom ldan 'das nyan thos kyi dge 'dun dang bcas pa la/ lha'i na bza' dang zhal zas dang gzims cha dang gdan
52a2 dang snyun gsos dang / sman zong rnams kyis bsnyen bkur bgyi bar 'tshal na/ bcom ldan 'das kyis bdag la gnang bar mdzad du gsol/ bcom ldan 'das kyis bka' stsal pa/ kau shi ka
52a3 'jig rten na bsod nams 'dod pa mang gis 'di ltar nga la sems dad par byas pa nyid kyis chog go/ /brgya byin gyis gsol pa/ 'o na de bzhin gshegs pa'i slad du bdag gis dgung lo lnga'i bar du/
52a4 lo lnga pa'i dga' ston sbyar bar 'tshal na/ bcom ldan 'das kyis bdag la gnang bar mdzad du gsol/ bcom ldan 'das kyis bka' stsal pa/ kau shi ka 'jig rten na bsod nams 'dod pa
52a5 mang gis 'di ltar nga la sems dad par byas pa nyid kyis chog go/ /brgya byin gyis gsol pa/ 'o na dgung lnga'i bar du bcom ldan 'das kyis bdag la gnang bar mdzad du gsol/ de nas bcom
52a6 ldan 'das kyis nyid kyi bsod nams kyi stobs mngon du bstan pa dang / lha'i dbang po brgya byin la phan gdags pa dang ma 'ongs pa'i dus su zhag lnga ba'i dga' ston rgyun mi 'chad par bya ba'i phyir cang mi gsung
52a7 bas gnang ngo / /de nas lha'i dbang po brgya byin gyis/ bcom ldan 'das kyis cang mi gsung bas gnang bar rig nas 'od ma'i tshal de khang bzangs rnam par rgyal byed 'dra bar bstan te/ lha'i gdan cha
52a8 rnams dang / lha'i rdzing bu rnams dang lha'i bdud rtsi'i zhal zas dag kyang bstan to/ /de nas bcom ldan 'das gdan bshams pa la bzhugs so/ /de nas lha'i dbang po brgya byin gyis sangs rgyas
52b1 la sogs pa dge slong gi dge 'dun bde bar bzhugs par rig nas/ lha 'bum phrag du ma'i g.yog dang bcas pas rang gi lag gis tshim par byed cing ci bzhed pa bstabs so/ /rnam grangs du mar rang gi
52b2 lag gis tshim par byas shing ci bzhed pa bstabs te/ bcom ldan 'das bshos gsol zin nas tsang sder ni gyu/ phyag ni bcabs par rig nas/ stan ches dma' ba khyer te chos mnyan pa'i phyir
52b3 bcom ldan 'das kyi spyan sngar 'dug go/ /de nas bcom ldan 'das kyis lha'i dbang po brgya byin 'khor dang bcas pa la chos kyi gtam gyis yang dag par bstan/ yang dag par 'dzin du bcug yang dag par gzengs
52b4 stod/ yang dag par dga' bar mdzad do/ /rgyal po ma skyes dgra khang bzang gi steng na 'dug pas kyang 'od ma'i tshal na bcom ldan 'das la de lta bur mchod pa byed pa mthong ngo / /mthong nas kyang 'gyod pa skyes te dad pa chen po
52b5 rnyed do/ /rgyal po'i khab na 'khod pa'i pho brang 'khor gyi mi rnams kyis kyang chos kyi shugs thob nas rgyal po'i thad du dong ste 'di skad ces smras so/ /kye ma rgyal po chen po 'di ltar lha rgyags shing bag ma mchis par gnas pa
52b6 rnams kyis kyang lha yul bor te/ bcom ldan 'das la mchod pa bgyid pa las na/ rgyal po'i khab na gnas pa'i pho brang 'khor gyi mi rnams sgor pham par 'gyur gyis/ lha khrims de ni bshig na legs legs
52b7 so zhes byas so/ /de nas rgyal po ma skyes dgras khrims de bshig nas/ rgyal po'i pho brang 'khor gyi grong khyer du dril bsgrags te/ bcom ldan 'das la bkur sti ci dga' bar gyis shig ces byas so/ /de nas rgyal po'i khab
52b8 na gnas pa'i pho brang 'khor gyi mi rnams 'khor dang bcas pa dga' zhing mgu la rab tu dga' ste yi rangs nas dga' zhing yid bde ba skyes te/ me tog dang spos dang me tog phreng rnams khyer nas bcom ldan 'das la
53a1 blta ba'i phyir dong ngo / /de nas lha rnams dang mi rnams kyis bcom ldan 'das la bkur sti chen po byas so/ /bcom ldan 'das kyis kyang gzhi de las lha dang mi rnams la 'phags pa'i bden pa bzhi rtogs par
53a2 'gyur ba de lta bu'i chos bstan te/ de thos nas lha dang mi du mas bden pa mthong bar gyur to/ /de nas dge slong dag gis bcom ldan 'das kyi mchod pa mthong nas the tsom skyes te the tsom thams cad gcod pa sangs rgyas bcom
53a3 ldan 'das la zhus pa/ btsun pa bcom ldan 'das kyi bstan pa la 'di lta bu'i dga' ston bgyis pa ni ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs pa nyid kyis
53a4 sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las rnams byas shing bsags pas na/ nga nyid kyis las byas shing bsags pa de dag
53a5 gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la
53a6 rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang skye mched rnams 'ba' shig la rnam par smin par 'gyur ro/ /lus can dag gi
53a7 las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na de bzhin gshegs pa dgra bcom pa
53a8 yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas
53b1 bcom ldan 'das rin po che'i ri bo zhes bya ba 'jig rten du byung ngo / /de ljongs rgyu zhing gshegs pa las rgyal po'i pho brang 'khor zhig tu byon na/ rgyal po'i pho brang 'khor de na yams kyi nad byung ngo / /de nas rgyal po
53b2 des yams kyi nad zhi bar bya ba'i phyir/ bcom ldan 'das nyan thos kyi dge 'dun dang bcas pa zla ba gsum gyi bar du gdugs tshod la spyan drangs so/ /zla ba gsum lon nas yams kyi nad de zhi bar gyur to/ /de nas
53b3 rgyal po dang grong khyer gyi mi sems dad par gyur pa rnams kyis/ de bzhin gshegs pa nyan thos kyi dge 'dun dang bcas pa la lo lnga pa'i dga' ston byas so/ /'dir gsungs pa/ kun dga' nga ni rgyal gyur
53b4 nas/ /rin chen ri bo 'od chen la/ /zhi bar 'dod phyir gsol ba btab/ /lo lnga pa yi dga' ston byas/ /dge slong dag ji snyam su sems/ de'i tshe de'i dus na rgyal por gyur pa gang yin pa de ni nga yin te/
53b5 ngas yang dag par rdzogs pa'i sangs rgyas rin po che'i ri bo de la lo lnga pa'i dga' ston byas pa'i las de'i rnam par smin pas/ ngas 'khor ba na bde ba chen po nyams su myong la da ltar de bzhin gshegs par gyur pa
53b6 na yang nga la 'di lta bu'i bkur sti byas pa yin no/ /yongs su mya ngan las 'das pa'i 'og tu yang nga'i bstan pa la lo lnga pa'i dga' ston brgya phrag du ma byed par 'gyur ro/ /dge slong dag de bas na 'di ltar bslab par bya ste/
53b7 ston pa la bkur sti bya'o/ /bla mar bya'o/ /ri mo bya'o mchod pa bya'o/ /ston pa la bkur sti byas bla mar byas ri mo byas mchod pa byas nas brten te gnas par bya'o zhes dge slong khyed kyis de ltar bslab par bya'o/ /
53b8 bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po lnga pa/
54a1 bstod pa zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams
54a2 dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang /
54a3 lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang
54a4 snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na
54a5 rol mo mkhan mdza' sde gcig pa lnga brgya tsam 'khod do/ /de'i tshe rol mo mkhan gyi rgyal po rab dga' zhes bya ba zhig gsar du 'ongs pa de'i mthu ni 'di lta bu yin te/ rgyud gcig las skad sna bdun dang khong du 'khyig
54a6 pa sna nyi shu rtsa gcig 'byung bar shes so/ /des grong khyer chen po drug yul po che ma yin par bsgrags te mnyan du yod par phyin nas/ mnyan du yod pa na rol mo mkhan gnas pa rnams kyis rgyal po la gsol to/ /
54a7 rgyal pos smras pa/ 'di'i dus ngas shes kyis khyed snying ma chung shig /de nas rol mo mkhan gyi rgyal po rab dga' 'di snyam du sems te/ rgyal po gsal rgyal rol mo la shin tu mkhas zhes de skad/
54a8 grag gis de dang 'gyed par bya'o snyam mo/ /de nas rol mo mkhan gyi rgyal po rab dga' ko sa la'i rgyal po gsal rgyal ga la ba der song ste phyin nas/ ko sa la'i rgyal po gsal rgyal la 'di skad ces
54b1 smras so/ /rgyal po khyod rol mo shin tu mkhyen to zhes bdag gis thos na/ gal te khyod la gnod pa ma mchis na sad par bgyi'o/ /de nas rgyal po gsal rgyal gyis de la bsgyangs te smras pa/ kye legs pa nga'i mkhan
54b2 po rol mo mkhan gyi rgyal po bla na med pa yod de rgyal bu rgyal byed kyi tshal na bzhugs kyis tshur shog dang der 'dong ngo zhes byas so/ /de nas ko sa la'i rgyal po gsal rgyal rol mo mkhan lnga brgya tsam gyis zhabs 'bring
54b3 byas pa dang / rol mo mkhan gyi rgyal po rab dga' dang mi 'bum phrag du ma rgyal bu rgyal byed kyi tshal du dong ngo / /de'i skabs su sangs rgyas bcom ldan 'das rnams kyis ni mi mkhyen pa 'am mi gzigs pa
54b4 'am mi rtogs pa 'am thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/
54b5 gcig tu dpa' ba zla med pa/ gnyis su mi gsung ba zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum
54b6 la mkhas pa chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/
54b7 khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su
54b8 rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs
55a1 bcu'i stobs dang ldan pa/ phyogs bcur grags pas kun tu brgyan pa/ brgya phrag bcu pa la dbang byed pa bas kyang ches khyad par 'phags pa rnams ni/ chos nyid kyis nyin dus gsum mtshan dus gsum du
55a2 sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug /su ni nyam nga bar gyur su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song
55a3 du gzhol su ni ngan song du 'bab/ su ni ngan song du bab su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni
55a4 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa
55a5 las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar
55a6 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das kyis gdul ba'i skye bo la phan gdags pa'i phyir 'jig rten pa'i dgongs pa bskyed
55a7 de/ kye ma dri za'i bu zur phud lnga pa dri za bdun stong gis bskor bas pi bang gzhi bai dUr+ya las byas pa khyer te nga'i thad du 'ongs na legs so snyam du dgongs so/ /de nas dgongs pa bskyed pa'i mod la/ dri za'i bu
55a8 zur phud lnga pa dri za bdun stong gis bskor bas/ bcom ldan 'das la tshul bzhin du mchod pa byas nas bcom ldan 'das la pi bang gzhi bai dUr+ya las byas pa phul lo/ /de nas rol mo mkhan gyi rgyal po rab
55b1 dgas/ bcom ldan 'das kyi spyan sngar pi bang blangs te/ de las rgyud gcig las kyang skad sna bdun dang khong nas 'khyig pa sna nyi shu rtsa gcig 'byung ba bstan te/ de thos pas rgyal po gsal rgyal dang skye bo
55b2 phal po che gzhan dag kyang mchog tu ya mtshan du gyur to/ /de nas bcom ldan 'das kyis kyang pi bang gzhi bai dUr+ya las byas pa sbrengs te/ de las rgyud gcig las kyang skad kyi khyad par sna du ma dang khong du 'khyig
55b3 pa'i sna grangs du ma 'byung ba bstan to/ /de dag kyang stong pa'i rnam pa dang bdag med pa'i rnam par grag go/ /lus 'di yang pi bang dang 'dra bar bstan to/ /skad rnams ni dbang po dang 'dra bar bstan to/ /
55b4 khong du 'khyig pa rnams ni sems kyi khams dang 'dra bar bstan te/ de thos pas rol mo mkhan gyi rgyal po rab dga' dad pa skyes nas pi bang dri gtsang khang du phul te/ bcom ldan 'das kyi thad du rab tu byung nas des brtson
55b5 pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brten par rig nas/ 'du byed kyi rnam pa thams cad rnyil ba dang ltung ba dang rnam par mthor ba dang rnam par 'jig pa'i
55b6 n mongs pa thams cad spangs nas dgra bcom pa nyid mngon sum du byas te dgra bcom pa khams gsum pa'i 'dod chags dang bral bar gyur nas/ gser dang bong bar
55b7 mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa rig pas sgo nga'i sbubs bcom pa/ rig pa dang mngon par shes pa dang / so so yang dag par
55b8 rig pa thob pa srid pa'i rnyed pa dang chags pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas lha dang klu dang gnod sbyin
56a1 dang lha ma yin dang nam mkha' lding dang mi 'am ci dang lto 'phye chen po rnams dad par gyur nas/ bcom ldan 'das kyi bstan pa bsrung ba dang bskyab pa dang sba bar bya bar brtsams so/ /rol mo mkhan lnga brgya po rnams
56a2 kyang dga' zhing yid bde bar gyur nas 'di snyam du sems te/ bdag cag ni las ngan pa byed cing 'dug ste/ dka' bas 'tsho ba yin gyis/ bdag cag gis rgyal po la gsol te/ bcom ldan 'das nyan thos kyi dge
56a3 'dun dang bcas pa grong khyer du gshegs par spyan drang gor ma chag snyam mo/ /re shig na rol mo mkhan de dag gis gnang ba'i lung thob nas/ bcom ldan 'das nyan thos kyi dge 'dun dang bcas pa grong khyer du
56a4 gshegs par spyan drangs so/ /bcom ldan 'das kyis kyang rol mo mkhan de dag la cang mi gsung bas gnang ngo / /de nas rol mo mkhan de dag dang rgyal po dang blon po dang pho brang 'khor gyi mi dang yul gyi mi rnams
56a5 bsdongs nas mnyan du yod pa'i grong khyer thams cad rdo dang gseg ma dang / gyo mo med par byas nas spos chab kyi chag chag ni btab/ me tog sna tshogs ni gtor/ bdug pa sna tshogs kyis ni bdugs/ me tog gi
56a6 bla res ni brgyan to/ /rol mo mkhan de dag gis kyang rang rang gi pi bang khyer te rdza rnga dang gling bu dang rnga zlum dang rol mo'i sgra'i khyad par dag gis bsnyen bkur byas so/ /zhal zas bzang pos kyang bcom ldan 'das nyan thos
56a7 kyi dge 'dun dang bcas pa tshim par byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po
56a8 dang ser po dang dmar po dang dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang
56b1 ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/
56b2 /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse
56b3 zhil bar gyur to/ /de nas de dag 'di snyam du sems te kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/
56b4 de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag gcag gi
56b5 gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/ lha dang mi rnams kyi nang du gang du
56b6 bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum bcu rtsa gsum pa rnams dang / 'thab bral rnams
56b7 dang / dga' ldan rnams dang 'phrul dga' rnams dang gzhan 'phrul dbang byed rnams dang / tshangs ris rnams dang tshangs pa'i mdun na 'don pa rnams dang tshangs pa chen po rnams dang 'od chung rnams dang tshad med 'od rnams
56b8 dang 'od gsal rnams dang / dge chung rnams dang tshad med dge rnams dang / dge rgyas rnams dang / sprin med rnams dang bsod nams skyes rnams dang 'bras bu che rnams dang mi che rnams dang mi gdung rnams dang /
57a1 gya nom snang rnams dang shin tu mthong rnams dang / 'og min gyi lha rnams kyi bar du song nas mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis kyang
57a2 rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/
57a3 bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor
57a4 nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las
57a5 lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs
57a6 kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs
57a7 kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang
57a8 bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang chub tu lung
57b1 ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas 'od zer de dag gis
57b2 bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong
57b3 gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral
57b4 zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos
57b5 nyid kyi blo yis dus bab mkhyen lags na/ /dge slong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brten pa dang / /bzang po dag gis the tsom skyes pa bsal bar gsol/ /
57b6 rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /
57b7 bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum
57b8 pa mi mdzad do/ /kun dga' bo rol mo mkhan 'di dag gis nga la bkur sti 'di lta bu byas pa mthong ngam/ btsun pa mthong lags so/ /kun dga' bo rol mo mkhan 'di dag dge ba'i rtsa ba dang sems bskyed pa dang
58a1 sbyin par bya ba'i chos yongs su gtong ba 'dis dus ji lta ba bzhin du/ rang sangs rgyas kyi byang chub yang dag par bsgrubs nas ma 'ongs pa'i dus na skad snyan zhes bya ba'i rang sangs rgyas sha stag tu
58a2 'gyur te/ sdug cing phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pur 'gyur ro/ /de dag gi sbyin par bya ba'i la sems dga' bar gyur
58a3 pa 'di yin no/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa dge ba'i rtsa ba gang dag gis mthu de 'dra bar 'gyur ba de dag gang du mdzad lags/
58a4 bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de
58a5 dag byas shing bsags pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par
58a6 smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched
58a7 rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge
58a8 slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu
58b1 gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rtogs mdzad ces bya ba 'jig rten du byung ste/ de ljongs rgyu zhing gshegs pa las rgyal po'i pho brang 'khor zhig tu
58b2 byon to/ /de nas rgyal po'i skyed mos tshal dus tshigs thams cad du 'bras bu phun sum tshogs pa dang ldan pa zhig yod de/ skyed mos tshal der bcom ldan 'das gshegs nas rgyal po de la phan gdags pa'i
58b3 phyir shing ljon pa zhig gi drung na rten cing bzhugs so/ /de nas gdan gting ba la bzhugs te me'i khams la snyoms par zhugs so/ /de nas rgyal rigs spyi bo nas dbang bskur ba'i rgyal po de bud med
58b4 kyi sil snyan dang rol mo'i sgra sgrogs pa dag dang bskyed mos tshal du song ngo / /de nas rgyal po de bskyed mos tshal de na 'khyam zhing 'gro bas/ bcom ldan 'das yang dag par rdzogs pa'i sangs rgyas rtogs mdzad mdzes shing
58b5 dga' bar mdzad pa/ dbang po zhi ba/ thugs zhi ba/ thugs mchog tu dul zhing rnam par zhi ba dang ldan pa/ gser gyi mchod sdong ltar dpal 'bar ba mthong ngo / /mthong nas kyang rgyal po de dga' bar gyur nas btsun mo
58b6 'khor dang bcas pas snyil snyan rnam pa sna tshogs bsgrags te/ bcom ldan 'das ting nge 'dzin de las bzhengs su gsol to/ /zhal zas bzang po yang gsol nas/ bla na med pa yang dag par rdzogs pa'i byang chub tu smon
58b7 lam btab bo/ /dge slong dag ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas rtogs mdzad de la mchod pa byas pa de nyid kyi rgyus da ltar
58b8 nga la rol mo mkhan rnams kyis 'di lta bu'i bsnyen bkur byas so/ /dge slong dag de bas na 'di ltar bslab par bya ste/ ston pa la bkur sti bya'o/ /bla mar bya'o/ /ri mo bya'o/ /mchod pa bya'o/ /ston pa la bkur sti byas/
59a1 bla mar byas/ ri mo byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/
59a2 bcom ldan 'das kyis gsungs pa la mngon par bstod do// //mchog sbyin zhes bya ba ni/ sangs rgyas bcom ldan 'das la/ rgyal po rnams dang / blon po chen po rnams dang phyug po rnams dang pho brang
59a3 'khor gyi mi rnams dang tshong dpon rnams dang ded dpon rnams dang lha rnams dang klu rnams dang / gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas/
59a4 bla mar byas/ ri mo byas/ mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod
59a5 nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag
59a6 mgon med zas sbyin gyi kun dga' ra ba na bzhugs so/ /de nas mnyan du yod pa na gzhan gyi chung ma la byi ba byed pa las dri ma can la gnas pa zhig yod de/ de rgyal po'i mis bzung nas rgyal po la phul lo/ /de nas
59a7 de nyes pa byed byed pa'i phyir rgyal pos gshed ma la gtad do/ /de nas de rgyal po'i mi gos sngon po bgos pa/ mtshon cha thogs pa/ ka ra bI ra'i me tog gi phreng ba mgul na thogs pa rnams kyis lam po
59a8 che dang srang dang bzhi mdo dang sum mdo rnams su 'o dod bos nas grong khyer gyi lho sgor khrid do/ /de'i skabs su sangs rgyas bcom ldan 'das rnams kyis ni mi mkhyen pa 'am mi gzigs pa 'am mi rtogs pa 'am thugs su
59b1 mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa gnyis su mi gsung ba/
59b2 zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang
59b3 pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/
59b4 yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi
59b5 yan lag bdun gyi me tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/
59b6 brgya phrag bcu pa la dbang byed pa bas kyang ches khyad par du 'phags pa rnams ni/ chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/
59b7 su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni
59b8 ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang
60a1 phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba bskyed zin pa las yongs su smin par bya/ yongs su smin zin pa las rnam par grol
60a2 bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba
60a3 med/ /de nas bcom ldan 'das kyis snga dro shams thabs dang chos gos gsol te lhung bzed bsnams nas mnyan du yod par bsod snyoms la gshegs so/ /de nas mi des sangs rgyas bcom ldan 'das sku
60a4 skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin
60a5 po che'i ri bo 'gro ba lta bu kun nas bzang ba mthong ngo / /mthong nas kyang bcom ldan 'das kyi zhabs la phyag 'tshal nas bcom ldan 'das la 'di skad ces gsol to/ /bcom ldan 'das bdag ni dam pa stsol ba'i
60a6 'os lags kyis bdag la srog phangs pa'i slad du stsal du gsol/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod song la/ rgyal po gsal rgyal la 'di
60a7 skad du rgyal po chen po mi 'di nga la byin cig dang rab tu dbyung bar bya'o zhes gyis shig /de nas tshe dang ldan pa kun dga' bos/ bcom ldan 'das kyis bka' stsal pa mnyan nas/ ko sa la'i rgyal po
60a8 gsal rgyal ga la ba der song te phyin nas ko sa la'i rgyal po gsal rgyal la bcom ldan 'das kyi bka' phrin 'di skad du/ rgyal po chen po mi 'di bcom ldan 'das la rab tu 'byung bar gnang bar gyis
60b1 shig ces byas so/ /ko sa la'i rgyal po gsal rgyal gyis kyang shin tu 'os par rig nas gnang ste/ de bcom ldan 'das kyis rab tu phyung nas bsnyen par rdzogs par mdzad de/ des brtson pa dang bsgrub pa dang /
60b2 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de
60b3 nyon mongs pa thams cad spangs nas dgra bcom pa nyid mngon sum du byas so/ /dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang
60b4 lag mthil du 'dra ba'i sems dang ldan pa tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ sred pa'i rnyed
60b5 pa dang chags pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams the tsom skyes te/
60b6 the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis dgongs pa tsam gyis thams cad 'grub pa de ni ngo mtshar lags so/ /bcom ldan 'das kyis bka'
60b7 stsal pa/ dge slong dag de bzhin gshegs pa nyid kyis sngon tshe rabs gzhan dag du tshogs rnyed cing rkyen grub pa dang ldan pa/ dba' rgal bzhin du 'byung la gdon mi za bar 'ong ba'i las de dag byas shing bsags
60b8 pas na/ nga nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur
61a1 chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin
61a2 par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ de bzhin gshegs pa
61a3 dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas
61a4 bcom ldan 'das dbang po'i rgyal mtshan zhes bya ba 'jig rten du byung ngo / /de ljongs rgyu zhing gshegs pa las rgyal po'i pho brang 'khor zhig tu byon te/ rgyal po'i pho brang 'khor de na bram ze rig byed dang rig byed kyi yan lag gi mthar phyin
61a5 pa'i rgyal po'i gong na 'dug pa zhig yod do/ /de nas yang dag par rdzogs pa'i sangs rgyas dbang po'i rgyal mtshan snga dro sham thabs dang chos gos gsol te lhung bzed bsnams nas pho brang 'khor der bsod snyoms la gshegs
61a6 so/ /de nas bram ze des yang dag par rdzogs pa'i sangs rgyas dbang po'i rgyal mtshan sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa
61a7 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang sdong po rtsa ba nas bcad pa bzhin du/ bcom ldan 'das kyi zhabs la
61a8 phyag 'tshal nas gsol pa/ bcom ldan 'das bdag ni dam pa stsol ba'i 'os lags so/ /bde bar gshegs pa bdag ni dam pa stsol ba'i 'os lags kyis bcom ldan 'das gong du bzhugs su gsol/ de nas
61b1 de la phan gdags pa'i phyir/ bcom ldan 'das yang dag par rdzogs pa'i sangs rgyas dbang po'i rgyal mtshan gong du bzhugs so/ /yang dag par rdzogs pa'i sangs rgyas dbang po'i rgyal mtshan bzhugs nas bram ze des tshig
61b2 brgyas bstod do/ /zhal zas bzang po yang gsol nas bla na med pa yang dag par rdzogs pa'i byang chub tu smon lam btab bo/ /gzhi de las rgyal po dang blon po dang pho brang 'khor gyi mi rnams dad pa skyes so/ /dge slong
61b3 dag ji snyam du sems/ de'i tshe de'i dus na bram zer gyur pa de ni nga yin te/ ngas yang dag par rdzogs pa'i sangs rgyas dbang po'i rgyal mtshan la mchod pa byas pa de'i rgyus na/ ngas 'khor ba na bde ba mtha' yas pa nyams su myong
61b4 la/ da ltar yang ci bsams pa dang ci 'dod pa de dag thams cad 'grub pa yin no/ /dge slong dag de bas na 'di ltar bslab par bya ste ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /
61b5 ston pa la bkur stir byas/ bla mar byas/ ri mor byas mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong
61b6 dag yi rangs te bcom ldan 'das kyis gsungs pa la mngon par bstod do// //ka shi ka'i gos shes bya ba ni/ sangs rgyas bcom ldan 'das la/ rgyal po rnams dang blon po chen po rnams dang phyug po rnams
61b7 dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang / gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po
61b8 rnams kyis bkur stir byas/ bla mar byas/ ri mor byas/ mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i
62a1 sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong brnyes pa/ nyan thos kyi dge 'dun dang bcas pa/ rgyal po'i khab
62a2 na 'od ma'i tshal bya ka lan da ka gnas pa na bzhugs so/ /gang gi tshe rgyal po gzugs can snying po g.yog 'khor mi 'bum phrag du ma dang bcas pas bden pa mthong bar gyur pa de'i tshe des phan btags pa la drin
62a3 bsab par bstan pa dang / sangs rgyas kyi mchod pa lugs su gzhug pa dang / khyim yangs par bstan pa dang / sangs rgyas 'byung ba gces par bstan pa'i phyir bcom ldan 'das nyan thos kyi dge 'dun dang bcas
62a4 pa rgyal po'i pho brang 'khor du gdugs tshod la spyan drangs so/ /de nas ma ga d+hA'i pho brang 'khor gyi mi rnams la bsgo ba/ bcom ldan 'das grong khyer du gshegs pa la me tog dang me tog phreng dang spos dang byug pa
62a5 rnams kyis mchod pa gyis shig /rgyal po'i khab kyi grong khyer thams cad kyang rdo dang gseg ma dang gyo mo med par gyis shig /me tog sna tshogs kyis gtor la rgyal mtshan dang ba dan sgreng shig /'od ma'i tshal
62a6 nas rgyal po'i khab kyi bar gyi lam thams cad kyang ras kyis khebs par gyis shig ces byas so/ /blon po rnams kyis kyang thams cad nyams su blangs so/ /de nas rgyal po gzugs can snying pos rang gi lag gis
62a7 bcom ldan 'das kyi dbu'i steng du gdugs rtsibs brgya pa gzung ngo / /pho brang 'khor gyi mi gzhan dag gis ni dge slong stong gi gdugs thogs so/ /de nas bcom ldan 'das dul la 'khor yang dul ba dang / zhi la 'khor
62a8 yang zhi ba dang / grol la 'khor yang grol ba dang / dbugs phyin la 'khor yang phyin pa dang / byang la 'khor yang byang ba dang / dgra bcom par gyur la 'khor yang dgra bcom par gyur pa dang / 'dod chags dang bral la
62b1 'khor yang 'dod chags dang bral ba dang / mdzes la 'khor yang mdzes pa ste/ khyu mchog ba lang gi tshogs kyis bskor ba lta bu dang / glang po che glang po che'i phru gu'i tshogs kyis bskor ba lta bu dang / seng ge gcan zan gyi tshogs kyis
62b2 bskor ba lta bu dang / ngang pa'i rgyal po ngang pa'i tshogs kyis bskor ba lta bu dang / nam mkha' lding bya'i tshogs kyis bskor ba lta bu dang / sman pa mkhas pa nad pa'i tshogs kyis bskor ba lta bu dang / dpa' bo dmag
62b3 mi'i tshogs kyis bskor ba lta bu dang / sa mkhan 'dron po'i tshogs kyis bskor ba lta bu dang / ded dpon tshong pa'i tshogs kyis bskor ba lta bu dang / tshong dpon grong khyer gyi mis bskor ba lta bu dang / rgyal phran blon po'i
62b4 tshogs kyis bskor ba lta bu dang / 'khor los sgyur ba'i rgyal po bu stong gi tshogs kyis bskor ba lta bu dang / zla ba rgyu skar gyi tshogs kyis bskor ba lta bu dang / nyi ma 'od zer stong gi tshogs kyis bskor ba lta bu dang / yul
62b5 'khor srung dri za'i tshogs kyis bskor ba lta bu dang / 'phags skyes po grul bum gyi tshogs kyis bskor ba lta bu dang / mig mi bzang klu'i tshogs kyis bskor ba lta bu dang / nor sbyin gnod sbyin gyi tshogs kyis bskor
62b6 ba lta bu dang / thags zangs ris lha ma yin gyi tshogs kyis bskor ba lta bu dang / brgya byin sum bcu rtsa gsum pa'i lha'i tshogs kyis bskor ba lta bu dang / tshangs pa tshangs ris kyis bskor ba lta bu dang / rgya mtsho ltar
62b7 ltem me 'dug pa dang / sprin brlan dang ldan pa lta bu dang / glang po che'i rgyal po rgyags pa med pa lta bur dbang po shin tu dang ba dang / spyod lam gyi tshul ma 'tshal ba dang / sangs rgyas kyi chos ma 'dres pa du mas
62b8 brgyan pa'i bcom ldan 'das grong khyer der gshegs te/ gang gi tshe bcom ldan 'das kyi zhabs sgo'i them pa la bzhag pa de'i tshe sa chen po 'di rnam pa drug du g.yos te bcom ldan 'das grong khyer du gshegs pa'i tshe rmad du
63a1 byung ba de lta bu dag byung ngo / /gzhan yang 'di lta ste sgo dog pa rnams ni yangs par gyur to/ /dma' ba rnams ni mthon por gyur to/ /glang po che rnams kyang skad 'byin to/ /rta rnams kyang skad 'byin to/ /khyu mchog rnams kyang
63a2 skad 'byin to/ /rol mo'i cha byad rnam pa sna tshogs khyim khyim na 'dug pa rnams kyang rang sgra 'byin to/ /long ba rnams kyang mig mthong bar gyur to/ /'on pa rnams kyang rna bas thos par gyur to/ /lkugs pa rnams kyang smra
63a3 shes par gyur to/ /dbang po lhag ma ma tshang ba rnams kyang dbang po tshang ba thob par gyur to/ /chang gis ra ro ba rnams kyang sangs par gyur to/ /dug 'thungs pa rnams kyang dug med par gyur to/ /phan tshun 'khon pa
63a4 rnams kyang byams pa'i sems thob par gyur to/ /sbrum pa rnams kyang bde bar btsas par gyur to/ /bcings pa rnams kyang grol bar gyur to/ /nor med pa rnams kyang nor rnyed par gyur to/ /bar snang la gnas pa'i
63a5 lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyang lha'i me tog gi char 'bebs so/ /de nas bcom ldan 'das de lta bu'i 'byor pas rgyal po'i pho brang du gshegs
63a6 so/ /rgyal po gzugs can snying po yang bdag nyid lag dar te phyi rol gyi sgo khang du zhabs bsil ba'i tsan dan sa mchog pa'i chu thogs te/ bcom ldan 'das dang dge slong gi dge 'dun gyi zhabs bsil to/ /de nas sangs rgyas
63a7 la sogs pa dge slong gi dge 'dun bde bar bzhugs par rig nas ro brgya dang ldan pa'i zhal zas gsol to/ /bshos gsol nas ka shi ka'i na bza' yang phul lo/ /rgyu des na ma ga d+hA'i pho brang 'khor gyi mi rnams dad
63a8 par gyur to/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa dge ba'i rtsa ba gang gis bcom ldan 'das dang dge slong gis dge 'dun gyis
63b1 'di lta bu'i mchod pa brnyes pa'i dge ba'i rtsa ba rnams bcom ldan 'das kyis gang du mdzad lags/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs
63b2 rnyed rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na nga nyid kyis las byas shing bsags pa de dag gzhan su zhig gis nyams su myong bar 'gyur te/
63b3 dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas
63b4 shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab
63b5 pa na/ /'bras bu nyid du smin par 'gyuro/ /dge slong dag sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa
63b6 'jig rten mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams gyi ston pa/ sangs rgyas bcom ldan 'das bde mdzad ces bya ba 'jig rten du byung ngo / /de ljongs rgyu zhing gshegs pa las
63b7 rgyal po'i pho brang 'khor zhig tu byon te/ rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas bde mdzad ljongs rgyu zhing gshegs pa las rgyal po'i pho brang 'khor der byon to zhes thos so/ /
63b8 thos nas kyang rgyal po'i 'byor pa chen po dang rgyal po'i mthu chen po dang ldan pas/ bcom ldan 'das yang dag par rdzogs pa'i sangs rgyas bde mdzad ga la ba der song ste phyin nas/ yang dag par rdzogs pa'i sangs rgyas
64a1 bde mdzad kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas rgyal rigs spyi bo nas dbang bsgyur ba'i rgyal po de yang dag par rdzogs pa'i sangs rgyas bde
64a2 mdzad kyis byang chub thob par byed pa'i chos rnams yang dag par 'dzin du bcug go/ /de nas rgyal po dga' bar gyur nas/ yang dag par rdzogs pa'i sangs rgyas bde mdzad rgyal po'i pho brang du spyan drangs nas zhal zas ro
64a3 brgya dang ldan pa gsol to/ /'bum ri ba'i na bza' yang phul lo/ /yongs su mya ngan las 'das pa'i mchod rten yang kho ra khor yug tu dpag tshad gcig 'phang du rgyang grags gcig yod pa brtsigs so/ /dge slong dag
64a4 ji snyam du sems/ de'i tshe de'i dus na rgyal por gyur pa gang yin pa de ni nga yin te/ ngas yang dag par rdzogs pa'i sangs rgyas bde mdzad la de lta bu'i mchod pa byas te/ des na ngas 'khor ba na bde ba mtha' yas pa
64a5 nyams su myong la/ rgyu de nyid kyis da ltar de bzhin gshegs par gyur pa na yang rgyal po gzugs can snying pos 'di lta bu'i mchod pa byas so/ /dge slong dag de ltar na 'di ltar bslab par bya ste ston pa la bkur sti
64a6 bya'o/ /bla mar bya'o/ /ri mor bya'o/ /mchod pa bya'o/ /ston pa la bkur stir byas/ bla mar byas/ ri mor byas/ mchod pa byas nas brten te gnas par bya'o zhes dge slong dag khyod kyis de ltar bslab par
64a7 bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //lha'i zhal zas zhes bya ba ni/ sangs rgyas
64a8 bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang
64b1 nam mkha' lding rnams dang mi 'am ci rnams dang lto 'phye chen po rnams kyis bkur sti byas/ bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po
64b2 rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge
64b3 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /de na tshong dpon phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi
64b4 bu'i nor dang ldan pa/ rnam thos kyi bu'i nor dang 'gran pa/ mu stegs can la dga' ba zhig gnas pa de tshe dang ldan pa maud gal gyi bu chen pos dad par byas te/ bstan pa la btsud nas bcom ldan 'das la shin tu
64b5 dga' bar gyur to/ /khyim bdag de yang rgya chen po la mos pa zhig ste/ des tshe dang ldan pa maud gal gyi bu chen po la smras pa/ bdag bcom ldan 'das la mchod pa bgyid par 'tshal gyis grogs
64b6 mdzod cig /tshe dang ldan pa maud gal gyi bu chen pos kyang khyim bdag de la cang mi smra bas khas blangs so/ /de nas tshe dang ldan pa maud gal gyi bu chen pos khyim bdag de khrid nas bcom ldan 'das ga la ba der
64b7 song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas/ bcom ldan 'das la/ tshe dang ldan pa maud gal gyi
64b8 bu chen pos 'di skad ces gsol to/ /btsun pa khyim bdag 'di ni bcom ldan 'das nyan thos kyi dge 'dun dang bcas pa gdugs tshod gsol bar 'tshal na/ bcom ldan 'das kyis 'di la thugs brtse ba'i
65a1 slad du gnang bar mdzad du gsol/ de nas bcom ldan 'das kyis kyang khyim bdag de la cang mi gsung bas gnang ngo / /de nas khyim bdag des bcom ldan 'das kyis cang mi gsung bas gnang
65a2 bar rig nas/ ro brgya dang ldan pa'i zhal zas dang me tog dang spos dang me tog phreng dang byug pa dag bshams so/ /de nas tshe dang ldan pa maud gal gyi bu chen pos lha'i dbang po brgya byin la bskul te/ khyim
65a3 bdag 'di'i grogs gyis shig ces byas so/ /de nas lha'i dbang po brgya byin gyis 'od ma'i tshal bya ka lan da ka gnas pa dga' byed kyi tshal du sprul to/ /sa srung gi bu dang rab brtan dang 'dra ba'i glang po che
65a4 stong phrag mang po dag kyang khrid de 'ongs te/ de dag ni sangs rgyas la sogs pa dge slong gi dge 'dun gyi steng du gdugs rtsibs brgya dang ldan pa 'dzin to/ /bde sogs la sogs pa lha'i bu mo stong phrag du ma yang khrid
65a5 de 'ongs te/ de dag ni sangs rgyas la sogs pa dge slong gi dge 'dun la rnga yab nor bu'i yu ba can gyis g.yob par byed do/ /rab dga' dang zur phud lnga pa dang tum bu ru la sogs pa dri za stong phrag du ma yang khrid
65a6 de 'ongs te/ de dag ni rol mo'i sgra'i khyad par rnam pa sna tshogs len par byed do/ /lha'i bdud rtsi'i zhal zas dag kyang sbyar to/ /de nas khyim bdag des lha dang mi'i yo byad rnams kyis bcom ldan 'das la
65a7 bsnyen bkur byas nas/ lus thams cad kyis bcom ldan 'das kyi zhabs la phyag 'tshal te smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/
65a8 bdag 'jig rten long ba 'dren pa med cing yongs su 'dren pa med par sems can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya
65b1 ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas bcom ldan 'das kyis khyim bdag de'i rgyu gcig nas gcig tu brgyud pa dang / las gcig nas gcig tu brgyud pa mkhyen
65b2 nas 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang ser po dang dmar po dang dkar po rnams byung nas kha cig ni 'og tu 'gro'o/ /
65b3 kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang
65b4 chu bur rdol dang so thams thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song nas/ tsha ba'i sems can dmyal ba gang yin pa de dag tu ni
65b5 bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag
65b6 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa skyed pa'i phyir bcom ldan 'das sprul pa 'gyed par mdzad de/ de dag gis
65b7 sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/ bdag
65b8 cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/
66a1 lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni/ rgyal chen bzhi'i ris rnams dang / sum
66a2 bcu rtsa gsum pa rnams dang / 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i 'dun na 'don pa rnams dang
66a3 tshangs pa chen po rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod
66a4 nams skyes rnams dang / 'bras bu che ba rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas/ mi rtag pa dang
66a5 sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis kyang brjod par byed de/ nges par 'byung ba rtsam par gyis/ /sangs rgyas bstan la sbyor bar gyis/ /'dam bu'i khyim la
66a6 glang chen bzhin/ /'chi bdag sde ni gzhom par gyis/ gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes rjod
66a7 par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brangs te/ gal te bcom ldan 'das kyis 'das pa'i las lung ston par bzhed na ni
66a8 bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi
66b1 mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung
66b2 ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon ma'i mthil du mi snang bar 'gyur ro/ /'khor los sgyur ba'i rgyal por lung ston par
66b3 bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs
66b4 rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /de nas
66b5 'od zer de dag gis bcom ldan 'das la lan gsum bskor ba byas te bcom ldan 'das kyi dbu'i gtsug tor du mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/
66b6 tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/
66b7 rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/
66b8 brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal
67a1 bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don tu dpa' bo 'dzum pa ston mdzad pa/ /de ni khyod las skye bo phal
67a2 chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen
67a3 par 'dzum pa mi mdzad do/ /kun dga' bo khyim bdag 'dis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo khyim bdag 'di dge ba'i rtsa ba dang sems bskyed pa dang sbyin par bya ba'i
67a4 chos yongs su gtong ba 'dis/ bskal pa grangs med pa gsum gyis yang dag par bsgrub par byas pa'i byang chub yang dag par bsgrubs te/ snying rje chen pos yongs su bsgos pa'i pha rol tu phyin pa drug yongs su rdzogs
67a5 par byas nas/ stobs bcu dang mi 'jigs pa bzhi dang ma 'dres pa'i dran pa nye bar gzhag pa gsum dang snying rje chen po dang ldan pa'i yang dag par rdzogs pa'i sangs rgyas lha'i zas sbyin zhes bya bar 'gyur te 'jig rten du 'byung bar
67a6 'gyur ro/ /de'i sbyin par bya ba'i chos ni gang nga la sems mngon par dga' bar gyur pa 'di yin no/ /skabs 'di ma ga d+hA'i rgyal po gzugs can snying po dang g.yog 'khor rnams kyis thos nas mchog tu ya mtshan du gyur to/ /
67a7 de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan 'das khyim bdag 'dis bcom ldan 'das nyan thos kyi dge 'dun dang bcas pa la lha dang mi'i 'byor pa
67a8 dag gis mchod pa bgyis pa la gzigs/ bcom ldan 'das kyis bka' stsal pa/ dge slong dag de bzhin gshegs pa nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du
67b1 'byung la/ gdon mi za bar 'ong ba'i las de dag byas shing bsags pas na/ nga nyid kyis las byas shing bsags pa 'di dag gzhan su zhig gis nyams su myong bar 'gyur te/ dge slong dag las byas shing bsags
67b2 pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i
67b3 phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du
67b4 smin par 'gyur/ /dge slong dag sngon byung ba 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten
67b5 mkhyen pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das gang po zhes bya ba 'jig rten du byung ngo / /de nas yang dag par rdzogs pa'i
67b6 sangs rgyas gang po ljongs rgyu zhing gshegs pa las rgyal po'i pho brang 'khor zhig tu byon te/ rgyal rigs spyi bo nas dbang bsgyur ba'i rgyal po des/ yang dag par rdzogs pa'i sangs rgyas gang po ljongs rgyu zhing
67b7 gshegs pa las rgyal po'i pho brang 'khor der byon to zhes thos so/ /thos nas kyang rgyal po'i 'byor pa chen po dang rgyal po'i mthu chen po dang ldan pas/ yang dag par rdzogs pa'i sangs rgyas gang po ga la ba der
67b8 song ste phyin nas/ yang dag par rdzogs pa'i sangs rgyas gang po'i zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas rgyal rigs spyi bo nas dbang bskur ba'i
68a1 rgyal po de yang dag par rdzogs pa'i sangs rgyas gang pos byang chub thob par byed pa'i chos rnams yang dag par 'dzin du bcug go/ /de nas rgyal rigs spyi bo nas dbang bskur ba'i rgyal po des/ yang dag
68a2 par rdzogs pa'i sangs rgyas gang po nyan thos kyi dge 'dun dang bcas pa la zla ba gsum gyi bar du na bza' dang zhal zas dang gzims cha dang gdan dang snyun gsos dang sman zong rnams la spyan drangs so/ /yang dag par rdzogs pa'i sangs
68a3 rgyas gang pos kyang cang mi gsung bas gnang ngo / /de nas rgyal rigs spyi bo nas dbang bskur ba'i rgyal po des yang dag par rdzogs pa'i sangs rgyas gang pos cang mi gsung bas gnang bar rig nas zla ba gsum gyi bar du
68a4 na bza' dang zhal zas dang gzims cha dang gdan dang snyun gsos dang sman zong rnams kyis bsnyen bkur byas so/ /bcom ldan 'das kyi sku gzugs kyang rin po che las byas te/ sangs rgyas kyi dga' ston byas
68a5 nas der srog chags 'bum phrag du ma dad pa chen po thob ste rgyu de dang rkyen des de dag yongs su mya ngan las 'das so/ /dge slong dag ji snyam du sems/ de'i tshe de'i dus na rgyal por gyur pa gang yin pa de ni
68a6 nga yin te/ ngas yang dag par rdzogs pa'i sangs rgyas gang po la de lta bu'i mchod pa byas pa des na/ ngas 'khor ba na bde ba mtha' yas pa nyams su myong ba ste/ de nyid kyi rgyus da ltar de bzhin gshegs par gyur
68a7 pa na yang nga la tshong dpon dang brgya byin gyis 'di lta bu'i mchod pa byas so/ /dge slong dag de bas na 'di ltar bslab par bya ste ston pa la bkur sti bya'o/ /bla mar bya'o/ /ri mor bya'o/ /mchod pa bya'o/ /ston
68a8 pa la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong
68b1 de dag yi rangs te bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las/ sdom gyi tshigs su bcad pa gnyis pa rdzogs so// // gang po la sogs
68b2 pa'i rtogs pa brjod pa brgya pa/ bam po drug pa/ sdom ni/ tsan dan dang ni pad+ma dang / /de bzhin 'khor lo mgo bcu pa/ /mdog 'jam dang ni 'od bsil dang / /mnyan pa dang ni spos ngad ldang / /dri med
68b3 gdangs snyan zhes bya ba/ /sde tshan dag tu bstan pa yin/ /tsan dan zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon
68b4 rnams dang ded dpon rnams dang lha rnams dang / klu rnams dang / gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod
68b5 pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang
68b6 zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa/ yul ma ga d+hA na ljongs rgyu zhing gshegs pa las gang gA'i klung gi 'gram du byon to/ /de'i tshe gang gA'i
68b7 klung gis 'gram nas thag mi ring ba zhig nas mchod rten zhig ral du gyur pa rlung dang nyi tshan gyis bshig pa zhig 'dug pa de dge slong rnams kyis mthong nas bcom ldan 'das la zhus pa/ bcom ldan 'das mchod rten 'di
68b8 su'i lags/ bcom ldan 'das kyis bka' stsal pa/ rang sangs rgyas tsan dan zhes bya ba zhig byung ste de'i yin no/ /dge slong rnams kyis gsol pa/ bcom ldan 'das rang sangs rgyas tsan dan ga las
69a1 byung lags/ ming ni ci las btags lags/ bcom ldan 'das kyis bka' stsal pa/ dge slong dag khyed rang sangs rgyas tsan dan ga las byung ba dang / ming ci las btags pa nyan par 'dod
69a2 dam/ gsol pa/ btsun pa mnyan par 'tshal lags so/ /bka' stsal pa/ dge slong dag 'o na legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/
69a3 grong khyer bA ra Na si na rgyal po tshangs sbyin zhes bya ba zhig rgyal po byed de/ de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang thab pa zhi ba dang 'khrug pa dang nang
69a4 'khrug dang chom rkun dang mu ge dang nad rnams med pa dang 'bras sA lu dang bu ram shing dang ba lang dang ma he dang ldan pa 'dug go/ /rgyal po de yang chos can chos dang ldan pa'i rgyal po chos bzhin du rgyal po byed do/ /de bu med
69a5 nas bu 'dod te gu lang dang chu lha dang ku be ra dang brgya byin dang tshangs pa la sogs pa dang / lha khyad par gzhan dag la yang gsol ba 'debs te 'di lta ste kun dga' ra ba'i lha dang nags tshal gyi lha dang lam gyi bzhi mdo'i
69a6 lha dang sum mdo'i lha dang gtor ma len pa'i lha dang lhan cig skyes pa dang chos mthun pa dang rtag tu phyi bzhin 'brang ba'i lha rnams la yang gsol ba 'debs so/ /'jig rten na yang gsol ba btab pa'i rgyus bu dang
69a7 bu mo skye bar 'gyur ro/ /zhes bya ba'i gtam de yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la
69a8 yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te gsum gang zhe na/ pha ma gnyis 'dod chags langs te phrad pa dang / ma dus la bab cing
69b1 zla mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de yang gsol ba 'debs pa lhur byed cing 'dug la des skyed mos tshal gyi rdzing chen po zhig yod pa de'i nang nas kyang
69b2 pad ma tshad las 'das par che ba zhig skyes te/ de nyin gcig bzhin du cher skye la kha ni mi 'byed pa zhig yod do/ /de nas kun dga' ra ba'i srungs mas rgyal po la gsol to/ /de nas rgyal pos kyang pad ma de legs par
69b3 srungs shig ces bsgo'o/ /phyis re shig na nyi ma 'char khar pad ma de kha bye nas pad ma de'i snying po la khye'u gzugs bzang zhing lta na sdug la mdzes pa mdog bzang ba gser gyi kha dog can mgo bo gdugs ltar 'dug pa/
69b4 lag pa ring ba dpral ba'i dbyes che ba/ sna mtho ba/ sna legs pa/ smin ma stug pa/ lus skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes
69b5 par byas pa zhig skyil mo dkrung bcas shing 'dug ste/ de'i kha nas ni pad ma'i dri 'byung la/ lus las ni tsan dan gyi dri 'byung ngo / /de nas kun dga' ra ba'i srungs mas kyang rgyal po la gsol to/ /de nas
69b6 rgyal po blon po dang btsun mo dang bcas pa skyed mos tshal du dong nas/ khye'u des mthong ma thag tu rgyal po la smras pa/ yab tshur gshegs bdag ni khyod sras mi mnga' ba'i sras lags so/ /de nas
69b7 rgyal po dga' zhing mgu la yi rangs nas smras pa/ bu de ni khyod ji skad zer ba bzhin no/ /de nas rgyal po rdzing gi nang du zhugs nas/ pad ma'i snying po las khye'u blangs te lag par bzhag go/ /de nas khye'u des gang
69b8 dang gang du rkang pa bzhag pa de dang der pad ma dag byung ngo / /de nas de'i ming tsan dan zhes btags so/ /gang gi tshe khye'u tsan dan khad kyis cher skyes pa de'i tshe grong khyer gyi mi rnams kyis rgyal po la gsol pa/ lha bdag
69c1 cag gi grong khyer 'dir dus ston byung na lha sras tsan dan btang ba'i rigs so/ /'on kyang bdag cag dang lhan cig tu dus ston myong bar 'gyur la gnas thams cad kyang pad mas brgyan par 'gyur lags so/ /rgyal pos
69c2 smras pa de ltar bya'o/ /de nas tsan dan rgyan thams cad kyis brgyan pa/ blon po'i bu rnams kyis g.yog 'khor dang bcas pa/ rol mo'i sgra rnam pa sna tshogs byed cing grong khyer gyi dus ston mang bar bya ba'i phyir rgyal po'i pho
69c3 brang nas phyi rol du phyung ngo / /de nas de der 'gro ba na gom pa re re la pad ma lta na sdug cing yid 'phrog pa dag byung ste/ de dag la nyi ma'i 'od zer gyis phog ma thag tu rnyings shing skams so/ /de nas sems can dag pa bsam
69c4 pa dge ba sngon sangs rgyas la dge ba'i rtsa ba skyed skyed pa des de mthong nas tshul bzhin yid la byed pa skyes te/ ji ltar pad ma 'di dag skyes pa'i mod la ni mdzes par 'dug la nyi ma'i 'od zer gyis gdungs pas ni/ rnyings shing rkam
69c5 par 'gyur ba de bzhin du lus 'di yang de dang 'dra'o snyam mo/ /de de ltar sems shing 'jal la nye bar rtog pa na/ byang chub kyi phyogs dang mthun pa'i chos sum bcu rtsa bdun mngon du gyur te/ des skye bo'i tshogs kyi nang na/
69c6 'dug bzhin du rang sangs rgyas kyi byang chub mngon sum du byas so/ /de nas re shig na gnas gtsang ma'i ris kyi lha rnams kyis de la gos tshon can dag phul te de dag bgos nas/ nam mkha' la 'phags te cho 'phrul
69c7 rnam pa sna tshogs byas nas/ de mthong bas rgyal po dang blon po dang grong rdal gyi mi rnams dang bcas par dga' ba chen po thob ste/ dge ba'i rtsa ba rnam pa sna tshogs kyang bskyed do/ /bcom ldan 'das kyis
69c8 bka' stsal pa/ dge slong dag rang sangs rgyas tsan dan ni de las byung ste/ ming yang de las btags so/ /dge slong rnams kyis sangs rgyas bcom ldan 'das la zhus pa/ btsun pa rang sangs rgyas
69d1 tsan dan gyis las gang dag bgyis shing bsags na/ des de'i lus kyang dri bda' la dbang po lnga yang rno bar gyur lags/ bcom ldan 'das kyis bka' stsal pa/ bcom ldan 'das 'od srung gi bstan pa la rab tu byung ste/
69d2 des der dbu skra dang sen mo'i mchod rten la spos chu'i dbang bskur ba yang phul me tog dag kyang btags te/ der rang sangs rgyas kyi byang chub kyi lam yang bsgoms so/ /dge slong dag de bas na 'di ltar bslab par bya ste/
69d3 ston pa la bkur sti bya'o/ /bla mar bya'o/ /ri mo bya'o/ /mchod pa bya'o/ /ston pa la bkur sti byas/ bla mar byas/ ri mo byas/ mchod pa byas nas brten te gnas par bya'o zhes dge slong khyed kyis de ltar
69d4 bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //pad ma zhes bya ba ni/ sangs rgyas bcom
69d5 ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams
69d6 dang mi 'am ci rnams dang lto 'phye chen po rnams kyis bkur sti byas/ bla mar byas/ ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po
69d7 rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha dang gdan dang snyun gsos dang sman zong rnams brnyes pa nyan thos kyi dge 'dun dang
69d8 bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe yul dbus na 'khod pa rnams kyi lugs kyis na/ kun dga' ra ba'i srangs
70a1 ma rnams kyis pad ma dag blangs te srang du song zhing 'tshong ngo / /de nas bcom ldan 'das snga dro sham thabs dang chos gos gsol te lhung bzed bsnams nas mnyan du yod par bsod snyoms la gshegs
70a2 so/ /bud med cig kyang khye'u zhig pang na thogs te srang du song ba las khye'u des sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad
70a3 bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang dga' ba skyes te blo thor du lag
70a4 pa brkyang nas kun dga' ra ba'i srungs ma las pad ma blangs te de bzhin gshegs pa'i dbu la bor ro/ /de nas pad ma de shing rta'i 'phang lo tsam du gyur te steng gi nam mkha' la 'dug nas bcom ldan 'das gshegs na ni 'gro la bzhes na ni sdod do/
70a5 de nas bcom ldan 'das kyis pad ma rA ga'i mdog 'dra ba'i 'od zer dag bkye nas/ des mnyan du yod par ril gyis snang bar byas so/ /rgyu des na rgyal po dang blon po dang pho brang 'khor gyi mi rnams dad par byas so/ /
70a6 de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang ser po dang dmar po dang dkar po rnams
70a7 byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang ngu 'bod chen po dang tsha ba dang
70a8 rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang / pad ma ltar gas pa dang pad ma ltar gas pa chen por song nas/ tsha ba'i
70b1 sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil
70b2 bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/
70b3 de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag
70b4 cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de lha dang mi rnams kyi nang du
70b5 gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang sum bcu rtsa gsum pa rnams dang 'thab bral rnams dang
70b6 dga' ldan rnams dang 'phrul dga' rnams dang gzhan 'phrul dbang byed rnams dang tshangs ris rnams dang tshangs pa'i mdun na 'don pa rnams dang tshangs pa chen po rnams dang / 'od chung rnams dang / tshad med 'od rnams dang /
70b7 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams
70b8 dang / mi gdung ba rnams dang / gya nom snang ba rnams dang / shin tu mthong rnams dang / 'og min gyi lha rnams kyi bar du song nas mi rtag pa dang / sdug bsngal ba dang stong pa dang bdag med pa'i sgra
71a1 sgrogs so/ /tshigs su bcad pa gnyis kyang rjod par byed de/ nges par 'byung bar brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag
71a2 sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes brjod par byed do/ /de nas 'od zer
71a3 de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brang ste gal te bcom ldan 'das kyis 'das pa'i las lung ston par bzhed na ni bcom ldan
71a4 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi
71a5 snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston
71a6 par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung
71a7 ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /
71a8 rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /
71b1 de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin 'tshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna
71b2 stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral
71b3 zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis
71b4 dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur
71b5 brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun
71b6 dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo khye'u 'di dad pa skyes pas de bzhin gshegs
71b7 pa la pad ma bor ba mthong ngam/ btsun pa mthong lags so/ /kun dga' bo khye'u 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bskal pa bcwa lnga'i bar du log par ltung bar
71b8 mi 'gyur te/ lha dang mi'i bde ba nyams su myong nas rang sangs rgyas pad ma'i bla ma zhes bya bar 'gyur te/ de'i sbyin par bya ba'i chos ni gang nga la sems dga' bar gyur pa 'di yin no/ /dge slong dag de lta bas na 'di ltar
72a1 bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag
72a2 yi rangs te bcom ldan 'das kyis gsungs pa la mngon par bstod do// //'khor lo zhes bya ba ni/ sangs rgyas bcom ldan 'das la/ rgyal po rnams dang blon po chen po rnams dang phyug po rnams dang pho brang
72a3 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas/ bla mar byas ri mo byas mchod pa byas te/
72a4 lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan
72a5 pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan d+ha ka gnas pa na bzhugs so/ /
72a6 de'i tshe rgyal po'i khab nas ded dpon zhig rgya mtsho chen po'i nang du zhugs nas/ de'i chung ma lang tsho la bab pa de/ khyim thab la gdung zhing yongs su yi chad la smre sngags 'don kyang de'i khyim thab ma 'ongs nas/ des sred
72a7 med kyi bu la phyag 'tshal te dam bcas pa/ gal te bdag gi khyim thab myur du 'ongs na bdag gis khyod la gser gyi 'khor lo dbul lo zhes byas so/ /de nas de'i khyim thab rgya mtsho chen po'i nang nas myur du phyir
72a8 'khor te nye zho med par bde bar 'ongs so/ /de nas des gser gyi 'khor lo byed du bcug ste/ de bran mo'i tshogs kyis bskor bas 'khor lo dang spos dang bdug pa dang me tog khyer te lha khang du chas so/ /
72b1 de'i skabs su sangs rgyas bcom ldan 'das rnams kyis ni mi mkhyen 'am mi gzigs pa 'am mi rtogs pa 'am thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig
72b2 rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar
72b3 mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i
72b4 dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba
72b5 lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs par byas pa/ rtag tu gnas par bya ba drug la gnas pa/ byang chub kyi yan lag bdun gyi me
72b6 tog gis phyug pa/ lam yan lag brgyad pa ston pa/ mthar gyis snyoms par 'jug pa dgu la mkhas pa stobs bcu'i stobs dang ldan pa phyogs bcur grags pas kun tu rgyas pa/ brgya phrag bcu
72b7 pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni
72b8 phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/
73a1 su ni ngas ngan song nas phyung ste mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi
73a2 dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par
73a3 grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus
73a4 las yol ba med/ /de nas bcom ldan 'das kyis/ bu mo des nga mthong na rang byang chub kyi dge ba'i rtsa ba skyed par 'gyur ro snyam du gzigs so/ /de nas bcom ldan 'das snga dro sham thabs dang chos gos gsol
73a5 te lhung bzed bsnams nas dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas rgyal po'i khab tu bsod snyoms la gshegs so/ /de nas bu mo des sangs rgyas bcom
73a6 ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i
73a7 'od mnga' ba/ /rin po che'i ri bo 'gro ba lta bu kun nas bzang ba mthong ngo / /de nas mthong ba'i mod la dga' ba thob ste/ bcom ldan 'das la gser gyi 'khor lo dor bar byas so/ /de nas bran mos
73a8 bkag ste 'di sred med kyi bu ma yin zhes byas so/ /'on kyang de bkag bzhin du dad pa drag pos yid 'dun par gyur pas/ sangs rgyas bcom ldan 'das kyi steng du gser gyi 'khor lo bor ro/ /spos
73b1 dang bdug pa dang me tog kyang phul lo/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon
73b2 po dang ser po dang dmar po dang dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms
73b3 dang ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang / pad ma ltar gas pa chen por song nas/
73b4 /tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /
73b5 de nas sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa
73b6 bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on
73b7 kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems
73b8 can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag
74a1 ni rgyal chen bzhi'i ris rnams dang sum bcu rtsa gsum pa rnams dang 'thab bral rnams dang dga' ldan rnams dang 'phrul dga' rnams dang gzhan 'phrul dbang byed rnams dang tshangs ris rnams dang tshangs pa'i mdun na
74a2 'don pa rnams dang tshangs pa chen po rnams dang 'od chung rnams dang tshad med 'od rnams dang 'od gsal rnams dang dge chung rnams dang tshad med dge rnams dang dge rgyas rnams dang sprin med rnams dang bsod nams skyes
74a3 rnams dang 'bras bu che rnams dang mi che rnams dang mi gdung ba rnams dang gya nom snang rnams dang shin tu mthong rnams dang 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag
74a4 med pa'i sgra sgrogs so/ /tshigs su bcad pa gnyis kyang rjod par byed do/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag
74a5 sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer
74a6 de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan
74a7 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi
74a8 mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /
74b1 mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur
74b2 ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi
74b3 snang bar 'gyur ro/ /rang sangs rgyas kyi byang chub tu lung ston par bzhed na ni smin 'tshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug
74b4 tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin 'tshams kyi mdzod spur mi snang bar gyur to/ /de nas tshe dang ldan pa kun dga'
74b5 bos thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar
74b6 bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyu gyur pa/ /rgyal ba dgra thub rnams ni rgyu rkyen ma
74b7 mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge slong rgyal dbang nyan pa som nyi 'tshal ba rnams/ /thub pa khyu mchog gi ni
74b8 gsung mchog brtan pa dang / /bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi
75a1 don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs
75a2 pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo bu mo 'dis de bzhin gshegs pa la gser gyi 'khor lo bor ba mthong ngam/ btsun pa mthong lags so/
75a3 kun dga' bo bu mo 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ bskal pa bcwa lnga'i bar du log par ltung bar mi 'gyur te/ lha dang mi'i bde ba nyams su myong nas rang sangs rgyas 'khor
75a4 lo bla ma zhes bya bar 'gyur te de'i sbyin par bya ba'i chos ni gang nga la sems dga' bar gyur pa 'di yin no/ /dge slong dag de bas na 'di ltar bslab par bya ste sangs rgyas dang rang sangs rgyas dang nyan thos rnams la bkur sti bya'o zhes dge
75a5 slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par stod to// //mgo bcu pa zhes bya ba ni/
75a6 sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin
75a7 rnams dang nam mkha' lding rnams dang mi 'am ci rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams
75a8 kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa nyan thos kyi dge 'dun dang bcas pa/
75b1 yul ma ga d+hA na ljongs rgyu zhing gshegs pa las gang gA'i klung gi 'gram du byon to/ /de nas dge slong rnams kyis thag ring po zhig nas mchod rten rnying pa rlung dang nyi tshan gyis bshig pa zhig 'dug pa de mthong ngo / /mthong nas
75b2 bcom ldan 'das la zhus pa/ btsun pa mchod rten 'di su'i lags/ bcom ldan 'das kyis bka' stsal pa/ rang sangs rgyas mgo bcu pa'i yin no/ /dge slong rnams kyis gsol pa/ bcom ldan 'das
75b3 rang sangs rgyas mgo bcu pa ga las byung lags/ ming ni ci las btags lags bcom ldan 'das kyis bka' stsal pa/ dge slong dag khyed rang sangs rgyas mgo bcu pa gang las byung ba dang ming ci las btags pa
75b4 nyan par 'dod dam/ gsol pa/ btsun pa nyan par 'tshal lags so/ /bka' stsal pa/ dge slong dag 'o na legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i
75b5 dus na/ grong khyer bA rA Na sI na/ rgyal po tshangs pas byin zhes bya ba zhig rgyal po byed de/ de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug
75b6 pa dang nang 'khrug dang chom rkun dang mu ge dang nad rnams med pa dang 'bras sA lu dang bu ram shing dang ba lang dang ma he dang ldan par 'dug go/ /rgyal po de yang chos can chos dang ldan pa'i rgyal po zhig ste chos bzhin du rgyal po byed
75b7 do/ /de nas rgyal po de/ bu med nas bu 'dod de gu lang dang chu lha dang ku be ra dang brgya byin dang tshangs pa la sogs pa dang / lha'i khyad par gzhan dag la yang gsol ba 'debs te 'di lta ste/ kun dga' ra ba'i
75b8 lha dang nags tshal gyi lha dang lam gyi bzhi mdo'i lha dang sum mdo'i lha dang gtor ma len pa'i dang lhan cig skyes pa dang chos 'thun dang pa dang rtag tu phyi bzhin 'brang ba'i lha rnams la yang gsol ba 'debs so/ /'jig
76a1 rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na ni 'khor los
76a2 sgyur ba'i rgyal po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar gyur te gsum gang zhe na/ pha ma gnyis 'dod chags langs te phrad pa dang / ma dus
76a3 la bab cing zla mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de yang gsol ba 'debs pa lhur byed cing 'dug la/ de'i skyed mos tshal gyi rdzing chen po ud pa la dang
76a4 pad ma dang ku mu da dang pad ma dkar pos gang ba/ 'gram ngang pa dang ngur pa dang zal mo la sogs pa bya sna tshogs kyis mdzes par byas pa zhig yod pa de'i nang nas kyang pad ma tshad las 'das par che ba zhig blo rtol du skyes te/
76a5 de nyin gcig bzhin du cher skye la kha ni mi 'bye ba zhig yod do/ /de nas kun dga' ra ba'i srungs mas rgyal po la gsol to/ /de nas rgyal pos kyang pad ma de legs par srungs shig ces bsgo'o/ /phyis re shig
76a6 na nyi ma 'char kar pad ma de kha bye nas pad ma de'i snying po la khye'u gzugs bzang zhing blta na sdug la mdzes pa mdog bzang ba gser gyi kha dog can mgo bo gdugs ltar 'dug pa lag pa ring ba/ dpral ba'i dbyes
76a7 che ba/ sna mtho ba/ sna legs pa/ smin ma stug pa/ lus skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa zhig skyil mo dkrung
76a8 bcas shing 'dug ste/ kun dga' ra ba'i srungs mas kyang rgyal po la gsol to/ /de nas rgyal pos thos nas blon po dang btsun mo dang bcas pa skyed mos tshal du dong ste/ pad ma'i snying po la de lta bur mdzes
76b1 shing 'dug pa mthong ngo / /mthong nas kyang dga' zhing mgu la rab tu dga' ste yi rangs nas dga' ba dang / yid bde ba skyes te/ rdzing gi nang du zhugs nas khye'u de blangs te bkur sti chen po dang ldan pas rang gi pho brang du
76b2 khyer nas/ dge sbyong dang bram ze dang mtshan mkhan dag la bsnyad de/ zhag bdun gsum nyi shu gcig gi bar du btsas ston rgyas par byas nas mgo bcu pa zhes ming btags so/ /de nas khye'u mgo bcu pa pang na 'tsho
76b3 ba'i ma ma gnyis dang nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang mar gyi snying khu dang
76b4 gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du skye drag par gyur to/ /khye'u de yang dad pa dang ldan la bsam pa bzang zhing dge ba/ bdag la phan pa dang gzhan la
76b5 phan pa la zhugs pa/ snying rje che ba/ bdag nyid che ba chos 'dod pa/ skye dgu la byams pa zhig ste des yab rgyal sa na 'dug na/ kha na ma tho ba dang bcas pa dang kha na ma tho ba med pa'i las dag byed pa
76b6 mthong ngo / /mthong nas kyang khye'u de mi dga' nas yab la gsol pa/ yab bdag legs par gsungs pa'i chos 'dul ba la rab tu 'byung bar gnang bar mdzad du gsol zhes byas so/ /yab kyis kyang gnang
76b7 ste de skra dang kha spu bregs nas gos tshon can bgos te/ yang dag pa'i dad pas khyim nas khyim med par rab tu byung ngo / /de nas des lung mnos pa med par byang chub kyi phyogs dang mthun pa'i chos sum bcu rtsa
76b8 bdun mngon du gyur te/ rang sangs rgyas kyi byang chub mngon sum du byas nas/ nam mkha' la 'phags te yab la cho 'phrul rnam pa sna tshogs bstan to/ /de nas yab kyis zla ba gsum gyi bar du bshos la spyan
77a1 drangs so/ /de nas de lus thogs pas yongs su skyo nas cho 'phrul rnam pa sna tshogs bstan te/ shing zad pa'i me bzhin du mya ngan las 'das par song ste de'i mchod rten 'di yin no/ /de nas dge slong rnams
77a2 the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa rang sangs rgyas mgo bcu pas las gang dag bgyis na ma'i mngal du ma skyes te/ pad ma las skyes lags/
77a3 bcom ldan 'das kyis bka' stsal pa/ dge slong dag mgo bcu pa nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag
77a4 byas shing bsags pas na/ mgo bcu pa nyid kyis las byas shing bsags pa de dag gzhan su zhig gis nyams su myong bar 'gyur de/ dge slong dag las byas shing bsags pa rnams ni phyi rol gyi sa'i khams la rnam
77a5 par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba rnams byas shing bsags pa rnams ni zin pa'i phung po dang khams dang skye mched
77a6 rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong
77a7 dag sngon byung ba 'das pa'i dus na bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten
77a8 mkhyen pa skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs shes bya ba 'jig rten du byung ngo / /de nas yang dag par rdzogs pa'i
77b1 sangs rgyas rnam par gzigs de/ rgyal po'i pho brang gnyen ldan zhes bya ba na rten cing bzhugs so/ /de nas yang dag par rdzogs pa'i sangs rgyas rnam par gzigs snga dro sham thabs dang chos gos gsol te lhung bzed bsnams
77b2 nas dge slong gi tshogs kyis zham ring byas te/ dge slong gi dge 'dun gyis mdun du bdar nas rgyal po'i pho brang gnyen ldan du bsod snyoms la gshegs so/ /ded dpon zhig kyang pad ma khyer te srang du zhugs so/ /de nas
77b3 des yang dag par rdzogs pa'i sangs rgyas rnam par gzigs sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan
77b4 pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu pad ma de bcom ldan 'das kyi steng du bor te/ bor ma thag tu pad ma de bcom ldan
77b5 'das kyi steng du shing rta'i 'phang lo tsam du gyur te/ bcom ldan 'das gshegs na ni 'gro la bzhes na ni sdod do/ /de nas re shig na yang dag par rdzogs pa'i sangs rgyas rnam par gzigs kyis ded dpon de rang byang chub tu
77b6 lung bstan to/ /de nas dga' zhing mgu la rab tu dga' nas rang gi khyim du song ba dang / de'i skabs su de'i chung ma bu btsa' zhing 'dug ste skad ngan 'don nas/ des bran mo la de ci zhig ces dris so/ /
77b7 des kyang de bzhin du bsnyad do/ /de nas ded dpon de mi dga' bar gyur nas smon lam btab pa/ bdag nam yang 'khor ba na ma'i mngal du skye bar ma gyur cig ces byas so/ /bcom ldan 'das kyis bka'
77b8 stsal pa/ dge slong dag ji snyam du sems de'i tshe de'i dus na/ ded dpon du gyur pa gang yin pa de ni rang sangs rgyas mgo bcu pa de yin te/ dge ba'i rtsa ba des bskal pa dgu bcu rtsa gcig gi bar du nam yang
78a1 ma'i mngal du ma skyes la/ srid pa tha ma la yang de'i 'byor pa de 'dra bar gyur to/ /dge slong dag de bas na 'di ltar bslab par bya ste/ sangs rgyas dang / rang sangs rgyas dang / nyan thos rnams la
78a2 bkur sti bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //
78a3 mdog 'jam zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang
78a4 gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha
78a5 ma yin dang nam mkha' lding dang mi 'am ci dang lto 'phye chen po rnams gyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha dang gdan dang snyun
78a6 gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa
78a7 na tshong dpon phyug cing nor mang la longs spyod che ba nor dang yo byad mang ba bdag dbang ba mang ba/ mdza' bo dang blon po dang nye du dang rgan rabs mang ba zhig yod de/ khyim bdag de yang dad pa dang ldan la
78a8 dge zhing bsam pa bzang ba/ bdag la phan pa dang gzhan la phan pa la zhugs pa/ snying rje che ba/ bdag nyid che ba/ chos 'dod pa zhig go/ /de nas de 'di snyam du sems te/ longs spyod 'di
78b1 dag ni chu zla lta bu'i rang bzhin can smig rgyu dang 'dra ba/ mi rtag pa/ mi brtan pa/ ther zug ma yin pa/ yid brtan du mi rung ba/ 'gyur ba'i chos can/ gnod pa chen po lnga dang thun mong du 'dug
78b2 pa yin gyis/ bdag gis sangs rgyas bcom ldan 'das nyan thos kyi dge 'dun dang bcas pa la cho ga dang ldan pa'i khrus gsol la zhal zas bzang pos tshim par bya ba gor ma chag snyam mo/ /de nas des bcom
78b3 ldan 'das nyan thos kyi dge 'dun dang bcas pa khrus gsol ba dang gdugs tshod gsol bar spyan drangs so/ /de nas de la phan gdags pa'i phyir/ bcom ldan 'das nyan thos kyi dge 'dun dang bcas pa dge slong gi
78b4 tshogs kyis zhabs 'bring byas te/ dge slong gi dge 'dun gyis mdun du bdar nas cho ga dang ldan pa'i khrus la gshegs so/ /de nas tshong dpon de til mar spos can khyer te bsro khang du song nas bdag nyid kyis
78b5 bcom ldan 'das nyan thos kyi dge 'dun dang bcas pa la bsnyen bkur byas so/ /de nas gang gi tshe bcom ldan 'das nyan thos kyi dge 'dun dang bcas pa/ khrus gsol zin pa de'i tshe khyim bdag des
78b6 bcom ldan 'das nyan thos kyi dge 'dun dang bcas pa la/ rang gi lag nas bza' ba dang bca' ba gtsang ma bzang pos tshim par byas te ci bzhed pa bstabs so/ /rang gi lag nas bza' ba dang bca' ba gtsang
78b7 ma bzang po rnam grangs du mas tshim par byas te ci bzhed pa bstabs nas/ bcom ldan 'das bshos gsol zin te gsang sder ni gyu phyag ni bcabs par rig nas/ stan ches dma' ba zhig khyer te chos
78b8 mnyan pa'i phyir bcom ldan 'das kyi spyan sngar 'dug nas de la bcom ldan 'das kyis chos kyi gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par
79a1 dga' bar mdzad do/ /chos kyi gtam rnam grangs du ma yang dag par bstan yang dag par 'dzin du bcug /yang dag par bzeng bstod/ yang dag par dga' bar mdzad nas cang mi gsung bar bzhugs so/ /
79a2 de nas tshong dpon de dad pa rnyed nas sdong po rtsa ba nas bcad pa bzhin du bcom ldan 'das kyi zhabs la mgo bos phyag 'tshal te sems la rtas par byas so/ /de nas bcom ldan 'das kyis 'dzum pa mdzad do/ /'di
79a3 ni sangs rgyas bcom ldan 'das rnams gang gi tshe 'dzum pa mdzad pa'i chos nyid de de'i tshe zhal nas 'od zer sngon po dang ser po dang dmar po dang dkar po rnams byung nas kha cig ni 'og tu 'gro'o/ /kha cig ni steng du
79a4 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol
79a5 dang so thams thams dang kyi hud zer dang a chu zer dang ud pa la ltar gas pa dang pad ma ltar gas pa dang pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te
79a6 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas sems can de dag 'di snyam
79a7 du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong
79a8 nas 'di snyam du sems te/ kye bdag cag ni 'di nas kyang shi 'phos par ma gyur la/ gzhan du yang ma skyes mod kyi 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par
79b1 rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas/ sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar
79b2 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum bcu rtsa gsum pa rnams dang / 'thab bral rnams dang / dga' ldan rnams dang / 'phrul
79b3 dga' rnams dang / gzhan 'phrul dbang byed rnams dang / tshangs ris rnams dang / tshangs pa'i 'dun na 'don pa rnams dang / tshangs pa chen po rnams dang / 'od chung rnams dang / tshad med 'od rnams dang / 'od gsal
79b4 rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams dang / mi che rnams dang mi gdung rnams dang gya nom
79b5 snang rnams dang shin tu mthong rnams dang / 'og min gyi lha rnams kyi bar du song nas mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis kyang rjod par byed de/ nges
79b6 par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod
79b7 par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas/
79b8 bcom ldan 'das nyid kyi phyi bzhin du 'brang ste/ gal te bcom ldan 'das kyis 'das pa'i las lung ston par bzhed na ni/ bcom ldan 'das kyi snam logs su mi snang bar 'gyur ro/ /ma 'ongs pa'i
80a1 las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston
80a2 par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis
80a3 su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na
80a4 ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur
80a5 ro/ /rang sangs rgyas kyi byang chub tu lung ston par bzhed na ni smin 'tshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du
80a6 mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos
80a7 thal mo sbyar ba btud de bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis
80a8 pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /
80b1 pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gis ni gsung mchog brtan pa dang / /
80b2 bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /
80b3 de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i
80b4 sangs rgyas rnams ni rgyu med rkyen med par 'dzum pa mi mdzad do/ /kun dga' bo tshong dpon 'dis nga la 'di lta bu'i bkur sti byas pa mthong ngam btsun pa mthong lags so/ /kun dga' bo tshong dpon 'di dge
80b5 ba'i rtsa ba dang sems bskyed pa dang sbyin par bya ba'i chos yongs su gtong ba 'dis rang sangs rgyas mdog 'jam zhes bya bar 'gyur ro/ /de'i sbyin par bya ba'i chos ni gang nga la sems mngon par dga' bar gyur
80b6 pa 'di yin no/ /dge slong dag de bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong dag khyed kyis de ltar bslab par bya'o/ /bcom ldan 'das kyis
80b7 de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po bdun pa/ 'od
80b8 bsil zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu
81a1 rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang
81a2 gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang
81a3 snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na khyim
81a4 bdag phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa rnam thos kyi bu'i nor dang 'gran pa zhig yod de de yang dad pa dang ldan la dge zhing bsam pa bzang
81a5 ba bdag la phan pa dang gzhan dag la phan pa la zhugs pa/ snying rje che ba/ bdag nyid che ba/ chos 'dod pa/ skye dgu la byams pa zhig go/ /de nas de 'di snyam du sems te longs spyod 'di dag ni chu zla lta bu'i rang bzhin
81a6 can/ glang po che'i rna ba ltar g.yo ba/ mi rtag pa mi brtan pa/ ther zug ma yin pa yid brtan du mi rung ba/ 'gyur ba'i chos can/ gnod pa chen po lnga dang thun mong du 'dug pa yin gyis bdag gis longs
81a7 spyod snying po med pa las snying po blang bar bya gor ma chag snyam mo des sos ka'i dus la bab pa na/ bcom ldan 'das nyan thos kyi dge 'dun dang bcas pa gdugs tshod la spyan drangs nas/ khyim yang rdo dang
81a8 gseg ma dang gyo mo med par byas te/ tsan dan gyi chus ni chag chag btab/ spos sna tshogs kyi snod ni bkram/ dri zhim po'i bdug pas ni gdugs/ me tog sna tshogs kyis ni gtor me tog gi gdan rnams ni
81b1 bshams so/ /de nas khu ba bsil ba'i btung ba rnams dang khur ba dang bshos rnams kyang sta gon byas nas/ bcom ldan 'das la phrin gyis gdugs tshod la bskul ba/ btsun pa gdugs tshod la bab te bshos gsol
81b2 lags na bcom ldan 'das kyis da de'i dus la bab par dgongs te gshegs su gsol zhes bskul to/ /de nas bcom ldan 'das snga dro sham thabs dang chos gos gsol te lhung bzed bsnams nas dge slong gi tshogs kyis
81b3 zhabs 'bring byas te/ dge slong gi dge 'dun gyis mdun du bdar nas khyim bdag de'i khyim ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so/ /de nas khyim bdag
81b4 des sangs rgyas la sogs pa dge slong gi dge 'dun bde bar bzhugs par rig nas/ /rang gi lag nas bza' ba dang bca' ba gtsang ma bzang po rnam grangs du mas tshim par byas te ci bzhed pa bstabs nas/
81b5 bcom ldan 'das bshos gsol zin te gsang sder ni gyu phyag ni bcabs par rig nas/ stan ches dma' ba zhig khyer te chos mnyan pa'i phyir bcom ldan 'das kyi spyan sngar 'dug go/ /de nas bcom
81b6 ldan 'das kyis khyim bdag de chos kyi gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par dga' bar mdzad do/ /chos kyi gtam
81b7 rnam grangs du mas yang dag par bstan/ yang dag par 'dzin du bcug /yang dag par gzeng bstod/ yang dag par dga' bar mdzad nas cang mi gsung bar bzhugs so/ /de nas khyim
81b8 bdag de dad pa rnyed nas/ bcom ldan 'das kyi zhabs la phyag 'tshal te sems dad par byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang
82a1 gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang ser po dang dmar po dang dkar po rnams byung nas/ kha cig ni 'og tu 'gro'o/ /kha cig ni steng du 'gro'o/ /'og tu 'gro
82a2 ba gang yin pa de dag ni sems can dmyal ba yang sos dang thig nag dang 'dus 'joms dang / ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang
82a3 kyi hud zer dang a chu zer dang ud pa la ltar gas pa dang pad ma ltar gas pa dang pad ma ltar gas pa chen por song nas/ tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i
82a4 sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos
82a5 sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos
82a6 par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems
82a7 mngon par dga' bar gyur nas sems can dmyal ba myong bar 'gyur ba'i las de zad de/ lha dang mi rnams kyi nang du gang du bden pa rnams kyi snod du rung bar 'gyur ba der nying 'tshams 'dzin par 'gyur ro/ /steng
82a8 du 'gro ba gang yin pa de dag ni rgyal chen bzhi'i ris rnams dang sum bcu rtsa gsum pa rnams dang / 'thab bral rnams dang dga' ldan rnams dang 'phrul dga' rnams dang gzhan 'phrul dbang byed rnams dang tshangs ris rnams
82b1 dang tshangs pa'i mdun na 'don pa rnams dang / tshangs pa chen po rnams dang 'od chung rnams dang tshad med 'od rnams dang 'od gsal rnams dang dge chung rnams dang tshad med dge rnams dang / dge rgyas rnams dang sprin med rnams dang bsod nams
82b2 skyes rnams dang / 'bras bu che rnams dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang sdug bsngal ba dang / stong pa
82b3 dang / bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung bar brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi
82b4 bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer
82b5 de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi
82b6 snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar
82b7 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston
82b8 par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por
83a1 lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed
83a2 na ni zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni
83a3 dbu'i gtsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa
83a4 kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar
83a5 bas ji ltar bgyis pa bzhin/ /yang tshigs su bcad pa gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams
83a6 ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge slong rgyal dbang nyan pa so nyi 'tshal ba rnams/ /thub pa khyu
83a7 mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /
83a8 gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo
83b1 de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo khyim bdag 'dis nga la 'di lta bu'i bkur sti byas pa mthong ngam/ btsun pa
83b2 mthong lags so/ /kun dga' bo khyim bdag 'di'i dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis/ rang sangs rgyas 'od bsil zhes bya bar 'gyur ro/ /de'i sbyin par bya ba'i chos
83b3 ni gang nga la sems dad par byas pa 'di yin no/ /dge slong dag de bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyed kyis de ltar bslab par
83b4 bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //mnyan pa zhes bya ba ni/ sangs rgyas
83b5 bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang
83b6 nam mkha' lding rnams dang mi 'am ci rnams dang lto 'phye chen po rnams kyis bkur stir byas bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto
83b7 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos
83b8 kyi dge 'dun dang bcas pa/ yul ma ga d+hA na ljongs rgyu zhing gshegs pa las gang gA'i klung gi 'gram du byon to/ /de nas bcom ldan 'das dge slong gi tshogs kyis zhabs 'bring byas te/ dge slong
84a1 gi dge 'dun gyis mdun du bdar nas/ mnyan pa rnams ga la ba der gshegs te byon nas/ mnyan pa rnams la 'di skad ces bka' stsal to/ /kye chu klung 'di las nga sgrol cig /mnyan pa rnams
84a2 kyis gsol pa/ gru btsas stsol cig /de nas bcom ldan 'das kyis mnyan pa de dag la 'di skad ces bka' stsal to/ /nga yang sngon mnyan pa byed byed de ngas dga' bo ni 'dod chags kyi chu klung du lhung ba
84a3 las bsgral/ sor phreng ni zhe sdang gi rgya mtshor lhung ba las bsgral/ bram ze'i bu nga rgyal gyis khengs pa ni nga rgyal gyi rgya mtshor lhung ba las bsgral/ steng rgyas 'od srung ni gti mug gi rgya mtshor lhung ba las
84a4 bsgral te 'on kyang ngas gru btsas ma blangs so/ /de skad ces bka' stsal kyang bsgral bar khas ma blangs so/ /de nas mnyan pa zhig gis bcom ldan 'das kyi gsung yan lag brgyad dang ldan pa yang thos/
84a5 gzugs phun sum tshogs pa de yang mthong nas dad pa skyes te/ bdag gis bcom ldan 'das nyan thos kyi dge 'dun dang bcas pa bsgral bar 'tshal lo zhes gsol to/ /de nas dge slong rnams grur zhugs pa dang
84a6 bcom ldan 'das rdzu 'phrul gyis mnyan pa de bas kyang ches sngar pha rol gyi 'gram du bzhugs par gyur to/ /de nas mnyan pa des rdzu 'phrul gyi cho 'phrul de mthong nas sems dga' bar gyur te zhabs la mgo
84a7 bos phyag 'tshal te/ bcom ldan 'das kyis de la 'phags pa'i bden pa bzhi rtogs par 'gyur ba de lta bu'i chos bstan te/ mnyan pa des de thos nas 'jig tshogs la lta ba'i ri'i rtse mo mthon po nyi shu
84a8 ye shes rdo rjes bcom nas/ rgyun tu zhugs pa'i 'bras bu mngon sum du byas so/ /des bden pa mthong nas dga' ba'i tshig lan gsum du brjod de btsun pa bcom ldan 'das kyis bdag gi khrag dang mchi ma'i
84b1 rgya mtsho bskams pa dang rus pa'i la bsgral ba dang ngan song gi sgo rnams bcad pa dang mtho ris dang thar pa'i sgo rnams phye ba dang bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas
84b2 kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram
84b3 ze rnams kyis kyang ma bgyis lags so/ /yang gsol pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris
84b4 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya mtsho'i pha
84b5 rol rgal/ /'phags pa dgyes pa'i zhi ba'i go 'phang thob/ /mi mchog dbang po mi dang lhas mchod pa/ /skye dang rga dang shi ba'i nad spangs pa/ /srid pa stong du mthong bar dka' ba las/ /thub pa
84b6 khyod ni deng mthong 'bras bu yod/ /de'i nang nas mnyan pa gcig cig 'gyod pa chen po skyes nas/ des bcom ldan 'das kyi zhabs la phyag 'tshal te nyes pa bshags nas/ bcom ldan
84b7 'das nyan thos kyi dge 'dun dang bcas pa bshos gsol to/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos
84b8 nyid de/ de'i tshe zhal nas 'od zer sngon po dang ser po dang dmar po dang dkar po rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems
85a1 can dmyal ba yang sos dang thig nag dang 'dus 'joms dang ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a
85a2 chu zer dang ud pa la ltar gas pa dang pad ma ltar gas pa dang pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro
85a3 bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te/ kye ci bdag cag ni 'di nas shi 'phos sam 'on te gzhan du skyes
85a4 sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma
85a5 gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la
85a6 sems mngon par dga' bar gyur nas sems can dmyal ba myong bar 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par
85a7 'gyur ro/ /steng du 'gro ba gang yin pa de dag ni rgyal chen bzhi'i ris rnams dang sum bcu rtsa gsum pa rnams dang / 'thab bral rnams dang dga' ldan rnams dang 'phrul dga' rnams dang /
85a8 gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang / tshad med 'od rnams
85b1 dang / 'od gsal rnams dang dge chung rnams dang tshad med dge rnams dang dge rgyas rnams dang sprin med rnams dang bsod nams skyes rnams dang 'bras bu che rnams dang mi che rnams dang mi gdung rnams dang gya nom snang rnams dang
85b2 shin tu mthong rnams dang 'og min gyi lha rnams kyi bar du song nas mi rtag pa dang sdug bsngal ba dang stong pa dang bdag med pa'i sgra sgrogs so/ /tshigs su bcad pa gnyis kyang rjod par byed de/ nges par 'byung
85b3 ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod
85b4 par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer de dag gis stong gsum gyi stong chen po'i 'jig rten gyi khams bskor nas bcom
85b5 ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed
85b6 na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par
85b7 mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs
85b8 kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang
86a1 bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal du mi snang bar 'gyur ro/ /rang sangs rgyas kyi byang
86a2 chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug tor du mi snang bar 'gyur ro/ /
86a3 de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te/
86a4 bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis
86a5 pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis
86a6 par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni
86a7 gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi
86a8 don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /kun dga' bo de ni de bzhin te/ kun dga' bo de bzhin gshegs pa
86b1 dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo mnyan pa 'dis nga la sems dga' ba bskyed pa mthong ngam/ btsun pa mthong lags so/ /kun
86b2 dga' bo mnyan pa 'dis dge ba'i rtsa ba dang sems bskyed pa dang / sbyin par bya ba'i chos yongs su gtong ba 'dis/ ma 'ongs pa'i dus na rang sangs rgyas 'khor ba rgal zhes bya bar 'gyur ro/ /de'i sbyin par bya ba'i
86b3 chos ni gang nga la sems dad par byas pa 'di yin no/ /dge slong dag de bas na 'di ltar bslab par bya ba ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyod kyis de ltar bslab
86b4 par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //spos kyi ngad ldang zhes bya ba ni/
86b5 sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin
86b6 rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin
86b7 dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun
86b8 gsos dang sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe yul dbus na 'khod
87a1 pa'i yul mi rnams kyis lugs kyis na phal cher byug pa sna tshogs kyi lus skud par byed do/ /de nas re shig na khyim bdag gi bu zhig yod pa de'i
87a2 bran mo dad pa dang ldan la dge zhing bsam pa bzang ba zhig yod pa de'i tsan dan dmar po bdar zhing 'dug go/ /bcom ldan 'das kyang snga dro sham thabs dang chos gos gsol te lhung bzed bsnams nas dge slong gi tshogs
87a3 kyis zhabs 'bring byas te/ dge slong gi dge 'dun gyis mdun du bdar nas rgyal po'i khab tu bsod snyoms la gshegs so/ /de nas bu mo des sangs rgyas bcom ldan 'das sku skyes bu chen po'i mtshan sum
87a4 bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba rin po che'i ri bo 'gro ba lta bu kun nas
87a5 bzang ba mthong ngo / /mthong nas kyang bu mo de dad pa chen po skyes so/ /de nas de dad pa rnyed nas 'di snyam du sems te/ bdag gis 'di lta bu'i zhing rnyed kyang dbul ba'i nyes pas bcom ldan 'das la bkur sti byed mi
87a6 nus na bdag gi 'tsho ba 'di 'dra ba ci dgos snyam mo/ /de nas des rang gi srog la yang ma bltas te/ lag pa gnyis ka tsan dan dmar pos byugs nas bcom ldan 'das kyi zhabs gnyis la bskus so/ /bcom ldan
87a7 'das kyis kyang rdzu 'phrul gyis rgyal po'i khab kyi grong khyer ril gyis tsan dan gyi dris gang bar mdzad do/ /de nas bu mo des cho 'phrul de mthong nas sems dga' bar gyur te/ bcom ldan 'das kyi zhabs la phyag
87a8 'tshal nas sems la rtas par byas te/ bdag dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis rang sangs rgyas kyi byang chub mngon sum du byed par gyur cig ces byas so/ /de nas
87b1 bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang ser po dang dmar po dang dkar po rnams byung
87b2 nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang ngu 'bod chen po dang tsha ba dang rab tu tsha ba
87b3 dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pa la ltar gas pa dang pad ma ltar gas pa dang pad ma ltar gas pa chen por song nas tsha ba'i sems can dmyal ba gang yin pa de
87b4 dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtsa zhil bar gyur to/ /de nas
87b5 de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed par mdzad de/ de dag gis
87b6 sprul pa mthong nas 'di snyam du sems te/ kye ci bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus/
87b7 bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/
87b8 lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang sum bcu rtsa gsum pa
88a1 rnams dang 'thab bral rnams dang dga' ldan rnams dang / 'phrul dga' rnams dang gzhan 'phrul dbang byed rnams dang tshangs ris rnams dang / tshangs pa'i 'dun na 'don pa rnams dang tshangs
88a2 pa chen po rnams dang 'od chung rnams dang tshad med 'od rnams dang 'od gsal rnams dang / dge chung rnams dang tshad med dge rnams dang dge rgyas rnams dang / sprin med rnams dang bsod nams skyes rnams dang
88a3 'bras bu che rnams dang mi che rnams dang mi bdung rnams dang gya nom snang rnams dang shin tu mthong rnams dang / 'og min gyi lha rnams kyi bar du song nas mi rtag pa dang sdug bsngal ba dang stong pa dang bdag med pa'i
88a4 sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni
88a5 gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /de nas 'od zer
88a6 de dag gis stong gsum gyi stong chen po'i 'jig rten gyi khams bskor nas/ bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni
88a7 bcom ldan 'das kyi snams logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na
88a8 ni zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang
88b1 bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor
88b2 los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni zhal
88b3 du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni dbu'i gtsug
88b4 tor tu mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos
88b5 thal mo sbyar te/ bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis
88b6 pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis
88b7 par/ /pad ma'i rtsa dang dung mdog lta bu'i 'dzum mi ston/ /brten pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung
88b8 mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa'
89a1 bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs
89a2 pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo bu mo 'dis nga la 'di lta bu'i bkur sti byas pa mthong ngam/ btsun pa mthong lags so/ /
89a3 kun dga' bo bu mo 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis ma 'ongs pa'i dus na rang sangs rgyas spos kyi ngad ldang zhes bya bar 'gyur ro/ /de'i sbyin par bya ba'i chos ni
89a4 gang nga la sems dang bar byas pa 'di yin no/ /dge slong dag de bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyed kyis de ltar bslab par bya'o/ /
89a5 bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //dri ma med pa zhes bya ba ni/ sangs rgyas bcom
89a6 ldan 'das la rgyal po rnams dang blon po chen po rnams dang phyug po rnams dang pho brang 'khor kyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin
89a7 rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas/ bla mar byas ri mo byas mchod pa byas te/ lha dang klu dang gnod sbyin dang / lha ma yin dang nam
89a8 mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha dang gdan dang snyun gsos dang sman
89b1 zong rnams brnyes pa nyan thos kyi dge 'dun dang bcas pa mnyan du yod pa na/ rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na kun dga' ra
89b2 ba'i srungs ma zhig yod de/ des so shing zhig khyer te mnyan du yod par song ngo / /ltas mkhan zhig kyang so ka na 'dug ste/ de na re so shing 'di su za ba de ni zas ro brgya dang ldan pa za bar 'gyur ro zhes zer ro/ /
89b3 de nas kun dga' ra ba'i srungs mas tshig de thos nas 'di snyam du sems te/ so shing 'di gang la byin na de'i rgyus bdag cher bkur bar 'gyur zhig go snyam mo/ /yang de 'di snyam du sems te/ sangs rgyas bcom
89b4 ldan 'das 'di ni rgyu ba dang mi rgyu ba'i 'jig rten na bsod nams kyi zhing du 'gro ba 'bras bu yod pa yin gyis/ bdag gis 'di sangs rgyas bcom ldan 'das la dbul lo snyam mo/ /de nas kun dga' ra ba'i
89b5 srungs ma des so shing de khyer nas/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas
89b6 kun dga' ra ba'i srungs ma des/ sangs rgyas bcom ldan 'das la 'di skad ces gsol to/ /bcom ldan 'das bdag la thugs brtse ba'i slad du tshems shing 'di bzhes su gsol/ de nas
89b7 bcom ldan 'das kyis kun dga' ra ba'i srungs ma la phan gdags pa'i phyir phyag gser gyi kha dog can glang po che'i sna ltar 'dug pa brkyang nas bzhes so/ /bzhes nas kyang de kun dga' ra ba'i
89b8 srungs ma'i mdun du gsol to/ /gsol nas kyang so shing de sa la btsugs so/ /de nas btsugs pa'i mod de kho na'i skad cig la yal ga dang lo ma dang me tog dang 'bras bu phun sum tshogs pa'i shing n+ya gro d+hA
90a1 chen po chu zheng gab pa zhig tu gyur te/ de'i grib ma la bcom ldan 'das bzhugs nas lha dang mi du ma la chos bstan to/ /de nas khyim bdag mgon med zas sbyin gyi zhal zas ro brgya
90a2 dang ldan pa gsol to/ /de nas kun dga' ra ba'i srungs ma de bcom ldan 'das kyi cho 'phrul gyis sems dad par byas nas/ sdong po rtsa ba nas bcad pa bzhin du zhabs la phyag 'tshal te smon lam btab pa/ dge ba'i
90a3 rtsa ba 'dis bdag rang byang chub mngon sum du byed par gyur cig ces byas so/ /de nas bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/
90a4 de'i tshe zhal nas 'od zer sngon po dang ser po dang dmar po dang dkar po rnams byung nas kha cig ni 'og tu 'gro'o kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig
90a5 nag dang 'dus 'joms dang ngu 'bod dang ngu 'bod chen po dang tsha ba dang rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang pad
90a6 ma ltar gas pa dang pad ma ltar gas pa chen por song nas tsha ba'i sems can dmyal ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro
90a7 bar gyur te 'bab bo/ /des na sems can de dag gi gnod pa'i khyad par rnams rtse zhil bar gyur to/ /de nas de dag 'di snyam du sems te kye ci bdag cag 'di nas shi 'phos sam 'on te gzhan du skyes
90a8 sam snyam mo/ /de nas de dag dad pa bskyed pa'i phyir/ bcom ldan 'das sprul pa 'gyed par mdzad de/ de dag gis sprul pa mthong nas 'di snyam du sems te/ kye bdag cag ni 'di nas kyang shi 'phos par ma gyur la
90b1 gzhan du yang ma skyes mod kyi 'on kyang sngon ma byung ba'i sems can snang ba 'di'i mthus bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas
90b2 sems can dmyal ba myong bar 'gyur ba'i las de zad de lha dang mi rnams kyi nang du gang du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag tu ni rgyal
90b3 chen bzhi'i ris rnams dang / sum bcu rtsa gsum pa rnams dang 'thab bral rnams dang dga' ldan rnams dang 'phrul dga' rnams dang / gzhan 'phrul dbang byed rnams dang tshangs ris rnams dang tshangs pa'i mdun na 'don
90b4 pa rnams dang / tshangs pa chen po rnams dang 'od chung rnams dang tshad med 'od rnams dang 'od gsal rnams dang dge chung rnams dang tshad med dge rnams dang / dge rgyas rnams dang sprin med rnams dang bsod nams skyes rnams
90b5 dang / 'bras bu che rnams dang mi che rnams dang mi gdung rnams dang gya nom snang rnams dang shin tu mthong rnams dang 'og min gyi lha rnams kyi bar du song nas/ mi rtag pa dang sdug bsngal ba dang stong pa dang bdag med pa'i
90b6 sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde
90b7 ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur zhes rjod par byed do/ /
90b8 de nas 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na
91a1 ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni
91a2 zhabs kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /
91a3 mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los
91a4 sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni
91a5 zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par
91a6 bzhed na ni dbu'i tsug tor du mi snang bar 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi smin mtshams kyi mdzod spur mi snang bar gyur to/ /
91a7 de nas tshe dang ldan pa kun dga' bos thal mo sbyar te bcom ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams
91a8 kun tu snang bar bgyis/ /nyi ma shar bas ji ltar bgyis pa bzhin/ /yang tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i
91b1 rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal
91b2 ba rnams/ /thub pa khyu mchog gi ni gsung mchog brtan pa dang / /bzang po dag gis the tshom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum
91b3 mi ston/ /gang gi don du dpa' bo 'dzum pa ston mdzad pa/ /de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo
91b4 de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu med rkyen med par 'dzum pa mi mdzad do/ /kun dga' bo kun dga' ra ba'i srungs ma 'dis nga la 'di lta bu'i bkur sti byas pa
91b5 mthong ngam/ btsun pa mthong lags so/ /kun dga' bo kun dga' ra ba'i srungs ma 'di dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa bcu gsum gyi
91b6 bar du log par ltung bar mi 'gyur te srid pa tha ma dang gnas tha ma dang lus tha ma dang bdag gi ngo bo tha ma la thob pa ni rang sangs rgyas dri ma med pa zhes bya bar 'gyur ro/ /de'i sbyin par bya ba'i chos ni gang nga la sems
91b7 dad par byas pa 'di yin no/ /dge slong dag de bas na 'di ltar bslab par bya ste/ sangs rgyas dang rang sangs rgyas dang nyan thos rnams la bkur sti bya'o zhes dge slong khyed kyis de ltar
91b8 bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do/ /
92a1 gdangs snyan ces bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams
92a2 dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu dang gnod
92a3 sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang
92a4 gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas bcom
92a5 ldan 'das snga dro sham thabs dang chos gos gsol te lhung bzed bsnams nas mnyan du yod par bsod snyoms la gshegs so/ /mdza' sde bo mang po zhig kyang chang gis ra ro zhing myos nas pi bang dang gling bu dang rdza rnga
92a6 dang rnga zlum rnams dang rol mo'i sgra rnam pa sna tshogs byed de/ gar byed glu len la me tog ud pa la dang pad ma dang ku mu da dang pad ma dkar po dang par shi ka la sogs pa me tog gi phreng ba mang po yang mgul du btags
92a7 nas/ gos khyad par du 'phags pa dag bgos te mnyan du yod pa'i phyi rol tu byung ngo / /de nas mdza' sde bo de dag gis bcom ldan 'das sku skyes bu chen po'i mtshan sum bcu rtsa gnyis kyis legs par brgyan
92a8 pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong
92b1 ma thag tu de dag chang gis ra ro ba de las sangs par gyur to/ /de nas ra ro ba las sangs nas sems dga' zhing dad par gyur te/ gar dang glu dang rol mo'i sgra rnams kyis bcom ldan 'das la bsnyen bkur byas so/ /
92b2 ud pa la sngon po rnams kyang bcom ldan 'das kyi steng du gtor te/ de dag bcom ldan 'das kyi steng du khang pa brtsegs pa sngon po dang khang pa sngon po dang gdugs sngon po lta bur gyur te 'dug nas/ de dag bcom ldan
92b3 'das gshegs na ni 'gro la gzhes na ni sdod do/ /bcom ldan 'das kyis kyang 'od sngon po dag bkye ste/ 'od de dag gis mnyan du yod pa nor bu an da rnyil gyi mdog 'dra bar 'dug par byas so/ /de nas mdza' sde bo de
92b4 dag bcom ldan 'das la dad pa skyes te sems la rtas par byas nas/ dge ba'i rtsa ba dang sems bskyed pa dang sbyin par bya ba'i chos 'dis bdag cag rang byang chub mngon sum du byed par gyur cig ces byas so/ /de nas
92b5 bcom ldan 'das kyis 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe zhal nas 'od zer sngon po dang ser po dang dmar po dang dkar po
92b6 rnams byung nas kha cig ni 'og tu 'gro'o/ /kha cig ni steng du 'gro'o/ /'og tu 'gro ba gang yin pa de dag ni sems can dmyal ba yang sos dang thig nag dang 'dus 'joms dang ngu 'bod dang ngu 'bod chen po dang
92b7 tsha ba dang rab tu tsha ba dang mnar med pa dang chu bur can dang chu bur rdol dang so thams thams dang kyi hud zer dang a chu zer dang ud pal ltar gas pa dang pad ma ltar gas pa dang pad ma ltar gas pa chen por song nas tsha ba'i sems can dmyal
92b8 ba gang yin pa de dag tu ni bsil bar gyur te 'bab bo/ /grang ba'i sems can dmyal ba gang yin pa de dag tu ni dro bar gyur te 'bab bo/ /des na sems can de dag gi gnod pa'i khyad par rnams rtse
93a1 zhil bar gyur to/ /de nas de dag 'di snyam du sems te/ kye ci bdag cag 'di nas shi 'phos sam 'on te gzhan du skyes sam snyam mo/ /de nas de dag dad pa bskyed pa'i phyir bcom ldan 'das sprul pa 'gyed
93a2 par mdzad de/ de dag gis sprul pa mthong nas 'di snyam du sems te/ ci bdag cag ni 'di nas kyang shi 'phos par ma gyur la gzhan du yang ma skyes mod kyi/ 'on kyang sngon ma byung ba'i sems can snang ba 'di'i mthus
93a3 bdag cag gi gnod pa'i khyad par rnams rtse zhil bar gyur to snyam mo/ /de nas de dag sprul pa la sems mngon par dga' bar gyur nas sems can dmyal ba myong bar 'gyur ba'i las de zad de/ lha dang mi rnams kyi nang du gang
93a4 du bden pa rnams kyi snod du rung bar 'gyur ba der nying mtshams 'dzin par 'gyur ro/ /steng du 'gro ba gang yin pa de dag ni rgyal chen bzhi'i ris rnams dang / sum bcu rtsa gsum pa rnams dang / 'thab bral rnams dang /
93a5 dga' ldan rnams dang / 'phrul dga' rnams dang / gzhan 'phrul dbang byed rnams dang / tshangs ris rnams dang / tshangs pa'i mdun na 'don pa rnams dang / tshangs pa chen po rnams dang / 'od chung rnams dang /
93a6 tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che rnams
93a7 dang / mi che rnams dang / mi gdung rnams dang / gya nom snang rnams dang / shin tu mthong rnams dang / 'og min gyi lha rnams kyi bar du song nas mi rtag pa dang sdug bsngal ba dang stong pa dang / bdag med
93a8 pa'i sgra sgrogs so/ /tshigs su bcad pa gnyis kyang rjod par byed de/ nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi
93b1 bdag sde ni gzhom par gyis/ /gang zhig chos 'dul 'di nyid la/ /bag yod spyod par byed pa ni/ /skye ba'i 'khor ba rab spangs nas/ /sdug bsngal bsal bar byed par 'gyur zhes rjod par byed do/ /de nas
93b2 'od zer de dag gis stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin 'brang ste/ gal te bcom ldan 'das kyis 'das pa'i las lung ston par bzhed na ni
93b3 bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun logs su mi snang bar 'gyur ro/ /sems can dmyal bar skye bar lung ston par bzhed na ni zhabs
93b4 kyi mthil du mi snang bar 'gyur ro/ /dud 'gror skye bar lung ston par bzhed na ni zhabs kyi rting par mi snang bar 'gyur ro/ /yi dags su skye bar lung ston par bzhed na ni zhabs kyi mthe bor mi snang bar 'gyur ro/ /
93b5 mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal por lung ston par bzhed na ni phyag g.yon pa'i mthil du mi snang bar 'gyur ro/ /'khor los
93b6 sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos kyi byang chub tu lung ston par bzhed na ni
93b7 zhal du mi snang bar 'gyur ro/ /rang sangs rgyas kyi byang chub tu lung ston par bzhed na ni smin mtshams kyi mdzod spur mi snang bar 'gyur ro/ /bla na med pa'i yang dag par rdzogs pa'i byang chub tu lung ston
93b8 par bzhed na ni dbu'i gtsug tor du mi snang bar 'gyur ro/ /de nas 'od zer de dag bcom ldan 'das kyi smin mtshams kyi mdzod spur mi snang bar gyur to/ /de nas tshe dang ldan pa kun dga' bos thal mo sbyar te bcom
94a1 ldan 'das la zhus pa/ tshon sna stong gis spel ba sna tshogs can/ /mang po zhal gyi sgo nas byung bar gyur/ /de yis phyogs rnams kun tu snang bar bgyis/ /nyi ma shar bas ji ltar bgyis pa bzhin/ /
94a2 tshigs su bcad de gsol pa/ rgod dang bral zhing rgyags dang mi dgyes spangs pa yi/ /sangs rgyas 'gro ba dag gi dam pa'i rgyur gyur pa/ /rgyal ba dgra thub rnams ni rgyu rkyen ma mchis par/ /pad ma'i rtsa dang
94a3 dung mdog lta bu'i 'dzum mi ston/ /brtan pos nyid kyi blo yis dus bab mkhyen lags na/ /dge sbyong rgyal dbang nyan pa som nyi 'tshal ba rnams/ /thub pa khyu mchog gi ni gsung mchog brtan pa dang / /
94a4 bzang po dag gis the tsom skyes pa bsal bar gsol/ /rgya mtsho dang ni ri rgyal lta bur brtan pa yi/ /mgon po rdzogs sangs rgyas rnams gyin da 'dzum mi ston/ /gang gi don du dpa' bo 'dzum pa ston mdzad pa/ /
94a5 de ni khyod las skye bo phal chen nyan par 'tshal/ /bcom ldan 'das kyis bka' stsal pa/ kun dga' bo de ni de bzhin no/ /de ni de bzhin te/ kun dga' bo de bzhin gshegs pa dgra bcom pa yang dag par rdzogs pa'i
94a6 sangs rgyas rnams ni rgyu med rkyen med par 'dzum pa mi mdzad do/ /kun dga' bo mdza' sde bo 'di rnams kyis nga la 'di lta bu'i bkur sti byas pa mthong ngam/ btsun pa mthong lags so/ /kun dga' bo mdza'
94a7 sde bo 'di rnams dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis bskal pa nyi shu'i bar du log par mi 'gyur te/ srid pa tha ma dang gnas tha ma dang lus tha ma dang bdag gi
94a8 ngo bo tha ma thob pa na/ rang sangs rgyas gdangs snyan zhes bya ba sha stag tu 'gyur ro/ /de dag gi sbyin par bya ba'i chos ni gang nga la sems dang bar byas pa 'di yin no/ /dge slong dag de lta bas na 'di ltar bslab
94b1 par byas ste/ sangs rgyas dang rang sangs rgyas dang nyan thos rnams la bkur sti bya'o zhes dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te
94b2 bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las/ sdom gyi tshigs su bcad pa gsum pa rdzogs so// // gang po la sogs pa'i rtogs pa brjod pa
94b3 brgya pa/ bam po brgyad pa/ sdom ni/ pad ma dang ni kham re dang / /chos skyong de bzhin zhi ldan dang / /gzugs bzang mdza' bo'i bu mo dang / /ri bong dang ni chos tshol dang / /mgon med zas sbyin rab bzang ba/ /
94b4 sde tshan dag tu bstan pa yin/ /pad ma zhes bya ba ni sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams
94b5 dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/
94b6 na bza' dang
94b7 zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun
94b8 dga' ra ba na bzhugs so/ /de nas ston kyi dus kyi tshe dge slong dag skya rbab ser po'i nad kyis thebs te lus rid cing lus nyam chung bar gyur to/ /bcom ldan 'das ni snyun mi mnga' zhing gnod pa med
95a1 la snyun gyis btab pa med de stobs dang ldan no/ /de nas dge slong rnams kyis de mthong nas bcom ldan 'das la zhus pa/ btsun pa dge slong kha cig ni gdon kyi nad skya rbab ser pos thebs te
95a2 lus rid cing lus nyam chung bar gyur/ bcom ldan 'das ni snyun mi mnga' zhing gnod pa ma mchis te/ stobs dang ldan zhing rang bzhin gyis snyun mi mnga' la/ pho ba'i drod snyoms shing 'ju ba dang ldan pa
95a3 la gzigs/ bka' stsal pa dge slong dag de bzhin gshegs pa nyid kyis/ sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags
95a4 pas na/ nga nyid kyis las byas shing bstsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur chu'i
95a5 khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin
95a6 par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ grong khyer
95a7 bA rA Na sI na/ rgyal po pad ma zhes bya ba rgyal po byed de/ de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang 'thab pa dang rtsod pa zhi ba dang 'khrug pa dang nang 'khrug dang
95a8 chom rkun dang mu ge dang nad rnams med pa dang 'bras sA lu dang bu ram shing dang ba lang dang ma he dang ldan par 'dug ste/ gnod pa med cing tsher ma dkrug la bu gcig pa la bya ba bzhin du rgyal srid bskyangs so/ /
95b1 rgyal po de yang dad pa dang ldan la dge zhing bsam pa bzang ba/ bdag la phan pa dang gzhan la phan pa la zhugs pa/ snying rje che ba/ bdag nyid che ba/ chos 'dod pa skye dgu la byams pa thams cad sbyin pa/ thams
95b2 cad yongs su gtong ba/ chags pa med par yongs su gtong ba/ gtong ba chen po la gnas pa zhig go/ /de'i tshe bA rA Na sIr dus dang dus tshigs ma snyoms pa las mi nad chen po byung ste/ sems can
95b3 phal cher skya rbab kyi nad kyis btab bo/ /de nas rgyal pos de dag mthong nas snying rje skyed de/ /bdag gis 'di dag yongs su bskyab par bya zhing gso bar bya'o snyam mo/ /de nas yul thams cad na sman pa 'khod pa
95b4 rnams bsdus te/ bsgo nas sems can de dag gi nad kyi gzhi dang gnas dang snga nas gzhi yod pa rtogs nas/ de'i 'og tu bdag nyid kyis gso ba dang sman thams cad bsdu bar byas so/ /de nas gsos te/ nor dang
95b5 sman dang nad g.yog dang ldan par byas kyang yun ring mo zhig lon gyi bar du sems can de dag gso ma nus so/ /de nas rgyal pos sman pa thams cad bkug ste gus par byas nas/ kye ci'i phyir sems can 'di
95b6 dag gso dka' bar gyur ces smras so/ /de nas sman pa rnams kyis dpyad de yon tan dang nyes pa gros mthun par gsol pa/ lha dus ma snyoms pa dang khams ma snyoms pa las gyur pa lags pas/ legs
95b7 pa ma rtogs mod kyi lha 'on kyang sman sna cig mchis te/ nya ro hi ta zhes bgyi ba zhig mchis pa gal te rnyed na ni des gso bar nus lags so/ /de nas rgyal po nya ro hi ta kun tu tshol ba la zhugs te des tshol ba'i
95b8 mi mang po bkye nas brtsal kyang ma rnyed do/ /de nas de dag gis rgyal po la gsol to/ /de nas phyi zhig na rgyal po 'chag tu gshegs pa dang nad pa de dag kyang gcig tu 'dus te 'khod nas rgyal po la gsol
96a1 pa/ rgyal po chen po bdag cag nad 'di las yongs su bskyab cing srog stsal du gsol/ de nas rgyal pos nad pa rnams kyi tshig snying rje rje skad zer zhing / sdug sdug skad zer la gti zhing smra ba'i tshig thos
96a2 nas snying rjes snying bskyod de/ 'chi ma 'dzag cing bu bzhin du phyung nas bsams pa/ bdag gis gzhan sdug bsngal gyis gzir ba rnams zhi bar byed kyang ma nus na bdag gi 'tsho ba 'di lta bu dang rgyal srid kyi dbang phyug 'di 'dra
96a3 ba ci dgos snyam mo/ /de snyam du bsams nas/ rgyal pos nor phal po che yongs su gtong ba byas te/ bu thu bo rgyal por bcug nas nye du dang skye bo rnams la nyes pa bshags te/ pho brang 'khor gyi mi dang blon po
96a4 rnams la bstod nas/ nad pa sdug pa rnams dbugs phyung ste brtul zhugs yan lag brgyad pa yang dag par blangs nas khang bzangs kyi steng du song ste/ bdug pa dang me tog dang spos dang me tog phreng dang byug pa rnams
96a5 gtor nas shar phyogs su kha ltas te smon lam btab pa/ bden pa dang bden pa'i tshig gang gis sems can rnams shin tu phongs par gyur te/ nad kyis yongs su gzir ba mthong nas bdag gis rang gi srog
96a6 phangs pa yongs su btang ba'i bden pa dang bden pa'i tshig 'dis bdag chu klung klog byed 'di'i nang du nya ro hi tar skye bar shog shig ces smras nas khang bzangs kyi steng nas bdag nyid kyis mchongs so/ /der
96a7 lhung ba'i mod la shi nas chu klung zlog byed kyi nang du nya bo che ro hi ta zhes bya bar skyes so/ /de nas lha rnams kyis yul thams cad du chu klung zlog byed kyi nang du nya bo che ro hi ta zhes bya ba skyes pa de ni/ nad tshabs po ches
96a8 gzir nas yun ring du lon pa rnams kyi bdud rtsi dang 'dra'o zhes sgra bsgrags so/ /de nas thos ma thag tu skye bo phal po ches lag na mtshon cha thogs nas skon pa khyer te dong nas/ nya de gson por mtshon cha rnon po rnam pa
96b1 sna tshogs kyis sha rnams gcod pa la zhugs so/ /byang chub sems dpa' de yang de ltar lus gcod pa na/ sems can de dag la byams pas khyab par byas nas gdong mchi ma dron po 'dzag ste/ des bsams pa bdag
96b2 gi sha khrag gis sems can 'di dag bde bar 'gyur ba 'di ni/ bdag gis rnyed pa legs par rnyed do snyam nas/ de lta bu'i tshul gyis lo bcu gnyis kyi bar du rang gi sha khrag gis sems can de dag tshim par byas te/ bla na
96b3 med pa yang dag par rdzogs pa'i byang chub las kyang sems ma log go/ /gang gi tshe sems can de dag gi nad de zhi bar gyur pa de'i tshe nya bo che ro hi ta des sgra bsgrags pa/ kye sems can dag khyed nyon cig /nga ni rgyal po
96b4 pad ma zhes bya ba de yin te ngas khyed kyi don du rang gi srog yongs su btang nas lus 'di lta bu blangs pa yin gyis/ nga la sems dga' bar gyis shig dang gang gi tshe nga bla na med pa yang dag par rdzogs pa'i
96b5 byang chub mngon par rdzogs par 'tshang rgya ba de'i tshe/ yang khyed nad las gtan du yongs su thar bar bya ste/ mya ngan las 'das pa gzha' gsang gi mthar thug pa grub pa dang bde ba la dgod par bya'o zhes byas so/ /
96b6 de skad thos nas/ skye bo'i tshogs de dag dang rgyal po dang blon po dang pho brang 'khor gyi mi rnams kyis dad pa rnyed de/ me tog dang me tog phreng dang byug pa dag gis mchod nas smon lam btab pa/ shin tu dka' ba byed pa khyod
96b7 gang gi tshe bla na med pa yang dag par rdzogs pa'i byang chub tu mngon par rdzogs par 'tshang rgya ba de'i tshe bdag cag khyod kyi nyan thos su gyur cig ces byas so/ /bcom ldan 'das kyis bka' stsal pa/ dge slong dag ji snyam du
96b8 sems de'i tshe de'i dus na rgyal po pad ma zhes bya bar gyur pa gang yin pa de ni nga yin te/ ngas de lta bu'i yongs su gtong ba byas pa des na nga 'khor ba na 'khor ba'i tshe bde ba mtha' yas pa nyams su myong bar gyur la/
97a1 da ltar bla na med pa yang dag par rdzogs pa'i byang chub mngon par rdzogs par sangs rgyas pa na yang / pho ba'i drod snyoms shing 'ju ba dang ldan te/ des na ngas zos pa dang 'thungs pa dang / 'chos pa dang
97a2 myangs pa rnams legs par bde bar zhu bar gyur te/ nga nad med cing gnod pa med la nad med pa'i rang bzhin can du gyur to/ /dge slong dag de bas na 'di ltar bslab par bya'o/ sems can thams cad la snying rje
97a3 bsgom par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod
97a4 do// //kham re zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha
97a5 rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang
97a6 klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang
97a7 gzims cha dang gdan dang snyun gsos dang sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na
97a8 bzhugs so/ /der bcom ldan 'das kyis dge slong rnams la bka' stsal pa/ dge slong dag gal te ji ltar ngas sbyin pa'i 'bras bu yang shes la sbyin pa'i bgo bsha'i 'bras bu rnam par smin pa yang shes pa
97b1 bzhin du sems can rnams kyis kyang / sbyin pa'i 'bras bu yang shes la/ sbyin pa'i bgo bsha'i 'bras bu rnam par smin pa yang shes su zin na ni/ de lta na kham gyi tha ma dang kham gyi mjug lus pa gang yin
97b2 pa de las kyang gal te yon gnas len pa po rnyed na/ de la ma byin nam/ bgo bsha' ma byas kyi bar du za bar mi byed la/ de dag gi sems kyang ser sna skyes pas kun nas bkris shing 'dug par mi 'gyur ba zhig
97b3 na ji ltar ngas sbyin pa'i 'bras bu yang shes la/ sbyin pa'i bgo bsha'i 'bras bu rnam par smin pa yang shes pa bzhin du/ sems can rnams kyis kyang sbyin pa'i 'bras bu yang mi shes la/ sbyin pa'i bgo bsha'i
97b4 'bras bu rnam par smin pa yang mi shes pas na/ de'i phyir de dag ni kun tu 'dzin pa'i sems kyis ma byin pa 'am bgo bsha' ma byas par za bar byed la/ de dag gi sems kyang ser sna skyes pas kun nas bkris shing 'dug
97b5 go/ /bcom ldan 'das kyis de skad ces bka' stsal te/ bde bar gshegs pas de skad ces gsungs nas gzhan yang ston pas 'di skad ces bka' stsal to/ /bgo bsha' dag gi rnam par smin/ /ji ltar don ces 'gyur
97b6 ba de/ /drang srong chen pos gsungs pa bzhin/ /sems can rnams kyis shes na ni/ /ma sbyin par du mi za zhing / /ser sna can du mi 'gyur la/ /de dag kun tu 'dzin pa'i sems/ /nam yang skye bar mi 'gyur na/ /
97b7 gang phyir byis pa gti mug gis/ /bsgribs pa rnams kyis ma shes pa/ /de phyir kun tu 'dzin sems kyis/ /rtag tu ma byin za bar byed/ /de dag ser sna skyes nas kyang / /sems ni kun nas bkris shing 'dug /
97b8 gang gi tshe bcom ldan 'das kyis mdo 'di bka' stsal pa de'i tshe/ dge slong dag the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis sbyin pa'i
98a1 bsngags pa yang bka' stsal la/ sbyin pa'i bgo bsha'i 'bras bu rnam par smin pa yang bka' stsal pa ni ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs
98a2 pas sbyin pa'i bsngags pa yang brjod la/ sbyin pa'i bgo bsha'i 'bras bu rnam par smin pa yang brjod pa 'di lta la ngo mtshar che ba ci yod/ ngas 'das pa'i dus na slong ba'i phyir bdag za ba'i kham khar 'ongs zin pa
98a3 las kyang yongs su btang ba de/ legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na grong khyer bA rA Na sI na rgyal po tshangs pas sbyin zhes bya ba rgyal po byed de/ de'i ring
98a4 la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad rnams med pa dang 'bras sA lu dang bu ram shing
98a5 dang ba lang dang ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de yang dad pa dang ldan la dge zhing bsam pa bzang ba/ bdag
98a6 la phan pa dang gzhan la phan pa la zhugs pa/ snying rje che ba bdag nyid che ba chos 'dod pa skye dgu la byams pa thams cad sbyin pa thams cad yongs su gtong ba chags pa med par yongs su gtong ba gtong ba chen po
98a7 la gnas pa zhig go/ /phyis re shig na mu ge'i bar gyi bskal pa dang 'dra bar mu ge chen po byung ngo / /de nas skye bo'i tshogs mu ge'i dus ma yin par 'chi bas 'jigs pa bkres shing lkog ma dang 'gram
98a8 pa zhom pa/ yi dags kyi lus 'dra ba de dag 'dus shing tshogs la gcig tu 'phungs te/ rgyal po'i thad du dong nas rgyal bar gyur cig /sku tshe ring bar shog cig ces bstod de smras pa/ lha bdag cag mu
98b1 ge'i 'jigs pa 'di las yongs su skyob cing srog stsal du gsol zhes byas so/ /de nas rgyal pos mdzod pa la bos te/ kwa ye mdzod pa mdzod na zas dang skom bdag cag dang skye bo'i tshogs 'di rnams kyi
98b2 chog par yod dam zhes byas so/ /de thos nas mdzod srungs na re rtsis te lha la gsol bar 'tshal lo zhes byas so/ /de nas rtsis mkhas pa rnams kyis rtsis na/ 'di srid cig gi bar du yul na 'khod pa thams
98b3 cad ni nyin gcig bzhin kham re re 'tshal la/ rgyal po ni zhal kham gnyis gnyis gsol ba mchis so zhes gsol to/ /de nas rgyal pos skye bo'i tshogs rnams la bos te bsgo ba/ 'o na khyed nyin gcig
98b4 bzhin du rgyal po'i pho brang du shog la/ kham re re zos nas dengs shig ces byas so/ /de nas de dag nyin gcig bzhin du lhags te/ mi re kham re zos nas gar dga' bar 'dong bar byed do/ /de nas bram ze
98b5 gzhan zhig rtsis de'i nang du ma zhen te/ gzhan las gtam thos nas rgyal po la smras pa/ lha rtsis mdzad par yul mi'i nang du bdag gis thos kyis bdag la 'ang kham gcig po de stsol cig ces byas so/ /
98b6 de nas rgyal pos bdag nyid kham gnyis za ba las kham gcig bram ze la byin nas/ kham gcig ni yul mi dang thang mnyam par za bar byed do/ /lha'i dbang po brgya byin ni 'og ma la shes pa'i mthong ba 'jug
98b7 ste/ de 'di snyam du sems te/ kye ma yul bA rA Na sI na/ rgyal po byed pa de ni shin tu dka' ba byed cing 'dug gis de bdag gis de la bgam par bya'o snyam mo/ /de nas lha'i dbang po brgya byin gyis bdag nyid
98b8 bram ze'i cha lugs su sprul te/ gro la bab pa'i tshe/ rgyal po'i thad du song nas rgyal bar gyur cig sku tshe ring bar shog cig ces bstod nas smras pa/ lha bdag bkres kyis lha nyid kyi zhal kham cig
99a1 po des bdag la phan gdags par gsol/ de nas rgyal pos rang gi srog yongs su gtang bar chad nas/ snying rjes bdag gi kham cig po de bram ze la byin nas smyung bar 'dug ste/ de lta bu'i
99a2 tshul gyis zhag drug gi bar du zan bcad do/ /'on kyang skye bo phal po che de dag zan za ba mthong nas mchog tu dga' bar sems so/ /de nas lha'i dbang po brgya byin gyis rgyal po de shin tu dka' ba byed pa mthong
99a3 nas bram ze'i cha lugs mi snang bar byas te/ rang gi gzugs su 'dug nas rgyal po la bstod pa/ rgyal po chen po legs so legs so/ khyed dka' ba la zhugs pa 'dis bdag dga' bar gyur to/ /skye dgu
99a4 skyong ba 'di lta bu yod pa las na skye bo'i tshogs 'di dag ni mgon yod pa yin no/ /da sa bon thams cad thob cig ces yul phyogs su bsgo shig dang bdag gis zhag bdun na/ gang gis 'bru rnams rgyal bar 'gyur
99a5 ba de lta bu'i dbang chen gyi char dbab par bya'o zhes byas so/ /rgyal pos kyang de bzhin du byed du bcug go/ /brgya byin gyis kyang de lta bu'i dbang chen gyi char phab ste/ des na mu ge de bzlog ste lo legs
99a6 par gyur to/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po tshangs pas byin zhes bya bar gyur pa gang yin pa de ni nga yin de/ ngas de lta bu'i mu ge byung na yang rang gi
99a7 srog yongs su btang ste de lta bu'i sbyin pa dag byin no/ /dge slong dag de bas na 'di ltar bslab par bya ste sbyin pa dag sbyin no/ /bsod nams dag bya'o zhes dge slong khyed kyis de ltar bslab par bya'o/ /bcom ldan 'das kyis de
99a8 skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //chos skyong zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug
99b1 po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar
99b2 byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza'
99b3 dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /gang gi tshe mi blun
99b4 po lhas sbyin gyis/ bcom ldan 'das bgrongs pa'i phyir/ glang po che nor skyong yang btang dug gi phye mas kyang gtor/ gshed ma'i mi yang bkye ste/ de bcom ldan 'das la yun ring po nas gshed ma dang dgra dang mi mdza' bar
99b5 gyur la/ bcom ldan 'das ni de la byams pa'i dgongs pa dang phan pa'i dgongs pa dang thugs brtse ba'i dgongs pa nye bar gnas par gyur pa de'i tshe/ dge slong rnams kyis bcom ldan 'das la zhus pa/ bcom ldan 'das
99b6 'di ltar lhas sbyin 'di ni bcom ldan 'das bgrongs pa'i slad du brtson par bgyid la/ bcom ldan 'das ni 'di la byams pa'i dgongs pa dang phan pa'i dgongs pa dang thugs brtse ba'i dgongs pas nye bar gnas pa la
99b7 gzigs/ bcom ldan 'das kyis bka' stsal pa/ dge slong dag da ltar de bzhin gshegs pa 'dod chags dang bral ba zhe sdang dang bral ba gti mug dang bral ba skye ba dang rga ba dang na ba dang 'chi ba dang mya ngan dang smre
99b8 sngags 'don pa dang sdug bsngal ba dang yid mi bde ba dang 'khrug pa rnams las yongs su grol ba thams cad mkhyen pa/ rnam pa thams cad mkhyen pa/ ye shes dang shes bya thams cad la mnga' brnyes zin pa 'di lta la ngo mtshar
100a1 che ba ci yod/ 'das pa'i dus na 'dod chags dang bcas pa zhe sdang dang bcas pa gti mug dang bcas pa na/ na so gzhon pa'i tshe gsod du 'ongs pa na yang / ngas 'di la sems sdang ba ma byas pa de legs
100a2 par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/ grong khyer bA rA Na sI na rgyal po tshangs pas byin zhes bya ba rgyal po byed de/ de'i ring la 'byor pa dang rgyas pa dang bde ba
100a3 dang lo legs pa dang skye bo dang mi mang pos yongs su gang ba dang 'thab pa dang / rtsod pa zhi ba dang 'khrug pa dang nang 'khrug dang chom rkun dang mu ge dang nad rnams med pa dang 'bras sA lu dang bu ram shing dang ba lang dang
100a4 ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de yang dad pa dang ldan la dge zhing bsam pa bzang ba bdag la phan pa dang gzhan la
100a5 phan pa la zhugs pa snying rje che ba bdag nyid che ba chos 'dod pa skye dgu la byams pa/ thams cad sbyin pa thams cad yongs su gtong ba chags pa med par yongs su gtong ba zhig ste gtong ba chen po la gnas so/ /
100a6 rgyal po de la btsun mo blo ngan ma zhes bya ba gtum zhing khro la gzu lums can zhig yod de/ bu gcig pa chos skyong zhes bya ba yang blo ngan ma de nyid las btsas so/ /gzhon nu chos skyong de yang dad pa dang ldan la/
100a7 dge zhing bsam pa bzang ba bdag la phan pa dang gzhan la phan pa la zhugs pa snying rje che ba bdag nyid che ba chos 'dod pa skye dgu la byams pa zhig ste/ de yang bA rA Na sI na gnas pa'i bram ze dang khyim bdag
100a8 rnams kyis mthong na sdug cing phangs la snying du sdug cing yid du 'ong bar bya ba yin no/ /de nas de mkhan po'i thad du song nas byis pa dag dang lhan cig tu yi ge slob bo/ /phyis re shig na rgyal po dpyid kyi dus kyi
100b1 tshe/ shing rnams me tog rgyas pa dang ngang pa dang khrung khrung dang rma bya dang ne tso dang ri skegs dang / khu byug dang / shang shang te'u rnams skad 'byin pa'i nags khrod du/ btsun mo dam pa dang bcas pa'i btsun mo'i
100b2 'khor gyis zhabs 'bring byas te skyed mos tshal gyi sar song ste/ skyed mos tshal de na/ rgyal po btsun mo'i 'khor dang lhan cig rtse ba las btsun mo blo ngan ma phrag dog dang khro bas non te 'khrugs so/ /rgyal
100b3 pos ni de la skom 'thungs pa'i phyed bskur ba dang / de 'khrugs pas rgyal po la phrin spring ba gal te bdag khyod kyis 'thungs pa'i phyed 'thung bar gyur na/ bdag bu'i khrag 'thung bar gyur cig ces byas so/ /'dod
100b4 pa sten pa la ni sdig pa'i las mi bya ba ci yang med de/ de nas rgyal po tshangs pas sbyin chos can yin mod kyi/ 'dod pa'i 'dod chags kyi kun nas bkris pa med par gyur nas/ btsun mo'i 'khor gyis phe'u
100b5 btab kyang khro ba'i me 'bar te de je thur khros nas/ khyed deng la khye'u chos skyong gi mgul ba chod de de la khrag blud cig ces bsgo'o/ /de nas khye'u chos skyong byis pa'i grwa khang na 'dug pas thos nas/ ngus te 'di skad
100b6 du 'khor ba na sems can mi mthun pa ni tha chad yin te 'di ltar khro ba'i dbang gis rang gi lus las byung ba'i bu yang gsod par byed do zhes smras so/ /de nas khye'u chos skyong rgyan thams cad kyis brgyan te/
100b7 yab kyi zhabs la phyag 'tshal nas gsol ba/ yab cig pa'o 'tshal la ni bu sdug la bdag gis kyang nongs pa ma bgyis na bdag mi dgum par ci gnang / rgyal pos bka' stsal pa/ bu sdug gal te khyod
100b8 kyi mas bzod na ni ngas kyang bzod par bya'o/ /de nas chos skyong ma'i thad du song ste rkang pa la phyag 'tshal nas thal mo sbyar te/ yum bzod pa mdzod la bdag gsod du ma stsal cig /ces smras so/ /
101a1 de skad du snying rje rje skad zer zhing sdug sdug skad zer la/ gti zhing smra ba'i tshig thos kyang des bzod pa ma byas so/ /de nas gshed ma rnams kyis mtshon rnon pos khye'u chos skyong gi mgul pa bcad
101a2 de/ btsun mo blo ngan ma la khrag blud na 'on gyang blo ngan ma 'gyod pa yang med do/ /khye'u chos skyong ni pha ma dang gshed ma rnams la sems dga' ba bskyed nas shi'o/ /bcom ldan 'das kyis bka' stsal pa/ dge slong
101a3 dag ji snyams du sems/ de'i tshe de'i dus na khye'u chos skyong zhes bya bar gyur pa gang yin pa de ni nga yin no/ /btsun mo blo ngan ma ni lhas byin 'di kho na yin te de'i tshe gshed ma'i lag tu song ba na yang 'di la byams pa'i
101a4 sems bskyed la/ da ltar nga la gsad par brtson na yang nga 'di la byams par sems phan par sems snying brtse bar sems so/ /dge slong dag de bas na 'di ltar bslab par bya ste/ sems can thams cad la
101a5 byams pa'i sems bsgom par bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par
101a6 bstod do// //zhi ldan zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang
101a7 lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu
101a8 dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims
101b1 cha dang gdan dang snyun gsos dang sman zong rnams brnyas pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du
101b2 yod pa na dge slong dag 'dus pa chen po gnyis su gyur te/ gcig ni dbyar zla 'bring po la dbyar gnas par dam 'cha'o/ /gcig ni ston zla tha chungs nya'i bar du dbyar gnas par dam 'cha' ste/ der dge slong dag lhung bzed
101b3 rnams kha dog sgyur bar byed chos gos 'khru zhing btso blag byed tshem bu rnams 'drub par byed do/ /de nas re shig na dge slong zhig chos gos 'drub par 'dod de khab kyi mig tu skud pa gzhug ma nus nas snying rje rje skad zer
101b4 zhing sdug sdug skad zer la gti zhing smra ste/ 'jig rten na bsod nams 'dod pa su yod/ 'jig rten na bsod nams 'dod pa su yod ces zer ro/ /bcom ldan 'das kyang de dang thag mi ring ba zhig na 'chag sa na 'chag cing bzhugs so/ /
101b5 de nas bcom ldan 'das kyis glang po che'i sna lta bu'i phyag brkyang nas/ gdangs zab cing snyan la zur phyin pa dang bya ka la ping ka'i skad lta bur yid du 'ong ba rnga bo che'i sgra ltar snyan pa'i gsung gis bka'
101b6 stsal pa/ dge slong nga ni 'jig rten na bsod nams 'dod pa'o/ /de nas dge slong des bcom ldan 'das kyis gsung yan lag lnga dang ldan pa thos nas gus par bsgrim pas la gor du bcom ldan 'das kyi phyag
101b7 nas bzung ste rang gi mgo la gzhag nas smras pa/ bcom ldan 'das khyod kyi phyag 'dis bskal pa grangs med pa gsum gyi bar du sbyin pa dang tshul khrims dang bzod pa dang brtson 'grus dang bsam gtan dang
101b8 shes rab bsags na/ 'on kyang da dung bcom ldan 'das 'di skad du dge slong nga ni 'jig rten na bsod nams 'dod pa'o zhes gsung ngam/ bcom ldan 'das kyis bka' stsal pa/ dge slong nga ni bsod nams
102a1 kyis chog mi shes te/ dge slong ngas ni bsod nams kyi ro myong bas na de'i phyir nga bsod nams kyis chog mi shes so/ /de nas dge slong dag the tshom skyes te the tsom thams cad gcod pa/ sangs rgyas bcom
102a2 ldan 'das la zhus pa/ bcom ldan 'das bsod nams kyi 'du byed rnams kyis chog mi mkhyen pa ni ngo mtshar lags so/ /bcom ldan 'das kyis bka' stsal pa/ dge slong dag da ltar de bzhin gshegs
102a3 pa 'dod chags dang bral ba zhe sdang dang bral ba gti mug dang bral ba skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa las yongs su grol ba/ thams cad mkhyen pa/
102a4 rnam pa thams cad mkhyen pa ye shes dang shes bya thams cad la mnga' brnyes zin pa 'di lta bu la ngo mtshar che ba ci yod/ 'das pa'i dus na 'dod chags dang bcas pa zhe sdang dang bcas pa gti
102a5 mug dang bcas pa/ skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa rnams las yongs su ma grol ba'i tshe/ nga bsod nams kyi 'du byed
102a6 rnams kyis chog mi shes pa de legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/ rgyal po'i pho brang zhi ba'i sgra chen zhes bya ba na/ rgyal po zhi ldan zhes bya ba
102a7 rgyal po byed de/ de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad rnams med pa dang
102a8 'bras sA lu dang bu ram shing dang ba lang dang ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de yang dad pa dang ldan la/
102b1 dge zhing bsam pa bzang ba bdag la phan pa dang gzhan la phan pa la zhugs pa snying rje che ba bdag nyid che ba chos 'dod pa skye dgu la byams pa thams cad sbyin pa thams cad yongs su gtong ba chags pa med par yongs su gtong ba
102b2 gtong ba chen po la gnas pa zhig go/ /de nas de nang par sngar langs te mchod sbyin gyi 'dun khang du song nas zas 'dod pa rnams la ni zas sbyin par byed do/ skom 'dod pa rnams la ni skom sbyin par byed/ gos 'dod pa
102b3 rnams la ni gos sbyin par byed cing / nor dang 'bru dang mgron bu dang gser dang nor bu dang mu tig dang bai dUr+ya dang dung dang man shel dang byi ru rnams yongs su gtong bar byed do/ /'on kyang de bsod nams kyi 'du byed rnams
102b4 kyis chog mi shes so/ /de btsun mo'i 'khor du song nas btsun mo'i 'khor la zas dang skom sbyin par byed do/ /bu rnams dang blon po rnams dang dpa' bo dang ru mchog dang grong rdal gyi mi rnams dang yul mi rnams la
102b5 zas dang skom sbyin par byed do/ /de nas rgyal po zhi ldan 'di snyam du sems te/ bdag gis mi rnams ni tshim par byas na srog chags phra mo rnams lus pa de dag ci zhig gis tshim par bya snyam mo/ /des bdog
102b6 pa thams cad yongs su gtang bas gos ya cig tsam gyon par zad de lus nyi tshe las par gyur nas bsams pa/ srog chags phra mo rnams la ni rang gi lus sbyin par bya'o snyam mo/ /des lus bzhogs nas
102b7 gang na sha sbrang dang sbrang bu mchu rings la sogs pa yod pa der lus bor te 'dug nas bu gcig pa sdug pa la bya ba bzhin du khrag gis tshim par byas so/ /lha'i dbang po brgya byin ni 'og ma la shes pa'i mthong ba
102b8 'jug ste de 'di snyam du sems te/ ci rgyal po zhi ldan 'di sems can rnams kyi don du 'di ltar byed dam/ 'on te snying rjes byed cig gu snyam nas bdag gis 'di bgam par bya'o snyam mo/ /de nas bya rgod stang zil
103a1 bcag pa'i 'phro lta bu dang gnag tsa'i mdog can lta bur bdag nyid sprul te/ rgyal po zhi ldan gyi thad du song nas mchus mig bru bar gzas na yang rgyal po de skrag par ni ma gyur gyi/ byams pa'i mig chen pos bya rgod
103a2 de la bltas nas smras pa/ bu nga'i lus las gang 'dod pa las ci dga' mgur gyis shig ces byas so/ /de nas lha'i dbang po brgya byin dga' bar gyur te/ bram ze'i cha lugs su sprul nas rgyal po zhi ldan gyi mdun du 'greng ste
103a3 smras pa/ rgyal po legs kyis khyod kyi mig gnyis nga la byin cig rgyal pos smras pa/ kye bram ze nga'i lus 'di la 'gog pa su yang med kyis ci 'dod pa khyer cig ces byas so/ /de nas lha'i dbang po brgya byin lhag par dga'
103a4 bar gyur nas bram ze'i cha lugs mi snang bar byas te/ rang gi gzugs su 'dug nas rgyal po la smro ba bskyed de smras pa/ kye rgyal po legs so legs so/ /khyod kyi blo shin tu nges so khyod kyi smon lam bskyod du med do/ /
103a5 sems can rnams la khyod kyi snying rje chen po'i rgyun 'bab par gyur to/ /khyod 'jigs par bya ba'i chos rnams la 'di ltar 'jigs pa med pa las na khyod ring po mi thogs par brtson pa 'dis/ bla na med pa yang dag par
103a6 rdzogs pa'i byang chub tu mngon par rdzogs par 'tshang rgya bar 'gyur ro zhes byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po zhi ldan du gyur pa gang
103a7 yin pa de ni nga yin te/ de'i tshe yang nga bsod nams mngon par 'du byed pa rnams kyis chog ma shes na da ltar lta ci smos/ dge slong dag de bas na 'di ltar bslab par bya ste sbyin pa dag sbyin no/ /bsod nams dag
103a8 bya'o zhes dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gzugs
103b1 bzang zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin
103b2 rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye
103b3 chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang
103b4 bcas pa/ mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /gang gi tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang
103b5 bu'i sbrang rtsi ma skol ba dang 'dra ba'i chos ro dang ldan no cog bshad de/ /'khor brgya phrag du mas kyang dbang po rnams mi g.yo bar bcom ldan 'das la chos ro dang ldan no cog mnyan pa de'i tshe dge slong dag the tsom skyes te the tsom thams cad
103b6 gcod pa sangs rgyas bcom ldan 'das la zhus pa/ btsun pa sems can 'di rnams chos rin po che'i snod du yang gyur te/ gus par mnyan par sems pa la gzigs/ bcom ldan 'das kyis bka' stsal pa/ dge slong dag
103b7 de bzhin gshegs pas ji ltar gus pa bskyed de chos mnyan pa dang bzung ba de legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na grong khyer bA rA Na sI na rgyal po gzugs
103b8 bzang zhes bya ba zhig rgyal po byed de de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang 'thab pa dang / rtsod pa zhi ba dang 'khrug pa dang nang 'khrug dang chom rkun dang mu ge dang nad
104a1 rnams med pa dang 'bras sA lu dang bu ram shing dang ba lang dang ma he dang ldan par 'dug ste gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /rgyal po de yang dad pa dang
104a2 ldan la dge zhing bsam pa bzang ba bdag la phan pa dang gzhan la phan pa la zhugs pa/ snying rje che ba/ bdag nyid che ba/ chos 'dod pa skye dgu la byams pa thams cad sbyin pa thams cad yongs su gtong ba chags pa med par
104a3 yongs su gtong ba gtong ba chen po la gnas pa zhig go/ /de nas rgyal po de la btsun mo mdzes ldan ma zhes bya ba gzugs bzang zhing blta na sdug la mdzes pa yan lag dang nying lag thams cad dang ldan pa zhig yod do/ /bu gcig
104a4 pa mdzes ldan zhes bya ba sdug cing phangs la snying du sdug cing yid du 'ong ba bzod pa dang ldan pa mi mthun pa med pa zhig kyang yod do/ /de nas phyi zhig na rgyal po gzugs bzang chos 'dod par gyur nas des blon po thams cad
104a5 bsogs te smras pa/ yul gyi gtso bo dag nga chos 'dod kyis nga'i chos tshol cig ces bsgo'o/ /de nas blon po de dag gis thal mo sbyar te gsol pa/ rgyal po chen po chos ni dkon te sangs rgyas 'jig rten du byung na
104a6 gdod chos 'byung ngo zhes gda'o/ /de nas rgyal pos gser 'bum yod pa'i snod rgyal mtshan gyi rtse mo la btags te/ yul thams cad du dril bsgrags nas nga'i yul na chos smra ba gang yin pa de la gser 'bum yod pa'i
104a7 snod 'di sbyin no/ /bkur sti chen pos kyang bkur zhing bstod par bya'o zhes kyang byas so/ /de nas yun ring po zhig lon kyang chos smra ba su yang mi snang ngo / /de nas rgyal po chos kyi phyir gdung zhing yi chad do/ /lha'i dbang
104a8 po brgya byin ni 'og ma la shes pa'i mthong ba 'jug ste/ des rgyal po chos kyi phyir phongs shing 'dug pa mthong nas de 'di snyam du sems te/ bdag gis rgyal po gzugs bzang bgam par bya'o snyam mo/ /de nas bdag nyid
104b1 gnod sbyin rkang lag dang mig mi sdug pa zhig tu sprul nas/ rgyal po 'khor du ma'i nang na 'dug pa la 'di skad ces smras so/ /ci khyod chos 'dod ce na/ ngas khyod la chos bston to/ /de nas rgyal pos chos kyi sgra thos pas dga'
104b2 zhing mchog tu dga' ba skyes nas gnod sbyin la 'di skad ces smras so/ /gsang ba pa chos smros shig ngas mnyan par bya'o/ /gnod sbyin gyis smras pa/ kye ma rgyal po chen po bde zhing 'khod pa ni chos smra bar byed kyi nga ni bkres kyis
104b3 je zan byin cig /de nas rgyal pos de thos nas/ zho shas 'tsho ba rnams la 'di'i bza' ba dang bca' ba'i rnam pa dag 'on cig ces bsgo'o/ /gnod sbyin gyis smras pa/ nga ni 'phral la bsad pa'i sha dang khrag za
104b4 zhing 'thung ba yin gyis bu gcig pa mdzes ldan 'di nga la byin cig /de nas rgyal pos de thos nas mchog tu mi dga' bar gyur te/ brgya lam na lan cig deng lta zhig chos kyi sgra dang phrad na de yang rin thang gdab du med
104b5 pas nyo dgos so snyam mo/ /de nas gzhon nu mdzes ldan gyis de thos nas yab kyi zhabs la phyag 'tshal te gsol pa/ lha bzod pa mdzad de lha'i dgongs pa rdzogs par mdzad la bdag gsang ba pa'i zas su stsal bar
104b6 gsol zhes byas so/ /de nas rgyal pos bu gcig pa sdug cing phangs la snying du sdug cing yid du 'ong ba bzod pa dang ldan pa mi mthun pa med pa de chos kyi don du gnod sbyin la byin no/ /de nas gnod sbyin gyis rang gi
104b7 rdzu 'phrul gyi stobs kyis rgyal po dang 'khor rnams la khye'u yi yan lag dang nying lag rnams so sor bcad cing bcad cing zos pa dang khrag kyang 'thungs par bstan to/ /rgyal po des mthong na chos 'dod pa'i phyir
104b8 mi dga' bar ma gyur to/ /de nas gnod sbyin gyis rgyal po la smras pa/ rgyal po nga ma 'grangs kyis yang byin cig ces byas so/ /rgyal pos de la snying du sdug pa'i chung ma yang byin no/ /de nas de yang thabs
105a1 de kho na ltar zos par bston to/ /de nas yang rgyal po la smras pa/ kye rgyal po nga da dung ma 'grangs so/ /de nas rgyal pos gnod sbyin la smras pa/ bu ngas bu gcig pa dang sdug pa'i chung ma yang byin zin na yang
105a2 ci 'dod/ gnod sbyin gyis smras pa/ rang gi lus nga la byin cig dang des dan nga 'grangs par 'gyur ro/ /rgyal pos smras pa/ gal te rang gi lus khyod la byin na ngas ji ltar chos mnyan gyis/ sngar nga la chos je ston dang
105a3 ngas chos thos pa 'og tu rang gi lus yongs su btang bar bya'o zhes byas so/ /de nas gnod sbyin gyis rgyal po dam gyi 'og tu bcug nas 'khor brgya phrag du ma'i mdun du chos bstan pa/ sdug pa dag la mya ngan skye/ /sdug pa
105a4 dag las 'jigs pa skye/ /'jigs pa dag las rnam grol rnams/ /mya ngan med na ga la 'jigs/ /de nas rgyal pos tshigs su bcad pa 'di thos ma thag tu yid rab tu sim par gyur te/ dbang po dga' zhing yid bde ba skyes nas gnod
105a5 sbyin la smras pa/ gnod sbyin nga'i lus 'di ji dga' bar gyis shig ces byas so/ /de nas lha'i dbang po brgya byin gyis rgyal po de bla na med pa yang dag par rdzogs pa'i byang chub las lhun po bzhin du mi g.yo bar rig nas/
105a6 gnod sbyin gyi gzugs mi snang bar byas te/ rang gi gzugs su 'dug nas dga' zhing mdangs phyung ba'i mig dang ldan pas lag pa ya cig gis ni bu bzung ya cig gis ni chung ma bzung nas rgyal po spro ba bskyed de smras pa/
105a7 skyes bu dam pa legs so legs so/ /khyod kyi go cha brtan gyis brtson pa 'dis ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /khyod kyi sdug pa'i mi dang
105a8 phrad pa yang 'di yin no zhes byas so/ /de nas rgyal pos lha'i dbang po brgya byin la 'di skad ces smras so/ /kau shi ka bdag gi chos kyi bsam pa yongs su rdzogs par byas pa legs so legs so/ /bcom ldan 'das
105b1 kyis bka' stsal pa/ dge slong dag ji snyam du sems de'i tshe de'i dus na rgyal po gzugs bzang zhes bya bar gyur pa gang yin pa de nga yin no/ /gzhon nu mdzes ldan ni kun dga' bo yin no/ /mdzes ldan ma ni grags
105b2 'dzin ma yin no/ /dge slong dag de'i tshe yang ngas chos kyi phyir gnyen sdug pa yongs su gtong ba dang rang gi srog yongs su gtong ba byas na da ltar lta ci smos/ dge slong dag de bas na 'di ltar bslab par bya ste/ chos
105b3 la bkur sti bya'o/ /bla mar bya'o/ /ri mo bya'o/ /mchod pa bya'o/ /chos la bkur sti byas/ bla mar byas/ ri mor byas/ mchod pa byas nas brten te gnas par bya'o zhes dge slong khyod kyis de ltar bslab
105b4 par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa rjod pa brgya pa/ bam po dgu
105b5 pa/ mdza' bo'i bu mo zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang
105b6 lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu
105b7 dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims
105b8 cha dang gdan dang snyun gsos dang sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs
106a1 so der bcom ldan 'das kyis dge slong rnams la bka' stsal pa/ dge slong dag khyim gang dag na pha ma gnyis la legs par ri mo byed pa dang legs par mchod pa byed pa dang legs par g.yog byed pa'i
106a2 khyim de dag ni tshangs pa dang ldan pa yin no/ /de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas tshangs pa dang 'dra ba'i phyir ro/ /dge slong dag khyim gang dag na pha ma gnyis la
106a3 legs par ri mo byed pa dang legs par mchod pa byed pa dang legs par g.yog byed pa'i khyim de dag ni slob dpon dang ldan pa yin no/ /de ci'i phyir zhe na/ rigs kyi bu'i pha ma gnyis ni rigs pa'i sgo nas slob dpon dang 'dra
106a4 ba'i phyir ro/ /dge slong dag khyim gang dag na pha ma gnyis la legs par ri mo byed pa dang legs par mchod pa byed pa dang legs par g.yog byed pa'i khyim de dag ni kun tu sbyin pa'i 'os su gyur pa dang ldan pa yin no/ /
106a5 de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas kun tu sbyin pa'i 'os su gyur pa yin pa'i phyir ro/ /dge slong dag khyim gang dag na pha ma gnyis la legs par ri mo byed pa dang legs par
106a6 mchod pa byed pa dang legs par g.yog byed pa'i khyim de dag ni me dang ldan pa yin no/ /de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas me dang 'dra ba'i phyir ro/ /dge slong dag khyim
106a7 gang dag na pha ma gnyis la legs par ri mo byed pa dang legs par mchod pa byed pa dang legs par g.yog byed pa'i khyim de dag ni lha dang ldan pa yin no/ /de ci'i phyir zhe na/ dge slong dag rigs kyi bu'i pha ma gnyis
106a8 ni rigs pa'i sgo nas lha dang 'dra ba'i phyir ro/ /bcom ldan 'das kyis de skad ces bka' stsal te/ bde bar gshegs pas de skad gsungs nas gzhan yang ston pas 'di skad ces bka' stsal to/ /
106b1 pha ma gnyis ni tshangs pa ste/ /de bzhin dang po'i slob dpon yin/ /bu yi kun sbyin 'os gyur pa/ /mi yang yin la lha yang yin/ /de phyir de gnyis phyag gi gnas/ /dril ba dang ni khrus rnams dang / /rkang
106b2 pa dag kyang bkru ba dang / /yang na zas dang skom rnams dang / /gos dang mal cha stan rnams kyis/ /mkhas pa dag gis bkur sti bya/ /pha ma dag la bkur byas pa/ /des na mkhas pa de dag ni/ /'dir
106b3 yang mad par mi 'gyur la/ /shi na 'ang mtho ris dga' bar 'gyur/ /gang gi tshe bcom ldan 'das kyis mdo 'di bka' stsal pa de'i tshe/ dge slong dag the tsom skyes te the tsom thams cad gcod pa sangs
106b4 rgyas bcom ldan 'das la zhus pa/ btsun pa bcom ldan 'das pha ma la sri zhu che ba'i bsngags pa gsung ba ni ngo mtshar lags so/ /bcom ldan 'das kyis bka' stsal pa/ dge slong dag da ltar de bzhin
106b5 gshegs pa 'dod chags dang bral ba zhe sdang dang bral ba gti mug dang bral ba skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa rnams las yongs
106b6 su grol ba thams cad mkhyen pa/ rnam pa thams cad mkhyen pa ye shes dang shes bya thams cad la mnga' brnyes zin pa na/ pha ma la sri zhu che ba'i bsngags pa brjod pa 'di lta la ngo mtshar che ba ci yod/ 'das
106b7 pa'i dus na nga 'dod chags dang bcas pa/ zhe sdang dang bcas pa gti mug dang bcas pa skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa rnams las
106b8 yongs su ma grol ba'i tshe ma la gnod pa chung ngu byas pas kyang sdug bsngal chen po myong bar gyur la/ bkur sti chung ngu byas pas kyang bde ba chen po myong bar gyur pa de legs par rab tu nyon la yid la zung shig dang /
107a1 ngas bshad do/ /dge slong dag sngon byung ba 'das pa'i dus na grong khyer bA rA Na sI na ded dpon mdza' bo zhes bya ba phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa
107a2 rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las bu dag byung yang shi bar gyur
107a3 te/ de lag pa la rkom tshugs bcas nas bdag gi khyim nor du ma dang ldan du zin kyang bdag la bu yang med bu mo yang med pas bdag shi ba'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam
107a4 ste sems khongs su chud cing 'dug go/ /de nas de la kha cig gis gdams ngag bstan pa/ gal te khyod kyi bu byung bar gyur na de la bu mo'i ming thogs shig dang de ltar byas na de yun ring du 'tsho bar 'gyur ro zhes byas so/ /
107a5 de bu med de bu 'dod pa'i phyir gu lang dang chu lha dang ku be ra dang brgya byin dang tshangs pa la sogs pa dang lha'i khyad par gzhan dag la yang gsol ba 'debs te 'di lta ste/ kun dga' ra ba'i lha dang nags tshal gyi lha dang
107a6 lam gyi bzhi mdo'i lha dang sum mdo'i lha dang gtor ma len pa'i lha dang lhan cig skyes pa dang chos mthun pa pa dang rtag tu phyi bzhin 'brang ba'i lha rnams la yang gsol ba 'debs la/ 'jig rten na yang gsol ba
107a7 btab pa'i rgyus bu dang bu mo skye bar 'gyur ro zhes bya ba'i gtam de yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor los sgyur ba'i rgyal po bzhin
107a8 du re re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te gsum gang zhe na pha ma gnyis 'dod chags langs te phrad pa dang ma dus la bab
107b1 cing zla mtshan dang ldan pa dang dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de nas de yang gsol ba 'debs pa lhur byed cing 'dug la/ sems can zhig kyang sems can
107b2 gyi ris shig nas shi 'phos nas de'i chung ma'i ltor zhugs so/ /bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa yang shes la/ ma chags
107b3 pa yang shes pa dang dus kyang shes la zla mtshan yang shes pa dang bu chags pa yang shes pa dang gang las bu chags pa/ shes pa dang khye'u yang shes la bu mo yang shes pa ste/ gal te khye'u yin na ni lto g.yas
107b4 logs su rten cing gnas so/ /gal te bu mo yin na ni lto g.yon logs su rten cing gnas so/ /de dga' ches nas khyim thab la sbran pa jo bo bdag la sras chags te/ bdag gi rum g.yas logs na rten
107b5 cing gnas pa las na khye'ur 'gyur bar nges kyis dgyes pa bskyed du gsol zhes byas so/ /de yang dga' ches te ro stod ni bteg lag pa g.yas pa ni brkyang nas bdag gis yun ring po nas smon smon pa'i bu'i
107b6 ngo mthong bar 'ong ngo / /bdag gi bu rung bar gyur cig /mi rung bar ma gyur cig /gsos na bdag gi bya ba dag byed par shog cig /gsos pa'i lan phyir gso bar shog cig /nor skal la spyod par shog cig /
107b7 bdag gi rigs rgyud ring du gnas par shog cig /bdag cag 'das te shi ba'i 'og tu yang bdag cag gi phyir mang yang rung nyung yang rung ste sbyin pa dag byin la/ bsod nams dag byas nas/ de gnyis
107b8 gang dang gang du skyes shing 'gro ba der 'di song shig ces yon bsngo bar shog cig ces dga' ba'i tshig brjod do/ /de nas des bu chags par rig nas bu'i rim gro bya ba'i phyir/ khang bzangs kyi steng du nyam rungs su
108a1 bzhag ste grang ba'i tshe grang ba'i yo byad rnams dang tsha ba'i tshe tsha ba'i yo byad rnams dang sman pas bstan pa'i zas rnams dang ha cang kha ba ma yin pa rnams dang ha cang skyur ba ma yin pa rnams dang ha cang
108a2 lan tshwa che ba ma yin pa rnams dang ha cang mngar ba ma yin pa rnams dang ha cang ro tsha ba ma yin pa rnams dang ha cang bska ba ma yin pa rnams te kha ba dang skyur ba dang lan tshwa dang mngar ba dang tsha ba dang bska ba med
108a3 pa'i zas rnams kyis brten cing / do shal dang se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng dang khri'i steng nas khri'i steng du rgyu zhing 'og gis
108a4 sa gzhi la mi 'bab pa dang / des yid du mi 'ong ba'i sgra skad ci yang mi thos par byas so/ /de nas de zla ba brgyad dam dgu lon pa dang bu byung ste/ khye'u gzugs bzang zhing lta na sdug la mdzes pa mdog
108a5 bzang ba gser gyi kha dog can mgo bo gdugs ltar 'dug pa lag pa ring ba dpral ba'i dbyes che ba sna mtho ba sna legs pa/ smin ma stug pa yan lag dang nying lag thams cad dang ldan pa zhig btsas nas
108a6 nas/ de btsas pa'i btsas ston byas nas khye'u'i ming ji skad gdags shes ming 'dogs par byed de/ nye du rnams na re khye'u 'di mdza' bo'i bu yin la bu mo 'ang yin pas na/ de'i phyir khye'u 'di'i ming ni mdza'
108a7 bo'i bu mo zhes bya'o zhes zer ro/ /de nas khye'u mdza' bo'i bu mo pang na 'tsho ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la
108a8 gtad nas/ ma ma brgyad kyis 'o ma dang zho dang mar dang zhun mar dang mar gyi nying khu dang gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du skye drag par gyur to/ /
108b1 de'i pha ni rgya mtsho chen por song nas de nyid du shi'o/ /de nas gang gi tshe mdza' bo'i bu mo cher skyes pa de'i tshe ma la smras pa/ yum bdag gi pha sngon las ji lta bu zhig gis 'tsho bar gyur/ bdag gis kyang de'i rjes
108b2 su de dang 'dra bar bgyi 'tshal lo/ /de nas mas bsams pa/ gal te bdag gis 'di la rgya mtsho chen po'i tshong pa byed byed do zhes byas na ni/ 'di yang brgya la rgya mtsho chen por song na de nyid du 'chi bar 'ong ngo
108b3 snyam nas smras pa/ bu khyod kyi pha ni sngon yul tshong pa byed byed kyis khyod kyang 'dod na yul tshong pa gyis shig ces byas so/ /de nas des yul tshong pa'i las byas na dang po'i nyin par kar Sha pa Na bzhi rnyed de/ de ma la byin nas yum
108b4 'dis dge sbyong dang bram ze dang sdug cing phongs pa dang bkren pa rnams la sbyin pa mdzod cig ces byas so/ /de nas re shig na gzhan zhig na re khyod kyi pha spos kyi tshong pa byed byed do zhes byas pa dang / des yul tshong pa'i las btang
108b5 te spos kyi tshong byas so/ /de nas kar Sha pa Na brgyad rnyed de/ de dag kyang des ma la byin no/ /de nas re shig na gzhan zhig na re khyod kyi pha gser dngul gyi tshong pa byed byed do zhes byas pa dang / des spos 'tshong ba btang ste/ gser
108b6 dang dngul gyi tshong byas so/ /de nas dang po'i nyin par kar Sha pa Na bcu drug rnyed de/ de dag kyang des ma la byin no/ /de nas phyi de nyin par kar Sha pa Na sum bcu rtsa gnyis rnyed de de dag kyang des ma la byin no/ /de nas re shig na
108b7 gser dngul gyi tshong pa phrag dog gi rang bzhin can dag gis khye'u de gnas thams cad kyi nyo tshong gi rgyus shes par rig nas smras pa/ mdza' bo'i bu mo khyod kyi pha ni rgya mtsho chen po'i tshong pa byed byed na/ ci khyod la chos ma yin
108b8 pa'i 'tsho ba 'di ci dgos khyod sus sems can ngan pa'i nyo tshong gi las byed du bcug ces byas so/ /de nas de gser dngul gyi tshong pa'i tshig gis bskul nas ma'i thad du song ste smras pa/ yum bdag gi pha sngon rgya mtsho chen po'i
109a1 tshong pa byed byed ces de skad grag pas/ bdag kyang rgya mtsho chen po'i nang du mchi 'tshal gyis gnang bar mdzod cig mas smras pa bu gcig de ni bden mod kyi/ 'on kyang khyod byis pa yin la bu gcig pa gang
109a2 yang yin gyis nga bor te rgya mtsho chen po'i nang du ma 'gro shig /de nas de mi dge ba'i bshes gnyen phrag dog gi rang bzhin can dag gis brid pas ldog tu ma btub nas/ des ma'i tshig ma mnyan te grong khyer bA
109a3 rA Na sIr dril bsgrags nas/ kye bA rA Na sI na gnas pa'i tshong pa rnams khyed nyon cig /ded dpon mdza' bo'i bu mo rgya mtsho chen po'i nang du 'gro bar chad kyis khyed kyi nang nas ded dpon mdza' bo'i bu mo dang lhan cig
109a4 tu sho gam mi dgos pa dang la gcan gyi btsas mi dgos pa gru btsas mi dgos par rgya mtsho chen po'i nang du 'gro 'dod pa de dag rgya mtsho chen por 'gro ba'i zong sta gon gyis shig ces byas nas dge mtshan dang
109a5 bkra shis dang bde legs su 'gyur ba rnams byas te/ g.yog 'khor tshong pa lnga brgya dang lhan cig chas te/ shing rta dang khur dang sgye dang skon pa dang rnga mo dang ba lang dang bong bu dag gis rgya mtsho chen por 'gro ba'i
109a6 zong bskyas so/ /de'i ma ni snying byams pas ci bya gtol med nas mchi ma 'dzag cing ngu bzhin phyung ste rkang pa la 'jus nas bu gcig nga bor te rgya mtsho chen po'i nang du ma 'gro shig ces byas so/ /de ltar snying rje
109a7 rje skad zer zhing sdug sdug skad zer la gti zhing smre ba'i skad phyung yang des brtul te ma'i mgo bo la rdog pas snun nas 'gron po rnams dang chas so/ /de nas mas smras pa/ bu khyod kyis las 'di'i rnam par smin
109a8 pa myong bar ma gyur cig ces byas so/ /de nas re shig na des grong rdal dang yul 'khor dang rgyal po'i pho brang dang yul po che de dag mthong nas/ rgya mtsho chen po'i 'gram du phyin to/ /de nas des kar Sha pa Na lnga brgyas gru nyos
109b1 nas zho shas 'tsho ba rnam pa lnga ste gru pa dang chu 'phyag pa dang mnyan pa dang byi'u bzul mkhan dang ru skya 'dzin pa rnams kyang khrid de lan gsum dril bsgrags nas rgya mtsho chen po'i nang du zhugs so/ /de nas re
109b2 shig na gru de nya'i rigs chu srin ma ga ras ma rung bar byas te bub par byas so/ /de nas mdza' bo'i bu mos spang leb gcig la zin nas skam la phyin to/ /de nas skam la song song nas thag ring po zhig nas grong khyer
109b3 longs spyod byed ces bya ba mthong nas/ de de'i logs su song ba dang re shig na de'i nang nas lha'i bu mo gzugs bzang zhing lta na sdug la mdzes pa bzhi zhig byung nas/ de dag na re mdza' bo'i bu mo tshur spyon khyod byon pa
109b4 legs so/ /'di dag ni bdag cag gi zas gzhag pa'i khang pa dang skom gzhag pa'i khang pa dang gos gzhag pa'i khang pa dang gzims khang lags te/ nor bu dang mu tig dang bai dUr+ya dang dung dang man shel dang byi ru
109b5 ca dang gser dngul rnam pa sna tshogs kyis gang ba lags kyi tshur spyon dang longs spyad par bgyi'o zhes zer nas/ de de dag dang lhan cig tu lo du mar dga' ba myong ste/ 'di ltar de ni bsod nams byed byed pa dang dge ba
109b6 byed byed pa dang rdzu 'phrul che ba dang mthu che ba yin pa'i phyir ro/ /de nas de'i lho phyogs kyi lam du song ba las 'gror mi ster nas/ de lho phyogs kyi lam der 'gror mi ster ba dang lhag par yang der 'gro 'dod par gyur nas
109b7 re shig na yang lho phyogs su song ba dang grong khyer rtag tu myos shes bya ba mthong ste de de'i sgor phyin pa dang re shig na de'i nang nas kyang lha'i bu mo ches gzugs bzang zhing ches lta na sdug la ches mdzes pa
109b8 brgyad byung nas de dag na re mdza' bo'i bu mo tshur spyon khyod byon pa legs so/ /'di dag ni bdag cag gi zas gzhag pa'i khang pa dang skom gzhag pa'i khang pa dang gos gzhag pa'i khang pa dang gzims khang lags te/
110a1 nor bu dang mu tig dang bai dUr+ya dang dung dang man shel dang byi ru dang gser dngul rnam pa sna tshogs kyis gang ba lags kyis tshur spyon dang longs spyad par bgyi'o zhes zer nas/ de de dag dang lhan cig tu lo du
110a2 mar dga' ba myong ste/ 'di ltar de ni bsod nams byed byed pa dang dge ba byed byed pa dang rdzu 'phrul che ba dang mthu che ba yin pa'i phyir ro/ /de nas de'i yang lho phyogs kyi lam du song ba las 'gror mi ster nas/ de lho
110a3 phyogs kyi lam der 'gror mi ster ba dang lhag par yang der 'gro 'dod par gyur nas re shig na yang lho phyogs su song ba dang grong khyer dga' byed ces bya ba mthong ste/ de de'i sgor phyin pa dang re shig na de'i nang nas kyang lha'i bu mo
110a4 ches gzugs bzang zhing lta na sdug la ches mdzes pa bcu drug byung nas de dag na re mdza' bo'i bu mo tshur spyon khyod byon pa legs so/ /'di dag ni bdag cag gi zas gzhag pa'i khang pa dang skom gzhag pa'i khang pa dang
110a5 gos gzhag pa'i khang pa dang gzims khang lags te nor bu dang mu tig dang bai dUr+ya dang dung dang man shel dang byi ru dang gser dngul rnam pa sna tshogs kyis gang ba lags kyis tshur spyon dang longs spyad par bgyi'o/ /
110a6 zhes zer nas/ de de dag dang lhan cig tu lo du mar dga' ba myong ste/ 'di ltar de ni bsod nams byed byed pa dang dge ba byed byed pa dang rdzu 'phrul che ba dang mthu che ba yin pa'i phyir ro/ /de nas de'i yang lho phyogs kyi lam du
110a7 song ba las 'gror mi ster nas de lho phyogs kyi lam der 'gror mi ster ba dang lhag par yang de 'gro 'dod par gyur nas/ re shig na yang lho phyogs su song ba dang khang bzangs tshangs pa'i bla ma zhes bya ba mthong ste/ de de'i sgor
110a8 phyin pa dang re shig na de'i nang nas kyang lha'i bu mo ches gzugs bzang zhing ches lta na sdug la ches mdzes pa sum bcu rtsa gnyis byung ste/ de dag na re mdza' bo'i bu mo tshur spyon khyod byon pa legs so/ /'di dag ni bdag cag
110b1 gi zas gzhag pa'i khang pa dang skom gzhag pa'i khang pa dang gos gzhag pa'i khang pa dang gzims khang lags te/ nor bu dang mu tig dang bai dUr+ya dang dung dang man shel dang byi ru dang gser dngul rnam pa sna tshogs kyis yongs su
110b2 gang ba lags kyis tshur spyon dang longs spyad par bgyi'o zhes zer nas/ de dag dang lhan cig tu lo du mar dga' ba myong ste/ 'di ltar de ni bsod nams byed byed pa dang dge ba byed byed pa dang rdzu 'phrul che ba dang mthu che ba
110b3 yin pa'i phyir ro/ /de nas de'i yang lho phyogs su song ba las 'gror mi ster nas/ de lho phyogs kyi lam der 'gror mi ster ba dang / lhag par yang der 'gro 'dod de ji tsam du lho phyogs su song ba de tsam du de'i 'dod
110b4 pa skye'o/ /re shig na yang lho phyogs su song ba dang lcags kyi 'khar zhig mthong ste/ de de'i nang du song ba dang nang du song ma thag tu de'i sgo gcad do/ /de nas de bas kyang nang du song ba dang de'i sgo yang bcad do/ /
110b5 de bas kyang nang du song ba dang re shig na mi bo che zhig mthong na/ de'i mgo bo la lcags kyi 'khor lo kun tu 'bar zhing rab tu 'bar la kun tu rab tu 'bar te 'bar ba gcig tu gyur pa zhig 'khor zhing 'dug la de'i
110b6 mgo bo las gnag khrag ci 'dzag pa rnams de'i zas su za'o/ /de nas mdza' bo'i bu mos mi de la dris pa/ kwa'i mi khyod su yin/ de na re nga ni ma la gnod pa byed byed pa yin no/ /zhes zer ro/ /mi des
110b7 smras ma thag tu mdza' bo'i bu mos las dran nas nga yang ma la gnod pa byed byed pa yin pa snyam gyis/ nga yang las de kho nas 'dir khrid pa lta snyam mo/ /de nas de'i skabs su nam mkha' las sgra byung ste/ bcings pa
110b8 gang yin pa de dag ni grol bar gyur to/ /grol ba gang yin pa de dag ni bcings so zhes zer te de skad zer ma thag tu mi de'i mgo bo la 'khor lo mi snang bar gyur nas mdza' bo'i bu mo'i mgo bo la byung ngo / /de nas mi des mdza' bo'i
111a1 bu mo sdug bsngal gyis dkos thag pa mthong nas tshigs su bcad de smras pa/ khyed ni longs byed rtag tu myos/ /dga' byed tshangs pa'i bla ma yi/ /khang bzangs las ni thal nas kyang / /ci yi phyir na 'di ru 'ongs/ /
111a2 mdza' bo'i bu mos smras pa/ bdag ni longs byed rtag tu myos/ /dga' byed tshangs pa'i bla ma yi/ /khang bzangs las ni thal nas kyang / /'dod chen gyis ni 'dir 'ongs so/ /las kyis ring du khrid par byed/ /ring po nas kyang
111a3 las kyis khrid/ /gang du las kyi rnam par smin/ /der ni las kyis khrid par byed/ /las kyi rnam smin gang zhig gis/ /bdag gi srog ni gcod byed pa/ /kun tu 'bar zhing rab 'bar ba'i/ /'khor lo mgo la 'khor bar
111a4 gyur/ /mi des smras pa/ khyod kyis rab tu sdang sems kyis/ /ma cig dka' ba byed bed pa'i/ /mgo bor rdog pas bsnun pas na/ /de yi las kyi 'bras bu yin/ /mdza' bo'i bu mos smras pa/ lo grangs stong phrag
111a5 du yi bar/ /bdag gi srog ni gcod byed pa/ /kun tu 'bar zhing rab 'bar ba'i/ /'khor lo mgo la 'khor bar 'gyur/ /mi des smras pa/ lo ni stong phrag drug bcu dang / /brgya phrag drug bcu'i bar srid du/ /lcags
111a6 kyi 'khor lo 'bar ba ni/ /khyod kyi mgo la 'khor bar 'gyur/ /mdza' bo'i bu mos smras pa/ kye gzhan yang 'dir 'ong ba dga' lta yod dam/ mi des smras pa/ su 'di lta bu'i las byed byed pa 'ong bar 'gyur ro/ /de nas
111a7 mdza' bo'i bu mo sdug bsngal gyi tshor bas nyen nas sems can rnams la snying rje bskyed de/ mi de la smras pa/ kye nga ni sems can thams cad kyi phyir 'khor lo 'di mgo bo'i steng du 'dzin par 'dod kyis/ 'di
111a8 lta bu'i las byed byed pa gzhan su yang 'dir 'ong bar ma gyur cig ces byas so/ /de skad ces smras ma thag tu byang chub sems dpa' mdza' bo'i bu mo'i 'khor lo de/ mgo las gyen du 'phags nas ta la bdun srid tsam du
111b1 nam mkha' la 'dug go/ /de ni shi nas dga' ldan gyi lha'i ris su skyes so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na mdza' bo'i bu mor gyur pa gang yin pa
111b2 de ni nga yin te/ ngas nyo tshong byas nas ma la kar Sha pa Na phul ba'i las de'i rnam par smin pas ni grong khyer chen po bzhir bde ba chen po myong ngo / /ngas ma la gnod pa chung ngu byas pa'i las de'i rnam par smin pas ni de lta bu'i sdug
111b3 bsngal myong ngo / /dge slong dag de lta bas na 'di ltar bslab par bya ste pha ma la bkur sti bya'o/ /gnod pa mi bya'o/ /'on kyang mdza' bo'i bu mo so so'i skye bor gyur pa'i tshe nyes pa de dag lta bu 'byung bar mi 'gyur la/ de nyid du
111b4 lha'i bur gyur pa'i yon tan gang yin pa de lta bu ni thob par 'gyur zhes dge slong khyod kyis de ltar bslab par bya'o/ /de ci'i phyir zhe na/ dge slong dag bu'i pha ma gnyis ni dka' ba byed byed pa dang skom ldud pa dang gso ba dang skyed pa dang
111b5 nu ma snun pa dang 'dzam bu'i gling bkra ba ston pa yin pa'i phyir ro/ /gal te bus pha ma gnyis phrag pa g.yas g.yon du bzhag ste/ lo brgya'i bar du khyer ram/ yang na sa chen po 'di nor bu dang mu tig dang bai dUr+ya dang dung dang
111b6 man shel dang byi ru dang gser dang dngul dang rdo'i snying po dang spug dang pad ma rA ga dang g.yas su 'khyil ba dang de lta bu dag gis bkang ba'i dbang phyug la dbang byed du bcug kyang / de tsam gyis ni bus pha ma gnyis la
111b7 drin sobs pa 'am phan gdags par mi 'gyur gyi gang gi pha ma de gnyis dad pa med pa las dad pa phun sum tshogs pa la 'dzud pa dang 'dul ba dang gnas par byed pa dang 'jog par byed pa dang tshul khrims
111b8 'chal pa las tshul khrims phun sum tshogs pa dang ser sna can las gtong ba phun sum tshogs pa dang shes rab 'chal pa las shes rab phun sum tshogs pa la 'dzud pa dang / 'dul ba dang gnas par byed pa
112a1 dang 'jog par byed pa de tsam gyis na/ bus pha ma gnyis la drin bsabs pa 'am phan btags par 'gyur ro/ /bcom ldan 'das kyis de skad ces bka' stsal nas dge slong de dag yi rangs te/ bcom
112a2 ldan 'das kyis gsungs pa la mngon par bstod do// //ri bong zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams
112a3 dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa
112a4 byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza'
112a5 dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun
112a6 dga' ra ba na bzhugs so/ /de'i tshe mnyan du yod pa na tshong dpon phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa rnam thos kyi bu'i nor dang 'gran
112a7 pa zhig yod de/ des rigs mnyam pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las phyi zhig na chung ma la bu chags nas de zla ba
112a8 brgyad dam dgu lon pa dang bu byung ste/ khye'u zhig btsas nas de bskyed bsrings te cher gyur to/ /de'i pha ni nor yang zad par gyur longs spyod kyang zad par gyur to/ /de yang mdza' bo dang nye du dang rtsa lag gi 'dab che ba
112b1 zhig ste/ bu de dus dus su nye du rnams kyi thad du gtong ngo / /de nas de nye du de dag gis ci nas de dag kyang phyir zhing mdza' bar gyur pa de lta bur bzhen to/ /phyis re shig na de rgyal bu rgyal byed kyi tshal du song nas
112b2 des sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma
112b3 stong bas lhag pa'i 'od mnga' ba/ rin po che'i ri bo 'gro ba lta bu kun tu bzang ba mthong ngo / /mthong nas kyang dga' bar gyur te/ bcom ldan 'das kyi zhabs la mgo bos phyag 'tshal nas chos mnyan pa'i
112b4 phyir bcom ldan 'das kyi spyan sngar 'dug go/ /de nas bcom ldan 'das kyis de la 'khor ba las skyo bar 'gyur ba'i chos bstan te/ de thos pas 'khor ba la nyes par lta ba dang mya ngan las 'das pa
112b5 la yon tan du lta bar 'gyur te/ pha ma gnyis kyis gnang nas bcom ldan 'das kyi bstan pa la rab tu byung ngo / /de de ltar rab tu byung nas nye du de dag dang lhan cig tu 'du zhing gnas so/ /de nas
112b6 bcom ldan 'das kyis de khyim pa dang 'du ba las bzlog nas dgon par gnas pa la 'dzud par mdzad na de der mi dga'o/ /de nas de bcom ldan 'das kyis lan gsum gyi bar du khyim pa dang 'du ba las
112b7 bzlog par mdzad de/ bu khyim pa dang 'du ba 'di ni nyes pa du ma dang ldan te/ mig gis shes par bya ba'i gzugs sdug pa dang phangs pa dang snying du sdug pa dang / yid du 'ong ba dang 'dod
112b8 pa dang ldan pa dang chags par 'gyur ba dang tsher ma dang 'dra ba dang rna bas shes par bya ba'i sgra rnams dang snas shes par bya ba'i dri rnams dang lces shes par bya ba'i ro rnams dang lus kyis shes par bya ba'i
113a1 reg bya rnams dang sdug pa dang phangs pa dang snying du sdug pa dang yid du 'ong ba dang 'dod pa dang ldan pa dang chags par 'gyur ba dang tsher ma dang 'dra ba dag yod do zhes gsungs so/ /gang du gnas
113a2 bcas na/ dge ba'i chos rnams 'phel bar 'gyur ba'i dgon pa'i yon tan dag kyang rnam grangs du mar bsngags so/ /de nas re shig na rigs kyi bu des dge ba'i bshes gnyen bcom ldan 'das la brten
113a3 nas dgon par gnas pa la yang rtag tu brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang
113a4 ltung ba dang rnam par mthor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i
113a5 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ rtsan dan sbangs pa lta bur bsil bar gyur pa/ rig pas sgo nga'i sbubs bcom
113a6 pa/ rig pa dang mngon par shes pa dang so so yang dag par rig pa thob pa/ srid pa'i brnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par
113a7 smra ba'i gnas su gyur to/ /de nas des sngon gyi gnas rjes su dran la bcom ldan 'das kyis shin tu dka' ba spyod pa yang mthong nas/ bcom ldan 'das kyi thad du song ste gus pa dang bcas pas bstod cing ri
113a8 mo byas so/ /de nas dge slong rnams the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis rigs kyi bu 'di lan gsum gyi
113b1 bar du grong nas bzlog ste/ dgon pa'i gnas la btsud pa nas dgra bcom pa nyid kyi bar du bzhag pa la gzigs/ bcom ldan 'das kyis bka' stsal pa/ dge slong dag da ltar de bzhin gshegs pa 'dod chags
113b2 dang bral ba/ zhe sdang dang bral ba/ gti mug dang bral ba/ skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa rnams las yongs su grol ba thams
113b3 cad mkhyen pa/ rnam pa thams cad mkhyen pa ye shes dang shes bya thams cad la mnga' brnyes zin pa'i tshe/ rigs kyi bu 'di lan gsum gyi bar du grong nas bzlog ste/ dgon pa'i gnas la btsud pa nas dgra bcom pa nyid kyi bar du bzhag
113b4 pa 'di lta la ngo mtshar che ba ci yod/ 'das pa'i dus na 'dod chags dang bcas pa zhe sdang dang bcas pa gti mug dang bcas pa/ skye ba dang rga ba dang na ba dang 'chi ba dang mya ngan dang smre sngags 'don pa dang / sdug bsngal ba
113b5 dang yid mi bde ba dang 'khrug pa rnams las yongs su ma grol ba'i tshe yang ngas rang gi srog yongs su btang nas/ rigs kyi bu 'di grong nas bzlog ste dgon pa'i gnas la btsud pa de legs par rab tu nyon la yid
113b6 la zung shig dang ngas bshad do/ /dge slong dag sngon byung ba 'das pa'i dus na ri'i sul chu 'bab cing me tog dang 'bras bu dang rdo gu phun sum tshogs pa dang ldan pa zhig na drang srong dka' thub drag po
113b7 spyod pa zas su 'bras bu dang rtsa ba dang chus 'tsho ba ri dgas kyi g.yang gzhi dang / shing shun gyon pa me'i sbyin sreg byed pa zhig 'dug go/ /drang srong de'i mdza' bo yang ri bong mi'i skad
113b8 shes pa zhig yod de/ de nyin gcig bzhin du drang srong gi thad du dus gsum du 'gro'o/ /der song nas gus par smra ba byas te/ gtam rnam pa sna tshogs kyis yang dag par
114a1 dga' bar byas nas de gnyis phyir zhing mdza' bar gyur te pha spad dang 'dra bar 'dug go/ /phyis re shig na than chen byung nas des chu klung dang khron pa rnams chu chung bar gyur la shing rnams kyang me tog dang 'bras bu med
114a2 par gyur to/ /de nas drang srong de gnas de na bza' ba med pas mi dga' nas des ri dgas kyi g.yang gzhi dang shing shun rnams kyang brtul to/ /de nas ri bong des de lta bur gyur pa mthong nas drang srong chen po gar bzhud ces
114a3 dris so/ /drang srong na re da ni grong du 'gro ste der btsos pa'i slongs mos 'tsho bar bya'o zhes zer ro/ /de nas des drang srong gi tshig thos nas gdung bar gyur te pha dang bral ba tsam du bsams nas/ drang srong de'i rkang pa la phyag
114a4 'tshal te smras pa/ bdag mi dor bar gsol gcig tu na khyim gyi gnas ni nyes pa du mas gang la dgon pa'i gnas ni yon tan phun sum tshogs pa dang ldan pa lags so zhes byas so/ /de skad lan du ma byas kyang de ldog
114a5 tu ma btub bo/ /de nas ri bong gis smras pa/ gal te mi 'gror mi rung na yang deng tsam bzhes la/ sang gar dgyes par bzhud cig ces byas so/ /de nas drang srong de 'di snyam du sems te/ dud 'gro'i skye gnas su skyes pa 'di
114a6 dag ni sdug cing sogs pa la sred pas na/ 'dis ni bdag deng kha zas sna 'ga' zhig la g.yar 'dren par 'dod gor ma chag snyam ste des de la khas blangs so/ /de nas nyin par gyi bya ba byas zin te/ dro la bab pa na ri bong 'ongs
114a7 nas drang srong de la bskor ba byas te bzod pa gsol ba/ drang srong chen po gang bdag gis dud 'gro'i skye gnas su skyes pas bya mi bya mi shes nas khyod la cung zad nongs pa ci mchis pa bdag la khyod kyis bzod pa mdzod cig
114a8 ces smras nas/ tsham tshom med par me'i nang du mchongs so/ /de nas drang srong de mi dga' bar gyur nas ngu bzhin phyung nas bu gcig pa sdug pa la bya ba bzhin du la gor du blangs nas bu 'di ci byed ces byas so/ /ri bong
114b1 na re drang srong chen po dgon pa'i dga' bas bdag gi sha gsol la zhag gcig gi bar du 'tsho bar mdzod cig /gcig tu na/ nags khung dag tu skyes pa'i ri bong la/ /sran sde'u til
114b2 dang 'bras rnams ci ma mchis/ /bdag gi lus 'di zhugs la sgrol mdzod la/ /gsol te deng tsam dka' thub tshul du bzhugs/ /de nas drang srong des ri bong gi tshig thos nas mi dga' bar gyur
114b3 te/ smras pa/ gal te de lta na khyod snying du sdug pa dang dgon pa snying du sdug pa'i phyir 'di nyid du srog bor yang sla'i grong du ni bdag mi 'gro'o zhes byas so/ /de nas ri bong gis tshig de thos nas sems dga'
114b4 bar gyur te nam mkha' la gyen du bltas nas gsol ba btab ste/ bdag ni dgon par song nas kyang / /bden pa la ni yid dga' na/ /de yi bden pa'i tshig gis na/ /dbang chen char ni 'bab par shog
114b5 ces kyang smras so/ /de skad ces smras ma thag tu byang chub sems dpa'i mthus dbang chen gyi gnas kun tu g.yos so/ /lha rnams ni 'og tu shes pa'i mthong ba 'jug ste/ ci las gyur snyam pa dang
114b6 byang chub sems dpa'i mthu yin par mthong ngo / /de nas re shig na lha'i dbang po brgya byin gyis gnas mal der dbang chen gyi char phab nas phyir yang rtswa dang gel pa dang sman dang me tog dang 'bras bu phun
114b7 sum tshogs par gyur to/ /de nas drang srong des dge ba'i bshes gnyen ri bong la brten nas/ de na gnas bzhin du mngon par shes pa lnga mngon sum du byas so/ /de nas drang srong des
114b8 ri bong la smras pa/ kye ri bong dka' ba byed pa dang brtson pa dang snying rje ba'i rang bzhin 'dis ci zhig bsgrub par sems des smras pa/ 'jig rten long ba 'dren pa med cing yongs su 'dren pa med par sems can ma rgal ba rnams sgrol ba dang
115a1 ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig ces byas so/ /de nas drang
115a2 srong des tshig de thos nas ri bong la smras pa/ gang gi tshe khyod sangs rgyas su gyur pa de'i tshe bdag kyang dran par gyis shig /ri bong gis smras pa de ltar bya'o/ /bcom ldan 'das kyis bka' stsal pa/ dge slong dag ji snyam
115a3 du sems/ de'i tshe de'i dus na ri bong du gyur pa gang yin pa de ni nga yin no/ /drang srong ni rigs kyi bu 'di kho na nyid yin no/ /dge slong dag de bas na 'di ltar bslab par bya ste dge ba'i bshes gnyen dang dge ba'i grogs po dang dge
115a4 ba'i rten dang gnas par bya'i sdig pa'i bshes gnyen dang sdig pa'i grogs po dang sdig pa'i rten dang gnas par mi bya'o zhes dge slong khyed kyis de ltar bslab par bya'o/ /de nas bcom ldan 'das la tshe dang ldan pa kun dga'
115a5 bos 'di skad ces gsol to/ /btsun pa 'dir bdag gcig pu dben par mchis nas nang du yang dag 'jog la zhugs pa na/ sems la 'di lta bu'i sems kyi yongs su rtog pa byung ste/ 'di lta ste dge ba'i bshes gnyen
115a6 dang grogs po dang dge ba'i rten 'di ni tshangs par spyod pa'i phyed lags kyi sdigs pa'i bshes gnyen dang sdig pa'i grogs po dang sdig pa'i rten ni de lta ma lags so snyam bgyid do/ /bcom ldan 'das kyis bka' stsal pa/
115a7 kun dga' bo khyod 'di lta ste/ dge ba'i bshes gnyen dang dge ba'i grogs po dang dge ba'i rten 'di ni tshangs par spyod pa'i phyed yin gyi/ sdig pa'i bshes gnyen dang sdig pa'i grogs po dang sdig pa'i rten ni de lta
115a8 ma yin no zhes ma zer cig /de ci'i phyir zhe na/ kun dga' bo 'di lta ste/ dge ba'i bshes gnyen dang dge ba'i grogs po dang dge ba'i rten 'di ni tshangs par spyod pa ril po dang ma 'dres pa dang yongs su rdzogs
115b1 pa dang yongs su dag pa dang yongs su byang ba yin gyi/ sdig pa'i bshes gnyen dang sdig pa'i grogs po dang sdig pa'i rten ni de lta ma yin no/ /de ci'i phyir zhe na/ kun dga' bo dge ba'i bshes gnyen la brten nas sems can skye
115b2 ba'i chos can rnams skye ba'i chos can las yongs su grol bar 'gyur ba dang / sems can rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa'i chos can rnams rga ba
115b3 dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa'i chos can las yongs su grol bar 'gyur ba'i phyir ro/ /kun dga' bo de bas na rnam grangs 'di kho nas khyod kyis 'di
115b4 ltar rig par bya ste 'di lta ste dge ba'i bshes gnyen dang dge ba'i grogs po dang dge ba'i rten 'di ni tshangs par spyod pa ril po dang ma 'dres pa dang yongs su rdzogs pa dang yongs su dag pa dang yongs su byang ba yin gyi/ sdig pa'i
115b5 bshes gnyen dang sdig pa'i grogs po dang sdig pa'i rten ni de lta ma yin no zhes kun dga' bo khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom
115b6 ldan 'das kyis gsungs pa la mngon par bstod do// //chos tshol zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi
115b7 rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur stir
115b8 byas bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod
116a1 nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal
116a2 khyim bdag mgon med zas sbyin gyi kun dga' ra ba na bzhugs so/ /de'i tshe khyim bdag mgon med zas sbyin ni lugs kyis nang par sngar langs te/ bcom ldan 'das blta ba'i phyir song nas rang gis lag dar te rgyal
116a3 bu rgyal byed kyi tshal 'phyag par byed do/ /de nas phyi zhig na khyim bdag mgon med zas sbyin la brel ba zhig byung ngo / /de nas bcom ldan 'das kyis sems can bsod nams 'dod pa rnams la bsod nams kyi gnas
116a4 bstan pa'i phyir nyid kyis phyag dar te phyags ma bsnams nas rgyal bu rgyal byed kyi tshal 'phyag par mdzad do/ /nyan thos chen po shA ri'i bu dang maud gal gyi bu dang 'od srung dang kun dga' bo dang nam gru la sogs pas
116a5 kyang bcom ldan 'das mthong nas phyag dar byed pa la zhugs so/ /de nas bcom ldan 'das dang nyan thos chen po rnams kyis rgyal bu rgyal byed kyi tshal phyags nas 'dun khang du gshegs te/ dge slong gi dge 'dun
116a6 gyi gung la gdan bshams pa la bzhugs so/ /bzhugs nas kyang bcom ldan 'das kyis dge slong rnams la bka' stsal pa/ dge slong dag lnga po 'di dag ni phyag dar byas pa'i phan yon yin te lnga gang zhe na/
116a7 bdag nyid sems dga' bar 'gyur ba dang / gzhan sems dga' bar 'gyur ba dang / lha rnams mgu bar 'gyur ba dang / mdzes par 'gyur ba'i dge ba'i rtsa ba sogs pa dang / lus dang bral ba'i 'og tu bde 'gro
116a8 mtho ris kyi 'jig rten du lha rnams kyi nang du skye ba'o/ /de nas mgon med zas sbyin yang phyogs der phyin nas des/ bcom ldan 'das nyan thos chen po dag dang thabs gcig tu phyag dar te/ rgyal bu rgyal
116b1 byed kyi tshal phyags so zhes de skad thos nas 'di snyam du sems te/ gang du bcom ldan 'das nyan thos chen po dag dang thabs gcig tu phyag dar de phyag dar mdzad pa de'i steng du bdag ji ltar 'gro snyam mo/ /de nas mgon med zas
116b2 sbyin shin tu 'dzem zhing ngo tsha dang ldan pa'i sems kyis de kho na'i gnas na sdod do/ /sangs rgyas bcom ldan 'das rnams ni mkhyen bzhin du 'dri ba ste/ bcom ldan 'das kyis dge slong rnams la 'di su zhig ces smras so/ /
116b3 de nas dge slong rnams kyis gsol pa/ btsun pa mgon med zas sbyin lags te bcom ldan 'das la shin tu 'dzem zhing ngo tsha ba dang ldan pa'i sems kyis 'di ltar bcom ldan 'das nyan thos chen po dag dang thabs gcig
116b4 tu phyag dar te rgyal bu rgyal byed kyi tshal phyag dar mdzad pas de'i steng du sug pas brdzis te/ bcom ldan 'das kyi thad du mchi bar mi 'tshal lags so/ /de nas bcom ldan 'das kyis de la bka' stsal pa/ khyim
116b5 bdag sangs rgyas bcom ldan 'das rnams ni chos la gus la/ dgra bcom pa rnams kyi bla ma ni chos yin pas na/ sangs rgyas kyi bka' kha ton gyis la nang du shog cig /de nas mgon med zas sbyin tshigs
116b6 su bcad de brjod cing bcom ldan 'das kyi thad du song ste phyin nas/ bcom ldan 'das kyi zhabs la phyag 'tshal te chos mnyan pa'i phyir spyan sngar 'dug go/ /de nas bcom ldan 'das kyis chos kyi gtam gyis yang
116b7 dag par bstan/ yang dag par 'dzin du bcug /yang dag par gzengs stod/ yang dag par dga' bar mdzad do/ /de nas bcom ldan 'das kyis chos kyi gtam rnam grangs du mas yang dag par bstan/
116b8 yang dag par 'dzin du bcug /yang dag par gzengs stod/ yang dag par dga' bar mdzad nas/ bcom ldan 'das kyi thad nas song ngo / /de nas dge slong dag the tsom skyes te/ the tsom thams cad gcod pa
117a1 sangs rgyas bcom ldan 'das la zhus pa/ btsun pa bcom ldan 'das chos la zhe sa skyes shing gus pa skyes te/ chos kyi bsngags pa 'ba' zhig gsung ba ngo mtshar lags so/ /bcom ldan 'das kyis bka' stsal pa/
117a2 dge slong dag da ltar de bzhin gshegs pa 'dod chags dang bral ba zhe sdang dang bral ba gti mug dang bral ba skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa rnams
117a3 las yongs su grol ba/ thams cad mkhyen pa/ rnam pa thams cad mkhyen pa/ ye shes dang shes bya thams cad la mnga' brnyes zin pa'i tshe chos la zhe sa skyes shing gus pa skyes te/ chos kyi bsngags pa 'ba' zhig brjod
117a4 pa 'di lta la ngo mtshar che ba ci yod/ 'das pa'i dus na 'dod chags dang bcas pa zhe sdang dang bcas pa gti mug dang bcas pa skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi
117a5 bde ba dang 'khrug pa rnams las yongs su ma grol ba'i tshe yang ngas chos kyi phyir rang gi srog yongs su gtong ba byas pa de/ legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i
117a6 dus na grong khyer bA rA Na sI na rgyal po tshangs pas sbyin zhes bya ba rgyal po byed de/ de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug
117a7 dang chom rkun dang mu ge dang nad rnams med pa dang 'bras sA lu dang bu ram shing dang ba lang dang ma he dang ldan par 'dug ste/ gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so/ /rgyal
117a8 po de yang dad pa dang ldan la dge zhing bsam pa bzang ba bdag la phan pa dang gzhan la phan pa la zhugs pa/ snying rje che ba bdag nyid che ba chos 'dod pa skye dgu la byams pa thams cad sbyin pa/ thams cad yongs su gtong ba
117b1 chags pa med par yongs su gtong ba gtong ba chen po la gnas pa zhig go/ /de nas de phyi zhig na btsun mo dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las phyi zhig na btsun mo de la bu chags
117b2 nas legs par gsungs pa mnyan par bya'o snyam du yid la 'dod pa skyes te des rgyal po la gsol to/ /rgyal pos kyang ltas mkhan rnams bkug ste/ smras na de dag gis kyang lha sems can de'i mthu lags so zhes gsol to/ /
117b3 de nas rgyal po des lags par gsungs pa smra ba btsal ba'i phyir/ gser bye ba thogs te grong dang grong rdal dang yul 'khor dang rgyal po'i pho brang 'khor dag tu bskor na 'on kyang legs par gsung ba de ma rnyed nas/ re shig
117b4 na zla ba dgu tshang ba dang bu byung ste khye'u gzugs bzang zhing lta na sdug la mdzes pa/ mdog bzang ba gser gyi kha dog can mgo bo gdugs ltar 'dug pa/ lag pa ring ba dpral ba'i dbyes che ba sna mtho ba sna legs pa smin
117b5 ma stug pa yan lag dang nying lag thams cad dang ldan pa zhig btsas so/ /de btsas pa'i tshe btsas ston byas nas khye'u yi ming ji skad gdags shes ming gdogs par byed do/ blon po rnams na re khye'u 'di ma btsas
117b6 bzhin du legs par gsungs pa tshol bas na/ de'i phyir khye'u 'di'i ming legs par gsungs pa tshol ba zhes bya'o zhes zer nas/ mi de'i ming legs par gsungs pa tshol ba zhes btags so/ /de nas khye'u
117b7 legs par gsungs pa tshol ba pang na 'tsho ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la btad nas/ ma ma brgyad kyis 'o ma dang zho dang
117b8 mar dang zhun mar dang mar gyi nying khu dang gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de gang gi tshe cher skyes pa de'i tshe yang legs par gsungs
118a1 pa btsal te ma rnyed do/ /de nas de pha shi ba'i 'og tu rgyal por bcug nas blon po rnams la bsgo ba/ yul gyi gtso bo dag nga la legs par gsungs pa dgos kyis/ nga'i legs par gsungs pa tshol cig ces byas so/ /
118a2 de nas blon po de dag gis legs par gsungs pa btsal ba'i phyir/ 'dzam bu'i gling thams cad du gser bye ba bstan kyang legs par gsung ba ma rnyed do/ /de nas de dag gis rgyal po la gsol to/ /de nas rgyal po de legs par
118a3 gsungs pa nyan 'dod pa'i phyir gdungs shing yi chad do/ /lha'i dbang po brgya byin ni 'og ma la shes pa'i mthong ba 'jug ste/ des rgyal po legs par gsungs pa thos pas phongs pa mthong nas de 'di snyam du sems te bdag
118a4 gis rgyal po bgam par bya'o snyam mo/ /de nas lha'i dbang po brgya byin gnod sbyin gyi cha lugs rkang lag dang mig mi sdug pa zhig tu bsgyur nas rgyal po'i mdun du tshigs su bcad pa smras pa/ legs spyod chos ni spyad par bya/ /
118a5 nyes par spyod pa de mi bya/ /'jig rten 'di dang pha rol tu/ /chos spyod bde la rten par 'gyur/ /de nas rgyal po ya mtshan du gyur nas mdangs phyung ste gnod sbyin la smras pa/ gsang ba pa tshigs su bcad pa de bdag gis
118a6 mnyan gyis gsungs gsungs/ de nas gnod sbyin gyis rgyal po la smras pa/ gal te bdag ji skad mchi ba bzhin du khyod kyis mdzad na ni/ de'i 'og tu bdag gis kyang bka' ci stsal pa bzhin du bgyi'o/ /rgyal
118a7 pos smras pa/ bdag la bka' stsal pa ci mchis/ gnod sbyin gyis smras pa/ nyin mtshan bdun gyi bar du me dong du seng ldeng gi shing gis me spar nas/ gal te der bdag nyid kyis mchong spyod na ni de'i 'og tu khyod la
118a8 bdag gis tshigs su bcad pa yang bzlas par bgyi'o/ /rgyal pos de skad ces thos nas sems dga' bar gyur te gnod sbyin de la smras pa de ltar bgyi'o/ /de nas rgyal pos gnod sbyin dam gyi 'og tu bcug nas
118b1 yul thams cad du dril bsgrags te/ deng nas zhag bdun na rgyal po legs par gsungs pa mnyan pa'i phyir me dong du bdag nyid mchong bar chad kyis/ khyed kyi nang nas gang rmad du byung ba mthong 'dod pa de dag 'dir shog cig ces byas
118b2 so/ /de nas byang chub sems dpa'i lhag pa'i bsam pa rnam par dag pa khong du chud par 'dod pa dang rmad du byung ba blta ba'i phyir mi 'bum phrag du ma 'dus pa dang nam mkha' la lha 'bum phrag du ma 'dus te 'khod pa'i nang du
118b3 gnod sbyin de nam mkha' la 'phags nas byang chub sems dpa' la smras pa/ rgyal po chen po ji ltar dam bcas pa bzhin du mdzod cig /de nas rgyal pos bu thu bo rgyal por dbang bskur nas blon po rnams dang grong
118b4 rdal gyi mi rnams dang yul gyi mi rnams la nyes pa bshags te/ skye bo'i tshogs rnams dbugs phyung nas me dong gi drung du song ste tshigs su bcad pa 'di smras so/ /nga ni chos phyir me 'bar nyi ma khrag mdog 'dra ba'i
118b5 mdag ma'i dong / /shas cher 'jigs byed nang du mchong bar sems nges srog phyir 'jigs pa med/ /me dong 'di ni bdag gi bsod nams mthu yis rdzing bu rab bzang ba/ /tsan dan 'dam gyis bsgos pa'i chu
118b6 bsil pad mas gang bar 'gyur yang dag /byang chub sems dpas de skad ces smras nas me dong de'i nang du mchongs so/ /mchongs ma thag tu de'i me dong de rdzing bu zhig tu gyur to/ /de nas lha'i dbang po brgya byin gyis
118b7 lha dang mi dad par byed pa'i cho 'phrul rmad du byung ba de mthong nas gnod sbyin gyi gzugs mi snang bar byas te/ rang gi gzugs su 'dug nas tshigs su bcad pa smras pa/ legs spyod chos ni spyad par bya/ /nyes
118b8 par spyod pa de mi bya/ /'jig rten 'di dang pha rol du/ /chos spyod bde la rten par 'gyur/ /de nas byang chub sems dpas tshigs su bcad pa de yid la bzung nas gser gyi glegs bam la bris te/ 'dzam
119a1 bu'i gling thog thag tu grong dang grong rdal dang yul 'khor dang rgyal po'i pho brang 'khor kun tu bskor to/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal
119a2 por gyur pa gang yin pa de ni nga yin te/ de'i tshe yang ngas legs par gsungs pa mnyan pa'i phyir/ rang gi srog yongs su btang na da ltar lta ci smos/ dge slong dag de bas na 'di ltar bslab par bya ste/ chos la
119a3 bkur stir bya'o/ /bla mar bya'o/ /ri mo bya'o/ /mchod pa bya'o/ /chos la bkur sti byas/ bla mar byas/ ri mo byas/ mchod pa byas nas/ brten de gnas par bya'o zhes dge slong khyed kyis de ltar bslab par bya'o/ /
119a4 bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //mgon med zas sbyin zhes bya ba ni/ sangs rgyas
119a5 bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang
119a6 lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha'
119a7 lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong
119a8 rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas bcom ldan 'das snga dro shams
119b1 thabs dang chos gos gsol te lhung bzed bsnams nas mnyan du yod par bsod snyoms la gshegs so/ /de nas re shig na mthar gyis gshegs te lam po cher zhugs pa dang / bram ze zhig kyang lam po che der 'ongs so/ /de
119b2 nas des sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od
119b3 mnga' ba/ /rin po che'i ri bo 'gro ba lta bu kun nas bzang ba mthong ngo / /mthong nas kyang shin tu yun ring du brtags nas sa la ri mo bris te bcom ldan 'das la gsol pa/ kye gau ta ma bdag la kar Sha pa Na lnga brgya tsam ma stsal gyi
119b4 bar du khyod kyis ri mo 'di mi 'da' bar gsol/ de nas bcom ldan 'das kyis las chud mi za bar bstan pa dang ma byin par len pa las bzlog pa'i phyir sgo skyes btsugs pa bzhin du gzhes so/ /de nas mnyan du yod pa thog thag
119b5 tu bcom ldan 'das lam po cher bram ze zhig gis kar Sha pa Na lnga brgya'i phyir 'gror mi ster ro zhes de skad du gtam grag par gyur to/ /de nas ko sa la'i rgyal po gsal rgyal gyis thos ma thag tu blon po'i tshogs kyis
119b6 zhabs 'bring byas nas/ bcom ldan 'das ga la ba der song ste phyin nas bcom ldan 'das la 'di skad ces gsol to/ /bdag gis stsal gyis bcom ldan 'das gshegs su gsol/ bcom ldan 'das kyis bka'
119b7 stsal pa/ rgyal po chen po de dag ni khyod kyis sbyin par bya ba ma yin gyi/ de dag ni gzhan zhig gis sbyin dgos so/ /de bzhin du ri dgas 'dzin gyi ma sa ga dang btsun mo'i 'khor gyi bla drang srong sbyin dang gna' mi dang brgya
119b8 byin dang tshangs pa la sogs pa lha rnams dang / rnam thos kyi bu la sogs pas kyang gser dngul khyer te/ bcom ldan 'das kyi thad du song na de dag la yang bcom ldan 'das kyis de dag ni khyed kyis kyang sbyin par
120a1 bya ba ma yin no zhes bka' stsal to/ /de nas re shig na khyim bdag mgon med zas sbyin gyis thos nas/ gser gyi gzhong pa gser dngul gyis bkang ba'i steng du kar Sha pa Na lnga brgya bzhag ste bcom ldan 'das kyi
120a2 thad du song nas/ bcom ldan 'das 'di bzhes su gsol zhes byas so/ /bcom ldan 'das kyis bka' stsal pa/ khyim bdag 'di dag ni khyed kyis sbyin par bya ba yin gyis bram ze la byin cig /de nas khyim bdag mgon
120a3 med zas sbyin gyis gser gyi gzhong pa gang ba de bram ze la byin no/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ bcom ldan 'das bram ze 'dis bcom ldan
120a4 'das kyang gshegs su ma ster nas/ mgon med zas sbyin gyis kar Sha pa Na stsal ba la gzigs/ bcom ldan 'das ci srid cig nas 'di'i bu lon chags lags/ bcom ldan 'das kyis bka' stsal pa/ dge slong
120a5 dag khyed nyan par 'dod dam/ btsun pa nyan par 'tshal lags so/ /dge slong dag 'o na legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/ grong khyer bA rA Na sI na rgyal
120a6 po tshangs pas byin zhes bya ba rgyal po byed do/ de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad
120a7 rnams med pa dang 'bras sA lu dang bu ram shing dang ba lang dang ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de'i phyi zhig na de'i bu rab rgyal tshab
120a8 byed pa de'i dpyid kyi dus kyi tshe/ shing rnams me tog rgyas shing ngang pa dang ngur pa dang rma bya dang ne tso dang ri skegs dang khu byug dang shang shang te'u rnams skad 'byin pa'i nags khrod na/ blon po'i bu rnams kyis g.yog byas
120b1 te rtse zhing dga' la dga' mgur spyod do/ /de'i grogs po blon po'i bu zhig yod pa de rgyan po byed pa'i mi gzhan zhig dang lhan cig tu cho los rtses pa las blon po'i bu de mi des kar Sha pa Na lnga brgyas pham par byas nas/
120b2 rgyal po'i bus kyang de'i gnya' byas pa las de mthu dang ldan te/ nga ni rgyal po'i bu'o snyam nas ma byin no/ /dge slong dag ji snyam du sems/ de'i tshe de'i dus na rgyal po'i bur gyur pa gang yin pa de ni nga yin no/ /blon po'i
120b3 bu ni khyim bdag mgon med zas sbyin yin no rgyan po byed pa ni bram ze 'di kho na yin te/ ngas gnya' byas pa las nga ni rgyal po'i bu yin no snyam nas rgyan po byed pa de la kar Sha pa Na ma byin pa des na nga 'khor ba na longs
120b4 spyod kyis phongs pa mtha' yas pa myong la da ltar byang chub mngon par rdzogs par sangs rgyas pa na yang 'dis bu lon bdas so/ /dge slong dag de ltar na las gcig tu nges par gnag pa rnams ni rnam par smin pa
120b5 yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur
120b6 ro/ /dge slong dag de bas na las gcig tu nges par gnag pa rnams dang 'dren ma rnams spangs la las gcig tu nges par dkar ba rnams 'ba' zhig la gtad par bya'o/ /ma byin par len pa spang ba la yang 'bad
120b7 par bya ste/ ci nas de lta bu'i nyes par mi 'gyur bar dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par
120b8 bstod do// //gang po la sogs pa'i rtogs pa brjod pa brgya pa/ bam po bcu pa/ rab bzang zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi
121a1 rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla
121a2 mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang
121a3 ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa grong khyer ku shi na gyad kyi nyen kor shing sA la zung gi tshal na bzhugs so/ /de nas
121a4 bcom ldan 'das yongs su mya ngan las 'da' ba kho na'i dus kyi tshe/ tshe dang ldan pa kun dga' bo la bka' stsal pa/ kun dga' bo de bzhin gshegs pa ni do nub nam phyed na phung po lhag ma med pa'i mya ngan las 'das pa'i
121a5 dbyings su yongs su mya ngan las 'da' bar 'gyur gyis/ shing sA la zung gi bar du de bzhin gshegs pa'i gzims khri shoms la/ sngas byang phyogs su ston cig /de nas btsun pa de ltar 'tshal lo zhes gsol te/
121a6 kun dga' bos macom ldan 'das kyis bka' stsal pa mnyan nas/ sA la zung gi bar du gzims khri bshams te sngas byang phyogs su bstan nas/ bcom ldan 'das ga la ba der song ste phyin nas bcom ldan 'das kyi zhabs
121a7 la mgo bos phyag 'tshal te phyogs gcig tu 'dug go/ /phyogs gcig tu 'dug nas/ tshe dang ldan pa kun dga' bos bcom ldan 'das la 'di skad ces gsol to/ /btsun pa de bzhin gshegs pa'i gzims khri sA la zung
121a8 gi bar du bshams te/ sngas byang phyogs su bstan lags so/ /de nas bcom ldan 'das gzims khri ga la ba der gshegs te byon nas glo g.yas phyogs kyis gzims te/ zhabs gshibs nas snang ba'i 'du shes dang dran pa shes
121b1 bzhin dang ldan zhing mya ngan las 'das pa'i 'du shes 'ba' zhig thugs la dgongs so/ /de'i tshe grong khyer ku shi na kun tu rgyu rab bzang zhes bya ba zhig 'dug ste/ de rgas te rnyis shing 'khogs la skyes nas lo brgya nyi shu lon pa dang grong khyer ku
121b2 shi na 'khod pa'i gyad yul pa rnams kyis bkur sti byas bla mar byas ri mo byas mchod pa byas te dgra bcom par 'dzin to/ /de nas kun tu rgyu rab bzang gis dge sbyong gau ta ma do nub nam phyed na phung po'i lhag ma med pa'i mya ngan las 'das pa'i dbyings
121b3 su yongs su mya ngan las 'da' bar 'gyur ro zhes thos nas de 'di snyam du sems te/ bdag chos rnams la som nyi yang yod the tsom yang yod la/ gau ta ma des bdag gi som nyi de bsal bar nus pa'i re ba yang bdag la yod do snyam nas/ thos ma
121b4 thag tu grong khyer ku shir song ste sa la zung ga la ba der song ngo / /de'i tshe tshe dang ldan pa kun dga' bo gtsug lag khang gi phyi rol gyi thang gi 'chag sa na 'chag cing 'dug pa kun tu rgyu rab bzang gis mthong ngo / /tshe dang ldan pa kun dga' bo rgyang nas mthong
121b5 nas/ tshe dang ldan pa kun dga' bo ga la ba der song ste phyin nas tshe dang ldan pa kun dga' bo dang mngon sum du yang dag par mgu bar 'gyur ba dang / yang dag par dga' bar 'gyur ba'i gtam rnam pa sna tshogs kyis 'dres nas phyogs
121b6 gcig tu sdod do/ /phyogs gcig tu bsdad nas kun tu rgyu rab bzang gis/ tshe dang ldan pa kun dga' bo la 'di skad ces smras so/ /kye kun dga' bo dge sbyong gau ta ma do nub nam phyed na phung po'i lhag ma med pa'i mya ngan las 'das
121b7 pa'i dbyings su yongs su mya ngan las 'da' bar 'gyur ro zhes bdag gis thos te bdag chos rnams la som nyi yang mchis te/ the tsom yang mchis la/ gau ta ma des bdag gi som nyi de bsal bar nus pa'i re ba yang bdag la
121b8 mchis na/ kun dga' bo gal te khyod la yang gnod pa ma mchis la gal te zhu ba lung bstan pa'i slad du skabs 'byed pa lta na bdag nang du mchis te phyogs 'ga' zhig zhu'o/ /kun dga' bos smras pa/ rab bzang bcom ldan 'das
122a1 sku mnyes te bde bar gshegs pa sku 'o brgyal kyis rab bzang thong la bcom ldan 'das la gnod pa ma byed cig /lan gnyis lan gsum gyi bar du yang kun tu rgyu rab bzang gis tshe dang ldan pa kun dga' bo la 'di skad ces
122a2 smras so/ /kye kun dga' bo dge sbyong gau ta ma do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes bdag gis thos te bdag chos rnams la som nyi yang mchis the tsom
122a3 yang mchis la/ gau ta ma des bdag gi som nyi de bsal bar nus pa'i re ba yang bdag la mchis na/ kun dga' bo gal te khyod la yang gnod pa ma mchis la gal te zhu ba lung bstan pa'i slad du skabs 'byed pa lta na bdag nang du mchis te
122a4 phyogs 'ga' zhig zhu'o/ /lan gnyis lan gsum gyi bar du yang tshe dang ldan pa kun dga' bos kun tu rgyu rab bzang la 'di skad ces smras so/ /rab bzang bcom ldan 'das sku mnyel te bde bar gshegs pa sku 'o rgyal kyis/
122a5 rab bzang thong la bcom ldan 'das la gnod pa ma byed cig ces byas kyang kun tu rgyu rab bzang gis yang tshe dang ldan pa kun dga' bo la 'di skad ces smras so/ /kye kun dga' bo gna'i kun tu rgyu rgas shing 'khogs pa sde tshan gyis
122a6 dpon chen po dag las bdag gis thos na/ de bzhin gshegs pa dgra bcom pa yang dag par rdzogs pa'i sangs rgyas rnams ni/ brgya lam brgya lam na 'jig rten du 'byung bar zad de/ dper na u dum ba ra'i me tog dang 'dra'o
122a7 zhes grag la/ gau ta ma de yang do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur na/ bdag chos rnam pa la som nyi yang mchis the tsom yang mchis la/ gau ta
122a8 ma des bdag gi som nyi de bsal bar nus pa'i re ba yang bdag la mchis na kun dga' bo gal te khyod la yong gnod pa ma mchis la/ gal te zhu ba lung bstan pa'i slad du skabs 'byed pa lta na bdag nang du mchis te phyogs 'ga' zhig
122b1 zhu'o/ /de nas yang tshe dang ldan pa kun dga' bos kun tu rgyu rab bzang la 'di skad ces smras so/ /rab bzang bcom ldan 'das sku gnyel te bde bar gshegs pa sku 'o brgyal gyis rab bzang thong la/ bcom ldan 'das la gnod pa ma byed
122b2 cig /de nas tshe dang ldan pa kun dga' bo kun tu rgyu rab bzang dang skabs su gtam glengs pa de/ bcom ldan 'das kyis lha'i snyan rnam par dag pa mi las 'das pas gsan to/ /gsan nas kyang tshe dang ldan pa kun dga' bo la 'di skad
122b3 ces bka' stsal to/ /kun dga' bo de skad ma zer bar kun tu rgyu rab bzang ma dgag par nang du thong la ci dang ci 'dod pa 'drir chug cig /'di ni nga'i gzhan mu stegs can kun tu rgyu dag dang skabs su gtam gleng ba'i tha ma yin no/ /
122b4 'di lta ste kun tu rgyu rab bzang 'di ni nga'i mngon sum gyi nyan thos rnams la dge slong tshur shog tshangs par spyod cig ces bya ba'i tha ma yang yin no/ /de nas kun tu rgyu rab bzang bcom ldan 'das kyis skabs phye nas dga' zhing mgu
122b5 la rab tu dga' ste yi rangs nas dga' ba dang yid bde ba skyes pas bcom ldan 'das ga la ba der song ste phyin nas bcom ldan 'das dang mngon sum du yang dag par mgu bar 'gyur ba dang / yang dag par dga' bar 'gyur ba'i
122b6 gtam rnam pa sna tshogs kyis 'dres nas phyogs gcig tu 'dug go/ /phyogs gcig tu 'dug nas bcom ldan 'das la kun tu rgyu rab bzang gis 'di skad ces gsol to/ /kye gau ta ma 'jig rten na mu stegs can gyi
122b7 gnas tha dad pa 'di lta ste/ 'od srung rdzogs byed dang / kun tu rgyu gnag lhas kyi bu dang / smra 'dod kyi bu mo'i bu yang dag rgyal ba can dang / thub med skra'i la ba can dang / kad t+ya'i bu nog can dang / gcer bu pa gnyen
122b8 gyi bu dang 'di rnams rang rang gi dam bcas pa rtogs pa lags sam/ de nas bcom ldan 'das kyis de'i tshe tshigs su bcad de gsungs pa/ nga ni lo grangs nyi shu dgu lon na/ /dge ba gang yin tshol phyir rab tu byung / /rab bzang
123a1 nga ni rab tu byung nas kyang / /de yi phyin cad lo ni lnga bcu gcig /tshul khrims ting 'dzin rkang pa dag pa rnams/ /ngas ni rtse gcig sems kyis rab tu bsgoms/ /rigs pa'i chos kyi phyogs tsam smra ba yang / /'di las phyir
123a2 rol dge sbyong gzhan la 'ang med/ /rab bzang chos 'dul ba gang la 'phags pa'i lam yan lag brgyad pa med pa de la ni dge sbyong dang po yang med do/ /de la ni dge sbyong gnyis pa dang gsum pa dang bzhi pa yang med do rab bzang chos 'dul
123a3 ba gang la 'phags pa'i lam yan lag brgyad pa yod pa de la ni dge sbyong dang po yang yod do/ /dge sbyong gnyis pa dang gsum pa dang bzhi pa yang yod do/ /rab bzang chos 'dul ba 'di la ni/ 'phags pa'i lam yan lag brgyad pa
123a4 yod pas na/ dge sbyong dang po yang 'di la yod do/ /gnyis pa yang 'di la yod do/ /gsum pa yang 'di la yod do/ /bzhi pa yang 'di la yod do/ /'di las phyi rol pa la ni dge sbyong dang bram ze med la/ phas kyi rgol ba dag ni dge
123a5 sbyong rnams dang bram ze rnams kyis stong ste/ nga ni 'dir 'khor gyi nang du de skad ces yang dag pa'i seng ge'i sgra sgrogs so/ /chos kyi rnam grangs 'di bshad pa na kun tu rgyu rab bzang chos rnams la chos kyi mig rdul med cing dri ma
123a6 dang bral ba skyes te/ kun tu rgyu rab bzang gis chos mthong chos rnyed chos rtogs chos kyi gting slebs som nyi las rgal the tsom las rgal nas/ ston pa'i bstan pa la gzhan gyi dring mi 'jog cing gzhan gyis bkri ba med de/
123a7 chos rnams la mi 'jigs pa thob nas stan las langs te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de/ tshe dang ldan pa kun dga' bo la 'di skad ces smras so/ /btsun pa kun
123a8 dga' bo slob dpon chen pos/ slob dpon chen po'i nye gnas kyi dbang bskur bas dbang bskur ba de ni/ btsun pa kun dga' bos rnyed pa legs par rnyed do/ /gcig tu na bdag gis kyang legs par gsungs pa'i chos 'dul ba la rab tu
123b1 byung ba dang bsnyen par rdzogs shing dge slong gi dngos po thob par 'gyur ba de ni rnyed pa legs par rnyed do/ de nas bcom ldan 'das la tshe dang ldan pa kun dga' bos 'di skad ces gsol to/ /btsun pa kun tu rgyu rab bzang 'di ni legs par
123b2 gsungs pa'i chos 'dul ba la rab tu byung ba dang bsnyen par rdzogs shing dge slong gi dngos por 'gyur bar 'tshal lags so/ /de nas bcom ldan 'das kyis kun tu rgyu rab bzang la bka' stsal pa/ dge slong dag tshur shog /tshangs par spyad
123b3 pa spyod cig /de nas de nyid kyis tshe dang ldan pa de rab tu byung bar gyur te bsnyen par rdzogs pa yang de yin la dge slong gi dngos po yang de yin no/ /de ltar rab tu byung nas tshe dang ldan pa de gcig pu dben par 'dug ste/ bag yod cing
123b4 brtul la bcum nas gnas te gang gi phyir rigs kyi bu dag skra dang kha spu bregs nas gos tshon can bsgos te/ yang dag pa'i dad pa kho nas khyim nas khyim med par rab tu 'byung bar byed pa'i tshangs par spyod pa bla na med pa'i ma
123b5 thug pa de tshe 'di nyid la rang gi mngon par shes pas mngon sum du byas nas bsgrubs te khong du chud la bdag gi skye ba ni zad do/ /tshangs par spyod pa ni spyad zin to/ /bya ba ni byas so/ /'di las srid pa gzhan mi shes so snyam du
123b6 kun shes par gyur nas/ tshe dang ldan pa de dgra bcom par gyur te sems rnam par grol lo/ /de nas tshe dang ldan pa rab bzang dgra bcom pa thob ste/ rnam par grol ba'i dga' ba dang bde ba nyams su myong nas 'di snyam du sems
123b7 te/ bdag gis ston pa yongs su mya ngan las 'da' ba mthong bar bya ba ni bdag gi cha ma yin gyis/ de bas ches sngar bdag yongs su mya ngan las 'da' bar bya gor ma chag snyam nas/ der tshe dang ldan pa rab bzang ches sngar yongs su
123b8 mya ngan las 'das nas/ de'i 'og tu bcom ldan 'das mya ngan las 'das so/ /gang gi tshe bcom ldan 'das gzims mal gyi tha mar bzhugs te gnad la gnod pa'i tshor ba myong zhing gnad rnams 'chad la tshigs rnams
124a1 'bye ba na/ rab bzang dgra bcom pa nyid la bzhag pa grong khyer kun shi'i gyad yul pa mang po chos la btsud pa de'i tshe dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa
124a2 btsun pa kun tu rgyu rab bzang 'di bcom ldan 'das gnad rnams 'chad cing tshigs rnams 'bye ba na/ 'khor ba'i mgul las bkrol te gzha' gsang gi mthar thug pa'i grub pa dang bde ba mya ngan las 'das pa la bzhag pa ni ngo
124a3 mtshar lags so/ /bcom ldan 'das kyis bka' stsal pa/ dge slong dag da ltar nga 'dod chags dang bral ba zhe sdang dang bral ba gti mug dang bral ba/ skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang
124a4 yid mi bde ba dang 'khrug pa rnams las yongs su grol ba'i tshe/ ngas kun tu rgyu rab bzang 'khor ba'i mgul las bkrol nas/ gzha' gsang gi mthar thug pa'i grub pa dang bde ba mya ngan las 'das pa la bzhag pa 'di lta
124a5 la ngo mtshar che ba ci yod/ 'das pa'i dus na 'dod chags dang bcas pa zhe sdang dang bcas pa gti mug dang bcas pa/ skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba
124a6 dang 'khrug pa rnams las yongs su ma grol ba na bya mi bya mi shes pa'i dud 'gro'i skye gnas su skyes pa'i tshe yang ngas rang gi srog yongs su btong ste/ kun tu rgyu rab bzang dang grong khyer ku shi'i gyad yul pa rnams
124a7 'jigs pa las 'jigs pa med pa la bsod pa de legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/ ri'i sul zhig na ri dgas kyi khyu'i gtso bo ri dgas stong phrag du ma'i
124a8 'khor dang ldan pa mkhas shing gsal la yid gzhungs pa zhig 'dug pa las ri dgas kyi khyu de rngon pas bya ra byas nas rgyal po la gsol to/ /de nas rgyal po dpung gi tshogs yan lag bzhi pa dang chas te/ ri dgas kyi khyu de dag tha
124b1 thams cad khongs su bcug go/ /de nas khyu'i gtso bo de 'di snyam du sems te/ gal te bdag gis 'di rnams da ma bsrungs na ni deng du 'di dag gtan med par 'ong ngo snyam mo/ /de nas khyu'i gtso bos kho ra khor yug tu bltas te/ ri dgas kyi
124b2 tshogs 'di dag phyogs gang logs nas thar bar 'gyur zhig gu snyam mo/ /des ri'i sul de na chu klung 'bab pa zhig mthong ste/ chu klung de yang shugs drag cing drag tu khyer bar byed pa zhig yin la ri dgas de dag kyang nyam chung ba sha stag go/ /
124b3 de nas khyu'i gtso bo de tsham tshom med par chu klung de'i nang du zhugs te dbus su sdod nas/ khyed tshur shog la 'gram 'di nas mchongs te/ nga'i rgyab tu rkang lag gi stegs chos la pha rol gyi 'gram du song shig dang thabs des na khyed thar bar
124b4 mthong gi de ltar ma byas na ni 'chi bar 'gyur ro zhes skad kyis bos so/ /de nas ri dgas de dag gis de bzhin du byas so/ /de nas de'i rgyab tu rmig pa btsugs pas lpags pa rdol nas/ sha dang khrag dang rus pa'i lhag ma tsam zhig
124b5 lus par zad de/ 'on kyang de ri dgas de dag la snying rje btud pas brtson pa ma btang ngo / /de nas ri dgas thams cad rgal ba'i 'og tu 'dir ma rgal ba 'ga' lta med grang snyam ste/ phyir bltas na ri dgas kyi phru gu gcig
124b6 da dung ma rgal ba mthong ngo / /de nas khyu'i gtso bo de gnad rnams 'chad cing tshigs rnams 'bye ba na/ srog phangs pa la ma bltas te 'gram du byung nas ri dgas kyi phru gu rgyab tu zhon te/ chu klung bsgral nas 'gram
124b7 du bzhag ste/ ri dgas kyi tshogs de dag rgal zin par mthong nas 'chi khar smon lam btab pa/ ji ltar bdag gis ri dgas 'di rnams dang ri dgas kyi phru gu 'di srog phangs pa bskyabs te phangs pa las skyabs byas
124b8 pa de bzhin du/ bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa na yang 'khor ba'i 'gug las thar bar byed par gyur cig ces byas so/ /bcom ldan 'das kyis
125a1 bka' stsal pa/ dge slong dag ji snyam du sems/ de'i tshe de'i dus na ri dgas kyi khyu'i gtso bor gyur pa gang yin pa de ni nga yin no/ /ri dgas rnams ni grong khyer ku shi'i gyad yul pa 'di rnams yin no/ /ri dgas phru gu de ni rab
125a2 bzang 'di kho na yin no/ /de nas dge slong rnams the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa rab bzang gis las ci dag bgyis na des mngon sum gyi nyan thos rnams kyi tha
125a3 mar gyur lags/ bcom ldan 'das kyis bka' stsal pa/ dge slong dag rab bzang nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i
125a4 las rnams byas shing bsags pas na/ rab bzang gis las byas shing bsags pa rnams ni gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i
125a5 khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye
125a6 mched rnams 'ba' shig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong
125a7 dag sngon byung ba 'das pa'i dus na bskal pa bzang po 'di nyid la/ skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar
125a8 gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na ri dgas kyi nags
125b1 drang srong smra ba na rten cing bzhugs so/ /de nas bcom ldan 'das yang dag par rdzogs pa'i sangs rgyas 'od srung gi dpon po mya ngan med ces bya ba thar pa 'dod pa'i phyir/ bcom ldan 'das las rab tu byung nas/ de thar pa la rang dbang
125b2 yod pa tsam du 'dzin te brtson 'grus ma byas so/ /re shig na yun ring mo zhig lon pa'i 'og tu mya ngan med kyis ljongs su dbyar gnas par dam bcas so/ /bcom ldan 'das yang dag par rdzogs pa'i sangs rgyas 'od srung
125b3 yang sangs rgyas kyi phrin las thams cad mdzad nas/ shing zad pa'i me bzhin du gzims mal kyi tha mar bzhugs so/ /dge slong mya ngan med kyang / shing mya ngan 'tshang gi drung na nang du yang dag 'jog la zhugs so/ /de nas shing
125b4 mya ngan 'tshang de la gnas pa'i lha des bcom ldan 'das yang dag par rdzogs pa'i sangs rgyas 'od srung yongs su mya ngan las 'da'o zhes thos nas ngu zhing 'dug ste/ de ngu ba'i mchi ma zags pa mya ngan med kyi lus la bab bo/ /
125b5 de nas mya ngan med kyis gyen du bltas nas/ lha ngu ba de la smras pa/ lha ci'i phyir ngu / lhas smras pa/ do nub nam phyed na/ bcom ldan 'das yang dag par rdzogs pa'i sangs rgyas 'od srung yongs su mya ngan las 'da'o/ /
125b6 de nas mya ngan med kyis lha'i tshig thos nas gnad du phog pa bzhin du yed ces byas te/ de yang snying rje rje skad du ngus so/ /de lhas dris pa khyod ci'i phyir ngu / mya ngan med kyis smras pa/ nye du dang bral ba dang mkhan po dang
125b7 bral ba'i phyir te/ yang dag par rdzogs pa'i sangs rgyas 'od srung ni bdag gi zhang po yin pas bdag bsod nyams su 'dug 'dug ste brtson 'grus ma byas so/ /da ni de lam rings la bdag ni so so'i skye bor
125b8 lus te/ lam rings pas bdag gis khyad par thob par mi nus so/ /lhas smras pa/ gal te bdag gis bcom ldan 'das kyi thad du khyod bkri na ci khyad par thob par nus sam/ mya ngan med kyis smras pa/ 'di ltar
126a1 bdag gi yid la/ bcom ldan 'das mthong ma thag tu khyad par thob par 'gyur ro snyam byed do/ /de nas lhas rdzu 'phrul gyi mthus/ mya ngan med bcom ldan 'das kyi thad du khyer te/ des bcom ldan 'das mthong nas
126a2 dga' ba skyes so/ /dga' ba skyes nas bcom ldan 'das 'od srung gis gang thos pas dgra bcom pa nyid mngon sum du byed par 'gyur ba de lta bu'i chos bstan nas/ dgra bcom pa nyid mngon sum du byas te/ thog ma kho nar tshe dang
126a3 ldan pa mya ngan med yongs su mya ngan las 'das nas de'i 'og tu bcom ldan 'das yang dag par rdzogs pa'i sangs rgyas 'od srung yongs su mya ngan las 'das so/ /de nas lha des tshe dang ldan pa mya ngan med yongs su mya ngan las
126a4 'das pa mthong nas dga' ba skyed de/ tshe dang ldan pa 'dis khyad par ci thob pa thams cad ni bdag las bsten pa yin gyis bdag kyang 'di bzhin du ma 'ongs pa'i dus na/ bcom ldan 'das yang dag par rdzogs pa'i sangs rgyas
126a5 'od srung gis bram ze'i khye'u bla ma la/ bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de/ gzims
126a6 mal gyi tha mar zhugs pa na bdag kyang de'i mngon sum gyi nyan thos kyi tha mar gyur te/ bcom ldan 'das kyi snga rol tu yongs su mya ngan las 'das nas de'i 'og tu bcom ldan 'das shAkya thub pa yongs su mya ngan las 'da'
126a7 bar gyur cig ces byas so/ /dge slong dag ji snyam du sems/ de'i tshe de'i dus na lhar gyur pa gang yin pa de ni rab bzang 'di yin no/ /dge slong dag de bas na 'di ltar bslab par bya ste/ dge ba'i bshes gnyen dang dge ba'i
126a8 grogs po dang dge ba'i sten dang gnas par bya'i sdig pa'i bshes gnyen dang sdig pa'i grogs po dang sdig pa'i rten dang gnas par mi bya'o zhes dge slong khyed kyis de ltar bslab par bya'o/ /de nas bcom ldan 'das la tshe dang ldan pa
126b1 kun dga' bos 'di skad ces gsol to/ /btsun pa 'dir bdag gcig pu dben par mchis nas/ nga nang du yang dag 'jog la zhugs pa na sems la 'di lta bu'i sems kyi yongs su rtog pa byung ste/ 'di lta ste/ dge ba'i bshes gnyen dang dge
126b2 ba'i grogs po dang dge ba'i sten 'di ni tshangs par spyod pa'i phyed lags kyi/ sdig pa'i bshes gnyen dang sdig pa'i grogs po dang sdig pa'i rten ni de lta ma lags so snyam bgyid do/ /bcom ldan 'das kyis bka' stsal pa/ kun dga'
126b3 bo khyed 'di lta ste/ dge ba'i bshes gnyen dang dge ba'i grogs po dang dge ba'i brten 'di ni tshangs par spyod pa'i phyed yin gyi/ sdig pa'i bshes gnyen dang sdig pa'i grogs po dang sdig pa'i rten ni de lta ma yin no zhes ma zer cig /de ci'i
126b4 phyir zhe na/ kun dga' bo 'di lta ste/ dge ba'i bshes gnyen dang dge ba'i grogs po dang dge ba'i sten 'di ni tshangs par spyod pa ril po dang ma 'dres pa dang yongs su rdzogs pa dang yongs su dag pa dang yongs su byang ba yin gyi/
126b5 sdig pa'i bshes gnyen dang sdig pa'i grogs po dang sdig pa'i rten ni de lta ma yin no/ /de ci'i phyir zhe na/ kun dga' bo dge ba'i bshes gnyen la brten nas/ sems can skye ba'i chos can rnams skye ba'i chos can las
126b6 yongs su grol bar 'gyur ba dang sems can rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa'i chos can rnams rga ba dang na ba dang 'chi ba dang mya ngan dang smre sngags
126b7 'don pa dang sdug bsngal ba dang yid mi bde ba dang 'khrug pa'i chos can las yongs su grol bar 'gyur ba'i phyir ro/ /kun dga' bo de bas na rnam grangs 'di kho nas khyod kyis 'di ltar rig par bya ste/ 'di lta ste dge ba'i
126b8 bshes gnyen dang dge ba'i grogs po dang dge ba'i rten 'di ni tshangs par spyod pa ril po dang ma 'dres pa dang yongs su rdzogs pa dang yongs su dag pa dang yongs su byang ba yin gyi/ sdig pa'i bshes gnyen dang sdig pa'i grogs po
127a1 dang sdig pa'i rten ni de lta ma yin no zhes kun dga' bo khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par
127a2 bstod do/ /rtogs pa brjod pa brgya pa las sdom gyi tshigs su bcad pa bzhi pa ste byang chub sems dpa'i skyes pa'i rabs rnams rdzogs so// // sdom ni/ bu ram gnas dang kha zas dang / /chu dang phyi sa'i snod rnams dang / /maud gal
127a3 bu dang chu smad dang / /dmus long dang ni tshong dpon dang / /bu rnams dang ni phyi sa khung / /sde tshan dag tu bstan pa yin/ /bu ram 'tshir ba'i gnas zhes bya ba ni/ sangs rgyas bcom ldan 'das la rgyal po rnams dang blon po chen
127a4 po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams
127a5 dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom
127a6 ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka
127a7 gnas pa na bzhugs te/ gang gi tshe bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas pa de'i tshe tshe dang ldan pa shA ri'i bu dang / maud gal gyi bu gnyis kyis 'di ltar dam bcas te/
127a8 sems can dmyal ba dang dud 'gro dang yi dags rnams kyi nang nas/ sems can gcig tsam yang thar bar ma byas kyi bar du zan mi bza'o zhes byas so/ /de nas tshe dang ldan pa de gnyis dus dus su res 'ga' ni sems can dmyal bar rgyu zhing 'gro'o/ /
127b1 res 'ga' ni dud 'gro'i nang du rgyu zhing 'gro'o/ /res 'ga' ni yi dags kyi nang du rgyu zhing 'gro ste de gnyis kyis der sems can gnod pa sna tshogs kyis nyen pa rnams kyi skad ngan thos nas rgyu ba las slar 'khor te/ 'khor bzhi po rnams la brjod
127b2 par byed do/ /de dag gis kyang thos nas skyo bar 'gyur ro/ /de nas de gnyis kyis de la bsten nas de dang 'thun pa'i chos ston par byed de/ des na sems can du mas thos nas khyad par thob par 'gyur ba dang chos thos pa dang gtam bya ba'i
127b3 gnas su 'gyur ro/ /phyis re shig na tshe dang ldan pa maud gal gyi bu chen po yi dags kyi nang du rgyu zhing song ba dang / yi dags lto ni ri tsam la kha ni khab kyi mig tsam ste/ rang gi skras yog pa/ 'bar zhing rab tu 'bar la kun tu rab
127b4 tu 'bar te/ me lce gcig tu 'bar nas tshig cing nyam thag pa'i skad 'byin te/ sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ba dang bshang gci ga la yod pa der 'khor la de yang bde blag tu mi rnyed pa zhig
127b5 mthong ngo / /de nas gnas brtan des yi dags de la dris pa/ kye khyod kyis las ci zhig byas na/ des 'di lta bu'i sdug bsngal drag pa mi zad pa tsha ba dang yid du mi 'ong ba'i tshor ba myong zhing 'dug /yi dags kyis smras pa/ nyi ma shar
127b6 ba na sgron ma mi dgos kyis/ bcom ldan 'das la don 'di zhus shig dang / des khyod la bdag gi las kyi rnam pa lung ston par 'gyur ro/ /de nas tshe dang ldan pa maud gal gyi bu chen po bcom ldan 'das ga la ba der song ngo / /de'i tshe
127b7 bcom ldan 'das nang du yang dag 'jog las bzhengs nas 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma yang dbang po rnams mi g.yo bar bcom
127b8 ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba/ tshur shog 'ongs pa legs so zhes gsung ba sngar 'dzum pa yin te/ der
128a1 bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu tshur shog /khyod 'ongs pa legs so/ /khyod da gdod ga las 'ongs/ maud gal gyi bus gsol pa/ btsun pa
128a2 bdag ni yi dags kyi nang du rgyu zhing mchi mchi ba las slar mchis te/ der bdag gis yi dags lto ni ri tsam la kha ni khab kyi mig tsam ste/ rang gi skras yog pa/ phyi sa bzhin dri nga ba mchog tu dri nga ba mi sdug pa mchog tu
128a3 mi sdug pa zas su phyi sa 'tshal la de yang bde blag tu mi rnyed pa zhig mthong lags so/ /yang gsol pa/ lus chen ri bo mthon po 'dra ba la/ /mchu dang lkog ma skam zhing shin tu sdug /rang gi skras ni gdong yog gcer bar
128a4 mchis/ /mchu sgo phra khab mig 'dra rab tu rid/ /de ltar gcer bu skras yog pa/ /rus pa'i 'khrul 'khor bsgreng ba bzhin/ /thod pa thogs shing mi bzad la/ /ngu zhing kun tu rgyug par bgyid/ /bkres pa dang ni skom pa
128a5 yi/ /dub cing sdug bsngal dag gis nyen/ /nyam thag skad kyang 'byin par bgyid/ /sdug bsngal tshor ba nyams su myong / /de yis mi yi 'jig rten du/ /rab 'jigs sdig pa ci bgyis na/ /des na sdug bsngal 'di 'dra ba/ /'jigs
128a6 su rung ba myong bar gyur/ /bcom ldan 'das kyis bka' stsal pa/ maud gal gyi bu yi dags de ni sdig pa'i las byed byed pa yin no/ /de'i las kyi rnam pa nyan par 'dod dam/ btsun pa mnyan par 'tshal lags so/ /maud gal
128a7 gyi bu 'o na legs par rab tu nyon la yid la zung shig dang ngas bshad do/ /maud gal gyi bu sngon byung ba 'das pa'i dus na/ rgyal po'i khab kyi grong khyer na tshong dpon phyug cing nor mang la longs spyod che ba yongs su 'dzin
128a8 pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig 'dug pa de'i bu ram shing btsir ba'i gnas grwa lnga brgya yod de/ de dag tu de'i bu ram shing 'tshir bar byed do/ /sangs rgyas rnams
128b1 'jig rten du mi 'byung ba'i tshe/ rang sangs rgyas sdug cing phongs pa rnams la snying brtse ba/ bas mtha'i gnas mal gyis 'tsho ba 'jig rten gyi yon gnas gcig pu rnams 'jig rten du 'byung ste re shig na/ rang sangs rgyas sdug
128b2 cing phongs pa la snying brtse ba bas mtha'i gnas mal gyis 'tsho ba zhig byung nas/ de snga dro sham thabs dang chos gos gsol te/ lhung bzed thogs nas rgyal po'i khab tu bsod snyoms la song ngo / /btsun pa de yang nad khong
128b3 skem gyis thebs te/ de la sman pas bu ram shing gi khu ba phan par bstan nas tshong dpon chen po de'i thad du song ngo / /tshong dpon gyis kyang rang sangs rgyas lus kyang mdzes la/ sems kyang mdzes pa de mthong ngo / /mthong nas kyang
128b4 tshong dpon gyis smras pa/ 'phags pa ci bzhed/ rang sangs rgyas kyis smras pa/ khyim bdag bu ram shing gi khu ba 'dod do/ /de nas khyim bdag des tshal za zhig la 'phags pa la bu ram shing gi khu ba phul cig ces bsgo
128b5 nas khyim bdag da ni don zhig la phyi rol tu chas so/ /de nas mi de gzhan gyi rdzas la ser sna skyes nas/ gal te bdag gis 'di la bu ram shing gi khu ba sbyin du zin na phyis kyang 'dir 'ong bar 'gyur ro snyam ste/ mi sdug
128b6 pa'i 'gro ba gsum gyi g.yang sar gzhol ba/ thams cad kyis 'dod par bya ba'i 'gro ba gnyis bor ba/ 'phags pa'i lam rnams thag bsrings pa des sdig pa'i sems bskyed nas/ rang sangs rgyas de la smras
128b7 pa/ dge slong lhung bzed tshur byin cig dang / bu ram shing gi khu ba sbyin no zhes byas so/ /nyan thos kyi dgra bcom pa dang rang sangs rgyas rnams ni ma dgongs kyi bar du shes pa'i mthong ba mi 'jug ste/ sdug cing phongs pa
128b8 la snying brtse bas mi de la ngas phan gdags par bya'o snyam nas lhung bzed de byin no/ /de nas spyod pa ngan cing snying la snying rje med pa des de blangs te lkog gcig tu song nas gcin gis bkang ste/ steng du bu ram shing gi khu ba'i dbu
129a1 bas bkab nas/ rang sangs rgyas de la phul ba dang / des tshor nas des bsams pa nyon mongs 'dis sdig pa chen po zhig byas snyam ste/ de phyogs gcig tu song nas pho ste song ngo / /bcom ldan 'das kyis
129a2 bka' stsal pa/ maud gal gyi bu ji snyam du sems/ de'i tshe de'i dus na tshal zar gyur pa gang yin pa de ni yi dags 'di yin te/ las de'i rnam par smin pas 'khor ba na sdug bsngal mtha' yas pa myong bar gyur la da ltar
129a3 yang yi dags su gyur nas sdug bsngal mi zad pa myong ba yin no/ /maud gal gyi bu de bas na/ ci nas yi dags de'i nyes pa de lta bu dag mi 'byung bar bya ba'i phyir ser sna spang ba la brtson par bya'o/ /maud gal gyi bu de ltar
129a4 na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /
129a5 las 'dren ma rnams ni rnam par smin pa yang 'dren mar 'gyur ro/ /maud gal gyi bu de bas na/ las gcig tu nges par gnag pa rnams dang 'dren ma rnams spangs la las gcig tu nges par dkar ba rnams 'ba'
129a6 shig la btad par bya ste/ maud gal gyi bu khyod kyis de ltar bslab par bya'o/ /bcom ldan 'das kyis de skad ces bka' stsal nas/ tshe dang ldan pa maud gal gyi bu chen po dang lha dang lha ma yin dang nam mkha' lding
129a7 dang mi 'am ci dang lto 'phye chen po dang gzhan dag kyang yi rangs te/ bcom ldan 'das kyis gsungs pa la mngon par bstod do// //kha zas zhes bya ba ni/ sangs rgyas bcom ldan 'das la rgyal po rnams dang blon
129a8 po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams
129b1 dang lto 'phye rnams kyis bkur stir byas/ bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom
129b2 ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal byed kyi tshal khyim bdag mgon
129b3 med zas sbyin gyi kun dga' ra ba na bzhugs te/ de'i tshe tshe dang ldan pa maud gal gyi bu chen po nyin par gnas pa'i phyir/ shing zhig gi drung du 'dug pa dang / tshe dang ldan pa maud gal gyi bu chen pos/ yi dags mo zhig gi sgra thos te
129b4 nyam thag pa'i skad 'byin cing / sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ste/ kha zas slong zhing grogs mo dag bdag bkres so/ /grogs mo dag bdag skom mo zhes zer ba thos so/ /
129b5 de nas gnas brtan maud gal gyi bu chen pos yi dags mo de mthong nas dris pa/ khyod kyis las ci zhig byas na/ des 'di lta bu'i sdug bsngal dag myong zhing 'dug /yi dags mos smras pa/ nyi ma shar ba na sgron ma mi
129b6 dgos kyis/ bcom ldan 'das la don 'di zhus shig dang / des khyod la bdag gi las kyi rnam pa lung ston par 'gyur ro/ /de nas tshe dang ldan pa maud gal gyi bu chen po bcom ldan 'das ga la ba der song ngo / /de'i tshe bcom
129b7 ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma yang dbang po rnams mi g.yo bar bcom ldan 'das las chos
129b8 ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba tshur shog 'ongs pa legs so zhes gsung ba sngar 'dzum pa yin te/ der bcom ldan 'das kyis tshe dang ldan pa maud gal gyi
130a1 bu chen po la 'di skad ces bka' stsal to/ /maud gal gyi bu tshur shog /khyod 'ongs pa legs so/ /khyod da gzod ga las 'ongs/ maud gal gyi bus gsol pa/ btsun pa bdag ni yi dags kyi nang du rgyu zhing mchi mchi ba las
130a2 slar mchis te/ der bdag gis yi dags mo lto ni ri tsam la kha ni khab kyi mig tsam ste/ rang gi skras yog pa/ gcer bar mchis shing nyam thag pa'i skad 'byin te/ sdug bsngal drag pa dang mi bzad pa dang tsha ba dang yid du mi
130a3 'ong ba'i tshor ba myong zhing mchis pa zhig mthong lags so/ /yang gsol pa/ /lus chen ri bo mthon po 'dra ba la/ /mchu dang lkog ma skam zhing shin tu sdug /rang gi skras ni gdong yog gcer bar mchis/ /mchu sgo phra khab
130a4 mig 'dra rab tu rid/ /de ltar gcer bu skras yog pa/ /rus pa'i 'khrul 'khor bsgreng ba bzhin/ /thod pa thogs shing mi bzad la/ /ngu zhing kun tu rgyug par bgyid/ /bkres pa dang ni skom pa yis/ /dub cing sdug
130a5 bsngal dag gis nyen/ /nyam thag skad kyang 'byin par bgyid/ /sdug bsngal tshor ba nyams su myong / /de yis mi yi 'jig rten du/ /rab 'jigs sdig pa ci bgyis na/ /des na sdug bsngal 'di 'dra ba/ /'jigs su
130a6 rung ba myong bar gyur/ /bcom ldan 'das kyis bka' stsal pa/ mod gal gyi bu yi dags mo de ni sdig pa'i las byed byed pa yin no/ /de'i las kyi rnam pa nyan par 'dod dam/ btsun pa nyan par 'tshal lags so/ /maud gal
130a7 gyi bu 'o na legs par rab tu nyon la yid la zung shig dang ngas bshad do/ /maud gal gyi bu sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par
130a8 rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung
130b1 ste/ de grong khyer bA rA Na sI na drang srong smra ba ri dgas na rten cing bzhugs so/ /de nas grong khyer bA rA Na sI de na khyim bdag gcig gi chung ma ser sna can 'jungs pa yo byed rnams kun tu 'dzin pa/ khwa la 'ang gtor ma mi ster na slong ba gzhan dag
130b2 lta la smos kyang ci dgos pa zhig yod de/ de dge sbyong dang bram ze dang sdug cing phongs pa dang bkres pa dag mthong na sems kyis sdang bar byed do/ /re shig na bsod snyoms pa zhig de'i khyim du 'ongs nas/ des de mthong na/ ser sna skyes te/
130b3 sems kyang sdang bar gyur nas 'di snyam du sems te/ gal te bdag gis 'di la bkur stir byas na ni/ 'di phyis kyang 'ong bar 'gyur ro snyam mo/ /de nas sdig can des tshe phyi ma'i mi sdug pa khyad du bsad nas/ dge slong de nang du bos te sgo
130b4 bcad nas smyung du bcug go/ /mang du yang spyos te/ dge slong khyod la bkur sti ma yin pa byas pa 'di yin gyis/ phyin cad khyim 'dir ma 'ong shig ces byas so/ /de nas de ser sna kun tu sten cing bsgos te mang du byas pa des yi dags
130b5 su skyes te/ de lta bu'i sdug bsngal nyams su myong ngo / /maud gal gyi bu de bas na ci nas yi dags mo de'i nyes pa gang yin pa de lta bu dag mi 'ong bar bya ba'i phyir ser sna spong ba la brtson par bya'o/ /bcom ldan 'das kyis de skad ces
130b6 bka' stsal nas/ tshe dang ldan pa maud gal gyi bu dang lha dang lha ma yin dang nam mkha' lding dang mi 'am ci dang lto 'phye chen po gzhan dag kyang yi rangs te/ bcom ldan 'das kyis gsungs pa la mngon par bstod do// //
130b7 chu zhes bya ba ni/ sangs rgyas bcom ldan 'das la/ rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams
130b8 dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas/ bla mar byas ri mor byas mchod pa byas te/ lha dang klu dang gnod sbyin dang
131a1 lha ma yin dang nam mkha' lding mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang
131a2 sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de nas tshe dang ldan pa maud gal gyi bu chen po yi dags kyi nang du rgyu zhing song ba dang /
131a3 yi dags mo sdong dum me reg 'dra la rang gi skras yog pa/ lto ni ri tsam la kha ni khab kyi mig tsam ste/ 'bar zhing rab tu 'bar la kun tu rab tu 'bar te/ me lce gcig tu 'bar nas tshig cing nyam thag pa'i skad 'byin la
131a4 skom gyis gdungs te/ sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ba dang des mthong ba tsam gyis chu klung dang khron pa rnams skams par 'gyur ba dang gang gi tshe char 'bab pa de'i tshe/ de'i steng du me
131a5 stag 'phro ba'i mdag ma'i char 'bab pa zhig mthong ngo / /mthong nas kyang tshe dang ldan pa maud gal gyi bu chen pos de la smras pa/ kye khyod kyis sdig pa ci zhig byas na des 'di lta bu'i sdug bsngal myong zhing 'dug /yi
131a6 dgas mos smras pa/ btsun pa maud gal gyi bu chen po bdag ni sdig pa byed byed pa yin te/ sangs rgyas bcom ldan 'das la don 'di zhus shig dang de khyod la bdag gi las kyi rnam pa ston par 'gyur te/ de thos na sems
131a7 can gzhan dag kyang sdig pa'i las spong bar 'gyur ro/ /de nas tshe dang ldan pa maud gal gyi bu chen pos bcom ldan 'das ga la ba der song ngo / /de'i tshe bcom ldan 'das nang du yang dag 'jog las bzhengs nas/ 'khor bzhi
131a8 po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma yang dbang po rnams mi g.yo bar/ bcom ldan 'das las chos ro dang ldan no cog nyan par byed do/ /de nas bcom ldan 'das
131b1 rnams ni gsong por gsung ba snyan par gsung ba tshur shog /'ongs pa legs so zhes gsung ba sngar 'dzum pa yin te/ der bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu
131b2 tshur shog /khyod 'ongs pa legs so khyod da bzod ga las 'ongs/ maud gal gyi bus gsol pa/ btsun pa bdag ni yi dags kyi nang du rgyu zhing mchi mchi ba las slar mchis te/ der bdag gis yi dags mo sdong po me reg 'dra
131b3 la rang gi skras yog pa/ lto ni ri tsam la kha ni khab kyi mig tsam ste/ 'bar zhing rab tu 'bar la kun tu rab tu 'bar te me lce gcig tu 'bar nas/ tshig cing nyam thag pa'i skad 'byin la skom gyis gdungs te/ sdug bsngal
131b4 drag pa dang mi bzad pa dang tsha ba dang yid du mi 'ong ba'i tshor ba myong ba dang des mthong ba tsam gyis chu klung dang khron pa rnams skam par 'gyur ba dang / gang gi tshe char 'bab pa de'i tshe de'i steng du me stag 'phro ba'i mdag ma'i char 'bab
131b5 pa zhig mthong lags so/ /bcom ldan 'das kyis bka' stsal pa/ maud gal gyi bu yi dags mo de ni sdig pa byed byed pa yin no/ /de'i las kyi rnam pa nyan par 'dod dam/ btsun pa mnyan par 'tshal lags so/ /maud
131b6 gal gyi bu 'o na legs par rab tu nyon la yid la zung shig dang ngas bshad do/ /maud gal gyi bu sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na de bzhin gshegs pa dgra bcom
131b7 pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das
131b8 'od srung zhes bya ba 'jig rten du byung ngo / /de grong khyer bA rA Na sI na drang srong smra ba ri dgas kyi nags na rten cing bzhugs pa na/ der dge slong zhig lam du zhugs nas de skom gyis gdungs te/ khron pa'i drung du song nas de na bu
132a1 mo zhig bum pa chus bkang ste/ 'dug pa la dge slong des smras pa/ che zhe bdag ni skom gyis gdungs kyis chu byin cig ces byas na yo byad la kun tu 'dzin pa de ser sna skyes nas/ dge slong de la smras pa/ dge slong bdag gi bum
132a2 pa 'gribs su 'ong gis/ gal te khyod shi na yang chu mi sbyin no zhes byas so/ /de nas dge slong de skom gyis gdungs bzhin du re thag chad nas song ngo / /de nas bu mo de ser sna kun tu bsten cing bsgoms te/ mang du byas
132a3 pa de lta bus shi nas yi dags su skyes te/ de lta bu'i sdug bsngal drag pa dang mi bzad pa dang tsha ba dang yid du mi 'ong ba'i tshor ba myong zhing 'dug go/ /maud gal gyi bu de bas na 'di ltar bslab par bya ste/ ser sna spang bar
132a4 bya ba'i phyir brtson par bya'o zhes maud gal gyi bu khyod kyis de ltar bslab par bya'o/ /bcom ldan 'das kyis de skad ces bka' stsal nas/ tshe dang ldan pa maud gal gyi bu chen po dang lha dang lha ma yin dang nam mkha' lding dang
132a5 mi 'am ci dang lto 'phye chen po gzhan dag kyang yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po bcu gcig pa/ phyi sa'i snod ces
132a6 bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod
132a7 sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu dang gnod sbyin dang lha ma yin dang
132a8 nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams
132b1 brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de nas tshe dang ldan pa maud gal gyi bu chen po snga dro sham thabs dang chos gos bgos nas lhung bzed thogs te rgyal po'i khab tu bsod snyoms
132b2 la song nas rgyal po'i khab tu bsod snyoms byas te/ zan zos nas zas phyis len pa spangs te lhung bzed dang chos gos bzhag nas/ bya rgod kyi phung po'i ri ga la ba der song ste phyin nas bya rgod kyi phung po'i ri la 'dzegs te/ nyin par
132b3 gnas pa'i phyir shing gcig gi drung du rten cing 'dug go/ /de nas tshe dang ldan pa maud gal gyi bu chen pos yi dags mo sdong dum me reg 'dra la gcer bur 'dug cing rang gi skras yog pa/ lto ni ri tsam la kha khab kyi mig
132b4 tsam ste/ 'bar zhing rab tu 'bar la kun tu rab tu 'bar te me lce gcig tu 'bar nas tshig cing nyam thag pa'i skad 'byin la/ sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ba phyi sa bzhin
132b5 du dri nga zhing mchog tu dri nga ba zas su phyi sa za la de yang bde blag tu mi rnyed pa zhig mthong ngo / /mthong nas kyang tshe dang ldan pa maud gal gyi bu chen po mi dga' bar gyur nas yi dags mo la dris pa/ khyod kyis sngon sdig
132b6 pa ci zhig byas na des 'di lta bu'i 'bras bu myong zhing 'dug /yi dags mos smras pa/ btsun pa maud gal gyi bu chen po bdag ni sdig pa byed byed pa yin te/ sangs rgyas bcom ldan 'das la don 'di zhus shig dang
132b7 de khyed la bdag gi las kyi rnam pa lung ston par 'gyur te/ de thos na sems can gzhan dag kyang sdig pa'i las spong bar 'gyur ro/ /de nas tshe dang ldan pa maud gal gyi bu chen po bcom ldan 'das ga la ba der song
132b8 ngo / /de'i tshe bcom ldan 'das nang du yang dag 'jog las bzhengs nas/ 'khor bzhi po rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston te/ 'khor brgya phrag du ma yang dbang po rnams mi g.yo
133a1 bar bcom ldan 'das las chos ro dang ldan no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba tshur shog 'ongs pa legs so zhes gsung ba sngar 'dzum
133a2 pa yin te/ der bcom ldan 'das kyis tshe dang ldan pa maud gal gyi bu la 'di skad ces bka' stsal to/ /maud gal gyi bu tshur shog /khyod 'ongs pa legs so/ /khyod da gzod ga las 'ongs/ maud gal gyi bus gsol pa/ btsun pa bdag ni
133a3 yi dags kyi nang du rgyu zhing mchi mchi ba las der bdag gis yi dags mo sdong dum me reg 'dra la/ gcer bur mchis shing rang gi skras yog pa/ lto ni ri tsam la kha ni khab kyi mig tsam ste/ 'bar zhing rab tu 'bar la shin tu rab tu 'bar te
133a4 me lce gcig tu 'bar nas tshig cing nyam thag pa'i skad 'byin la/ sdug bsngal drag pa dang mi bzad pa dang tsha ba dang yid du mi 'ong ba'i tshor ba myong ba dang des mthong ba tsam gyis chu klung dang khron pa rnams skam par 'gyur ba dang / gang gi tshe char 'bab pa
133a5 de'i tshe de'i steng du me stag 'phro ba'i mdag ma'i char 'bab pa dang / phyi sa bzhin du dri nga zhing mchog tu dri nga ba zas su phyi sa 'tshal la/ de yang bde blag tu mi rnyed pa zhig mthong lags so/ /yang gsol pa/ nyam thag skad kyang
133a6 'byin par byed/ /sdug bsngal tshor ba nyams su myong / /gang na phyi sa'i gnas yod pa/ /der ni sdug bzhin rgyug par bgyid/ /phyi sa bza' 'am btung snyam na/ /de yang bde blag rnyed mi 'gyur/ /de yis mi yi 'jig rten du/ /
133a7 sdig pa rab 'jigs ci bgyis na/ /des na sdug bsngal 'di 'dra ba/ /'jigs su rung ba nyams su myong / /bcom ldan 'das kyis bka' stsal pa/ maud gal gyi bu yi dags mo de ni sdig pa byed byed pa yin no/ /de'i las kyi rnam pa nyan
133a8 par 'dod dam/ btsun pa mnyan par 'tshal lags so/ /maud gal gyi bu 'o na legs par rab tu nyon la yid la zung shig dang ngas bshad do/ /mo+od gal gyi bu sngon byung ba 'das pa'i dus na grong khyer bA rA Na sI na rang sangs rgyas sdug cing phongs
133b1 pa la snying brtse ba bas mtha'i gnas mal gyis 'tsho ba zhig yod la/ de yang nad bu can zhig ste bA rA na sIr bsod snyoms la song ngo / /re shig na de la sman pas 'thun pa'i zas bstan nas de tshong dpon zhig 'dug pa ga la ba der song ba dang /
133b2 tshong dpon des kyang mthong nas dris pa/ 'phags pa khyod ci bzhed/ des smras pa/ mthun pa'i kha zas 'dod do/ /de nas tshong dpon des 'phags pa la kha zas 'thun pa phul cig ces mna' ma la bsgo'o/ /de nas de'i mna' ma ser sna
133b3 skyes te/ gal te bdag gis deng 'di la kha zas sbyin du zin na sang yang 'ong bar 'gyur ro snyam nas/ phyogs gcig tu song ste lhung bzed phyi sas bkang nas steng 'bras can gyis bkab ste rang sangs rgyas de la phul lo/ /nyan
133b4 thos dang rang sangs rgyas rnams ni ma dgongs kyi bar du shes pa'i mthong ba mi 'jug ste des blangs so/ /blangs nas tshor te/ 'di dri nga ba las na 'dis phyi sas bkang gor ma chag snyam mo/ /de nas bdag nyid chen po des de ga zhig
133b5 tu bor nas song ngo / /bcom ldan 'das kyis bka' stsal pa/ maud gal gyi bu de ji snyam du sems de'i tshe de'i dus na tshong dpon gyi mna' mar gyur pa gang yin pa de ni yi dags mo 'di yin te/ des sdig pa'i las de lta bu byas
133b6 nas/ de phyin cad rtag tu sems can dmyal ba dang dud 'gro dang yi dags rnams su skyes te rtag tu zas su phyi sa za bar gyur to/ /maud gal gyi bu de bas na ser sna spang ba la brtson par bya ste/ ci nas yi dags mo de'i nyes
133b7 pa de lta bu dag 'ong bar mi 'gyur ba de ltar maud gal gyi bu khyod kyis bslab par bya'o/ /bcom ldan 'das kyis de skad ces bka' stsal nas/ tshe dang ldan pa maud gal gyi bu dang lha dang lha ma yin dang nam mkha' lding
133b8 dang mi 'am ci dang lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //maud gal gyi bu zhes bya ba ni/ sangs rgyas bcom ldan 'das la rgyal po rnams dang
134a1 blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang
134a2 mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i
134a3 sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i
134a4 tshal bya ka lan da ka gnas pa na rten cing bzhugs so/ /de'i tshe rgyal po'i khab kyi ni pha rol 'od ma'i tshal gyi tshu rol/ de'i bar skabs na yi dags mo sdong dum me reg 'dra la gcer bur 'dug cing rang gi skras yog pa/ lto ni ri
134a5 tsam la kha ni khab kyi mig tsam ste/ 'bar zhing rab tu 'bar la kun tu rab tu 'bar te/ me lce gcig tu 'bar nas tshig cing nyam thag pa'i skad 'byin la/ sdug bsngal drag pa dang mi bzad pa dang tsha ba dang yid du mi 'ong ba'i tshor ba nyams
134a6 su myong ba lnga brgya khwa khyus lding ba bzhin du nam mkha' la 'khor te gang du yang 'dug sa mi rnyed do/ /de nas tshe dang ldan pa maud gal gyi bu snga dro sham thabs dang chos gos bgos te lhung bzed thogs nas rgyal po'i khab tu bsod
134a7 snyoms la song ba dang des yi dags de dag mthong ngo / /yi dags de dag gis kyang tshe dang ldan pa maud gal gyi bu chen po mthong ngo / /de nas de dag gcig tu 'dril nas tshe dang ldan pa maud gal gyi bu chen po'i thad du dong ste phyin nas/
134a8 snying rje rje skad zer zhing sdug sdug skad zer la gti zhing smra bar tshig 'thun par smras pa/ btsun pa maud gal gyi bu bdag cag ni rgyal po'i khab tu tshong dpon lnga brgyar gyur te/ bdag cag ser sna can 'jungs pa yo byad rnams
134b1 la kun tu 'dzin par gyur nas/ bdag cag nyid kyis kyang sbyin pa ma byin la/ gzhan dag sbyin pa byed pa la yang bgegs byas so/ /sbyin pa'i gnas rnams la yang yi dags kyi tshig lta bus mang du spyos te khyed ni yi
134b2 dgas su skyes pa bzhin du gzhan gyi khyim phyi nyug pa zhes byas so/ /des na bdag cag shi ba'i 'og tu 'di lta bu'i yi dags su skyes so/ /btsun pa maud gal gyi bu chen po de bas na bdag cag gi nye du rgyal po'i khab na
134b3 gnas pa de dag la/ bdag cag gi las kyi rnam pa shes par mdzod la dad pa dris te/ sangs rgyas la sogs pa dge slong gi dge 'dun bshos gsol nas/ bdag cag gi slad du yon gyi rabs 'don par gsol cig /
134b4 'on kyang bdag cag yi dags kyi skye gnas nas thar kyang srid do zhes gsungs cig /de nas tshe dang ldan pa maud gal gyi bus kyang yi dags rnams la cang mi smra bas khas blangs so/ /de nas tshe dang ldan pa maud gal gyi
134b5 bus de dag nye du rnams kyi khyim khyim du dad pa dris nas phyi de nyin sangs rgyas la sogs pa dge slong gi dge 'dun bshos la spyan drangs so/ /yi dags rnams la yang sbran te/ sangs rgyas bcom ldan 'das dge slong gi
134b6 dge 'dun dang bcas pa bshos la spyan drangs kyis khyed kyang der shog cig ces byas so/ /de dag gi nye du rnams la yang khyed kyang shog cig dang / nye du'i mchod ston byed pa der yi dags de dag mthong bar 'gyur ro
134b7 zhes byas so/ /de nas tshe dang ldan pa maud gal gyi bu nyid mchod ston gyi zhal ta byed pa la zhugs so/ /de nas nam langs nas zhal zas bshams te/ gdugs tshod la bab na yi dags de dag mi snang ngo / /de nas
134b8 tshe dang ldan pa maud gal gyi bu chen pos lha'i mig gis yi dags de dag bsams na yul ma ga d+hA thog thag na yang mi snang la/ mthar gyis gling bzhi'i bar du bltas na yang de na yang mi snang ngo / /de nas ji srid du de'i ye shes mthong
135a1 ba 'jug pa de srid du bltas kyang de na yang mi snang ngo / /de nas tshe dang ldan pa maud gal gyi bu chen po mi dga' bar gyur nas/ bcom ldan 'das la gsol pa/ bcom ldan 'das bdag gi sbyin bdag de rnams mi gda'
135a2 lags so/ /bcom ldan 'das kyis bka' stsal pa/ maud gal gyi bu thong la khyod mi dgar ma byed cig /nyan thos dang rang sangs rgyas thams cad kyi sa las 'das pa'i 'jig rten gyi khams tshad med pa dag yod de/ de dag tu
135a3 las kyi rlung gis 'phangs mod kyi/ 'on kyang maud gal gyi bu deng de bzhin gshegs pa'i stobs la ltos shig /thams cad mkhyen pa'i ye shes gzigs pa mngon par bya'o/ /de bzhin gshegs pa'i rdzu 'phrul gyi
135a4 rnam par 'phrul pa yang bstan gyis gaN DI rdungs shig /de nas gaN DI brdungs pa dang dge slong gi dge 'dun thams cad kyang 'dus/ yi dags kyi nye du rnams dang yi dags mthong bar 'dod pa'i sems can gzhan dag
135a5 kyang ltad mo la lhags te 'dus so/ /de nas bcom ldan 'das kyis ci nas yi dags rnams kyis sangs rgyas bcom ldan 'das nyan thos kyi dge 'dun dang bcas pa bshos gsol ba mthong bar 'gyur ba dang / bdag cag
135a6 gi phyir nye du rnams kyis sangs rgyas la sogs pa dge slong gi dge 'dun rnams bshos gsol zhing 'khod do snyam du dran pa rnyed par 'gyur ba de lta bu'i rdzu 'phrul bstan to/ /de nas bcom ldan 'das kyis gsung yan
135a7 lag lnga dang ldan pas yon gyi rabs gsungs pa/ sbyin pa 'di yi bsod nams gang / /de ni yi dags phyi bzhin song / /yi dags 'jig rten rab 'jigs las/ /de dag myur du thar gyur cig /ces gsungs so/ /
135a8 de nas bcom ldan 'das kyis gzhi de las brten nas de dang 'thun pa'i chos bstan te/ de thos nas srog chags 'bum phrag du mas ser sna'i dri ma spangs te bden pa mthong bar gyur to/ /yi dags de dag kyang bcom ldan 'das la
135b1 sems dga' bar gyur te/ shi nas sum bcu rtsa gsum pa'i lha yul bzang por skyes so/ /lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las
135b2 gang gis skyes snyam mo/ /de nas yi dags las shi 'phos pa dang sum bcu rtsa gsum pa'i lha'i yul bzang por skyes pa dang / bcom ldan 'das la sems dga' bar gyur pa de dag gis mthong ngo / /de nas sngon yi dags su gyur pa'i
135b3 lha'i bu de dag 'di snyam du sems te/ bdag cag zhag lon te bzod bcom ldan 'das lta ba'i phyir 'gro ba ni bdag cag gi cha ma yin gyis/ bdag cag zhag ma lon par bcom ldan 'das la lta ba'i phyir 'dong ngo snyam mo/ /de nas
135b4 sngon yi dags su gyur pa'i lha'i bu rna cha gdub kor dag cing 'gul du thogs pa/ lus do shal dang se mo dos brgyan pa/ nor bu sna tshogs kyis spras pa'i cod pan can lus gur gum dang ta ma la'i lo ma dang sprika la la sogs
135b5 pas byugs pa de rnams kyis/ de nyid kyi mtshan mo lha'i me tog ud pa la dang pad ma dang ku mu ta dang pad ma dkar po dang man dA ra rnams kyis thu ba bkang ste/ 'od ma'i tshal bya ka lan da ka gnas pa kho ra khor yug 'od
135b6 chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis sngon yi dags su gyur pa'i lha'i bu rnams
135b7 kyi bsam pa dang bag la nyal dang khams dang rang bzhin thugs su chud nas/ de dang 'thun pa'i chos bstan te/ de thos nas sngon yi dags su gyur pa'i lha'i bu de dag gis khyad par chen po thob bo/ /de dag tshong pa khe spogs phyin pa bzhin du
135b8 gyur te/ bcom ldan 'das la lan gsum bskor ba byas nas de nyid du mi snang bar gyur to/ /der bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu khyod kyis yi dags mang po dag lha'i nang du
136a1 bkod nas de dag kyang mdang sum nga'i thad du 'ongs te/ de dag la ngas chos bstan nas de dag gis rnyed par bya ba rnyed de mthong bar 'gyur ba rnyed nas/ dong ba de ni khyod kyis zhal ta byas pa 'bras bu yod par gyur te legs so legs so/ /
136a2 de nas tshe dang ldan pa maud gal gyi bu chen pos de dag gi nye du rnams la yang shes par byas te/ de dag gis thos nas mchog tu ya mtshan du gyur te/ bcom ldan 'das la sems dga' bar gyur nas bkur sti byas so/ /maud gal gyi bu de bas
136a3 na khyod kyis ci nas yi dags de dag gi nyes pa de lta bu dag mi 'byung bar bya ba'i phyir ser sna spang ba la brtson par bya'o/ /bcom ldan 'das kyis de skad ces bka' stsal nas/ tshe dang ldan pa maud gal gyi bu chen po dang lha dang lha ma
136a4 yin dang nam mkha' lding dang mi 'am ci dang lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //chu smad ces bya ba ni/ sangs rgyas bcom ldan 'das la
136a5 rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang / mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/
136a6 lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes
136a7 pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa rgyal po'i khab
136a8 na 'od ma'i tshal bya ka lan da ka gnas na rten cing bzhugs so/ /de'i tshe rgyal po'i khab kyi grong khyer na tshong dpon phyug cing nor mang la longs spyod che ba yongs su 'dzin pa rgya che zhing yangs pa rnam thos kyi bu'i nor dang ldan pa/
136b1 rnam thos kyi bu'i nor dang 'gran pa zhig gnas pa des rigs mnyam pa las chung ma blangs te/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas
136b2 de zla ba brgyad dam dgu lon pa dang bu byung ste/ khye'u zhig btsas nas de btsas pa'i btsas ston byas te/ khye'u 'di'i ming ji skad gdags zhes ming 'dogs par byed de/ de nye du rnams na re khye'u 'di rgyu skar chu smad la btsas
136b3 pas na de'i phyir ming chu smad ces gdags so zhes zer nas de'i ming chu smad ces btags so/ /de nas khye'u chu smad bsrings bskyed de cher skyes nas/ de'i pha shi ba dang rang gi khyim gyi bdag por gyur to/ /de nas des tshong 'dus
136b4 bkram nas nyo 'tshong byed cing nyo 'tshong gis 'tsho bar byed pa las de nyin gcig bzhin du bcom ldan 'das kyi thad du song ste/ de bcom ldan 'das mthong ba dang dam pa'i chos thos pas bcom ldan 'das kyi bstan pa la dad par gyur
136b5 nas de rab tu 'byung ba'i sems skyes te/ des ma la gsol ba btab pa/ yum bdag bcom ldan 'das kyi bstan pa la rab tu 'byung gis gnang bar mdzod cig /de nas de'i mas smras pa/ bu khyod ni bu gcig pa yin
136b6 gyis bdag ji srid 'tsho'i bar rab tu ma byung shig /bdag shi ba'i 'og tu ci bya ba byos shig ces zer ro/ /chu smad des kyang ci rnyed pa de dag thams cad ma la byin te/ yum 'dis dge sbyong dang bram ze dang sdug cing phongs pa
136b7 dang bkren pa rnams la sbyin pa dag gyis shig ces byas so/ /de'i ma de ni brkam chags can 'jungs pa yo byad rnams kun tu 'dzin pa zhig ste kar Sha pa Na de dag sbas nas/ dge slong dang bram ze gang dag zas 'dod de
136b8 khyim der 'ongs pa de dag la rgya zhing khyed ni yi dags su skyes pa bzhin du khyim phyi nyug cing slong ngo zhes zer ro/ /bu de la yang slu bar byed de/ bdag gis nyin gcig bzhin du dge slong 'di snyed 'di snyed cig la zan byin no zhes zer ro/ /
137a1 phyis re shig na de shi ba dang de yi dags su skyes nas bu chu smad ma dang bral ba'i mya ngan byed do/ /sbyin pa dag sbyin zhing bsod nams dag byas nas bcom ldan 'das kyi bstan pa la rab tu byung ngo / /des brtson pa dang
137a2 bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad
137a3 chod do/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil
137a4 du 'dra ba'i sems dang ldan pa/ tsan dan sbangs pa bzhin du bsil bar gyur pa/ rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur
137a5 sti la mi lta ba dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur nas/ des chu klung gang gA'i 'gram du lo ma'i spyil po byas te bsam gtan byed do/ /de'i ma yi dags
137a6 kyi 'jig rten du skyes pa de yang sdong dum me reg 'dra la gcer bur 'dug cing rang gi skras yog pa/ lto ni ri tsam la kha ni khab kyi mig tsam ste/ 'bar zhing rab tu 'bar la kun tu rab tu 'bar te me lce gcig tu 'bar nas/
137a7 tshig cing nyam thag pa'i skad 'byin te/ tshe dang ldan pa chu smad kyi thad du song nas re shig na chu smad kyis yi dags mo de mthong nas dris pa/ 'di kho na 'dra ba khyod su zhig /yi dags mos smras pa/ bu gcig gang
137a8 las btsas pa yi/ /byams pa'i ma ni bdag yin te/ /zas dang skom dang bral ba yi/ /yi dags rnams kyi nang du skyes/ /bdag ni shi ba'i dus 'das nas/ /lo grangs nyi shu lnga lon te/ /chu yi bag
137b1 kyang ma mthong na/ /kha zas lta zhig ga la mthong / /'bras bur ldan pa'i shing rnams kyi/ /drung song de dag 'bras med 'gyur/ /gang ba'i mtsho 'gram bdag song yang / /de dag kyang ni skam par 'gyur/ /
137b2 btsun pa'i shing drung bde ba lags/ /khyod kyi snod nang chu yang bsil/ /bkren pa bdag la thugs rje skyed/ /skom gyis gdungs kyis chab stsol cig /de nas chu smad kyis ma la smras pa/ yum khyod
137b3 mir gyur pa'i tshe bdag gis sbyin pa dag sbyin zhing bsod nams dag byed du ma bcug gam/ yi dags mos smras pa/ bu gcig bdag ni ser snas non pas sbyin pa dag kyang ma byin bsod nams dag kyang
137b4 ma byas te/ nor rnyed pa de dag thams cad sdig pa'i sems kyis dong du sbas so/ /bu gcig de bas na dad pa dris la bdag gi phyir sangs rgyas la sogs pa dge slong gi dge 'dun bshos gsol nas
137b5 yon gyi rabs 'don par gsol cig /'on kyang bdag yi dags kyi skye gnas nas thar yang srid do/ /chu smad kyis smras pa/ de ltar bgyi yis khyod kyang gral dpon gyi mdun du 'dug shig /yi
137b6 dgas mos smras pa/ bu gcig bdag gi gcer bur 'dug pas ngo tsha ste ngos mi thub bo/ /chu smad kyis smras pa/ yum khyod gang gi tshe sdig pa byed pa de'i tshe ngo mi tsha na da ltar 'bras bu myong
137b7 ba'i tshe ci'i phyir ngo tsha/ yi dags mos smras pa/ 'o na de bzhin du 'ong bar bya'o/ /de nas chu smad kyis nye du rnams kyi khyim khyim du dad pa dris nas phyi de nyin sangs rgyas la sogs pa dge slong gi dge 'dun bshos
137b8 la spyan drangs nas/ gdugs tshod la bab pa na sangs rgyas la sogs pa dge slong gi dge 'dun dag kyang 'dus/ yi dags mo de yang gral dpon gyi mdun du 'dug ste/ srog chags 'bum phrag du ma 'dus pa rnams kyis yi dags mo de mthong ngo / /de dag
138a1 gis yi dags mo de'i lus mi sdug pa mthong nas shin du skyo ba skyes te/ bcom ldan 'das la sems dga' bar gyur to/ /de nas tshe dang ldan pa chu smad kyis sangs rgyas la sogs pa dge slong gi dge 'dun zhal zas bzang
138a2 pos tshim par byas nas/ yi dags mo'i phyir yon gyi rabs gdon par gsol to/ /de nas bcom ldan 'das nyid kyis gsung yan lag lnga dang ldan pas sbyin pa'i rabs gsungs pa/ sbyin pa 'di yi bsod nams gang / /de ni yi
138a3 dgas phyi bzhin song / /yi dags 'jig rten rab 'jigs las/ /de ni myur du thar gyur cig /ces gsungs so/ /de nas bcom ldan 'das kyis gzhi de las brten nas yi dags mo de dang skye bo mang po la de dang mthun pa'i chos
138a4 bstan te/ srog chags 'bum phrag du mas de thos nas bden pa mthong bar gyur to/ /yi dags mo de yang sems dga' bar gyur te shi nas yi dags rdzu 'phrul chen mor skyes so/ /tshe dang ldan pa chu smad kyis kyang yi dags rdzu 'phrul chen
138a5 mor skyes par shes so/ /de nas tshe dang ldan pa chu smad kyis smras pa/ yum da ni mthu yod kyis sbyin pa yongs su gtang ba dag gyis shig /yi dags rdzu 'phrul chen mos smras pa/ bu gcig bdag ni sbyin pa la dga' ba med de
138a6 mi nus so/ /de nas tshe dang ldan pa chu smad kyis yi dags rdzu 'phrul chen mo la smras pa/ chags pa'i mun pas mig ni rab bsgribs te/ /khyod kyis yi dags 'jig rten bsgrubs pa yi/ /khyod kyi rus bu chen po sha med
138a7 pa/ /rus pa lpags pa skyi rnams da dung 'dug /ces byas so/ /de nas tshe dang ldan pa chu smad kyis lan mang du spyos nas smras pa dang / de'i 'og tu de las ras zung gcig thob bo/ /de nas chu smad kyis dge 'dun
138a8 la phul te/ gang gis dge 'dun las ras zung shig nyos pa'i dge slong des gos kyi rdang la bzhag go/ /de nas yi dags mo de mtshan mo 'ongs nas rkus so/ /de nas dge slong des tshe dang ldan pa chu smad la bsnyad nas
138b1 chu smad song ste yi dags mo spyos nas phyir bkug ste byin no/ /de bzhin du lan gsum gyi bar du dge slong de las rkus nas/ tshe dang ldan pa chu smad kyis phyir bkug te byin pa dang / dge slong des kyang de gshags nas/ phyogs
138b2 bzhi'i dge slong gi dge 'dun gyi phyir stan la klan to/ /de nas des phyin chad ma rkus so/ /de bas na sems can rnams la de ltar ser snas mtho 'tsham par byed pa mthong nas/ ci nas kyang yi dags mo de'i nyes pa de lta bu
138b3 dag 'byung bar mi 'gyur bar bya ba'i phyir ser sna spang ba la brtson par bya'o/ /bcom ldan 'das kyis de skad ces bka' stsal nas/ dge slong de dag dang lha dang lha ma yin dang nam mkha' lding dang mi 'am ci dang lto 'phye chen po
138b4 la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //dmus long zhes bya ba ni/ sangs rgyas bcom ldan 'das la rgyal po rnams dang blon po chen po rnams dang
138b5 phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams
138b6 kyis bkur sti byas bla mar byas ri mor byas mchod pa byas te lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams
138b7 chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med
138b8 zas sbyin gyi kun dga' ra ba na bzhugs so/ /de nas tshe dang ldan pa dga' byed snga dro sham thabs dang chos gos bgos te/ lhung bzed thogs nas mnyan du yod par bsod snyoms la song ngo / /mnyan du yod par bsod snyoms
139a1 byas nas zan zos te zas phyis len pa spangs nas/ lhung bzed dang chos gos bzhag ste yi dags kyi yul du rgyu zhing song ba las/ tshe dang ldan pa dga' byed kyis yi dags mo sdong dum me reg 'dra la dmus long du
139a2 'dug pa rang gi skras yog pa lto ni ri tsam la kha ni khab kyi mig tsam ste/ dur khrod bzhin du dri nga ba khwa dang bya rgod dang khyi dang wa rnams kyis bskor nas phyogs kun nas sha bcad cing bcad cing za ba dang / de gnad la bab ste
139a3 bkos thag nas nyam thag pa'i skad 'byin te/ sdug bsngal drag pa dang mi bzad pa dang tsha ba dang yid du mi 'ong ba myong zhing 'dug pa zhig mthong ngo / /de nas tshe dang ldan pa dga' byed mi dga' bar gyur nas dris pa/ sring mo khyod
139a4 kyis sngon sdig pa'i las ci zhig byas na des 'di lta bu'i sdug bsngal myong zhing 'dug yi dags mos smras pa/ nyi ma shar ba na sgron ma mi dgos kyis/ bcom ldan 'das la don 'di zhus shig dang de khyod la bdag gi
139a5 las kyi rnam pa lung ston par 'gyur te/ de thos na sems can gzhan dag kyang sdig pa spong bar 'gyur ro/ /de nas tshe dang ldan pa dga' byed bcom ldan 'das ga la ba der song ngo / /de'i tshe bcom ldan 'das nang du yang dag
139a6 'jog las bzhengs nas/ 'khor bzhi po rnams la sbrang bu'i sbrang rtsi ma skol ba dang ldan pa'i chos ro dang ldan no cog ston te 'khor brgya phrag du ma yang dbang po rnams mi g.yo bar bcom ldan 'das las chos ro dang ldan
139a7 no cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba tshur shog 'ongs pa legs so zhes gsung ba sngar 'dzum pa yin te/ der bcom ldan 'das kyis tshe dang ldan
139a8 pa dga' byed la 'di skad ces bka' stsal to/ /dga' byed tshur shog khyod 'ongs pa legs so/ /khyod da bzod ga las 'ongs/ dga' byed kyis gsol pa/ btsun pa bdag ni yi dags rgyu ba'i nang nas mchis te/ der
139b1 bdag gis yi dags mo sdong dum me reg 'dra la dmus long du mchis pa rang gi skras yog pa/ lto ni ri tsam la kha ni khab kyi mig tsam ste/ dur khrod bzhin du dri nga ba khwa dang bya rgod dang khyi dang wa rnams kyis bskor nas phyogs kun
139b2 nas sha bkum zhing bkum zhing 'tshal ba dang / de gnad la bab bste bkos thag nas nyam thag pa'i skad 'byin te/ sdug bsngal drag pa dang mi bzad pa dang tsha ba dang yid du mi 'ong ba myong zhing mchis pa zhig mthong lags so/ /yang
139b3 gsol pa/ lus chen ri bo mthon po 'dra ba la/ /mchu dang lkog ma skam zhing shin tu sdug /rang gi skras ni gdong yog gcer bur mchis/ /mchu sgo phra khab mig 'dra rab tu rid/ /de ltar gcer bu skras yog pa/ /rus pa'i 'phrul
139b4 'khor bsgreng ba bzhin/ /thod pa thogs shing mi bzad la/ /ngu zhing kun tu rgyug par bgyid/ /bkres pa dang ni skom pa yis/ /dub cing sdug bsngal dag gi nyen/ /nyam thag skad kyang 'byin par bgyid/ /sdug bsngal tshor ba nyams su myong / /
139b5 de yis mi yi 'jig rten du/ /rab 'jigs sdig pa ci bgyis na/ /des na sdug bsngal 'di 'dra ba/ /'jigs su rung ba myong bar 'gyur/ /bcom ldan 'das kyis bka' stsal pa/ dga' byed yi dags mo de ni sdig pa'i las byed
139b6 byed pa yin no/ /de'i las kyi rnam par smin pa nyan par 'dod dam/ btsun pa mnyan par 'tshal lags so/ /dga' byed 'o na legs par rab tu nyon la yid la zung shig dang ngas bshad do/ /dga' byed sngon byung ba 'das pa'i dus
139b7 na bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes
139b8 bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /
140a1 de nas grong khyer bA rA Na sI na tshong dpon gyi bu mo zhig 'dug pa de chos 'dod de/ des chos thos nas 'khor ba la nyes par blta ba dang / mya ngan las 'das pa la yon tan du lta bar gyur te/ des pha ma la gsol nas bcom
140a2 ldan 'das kyi bstan pa la rab tu byung ngo / /de nas de'i phyir nye du rnams kyis dge slong ma'i gtsug lag khang byas nas/ de de na slob pa dang mi slob pa'i dge slong ma dag dang lhan cig tu gnas pa las re shig na des bag med pa'i dbang gis bslab
140a3 pa'i bzhi la lhod par byas so/ /de nas dge slong ma rnams gyis tshul khrims 'chal pa'i phyir bskrad do/ /de nas des sbyin bdag khyim bdag rnams dad pas nges par 'bul ba 'ang gcod du bcug /slob pa dang mi slob pa'i
140a4 dge slong ma rnams kyi bsngags pa ma yin pa yang brjod/ dge slong tshul khrims dang ldan pa gang yin pa de dag mthong na yang mig btsums te 'dug go/ /dga' byed ji snyam du sems/ tshong dpon gyi bu mo gang yin pa de ni yi
140a5 dgas mo 'di yin te/ des gtsug lag khang la ser sna byas pa des ni yi dags su skyes so/ /des nor ma bcad pa des ni khwa dang bya rgod dang khyi dang wa rnams kyis bskor to/ /des slob pa dang mi slob pa'i dge slong ma rnams
140a6 kyi bsngags pa ma yin pa brjod pas ni de'i lus dri nga bar gyur to/ /dge slong tshul khrims dang ldan pa rnams mthong na mig btsums pas ni dmus long du gyur to/ /dga' byed de ltar na las gcig tu nges par gnag pa rnams ni rnam
140a7 par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur
140a8 ro/ /dga' byed de bas na las gcig tu nges par gnag pa rnams dang 'dren ma rnams spangs la/ las gcig tu nges par dkar ba rnams 'ba' shig la gtad par bya ste dga' byed khyod kyis de ltar bslab par bya'o/ /
140b1 chos kyi rnam grangs 'di bstan pa na srog chags sa yas bden pa mthong bar gyur to/ /der bcom ldan 'das kyis dge slong rnams la bka' stsal pa/ dge slong dag ser sna dang ngag gi nyes par spyod pa'i nyes dmigs de dag dang gzhan
140b2 dag kyang rtogs nas/ ser sna dang ngag gi nyes par spyod pa spang ba'i phyir brtson par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag dang lha dang lha ma yin dang
140b3 nam mkha' lding dang mi 'am ci dang lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //tshong dpon zhes bya ba ni/ sangs rgyas bcom ldan
140b4 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding
140b5 rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis
140b6 mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas mnyan
140b7 du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na/ tshong dpon phyug cing nor mang la longs spyod che ba yongs su 'dzin pa yangs shing
140b8 rgya che ba/ rnam thos kyi bu'i nor dang ldan pa rnam thos kyi bu'i nor dang 'gran pa zhig gnas te/ de phyi zhig na rgyal bu rgyal byed kyi tshal du song ngo / /de nas des sangs rgyas bcom ldan 'das sku skyes bu
141a1 chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po
141a2 che'i ri bo 'gro ba lta bu kun nas bzang ba mthong ngo / /mthong nas kyang bcom ldan 'das kyi zhabs la mgo bos phyag 'tshal te chos mnyan pa'i phyir bcom ldan 'das kyi spyan sngar 'dug nas/ bcom ldan 'das kyis
141a3 de la 'khor ba las skyo bar 'gyur ba'i chos bstan te/ de thos nas 'khor ba la nyes par lta ba dang mya ngan las 'das pa la yon tan du lta bar gyur te/ bcom ldan 'das kyi bstan pa la rab tu byung nas kun la grags pa
141a4 dang bsod nams chen po dang ldan par gyur te/ gos dang zas dang mal cha dang stan dang nad gsos dang sman zong rnams rnyed par gyur to/ /des yongs su bzung ba'i yo byad rnyed do cog gsog par byed de des tshangs pa
141a5 mtshungs par spyod pa rnams la bgo bsha' ma byas so/ /de nas ser sna kun du sten cing bsgoms te mang du byas pa des na rang gi yo byad la lhag par zhen bzhin du shi nas rang gi gnas khang du yi dags su
141a6 skyes so/ /de nas de'i tshangs pa mtshungs par spyod pa rnams kyis gaN DI mjug med pa brdungs nas rus bu phyir phyung ngo / /de nas de'i rus bu la rus bu'i mchod pa byas nas phyir gtsug lag khang du lhags so/ /
141a7 de nas gnas khang gi sgo phye ste/ chos gos dang lhung bzed g.yar snga 'grim pa la zhugs pa dang / re shig na yi dags rkang lag dang mig mi sdug la lus mchog tu 'jigs pa chos gos dang lhung bzed 'dzin
141a8 cing 'dug pa de mthong ngo / /de ltar mi sdug pa de mthong nas dge slong dag mi dga' bar gyur te/ bcom ldan 'das la gsol to/ /de nas bcom ldan kyis rigs kyi bu de la phan gdags pa dang slob ma'i
141b1 tshogs rnams skyo ba bskyed pa dang ser sna'i rnam par smin pa mi sdug pa yang dag par bstan pa'i phyir dge slong gi tshogs kyis zham ring byas te/ dge slong gi dge 'dun gyis mdun du bdar te gnas der gshegs so/ /
141b2 de nas des sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas
141b3 lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' ba skyes te ngo tsha bar gyur to/ /de nas bcom ldan 'das kyis char sprin gyi
141b4 'brug sgra lta bur zab pa dang / rnga sgra lta bu'i gsung gis yi dags de spyos te bzhin bzangs khyod nyid kyis bdag nyid phung ba'i phyir chos gos dang lhung bzed 'di bsgrubs te/ des na yi dags su skyes pa yin gyis/ da yang nga
141b5 la sems dga' bar gyis la yo byad 'di la yang sems ma chags par byos dang legs so/ /'di las kyang shi nas sems can dmyal ba rnams su skye sta re/ de nas yi dags des chos gos dang lhung bzed dge 'dun la
141b6 phul nas/ bcom ldan 'das kyi zhabs la phyag 'tshal te nyes pa bshags so/ /de nas bcom ldan 'das kyis yi dags kyi phyir yon gyi rabs gsungs pa/ sbyin pa 'di yi bsod nams gang / /de ni yi dags phyi
141b7 bzhin song / /yi dags 'jig rten rab 'jigs las/ /de ni myur du thar gyur cig /de nas yi dags de bcom ldan 'das la sems dga' bar gyur te/ shi nas yi dags rdzu 'phrul chen por skyes so/ /de nas yi dags
141b8 rdzu 'phrul chen po rna cha gdub kor dag cing 'gul ba thogs pa lus do shal dang se mo dos brgyan pa/ nor bu sna tshogs kyis spras pa'i cod pan can lus gur gum dang ta ma la'i lo ma dang sprig ka la sogs pas byugs pa des de nyid kyi
142a1 mtshan mo/ lha'i me tog ud pal dang pad ma dang ku mu da dang pad ma dkar po dang man dA ra rnams kyis thu ba bkang ste/ 'od ma'i tshal bya ka lan da ka gnas pa kho ra khor yug 'od chen pos snang bar byas nas/ bcom
142a2 ldan 'das la me tog gis gtor te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis kyang de la de dang 'thun pa'i chos bstan te/ de thos nas dga' ba skyes te song ngo / /de'i tshe dge
142a3 slong srod dang tho rangs mi nyal bar brtson pa lhur byed pa la gnas pa de dag gis/ bcom ldan 'das kyi thad du snang ba chen po byung ba mthong ngo / /de mthong nas the tsom skyes te sangs rgyas bcom ldan 'das la zhus pa/ bcom
142a4 ldan 'das ci lags/ mdang sum mi mjed kyi bdag po tshangs pa 'am lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/
142a5 dge slong dag mi mjed kyi bdag po 'am lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin gyi/ yi dags de shi nas yi dags rdzu 'phrul chen por skyes te/ de mdang sum nga'i thad du 'ongs nas
142a6 ngas de la chos bstan te de dga' ba skyes nas song ngo / /dge slong dag de bas na ci nas tshong dpon las yi dags su gyur pa de'i nyes pa de lta bu 'byung bar mi 'gyur bar ser sna spang ba la brtson par bya ste dge slong khyed kyis de
142a7 ltar bslab par bya'o/ /bcom ldan 'das kyis de skad ces bka' stsal nas dge slong de dag dang lha dang lha ma yin dang nam mkha' lding dang mi 'am ci dang lto 'phye chen po la sogs pa gzhan dag kyang yi rangs te bcom ldan 'das
142a8 kyis gsungs pa la mngon par bstod do// //bu zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon
142b1 rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang
142b2 klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang gzims cha dang zhal zas dang
142b3 gdan dang snyun gsos dang sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de nas tshe dang ldan pa 'dam bu sbyin gyi bu snga dro sham
142b4 thabs dang chos gos bgos te/ lhung bzed thogs nas rgyal po'i khab tu bsod snyoms la song ngo / /rgyal po'i khab tu bsod snyoms byas nas zan zos te zas phyis len pa spangs nas chos gos dang lhung bzed bzhag ste/ yi
142b5 dgas kyi yul rgyu zhing song ba dang / des bya rgod kyi phung po'i ri'i nye 'khor tu yi dags mo gshin rje'i sring mo 'dra ba la/ lus khrag gis bsgos pa/ dur khrod na 'dug bzhin du keng rus kyis bskor ba/ nyin mo dang mtshan mo bu
142b6 lnga lnga btsa' zhing de lta bu'i sdug bsngal myong la/ bu la byams pa yod bzhin du de bkres pas nyen nas de dag za zhing 'dug pa zhig mthong ngo / /de nas gnas brtan 'dam bu sbyin gyi bus de la dris pa/ khyod kyis sngon las ci zhig
142b7 byas na/ des 'di lta bu'i sdug bsngal myong zhing 'dug /yi dags mos smras pa/ nyi ma shar ba na sgron ma mi dgos kyis/ bcom ldan 'das la don 'di zhus shig dang / de khyed la bdag gi las kyi rnam pa lung ston par
142b8 'gyur te/ de thos nas sems can gzhan dag kyang sdig pa'i las spong bar 'gyur ro/ /de nas tshe dang ldan pa 'dam bu sbyin gyi bu/ bcom ldan 'das ga la ba der song ngo / /de'i tshe bcom ldan 'das nang du yang dag 'jog
143a1 las bzhengs nas/ 'khor bzhi po rnams la sbrang bu'i sbrang rtsi ma skol ba dang 'dra ba'i chos ro dang ldan no cog ston te/ 'khor brgya phrag du ma yang dbang po rnams mi g.yo bar bcom ldan 'das las chos ro dang ldan no
143a2 cog nyan par byed do/ /de nas sangs rgyas bcom ldan 'das rnams ni gsong por gsung ba snyan par gsung ba tshur shog 'ongs pa legs so zhes gsung ba sngar 'dzum pa yin te/ der bcom ldan 'das kyis tshe dang ldan pa 'dam
143a3 bu sbyin gyi bu la bka' stsal pa/ 'dam bu sbyin gyi bu tshur shog khyod 'ongs pa legs so/ /khyod da bzod ga las 'ongs/ 'dam bu sbyin gyi bus gsol pa/ btsun pa bcom ldan 'das bdag ni yi dags kyi nang du mchi mchi ba las slar
143a4 mchis te/ der bdag gis yi dags mo gshin rje'i srin mo 'dra ba la/ lus khrag gis bgos pa/ dur khrod na gnas pa bzhin du keng rus kyis bskor ba zhig mthong lags so/ /yang gsol pa/ bdag ni nyin bzhin
143a5 bu lnga btsa'/ /mtshan yang de bzhin lnga btsa' ste/ /btsas nas de dag zos na yang / /'grangs par mi 'gyur zhes mchi na/ /de yis mi yi 'jig rten du/ /rab 'jigs sdig pa ci bgyis na/ /des na sdug bsngal 'di
143a6 'dra ba/ /'jigs su rung ba myong bar gyur/ /bcom ldan 'das kyis bka' stsal pa/ 'dam bu sbyin gyi bu yi dags mo de ni sdig pa'i las byed byed pa yin no/ /de'i las kyi rnam pa nyan par 'dod dam/ btsun pa mnyan par
143a7 'tshal lags so/ /'dam bu sbyin gyi bu 'o na legs par rab tu nyon la yid la zung shig dang ngas bshad do/ /'dam bu sbyin gyi bu sngon byung ba 'das pa'i dus na/ grong khyer bA rA Na sI na tshong dpon phyug cing nor mnga'
143a8 longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga'
143b1 la dga' dgur spyod do rtse zhing dga' la dga' mgur spyod kyang bu yang med bu mo yang med de de lag pa la rkom tshugs bcas nas bdag gi khyim nor du ma dang ldan du zin kyang bu yang med bu mo yang med pas/ bdag 'das pa'i 'og tu
143b2 ni bu med pa'i phyir ci bdog pa thams cad rgyal po dbang bar 'gyur ro snyam ste sems khong du chud cing 'dug go/ /de nas bud med de bu 'dod pa'i phyir gu lang dang / chu lha dang ku be ra dang brgya byin dang tshangs pa la sogs pa dang
143b3 lha'i khyad par gzhan dag la yang gsol ba 'debs te/ 'di lta ste kun dga' ra ba'i lha dang nags tshal gyi lha dang lam gyi bzhi mdo'i lha dang sum mdo'i lha dang gtor ma len pa'i lha dang lhan cig skyes pa dang chos 'thun pa pa dang rtag tu
143b4 phyi bzhin 'brang ba'i lha rnams la yang gsol ba 'debs la/ 'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi de yang de lta ni ma yin te/ gal te gsol ba btab pa'i
143b5 rgyus bu dang bu mo skye bar 'gyur du zin na/ 'khor los sgyur ba'i rgyal po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te/ gsum gang zhe na/
143b6 pha ma gnyis 'dod chags langs te phrad pa dang ma dus la bab cing zla mtshan dang ldan pa dang dri za 'ongs pa ste/ gnas 'di gsum tshogs pa las bu dang bu mo skye bar 'gyur to/ des lha mnyes par byas kyang bu yang ma
143b7 byung bu mo yang ma byung nas de'i blo 'di lta bu dag skyes te/ ma la bdag gis chun ma zhig blangs na/ brgya la bu yod par 'gyur lta srid dam snyam ste/ des rigs mnyam pa las chung ma blangs te/ de de dang lhan cig tu
143b8 rtse zhing dga' la dga' mgur spyod do/ /de rtse zhing dga' la dga' mgur spyod pa las phyi zhig na bu chags par gyur nas/ de dga' zhing mgu la rab tu dga' nas khyim thab la sbran pa/ jo bo bdag la sras chags te
144a1 bdag gi rum g.yas logs na rten cing gnas pa las na/ khye'ur 'byung bar nges kyis dgyes pa bskyed du gsol zhes byas so/ /de yang dga' ches te ro stod ni bteg lag pa g.yas pa ni brkyang nas/ /
144a2 bdag gis yun ring po nas smon smon pa'i bu ngo mthong bar 'ong ngo / /bdag gi bu rung bar shog cig /mi rung bar ma gyur cig /bdag gi bya ba dag byed par shog cig /gsos pa'i lan phyir gso bar shog cig /nor skal
144a3 la spyod par shog cig /bdag gi rigs rgyud ring du gnas par shog cig bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod nams dag byas nas/ de gnyis
144a4 gang dang gang du skyes shing 'gro ba der 'di song shig ces yon bsngo bar shog cig ces dga' ba'i tshig brjod do/ /de nas des bu chags par rig nas bu'i rim gro bya ba'i phyir khang bzangs kyi steng du nyam rangs su bzhag
144a5 ste/ grang ba'i tshe grang ba'i yo byad rnams dang tsha ba'i tshe tsha ba'i yo byad rnams dang / sman pas bstan pa'i zas rnams dang ha cang kha ba ma yin pa rnams dang / ha cang skyur ba ma yin pa rnams dang / ha cang lan tshwa
144a6 che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams dang / kha ba dang skyur ba dang lan tshwa dang mngar ba dang tsha ba dang bska ba med pa'i
144a7 zas rnams kyis bsten cing / do shal dang se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang khri'u'i steng nas khri'u'i steng du rgyu zhing 'og gi sa
144a8 gzhi la mi 'bab pa dang / des yid du mi 'ong ba'i sgra skad ci yang mi thos par byas so/ /de nas chung ma snga ma des de bkur zhing gces par byed pa mthong nas phrag dog skyes te bsams pa/ gal te 'di las bu btsas par gyur
144b1 na ni bdag la gnod pa byed par gyur gyis/ ci nas de'i thabs shig bya dgos snyam mo/ /'dod pa las yongs su bsten pa la ni sdig pa'i las mi bya ba'i bag ci yang med de/ mi sdug pa'i 'gro ba'i g.yang sar kha ltas pa des
144b2 yid rngon du bcug nas/ gang 'thungs pa tsam gyis nyon mongs ma de'i bu 'phyil bar 'gyur ba de lta bu'i mngal rlug pa'i rtsi byin no/ /de nas chung ma phyi ma des nye du thams cad bsdus nas chung ma snga ma de zhal che la bkug ste/
144b3 khyod kyis bdag yid rton du bcug nas mngal rlug pa'i rtsi byin te des bdag gi bu 'phyil to zhes byas so/ /de nas chung ma snga ma des nye du rnams kyi nang du mna' bor te/ gal te bdag gis khyod la mngal rlug pa'i rtsi byin par
144b4 gyur na bdag yi dags mor gyur te/ bu byung ngo cog za bar shog cig ces so/ /'dam bu sbyin gyi bu ji snyam du sems/ tshong dpon gyi chung mar gyur pa gang yin pa de ni yi dags mo de yin te/ des sngon phrag dog byas pa des
144b5 na yi dags mor skyes so/ /des brdzun byas te mna' bor ba'i las kyi rnam par smin pa des ni nyin mo dang mtshan mo bu lnga lnga btsa' zhing za bar gyur to/ /'dam bu sbyin gyi bu de bas na khyod kyis ngag gi nyes pa spang ba la brtson
144b6 par bya ste/ ci nas yi dags mo de'i nyes pa de lta bu dag 'byung bar mi 'gyur ba de ltar 'dam bu sbyin gyi bu khyod kyis bslab par bya'o/ /bcom ldan 'das kyis de skad ces bka' stsal nas/ tshe dang ldan pa 'dam bu sbyin gyi bu
144b7 dang lha dang lha ma yin dang nam mkha' lding dang mi 'am ci dang lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod
144b8 pa brgya pa/ bam po bcu gnyis pa/ phyi sa khung zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon
145a1 rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas
145a2 te/ lha dang klu dang gnod sbyin dang lha ma yin dang nam mkha' lding dang mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims
145a3 cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa yangs pa can na spre'u rdzing gi 'gram gyi khang pa brtsegs pa'i gnas na rten cing bzhugs so/ /de'i tshe yangs pa can na grong khyer gyi 'obs
145a4 shig gi nang na yi dags zas su skyugs pa za ba/ bor ba za ba ngar snabs dang gcin gyis 'tsho ba rnag dang khrag dang phyi sa za ba mi bzad pa rang bzhin gyis sdug bsngal ba lnga brgya gnas so/ /yang smras pa/ skyugs pa za zhing bor ba za/ /ngar
145a5 snabs gcin gyis 'tsho ba dang / /rnag khrag dang ni phyi sa za/ /mi bzad rang bzhin sdug cing 'dug /yangs pa can de na bram ze zhig kyang 'dug ste/ des rigs mnyam pa las chung ma blangs nas/ de de dang lhan cig tu rtse zhing
145a6 dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas de'i lus dri nga bar gyur to/ /de nas bram ze des mtshan mkhan rnams bkug ste dris na/ de dag na re 'di ni lto na khye'u 'dug pa de'i
145a7 mthu yin no zhes zer ro/ /re shig na de zla ba brgyad dam dgu lon pa dang bu byung ste khye'u mdog ngan zhing lta na mi sdug la byad ngan pa lus mi gtsang bas bsgos pa dri nga ba zhig btsas so/ /de mchog tu mi sdug mod kyi byams pa'i
145a8 dbang gis sbrel bas pha ma gnyis kyis gsos so/ /de mi gtsang ba'i gnas rnams 'ba' zhig tu dga' la phyag dar gyi phung po dang phyi sa khung du skra 'bal zhing khar mi gtsang ba 'jug nas de'i ming phyi sa khung phyi sa khung zhes bya bar gyur to/ /
145b1 re shig na de phan tshun du 'khyam pa las 'od srung rdzogs byed kyis mthong nas de 'di snyam du sems te/ 'di de lta bu'i gnas rnams su dga' ba las na 'di ni gor ma chag par grub pa'i skyes bu zhig yin gyis bdag gis 'di rab tu
145b2 dbyung ngo snyam mo/ /des de rab tu phyung nas gcer bur 'khyam zhing 'dug la legs pa byed pa la yang gnas so/ /de nas de 'khyam zhing song ba las yangs pa can gyi 'obs kyi nang na yi dags lnga brgya 'khod pa rnams mthong nas de sngon gyi
145b3 las kyi rnam par smin pa dang 'brel pas grong khyer gyi 'obs de'i nang du song nas de dag dang lhan cig 'dus shing phrad de dga' bar gyur nas grogs por gyur to/ /phyis re shig na khye'u phyi sa khung don zhig la brel te yangs pa can du
145b4 song ngo / /bcom ldan 'das kyang grong khyer gyi 'obs der byon nas/ yi dags de dag gis sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus
145b5 mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba rin po che'i ri bo 'gro ba lta bu kun nas bzang ba mthong ngo / /mthong ma thag tu bcom ldan 'das kyi zhabs la phyag 'tshal nas/ bcom
145b6 ldan 'das bdag cag phongs lags so/ /bcom ldan 'das kyis bka' stsal pa/ khyed cis phongs yi dags rnams kyis smras pa/ bcom ldan 'das bdag cag ni skom lags so/ /de nas bcom ldan 'das kyis
145b7 phyag sor lnga las yan lag brgyad dang ldan pa'i chu'i rgyun lnga phab ste/ des yi dags lnga brgya po de dag tshim par mdzad do/ /de nas de dag bcom ldan 'das la sems dga' bar gyur te shi nas sum bcu rtsa gsum pa'i lha yul
145b8 bzang por skyes so/ /lha'i bu'am lha'i bu mo skyes nas ring po ma lon pa'i chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam mo/ /de nas yi dags las shi
146a1 'phos pa dang sum bcu rtsa gsum pa'i lha yul bzang por skyes pa dang bcom ldan 'das la sems dga' bar gyur par de dag gis mthong ngo / /de nas sngon yi dags su gyur pa'i lha'i bu de dag 'di snyam du sems te/
146a2 bdag cag zhag lon te bzod bcom ldan 'das la blta ba'i phyir 'gro ba ni bdag gi cha ma yin gyis/ bdag cag zhag ma lon par bcom ldan 'das la blta ba'i phyir 'dong ngo snyam mo/ /de nas sngon yi dags su gyur pa'i
146a3 lha'i bu rna cha gdub 'khor dag cing 'gul ba thogs pa/ lus do shal dang se mo dos brgyan pa/ nor bu sna tshogs kyis spras pa'i cod pan can lus gur gum dang ta ma la'i lo ma dang sprika la sogs pas byugs pa de rnams
146a4 kyis de nyid kyi mtshan mo lha'i me tog ud pal dang pad ma dang ku mu da dang pad ma dkar po dang man dA ra ba rnams kyis thu ba bkang ste/ khang pa brtsegs pa'i gnas thams cad 'od chen pos snang bar byas nas/ bcom
146a5 ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis sngon yi dags su gyur pa'i lha'i bu rnams kyi bsam pa dang bag la nyal dang khams
146a6 dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha'i bu lnga brgyas 'jig tshogs la lta ba'i ri'i rtse mo mthon po nyi shu ye shes rdo rjes bcom nas/
146a7 rgyun tu zhugs pa'i 'bras bu thob ste/ de dag gis bden pa mthong nas tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa gang
146a8 gis/ bcom ldan 'das kyi thad du lhags pa'i 'byor pa de nyid kyis/ bcom ldan 'das la lan gsum bskor ba byas nas rang gi gnas su dong ngo / /de nas khye'u phyi sa khung grong khyer gyi 'obs su 'ongs pa dang yi dags
146b1 ma mthong ngo / /de nas tshol ba la zhugs te de de dag yongs su tshol bas skyo bar gyur la de dag ni ma rnyed do/ /de'i skabs su sangs rgyas bcom ldan 'das rnams kyis ni mi mkhyen pa 'am mi gzigs pa 'am mi rtogs
146b2 pa 'am thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa gcig tu dpa' ba zla med pa gnyis su mi gsung
146b3 ba zhi gnas dang lhag mthong la gnas pa/ rig pa gsum snang bar mdzad pa bslab pa gsum la legs par bslabs pa 'dul ba'i gzhi gsum la mkhas pa/ chu bo bzhi la brgal ba/ rdzu 'phrul gyi rkang pa bzhi'i zhabs kyi mthil shin
146b4 tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa 'gro ba lnga las yang dag
146b5 par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/
146b6 mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa brgya phrag bcu pa la dbang byed pa bas ches khyad par du 'phags pa rnams ni/
146b7 chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud su ni dar su ni phongs shing 'dug su ni nyam nga bar gyur su ni gnod pa dang ldan su ni phongs pa dang nyam nga ba dang gnod
146b8 pa dang ldan/ su ni ngan song du gzhol su ni ngan song du 'bab su ni ngan song du bab su ni ngas ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar byas su ni
147a1 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las
147a2 yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul
147a3 bar bya ba'i sras rnams la/ /sangs rgyas dus las yol ba med/ /de nas bcom ldan 'das rigs kyi bu phyi sa khung la phan gdags pa'i phyir snga dro sham thabs dang chos gos gsol te lhung bzed bsnams nas dge slong gi tshogs
147a4 kyis zham ring byas te/ dge slong gi dge 'dun gyis mdun du bdar nas yangs pa can du bsod snyoms la gshegs pa dang / re shig na mthar gyis bsod snyoms bskor te/ srang du gshegs na phyi sa khung yang phan tshun 'khor
147a5 'khor te bcom ldan 'das kyi spyan sngar 'greng ngo / /de nas des sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas
147a6 pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong ngo / /mthong nas kyang de'i mod la des bcom ldan 'das la sems dga' bar byas so/ /
147a7 de dga' ba skyes nas bcom ldan 'das kyi zhabs la phyag 'tshal te thal mo sbyar nas gsol pa/ bcom ldan 'das gal te sems can bdag cag lta bu yang legs par gsungs pa'i chos 'dul ba 'di la rab tu 'byung ba
147a8 mchis te/ chud par 'gyur na bdag kyang rab tu 'byung bar 'tshal lo/ /de nas bcom ldan 'das thugs rje chen po dang ldan pa sems can rnams kyi bsam pa dang bag la nyal ba mkhyen pas de shin tu skal ba dang ldan par
147b1 thugs su chud nas phyag glang po che'i sna lta bu gser gyi kha dog can brkyang ste/ 'di skad ces bka' stsal to/ /dge slong tshur shog tshangs par spyad pa spyod cig /bcom ldan 'das kyis de skad ces bka' stsal pa'i mod la skra dang kha spu ni
147b2 bregs nas zhag bdun lon pa tsam du gyur/ spyod lam ni rdzogs par bsnyen nas lo brgya lon pa lta bur 'dug par gyur pa/ lag na ni lhung bzed dang chu snod thogs par gyur to/ /'dir smras pa/ de bzhin gshegs pas tshur
147b3 zhes bka' stsal pas/ /de ni mgo bregs lus la snam sbyar gyon/ /sangs rgyas kyi ni dgongs pas gos bgos nas/ /mod la dbang po rab tu zhi bar gnas/ /de nas bcom ldan 'das kyis de la yid la byed pa'i lung
147b4 phog ste/ des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brten par rig nas 'du byed kyi rnam pa thams cad rnyil ba dang / ltung ba dang rnam par 'thor ba dang rnam par 'jig
147b5 pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam
147b6 mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa
147b7 dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de dgra bcom pa nyid thob zin na yang ngan pa la dga' bar gyur nas/ der bcom ldan 'das kyis dge slong
147b8 rnams la bka' stsal pa/ dge slong dag 'di lta ste/ nga'i dge slong phyi sa khung 'di ni nga'i nyan thos kyi dge slong ngan ngon la mos pa rnams kyi mchog yin no/ /de nas dge slong dag /the tsom skyes te/
148a1 the tsom thams cad gcod pa/ sangs rgyas bcom ldan 'das la zhus pa/ btsun pa gnas brtan phyi sa khung gis las ci bgyis na des 'di lta bu'i sdug bsngal myong bar gyur lags/ bcom ldan 'das kyis
148a2 bka' stsal pa/ dge slong dag phyi sa khung nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na/
148a3 phyi sa khung nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i
148a4 khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la smin par 'gyur
148a5 ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang
148a6 po 'di nyid la skye dgu'i tshe lo bzhi khri thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu
148a7 gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ngo / de rgyal po'i pho brang mdzes ldan zhes bya ba na rten cing bzhugs so/ /
148a8 de'i tshe rgyal po'i pho brang der khyim bdag gcig gis gtsug lag khang zhig brtsigs te/ der phyogs dang yul sna tshogs na gnas pa'i dge slong dag 'ong ba dang 'gro ba dang gnas par sems so gtsug lag khang de na so so'i
148b1 skye bo'i dge slong zhig gnas te/ de yang gnas la shin tu ser sna che ba zhig ste dge slong gsar du 'ong ba rnams mthong na tshig pa za zhing 'khrug la gnod sems byed de/ zhul zhul por 'dug cing 'khrug pa skyed par
148b2 byed do/ /dge slong gang dag gtsug lag khang de nas gud du 'gro ba de dag mthong na ni/ shas cher dga' zhing mchog tu dga' la skyel zhing smra bar byed do/ /phyis re shig na ga zhig gi yul nas dge slong dgra
148b3 bcom pa zhig 'ongs so/ /gtsug lag khang gi bdag po de yang phyir mi 'ong ba yin te/ des spyod lam gyi sgo nas dgra bcom pa yin par shes so/ /de nas dga' ba skyes te phyi de nyin dge slong gi dge 'dun dang bcas par
148b4 cho ga dang ldan pa'i khrus dang bshos la spyan drangs so/ /dge slong gzhi ba de ni de na med pa las re shig na phyi de nyin cho ga dang ldan pa'i khrus kyang phul bshos kyang bshams pa las dge slong gzhi ba de yang 'ongs te/
148b5 de yang cho ga dang ldan pa'i khrus sar song nas/ gtsug lag khang gi bdag po khyed rings su byung ste/ dge slong gsar du 'ongs pa'i byi dor byed cing 'dug pa mthong ngo / /de nas de phrag dog skyes nas/ des sdang
148b6 ba'i sems kyis ngag gi las rtsub po smras te/ dge slong khyed ni lus mi gtsang bas byugs kyang sla'i sbyin bdag 'di lta bu bsnyen bkur len pa ni de lta ma yin no zhes byas so/ /de nas dgra bcom pa des nyon mongs pa
148b7 'di las ches mi bzad pa'i skal ba can du 'gyur na mi rung ngo snyam nas cang mi zer bar dang du blangs so/ /re shig na tshogs par gyur te gro la bab pa na dge slong gzhi ba des dgra bcom pa la khyod kyis sdang ba'i sems
148b8 bskyed do zhes zer ba thos so/ /thos nas kyang de 'gyod pa skyes so/ /de nas dge slong dgra bcom pa de'i rkang pa la phyag 'tshal te/ 'phags pa bdag gis khyod la tshig rtsub po smras pa de bzod par gsol lo zhes byas so/ /de
149a1 nas dgra bcom pa des de'i dad pa bskyed pa'i phyir nam mkha' la 'phags nas cho 'phrul rnam pa sna tshogs bstan to/ /de nas lhag par yang 'gyod pa skyes te/ de nas de'i mdun du las kyi nyes pa de mthol zhing
149a2 bshags te shad kyis sbyangs so/ /'on kyang des mthar thug pa'i ye shes bskyed ni ma nus so/ /de nas re shig na 'chi ba'i dus la bab pa dang des smon lam btab pa/ bdag gis dgra bcom pa la sdang ba'i sems bskyed pa dang ngag gi
149a3 las rtsub po smras pa gang yin pa'i las de'i rnam par smin pa ni bdag gis myong bar ma gyur cig /bdag gis klags pa dang / kha don byas pa dang sbyin pa dang sbyin pa chen po dag byin pa dang dge 'dun la bsnyen bkur byas pa'i las kyi rnam par
149a4 smin pa gang yin pa des ni ma 'ongs pa'i dus su/ sangs rgyas bcom ldan 'das mnyes par byed par shog cig ces byas so/ /dge slong dag ji snyam du sems/ de'i tshe de'i dus na dge slong gzhi bar gyur pa gang yin pa de ni phyi sa khung 'di nyid yin te/
149a5 des dgra bcom pa la ngag gi las rtsub po smras pa'i las kyi rnam par smin pa des na 'khor ba na sdug bsngal mtha' yas pa myong bar gyur te/ las de nyid kyi lhag ma lus pas de ltar srid pa tha ma la bab pa'i tshe yang / 'di ltar dri nga zhing mchog
149a6 tu dri nga bar gyur la mi gtsang ba dang snyag snyig la dga' bar gyur to/ /des kha thon byas pa dang phung po la mkhas pa dang khams la mkhas pa dang skye mched la mkhas pa dang rten cing 'brel par 'byung ba la mkhas pa dang gnas dang gnas
149a7 ma yin pa la mkhas par byas pa des ni nga'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byas so/ /dge slong dag de lta bas na 'di ltar bslab par bya ste/ ser sna spang ba la
149a8 brtson par bya'o/ /de ci'i phyir zhe na/ phyi sa khung so so'i skye bor gyur pa'i nyes pa gang yin pa de dag 'byung bar mi 'gyur ba dang / des dgra bcom pa nyid thob pa'i yon tan gyi tshogs 'di lta bur 'gyur ba'i phyir te/ dge slong khyod kyis de
149b1 ltar bslab par bya'o/ /bcom ldan 'das kyis de skad ces bka' stsal nas/ dge slong de dag dang lha dang lha ma yin dang nam mkha' lding dang mi 'am ci dang lto 'phye chen po la sogs pa gzhan dag kyang yi rangs te/ bcom ldan
149b2 'das kyis gsungs pa la mngon par bstod do/ /rtogs pa brjod pa brgya pa las sdom gyi tshigs su bcad pa lnga pa rdzogs so// // sdom ni/ sbrul nag dang ni zla ba dang / /sa la dang ni dpal ldan ma/ /gos dang ne
149b3 tso pho nya dang / /ma he dang ni gso sbyong dang / /ngang pa tha mar brjod pa yin/ /sbrul nag po zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor
149b4 gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur stir byas/ bla mar byas/
149b5 ri mor byas/ mchod pa byas te lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang
149b6 ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /
149b7 de'i tshe rgyal po'i khab kyi grong khyer na khyim bdag phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig yod de/
149b8 de yang ser sna can 'jungs pa yo byad rnams kun tu 'dzin pa/ khwa la yang gtor ma mi ster ba zhig ste/ des dge sbyong dang bram ze dang sdug cing phongs pa dang bkren pa dag mthong na sems sdang bar byed do/ /de nas des
150a1 rang gi skyed mos tshal du gser dngul gyi phung po chen po sbas te bzhag nas/ de de la chags te lhag par zhen bzhin du shi'o/ /de shi nas de nyid kyi steng du sbrul gdug pa sbrul nag po chen po mig gdug pa zhig du
150a2 skyes so/ /de nas skyed mos tshal der skye bo'i tshogs gang song ba de dag bltas pa tsam gyis gsod par byed do/ /rgyal po'i khab kyi grong khyer thog thag tu yang che ge mo'i bskyed mos tshal du song ba de dag thams cad
150a3 brlag par 'gyur ro zhes sgra grag par gyur to/ /skye bo'i tshogs gyis kyang rgyal po gzugs can snying po la gsol to/ /de nas rgyal po gzugs can snying po 'di snyam du sems te/ sangs rgyas bcom ldan 'das ma
150a4 gtogs pa de 'dul nus pa gzhan su zhig yod snyam mo/ /de nas rgyal po gzugs can snying po skye bo mang po'i 'khor dang bcas pa/ bcom ldan 'das ga la ba der song ste phyin nas/ bcom ldan 'das kyi zhabs la
150a5 mgo bos phyag 'tshal te phyogs gcig tu 'dug go/ /phyogs gcig tu 'dug nas/ bcom ldan 'das kyis rgyal po gzugs can snying po la chos kyis gtam gyis yang dag par bstan yang dag par 'dzin du bcug /
150a6 yang dag par gzeng stod yang dag par dga' bar mdzad do/ /chos kyi gtam rnam grangs du mas yang dag par bstan yang dag par 'dzin du bcug yang dag par gzeng stod yang dag par dga' bar mdzad nas cang mi gsung
150a7 bar bzhugs so/ /de nas rgyal po gzugs can snying po stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal
150a8 mo sbyar ba btud nas bcom ldan 'das la 'di skad ces gsol to/ /bcom ldan 'das rgyal po'i khab 'di na skyed mos tshal ga ge mo zhig na sbrul gdug pa/ sbrul nag po chen po mig gdug pa zhig mchis te/
150b1 skye bo mang po brlag par bgyid lags na/ bcom ldan 'das kyis thugs brtse ba'i slad du de gdul bar gsol/ de nas bcom ldan 'das kyis rgyal po gzugs can snying po la cang mi gsung bas gnang ngo / /
150b2 de nas rgyal po gzugs can snying po bcom ldan 'das kyis cang mi gsung bas gnang bar rig nas/ bcom ldan 'das kyi zhabs la mgo bos phyag 'tshal te stan las langs nas song ngo / /de nas bcom ldan
150b3 'das de nyid kyi mtshan mo 'das nas snga dro sham thabs dang chos gos gsol te lhung bzed bsnams nas skyed mos tshal ga la ba der gshegs te byon nas bcom ldan 'das kyis 'od zer gser gyi kha dog can nyi ma
150b4 stong gi 'od pas lag pa dag bkye ste/ de dag gis skyed mos tshal de dag thams cad snang bar byas so/ /bskal pa stong gi bar du yongs su bsgoms pa'i byams pa'i 'od zer dag kyang bkye ste/ de dag gis de'i
150b5 lus la phog ma thag tu rab tu sim par gyur to/ /de nas sbrul gdug pa des phan tshun du bltas te su'i mthus bdag gi lus sim par gyur zhig gu snyam pa dang / /des sangs rgyas bcom ldan 'das sku skyes
150b6 bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo
150b7 'gro ba lta bu kun nas bzang ba mthong ngo / /mthong ma thag tu des bcom ldan 'das la dad pa'i sems skyed de/ dad pa'i sems dang ldan par gyur nas/ bcom ldan 'das kyis de dang 'thun pa'i chos bstan te/
150b8 bzhin bzangs dag khyod nyid kyis rdzas 'di bsgrubs pa des na khyod sbrul gdug par lhung bar byas so/ /da yang nga la dad pa'i sems skyed la gter 'di la yang sems ma chags par byos dang legs so/ /'di nas shi
151a1 'phos nas kyang sems can dmyal bar skyes re/ de nas gang gi tshe bcom ldan 'das kyis de tshe rabs dran par mdzad pa de'i tshe de ngus so/ /de nas bcom ldan 'das kyis de'i tshe tshigs su bcad de bka'
151a2 stsal pa/ khyod ni dud 'gror skyes pa la/ /da ni nga yis ci byar med/ /mi khom par ni skyes zin gyis/ /don med ngus pas ci la phan/ /'dir ni rgyal ba snying rje can/ /nga la dad pa'i sems skyed la/ /dud 'gro'i skye gnas
151a3 spangs na legs/ /'on kyang mtho ris 'gro bar 'gyur/ /de nas re shig na bcom ldan 'das gyis sbrul de lhung bzed kyi nang du bcug ste/ 'od ma'i tshal du bsnams so/ /de'i skabs su rgyal po dang yul ma ga d+hA'i skye bo
151a4 'i tshogs kyis sbrul gdug pa de bcom ldan 'das kyis ji ltar btul ba thos so/ /de nas sbrul gdug pa des rang gi lus la dmad de kha 'tshos nas bcom ldan 'das la sems dga' bar gyur te shi nas/ sum bcu rtsa
151a5 gsum pa'i lha yul bzang por skyes so/ /lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam mo/ /
151a6 de nas sbrul gdug pa las shi 'phos pa dang sum bcu rtsa gsum pa'i lha yul bzang por skyes pa dang / bcom ldan 'das la sems dga' bar gyur par des mthong ngo / /de nas sngon sbrul gdug par gyur pa'i lha'i bu de 'di snyam
151a7 du sems te/ bdag zhag lon nas gzod bcom ldan 'das blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon sbrul gdug par gyur pa'i
151a8 lha'i bu rna cha gdub kor dag cing 'gul do thogs pa/ lus do shal dang se mo dos brgyan pa/ nor bu sna tshogs gyis spras pa'i cod pan can/ /lus gur gum dang ta ma la'i lo ma dang sprika la sogs pas byugs pa des de nyid kyi
151b1 mtshan mo lha'i me tog ud pa la dang pad ma dang ku mu da dang pad ma dkar po dang man dA ra rnams kyis thu ba bkang ste/ 'od ma'i tshal bya ka lan da ka gnas pa thams cad 'od chen pos snang bar byas nas/ bcom ldan 'das la me
151b2 tog gis gtor te chos mnyan pa'i phyir bcom ldan 'das kyi spyan sngar 'dug go de nas bcom ldan 'das kyis sngon sbrul gdug par gyur pa'i lha'i bu'i bsam pa dang bag la nyal ba dang khams dang rang bzhin thugs su chud nas
151b3 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon sbrul gdug par gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras
151b4 bu thob ste/ des bden pa mthong nas dga' ba'i tshig tu brjod pa/ btsun pa bcom ldan 'das kyis bdag gi khrag dang mchi ma'i rgya mtsho skams pa dang rus pa'i la bsgral ba dang ngan song gi sgo rnams bcad pa dang mtho ris dang thar pa'i
151b5 sgo rnams phye ba dang bdag lha dang mi rnams kyi nang du bzhag pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis
151b6 kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin du mi bzad khyod kyi mthu yis bcad/ /
151b7 bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya mtsho pha rol rgal/ /'phags pa
151b8 bgyes pa'i zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar bka' ba yis/ /thub pa khyed ni deng mthong 'bras bu yod/ /de nas do shal 'chang ba dga' gyur te/ /btud
152a1 cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas sngon sbrul gdug par gyur pa'i lha'i bu de tshong pa khe spogs phyin pa dang / zhing pa 'bru rgyal bar gyur pa
152a2 dang dpa' bo g.yul las rgyal ba dang nad pa nad thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis/ de nyid kyi mtshan mo rgyal po gzugs can snying po'i thad du song nas/ rgyal po'i pho brang thams
152a3 cad 'od chen pos snang bar byas te/ rgyal po bslang nas 'di skad ces smras so/ /rgyal po chen po longs nyal te ci bya/ de nas rgyal po sad de/ 'od chen po de dang lha'i bu de mthong ngo / /mthong nas kyang dga' zhing mgu ste khyod su zhig ces dris so/ /
152a4 de na re bdag ni skyed mos tshal der bcom ldan 'das kyis sbrul gdug pa btul te shi nas sum bcu rtsa gsum pa'i lha yul bzang por skyes pa yin te/ bcom ldan 'das la yang bdag gis bsnyen bkur byas nas bden pa mthong bar
152a5 gyur to/ /da bdag gis khyod la bstan gyis khyod song la bskyed mos tshal de'i phyogs ga ge mo zhig nas gter chen po phyung la bdag gi phyir/ bcom ldan 'das nyan thos kyi dge 'dun dang bcas pa bshos gsol te yon gyi rabs kyang gdon
152a6 par gsol cig /de nas rgyal po gzugs can snying pos lha'i bu la cang mi zer bar khas blangs so/ /de nas sngon sbrul gdug par gyur pa'i lha'i bus rgyal pos cang mi zer bas khas blangs par rig nas/ de nyid du mi snang bar gyur to/ /
152a7 de nas rgyal po gzugs can snying pos de nyid kyi mtshan mo yul ma ga d+hA'i pho brang 'khor gyi mi dang yul mi rnams la bsgo nas skyed mos tshal der song ste gter phyung nas/ bcom ldan 'das nyan thos kyi dge 'dun dang bcas pa zla ba gsum
152a8 gyi bar du bshos gsol te/ bcom ldan 'das la zhus pa/ bcom ldan 'das sngon sbrul gdug par gyur pa'i lha'i bus las gang dag bgyis na/ des sbrul gdug par skyes lags/ las gang dag bgyis na des
152b1 lha'i nang du skyes nas bden pa mthong bar gyur lags/ bcom ldan 'das kyis bka' stsal pa/ des shas cher chags pa bskyed de/ dge sbyong dang bram ze dang sdug cing phongs pa dang bkren pa rnams la sdang ba'i sems bskyed
152b2 pa des ni sbrul gdug par skyes so/ /nga la sems dga' bar byas pa des ni lha'i nang du skyes so/ /yang dag par rdzogs pa'i sangs rgyas 'od srung gi ring la dge bsnyen du gyur te/ skyabs su song ba dang bslab pa'i gzhi
152b3 blangs pa des ni bden pa mthong bar gyur to/ /rgyal po chen po de bas na ser sna spangs ba'i phyir brtson par byas te/ ci nas sbrul gdug par gyur pa'i nyes pa de lta bu dag 'byung bar mi 'gyur ba dang / de nyid lha'i bur gyur pa'i
152b4 yon tan gyi tshogs de dag lta bur 'gyur bar rgyal po chen po khyod kyis bslab par bya'o/ /de nas rgyal po gzugs can snying pos bcom ldan 'das kyis gsungs pa la mngon par bstod de rjes su yi rangs nas/ bcom ldan la
152b5 'das kyi zhabs la mgo bos phyag 'tshal te stan las langs nas song ngo / /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par
152b6 bstod do// //zla ba zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha
152b7 rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur stir byas bla mar byas ri mor byas mchod pa byas te/ lha dang klu dang /
152b8 gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha
153a1 dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /
153a2 de'i tshe mnyan du yod pa na bram ze zhing pa zhig 'dug pa des rigs mnyam pa las chung ma blangs te/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu
153a3 chags nas de zla ba brgyad dam dgu lon pa dang bu byung ste khye'u gzugs bzang zhing lta na/ sdug la mdzes pa skye bo thams cad kyi mig sim par byed pa zhig btsas so/ /de yang bram ze des dka' bas rnyed pa yin te/ de la bu
153a4 dang bu mo gzhan yang med nas de bskyed bsrings te cher skyes nas de 'jig rten thams cad sim par byed pa'i phyir bram ze dang khyim bdag rnams kyis khye'u de'i ming zla ba zhes btags so/ /de nas bram ze'i khye'u zla ba grong
153a5 khyer thams cad du brgyud de bskor nas/ bram ze de yang khye'u de la lhag par byams par gyur te/ 'chag pa dang 'dug pa dang nyal ba dag gi tshe yang rtag tu legs par bsrung ba lhur byed cing 'dug go/ /bram ze de'i
153a6 khyim yang khyim bdag mgon med zas sbyin dang nye ba zhig na 'dug go/ /de nas bram ze'i khye'u de khyim bdag mgon med zas sbyin dang bsten nas rgyal bu rgyal byed kyi tshal du song ste/ sangs rgyas kyi gsung thos
153a7 nas/ de nas bcom ldan 'das kyi bstan pa la dad pa rnyed do/ /de yang tshe thung ste shi nas sum bcu rtsa gsum pa'i lha yul bzang por skyes so/ /lha'i bu 'am lha'i bu mo skyes nas ring po ma lon pa ni chos nyid kyis/
153a8 sems rnams pa gsum skye bar 'gyur te/ gang nas shi 'phos gang du skyes las gang gis skyes snyam mo/ /de nas mi las shi 'phos pa dang sum bcu rtsa gsum pa'i lha yul skyes pa dang / bcom ldan 'das las
153b1 sems dga' bar gyur pa des mthong ngo / /de nas sngon bram zer gyur pa'i lha'i bu 'di snyam du sems te/ bdag zhag lon nas gzod bcom ldan 'das blta ba'i phyir 'gro ba ni bdag gi cha ma yin gyis/ bdag zhag ma lon par
153b2 bcom ldan 'das la blta ba'i phyir 'gro'o snyam mo/ /de nas sngon bram zer gyur pa'i lha'i bu rna cha gdub dkor dag cing 'gul do thogs pa lus do shal dang se mo dos brgyan pa/ nor bu sna tshogs kyis brgyan pa'i cod pan can
153b3 lus gur gum dang ta ma la'i lo ma dang spri ka la sogs pas byugs pa des de nyid kyi mtshan mo lha'i me tog ud pal dang pad ma dang ku mu da dang pad ma dkar po dang man dA ra rnams kyis thu ba bkang ste/ rgyal bu rgyal byed kyi tshal thams
153b4 cad 'od chen pos snang bar byas nas bcom ldan 'das la me tog gis gtor to/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis sngon bram zer gyur pa'i lha'i bu'i bsam
153b5 pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos ston te/ de thos nas sngon bram zer gyur pa'i lha'i bus 'jig tshogs la lta ba'i
153b6 ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi
153b7 ma'i rgya mtsho bskams pa dang rus pa'i la bsgral ba dang ngan song gi sgo rnams bcad pa dang mtho ris dang thar pa'i sgo rnams phye ba dang bdag lha dang mi rnams kyi nang du bzhag pa 'di lta bu ni bdag la phas kyang ma bgyis mas
153b8 kyang ma bgyis rgyal pos kyang ma bgyis lha rnams kyis kyang ma bgyis nang mi dang mnyen gyi tshogs kyis kyang ma bgyis sngon gyi mtshun rnams kyis kyang ma bgyis dge sbyong dang bram ze rnams kyis kyang ma bgyis lagaso/ /
154a1 yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis
154a2 de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya mtsho'i pha rol rgal/ /'phags pa dgyes pa'i zhi ba'i go 'phang thob/ /mi mchog dbang po lha dang mis
154a3 mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do shal 'phyang ba dga' gyur te/ /btud cing zhabs gnyis la ni phyag 'tshal
154a4 nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas sngon bram zer gyur pa'i lha'i bu de tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las
154a5 rgyal ba dang nad pa nad thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang tho ras mi nyal bar brtson pa lhur byed
154a6 pa la gnas te/ de dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te sangs rgyas bcom ldan 'das la zhus pa/ bcom ldan 'das ci lags/ mdang sum
154a7 mi mjed kyi bdag po tshangs pa 'am lha'i dbang po brgya byin nam 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi
154a8 bdag po tshangs pa 'am/ lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin gyi/ bram ze'i bu bu gcig pa de tshe thung ste shi nas/ de nga la sems dga' bar gyur te/ sum bcu rtsa gsum pa'i
154b1 lha yul bzang por skyes nas/ de mdang sum nga'i thad du 'ongs te/ ngas de la chos bstan nas bden pa mthong bar gyur te rang gi gnas su song ngo / /de'i skabs su bram ze des bu gcig pa sdug cing phangs la snying du sdug cing
154b2 yid du 'ong ba dang / bzod pa dang ldan pa dang mi mthun pa med pa de dur khrod du khyer nas pang par bzhag ste kyi hud bu/ kyi hud bu thu bo/ kyi hud bu gcig zhes zer zhing 'bod de/ de'i nye du rnams kyis de ltar 'tshogs kyang
154b3 bslang ma nus nas de khwa dang chun lag dang bya rgod dang wa rnams kyis ni bskor/ /bud med skra gshig pa dag dang ni 'grogs skye bo mang pos ni blta zhing 'dug go/ /de nas de'i bu lhar skyes pas pha smre sngags 'don pa mthong nas
154b4 snying rjes snying bskyod de/ pha'i mya ngan bsal ba'i phyir bdag nyid drang srong gi cha lugs su sprul nas/ dur khrod kyi 'dab tu dka' thub lnga byed cing 'dug go/ /de nas bram ze des drang srong de la dris pa/ kye'i drang srong chen po khyod dka'
154b5 thub 'dis ci zhig sgrub/ drang srong gis smras pa/ nga ni rgyal srid sgrub ste/ nga'i gser gyi shing rta rin po che sna tshogs kyis spras pa nyi ma dang zla ba gnyis kyis shing rta'i 'khor lo byas la/ 'jig rten skyong ba bzhis ni
154b6 mdun nas 'dren te/ shing rta de la yang zhon zhing sa chen po 'di bskor bar 'dod do/ /bram zes smras pa/ gal te lo brgya tham pa'i bar/ /rgyun tu dka' thub spyad byas te/ /dka' thub mchog ni spyad byas kyang / /gnas
154b7 de khyod kyis re mi 'thob/ /drang srong gis smras pa/ khyod kyang shi ba'i khog pa mi gtsang ba'i ro shing 'dra bar gyur pa 'dis ci zhig sgrub/ bram zes smras pa/ sdug pa'i bu gcig pa shi ste de sgrub bo/ /drang srong gis smras pa/ gal
154b8 te lo brgya tham pa'i bar/ /rgyun tu ngu ba'i las byas kyang / /bu de khyod kyis re mi thob/ /khyod ni ngus kyang ci la phan/ /de nas bram ze de drang srong gi tshig bden no snyam nas dad pa skyes so/ /dad pa skyes nas khyod su zhig ces dris so/ /
155a1 de nas drang srong gis cha lugs de mi snang bar byas nas/ rang gi cha lugs su 'dug ste/ pha la smras pa/ bdag ni khyod kyi bu gcig pa de yin te bcom ldan 'das la sems dga' bar gyur nas shi ste/ sum bcu rtsa gsum
155a2 pa'i lha yul bzang por skyes nas/ khyod kyi mya ngan bsal ba'i phyir 'dir 'ongs so/ /yab khyod tshur spyon/ bcom ldan 'das la skyabs su bzhud cig dang / khyed kyang 'khor ba las 'da' bar gyur yang srid do/ /de nas bram ze des shi ba'i
155a3 rus bu bor nas/ bcom ldan 'das ga la ba der song ste phyin nas bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de la 'phags pa'i bden
155a4 pa bzhi rtogs par 'gyur ba de lta bu'i chos bstan pa mdzad de/ de thos nas bram ze des 'jig tshogs la blta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu thob bo/ /des mtho bar 'gyur ba'i rnyed
155a5 pa thob nas/ bcom ldan 'das kyi zhabs la mgo bos phyag 'tshal te lan gsum bskor ba byas te song ngo / /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/ bcom ldan
155a6 'das lha'i bu 'dis 'di ltar pha'i mya ngan bsal nas bden pa mthong ba la yang bzhag pa la gzigs/ bcom ldan 'das kyis bka' stsal pa/ dge slong dag da ltar 'dis bden pa mthong nas pha yongs su bskyabs pa 'di lta la ngo mtshar che
155a7 ba ci yod/ 'dis ni 'das pa'i dus na so so'i skye bor 'dug pa'i tshe yang pha gsad pa la thug pa la lan gsum skyabs byas te/ de legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i
155a8 dus na grong khyer bA rA Na sI na gzhan gyi chung ma la byi byed pa zhig yod de/ de'i bu ni dad pa dang ldan la dge zhing bsam pa bzang ba mi rnams shin tu grang ba zhig go/ /de nas re shig na de'i phas rkun po byas nas/ rgyal pos gshed
155b1 ma rnams la sod cig ces bsgo'o/ /de nas bus lan gsum gyi bar du rgyal po la gsol nas srog phangs pa byin no/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na gzhan gyi chung ma la byi ba byed pa
155b2 gang yin pa de ni bram ze 'di yin no/ /byi ba byed pa'i bu de ni bram ze'i khye'u 'di yin no/ /dge slong rnams kyis gsol pa/ bcom ldan 'das las ci zhig bgyis na des pha dang bu gnyis ka bden pa mthong bar gyur lags/ bcom ldan 'das
155b3 kyis bka' stsal pa/ yang dag par rdzogs pa'i sangs rgyas 'od srung gi ring la de gnyis ka dge bsnyen du gyur te/ skyabs su song ba dang bslab pa'i gzhi blangs pas na de'i phyir de ltar bden pa mthong bar gyur to/ /dge slong dag de bas na
155b4 'du byed thams cad mi rtag pa dang chos thams cad bdag med pa dang mya ngan las 'das pa ni zhi ba'o snyam du mya ngan las 'das pa la 'bad par byas te/ dge slong khyed kyis de ltar bslab par bya'o/ /bcom ldan 'das kyis de skad ces
155b5 bka' stsal nas/ dge slong de dag dang lha dang lha ma yin dang nam mkha' lding dang mi 'am ci dang lto 'phye chen po la sogs pa gzhan dag kyang yi rangs te/ bcom ldan 'das kyis gsungs pa la mngon par bstod do// //sa la
155b6 zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang
155b7 lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang
155b8 lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ /na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge
156a1 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod par sa la gcog pa zhes bya ba'i dus ston byung ste/ der srog
156a2 chags 'bum phrag du ma 'dus nas shing sa la'i me tog blangs te rtse zhing dga' la dga' mgur spyod do/ /de nas re shig na tshong dpon gyi bu mo zhig gis sa la'i me tog blangs te/ mnyan du yod pa'i nang du song ba dang bcom ldan
156a3 'das kyang dge slong gi tshogs kyis zhabs 'bring byas te/ dge slong gi dge 'dun gyis mdun du bdar nas/ mnyan du yod par bsod snyoms mdzad de slar gshegs nas/ bu mo des sangs rgyas bcom ldan 'das sku skyes
156a4 bu chen po'i mtshan sum bcu rtsa gnyis gyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun
156a5 nas bzang ba mthong ngo / /mthong nas kyang dga' ba skyes te/ bcom ldan 'das la sa la'i me tog gis gtor to/ /de nas bcom ldan 'das la bskor ba byas te/ phyir log nas khyim du dgos pa'i phyir yang gzhan dag blang ngo
156a6 snyam pa dang / re shig na de sa la'i shing la 'dzegs pa las lhung ste shi nas bcom ldan 'das la bsnyen bkur byas nas sum bcu rtsa gsum pa'i lha'i yul bzang por skyes so/ /de nas re shig na lus dang gzhal med
156a7 khang sa la'i me tog gis brgyan te/ lha'i 'dun sa'i nang du song ngo / /de'i tshe lha'i dbang po brgya byin yang lha'i 'dun sa chos bzang na lha'i tshogs kyi nang na sangs rgyas dang chos dang dge 'dun gyi bsngags pa brjod cing 'dug
156a8 pa las/ lha'i dbang po brgya byin gyis lha'i bu mo lus dang gzhal med khang sa la'i me tog gis brgyan pa dge ba'i rtsa ba 'bar ba de mthong ngo / /mthong nas kyang de la tshigs su bcad de smras pa/ ci phyir khyod kyi
156b1 lus mdog dag pa'i gser 'dra pad ma ud pal lta bur gyur/ /'di na lus dpal mtshungs med khyod kyi lus las 'od byung 'di dag ci las gyur/ /ci yi phyir na khyod kyi bzhin mdog pad ma rgyas 'dra gser mdog lta bur gyur/ /
156b2 las rnams gang gi 'bras bu myong gyur 'di ni lha mo khyod kyis bdag la smros/ /lha mos smras pa/ mtshan mchog dag gis rgyas pa yi/ /mi yi nyi ma nyan thos bcas/ /sa la'i me tog rdul med pa/ /bzang po dag gis legs
156b3 par gtor/ /las dge de 'dra byas pa'i phyir/ /bdag ni lhag par mngon tu mdzes/ /bzhin mdog pad ma zla ba ltar/ /rnam dag 'od ldan blta na sdug /brgya byin gyis smras pa/ kye ma yon tan nyid kyi zhing / /nyes pa thams
156b4 cad rnam spangs pa/ /mtho ris sdug par skye ba'i phyir/ /de la khyod kyis sa bon btab/ /bzhin mdzes pad ma'i mdab ma yangs pa 'dra ba'i mig ldan ma/ /bud med mchog rnams kyis ni gang la bkur sti byas pa yi/ /sangs
156b5 rgyas pad ma rgyas pa'i 'dab yangs 'dra ba'i spyan mnga' ba/ /gser mchog phung po lta bur mdangs dkar de la su mi mchod/ /lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar
156b6 'gyur te/ gang nas shi 'phos gang du skyes las gang gis skyes snyam mo/ /de nas mi las shi 'phos pa dang sum bcu rtsa gsum pa'i lha yul bzang por skyes pa dang / bcom ldan 'das la sems dga' bar gyur
156b7 par des mthong ngo / /de nas lha'i bu mo de 'di snyam du sems te/ bdag zhag lon nas bzod bcom ldan 'das blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i
156b8 phyir 'gro'o snyam mo/ /de nas lha'i bu mo rna cha gdub kor dag cing 'gul do thogs pa/ lus do shal dang se mo dos brgyan pa nor bu rin po che sna tshogs kyis brgyan pa'i cod pan can/ lus gur gum dang ta ma
157a1 la'i lo ma dang spri ka la sogs pas byugs pa de/ lha'i bu mo 'bum phrag du mas g.yog byas nas de nyid kyi mtshan mo sa la'i me tog gi gzhal med khang de nyid de dang bcas pas bcom ldan 'das kyi thad du song ngo / /
157a2 de nas bcom ldan 'das la me tog gis gtor te/ chos mnyan pa'i phyir/ bcom ldan 'das kyi spyan sngar 'dug go/ /de nas bcom ldan 'das kyis lha'i bu mo de'i bsam pa dang bag la nyal dang khams dang rang bzhin thugs su chud
157a3 nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha'i bu mo des 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu thob ste/
157a4 des bden pa mthong nas dga' ba'i tshig lan gsum brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang rus pa'i la bsgral ba dang ngan song gi sgo rnams bcad pa dang mtho ris dang thar
157a5 pa'i sgo rnams phye ba dang bdag lha dang mi rnams kyi nang du bzhag pa 'di lta bu ni bdag la phas kyang ma bgyis mas kyang ma bgyis rgyal pos kyang ma bgyis lha rnams kyis kyang ma bgyis nang mi dang gnyen gyi tshogs kyis kyang ma bgyis
157a6 sngon gyi mtshun rnams kyis kyang ma bgyis dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams
157a7 rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya mtsho pha rol rgal/ /
157a8 'phags pa dgyes pa'i zhi ba'i go 'phang thob/ /mi mchog dbang po lha dang mis mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /
157b1 de nas do shal 'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas lha'i bu mo de tshong pa khe spogs phyin pa
157b2 dang / zhing pa 'bru rgyal bar gyur pa dang / dpa' bo g.yul las rgyal ba dang nad pa nad thams cad las thar ba bzhin du/ 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /
157b3 dge slong dag ni srod dang tho ras mi nyal bar brtson pa lhur byed pa la gnas te de dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te sangs rgyas bcom ldan 'das la zhus pa/
157b4 bcom ldan 'das ci lags/ mdang sum mi mjed kyi bdag po tshangs pa 'am lha'i dbang po brgya byin nam/ 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal
157b5 pa/ mi mjed kyi bdag po tshangs pa 'am lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin no/ /bu mo gang gis lam khar me tog gis gtor ba de khyod kyis mthong ngam/ btsun pa mthong
157b6 lags so/ /de ni nga la sems dga' ba bskyed nas shi ste/ sum bcu rtsa gsum pa'i lha yul bzang por skyes nas de nga'i thad du 'ongs te/ ngas de la chos bstan nas bden pa mthong bar gyur te/ rang gi gnas su song
157b7 ngo / /dge slong dag de bas na 'di ltar bslab par bya ste/ ston pa la bkur sti bya'o bla mar bya'o ri mor bya'o mchod pa bya'o/ /ston pa la bkur sti byas bla mar byas ri mo byas mchod pa byas nas brten te gnas par bya'o zhes
157b8 dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs
158a1 pa brjod pa brgya pa/ bam po bcu gsum pa/ dpal ldan ma zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon
158a2 rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang / mi 'am ci rnams dang lto 'phye chen po rnams kyis bkur sti byas/ bla mar byas ri mo byas
158a3 mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal
158a4 zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal po'i khab kyi grong
158a5 khyer na rgyal po gzugs can snying po rgyal po byed de/ de'i ring la 'byor pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad rnams
158a6 med pa dang 'bras sA lu dang bu ram shing dang ba lang dang ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de nas gang gi tshe rgyal po gzugs can snying
158a7 pos bcom ldan 'das las bden pa mthong ba de'i tshe btsun mo'i 'khor dang bcas te/ dus gsum du bcom ldan 'das kyi thad du 'gro'o/ /de nas rgyal po gzugs can snying po phyi zhig na dpyid kyi dus la bab pa'i tshe/
158a8 shing ljon pa rnams me tog rgyas la ngang pa dang khrung khrung dang rma bya dang ne tso dang ri skegs dang khu byug dang shang shang te'u rnams skad 'byin pa'i nags khrod dang / skyed mos tshal gyi sar btsun mo dam pa dang btsun mo 'khor dang bcas
158b1 te dong nas/ der btsun mo'i 'khor kyis rgyal po la gsol pa/ lha bdag cag ni gdugs gcig bzhin du bcom ldan 'das kyi thad du mchi ma'i rngo mi thog na/ lha btsun mo'i 'khor gyi nang 'dir de bzhin gshegs pa'i
158b2 dbu skra dang se mo'i mchod rten brtsigs te zhal sro bar ci gnang / 'on kyang bdag cag gis de la rgyun du mar me dang bdug pa dang me tog dang spos dang me tog phreng dang byug pa dang gdugs dang rgyal mtshan dang ba dan dag gis bkur
158b3 sti bgyi'o zhes gsol to/ /de nas re shig na rgyal po gzugs can snying pos/ bcom ldan 'das la gsol pa/ bcom ldan 'das bdag la dbu skra dang se mo stsal du gsol 'on tang bdag gis mchis brang 'khor du
158b4 de bzhin gshegs pa'i mchod rten brtsigs te/ zhal sro bar bgyi'o zhes gsol to/ /de nas re shig na bcom ldan 'das kyi dbu skra dang sen mo byin nas rgyal po gzugs can snying po btsun mo'i 'khor dang bcas
158b5 pas/ btsun mo'i 'khor gyi nang du bkur sti chen po dang ldan pas de bzhin gshegs pa'i dbu skra dang sen mo'i mchod rten brtsigs te zhal sros nas/ de la btsun mo'i 'khor gyis mar me dang bdug pa dang me tog dang
158b6 spos dang me tog phreng dang byug pa dang gdugs dang rgyal mtshan dang ba dan dag gis kyang mchod pa byed do/ /de nas gang gi tshe rgyal po ma skyes dgra lha sbyin gyis sbad de/ yab chos dang ldan pa chos bzhin du rgyal
158b7 po byed pa bsad nas rang rgyal por zhugs pa de'i tshe bcom ldan 'das kyi bstan pa la sbyin par bya ba'i chos thams cad bcad de/ su yang de bzhin gshegs pa'i mchod rten la bkur sti ma byed cig ces khrims kyang bcas
158b8 so/ /de nas gang gi tshe tshes bcwa lnga la skabs 'byed pa'i dus la bab pa de'i tshe dbu skra dang sen mo'i mchod rten de la su yang phyag dar byed pa 'am mar me dang bdug pa dang me tog dbul ba med do/ /de nas btsun mo
159a1 'khor gyis dbu skra dang sen mo'i mchod rten de de lta bur gyur pa yang mthong rgyal po gzugs can snying po yang dran nas/ snying rje rje skad du ngu zhing kyi hud chos dang ldan pa'i rgyal po dang bral bas bdag cag bsod nams
159a2 las 'gribs so zhes zer ro/ /de'i nang nas btsun mo dpal ldan ma zhes bya ba des rang gi srog dang bsdos te/ sangs rgyas kyi yon tan rjes su dran nas dbu skra dang sen mo'i mchod rten la phyag dar byas te/ mar me'i phreng ba
159a3 dngar to/ /de nas re shig na rgyal po ma skyes dgra khang pa brtsegs pa'i steng du byung ste/ snang ba chen po de mthong nas 'di ci zhig ces dris pa dang / re shig na gzhan zhig gis dpal ldan mas dbu skra dang sen mo'i mchod rten la mar
159a4 me'i phreng ba dngar ba lags so zhes byas so/ /de nas dpal ldan ma bkug ste ci'i phyir khyod kyis rgyal po'i bka' bcag ces smras na/ de na re bdag gis khyod kyis bka' bcag tu lags kyang bdag gis chos dang ldan pa'i rgyal po
159a5 gzugs can snying po'i bka' ma bcag go zhes zer ro/ /de nas de khros nas 'khor lo 'phangs te bsad do/ /de nas bcom ldan 'das la sems dga' bar gyur te shi nas sum bcu rtsa gsum pa'i lha yul bzang por skyes so/ /de'i
159a6 tshe lha mdun ma zhig kyang 'dus nas lha'i bu mo dpal ldan ma lha'i 'od kyi dkyil 'khor snang ba kho ra khor yug tu dpag tshad gcig yod pa dang ldan pa de lha'i 'dun sa'i nang du song ngo / /de nas lha'i dbang po brgya byin gyis snang ba
159a7 chen po de dang lha'i 'od dpag tshad gcig pa mthong nas dris pa/ ci'i phyir khyod kyis lus mdog dag pa'i gser 'dra pad ma ud pal lta bur gyur/ /'di na lus dpal mtshungs med khyod kyi lus las 'od 'byung
159a8 'di dag ci las gyur/ /ci yi phyir na khyod kyi bzhin mdog pad ma rgyas 'dra gser mdog lta bur gyur/ /las rnams gang gis 'bras bu myong gyur 'di ni lha mo khyod kyis bdag la smros/ /lha mos smras pa/
159b1 'jig rten gsum mgon 'gro ba'i sgron gcig po/ /mtshan mchog rnams kyis phyug pa'i sangs rgyas mthong / /smra mchog nyon mongs mun pa sel ba la/ /mun pa sel ba'i mar me yon tu phul/ /zla ba'i 'od zer mdog
159b2 dang 'dra ba'i 'od/ /mthong nas thub la snying nas dad pa skyes/ /'od zer mthong nas dga' bar gyur pa yis/ /ston pa smra ba'i mchog la phyag kyang bgyis/ /las dge de 'dra byas pa'i phyir/ /bdag ni lhag par mngon tu
159b3 mdzes/ /zhing mdog pad ma zla ba ltar/ /rnam dag 'od ldan blta na sdug /brgya byin gyis smras pa/ kye ma yon tan nyid kyis zhing / /nyes pa thams cad rnam spangs pa/ /mtho ris sdug par skye ba'i phyir/ /de la khyod kyis
159b4 sa bon btab/ /bzhin mdzes pad ma'i 'dab ma yangs pa 'dra ba'i mig ldan ma/ /bud med mchog rnams kyis ni gang la bkur sti byas pa yi/ /sangs rgyas pad ma rgyas pa'i 'dab yangs 'dra ba'i spyan mnga' ba/ /
159b5 gser mchog phung po lta bur mdangs dkar de la su mi mchod/ /lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las
159b6 gang gis skyes snyam mo/ /de nas mi las shi 'phos pa dang sum bcu rtsa gsum pa'i lha yul bzang por skyes pa dang / bcom ldan 'das la sems dga' bar gyur par des mthong ngo / /de nas lha'i bu mo dpal
159b7 ldan ma 'di snyam du sems te/ bdag zhag lon nas gzod bcom ldan 'das la blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ /
159b8 de nas lha'i bu mo dpal ldan ma lha'i 'od kyi snang bas gang ba des de nyid kyi mtshan mo lha'i me tog ud pal dang pad ma dang ku mu da dang pad ma dkar po dang man dA ra rnams kyis thu ba bkang ste/ rgyal po'i khab bya ka lan da ka gnas pa thams cad
160a1 'od chen pos snang bar byas nas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis lha'i bu mo dpal ldan ma'i bsam pa
160a2 dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par gyur pa de lta bu'i chos bstan te/ de thos nas lha'i bu mo dpal ldan mas 'jig tshogs la lta ba'i ri'i rtse mo mthon po
160a3 nyi shu ye shes rdo rjes bcom nas/ rgyun tu zhugs pa'i 'bras bu thob ste/ des bden pa mthong nas dga' ba'i tshig lan gsum brjod do/ btsun pa bcom ldan 'das kyis bdag gi khrag dang mchi ma'i rgya mtsho skams pa dang
160a4 rus pa'i la bsgral ba dang ngan song gi sgo rnams bcad pa dang mtho ris dang thar pa'i sgo rnams phye ba dang bdag lha dang mi rnams kyi nang du bzhag pa 'di lta bu ni bdag la phas kyang ma bgyis mas kyang ma gyis rgyal pos kyang
160a5 ma bgyis lha rnams kyis kyang ma dgyis nang mi dang gnyen gyi tshogs kyis kyang ma bgyis sngon gyi mtshun rnams kyis kyang ma bgyis dge sbyong dang bram ze rnams kyis kyang ma bgyis lags so/ /yang smras pa/ nyes pa mang por
160a6 ldan pa'i ngan song lam/ /shin tu mi bzad khyod kyis mthus yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin
160a7 tu rnam dag khyod las brten nas thob/ /bdag ni sdug bsngal rgya mtsho pha rol rgal/ /'phags pa dgyes pa'i zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar
160a8 dka' ba yi/ /thub pa khyod ni deng mthong 'bras bu yod/ /de nas do shal 'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas lha'i
160b1 bu mo dpal ldan ma/ tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang / nad pa nad thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid
160b2 kyis rang gi gnas su song ngo / /dge slong dag ni srod dang tho ras mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te/ sangs rgyas bcom
160b3 ldan 'das la zhus pa/ bcom ldan 'das ci lags mdang sum mi mjed kyi bdag po tshangs pa 'am lha'i dbang po brgya byin nam 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis
160b4 bka' stsal pa/ dge slong dag mi mjed gyi bdag po tshangs pa 'am lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin gyi/ rgyal po gzugs can snying po'i btsun mo dpal ldan ma zhes bya bas rang gi srog dang
160b5 bsdos te/ sangs rgyas kyi mon tan rjes su dran nas de bzhin gshegs pa'i dbu skra dang sen mo'i mchod rten la mar me'i phreng ba dngar nas/ rgyal po ma skyes dgra khros pas bsad de/ de nga la dga' ba'i sems bskyed nas shi ste sum
160b6 bcu rtsa gsum pa'i lha yul bzang por skyes nas/ deng mdangs sum nga'i thad du 'ongs te/ ngas de la chos bstan nas bden pa mthong bar gyur te rang gi gnas su song ngo / /dge slong dag de bas na 'di ltar bslab par bya ste/ ston pa la bkur sti bya'o/ /
160b7 bla mar bya'o/ /ri mo bya'o/ /mchod pa bya'o/ /ston pa la bkur sti byas/ bla mar byas/ ri mo byas/ /mchod pa byas nas brten te gnas par bya'o zhes dge slong khyod kyis de ltar bslab par bya'o/ /bcom ldan 'das kyis de skad
160b8 ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gos shes bya ba ni/ sangs rgyas bcom ldan 'das la rgyal po rnams dang blon po chen po rnams
161a1 dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang
161a2 lto 'phye chen po rnams kyis bkur sti byas/ bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas
161a3 bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi
161a4 tshal khyim bdag mgon med zas sbyin gyi kun dga' ra ba na bzhugs so/ /de nas gang gi tshe khyim bdag mgon med zas sbyin gyis/ sangs rgyas la sogs pa dge slong gi dge 'dun la rgyal bu rgyal byed kyi tshal phul de/
161a5 mthar gyis gser srang bye ba phrag brgya bcom ldan 'das kyi bstan pa la phul ba de'i tshe de'i blo skyes pa ma la bdag sbyin pa dag sbyin zhing bsod nams dag byed pa 'di lta la ngo mtshar che ba ci yod kyis/ bdag gis skye bo dbul po
161a6 rnams la phan gdags pa'i phyir/ mnyan du yod pa na gnas pa'i skye bo rnams dad pa bsdus te/ bcom ldan 'das nyan thos kyi dge 'dun dang bcas pa la bsnyen bkur bya'o/ /de ltar byas pa dang bdag gis skye bo mang po
161a7 la yang phan gdags par gyur la/ bsod nams mang po yang bskyed par 'gyur to snyam mo/ /de nas khyim bdag mgon med zas sbyin gyis ji ltar bsams pa de/ rgyal po la gsol nas/ rgyal pos kyang mnyan du yod pa
161a8 thams cad du dril bsgrags te/ mnyan du yod pa na gnas pa'i pho brang 'khor kyi mi khyed rnams nyon cig / deng nas zhag bdun na khyim bdag mgon med zas sbyin gyis/ de bzhin gshegs pa'i nyan thos rnams kyi
161b1 phyir glang po che la zhon te/ dad pa sdud par 'dod kyis khyed gang gis ji tsam yongs su gtang bar bya ba de yongs su gtang bar gyis shig ces bsgo'o/ /de nas re shig na zhag bdun lon pa dang khyim bdag mgon med zas sbyin glang
161b2 po che la zhon te/ de bzhin gshegs pa'i nyan thos rnams kyi phyir dad pa sdud pa la zhugs te/ der gang dag la ji tsam bdog pa de dag de tsam sbyin par byed de/ kha cig ni mgul gyi se mo do sbyin par byed/ kha cig
161b3 ni gdu bu sbyin par byed/ kha cig ni dpung rgyan sbyin par byed/ kha cig ni gser gyi phreng ba sbyin par byed/ kha cig ni sor gdub kyi rgyan sbyin par byed/ kha cig ni mu tig gi do shal sbyin par byed/ kha cig ni gser sbyin
161b4 par byed/ kha cig ni dngul sbyin par byed/ kha cig ni tha na zho'i brgyad cha tsam yang sbyin par byed do/ /khyim bdag de yang gzhan la phan gdags pa'i phyir len par byed do/ /de nas re shig na bud med shin tu
161b5 dbul mo zhig gis sha thang ste/ zla ba gsum gyis ras yug cig rnyed nas des ras de gyon te srang du zhugs pa dang / des khyim bdag mgon med zas sbyin dung 'bud cing rnga zlum brdung bzhin du rgyang nas 'ong pa mthong nas des dge bsnyen zhig
161b6 la dris pa ji ste/ khyim bdag 'di phyug cing nor mang la longs spyod che ste/ gter sa'i 'og tu sbas pa rnams kyang mthong na/ ci'i phyir 'di gzhan gyi khyim nas slong zhing skor bar byed ces byas pa dang / dge bsnyen de na re gzhan la phan
161b7 gdags pa'i phyir te gang dag bcom ldan 'das nyan thos kyi dge 'dun dang bcas pa/ bshos gsol mi nus pa de dag gi don du phan 'dogs par byed de/ ci nas mang po bsdongs te bcom ldan 'das la dbul du 'jug go zhes zer ro/ /de nas
161b8 bu mo de'i blo skyes pa/ 'o na bdag ni bsod nams ma byas pa yin la/ bdag gcig pus bcom ldan 'das nyan thos kyi dge 'dun dang bcas pa bshos gsol ba'i/ mthu bdag la med kyis/ bdag gis 'di la cung zad dbul bar bya
162a1 gor ma chag snyam mo/ /de nas bdag nyid la ci bdog ces bltas na ras yug gcig ma gtogs pa gzhan ci yang ma mthong ste/ /des bsams pa gal te bdag 'di na 'dug bzhin du ras 'di phul na ni bdag
162a2 gcer bur byung gis bdag khang thog tu song la ras dor ro snyam mo/ /de nas de khang thog tu song nas rang gi lus las ras phud de/ khyim bdag mgon med zas sbyin gyi steng du bor ba dang / khyim bdag des kyang 'phrigs te/ 'dis khang
162a3 thog nas bor ba las na/ 'di la nor de las med gor ma chag snyam nas rang gi g.yog rnams la bsgo ba/ khyed dong la ras 'di sus bor ba ltos shig ces byas nas/ de dag gis bltas pa dang re shig na bu mo de tsog tsog por
162a4 'dug pa mthong ngo / /de nas de dag gis dris pa dang / de nas bcom ldan 'das kyi yon tan brjod pa/ bdag gis thos nas dbul ba'i 'jigs pas skrag ste bdag gis gos rnyed pa de de bzhin gshegs pa la sogs pa dge slong
162a5 gi dge 'dun la phul lo zhes zer ro/ /de nas de dag gis khyim bdag mgon med zas sbyin la byas so/ /de nas khyim bdag mgon med zas sbyin mchog tu ngo mtshar du gyur nas/ bu mo de la gos dang rgyan rnam pa sna tshogs bskon to/ /
162a6 de nas de tshe thung ste shi nas sum bcu rtsa gsum pa'i lha yul bzang por skyes te/ skyes ma thag tu lha'i bu dang lha'i bu mo gzhan su la yang med pa de lta bu'i gos dag de la byung ngo / /lha'i bu 'am lha'i bu mo skyes nas ring po ma lon
162a7 pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam mo/ /de nas mi las shi 'phos pa dang sum bcu rtsa gsum pa'i lha yul bzang por skyes pa dang bcom ldan
162a8 'das la ras phul bar des mthong ngo / /de nas sngon ras 'bul 'bul ba'i lha'i bu mo rna cha gdub kor dag cing 'gul do thogs pa/ lus do shal dang se mo dos rgyan pa/ nor bu rin po che sna tshogs kyis brgyan pa'i
162b1 cod pan can/ lus gur gum dang ta ma la'i lo ma dang sprig ka la sogs pas byugs pa des/ de nyid kyi mtshan mo lha'i me tog ud pa la dang pad ma dang ku mu da dang pad ma dkar po dang man dA ra rnams kyis thu ba bkang ste/ rgyal
162b2 bu rgyal byed kyi tshal thams cad 'od chen pos snang bar byas/ bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis sngon ras
162b3 'bul 'bul ba'i lha'i bu mo'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon ras 'bul 'bul ba'i
162b4 lha'i bu mos 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das
162b5 kyis bdag gi khrag dang mchi ma'i rgya mtsho bskams pa dang rus pa'i la bsgral ba dang ngan song gi sgo rnams bcad pa dang / mtho ris dang thar pa'i sgo rnams phye ba dang bdag lha dang mi rnams kyi nang du bzhag pa 'di lta bu ni bdag
162b6 la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen gyi tshogs kyis kyang ma bgyis/ sngon gyi mtshun rnams kyis kyang ma bgyis/
162b7 dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan
162b8 mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya mtsho'i
163a1 pha rol rgal/ /'phags pa dgyes pa zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /
163a2 thub pa khyod kyi deng mthong 'bras bu yod/ /de nas do shal 'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /
163a3 de nas sngon ras 'bul 'bul ba'i lha'i bu mo de tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa gang gis/ bcom ldan
163a4 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod dang tho ras mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen
163a5 po byung ba mthong ngo / /mthong nas kyang the tshom skyes te sangs rgyas bcom ldan 'das la zhus pa/ bcom ldan 'das ci lags mdang sum mi mjed kyi bdag po tshangs pa 'am lha'i dbang po brgya byin nam 'jig rten skyong ba bzhi bcom
163a6 ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed gyi bdag po tshangs pa 'am lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin
163a7 gyi/ ras 'bul 'bul ba'i bud med de khyim bdag mgon med zas sbyin dad pa sdud par byed pa la ras phul nas shi ste/ sum bcu rtsa gsum pa'i lha yul bzang por skyes nas/ de mdang sum nga'i thad du 'ongs te ngas de la chos
163a8 bstan nas/ bden pa mthong bar gyur te rang gi gnas su song ngo / /dge slong dag de bas na 'di ltar bslab par bya ste/ sangs rgyas dang chos dang dge 'dun rnams la bkur sti bya ba'o bkur sti med par mi bya'o zhes dge
163b1 slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //ne tso zhes bya ba ni/ sangs rgyas
163b2 bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang / nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/
163b3 lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis
163b4 mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du
163b5 yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe rgyal po'i khab kyi grong khyer na rgyal po gzugs can snying po rgyal po byed de/ de'i ring la 'byor pa dang rgyas pa dang bde ba dang
163b6 lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad rnams med pa dang 'bras sA lu dang bu ram shing dang ba lang dang ma he dang ldan par 'dug ste
163b7 gnod pa med cing tsher ma dkrugs la/ bu gcig pa la bya ba bzhin du rgyal srid bskyangs so/ /rgyal po de yang dag pa dang ldan la dge zhing bsam pa bzang ba bdag la phan pa dang gzhan la phan pa la zhugs te/ snying rje che ba bdag nyid che ba
163b8 chos 'dod pa skye dgu la byams pa zhig go/ /de nas re shig na bcom ldan 'das mthong bar smon te/ lag pa la rkom tshugs bcas nas sems khong du chud cing 'dug go/ /de nas blon po rnams kyis smras pa/
164a1 lha ci'i slad du thugs ngan mdzad/ rgyal pos smras pa/ ngas bcom ldan 'das ring zhig ma mthong ngo / /ngas bde bar gshegs pa ring zhig ma mthong ngo / /da ni bcom ldan 'das mthong bar 'dod
164a2 do/ /de nas bcom ldan 'das nyin par gnas pa la zhugs pas/ lha'i snyan rnam par dag pa mi las 'das pas rgyal po gzugs can snying po smon pa gsan to/ /de'i skabs su sangs rgyas bcom ldan 'das rnams
164a3 kyis ni mi mkhyen pa 'am mi gzigs pa 'am mi rtogs pa 'am thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig
164a4 pa dang ldan pa gcig tu dpa' ba zla med pa/ gnyis su mi gsung ba zhi gnas dang lhag mthong la gnas pa/ rig pa gsum snang bar mdzad pa bslab pa gsum la legs par bslabs pa 'dul ba'i gzhi gsum
164a5 la mkhas pa/ chu bo bzhi las rgal ba rdzu 'phrul gyi rkang pa bzhi'i zhabs kyi mthil shin tu brtan pa bsdu ba'i dngos po bzhi la yun ring po nas 'dris par byas pa mi 'jigs pa bzhis mi 'jigs pa/ khyu mchog gi yang
164a6 dag pa'i seng ge'i sgra chen po sgrogs pa yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa pha rol tu phyin pa drug yongs su rdzogs pa rtag tu gnas par bya ba drug la
164a7 gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar kyis gnas pa'i snyoms par 'jug pa dgu la gnas pa/ /stobs bcu'i stobs dang ldan pa phyogs bcur
164a8 grags pas kun tu rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nang dus gsum mtshan dus gsum du sangs rgyas kyi spyan gyis 'jig rten la gzigs te/
164b1 su ni rgud su ni dar su ni phongs shing 'dug su ni nyam nga bar gyur su ni gnod pa dang ldan su ni phongs pa dang nyam nga ba dang gnod pa dang ldan su ni ngan song du gzhol su ni ngan song du 'bab su ni ngan song du bab su ni ngas
164b2 ngan song nas phyung ste/ mtho ris dang thar pa dang 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las/ 'phags pa'i nor bdun gyi
164b3 dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las
164b4 rnam par grol bar bya snyam du ye shes gzigs pa 'jug go/ 'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs
164b5 rgyas dus las yol ba med/ /de nas bcom ldan 'das rgyal po gzugs can snying po la phan gdags pa'i phyir/ dbyar zla ba gsum 'das nas chos gos mdzad de chos gos zin nas chos gos gsol te
164b6 lhung bzad bsnams nas ljongs rgyu zhing mthar gyis gshegs pa las nags khrod cig tu byon pa dang / nags khrod de na ne tso mi skad shes pa zhig gnas te/ des bcom ldan 'das thag ring po zhig nas mthong ngo / /de nas shin
164b7 tu rings par song ste/ bcom ldan 'das la gsol pa/ bcom ldan 'das tshur gshegs/ bcom ldan 'das gshegs pa legs so legs so/ /bdag la phan gdags su gsol/ nags khrod 'di kho nar gshegs dgongs
164b8 gdab par gsol zhes byas so/ /de nas bcom ldan 'das ne tso de la phan gdags pa'i phyir shing gang la ne tso gnas pa de'i drung du rtswa'i gdan bting nas skyil dkrung bcas te bzhugs so/ /nyan thos chen po rnams ni shing gzhan
165a1 dag gi drung du 'khod do/ /de nas ne tsos bcom ldan 'das dang nyan thos rnams la mi 'am mi ma yin pa 'am gnod sbyin nam/ srin po 'am ri dgas sam gcan zan gnod pa byed du dogs te/ mtshan thog thag nags khrod
165a2 de na phan tshun skor bar byed do/ /de nas nam langs pa dang / bcom ldan 'das la lan gsum bskor ba byas nas bzod pa gsol te/ bcom ldan 'das bdag ni dud 'gro'i skye gnas su skyes pa lags pas/ bdag la bcom
165a3 ldan 'das mchod pa'i rgyu ci yang ma mchis na bzod pa mdzad du gsol/ /de lta lags kyis kyang bdag sngon du mchis te/ rgyal po gzugs can snying po la bcom ldan 'das gshegs so zhes sbran par 'tshal lo/ /
165a4 bcom ldan 'das kyis bka' stsal pa/ de ltar gyis shig /de nas re shig na de bcom ldan 'das kyi sngon du chas te mthar gyis rgyal po'i thad du phyin to/ /de'i tshe rgyal po gzugs can snying po ni khang bzangs kyi steng na bud med
165a5 'ba' shig dang sil snyan gyis rtse zhing dga' la dga' mgur spyod do/ /de nas ne tso mi skad shes pa des rgyal po la smras pa kye rgyal po khyod mkhyen par mdzod cig /bcom ldan 'das nyan thos kyi dge 'dun dang bcas pa khyod kyi yul
165a6 du gshegs lags kyis/ khyod kyis bshos sta gon mdzad pa'i rigs so zhes byas so/ /de nas rgyal po shin tu rings par khang bzangs kyi steng nas babs nas/ blon po chen po'i tshogs kyis zhabs 'bring byas te/
165a7 bcom ldan 'das kyi gdan rnams bshams nas gdugs dang rgyal mtshan dang ba dan rnams dang bdug pa dang spos dang me tog rnam pa sna tshogs kyis bcom ldan 'das bsu'o/ /de nas bcom ldan 'das nyan thos kyi dge
165a8 'dun dang bcas pa/ bkur sti chen po dang ldan pas nang du spyan drangs nas zhal zas bzang pos tshim par byas so/ /de nas ne tso de 'di snyam du sems te/ bcom ldan 'das kyi nyan thos kyi dge 'dun gyi 'byor pa 'di dag thams cad ni bdag
165b1 gi yon tan yin no snyam du rig nas dga' zhing mgu la yid rangs te/ rab tu dga' zhing dga' ba dang yid bde ba skyes nas rgyal po'i mdun logs su phan tshun lding ba las khras khyer te bsad do/ /bcom ldan 'das la sems dga'
165b2 ba bskyed de shi bas ni sum bcu rtsa gsum pa'i lha yul bzang por skyes so/ /lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis
165b3 skyes snyam mo/ /de nas dud 'gro las shi 'phos pa dang sum bcu rtsa gsum pa'i lha yul bzang por skyes pa dang bcom ldan 'das la sems dga' bar gyur pa des mthong ngo / /de nas sngon ne tsor gyur pa lha'i bu 'di snyam du sems te/ bdag
165b4 zhag lon nas gzod bcom ldan 'das blta ba'i phyir 'gro ba ni/ bdag gi cha ma yin gyis bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon ne tsor gyur pa lha'i bu rna cha gdub kor dag cing
165b5 'gul ba thogs pa/ lus do shal dang se mo dos brgyan pa/ nor bu rin po che sna tshogs kyis brgyan pa'i cod pan lus gur gum dang ta ma la'i lo ma dang sprig ka la sogs pas byugs pa des/ de nyid kyi mtshan mo lha'i me
165b6 tog ud pa la dang pad ma dang ku mu da dang pad ma dkar po dang man dA ra rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te chos nyan
165b7 pa'i phyir bcom ldan 'das kyi spyan sngar 'dug go/ /de nas bcom ldan 'das kyis sngon ne tsor gyur pa'i lha'i bu bsam pa dang bag la nyal dang khams dang rang bzhin thugs su chud nas 'phags pa'i bden pa bzhi rtogs
165b8 par 'gyur ba de lta bu'i chos bstan te/ de thos nas sngon ne tsor gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu thob ste/ des bden
166a1 pa mthong nas/ dga' ba'i tshig lan gsum brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang rus pa'i la bsgral ba dang ngan song gi sgo rnams bcad pa
166a2 dang mtho ris dang thar pa'i sgo rnams phye ba dang bdag lha dang mi rnams kyi nang du bzhag pa 'di lta bu ni bdag la phas kyang ma bgyis mas kyang ma bgyis rgyal pos kyang ma bgyis/ lha rnams kyis kyang ma bgyis/ nang
166a3 mi dang gnyen gyi tshogs rnams kyis kyang ma bgyis/ sngon gyi mtshun rnams kyis kyang ma bgyis/ dge sbyong dang bram ze rnams kyis kyang ma bgyis lags so/ /yang smras pa nyes pa mang por ldan pa'i ngan song lam/ /shin tu mi bzad khyod kyis mthu yis
166a4 bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnams dag khyod las brten nas thob/ /bdag ni sdug bsngal rgya mtsho pha rol
166a5 rgal/ /'phags pa dgyes pa zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas
166a6 do shal 'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas sngon ne tsor gyur pa'i lha'i bu de tshong pa khe spogs phyin pa dang
166a7 zhing pa 'bru rgyal bar gyur pa dang / dpa' bo g.yul las rgyal ba dang / nad pa nad thams cad las thar ba bzhin du 'byor pa gang gis/ bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /dge slong dag ni srod
166a8 dang tho ras mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / /mthong nas kyang the tshom skyes te sangs rgyas bcom ldan 'das la zhus pa/ bcom ldan
166b1 'das ci lags/ mdang sum mi mjed kyi bdag po tshangs pa 'am/ lha'i dbang po brgya byin nam 'jig rten skyong ba bzhi bcom ldan 'das la lta ba'i slad du mchis lags sam/ bcom ldan 'das kyis bka' stsal pa/
166b2 dge slong dag mi mjed kyi bdag po tshangs pa 'am lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin no/ /ne tso gang gis nga nags khrod der nub mo'i dgongs mal la spyan drangs pa de khyod kyis
166b3 mthong ngam/ dge slong rnams kyis gsol pa/ bcom ldan 'das mthong lags so/ /bcom ldan 'das kyis bka' stsal pa/ dge slong dag ne tso de nyid shi nas sum bcu rtsa gsum pa'i lha yul bzang por skyes pa de
166b4 yin no/ /dge slong rnams kyis gsol pa/ btsun pa sngon ne tsor gyur pa'i lha'i bus las gang dag bgyis na/ des ne tsor skyes lags/ las gang dag bgyis na des lha'i nang du skyes te bden pa mthong bar gyur lags/ bcom
166b5 ldan 'das kyis bka' stsal pa/ sngon ne tsor gyur pa'i lha'i bus tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ sngon ne tsor gyur
166b6 pa'i lha'i bus las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams
166b7 dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang khams dang skye mched rnams 'ba' shig la rnam par smin par 'gyur
166b8 ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang
167a1 po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa skyes
167a2 bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na rten cing bzhugs so/ /de nas re shig na dge
167a3 bsnyen cig 'dug pa des bslab pa lhod par byas te las de'i rnam par smin pas ni ne tsor skyes so/ /nga la sems dga' bar byas pa des ni lhar skyes so/ /des bslab pa'i gzhi lhag ma rnams bsrungs pa des ni bden pa mthong
167a4 bar gyur to/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges
167a5 par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la las gcig tu nges par dkar
167a6 ba rnams 'ba' shig la gtad par bya ste/ dge slong dag khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis
167a7 gsungs pa la mngon par bstod do// //pho nya zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang
167a8 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po
167b1 rnams kyis bkur sti byas bla mar byas ri mo byas mchod par byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs
167b2 rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa rgyal po'i
167b3 khab na 'od ma'i tshal bya ka lan da ka gnas par dbyar gnas par dam bcas so/ /de nas khyim bdag mgon med zas sbyin ko sa la'i rgyal po gsal rgyal ga la ba der song ste phyin nas rgyal po la rgyal bar
167b4 gyur cig /sku tshe ring bar shog cig ces bstod nas gsol ba btab pa/ lha mkhyen par mdzad du gsol/ bdag gis bcom ldan 'das yun ring mo zhig tu ma mthong ste/ bdag ni bcom ldan 'das mthong bar
167b5 'tshal bas skom lags so/ /bdag ni bcom ldan 'das mthong bar 'tshal lo zhes byas so/ /de nas rgyal pos khyim bdag mgon med zas sbyin la smras pa khyim bdag bcom ldan 'das da ltar gang
167b6 du dbyar gnas par bzhed pa khyod kyis ci thos/ mgon med zas sbyin gyis smras pa/ lha bdag gis bcom ldan 'das rgyal po'i khab tu dbyar gnas par dam bzhes so zhes thos lags so/ /de nas ko sa la'i rgyal po
167b7 gsal rgyal dang / khyim bdag mgon med zas sbyin la sogs pa pho brang 'khor kyi mi dang yul ba dang blon po rnams kyis mi zhig pho nyar bkug ste/ kye mi khyod tshur shog /bcom ldan 'das ga la ba der song la/ der
167b8 phyin nas bcom ldan 'das kyi zhabs la mgo bos phyag tshol la/ bdag cag gi mchid nas bcom ldan 'das gnod pa chung ngam nyam nga ba nyung ngam bskyod pa yang ngam 'tsho 'am stobs dang ldan nam bde ba dang ldan nam mi bde ba mi mnga' 'am
168a1 bde ba la reg par gnas sam zhes gsol la/ 'di skad du btsun pa ko sa la'i rgyal po dang mnyan du yod pa na gnas pa pho brang 'khor gyi mi rnams bcom ldan 'das kyi zhal mthong bar 'tshal te/ bdag
168a2 cag gis bcom ldan 'das yun ring mo zhig tu ma mthong bas/ bdag cag ni bcom ldan 'das mthong bar 'tshal bas skom lags so/ /bdag cag ni bcom ldan 'das mthong bar 'tshal na thugs brtse
168a3 ba'i slad du/ bcom ldan 'das mnyan du yod par gshegs su gsol zhes mchi'o zhes gsol cig ces bsgo'o/ /de nas mi des ko sa la'i rgyal po gsal rgyal dang blon po dang pho brang 'khor kyi mi dang
168a4 yul mi rnams kyis bsgo ba bzhin du mnyan te/ rgyal po'i khab tu song nas/ mthar kyis song song ba las rgyal po'i khab kyi grong khyer du phyin to/ /de nas rgyal po'i khab kyi grong khyer thams cad du bltas nas bcom ldan 'das
168a5 ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /btsun pa mkhyen par mdzad du gsol/ ko sa la'i rgyal po gsal rgyal dang mnyan du yod pa na
168a6 gnas pa'i pho brang 'khor kyi mi rnams bcom ldan 'das kyi zhabs la mgo bos phyag 'tshal te/ bcom ldan 'das gnod pa nyung ngam nyam nga ba nyung ngam bskyod pa yang ngam 'tsho 'am stobs dang ldan nam bde ba dang ldan nam mi bde ba mi mnga'
168a7 'am bde ba la reg par gnas sam zhes mchi'o/ /'di skad du bdag cag gis bcom ldan 'das ring mo zhig tu ma mthong ste/ bdag cag ni bcom ldan 'das mthong bar 'tshal bas skom lags so/ /bdag cag ni bcom ldan
168a8 'das mthong bar 'tshal na/ thugs brtse ba'i slad du bcom ldan 'das mnyan du yod par gshegs su gsol zhes kyang mchi'o/ /bcom ldan 'das kyis bka' stsal pa/ kye gal te nga rgyal po gzugs can snying pos 'gror ster na 'gro bar
168b1 bya'o/ /de nas pho nya des rgyal po gzugs can snying po la gsol nas/ bcom ldan 'das la 'di skad ces gsol to/ /bcom ldan 'das gshegs par rgyal po gzugs can snying pos dad pa stsal lags na/ bcom ldan 'das
168b2 kyis da de'i dus la bab par dgongs te gshegs su gsol zhes bskul to/ /de nas bcom ldan 'das kyis mi de la cang mi gsung bas gnang ngo / /de nas bcom ldan 'das dbyar zla gsum 'das nas/ chos gos mdzad de chos gos zin
168b3 nas chos gos gsol te/ lhung bzed bsnams nas zhabs 'bring 'khor mang po dag dang mnyan du yod pa logs su chas te gshegs so/ /pho nya yang shing rta la zhon te chas so/ /de nas des sangs rgyas bcom ldan 'das zhabs kyis
168b4 gshegs pa mthong nas shing rta las babs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /thugs brtse ba'i slad du bdag gi shing rta bcom ldan 'das kyis bzhes
168b5 su gsol/ bcom ldan 'das kyis bka' stsal pa/ rdzu 'phrul rkang pa'i shing rta dang / /yang dag stsol la nga gnas nas/ /nyon mongs tsher mas ma snad par/ /sa steng kun tu rgyu bar byed/ /pho nyas gsol pa/ /bcom ldan 'das
168b6 ni rdzu 'phrul gyi zhabs kyis gshegs pa lags kyis kyang / bdag la phan gdags pa dang thugs brtse ba'i slad du bcibs su gsol/ /de nas bcom ldan 'das pho nya la phan gdags pa'i phyir rdzu 'phrul gyis shing rta'i steng du
168b7 bzhugs so/ /de nas bcom ldan 'das shing rta la bcibs bzhin du mnyan du yod par byon nas pho nyas kyang rgyal po la sbran to/ /de nas rgyal po dang blon po dang pho brang 'khor gyi mi dang yul mi rnams kyis bcom ldan 'das
168b8 bsu nas/ chos nyan pa'i phyir de'i mtshan mo rgyal bu rgyal byed kyi tshal de nyid du 'khod to/ /pho nya de ni tshe thung ste chos thos pa'i 'og tu de nyid kyi mtshan mo shi ste/ de shi nas sum bcu rtsa gsum pa'i lha yul bzang por skyes
169a1 so/ /lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam mo/ /de nas mi las shi 'phos pa dang
169a2 sum bcu rtsa gsum pa'i lha yul bzang por skyes pa dang / bcom ldan 'das la sems dga' bar gyur pa des mthong ngo / /de nas sngon pho nyar gyur pa'i lha'i bu de 'di snyam du sems te bdag zhag lon nas gzod bcom
169a3 ldan 'das la blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon pho nyar gyur pa'i lha'i bu rna cha gdub kor dag cing 'gul ba thogs pa/ lus
169a4 do shal dang se mo dos brgyan pa nor bu rin po che sna tshogs kyis brgyan pa'i cod pan can/ lus gur gum dang ta ma la'i lo ma dang sprig ka la sogs pas byugs pa des de nyid kyi mtshan mo lha'i me tog ud pa la dang ku
169a5 mu da dang pad ma dang pad ma dkar po dang man da ra rnams kyis thu ba bkang ste rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te chos mnyan pa'i phyir
169a6 bcom ldan 'das kyi spyan sngar 'dug go/ /de nas bcom ldan 'das kyis sngon pho nyar gyur pa'i lha'i bu'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par
169a7 'gyur ba de lta bu'i chos bstan te/ de thos nas sngon pho nyar gyur pa'i lha'i bus 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu thob ste/ des bden pa mthong nas
169a8 dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang rus pa'i la bsgral ba dang ngan song gi sgo rnams bcad pa dang mtho ris dang thar pa'i sgo
169b1 rnams phye ba dang bdag lha dang mi rnams kyi nang du bzhag pa 'di lta bu ni bdag la phas kyang ma bgyis mas kyang ma bgyis rgyal pos kyang ma bgyis lha rnams kyis kyang ma bgyis nang mi dang gnyen gyi tshogs rnams kyis
169b2 kyang ma bgyis sngon gyi mtshun rnams kyis kyang ma bgyis dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /
169b3 bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brtan nas thob/ /bdag ni sdug bsngal rgya
169b4 mtsho'i pha rol rgal/ /'phags pa dgyes pa'i zhi ba'i go 'phangs thob/ /mi mchog dbang po mi dang lhas mchod pa/ /skye dang rga dang 'chi ba'i nad sangs pa/ /srid pa stong du mthong bar dka' ba yi/ /thub pa khyod ni deng
169b5 mthong 'bras bu yod/ /de nas do shal 'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas sngon pho
169b6 nyar gyur pa'i lha'i bu de tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa gang gis bcom ldan 'das kyi thad
169b7 du 'ongs pa'i 'byor pa de nyid kyis rang gi gnas su song ngo de nas ko sa la'i rgyal po gsal rgyal khang bzangs kyi steng na 'dug pas snang ba chen po de mthong nas nam langs pa dang bcom ldan 'das la zhus pa/ bcom ldan 'das
169b8 ci lags mdang sum mi mjed kyi bdag po tshangs pa 'am lha'i dbang po brgya byin nam 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/ rgyal po chen
170a1 po mi mjed kyi bdag po tshangs pa 'am lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin gyis/ khyod kyi pho nya de nga la sems dga' bar gyur nas shi ste sum bcu rtsa gsum pa'i lha
170a2 yul bzang por skyes nas de mdang sum nga'i thad du 'ongs te/ ngas de la chos bstan te bden pa mthong bar gyur te rang gi gnas su song ngo / /de nas rgyal po de ngo mtshar du gyur nas kye ma sangs rgyas kye ma chos kye ma dge 'dun 'di dag la ni chung ngu zhig
170a3 las kyang rnam par smin pa chen por 'gyur ro zhes smras so/ /de nas ko sa la'i rgyal po gsal rgyal bcom ldan 'das kyis gsungs pa la mngon par bstod cing rjes su yi rangs te/ bcom ldan 'das kyi zhabs la mgo bos phyag 'tshal nas/
170a4 stan las langs te song ngo / /der bcom ldan 'das kyis dge slong rnams la bka' stsal pa/ dge slong dag 'di gsum ni mchog tu gdags pa yin te/ gsum gang zhe na/ sangs rgyas mchog tu gdags pa dang chos mchog tu gdags pa dang
170a5 dge 'dun mchog tu gdags pa'o/ /sangs rgyas mchog tu gdags pa gang zhe na/ sems can rkang med rnams sam rkang gnyis rnams sam rkang bzhi rnams sam rkang mangs rnams sam gzugs can rnams sam gzugs can ma yin pa rnams sam
170a6 'du shes can rnams sam 'du shes can ma yin pa rnams sam 'du shes yod pa yang ma yin 'du shes med pa yang ma yin pa gang yang rung ste/ de dag gi nang na ni de bzhin gshegs pa dgra bcom pa yang dag par rdzogs pa'i sangs rgyas mchog yin par
170a7 bstan to/ /sangs rgyas la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag ni rnam par smin pa yang lha rnams kyi nang du/ /lhar gyur pa rnams sam mi rnams kyi nang du mir gyur pa
170a8 rnams kyi mchog 'ba' zhig tu 'gyur bar shes par bya ste/ 'di ni sangs rgyas mchog tu gdags pa zhes bya'o/ /chos mchog tu gdags pa gang zhe na/ 'dus byas sam 'dus ma byas kyi chos rnams gang yang rung ste/ de dag gi nang na ni 'dod chags dang bral
170b1 ba'i chos mchog yin par ston to/ /chos la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin pa yang lha rnams kyi nang du lhar gyur pa rnams sam mi rnams
170b2 kyi nang du mir gyur pa rnams kyi mchog 'ba' zhig tu 'gyur bar shes par bya ste/ 'di ni chos mchog tu gdags pa zhes bya'o/ /dge 'dun mchog tu gdags pa gang zhe na tshogs sam 'dus pa 'am mang po 'am 'khor gang yang rung ste/ de dag gi
170b3 nang na ni de bzhin gshegs pa'i nyan thos kyi dge 'dun mchog yin par bstan te/ dge 'dun la mngon par dga' ba su yang rung ba de dag ni mchog la mngon par dga' ba yin te/ mchog la mngon par dga' ba de dag gi ni rnam par smin
170b4 pa yang lha rnams kyi nang du lhar gyur pa rnams sam/ mi rnams kyi nang du mir gyur pa rnams kyi mchog 'ba' zhig tu 'gyur bar shes par bya ste/ 'di ni dge 'dun mchog tu gdags pa zhes bya'o/ /bcom ldan 'das kyis de skad ces
170b5 bka' stsal nas dge slong de dag yi rangs to/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po bcu bzhi pa/ ma he zhes bya ba ni/ sangs rgyas bcom
170b6 ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam
170b7 mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang / lto 'phye
170b8 chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang / gzims cha dang / gdan dang snyun gsos dang / sman zong rnams brnyes pa/ nyan thos
171a1 kyi dge 'dun dang bcas pa/ ko sa la'i ljongs rgyu zhing gshegs pa las nags khrod gcig tu byon pa las/ nags khrod de na ma he'i khyu chen po dang ma he rdzi lnga brgya 'khod do/ /de nas re shig na de'i nang na ma he stobs
171a2 dang ldan zhing stobs kyi mchog dang ldan pa zhig yod de/ de mi gzhan dag gi dri tshor na phyi bzhin rgyug par byed do/ /bcom ldan 'das kyang phyogs der gshegs so/ /de nas ma he rdzi rnams kyis bcom ldan 'das nyan thos
171a3 kyi dge 'dun dang bcas pa thag ring po zhig nas mthong ngo / /de nas de dag gis skad cher bos te/ bcom ldan 'das 'di na ma he ma rungs pa mchis kyis/ shul 'dir mi gshegs su gsol zhes byas so/ /bcom ldan 'das kyis
171a4 bka' stsal pa/ kye ngas 'dir dus la bab par shes kyis snying ma chung shig /de nas ma he des bcom ldan 'das thag ring mo zhig nas mthong ba dang rnga ma ldang du gzar nas/ bcom ldan 'das ga la ba der brgyugs so/ /de nas bcom ldan
171a5 'das kyi mdun logs su seng ge ral pa can ral pa g.yengs pa lnga sprul te/ glo g.yas g.yon du mi chen po lnga sprul to/ /steng du ni lcags kyi pha bong chen po zhig sprul to/ /de nas ma he des phyogs kun tu 'jigs pa chen
171a6 po mthong nas/ bcom ldan 'das kyi zhabs drung du song ste/ bcom ldan 'das kyi zhabs la lces bldags nas zhum pa'i bzhin gyis bcom ldan 'das la bltas so/ /de nas bcom ldan 'das kyis de la/ des brda
171a7 phrad pa'i skad du bzhin bzangs 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes chos tshig gsum bstan nas/ tshe rabs kyang dran par mdzad de des thos nas
171a8 ngus so/ /de nas bcom ldan 'das kyis de'i tshe tshigs su bcad de bka' stsal pa/ khyod ni dud 'gror skyes pa la/ /da ni nga yis ci byar yod/ /mi khom par ni skyes zin kyis/ /don med ngus pas ci la phan/ /'dir ni rgyal ba snying rje can/ /
171b1 nga la dad pa'i sems skyed la/ /dud 'gro'i skye gnas spangs na legs/ /'on kyang mtho ris 'gro bar 'gyur/ /de nas ma he ma rungs pa des rang gi lus la dmad de kha 'tshos nas/ dud 'gro'i skye gnas su skyes pa'i srog chags rnams ni me'i drod che
171b2 bas de skyen par shi ste/ sum bcu rtsa gsum pa'i lha yul bzang por skyes so/ /lha'i bu 'am lha'i bu mo skyes nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes/ las gang gis skyes
171b3 snyam mo/ /de nas dud 'gro las shi 'phos pa dang sum bcu rtsa gsum pa'i lha yul bzang por skyes pa dang bcom ldan 'das la sems dga' bar gyur pa des mthong ngo / /de nas sngon ma her gyur pa'i lha'i bu de 'di snyam du sems te/ bdag zhag
171b4 lon nas gzod bcom ldan 'das la blta ba'i phyir 'gro ba ni bdag gi cha ma yin gyis/ bdag zhag ma lon par bcom ldan 'das la blta ba'i phyir 'gro'o snyam mo/ /de nas sngon ma her gyur pa'i lha'i bu rna cha gdub kor dag cing 'gul ba thogs pa/
171b5 lus do shal dang se mo dos brgyan pa/ nor bu rin po che sna tshogs kyis brgyan pa'i cod pan can lus gur gum dang ta ma la'i lo ma dang sprig ka la sogs pas byugs pa des de nyid kyi mtshan mo lha'i me tog ud pa la dang pad ma dang ku
171b6 mu da dang pad ma dkar po dang man dA ra ba rnams kyis thu ba bkang ste/ nags khrod de dag thams cad 'od chen pos snang bar byas nas bcom ldan 'das la me tog gis gtor te/ chos mnyan pa'i phyir bcom ldan 'das kyi spyan sngar 'dug go/ /de nas
171b7 bcom ldan 'das kyis sngon ma her gyur pa'i lha'i bu'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas sngon ma her
171b8 gyur pa'i lha'i bus 'jig tshogs la lta ba'i ri'i/ rtse mo mthon po nyi shu ye shes rdo rjes bcom nas rgyun tu zhugs pa'i 'bras bu thob ste/ des bden pa mthong nas dga' ba'i tshig lan gsum du brjod de/ btsun pa bcom
172a1 ldan 'das kyis bdag gi khrag dang mchi ma'i rgya mtsho bskams pa dang rus pa'i la bsgral ba dang ngan song gi sgo rnams bcad pa dang mtho ris dang thar pa'i sgo rnams phye ba dang bdag lha dang mi rnams kyi nang du bzhag
172a2 pa 'di lta bu ni bdag la phas kyang ma bgyis mas kyang ma bgyis rgyal pos kyang ma bgyis lha rnams kyis kyang ma bgyis nang mi dang gnyen gyi tshogs rnams kyis kyang ma bgyis sngon gyi mtshun rnams kyis kyang ma bgyis dge sbyong
172a3 dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi mthu yis bcad/ /bsod nams rab ldan mtho ris 'gro ba phye/ /mya ngan 'das
172a4 pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brten nas thob/ /bdag ni sdug bsngal rgya mtsho pha rol rgal/ /'phags pa dgyes pa zhi ba'i go 'phang
172a5 thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /thub pa khyod ni deng mthong 'bras bu yod/ /de nas do shal 'phyang ba dga' gyur
172a6 te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha ltas lha yul song / /de nas sngon ma her gyur pa'i lha'i bu de tshong pa khe spogs
172a7 phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas
172a8 su song ngo / /de nas ma he rdzi de dag gis snang ba chen po de mthong ngo / /de mthong nas the tshom skyes te the tshom thams cad gcod pa sangs rgyas bcom ldan 'das la zhus pa/ bcom ldan 'das mdang sum
172b1 bcom ldan 'das kyi thad du mchis te/ lha'i 'od kyis snang bar bgyis pa de su zhig lags/ bcom ldan 'das kyis bka' stsal pa/ khyod kyi ma he de nga la sems dga' bar gyur te shi nas sum bcu rtsa gsum
172b2 pa'i lha yul bzang por skyes te/ de mdang sum nga'i thad du 'ongs nas ngas de la chos bstan te/ bden pa mthong bar gyur nas rang gi gnas su song ngo / /de nas ma he rdzi de dag mchog tu ya mtshan du gyur te ngo mtshar to/ /
172b3 dud 'gro'i skye gnas su skyes pa 'di yang dge ba'i bshes gnyen bcom ldan 'das dang phrad nas lha'i nang du skyes te/ bden pa mthong bar gyur nas dag cag gis ci ste khyad par thob par mi 'gyur snyam mo/ /de nas de
172b4 dag gis sangs rgyas bcom ldan 'das nyan thos kyi dge 'dun dang bcas pa zhal zas bzang pos tshim par byas nas bcom ldan 'das kyi thad du rab tu byung ste/ de dag gis brtson pa dang bsgrub pa dang 'bad pas nyon mongs pa
172b5 thams cad spangs nas dgra bcom pa nyid mngon sum du byas so/ /de nas dge slong dag the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa sngon ma her gyur pa'i lha'i bus
172b6 las gang dag bgyis na/ des ma her skyes lags las gang dag bgyis na des lha'i nang du skyes te bden pa mthong bar gyur lags/ ma he rdzi 'di rnams kyis ni las ci bgyis na des ma he rdzir gyur lags/ las
172b7 gang bgyis pas ni rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di dag nyid kyis sngon tshe rabs gzhan dag tu tshogs rnyed cing rkyen grub pa dang ldan te/
172b8 dba' rgal bzhin du byung la gdon mi za bar 'ongs pa'i las de dag byas shing bsags pas na/ de dag nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las
173a1 byas shing bsags pa rnams ni/ phyir rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge
173a2 ba byas shing bsags pa rnams ni/ zin pa'i phung po dang khams dang skye mched rnams 'ba' shig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus
173a3 la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i
173a4 sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung
173a5 zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de'i tshe dge slong dag gtan la 'bebs par byed pa na/ dge slong sde snod gsum pa zhig 'khor lnga brgya dang
173a6 gtan la 'bebs pa'i nang na 'dug go/ /de'i nang na slob pa dang mi slob pa'i dge slong dag kyang yod de/ de dag sde snod gsum pa la 'dri bar byed la/ des ni lan ma thebs pa dang / de khros nas ngag gi las rtsub po phyung
173a7 ste/ nags kyi ma he dang 'dra ba 'di dag ci shes zhes byas so/ /de'i slob ma rnams kyis kyang ma he rdzi dang 'dra ba 'di dag ci shes zhes smras so/ /bcom ldan 'das kyis bka' stsal pa/ dge slong dag ji snyam du sems/ dge
173a8 slong sde snod gsum pa gang yin pa de nyid ma he 'di yin no/ /slob ma de dag ni ma he rdzi 'di dag yin te/ las des na tshe rabs lnga brgyar ma her skyes so/ /slob ma rnams kyang ma he rdzi lnga brgyar gyur to/ /nga la sems dga' bar gyur
173b1 pa des ni lhar skyes so/ /dge slong gi dngos po thob ste tshul khrims bsrungs pas ni bden pa mthong ba dang dgra bcom nyid mngon sum du byas so/ /dge slong dag de bas na ngag gi nyes pa spang ba'i phyir 'bad par bya ste/ ci nas
173b2 ma he dang ma he rdzi rnams kyi nyes pa de lta bu dag 'byung bar mi 'gyur ba dang / lha'i bu de'i yon tan gyi tshogs de lta bu thob par 'gyur bar dge slong khyod kyis de ltar bslab par bya'o/ /bcom ldan 'das kyis de skad ces bka'
173b3 stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //bsnyen gnas zhes bya ba ni/ sangs rgyas bcom ldan 'das la rgyal po rnams dang blon po chen po
173b4 rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci
173b5 rnams dang lto 'phye chen po rnams kyis bkur sti byas bla mar byas ri mo byas mchod pa bya ste/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes
173b6 pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na
173b7 rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe sum bcu rtsa gsum pa'i lha'i nang na lha'i bu bsnyen gnas zhes bya ba zhig yod de/ de chos mnyan pa'i phyir rtag
173b8 tu bcom ldan 'das kyi thad du 'gro'o/ /de nas phyis re shig na lha'i bu bsnyen gnas g.yog 'khor lnga brgya dang bcas pa/ bcom ldan 'das ga la ba der song ste phyin nas bcom ldan 'das kyi zhabs la
174a1 mgo bos phyag 'tshal te/ chos mnyan pa'i phyir phyogs gcig tu 'dug go/ /de nas bcom ldan 'das kyis lha'i bu bsnyen gnas kyi bsam pa dang bag la nyal dang khams dang rang bzhin thugs su chud nas
174a2 'phags pa'i bden pa bzhi rtogs par 'gyur ba de lta bu'i chos bstan te/ de thos nas lha'i bu bsnyen gnas kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu
174a3 thob ste/ des bden pa mthong nas dga' ba'i tshig lan gsum du brjod de/ btsun pa bcom ldan 'das kyis bdag gi khrag dang mchi ma'i rgya mtsho bskams pa dang rus pa'i la bsgral ba dang ngan song gi sgo rnams bcad pa dang mtho ris
174a4 dang thar pa'i sgo rnams phye ba dang bdag lha dang mi rnams kyi nang du bzhag pa 'di lta bu ni bdag la phas kyang ma bgyis mas kyang ma bgyis rgyal pos kyang ma bgyis lha rnams kyis kyang ma bgyis nang mi dang gnyen gyi
174a5 tshogs rnams kyis kyang ma bgyis sngon gyi mtshun rnams kyis kyang ma bgyis dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod
174a6 kyi mthu yis bcad/ /bsod nams rab ldan mtho ris 'gro ba phye/ /mya ngan 'das pa'i lam yang bdag gis thob/ /bdag gis de ring nyes pa spangs pa'i mig /shin tu rnam dag khyod las brtan nas thob/ /bdag ni sdug
174a7 bsngal rgya mtsho pha rol rgal/ /'phags pa dgyes pa zhi ba'i go 'phang thob/ /mi mchog dbang po mi dang lhas mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /
174a8 thub pa khyod ni deng mthong 'bras bu yod/ /de nas do shal 'phyang ba dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha'i 'jig rten kha ltas lha yul song / /de nas lha'i bu bsnyen gnas tshong pa
174b1 khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa gang gis bcom ldan 'das kyi thad du 'ongs pa'i 'byor pa de nyid kyis rang gi gnas su song ngo / /de'i tshe dge
174b2 slong dag srod dang tho ras mi nyal bar brtson par lhur byed pa la gnas te de dag gis bcom ldan 'das kyi thad du snang ba chen po byung ba mthong ngo / /mthong nas kyang the tsom skyes te the tsom thams cad gcod pa sangs rgyas bcom ldan 'das
174b3 la zhus pa/ bcom ldan 'das ci lags/ mdang sum mi mjed kyi bdag po tshangs pa 'am lha'i dbang po brgya byin nam 'jig rten skyong ba bzhi bcom ldan 'das la blta ba'i slad du mchis lags sam/ bcom ldan 'das kyis bka' stsal pa/
174b4 dge slong dag mi mjed kyi bdag po tshangs pa 'am lha'i dbang po brgya byin nam 'jig rten skyong ba bzhi nga la blta ba'i phyir 'ongs pa ma yin gyi/ lha'i bu bsnyen gnas g.yog 'khor lnga brgya dang bcas pa nga la blta ba'i phyir 'ongs te ngas
174b5 de la chos bstan nas bden pa mthong bar gyur te/ rang gi gnas su song ngo / /de nas dge slong de dag the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa lha'i bu bsnyen gnas ga las
174b6 byung lags/ ming ni ci las btags lags/ bcom ldan 'das kyis bka' stsal pa/ dge slong dag khyed nyan par 'dod dam/ gsol pa/ btsun pa nyan par 'tshal lags so/ /bka' stsal pa/ dge slong dag 'o na legs
174b7 par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra
174b8 bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa
175a1 sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /phyis re shig na rgyal po kri ki bcom ldan 'das la
175a2 blta ba dang bsnyen bkur bya ba'i phyir song ngo / /de nas re shig na bram ze gnyis drang srong smra bar don zhig la song ba dang / de gnyis kyis rgyal po de rgyal po'i 'byor pa chen po dang rgyal po'i mthu stobs dang ldan pa mthong ngo / /de nas de gnyis
175a3 rgyal srid la 'dod pa skyes nas/ de gnyis kyis dge bsnyen zhig la dris te/ kye sangs rgyas kyi dge bsnyen las ci zhig byas na/ des ci bsams pa dang ci 'dod pa de dag thams cad 'grub par 'gyur zhes byas so/ /dge
175a4 bsnyen gyis smras pa/ gang gis bsnyen gnas yan lag brgyad pa yongs su dag par bsrungs pa de'i ni ci bsams pa dang ci 'dod pa de dag thams cad 'grub par 'gyur ro zhes byas so/ /de nas bram ze de gnyis kyis khyim bdag
175a5 chu stod las bsnyen gnas yan lag brgyad pa blangs te bsrungs so/ /de na gcig gis ni yongs su dag par bsrungs te/ de nas shi nas rgyal po kri ki'i bur skyes te/ de'i bu'i ming legs skyes shes btags nas pha shi ba'i
175a6 'og tu de rgyal por bcug go/ /gcig shos kyis ni bsnyen gnas nyams par byas te de ni shi nas klu'i nang du skyes te/ de'i steng du nyin cig bzhin du lan bdun bdun bye tshan bab ste des rus pa 'ba' zhig lus par byed do/ /
175a7 de nas de 'di snyam du sems te/ 'di las gang gi 'bras bu yin/ 'di las gang gi 'bras bu rnam par smin pa yin na/ des bdag gis 'di lta bu'i sdug bsngal myong zhing 'dug snyam mo/ /de nas des bsnyen gnas
175a8 yan lag brgyad dang ldan pa/ bdag gis blangs pa las bslab pa lhod par byas pa des 'di lta bu'i sdug bsngal bdag gis nyams su myong la gang gis blangs te bsrungs pa des ni rgyal srid thob par gyur to snyam mo/ /
175b1 yang de 'di snyam du sems te/ da yang bdag gis bsnyen gnas yan lag brgyad dang ldan pa bsrung bar bya'o/ /'on kyang bdag klu'i skye gnas las thar bar 'gyur yang srid do snyam mo/ /de nas bram ze'i cha lugs su bdag
175b2 nyid sprul nas/ rgyal po'i thad du song ste phyin nas/ rgyal po la rgyal bar gyur cig sku tshe ring bar shog cig ces bstod nas smras pa/ rgyal po chen po bsnyen gnas yan lag brgyad dang ldan pa bdag la 'tshal gyis
175b3 lha bsnyen gnas yan lag brgyad dang ldan pa bstsal du gsol/ gal te ma bstsal na gdon mi 'tshal bar lha'i dbu tshal pa bdun du 'gas par 'gyur ro zhes byas nas de nyid du mi snang bar gyur to/ /de nas rgyal
175b4 po 'jigs shing skrag ste/ mi dga' la skyi bung zhes byas nas gser 'bum yod pa'i snod rgyal mtshan gyi rtse mo la btags te/ bdag gi yul thams cad du dril bsgrags nas/ su nga la bsnyen gnas yan lag
175b5 brgyad dang ldan pa ston pa de la gser 'bum 'di sbyin no/ /bkur sti chen pos kyang bkur bar bya'o zhes bsgo'o/ /de nas re shig na shing mkhan gyi bu mo bud med rgan mo zhig 'dug pa des/ rgyal po la ka ba zhig bstan te/
175b6 sngon bdag gi pha rtag tu ka ba 'di la spos dang bdug pa dang me tog gis mchod pa bgyid na/ 'di phyung ste gzigs zhes byas so/ /de nas rgyal pos zham ring ba rnams la ka ba 'di phyung shig ces bsgo'o/ /de nas
175b7 rgyal po'i zhabs 'bring rnams kyis ka ba de phyung ba dang / de'i 'og nas bsnyen gnas yan lag brgyad dang ldan pa dang / dge bsnyen gyi bslab pa'i gzhi lnga dang byang chub kyi phyogs dang 'thun pa'i chos sum bcu rtsa bdun
175b8 gser gyi glegs bam la bris pa zhig rnyed do/ /de nas rgyal pos klu de la bsnyen gnas yan lag brgyad dang ldan pa bris te byin to/ /drang srong smra ba na gnas pa'i drang srong khri nyis stong gis kyang byang chub kyi phyogs dang mthun
176a1 pa'i chos sum bcu rtsa bdun mngon sum du byas so/ /klu des kyang bsnyen gnas yan lag brgyad dang ldan pa bsrungs nas thang la phyung ste lus bor nas kha 'tshos te 'dug go/ /de nas de shi ste g.yog
176a2 'khor lnga brgya dang bcas te/ sum bcu rtsa gsum pa'i lha yul bzang por skyes so/ /dge slong dag bsnyen gnas ni de las byung ste ming yang de las btags so/ /bcom ldan 'das kyis de skad ces bka' stsal nas/ dge slong de dag yi rangs te/
176a3 bcom ldan 'das kyis gsungs pa la mngon par bstod do// //ngang pa zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi
176a4 rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur
176a5 sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bson
176a6 nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag
176a7 mgon med zas sbyin gyi kun dga' ra ba na bzhugs so/ /de'i tshe mnyan du yod pa na ko sa la'i rgyal po gsal rgyal rgyal po byed de/ de'i ring la 'byor pa dang rgyas pa dang bde ba dang lo legs pa dang skye bo dang mi
176a8 mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad rnams med pa dang 'bras sA lu dang bu ram shing dang ba lang dang ma he dang ldan par 'dug ste/ gnod pa med
176b1 cing tsher ma dkrugs la bu gcig pa la bya ba bzhin du rgyal srid skyangs so/ /phyis re shig na ko sa la'i rgyal po gsal rgyal bcom ldan 'das la blta ba dang bsnyen bskur bya ba'i phyir rgyal bu rgyal byed kyi tshal du song ba dang / pany+tsa la'i
176b2 rgyal pos/ ko sa la'i rgyal po gsal rgyal la ngang pa lnga brgya skyes su bskur te/ gang gi tshe rgyal po rgyal bu rgyal byed kyi tshal du song ba de'i tshe ngang pa lnga brgya po de dag phul lo/ /de nas rgyal po gsal rgyal gyis ngang pa de dag la
176b3 mi 'jigs pa byin te/ rgyal bu rgyal byed kyi tshal de nyid du btang nas/ gang gi tshe bcom ldan 'das nyan thos chen po'i 'khor dang bcas pa bshos gsol zhing bzhugs pa de'i tshe/ ngang pa de dag bcom ldan 'das kyi thad du 'gro la/ bcom
176b4 ldan 'das dang nyan thos chen po de dag gis kyang de rnams la khyos ma byin te/ de dag gis zos nas tshim zhing mgu la dbang po rtas te 'khod do/ /gang gi tshe bcom ldan 'das nang du yang dag 'jog las bzhengs nas/ 'khor
176b5 bzhi po de dag la chos ston pa de'i tshe/ ngang pa de dag bcom ldan 'das kyi thad du dong ste chos nyan par byed do/ /de nas de dag tshe thung ste/ shi nas sum bcu rtsa gsum pa'i lha yul bzang por skyes so/ /lha'i bu 'am lha'i bu mo skyes
176b6 nas ring po ma lon pa ni chos nyid kyis sems rnam pa gsum skye bar 'gyur te/ gang nas shi 'phos gang du skyes las gang gis skyes snyam mo/ /de nas ngang pa las shi 'phos pa dang sum bcu rtsa gsum pa'i lha
176b7 yul bzang por skyes pa dang / bcom ldan 'das la sems dga' bar gyur pa de dag gis mthong ngo / /de nas sngon ngang par gyur pa'i lha'i bu rnams 'di snyam du sems te/ bdag cag zhag lon nas bzod bcom
176b8 ldan 'das la blta ba'i phyir 'gro ba ni bdag gi cha ma yin gyis/ bdag cag zhag ma lon par bcom ldan 'das la blta ba'i phyir 'gro'o snyam mo/ /de nas sngon ngang par gyur pa'i lha'i bu rna cha gdub kor dag cing 'gul ba thogs pa/ lus do shal dang se mo
177a1 dos brgyan pa/ nor bu rin po che sna tshogs kyis brgyan pa'i cod pan can/ lus gur gum dang ta ma la'i lo ma dang ka la sogs pas byugs pa de dag gis de nyid kyi mtshan mo lha'i me tog ud pa la dang pad
177a2 ma dang ku mu da dang pad ma dkar po dang man dA ra rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te chos mnyan pa'i phyir bcom ldan 'das
177a3 kyi spyan sngar 'khod do/ /de nas bcom ldan 'das kyis sngon ngang par gyur pa'i lha'i bu rnams kyi bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta
177a4 bu'i chos bstan te/ de thos nas sngon ngang par gyur pa'i lha'i bu rnams kyis/ 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu thob ste/ de dag gis bden pa
177a5 mthong nas dga' ba'i tshig lan gsum du brjod de/ btsun pa bcom ldan 'das kyis bdag cag gi khrag dang mchi ma'i rgya mtsho bskams pa dang rus pa'i la bsgral ba dang ngan song gi sgo rnams bcad pa dang mtho ris dang thar
177a6 pa'i sgo rnams phye ba dang bdag cag lha dang mi'i nang du bzhag pa 'di lta bu ni bdag cag la phas kyang ma bgyis mas kyang ma bgyis rgyal pos kyang ma bgyis lha rnams kyis kyang ma bgyis nang mi dang gnyen gyi
177a7 tshogs rnams kyis kyang ma bgyis sngon gyi mtshun rnams kyis kyang ma bgyis dge sbyong dang bram ze rnams kyis kyang ma bgyis lags so/ /yang smras pa/ nyes pa mang por ldan pa'i ngan song lam/ /shin tu mi bzad khyod kyi
177a8 mthu yis bcad/ /bsod nams rab ldan mtho ris 'gro ba phye/ /mya ngan 'das lam bdag cag rnams kyis thob/ /bdag cag de ring nyes pa spangs pa'i mig /shin tu rnam dag khyod las brten nas thob/ /bdag cag
177b1 sdug bsngal rgya mtsho pha rol rgal/ /'phags pa dgyes pa'i zhi ba'i go 'phang thob/ /mi mchog dbang po lha dang mis mchod pa/ /skye dang rga dang 'chi ba'i nad spangs pa/ /srid pa stong du mthong bar dka' ba yi/ /
177b2 thub pa khyod ni deng mthong 'bras bu yod/ /de nas do shal 'phyang rnams dga' gyur te/ /btud cing zhabs gnyis la ni phyag 'tshal nas/ /dgra thub la ni bskor ba byas nas kyang / /lha yi 'jig rten kha bltas lha yul song / /
177b3 de nas sngon ngang par gyur pa'i lha'i bu rnams tshong pa khe spogs phyin pa dang zhing pa 'bru rgyal bar gyur pa dang dpa' bo g.yul las rgyal ba dang nad pa nad thams cad las thar ba bzhin du 'byor pa gang gis/ bcom ldan 'das kyi thad
177b4 du lhags pa'i 'byor pa de nyid kyis rang gi gnas su song ngo / /de'i tshe dge slong srod dang tho ras mi nyal bar brtson pa lhur byed pa la gnas te/ de dag gis bcom ldan 'das kyi thad du snang ba chen po byung ba mthong ngo / /mthong bas kyang the
177b5 tsom skyes te/ the tsom thams cad bcod pa sangs rgyas bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi bcom
177b6 ldan 'das la blta ba'i slad du mchis lags sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi nga la blta ba'i phyir 'ongs
177b7 pa ma yin no/ /dge slong dag ko sa la'i rgyal po gsal rgyal gyis/ ngang pa lnga brgya 'dir btang ba khyod kyis mthong ngam/ btsun pa mthong lags so/ /bka' stsal pa/ de dag nga la sems dga' bar gyur te/ shi nas sum
177b8 bcu rtsa gsum pa'i lha yul bzang por skyes te/ de dag mdang sum nga'i thad du lhags nas de dag la ngas chos bstan te bden pa mthong bar gyur nas rang gi gnas su dong ngo / /de nas dge slong dag the tsom skyes te the tsom thams
178a1 cad gcod pa sangs rgyas bcom ldan 'das la zhus pa/ btsun pa sngon ngang par gyur pa'i lha'i bu rnams kyis las gang dag bgyis na des ngang par skyes lags/ las gang dag bgyis na des lha'i nang du skyes te bden pa
178a2 mthong lags/ bcom ldan 'das kyis bka' stsal pa/ dge slong dag 'di dag nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing
178a3 bsags pas na/ sngon ngang par gyur pa'i lha'i bu rnams kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam
178a4 par smin par mi 'gyur chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig
178a5 la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/
178a6 bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu
178a7 gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /
178a8 de'i tshe 'di dag rab tu byung ba las bslab pa la lhod par byas pa des ni ngang par skyes so/ /nga la sems dga' bar byas pa des ni lhar skyes so/ /bslab pa lhag ma rnams bsrungs pa des ni bden pa mthong bar gyur to/ /
178b1 dge slong dag de bas na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par
178b2 dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par
178b3 dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa
178b4 la mngon par bstod do/ /gang po la sogs pa'i/ rtogs pa brjod pa brgya pa las sdom gyi tshigs su bcad pa drug pa rdzogs s+ho// // sdom ni/ gser 'od dang ni dri zhim dang / /byad bzang stobs
178b5 ldan sdu gu dang / /pad ma mig dang rnga sgra dang / /bu dang nyi ma gyad pa dan/ /gser 'od ces bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang
178b6 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur lti byas bla mar
178b7 byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa
178b8 na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i
179a1 gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam
179a2 pa las chung ma blangs nas de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas de zla ba brgyad dam dgu lon pa dang bu byung ste khye'u gzugs bzang
179a3 zhing blta na sdug la mdzes pa mi'i kha dog las ni 'das lha'i kha dog ni ma thob pa 'dzam bu chu bo'i gser gyi mdog 'dra ba zhig btsas te/ de'i gser gyi 'od kyis grong khyer ser skya'i gnas thams cad snang bar byas
179a4 so/ /de nas pha ma dang sems can gzhan dag gis de mthong nas ltad mo la lhags te sems can gyi khyad par 'di lta bu ni ga las 'ongs zhi gu zhes mchog tu ngo mtshar du gyur nas sems pa la zhugs so/ /de nas de btsas
179a5 pa'i btsas ston byas nas khye'u 'di'i ming ji skad gdags shes ming 'dogs par byed de/ nye du rnams na re 'di btsas pa na grong khyer ser skya'i gnas thams cad gser gyi 'od kyis snang bar byas pas na/ de'i phyir khye'u 'di'i ming
179a6 gser 'od ces gdags so zhes zer ro/ /de nas khye'u gser 'od pang na 'tsho ba'i ma ma gnyis dang nu ma snun pa'i ma ma gnyis dang dri ma 'bru ba'i ma ma gnyis dang rtse ba'i ma ma gnyis te ma ma brgyad la btad nas/ de ma ma brgyad kyis 'o ma dang
179a7 zho dang mar dang zhun mar dang mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang mkhas shing gsal la yid bzhungs pa dang dad pa dang ldan la
179a8 dge zhing bsam pa bzang ba/ bdag dang gzhan la phan pa la zhugs pa snying rje can bdag nyid che ba chos 'dod pa zhig go/ /phyis re shig na/ de byad gzugs kyis rgyags pas myos te grong khyer gyi phyi rol na rtse zhing 'dug go/ /
179b1 shAkya mang po dag cig kyang shing n+ya gro d+hA'i kun dga' ra bar dong ngo / /de nas khye'u gser 'od kyis mthong nas dris pa khyod gar 'dong / de dag gis smras pa/ sangs rgyas bcom ldan 'das la blta ba'i phyir
179b2 shing n+ya gro d+hA'i kun dga' ra bar 'gro'o/ /de nas khye'u gser 'od kyis sangs rgyas zhes bya ba thos te/ sngon ma thos pa'i ming thos nas spu thams cad zing zhes byas te/ mchog tu ngo mtshar du gyur nas de 'di snyam du
179b3 sems te/ ma la bdag kyang sangs rgyas bcom ldan 'das blta ba'i phyir 'gro gor ma chag snyam nas de yang shing n+ya gro d+hA'i kun dga' ra bar song ba dang / khye'u gser 'od kyis sangs rgyas bcom ldan 'das sku skyes bu
179b4 chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu
179b5 kun nas bzang ba mthong nas/ mthong ma thag tu byad gzugs kyis rgyags pa med par gyur te/ bcom ldan 'das kyi zhabs la phyag 'tshal nas/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis
179b6 de la chos bstan nas/ des chos de thos pa dang rab tu 'byung bar 'dod par gyur to/ /de nas re shig na pha ma la gsol nas/ bcom ldan 'das kyi thad du song ste phyin nas bcom ldan 'das kyi zhabs la mgo bos phyag 'tshal te/ bcom
179b7 ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu byung ba dang bsnyen par rdzogs shing dge slong gi dngos
179b8 po 'thob du rung na bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis phyag gser gyi kha dog can glang po che'i sna ltar 'dug pa brkyang nas/ khye'u gser 'od
180a1 la 'di skad ces bka' stsal to/ /gzhon nu tshur shog tshangs par spyod cig /de skad ces bka' stsal pa'i mod la skra dang kha spu bregs nas zhag bdun lon pa tsam du gyur/ spyod lam ni
180a2 bsnyen par rdzogs nas lo brgya lon pa lta bur 'dug par gyur/ lag na ni lhung bzed dang chu snod thogs par gyur to/ /'dir smras pa/ de bzhin gshegs pas tshur zhes bka' stsal pas/ /de ni mgo bregs
180a3 lus la snam sbyar gyon/ /sangs rgyas kyi ni dgongs pas gos bgos nas/ /mod la dbang po rab tu zhi bar gnas/ /de nas bcom ldan 'das kyi spyan sngar 'dug nas/ bcom ldan 'das kyis de la yid la byed pa'i
180a4 lung phog ste/ des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig
180a5 pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam
180a6 pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob
180a7 pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te the tsom thams cad
180a8 gcod pa sangs rgyas bcom ldan 'das la zhus pa/ btsun pa gser 'od kyis las gang dag bgyis na/ des 'di ltar gzugs bzang zhing lta na sdug la mdzes pa dang rab tu byung nas dgra bcom pa nyid mngon
180b1 sum du bgyis lags/ bcom ldan 'das kyis bka' stsal pa/ dge slong dag gser 'od nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za
180b2 bar 'ong ba'i las de dag byas shing bsags pas na/ gser 'od nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol
180b3 gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang
180b4 khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/
180b5 dge slong dag sngon byung ba 'das pa'i dus na bskal pa dgu bcu rtsa gcig pa la/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/
180b6 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal
180b7 po'i pho brang gnyen ldan na rten cing bzhugs pa las re shig na yang dag par rdzogs pa'i sangs rgyas rnam par gzigs/ sangs rgyas kyi phrin las thams cad mdzad nas/ shing zad pa'i me
180b8 bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyan yod kyis/ bcom ldan 'das kyi sku gdung la sku gdung gi mchod pa byas nas/ rin po che
181a1 sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ mchod rten gyi dus ston yang lugs btod do/ /de nas re shig na khyim bdag gcig mchod
181a2 rten gyi dus ston byed pa der song ba las mchod rten de las gser gyi me long zhig lhung ba des mthong nas/ des de'i rna ba'i gong rgyan du bcos nas/ mchod rten de la btags te/ spos dang bdug pa dang me tog gis mchod nas zhabs la phyag
181a3 'tshal te smon lam btab pa/ bdag gis kyang yon tan 'di lta bu dag thob par gyur cig /ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/
181a4 dge slong dag ji snyam du sems/ de'i tshe de'i dus na khyim bdag du gyur pa gang yin pa de ni khye'u gser 'od 'di yin te/ des yang dag par rdzogs pa'i sangs rgyas rnam par gzigs kyi mchod rten la bkur sti byas pa des na 'di lta bur
181a5 byad gzugs kyi khyad par can du gyur to/ /smon lam btab pa des ni tshe 'di la dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig
181a6 tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge
181a7 slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /
181a8 bcom ldan 'das kyis de skad ces bka' stsal nas/ dge slong de dag yid rangs te bcom ldan 'das kyis gsungs pa la mngon par bstod do// //dri zhim zhes bya ba ni/ sangs rgyas bcom ldan 'das la
181b1 rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci
181b2 rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan
181b3 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa yul ser skya'i gnas na shing n+ya gro d+hA'i kun dga' ra ba na
181b4 bzhugs so/ /de'i tshe ser skya'i gnas na khyim bdag phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa
181b5 zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/
181b6 de zla ba brgyad dam dgu lon pa dang bu byung ste/ khye'u gzugs bzang zhing blta na sdug la mdzes pa mi'i kha dog las ni 'das/ lha'i kha dog ni ma thob pa zhig btsas te/ de'i kha nas
181b7 me tog ud pa la'i dri 'byung la/ lus thams cad las ni tsan dan gyi dri 'byung ngo / /de nas de btsas pa'i btsas ston byas nas khye'u 'di'i ming ji skad gdags zhes ming 'dogs par byed de/ de'i nye du rnams
181b8 na re 'di'i kha nas ud pa la'i dri byung la/ lus thams cad nas tsan dan gyi dri byung bas na de'i phyir khye'u 'di'i ming dri zhim zhes gdags so zhes zer ro/ /de nas khye'u dri zhim pang na 'tsho ba'i ma ma gnyis
182a1 dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang mar gyi snying khu dang gzhan yang
182a2 yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du skye drag par gyur to/ /de yang sngon gyi rgyu'i stobs kyi shugs kyis dad pa dang ldan la/ dge zhing bsam pa bzang la bdag dang gzhan
182a3 la phan pa la zhugs pa/ snying rje can bdag nyid che la chos 'dod pa zhig ste/ gang gi tshe khye'u dri zhim zhing dpung rgyan dang mgul pa'i do shal dang gdu bus brgyan te srang gi nang du zhugs pa de'i tshe/ tsan dan gyi dri bsung gis
182a4 grong khyer thams cad khyab par gyur te/ skye bo mang pos kyang lha'i spos kyi dri tshor nas mchog tu ya mtshan du 'dzin te/ 'di skad du/ kye ma bsod nams dag gi mthu zhes zer ro/ /phyis re shig na khye'u dri zhim n+ya gro d+hA'i
182a5 kun dga' ra bar song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang
182a6 gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom
182a7 ldan 'das kyi zhabs la mgo bos phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin thugs su chud
182a8 nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u dri zhim gyis 'jig tshogs la blta ba'i ri'i rtse mo mthon po nyi shu ye shes rdo rjes bcom nas rgyun tu
182b1 zhugs pa'i 'bras bu mngon sum du byas te/ des bden pa mthong nas pha ma la gsol te bcom ldan 'das kyi bstan pa la rab tu byung ngo / /des brtson pa dang bsgrub pa dang 'bad pas phol mig lnga pa'i 'khor ba'i 'khor
182b2 lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom
182b3 pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar
182b4 gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis
182b5 mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa dri zhim gyis las gang dag bgyis na/ des
182b6 'di'i kha nas ni ud pa la'i dri 'byung la/ lus thams cad nas ni tsan dan gyi dri 'byung bar 'gyur lags/ bcom ldan 'das kyis bka' stsal pa/ dge slong dag dri zhim nyid kyis sngon tshe rabs gzhan dag tu tshogs rnyed cing rkyen grub pa dang
182b7 ldan te/ dba' rgal bzhin du byung la/ gdon mi za bar 'ong ba'i las de dag byas shing bsags pas na/ dri zhim nyid kyis las byas shing bsags pa de dag gzhan su zhig gis nyams su myong bar 'gyur te/
182b8 dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang / rlung gi khams la rnam par smin par
183a1 mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar
183a2 yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs
183a3 pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs
183a4 zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las re shig na/ yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing
183a5 zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyan yod kyis bcom ldan 'das kyi sku gdung la sku gdung gi mchod pa byas nas/ rin po
183a6 che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ mchod rten gyi dus ston yang lugs btod do/ /khyim bdag gcig
183a7 gis kyang de la dad pa bskyed nas/ spos dang byug pa rnam pa sna tshogs phul te/ bdug pa dang me tog gis mchod nas smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba
183a8 'dis na/ bdag gis kyang yon tan 'di lta bu dag thob par gyur cig /ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/
183b1 dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni khye'u dri zhim 'di yin te/ des yang dag par rdzogs pa'i sangs rgyas rnam par gzigs kyi mchod rten la bkur sti byas pa des
183b2 na 'di lta bur dri zhim por gyur to/ /smon lam btab pa des ni tshe 'di la dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges
183b3 par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na
183b4 las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das
183b5 kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po
183b6 bcwa lnga pa/ byad bzang zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang
183b7 lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang
183b8 klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims
184a1 cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na/ shAkya
184a2 phyug cing nor mang la longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa rnam thos kyi bu'i nor dang 'gran pa zhig gnas pa de/ rigs mnyam pa las chung ma blangs nas de de dang lhan cig
184a3 tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing lta na sdug la mdzes pa mi'i
184a4 kha dog las ni 'das/ lha'i kha dog ni ma thob pa/ lus byad dpe med la mdog 'jam pa/ lus kyi bdun mtho ba/ che bar grags pa zhig btsas so/ /de nas de btsas pa'i btsas ston byas nas/ khye'u 'di'i
184a5 ming ji skad gdags zhes ming 'dogs par byed de/ nye du rnams na re 'di'i lus dpe med pas na de'i phyir khye'u 'di'i ming byad bzang zhes gdags so zhes zer ro/ /de nas khye'u byad bzang pang na 'tsho ba'i ma ma gnyis
184a6 dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang mar gyi nying khu dang gzhan yang yo byad gyi
184a7 khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la dge ba bsam pa bzang ba/ bdag dang gzhan la phan pa la zhugs pa/ snying rje can
184a8 bdag nyid che ba chos 'dod pa zhig ste/ 'jig rten thams cad dang tha na mi ma yin pa rnams kyis kyang mchod cing rjed pa dang gus par smra ba'i gnas su gyur to/ /des sa phyogs gang du gom pa bor ba de dag
184b1 kyang gtsang mar gyur te/ de ltar bsod nams dang ldan zhing che bar grags so/ /phyis re shig na de shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum bcu rtsa gnyis kyis
184b2 legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong
184b3 ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas
184b4 bcom ldan 'das kyis de'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u byad bzang gis 'jig
184b5 tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan pa la rab
184b6 tu byung ngo / /des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad bsnyil ba dang ltung ba dang rnam par
184b7 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar
184b8 gyur nas gser dang bong bar mnyam pa nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang so so yang dag
185a1 par rig pa thob pa/ srid pa'i rnyed pa dang chags pa dang bkur sti la mi lta ba dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong rnams the
185a2 tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa byad bzang gis las gang dag bgyis na/ des 'di'i lus 'di lta bur gyur la dgra bcom pa nyid thob par gyur lags/
185a3 bcom ldan 'das kyis bka' stsal pa/ dge slong dag byad bzang nyid kyis/ sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du byung la/ gdon mi za bar 'ong ba'i las de dag byas shing bsags
185a4 pas na byad bzang nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/
185a5 chu'i khams dang me'i khams dang rlung gi khams la rnam par smin par mi 'gyur te las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /
185a6 lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu
185a7 rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu gdul bya'i kha lo sgyur
185a8 ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re shig na yang dag par
185b1 rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i dbyings su yongs su mya ngan las 'das so/ /de nas rgyal po gnyen yod kyis
185b2 bcom ldan 'das kyi sku gdung la/ sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/
185b3 der rgyal po gnyen yod gnyen gyi tshogs dang bcas pa dang / blon po'i tshogs kyis zhabs 'bring byas pas mchod rten gyi dus ston byas so/ /phyis re shig na nyi ma gcig cig /mi dbul po zhig mchod rten gyi
185b4 'khor sa'i nang du song nas des de la me tog rnyis pa dag dang / mchod rten rdul gyis yog pa dag mthong ngo / /de nas des sangs rgyas kyi yon tan rjes su dran nas dad pa skyes te/ phyags ma blangs nas mchod rten
185b5 yang phyags me tog rnyings pa yang bsal to/ /de nas mchod rten la rdul med cing dri ma med pa mthong nas/ dga' ba skyes te zhabs la phyag 'tshal nas/ smon lam btab pa/ dge ba'i rtsa ba dang sems bskyed pa
185b6 'dis na bdag gis kyang yon tan 'di lta bu dag thob par gyur cig ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge
185b7 slong dag ji snyam du sems/ de'i tshe de'i dus na mi dbul por gyur pa gang yin pa de ni/ byad bzang 'di yin te/ des mchod rten la phyag dar byas pas na byad gzugs bzang por gyur to/ /smon lam btab pa des ni tshe
185b8 'di nyid la dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni
186a1 rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren
186a2 ma rnams spangs la/ las gcig tu nges par dkar ba rnams 'ba' shig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs
186a3 te/ bcom ldan 'das kyis gsungs pa la mngon par bstod do// //stobs ldan zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi
186a4 rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar
186a5 byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa
186a6 na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe
186a7 ser skya'i gnas na shAkya phyug cing nor mang la/ longs spyod che ba yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam
186a8 pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/
186b1 khye'u gzugs bzang zhing lta na sdug la mdzes pa/ stobs kyi shugs gzhan las 'phags pa zhig btsas so/ /de nas de btsas pa'i btsas ston byas nas/ khye'u 'di'i ming ji skad gdags zhes ming 'dogs par byed
186b2 de/ nye du rnams na re khye'u 'di'i stobs kyi shugs dang ldan pas na/ de'i phyir khye'u 'di'i ming stobs ldan zhes gdags so zhes zer ro/ /de nas khye'u stobs ldan pang na 'tsho ba'i ma ma gnyis dang nu ma snun pa'i
186b3 ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang mar gyi nying khu dang gzhan yang yo byad kyi khyad par bzang ngo cog
186b4 gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la dge zhing bsam pa bzang la/ bdag la phan pa dang gzhan la phan pa la zhugs pa snying rje can bdag nyid che ba chos
186b5 'dod pa zhig go/ /de nas phyis re shig na/ de shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/
186b6 dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das
186b7 la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang
186b8 bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u stobs ldan gyis 'jig tshogs la lta ba'i ri'i rtse mo mthon po nyi shu
187a1 ye shes rdo rjes bcom nas rgyun tu zhugs pa'i 'bras bu mngon sum du byas te des bden pa mthong nas/ pha ma la gsol te bcom ldan 'das kyi bstan pa la rab tu byung ste/ des brtson pa dang bsgrub pa dang 'bad pas
187a2 phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad
187a3 spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/
187a4 tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa dang / srid pa'i rnyed pa dang chags pa dang bkur sti la mi lta ba / dbang po
187a5 dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/
187a6 btsun pa stobs ldan gyis las gang dag bgyis na/ des 'di'i lus stobs dang ldan par gyur la dgra bcom pa nyid thob par gyur lags/ bcom ldan 'das kyis bka' stsal pa/ dge slong dag stobs ldan nyid
187a7 kyis/ sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ stobs ldan nyid kyis las byas shing bsags
187a8 pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la
187b1 rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ lus can dag gi las rnams ni/
187b2 bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra
187b3 bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa lha dang mi rnams kyi ston pa sangs rgyas
187b4 bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re shig na yang dag par rdzogs pa'i sangs rgyas rnam par gzigs sangs
187b5 rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis/ bcom
187b6 ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la 'phang du rgyang grags gcig yod pa zhig brtsigs te/ mchod rten
187b7 gyi dus ston byed pa der skye bo phal po ches glu blangs gar byas pas mchod rten rdul gyis yog par gyur to/ /phyir re shig na khyim bdag cig mchod rten gyi 'khor sa'i nang du song ba dang des mchod rten gyi 'khor sa rdul gyis yog pa
187b8 mthong ngo / /de nas khyim bdag des sangs rgyas kyi yon tan rjes su dran nas dad pa skyes te/ spos kyi 'de gu til mar dang sbyar ba phul nas smon lam btab pa/ bdag gis kyang yon tan 'di lta bu dag thob par gyur cig /ston
188a1 pa 'di lta bu dag mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag tu
188a2 gyur pa gang yin pa de ni stobs ldan 'di yin te/ des bcom ldan 'das rnam par gzigs kyi mchod rten la bkur sti byas pa des na stobs dang ldan par gyur to/ /smon lam btab pa des ni da ltar dgra bcom pa nyid mngon
188a3 sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang
188a4 gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las
188a5 gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis
188a6 gsungs pa la mngon par bstod do// //sdu gu zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong
188a7 dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas
188a8 mchod pa byas te lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas
188b1 dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor
188b2 mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig
188b3 tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing lta na sdug la mdzes pa/ che bar
188b4 grags pa mthong na dga' ba zhig btsas te de btsas pa na/ grong khyer ser skya'i gnas thams cad grags pas rgyas par gyur to/ /de nas de btsas pa'i btsas ston byas nas khye'u 'di'i ming ji skad gdags zhes ming 'dogs
188b5 par byed de/ nye du rnams na re khye'u 'di btsas ma thag tu skye bo thams cad kyi snying du sdug pas na/ de'i phyir khye'u 'di'i ming sdu gu zhes gdags so zhes zer ro/ /de nas khye'u sdu gu pang na 'tsho ba'i ma ma
188b6 gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang mar gyi nying khu dang gzhan
188b7 yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la dge zhing bsam pa bzang ba/ bdag la phan pa dang gzhan la phan pa la zhugs
188b8 pa snying rje can bdag nyid che ba/ chos 'dod pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ gtong ba chen po la gnas pa zhig ste/ des dge sbyong dang bram ze dang bkren pa dang sdug cing phongs pa
189a1 rnams la sbyin pa rnam pa sna tshogs gtong bas sdud par byed do/ /de nas phyis re shig na khye'u sdu gu shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan
189a2 sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas
189a3 bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal te chos mnyan pa'i phyir bcom ldan 'das kyi spyan sngar
189a4 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u
189a5 sdu gus 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan pa la
189a6 rab tu 'byung ngo / /des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par
189a7 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam
189a8 pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/
189b1 srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams
189b2 cad gcod pa sangs rgyas bcom ldan 'das la zhus pa/ btsun pa sdu gus las gang dag bgyis na/ des 'di grags pa chen po dang ldan pa dang sdug cing yid du 'ong bar gyur la/ rab tu byung nas dgra bcom pa nyid mngon
189b3 sum du bgyis lags/ bcom ldan 'das kyis bka' stsal pa/ dge slong dag sdu gu nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la/ gdon mi za bar
189b4 'ong ba'i las de dag byas shing bsags pas na/ sdu gu nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i
189b5 khams la rnam par smin par mi 'gyur ro/ /chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang khams dang
189b6 skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung
189b7 ba 'das pa'i dus na bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu
189b8 gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/
190a1 re shig na yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su
190a2 mya ngan las 'das so/ /de nas rgyal po gnyen yod kyis/ bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod
190a3 la/ 'phang du rgyang grags gcig yod pa zhig brtsigs so/ /de nas phyis re shig na dpyid kyi dus su shing rnams me tog rgyas te me tog rnam pa sna tshogs byung ba na/ khyim bdag gcig gis rgyal po la gsol
190a4 pa/ bdag ni lha dang lhan cig tu bcom ldan 'das rnam par gzigs kyi mchod rten la me tog gdags par 'tshal lo/ /rgyal pos smras pa/ de ltar gyis shig /de nas khyim bdag de dang rgyal po dang blon
190a5 po dang zhabs 'bring ba rnams kyis dril bsgrags te/ me tog rnam pa sna tshogs sta gon byas nas/ bcom ldan 'das rnam par gzigs kyi mchod rten la me tog btags te/ der srog chags 'bum phrag du ma
190a6 sems dga' ba skyes nas/ dge ba'i rtsa ba rnams yang dag par bskyed do/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni sdu
190a7 gu 'di yin te/ des skye bo phal po che dang lhan cig tu dge ba'i rtsa ba rnams bskyed pa des na/ skye bo phal po che'i snying du sdug cing yid du 'ong ba'i rgyur gyur la/ rgyu de nyid kyis na lta na sdug cing mdzes par gyur te/ dgra bcom
190a8 pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa
190b1 yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la las
190b2 gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das
190b3 kyis gsungs pa la mngon par bstod do// //pad ma'i mig ces bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong
190b4 dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te lha dang klu dang
190b5 gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha dang gdan dang snyun gsos
190b6 dang sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang ba longs spyod che ba/ yongs su 'dzin pa
190b7 yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /
190b8 de rtse zhing dga' la dga' mgur spyod pa las chung ma la bu chags nas de zla ba brgyad dam dgu lon pa dang bu byung ste/ khye'u gzugs bzang zhing lta na sdug la mdzes pa mig pad ma sngon po 'dra ba/ mgo bo
191a1 la lha'i nor bu rin po che mthon ka thogs pa zhig btsas te/ des grong khyer ser skya'i gnas thams cad nor bu mthon ka'i kha dog can du byas so/ /de nas de btsas pa'i btsas ston byas
191a2 nas/ khye'u 'di'i ming ji skad gdags zhes ming 'dogs par byed de/ nye du rnams na re khye'u 'di mig pad ma dang 'dra bas na/ de'i phyir khye'u 'di'i ming pad ma'i mig ces gdags so zhes zer ro/ /
191a3 de nas khye'u pad ma'i mig pang na 'tsho ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te/ ma ma brgyad la gtad nas de ma ma brgyad kyis 'o ma dang
191a4 zho dang mar dang zhun mar dang mar gyi nying khu dang gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la/ dge zhing bsam pa
191a5 bzang ba bdag la phan pa dang gzhan la phan pa la zhugs pa/ snying rje can bdag nyid che ba chos 'dod pa gtong ba la sred pa sbyin pa la dga' ba rab tu sbyin pa la mngon par dga' ba gtong ba chen po la gnas pa zhig ste/
191a6 de gang dang gang du 'gro ba de dang der lha dang mi rnams kyis mchod cing rjed do/ /de nas phyi zhig na khye'u pad ma'i mig shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu
191a7 chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas
191a8 bzang ba mthong ngo / /mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir/ bcom ldan 'das kyi spyan
191b1 sngar 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u pad ma'i
191b2 mig gis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu mngon du byas te des bden pa mthong nas sbyin pa dang rab tu sbyin pa dag byin te/ dge slong dang bram ze dang bkren pa
191b3 dang sdug cing phongs pa rnams tshim par byas nas pha ma la gsol te/ bcom ldan 'das kyi bstan pa la rab tu byung ste/ des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par
191b4 rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra
191b5 bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs
191b6 bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba dbang po dang nye dbang dang bcas pa'i lha rnams kyis mchod cing rjed pa dang gus par smra ba'i
191b7 gnas su gyur to/ /de nas re shig na de bsod snyoms la song ba dang / skye bo phal po ches de la bltas nas ngo mtshar bar gyur to/ /de nas pad ma'i mig bcom ldan 'das kyi thad du song nas/ bcom ldan 'das
191b8 la gsol pa/ bcom ldan 'das kyis ci nas bdag gi nor bu rin po che ma mchis par mdzad du gsol/ bcom ldan 'das kyis bka' stsal pa/ bu 'di ni las las skyes pa yin pas na nor bu rin po che
192a1 med par bya mi nus so/ /de lta mod kyis ci nas dad pa dang ldan pa rnams kyis ni mthong la/ ma dad pa rnams kyis ni mi mthong bar bya'o/ /de nas bcom ldan 'das kyis de bzhin du mdzad do/ /
192a2 de nas dge slong dag the tsom skyes te the tsom thams cad gcod pa/ sangs rgyas bcom ldan 'das la zhus pa/ btsun pa pad ma'i mig gis las gang dag bgyis na/ des 'di che bar grags pa dang dgra bcom pa nyid
192a3 thob par gyur lags/ bcom ldan 'das kyis bka' stsal pa/ pad ma'i mig nyid kyis sngon tshe rabs gzhan dag du tshogs rnyed cing rkyen grub pa dang ldan te dba' rgal bzhin du byung la/ gdon mi za bar
192a4 'ong ba'i las de dag byas shing bsags pas na/ pad ma'i mig nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa
192a5 rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni
192a6 zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu
192a7 nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs
192a8 pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste de rgyal po'i pho brang gnyen ldan na rten cing
192b1 bzhugs pa las/ re shig na yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po lhag ma med pa'i mya ngan las 'das pa'i dbyings su yongs su
192b2 mya ngan las 'das so/ /de nas rgyal po gnyen yod kyis/ bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/
192b3 'phang du rgyang grags gcig yod pa zhig brtsigs te/ der srog chags 'bum phrag du mas bkur sti byas nas mtho ris dang thar par 'gro bar 'gyur ro/ /de nas re shig na/ ded dpon zhig rgya mtsho chen po'i gru'i don grub
192b4 ste/ phyir 'ongs nas des de'i nang nas nor bu rin po che mthon ka chen po zhig khyer te 'ongs te/ des bcom ldan 'das kyi mchod rten mthong nas de bzhin gshegs pa'i yon tan rjes su dran te/ nor bu rin po che de bcom
192b5 ldan 'das rnam par gzigs kyi mchod rten gyi char khab la btags nas de'i mthus phyogs dang phyogs mtshams thams cad mthon ga'i mdog lta bur 'dug par byas so/ /me tog pad ma dag gis kyang mchod pa byas
192b6 nas/ smon lam btab pa/ bdag gis kyang yon tan 'di lta bu dag thob par gyur cig /ston pa 'di lta bu mnyes par byed par gyur cig /mi mnyes par byed par ma gyur cig ces byas so/ /bcom ldan
192b7 'das kyis bka' stsal pa/ dge slong dag ji snyam du sems/ de'i tshe de'i dus na ded dpon du gyur pa gang yin pa de ni pad ma'i mig 'di yin te/ des bcom ldan 'das rnam par gzigs kyi mchod rten la nor bu
192b8 rin po che btags pa'i las de'i rnam par smin pas 'di'i mgo bo las nor bu rin po che byung ngo / /pad ma sngon po dag gis mchod pa byas pa des ni/ mig pad ma sngon po lta bur gyur to/ /smon lam btab pa des ni tshe 'di nyid la dgra
193a1 bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni/ rnam par smin pa yang gcig tu nges par gnag par 'gyur ro/ /las gcig tu nges par
193a2 dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang
193a3 las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag khyod kyis de ltar bslab par bya'o/ /bcom ldan 'das kyis de skad ces bka' stsal nas/
193a4 dge slong de dag yi rangs te bcom ldan 'das kyis gsungs pa la mngon par bstod do// //rnga sgra zhes bya ba ni/ sangs rgyas bcom ldan 'das la rgyal po rnams dang blon po chen po rnams dang
193a5 phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang
193a6 lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i
193a7 sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa/ ser skya'i
193a8 gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i
193b1 nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba
193b2 brgyad dam dgu lon pa dang bu byung ste khye'u gzugs bzang zhing lta na sdug la mdzes pa che bar grags pa/ bya ka la ping ka ltar skad snyan pa/ rnga sgra ltar gdangs snyan pa zhig btsas so/ /de nas de btsas pa'i btsas bston
193b3 byas nas/ khye'u 'di'i ming ji skad gdags zhes ming 'dogs par byed de/ nye du rnams na re khye'u 'di rnga sgra lta bu'i gdangs dang ldan pas na/ de'i phyir khye'u 'di'i ming rnga sgra zhes gdags so zhes zer ro/ /de nas khye'u rnga sgra
193b4 pang na 'tsho ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te de ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang mar gyi nying khu dang
193b5 gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la dge zhing bsam pa bzang ba/ bdag la phan pa dang gzhan la phan pa la
193b6 zhugs pa snying rje can bdag nyid che ba chos 'dod pa gtong ba la sred pa sbyin pa la dga' ba rab tu sbyin pa la mngon par dga' ba gtong ba chen po la gnas pa zhig go/ /de nas phyi zhig na khye'u rnga sgra shing n+ya gro d+hA'i kun
193b7 dga' ra bar song ba dang / des sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa 'od 'dom gang gis
193b8 brgyan pa nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ de ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das
194a1 kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin thugs su chud
194a2 nas/ 'phags pa'i bden pa bzhi rtogs par 'gyur ba de lta bu'i chos bstan pa mdzad de/ de thos nas khye'u rnga sgras 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras
194a3 bu mngon sum du byas te/ des bden pa mthong nas sbyin pa dang rab tu sbyin pa dag byin te/ dge slong dang bram ze dang bkren pa dang sdug cing phongs pa rnams tshim par byas nas pha ma la gsol te/ bcom ldan 'das kyi bstan pa la
194a4 rab tu byung ngo / /des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam
194a5 par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam
194a6 pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/
194a7 srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams
194a8 cad gcod pa sangs rgyas bcom ldan 'das la zhus pa/ btsun pa rnga sgras las gang dag bgyis na/ des 'di gzugs bzang zhing lta na sdug la mdzes par gyur te/ dgra bcom pa nyid kyang thob par gyur lags/ bcom
194b1 ldan 'das kyis bka' stsal pa/ rnga sgra nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du 'byung la gdon mi za bar 'ong ba'i las de dag byas shing bsags pas na rnga sgra nyid
194b2 kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i
194b3 khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang skye mched rnams 'ba' zhig la rnam par smin par 'gyur ro/ /
194b4 lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu rtsa gcig
194b5 pa la/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med
194b6 pa lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re shig na yang dag par rdzogs pa'i sangs
194b7 rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis/
194b8 bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs te/ der srog chags
195a1 'bum phrag du mas bkur sti byas nas mtho ris dang thar par 'gro bar 'gyur ro/ /de nas re shig na khyim bdag cig gis rol mo'i cha byad rnam pa sna tshogs dang mi las rol mo bslabs te/ mchod rten de la phul
195a2 nas de dag mchod rten de la nyin gcig bzhin du rol mo'i sgra'i khyad par dag gis bkur sti byed do/ /dge slong dag ji snyam du sems/ de'i tshe de'i dus na khyim bdag tu gyur pa gang yin pa de ni rnga sgra 'di yin te/ des bcom ldan
195a3 'das rnam par gzigs kyi mchod rten la rol mo'i cha byad rnam pa sna tshogs phul ba des na rnga sgra lta bu'i gdangs can du gyur la/ rgyu de nyid kyis na da ltar dgra bcom pa nyid mngon sum du byas so/ /dge slong dag de ltar na las gcig
195a4 tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams
195a5 ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par
195a6 bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //
195a7 bu zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang
195a8 klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te lha dang klu dang gnod sbyin
195b1 dang lha ma yin dang nam mkha' lding dang mi 'am ci rnams dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang
195b2 gdan dang snyun gsos dang sman zong rnams brnyes pa/ nyan thos kyis dge 'dun dang bcas pa ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor
195b3 mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas de de dang lhan
195b4 cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon te bu btsas na sha snag bu chen po zhig byung ste/ pha ma
195b5 dang khyim de na gnas pa gzhan dag dang g.yog 'khor dang nye du rnams kyis de mthong nas 'di lta bu btsas pa ci yin zhes mi dga' bar gyur to/ /de nas re shig na khyim bdag de mya ngan gyi khang bur zhugs te/
195b6 lag pa la rkom tshugs bcas nas sems khongs su chud cing 'dug ste 'di ci yin su la bsnyad par bya shes pa su yod snyam mo de nas de'i blo skyes pa/ sangs rgyas bcom ldan 'das 'di ni thams cad mkhyen
195b7 pa thams cad gzigs pa yin te/ des mkhyen kyis sangs rgyas bcom ldan 'das la bsnyad par bya'o snyam nas/ de bcom ldan 'das ga la ba der song te phyin nas bcom ldan 'das la zhus so/ /bcom ldan
195b8 'das kyis bka' stsal pa/ khyim bdag khyod ma 'jigs shig ma 'jigs shig /sha snag bu de ras bal legs par rmel ba'i nang du chug la zhag bdun gyi bar du nyin gcig kyang dus gsum gsum du lag pas
196a1 brims te/ 'o mas yang dang yang du gtor cig dang de'i 'og tu rdol te/ bu brgya 'byung bar 'gyur la de dag thams cad tshan po che'i stobs dang ldan par 'gyur to/ /de nas khyim bdag des de thos nas
196a2 mchog tu ya mtshan du gyur te/ bsams pa bdag gi bu de lta bu dag 'byung bar 'gyur ba ni bdag gis rnyed pa legs par rnyed do snyam nas des de bzhin du byas pa dang / zhag bdun lon pa dang sha snag bu de rdol
196a3 nas bu brgya byung ste/ thams cad kyang gzugs bzang zhing lta na sdug la mdzes pa yan lag dang nying lag thams cad dang ldan pa/ tshan po che'i stobs dang ldan pa sha stag go/ /de nas re shig na mthar kyis
196a4 bskyed bsrings nas cher skyes pa dang / de dag thams cad byad gzugs dang lang tsho'i rgyags pas dregs te/ phan tshun 'khyam pa las shing n+ya gro d+hA'i kun dga' ra bar song ba dang / de dag gis sangs rgyas
196a5 bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag
196a6 pa'i 'od mnga' ba rin po che'i ri bo 'gro ba lta bu kun nas bzang ba mthong nas/ mthong ma thag tu de dag gis bcom ldan 'das la sems dga' ba bskyed do/ /dga' ba bskyed nas kyang bcom ldan 'das
196a7 kyi zhabs la phyag 'tshal te/ chos nyan pa'i phyir bcom ldan 'das kyi spyan sngar 'khod do/ /de nas bcom ldan 'das kyis de dag gi bsam pa dang bag la nyal dang khams dang rang bzhin thugs su chud nas/ 'phags
196a8 pa'i bden pa bzhi rtogs par 'gyur ba de lta bu'i chos bstan pa mdzad de/ de thos nas thams cad kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu mngon sum du byas te/ de dag gis bden pa mthong
196b1 nas pha ma la gsol te/ bcom ldan 'das kyi bstan pa la rab tu byung ngo / /de dag thams cad kyis brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa
196b2 thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral
196b3 bar gyur nas/ gser dang bong bar mnyam pa nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so
196b4 so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag
196b5 the tsom skyes te/ the tsom thams cad gcod pa/ sangs rgyas bcom ldan 'das la zhus pa/ btsun pa gzhon nu brgya po 'di dag gis las gang dag bgyis na/ des spun du gyur la tshan po che'i stobs dang ldan par gyur lags/
196b6 bcom ldan 'das kyis bka' stsal pa/ 'di rnams kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/
196b7 'di dag nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur chu'i khams
196b8 dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /
197a1 lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu rtsa
197a2 gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/
197a3 lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/ re shig na yang dag par rdzogs pa'i sangs
197a4 rgyas rnam par gzigs/ sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal
197a5 po gnyen yod kyis/ bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod
197a6 pa zhig brtsigs te/ der srog chags 'bum phrag du mas bkur sti byas nas mtho ris dang thar par 'gro bar 'gyur ro/ /de nas re shig na mdza' sde bo brgya phyi rol du byung ba dang de dag gis mchod rten de mthong nas/
197a7 de bzhin gshegs pa'i yon tan rjes su dran te/ de dag gis lhan cig tu til mar spos can kyis byugs nas/ me tog dang me tog phreng dang mar me dbul ba dag gis kyang bsnyen bkur byas nas lhan cig tu
197a8 smon lam btab pa/ bdag cag gang dang gang du skyes pa de dang der spun du gyur te/ lhan cig tu lto gcig kho na nas 'byung bar gyur cig /tshan po che'i stobs kyi shugs thob pa dang byad gzugs dang ldan
197b1 par gyur cig /ma 'ongs pa'i dus na yang yang dag par rdzogs pa'i sangs rgyas rnams mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/ de'i tshe
197b2 de'i dus na mdza' sde bor gyur pa gang yin pa de dag ni tshan po che 'di dag yin te/ de dag gis lhan cig tu mchod rten de la bkur sti byas pa des na 'di ltar lhan cig tu skyes te/ tshan po che'i stobs kyi shugs thob par gyur to/ /
197b3 smon lam btab pa des ni gcig tu 'thun par rab tu byung nas dgra bcom pa nyid thob par gyur to/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /
197b4 las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par
197b5 gnag pa rnams dang las 'dren ma rnams spangs la/ las gcig tu nges par dkar ba rnams 'ba' shig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal
197b6 nas/ dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po bcu drug pa/ nyi ma zhes bya ba ni/
197b7 sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma
197b8 yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas/ bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye
198a1 chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes
198a2 pa/ nyan thos kyi dge 'dun dang bcas pa/ yul ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin
198a3 pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /
198a4 de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste khye'u gzugs bzang zhing lta na sdug la mdzes pa nor bu rin po che mgo bo la thogs pa zhig btsas
198a5 nas/ de las kho ra khor yug tu nyi ma'i 'od zer lta bu 'phro ste/ de'i snang bas mtshan mo grong khyer ser skya'i gnas thams cad khyab par gyur pas nyin mo bzhin du snang bar byas so/ /de nas pha ma dang khyim de na gnas
198a6 pa'i g.yog 'khor rnams dang nye du rnams dang ser skya'i gnas na 'khod pa'i shAkya rnams kyis de mthong nas/ ya mtshan du gyur te dga' bas rgyas so/ /de nas de btsas pa'i btsas ston byas nas/ khye'u 'di'i
198a7 ming ji skad gdags shes ming 'dogs par byed de/ nye du rnams na re khye'u 'di btsas ma thag tu grong khyer ser skya'i gnas thams cad nyi ma bzhin du snang bar byas pas na/ de'i phyir khye'u 'di'i ming nyi ma zhes
198a8 gdags so zhes zer ro/ /de nas khye'u nyi ma pang na 'tsho ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la gtad nas/ de ma ma brgyad
198b1 kyis 'o ma dang zho dang mar dang zhun mar dang mar gyi nying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang dad pa dang ldan la dge
198b2 zhing bsam pa bzang ba/ bdag la phan pa dang gzhan la phan pa la zhugs pa snying rje can bdag nyid che ba chos 'dod pa skye dgu la byams pa gtong ba la sred pa sbyin pa la dga' ba rab tu sbyin pa la mngon par dga'
198b3 ba gtong ba chen po la gnas pa zhig go/ /de nas phyis re shig na/ khye'u nyi ma shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis
198b4 kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang
198b5 ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan
198b6 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu
198b7 'i chos bstan te/ de thos nas/ khye'u nyi mas 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden
198b8 pa mthong nas sbyin pa dang rab tu sbyin pa dag byin te/ dge sbyong dang bram ze dang bkren pa dang sdug cing phongs pa rnams tshim par byas nas pha ma la gsol te/ bcom ldan 'das kyi bstan pa la rab tu byung ngo / /
199a1 des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad
199a2 chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan
199a3 pa/ tsan+da sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i
199a4 lha rnams kyis mchod cing rjed pa dang gus par smra ba'i gnas su gyur to/ /de nas gang gi tshe tshe dang ldan pa nyi ma bsod/ snyoms la 'gro ba de'i tshe bram ze dang khyim bdag ma dad pa rnams 'phya zhing smod la lkog 'phyas byed de/ de 'di ltar nor bu
199a5 rin po che mgo bo la thogs nas/ lam po che dang srang dang bzhi mdo dang / sum mdo dag tu 'khyam pa las na/ shAkya'i bu'i dge sbyong rnams kyi dge sbyong gi tshul ni tshig pa'o/ /bram ze'i tshul ni tshig pa'o zhes 'dzer to/ /
199a6 de nas de shin tu ngo tsha bar gyur nas/ bcom ldan 'das ga la ba der song ste phyin nas bcom ldan 'das kyi zhabs la phyag 'tshal te/ bcom ldan 'das la 'di skad ces gsol to/ /bcom ldan 'das kyis ci nas bdag gi nor bu rin
199a7 po che ma mchis par mdzad du gsol/ bcom ldan 'das kyis bka' stsal pa/ bu 'di ni las las skyes pa yin pas na med par byar mi nus so/ /de lta mod kyi ci nas dad pa dang ldan pa rnams kyis mthong la/ ma dad pa rnams kyis mi mthong
199a8 bar bya'o/ /de nas bcom ldan 'das kyis de bzhin du mdzad do/ /de nas dge slong dag the tshom skyes te/ the tsom thams cad gcod pa sangs rgyas bcom ldan 'das la zhus pa/ btsun pa nyi mas las gang dag bgyis na
199b1 des 'di che bar grags pa dang dgra bcom pa nyid thob par gyur lags/ bcom ldan 'das kyis bka' stsal pa/ nyi ma nyid kyi sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung
199b2 la gdon mi za bar 'ong ba'i las de dag byas shing bsags pas na/ nyi ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni
199b3 phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung
199b4 po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras
199b5 bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu rtsa dgu cig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa
199b6 bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du
199b7 byung ste/ de rgyal po'i pho brang gnyen ldan na rten cing bzhugs pa las re shig na yang dag par rdzogs pa'i sangs rgyas rnam par gzigs/ /sangs rgyas kyi phrin las thams cad
199b8 mdzad nas shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su/ /mya ngan las 'das so/ /de nas rgyal po gnyen
200a1 yod kyis/ bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la 'phang du rgyang grags gcig
200a2 yod pa zhig brtsigs te/ der srog chags 'bum phrag du mas bkur sti byas nas mtho ris dang thar par 'gro bar 'gyur ro/ /de nas mchod rten de'i mchod pa la bab pa nas/ bram ze dang khyim bdag dad pa dang ldan pa rnams
200a3 kyis/ spos dang me tog phreng dang byug pa rnam pa sna tshogs dang gdugs dang rgyal mtshan dang ba dan dang rol mo'i sgra rnams kyis mchod pa byed do/ /de nas re shig na mi zhig rgyal po dang rgyan pos rtses nas skugs su nor bu
200a4 rin po che me shel zhig thob bo/ /de nas de dad pa bskyed nas bcom ldan 'das rnam par gzigs kyis mchod rten gyi char khab la btags te/ zhabs la phyag 'tshal nas smon lam btab pa/ dge ba'i rtsa ba dang
200a5 sems bskyed pa dang sbyin par bya ba'i chos yongs su gtong ba 'dis na bdag gis kyang 'di lta bu'i yon tan dag thob par gyur cig /ston pa 'di lta bu mnyes par byed par gyur cig /mi mnyes par byed par ma gyur
200a6 cig /nor bu rin po che 'di lta bu yang spyi bo la thogs bzhin du ma'i lto nas 'byung bar gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na cho
200a7 lo la dor sgyu byed pa gang yin pa de ni nyi ma 'di nyid yin te/ des bcom ldan 'das rnam par gzigs kyi mchod rten la bkur sti byas pa dang / nor bu rin po che btags pa des ni 'di'i mgo bo las nor bu rin po che byung
200a8 la rgyu de nyid kyis gzugs bzang zhing lta na sdug la mdzes par gyur te/ dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig
200b1 tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong
200b2 dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyod kyis de ltar bslab par bya'o/ /
200b3 bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //gyad kyi ba dan zhes bya ba ni/ sangs rgyas bcom
200b4 ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams
200b5 dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen
200b6 po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge
200b7 'dun dang bcas pa yul ser skya'i gnas na shing n+ya gro d+hA'i kun dga' ra ba na bzhugs so/ /de'i tshe ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba/ rnam
200b8 thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga'
201a1 mgur spyod pa las chung ma la bu chags nas/ de zla ba brgyad dam dgu lon pa dang bu byung ste khye'u gzugs bzang zhing lta na sdug la mdzes pa mi'i kha dog las ni 'das/ lha'i kha dog ni ma thob pa zhig btsas
201a2 te/ gang gi tshe khye'u de btsas pa de'i tshe lha rnams kyis kho ra khor yug nas lha'i ba dan dag bsgrengs ngo / /lha'i rol mo'i cha byad dag kyang brdungs so/ /lha'i me tog ud pa la dang pad ma dang ku mu da dang pad ma dkar po
201a3 rnams kyis kyang gtor te/ ser skya'i gnas kyi grong khyer thams cad du grags pas rgyas par gyur to/ /khyim thams cad du yang de'i phyir ba dan bsgrengs so/ /de nas de btsas pa'i btsas ston byas nas/ khye'u
201a4 'di'i ming ji skad gdags zhes ming 'dogs par byed de/ nye du rnams na re khye'u 'di btsas pa na 'jig rten thams cad du grags pa na/ de'i phyir khye'u 'di'i ming snyan grags zhes gdags so zhes zer
201a5 ro/ /de nas khye'u snyan grags pang na 'tsho ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang
201a6 mar gyi nying khu dang gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur te/ de yang dad pa dang ldan la dge zhing bsam pa bzang ba bdag la phan pa dang / gzhan la phan pa la
201a7 zhugs pa snying rje can bdag nyid che ba chos 'dod pa zhig go/ /de nas phyis re shig na khye'u snyan grags shing n+ya gro d+hA'i kun dga' ra bar song ba dang / des sangs rgyas bcom ldan 'das sku skyes bu chen po'i mtshan sum bcu rtsa gnyis
201a8 kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/
201b1 mthong ma thag tu des bcom ldan 'das la sems dga' ba bskyed do/ /dga' ba bskyed nas kyang bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom
201b2 ldan 'das kyis de'i bsam pa dang bag la nyal dang khams dang rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ /de thos nas khye'u snyan grags kyis 'jig tshogs la lta ba'i
201b3 ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu thob ste des bden pa mthong nas/ sbyin pa dang rab tu sbyin pa dag byin te/ dge sbyong dang bram ze dang bkren pa dang sdug cing phongs pa rnams tshim par byas
201b4 nas pha ma la gsol te/ bcom ldan 'das kyi bstan pa la rab tu byung ngo / /des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang
201b5 rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar
201b6 mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa rig pa dang mngon par shes pa dang so so yang dag par rig pa thob pa/ srid pa'i rnyed pa dang
201b7 chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de yang gsol ba btab ste phul ba'i gos spyod de/ gsol ba btab ste phul ba ma yin pa ni
201b8 nyung du spyod do/ /gsol ba btab ste phul ba'i zas dang mal cha dang stan dang nad gsos dang sman zong spyod de/ gsol ba btab ste phul ba ma yin pa ni nyung du spyod do/ /de nas dge slong dag the tsom skyes te/ the tsom thams cad gcod
202a1 pa sangs rgyas bcom ldan 'das la zhus pa/ btsun pa snyan grags kyis las gang dag bgyis na/ des btsas ma thag tu lha rnams kyis ba dan bsgreng nas/ 'jig rten du grags pas rgyas par gyur la/ rab tu byung
202a2 nas dgra bcom pa nyid thob par gyur lags/ bcom ldan 'das kyis bka' stsal pa/ dge slong dag snyan grags nyid kyis sngon tshe rabs gzhan dag du tshogs rnyed cing rkyen grub pa dang ldan te/ dba' rgal bzhin du byung la
202a3 gdon mi za bar 'ong ba'i las de dag byas shing bsags pas na/ snyan grags nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa ni/ phyi
202a4 rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang khams dang skye
202a5 mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung
202a6 ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes
202a7 bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen ldan na rten cing bzhugs pa las/
202a8 re shig na yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las
202b1 'das so/ /de nas rgyal po gnyen yod kyis bcom ldan 'das de'i sku gdung la sku gdung gi mchod pa byas nas/ rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags
202b2 gcig yod pa zhig brtsigs te/ der srog chags 'bum phrag du mas bkur sti byas nas mtho ris dang thar par 'gro bar 'gyur ro/ /de nas re shig na rgyal po gnyen yod kyis mchod rten de la dus ston byas nas/ mchod
202b3 rten gyi dus ston byed pa der gyad 'gyed pa rnams kyis ba dan dag sgreng ngo / /de nas re shig na rgyal po'i gyad gcig gis gyad gcig non pa dang / des gyad kyi ba dan thob nas des de blangs te/ srog chags 'bum phrag du ma'i
202b4 'khor dang bcas pas rol mo'i sgra rnam pa sna tshogs len cing / bcom ldan 'das rnam par gzigs kyi mchod rten ga la ba der song ste phyin nas bcom ldan 'das kyi yon tan dran par byas te/ ba dan
202b5 de mchod rten gyi steng gi srog shing la btags nas smon lam btab pa/ bdag gis kyang yon tan 'di lta bu dag thob par gyur cig /ston pa 'di lta bu bdag gis mnyes par byed par gyur cig /
202b6 mi mnyes par byed par ma gyur cig ces byas so/ /dge slong dag ji snyam du sems/ de'i tshe de'i dus na gyad du gyur pa gang yin pa de ni snyan grags 'di yin te/ des bcom ldan 'das
202b7 rnam par gzigs kyi mchod rten la bsnyen bkur byas pa des na 'khor ba na bde ba mtha' yas pa myong bar gyur la/ rgyu de nyid kyis da ltar yang dgra bcom pa nyid mngon sum du byas so/ /dge slong
202b8 dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar
203a1 bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/
203a2 las gcig du nges par dkar ba rnams 'ba' shig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan
203a3 'das kyis gsungs pa la mngon par bstod do/ /gang po la sogs pa'i rtogs pa rjod pa brgya pa las/ rtogs pa rjod pa sna tshogs zhes bya ba ste/ sdom gyi tshigs su bcad pa bdun
203a4 pa rdzogs so// // sdom ni/ 'od bzang ma dang rab sdug ma/ /dkar mo zla ba ud pa la/ /mdzes ldan ma dang mu tig dang / /ka tsang
203a5 ga la bde byed ma/ /mi sdug sde tshan bcad de bstan/ /'od bzang ma zhes bya ba ni/ /sangs rgyas bcom ldan 'das la rgyal po rnams dang blon po chen po rnams dang phyug po
203a6 rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams
203a7 kyis bkur sti byas/ bla mar byas ri mor byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas
203a8 bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa/ mnyan du yod pa
203b1 na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na/ tshong dpon phyug cing nor mang la longs spyod che ba yongs su 'dzin pa yangs
203b2 shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing
203b3 dga' la dga' mgur spyod pa las chung ma la bu chags nas de zla ba brgyad dam dgu lon pa dang bu byung ste/ bu mo gzugs bzang zhing lta na sdug la mdzes pa lha'i rgyan kyis klubs pa nor bu rin po che mgul na thogs pa
203b4 zhig btsas te/ de las 'od byung ba des mnyan du yod pa thams cad snang bar byas so/ /de nas de btsas pa'i btsas ston byas nas/ bu mo 'di'i ming ji skad gdags zhes ming 'dogs par byed de/ nye du rnams na re bu
203b5 mo 'di btsas ma thag tu nor bu rin po che'i 'od kyis mnyan du yod pa thams cad snang bar byas pas na/ de'i phyir bu mo 'di'i ming 'od bzang ma zhes gdags so zhes zer ro/ /de nas bu mo 'od bzang ma pang na 'tsho ba'i ma ma
203b6 gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang mar gyi nying khu dang gzhan yang yo byad kyi khyad
203b7 par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /bu mo de yang dad pa dang ldan la dge zhing bsam pa bzang la/ bdag la phan pa dang gzhan la phan pa la zhugs pa zhig ste/ de
203b8 la slong ba su dang su 'ongs kyang rung ba de dang de dag la mgul nas rgyan bkrol te sbyin par byed do/ /byin nas kyang yang rgyan 'byung bar 'gyur ro/ /de nas gang gi tshe bu mo de mthar gyis chen mor gyur pa de'i tshe rgyal po'i bu rnams dang blon
204a1 po'i bu rnams dang tshong dpon gyi bu mang po dag de slong du 'ong ngo / /de nas de dag gis gnod par gyur nas/ de'i pha lag pa la rkom tshugs bcas te bsams pa/ gal te gcig la byin na ni gzhan rnams bdag gi dgrar
204a2 'gyur ro snyam nas/ sems khongs su chud cing 'dug go/ /de nas re shig na bu mo des pha sems khongs su chud pa mthong nas/ smras pa yab ci zhig gis sems khongs su chud cing bzhugs/ de nas des de'i don rgyas par
204a3 bsnyad do/ /de nas bu mo de na re yab thugs ngan ma mdzad cig dang / da ste zhag bdun na bdag nyid kyis khyim thab 'dam par 'tshal lo zhes zer ro/ /de nas tshong dpon des rgyal po gsal rgyal la gsol nas mnyan du
204a4 yod par dril bsgrags te/ da ste zhag bdun na bu mo 'od bzang ma rang nyid khyim thab 'dam par chad kyis khyed kyis bya ba gang yin pa de gyis shig ces byas so/ /de nas zhag bdun lon pa dang bu mo 'od bzang ma shing rta la
204a5 zhon te chos gos tshon can gyi rgyal mtshan bsgreng nas/ sangs rgyas bcom ldan 'das kyi sku gzugs ri mo bris te bstod pa 'don cing srang du zhugs so/ /de nas der rgyal po'i bu rnams dang blon po'i bu rnams
204a6 dang tshong dpon gyi bu rnams de la yid smon byed cing lta ba de dag la gtam rnam pa sna tshogs kyis shad kyis byang bar bshad de/ bdag gis khyed la gang gi sgo nas kyang sku brnyas ni mi 'tshal na yong ye bdag 'dod pa
204a7 rnams la don du gnyer ba ma lags pa kho nar bas so/ /bdag ni sangs rgyas la skyabs su song ste/ de'i thad du rab tu 'byung ngo zhes byas nas de dag phyir log go/ /bu mo 'od bzang ma yang bcom
204a8 ldan 'das kyi thad du song nas bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang bag la nyal dang khams dang
204b1 rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas bu mo 'od bzang mas 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu
204b2 zhugs pa'i 'bras bu thob ste/ des bden pa mthong nas mngon par shes pa yang bsgrubs so/ /de nas bu mo 'od bzang ma stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom
204b3 ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bdag kyang legs par gsungs pa'i chos 'dul ba la rab tu byung ba dang / bsnyen par rdzogs shing dge slong ma'i dngos
204b4 po 'thob du rung na bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis bstan pa 'di la gdul bar bya ba mang po dag des 'dren par 'gyur bar thugs su chud nas/ bcom
204b5 ldan 'das kyis bka' stsal pa/ bu mo song la 'khor rnams kyang ltos shig /de nas bu mo 'od bzang ma rgyal bu rgyal byed kyi tshal nas byung ste mang po 'dus pa'i nang du song ba dang / der so so nas bsams pa/ 'di mthus dbrog
204b6 par bya'o snyam te/ de dag gis de gzung bar byas so/ /de nas bu mo 'od bzang ma de dag gis brnyags pa dang / ngang pa'i rgyal po 'dab ma brkyang ba bzhin du nam mkha' la mngon par 'phags te cho 'phrul rnam pa sna tshogs bstan
204b7 to/ /so so skye bo rnams ni rdzu 'phrul gyis myur du dad par byed de de nas de dag gis lha dang mi rnams dad par byed pa'i cho 'phrul de mthong ngo / /mthong nas kyang spu zing zhes byas nas sdong po rtsa ba nas bcad pa bzhin du rkang pa la
204b8 phyag 'tshal nas gsol ba btab pa/ sru mar spyon mar spyon khyod kyis chos 'di lta bu dag mngon sum du byas pa las na/ khyod 'dod pa spyod pa 'di ni mi srid do zhes byas so/ /de nas bu mo 'od bzang ma nam mkha' las babs
205a1 nas skye bo phal po che'i gung la 'dug ste/ gang thos pas srog chags 'bum phrag du mas bden pa mthong bar 'gyur ba de lta bu'i chos bstan to/ /de nas bcom ldan 'das kyis de skye dgu'i bdag mo chen
205a2 mo la gtad de des de rab tu phyung ste bsnyen par rdzogs par byas so/ /de nas des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi
205a3 rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa
205a4 khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa rig pas
205a5 sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams
205a6 kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa 'od bzang gis las
205a7 gang dag bgyis na/ des gzugs bzang zhing lta na sdug la mdzes pa dang / mgul pa nas kyang nor bu rin po che byung la rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal
205a8 pa/ dge slong dag 'od bzang ma nyid kyis sngon tshe rabs gzhan dag du tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ 'od bzang ma nyid
205b1 kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni/ phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi
205b2 khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' shig la rnam par smin par 'gyur ro/ /lus can dag gi las rnams ni/ /bskal pa brgyar
205b3 yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa dgu bcu rtsa gcig pa la de bzhin gshegs pa dgra bcom pa yang dag par rdzogs pa'i sangs
205b4 rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par gzigs zhes bya ba 'jig rten du byung
205b5 ste/ de rgyal po'i pho brang gnyen ldan na rten cing bzhugs pa las/ re shig na yang dag par rdzogs pa'i sangs rgyas rnam par gzigs sangs rgyas kyi phrin las thams cad mdzad nas/ shing zad pa'i me bzhin
205b6 du phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /de nas rgyal po gnyen yod kyis/ bcom ldan 'das de'i sku gdung la sku gdung gi mchod pa byas nas/
205b7 rin po che sna bzhi las byas pa'i mchod rten kho ra khor yug tu dpag tshad gcig yod la/ 'phang du rgyang grags gcig yod pa zhig brtsigs so/ /de nas re shig na rgyal po gnyen yod kyi btsun mo
205b8 dam pa rgas nas rgyan rnam pa sna tshogs lus las bkrol te mchod rten de la phul lo/ /de nas zhabs la phyag 'tshal te smon lam btab pa/ dge ba'i rtsa ba dang sems bskyed pa dang sbyin par bya ba'i
206a1 chos yongs su gtong ba 'dis na bdag gis kyang dgra bcom pa nyid thob par gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyal po gnyen yod kyi btsun mo
206a2 dam par gyur pa gang yin pa de ni 'od bzang ma 'di yin te/ des bcom ldan 'das rnam par gzigs kyi mchod rten la rgyan rnam pa sna tshogs btags pa des na gzugs bzang zhing lta na sdug la mdzes pa dang / yan lag dang nying lag thams
206a3 cad dang ldan par gyur to/ smon lam btab pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /
206a4 las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de lta bas na las gcig tu nges par gnag pa
206a5 rnams dang las 'dren ma rnams spangs la/ las gcig tu nges par dkar ba rnams 'ba' shig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas/ dge slong
206a6 de dag yi rangs te/ bcom ldan 'das kyis gsungs pa la mngon par bstod do// //rab sdug ma zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams
206a7 dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur
206a8 sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams
206b1 chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med
206b2 zas sbyin gyi kun dga' ra ba na bzhugs so/ /de'i tshe khyim bdag mgon med zas sbyin gyi chung ma la bu chags nas/ de zla ba brgyad dam dgu lon pa dang / bu byung ste bu mo gzugs bzang zhing lta na sdug la mdzes pa yan lag dang
206b3 nying lag thams cad dang ldan pa/ mnyan du yod pa na gnas pa'i skye bo'i tshogs rnams kyi snying du rab tu sdug pa zhig btsas so/ /de nas de btsas pa'i btsas ston byas nas/ bu mo 'di'i ming ji skad gdags zhes ming
206b4 'dogs par byed de/ nye du rnams na re bu mo 'di skye bo thams cad kyi snying du sdug pas na de'i phyir bu mo 'di'i ming rab sdug ma zhes gdags so zhes zer ro/ /de yang tshe rabs dran te/ btsas ma thag tu tshigs su bcad pa smras
206b5 pa/ sbyin pa byin pa mang nyung ci yang rung / /zhing gi khyad par gzhi las 'phel bar 'gyur/ /de phyir mkhas pas bsgrims te 'jig rten du/ /dad pas lha mi dbang phyug sangs rgyas sbyin/ /de nas de'i pha ma dang gzhan yang
206b6 khyim de na gnas pa rnams kyis tshig brjod pa de thos nas skrag cing dngangs te mi dga' bar gyur la/ skyi bung zhes byas nas smras pa kye ma bu mo 'di ni sha za mo zhig go des smras pa/ yum bdag ni sha za mo yang ma
206b7 lags/ srin mo yang ma lags kyi/ bdag ni bu mo lags te sbyin pa dag sbyin par 'tshal lo/ /de nas de'i mas khyim bdag mgon med zas sbyin la bu mo de 'di skad mchi'o zhes bsnyad do/ /de nas khyim
206b8 bdag de dga' zhing mgu la rab tu dga' nas/ bcom ldan 'das dge slong gi dge 'dun dang bcas pa khyim gyi nang du bshos gsol te/ de'i phyir sbyin pa'i rabs 'don du bcug go/ /de nas gang gi tshe bu mo
207a1 de mthar gyis lo bdun lon pa de'i tshe pha ma la gsol te/ bcom ldan 'das kyi bstan pa la rab tu byung nas/ de dge slong ma thams cad la sdug pa dang phangs pa dang snying du sdug pa dang yid du 'ong bar gyur to/ /
207a2 re shig na de'i tshe mu ge'i bar gyi bskal pa dang 'dra ba'i mu ge chen po byung nas/ der srog chags 'bum phrag du ma bza' ba dang btung ba med pas shi'o/ /de nas der bcom ldan 'das kyis/ tshe dang ldan pa kun dga'
207a3 bo la bka' stsal pa/ kun dga' bo khyod song la rab sdug ma la nga na re 'khor bzhi po rnams la khyod kyis zla ba gsum gyi bar du gos dang zas dang mal cha dang stan dang nad gsos dang sman zong rnams phul cig ces gyis
207a4 shig /de nas tshe dang ldan pa kun dga' bo rab sdug ma'i thad du song nas smras pa/ bcom ldan 'das kyi zhal nas khyod kyis 'khor bzhi po rnams zla ba gsum gyi bar du gos dang zas dang mal cha dang stan
207a5 dang nad gsos dang sman zong rnams phul cig ces bka' stsal to/ /de nas rab sdug mas thal mo sbyar te/ bcom ldan 'das kyi bka' spyi bos mnos nas bka' bzhin 'tshal zhes smras so/ /de nas rab sdug
207a6 ma spyod yul gyi grong blta ba'i phyir mnyan du yod par chas so/ /de nas re shig na khyim bdag mgon med zas sbyin gyis gtam de thos nas shin du rings par rab sdug ma'i mdun du song ste smras pa/ rab
207a7 sdug ma gar 'gro/ des smras pa/ bcom ldan 'das kyis bka' stsal te/ /zla ba gsum gyi bar du zhal ta ba'i las byed par bskos so/ /mgon med zas sbyin gyis smras pa/ khyod kyi de dag thams
207a8 cad bdag gis sbyar gyis khyod kyis bya mi dgos so/ /rab sdug mas smras pa/ gal te yab bden pa mthong ba lags la sa'i 'og thog dag du sbas pa'i gter rnams kyang mngon du gzigs na/ sbyar ba
207b1 'di la ngo mtshar che ba ci mchis/ 'on kyang bdag ni skye bo dbul po la phan gdags pa'i slad du zhal ta bgyid do/ /de bzhin du dge bsnyen lnga brgya dang / btsun mo phreng rgyud ma dang rgyal rigs kyi bu mo dbyar tshul ma
207b2 dang btsun mo 'khor kyi bla drang srong sbyin dang gna' mi dang ri dgas 'dzin gyi ma sa ga dang rgyal po gsal rgyal rnams kyis kyang skabs phye ste/ khyod kyis bya mi dgos so zhes byas so/ /de nas nags khung du song nas
207b3 der mi ma yin pa mi'i cha lugs can dag gis kyang skabs phye'o/ /de ltar skabs phye nas kyang / des bcom ldan 'das nyan thos kyi dge 'dun dang bcas pa zla ba gsum gyi bar du na bza' dang zhal zas dang
207b4 gzims cha dang gdan dang snyun gsos dang sman zong rnams kyis bsnyen bkur byas so/ /des zla ba gsum po de nyid kyi skabs su brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing
207b5 mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du
207b6 byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur
207b7 bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas
207b8 pa'i lha rnams kyis mchod cing rjed pa dang gus par smra ba'i gnas su gyur to/ /de nas bcom ldan 'das zla ba gsum 'das pa dang / chos gos mdzad de chos gos zin nas chos gos gsol te lhung bzed bsnams
208a1 nas/ nyan thos kyi dge 'dun dang thabs gcig tu mnyan du yod pa nas rgyal po'i khab tu chas te gshegs so/ /de nas rab sdug mas bcom ldan 'das dang lam du phrad nas 'o rgyal mi 'tshal zhes gsol
208a2 to/ /de nas re shig na nags khung chu dang ldan pa zhig tu phyin nas dro la bab na brgyags kyang med nas/ bcom ldan 'das nyan thos kyi dge 'dun dang bcas pa bzhugs par gsol to/ /de nas lhung bzed lag pa
208a3 g.yon pa la bzhag ste/ tshig tu smras pa/ gal te bsod nams dag gi rnam par smin pa yod ce na/ bdag gi lhung bzed bza' ba dang bca' ba la sogs pa rnam pa sna tshogs kyis gang bar gyur cig ces byas so/ /
208a4 de nas lhas lha'i bdud rtsis bkang ngo / /de nas rab sdug gis gral rims bzhin du dge slong gi dge 'dun thams cad kyi lhung bzed rnams zhal zas kyis bkang nas/ der bcom ldan 'das kyis dge slong rnams la
208a5 bka' stsal pa/ dge slong dag nga'i nyan thos kyi dge slong ma bsod nams byas pa rnams kyi mchog ni 'di lta ste dge slong ma rab sdug ma yin no/ /da nas dge slong dag the tsom skyes te/ the tsom thams cad gcod pa
208a6 sangs rgyas bcom ldan 'das la zhus pa/ btsun pa rab sdug mas las gang dag bgyis na des phyug po'i rigs su skyes te gzugs bzang zhing lta na sdug la mdzes pa dang / skye bo thams cad kyis bkur
208a7 la rab tu byung nas dgra bcom pa nyid mngon sum bgyis lags/ bcom ldan 'das kyis bka' stsal pa/ dge slong dag rab sdug ma nyid kyis sngon tshe rabs gzhan dag tu tshogs rnyed cing rkyen grub pa dang ldan
208a8 to dba' rgal bzhin du byung la gdon mi za bar 'ong ba'i las de dag byas shing bsags pas na/ rab sdug ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong
208b1 dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas
208b2 shing bsags pa rnams ni zin pa'i phung po dang khams dang skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la
208b3 bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan
208b4 pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA
208b5 ra NA sI na drang srong smra ba ri dgas kyi nags na rten cing bzhugs so/ /de nas yang dag par rdzogs pa'i sangs rgyas 'od srung snga dro sham thabs dang chos gos gsol te lhung bzed bsnams nas/ dge slong gi tshogs
208b6 kyis zhabs 'bring byas te/ mdun du bdar nas bA rA Na sIr bsod snyoms la gshegs pa dang / re shig na tshong dpon zhig g.yog 'khor dang bcas te bskyed mos tshal du song nas bza' ba dang bca' ba mang po dag
208b7 kyang khyer ro/ /de nas re shig na de'i mngag bzhug ma bu mo zhig 'bras chan gyi gzeb khyer te jo bo'i phyi bzhin du 'gro ba las bu mo mngag gzhug ma des/ bcom ldan 'das nyan thos kyi dge 'dun dang bcas pa lam khar
208b8 mthong nas de dga' bar gyur te blo skyes pa/ bdag la jo bos lan gnyis su bran mor byar ci yod kyis bdag gis bcom ldan 'das bshos gsol gor ma chag snyam mo/ /de nas des gsad pa dang bcing ba dang brdeg pa dang bsdos
209a1 nas 'bras chan gyi gzeb phye ste/ bcom ldan 'das nyan thos kyi dge 'dun dang bcas pa zhal zas sna tshogs kyis tshim par byas so/ /de nas tshong dpon gyi thad du song ba dang / re shig na tshong dpon gyis bu mo 'bras chan gyi gzeb de ga re
209a2 zhes dris so/ /des smras pa bdag gis bcom ldan 'das yang dag par rdzogs pa'i sangs rgyas 'od srung la zhal zas phul lo zhes byas pa dang / tshong dpon gyis de thos nas mchog tu ya mtshan du gyur to/ /de nas de dga' zhing mgu la rab tu
209a3 dga' nas smras pa bu mo khyod deng phyin cad bran mo las phyung gis song shig /khyod kyis bdag gnyid kyis log pa na mel tshe byas pa yin no zhes smras so/ /de nas des thal mo sbyar te khyim bdag la gsol pa/ bdag bcom ldan 'das
209a4 kyi bstan pa la rab tu 'byung bar ci gnang zhes byas so/ /de nas khyim bdag des lhung bzed dang chos gos kyang byin nas/ de jo bos byin pa'i lhung bzed dang chos gos khyer te bcom ldan 'das kyi bstan pa la rab tu byung nas/
209a5 des bcom ldan 'das 'od srung gi gsung rab la lo dgu stong gi bar du zhal ta ba'i las byas te/ 'bras chan dang skyo ma dang thug pa btung ba dang rtag res 'khor dang mgron du bod pa dang mar me'i phreng ba dang chos gos sra
209a6 brkyang rnams dang / sbyin pa dang rab tu sbyin pa rnams kyang phul te/ smon lam btab pa/ bdag gis dka' bas bsgrubs te/ bcom ldan 'das 'od srung la sbyin pa dang rab tu sbyin pa dag phul ba'i dge ba'i rtsa ba dang sems
209a7 bskyed pa dang sbyin par bya ba'i chos yongs su gtong ba 'dis na/ bdag bcom ldan 'das shAkya thub pa'i gsung rab la rab tu 'byung ba thob par gyur cig ces byas so/ /bcom ldan 'das kyis bka' stsal pa/ dge
209a8 slong dag ji snyam du sems/ de'i tshe de'i dus na bu mo/ mngag gzhug mar gyur pa gang yin pa de ni rab sdug ma 'di yin te/ des bcom ldan 'das 'od srung la zhal zas phul ba des na phyug po'i rigs su skyes te/
209b1 gzugs bzang zhing lta na sdug la mdzes pa dang skye bo thams cad kyis bkur bar gyur to/ /smon lam btab pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams
209b2 ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur
209b3 ro/ /dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' shig la gtad par bya ste/ dge slong khyod kyis de ltar bslab par bya'o/ /
209b4 bcom ldan 'das kyis de skad nas bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //dkar mo zhes bya ba ni/ sangs rgyas bcom ldan 'das la rgyal
209b5 po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi
209b6 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i
209b7 sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa ser skya'i gnas
209b8 shing n+ya gro d+hA'i kun dga' ra ba na bzhugs so/ /de'i tshe shAkya rnams kyi nang na shAkya snar ma zhes bya ba phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan
210a1 pa/ rnam thos kyi bu'i nor dang 'gran pa zhig gnas pa des/ rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyad kyang /
210a2 bu yang med bu mo yang med de lag pa la rkom tshugs bcas nas bsams pa bdag gis khyim nor du ma dang ldan du zin kyang / bdag la bu yang med bu mo yang med pas bdag 'das pa'i 'og tu ni bu med pa'i phyir ci bdog pa
210a3 thams cad rgyal po dbang bar 'gyur ro snyam ste sems khong du chud cing 'dug go/ /de nas dge sbyong dang bram ze dang ltas mkhan dang / mdza' bo dang gnyen dang rtsa lag gzhan dag gis lha la gsol ba thob cig ces
210a4 de la bsgo'o/ /de nas de bu med de bu 'dod pas gu lang dang chu lha dang ku be ra dang brgya byin dang tshangs pa la sogs pa dang / lha'i khyad par gzhan dag la yang gsol ba 'debs te/ 'di lta ste/ kun dga' ra
210a5 ba'i lha dang nags tshal gyi lha dang lam gyi bzhi mdo'i lha dang sum mdo'i lha dang gtor ma len pa'i lha dang lhan cig skyes pa dang chos mthun pa dang rtag tu phyi bzhin 'brang ba'i lha rnams la yang gsol ba 'debs so/ /
210a6 'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na/ 'khor
210a7 los sgyur ba'i rgyal po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te/ gsum gang zhe na pha ma ni 'dod chags langs te/
210a8 phrad pa dang / ma dus la bab cing zla mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de nas de yang gsol ba 'debs pa lhur byed cing 'dug la/ sems
210b1 can zhig kyang sems can gyi ris shig nas shi 'phos te/ de'i chung ma'i ltor zhugs nas des khyim thab la sbran to/ /de nas khyim thab kyis smras pa/ bzang mo gal te bu khye'u zhig btsas na ni legs/ de ma yin te bu mo
210b2 zhig btsas na ni de nyid dang bcas te khyod khyim nas bskrad de gtang ngo / /de nas re shig na de zla ba brgyad dam dgu lon pa dang bu byung ste/ bu mo gzugs bzang zhing lta na sdug la mdzes pa mi'i kha dog las ni 'das/ lha'i kha dog ni
210b3 ma thob pa gos dkar po gyon pa mngal gyi dri mas ma gos pa zhig btsas so/ /de nas re shig na shAkya snar mas khyod kyi chung ma la bu byung ste bu mo zhig btsas so zhes thos pa dang de khros te nang du song ngo / /de nas de'i chung
210b4 mas lha'i gos gyon pa'i bu mo phul lo/ /de nas shAkya snar mas bu mo mthong nas mchog tu ya mtshan du gyur to/ /btsas pa'i btsas ston byas nas bu mo 'di'i ming ji skad gdags zhes ming 'dogs par
210b5 byed de/ nye du rnams na re 'di gos dkar po gyon bzhin du btsas pas na/ de'i phyir bu mo 'di'i ming dkar mor gdags so zhes zer ro/ /de nas bu mo dkar mo pang na 'tsho ba'i ma ma gnyis dang nu ma snun pa'i
210b6 ma ma gnyis dang dri ma 'khru ba'i ma ma gnyis dang rtse ba'i ma ma gnyis te/ ma ma brgyad la gtad nas de ma ma brgyad kyi 'o ma dang zho dang mar dang zhun mar dang mar gyi nying khu dang gzhan yang yo byad kyi khyad par bzang
210b7 ngo cog gis bskyed bsrings te/ mtsho'i nang gi pad ma bzhin du skye drag par gyur to/ /bu mo dkar mo ji tsam du skye ba de tsam du gos de dag kyang skye ste dri ma can du yang mi 'gyur la/ de'i lus la yang dri mas
210b8 gos par mi 'gyur ro/ /de nas gang gi tshe bu mo dkar mo mthar gyis chen mor gyur pa de'i tshe/ rgyal po'i bu rnams dang tshong dpon gyi bu mang po dag de slong du 'ong ngo / /de nas de dag gis gnod par gyur nas de'i pha lag
211a1 pa la rkom tshugs bcas te bsams pa/ gal te gcig la byin na ni gzhan rnams bdag gi dgrar 'gyur ro snyam nas sems khongs su chud cing 'dug go/ /de nas re shig na bu mo des pha sems khongs su
211a2 chud cing 'dug pa mthong nas/ smras pa yab ci zhig gis sems khongs su chud cing bzhugs/ de nas des de'i don rgyas par bsnyad do/ /de nas bu mo na re yab thugs ngan ma mdzad cig /bdag ni 'dod pa la don du gnyer ba
211a3 ma lags te/ bcom ldan 'das kyi bstan pa la rab tu 'byung gis/ yab kyis bdag la gnang bar mdzad du gsol/ /de nas re shig na des pha ma gnyis la gsol nas/ bcom ldan 'das kyi bstan pa la rab tu
211a4 byung ste/ gos gang dag gyon te btsas pa de dag nyid chos gos lnga tshang bar gyur to/ /de nas des brtson pa dang sbyor ba dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du
211a5 byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ /nyon mongs pa thams cad spangs nas/ dgra bcom pa nyid mngon sum du byas te/ dgra bcom pa
211a6 khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo
211a7 nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing
211a8 rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa dkar mos las gang dag bgyis na des
211b1 phyug po'i rigs su skyes te/ gzugs bzang zhing lta na sdug la mdzes pa dang gos dkar po gyon pa dang rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong
211b2 dag dkar mo nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ dkar mo nyid kyis las byas
211b3 shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams
211b4 dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' shig la rnam par smin par 'gyur ro/ /lus
211b5 can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di
211b6 nyid la/ skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med
211b7 pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas re shig na
211b8 tshong dpon gyi chung ma dad pa dang ldan la dge zhing bsam pa bzang ba zhig 'dug pa drang srong smra bar don zhig la song ngo / /de nas des sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs
212a1 par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas mthong ma thag
212a2 tu bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das 'od srung gis de la chos bstan nas des dad pa rnyed de/ bcom ldan 'das nyan
212a3 thos kyi dge 'dun dang bcas pa khyim gyi nang du bshos gsol nas/ dge slong gi dge 'dun la chos gos sra brkyang phul lo/ /de nas mthar kyis pha ma la gsol te/ bcom ldan 'das kyi bstan pa la rab tu
212a4 byung ngo / /dge slong dag ji snyam du sems/ de'i tshe de'i dus na tshong dpon gyi chung mar gyur pa gang yin pa de ni dge slong ma dkar mo 'di yin te/ des dge slong gi dge 'dun la chos gos sra brkyang phul ba des na gos
212a5 dkar po gyon bzhin du btsas so/ /tshangs par spyod pa'i gnas bsrungs pa des ni tshe 'di la dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin
212a6 pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /
212a7 dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' shig la gtad par bya ste/ dge slong khyod kyis de ltar bslab par
212a8 bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam
212b1 po bcu bdun pa/ zla ba zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod
212b2 sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha'
212b3 lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes
212b4 pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan du yod pa na bram ze phyug cing nor mang la longs spyod che ba/ yongs
212b5 su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas so/ /de yang rig byed gsum gyi mthar phyin te/ ming gi rnam grangs dang shes gsal dang bcas pa dang yi ge'i
212b6 rab tu dbye ba dang lnga pa ste gtam rgyud dang bcas pa rnams tshig re re nas brda' sprod nus pa zhig go/ /de nas de bram ze'i khye'u lnga brgya bram ze'i sngags 'don pa'i slob dpon byed do/ /de nas des bu dgos pa'i phyir rigs
212b7 mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang / bu byung
212b8 ste bu mo gzugs bzang zhing lta na sdug la mdzes pa yan lag dang nying lag thams cad dang ldan pa zhig btsas so/ /de nas de btsas pa'i btsas ston byas nas/ bu mo 'di'i ming ji skad gdags zhes ming 'dogs par
213a1 byed de/ nye du rnams na re bdag cag gi bu tsha phal cher zla ba zhes 'dogs pas na de'i phyir bu mo 'di'i ming zla ba zhes gdags so zhes zer ro/ /de nas bu mo zla ba pang na 'tsho ba'i ma ma gnyis dang nu ma snun pa'i
213a2 ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang mar gyi nying khu dang gzhan yang yo byad kyi khyad par bzang ngo cog
213a3 gis bskyed bsrings te mtsho'i nang gi pad ma bzhin du skye drag par gyur to/ /de nas bu mo zla ba mthar kyis chen mor gyur pa dang / de mkhas shing gsal la yid gzhungs pa dang bya ba la mkhas pa dang dran pa dang ldan pa dang thos pa
213a4 'dzin par gyur to/ /de nas re shig na de'i pha bram ze'i khye'u rnams la sngags slob pa na des thos pa tsam gyis lobs so/ /thos nas kyang bstan bcos de dag ltag 'og sbyor zhing 'chad nus so/ /de nas de'i grags pas mnyan
213a5 du yod pa thams cad rgyas par gyur to/ /mu stegs can dag kyang nyin gcig bzhin du de la blta ba'i phyir 'ongs te/ de dang lhan cig tu gtan la 'bebs par byed do/ /de nas gang gi tshe bcom ldan 'das bla na med pa yang dag
213a6 par rdzogs pa'i byang chub tu mngon par rdzogs par sangs rgyas pa de'i tshe mnyan du yod par gshegs nas/ mkhas pa rnams dang mkhas par bgrang ba de dag phal cher bcom ldan 'das la lta ba'i phyir der 'dong bar byed do/ /de nas
213a7 de dag mi snang nas nang mi rnams la smras pa kye ci'i phyir de bstan bcos shes pa dag mi 'ong / 'di la rgyu ci zhig yod/ de dag gis smras pa/ bcom ldan 'das thams cad mkhyen pa shAkya thub pa 'dir gshegs te/ de dag
213a8 thams cad de la gzhol bar gyur to/ /de nas sangs rgyas zhes bya ba'i sgra sngon ma byung ba thos nas/ de spu thams cad zing zhes byas so/ /de nas bu mo zla bas sangs rgyas zhes bya ba'i sgra thos nas/ bcom ldan 'das
213b1 kyi thad du song ngo / /de nas des sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/
213b2 nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu bcom ldan 'das kyi zhabs la phyag 'tshal te/ /chos mnyan pa'i phyir bcom ldan 'das kyi spyan sngar 'dug
213b3 go/ /de nas bcom ldan 'das kyis bu mo zla ba'i bsam pa dang bag la nyal dang khams dang rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas bu mo zla bas 'jig
213b4 tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu mngon sum du byas te/ des bden pa mthong nas skye dgu'i bdag mo chen mo'i thad du rab tu byung ngo / /de nas des brtson pa
213b5 dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin
213b6 par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha'
213b7 dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa/ srid
213b8 pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas gang gi tshe bcom ldan 'das kyis dge slong
214a1 rnams la/ dge slong dag khyed cag gis zla ba phyed phyed cing so sor thar pa'i mdo bshad pa gdon par gyis shig ces bka' stsal pa/ /de'i tshe skye dgu'i bdag mo chen mos gsol pa/ bcom ldan 'das kyis so sor
214a2 thar pa'i mdo lung dbog tu gsol/ bde bar gshegs pas so sor thar pa'i mdo lung dbog tu gsol/ bcom ldan 'das kyis bka' stsal pa/ de bzhin gshegs pa yang dag par rdzogs pa'i sangs rgyas ni dge slong
214a3 ma la tshig re re nas chos kyi lung dbog par mi mdzad de/ gal te khyed las lan gcig smras pas 'dzin nus pa 'ga' zhig yod na ni ngas lung dbog go/ /de nas de'i tshe dge slong ma zla ba 'khor de nyid kyi nang du 'dus par gyur
214a4 te 'dug go/ /de nas dge slong ma zla ba stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /lan cig bka' stsal pas bdag gis
214a5 bzung bar 'tshal na/ bcom ldan 'das kyis so sor thar pa'i mdo lung dbog tu gsol/ bde bar gshegs pas so sor thar pa'i mdo lung dbog tu gsol/ de nas bcom ldan 'das kyis rgyas par lung dbog pa
214a6 mdzad nas/ lan cig bka' stsal pas dge slong ma zla bas lobs so/ /der bcom ldan 'das kyis dge slong rnams la bka' stsal pa/ nga'i nyan thos kyi dge slong ma mang du thos pa rnams dang / thos pa 'dzin pa rnams kyi
214a7 mchog ni 'di lta ste dge slong ma zla ba 'di yin no/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa dge slong ma zla bas las gang dag bgyis
214a8 shing bsags pa des na phyug po'i rigs su skyes te/ gzugs bzang zhing lta na sdug la mdzes pa dang thos pa 'dzin par gyur lags/ bcom ldan 'das kyis bka' stsal pa/ dge slong dag zla ba nyid kyis sngon tshe rabs
214b1 gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ zla ba nyid kyis las byas shing bsags pa de dag gzhan su zhig gis
214b2 nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur
214b3 te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams 'ba' shig la rnam par smin par 'gyur ro/ /lus can dag gi las rnams ni/ /bskal pa brgyar yang
214b4 chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i
214b5 sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes
214b6 bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas re shig na bram ze'i bu mo zhig bcom ldan 'das 'od srung gi bstan pa la rab tu byung ngo / /des de la
214b7 lung mnos te bslabs nas kha ton tu byas te phung po la mkhas pa dang khams la mkhas pa dang skye mched la mkhas pa dang rten cing 'brel par byung ba la mkhas pa dang gnas dang gnas ma yin pa la mkhas par byas so/ /
214b8 mthar thug pa'i ye shes ni bskyed ma nus so/ /de mkhan mo gang las rab tu byung ba de ni bcom ldan 'das 'od srung gis thos pa 'dzin pa rnams kyi mchog tu bstan to/ /de nas dge slong ma de 'chi ba'i tshe smon lam btab pa/ ji ltar
215a1 bdag gis mkhan mo thos pa 'dzin pa rnams kyi mchog tu bstan pa de bzhin du/ bdag kyang ma 'ongs pa'i dus na/ bcom ldan 'das 'od srung gis bram ze'i khye'u bla ma la bram ze'i khye'u khyod skye dgu'i tshe lo brgya thub pa
215a2 na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa gang yin pa'i bcom ldan 'das de'i bstan pa la rab tu 'byung ste/ bcom ldan 'das shAkya thub
215a3 pas bdag thos pa 'dzin pa rnams kyi mchog tu ston par gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na bram ze'i bu mor gyur pa gang yin pa de ni dge slong ma zla ba 'di
215a4 yin te des smon lam btab pa des na thos pa 'dzin pa rnams kyi mchog tu bstan to/ /des der lung mnos te/ bslabs nas mngon du byas pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par
215a5 gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar
215a6 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' shig la gtad par bya ste/ dge slong dag khyed kyis de ltar bslab par bya'o/ /bcom
215a7 ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //ud pa la zhes bya ba ni/ sangs rgyas bcom ldan 'das la rgyal po rnams dang blon po chen po
215a8 rnams dang phyug po rnams dang pho brang 'khor kyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams
215b1 kyis bkur stir byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po
215b2 dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa/ rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe rgyal
215b3 po'i khab kyi grong khyer na klu'i rgyal po ri bo dang yid 'ong gnyis phrad pa zhes bya ba'i dus ston byung ste/ der grong khyer chen po drug po thams cad nas skye bo mang po 'du'o/ /de nas re shig na lho phyogs nas/ zlos gar mkhan gyi slob dpon
215b4 zhig 'ongs pa de'i bu mo ud pa la zhes bya ba gzugs bzang zhing blta na sdug la mdzes pa yan lag dang nying lag thams cad dang ldan pa/ lang tsho dang nad med pa'i rgyags pas dregs pa zhig yod de/ de gang gi tshe ltad mo ba'i nang du
215b5 'ong ba de'i tshe/ ltad mo ba thams cad kyis yid smon byed cing lta bar byed de/ gang so sor rtog pa'i shas chung ba de dag gi 'ang yid 'phrog par byed do/ /der gang gi tshe dus ston byung ba de'i tshe rdzogs byed la sogs pa ston pa drug kyang 'ong ngo / /
215b6 de nas bu mo ud pa las skye bo mang po la smras pa/ kye rgyal po'i khab kyi grong khyer na myir gyur pa'i nang na bdag dang byad gzugs kyis mnyam pa 'am/ khyad par du 'phags pa de lta bu 'ga' lta yod dam/ skye bo mang pos smras pa/
215b7 dge sbyong gau ta ma 'khor dang bcas pa yod do/ /ud pa las smras pa/ ci de mi yin nam 'on te lha yin/ skye bo mang pos smras pa/ mi ni yin mod kyi/ de ni thams cad mkhyen pa yin no/ /de nas tshig de thos nas ud pa la rgyan thams cad
215b8 kyis klubs te bcom ldan 'das kyi thad du song ngo / /song nas kyang bcom ldan 'das kyi spyan sngar 'dug ste/ gar byed cing glu len la rol mo byed do/ /bud med kyi mtshan ma rnams dang bud med kyi rtags rnams dang bud med kyi
216a1 brda rnams dang bud med kyi rtsed mo rnams kyang ston par byed do/ /der dge slong 'dod chags dang ma bral ba gang yin pa de dag ni des ci bya gtol med par gyur to/ /de nas bcom ldan 'das kyis dge slong 'dod chags kyi shas che
216a2 ba'i rnam grangs gdul ba dang ud pa la'i byad gzugs dang lang tshos rgyags pa bsal ba'i phyir rdzu 'phrul mngon par 'du mdzad pa gang gis ud pa la rgas shing 'khogs pa la mgo skya ba dang so rto zhing phyam dgu bo ltar sgur bar 'gyur
216a3 ba de lta bu'i rdzu 'phrul mngon par 'du mdzad do/ /de nas de ltar sprul pa'i mod la ud pa las bdag nyid mi sdug par mthong nas byad gzugs dang lang tshos rgyags pa de med par gyur to/ /dge slong 'dod chags kyi shas che ba rnams
216a4 kyang skyo bar gyur to/ /de nas ud pa la rgyags pa med par gyur nas bcom ldan 'das kyi zhabs la mgo bos phyag 'tshal te/ bcom ldan 'das la gsol ba btab pa/ bcom ldan 'das kyis bdag ci nas rnag can gyi lus
216a5 'di las tshegs chung ngus yongs su grol bar 'gyur ba de lta bu'i chos bstan du gsol/ de nas bcom ldan 'das kyis ud pa la dang dge slong 'dod chags dang ma bral ba de dag gi bsam pa dang bag la nyal dang khams dang
216a6 rang bzhin thugs su chud nas/ 'phags pa'i bden pa bzhi rtogs par 'gyur ba de lta bu'i chos bstan te/ de thos nas kha cig gis ni 'jig tshogs la lta ba'i ri'i rtse mo mthon po nyi shu ye shes rdo rjes bcom nas
216a7 rgyun tu zhugs pa'i 'bras bu mngon sum du byas so/ /kha cig gis ni lan gcig phyir 'ong ba'i 'bras bu mngon sum du byas so/ /kha cig gis ni phyir mi 'ong ba'i 'bras bu mngon sum du byas so/ /kha cig gis
216a8 ni rab tu byung ste nyon mongs pa thams cad spangs nas dgra bcom pa nyid mngon sum du byas so/ /ud pa la yang dad pa rnyed nas bcom ldan 'das kyi thad du rab tu byung ste/ des brtson pa dang bsgrub pa dang 'bad pas
216b1 phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad
216b2 spangs nas/ dgra bcom pa nyid mngon sum du byas so/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du mnyam pa'i sems dang ldan pa/ tsan dan
216b3 sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa thob pa srid pa'i rnyed pa dang chags pa dang / bkur sti la mi lta ba/ dbang po dang nye dbang dang
216b4 bcas pa'i lha rnams kyis mchod cing rjed pa dang gus par smra ba'i gnas su gyur to/ /zlos gar mkhan de dag gis kyang skyo bar gyur pa de nyid kyis nyon mongs pa thams cad spangs nas dgra bcom pa nyid mngon sum du byas
216b5 so/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis zlos gar mkhan gyi bu mo ud pa la byad gzugs dang lang tshos
216b6 rgyags pa las rga bas skyo bar mdzad nas/ gzha' gsang gi mthar thug pa mya ngan las 'das pa'i bar du bzhag pa ni ngo mtshar lags so/ /bcom ldan 'das kyis bka' stsal pa/ dge slong dag da ltar nga 'dod chags dang
216b7 bral ba zhe sdang dang bral ba gti mug dang bral ba/ skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa rnams las yongs su grol ba thams cad mkhyen pa/
216b8 rnam pa thams cad mkhyen pa/ ye shes dang shes bya thams cad la dbang thob zin pa'i tshe/ bu mo ud pa la byad gzugs dang lang tsho'i rgyags pas dregs pa las rga bas skyo bar byas nas/ gzha' gsang gi
217a1 mthar thug pa mya ngan las 'das pa'i bar du bzhag pa 'di lta la ngo mtshar che ba ci yod de/ 'das pa'i dus na 'dod chags dang bcas pa zhe sdang dang bcas pa gti mug dang bcas pa skye ba dang rga ba dang na ba dang 'chi ba dang mya
217a2 ngan dang smre sngags 'don pa dang sdug bsngal ba dang yid mi bde ba dang 'khrug pa rnams las yongs su ma grol ba na yang ngas bu mo ud pa la rga bas skyo bar byas nas/ brtul zhugs kyi gnas lnga la bzhag pa de legs par
217a3 rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na grong khyer bA rA Na sI na rgyal po tshangs pas byin zhas bya ba zhig rgyal po byed de/ de'i ring la 'byor pa dang rgyas pa dang bde ba
217a4 dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad rnams med pa dang 'bras sA lu dang bu ram shing dang ba lang dang ma he dang ldan par 'dug ste/ gnod pa med cing tsher ma bkrugs la bu gcig pa la bya ba bzhin du rgyal srid bskyangs so/
217a5 /de nas re shig na rgyal po de btsun mo dang lhan cig tu rtse zhing dga' la dga' mgur spyod do/ /de rtse zhing dga' la dga'
217a6 mgur spyod pa las phyis btsun mo la bu chags nas/ de zla ba brgyad dam dgu lon pa dang bu byung ste khye'u gzugs bzang zhing blta na sdug la mdzes pa mdog bzang ba/ gser gyi kha dog can mgo bo gdugs ltar
217a7 'dug pa/ lag pa ring ba dpral ba'i dbyes che ba sna mtho ba sna legs pa smin ma stug pa yan lag dang nying lag thams cad dang ldan pa zhig btsas so/ /de nas de btsas pa'i btsas ston byas nas khye'u 'di'i ming
217a8 ji skad gdags shes ming 'dogs par byed de nye du rnams na re 'di'i yab yul ka shi'i rgyal po yin la/ 'di yang gzugs bzang zhing blta na sdug la mdzes pas na/ de'i phyir khye'u 'di'i ming ka shi'i mdzes ldan
217b1 zhes gdags so zhes zer ro/ /de nas khye'u ka shi mdzes ldan pang na 'tsho ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la gtad nas/ de ma ma brgyad
217b2 kyis 'o ma dang zho dang mar dang zhun mar dang mar gyi nying khu dang gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad ma bzhin du skye drag par gyur to/ /de nas gang gi tshe de cher skyes pa de'i
217b3 tshe rgyal tshab tu dbang bskur to/ /de nas des rgyal po byed pa na/ nyes pa du ma dang ldan zhing gnod pa du ma'i rtsa ba yin par rig nas drang srong rnams kyi nang du rab tu byung ngo / /de yang gangs kyi sul zhig na gnas te/ 'bras
217b4 bu dang rtsa ba dang chus 'tsho zhing ri dgas kyi g.yang gzhi dang shing shun gyon la me'i sbyin sreg byed do/ /phyis re shig na 'bras bu dang rtsa ba'i phyir ri'i sul zhig tu song ba dang / re shig na der mi 'am ci'i bu mo zhig gis
217b5 drang srong gzhon nu de mthong nas chags par gyur te/ gar byed cing glu len la rol ma byed do/ /bud med kyi mtshan ma rnams dang bud med kyi rtags rnams dang bud med kyi brda rnams dang bud med kyi rtsed mo rnams kyang
217b6 ston par byed do/ /de nas re shig na drang srong ka shi mdzes ldan gyis bu mo de la chos bshad de che zhe khyod rgas te/ khyod kyi nga ro dang po ni snyan cing mnyen la mjug ni ra ra por gyur to zhes byas so/ /de nas des chos de
217b7 lta bu bstan te/ de thos nas mi 'am ci'i bu mo'i byad gzugs kyis rgyags pa med par gyur to/ /de nas de dad pa skyes nas smon lam btab pa gang gi tshe khyod bla na med pa yang dag par rdzogs pa'i byang chub
217b8 mngon par rdzogs par 'tshang rgya ba de'i tshe/ bdag khyod kyi slob mar gyur cig ces byas so/ /bcom ldan 'das kyis bka' stsal pa dge slong dag ji snyam du sems/ de'i tshe de'i dus na drang srong gzhon nur gyur pa gang
218a1 yin pa de ni nga yin no/ /mi 'am ci'i bu mo de ni ud pa la 'di nyid yin no/ /de nas bcom ldan 'das la dge slong rnams kyis zhus pa btsun pa ud pa las las gang dag bgyis na des gzugs bzang zhing
218a2 lta na sdug la mdzes par gyur lags/ las gang dag bgyis na des dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ud pa la nyid kyis sngon tshe rabs gzhan
218a3 dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ ud pa la nyid kyis las byas shing bsags pa de dag gzhan su zhig gis
218a4 nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las
218a5 dge ba dang las mi dge ba byas shing bsags pa rnams ni zin pa'i phung po dang khams dang skye mched rnams 'ba' shig la rnam par smin par 'gyur ro/ /lus can dag gi las rnams ni/ /bskal pa brgyar yang chud
218a6 mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i
218a7 sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig
218a8 ces bya ba 'jig rten du byung ste/ de rgyal po'i pho brang mdzes ldan na rten cing bzhugs so/ /de nas re shig na lho phyogs nas zlos gar mkhan gyi slob dpon zhig 'ongs so/ /der gang gi tshe rgyal po mdzes pa/ bcom ldan 'das
218b1 kyis bden pa mthong bar mdzad pa de'i tshe nga zlos gar mkhan gyi slob dpon la bsgo ba/ nga'i mdun du sangs rgyas kyi zlos gar mkhan gyi gar thabs gyis shig ces byas nas/ de dag gis rgyal po de'i bka' spyi bos
218b2 mnos te/ lha bka' bzhin 'tshal lo zhes byas so/ /de nas sangs rgyas kyi zlos gar sbyar te legs par sbyangs nas/ rgyal po'i blon po'i tshogs dang bcas pa'i mdun du zlos gar gyi gar thabs byas so/ /de nas der
218b3 zlos gar mkhan gyi gar gyi slob dpon nyid ni/ sangs rgyas kyi cha lugs kyis nang du 'ongs so/ /zlos gar mkhan gzhan rnams ni dge slong gi cha lugs kyis nang du 'ongs so/ /de nas rgyal po dga' zhing mgu la rab tu
218b4 dga' nas/ zlos gar mkhan gyi slob dpon la sogs pa zlos gar mkhan gyi tshogs rnams la nor gyi phung po chen po byin no/ /de nas de dag bcom ldan 'das kyi bstan pa la dad pa rnyed nas/ sbyin pa dang rab tu sbyin pa
218b5 dag byin nas yang dag pa'i smon lam btab pa/ dge ba'i rtsa ba dang sems bskyed pa dang sbyin par bya ba'i chos yongs su gtong ba 'dis na/ bdag cag kyang ma 'ongs pa'i sangs rgyas rnams mnyes par byed par gyur cig /mi
218b6 mnyes par byed par ma gyur cig ces byas so/ /dge slong dag ji snyam du sems/ zlos gar mkhan gang yin pa de dag ni ud pa la la sogs pa 'di dag yin te/ 'di dag gis der smon lam btab pa des ni da ltar dgra
218b7 bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam
218b8 par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na/ las gcig tu nges par gnag pa rnams dang las 'dren ma rnams spangs
219a1 la/ las gcig tu nges par dkar ba rnams 'ba' shig la gtad par bya ste/ dge slong khyod kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan
219a2 'das kyis gsungs pa la mngon par bstod do// //mdzes ldan ma zhes bya ba ni/ sangs rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon
219a3 rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po rnams kyis bkur sti byas bla mar byas ri mor byas mchod pa byas te/ lha
219a4 dang klu dang gnod sbyin dang lha ma yin dang nam mkha' lding rnams dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa na bza' dang zhal zas dang gzims cha dang gdan dang snyun
219a5 gsos dang smin zong rnams brnyes pa/ nyan thos kyi dge 'dun dang bcas pa/ bA rA Na sI na drang srong smra ba'i ri dgas kyi nags na bzhugs so/ /de'i tshe grong khyer bA rA Na sI na rgyal po tshangs pas byin rgyal po byed do/ de'i ring la 'byor
219a6 pa dang rgyas pa dang bde ba dang lo legs pa dang skye bo dang mi mang pos gang ba dang rtsod pa dang 'thab pa zhi ba dang 'khrug pa dang nang 'khrug dang chom rkun dang mu ge dang nad rnams med pa dang 'bras sA lu dang bu ram shing dang ba lang dang ma he dang ldan
219a7 par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de nas re shig na rgyal po de btsun mo dang lhan cig tu rtse zhing dga' la dga' mgur spyod do/ /de rtse zhing dga' la
219a8 dga' mgur spyod pa las/ phyis btsun mo la bu chags nas/ de zla ba brgyad dam dgu lon pa dang bu byung ste bu mo gzugs bzang zhing lta na sdug la mdzes pa yan lag dang nying lag thams cad dang ldan pa zhig btsas
219b1 so/ /de nas de btsas pa'i btsas ston byas nas/ bu mo 'di'i ming ji skad gdags zhes ming 'dogs par byed de/ nye du rnams na re bu mo 'di ka shi'i rgyal po'i bu mo yin la byad gzugs kyang bzang bas/ de'i phyir bu mo 'di'i
219b2 ming ka shi mdzes ldan ma zhes gdags so zhes zer ro/ /de nas bu mo ka shi mdzes ldan ma pang na 'tsho ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te/ ma ma brgyad
219b3 la gtad nas/ de ma ma brgyad kyis 'o ma dang zho dang mar dang zhun mar dang mar gyi nying khu dang gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas gang
219b4 gi tshe bu mo ka shi mdzes ldan ma chen mor gyur pa de'i tshe nyi 'og gi rgyal po drug gis rgyal po tshangs pas byin la pho nya btang ste/ khyod kyi bu mo btsas zhes bdag gis thos kyis gzhan la ma sbyin par bdag gi bu la byin
219b5 cig ces spring ngo / /de nas rgyal po tshangs pas byin mya ngan gyi khang bur zhugs nas lag pa rkom tsugs bcas te bsams pa/ gal te gcig la byin na ni gzhan rnams bdag gi dgrar 'gyur ro snyam nas sems khong du chud
219b6 cing 'dug go/ /de nas re shig na bu mo ka shi mdzes ldan ma rgyan thams cad kyis klubs te pha'i thad du song ba dang des pha mya ngan gyis non pa mthong nas dris pa/ yab ci'i slad du mya ngan mdzad/ de nas phas kyang de la ji ltar gyur
219b7 pa bsnyad do/ /de nas bu mo ka shi mdzes ldan mas pha la smras pa/ yab nyi 'og gi rgyal po rnams la da ste zhag bdun na bu mo ka shi mdzes ldan ma rang nyid kyi khyim thab 'dam par chad kyis/ khyod kyis bya ba gang yin
219b8 pa de gyis shig ces pho nya gtang du gsol zhes byas so/ /de nas zhag bdun lon pa dang nyi 'og gi rgyal po drug po de rnams 'dus so/ /bu mo ka shi mdzes ldan ma yang shing rta la zhon te chos gos tshon can gyi ba dan bsgreng nas/
220a1 sangs rgyas bcom ldan 'das kyi sku gzugs lag na thogs te rgyal po 'dus pa'i nang du song nas smras pa/ kye nyi 'og gi rgyal po rnams gson cig bdag ni khyed kyi gzugs dang lang tsho dang rigs dang longs spyod
220a2 dang dbang phyug la mi sems kyi bdag ni 'dod pa rnams la don du gnyer ba ma lags te/ bdag ni ras 'di la sangs rgyas bcom ldan 'das kyi sku gzugs bris pa gang yin pa de'i slob ma lags te/ de'i bstan pa la rab
220a3 tu 'byung ngo zhes byas nas drang srong smra bar song ste/ bcom ldan 'das kyi zhabs la phyag 'tshal nas/ bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab
220a4 tu byung ba dang / bsnyen par rdzogs shing dge slong ma'i dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'das kyis skye dgu'i bdag mo chen mo la gtad
220a5 do/ /de nas des kyang de rab tu phyung ste bsnyen par rdzogs par byas nas/ des brtson pa dang bsgrub pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad
220a6 rnyil ba dang ltung ba dang rnam par 'thor ba dang rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags
220a7 dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa
220a8 dang mngon par shes pa dang so so yang dag par rig pa thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su
220b1 gyur to/ /de nas rgyal po'i bu de dag gis de'i gzugs dang lang tsho dang mdzes pa rjes su dran nas 'dod chags kyi rgyags pas myos te/ rab tu byung bzhin du yang gsol ba 'debs so/ /de nas de dag gis gsol ba btab
220b2 nas/ ngang pa'i rgyal po 'dab ma brkyang ba bzhin du nam mkha' la mngon par 'phags nas/ cho 'phrul rnam pa sna tshogs bstan to/ /so so'i skye bo rnams ni rdzu 'phrul gyis myur du dad par byed de/ de nas rgyal po'i bu de dag
220b3 gis lha dang mi rnams dad par byed pa'i cho 'phrul shin tu rmad du byung ba mthong nas spu zing zhes byas te/ rkang pa la phyag 'tshal nas bzod dang gsol te/ sru khyod kyis chos 'di lta bu dag mngon sum du byas pa las
220b4 na/ khyod 'dod pa spyod pa 'di ni mi srid kyis bzod par mdzod cig ces byas so/ /de nas bu mo ka shi mdzes ldan ma nam mkha' las babs te/ skye bo mang po'i gung la 'dug nas chos de lta bu dag bstan te/
220b5 de thos nas srog chags 'bum phrag du mas khyad par chen po thob bo/ /de nas dge slong dag the tsom skyes te the tsom thams cad gcod pa sangs rgyas bcom ldan 'das la zhus pa/ btsun pa ka shi mdzes ldan mas
220b6 las gang dag bgyis na des gzugs bzang zhing lta na sdug la mdzes pa dang rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ka shi mdzes ldan
220b7 ma nyid kyis sngon tshe rabs gzhan dag tu tshogs rnyed cing rkyen grub pa dang ldan te/ dba' rgal bzhin du byung la gdon mi za bar 'ong ba'i las de dag byas shing bsags pas na/ ka shi mdzes ldan ma nyid
220b8 kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams
221a1 dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni/ zin pa'i phung po dang khams dang skye mched rnams 'ba' shig la rnam par smin par 'gyur ro/ /
221a2 lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo sum
221a3 khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu gdul bya'i kha lo sgyur ba/ bla na med pa/ lha dang
221a4 mi rnams kyi ston pa sangs rgyas bcom ldan 'das gser thub ces bya ba 'jig rten du byung ngo / /de nas re shig na rgyal po'i bu mo de dad pa dang ldan la dge zhing bsam pa bzang ba zhig yod pa des gtsug lag khang zhig brtsig
221a5 tu bcug ste/ yo byad thams cad kyis gang bar byas nas/ bcom ldan 'das nyan thos kyi dge 'dun dang bcas pa la phul lo/ /yang dag par rdzogs pa'i sangs rgyas 'od srung gi ring la yang rab tu byung nas lo khri'i
221a6 bar du byams pa bsgoms so/ /dge slong dag ji snyam du sems/ de'i tshe rgyal po'i bu mor gyur pa gang yin pa de ni ka shi mdzes ldan ma 'di yin te/ des gtsug lag khang phul ba des ni gzugs bzang zhing lta na sdug la
221a7 mdzes par gyur to/ /bcom ldan 'das 'od srung gi ring la rab tu byung nas lo khri'i bar du byams pa bsgoms pa des ni/ da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa
221a8 rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur
221b1 ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' shig la gtad par bya ste/ dge slong dag khyod kyis de ltar bslab par bya'o/ /
221b2 bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //mu tig ces bya ba ni/ sangs rgyas bcom ldan 'das la rgyal po rnams
221b3 dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam mkha' lding rnams dang mi 'am ci rnams dang lto 'phye chen po
221b4 rnams kyis bkur sti byas bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po rnams kyis mchod cing shes pa'i sangs rgyas bcom ldan 'das bsod
221b5 nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal po rgyal byed kyi tshal khyim bdag mgon med
221b6 zas sbyin kyi kun dga' ra ba na bzhugs so/ /de'i tshe mnyan du yod pa na tshong dpon rgyal zhes bya ba phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang
221b7 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las phyis chung ma la bu chags nas/ de zla ba brgyad dam
221b8 dgu lon pa dang bu byung ste bu mo gzugs bzang zhing blta na sdug la mdzes pa mgo bo la mu tig gi phreng ba btags pa zhig btsas so/ /de nas de btsas pa'i btsas ston byas nas bu mo 'di'i ming ji skad gdags zhes ming
222a1 'dogs par byed do/ nye du rnams na re bu mo 'di btsas ma thag tu mgo bo la mu tig gi phreng ba byung bas na/ de'i phyir bu mo 'di'i ming mu tig ces gdags so zhes zer ro/ /de nas bu mo mu tig pang na 'tsho
222a2 ba'i ma ma gnyis dang nu ma snun pa'i ma ma gnyis dang dri ma 'khru ba'i ma ma gnyis dang rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang zho dang mar dang zhun mar dang mar gyi nying khu dang gzhan yang yo byad
222a3 kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas re shig na bu mo mu tig mthar gyis chen mor gyur pa dang / de'i mu tig gi phreng ba de phog na phyir zhing byung bar gyur to/ /
222a4 de nas bu mo des bkren pa dang phongs pa rnams mthong nas longs spyod kyi bgo bsha' byed do/ /de nas gang gi tshe bag mar gtang ran par gyur pa dang / rgyal po'i bu rnams dang blon po'i bu rnams dang tshong dpon gyi bu mang po rnams
222a5 de slong du 'ong ngo / /de nas de'i pha mya ngan gyi khang bur zhugs nas/ lag pa la rkom tshugs bcas te bsams pa gal te gcig la byin na ni gzhan rnams bdag gi dgrar 'gyur ro snyam nas sems khongs su chud cing
222a6 'dug go/ /de nas bu mo des pha la gsol pa yab ci'i slad du thugs ngan mdzad/ de nas des ji ltar gyur pa thams cad bsnyad do/ /de nas bu mos smras pa/ yab bdag ni 'dod pa rnams la don du gnyer ba ma
222a7 lags te/ bcom ldan 'das kyi bstan pa la rab tu 'byung bar 'tshal lo/ /de nas yang re shig na khyim bdag mgon med zas sbyin gyi bu tha chungs rab sdug ces bya ba des pha la gsol pa/ bdag gi mchis brang du
222a8 bu mo de bslang bar gsol zhes byas so/ /de nas khyim bdag mgon med zas sbyin gyis tshong dpon rgyal ba la pho nya btang ste/ bu mo mu tig bdag gi bu la byin cig /de ltar byas pa dang gnyen du yang 'gyur la ji srid 'tsho yi bar
222b1 du yang mdza' bor 'gyur ro zhes byas so/ /de nas khyim bdag rgyal gyis bdag gi bu mo la don de bsnyad do/ /des smras pa gal ste shed byas te char skyes pa na bdag dang lhan cig tu bcom ldan 'das kyi bstan pa la rab tu 'byung bar dam
222b2 bcas na ni bdag gi khyim thab bgyi'o zhes byas so/ /de nas des de ltar byas nas re shig na skabs zhig du gnyis ka khyim nas byung ste bcom ldan 'das kyi bstan pa la rab tu byung ngo / /de nas de nyid kyis brtson pa dang bsgrub
222b3 pa dang 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas/ 'du byed kyi rnam pa thams cad rnyil ba dang ltung ba dang rnam par 'thor ba dang rnam par 'jig pa'i chos can yin par
222b4 rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/
222b5 nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang so so yang dag par rig pa
222b6 thob pa/ srid pa'i rnyed pa dang chags pa dang bkur sti la mi lta ba/ dbang po dang nye dbang dang bcas pa'i lha rnams kyis mchod cing rjod pa dang / gus par smra ba'i gnas su gyur to/ /de nas dge slong dag the tsom skyes te/
222b7 the tsom thams cad gcod pa sangs rgyas bcom ldan 'das la zhus pa/ btsun pa mu tig gis las gang dag bgyis na/ des mu tig gi phreng ba mgo bo la thogs bzhin du btsas la rab tu byung nas kyang /
222b8 dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag mu tig nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du byung la/
223a1 gdon mi za bar 'ong ba'i las de dag byas shing bsags pas na/ mu tig nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol
223a2 gyi sa'i khams la rnam par smin par mi 'gyur/ chu'i khams dang me'i khams dang rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang khams dang skye mched rnams
223a3 'ba' shig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/
223a4 bskal pa bzang po 'di nyid la skye dgu'i tshe lo nyi khri thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes
223a5 bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srung zhes bya ba 'jig rten du byung ste de grong khyer bA rA Na sI na drang srong smra ba ri dgas kyi nags na rten cing bzhugs so/ /
223a6 de nas re shig na ded dpon zhig rgya mtsho chen po'i nang du zhugs pa las nye zho med par gru'i don grub ste phyir 'ongs so/ /de nas des mu tig gi phreng ba mchog tu bzang ba zhig khyer te 'ongs so/ /de'i chung ma yang gzugs bzang zhing
223a7 lta na sdug la mdzes pa zhig ste des de'i mgo bo la btags so/ /de nas bA rA Na sI na khyim bdag dad pa dang ldan pa dge zhing bsam pa bzang ba bdag la phan pa dang / gzhan la phan pa la zhugs pa/ snying rje can bdag nyid che
223a8 ba chos 'dod pa zhig gnas pa de'i blo skyes pa/ ma la bdag gis dad pa bsdus pa/ bcom ldan 'das 'od srung gi bstan pa la/ lo lnga pa'i dus ston bya gor ma chag snyam mo/ /de nas rgyal po kri ki la gsol te/
223b1 bdag gi dad pa bsdus la/ bcom ldan 'das kyi lo lnga pa'i dus ston bgyi bar 'tshal lo zhes byas so/ /rgyal pos kyang de ltar gyis shig ces bsgo'o/ /de nas khyim bdag de glang po che la zhon te/ grong khyer bA rA
223b2 Na sI na lam po che dang bzhi mdo dang sum mdo dag tu song nas dad pa sdud par byed do/ /de nas re shig na ded dpon gyi chung mas mu tig gi phreng ba mgo bo las phog nas dad pa sdud pa la phul lo/ /de nas re shig na ded dpon 'ongs
223b3 pa dang mu tig gi phreng ba mgo las phog par mthong nas/ bzang mo mu tig gi phreng ba ga re zhes dris so/ /de nas des smras pa/ jo bo bcom ldan 'das kyi bstan pa la dad pa sdud pa la phul gyis dgyes pa bskyed du gsol/
223b4 dad pa bskyed du gsol zhes byas so/ /de nas re shig na ded dpon gyis rin po ches phyir blus nas/ chung ma de nyid la byin na de phyir len du ma btub ste/ bdag gis 'di yongs su btang ba lags so zhes byas so/ /
223b5 khyim thab kyis smras pa/ bzang mo ngas 'di gser dngul mang pos nyos na ci'i phyir mi 'dod de nas bu mo des de blangs nas me tog mang po bsags te/ spos dang me tog phreng la sogs pa yang khyer nas drang srong smra bar song ngo / /de nas
223b6 dri'i gtsang khang spos kyis byugs nas/ me tog gis gtor te/ mu tig gi phreng ba ni bcom ldan 'das kyi dbu la bor nas/ bcom ldan 'das 'od srung gi dbu la gnas par gyur to/ /de nas dad pa skyes te smon lam
223b7 btab pa/ bdag gis kyang yon tan 'di lta bu dag thob par gyur cig /ston pa 'di kho na lta bu dag mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems
223b8 de'i tshe de'i dus na/ ded dpon gyi chung mar gyur pa gang yin pa de ni mu tig 'di yin te/ des bcom ldan 'das 'od srung la bkur sti byas pa des na/ gzugs bzang zhing lta na sdug la mdzes pa dang de'i mgo bo la yang mu tig gi
224a1 phreng ba byung bar gyur to/ /rgyu de nyid kyis na/ da ltar yang dgra bcom pa nyid mngon sum du byas so/ /dge slong dag de ltar na las gcig tu nges par dkar ba rnams ni/ rnam par smin pa yang gcig tu nges par
224a2 dkar bar 'gyur ro/ /las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag
224a3 de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' shig la gtad par bya ste/ dge slong dag khyed kyis de ltar bslab par bya'o/ /
224a4 bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //ka tsang ga la zhes bya ba ni/ sangs
224a5 rgyas bcom ldan 'das la rgyal po rnams dang blon po chen po rnams dang phyug po rnams dang pho brang 'khor gyi mi rnams dang tshong dpon rnams dang ded dpon rnams dang lha rnams dang klu rnams dang gnod sbyin rnams dang lha ma yin rnams dang nam
224a6 mkha' lding rnams dang mi 'am ci rnams dang lto 'phye chen po rnams kyis bkur sti byas/ bla mar byas ri mo byas mchod pa byas te/ lha dang klu dang gnod sbyin dang lha ma yin dang nam mkha' lding dang mi 'am ci dang lto 'phye chen po
224a7 rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang zhal zas dang gzims cha dang gdan dang snyun gsos dang sman zong rnams brnyes pa/ nyan thos kyi dge 'dun
224a8 dang bcas pa yul ka tsang ga la na ka tsang ga la'i nags khrod na bzhugs so/ /de'i tshe yul ka tsang ga la de na rgan mo ka tsang ga la zhes bya ba zhig gnas pa des bum pa thogs te khron pa'i drung du chu 'chur song ba dang / der
224b1 bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod song la rgan mo de la bcom ldan 'das skyems kyis chu phul cig ces gyis shig /de nas kun dga' bos bsgo na/ de na re 'phags
224b2 pa bdag nyid kyis 'tshal te mchi'o zhes zer ro/ /de nas re shig na ka tsang ga las bum pa chus bkang ste bcom ldan 'das kyi thad du song ba dang / ka tsang ga las sangs rgyas bcom ldan 'das sku skyes bu chen po'i mtshan sum
224b3 bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis legs par brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta
224b4 bu kun nas bzang ba mthong nas/ mthong ma thag tu de bu la byams pa'i sems skyes te/ nu ma gnyis las kyang 'o ma'i rgyun bab nas des bu bu zhes smras te/ bcom ldan 'das la 'khyud par byed do/ /
224b5 de nas dge slong rnams kyis de bkag pa dang / bcom ldan 'das kyis bka' stsal pa/ dge slong dag khyod kyis rgan mo 'di ma dag cig /de ci'i phyir zhe na/ 'di ni tshe rabs lnga brgya'i bar/ /rgyun tu nga yi
224b6 mar gyur te/ /nga la bu yi byams pa yis/ /'di ni lus la 'khyud par byed/ /nga yi lus la 'khyud pa las/ /gal te 'di ni bkag gyur na/ /'di ni de'u re 'phral nyid du/ /kha nas khrag dron skyug par 'gyur/ /
224b7 bu la byams pa 'di mthong nas/ /drin du gzo ba dran gyur te/ /snying yang rje zhing snying brtse bas/ /lus la yang ni 'khyud du gzhug /de nas re shig na de bu la byams pa rtse zhil nas chos mnyan pa'i
224b8 phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de
225a1 lta bu'i chos bstan pa mdzad de/ de thos nas ka tsang ga las 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden
225a2 pa mthong nas tshigs su bcad de smras pa/ dka' ba byed pa'i ma la ni/ /bu bzangs kyis ni gang bya ba/ /sems ni grol bar 'gro 'gyur ba/ /de ni khyod kyis bdag la byas/ /bdag ni khyod kyis rab bsgrim
225a3 te/ /ngan 'gro dag las phyung nas kyang / /mtho ris thar pa dag la bzhag /khyad par shin tu chen por spags/ /de nas re shig na des jo bo la gsol te/ /bcom ldan 'das kyi bstan pa la rab tu byung nas des
225a4 brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par
225a5 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar
225a6 mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang
225a7 dag par rig pa thob pa/ srid pa'i rnyed pa dang chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /
225a8 de nas gang gi tshe bcom ldan 'das kyis dge slong ma rnams la mdor lung dbog pa mdzad nas nang du yang dag 'jog la gshegs pa de'i tshe ka tsang ga las dge slong ma rnams la brda sprod par byed do/ /der bcom ldan
225b1 'das kyis dge slong rnams la bka' stsal pa/ dge slong dag nga'i nyan thos kyi dge slong ma mdo sde rnam par 'byed par byed pa rnams kyi mchog ni 'di lta ste/ dge slong ma ka tsang ga la yin no/ /de nas dge
225b2 slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa ka tsang ga las las gang dag bgyis na des rgas nas gdod rab tu byung lags/ las gang bgyis na
225b3 des bran mor gyur lags las gang bgyis na des bcom ldan 'das mngal na gnas pa tha mar 'dzin par ma gyur lags/ ci'i bslad du rab tu byung nas dgra bcom pa nyid mngon sum du bgyis te mdo sde rnam par 'byed
225b4 par bgyid pa rnams kyi mchog tu bstan lags/ bcom ldan 'das kyis bka' stsal pa/ dge slong dag ka tsang ga la nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin
225b5 du 'byung la/ gdon mi za bar 'ong ba'i las de dag byas shing bsags pas na/ ka tsang ga la nyid kyis las byas shing bsags pa de dag gzhan su zhig gis nyams su myong bar 'gyur te/ dge
225b6 slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/
225b7 las dge ba dang / mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /
225b8 bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na nga byang chub sems dpa'i spyad pa spyod pa na tshe rabs lnga brgyar
226a1 rgyun chags par 'di nga'i mar gyur te/ gang gi tshe nga rab tu 'byung bar 'dod pa de'i tshe 'dis nga'i bgegs byas te/ las de'i rnam par smin pas ni rgas nas gdod rab tu byung ngo / /nga sbyin pa byed pa na 'dis
226a2 nga'i sbyin pa'i bar chad byas pa des na dbul mor gyur to/ /'dis sgyu 'phrul chen mo lta bu'i che bar grags par 'gyur ba'i las de lta bu ma byas pa des ni nga mngal na gnas pa tha ma'i tshe 'dis ma bzung ngo / /gzhan yang
226a3 bcom ldan 'das 'od srung gi ring la rab tu byung nas des slob pa dang mi slob pa'i dge slong ma rnams la bran mo zhes bya ba'i tshig smras te des na bran mor gyur to/ /des der bslabs shing kha don byas pa dang / phung po la mkhas
226a4 pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par byas pa des ni da ltar dgra bcom pa nyid mngon sum
226a5 du byas te mdo sde rnam par 'byed pa rnams kyi mchog tu bstan to/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par
226a6 dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las
226a7 'dren ma rnams spangs la las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag
226a8 yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po bcwa brgya pa/ bde byed ma zhes pa ni/
226b1 sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod
226b2 sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang /
226b3 gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shis pa'i sangs rgyas bcom ldan 'das bsod nams chen po dang ldan pa/ na bza' dang / zhal
226b4 zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas
226b5 sbyin gyi kun dga' ra ba na bzhugs so/ /de'i tshe ko sa la'i rgyal po gsal rgyal dang / rgyal po tshangs pas byin gnyis phan tshun mi mthun par gyur to/ /de nas re shig na ko sa la'i rgyal po gsal rgyal
226b6 de'i yul mdab tu song nas phru ma btab ste 'dug go/ /rgyal po tshangs pas byin gyis kyang dpung yan lag bzhi pa/ glang po che'i tshogs dang / rta'i tshogs dang / shing rta'i tshogs dang / dpung
226b7 bu chung gi tshogs go bkon nas chu klung zhig gi 'gram du phru ma btab ste 'dug go/ /de nas re shig na ko sa la'i rgyal po gsal rgyal gyis de nyid du btsun mo dam pa khrid de/ de de dang lhan cig tu rtse zhing dga' la
226b8 dga' mgur spyod do/ /rgyal po tshangs pas byin yang btsun mo dang lhan cig tu rtse zhing dga' la dga' mgur spyod do/ /de nas nyi ma gcig tu ko sa la'i rgyal po gsal rgyal gyi bu mo yang btsas/ rgyal
227a1 po tshangs pas byin gyi bu pho yang btsas so/ /de nas re shig na rgyal po gnyis ga'i pho brang 'khor na dga' ba'i rnga rdung bar byed do/ /slong ba rnams la yang sbyin pa dag sbyin par byed do/ /
227a2 de nas re shig na rgyal po gsal rgyal gyis mi dag la dris te/ tshangs pas byin gyi pho brang 'khor 'dir ci zhig byung na 'di ltar dga' ston byed ces byas nas/ de dag gis kyang rgyal po tshangs pas byin
227a3 gyi bu pho btsas so zhes gsol to/ /rgyal po tshangs pas byin gyis kyang de bzhin du dris nas rgyal po gsal rgyal gyi bu mo btsas so zhes gsol to/ /de nas rgyal po tshangs pas byin gyis rgyal po gsal
227a4 rgyal la pho nya btang ste/ khyod kyi bu mo btsas pa'i phyir mchod sbyin byed do zhes bdag gis thos la/ bdag gi yang bu pho btsas kyis/ bu mo de bdag gi bu la byin cig dang / de ltar byas na gnyen
227a5 du yang 'gyur la ji srid 'tsho'i bar du yang 'khon med par 'gyur ro zhes byas so/ /de nas rgyal po gsal rgyal gyis kyang de ltar bya'o zhes khas blangs so/ /de nas de gnyis phan tshun du mdza' bo byas nas bde bar gyur
227a6 te/ rgyal po tshangs pas byin gyis khye'u btsas pa'i btsas ston byas nas khye'u yi ming bde byed ces btags so/ /ko sa la'i rgyal po gsal rgyal gyis kyang bu mo btsas pa'i btsas ston byas nas
227a7 bu mo'i ming bde byed ma zhes btags so/ /de nas gnyis ga yang bskyed bsrings te re shig na mthar kyis cher skyes so/ /de nas khye'u des bu mo de la do shal dang / se mo do dang / phreng ba dang /
227a8 rna cha dang / mgul rgyan rnams bskur ro/ /de nas gang gi tshe bu mo de chen mor gyur pa de'i tshe des bcom ldan 'das kyi bstan pa la dad pa rnyed do/ 'dod pa rnams la yang nyes par lta bar gyur to/ /de nas des
227b1 de dag la dris pa/ skyes 'di rnams ga las 'ongs shes byas pa dang / 'khor rnams kyis kyang gtan tshigs dang bcas te rgyas par bsnyad do/ /de nas de thos nas yab la gsol pa/ yab bdag ni 'dod pa
227b2 rnams la don du gnyer ba ma lags te/ bcom ldan 'das kyi bstan pa la rab tu 'byung bar 'tshal gyis yab kyis bdag la gnang bar mdzad du gsol/ rgyal pos smras pa/ bu mo gang gi phyir khyod btsas pa
227b3 na nga bde bar gyur pas na 'di ni ngas bcos su med do/ /de nas ko sa la'i rgyal po gsal rgyal gyis rgyal po tshangs pas byin la pho nya gtang ste/ bu mo 'di ni rab tu 'byung bar 'dod kyis tshur shog la 'di long shig ces
227b4 byas so/ /de nas re shig na rgyal po tshangs pas byin gyis dus btab ste/ da ste zhag bdun na 'ong gis khyod kyis bya ba dang bsham par bya ba gang yin pa de dag gyis shig ces byas so/ /de nas bu mo bde byed mas zhag bdun
227b5 na bag ma len no zhes zer ba'i gtam de thos so/ /de nas bde byed ma 'jigs shing skrag la mi dga' ste skyi bung zhes byas nas khang tog tu song ste/ rgyal bu rgyal byed kyi tshal logs su phyogs nas sangs rgyas bcom
227b6 ldan 'das la gsol ba btab bo/ /yang smras pa/ drang srong chen po thugs brtse thugs rje gnas pa bsam gtan mdzad/ /'dul mdzad zhi ba'i thugs ldan rab zhi dul ba'i cho ga mkhyen/ /bdag
227b7 ni mgon po khyod la skyabs su mchis kyis mgon khyod kyis/ /mgon med bdag ni tshul bzhin ngan song dag las dgrol du gsol/ /de'i skabs su sangs rgyas bcom ldan 'das rnams
227b8 kyis ni mi mkhyen pa 'am/ mi gzigs pa 'am/ mi rtogs pa 'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig
228a1 rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas
228a2 pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin
228a3 tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga
228a4 las yang dag par 'das pa/ yan lag drug dang ldan pa/ pha rol du phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston
228a5 pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun du rgyas pa/ brgya phrag bcu pa la dbang byed pa bas kyang ches khyad par du 'phags
228a6 pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/
228a7 su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho ris
228a8 dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug
228b1 la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya
228b2 snyam du ye shes gzigs par 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom
228b3 ldan 'das kyis bde byed ma gdul ba'i dus la bab par gzigs te/ rdzu 'phrul gyis gshegs te byon nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas bde byed mas phyir mi 'ong ba'i
228b4 'bras bu thob ste mngon par shes pa yang bsgrubs so/ /de nas bde byed ma 'dod pa'i khams nas 'das te gnyen po thob nas 'jigs pa med pa la gnas par gyur to/ /de nas re shig na zhag bdun lon te bag ma len pa'i
228b5 dus la bab pa na/ rgyal po'i bu skye bo brgya phrag du ma dag lhags te mchod sbyin gyi stegs bu'i drung du 'ongs nas/ bram ze mdun na 'don gyis 'bras yos dang / mar dang / yungs kar ma grugs pa rnams
228b6 byin no/ /de nas khye'u dang bu mo gnyis lag pa sbrel bar chad pa dang / bde byed ma ngang pa'i rgyal po 'dab ma brkyang ba bzhin du nam mkha' la mngon par 'phags nas cho 'phrul rnam pa sna tshogs ston pa srog
228b7 chags du mas mthong ngo / /de nas ko sa la'i rgyal po gsal rgyal dang / rgyal po tshangs pas byin dang / rgyal po'i bu bde byed dang / gzhan yang sems can ltad mo la lhags pa
228b8 rnams mchog tu ya mtshan du gyur nas rkang pa la phyag 'tshal te gsol ba btab pa/ bu mo khyod kyis chos 'di lta bu dag mngon sum du byas pa las na/ khyod 'dod pa spyod pa 'di ni mi srid kyis bzod pa
229a1 mdzod cig ces byas so/ /de nas bde byed ma nam mkha' las babs nas skye bo mang po'i gung la 'dug ste/ chos gang thos na srog chags 'bum phrag du mas bden pa mthong bar 'gyur ba de
229a2 lta bu'i chos bstan to/ /de nas bu mo bde byed mas pha la gsol te bcom ldan 'das kyi thad du song nas bcom ldan 'das kyis skye dgu'i bdag mo chen po la gtad do/ /de nas de rab tu phyung nas des brtson pa dang /
229a3 bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos
229a4 can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa nam
229a5 mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/
229a6 srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /der bcom ldan 'das kyis dge slong
229a7 rnams la bka' stsal pa/ dge slong dag nga'i nyan thos kyi dge slong ma shes rab che ba dang / spobs pa che ba rnams kyi mchog ni 'di lta ste/ dge slong ma bde byed ma 'di yin no/ /de nas dge slong dag the tsom skyes
229a8 te/ the tsom thams cad gcod pa sangs rgyas bcom ldan 'das la zhus pa/ btsun pa bde byed mas las gang dag bgyis na des shes rab che ba dang spobs pa che ba rnams kyi mchog tu bstan lags/ bcom
229b1 ldan 'das kyis bka' stsal pa/ dge slong dag bde byed ma nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing
229b2 bsags pas na/ bde byed ma nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam
229b3 par smyin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang
229b4 skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge
229b5 slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/
229b6 bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer
229b7 bA rA Na sI na drang srong smra ba ri dgas kyi nags na rten cing bzhugs so/ /de nas re shig na de na tshong dpon gyi bu mo zhig bcom ldan 'das 'od srung gi bstan pa la rab tu byung nas/ des bcom ldan 'das 'od srung gi bstan pa
229b8 la sbyin pa dang rab tu sbyin pa dag byin te lo khri nyis stong gi bar du tshangs par spyod pa'i gnas bsrungs kyang yon tan gyi tshogs ci yang ma thob bo/ /de mkhan mo gang las rab tu byung ba de ni bcom ldan 'das 'od srung gis shes
230a1 rab can gyi mchog tu bstan to/ /de nas des smon lam btab pa/ ci ltar bdag gi mkhan mo shes rab can gyi mchog tu bstan pa de bzhin du bdag kyang ma 'ongs pa'i dus su bcom ldan
230a2 'das 'od srung gis bram ze'i khye'u bla ma la bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes
230a3 lung bstan pa gang yin pa de'i bstan pa la bdag rab tu byung nas shes rab can rnams kyi mchog tu gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i
230a4 dus na tshong dpon gyi bu mor gyur pa gang yin pa de ni dge slong ma bde byed ma 'di yin te/ des sbyin pa dang rab tu sbyin pa dag byin pa des na rgyal po phyug po'i rigs su skyes so/ /des lo khri nyis stong gi bar du tshangs par spyod pa'i
230a5 gnas bsrungs pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par
230a6 dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren
230a7 ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/
230a8 bcom ldan 'das kyis gsungs pa la mngon par bstod do// //mi sdug ces bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang /
230b1 tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/
230b2 bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan
230b3 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi
230b4 tshal khyim bdag mgon med zas sbyin gyi kun dga' ra ba na bzhugs so/ /de nas de'i tshe mnyan du yod pa na ko sa la'i rgyal po gsal rgyal rgyal po byed de/ de'i ring la 'byor pa dang / rgyas pa dang / bde ba dang / lo legs pa dang
230b5 skye bo dang / mi mang pos gang ba/ rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma
230b6 he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal srid bskyangs so/ /de nas re shig na rgyal po de btsun mo zhig dang lhan cig tu rtse zhing dga' la dga' 'gur spyod do/ /de rtse zhing dga'
230b7 la dga' 'gur spyod pa las btsun mo la bu chags nas/ de zla ba brgyad dam dgu lon pa dang bu byung ste/ bu mo mi sdug pa'i sna grangs bcwa brgyad dang ldan pa zhig btsas so/ /de nas de btsas pa'i btsas ston byas nas/
230b8 ming ra s+tha zhes btags so/ /de nas gang gi tshe mthar kyis bag mar gtang ran par gyur pa de'i tshe su la byin na yang de mi sdug ches pas sus kyang ma blangs so/ /de nas re shig na lho phyogs nas ded dpon gang ga zhes bya ba phyug
231a1 chen zhig 'ongs so/ /de nas rgyal po gsal rgyal gyi blo skyes pa/ ded dpon gang ga 'di ni 'di'i skyon gyi rgyus mi shes kyis ngas 'di de la sbyin gor ma chag snyam mo/ /de nas rgyal pos mtshan mo mun
231a2 sros pa dang gang ga pho nyas bkug nas bu mo de rgyan thams cad kyis klubs te chung mar byin no/ /de nas ra s+tha gang ga la byin nas gang ga ra s+tha gang ga ra s+tha zhes bya ba'i ming byung bar gyur to/ /de nas re shig nas ded dpon gang gas
231a3 phyi de nyin par nam langs te bu mo de bltas na mchog tu mi sdug par mthong ngo / /mthong nas kyang skrag par gyur nas rgyal po las bsams te 'dor ma phod nas bdag gi khyim 'ba' zhig tu 'jog go/ /de nas re shig na ded dpon
231a4 gang ga ga shig tu dus ston zhig la chas te mdza' sde rnams kyi nang du song ngo / /mdza' sde rnams kyis kyang nang khrims bcas te/ su chung ma dang bcas te skyed mos tshal ga ge mo zhig tu ma song na mdza' sde rnams la chad par/
231a5 kar Sha pa Na lnga brgya sbyin du gzhug go zhes byas so/ /de nas gang ga bdag gi khyim du 'ongs nas mya ngan gyi khang bur zhugs te lag pa la rkom tshugs bcas nas sems khongs su chud cing 'dug go/ /de nas de'i blo skyes pa/
231a6 ma la bdag gis chad pa 'jal ba ni ches bla'i bdag gis 'di de dag la bstan du ni mi rung ste/ mthong ma thag tu gtam ngan par 'gyur du 'ong ngo snyam mo/ /de nas gang gas sgo bcad de chad pa kar Sha pa Na lnga brgya khyer nas mdza'
231a7 sde rnams kyi nang du song ngo / /de nas bu mo de yid mi bde ba chen po skyes nas bdag 'tsho ba 'di 'dra bas 'tsho ba ci rung gson zhing 'dug na khyim thab kyang sems mi bde la bdag kyang sems mi bdes/ da ni bdag gis bdag
231a8 gsad pa'i dus la bab bo snyam mo/ /de nas thag pa khyer te khang phugs su 'geg du song ngo / /de'i skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs
231b1 pa 'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/
231b2 zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo
231b3 bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang
231b4 dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par
231b5 bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar kyis gnas pa'i snyoms par 'jug pa dgu la mkhas pa/ stobs bcu'i stobs dang
231b6 ldan pa/ phyogs bcur grags pas kun du rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan kyis
231b7 'jig rten la gzigs te/ su ni rgud/ su ni dar/ su ni phongs shing 'dug su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du
231b8 gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar
232a1 bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las
232a2 yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang
232a3 srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das rgyal bu rgyal byed kyi tshal na bzhugs pas 'od zer gser gyi kha dog can bkye ste/ des khyim de nyi ma
232a4 stong gi 'od shar ba bzhin du snang bar byas nas rdzu 'phrul gyis kyang der gshegs te mgul pa nas 'gag thag bkrol nas bu mo de dbugs phyung ngo / /'jig rten du ngo mtshar rmad du byung ba'i gnas drug 'byung ba yod de/
232a5 de bzhin gshegs pa dang / de bzhin gshegs pas gsungs pa'i chos 'dul ba dang / mir skye ba dang / 'phags pa gnas par skye ba dang / dbang po tshang ba dang / dge ba'i chos la 'dun pa dang / ngo mtshar rmad du
232a6 byung ba 'jig rten du 'byung ba yod do/ /de nas bcom ldan 'das kyis bu mo de la de dang 'thun pa'i chos bstan te/ de thos nas bu mo des 'jig tshogs la lta ba'i ri'i rtse mo mthon po nyi shu ye shes rdo rjes bcom
232a7 nas rgyun tu zhugs pa'i 'bras bu mngon sum du byas so/ /de nas dad pa rnyed nas bcom ldan 'das bshos gsol te na bza' yang phul lo/ /de nas bu mo de'i mi sdug pa med par gyur te/ bzang mor gyur
232a8 nas lha'i bu mo bzhin du khang phugs 'od kyis snang bar byas te 'dug go/ /bcom ldan 'das kyang slar gshegs so/ /de nas mdza' sde bo rnams kyis blo skyes pa/ gor ma chag par 'di'i chung ma ni mchog
232b1 tu sdug pa zhig na des phrag dog gi rang bzhin gyis chad pa 'jal ba dang bsdos te de bstan pa ni mi 'dod kyis/ bdag cag gis 'di chang sna mi mthun pas ra ro bar byas la lde mig rnams blangs te 'di'i khyim du song la chung ma
232b2 blta'o snyam mo/ /de nas de dag gis de chang gar po sna mi mthun pas gtu lum par byas nas lde mig rnams khyer te khyim du song nas sgo rnams phye ste bu mo de mthong ngo / /mthong nas kyang ya mtshan du gyur te bsams pa/ gang gas
232b3 'di bdag cag la mi bstan pa ni yus so snyam mo/ /de nas de dag phyir log ste gang ga chang gi dbang gis gnyid log cing 'dug pa las bslang nas smras pa/ gang ga khyod kyi chung ma de ltar sdug pa ni khyod kyis rnyed pa legs par rnyed do zhes
232b4 byas so/ /de nas gang ga lhag par yang mi dga' bar gyur te/ chad pa yang bdag gis gcal la bdag la gtam ngan par yang gyur to snyam mo/ /de nas mi dga' bzhin du bdag gi khyim du 'ongs nas sgo phye ste chung ma la
232b5 bltas na nags tshal me tog rgyas pa'i nang na nags kyi lha mo 'dug pa bzhin du shin tu mdzes pa mthong nas dris pa/ bzang mo de ci/ ci zhig byas na 'di lta bu'i gzugs kyi khyad par can du gyur ces byas so/ /de nas
232b6 des ji ltar gyur pa thams cad khyim thab la bsnyad de/ de thos nas des kyang bcom ldan 'das la dad pa rnyed do/ /de nas re shig na bu mo des mthar kyis khyim thab la gsol te/ bcom ldan 'das kyi bstan pa la rab
232b7 tu byung nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par
232b8 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar
233a1 gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa bzhin du bsil bar gyur pa/ rig pas sgo nga'i sbubs bcom pa/ rig
233a2 pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus
233a3 par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa ra s+thas las gang dag bgyis na des phyug po'i rigs su skyes lags/
233a4 las gang bgyis na des mi sdug par gyur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ra s+tha nyid kyis sngon tshe rabs gzhan dag tu tshogs
233a5 rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ ra s+tha nyid kyis las byas shing bsags pa de dag gzhan su zhig gis nyams su myong bar
233a6 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/
233a7 las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa
233a8 brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA Na sI na tshong dpon gyi chung ma gtum zhing brlang la/
233b1 gzu lums can zhig 'dug go/ sangs rgyas rnams 'jig rten du mi 'byung ba'i tshe/ rang sangs rgyas sdug cing phongs pa rnams la snying brtse ba/ bas mtha'i gnas mal gyis 'tsho ba/ 'jig rten
233b2 gyi yon gnas gcig pu rnams 'jig rten du 'byung ste/ de nas re shig na rang sangs rgyas mi sdug pa zhig de'i khyim du song ba dang / des mi sdug pa 'di lta bu nga'i khyim du ci 'dod ces mang du spyos brgyad nas khyim
233b3 nas bskrad do/ /de nas rang sangs rgyas des de la phan gdags pa'i phyir ngang pa'i rgyal po mdab ma brkyang ba bzhin du nam mkha' la mngon par 'phags nas cho 'phrul rnam pa sna tshogs bstan to/ /de nas tshong
233b4 dpon gyi chung ma 'gyod pa skyes nas de la bzod pa gsol te bshos kyang phul nas smon lam btab pa/ bdag gis rang sangs rgyas la spyos brgyad pa de'i las kyi rnam par smin pa myong bar ma gyur cig /'di lta
233b5 bu'i chos dag kyang thob par gyur cig /'di bas kyang khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /dge slong dag ji snyam du sems/
233b6 de'i tshe de'i dus na tshong dpon gyi chung mar gyur pa gang yin pa de ni ra s+tha 'di yin te/ des rang sangs rgyas la bshos phul ba de'i las kyi rnam par smin pas ni rgyal po phyug po'i rigs su skyes so/ /mi sdug
233b7 pa'i tshig smras te khyim nas bskrad pa des ni mi sdug par gyur to/ /gzhan yang bcom ldan 'das 'od srung gi ring la rab tu byung ste/ des der bslabs shing kha don du byas pa dang / phung po la mkhas pa
233b8 dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par byas pa dang / tshangs par spyod pa'i gnas bsrungs
234a1 pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las
234a2 gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges
234a3 par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis
234a4 de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las/ sdom gyi tshigs su bcad pa
234a5 brgyad pa rdzogs so// // sdom ni/ rgya mtsho dang ni sna ma dang / /lag na gser thogs sde snod gsum/ /grags bshes rdzus te skyes pa dang / /mdzes ldan dang ni ka pi na/ /bzang ldan dang ni yul 'khor srung / /
234a6 sde tshan dag tu bstan pa yin/ /rgya mtsho zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor kyi mi rnams dang tshong dpon rnams
234a7 dang ded dpon rnams dang lha rnams dang / klu rnams dang gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo
234a8 byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan
234b1 pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med
234b2 zas sbyin gyi kun dga' ra ba na bzhugs so/ /de'i tshe mnyan du yod pa na ded dpon zhig gnas pa des rigs mnyam pa las chung ma blangs nas de de dang lhan cig tu rtse zhing dga' la dga' 'gur spyod do/ /de rtse zhing dga'
234b3 la dga' 'gur spyod pa las de'i blo skyes pa bdag ji srid du lang tsho la bab pa de srid du ni nor spel bar bya'o/ /phyis rgas pa'i tshe ni bde bar longs spyad par bya'o snyam mo/ /de nas ded dpon de g.yog 'khor tshong pa lnga
234b4 brgya dang rgya mtsho'i gru nyos nas chung ma dang bcas te rgya mtsho chen po'i nang du zhugs so/ /de nas re shig na de'i chung ma la bu chags nas rgya mtsho de nyid kyi nang du bu byung ste/ khye'u gzugs bzang zhing lta na sdug la mdzes
234b5 pa zhig btsas so/ /de nas de btsas pa'i btsas ston byas nas ming rgya mtsho zhes btags so/ /de nas re shig na ded dpon de gru'i don grub nas nye zho med par rgya mtsho chen po nas phyir 'khor to/ /de nas gang gi tshe khye'u
234b6 rgya mtsho cher skyes pa de'i tshe phas ded dpon du bskos nas g.yog 'khor tshong pa lnga brgya dang rgya mtsho chen por btang ste/ de mthar kyis song song ba las/ grong dang grong rdal dang / grong khyer dang / yul 'khor dang / rgyal
234b7 po'i pho brang dang / tshong 'dus rnams mthong nas rgya mtsho'i 'gram du phyin te/ kAr ShA pa Na lnga brgyas gru'i gla byas te zho shas 'tsho ba rnam pa lnga ste/ gru shol ba dang / chu 'phyag pa dang / mnyan pa dang / bye'u zul
234b8 mkhan dang / ru skya 'dzin pa rnams kyang khrid de/ des lan gsum du dril bsgrags nas rgya mtsho chen por zhugs so/ /de nas de dag rgya mtsho chen por song ba dang / srin po nag po'i rlung gis gru de phu mdar bskor to/ /
235a1 ded dpon rgya mtsho ni mu stegs can la dga' ste/ de dus ma yin par 'chi bas 'jigs skrag nas ston pa drug la gsol ba 'debs pa la zhugs kyang gru de rlung gis ye bskor to/ /de nas re shig
235a2 na tshong pa gzhan dag kyang lha stong snyed la gsol ba 'debs pa la zhugs te smras pa/ gu lang chu lha ku be ra dang rlung lha me lha dbang chen dang / /drang srong sna tshogs lha dang sa la gnas pa'i klu mang de dag la/ /bdag cag dad
235a3 pa lags kyis bdag cag 'di na 'chi ba'i gnod gyur lags/ /myur du sdug bsngal 'di dag bsal te 'dron po rnams ni bskyab par gsol/ /de nas de dag gis de ltar smre sngags bton kyang skyabs byed pa su yang med do/ /
235a4 de nas re shig na dge bsnyen zhig gru de'i nang na 'dug pa des smras pa/ kye ston pa drug dang lha gzhan dag gis kyang khyed la ci byar yang med kyis/ mngon sum du yod pa'i lha sangs rgyas bcom ldan 'das la snying nas skyabs
235a5 su song shig dang / de khyed kyi skyabs su 'gyur ro zhes byas so/ /de nas ded dpon rgya mtsho la sogs pa tshong pa lnga brgya po rnams kyis skad gtams te sangs rgyas bcom ldan 'das rnams la skyabs su song ngo / /de'i
235a6 skabs su sangs rgyas bcom ldan 'das rnams kyis ni mi mkhyen pa 'am/ mi gzigs pa 'am/ mi rtogs pa 'am/ thugs su mi chud pa ci yang med la/ sangs rgyas bcom ldan 'das thugs rje chen po dang
235a7 ldan pa/ 'jig rten la phan 'dogs pa la zhugs pa/ srung ba gcig pa dang ldan pa/ gcig tu dpa' ba/ zla med pa/ gnyis su mi gsung ba/ zhi gnas dang lhag mthong la gnas pa/ rig pa gsum snang
235a8 bar mdzad pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin tu brtan pa/ bsdu ba'i dngos po
235b1 bzhi la yun ring po nas 'dris par byas pa/ mi 'jigs pa bzhis mi 'jigs pa/ khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par
235b2 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad
235b3 pa ston pa/ mthar kyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur grags pas kun tu rgyas pa/ brgya phrag bcu pa la dbang byed pa bas kyang ches khyad
235b4 par 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su
235b5 ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste mtho ris dang / thar pa dang /
235b6 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya su ni
235b7 dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye shes gzigs pa 'jug
235b8 go/ /'dir smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas re shig na bcom ldan
236a1 'das rgyal bu rgyal byed kyi tshal na bzhugs pas nyi ma stong bas lhag pa'i 'od gser gyi kha dog lta bu'i 'od zer bkye nas de dag gis tshong pa de dag kun nas snang bar byas so/ /bskal pa
236a2 stong du yongs su bsgoms pa'i byams pa'i 'od zer dag kyang bkye ste/ de dag gis sim par byas nas srin po nag po'i rlung yang bzlog go/ /de nas re shig na ded dpon rgya mtsho gru'i don grub nas nye zho med par rgya
236a3 mtsho chen po'i nang nas phyir 'khor te/ 'chi bas skyo bar gyur pa de nyid kyis sbyin pa dang / rab tu sbyin pa dag byin nas nye du'i skye bo rnams dbugs phyung ste/ dge sbyong dang / bram ze dang / bkren pa dang / sdug cing
236a4 phongs pa rnams tshim par byas nas/ tshong pa lnga brgya'i 'khor ril gyis bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor
236a5 lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad
236a6 spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/
236a7 tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang bkur sti la mi lta ba/
236a8 dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/
236b1 btsun pa bcom ldan 'das kyis rgya mtsho la sogs pa tshong pa lnga brgya po 'di dag srog phangs pa stsal te phongs pa las yongs su bskyabs pa dang / gzha' gsang gi mthar thug pa/ mya ngan las 'das pa la bkod pa ni ngo mtshar
236b2 lags so/ /bcom ldan 'das kyis bka' stsal pa/ dge slong dag da ltar nga 'dod chags dang bral ba dang / zhe sdang dang bral ba dang / gti mug dang bral ba dang / skye ba dang / rga ba dang / na ba dang / 'chi ba dang / mya ngan dang / smre
236b3 sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol ba thams cad mkhyen pa rnam pa thams cad mkhyen pa/ ye shes dang shes bya thams cad la dbang thob zin pa'i tshe ngas rgya mtsho la
236b4 sogs pa tshong pa lnga brgya po 'di dag srog phangs pa byin te phongs pa las yongs su bskyabs pa dang / gzha' gsang gi mthar thug pa/ mya ngan las 'das pa la bkod pa 'di lta la ngo mtshar che ba ci yod/ 'das pa'i dus na nga
236b5 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams
236b6 las yongs su ma grol ba'i tshe yang tshong pa 'di dag nyid ngas yongs su bskyabs pa de legs par rab tu nyon la yid la zung shig dang ngas bshad do/ /dge slong dag sngon byung ba 'das pa'i dus na rgya mtsho'i 'gram zhig na drang srong
236b7 mngon par shes pa lnga dang ldan pa/ dka' thub drag po spyod pa/ zas su rtsa ba dang 'bras bu za la gos su ri dgas kyi g.yang gzhi dang shing shun gyon pa me'i sbyin sreg byed pa zhig gnas so/ /de yang snying rje can/ bdag nyid che ba/
236b8 chos 'dod pa/ skye dgu la byams pa/ phongs par gyur pa rnams la yongs su skyob pa zhig go/ /de nas re shig na bA rA Na sI'i tshong pa lnga brgya rgya mtsho chen po'i nang du 'gro 'dod par gyur te/ de dag mthar gyis song
237a1 song nas rgya mtsho'i 'gram du phyin pa dang / de dag gis drang srong de mthong nas dad pa skyes te rkang pa la phyag 'tshal nas gsol ba btab pa/ bcom ldan 'das gal te bdag cag rgya mtsho'i nang du mchis pa
237a2 las phongs pa 'ga' zhig byung bar gyur na/ bcom ldan 'das khyod kyis bdag cag yongs su bskyab par gsol zhes byas nas des kyang gnang ste de ltar bya'o zhes byas so/ /de nas tshong pa de dag gis rin po che dag
237a3 blangs nas 'dzam bu'i gling logs su chas so/ /de nas re shig na srin po nag po'i rlung gis kun du bskor ba las drang srong des yongs su bskyabs so/ /de nas gru'i don grub ste nye zho med par phyir 'khor nas drang
237a4 srong gi thad du phyin te smras pa/ kye drang srong chen po dka' bas 'bad pa dang / snying rje'i rang bzhin 'dis ci zhig sgrub cing bzhugs/ des smras pa/ 'jig rten long ba 'dren pa med cing yongs su 'dren pa med par sems
237a5 can ma rgal ba rnams sgrol ba dang / ma grol ba rnams 'grol ba dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo ba'i sangs rgyas su gyur cig
237a6 ces byas so/ /de dag gis smras pa/ nam khyod sangs rgyas su gyur pa de'i tshe bdag cag la yang dgongs par gsol/ drang srong gis smras pa de ltar bya'o/ /bcom ldan 'das kyis bka' stsal pa/ dge slong dag ji
237a7 snyam du sems/ de'i tshe de'i dus na drang srong du gyur pa gang yin pa de ni nga yin no/ /tshong pa de dag ni rgya mtsho la sogs pa 'di dag yin te de'i tshe yang ngas 'di dag yongs su bskyabs so/ /gzhan yang bcom ldan 'das 'od srung
237a8 gi ring la rab tu byung ste/ der de dag gis dbang po yongs su smin par byas pa des na da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang
237b1 gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /
237b2 dge slong dag de bas na las gcig tu nges par gnag pa rnams dang / las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /
237b3 bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //sna ma zhes bya ba ni/ sangs rgyas bcom ldan 'das la rgyal po rnams
237b4 dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams
237b5 dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mor byas/ mchod pa byas te/ lha dang klu dang / gnod sbyin dang / lha ma yin dang / nam
237b6 mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims ca dang / gdan dang /
237b7 snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan du
237b8 yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs
238a1 mnyam pa las chung ma blangs nas/ de de dang lhan cig tu rtse zhing dga' la dga' 'gur spyod do/ /de rtse zhing dga' la dga' 'gur spyod pa las bu btsas so cog shi'o/ /de'i tshe gnas brtan ma
238a2 'gags pa ni khyim der 'drul lo/ /de nas khyim bdag de'i blo skyes pa/ gnas brtan ma 'gags pa 'di ni bsod nams kyi rnam par smin pas che bar grags pa yin gyis/ gal te bdag gi bu btsas par
238a3 gyur na 'di'i slob mar dbul lo zhes 'di la je gsol ba gdab bo snyam mo/ /de nas khyim bdag des gnas brtan ma 'gags pa khyim gyi nang du spyan drangs te bshos gsol nas gsol ba btab pa/ gnas brtan
238a4 gal te bdag gi bu btsas te ma gum na gnas brtan gyi slob mar dbul lo zhes byas so/ /gnas brtan ma 'gags pas smras pa/ de ltar dam bcas pa ma brjed par gyis shig /de nas phyis re shig na
238a5 yang rtse zhing dga' la dga' 'gur spyod do/ /rtse zhing dga' la dga' 'gur spyod pa las/ chung ma la bu chags nas de'i lus las dri bsung zhim po byung bar gyur to/ /de nas re shig na zla ba brgyad dam dgu lon
238a6 pa dang bu byung ste/ khye'u gzugs bzang zhing lta na sdug la mdzes pa/ lha'i sna ma'i me tog gi ral chung gyon pa zhig btsas so/ /de nas de btsas pa'i btsas ston byas nas sna ma zhes ming btags so/ /de
238a7 nas gnas brtan ma 'gags pa khyim gyi nang du bshos la spyan drangs nas khye'u de de la phul lo/ /de nas gnas brtan ma 'gags pas de la chos gos tshon can dag byin te tshe ring bar gyur cig ces legs
238a8 su smon pa yang byas so/ /de nas gang gi tshe btsas nas lo bdun lon pa de'i tshe pha ma gnyis kyis gnas brtan ma 'gags pa la phul lo/ /gnas brtan ma 'gags pas kyang rab tu byung nas yid la byed pa'i
238b1 lung phog ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang /
238b2 rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar
238b3 gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang mngon par shes pa dang / so
238b4 so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de yang dbang
238b5 po rnon po zhig ste/ gang gi tshe phyag dar khrod kyi gos 'drub pa de'i tshe khab lan re 'dzugs pa la rnam par thar pa brgyad la snyoms par 'jug cing ldang bar byed do/ /de nas phyis re shig na gnas brtan ma 'gags pas bsgo ba/
238b6 bu cig song la chu klung khang ldan nas chu long cig ces byas so/ /de nas dge tshul pa sna mas bum pa khyer te chu klung khang ldan gyi 'gram du song ngo / /de nas khrus byas te bum pa chus bkang nas nam mkha' la song ste ched
238b7 'ga' ni bum pa sngon du btang la dge tshul pa sna ma phyi bzhin 'ong ngo / /ched 'ga' ni dge tshul pa sna ma sngon du 'gro la bum pa phyi bzhin 'ong ngo / /de'i tshe bcom ldan 'das nang du yang dag 'jog las bzhengs nas 'khor bzhi
238b8 po rnams la chos ston te/ der bcom ldan 'das kyis tshe dang ldan pa shA ri'i bu la bka' stsal pa/ shA ri'i bu dge tshul pa dran pa dang ldan pa/ dbang po shin tu mnyam par bzhag pa/ bum pa chus bkang ste 'ong ba
239a1 'di mthong ngam/ 'dod chags zhe sdang rab spangs shing / /ma rig pa dang bral nas ni/ /lus kyi tha ma 'dzin byed pa/ /de ni chu chun rab tu mdzes/ /gang gi tshe bcom ldan 'das kyis dge slong gi dge
239a2 'dun gyi mdun du dge tshul pa sna ma bstod cing bsngags pa de'i tshe dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sna mas las gang dag bgyis na des gzugs
239a3 bzang zhing lta na sdug la mdzes pa dang / lha'i sna ma'i me tog gi ral chung 'tshal bzhin du skyes la/ dbang po rno ba dang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge
239a4 slong dag sna ma nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na sna ma nyid kyis las byas
239a5 shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams
239a6 dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /
239a7 lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu
239a8 rtsa gcig pa la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med
239b1 pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ste/ de rgyal po'i pho brang gnyen yod na rten cing bzhugs so/ /de nas re shig na ded dpon zhig
239b2 gnas pa de gzhon nu'i tshe nas rab tu 'byung ba'i sems skyes pa las de rab tu 'byung ma nus nas/ gang gi tshe rgas par gyur pa de'i tshe de 'gyod pa skyes te/ bdag bcom ldan 'das kyi bstan pa la rab tu ma byung ba ni bdag
239b3 gis ma legs pa byas so snyam mo/ /de nas des dbu skra dang sen mo'i mchod rten la sna ma'i me tog btags so/ /yang dag par rdzogs pa'i sangs rgyas rnam par gzigs nyan thos kyi dge 'dun dang bcas pa yang bshos
239b4 gsol te zhabs la phyag 'tshal nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bdag ma 'ongs pa'i de bzhin gshegs pa dgra bcom
239b5 pa yang dag par rdzogs pa'i sangs rgyas bcom ldan 'das rnams mnyes par byed par gyur cig /mi mnyes par byed par ma gyur cig /gang gi bstan pa la rab tu byung ba der gzhon nu'i tshe nas 'phags pa'i chos
239b6 rnams rtogs par gyur cig ces byas so/ /gzhan yang bcom ldan 'das 'od srung gi ring la rab tu byung ste/ des der lo khri'i bar du tshangs par spyod pa'i gnas bsrungs pa des na da ltar dgra bcom pa nyid mngon
239b7 sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa
239b8 yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang / las 'dren ma rnams
240a1 spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyi de ltar bslab par bya'o/ /bcom ldan 'das kyis de skad ces bka' stsal nas dge slong de
240a2 dag yi rangs te bcom ldan 'das kyis gsungs pa la mngon par bstod do// //lag na gser thogs zhes bya ba ni/ sangs rgyas bcom ldan 'das la rgyal po rnams dang / blon po chen po rnams dang / phyug po
240a3 rnams dang / pho brang 'khor kyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi
240a4 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci rnams
240a5 dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman
240a6 zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na khyim bdag phyug
240a7 cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa de la bu yang med/ bu mo yang med pas de lag pa la rkom
240a8 tshugs bcas te bdag gi khyim nor du ma dang ldan du zin kyang bdag la bu yang med/ bu mo yang med pas bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur snyam nas sems
240b1 khongs su chud cing 'dug go/ /de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces de la bsgo'o/ /'jig rten na yang gsol
240b2 ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur du zin na ni 'khor los sgyur ba'i rgyal po bzhin du re
240b3 re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma gnyis 'dod chags langs te phrad pa dang / ma dus la bab cing zla
240b4 mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de yang gsol ba 'debs pa lhur byed cing 'dug la/ sems can zhig kyang sems can gyi ris gzhan
240b5 zhig nas shi 'phos nas de'i chung ma'i ltor zhugs so/ /bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang zhe na/ skyes pa chags pa yang shes la ma chags pa yang
240b6 shes pa dang / dus kyang shes la zla mtshan yang shes pa dang / bu chags pa yang shes pa dang gang las bu chags pa shes pa dang / khye'u yang shes la bu mo yang shes pa ste/ gal te khye'u yin na ni lto g.yas logs
240b7 su rten cing gnas so/ /gal te bu mo yin na ni lto g.yon logs su rten cing gnas so/ /de nas de dga' ches nas khyim thab la sbran pa/ jo bo bdag la sras chags te/ bdag gi rum g.yas logs
240b8 na brten cing gnas pa las na khye'ur 'gyur bar nges kyis dgyes pa bskyed du gsol zhes byas so/ /de yang dga' ches te ro stod ni bteg /lag pa g.yas pa ni brkyang nas bdag gis yun rin po nas smon smon
241a1 pa'i bu'i ngo mthong bar 'ong ngo / /bdag gi bu rung bar shog shig /mi rung bar ma gyur cig /bdag gi bya ba dag byed par shog shig /gsos pa'i lan phyir gso bar shog shig /nor
241a2 skal la spyod par shog shig /bdag gi rigs rgyud ring du gnas par shog shig /bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod nams dag byas nas de
241a3 gnyis gang dang gang du skyes shing 'gro ba der 'di song shig ces yon bsngo bar shog shig ces dga' ba'i tshig brjod do/ /de nas des bu chags par rig nas bu'i rim gro bya ba'i phyir khang bzangs kyi steng du nyam rangs su bzhag
241a4 ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba ma yin pa rnams dang / ha cang skyur ba ma yin pa rnams dang / ha cang lan tshwa
241a5 che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams te/ kha ba dang / skyur ba dang / lan tshwa dang / mngar ba dang / tsha ba dang / ska ba
241a6 med pa'i zas rnams kyis bsten cing do shal dang / se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng nas khri'i steng dang / khri'u'i steng nas khri'u steng du rgyu zhing 'og gi sa gzhi
241a7 la mi 'bab pa dang / des yid du mi 'ong ba'i sgra skad ci yang mi thos par byas so/ /de nas zla ba brgyad dam dgu lon pa dang bu byung ste/ khye'u gzugs bzang zhing lta na sdug la mdzes pa/ yan lag dang nying lag
241a8 thams cad dang ldan pa zhig btsas nas de'i lag pa gnyis la las kyi rnam par smin pa las byung ba'i gser gyi dong tse mtshan mas btab pa gnyis byung ste/ gang gi tshe de byung ba de'i tshe yang gzhan 'byung bar 'gyur ro/ /
241b1 de nas de btsas pa'i btsas ston byas nas khye'u 'di'i ming ji skad gdags shes ming 'dogs par byed de/ nye du rnams na re 'di btsas ma thag tu lag pa gnyis la las kyi rnam par smin pa las byung ba'i gser gyi dong tse gnyis
241b2 byung bas na/ de'i phyir khye'u 'di'i ming lag na gser thogs shes gdags so zhes zer ro/ /de nas khye'u lag na gser thogs pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma
241b3 gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings
241b4 te mtsho'i nang gi pad ma bzhin du skye drag par gyur to/ /de yang dad pa dang ldan la dge zhing bsam pa bzang ba/ bdag dang gzhan la phan pa la zhugs pa/ snying rje can zhig ste/ gang gi tshe srang du 'gro ba de'i tshe dge
241b5 sbyong dang / bram ze dang / bkren pa dang / sdug cing phongs pa rnams mthong na lag pa gnyis brkyang nas de la gser dngul gyi dong tse mtshan mas btab pa'i phung po de dag la ji tsam dgos pa 'byung bar 'gyur ro/ /de nas de'i
241b6 grags pas mnyan du yod pa thams cad rgyas par gyur to/ /de nas phyis re shig na khye'u lag na gser thogs rgyal bu rgyal byed kyi tshal du song ba dang / des sangs rgyas bcom ldan 'das sku skyes bu chen po'i mtshan
241b7 sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu
241b8 kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /dga' ba bskyed nas bcom ldan 'das kyi zhabs la phyag 'tshal te chos mnyan pa'i phyir bcom ldan 'das kyi
242a1 spyan sngar 'dug go/ /de nas bcom ldan 'das kyis de la chos bstan nas des tshe dang ldan pa kun dga' bo la smras pa/ slob dpon bdag ni bcom ldan 'das nyan thos kyi dge 'dun dang bcas pa
242a2 bshos gsol bar 'tshal lo/ /gnas brtan kun dga' bos smras pa/ bu kar Sha pa Na dgos so/ /de nas khye'u lag na gser thogs sangs rgyas la sogs pa dge slong gi dge 'dun gyi spyan sngar 'greng ste lag
242a3 pa gnyis brkyang nas gser dngul gyi phung po chen po spungs so/ /de nas dge 'dun gyi gnas brtan dang / dge slong gzhan dag dang / gnas brtan kun dga' bos de mthong nas mchog tu ya mtshan du gyur to/ /
242a4 de nas khye'u lag na gser thogs kyis sangs rgyas la sogs pa dge slong gi dge 'dun la bshos gsol nas chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i
242a5 bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u lag na gser thogs kyis 'jig
242a6 tshogs la lta ba'i ri'i rtse mo mthon po nyi shu ye shes rdo rjes bcom nas rgyun tu zhugs pa'i 'bras bu mngon sum du byas te/ bden pa mthong nas des nye du rnams la longs spyod kyi bgo bsha' byas te/ dge sbyong
242a7 dang / bram ze dang / bkren pa dang / sdug cing phongs pa rnams tshim par byas nas pha ma la gsol te bcom ldan 'das kyi bstan pa la rab tu byung nas des brtson pa dang / bsgrub pa dang / 'bad pas phol
242a8 mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par mthor ba dang / rnam par 'jig pa'i chos can yin par rtsad chod de/ nyon
242b1 mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du
242b2 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang /
242b3 chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod
242b4 pa sangs rgyas bcom ldan 'das la zhus pa/ btsun pa lag na gser thogs kyis las gang dag bgyis na des 'di sug pa gnyis las gser gyi dong tse mtshan mas btab pa gnyis byung la/ rab tu byung nas dgra
242b5 bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag lag na gser thogs nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal
242b6 bzhin du 'byung la/ gdon mi za bar 'ong ba'i las de dag byas shing bsags pas na/ lag na gser thogs nyid kyis las byas shing bsags pa de dag gzhan su zhig gis nyams su myong bar 'gyur te/ dge
242b7 slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las
242b8 dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal
243a1 pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo
243a2 nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo sgyur ba bla
243a3 na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas
243a4 yang dag par rdzogs pa'i sangs rgyas 'od srung sangs rgyas kyi phrin las thams cad mdzad nas shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das nas/ rgyal po kri kis de'i sku gdung la sku gdung gi mchod pa byas te rin po che sna bzhi las byas pa'i mchod rten kho ra khor yug tu dpag tshad gcig yod la 'phang du rgyang grags gcig yod pa zhig brtsigs to/
243a5 /mchod rten
243a6 de'i dus ston byed pa na rgyan po pa zhig gis gser gyi dong tse gnyis mchod rten de'i srog shing la btags so/ /de nas zhabs la phyag 'tshal te smon lam btab pa/ bdag gang dang gang du skyes pa de dang der lag pa
243a7 la gser yod pa kho nar gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na rgyan po par gyur pa de ni lag na gser thogs 'di yin te/ des
243a8 mchod rten la gser gyi dong tse gnyis btags pa des na 'di lta bu'i khyad par can du gyur to/ /smon lam btab pa des ni da ltar dgra bcom pa nyid mngon sum du byas so/ /dge slong dag de ltar na las gcig tu
243b1 nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma
243b2 rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la
243b3 gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //
243b4 gang po la sogs pa'i rtogs pa brjod pa brgya pa/ bam po bcu dgu pa/ sde snod gsum pa zhes bya ba ni sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho
243b5 brang 'khor kyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am
243b6 ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang /
243b7 lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman
243b8 zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na ko sa la'i
244a1 rgyal po gsal rgyal rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba/ rtsod pa dang / 'thab pa zhi ba dang / 'khrug pa dang
244a2 nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba
244a3 bzhin du rgyal srid brkyangs so/ /de nas re shig na de btsun mo dang lhan gcig tu rtse zhing dga' la dga' 'gur spyod do/ /de rtse zhing dga' la dga' 'gur spyod pa las btsun mo la bu chags nas/ de zla ba brgyad dam dgu
244a4 lon pa dang bu byung ste/ khye'u gos su chos gos tshon can gyon la dge sbyong gi cha lugs can tshe rabs dran pa zhig btsas so/ /de nas skyes ma thag tu dris pa/ ci mnyan du yod pa 'di kho na na bcom ldan 'das dang / shA ri'i
244a5 bu dang / maud gal gyi bu dang / 'od srung dang / kun dga' bo la sogs pa nyan thos chen po rnams bzhugs sam zhes zer ro/ /de nas de'i ma ya mtshan du gyur te dga' bas rgyas nas smras pa/ bu mnyan du yod pa 'di kho na na
244a6 bcom ldan 'das dang nyan thos chen po rnams bzhugs so zhes byas so/ /de nas re shig na don de rgyal po gsal rgyal la gsol te khyod kyi sras gos su chos gos tshon can 'tshal ba dge sbyong gi cha lugs can tshe rabs
244a7 dran pa zhig btsas te/ de bcom ldan 'das dang nyan thos chen po rnams ga la bzhugs pa yang rmed do zhes byas so/ /de nas rgyal po gsal rgyal gyis bu de la phan gdags pa'i phyir bcom ldan 'das nyan thos kyi dge
244a8 'dun dang bcas pa bshos la spyan drangs so/ /de nas bcom ldan 'das dge slong gi tshogs kyis zham ring byas te/ dge slong gi dge 'dun gyis mdun du bdar nas/ rgyal po gsal rgyal gyi bkad sa ga la ba der
244b1 gshegs te byon nas/ dge slong gi dge 'dun gyi gung la bdan bshams pa la bzhugs so/ /de nas ko sa la'i rgyal po gsal rgyal gyis bu pang par blangs te/ bcom ldan 'das kyi spyan sngar brims nas/ bcom ldan 'das
244b2 bdag gi bu 'di btsas ma thag tu bcom ldan 'das dang nyan thos chen po rnams dran lags so zhes gsol to/ /de nas bcom ldan 'das kyis bu de la sde snod gsum pa khyod nad med par gyur cig ces bka' stsal to/ /de nas des
244b3 de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo zhes smras so/ /de nas rgyal po gsal rgyal mchog tu ya mtshan du gyur to/ /de nas gang gi tshe btsas nas lo bdun lon pa de'i
244b4 tshe chos gos tshon can de dag nyid gyon bzhin du bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig
244b5 nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te
244b6 dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig
244b7 pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams
244b8 kyis mchod cing rjed pa dang gus par smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa sde snod gsum pas las gang
245a1 dag bgyis na des chos gos tshon can 'tshal ba dge sbyong gi cha lugs can tshe rabs dran bzhin du btsas te/ rab tu byung nas kyang dgra bcom pa nyid mngon sum du bgyis lags/ bcom ldan 'das
245a2 kyis bka' stsal pa/ dge slong dag sde snod gsum pa nyid kyis sngon tshe rabs gzhan dag du tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/
245a3 sde snod gsum pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu
245a4 'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la
245a5 rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal
245a6 pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha
245a7 dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten tu byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas re shig na rgyal po kri ki bu drang srong
245a8 smra bar song ngo / /de nas des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa
245b1 nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas mthong ma thag tu de dad pa skyes so/ /dad pa skyes nas bcom ldan 'das kyi zhabs la phyag 'tshal te chos mnyan pa'i
245b2 phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas 'khor ba las skyo bar 'gyur ba'i chos de lta bu bstan
245b3 te/ de thos nas 'khor ba la nyes par lta ba dang / mya ngan las 'das pa la yon tan du lta bar gyur to/ /de nas rgyal po la gsol te/ yab bdag bcom ldan 'das kyi bstan pa la rab tu 'byung bar 'tshal na gnang
245b4 bar mdzad du gsol zhes byas so/ /rgyal pos smras pa/ khyod ring po mi thogs par rgyal tshab tu dbang bskur dgos pas 'di ni ngas bcos su med do/ /bus smras pa/ rgyal srid nyes pa mang po dang ldan pa chos
245b5 kyi dgrar gyur pa bdag la mi 'tshal gyis/ bdag ni bcom ldan 'das kyi bstan pa la rab tu mi 'byung du mi gnang ngo / /de nas yab kyis ma gnang nas des zhag gcig dang gnyis dang / gsum nas zhag drug gi bar
245b6 du kha 'tshos so/ /de nas de'i zla grogs rnams kyis rgyal po la gsol te/ lha mkhyen par mdzad du gsol/ sras 'di ni rab tu byung na legs kyi de'u re 'dir 'gum na ma legs so/ /de nas rgyal pos gnang
245b7 nas dam 'char bcug ste/ nam khyod sde snod gsum ma lobs kyi bar du nga dang phrad du ma 'ong cig ces bsgo'o/ /de nas re shig na de yab kyis gnang nas/ bcom ldan 'das kyi bstan pa la rab tu byung ste
245b8 des brtson pa dang / bsgrub pa dang / 'bad pas ring po ma lon par sde snod gsum lobs te/ rigs pa dang grol bar smra bar chos ston par gyur nas/ de 'di snyam du sems te/ ma la bdag gis sngon dam
246a1 bcas pa gnyer dgum gor ma chag snyam nas de yab kyi thad du song ste phrad nas dris pa/ bu cung zad lobs pa lta yod dam/ des smras pa/ sde snod gsum lobs lags so/ /de nas
246a2 yab la chos de lta bu bstan te de thos nas rgyal po mgu bar gyur to/ /de nas dga' ba skyes te smras pa/ bu cig khyod la ci dgos/ des smras pa/ bdag ni bcom ldan 'das nyan thos kyi dge 'dun dang bcas pa
246a3 spyan drangs la yo byad drug dbul bar 'tshal lo/ /rgyal pos smras pa/ rgyal po'i pho brang ni rgya ches ci dga' ba gyis shig /de nas sde snod gsum pas bcom ldan 'das zhabs 'bring 'khor dge slong nyi khri dang
246a4 bcas te zhal zas bzang pos tshim par byas nas dge slong re re la yang yo byad drug drug phul lo/ /de nas zhabs la phyag 'tshal nas smon lam btab pa/ bdag da ltar dka' bas rab tu byung ba thob nas de bzhin
246a5 gshegs pa nyan thos kyi dge 'dun dang bcas pa la bkur sti byas pa'i dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na bdag gang dang gang du skyes pa de dang der gos su
246a6 chos gos tshon can gyon la dge sbyong gi cha lugs 'di dang ldan te tshe rabs dran par gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus
246a7 na rgyal po kri ki'i bur gyur pa gang yin pa de ni sde snod gsum pa 'di yin te/ rgyu de nyid kyis phyug po'i rigs su skyes te/ gzugs bzang zhing lta na sdug la mdzes pa dang / tshe rabs dran par gyur to/ /
246a8 dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig
246b1 tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang / las 'dren ma rnams spangs la/ las
246b2 gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas dge slong de dag yi rangs te bcom ldan 'das kyis
246b3 gsungs pa la mngon par bstod do/ /grags bshes shes bya ba ni sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang
246b4 tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams
246b5 kyis bkur sti byas/ bla mar byas/ ri mor byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang lto 'phye chen po rnams kyis mchod cing shes pa'i
246b6 sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang
246b7 bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na ded dpon phyug cing nor mang la longs spyod che ba/ yongs su
246b8 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' 'gur
247a1 spyod do/ /de'i tshe mu ge mi zad par gnod pa byung ste slong bas kyang zas mi rnyed do/ /ltas mkhan rnams kyis kyang char mi 'bab par bstan pa las re shig na ded dpon de'i chung ma la bu chags
247a2 nas/ de zla ba brgyad dam dgu lon pa dang bu byung ste khye'u gzugs bzang zhing lta na sdug la mdzes pa/ yan lag dang nying lag thams cad dang ldan pa zhig btsas nas gang gi nyin par khye'u de btsas pa de'i nyin par
247a3 nas than pa med par gyur to/ /de nas de'i grags pas mnyan du yod pa mtha' dag tu rgyas par gyur to/ /de nas de btsas pa'i btsas ston byas nas khye'u 'di'i ming ji skad gdags shes ming 'dogs par byed de/ nye du
247a4 rnams na re 'di'i grags pa kun du rgyas pas na de'i phyir khye'u 'di'i ming grags bshes shes gdags so zhes zer ro/ /de nas khye'u grags bshes pang na 'tsho ba'i ma ma gnyis dang / nu ma snun pa'i ma ma gnyis dang /
247a5 dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byed kyi khyad par bzang ngo cog
247a6 gis bskyed bsrings te mtsho'i nang gi pad ma bzhin du skye drag par gyur to/ /de nas gang gi tshe khye'u grags bshes cher skyes pa de'i tshe rgyal bu rgyal byed kyi tshal du don zhig la song ngo / /de nas des sangs rgyas bcom ldan
247a7 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od mnga' ba/ rin po
247a8 che'i ri bo 'gro ba lta bu kun nas bzang ba mthong nas/ mthong ma thag tu de dad pa skyes so/ /dad pa skyes nas bcom ldan 'das kyi zhabs la phyag 'tshal te chos mnyan pa'i phyir bcom ldan 'das kyi spyan sngar 'dug
247b1 go/ /de nas bcom ldan 'das kyis de la 'khor ba las skyo bar 'gyur ba de lta bu'i chos bstan pa mdzad de/ de thos nas 'khor ba la nyes par lta ba dang / mya ngan las 'das pa la yon tan du lta bar gyur te pha ma la gsol nas/
247b2 bcom ldan 'das kyi bstan pa la rab tu byung ste des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung
247b3 ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags
247b4 dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang /
247b5 mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra
247b6 ba'i gnas su gyur to/ /de'i mche ba gnyis las chu yan lag brgyad dang ldan pa 'byung ste/ des na de la skom pa'i gnod pa med de/ gang gi tshe tsha ba'i dus su dge slong skom pa rnams gung skyems la dge 'dun
247b7 gyi nang du 'du ba de'i tshe yang de mi 'ong ngo / /de nas de dang bshes pa'i dge slong rnams kyis dris pa/ ci'i phyir khyod la skom pa'i gnod pa med ces byas so/ /des smras pa/ bdag gi mche ba gnyis las chu yan
247b8 lag brgyad dang ldan pa 'byung ste/ des na bdag la skom pa'i gnod pa med do/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa grags
248a1 bshes 'dis las gang dag bgyis na des gzugs bzang zhing lta na sdug la mdzes pa dang / mche ba gnyis las chab yan lag brgyad dang ldan pa 'byung la/ rab tu byung nas kyang dgra bcom
248a2 pa nyid mngon sum du bgyis lags/ bcom ldan 'das kyis bka' stsal pa/ dge slong dag grags bshes nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du
248a3 'byung la/ gdon mi za bar 'ong ba'i las de dag byas shing bsags pas na/ grags bshes nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las
248a4 byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi
248a5 dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /
248a6 tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas
248a7 rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba
248a8 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de nas re shig na tshong dpon gyi bu zhig dge slong rgan po zhig la rab tu byung ba las/ de yang le lo can
248b1 zhig ste gzhan la bsnyen bkur byed mi 'dod do/ /de nas tshangs pa mtshungs par spyod pa rnams kyis gnas brtan de nyid kyis bsnyen bkur byed par bskos pa dang de bdag ni bsnyen bkur byed pa yin no snyam du cher
248b2 'dzin te/ dge slong ches rgan pa rnams kyi bsnyen bkur len par byed nas/ de'i dge ba'i rtsa ba rnams zad de phyis re shig na nad kyis btab pa dang / gnas brtan gyis sman pa'i lung bzhin du sman mar blud
248b3 nas de mtshan mo skom ste ci bya gtol med nas chu btung snyam ste bdag gi chu snod kyi drung du song na chu med par mthong ngo / /de bzhin du mkhan po dang / slob dpon dang / dge 'dun gyi drung tshang du song na de dag kyang chu med par
248b4 mthong ngo / /de nas re shig na chu klung zlog byed kyi 'gram du song na de yang chu med par gyur te/ de mi dga' bar gyur nas bdag gi tshangs pa mtshungs par spyod pa rnams skyo ba skyed pa dang / dad pas byin pa lci bar
248b5 bstan pa'i phyir chu klung zlog byed kyi pha rol na shing zhig yod pa la 'dzegs te/ ras shig der btags nas rang gi las rnams las bsams te las la rten cing 'dug go/ /de nas re shig na phyi de nyin par nam nangs
248b6 pa dang gtam de tshangs pa mtshungs par spyod pa rnams la bsnyad do/ /de nas de'i tshangs pa mtshungs par spyod pa rnams kyis skabs de thos nas mi dga' bar gyur te phan tshun du bsnyad do/ /de nas de'i mkhan pos chu byin
248b7 na de yang ma mthong ngo / /de nas de mi dga' bar gyur nas bcom ldan 'das 'od srung la gsol te/ bcom ldan 'das 'od srung gis 'gan De rdungs shig ces bka' stsal to/ /de nas khang skyong gis 'gan De brdungs pa dang
248b8 sangs rgyas la sogs pa dge slong gi dge 'dun rnams 'dus so/ /grong khyer bA rA Na sI thog thag tu yang gtam de grags te sems can 'bum phrag du ma 'dus so/ /de nas re shig na de'i mkhan pos gral dpon
249a1 gyi mdun du 'dug tu bcug nas ril ba spyi lugs chus bkang ste byin nas/ bu chu 'di dge 'dun la brims shig ces byas so/ /de nas 'bras bu mngon sum du mthong ba des skyo bar gyur pa de
249a2 nyid kyis bcom ldan 'das dang nyan thos rnams la dad pa bskyed nas bsam pa drag pos chu de dge 'dun la brims so/ /de nas bcom ldan 'das kyis de la phan gdags pa'i phyir phyag glang po che'i sna lta bu brkyang nas
249a3 'jigs pa thams cad dbugs 'byin par byed pa'i phyag gis chu de bzhes te/ nyan thos chen po rnams kyis kyang blangs na 'on kyang zad par ma gyur to/ /dge 'dun thams cad la brims na yang zad par ma gyur
249a4 to/ /de nas lha dang mi rnams dad par byed pa'i cho 'phrul ya mtshan can de mthong nas srog chags 'bum phrag du mas bden pa mthong bar gyur to/ /de'i rgyud la yang dge ba'i rtsa ba rnams khong du chud par gyur to/ /
249a5 gang gi tshe nad sos pa de'i tshe des sangs rgyas la sogs pa dge slong gi dge 'dun chus mi brel bar byas te/ lo khri nyis stong gi bar du des dge 'dun la chu brims so/ /de nas phyis re shig na 'chi ba'i dus la bab
249a6 pa'i tshe smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na/ bcom ldan 'das 'od srung gis bram ze'i khye'u bla ma la bram ze'i khye'u khyod
249a7 skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa gang yin pa de bdag gis mnyes par byed par gyur
249a8 cig /mi mnyes par byed par ma gyur cig /bdag gi mche ba'i srag nas kyang chu yan lag brgyad dang ldan pa 'byung bar gyur cig ces byas so/ /bcom ldan 'das kyis bka' stsal pa/ dge slong dag
249b1 ji snyam du sems/ de'i tshe de'i dus na dge slong du gyur pa gang yin pa de ni grags bshes 'di yin te/ des lo khri nyis stong gi bar du dge 'dun la chu brims te smon lam btab pa des na tshe 'di la mche ba'i srag
249b2 nas chu 'byung la/ rgyu de nyid kyis na dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /
249b3 las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las
249b4 gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom
249b5 ldan 'das kyis de skad ces bka' stsal nas dge slong de dag yi rangs te bcom ldan 'das kyis gsungs pa la mngon par bstod do// //rdzus te skyes pa zhes bya ba ni/ sangs rgyas bcom ldan 'das la rgyal
249b6 po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams
249b7 dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur stir byas/ bla mar byas/ ri mo byas/ mchod pa byas te/ lha dang / klu dang /
249b8 gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang /
250a1 zhal zas dang / gzims cha dang / gdan dang / snyun gsos dang / sman zong rnams brnyes pa nyan thos kyi dge 'dun dang bcas pa sum cu rtsa gsum pa'i lha yul na shing gi rgyal po yongs
250a2 'du sa brtol gyi drung nas thag mi ring ba zhig na rdo leb snam bu dkar po de lta bu'i steng du dbyar gnas par dam bzhes te/ sku skrun pa'i yum dang sum cu rtsa gsum pa'i lha gzhan dag la yang chos ston to/ /de'i
250a3 tshe tshe dang ldan pa maud gal gyi bu chen po mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na dbyar gnas par dam bcas so/ /de nas 'khor bzhi po rnams tshe dang ldan
250a4 pa maud gal gyi bu chen po ga la ba der dong ste lhags nas tshe dang ldan pa maud gal gyi bu chen po'i rkang pa la mgo bos phyag 'tshal te phyogs gcig tu 'khod do/ /phyogs gcig tu 'khod nas tshe dang ldan pa maud gal
250a5 gyi bu chen pos chos kyi gtam gyis yang dag par bstan/ yang dag par 'dzin du bcug /yang dag par gzeng bstod/ yang dag par dga' bar byed do/ /chos kyi gtam rnam grangs du mas yang dag par bstan
250a6 yang dag par 'dzin du bcug /yang dag par gzeng bstod/ yang dag par dga' bar byas nas cang mi zer bar 'dug go/ /de nas 'khor bzhi po rnams stan las langs te bla gos phrag pa gcig tu gzar
250a7 nas tshe dang ldan pa maud gal gyi bu chen po ga la ba de logs su thal mo sbyar ba btud de/ tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po khyod kyis da ltar
250a8 bcom ldan 'das gang du dbyar gnas par dam bzhes pa chung zad gsan tam/ tshe dang ldan pa maud gal gyi bu chen pos smras pa/ kye bdag gis ni bcom ldan 'das sum cu rtsa gsum pa'i lha yul na shing
250b1 gi rgyal po yongs 'du sa brtol gyi drung nas thag mi ring ba zhig na rdo leb snam bu dkar po lta bu'i steng du dbyar gnas par dam bzhes te/ sku skrun pa'i yum dang sum cu rtsa gsum pa'i lha gzhan dag la yang
250b2 chos ston cing bzhugs so zhes thos so/ /de nas 'khor bzhi po rnams tshe dang ldan pa maud gal gyi bu chen pos smras pa la mngon par bstod cing rjes su yi rangs te rkang pa la phyag 'tshal nas stan las
250b3 langs te dong ngo / /de nas 'khor bzhi po rnams dbyar zla ba gsum 'das nas tshe dang ldan pa maud gal gyi bu chen po ga la ba der dong ste lhags nas/ tshe dang ldan pa maud gal gyi bu chen po'i rkang pa la mgo bos phyag
250b4 'tshal te phyogs gcig tu 'khod nas tshe dang ldan pa maud gal gyi bu chen pos 'khor bzhi po rnams chos kyi gtam gyis yang dag par bstan/ yang dag par 'dzin du bcug /yang dag par gzeng bstod/ yang dag
250b5 par dga' bar byed do/ /chos kyi gtam rnam grangs du mas yang dag par bstan/ yang dag par 'dzin du bcug /yang dag par gzeng bstod/ yang dag par dga' bar byas nas cang mi zer bar 'dug go/ /de
250b6 nas 'khor bzhi po rnams stan las langs te bla gos phrag pa gcig tu gzar nas tshe dang ldan pa maud gal gyi bu chen po ga la ba de logs su thal mo sbyar ba btud de/ tshe dang ldan pa maud gal gyi bu chen po
250b7 la 'di skad ces smras so/ /btsun pa maud gal gyi bu chen po mkhyen par mdzad du gsol/ bdag cag gis bcom ldan 'das kyi zhal ma mthong nas ring mo zhig lags te/ bdag cag ni bcom ldan
250b8 'das mthong bas skom lags so/ /bdag cag ni bcom ldan 'das mthong bar 'tshal te/ gal te btsun pa maud gal gyi bu chen po la gnod pa ma mchis na btsun pa maud gal gyi bu chen po bcom ldan
251a1 'das ga la ba der gshegs te byon nas zhabs la phyag bzhes te gnod pa chung ngam/ nyam nga ba chung ngam/ bskyod pa yang ngam/ 'tsho 'am/ stobs dang ldan nam/ bde ba
251a2 dang ldan nam/ mi bde ba mi mnga' 'am/ bde ba la reg par gnas sam zhes gsol la 'di skad ces gsungs shig /btsun pa 'dzam bu'i gling pa'i 'khor bzhi po rnams bcom ldan 'das mthong bar
251a3 'tshal te/ 'di skad du btsun pa 'dzam bu'i gling pa'i mi rnams la ni gang gis 'dzam bu'i gling pa'i mi rnams bcom ldan 'das la blta ba dang / thad du mchi ba dang / bsnyen bkur bgyi ba'i slad du sum cu rtsa gsum
251a4 pa'i lha yul du mchi ba de lta bu'i rdzu 'phrul dang mthu ma mchis la/ sum cu rtsa gsum pa'i lha rnams la ni gang gis sum cu rtsa gsum pa'i lha rnams bcom ldan 'das la blta ba dang thad du mchi ba dang / bsnyen bkur
251a5 bgyi ba'i slad du 'dzam bu'i gling du mchi ba de lta bu'i rdzu 'phrul dang mthu mchis na thugs brtse ba'i slad du bcom ldan 'das sum cu rtsa gsum pa'i lha yul nas 'dzam bu'i gling du gshegs su gsol zhes mchi'o zhes
251a6 mol du gsol/ de nas tshe dang ldan pa maud gal gyi bu chen pos 'khor bzhi po rnams la cang mi smra bas khas blangs so/ /de nas 'khor bzhi po rnams kyis tshe dang ldan pa maud gal gyi bu chen pos cang mi smra bar khas
251a7 blangs par rig nas/ tshe dang ldan pa maud gal gyi bu chen po'i rkang pa la mgo bos phyag 'tshal te stan las langs te dong ngo / /de nas tshe dang ldan pa maud gal gyi bu chen pos 'khor bzhi po rnams dong nas ring po ma
251a8 lon par rig nas ji ltar sems mnyam par bzhag na dper na mi stobs po che'i lag pa bskum pa las brkyang ba 'am/ brkyang ba las bskum pa bzhin du tshe dang ldan pa maud gal gyi bu chen po mnyan du yod pa nas
251b1 mi snang bar gyur te/ sum cu rtsa gsum pa'i lha yul na shing gi rgyal po yongs 'du sa brtol gyi drung nas thag mi ring ba zhig na rdo leb snam bu dkar po lta bu 'dug pa der son par 'gyur ba de lta bu'i ting nge 'dzin
251b2 la snyoms par zhugs so/ /de'i tshe bcom ldan 'das ni lha'i 'khor brgya phrag du ma'i gung la bzhugs te chos ston to/ /de nas tshe dang ldan pa maud gal gyi bu chen pos bcom ldan 'das lha'i 'khor
251b3 brgya phrag du ma'i gung la bzhugs te chos ston pa mthong ngo / /mthong nas kyang 'dzum dmul te bcom ldan 'das ni ji ltar 'dzam bu'i gling na 'khor bzhi po rnams kyis gang ba bzhin du 'di na yang 'khor
251b4 mang po dang bzhugs so snyam mo/ /de nas bcom ldan 'das kyis tshe dang ldan pa mo+od gal gyi bu chen po'i sems thugs kyis mkhyen nas tshe dang ldan pa maud gal gyi bu chen po la 'di skad ces bka' stsal
251b5 to/ /maud gal gyi bu 'di dag la ni rang dbang med de/ gang gi tshe ngas deng shig ces bsams na ni de'i tshe 'dong bar 'gyur ro/ /gang gi tshe ngas shog shig ces bsams na ni de'i tshe 'ong bar
251b6 'gyur te/ sems kyis nga'i bsam pa shes nas 'ong ba dang 'dong bar 'gyur ro/ /de nas tshe dang ldan pa maud gal gyi bu chen po bcom ldan 'das ga la ba der song ste phyin nas/ bcom
251b7 ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa maud gal gyi bu chen pos lha'i 'khor thams cad la
251b8 bltas te/ bcom ldan 'das la 'di skad ces gsol to/ /btsun pa kye ma lha'i 'khor sna tshogs 'dus shing 'khod lags so/ /lha'i 'khor gyi nang na sangs rgyas la shes nas dad pa dang ldan te lus dang bral
252a1 nas 'dir skyes pa'i lha de lta bu dag kyang mchis so/ /chos dang dge 'dun dang 'phags pa dgyes pa'i tshul khrims la shes nas dad pa ldan te lus dang bral nas 'dir skyes pa dag kyang mchis so/ /de nas
252a2 bcom ldan 'das kyis tshe dang ldan pa maud gal gyi bu chen pos smras pa la 'thun par dgongs te tshe dang ldan pa maud gal gyi bu chen po la 'di skad ces bka' stsal to/ /maud gal gyi bu chen po de ni de bzhin no/ /de ni de bzhin
252a3 te/ kye ma lha'i 'khor sna tshogs 'dus shing 'khod do/ /lha'i 'khor gyi nang na sangs rgyas la shes nas dad pa dang ldan te lus dang bral nas 'dir skyes pa'i lha de lta bu dag kyang yod do/ /chos dang dge 'dun dang 'phags
252a4 pa dgyes pa'i tshul khrims la shes nas dad pa dang ldan te lus dang bral nas 'dir skyes pa'i lha de lta bu dag kyang yod do de nas lha'i dbang po brgya byin gyis bcom ldan 'das kyis gsungs pa dang / tshe dang ldan pa maud gal gyi
252a5 bu chen pos smras pa la 'thun par bsams te/ tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po de ni de bzhin no/ /de ni de bzhin te/ kye ma lha'i 'khor sna tshogs
252a6 'dus shing 'khod do/ /lha'i 'khor gyi nang na sangs rgyas la shes nas dad pa dang ldan te lus dang bral nas 'dir skyes pa'i lha de lta bu dag kyang yod do/ /chos dang dge 'dun dang 'phags pa dgyes pa'i tshul khrims la
252a7 shes nas dad pa dang ldan te lus dang bral nas 'dir skyes pa de lta bu dag kyang yod do/ /de nas lha'i bu gzhan zhig gis kyang bcom ldan 'das kyis gsungs pa dang / tshe dang ldan pa maud gal gyi bu chen po dang
252a8 lha'i dbang po brgya byin gyis smras pa la 'thun par bsams te/ tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po de ni de bzhin no/ /de ni de bzhin te/ kye ma lha'i
252b1 'khor sna tshogs 'dus shing 'khod do/ /lha'i 'khor gyi nang na sangs rgyas la shes nas dad pa dang ldan te lus dang bral nas 'dir skyes pa'i lha de lta bu dag kyang yod do/ /chos dang dge 'dun dang 'phags pa dgyes pa'i tshul khrims la
252b2 shes nas dad pa dang ldan te lus dang bral nas 'dir skyes pa de lta bu dag kyang yod do/ /de nas lha kha cig stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/
252b3 bcom ldan 'das la 'di skad ces gsol to/ /btsun pa bdag cag ni sangs rgyas la shes nas dad pa dang ldan te lus dang bral nas 'dir skyes lags so/ /lha gzhan dag gcig gis kyang 'di skad ces gsol to/ /btsun
252b4 pa bdag cag ni chos dang dge 'dun dang 'phags pa dgyes pa'i tshul khrims la shes nas dad pa dang ldan te lus dang bral nas 'dir skyes lags so/ /de nas der lha brgya phrag du ma dang / lha stong phrag du ma dang / lha 'bum brag
252b5 du ma bcom ldan 'das kyi spyan sngar so so'i rgyun du zhugs pa'i 'bras bu brda sprod pa byas nas de nyid du mi snang bar gyur to/ /de nas tshe dang ldan pa maud gal gyi bu chen pos lha rnams dong bar rig nas bla gos phrag pa gcig
252b6 tu gzar te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /btsun pa 'dzam bu'i gling na 'khor bzhi po mchis pa rnams bcom ldan 'das kyi zhabs
252b7 la phyag 'tshal te/ gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ stobs dang ldan nam/ bde ba dang ldan nam/ mi bde ba mi mnga' 'am/ bde ba la reg par gnas sam zhes kyang
252b8 mchis lags so/ /bcom ldan 'das kyis bka' stsal pa/ maud gal gyi bu khyod dang 'dzam bu'i gling na 'khor bzhi po 'khod pa rnams bde bar gyur cig mo+od gal gyi bus gsol pa/ btsun pa 'dzam bu'i gling
253a1 na 'khor bzhi po mchis pa rnams ni bcom ldan 'das kyi zhal mthong bar 'tshal te 'di skad ces kyang mchi'o/ /btsun pa 'dzam bu'i gling pa'i mi rnams bcom ldan 'das la blta ba dang / thad du mchi ba
253a2 dang / bsnyen bkur bgyi ba'i slad du sum cu rtsa gsum pa'i lha yul du mchi ba de lta bu'i rdzu 'phrul dang mthu ma mchis la/ sum cu rtsa gsum pa'i lha rnams la ni gang gis sum cu rtsa gsum pa'i lha rnams bcom
253a3 ldan 'das la blta ba dang / thad du mchi ba dang / bsnyen bkur bgyi ba'i slad du 'dzam bu'i gling du mchi ba de lta bu'i rdzu 'phrul dang mthu mchis na/ thugs brtse ba'i slad du bcom ldan 'das sum cu rtsa gsum pa'i lha
253a4 yul nas 'dzam bu'i gling du gshegs su gsol zhes kyang mchi'o/ /bcom ldan 'das kyis bka' stsal pa/ maud gal gyi bu 'o na khyod 'dzam bu'i gling du song la 'khor bzhi po rnams la/ kye bcom ldan 'das ni
253a5 da ste zhag bdun na sum cu rtsa gsum pa'i lha yul nas 'dzam bu'i gling du grong khyer snang ldan gyi 'dab/ a pad dza ra'i nags su shing u dum ba ra'i drung du gshegs so zhes sbron cig /de nas tshe dang ldan pa maud gal
253a6 gyi bu chen pos bcom ldan 'das kyis bka' stsal pa mnyan te/ bcom ldan 'das kyi zhabs la mgo bos phyag 'tshal nas ji ltar sems mnyam par bzhag na/ dper na mi stobs po che'i lag pa bskum pa
253a7 las brkyang ba 'am/ brkyang ba las brkum pa bzhin du tshe dang ldan pa maud gal gyi bu chen po sum cu rtsa gsum pa'i lha yul nas mi snang bar gyur te 'dzam bu'i gling du son par 'gyur ba de lta bu'i ting nge 'dzin
253a8 la snyoms par zhugs so/ /de nas tshe dang ldan pa maud gal gyi bu chen po 'dzam bu'i gling du 'ongs nas 'khor bzhi po rnams la sbran pa/ kye bcom ldan 'das ni da ste zhag bdun na sum cu rtsa gsum pa'i
253b1 lha yul nas 'dzam bu'i gling du grong khyer snang ldan gyi 'dab/ a pad dza ra'i nags su shing u dum ba ra'i drung du gshegs so zhes byas so/ /de nas zhag bdun lon pa dang bcom ldan 'das sum cu rtsa gsum pa'i
253b2 lha yul nas 'dzam bu'i gling du grong khyer snang ldan gyi mdab/ a pad dza ra'i nags su shing u dum ba ra'i drung du gshegs so/ /gang gi tshe bcom ldan 'das grong khyer snang ldan du gshegs pa de'i tshe srogs chags
253b3 'bum phrag du ma bcom ldan 'das la blta ba'i phyir 'dus so/ /de nas der dge slong rdzus te skyes pa zhig byung ste/ des bcom ldan 'das nyan thos kyi dge 'dun dang bcas pa dang / lha dang / lha ma yin dang / nam
253b4 mkha' lding dang / mi 'am ci dang / lto 'phye chen po de dag bshos la spyan drangs nas/ re shig na gdugs tshod la bab pa dang sems bskyed ma thag tu lha'i gdan dar yug khyim chen pos g.yogs pa dag dang /
253b5 lha'i zhal zas bza' ba dang bca' ba dag byung bar gyur to/ /de nas dge slong rdzus te skyes pa des bcom ldan 'das lha'i zhal zas kyis tshim par byas te/ lha dang lha ma yin dang / nam mkha' lding dang / mi
253b6 'am ci dang / lto 'phye chen po de dag la yang bkur sti legs par byas so/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas de lta bu'i chos bstan
253b7 pa mdzad de/ de thos nas dge slong rdzus te skyes pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par
253b8 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags
254a1 dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa
254a2 rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par
254a3 smra ba'i gnas su gyur to/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa rdzus te skyes pas las gang dag bgyis na des rdzus te skyes par gyur
254a4 la/ 'dis sems bskyed pa'i mod la ci bsams pa dang / ci 'tshal ba de dag thams cad 'grub par 'gyur ba lags/ bcom ldan 'das kyis bka' stsal pa/ dge slong dag rdzus te skyes pa nyid kyis sngon tshe rabs
254a5 gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ rdzus te skyes pa nyid kyis las byas shing bsags pa de dag
254a6 gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi
254a7 khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus
254a8 can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu rtsa gcig pa la skye dgu'i
254b1 tshe lo brgyad khri thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba
254b2 bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs shes bya ba 'jig rten du byung ste/ de grong khyer gnyen ldan na rten cing bzhugs so/ /de nas re shig na grong med pa dgon
254b3 pa'i gnas shig na dge slong lnga dbyar gnas par dam bcas pa las de'i nang nas dge slong gcig gis dge slong bzhi'i zhal ta byas nas/ de dag gis brtson pa dang / bsgrub pa dang / 'bad pas nyon mongs pa thams cad
254b4 spangs nas dgra bcom pa nyid mngon sum du byas so/ /dge slong cig shos kyis ni de dag gi rkang pa la phyag 'tshal nas smon lam btab pa/ 'di ltar 'di rnams kyis bdag las brten te dgra bcom pa nyid mngon
254b5 sum du byas pa'i dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na bdag rab tu byung ste yo byad kyi khyad par dag gis brel bar ma gyur cig ces byas so/ /dge slong dag ji snyam
254b6 du sems/ de'i tshe de'i dus na dge slong zhal ta byed par gyur pa gang yin pa de ni rdzus te skyes pa 'di yin no/ /gsol pa/ btsun pa rdzus te skyes pas las gang dag bgyis na des rdzus te skyes lags/ bcom ldan 'das
254b7 kyis bka' stsal pa/ dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang
254b8 zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du
255a1 byung ste/ de grong khyer ba ra Na si na drang srong smra ba ri dgas kyi nags na rten cing bzhugs so/ /de'i tshe de na tshong dpon zhig gnas pa de'i chung ma bu btsa' ba'i tshe sdug bsngal gyi tshor bas nyen te nyam thag pa'i skad
255a2 'byin cing ngu ba dang / des de'i sgra thos nas mchog tu mi dga' bar gyur te/ mya ngan gyi khang bur zhugs nas lag pa la rkom tshugs bcas te sems khongs su chud cing 'dug pa las de'i blo skyes pa/ ma la bdag
255a3 bcom ldan 'das kyi bstan pa la rab tu byung la/ ci nas bdag gis nams kyang mngal du gnas pa nyams su myong bar ma gyur cig ces smon lam gdab gor ma chag snyam ste/ de skyo bar gyur pa de nyid kyis bcom ldan
255a4 'das 'od srung gi gsung rab la rab tu byung nas des smon lam btab pa/ dge ba'i rtsa ba dang sems bskyed pa 'dis na bdag gang dang gang du skye ba de dang der rdzus te skye bar gyur cig /nams kyang mngal du gnas pa nyams
255a5 su myong bar ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na tshong dpon du gyur pa gang yin pa de ni rdzus te skyes pa 'di yin te/ smon lam
255a6 btab pa des na rdzus te skyes par gyur to/ /des der dbang po rnams yongs su smin par byas pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams
255a7 ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin
255a8 pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/
255b1 dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //mdzes pa zhes
255b2 bya ba ni sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang tshong dpon rnams dang / ded dpon rnams dang / lha rnams dang / klu rnams dang / gnod
255b3 sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang /
255b4 gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal
255b5 zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa ser skya'i gnas na shing n+ya gro d+ha'i kun dga' ra ba na bzhugs so/ /de'i tshe
255b6 ser skya'i gnas na shAkya phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa
255b7 las chung ma blangs nas/ de de dang lhan cig tu rtse zhing dga' la dga' 'gur spyod do/ /de rtse zhing dga' la dga' 'gur spyod pa las chung ma la bu chags nas/ de zla ba brgyad dam dgu lon pa dang bu byung
255b8 ste/ khye'u gzugs bzang zhing lta na sdug la mdzes pa/ mi'i kha dog las ni 'das/ lha'i kha dog ni ma thob pa zhig btsas nas/ de btsas pa'i tshe shin tu rmad du byung ba du ma byung bar gyur te/ de dag gis
256a1 grong khyer ser skya'i gnas thog thag mdzes par byas so/ /de nas de btsas pa'i btsas ston byas nas khye'u 'di'i ming ji skad gdags shes ming 'dogs par byed de/ nye du rnams na re 'di btsas
256a2 pa na grong khyer ser skya'i gnas mdzes par byas pas na de'i phyir khye'u 'di'i ming mdzes pa zhes gdags so zhes zer ro/ /de nas khye'u mdzes pa pang na 'tsho ba'i ma ma gnyis dang / nu ma snun pa'i ma ma
256a3 gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad
256a4 par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas gang gi tshe cher skyes pa de'i tshe bcom ldan 'das la blta ba'i phyir shing n+ya gro d+ha'i kun dga' ra bar song ngo / /de nas
256a5 des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od mdom gang gis brgyan pa/ nyi ma stong
256a6 bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' ba bskyed do/ /de dga' ba skyes nas bcom
256a7 ldan 'das kyi zhabs la phyag 'tshal te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang
256a8 bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas khye'u mdzes pas 'jig tshogs la lta ba'i ri'i rtse mo mthon po nyi shu ye shes rdo rjes
256b1 bcom nas rgyun du zhugs pa'i 'bras bu mngon sum du byas te/ des bden pa mthong nas pha ma la gsol te/ bcom ldan 'das kyi bstan pa la rab tu byung nas/ des brtson pa dang / sgrub pa dang /
256b2 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par
256b3 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/
256b4 gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang /
256b5 mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis
256b6 mchod cing rjed pa dang / gus par smra ba'i gnas su gyur to/ /de nas dge slong dag the tshom skyes te/ the tshom thams cad gcod pa sangs rgyas bcom ldan 'das la zhus pa/
256b7 btsun pa mdzes pas las gang dag bgyis na des gzugs bzang zhing / lta na sdug la mdzes te/ mi'i kha dog las ni 'das/ lha'i kha dog ni ma thob par gyur la/ 'di btsas pa'i
256b8 tshe yang shin tu rmad du byung ba du ma byung bar gyur te/ de dag gis grong khyer ser skya'i gnas kun tu mdzes par bgyis lags/ bcom ldan 'das kyis bka' stsal pa/ dge slong dag mdzes
257a1 pa nyid kyis sngon tshe rabs gzhan dag du tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ mdzes pa nyid
257a2 kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i
257a3 khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams
257a4 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras nyid du smin par 'gyur/ /dge slong dag
257a5 sngon byung ba 'das pa'i dus na bskal pa bzang po 'di nyid la skye dgu'i tshe lo bzhi khri thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/
257a6 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyis ston pa/ sangs rgyas bcom ldan 'das 'khor ba 'jig ces bya ba 'jig rten du
257a7 byung ste/ de rgyal po'i pho brang grong khyer mdzes ldan na rten cing bzhugs so/ /de nas rgyal po mdzes pas de'i dbu skra dang sen mo'i mchod rten brtsigs so/ /de nas re shig na de'i dus ston zhig byung ba'i
257a8 tshe mdza' sde dag cig mchod rten gyi drung du dong ba las/ de dag gis mchod rten de mthong nas dad pa skyes te me tog btags so/ /de dag gi nang nas mdza' sde bo gcig na re bdag la ni ci yang med kyis/ bdag ni
257b1 cang mi byed do zhes zer nas de mdza' sde de dag gi nang nas phyir byung ba las de 'gyod pa skyes te/ des me tog rnam pa sna tshogs btus nas mchod rten de nyid la me tog phul lo/ /bcom ldan 'das kyis bka'
257b2 stsal pa/ dge slong dag ji snyam du sems/ de'i tshe de'i dus na mdza' sde bo 'gyod pa skyes nas yang dag par rdzogs pa'i sangs rgyas 'khor ba 'jig gi dbu skra dang sen mo'i mchod rten la me tog 'bul ba
257b3 gang yin de ni mdzes pa 'di yin no/ /dge slong dag mdzes pas ni las gzhan dag kyang byas shing bsags te/ dge slong dag sngon byung ba 'das pa'i dus na grong khyer bA rA na sI na tshong dpon zhig gnas pa des
257b4 rang sangs rgyas nad pa zhig mthong ngo / /de nas dad pa skyes te rkang pa la phyag 'tshal nas bsod snyoms kyang phul gos kyang phul lo/ /dge slong dag ji snyam du sems/ de'i tshe de'i dus na tshong dpon du gyur
257b5 pa gang yin pa de ni mdzes pa 'di yin no/ /gzhan yang bcom ldan 'das 'od srung gi ring la mi dbul po shing thun zhig tu gyur te/ de ri'i sul zhig tu shing thur song ba dang / des mchod rten zhig mthong na
257b6 mchod rten de'i 'khor sa na rtswa dag kyang skyes so/ /de nas de dad pa skyes nas des rtswa rnams kyang phyung ste phyags ma thogs nas mchod rten dang mchod rten gyi 'khor sa phyags so/ /de nas zhabs la phyag 'tshal
257b7 te smon lam btab pa/ dge ba'i rtsa ba dang / sems bskyed pa 'dis na bdag gzugs bzang zhing lta na sdug la mdzes par gyur cig /ma 'ongs pa'i dus na yang dag par rdzogs pa'i sangs rgyas rnams
257b8 mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na dbul po shing thun du gyur pa
258a1 gang yin pa de ni mdzes pa 'di nyid yin te/ des mchod rten dang mchod rten gyi 'khor sa phyags pa des na gang dang gang du skyes pa dang der gzugs bzang zhing lta na sdug la mdzes par gyur to/ /rgyu de nyid
258a2 kyis na da ltar yang dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu
258a3 nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag
258a4 pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal
258a5 nas dge slong de dag yi rangs te bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po nyi shu pa/ ka pi na zhes bya ba ni/ sangs rgyas bcom ldan
258a6 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams
258a7 dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang /
258a8 lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang /
258b1 gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi 'tshal khyim bdag mgon med zas sbyin gyi kun dga' ra ba na bzhugs so/ /
258b2 de'i tshe lho phyogs na rgyal po rtog ldan zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang /
258b3 nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ gnod pa med cing tsher ma dkrugs la bu gcig pa la bya ba bzhin du rgyal
258b4 srid bskyangs so/ /de nas phyis re shig na de btsun mo dang lhan cig tu rtse zhing dga' la dga' 'gur spyod do/ /de rtse zhing dga' la dga' 'gur spyod pa las btsun mo la bu chags nas/ de zla ba brgyad dam dgu lon pa dang
258b5 bu byung ste/ khye'u gzugs bzang zhing lta na sdug la mdzes pa yan lag dang / nying lag thams cad dang ldan pa zhig btsas so/ /de nas de btsas pa'i btsas ston byas nas ka pi na zhes ming btags so/ /de nas
258b6 khye'u ka pi na pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang /
258b7 mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /gang gi nyin par rgyal po'i bu ka pi na btsas
258b8 pa de kho na'i nyin par blon po khri brgyad stong gi bu yang btsas te/ thams cad kyang tshan po che'i stobs dang ldan pa sha stag go/ /de dag gi ming yang so so'i rkyen rkyen du 'tsham par btags so/ /de nas re shig
259a1 na rgyal po rtog ldan shi nas de'i 'og tu bu ka pi na rgyal por bcug go/ /blon po'i bu khri brgyad stong po de dag thams cad kyang rgyal po'i blon por bskos so/ /de nas phyi zhig na rgyal po ka pi na
259a2 chen po blon po khri brgyad stong gis zhabs 'bring byas te ri dgas shor du song ba dang des mdun logs dang rgyab logs su dpung chen po thams cad bltas nas blon po rnams la dris pa/ kwa'e da ltar nga'i dpung
259a3 chen po 'di lta bu dag gzhan su la yod ces byas so/ /de nas blon po snyan par smra ba rnams kyis lha su la yang ma mchis so zhes byas so/ /de nas yul dbus nas tshong pa dag cig lho phyogs su song ba
259a4 de dag gis rgyal po ka pi na chen po la skyes phul lo/ /de nas rgyal pos smras pa/ kye tshong pa dag yul de'i rgyal po su yin/ tshong pa rnams kyis gsol pa/ lha yul kha cig na ni mang po tshogs pa dbang
259a5 bgyid do/ /yul kha cig na ni rgyal po dbang bgyid do/ /de nas re shig na rgyal po ka pi na chen pos mnyan du yod pa la sogs pa grong khyer chen po drug tu pho nya btang ste/ gal te khyod 'greng ba la bab pa na yang ma 'dug
259a6 par myur du sheg shig /de ltar ma byas na chad pas cher bcad do zhes byas so/ /de nas tshig de thos nas grong khyer chen po drug na gnas pa'i rgyal po rnams 'jigs shing skrag la mi dga' ste skyi bung
259a7 zhes byas nas 'dus shing tshogs te gros 'thun par byas nas mnyan du yod par lhags so/ /de nas bcom ldan 'das kyi thad du dong ste gtam de bcom ldan 'das la rgyas par gsol to/ /de nas bcom ldan 'das
259a8 kyis de dag dbugs phyung ste pho nya de nga'i thad du khug shig ces bka' stsal to/ /de nas de dag gis pho nya la kho bo cag gis rgyal po'i yang rgyal po yod kyis re shig de'i spyan sngar mchi shig ces bsgo'o/ /
259b1 de nas bcom ldan 'das kyis pho nya 'ong bar thugs su chud nas rgyal bu rgyal byed kyi tshal lha'i grong khyer lta na sdug dang 'dra bar rin po che sna bzhir sprul to/ /rgyal po chen po bzhi ni de'i sgo dpon lta bur bkod
259b2 do/ /glang po che sa srung gi bu lta bu dag dang / rta sprin gyi shugs can lta bu dag dang / shing rta dga' byed sgra lta bu dag dang / mi gnod sbyin mi zad pa lta bu dag kyang bkod do/ /bcom ldan 'das nyid ni 'khor los sgyur
259b3 ba'i rgyal po'i cha lugs su sprul to/ /seng ge'i khri 'phang du ta la bdun tsam yod pa yang sprul te/ de la bcom ldan 'das bzhugs so/ /de nas pho nyas de lta bur mdzes pa dag mthong nas mchog tu ya mtshan du
259b4 gyur to/ /de nas bcom ldan 'das kyis phrin yig bris nas pho nya de la bka' stsal pa/ rgyal po ka pi na la nga na re phrin yig mthong ba kho na'i tshe gal te khyod 'greng ba la bab na yang ma 'dug par myur du shog shig /
259b5 gal te ma 'ongs na nga dpung gi tshogs chen po dang 'ong ngo zhes gyis shig /de nas pho nya song ste rgyal po ka pi na chen po la phrin yig dang kha ton du blta' ba de dag thams cad byas so/ /de nas rgyal po ka pi na
259b6 chen po blon po khri brgyad stong gis zhabs 'bring byas ste mthar gyis song song nas mnyan du yod par phyin pa dang / nyi 'og gi rgyal po rnams kyis rgyal po ka pi na chen po bsu nas de dag gis bkur sti chen pos
259b7 grong khyer du gshegs su gsol te mnyel bso nas bcom ldan 'das la gsol to/ /de nas bcom ldan 'das kyis de 'ong bar thugs su chud nas thams cad snga ma bzhin du sprul to/ /de nas rgyal po ka pi na
259b8 chen po rgyal bu rgyal byed kyi tshal du song nas mthong ma thag tu de'i gzugs la gzugs kyi rgyags pa dang / dbang phyug la dbang phyug gi rgyags pa gang yin pa de med par gyur to/ /stobs kyi dregs pa ni
260a1 da dung yod bzhin no/ /de nas bcom ldan 'das kyis 'jig rten pa'i dgongs pa bskyed de lha'i dbang po brgya byin gyis dbang po'i gzhu khyer te 'ongs na legs so snyam du dgongs nas bcom ldan 'das kyis dgongs
260a2 pa bskyed pa'i mod la lha'i dbang po brgya byin gyis kha lo pa'i cha lugs kyis dbang po'i gzhu phul lo/ /de nas bcom ldan 'das kyis rgyal po ka pi na chen po la byin na/ de rgyal po ka pi na chen pos gdeg par yang ma
260a3 nus na bdung bar lta ga la nus/ de nas bcom ldan 'das kyis lcags kyi rnga bo che bdun sprul te nyid kyis gzhu de zla gam bzhin du bdungs nas gnam mda' 'phangs te/ des lcags kyi rnga bo che bdun char thal phyung nas de
260a4 las sgra byung ba nges par 'byung ba brtsam par gyis/ /sangs rgyas bstan la sbyor bar gyis/ /'dam bu'i khyim la glang chen bzhin/ /'chi bdag sde ni gzhom par gyis/ /gang zhig chos 'dul 'di nyid la/ /bag yod spyod
260a5 par byed pa ni/ /skye ba'i 'khor ba rab spangs nas/ /sdug bsngal zad par byed par 'gyur/ /zhes bya ba'i sgra byung nas sgra de yang 'og min gyi lha'i yul man chad du grag go/ /de nas rgyal po ka pi na chen po'i stobs
260a6 kyi dregs pa de yang med par gyur te de'i blo skyes pa/ e ma de ci zhig snyam mo/ /de nas bcom ldan 'das kyis rgyal po ka pi na chen po'i sems kyi rgyu ba thugs su chud nas 'khor los sgyur ba'i rgyal po'i cha lugs
260a7 mi snang bar mdzad de mdo 'di gsungs so/ /dge slong dag de bzhin gshegs pa dgra bcom pa yang dag par rdzogs pa'i sangs rgyas ni stobs bcu dang ldan pa/ mi 'jigs pa bzhis mi 'jigs pa/ khyu mchog
260a8 gi gnas rgya chen po la dam bcas pa/ tshangs pa'i 'khor lo bskor ba/ 'khor gyi nang du yang dag pa'i seng ge'i sgra sgrogs pa ste/ 'di lta ste/ 'di yod na 'di 'byung la/ 'di skyes pas 'di skye bar 'gyur
260b1 te/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye
260b2 mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen kyis sred pa sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan
260b3 dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ /'di
260b4 lta ste/ 'di med na 'di mi 'byung la/ 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par
260b5 shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba
260b6 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre
260b7 sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro/ /dge slong
260b8 dag nga'i chos ni legs par gsungs pa/ gsal bar rnam par phye ba/ rgyu ba gcod pa/ lha dang mi man cad la yang dag par legs par bstan pa yin te/ de ltar chos ni legs par gsungs pa/
261a1 gsal bar rnam par phye ba/ rgyu ba gcod pa/ lha dang mi man cad la yang dag par legs par bstan pa la ni rigs kyi bu dad pas rab tu byung bas ston pa'i bstan pa la brtson par bya ba'i rigs
261a2 pa kho na'o/ /sbyor bar bya ba'i rigs so/ /bag yod par bya ba'i rigs so/ /lus kyi sha khrag kun skams te/ lpags pa dang / chu ba dang / rus pa 'ba' zhig lus pa ni sla'i/ chos rnams la brtson 'grus
261a3 brtsams pa dang mthu dang ldan pa/ brtson 'grus dang ldan pa/ spro ba dang ldan pa/ mthu rtsal dang ldan pa/ brtson pa mi 'dor bas thob par bya ba gang yin pa de ma thob kyi bar du bar ma dor brtson 'grus gtang bar ni mi
261a4 bya'o/ /de ci'i phyir zhe na/ le lo can ni sdug bsngal bzhin du gnas pa ste/ sdig pa mi dge ba'i chos kun nas nyon mongs par byed pa/ yang srid par skye bar byed pa/ rims nad dang bcas pa/ sdug bsngal
261a5 gyi rnam par smin pa dang ldan pa/ phyi ma la skye ba dang / rga shir 'gyur ba rnams dang 'dres pa yin te/ de'i ni don chen po yang yongs su nyams par 'gyur ro/ /brtson 'grus brtsams pa ni bde bar gnas
261a6 pa ste/ sdig pa mi dge ba'i chos kun nas nyon mongs par byed pa/ yang srid par skye bar byed pa rims nad dang bcas pa/ sdug bsngal gyi rnam par smin pa dang ldan pa/ phyi ma la skye ba dang rga shir 'gyur
261a7 ba rnams dang ma 'dres pa yin te/ de'i ni don chen po yang yongs su rdzogs par 'gyur ro/ /dge slong dag 'di lta ste/ ston pa yang mngon sum du bzhugs la chos kyang ston te nye bar zhi bar byed pa/
261a8 yongs su mya ngan las 'da' bar byed pa/ rdzogs pa'i byang chub tu 'gro bar byed pa/ bde bar gshegs pas gsungs pa'i gsung rab 'di ni snying khu btung bar 'os pa yin no/ /dge slong dag de bas
261b1 na bdag gi don dang / gzhan gyi don dang / gnyi ga'i don yang dag par mthong ba rnams kyis ni 'di la so so nas legs par bslab par bya ste/ ji ltar byas na bdag cag rab tu byung ba don yod pa
261b2 dang / 'bras bu dang bcas pa dang / bde ba skyed pa dang / bde ba'i rnam par smin par 'gyur la/ gang dag gi gos dang / zas dang / mal cha dang / stan dang / nad gsos dang sman zong rnams bdag cag gis longs
261b3 spyod pa de dag gi bkur sti de dag kyang ji ltar byas na 'bras bu shin du che ba dang / phan yon che ba dang / byin che ba dang / rgya che bar 'gyur ba zhig gu snyam du dge slong khyed kyis de ltar bslab par bya'o/ /chos kyi
261b4 rnam grangs 'di bshad pa na rgyal po ka pi na chen po blon po khri brgyad stong gi 'khor dang bcas pas 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras
261b5 bu mngon sum du byas te/ bden pa mthong nas bcom ldan 'das kyis bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo
261b6 zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom
261b7 pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa nam mkha' dang lag mthil du 'dra ba'i sems dang ldan pa/ tsan dan sbangs pa lta
261b8 bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po
262a1 dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur te/ /de nas dge slong dag the tshom skyes te/ the tshom thams cad gcod pa sangs rgyas bcom ldan
262a2 'das la zhus pa/ btsun pa ka pi nas las gang dag bgyis na des gzugs bzang zhing lta na sdug la mdzes pa dang / blon po khri brgyad stong gi 'khor dang bcas par tshan po che'i stobs dang ldan par gyur la/ rab tu
262a3 byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag ka pi na nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal
262a4 bzhin du 'byung la/ gdon mi za bar 'ong ba'i las de dag byas shing bsags pas na ka pi na nyid kyis las byas shing bsags pa de dag gzhin su zhig gis nyams su myong bar 'gyur te/ dge slong dag las
262a5 byas shing bsags pa rnams ni phyi rol kyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba
262a6 byas shing bsags pa rnams ni zin pa'i phung po dang / khams dang / skye mched rnams 'ba' shig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /
262a7 tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa dgu bcu rtsa gcig pa la skye dgu'i tshe lo brgyad khri thub pa na de bzhin gshegs pa dgra bcom pa yang
262a8 dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo bsgyur ba bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs
262b1 shes bya ba 'jig rten du byung ste/ de rgyal po'i pho brang gnyen ldan na rten cing bzhugs so/ /de nas re shig na ded dpon zhig gis rgya mtsho chen po'i nang nas rin po che mang po khyer te 'ongs nas des yang dag par rdzogs pa'i sangs
262b2 rgyas rnam par gzigs nyan thos kyi dge 'dun dang bcas pa zla ba gsum gyi bar du bshos la spyan drangs so/ /gtsug lag khang yang brtsigs nas phyogs bzhi'i dge 'dun la phul lo/ /dge slong dag ji snyam du sems/
262b3 de'i tshe de'i dus na ded dpon du gyur pa gang yin pa de ni ka pi na 'di yin no/ /dge slong dag ka pi nas ni las gzhan dag kyang byas shing bsags te/ dge slong dag sngon byung ba 'das pa'i dus na grong khyer bA rA na sI na rgyal
262b4 po tshangs pas byin zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang /
262b5 nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ chos dang ldan pa chos kyi rgyal po chos bzhin du rgyal po
262b6 byed do/ /de phyi zhig na blon po khri brgyad stong gis zhabs 'bring byas te/ skyed mos tshal gyi shing rnams me tog rgyas la/ ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u
262b7 rnams skad 'byin pa'i nags khrod du song ba las des skyed mos tshal der rang sangs rgyas nad pa zhig mthong nas/ des de la zla ba gsum gyi bar du phan pa'i zas kyis bsnyen bkur byas so/ /yongs su mya ngan
262b8 las 'das pa'i 'og tu yang de'i sku gdung gi mchod rten brtsigs nas blon po'i tshogs dang bcas pas til mar gyis bskus te/ des na 'khor dang bcas pa tshan po che'i stobs dang ldan par gyur to/ /gzhan yang sangs rgyas
263a1 'od srung gi ring la rab tu byung ste/ des der dbang po yongs su smin par byas pa des na da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par/
263a2 smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang
263a3 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis
263a4 de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te bcom ldan 'das kyis gsungs pa la mngon par bstod do// //bzang ldan zhes bya ba ni/ sangs rgyas
263a5 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin
263a6 rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma
263a7 yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan
263a8 dang / snyun gsos dang / sman zong rnams brnyes pa/ nyan thos kyi dge 'dun dang bcas pa gnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de nas gang gi tshe
263b1 bcom ldan 'das mngon par rdzogs par sangs rgyas nas lo cu gnyis lon te/ lo bcu gnyis 'das nas grong khyer ser skya'i gnas su byon pa de'i tshe bre bo zas dang / bdud rtsi zas la sogs pa shAkya stong phrag du mas
263b2 bden pa mthong ste/ rgyal po zas gtsang ma ni ma gtogs so/ /de nas rgyal po zas gtsang gis sras kyi legs pa de dag mthong nas mchog tu ya mtshan du gyur te de'i blo skyes pa/ gal te bdag gi bu rab tu ma byung du zin
263b3 na ni 'di 'khor los sgyur ba'i rgyal po mtha' bzhir rgyal ba/ chos dang ldan pa/ chos kyi rgyal por 'gyur ba zhig na/ da ni 'di thor tshugs can rab tu byung ba'i g.yog byas pa mi mdzes kyis bdag gis shAkya las
263b4 khyim re mi re rab tu 'byung du gzhug gor ma chag snyam mo/ /de nas rgyal po zas gtsang gis shAkya thams cad bsdu ba'i phyir grong khyer du dril bsgrags so/ /de nas shAkya thams cad 'dus pa'i nang du rgyal po zas
263b5 gtsang gis smras pa/ kye shAkya khyed rnams nyon cig /gal te gzhon nu don thams cad grub pa rab tu ma byung du zin na yang khyed kho nas 'di la bsnyen bkur bya dgos na/ da 'di rab tu byung gis shAkya khyim re mi re bsnyen bkur
263b6 bya ba'i phyir rab tu byung shig ces byas so/ /de nas bzang ldan dang / ma 'gags pa dang / nam gru dang / lha sbyin la sogs pa shAkya'i bu lnga brgya rab tu 'byung bar chas so/ /de nas de dag gi 'breg mkhan bsnyen bkur
263b7 byed pa nye bar 'khor des de dag rab tu 'byung ba mthong nas ngus so/ /de nas shAkya rnams kyis nye bar 'khor khyod ci'i phyir ngu zhes dris so/ /de nas des snying rje rje skad zer zhing sdug sdug skad zer la gti zhing smra ste/
263b8 khyod rab tu byung na da bdag la zas dang gos kyis skyong ba su zhig mchis/ de nas shAkya rnams kyis smras pa/ nye bar 'khor 'o na ras thing shig ces byas so/ /de nas des ras bting nas shAkya rnams kyis lus la thogs pa'i do shal dang /
264a1 se mo do dang / nor bu dang / mu tig dang / bai dUr+ya dang / dpung rgyan dang / sor gdub rnams phung po chen por spung te byin no/ /de nas 'breg mkhan nye bar 'khor gyis rab tu 'byung ba de dag kyang mthong la rgyan rnam pa sna tshogs la
264a2 yang bltas nas tshul bzhin yid la byed pa skyes te/ shAkya 'di dag ni cho rigs dang / byad gzugs dang / lang tsho dang / 'byor pa dang ldan pa yin na/ 'on kyang btsun mo rnams dang / rgyan 'di dag mchil ma bzhin du bor nas rab tu byung na bdag
264a3 ci yang mi bdog pa zhig gis da rgyan 'di dag khyim du bskur du ci yod de/ 'di dag btang la bdag kyang 'di dag gi rjes su rab tu 'byung gor ma chag snyam so/ /de nas 'breg mkhan nye bar 'khor bcom ldan 'das ga la ba der
264a4 song ste phyin nas/ bcom ldan 'das kyi zhabs la phyag 'tshal te/ bcom ldan 'das la 'di skad ces gsol to/ /bcom ldan 'das gal te bdag cag lta bu yang legs par gsungs pa'i chos 'dul ba la rab tu 'byung
264a5 ba mchis la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas bcom ldan 'dis kyis dge slong tshur shog
264a6 ces byas pas rab tu phyung ngo / /de nas bzang ldan la sogs pa shAkya lnga brgya dge slong gi cha lugs can rnams sangs rgyas la sogs pa dge slong gi dge 'dun la phyag 'tshal bar byas pa las de dag gis nye bar 'khor
264a7 gyi rkang pa ngo shes nas cho rigs dang / byad gzugs dang / 'byor pa dang ldan pa'i phyir nye bar 'khor la phyag 'tshal du ma btub nas/ der bcom ldan 'das kyis tshe dang ldan pa bzang ldan la bka' stsal pa/ bzang
264a8 ldan gang gi phyir nga'i bstan pa 'di la ni cho rigs dang / byad gzugs dang / lang tsho dang / dbang phyug dang / rigs bzhi rnam par dag pa dang sbyar ba med kyis 'di la phyag tshol cig /de nas bzang ldan la sogs pa shAkya
264b1 lnga brgyas chos nyid btsan par byas nas sdong po rtsa ba nas bcad pa bzhin du rkang pa la phyag byas so/ /de dag gis rkang pa la phyag byas pa'i mod la sa chen po 'di rnam pa drug tu g.yos so/ /de nas der tshe dang ldan pa bzang
264b2 ldan gyis brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par
264b3 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar
264b4 mnyam pa/ nam mkha' dang lag mthil du 'dra ba'i sems dang ldan pa tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag
264b5 par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de yang bdag nyid che
264b6 ba/ sdug cing phongs pa rnams la snying brtse ba zhig ste/ phyi zhig na snga dro sham thabs dang chos gos bgos te lhung bzed thogs nas mnyan du yod par spyod yul la chas so/ /de nas re shig na rigs ngan zhig gi khyim
264b7 du bsod snyoms la song ngo / /de'i tshe ko sa la'i rgyal po gsal rgyal glang po che'i gtso bo pad ma dkar po gcig pu zhes bya ba la zhon te/ kha lo pa rgyu ba'i bu ring po dang / bcom ldan 'das la blta ba'i phyir chas pa
264b8 las ko sa la'i rgyal po gsal rgyal gyis bzang ldan dbang po zhi ba/ yid zhi ba/ sems mchog tu dul zhing nye bar zhi ba dang ldan la phyag dar khrod kyi gos gyon zhing kha zas ngan pa khyer te rigs ngan gyi khyim de nas phyir byung ba
265a1 mthong ngo / /mthong nas kyang kha lo pa rgyu ba'i bu ring po la dris pa/ 'di dge slong bzang ldan ma yin nam/ kha lo pas smras pa/ lha bka' stsal pa bzhin te de lags so/ /de nas ko sa la'i rgyal po gsal rgyal
265a2 mkhams nas brgyal te sa la lhung ngo / /de nas chus gtor ba dang phyir sangs te sems rtas nas kha lo pa rgyu ba'i bu ring pos bslang ngo / /de nas rgyal po gsal rgyal bcom ldan 'das kyi thad du song ste/ bcom ldan 'das
265a3 kyi zhabs la phyag 'tshal nas bcom ldan 'das la gsol pa/ bcom ldan 'das bdag gis ni rmad du byung ba zhig mthong ste/ shAkya'i rgyal po bzang ldan de phyag dar khrod kyi gos gyon zhing kha zas ngan pa thogs te lha dang mi dad par
265a4 bgyis pa'i spyod lam shin du zhi bas bsod snyoms blangs te rigs ngan gyi khyim nas slar byung ba de la bdag 'di snyam bgyid do/ /bcom ldan 'das kyi bstan pa ni shin du dul bar bgyid pa lags te/ de la bsten na 'di lta bur
265a5 skyid de bar mchis la bde bar bskyed pa dag kyang 'di ltar tshul dul bar gyur pa ni ngo mtshar che'o snyam bgyid do/ /bcom ldan 'das kyis bka' stsal pa/ rgyal po chen po bzang ldan 'di la ni ngo mtshar che ba gzhan yang yod
265a6 kyis nyon cig /rgyal po chen po bzang ldan 'di ni dgon pa na gnas sam/ shing drung na gnas sam/ stong na gnas kyang rung ste/ kye ma re skyid/ kye ma re skyid/ bdag rab tu ma byung ba tsam na rgyal po'i pho brang gi nang
265a7 na 'dug ste/ blon po chen po dang / grong rdal gyi mi dang yul gyi mi rnams kyis shin du legs par bsrungs la/ ra ba dang / 'obs dang / sgo dang / gcan rnams kyis bskyabs kyang snying gzhan la dogs shing mi dga' la kun la
265a8 yang khum phrig za bzhin te/ gnyid kyang mi 'ong ba las da ni bdag lus dang srog la yang mi lta bas/ gnas gang dang gang du yang bde bar 'dug tu yod do zhes dga' ba'i tshig lan gsum du brjod par byed do/ /de nas dge slong dag
265b1 the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa bzang ldan gyis sngon tshe rabs gzhan dag tu las gang dag bgyis shing bsags na des gzugs bzang zhing blta na
265b2 sdug la mdzes pa dang / rgyal po'i rigs phyug por skyes la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag bzang ldan nyid kyis sngon
265b3 tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ bzang ldan nyid kyis las byas shing bsags pa de dag
265b4 gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams
265b5 la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las
265b6 rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA na sI na sprang po zhig gnas la lus bkres shing
265b7 nyam chung bas non nas phan tshun du 'khor 'khor ba las bu mo khur ba khyer ba zhig mthong ngo / /de nas sprang po des khur ba 'dod pa'i phyir bu mo de bsnyags te nan gyis khur ba gcig phrogs nas phan tshun du bros so/ /
265b8 bu mo de yang de'i phyi bzhin du 'brang bzhin no/ /de nas sprang po des tsham tshom med par chu klung zlog byed la 'bogs so/ /sangs rgyas rnams mi 'byung ba'i tshe na rang sangs rgyas sdug cing phongs pa rnams la snying brtse ba
266a1 bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du byung ste/ re shig na rang sangs rgyas shig sprang po de'i mdun du 'ongs so/ /de nas sprang po des rang sangs rgyas spyod
266a2 lam zhi ba de mthong nas dga' ba chen po skyes te/ de dga' ba skyes pas rang gi sdug bsngal dang bsdos te rang sangs rgyas la khur ba de phul lo/ /de nas rang sangs rgyas des de'i dga' ba rgya chen po bskyed pa'i phyir ngang pa'i
266a3 rgyal po 'dab ma brkyang ba bzhin du nam mkha' la mngon par 'phags nas cho 'phrul rnam pa sna tshogs bstan to/ /de nas sprang po des lha dang mi dad par byed pa'i cho 'phrul shin du rmad du byung ba de mthong nas sdong po
266a4 rtsa ba nas bcad pa bzhin du rkang pa la phyag 'tshal te smon lam btab pa/ bdag gis yon gnas brtul zhugs grub pa la phul ba'i dge ba'i rtsa ba dang / sems bskyed pa dang / sbyin par bya ba'i chos yongs su gtong ba
266a5 'dis na bdag gang dang gang du skyes pa de dang der rigs mthon por skye ba dang / 'di lta bu'i chos dag thob par gyur cig /'di bas kyang ches khyad par du 'phags pa'i ston pa dag mnyes par byed par gyur cig /mi
266a6 mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na sprang por gyur pa gang yin pa de ni bzang ldan 'di yin te/ des rang
266a7 sangs rgyas la khur ba phul ba'i las de'i rnam par smin pas ni shAkya'i rigs phyug por skyes so/ /gzhan yang sangs rgyas 'od srung gi ring la rab du byung ste/ des der lo khri'i bar du tshangs par spyod pa'i gnas
266a8 bsrungs pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges
266b1 par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa
266b2 rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong dag khyed kyis de ltar bslab par bya'o/ /bcom ldan 'das kyis de skad ces bka'
266b3 stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //yul 'khor skyong zhes bya ba ni sangs rgyas bcom ldan 'das la rgyal po rnams dang / blon po chen po
266b4 rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding
266b5 rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang /
266b6 lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams
266b7 brnyes pa/ nyan thos kyi dge 'dun dang bcas pa yul gsus po che zhes bya ba na gsus po che'i nags khrod na bzhugs so/ /de'i tshe yul gsus po che na rgyal po sgra mi snyan zhes bya ba rgyal po byed de/ de'i ring la
266b8 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang / nad rnams med pa dang /
267a1 'bras sA lu dang / bu ram shing dang / ba lang dang / ma he dang ldan par 'dug ste/ chos dang ldan pa chos kyi rgyal po chos bzhin du rgyal po byed do/ /de nas de'i nu bo'i bu yul 'khor skyong zhes bya ba
267a2 gzugs bzang zhing lta na sdug la mdzes pa/ yan lag dang nying lag thams cad dang ldan pa zhig yod pa de gdul ba'i dus la bab par bcom ldan 'das kyis gzigs nas snga dro sham thabs dang chos gos gsol
267a3 te/ lhung bzed bsnams nas dge slong gyi dge 'dun gyis mdun du bdar cing dge slong gi tshogs kyis zhabs 'bring byas te yul gsus po cher bsod snyoms la gshegs pa dang / yul 'khor skyong gis sangs rgyas
267a4 bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od
267a5 mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' bar gyur to/ /de dga' ba skyes nas bcom ldan 'das kyi zhabs la phyag 'tshal
267a6 te rab tu 'byung bar gsol ba btab bo/ /de nas bcom ldan 'das kyis de la bka' stsal pa/ bu khyod pha mas gnang ngam/ yul 'khor skyong gis gsol pa/ btsun pa ma gnang lags so/ /bcom ldan 'das
267a7 kyis bka' stsal pa/ bu de bzhin gshegs pa rnams sam/ de bzhin gshegs pa'i nyan thos rnams ni pha mas ma gnang bar rab tu 'byung ba 'am/ bsnyen par rdzogs par mi mdzad do/ /de nas yul
267a8 'khor skyong pha ma'i thad du song ste phyin nas sangs rgyas kyi bsngags pa brjod de/ bdag gis ni bcom ldan 'das yang dag par rdzogs pa'i sangs rgyas shAkya thub pa 'khor los sgyur ba'i rgyal srid rgyas pa
267b1 dang / btsun mo drug khri spangs nas dbu skra bregs te chos gos snam sbyar gsol nas yul gsus po che 'di nyid na bsod snyoms la rgyu zhing bzhugs pa mthong gis/ bdag bcom ldan 'das rab tu byung ba'i rjes su
267b2 rab tu 'byung bar gnang bar mdzad pa'i rigs so/ /de nas de'i pha ma gnyis kyis ma gnang ngo / /de nas de zhag gcig dang / gnyis dang / gsum nas drug gi bar du kha 'tshos so/ /de nas yul 'khor skyong gi pha ma gnyis
267b3 bu yul 'khor skyong ga la ba der song ste phyin nas bu yul 'khor skyong la 'di skad ces smras so/ /bu yul 'khor skyong shes par gyis shig / khyod ni skyid de bar 'dug 'dug pa bde ba 'dod pa yin te/ khyod
267b4 kyis sdug ma myong ba yin la tshangs par spyod pa ni spyad par dka'o/ /dben par gnas pa ni dka'o/ /gcig pu 'dug pa ni dga' bar byar dka'o/ /dgon pa dang / nags khung dang / bas mtha'i gnas
267b5 mal du gnas bca' ba ni yid la bsam par yang dkas/ bu yul 'khor skyong 'di nyid du 'dug la 'dod pa rnams kyang longs spyad par gyis shig /sbyin pa dag kyang byin cig /bsod nams
267b6 dag kyang gyis shig ces de skad byas na yang khyim bdag gi bu yul 'khor skyong cang mi zer ro/ /de nas khyim bdag gi bu yul 'khor skyong gi pha ma gnyis kyis nye du rnams la bskul te/
267b7 kye nye du rnams bu yul 'khor skyong slong shig ces byas so/ /de nas khyim bdag gi bu yul 'khor skyong gi nye du rnams khyim bdag gi bu yul 'khor skyong ga la ba der dong ste lhags
267b8 nas khyim bdag gi bu yul 'khor skyong la 'di skad ces smras so/ /bu yul 'khor skyong shes par gyis shig /khyod ni
268a1 skyid de bar 'dug 'dug pa bde ba 'dod pa yin te/ khyod ni sdug ma myong ba yin la tshangs par spyod pa ni spyad par dka'o/ /dben par gnas pa ni dka'o/ /gcig pu 'dug pa ni dga' bar byar dka'o/ /dgon pa dang / nags
268a2 khung dang / bas mtha'i gnas mal du gnas bca' ba ni yid la bsam par yang dkas/ bu yul 'khor skyong khyod 'di nyid du 'dug la 'dod pa rnams kyang longs spyad par gyis shig /sbyin pa dag kyang byin cig /bsod nams
268a3 dag kyang gyis shig ces de skad byas na yang khyim bdag gi bu yul 'khor skyong cang mi zer ro/ /de nas khyim bdag gi bu yul 'khor skyong gi pha ma gnyis kyis yul 'khor skyong gi grogs po rnams la bskul te/ kye byis pa dag bu
268a4 yul 'khor skyong slong shig ces byas so/ /de nas khyim bdag gi bu yul 'khor skyong gi grogs po rnams yul 'khor skyong ga la ba der dong ste lhags nas khyim bdag gi bu yul 'khor skyong la 'di skad ces smras so/ /des pa yul
268a5 'khor skyong shes par gyis shig /khyod ni skyid de bar 'dug 'dug pa bde ba 'dod pa yin te/ khyod ni sdug ma myong ba yin la tshangs par spyod pa ni spyad par dka'o/ /dben par gnas pa ni dka'o/ /gcig pu 'dug pa ni
268a6 dga' bar byar dka'o/ /dgon pa dang / nags khung dang / bas mtha'i gnas mal du gnas bca' ba ni yid la bsam par yang dkas/ des pa yul 'khor skyong khyod 'di nyid du 'dug la 'dod pa rnams kyang longs spyad
268a7 par gyis shig /sbyin pa dag kyang byin cig /bsod nams dag kyang gyis shig ces de skad byas na yang khyim bdag gi bu yul 'khor skyong cang mi zer ro/ /de nas khyim bdag gi bu yul 'khor skyong gi grogs po rnams
268a8 yul 'khor skyong gi pha ma gnyis ga la ba der dong ste lhags nas khyim bdag gi bu yul 'khor skyong gi pha ma gnyis la 'di skad ces smras so/ /yab yum gnyis mkhyen par mdzod cig /des pa yul 'khor
268b1 skyong gum na ci rung gis yang dag pa'i dad pas khyim nas khyim med par rab tu 'byung du stsol cig dang / gal te rab tu byung ba la dga' bar gyur na ni gson par mchis na ni khyod kyis gzigs par 'gyur grang / gal te
268b2 dga' bar ma gyur na ni bu 'gro ba'i sa pha ma ma gtogs pa gzhan ma mchis so/ /pha ma gnyis kyis smras pa/ byis pa dag gal te bu yul 'khor skyong rab tu byung ba'i 'og tu nged dang phrad du 'ong na ni de bzhin du gnang
268b3 ngo / /de nas khyim bdag gi bu yul 'khor skyong gi grogs po rnams khyim bdag gi bu yul 'khor skyong ga la ba der dong ste lhags nas yul 'khor skyong la 'di skad ces smras so/ /des pa yul 'khor skyong khyed rab tu 'byung bar
268b4 ni pha ma gnyis kyis gnang mod kyi/ gal te rab tu byung ba'i 'og tu phrad du 'ong na gdod gnang ngo zhes zer ro/ /yul 'khor skyong gis smras pa/ kye phrad par bgyi'o/ /de nas khyim bdag gi bu yul 'khor skyong khad kyis lus
268b5 kyi mthu dang stobs bskyed nas/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas khyim bdag gi
268b6 bu yul 'khor skyong gis bcom ldan 'das la 'di skad ces gsol to/ /btsun pa bdag ni pha mas gnang lags na bdag legs par gsungs pa'i chos 'dul ba la rab tu 'byung ba dang bsnyen par rdzogs shing dge slong gi
268b7 dngos po 'thob tu rung na bdag kyang / bcom ldan 'das kyi thad du tshangs par spyod pa spyad par 'tshal lo zhes gsol nas/ rigs kyi bu yul 'khor skyong gis legs par gsungs pa'i chos 'dul ba
268b8 la rab tu byung ba dang bsnyen par rdzogs shing dge slong gi dngos po thob par gyur to/ /de de ltar rab tu byung nas des brtson pa dang / bsgrub pa dang / 'bad pas phol mig lnga pa'i 'khor ba'i 'khor
269a1 lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams
269a2 cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems
269a3 dang ldan pa tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa
269a4 dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /der bcom ldan 'das kyis dge slong rnams la bka' stsal pa/
269a5 dge slong dag nga'i nyan thos kyi dge slong dgon pa pa rnams kyi mchog ni 'di lta ste/ dge slong yul 'khor skyong 'di yin no/ /de nas dge slong dag the tsom skyes te/ the tsom thams cad gcod pa sangs rgyas
269a6 bcom ldan 'das la zhus pa/ btsun pa yul 'khor skyong gis las gang dag bgyis na des phyug po'i rigs su skyes te gzugs bzang zhing lta na sdug la mdzes pa dang / rab tu byung nas kyang dgra bcom
269a7 pa nyid mngon sum du bgyis lags/ bcom ldan 'das kyis bka' stsal pa/ dge slong dag yul 'khor skyong nyid kyis sngon tshe rabs gzhan dag du tshogs rnyed cing rkyen grub pa dang ldan te dba' rgal bzhin du
269a8 'byung la/ gdon mi za bar 'ong ba'i las de dag byas shing bsags pas na/ yul 'khor skyong nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag
269b1 las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba
269b2 byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus
269b3 la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na lus 'phags kyi rgyal po pho brang 'khor gyi mi dang bcas pa pha rol gyi dmag tshogs byung ste/ ci bya gtol med nas
269b4 nags khung du zhugs te/ de nyi ma gung la nyi ma'i 'od zer tsha bas gdungs nas dpung gi tshogs dang bcas te phan tshun 'khor 'khor nas lam yang ma rnyed do/ /sangs rgyas rnams 'jig rten du mi 'byung ba'i tshe na rang
269b5 sangs rgyas sdug cing phongs pa rnams la snying brtse ba/ bas mtha'i gnas mal gyis 'tsho ba/ 'jig rten gyi yon gnas gcig pu rnams 'jig rten du 'byung ste/ re shig na rang sangs rgyas shig dgon
269b6 pa'i lam de na gnas pa des snying rje bskyed nas lus 'phags kyi rgyal po de la lam yang bstan/ chu'i ltang ka yang bstan nas des rgyal po de 'khor dang bcas pa'i srog phangs pa bskyangs so/ /de nas rgyal
269b7 po de dad pa skyes nas rang gi grong khyer du khrid de zla ba gsum gyi bar du yo byad thams cad kyis bsnyen bkur byas so/ /mya ngan las 'das pa'i 'og tu yang de'i sku gdung gi mchod rten brtsigs
269b8 nas smon lam btab pa/ dge ba'i rtsa ba dang / sems bskyed pa dang / sbyin par bya ba'i chos yongs su gtong ba 'dis na bdag gis kyang yon tan 'di lta bu dag thob par gyur cig /'di bas kyang ches khyad
270a1 du 'phags pa'i ston pa rnams mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i
270a2 dus na rgyal por gyur pa gang yin pa de ni yul 'khor skyong 'di yin no/ /dge slong dag yul 'khor skyong gis ni las gzhan dag kyang byas shing bsags te/ bskal pa bzang po 'di nyid la skye dgu'i tshe lo
270a3 nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba
270a4 bla na med pa/ lha dang mi rnams kyis ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA na sI na drang srong smra ba ri dgas kyi nags na rten cing bzhugs so/ /de'i tshe
270a5 grong khyer bA rA na sI na rgyal po kri ki rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug
270a6 pa dang / nang 'khrug dang / chom rkun dang / mu ge dang / nad rnams med pa dang / 'bras sA lu dang / bu ram shing dang / ba lang dang / ma he dang ldan par 'dug ste/ chos dang ldan pa chos kyi rgyal po chos bzhin
270a7 du rgyal po byed do/ /de nas de'i bu tha chungs drang srong smra bar song ba dang / des sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad
270a8 bcus mdzes par byas pa/ 'od mdom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems
270b1 dga' bar gyur to/ /dga' ba skyes nas bcom ldan 'das kyi zhabs la mgo bos phyag 'tshal te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das 'od srung gis de la
270b2 chos bstan te/ de dad pa skyes pas bcom ldan 'das 'od srung 'khor dang bcas pa la bsnyen bkur byas te skyabs su 'gro ba dang / bslab pa'i gzhi rnams blangs so/ /yongs su mya ngan las 'das pa'i 'og tu
270b3 yang mchod rten la gdugs bu chung btags so/ /dge slong dag ji snyam du sems/ de'i tshe de'i dus na rgyal po'i bur gyur pa gang yin pa de ni yul 'khor skyong 'di nyid yin no/ /yul 'khor skyong gis ni las gzhan dag
270b4 kyang byas shing bsags te/ dge slong dag sngon byung ba 'das pa'i dus na grong khyer bA rA na sI na bram ze las su rtsa ba rko ba zhig gnas pa de/ ri zhig la rtsa ba rkor song ste nags khrod du 'khor 'khor ba las des der rang
270b5 sangs rgyas nad pa zhig mthong ngo / /de nas de dad pa skyes te de la bsnyen bkur byas nas gang gi tshe nad sos pa de'i tshe yang bshos gsol te smon lam btab pa/ bdag gis kyang yon tan 'di lta bu dag thob par gyur cig /
270b6 'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i
270b7 dus na rtsa ba rko ba'i bram zer gyur pa gang yin pa de ni yul 'khor skyong 'di nyid yin te/ las de'i rnam par smin pas 'khor ba na nams kyang sdug bsngal myong ba med par gyur la da ltar yang rgyal po'i rigs phyug por skyes te/
270b8 gzugs bzang zhing lta na sdug la mdzes par gyur to/ /rgyu de kho nas dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par
271a1 'gyur ro/ /las gcig tu nges par dkar ba rnams ni rnam par sman pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig
271a2 tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka'
271a3 stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /gang po la sogs pa'i rtogs pa brjod pa brgya pa las sdom gyi tshigs su bcad pa dgu pa rdzogs s+ho// // sdom ni/
271a4 rab 'byor dang ni rgan po dang / /lag pa can dang 'de gus gsos/ /'khor ba dang ni sbed pa dang / /mi sdug pa dang gang gA pa/ /sen rings dang ni yang dag sdug /sde tshan dag tu bstan pa yin/ /rab 'byor ces bya ba ni sangs
271a5 rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor kyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin
271a6 rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang /
271a7 lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha
271a8 dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /
271b1 de nas gang gi tshe bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas nas ljongs so sor gdul ba'i skye bo rnams la phan gdags pa'i phyir nyan thos rnams bskos pa de'i tshe/
271b2 bsam gtan pa gang yin pa de dag ni ri rab kyi bang rim la bsam gtan lhur byed cing 'khod do/ /de nas re shig na bya'i rgyal po 'dab bzangs kyis rgya mtsho chen po'i nang nas klu'i phrug gu zhig blangs te/ des de ri rab kyi
271b3 bang rim gyi steng du phyung nas bza' bar brtsams so/ /de nas klu'i phrug gu de 'chi ba'i tshe nyan thos chen po rnams la sems dga' bar byas te shi'o/ /de nas de shi nas mnyan du yod par bram ze 'byor pa zhes bya ba de'i chung
271b4 ma chen mo'i ltor zhugs nas/ de zla ba brgyad dam dgu lon pa dang bu byung ste/ khye'u gzugs bzang zhing lta na sdug la mdzes pa zhig btsas so/ /de nas de btsas pa'i btsas ston byas nas khye'u 'di'i ming ji skad gdags
271b5 shes ming 'dogs par byed de/ nye du rnams na re khye'u 'di'i pha 'byor pa yin pas na de'i phyir khye'u 'di'i ming rab 'byor zhes gdags so zhes zer ro/ /de nas khye'u rab 'byor bskyed bsrings te cher skyes nas de
271b6 sngon gyi rgyu'i stobs dang shugs kyis spro thung ba dang khro ba dang / zhe gnag pa'i shas che bar gyur te/ de nas pha ma gnyis kyis srid srung las phyung ste/ drang srong gi nang du rab tu phyung nas de yang
271b7 de na bsam gtan lhur byed par gyur te nags khrod cig na rten cing 'dug go/ /nags khrod de na lha bden pa mthong ba zhig kyang gnas te/ des de la snying rje bskyed nas rigs kyi bu 'di ni khro
271b8 ba dang zhe gnag pa'i shas che bas khyad par thob par mi 'gyur gyis/ bdag gis 'di bcom ldan 'das la bltar gzhug go snyam mo/ /de nas lha des rab 'byor kyi mdun
272a1 du sangs rgyas dang / chos dang / dge 'dun gyi bsngags pa brjod do/ /de nas rab 'byor bcom ldan 'das blta ba'i 'dod pa skyes nas lha de'i rdzu 'phrul gyi mthus bcom ldan 'das kyi thad du khrid do/ /de nas des
272a2 sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad cus mdzes par byas pa/ 'od mdom gang gis brgyan pa/ nyi ma stong bas lhag pa'i 'od
272a3 mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de'i sems can rnams la zhe non pa'i sems gang yin pa de med par gyur to/ /de nas dga' ba skyes te bcom ldan 'das kyi zhabs la phyag
272a4 'tshal nas chos mnyan pa'i phyir bcom ldan 'das kyi spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas 'phags pa'i bden pa bzhi rtogs
272a5 par 'gyur ba de lta bu'i chos bstan te/ de thos nas rigs kyi bu rab 'byor kyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ bden pa mthong
272a6 nas de bcom ldan 'das kyi bstan pa la rab tu byung ste/ des brtson pa dang bsgrub pa dang / 'bad pas byams pa bsgom pas sems btul nas phol mig lnga pa'i 'khor ba'i 'khor lo 'di nyid g.yo zhing
272a7 mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra
272a8 bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan
272b1 sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba
272b2 dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ /de nas tshe dang ldan pa rab 'byor gyis gang nas shi 'phos pa dang / gang du skyes pa dang / las
272b3 gang gis skyes pa bsams pa dang / des tshe rabs lnga brgya'i bar du klu las shi 'phos te klu 'ba' zhig tu skyes par mthong ngo / /de nas de'i blo skyes pa/ bdag gis 'di ltar zhe sdang gi rkyen bsgrubs pa des na bdag
272b4 tshe rabs lnga brgyar klu 'ba' zhig tu skyes te/ de kho na'i phyir sdug bsngal chen po myong bar gyur gyis/ da ni ci nas bdag la gzhan dag gi zhe sdang skye bar 'gyur zhing de dang ldan pas lus dang bral ba'i 'og tu ngan
272b5 song ngan 'gro log par ltung ba sems can dmyal ba rnams su skye bar 'gyur ba de lta bu mi 'gyur bar bya'o snyam nas de nyon mongs pa med pa'i lam yang dag par blangs te gnas so/ /de gang gi tshe dge 'dun gyi nang
272b6 ngam/ grong ngam/ yul lam/ ljongs su bsod snyoms kyi phyir gnas par 'dod pa de'i tshe/ thog ma kho nar spyod yul la lta bar byed de/ bdag mthong na tha na grog sbur yan cad su yang sna 'ga' zhig gi phyir sems sdang
272b7 bar mi 'gyur grang snyam nas des spyod lam de btang ste gzhan du bsgyur nas/ des sems can de dag gi sems dga' bar gyur te/ dgra bcom pa yin du zin kyang de lta bu'i nyam nga ba myong ngo / /de nas tshe dang ldan pa rab
272b8 'byor gyi blo skyes pa/ ma la bdag gis da ni skye bo mang po la phan gdags so snyam mo/ /de nas rdzu 'phrul gyis nam mkha' lding lnga brgya sprul te/ de dag mthong nas klu rnams skrag cing dngangs te mi dga' nas phan tshun du ci
273a1 bya gtol med par gyur to/ /de nas rab 'byor gyis yang rdzu 'phrul gyi stobs kyis yongs su bskyabs so/ /de nas de dag sems dga' bar gyur nas byams pa'i lung phog go/ de nas yang klu chen po'i
273a2 gzugs su sprul nas nam mkha' lding lnga brgya gtses te de dag kyang skrag nas byams pa'i lung phog ste/ des de ltar klu dang nam mkha' lding gi rigs lnga brgya lnga brgya btul to/ /de nas des bcom ldan 'das kyis dge
273a3 slong rnams la bka' stsal pa/ dge slong dag nga'i nyan thos kyi dge slong nyon mongs pa med par gnas pa rnams kyi mchog ni 'di lta ste/ rigs kyi bu rab 'byor 'di yin no/ /de nas dge slong dag the tsom skyes te
273a4 the tsom thams cad gcod pa sangs rgyas bcom ldan 'das la zhus pa/ btsun pa tshe dang ldan pa rab 'byor kyis las gang dag bgyis na des nyon mongs pa ma mchis par gnas pa'i mchog tu bstan lags/ bcom ldan
273a5 'das kyis bka' stsal pa/ dge slong dag rab 'byor nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing
273a6 bsags pas na/ rab 'byor nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la
273a7 rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang /
273a8 khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /
273b1 dge slong dag sngon byung ba 'das pa'i dus na bskal pa bzang po 'di nyid la de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig
273b2 rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI Na drang srong smra ba ri dgas kyi nags na rten
273b3 cing bzhugs so/ /de nas der 'di rab tu byung ste/ 'dis sbyin pa dang rab tu sbyin pa dag byin nas lo khri'i bar du tshangs par spyod pa'i gnas bsrungs te smon lam btab pa/ dge ba'i rtsa ba dang / sems bskyed pa dang / sbyin par
273b4 bya ba'i chos yongs su gtong ba 'dis na bdag ma 'ongs pa'i dus su bcom ldan 'das 'od srung gis bram ze'i khye'u bla ma la/ bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag
273b5 par rdzogs pa'i sangs rgyas shAkya thub pa zhes bya bar 'gyur ro zhes lung bstan pa gang yin pa de'i bstan pa la bdag rab tu byung nas nyon mongs pa med par gnas pa'i mchog tu gyur cig ces byas so/ /las gang dag gis klur
273b6 skyes she na/ nyon mongs pa rnams ma spangs pa dang / dbang po rnams 'khrul ba dang / las kyi lam rnams mthar thug par ma byas pa dang / slob pa dang mi slob pa'i dge slong rnams la sdang ba'i sems bskyed nas sbrul
273b7 gdug pa zhes bya ba'i tshig brjod de des na klur skyes so/ /des sbyin pa dang rab tu sbyin pa dag byin nas tshangs par spyod pa'i gnas bsrungs pa des ni da ltar dgra bcom pa nyid mngon sum du byas te/ nyon mongs pa med par gnas pa'i mchog tu
273b8 bstan to/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /
274a1 las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la
274a2 gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //
274a3 gang po la sogs pa'i rtogs pa brjod pa brgya pa/ bam po nyi shu rtsa gcig pa/ rgan po zhes bya ba ni sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor kyi mi
274a4 rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams
274a5 kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs
274a6 rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sma zong rnams brnyes pa/ nyan thos kyi dge 'dun dang bcas
274a7 te rgyal po'i khab na 'od ma'i tshal bya ka lan 'da' ka gnas pa na rten cing bzhugs so/ /de'i tshe rgyal po'i khab na tshong dpon phyug cing nor mang la longs spyod che ba/ yongs su 'dzin pa yangs shing rgya che ba
274a8 rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig rtse zhing dga' la dga' dgur spyod do/ /de de dang rtse zhing
274b1 dga' la dga' dgur spyod pa las chung ma la bu chags nas bu ma byung bar re shig na yang de nyid dang rtse zhing dga' la dga' dgur spyod do/ /de rtse zhing dga' la dga' dgur spyod pa las mngal na bu snga ma de 'dug bzhin du re shig na ma'i ltor de'i bu
274b2 snga phyir bcu byung yang bu dang po de ni mngal nyid na 'dug bzhin no/ /de nas re shig na khyim bdag de'i chung ma na bar gyur nas de la rtsa ba dang / sdong bu dang / lo ma dang / me tog dang / 'bras bu'i sman rnams kyis rim gro byas kyang nad
274b3 de zhi bar ma gyur nas/ gang gi tshe de shi la thug pa'i nad kyis thebs te 'chir nye ba de'i tshe des khyim thab la smras pa/ jo bo mkhyen par mdzod cig /'di'i nang na bdag gi bu dang po mchis kyis nam bdag gum pa na glo g.yas rol
274b4 mtshon gyis dral te khye'u dang po nas mchis pa de phyung shig ces de skad smras nas/ bsags pa kun ni tha mar zad/ /mthon po rnams ni tha mar nyil/ /phrad pa rnams ni tha mar 'bral/ /gson po rnams ni tha mar 'chi/ /
274b5 zhes smras te shi'o/ /de nas de shi nas gos sngon po dang / ser po dang / dmar po dang / dkar po dag gis khyogs brgyan te bsil ba'i tshal gyi dur khrod du khyer nas sman pa'i rgyal po 'tsho byed bos so/ /rgyal po'i
274b6 khab kyi grong khyer thog thag tu yang 'di ltar bud med che ge mo zhig la lo 'di snyed cig gi bar du bu mngal na 'dug 'dug ste/ de'i bu gzhan bcu byung yang thog ma'i bu mngal na 'dug pa de
274b7 ma byung nas/ deng sman pa'i rgyal po 'tsho byed kyis shi ba de'i lto mtshon gyis dral te/ dang po'i khye'u mngal du 'dug pa de dbyung bar chad lo zhes de skad du sgra grag go/ /
274b8 sgra grag nas kyang srog chags 'bum phrag du ma dang rdzogs byed la sogs pa ston pa drug po rnams bsil ba'i tshal gyis dur khrod du ltad mo la 'dus so/ /de nas bcom ldan 'das kyis tshe dang
275a1 ldan pa kun dga' bo la bka' stsal pa/ kun dga' bo song la dge slong rnams la 'di skad du bcom ldan 'das dur khrod rgyu zhing gshegs par bzhed kyis khyed las gang rmad du byung ba lta 'dod pa de dag gshegs
275a2 shig ces bsgo shig /de nas re shig na bcom ldan 'das tshe dang ldan pa kun shes kauN+Di n+ya dang / rlangs pa dang / ming chen dang / ma 'gags pa dang / shA ri'i bu dang / maud gal gyi bu dang / 'od srung dang / kun dga' bo dang /
275a3 nam gru la sogs pa nyan thos chen po rnams kyis zhabs 'bring byas te bsil ba'i tshal gyi dur khrod du gshegs so/ /skye bo'i tshogs kyis kyang bcom ldan 'das mthong nas go phye'o/ /de nas sman pa 'tsho byed kyis bud
275a4 med de'i glo g.yas pa dral to/ /de nas khye'u de rang byung nas skra dkar zhing yan lag gnyer mas gang ba/ lus kyi phyogs cha rnams rgan shar gyur pa/ dbang po rnyis pa/ rid de ba/ nyam stobs chung ngu zhig byung ngo / /de nas
275a5 byung ma thag tu skye bo'i tshogs de dag la bltas nas tshig du smras pa/ kye bla ma rnams sam/ bla ma lta bu rnams sam/ pha ma 'am/ mkhan po 'am/ slob dpon rnams la tshig rtsub po ma zer cig /ji ltar bdag
275a6 ma'i ltor pho ba dang long ka gnyis kyi bar du lo drug bcu 'dug 'dug pa de lta bu'i nyams myong bar gyur ta re zhes smras nas cang mi zer bar 'dug go/ /der bcom ldan 'das kyis dge slong rnams la bka' stsal pa/
275a7 dge slong dag 'di ltar srid pa tha ma pa'i sems can gyis kyang nyams 'di lta bu myong bar 'gyur gyis srid par skye ba thams cad kyis chog par gyis shig /srid par skye ba'i yo byad thams cad kyis chog par gyis shig /
275a8 de nas bcom ldan 'das kyis khye'u de la bka' stsal pa/ khye'u khyod rgan po yin nam/ bcom ldan 'das bdag ni rgan po lags so/ /khye'u khyod rgan po yin nam/ bde bar gshegs pa bdag ni rgan po lags so/ /
275b1 de nas gzhi de las de'i ming rgan po zhes btags so/ /de nas bcom ldan 'das kyis gzhi de las de lta bu'i chos bstan pa mdzad de/ de thos nas des sems can brgya phrag mang po skyo bar gyur nas khyad par chen
275b2 po thob bo/ /rgan po de yang lo bcu'i bar du khyim pa'i gnas na 'dug 'dug nas lo bdun bcu lon te bcom ldan 'das kyi bstan pa la rab tu byung nas/ bya rgod kyi phung po'i ri la dge slong nyi shu rtsa lnga thabs gcig
275b3 tu dbyar gnas par dam bcas so/ /de nas der dge 'dun gyi gnas brtan gyis so so skye bor 'dug bzhin du gang gis kyang skabs dbye bar mi bya'o zhes khrims bcas so/ /de nas re shig na zla ba gsum lon
275b4 pa dang dge slong nyi shu rtsa bzhis dgra bcom pa nyid thob na rgan po gcig pu so so skye bo'i so na 'dug go/ de nas dge 'dun gyi gnas brtan gyis skabs 'byed pa byed pa'i nang du shin du mang du brgyad bkag nas tshogs
275b5 kyi nang nas bskrad de btang ngo / /de nas des mtshon cha blangs te khang phugs su zhugs nas ngu zhing rnam pa du mar smre sngags bton te smras pa/ nags tshal thams cad 'bar gyur te/ /ri rnams ser por gyur zin na/ /
275b6 'on kyang da dung sdig pa'i sems/ /rnam par grol bar ma gyur to/ /phu chu dag gi sgra yang zhi/ /'bab chu dag kyang bri bzhin du/ /'on kyang da dung sdig pa'i sems/ /rnam par grol bar ma gyur to/ /sgo nga las
275b7 skyes bya 'di dag /sgra skad gcom yang chung gyur na/ /'on kyang da dung sdig pa'i sems/ /rnam par grol bar ma gyur to/ /nags tshal 'di dag lo ma ser/ /shing rnams 'dab ma lhags gyur na/ /'on kyang da dung
275b8 sdig pa'i sems/ /rnam par grol bar ma gyur to/ /lung 'bogs pa'i gnas brtan rnams/ /phyogs phyogs dag tu dong zin na/ /'on kyang da dung sdig pa'i sems/ /rnam par grol bar ma gyur to/ /so so
276a1 skye bor 'dug bzhin du/ /ston pa'i thad du ji ltar 'gro/ /don med gson pa ci dgos kyis/ /bdag ni mtshon gyis lcebs te btang zhes zer ro/ /de'i skabs su sangs rgyas bcom ldan 'das rnams kyis ni mi mkhyen
276a2 pa 'am/ mi gzigs pa 'am/ mi rtogs pa 'am/ thugs su mi chud pa ci yang med la/ sangs rgyas bcom ldan 'das thugs rje chen po dang ldan pa/ 'jig rten la phan 'dogs pa la zhugs pa/ srung ba gcig pa dang
276a3 ldan pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas pa/ rig pa gsum snang bar mdzad pa/ bslab pa gsum la legs par bslabs pa/ 'dul ba'i gzhi
276a4 gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil shin du brtan pa/ bsdu ba'i dngos po bzhi la yun ring po nas 'dris par byas pa/ mi 'jigs pa bzhis mi 'jigs pa/
276a5 khyu mchog gi yang dag pa'i seng ge'i sgra chen po sgrogs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol du phyin pa drug yongs su rdzogs pa/ rtag tu gnas
276a6 par bya ba drug la gnas pa/ byang chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang
276a7 ldan pa/ phyogs bcur grags pas kun du rgyas pa/ brgya phrag bcu pa la dbang byed pa bas kyang ches khyad par du 'phags pa rnams ni chos nyid kyis nyin dus gsum mtshan dus gsum du sangs rgyas kyi spyan gyis
276a8 'jig rten la gzigs te/ su ni rgud/ su ni dar/ su ni phongs shing 'dug /su ni nyam nga bar gyur/ su ni gnod pa dang ldan/ su ni phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/
276b1 su ni ngan song du bab/ su ni ngas ngan song nas phyung ste mtho ris dang / thar pa dang / 'bras bu la gzhag par bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang
276b2 byug la dbang byed du gzhug par bya/ su ni dge ba'i rtsa ba rnams ma bskyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni yongs su smin zin pa las rnam par grol bar bya snyam du ye
276b3 shes gzigs pa 'jug go/ /'dir smras pa/ rgya mtsho chu srin rnams gyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas re shig na sangs rgyas
276b4 bcom ldan 'das kyis dgongs te rdzu 'phrul gyis kyang de'i thad du gshegs nas de dang 'thun pa'i chos bstan te/ de thos nas tshe dang ldan pa rgan pos phol mig lnga pa'i 'khor ba'i 'khor lo 'di nyid g.yo zhing mi brtan par
276b5 rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/
276b6 dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/
276b7 rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas
276b8 pa'i lha rnams kyis mchod cing rjed pa dang gus par smra ba'i gnas su gyur to/ /de nas rgan pos dgra bcom pa nyid thob nas bdag gis kyang gdul bar bya ba 'ga' lta yod dam snyam du bsams pa dang / des tshong
277a1 pa lnga brgya tsam rgya mtsho'i nang na srin po nag po'i rlung gis bskor cing 'dug pa mthong nas sdug bsngal dang phrad pa 'di dag bdag gis sdug bsngal de las yongs su bskyab par bya'o/ /'on tang de dag bdag gis
277a2 'dul bar 'gyur ro snyam mo/ /de nas rgan po rdzu 'phrul gyis song nas 'jigs pa de las yongs su bskyabs so/ /de nas de dag dad pa skyes te thams cad rab tu byung nas de dag la yid la byed pa'i lung phog ste/
277a3 de dag thams cad kyis brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas so/ /de nas de dag gi yon tan rnams su yang mi shes nas drug sde rnams
277a4 'phya bar gyur te/ rgan blun du 'dug la mi lnga brgya dang lhan cig 'khod cing drung du bzhag pas 'di dag kyang de dang 'dra bar dul bar mi 'gyur ro zhes 'dzer to/ /de nas tshe dang ldan pa kun dga' bo tshangs pa mtshungs par spyod
277a5 pa la mnyes gshin pa/ gzhan la phan 'dogs pa la zhugs pas/ tshe dang ldan pa gnas brtan gleng bar 'dod nas/ tshe dang ldan pa gnas brtan rgan po ga la ba der song ste phyin nas/ tshe dang ldan pa gnas
277a6 brtan rgan po dang lhan cig tu mngon sum du yang dag par mgu bar 'gyur ba dang / yang dag par dga' bar 'gyur ba'i gtam rnam pa sna tshogs kyis 'dres nas phyogs gcig tu 'dug go/ /phyogs gcig tu 'dug
277a7 nas tshe dang ldan pa kun dga' bos gnas brtan rgan po la 'di skad ces smras so/ /gal te dris nas dri ba lung bstan pa'i phyir skabs phye na tshe dang ldan pa gnas brtan rgan po la bdag phyogs 'ga' zhig 'dri'o/ /
277a8 tshe dang ldan pa kun dga' bo dris shig dang thos nas khyod la bsnyad par bya'o/ /tshe dang ldan pa gnas brtan rgan po dge slong dgon pa na gnas pa dang / shing drung na gnas pa dang / khang stong na gnas pas
277b1 chos gang dag rgyun mi 'chad par yid la bya/ tshe dang ldan pa kun dga' bo dge slong dgon pa na gnas pa dang / shing drung na gnas pa dang / khang stong na gnas pas chos gnyis rgyun mi 'chad par yid la bya ste/
277b2 zhi gnas dang lhag mthong ngo / /gnas brtan zhi gnas kun du bsten cing bsgoms te mang du byas pas don gang nyams su myong bar 'gyur/ lhag mthong kun du bsten cing bsgoms te mang du byas pas don gang
277b3 nyams su myong bar 'gyur/ tshe dang ldan pa kun dga' bo zhi gnas kun du bsten cing bsgoms te mang du byas pas ni lhag mthong la brten te rnam par grol bar 'gyur ro/ /lhag mthong kun du bsten cing bsgom
277b4 te mang du byas pas ni zhi gnas la brten te rnam par grol bar 'gyur ro/ /de nas tshe dang ldan pa kun dga' bo zhi gnas dang lhag mthong yongs su bsgoms pa'i 'phags pa nyan thos thos pa dang ldan pa'i
277b5 sems ni khams kyi sgo nas rnam par grol bar 'gyur ro/ /gnas brtan khams rnams gang dag yin/ tshe dang ldan pa kun dga' bo spong ba'i khams gang yin pa dang / 'dod chags dang bral ba'i khams
277b6 gang yin pa dang / 'gog pa'i khams gang yin pa'o/ /gnas brtan gang spangs pa la spong ba'i khams shes bya/ gang las 'dod chags dang bral ba la 'dod chags dang bral ba'i khams
277b7 shes bya/ gang 'gags pa la 'gog pa'i khams shes bya/ tshe dang ldan pa kun dga' bo 'du byed thams cad spangs pa la spong ba'i khams shes bya'o/ /'du byed thams cad las 'dod chags dang
277b8 bral ba la 'dod chags dang bral ba'i khams shes bya'o/ /'du byed thams cad 'gags pa la 'gog pa'i khams shes bya'o/ /de nas tshe dang ldan pa kun dga' bo gnas brtan rgan pos bshad pa la
278a1 mngon par bstod de rjes su yid rang nas dge slong lnga brgya po ga la ba der song ste phyin nas/ dge slong lnga brgya po rnams la 'di skad ces smras so/ /tshe dang ldan pa dag dge slong dgon pa na gnas pa dang / shing drung na
278a2 gnas pa dang / khang stong na gnas pas chos gang dag rgyun mi 'chad par yid la bya/ tshe dang ldan pa kun dga' bo dge slong dgon pa na gnas pa dang / shing drung na gnas pa dang / khang stong na gnas pas chos
278a3 gnyis rgyun mi 'chad par yid la bya ste zhi gnas dang / lhag mthong ngo / /tshe dang ldan pa dag zhi gnas kun du bsten cing bsgoms te mang du byas pas don gang nyams su myong bar 'gyur/ lhag mthong kun du
278a4 bsten cing bsgoms te mang du byas pas don gang nyams su myong bar 'gyur/ tshe dang ldan pa kun dga' bo zhi gnas kun du bsten cing bsgoms te mang du byas pas ni lhag mthong la brten te rnam par grol bar
278a5 'gyur ro/ /lhag mthong kun du bsten cing bsgoms te mang du byas pas ni zhi gnas la brten te rnam par grol bar 'gyur ro/ /tshe dang ldan pa kun dga' bo zhi gnas dang lhag mthong yongs su
278a6 bsgoms pa'i 'phags pa nyan thos thos pa dang ldan pa'i sems ni khams kyi sgo nas rnam par grol bar 'gyur ro/ /tshe dang ldan pa dag khams rnams gang dag yin/ tshe dang ldan pa kun dga' bo
278a7 spong ba'i khams gang yin pa dang / 'dod chags dang bral ba'i khams gang yin pa dang / 'gog pa'i khams gang yin pa'o/ /tshe dang ldan pa dag gang spangs pa la spong ba'i khams shes bya/
278a8 gang las 'dod chags dang bral ba la 'dod chags dang bral ba'i khams shes bya/ gang 'gags pa la 'gog pa'i khams shes bya/ tshe dang ldan pa kun dga' bo 'du byed thams cad spangs pa la
278b1 spong ba'i khams shes bya'o/ /'du byed thams cad las 'dod chags dang bral ba la 'dod chags dang bral ba'i khams shes bya'o/ /'du byed thams cad 'gags pa la 'gog pa'i khams shes bya'o/ /de nas
278b2 tshe dang ldan pa kun dga' bo dge slong lnga brgya po rnams kyis bshad pa la mngon par bstod de rjes su yi rang nas bcom ldan 'das ga la ba der song ste phyin nas/ bcom ldan 'das kyi zhabs la mgo bos
278b3 phyag 'tshal te/ phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa dge slong dgon pa na gnas pa dang /
278b4 shing drung na gnas pa dang / khang stong na gnas pas chos gang dag rgyun mi 'chad par yid la bgyi/ kun dga' bo dge slong dgon pa na gnas pa dang / shing drung na gnas pa dang / khang stong na gnas pas
278b5 chos gnyis rgyun mi 'chad par yid la bya ste/ zhi gnas dang / lhag mthong ngo / /btsun pa zhi gnas kun du bsten cing bsgoms te mang du bgyis pas don gang nyams su myong bar 'gyur lags/ lhag
278b6 mthong kun du bsten cing bsgoms te mang du bgyis pas don gang nyams su myong bar 'gyur lags/ kun dga' bo zhi gnas kun du bsten cing bsgoms te mang du byas pas ni lhag mthong la brten te rnam par grol
278b7 bar 'gyur ro/ /lhag mthong kun du bsten cing bsgoms te mang du byas pas ni zhi gnas la brten te rnam par grol bar 'gyur ro/ /kun dga' bo zhi gnas dang lhag mthong yongs su bsgoms pa'i 'phags pa
278b8 nyan thos thos pa dang ldan pa'i sems ni khams kyi sgo nas rnam par grol bar 'gyur ro/ /btsun pa khams rnams gang dag lags/ kun dga' bo spong ba'i khams gang yin pa dang / 'dod chags dang
279a1 bral ba'i khams gang yin pa dang / 'gog pa'i khams gang yin pa'o/ /btsun pa gang spangs pa la spong ba'i khams shes bgyi/ gang las 'dod chags dang bral ba la 'dod chags dang bral ba'i khams
279a2 shes bgyi/ gang 'gags pa la 'gog pa'i khams shes bgyi/ kun dga' bo 'du byed thams cad spangs pa la spong ba'i khams shes bya'o/ /'du byed thams cad las 'dod chags dang bral ba la 'dod
279a3 chags dang bral ba'i khams shes bya'o/ /'du byed thams cad 'gags pa la 'gog pa'i khams shes bya'o/ /btsun pa ston pa dang nyan thos rnams 'di lta ste/ tshig gi mchog gis 'di kho na ltar
279a4 don dang don du 'thun zhing 'dra ba dang / tshig dang tshig tu 'thun zhing 'dra ba dang / yi ge dang yi ger 'thun zhing 'dra ba ni ngo mtshar lags so/ /de ci'i slad du zhe na/ btsun pa 'dir bdag gnas brtan
279a5 dge slong rgan po ga la ba der mchis nas/ gnas brtan dge slong rgan po la don 'di nyid tshig 'di rnams dang / yi ge 'di rnams kyis smras na yang / de ltar bcom ldan 'das kyis ji skad bka' stsal
279a6 pa kho na bzhin du des bdag la don 'di nyid tshig 'di rnams dang / yi ge 'di rnams kyis smras pa'i lan btab ste/ bdag gnas brtan dge slong rgan pos bshad pa la mngon par bstod de rjes su yi rang
279a7 nas/ dge slong lnga brgya po rnams ga la ba der mchis te/ dge slong lnga brgya po rnams la don 'di nyid tshig 'di rnams dang / yi ge 'di rnams kyis smras na yang / da ltar bcom ldan 'das kyis
279a8 ji skad bka' stsal pa kho na bzhin du de dag gis kyang bdag la don 'di nyid tshig 'di rnams dang / yi ge 'di rnams kyis smras pa'i lan btab ste/ btsun pa ston pa dang nyan thos rnams 'di lta ste/
279b1 tshig gi mchog gis 'di kho na ltar don dang don du mthun zhing 'dra ba dang / tshig dang tshig tu 'thun zhing 'dra ba dang / yi ge dang yi ger 'thun zhing 'dra ba de ni ngo mtshar lags so/ /bcom ldan 'das kyis bka' stsal
279b2 pa/ kun dga' bo khyod kyis dge slong rgan po su yin shes sam/ gsol pa/ btsun pa dge slong rgan po ni dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang gi don
279b3 rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba lags so/ /dge slong lnga brgya po de dag thams cad kyang dgra bcom pa/ zag pa zad pa/
279b4 bya ba byas pa/ byed pa byas pa/ khur bor ba/ rang gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba sha stag lags so/ /
279b5 gang gi tshe bcom ldan 'das dang / tshe dang ldan pa kun dga' bos dge slong rgan po dang / dge slong lnga brgya po de dag glengs shing bsgrags pa de'i tshe dge slong dag the tsom skyes te/ the tsom thams cad gcod pa sangs
279b6 rgyas bcom ldan 'das la zhus pa/ btsun pa rgan pos las gang dag bgyis na des lo drug bcu'i bar du ma'i lto na mchis par gyur lags/ btsun pa las gang dag bgyis na des yid rtul bar gyur la rab
279b7 tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag rgan po nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal
279b8 bzhin du 'byung la/ gdon mi za bar 'ong ba'i las de dag byas shing bsags pas na/ rgan po nyid kyis las byas shing bsags pa de dag gzhan su zhig gis nyams su myong bar 'gyur te/ dge slong
280a1 dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las
280a2 dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ bskal pa brgyar
280a3 yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na/ de bzhin
280a4 gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na
280a5 med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /
280a6 de na tshong dpon gyi bu zhig gnas brtan zhig las rab tu byung ngo / /gnas brtan de ni dgra bcom pa 'dod chags spangs pa zhig go/ /de nas re shig na yul der dus ston zhig byung nas dge slong gzhon
280a7 nu des gnas brtan de bslang ste/ bzhengs la spyod yul gyi grong du bzhud do zhes byas so/ /gnas brtan gyis smras pa/ bu da dung sngas kyis re shig song la dge ba'i phyogs gyis shig /lan
280a8 gnyis lan gsum gyi bar du dge slong gzhon nu des gnas brtan de bslang ste/ bzhengs la spyod yul gyi grong du bzhud ces byas na yang lan gnyis lan gsum gyi bar du gnas brtan gyis bu da dung sngas
280b1 kyis song la dge ba'i phyogs gyis shig ces byas so/ /de nas dge slong gzhon nu lto mdun can des ngag gi las rtsub po smras te/ khyod lo drug bcu'i bar du yang khyim nas ma byung shig / nga ni song zin no
280b2 zhes byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na dge slong gzhon nur gyur pa gang yin pa de ni dge slong rgan po 'di yin te/ des dgra bcom pa
280b3 la sems sdang bar byas nas ngag gi las rtsub po smras pa'i las de'i rnam par smin pas ni lo drug bcu'i bar du ma'i lto na 'dug 'dug go/ gzhan yang sngon chos la ser sna byas pa des ni shes rab 'chal par
280b4 gyur te/ /dbang po rnams tshegs chen pos yongs su smin par gyur to/ /des der bslabs pa dang / kha don byas pa dang / phung po la mkhas pa dang / khams la mkhas pa dang / skye mched la mkhas
280b5 pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa des ni da ltar nga'i bstan pa la rab tu byung ste/ nyon mongs pa thams cad spangs nas dgra bcom pa
280b6 nyid mngon sum du byas so/ /dge slong dag de bas na ngag gi nyes pa spang ba'i phyir 'bad par bya ste/ ci nas rgan po de so so'i skye bor gyur pa'i tshe'i nyes pa de lta bu dag mi 'byung bar bya'o/ /de nyid kyis
280b7 dgra bcom pa nyid thob pa'i yon tan gyi tshogs de lta bu'i ni thob par byas te/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi
280b8 rangs te/ bcom ldan 'das kyis gsungs pa la mngon par bstod do// //lag pa can zhes bya ba ni sangs rgyas bcom ldan 'das la rgyal po rnams dang / blon po chen po rnams dang /
281a1 phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding
281a2 rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi
281a3 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos
281a4 dang / sman zong rnams brnyes pa nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod
281a5 pa na tshong dpon phyug cing nor mang la longs spyod che ba/ yongs su 'dzin pa yangs shing rgya che ba rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung
281a6 ma blangs nas/ de de dang lhan cig tu rtse zhing dga' la dga' dgur spyod do/ /de rtse zhing dga' la dga' dgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u gzugs
281a7 bzang zhing / lta na sdug la mdzes pa/ mdog bzang ba/ gser gyi kha dog can/ yan lag dang nying lag thams cad dang ldan pa/ rang bzhin gyis tshe rabs dran pa zhig btsas so/ /de nas des rang gi
281a8 lag pa bzung ste/ 'o byed cing mthong la 'jor bar byed la 'khyud par byed de tshig tu smras pa/ kye ma bdag gi lag gu gnyis shin du yun ring mo zhig nas gdod rnyed do/ /kye ma bdag gi lag gu gnyis
281b1 shin du yun ring mo zhig nas gdod rnyed do zhes zer ro/ /de nas de btsas pa'i btsas ston byas nas khye'u 'di'i ming ji skad gdags shes ming 'dogs par byed de/ de'i nye du rnams na re 'di btsas ma thag tu lag pa bzung
281b2 ste 'o byed cing mthong la 'jor la 'khyud par byed pas na de'i phyir khye'u 'di'i ming lag pa can zhes gdags so zhes zer ro/ /de nas khye'u lag pa can pang na 'tsho ba'i ma ma gnyis dang / nu ma snun pa'i ma ma gnyis dang /
281b3 dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo
281b4 cog gis bskyed bsrings te mtsho'i nang gi pad ma bzhin du skye drag par gyur to/ /de nas gang gi tshe yul der 'jigs pa zhig byung ba de'i tshe skye bo'i tshogs 'jigs par gyur te phan tshun du ci bya gtol med nas
281b5 rdzas rnams sbed par byed do/ /khye'u lag pa can ni lag pa gnyis sbed par byed de/ skye bo'i tshogs la yang 'di skad du/ kye yon gnas rnams la sems sdang bar ma byed cig /tshig rtsub po ma zer cig /
281b6 kye bdag gi lag gu gnyis shin du yun ring mo zhig nas gdod rnyed do zhes zer ro/ /de nas phyi zhig na khye'u lag pa can rgyal bu rgyal byed kyi tshal du song ba dang / des sangs rgyas bcom ldan 'das sku skyes bu
281b7 chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od mdom gang gis brgyan pa/ nyi ma stong bas lhag pa'i 'od mnga' ba/ rin po che'i
281b8 ri bo 'gro ba lta bu kun nas bzang ba mthong nas/ mthong ma thag tu des bcom ldan 'das la sems dga' bar byas te/ dga' ba skyes nas bcom ldan 'das kyi zhabs la phyag 'tshal te chos mnyan pa'i phyir
282a1 bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas/ 'phags pa'i bden pa bzhi rtogs par
282a2 'gyur ba de lta bu'i chos bstan te/ de thos nas lag pa can gyis 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa
282a3 mthong nas pha ma la gsol te bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du
282a4 byed kyi rnam pa thams cad rnyil ba dang / ltung ba dang / rnam par mthor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/
282a5 dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/
282a6 rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i
282a7 lha rnams kyis mchod cing rjed pa dang gus par smra ba'i gnas su gyur to/ /de dgra bcom pa nyid thob par gyur kyang de bzhin du dge slong rnams la chos ston te/ kye yon gnas rnams la sems sdang bar ma byed
282a8 cig /tshig rtsub po ma zer cig /kye ma bdag gi lag gu gnyis shin du yun ring mo zhig nas gdod rnyed do zhes zer ro/ /de nas dge slong dag the tsom skyes te/ the tsom thams cad gcod pa sangs rgyas
282b1 bcom ldan 'das la zhus pa/ btsun pa lag pa can gyis las gang dag bgyis shing bsags na des dgra bcom pa nyid thob lags na yang de bzhin du kye ma bdag gi lag gu gnyis shin du yun ring mo zhig nas gdod rnyed do zhes
282b2 mchi lags/ bcom ldan 'das kyis bka' stsal pa/ dge slong dag gang dag 'di ni las kyi 'bras bu mngon sum du mthong ba yin no/ /des ci las bsams te de skad zer ba khyed nyan par 'dod dam/ btsun pa mnyan
282b3 par 'tshal lags so/ /dge slong dag lag pa can nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsag
282b4 pas na/ lag pa can nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par
282b5 mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams
282b6 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung
282b7 ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs
282b8 pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na
283a1 drang srong smra ba ri dgas kyi nags na rten cing bzhugs so/ /re shig na de na dge slong gnyis shig mdza' zhing 'dug ste/ de'i nang na gcig ni dgra bcom pa yang yin la mang du thos pa yang yin no/ /gcig shos ni
283a2 so so'i skye bo yang yin la thos pa yang nyung ngo / /de la dgra bcom pa mang du thos pa de ni kun gyis shes pa/ bsod nams chen po dang ldan pa/ gos dang / zas dang / mal cha dang / stan dang / nad gsos dang / sman zong
283a3 brnyes pa/ g.yar 'dren pa mang du rnyed pa zhig ste/ gang du g.yar drangs pa der des dge slong mdza' bo de phyi bzhin 'brang ba'i dge sbyong du khrid do/ /re shig na nyi ma gcig dgra bcom pa de yang g.yar drangs te 'gro bar
283a4 chad pa las phyi bzhin 'brang ba'i dge sbyong de btsal na ma rnyed do/ /de nas de mi snang nas des dge slong gzhan zhig khrid pa dang / re shig na der dge slong gzhon nu sems rgod pa dag gis 'di skad ces smras te/ btsun pa dag
283a5 gzigs dang / des phyi bzhin 'brang ba'i dge sbyong 'di yang deng ma khrid de gzhan khrid do zhes byas so/ /de nas de khros te dgra bcom pa la sems sdang bar byas nas ngag gi las rtsub po smras te/ bdag gis phyin cad
283a6 de'i lhung bzed bkrus su zin na bdag gi lag pa 'di gnyis med par gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na dge slong mdza' bor
283a7 gyur pa gang yin pa de ni lag pa can 'di yin te/ des dgra bcom pa la sems sdang bar byas te ngag gi las rtsub po smras pa des na tshe rabs lnga brgyar lag pa med par gyur to/ /phyis snying nas 'gyod pa skyes te nyes
283a8 pa la nyes so zhes 'thol zhing bshags te rnam par phye zhing bsal bar byas pa des ni lag pa thob par gyur to/ /des der bslabs pa dang / kha don du byas pa dang / phung po la mkhas pa dang / khams la mkhas
283b1 pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa
283b2 rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur
283b3 ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan
283b4 ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //'de gus gsos shes bya ba ni sangs rgyas bcom ldan 'das la rgyal po rnams dang / blon po
283b5 chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang
283b6 mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams
283b7 kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge
283b8 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na bram ze phyug cing nor mang la longs spyod che ba/ yongs
284a1 su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan gcig tu rtse zhing dga' la dga' mgur
284a2 spyod do/ /de rtse zhing dga' la dga' mgur spyod pa las chung ma la bu chags nas/ de zla ba brgyad dam dgu lon pa dang bu byung ste/ khye'u mdog ngan pa/ lta na mi sdug pa/ byad ngan po zhig btsas te/ de btsas ma thag tu de'i
284a3 ma'i nu ma gnyis la 'o ma med par gyur to/ /re shig na bram ze des de'i ma ma gzhan zhig bkug na de'i 'o ma yang khye'u de'i las kyi rnam par smin pas med par gyur to/ /de nas gang gi tshe de'i phyir 'o ma 'byung ba'i thabs
284a4 sbyar ba thams cad las kyang 'o ma mi 'byung bar gyur pa de'i tshe de 'de gus gsos nas de'i ming 'de gus gsos 'de gus gsos shes bya bar btags so/ /de bsod nams chung bar grags shing bsod nams chung ba
284a5 zhig ste gang gi tshe de cher skyes pa de'i tshe lto gang yang mi rnyed do/ /de nas des dge slong sham thabs legs par gyon pa/ gos legs par bgos pa dag lhung bzed bung ba'i mdog ltar gnag pa thogs nas mnyan du
284a6 yod par bsod snyoms la 'gro la/ de dag kyang lag pa yang bkang / lhung bzed kyang bkang ste phyir byung ba mthong ngo / /mthong nas kyang de bcom ldan 'das kyi bstan pa la rab tu 'byung bar 'dod par gyur nas
284a7 des pha ma la gsol te bcom ldan 'das kyi bstan pa la rab tu byung ngo / /de rab tu byung yang lto gang yang mi rnyed nas de skyo bar gyur pa de nyid kyis brtson pa dang / bsgrub pa dang / 'bad pas phol mig lnga pa'i
284a8 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams
284b1 cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/
284b2 tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi
284b3 lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de nas phyis re shig na bcom ldan 'das kyi dri gtsang khang 'phyag pa la zhugs te/ des de
284b4 phyags nas sham thabs dang chos gos bgos te lhung bzed thogs nas mnyan du yod par bsod snyoms la song ngo / /de nas des bsod snyoms bzang po mang po dag rnyed de/ des de'i dbang po rnams dang 'byung ba
284b5 chen po rnams tshim par gyur to/ /de nas de dbang po tshim par gyur bas bsam gtan dang / rnam par thar pa dang / snyoms par zhugs pa rnams kyis mtshan rangs par 'das par byas so/ /de nas de'i blo
284b6 skyes pa/ ma la thabs 'di ni bzang po zhig gis bdag gis dge slong gi dge 'dun la gsol ba gdab bo snyam mo/ /de nas des dge slong gi dge 'dun thams cad la gsol ba btab pa/ btsun pa dag bdag ni
284b7 bsod nams chung ste/ gang gi tshe dri gtsang khang du phyag dar bgyis nas bsod snyoms la mchis pa de'i tshe gdod 'drangs par gyur te/ de bas na bdag la dge 'dun gyis thugs brtse bar mdzod la gzhan
284b8 sus kyang dri gtsang khang du phyag dar mi mdzad par gsol zhes byas so/ /de nas bcom ldan 'das kyi dri gtsang khang du sus kyang phyag dar mi bya'o zhes dge 'dun gyis khrims bcas nas des bag
285a1 yangs su dri gtsang khang phyags pa'i 'og tu mnyan du yod par bsod snyoms la 'gro bar byed do/ /de'i tshe na tshe dang ldan pa shA ri'i bu yang 'khor lnga brgya dang rgyal bu rgyal byed kyi tshal du dbyar gnas par dam bcas nas
285a2 mnyan du yod par lhags te ston pa la gus pa bskyed nas dri gtsang khang du phyag dar byas so/ /de nas tshe dang ldan pa 'de gus gsos kyis tshor nas des smras pa/ gnas brtan khyod kyis dri gtsang khang du phyag dar
285a3 byas pa ni bdag gi ltor bsnun par bas so/ /gnas brtan gyis smras pa ci nyes/ 'de gus gsos kyis smras pa/ gnas brtan gang gi tshe bdag gis dri gtsang khang du phyag dar ma byas pa de'i tshe bdag gis bsod
285a4 snyoms mi rnyed do/ /de nas gnas brtan shA ri'i bus smras pa/ gal te da ltar bdag ga zhig tu g.yar drangs kyis khyod snying ma chung shig dang / bdag gis der khyod la kha zas sbyin par bya'o/ /de nas gnas brtan shA
285a5 ri'i bu 'khor lnga brgya dang bcas pa'i spyan 'dren 'ongs nas 'de gus gsos kyang de dag dang lhan cig tu chas so/ /de nas gang gi tshe khyim bdag de'i sgo dang nye ba zhig tu phyin pa de'i tshe 'de gus gsos kyi las kyi rnam par
285a6 smin pas khyim der thab mo chen po byung ngo / /de nas tshe dang ldan pa 'de gus gsos 'di snyam du sems te/ bdag bsod nams chung ba'i phyir thab mo byung ngo snyam mo/ /de nas phyir log ste gtsug lag khang du song nas
285a7 smyung bar 'dug go/ de nas phyi de nyin par tshe dang ldan pa shA ri'i bus smras pa/ khyod ci'i phyir ma 'ongs/ des smras pa/ bdag bsod nams chung ba'i phyir der thab mo ji ltar byung ba gnas brtan gyis mi mkhyen tam/
285a8 de nas gnas brtan shA ri'i bus de'i nyin par mdun du bcug ste/ khyim de'i nang du song nas dge 'dun gyi khrod du 'dug na yang / g.yas g.yos su ni kha zas brims la de la ni 'drim pa'i mis kyang brjed nas de dge 'dun
285b1 gyi khrod de kho nar lan gnyis su smyung bar gyur to/ /de nas re shig na gtam de gnas brtan kun dga' bos thos so/ /thos nas kyang 'de gus gsos la smras pa/ 'o na khyod rgyal bu rgyal byed kyi tshal 'di nyid du 'dug
285b2 shig dang bdag gis khyod kyi zas khyer te 'ong ngo zhes byas so/ /gnas brtan kun dga' bo ni bcom ldan 'das las chos kyi phung po brgyad khri lobs pa dang dge slong gzhan dag las nyi khri lobs pa de lta bu'i dran pa dang ldan
285b3 pa yin na/ 'de gus gsos kyi las kyi sgrib pas gnas brtan kun dga' bos kyang brjed par gyur te der yang de lan gsum smyung bar gyur to/ /de nas zhag bzhi lon pa'i tshe gnas brtan kun dga' bos bsgrims te
285b4 bsod snyoms byin na/ de yang phyir 'gro ba'i tshe khyi rnams kyis phrogs te der yang de lan bzhi smyung bar gyur to/ /de nas zhag lnga lon pa'i tshe gnas brtan maud gal gyi bu chen pos thos nas 'de gus gsos kyi phyir bsod
285b5 snyoms blangs nas rdzu 'phrul gyis chas pa dang / 'de gus gsos kyi las kyi rnam par smin pas bya'i rgyal po nam mkha' lding 'dab lcag gis bsnun nas rgya mtsho'i nang du bor te der yang de lan lnga smyung bar gyur to/ /de nas
285b6 zhag drug lon pa'i tshe gnas brtan shA ri'i bus thos nas de 'di snyam du sems te/ ma la bdag kho nas 'de gus gsos kyi bsod snyoms blang gor ma chag snyam mo/ /de nas gnas brtan shA ri'i bus de'i bsod snyoms blangs
285b7 nas khyim de nyid du mi snang bar byas te 'de gus gsos kyi gnas khang gi sgor 'ongs so/ /de nas 'de gus gsos kyi las kyi rnam par smin pas sgo de yang brag gis 'khor bar gyur to/ /de nas gnas brtan shA ri'i
285b8 bus rdzu 'phrul gyis sgo dbye'o snyam nas lhung gzed de sa la bzhag pa dang / de yang 'de gus gsos kyi las kyi rnam par smin pas mthur du dpag tshad brgyad khri'i 'og na gser gyi sa gzhi yod pa'i steng du song nas/
286a1 de las kyang gnas brtan shA ri'i bus rdzu 'phrul gyis phyung nas zas de khar gzhug go snyam ste zas de khar bcug na de'i las kyi rnam par smin pas kha de med par phyi la bor gyur to/ /de nas tshe dang ldan pa shA ri'i bu 'de gus
286a2 gsos la skal ba med par shes nas skyo bar gyur te/ /der yang btsun pa de lan drug smyung bar gyur to/ /de nas zhag bdun lon pa'i nyin par tshe dang ldan pa 'de gus gsos kyis sems can rnams skyo ba bskyed pa dang / las rnams
286a3 chud mi za bar bstan pa dang / las kyi stobs gleng ba'i phyir lhung bzed thal bas bkang ste/ sangs rgyas la sogs pa dge slong gi dge 'dun gyi spyan sngar 'dug nas chu dang bskyos te 'thungs nas phung po'i lhag ma med pa'i mya ngan
286a4 las 'das pa'i dbyings su yongs su mya ngan las 'das so/ /de nas dge slong rnams kyis de mthong nas skyo bar gyur te de'i sku gdung la sku gdung gi mchod pa byas so/ /de nas dge slong dag the tsom skyes te/ the tsom thams cad
286a5 gcod pa sangs rgyas bcom ldan 'das la zhus pa/ btsun pa 'de gus gsos kyis las gang dag bgyis na des dgra bcom pa nyid thob par gyur kyang lan drug smyung bar gyur nas zhag bdun pa'i gdugs la phung po'i lhag
286a6 ma med pa'i mya ngan las 'das pa'i dbyings su yongs su mya ngan las 'das lags/ bcom ldan 'das kyis bka' stsal pa/ dge slong dag 'de gus gsos nyid kyis sngon tshe rabs gzhan dag tu tshogs rnyed cing rkyen grub pa
286a7 dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ 'de gus gsos nyid kyis las byas shing bsags pa de dag gzhan su zhig gis nyams su myong bar 'gyur te/ dge
286a8 slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas
286b1 shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /
286b2 'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA Na sI na khyim bdag gcig gi chung ma dad pa dang ldan la dge zhing bsam pa bzang ba zhig 'dug pa de rgyun mi 'chad par dge sbyong dang / bram
286b3 ze dang / bkren pa dang / sdug cing phongs pa dang / slong ba rnams la sbyin pa dag byed do/ /phyis de'i khyim thab shi nas re shig na de'i bu bdag gi khyim gyi bdag por gyur to/ /de yang ser sna can/ 'jungs pa/ yo byad la
286b4 kun du 'dzin pa/ khwa la yang gtor ma mi ster ba zhig ste/ de dge sbyong dang / bram ze dang / bkren pa dang / sdug cing phongs pa dang / slong ba rnams mthong na sems sdang bar byed do/ /de'i ma ni sngon gyi lugs bzhin du dge sbyong dang /
286b5 bram ze dang / bkren pa dang / sdug cing phongs pa dang / slong ba rnams la sbyin pa dang rab tu sbyin pa dag sbyin par byed do/ /de nas de'i bu ser snas non pa des smras pa/ yum bdag ma dad kyis sbyin pa ma sbyin cig /des smras
286b6 pa/ bu gcig khyim 'di na khyim gyi lugs kyis de yin no/ /de nas des logs shig tu zan phog ste bzhag na 'on kyang de zan gyi phyed ni sbyin par byed do/ /phyed ni bdag nyid za'o/ /de nas ser snas non cing khro bas
286b7 bsgribs pa'i blo can des yang dang yang du bkag ste/ thabs ji lta bus bkag kyang de dgag ma nus nas ma la smras pa/ yum bgyi ba zhig mchis kyis khyim gyi phug du bzhud cig /de nas rang bzhin gyis drang ba de khyim gyi
286b8 phug tu song ngo / /de nas des sgo bcad de nyi ma gcig zan bcad nas des smras pa/ bu bdag bkres so/ /de nas des tshig rtsub po smras te thal ba 'gom cig ces byas so/ /de nas re shig na nyam nga zhing mi bde la gnod pa
287a1 dang phrad pa des snying rje rje skad du khus btab kyang zhag drug gi bar smyung du bcug ste ma btang nas shi'o/ /'on kyang ser snas bsgribs pa de ma dang bral ba la 'gyod pa med do/ /bcom ldan 'das kyis bka' stsal pa/ dge slong
287a2 dag ji snyam du sems/ de'i tshe de'i dus na khyim bdag gi bur gyur pa gang yin pa de ni 'de gus gsos 'di yin te/ des ma la gnod pa byas pa'i las de'i rnam par smin pas bskal pa gcig gi bar du sems can dmyal ba chen
287a3 po mnar med par skyes so/ /rgyu de kho nas da ltar dgra bcom pa nyid mngon sum du byas kyang smyung bar gyur te thal ba zos nas yongs su mya ngan las 'das so/ /dge slong dag 'de gus gsos kyis ni las gzhan dag kyang byas shing
287a4 bsags te/ dge slong dag sngon byung ba 'das pa'i dus na grong khyer bA rA na sI na bram ze lha la rten pa bA rA Na sI na gnas pa'i bram ze dang / khyim bdag dang / skye bo thams cad kyis kun du bkur sti bya ba dang / bla mar bya ba dang /
287a5 ri mo bya ba dang / mchod cing bkur ba zhig yod do/ /chos nyid kyis na sangs rgyas rnams 'jig rten du mi 'byung ba'i tshe rang sangs rgyas sdug cing phongs pa rnams la snying brtse ba dang / bas mtha'i gnas mal gyis 'tsho ba/
287a6 'jig rten gyi yon gnas gcig pu rnams 'jig rten du 'byung ste/ re shig na rang sangs rgyas gcig cig bA rA Na sIr bsod snyoms la song ba dang / de der lag pa yang bkang / lhung bzed kyang bkang ste phyir
287a7 byung ba bram ze des mthong nas de/ ser sna skyes te lhung bzed bltas tshur khyer shog ces byas so/ /nyan thos dang rang sangs rgyas rnams ni ma bsams par shes pa mi 'jug ste btsun pa des bstan to/ /de nas des
287a8 sa la pho nas rkang pas bsnun to/ /de nas rang sangs rgyas de smyung bar 'dug kyang bram ze de 'gyod pa ma skyes so/ /dge slong dag ji snyam du sems/ de'i tshe de'i dus na bram zer gyur pa gang yin pa de ni 'de gus
287b1 gsos 'di yin no/ /gzhan yang bcom ldan 'das 'od srung gi ring la rab tu byung ste/ des der tshangs par spyod pa'i gnas bsrungs pa des na da ltar dgra bcom pa nyid mngon sum du byas so/ /dge slong dag de ltar na las
287b2 gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin par yang gcig tu nges par dkar bar 'gyur ro/ /las 'dren
287b3 ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad
287b4 par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //'khor ba
287b5 zhes bya ba ni sangs rgyas bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams
287b6 dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas bla mar byas/ ri mo byas/ mchod pa
287b7 byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang
287b8 ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal
288a1 khyim bdag mgon med zas sbyin gyi kun dga' ra ba na bzhugs so/ /de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i
288a2 nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' mgur spyod do/ /de rtse zhing dga' la dga' mgur spyod pa las
288a3 chung ma la bu chags nas/ de zla ba brgyad dam dgu lon pa dang bu byung ste/ khye'u gzugs bzang zhing lta na sdug la mdzes pa/ yan lag dang nying lag thams cad dang ldan pa zhig btsas te/ de btsas ma thag tu khyim
288a4 mi rnams la bltas nas tshig tu smras pa/ kye ma 'khor ba ni sdug bsngal ba'o/ /'khor ba ni mchog tu sdug bsngal ba'o zhes smras nas cang mi zer bar 'dug go/ /de nas de btsas pa'i btsas ston byas nas khye'u
288a5 'di'i ming ji skad gdags shes ming 'dogs par byed de/ nye du rnams na re 'di btsas ma thag tu 'khor ba 'khor ba zhes sgrogs pas na de'i phyir khye'u 'di'i ming 'khor ba zhes gdags so zhes zer ro/ /de nas
288a6 khye'u 'khor ba pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de ma ma brgyad kyis 'o ma dang / zho dang /
288a7 mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas de mthar kyis cher skyes pa dang / de rang
288a8 bzhin gyis tshe rabs dran pas skye bo'i tshogs la chos ston te/ kye bla ma rnams dang / bla ma lta bu rnams dang / pha ma dang / mkhan po dang / slob dpon rnams la tshig rtsub mo ma zer cig /'khor ba ni sdug
288b1 bsngal ba'o/ /'khor ba ni mchog tu sdug bsngal ba'o zhes zer ro/ /de nas phyis re shig na phan tshun du 'khyam du song song ba las rgyal bu rgyal byed kyi tshal du phyin nas/ des sangs rgyas bcom ldan 'das sku skyes bu chen po'i mtshan sum bcu rtsa gnyis
288b2 kyis legs par brgyan pa dpe byad bzang po brgyad bcus mdzes par byas pa/ 'od mdom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/
288b3 mthong ma thag tu bcom ldan 'das la sems dga' bar gyur to/ /de dga' ba skyes nas bcom ldan 'das kyi zhabs la phyag 'tshal te chos mnyan pa'i phyir bcom ldan 'das kyi spyan sngar 'dug go/ de nas bcom ldan
288b4 'das kyis de la 'khor ba las skyo bar 'gyur ba'i chos bstan pa mdzad de/ de thos nas khye'u 'khor ba 'khor ba la nyes par lta ba dang / mya ngan las 'das pa la yon tan du lta bar gyur te pha ma la gsol nas bcom
288b5 ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang /
288b6 ltung ba dang / rnam par 'thor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum pa'i 'dod
288b7 chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/
288b8 rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba dbang po dang nye dbang dang bcas pa'i lha rnams kyis mchod cing rjed pa dang /
289a1 gus par smra ba'i gnas su gyur to/ /de dgra bcom par gyur kyang dge slong rnams la chos ston te/ tshe dang ldan pa dag bla ma rnams dang / bla ma lta bu rnams dang / pha ma dang / mkhan po dang / slob dpon rnams la tshig
289a2 rtsub po ma zer cig /'khor ba ni sdug bsngal ba'o/ /'khor ba ni mchog tu sdug bsngal ba'o zhes zer ro/ /de nas dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/
289a3 btsun pa 'khor bas las gang dag bgyis na des tshe rabs lnga brgya'i bar du ma'i lto nas gum pa'i ro byung la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/
289a4 dge slong dag 'khor ba nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ 'khor ba nyid kyis
289a5 las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang /
289a6 me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par
289a7 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na bskal pa bzang po 'di nyid
289a8 la skye dgu'i tshe lo nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na
289b1 med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de grong khyer bA rA Na sI na drang srong smra ba ri dgas kyi nags na rten cing bzhugs so/ /de'i tshe grong khyer bA rA Na sI na tshong dpon gyi bu zhig
289b2 gnas brtan zhig las rab tu byung ngo / /gnas brtan de ni dgra bcom pa 'dod chags spangs pa zhig go/ /de nas re shig na yul der dus ston zhig byung ngo / /de nas dge slong gzhon nu des gnas brtan de bslang ste/ bzhengs la spyod
289b3 yul gyi grong du bzhud do zhes byas so/ /gnas brtan gyis smras pa/ bu da dung sngas kyis re shig song la dge ba'i phyogs gyis shig /lan gnyis lan gsum gyi bar du dge slong gzhon nu des gnas brtan de bslang ste bzhengs la
289b4 spyod yul gyi grong du bzhud ces byas na yang / lan gnyis lan gsum gyi bar du gnas brtan gyis/ bu da dung sngas kyis song la dge ba'i phyogs gyis shig ces byas so/ /de nas dge slong gzhon nu lto 'dun can des ngag gi
289b5 las rtsub pos smras te/ khyod tshe rabs lnga brgya'i bar du yang gson por khyim nas ma byung shig /nga ni song zin no zhes byas so/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na
289b6 dge slong gzhon nur gyur pa gang yin pa de ni 'di yin te/ des dgra bcom pa la sems sdang bar byas nas tshig rtsub po smras pa'i las de'i rnam par smin pas tshe rabs lnga brgya'i bar du ma'i lto nas shi ba'i ro byung nas
289b7 da ltar mir skyes te de dran nas 'khor ba ni sdug bsngal ba'o/ /'khor ba ni mchog tu sdug bsngal ba'o zhes zer ba yin no/ /de 'gyod pa skyes te gnas brtan la nyes pa bshags pa dang tshangs par spyod pa'i gnas bsrung
289b8 pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges
290a1 par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa
290a2 rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/
290a3 dge slong de dag yi rangs te/ bcom ldan 'das kyis gsungs pa la mngon par bstod do// //gang po la sogs pa'i rtogs pa brjod pa brgya pa/ bam po nyi shu gnyis pa ste tha ma/ sbed pa zhes bya ba ni sangs rgyas
290a4 bcom ldan 'das la rgyal po rnams dang / blon po chen po rnams dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin
290a5 rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang /
290a6 nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang /
290a7 gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /
290a8 gang gi tshe bcom ldan 'das rgya skegs kyi rna cha can gyis spyan drangs te/ yul slo ma can gyi skye bo mang po gdul bar bya ba rnams dad par mdzad pa de'i tshe yul slo ma can na gnas pa'i skye bo'i tshogs thams cad
290b1 sangs rgyas la gzhol/ chos la 'bab/ dge 'dun la 'bab ste/ 'khod do/ /de'i tshe yul slo ma can na khyim bdag phyug cing nor mang la longs spyod che ba yongs su 'dzin pa yangs shing rgya che ba rnam thos kyi bu'i nor dang ldan pa/ rnam
290b2 thos kyi bu'i nor dang 'gran pa zhig gnas pa des rigs mnyam pa las chung ma blangs nas/ de de dang lhan cig tu rtse zhing dga' la dga' 'gur spyod do/ /de rtse zhing dga' la dga' 'gur spyod pa las chung ma la bu chags
290b3 nas de zla ba brgyad dam dgu lon pa dang bu byung ste/ khye'u zhig btsas nas btsas ma thag tu de'i lus thams cad phol mig gis zhu lung tu khyab par 'dug ste/ gang gi tshe phol mig de dag rdol ba de'i tshe sha snag bu
290b4 phyil por gyur te/ de'i lus las rnag khrag 'dzag cing dri shin du mnam pa 'byung ngo / /de nas de'i phas dbang phyug gi stobs kyi shugs kyis nor dang / sngags dang / sman dang / g.yog dang ldan par bdag nyid
290b5 kyis gsos na/ 'on kyang las kyi stobs kyi shugs thob pas nad de zhi bar ma gyur te lus thams cad de lta bur gyur nas ngo tsha ste gos kyis sbed par byed pas na de'i ming sbed pa zhes btags so/ /de nas re shig
290b6 na khye'u sbed pa cher skyes nas de'i grogs po na zla rnams mnyan du yod pa'i grong khyer slo ma can du dong dong ba de dag gis de'i pha la smras pa/ yab gal te 'di mnyan du yod par khrid na ni de na sman pa dang / sman la
290b7 sogs pa mchis te mod pas nad de las gso nus so zhes byas so/ /de nas de'i phas tshig de mnyan nas rin po che mang po dang / g.yog rnams byin te mnyan du yod par btang nas de mthar gyis grogs
290b8 po na zla rnams dang mnyan du yod par phyin na de na sman pa dang / nor dang / sman dang / g.yog kyang mang du yod mod kyi/ de'i las las skyes pa'i nad de gso ma nus so/ /de nas phyis re shig na de rgyal bu
291a1 rgyal byed kyi tshal du song nas/ de sangs rgyas bcom ldan 'das sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad bcus mdzes par byas pa/ 'od mdom gang
291a2 gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/ mthong ma thag tu de bcom ldan 'das la sems dga' bar gyur to/ /de dga' ba skyes nas
291a3 bcom ldan 'das kyi zhabs la phyag 'tshal te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis de'i bsam pa dang / bag la nyal dang / khams dang / rang bzhin
291a4 thugs su chud nas 'phags pa'i bden pa bzhi rtogs par 'gyur ba de lta bu'i chos bstan te/ de thos nas nye bar len pa'i phung po lnga nad dang / phol mig dang / zug rngu dang / sdig pa dang / mi rtag pa dang / sdug bsngal
291a5 ba yin par rtogs te/ 'du byed thams cad mi rtag par rig nas bcom ldan 'das kyi bstan pa la rab tu byung ste/ des brtson pa dang / bsgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing
291a6 mi brtan par rig nas 'du byed kyi rnam pa thams cad rnyil ba dang / ltung ba dang / rnam par mthor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon
291a7 sum du byas so/ /dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur
291a8 bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang
291b1 dang bcas pa'i lha rnams kyis mchod cing rjed pa dang gus par smra ba'i gnas su gyur to/ /de'i grogs po na zla de dag kyang skyo bar gyur pa de nyid kyis rab tu byung nas de dag tshe dang ldan pa sbed pa ga la ba der song ste phyin nas tshe dang ldan pa sbed pa 'di
291b2 skad ces smras so/ /tshe dang ldan pa sbed pa 'jig rten na 'jig pa'i chos can ni gang yin/ 'jig rten na 'jig pa'i chos can ma yin pa ni gang yin/ tshe dang ldan pa dag gzugs ni 'jig pa'i chos can no/ /de 'gags pa'i
291b3 mya ngan las 'das pa ni 'jig pa'i chos can ma yin pa'o/ /tshe dang ldan pa dag tshor ba dang / 'du shes dang / 'du byed rnams dang / rnam par shes pa ni 'jig pa'i chos can no/ /de 'gags pa'i mya ngan las 'das pa ni 'jig
291b4 pa'i chos can ma yin pa'o/ /tshe dang ldan pa dag ji snyam du sems/ gzugs rtag pa yin nam/ 'on te mi rtag pa yin/ tshe dang ldan pa sbed pa de ni mi rtag pa yin no/ /tshe dang ldan pa dag mi rtag pa gang yin pa de sdug bsngal
291b5 ba yin nam/ 'on te sdug bsngal ba ma yin/ tshe dang ldan pa sbed pa de ni sdug bsngal ba yin no/ /tshe dang ldan pa dag ci mi rtag pa dang / sdug bsngal ba dang / rnam par 'gyur ba'i chos can gang yin pa de la thos pa dang ldan pa'i
291b6 'phags pa'i nyan thos 'di snyam du 'di ni bdag gi'o/ /'di ni bdag go/ /'di ni bdag gi bdag yin no snyam du bdag tu 'dzin par 'gyur ram/ tshe dang ldan pa sbed pa de ni ma yin no/ /tshe dang ldan pa dag ji snyam du sems/ tshor ba
291b7 dang / 'du shes dang / 'du byed dang / rnam par shes pa rtag pa yin nam/ 'on te mi rtag pa yin nam/ tshe dang ldan pa sbed pa de ni mi rtag pa yin no/ /tshe dang ldan pa dag mi rtag pa gang yin pa de sdug bsngal ba yin nam/
291b8 'on te sdug bsngal ba ma yin/ tshe dang ldan pa sbed pa de ni sdug bsngal ba yin no/ /tshe dang ldan pa dag ci mi rtag pa dang / sdug bsngal ba dang / rnam par 'gyur ba'i chos can gang yin pa de la thos pa dang ldan pa'i 'phags pa nyan thos 'di snyam du
292a1 'di ni bdag gi'o/ /'di ni bdag go/ /'di ni bdag gi bdag yin no snyam du bdag tu 'dzin par 'gyur ram/ tshe dang ldan pa sbed pa de ni ma yin no/ /tshe dang ldan pa dag de bas na gzugs ci yang rung ba 'das pa dang / ma 'ongs pa dang
292a2 da ltar byung ba 'am/ phyi rol 'am/ nang ngam/ rags pa 'am/ cha phra ba 'am/ ngan pa 'am/ bzang po 'am/ thag ring ba 'am/ nye ba yang rung ste/ de dag thams cad la 'di ni bdag gi ma yin no/ /'di ni bdag ma yin no/ /'di ni
292a3 bdag gi bdag ma yin no snyam du de ltar yang dag pa ji lta ba bzhin du yang dag pa'i shes rab kyis blta bar bya'o/ /tshor ba dang / 'du shes dang / 'du byed rnams ci yang rung ba dang / rnam par shes pa ci yang rung ba 'das pa dang / ma 'ongs
292a4 pa dang / da ltar byung ba 'am/ nang ngam/ phyi rol lam/ rags pa 'am/ cha phra ba 'am/ ngan pa 'am/ bzang po 'am/ thag ring ba 'am/ nye ba yang rung ste/ de dag thams cad la 'di ni bdag gi ma yin no/ /'di ni
292a5 bdag ma yin no/ /bdag gi bdag ma yin no snyam du de ltar yang dag pa ji lta ba bzhin du yang dag pa'i shes rab kyis blta bar bya'o/ /tshe dang ldan pa dag de ltar lta ba'i thos pa dang ldan pa'i nyan thos ni gzugs
292a6 las kyang skyo bar 'gyur ro/ /tshor ba dang / 'du shes dang / 'du byed rnams dang / rnam par shes pa las kyang skyo bar 'gyur te/ skyo na 'dod chags dang bral bar 'gyur ro/ /'dod chags dang bral na rnam par
292a7 grol bar 'gyur ro/ /rnam par grol ba na bdag gi skye ba zad do/ /tshangs par spyod pa spyad zin to/ /bya ba byas so/ /srid pa 'di las gzhan mi shes so snyam du rnam par grol ba'i ye shes mthong ba kho nar
292a8 'gyur ro/ /chos kyi rnam grangs 'di bshad pa na grogs po na zla de rnams chos rnams la chos kyi mig rdul med cing dri ma dang bral bas rnam par dag go/ /de nas dge slong dag the tsom skyes te/
292b1 the tsom thams cad gcod pa sangs rgyas bcom ldan 'das la zhus pa/ btsun pa sbed pas las gang dag bgyis na des de'i lus 'di lta bur mi sdug cing nad mang la dri nga bar gyur lags/ las gang dag bgyis na/
292b2 des blo rno zhing gsal bar gyur te rab tu byung nas kyang dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag sbed pa nyid kyis sngon tshe rabs gzhan dag tu tshogs rnyed
292b3 cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ sbed pa nyid kyis las byas shing bsags pa de dag gzhan su zhig gis nyams su myong bar
292b4 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/
292b5 las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang
292b6 chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA Na sI na tshong dpon zhig 'dug pa de tshong dpon gzhan zhig dang mi mdza' nas
292b7 des rgyal po la nor mang po phul te gsol ba btab pa/ lha tshong dpon 'dis nongs pa bgyis kyis 'di chad pas gcad cing tshar gcad par gsol zhes byas so/ /de nas rgyal pos gnang ste de nyid chad pas gcod du
292b8 bcug go/ /de nas des bdag gi khyim du bskur nas lcag gis bzhus so/ /de nas lus las khrag byung nas dug drag po'i phye ma mang pos btab ste des de'i lus de sha snag bu bzhin du phyil por 'dug
293a1 par gyur to/ /de nas tshong dpon de'i grogs po rnams kyis de la ji ltar byas pa thos nas de dag sdongs te yo byad kyi khyad par dag gis nad de las sos par byas so/ /de nas de skyo bar gyur pa de kho nas khyim
293a2 nas byung ste rab tu byung nas des slob dpon med par byang chub kyi phyogs dang 'thun pa'i chos sum bcu rtsa bdun bsgoms te rang sangs rgyas kyi byang chub mngon sum du byas so/ /de nas de'i sems skyes pa tshong dpon des ni
293a3 bdag gi rgyud las bsod nams ma yin pa chen po bskyed kyis med na ma la bdag de'i thad du song la skyo ba bskyed par bya gor ma chag snyam mo/ /de nas de'i mdun du song nas steng gi nam mkha' la mngon par 'phags te/
293a4 cho 'phrul rnam pa sna tshogs bstan to/ /so so'i skye bo rnams ni rdzu 'phrul gyis myur du dad par byed de/ /de sdong po rtsa ba nas bcad pa bzhin du rkang pa la phyag 'tshal nas thal mo sbyar te bcom ldan 'das de la gsol ba btab
293a5 pa/ yon gnas chen po mar gshegs/ khyod la bdag gis nongs pa bgyis kyis/ de yang khyod nyid las brten te 'byung bar bgyi'o zhes byas te/ des rang sangs rgyas de la bzod pa gsol nas bshos gsol
293a6 te na bza' phul nas smon lam btab pa/ bdag khros te khyod la nongs pa bgyis pa de'i las kyi rnam par smin pa bdag gis myong bar ma gyur cig bdag gis bkur sti bgyis pa 'dis ni yon tan 'di lta bu
293a7 dag bdag gis thob par gyur cig /'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal
293a8 pa/ dge slong dag ji snyam du sems/ de'i tshe de'i dus na tshong dpon du gyur pa gang yin pa de ni sbed pa 'di yin te las de'i mthus tshe rabs lnga brgya'i bar du lcag 'og tu shi'o/ /rgyu de kho nas da ltar yang lus
293b1 'di 'dra ba thob par gyur to/ /gzhan yang bcom ldan 'das 'od srung gi ring la grogs po na zla rnams dang lhan cig tu rab tu byung ste/ der de dag gis tshangs par spyod pa'i gnas bsrungs pa des ni da ltar
293b2 dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams
293b3 ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang las
293b4 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/
293b5 dge slong de dag yi rangs te bcom ldan 'das kyis gsungs pa la mngon par bstod do// //mi sdug pa zhes bya ba ni sangs rgyas bcom ldan 'das la rgyal po rnams dang / blon po chen po rnams dang / phyug po
293b6 rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding
293b7 rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding
293b8 dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun
294a1 gsos dang / sman zong rnams brnyes pa/ nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ /de'i
294a2 tshe yul b+ha rga zhes bya ba na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa
294a3 des rigs mnyam pa las chung ma blangs nas/ de de dang lhan cig tu rtse zhing dga' la dga' 'gur spyod do/ /de rtse zhing dga' la dga' 'gur spyod pa las chung ma la bu chags nas/ de zla ba brgyad dam
294a4 dgu lon pa dang bu byung ste/ khye'u mi sdug pa'i sna grangs bcwa brgyad dang ldan pa zhig btsas nas pha ma gnyis bu la chags te de gsos so/ /de nas gang gi tshe de mthar gyis cher skyes pa de'i tshe mi sdug pa'i phyir pha ma
294a5 gnyis kyis khyim nas bskrad do/ /de gang dang gang du song ba de dang der yang yid du mi 'ong ba'i phyir skye bo mang pos bskrad do/ /dud 'gro'i skye gnas su skyes pa'i srog chags rnams kyis kyang de la gzi brjid kyis
294a6 brnyas par byed na mir gyur pa rnams kyis lta ci smos te/ de grong khyer gyi nang nas bskrad nas skyed mos tshal dung yag cig tu 'dug ste/ des res 'ga' ni 'bras bu dang rtsa ba rnyed na za bar byed do/ /res
294a7 'ga' 'bras bu dang rtsa ba ma rnyed na ni rtswa dang / me tog dang / lo ma dag gis 'tsho bar byed do/ /de nas bcom ldan 'das kyis mi sdug pa gdul ba'i dus la bab par gzigs nas nyan thos chen po
294a8 bzhi la bka' stsal pa/ dge slong dag tshur sheg shig dang mi sdug pa gdul lo/ /de nas bcom ldan 'das nyan thos chen po rnams kyis zhabs 'bring byas te/ skye mos tshal dung yag ga la ba
294b1 der gshegs pa dang / des bcom ldan 'das mthong nas ngo tsha ste phan tshun du bros so/ /de nas bcom ldan 'das kyis ji ltar yang 'bros mi nus par byin gyis brlabs so/ /de nas bcom ldan 'das dang nyan thos chen po rnams
294b2 'gog pa'i snyoms par zhugs so/ /de nas 'gog pa las bzhengs te bdag nyid mi sdug par sprul to/ /sprul nas kyang kham phor kha zas kyis bkang ba bsnams te mi sdug pa'i thad du gshegs so/ /de nas
294b3 mi sdug pas mthong ba dang dga' bar gyur nas smras pa/ grogs po chen po ga las 'ongs tshur shog /bdag cag gnyis lhan cig tu 'dug go zhes byas so/ /de nas bcom ldan 'das kyis de la zas byin te dbang
294b4 po tshim par gyur nas bcom ldan 'das kyis nyid kyi cha lugs su bsgyur to/ /de nas mi sdug pas sangs rgyas bcom ldan 'das mthong nas gsol pa/ da ni khyod byad gzugs bzang por gyur na las gang gi
294b5 mthu las gyur lags/ bcom ldan 'das kyis bka' stsal pa/ nga la sems dga' bar byed pa zhes bya ba'i rig sngags yod de 'di ni de'i mthu yin no/ /de nas des bcom ldan 'das dang nyan thos chen po
294b6 'gog pa'i snyoms par zhugs pa de dag la sems dga' ba bskyed de/ des na de'i mi sdug pa med par gyur nas bzang por gyur te rab tu byung nas dgra bcom pa nyid mngon sum du byas so/ /de nas dge slong
294b7 dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa mi sdug pas las gang dag bgyis na des 'di lta bur mdog ngan cing reg tu mi bzod pa dang mi sdug
294b8 pa'i sna grangs bcwa brgyad dang ldan par gyur la/ rab tu byung nas dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag mi sdug pa nyid kyis sngon tshe rabs
295a1 gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ mi sdug pa nyid kyis las byas shing bsags
295a2 pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur chu'i khams dang / me'i khams dang / rlung gi
295a3 khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi
295a4 las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na de bzhin gshegs pa dgra bcom pa yang dag
295a5 par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa/ sangs
295a6 rgyas bcom ldan 'das rgyal zhes bya ba 'jig rten du byung ste/ de phyi zhig na rgyal po'i pho brang 'khor zhig na rten cing bzhugs so/ /de nas yang dag par rdzogs pa'i sangs rgyas rgyal gyis dgongs na/ de'i tshe
295a7 nye bar gyur pa'i byang chub sems dpa' gnyis yod de/ byang chub sems dpa' shAkya thub pa dang / byams pa'o/ /de la byams pa ni rang gi rgyud yongs su smin par gyur la gdul bar bya ba rnams yongs su
295a8 ma smin/ shAkya thub pa ni rang gi rgyud yongs su ma smin la gdul bar bya ba rnams ni yongs su smin par gzigs so/ /de nas yang dag par rdzogs pa'i sangs rgyas rgyal gyis byang chub sems dpa'
295b1 shAkya thub pa'i rgyud yongs su smin par bya ba'i phyir gangs kyi ri'i steng du gshegs te rin po che'i brag phug tu zhugs nas skyil mo dkrung bcas te me'i khams la snyoms par zhugs so/ /de'i tshe byang chub sems dpa'
295b2 shAkya thub pa 'bras bu dang rtsa ba dag gi phyir ri'i rgyal po gangs kyi steng du song ste/ de phan tshun song song ba las yang dag par rdzogs pa'i sangs rgyas rgyal sku skyes bu chen po'i mtshan sum bcu rtsa gnyis kyis legs
295b3 par brgyan pa/ dpe byad bzang po brgyad cus mdzes par byas pa/ 'od mdom gang gis brgyan pa/ nyi ma stong bas lhag pa'i 'od mnga' ba/ rin po che'i ri bo 'gro ba lta bu kun nas bzang ba mthong nas/
295b4 de mthong ma thag tu des nyin mtshan bdun gyi bar du rkang pa ya cig gis 'greng ste tshigs su bcad pa gcig gis bstod pa de lta bu'i sems rtse gcig tu bya ba ste/ skyes bu khyu mchog khyod 'dra'i dge sbyong chen po gzhan
295b5 dag lha yul sa la med/ /'jig rten 'di na'ang yong gis med la rnam thos bu yi pho brang na yang med/ /lha yi pho brang gnas mchog dag na 'ang med la phyogs dang phyogs mtshams dag na'ang med/ /ri dang nags su
295b6 bcas pa'i sa steng rgyas pa ma lus bskor kyang ga la yod ces bstod do/ /de nas yang dag par rdzogs pa'i sangs rgyas rgyal gyis byang chub sems dpa' shAkya thub pa'i rgyud yongs su smin par gzigs
295b7 nas legs so zhes bya ba byin te/ skyes bu dam pa legs so legs so/ /bram ze dam pa di ring du/ de bzhin gshegs la legs bstod pa'i/ /stobs dang brtson 'grus rdzogs pa 'dis/ /bskal
295b8 pa dgu zhig 'dums par gyur ces gsungs so/ /de nas bcom ldan 'das de lha che bar grags pa rnams kyis zhabs 'bring byas te phug de'i nang na bzhugs pa dang phug de'i nang na gnas pa'i lha chung bar
296a1 grags pa zhig yod pa des phug de'i nang du 'gro ma nus so/ /de nas des mig mi sdug par bsgyur te bcom ldan 'das la bsdigs so/ /des yun ring mo zhig tu bsdigs kyang bcom ldan 'das la gnod pa
296a2 byed ma nus nas des dad pa rnyed de drang srong 'di ni bzang po zhig ste brtul zhugs grub pa zhig go snyam mo/ /de nas des lus rgyas par sprul nas bcom ldan 'das kyi zhabs la phyag 'tshal te bzod pa gsol nas bshos
296a3 kyang gsol to/ /bcom ldan 'das kyis bka' stsal pa/ dge slong dag ji snyam du sems/ de'i tshe de'i dus na phug de na gnas pa'i lhar gyur pa gang yin pa de ni mi sdug pa 'di yin te/ las de'i rnam par
296a4 smin pas 'khor bar sdug bsngal mtha' yas pa myong bar gyur la da ltar yang rgyu de kho nas mi sdug par gyur to/ /des phyis sems dga' ba bskyed pa des ni 'di'i mi sdug pa med par gyur te bzang por gyur nas
296a5 rab tu byung la dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges
296a6 par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag
296a7 pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces
296a8 bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //gang gA pa zhes bya ba ni sangs rgyas bcom ldan 'das la rgyal po rnams dang /
296b1 blon po chen po rnams dang / phyug po rnams dang / pho brang 'khor kyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma
296b2 yin rnams dang / nam mkha' lding rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas mchod pa byas te/ lha dang / klu dang / gnod sbyin dang / lha ma yin dang /
296b3 nam mkha' lding dang / mi 'am ci dang / lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims
296b4 cha dang / gdan dang / snyun gsos dang / sman zong rnams brnyes pa/ nyan thos kyi dge 'dun dang bcas pa grong khyer bA rA Na sI na drang srong smra ba ri dgas kyi nags na rten cing bzhugs so/ /de'i tshe bA ra Na
296b5 sI na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa
296b6 las chung ma blangs nas/ de de dang lhan cig tu rtse zhing dga' la dga' dgur spyod do/ /de rtse zhing dga' la dga' dgur spyod kyang bu yang med bu mo yang med nas de lag pa la rkom tshugs bcas te bsams
296b7 pa/ bdag gi khyim nor du ma dang ldan du zin kyang / bdag la bu yang med bu mo yang med pas bdag 'das pa'i 'og tu ni bu med pa'i phyir ci bdog pa thams cad rgyal po dbang bar 'gyur ro snyam ste
296b8 sems khongs su chud cing 'dug go/ /de nas dge sbyong dang / bram ze dang / ltas mkhan dang / mdza' bo dang / gnyen dang / rtsa lag gzhan dag gis lha la gsol ba thob cig ces de la bsgo'o/ /de nas
297a1 de bud med de bu 'dod pa'i phyir lha gu lang dang / chu lha dang / ku be ra dang / brgya byin dang / tshangs pa la sogs pa dang / lha'i khyad par gzhan dag la yang gsol ba 'debs te/ 'di lta ste/ kun dga' ra ba'i lha
297a2 dang / nags tshal gyi lha dang / lam gyi bzhi mdo'i lha dang / sum mdo'i lha dang / gtor ma len pa'i lha dang / lhan cig skyes pa dang / chos 'thun pa pa dang / rtag tu phyi bzhin 'brang ba'i lha rnams la yang gsol
297a3 ba 'debs te/ 'jig rten na yang gsol ba btab pa'i rgyus bu dang bu mo skye bar 'gyur ro zhes bya ba'i gtam de yod mod kyi/ de yang de lta ni ma yin te/ gal te gsol ba btab pa'i rgyus bu dang bu mo skye bar 'gyur
297a4 du zin na 'khor los sgyur ba'i rgyal po chen po bzhin du re re la yang bu stong stong yod par 'gyur ba'i rigs so/ /ye ni gnas gsum tshogs pa las bu dang bu mo skye bar 'gyur te/ gsum gang zhe na/ pha ma
297a5 gnyis 'dod chags langs te phrad pa dang / ma dus la bab cing zla mtshan dang ldan pa dang / dri za 'ongs pa ste gnas 'di gsum tshogs pa las bu dang bu mo skye bar 'gyur ro/ /de nas de yang gsol ba 'debs pa lhur
297a6 byed cing 'dug la sems can zhig kyang sems can gyi ris shig nas shi 'phos te de'i chung ma'i ltor zhugs so/ /bud med mkhas pa'i rang bzhin can kha cig la ni thun mong ma yin pa'i chos lnga yod de/ lnga gang
297a7 zhe na/ skyes pa chags pa yang shes la ma chags pa yang shes pa dang / dus kyang shes la zla mtshan yang shes pa dang / bu chags pa shes pa dang / gang las bu chags pa shes pa dang / khye'u yang shes la bu mo yang
297a8 shes pa ste/ gal te khye'u yin na ni lto g.yas logs su rten cing gnas so/ /gal te bu mo yin na ni lto g.yon logs su rten cing gnas so/ /de nas de dga' ches nas khyim thab la sbran pa/ jo bo bdag la
297b1 sras chags te bdag gi rum g.yas logs su rten cing gnas pa las na khye'ur 'gyur bar nges kyis dgyes pa bskyed du gsol zhes byas nas de yang dga' ches te ro stod ni bteg lag pa g.yas pa ni brkyang nas/ bdag gis yun ring po nas
297b2 smon smon pa'i bu'i ngo mthong bar 'ong ngo / /bdag gi bu rung bar gyur cig /mi rung bar ma gyur cig /bdag gi bya ba dag byed par shog shig /gsos pa'i lan phyir gso bar shog shig /nor skal la spyod par shog shig /bdag gi rigs rgyud ring du
297b3 gnas par shog shig /bdag cag 'das te shi ba'i 'og tu yang bdag cag gi phyir mang yang rung nyung yang rung ste/ sbyin pa dag byin la bsod nams dag byas nas de gnyis gang dang gang du skyes shing 'gro ba der 'di song shig ces bsngo bar shog shig ces dga' ba'i
297b4 tshig brjod do/ /de nas bu chags par rig nas bu'i rim gro bya ba'i phyir khang bzangs kyi steng du nyam rangs su bzhag ste/ grang ba'i tshe grang ba'i yo byad rnams dang / tsha ba'i tshe tsha ba'i yo byad rnams dang / sman pas bstan pa'i zas rnams dang / ha cang kha ba
297b5 ma yin pa rnams dang / ha cang skyur ba ma yin pa rnams dang / ha cang lan tshwa che ba ma yin pa rnams dang / ha cang mngar ba ma yin pa rnams dang / ha cang ro tsha ba ma yin pa rnams dang / ha cang bska ba ma yin pa rnams te/ kha ba dang /
297b6 skyur ba dang / lan tshwa dang / mngar ba dang / tsha ba dang / ska ba med pa'i zas rnams kyis bstan cing do shal dang se mo dos lus rnam par klubs te/ lha'i bu mo dga' ba'i tshal na rnam par rgyu ba bzhin du khri'i steng dang / khri'u steng nas
297b7 khri'u'i steng du rgyu zhing 'og gi sa gzhi la mi 'bab pa dang / des yid du mi 'ong ba'i sgra skad ci yang mi thos par byas so/ /de nas de zla ba brgyad dam dgu lon pa dang bu byung ste/ khye'u gzugs bzang zhing / lta na sdug la mdzes pa/
297b8 yan lag dang nying lag thams cad dang ldan pa zhig btsas nas de btsas pa'i btsas ston byas te de'i ming gang gA pa zhes btags so/ /de nas khye'u gang gA pa pang na 'tsho ba'i ma ma gnyis
298a1 dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan
298a2 yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de yang nges par 'byed pa'i cha dang 'thun pa'i dge ba'i rtsa ba dang ldan te/ khyim na gnas par mi dga' nas de nas pha ma
298a3 gnyis kyi rkang pa la phyag 'tshal te gsol ba btab pa/ yab yum bdag bcom ldan 'das kyi bstan pa la rab tu 'byung bar mdzad du gsol/ de nas de'i pha ma gnyis kyi bu gcig pa yin pa'i phyir ma gnang ngo / /de nas gang
298a4 gA pa'i blo skyes pa/ mir skye ba 'thob pa ni rnyed par dka' ba yin/ de bzhin gshegs pa 'byung ba yang rnyed par dka' ba yin/ gzhan du na dbang po phun sum tshogs pa yang rnyed par dka' ba yin na/ ma la bdag bcom ldan
298a5 'das kyi bstan pa la rab tu 'byung bar bya ba'i thabs ci yod snyam mo/ /de nas de 'di snyam du sems te/ ma la bdag gis smon lam btab la bdag 'chi bar bya ste/ ci nas mir skye ba thob nas shin du myur bar rab tu 'byung bar bya'o
298a6 snyam mo/ /des de ltar bsams nas dug 'thungs na yang ma shi'o/ /me'i nang du mchongs na yang ma shi/ brag las mchongs na yang ma shi/ chu klung zlog byed kyi nang du mchongs na der yang ma shi nas de'i blo skyes pa/ bdag
298a7 'chi bar bya ba'i thabs gzhan ci yod snyam mo/ /de nas de 'di snyam du sems te/ ma la rgyal po ma skyes dgra de ni yong ye gtum zhing brlang la zhe rtsub zhing gzu lums can zhig yin gyis/ bdag de'i pho brang du song la
298a8 mtshan mo khyim phugs gdab bo snyam ste/ de rgyal po'i khab kyi grong khyer du song nas nam sros te/ smag la bab pa na khyim 'bigs shing 'dug go/ /de nas srungs ma rnams kyis gson por bzung nas rgyal
298b1 po ma skyes dgra la phul te/ lha mi 'di ni rkun ma/ pho brang sun 'byin pa/ nongs pa bgyid pa lags te/ mtshan mo pho brang du khyim phugs btab lags so zhes gsol to/ /de nas rgyal pos nyes pa byed byed pa'i phyir gsad par chad
298b2 do/ /de nas gshed ma gos sngon po gyon pa/ ka ra bI ra'i me tog gi phreng ba mgul du thogs pa/ lag na mtshon cha thogs pa rnams kyis khrid de lam po che dang / srang dang / lam gyi bzhi mdo dang / sum mdo dang / bsgrags pa'i
298b3 gnas rnams su 'o dod bos te grong khyer gyi lho sgo nas phyir phyung nas bsil ba'i tshal gyi dur khrod du khrid do/ /de khrid pa na gshed ma de dag la smras pa/ kye rgyal po'i bka' 'gyur na mi rung gis rings par rab tu drongs shig ces
298b4 zer ro/ /de nas gshed ma de rnams kyis rgyal po la gsol to/ /de nas rgyal pos phyir bzlog ste dris pa/ kwa'i mi khyod ci'i phyir srog phangs pa yongs su gtong bar 'dod/ de nas des gtam de rgyas par rgyal po la gsol
298b5 to/ /de nas rgyal po ma skyes dgra ka dam pa'i me tog bzhin du spu zing zhes byas te mchi mas brnang zhing ngu ba'i bzhin gyis kye ma 'di ltar 'di rab tu dbyung ba'i phyir srog phangs pa gtong bar 'bad pa las na 'di'i blo'i rgyud ni
298b6 yongs su smin to/ /'khor ba'i nyes pa ni shin du rtogs so/ /dad pa phun sum tshogs pa ni legs par thob bo zhes dga' ba'i tshig tu brjod do/ /de nas rgyal pos dbugs phyung ste smras pa/ bu cig nga ni khyod kyi srog
298b7 la dbang gis da song la/ bcom ldan 'das kyi bstan pa la rab tu byung shig ces byas nas de rgyal pos btang ste/ bcom ldan 'das kyi bstan pa la rab tu byung nas/ des brtson pa dang / bsgrub pa dang / 'bad
298b8 pas phol mig lnga pa'i 'khor ba'i 'khor lo 'di nyid g.yo zhing mi brtan par rig nas 'du byed kyi rnam pa thams cad rnyil ba dang / ltung ba dang / rnam par 'thor ba dang / rnam par 'jig pa'i chos can yin
299a1 par rtsad chod de/ nyon mongs pa thams cad spangs nas/ dgra bcom pa nyid mngon sum du byas so/ /dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam
299a2 mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/
299a3 srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ /der bcom ldan 'das kyis dge slong rnams
299a4 la bka' stsal pa/ dge slong dag nga'i nyan thos kyi dge slong dad pas rab tu byung ba rnams kyi mchog ni 'di lta ste/ bA rA Na sI'i tshong dpon gyi bu gang gA pa 'di yin no/ /de nas dge slong dag the tsom skyes te/ the tsom thams
299a5 cad gcod pa sangs rgyas bcom ldan 'das la zhus pa/ btsun pa gang gA pas las gang dag bgyis na de dag gi rnam par smin pas de'i lus la mes kyang mi tshugs/ dug dang / mtshon dang / chus kyang 'chi bar mi 'gyur
299a6 la/ 'dis dgra bcom pa nyid kyang thob par gyur lags/ bcom ldan 'das kyis bka' stsal pa/ dge slong dag gang gA pa nyid kyis sngon tshe rabs gzhan dag tu tshogs rnyed cing rgyen grub pa dang ldan te dba' rgal
299a7 bzhin du 'byung la/ gdon mi za bar 'ong ba'i las de dag byas shing bsags pas na/ gang gA pa nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag
299a8 las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang
299b1 mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs
299b2 shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na grong khyer bA rA Na sI na rigs ngan dur khrod kyi rdzas la rku ba zhig gnas pa des re shig na 'gron po dag bcom ste rdzas thob pa
299b3 dang / de'i phyi bzhin du mi rgod dag gis bsnyags pa las re shig na dur khrod kyi sa phyogs shig tu rang sangs rgyas shig 'gog pa'i snyoms par zhugs pa de'i mdun du rigs ngan dur khrod kyi rdzas la rku ba des rdzas de bor
299b4 nas de nyid yib bo/ /de nas mi rgod de dag gis rang sangs rgyas mthong nas bong rdo dag gis kyang snun/ mtshon gyis kyang btab/ mes kyang bsregs na 'on kyang de 'gog pa'i snyoms par zhugs pas na des
299b5 chos gos kyi grwa tsam yang bskyod ma nus so/ /de nas gang gi tshe mi rgod de dag ngal bar gyur te phyir dong ba'i tshe rang sangs rgyas de khad kyis ting nge 'dzin las langs so/ /de nas rigs ngan dur khrod kyi rdzas la
299b6 rku ba des rang sangs rgyas de la bshos gsol nas smon lam btab pa/ bdag gis kyang 'di lta bu'i yon tan dag thob par gyur cig /'di ji ltar gzhan gyis mi tshugs pa de bzhin du bdag kyang gang dang gang du skyes
299b7 pa de dang der gzhan gyis mi tshugs par shog shig /'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis
299b8 bka' stsal pa/ dge slong dag de ji snyam du sems/ de'i tshe de'i dus na rigs ngan dur khrod kyi rdzas la rku bar gyur pa gang yin pa de ni gang gA pa 'di yin no/ /gzhan yang bcom ldan 'das 'od srung gi ring la rab tu byung ste/ der
300a1 'dis tshangs par spyod pa'i gnas bsrungs pa des ni da ltar dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag
300a2 par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges
300a3 par gnag pa rnams dang las 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal
300a4 nas/ dge slong de dag yi rangs te/ bcom ldan 'das kyis gsungs pa la mngon par bstod do// //sen rings shes bya ba ni sangs rgyas bcom ldan 'das la rgyal po rnams dang / blon po chen po rnams dang /
300a5 phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding rnams dang / mi
300a6 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po rnams
300a7 kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan thos kyi
300a8 dge 'dun dang bcas pa rgyal po'i khab na 'od ma'i tshal bya ka lan da ka gnas pa na rten cing bzhugs so/ /de'i tshe spang spos can gyi grong na bram ze rgyal zhes bya ba zhig gnas pa des/ bram ze ma tha ra'i bu mo sha ri zhes bya
300b1 ba thob nas gang gi tshe sha ri'i ltor shA ri'i bu zhugs pa de'i tshe bud med de ming po sen rings dang gzhung gis brgyab na ming po chad pa la thug par byed de/ de nas sen rings kyi blo skyes pa/ 'di'i ltor sems can bsod nams che bar grags
300b2 pa zhig gis nying mtshams sbyar ba 'dra ste de'i mthu yin gyis/ ma la bdag gis snga nas phyogs 'ga' zhig la brten par bya'o snyam mo/ /de nas sen rings lho phyogs su song nas bstan bcos mang po bslabs so/ /
300b3 de nas re shig na mthar gyis shA ri'i bu btsas te/ des lo bcu drug lon pa dang / dbang po'i brda sprod pa lobs nas gzhung gis rtsod pa thams cad tshar bcad do/ /de nas de mthar gyis bcom ldan 'das kyi bstan pa la
300b4 rab tu byung ngo / /de nas re shig na kun du rgyu sen rings kyis mu stegs pa de dag thams cad tsha bos tshar bcad nas da ltar dge sbyong gau ta ma'i slob mar khas blangs so zhes thos so/ /thos nas kyang de shas cher chad pa'i 'du shes
300b5 skyes la/ bstan bcos thams cad la yang mu thug pa med pa'i 'du shes skyes so/ /de nas mthar gyis rgyal po'i khab tu phyin pa dang / de'i tshe bcom ldan 'das nang du yang dag 'jog las bzhengs nas 'khor bzhi po
300b6 rnams la sbrang bu'i sbrang rtsi ma bskol ba dang 'dra ba'i chos ro dang ldan no cog ston to/ /shA ri'i bu yang bcom ldan 'das kyi spyan snga na bsil yab thogs te bcom ldan 'das la g.yob cing 'dug go/ /de nas kun
300b7 du rgyu sen rings kyis bcom ldan 'das ga la ba der song ste phyin nas/ kun du rgyu sen rings kyis bcom ldan 'das zla ba tshes pa'i dbyibs lta bur 'khor gyis bskor cing bzhugs te chos ston pa dang shA ri'i bu
300b8 yang bsil yab thogs te bcom ldan 'das la g.yob cing 'dug pa mthong ngo / /mthong nas kyang bcom ldan 'das la 'di skad ces gsol to/ /kye gau ta ma bdag ni thams cad mi 'tshal lo/ /bcom ldan
301a1 'das kyis bka' stsal pa/ me'i cha lugs can gyi bu bdag ni thams cad mi 'dod do zhes lta ba gang yin pa 'di yang khyod mi 'dod dam/ kye gau ta ma bdag ni thams cad mi 'tshal zhes bgyi ba'i lta ba gang
301a2 lags pa 'di yang bdag mi 'tshal lo/ /me'i cha lugs can gyi bu 'o na ni khyod de ltar shes shing de ltar lta bar gyur na lta ba 'di yang spangs pa dang / bor ba dang / bsal bar 'gyur la/ lta ba gzhan yang nying mtshams
301a3 sbyor ba med pa dang / len pa med pa dang / 'byung ba med par 'gyur ro/ /gau ta ma bdag ni de ltar shes shing de ltar lta bas na lta ba 'di yang spangs pa dang / bor ba dang / bsal bar 'gyur la/ lta ba gzhan yang nying mtshams
301a4 sbyor ba ma mchis pa dang / 'byung ba ma mchis par 'gyur lags so/ /me'i cha lugs can gyi bu 'o na ni khyod skye bo mang po dang 'thun par 'gyur zhing mtshungs par 'gyur te/ skye bo mang po yang de ltar lta zhing de skad smra bas
301a5 na khyod kyang de kho na dang 'dra'o/ /me'i cha lugs can gyi bu dge sbyong ngam bram ze su yang rung ste/ lta ba de nges par spong la lta ba gzhan yang len par mi byed pa de dag ni 'jig rten na nyung ba bas kyang ches nyung zhes bya'o/ /me'i
301a6 cha lugs can gyi bu lta ba'i gnas ni 'di gsum yin te/ gsum gang zhe na/ me'i cha lugs can gyi bu 'di na kha cig ni bdag ni thams cad mi 'dod do zhes de ltar lta zhing de skad smra'o/ /gzhan yang 'di na kha cig ni bdag
301a7 ni thams cad 'dod do zhes de ltar lta zhing de skad smra'o/ /gzhan yang 'di na kha cig ni bdag ni gcig 'dod la gcig ni mi 'dod do zhes de ltar lta zhing de skad smra'o/ /me'i cha lugs can gyi bu de la bdag ni thams
301a8 cad 'dod do zhes de ltar lta ba gang yin pa'i lta ba 'di ni kun du 'dod chags par 'gyur gyi kun du 'dod chags pa med par mi 'gyur ro/ /kun du zhe sdang bar 'gyur gyi kun du zhe sdang ba med par mi 'gyur
301b1 ro/ /kun du gti mug par 'gyur gyi kun du gti mug pa med par mi 'gyur ro/ /kun du sbyor bar 'gyur gyi kun du 'bral bar mi 'gyur ro/ /kun nas nyon mongs par 'gyur gyi rnam par byang bar mi 'gyur ro/ /kun du 'phel bar 'gyur gyi
301b2 kun du 'bri bar mi 'gyur te/ mngon par dga' ba dang / nye bar len pa dang / lhag par zhen par 'gyur ro/ /me'i cha lugs can gyi bu de la bdag ni thams cad mi 'dod do zhes de ltar lta ba gang yin pa'i lta ba de ni kun du 'dod chags pa med
301b3 par 'gyur gyi kun du 'dod chags par mi 'gyur ro/ /kun du zhe sdang ba med par 'gyur gyi kun du zhe sdang bar mi 'gyur ro/ /kun du gti mug pa med par 'gyur gyi kun du gti mug par mi 'gyur ro/ /'bral bar 'gyur gyi kun du sbyor bar
301b4 mi 'gyur ro/ /rnam par byang bar 'gyur gyi kun nas nyon mongs par mi 'gyur ro/ /kun du 'bri bar 'gyur gyi kun du 'phel bar mi 'gyur te/ mngon par dga' ba med pa dang / nye bar len pa med pa dang / lhag par zhen pa med
301b5 par 'gyur ro/ /me'i cha lugs can gyi bu de la bdag ni gcig ni 'dod la gcig ni mi 'dod do zhes de ltar lta ba gang yin pa'i lta ba de la re shig des 'dod pa gang yin pa de ni kun du 'dod chags par 'gyur gyi kun du 'dod chags
301b6 pa med par mi 'gyur ro/ /kun du zhe sdang bar 'gyur gyi kun du zhe sdang ba med par mi 'gyur ro/ /kun du gti mug par 'gyur gyi kun du gti mug pa med par mi 'gyur ro/ /kun du sbyor bar 'gyur gyi kun du 'bral bar mi 'gyur
301b7 ro/ /kun nas nyon mongs par 'gyur gyi rnam par byang bar mi 'gyur ro/ /kun du 'phel bar 'gyur gyi kun du 'bri bar mi 'gyur te/ mngon par dga' ba dang / nye bar len pa dang / lhag par zhen par 'gyur ro/ /
301b8 des mi 'dod pa gang yin pa de ni kun du 'dod chags pa med par 'gyur gyi kun du 'dod chags par mi 'gyur ro/ /kun du zhe sdang ba med par 'gyur gyi kun du zhe sdang bar mi 'gyur ro/ /kun du gti mug pa med
302a1 par 'gyur gyi kun du gti mug par mi 'gyur ro/ /kun du 'bral bar 'gyur gyi kun du sbyor bar mi 'gyur ro/ /rnam par byang bar 'gyur gyi kun nas nyon mongs par mi 'gyur ro/ /kun du 'bri bar 'gyur gyi
302a2 kun du 'phel bar mi 'gyur te/ mngon par dga' ba med pa dang / nye bar len pa med pa dang / lhag par zhen pa med par 'gyur ro/ /de la thos pa dang ldan pa'i 'phags pa'i nyan thos ni 'di ltar so sor yang dag par
302a3 slob par byed de/ gal te bdag thams cad 'dod do zhes de ltar lta zhing de skad smra na ni bdag ni thams cad mi 'dod do zhes de ltar lta zhing de skad smra ba gang yin pa dang / bdag ni gcig ni 'dod la gcig ni mi 'dod do zhes de ltar lta
302a4 zhing de skad smra ba gang yin pa de gnyis dang bdag 'gyed par 'gyur ro/ /'gyed par gyur na rtsod par 'gyur ro/ /rtsod par gyur na rnam par 'tshe bar 'gyur ro snyam ste/ 'gyed pa dang bcas pa dang / rtsod pa dang bcas pa dang /
302a5 rnam par 'tshe ba dang bcas par yang dag par mthong nas lta ba de yang spong la lta ba gzhan yang mi len to/ /de ltar na lta ba de yang spong ba dang / 'dor ba dang / sel bar 'gyur la lta ba gzhan yang nying mtshams sbyor bar mi 'gyur
302a6 nye bar len par mi 'gyur/ 'byung bar mi 'gyur ro/ /de la thos pa dang ldan pa'i 'phags pa nyan thos ni 'di ltar so sor yang dag par slob par byed de/ gal te bdag thams cad mi 'dod do zhes de ltar lta
302a7 zhing de skad smra na ni bdag ni thams cad 'dod do zhes de ltar lta zhing de skad smra ba gang yin pa dang / bdag ni gcig ni 'dod la gcig ni mi 'dod do zhes de ltar lta zhing de skad smra ba gang yin pa de gnyis dang bdag 'gyed par
302a8 'gyur ro/ /'gyed par gyur na rtsod par 'gyur ro/ /rtsod par gyur na rnam par 'tshe bar 'gyur ro snyam ste/ 'gyed pa dang bcas pa dang / rtsod pa dang bcas pa dang / rnam par 'tshe ba dang bcas par
302b1 yang dag par mthong nas lta ba de yang spong la lta ba gzhan yang mi len to/ /de ltar na lta ba de yang spong ba dang / 'dor ba dang / sel bar 'gyur la lta ba gzhan yang nying mtshams sbyor bar mi 'gyur/ nye bar
302b2 len par mi 'gyur/ 'byung bar mi 'gyur ro/ /de la thos pa dang ldan pa'i 'phags pa nyan thos ni 'di ltar so sor yang dag par slob par byed de/ gal te bdag gcig ni 'dod la gcig ni mi 'dod do zhes de
302b3 ltar lta zhing de skad smra na ni gcig ni thams cad 'dod do zhes de ltar lta zhing de skad smra ba gang yin pa dang / bdag ni thams cad mi 'dod do zhes de ltar lta zhing de skad smra ba gang yin pa de gnyis dang bdag 'gyed par 'gyur
302b4 ro/ /'gyed par gyur na rtsod par 'gyur ro/ /rtsod par gyur na rnam par 'tshe bar 'gyur ro snyam ste/ 'gyed pa dang bcas pa dang / rtsod pa dang bcas pa dang / rnam par 'tshe ba dang bcas par yang dag par
302b5 mthong nas lta ba de yang spong la lta ba gzhan yang mi len to/ /de ltar na lta ba de yang spong ba dang / 'dor ba dang / sel bar 'gyur la lta ba gzhan yang nying mtshams sbyor bar mi 'gyur/ nye bar len
302b6 par mi 'gyur/ 'byung bar mi 'gyur ro/ /me'i cha lugs can gyi bu lus 'di ni gzugs can/ rags pa/ 'byung ba chen po bzhi'i rgyu las byung ba ste/ de la ni 'phags pa nyan thos kyis rgyun mi
302b7 'chad par skye ba dang / 'jig par rjes su lta bas gnas par bya'o/ /'dod chags dang bral bar rjes su lta ba dang / 'gog par rjes su lta ba dang / spangs par rjes su lta bas gnas par bya'o/ /
302b8 'phags pa nyan thos kyis de la rgyun mi 'chad par skyes ba dang / 'jig par lta bas gnas na de'i lus la 'dun pa dang / lus la byams pa dang / lus la phangs pa dang / lus la gnas pa dang / lus
303a1 la zhen pa dang / lus la lhag par zhen pa gang yin pa de la de'i sems zil gyis non cing 'dug par mi 'gyur ro/ /me'i cha lugs can gyi bu tshor ba 'di ni 'di gsum yin te/ gsum gang zhe na
303a2 bde ba dang / sdug bsngal ba dang / sdug bsngal yang ma yin bde ba yang ma yin pa ste/ thos pa dang ldan pa'i 'phags pa nyan thos ni gang gi tshe bde ba'i tshor ba myong ba de'i tshe de'i sdug bsngal dang / sdug bsngal yang ma yin
303a3 bde ba yang ma yin pa'i tshor ba gnyis 'gag par 'gyur te/ de'i tshe 'phags pa nyan thos kyis bde ba'i tshor ba nyi tshe myong bar 'gyur la/ bde ba'i tshor ba de yang mi rtag pa dang / 'gog pa'i chos can yin no/ /'phags
303a4 pa nyan thos ni gang gi tshe sdug bsngal gyi tshor ba myong ba de'i tshe de'i bde ba dang / sdug bsngal yang ma yin bde ba yang ma yin pa'i tshor ba gnyis 'gag par 'gyur te/ de'i tshe 'phags pa nyan thos kyis sdug bsngal gyi tshor ba
303a5 nyi tshe myong bar 'gyur la sdug bsngal gyi tshor ba de yang mi rtag pa dang / 'gog pa'i chos can yin no/ /'phags pa nyan thos ni gang gi tshe sdug bsngal yang ma yin bde ba yang ma yin pa'i tshor ba myong ba de'i tshe de'i bde ba dang /
303a6 sdug bsngal gyi tshor ba gnyis 'gag par 'gyur te/ de'i tshe 'phags pa nyan thos kyis sdug bsngal yang ma yin bde ba yang ma yin pa'i tshor ba nyi tshe myong bar 'gyur la/ sdug bsngal yang ma yin bde ba yang ma yin
303a7 pa'i tshor ba de yang mi rtag pa dang / 'gog pa'i chos can yin no/ /de 'di snyam du sems te tshor ba 'di rnams kyi gzhi ni gang yin/ skyed pa ni gang yin/ rigs ni gang yin/ 'byung bar byed pa ni
303a8 gang yin zhe na/ tshor ba 'di rnams kyi gzhi ni reg pa'o/ /skyed pa ni reg pa'o/ /rigs ni reg pa'o/ /'byung bar byed pa ni reg pa ste/ reg pa de dang de skyes na tshor ba de dang de dag skye bar 'gyur la/
303b1 reg pa de dang de dag 'gags na tshor ba de dang de dag 'gag par 'gyur/ nye bar zhi bar 'gyur/ bsil bar 'gyur/ med par 'gyur ro snyam nas des bde ba 'am/ sdug bsngal ba 'am/ sdug bsngal yang ma yin
303b2 bde ba yang ma yin pa'i tshor ba 'gag zhig myong na tshor ba de dag gi skye ba dang / med par 'gyur ba dang / nyams pa dang / nyes dmigs dang nges par 'gyur ba yang dag pa ji lta ba bzhin du rab tu shes so/ /des tshor
303b3 ba de dag gi skye ba dang / med par 'gyur ba dang / nyams pa dang / nyes dmigs dang / nges par 'byung ba yang dag pa ji lta ba bzhin du rab tu shes pas tshor ba skyes so cog la mi rtag par rjes su lta ba dang / 'jigs
303b4 par rjes su lta ba dang / 'gog par rjes su lta ba dang / spang bar rjes su lta bas gnas so/ /de lus dang dus mnyam pa'i tshor ba myong ba na lus dang dus mnyam pa'i tshor ba myong ngo snyam du yang dag pa ji lta ba bzhin
303b5 du rab tu shes so/ /srog dang dus mnyam pa'i tshor ba myong ba na srog dang dus mnyam pa'i tshor ba myong ngo snyam du yang dag pa ji lta ba bzhin du rab tu shes te/ srog gi mthar thug nas lus dang bral ba'i 'og tu de'i
303b6 tshor ba thams cad ma lus par 'di nyid du 'gag par 'gyur/ ma lus par med pa dang / yongs su zad pa dang gtugs par 'gyur ro/ /de 'di snyam du sems te/ lus dang bral ba'i tshe bde ba'i tshor ba myong
303b7 na yang sdug bsngal gyi mtha' ni de kho nar zad do/ /lus dang bral ba'i tshe sdug bsngal dang sdug bsngal yang ma yin bde ba yang ma yin pa'i tshor ba myong na yang sdug bsngal gyi mtha' ni de kho nar zad do snyam mo/ /
303b8 de bde ba'i tshor ba myong na yang mi ldan pa myong gi ldan pa ni ma yin no/ /sdug bsngal dang / sdug bsngal yang ma yin bde ba yang ma yin pa'i tshor ba myong na yang mi ldan pa myong gi ldan pa ni ma yin no/ /mi
304a1 ldan pa ci dang mi ldan zhe na/ 'dod chags dang / zhe sdang dang / gti mug dang mi ldan no/ /skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang /
304a2 yid mi bde ba dang / 'khrug pa rnams dang / sdug bsngal dang mi ldan no zhes nga smra'o/ /de'i tshe tshe dang ldan pa shA ri'i bu bsnyen par rdzogs nas zla ba phyed lon te/ bcom ldan 'das kyi snam logs su 'greng ste bsil
304a3 yab thogs nas bcom ldan 'das la g.yob par byed do/ /de nas tshe dang ldan pa shA ri'i bu 'di snyam du sems te/ bcom ldan 'das ni chos de dang de dag gi myong ba 'ba' zhig rjod par mdzad/ 'dod chags dang bral
304a4 ba 'ba' zhig dang / 'gog pa 'ba' zhig dang / dor ba 'ba' zhig brjod par mdzad kyis/ ma la bdag kyang chos de dang de dag spong bar rjes su lta bas gnas par bya gor ma chag /'dod chags dang bral bar
304a5 rjes su lta ba dang / 'gog par rjes su lta ba dang / dor bar rjes su lta bas gnas par bya gor ma chag snyam mo/ /de nas tshe dang ldan pa shA ri'i bu chos de dang de dag la mi rtag par rjes su lta bas gnas pa dang /
304a6 'jig par rjes su lta ba dang / 'dod chags dang bral bar rjes su lta ba dang / 'gog par rjes su lta ba dang / dor bar rjes su lta bas gnas nas len pa med par zag pa rnams las sems rnam par grol
304a7 lo/ /kun du rgyu sen rings kyang chos rnams la chos kyi mig rdul med cing dri ma dang bral ba skyes so/ /de nas kun du rgyu sen rings kyis chos mthong / chos thos/ chos rtogs/ chos kyi gting
304a8 slebs te/ som nyi las rgal/ the tsom las rgal nas gzhan gyi dring mi 'jog cing gzhan gyis bkri ba med la/ ston pa'i bstan pa'i chos rnams la mi 'jigs pa thob nas stan las langs
304b1 te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag legs par gsungs pa'i chos
304b2 'dul ba la rab tu 'byung ba dang bsnyen par rdzogs shing dge slong gi dngos po 'thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ /de nas kun du rgyu sen
304b3 rings kyis legs par gsungs pa'i chos 'dul ba la rab tu byung ba dang bsnyen par rdzogs shing dge slong gi dngos po thob bo/ /de ltar rab tu byung nas tshe dang ldan pa de gcig pu dben pa dang / bag
304b4 yod pa dang / brtun pa dang / spong ba'i bdag nyid du gnas so/ /gcig pu dben pa dang / bag yod pa dang / brtun pa dang / spong ba'i bdag nyid du gnas nas rigs kyi bu rnams gang gi phyir skra dang kha spu
304b5 bregs te/ gos tshon can bgos nas yang dag pa'i dad pa kho nas khyim nas khyim med par rab tu 'byung bar byed pa'i tshangs par spyod pa bla na med pa'i mthar thug pa de tshe 'di nyid la rang gi mngon par shes
304b6 pas mngon sum du byas te bsgrubs nas nyams su myong ste/ bdag gi skye ba zad do/ /tshangs par spyod pa spyad zin to/ /bya ba byas so/ /'di las srid pa gzhan mi shes so snyam du kun shes
304b7 par gyur nas tshe dang ldan pa de dgra bcom pa sems shin du rnam par grol bar gyur to/ /der bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong so
304b8 sor yang dag par rig pa thob pa rnams kyi mchog ni 'di lta ste/ dge slong gsus po che 'di yin no/ /de nas dge slong dag the tsom skyes te/ the tsom thams cad gcod pa sangs rgyas
305a1 bcom ldan 'das la zhus pa btsun pa gsus po ches las gang dag bgyis na des gzhung gi smra ba chen por gyur la/ rab tu byung nas kyang dgra bcom pa nyid mngon sum du bgyis lags/ bcom ldan 'das kyis
305a2 bka' stsal pa/ gsus po che nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar 'ong ba'i las de dag byas shing bsags pas na/ gsus po che
305a3 nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams
305a4 dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par
305a5 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /dge slong dag sngon byung ba 'das pa'i dus na/ grong khyer bA rA Na sI na sde
305a6 dpon zhig la sogs pa mi rgod lnga brgya rkun po la chas so/ /re shig na de dag song song ba dang / seng ldeng gi nags shig tu phyin nas ded dpon gyis smras pa pad ma lta bu'i mig dang ldan pa dag khyed kyis 'di na gzhan gyi
305a7 mi 'ga' lta yod dam ltos dang / des bdag cag gis gnod sbyin la mchod pa gsol te 'dong ngo zhes byas so/ /de nas mi rgod de dag 'khor 'khor te seng ldeng gi nags de na rang sangs rgyas shig 'dug pa de mthong
305a8 nas bzung ste sde dpon gyi thad du khrid do/ /de nas mi rgod kyi sde dpon gyis sod cig ces bsgo'o/ /de nas rang sangs rgyas des de dag la phan gdags pa'i phyir ngang pa'i rgyal po 'dab ma brkyang ba bzhin du nam mkha' la 'phags nas cho
305b1 'phrul rnam pa sna tshogs bstan to/ /de nas mi rgod kyi sde dpon sdong po rtsa ba nas bcad pa bzhin du rkang pa la phyag 'tshal nas nyes pa bshags te bshos kyang gsol nas smon lam btab pa/ bdag gis kyang yon tan 'di lta bu dag thob
305b2 par gyur cig /'di bas kyang ches khyad par du 'phags pa'i ston pa mnyes par byed par gyur cig /mi mnyes par byed par ma gyur cig ces byas so/ /bcom ldan 'das kyis bka' stsal pa/ dge slong dag ji snyam du sems/
305b3 de'i tshe de'i dus na mi rgod gyi sde dpon du gyur pa de ni gsus po che chen po 'di yin no/ /gzhan yang bcom ldan 'das 'od srung gi ring la rab tu byung nas des der lo khri'i bar du tshangs par spyod pa'i gnas bsrungs te/ des da ltar
305b4 dgra bcom pa nyid mngon sum du byas so/ /dge slong dag de ltar na las gcig tu nges par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams
305b5 ni rnam par smin pa yang gcig tu nges par dkar bar 'gyur ro/ /las 'dren ma rnams ni rnam par smin pa yang 'dren mar 'gyur ro/ /dge slong dag de bas na las gcig tu nges par gnag pa rnams dang / las
305b6 'dren ma rnams spangs la/ las gcig tu nges par dkar ba rnams 'ba' zhig la gtad par bya ste/ dge slong khyed kyis de ltar bslab par bya'o/ /bcom ldan 'das kyis de skad ces bka' stsal nas/
305b7 dge slong de dag yi rangs te/ bcom ldan 'das kyis gsungs pa la mngon par bstod do// //yang dag sdug ces bya ba ni sangs rgyas bcom ldan 'das la rgyal po rnams dang / blon po chen po rnams
305b8 dang / phyug po rnams dang / pho brang 'khor gyi mi rnams dang / tshong dpon rnams dang / ded dpon rnams dang / lha rnams dang / klu rnams dang / gnod sbyin rnams dang / lha ma yin rnams dang / nam mkha' lding
306a1 rnams dang / mi 'am ci rnams dang / lto 'phye chen po rnams kyis bkur sti byas/ bla mar byas/ ri mo byas/ mchod pa byas te/ lha dang / klu dang / gnod sbyin dang / lha ma yin dang / nam mkha' lding dang / mi 'am ci dang /
306a2 lto 'phye chen po rnams kyis mchod cing shes pa'i sangs rgyas bcom ldan 'das bsod nams chen po dang ldan pa/ na bza' dang / zhal zas dang / gzims cha dang / gdan dang / snyun gsos dang / sman zong rnams brnyes pa/ nyan
306a3 thos kyi dge 'dun dang bcas pa grong khyer ku shi na gyad gyi nye 'khor shing sa la zung gi tshal na bzhugs so/ /de nas bcom ldan 'das yongs su mya ngan las 'da' ba'i dus la bab pa de'i tshe tshe dang ldan pa kun dga' bo la bka' stsal pa/ kun dga'
306a4 bo de bzhin gshegs pa ni do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur gyis/ shing sa la zung gi bar du de bzhin gshegs pa'i gzims khri shoms la
306a5 sngas byang phyogs su ston cig /de nas btsun pa de ltar 'tshal lo zhes gsol te/ tshe dang ldan pa kun dga' bos bcom ldan 'das kyis bka' stsal pa bzhin du shing sa la zung gi bar du gzims khri bshams te sngas
306a6 byang phyogs su bstan nas bcom ldan 'das ga la ba de logs su song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'greng ngo / /phyogs gcig tu 'greng nas bcom
306a7 ldan 'das la tshe dang ldan pa kun dga' bos 'di skad ces gsol to/ /btsun pa shing sa la zung gi bar du de bzhin gshegs pa'i gzims khri bshams te sngas byang phyogs su bstan lags so/ /de nas bcom
306a8 ldan 'das gzims khri ga la ba der gshegs te byon nas glo g.yas phyogs kyis gzims te zhabs gshibs te/ zhabs gshibs nas snang ba'i 'du shes dang / dran pa dang / shes bzhin du ldan zhing mya ngan las
306b1 'da' ba'i 'du shes 'ba' zhig thugs la dgongs nas/ der bcom ldan 'das nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /sangs rgyas bcom ldan
306b2 'das yongs su mya ngan las 'das ma thag pa de'i mod la sa chen po ni shin du g.yos/ skar 'da' ni ltung / mtha' nas ni ljib lam lam/ bar snang las ni lha'i rnga sgra dag brdungs so/ /sangs rgyas bcom ldan 'das
306b3 yongs su mya ngan las 'das pa'i mod la nags kyi shing ljon pa'i mchog shing sa la zung 'dud par gyur te/ de bzhin gshegs pa seng ge'i thabs su gzims pa la me tog dag gis gtor to/ /sangs rgyas bcom
306b4 ldan 'das yongs su mya ngan las 'das ma thag pa de'i tshe dge slong zhig gis tshigs su bcad de smras pa/ sa la'i tshal gyi ljon pa'i mchog /'di gnyis mdzes par ldan pa ste/ /ston pa mya ngan 'das pa la/ /me tog
306b5 dag gis yongs su gtor/ /sangs rgyas bcom ldan 'das yongs su mya ngan las 'das ma thag pa de'i tshe lha'i dbang po brgya byin gyis tshigs su bcad de smras pa/ kye ma 'du byed rnams mi rtag /skye zhing 'jig
306b6 pa'i chos can yin/ /skyes nas 'gag par 'gyur ba ste/ /de dag nye bar zhi ba bde/ /sangs rgyas bcom ldan 'das yongs su mya ngan las 'das ma thag pa de'i tshe mi mjed kyi bdag po tshangs pas tshigs
306b7 su bcad de smras pa/ 'jig rten 'di na sems can kun/ /lus rnams nges par 'dor bar byed/ /'jig rten 'di na zla med pa'i/ /ston pa po ni 'di 'dra ba/ /de bzhin gshegs pa stobs brnyes pa/ /
306b8 spyan ldan yongs su mya ngan 'das/ /sangs rgyas bcom ldan 'das yongs su mya ngan las 'das ma thag pa de'i tshe tshe dang ldan pa ma 'gags pas tshigs su bcad de smras pa/ brtan pa'i thugs ldan skyob pa po/ /phyi nang rgyu
307a1 ba'i dbugs chad de/ /mi g.yo zhi la brten nas kyang / /spyan ldan yongs su mya ngan 'das/ /rnam pa kun gyi mchog ldan pa/ /ston pa gang tshe 'das gyur pa/ /de tshe 'jig pa chen po byung / /de tshe skyi yang bung zhes
307a2 byed/ /zhum pa med pa'i thugs kyis ni/ /tshor ba dang du len par mdzad/ /mar me shi bar gyur pa ltar/ /de yi thugs ni rnam par grol/ /sangs rgyas bcom ldan 'das yongs su mya ngan las 'das nas zhag bdun lon pa de'i tshe
307a3 tshe dang ldan pa kun dga' bos bcom ldan 'das kyi spur zhugs la bzhen pa skor bzhin du tshigs su bcad de smras pa/ 'dren pa rdzu 'phrul chen po'i rin chen sku/ /tshangs pa'i 'jig rten gshegs pa gang yin te/ /nyid kyi
307a4 sku las byung ba'i me lces bsregs/ /de ni na bza' lnga brgya phrugs kyis dkris/ /na bza' chos gos stong du tshang ba yis/ /sangs rgyas sku ni yongs su dkris par gyur/ /der ni bza' shing nang dang phyi rol gyi/ /rnam pa
307a5 gnyis ni tshig par yong ma gyur/ /sangs rgyas bcom ldan 'das yongs su mya ngan las 'das nas lo brgya lon pa'i tshe grong khyer pa tra li'i bu zhes bya ba na rgyal po mya ngan med rgyal po byed de/ de'i ring la 'byor pa dang / rgyas
307a6 pa dang / bde ba dang / lo legs pa dang / skye bo dang mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / mu ge dang nad rnams med pa dang / 'bras
307a7 sA lu dang / bu ram shing dang / ba lang dang / ma he dang ldan par 'dug ste/ chos dang ldan pa dang / chos kyi rgyal po chos bzhin du rgyal po byed do/ /de nas phyis re shig na btsun mo dang lhan cig tu rtse zhing dga' la
307a8 dga' 'gur spyod do/ /de rtse zhing dga' la dga' 'gur spyod pa las phyis btsun mo la bu chags nas de zla ba brgyad dam dgu lon pa dang bu byung ste/ khye'u gzugs bzang zhing lta na sdug la mdzes pa/ mig bya kun la
307b1 'i mig 'dra ba zhig btsas so/ /de nas de btsas pa'i btsas ston byas nas khye'u 'di'i ming ji skad gdags shes ming 'dogs par byed de/ nye du rnams na re 'di btsas ma thag tu mig bya kun la'i mig 'dra bas na de'i phyir khye'u
307b2 'di'i ming kun la zhes gdags so zhes zer ro/ /de nas khye'u kun la pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te ma ma brgyad la gtad nas/ de
307b3 ma ma brgyad kyis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te mtsho'i nang gi pad ma bzhin du skye drag par gyur to/ /de nas de rgyan thams cad
307b4 kyis brgyan nas rgyal po'i pang du blangs te yang dang yang du bltas nas de'i byad gzugs phun sum tshogs pas ngoms par gyur te/ 'jig rten na nga'i bu dang byad gzugs mtshungs pa med do zhes zer ro/ /de nas de'i tshe yul sa 'dzin na
307b5 grong me tog khur chen zhes bya ba zhig yod de/ de na khyim bdag cig gi bu mi'i kha dog las ni 'das lha'i kha dog ni ma thob pa zhig btsas te/ de btsas pa na rin po che'i rdzing lha'i spos chus gang ba dang / skyed mos tshal chen po me tog dang
307b6 'bras bu phun sum tshogs pa dang ldan pa 'gro shes pa zhig byung ste/ khye'u de gang dang gang du 'gro ba de dang der rdzing dang skyed mos tshal de 'byung bar 'gyur ro/ /de nas khye'u de'i ming mdzes ldan zhes btags so/ /de nas re shig
307b7 na khye'u de cher skyes pa dang me tog khur chen gyi grong nas tshong pa kha cig don dag cig la yul pa tra li'i bur dong ste/ de dag gis skyes khyer nas rgyal po mya ngan med kyi thad du dong ngo / /de nas de dag gis rgyal po'i rkang pa la
307b8 phyag 'tshal te skyes phul nas mdun du 'khod do/ /de nas rgyal po mya ngan med kyis de dag la bu kun la bstan te/ kye tshong pa dag khyed 'byam pa na byad gzugs kyi khyad par dang ldan pa 'di lta bu sngan cad gang
308a1 yang rung ste res 'ga' mthong ngam zhes dris so/ /de nas tshong pa de dag gis thal mo sbyar ba btud de rkang pa la phyag 'tshal te gyod mi rma bar gsol nas rgyal po la gsol pa/ lha bdag cag gi yul na khye'u mdzes ldan
308a2 zhes bgyi ba mi'i kha dog las ni 'das lha'i kha dog ni ma thob pa zhig mchis te/ de btsas pa na rin po che'i rdzing bu lha'i spos chus gang ba dang / skyed mos tshal chen po me tog dang 'bras bu phun sum tshogs pa dang ldan pa
308a3 'gro shes pa zhig byung ste/ khye'u de gang dang gang du 'gro ba de dang der rdzing dang bskyed mos tshal de 'byung bar 'gyur ro zhes byas so/ /de nas rgyal po mya ngan med kyis de thos nas mchog tu ya mtshan du gyur te lta 'dod par gyur nas
308a4 pho nya btang ste/ rgyal po mya ngan med khye'u mdzes ldan blta ba'i phyir 'ong bar 'dod kyis/ khyed kyis bya ba 'am bsham pa gang yin pa de gyis shig ces spring ngo / /de nas skye bo phal po che skrag ste/ gal te rgyal po dmag
308a5 gi dpung chen po dang 'dir 'ongs su zin na gnod pa chen po zhig tu mi 'gyur ram snyam mo/ /de nas khye'u de'i bzhon pa bzang po bshams te skyes su mu tig gi do shal 'bum brdzangs nas rgyal po mya ngan med kyi
308a6 thad du btang ste/ de mthar gyis song song ba dang / grong khyer pa tra li'i bur phyin nas mu tig gi do shal 'bum khyer te rgyal po mya ngan myed kyi thad du phyin to/ /de nas rgyal po mya ngan med kyis khye'u mdzes ldan gyi byad
308a7 gzugs mdzes pa dang kha dog rgyas pa dang / lha'i rdzing bu dang / bskyed mos tshal mthong nas/ mthong ma thag tu mchog tu ya mtshan du gyur to/ /de nas rgyal po mya ngan med kyis gnas brtan nye bar srung la ya mtshan du bstan pa'i phyir khye'u
308a8 mdzes ldan khrid de khyim bya'i kun dga'i ra bar song ngo / /kun dga'i ra ba de na dgra bcom pa nye bar srung la sogs pa khri brgyad stong gnas so/ /slob pa dang / so so'i skye bo dge ba ni de'i nyis 'gyur du gnas so/ /
308b1 de nas des gnas brtan gyi rkang pa la phyag 'tshal nas chos mnyan pa'i phyir mdun du 'dug go/ /gnas brtan nye bar srung gis kyang de la chos bstan to/ /khye'u de yang rgyud yongs su smin pa zhig ste/ chos thos nas rab tu 'byung
308b2 'dod par gyur te/ des rgyal po mya ngan med la gsol nas gnas brtan nye bar srung gi thad du rab tu byung ste/ des sbyor ba dang sgrub pa dang / 'bad pas phol mig lnga pa'i 'khor ba'i 'khor lo 'di nyid g.yo zhing mi brtan par
308b3 rig nas 'du byed kyi rnam pa thams cad rnyil ba dang / ltung ba dang / rnam par mthor ba dang / rnam par 'jig pa'i chos can yin par rtsad chod de/ nyon mongs pa thams cad spangs nas dgra bcom pa nyid mngon sum du byas te/
308b4 dgra bcom pa khams gsum pa'i 'dod chags dang bral bar gyur nas gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan sbangs pa lta bur bsil bar gyur pa/ rig
308b5 pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams
308b6 kyis mchod cing rjed pa dang gus par smra ba'i gnas su gyur to/ /de nas rgyal po mya ngan med the tsom skyes te gnas brtan nye bar srung la dris pa/ btsun pa mdzes ldan gyis las gang dag bgyis na des byad gzugs
308b7 'di lta bu ldan par gyur lags/ las gang dag bgyis na des rin po che'i rdzing lha'i spos chus gang ba dang / skyed mos tshal chen po me tog dang 'bras bu phun sum tshogs pa dang ldan pa 'gro shes pa byung
308b8 bar gyur lags/ gnas brtan nye bar srung gis smras pa/ rgyal po chen po mdzes ldan nyid kyis sngon tshe rabs gzhan dag tu tshogs rnyed cing rkyen grub pa dang ldan te dba' rgal bzhin du 'byung la/ gdon mi za bar
309a1 'ong ba'i las de dag byas shing bsags pas na/ mdzes ldan nyid kyis las byas shing bsags pa de dag gzhan su zhig gis nyams su myong bar 'gyur te/ rgyal po chen po las byas shing bsags pa rnams ni
309a2 phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang /
309a3 khams dang / skye mched rnams 'ba' zhig la rnam par smin par 'gyur ro/ /lus can dag gi las rnams ni/ /bskal pa brgyar yang chud mi za/ /tshogs shing dus la bab pa na/ /'bras bu nyid du smin par 'gyur/ /
309a4 rgyal po chen po sngon gang gi tshe bcom ldan 'das yongs su mya ngan las 'das pa de'i tshe tshe dang ldan pa 'od srung chen po 'khor lnga brgya dang / yul ma ga d+hAr ljongs rgyu zhing dong ste/ chos yang dag par bsdu bar 'dod pa las re shig
309a5 na tshong pa dbul po zhig gis dge slong gi dge 'dun phal cher ston pa dang bral ba'i mya ngan gyis non par gyur la 'gro 'gro bas dub cing lus rdul gyis yog par mthong ngo / /de nas de snying rje skyes nas des 'od srung
309a6 chen po la sogs pa dge slong lnga brgya cho ga dang ldan pa'i khrus la spyan drangs so/ /de nas des chu dron spos sna tshogs kyis bsgos pa phul te dge slong rnams kyi lus bkrus so/ chos gos rnams kyang
309a7 bkrus so/ /kha zas bzang pos kyang tshim par byas nas skyabs su 'gro ba dang / bslab pa'i gzhi rnams kyang blangs te smon lam btab pa/ bdag bcom ldan 'das shAkya thub pa'i bstan pa 'di nyid la
309a8 rab tu byung nas dgra bcom pa nyid thob par gyur cig ces byas so/ /rgyal po chen po ji snyam du sems/ de'i tshe de'i dus na tshong dpon dbul por gyur pa gang yin pa de ni dge slong mdzes ldan 'di yin te/ des
309b1 dge slong dag la cho ga dang ldan pa'i khrus byas pa des na 'di 'di lta bur byad gzugs khyad par can du gyur la/ rin po che'i rdzing lha'i spos chus gang ba dang / bskyed mos tshal chen po me tog dang 'bras bu phun sum tshogs pa dang
309b2 ldan pa'i 'gro shes pa byung bar gyur to/ /des skyabs su 'gro ba dang bslab pa'i gzhi rnams blangs pa des ni tshe 'di nyid la dgra bcom pa nyid mngon sum du byas so/ /rgyal po chen po de ltar na las gcig tu nges
309b3 par gnag pa rnams ni rnam par smin pa yang gcig tu nges par gnag par 'gyur ro/ /las gcig tu nges par dkar ba rnams ni rnam par smin pa yang gcig tu nges par dkar bar 'gyur ro/ /las 'dren
309b4 ma rnams ni rnam par smin pa yang 'dren mar 'gyur ro/ /rgyal po chen po de bas na las gcig tu nges par gnag pa rnams dang las 'dren ma rnams spangs la/ las gcig tu nges par dkar ba rnams
309b5 'ba' zhig la gtad par bya ste/ rgyal po chen po khyod kyis de ltar bslab par bya'o/ /de nas rgyal po mya ngan med gnas brtan nye bar srung gis bshad pa la mngon par bstod do/ /rjes su yi
309b6 rangs nas stan las langs te song ngo / /rtogs pa brjod pa brgya pa las sdom gyi tshigs su bcad pa bcu pa rdzogs te/ gang po la sogs pa'i rtogs pa brjod pa brgya pa rdzogs s+ho// // rgya gar gyi
mkhan po dzi na mi tra dang /
CLOSE WINDOW