བོད་ཡིག |
248b7 / // @#/ /rgya gar skad du/ A TA nA Ti ya sU tra/ bod skad du/ lcang lo can gyi pho brang gi mdo/ 'phags pa dkon mchog gsum la gus pas phyag 'tshal lo/ /'di skad bdag gis thos pa dus gcig na/ bcom ldan 'das rgyal
248b8 po'i khab bya rgod phung po'i ri la bzhugs so/ /de nas rgyal po chen po bzhi po gnod sbyin mang po'i sde dang / dri za mang po'i sde dang grul bum gyi sde mang po dang klu'i sde mang po rnams phyogs bzhi bsrung zhing gnas so/ /phyogs bzhir tshan tshan du gnas so/ /
249a1 phyogs bzhi skyob cing gnas so/ /mtshan mo 'ongs te kha dog sna tshogs pa can gyis bya rgod phung po'i ri 'ba' zhig snang bar byas te/ bcom ldan 'das ga la ba der song nas bcom ldan 'das la phyag byas nas phyogs gcig tu 'khod
249a2 do/ /gnod sbyin de rnams las kyang gang la las bcom ldan 'das la phyag byas nas phyogs gcig tu 'khod do/ /gang su dag gis bcom ldan 'das la bsnyun gsol te bsnyun gsol nas ji ltar snying po dang snying po med pa'i gtam 'dri zhing
249a3 phyogs gcig tu 'khod do/ /gang su dag gis bcom ldan 'das la thal mo sbyar ba'i phyag byas nas phyogs gcig tu 'khod do/ /gang su dag gis ming dang rigs dpyod cing phyogs gcig tu 'khod do/ /gang su dag cang mi smra bar phyogs
249a4 gcig tu 'khod do/ /phyogs gcig tu 'khod nas de nas rgyal po chen po rnam thos kyi bus/ bcom ldan 'das la 'di skad ces gsol to/ /gnod sbyin ma rungs pa gang la la zhig bcom ldan 'das la ma dad par gyur to/ /gnod sbyin ma
249a5 rungs pa gang la la zhig bcom ldan 'das la dad par gyur to/ /gnod sbyin 'bring po gang la la zhig btsun pa bcom ldan 'das la ma dad par gyur to/ /gnod sbyin 'bring po gang la la zhig btsun pa bcom ldan 'das la dad par gyur to/ /gnod
249a6 sbyin dman pa gang la la zhig btsun pa bcom ldan 'das la ma dad par gyur to/ /gnod sbyin dman pa gang la la zhig btsun pa bcom ldan 'das la dad par gyur to/ /gnod sbyin gang la la zhig btsun pa bcom ldan 'das la ma dad par gyur pa'i
249a7 rgyu gang lags/ btsun pa bcom ldan 'das kyis srog gcod pa spong ba'i chos bstan pa dang / ma byin par len pa spong ba'i chos bstan pa dang / 'dod pa log par spyod pa spong ba'i chos bstan pa dang / brdzun du smra ba spong ba'i chos
249a8 bstan pa dang / myos par 'gyur ba'i chang gi btung ba spong ba'i chos bstan pa mdzad la/ gnod sbyin gang de rnams srog gcod pa spong ba la mi dga' bar gyur pa dang / ma byin par len pa spong ba la mi dga' bar gyur pa dang /
249b1 'dod pa log par spyod pa spong ba la mi dga' bar gyur pa dang / brdzun du smra ba spong ba la mi dga' bar gyur pa dang / myos par 'gyur ba'i chang gi btung ba spong ba la mi dga' bar gyur pas de rnams la mi dga' zhing mi 'dod par gyur to/ /
249b2 btsun pa bcom ldan 'das kyis nyan thos ji snyed yod pa rnams 'brog dgon pa'i lam du zhugs nas nyal ba dang 'dug pa la brten no/ /sgra med cing dbyangs med par dben par gnas shing 'du 'dzi'i 'tshe ba med do/ /so sor dge sbyong
249b3 rnams 'thun par gnas so/ /de na gnod sbyin ma rungs pa rnams kyi gnas yod do/ /gang zhig gis bcom ldan 'das kyi gsung rab la ma dad par gyur te/ de rnams dad par bya ba'i phyir btsun pa bcom ldan 'das la bslab par
249b4 bya ste/ lcang lo can gyi pho brang gis bsrung du gsol/ dge slong ngam dge slong ma 'am/ dge bsnyen nam dge bsnyen ma rnams la bsrung ba dang / sba ba dang 'tshe ba med pa dang bde ba dang legs par gnas so/ /bcom ldan 'das
249b5 kyis cang mi gsung ba'i tshul gyis gnang ngo / /de nas rgyal po chen po rnam thos kyi bus bcom ldan 'das kyis gnang ba shes te/ de'i tshe 'di ltar lcang lo can gyi pho brang gis srungs shig ces gsol to/ /spyan
249b6 ldan dpal dang ldan pa yi/ /rnam par gzigs la phyag 'tshal lo/ /'byung po rnams la brtse ba yi/ /gtsug tor can la'ang phyag 'tshal lo/ /mgon med rnams la gdung ba yi/ /thams cad skyob la
249b7 phyag 'tshal lo/ /bdud kyi sde rnams 'joms pa yi/ /'khor ba 'jig la phyag 'tshal lo/ /bram ze dpal dang ldan pa yi/ /gser thub la ni phyag 'tshal lo/ /sems can rnam grol mdzad pa yi/ /
249b8 'od srung la ni phyag 'tshal lo/ /shAkya'i sras ni dpal dang ldan/ /nyi ma'i rgyud la phyag 'tshal lo/ /sdug bsngal kun las sgrol mdzad pa/ /gang zhig chos ni rab ston mdzad/ /gang yang 'jig rten par gyur pa/ /
250a1 ji lta ba bzhin gzigs gyur pa'i/ /de rnams la ni phra ma med/ /'jigs pa med pa chen po'o/ /gang zhig gau tam phyag byed pa/ /lha dang mi la phan pa yin/ /rig pa dang ni zhabs su ldan/ /'jigs pa med pa
250a2 chen po ste/ /nyi ma'i dkyil 'khor chen po ni/ /gang zhig tu ni nub cing 'char/ /gang du nyi ma nub gyur pa/ /de ni mtshan mor 'gyur ba yin/ /gang du nyi ma shar gyur pa/ /de ni nyin mo zhes brjod do/ /gting ni zab pa'i rgya
250a3 mtsho yi/ /de yi chu yi bcud bzang ngo / /de ltar der ni skyes gyur pa/ /rgya mtsho'i chu yi bcud bzhin no/ /'dir ni shar gyi phyogs kyi ni/ /skye bo rnams la 'di brjod de/ /de yi phyogs ni kun skyong ba'i/ /rgyal po
250a4 chen po grags chen ldan/ /dri za rnams kyi bdag po ste/ /ming ni rgyal po yul 'khor skyong / /dri za 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos
250a5 pa ste/ /dbang po zhes bya stobs dang ldan/ /de ni dgu bcu rtsa gcig go/ /de yang sangs rgyas mthong ba dang / /nyi ma'i gnyen gyi sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang
250a6 mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyod phyag 'tshal/ /rtag tu 'di ni nyan pa'o/ /de phyir de ltar 'di brjod de/ /rgyal ba gau tam phyag gyis shig /
250a7 rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /gang yang yi dags rjod byed pa/ /phra ma rgyab kyi sha can dang / /srog gcod pa la chags pa dang / /skye bo ma lus 'joms pa'o/ /
250a8 'dir ni lho yi phyogs gnas pa'i/ /skye bo rnams la 'di skad brjod/ /de yi gnas ni yongs skyong ba/ /rgyal po chen po grags ldan pa/ /grul bum rnams kyi bdag po ste/ /ming ni 'phags skyes po zhes bya/ /grul bum 'khor dang
250b1 bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go/ /de yang sangs rgyas mthong ba dang / /nyi ma'i rgyud kyis
250b2 sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /
250b3 rtag tu 'di ni nyan pa'o/ /de phyir de ltar 'di brjod de/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /nyi ma'i dkyil 'khor chen po ni/ /
250b4 gang nas gang du shar gyur pa/ /der ni nyin mor 'gyur ba ste/ /nyin mo zhes ni brjod pa yin/ /gang du nyi ma nub gyur pa/ /de ni mtshan mor brjod par byed/ /gting ni zab pa'i rgya mtsho yi/ /de yi chu ni bcud bzang ngo / /de ltar
250b5 der ni skyes gyur pa'i/ /rgya mtsho'i chu yi bcud bzhin no/ /'dir ni nub kyi phyogs kyi ni/ /skye bo rnams la 'di brjod de/ /de yi phyogs ni kun skyong ba'i/ /rgyal po chen po grags chen ldan / /klu rnams kyi ni bdag po ste/ /'di yi
250b6 ming ni mig mi bzang / /klu yi 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go/ /de yang sangs
250b7 rgyas mthong ba dang / /nyi ma'i gnyen gyi sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /
250b8 mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar 'di brjod de/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /
251a1 gang zhig byang phyogs sgra mi snyan/ /lhun po blta na sdug ri dga'/ /der skyes pa yi mi rnams ni/ /bdag gir yongs su bzung ba med/ /de rnams sa bon 'debs pa med/ /rmo ba yang ni med pa yin/ /dka' spyad
251a2 med par 'bras smin zhing / /mi rnams yongs su longs spyod do/ /sbun med ma grugs shin du dag /dri bzang 'bras ni 'bras bur ldan/ /'bras kyi 'o ma la 'tshed cing / /de bzhin btsos nas longs spyod do/ /ba lang rkang gcig
251a3 la zhon nas/ /yul dang phyogs su 'gro bar byed/ /rkang pa gcig pa'i phyugs zhon nas/ /yul dang phyogs su 'gro bar byed/ /bud med kyi ni bzhon pa la/ /zhon nas yul dang phyogs su 'gro/ /skyes pa'i bzhon pa la
251a4 zhon nas/ /yul dang phyogs su 'gro bar byed/ /gzhon nu ma yi bzhon pa la/ /zhon nas yul dang phyogs su 'gro/ /gzhon nu'i bzhon pa la zhon nas/ /yul dang phyogs su 'gro bar byed/ /bzhon pa de rnams la zhon nas/ /
251a5 phyogs kun du ni rjes su 'gro/ /gtso bo rgyal po khyad med do/ /glang chen bzhon dang rta yi bzhon/ /lha yi bzhon pa la gnas nas/ /khang bzang dang ni khyogs dang ni/ /rgyal po chen po grags dang ldan/ /de'i yang grub pa'i grong khyer
251a6 ni/ /dri med bar snang la gnas pa/ /lcang lo can dang ku sha'i grong / /pha rol ku sha'i grong dang ni/ /nA Ta'i grong dang pha rol gyi/ /ku shi ta'i grong yin no/ /byang gi phyogs na thams cad rgyas/ /skyes bo'i tshogs pa mang po gnas/ /
251a7 dgu bcu rtsa dgu grong mkha' la/ /rgyal po'i pho brang lcang lo can/ /slar yang drang srong chen po dang / /rgyal po chen po lus ngan po/ /bi sA NA zhes pa rgyal po'i pho brang ngo / /de'i phyir rgyal po chen po rnam thos kyi bu dang /
251a8 lus ngan po zhes brjod do/ /so sor rab tu gsal zhing zhi ba dang de dang der ni de dang de mdangs dang de'i gzi brjid dang dpa' zhing stobs dang ldan pa'i rgyal po stobs dang ldan pa'i ming ngo / /sa gzhi yang ni bcud ldan no/ /
251b1 gnas der sprin rnams char 'bebs par byed do/ /der ni b+ha ga la ba tI zhes pa'i rdzing bu'o/ /gang du gnod sbyin tshogs dang lhan cig tu gnas so/ /der ni rtag tu shing gi 'bras/ /sna tshogs bya rnams lhan cig gnas/ /rma bya khrung khrung
251b2 sgra sgrogs shing / /khu byug rnams ni tshan tshan gnas/ /shang shang te'u sgra sgrogs shing / /de nas yang ni ngur pa dang / /gong mo nags kyi bya dag ni/ /nags kyi rdzing bur gnas pa'o/ /ne tsho ri skegs de sgra 'byin/ /daN Ta mA Ta bya dkar ni/ /
251b3 dus kun du ni mdzes par byed/ /lus ngan rgyal po'i rdzing rtag mdzes/ /'di ni byang gi phyogs kyi yul/ /skye bo rnams ni 'di bzhin brjod/ /de yi phyogs ni yongs skyong ba'i/ /rgyal po chen po grags dang ldan/ /gnod sbyin rnams kyi
251b4 bdag po ste/ /'di yi ming ni lus ngan po/ /gnod sbyin 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig
251b5 go/ /de yang sangs rgyas mthong ba dang / /nyi ma'i gnyen gyis sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /
251b6 dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar 'di brjod de/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su ldan/ /
251b7 sangs rgyas gau tam phyag 'tshal lo/ /'dir ni drang srong chen pos lcang lo can gyi pho brang dang bcas pas srungs shig /dge slong ngam dge slong ma 'am dge bsnyen nam dge bsnyen ma rnams la bsrung ba dang / sba ba dang / 'tshe ba
251b8 med pa dang / bde ba dang legs par gnas so/ /drang srong chen po gang su dag dge slong dang bcas pa 'am dge slong ma dang bcas pa 'am dge bsnyen dang bcas pa 'am dge bsnyen ma dang bcas pa rnams la/ 'dir lcang lo can gyi pho brang
252a1 gis de bsrung ba dang yongs su rdzogs pa thams cad yid la zung cig /de'i yang mi ma yin rnams so/ /gnod sbyin nam gnod sbyin mo 'am gnod sbyin gyi bu pho 'am/ gnod sbyin gyi bu mo 'am gnod sbyin gyi blon po chen po'am gnod sbyin gyi
252a2 'khor ram gnod sbyin gyi g.yog 'khor ram/ dri za pho'am dri za mo'am dri za'i bu pho'am dri za'i bu mo'am dri za'i blon po chen po'am dri za'i 'khor ram dri za'i g.yog 'khor ram/ grul bum pho'am grul bum mo'am grul bum gyi bu pho
252a3 'am grul bum gyi bu mo'am grul bum gyi blon po chen po'am grul bum gyi 'khor ram grul bum gyi g.yog 'khor ram/ klu pho'am klu mo'am klu'i bu pho'am klu'i bu mo'am klu'i blon po chen po'am klu'i 'khor ram klu'i g.yog 'khor
252a4 ram/ rab tu sdang ba'i sems kyis 'gro'am rjes su 'gro 'am rjes su 'gro ba dang sdod pa dang lhan cig tu sdod pa dang / gnas pa dang lhan cig tu gnas pa dang / nyal ba dang lhan cig tu nyal ba rnams ni drang srong chen po 'di rnams ni mi ma yin
252a5 zhes bya'o/ /grong ngam grong rdal lam bkur sti byed pa'am sti stang du byed pa la drang srong chen po mi ma yin rnams kyis de thob pa ma yin no/ /rgyal po'i pho brang lcang lo can zhes bya ba la gzhi 'am gnas med do/ /drang srong chen po mi ma
252a6 yin rnams dang gnod sbyin rnams kyis lhan cig tu gnas pa'ang mi 'thob po/ /drang srong chen po gzhan yang mi ma yin rnams kyi bka' mnyan par bya'o/ /drang srong chen po gzhan yang mi ma yin rnams kyis bdag la phan pa rdzogs pa
252a7 dang / pha rol la smod pa dang rtsod pa dang / drang srong chen po gzhan yang mi ma yin rnams la snod mer rab tu 'bar ba mgo la bkon pa dang / drang srong chen po gzhan yang mi ma yin rnams kyi mgo bo tshal pa bdun du gsheg par byed do/ /
252a8 drang srong chen po gzhan yang mi ma yin ni gtum pa dang drag pa dang khro ba'o/ /de rnams kyis 'di ltar rgyal po chen po la rjod par byed do/ /rgyal po chen po la brjod par ma nus na skyes bu la sogs pa la brjod par byed do/ /rgyal po'i
252b1 skyes bu la brjod par ma nus na de'i 'og ma'i skyes bu rnams la brjod par byed do/ /drang srong chen po de yang mi ma yin rnams rgyal po chen po la 'gal ba smra ba'o/ /drang srong chen po 'di lta ste/ ma ga d+ha'i yul gyi rgyal po la chom rkun byung na de ma
252b2 thag tu rgyal po la brjod par byed do/ /rgyal po la brjod par ma nus na rgyal po'i skyes bu la brjod par byed do/ /skyes bu la brjod par ma nus na de'i 'og ma'i skyes bu la brjod par byed pa bzhin no/ /drang srong chen po de yang ma ga d+ha'i rgyal
252b3 po la chom rkun gyis gnod pa byed par brjod do/ /drang srong chen po 'di lta bu mi ma yin yod pa rnams gtum pa dang drag pa dang khro ba'o/ /de ma thag tu rgyal po chen po rnams la brjod par byed do/ /rgyal po chen po la brjod par ma nus na rgyal
252b4 po'i skyes bu la brjod par byed do/ /skyes bu la brjod par ma nus na de'i 'og ma'i skyes bu la brjod par byed do/ /drang srong chen po de ni mi ma yin rnams rgyal po chen po rnams la 'gal bar brjod par byed do/ /drang srong chen po mi ma
252b5 yin gang zhig gnod sbyin pho 'am gnod sbyin mo 'am gnod sbyin gyi bu 'am gnod sbyin gyi bu mo 'am gnod sbyin gyi blon po chen po 'am gnod sbyin gyi 'khor ram gnod sbyin gyi g.yog 'khor ram/ dri za pho 'am dri za mo 'am dri za'i bu
252b6 pho'am dri za'i bu mo'am dri za'i blon po chen po 'am dri za'i 'khor ram dri za'i g.yog 'khor ram/ grul bum pho 'am grul bum mo 'am grul bum gyi bu pho 'am grul bum gyi bu mo 'am grul bum gyi blon po chen po 'am grul bum gyi
252b7 'khor ram grul bum gyi g.yog 'khor ram/ klu pho 'am klu mo 'am klu'i bu pho 'am klu'i bu mo 'am klu'i blon po chen po 'am klu'i 'khor ram klu'i g.yog 'khor ram/ rab tu sdang ba'i sems gyis dge slong ngam dge slong ma 'am
252b8 dge bsnyen nam dge bsnyen ma rnams 'gro ba 'am rjes su 'gro ba 'am rjes su 'gro ba dang sdod pa dang lhan cig tu sdod pa dang / gnas pa dang lhan cig tu gnas pa dang / nyal ba dang lhan cig tu nyal ba dang / 'di rnams ni gnod sbyin
253a1 rnams dang / gnod sbyin chen po rnams dang / sde dpon rnams dang / sde dpon chen po rnams la gsol bar byed pa dang / nga ro sgrogs par byed pa dang / sgra cher sgrogs par byed pa'o/ /'dir gnod sbyin gyis bzung
253a2 nas gnod sbyin 'dis tshe 'phrog par byed pa dang / gnod sbyin 'dis 'tshe bar byed pa dang / gnod sbyin 'dis rnam par tho 'tsham par byed pa dang / gnod sbyin 'dis gnod par byed pa dang / gnod sbyin 'dis rnam par gnod par byed pa dang /
253a3 gnod sbyin 'dis ni mi gtong bar byed do/ /gnod sbyin rnams dang gnod sbyin chen po rnams dang / sde dpon rnams dang sde dpon chen po rnams gang zhe na/ dbang po zla ba chu zla dang / /b+hA ra dwa dza skye dgu'i bdag /tsan da na dang 'od mchog dang / /
253a4 mgul pa mdzes dang mgul nges dang / /skye dgu'i bla mar gyur pa dang / /lha las byung ba'i kha lo pa/ /dri za sna tshogs sde dang ni/ /mi rgyal rgyal ba'i khyu mchog dang / /de bzhin ri dang gangs can dang / /gang ba smin drug phug dang ni/ /
253a5 'tsho ba dang ni btang gzung dang / /sna tshogs bshes gnyen gnya' shing 'dzin/ /sa skyong rab tu rtogs pa dang / /ngo tsha mig dang khang pa dang / /lnga len gtum po Al ba ka /srid sgrub yid bzang bzhin bzang dang / /
253a6 zho gdong nor bu nor bu spyod/ /de bzhin dbang phyug dang bcas so/ /'di rnams ni gnod sbyin rnams dang / gnod sbyin chen po rnams dang / sde dpon rnams dang sde dpon chen po rnams la gsol bar byed pa dang / nga ro
253a7 sgrogs par byed pa dang / sgra cher sgrogs par byed pa'o/ /'dir gnod sbyin gyis bzung nas gnod sbyin 'dis tshe 'phrog par byed pa dang / gnod sbyin 'dis 'tshe bar byed pa dang / gnod sbyin 'dis rnam par tho 'tsham par byed
253a8 pa dang / gnod sbyin 'dis gnod par byed pa dang / gnod sbyin 'dis rnam par gnod par byed pa dang / gnod sbyin 'dis ni mi gtong bar byed do/ /drang srong chen po 'dis ni lcang lo can gyi pho brang gis bsrungs shig /dge slong dang
253b1 dge slong ma dang / dge bsnyen dang dge bsnyen ma rnams la bsrung ba dang / sba ba dang / 'tshe ba med pa dang / bde ba dang / legs par gnas so/ /drang srong chen po de ni bdag cag rnams 'gro bar bgyi'o/ /bdag cag rnams ni bya ba
253b2 mang ba dang byed pa mang bas so/ /bcom ldan 'das kyis bka' stsal pa/ rgyal po chen po khyed rnams da ni 'gro bar gyis shig /de nas rgyal po chen po bzhi po rnams langs nas/ bcom ldan 'das la phyag byas te bskor ba
253b3 byas nas der mi snang bar gyur to/ /gnod sbyin de rnams kyang langs nas gang su dag gis bcom ldan 'das la phyag byas te bskor ba byas nas de nyid du mi snang bar gyur to/ /gang su dag gis bcom ldan 'das la snyun gsol
253b4 te bsnyun gsol nas snying po dang snying po med pa ji ltar zhes zhus pa de rnams de nyid du mi snang bar gyur to/ /gang su dag gis bcom ldan 'das ga la ba der thal mo sbyar nas de nyid du mi snang bar gyur to/ /gang la la zhig gis ming dang
253b5 rigs rnam par dpyad nas de nyid du mi snang bar gyur to/ /gang la la zhig cang mi smra bar gyur te de nyid du mi snang bar gyur to/ /lcang lo can gyi pho brang gi mdo las skabs rab mchog dang po'o// //de nas yang bcom ldan 'das kyis
253b6 de'i mtshan mo 'das nas dge slong rnams bos nas dge slong dag 'di'i mtshan mo rgyal po chen po bzhi po rnams dang / gnod sbyin gyi sde dpon chen po rnams dang dri za'i sde mang po dang / grul bum gyi sde mang po dang / klu'i sde mang po dang /
253b7 phyogs bzhi bsrung zhing gnas so/ /phyogs bzhir tshan tshan du gnas so/ /phyogs bzhi skyong zhing gnas so/ /mtshan mo 'ongs te kha dog sna tshogs pa can gyis bya rgod phung po'i ri 'ba' zhig snang bar byas te/
253b8 bcom ldan 'das ga la ba der song ste song nas nga la phyag byas nas phyogs gcig tu 'khod do/ /dge slong dag dang gnod sbyin de rnams gang la la zhig gis nga la phyag byas nas phyogs gcig tu 'khod do/ /gang su dag gis
254a1 nga la snyun gsol te bsnyun gsol nas ji ltar snying po dang snying po med pa'i gtam 'dri zhing phyogs gcig tu 'khod do/ /gang su dag gis nga la thal mo sbyar nas phyogs gcig tu 'khod do/ /gang su dag gis ming dang rigs dpyod
254a2 cing phyogs gcig tu 'khod do/ /gang su dag cang mi smra bar phyogs gcig tu 'khod do/ /phyogs gcig tu 'khod nas dge slong dag dang rgyal po chen po rnam thos kyi bus nga la 'di skad ces gsol nas/ gnod sbyin ma rungs pa
254a3 yod pa rnams btsun pa bcom ldan 'das la ma dad par gyur to/ /gnod sbyin ma rungs pa gang la la zhig bcom ldan 'das la dad par gyur to/ /gnod sbyin 'bring po gang la la zhig btsun pa bcom ldan 'das la ma dad par gyur to/ /
254a4 gnod sbyin 'bring po gang la la zhig btsun pa bcom ldan 'das la dad par gyur to/ /gnod sbyin dman pa gang la la zhig btsun pa bcom ldan 'das la ma dad par gyur to/ /gnod sbyin dman pa gang la la zhig btsun pa bcom ldan 'das
254a5 la dad par gyur to/ /gnod sbyin gang la la zhig btsun pa bcom ldan 'das la ma dad par gyur pa'i rgyu gang lags/ btsun pa bcom ldan 'das kyis srog gcod pa spong ba'i chos bstan pa dang / ma byin par len pa spong ba'i chos
254a6 bstan pa dang / 'dod pas log par spyod pa spong ba'i chos bstan pa dang / brdzun du smra ba spong ba'i chos bstan pa dang / myos par 'gyur ba'i chang gi btung ba spong ba'i chos bstan pas so/ /gnod sbyin gang de rnams btsun pas srog
254a7 gcod pa spong ba la mi dga' bar gyur pa dang / ma byin par len pa spong ba la mi dga' bar gyur pa dang / 'dod pas log par spyod pa spong ba la mi dga' bar gyur pa dang / brdzun du smra ba spong ba la mi dga' bar gyur pa dang / myos par
254a8 'gyur ba'i chang gi btung ba spong ba la mi dga' bar gyur pas so/ /de rnams la mi dga' zhing mi 'dod par gyur to/ /btsun pa bcom ldan 'das nyan thos ji snyed yod pa rnams 'brog dgon pa'i lam du zhugs nas nyal ba dang 'dug
254b1 pa dang brten to/ /sgra med cing dbyangs med par dben par gnas shing 'du 'dzi'i 'tshe ba med do/ /so sor dge sbyong rnams 'thun zhing gnas so/ /de na gnod sbyin ma rungs pa rnams kyi gnas yod do/ /gang zhig bcom ldan 'das kyi
254b2 gsung rab la ma dad par gyur te/ de rnams dad par bya ba'i phyir btsun pa bcom ldan 'das la bslab par bya ste/ lcang lo can gyi pho brang gis bsrung du gsol/ dge slong ngam dge slong ma 'am/ dge bsnyen nam dge bsnyen ma rnams
254b3 la bsrung ba dang / sba ba dang / 'tshe ba med pa dang / bde ba dang legs par gnas so/ /dge slong rnams la bdag gis cang mi gsung ba'i tshul gyis gnang ba byin no/ /de nas rgyal po chen po rnam thos kyi bus gnang ba byin pa shes te/
254b4 de'i tshe 'di ltar lcang lo can gyi pho brang gis srungs shig ces gsol to/ /spyan ldan dpal dang ldan pa yi/ /rnam par gzigs la phyag 'tshal lo/ /sems can rnams la brtse ba yi/ /gtsug tor can la phyag 'tshal lo/ /mgon med
254b5 rnams la gdung ba yi/ /thams cad skyob la phyag 'tshal lo/ /bdud kyi sde rnams 'joms pa yi/ /'khor ba 'jig la phyag 'tshal lo/ /bram ze dpal dang ldan pa yi/ /gser thub la yang phyag 'tshal lo/ /sems can
254b6 rnam grol mdzad pa yi/ /'od srung la ni phyag 'tshal lo/ /shAkya'i sras ni dpal dang ldan/ /nyi ma'i rgyud la phyag 'tshal lo/ /sdug bsngal kun las grol mdzad pa'i/ /gang zhig chos ni rab ston mdzad/ /gang yang 'jig rten par
254b7 gyur pa/ /ji lta ba bzhin gzigs gyur pa'i/ /de rnams la ni phra ma med/ /'jigs pa med pa chen po ni/ /gang zhig gau tam phyag byed pa/ /lha dang mi la phan pa yin/ /rig pa dang ni zhabs su ldan/ /'jigs pa med pa
254b8 chen po ste/ /nyi ma'i dkyil 'khor chen po ni/ /gang zhig tu ni nub cing 'char/ /gang du nyi ma nub gyur pa/ /der ni mtshan mor 'gyur ba yin/ /gang du nyi ma shar gyur pa/ /der ni nyin mo zhes brjod do/ /gting ni zab pa'i
255a1 rgya mtsho yi/ /de yi chu yi bcud bzang ngo / /de ltar der ni skyes gyur pa'i/ /rgya mtsho'i chu yi bcud bzhin no/ /'dir ni shar gyi phyogs kyi ni/ /skye bo rnams la 'di brjod do/ /de yi phyogs ni yongs skyong ba'i/ /
255a2 rgyal po chen po grags chen ldan/ /dri za rnams kyi bdag po ste/ /ming ni rgyal po yul 'khor skyong / /dri za 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /
255a3 dbang po zhes bya stobs dang ldan/ /de ni dgu bcu rtsa gcig go/ /de yang sangs rgyas mthong ba dang / /nyi ma'i gnyen gyi sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang mkhyen
255a4 khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar 'di brjod do/ /rgyal ba gau tam phyag gyis shig /
255a5 rgyal ba gau tam phyag bgyid do/ /rig pa dang ni zhabs su ldan/ /rgyal ba gau tam phyag 'tshal lo/ /gang yang yi dags rjod byed pa/ /phra ma rgyab kyi sha can dang / /srog gcod pa la chags pa dang / /skye bo ma lus
255a6 'joms pa'o/ /'dir ni lho yi phyogs gnas pa'i/ /skye bo rnams la 'di skad brjod/ /de yi gnas ni yongs skyong ba/ /rgyal po chen po grags ldan pa/ /grul bum rnams kyi bdag po ste/ /ming ni 'phags
255a7 skyes po zhes bya/ /grul bum 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go/ /
255a8 de yang sangs rgyas mthong ba dang / /nyi ma'i rgyud kyi sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /
255b1 dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar 'di brjod de/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su
255b2 ldan/ /sangs rgyas gau tam phyag 'tshal lo/ /nyi ma'i dkyil 'khor chen po ni/ /gang nas gang du shar gyur pa/ /der ni nyin mor 'gyur ba ste/ /nyin mo zhes ni brjod pa yin/ /gang du nyi ma nub gyur pa/ /der ni mtshan
255b3 mor rjod par byed/ /gting ni zab pa'i rgya mtsho yi/ /de yi chu yi bcud bzang ngo / /de ltar der ni skyes gyur pa'i/ /rgya mtsho'i chu yi bcud bzhin no/ /'dir ni nub kyi phyogs kyi ni/ /skye bo rnams la 'di brjod de/ /
255b4 de yi phyogs ni kun skyong ba'i/ /rgyal po chen po grags chen ldan/ /klu rnams kyi ni bdag po ste/ /'di yi ming ni mig mi bzang / /klu yi 'khor dang bcas pa ni/ /glu dang gar gyis dga' bar byed/ /de yi bu ni mang po
255b5 rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go/ /de yang sangs rgyas mthong ba dang / /nyi ma'i gnyen gyi sangs rgyas ni/ /'jigs dang bral ba chen po la/ /
255b6 thag ring nas ni phyag bgyid do/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /
255b7 de phyir de ltar 'di brjod do/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /gang zhig byang phyogs sgra mi snyan/ /lhun
255b8 po lta na sdug ri dga'/ /der skyes pa yi mi rnams ni/ /bdag gir yongs su bzung ba med/ /de rnams sa bon 'debs pa med/ /rmo ba yang ni med pa yin/ /dka' spyad med par 'bras smin nas/ /mi rnams
256a1 yongs su longs spyod de/ /sbun med ma grugs shin du dag /dri bzang 'bras ni 'bras bur ldan/ /'bras kyi 'o ma la 'tshed cing / /de bzhin btsos nas longs spyod do/ /ba lang rkang gcig la zhon nas/ /
256a2 yul dang phyogs su 'gro bar byed/ /rkang pa gcig pa'i phyugs zhon nas/ /yul dang phyogs su 'gro bar byed/ /bud med kyi ni bzhon pa la/ /zhon nas yul dang phyogs su 'gro/ /skyes pa'i bzhon pa la zhon nas/ /
256a3 yul dang phyogs su 'gro bar byed/ /gzhon nu ma yi bzhon pa la/ /zhon nas yul dang phyogs su 'gro/ /gzhon nu'i bzhon pa la zhon nas/ /yul dang phyogs su 'gro bar byed/ /bzhon pa de rnams la zhon nas/ /
256a4 phyogs kun du ni rjes su 'gro/ /gtso bo rgyal po khyad med do/ /glang chen bzhon dang rta yi bzhon/ /lha yi bzhon pa la gnas nas/ /khang bzang dang ni khyogs rnams ni/ /rgyal po chen po grags chen ldan/ /de'i yang grub
256a5 pa'i grong khyer ni/ /dri med bar snang la gnas pa/ /lcang lo can dang ku sha'i grong / /pha rol ku sha'i grong dang ni/ /nA TA'i grong dang pha rol gyi/ /ku shi ta'i grong yin no/ /byang gi phyogs na thams cad rgyas/ /skye bo'i
256a6 tshogs pa mang po gnas/ /dgu bcu rtsa dgu grong mkha' la/ /rgyal po'i pho brang lcang lo can/ /slar yang drang srong chen po dang / /rgyal po chen po lus ngan po/ /cog ldan zhes pa rgyal po chen po'i pho brang ngo / /de'i phyir
256a7 rgyal po chen po rnam thos kyi bu dang lus ngan po zhes brjod do/ /so sor rab tu gsal zhing zhi ba dang de dang der ni de dang de mdangs dang de'i gzi brjid dang dpa' zhing stobs dang ldan pa'i rgyal po stobs dang ldan pa'i ming ngo / /sa gzhi yang
256a8 ni bcud ldan no/ /gnas der sprin rnams char 'bebs par byed do/ /der ni b+ha ga la brtI zhes pa'i rdzing bu'o/ /gang du gnod sbyin tshogs dang lhan cig tu gnas so/ /der ni rtag tu shing gi 'bras/ /sna tshogs
256b1 bya rnams lhan cig gnas/ /rma bya khrung khrung sgra sgrogs shing / /khu byug rnams ni tshan tshan gnas/ /shang shang te'u sgra sgrogs shing / /de nas yang ni ngur pa dang / /gong mo nags kyi bya gag rnams/ /nags kyi
256b2 rdzing bur gnas pa'o/ /ne tso ri skegs de sgra 'byin/ /daN Ta mA na bya dkar dang / /dus kun du ni mdzes par byed/ /lus ngan rgyal po'i rdzing rtag mdzes/ /'di ni byang gi phyogs kyi yul/ /skye bo rnams ni 'di bzhin
256b3 brjod/ /de yi phyogs ni yongs skyong ba'i/ /rgyal po chen po grags dang ldan/ /gnod sbyin rnams kyi bdag po ste/ /'di yi ming ni lus ngan po/ /gnod sbyin 'khor dang bcas pa ni/ /glu dang gar gyis dga' bar byed/ /
256b4 de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go/ /de yang sangs rgyas mthong ba dang / /nyi ma'i gnyen gyi sangs rgyas ni/ /'jigs dang bral ba chen po la/ /
256b5 thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar 'di
256b6 brjod do/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /'dir ni drang srong chen po lcang lo can dang bcas pas bsrungs shig /dge slong ngam dge slong
256b7 ma 'am/ dge bsnyen nam dge bsnyen ma rnams la bsrung ba dang / sba ba dang 'tshe ba med pa dang / bde ba dang legs par gnas so/ /drang srong chen po gang su dag dge slong dang bcas pa 'am dge slong ma dang bcas pa 'am/ dge bsnyen dang bcas pa 'am
256b8 dge bsnyen ma dang bcas pa rnams dang / 'dir lcang lo can gyi pho brang gis de bsrung ba dang / yongs su rdzogs pa thams cad yongs su zung shig /de yang mi ma yin rnams so/ /gnod sbyin nam gnod sbyin mo 'am gnod sbyin gyi bu pho 'am
257a1 gnod sbyin gyi bu mo 'am gnod sbyin gyi blon po chen po 'am gnod sbyin gyi 'khor ram gnod sbyin gyi g.yog 'khor ram/ /dri za pho 'am dri za mo 'am dri za'i bu pho 'am dri za'i bu mo 'am dri za'i blon po chen po 'am dri za'i 'khor ram
257a2 dri za'i g.yog 'khor ram/ grul bum pho 'am grul bum mo 'am grul bum gyi bu pho 'am grul bum gyi bu mo 'am grul bum gyi blon po chen po 'am grul bum gyi 'khor ram grul bum gyi g.yog 'khor ram/ klu pho 'am klu mo 'am klu'i
257a3 bu pho 'am klu'i bu mo 'am klu'i blon po chen po 'am klu'i 'khor ram klu'i g.yog 'khor rnams rab tu sdang ba'i sems kyis 'gro ba 'am rjes su 'gro ba 'am rjes su 'gro ba dang / sdod pa dang lhan cig tu sdod pa dang / gnas pa dang lhan cig tu
257a4 gnas pa dang / nyal ba dang lhan cig tu nyal ba rnams la/ drang srong chen po 'di rnams ni mi ma yin rnams zhes bya'o/ /grong ngam grong rdal lam/ bkur stir byed pa 'am sti stang du byed pa rnams/ drang srong chen po mi ma yin rnams
257a5 kyis de thob pa ma yin no/ /rgyal po chen po'i pho brang lcang lo can zhes bya ba gzhi 'am gnas sa med do/ /drang srong chen po mi ma yin rnams kyis gnod sbyin dang lhan cig tu gnas pa 'am mi 'thob po/ /drang srong chen po gzhan yang
257a6 mi ma yin rnams kyi bka' mnyan par bya'o/ /drang srong chen po gzhan yang mi ma yin rnams kyis bdag la phan pa rdzogs pa dang / pha rol la smod pa dang / rtsod pa dang / drang srong chen po gzhan yang mi ma yin rnams la snod mer rab tu
257a7 'bar ba mgo la bkon pa dang / drang srong chen po gzhan yang mi ma yin rnams kyis mgo bo tshal pa bdun du gsheg par byed do/ /drang srong chen po gzhan yang mi ma yin ni gtum pa dang drag pa dang khro ba'o/ /de rnams kyis 'di ltar
257a8 rgyal po chen po la brjod par byed do/ /rgyal po chen po la brjod par ma nus na skyes bu la sogs pa la rjod par byed do/ /rgyal po chen po'i skyes bu la brjod par ma nus na de'i 'og ma'i skyes bu la rjod par byed do/ /drang srong chen
257b1 po de yang mi ma yin rnams rgyal po la 'gal ba smra ba'o/ /drang srong chen po 'di lta ste/ ma ga d+ha'i yul gyi rgyal po la chom rkun byung na de ma thag tu rgyal po la brjod par byed do/ /rgyal po la brjod par ma nus na rgyal po'i
257b2 skyes bu la brjod par byed do/ /skyes bu la brjod par ma nus na/ de'i 'og ma'i skyes bu la rjod par byed pa bzhin no/ /drang srong chen po de yang ma ga d+ha'i rgyal po la chom rkun gyis gnod par byed par brjod do/ /drang srong chen po
257b3 'di lta bu'i mi ma yin yod pa rnams gtum pa dang drag po dang khro ba'o/ /de ma thag tu rgyal po chen po rnams la brjod par byed do/ /rgyal po chen po la brjod par ma nus na rgyal po'i skyes bu la brjod par byed do/ /skyes bu la
257b4 brjod par ma nus na de'i 'og ma'i skyes bu la rjod par byed do/ /drang srong chen po mi ma yin rnams rgyal po chen po rnams la 'gal ba rjod par byed do/ /drang srong chen po mi ma yin gang zhig gnod sbyin nam gnod sbyin mo 'am
257b5 gnod sbyin gyi bu 'am gnod sbyin gyi bu mo 'am gnod sbyin gyi blon po chen po 'am gnod sbyin gyi 'khor ram gnod sbyin gyi g.yog 'khor ram/ dri za pho 'am dri za mo 'am dri za'i bu pho 'am dri za'i bu mo 'am dri za'i blon po chen po 'am
257b6 dri za'i 'khor ram dri za'i g.yog 'khor ram/ grul bum pho 'am grul bum mo 'am grul bum gyi bu pho'am grul bum gyi bu mo 'am grul bum gyi blon po chen po 'am grul bum gyi 'khor ram grul bum gyi g.yog 'khor ram/
257b7 klu pho 'am klu mo 'am klu'i bu pho 'am klu'i bu mo 'am klu'i blon po chen po 'am klu'i 'khor ram klu'i g.yog 'khor rnams rab tu sdang ba'i sems kyis dge slong ngam dge slong ma 'am/ dge bsnyen nam dge bsnyen ma rnams
257b8 'gro ba 'am rjes su 'gro ba 'am rjes su 'gro ba dang sdod pa dang lhan cig tu sdod pa dang nyal ba dang lhan cig tu nyal ba dang / 'di rnams ni gnod sbyin rnams dang / gnod sbyin chen po rnams dang / sde dpon rnams dang / sde dpon
258a1 chen po rnams la gsol bar byed pa dang / nga ro sgrogs par byed pa dang / sgra cher sgrogs par byed pa'o/ /'dir gnod sbyin gyis bzung nas gnod sbyin 'dis tshe 'phrog par byed pa dang gnod sbyin 'dis 'tshe bar
258a2 byed pa dang / gnod sbyin 'dis rnam par tho 'tsham par byed pa dang / gnod sbyin 'dis gnod par byed pa dang / gnod sbyin 'dis rnam par gnod par byed pa dang / gnod sbyin 'dis mi gtong bar byed do/ /gnod sbyin rnams
258a3 dang gnod sbyin chen po rnams dang / sde dpon rnams dang / sde dpon chen po rnams gang zhe na/ dbang po zla ba chu zla dang / /b+hA ra dwa dza skye dgu'i bdag /tsan da na dang 'dod mchog dang / /mgul pa mdzes dang mgul nges dang / /skye dgu'i bla mar gyur pa dang / /
258a4 lha las byung ba'i kha lo pa/ /dri za sna tshogs sde dang ni/ /mi rgyal rgyal ba'i khyu mchog dang / /de bzhin ri dang gangs can dang / /gang ba smin drug phug dang ni/ /'tshe ba dang ni btang bzung dang / /sna tshogs bshes gnyen gnya'
258a5 shing 'dzin/ /sa skyongs rab tu rtogs pa dang / /ngo tsha mig dang khang pa dang / /lnga len gtum pa A la ba ka /srid sgrub yid bzang bzhin bzang dang / /zho gdong nor bu nor bu spyod/ /de bzhin dbang phyug dang bcas so/ /
258a6 'di rnams ni gnod sbyin rnams dang gnod sbyin chen po rnams dang / sde dpon rnams dang sde dpon chen po rnams la gsol bar byed pa dang / nga ro sgrogs par byed pa dang / sgra cher sgrogs par byed pa'o/ /'dir gnod sbyin gyis bzung nas
258a7 gnod sbyin 'dis tshe 'phrog par byed pa dang / gnod sbyin 'dis 'tshe bar byed pa dang / gnod sbyin 'dis rnam par tho 'tsham par byed pa dang / gnod sbyin 'dis gnod par byed pa dang / gnod sbyin 'dis rnam par gnod par byed
258a8 pa dang / gnod sbyin 'dis ni mi gtong bar byed do/ /drang srong chen po 'dis ni lcang lo can gyi pho brang gis bsrungs shig /dge slong dang dge slong ma dang / dge bsnyen dang dge bsnyen ma rnams la bsrung ba dang / sba ba dang 'tshe
258b1 ba med pa dang / bde ba dang legs par gnas so/ /drang srong chen po da ni bdag cag rnams 'gro bar bgyi'o/ /bdag cag rnams ni bya ba mang ba dang / byed pa mang bas so/ /dge slong dag bdag gis da ni rgyal po chen po rnams
258b2 la 'gro ba'i gnang ba byin no/ /de nas rgyal po chen po bzhi po rnams langs nas bdag la phyag byas te/ bskor ba byas nas de nyid du mi snang bar gyur to/ /dge slong dag gnod sbyin rnams kyis kyang langs nas bdag la
258b3 phyag byas bskor ba byas nas de nyid du mi snang bar gyur to/ /gang su dag gis bdag la bsnyun gsol te/ bsnyun gsol nas snying po dang snying po med pa ji ltar zhes zhus pa de rnams de nyid du mi snang bar gyur to/ /gang su dag
258b4 gis bdag ga la ba der thal mo sbyar nas 'dud pa byas te mi snang bar gyur to/ /gang la la zhig gis ming dang rigs rnam par dpyad nas de nyid du mi snang bar gyur to/ /gang la la zhig cang mi smra bar gyur te de nyid du mi snang bar gyur to/ /
258b5 dge slong dag kha don du zung la lcang lo can gyi pho brang gis bsrungs shig /dge slong dag chongs la lcang lo can gyi pho brang gis bsrungs shig /dge slong dag don dang bcas pas lcang lo can gyi pho brang gis bsrungs shig /
258b6 dge slong ngam dge slong ma 'am/ /dge bsnyen nam dge bsnyen ma rnams la bsrung ba dang / sba ba dang / 'tshe ba med pa dang / bde ba dang legs par gnas so/ /bcom ldan 'das kyis de skad ces bka' stsal pa dang / dge slong
de rnams bcom ldan 'das kyis gsungs pa la mngon par bstod do/
CLOSE WINDOW