CLOSE WINDOW

J276
བོད་ཡིག

'khor 'dus pa chen po rnams shin tu dga' zhing gus pas mngon par bstod do/ /'phags pa mkhar sil zhes bya ba theg pa chen po'i mdo/ rdzogs so// // mkhar sil 'chang ba'i kun tu spyod pa'i cho ga / mkhar sil yang dag par len par 'dod pas/ btsun pa zhig drung du pus mo btsugs te 'di skad du bya'o/ /btsun pa dgongs su gsol/ bdag ming 'di zhes bgyi ba deng btsun pa las mkhar sil 'chang ba'i slob dpon du gsol lo zhes lan gsum du bzlas par bya'o/ /des kyang 'di skad du dgongs shig /tshe dang ldan pa khyod bla na med pa'i byang chub tu sems bskyed nas mkhar sil yang dag blangs te chos bzhin du spyod par byed dam/ lag pa yongs su mi gtsang bas de bzung bar mi bya/ dge 'dun gyi gnas su 'jug pa'i tshe mgo dang ma rtse dbyung bar byas la gzhag par mi bya/ gal te khyim pa'i khyim du 'jug na ma rtse rgyab logs su bstan par bya/ gal te snga dro khyim pa'i khyim du bsod snyoms la 'gro dgos pa'i rkyen tshogs byung na mkhar sil lan gsum du dkrol bar bya'o/ /lan gsum du dkrol te ma 'ongs na lan lnga'i bar du dkrol bar bya'o/ /lan lnga'i bar du dkrol te ma 'ongs na lan bdun gyi bar du dkrol bar bya'o/ /lan bdun gyi bar du dkrol te ma 'ongs na khyim gzhan du lan bdun gyi bar du dkrol bar bya'o/ /khyim bdun gyi bar du phyin te chog par gyur na yang der zas kyi bya ba bya'o zhes lan gsum gyi bar du bzlas par bya'o/ / mkhar sil bcang ba'i chos ni nyi shu rtsa lnga yod de/ sa la sbrul yod pa bsrung ba'i phyir bcang bar bya ba dang / rgal ba'i phyir bcang bar bya ba dang / bsod snyoms spyod pa'i phyir bcang bar bya ba dang / 'byung zhing 'jug pa na yang sku gzugs mthong ba'i tshe sgra dbyung bar bya ba dang / mkhar sil thogs nas dge 'dun gyi nang du 'jug par mi bya ba dang / dro yol phan cad mkhar sil thogs nas 'gro bar mi bya ba dang / phrag pa gnyis la bkal te mgo bo gnyis la dpyang bar mi bya ba dang / phrag par bskur bar mi bya ba dang / lag pas skyog par mi bya ba dang / mkhar sil thogs nas bshang ci'i sar 'gro bar mi bya ba dang / mkhan po dang slob dpon mkhar sil thogs te 'gro ba'i rjes bzhin du 'gro bar mi bya ba dang / gang zag bzhi yan chod mkhar sil thogs te 'gro ba'i rjes nas mkhar sil thogs te 'gro bar mi bya ba dang / yon bdag gi khyim du phyin na mkhar sil lus dang bral bar mi bya ba dang / yon bdag gi sgor phyin pa dang lan gsum gyi bar du dkrol bar bya'o/ /gal te ma 'ongs na lan lnga'i bar du dkrol bar bya'o/ /lan de lnga'i bar du dkrol te ma 'ongs na lan bdun gyi bar du dkrol bar bya'o/ /lan bdun gyi bar du dkrol te ma 'ongs na khyim gzhan du dkrol bar bya ba dang / bdag phyir phyung na mkhar sil lag pa g.yas pa la bsnyes te gzhag par bya ba dang / gnas khang na gzhag pa'i tshe sa la reg par mi bya ba dang / rtag tu gar nyal ba'i khri'i drung du nye bar bzhag par bya ba dang / skabs skabs su phyi bdar bya ba dang / mkhar sil gyi mgo ya yo med par bya ba dang / bsod snyoms la 'gro ba'i tshe dge tshul lam khyim pa las bral bar mi bya ba dang / nad pa'i sar mtshan mo gnas na mkhar sil bskur bar bya ba dang / lam ring por skyel du 'gro na mkhar sil bskur bar bya ba dang / lam ring po nas 'gron du gnyer ba yod de/ der 'gro zhing 'dug dgos par gyur na mkhar sil bskur bar bya ba dang / ga shed du 'gro dgos par gyur na mkhar sil bskur bar bya ba dang /

CLOSE WINDOW