བོད་ཡིག |
136b6 @#/ /rgya gar skad du/ pany+tsA pat+ti ni kA ya shu b+hA shu b+ha pha pa rik+Sha sU tra/ bod skad du/ ltung ba sde lnga'i dge ba dang mi dge ba'i 'bras bu brtag pa'i mdo/ sangs rgyas dang byang chub sems dpa' thams cad la phyag
136b7 'tshal lo/ /'di skad bdag gis thos pa dus na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bka'
136b8 stsal pa/ dge slong dag 'dzam bu'i gling pa'i mi rnams kyi lo lnga bcu gang yin pa de ni rgyal chen bzhi'i ris kyi lha rnams kyi nyin zhag gcig go/ /nyin zhag de sum bcu la zla ba gcig /zla ba bcu gnyis la lo gcig
137a1 tu rtsis pa'i lo lnga brgya ni rgyal chen bzhi'i ris kyi lha rnams kyi tshe'i tshad do/ /dge slong dag bslab pa'i chos gang dag bsrung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang /
137a2 rab tu ston pa ni lus zhig nas bde 'gro rgyal chen bzhi pa'i ris kyi lha rnams su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing lha'i
137a3 gzugs dang / sgra dang / dri dang / ro dang / reg bya dang / lha'i g.yog 'khor dang ldan par 'gyur ro/ /dge slong dag rgyal chen bzhi'i ris kyi lha rnams kyi lo lnga brgya gang yin pa de ni dmyal ba chen po yang sos kyi nyin zhag gcig go/ /
137a4 nyin zhag de sum bcu la zla ba gcig /zla ba bcu gnyis la lo gcig tu rtsis pa'i lo lnga brgya ni dmyal ba chen po yang sos kyi tshe'i tshad do/ /dge slong dag bslab pa'i chos gang dag mi srung ba dang / mi sbed pa dang / yongs su mi skyong ba dang /
137a5 de dag las 'da' bar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po yang sos su skye bar 'gyur te/ de dag der yang sdug bsngal drag pa dang / rtsub pa dang /
137a6 tsha ba dang / yid du mi 'ong ba'i tshor ba myong bar 'gyur ro/ /dge slong dag 'dzam bu'i gling pa'i mi rnams kyi lo brgya gang yin pa de ni sum bcu rtsa gsum gyi lha rnams kyi nyin zhag gcig go/ /nyin zhag de sum bcu la zla ba gcig /
137a7 zla ba bcu gnyis la lo gcig tu rtsis pa'i lo stong ni sum cu rtsa gsum pa'i lha rnams kyi tshe'i tshad do/ /dge slong dag so sor bshags pa'i chos gang dag srung ba dang / sbed pa dang / yongs su skyong ba dang / 'da' bar mi byed
137a8 pa dang / de dag las 'das pa ston pa dang / rab tu ston pa de ni lus zhig nas bde 'gro sum cu rtsa gsum gyi lha rnams su skye bar 'gyur te/ de dag der yang lha'i tshe dang lha'i kha dog dang / lha'i stobs dang / lha'i bde ba dang /
137b1 lha'i dbang phyug la dbang byed cing lha'i gzugs dang / sgra dang / dri dang / ro dang / reg bya dang / lha'i g.yog 'khor dang ldan par 'gyur ro/ /dge slong dag sum cu rtsa gsum gyi lha rnams kyi lo stong gang yin pa de ni dmyal ba chen po thig nag gi nyin zhag
137b2 gcig go/ /nyin zhag de sum bcu la zla ba gcig /zla ba bcu gnyis la lo gcig tu rtsis pa'i lo stong ni dmyal ba chen po thig nag gi tshe'i tshad do/ /dge slong dag so sor bshags pa'i chos gang dag mi srung ba dang / mi sbed pa dang /
137b3 yongs su mi skyong ba dang / de dag las 'da' bar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po thig nag tu skye bar 'gyur te/ de dag der yang sdug bsngal drag pa dang /
137b4 rtsub pa dang / tsha ba dang / yid du mi 'ong ba'i tshor ba myong bar 'gyur ro/ /nyes byas kyi ltung ba brtag pa'o/ /dge slong dag 'dzam bu'i gling pa'i mi rnams kyi lo nyis brgya gang yin pa de ni mtshe ma'i lha rnams kyi nyin zhag gcig go/ /nyin
137b5 zhag sum bcu la zla ba gcig /zla ba bcu gnyis la lo gcig tu rtsis pa'i lo nyis stong ni mtshe ma'i lha rnams kyi tshe'i tshad do/ /dge slong dag ltung byed kyi chos gang dag srung ba dang / sbed pa dang / yongs su skyong ba dang / 'da' bar mi
137b6 byed pa dang / de dag las 'das pa ston pa dang / rab tu ston pa de ni lus zhig nas bde 'gro mtshe ma'i lha rnams su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i bde ba dang /
137b7 lha'i dbang phyug la dbang byed cing lha'i gzugs dang / sgra dang / dri dang / ro dang / reg bya dang / lha'i g.yog 'khor dang ldan par 'gyur ro/ /dge slong dag mtshe ma'i lha rnams kyi lo nyis stong gang yin pa
137b8 de ni dmyal ba chen po bsdus 'joms kyi nyin zhag gcig go/ /nyin zhag de sum bcu la zla ba gcig /zla ba bcu gnyis la lo gcig tu rtsis pa'i lo nyis stong ni dmyal ba chen po bsdus
138a1 'joms kyi tshe'i tshad do/ /dge slong dag ltung byed kyi chos gang dag mi srung ba dang / mi sbed pa dang / yongs su mi skyong ba dang / de dag las 'da' bar byed pa dang / 'das pa de dag mi ston pa dang / rab tu mi ston pa de ni lus
138a2 zhig nas shi ba'i 'og tu dmyal ba chen po bsdus 'joms su skye bar 'gyur te/ de dag der yang sdug bsngal shin du drag pa dang / rtsub pa dang tsha ba dang / yid du mi 'ong ba'i tshor ba myong bar 'gyur ro/ /ltung byed kyi ltung ba brtag pa'o/ /dge slong dag 'dzam bu'i
138a3 gling pa'i mi rnams kyi lo bzhi brgya gang yin pa de ni dga' ldan gyi lha rnams kyi nyin zhag gcig go/ /nyin zhag de sum bcu la zla ba gcig /zla ba bcu gnyis la lo gcig tu rtsis pa'i lo bzhi stong ni dga' ldan gyi lha rnams kyi
138a4 tshe'i tshad do/ /dge slong dag sbom po'i chos gang dag srung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab tu ston pa de ni lus zhig nas bde 'gro dga' ldan gyi lha rnams
138a5 su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing lha'i gzugs dang / sgra dang / dri dang / ro dang / reg bya dang / lha'i g.yog 'khor dang ldan
138a6 par 'gyur ro/ /dge slong dag dga' ldan gyi lha rnams kyi lo bzhi stong gang yin pa de ni dmyal ba chen po ngu 'bod kyi nyin zhag gcig go/ /nyin zhag de sum bcu la zla ba gcig go/ /zla ba bcu gnyis la lo gcig tu rtsis pa'i
138a7 lo bzhi stong ni dmyal ba chen po ngu 'bod kyi tshe'i tshad do/ /dge slong dag sbom po'i chos gang dag mi srung ba dang / mi sbed pa dang / yongs su mi skyong ba dang / de dag las 'da' bar byed pa dang / 'das pa de dag mi ston pa dang / rab tu
138a8 mi ston pa de ni lus zhig nas shi ba'i 'og tu dmyal ba chen po ngu 'bod du skye bar 'gyur te/ de dag der yang sdug bsngal shin du drag pa dang / rtsub pa dang / tsha ba dang / yid du mi 'ong ba'i tshor ba myong bar 'gyur ro/ /sbom po'i ltung
138b1 ba brtag pa'o/ /dge slong dag 'dzam bu'i gling pa'i mi rnams kyi lo brgyad brgya gang yin pa de ni 'phrul dga'i lha rnams kyi nyin zhag gcig go/ /nyin zhag de sum bcu la zla ba gcig go/ /zla ba bcu gnyis la lo gcig tu rtsis
138b2 pa'i lo brgyad stong ni 'phrul dga'i lha rnams kyi tshe'i tshad do/ /dge slong dag lhag ma'i chos gang dag srung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab tu ston
138b3 pa de ni lus zhig nas bde 'gro 'phrul dga'i lha rnams su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing lha'i gzugs dang / sgra dang /
138b4 dri dang / ro dang / reg bya dang / lha'i g.yog 'khor dang ldan par 'gyur ro/ /dge slong dag 'phrul dga'i lha rnams kyi lo brgyad stong gang yin pa de ni dmyal ba ngu 'bod chen po'i nyin gcig go/ /nyin zhag de sum bcu la
138b5 zla ba gcig go/ /zla ba bcu gnyis la lo gcig tu rtsis pa'i lo brgyad stong ni dmyal ba ngu 'bod chen po'i tshe'i tshad do/ /dge slong dag lhag ma'i chos gang dag mi srung ba dang / mi sbed pa dang / yongs su mi skyong ba dang / de dag
138b6 las 'da' bar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po ngu 'bod chen por skye bar 'gyur te/ de dag der yang sdug bsngal shin du drag pa dang /
138b7 rtsub pa dang / tsha ba dang / yid du mi 'ong ba'i tshor ba myong bar 'gyur ro/ /lhag ma'i ltung ba brtag pa'o/ /dge slong dag 'dzam bu'i gling pa'i mi rnams kyi lo brgya phrag bcu drug gang yin pa de ni gzhan 'phrul dbang
138b8 byed kyi lha rnams kyi nyin zhag gcig go/ /nyin zhag de sum bcu la zla ba gcig go/ /zla ba bcu gnyis la lo gcig tu rtsis pa'i lo stong phrag bcu drug ni gzhan 'phrul dbang byed kyi lha rnams kyi tshe'i tshad do/ /
139a1 dge slong dag pham par 'gyur ba'i chos bzhi po gang dag srung ba dang / sbed pa dang / yongs su skyong ba dang / 'da' bar mi byed pa dang / de dag las 'das pa ston pa dang / rab tu ston pa de ni lus zhig nas bde 'gro
139a2 gzhan 'phrul dbang byed kyi lha rnams su skye bar 'gyur te/ de dag der yang lha'i tshe dang / lha'i kha dog dang / lha'i stobs dang / lha'i bde ba dang / lha'i dbang phyug la dbang byed cing lha'i gzugs dang / sgra dang / dri dang / ro dang /
139a3 reg bya dang / lha'i g.yog 'khor dang ldan par 'gyur ro/ /dge slong dag gzhan 'phrul dbang byed kyi lha rnams kyi lo stong phrag bcu drug gang yin pa de ni dmyal ba chen po tsha ba'i nyin zhag gcig go/ /nyin zhag de sum cu la zla ba
139a4 gcig go/ /zla ba bcu gnyis la lo gcig tu rtsis pa'i lo khri drug stong ni dmyal ba chen po tsha ba'i tshe'i tshad do/ /dge slong dag pham par 'gyur ba'i chos bzhi po gang dag mi srung ba dang / mi sbed pa dang / yongs su mi skyong
139a5 ba dang / de dag las 'da' bar byed pa dang / 'das pa de dag mi ston pa dang / rab tu mi ston pa de ni lus zhig nas shi ba'i 'og tu dmyal ba chen po tsha bar skye bar 'gyur te/ de dag der yang sdug bsngal shin du drag pa dang /
139a6 rtsub pa dang / tsha ba dang / yid du mi 'ong ba'i tshor ba myong bar 'gyur ro/ /pham par 'gyur ba'i chos bzhi'i ltung ba brtag pa'o/ /dge slong dag de lta bas na/ gang de dag bstan bcos thos pa rnams kyis bdag la phan par
139a7 bya ba dang / snying brtse ba dang / snying rje ba dang / don 'dod pa dang / phan pa tshol bas snying brtse ba 'dis khyed cag rnams kyis 'di ltar bya ste/ dge slong dag dgon pa dang / shing drung dang / khang stong dang / ri khrod dang / ri phug dang /
139a8 pa la pun dzA b+h+ya ba ka sha dang / dur khrod dang / nags mdab dang / bas mtha'i gnas mal du gnas te 'di dag nges par bsam par bya'o/ /dge slong dag bag yod par gyis shig /ci nas kyang phyis 'gyod par 'gyur ba
139b1 de ltar ma byed cig /'di ni nga'i rjes su bstan pa'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /ltung ba sde lnga'i dge ba
139b2 dang / mi dge ba'i 'bras bu brtag pa'i mdo rdzogs so// // rgya gar gyi mkhan po A tsar+ya dz+nyA na shrI gub ta dang / bod kyi lo ts+tsha ba dge slong shAkya blo gros kyis bsgyur cing gtan la phab pa/ /
CLOSE WINDOW