བོད་ཡིག |
326a1 'phags pa rdo 'phangs pa'i mdo/ rdzogs so// // rgya gar skad du/ ku mA ra dr-i Sh+DAn+ta sU tra/ bod skad du/ gzhon nu dpe'i mdo/ sangs rgyas dang / byang chub sems dpa' thams cad la phyag 'tshal lo/
326a2 'di skad bdag gis thos pa dus gcig na/ bcom ldan 'das ko sa la'i ljongs rgyu zhing gshegs pa dang / mnyan yod du byon nas mnyan yod na rgyal bu rgyal byed kyi tshal mgon med zas sbyin gyi kun dga' ra ba na
326a3 bzhugs so/ /ko sa la'i rgyal po gsal rgyal gyis dge sbyong gau ta ma ko sa la'i ljongs rgyu zhing gshegs pa dang / mnyan yod du byon nas mnyan yod na rgyal bu rgyal byed kyi tshal mgon med zas sbyin gyi kun dga'
326a4 ra ba na bzhugs te/ shes ldan gau ta ma de bla na med pa yang dag par rdzogs pa'i byang chub mngon par sangs rgyas par bdag nyid zhal gyis 'che'o zhes thos so/ /thos nas kyang bcom ldan 'das gang na ba der song ste
326a5 phyin nas/ bcom ldan 'das dang lhan cig mngon du yang dag par dga' ba dang / yang dag par mgu bar 'gyur ba'i gtam rnam pa sna tshogs byas te phyogs gcig tu 'dug go/ /phyogs gcig tu 'dug nas ko sa la'i rgyal po
326a6 gsal rgyal gyis bcom ldan 'das la 'di skad ces gsol to/ /kye gau ta ma bdag gis shes ldan gau ta ma bla na med pa yang dag par rdzogs pa'i byang chub mngon par sangs rgyas par bdag nyid zhal gyis 'che'o zhes
326a7 thos lags na/ gau ta ma gang dag de skad ces lung bstan pa de dag ji ga dge sbyong gau ta ma la skur pa 'debs pa ma lags sam/ thal bar smra ba ma lags sam/ shes ldan gau ta mas gsungs pa bzhin smra ba lags sam/
326a8 chos smra ba lags sam/ chos dang 'thun pa'i chos lung ston pa lags sam/ ji ga de dag gi drung du pha rol po chos dang 'thun par rtsod pa'i rjes su rtsod pa mchis na/ smod pa'i chos kyi gnas su mi 'gyur lags sam/
326b1 rgyal po chen po gang dag de skad du smra ba de dag ni de skad du lung ston pa bden te/ nga la skur pa 'di 'debs pa ma yin/ thal bar smra ba ma yin/ de ni gsungs pa bzhin smra ba yin/ chos dang 'thun pa'i chos lung ston pa yin te/
326b2 de dag gi drung du pha rol po chos dang 'thun pa'i rtsod pa'i rjes su rtsod pa 'ongs nas smod pa'i chos kyi gnas su mi 'gyur ro/ /rgyal po chen po de ci'i phyir zhe na/ ngas bla na med pa yang dag par rdzogs pa'i byang chub mngon par
326b3 sangs rgyas so/ /shes ldan gau ta ma de skad mod kyi/ shes ldan gau ta ma bdag yid mi ches lags so/ /de ci'i slad du zhe na/ kye gau ta ma re shig rgan zhing rgan pa'i dge sbyong dang / bram ze ni 'di dag lags te/ 'di lta ste/
326b4 'od srung rdzogs byed dang / kun du rgyu gnag lhas kyi bu dang / smra 'dod kyi bu mo'i bu yang dag rgyal ba can dang / mi pham skra'i la ba can dang / ka t+yA'i bu nog can dang / gcer bu pa gnyen gyi bu gang lags pa de dag kyang da dung bla na med
326b5 pa yang dag par rdzogs pa'i byang chub mngon par rdzogs par sangs rgyas par bdag nyid g.yar gyis mi mchi lags na/ shes ldan gau ta ma 'khrungs nas ring po ma lags pa gsar du rab tu 'byung bas lta smos kyang ci 'tshal/
326b6 rgyal po chen po gzhon nu bzhi po 'di dag la khyad du gsad par mi bya/ zil gyis mnan par mi bya ste/ bzhi gang zhe na/ rgyal po chen po rgyal rigs gzhon nu khyad du gsad par mi bya/ gzhon nu la zil gyis mnan par mi bya'o/ /
326b7 rgyal po chen po sbrul gzhon nu la khyad du gsad par mi bya/ gzhon nu la zil gyis mnan par mi bya'o/ /rgyal po chen po me chung ngu la khyad du gsad par mi bya/ zil gyis mnan par mi bya'o/ /rgyal po chen po dge slong gzhon nu
326b8 la khyad du gsad par mi bya/ gzhon nu la zil gyis mnan par mi bya'o/ /de ci'i phyir zhe na/ dge slong gzhon nur gyur kyang de rdzu 'phrul che zhing mthu che ba'i dgra bcom par 'gyur ro/ /bcom ldan 'das kyis de skad ces/ /bka'
327a1 stsal nas ni bde gshegs kyis/ /de skad ces ni bka' stsal nas/ /ston pas gzhan yang 'di skad gsungs/ /rgyal rigs dpe med ldan pa dang / /rigs btsun grags par ldan pa la/ /blo dang ldan pas de gzhon zhes/
327a2 khyad du mi gsad zil mi mnan/ /rgyal po rgyal rigs mkhas pa yis/ /rgyal srid dag ni thob gyur nas/ /chad pas gsod pa'i gnas de yod/ /de bas de la shin du gdung / /de ltar rang gi srog bsrung zhing / /rang gi don
327a3 la lta bas ni/ /de ni khyad du mi gsad cing / /de la legs par bag kyang bya/ /gal te grong ngam dgon pa'ang rung / /gang du sbrul ni mthong gyur na/ /blo dang ldan pas de gzhon zhes/ /khyad du mi gsad zil mi mnan/ /'di ltar
327a4 sbrul ni rgyu ba na/ /rigs ni rnam pa sna tshogs la/ /glags rnyed nas ni gzhon nus kyang / /skyes pa bud med du ma zin/ /de ltas rang gi srog srung zhing / /rang gi don la lta bas ni/ /de ni khyad du mi gsad cing / /de la legs
327a5 par bag kyang bya/ /'bar ba mang ba za byed pa/ /byin za lam sngon ldan pa de/ /chung yang khyad du mi gsad cing / /mkhas pas zil gyis mnan mi bya/ /nye bar len pas byin za ni/ /chung ngur gyur las chen por 'gyur/ /
327a6 me lce 'bar bas myur bar ni/ /grong dang grong khyer sreg par byed/ /de phyir bdag srog srung byed pas/ /de ni khyad du mi gsad cing / /bdag nyid don la legs lta bas/ /de la legs par bag kyang bya/ /byin za lam sngon
327a7 ldan gyur pa'i/ /me yis tshang tshing gang bsregs pa/ /de la nyin mtshan 'das gyur pas/ /la lar lo ma skye bar 'gyur/ /gang gis tshul khrims ldan pa yi/ /dge slong rnyed nas sreg byed pa/ /de la bu dang tsha bo dang / /bgo
327a8 skal yod par mi 'gyur te/ /ta la'i mgo bzhin mi ring bar/ /rigs rgyud dang yang bral bar 'gyur/ /de phyir bdag srog srung byed pas/ /de ni khyad du gsad mi bya/ /bdag nyid don la legs lta bas/ /de la legs
327b1 par bag kyang bya/ /rgyal rigs dpe byad ldan pa dang / /brang 'gro me dang de bzhin du/ /dge slong tshul khrims ldan pa da/ /mkhas pas zil gyis mnan mi bya/ /de phyir bdag srog srung byed pas/ /de ni khyad du gsad mi bya/ /
327b2 bdag nyid don la legs lta bas/ /de ni legs par spang bar bya/ /de nas ko sa la'i rgyal po gsal rgyal gyis bcom ldan 'das kyis bka' stsal pa la mngon par bstod cing rjes su yi rang pa byas nas/ bcom ldan
'das kyi zhabs la mgo bos phyag 'tshol te/
CLOSE WINDOW