བོད་ཡིག |
303b1 rgya gar gyi mkhan po 'dzi na mi tra dang / pra dz+nyA warma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/ @##/ /rgya gar skad du/ Ar+ya shi la k+Shi ba ta sU tram/
303b2 bod skad du/ 'phags pa rdo 'phangs pa'i mdo/ bam po dang po/ 'phags pa 'jam dpal gzhon nur gyur pa la phyag 'tshal lo/ /'di skad bdag gis thos pa dus gcig na/ bcom ldan 'das gyad rnams kyi ljongs rgyu ba
303b3 spyad nas sdig par gshegs te/ sdig pa'i srin bu pad ma'i nags khrod du bzhugs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ku sha'i grong khyer ga la bar tshur shog /
303b4 btsun pa de bzhin no zhes gsol nas tshe dang ldan pa kun dga' bo bcom ldan 'das kyi ltar nyan to/ /yang de'i tshe ku sha'i grong khyer gyi gyad rnams ni gyad lnga brgya tsam ste/ de la gyad re re yang gyad kyi 'khor brgya brgya dang ldan
303b5 no/ /'dun sa gcig shos su 'dus te 'khod pa de dag bar gyi gtam yang dag par brjod pa 'di lta bu byung ste/ shes ldan dag bcom ldan 'das gyad rnams kyi ljongs su rgyu ba spyad nas sdig par gshegs te/ sdig pa'i
303b6 srin bu pad pa'i nags khrod na bzhugs so/ /de la sdig par skyes pa'i gyad rnams kyis ri mor bya ba mchog gis ri mor byas/ mchod par bya ba mchog gis mchod/ bla ma la gus pa mchog gis kyang bsnyen bkur
303b7 byas so/ /bcom ldan 'das kyis kyang de dag la chos kyi sbyin pa dam pa gya nom pa bla na med pas phan gdags par mdzad do/ /de la da bcom ldan 'das gnas pa ji lta bur gnas pas ring po mi thogs par dge slong gi tshogs kyis yongs su
303b8 bskor cing dge slong gi dge 'dun gyis mdun du bdar te/ bdag cag gi grong gi zhing du ku sha'i grong khyer du gshegs so snyam mo/ /de la gang 'o na bdag cag gis kyang bcom ldan 'das de la ri mor bya ba dang / mchod par
304a1 bya bas bdag la phan par bya ba'i phyir ku sha'i grong khyer kun cho ga bzhin du phyag dar dag bya/ chag chag legs par btab pa dang / byi dor legs par bya ba dag byas nas rgyan dang lhab lhub thams cad dang / bdug
304a2 pa dang / phreng ba dang / me tog dang / spos dang / rol mo'i sgra gya nom pa dag gis brgyan par bya/ gdugs dang / rgyal mtshan dang / ba dan dag gzugs par bya/ dus ston dag tu gnas par bya/ bcom ldan 'das lam
304a3 gang nas gshegs par brtson pa'i gshegs shul de yang cho ga bzhin du phyag dar dag bya'o/ /de phyin chad bdag cag thams cad kyis bsu ba bya ba 'ba' shig na legs so snyam nas/ de nas de dag thams cad tshogs
304a4 shing yang dag par dga' ba ste/ rtsod pa med cing rtse gcig la blo gcig pa dag tu byas nas ku sha'i grong khyer thams cad cho ga bzhin du phyag dar dag byed do/ /chag chag legs par btab pa dang / byi dor legs par
304a5 byas pa dag byas nas/ rgyan dang lhab lhub thams cad dang / bdug pa dang / phreng ba dang / me tog dang / spos dang / rol mo'i sgra gya nom pa dag gis brgyan par byed/ gdugs dang / rgyal mtshan dang / ba dan dag 'dzugs par
304a6 byed/ dus ston yang rab tu gnas par byed de/ gshegs shul gang nas bcom ldan 'das gshegs pa'i gshegs lam de yang cho ga bzhin du phyag dar dag byed do/ /yang de'i tshe ku sha'i grong khyer gyi bar dang / chu klung
304a7 dbyig ldan gyi bar de gnyis kyi bar na rdo chen po yangs pa zhig gnas ma yin pa na 'dug ste/ lam po che na gnas pa na 'di lta ste/ gyen du ni 'dom bcwa lnga srid mngon du 'phags so/ /rgyar ni 'dom phyed dang brgyad do/ /de nas
304a8 de dag 'di snyam du sems te/ gang 'o na bdag cag gis rdo chen po yangs pa 'di phyogs 'di nas bteg ste/ phyogs gcig tu gzhag par bya'o/ /de'i phyir bdag cag gis lam yang shin du phyag dar byas pas 'gyur la
304b1 de bzhin gshegs pa dgra bcom pa yang dag par rdzogs pa'i sangs rgyas kyang mchod par 'gyur zhing / phyogs dang phyogs mtshams dag tu yang bdag cag gi dge ba rgya chen po grags pa dang / sgra dang / tshigs su bcad
304b2 pas mngon par 'phags par 'gyur te/ gang dag gis rdo chen po yangs pa 'di phyogs 'di nas bteg nas phyogs gang yang rung ba zhig tu bzhag pas/ kye ma ku sha'i grong khyer gyi gyad dag ni dpa' ba dag byung ngo / /
304b3 kye ma ku sha'i grong khyer gyi gyad dag ni rtul phod pa/ yan lag mchog gi gzugs dang ldan pa/ ches stobs dang ldan pa dag byung bar gyur to zhes zer ro snyam nas/ de ltar rjes su rnam par bsams te dam bca' ba dag
304b4 byas so/ /shes ldan dag ku sha'i grong khyer gyi gyad dag gam/ gyad kyi bu gzhon nu dag nyon cig /bdag gis lam 'di btsal bar brtson no/ /rdo chen po yangs pa 'di gnas ma yin pa na 'dug ste/ rgyal po'i lam
304b5 na gnas pas gang 'o na bdag gis rdo chen po yangs pa 'di phyogs 'di nas bteg nas phyogs gcig shos su gzhag par bya'o/ /de'i phyir bdag cag gis lam shin du sbyangs par 'gyur zhing de bzhin
304b6 gshegs pa dgra bcom pa yang dag par rdzogs pa'i sangs rgyas kyang mchod par 'gyur la/ phyogs dang phyogs mtshams su yang bdag cag gi dge ba rgya chen po grags pa dang / sgra dang / tshigs su bcad pas
304b7 mngon par 'phags par 'gyur te/ gang dag gis rdo chen po yangs pa 'di phyogs 'di nas bteg nas phyogs gcig shos su bzhag pas/ kye ma ku sha'i grong khyer gyi gyad dag ni dpa' ba dag byung ngo / /kye ma ku
304b8 sha'i grong khyer gyi gyad dag ni rtul phod pa/ yan lag mchog gi gzugs dang ldan pa/ ches stobs dang ldan pa dag byung ngo zhes zer gyis/ de'i phyir shes ldan dag rdo chen po yangs pa 'di ga la bar kun
305a1 kyang deng shig de bzhin no zhes smras nas ku sha'i grong khyer gyi gyad dag phan tshun gyi ltar nyan te/ de dag so so nas bzhon pa bzang po dag la zhon nas bdag cag ni sa steng 'di na/ ches stobs dang ldan
305a2 pa'o snyam du rlom sems su byed cing 'ongs pa dang / rigs dang / stobs dang / lus byad dang / dbang phyug gi rgyags pas dregs te/ sgra mthon po dang / sgra chen pos ga zha byed cing ca co byed la/ dga' mgu rangs shing dga'
305a3 ba dang / bde ba dang / yid bde ba skyes te/ 'byor ba chen po mchog gis ku sha'i grong khyer nas byung nas rta dang / rnga mo dang / ba lang sngon po'i gtso bo dang / khyu mchog dang / glang po che dang / spos kyi glang po che brgya phrag du ma khrid
305a4 nas rdo chen po yangs pa 'di ga la ba der song ste phyin nas rdo chen po yangs pa de rtsid pa'i thag pa sra bas lan mang du dkris nas/ kha cig gis ni skas bcas te/ rtswa mun dza dang / bal ba dza'i thag pa dang / rtas 'dren pa'i
305a5 thag pa dag gis tshur 'dren par byed phar 'dren par byed do/ /kha cig ni thong lcags brgyas gzhi nas 'byin par 'dod do/ /kha cig ni dgra sta dag gis gcod par 'dod do/ /kha cig ni rdo rjes gdab pa dag gis phyi
305a6 mar bya bar 'dod do/ /kha cig ni lus kyi stobs kyis mchu dag bsdams te yongs su bskyod par 'dod do/ /kha cig ni khyu mchog dag dang / ba lang gi gtso bo dag gis bsgyal bar 'dod do/ /kha cig ni ba lang khyu'i stobs
305a7 kyis rab tu gzhom par 'dod do/ /kha cig ni sman gyi mthus gzhig par 'dod do/ /kha cig ni sngags kyi mthus mi snang bar bya bar 'dod de/ de'i phyir brtson pa dang / drang ba dang / 'bad pa de lta bus de dag gis ci phyogs 'di nas
305a8 bteg ste/ phyogs gcig cig tu gzhag go snyam pa dang / de dag lus ngal zhing lus dub la lus rgu bas rab tu 'bad pas sgyid lug ste rdo chen po yangs pa de bsgul bar yang ma nus na/ bsgreng pa 'am 'phang bar lta ga la nus/
305b1 de nas bcom ldan 'das dge slong gi tshogs kyis yongs su bskor cing dge slong gi dge 'dun gyis mdun du bdar te/ gang na rdo chen po yangs pa de gnas pa'i phyogs der gshegs so/ /ku sha'i grong khyer du skyes pa'i gyad
305b2 rnams kyis bcom ldan 'das rgyang ring po kho na nas tshur gshegs pa mthong ste/ mthong nas kyang dga' mgu zhing rangs te dga' ba dang / bde ba dang / yid bde ba skyes shing / bla ma la gus pa chen po skyes nas thams cad kyis
305b3 kyang bcom ldan 'das la bsu ba byed do/ /bcom ldan 'das kyi zhabs gnyis la mgo bos phyag 'tshal bar byed do/ /bcom ldan 'das la lan gsum bskor bar byed de/ bcom ldan 'das la lan gsum bskor
305b4 ba byas nas cang mi smra bar phyogs gcig tu 'khod do/ /bcom ldan 'das kyis ku sha'i grong khyer gyi gyad phyogs gcig tu 'khod pa dag la 'di skad ces bka' stsal to/ /gzhon nu dag ci 'di ngal ba chen po mchog
305b5 gis kyang brtsams sam/ ngal bar byed dam/ de skad ces bka' stsal pa dang / bcom ldan 'das la ku sha'i grong khyer gyi gyad rnams kyis 'di skad ces gsol to/ /btsun pa 'di la ku sha'i grong khyer gyi gyad bdag
305b6 cag gis ni/ bcom ldan 'das gyad rnams kyi ljongs rgyu ba spyad nas sdig par gshegs te/ sdig pa'i srin bu pad pa'i nags khrod na zhugs so/ /de la sdig par skyes pa'i gyad rnams kyis ri mor bgyi ba mchog gis ri
305b7 mor bgyis/ mchod pa'i mchog gis mchod/ bla ma la gus pa'i mchog gis kyang rim gror bgyis so/ /bcom ldan 'das kyis kyang de dag la chos kyi sbyin pa dam pa gya nom pa bla na med pas phan gdags par mdzad do/
305b8 de la da bcom ldan 'das dge slong gi tshogs kyis yongs su bskor cing / dge slong gi dge 'dun gyis mdun du bdar te/ bdag gi grong gi zhing du ku sha'i grong khyer du gshegs so zhes thos lags te/ de skad thos nas kyang
306a1 bdag cag 'di snyam du sems so/ /gang 'o na bdag cag gis kyang bcom ldan 'das de la ri mor bgyi ba dang / mchod par bgyi bas bdag la phan par bgyi ba'i slad du ku sha'i grong khyer thams cad cho ga bzhin du phyag
306a2 dar dag bgyi/ chag chag legs par btab pa dang / byi dor legs par bgyi ba dag bgyis nas rgyan dang lhab lhub thams cad kyis brgyan par bgyi/ de nas dri dang / phreng ba dang / me tog dang / bdug pa dang / rol mo'i sgra gya
306a3 nom pa dag gis brgyan par bgyi/ gdugs dang / rgyal mtshan dang / ba dan dag kyang gzugs par bgyi/ dus ston yang rab tu gzhag par bgyi/ shul gang nas bcom ldan 'das gshegs par brtson par mdzad pa'i
306a4 gshegs shul de yang cho ga bzhin du phyag dar dag bgyi/ de slan chad bdag cag thams cad kyis bsu ba bgyis 'ba' shig na legs so snyam nas de nas bdag cag thams cad tshogs shing yang dag par dga' bar bgyid
306a5 la/ rtsod pa ma mchis shing rtse gcig ste blo gcig par gyur nas ku sha'i grong khyer thams cad ni cho ga bzhin du phyag dar dag bgyid/ chag chag legs par btab pa dang / byi dor legs par bgyi ba dag bgyis nas rgyan dang
306a6 lhab lhub thams cad dang / bdug pa dang / phreng ba dang / me tog dang / spos dang / rol mo'i sgra gya nom pa dag gis brgyan par bgyid/ gdugs dang / rgyal mtshan dang / ba dan dag kyang 'dzugs par bgyid/ dus ston yang rab
306a7 tu 'jog par bgyid/ bcom ldan 'das shul gang nas gshegs pa'i shul de yang cho ga bzhin du phyag dar dag bgyis pas gor ma chen po yangs pa de gnas ma lags pa na mchis shing / shul po che na gnas pa mthong
306a8 lags so/ /de nas bdag cag 'di snyam du sems so/ /gang 'o na bdag cag gis rdo chen po yangs pa 'di phyogs 'di nas bteg ste phyogs gang yang rung bar gzhag go/ /de'i phyir bdag cag gis lam yang
306b1 shin tu phyag dar bgyis par 'gyur la/ de bzhin gshegs pa dgra bcom pa yang dag par rdzogs pa'i sangs rgyas kyang mchod par 'gyur zhing / phyogs dang phyogs mtshams dag tu yang bdag cag gi dge ba rgya
306b2 chen por grags pa dang / sgra dang / tshigs su bcad pa mngon du 'phags par 'gyur te/ gang dag gis rdo chen po yangs pa de phyogs 'di nas bteg ste/ phyogs gcig shos su 'phangs pas kye ma ku sha'i grong
306b3 khyer gyi gyad dpa' bo dag byung ngo / /kye ma ku sha'i grong khyer gyi gyad rtul phod pa yan lag mchog gi gzugs dang ldan pa/ ches stobs dang ldan pa dag byung bar gyur to zhes zer ro snyam nas de ltar rjes su rnam par
306b4 bsams te/ dam bca' ba khas blang ba dag ni shes ldan dag ku sha'i grong khyer gyi gyad dag dang / gyad kyi bu gzhon nu dag nyon cig /bdag cag gis lam 'di phyag dar bya bar brtson no/ /rdo chen po yangs pa 'di ni
306b5 gnas ma yin pa na 'dug cing rgyal po'i lam na gnas te/ gang 'o na bdag cag gis rdo chen po yangs pa 'di phyogs 'di nas bteg ste phyogs gcig shos su bzhag par bya'o/ /de'i phyir bdag cag gis lam
306b6 yang shin du phyag dar byas par 'gyur la/ de bzhin gshegs pa dgra bcom pa yang dag par rdzogs pa'i sangs rgyas kyang mchod par 'gyur te/ phyogs dang phyogs mtshams dag tu yang bdag cag gis
306b7 dge ba rgya chen po grags pa dang / sgra dang / tshigs su bcad pas mngon par 'phags par 'gyur ba ni gang dag gis rdo chen po yangs pa 'di phyogs 'di nas bteg ste phyogs gcig shos su 'phangs pas/
306b8 kye ma ku sha'i grong khyer gyi gyad dpa' bo dag cig byung ngo / /kye ma ku sha'i grong khyer gyi gyad rtul phod pa/ yan lag mchog gi gzugs dang ldan pa/ ches stobs dang ldan pa dag gcig byung ngo zhes zer gyis/
307a1 shes ldan dag de'i phyir rdo chen po yangs pa 'di ga la bar kun kyang phyir byung ste deng shig /de bzhin no zhes smras nas de dag dang de nyid gcig la gcig gi ltar nyan te/ so so nas bzhon pa bzang po
307a2 dag la zhon te/ bdag cag ni sa steng 'di na ches stobs dang ldan pa'o snyam du rlom sems byed cing 'ongs pa dang / rigs dang / stobs dang / lus byad dang / dbang phyug gi rgyags pas dregs te/ skad mthong
307a3 po dang / skad chen pos ga zha byed cing ca co byed la dga' mgu rangs shing dga' ba dang / bde ba dang / yid bde ba skyes te/ 'byor pa chen po mchog gis ku sha'i grong khyer nas phyir byung ste/ rta dang / rnga mo dang /
307a4 ba lang sngon po'i mchog tu byin pa dang / khyu mchog dang / glang po che dang / spos kyi glang po che brgya phrag du ma ded nas rdo chen po yangs pa de ga la ba der dong ste phyin nas/ rdo chen po yangs pa de rtsid pa'i thag pa sra
307a5 bas rnam pa thams cad du dkris nas de dag dang de nyid kha cig gis ni skas btsugs te/ rtswa mun dza dang / bal ba dza'i thag pa dang / rtas 'dren pa'i thag pa dag gis tshur drang bar bya phar drang bar bya'o/ /kha cig
307a6 ni rmo lcags brgyas rtsa nas 'byin par 'dod do/ /kha cig ni dgra sta dag gis gcod par 'dod/ kha cig ni rdo rjes gdab pa dag gis phye mar bya bar 'dod/ kha cig ni lus kyi stobs kyis mchu dag bsdams te
307a7 yongs su bsgul bar 'dod/ kha cig ni khyu mchog dag dang / ba lang mchog tu phyin pa dag gis bsgyel bar 'dod/ kha cig ni glang po che'i tshogs kyis rab tu 'joms par 'dod/ kha cig ni sman gyi stobs
307a8 kyis gzhig par 'dod/ kha cig ni gsang sngags kyi stobs kyis mi snang bar byed par 'dod par bya'o/ /de'i phyir bdag cag gis brtson pa dang / drang ba dang / 'bad pa de lta bu dag gis ci phyogs 'di nas bteg ste/
307b1 phyogs gcig shos su gzhag go snyam pa dang / de dag dang de nyid lus ngal zhing / lus dub la/ lus dbyibs rgu bas yid sgyid lug ste/ gang 'di zhag nyi shu rtsa dgur rtsom pa byas pa des kyang rdo chen po yangs
307b2 pa de phyogs de nas yongs su bsgul bar yang ma nus na bsgreng ba 'am/ 'phang bar lta ga la nus/ gzhon nu dag gang de bzhin gshegs pas rdo chen po yangs pa de phyogs de nas bteg nas phyogs gcig shos
307b3 su 'phang bar byed 'dod dam/ btsun pa bcom ldan 'das mchog tu 'tshal lags so/ /bde bar gshegs pa mchog tu 'tshal lags so/ /de nas bcom ldan 'das bla gos phrag pa gcig tu gzar te/ rdo chen
307b4 po yangs pa de ga la ba der gshegs te phyin nas rdo chen po yangs pa de zhabs kyi mthe 'ong g.yas pas yang dag par rab tu bsgul te/ yang dag par rab tu bsgul nas kyang gzhi nas ma lus par phyung ste/
307b5 phyag g.yon pas blangs nas phyag g.yas kyi mthil du bzhag ste yud tsam zhig dgongs nas gyen du tshangs pa'i 'jig rten gyi bar du 'phangs te mig lam du mi snang bar gnas par gyur pa dang / de'i sgras
307b6 gyad dag dngangs par gyur to/ /bcom ldan 'das kyis bka' stsal pa/ gnas 'jog gi rgyud dag ma 'jigs shig /gyen du 'phangs pa tsam gyis kyang 'du byed thams cad ni mi rtag pa'o/ /chos thams cad ni
307b7 bdag med pa'o/ /mya ngan las 'das pa ni zhi ba'o zhes sgra de lta bu mdzad do/ /slar 'khor nas kyang de bzhin gshegs pa'i phyag mthil de nyid du gnas par gyur to/ /bcom ldan 'das kyis de zhal gyi dbugs
307b8 gyis rdul phra rab tsam du mdzad do/ /phye mar mdzad nas kyang phyogs dang phyogs mtshams dag tu rdul phra rab tu phye ma'i char mngon du 'bab par rtsom par mdzad do/ /de nas gyad kyi tshogs de ni rdo chen po yangs pa
308a1 de med par gyur pas/ mchog tu yid mi bde bar gyur to/ /de nas bcom ldan 'das kyi thugs kyis gyad kyi tshogs de'i sems kun mkhyen te/ rdo chen po yangs pa med pas mchog tu yid mi bde
308a2 bar thugs su chud nas/ phyi nas kyang rdo'i phye ma rdul phra rab tsam de ma tshang ba med cing tshang bar gcig tu bsdus te bsdoms nas rdo chen po yangs pa de 'dra ba kho nar mdzad de/ rnam par dben par phyogs gcig shos su
308a3 gnas par mdzad do/ /de nas gyad lnga brgya tsam po de dag bcom ldan 'das des ngo mtshar rmad du 'byung ba'i chos chen pos 'dun par mdzad de dga' mgu rangs shing dga' ba dang / yid bde ba skyes nas/ bcom ldan
308a4 'das la 'di skad ces gsol to/ /bcom ldan 'das 'di ci lags/ de de bzhin gshegs pa'i yab dang yum las byung ba'i stobs lags sam/ 'on te rdzu 'phrul gyi stobs lags sam/ 'on te bsgom
308a5 pa'i stobs lags/ gnas 'jog gi rgyud dag gang de bzhin gshegs pas rdo chen po yangs pa zhabs kyi mthe 'ong g.yas pas yang dag par rab tu bsgul te/ gzhi nas ma lus par phyung nas phyag g.yon
308a6 pas bzung ste phyag mthil g.yas par bzhag nas yud tsam dgongs te/ gyen du tshangs pa'i 'jig rten gyi bar du 'phangs pa 'di ni de bzhin gshegs pa'i yab yum las byung ba'i stobs so/ /gnas
308a7 'jog gi rgyud dag gang 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes rdo chen po yangs pa'i sgra mdzad pa 'di ni de bzhin gshegs pa'i rdzu 'phrul
308a8 gyi stobs so/ /gnas 'jog gi rgyud dag gang de bzhin gshegs pas rdo chen po yangs pa de zhal gyi dbugs kyis phye mar mdzad nas phye ma rdul phra rab tsam de god pa med cing ma tshang ba med par gcig tu bsdus te
308b1 bsdoms nas rdo chen po yangs pa de 'dra ba kho nar mdzad de/ dben par phyogs gcig tu gnas par mdzad pa 'di ni de bzhin gshegs pa'i sgom pa'i stobs so/ /btsun pa de bzhin gshegs pa dgra
308b2 bcom pa yang dag par rdzogs pa'i sangs rgyas dag yab yum las byung ba'i stobs ji lta bu dang ldan pa lags/ gnas 'jog gi rgyud dag khyed de bzhin gshegs pa las de bzhin gshegs pa dgra bcom
308b3 pa yang dag par rdzogs pa'i sangs rgyas rnams kyi yab yum las byung ba'i stobs nyan par 'dod dam/ btsun pa bcom ldan 'das mchog tu 'tshal lags so/ /bde bar gshegs pa mchog tu 'tshal
308b4 lags so/ /gnas 'jog gi rgyud dag de'i phyir khyed legs par rab tu nyon la yid la zung shig dang ngas khyod la bshad do/ /gnas 'jog gi rgyud dag mi bcu'i stobs gang yin pa de ba lang phal gcig gi
308b5 stobs so/ /ba lang phal bcu'i stobs gang yin pa de ba lang sngon po gcig gi stobs so/ /ba lang sngon po bcu'i stobs gang yin pa de khyu mchog gcig gi stobs so/ /khyu mchog bcu'i stobs gang yin pa
308b6 de g.yag gcig gi stobs so/ /g.yag bcu'i stobs gang yin pa de bse gcig gi stobs so/ /bse bcu'i stobs gang yin pa de glang po che phal gcig gi stobs so/ /glang po che phal bcu'i stobs gang
308b7 yin pa de sgra gsal bar mi byed pa'i glang po che gcig gi stobs so/ /sgra gsal bar mi byed pa'i glang po che bcu'i stobs gang yin pa de sgra chen por byed pa'i glang po che gcig gi stobs so/ /sgra chen por byed pa'i
308b8 glang po che bcu'i stobs gang yin pa de mche ba gcig pa'i glang po che gcig gi stobs so/ /mche ba gcig pa'i glang po che bcu'i stobs gang yin pa de ri sngon po'i glang po che gcig gi stobs so/ /ri ser po dang /
309a1 ri dmar po dang / ri dkar po dang / dri mchog dang ldan pa dang / dri ngad 'jam pa dang ldan pa dang / dri ud pa la dang ldan pa dang / dri ku mu da dang ldan pa'i stobs kyang de bzhin no/ /ku mu da'i spos kyi glang po
309a2 che'i stobs gang yin pa de pad ma'i glang po che gcig gi stobs so/ /pad ma'i glang po che bcu'i stobs gang yin pa de pad ma chen po' glang po che gcig gi stobs so/ /pad ma chen po'i glang po che bcu'i stobs gang
309a3 yin pa de gangs khrod du skyes pa'i glang po che gcig gi stobs so/ /gangs khrod du skyes pa'i glang po che bcu'i stobs gang yin pa de tshan po che dang ldan pa bal glang spos kyi glang po che gcig gi stobs so/ /tshan po
309a4 che dang ldan pa bal glang spos kyi glang po che bcu'i stobs gang yin pa de tshan po che dang ldan pa phyed po gcig gi stobs so/ /tshan po che dang ldan pa phyed po gnyis kyi stobs gang yin pa de tshan po che dang ldan
309a5 pa gcig gi stobs so/ /tshan po che dang ldan pa bcu'i stobs gang yin pa de rab gnon phyed po gcig gi stobs so/ /rab gnon phyed po gnyis kyi stobs gang yin pa de rab gnon gcig gi stobs so/ /rab
309a6 gnon bcu'i stobs gang yin pa de stobs mchog gi stobs gcig go/ /stobs mchog gi stobs bcu gang yin pa de yan lag mchog gi stobs gcig go/ /yan lag mchog gi stobs bcu gang yin pa de
309a7 sred med kyi bu phyed kyi stobs gcig go/ /sred med kyi bu phyed po gnyis kyi stobs gang yin pa de sred med kyi bu'i stobs gcig go/ /sred med kyi bu'i stobs sum brgya nyi shu gang yin pa de de bzhin gshegs
309a8 pa dgra bcom pa yang dag par rdzogs pa'i sangs rgyas gcig gi yab dang yum las byung ba'i stobs so/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni
309b1 sku'i gnad kyi gnas re re la yang sred med kyi bu'i stobs 'chang bar mdzad pa'i phyir ro/ /gang dag 'das pa dang gang dag ma byon pa dang / gang dag da ltar byung ba'i dus na de bzhin gshegs pa dgra bcom pa yang
309b2 dag par rdzogs pa'i sangs rgyas pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/
309b3 rgyu gsum po rigs dang / sku tshe dang / sku lus kyis mnyam pa dag ni ma yin no/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni yab yum dag las
309b4 byung ba'i stobs de lta bu dang ldan pa dag yin zhing / gang dag 'das pa dag dang / gang dag ma byon pa dag dang / gang yang da ltar byung ba'i dus na de bzhin gshegs pa dgra bcom pa yang dag par rdzogs pa'i sangs
309b5 rgyas thams cad mnyam pa dang mnyam pa ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus
309b6 mnyam pa dag ni ma yin no/ /btsun pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyi yab yum las byung ba'i stobs ni bdag cag gis thos lags na
309b7 btsun pa de bzhin gshegs pa dgra bcom pa yang dag par rdzogs pa'i sangs rgyas dag bsod nams kyi stobs ji lta bu dang ldan pa dag lags/ gnas 'jog gi rgyud dag khyed de bzhin gshegs pa las de
309b8 bzhin gshegs pa dgra bcom pa yang dag par rdzogs pa'i sangs rgyas rnams kyi bsod nams kyi stobs nyan par 'dod dam/ gtsun pa bcom ldan 'das mchog tu 'tshal lags so/ /bde bar gshegs
310a1 pa mchog tu 'tshal lags so/ /gnas 'jog gi rgyud dag de'i phyir khyed legs par rab tu nyon la yid la zung shig dang ngas bshad do/ /gnas 'jog gi rgyud dag 'dzam bu gling pa'i sems
310a2 can rnams kyi bsod nams gang yin pa de gling gcig gi bdag po 'khor los sgyur ba'i bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya
310a3 stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag gling gnyis kyi sems can rnams kyi bsod nams gang yin pa de gling gnyis kyi
310a4 bdag po 'khor los sgyur ba'i bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang
310a5 nye bar mi 'gro'o/ /gnas 'jog gi rgyud dag gling gsum gyi sems can rnams kyi bsod nams gang yin pa de gling gsum gyi bdag po 'khor los sgyur ba'i bsod nams dag tu nges par brtag par byas kyang brgya'i char
310a6 yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag gling bzhi'i sems can rnams kyi bsod nams gang yin
310a7 pa de gling bzhi'i bdag po 'khor los sgyur ba'i bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur
310a8 yang nye bar mi 'gro'o/ /gnas 'jog gi rgyud dag yang 'khor los sgyur ba bzhi byung ste/ gling gcig pa dang / gling gnyis pa dang / gling gsum pa dang / gling bzhi pa'i 'khor los sgyur ba'o/ /de la gling gcig pa'i
310b1 'khor los sgyur ba'i 'khor lo ni lcags las byas pa khor yug du rgyang grags gcig yod pa 'byung ngo / /gling gnyis pa'i 'khor los sgyur ba'i 'khor lo ni zangs las byas pa khor yug tu rgyang grags gnyis
310b2 yod pa 'byung ngo / /gling gsum pa'i 'khor los sgyur ba'i 'khor lo ni dngul las byas pa khor yug du rgyang grags gsum yod pa 'byung ngo / /gling bzhi pa'i 'khor los sgyur ba'i 'khor lo ni gser las byas pa
310b3 rtsibs stong pa lte ba dang bcas pa/ mu khyud dang bcas pa thams cad gser las byas pa/ lha rdzas kyi 'od 'phro ba/ 'od rab tu gsal ba/ khor yug du rgyang grags bzhi yod pa 'byung ngo / /gnas 'jog gi rgyud
310b4 dag gling bzhi pa'i 'khor los sgyur ba dag /bye ba phrag 'bum gyi bsod nams gang yin pa de rgyal chen bzhi'i ris kyi lha rnams kyi bsod nams dag tu nges par brtag par byas kyang brgya'i char yang nye bar mi
310b5 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /rgyal chen bzhi'i ris kyi lha dag bye ba phrag 'bum gyi bsod nams gang yin pa de rgyal po chen po
310b6 bzhi'i bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang cha dang bgrang ba dang dpe dang rgyur yang nye bar mi 'gro'o/ /rgyal po chen
310b7 po bzhi bye ba phrag 'bum gyi bsod nams gang yin pa de sum bcu rtsa gsum pa'i lha rnams kyi bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya
310b8 stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /sum bcu rtsa gsum pa'i lha dag bye ba phrag 'bum gyi bsod nams gang yin pa de lha'i dbang po brgya byin gyi bsod nams dag tu
311a1 nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /lha'i dbang po brgya byin dag
311a2 bye ba phrag 'bum gyi bsod nams gang yin pa de 'thab bral gyi lha rnams kyi bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang /
311a3 cha dang / bgrang ba dang / dpe dang / rgyur yang nye bar mi 'gro'o/ /'thab bral gyi lha dag bye ba phrag 'bum gyi bsod nams gang yin pa de lha'i bu rab 'thab bral gyi bsod nams dag tu nges par brtag par byas kyang
311a4 brgya'i char yang nye bar mi 'gro'o/ /stong gi cha dang / brgya stong gi cha dang / grangs dang cha dang / bgrang ba dang / dpe dang / rgyur yang nye bar mi 'gro'o/ /lha'i bu rab 'thab bral dag bye ba phrag 'bum gyi bsod nams gang yin
311a5 pa de dga' ldan gyi lha rnams kyi bsod nams dag tu nges par brtag par byas kyang / brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang
311a6 nye bar mi 'gro'o/ /dga' ldan gyi lha dag bye ba phrag 'bum gyi bsod nams gang yin pa de lha'i bu yongs su dga' ldan gcig gi bsod nams dag tu nges par brtag par byas kyang brgya'i char yang nye bar mi
311a7 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /lha'i bu yongs su dga' ldan bye ba phrag 'bum gyi bsod nams gang yin pa de 'phrul dga'i
311a8 lha rnams kyi bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /
311b1 'phrul dga'i lha dag bye ba phrag 'bum gyi bsod nams gang yin pa de lha'i bu rab 'phrul dga' gcig gi bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang /
311b2 brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /lha'i bu rab 'phrul dga' bye ba phrag 'bum gyi bsod nams gang yin pa de gzhan 'phrul dbang byed kyi lha rnams kyi bsod
311b3 nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gzhan 'phrul dbang
311b4 byed kyi lha dag bye ba phrag 'bum gyi bsod nams gang yin pa de lha'i bu dbang sgyur gyi bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs
311b5 dang / cha dang / bgrang ba dang / dpe dang / rgyur yang nye bar mi 'gro'o/ /lha'i bu dbang sgyur dag bye ba phrag 'bum gyi bsod nams gang yin pa de tshangs ris kyi lha rnams kyi bsod nams dag tu nges par brtag par byas
311b6 kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /tshangs ris kyi lha dag bye ba phrag 'bum gyi bsod nams gang yin
311b7 pa de 'khor gyi bdag po tshangs pa'i bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang
311b8 nye bar mi 'gro'o/ /tshangs ris dag ji lta bar tshangs pa'i mdun na 'don dag dang / tshangs pa chen po dag dang / 'od chung dag dang / tshad med 'od dag dang / 'od gsal dag dang / dge chung dag dang / tshad med dge dag dang /
312a1 dge rgyas dag dang / sprin med dag dang / bsod nams skyes dag dang / 'bras bu che dag dang / mi che dag dang / mi gdung dag dang / gya nom snang dag dang / shin du mthong dag dang / 'og min dag kyang de bzhin no/ /
312a2 'og min gyi lha dag bye ba phrag 'bum gyi bsod nams gang yin pa de rang sangs rgyas bse ru lta bu gcig gi bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang /
312a3 brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /rang sangs rgyas bse ru lta bu dag bye ba phrag 'bum gyi bsod nams gang yin pa de byang chub sems dpa' byams pa
312a4 gcig gi bsod nams dag tu nges par brtag par byas kyang / brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /byang
312a5 chub sems dpa' byams pa dag bye ba phrag 'bum gyi bsod nams gang yin pa de byang chub sems dpa' srid pa tha ma pa gcig gi bsod nams dag tu nges par brtag par byas kyang brgya'i char yang nye bar mi
312a6 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /byang chub sems dpa' srid pa tha ma pa dag gang gA'i klung gi bye ma dang mnyam pa snyed kyi bsod
312a7 nams gang yin pa de de bzhin gshegs pa dgra bcom pa yang dag par rdzogs pa'i sangs rgyas gcig gi bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang /
312a8 brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni bsod
312b1 nams kyi stobs de lta bu dang ldan pa dag yin zhing / gang dag 'das pa dang / gang dag ma byon pa dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs par sangs
312b2 rgyas pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin te/ rgyu gsum po rigs dang /
312b3 sku tshe dang / sku lus kyis mnyam pa dag ni ma yin no/ /btsun pa bdag cag gis de bzhin gshegs pa dgra bcom pa yang dag par rdzogs pa'i sangs rgyas rnams kyi yab yum las byung ba'i stobs kyang
312b4 thos lags/ bsod nams kyi stobs kyang thos lags na btsun pa de bzhin gshegs pa dgra bcom pa yang dag par rdzogs pa'i sangs rgyas dag shes rab kyi stobs ji lta bu dang ldan pa dag lags/
312b5 gnas 'jog gi rgyud dag khyed de bzhin gshegs pa las de bzhin gshegs pa dgra bcom pa yang dag par rdzogs pa'i sangs rgyas rnams kyi shes rab kyi stobs nyan par 'dod dam/ btsun pa bcom ldan 'das mchog tu 'tshal
312b6 lags so/ /bde bar gshegs pa mchog tu 'tshal lags so/ /gnas 'jog gi rgyud dag de'i phyir khyed legs par rab tu nyon la yid la zung shig dang ngas bshad do/ /gnas 'jog gi rgyud dag rgya mtsho
312b7 chen po ni zabs su dpag tshad brgyad khri yod pa/ rgyar dpag tu med pa de snag tsha'i snying khus yongs su gang bar gyur cing / ri'i rgyal po ri rab dpag tshad brgyad khri chu'i nang nas mngon du 'phags te/ rin po
312b8 che sna bzhi las byas shing / ngos bzhi yod pa/ de'i ngos gcig ni gser las byas pa yin/ ngos gnyis pa ni dngul las byas pa'o/ /gsum pa ni bai dUr+ya las byas pa'o/ /bzhi pa ni shel las byas pa ste/
313a1 de la gser gyi ngos su ni byang gi sgra mi snyan gyi gling snang ngo / /dngul las byas pa'i ngos su ni shar gyi lus 'phags kyi gling snang ngo / /bai dUr+ya las byas pa'i ngos na ni 'dzam bu'i gling snang ngo / /shel
313a2 las byas pa'i ngos na ni ba lang spyod kyi gling snang ngo / /ri'i rgyal po ri rab dpag tshad brgyad khri 'og tu chu'i nang du nub ste/ gser las byas pa'i sa steng gi bar na gnas pa de gro ga'i shog shog tsam du gyur la/
313a3 gling bzhi na sems can gyi khams gang su dag yod pa yi ge pa rnams ni de tsam du gyur te/ sa chen po'i steng na rtswa dang / shing dang / shing gi yal ga dang / shing gi dum bu gang ci yang rung smyug gu dag ni de tsam du
313a4 gyur nas/ gnas 'jog gi rgyud dag snag tsha'i snying khu rgya mtsho chen po tsam dang / gro ga'i shog shog ri rab tsam dang / yi ge pa dag gling bzhi pa'i sems can gyi khams tsam dang / smyug gu dag sa chen
313a5 po'i steng na rtswa dang / shing dang / yal ga dang / shing gi dum bu tsam ni ches myur du yongs su zad pa dang / yongs su gtugs par 'gyur gyi/ dge slong shA ri'i bu'i shes rab zad par 'gyur bar ni nga
313a6 mi smra'o/ /gnas 'jog gi rgyud dag dge slong shA ri'i bu ni shes rab kyi stobs de lta bu dang ldan no/ /gnas 'jog gi rgyud dag 'di lta ste/ rnam par snang byed kyi nyi ma dag ni kun du 'gro ba dang / phyogs
313a7 snang bar byed do/ /de srid du stong gi 'jig rten na zla ba stong dang nyi ma stong dang / ri'i rgyal po ri rab stong dang / shar gyi lus 'phags stong dang / ba lang spyod stong dang / byang gi sgra mi snyan stong dang /
313a8 'dzam bu gling stong dang / rgyal chen bzhi'i ris kyi lha stong dang / sum bcu rtsa gsum pa dag dang / 'thab bral dag dang / dga' ldan dag dang / 'phrul dga' dag dang / gzhan 'phrul dbang byed kyi lha stong
313b1 dang / tshangs pa'i 'jig rten stong po 'di ni stong spyi phud kyi 'jig rten gyi khams shes bya'o/ /stong chung ngu'i 'jig rten gyi khams stong gi stong gang yin pa 'di ni stong gnyis pa bar ma'i 'jig rten gyi
313b2 khams shes bya'o/ /stong gnyis pa bar ma'i 'jig rten gyi khams phrag stong gang yin pa 'di ni stong gsum gyi stong chen po'i 'jig rten gyi khams shes bya'o/ /gnas 'jog gi rgyud dag stong gsum gyi
313b3 stong chen po'i 'jig rten gyi khams de yang shes rab dge slong sha ri'i bu dang 'dra ba dag gis gang bar gyur la/ de bzhin gshegs pa'i shes rab tu nges par brtag par byas kyang / brgya'i char yang nye bar
313b4 mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag de bzhin gshegs pa dgra bcom pa yang dag par rdzogs
313b5 pa'i sangs rgyas dag ni shes rab kyi stobs de lta bu dang ldan pa dag yin zhing / gang dag 'das pa dag dang / gang dag ma byon pa dag dang / gang yang nga da ltar byung ba'i dus na de bzhin gshegs pa dgra bcom pa yang
313b6 dag par rdzogs par sangs rgyas pa'i sangs rgyas thams cad mnyam pa dang mnyam pa ste/ mtshan mnyam pa yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/
313b7 rgyu gsum po rigs dang / sku tshe dang / sku lus kyis mnyam pa dag ni ma yin no/ /btsun pa bdag cag gis de bzhin gshegs pa las de bzhin gshegs pa dgra bcom pa yang dag par rdzogs pa'i sangs rgyas
313b8 rnams kyi yab yum las byung ba'i stobs kyang thos lags/ bsod nams kyi stobs kyang thos lags/ shes rab kyi stobs kyang thos lags na btsun pa de bzhin gshegs pa dgra bcom pa yang dag
314a1 par rdzogs pa'i sangs rgyas dag rdzu 'phrul gyi stobs ji lta bu dang ldan pa lags/ gnas 'jog gi rgyud dag khyed de bzhin gshegs pa las de bzhin gshegs pa dgra bcom pa yang dag par rdzogs
314a2 pa'i sangs rgyas rnams kyi rdzu 'phrul gyi stobs nyan par 'dod dam/ btsun pa bcom ldan 'das mchog tu 'tshal lags so/ /bde bar gshegs pa mchog tu 'tshal lags so/ /gnas 'jog gi rgyud
314a3 dag de'i phyir khyed legs par rab tu nyon la yid la zung shig dang ngas bshad do/ /gnas 'jog gi rgyud dag dus 'di ni dus gcig ste/ rtswa bi ra na dang ldan par gnod sbyin 'dam bu dang 'dra bar rtsub pa'i
314a4 dong ka'i drung na bzhugs so/ /yang de'i tshe rtswa bi ra na dang ldan pa na dka' ba 'brog dgon pa slongs mo pas bsod snyoms rnyed par dka' ba'i mu ge byung ste/ dge slong dag kyang zas ngan pas yongs su dub
314a5 pa yin no/ /de nas dge slong mau dgal gyi bu nga ga la ba der song ste phyin nas nga la 'di skad ces gsol to/ /btsun pa da ltar na rtswa bi ra na dang ldan par dka' ba 'brog dgon pa slongs mo pas bsod snyoms
314a6 rnyed par dka' ba'i mu ge byung lags te/ dge slong dag kyang dbyar zas ngan pas yongs su dub lags so/ /btsun pa bcom ldan 'das las bdag gis mngon du thos shing mngon du bzung lags te/
314a7 dog sa chen po 'di la dog sa las byung ba'i ro'i khams gya nom pa gang lags pa de ni 'og na gnas lags shing / bdag kyang bdag nyid kyi yang dag par shes pa mthong ba 'jug lags so/ /dog sa
314a8 chen po 'di la dog sa las byung ba'i ro'i khams gya nom pa gang lags pa 'di ni 'og na gnas pa lags te/ btsun pa de'i slad du dog sa chen po bsgyur bar bdag 'tshal lags so/ /dog sa chen po
314b1 'di'i 'og na ro'i khams gya nom pa gang lags pa de steng na mchis par bgyi lags so/ /steng na mchis pa gang lags pa de 'og na mchis par bgyi lags so/ /de la 'di skad ces kyang ngas bka'
314b2 stsal to/ /maud gal gyi bu sa chen po bsgyur bar 'dod dam/ des 'di skad ces gsol to/ /btsun pa dog sa chen po bsgyur bar 'tshal lags so/ /de la 'di skad ces bka' stsal to/ /gnas 'dir
314b3 gnas te sa chen po bsgyur bar 'dod dam/ des 'di skad ces gsol to/ /btsun pa khor yug dang khor yug chen po dag gi gnas su gnas te dog sa chen po bsgyur bar 'tshal lags so/ /de la
314b4 yang 'di skad ces bka' stsal to/ /maud gal gyi bu sa chen po bsgyur bar 'dod na gang dag sa la rten pa'i sems can dang / srog chags de dag ji ltar byed/ des 'di skad ces gsol to/ /btsun pa dog
314b5 sa chen po bsgyur bar 'tshal lags te/ gang dag dog sa la rten pa'i sems can dang / srog chags de dag lag pa g.yon pas blangs te bzung bar bgyi lags so/ /lag pa g.yas pas ni sa chen po
314b6 bsgyur bar bgyi lags so/ /de la yang 'di skad ces bka' stsal to/ /maud gal gyi bu chen po sa chen po sgyur bar byed pa na ji lta bu'i 'du shes dang ldan par byed/ des 'di skad ces gsol to/ /btsun
314b7 pa sa chen po bsgyur bar bgyid pa na 'du shes mchog tu yang ba dang ldan par bgyid lags te/ 'di lta ste/ skyes bu stobs dang ldan pa zhig chu shing gi 'dab ma bsgyur bar bgyid pa na 'du shes mchog tu
314b8 yang ba dang ldan par bgyid lags so/ /btsun pa de bzhin du bdag sa chen po bsgyur bar bgyid pa na/ 'du shes mchog tu yang ba dang ldan par bgyid lags so/ /de la yang 'di skad ces bka' stsal to/
315a1 maud gal gyi bu legs so legs so/ /maud gal gyi khyod kyis rdzu 'phrul de dang thabs des sa chen po ni bsgyur bar ni nus par gyur na sa chen po bsgyur bar de bzhin gshegs pa khyod la gnang ba mi
315a2 mdzad do/ /maud gal gyi bu de ci'i phyir zhe na/ sems can gang phal cher kha zas kyi ro la chags shing / kha zas kyi ro la rmongs te/ kun du gti mug par 'gyur ro/ /maud gal gyi bu de ci'i phyir zhe na/ sa chen
315a3 po'i steng na sa las byung ba'i ro'i khams gya nom pa de yang yun ring du mi gnas te/ ring po mi thogs par de sa chen po'i steng na thams cad kyi thams cad du nub par 'gyur ro/ /de'i phyir sems can dang
315a4 'byung po dang / srog chags de dag kyang kha zas kyi ro la chags shing / kha zas kyi ro la rmongs te/ mchog tu myos par 'gyur ba 'am/ srog chad nas shi ba'i dus byed par 'gyur te/ maud gal gyi
315a5 bu de'i phyir sa chen po bsgyur bar de bzhin gshegs pa khyod la gnang bar mi mdzad do/ /gnas 'jog gi rgyud dag dge slong maud gal gyi bu ni rdzu 'phrul gyi stobs de lta bu dang ldan no/ /gnas 'jog
315a6 gi rgyud dag 'di lta ste/ rnam par snang byed kyi nyi ma dag ni gun du 'gro ba na phyogs snang bar byed do/ /de srid du stong gi 'jig rten na zla ba stong dang / nyi ma stong dang / ri'i rgyal po ri rab stong dang / shar gyi
315a7 lus 'phags stong dang / ba lang spyod stong dang / byang gi sgra mi snyan stong dang / 'dzam bu'i gling stong dang / rgyal chen bzhi'i ris kyi lha stong dang / sum bcu rtsa gsum pa dag dang / 'thab bral dag dang /
315a8 dga' ldan dag dang / 'phrul dga' dag dang / gzhan 'phrul dbang byed kyi lha stong dang / tshangs pa'i 'jig rten stong po 'di ni stong spyi phud kyi 'jig rten gyi khams shes bya'o/ /stong spyi phud kyi 'jig rten
315b1 gyi khams stong gang yin pa de ni stong gnyis pa bar ma'i 'jig rten gyi khams shes bya'o/ /stong gnyis pa bar ma'i 'jig rten gyi khams phrag stong gang yin pa 'di ni stong gsum gyi stong chen po'i
315b2 'jig rten gyi khams shes bya'o/ /'phags pa rdo 'phangs pa'i mdo/ bam po gnyis pa ste tha ma/ gnas 'jog gi rgyud dag stong gsum gyi stong chen po'i 'jig rten gyi khams de yang rdzu
315b3 'phrul dang ldan pa dge slong maud gal gyi bu dang 'dra ba dag gis gang bar gyur la/ de bzhin gshegs pa'i rdzu 'phrul nges par byas kyang brgya'i char yang nye bar mi 'gro'o/ /stong gi cha dang / brgya stong gi cha dang
315b4 grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ nyan thos dang / rang sangs rgyas rnams kyi rdzu 'phrul ni lus kyis 'gro ba yin zhing / de bzhin gshegs pa
315b5 dgra bcom pa yang dag par rdzogs pa'i sangs rgyas kyi rdzu 'phrul ni yid ltar mgyogs pa yin pa'i phyir te/ gnas 'jog gi rgyud dag de bzhin gshegs pa dgra bcom pa yang dag par rdzogs pa'i
315b6 sangs rgyas dag ni rdzu 'phrul gyi stobs de lta bu dang ldan pa dag yin zhing / gang dag 'das pa dag dang / gang dag ma byon pa dag dang / gang yang nga da ltar byung ba'i dus na/ de bzhin gshegs pa dgra bcom pa yang
315b7 dag par rdzogs par sangs rgyas pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin
315b8 gyi/ rgyu gsum po rigs dang / sku tshe dang / sku lus kyis mnyam pa dag ni ma yin no/ /btsun pa bdag cag gis de bzhin gshegs pa las de bzhin gshegs pa dgra bcom pa yang dag par rdzogs pa'i
316a1 sangs rgyas rnams kyi yab yum las byung ba'i stobs kyang thos lags/ bsod nams kyi stobs kyang thos lags/ shes rab kyi stobs kyang thos lags/ rdzu 'phrul gyi stobs kyang thos
316a2 lags na/ btsun pa de bzhin gshegs pa dgra bcom pa yang dag par rdzogs pa'i sangs rgyas dag bsgom pa'i stobs ji lta bu dang ldan pa lags/ gnas 'jog gi rgyud dag khyed de bzhin gshegs pa
316a3 las de bzhin gshegs pa dgra bcom pa yang dag par rdzogs pa'i sangs rgyas rnams kyi bsgom pa'i stobs nyan par 'dod dam/ btsun pa bcom ldan 'das mchog tu 'tshal lags so/ /bde bar
316a4 gshegs pa mchog tu 'tshal lags so/ /gnas 'jog gi rgyud dag de'i phyir khyed legs par rab tu nyon la yid la zung shig dang ngas bshad do/ /gnas 'jog gi rgyud dag 'dzam bu'i gling chu dang rgyar
316a5 ni dpag tshad bdun stong yod de byang phyogs su ni yangs la/ lho phyogs su shing rta'i dbyibs so/ /gnas 'jog gi rgyud dag shar gyi lus 'phags gling ni chur ni dpag tshad brgyad stong yod de zla gam
316a6 du gnas so/ /gnas 'jog gi rgyud dag ba lang spyod kyi gling ni chur dpag tshad dgu stong yod la kun du zlum po'o/ /gnas 'jog gi rgyud dag byang gi sgra mi snyan gyi gling ni chur dpag tshad khri yod de kun
316a7 nas gru bzhi'o/ /gnas 'jog gi rgyud dag gang gling bzhir dus med pa'i sprin chen po yang dag par 'ong ba'i dus de yod de/ de'i tshe gling chen po bzhi nas chu chen po'i rgyun dang / chu chen po'i phung po rgya mtsho
316a8 chen por 'bab ste/ de bzhin gshegs pa'i chu'i thigs pa re re la chu'i thigs pa 'di ni 'dzam bu'i gling nas char 'bab bo/ /grong che ge mo dang / grong rdal che ge mo dang / ljongs che ge mo dang /
316b1 ljongs kyi phyogs che ge mo dang / shing ljon pa che ge mo dang / sdong po che ge mo dang / yal ga dang / mdab ma dang / me tog dang / 'bras bu dang / rtswa dang / shing dang / yal ga dang / shing gi dum bu che ge mo las char
316b2 bab pa'o/ /'di ni ba lang spyod pa dang / shar gyi lus 'phags dang / byang gi sgra mi snyan gyi gling nas char bab pa'o/ /grong che ge mo dang / grong rdal che ge mo dang / ljongs che ge mo dang / ljongs kyi phyogs che ge
316b3 mo dang / shing ljon pa che ge mo dang / sdong po che ge mo dang / yal ga dang / 'dab ma dang / me tog dang / 'bras bu dang / rtswa dang / shing dang / yal ga dang / shing gi dum bu che ge mo las char bab pa'o zhes
316b4 yongs su dpyod par mdzad de/ chu'i thigs pa de yang rdul phra rab tsam du yongs su dpyod par mdzad do/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas
316b5 dag ni bsgom pa'i stobs de lta bu dang ldan pa dag yin zhing / gang dag 'das pa dag dang / gang dag ma byon pa dag dang / gang yang nga da ltar byung ba'i dus na de bzhin gshegs pa dgra bcom pa yang dag par
316b6 rdzogs par sangs rgyas pa'i sangs rgyas thams cad mnyam pa dang mnyam pa ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/
316b7 rgyu gsum po rigs dang / sku tshe dang / sku lus kyis mnyam pa dag ni ma yin no/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs
316b8 bcu gzhan dag dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag par seng ge'i sgra sgrogs par mdzad cing
317a1 gang dag 'das pa dag dang / gang dag ma byon pa dag dang / gang yang nga da ltar byung ba'i dus na/ de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad mnyam pa dang mnyam pa ste/ mtshan
317a2 mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ni ma yin no/ /gnas 'jog gi rgyud dag stobs bcu gang
317a3 dag dang ldan zhe na/ 'di la de bzhin gshegs pa dgra bcom pa yang dag par rdzogs pa'i sangs rgyas rnams ni gnas la yang gnas dang gnas pa ma yin pa yang gnas ma yin par yang dag pa ji lta ba bzhin du yang rab tu mkhyen te/
317a4 gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni gnas la yang gnas dang gnas ma yin pa la yang gnas ma yin par yang dag pa ji lta ba bzhin du rab tu mkhyen to/ /
317a5 gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs dang po de dang ldan pa dag yin zhing khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor
317a6 zhing 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas rnams ni 'das pa dang / ma 'ongs pa dang / da ltar byung
317a7 ba'i las dang / chos yang dag par len pa dag la gnas dang / rgyu dang / dngos po dang / rnam par smin pa yang dag pa ji lta ba bzhin du rab tu mkhyen te/ gnas 'jog gi rgyud dag 'di ltar de bzhin gshegs pa dgra
317a8 bcom pa yang dag par rdzogs pa'i sangs rgyas rnams ni 'das pa dang / ma 'ongs pa dang / da ltar byung ba'i las dang / chos yang dag par len pa dag la gnas dang / rgyu dang / dngos po dang / rnam par smin
317b1 par yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs gnyis pa de dang ldan pa yin
317b2 zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag
317b3 gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni bsam gtan dang / rnam par thar pa dang / ting nge 'dzin dang / snyoms par 'jug pa dag gis
317b4 kun nas nyon mongs pa dag gis kun nas nyon mongs pa dang / rnam par byang ba dang / rnam par gnas pa dang / rnam par dag pa yang dag pa ji lta ba bzhin du rab tu mkhyen to/ gnas 'jog gi
317b5 rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni bsam gtan dang / rnam par thar pa dang / ting nge 'dzin dang / snyoms par 'jug pa dag gi
317b6 kun nas nyon mongs pa dang / rnam par byang ba dang / rnam par gnas pa dang / rnam par dag pa yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa
317b7 dgra bcom pa yang dag par rdzogs pa'i sangs rgyas dag ni stobs gsum pa de dang ldan pa dag yin zhing khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor
317b8 zhing / 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams
318a1 ni sems can gzhan dag dang / gang zag gzhan dag gi dbang po mchog dang mchog ma yin pa nyid yang dag pa ji lta ba bzhin du rab tu mkhyen te/ gnas 'jog gi rgyud dag 'di ltar de bzhin
318a2 gshegs pa dgra bcom pa yang dag par rdzogs pa'i sangs rgyas rnams ni sems can gzhan dag dang / gang zag gzhan dag gi dbang po mchog dang mchog ma yin pa nyid yang dag pa ji lta ba bzhin du
318a3 rab tu mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs bzhi pa de dang ldan pa dag yin zhing / khyu mchog gi gnas rlabs po che
318a4 zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan yang de bzhin gshegs pa dgra bcom pa
318a5 yang dag par rdzogs pa'i sangs rgyas rnams ni sems can gzhan dag dang / gang zag gzhan dag gi mos pa sna tshogs nyid yang dag pa ji lta ba bzhin du rab tu mkhyen te/ gnas 'jog gi rgyud dag
318a6 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni sems can gzhan dag dang / gang zag gzhan dag gi mos pa sna tshogs nyid yang dag pa ji lta ba bzhin du
318a7 mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs lnga pa de dang ldan pa dag yin zhing / khyu mchog gi gnas rlabs po che
318a8 zhal gyis 'che ste/ tshangs pa'i 'khor lo rab tu skor zhing / 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan yang de bzhin gshegs pa dgra
318b1 bcom pa yang dag par rdzogs pa'i sangs rgyas rnams ni khams sna tshogs pa khams du ma dang ldan pa'i 'jig rten yang dag pa ji lta ba bzhin du rab tu mkhyen te/ gnas 'jog gi rgyud dag 'di ltar
318b2 de bzhin gshegs pa dgra bcom pa yang dag par rdzogs pa'i sangs rgyas rnams ni khams sna tshogs pa khams du ma dang ldan pa'i 'jig rten yang dag pa ji lta ba bzhin du rab tu mkhyen to/ /gnas
318b3 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs drug pa de dang ldan pa dag yin zhing / khyu mchog gi gnas rlabs po che zhal gyis 'che ste/
318b4 tshangs pa'i 'khor lo rab tu skor zhing / 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs
318b5 pa'i sangs rgyas rnams ni thams cad du 'gro ba'i lam yang dag pa ji lta ba bzhin du rab tu mkhyen te/ /gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs
318b6 pa'i sangs rgyas rnams ni thams cad du 'gro ba'i lam yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs
318b7 rgyas dag ni stobs bdun pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag par seng ge'i sgra sgrogs par
318b8 mdzad do/ /gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni sngon gyi gnas rnam pa du ma yang dag par rjes su dran par mdzad de/
319a1 'di lta ste/ tshe rabs gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum bcu dang / bzhi bcu dang / lnga bcu dang / tshe rabs
319a2 brgya dang / tshe rabs stong dang / tshe rabs brgya stong dang / tshe rabs brgya phrag du ma dang / tshe rabs stong phrag du ma dang / tshe rabs brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig
319a3 pa dang / 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang / 'jig pa dang / 'chags pa'i bskal pa du ma yang dag par rjes su dran par mdzad cing sems
319a4 can 'byung ba de dag ni ming 'di dag ces bya bar gyur to/ /de dag tu bdag cag ming 'di dag ces bya bar gyur to/ /rigs dag ni 'di dag ces bya/ rus dag ni 'di dag ces bya/ zas dag ni 'di lta bu dag cig za
319a5 za/ bde ba dang sdug bsngal ba ni 'di lta bu dag cig myong / tshe ni 'di tsam zhig tu ring bar gyur/ yun ni 'di srid dag cig tu gnas gnas/ tshe dag ni 'di tsam dag cig thub/ de dag dang bdag cag gnas de
319a6 nas shi 'phos te che ge mo zhig tu skyes pa dag tu gyur/ de nas kyang shi 'phos nas che ge mo zhig tu skyes pa dag tu gyur/ de nas kyang shi 'phos nas yang 'dir skyes pa dag tu gyur to zhes rnam pa dang bcas
319a7 shing / yul phyogs dang bcas la/ gzhi ci las gyur pa dang bcas par sngon gyi gnas rnam pa du ma yang dag par rjes su dran par mdzad la/ gnas 'jog gi rgyud dag 'di ltar de bzhin gshegs pa dgra bcom
319a8 pa yang dag par rdzogs pa'i sangs rgyas ni sngon gyi gnas rnam pa du ma yang dag par rjes su dran par mdzad de/ 'di lta ste/ tshe rabs gcig dang / gnyis dang / gsum dang / bzhi dang / lnga dang / drug dang / bdun dang /
319b1 brgyad dang / dgu dang / bcu dang / nyi shu dang / sum bcu dang / bzhi bcu dang / lnga bcu dang / tshe rabs brgya dang / tshe rabs stong dang / tshe rabs brgya stong dang / tshe rabs brgya phrag du ma dang / tshe rabs stong phrag du ma dang /
319b2 tshe rabs brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang / 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang /
319b3 'jig pa dang / 'chags pa'i bskal pa du ma yang dag par rjes su dran par mdzad cing sems can 'byung ba de dag ni ming 'di dag ces bya bar gyur to/ /de dag tu bdag cag ming 'di dag ces bya bar gyur to/ /
319b4 rigs dag ni 'di dag ces bya/ rus dag ni 'di dag ces bya/ zas dag ni 'di lta bu dag cig za za/ bde ba dang sdug bsngal ba ni 'di lta bu dag cig myong / tshe 'di tsam zhig tu ring bar gyur/ yun ni 'di srid
319b5 dag cig gnas gnas/ tshe dag ni 'di tsam dag cig thub/ de dag dang bdag cag gnas de nas shi 'phos nas che ge mo zhig tu skyes pa dag tu gyur/ de nas kyang shi 'phos nas che ge mo zhig tu skyes pa dag
319b6 tu gyur/ de nas kyang shi 'phos nas yang 'dir skyes pa dag tu gyur to zhes rnam pa dang bcas shing / yul phyogs dang bcas la/ gzhi ci las gyur pa dang bcas par sngon gyi gnas rnam pa du ma yang dag
319b7 par rjes su dran par mdzad do/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs brgyad pa de dang ldan pa dag yin zhing / khyu mchog gi gnas
319b8 rlabs po che zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan yang de bzhin gshegs pa dgra
320a1 bcom pa yang dag par rdzogs pa'i sangs rgyas rnams ni lha'i spyan rnam par dag pa mi las 'das pas sems can shi 'pho ba dag dang / skye ba dag dang / mdog bzang po dag dang / mdog ngan pa dag
320a2 dang / dman pa dag dang / gya nom pa dag dang / bde 'gror 'gro ba dag la gzigs par mdzad cing / sems can la ji lta ba bzhin du nye bar dong ba dag la sems can 'byung ba de dag ni lus kyis nyes par spyod
320a3 pa dang ldan pa dag dang / ngag dang yid kyis nyes par spyod pa dang ldan pa dag dang / 'phags pa rnams la skur pa 'debs pa dag dang / log par lta ba dag yin te/ log par lta ba'i las dang / chos yang dag
320a4 par len pa'i rgyus/ de'i rgyu dang / de'i rkyen gyis lus zhig nas shi phan cad ngan song ngan 'gro log par ltung ba'i sems can dmyal ba rnams su skye bar 'gyur ro/ /yang na sems can 'byung ba dag ni lus kyis
320a5 legs par spyod pa dang ldan pa dag dang ngag dang yid kyis legs par spyod pa dang ldan pa dag dang / 'phags pa rnams la skur pa mi 'debs pa dag dang / yang dag par lta ba dag yin te/ yang dag pa'i lta ba'i las
320a6 dang / chos yang dag par len pa'i rgyus de'i rgyu dang de'i rkyen gyis lus zhig nas bde 'gro mtho ris kyi 'jig rten du lha rnams kyi nang du skye bar 'gyur ro zhes yang dag pa ji lta ba bzhin du rab tu mkhyen te/ gnas
320a7 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni lha'i spyan rnam par dag pa mi las 'das pas sems can 'chi 'pho ba dag dang / skye ba dag dang /
320a8 mdog bzang po dag dang / mdog ngan pa dag dang / dman pa dang / gya nom pa dag dang / bde 'gro dang / ngan 'gror 'gro ba dag la gzigs par mdzad cing / sems can las ji lta ba bzhin du nye bar dong ba dag la
320b1 sems can 'byung ba de dag ni lus kyis nyes par spyod pa dang ldan pa dag dang / ngag dang yid kyis nyes par spyod pa dang ldan pa dag dang / 'phags pa rnams la skur pa 'debs pa dag dang log par lta ba
320b2 dag yin te/ log par lta ba'i las dang / chos yang dag par len pa'i rgyus de'i rgyu dang / de'i rkyen gyis lus zhig nas shi phan cad ngan song ngan 'gro log par ltung ba'i sems can dmyal ba dag tu skye bar
320b3 'gyur ro/ /yang na sems can 'byung ba de dag ni lus kyis legs par spyod pa dang ldan pa dag dang / ngag dang yid kyis legs par spyod pa dang ldan pa dag dang / 'phags pa rnams la skur pa mi 'debs
320b4 pa dag dang / yang dag par lta ba dag yin te/ yang dag pa'i lta ba'i las dang / chos yang dag par len pa'i rgyus de'i rgyu dang de'i rkyen gyis lus zhig nas bde 'gro dang / mtho ris kyi 'jig rten du lha
320b5 rnams kyi nang du skye bar 'gyur ro zhes yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs
320b6 dgu pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing / 'khor gyi nang du yang dag par seng ge'i sgra sgrogs par mdzad do/ /gnas 'jog
320b7 gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni zag pa zad pas zag pa med pa'i sems rnam par grol ba/ shes rab rnam par grol ba/
320b8 mthong ba'i chos nyid bdag nyid kyis mngon par mkhyen pas mngon du mdzad de/ rdzogs par mdzad nas rab tu mkhyen cing nged cag gi skye ba 'di ni zad do/ /tshangs par spyod pa ni bsnyen to/ /mdzad pa mdzad do/
321a1 'di las srid pa gzhan rab tu mi mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni zag pa dag zad nas zag pa
321a2 med pa'i sems rnam par grol ba/ shes rab rnam par grol ba/ mthong ba'i chos nyid la bdag nyid kyis mngon par mkhyen pas mngon du mdzad de/ rdzogs par mdzad nas rab tu mkhyen cing nged kyi skye ba
321a3 ni zad do/ /tshangs par spyod pa ni bsnyen to/ /mdzad pa mdzad do/ /'di las srid pa gzhan rab tu mi mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i
321a4 sangs rgyas dag ni stobs bcu po de dang ldan pa dag yin zhing khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag pa'i seng ge'i sgra sgrogs par
321a5 mdzad do/ /gang dag 'das pa dag dang / gang dag ma byon pa dag dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad
321a6 mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus gyis mnyam
321a7 pa dag ma yin no/ /de nas bcom ldan 'das la ku sha'i grong khyer nas skyes pa gyad rnams kyis 'di skad ces gsol to/ /btsun pa 'o na ci gang stobs de dag las ches stobs dang ldan zhing / gang stobs de
321a8 dag zil gyis gnon par bgyid pa'i stobs gzhin mchis lags sam/ gnas 'jog gi rgyud dag gang stobs de dag las ches stobs dang ldan zhing / gang stobs de dag zil gyis gnon par byed pa'i stobs gzhan
321b1 yod de/ 'di lta ste/ gang de nyid kyi mtshan mo'i gung thun la mtshan gyis rnam par brgyan pa/ dpe byad bzang pos rnam par mdzes par byas pa'i sku 'di dang stobs de dag gi snod du gyur pa'i sku srog 'di rab tu
321b2 'joms par 'gyur ba'i mi rtag pa nyid kyi stobs shes bya'o/ /gnas 'jog gi rgyud dag 'di ni gang stobs de dag las ches stobs dang ldan zhing / gang stobs de dag zil gyis gnon par byed pa'i stobs
321b3 gzhan de yin no/ /de nas bcom ldan 'das kyis de'i tshe/ tshigs su bcad pa dag bka' stsal pa/ lus las byung ba'i stobs dang bsod nams stobs/ /ye shes stobs dang rdzu 'phrul stobs pas kyang / /
321b4 nga yi gzi brjid 'joms pa mi rtag nyid/ /mchog tu stobs dang ldan par bzhed pa yin/ /gang du de dang 'dra ba'i sku lus ni/ /gser gyi ri yi dbang po'i rtse mo 'dra/ /mi rtag nyid kyi gzi brjid kyis bcom pa/ /
321b5 nga yi 'jig pa 'ong bar 'gyur ba yin/ /mi rtag nyid kyi stobs ni stobs mchog bar/ /mkhas pa yis ni rnam par shes bya ste/ /gang du mi rtag nyid ni mi 'ong ba'i/ /mi 'chi ba yi gnas de thob par bya/ /
321b6 bcom ldan 'das las ku sha'i grong khyer nas skyes pa'i gyad rnams kyis de skad thos nas rmongs par gyur te/ ji ltar yang 'du shes thob pa dag tu gyur nas sa la 'gre ldog ste/ 'di lta ste shing gi sdong dum
321b7 bzhin no/ /kha cig ni dpung pa dag bsnol te rab tu ngu bar byed do/ /kha cig ni sems kyi sdug bsngal dang kun du ldan zhing 'khod do/ /kha cig ni chos nyid kho na la rton par byed de/ bcom ldan 'das kyis bdag
321b8 cag la yang dang po nyid du 'dod pa dang / sdug pa dang / dga' ba dang / yid du 'ong ba thams cad las dngos po tha dad pa dang / med par 'byung ba dang / 'bral ba dang mi ldan pa 'byung bar 'gyur ro zhes gsungs so snyam mo/ /
322a1 de nas ku sha'i grong khyer nas skyes pa'i gyad rnams thi ba'i skad ltar snyan cing 'jebs pa ring zhing 'jam pa'i dbugs byung nas mchi ma dag phyung ste/ bcom ldan 'das kyi zhabs gnyis la mgo bos
322a2 phyag 'tshal nas phyogs gcig tu 'khod do/ /de nas bcom ldan 'das dge slong gi dge 'dun dang thabs gcig tu rdo chen po yangs pa de'i phyogs gcig tu bzhugs so/ /ku sha'i grong khyer nas skyes pa'i gyad
322a3 rnams kyang rdo chen po yangs pa de nyid kyi phyogs gcig tu 'khod do/ /de nas bcom ldan 'das ku sha'i grong khyer nas skyes pa'i gyad rnams la shad kyis sbyong ba ltar mdzad cing ku sha'i grong khyer nas skyes
322a4 pa'i gyad rnams la 'di skad ces bka' stsal to/ /gnas 'jog gi rgyud dag rdo chen po yangs pa 'di ni bskal pa dang po'i mi rnams kyi rtsol ba'i rdor gyur te/ 'di ltar deng sang yang de la sor mo'i rjes dag
322a5 snang ba'i phyir ro/ /gnas 'jog gi rgyud dag de ltar 'du byed thams cad ni mi rtag pa/ mi brtan pa/ yid brtan du mi rung ba/ rnam par 'gyur ba'i chos can dag yin te/ 'du byed thams cad kyi bar gyis chog
322a6 pa nyid do/ /skyo bar bya ba'i rigs so/ /'dod chags dang bral bar bya ba'i rigs so/ /rnam par grol bar bya ba'i rigs so/ /gnas 'jog gi rgyud dag rgya mtsho chen po ni rgyu bzhis bskam par mi
322a7 nus so/ /bzhi gang dag gis zhe na/ 'og tu ni gser gyi 'khor los kun du bzung ba dang / ngos su ni khor yug gis yongs su bzung ba dang / steng nas ni klu chen po dag gis shing rta'i srog shing tsam du chu'i rgyun
322a8 gyi char 'bebs par byed pa dang / chu bo chen po thams cad chu klung stong phrag du ma'i 'khor dang ldan pa rgya mtsho chen por 'bab par byed pa'o/ /de ltar sangs rgyas kyi bstan pa rgya mtsho 'di yang rgyu bzhis nub par
322b1 mi 'gyur ro/ /bzhi gang dag gis zhe na/ 'og tu ni 'dul ba'i gser gyi 'khor los kun du bzung ba dang / ngos su na mdo sde'i khor yug gis yongs su bzung ba dang / chos mngon pa'i klu chen po'i char gyis
322b2 kun du yongs su gang bar byas pa dang / bsgom pa las byung ba'i dge ba'i rtsa ba'i chu klung dag gis yongs su rgyas par byas pa'o/ /gnas 'jog gi rgyud dag 'on kyang sangs rgyas la dge ba'i rtsa ba bskyed pa
322b3 ni 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa
322b4 ni 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag 'dzam bu'i gling 'di ni chu dang zheng du dpag tshad bdun
322b5 stong yod cing / byang phyogs su ni yangs la/ lho phyogs su shing rta'i dbyibs yin no/ /de ni gom pa 'di snyed cig yod do zhe 'am/ gom pa brgya 'am/ gom pa stong ngam/ gom pa brgya stong zhig yod ces
322b6 bgrang ba dang / tshad bzung bar nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par mi 'gyur
322b7 'gyur zhing / mya ngan las 'das pa mi zad pa yang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang / tshad bzung bar mi nus te/ 'khor bar zad par mi
322b8 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag 'dzam bu'i gling lta zhog gi/ gnas 'jog gi rgyud dag shar gyi lus 'phags
323a1 gling zhes bya ba chu dang rgyar dpag tshad brgyad stong yod cing / zla gam du gnas pa yod de/ de la yang gom pa 'di snyed cig yod do zhe 'am/ gom pa brgya 'am/ gom pa stong ngam/ gom pa brgya stong zhig yod do zhes bgrang ba
323a2 dang / tshad gzung bar nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las
323a3 'das pa mi zad pa yang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par
323a4 mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag 'dzam bu'i gling yang zhog /shar gyi lus 'phags gling yang zhog gi/ gnas 'jog gi rgyud dag ba lang spyod kyi
323a5 gling zhes bya ba chu dang rgyar dpag tshad dgu stong yod cing / kun du zlum po yod de/ de la gom pa 'di snyed cig yod do zhe 'am/ gom pa brgya 'am/ gom pa stong ngam/ gom pa brgya stong zhig yod do zhes bgrang ba
323a6 dang / tshad gzung bar nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang / tshad bzung bar mi nus te/ 'khor bar zad par mi 'gyur/ yongs su gtugs par mi 'gyur
323a7 zhing / mya ngan las 'das pa mi zad pa yang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi 'gyur
323a8 yongs su gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag 'dzam bu'i gling yang zhog /nub kyi ba lang spyod kyi gling yang zhog /shar gyi lus 'phags
323b1 gling yang zhog gi/ gnas 'jog gi rgyud dag byang gi sgra mi snyan gyi gling zhes bya ba chu dang rgyar dpag tshad khri yod pa kun du gru bzhi pa yod de/ de la yang gom pa 'di snyed cig yod do zhe 'am/ gom pa brgya 'am/ gom pa stong ngam/
323b2 gom pa brgya stong zhig yod do zhes bgrang ba dang / tshad bzung bar nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi 'gyur/
323b3 yongs su gtugs par mi 'gyur zhing / mya ngan las 'das pa mi zad pa yang thob par byed do/ /chos la dge ba'i rtsa ba skyed pa dang / dge 'dun la dge ba'i rtsa ba bskyed pa ni bgrang ba dang / tshad gzung bar mi nus te/
323b4 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag gling bzhi pa'i 'jig rten gyi khams lta zhog gi/
323b5 gnas 'jog gi rgyud dag ri'i rgyal po khor yug dang / khor yug chen po dag yod de/ de gnyis la yang srid 'di snyed cig yod do zhe 'am/ srang brgya 'am/ srang stong ngam/ srang brgya stong zhig yod do zhes bgrang ba
323b6 dang / tshad bzung bar nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang / tshad bzung bar mi nus te/ 'khor bar zad par mi 'gyur yongs su gtugs par mi 'gyur zhing /
323b7 mya ngan las 'das pa mi zad pa yang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang / tshad bzung bar mi nus te/ 'khor bar zad par mi 'gyur/
323b8 yongs su gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag gling bzhi pa'i 'jig rten gyi khams kyang zhog /ri'i rgyal po khor yug chen po dag
324a1 kyang zhog gi/ gnas 'jog gi rgyud dag rgya mtsho chen po ni zabs su dpag tshad brgyad khri yod cing / rgyar ni dpag tu med pa'o/ /de la yang bum pa 'di snyed cig yod do zhe 'am/ bum pa brgya 'am/ bum
324a2 pa stong ngam/ bum pa brgya stong zhig yod do zhes bgrang ba dang / tshad bzung bar nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar
324a3 zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang /
324a4 tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag gling bzhi pa'i 'jig
324a5 rten gyi khams kyang zhog /ri'i rgyal po khor yug dang / khor yug chen po dag kyang zhog /rgya mtsho chen po yang zhog gi/ gnas 'jog gi rgyud dag ri'i rgyal po ri rab ni dpag tshad brgyad khri chu'i nang du nub
324a6 cing / dpag tshad brgyad khri chu las gyen du mngon du 'phags so/ /de la yang srang 'di snyed cig yod do zhe 'am/ srang brgya 'am/ srang stong ngam/ srang brgya stong zhig yod do zhes bgrang ba dang / tshad gzung bar
324a7 nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las
324a8 'das pa mi zad pa yang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi 'gyur/ yongs su
324b1 gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas
324b2 dag ni sbyin pas dpag tu med pa dag gi phyir ro/ /tshul khrims kyis dpag tu med pa dag dang / bzod pas dpag tu med pa dag dang / brtson 'grus kyis dpag tu med pa dag dang / bsam gtan gyis
324b3 dpag tu med pa dag dang / shes rab kyis dpag tu med pa dag dang / rdzu 'phrul gyis dpag tu med pa dag dang / rdzu 'phrul gyi cho 'phrul gyis dpag tu med pa dag dang / kun brjod pas dpag tu med pa dag dang / kun
324b4 brjod pa'i cho 'phrul gyis dpag tu med pa dag dang / rjes su bstan pas dpag tu med pa dag dang / rjes su bstan pa'i cho 'phrul gyis dpag tu med pa dag dang / stobs bcu dang / mi 'jigs pa bzhi dang / ma 'dres
324b5 pa'i dran pa nye bar gzhag pa gsum dang / thugs rje chen po dpag tu med pa'i phyir te/ gnas 'jog gi rgyud dag de ltar de bzhin gshegs pa dgra bcom pa yang dag par rdzogs pa'i sangs rgyas rnams ni yon tan
324b6 dpag tu med pa dang ldan pa dag gi phyir ro/ /seng ge'i sgra chen po dang ldan pa'i chos kyi rnam grangs 'di bshad pa na stong gsum gyi stong chen po'i 'jig rten gyi khams 'di lan gsum du 'gul/ kun tu 'gul/ kun tu
324b7 rab tu 'gul/ g.yos/ kun tu g.yos/ kun tu rab tu g.yos/ ldeg /kun tu ldeg /kun tu rab tu ldeg /'khrugs/ kun tu 'khrugs/ kun tu rab tu 'khrugs par gyur to/ /de nas 'khor gyi bdag po tshangs pa dang / lha rnams
324b8 kyi dbang po brgya byin rang gi ris na gnas pa gnyis 'di snyam du sems te/ sangs rgyas bcom ldan 'das 'di ni ku sha'i grong khyer dang nye ba na bzhugs te/ ku sha'i grong khyer nas skyes pa'i gyad rnams rdzu 'phrul chen pos
325a1 'dun par mdzad nas ring po mi thogs par da phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur gyis/ gang 'o na bdag cag dong nas/ bcom ldan
325a2 'das de bzhin gshegs pa dgra bcom pa yang dag par rdzogs pa'i sangs rgyas la tha mar blta ba'i phyir 'dong ngo snyam mo/ /de nas 'khor gyi bdag po tshangs pa dang / lha rnams kyi dbang po brgya byin rang gi
325a3 ris nas mi snang bar gyur te/ 'dod pa na spyod pa dang / gzugs na spyod pa'i lha rnams dang lhan cig bcom ldan 'das kyi spyan sngar 'khod do/ /'khor gyi bdag po tshangs pa phyogs gcig tu 'dug pas de'i tshe tshigs
325a4 su bcad pa dag gsol pa/ rdzogs pa'i sangs rgyas grags ldan pa/ /de dag mthong ba rnyed par dka'/ /u dum ba ra'i me tog bzhin/ /bskal pa bye bar rnyed par dka'/ /shAkya seng ge mi yi mchog /ston khyod de
325a5 bzhin rnyed par dka'/ /gzugs na spyod pa'i lhar bcas te/ /thal mo rab sbyar khyod la 'dud/ /lha rnams kyi dbang po brgya byin phyogs gcig tu 'dug pas de'i tshe tshigs su bcad pa dag gsol pa/ bdag gi
325a6 chos mig rnam par dag /snying la chos kyi sgron ma 'bar/ /ngan song sgo rnams bcad lags te/ /bdag la ngan 'gro'i 'jigs ma mchis/ /e ma'o ston pa thugs rje can/ /phan par bzhed dang thugs
325a7 brtse ba/ /'dod par spyod pa'i lhar bcas te/ /thal mo rab sbyar khyed la 'dud/ /mi thogs yongs su mya ngan 'da'/ /khyod la tha mar lta ba lags/ /'khor gyi bdag po tshangs pa dang / lha rnams kyi dbang po brgya
325a8 byin gyis de skad ces gsol nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas bcom ldan 'das kyi thad nas zhal du phyogs shing lta bas
325b1 dong ste/ mgo bos phyag 'tshal nas de nyid du mi snang bar gyur to/ /de nas bcom ldan 'das kyis 'khor ji ltar lhags pa bzhin du thugs su chud nas bsam pa dang / phra rgyas dang / khams dang / rang bzhin rnam par
325b2 mkhyen te/ 'phags pa'i bden pa bzhi yang dag par rab tu rtogs par byed pa'i chos bstan pa de lta bu mdzad par gyur te/ de thos pa kho na las ku sha'i grong khyer nas skyes pa'i gyad rnams kyis kha cig gis ni dro bar
325b3 gyur pa'i dge ba'i rtsa ba dag bskyed do/ /kha cig gis ni rtse mo dag bskyed do/ /kha cig gis ni bzod pa chung ngu dang 'bring dag bskyed do/ /kha cig gis ni bden pa dang rjes su 'thun pa'i chos kyi mchog rnams bskyed do/ /kha
325b4 cig gis ni rgyun tu zhugs pa'i 'bras bu mngon du byas so/ /kha cig gis ni lan cig phyir 'ong ba'i 'bras bu mngon du byas so/ /kha cig gis ni phyir mi 'ong ba'i 'bras bu mngon du byas so/ /kha cig gis ni rab tu byung
325b5 nas nyon mongs pa thams cad spangs te/ dgra bcom pa nyid mngon du byas so/ /kha cig gis ni nyan thos kyi byang chub tu sems bskyed pa dag tu gyur to/ /kha cig gis ni rang byang chub tu sems bskyed pa dag tu gyur
325b6 to/ /kha cig gis ni bla na med pa yang dag par rdzogs pa'i byang chub tu sems bskyed pa dag tu gyur to/ /sangs rgyas bcom ldan 'das rnams ni 'bras bu yod pa'i chos kyi 'bras bu ston pa dag yin te/ 'khor de las
325b7 gang phal cher ni sangs rgyas la gzhol ba dang / chos la 'bab pa dang / dge 'dun la dga' bar rnam par gnas so/ /'di ni bcom ldan 'das kyi 'dul ba rnams 'dus pa chen po tha mar byung ba yin no/ /de nas ku sha'i
325b8 grong khyer nas skyes pa'i gyad rnams yid byung bar gyur cing / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas bcom ldan 'das kyi thad nas dong ngo / /
CLOSE WINDOW