བོད་ཡིག |
275a1 / //@#/ / rgya gar skad du/ shU n+ya tA nA ma ma hA sU tram/ bod skad du/ mdo chen po stong pa nyid ces bya ba/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan
275a2 'das mnyan yod kyi shar gyi kun dga' ra ba na ri dgas 'dzin gyi ma'i khang bzang na bzhugs so/ /de nas tshe dang ldan pa kun dga' bo phyi dro nang du yang dag 'jog las langs nas bcom ldan 'das ga la ba der song ste phyin nas/
275a3 bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa dus gcig
275a4 na bcom ldan 'das shAkya rnams kyi nang na shAkya rnams kyi grong rdal grong khyer zhes bgyi ba na bzhugs pa de'i tshe/ de nas bcom ldan 'das kyis 'di skad ces kun dga' bo nga ni stong pa nyid kyis lan mang du gnas
275a5 so zhes bka' stsal pa'i don bdag gis 'tshal lags na/ btsun pa ci bcom ldan 'das kyis bka' stsal pa/ bdag gis legs par mnyan cing legs par bzung / legs par yid la bgyis par
275a6 bsnyen/ legs par rtogs pa de bzhin du ma lags shing de kho na bzhin lags sam/ bka' stsal pa/ kun dga' bo de de bzhin te/ ngas bshad pa khyod kyis legs par mnyan cing legs par bzung / legs
275a7 par bsten/ legs par rtogs pa de ni gzhan du ma yin te de kho na bzhin yin no/ /de ci'i phyir zhe na/ kun dga' bo nga ni de'i tshe dang da ltar yang stong pa nyid kyis lan mang du gnas pa'i phyir ro/ /kun dga' bo 'di lta
275a8 ste/ dper na ri dgas 'dzin gyi ma'i khang bzang 'di glang po che dang / rta dang / ba lang dang / lug dang / bya gag dang / phag gis stong zhing nor dang / 'bru dang / 'gron bu dang / gser gyis stong la/ bran dang / bran mo dang /
275b1 las byed pa dang / zho shas 'tsho ba dag dang / skyes pa dang / bud med dang / khye'u dang / bu mo dag gis stong yang 'di na 'di lta ste/ dge slong gi dge 'dun kho na 'am/ de las kha cig la brten nas mi stong pa yang yod do/ /
275b2 kun dga' bo de bzhin du gang la gang med pa de des stong ngo zhes bya bar yang dag par rjes su mthong yang / de la lhag ma gang yod pa de de la yod do zhes bya bar yang dag pa ji lta ba bzhin du rab tu shes te/ kun dga' bo
275b3 stong pa nyid la 'jug pa 'di ni yang dag pa ji lta ba bzhin te phyin ci ma log pa yin no/ /kun dga' bo de lta bas na dge slong yang kyai ma bdag stong pa nyid kyis lan mang du gnas par bya'o zhes 'dod par gyur na/ kun dga'
275b4 bo dge slong des grong du 'du shes pa dang / mir 'du shes pa yid la mi bya bar dgon par 'du shes pa 'am/ de las kha cig yid la bya'o/ /de 'di snyam du sems te 'du shes kyi rnam pa 'di lta ste/ grong du 'du shes pa dang /
275b5 mir 'du shes pas stong yang 'di la 'di lta ste/ dgon par 'du shes pa kho na 'am/ de las kha cig la brten nas mi stong pa yang yod do snyam mo/ /de la grong du 'du shes pa dang / mir 'du shes pa la brten pa nyon mongs
275b6 pa'i gnas gang dag yin pa de dag med kyang de la 'di lta ste/ dgon par 'du shes pa kho na 'am de las kha cig la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des
275b7 stong ngo / /zhes bya bar yang dag par rjes su mthong yang / de la lhag ma gang yod pa de la yod do zhes bya bar yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag pa ji lta
275b8 ba bzhin te/ phyin ci ma log pa yin no/ /kun dga' bo gzhan yang dge slong zhig kye ma bdag stong pa nyid kyis lan mang du gnas par bya'o zhes 'dod par gyur na/ kun dga' bo dge slong des mir 'du shes pa dang / dgon
276a1 yang dag par rjes su mthong yang de la lhag ma gang yod pa de de la yod do zhes bya bar yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin te phyin ci ma log pa yin no/ /
276a2 kun dga' bo gzhan yang dge slong zhig kye ma bdag stong pa nyid kyis lan mang du gnas par bya'o zhes 'dod par gyur na/ kun dga' bo dge slong des nam mkha' mtha' yas skye mched du 'du shes pa dang / rnam shes mtha' yas skye mched du 'du shes pa yid
276a3 la mi bya bar ci yang med pa'i skye mched du 'du shes pa 'am/ de las kha cig yid la bya'o/ /de 'di snyam du sems te/ 'du shes kyi rnam pa 'di 'di lta ste/ nam mkha' mtha' yas skye mched du 'du shes pa dang / rnam shes mtha' yas skye mched du 'du shes pas stong
276a4 yang de la 'di lta ste/ ci yang med pa'i skye mched du 'du shes pa kho na 'am/ de las kha cig la rten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa des stong ngo zhes bya bar yang dag par rjes su mthong yang de lhag ma
276a5 gang yod pa de de la yod do zhes bya ba de yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag par ji lta ba bzhin te phyin ci ma log pa yin no/ /kun dga' bo gzhan yang dge slong zhig kye ma bdag stong pa nyid
276a6 kyis lan mang du gnas par bya'o/ /zhes 'dod par gyur na de kun dga' bo dge slong des rnam shes mtha' yas skye mched du 'du shes pa dang / ci yang med pa'i skye mched du 'du shes pa yid la mi bya bar mtshan ma med pa'i dbyings sam de las
276a7 kha cig yid la bya'o/ /de 'di snyam du sems te/ 'du shes kyis rnam pa 'di 'di lta ste/ rnam shes mtha' yas skye mched du 'du shes pa dang / ci yang med pa'i skye mched du 'du shes pas stong yang 'di lta ste/ mtshan ma med pa'i dbyings kho na 'am/ de
276a8 las kha cig la rten nas mi stong pa yod do snyam mo/ /de la rnam shes mtha' yas skye mched du 'du shes pa dang / ci yang med pa'i 'du shes pa la brten pa nyon mongs pa'i gnas gang dag yin pa de dag mod kyang de la 'di lta ste/ mtshan ma med
276b1 pa'i dbyings kho na 'am/ de las kha cig la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo / /zhes bya bar yang dag par rjes su mthong yang de la lhag ma gang yod pa de de la
276b2 yod do zhes bya bar yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin te/ phyin ci ma log pa yin no/ /de 'di snyam du sems te/ mtshan ma med pa'i dbyings
276b3 kyang mngon par 'dus byas shing sems pas mngon par bsams pa de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi
276b4 rigs so/ /snyam mo/ /de ltar shes shing de ltar mthong bas 'dod pa'i zag pa las sems rnam par grol zhing srid pa'i zag pa dang / ma rig pa'i zag pa las kyang sems rnam par grol lo/ /rnam par grol
276b5 bas bdag ni skye ba zad do/ /tshangs par spyad pa bstan to/ /bya ba byas so/ /srid pa 'di las gzhan mi shes so/ /zhes rnam par grol ba ye shes mthong ba kho nar 'gyur ro/ /de 'di snyam du sems te/ 'du
276b6 shes kyi rnam pa 'di 'di lta ste/ 'dod pa'i zag pa dang / srid pa'i zag pa dang / ma rig pa'i zag pas stong yang de la 'di lta ste/ srog rkyen du byas pa'i skye mched drug gi lus 'di kho na la brten nas mi stong pa yang yod do snyam 'am/
276b7 de la 'dod pa'i zag pa dang / srid pa'i zag pa dang / ma rig pa'i zag pa la brten pa nyon mongs pa'i gnas gang dag yin pa de dag med kyang de la 'di lta ste/ srog rkyen du byas pa'i skye mched drug gi lus de kho na la brten
276b8 pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo / /zhes bya bar yang dag par rjes su mthong yang / gang du zag pa med cing mngon par 'dus ma byas
277a1 pa kho na 'am/ de las kha cig la brten nas mi stong pa yang yod do snyam mo/ /de la sar 'du shes pa dang / nam mkha' mtha' yas skye mched du 'du shes pa la rten pa nyon mongs pa'i gnas gang dag yin
277a2 pa de dag med kyang de la 'di lta ste/ rnam shes mtha' yas skye mched du 'du shes pa kho na 'am/ de las kha cig la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de
277a3 des stong ngo zhes bya bar yang dag par rjes su mthong yang de la lhag ma gang yod pa de de la yod do zhes bya bar yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin
277a4 te phyin ci ma log pa yin no/ /kun dga' bo gzhan yang dge slong zhig kye ma bdag stong pa nyid kyis lan mang du gnas par bya'o zhes 'dod par gyur na/ kun dga' bo dge slong des nam mkha' mtha' yas skye mched du
277a5 'du shes pa dang / rnam shes mtha' yas skye mched du 'du shes pa yid la mi bya bar ci yang med pa'i skye mched du 'du shes pa 'am/ de las kha cig yid la bya'o/ /de 'di snyam du sems te/ 'du shes kyi rnam pa 'di
277a6 'di lta ste/ nam mkha' mtha' yas skye mched du 'du shes pa dang / rnam shes mtha' yas skye mched du 'du shes pas stong yang / de la 'di lta ste/ ci yang med pa'i skye mched du 'du shes pa kho na 'am/ de las kha cig
277a7 la brten nas mi stong pa yang yod do snyam mo/ /de la nam mkha' mtha' yas skye mched du 'du shes pa dang / rnam shes mtha' yas skye mched du 'du shes pa la brtan pa nyon mongs pa'i gnas gang dag yin pa de dag med kyang
277a8 de la 'di lta ste/ ci yang med pa'i skye mched du 'du shes pa kho na 'am/ de las kha cig la rtin pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo zhes bya bar yang
277b1 dag par rjes su mthong yang de la lhag ma gang yod pa de de la yod do zhes bya bar yang dag pa ji lta ba bzhin du rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin te/ phyin ci ma log pa
277b2 yin no/ /kun dga' bo gzhan yang dge slong zhig kye ma bdag stong pa nyid kyis lan mang du gnas par bya'o zhes 'dod par gyur na/ kun dga' bo dge slong des rnam shes mtha' yas skye mched du 'du shes pa dang / ci yang
277b3 med pa'i skye mched du 'du shes pa yid la mi bya bar mtshan ma med pa'i dbyings sam/ de las kha cig yid la bya'o/ /de 'di snyam du sems te/ 'du shes kyi rnam pa 'di 'di lta ste/ rnam shes mtha' yas skye mched du 'du
277b4 shes pa dang / ci yang med pa'i skye mched du 'du shes pas stong yang 'di lta ste/ mtshan ma med pa'i dbyings kho na 'am/ de las kha cig la brten nas mi stong pa yang yod do snyam mo/ /de la rnam shes mtha' yas skye mched
277b5 du 'du shes pa dang / ci yang med pa'i skye mched du 'du shes pa la brten pa nyon mongs pa'i gnas gang dag yin pa de dag med kyang / de la 'di lta ste/ mtshan ma med pa'i dbyings kho na 'am/ de las kha cig la brten pa tsam gyi nyon
277b6 mongs pa'i gnas ni yod do/ /kun dga' bo de lta bas na gang la gang med pa de des stong ngo zhes bya bar yang dag par rjes su mthong yang / de la lhag ma gang yod pa de de la yod do zhes bya bar yang dag pa ji lta ba bzhin du
277b7 rab tu shes te/ kun dga' bo stong pa nyid la 'jug pa 'di ni yang dag pa ji lta ba bzhin te phyin ci ma log pa yin no/ /de 'di snyam du sems te/ mtshan ma med pa'i dbyings kyang mngon par 'dus byas shing sems pas
277b8 mngon par bsams pa yin te/ gang mngon par 'dus byas shing sems pas mngon par bsams pa de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba'am/ lhag
278a1 par chags shing gnas par bya bar mi rigs so snyam mo/ /des de ltar shes shing de ltar mthong bas 'dod pa'i zag pa las sems rnam par grol zhing srid pa'i zag pa dang / ma rig pa'i zag pa las kyang
278a2 sems rnam par grol lo/ /rnam par grol bas bdag ni skye ba zad do/ /tshangs par spyad pa bstan to/ /bya ba byas so/ /srid pa 'di las gzhan mi shes so zhes rnam par grol ba ye shes mthong ba kho nar 'gyur ro/ /de 'di
278a3 snyam du sems te/ 'du shes kyi rnam pa 'di 'di lta ste/ 'dod pa'i zag pa dang / srid pa'i zag pa dang / ma rig pa'i zag pas stong yang 'di la 'di lta ste/ srog rkyen du byas pa'i skye mched drug gi lus 'di kho na la brten nas mi stong
278a4 pa yang yod do snyam mo/ /de la 'dod pa'i zag pa dang / srid pa'i zag pa dang / ma rig pa'i zag pa la brten pa nyon mongs pa'i gnas gang dag yin pa de dag med kyang de la 'di lta ste/ srog rkyen du byas pa'i skye mched drug gi lus de
278a5 kho na la brten pa tsam gyi nyon mongs pa'i gnas ni yod do/ /kun dga' bo de lta bas na gang la gang med pa de des stong ngo zhes bya bar yang dag par rjes su mthong yang / de la lhag ma gang yod pa de de la yod do zhes bya bar
278a6 yang dag pa ji lta ba bzhin du rab tu shes te/ kun dga' bo 'di lta ste/ zag pa rnams zad pas zag pa med cing mngon par 'dus ma byas pa rnam par grol ba gang yin pa 'di ni stong pa nyid la 'jug pa bla na med pa
278a7 yin no/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na byung bar gyur pa'i sangs rgyas bcom ldan 'das de dag gis kyang 'di lta ste/ zag pa rnams zad
278a8 pas zag pa med cing mngon par 'dus ma byas pa rnam par grol ba'i stong pa nyid la 'jug pa bla na med pa 'di nyid skus mngon sum du mdzad nas bsgrubs te bzhugs par gyur to/ /kun dga' bo de bzhin gshegs pa
278b1 dgra bcom pa yang dag par rdzogs pa'i sangs rgyas gang dag ma 'ongs pa'i dus na 'byung bar 'gyur ba'i sangs rgyas bcom ldan 'das de dag kyang 'di lta ste/ zag pa rnams zad pas zag pa med cing mngon par 'dus ma byas
278b2 pa rnam par grol ba'i stong pa nyid la 'jug pa bla na med pa 'di nyid skus mngon sum du mdzad nas bsgrubs te bzhugs par 'gyur ro/ /kun dga' bo da ltar de bzhin gshegs pa dgra bcom pa yang dag par rdzogs pa'i sangs
278b3 rgyas nga da ltar byung ba'i dus na 'di lta ste/ zag pa rnams zad pas zag pa med cing 'dus ma byas pa/ rnam par grol ba'i stong pa nyid la 'jug pa bla na med pa 'di nyid skus mngon sum du mdzad nas bsgrubs te bzhugs so/ /
278b4 kun dga' bo de lta bas na 'di lta ste/ zag pa rnams zad pas zag pa med cing mngon par 'dus ma byas pa/ rnam par grol ba'i stong pa nyid la 'jug pa bla na med pa gang yin pa 'di nyid lus kyis mngon sum du byas nas
278b5 bsgrubs te gnas par bya'o zhes de ltar bslab par bya ste/ kun dga' bo khyod kyis kyang de bzhin du bslab par bya'o/ /de nas tshe dang ldan pa kun dga' bos/ bcom ldan 'das kyis bka' stsal pa la mngon par bstod
278b6 cing rjes su yid rang bar byas nas/ bcom ldan 'das kyi zhabs la mgo bos phyag 'tshal te/ bcom ldan 'das kyi spyan snga nas phyir song ngo / /mdo chen po stong pa nyid ces bya ba rdzogs so// //
278b7 rgya gar gyi mkhan po dzi na mi tra dang / pra dz+nyA warma dang / zhu chen gyi lo ts+tsha ba ban d+he ye shes sde la sogs pas bsgyur cing zhus te gtan la phab pa/ /
CLOSE WINDOW