CLOSE WINDOW

J23
བོད་ཡིག

bcom ldan 'das kyis gsungs pa la mngon par bstod do/ /'phags pa zla ba'i snying po shes rab kyi pha rol du phyin pa theg pa chen po'i mdo rdzogs s+ho// // @#/ /rgya gar skad du/ Ar+ya pra dz+nyA pA ra mi tA sa man ta b+ha dra ma hA ya na sU tra/ bod skad du/ 'phags pa shes rab kyi pha rol du phyin pa kun du bzang po theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ma ga d+hA dgon pa chos kyi snying po na bzhugs te/ phyogs bcu'i sangs rgyas kyi zhing tshad med grangs med pa nas 'dus pa'i byang chub sems dpa' sangs rgyas kyi zhing rdul phra mo dang mnyam pa dang thabs gcig go/ /thams cad kyang kun du bzang po'i smon lam la mnga' brnyes pa spyod pa la gnas pa'o/ /de nas byang chub sems dpa' kun du bzang pos chos thams cad rnam par mi rtog pa bstan pa zhes bya ba'i ting nge 'dzin la snyoms par bzhugs so/ /ting nge 'dzin de'i mthus 'jig rten gyi khams sangs rgyas kyi zhing gi rdul phra mo dang mnyam pa thams cad g.yos so/ /de nas bcom ldan 'das kyis byang chub sems dpa' kun du bzang po la phyag gis dbu la reg par gyur to/ /de ltar reg pas sangs rgyas kyi zhing rnams kyang rab tu g.yos par gyur/ lha rnams kyis 'thun par tshigs su bcad pas bstod pa/ 'jig rten sgron ma lha mi'i dpe las 'das/ / yon tan rgya mtsho lta bu pha rol phyin/ /srid pa'i mtsho las 'gro ba khyod kyis sgrol/ /ded dpon khyod kyis rab tu bskyab pa gsol/ /de nas byang chub sems dpa' kun du bzang pos bcom ldan 'das la 'di skad ces gsol to/ /bcom ldan 'das ji ltar bslab par bya ba'i don shes rab 'dra ba dang shes rab yin pa la bslab par bya/ bcom ldan 'das kyis bka' stsal pa/ kun du bzang po shes rab 'dra ba ni 'jig rten tshogs kyi lam pa rnams kyi shes rab gang yin pa'o/ / shes rab yin pa ni sa dang po yan chad kyi shes rab gang yin pa'o/ /bcom ldan 'das kyis de skad ces bka' stsal pa dang / byang chub sems dpa' kun du bzang po dang / lha dang / mir bcas pa'i 'jig rten yid rangs te/ bcom ldan 'das kyis gsungs pa la mngon par bstod do/

CLOSE WINDOW