བོད་ཡིག |
251b2 @#/ /rgya gar skad du/ mA yA dzA laM nA ma ma hA sU traM/ bod skad du/ mdo chen po sgyu ma'i dra ba zhes bya ba/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das mnyan
251b3 du yod pa na rgyal bu rgyal byed kyi tshal/ mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag lhag pa'i tshul khrims kyi bslab
251b4 pa yod la/ lhag pa'i sems med cing / lhag pa'i shes rab med pa dang / lhag pa'i tshul khrims dang / lhag pa'i sems kyi bslab pa yod la/ lhag pa'i shes rab med pa yang yod de/ 'phags pa nyan thos
251b5 lhag pa'i shes rab la brtson pa'i rjes su sbyor ba la gnas na lhag pa'i tshul khrims dang / lhag pa'i sems kyi bslab pa'i bsgom pa yongs su rdzogs par 'gyur te/ dge slong dag de ltar na/ 'di la 'phags pa
251b6 nyan thos lhag pa'i shes rab la sbyor bar rjes su zhugs pa la gnas pa ni shes rab kyis 'tsho ba rnams kyi nang na bla na med pas 'tsho ba yin no/ /dge slong dag ji ltar na 'phags pa nyan thos lhag pa'i shes rab la
251b7 sbyor bar rjes su zhugs pa la gnas pa/ shes rab kyis 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su zhugs
251b8 pa la gnas pa ni bdag sngon mig gis rnam par shes par bya ba'i gzugs yid bde ba'i gnas lta bu dag la ni rjes su chags shing gnas par gyur la/ mig gis rnam par shes par bya ba'i gzugs yid
252a1 mi bde ba'i gnas lta bu dag la ni khong khro ba dang ldan zhing gnas par gyur/ mig gis rnam par shes par bya ba'i gzugs btang snyoms kyi gnas lta bu dag la ni so sor brtags pa ma yin/ so sor
252a2 brtags pa ma yin pa'i btang snyoms su gnas par 'gyur te/ de ltar bdag yun ring po nas 'di la rjes su slob cing rjes su byed pa na rga ba dang / 'chi ba nyams su myong zhing / sngon gyi mtha' mi mngon par gyur pas
252a3 bdag gis da ni mig gis rnam par shes par bya ba'i gzugs dag la sngon ji lta ba de ltar bslab par mi bya zhing / bdag gis mig gis rnam par shes par bya ba 'das pa dang / ma 'ongs pa dang / da ltar byung ba'i
252a4 gzugs dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod sems kyi tshogs
252a5 kyi mdud pa dang / tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spang
252a6 ba'i phyir bslab par bya zhing de dag spangs par gyur cig ces de ltar so sor rtog par byed pa'i phyir ro/ /dge slong dag 'on kyang 'di na kha cig la ni mig gis rnam par shes par bya ba'i gzugs de dag nyid yid du
252a7 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu
252a8 dag tu 'gyur/ dus la lar ni btang snyoms kyi gnas lta bu dag tu 'gyur te/ dge slong dag de de ltar na 'di la sems can rnams yun ring po nas sems kyis bsgribs shing / sems kyis brid/ sems kyis
252b1 bslus nas nyes dmigs su mi mthong zhing / nges par 'byung ba rab tu mi shes te/ bdud sdig can ji ltar 'dod pa bzhin byed du 'jug go/ /dge slong dag dge sbyong ngam/ bram ze gang dag kha cig mig gis rnam
252b2 par shes par bya ba'i gzugs 'di dag nyid bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni
252b3 brdzun pa'o zhes rjes su tha snyad 'dogs par byed pa de dag ni mig gis rnam par shes par bya ba'i gzugs yid bde ba'i gnas lta bu dag la rjes su chags shing gnas te/ dge sbyong dang bram ze brnab sems kyi
252b4 tshogs kyi mdud pas kun nas sun phyung ba/ rjes su chags pa'i kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam bram ze gang dag kha
252b5 cig gis rnam par shes par bya ba'i gzugs 'di dag nyid bden pa dang gnas pa'i sgo nas ma mthong zhing ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden
252b6 gyi gzhan ni brdzun pa'o zhes rjes su tha snyad 'dogs par byed pa de dag ni mig gis rnam par shes par bya ba'i gzugs yid mi bde ba'i gnas lta bu dag la khong khro ba dang ldan par gnas te/ dge sbyong dang
252b7 bram ze gnod sems kyi tshogs kyi mdud pas kun nas sun phyung ba/ khong khro ba'i kun du sbyor ba dang ldan pa de dag kyang bdud sdig can ji ltar 'dod pa bzhin du byed du 'jug pa yin no/ /dge slong dag dge
252b8 sbyong ngam bram ze gang dag kha cig mig gis rnam par shes par bya ba'i gzugs 'di dag nyid bden pa dang gnas pa'i sgo nas ma mthong zhing ji ltar rang rang log par mos pa dag la nan gyis bzung ste/ mngon par
253a1 zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni mig gis rnam par shes par bya ba'i gzugs btang snyoms kyi gnas lta bu dag la
253a2 so sor brtags pa ma yin pa'i btang snyoms su gnas te/ dge sbyong ngam bram ze 'di bden no snyam du mngon par zhen cing mchog tu 'dzin pa'i tshogs kyi mdud pas kun nas sun phyung ba/ nga rgyal gyi kun
253a3 tu sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag 'di lta ste/ dper na mi smyon pa sems g.yengs pa ni gcer bur de dang de dag tu 'khyam par byed
253a4 cing / de des mngon par dga' bar byed la/ de la nyes dmigs su ma mthong ba las gang gi tshe des rang gi sems phyir thob pa de'i tshe de sngon gyi smyon pa'i spyod pa dang / sems g.yengs pa'i spyod pa dang /
253a5 gcer bu'i spyod pa pa des gdung bar byed/ ngo tsha bar byed/ gnong bar byed cing / rnam par smod par byed do/ /dge slong dag de bzhin du 'phags pa nyan thos thos pa dang ldan pa yang / 'phags pa'i 'jig
253a6 rten las 'das pa'i shes rab 'di nyid thob nas sngon gyi byis pa'i spyod pa dang / rmongs pa'i spyod pa dang / shes rab 'chal pa'i spyod pa des gdung bar byed/ ngo tsha bar byed/ gnong bar byed cing / rnam par
253a7 smod par byed la/ de 'di snyam du sems te/ bdag gis ni sngon mi rtag pa kho na la rtag par bsams shing / bdag gis sdug bsngal ba kho na la ni bde bar bsams/ bdag gis mi gtsang ba kho na la ni gtsang
253a8 bar bsams/ bdag gis bdag med pa kho na la ni bdag tu bsams te/ de ltar na bdag ni sngon mi rtag pa la rtag par 'du shes pa dang / sdug bsngal ba la bde bar 'du shes pa dang / mi gtsang ba la gtsang bar 'du
253b1 shes pa dang / bdag med pa la bdag tu 'du shes par gyur to snyam du sems so/ /dge slong dag 'di lta ste/ dper na sgyu ma mkhan nam sgyu ma mkhan gyi slob ma mkhas pa zhig lam po che'i bzhi mdor 'dug ste/
253b2 sgyu ma rnam pa bzhi po 'di lta ste/ glang po che'i tshogs dang / rta'i tshogs dang / shing rta'i tshogs dang / dpung bu chung gi tshogs dag byas te/ rnam par bstan par gyur na/ de la sems can byis pa'i rang bzhin can
253b3 dang / rmongs pa'i rang bzhin can dang / shes rab 'chal pa'i rang bzhin can gang dag yin pa/ /de dag ni 'di snyam du sems te/ glang po che'i tshogs dang / rta'i tshogs dang / shing rta'i tshogs dang /
253b4 dpung bu chung gi tshogs gang snang ba 'di ni bden pa dang gnas pa'i sgo nas yod do snyam du sems so/ /sems can byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab
253b5 dang ldan pa'i rang bzhin can gang dag yin pa de dag ni 'di snyam du sems te/ glang po che'i tshogs dang / rta'i tshogs dang / shing rta'i tshogs dang / dpung bu chung gi tshogs dag snang ba 'di ni bden pa dang gnas pa'i sgo
253b6 nas yod pa ma yin te/ sgyu mar byas pa 'di 'ba' shig yod do/ /mig slu ba'i byed pa 'di 'ba' shig yod do snyam du sems so/ /dge slong dag de bzhin du 'phags pa nyan thos thos pa dang ldan pa yang bdag
253b7 gi mig gis rnam par shes par bya ba 'das pa dang / ma 'ongs pa dang / da ltar byung ba'i gzugs gang dag yin pa 'di dag la rtag pa nyid dam/ brtan pa nyid dam/ ther zug nyid dam/ de bzhin nyid dam/ ma nor ba
253b8 de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji lta ba bzhin nyid dam/ ma nor ba nyid dam/ phyin ci ma log pa nyid med de/ gsog kyang de nyid yin/
254a1 gsob kyang de nyid yin/ snying po med pa yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de nyid/ bdud kyi yo byad kyang de nyid yin/ ro yang de nyid yin/ ro'i gzugs
254a2 kyang de nyid yin pas de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rigs kyi/ bcom ldan 'das kyis
254a3 gsungs pa 'phags pa 'jig rten las 'das pa ni bden no zhes de ltar so sor rtog par byed do/ /des de ltar shes nas mig gis rnam par shes par bya ba 'das pa dang / ma 'ongs pa dang / da ltar byung ba'i
254a4 gzugs nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo / /des mig gis rnam
254a5 par shes par bya ba 'das pa dang / ma 'ongs pa dang / da ltar byung ba'i gzugs rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang /
254a6 bdag med par yang dag par rjes su mthong ba na de mig gis rnam par shes par bya ba 'das pa dang / ma 'ongs pa dang / da ltar byung ba'i gzugs dag la log par mos pa 'am/ 'du shes phyin ci log gam/ sems
254a7 phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin pa'i tshogs kyi mdud pa dang
254a8 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spong bar byed do/ /de dag spangs pa'i phyir bdud ldongs pa dang / yi chad pa dang / phyogs med par byas te gnas shing bdud
254b1 sdig can gyis mi mthong bar song nas bdud dang bdud kyi 'khor bcom zhing g.yul chen po'i g.yul sprad de/ g.yul las rnam par rgyal ba dang / g.yul ngo de nyid mngon par byas shing gnas te/ de ltar na 'di la 'phags
254b2 pa nyan thos lhag pa'i shes rab la sbyor bar rjes su zhugs pa la gnas pa ni shes rab kyis 'tsho ba rnams kyi nang na bla na med pas 'tsho ba yin no/ /dge slong dag yang ji ltar na 'phags pa nyan thos lhag pa'i
254b3 shes rab la sbyor bar rjes su zhugs pa la gnas pa/ shes rab kyis 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su
254b4 zhugs pa la gnas pa ni/ bdag sngon rna bas rnam par shes par bya ba'i sgra yid bde ba'i gnas lta bu dag la ni rjes su chags shing gnas par 'gyur la/ rna bas rnam par shes par bya ba'i sgra yid mi bde ba'i gnas
254b5 lta bu dag la ni khong khro ba dang ldan zhing gnas par gyur/ rna bas rnam par shes par bya ba'i sgra btang snyoms kyi gnas lta bu dag la ni so sor brtags pa ma yin/ so sor brtags pa ma yin pa'i btang snyoms su gnas
254b6 par gyur te/ de ltar bdag yun ring po nas 'di la rjes su slob cing rjes su byed pa na rga ba dang / 'chi ba nyams su myong zhing / sngon gyi mtha' mi mngon par gyur pas/ bdag gis da ni rna bas rnam par shes par
254b7 bya ba'i sgra dag la sngon ji lta ba de ltar bslab par mi bya zhing bdag gis rna bas rnam par shes par bya ba 'das pa dang / ma 'ongs pa dang / da ltar byung ba'i sgra dag la log par mos pa 'am/ 'du shes phyin ci log gam
254b8 sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin pa'i
255a1 tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spang ba'i phyir bslab par bya zhing / de dag spangs par gyur cig ces de ltar
255a2 so sor rtog par byed pa'i phyir ro/ /dge slong dag 'on kyang 'di na kha cig la ni rna bas rnam par shes par bya ba'i sgra de dag nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba
255a3 yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi gnas lta bu dag tu 'gyur te/
255a4 dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis bslus nas nyes dmigs su mi mthong zhing nges par 'byung ba rab tu mi shes te/
255a5 bdud sdig can ji ltar 'dod pa bzhin byed du 'jug go/ /dge slong dag dge sbyong ngam/ bram ze gang dag kha cig rna bas rnam par shes par bya ba'i sgra 'di dag nyid bden pa dang gnas pa'i sgo nas ma mthong zhing /
255a6 ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni rna bas rnam par shes par
255a7 bya ba'i sgra yid bde ba'i gnas lta bu dag la rjes su chags shing gnas te/ dge sbyong dang bram ze brnab sems kyi tshogs kyi mdud pas kun nas sun phyung ba/ rjes su chags pa'i kun tu sbyor ba dang ldan pa de
255a8 dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam bram ze gang dag kha cig rna bas rnam par shes par bya ba'i sgra 'di dag nyid bden pa dang / gnas pa'i sgo nas ma
255b1 mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni rna bas rnam
255b2 par shes par bya ba'i sgra yid mi bde ba'i gnas lta bu dag la khong khro ba dang ldan par gnas te/ dge sbyong dang bram ze gnod sems kyi mdud pas kun nas sun phyung ba khong khro ba'i kun du sbyor ba dang ldan pa de dag kyang bdud sdig
255b3 can ji ltar 'dod pa bzhin byed du 'jug pa yin no/ /dge slong dag dge sbyong ngam bram ze gang dag kha cig rna bas rnam par shes par bya ba'i sgra 'di dag nyid bden pa dang / gnas pa'i sgo nas ma mthong zhing / ji ltar rang rang
255b4 log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni rna bas rnam par shes par bya ba'i sgra btang snyoms kyi
255b5 gnas lta bu dag las so sor brtags pa ma yin/ so sor brtags pa ma yin pa'i btang snyoms su gnas te/ dge sbyong dang / bram ze 'di bden no snyam du mngon par zhen cing mchog tu 'dzin pa'i tshogs kyi mdud pas
255b6 kun nas sun phyung ba/ nga rgyal gyi kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag 'di lta ste/ dper na mi smyon pa 'am/ chang gis ra ro bar gyur pa ni ma dang
255b7 lhan cig nyal po byed cing / de des mngon par dga' bar byed la/ de la nyes dmigs su ma mthong ba las gang gi tshe de smyos pa 'am/ ra ro ba sangs par gyur pa de'i tshe ma dang lhan cig nyal po byas pa des gdung bar byed/ ngo
255b8 tsha bar byed/ gnong bar byed cing / rnam par smod par byed do/ /dge slong dag de bzhin du 'phags pa nyan thos thos pa dang ldan pa yang 'phags pa 'jig rten las 'das pa'i shes rab 'di nyid thob nas sngon gyi byis pa'i spyod
256a1 pa dang / rmongs pa'i spyod pa dang / shes rab 'chal pa'i spyod pa des gdung bar byed/ ngo tsha bar byed/ gnong bar byed cing / rnam par smod par byed la/ de 'di snyam du sems te/ bdag gis ni sngon mi rtag pa kho na la
256a2 rtag par bsams shing / bdag gis sdug bsngal ba kho na la ni bde bar bsams/ bdag gis mi gtsang ba kho la ni gtsang bar bsams/ bdag gis bdag med pa kho na la ni bdag tu bsams te/ de ltar na bdag ni sngon
256a3 mi rtag pa la rtag par 'du shes pa dang / sdug bsngal ba la bde bar 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam du sems so/ /dge slong dag 'di lta ste/ dper na chu
256a4 klung gi 'gram 'am yur po che'i 'gram na sgra brnyan gyi sgra grag par gyur na/ de la sems can byis pa'i rang bzhin can dang / rmongs pa'i rang bzhin can dang / shes rab 'chal pa'i rang bzhin can gang dag yin pa de dag ni 'di snyam du sems
256a5 te/ gang las sgra 'di grag pa'i sems can de ni bden pa dang / gnas pa'i sgo nas yod do snyam du sems so/ /sems can byis pa'i rang bzhin ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin
256a6 can gang dag yin pa de dag ni 'di snyam du sems te/ gang las sgra 'di grag pa'i sems can de ni bden pa dang / gnas pa'i sgo nas yod pa ma yin te/ sgra brnyan 'di 'ba' shig yod de/ rna ba slu bar byed pa 'di 'ba' shig yod do snyam du
256a7 sems so/ /dge slong dag de bzhin du 'phags pa nyan thos thos pa dang ldan pa yang bdag gis rna bas rnam par shes par bya ba 'das pa dang / ma 'ongs pa dang / da ltar byung ba'i sgra gang dag yin pa 'di dag la rtag pa nyid dam/
256a8 brtan pa nyid dam/ ther zug nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji lta ba de bzhin nyid dam/ ma nor ba nyid dam/
256b1 phyin ci ma log pa nyid med de/ gsog kyang de nyid yin/ gsob kyang de nyid yin/ snying po med pa yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad kyang de nyid yin/ ro yang
256b2 de nyid yin/ ro'i gzugs kyang de nyid yin pas de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rigs kyi/ bcom ldan 'das
256b3 kyis gsungs pa 'phags pa 'jig rten las 'das pa ni bden no zhes de ltar so sor rtog par byed do/ /des de ltar shes nas rna bas rnam par shes par bya ba 'das pa dang / ma 'ongs pa dang / da ltar byung ba'i sgra rnams nad du yang
256b4 dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo / /des rna bas rnam par shes par bya ba 'das pa dang / ma 'ongs
256b5 pa dang / da ltar byung ba'i sgra rnams nad tu yang dag par rjes su mthong zhing 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ de'i rna bas rnam par
256b6 shes par bya ba 'das pa dang / ma 'ongs pa dang / da ltar byung ba'i sgra dag la log par mos pa'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud
256b7 pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang yin pa de dag spong bar
256b8 byed do/ /de dag spangs pa'i phyir bdud ldongs pa dang / yi chad pa dang / phyogs med par byas te/ gnas shing bdud sdig can gyis mi mthong bar song nas bdud dang bdud kyi 'khor bcom zhing g.yul chen po'i g.yul sprad de/ g.yul
257a1 las rnam par rgyal ba dang / g.yul ngo de nyid pham par byas shing gnas te/ de ltar na 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni shes rab kyis 'tsho ba rnams kyi
257a2 nang na bla na med pas 'tsho ba yin no/ /dge slong dag yang ji ltar na 'phags pa nyan thos lhag pa'i shes rab la sbyor bar rjes su zhugs pa la gnas pa/ shes rab kyis 'tsho ba rnams kyi nang na bla na med pas 'tsho ba yin zhe na/
257a3 dge slong dag 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni bdag sngon snas rnam par shes par bya ba'i dri yid bde ba'i gnas lta bu dag la ni rjes su chags shing gnas par gyur la/
257a4 snas rnam par shes par bya ba'i dri yid mi bde ba'i gnas lta bu dag la ni khong khro ba dang ldan zhing gnas par gyur/ snas rnam par shes par bya ba'i dri btang snyoms kyi gnas lta bu dag la ni so sor brtags pa ma yin so sor
257a5 brtags pa ma yin pa'i btang snyoms su gnas par gyur te/ de ltar bdag yun ring po nas 'di la rjes su slob cing / rjes su byed pa na/ rga ba dang / 'chi ba nyams su myong zhing / sngon gyi mtha' mi mngon par gyur pas bdag
257a6 gis da ni snas rnam par shes par bya ba'i dri dag la sngon ji lta ba de ltar bslab par mi bya zhing / bdag gi snas rnam par shes par bya ba 'das pa dang / ma 'ongs pa dang / da ltar byung ba'i dri dag la log par mos pa 'am/
257a7 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod sems kyi tshogs kyi mdud pa dang / tshul khrims dang brtul zhugs
257a8 mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spang ba'i phyir bslab par bya zhing / de dag spangs par gyur cig ces de
257b1 ltar so sor rtog par byed pa'i phyir ro/ /dge slong dag 'on kyang 'di na kha cig la ni snas rnam par shes par bya ba'i dri de dag nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod
257b2 la de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi gnas lta bu dag tu 'gyur te/ dge slong dag de
257b3 ltar na 'di la sems can rnams yun ring po nas sems kyis bsgribs shing / sems kyis bslus nas nyes dmigs su mi mthong zhing / nges par 'byung bar rab tu mi shes te/ bdud sdig can ji ltar 'dod pa
257b4 bzhin byed du 'jug go/ /dge slong dag dge sbyong ngam bram ze gang dag kha cig snas rnam par shes par bya ba'i dri 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la
257b5 nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni snas rnam par shes par bya ba'i dri yid bde ba'i gnas lta bu dag la rjes su
257b6 chags shing gnas te/ dge sbyong dang / bram ze brnab sems kyi tshogs kyi mdud pas kun nas sun phyung ba/ rjes su chags pa'i kun du sbyor ba dang ldan pa de dag kyang bdud sdig can ji ltar 'dod pa bzhin byed tu 'jug pa yin no/ /
257b7 dge slong dag dge sbyong ngam/ bram ze gang dag kha cig snas rnam par shes par bya ba'i dri 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par
257b8 zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni snas rnam par shes par bya ba'i dri yid mi bde ba'i gnas lta bu dag la khong khro ba dang ldan par gnas ste/ dge
258a1 sbyong dang / bram ze gnod sems kyi tshogs kyi mdud pas kun nas sun phyung ba/ khong khro ba'i kun du sbyor ba dang ldan pa de dag kyang bdud sdig can ji ltar 'dod pa bzhin byed tu 'jug pa yin no/ /dge slong dag
258a2 dge sbyong ngam/ bram ze gang dag kha cig snas rnam par shes par bya ba'i dri 'di dag nyid bden pa dang / gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par
258a3 zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni snas rnam par shes par bya ba'i dri'i btang snyoms kyi gnas lta bu dag la so sor brtags pa ma yin pa'i
258a4 btang snyoms su gnas te/ dge sbyong dang / bram ze 'di bden no snyam du mngon par zhen cing mchog tu 'dzin pa'i tshogs kyi mdud pas kun nas sun phyung ba/ nga rgyal gyi kun du sbyor ba dang ldan pa de dag kyang bdud sdig can ji
258a5 ltar 'dod pa bzhin byed tu 'jug pa yin no/ /dge slong dag 'di lta ste/ dper na mi zhig gi phyi thog thag tu gshed ma phyir rgol ba dgra bo zhig rjes su 'brang bar gyur cing / de de la mngon par dga' bar byed la/ de la nyes dmigs
258a6 su ma mthong ba las gang gi tshe de so sor rtog par byed pa na/ 'di ni bdag gi gshed ma phyir rgol ba dgra bo yin no zhes shes par gyur pa de'i tshe/ des de gdung bar byed/ ngo tsha bar byed/ gnong bar byed cing / rnam par smod par
258a7 byed do/ /dge slong dag de bzhin du 'phags pa nyan thos thos pa dang ldan pa yang 'phags pa 'jig rten las 'das pa'i shes rab 'di nyid thob nas sngon byis pa'i spyod pa dang / rmongs pa'i spyod pa dang / shes rab
258a8 'chal pa'i spyod pa des gdung bar byed/ ngo tsha bar byed/ gnong bar byed cing / rnam par smod par byed la/ de 'di snyam du sems te/ bdag gis ni sngon mi rtag pa kho na la rtag par bsams shing / bdag gis sdug
258b1 bsngal ba kho na la ni bde bar bsams/ bdag gis mi gtsang ba kho na la ni gtsang bar bsams/ bdag gis bdag med pa kho na la ni bdag tu bsams te/ de ltar bdag ni sngon mi rtag pa la rtag par 'du
258b2 shes pa dang / sdug bsngal ba la bde bar 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam du sems so/ /dge slong dag 'di lta ste/ dper na
258b3 skyes bu mig dang ldan pa zhig gis me long gi dkyil 'khor shin du yongs su dag pa blangs te/ rang gi bzhin gyi mtshan ma so sor rtog par byed pa na/ de la sems can byis pa'i rang bzhin can dang / rmongs
258b4 pa'i rang bzhin can dang / shes rab 'chal pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i sems can 'di ni bden pa dang / gnas pa'i sgo nas yod do snyam du
258b5 sems so/ /sems can byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag ni 'di snyam du sems te/ gang 'di
258b6 ltar snang ba'i sems can 'di ni bden pa dang gnas pa'i sgo nas yod pa ma yin te/ gzugs brnyan 'di 'ba' shig yod do/ /mig slu bar byed pa ni 'ba' shig yod do snyam du sems so/ /dge slong dag
258b7 de bzhin du 'phags pa nyan thos thos pa dang ldan pa yang bdag gi snas rnam par shes par bya ba 'das pa dang / ma 'ongs pa dang / da ltar byung ba'i dri gang dag yin pa 'di dag la/ rtag pa nyid dam/ brtan pa
258b8 nyid dam/ ther zug nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji lta ba bzhin nyid dam/ ma
259a1 nor ba nyid dam/ phyin ci ma log pa nyid med de/ gsog kyang de nyid yin/ gsob kyang de nyid yin/ snying po med pa yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de
259a2 nyid yin/ bdud kyi yo byad kyang de nyid yin/ ro yang de nyid yin/ ro'i gzugs kyang de nyid yin pas de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par
259a3 chags shing gnas par bya bar mi rigs kyi/ bcom ldan 'das kyis gsungs pa 'phags pa 'jig rten las 'das pa ni bden no zhes de ltar so sor rtog par byed do/ /des de ltar shes nas snas rnam par shes
259a4 par bya ba 'das pa dang / ma 'ongs pa dang / da ltar byung ba'i dri rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par
259a5 yang dag par rjes su mthong ngo / /des snas rnam par shes par bya ba 'das pa dang / ma 'ongs pa dang / da ltar byung ba'i dri rnams nad tu yang dag par rjes su mthong zhing / 'bras dang / zug rngu dang / sdig pa dang / mi rtag pa dang
259a6 sdug bsngal ba dang / stong pa dang / bdag med par yang dag par rjes su mthong ba na/ de'i snas rnam par shes par bya ba 'das pa dang / ma 'ongs pa dang / da ltar byung ba'i dri dag la log par mos pa 'am/ 'du shes phyin ci log
259a7 gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin
259a8 pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spong bar byed do/ /de dag spangs pa'i phyir bdud ldongs pa dang / yi chad pa dang /
259b1 phyogs med par byas te gnas shing / bdud sdig can gyis mi mthong bar song nas/ bdud dang bdud kyi 'khor bcom zhing g.yul chen po'i g.yul sprad de g.yul las rnam par rgyal ba dang / g.yul ngo de nyid mngon
259b2 par pham par byas shing gnas te/ de ltar na 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni shes rab kyis 'tsho ba rnams kyi nang na bla na med pas 'tsho ba yin no/ /dge
259b3 slong dag yang ji ltar na 'phags pa nyan thos lhag pa'i shes rab la sbyor bar rjes su zhugs pa la gnas pa/ shes rab kyis 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan
259b4 thos lhag pa'i shes rab la sbyor bar rjes su zhugs pa la gnas pa ni bdag sngon lces rnam par shes par bya ba'i ro yid bde ba'i gnas lta bu dag la ni rjes su chags shing gnas par gyur la/ lces rnam par shes par bya
259b5 ba'i ro yid mi bde ba'i gnas lta bu dag la ni khong khro ba dang ldan zhing gnas par gyur/ lces rnam par shes par bya ba'i ro yid mi bde ba'i gnas lta bu dag la ni khong khro ba dang ldan zhing gnas par gyur/ lces rnam par shes
259b6 par bya ba'i ro btang snyoms kyi gnas lta bu dag la ni so sor brtags pa ma yin pa'i btang snyoms su gnas par gyur te/ de ltar bdag yun ring po nas 'di la rjes su slob cing rjes su byed pa na rga ba dang /
259b7 'chi ba nyams su myong zhing sngon gyi mtha' mi mngon par gyur pas/ bdag gis da ni lces rnam par shes par bya ba'i ro dag la sngon ji lta ba de ltar bslab par mi bya zhing / bdag gis lces rnam par shes par bya ba
259b8 'das pa dang / ma 'ongs pa dang / da ltar byung ba'i ro dag la log par mos pa 'am 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud
260a1 pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa
260a2 gang dag yin pa de dag spang ba'i phyir bslab par bya zhing / de dag spangs par gyur cig ces de ltar so sor rtog par byed pa'i phyir ro/ /dge slong dag 'on kyang 'di na kha cig la ni lces rnam par shes par bya ba'i ro de dag nyid
260a3 yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu
260a4 'gyur/ dus la lar ni btang snyoms kyi gnas lta bu dag tu 'gyur te/ dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis bslus nas nyes
260a5 dmigs su mi mthong zhing / nges par 'byung ba rab tu mi shes te/ bdud sdig can ji ltar 'dod pa bzhin byed du 'jug go/ /dge slong dag dge sbyong ngam/ bram ze gang dag kha cig lces rnam par shes par bya ba'i ro 'di dag
260a6 nyid bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par
260a7 byed pa de dag ni lces rnam par shes par bya ba'i ro yid bde ba'i gnas lta bu dag la rjes su chags shing gnas te/ dge sbyong dang / bram ze brnab sems kyi tshogs kyi mdud pas kun nas sun phyung ba/ rjes su chags pa'i
260a8 kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam/ bram ze gang dag kha cig lces rnam par shes par bya ba'i ro 'di dag nyid bden pa dang gnas
260b1 pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni lces rnam
260b2 par shes par bya ba'i ro yid mi bde ba'i gnas lta bu dag la khong khro ba dang ldan par gnas te/ dge sbyong dang / bram ze gnod sems kyi tshogs kyi mdud pas kun nas sun phyung ba/ khong khro ba'i kun tu sbyor ba dang
260b3 ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam/ bram ze gang dag kha cig lces rnam par shes par bya ba'i ro 'di dag nyid bden pa dang gnas pa'i sgo nas ma
260b4 mthong zhing / ji ltar rang rang log par mos pa dag la nan gyis bzung ste/ mngon par shes par byas nas 'di nyid bden gyi gzhan ni don med pa'o zhes rjes su tha snyad 'dogs par byed pa de dag ni lces rnam par shes
260b5 par bya ba'i ro btang snyoms kyi gnas lta bu dag la so sor brtags pa ma yin/ so sor brtags pa ma yin pa'i btang snyoms su gnas te/ dge sbyong dang / bram ze 'di bden no snyam du mngon par zhen cing mchog tu 'dzin pa'i
260b6 tshogs kyi mdud pas kun nas sun phyung ba/ nga rgyal gyi kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag 'di lta ste/ dper na slob ma zhig gis slob dpon
260b7 zas sbyin par bya'o zhes ba lang gi lci ba zar bcug cing / skom blud par bya'o zhes gcin 'thung du bcug la de des mngon par dga' bar byed cing de la nyes dmigs su ma mthong ba las/ gang gi tshe de so sor rtog par byed
260b8 pa na bdag gis slob dpon zas sbyin par bya'o zhes ba lang gi lci ba zar bcug cing / skom blud par bya'o zhes gcin 'thung du bcug par shes par gyur pa de'i tshe/ de des gdung bar byed/ ngo tsha bar byed la/ gnong bar byed
261a1 cing rnam par smod par byed do/ /dge slong dag de bzhin du 'phags pa nyan thos thos pa dang ldan pa yang 'phags pa 'jig rten las 'das pa'i shes rab 'di nyid thob nas sngon gyi byis pa'i spyod pa dang / rmongs
261a2 pa'i spyod pa dang / shes rab 'chal pa'i spyod pa des gdung bar byed/ ngo tsha bar byed/ gnong bar byed cing rnam par smod par byed la de 'di snyam du sems te/ bdag gis ni sngon mi rtag pa kho na la rtag par bsams shing /
261a3 bdag gis sdug bsngal ba kho na la ni bde bar bsams/ bdag gis mi gtsang ba kho na la ni gtsang bar bsams/ bdag gis bdag med pa kho na la ni bdag tu bsams te/ de ltar na bdag ni sngon mi rtag pa la rtag
261a4 par 'du shes pa dang / sdug bsngal ba la bde bar 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam du sems so/ /dge slong dag 'di lta ste/ dper na so ka'i
261a5 zla ba tha ma la sprin med cing sprin dang bral ba'i nyi ma'i gung tshigs la bab pa'i tshe/ tsha bas smig rgyu dag g.yo bar gyur pa na/ de la sems can byis pa'i rang bzhin can dang / rmongs pa'i rang bzhin can dang / shes
261a6 rab 'chal pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i chu 'di ni bden pa dang gnas pa'i sgo nas yod do snyam du sems so/ /sems can byis pa'i rang bzhin can
261a7 ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i chu 'di ni bden pa dang / gnas pa'i sgo nas
261a8 yod pa ma yin te/ smig rgyu 'di 'ba' shig yod do/ /mig slu bar byed pa 'di 'ba' shig yod do snyam du sems so/ /dge slong dag de bzhin du 'phags pa nyan thos thos pa dang ldan pa yang bdag gi lces rnam par shes par
261b1 bya ba 'das pa dang / ma 'ongs pa dang / da ltar byung ba'i ro gang dag yin pa 'di dag la rtag pa nyid dam/ brtan pa nyid dam/ ther zug nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid
261b2 dam/ yang dag pa nyid dam/ bden pa nyid dam/ de kho na nyid dam/ ji lta ba bzhin nyid dam/ ma nor ba nyid dam/ phyin ci ma log pa nyid med de/ gsog kyang de nyid yin/ gsob kyang de nyid yin/ snying po med pa yang de nyid yin
261b3 brdzun pa yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad kyang de nyid yin/ ro yang de nyid yin/ ro'i gzugs kyang de nyid yin pas de la ni mngon par dga' bar bya ba 'am/ mngon
261b4 par brjod par bya ba 'am/ lhag par chags par bya ba 'am/ lhag par chags shing gnas par bya ba'i mi rigs kyi bcom ldan 'das kyis gsungs pa 'phags pa 'jig rten las 'das pa ni bden no zhes de
261b5 ltar so sor rtog par byed do/ /des de ltar shes nas lces rnam par shes par bya ba 'das pa dang / ma 'ongs pa dang / da ltar byung ba'i ro rnams nad tu yang dag par rjes su mthong zhing / 'bras dang / zug rngu dang / sdig pa
261b6 dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ngo / /des lces rnam par shes par bya ba 'das pa dang / ma 'ongs pa dang / da ltar byung ba'i ro rnams nad du yang dag par
261b7 rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ de'i lces rnam par shes par bya ba 'das pa dang / ma
261b8 'ongs pa dang / da ltar byung ba'i ro dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod
262a1 sems kyi tshogs kyi mdud pa dang / tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin
262a2 pa de dag spong bar byed do/ /de dag spangs pa'i phyir bdud ldongs pa dang / yi chad pa dang phyogs med par byas te gnas shing bdud sdig can gyis mi mthong bar song nas bdud dang bdud kyi 'khor bcom zhing g.yul chen po'i
262a3 g.yul sprad de/ g.yul las rnam par rgyal ba dang g.yul ngo de nyid mngon par pham par byas shing gnas te de ltar na 'di la 'phags pa nyan thos lhag pa'i shes rab la sbyor bar rjes su zhugs pa la gnas
262a4 pa ni shes rab kyis 'tsho ba rnams kyi nang na bla na med pas 'tsho ba yin no/ /dge slong dag yang ji ltar na 'phags pa nyan thos lhag pa'i shes rab la sbyor bar rjes su zhugs pa la gnas pa/ shes rab kyis
262a5 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni bdag sngon lus kyis rnam par shes par
262a6 bya ba'i reg bya yid bde ba'i gnas lta bu dag la ni rjes su chags shing gnas par gyur la/ lus kyis rnam par shes par bya ba'i reg bya yid mi bde ba'i gnas lta bu dag la ni khong kho ba dang ldan zhing gnas par
262a7 gyur/ lus kyis rnam par shes par bya ba'i reg bya btang snyoms kyi gnas lta bu dag la ni so sor brtags pa ma yin/ so sor brtags pa ma yin pa'i btang snyoms su gnas par gyur te/ de ltar bdag yun ring po nas
262a8 'di la rjes su slob cing rjes su byed pa na rga ba dang 'chi ba nyams su myong zhing sngon gyi mtha' mi mngon par gyur pas bdag gis da ni lus kyis rnam par shes par bya ba'i reg bya dag la sngon ji lta ba de ltar bslab par mi bya zhing / bdag
262b1 gis lus kyis rnam par shes par bya ba 'das pa dang / ma 'ongs pa dang da ltar byung ba'i reg bya dag la log par mos pa dang / 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems
262b2 kyi tshogs kyi mdud pa dang / gnod sems kyi tshogs kyi mdud pa dang tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa
262b3 gang dag yin pa de dag spang ba'i phyir bslab par bya zhing / de dag spangs par gyur cig ces de ltar so sor rtog par byed pa'i phyir ro/ /dge slong dag 'on kyang 'di na kha cig la ni lus kyis rnam par shes par bya ba'i reg bya de dag
262b4 nyid yid du 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag
262b5 tu 'gyur/ dus la lar ni btang snyoms kyi gnas lta bu dag tu 'gyur te/ dge slong dag de ltar na 'di la sems can rnams su yun ring po nas sems kyis bsgribs shing / sems kyis bslus nas nyes dmigs su mi
262b6 mthong zhing nges par 'byung ba rab tu mi shes te/ bdud sdig can ji ltar 'dod pa bzhin byed tu 'jug go/ /dge slong dag dge sbyong ngam/ bram ze gang dag kha cig lus kyis rnam par shes par bya ba'i reg bya 'di dag nyid
262b7 bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed
262b8 pa de dag ni lus kyis rnam par shes par bya ba'i reg bya yid bde ba'i gnas lta bu dag la rjes su chags shing gnas te/ dge sbyong dang / bram ze brnab sems kyi tshogs kyi mdud pas kun nas sun phyung ba/ rjes su
263a1 chags pa'i kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong dang / bram ze gang dag lus kyis rnam par shes par bya ba'i reg bya 'di dag
263a2 nyid bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni don med pa'o zhes rjes su tha snyad 'dogs par byed
263a3 pa de dag ni lus kyis rnam par shes par bya ba'i reg bya yid mi bde ba'i gnas lta bu dag la khong khro ba dang ldan par gnas te/ dge sbyong dang bram ze gnod sems kyi tshogs kyi mdud pas kun nas sun phyung ba/ khong khro
263a4 ba'i kun du sbyor ba dang ldan pa de dag kyang bdud sdig can ji ltar 'dod pa bzhin byed tu 'jug pa yin no/ /dge slong dag dge sbyong ngam/ bram ze gang dag kha cig lus kyis rnam par shes par bya ba'i reg bya 'di dag nyid bden pa
263a5 dang gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni
263a6 lus kyis rnam par shes par bya ba'i reg bya btang snyoms kyi gnas lta bu dag la so sor brtags pa ma yin/ so sor brtags pa ma yin pa'i btang snyoms su gnas te/ dge sbyong dang / bram ze 'di bden no snyam du mngon
263a7 par zhen cing mchog tu 'dzin pa'i tshogs kyi mdud pas kun nas sun phyung ba/ nga rgyal gyi kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag 'di lta ste/
263a8 dper na mi zhig rkun po dag gis gtses pa na rang gi bu yin no snyam du sems shing gzhan gyi bu blangs te grong nas 'bros par byed cing / de des mngon par dga' bar byed la/ de la nyes dmigs su ma mthong ba las/
263b1 gang gi tshe de so sor rtog par byed pa na 'di ni bdag gi bu ma yin gyi/ 'di ni gzhan gyi bu yin no zhes shes par gyur pa de'i tshe/ de des gdung bar byed/ ngo tsha bar byed/ gnong bar byed cing rnam par smod par byed do/ /dge
263b2 slong dag de bzhin du 'phags pa nyan thos thos pa dang ldan pa yang 'phags pa 'jig rten las 'das pa'i shes rab 'di nyid thob nas sngon gyi byis pa'i spyod pa dang / rmongs pa'i spyod pa dang / shes rab 'chal pa'i spyod
263b3 pa des gdung bar byed/ ngo tsha bar byed/ gnong bar byed cing / rnam par smod par byed la/ de 'di snyam du sems te/ bdag gis ni sngon mi rtag pa kho na la rtag par bsams shing bdag gis sdug bsngal ba kho na la ni bde
263b4 bar bsams/ bdag gis mi gtsang ba kho na la ni gtsang bar bsams/ bdag gis bdag med pa kho na la ni bdag tu bsams te/ de ltar bdag ni sngon mi rtag pa la rtag par 'du shes pa dang / sdug bsngal ba la bde bar
263b5 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam du sems so/ /dge slong dag 'di lta ste/ dper na skyes bu gnyid kyis log pa'i rmi lam la 'dod pa'i yon tan
263b6 lngas rtse zhing dga' la dga' mgur spyod par byed pa las phyis sad pa na chung zad mi snang bar gyur pa'i tshe/ de la sems can byis pa'i rang bzhin can dang / rmongs pa'i rang bzhin can dang / shes rab 'chal pa'i rang
263b7 bzhin can gang dag yin pa de dag ni 'di snyam du sems te/ gang dag bdag cag gis rmi lam na dga' mgur spyad pa'i 'dod pa'i yon tan lnga po de dag ni bden pa dang gnas pa'i sgo nas yod do snyam du sems so/ /sems
263b8 can byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag ni 'di snyam du sems te/ gang dag bdag cag gis rmi lam na dga'
264a1 mgur spyod pa'i 'dod pa'i yon tan lnga po de dag ni bden pa dang gnas pa'i sgo nas yod pa ma yin te/ rmi lam de 'ba' shig yod do/ /sems slu bar byed pa de 'ba' shig yod do snyam du sems so/ /dge
264a2 slong dag de bzhin du 'phags pa nyan thos thos pa dang ldan pa yang bdag gi lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya gang dag yin pa 'di dag la rtag pa nyid dam/ brtan
264a3 pa nyid dam/ ther zug pa nyid dam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji lta ba bzhin nyid dam/ ma nor ba
264a4 nyid dam/ phyin ci ma log pa nyid med de/ gsog kyang de nyid yin la/ gsob kyang de nyid yin/ snying po med pa yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad
264a5 kyang de nyid yin/ ro'i gzugs kyang de nyid yin pas/ de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya bar mi rigs kyi/
264a6 bcom ldan 'das kyis gsungs pa/ 'phags pa 'jig rten las 'das pa ni bden no zhes de ltar so sor rtog par byed do/ /des de ltar shes nas lus kyis rnam par shes par bya ba 'das pa dang / ma 'ongs pa dang /
264a7 da ltar byung ba'i reg bya rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ /de
264a8 lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya rnams nad du yang dag par rjes su mthong zhing / 'bras dang / zug rngu dang / sdig pa dang / mi rtag pa dang / sdug bsngal ba dang /
264b1 stong pa dang / bdag med par yang dag par rjes su mthong ba na de'i lus kyis rnam par shes par bya ba 'das pa dang / ma 'ongs pa dang / da ltar byung ba'i reg bya dag la log par mos pa 'am/ 'du shes phyin ci log
264b2 gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin pa'i
264b3 tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa de dag spong bar byed do/ /de dag spangs pa'i phyir bdud ldongs pa dang yi chad pa dang / phyogs
264b4 med par byas te gnas shing bdud sdig can gyis mi mthong bar song nas bdud dang bdud kyi 'khor bcom zhing g.yul chen po'i g.yul sprad de/ g.yul las rnam par rgyal ba dang / g.yul ngo de nyid pham par
264b5 byas shing gnas te/ de ltar na 'di la 'phags pa nyan thos lhag pa'i shes rab la brtson pa'i rjes su sbyor ba la gnas pa ni shes rab kyis 'tsho ba rnams kyi nang na bla na med pas 'tsho ba yin no/ /dge slong dag yang
264b6 ji ltar na 'phags pa nyan thos lhag pa'i shes rab la sbyor bas rjes su zhugs pa la gnas pa shes rab kyis 'tsho ba rnams kyi nang na bla na med pas 'tsho ba yin zhe na/ dge slong dag 'di la 'phags pa nyan thos lhag
264b7 pa'i shes rab la sbyor bar rjes su zhugs pa la gnas pa ni bdag sngon yid kyis rnam par shes par bya ba'i chos yid bde ba'i gnas lta bu dag la ni rjes su chags shing gnas par gyur la/ yid kyis rnam par shes
264b8 par bya ba'i chos yid mi bde ba'i gnas lta bu dag la ni khong khro ba dang ldan zhing gnas par gyur yid kyis rnam par shes par bya ba'i chos btang snyoms kyi gnas lta bu dag la ni so sor brtags pa
265a1 ma yin/ so sor brtags pa ma yin pa'i btang snyoms su gnas par gyur to/ de ltar bdag yun ring po nas 'di la rjes su slob cing rjes su byed pa na/ rga ba dang / 'chi ba nyams su myong zhing /
265a2 sngon gyi mtha' mi mngon par gyur pas bdag gis da ni yid kyis rnam par shes par bya ba'i chos dag la sngon ji lta ba de ltar bslab par mi bya zhing / bdag gis yid kyis rnam par shes par bya ba 'das pa dang /
265a3 ma 'ongs pa dang / da ltar byung ba'i chos dag la log par mos pa 'am 'du shes phyin ci log gam/ sems phyin ci log gam/ lta ba phyin ci log tu gyur pa 'di lta ste/ brnab sems kyi tshogs kyi mdud pa dang
265a4 gnod sems kyi tshogs kyi mdud pa dang tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par zhen cing mchog tu 'dzin pa'i tshogs kyi mdud pa gang dag yin pa
265a5 de dag spang ba'i phyir bslab par bya zhing / de dag spangs par gyur cig ces de ltar so sor rtog par byed pa'i phyir ro/ /dge slong dag 'on kyang 'di na kha cig la ni yid gyis rnam par shes par bya ba'i chos de dag nyid yid du
265a6 'ong bar 'gyur la/ gzhan dag la ni de dag nyid yid du mi 'ong bar 'gyur ba yang yod la/ de dag la yang dus la lar ni yid bde ba'i gnas lta bu dag tu 'gyur zhing / dus la lar ni yid mi bde ba'i gnas lta bu dag tu 'gyur/ dus la lar ni btang snyoms kyi
265a7 gnas lta bu dag tu 'gyur te dge slong dag de ltar na 'di la sems can rnams yun ring po nas sems kyis bsgribs shing / sems kyis brid/ sems kyis bslus nas nyes dmigs su mi mthong zhing / nges par 'byung
265a8 ba rab tu mi shes te/ bdud sdig can ji ltar 'dod pa bzhin byed du 'jug go/ /dge slong dag dge sbyong ngam/ bram ze gang dag kha cig yid kyis rnam par shes par bya ba'i chos 'di dag nyid bden pa dang gnas pa'i sgo
265b1 nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni yid kyis
265b2 rnam par shes par bya ba'i chos yid bde ba'i gnas lta bu dag la rjes su chags shing gnas te/ dge sbyong dang / bram ze brnab sems kyi tshogs kyi mdud pas kun nas sun phyung ba/ rjes su chags pa'i kun
265b3 du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam/ bram ze gang dag kha cig yid kyis rnam par shes par bya ba'i chos 'di dag nyid
265b4 bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas nas 'di nyid bden gyi gzhan ni brdzun pa'o zhes rjes su tha snyad la
265b5 'dogs par byed pa de dag ni yid kyis rnam par shes par bya ba'i chos yid mi bde ba'i gnas lta bu dag la khong khro ba dang ldan par gnas te/ dge sbyong dang / bram ze gnod sems kyi tshogs kyi mdud
265b6 pas kun nas sun phyung ba/ khong khro ba'i kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag dge sbyong ngam/ bram ze gang dag kha
265b7 cig yid kyis rnam par shes par bya ba'i chos 'di dag nyid bden pa dang gnas pa'i sgo nas ma mthong zhing / ji ltar rang rang log par mos pa dag la nan gyis bzung ste/ mngon par zhen par byas
265b8 nas 'di nyid bden gyi gzhan ni brdzun pa'o zhes rjes su tha snyad 'dogs par byed pa de dag ni yid kyis rnam par shes par bya ba'i chos btang snyoms kyi gnas lta bu dag la so sor brtags pa ma yin/ so sor brtags pa ma yin pa'i btang snyoms su gnas te/
266a1 dge sbyong dang / bram ze 'di bden no snyam du mngon par zhen cing mchog tu 'dzin pa'i tshogs kyi mdud pas kun nas sun phyung ba/
266a2 nga rgyal gyi kun du sbyor ba dang ldan pa de dag kyang bdud sdig can ji ltar 'dod pa bzhin byed du 'jug pa yin no/ /dge slong dag 'di lta ste/ dper na skyes bu zhig gis rin po che'i za ma tog yin par sems
266a3 shing sbrul gyi za ma tog blangs te grong khyer kun du 'bar ba nas 'bros par byed cing / de des mngon par dga' bar byed la de la nyes dmigs su ma mthong ba las gang gi tshe de so sor rtog par byed pa na
266a4 'di ni sbrul gyi za ma tog yin gyi/ 'di ni rin po che'i za ma tog ma yin no zhes shes par gyur pa de'i tshe/ de des gdung bar byed/ ngo tsha bar byed/ gnong bar byed cing rnam par smod par byed do/ /dge
266a5 slong dag de bzhin du 'phags pa nyan thos thos pa dang ldan pa yang 'phags pa'i 'jig rten las 'das pa'i shes rab 'di nyid thob nas sngon gyi byis pa'i spyod pa dang / rmongs pa'i spyod pa dang / shes
266a6 rab 'chal pa'i spyod pa des gdung bar byed/ ngo tsha bar byed/ gnong bar byed cing rnam par smod par byed la/ de 'di snyam du sems te/ bdag gis ni mngon mi rtag pa kho na la rtag par bsams shing /
266a7 bdag gis sdug bsngal ba kho na la ni bde bar bsams/ bdag gis mi gtsang ba kho na la ni gtsang bar bsams/ bdag gis bdag med pa kho na la ni bdag tu bsams te/ de ltar na bdag ni sngon mi rtag
266a8 pa la rtag par 'du shes pa dang / sdug bsngal ba la bde bar 'du shes pa dang / mi gtsang ba la gtsang bar 'du shes pa dang / bdag med pa la bdag tu 'du shes par gyur to snyam du sems so/ /dge slong dag
266b1 'di lta ste/ dper na sgyu ma mkhan nam sgyu ma mkhan gyi slob ma mkhas pa zhig lam po che'i bzhi mdor 'dug ste/ sgyu ma sna tshogs 'di lta ste/ nor bu dag gam/ rna cha gdub kor dag gam/ mgul rgyan dag gam/ gdub
266b2 bu rgyan can dag gam/ dpung rgyan dag gam/ lag rgyan dag gam/ rkang rgyan dag gam/ sor gdub rgyan dag gam/ gser dang dngul gyi phreng ba dag byas te rnam par bstan par gyur na/ de la sems can byis pa'i rang bzhin can
266b3 dang / rmongs pa'i rang bzhin can dang / shes rab 'chal pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i nor bu dag gam/ rna cha gdub kor dag gam/ mgul rgyan dag gam/
266b4 gdu bu rgyan can dag gam/ dpung rgyan dag gam/ lag rgyan dag gam/ rkang rgyan dag gam/ sor gdub rgyan dag gam/ gser dang / dngul gyi phreng ba 'di dag ni bden pa dang / gnas pa'i sgo nas yod do snyam du sems so/ /
266b5 sems can byis pa'i rang bzhin can ma yin pa dang / rmongs pa'i rang bzhin can ma yin pa dang / shes rab dang ldan pa'i rang bzhin can gang dag yin pa de dag ni 'di snyam du sems te/ gang 'di ltar snang ba'i nor bu dag
266b6 gam/ rna cha gdub kor dag gam/ mgul rgyan dag gam/ gdu bu rgyan can dag gam/ dpung rgyan dag gam/ lag rgyan dag gam/ rkang rgyan dag gam/ sor gdub rgyan dag gam/ gser dang dngul gyi phreng ba 'di dag ni bden pa
266b7 dang gnas pa'i sgo nas yod pa ma yin te/ gyi na sgyu mar byas pa 'di 'ba' shig yod do/ /mig slu bar byed pa 'di 'ba' shig yod do snyam du sems so/ /dge slong dag de bzhin du 'phags pa nyan thos thos pa
266b8 dang ldan pa yang bdag gis yid kyis rnam par shes par bya ba 'das pa dang / ma 'ongs pa dang / da ltar byung ba'i chos gang dag yin pa 'di dag la/ rtag pa nyid dam/ brtan pa nyid dam/ ther zug nyid dam/ de
267a1 bzhin nyid dam/ ma nor ba de bzhin nyid dam/ gzhan ma yin pa de bzhin nyid dam/ yang dag pa nyid dam/ bden pa nyid dam/ de kho na nyid dam/ ji lta ba bzhin nyid dam/ ma nor ba nyid dam/ phyin ci ma log
267a2 pa nyid med de/ gsog kyang de nyid yin la/ gsob kyang de nyid yin/ snying po med pa yang de nyid yin/ brdzun pa yang de nyid yin/ slu ba'i chos kyang de nyid yin/ bdud kyang de nyid yin/ bdud kyi yo byad kyang de nyid
267a3 yin/ ro yang de nyid yin/ ro'i gzugs kyang de nyid yin pas de la ni mngon par dga' bar bya ba 'am/ mngon par brjod par bya ba 'am/ lhag par chags par bya ba 'am/ lhag par chags shing gnas par bya
267a4 bar mi rigs kyi/ bcom ldan 'das kyis gsungs pa 'phags pa 'jig rten las 'das pa ni bden no zhes de ltar so sor rtog par byed do/ /des de ltar shes nas yid kyis rnam par shes par bya ba 'das pa
267a5 dang / ma 'ongs pa dang / da ltar byung ba'i chos rnams nad du yang dag par rjes su mthong / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag
267a6 par rjes su mthong ngo / /des yid kyis rnam par shes par bya ba 'das pa dang / ma 'ongs pa dang / da ltar byung ba'i chos rnams nad du yang dag par rjes su mthong zhing / 'bras dang / zug rngu dang /
267a7 sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba na/ de'i yid kyis rnam par shes par bya ba 'das pa dang / ma 'ongs
267a8 pa dang / da ltar byung ba'i chos dag la log par mos pa 'am/ 'du shes phyin ci log gam/ sems phyin ci log gam/ lta ba phyin ci log tu gyur pa/ 'di lta ste/ brnab sems
267b1 kyi tshogs kyi mdud pa dang / gnod sems kyi tshogs kyi mdud pa dang / tshul khrims dang brtul zhugs mchog tu 'dzin pa'i tshogs kyi mdud pa dang / 'di bden no snyam du mngon par
267b2 zhen cing mchog tu 'dzin pa'i tshogs kyi mdud pa gang dag yin pa de dag spong bar byed do/ /de dag spangs pa'i phyir bdud ldongs pa dang / yi chad pa dang / phyogs med par byas te gnas
267b3 shing / bdud sdig can gyis mi mthong bar song nas bdud kyi srang dang / bdud kyi 'khor bcom zhing / g.yul chen po'i g.yul sprad de/ g.yul las rnam par rgyal ba dang /
267b4 g.yul ngo de nyid mngon par pham par byas shing gnas te/ /de ltar na 'di la 'phags pa nyan thos lhag pa'i shes rab la sbyor bar rjes su zhugs pa la gnas pa ni shes rab kyis
267b5 'tsho ba rnams kyi nang na bla na med pas 'tsho ba yin no/ /bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa
267b6 la mngon par bstod do/ /bar sdom ni/ smyon pa dang ni sgyu ma dang / /ra ro ba dang sgra brnyan dang / /gshed ma dang ni me long dang / /zas sbyin pa dang smig rgyu dang / /rkun pos gtses
267b7 pa grong nas dang / /rmi lam dga' spyod za ma tog /nor bu dpung rgyan rnam dag ni/ /sgyu ma'i dra ba kun bsdus pa'o/ /mdo chen po sgyu ma'i dra ba zhes bya ba rdzogs so// // rgya gar gyi
267b8 mkhan po dzi na mi tra dang / pra dz+nyA warma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa// // //
CLOSE WINDOW