བོད་ཡིག |
79b5 bsam pa thams cad yongs su rdzogs par byed pa zhes bya ba'i yongs su bsngo ba rdzogs s+ho// // 'phags pa 'gro ba thams cad yongs su skyob par byed pa zhes bya ba'i yongs su bsngo ba/ sangs rgyas dang /
79b6 chos dang / dge 'dun thams cad la phyag 'tshal lo/ /sangs rgyas bcom ldan 'das dang / byang chub sems dpa' sems dpa' chen po thams cad bdag la dgongs su gsol/ bdag sdig pa thams
79b7 cad so sor bshags so/ /bsod nams thams cad la rjes su yi rang ngo / /sangs rgyas thams cad la gsol ba 'debs so/ /bsod nams thams cad sems can thams cad kyis bla na med pa thams
79b8 cad mkhyen pa'i ye shes thob par bgyi ba'i slad du yongs su bsngo bar bgyi'o/ /bden pa dang bden pa'i tshig gang gis bden pa gsung ba sangs rgyas bcom ldan 'das kyis dge ba'i rtsa ba yang dag pa ji
80a1 ltar yongs su bsngo bar mdzad pa de ltar yongs su bsngo bar bgyi'o/ /bden pa dang bden pa'i tshig des gang sems can thams cad kyi sdig pa mi dge ba nyes pa byas pa dang / log par smra ba dang /
80a2 ngan du bsams pa dang / nyon mongs pa'i sgrib pa dang / las kyi sgrib pa dang / rnam par smin pa'i sgrib pa dang / shes bya'i sgrib pa dang / sgrib pa gang gis sgrib shing g.yogs te/ kun nas dkris pa/ bdag nyid dang / gzhan
80a3 dag gi bsam pa dang / bag la nyal dang / khams dang / rang bzhin yang dag pa ji lta ba bzhin ma 'tshal ba dang / dbang po dang / brtson 'grus kyi rim pa dang / dge ba dang / mi dge ba'i chos yang dag pa ji lta
80a4 ba bzhin ma 'tshal ba dang / kha na ma tho ba dang bcas pa dang / kha na ma tho ba med pa dang / bsten par bya ba dang / bsten par bya ba ma yin pa'i chos yang dag pa ji lta ba bzhin ma 'tshal ba dang / skyes bu dam pa dang phrad pa dang / dam pa'i
80a5 chos nyan pa dang / tshul bzhin yid la bgyid pa dang / chos dang 'thun pa'i chos sgrub pa mi sgrub par 'gyur ba dang / sgrib pa gang gis bsgribs shing g.yogs te/ kun nas dkris pa
80a6 rnams sems can 'dul ba dang / bdag 'dul ba dang / gzhan 'dul ba dang / gnyi ga 'dul ba dang / 'jam pos 'dul ba dang / khro bas 'dul ba dang / btang snyoms kyis
80a7 'dul ba dang / bsdigs pas 'dul ba dang / bskrad pas 'dul ba dang / smad pas 'dul ba dang / bsten pa dang / bsnyen pa dang / bsnyen bkur bya bas 'dul ba dang / chos
80a8 bshad pas 'dul ba dang / 'dzum pa bstan pas 'dul ba dang / nang du yang dag 'jog gis 'dul ba dang / sbyangs pa'i yon tan dang yo byad bsnyungs pas 'dul ba dang / sbyin pa dang / tshul khrims dang /
80b1 bzod pa dang / brtson 'grus dang / bsam gtan dang / shes rab kyi pha rol du phyin pa spyod pas 'dul ba dang / dad pa dang / tshul khrims dang / thos pa dang / gtong ba dang / shes rab dang / sgom pas
80b2 'dul ba dang / 'dul ba gang dang gang gis sems can gyi khams 'dul bar 'gyur ba de yang dag pa ji lta ba bzhin ma 'tshal ba dang / tshul khrims kyi rgyu mi 'byung ba dang / ting nge 'dzin gyi rgyu dang / dmigs pa'i rgyu
80b3 dang / bsam gtan gyi rgyu dang / zhi gnas kyi rgyu dang / lhag mthong gi rgyu dang / mngon par shes pa'i rgyu dang / zag pa zad pa'i rgyu dang / so so yang dag par rig pa'i rgyu rnam par dag par mi 'gyur ba dang /
80b4 bsam gtan dang / rnam par thar pa dang / ting nge 'dzin dang / snyoms par 'jug pa dag mngon du mi 'gyur ba dang / snang ba skyes shing skyes pa dag nub par 'gyur ba dang / rnyed pa 'dod pa dang / bsnyen bkur
80b5 'dod pa dang / grags pa 'dod pa dang / 'khor 'dod pa'i sems 'byung ba dang / 'dod pa'i rnam par rtog pa dang / gnod sems kyi rnam par rtog pa dang / 'tshe ba'i rnam par rtog pa dang / mi 'chi bar
80b6 rnam par rtog pa dang / skye bo la rnam par rtog pa dang / gnyen la rnam par rtog pa dang / gos dang / zas dang / mal stan dang / na ba'i gsos sman gyi rkyen gyi yo byad la rnam par rtog pa'i sems la kun nas
80b7 gnas pa dang / tshe thung ba dang / gnod pa mang ba dang / mdog ngan pa dang / gzugs ngan pa dang / dbang chung ba dang / rigs dma' ba dang / longs spyod chung ba dang / shes rab 'chal ba dang / sems
80b8 can dmyal ba dang / dud 'gro'i skye gnas dang / gshin rje'i 'jig rten dang / ngan song ngan 'gror 'gro ba dang / lus las byung ba'i sdug bsngal rnam pa du ma dang / sems las byung ba yid mi bde ba nyams su myong ba dang /
81a1 smon lam log pa la dga' ba dang / yang dag pa'i smon lam ma rtogs pa dang / gzhan yang sgrib pa gang dang gang gis bsgribs shing kun nas dkris pa'i sems can rnams kyi rnam par smin par
81a2 'gyur ba de dag thams cad bdag la smin nas/ sems can thams cad rnam par grol zhing rnam par dag par gyur cig /sangs rgyas kyi khams ji tsam pa dang / chos kyi khams ji tsam pa dang / dge 'dun
81a3 gyi khams ji tsam pa dang / yang dag pa'i mtha' ji tsam pa dang / gnyis su med pa ji tsam pa dang / de bzhin nyid ji tsam pa dang / mnyam pa nyid ji tsam pa dang / 'dod chags dang / zhe sdang dang / gti mug
81a4 gi khams ji tsam pa dang / 'khor bar gdags pa dang / 'dogs par 'gyur ba ji tsam pa de tsam du sems can thams cad kyi nyon mongs pa dang / nye ba'i nyon mongs pa thams cad dang / kun nas nyon
81a5 mongs pa'i khams gang yin pa de bdag la smin nas sems can thams cad rnam par grol zhing rnam par dag par gyur cig /bdag gis ji tsam du sngon gyi mtha' ma 'tshal bar dge ba'i rtsa ba bgyis shing
81a6 bsags pa gang lags pa de sems can thams cad la yongs su bsngo bar bgyi'o/ /bdag ni 'dod chags la chags/ zhe sdang gis gdungs/ gti mug gis rmongs te/ nyon mongs pa dang / nye ba'i
81a7 nyon mongs pa dang / kun nas nyon mongs pa dang ldan nas ji ltar dge ba'i rtsa ba yongs su bsngo bar bgyi ba yang dag pa ji lta ba bzhin ma 'tshal ma mthong ma rig ste/ sangs rgyas bcom ldan 'das
81a8 de dag mkhyen cing gzigs la thugs su chud pas ji ltar dge ba'i rtsa ba yongs su bsngo bar mdzad pa de ltar bdag gis yongs su bsngo bar bgyi'o/ /de bzhin gshegs pa'i thugs dang 'thun pas yongs su
81b1 bsngo bar bgyi'o/ /ji ltar sems can 'dul ba dang / ji ltar dge ba'i rtsa ba smin pa dang / ji ltar dge ba'i rtsa ba rnam par 'phel ba dang / ji ltar sdug bsngal shes pa dang / kun 'byung ba spang ba dang / 'gog pa
81b2 mngon sum du bya ba dang / lam bsgom pa dang / bla na med pa thams cad mkhyen pa'i ye shes 'thob pa dang / mi dge ba'i rtsa ba thams cad spang ba dang / dge ba'i rtsa ba thams cad dang ldan pa dang / bag chags
81b3 'joms pa dang / bsnyel ba mi mnga' ba'i chos nyid dang / rnam pa thams cad mkhyen pa nyid ji ltar 'das pa dang / ma 'ongs pa dang / da ltar byung ba'i sangs rgyas sngon byang chub sems dpar gyur pa thams cad
81b4 kyis dge ba'i rtsa ba yongs su bsngos pa de bzhin du bdag gis yongs su bsngo bar bgyi'o/ /mnyam pa nyid kyis yongs su bsngo ba dang / gnyis su med pas yongs su bsngo ba dang / 'gro ba thams cad yongs su
81b5 bskyab pa'i yongs su bsngo bas yongs su bsngo bar bgyi ste/ de ltar lan gnyis de ltar lan gsum du'o/ /sems can gang zhig gang dang gang gis 'dul bar 'gyur ba de dang de'i sems rnam par rtog pa
81b6 med pas bdag mthong bar 'gyur zhing / ji lta ji ltar sems can dag par 'gyur ba de lta de ltar bdag gi lus kyi las dang / ngag gi las dang / yid kyi las rtag tu 'jug par gyur cig /dus ji lta ba dang /
CLOSE WINDOW