བོད་ཡིག |
54b6 lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa bkra shis brgyad pa zhes bya ba theg pa chen po'i mdo rdzogs so// // @#/ /rgya gar skad du/
54b7 Ar+ya bud d+ha a nu smr-i ti/ bod skad du/ 'phags pa sangs rgyas rjes su dran pa/ sangs rgyas dang / byang chub sems dpa' thams cad la phyag 'tshal lo/ /'di ltar sangs rgyas bcom ldan 'das de ni de bzhin gshegs pa
54b8 dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan
55a1 'das so/ /de bzhin gshegs pa de dag ni bsod nams dag gi rgyu 'thun pa/ dge ba'i rtsa ba rnams chud mi za ba/ bzod pas brgyan pa/ bsod nams kyi gter rnams kyi gzhi/ dpe byad bzang po rnams kyis spras pa/
55a2 mtshan gyi me tog rgyas pa/ spyod yul ran par 'thun pa/ mthong na mi mthun pa med pa/ dad pas mos pa rnams mngon par dga' ba/ shes rab zil gyis mi non pa/ stobs rnams la brdzi ba med pa/ sems can thams
55a3 cad kyi ston pa/ byang chub sems dpa' rnams kyi yab/ 'phags pa'i gang zag rnams kyi rgyal po/ mya ngan las 'das pa'i grong khyer du 'gro ba rnams kyi ded dpon/ ye shes dpag tu med pa/ spobs pa bsam gyis mi khyab pa/
55a4 gsung rnam par dag pa/ dbyangs snyan pa/ sku byad lta bas chog mi shes pa/ sku mtshungs pa med pa/ 'dod pa dag gis ma gos pa/ gzugs dag gis nye bar ma gos pa/ gzugs med pa dag dang ma 'dres pa/ phung po dag las
55a5 rab tu rnam par grol ba/ khams rnams dang mi ldan pa/ skye mched rnams bsdams pa/ mdud pa rnams shin du bcad pa/ yongs su gdung ba dag las rnam par grol ba/ sred pa las shin du grol ba/
55a6 chu bo las rgal ba/ ye shes yongs su rdzogs pa/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi ye shes la gnas pa/ mya ngan las 'das pa la mi gnas pa/
55a7 yang dag pa nyid kyi mtha' la gnas pa/ sems can thams cad la gzigs pa'i sa la bzhugs pa ste/ 'di dag ni de bzhin gshegs pa'i ye shes yang dag pa'i che ba'i yon tan yin no/ /'phags pa sangs rgyas rjes su
dran pa rdzogs so/
CLOSE WINDOW