བོད་ཡིག |
17a6 bcom ldan 'das kyis gsungs pa la mngon par bstod do/ /'phags pa sangs rgyas bdun pa zhes bya ba theg pa chen po'i mdo rdzogs so// // @#/ /rgya gar skad du/
17a7 Ar+ya aSh+Ta bud d+ha ka nA ma ma hA yA na sU tra/ bod skad du/ 'phags pa sangs rgyas brgyad pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa
17a8 dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/ thams cad kyang
17b1 dgra bcom pa zag pa zad pa/ nyon mongs pa med pa/ dbang dang ldan par gyur pa/ sems shin du rnam par grol ba/ shes rab shin du rnam par grol ba/ cang shes pa/ glang po chen po bya ba byas pa/ byed pa byas pa/ khur bor ba/ rang gi don
17b2 rjes su thob pa/ srid pa kun du sbyor ba yongs su zad pa/ yang dag pa'i shes pas sems shin du rnam par grol ba/ sems kyi dbang thams cad kyi dam pa'i pha rol tu son pa sha stag ste/ gang zag gcig ma gtogs pa ni 'di lta ste/
17b3 tshe dang ldan pa kun dga' bo'o/ /de'i tshe tshe dang ldan pa shA ri'i bu 'khor de nyid du 'dus par gyur te 'dug go/ /de nas de'i mod la stong gsum gyi stong chen po'i 'jig rten gyi khams 'di yang rnam pa drug tu g.yos/ ma dkrol bar bar snang
17b4 las sil snyan bye ba khrag khrig brgya stong gi sgra dag kyang byung / lha'i me tog man dA ra ba dang / man dA ra ba chen po dang / man dzu sha ka dang / man 'dzu sha ka chen po'i me tog gi char yang bab ste/ rgyal bu rgyal byed kyi tshal mgon med
17b5 zas sbyin gyi kun dga' ra ba thams cad rin po che'i me tog gis chal pas gang bar gyur to/ /de nas de'i mod la thams cad dang ldan pa'i stong gsum gyi stong chen po'i 'jig rten gyi khams 'di gser gyi kha dog snang ba chen
17b6 pos khyab par gyur to/ /de nas de'i mod la shar phyogs nas pad ma sdong po ni gser/ 'dab ma ni dngul/ ze 'bru ni bai dUr+ya/ snying po ni rdo'i snying po las grub pa brgyad cig byung bar gyur to/ /pad ma'i snying po thams cad
17b7 kyi steng na seng ge'i khri gru bzhi pa/ rtsa ba bzhi zug pa/ bkra ba/ blta na sdug pa/ dri dang ldan pa/ yid du 'ong ba/ dar gyi lda ldi spyangs pa/ pog phor nas spos kyi dris shin du bdugs pa/ rin po che sna tshogs du ma
17b8 dag gis legs par brgyan pa/ dril bu g.yer ka'i dra ba du ma 'khrol ba/ rin po che du ma'i bla re bres pa dag byung bar gyur to/ /seng ge'i khri thams cad kyi steng na de bzhin gshegs pa'i sku dag kyang bzhugs par yang
18a1 snang ste/ mdzes pa/ blta na sdug pa/ dbang po zhi ba/ thugs zhi ba/ dul ba dang zhi gnas mchog brnyes pa/ dul ba dang zhi gnas dam pa brnyes pa/ dbang po bsrungs shing thul ba/ glang po shin du dul ba lta bu/ mtsho ltar dang zhing rnyog pa med la gsal
18a2 ba/ skyes bu chen po'i mtshan sum bcu rtsa gnyis po de dag gis sku legs par brgyan pa/ gser gyi kha dog lta bu'i skus nyi ma dang zla ba'i gzi brjid zil gyis mnan te bzhugs pa/ spyod lam brgya stong du ma dang ldan
18a3 pa/ sku mdog blta bas chog mi shes pa dag snang ngo / /de nas sangs rgyas kyi mthus tshe dang ldan pa shA ri'i bu stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom
18a4 ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das shar phyogs nas pad ma sdong po ni gser/ 'dab ma ni dngul/ ze'u 'bru ni bai dUr+ya/
18a5 snying po ni rdo'i snying po las grub pa brgyad po 'di dag byung bar gyur te/ pad ma'i snying po thams cad kyi steng na seng ge'i khri gru bzhi pa/ rtsa ba bzhi zug pa/ bkra ba/ blta na sdug pa/ dri dang ldan pa/ yid du mchi ba/ dar
18a6 gyi lda ldi spyangs pa/ pog por nas spos kyi dris shin du bdugs pa/ rin po che sna tshogs du mas legs par brgyan pa/ dril bu g.yer ka'i dra ba du ma 'khrol ba/ rin po che du ma'i bla re bres pa dag byung bar gyur
18a7 pa/ seng ge'i khri thams cad kyi steng na/ de bzhin gshegs pa'i sku dag bzhugs par yang gda' ste/ mdzes pa/ blta na sdug pa/ dbang po zhi ba/ thugs zhi ba/ dul ba dang zhi gnas mchog brnyes pa/
18a8 dul ba dang zhi gnas dam pa brnyes pa/ dbang po bsrungs shing thul ba/ glang po che shin du dul ba lta bu mtsho ltar dang zhing rnyog pa med la gsal ba/ skyes bu chen po'i mtshan sum bcu rtsa gnyis po dag gis sku legs par brgyan pa/ gser gyi kha
18b1 dog lta bu'i skus nyi ma dang zla ba'i gzi brjid zil gyis mnan ste bzhugs pa/ spyod lam brgya stong du ma dang ldan pa/ sku mdog blta bas chog mi shes pa dag gda' ba'i rgyu gang lags/ rkyen gang lags/ de
18b2 skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu khyod de'i phyir legs par rab tu nyon la yid la zung shig dang bshad do/ /tshe dang ldan pa shA ri'i bus
18b3 bcom ldan 'das de bzhin no zhes gsol nas/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /shA ri'i bu sangs rgyas kyi zhing 'di nas shar phyogs logs su sangs
18b4 rgyas kyi zhing gang gA'i klung gcig gi bye ma snyed 'das pa na 'jig rten gyi khams gzhal gyis mi khyab pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shin du yongs
18b5 bsgrags dpal zhes bya ba da ltar bzhugs te 'tsho zhing gzhes la chos kyang ston to/ /shA ri'i bu sangs rgyas kyi zhing 'di nas shar phyogs logs su sangs rgyas kyi zhing gang gA'i klung gnyis kyi bye ma snyed 'das pa na
18b6 'jig rten gyi khams yid 'ong dga' zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dbang po'i tog gi rgyal mtshan gyi rgyal po zhes bya ba da ltar bzhugs te 'tsho
18b7 zhing gzhes la chos kyang ston to/ /shA ri'i bu sangs rgyas kyi zhing 'di nas shar phyogs logs su sangs rgyas kyi zhing gang gA'i klung gsum gyi bye ma snyed 'das pa na 'jig rten gyi khams sdug dga' zhes bya ba yod de/
18b8 de na de bzhin gshegs pa dgra bcom pa yang dag par rdzogs pa'i sangs rgyas shin du rnam par gnon pa grags mchog dpal zhes bya ba da ltar bzhugs te 'tsho zhing gzhes la chos kyang ston to/ /shA ri'i bu
19a1 sangs rgyas kyi zhing 'di nas shar phyogs logs su sangs rgyas kyi zhing gang gA'i klung bzhi'i bye ma snyed 'das pa na 'jig rten gyi khams sgo kun nas 'jug pa zhes bya ba yod de/ de na de bzhin gshegs pa dgra bcom
19a2 pa yang dag pa'i sangs rgyas g.yul las shin du rnam par rgyal ba'i rtsal zhes bya ba da ltar bzhugs te 'tsho zhing gzhes la chos kyang ston to/ /shA ri'i bu sangs rgyas kyi zhing 'di nas shar phyogs logs su
19a3 sangs rgyas kyi zhing gang gA'i klung lnga'i bye ma snyed 'das pa na 'jig rten gyi khams rnam dag brtsegs pa zhes bya ba yod de de na de bzhin gshegs pa dgra bcom pa yang dag par rdzogs pa'i sangs rgyas yon tan bkod
19a4 pa'i dpal kun du snang ba zhes bya ba da ltar bzhugs te 'tsho zhing gzhes la chos kyang ston to/ /shA ri'i bu sangs rgyas kyi zhing 'di nas shar phyogs logs su sangs rgyas kyi zhing gang gA'i klung drug gi bye ma snyed 'das
19a5 pa na 'jig rten gyi khams 'gyur med ldan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas sman gyi rgyal po dpal thogs pa med pa zhes bya ba da ltar bzhugs te
19a6 'tsho zhing gzhes la chos kyang ston to/ /shA ri'i bu sangs rgyas kyi zhing 'di nas shar phyogs logs su sangs rgyas kyi zhing gang gA'i klung bdun gyi bye ma snyed 'das pa na 'jig rten gyi khams spobs pa brtsegs pa gang
19a7 zhes bya ba yod de de na de bzhin gshegs pa dgra bcom pa yang dag par rdzogs pa'i sangs rgyas rin po che'i pad ma las rnam par gnon pas bzhud pa zhes bya ba da ltar bzhugs te 'tsho zhing gzhes la chos kyang
19a8 ston to/ /shA ri'i bu sangs rgyas kyi zhing 'di nas shar phyogs logs su sangs rgyas kyi zhing gang gA'i klung brgyad kyi bye ma snyed 'das pa na 'jig rten gyi khams sgra dbyangs snyan pa zhes bya ba yod de/ de na de bzhin gshegs
19b1 pa dgra bcom pa yang dag par rdzogs pa'i sangs rgyas rin po che'i pad ma la rab tu gnas pa sA la'i rgyal po zhes bya ba da ltar bzhugs te 'tsho zhing gzhes la chos kyang ston to/ /shA ri'i bu sangs rgyas bcom ldan 'das de dag
19b2 gi sangs rgyas kyi zhing dag ni yongs su dag pa ste/ snyigs ma lnga med do/ /ya mtshan can thams cad med do/ /gseg ma dang gyo mo dag med do/ /nye ba'i nyon mongs pa med do/ /bud med med do/ /dud 'gro dang gshin rje'i 'jig rten
19b3 yang med do/ /sbrang bu dang / sha sbrang dang / sdig sbrul gyis reg pa rnams med do/ /shA ri'i bu rigs kyi bu 'am rigs kyi bu mo gang dag sangs rgyas bcom ldan 'das de dag gi mtshan nyan pa dang / 'dzin pa dang / 'chang ba dang / klog
19b4 pa dang / ston pa dang / rab tu 'don pa dang / kun chub par byed pa de dag ngan song gsum du 'gro ba de ni gnas ma yin zhing go skabs med de/ shA ri'i bu de dag sems can dmyal ba 'am/ dud 'gro'i skye gnas sam/ gshin rje'i 'jig
19b5 rten du 'gro ba de ni gnas med de/ mtshams med pa byed pa dang / dam pa'i chos spong ba'i gang zag ni ma gtogs te/ de yang chung ngu myong zhing mang du myong bar mi 'gyur ro/ /shA ri'i bu rigs kyi bu 'am/ rigs kyi bu mo gang sangs rgyas
19b6 bcom ldan 'das de dag gi mtshan nyan pa dang / 'dzin pa dang / 'chang ba dang / klog pa dang / ston pa dang / rab tu 'don pa dang / kun chub par byed pa de byang chub kyi snying po la thug gi bar du nam yang mngon par shes pa dang bral bar
19b7 mi 'gyur/ nam yang mtshan dang bral bar mi 'gyur/ nam yang gzungs dang bral bar mi 'gyur/ nam yang dbang po ma tshang bar mi 'gyur/ nam yang sgra dbyangs shin du rgyas pa dang bral bar mi 'gyur/ nam yang rnga sgra'i dbyangs
19b8 dang bral bar mi 'gyur/ nam yang sbyin gnas dang phyir mi ldog pa dang bral bar mi 'gyur/ nam yang byang chub kyi yan lag gi me tog dang bral bar mi 'gyur/ nam yang theg pa chen po'i mdo sde shin du rgyas pa dang bral bar mi
20a1 'gyur ro/ /shA ri'i bu gnas ma yin zhing go skabs med de/ shA ri'i bu bud med gang sangs rgyas bcom ldan 'das de dag gi mtshan nyan pa dang / 'dzin pa dang / 'chang ba dang / klog pa dang / ston pa dang / rab tu 'don pa dang /
20a2 kun chub par byed pa de bud med kyi dngos po lan gnyis thob par 'gyur ba de ni gnas med do/ /smon lam gyi dbang gis len pa ni ma gtogs so/ /shA ri'i bu gnas ma yin zhing go skabs med de/ shA ri'i bu rigs kyi bu 'am/
20a3 rigs kyi bu mo sangs rgyas bcom ldan 'das de dag gi mtshan nyan pa dang / 'dzin pa dang / 'chang ba dang / klog pa dang / ston pa dang / rab tu 'don pa dang / kun chub par byed na rigs kyi bu 'am/ rigs kyi bu mo de rgyal pos
20a4 'jigs par 'gyur ba 'am/ rkun pos sam/ mes sam/ chus sam/ ma rungs pas sam/ klus sam/ gnod sbyin gyis sam/ dri zas sam/ lha ma yin gyis sam/ mis sam/ mi ma yin pas 'jigs par 'gyur ba 'am/
20a5 gang gis kyang glags rnyed par 'gyur ba de ni gnas med do/ /las kyi rnam par smin pa drag po ni ma gtogs te/ de yang chung ngu myong zhing mang du myong bar mi 'gyur ro/ /de 'jig rten pa 'am/ 'jig rten las 'das pa'i don gang
20a6 ci rtsom yang rung ste/ de dge ba'i chos rnams 'phel ba nyid tu 'gyur gyi/ 'grib par mi 'gyur bar re bar bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /'jig rten mgon po
20a7 de dag gi/ /mtshan rnams 'dzin par byed pa ni/ /mi khom thams cad yongs spangs nas/ /myur du bzang 'gror 'gro bar 'gyur/ /sangs rgyas 'byung ba mnyes byas nas/ /ston pa de mthong dad byed cing / /'jig rten sgron ma
20a8 mthong nas kyang / /mchod pa bzang po byed par 'gyur/ /bskal pa bye ba grangs med du/ /'khor ba rnam par spong bar byed/ /gang gis 'dren rnams mthong 'gyur ba'i/ /dri med mig kyang rnam par sbyong / /'jig rten mgon
20b1 po de dag gi/ /mtshan rnams su zhig 'dzin byed pa/ /de ni gang dang gar skyes par/ /'jig rten phyag bya'i 'os su 'gyur/ /de yi gzugs mtshan phun sum tshogs/ /phyug po'i khyim du skye bar 'gyur/ /dpa' zhing sbyin
20b2 pa'i bdag por 'gyur/ /ser sna med cing lhug par gtong / /mtshan rnams 'di dag su 'dzin pa/ /bskal pa bye ba mang por ni/ /lha yi tsan dan dmar po yi/ /dri ngad kha nas 'byung bar 'gyur/ /drang srong chen po de dag gi/ /mtshan
20b3 rnams bud med thos gyur na/ /bud med dngos po rnam spangs te/ /skyes bu mkhas par red par 'gyur/ /mtshan rnams 'di dag su 'dzin pa/ /pha dang ma dang spun rnams dang / /mdza' bshes nye du'i tshogs rnams kyi/ /sdug
20b4 bsngal nam yang mthong mi 'gyur/ /mtshan rnams 'di dag su 'dzin pa/ /de dang de dag 'jig rten na/ /'dab ma stong phrag bye ldan pa'i/ /rin chen pad mar skye bar 'gyur/ /mtshan rnams 'di dag su 'dzin pa/ /sangs rgyas
20b5 zhing rnams thams cad du/ /nam mkha' las ni 'gro byed cing / /'jig rten mgon po sangs rgyas zhing / /rnam par dag pa mthong bar 'gyur/ /'jig rten mgon po'i drung dag tu/ /zab mo'i chos ni nyan byed cing / /ji ltar thos
20b6 pa chud mi gson/ /mtshan rnams 'di dag su 'dzin pa/ /de dag la ni sdig can bdud/ /nag po'i rtsa lag sder bcas pas/ /nam yang glags rnyed mi 'gyur ro/ /mtshan rnams 'di dag su 'dzin pa/ /de dag mtshon gyis
20b7 mi gsod cing / /dug dang mes kyang ma yin la/ /rgyal po dang ni rkun po yis/ /de dag gtse bar byed mi 'gyur/ /lha dang klu dang gnod sbyin dang / /dri za lto 'phye che rnams kyis/ /klags kyang rnyed par mi 'gyur ro/ /sangs rgyas
20b8 'di dag mi mchog ste/ /dpal gyi snying po 'brug gi rgyal/ /'dzangs pa bag yod gyur nas ni/ /mkhas mi su zhig mtshan mi 'dzin/ /'jig rten mgon po thams cad kyi/ /mtshan rnams 'di dag su nyan pa/ /mi de dag
21a1 ni cho gas nyan/ /grags ldan rnams kyi mtshan thos nas/ /de dag dpa' zhing shes rab che/ /'jig rten mi mchog sangs rgyas 'gyur/ /bcom ldan 'das kyis de skad ces bka' stsal nas/ tshe dang ldan pa shA
21a2 ri'i bu dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa sangs rgyas brgyad
pa zhes bya ba theg po'i mdo rdzogs so/
CLOSE WINDOW