བོད་ཡིག |
73b6 @#/ /rgya gar skad du/ d+harma sa mu dra nA ma ma hA yA na sU tra/ bod skad du/ theg pa chen po'i mdo chos rgya mtsho zhes bya ba/ 'di skad bdag gis thos pa dus gcig na/ bcom ldan 'das rgya mtsho'i gling
73b7 phran po ta la ka'i ri la rgyal ba'i sras mi ldog pa phal po ches bskor cing mdun du byas te bzhugs so/ /de nas bcom ldan 'das kyis 'jig rten gyi dbang po byang chub sems dpa' sems dpa' chen po la bka' stsal pa/
73b8 skyes bu dam pa chos kyi gtam ci 'dod pa dri bar gyis shig /ces 'dod pa la tog cing mi sten pa dang / mi 'chang ba dang / nga rgyal med pa dang / shes rab dang / thabs la mkhas pa dang / stong pa nyid la shin du mos pa dang ldan te/
74a1 yod pa dang med pa spangs pa dang / yang dag pa ma yin pa la rtags pas grangs med par yang 'khor bar 'gyur/ ji ltar na dge bar gsungs pa'i chos dang 'dul ba la rab tu byung zhing yang dag par rdzogs pa'i bsnyen par
74a2 rdzogs pa lags/ 'gro ba tha dad pa'i chos rnams las 'das pa dang / gnas ngan len la rten cing 'jug pa'i sems dang / yid dang / yid kyi rnam par shes pa las 'das te/ mi gnyis pa'i chos thos pa ni shin du rab tu
74a3 byung ba'o/ /sems can gang tha dad pa 'di lta bus rab tu byung ba de ni yang dag par rab tu byung ba'o/ /gang rab tu byung yang tshul khrims dang / spyod yul dang / 'tsho ba dang / lta ba dang / bsam pa nyams pa ste/
74a4 de ni mgo dang kha spu bregs kyang don med pa ste/ rnyog pa 'chang bas na rnyog pa des ngan song du gzhol ba yin no/ /ngas dad pas byin pa spyod du gnang ba ni rigs pas grol ba ste/ dge slong gang brtson pa mi 'dor ba des
74a5 gzugs mi 'dor/ tshor ba dang / 'du shes dang / 'du byed dang / rnam par shes pa mi 'dor/ phung po lnga tha dad pa dang / ril gyis brtags pa'i rang bzhin bas na mi rtag pa dang / sdug bsngal ba dang / stong pa dang /
74a6 bdag med par lta ba de dag kyang mi dmigs pa'i tshul gyis khams dang / skye mched kyi lha rnams ma yin par spro ba dam par byed pas rtag tu sgom mo/ /snying po med pa dang / 'brum pa can/ zug rngu can dang ldan pa/
74a7 skyon can/ pha rol po slu ba'i chos nyid ces sun 'byin pa de dag kyang mi dmigs pa'i tshul du sbyor bas/ gang lus kyis lus la sred pa dang / lus la byams pa dang / lus la bdag yid ches pa dang / lus la zhen
74a8 pa de dag rab tu spong ngo / /gang 'di lta bu'i dge slong ni dge bar gsungs pa'i chos dang 'dul ba la rab tu byung bar gyur/ dad pas bsnyen par rdzogs pa'i yang dag par rdzogs pa yin te/ 'di lta bu'i dge slong ni lha dang
74b1 'jig rten du bcas pa rnams kyi sbyin gnas su gyur pa'o/ /de nas byams pa byang chub sems dpas 'jig rten gyi dbang po byang chub sems dpa' la smras pa/ bcom ldan 'das kyis ci las dgongs te 'gro ba tha dad pa'i
74b2 chos rnams la 'das shing 'jig rten las 'das pa'i chos rnams thob pa de ni dge bar gsungs pa'i chos dang 'dul ba la rab tu byung bar gyur/ bsnyen par rdzogs pa'i yang dag par rdzogs pa zhes gsungs/ gzhan
74b3 gang zhig rab tu byung zhing bsnyen par rdzogs kyang bdag bslus pa ste/ pha bang ltar byi ba yang ma yin/ bya yang ma yin pa bzhin du de ni khyim pa yang ma yin/ rab tu byung ba yang ma yin pas na glen pa'i
74b4 skyes bu de de lta bu'i tshul du zung shig /skyes bu dam pa 'gro ba tha dad pa'i chos de dag ni sgyu ma lta bu ste/ de las 'da' bar yang mi nus/ 'gro ba tha dad pa'i chos ni yongs su ma rdzogs pas na de las 'da'
74b5 bar yang dka'/ sems can gyi khams ni phyi na yang med/ nang na yang med de gnyis kar yang dmigs su med pas na/ gang sems can gyi khams kyi dngos po de ni 'gro ba tha dad pa'i chos kyi dngos po ste/
74b6 de las 'da' bar yang dka' ba de la kye rgyal ba'i sras bcom ldan 'das kyis 'gro ba tha dad pa'i chos las 'das shing 'jig rten las 'das pa'i chos thob pa'i dge slong de ni rab tu byung bar gyur/ bsnyen par rdzogs
74b7 par yang dag par rdzogs pa ste/ de ni dad pas byin pa spyod pa'i mchod gnas su gyur pa'o zhes gsungs pa yang kye rgyal ba'i sras rten pa'i gnas med na de la 'thob pa gang ci ste 'jig rten las 'das pa'i chos
74b8 rnams 'thob par 'gyur na de ni dmigs par gyur pa'o/ /de bzhin gshegs pa dgra bcom pa yang dag par rdzogs pa'i sangs rgyas kyi chos nyid ni mi dmigs pa ste/ bcom ldan 'das kyis kyang 'di ltar dgongs nas
75a1 'gro ba tha dad pa'i chos las 'das shing 'jig rten las 'das pa'i chos thob pa de ni dge slong yang dag par gyur pa ste/ dad pas byin pa spyod pa'i mchod gnas so/ /de nas byams pa byang chub sems dpas
75a2 'jig rten gyi dbang po byang chub sems dpa' la smras pa/ bcom ldan 'das kyis ci las dgongs te/ brtson pa mi 'dor ba'i dge slong gang gis gzugs mi 'dor/ tshor ba dang / 'du shes dang / 'du byed dang / rnam par
75a3 shes pa mi 'dor ba de ni rab tu byung ba'i dge slong ste/ de ni dge bar gsungs pa'i chos kyis 'dul ba la shin du rab tu byung bar gyur pas na 'di lta bu'i dge slong ni dad pas byin pa spyod pa'i mchod gnas su gyur pa'o zhes gsungs/
75a4 'jig rten gyi dbang pos smras pa/ kye rgyal ba'i sras bcom ldan 'das kyis chos nyid la dgongs te chos kyi dbyings nang na yang med/ phyi na yang med de/ gnyi gar yang dmigs su med pas na nad med par btags pa dang /
75a5 mi skye bar btags pa dang / mi 'gag par btags pa rnams gdags su med pa ste/ sems can gyi khams mnyam pa bzhin du chos kyi dbyings mnyam pa nyid chos kyi dbyings mnyam pa bzhin du sems can gyi khams
75a6 mnyam pa nyid dang / chos kyi dbyings mnyam pa nyid du mi gnyis te gnyis su med do/ /de mi gnyis te gnyis su med pas na de la dor ba yang med/ mi dor ba yang med/ gang dor ba yang med/ mi dor ba yang med pas
75a7 na de la 'da' ba dang / thob par mi nus te bcom ldan 'das kyis kyang 'di ltar dgongs nas gdags su med pa'i dge slong btags pa la mi 'jug go/ /gang yi ge med pa'i dge slong yi ge las 'das pa ste/
75a8 de la grangs kyis bstan par yang mi rung ste/ de ni mi 'ong mi 'gro mi gnas mi 'dug nyal bar yang mi rtog go/ zhi ba dang nye bar zhi ba rnams mi dmigs pa'i dge slong la brtags pa ste/ spyod pa rnams kyang brtags pa'o/ /
75b1 log pa la rnam pa mang du rtog pa'i dge slong spyod pa ni ma brtags pa'o/ /bcom ldan 'das kyis 'di ltar dgongs nas 'di lta bu'i dge slong ni dad pas sbyin pa spyod pa'i sbyin gnas su gyur pa'o/ /de nas bcom
75b2 ldan 'das kyis spyan ras gzigs dbang po byang chub sems dpa' la dge ba byin te ngas dgongs te bshad pa bzhin du skyes bu dam pa khyod kyis bstan pa ni dge'o dge'o/ /dge bar gsungs pa'i chos kyi 'dul
75b3 ba la rab tu byung ba 'di bla na med pa dam pa'i chos kyi phyag rgya ste/ 'di tshul khrims nyams pa dang / ma dul ba dang / nga rgyal mngon par byed pa rnams kyi mdun du mi bshad par gyis shig /de lta bu de dag rnams
75b4 kyi snyems pa spang ba'i phyir phyag rgya 'di la gang gis yang dag pa ji lta ba bzhin du shes rab kyis bltas shing mi dmigs pa'i lus mngon du byas na/ des yid kyi lus myur du 'thob po/ /gang gi yid kyi lus des
75b5 grangs med pa'i sems can rnams byang chub tu smin par byed do/ /de nas chos kyi gzhung 'di bshad pa'i tshe dge slong bdun stong zag pa med par mi skye ba'i sems rnam par grol bar gyur/ byang chub sems
75b6 dpa' stong phrag bcu mi skye ba'i chos la bzod pa thob par gyur/ dmigs pa can gyi dge slong lnga brgya chos kyi gzhung 'di mi sgrub cing mi 'jug pa dang / ma dad pas na stan las langs te dong ngo / /bcom ldan
75b7 'das ngas dgongs te gsungs pa 'di dag 'jig rten thams cad yid mi ches pa'i gnyen po yin pas na chos kyi gzhung 'di dmigs pa dang bcas pa rnams mi 'thun pa'o/ /yod pa ma yin pa la brten pa rnams
75b8 dang mi 'gal te/ dge ba'i bshes gnyen gyis bzung ba rnams dang / zab mo'i chos la mos pa rnams dang / skyo zhing chog shes pas bsnyungs te dben pa la mngon par dga' ba rnams dang / sngon gyi
76a1 sangs rgyas rnams la dge ba'i rtsa ba bskrun pa rnams kyis nga'i chos kyi gzhung 'di la ston par shes so/ /kye rgyal ba'i sras 'di lta ste/ dper na skyes bu gang zhig gnyid kyis log pa'i rmyi lam
76a2 na 'gro ba mang po'i mdun na smra zhing chos 'chad kyang chos de 'jig rten thams cad las ma grags na/ kye rgyal ba'i sras ci 'gro ba mang po de rnams yod de/ gang des sangs rgyas kyi chos bshad pa dang mi 'gal ba
76a3 snyam du sems sam/ byams pas smras pa/ rmyi lam ni yang dag par ma mchis pa ste/ 'khrul pa tsam zhing mchis par bas na de ngan 'gro phal po che la chos 'chad par gyur pa lta ga la zhig mchis/
76a4 kye rgyal ba'i sras de ltar de bzhin du chos thams cad ni rmyi lam dang mtshungs te/ yang dag pa ma yin par 'byung bar byung nas kyang med par gyur pa ste/ kun rdzob kyang 'khrul pa tsam zhig yod kyi don dam par ni ma
76a5 yin no/ /'phags pa'i shes rab kyis ji lta ba mngon du byas na bsam gtan sems pa'i bsam gtan pa yang mi dmigs pa ste/ de la chos kyi tshul tsam zhig yod kyi kun du brtags pa dang gzhan gyi dbang las kyi
76a6 rnams ni yod pa ma yin no/ /de ltar de bzhin du chos 'di ni 'jig rten pa thams cad dang mi mthun pa'o/ /chos 'di dag la dmigs pa rnams kyis ni don dam par 'dzin gyi 'phags pa'i rnams ni mi dmigs so/ /
76a7 byis pa rnams mi shes pas de la mngon par zhen pas na dmyal ba dang / yi dags rnams kyi sdug bsngal gyis nyon mongs pa myong bar 'gyur ro/ /chos kyi gzhung 'di ji lta ba de ni dmigs pa'o/ /ji ltar
76a8 dmigs pa de ni chos thams cad do/ /de ltar dus gsum gyi chos thams cad mnyam pa nyid de/ mi dmigs pas na gang dmigs pa de ni rtogs pa'o/ /gang rtogs pa de ni thob pa/ gang thob pa de ni byang chub gang
76b1 byang chub pa de ni de bzhin nyid/ gang de bzhin nyid pa de ni yang dag pa'i mtha' gang yang dag pa'i mtha' de ni stong pa nyid/ gang stong pa nyid de ni mtshan ma med pa/ gang mtshan ma med pa de ni smon pa med pa/ gang smon pa med pa de ni
76b2 don dam pa/ gang don dam pa de ni chos kyi dbyings/ gang chos kyi dbyings de ni gnyis su med pa'i mtha' gang gnyis su med pa'i mtha' de ni dbu mar sgrub pa/ gang dbu mar sgrub pa de ni yang dag par rdzogs pa'i sangs rgyas kyi chos
76b3 kyi sku rtag pa/ brtan pa mi 'gyur ba ste/ rtag pa yang ma yin/ mi rtag pa yang ma yin te/ de ni gdags pa yang ma yin/ mi gdags pa yang ma yin/ gang gdags pa yang ma yin/ mi gdags pa yang ma yin pa de ni 'jig
76b4 rten pa yang ma yin/ 'jig rten las 'das pa yang ma yin/ gang 'jig rten pa yang ma yin/ 'jig rten las 'das pa yang ma yin pa de ni brjod du med pa/ gang brjod du med pa de ni chung zad kyang med pa gang chung zad kyang
76b5 med pa de ni sems can rnams kyi bsod nams kyi zhing gang sems can rnams kyi bsod nams kyi zhing de ni ston pa/ gang ston pa de ni rnam par mi rtog pa/ gang rnam par mi rtog pa de ni dmigs pa med pa/ gang dmigs pa
76b6 med pa de ni mi 'gyur ba grub pa/ gang mi 'gyur ba grub pa de ni yid bzhin gyi nor bu rin po che ste/ 'dul ba'i sems can rnams kyi bsam pa thams cad yongs su rdzogs par bya ba'i phyir ji ltar mos pa thams cad
76b7 byed do/ /de nas byang chub sems dpa' mang po de dag gis tshig 'thun par smras pa/ chos kyi gzhung 'di gang na spyod pa'i sa phyogs de rdo rje lta bu ste/ sangs rgyas dang / byang chub sems dpa' rnams bzhugs pas
76b8 na sems can de myur du mngon par shes pa dang / dbang po rnon por 'gyur bar rig par bya'o/ /gang zhig chos kyi gzhung 'di la brjod dam/ 'dzin tam/ klog gam/ chub par byed dam/ kha ton du byed dam/ tshul
77a1 bzhin du yid la byed na de bdud kyi dbang du mi 'gyur ro/ /bcom ldan 'das kyis dgongs pa 'di bshad nas 'jig rten gyi dbang po dang / byams pa la sogs pa byang chub sems dpa' rnams dang / nyan thos chen
po rnams dang /
CLOSE WINDOW