བོད་ཡིག |
16a8 @#/ /rgya gar skad du/ Ar+ya d+harma Ne ra nA ma ma hA yA na sU tra/ bod skad du/ 'phags pa chos kyi tshul zhes bya ba theg pa chen po'i mdo/ sangs rgyas dang byang chub sems dpa' thams cad la
16b1 phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal na smyug ma las byas pa'i 'khor gyi khyams na bzhugs te/ de'i tshe smyug ma las byas pa'i 'khor
16b2 gyi khyams su 'dus shing 'khod pa'i byang chub sems dpa' rab tu mang po dag 'di snyam du sems te/ bdag cag gis ji ltar gnas par bya/ ji ltar bsgrub par bya/ ji ltar rnal 'byor du bya/ ji ltar sems can
16b3 rnams yongs su smin par bya snyam pa dang / de nas bcom ldan 'das kyis byang chub sems dpa' rab tu mang po de dag gi bsam pa mkhyen nas smyig ma las byas pa'i 'khor gyi khyams ga la ba der gshegs te
16b4 byon nas gdan bting ba la bzhugs so/ /bzhugs nas bcom ldan 'das kyis byang chub sems dpa' rab tu mang po de dag la 'di skad ces bka' stsal to/ /rigs kyi bu dag legs so legs so/ /khyod kyi rtog pa ni
16b5 bzang ngo / /yid kyi dri ba ni mdzes so/ /spobs pa ni dge'o/ /yid la bya ba ni tshul bzhin no/ /rigs kyi bu dag de'i phyir legs par rab tu nyon la yid la zung shig dang / byang chub sems dpa' sems dpa'
16b6 chen po rnams kyi tshul gang byang chub sems dpa'i spyod pa thams cad ston par byed pa dang / sangs rgyas kyi chos thams cad rjod par byed pa de lta bu'i chos kyi tshul ngas khyod la bshad do/ /bcom ldan 'das legs
16b7 so zhes gsol nas byang chub sems dpa' de dag bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to/ /rigs kyi bu dag de lta bas na mya ngan las 'das pa'i
16b8 bsam pa can du gyis shig /'khor bar sbyor ba can du gyis shig /'khor ba dang mya ngan las 'das pa la yang gnas par ma byed cig /de dag gis gsol pa/ bcom ldan 'das ji ltar na
17a1 byang chub sems dpa' rnams mya ngan las 'das pa'i bsam pa can dang 'khor bar sbyor ba can lags/ ji ltar na 'khor ba dang / mya ngan las 'das pa la yang mi gnas pa lags/
17a2 bcom ldan 'das kyis bka' stsal pa/ 'chi ba med pa'i bde ba la reg par bya ba'i phyir mya ngan las 'das pa'i bsam pa can yin/ dge ba'i rtsa ba bsags pa'i phyir 'khor bar sbyor ba can yin/ 'phags pa
17a3 dang so so'i skye bo dag sten pa'i phyir 'khor ba dang mya ngan las 'das pa la 'ang mi gnas te de ni tshul lo/ /rigs kyi bu dag de lta bas na rang gi sems yongs su sbyongs shig /pha rol gyi sems srungs shig /sems
17a4 dpa' ba can du gyis shig /gsol pa/ bcom ldan 'das ji ltar na byang chub sems dpa' rnams rang gi sems yongs su sbyong bar bgyid pa lags/ ji ltar na gzhan gyi sems srung ba lags/ ji ltar na sems dpa'
17a5 ba can lags/ bka' stsal pa/ nyon mongs pa sel bas rang gi sems yongs su sbyong bar byed pa yin/ khong khro ba med pas gzhan gyi sems srung ba yin/ byang chub kyi sems mi gtong bas sems dpa'
17a6 ba yin te de ni tshul lo/ /rigs kyi bu dag de lta bas na bya ba dang yang 'gal bar ma byed cig /bya ba ma yin pa la yang snang bar gyis shig /byas pa la lan re ba med par gyis shig /gsol pa/ bcom ldan 'das ji ltar na byang chub sems dpa' rnams
17a7 bgyi ba dang mi 'gal bar bgyid pa lags/ ji ltar na mi bgyi ba la yang gda' ba lags/ ji ltar na bgyi ba la lan re ba ma mchis pa lags/ bka' stsal pa/ bya ba dang 'gal bar mi bya ba ni
17a8 rten cing 'brel par 'byung ba'i chos la 'jug pas las kyi rnam par smin pa la yid ches par bya'o/ /bya ba ma yin pa la snang ba ni snying rje chen po la 'jug pa'o/ /byas pa la lan re ba med pa
17b1 ni lan du phan 'dogs par re ba med pa ste de ni tshul lo/ /rigs kyi bu dag de lta bas na dus ma yin par ni ma ldang cig /dus la bab na ni ma nyal cig /nyal ba rnams ni slong shig /rtag tu ni nyol
17b2 cig /gsol pa/ bcom ldan 'das ji ltar na byang chub sems dpa' rnams dus ma lags par mi ldang ba lags/ ji ltar na dus la bab na mi nyal ba lags/ ji ltar na nyal ba rnams slong ba lags/
17b3 ji ltar na rtag tu nyal ba lags/ bka' stsal pa/ dus ma yin par mi ldang ba ni snod du ma gyur pa rnams la chos mi bstan pa'o/ /dus la bab na mi nyal ba ni snod du gyur pa las 'da' bar mi
17b4 bya'o/ /nyal ba rnams bslang ba ni dus dang dus ma yin pas bskul ba'o/ /rtag tu nyal ba ni snyoms par 'jug pa las mi nyam pa ste de ni tshul lo/ /rigs kyi bu dag de lta bas na yid
17b5 brtan pa med par gyis shig /yid brtan pa gzhig par gyis shig /yid ma brtan pa rnams la yid brtan par gyis shig /gsol pa/ bcom ldan 'das ji ltar na byang chub
17b6 sems dpa' rnams yid mi rton pa lags/ ji ltar na yid brtan pa 'jig par bgyid pa lags/ ji ltar na yid ma brtan pa rnams la yid rton pa lags/ bka' stsal pa/
17b7 yid mi brtan zhes bya ba ni gzugs med pa'i snyoms par 'jug pa rnams la yid mi gzhag pa'o/ /yid brtan pa zhig par bya ba ni snyoms par 'jug pa bzlog pa'o/ /yid ma brtan pa rnams la yid
17b8 brtan par bya ba ni log par zhugs pa rnams la ste de ni tshul lo/ /rigs kyi bu dag de lta bas na nor dang ldan par gyis shig /byas pa shes pa med par sbyor cig /ci la 'ang lan re bar
18a1 ma byed cig /rnyed pa chen pos nye bar 'tsho bar gyis shig /gsol pa bcom ldan 'das ji ltar na byang chub sems dpa' rnams nor dang ldan pa lags/ ji ltar na byas pa 'tshal
18a2 ba ma mchis par sbyor ba lags/ ji ltar na ci la'ang lan mi re ba lags/ ji ltar na rnyed pa chen pos nye bar 'tsho ba lags/ bka' stsal pa/ nor dang ldan pa zhes bya ba ni nor bdun dang ldan pa'o/ /
18a3 byas pa shes pa med par sbyar ba ni ser sna can rnams sbyin pa la sbyar ba dang / shes rab 'chal pa rnams shes rab la sbyar ba'o/ /ci la'ang lan re ba med pa ni rang gi dgos pa la'ang nan tan du bya ba'o/ /rnyed pa
18a4 chen pos nye bar 'tsho ba ni bla na med pa yang dag par rdzogs pa'i byang chub tu yongs su bsngo ba ste de ni tshul lo/ /rigs kyi bu dag de lta bas na chags pa yang shes par gyis shig /chags pa rnams la yang spyod cig /
18a5 chags pa la zhen pa rnams la'ang ltos shig /chags pa med pa la'ang srungs shig /gsol pa/ bcom ldan 'das ji ltar na byang chub sems dpa' rnams la chags pa 'tshal ba lags/ ji ltar na chags pa
18a6 rnams la spyod pa lags/ ji ltar na chags par zhen pa la lta ba lags/ ji ltar na chags pa ma mchis pa srung ba lags/ bka' stsal pa/ chags pa shes par bya ba ni gzugs med pa'i snyoms par
18a7 'jug pa rnams so/ /chags pa rnams la spyad pa ni skye mched drug gcad pa'o/ /chags par zhen pa la lta ba ni so so'i skye bo yongs su smin par bya ba'o/ /chags pa med pa srung ba ni skyon med par mi 'jug pa ste
18a8 de ni tshul lo/ /rigs kyi bu dag de lta bas na 'jigs par gyis shig /mngon par dga' ba med par gyis shig /snying brtse ba med par gyis shig /snying rje ba med par gyis shig /gsol pa/
18b1 bcom ldan 'das ji ltar na byang chub sems dpa' rnams 'jigs par bgyid pa lags/ ji ltar na mngon par dga' ba ma mchis pa lags/ ji ltar na snying brtse ba ma mchis pa lags/ ji ltar na snying rje
18b2 ma mchis pa lags/ bka' stsal pa/ 'jigs shes bya ba ni nyan thos dang rang sangs rgyas kyi sas 'jigs pa'o/ /mngon par dga' ba med ces bya ba ni gzugs med pa'i snyoms par 'jug pa
18b3 rnams la dga' ba med pa'o/ /snying brtse ba med pa ni phyi rol gyi dngos po rnams yongs su btang ba la'o/ /snying rje ba med pa ni nang gi dngos po mgo la sogs pa yongs su btang ba la ste de ni tshul lo/ /rigs kyi bu
18b4 dag de lta bas na bden pa yang khong du chud par gyis shig /brdzun du smra ba yang ma spang zhig /gsol pa/ bcom ldan 'das ji ltar na byang chub sems dpa' rnams bden pa khong du chud par bgyi ba lags/
18b5 ji ltar na brdzun du smra ba ni mi spong ba lags/ bka' stsal pa/ bden pa khong du chud par bya ba ni nyan thos dang rang sangs rgyas 'dul ba'i phyir ro/ /brdzun du smra ba mi spang ba ni 'dus byas la nye bar spyod
18b6 pa'i phyir te de ni tshul lo/ /rigs kyi bu dag de lta bas na pha rol tu phyin par bgyis te/ tshu rol gyi ngogs la blta bar gyis shig /pha rol tu phyin par ma byed par pha rol gyi ngogs la blta bar gyis shig /
18b7 gsol pa/ bcom ldan 'das ji ltar na byang chub sems dpa' rnams pha rol du phyin cing tshu rol gyi ngogs la blta ba lags/ ji ltar na pha rol du phyin par mi bgyid cing pha rol gyi ngogs la blta ba lags/
18b8 bka' stsal pa/ pha rol du phyin pa ni sems can thams cad kyi sems dang / spyod pa dang / bsam pa la'o/ /tshu rol gyi ngogs la blta ba ni sems can thams cad yongs su smin par bya ba'i phyir ro/ /
19a1 pha rol du phyin par mi bya ba ni pha rol bsgrol ba'i phyir ro/ /pha rol gyi ngogs la lta ba ni rtag tu mya ngan las 'da' ba la gzhol bar bya ste de ni tshul lo/ /rigs kyi bu dag de lta bas na rtag tu mi mthun par
19a2 yang gyis la rtsod pa med pa mchog tu yang gyis shig /byams pa la yang gnas la skyon yang mthong bar gyis shig /gsol pa/ bcom ldan 'das ji ltar na byang chub sems dpa' rnams rtag tu mi
19a3 mthun par bgyid pa dang / rtsod pa ma mchis pa mchog tu bgyid pa lags/ ji ltar na byams pa la gnas shing skyon yang mthong ba lags/ bka' stsal pa/ rtag tu mi mthun par byed pa ni dam pa'i
19a4 chos yongs su gzung ba'i phyir ro/ /rtsod pa med pa mchog tu byed pa ni bsam pa dag pa'i phyir ro/ /byams pa la gnas pa ni sems can yongs su bskyab pa'i phyir ro/ /nyes pa mthong ba ni 'dus byas
19a5 kyi dngos po thams cad de de ni tshul lo/ /rigs kyi bu dag de lta bas na zad pa yang zad par ma byed cig /mi zad par yang ltung bar ma byed cig /zad pa'i chos nyid kyang khong du chud par gyis shig /
19a6 gsol pa bcom ldan 'das ji ltar na byang chub sems dpa' rnams zad pa zad par mi bgyid pa lags/ ji ltar na mi zad par mi ltung ba lags/ ji ltar na zad pa'i chos nyid kyang khong du chud pa lags/
19a7 bka' stsal pa/ zad pa zhes bya ba ni 'dus byas so/ /mi zad pa zhes bya ba ni 'dus ma byas so/ /de la byang chub sems dpas dge ba'i rtsa ba bsags pa'i phyir 'dus byas kyang zad par mi bya'o/ /
19a8 thabs la mkhas pas 'dus ma byas su yang ltung bar mi bya'o/ /zad pa'i chos nyid khong du chud par bya ba ni mi rtag pa'i mthar 'gyur ba ste de ni tshul lo/ /rigs kyi bu dag de lta bas na mun pa'i nang
19b1 na 'ang gnas par gyis shig /snang ba yang zin par gyis shig /mi bya ba ni gyis shig /bya ba ni yal bar zhog shig /gsol pa/ bcom ldan 'das ji ltar na byang chub sems dpa'
19b2 rnams mun pa'i nang na gnas pa lags/ ji ltar na snang ba zin pa lags/ ji ltar na mi bgyi ba bgyid pa lags/ ji ltar na bgyi ba yal bar gzhog pa lags/ bka' stsal pa/ mun pa zhes bya ba ni
19b3 mi shes pa ste/ de la byang chub sems dpa' rnams kyis sems can mi shes pa rnams kyi don du bden pa thob par bya'o/ /snang ba zhes bya ba ni shes rab ste/ shes rab des kyang mun pa bsal bar bya'o/ /
19b4 mi bya ba zhes bya ba ni mya ngan las 'das pa'o/ /bya ba zhes bya ba ni mngon par 'du ba med pa'o/ /de byang chub sems dpa' rnams kyis yal bar gzhag par bya ste de ni tshul lo/ /rigs kyi bu dag de
19b5 lta bas na zab mo'i chos kyi snang ba la yang gnas par gyis shig /snang ba'i chos rnams la'ang brnyas par ma byed cig /snang ba dang mi snang ba la'ang ma gnas shig /gsol pa/
19b6 bcom ldan 'das ji ltar na byang chub sems dpa' rnams zab mo'i chos kyi snang ba la gnas pa lags/ ji ltar na snang bar gyur pa'i chos rnams la brnyas pa ma mchis pa lags/ ji ltar na snang ba dang mi
19b7 snang ba la mi gnas pa lags/ bka' stsal pa/ zab ces bya ba ni rten cing 'brel bar 'byung ba ste/ de la byang chub sems dpa' rnams kyis lta ba thams cad dang bral bas chos thams cad la rten cing 'brel par
19b8 'byung ba yin par rig par bya'o/ /chos gang dag rten cing 'brel par 'byung bas snang bar gyur pa de dag la yang sems can yongs su smin par bya ba'i phyir brnyas par mi bya'o/ /snang ba dang mi snang ba la gnas par
20a1 mi bya ba ni gnyis dang bral ba'i phyir te de ni tshul lo/ /rigs kyi bu dag de lta bas na gang yang dag par bsdu bar bya ba de la 'dod pa med par gyis shig /yang dag par bsdu ba'i phyir yang brtson 'grus
20a2 ma glod cig /gsol pa/ bcom ldan 'das ji ltar na byang chub sems dpa' rnams gang yang dag par bsdu bar bgyi ba de la 'dod pa ma mchis pa lags/ ji ltar na yang dag par bsdu bar bgyi ba'i slad du brtson 'grus
20a3 lhod par mi bgyid pa lags/ bka' stsal pa/ yang dag par bsdu ba zhes bya ba ni dge ba'i rtsa ba rnams so/ /de la 'dod pa med pa ni mi lta bar sems can rnams la gtang ba'o/ /yang dag par bsdu ba la brtson
20a4 'grus mi glod pa ni dge ba'i rtsa ba la ngoms mi shes par brtson par bya ba ste de ni tshul lo/ /rigs kyi bu dag de lta bas na gting dpag dka' bar yang gyis shig /spyod pa gsal ba la yang snang bar gyis shig /gsol
20a5 pa/ bcom ldan 'das ji ltar na byang chub sems dpa' rnams gting dpag dka' ba lags/ ji ltar na spyod pa gsal ba la yang gda' ba lags/ bka' stsal pa/ gting dpag dka' ba
20a6 zhes bya ba ni zab pa la snyoms par 'jug pa ste/ gang la nyan thos dang rang sangs rgyas rnams kyis kyang gting mi rnyed pa'o/ /spyod pa gsal ba la yang snang ba zhes bya ba ni byis pa so so'i skye bo'i chos rnams dang 'dre bar
20a7 bya ba ste/ de ni tshul lo/ /rigs kyi bu dag de lta bas na lam las gzur bar gyis shig /lam gol ba na yang snang bar gyis shig /yang dag pa'i lam yang ma dor cig /gsol pa/ bcom ldan
20a8 'das ji ltar na byang chub sems dpa' rnams lam las 'dzur ba lags/ ji ltar na lam gol ba na yang gda' ba lags/ ji ltar na yang dag pa'i lam mi 'dor ba lags/ bka' stsal pa/ lam las
20b1 'dzur ba zhes bya ba ni nyan thos dang rang sangs rgyas kyi lam las 'byol ba'o/ /lam gol ba na snang ba ni sems can yongs su smin par bya ba'i phyir ro/ /yang dag pa'i lam mi 'dor ba ni 'di lta ste/ pha rol du phyin pa drug gi
20b2 lam ste de ni tshul lo/ /rigs kyi bu dag de lta bas na phyir mi ldog pa'i go yang bgo bar gyis shig /thams cad las kyang phyir ldog par gyis shig /phyir log nas kyang sgrol cig /gsol pa/ bcom ldan
20b3 'das ji ltar na byang chub sems dpa' rnams phyir mi ldog pa'i go cha bgos pa lags/ ji ltar na thams cad las phyir ldog pa lags/ ji ltar na phyir log nas sgrol ba lags/ bka' stsal pa/ phyir mi ldog pa'i
20b4 go cha bgos shes bya ba ni chos dang 'thun pa'i dam bcas pa la gnas pa'o/ /thams cad las phyir ldog pa ni chos dang mi ldan pa'i dam bcas pa las ldog pa'o/ /phyir log pa nas bsgrol ba ni mi dge ba'i
20b5 chos thams cad kyi ste de ni tshul lo/ /rigs kyi bu dag de lta bas na 'dum par gyis shig /rtag tu dbye bar gyis shig /brtan par gyis shig /blo rgod cing mi rgod par yang gyis shig /gsol pa/
20b6 bcom ldan 'das ji ltar na byang chub sems dpa' rnams 'dum pa lags/ ji ltar na rtag tu bye ba lags/ ji ltar na brtan pa lags/ ji ltar na blo rgod cing mi rgod pa lags/ bka' stsal pa/
20b7 'dum pa zhes bya ba ni bdud zil gyis mnan pa'i phyir ro/ /rtag tu bye ba ni gcig nas gcig tu brgyud cing mi gnas pa'i sems gzhan dang gzhan shes pa'o/ /brtan pa ni bsgrub pa la'o/ /blo rgod cing mi rgod pa ni dge
20b8 ba'i chos gzhan dang gzhan la dmigs pa'i phyir te de ni tshul lo/ /rigs kyi bu dag de lta bas na rjes su chags par yang gyis shig /rtag tu zhe 'gras par yang gyis shig /yun ring por lta bar yang gyis shig /
21a1 byas pa mi gzo bar yang gyis shig /gsol pa/ bcom ldan 'das ji ltar na byang chub sems dpa' rnams rjes su chags pa lags/ ji ltar na rtag tu zhe 'gras pa lags/ ji ltar na yun ring por lta ba lags/
21a2 ji ltar na byas pa mi gzo ba lags/ bka' stsal pa/ rjes su chags pa zhes bya ba ni theg pa chen po la'o/ /zhe 'gras pa zhes bya ba ni theg pa dman pa la'o/ /yun ring por lta ba ni 'khor ba yongs su bzung ba'i phyir ro/ /
21a3 byas pa mi gzo ba ni sdig pa byas pa rnams la phyir lan mi glon pa ste de ni tshul lo/ /rigs kyi bu dag de lta bas na gtong ba yang shin du thong cig /ser sna can du yang gyis shig /'dzin pa'i sems kyang med par gyis
21a4 shig /gsol pa/ bcom ldan 'das ji ltar na byang chub sems dpa' rnams gtong ba shin du gtong ba lags/ ji ltar na ser sna can lags/ ji ltar na 'dzin pa'i sems ma mchis pa lags/ bka' stsal pa/
21a5 gtong ba shin du gtang ba ni sems can thams cad yongs su mi gtang ba'i phyir sbyin pa gtang ba'o/ /ser sna can du bya ba ni snod du ma gyur pa rnams la'o/ /'dzin pa med pa'i sems su bya ba ni chos la slob dpon gyi
21a6 dpe mkhyud med pa'i phyir te de ni tshul lo/ /rigs kyi bu dag de lta bas na gang dag spangs pa de dag ni yongs su zung shig /gang dag yongs su bzung ba de dag ni yal bar zhog shig /nad pa ltar yang gyis shig /
21a7 na ba rnams kyang gsos shig /gsol pa/ bcom ldan 'das ji ltar na byang chub sems dpa' rnams gang dag spangs pa de dag yongs su 'dzin pa lags/ ji ltar na gang dag yongs su bzung ba de dag yal bar 'jog
21a8 pa lags/ ji ltar na nad pa lta bur gyur pa lags/ ji ltar na na ba rnams kyang gso ba lags/ bka' stsal pa/ gang dag spangs pa de dag yongs su gzung ba ni log pa nyid du nges pa'i sems can
21b1 sangs rgyas thams cad kyis spangs pa de dag byang chub sems dpas yongs su bzung bar bya'o/ /gang dag yongs su bzung ba de dag yal bar gzhag pa ni slob pa dang mi slob pa thams cad do/ /nad pa ltar yang bya zhing na ba
21b2 rnams kyang gso bar bya ba ni bsams bzhin du rga ba dang na ba bstan nas so so'i skye bo rnams la chos bstan pa ste de ni tshul lo/ /rigs kyi bu dag de lta bas na bdud kyi las rnams ni 'bar bar gyis shig /
21b3 sangs rgyas kyi chos rnams ni zhi bar gyis shig /gsol pa/ bcom ldan 'das ji ltar na byang chub sems dpa' rnams bdud kyi las rnams ni 'bar bar bgyid pa lags/ ji ltar na sangs rgyas kyi chos
21b4 rnams ni zhi bar bgyid pa lags/ bka' stsal pa/ bdud kyi las 'bar bar byed pa ni dge ba'i chos la brtson pa rnams la'o/ /sangs rgyas kyi chos rnams zhi bar byed pa ni chos thams cad nyon mongs pa
21b5 dang nye ba'i nyon mongs pa med par sbyor ba ste de ni tshul lo/ /rigs kyi bu dag de lta bas na bdud rnams dang ni 'thab par gyis shig /ston pa ni ma tshol cig /gsol pa/ bcom ldan 'das ji ltar na
21b6 byang chub sems dpa' rnams bdud dang 'thab pa lags/ ji ltar na ston pa mi tshol ba lags/ bka' stsal pa/ bdud dang 'thab par bya ba ni byang chub sems dpa' dag gang gi tshe sems can
21b7 rnams yongs su smin par byed pa de'i tshe bar chad bya ba'i phyir bdud brtson par byed pa na'o/ /ston pa mi tshol ba ni dge ba'i chos thams cad dang ldan pa ste de ni tshul lo/ /rigs kyi bu dag de lta bas na gang dag nyan thos
21b8 kyis smad par bya ba de khyed kyis ma smad cig /gang la nyan thos mngon par dga' ba de la khyed dga' bar ma byed cig /gsol pa/ bcom ldan 'das ji ltar na byang chub sems dpa' rnams gang dag nyan thos kyis
22a1 smad par bgyi ba de dag la mi dmod pa lags/ ji ltar na gang la nyan thos dga' ba de la mi dga' ba lags/ bka' stsal pa/ nyan thos ni skye ba'i gnas rnams la smod de/ de dag khyed kyis
22a2 smad par mi bya'o/ /nyan thos ni rang yongs su mya ngan las 'das pa la mngon par dga' na de la khyed kyis mngon par dga' bar mi bya ste/ de ni tshul lo/ /rigs kyi bu dag de lta bas na 'jig rten na gnas par gyis shis/
22a3 'jig rten gyi chos rnams myong bar gyis shis/ 'jig rten gyis kyang ma gos par gyis shig /'jig rten na thogs pa rnams kyang sgrol cig /gsol pa/ bcom ldan 'das ji ltar na byang chub sems dpa'
22a4 rnams 'jig rten na gnas pa lags/ ji ltar na 'jig rten gyi chos rnams myong ba lags/ ji ltar na 'jig rten gyis mi gos pa lags/ ji ltar na 'jig rten du thogs pa sgrol ba lags/ bka' stsal pa/
22a5 'jig rten na gnas par bya ba ni 'dod pa dang / gzugs dang / gzugs med pa rnams su'o/ /'jig rten gyi chos rnams myong bar bya ba ni 'jig rten gyi chos brgyad po dag go/ /'jig rten gyis mi gos par bya ba
22a6 ni bde ba dang sdug bsngal gyis mi bskyod pa'i phyir ro/ /'jig rten du thogs pa bsgrol ba ni khams gsum gyi btson ra nas 'don pa ste de ni tshul lo/ /rigs kyi bu dag de lta bas na yang bar gyis shig /
22a7 lci bar gyis shig /sdug bsngal bar gyis shig /bde bar gyis shig /gsol pa/ bcom ldan 'das ji ltar na byang chub sems dpa' rnams yang ba lags/ ji ltar na lci ba lags/
22a8 ji ltar na sdug bsngal ba lags/ ji ltar na bde ba lags/ bka' stsal pa/ yang ba ni sems can thams cad kyi bya ba ci yod pa la snying las su byed pa'o/ /lci ba ni yi dam la brtan pa'o/ /
22b1 sdug bsngal bar bya ba ni mi mthun pa'i gnyen po rnams la'o/ /bde bar bya ba ni bsod nams byas pa'i phyir te de ni tshul lo/ /rigs kyi bu dag de lta bas na mi snang bar yang gyis shig /thams cad du snang bar yang gyis shig /
22b2 byol bar bya ba rnams la ni byol cig /bsdad par bya ba rnams la ni sdod cig /gsol pa/ bcom ldan 'das ji ltar na byang chub sems dpa' rnams la mi gda' ba yang lags/ ji ltar na thams cad du gda' ba yang
22b3 lags/ ji ltar na byol bar bgyi ba rnams la byol ba lags/ ji ltar na bsdad par bgyi ba rnams la sdod par bgyid pa lags/ bka' stsal pa/ mi snang bar bya ba ni ltung ba dang 'khrul pa thams cad las
22b4 yang dag par 'das par bya ba'o/ /thams cad du snang bar yang bya ba ni byang chub kyi phyogs kyi chos yang dag par bsgrub pa'i phyir ro/ /byol bar bya ba rnams las 'byol ba ni 'thab mo dang rtsod pa rnams las so/ /
22b5 bsdad par bya ba rnams la sdod pa ni sems can tshogs par bya ba'i phyir te de ni tshul lo/ /rigs kyi bu dag de lta bas na ma byas pa rnams la'ang gnas par gyis shig /byas pa rnams la'ang gnas par gyis
22b6 shig /byas pa dang ma byas pa rnams la'ang sems mnyam par gyis shig /gsol pa/ bcom ldan 'das ji ltar na byang chub sems dpa' rnams ma bgyis pa rnams la'ang gnas pa lags/ ji ltar na
22b7 bgyis pa rnams la'ang gnas pa lags/ ji ltar na bgyis pa dang ma bgyis pa rnams la'ang sems mnyam pa lags/ bka' stsal pa/ ma byas pa rnams la gnas pa ni dge ba'i rtsa ba yang dag par bsgrub
22b8 pa'i phyir ro/ /byas pa rnams la gnas pa ni dge ba'i rtsa ba byas pa de'i gong ma'i chos dang sbyar bar bya ba'i phyir ro/ /byas pa dang ma byas pa rnams la sems mnyam par bya ba ni tshul khrims dang ldan pa dang /
23a1 tshul khrims 'chal pa rnams la bye brag med pa'i 'du shes su bya ba ste de ni tshul lo/ /rigs kyi bu dag de lta bas na snying po med pa las kyang snying po tshol cig /snying po la yang snying po med pa'i 'du shes
23a2 skyed cig /snying po dang snying po med pa la yang spyod cig /gsol pa/ bcom ldan 'das ji ltar na byang chub sems dpa' rnams snying po ma mchis pa la snying po tshol ba lags/ ji ltar na snying po la snying po ma mchis
23a3 par 'du shes bskyed pa lags/ ji ltar na snying po dang snying po ma mchis pa la spyod pa lags/ bka' stsal pa/ snying po med ces bya ba ni lus dang / srog dang / longs spyod rnams te/ de las dam
23a4 pa'i chos yongs su rdzogs par bya bas snying po btsal ba'o/ /snying po zhes bya ba ni 'dus ma byas te/ sangs rgyas kyi chos la gzud pa'i phyir de la snying po ma yin pa'i 'du shes bskyed par bya'o/ /
23a5 snying po dang snying po ma yin pa la spyod pa ni 'dus byas dang 'dus ma byas kyi chos rnams la blo gtang ste de ni tshul lo/ /rigs kyi bu dag de lta bas na dam bcas pa ni nyams par gyis shig /tshul khrims ni
23a6 ma nyams par gyis shig /tshul khrims 'chal pa rnams la ni ltos shig /tshul khrims dang ldan pa rnams la ni yal bar zhog shig /gsol pa/ /bcom ldan 'das ji ltar na byang chub sems dpa'
23a7 rnams dam bcas pa nyams par bgyid pa lags/ ji ltar na tshul khrims ma nyams pa lags/ ji ltar na tshul khrims 'chal pa rnams la lta ba lags/ ji ltar na tshul khrims dang ldan pa rnams la yal bar gzhog pa lags/ bka' stsal pa/
23a8 dam bcas pa nyams par bya ba ni dge ba'i rtsa ba gong ma dang gong ma la lhag par dmigs pa'i phyir ro/ /tshul khrims ma nyams par bya ba ni byang chub kyi sems la lhag par dmigs pa'i phyir ro/ /
23b1 tshul khrims 'chal pa rnams la lta ba ni tshul khrims la sbyar ba'i phyir ro/ /tshul khrims dang ldan pa rnams la yal bar gzhag pa ni bya ba byas pa'i phyir te de ni tshul lo/ /rigs kyi bu dag de lta bas na gzhan gyi nor
23b2 la dga' bar gyis shig /rang gi nor ni yongs su thong cig /nye bar gnas par gyis shig /gsol pa/ bcom ldan 'das ji ltar na byang chub sems dpa' rnams gzhan gyi nor la dga' ba lags/
23b3 ji ltar na rang gi nor yongs su gtong ba lags/ ji ltar na nye bar gnas pa lags/ bka' stsal pa/ gzhan gyi nor la mngon par dga' ba zhes bya ba ni byang chub sems dpa' dang / nyan thos dang /
23b4 rang sangs rgyas thams cad dang / sems can thams cad kyi bsod nams la rjes su yi rang bar bya'o/ /rang gi nor yongs su gtang ba ni rang gi dge ba'i rtsa ba rnams sems can thams cad la yongs su gtang bar bya'o/ /
23b5 nye bar gnas par bya ba ni byang chub tu yongs su bsngo ba'i phyir te de ni tshul lo/ /rigs kyi bu dag de lta bas na mchog tu phyin par yang gyis shig /sems dma' bar yang gyis shig /le lo can du'ang gyis shig /
23b6 rtag tu brtson par yang gyis shig /gsol pa/ bcom ldan 'das ji ltar na byang chub sems dpa' rnams mchog tu phyin pa lags/ ji ltar na sems dma' ba lags/ ji ltar na le lo can lags/ ji ltar na
23b7 rtag tu brtson pa lags/ bka' stsal pa/ mchog tu phyin pa ni shes rab dang ye shes kyis so/ /sems dma' ba ni nga rgyal med pa'i phyir ro/ /le lo can ni nyan thos dang rang sangs rgyas kyi sa 'thob par
23b8 bya ba la'o/ /rtag tu brtson pa ni pha rol tu phyin pa rnams la ste de ni tshul lo/ /rigs kyi bu dag de lta bas na mi srun par yang gyis shig /dul ba'i sa la gnas par yang gyis shig /'jigs par
24a1 yang gyis shig /seng ge'i rtsal gyis rnam par gnon par yang gyis shig /gsol pa/ bcom ldan 'das ji ltar na byang chub sems dpa' rnams mi srun pa lags/ ji ltar na dul ba'i
24a2 sa la gnas pa lags/ ji ltar na 'jigs pa lags/ ji ltar na seng ge'i rtsal gyis rnam par gnon pa lags/ bka' stsal pa/ mi srun par bya ba ni bdud thams cad gdul ba'i phyir ro/ /
24a3 dul ba'i sa la gnas pa ni sems can cang shes gdul ba'i phyir ro/ /'jigs par bya ba ni sdig pa thams cad las so/ /seng ge'i rtsal gyis rnam par gnon par bya ba ni phas kyi rgol ba thams cad dma' dbab
24a4 pa'i phyir te de ni tshul lo/ /rigs kyi bu dag de lta bas na yid du 'ong bar yang gyis shig /yid du mi 'ong bar yang gyis shig /smad du med par yang gyis shig /smad du yod par yang gyis shig /
24a5 gsol pa/ bcom ldan 'das ji ltar na byang chub sems dpa' rnams yid du 'ong ba lags/ ji ltar na yid du mi 'ong ba lags/ ji ltar na smad du ma mchis pa lags/ ji ltar na smad du mchis pa lags/
24a6 bka' stsal pa/ yid du 'ong ba zhes bya ba ni yon tan gyis phyug pa'i phyir sangs rgyas thams cad kyi thugs su byon pa'o/ /yid du mi 'ong ba ni mngon par shes pa thams cad kyis rnam par 'phrul pa'i phyir bdud thams cad
24a7 kyi yid du mi 'ong ba'o/ /smad du med pa ni lus dang / ngag dang yid yongs su dag pa'i phyir ro/ /smad du yod pa ni mi dge ba'i chos thams cad la dmod pa'i phyir te de ni tshul lo/ /rigs kyi bu dag de lta bas na rma ma
24a8 'byin cig /rma ma byung ba rnams la rma phyung shig /ye shes tshol cig /ye shes kyi bya ba rnams la dga' bar ma byed cig /gsol pa/ bcom ldan 'das ji ltar na byang chub sems dpa' rnams rma byung ba
24b1 rnams la rma mi 'byin pa lags/ ji ltar na rma ma byung ba rnams la rma 'byin pa lags/ ji ltar na ye shes tshol ba lags/ ji ltar na ye shes kyi bgyi ba rnams la mi dga' ba lags/ bka' stsal pa/
24b2 rma byung ba rnams shes bya ba ni nyan thos dang rang sangs rgyas kyi sa ste de la rma dbyung bar mi bya'o/ /rma ma byung ba rnams zhes bya ba ni so so'i skye bo thams cad de/ de dag ni rma dbyung bar bya'o/ /ye shes btsal bar
24b3 bya ba ni zad pa dang mi skye ba shes pa'o/ /ye shes kyi bya ba la dga' bar mi bya ba ni 'dus ma byas su ltung bar mi bya ba ste de ni tshul lo/ /rigs kyi bu dag de lta bas na mnyam par gzhag par yang gyis shig /
24b4 sems rnam par g.yeng bar yang gyis shig /sems mi gnas par yang gyis shig /rtag tu snyoms par zhugs par yang gyis shig /gsol pa/ bcom ldan 'das ji ltar na byang chub sems dpa'
24b5 rnams mnyam par gzhag pa lags/ ji ltar na sems rnam par g.yeng bar bgyid pa lags/ ji ltar na sems mi gnas pa lags/ ji ltar na rtag tu snyoms par zhugs pa lags/ bka' stsal pa/
24b6 mnyam par gzhag pa ni byang chub kyi sems kyis so/ /sems rnam par g.yeng bar bya ba ni nyan thos kyi sems las so/ /mi gnas pa ni de la ma chags pa'i phyir ro/ /rtag tu snyoms par zhugs pa ni
24b7 sems can thams cad la sems mnyam pa'i phyir te de ni tshul lo/ /rigs kyi bu dag de lta bas na bsreg par bya ba ni sregs shig /tshig pa ni skyed cig /skyes pa ni thong cig /rnam par phye ba ni
24b8 bsdus shig /gsol pa/ bcom ldan 'das ji ltar na byang chub sems dpa' rnams bsreg par bgyi ba bsreg pa lags/ ji ltar na tshig pa rnams skyed pa lags/ ji ltar na skyes pa rnams gtong ba
25a1 lags/ ji ltar na rnam par phye ba rnams sdud pa lags/ bka' stsal pa/ bsreg par bya ba sreg pa ni nyon mongs pa thams cad shes rab kyi mes sreg pa'o/ /tshig pa skyed pa ni thabs kyis phung po dang /
25a2 khams dang / skye mched rnams gzung ba'o/ /skyes nas gtong ba ni sems can thams cad kyi bya ba ci yod pa la snying las su bya ba'o/ /rnam par phye bas bsdu ba zhes bya ba de ni yongs su bsngo ba'i tshig bla dgas te de ni tshul lo/ /
25a3 rigs kyi bu dag de lta bas na dus ma yin pa ni dus su shes par gyis shig /dus ni dus ma yin par shes par gyis shig /dus dang dus ma yin pa la mkhas par yang gyis shig /gsol pa/ bcom ldan 'das ji ltar na byang chub
25a4 sems dpa' rnams dus ma lags pa la dus su 'tshal ba lags/ ji ltar na dus la dus ma lags par 'tshal ba lags/ ji ltar na dus dang dus ma lags pa la mkhas pa lags/ bka' stsal pa/ gang nyan
25a5 thos kyis thob par bya ba'i dus de ni byang chub sems dpa'i dus ma yin no/ /pha rol du phyin pa thams cad yongs su rdzogs par byas te bla na med pa yang dag par rdzogs pa'i byang chub tu mngon par rdzogs par 'tshang rgya ba ni
25a6 byang chub sems dpa'i dus so/ /dus dang dus ma yin pa la mkhas par bya ba ni dus bzhin du dge ba'i rtsa ba yang dag par bsgrub pa'i phyir te de ni tshul lo/ /rigs kyi bu dag de lta bas na 'byor pa ni phye shig ma
25a7 'byor pa ni sbyor cig /'byor pa dang ma 'byor pa la chags par yang ma byed cig /gsol pa/ bcom ldan 'das ji ltar na byang chub sems dpa' rnams 'byor pa 'byed pa lags/ ji ltar na ma 'byor pa ni
25a8 sbyor ba lags/ ji ltar na sbyor ba dang / mi sbyor ba la ma chags pa lags/ bka' stsal pa/ 'byor pa ni phyin ci log bzhi 'khor ba'i 'dam dang 'byor pa ste/ de ni byang chub sems dpas dbye bar bya'o/ /
25b1 ma 'byor pa ni mya ngan las 'das pa'i tshul bzhin yid la bya ba ste/ de ni byang chub sems dpas sbyar ba'o/ /'byor pa dang ma 'byor pa la chags par mi bya ba ni nyan thos dang rang sangs rgyas kyi spyod pa dang / so so'i skye bo'i
25b2 spyod pa la ma chags par bya ba ste de ni tshul lo/ /rigs kyi bu dag de lta bas na dbugs phyin pa rnams ni dbugs ma phyung shig /dbugs ma phyin pa rnams ni dbugs phyung shig /gsol pa/ bcom ldan 'das
25b3 ji ltar na byang chub sems dpa' rnams dbugs phyin pa rnams dbugs mi 'byin pa lags/ ji ltar na dbugs ma phyin pa rnams dbugs 'byin pa lags/ bka' stsal pa/ dbugs phyin pa rnams dbugs
25b4 mi dbyung ba ni yongs su smin pa'i sems can rnams yongs su smin par mi bya'o/ /dbugs ma phyin pa rnams dbugs dbyung ba ni yongs su ma smin pa'i sems can rnams yongs su smin par bya ba ste de ni tshul lo/ /
25b5 rigs kyi bu dag de lta bas na rma byung bar yang gyis shig /ma rmas par yang gyis shig /rma byung ba rnams ni sos par yang gyis shig /rma ma byung ba rnams ni rma dbyung cig /gsol pa/ bcom ldan 'das
25b6 ji ltar na byang chub sems dpa' rnams rma 'byin pa lags/ ji ltar na ma rmas pa lags/ ji ltar na rma byung ba rnams gso ba lags/ ji ltar na rma ma byung ba rma mi 'byin pa lags/ bka' stsal pa/ rma 'byung ba ni yan
25b7 lag dang nying lag yongs su btang ba'i phyir ro/ /ma rmas par bya ba ni sems kyis so/ /rma byung ba rnams gso ba ni ltung ba byung ba rnams chos bzhin du bcos pa'o/ /rma ma byung ba rma mi dbyung ba ni srog gi phyir yang bslab pa las 'gal bar
25b8 mi bya ba ste de ni tshul lo/ /rigs kyi bu dag de lta bas na nye bar 'tshor med par yang gyis shig /sems can thams cad nye bar 'tsho bar yang gyis shig /ma bsags pa rnams kyang sogs shig /bsags pa rnams kyang chud
26a1 ma gzan cig /gsol pa/ bcom ldan 'das ji ltar na byang chub sems dpa' rnams nye bar 'tsho ba ma mchis pa lags/ ji ltar na sems can thams cad nye bar 'tsho ba lags/ ji ltar na bsags pa stsogs pa
26a2 lags/ ji ltar na bsags pa chud mi gzon pa lags/ bka' stsal pa/ nye bar 'tsho ba med pa ni bdud dang mu stegs can thams cad kyis glags mi rnyed pa'o/ /sems can thams cad nye bar 'tsho ba ni dpag bsam
26a3 gyi shing lta bu'o/ /ma bsags pa bsags pa ni dge ba'i rtsa ba bskyed pa'i phyir ro/ /bsags pa chud mi gzan pa ni dge ba'i sems skyes so cog byang chub tu yongs su bsngo ba ste de ni tshul lo/ /rigs kyi bu dag de lta bas na
26a4 stobs chung bar yang gyis shig /stobs dang ldan par yang gyis shig /rten med par yang gyis shig /dpung gnyen med par yang gyis shig /gsol pa/ bcom ldan 'das ji ltar na byang chub sems dpa' rnams
26a5 stobs chung ba lags/ ji ltar na stobs dang ldan pa lags/ ji ltar na rten ma mchis pa lags/ ji ltar na dpung gnyen ma mchis pa lags/ bka' stsal pa/ stobs chung ngu bya ba ni gnod par byed pa rnams la lan
26a6 mi bya'o/ /stobs dang ldan par bya ba ni phan pa mi byed pa rnams la bzod pas phan gdags pa'o/ /rten med par bya ba ni so so rang gis shes pas so/ /dpung gnyen med par bya ba ni gzhan gyi dring mi 'jog pa ste de ni tshul
26a7 lo/ /rigs kyi bu dag de lta bas na dang ba dag ni rnyog pa can du gyis shig /rnyog pa can dag ni dang bar gyis shig /rnyog pa med par yang gyis shig /rtag tu dang bar yang gyis shig /gsol pa/
26a8 bcom ldan 'das ji ltar na byang chub sems dpa' rnams dang ba dag ni rnyog pa can du bgyi ba lags/ ji ltar na rnyog pa can dag ni dang bar bgyid pa lags/ ji ltar na rnyog pa ma mchis pa lags/ ji ltar na rtag tu
26b1 dang ba lags/ bka' stsal pa/ dang ba dag rnyog pa can du bya ba ni mnyam par gzhag pa'i sems la dge ba'i rtsa ba dag gis bsgo ba'o/ /rnyog pa can dag dang bar bya ba ni nyon mongs pa la brnyogs pa'i sems
26b2 byang chub kyi sems su dang bar bya ba'o/ /rnyog pa med par bya ba ni nyon mongs pa thams cad bsal ba'o/ /rtag tu dang bar bya ba ni sems can thams cad la sems dang ba ste de ni tshul lo/ /rigs kyi bu dag de lta
26b3 bas na lugs las bzlog par 'jug par yang gyis shig /lugs bzhin du yang slobs shig /spyi'u tshugs kyi rgyud kyang shes par gyis shig /gsol pa/ bcom ldan 'das ji ltar na byang chub sems dpa'
26b4 rnams lugs las bzlog par 'jug pa lags/ ji ltar na lugs bzhin du slob pa lags/ ji ltar na spyi'u tshugs kyi rgyud 'tshal pa lags/ bka' stsal pa/ lugs las bzlog par 'jug par
26b5 bya ba ni byis pa so so'i skye bo thams cad kyi spyod pa las phyir log pa'o/ /lugs bzhin du bslab pa ni byang chub sems dpa'i bslab pa thams cad la'o/ /spyi'u tshugs kyi rgyud shes par bya ba ni 'du shes med 'du shes
26b6 med min skye mched kyi snyoms par 'jug pa las log ste 'dod pa'i khams su snang bar bya ba ste de ni tshul lo/ /rigs kyi bu dag de lta bas na bdud rtsi dang dug tu ma 'dres par gyis shig /dug med pa rnams dang ma
26b7 bsten cig /dug dang ldan pa rnams la bdud rtsi'i sbyin pa gyis shig /gsol pa/ bcom ldan 'das ji ltar na byang chub sems dpa' rnams bdud rtsi dang dug tu ma 'dres pa lags/ ji ltar na dug ma
26b8 mchis pa rnams dang mi sten pa lags/ ji ltar na dug dang ldan pa rnams la bdud rtsi'i sbyin pa bgyid pa lags/ bka' stsal pa/ bdud rtsi zhes bya ba ni bag yod pa'o/ /dug ces bya ba ni bag med pa ste/
27a1 de la byang chub sems dpas bag yod par bya zhing bag med pa'i sems dang ma 'dres par bya'o/ /dug med pa rnams shes bya ba ni nyan thos rnams te/ de dag dang bsten par mi bya'o/ /dug dang ldan pa zhes bya ba
27a2 ni so so'i skye bo rnams te/ de dag la bdud rtsi bstan par bya ste de ni tshul lo/ /rigs kyi bu dag de lta bas na mngon par dga' bar bya ba la ni mngon par dga' bar ma byed cig /mngon par dga' bar mi bya ba la ni mngon
27a3 par dga' bar gyis shig /dga' ba dang 'dod chags dang ldan par yang gyis shig /dga' ba dang 'dod chags yongs su bcad par yang gyis shig /gsol pa/ bcom ldan 'das ji ltar na byang chub
27a4 sems dpa' rnams mngon par dga' bar bgyi ba la mngon par dga' bar mi bgyid pa lags/ ji ltar na mngon par dga' bar mi bgyi ba la mngon par dga' bar bgyid pa lags/ ji ltar na dga' ba dang 'dod
27a5 chags dang ldan pa lags/ ji ltar na dga' ba dang 'dod chags yongs su gcod pa lags/ bka' stsal pa/ mngon par dga' ba zhes bya ba ni ngar 'dzin pa dang nga yir 'dzin pa ste/ de dag la mngon par dga'
27a6 bar mi bya'o/ /mngon par mi dga' ba ni bdud rnams kyis sangs rgyas kyi ye shes la ste/ de la mngon par dga' bar bya'o/ /dga' ba dang 'dod chags dang ldan par bya ba ni 'khor ba na
27a7 sred pa ni zla yin pa'o/ /dga' ba dang 'dod chags yongs su cad pa ni 'gog pa yongs su shes par bya ba ste de ni tshul lo/ /rigs kyi bu dag de lta bas na bcing bas bcings par yang gyis shig /
27a8 bcing bas bcings pa rnams kyang khrol cig /grol ba rnams la'ang bsnyen bkur gyis shig /ma grol ba rnams kyi rjes su 'brang bar gyis shig /gsol pa/ bcom ldan 'das ji ltar na byang chub sems dpa'
27b1 rnams bcing bas bcings pa lags/ ji ltar na bcings pa rnams dgrol ba lags/ ji ltar na grol ba rnams la bsnyen bkur bgyid pa lags/ ji ltar na ma grol ba rnams kyi rjes su 'brang ba lags/
27b2 bka' stsal pa/ bcing bas bcings par bya ba ni bslab pa'i bcing bas so/ /bcings pa 'grol ba ni sred pa'i bcing ba las so/ /grol ba rnams la bsnyen bkur bya ba ni nyan thos dang rang sangs rgyas rnams la'o/ /
27b3 ma grol ba rnams kyi rjes su 'brang bar bya ba ni byis pa so so'i skye bo rnams yongs su smin par bya ba ste de ni tshul lo/ /rigs kyi bu dag de lta bas na 'dod par bya ba rnams la ni 'dod par gyis shig /'dod par mi bya ba rnams la
27b4 ni 'dod par ma byed cig /'dod pa dang bral bar yang gyis shig /gsol pa/ bcom ldan 'das ji ltar na byang chub sems dpa' rnams 'tshal bar bgyi ba rnams 'tshal ba lags/ ji ltar na 'tshal bar mi bgyi ba
27b5 rnams mi 'tshal ba lags/ ji ltar na 'tshal ba dang bral ba lags/ bka' stsal pa/ byang chub sems dpa'i 'dod par mi bya ba ni nyan thos dang rang sangs rgyas thams cad de/ de dag la 'dod par mi bya'o/ /
27b6 lha dang bcas pa'i 'jig rten gyi 'dod par bya ba ni sangs rgyas bcom ldan 'das rnams te/ de dag la 'dod par bya'o/ /'dod pa dang bral bar bya ba ni brgya byin dang tshangs par skye ba la lta ste de ni tshul lo/ /rigs kyi bu dag de lta bas na
27b7 ji tsam du chung ba'i sa bon la'ang ma brnyas shig /zhing tshad med pa la yang mos par gyis shig /'thob pa chen po ni ma sgrub shig /gsol pa/ bcom ldan 'das ji ltar na byang chub sems dpa' rnams ji tsam du chung ba'i sa bon la yang
27b8 brnyas par mi bgyid pa lags/ ji ltar na zhing tshad ma mchis pa la mos pa lags/ ji ltar na 'thob pa chen po mi sgrub pa lags/ bka' stsal pa/ ji tsam du chung ba'i sa bon zhes bya ba ni ji tsam du chung ba'i dge ba'i rtsa ba ste/
28a1 de la brnyes par mi bya'o/ /zhing tshad med pa la yang mos par bya ba ni sangs rgyas la phul ba'i sbyin pa tshad med pa la mos par bya ba'o/ /'thob pa chen po mi sgrub pa ni sems can thams cad la sbyin pa'i phyir te de ni tshul lo/ /
28a2 rigs kyi bu dag de lta bas na chags pa rnams ni khong du chud par gyis shig /chags pa rnams la ni spyod cig /chags pa la zhen pa rnams la ni ltos shig /chags pa med par ni ma ltung shig /gsol pa/ bcom ldan 'das ji ltar
28a3 na byang chub sems dpa' rnams chags pa rnams 'tshal ba lags/ ji ltar na chags pa rnams la spyod pa lags/ ji ltar na chags pa la zhen pa rnams la lta ba lags/ ji ltar na chags pa ma mchis pa nyid du mi ltung ba lags/
28a4 bka' stsal pa/ chags pa zhes bya ba ni theg pa dman pa la 'dod pa dang khong khro ba'i sems te/ de gnyis ni byang chub sems dpas bsrung bar bya'o/ /chags pa rnams la spyad pa ni 'dod pa dang / gzugs dang / gzugs
28a5 med pa rnams su'o/ /chags pa med pa nyid du mi ltung ba ni mngon par 'du bya ba med par te de ni tshul lo/ /rigs kyi bu dag de lta bas na yang bar yang gyis shig /khur chen po yang khyer cig /ma blangs pa ni ma len cig /
28a6 blangs pa ni nyams 'og tu chud par gyis shig /gsol pa/ bcom ldan 'das ji ltar na byang chub sems dpa' rnams yang ba lags/ ji ltar na khur chen po khyer ba lags/ ji ltar na ma blangs pa mi
28a7 len pa lags/ ji ltar na blangs pa nyams 'og tu chud par bgyid pa lags/ bka' stsal pa/ yang bar bya ba ni nyon mongs pa thams cad bcad do/ /khur chen po bskur ba ni sems can thams
28a8 cad do/ /ma blangs pa mi blang ba ni nyan thos dang rang sangs rgyas kyi theg pa'o/ /blangs pa nyams 'og tu chud par bya ba ni theg pa chen po ste de ni tshul lo/ /rigs kyi bu dag de lta bas na smad par yang
28b1 gyis shig /bstod par yang gyis shig /nye bar bsnyen par yang gyis shig /spang bar yang gyis shig /gsol pa/ bcom ldan 'das ji ltar na byang chub sems dpa' rnams smod pa lags/
28b2 ji ltar na bstod pa lags/ ji ltar na nye bar bsnyen pa lags/ ji ltar na spang ba lags/ bka' stsal pa/ smad pa ni mi dge ba'i chos thams cad smad pa'o/ /bstod pa ni dge ba'i chos thams
28b3 cad bstod pa'o/ /bsnyen pa ni 'phags pa'i lam mo/ /spang ba ni mi dge ba'i phyogs kyi lam thams cad de de ni tshul lo/ /rigs kyi bu dag de lta bas na grong dang / grong khyer dang / yul dang pho brang 'khor
28b4 dag tu ni bsam gtan gyi stobs ston cing / dgon pa dang bas mtha' rnams su ni nyon mongs pa chung bar ston cig /gsol pa/ bcom ldan 'das ji ltar na byang chub sems dpa' rnams grong dang grong khyer dang /
28b5 yul 'khor dang / pho brang 'khor rnams su bsam gtan gyi stobs ston pa lags/ ji ltar na dgon pa dang / bas mtha' rnams su nyon mongs pa chung bar ston pa lags/ bka' stsal pa/ grong dang /
28b6 grong khyer dang / yul 'khor dang / pho brang 'khor dag tu phyin pa na gzugs dang / sgra dang / dri dang / ro dang / reg bya rags pa dag snang bar 'gyur te/ de dag ni bsam gtan gyi stobs kyis mnan
28b7 par bya'o/ /dgon pa dang bas mtha' rnams na 'dug pa'i tshe nyon mongs pa gang dag skye bar 'gyur ba de dag ni dben pa'i yon tan gyis mnan par bya ste de ni tshul lo/ /rigs kyi bu dag de lta bas na chu'i nang na'ang
28b8 'dug par gyis shig /rtag par skom par yang gyis shig /skom pa yang sol cig /skom pa med par ma byed cig /gsol pa/ bcom ldan 'das ji ltar na byang chub sems dpa' rnams chab kyi nang na
29a1 ma mchis pa lags/ ji ltar na rtag tu skom pa lags/ ji ltar na skom pa bsal ba lags/ ji ltar na skom pa ma mchis par mi bgyid pa lags/ bka' stsal pa/ chu'i nang na 'dug par bya ba ni/
29a2 chos kyi tshul gnas par bya ba'o/ /rtag par skom par bya ba ni chos kyis skom par byas pa'o/ /skom pa bsal ba ni chos kyis chos kyi bya ba bsgrub pa'o/ /skom pa med par mi bya ba ni 'dus ma byas su ltung bar mi
29a3 bya ba ste de ni tshul lo/ /rigs kyi bu dag de lta bas na gcig pu grogs med par yang gyis shig /g.yog mang po dang 'khor mang po dang ldan par yang gyis shig /gsol pa/ bcom ldan 'das ji ltar na byang
29a4 chub sems dpa' rnams gcig pu grogs ma mchis par yang bgyid pa lags/ ji ltar na g.yog mang po dang 'khor mang po dang ldan pa lags/ bka' stsal pa/ gcig pu grogs med par bya ba ni dge ba'i rtsa ba thams cad
29a5 yang dag par bsgrub pa la'o/ /g.yog mang po dang ldan par bya ba ni dge ba'i rtsa ba de dag sems can thams cad kyi nye bar 'tsho bar bya ba'o/ /'khor mang po dang ldan par bya ba la 'khor mang po zhes bya ba ni byang chub kyi
29a6 phyogs pa'i chos phyogs 'di lta ste de ni tshul lo/ /rigs kyi bu dag de lta bas na grol bar yang gyis shig /btson rar tshud par yang gyis shig /pha rol du phyin par yang gyis shig /chu bo chen po'i nang du
29a7 'dug par yang gyis shig /gsol pa/ bcom ldan 'das ji ltar na byang chub sems dpa' rnams grol ba lags/ ji ltar na btson rar tshud pa lags/ ji ltar na pha rol du phyin pa lags/ ji ltar
29a8 na chu bo chen po'i nang na gnas pa lags/ bka' stsal pa/ grol bar bya ba ni nyon mongs pa dang bdud kyi bcing ba thams cad las so/ /btson rar tshud par yang bya ba ni bsams bzhin du skye ba rnams su'o/ /
29b1 pha rol du phyin par yang bya ba ni sems can thams cad kyi skad shes pa la'o/ /chu bo chen po'i nang na gnas par yang bya ba ni chu bo bzhis khyer ba'i sems can sgrol ba'i phyir te de ni tshul lo/ /rigs kyi bu dag de lta bas na
29b2 tshad yod pa la yang so sor rtog par gyis shig /tshad med par yang mnyam pa nyid du khong du chud par gyis shig /gsol pa/ bcom ldan 'das ji ltar na byang chub sems dpa' rnams tshad mchis pa la yang so sor
29b3 rtog pa lags/ ji ltar na tshad ma mchis pa la yang mnyam pa nyid du khong du chud par bgyid pa lags/ bcom ldan 'das kyis bka' stsal pa/ rigs kyi bu dag tshad yod pa zhes bya ba ni 'dus byas so/ /tshad med pa
29b4 zhes bya ba ni 'dus ma byas te/ de la byang chub sems dpas 'dus byas kyang spang bar mi bya ste/ 'dus byas su gtogs pa'i nyon mongs pa rnams dang yang 'grogs par mi bya'o/ /'dus ma byas la yang brtag par bya ste/
29b5 skyon med par yang 'jug par mi bya'o/ /'dus byas dang 'dus ma byas gcig pa'i mtshan nyid dang ldan pa'i shes rab kyis byang chub kyi snying por mnyam pa nyid du mngon par rdzogs par sangs rgyas par bya ste de ni tshul lo/ /
29b6 tshul gyi tshig 'di dag bstan pa'i tshe lha'i bu brgyad stong ni byang chub tu sems bskyed par gyur to/ /byang chub sems dpa' lnga brgya ni mi skye ba'i chos la bzod pa thob par gyur to/ /bcom ldan 'das kyis de skad ces bka' stsal
29b7 nas byang chub sems dpa' sems dpa' chen po rab tu mang po de dag dang / lha dang / mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do/ /
29b8 'phags pa chos kyi tshul zhes bya ba theg pa chen po'i mdo rdzogs so// // rgya gar gyi mkhan po pradz+nyA bar ma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa//
CLOSE WINDOW