བོད་ཡིག |
262a3 / // rgya'i mkhan po hwa shang zab mo la sogs pa dang / zhu chen gyi lo tsa ba ban de rnam par mi rtog gis bsgyur cing zhus te gtan la phab pa/ / @#/ /rgya gar skad du/ ar+yA bai brta tsa
262a4 kra nA ma ma hA yA na sU tra/ bod skad du/ 'phags pa phyir mi ldog pa'i 'khor lo zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad
262a5 bdag gis thos pa dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po dang thabs gcig tu bzhugs so/ /
262a6 de nas bcom ldan 'das nam gyi cha smad kyi thun la 'od dri ma med pa zhes bya ba'i ting nge 'dzin la snyoms par zhugs so/ /'jam dpal gzhon nur gyur pa ni kun du snang byed ces bya ba'i ting nge 'dzin la snyoms par zhugs so/ /
262a7 byang chub sems dpa' sems dpa' chen po byams pa ni kun du snang ba zhes bya ba'i ting nge 'dzin la snyoms par zhugs so/ /de nas tshe dang ldan pa shA ri'i bu nam gyi cha smad kyi thun nam nangs kar gnas khang nas byung ste/ 'jam
262a8 dpal gzhon nur gyur pa'i gnas khang ga la ba der song ngo / /de nas tshe dang ldan pa shA ri'i bus 'jam dpal gzhon nur gyur pa'i gnas khang du 'jug par bsam pa dang / bcom ldan 'das kyi bzhugs khang gi khor yug nas pad
262b1 ma khri byung ba mthong zhing glu'i sgra chen po yang thos so/ /pad ma de dag las kyang 'od byung ba mthong ngo / /'od des kyang rgyal bu rgyal byed kyi tshal thams cad snang bar byed pa mthong ngo / /mnyan du yod pa'i grong khyer chen po thams cad dang /
262b2 stong gsum gyi stong chen po'i 'jig rten gyi khams thams cad kyang snang bar gyur par mthong ngo / /de nas tshe dang ldan pa shA ri'i bus 'jam dpal gzhon nur gyur pa'i gnas khang du mi 'gro bar bsams pa dang / zhugs par
262b3 gyur cing bdag nyid 'jam dpal gzhon nur gyur pa'i mdun na 'dug par shes te/ des 'jam dpal gzhon nur gyur pa skyil mo krung bcas shing 'dug par mthong ngo / /mthong nas kyang se gol gtogs na ma langs so/ /
262b4 de nas lud pa'i sgra phyung na yang ma langs te/ des 'jam dpal gzhon nur gyur pa'i cho 'phrul mthong nas/ bdag rgya mtsho chen po'i nang na gnas pa snyam du shes shing 'jam dpal gzhon nur gyur pa skyil mo krung bcas te/
262b5 'dug nas gnas khang dang bcas te shar phyogs su 'gro ba mthong ngo / /de nas tshe dang ldan pa shA ri'i bu 'jam dpal gzhon nur gyur pa'i mdun du skyil mo dkrung bcas te/ 'jam dpal gzhon nur gyur pa la mig mi 'dzums
262b6 par lta zhing 'dug pa dang / des 'jam dpal gzhon nur gyur pa shar phyogs su gang gA'i klung gi bye ma snyed kyi/ 'jig rten gyi khams las 'das te/ 'jig rten gyi khams phyir mi ldog pa'i dbyings shes bya bar
262b7 mthong ngo / /de nas de bzhin gshegs pa 'od zer gyis khebs pa'i pad ma rab tu rgyas pa'i sku zhes bya ba mthong ste/ de bzhin gshegs pa de'i spu'i khung bu rnams nas pad ma dag byung sta pad ma de dag gis dpag tshad khrir khyab
262b8 pa mthong ngo / /pad ma de dag kyang shin du rgyas shing 'dab ma stong dang ldan par mthong ngo / /pad ma'i snying po de dag la yang byang chub sems dpa' mtshan sum bcu rtsa gnyis dang ldan pa/ lus kyi mdog gser gyi kha dog lta bu dag
263a1 'khod par mthong ngo / /de'i nang na pad ma chen po gcig las bcom ldan 'das byung nas stong par gyur te/ pad ma chen po de la 'jam dpal gzhon nur gyur pa 'dug nas/ pad ma chen po de dang lhan cig tu nam
263a2 mkha' la mngon par 'phags te/ mngon par 'phags nas bcom ldan 'das de la lan gsum bskor ba byas te/ bcom ldan 'das de'i zhabs la mgo bos phyag 'tshal nas/ pad ma chen po de nyid la skyil mo dkrung bcas
263a3 te 'dug pa mthong ngo / /de nas de bzhin gshegs pa 'od zer gyis khebs pa'i pad ma rab tu rgyas pa'i skus mkhyen bzhin du/ 'jam dpal gzhon nur gyur pa la 'di skad ces bka' stsal to/ /'jam dpal
263a4 gzhon nur gyur pa khyod da bzod gang nas 'ongs/ de skad ces bka' stsal pa dang / 'jam dpal gzhon nur gyur pas de bzhin gshegs pa 'od zer gyis khebs pa'i pad ma rab tu rgyas pa'i sku la 'di skad ces gsol to/ /
263a5 bcom ldan 'das 'jig rten gyi khams mi mjed nas mchis so/ /de nas bcom ldan 'das de'i rim gro pa byang chub sems dpa' sgra snyan ces bya ba de/ pad ma'i stan de las langs te/ bla gos phrag pa gcig
263a6 tu bzar nas/ bcom ldan 'das de'i zhabs la mgo bos phyag 'tshal te/ pus mo g.yas pa'i lha nga pad ma'i snying po la btsug nas/ bcom ldan 'das ga la ba de logs su thal mo sbyar ba btud de/
263a7 bcom ldan 'das la 'di skad ces gsol to/ /bcom ldan 'das 'jig rten gyi khams mi mjed de ji srid cig na mchis/ de skad ces gsol pa dang / de bzhin gshegs pa 'od zer gyis khebs pa'i pad ma rab tu rgyas pa'i
263a8 skus byang chub sems dpa' sems dpa' chen po sgra snyan la 'di skad ces bka' stsal to/ /rigs kyi bu 'jig rten gyi khams 'di nas nub phyogs logs su 'jig rten gyi khams gang gA'i klung gi bye ma snyed 'das pa na'o/ /
263b1 gsol pa bcom ldan 'das 'jig rten gyi khams de na/ bcom ldan 'das gang chos ston/ bcom ldan 'das des bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas shAkya
263b2 thub pa zhes bya'o/ /gsol pa bcom ldan 'das de ni chos ston pa ci 'dra ba zhig lags/ bka' stsal pa theg pa gsum la brtsams te'o/ /gsol pa bcom ldan 'das theg pa gsum po de dag gang lags/
263b3 bka' stsal pa/ nyan thos kyi theg pa dang / rang sangs rgyas kyi theg pa dang / theg pa chen po ste/ theg pa gsum po de dag la brtsams nas/ bcom ldan 'das de bzhin gshegs pa dgra bcom pa yang dag par
263b4 rdzogs pa'i sangs rgyas shAkya thub pa de chos ston to/ /gsol pa bcom ldan 'das sangs rgyas bcom ldan 'das thams cad kyi chos bstan pa 'thun pa ma lags sam/ bka' stsal pa/ rigs kyi bu sangs rgyas
263b5 bcom ldan 'das rnams kyi chos bstan pa ni 'thun no/ /gsol pa sangs rgyas bcom ldan 'das rnams kyi chos bstan pa ji tsam zhig 'thun/ bka' stsal pa/ sangs rgyas bcom ldan 'das rnams
263b6 kyi chos bstan pa ni phyir mi ldog pa'i chos kyi 'khor lor 'thun no/ /gsol pa bcom ldan 'das ji ltar bcom ldan 'das de theg pa gsum la brtsams te de ltar chos ston/ bka' stsal pa/ rigs kyi bu
263b7 sems can de dag ni dman pa la mos pa dag ste/ de dag theg pa gcig la mi 'jug pas na thabs mkhas pas/ de dag de ltar nye bar khrid de/ rigs kyi bu sangs rgyas bcom ldan 'das rnams ni thabs mkhas
263b8 pa chen po dang ldan pa'o/ /bcom ldan 'das de ni snyig ma lnga'i dus na byung ste/ de dag ni theg pa gcig la ma mos pa dag go/ /gsol pa/ bcom ldan 'das de ni chos ston pa ni de ltar tshogs che lags pa lta/
264a1 bka' stsal pa/ rigs kyi bu de de lta'o/ /gsol pa/ bcom ldan 'das bdag der ma skyes pa ni bdag gis rnyed pa legs par rnyed pa lags so/ /bka' stsal pa/ rigs kyi bu de skad ma zer cig /
264a2 gsol pa bcom ldan 'das ci'i slad du lags/ bka' stsal pa/ rigs kyi bu gang zhig 'dir lo nyi khri dge ba'i rtsa ba yang dag par bsgrub pa bas/ gang zhig der snga dro gcig gis de ni de bas ches bsod nams mang du yang dag
264a3 par sgrub bo/ /de ci'i phyir zhe na/ 'jig rten gyi khams de de tsam du kun nas nyon mongs pa can du gyur pa'i phyir ro/ /gsol pa bcom ldan 'das 'jig rten gyi khams de ji tsam du kun nas nyon mongs pa can du gyur pa lags/
264a4 bka' stsal pa/ rigs kyi bu 'jig rten gyi khams de'i kun nas nyon mongs par gyur pa ji tsam pa/ 'jig rten gyi khams de'i kun nas nyon mongs pa mnyan na/ khyod kyi tshe'i tshad zad par 'gyur ro/ /de nas
264a5 byang chub sems dpa' sems dpa' chen po sgra snyan gyis de'i tshe rin po che sna bdun gyi pad ma dag blangs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba de
264a6 logs su gtor to/ /gtor nas kyang de bzhin gshegs pa dgra bcom pa yang dag par rdzogs pa'i sangs rgyas de blta'o zhes tshig tu yang dang yang smras so/ /bka' stsal pa/ rigs kyi bu khyod de bzhin gshegs pa dgra bcom
264a7 pa yang dag par rdzogs pa'i sangs rgyas de mthong bar 'dod dam/ gsol pa bcom ldan 'das mthong bar 'tshal lags so/ /bka' stsal pa/ 'jam dpal gzhon nur gyur pa 'di dang lhan cig song shig /de nas byang chub sems
264a8 dpa' sgra snyan gyis 'jam dpal gzhon nur gyur pa la 'di skad ces smras so/ /'jam dpal bdag gis de bzhin gshegs pa dgra bcom pa yang dag par rdzogs pa'i sangs rgyas de blta'o/ /smras pa rigs kyi bu re shig kho bos
264b1 phyag bya ba dang / bsnyen bkur bya ba'i sangs rgyas bcom ldan 'das mang ngo / /smras pa kho bo yang khyod dang lhan cig tu phyag bya'o/ /bsnyen bkur du bya'o/ /de nas 'jam dpal gzhon nur gyur pas de bzhin gshegs pa dgra
264b2 bcom pa yang dag par rdzogs pa'i sangs rgyas 'od zer gyis khyab pa'i pad ma rab tu rgyas pa'i sku la phyag 'tshal te/ lan gsum bskor ba byas nas 'di lta ste dper na skyes bu stobs dang ldan pas lag pa
264b3 bskum pa las brkyang ba 'am/ brkyang ba las bskum pa de bzhin du 'jam dpal gzhon nur gyur pa 'jig rten gyi khams der mi snang bar gyur nas/ shar phyogs su 'jig rten gyi khams gang gA'i klung gi bye ma
264b4 snyed rnams su sangs rgyas bcom ldan 'das rnams kyi gan du byung ste/ thams cad na yang chos bstan pa 'di nyid byung ngo / /lho phyogs dang / nub dang / byang dang / steng dang / 'og dang / phyogs mtshams
264b5 rnams su yang de bzhin te/ 'on kyang 'dzam bu'i gling 'jig rten gyi khams mi mjed 'dir nam ma nangs so/ /de nas tshe dang ldan pa kun dga' bo gnas khang gi nang na 'dug bzhin du skar khung gi gseb nas 'od
264b6 byung bar mthong nas/ de gnas khang nas 'byung ngo snyam ste/ khri las langs pa dang / nyi ma ma shar bar rgyal bu rgyal byed kyi tshal thams cad snang bar gyur par mthong ngo / /rgyal bu rgyal byed kyi tshal thams cad
264b7 chu dang ba sngo ba gsal bas gang ba dang / 'di na shing yang med gtsug lag khang yang med par mthong nas/ des 'di snyam du bsams te/ ji ltar sngon ma byung ba'i snga ltas 'di dag snang ba las na/ deng ni chos chen po zhig
264b8 ston par 'gyur ro snyam mo/ /de nas tshe dang ldan pa kun dga' bos 'di snyam du bsams te/ rkang pa sa la bzhag go snyam nas/ de nas tshe dang ldan pa kun dga' bos rkang pa sa la bzhag na gsher ba yang med/
265a1 byed pa yang med nas de dga' ba dang bde ba skyes te/ bcom ldan 'das kyi bzhugs khang ga la ba der song nas phyin pa dang / bcom ldan 'das kyi bzhugs khang gi khor yug nas pad ma khri mthong
265a2 zhing / rol mo'i sgra chen po dang / glu'i sgra chen po yang thos so/ /pad ma de dag las kyang 'od byung bar mthong ste/ 'od des kyang stong gsum gyi stong chen po'i 'jig rten gyi khams thams cad snang bar gyur par
265a3 mthong nas/ de dga' ba dang yid bde ba skyes te/ pus mo g.yas pa'i lha nga sa la btsugs nas thal mo sbyar te/ bcom ldan 'das la phyag 'tshal to/ /phyag 'tshal ba dang nam nangs te/ nyi ma shar bar gyur to/ /
265a4 de dag gi nang nas pad ma gcig rgyal bu rgyal byed kyi tshal gyi dbus su song ste 'dug par gyur ro/ /de nas tshe dang ldan pa kun dga' bos pad ma de rgyal bu rgyal byed kyi tshal gyi dbus su 'dug pa mthong ngo / /de nas tshe dang
265a5 ldan pa kun dga' bos 'di snyam du bsams te/ chos ston pa'i snga ltas byung gi bdag bcom ldan 'das kyi gdan shom du 'gro'o snyam nas/ bcom ldan 'das kyi gdan bshams ma thag tu sa chen po yang rnam pa drug tu
265a6 g.yos par gyur to/ /rgyal bu rgyal byed kyi tshal thams cad kyang me tog gis khyab par khebs par gyur to/ /me tog dang bcas pa dang / 'bras bu dang bcas pa'i shing ljon pa rnams kyang byung bar gyur to/ /dge slong thams cad kyang gnas
265a7 khang nas 'byung bar bsams pa dang / rgyal bu rgyal byed kyi tshal thams cad chu dang ba sngo ba gsal bas gang bar mthong nas/ de dag 'byung ba 'am ldog par yang mi nus la/ 'di na shing dang gtsug lag khang yang ma mthong gi snang ba chen po
265a8 mthong nas/ de dag gnas khang de nyid na 'dug bzhin du 'di snyam du sems te/ de'i snga ltas 'di dag snang ba lags na/ deng chos chen po zhig ston par 'gyur ro/ /snyam mo/ /de nas bcom ldan 'das ting nge 'dzin de las bzhengs
265b1 nas gdan bshams pa la bzhugs so/ /bcom ldan 'das bzhugs ma thag tu 'jam dpal gzhon nur gyur pa/ byang chub sems dpa' bye ba phrag grangs med pa rnams dang / lhan cig tu sa rum nas mngon par 'thon te/
265b2 'thon nas kyang bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ byang chub sems dpa' sems dpa' chen po de dag dang lhan cig tu bcom ldan 'das
265b3 kyi spyan sngar 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod song la mnyan du yod pa na rgyal bu rgyal byed kyi tshal na dge slong dang / dge slong ma dang / dge
265b4 bsnyen dang / dge bsnyen ma ji srid cig 'khod pa de dag thams cad bos shig /bcom ldan 'das legs so zhes gsol te/ tshe dang ldan pa kun dga' bos bcom ldan 'das kyi ltar mnyan nas/ gtsug lag khang nas
265b5 gtsug lag khang du rgyu zhing song ste/ dge slong rnams la smras pa/ tshe dang ldan pa khyed la ston pa gsung ngo / /de dag gis smras pa/ bdag cag gis kyang snga ltas rig mod kyi 'gro ma nus so/ /de ci'i phyir zhe na/ rgyal bu
265b6 rgyal byed kyi tshal thams cad chu dang ba sngo ba gsal bas gang bar mthong ngo / /de nas tshe dang ldan pa kun dga' bos dge slong de dag ltar mnyan nas/ bcom ldan 'das ga la ba der song ste/ bcom ldan 'das kyi zhabs
265b7 la mgo bos phyag 'tshal nas/ bcom ldan 'das la 'di skad ces gsol to/ /bcom ldan 'das dge slong dag ni 'chi ba'i rngo mi thog go/ /de ci'i slad du zhe na/ rgyal bu rgyal byed kyi tshal bas par chab dang ba sngo ba gsal
265b8 bas bltam par mthong ngo / /bcom ldan 'das kyis bka' stsal pa/ kun dga' bo dge slong de dag ni chu ma yin pa la chur 'du shes pa dag ste/ ji ltar dge slong de dag chu ma yin pa la chur 'du shes pa de bzhin du
266a1 de dag rgyun du zhugs pa'i 'bras bu ma yin pa la rgyun du zhugs pa'i 'bras bur 'du shes/ lan cig phyir 'ong ba'i 'bras bu ma yin pa la lan cig phyir 'ong ba'i 'bras bur 'du shes/ phyir mi 'ong
266a2 ba'i 'bras bu ma yin pa la phyir mi 'ong ba'i 'bras bur 'du shes/ dgra bcom pa nyid kyi 'bras bu ma yin pa la dgra bcom pa nyid kyi 'bras bur 'du shes/ rang sangs rgyas nyid ma yin pa la rang sangs rgyas su 'du shes/
266a3 gzugs ma yin pa la gzugs su 'du shes/ tshor ba ma yin pa dang / 'du shes ma yin pa dang / 'du byed rnams ma yin pa dang / rnam par shes pa ma yin pa la rnam par shes par 'du shes pa dag ste/ kun dga' bo
266a4 khyod song la bos shig dang 'ong bar 'gyur ro/ /de nas tshe dang ldan pa kun dga' bos bcom ldan 'das kyi ltar mnyan te/ yang dge slong de dag bod pa'i phyir mnyan du yod pa'i grong khyer chen por zhugs nas
266a5 dge slong rnams dang / dge slong ma rnams dang / dge bsnyen rnams dang / dge bsnyen ma rnams la bsgo ba/ tshe dang ldan pa dag khyed la ston pa gsung ngo / /de nas tshe dang ldan pa kun dga' bos 'khor bzhi po la
266a6 bsgo nas bcom ldan 'das ga la ba der song ste/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to/ /bcom ldan 'das 'khor bzhi la bsgo lags so/ /
266a7 de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu khyod song la stong gsum gyi stong chen po'i 'jig rten gyi khams na byang chub sems dpa' sems dpa'
266a8 chen po go cha chen po bgos pa rnams dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen
266b1 po dang / mi dang mi ma yin pa ji snyed 'khod pa de dag thams cad bos shig /bcom ldan 'das legs so zhes gsol te/ tshe dang ldan pa maud gal gyi bu chen pos bcom ldan 'das kyi ltar mnyan nas/ 'di lta ste dper
266b2 na/ skyes bu stobs dang ldan pas lag pa bskum pa las brkyang ba 'am/ brkyang ba las bskum pa de bzhin du skad cig thang cig yud tsam de la maud gal gyi bu chen pos/ stong gsum gyi stong chen po'i 'jig rten gyi
266b3 khams su byang chub sems dpa' sems dpa' chen po rnams dang / dge slong rnams dang / dge slong ma rnams dang / dge bsnyen rnams dang / dge bsnyen ma rnams dang / lha rnams dang / klu rnams dang / gnod sbyin
266b4 rnams dang / dri za rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams dang / mi rnams dang / mi ma yin pa rnams la bsgo nas sangs rgyas kyi mthu
266b5 dang / bdag nyid kyi rdzu 'phrul gyi stobs kyis bcom ldan 'das kyi spyan sngar 'dug ste/ bcom ldan 'das la 'di skad ces gsol to/ /bcom ldan 'das 'khor bzhi la bsgo lags so/ /de nas 'khor bzhi po de dag
266b6 gis dpag tshad stong khor yug tu khyab par gyur to/ /lha rnams kyis kyang dpag tshad lnga khri tsam gyi steng gi bar snang khyab par gyur to/ /de nas bcom ldan 'das la 'jam dpal gzhon nur gyur pas 'di skad ces gsol
266b7 to/ /bcom ldan 'das 'khor bzhi po 'di yang 'dus shing mchis/ lha rnams kyis kyang bar snang bltam zhing mchis na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis phyir
266b8 mi ldog pa'i 'khor lo la brtsams te chos bstan du gsol/ bcom ldan 'das 'khor 'di na dge slong dang / dge slong ma dang / dge bsnyen dang / dge bsnyen ma dag kyang mang / lha brgya stong phrag kyang mang / de ma lags pa gzhan
267a1 gang dag rgyun tu zhugs pa'i 'bras bur 'du shes pa dang / lan gcig phyir 'ong ba'i 'bras bur 'du shes pa dang / phyir mi 'ong ba'i 'bras bur 'du shes pa dang / dgra bcom pa nyid kyi 'bras bur 'du shes
267a2 pa dang / rang sangs rgyas nyid du 'du shes pa mang du mchis na/ de dag gi 'du shes rnam par dgrol ba'i slad du bcom ldan 'das kyis gang la dgongs te/ rgyun du zhugs pa'i 'bras bu bstan pa dang / lan cig phyir 'ong ba'i 'bras
267a3 bu dang / phyir mi 'ong ba'i 'bras bu dang / dgra bcom pa nyid kyi 'bras bu bstan pa dang / bcom ldan 'das kyis gang la dgongs te/ rang sangs rgyas nyid bstan pa bcom ldan 'das kyis bshad du gsol/ de nas bcom
267a4 ldan 'das cang mi gsung bas gnang bar mdzad do/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das bdag mdang 'dir nam gyi cha smad la mchis langs nas/
267a5 gnas khang nas byung ste/ 'jam dpal gzhon nur gyur pa'i gnas khang ga la ba der mchis nas son te/ 'jam dpal gzhon nur gyur pa'i gnas khang du 'jug ces bgyis na/ bcom ldan 'das kyi
267a6 bzhugs khang mthong ste/ bcom ldan 'das kyi bzhugs khang gi khor yug nas pad ma khri yang mthong / rol mo'i sgra chen po dang / glu'i sgra chen po thos/ pad ma de dag las 'od byung ba yang mthong / 'od des rgyal bu rgyal byed
267a7 kyi tshal thams cad gda' bar gyur pa dang / mnyan du yod pa'i grong khyer thams cad dang / stong gsum gyi stong chen po'i 'jig rten gyi khams thams cad gda' bar gyur pa yang mthong na bcom ldan 'das 'di su'i snga
267a8 ltas lags/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di ni gang gi phyir 'jam dpal gyis bskul ba'i chos 'di bstan pa'i snga ltas so/ /
267b1 de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das bdag mdang 'dir nam gyi cha smad kyi thun la gnas khang gi nang na mchis bzhin du skar khung gi gseb nas 'od mchis pa mthong
267b2 nas bdag gnas khang nas 'byung snyam ste khri la langs pa dang / gdugs ma shar bar rgyal bu rgyal byed kyi tshal bas par gda' bar gyur cing / rgyal bu rgyal byad kyi tshal bas par chab dang ba sngo ba gsal bas gtam la
267b3 'di na zhugs shing yang ma mchis/ gtsug lag khang yang ma mchis par mthong na bcom ldan 'das 'di su'i snga ltas lags/ bcom ldan 'das kyis bka' stsal pa/ kun dga' bo 'di ni gang gi phyir 'jam
267b4 dpal gzhon nur gyur pas bskul ba rnyog pa med pa'i chos bstan pa 'di'i snga ltaso/ /de nas bcom ldan 'das kyis de'i tshe tshe dang ldan pa kun dga' bo la tshigs su bcad de bka' stsal pa/ 'jam pa'i dbyangs ni
267b5 'jigs med pa/ /'di yis gang phyir dris pa yi/ /ye shes 'di ni rnyog pa med/ /sangs rgyas ye shes bla na med/ /'jam pa'i dbyangs ni 'jigs med pa/ /ye shes ldan pas gang phyir dris/ /ye shes 'di ni rnam rtog
267b6 med/ /spros pa med cing zag pa med/ /'di las dngos po grub pa med/ /ma grub pa yang de bzhin no/ /thams cad spangs pa'i ye shes ni/ /'jam pa'i dpal gyis yongs su dris/ /'di la 'bras bu
267b7 grub pa med/ /rnam pa kun du med par brjod/ /'di ni 'jig rten rnams kyi mgon/ /skyob pa rnams kyi ldem po ngag /'jam dbyangs 'jigs pa med pa yis/ /gang gi ched du yongs dris pa/ /'di la sgra ni
267b8 med pa ste/ /sgra rnams thams cad mnyam par gyur/ /de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das ci lags/ 'jam
268a1 dpal gzhon nur gyur pa phyir mi ldog pa'i 'khor lo'i slad du yongs su zhu lags sam/ bka' stsal pa/ kun dga' bo de de bzhin te/ kun dga' bo sangs rgyas bcom ldan 'das
268a2 rnams ni phyir mi ldog pa'i 'khor lo bskor ba dag go/ /gsol pa bcom ldan 'das de bzhin gshegs pas ci la dgongs te/ dad pas rjes su 'brang ba bstan/ chos kyi rjes su 'brang ba bstan/
268a3 de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ci la dgongs te/ brgyad pa dang / rgyun du zhugs pa dang / lan cig phyir 'ong ba dang /
268a4 phyir mi 'ong ba dang / nyan thos dgra bcom pa dang / rang sangs rgyas bstan/ bcom ldan 'das de bzhin gshegs pas gang la dgongs te/ dad pas rjes su 'brang ba yongs su bstan pa dang / de bzhin du
268a5 de bzhin gshegs pas gang la dgongs te/ chos kyi rjes su 'brang ba dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / nyan thos dgra bcom pa dang /
268a6 rang sangs rgyas yongs su bstan pa de/ bcom ldan 'das de bzhin gshegs pas byang chub sems dpa'i chos nyid kyang de nyid lags par de ltar yongs su bstan tam/ ci lags bcom ldan
268a7 'das kyis bstan du gsol/ bka' stsal pa/ kun dga' bo de de bzhin te/ de bzhin gshegs pas de dag nyid byang chub sems dpa'i chos shes de skad yongs su bstan to/ /de ci'i phyir zhe na/
268a8 kun dga' bo snyigs ma lnga'i tshe skyes pa'i sems can dag ni dman pa la mos pa dag ste/ de dag sangs rgyas kyi ye shes la ma mos pas/ kun dga' bo sangs rgyas bcom ldan 'das thabs la mkhas
268b1 pa dag thabs mkhas pas de ltar de dag la chos ston to/ /kun dga' bo sems can gang dag rgya chen po la mos pa de dag ni nyung ste/ kun dga' bo sems can gang dag dman pa la mos pa de dag gi ched du
268b2 de bzhin gshegs pa thabs mkhas pa de lta bus chos ston te/ thabs 'dis sangs rgyas kyi chos ston te/ /de nas bcom ldan 'das kyis de skad ces bka' stsal nas cang mi gsung bar gyur te/ /
268b3 de nas tshe dang ldan pa kun dga' bos 'jam dpal gzhon nur gyur pa la 'di skad ces smras so/ /'jam dpal ci'i phyir de bzhin gshegs pa cang mi gsung bas 'da' bar mdzad/ 'jam dpal gyis
268b4 smras pa/ btsun pa kun dga' bo sems can gang dag chos bsten pa 'di lta bu la mos pa de dag ni nyung ngo / /dgra bcom pa'o snyam pa'i sems dang ldan pa'i dgra bcom pa 'di dag ni shin du mang ngo / /
268b5 btsun pa kun dga' bo sems can gang dag de bzhin gshegs pa dgra bcom pa yang dag par rdzogs pa'i sangs rgyas kyis ci la dgongs te/ chos bstan ces de bzhin gshegs pa'i dgongs te gsungs pa
268b6 kun du shes pa de dag ni nyung ngo / /kho bo ni 'di la mngon sum mo/ /'khor bzhi po de dag ji ltar da ltar de bzhin gshegs pas dad pas rjes su 'brang ba rnam par gzhag pa mdzad ces bya ba nas/ de bzhin du rgya char
268b7 rang sangs rgyas kyi bar du rnam par gzhag pa mdzad ces the tsom du gyur pa dag go/ /byang chub sems dpa' bye ba phrag mang po 'di dag de bzhin gshegs pas ci la dgongs te/ dad pas rjes su 'brang ba
268b8 yongs su bstan ces bya ba nas/ de bzhin gshegs pas ci la dgongs te/ rang sangs rgyas kyi bar du yongs su bstan ces/ dpyod par gyur pas chu thams cad kyang thogs shing mi 'bab/ bya rnams
269a1 kyang nam mkha' la mi 'phur ro/ /de ci'i phyir zhe na/ chos bstan pa 'di ni mos par dka' ba ste/ de ltar na de bzhin gshegs pa cang mi gsung bas 'da' bar mdzad do/ /de nas pad ma
269a2 khri po de dag de bzhin gshegs pa'i bzhugs khang gi khor yug tu yongs su 'gro ste/ de dag las bdag cag gis sangs rgyas bye ba khrag khrig phrag dgu bcu rtsa dgu las chos bstan pa 'di phyog 'di
269a3 nyid du thos lags na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ phyir mi ldog pa'i 'khor lo'i chos bstan pa la brtsams te/ chos bstan
269a4 du gsol zhes de bzhin gshegs pa la gsol ba thob shig ces sgra de lta bu byung ngo / /de nas tshe dang ldan pa shA ri'i bus bcom ldan 'das la gsol ba btab pa/ bdag gis mdang nam gyi cha smad kyi thun
269a5 la 'jam dpal gzhon nur gyur pa dang lhan cig shar phyogs su/ bcom ldan 'das grangs ma mchis pa dag las chos bstan pa 'di nyid thos shing / de bzhin du lho phyogs dang / nub dang /
269a6 byang dang / 'og dang / steng dang / phyogs mtshams rnams su sangs rgyas bcom ldan 'das grangs ma mchis pa dag las chos bstan pa 'di nyid thos lags na/ bcom ldan 'das phyir mi ldog
269a7 pa'i 'khor lo'i chos bstan pa bshad du gsol/ de nas bar snang la gnas pa'i lha bye ba khrag khrig phrag brgyad bcu rtsa lngas de bzhin gshegs pa la gsol ba btab pa/ bdag cag gis sangs rgyas bye ba
269a8 khrag khrig phrag dgu bcu rtsa gnyis dag las chos bstan pa 'di sa phyogs 'di nyid du thos lags na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis phyir mi
269b1 ldog pa'i 'khor lo'i chos bstan pa bshad du gsol/ de nas bcom ldan 'das la tshe dang ldan pa kun dga' bos 'di skad ces gsol to/ /de bzhin gshegs pas gang la dgongs te/ dad pas rjes su
269b2 'brang ba yongs su bstan pa dang / chos kyis rjes su 'brang ba yongs su bstan pa dang / de bzhin du rgya cher brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / nyan thos
269b3 dgra bcom pa dang / rang sangs rgyas yongs su bstan pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis bstan du gsol/ bcom ldan 'das
269b4 'khor bzhi po lud pa'i sgra yang mi 'byin par cang mi smra bar mchis pa 'di dag dang / bcom ldan 'das srog chags brgya stong mang po the tsom dang / som nyi 'tshal bar gyur te/ de bzhin gshegs
269b5 pa dgra bcom pa yang dag par rdzogs pa'i sangs rgyas kyis ci la dgongs nas dad pas rjes su 'brang ba yongs su bstan cing de bzhin du/ rgya cher rang sangs rgyas kyi bar du yongs su bstan snyam pa de dag gi
269b6 the tsom bsal du gsol/ mang po 'di dag ni dpang du gyur pa lags so/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de de bzhin te/
269b7 de bzhin gshegs pa dgra bcom pa yang dag par rdzogs pa'i sangs rgyas ni dpang dang bcas par chos ston to/ /gsol pa bcom ldan 'das de bzhin gshegs pa dgra bcom pa yang dag par rdzogs pa'i sangs
269b8 rgyas rnams kyi dpang gang lags/ bcom ldan 'das kyis bka' stsal pa/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams kyi dpang ni chos yin no/ /
270a1 de bzhin gshegs pa dgra bcom pa yang dag par rdzogs pa'i sangs rgyas rnams ni chos kyi stobs dang ldan pa ste/ de dag gis chos de dag ji lta bar mngon du byas pa de ltar
270a2 bstan to/ /kun dga' bo de'i phyir legs par rab tu nyon la tshul bzhin du yid la gyis shig dang / ji ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub
270a3 sems dpa' sems dpa' chen po la dad pas rjes su 'brang bar yongs su bstan pa dang / de bzhin du chos kyi rjes su 'brang ba dang / brgyad pa dang / rgyun du zhugs pa dang / lan cig phyir 'ong ba dang /
270a4 phyir mi 'ong ba dang / nyan thos dgra bcom pa dang / rang sangs rgyas su yongs su bstan pa ngas khyod la bshad do/ /bcom ldan 'das legs so zhes gsol te/ tshe dang ldan pa kun dga' bos/
270a5 bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ /kun dga'o 'di la byang chub sems dpa' sems dpa' chen po de sems can grangs med dpag tu med
270a6 pa dag chags pa med par sangs rgyas mthong bar bya ba'i phyir yang dad par byed la/ sangs rgyas kyi chos de dag kyang yang dag par rjes su mi mthong zhing / de gzugs la mi chags/ de bzhin du tshor ba
270a7 dang / 'du shes dang / 'du byed rnams dang / rnam par shes pa la mi chags pa 'di ni kun dga' bo byang chub sems dpa' sems dpa' chen po dad pas rjes su 'brang ba zhes bya'o/ /kun dga' bo gzhan yang
270a8 byang chub sems dpa' sems dpa' chen po de chos 'di dag thams cad de bzhin gshegs pa dgra bcom pa yang dag par rdzogs pa'i sangs rgyas kyis stong par bshad par yid ches par byed na/ kun dga' bo
270b1 de ltar mos pa'i byang chub sems dpa' sems dpa' chen po ni dad pas rjes su 'brang ba zhes bya'o/ /kun dga' bo gzhan yang byang chub sems dpa' sems dpa' chen po de sangs rgyas kyi ye shes la
270b2 yid ched par byed cing / de la 'dod pa yang skyed la/ nam zhig na bdag ye shes 'di lta bu dang ldan par 'gyur snyam du ye shes de yang yang dag par rjes su mi mthong na/ kun dga' bo byang chub sems
270b3 dpa' sems dpa' chen po de dad pas rjes su 'brang ba zhes bya ba'i ming thob po/ /kun dga' bo gzhan yang byang chub sems dpa' sems dpa' chen po de 'dod pa'i yon tan lnga la dad pa ma yin la/ dad pa'i
270b4 stobs bskyed pa rjes su thob na/ kun dga' bo byang chub sems dpa' sems dpa' chen po de dad pas rjes su 'brang bar rig par bya'o/ /yang ji ltar de bzhin gshegs pas byin pa ltar chos kyi sbyin
270b5 pa bsam gyis mi khyab pa sbyin par bya ba gang yin pa de lta bur nam zhig na 'gyur zhig gu snyam zhing chos kyi sbyin pa/ bsam gyis mi khyab pa de la yang yid ches par byed na/ kun dga' bo byang chub sems dpa'
270b6 sems dpa' chen po de yang dad pas rjes su 'brang ba zhes bya'o/ /kun dga' bo gzhan yang byang chub sems dpa' sems dpa' chen po de zhum pa med pa'i yid kyis btang ba thams cad yongasu gtong ba yin te/
270b7 de lus kyang yongs su gtong yang sbyin pas dag par mi sems shing thams cad du yang ser sna med pa yin la de thams cad kyang byang chub tu yongs su sngo zhing / byang chub de yang yang dag par rjes su mi mthong ste/
270b8 de ltar yang dag par rjes su mi mthong ba de ni dad pas rjes su 'brang ba zhes bya'o/ /kun dga' bo gzhan yang byang chub sems dpa' sems dpa' chen po de sangs rgyas la dad pa phun sum tshogs pa yin/ sems
271a1 rnyog pa med pa yin/ rnyog pa med pa'i chos la yid ches pa yin/ skye mched drug kyang mi 'dor la/ de dag don du gnyer ba yang ma yin/ dad pas mos pa yin/ sems can gang dag dad pa dang
271a2 mi ldan pa de dag kyang dad pa la 'dzud cing sangs rgyas kyi chos la dad par byed pa yin/ dad pa dang ldan par gyur nas kyang byang chub tu sems skyed cing sems de yang mi rnyed pa yin/ dad nas mnyam pa nyid du
271a3 shes shing chos kyi dbyings mnyam pa nyid du shes te/ ji ltar shes zhe na/ de ni tha snyad kyi chos kyi dbyings so zhes brjod par bya ste/ dbyings de yang mi brnyed/ 'du byed thams cad mi rtag pa dang / 'du byed
271a4 thams cad sdug bsngal ba dang / 'du byed thams cad stong pa dang / 'du byed thams cad bdag gi ba med par yid ches par byed cing de la yang stobs bskyed pa thob pa yin/ 'phags pa'i tshul khrims la
271a5 yid ches pa yin/ spros pa med pa'i ting nge 'dzin la yang snyoms par zhugs pa yin/ sems can thams cad 'gog pa'i dbyings su mnyam mo zhes 'gog pa'i dbyings la yid ches pa yin/ dad pa
271a6 gang gis yid ches pa de'i mtshan nyid kho nar yang dag par rjes su mthong zhing mi chags so/ /ma chags nas kyang sems can thams cad chos kyi dbyings su yang dag par rjes su mthong la chos kyi dbyings de
271a7 yang yang dag par rjes su mi mthong ngo / /de ci'i phyir zhe na/ chos kyi dbyings nyid sems can thams cad kyi sems med pa'i dbyings te/ de ltar yid ches shing chos de dag ji lta bar sems kyang de bzhin du
271a8 yid ches par byed de/ de lta bu ni dad pas rjes su 'brang ba zhes bya'o/ /kun dga' bo gzhan yang byang chub sems dpa' sems dpa' chen po de yang dag par na sems can thams cad gang la yang mi gnas
271b1 par yid ches shing sems can thams cad rang bzhin gyis stong pas/ de dag gi gnas kyang yang dag par rjes su mi mthong la/ sems can thams cad mya ngan las 'das pa'i dbyings su yang dag par rjes
271b2 su mi mthong ste/ de ltar dad pa'i byang chub sems dpa' sems dpa' chen po ni dad pas rjes su 'brang ba zhes bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /
271b3 sangs rgyas mthong ba chags med la/ /sems can dpag med dad par byed/ /de ni de la chags pa med/ /de phyir blo ldan dad pas 'brang / /chos 'di thams cad stong pa zhes/ /rab tu bshad par yid kyang ches/ /
271b4 de ni de yi mos yin te/ /de phyir dad pas 'brang bar 'dod/ /bde gshegs ye shes yid ches te/ /nam zhig 'di 'drar shes ldan zhes/ /de la 'dod pa 'jug byed cing / /shes pa de yang mthong ma yin/ /
271b5 'dod pa'i yon tan rnam lnga la/ /rtag tu dad pa ma yin te/ /dad pa'i stobs ni rjes thob pa/ /de phyir dad pas 'brang bar gsungs/ /ji ltar bcom ldan byin pa ltar/ /chos sbyin bsam gyis mi khyab 'di/ /
271b6 sbyin pa nam zhig sbyin snyam pa/ /de phyir dad pas 'brang bar gsungs/ /de ni slong la dad pa yis/ /lus dang thams cad gtong bar byed/ /sbyin la sbyin pa'i 'du shes med/ /de phyir brtan pa dad pas 'brang / /
271b7 dad pas thams cad gtong byed cing / /thams cad la yang ser sna med/ /de dag thams cad byang chub gzhol/ /byang chub de yang mthong ma yin/ /rdzogs sangs rgyas la dad pas dang / /de yi sems ni rnyog pa med/ /
271b8 sems med pa yi chos ston to/ /de phyir dad pas 'brang bar gsungs/ /sems can gang dag dad mi ldan/ /de dag dad la 'dzud byed cing / /dri med chos la dad par byed/ /de phyir dad pas 'brang bar gsungs/ /
272a1 dad pa'i sems dang ldan gyur nas/ /sems ni byang chub 'jug par byed/ /sems de yang ni mi rnyed de/ /de phyir brtan pa dad pas 'brang / /chos kyi dbyings ni rtag mnyam par/ /dad pas
272a2 mnyam pa nyid du shes/ /dbyings de yang ni mi rnyed la/ /dbyings shes tha snyad 'dogs pa 'ang med/ /'du byed thams cad mi rtag dang / /sdug bsngal stong pa bdag med par/ /yid ches de yis stobs bskyed pas/ /
272a3 de phyir dad pas 'brang bar gsungs/ /zag med tshul khrims yid ches la/ /rnyog pa med cing spros med pa/ /zhi ba'i dbyings la mnyam gzhag pa/ /de phyir blo ldan dad pas 'brang / /sems can thams cad dbyings
272a4 med dang / /mya ngan 'das pa'i dbyings yid ches/ /dad pa gang gis yid ches pa/ /dad pa de yang de'i mtshan nyid/ /chos kyi dbyings la chags med pas/ /sems can dbyings kyang mthong ma yin/ /ye shes
272a5 ldan pa chos kyi dbyings/ /bsam gyis mi khyab de mi mthong / /byang chub sems dpa' 'jigs med pa/ /chos 'di ji ltar 'di 'dra bar/ /de ltar dad pas yid ches pa/ /de phyir dad dang ldan par gsungs/ /
272a6 yang dag nyid du sems can kun/ /de dag ngo bo nyid kyis stong / /gang na 'ang gnas pa ma yin te/ /de dag gnas ni yod ma yin/ /sems can thams cad mya ngan 'das/ /yang dag tu na de yang stong / /des
272a7 na mya ngan 'das pa de/ /stong pa nyid du yongs su brjod/ /byang chub sems dpa' 'jigs med pa/ /'phags te da ltar yid ches te/ /des na dad pas rjes 'brang zhes/ /grags ldan rnams kyis ming
272a8 thob bo/ /dad pas rjes su 'brang rnams kyi/ /dad pa de ni 'di 'drar gsungs/ /kun dga' khyod kyis de ltar zung / /de ltar 'di ni rab tu shod/ /kun dga' chos rnams 'di dag dang / /gzhan yang mang po
272b1 mtha' yas pa/ /chos de dag gis blo ldan pa/ /dad pas rjes su 'brang ba bstan/ /kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems
272b2 dpa' chen po dad pas rjes su 'brang bar yongs su bstan te/ thabs mkhas pas don de nye bar khrid do/ / bam po gnyis pa/ kun dga' bo ji ltar de bzhin gshegs pa dgra bcom pa yang dag par rdzogs
272b3 pa'i sangs rgyas kyis byang chub sems dpa' sems dpa' chen po chos kyi rjes su 'brang bar yongs su bstan ce na/ kun dga' bo 'di la byang chub sems dpa' sems dpa' chen po ni sangs rgyas kyi chos
272b4 rnams las mi ldog ste/ sangs rgyas kyi chos rnams kyang 'dzin cing rab tu ston/ dbyings de las kyang mi 'da' zhing bsam gyis mi khyab pa'i chos rnams kyang rjes su thob pa yin/ bsti stang du byas
272b5 te de 'dzin cing de'i sems zhum pa med pa yin/ chos kyi ngo bo nyid kyi chos kyi rgyun de yang ston la gang du yang mngon par zhen pa med/ ci nas chos rnams dang / chos ma yin pa rnams la yang mi chags par
272b6 gnas pa med pa dang rten med pa'i chos nyid kyang ston/ chos 'dod pa yin gyi chos ma yin pa 'dod pa ma yin/ 'dzin pa med pa'i tshul du chos thams cad 'dzin te/ bzung nas kyang rab tu ston to/ /des
272b7 shing 'grogs na bde ba yin no/ /zhi ba'i chos de yang rab tu ston la chos kyi dbyings de yang g.yo bar mi byed/ mngon par zhen par mi byed do/ /des chos thams cad kyang mtshan nyid med par rjes su rtogs
272b8 pa yin te/ chos nyid de las kyang mi 'da'o/ /de ci'i phyir zhe na/ de mi gnas pa'i tshul du lus la legs par gnas pa yin no/ /ji ltar legs par gnas she na/ lus 'di ni rtag tu lus ma yin
273a1 pa zhes de ltar legs par gnas pa yin no/ /lus kyi chos nyid kyis thog ma dang / tha ma ma yin pa mnyam par byed do/ /len par mi byed/ khyer bar mi byed par de ltar chos nyid de
273a2 shes so/ /sangs rgyas bcom ldan 'das rnams kyis byang chub sems dpa' rnams la gang bstan pa'i chos de yang rjes su thob pa yin no/ /chos thams cad la chags pa med pas
273a3 dri ma med la dag pa yang mi mthong ngo / /chos gang dag mi mthong ba de dag gang yang mi 'dzin to/ chos kyi dbyings 'di ni nyon mongs pa med pa/ mtshan ma med pa/ rang bzhin med pa byed pa
273a4 med pa/ dngos po med pa/ sems dang bral ba/ sems med pa zhes bstan to/ /gang la sems mi dmigs pa de sems med pa/ thob pa med pa nye bar zhi ba zhes brjod do/ /de tha
273a5 snyad med pa/ tha snyad dang bral ba/ dmigs pa med pa ste/ de 'dzin kyang chos nyid dngos po med pa'i phyir/ gang du yang gnas pa ma yin te/ chos nyid des rab tu phye'o/ /chos nyid
273a6 'di ni bden par na byang chub sems dpa' la bstan te/ bsres pa yang med/ rnam par gtor ba yang med/ bkag pa yang med do/ /de la bsnyad pa 'di ni 'gyur ba med pa ste/
273a7 ci ltar bsnyad pa de ltar thob pas na rigs kyi sa zhes brjod do/ /de thob pas rigs kyi sa zhes yongs su bstan to/ /byang chub sems dpa' sems dpa' chen po de ni rigs kyi
273a8 sa 'di yang rjes su thob pa yin te/ chos phra rab tsam yang 'ong ba 'am 'gro bar yang dag par rjes su mi mthong la/ 'ong ba med pa dang / 'gro ba med pa'i chos thams cad kyang 'dzin cing g.yo
273b1 bar mi byed/ rnam par 'thor bar mi byed/ 'du bar mi byed la gtor ba med pa dang / 'dzin pa med pa'i chos kyang 'dzin te/ des na chos kyi rjes su 'brang ba zhes bya'o/ /chos nyid
273b2 thob pa dang / chos thams cad thogs pa med pas/ chos kyi rjes su 'brang ba zhes bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas
273b3 chos la rnam kun du/ /chos las ldog par mi byed cing / /chos nyid 'di dag 'dzin byed de/ /de phyir chos rjes 'brang zhes gsungs/ /chos rgyun bsam gyis mi khyab pa/ /rgyun de las
273b4 kyang 'da' mi byed/ /chos nyid de ni rjes su thob/ /de phyir chos rjes 'brang zhes gsungs/ /sangs rgyas rnams kyis bshad pa'i chos/ /sti stang byas te de dag 'dzin/ /de yi sems ni
273b5 zhum pa med/ /de phyir chos rjes 'brang zhes gsungs/ /ngo bo nyid kyis chos kyi rgyun/ /rgyun de de yis kun du bstan/ /chos la mngon par zhen pa med/ /de phyir chos 'brang shes par bya/ /
273b6 gnas med pa dang rten med pa'i/ /chos kyi rgyun ni yang dag rtogs/ /chos nyid de ni 'dzin byed de/ /de phyir blo ldan chos rjes 'brang / /byang chub sems dpa'i
273b7 chos nyid gang / /sangs rgyas kyis ni bstan mdzad pa/ /chos nyid de ni rjes su thob/ /de phyir blo ldan chos rjes 'brang / /dbyings ni ngo bo nyid kyis stong / /chos rnams kun la nges
273b8 med pa/ /chos nyid de ni 'dzin par byed/ /de phyir blo ldan chos rjes 'brang / /des ni chos rnams thams cad la/ /stong par brtags nas skyon ma mthong / /chos gang mthong bar ma gyur pa/ /
274a1 de dag la ni 'dzin pa med/ /chos kyi dbyings kyi dbyings 'di ni/ /nyon mongs med cing mtshan ma med/ /ngo bo nyid kyang med par bstan/ /de ni brjod med dngos po
274a2 med/ /dbyings 'di sems dang bral ba ste/ /sems de dmigs su med pa yin/ /gang phyir sems ni mi dmigs pa/ /de phyir de ni bsam yas brjod/ /sems pa med cing thob pa med/ /
274a3 nye bar zhi bar brjod pa de/ /brjod pa med cing dmigs pa med/ /des na de ni bsam yas brjod/ /chos nyid 'di dag 'dzin byed la/ /de ni gang du'ang gnas pa med/ /dngos po med pas
274a4 mi gnas te/ /de phyir chos rjes 'brang zhes gsungs/ /byang chub sems dpa' de la ni/ /chos nyid 'di ni rab bstan te/ /bsres pa med cing bzhag pa med/ /'gyur ba med cing 'od gsal
274a5 ba/ /gang las rigs ni rab brjod pa/ /de ni 'phags pa'i spyod yul te/ /de ni rab tu thos pas na/ /rigs kyi sar ni yongs su brjod/ /byang chub sems dpa' ma smad pa/ /
274a6 rigs 'di dang ni rjes 'thun pa/ /de ni de ltar 'dzin byed pas/ /de phyir chos rjes 'brang zhes gsungs/ /chos nyid rab tu thob pas na/ /de chos rjes su 'brang bar 'dod/ /kun dga'
274a7 'di las dgongs nas ni/ /byang chub sems dpa' rab tu brjod/ /chos kyi rjes su 'brang ba zhes/ /ngas ni dgongs te 'di bshad do/ /gang dag byang chub ring du shes/ /de dag de ltar nye bar
274a8 khrid/ /de ltar byang chub sems dpa'i chos/ /mang po dag ni nges bshad de/ /de lta bu'i thabs kyis ni/ /sangs rgyas chos rnams rab tu bstan/ /kun dga' bo de ltar de bzhin gshegs pa
274b1 dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po chos kyi rjes su 'brang bar yongs su bstan to/ /kun dga' bo ji ltar de bzhin
274b2 gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po brgyad par yongs su bstan zhe na/ kun dga' bo 'di la
274b3 byang chub sems dpa' sems dpa' chen po ni log pa nyid brgyad las shin du 'das pa yin te/ rnam par thar pa brgyad la reg cing yang dag pa nyid brgyad la mngon par zhen pa yang med
274b4 pa yin/ so so'i skye bo'i chos las shin du 'dus pa yin/ lam la yang legs par gnas pa yin te bar ma nyid thob pa yin/ so so'i skye bo'i chos las kyang 'das la/ sangs rgyas
274b5 kyi theg pa la mngon du zhugs pa yang yin zhing byang chub de yang mi rnyed/ log par lta ba las kyang shin du 'das shing yang dag par lta ba yang rnam par bshig pa yin/ mnyam pa
274b6 nyid rjes su thob cing 'jigs tshogs las/ rnam par 'das pa yin/ byang chub du mngon du zhugs shing sangs rgyas kyi lam rjes su thob pa yin/ de sems can du 'du shes pa
274b7 bzlog pa yin/ de sangs rgyas su 'du shes pa rnam par bshig pa yin/ 'du shes mnyam pa nyid rjes su thob pa yin/ sems can gyi gnas las shin du 'das pa yin/ gnas med pa
274b8 la yang mngon du zhugs la chos thams cad la mi gnas pa yang yin no/ /de ci'i phyir zhe na/ gang dag de'i gnas su 'gyur ba'i chos de dag mi dmigs pa'i phyir ro/ /'jig rten pa'i
275a1 chos rnams las rab tu 'das shing / 'jig rten las 'das pa'i chos rnams la zhugs la 'gog pa'i dbyings dang chos kyi dbyings mnyam pa'i thob pa yin 'jig
275a2 rten pa rnams dang / 'jig rten las 'das pa'i chos rnams mi dmigs shing chos rnams dang / chos ma yin pa rnams dang / yod pa dang med pa rnam par spangs pa yin/ de chad pa dang
275a3 rtag pa la mtshungs par 'du shes pa yin te/ 'das pa dang / ma 'ongs pa dang / da ltar byung ba'i sems la mtshungs par gyur pa yin/ byang chub kyi sems de yang / mi dmigs pa yin no/ /
275a4 de ci'i phyir zhe na/ sems can thams cad mtshungs par gyur pa/ mnyam pa nyid du des shes pa yin te/ des na de'i lus la dug dang me dang mtshon gyis mi tshugs so/ /de ci'i phyir zhe na/
275a5 des yul thams cad kyang rnam par spangs pa yin la/ de'i rtogs pa sangs rgyas kyi yul la yang legs par gnas pa yin no/ /de ci'i phyir zhe na/ byang chub ni 'gro ba med pa/
275a6 'ong ba med pa bde ba zhi ba grangs su ma gtogs pa ste/ ting nge 'dzin de la legs par gnas pa yin no/ /de ci'i phyir zhe na/ byang chub ni stong pa'o/ /de ltar na de'i gnas de med pa yin te/
275a7 de na de'i lus la mtshon gyis mi reg mi phog ste/ des na mi sod pa zhes bya'o/ /de ltar nges par 'byung ba ni mi sod pa yin te/ des bde bar bde ba'i shes pa rtogs so/ /de ci'i phyir zhe na/
275a8 des gang gis rtogs pa'i shes pa de yang mi rnyed de/ de na de'i lus la mtshon gyis mi tshugs mi phog go/ /de ci'i phyir zhe na/ de chos thams cad 'dre ba med par shes pa'i phyir te/ des na
275b1 de mtshon gyis mi sod do/ /de ci'i phyir zhe na/ 'di ltar sems can thams cad la byams pas khyab par byed de/ byang chub kyi rnam pa mngon par sgrub pa'i byams pa dang / rnam pa med cing chags pa
275b2 med pa'i byams pa dang / chos thams cad stong pa nyid dang / zhi ba'i dbyings ma thob pa'i byams pa dang / gnod sems dang / brnab sems spangs pa'i byams pa dang / mngon par shes pa dang /
275b3 ye shes kyis btang ba'i byams pa dang / byang chub snang ba thob pa'i byams pa dang / sems can mi dmigs pa'i byams pa des sems can thams cad la khyab par byed de/ des na de mtshon
275b4 gyis mi sod do/ /chos kyi dbyings mnyam pa nyid kyis des 'dod pa'i khams dang / gzugs kyi khams dang / gzugs med pa'i khams mnyam pa nyid du shes pa yin te/ byang chub
275b5 sems dpa' sems dpa' chen po ni/ byang chub 'gyur ba med pa dang / rnam par shes par bya ba ma yin pa dang / kun du rtog pa med pa dang / spros pa med pa dang / rnyog pa med pa de ltar chos kyi
275b6 dbyings mnyam pa nyid la zhugs so/ /sgrar brjod pa gang dag ji snyed pa thams cad la rtogs pa dang / rtogs pa med pa dang / chos kyi dbyings rtogs pa med pa dang / gnas pa med par
275b7 rtogs pa khong du chud par 'gyur te/ sgra thams cad la mkhas pa yin/ nges pa'i tshig med pa'i chos ston par byed la/ bdag ni chos 'ga' zhig /ston to snyam du rlom sems pa yang
275b8 med do/ /de 'du shes dang yang bral la sgra thams cad kyi mnyam pa nyid la yang 'jug go/ /chos thams cad bral ba yang med la/ stong pa dang zhi bar yang shes so/ /de gang las
276a1 'da' bar bya ba'i chos gang yang mi dmigs te/ des na de brgyad pa zhes bya'o/ /chos thams cad la mi chags pas/ des na brgyad pa zhes bya'o/ /de nas bcom ldan
276a2 'das kyis de'i tshe tshigs su bcad pa 'di dag bka' stsal to/ /log pa brgyad las shin du 'das/ /rnam par thar pa brgyad la reg /yang dag brgyad la zhen pa med/ /de phyir brgyad pa zhes
276a3 brjod do/ /so so'i skye bo'i chos las 'das/ /lam la 'ang rab tu legs par gnas/ /ye shes ldan pa dbus mi mthong / /de phyir brgyad pa zhes brjod do/ /so so'i skye bo nyid las
276a4 'das/ /byang chub la yang mngon par zhugs/ /byang chub de yang mi dmigs te/ /des na brgyad pa zhes brjod do/ /log pa'i lta las rnam par 'das/ /yang dag lta ba rnam par bshig /
276a5 bzang po'i lam gyi mnyam nyid 'thob/ /des na brgyad pa zhes brjod do/ /'jigs tshogs las ni rnam par 'das/ /byang chub mchog la rab tu zhugs/ /sangs rgyas lam yang rjes su
276a6 thob/ /des na brgyad pa zhes brjod do/ /des na rang gi 'du shes bzlog /byang chub 'du shes rnam par bshig /dpe med pa yi 'du shes thob/ /des na brgyad pa zhes brjod do/ /sems can gnas
276a7 las shin du 'das/ /gnas med pa la rab tu zhugs/ /chos rnams kun la mi gnas te/ /des na brgyad pa zhes brjod do/ /'jig rten chos las rnam par 'das/ /'phags pa'i chos ni
276a8 rnam par bshig /'gog pa'i dbyings ni rjes su thob/ /des na brgyad pa zhes brjod do/ /gang dag 'jig rten chos brjod dang / /sangs rgyas chos gang tha dad pa/ /chos de de yis mi rnyed de/ /
276b1 des na brgyad pa zhes brjod do/ /yod ces pa 'di mtha' gcig ste/ /med ces bya ba gnyis pa yin/ /mtha' 'di de yis rnam par spangs/ /des na brgyad pa zhes brjod do/ /de ni bdag dang
276b2 bdag med mtshungs/ /rtag pa dang ni chad pa mtshungs/ /de yis mnyam nyid mtshungs par shes/ /des na brgyad pa zhes brjod do/ /'das pa'i sems ni mi rnyed de/ /ma 'ongs sems
276b3 kyang de bzhin no/ /da ltar byung la mnyam par thob/ /des na brgyad pa zhes brjod do/ /byang chub tu ni dang po sems/ /dge ba skyes pa gang yin pa/ /sems de dmigs pa ma yin na/ /
276b4 de yis ji ltar byang chub thob/ /gang la byang chub mi dmigs pa/ /de ni de ltar mi dmigs zhugs/ /des na de la dug dang mes/ /rnam pa kun du mi tshugs so/ /de ni 'gro dang
276b5 bral ba ste/ /mtshan ma yis ni chags pa med/ /'gro ba med pa'i 'gro bar phyin/ /des na brgyad pa zhes brjod do/ /byang chub 'gro dang bral ba ste/ /de ni tshig gis rab tu brjod/ /
276b6 des ni sgra yang rnam par bshig /des na brgyad pa zhes brjod do/ /de la 'gro ba med mi rnyed/ /mi 'gro ba dang 'gro ba'i sgra/ /ye shes zhi bar rab tu bstan/ /zhi ba de ni bde bar brjod/ /zhi ba stong pa nyid du
276b7 brjod/ /zhi ba'i dbyings ni thob pas na/ /des na de gsad min zhes brjod/ /blo ldan des ni bde bar yang / /de ltar bde ba'i shes pa rtogs/ /de yis ci yang ma bor te/ /des na de ni gsad min 'dod/ /legs
276b8 par thar byas mtshon rnon gyis/ /de yi lus la mi phog ste/ /de lus lus kyi 'du shes med/ /des na mtshon gyis mi sod do/ /des pa byang chub byams pa yi/ /byams pas sems can khyab par byed/ /
277a1 blo ldan gnod sems rnam par spangs/ /des na mtshon gyis mi sod do/ /ma rig 'du shes ngan pa bsal/ /rig pa dang ni 'du shes btang / /byang chub phyir ni snang ba thob/ /des na mtshon gyis mi
277a2 sod do/ /mtshon la 'ang stong par mos pa ste/ /lus kyi 'du shes rnam par bshig /byang chub lam ni rjes su thob/ /des na mtshon gyis mi sod do/ /zhi ba'i dbyings ni rjes su thob/ /ngan song
277a3 thams cad rnam par spangs/ /de ni sdig pa'i las las 'das/ /des na mtshon gyis mi sod do/ /'dod pa'i khams dang gzugs khams dang / /gzugs med pa yang rnam kun du/ /khams
277a4 gsum pa ni mnyam par shes/ /des na brgyad pa zhes brjod do/ /chos kyi dbyings mnyam byang chub ni/ /'gyur ba med cing bstan du med/ /shes bya ma yin kun rtog med/ /spros pa med cing
277a5 rnyog pa med/ /byang chub sems dpa' ma smad pa/ /de ltar mnyam pa nyid la zhugs/ /gang dag ji snyed sgrar brjod pa/ /de la 'gro bas 'gro mi byed/ /gang gis chos rnams rab bshad pa/ /
277a6 skad rnams kun la mkhas pa yin/ /bdag gis 'ga' zhig bshad do zhes/ /de la rloms sems ci yang med/ /sgra rnams kun las shin du 'das/ /sgra med pa yi chos nyid rtogs/ /des na brgyad pa
277a7 zhes brjod do/ /sgra rnams kun la nges pa med/ /kun dga' ngas ni 'di la dgongs/ /brgyad pa yongs su brjod pa yin/ /de ltar de skad brjod pa 'di/ /'di ni de ltar yod ma yin/ /kun dga' bo ji ltar de
277a8 bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po brgyad par yongs su bstan to/ /kun dga' bo ji ltar de bzhin gshegs pa
277b1 dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po rgyun du zhugs par yongs su bstan ce na/ kun dga' bo lam la rgyun zhes brjod do/ /sangs
277b2 rgyas kyi lam bsam gyis mi khyab pa'o/ /de la byang chub sems dpa' sems dpa' chen po mi gnas pa'i tshul dang / 'du ba med pa dang / bral ba med pa dang / chos thams cad las bsgral ba'i tshul gyis
277b3 gnas so/ /sangs rgyas kyi rgyun rjes su thob cing de la gzhol te chos thams cad gzung ba med pa gnas pa med pa/ dmigs pa med pa/ rten pa med pa dngos po med pa/ chos thams cad yongs su grub pa med
277b4 pa'i lam de byang chub sems dpa' sems dpa' chen pos rjes su thob ste/ brtson 'grus brtan pa dang / mthu brtan pa dang / blo gros brtan pa dang ldan pa yin gyi le lo dang / brtson 'grus dang mi mthun
277b5 pa dang ldan pa ma yin no/ /lam de la yang mi chags shing mi gnas la lam des kyang chos thams cad tshol to/ /ji ltar de la chos thams cad kyi mnyam pa nyid dang / sgrib pa dang chod pa rnams kyis
277b6 mnyam pa nyid dang / chos thams cad dang sangs rgyas kyi chos mnyam pa nyid la snyoms par zhugs pa dang / 'jig tshogs la lta ba rnam par mthong bas lta ba skyed pa med pa sangs rgyas kyi lta ba skyed
277b7 par 'gyur ba dang / 'jig tshogs kyi 'du shes rnam par bshig pa dang / bdag gi 'du shes las shin du 'das pa de ltar tshol te/ des na rgyun du zhugs pa zhes bya'o/ /de sangs rgyas kyi lam
277b8 la yang mi chags te chags pa med pa rjes su thob po/ /sangs rgyas kyi byang chub la the tsom med do/ /tshul khrims mchog tu 'dzin pa yang med de/ de sangs rgyas kyi tshul khrims kyang yang dag par
278a1 rjes su mi mthong ngo / /des na tshul khrims mchog tu 'dzin pa med do/ /brtags pa'i tshul khrims ma yin no/ /rnam par brtags pa'i tshul khrims ma yin no/ /kun du sbyor ba gsum
278a2 las rnam par 'das so/ /khams gsum pa la mi gnas so/ /sangs rgyas kyi lam rjes su thob ste/ dmigs pa med pa'i lam chags pa med pa'i lam chags pa thams cad dang bral ba sangs
278a3 rgyas kyi lam la mngon du zhugs so/ /lus dang srog la mi lta'o/ /gtong ba thams cad yongs su gtong ngo / /bzhin khro gnyer med do/ /byang chub la brtsams te sbyin pa sbyin no/ /sems can thams
278a4 cad sdug bsngal las bsgral ba dang / mya ngan las 'das pa la dgod pa dang / mtshan ma thams cad rnam par gzhig pa dang / mtshan ma med pa'i chos bskyed pa'i phyir de yongs su mi gtong ba ci yang
278a5 med do/ /de sems can gyi 'du shes dang bral bas 'khor gyi nang du 'gro ba na bag tsha ba med pa yin te/ byang chub kyi lam rnam par sbyong ba zhi ba'i chos ston to/ /de 'jigs shing skrag pa dang bral bas
278a6 'chi bas kyang 'jigs pa med do/ /de ci'i phyir zhe na/ 'di ltar des zhi ba'i lam rjes su thob pa'i phyir te/ sangs rgyas kyi lam 'dod chags dang bral ba/ bde ba 'ong ba med pa dang / 'gro ba med
278a7 pa'i lam zhes bya ba thams cad rnam par 'jig pa mnyam pa'i lam/ spros pa med pa rjes su thob bo/ /des na byang chub sems dpa' sems dpa' chen po de rgyun du zhugs pa zhes bya'o/ /
278a8 de nas bcom ldan 'das kyis de'i tshe tshigs su bcad pa 'di dag bka' stsal to/ /lam la rgyun ces ngas brjod do/ /bsam du med pa sangs rgyas lam/ /gang dag la lar 'dir gnas pa/ /
278b1 de dang de dag rgyun la gzhol/ /lam ni nam mkha' mtshungs pa ste/ /chos rnams kun la gnas pa med/ /dmigs pa med cing brten pa med/ /de la dngos po yod ma yin/ /'jig rten mgon
278b2 po bla na med/ /lam gang gis ni nges 'byung ba/ /byang chub sems dpa' dran brtan des/ /lam de nyid ni rjes su thob/ /lam de la ni chags med la/ /lam gyis kyang ni tshol bar byed/ /des na de ni
278b3 rgyun du zhugs/ /sangs rgyas lam la chags pa med/ /'khor ba'i 'du shes gang brjod pa/ /sangs rgyas 'du shes de bzhin te/ /mnyam pa nyid ni der zhugs pa/ /rgyun du zhugs par shes par
278b4 gyis/ /sangs rgyas lam ni mthong ba'i phyir/ /sangs rgyas kyi ni lam 'di la/ /sgrib cing chod pa yod pa rnams/ /thams cad de yis rnam par spangs/ /bdag gi lus su bsams nas ni/ /
278b5 rgyal ba la yang lta ba skyed/ /sangs rgyas lta bar gang gyur pa/ /lta ba de ni de yis bsal/ /bdag tu lta ba rab sdig pa/ /bdag lta 'jig tshogs lta ba gang / /lta de de yis rnam par bshig /
278b6 des na lam la mi chags so/ /byang chub thob phyir sngon chad ni/ /de yi the tsom gyur pa gang / /de bsal bas ni chags med thob/ /sangs rgyas lam la rab tu zhugs/ /gang gis de yi tshul
278b7 khrims dang / /sangs rgyas tshul khrims mchog 'dzin gyur/ /tshul khrims 'du shes de spangs te/ /phyir yang de la rtog mi byed/ /kun du sbyor ba gsum bcad cing / /khams gsum
278b8 pa la de mi gnas/ /sangs rgyas chos rnams rjes su thob/ /sems can 'du shes rnam par bshig /dmigs pa med pa'i lam gyis ni/ /sangs rgyas byang chub phyir zhugs te/ /rnyog pa med
279a1 pa sangs rgyas lam/ /zhi ba'i lam ni rjes su thob/ /gtong ba la ni mos pa yin/ /bzhin ni khro gnyer med pa ste/ /des na de la 'tshe byed med/ /byang chub phyir ni de spros med/ /
279a2 de la mi gtong ci yang med/ /sdug bsngal las ni skye dgu sgrol/ /des na rgyun du zhugs pa de/ /tha brtags bgyis da mchog la ni dgod par byed/ /de la mtshan ma phyir zhing med/ /gang du 'ang mtshan ma med pa 'ang
279a3 min/ /des na 'jig rten 'di dang ni/ /gzhan du 'ang de la 'jigs pa med/ /gang dag chos dang chos min dang / /gnyi ga de dag rnam par spangs/ /ming dang gzugs dang bral bas na/ /de ni
279a4 'jig rten 'dir mi 'jigs/ /'khor gyi nang na 'gro ba na/ /rtag tu 'jigs pa med pa yin/ /byang chub lam ni rnam sbyong ba/ /zhi ba'i chos ni rab tu ston/ /de yi sems can 'du
279a5 shes gang / /de yi 'du shes de rnams bshig /des na de la sgrib pa med/ /'jigs pa thams cad rnam par bshig /'jigs pa'i rtsa ba spangs pas na/ /de ni 'chi ba'i 'jigs pa med/ /
279a6 bde ba dri med 'dod chags bral/ /zhi ba'i lam ni rjes su thob/ /ngan 'gro yi ni mnyam nyid shes/ /de phyir de ni des mi 'jigs/ /gzung med mnyam zhing g.yo ba med/ /lam de yang dag rab
279a7 bshad pa/ /byang chub sems dpa' rnams kyi yin/ /rgyun du zhugs shes ngas bshad pa/ /chos rnams sems can gang dag ni/ /dman mos de dag phyir bshad do/ /shin du phra ba'i thabs kyis ni/ /
279a8 sangs rgyas chos rnams rab tu bshad/ /gang dag byang chub phyir 'jug pa/ /de dag de ltar nye bar khri/ /sangs rgyas chos ni tshol gang gis/ /sngon chad ji ltar spyad pa ltar/ /thabs dang ye shes
279b1 brtan nas ni/ /rnam par 'dren pa chos ston to/ /kun dga' ngas ni 'di la dgongs/ /rgyun du zhugs par rab bshad na/ /sems can blo chung rnams kyis ni/ /gzhan du yongs su de brtags so/ /
279b2 kun dga' de ltar dgongs pa 'dis/ /nga yis rgyun du zhugs bshad pa/ /sems can gang dag blo ldan pa/ /de dag gis ni tshul 'di shes/ /zab mo la ni mi mkhas pa/ /mi gsal byis pa'i blo ldan pa/ /
279b3 ldem po dag ni mi shes te/ /mi shes pas na rtsod par byed/ /nga yis chos stong mang po dag /rgyun du zhugs par bshad pa dag /rgyun du zhugs shes bya ba'i sgra/ /sangs rgyas chos su bshad pa yin/ /
279b4 kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po/ /rgyun du zhugs par yongs su bstan to/ /
279b5 kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po lan cig phyir 'ong bar yongs su bstan ce na/
279b6 kun dga' bo 'di la byang chub sems dpa' ye shes de yi rjes su 'gro ste/ shes pa gang gis byang chub sgrub pa'i sangs rgyas kyi ye shes rkyen mang pos yongs su tshol lo/ /rkyen thams cad
279b7 kun du gcod pa'i ye shes sangs rgyas kyi ye shes kun du tshol lo/ /bsam gtan mkha' khyab bsam gtan thams cad las yang dag par 'da' ba nyon mongs pa thams cad sel ba yongs su tshol lo/ /
279b8 sangs rgyas kyi chos thams cad mnyam pa nyid kyis chos thams cad kyi mnyam pa nyid rtogs par bya ba'i phyir chos nyid thams cad rjes su thob bo/ /gang de bzhin gshegs pa dgra bcom pa yang dag
280a1 par rdzogs pa'i rnams kyis gnas brnyes pa ma thob pa'i chos nyid yongs su tshol lo/ /de g.yo bar byed pa'i sems can gang yang mi dmigs te sems can g.yo ba med
280a2 pas chos kyi dbyings yongs su tshol lo/ /kye ma sems can dag ni mang du blo chung ba dang / shin du sdug bsngal ba dang / chos kyi dbyings la mi mkhas pas nyam thag pa dag ste/ de dag chos kyi
280a3 dbyings shes pa la dgod par bya'o/ /zhes sangs rgyas kyi ye shes yongs su tshol lo/ /dbang po dang stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang
280a4 snyoms par 'jug pa khong du chud par bya zhing sems can dag kyang khong du chud par bya'o/ /zhes sangs rgyas kyi ye shes yongs su tshol lo/ /ye shes gang gis byang chub rtogs par 'gyur zhes ye shes
280a5 de yongs su tshol lo/ /sangs rgyas kyi spyan sgrib pa mi mnga' ba bsam gyis mi khyab pa'i spyan gang gis 'jig rten gyi don bya zhes mig gi shes pa de dang ye shes gang gis chos thams cad
280a6 ji lta ba bzhin du shes pa/ shes pa thams cad kyi mchog yongs su tshol lo/ /ye shes gang gis sems can tshol ba'i ye shes de yang mi rnyed do/ /chos thams cad legs par gnas pa shes
280a7 pa'i ye shes la dgod do zhes des na de 'dir 'ongs te/ 'ongs nas kyang bsam gyis mi khyab pa'i dbyings tshol ba'i phyir/ sems can gyi khams kyang mthong la de yang mi rnyed de/ des na 'ong ngo / /sems
280a8 yongs su grub pa rnyed par lta ga la 'gyur te/ sems can yongs su grub par khong du chud pa med pas sems can gyi khams yongs su shes pa yin no/ /gang gis phyir sems can kun du
280b1 bstan cing yongs su brjod pa de yang mthong ngo / /sems can thams cad dang chos kyi dbyings rnam par mthong nas/ sems can thams cad chos kyi dbyings la yang dag par gzhol bar mthong ngo / /
280b2 sangs rgyas kyi lam chos kyi dbyings dang mnyam pa'i lam/ sems can mi dmigs pa'i lam/ sems can mnyam pa nyid kyi ye shes kyi lam mthong zhing 'di lta bu mtshungs pa med pa'i lam kyi ye shes
280b3 'dod chags dang bral ba/ dri ma med pa gtsang ba 'tshol lo/ /ye shes gang gis de shes pa'i ye shes de yang mi rnyed do/ /ye shes gang gis byang chub sems dpa' rab tu phye ba'i ye shes de rjes su
280b4 thob nas de yongs su tshol zhing 'dir 'ongs te/ des na de lan cig phyir 'ong ba zhes bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas
280b5 ye shes mtha' yas pa/ /ye shes rjes su de 'gro ste/ /sangs rgyas ye shes tshol byed pas/ /des na de ni lan cig 'ong / /gang gis byang chub 'grub 'gyur ba/ /rkyen rnams mang po rab gsungs pa/ /rkyen de shes
280b6 par bya'o zhes/ /de dag tshol zhing 'ongs pa yin/ /bsam gtan nam mkha' khyab byed pa/ /nyon mongs thams cad sel ba mchog /de yi ched du rab brtson te/ /de sgrub par ni 'ongs pa yin/ /thams cad mkhyen
280b7 dang ldan rnams kyis/ /chos nyid dam pa gang brnyes pa/ /bdag gis de thob bya'o zhes/ /de tshol bar ni 'ongs pa yin/ /dam pa'i chos kyi dbyings las ni/ /sems can gang yang mi bskyod de/ /de dag
280b8 khong du chud bya'i phyir/ /de ni lan cig 'ong bar zad/ /sems can mang po blo chung ba/ /sdug bsngal zhing ni nyam thag pa/ /de dag ye shes dgod do zhes/ /sangs rgyas kyi ni ye shes tshol/ /byang chub yan lag
281a1 dbang po stobs/ /bsam gtan rnam thar brjod pa rnams/ /de dag btsal ba'i don gyi phyir/ /sangs rgyas ye shes tshol ba yin/ /sngon gyi sangs rgyas bzhugs bzhugs pa/ /byang chub
281a2 snying po tshol bar byed/ /de tshol bar ni 'ongs pas na/ /des na de ni lan cig 'ong / /sangs rgyas spyan ni sgrib mi mnga'/ /spyan 'di bla na med pa ste/ /sangs rgyas spyan ni tshol byed pas/ /des na de
281a3 ni lan cig 'ong / /ji ltar sangs rgyas 'jig rten mgon/ /skyob pa rnams kyis btsal ba ltar/ /de ni shes pa kun gyi mchog /shes rab de ltar tshol bar byed/ /ye shes gang gis chos rnams
281a4 kun/ /ji bzhin shes shing sems can de/ /mi dmigs de ltar de lam 'tshol/ /des na lam ni tshol ba yin/ /bla na med la 'god do zhes/ /shes pas sems can mang tshol lo/ /de dag tshol
281a5 bar byed pas na/ /lan cig phyir ni 'ong ba yin/ /shes ldan 'ongs nas sems can gyi/ /khams ni bsam gyis mi khyab mthong / /sems can khams ni tshol bar byed/ /des na de ni lan cig
281a6 'ong / /de ni khams gang tshol byed pa/ /de la sems can yod min te/ /tshol ba la ni mi rnyed pas/ /des na de ni lan cig 'ong / /de ni sems can chos kyi dbyings/ /rnam pa kun du mi 'thob ste/ /gang
281a7 gis sems can snang 'gyur ba/ /khams de de yis yongs su shes/ /chos rnams ma lus gsob dang gsog /snying po med par rnam par mthong / /mnyam par bzhag pa'i sems kyis ni/ /sangs rgyas
281a8 lam yang tshol bar byed/ /ye shes de ni 'di 'dra ste/ /dri med gtsang zhing 'dod chags bral/ /ye shes gang gis shes 'gyur ba/ /ye shes de ni mi rnyed do/ /byang chub sems dpa' ma smad pa/ /sems can
281b1 gang gis rab phye ba/ /gang gi phyir ni de 'dir 'ongs/ /ye shes de ni rjes su thob/ /kun dga' de las dgongs nas ni/ /lan cig phyir 'ong zhes bstan na/ /sems can blo chung rnams kyis ni/ /de la log par
281b2 yongs su brtags/ /kun dga' 'di las dgongs nas ni/ /lan cig phyir 'ong zhes brjod do/ /sems can chen po brtson ldan rnams/ /tshul 'di de ltar shes pa yin/ /dgongs la mkhas shing rnam rig pa/ /
281b3 zab mo'i don la rab nges pa/ /don de rjes su thob nas su/ /de dag byang chub sgrub par byed/ /kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems
281b4 dpa' sems dpa' chen po lan cig phyir 'ong bar yongs su bstan to/ /kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems
281b5 dpa' chen po phyir mi 'ong bar yongs su bstan ce na/ kun dga' bo 'di la byang chub sems dpa' sems dpa' chen po ni phyogs gcig pa'i spyod pa las yang dag par 'das shing sangs rgyas kyi spyod pa rjes su thob pa yin/
281b6 des spyod pa thams cad spangs shing rnam par spangs pa yin/ chos thams cad la mi gnas shing gnas med pa dang / rten med pa yin te/ des na de mi 'ong ngo / /de chos nyid kyis 'ong ba'am 'gro ba yang yang dag par rjes su
281b7 mi mthong ngo / /so so'i skye bo rnams las kyang rnam par 'das la so so'i skye bo'i 'du shes kyang rnam par spangs shing sangs rgyas kyang rnam par bshig pa yin/ rten pa med pa'i chos dang ldan pa yang yin no/ /de ci'i
281b8 phyir zhe na/ 'di ltar de ni zhi ba'i dbyings rjes su thob pa yin te/ de la ni so so'i skye bo 'am 'jig rten gyi 'dren pa sangs rgyas mi dmigs so/ /ngan song las kyang rnam par 'das shing 'dod pa yang dag par chad do/ /
282a1 lta bar gyur pa yang dag par gzhom pa'i phyir zas dang bral ba'i byang chub rjes su thob bo/ /lta bar byas pa drug bcu rtsa gnyis la mngon par zhen pa med pa'i phyir dngos po dang dngos po med pa dang
282a2 bral lo/ /mya ngan las 'das pa dang 'dra'o/ /mya ngan las 'das pa'i 'du shes bzlog pa dang / 'du shes thams cad la mi 'jug par bya ba'i phyir des chos thams cad dang / ngan song dang dri ma rnam
282a3 par sbyang ba byas so/ /bdud sdig can bcom mo/ /rgyags pa dang bral lo/ /ma rig pa'i zug rngu phyung ngo / /srid pa skams so/ /des dga' ba'i 'dod chags bsal ba byas so/ /nyon mongs pa rnams
282a4 bsal to/ /'du shes thams cad bton no/ /mya ngan gyi zug rngu phyung ngo / /nga rgyal las kyang nga rgyal dang bral lo/ /phung po yongs su shes pa'i snang ba thob bo/ /des na de sangs rgyas kyi ye shes la ye
282a5 shes mnyam pa nyid bsam gyis mi khyab pa thob bo/ /des na byang chub sems dpa' sems dpa' chen po de 'dod pa'i 'dam gyi khams la mi chags par sngon gyi sangs rgyas 'byung ba rjes su
282a6 thob bo/ /sngon gyi sangs rgyas kyis bzhag pa bsal ba med cing bsnan pa med pa'i/ /gter sngon gyi sangs rgyas kyi gter rjes su thob bo/ /sangs rgyas kyi theg pa sems can thams cad la go skabs
282a7 yod pa/ gtso bo gong na med pa rjes su thob bo/ /thogs pa med pa'i tshul dang mtshan ma thams cad mtshan ma med pa'i tshul gyis the tsom thams cad chad pa zhi ba'i dbyings rjes su thob ste/ des na yang de 'dir
282a8 mi 'ong ngo / /kun dga' bo gzhan yang sems can gang dag gzung ba de dag byang chub la dgod do/ /zhes des de dag bkod do/ /ji ltar byang chub la bkod ce na/ sems can med par byang chub khong du
282b1 chud par byas te/ sems can gyi 'du shes las bslang ngo / /de ci'i phyir zhe na/ des sems can gyi khams stong par shes so/ /stong pa gang yin pa de bsam du med pa ste/ sems can gyi 'du shes
282b2 dang bral lo/ /de ci'i phyir zhe na/ 'di ltar des sems can gyi khams nam mkha'i khams dang mtshungs par stong pa dang / sems can dang bral ba dang / sems can dang bral ba yang ma yin par shes
282b3 so/ /nam mkha'i khams de yang nam mkha'i khams nyid du med de gnas pa med do/ /nam mkha'i khams de yang nam mkha' nyid kyis stong ste/ sems can gyi mtshan ma thams cad bcom pa'o/ /
282b4 des mtshan ma med pa'i byang chub thob ste/ des sems can dang nam mkha'i 'du shes dang bral lo/ /de chos kyi dbyings nam mkha'i khams dang mtshungs par rtogs so/ /de ci'i phyir zhe na/
282b5 'di lta ste/ chos thams cad dang sems can thams cad ni rang bzhin gyis chos kyi dbyings so/ /de ci'i phyir zhe na/ 'di ltar des de dag mi dmigs te/ mi dmigs pas na yang 'dir
282b6 mi 'ong ngo / /des na de phyir mi 'ong ba zhes bya ba'i grangs su 'gro'o/ /chos thams cad du bgrang ba yang ma yin la sangs rgyas kyi grangs su yang zhugs pas phyir mi 'ong ba zhes bya'o/ /
282b7 de nas bcom ldan 'das kyis de'i tshe tshigs su bcad pa 'di dag bka' stsal to/ /phyogs gcig spyod par gang yin par/ /de ni phyir zhing mi 'gro ste/ /phyogs gcig spyod pa
282b8 spangs pas na/ /phyir mi 'ong zhes brjod pa yin/ /'gro ba rnams kyi 'gro med shes/ /gnas kyang cung zad mi rnyed de/ /chos rnams kun la mi gnas pas/ /phyir mi 'ong zhes bya bar 'dod/ /
283a1 so so'i skye bor gang brjod dang / /'jig rten mgon po rdzogs sangs rgyas/ /de la phyir zhing mi 'ong ste/ /de phyir phyir mi 'ong zhes bya/ /'dir ni chos rnams 'ong ba dang / /'gro ba dag kyang mi
283a2 dmigs te/ /'ong dang 'gro ba med thob pas/ /de ni phyir mi 'ong zhes brjod/ /'gro ba rnam gsum gang du yang / /de ni phyir zhing mi 'gro ste/ /sangs rgyas chos rnams thob pas na/ /de ni phyir mi 'ong
283a3 zhes brjod/ /'dod pa thams cad yang dag chad/ /de ni kha zas chags pa med/ /byang chub lam yang thob pas na/ /phyir mi 'ong zhes brjod pa yin/ /sdig pa can gyi lta ba gang / /lta ba drug bcu
283a4 gnyis brjod pa/ /de la de ni mi 'gro ste/ /de phyir de ni phyir mi 'ong / /chos rnams 'di dag rang bzhin med/ /dngos po dang ni rtag tu bral/ /de yis yang dag ji bzhin shes/ /des na de ni 'dir mi
283a5 'ong / /nyon mongs thams cad sel byed pa/ /mya ngan 'das zhi gang gsungs pa/ /de la 'du shes rnam par bzlog /des na de ni 'dir mi 'ong / /ngan song thams cad yang dag chad/ /de ni gang phyir dri
283a6 ma bral/ /mya ngan 'das pa zhi ba thob/ /des na de ni 'dir mi 'ongs/ /dpung dang bcas shing bzhon bcas pa'i/ /sdig pa can gyi bdud bcom mo/ /ye shes de ni rnam rtog med/ /des na de ni 'dir mi
283a7 'ong / /ma rig dra ba yang dag dral/ /sred pa thams cad rnam par bcom/ /dga' ba'i 'dod chags yongs su shes/ /des na de ni 'dir mi 'ong / /nyon mongs thams cad rab tu btul/ /
283a8 dngos por 'du shes rnam par bshig /mchog gi theg pa 'di la nges/ /de ni phyir mi 'ong zhes bya/ /mya ngan zug ngu yang dag phyung / /nga rgyal thams cad nges par bcom/ /phung po thams cad yongs su shes/ /
283b1 de ni phyir mi 'ong zhes bya/ /sangs rgyas theg pa bsam mi khyab/ /theg pa 'di la snang ba thob/ /'dod pa'i 'dam la chags pa med/ /des na de ni 'dir mi 'ong / /de yis gter rnams kun gyi nang / /
283b2 ye shes gter gyi dam pa mchog /sngon gyi sangs rgyas rnams kyis bzhag /des na de ni 'dir mi 'ong / /sangs rgyas theg pa bla na med/ /theg mchog 'di la de gnas te/ /som nyi thams cad
283b3 chad par gyur/ /des na de ni 'dir mi 'ong / /byang chub la ni dgod do zhes/ /sems can dag ni mang bzung ba/ /de dag de yis byang chub bkod/ /des na de ni 'dir mi 'ong / /sems can khams ni bsam
283b4 yas dang / /stong pa'i dbyings ni de yis shes/ /de ni 'du shes de dang bral/ /des na de ni 'dir mi 'ong / /sems can khams ni stong pa dang / /chos kyi dbyings ni rab tu shes/ /'di la sems can mi rnyed de/ /
283b5 des na de ni 'dir mi 'ong / /de ni mtshan ma thams cad la/ /yid ni phyir zhing 'jug mi byed/ /mtshan ma med pa'i go 'phang thob/ /des na de ni 'dir mi 'ong / /sems can khams ni bsam yas pa/ /nam mkha'
283b6 'dra dang khams de dang / /sems can thams cad rab tu shes/ /des na de ni 'dir mi 'ong / /kun dga' 'di las dgongs nas ni/ /nga yis phyir mi 'ong zhes brjod/ /chos rnams thams cad ma skyes pa/ /
283b7 sangs rgyas chos shes rab tu bstan/ /kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po phyir mi 'ong bar
283b8 yongs su bstan to/ / bam po gsum pa/
284a1 kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po dgra bcom par yongs su bstan
284a2 ce na/ kun dga' bo 'di la byang chub sems dpa' sems dpa' chen po ni gang nyi tshe ba'i spyod pa'i spyod pa de thams cad ni bcom/ gang sems can thams cad bsgral ba'i spyod pa de dag ni de
284a3 bsgrub par 'os so/ /de nyon mongs pa thams cad bcom pa yin te/ sems can gang dag sdug bsngal ba'i sems can rnams nyon mongs pa de dag las rnam par 'grel bar 'os te/ sems can
284a4 de dag kyang mi dmigs nyon mongs pa de dag kyang mi dmigs te/ de ltar na dgra bcom pa zhes bya'o/ /de gzugs su dmigs pa thams cad bcom pa yin/ de chos thams cad stong pa nyid dang /
284a5 chos thams cad zhi bar mi dmigs pa la gnas pa yin te/ des na chos thams cad stong par shes so/ /mtshan ma med par rtogs so/ /de mtshan ma thams cad dang bral lo/ /de ngan song ba'i 'du
284a6 shes thams cad bcom mo/ /des sems can med pa'i chos rtogs so/ /chos thams cad stong par yongs su shes so/ /byang chub thob par 'os shing sangs rgyas kyi byang chub bsam gyis mi khyab pa
284a7 bsgrub par 'os te/ des na dgra bcom pa zhes bya'o/ /des chos ston par 'os te/ ji ltar sngon gyi yang dag par rdzogs pa'i sangs rgyas rnams kyis bstan pa dang / ji ltar da ltar byung ba rnams
284a8 ston pa dang / ji ltar ma byon pa rnams ston par 'gyur ba'i chos spros pa med pa/ rnyog pa med pa de ston par 'os te/ des na dgra bcom pa zhes bya'o/ /sems can rnams chos thams cad khong du chud
284b1 par bya ba dang / spros pa med par bya ba dang / kun du len pa med par bya ba'i phyir byang chub la dgod par 'os/ sangs rgyas kyi byams pa sems can gyi mngon par zhen pa med pa'i byams pa'i byams pa sgrub pa
284b2 'os/ /byams pa de la sems can rnams kyang 'god par 'os/ sems can mi dmigs pa'i byams pa la sems can de dag kyang mi dmigs shing / de dag kyang 'god par 'os te/ des na
284b3 dgra bcom pa zhes bya'o/ /chos thams cad rjes su gzung ba'i phyir sems can rnams la chos ston par 'os shing / chos la chos su 'du shes pa yang med pa yin te/ de ltar 'os pas des na
284b4 dgra bcom pa zhes bya'o/ /srog chags rnams la dbang po dang / stobs dang / byang chub kyi yan lag rnams ston par 'os shing / de la yang chags pa med pa thob la dngos po thams cad la mngon
284b5 zhen pa yang med de/ des na dgra bcom pa zhes bya'o/ /'jig rten na bkur sti bya ba gang ji snyed snang ba thams cad 'os shing des kyang gos pa med la chags pa med de/ gzhan dag kyang bkur stis
284b6 gos pa med par bya ba dang / chags pa med par bya ba'i phyir sems can rnams la chos ston par 'os pas des na dgra bcom pa zhes bya'o/ /'gro ba med pa'i tshul gyis sangs rgyas kyi zhing
284b7 rnams su 'gro bar 'os la de dag tu yang sangs rgyas bcom ldan 'das rnams la mi mthong ba'i tshul gyis blta ste/ ji ltar sangs rgyas kyis sangs rgyas rnams gzigs pa de ltar blta bar 'os pas
284b8 des na dgra bcom pa zhes bya'o/ /'di lta bu'i zhing bsgrub par 'os te/ /chos thams cad 'grub pa med pa'i tshul gyis bsam gyis mi khyab pa'i zhing dang / sgrib pa med pa'i zhing dang / bdud bcom pa'i zhing dang /
285a1 mi mnyam pa dang mnyam pa'i zhing dang / spros pa med pa'i zhing dang / rnyog pa med pa'i zhing dang / stong pa'i zhing dang / phyir mi ldog pa'i zhing dang / bud med med pa'i zhing dang / nyon mong
285a2 pa med pa'i zhing dang / sangs rgyas kyi spobs pa'i zhing dang / phyir rgol ba med pa'i zhing dang / shin du yongs su mya ngan las 'das pa'i zhing dang / de lta bu'i zhing sgrub par 'os pas des na dgra
285a3 bcom pa zhes bya'o/ /chags par 'gyur ba rnams la yang mi chags shing 'khrugs par 'gyur ba rnams la yang 'khrugs pa med de/ des na dgra bcom pa zhes bya'o/ /des 'gog pa dang
285a4 mnyam pa'i theg pa de shes shing / des sangs rgyas kyi theg pa rtogs la/ des rab tu phye ba'i sangs rgyas bcom ldan 'das rnams kyi byang chub de rab tu dbye bar 'os so/ /sems can
285a5 g.yo ba med pas byang chub de bsam gyis mi khyab ste/ g.yo ba med par bya ba'i phyir sems can bye ba phrag mang po byang chub la dgod par 'os so/ /mnyam pa nyid du gnas pa rnams la
285a6 ni sems can thams cad dang byang chub kyang rnam par mi rtog pa'o/ /mnyam pa nyid la sems can rnams mngon du 'dzud par 'os so/ /ji ltar mnyam pa nyid la mnyam pa nyid med pa ltar
285a7 chos thams cad kyang de dang mnyam mo/ /mnyam pa nyid ji lta bar byang chub kyang de bzhin te/ rnam par mi rtog pa mnyam par gnas pa yin la dgra bcom pa yang de dang mnyam mo/ /'di ltar
285a8 yang 'os te/ de ltar shes nas kyang de bzhin du sems can rnams la chos ston par 'os so/ /chos gang la yang 'dre bar mi byed de/ 'dre ba med par bstan pa'i chos dang ldan zhing de ltar chos
285b1 ston pa dang / tshig tu yang mi brjod par 'os so/ /sems can du dmigs par 'du shes pa las dgrol ba dang / sems can rtag pa dang chad pa las dgrol ba dang / sems can 'jig tshogs
285b2 la lta ba las bskyod pa dang / nga'o snyam pa'i nga rgyal las shin du bzla ba dang / chos thams cad skye ba med pa dang / 'gag pa med pa dang / mngon par 'du bya ba med pa las dgrol ba dang / gzugs rnams
285b3 par mi 'jigs pa las dgrol ba dang / tshor ba dang 'du shes dang / 'du byed dang / rnam par shes pa rnam par mi 'jigs pa las dgrol ba dang / so so'i skye bo'i chos g.yo ba med pa las dgrol ba dang /
285b4 sangs rgyas kyi chos la mi 'jog pa dang / rab tu bkod pa las dgrol ba dang / rgyun du zhugs pa'i 'bras bur 'du shes pa las dgrol ba dang / lan cig phyir 'ong ba dang / phyir mi 'ong ba dang /
285b5 dgra bcom pa'i 'bras bur 'du shes pa las dgrol ba dang / rang sangs rgyas su 'du shes pa las dgrol ba dang / byang chub sems dpar 'du shes pa la mngon par zhen pa las dgrol ba dang / byang chub la
285b6 brtsams te sbyin pa las mngon par zhen pa las dgrol ba dang / byang chub la brtsams te tshul khrims dang / bzod pa dang / brtson 'grus dang / bsam gtan dang / shes rab la mngon par zhen
285b7 pa las dgrol ba dang / mngon par shes pa la mngon par zhen pa las dgrol ba dang / zhi gnas dang lhag mthong 'grub pa la mngon par zhen pa las dgrol ba dang / nyan thos skye bar mngon par
285b8 zhen pa las dgrol ba dang / phu nu dang / sring mo dang / nye du dang / snag gi gnyen mtshams la mngon par zhen pa las dgrol ba dang / bdag nyid mthong ba med par chags pa las dgrol ba dang /
286a1 rjes su chags pa dang / 'jigs tshogs dang / 'du 'dzi la mngon par zhen pa las dgrol ba dang / 'thob pa dang / bkur sti la mngon par zhen pa las dgrol ba dang / khyim pa dang / rab tu byung
286a2 bar mthong ba la mngon par zhen pa las dgrol ba dang / tha ma dang / mchog gi chos su mthong bar mngon par zhen pa las dgrol ba dang / so so'i skye bo'i chos rnam par spang ba dang / sangs rgyas kyi
286a3 chos la lhag par dmigs par mngon par zhen pa las dgrol ba dang / tha ma dang gya nom pa'i chos mthong ba la mngon par zhen pa las dgrol ba dang / mtshan rab tu rdzogs pa 'grub pa la mngon par
286a4 zhen pa las dgrol ba dang / sangs rgyas kyi zhing yongs su dag pa'i tshul du yongs su 'grub par mngon par zhen pa las dgrol ba dang / sems can 'di dag ni yongs su mya ngan las 'da'
286a5 ba'i chos can sems can 'di dag ni yongs su mya ngan las 'da' ba'i chos can ma yin pa/ 'di dag ni thob par byed pa'i skal ba can 'di dag ni thob par byed pa'i skal ba med pa/ 'di dag
286a6 ni byang chub kyi phyir spyod pa/ 'di dag ni byang chub kyi phyir mi spyod pa/ 'di dag ni ngan pa'i ngang tshul can/ 'di dag ni tshul khrims dang ldan pa/ 'di dag ni 'chal ba'i shes rab can/ 'di dag ni shes
286a7 rab dang ldan pa zhes gnyis su 'byed pa'i sems bskyed pa la mngon par zhen pa las dgrol ba dang / 'di dag ni sbyin pa'i gnas/ 'di dag ni sbyin pa'i gnas ma yin pa na/ 'di dag ni brtson 'grus dang ldan
286a8 pa/ 'di dag ni brtson 'grus dang mi ldan pa/ 'di dag ni byis pa'i chos/ 'di dag ni mkhas pa'i chos/ 'di dag ni skyes pa'i chos/ 'di dag ni bud med kyi chos/ 'di dag ni 'phags pa'i chos/ 'di
286b1 dag ni 'phags pa ma yin pa'i chos so zhes de ltar gnyis su 'byed pa'i sems la/ mngon par zhen pa las dgrol ba dang / 'di dag ni byang chub las phyir mi ldog pa/ 'di dag ni byang chub las phyir
286b2 ldog pa/ 'di dag ni lung bstan pa/ 'di dag ni lung ma bstan pa/ 'di dag ni nye ba/ 'di dag ni nye ba ma yin pa zhes de ltar sems bskyed pa'i rnam par rtog pa las dgrol ba dang / byang chub thob nas
286b3 len pa med par mya ngan las 'da' bar mngon par zhen pa las dgrol bas/ sems can mang po dgrol bar 'os te/ sems can rang bzhin med par bstan pas de ltar sems can dgrol bar
286b4 'os pas dgra bcom pa zhes bya'o/ /de nas bcom ldan kyis de'i tshe tshigs su bcad pa 'di dag bka' stsal to/ /nyi tshe'i spyod pa gang yin pa/ /spyod pa thams cad de yis shes/ /nyi tshe ba ni thams
286b5 shes/ /des de dgra bcom zhes brjod do/ /gang gis sems can rab sdug bsngal/ /nyon mongs thams cad de yis bcom/ /nyon mongs pa las sems can 'grel/ /des de dgra bcom zhes brjod do/ /
286b6 dmigs pa thams cad rab tu bcom/ /dmigs pa med la legs par gnas/ /chos nyid stong pa nyid du shes/ /des de dgra bcom zhes brjod do/ /stong pa shes shing zhi ba dang / /de ltar mtshan ma
286b7 med par rtogs/ /mtshan ma rnams ni kun dang bral/ /des de dgra bcom zhes brjod do/ /sems can 'du shes rab sdig pa/ /'du shes thams cad de yis bcom/ /'du shes thams cad spang ba'i phyir/ /
286b8 dgra bcom nyid dang ldan zhes brjod/ /mi shes thams cad rnam par bcom/ /sems med pa yi chos nyid rtogs/ /chos rnams stong par yongs su shes/ /des de dgra bcom zhes brjod do/ /
287a1 sangs rgyas byang chub bsam mi khyab/ /byang chub yang dag thob byed 'os/ /brtson 'grus dam pa rab tu rtsom/ /des de dgra bcom zhes brjod do/ /spros pa med cing rnyog med pa'i/ /chos ni
287a2 nges par ston par 'os/ /ye shes la ni sems can 'god/ /des de dgra bcom zhes brjod do/ /gang gis sems can bder 'gyur ba/ /byams pa de ni byed par 'os/ /sems can de dag mi dmigs
287a3 te/ /des de dgra bcom zhes brjod do/ /chos rnams thams cad mi 'dzin pa'i/ /chos ni nges par ston pa 'os/ /chos la chos kyi 'du shes med/ /des de dgra bcom zhes brjod do/ /byang chub yan lag
287a4 rnams dang stobs/ /sems can rnams la ston par 'os/ /de dag la yang chags med thob/ /des de dgra bcom zhes brjod do/ /byang chub phyir ni dag pa'i chos/ /sems can shes par byed par 'os/ /
287a5 de dag la ni ye shes ston/ /des de dgra bcom zhes brjod do/ /'jig rten pa yi bkur sti kun/ /sems can kun las 'os pa yin/ /bkur sti kun la chags pa med/ /des de dgra bcom zhes brjod do/ /
287a6 shin du bzang po'i sangs rgyas zhing / /zhing du de ni 'gro bar 'os/ /rdzogs sangs rgyas nas gnas par byed/ /srogs chags rnams la chos ston to/ /bdag kyang 'di ltar bzang po yi/ /zhing ni
287a7 bsgrub par bya'o zhes/ /de ni bsgrub par 'os pa yin/ /des de dgra bcom zhes brjod do/ /chags par 'gyur la chags pa med/ /'khrugs par 'gyur la 'khrugs pa med/ /gang phyir
287a8 byang chub zhi ba rtogs/ /des de dgra bcom zhes brjod do/ /'gog pa'i chos nyid shes pa ste/ /de yis zhi ba gang yin rtogs/ /de yis byang chub rab tu phye/ /des de dgra bcom zhes brjod do/ /de yis sems
287b1 can khams rnams las/ /sems can gang yang g.yor mi byed/ /sems can bye ba du ma dag /byang chub la ni des 'god do/ /sems can kun dang byang chub ni/ /rnam par mi rtog ji bzhin gnas/ /
287b2 des na de nyid mnyam nyid shes/ /des de dgra bcom zhes brjod do/ /mnyam pa nyid la mnyam pa med/ /chos rnams thams cad de dang mnyam/ /mnyam pa nyid kyis byang chub de/ /rnam par mi rtog byang chub
287b3 gnas/ /gang phyir de ltar shes 'os pa/ /des de dgra bcom zhes brjod do/ /shes nas sems can rnams la ston/ /cis kyang nyon mongs mi byed do/ /de ltar chos kyang ston byed la/ /tshig tu brjod pa yod ma yin/ /
287b4 sems can bye ba du ma dag /byang chub la ni des 'god do/ /sems can dmigs su med par shes/ /sems can rtag dang chad 'dzin pa/ /sems can lta las ma bskyod pa/ /sdug bsngal de dag rab tu 'grel/ /
287b5 chos kun skye ba med pa dang / /'gog pa med dang 'dus ma byas/ /de dag de lta'i 'du shes bzlog /sdug bsngal las ni rnam par 'grel/ /gzugs dang tshor ba 'du shes dang / /'du byed rnam par shes pa mthong / /
287b6 phung po rnam par mi 'jigs las/ /lus can dag ni rnam par 'grel/ /so so'i skye bo'i chos rnams la/ /de ni rnam kun g.yo mi byed/ /de dag dgod par mi byed de/ /sangs rgyas chos la gnas pa med/ /'bras
287b7 bu thob par 'du shes dang / /gang dag rang rgyal 'du shes can/ /gang dag sangs rgyas 'du shes pa/ /de yis de dag 'du shes 'grel/ /byang chub sems la zhen pa dang / /sbyin la sogs pa mngon zhen pa/ /kun du mngon
287b8 zhen med bya'i phyir/ /chos nyid rab tu ston par byed/ /le lo dmigs par gyur pas na/ /brtson 'grus brtsams par rnam par brtags/ /de dag rtogs las rnam dgrol phyir/ /chos ni ston par 'os pa yin/ /
288a1 bsam gtan g.yeng bar 'du shes dang / /shes rab shes rab 'chal 'du shes/ /gnyis la mngon zhen med bya'i phyir/ /chos ni ston par 'os pa yin/ /chos rnams rnam par mi rtog ste/ /'gyur ba med par
288a2 shes par gyis/ /de ltar chos ni rab ston pas/ /des de dgra bcom zhes brjod do/ /gang gis bdag la mngon zhen pas/ /nyan thos rnam pa mang brtags pa/ /de dag rtog pa rnam dgrol phyir/ /chos ni ston par 'os pa yin/ /
288a3 mi mkhas pa dag pha ma dang / /chung mar yongs su 'dzin byed pa/ /lam 'dis byang chub ma yin te/ /de ni 'khor ba'i spyod yul yin/ /'di ni bdag spun sring mo zhes/ /de la dga' zhing zhen byed pa/ /ri dgas chos la
288a4 sten pa ste/ /de dag rnam par dgrol bar rigs/ /'jig tshogs yongs su ma shes pas/ /gnyen pa yi ni 'du shes bskyed/ /bdag gi gnyen par sngon gyur ces/ /mthong nas rab tu dga' bar byed/ /mthong bar gyur nas
288a5 chags byed cing / /de dag phan tshun rjes su chags/ /'du shes ngan pas phyin ci log /bdud kyi dbang du gyur pa yin/ /'jig tshogs rab tu sdig pa can/ /'jig tshogs yongs su shes par gyis/ /'jig
288a6 tshogs nyes pa 'di dag yod/ /de ni de ltar chos ston to/ /'di dag kun nas nyon mongs chos/ /'di dag rnam par byang ba zhes/ /gnyis su mngon par zhen med pas/ /blo ldan de ni dgra bcom brjod/ /thob la chags
288a7 pas chags gyur pa/ /bkur sti yis ni bag med gyur/ /de chags bag med dgrol ba'i phyir/ /chos ston par ni 'os pa yin/ /'di dag rab tu byung ba ste/ /'di dag khyim pa yin zhes rtog /byis pa de ltar rnam
288a8 rtog pa/ /rnam par 'grel par 'os pa yin/ /tha ma'i chos rnams rnam par mthong / /rgya che bar yang rnam par mthong / /rnam rtog mthong ba'i byis pa dag /rnam par 'grel par 'os pa yin/ /byis pa'i chos rnams bor nas
288b1 su/ /bdag ni sangs rgyas chos nyid thob/ /'thob dang mi 'thob rnam dgrol phyir/ /chos ston par ni 'os pa yin/ /tha ma gya nom bye brag gis/ /rnam pa du ma'i chos rnams mthong / /'du shes mang las rnam dgrol
288b2 phyir/ /de ni chos ston byed pa yin/ /gang dag sangs rgyas mtshan sgrub phyir/ /rnam pa mang por brtson byed pa/ /mtshan du mngon par zhen pa las/ /mkhas pa de dag rnam par 'grel/ /phun sum tshogs pa
288b3 mchog gi zhing / /mngon par bsgrub par bya'o zhes/ /'du shes de la mngon zhen pa/ /rnam par 'grel par 'os pa yin/ /mya ngan 'das dang ma 'das dang / /thob pa'i skal yod skal med chos/ /'di dag byang
288b4 chub phyir spyod pa/ /'di dag byang chub ma zhugs pa/ /ngang tshul ngan dang tshul khrims ldan/ /shes rab 'chal dang shes rab ldan/ /byis pa'i blo dang ldan rnams kyis/ /de ltar gnyis su 'byed 'di byas/ /sems can
288b5 de ltar 'du shes shing / /rnam pa mang por rlom sems pa/ /de dag 'du shes dgrol ba'i phyir/ /chos ston par ni 'os pa yin/ /sbyin gnas sbyin gnas 'os min zhes/ /so so rnam par rtog par byed/ /mkhas dang byis
288b6 pa'i chos rnams su/ /rnam pa so sor rtog par byed/ /'dir ni bud med chos dmigs shing / /skyes pa nyid du rnam par rtog /de ltar 'phags dang 'phags min chos/ /rnam gnyis so sor rtog par byed/ /de ltar gnyis
288b7 su 'byed byed pa/ /mi mkhas chung ngu blo ldan pa/ /de dag gnyis med rtog bya'i phyir/ /chos ston par ni 'os pa yin/ /byang chub mchog las ldog pa dang / /mi ldog pa dang lung bstan dang / /lung ma bstan dang nye ba dang / /nye ba
288b8 min zhes rnam par rtog /byang chub thob nas len med cing / /zag zad yongs su mya ngan 'da'/ /mtshan ma spyod rnams de lta bur/ /mya ngan 'das par yongs su rtog /'du shes 'dzin pa de dag las/ /des pa de ni rnam
289a1 par 'grel/ /'du shes thams cad rab 'grel pa/ /des de dgra bcom zhes brjod do/ /byang chub sems dpa'i chos rnams ni/ /dgra bcom pa zhes ngas bstan te/ /gang dag 'di la bzod skyed pa/ /de dag dgra bcom
289a2 shes par gyis/ /kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po dgra bcom par yongs su bstan to/ /kun dga' bo ji ltar
289a3 de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po nyan thos su yongs su bstan ce na/ kun dga' bo 'di la byang chub sems dpa' sems
289a4 dpa' chen po ni sems can dpag tu med pa dag la sangs rgyas kyi chos rnams sgrogs shing / byang chub ni zhi ba/ spros pa med pa rnyog pa med pa'o zhes de ltar sgrogs pas nyan thos shes bya'o/ /'di 'dra ba'i bde ba gzhan
289a5 med do zhes mya ngan las 'das pa'i bde ba sgrogs pa dang / dbang po dang stobs dang / byang chub kyi yan lag dang / dran pa nye bar gzhag pa rnams sgrubs shig ces sgrogs pa dang / theg pa 'di ni mchog yin no zhes
289a6 de ltar sgrogs pas byang chub sems dpa' nyid nyan thos zhes bya'o/ /lus 'di ni stong pa ste/ 'di la snying po mi dmigs kyi 'di ni byis pa rmongs par byed pa'o/ /de bas na lus rnam par gzhig pa gyis shig ces
289a7 sgrogs pa dang / mig gi skye mched 'di ni log par mthong bar gyis shig /sangs rgyas kyi spyan kun nas bsam gyis mi khyab pa sgrubs shig /mig gang gis gang du yang rmongs par mi 'gyur ba'i mig de mi 'grub
289a8 pa'i tshul du sgrubs shig ces sgrogs shig /chos thams cad de ltar sgrogs pas nyan thos shes bya'o/ /sgra thams cad ni brag cha dang mtshungs pa sgrogs shing sgra rnams la mngon par zhen par ma byed cig /'di la
289b1 thos pa ci yang med do/ /'di la brjod pa ci yang med do zhes sgrogs te/ des na nyan thos zhes bya'o/ /dri rnams la dri'i 'du shes su ma byed cig /'di la snom pa ci yang med do/ /'di lta ste dper na mi zhig gnyid kyi
289b2 log pa'i rmi lam na/ dri rnam pa mang po snom yang dngos po med pa'i phyir de la dri yang med de/ gzhan du na phyin ci log gis snom mo/ /de bzhin du sna ni phyin ci log pa ste/ rmi lam lta bu'i phyir 'di la snying po med
289b3 par shes par gyis shig ces de skad sgrogs te/ des na nyan thos shes bya'o/ /de lce'i skye mched 'di ltar sgrogs te/ 'di ni sha'i gong bu ste 'di ro myang bar mi byed do/ /sha'i gong bu yang dbu ba rdos pa lta bu
289b4 rmi lam lta bu'o/ /dpe yang rdzas med pa'o zhes de skad thos pa dag /des na nyan thos zhes bya'o/ /lus kyi skye mched rnam par shig par gyis shig /lus 'di ni rang bzhin gyis stong pa'o/ /rang bzhin gyis
289b5 stong pa gang yin pa de dngos po med pa'o/ /dngos po med pa gang yin pa de ma skyes pa dang mi skye ba'o/ /ma skyes pa dang mi skye ba gang yin pa de nyid byang chub ces sgrogs te/ de skad sems can mang po la sgrogs pas des
289b6 na nyan thos shes bya'o/ /yid ni rang bzhin med pa dngos po med pa/ sgyu ma'i rang bzhin skye ba med pa/ 'gog pa med pa'o zhes sgrogs te/ de skad sgrogs pas des na nyan thos shes bya'o/ /sbyin pa byin cig /
289b7 chos kyi sbyin pa 'di ni byang chub kyi lam mo/ /byang chub de yang bsam gyis mi khyab pa ste/ bsam gyis mi khyab pas bsam gyis mi khyab pa sgrub po/ /de ci'i phyir zhe na/ sa bon ci 'dra bar 'bras bu yang de 'dra
289b8 ste/ 'bras bu med pa'i sgrar brjod do zhes sgrogs so/ /zang zing gi sbyin pa byin cig /zang zing gi sbyin pa 'di ni chung ba ste/ 'di la chos kyi sbyin pa ni gtso bo yin no/ /'di la ser sna ma byed cig /sbyin pa la sbyin pa'i
290a1 'du shes su ma byed cig /de la snying por 'du shes ma byed cig /rnam par mi rtog pa'i sems kyis sbyin pa byin cig /'di lta ste dper na sgyu ma'i skyes bus sgyu ma'i skyes bu la rnam par mi rtog pa'i
290a2 sems kyis sbyin pa byin pa de bzhin du rnam par mi rtog pa'i sems kyis sbyin pa byin cig /de ltar byin na byang chub yongs su smin par 'gyur ro zhes sgrogs te/ de ltar sgrogs pas des na nyan thos shes
290a3 bya'o/ /de ci'i phyir zhe na/ 'di ltar des 'di lta ste/ gnyis su med pa'i ye shes ye shes kyi snying po mngon par bsgrubs te/ ji ltar mngon par bsgrubs pa de ltar gnyis su med pa dang / gnyis
290a4 su mi 'byed par sangs rgyas kyi chos rnam par sgrogs te/ des na nyan thos shes bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /byang chub sems
290a5 dpa' 'jigs med pa/ /sangs rgyas chos rnams bsam yas pa/ /sems can mang la sgrogs par byed/ /des de nyan thos zhes brjod do/ /byang chub zhi ba spros pa med/ /rnyog pa med pa sgrogs
290a6 par byed/ /skye bo dpag tu med la sgrogs/ /des de nyan thos zhes brjod do/ /'di 'dra bde ba gzhan med ces/ /mya ngan 'das pa'i bde ba sgrogs/ /zhi ba mya ngan 'das sgrogs pas/ /des de nyan thos
290a7 zhes brjod do/ /stobs dang byang chub yan lag dang / /dran pa nyer gzhag dbang po rnams/ /myur du bsgrubs shig ces sgrogs te/ /lus can rnams la de skad sgrogs/ /lus 'di stong ste snying po med/ /'di ni
290a8 byis pa rmongs byed pa/ /de phyir lus ni rnam shig ces/ /de skad du ni sgrogs par byed/ /mig ni nor par rtogs gyis shig /'di ni byis pa'i blo ldan pa/ /mi mkhas rnams la rmongs byed cing / /de skad du ni de sgrogs so/ /
290b1 sgra rnams brag ca lta bu ste/ /rna ba 'ang de ltar shes par gyis/ /'di la thos pa ci yang med/ /rjod par byed pa'ang ci yang med/ /sems can mang la de skad du/ /sgrogs par byed pas nyan thos 'dod/ /'di la thos pa
290b2 ci yang med/ /sgra 'dir dga' bar ma byed cig /dper na mi zhig rmi lam na/ /rnam pa mang po'i dri snom pa/ /de la dngos por grub pa med/ /phyin ci log par de snom mo/ /de yis de ltar dri shes nas/ /'dir
290b3 snom ci yang med do zhes/ /phyin ci log pa mi mkhas pa/ /gzhan rnams la yang sgrogs par byed/ /lce 'di sha yi gong bu ste/ /ro myang bar ni byed ma yin/ /gal te sha yis ro rtogs na/ /lag pa 'ang ro
290b4 rtogs 'gyur zhes sgrogs/ /ro yi 'du shes rab sdig can/ /'du shes 'di dag rnam par shig /ro khams bsam gyis mi khyab pa/ /khams de rtogs pa ma yin no/ /byang chub sems dpa' mi gnas pas/ /
290b5 de ni mngon sum gyur pa yin/ /mngon sum de ltar sgrogs pas na/ /de phyir nyan thos zhes brjod do/ /lus 'di ngo bo nyid kyis su/ /stong zhes de ltar rnam par shig /ngo bo nyid kyis gang stong pa/ /de ni ma skyes
290b6 skye ma yin/ /ma skyes mi skye gang yin pa/ /de 'dir byang chub de nyid de/ /de ltar sems can rnams la sgrogs/ /des na nyan thos zhes brjod do/ /yid 'di ngo bo nyid kyis ni/ /rang bzhin med cing dngos po med/ /
290b7 'di ni sems can dngos po min/ /de skad du ni de sgrogs so/ /chos sbyin bsam gyis mi khyab pa/ /'di ni byang chub lam yin te/ /de yis byang chub 'grub 'gyur gyis/ /sbyin pa byin zhes sgrogs par byed/ /zang
290b8 zing sbyin pa tha dad pa/ /rnam pa mang po gtsang ma byin/ /de la ser sna med gyur na/ /de yang byang chub lam yin no/ /gang phyir nyon mongs tshar bcad de/ /zag pa rnams ni kun dang bral/ /chags pa kun las shin du 'das/ /
291a1 des na nyan thos zhes brjod do/ /sangs rgyas chos ni bla med pa/ /shes ldan gyis ni gang gis sgrogs/ /sgra kun dam pa zhi ba ste/ /de ni snying po dam pa grub/ /snying po thams cad mngon par shes/ /snying po
291a2 kun la gnas pa med/ /gnyis med gnyis su dbyer med cing / /bsgrag pa dam pa sgrogs par byed/ /ji ltar sangs rgyas mang po yi/ /chos bstan rnams ni sgrogs pa ltar/ /des pas byang chub phyir brtsam nas/ /
291a3 de ni de ltar 'byed pa yin/ /gang nas sangs rgyas 'jig rten mgon/ /bla na med par bzhugs pa yi/ /sangs rgyas zhing ni rab bzang dang / /bkag pa rnams kyang sgrogs par byed/ /nam mkha' la ni rab gnas pa'i/ /
291a4 stong gsum 'di ni sgrogs par byed/ /sems can nam mkha' ji bzhin te/ /rtag tu mya ngan 'das dang mtshungs/ /gang las sems can rnam brtags nas/ /khams bzhi po dag rab brjod pa/ /de dag nam mkha'
291a5 'dra ba ste/ /rnam par mi rtog bsam du med/ /khams rnams de dag 'di 'dra ste/ /de la snying po med par ltos/ /'di la skye med 'chi ba med/ /mya ngan 'das med nyon mongs med/ /'di la dngos po grub pa med/ /'di la
291a6 sems can yod ma yin/ /ci nas sus kyang mi mthong ba/ /khams de rnam par blta bar gyis/ /nyin dang mtshan du g.yel med par/ /sems can rnams la de skad sgrogs/ /bdag ni 'ga' zhig sgrogs so zhes/ /
291a7 rlom sems de la ci yang med/ /de ltar gzhan la gang sgrogs pa/ /de ni nyan thos shes par gyis/ /de skad brjod par nyan thos min/ /nyan thos su ni yongs su bstan/ /brtan pa dman pa med pa'i yid/ /chos gang
291a8 gis ni chos rnams kun/ /ji bzhin de bzhin shes 'gyur ba/ /srog chags rnams la chos ston to/ /chags las grol zhing zag med la/ /chags pa kun las rnam dgrol phyir/ /srog chags rnams la chos
291b1 ston pa/ /de ni dgra bcom de skad brjod/ /spros pa med cing rnyog med pa/ /chags pa med pa'i dbyings kyang ston/ /sangs rgyas chos rnams ma lus par/ /rnam par mthong nas ston par byed/ /sangs rgyas rnams
291b2 kyis gang gsungs pa/ /chos dang ring bar mi rtog cing / /chos dang nye bar mi rtog ste/ /de phyir de dag 'dre ba med/ /sgrogs kyang 'dre ba yod min zhing / /sems can dpag tu med la brjod/ /sems can de dag mthong ba med/ /
291b3 des de nyan thos zhes brjod do/ /kun dga' 'di la dgongs nas ni/ /nga yis nyan thos yongs su bstan/ /byang chub sems dpa' mi gnas pa/ /nyan thos de ltar shes par gyis/ /kun dga' bo de ltar de bzhin
291b4 gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po nyan thos su yongs su bstan to/ /kun dga' bo ji ltar de bzhin gshegs pa dgra
291b5 bcom pa yang dag par rdzogs pa'i sangs rgyas kyis byang chub sems dpa' sems dpa' chen po rang sangs rgyas su yongs su bstan ce na/ kun dga' bo 'di la byang chub sems dpa' sems dpa' chen po ni/
291b6 chos thams cad la mngon sum yin no/ /ji ltar mngon sum yin zhe na/ chos thams cad sgro btags pa med pa'i phyir/ nyon mongs pa med pa dang / chos thams cad skur pa med pa'i tshul gyis rnam par 'jig pa
291b7 med par rtogs shing khong du chud de des na rang sangs rgyas zhes bya'o/ /des chos thams cad bsam du med par rtogs shing des sems can thams cad ma 'ongs pa na mi skye bas mya ngan las 'das pa dang 'dra ba dang /
291b8 ma skyes pa dang / ma 'gags pa dang / yang dag pa'i mtha' mya ngan las 'das pa'i mtha' dang / sems can gyi mtha' mig yor gyi mtha' dang / rdzas med cing dngos po med pa dang / chos thams cad kyi mtha' brjod du med
292a1 pa dang / brjod du med pa'i mtha' ming yongs su brjod pa'i mtha' dang / tshig la mi gnas pa dang / tshig gis yongs su brjod pa ma yin par shes so/ /de ci'i phyir zhe na/ 'di ltar tshig ni stong pa gsog ste/ tshig gis
292a2 bdag gi mtha' 'am/ sems can gyi mtha' mi shes so/ /des mtha' de rtogs te de mtha' de la mngon sum du gyur pas des na rang sangs rgyas shes bya'o/ /gzugs kyi phung po 'di sgras brjod pa dang / gzugs kyi phung po
292a3 'di sgra med pa dang / sgra dang bral ba dang / 'di rtag tu gzugs kyi phung po zhes tshig gis brjod pa dang / 'di la bdag dang bdag gi med par gzugs kyi phung po mngon sum du gyur pa yin no/ /de ci'i phyir zhe na/ tshig gang gis
292a4 gzugs kyi phung po brjod pa'i tshig de gsog stong pa/ ma skyes pa/ ma 'gags pa ste/ yang dag par na tshig nyid kyang rtag tu med pa yin na tshig gang gis gzugs kyi phung po brjod pa lta ga la yod ces de ltar gzugs kyi
292a5 phung po mngon sum du gyur pa yin no/ /tshor ba'i phung po 'di sgras brjod pa dang / tshor ba'i phung po 'di sgra med pa dang / sgra dang bral ba dang / 'di rtag tu tshor ba'i phung po zhes tshig gis brjod pa dang / 'di la bdag dang bdag
292a6 gi med par tshor ba'i phung po mngon sum du gyur pa yin no/ /de ci'i phyir zhe na/ tshig gang gis tshor ba'i phung po brjod pa'i tshig de gsog stong pa/ ma skyes pa/ ma 'gags pa ste/ yang dag par na tshig nyid kyang rtag tu
292a7 med pa yin na tshig gang gis tshor ba'i phung po brjod pa lta ga la yod ces de ltar tshor ba'i phung po mngon sum du gyur pa yin no/ /'du shes kyi phung po 'di sgras brjod pa dang / 'du shes kyi phung po 'di sgra med pa dang /
292a8 sgra dang bral ba dang / 'di rtag tu 'du shes kyi phung po zhes tshig gis brjod pa dang / 'di la bdag dang bdag gi med par de 'du shes kyi phung po mngon sum du gyur pa yin no/ /de ci'i phyir zhe na/ tshig gang gis
292b1 'du shes kyi phung po brjod pa'i tshig de gsog stong pa/ ma skyes pa/ ma 'gags pa ste/ yang dag par na tshig nyid kyang rtag tu med pa yin no/ /tshig gang gis 'du shes kyi phung po brjod pa lta ga la yod ces de ltar 'du shes kyi
292b2 phung po mngon sum du gyur pa yin no/ /'du byed kyi phung po 'di sgras brjod pa dang / 'du byed kyi phung po 'di sgra med pa dang / sgra dang bral ba dang / 'di rtag tu 'du byed kyi phung po zhes tshig gis brjod pa dang / 'di la bdag dang
292b3 bdag gi med par de 'du byed kyi phung po mngon sum du gyur pa yin no/ /de ci'i phyir zhe na/ tshig gang gis 'du byed kyi phung po brjod pa'i tshig de gsog /stong pa/ ma skyes pa/ ma 'gags pa ste/ yang dag par na tshig kyang
292b4 rtag tu med pa yin na tshig gang gis 'du byed kyi phung po brjod pa lta ga la yod ces de ltar 'du byed kyi phung po mngon sum du gyur pa yin no/ /rnam par shes pa'i phung po 'di sgras brjod pa dang / rnam par shes pa'i phung po 'di
292b5 sgra med pa dang / sgra dang bral ba dang / 'di rtag tu rnam par shes pa'i phung po zhes tshig gis brjod pa dang / 'di la bdag dang bdag gi med par de rnam par shes pa'i phung po mngon sum du gyur pa yin no/ /de ci'i phyir zhe
292b6 na/ tshig gang gis rnam par shes pa'i phung por brjod pa'i tshig de gsog /stong pa/ ma skyes pa/ ma 'gags pa ste/ yang dag par na tshig kyang rtag tu med pa yin na tshig gang gis rnam par shes pa'i phung po brjod
292b7 pa lta ga la yod ces de ltar rnam par shes pa'i phung po mngon sum du shes pa yin no/ /de ltar phung po lnga sgra med pa dang / tshig gang gis brjod par de dag mngon sum su gyur pa yin te/ des na rang sangs rgyas shes
292b8 bya'o/ /de ci'i phyir zhe na/ tshig sgra med pa dang / phung po'i rkyen nyid rkyen nyid ma yin pa dang / tshig gi rkyen nyid brjod du med pa'i rkyen nyid du des de khong du chud de/ des na rang sangs rgyas zhes bya'o/ /de nas bcom
293a1 ldan 'das kyis de'i tshe tshigs su bcad pa 'di dag bka' stsal to/ /chos kun zag pa med pa dang / /ma skyes pa dang ma 'gags dang / /rtag tu shin du mtshan med par/ /chos rnams thams cad mngon
293a2 sum gyur/ /'di dag ngo bo nyid kyis stong / /ngo bo nyid kyang yang dag tu/ /shin du yod pa ma yin par/ /chos rnams thams cad mngon sum gyur/ /chos 'di ji ltar 'di 'dra bar/ /'di ni mngon sum nyid gyur
293a3 te/ /chos nyid bsam gyis mi khyab pas/ /des de rang sangs rgyas zhes brjod/ /chos kun mya ngan 'das pa ste/ /de dag thog ma mi dmigs so/ /ma skyes pa yi mtha' de ni/ /yang dag pa yi mtha' zhes
293a4 brjod/ /chos kun mya ngan 'das pa ste/ /skye ba med par nges par bstan/ /chos gang skye ba med pa de/ /mya ngan 'das zhes brjod pa yin/ /chos kun mya ngan 'das pa ste/ /ming tsam gyis ni brjod par zad/ /
293a5 ma skyes shing ni ma 'gags te/ /de dag tshig gis yongs su brjod/ /tshig ni stong par yang dag brjod/ /tshig gis sems can shes ma yin/ /de bas ma skyes gnas med de/ /sems can mya ngan 'das shes brjod/ /tshig ni
293a6 gsog ces brjod pa ste/ /g.yo ba med cing sems pa med/ /tshig 'di tshig gi rang bzhin gyis/ /rtag par shin du yod ma yin/ /sems can mtha' ni bsam med par/ /tshig gis bstan pa gang yin pa/ /mtha' de tshig
293a7 la mi rten te/ /tshig la gnas pa 'ang ma yin no/ /sems can mtha' ni mya ngan 'das/ /yang dag mtha' ni mtha' min te/ /spros pa med cing zhi la bde/ /gnas dang skyabs dang dpung gnyen yin/ /mig yor gyi ni
293a8 mtha' lta bur/ /sems can mtha' ni nges par bstan/ /dngos po med cing dmigs pa med/ /yang dag mtha' ni bsam mi khyab/ /chos nyid kyi ni mtha' de yang / /ming tsam du ni brjod par zad/ /ming gi brjod pa
293b1 gang yin pa/ /mtha' de dmigs pa ma yin no/ /de ni sus kyang mngon sum du/ /brjod par nus pa ma yin te/ /sems can mtha' ni bsam mi khyab/ /'di ltar mtha' ni gsog yin no/ /mtha' ni tshig la mi
293b2 gnas te/ /tshig gis yongs su brjod ma yin/ /'di ltar yang dag tu na de/ /sems can mtha' ni yod ma yin/ /sems can mtha' ni bsam yas par/ /tshig gang gis ni mngon bstan pa/ /tshig de stong pa
293b3 gsog yin te/ /des ni ci yang mi shes so/ /'di 'dra bsam gyis mi khyab mtha'/ /'di ni nyid kyis khong du chud/ /des na smad du med pa de/ /rang sangs rgyas shes brjod pa yin/ /'di ni sgra yis brjod min zhing / /
293b4 phung po gzhan zhes 'di sgra med/ /rtag tu sgra dang bral ba zhes/ /gzugs can phung po mngon sum gyur/ /'di ni yang dag bral ba ste/ /yang dag tu yang rjod par byed/ /yang dag tu na yang dag ni/ /gang du'ang gnas
293b5 pa ma yin no/ /gzugs kyi phung po bdag med ces/ /tshig gis phung po 'di brjod pa/ /tshig de stong pa gsog yin te/ /ma skyes shing ni 'gag pa med/ /yang dag tu na rnam par ni/ /tshig 'di shin du yod ma yin/ /
293b6 yod ma yin pa'i tshig gis ni/ /gzugs kyi phung po brjod pa byas/ /'di ni sgra yis brjod min zhing / /tshor ba'i phung po sgra med de/ /rtag tu sgra dang bral ba zhes/ /tshor ba'i phung po mngon sum gyur/ /'di ni
293b7 yang dag bral ba ste/ /yang dag tu yang rjod par byed/ /yang dag tu na yang dag ni/ /gang du 'ang gnas pa ma yin no/ /tshig gis tshor ba'i phung po 'di/ /gsob tu yang dag brjod pa byas/ /tshig de stong pa gsob
293b8 yin te/ /ma skyes shing ni 'gag pa med/ /yang dag tu na rtag par ni/ /tshig 'di shin du yod ma yin/ /yod ma yin pa'i tshig gis ni/ /tshor ba'i phung po brjod pa byas/ /'di ni sgra yis brjod min zhing / /phung po 'di ni
294a1 sgra med de/ /rtag tu sgra dang bral ba zhes/ /tshor ba'i phung po mngon sum gyur/ /'di ni yang dag bral ba ste/ /yang dag tu yang rjod par byed/ /yang dag tu na yang dag ni/ /gang du'ang gnas pa ma yin no/ /tshig gis
294a2 phung po rab brjod de/ /'du shes phung po bdag med pa/ /tshig de stong pa gsog yin te/ /ma skyes shing ni 'gag pa med/ /yang dag tu na rtag par ni/ /tshig 'di shin du yod ma yin/ /yod ma yin pa'i tshig gis ni/ 'du shes phung
294a3 po brjod pa byas/ /'di ni sgra yis brjod min zhing / /phung po 'di ni sgra med de/ /rtag tu sgra dang bral ba zhes/ /'du shes phung po mngon sum gyur/ /'di ni yang dag bral ba ste/ /yang dag tu yang rjod par byed/ /yang dag tu na yang
294a4 dag ni/ /gang du'ang gnas pa ma yin no/ /tshig gis 'du byed phung po 'di/ /gsog tu rab tu brjod pa byas/ /tshig de stong pa gsog yin te/ /ma skyes shing ni 'gag med de/ /yang dag tu na rtag par ni/ /tshig 'di shin du yod
294a5 ma yin/ /yod ma yin pa'i tshig gis ni/ /'du byed phung po brjod pa byas/ /'di ni sgra yis brjod min zhing / /phung po 'di ni sgra med de/ /rtag tu sgra dang bral ba zhes/ /rnam shes phung po mngon sum gyur/ /'di ni yang dag bral
294a6 ba ste/ /yang dag tu yang rjod par byed/ /yang dag tu na yang dag ni/ /gang du'ang gnas pa ma yin no/ /tshig gis rnam shes phung po 'di/ /gsog tu rab tu brjod pa byas/ /tshig de stong pa gsog yin te/ /ma skyes shing ni
294a7 'gag pa med/ /yang dag tu na rtag par ni/ /tshig 'di shin du yod ma yin/ /yod ma yin pa'i tshig gis ni/ /rnam shes phung po brjod pa byas/ /brjod pa med pa'i phung po la/ /tshad mar dmigs par mi 'gyur te/ /
294a8 ma skyes ma 'gags rnams la ni/ /'di dag gnas med rten kyang med/ /nyon mongs med cing bral ba med/ /chos med rnam par smin pa med/ /sangs rgyas chos dang dge 'dun med/ /mya ngan 'das med rang byung med/ /de la
294b1 zhi gnas gang yang med/ /lhag mthong yang ni yod ma yin/ /yo byad bsnyungs med 'dod chung med/ /le lo med cing brtson 'grus med/ /rgod pa med cing 'gyod pa med/ /sdom pa'ang yod pa ma yin te/ /gang phyir sdom par gyur
294b2 pa yi/ /'di la dngos po grub pa med/ /'di la rtog pa'am rnam rtog med/ /rnam mi rtog pa'ang yod ma yin/ /'jigs pa med cing dgon pa med/ /bcings pa med cing thar pa med/ /'di ni sgra yis 'jug pa ste/ /'jug pa
294b3 med par nges par bstan/ /chos rnams thams cad sgra med de/ /sgra nyid kyis ni brjod pa yin/ /'di ni mngon sum gyur pas na/ /zad mi shes pa'i tshul ston to/ /ting 'dzin 'di la brten nas ni/ /de ni sgra la mi chags so/ /
294b4 ci 'dra gang gi gang yin pa/ /sgra de des ni mngon sum shes/ /chos kun 'di ltar mnyam pa ste/ /brjod pa med cing gnas pa med/ /'di ni mngon sum gyur pas na/ /tshu rol nas ni pha rol song / /des na smad pa med pa
294b5 de/ /rang rdzogs sangs rgyas shes brjod do/ /kun dga' bo gzhan yang byang chub sems dpa' sems dpa' chen po de ma rig pa la ma rig pa'i rang bzhin mngon sum du gyur pa yin/ 'du byed rnams la 'du byed kyi
294b6 rang bzhin dang / rnam par shes pa la rnam par shes pa'i rang bzhin dang / ming dang gzugs la ming dang gzugs kyi rang bzhin dang / skye mched drug la skye mched drug gi rang bzhin dang / reg pa la reg pa'i rang
294b7 bzhin dang / tshor ba la tshor ba'i rang bzhin dang / sred pa la sred pa'i rang bzhin dang / len pa la len pa'i rang bzhin dang / srid pa la srid pa'i rang bzhin dang / skye ba la skye ba'i rang bzhin dang / rga shi la rga shi'i
294b8 rang bzhin mngon sum du gyur pa yin te/ de lta bas na rang sangs rgyas shes bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /'di ni nam yang yod min zhes/ /des ni
295a1 ma rig mngon sum gyur/ /de ni dngos por grub med de/ /chu yi nang gi gzugs brnyan bzhin/ /ma rig pa ni brdzun gyi gnas/ /chos gang dang yang 'dre ba med/ /chos gang 'dre ba med pa de/ /ma rig pa yi
295a2 mtshan nyid do/ /ma rig nam mkha' ji bzhin te/ /chos rnams thams cad mtshan nyid med/ /'di ni mngon sum gyur pas na/ /rang rgyal ba zhes brjod pa yin/ /lus kyi 'du byed gang brjod pa/ /de dag lus nang
295a3 gang na'ang med/ /phyi rol ma yin phyi dang nang / /gang du yang ni byung ba med/ /chu shing phung po snying po med/ /rtag par shin du snying po med/ /ma skyes shing ni ma 'gags pa/ /nam mkha' dang ni mtshungs 'dra ba/ /'di
295a4 ni mngon sum gyur pas na/ /byang chub sems dpa' 'jigs med pa/ /bsam gyis mi khyab des de na/ /rang rdzogs sangs rgyas shes brjod do/ /sgyu ma'i rang bzhin spyod yul du/ /chos rnams thams cad rnam par
295a5 shes/ /rnam shes sgyu ma'i rang bzhin du/ /'di ni mngon sum gyur pa yin/ /rnam shes spyod yul 'du shes 'di/ /log pa yin par rnam par shes/ /de yis 'du shes rnam bshig pas/ /chos rnams stong pa nyid du shes/ /
295a6 shes pa shes pa ma yin shes/ /thams cad du yang de mi chags/ /'di ltar ming du btags pa'i chos/ /rnam par shes pa sgyu ma 'dra/ /ming dang gzugs su gang brjod pa/ /de ni dgongs te brjod pa yin/ /rtag par shin du
295a7 rang bzhin gyi/ /de yi dngos po grub pa med/ /skye mched yod pa ma yin par/ /skye mched 'di dag bstan byas pa/ /de dag sgra yis brjod pa ste/ /de dag gzod nas stong pa yin/ /sngon chad de yi reg pa gang / /skye mched brtan
295a8 nas byung gyur pa/ /gsog dang sgyu ma'i rang bzhin ltar/ /de ni de yis rnam par bshig /reg pa rnam par rtog las byung / /de ni ngo bo nyid kyis stong / /ngo bo nyid kyis reg pa'i chos/ /gang yang gnas pa ma yin no/ /'di ni nor bar
295b1 reg pa zhes/ /reg pa'i rang bzhin mngon sum gyur/ /reg pa dben pa phun sum tshogs/ /rang rgyal ba zhes brjod pa yin/ /tshor ba rnam gsum stong pa dang / /ngo bo nyid kyis zhi ba dang / /chu bur 'dra ba snying po med/ /shin du gsog dang
295b2 gsob tu shes/ /sred pa thams cad yang dag chad/ /sred pa med pa'i chos nyid shes/ /sred pa zad pa rjes su thob/ /rang rgyal ba zhes brjod pa yin/ /len pa len pa ma yin te/ /stong par de yi rnam par bshig /de ni dngos por
295b3 grub med de/ /smig rgyu la ni chu bzhin no/ /de yi srid par 'du shes gang / /de'i gnyen 'du shes sdig pa can/ /de yi de ni rang bzhin gyis/ /rtag par shin du dngos med shes/ /de la skye ba thams cad med/ /de la 'chi ba yod ma
295b4 yin/ /de ni nam yang gang zhig tu/ /skye bar 'gyur ba gang yang med/ /rkyen rnams 'di dag shes nas ni/ /de ni gang la'ang mi gnas te/ /rang sangs rgyas zhes bya ba'i sgrar/ /byang chub sems dpa' rab tu bstan/ /
295b5 kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po rang sangs rgyas su yongs su bstan to/ / bam po bzhi pa/
295b6 de nas tshe dang ldan pa kun dga' bos de'i tshe tshigs su bcad pa 'di dag smras so/ /mya ngan 'das med 'das pa zhes/ /'jig rten mgon pos brjod pa mdzad/ /nam mkha' mdud pa bor nas ni/ /nam mkha' nyid kyis bkrol
295b7 bar gyur/ /chags pa mi mnga' chos ston pa/ /sangs rgyas thabs la mkhas pa po/ /'dir gsung ci yang ma mchis la/ /'on kyang gsung ba brjod pa mdzad/ /de nas tshe dang ldan pa kun dga' bos tshigs su bcad pa
295b8 'di dag smras nas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi ldem po ngag ma 'tshal ba'i 'jig rten gnas pa
296a1 dag 'dir rmongs te/ de bzhin gshegs pa dgra bcom pa yang dag par rdzogs pa'i sangs rgyas kyis ci la dgongs te/ dad pas rjes su 'brang ba yongs su bstan pa dang / chos kyi rjes su 'brang ba dang / de bzhin du
296a2 brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas yongs su bstan par 'tshal bar mi 'gyur ro/ /de skad ces gsol pa dang / bcom
296a3 ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo gang dag sngon gyi rgyal ba la lhag par bya ba byas pa de dag 'di la rmongs par mi 'gyur ro/ /kun dga' bo de lta bas na/ byang chub sems
296a4 dpa' sems dpa' chen po gang dag bdag gis de bzhin gshegs pa'i ldem po ngag 'di shes par bya'o snyam du go cha de lta bur bgos pa de dag gnas 'di la rmongs par mi 'gyur ro/ /gang dag brtson 'grus mi dmigs
296a5 par brtson 'grus dang ldan par 'gyur ba de dag 'di la rmongs par mi 'gyur ro/ /gang dag gzhan gyi dring mi 'jog pa'i shes pa dang ldan par gyur pa de dag 'di la rmongs par mi 'gyur ro/ /de nas bcom ldan 'das
296a6 kyis de'i tshe tshigs su bcad pa 'di dag bka' stsal to/ /'jig rten mgon po skyob rnams kyis/ /ldem ngag shin du shes dka' ste/ /byang chub sems dpa' 'jigs med pa/ /de yi ched du go cha bgos/ /le lo can
296a7 dang blo chung bas/ /dgongs pa kun du shes mi nus/ /ldem po ngag gi ched du ni/ /de phyir brtson 'grus brtsam par gyis/ /'jig rten mgon po skyob rnams kyi/ /dgongs pa gang tshe shes gyur pa/ /de tshe de yi shes
296a8 pa ni/ /ldem ngag rnam par sbyong bar 'jug /de ltar de rtogs byang chub ste/ /byang chub sems dpas thob pa yin/ /brjod pas byang chub stong pa ste/ /byang chub kyis kyang brjod pa stong / /stong pa stong pa mi shes la/ /
296b1 stong pa stong pa zhes kyang brjod/ /brjod pa thams cad chad pa ni/ /stong pa nyid ces rab tu bstan/ /nam mkha' rtag tu gzung med de/ /'di la gzung ba yod ma yin/ /gang la gzung ba yod min pa/ /de ni stong nyid shes par gyis/ /
296b2 gang dag bag yod gnas 'gyur zhing / /de ltar stong nyid shes 'gyur ba/ /mkhas pa de dag gnas 'dir ni/ /kun du rmongs par mi 'gyur ro/ /de nas 'khor de'i dge slong dad pas rjes su 'brang bar 'du shes pa bye ba phrag
296b3 lnga stan las langs te 'dus nas/ bcom ldan 'das kyi spyan sngar tshigs su bcad pa 'di smras so/ /'jig rten mgon po bla na med/ /sangs rgyas bdag cag dogs ma mchis/ /dgongs te bstan pa gang lags pa/ /
296b4 byang chub mchog la gnas par bgyi/ /de nas dge slong de dag gi tshigs su bcad pa de thos nas/ de dag ma yin pa gzhan dge slong chos kyi rjes su 'brang bar 'du shes pa bye ba phrag lnga stan las langs te 'dus nas/
296b5 bcom ldan 'das kyi spyan sngar 'khod de tshigs su bcad pa 'di smras so/ /khyod kyis chos rjes 'brang ba zhes/ /dgongs te yongs su gang bstan pa/ /the tsom de ni ma mchis te/ /bdag cag byang chub snang ba
296b6 thob/ /de nas dge slong de dag gi tshigs su bcad pa de thos nas/ de dag ma yin pa gzhan dge slong brgyad par 'du shes pa bye ba phrag bcu stan las langs te 'dus nas/ bcom ldan 'das kyi spyan sngar
296b7 'khod de tshigs su bcad pa 'di smras so/ /brgyad pa'i 'du shes gang gyur pa/ /bdag cag 'du shes de rnam bshig /gang gis brgyad par brjod pa yi/ /dgongs pa de ni bdag cag rtogs/ /de
296b8 nas dge slong de dag gi tshigs su bcad pa de thos nas/ dge slong gzhan rgyun du zhugs par 'du shes pa bye ba phrag bcu gcig stan las langs te 'dus nas bcom ldan 'das kyi spyan sngar 'khod de tshigs
297a1 su bcad pa 'di smras so/ /sangs rgyas chos la rnam kun du/ /snang ba bdag cag de ring thob/ /gang phyir rgyun du zhugs bsten pa/ /dgongs pa de ni bdag cag 'tshal/ /de nas dge slong de dag gi tshigs
297a2 su bcad pa de thos nas/ dge slong gzhan lan cig phyir 'ong bar 'du shes pa brgya stong dag stan las langs te 'dus nas/ bcom ldan 'das kyi spyan sngar 'khod de tshigs su bcad pa 'di smras so/ /bdag cag lan
297a3 cig phyir 'ong bar/ /bdag cag mngon par zhen gyur pa/ /de ring zhen pa ma mchis gyur/ /dam pa bdag cag spros ma mchis/ /de nas dge slong de dag gi tshigs su bcad pa de thos nas/ dge slong phyir mi 'ong
297a4 ba'i 'bras bur 'du shes pa bye ba phrag brgyad cu rtsa lnga stan las langs te 'dus nas/ bcom ldan 'das kyi spyan sngar 'khod de tshigs su bcad pa 'di smras so/ /mi yi dam pa 'jig rten mgon/ /bdag cag
297a5 spros pa ma mchis gyur/ /'obs las rgal nas de ring ni/ /byang chub la yang snang ba thob/ /de nas dge slong de dag gi tshigs su bcad pa de thos nas dge slong bsam gtan bzhi pa la bsam gtan pa bye ba phrag lnga bcu
297a6 stan las langs te 'dus nas bcom ldan 'das kyi spyan sngar 'khod de tshigs su bcad pa 'di smras so/ /de ring ci yang ma mchis gyur/ /chos nyid ma lus par yang rtogs/ /sgyu ma'i chos nyid mnyam par ni/ /
297a7 theg pa thams cad mnyam par 'tshal/ /de nas dge slong de dag gi tshigs su bcad pa de thos nas/ dge slong theg pa la gsar du yang dag par zhugs pa nyi khri stan las langs te 'dus nas bcom ldan 'das
297a8 kyi spyan sngar 'khod de tshigs su bcad pa 'di smras so/ /lus can rnams ni dgrol slad du/ /dgongs pa gang gis nyan thos gsungs/ /dgongs pa de ni bdag cag rtogs/ /de ni bden pa'am brdzun ma lags/ /
297b1 de nas dge slong de dag gi/ tshigs su bcad pa de thos nas/ dge slong rang sangs rgyas su 'du shes pa lnga stong stan las langs te 'dus nas/ bcom ldan 'das kyi spyan sngar 'khod de tshigs su bcad pa 'di smras so/ /rang sangs
297b2 rgyas nyid bsam yas pa/ /rgyal bas dgongs te gang gsungs pa/ /rang rgyal byang chub bdag cag la/ /de ring mngon sum nyid du gyur/ /de nas dge slong de dag gi tshigs su bcad pa de thos nas/ dge slong ma rgyun du zhugs pa'i
297b3 'bras bur 'du shes pa dang / lan cig phyir 'ong ba'i 'bras bur 'du shes pa dang / phyir mi 'ong ba'i 'bras bur 'du shes pa dang / dgra bcom pa nyid kyi 'bras bur 'du shes pa 'bum phrag bcu stan las langs te 'dus nas/
297b4 bcom ldan 'das kyi spyan sngar 'khod de tshigs su bcad pa 'di smras so/ /bud med dngos por 'gyur ba yi/ /mnyam pa'i chos rnams yang dag 'tshal/ /gzhan mi gsung ba'i sangs rgyas su/ /'jig rten mchog
297b5 tu bdag cag 'gyur/ /de nas dge slong ma de dag gi tshigs su bcad pa de thos nas/ dge bsnyen rgyun du zhugs pa'i 'bras bur 'du shes pa dang / lan cig phyir 'ong ba'i 'bras bur 'du shes pa dang / phyir mi 'ong ba'i
297b6 'bras bur 'du shes pa 'bum phrag nyi shu rtsa brgyad stan las langs te 'dus nas/ bcom ldan 'das kyi spyan sngar 'khod de tshigs su bcad pa 'di smras so/ /bdag cag sems deng dri ma med/ /bai dUr+ya ltar
297b7 rnam par dag /sangs rgyas chos thob bgyi slad du/ /de ring rab tu 'byung bar bgyi/ /de nas bar snang la 'khod pa'i lha bye ba khrag khrig phrag drug bcus bcom ldan 'das la lha'i me tog gis gtor nas 'dus
297b8 te tshigs su bcad pa 'di smras so/ /theg par 'du shes sngon gang gyur/ /de bzhin 'bras bur 'du shes pa/ /'du shes de dang bdag cag bral/ /sangs rgyas byang chub yang dag gtad/ /de nas shA ri'i bu dang / mau
298a1 da gal gyi bu dang / rab 'byor dang / ma 'gags pa dang / nam gru dang / ka pa ni la sogs pa dgra bcom pa stong phrag mang po stan las langs te/ bcom ldan 'das ga la ba de logs su thal mo sbyar ba btud nas
298a2 bcom ldan 'das la 'di skad ces gsol to/ /bcom ldan 'das deng bdag cag brnag pa yongs su rdzogs lags so/ /bsam pa yongs su rdzogs lags so/ /bdud phyir rgol ba bcom lags so/ /
298a3 mtshams med pa lnga yongs su rdzogs pa dang ldan lags so/ /bcom ldan 'das deng bdag cag 'dod pa'i yon tan lnga yongs su rdzogs pa dang ldan lags so/ /bcom ldan 'das deng bdag cag log par
298a4 lta ba yongs su rdzogs pa dang ldan lags so/ /bcom ldan 'das deng bdag cag yang dag pa'i lta ba dang bral lags so/ /bcom ldan 'das deng bdag cag gis srog chags brgya stong mang po'i srog bkum
298a5 lags so/ /bcom ldan 'das deng bdag cag gis byang chub thob lags so/ /deng bdag cag phung po'i lhag ma ma mchis pa'i mya ngan las 'das pa'i dbyings su yongs su mya ngan las 'das lags so/ /
298a6 de nas bcom ldan 'das cang mi gsung bas btang snyoms su mdzad do/ /de nas 'khor de'i srog chags brgya stong mang po dag theg tsom du gyur te/ 'di ci zhig /bdag cag mun par gyur pa 'di ji lta bu zhig /dgra
298a7 bcom pa dag kyang tshig 'di skad ces 'dzer na/ so so'i skye bo lta smos kyang ci dgos pa zhes 'dzer ro/ /the tsom du gyur pa de dag stan las bskyod par mi nus te/ gang dag 'dug pa de dag ni ldang mi nus/ gang dag langs pa
298a8 de dag ni 'dug mi nus nas de dag the tsom du gyur te rab tu sems shing 'dug go/ /de nas sangs rgyas kyi mthus tshe dang ldan pa kun dga' bos srog chags brgya stong mang po de dag gi sems kyi yongs su rtog pa sems kyis
298b1 shes nas 'jam dpal gzhon nur gyur pa la 'di skad ces smras so/ /'jam dpal gnas brtan de dag gis smras pa thos nas srog chags brgya stong mang po 'di dag the tsom du gyur te/ 'di dag gis gang la bsams te smras
298b2 pa la/ bcom ldan 'das 'di yang cang mi gsung bar bzhugs nas/ 'jam dpal gzhon nur gyur pa gsungs shig /de skad ces smras pa dang / 'jam dpal gzhon nur gyur pas tshe dang ldan pa kun dga' bo la 'di
298b3 skad ces smras so/ /kun dga' bo 'di ni byang chub sems dpa' phyir mi ldog pa rnams kyis yin te/ gnas brtan 'di dag gis gang la bsams te/ tshig smras pa 'di ni phyir mi ldog pa rnams la mngon sum mo/ /
298b4 smras pa/ 'jam dpal ci gnas brtan 'di dag kyang byang chub las phyir mi ldog pa yin nam/ smras pa/ kun dga' bo de de bzhin no/ /kun dga' bos smras pa/ 'jam dpal gnas brtan 'di dag gis gang la
298b5 bsams te tshig smras pa la/ bcom ldan 'das 'di yang cang mi gsung bar bzhugs na/ de'i phyir gsungs shig /'jam dpal gyis smras pa/ btsun pa kun dga' bo ma ni 'khor ba'i skyed pa'i ma rig pa la
298b6 bya ste/ 'di dag gis ma rig pa de shin du bcom mo/ /btsun pa kun dga' bo pha ni tshul bzhin ma yin pa yid la byed pa dga' ba'i 'dod chags dang ldan pa la bya ste/ 'di dag tshul bzhin ma yin pa yid la byed
298b7 pa de dang bral lo/ /dga' ba'i 'dod chags kyang shin du bcom btags so/ /dgra bcom pa zhes bya ba ni so so'i skye bo'i chos rnams te/ 'di dag gis de dag rnam par mi gzhig pa'i tshul gyis rnam par bshig ste
298b8 bcom mo/ /'di dag la so so'i skye bo'i chos kyi 'du shes gang yod pa de yang 'di dag gis chos thams cad mi dbye ba'i tshul gyis phye'o/ /'di dag la de bzhin gshegs pa'i 'du shes su gyur pa gang yod pa'i 'du shes de yang
299a1 mi skye ba'i tshul gyis 'di dag dang bral lo/ /btsun pa kun dga' bo 'di dag gis ni 'di la bsams nas deng bdag cag mtshams med pa lnga yongs su rdzogs pa dang ldan pa lags so zhes smras so/ /de ci'i phyir zhe na/
299a2 khyer ba yang med/ blangs pa yang med de/ de'i phyir mtshams med pa lnga dang ldan pa zhes bya'o/ /'di dag gis ci la bsams te deng bdag cag gis 'dod pa'i yon tan lnga yongs su rdzogs pa dang ldan pa lags so/ /zhes
299a3 de skad smras she na/ btsun pa kun dga' bo 'di dag 'dod pa'i yon tan lnga po 'di dag rmi lam lta bu dang / sgyu ma lta bu dang / mig yor lta bur shes te/ 'di dag la shes pa de yongs su rdzogs shing 'di dag gis 'dod pa'i yon
299a4 tan lnga ma tshang ba med pa dang yongs su rdzogs pa med par byas so/ /de ci'i phyir zhe na/ 'di ltar de dag ni shin du med pa ste/ de ltar 'di dag gis de dag yongs su shes so/ /de ltar de dag dang ldan no/ /de ltar de dag gis
299a5 shes pa yongs su rdzogs te de'i phyir 'dod pa'i yon tan lnga yongs su rdzogs pa dang ldan pa zhes bya'o/ /kun dga' bo 'di dag gis ni 'di la bsams nas deng bdag cag 'dod pa'i yon tan lnga yongs su rdzogs pa dang ldan pa
299a6 lags sa zhes smras so/ /btsun pa kun dga' bo 'di dag gis deng bdag cag log par lta ba yongs su rdzogs pa dang ldan lags so/ /yang dag pa'i lta ba dang bral lags so zhes de skad gang smras pa ni/ btsun pa kun dga'
299a7 bo 'di dag gis chos thams cad ni log pa yin par mthong ngo / /btsun pa kun dga' bo log pa zhes bya ba ni brdzun pa ste/ chos thams cad ni brdzun pa'o/ /gang du yang sbyor ba med cing nam mkha' dang 'dra ste zhum pa med
299a8 pa/ zhen pa med pa/ rton pa med pa'o/ /de ci'i phyir zhe na/ chos thams cad ni dngos po med pa'i ngo bo nyid de/ 'di dag gis de dag de ltar shes so/ /yang dag par na chos thams cad ni mnyam pa ste/ mnyam pa de ni yang dag
299b1 pa'i lta ba'o/ /'di dag ni mnyam pa'i 'du shes de dang bral lo/ /de ci'i phyir zhe na/ byang chub ni 'du shes thams cad dang bral ba ste/ 'di dag gis chos phra rab tsam yang mi dmigs par sangs rgyas kyi chos de dag
299b2 rjes su thob bo/ /rtogs so/ /btsun pa kun dga' bo 'di dag gis ni 'di la bsams te deng bdag cag log par lta ba yongs su rdzogs pa dang ldan lags so/ /yang dag pa'i lta ba dang bral lags so zhes smras so/ /btsun
299b3 pa kun dga' bo 'di dag gis gang la bsams te/ deng bdag cag gis srog chags brgya stong mang po'i srog bkum lags so zhes tshig smras pa la/ btsun pa kun dga' bo 'di dag gi ldem po ngag 'di thos nas srog
299b4 chags brgya stong mang po dang / lha brgya stong mang pos chos thams cad sgyu ma lta bu dang / rmi lam lta bu dang / brag cha lta bur shes shing rtogs te/ des 'di dag sems can gyi 'du shes dang / srog gi 'du shes dang bral nas
299b5 chos thams cad bskrun pa med pa'i tshul du dge ba'i rtsa ba byang chub tu bskrun to/ /'di thos nas de dag ma yin pa gzhan dge slong dang / dge slong ma dang / dge bsnyen dang / dge bsnyan ma rnams kyang sems can gyi 'du
299b6 shes dang / srog gi 'du shes dang bral bar gyur te de'i phyir de dag yang 'chi bar mi 'gyur ro/ /de ci'i phyir zhe na/ sems can gyi 'du shes dang / srog gi 'du shes yod na 'chi bar 'gyur na de dag shin du mi skye ba'i chos
299b7 nyid kyis 'du shes de dang bral bar 'gyur ro/ /btsun pa kun dga' bo 'di dag gis ni 'di la bsams te/ deng bdag cag gis srog chags brgya stong mang po'i srog bkum lags so zhes tshig de skad smras so/ /
299b8 btsun pa kun dga' bo 'di dag gis gang la bsams te/ deng bdag cag gis byang chub thob lags so/ /deng bdag cag phung po'i lhag ma ma mchis pa'i mya ngan las 'das pa'i dbyings su yongs su mya ngan las
300a1 'das lags so zhes tshig de skad smras pa la/ btsun pa kun dga' bo 'khor 'di'i nang nas srog chags brgya phrag mang po dang / srog chags brgya stong phrag mang po/ deng nyon mongs pa rnams sangs rgyas kyi byang
300a2 chub dang mtshungs par rig nas mi skye ba'i chos la bzod pa bskyed de/ de'i phyir de dag deng byang chub kyi phyir nyon mongs pa rnams las rnam par rgyal nas 'di skad du deng bdag cag gis byang chub thob lags so zhes smras
300a3 so/ /nyon mongs pa rnams spangs pa yang med/ sangs rgyas kyi chos rnams bstan pa yang med do/ /'di dag la nyon mongs pa chung rab tsam yang med do/ /btsun pa kun dga' bo 'di dag gis ni 'di la
300a4 bsams te/ deng bdag cag gis byang chub thob lags so/ /deng bdag cag phung po'i lhag ma ma mchis pa'i mya ngan las 'das pa'i dbyings su yongs su mya ngan las 'das lags so zhes tshig de skad smras so/ /deng
300a5 zhes bya ba ni nyi ma 'di gang yin pa la deng zhes bya'o/ /de ci'i phyir zhe na/ btsun pa kun dga' bo rigs kyi bu 'am/ rigs kyi bu mo gang gis byang chub tu sems bskyed pa des chos thams cad snang ba byas te/ des
300a6 sems can gang ma thob pa byang chub tu sems bskyed pa gang yin pa 'di ni chos thams cad dang 'char ba'o/ /gang gi tshe de byang chub kyi 'du shes dang bral ba de'i tshe de phung po lhag ma med pa'i mya ngan las 'das pa'i
300a7 dbyings su chos thams cad dang nub bo/ /btsun pa kun dga' bo byang chub sems dpa'i theg pa pa la ni 'phags pa'i 'du shes kyis 'di nyin mo'o/ /byis pa rnams la ni nyi ma'i 'du shes kyis nyin mo'o/ /de ci'i phyir
300a8 zhe na/ gal te yang dag par snying por nyin mor gyur na ni/ de'i phyir nyin mo rnams phung por 'gyur ro/ /gal te yang dag par snying por phung por gyur na ni de'i phyir mtshan mo rnams kyang phung por 'gyur te/ 'das pa'i nyin
300b1 mtshan rnams 'dres par 'gyur ro/ /nyin mo yang mtshan mor 'gyur ro/ /mtshan mo yang nyin mor 'gyur ro/ /btsun pa kun dga' bo byis pa rnams kyi nyin mo'i 'du shes kyis nyin mo'o/ /mtshan mo'i 'du shes kyis mtshan
300b2 mo'o/ /byang chub sems dpa'i theg pa pa dge ba'i bshes gnyen gyis yongs su zin pa la nyin mo la nyin mo'i 'du shes dang / mtshan mo la mtshan mo'i 'du shes med do/ /de ci'i phyir zhe na/ sangs rgyas kyi ye shes ni
300b3 'du shes thams cad dang bral ba ste de'i phyir mngon sum du smon pa med do/ /de nas 'jam dpal gzhon nur gyur pas de'i tshe tshigs su bcad pa 'di dag smras so/ /'khor ba skyed par byed pa yi/ /ma rig pa la ma zhes
300b4 brjod/ /de dag de ni rtsar bcas bton/ /de phyir ma bsad ces brjod do/ /tshul bzhin ma yin yid la byed/ /dga' ba'i 'dod chags pha zhes brjod/ /de dag yang dag ji bzhin du/ /de ni rtag tu dngos med shes/ /'di ni yang
300b5 dag dngos med par/ /rtsa nas bton la mi skyed de/ /dmigs pa med cing gnas med pa/ /des na bsad pa zhes brjod do/ /dgra bcom chos su gang brjod dang / /byis pa'i chos gang tha dad pa/ /sred pa rnam par bshig pas
300b6 na/ /de phyir dgra bcom bsad ces brjod/ /dge 'dun 'du shes gang gyur pa/ /de dag de yi rang bzhin shes/ /chos rnams thams cad dbye med par/ /dbye ba'i sgrar ni nges par bstan/ /rdzogs sangs rgyas zhes 'du shes
300b7 gang / /sngon chad rnam par brtag gyur pa/ /skye ba med dang 'gag med par/ /de dag de ni rtsar bcas bton/ /rgyun mi chad par 'du shes 'di/ /stong zhing dbus dang mtha' stong par/ /'di dag gis ni tshig tu brjod/ /de ni mnyam
300b8 nyid rig par byas/ /'dod pa'i yon tan lnga brjod pa/ /ming gang gis ni yongs brjod pa/ /'du shes sgyu mar rtogs pas na/ /de phyir de dag 'du shes bral/ /dge slong dag gis 'dod 'di rnams/ /sngon cad ji bzhin mi nyung byas/ /
301a1 'jig rten mgon gyi spyan sngar ni/ /de dag des na tshig tu brjod/ /'dod pa'i chos rnams rmi lam 'drar/ /'di dag gis ni stong du shes/ /de la shin du skye med par/ /de dag shes pa rab tu rdzogs/ /gsob stong snying po med
301a2 par ni/ /log par chos rnams yongs su shes/ /log ces bya ba 'ang brdzun du brjod/ /de dag 'du shes 'dir rab rdzogs/ /chos rnams thams cad brdzun pa ste/ /gang du 'ang yang dag 'dre ba med/ /nam mkha' sor mo lnga lta
301a3 bur/ /med pas yang dag 'dre ba med/ /yang dag ces ni gang brjod pa/ /lta ba de dag rnams kyis shes/ /chos kyi mnyam nyid gang dang mnyam/ /lta ba shes pa 'ang de dang mnyam/ /sems can 'du shes pas na 'chi/ /byis pa'i blo
301a4 can rnams kyis brtags/ /sems can rnams ni mi dmigs na/ /'chi ba srid par mi 'gyur ro/ /gang gis skye bo rab mang dag /sdug bsngal blangs pa mi 'dor ba/ /srog tu 'du shes rab sdig can/ /'du shes de de
301a5 rnams kyis bsal/ /de dag sems can 'du shes bral/ /srog tu 'du shes rnam par bshig /des na sems can mang po yid/ /srog bcad ces ni brjod pa yin/ /de dag nyon mongs kun las rgyal/ /nyon mongs med
301a6 pa'i chos nyid rtogs/ /byang chub sgro btags med pa dang / /'gyur med rab tu dri med shes/ /bdud rnams mtha' dag pham par byas/ /sangs rgyas chos rnams rnam par sbyangs/ /chos kun mi mthun med pa'i phyir/ /
301a7 skye ba med pas mya ngan 'das/ /'jam dpal gzhon nur gyur pas tshigs su bcad pa 'di dag smras ma thag tu de nas srog chags brgya stong rab tu mang po de dag the tsom dang som nyi dang bral te/ chos thams cad la
301a8 snang ba yang thob par gyur nas/ de dag thams cad kyis so so nas 'jam dpal gzhon nur gyur pa la dga' ba phul te tshig 'di skad du ji ltar da ltar 'jam dpal gzhon nur gyur pas bstan pa de bzhin du bdag cag gis
301b1 kyang chos brjod par bgyi'o/ /sems can la yang bstan par bgyi'o zhes smras so/ /de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal ldem po ngag tu smras
301b2 pa de dag legs par bshad pa ni legs so legs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo srog chags brgya stong mang po the tsom dang som nyi za bar gyur pa
301b3 gang dag the tsom dang som nyi las rnam par bkrol ba'i srog chags brgya stong mang po de dag ni/ kun dga' bo 'jam dpal gzhon nur gyur pas byang chub yang dag par 'dzin du bcug pas yongs su smin par byas pa
301b4 dag ste/ de dag ni 'dis chos bstan pa kun du shes so/ /gsol pa/ bcom ldan 'das ci lags/ 'di dag byang chub las slar mi ldog pa lags sam/ bcom ldan 'das kyis bka' stsal pa/ kun dga'
301b5 bo de de bzhin te/ 'di dag ni byang chub las phyir mi ldog pa'o/ /de ci'i phyir zhe na/ 'di ltar dge ba'i bshes gnyen 'jam dpal gzhon nur gyur pas yongs su bzung ba'i phyir ro/ /gsol pa/ bcom ldan 'das
301b6 ci lags/ dge slong gang dag dad pas rjes su 'brang ba'i 'du shes dang / chos kyi rjes su 'brang ba'i 'du shes dang / de bzhin du brgyad pa dang / rgyun du zhugs pa dang / lan cig phyir 'ong ba dang / phyir mi 'ong
301b7 ba dang / dgra bcom pa dang / nyan thos dang / rang sangs rgyas kyi 'du shes rnams las langs pa de dag thams cad kyang byang chub las slar mi ldog pa lags sam/ bcom ldan 'das kyis bka' stsal pa/
301b8 kun dga' bo 'di ni yid ches par dka' ba ste/ dman pa la mos pa dang / le lo can dang / 'dod pa'i chos bsten pa dang / 'du 'dzi la dga' ba dang / dran pa brjed pa dang / shes bzhin med pa dang / mnyam
302a1 par ma bzhag pa dang / sems rnam par 'khrul pa dang / mngon pa'i nga rgyal gyis yongs su zin pa dang / lus rjes su srung ba dang / srog rjes su srung ba dang / lus dang srog la lta ba dang bcas pa dang / ser sna can dang /
302a2 ngang tshul ngan pa can dang / gnod sems can dang / sangs rgyas kyi chos la mi mos pa dang / 'chal ba'i shes rab can dang / sdig pa'i bshes gnyen gyi lag tu song ba dang / dge ba'i bshes gnyen gyis yongs su ma zin pa dang / shes rab
302a3 kyi pha rol du phyin pa yongs su spangs pa dang / dmigs par lta ba dang ldan pa dang / 'thob pa lhur len pa dang / bkur sti lhur len pa dang / lhung bzed dang chos gos la chags pa dang / nam gyi cha stod dang nam gyi cha smad la mi nyal bar
302a4 rnal 'byor du bya ba la mi brtson pa dang / brdzun du smra ba dang / phra ma'i tshig can dang / ngag rtsub po'i tshig can dang / tshig kyal pa smra ba dang / brnab sems can dang / gnod sems mang ba dang / log par lta ba dang / 'bral pa gang yang rung
302a5 bas 'bral ba dang / pho nya'i las kyi spyod yul pa dang mtshan ma la spyod pa dang / stong pa nyid dang / mtshan ma med pa dang / smon pa med pa dang / mngon par 'du byed pa med pa dang / skye ba med pa dang / 'gag pa med pa dang / chud za ba med pa'i
302a6 chos thams cad la ma dad pa dang / mi mos pa dang / chos de lta bu dang ldan pas ni kun dga' bo gnas 'di la mos par dka'o/ /de nas bcom ldan 'das kyis de skad ces bka' stsal nas cang mi gsung bar gyur to/ /
302a7 de nas sangs rgyas kyi mthus tshe dang ldan pa kun dga' bos 'jam dpal gzhon nur gyur pa la 'di skad ces smras so/ /'jam dpal ci'i phyir bcom ldan 'das cang mi gsung bas 'da' bar mdzad/ 'jam dpal gyis
302a8 smras pa/ btsun pa kun dga' bo phyi ma'i tshe phyi ma'i dus lnga brgya tha ma la chos 'di lta bu dang ldan pa'i sems can phal cher 'byung ste/ de dag mi mos pas de'i phyir bcom ldan 'das cang mi gsung bas 'da' bar mdzad
302b1 do/ /smras pa/ 'jam dpal gang dag 'dir mos par 'gyur ba gang yin/ 'jam dpal gyis smras pa/ btsun pa kun dga' bo gang dag mos par 'gyur ba ni nyung ste/ btsun pa kun dga' bo 'di lta ste/ dper na sems can gang
302b2 dag don la mkhas pa de dag ni nyung zad cig go/ /gang dag mi mkhas pa ni rab tu mang ngo / /de ci'i phyir zhe na/ de dag de la mi spyod de/ de'i phyir de la mi mkhas so/ /btsun pa kun dga' bo de bzhin du gang dag chos bstan pa
302b3 'di la mos pa'i sems can ni nyung zad cig go/ /gang dag mos par 'gyur ba de dag ni rtag tu bkur stir bya bar mi 'gyur gyi/ grong dang / grong khyer dang / grong rdal dang / yul 'khor dang / rgyal po'i pho brang 'khor nas
302b4 yongs su spang bar 'gyur ro/ /de ci'i phyir zhe na/ 'di ltar de dag ni rang gi las kyi sgrib pa chos kyis phongs par 'gyur ba'i las sngon byas pas so/ /smras pa/ 'jam dpal gang dag mos pa nyung bar 'gyur ba de dag
302b5 nyid kyi ched du gsungs shig /'jam dpal gyis smras pa/ btsun pa kun dga' bo bcom ldan 'das la zhus shig dang / bcom ldan 'das khyod la lan 'debs par 'gyur ro/ /de nas bcom ldan 'das la tshe dang ldan
302b6 pa kun dga' bos 'di skad ces gsol to/ /bcom ldan 'das gang dag mos pa nyung bar 'gyur ba'i rigs kyi bu dang / rigs kyi bu mo de dag nyid kyi ched du bshad du gsol/ de dag gis thos nas kyang dga' bar 'gyur
302b7 lags so/ /de nas bcom ldan 'das kyis phyogs bzhir rnam par gzigs nas/ ljags kyis dbang pos stong gsum gyi stong chen po'i 'jig rten gyi khams mngon par bkab ste/ ljags kyi dbang po de las
302b8 'od phyung nas 'od des 'jig rten gyi khams gang gA'i klung gi bye ma snyed khyab par byas te/ snang ba chen pos snang bar byas so/ /de nas sangs rgyas kyi mthus 'khor bzhi po des shar phyogs kyi 'jig rten gyi khams
303a1 gang gA'i klung gi bye ma snyed dag na sangs rgyas bcom ldan 'das rnams chos bstan pa 'di nyid ston par mthong zhing de dag gis chos bstan pa de yang thos so/ /de bzhin du sbyar te/ phyogs bcu kun du chos
303a2 bstan pa 'di nyid lhag chad med par thos so/ /thos nas kyang 'dus te/ bcom ldan 'das la gsol ba btab pa/ ji ltar bcom ldan 'das kyi bstan pa ltar sangs rgyas bcom ldan 'das dpag tu ma mchis par
303a3 mang ba 'di dag kyang chos bstan pa 'di nyid lhag chad ma mchis par ston par mthong lags na/ bcom ldan 'das kyis chos bstan pa 'di nyid dang / chos kyi bka' mchid 'di nyid rgyun mi gcad par bshad du gsol zhes
303a4 gsol ba btab bo de nas bcom ldan 'das kyi ljags kyi dbang po de bsdus te/ tshe dang ldan pa kun dga' bo la 'di skad ces bka' stsal to/ /kun dga' bo lce'i dbang po 'di lta bu brdzun smra ba yin nam/ gsol pa/
303a5 bcom ldan 'das de ni ma lags te/ de'i slad du gang dag mos pa nyung bar 'gyur ba'i rigs kyi bu'am/ rigs kyi bu mo de dag nyid kyi ched du bcom ldan 'das kyis bshad du gsol/ gang dag ma mos pa de dag
303a6 kyang dbang du gyur pa de dag gis mos par bgyid par 'gyur ro/ /bcom ldan 'das kyis bka' stsal pa/ kun dga' bo 'khor bzhi po gang da ltar 'dus pa de thams cad dang / lha dang / klu dang / gnod sbyin dang / dri za gang
303a7 dag chos bstan pa 'di thos pa de thams cad bla na med pa yang dag par rdzogs pa'i byang chub las phyir mi ldog pa dag ste/ de dag bla na med pa yang dag par rdzogs pa'i byang chub mngon par rdzogs par sangs rgyas nas kyang / ji ltar
303a8 da ltar nga ston pa bzhin du chos kyi rnam grangs 'di lhag chad med par sa phyogs 'di nyid du ston par 'gyur ro/ /de nas 'khor bzhi po de dang / lha dang / klu dang / gnod sbyin dang / dri za rnams tshim zhing mgu la yi rangs te/ rab tu
303b1 dga' nas dga' ba dang / yid bde ba skyes te/ kha cig gis ni gos rnams/ kha cig gis ni me tog dang / phreng ba dang / byug pa rnams kyis de bzhin gshegs pa la gtor to/ /bud med rnams kyis ni rgyan thams cad lus las phog
303b2 ste/ bcom ldan 'das ga la ba de logs su gtor to/ /gtor nas kyang thams cad 'dus te tshig 'di skad du/ de bzhin gshegs pa dgra bcom pa yang dag par rdzogs pa'i sangs rgyas rnams ni gnyis su ma mchis pa gsung ba
303b3 lags so zhes smras so/ /de nas bcom ldan 'das kyis yang tshe dang ldan pa kun dga' bo la bka' stsal pa/ kun dga' bo bud med 'di dag gis ji skad smras pa de bzhin te/ de bzhin gshegs pa dgra bcom pa yang dag par
303b4 rdzogs pa'i sangs rgyas rnams ni gnyis su med pa gsung ba/ chags pa mi mnga' ba/ zhe sdang mi mnga' ba/ gti mug mi mnga' ba/ dri ma mi mnga' ba ste/ des na sangs rgyas bcom ldan 'das rnams thos pa don yod pa yin no/ /gsol
303b5 pa/ bcom ldan 'das sangs rgyas bcom ldan 'das rnams thos zhes bgyi ba 'di ji lta bu lags/ bcom ldan 'das kyis bka' stsal pa/ kun dga' bo mi shes sam/ gsol pa/ bcom ldan 'das ma 'tshal to/ /bcom
303b6 ldan 'das kyis bka' stsal pa/ kun dga' bo de'i phyir nyon cig dang bshad do/ /gsol pa/ bcom ldan 'das kyis bshad du gsol/ bcom ldan 'das kyis bka' stsal pa/ kun dga' bo gang dag gis shAkya thub pa zhes nga'i
303b7 ming thos par 'gyur ba de dag thams cad byang chub las phyir mi ldog par 'gyur ro/ /de ci'i phyir zhe na/ kun dga' bo byang chub ni chags pa med pa/ zhe sdang med pa/ gti mug med pa ste don yod pa yin na/ gang dag de bzhin gshegs
303b8 pa la me tog cig 'bul ba dang / gang dag de bzhin gshegs pa yongs su mya ngan las 'das pa'i ring bsrel gyi mchod rten rnams la me tog cig 'thor ba dag lta smos kyang ci dgos/ gsol pa/ bcom ldan 'das dud
304a1 'gro'i skye gnas su gyur pa'i sems can gang dag gis thos pa de dag kyang byang chub las slar mi ldog par 'gyur ba lags sam/ bka' stsal pa/ kun dga' bo gang la la dag shAkya thub pa zhes bya ba thos pa de nyid
304a2 de dag gi byang chub kyi sa bon du 'gyur ro/ /kun dga' bo gal te de bzhin gshegs pa dgra bcom pa yang dag par rdzogs pa'i sangs rgyas rnams thos pa don yod pa ma yin te/ de ltar gyur na ni de bzhin gshegs pa gnyis
304a3 su med pa gsung bar mi 'gyur ro/ /kun dga' bo khyod 'di la ji snyam du sems/ shing n+ya gro d+ha gang grib ma srogs chags brgya 'am/ nyis brgya 'am/ sum brgya 'am/ bzhi brgya 'am/ lnga brgya 'khod pa'i shing n+ya gro d+ha'i sa bon ji tsam
304a4 zhig yin/ gsol pa/ bcom ldan 'das de'i sa bon chung lags so/ /bcom ldan 'das kyis bka' stsal pa/ kun dga' bo sa bon de tsam du chung ba de las shing n+ya gro d+ha de skyes nas rim gyis 'phel zhing bdo ste gyes par
304a5 'gyur ram/ gsol pa/ bcom ldan 'das de de lta lags so/ /bka' stsal pa/ kun dga' bo shing n+ya gro d+ha de sa bon chung ngu las skyes nas rim gyis 'phel zhing bdo ste rgyas par 'gyur ba de bzhin du/ kun dga' bo shAkya
304a6 thub pa'i sgra thos pa'i sa bon de yang rim gyis bla na med pa yang dag par rdzogs pa'i byang chub sgrub par 'gyur te/ chud za bar mi 'gyur/ bar du chud za bar mi 'gyur rul bar mi 'gyur ro/ /de ci'i phyir zhe na/ kun dga'
304a7 bo chos thams cad kyi sa bon 'di ni gnas pa med pa ste/ de'i phyir rab tu chud za bar mi 'gyur ro/ /kun dga' bo chos thams cad kyi sa bon 'di ni chud mi za ba ste/ de'i phyir chud mi za bar 'gyur ro/ /kun dga' bo chos
304a8 thams cad kyi sa bon 'di ni mngon par zhen pa med pa ste/ des na rul bar mi 'gyur ro/ /de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das
304b1 ci lags/ 'di bcom ldan 'das kyi sngon gyi smon lam lags sam/ 'on te sangs rgyas bcom ldan 'das rnams thos pa don mchis pa 'di chos nyid lags/ bcom ldan 'das kyis bka' stsal pa/ kun dga' bo ngas gang nga'i
304b2 ming thos pa de bla na med pa yang dag par rdzogs pa'i byang chub las phyir mi ldog par gyur cig ces smon lam 'di yang btab par gyur la/ yang 'di ni sangs rgyas bcom ldan 'das rnams kyi chos nyid kyang yin no/ /de ci'i phyir zhe
304b3 na/ kun dga' bo sangs rgyas bcom ldan 'das thams cad ni chos thams cad kyis mtshungs mnyam mo/ /gsol pa/ bcom ldan 'das gang gi tshe sangs rgyas bcom ldan 'das rnams chos nyid kyis mtshungs mnyam pa
304b4 de'i tshe ci'i slad du smon lam mdzad/ bka' stsal pa/ byang chub sems dpa' chos dam pa 'di ma thos pa rnams smon lam 'debs te/ smon lam des myur du chos bstan pa 'di thos pa thob par 'gyur ro/ /gsol pa/
304b5 bcom ldan 'das gang dag rnam pa de lta bu'i chos rnams dang ldan zhing sems can mang po'i don mdzad de/ ci tsam du sangs rgyas bcom ldan 'das rnams chos rgya chen po dang ldan pa 'di ni ngo mtshar to/ /bcom ldan
304b6 'das kyis bka' stsal pa/ kun dga' bo de de bzhin te/ 'di lta ste/ sangs rgyas kyi don du ngas sems can mang po'i don byas so/ /kun dga' bo nga'i sangs rgyas kyi zhing ni snyigs ma lnga dang ldan pa ma yin te/
304b7 kun dga' bo ngas sngon sangs rgyas bcom ldan 'das rnams la bsnyen bkur byas pa dang / rim gro byas pa dang / lus dang / srog la ma bltas pa dang / bdog pa thams cad yongs su btang ba dang / ser sna dang bral
304b8 ba dang / brtson 'grus chen po brtsams nas chos thams cad la mi gnas par sems can thams cad la phan btags pa dang / chos thams cad mi gsung pa'i phyir byang chub yang dag par bsgrubs so/ /de skad ces
305a1 bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das chos bstan pa 'di la bdud sdig can bar chad mi bgyid pa ni ngo mtshar to/ /bka' stsal pa/
305a2 kun dga' bo ma thos so/ /de ci'i phyir zhe na/ 'jam dpal gzhon nur gyur pas sngar byin gyis brlabs pas de'i phyir bar chad mi byed do/ /de nas 'jam dpal gzhon nur gyur pas byin gyis brlabs de bsdus so/ /'jam
305a3 dpal gzhon nur gyur pas bdud sdig can gyi phyir byin gyis brlabs bsdus ma thag tu de nas rmi lam tsam gyi tshod du bdud sdig can gyis phyir mi ldog pa'i 'khor lo'i sgra thos shing shAkya thub pa'i mtshan kyang thos so/ /de
305a4 nas bdud sdig can 'jigs skrag dngangs te spu zing zhes byed par gyur nas bdag gi rnam par rgyal ba thams cad ni rnam par rgyal ba ma yin par 'gyur/ bdag gi yul thams cad ni yul ma yin par 'gyur zhes tshig
305a5 tu smra zhing de mya ngan byed cing smre sngags 'don to/ /de mya ngan byed cing smre sngags 'don pas rgas 'khogs pa'i gzugs su gyur te/ 'di lta ste/ dper na mi lo brgya lon pa rgas 'khogs par gyur pa de bzhin du
305a6 gzugs rgas par gyur to/ /de nas bdud sdig can yan lag bzhi pa'i dpung gi tshogs dang lhan cig stong gsum gyi stong chen po'i 'jig rten gyi khams na bdud kyi ris kyi lha ji snyed yod pa de dag thams
305a7 cad dang lhan cig tu 'di lta ste/ dper na byang chub thob pa'i bcom ldan 'das kyi bkod pa de lta bus bcom ldan 'das ga la ba der song ngo / /de nas bdud sdig can bcom ldan 'das kyi gan du son pa dang /
305a8 rgas 'khogs gtugs par snang ste/ 'di lta ste/ dper na mi lo brgya lon pa lus mdun du rgu ste/ khar ba la brten nas 'gro ba ltar bdud sdig can bcom ldan 'das kyi drung du son pa yang de bzhin no/ /son
305b1 nas de'i dpung yan lag bzhi pa de la bar snang la 'khod pa'i lha rnams kyis phyir mi ldog pa'i 'khor lo'i sgra dang / shAkya thub pa'i mtshan thos pas phyir mi ldog pa nyid thob pa'i sgra rnam pa de lta bu 'di bsgrags te/ thos nas
305b2 kyang yan lag bzhi pa'i dpung gi tshogs de dag thams cad thogs shing the tsam du gyur te/ yang bdud sdig can gyi rjes su mi 'gro'o/ /de nas bdud sdig can gcig pu gnyis su med par bcom ldan 'das kyi thad du song
305b3 ste/ bcom ldan 'das la 'di skad ces gsol te/ bcom ldan 'das bdag ni gcig pu ste/ gnyis su ma mchis la rgas 'khogs gtugs te/ lag pa nas 'degs pa yang ma mchis par gyur cing bdag gi
305b4 rnam par rgyal ba thams cad kyang rnam par rgyal ba ma lags par gyur/ bdag gi yul thams cad kyang yul ma lags par gyur to/ /de bzhin gshegs pa dgra bcom pa yang dag par rdzogs pa'i sangs
305b5 rgyas ni sems can thams cad la thugs brtse ba can lags na/ bcom ldan 'das kyis bdag la thugs brtse ba mdzad du gsol/ bcom ldan 'das nyid ma gtogs par bdag la chab stsol ba 'ga' yang ma mchis
305b6 na/ khyod bdag la thugs rje bar mdzad du gsol/ de skad ces gsol pa dang / bcom ldan 'das kyis bdud sdig can la 'di skad ces bka' stsal to/ /bdud sdig can sems can gyi khams mang ste/ sdig
305b7 can gal te sangs rgyas bcom ldan 'das gang gA'i klung gi bye ma snyed nyin gcig bzhin 'jig rten du byung du zin kyang sdig can sems can gyi khams zad par byed par mi nus so/ /de skad ces bka' stsal pa dang /
305b8 bcom ldan 'das la bdud sdig can gyis 'di skad ces gsol to/ /bcom ldan 'das sems can gyi khams mang du lags kyang / bdag ni gcig pu ste gnyis su ma mchis par gyur la/ bdag gi lag pa
306a1 nas 'degs par bgyid pa 'ga' yang ma mchis te/ bcom ldan 'das bdag shul du rdeg 'cha' la 'khor zhing mchi na/ bcom ldan 'das bdag la dbugs dbyung du gsol/ bcom ldan 'das
306a2 ci nas bdag dga' bar 'gyur ba dang / ji nas myur du yongs su dga' bar 'gyur ba dang / ci nas bdag 'khor mang bar 'gyur ba de ltar bdag la dbugs dbyung du gsol/ de skad ces gsol pa dang / bcom ldan
306a3 'das kyis bdud sdig can la 'di skad ces bka' stsal to/ /sdig can khyod snying las chung ngur song shig dang / sdig can gang chos kyi rnam grangs 'di la yid ches par mi 'gyur ba ji snyed pa de dag thams cad khyod kyi lag
306a4 nas brtan pa dang grogs su 'gyur ro/ /de nas bdud sdig can tshim zhing mgu la yi rangs te rab tu dga' nas dga' ba dang yid bde ba skyes te tshig 'di skad ces smras so/ /bdag gis sems can rnams ci
306a5 nas chos kyi rnam grangs 'di la mi mos pa dang the tsom du 'gyur ba de ltar yongs su byin gyis brlab bo/ /de dag the tsom za bar gyur na bdag gi dbang du 'gro bar 'gyur ro/ /de nas bdud sdig can gyis yang bcom
306a6 ldan 'das la 'di skad ces gsol to/ /bcom ldan 'das yang bdag de bas kyang dga' bar 'gyur bar bdag dbugs dbyung du gsol/ bcom ldan 'das kyis 'di skad du shAkya thub pa zhes nga'i ming thos
306a7 par 'gyur ba ji snyed pa de dag thams cad phyir mi ldog par 'gyur ro zhes bka' stsal pa yang ji skad sgra mi bsgrags shing / bcom ldan 'das cang mi gsung bar bzhugs su gsol/ sems can rnams
306a8 sangs rgyas kyi theg pa yongs su bsgrub par brtson 'grus rtsom par mi 'gyur ba dang / byang chub la gnas par mi 'gyur ba de ltar bdag dbugs dbyung du gsol/ de skad ces gsol pa dang / bcom ldan 'das
306b1 kyis bdud sdig can la 'di skad ces bka' stsal to/ /sdig can khyod snying las chung ngur song shig dang / ci nas sems can gang yang byang chub la dgod par mi bya ba de ltar bya'o/ /gang gis sems can gang
306b2 yang sems can gyi khams las bskyod par mi bya ste/ ci nas sems can gang yang gzugs las bskyod par mi bya ba dang / de bzhin du tshor ba dang / 'du shes dang / 'du byed rnams dang / rnam par shes pa las bskyod par
306b3 mi bya ba de ltar bya'o/ /sdig can khyod snying las chung ngur song shig dang / ci nas sems can gang yang 'jig tshogs la lta ba las mi bskyod pa dang / sems can gang yang gzugs su dmigs pa las mi bskyod
306b4 pa dang / sems can gang yang lta bar gyur pa drug bcu rtsa gnyis las mi bskyod pa dang / sems can gang yang 'das par 'du shes pa las mi bskyod pa dang / ma 'ongs par 'du shes pa dang / da ltar 'du shes pa las
306b5 mi bskyod pa dang / sems can gang yang srog gcod pa las mi bskyod pa dang / ma byin par len pa dang / 'dod pas log par g.yem pa dang / brdzun du smra ba dang / phra ma'i tshig dang / ngag rtsub po dang / tshig kyal pa dang / brnab sems
306b6 dang / gnod sems dang / log par lta ba las mi bskyod pa de ltar bya'o/ /sdig can khyod snying las chung ngur song shig dang / sems can gang yang sbyin pa yang dag par 'dzin du mi gzhug go/ /tshul khrims dang / bzod
306b7 pa dang / brtson 'grus dang / bsam gtan dang / shes rab yang dag par 'dzin du mi gzhug go/ /sdig can khyod snying las chung ngur song shig dang / sems can gang yang sems can du 'dzin pa dang / sems can du
306b8 mngon par zhen pa las bskyod par mi bya'o/ /phar 'du shes pa dang / mar 'du shes pa dang / spun du 'du shes pa dang / sring mor 'du shes pa dang / chung mar 'du shes pa dang / bur 'du shes pa dang / bu mor 'du shes pa dang /
307a1 nyin mor 'du shes pa dang / mtshan mor 'du shes pa dang / zla ba gcig tu 'du shes pa dang / zla ba phyed du 'du shes pa las bskyod par mi bya'o/ /sdig can khyod snying las chung ngur song shig dang / sems can
307a2 gang yang sbyin pa'i 'du shes dang / tshul khrims kyi 'du shes dang / bzod pa'i 'du shes dang / brtson 'grus kyi 'du shes dang / bsam gtan gyi 'du shes dang / shes rab kyi 'du shes dang / byang chub kyi sems kyi 'du shes
307a3 dang / stobs dang mi 'jigs pa'i 'du shes dang / dbang po dang stobs dang / byang chub kyi yan lag gi 'du shes dang / lam gyi 'du shes dang / sangs rgyas kyi 'du shes dang / chos kyi 'du shes dang / dge 'dun gyi
307a4 shes dang / sangs rgyas kyi dge 'dun gyi 'du shes dang / sangs rgyas thams cad mkhyen par 'du shes pa las bskyod par mi bya'o/ /sdig can khyod snying las chung ngur song shig dang / ci nas sems can gang yang chos thams
307a5 cad las bskyod par mi bya ba dang / sems can gang yang chos thams cad yang dag par 'dzin du mi gzhug pa de ltar bya'o/ /de nas bdud sdig can mgu zhing yi rangs te/ dga' ba dang yid bde ba skyes nas mya ngan gyi
307a6 zug rngu dang bral te/ sa phyogs de nyid du gzhon nur gyur nas/ de nas bcom ldan 'das la me tog rnams kyis gtor te/ bcom ldan 'das la lan gsum bskor ba byas nas tshigs su bcad pa 'di smras so/ /
307a7 de bzhin gshegs pa 'jig rten mchog /gzhan du mi gsung rdzogs sangs rgyas/ /gzhan du 'gyur ba'i tshig mi gsung / /de ring bdag ni dga' ba skyes/ /de nas bdud sdig can gyis tshigs su bcad pa 'di
307a8 smras nas snying las chung ngur bcom ldan 'das kyi gan nas song ngo / /de nas bdud sdig can rang gi gnas su son nas lha'i 'dod pa lnga'i yon tan rnams dang ldan zhing dbang thob par gyur te/ brtse dga' yongs su
307b1 spyod cing yang rnam par gtse ba'i sems mi skyed do/ /bdud slar btang ba bstan pa 'di bshad pa na sa chen po rnam pa drug tu g.yos par gyur to/ / bam po lnga pa/ de nas bcom ldan 'das la tshe dang ldan pa kun
307b2 dga' bos 'di skad ces gsol to/ /bcom ldan 'das ci'i slad du sa chen po 'di rnam pa drug tu g.yos par gyur/ bcom ldan 'das kyis bka' stsal pa/ kun dga' bo bdud slar btang ba bstan pa 'di bshad
307b3 pa na srog chags 'bum phrag drug bcu rtsa bzhis mi skye ba'i chos la bzod pa thob pa'i phyir ro/ /gsol pa bcom ldan 'das 'di la kha cig the tsom du gyur lta mchis sam/ bcom ldan 'das kyis bka' stsal
307b4 pa/ kun dga' bo srog chags bye ba phrag bcu ni 'di ci zhig 'di ji lta bu zhig bdag cag gis gzhan du thos par ma gyur tam zhes the tsom dang yid gnyis za bar gyur te/ de dag bdag cag bde bar ga la 'gyur/ bdag
307b5 cag ji lta bu zhig tu gnas/ bdag cag gang nas 'ongs shar phyogs kyang mi shes shing gcig la gcig blta'o/ /de nas bcom ldan 'das la tshe dang ldan pa kun dga' bos 'di skad ces gsol to/ /ci la dgongs te
307b6 gsung ba la som nyi ma mchis par 'gyur bar bcom ldan 'das kyis 'di dag la myur du snang bar mdzad du gsol/ bcom ldan 'das kyis sdig can khyod snying las chung ngur song shig dang / ci nas sems can
307b7 gang yang byang chub la dgod par mi bya ba de ltar bya'o/ /ci nas sems can gang yang sems can gyi khams las bskyod par mi bya ba de ltar bya'o/ /zhes bgyi ba nas snga ma bzhin du rgyas par sbyar te/ sdig can khyod
307b8 snying las chung ngur song shig dang / ci nas sems can gang yang chos thams cad las bskyod par mi bya ba dang / sems can gang yang chos thams cad yang dag par 'dzin du mi gzhug pa de ltar bya'o zhes bka' stsal
308a1 pa/ bcom ldan 'das kyis ci la dgongs te/ de skad gsungs bcom ldan 'das sems can 'di dag la myur du snang ba mdzad du gsol/ /bcom ldan 'das gang dag chos kyi rnam
308a2 grangs 'di 'dzin pa dang / kun chub par bgyid pa dang / 'don pa dang / 'chang ba de dag gi ched du slad ma'i skye bo la snang ba bgyis par 'gyur bar/ bcom ldan 'das kyis ci la dgongs te de skad bka' stsal
308a3 pa bshad du gsol/ de nas bcom ldan 'das kyis de'i tshe tshigasu bcad pa 'di dag bka' stsal to/ /byang chub de ni gnas pa med/ /byang chub gang du 'ang rgyun chad med/ /des na ngas ni byang chub la/ /
308a4 sems can dgod par mi bya smras/ /sems can kun dang byang chub dang / /de bzhin bdag ni gnas pa med/ /'di la dgongs nas sems can ni/ /byang chub gnas pa med ces smras/ /sems can
308a5 khams las rnam kun du/ /sems can bskyod par mi bya ste/ /de la dngos po grub pa ni/ /shin du dmigs par mi 'gyur ro/ /sems can khams 'dir rang bzhin gyis/ /stong ste bsam gyis mi khyab
308a6 bo/ /thams cad mkhyen ldan rnams kyis kyang / /'di las de ni bskyod mi nus/ /sems can de ni phung po nyid/ /phung po mya ngan 'das gnyis med/ /nga yis 'di la dgongs nas ni/ /sems can gang yang mi bskyod
308a7 smras/ /gang la bzung nas rab g.yo ba/ /de la gzung ba grub pa med/ /ngo bo nyid kyis mi g.yo ste/ /phung po rnam par shes par gyis/ /phung po mi g.yo gcig pu dang / /sems can med cing rang bzhin med/ /rtag par shin
308a8 du rten med cing / /gnas pa med par shes par gyis/ /phung po nam mkha' ji bzhin te/ /phung po rnams kyi spyod yul 'di/ /spyod yul med na spyod yul du/ /phung po nam mkha' 'dra zhes bstan/ /nam mkha'i khams su gang brjod pa/ /de ni ma
308b1 skyes skye ma yin/ /bden par phung po de dang mnyam/ /de dag bskyod par mi nus so/ /'jig tshogs shes bya'i chos gang yang / /yang dag tu ni mi dmigs te/ /nam mkha' ma yin mi bskyod ces/ /nga yis tshig tu
308b2 de skad smras/ /sems can sems ni rab gnas par/ /rtag par shin du mi dmigs te/ /dmigs pa dang ni sems rnams kyang / /ngo bo nyid kyis g.yo ba med/ /lta ba drug bcu rtsa gnyis gang / /gang yang chos
308b3 rnams tha dad pa/ /de ltar de dag chu nang gi/ /gzugs brnyan de dang 'dra ba nyid/ /lta ba drug bcu gnyis rtag tu/ /mig yor 'dra bar shes par gyis/ /bdag med phyir dang dngos med phyir/ /ngo bo nyid kyis g.yo ba med/ /
308b4 'das dang ma 'ongs 'du shes dang / /de bzhin da ltar byung ba yi/ /'du shes 'di ni dngos med de/ /dper na smig rgyu'i chu 'dra'o/ /'du shes 'di ni bdag med de/ /'di la sems can yod ma yin/ /gang la sems
308b5 can yod min pa/ /de ni bskyod par mi nus so/ /sems can srog gcod byed gyur pa/ /dgon pa chen por zhugs pa rnams/ /gcig tu mya ngan 'da' bya bar/ /'di las bskyod pa'i nus pa med/ /gal te 'gar ni
308b6 des dmigs na/ /de ltar de dag bskyod par bya/ /sems can med phyir de dag ni/ /bskyod par mi bya zhes brjod do/ /byang chub ma yin brjod pa ste/ /nam yang su la'ang byin pa med/ /de phyir 'dir ni gang brtson pa/ /
308b7 de ni bskyod par mi nus so/ /lus can rnams kyis ma byin pa/ /sbyin pa chos sbyin bsam mi khyab/ /de yi phyir na gang brtson pa/ /de ni bskyod par mi nus so/ /'dod la log par g.yem brjod pa/ /'di la log
308b8 par yod min par/ /de ltar shes nas gang brtson pa/ /de ni bskyod par mi nus so/ /brten nas brdzun gyi tshig smra bar/ /gnas pa'i skye bo rnam grol bar/ /gtso bo brtson 'grus rtsom byed pa/ /de ni bskyod par mi nus so/ /
309a1 phra ma'i tshig rtsub gang yin dang / /kyal par smra ba gang yin pa/ /de dag thams cad sgyu ma 'dra/ /gsog ste rtag tu dngos po med/ /de yi gnas sam gnas pa ni/ /nam yang yod pa ma yin no/ /
309a2 sgra ni brag ca mtshungs rig bya/ /de yang gnas pa yod ma yin/ /de yi chags sems gang byung ba/ /bdag la chags pa'i khyad par can/ /bdag de de yis yongs shes pa/ /des na de ni bskyod mi nus/ /gang gis
309a3 gnod sems rang bzhin gyis/ /mtshan nyid med la byang chub de 'ang / /de yi mtshan nyid yin shes pa/ /de ni bskyod par mi nus so/ /log par lta ba yongs shes pas/ /yang dag lta bas rab phye la/ /grangs kun
309a4 las ni rnam 'das gang / /de ni bskyod par mi nus so/ /shes rab can dag gzhon nu ma/ /sbyin du 'jug par mi byed de/ /gzhon nu sbyin pa rab sdig pa/ /'di ni snang ba ma yin no/ /log par lta bas tshul khrims
309a5 gang / /'phags pa'i lam ni 'dor byed pa/ /'di la 'phags pa'i lam tshol ba/ /'dzud par byed pa ma yin no/ /'di las phyi rol mu stegs kyi/ /bzod pa rnam mang gang yod pa/ /de ni lam rjes 'gro bzod
309a6 dang / /mya ngan 'das sbyor ma yin 'dod/ /gzhan gyur mu stegs gdung ba lnga/ /de la sogs la brtson brjod gang / /de ni byang chub thob byed min/ /de phyir mkhas pa der mi brtson/ /'di la phyi rol mtshan ma can/ /
309a7 de dag ting 'dzin spyod yul kun/ /sangs rgyas rnams kyis smad pa ste/ /de la de ni 'dzud mi byed/ /'dod ldan shes rab gang yin pa/ /de la 'dzud par mi byed de/ /shes pa de ni sangs rgyas kyi/ /ye shes bsam yas
309a8 'grub byed min/ /byang chub sems dpa' 'jigs med pa/ /gang zhig sems can sdud byed pa/ /blo ldan de ni sems can rnams/ /sdud pa de las bskyod mi nus/ /sems can 'du shes zhen pas na/ /
309b1 'dir ni byang chub sems brjod do/ /byang chub de ni zhen pa med/ /de ni bskyod par nus ma yin/ /pha dang ma dang spun rnams dang / /sring mo bu dang rtsa lag rnams/ /thams cad sgyu ma lta bur brjod/ /de dag bskyod
309b2 par mi nus so/ /dngos po sna tshogs de dag rnams/ /kun la 'du shes de dngos med/ /chos gang dngos po yod min pa/ /de ni bskyod par mi nus so/ /nyin mtshan 'du shes gang yin dang / /zla gcig zla
309b3 phyed gang yin pa/ /'du shes de kun chags med de/ /dper na smig rgyu'i chu bzhin no/ /sbyin dang tshul khrims bzod brtson 'grus/ /bsam gtan shes rab byang chub sems/ /stobs dang mi 'jigs rnams la
309b4 yang / /'du shes gyur pa gang yin dang / /dbang po byang chub yan lag dang / /lam rnams la yang gang skyes pa/ /de ni mi shes byung shes nas/ /mkhas pa g.yo bar mi byed do/ /sangs rgyas 'du shes chos 'du
309b5 shes/ /dge 'dun 'du shes gang gyur pa/ /sna tshogs bral la rab gnas pa/ /de las bskyod par mi bya'o/ /sangs rgyas dge 'dun 'du shes med/ /gang dag kun mkhyen 'du shes med/ /de dag sangs rgyas
309b6 byang chub ni/ /bsam yas byang chub rgyang ring byed/ /byang chub ring bar mi 'gyur zhes/ /de phyir sdig can mdun du 'dir/ /de dag 'di las mi bskyod ces/ /ngas ni tshig tu brjod pa byas/ /chos rnams kun dang sems
309b7 can rnams/ /de kun ji bzhin de bzhin du/ /rnam par bkrol nas sdig pa can/ /blo gros ngan pas de ma rtogs/ /bcom ldan 'das kyis bdud slar btang ba bstan pa 'di bshad ma thag tu de nas srog chags
309b8 bye ba phrag bcu po de dag the tsom dang bral zhing som nyi spangs te chos thams cad la snang ba thob par gyur nas mi skye ba'i chos la bzod pa thob par gyur to/ /bzod pa thob ma thag tu thams cad 'dus te tshigs su bcad pa
310a1 'di dag smras so/ /sangs rgyas lam ni bsam yas pa/ /lam gyi dam pa mngon par 'tshal/ /som nyi gcod pa rnam 'dren pa/ /bcom ldan bdag cag ston pa lags/ /bdag cag kun
310a2 du snang ba thob/ /sangs rgyas lam la legs par gnas/ /phyogs rnams thams cad snang gyur cing / /sangs rgyas bye ba rnams kyang mthong / /rtag tu gzugs la mi gnas pa'i/ /chos nyid kyang ni mthong 'gyur ba/ /
310a3 de ltar bdag cag rnams kyi mig /'dren pa 'jig rten mgon gyis sbyangs/ /de nas srog chags bye ba phrag bcu po de dag gis tshigs su bcad pa 'di dag smras nas/ thams cad kyis so so nas gos
310a4 rnams bcom ldan 'das dang / chos kyi rnam grangs 'di la mchod pa'i las kyi phyir gtor nas/ tshig 'di skad du chos kyi rnam grangs 'di sems can thams cad kyi rna lam du grag par gyur
310a5 cig ces smras so/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das gang dag bdud slar btang ba bstan pa'i chos kyi rnam grangs 'di thos ma thag tu
310a6 mos shing yid ches te the tsom mi skyed na/ bcom ldan 'das de dag bsod nams ci tsam zhig skyed par 'gyur/ bcom ldan 'das kyis bka' stsal pa/ kun dga' bo rigs kyi bu 'am rigs kyi
310a7 bu mo gang zhig snga dro'i dus na sangs rgyas brgya dang / gung gi dus na sangs rgyas brgya dang / phyem red kyi dus na sangs rgyas brgya dang / nam gyi cha stod la sangs rgyas brgya dang / nam gyi gung la sangs
310a8 rgyas brgya dang / nam gyi cha smad la sangs rgyas brgya la sti stang du byed/ bla mar byed rim gror byed la mchod par byed cing bde bar sbyar ba thams cad dang / bde ba la reg par gnas par bya ba thams cad kyis bsnyen
310b1 bkur byed la tshul 'dis lo nyi khrir bsnyen bkur byed na/ kun dga' bo 'di la ji snyam du sems/ rigs kyi bu 'am/ rigs kyi bu mo de gzhi de las bsod nams mang du skyed dam/ gsol pa bcom ldan
310b2 'das mang lags so/ /bde bar gshegs pa mang lags te/ bcom ldan 'das dpe bgyi bar sla ba ma lags so/ /bcom ldan 'das kyis bka' stsal pa/ kun dga' bo rigs kyi bu 'am rigs kyi bu
310b3 mo gang zhig bdud slar btang ba bstan pa 'di thos ma thag tu mos shing yid ches te/ the tsom skyed par mi 'gyur ba de bsod nams mang du skyed par 'gyur ro/ /de nas byang chub sems dpa'i theg pa pa'i rigs
310b4 kyi bu gsum me tog man dA ra ba ri bo ri rab mngon par 'phags pa bye ba brgya stong du ma thogs nas nam mkha' bar snang las 'ongs te/ tshe dang ldan pa kun dga' bo dang / thams cad dang ldan pa'i 'khor gyis
310b5 byang chub sems dpa'i theg pa pa'i rigs kyi bu de dag rgyang ring po nas 'ong bar mthong ngo / /mthong nas kyang ngo mtshar gyi 'du shes su gyur to/ /de nas bcom ldan 'das la tshe dang ldan pa kun dga' bos 'di skad ces
310b6 gsol to/ /bcom ldan 'das byang chub sems dpa' 'di dag gang nas mchis/ bcom ldan 'das kyis bka' stsal pa/ kun dga' bo sangs rgyas kyi zhing 'di nas shar phyogs su 'jig rten gyi khams gang gA'i klung
310b7 gi bye ma snyed 'das pa na/ 'jig rten gyi khams ri rab ltar pad ma mngon 'phags shes bya ba yod de/ der 'di dag gi chos kyi rnam grangs 'di thos nas de'i phyir de dag 'jig rten gyi khams de nas lhags so/ /
310b8 de nas byang chub sems dpa'i theg pa pa'i rigs kyi bu gsum po de dag bcom ldan 'das kyi spyan sngar 'khod de/ me tog man dA ra ba de dag bcom ldan 'das la gtor/ rab tu gtor to/ /gtor rab tu gtor nas kyang
311a1 tshig 'di skad du/ bcom ldan 'das bdag cag ni chos kyi rnam grangs 'di la mos shing yid ches te the tsom ma mchis so/ /de ci'i slad du zhe na/ 'di lta ste/ de bzhin gshegs pa dgra bcom pa yang dag par rdzogs
311a2 pa'i sangs rgyas ltar bdag cag la yang som nyi ci yang ma mchis so/ /zhes smras so/ /de nas de dag gi nang nas byang chub sems dpa'i thag pa pa'i rigs kyi bu gcig gis bcom ldan 'das la 'di skad
311a3 ces gsol to/ /bcom ldan 'das gang dag de bzhin gshegs pa zhes yang dag pa'i smra bas smra na/ de bzhin gshegs pa de ni bdag lags te/ bdag ni chos kyi rnam grangs 'di la som nyi ma mchis
311a4 the tsom mi 'tshal lo/ /byang chub sems dpa'i theg pa pa'i rigs kyi bu gnyis pas bcom ldan 'das la 'di skad ces gsol to/ /bcom ldan 'das gang dag bcom ldan 'das shes yang dag pa'i smra bas
311a5 smra na/ bcom ldan 'das de ni bdag lags te/ bdag ni chos kyi rnam grangs 'di la som nyi ma mchis the tsom mi 'tshal lo/ /byang chub sems dpa'i theg pa pa'i rigs kyi bu gsum pas bcom ldan
311a6 'das la 'di skad ces gsol to/ /bcom ldan 'das gang dag sangs rgyas shes yang dag pa'i smra bas smra na/ bcom ldan 'das sangs rgyas de ni bdag lags te/ bdag ni chos kyi rnam grangs 'di
311a7 la som nyi ma mchis/ the tsom mi 'tshal lo/ /de nas 'khor de'i nang nas srog chags brgya stong mang po dag 'di snyam du sems te/ ji ltar yang sangs rgyas gnyis 'jig rten du cig car 'byung mi srid na
311a8 ci'i phyir 'di dag 'di skad smra snyam ste/ de dag yeng yeng por gyur nas rang rang gi stan la mi dga' bar gyur to/ /de nas sangs rgyas kyi mthus tshe dang ldan pa kun dga' bos/ bcom ldan 'das la 'di skad ces
311b1 gsol to/ /bcom ldan 'das ci lags 'di dag 'di ltar seng ge'i sgra sgrogs pa ltar ming de dag lags sam/ bcom ldan 'das kyis bka' stsal pa/ kun dga' bo 'di la gcig gi ming ni de bzhin gshegs
311b2 pa'i sgra brjod pas yang dag par zhugs pa zhes bya'o/ /gnyis pa'i ming ni bcom ldan 'das kyi sgra brjod pas yang dag par zhugs pa zhes bya'o/ /gsum pa'i ming ni sangs rgyas kyi sgra brjod pas yang dag par zhugs
311b3 pa zhes bya'o/ /kun dga' bo de ni de bzhin no/ /gang gi phyir 'di dag 'di skad du smra ba'i rnam grangs 'di yod de/ yang 'di dag gi ming ni de dag yin no/ /gsol pa bcom ldan 'das gang dag yeng yeng por gyur pa
311b4 de dag 'di dag gis 'di la bsams te/ 'di dag gis 'di skad smras so zhes 'tshal bar 'gyur ba dang / de dag gi dge ba'i rtsa ba rnams de bas kyang ches 'od gsal bar 'gyur ba 'di lta ste/ dper na bcom
311b5 ldan 'das khye'u gzhon nu thor bu sha mdog yongs su dag pa des tsan dan dmar po'i chus kyang bkrus na de'i lus de bas kyang dri dang ldan zhing sha mdog yongs su dag la 'od gsal bar 'gyur ba de bzhin du/ bcom ldan 'das byang chub sems dpa' gang dag ldem po ngag la mkhas pa de dag gi/
311b6 dge ba'i rtsa ba de bas kyang ches 'od gsal bar 'gyur bar bcom ldan 'das kyis 'di dag gis ldem po ngag tu smras pa/
311b7 srog chags brgya stong mang po yeng yeng por gyur pa rnams la bshad du gsol/ de nas bcom ldan 'das kyis de'i tshe tshigs su bcad pa 'di dag bka' stsal to/ /'das dang da ltar byung ba dang / /ma 'ongs de bzhin
311b8 nyid lta bur/ /chos kun de ltar mthong de'i phyir/ /de ni de bzhin gshegs shes brjod/ /da ltar byung dang 'das pa dang / /ma 'ongs chos rnams gang yin pa/ /de dag gnyis min gnyis dbyer med/ /rtag par shin du mtshan
312a1 nyid med/ /ji ltar sngon gyi sangs rgyas kyis/ /sbyin pa bsam yas byin pa ltar/ /'di dag de ltar sbyin sbyin te/ /de la bsams nas 'di smra'o/ /byang chub chags med zhugs pa ste/ /ji ltar 'das pa'i de
312a2 bzhin gshegs/ /de ltar byang chub zhugs pa ste/ /des na de bzhin gshegs shes brjod/ /chos rnams kun la zhugs nas ni/ /byang chub zhi ba tshol bar byed/ /byang chub de yang mi dmigs te/ /de phyir de bzhin
312a3 gshegs shes brjod/ /ji ltar 'das pa'i tshul bzhin brjod/ /ma 'ongs pa yang de bzhin te/ /da ltar byung ba 'ang de bzhin thob/ /des na de bzhin gshegs shes brjod/ /ji ltar srog chags snying rje'i bdag /brtan pa rnam
312a4 kyi sngon bzod ltar/ /de ltar brtan par de bzod de/ /bzod pa'i pha rol mtha' mar gnas/ /sngon chad byang chub tshol ba na/ /nga yis brtson brtsams ji bzhin du/ /de ltar de ni brtson 'grus gyur/ /des na de bzhin
312a5 gshegs shes brjod/ /chos kun gang mnyam ngas reg pa/ /mnyam pa de la 'dis reg ste/ /'di la rlom sems gang yang med/ /des na de bzhin gshegs shes brjod/ /chos kun rlom sems med pa ste/ /
312a6 ngo bo nyid kyis rtag tu mnyam/ /rnam par rtog med ci yang med/ /'dis ni mnyam nyid de shes so/ /sngon gyi de bzhin gshegs pa ltar/ /'dis kyang de bzhin ting nge 'dzin/ /rnam par mi rtog zhi ba rtogs/ /
312a7 des na de bzhin gshegs shes brjod/ /chos rnams kun gyi rang bzhin gang / /de yis yongs su brjod byas pa/ /rtag par shin du dngos med pa/ /rang bzhin de ni de yis shes/ /shes rab kyis ni mtshan nyid thob/ /
312a8 chos kyi stong nyid rab shes pas/ /chos rnams thams cad rab shes so/ /shes rab kyi ni pha rol son/ /sngon gyi mkhas pa bsam yas kyis/ /ji ltar shes rab pha rol son/ /de dag de mthar son pa 'ang med/ /
312b1 ma phyin mya ngan 'das ma yin/ /de bzhin nyid mthar son rnams kyis/ /ji ltar 'di mthar ma phyin pa/ /de ltar 'dis kyang ma rnyed de/ /des na de bzhin gshegs shes brjod/ /ji ltar gzhan gyis de bsams pa/ /
312b2 de ltar byang chub mi dmigs te/ /chos rnams thams cad mi dmigs pas/ /de ni de bzhin gshegs shes brjod/ /ji ltar byang chub mi chags pa/ /de ltar de yis chags med thob/ /chos rnams kun la mi
312b3 chags pas/ /tshegs pa med pa'i byang chub rtogs/ /byis pa kun gyis ma spyad cing / /ngo bo nyid kyang ma shes lam/ /'jig rten mgon po skyob rnams kyis/ /sngon chad ji ltar bsgoms pa bzhin/ /zag
312b4 pa med pa lam gyi mchog /de ni de ltar sgom par byed/ /thog ma med pa'i lam de ni/ /stong par de yis rnam par shes/ /'phags pa'i lam gyi chos nyid gang / /mnyam par gyur pa thog ma med/ /de ni de dang
312b5 mnyam par byed/ /des na de bzhin gshegs shes brjod/ /lam ci 'dra bar byang chub ste/ /byang chub ci 'dra de bzhin du/ /lus gnas par ni rab shes te/ /des de de bzhin gshegs shes brjod/ /de bzhin
312b6 gshegs pa nyid kyi sgra/ /mdor na chos shes brjod pa ste/ /gang dag 'di la som nyi med/ /mkhas pa de dag byang chub zhugs/ /kun dga' 'di la bsams nas ni/ /'di yis tshig tu rab tu brjod/ /
312b7 ji skad smras pa de de bzhin/ /'di ni mkhas pa'i spyod yul yin/ /mkhas shes brjod pa'i mi ldog pa'i/ /byang chub sems dpa' 'jigs med de/ /gang dag yongs su brjod pa de/ /thams cad de yi spyod
312b8 yul yin/ /gang gis 'jigs med blo ldan de/ /de bzhin gshegs shes brjod pa yi/ /rnam grangs 'di ni kun dga' bo/ /byang chub sems dpa' rnams la bshad/ /gsol pa/ gang gis blo ldan bcom
313a1 ldan 'das/ /'jigs pa med ces khyod gsungs pa/ /rnam grangs de ni ci 'dra lags/ /chos de rnams kyang ci 'dra zhig /bcom ldan 'das kyis bka' stsal pa/ sangs rgyas byang chub
313a2 bsam yas pa/ /gang gis byang chub bsgrubs pa ni/ /bskal pa bye ba brgya rnams dang / /bskal pa bye ba mang pos te/ /de ltar sems can ched kyi phyir/ byang chub sgrub cing legs par gnas/ /de la de ni
313a3 'jigs pa med/ /de phyir bcom ldan 'das shes bya/ /'khor ba la ni de mi 'jigs/ /'khor ba na yang shin du gnas/ /de las sems can sad par byed/ /de phyir bcom ldan 'das shes bya/ /
313a4 de der mi 'jigs ji lta bu/ /'khor bar rab gnas ji 'dra zhig /'jig rten mgon po bla na med/ /sems can 'grel pa ji lta bu/ /de chos 'phel bar mi byed cing / /cung zad tsam yang 'jig mi byed/ /
313a5 'phel ba med cing 'jig med phyir/ /sdug bsngal las ni sems can 'grel/ /de ltar 'khor bar mi 'jigs shing / /de ltar srid par shin du gnas/ /de ltar sems can thar bar byed/ /des na bcom
313a6 ldan 'das shes bya/ /sangs rgyas chos rnams gang yin pa/ /ma lus pa la de mi 'jigs/ /chos rnams mtha' yas mu med pa/ /sems can rnams la de sgrogs so/ /sangs rgyas chos rnams
313a7 ma lus par/ /ngo bo nyid kyis chos stong par/ /shes nas chos rnams de dag ni/ /sgrub cing de la mthong ba med/ /chos rnams ngo bo nyid stong par/ /de ltar bsti stang byas te sgom/ /rnam pa kun du stong shes
313a8 nas/ /'jigs pa med par sgrub par byed/ /chos rnams thams cad brdzun par ni/ /rab tu shes nas zhum pa med/ /'jigs med gyur nas chos rnams kyi/ /yang dag mtshan nyid rab tu ston/ /
313b1 'jigs pa kun las shin du 'das/ /ngan song thams cad rnam par spangs/ /'jigs skrag med par ngan song las/ /lus can rnams ni kun du 'don/ /'khor ba 'jigs chen bcas pa las/ /sems
313b2 can dpag tu med pa sgrol/ /de las sems can mi bskyod la/ /de las sgrol bar byed pa 'ang yin/ /bsgral nas mya ngan 'das pa'i thang / /zhi ba mchog la rab dgod kyang / /sems can de dag mi dmigs te/ /
313b3 de phyir bcom ldan 'das shes bya/ /nam mkha' 'dra ba'i chos kyi rnams/ /lus can rnams la rab ston kyang / /de ni de la 'jigs pa med/ /des na bcom ldan 'das shes bya/ /rnam pa mang po'i chos
313b4 rnams kun/ /bye brag med par rab brjod de/ /de dag byang chub mnyam pas mnyam/ /byang chub de yang mi dmigs so/ /skye bo byang chub sgrub pa'i phyir/ /gzhan dag 'di la 'dzud par byed/ /de ltar chos
313b5 rnams ston byed kyang / /gang la 'ang 'jigs pa yod ma yin/ /bstan pa rnam pa sna tshogs kyis/ /lus can 'di ni rnam par 'grel/ /'jigs dang bral zhing kun 'dzin med/ /des na bcom ldan 'das
313b6 shes bya/ /'du shes 'gog pa yang dag thob/ /byang chub sems dpa' nyon mongs med/ /des na ming 'di thob gyur te/ /bcom ldan 'das shes rnam par grags/ /ma smad gang zhig tshol byed par/ /
313b7 chos rnams 'gog dang mnyam par ni/ /snga nas rab tu shes pas na/ /de yang bcom ldan 'das zhes brjod/ /blo ldan ming ni lhur mi len/ /de ni ming la chags pa med/ /ming la chags las rab
313b8 dgrol phyir/ /lus can rnams la chos ston to/ /gang la mkhas rnams zhugs pa yi/ /byang chub de ni ming dang bral/ /ming lhur len pa'i sems can gang / /de ni byang chub shin du ring / /sgra rnams brag cha lta bur ni/ /
314a1 rnam pa kun du rnam par 'jig /sgra rnams med par shes nas ni/ /mnyam mo zhes kyang chags pa med/ /sgra rnams kun la chags med cing / /brjod pa rnams la gnas pa med/ /
314a2 byang chub phyir ni spros med pas/ /bcom ldan 'das shes brjod pa yin/ /bcom ldan 'das kyi sgra brjod pa'i/ /'di 'dra'i chos rnams de dag ni/ /byang chub sems dpas ma rnyed de/ /des na bcom ldan 'das
314a3 shes bya/ /brtan pa byang chub rab zhugs pa/ /chags bral zag pa med pa de/ /rnam grangs 'di ni rab shes shing / /'di la gang du'ang chags pa med/ /bcom ldan 'das kyi sgrar brjod pa/ /rnam grangs 'di
314a4 dang gzhan gyi rnams/ /de dag shes nas nga sangs rgyas/ /bcom ldan 'das shes smra bar byed/ /kun dga' 'di la bsams nas ni/ /bcom ldan yang dag gang smra bar/ /bdag la smra bas smra byed ces/ /
314a5 des ni de skad brjod pa yin/ /gsol pa/ bcom ldan byang chub sems dpa' la/ /bstan pa gang dag rab 'tshal nas/ /brtan 'di bdag ni sangs rgyas shes/ /smra ba'i rnam grangs de gang lags/ /
314a6 bka' stsal pa/ gang gis chos rnams ma lus par/ /shin du med par rtogs gyur cing / /chos rnams gtsang bar rtogs pa'i phyir/ /sangs rgyas shes ni brjod pa yin/ /gang zhig nyon mongs brdzun
314a7 shes nas/ /de dag dbang du mi 'gro zhing / /nyon mongs kun la mi chags pa/ /de ni sangs rgyas shes brjod do/ /lus ni stong par shes gyur na/ /'di ni nga'i min su'i 'ang min/ /yang dag tu na lus 'di la/ /
314a8 snying po dmigs pa yod ma yin/ /byis pa lus la mi mkhas pa/ /snying po med la snying por shes/ /de ni yang dag ji bzhin rtogs/ /des na sangs rgyas zhes brjod do/ /gang zhig nga snyam 'du shes su/ /
314b1 gyur pa shin du mtshan nyid med/ /mtshan nyid med par de shes nas/ /de yi dbang du mi 'gro'o/ /gzugs ni sngon mthar ma skyes shing / /yang dag byung ba med par shes/ /'di ni byis pas brtags pa ste/ /
314b2 'di la grub pa yod ma yin/ /tshor ba rtsa ba med par rtogs/ /'di la rtsa ba mi dmigs te/ /chos rnams kun la mi gnas pas/ /des na 'di la tshor ba med/ /'du shes smig rgyu 'dra ba dang / /rdzas med
314b3 dngos po med rtogs nas/ /de phyir de ni chos kun la/ /rnam pa kun du mi 'jug go/ /lus kun snying po med pa ste/ /'du byed rnams kyis gzung ba med/ /'du byed rnams kyis lus stong par/ /rtogs nas
314b4 lus la mi chags so/ /'du byed rnams dang lus kyang ni/ /chu shing phung po'i snying po 'dra/ /de yis yang dag ji bzhin rtogs/ /des de sangs rgyas zhes brjod do/ /yang dag tu na rnam shes ni/ /lus kyi
314b5 nang na mi gnas te/ /lus 'di yi ni phyi rol na'ang / /rnam par shes pa mi srid do/ /chos rnams kun la rnam kun du/ /rnam par shes pa mi srid de/ /'di yi gnas dang gnas med dang / /'pho ba yang ni mi
314b6 dmigs so/ /rtag par shin du dngos med par/ /de ltar rnam shes khong du chud/ /dper na sprul pa sgyu ma ltar/ /sus kyang nam yang mi shes so/ /sems can kun gyis ji ltar yang / /rnam shes
314b7 de ltar mthong ba med/ /yang dag tu na sus kyang ni/ /thams cad shes par gyur pa med/ /chos rnams thams cad dngos med de/ /yang dag tu na shes pa med/ /'di la chos sam sems can du/ /brtags pa
314b8 gang na'ang yod ma yin/ /chos rnams thams cad dngos med de/ /'gyur ba med cing spros med la/ /sprul pa 'dra bar de yis rtogs/ /des na sangs rgyas zhes brjod do/ /chos 'di thams cad rtogs gyur nas/ /
315a1 ji ltar sangs rgyas de ltar gnas/ /chos rnams kun la gnas pa med/ /des na sangs rgyas zhes brjod do/ /ji ltar chos rnams gnas pa bzhin/ /de bzhin nyid ltar khong du chud/ /
315a2 sangs rgyas dang ni byang chub 'dra/ /dmigs su med cing 'dus ma byas/ /gang gis byang chub phyir zhugs pa'i/ /sems bskyed pa ni gang yin pa/ /phra rab chos kyi mi dmigs pas/ /sems de dmigs
315a3 par mi 'gyur ro/ /gang phyir byang chub ched kyi phyir/ /sems de bskyed par gyur pa des/ /byang chub de dang sems mnyam zhing / /sgyu ma byas pa 'dra bar rtogs/ /kun dga' 'di la bsams nas ni/ /sangs rgyas
315a4 zhes ni gang brjod pa/ /sangs rgyas 'dren pa de bdag ces/ /'di ni tshig tu rab tu smra/ /sangs rgyas sgrar ni bstan pa yi/ /chos rnams 'di dag 'di 'dra bar/ /gang dag chos 'dir gnas pa ni/ /de dag byang chub mchog phyir zhugs/ /
315a5 gang dag chos rnams de ltar shes/ /de dag byang chub mchog la nyid/ /de dag chos rnams thams cad la/ /yid gnyis ci yang yod ma yin/ /de ltar bsam te smras pa yi/ /chos 'di gang dag shes 'gyur ba/ /de dag the tsom spangs
315a6 pa'i phyir/ /'jig rten gyi ni mchog tu 'gyur/ /bcom ldan 'das kyis de bzhin gshegs pa dang bcom ldan 'das dang / sangs rgyas shes bya ba gsum po 'di dag bstan pa'i lan btab ma thag tu de nas srog chags brgya stong mang po de
315a7 dag gis bcom ldan 'das la 'di skad ces gsol to/ /bcom ldan 'das kyis gang la dgongs nas byang chub sems dpa' la de bzhin gshegs pa zhes gsungs pa dang / bcom ldan 'das zhes gsungs pa dang /
315a8 sangs rgyas shes gsungs pa la/ bcom ldan 'das bdag cag som nyi ma mchis shing the tsom mi 'tshal bar gyur to/ /bcom ldan 'das bdag cag gis chos de dag kun du 'tshal to/ /chos thams cad mi
315b1 mi dmigs pa'i tshul gyis bdag cag gis 'dir dran pa thob lags so/ /pha ma'i bgyi ba 'di de bzhin gshegs pa dgra bcom pa yang dag par rdzogs pa'i sangs rgyas kyis bdag cag la mdzad do/ /bcom ldan
315b2 'das kyis bdag cag la phyag brkyang ba stsal to/ /bdag cag slar zhing g.yo ba'i sems mi skyed de/ /bdag cag gis g.yo ba ma mchis pa'i chos rjes su thob pa/ bcom ldan 'das 'di lta ste dper na
315b3 nam mkha' g.yo ba ma mchis pa la sus kyang g.yo bar bgyid par mi nus pa de bzhin du/ bcom ldan 'das bdag cag kyang chos thams cad la g.yo ba ma mchis so/ /de ci'i slad du zhe na/ bdag cag gis chos
315b4 thams cad ni g.yo ba ma mchis te nam mkha' dang mtshungs shing 'dra la ma skyes par rtogs so/ /de nas srog chags brgya stong mang po de dag gis bcom ldan 'das kyi zhabs la mgo bos phyag 'tshal te/
315b5 bcom ldan 'das la lan gsum bskor ba byas nas/ bcom ldan 'das dang mi ring bar 'khod do/ /de nas byang chub sems dpa' sems dpa' chen po dgod pa dang bcas par dbang po dang bas de'i tshe tshigs su
315b6 bcad pa 'di dag gsol to/ /'bras bur 'du shes mang po dag /'bras bur 'du shes pa las bkrol/ /'bras bur brnyes pa phun tshogs pa/ /'jig mgon khyod la phyag 'tshal lo/ /'bras bu rnams
315b7 kyang brjod mdzad la/ /mnyam pa nyid kyang rab tu gsung / /sangs rgyas 'bras bu phun tshogs pa/ /phyag 'tshal 'jig rten mkhas khyod la/ /'bras bu 'dod pa'i sems can med/ /'bras bu sna tshogs
315b8 spyod yul ba/ /rnam par 'grel pa'i rdzogs sangs rgyas/ /phyag 'tshal 'jig rten kha sgyur khyod/ /mnyam pa nyid la rab zhugs shing / /chos rnams thams cad ston pa'ang mdzad/ /sems can thams cad
316a1 mnyam mkhyen pa/ /mnyam pas khyod la phyag 'tshal lo/ /sems can 'bras bur dmigs pa can/ /dmigs pa las ni rab tu bkrol/ /dmigs pa thams cad 'grel pa po/ /
316a2 phyag 'tshal 'jig rten grags khyod la/ /'bras bu nyer zhi phun sum tshogs/ /'bras bu sna tshogs yongs su spangs/ /dge ba ma lus rnams ldan pa/ /'jig mkhyen khyod la phyag 'tshal lo/ /
316a3 de nas byang chub sems dpa' sems dpa' chen po dgod pa dang bcas par dbang po dang bas tshigs su bcad pa 'di dag gis/ bcom ldan 'das la mngon par bstod nas bcom ldan 'das kyi
316a4 zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi thad nas song ste mi ring ba zhig tu 'dug nas/ bcom ldan 'das la mig mi
316a5 'dzum par blta zhing dga' ba dang / mchog tu dga' bas 'dug go/ /de nas byang chub sems dpa' sems dpa' chen po pad ma'i dpal gyi snying po zhes bya ba stan las langs te/ bcom ldan 'das la
316a6 pad ma dag gis gtor nas bcom ldan 'das la tshigs su bcad pa 'di dag gis mngon par bstod do/ /sems can dngos po'i 'du shes gnas/ /mang po khyod kyis rnam par bkrol/ /
316a7 bsnyengs bral len pa mi mnga' ba/ /thub mchog khyod la phyag 'tshal lo/ /srid pa nyer zhi srid bral ba'i/ /chos ni rab tu ston par mdzad/ /dpa' bo srid pa bral ba po/ /thub mchog khyod la phyag 'tshal lo/ /khyod kyis dngos po stong par mkhyen/ /rtag tu ngo bo nyid ma mchis/ /
316a8 srid pa spangs pa rdzogs sangs rgyas/ /thub chog khyod phyag 'tshal lo/ /'jigs dang skrag las rnam grol ba/ /thub mchog khyod la phyag 'tshal lo/ /bsnyengs pa mi mnga' bag mi tsha/ /gsung gi dam pa
316b1 sgrogs pa mdzad/ /sgra kun las ni rnam 'das pa/ /thub mchog khyod la phyag 'tshal lo/ /mya ngan mi mnga' mi bsnyen bsnyes/ /mya ngan zug rngu rab tu 'grol/ /bdud spangs skyon rnams mi mnga' ba/ /thub mchog khyod
316b2 la phyag 'tshal lo/ /de nas byang chub sems dpa' sems dpa' chen po pad ma'i dpal gyi snying pos bcom ldan 'das la tshigs su bcad pa 'di dag gis mngon par bstod nas 'di skad ces gsol to/ /
316b3 phyi dus phyi ma'i dus kyi tshe/ /gang dag 'di 'dra'i mdo 'di la/ /mkhas pa skrag par mi 'gyur ba/ /sems can de dag phyag bgyi'o/ /de nas byang chub sems dpa' sems dpa' chen po rdul med blo gros shes bya
316b4 bas bcom ldan 'das la 'di skad ces gsol to/ /sangs rgyas rnams kyi rgya chen chos/ /mdo sde 'di ni nges par bstan/ /gang dag 'di la som nyi sems/ /ma mchis de dag nyung bar 'gyur/ /'jig tshogs la ni
316b5 mngon zhen pas/ /lus min lus su 'du shes pas/ /byis pa 'du shes yongs ldan rnams/ /'chad pa na ni mi snyan brjod/ /sems can gang dag bdud kyis ni/ /mos bzlog bdud kyi byin brlabs dang / /
316b6 gang dag 'di 'dra'i mdo 'di la/ /ma mos pa dag mi mkhas lags/ /de nas byang chub sems dpa' sems dpa' chen po ud pa la'i mig gis bcom ldan 'das la 'di skad ces gsol to/ /de bas gang dag 'di 'dra
316b7 ba'i/ /mdo 'dir som nyi mi 'tshal ba/ /de dag 'jig rten mig dang mtshungs/ /mig stsol pa yang bgyid pa lags/ /de nas byang chub sems dpa' sems dpa' chen po mchod rten la mos pas bcom ldan 'das la
316b8 'di skad ces gsol to/ /des pa gang dag 'di 'dra yi/ /mdo sde la ni mos 'gyur ba/ /de dag 'jig rten mchod rten 'dra/ /mi yi mchog tu 'gyur ba lags/ /de nas byang chub sems dpa' sems dpa' chen po rtag tu
317a1 'dod kyis bcom ldan 'das la 'di skad ces gsol to/ /gang dag 'di 'dzin de dag ni/ /lus 'di la ni phyi phyir zhing / /'dod pa mi skyes chos kun la/ /chags pa ma mchis som nyi bral/ /de nas byang
317a2 chub sems dpa' sems dpa' chen po gos la mos pas bcom ldan 'das la 'di skad ces gsol to/ /gang dag tshul 'dir som nyi bral/ /sems can de dag spos rnams dang / /gos mang bye ba rnams dang ni/ /me tog rnams kyis
317a3 rab tu dkris/ /de nas byang chub sems dpa' sems dpa' chen po kha zas gtong gis bcom ldan 'das la 'di skad ces gsol to/ /gang dag tshul 'dir som nyi bral/ /de dag rnams la lha yi zas/ /ro brgya ldan pa ji snyed mchog /de dag ma lu
317a4 stsal bar bgyi/ /de nas byang chub sems dpa' sems dpa' chen po sems can mthong na snying rje la yang dag par zhugs pas/ bcom ldan 'das la 'di skad ces gsol to/ /mdo sde bla na med 'di la/ /blo ngan gang dag som nyi 'tshal/ /sems
317a5 can de dag snying rje'i gnas/ /phyi phyir 'di ni bdud kyi 'os/ /gang dag 'di 'dra'i mdo sde la/ /yud tsam zhig ni som nyi 'tshal/ /de dag sems can dmyal gnas mchis/ /sems can dmyal na'ang rab tu gnas/ /gang dag tshul 'di mi rtogs
317a6 pa/ /de dag sdig pa'i bshes gnyen grogs/ /zab mo 'di la mkhas ma lags/ /gti mug dra bas rab tu khebs/ /blo gros ngan pas skyon lta'am/ /'thob dang bkur sti chags pa yis/ /gang dag 'di ni spong bgyid pa/ /de dag ngang tshul ngan
317a7 pas 'gyur/ /gang dag byang chub ma mos shing / /le lo can la brtson 'grus spangs/ /dman la mos shing shes rab 'chal/ /de dag 'di la mos mi 'gyur/ /gang dag 'khor bar rtag tu dga'/ /rtag tu lta ba'i dbang 'gro zhing / /
317a8 'jig rten gsum la mngon zhen pa/ /de dag 'di la mos mi 'gyur/ /mu cor smra zhing blo ngan rmongs/ /'dod la brkam zhing mi mkhas la/ /rtag tu 'du 'dzi dga' ba rnams/ /rab tu spong bar bgyid pa lags/ /chos gos lhung bzed
317b1 rnams la chags/ /rtag tu zas la brkam gyur cing / /dkar po'i chos kyi shas chung ba/ /rab tu spang bar bgyid pa lags/ /sems can 'bras bur 'dod pa dang / /'bras bu rnams la mngon zhen pa/ /de dag rnams kyang 'jig rten mgon/ /
317b2 skyob pa'i dgongs pa 'dir rtogs dka'/ /de nas byang chub sems dpa' sems dpa' chen po sdig pa'i bshes gnyen yongs su spangs pas bcom ldan 'das la 'di skad ces gsol to/ /'bras bu'i 'du shes rnam 'grel ba'i/ /mdo
317b3 'di gang zhig spong bgyid pa/ /sems can de dag gshang ci dang / /shin du rul ba bzhin du spangs/ /gang dag chos 'di spong bgyid pa/ /de dag 'di ltar rnam spangs te/ /dri nga ba yi ro bzhin du/ /kun nas yongs su spang bar bgyi/ /dper na chom
317b4 rkun grong 'joms dang / /dgon pa dag la gnas 'chas pa/ /thos nas blo gros ngan pa de/ /mthong du 'ong zhes 'bros par bgyid/ /de ltar gang dag mdo sde 'di/ /spong bar bgyid pa gti mug rmongs/ /shin du sdig can blo ngan pa/ /thos
317b5 nas de mthong 'gyur zhes 'bros/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das rigs kyi bu 'di dag ji tsam du blo shin du rnam par des pa 'di ni ngo mtshar to/ /bcom ldan
317b6 'das ci lags/ 'di dag ting nge 'dzin gyi stobs bskyed pas tshig 'di skad mchi 'am/ 'on te sangs rgyas kyi mthus 'di skad mchi/ bcom ldan 'das kyis bka' stsal pa/ kun dga' bo 'di dag ni sangs rgyas
317b7 kyi mthus de skad du smra ste/ rigs kyi bu 'di dag ni chos kyi rnam grangs 'di la ting nge 'dzin gyi stobs bskyed pa thob pa yang yin/ chags pa med pa thob pa yang yin no/ /de ci'i phyir zhe na/ kun dga' bo rigs kyi bu
317b8 'di dag gis ji ltar da ltar nga las thos pa bzhin du sangs rgyas bye ba phrag drug bcu las chos kyi rnam grangs 'di 'di tsam du lhag chad med par thos te/ 'di dag gis de rjes su dran nas ting nge 'dzin gyi
318a1 stobs bskyed pa dang / sangs rgyas kyi mthus 'di skad ces smra'o/ /de ci'i phyir zhe na/ kun dga' bo 'di dag gis ji skad smras pa de de bzhin te/ 'di dag la de mngon sum mo/ /de skad ces bka' stsal pa dang / tshe dang
318a2 ldan pa kun dga' bos bcom ldan 'das la 'di skad ces gsol to/ /bcom ldan 'das gang chos kyi rnam grangs 'di thos ma thag tu mos shing the tsom 'tshal bar mi 'gyur na/ bcom ldan 'das rigs kyi bu 'am/ rigs
318a3 kyi bu mo de bsod nams ji tsam zhig skyed par 'gyur/ bcom ldan 'das kyis bka' stsal pa/ kun dga' bo rigs kyi bu 'am rigs kyi bu mo bla na med pa yang dag par rdzogs pa'i byang chub tu yang dag par zhugs pa
318a4 gang gis 'dzam bu'i gling 'di rin po ches yongs su bkang ste/ de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba bas/ gang gis chos kyi rnam grangs 'di thos
318a5 ma thag tu mos shing dad de yid ches la the tsom mi za ba de de bas bsod nams ches mang du skyod par 'gyur ro/ /kun dga' bo 'dzam bu'i gling rin po ches bkang ba lta zhog ste/ /kun dga' bo gang gis 'jig rten gyi
318a6 khams gang gA'i klung gi bye ma snyed rin po ches bkang ste/ de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba bas/ gang gis chos kyi rnam grangs 'di thos la/
318a7 thos nas kyang thos ma thag tu mos shing dad de yid ches la the tsom mi za ba de de bas bsod nams ches mang du skyed par 'gyur ro/ /de nas bcom ldan 'das kyis de'i tshe tshigs su bcad pa 'di dag bka'
318a8 stsal to/ /gang gis 'dzam bu'i gling 'di ni/ /rin chen bkang ste de bzhin gshegs/ /skyob pa sangs rgyas 'jig rten mgon/ /rnams la dbul ba byas pa bas/ /mkhas pa gang gis mdo sde 'di/ /thos nas
318b1 lhag par mos byed pa/ /mos dang ldan de bsod nams ni/ /de bas mang du skyed par 'gyur/ /gang gis gang gA'i bye snyed kyi/ /zhing dag rin chen rnams bkang ste/ /sangs rgyas rnams la phul ba bas/ /'di ni de bas khyad
318b2 par 'phags/ / bam po drug pa ste tha ma/ de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das rigs kyi bu 'am rigs kyi bu mo gang zhig chos
318b3 kyi rnam grangs 'di la mos nas rtogs te 'dzin tam/ 'chang ngam/ klog gam/ kun chub par bgyid dam/ 'don na/ bcom ldan 'das rigs kyi bu 'am rigs kyi bu mo de bsod nams ji tsam zhig skyed par 'gyur/
318b4 bcom ldan 'das kyis bka' stsal pa/ kun dga' bo rigs kyi bu 'am/ rigs kyi bu mo bla na med pa yang dag par rdzogs pa'i byang chub tu yang dag par zhugs pa gang gis chos kyi rnam grangs 'di dang bral bar
318b5 de bzhin gshegs pa dgra bcom pa yang dag par rdzogs pa'i sangs rgyas rnams la bskal pa brgyar sbyin pa sbyin pa dang / chos kyi rnam grangs 'di dang bral bar bskal pa brgyar tshul khrims bsrung ba dang / chos kyi
318b6 rnam grangs 'di dang bral bar bskal pa brgyar bzod pa sgrub pa dang / chos kyi rnam grangs 'di dang bral bar bskal pa brgyar brtson 'grus rtsom pa dang / chos kyi rnam grangs 'di dang bral bar bskal pa brgyar bsam
318b7 gtan rnams la snyoms par 'jug pa dang / chos kyi rnam grangs 'di dang bral bar bskal pa brgyar shes rab sgom zhing 'jig rten gyi gnas rnams la mkhas par gyur na/ kun dga' bo des ni de bzhin gshegs
318b8 pa la bkur sti byas par mi 'gyur ro/ /de nas bcom ldan 'das kyis de'i tshe tshigs su pa 'di dag bka' stsal to/ /gang gis bskal pa brgya tshang bar/ /bza' ba la sogs thams cad kyis/ /de bzhin gshegs la bsnyen
319a1 bkur ba/ /des ni bsti stang byas mi 'gyur/ /'bras bur dmigs pa 'joms byed pa'i/ /mdo sde 'di ni gang 'dzin pa/ /de ni sangs rgyas bkur sti byas/ /chos kyi bkur sti byas pa yin/ /rdzogs pa'i sangs rgyas chos
319a2 kyi sku/ /chos skyes chos kyi tog ldan pas/ /sangs rgyas rnams la bkur sti 'di/ /des na sangs rgyas bkur sti byas/ /gang gis bskal pa brgya tshang bar/ /gos la sogs pas de bzhin gshegs/ /sangs rgyas rnams la
319a3 mchod byed pa/ /de dag des ni bkur byas min/ /tshul 'di 'dzin par byed na ni/ /de ltas sangs rgyas bkur bar 'gyur/ /'di ni bkur sti rnams kyi mchog /gos mang byin pa de ltar min/ /gang gis bskal pa brgya tshang bar/ /
319a4 'jig rten mgon po sangs rgyas la/ /spos dang me tog gtor byed pa/ /de dag des ni bkur byas min/ /gang zhig tshul mchog zab mo yi/ /mdo sde 'di ni 'dzin byed pa/ /'di ni 'jig mgon skyob rnams la/ /bkur
319a5 sti byed pa dam pa yin/ /gang gis 'jig rten mgon po yi/ /mchod rten rin chen rgyu las sgrubs/ /ri rab 'dra ba byas kyang ni/ /des ni sangs rgyas bkur byas min/ /gang zhig mdo sde 'di 'dzin cing / /'dzin par yang ni
319a6 mi lta na/ /de ni bsnyen bkur mchog yin te/ /mchod pa kun gyi nang na mchog /gang zag gang zhig bskal pa brgya/ /tshang bar tshul khrims srung byed la/ /mdo sde 'di ni mi 'dzin na/ /tshul khrims de ni mchog ma yin/ /
319a7 gang zhig mdo sde 'di 'dzin cing / /'dzin par rlom sems med na ni/ /tshul khrims de ni bsngags pa ste/ /tshul khrims de ni bla na med/ /tshul 'di kun du gzung ba'i phyir/ /mkhas pa tshul khrims chen po dang / /bsam
319a8 gyis mi khyab dpag med pa/ /tshul khrims gang yin de de tshol/ /nga yis ji skad bshad pa yi/ /mdo 'di la ni gang slob pa/ /mnyam mthong de la tshul khrims dang / /ngang tshul ngan pa yod ma yin/ /gang zhig mdo 'dir mi
319b1 slob pa/ /de ni byang chub phyir mi slob/ /byang chub de dang bslab pa mnyam/ /de ni sus kyang bslabs pa med/ /gang zhig mdo sde 'di 'dzin pa/ /de ni mdo 'dir bshad pa yi/ /tshul khrims de 'dra de dag gi/ /tshul khrims phun sum tshogs par 'gyur/ /
319b2 bzod dang ldan pa'i mi gang zhig /'dir ni bskal pa brgyar tshang bar/ /sems can dag ni thams cad kyis/ /mi snyan brjod dang spyos bzod cing / /rkang lag dag kyang gtubs pa na/ /de yi sems ni 'gyur med cing / /de ni gang du'ang tha ba dang / rab
319b3 tu zhe sdang mi skyed la/ /bzod pa smra ba'i mi gang zhig /bzod pa rnam pa de lta yis/ /bskal pa bye ba zad byed kyang / /bzod pa de ni bsngags ma yin/ /gang zhig mdo 'di thos nas ni/ /mos pas 'di ni 'dzin byed pa/ /de ni bzod pa rnam kyi mchog /
319b4 de ni bzod pa shin du bzang / /gang zhig mdo sde 'di 'dzin cing / /gang du'ang chags par mi byed pa/ /bzod pa de ni khyad par 'phags/ /bzod pa de ni bla na med/ /gang zhig sangs rgyas ye shes mchog /chags med ye shes 'dod pa des/ /
319b5 mdo sde 'di la mi chags par/ /myur du 'di ni gzung bar bya/ /gang zhig bskal pa brgya tshang bar/ /brtson 'grus ldan pa mi 'dug cing / /gnyid kyis ma non bdag nyid can/ /rtag tu 'da' bar byed pa bas/ /mkhas pa gang zhig
319b6 lung mnod phyir/ /mdo sde 'di la sbyor byed na/ /brtson 'grus de ni de bas mchog /brtson 'grus 'di ni khyad par 'phags/ /gang zhig bskal pa brgya tshang bar/ /drang srong mngon shes lnga ldan gyur/ /mdo sde 'di ni mi nyan na/ /
319b7 mngon shes mchog ces mi bya'o/ /gang zhig don shes mi gnas par/ /mdo sde 'di ni 'dzin byed pa/ /de ni mngon shes thams cad kyi/ /mngon par shes pa'i mchog yin no/ /mi gang bskal pa brgya tshang bar/ /shes
319b8 rab dang ni ldan gyur la/ /'jig rten pa yi shes rab ldan/ /'jig rten bya ba rnams la nges/ /gang zhig tshul 'di mi slob na/ /de ni shes rab tshul shes min/ /gang zhig tshul 'di 'dzin byed pa/ /dpa' bo de nyid shes
320a1 rab ldan/ /gang zhig mdo sde dam pa 'di/ /thos nas mos shing rtogs byed pa/ /brtan pa de ni shes rab ldan/ /de ni shes rab mkhas pa yin/ /gang zhig chos kun shes rab kyis/ /shes par 'dod pa ji ltas kyang / /
320a2 mdo sde 'di ni lung nod la/ /de ni shes rab 'di 'thob 'gyur/ /mdo sde 'dir ni rab bshad pa/ /de ni shes rab spyod yul yin/ /de yi phyir na mdo sde 'di/ /gzung bar brtson 'grus brtsam par gyis/ /de nas bcom ldan 'das
320a3 la tshe dang ldan pa kun dga' bos 'di skad ces gsol to/ /dpag tshad rangs pa 'am 'on tam ni/ /dpag tshad brgyar yang brgyugs nas ni/ /'bras bu sna tshogs sel ba yi/ /mdo sde 'di ni mnyan par bgyi/ /kha
320a4 tshon dpag tshad rangs pa yi/ /me mdag gang ba rgal nas ni/ /gang na mdo sde 'di gnas par/ /mkhas pas myur du mchi bar bgyi/ /bsam gtan kun gyi dam pa la/ /bsam gtan pa gang bsam gtan 'tshal/ /
320a5 des ni nyon mongs kun sel ba/ /mdo sde 'di ni lung mnod bgyi/ /gang zhig 'di ni 'jig rten khams/ /grags pa mngon dga' zhes bgyi ba/ /shin du mdzes der mchi 'tshal ba/ /des ni mdo sde 'di bshad bgyi/ /gang
320a6 zhig sangs rgyas mi 'khrugs pa/ /thub pa bla med mthong 'tshal ba/ /des ni mdo 'di lung mnod cing / /mang du bklag cing gzung bar bgyi/ /gang zhig byang chub sems dpa'i gnas/ /bde ba can du mchi 'tshal ba/ /
320a7 des ni mdo 'di lung mnos na/ /myur ba nyid du mchi bar 'gyur/ /sangs rgyas kun gyis gsungs pa yi/ /mdo sde 'di ni bton bgyis nas/ /rdzogs pa'i sangs rgyas 'od dpag med/ /bsam gyis mi khyab de
320a8 mthong 'gyur/ /byang chub sems dpa' ma smad pa/ /yon tan 'di dag mngon 'tshal bas/ /sangs rgyas kun gyis gsungs pa yi/ /mdo sde 'di ni gzung bar bgyi/ /de skad ces gsol pa dang / bcom ldan
320b1 'das kyis tshe dang ldan pa kun dga' bo la 'di skad ces bka' stsal to/ /kun dga' bo legs so legs so/ /kun dga' bo ji skad smras pa de de bzhin te/ /kun dga' bo rigs kyi bu 'am/ rigs kyi bu mo gang zhig gang gi tshe sems
320b2 kyi g.yeng ba dang mtshan ma thams cad dang bral ba'i yid kyis mdo 'di klog gam kha ton byed na de de'i tshe/ sangs rgyas gang dang gang mthong bar 'dod pa de dang de mthong bar 'gyur ro/ /ji ste sems g.yengs nas mi klog
320b3 gam/ kha ton mi byed na 'chi ba'i dus kyi tshe/ sangs rgyas bcom ldan 'das rnams mig lam du mthong bar mi 'gyur ro/ /de ci'i phyir zhe na/ kun dga' bo gang zhig chos kyi rnam grangs 'di lung nod dam/ 'dzin
320b4 tam/ 'don tam/ klog pa'i rigs kyi bu 'am/ rigs kyi bu mo de sangs rgyas thams cad kyis yongs su bzung bar 'gyur ro/ /de nas gzhon nur gyur ma seng ges gzhon nu ma lnga brgya dang lhan cig tu bcom
320b5 ldan 'das ga la ba de logs su thal mo sbyar te btud nas bcom ldan 'das la 'di skad ces gsol to/ /bcom ldan 'das bud mad du gyur pas mdo 'di lung mnos sam/ bzung ngam/ bton tam
320b6 blags na yon tan ci zhig tu 'gyur/ bcom ldan 'das kyis bka' stsal pa/ seng ge gal te bud med bla na med pa yang dag par rdzogs pa'i byang chub tu yang dag par zhugs pas chos kyi rnam grangs
320b7 'di lung nod tam/ 'dzin tam/ 'don tam/ klog gam/ 'chang na de'i bud med kyi dngos po de nyid tha mar gyur pa yin no/ /de ci'i phyir zhe na/ chos kyi rnam grangs 'di lung mnos pa dang /
320b8 bzung ba dang / bton pa dang / bcangs pa dang / bklags pas nyon mongs pa gang dag gis bud med bud med kyi dngos po yongs su 'dzin pa'i bud med kyi nyon mongs pa rnams bud med la 'byung bar
321a1 mi 'gyur ro/ /de skad ces bka' stsal pa dang / gzhon nur gyur ma seng ges bcom ldan 'das la 'di skad ces gsol to/ /bcom ldan 'das nyon mongs pa gang dag dang ldan na/ bud med bud med kyi
321a2 dngos po yongs su 'dzin pa'i bud med kyi nyon mongs pa de dag gang lags/ bcom ldan 'das kyis bka' stsal pa/ seng ge 'di la bud med kyis bud med gzugs bzang ba/ mdzes pa blta na sdug pa/
321a3 rgyan gyis brgyan pa/ bde ba dang ldan pa/ gzhan mthong na de de la 'dod pa skyed de/ 'di ni ngan skyugs kyi gong bu la tshon gyis bris pa/ byis pa brid pa/ dri nga ba/ ngan skyugs kyis spags pa yin pa de ltar
321a4 mi rtog na/ de de la de ltar mi rtog cing sdug par mthong ste/ de la 'dod pa skyed pas bud med bud med kyi dngos po yongs su 'dzin to/ /seng ge gzhan yang 'di la bud med phrag dog can dang / ser
321a5 sna can dang / g.yo dang ldan par gyur la/ de gzhan du tshig tu smra zhing gzhan du sems kyis 'phrog pa dang / gzhan du tshig tu mngon sum du smra zhing gzhan du gsang bar sems pa
321a6 dang / nyams su myong bar bya ba'i phyir dge slong gi gan du 'gro ba'i chos kyi phyir ma yin pa dang / khro bas zil gyis non pa dang / rmugs pa dang / gnyid che ba dang / 'du 'dzi la mngon par dga' ba
321a7 dang / chos kyi rnam grangs 'di lta bu'i lung mnod pa don du mi gnyer ba dang / kun nas nyon mongs pa'i sems kyis nyin mtshan zad par byed kyang rnam par byang ba'i sems kyis ma yin na/
321a8 nyon mongs pa de dag gis bud med de bud med kyi dngos po yongs su 'dzin te zad par mi byed do/ /de bas na seng ge mdor na bud med kyis bdag gi/ nyon mongs pa thams cad mi skye ba dang mi 'byung bar bya ba'i
321b1 phyir chos kyi rnam grangs 'di lung nod par bya/ gdon par bya/ kun chub par bya/ gzung bar bya/ bklag par bya'o/ /de ci'i phyir zhe na/ chos kyi rnam grangs 'di ni bud med kyi nyon mongs pa dang bral ba'o/ /gzhon
321b2 nur gyur ma seng ges gsol pa/ bcom ldan 'das gal te bud med bud med kyi dngos po las bsgyur bar mi 'tshal la chos kyi rnam grangs 'di ni lung nod cing 'dzin/ 'don/ 'chang / klog /kun chub par bgyid
321b3 na/ de ji ltar lta bar bgyi/ bcom ldan 'das kyis bka' stsal pa/ seng ge bud med kyi dngos po las bsgyur bar mi 'dod du zin kyang chos kyi rnam grangs 'di ni lung nod dam sems na/ de nyid bud med kyi dngos po'i tha ma
321b4 yin par shes par bya ste/ rdzu 'phrul gyi ston pa ni ma gtogs so/ /seng ge 'di lta ste dper na skyes pa 'am/ bud med la la zhig me'i phung po chen po kun du rab tu mched cing 'bar ba me lce dang bcas par
321b5 bdag nyid kyi lus mchongs te tshig 'di skad du bdag gi lus 'tshig par ma gyur cig /bdag gi lpags pa'i mdog ma gyur cig ces smras na/ seng ge 'di la ji snyam du sems/ skyes pa 'am/ bud med
321b6 tshig de skad smras pas bsam pa de 'thob par 'gyur ram/ gsol pa/ bcom ldan 'das de ni ma lags so/ /bcom ldan 'das zhugs kyi phung po chen po ni sreg pa'i bdag nyid lags te/ lpags pa'i mdog
321b7 ma mchis par bgyid do/ /bcom ldan 'das kyis bka' stsal pa/ seng ge de bzhin du chos kyi rnam grangs 'di yang nyon mongs pa thams cad sel ba'o/ /seng ge de bas na bud med bud med kyi dngos po mi
321b8 'dod pa dang / sangs rgyas kyi chos rnams myur du sgrub par 'dod pa dang / sangs rgyas grangs med pa mthong bar 'dod pa dang / spobs pa chags pa med pa thob par 'dod pas chos kyi rnam grangs 'di nyid bzung
322a1 bar bya/ kun chub par bya/ gdon par bya/ bklag par bya/ bcang bar bya/ kha ton du bya'o/ /de nas gzhon nur gyur ma seng ge gzhon nu ma lnga brgya dang lhan cig tu thal mo sbyar te/ bcom ldan 'das la 'di skad
322a2 ces gsol to/ /bcom ldan 'das bdag cag gis chos kyi rnam grangs 'di de bzhin gshegs pa dgra bcom pa yang dag par rdzogs pa'i sangs rgyas mar me mdzad las mnos te/ de slan chad 'di srog chags bye ba
322a3 khrag khrig brgya stong mang po 'dzin du stsal to/ /da nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das ci lags/ gzhon nur gyur ma seng ges bud med kyi dngos po ma bsgyur lags sam/
322a4 bcom ldan 'das kyis bka' stsal pa/ kun dga' bo khyod ci gzhon nur gyur ma seng ge bud med yin snyam du sems sam/ gsol pa/ bcom ldan 'das de de lta lags so/ /bcom ldan 'das kyis bka'
322a5 stsal pa kun dga' bo de skad ma smra shig /de ci'i phyir zhe na/ kun dga' bo 'di ni gzhon nur gyur ma seng ge dang / gzhon nu ma lnga brgya po 'di dag gi cho 'phrul yin te/ phyi ma'i skye bo mthong nas bud med la snying brtse ba dang /
322a6 bud med bud med kyi dngos po las rnam par dgrol ba'i phyir gzhon nur gyur ma seng ges cho 'phrul 'di bstan te/ /de ci'i phyir zhe na/ 'di dag ni skyes pa mi 'jug cing 'jug tu mi dbang ba'i khyim thams cad du zhugs
322a7 nas cho 'phrul gyis bud med 'dul lo/ /kun dga' bo gzhon nur gyur ma seng ge la ni bud med kyi chos med skyes pa'i chos med do/ /de ci'i phyir zhe na/ chos thams cad mi dmigs pa'i phyir 'dis bud med mi
322a8 dmigs skyes pa mi dmigs so/ /gzhon nur gyur ma seng ges chos kyi rnam grangs 'di rtogs par khong du chud do/ /snang ba thob bo/ /kun dga' bo de lta bas na gzhon nur gyur ma seng ge'i rjes su slob par
322b1 'dod pa'i bud med kyis chos kyi rnam grangs 'di gzung bar bya/ kun chub par bya/ gdon par bya/ bcang bar bya/ bklag par bya/ kha ton du bya/ /de nas dge slong ma lnga stong stan las langs te/ bcom ldan
322b2 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag cag deng slan chad chos kyi rnam grangs 'di gzung bar bgyid/ kun
322b3 chub par bgyid/ 'don par bgyid/ 'chang bar bgyid/ klog par bgyid/ kha thon du bgyid do/ /de ci'i slad du zhe na/ bcom ldan 'das bdag cag ni bud med kyi dngos po don du gnyer ba ma lags so/ /
322b4 bcom ldan 'das bdag cag ni bud med kyi dngos po la smod lags so/ /bcom ldan 'das bdag cag deng slan cad chos kyi rnam grangs 'di kun chub par ma gyur gyi bar du mchis par mi bgyid do/ /
322b5 rmugs pa dang gnyid kyis non par mi bgyid do/ /de skad ces gsol pa dang / bcom ldan 'das kyis dge slong ma de dag la 'di skad ces bka' stsal to/ /che zhe dag khyed kyis tshig 'di la legs par smras
322b6 te/ go cha chen po bgos shing khyed ci nas kyang bud med kyi dngos po ni don du mi gnyer la/ sangs rgyas kyi chos rnams ni don du gnyer ba'i phyir brtson 'grus chen po 'di brtsams pa legs so legs so/ /
322b7 de bas na khyod chos kyi rnam grangs 'di gzung ba'i phyir brtson 'grus de bas kyang rtsoms shig /de nas dge slong ma de dag gis 'di thos nas tshim zhing mgu nas yi rangs te rab tu dga' nas dga' ba dang yid bde ba
322b8 skyes te/ so so nas bla gos bcom ldan 'das kyi zhabs la bkab po/ /bkab nas kyang tshigs su bcad pa 'di smras so/ /skyes pa'i dngos po'i ched du ni/ /de ring bdag cag dbugs rnyed do/ /rgyal ba gzhan du mi gsung
323a1 bas/ /bdag cag 'jig rten mchog tu 'gyur/ /de nas khyim bdag gi chung ma lnga brgyas dge slong ma de dag gi tshigs su bcad pa 'di thos nas stan las langs te bcom ldan 'das ga la ba de logs su thal
323a2 mo sbyar ba btud nas/ bcom ldan 'das la 'di skad ces gsol to/ /bcom ldan 'das bdag cag kyang deng slan cad chos kyi rnam grangs 'di 'dzin par bgyid/ kun chub par bgyid/ 'don par bgyid/ 'chang bar bgyid/
323a3 klog par bgyid/ kha ton du bgyid do/ /bdag cag slan cad gzhan gyi dbang du 'gyur ba dang / gzhan gyi gdong du blta bar 'gyur ba dang / mjal bar ma gyur cig /dgung zla dgu 'am bcur mngal na 'dzin par ma gyur cig /
323a4 de ci'i slad du zhe na/ bcom ldan 'das bud med du gyur pa slan cad rgyal po'i khyim du skyes kyang gzhan gyi dbang du 'gyur te/ ji srid 'tsho'i bar du khyim thabs la bsnyen bkur bgyi 'tshal lo/ /bcom ldan
323a5 'das bdag cag deng slan cad ma gum gyi bar du brtson 'grus brtsam par bgyi'o/ /za gcig tu 'tshal bar yang dag pa blang bar bgyi'o/ /blos dbab par mi bgyi'o/ /chos kyi rnam grangs 'di lus la gnas
323a6 par bgyis par ma gyur gyi bar du khyim thab kyang sug pa nas 'dzin du mi stsal to/ /bcom ldan 'das kyis bka' stsal pa/ rigs kyi bu mo khyed kyis tshig 'di legs par smra ba legs so legs so/ /da ni khyed
323a7 gzhan gyi dbang du mi 'gyur ro/ /gzhan gyi ngor blta bar mi 'gyur ro/ /zla ba dgu'am bcur mngal na 'dzin par mi 'gyur ro/ /sangs rgyas kyi zhing bud med med par skye bar 'gyur ro/ /de nas bcom ldan 'das la tshe dang ldan pa kun dga' bos/
323a8 'di skad ces gsol to/ /bcom ldan 'das sring mo 'di dag gang du skye bar 'gyur ba'i 'jig rten gyi khams de'i ming ci zhes bgyi/ bcom ldan 'das kyis bka' stsal pa/ kun dga' bo 'di dag gang
323b1 du skye bar 'gyur ba'i 'jig rten gyi khams de'i ming ni rin po che'i pad ma lta bur snang ba zhes bya'o/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das 'jig
323b2 rten gyi khams de na de bzhin gshegs pa mtshan ji skad ces bgyi ba zhig bzhugs/ bcom ldan 'das kyis bka' stsal pa/ kun dga' bo de na de bzhin gshegs pa sems can thams cad la nor bu rin po che
323b3 rnam par 'thor bar snang ba zhes bya ba bzhugs shing chos kyang ston te/ khyim bdag gi chung ma 'di dag gis chos kyi rnam grangs 'di 'don bzhin du de mthong bar 'gyur ro/ /de nas khyim bdag gi chung ma dge bsnyen
323b4 ma de dag gis 'di thos nas tshim zhing mgu la yi rangs te/ rab tu dga' nas dga' ba dang yid bde ba skyes te/ mu tig gi do shal nor bu rin po ches spras pa khri mgul nas bkrol te/ de bzhin gshegs pa la gtor/
323b5 mngon par gtor to/ /gtor nas tshigs su bcad pa 'di dag smras so/ /bud med dngos po bsgyur ba la/ /de ring bdag cag dbugs rnyed do/ /sangs rgyas gzhan du mi gsung ste/ /bden pa'i gsung du bka' stsal pa/ /
323b6 nyon mongs shin du sdig pa'i lus/ /bud med lus ni spang bar bgyi/ /yang dag ji bzhin ma 'tshal bas/ /byis pa dag ni mkhas la rmongs/ /bdag cag slan chad mngal gyi gnas/ /'jigs pa chen por mi 'gyur ro/ /
323b7 dge ba dam pa thob pas na/ /bdag cag mngal gyi gnas dang bral/ /de nas khyim bdag gi chung ma dag gis tshigs su bcad pa 'di dag smras nas mig mi 'dzums par bcom ldan 'das la lta zhing phyag 'tshal
323b8 lo/ /de nas lha'i dbang po brgya byin gyis bcom ldan 'das kyi 'khor gyi dkyil 'khor du lha'i me tog rnams kyis gtor nas bcom ldan 'das la 'di skad ces gsol to/ /bcom ldan 'das bdag gis chos
324a1 kyi rnam grangs 'di gzung lags so/ /bcom ldan 'das chos kyi rnam grangs 'di kun chub par bgyis lags so/ /bcom ldan 'das kyis bka' stsal pa/ kau shi ka de'i phyir khyod da phyin chad lha dang lha
324a2 ma yin gyi g.yul ngor 'jug par mi 'gyur ro/ /de nas 'jam dpal gzhon nur gyur pas srog chags brgya stong mang po'i dge ba'i rtsa ba yang dag par bsgrub pa'i phyir bcom ldan 'das la 'di skad ces gsol
324a3 to/ /bcom ldan 'das gang tshun chad bdag gis chos kyi rnam grangs 'di bskor ba de srid du/ de bzhin gshegs pas byang chub tu thugs bskyed do/ /bcom ldan 'das kyis bka' stsal pa/ 'jam dpal khyod de'i
324a4 phyir phyogs bcur snang bas/ byang chub sems dpa' bye ba khrag khrig mang po rnams kyi mchog tu gyur te/ 'di lta ste/ dper na nyi ma'i dkyil 'khor bzhin no/ /de nas de'i tshe sa chen po 'di rnam pa drug tu g.yos te lha'i
324a5 me tog rnams kyis 'khor gyi dkyil 'khor kun du pus mo nub tsam du khyab par gyur to/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das sa chen po g.yos
324a6 pa 'jig rten du byung ba'i rgyu gang lags/ rkyen gang lags/ me tog 'di dag ni sus gtor/ bcom ldan 'das kyis bka' stsal pa/ kun dga' bo lha bye ba khrag khrig phrag mang pos 'jam dpal gzhon nur gyur pas
324a7 bshad pa thos nas dga' ba'i sems kyis me tog 'di dag gtor te/ gtor nas kyang tshig 'di skad du/ bdag cag kyang chos kyi rnam grangs 'di 'dzin to/ /kun chub par byed do/ /'don to/ /bcang ngo / /bdag cag kyang
324a8 'jam dpal gzhon nur gyur pa ci 'dra bar gyur cig ces smras te/ tshig smras ma thag tu de dag la chos kyi rnam grangs 'di mngon du gyur nas de dag thams cad tshim zhing mgu la yi rangs te/ nga dang 'jam dpal gzhon
324b1 nur gyur pa'i rkang pa la phyag 'tshal to/ /de nas sa g.yos pa 'di lta bu 'di byung ngo / /de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das chos
324b2 kyi rnam grangs 'di ni yon tan chen po dang ldan pa lags so/ /bcom ldan 'das chos kyi rnam grangs 'di ni ngo mtshar rmad du byung ba'i yon dang ldan pa lags so/ /bcom ldan 'das sems can gang dag gi rna lam du chos
324b3 kyi rnam grangs 'di grag par 'gyur ba de dge ba'i rtsa ba ngan ngon dang ldan pa ma lags so/ /bcom ldan 'das kyis bka' stsal pa/ kun dga' bo de de bzhin no/ /de de bzhin te/ gang dag chos kyi rnam grangs 'di nyan la thos nas kyang mos
324b4 pa dang / yid ches pa dang / 'dzin pa dang / kun chub par byed pa dang / 'don pa dang / 'chang ba'i rigs kyi bu 'am/ rigs kyi bu mo de dag ni sangs rgyas mang po la bsnyen bkur byas pa yin no/ /de dag ni ngan song ngan 'gror
324b5 rnam par ltung ba thams cad dang / mi khoms par skye ba thams cad las grol ba'o/ /de dag gis bdud sdig can bcom mo/ /de dag gis chos kyi tog bsgreng ngo / /de dag gis chos kyi sgron ma rab tu 'bar bar byas so/ /
324b6 de dag gis mun pa mun nag bsal to/ /de dag gis byang chub kyi snying por phyin to/ /kun dga' bo gang dag gis chos kyi rnam grangs 'di thos ma thag tu mos pa dang / 'dzin pa dang / kun chub par byed pa dang / 'don pa dang /
324b7 'chang ba de dag nga dang nye ba yin no/ /kun dga' bo gang dag chos kyi rnam grangs 'di 'dzin pa dang / kun chub par byed pa dang / 'don pa dang / 'chang ba dang / klog pa de dag ni nga'i bu chos kyi sku las skyes pa dag go/ /de dang de dag
324b8 ni de bzhin gshegs pa'i zhal zas za bar 'dod pa dag go/ /de dang de dag ni ji ltar da lta na nga 'dug pa bzhin du byang chub kyi shing drung du 'dug par 'dod pa dag go/ /de dang de dag ni ji ltar da lta na nga ston pa de bzhin du chos
325a1 ston par 'dod pa dag go/ /de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das slad ma'i tshe slad ma'i dus na kha cig chos kyi
325a2 rnam grangs 'di la mos par 'gyur ba dang / 'dzin par 'gyur ba dang / kun chub par bgyid par 'gyur ba dang / 'don par 'gyur ba dang / 'chang bar 'gyur ba dang / 'dzin par 'gyur ba dang / klog par 'gyur ba mchis sam/
325a3 bcom ldan 'das kyis bka' stsal pa/ kun dga' bo gang dag da lta na mos pa de phyi ma'i dus na mos par 'gyur ro/ /gang dag da lta na 'dzin pa de dag phyi ma'i dus na 'dzin par 'gyur ro/ /gang dag da lta na klog
325a4 pa de dag phyi ma'i dus na klog par 'gyur ro/ /kun dga' bo gang gis da ltar chos kyi rnam grangs 'di ma thos pa de phyi ma'i dus na 'di thos par 'gyur ba de ni ngas lha dang bcas pa dang / bdud dang bcas pa dang / tshangs pa
325a5 dang bcas pa dang / dge sbyong dang / bram zer bcas pa'i skye dgu 'jig rten na ma mthong ste de ni gnas ma yin no/ /kun dga' bo 'di da ltar gang dag gi nor yin pa phyi ma'i dus na yang de dag gi nor du 'gyur
325a6 ro/ /kun dga' bo 'di lta ste dper na 'dir khyim bdag gam khyim bdag gi bu 'ga' zhig phyug cing nor che la longs spyod che zhing nor dang yo byad mang bar gyur la/ des gter dag gter du bcug nas yul gzhan du
325a7 song na kun dga' bo de la ji snyam du sems/ de slar 'ongs ma thag tu des gang gter du bcug pa de rnyed par 'gyur ram/ gsol pa bcom ldan 'das rnyed lags so/ /de ci'i slad du zhe na/ nor de de nyid kyi lags
325a8 pa'i slad du'o/ /bcom ldan 'das kyis bka' stsal pa/ kun dga' bo de bzhin du 'di da ltar gang dag gi nor yin pa ma 'ongs pa'i dus na yang de dag gi nor du 'gyur te/ de dag ji ltar da lta na yang dag par
325b1 bgad pa bzhin du chos kyi nor bla na med pa 'di gzhan dag dang yang dag par bgod par 'gyur ro/ /kun dga' bo gang dag phyi ma'i dus na chos kyi rnam grangs 'di la mos par 'gyur ba dang / 'dzin par 'gyur ba dang / kun chub par
325b2 byed par 'gyur ba dang / 'don par 'gyur ba dang / 'chang bar 'gyur ba dang / klog par 'gyur ba rnams kyang ngas sangs rgyas kyi spyan gyis dper na da ltar de bzhin du mthong ngo / /gang dag spong bar 'gyur ba de dag kyang mthong ngo / /
325b3 de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das gang dag mos par mi 'gyur ba dang / spong ba dang / mi snyan pa brjod pa dang / sun 'byin pa de dag
325b4 gi 'gro ba ci lta bu zhig tu 'gyur/ bcom ldan 'das kyis bka' stsal pa/ kun dga' bo khyod kyis 'di dris pas ci zhig bya kha rog shig /tshe dang ldan pa kun dga' bos gsol pa/ bcom ldan 'das bshad du gsol/
325b5 gang dag mos par mi 'gyur ba dang / yid ches par mi 'gyur ba de dag kyang mos par 'gyur zhing rtogs par 'gyur ro/ /bcom ldan 'das kyis bka' stsal pa/ kun dga' bo mtshams med pa lnga dang ldan pa'i 'gro ba
325b6 gang yin pa de de dag gi 'gro bar 'gyur ro/ /kun dga' bo 'di la ji snyam du sems/ gang gis stong gsum gyi stong chen po'i 'jig rten gyi khams kyi sems can thams cad kyi srog bcad na de'i 'gro ba ci 'dra ba zhig
325b7 tu 'gyur/ gsol pa/ bcom ldan 'das sdig pa can lags so/ /bcom ldan 'das kyis bka' stsal pa/ de ni de'i 'gro ba yin par shes par bya'o/ /kun dga' bo gang zhig sangs rgyas bcom ldan 'das yongs
325b8 su mya ngan las 'das pa gang gA'i klung gi bye ma snyed kyi mchod rten bshig ste mes kyang btang na/ ci de gzhi las bsod nams ma yin pa mang du skyed par 'gyur ram/ gsol pa/ bcom ldan 'das mang lags
326a1 so/ /bde bar gshegs pa mang lags so/ /de gzhi de las bsod nams ma lags pa mang du skyed par 'gyur te/ de ni mnyam par mi bgyi/ /blta bar mi bgyi'o/ /bcom ldan 'das kyis bka' stsal
326a2 pa/ de ni de'i 'gro ba yin par shes par bya'o/ /kun dga' bo gang zhig 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos kyi tshul 'gag par byed na de'i 'gro ba ji lta bu
326a3 zhig tu 'gyur/ gsol pa/ bcom ldan 'das sdig pa can lags te/ /de ni tshig tu brjod par sla ba ma lags so/ /bka' stsal pa/ de ni de'i 'gro ba yin par shes par bya'o/ /tshe dang ldan pa kun dga' bos gsol pa/ bcom
326a4 ldan 'das yang gang zhig sems can gzhan yang zlog par bgyid na/ de'i 'gro ba ji lta bu zhig tu 'tshal bar bgyi ba bcom ldan 'das kyis bka' stsal pa/ kun dga' bo stong gsum gyi stong chen po'i 'jig rten gyi
326a5 khams kyi sems can gyi khams dge ba bcu'i las kyi lam dang ldan pa/ bla na med pa yang dag par rdzogs pa'i byang chub la yang dag par zhugs pa rnams kyi mig phyung na de'i 'gro ba ci 'dra ba zhig tu 'gyur/
326a6 gsol pa/ bskal pa mang por dmus long du 'gyur zhing sems can dmyal ba pa'i zhugs kyis sreg pa'i sdug bsngal gyi tshor ba yang myong bar 'gyur lags so/ /bcom ldan 'das kyis bka' stsal
326a7 pa/ kun dga' bo ngas khyod la bsgo'o khyod kyis khong du chud par bya'o/ /gang gis sems can gcig cig chos kyi rnam grangs 'di las bzlog na de'i 'gro ba ni de yin par shes par bya'o/ /tshe dang ldan pa
326a8 kun dga' bos gsol pa/ bcom ldan 'das byang chub sems dpa' bla na med pa yang dag par rdzogs pa'i byang chub la zhugs pa gang zhig chos kyi rnam grangs 'di la the tsom ni 'tshal la mi spong na de ji lta
326b1 bu zhig tu 'gyur/ bcom ldan 'das kyis bka' stsal pa/ kun dga' bo ji snyed du the tsom gyi sems bskyed pa de tsam du sangs rgyas mnyes par byed par mi 'gyur ro/ /de bskal pa de snyed du byang chub ring du byed do/ /gsol pa/
326b2 bcom ldan 'das yang gang zhig mos shing rtogs la the tsom 'tshal bar gyur na de'i lus gang gis sdug bsngal myong bar 'gyur ba ci tsam zhig tu 'gyur/ bcom ldan 'das kyis bka' stsal pa/ kun dga' bo khyod
326b3 kyis de'i lus dris pas ci zhig bya kha rog shig /gsol pa/ bcom ldan 'das 'khor bzhi po 'di dag kyang skrag par 'gyur/ slad ma'i skye bo rnams kyis thos na yang skrag par 'gyur lags kyis bshad du gsol/
326b4 bcom ldan 'das kyis bka' stsal pa/ de'i lus gang gis sdug bsngal myong bar 'gyur ba ni dpag tshad khrir 'gyur ro/ /tshe dang ldan pa kun dga' bos gsol pa/ gang des ma bsrungs pa'i de'i lce ci 'dra ba zhig tu 'gyur/
326b5 bcom ldan 'das kyis bka' stsal pa/ kun dga' bo de'i lce ni dpag tshad stong yod par 'gyur te/ de la thong gshol sa ya phrag brgyas rmod par 'gyur/ lcags kyi thu lum 'bar ba rab tu 'bar ba sa ya phrag brgya 'bar bar
326b6 'gyur ro/ /de ci'i phyir zhe na/ ci nas tshig 'di ma bsrungs pa'i phyir ro/ /de nas 'khor bzhi po de dag dngangs shing spu zing zhes byed par gyur nas/ gdong nas mchi ma zag par ngu ba'i bzhin gyis de'i tshe sa la 'gyel te/ 'gyel nas
326b7 kyang thams cad kyis mgrin gcig tu tshigs tu smras pa/ bcom ldan 'das rigs kyi bu 'am/ rigs kyi bu mo gang gis de 'dra ba'i tshig smras pas lus de 'dra ba'i rnam pa de lta bu myong bar 'gyur ba de'i ched du bdag cag 'gyod
326b8 tshangs 'tshal lo/ /de nas der sems can gzhan dag gcig gdong las mchi ma zag par ngu zhing tshig de skad ces smras so/ /bcom ldan 'das bdag cag gis tshe 'di dang skye ba gzhan dag tu the tsom gang bskyed par 'gyur ba de dag bcom
327a1 ldan 'das bdag cag gis de bzhin gshegs pa gzhan gang dag mthong ba de dag kyang dpang du gsol te/ bdag cag gis las kyi sgrib pa de de bzhin gshegs pa'i spyan sngar so sor bshags par 'tshal
327a2 lo/ /so sor dor bar 'tshal lo/ /nongs pa la nongs par so sor bshags shing nongs pa la nongs par mthong bas/ de bzhin gshegs pa dgra bcom pa yang dag par rdzogs pa'i sangs rgyas kyis bdag cag gi nongs pa
327a3 yongs su gzung du gsol/ /bcom ldan 'das kyis bka' stsal pa/ rigs kyi bu dag khyed gang gi phyir nyes pa la nyes par mthong ste/ so sor 'chags pa dang / so sor 'dor ba legs so legs so/ /rigs kyi bu dag gang
327a4 nyes pa la nyes par mthong nas so sor 'chags pa 'di ni 'phags pa'i chos 'dul ba la ni 'phel bar 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das
327a5 'khor 'di'i nang nas gang dag gis the tsom bskyed pa de dag kyang / bcom ldan 'das 'di 'dra ba'i sems can dmyal bar mchi bar 'gyur ram/ bcom ldan 'das kyis bka' stsal pa/ kun dga' bo 'di'i nang nas gang
327a6 dag gis the tsom bskyed pa de dag gis kyang so sor bshags shing so sor bor bas de dag gi myong bar 'gyur ba chung bar 'gyur ro/ /tshe dang ldan pa kun dga' bos gsol pa/ bcom ldan 'das myong bar 'gyur ba ji tsam
327a7 zhig tu chung bar 'gyur/ /bcom ldan 'das kyis bka' stsal pa/ kun dga' bo de dag 'chi ba'i dus kyi tshe sems can dmyal ba'i sdug bsngal myong bar 'gyur ro/ /spu'i khung bu re re nas kyang tshor ba grangs med dpag
327a8 tu med pa 'byung bar 'gyur te/ 'di ni mdor bsdus te smras pa'o/ /de ci'i phyir zhe na/ nga dang sangs rgyas bcom ldan 'das grangs med pa gzhan dag la yang ci nas so sor bshags pa'i phyir ro/ /kun dga' bo de
327b1 lta bas na rigs kyi bu 'am/ rigs kyi bu mos bdag gi lus 'di lta bur 'gyur du 'ong ngo / /bdag gi tshor ba 'di lta bu myong bar 'gyur du 'ong ngo zhes chos kyi rnam grangs 'di la mos pa bskyed par bya'o/ /mos nas kyang som nyi med pa
327b2 dang / the tsom med par bya'o/ /gang gis de bzhin gshegs pa yongs su ma btang ba dang / 'das pa dang ma byon pa dang / da ltar byung ba'i de bzhin gshegs pa rnams yongs su ma btang ba dang / chos yongs su ma btang ba dang /
327b3 dge 'dun yongs su ma btang ba dang / 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos kyi tshul yongs su ma btang ba des chos kyi rnam grangs 'di la mos par bya/ gzung bar bya/ kun chub
327b4 par bya/ gdon par bya/ bcang bar bya/ bklag par bya'o/ /de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das gang gi tshe sangs rgyas bcom ldan
327b5 'das rnams kyi phyir mi ldog pa'i 'khor lo'i chos bstan pa mdzad pa ni/ gang gis dge 'dun yongs su ma btang ba zhes bgyi ba/ bcom ldan 'das kyis ci la dgongs te de skad bka' stsal/ de bzhin gshegs
327b6 pas dge 'dun du yongs su bstan pa ni gang lags/ bcom ldan 'das kyis bka' stsal pa/ kun dga' bo de bzhin gshegs pas phyir mi ldog pa la dge 'dun du yongs su bstan to/ /gsol pa/ bcom ldan 'das
327b7 byang chub sems dpa' phyir mi ldog pa gang dag lags pa de dag ni phyir mi ldog pa'i dge 'dun la yang dag par gzhol ba ma lags/ grangs su mchi ba yang ma lags so/ /bcom ldan 'das kyis bka' stsal
327b8 pa/ kun dga' bo gang dag bsam pa thag pa nas byang chub tu sems bskyed la/ sems de yang yang dag par rjes su mi mthong ba de dag thams cad phyir mi ldog pa'i dge 'dun la yang dag par gzhol ba'o/ /de dag
328a1 thams cad phyir mi ldog pa'i dge 'dun gyi grangs su 'gro ba'o/ /tshe dang ldan pa kun dga' bos gsol pa/ bcom ldan 'das ji tsam du sangs rgyas bcom ldan 'das rnams thabs mkhas pa dang ldan te/ thabs
328a2 mkhas pas don 'di yongs su bstan pa ngo mtshar to/ /de nas lha'i dbang po brgya byin gyis lha'i me tog man dA ra ba rnams kyis bcom ldan 'das la mngon par gtor te/ mngon par gtor nas kyang bcom ldan 'das
328a3 la 'di skad ces gsol to/ /bcom ldan 'das sems can thams cad kyang thabs mkhas pa 'dis chos ston par gyur cig /bcom ldan 'das kyis bka' stsal pa/ kau shi ka gang dag chos kyi rnam grangs 'di la mos
328a4 par 'gyur ba de dag thams cad ji ltar da lta na nga bzhin du thabs mkhas pa 'dis chos ston par 'gyur ro/ /de nas lha'i bu stong phrag mang pos bcom ldan 'das la lha'i me tog rnams kyis gtor te/ tshig 'di skad ces
328a5 gsol to/ /bcom ldan 'das sems can thams cad kyis kyang chos kyi rnam grangs 'di thob par gyur cig /de nas bcom ldan 'das la tshe dang ldan pa kun dga' bos 'di skad ces gsol to/ /slad ma'i skye bo rnams
328a6 kyi ched du bcom ldan 'das kyis chos kyi rnam grangs 'di byin gyis brlab tu gsol/ bcom ldan 'das gyis bka' stsal pa/ kun dga' bo gal te rigs kyi bu 'am/ rigs kyi bu mo rgya mtsho'i dbus su son pa gang gis
328a7 chos kyi rnam grangs 'di mnyan na yang / des gdon mi za bar thos par 'gyur ro/ /de ci'i phyir zhe na/ kun dga' bo chos kyi rnam grangs 'di ni sngon gyi sangs rgyas rnams kyis byin gyis brlabs pa'o/ /gsol pa/
328a8 bcom ldan 'das chos kyi rnam grangs 'di sngon gyi sangs rgyas rnams kyis byin gyis brlabs su lags kyis kyang bcom ldan 'das kyis kyang de byin gyis brlab tu gsol/ de nas sa chen po rnam pa drug tu g.yos
328b1 te/ g.yos/ rab tu g.yos so/ /bcom ldan 'das kyi spyan sngar 'dzam bu'i klung gi gser gyi pad ma chen po 'dab ma bye ba brgya stong du ma yod pa/ 'od kyis phyogs bcu kun du snang bar byed pa mngon du byung ngo / /
328b2 'od des kyang 'jig rten gyi khams gang gA'i klung gi bye ma snyed snang bar byas so/ /de nas 'khor bzhi po de dag gis 'jig rten gyi khams de dag na sangs rgyas bcom ldan 'das gang gA'i klung gi bye ma snyed thams
328b3 cad kyi spyan snga na/ 'dzam bu'i klung gi gser gyi pad ma chen po 'dab ma brgya stong du ma yod pa 'od kyis phyogs bcu kun du snang bar byed pa mngon du byung ba mthong ngo / /de nas lha'i dbang po brgya byin khyim bdag gi cha
328b4 byad kyis me tog rnam pa sna tshogs 'khor bzhi po de dag la byin te/ tshig 'di skad du khyed kyis de bzhin gshegs pa dgra bcom pa yang dag par rdzogs pa'i sangs rgyas de dag dang / chos kyi rnam grangs 'di la mchod pa'i
328b5 phyir mngon par gtor cig /mngon par gtor cig ces smras so/ /de nas 'khor bzhi po de dag gis me tog de dag blangs te/ de bzhin gshegs pa dgra bcom pa yang dag par rdzogs pa'i sangs rgyas de dag la gtor ba dang / me
328b6 tog de dag de bzhin gshegs pa de dag gi dbu'i steng gi drang thad na gdugs su 'dug par mthong ngo / /'khor bzhi po de dag gis bcom ldan 'das la 'di skad ces gsol to/ /bcom ldan 'das gang gi slad
328b7 du sa chen po g.yos pa 'di byung ba dang / bcom ldan 'das dang / de bzhin gshegs pa 'di dag gi spyan sngar 'di lta bu'i pad ma chen po 'di byung ba 'di su'i snga ltas lags/ bcom ldan 'das kyis bka' stsal pa/
328b8 grogs po dag 'di ni chos kyi rnam grangs 'di la byin gyis rlob pa'i ltas te/ ltas 'dis chos kyi rnam grangs 'di la byin gyis rlob par shes par gyis shig /tshe dang ldan pa kun dga' bos gsol pa/ bcom ldan
329a1 'das chos kyi rnam grangs 'di ni byin gyis brlabs lags so/ /bcom ldan 'das kyis bka' stsal pa/ kun dga' bo de de bzhin te/ chos kyi rnam grangs 'di byin gyis brlabs so/ /gsol pa/ bcom ldan
329a2 'das ci lags/ bcom ldan 'das nyag gcig gis byin gyis brlabs sam/ 'on te de bzhin gshegs pa dgra bcom pa yang dag par rdzogs pa'i sangs rgyas 'di dag gis kyang byin gyis brlabs/ bcom ldan
329a3 'das kyis bka' stsal pa/ kun dga' bo de bzhin gshegs pa dgra bcom pa yang dag par rdzogs pa'i sangs rgyas thams cad kyis chos kyi rnam grangs 'di byin gyis brlabs so/ /de nas bcom ldan 'das la tshe dang ldan
329a4 pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de lta bas na khyod kyis chos
329a5 kyi rnam grangs 'di 'bras bu la mngon par zhen pa med pa zhes bya bar zung shig /'di 'bras bu sna tshogs dang bral ba zhes bya bar yang zung shig /'di dad pas rjes su 'brang ba dang / chos kyi rjes su 'brang ba dang /
329a6 brgyad pa dang / rigs kyi sa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas bstan pa zhes bya bar yang zung shig /'di bdud slar btang ba
329a7 bstan pa zhes bya bar yang zung shig /'di de bzhin gshegs pa dang / bcom ldan 'das dang / sangs rgyas bstan pa zhes bya bar yang zung shig /'di pha rol du phyin pa drug dang ldan pa zhes bya bar yang zung shig /
329a8 de ci'i phyir zhe na/ kun dga' bo chos kyi rnam grangs 'di la mos sam/ 'dzin tam/ klog gam/ kun chub par byed na pha rol du phyin pa drug bsgom pa yongs su rdzogs par 'gyur ro/ /gsol pa/ bcom ldan 'das
329b1 chos kyi rnam grangs 'di la mos sam/ 'dzin tam/ klog gam/ kun chub par bgyid pa'i pha rol du phyin pa drug bsgom pa ji ltar yongs su rdzogs par 'gyur/ bcom ldan 'das kyis bka' stsal pa/ kun dga'
329b2 bo gang gi tshe rigs kyi bu 'am/ rigs kyi bu mo dag chos kyi rnam grangs 'di la mos pa de ni de'i sbyin pa'i pha rol du phyin pa'o/ /gang chos kyi rnam grangs 'di la the tsom mi za ba de ni de'i tshul khrims kyi pha rol du phyin
329b3 pa'o/ /gang chos kyi rnam grangs 'di la bzod cing 'dod pa de ni de'i bzod pa'i pha rol du phyin pa'o/ /gang chos kyi rnam grangs 'di la sems ma zhum pa de ni de'i brtson 'grus kyi pha rol du phyin pa'o/ /gang chos kyi rnam
329b4 grangs 'di la sems yeng yeng por mi 'gyur ba de ni de'i bsam gtan gyi pha rol du phyin pa'o/ /gang chos kyi rnam grangs 'di la rnam par mi rtog cing chos thams cad yang dag par rjes su mi mthong ba de ni de'i shes rab
329b5 kyi pha rol du phyin pa'o/ /kun dga' bo de lta bas chos kyi rnam grangs 'di pha rol du phyin pa drug dang ldan pa zhes bya bar zung shig /'di sangs rgyas thams cad kyis mtshungs par bstan pa zhes bya bar yang zung shig /
329b6 'di phyir mi ldog pa'i 'khor lo ye shes chen po bstan pa zhes bya bar yang zung shig /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs
329b7 'di'i ming yang mnyan par bgyi na thog ma dang / bar dang / tha ma lta smos kyang ci 'tshal/ bcom ldan 'das kyis bka' stsal pa/ de de lta'o/ /kun dga' bo de de lta'o/ /tshe dang ldan pa kun dga' bos gsol pa/ bcom
329b8 ldan 'das gang zhig chos kyi rnam grangs 'di'i ming thos pa des 'khor ba las bskal pa du zhig bsnyil bar bgyis par 'gyur/ bcom ldan 'das kyis bka' stsal pa/ kun dga' bo gang gis chos kyi rnam grangs
330a1 'di'i ming phyir mi ldog pa'i 'khor lo ye shes chen po bstan pa zhes bya ba thos la/ thos nas kyang mos par 'gyur ba des 'khor ba las bskal pa stong bsnyil bar byas par 'gyur ro/ /tshe dang ldan pa kun dga' bos
330a2 gsol pa/ bcom ldan 'das gang chos kyi rnam grangs 'di la mos nas byang chub tu sems bskyed par 'gyur ba de ji ltar blta bar bgyi/ bcom ldan 'das kyis bka' stsal pa/ kun dga' bo gang zhig chos kyi rnam grangs 'di la
330a3 mos nas byang chub tu sems bskyed par 'gyur ba de nyid de'i bla na med pa yang dag par rdzogs pa'i byang chub tu lung bstan pa'o/ /de nas 'khor bzhi po de dag gi mdun du pad ma kha dog sna tshogs pa/ kha dog du ma yod pa/ kha dog
330a4 dpag tu med/ 'dab ma bye ba brgya stong phrag du ma yod pa so sor byung ngo / /de nas 'khor bzhi po de dag tshim zhing mgu la yi rangs ste/ rab tu dga' nas dga' ba dang / yid bde ba skyes te/ pad ma de dag blangs nas bcom ldan
330a5 'das la mngon par gtor to/ /mngon par gtor nas kyang tshig 'di skad du bdag cag gis kyang chos kyi rnam grangs 'di de ltar bstan par bgyi'o/ /de ltar rab tu dbye bar bgyi'o zhes smras so/ /de nas bcom ldan 'das
330a6 kyis de'i tshe 'dzum pa mdzad do/ /bcom ldan 'das kyis 'dzum pa mdzad ma thag tu de nas sil snyan thams cad kyang ma bkrol bar sgra byung ngo / /spos thams cad kyi ngad kyang langs so/ /lha brgya stong mang po dag gis kyang lha'i
330a7 tsan dan gyi phye ma dang / lha'i 'dzam bu'i klung gi gser phye dang / lha'i me tog man dA ra ba dang / lha'i na bza' rnams kyis bcom ldan 'das la mngon par gtor to/ /de nas bcom ldan 'das la tshe dang ldan pa kun dga' bos
330a8 'di skad ces gsol to/ /de bzhin gshegs pa rnams ni rgyu ma mchis/ rkyen ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis
330b1 bka' stsal pa/ kun dga' bo 'khor bzhi po 'di dag thams cad dang / lha dang / klu dang / gnod sbyin dang / dri za gang dag chos kyi rnam grangs 'di thos pa dang / gang dag phyi ma'i dus na thos par 'gyur ba de dag thams cad kyang
330b2 ji ltar da lta na nga ston pa de bzhin du chos kyi rnam grangs 'di lhag chad med par ston par 'gyur ro/ /bcom ldan 'das kyis de skad ces bka' stsal pa dang / tshe dang ldan pa kun dga' bo dang / 'khor bzhi po de dag dang / lha
330b3 dang / mi dang / lha ma yin dang / dri zar bcas pa'i 'jig rten bcom ldan 'das kyi gsungs pa la yi rangs te mngon par bstod to/ /'phags pa phyir mi ldog pa'i 'khor lo zhes bya ba theg pa chen po'i mdo rdzogs so// //
330b4 rgya gar gyi mkhan po 'dzi na mi tra dang / dA na shI la dang / mu ne bar ma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/ /
CLOSE WINDOW