བོད་ཡིག |
184b4 @#/ /rgya gar skad du/ Ar+ya s+thi ra a t+ya sha ya pa ri brta nA ma ma hA yA na sU tra/ bod skad du/ 'phags pa lhag pa'i bsam pa brtan pa'i le'u zhes bya ba theg pa chen po'i mdo/ sangs rgyas dang
184b5 byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong stong nyis brgya lnga bcu'i dge slong
184b6 gi dge 'dun chen po dang / byang chub sems dpa' lnga brgya tsam dang thabs gcig tu bzhugs so/ /de'i tshe byang chub sems dpa' lhag pa'i bsam pa brtan pa nang par sngar sham thabs dang / chos gos bgos/
184b7 lhung bzed thogs te rgyal po'i khab tu bsod snyoms la song ngo / /de nas byang chub sems dpa' lhag pa'i bsam pa brtan pa bsod snyoms kyi phyir rgyal po'i khab kyi grong khyer chen por mthar chags su rgyu ba na/
184b8 tshong dpon zhig gi khyim na bu mo gzugs bzang ba mdzes pa/ lta na sdug pa/ kha dog bzang po rgyas pa mchog dang ldan pa zhig yod pa mthong ngo / /des bu mo de mthong nas 'dod chags kyis yongs su gdung ba
185a1 skyes te/ des mi sdug pa yid la bya'o snyam du bsam kyang de'i sems sdug pa'i mtshan ma 'ba' shig gis yongs su zin te 'dug par gyur to/ /de nas byang chub sems dpa' lhag pa'i bsam pa
185a2 brtan pa dga' bar 'dzin pa'i sems kyis khyim de nas bsod snyoms ma blangs par rgyal po'i khab kyi grong khyer nas lhung bzed stong bzhin du phyir song ste/ 'dod pa'i rtog pa de yid la mi bya bar bya ba'i phyir 'bad na
185a3 so sor brtag pa'i stobs kyis kyang 'dod pa'i rtog pa bsal ma nus nas/ bcom ldan 'das kyis lha'i spyan rnam par dag pa mi'i las 'das pas byang chub sems dpa' lhag pa'i bsam pa brtan pa'i 'dod
185a4 pa'i rtog pa dang ldan pa so sor rtog pa'i stobs kyis kyang 'dod pa'i rtog pa bsal ma nus pa gzigs so/ /de nas bcom ldan 'das kyis byang chub sems dpa' lhag pa'i bsam pa brtan pa gdul bar bya ba'i dbang
185a5 gi phyir byang chub sems dpa' lhag pa'i bsam pa brtan pa lam gang nas 'gro ba'i lam der tshong dpon gyi bu mo de ci 'dra ba de 'dra ba'i bu mo zhig sprul nas byang chub sems dpa' lhag pa'i bsam pa brtan pas sprul
185a6 pa'i bu mo de mthong ngo / /mthong nas kyang 'di skad ces smras so/ /rigs kyi bu mo khyod gar 'gro/ /sprul pa'i bu mos smras pa/ khyod gar bzhud pa der bdag mchi'o/ /de nas byang chub sems dpa' lhag pa'i
185a7 bsam pa brtan pa 'jigs shing skrag nas bros so/ /bros nas ri bgrod dka' ba zhig tu song ngo / /sprul pa'i bu mo de yang ri bgrod dka' ba de nyid du song ngo / /de nas byang chub sems dpa' lhag pa'i bsam pa
185a8 brtan pa lus ngal chad de 'dug go/ /sprul pa'i bu mo de yang byang chub sems dpa' lhag pa'i bsam pa brtan pa'i mdun du 'dug go/ /'dug nas kyang tshigs su bcad pa 'di skad ces smras so/ /bdag ni
185b1 sems kyis spang bar gyis/ /lus ni bros pas ci zhig bya/ /brtan po lus ni bros pa yis/ /'dod chags spong bar mi 'gyur ro/ /de nas sprul pa'i bu mo des tshigs su bcad pa de skad ces smras nas ri bgrod
185b2 dka' ba de las lhung ngo / /lhung nas de'i mgo yang logs shig tu song ngo / /lag pa yang logs shig /rkang pa yang logs shig /yan lag dang nying lag rnams kyang logs shig tu song ste/ 'di lta ste dper na kha ba
185b3 bcangs pa las rab tu dros shing rab tu zhu nas sa la thim pa de bzhin du sprul pa'i bu mo de/ de nyid du mi snang bar gyur to/ /de nas byang chub sems dpa' lhag pa'i bsam pa brtan pas/ sprul pa'i bu mo de ma mthong nas 'dod
185b4 chags kyi sems de nyid zhi bar gyur te/ de skyo ba chen po skyes so/ /des skyo ba chen po thob ste/ sprul pas tshigs su bcad pa smras pa de mngon sum du gyur nas de 'di snyam du sems te/ rang bzhin 'di dag thams
185b5 cad bcom ldan 'das la bdag gis gsol to/ /de ltar byas na bcom ldan 'das kyi thugs kyis sems mkhyen nas ci nas bdag gis chos mngon par rtogs par 'gyur ba'i chos ston par 'gyur snyam mo/ /de nas
185b6 byang chub sems dpa' lhag pa'i bsam pa brtan pa bgrod dka' ba de nas byung nas/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /
185b7 de'i tshe bcom ldan 'das 'khor 'bum phrag du mas yongs su bskor cing mdun gyis bltas nas chos ston to/ /byang chub sems dpa' lhag pa'i bsam pa brtan pas bcom ldan 'das kyi bka' rdzogs par
185b8 rig nas bla gos phrag pa gcig tu gzar te/ pus mo'i lha nga sa la btsugs nas bcom ldan 'das ga la ba de logs su thal mo sbyar ba btud de/ bcom ldan 'das la rang bzhin thams cad gsol to/ /bcom ldan
186a1 'das kyis bka' stsal pa/ rigs kyi bu gang lam gyis 'byung ba yongs su tshol ba de ni de bzhin te/ rigs kya bu de bzhin gshegs pas ni chags par 'gyur ba'i chos rnams spangs pas 'dod
186a2 chags spongs par ma gsungs so/ /de bzhin du zhe sdang bar 'gyur ba dang / gti mug par 'gyur ba'i chos rnams spangs pas de bzhin gshegs pas gti mug spongs par ma gsungs so/ /de ci'i phyir zhe na/
186a3 rigs kyi bu de bzhin gshegs pa ni chos gang yang dor bar bya ba 'am/ thob par bya ba'i phyir chos mi ston to/ /yongs su shes par bya ba dang / yongs su spang bar bya ba dang / bsgom par bya ba dang / mngon sum du bya
186a4 ba dang / mngon par rtogs par bya ba dang / 'khor ba las bskyod par bya ba dang / mya ngan las 'das par 'gro bar bya ba dang / bsal bar bya ba dang / gzhag par bya ba dang / dbye bar bya ba'i phyir chos mi ston to/ /
186a5 rigs kyi bu gnyis su dbye ba ni de bzhin gshegs pa rnams kyi chos nyid ma yin no/ /gnyis su spyod pa gang yin pa de dag ni yang dag pa la zhugs pa ma yin no/ /rigs kyi bu gnyis gang zhe na/ bdag gis 'dod
186a6 chags spang bar bya'o snyam pa 'di ni gnyis so/ /bdag gis zhe sdang spang bar bya'o/ /bdag gis gti mug spang bar bya'o snyam pa 'di ni gnyis so/ /de ltar sbyor ba gang yin pa de dag ni yang dag pa la zhugs
186a7 pa ma yin te/ de dag ni log par zhugs pa zhes bya'o/ /rigs kyi bu 'di lta ste dper na/ mi la la zhig gis sgyu ma mkhan gyi rol mo byung ba'i tshe/ sgyu ma mkhan gyis sprul pa'i bud med mthong na 'dod chags
186a8 kyi sems bskyed de/ de 'dod chags kyis sems dkris nas 'khor gyis 'jigs shing bag tsha ste stan las langs nas song ste/ de song nas bud med de nyid la mi sdug pa yid la byed cing / mi rtag pa dang /
186b1 sdug bsngal ba dang / stong pa dang / bdag med par yid la byed na/ rigs kyi bu 'di ji snyam du sems/ ci mi de yang dag par zhugs pa yin nam/ 'on te log par zhugs pa yin/ gsol pa/ bcom ldan 'das
186b2 gang bud med ma mchis pa la mi sdug par yid la bgyid cing mi rtag pa dang / sdug bsngal ba dang / stong pa dang / bdag med par yid la bgyid pa'i mi de'i mngon par brtson pa de ni log pa lags so/ /bcom ldan 'das
186b3 kyis bka' stsal pa/ rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig ma skyes ma byung ba'i chos rnams la mi sdug par yid la byed cing mi rtag pa dang / sdug bsngal ba
186b4 dang / stong pa dang / bdag med par yid la byed pa gang yin pa rnams kyang de dang 'dra bar blta bar bya'o/ /nga ni mi blun po de dag la lam sgom pa yin no zhes mi smra ste/ de dag ni log par zhugs pa zhes bya'o/ /
186b5 rigs kyi bu 'di lta ste dper na mi la la gnyid log pa'i rmi lam du bdag gi khyim du rgyal po'i btsun mo mthong nas de dang lhan cig nyal bar byed de/ dran pa nyams pa'i phyir bdag ni gsad do snyam du de ltar sems
186b6 nas rgyal pos ma tshor grang / des bdag gsad du 'ong ngo snyam nas de 'jigs shing skrag ste bros na 'di ji snyam du sems/ ci mi de 'jigs shing skrag ste bros pas rgyal po'i btsun mo'i phyir 'jigs pa de las thar
186b7 bar 'gyur ram/ gsol pa/ bcom ldan 'das de ni ma lags so/ /de ci'i slad du zhe na/ bcom ldan 'das 'di ltar mi des bud med ma mchis par bud med kyi 'du shes bskyed de yang dag pa ma lags pa
186b8 kun brtags pa'i slad du'o/ /bcom ldan 'das kyis bka' stsal pa/ rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig 'dod chags med pa la 'dod chags kyi
187a1 'du shes bskyed nas 'dod chags kyi 'jigs pas skrag ste/ 'dod chags las nges par 'byung ba yongs su tshol ba dang / de bzhin du zhe sdang med par zhe sdang gi 'du shes bskyed/ gti mug med par
187a2 gti mug gi 'du shes bskyed nas gti mug gi 'jigs pas skrag ste/ gti mug las nges par 'byung ba yongs su tshol ba gang yin pa rnams kyang de dang 'dra bar blta bar bya'o/ /nga ni mi blun po de dag la lam
187a3 sgom pa yin no zhes mi smra ste/ de dag ni log par zhugs pa zhes bya'o/ /rigs kyi bu 'di lta ste dper na/ mi des med bzhin du sgro btags pas 'jigs pa med pa la 'jigs pa'i 'du shes bskyed pa de bzhin du/
187a4 rigs kyi bu byis pa so so'i skye bo rnams ni 'dod chags kyi mtha' ma shes nas 'dod chags kyi mtha'i 'jigs pas skrag ste/ 'dod chags kyi mtha' las nges par 'byung ba yongs su tshol lo/ /zhe sdang gi mtha'
187a5 ci yang med pa'i mthar ma shes nas zhe sdang gi mtha'i 'jigs pas skrag cing ci yang med pa'i mtha' las nges par 'byung ba yongs su tshol lo/ /gti mug gi mtha' stong pa nyid kyi mthar ma shes nas gti mug gi
187a6 mtha'i 'jigs pas skrag ste/ stong pa nyid kyi mtha' las nges par 'byung ba yongs su tshol bar byed do/ /nga ni mi blun po de dag la lam sgom pa yin no zhes mi smra ste/ de dag ni log par zhugs pa zhes bya'o/ /rigs
187a7 kyi bu 'di lta ste dper na/ mi la la zhig sos ka'i zla ba tha ma'i nyi ma gung la lam du zhugs nas tsha bas nyen te ngal chad nas skom zhing gdungs te shin du so sor rtog pa'i stobs dang ldan par gyur nas/ des
187a8 'brog dgon par smig rgyu'i chu 'dal pa chen po'i rgyun 'bab pa mthong la/ de der 'di ltar so sor rtog par byed de/ bdag khyim du ma phyin gyi bar du re shig chu 'di btung bar mi bya'o snyam nas des smrig rgyu de bor rang gi khyim du
187b1 song ngo / /rang gi khyim du song nas bdag skom la chu mthong bzhin du ma 'thungs par bor ba ni bdag gis ngo mtshar cig byas so/ /bdag gis mchog tu ngo mtshar ba zhig byas so zhes ched du brjod pa ched du brjod na/
187b2 rigs kyi bu 'di ji snyam du sems/ mi des chu med cing yod pa ma yin pa ma 'thungs te bor ba la ngo mtshar cig byas pa yod dam/ gsol pa/ bcom ldan 'das de ni ma lags so/ /de ci'i slad du zhe na/ bcom ldan
187b3 'das de na chab kyang ma mchis/ chab tu gdags pa yang ma mchis te/ bcom ldan 'das mi de chab ma mchis par 'du shes 'khrul te/ de chab dor bar so sor rtog par bgyid cing mi bden pa'i dga' ba dang / mchog
187b4 tu dga' ba bskyed nas dga' ba des mgu bar 'dzin par byas so/ /bcom ldan 'das kyis bka' stsal pa/ rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig de bzhin
187b5 gshegs pa'i dgongs pa'i tshig ma shes nas/ ser sna'i sems yongs su spang ba'i phyir sbyin pa med par sbyin pa'i 'du shes bskyed de med bzhin du so sor rtog par byed la/ mi bden pa'i dga' ba dang / mchog tu dga'
187b6 ba skyed cing bdag cag gis ni ser sna'i sems bsal to snyam ste/ dga' ba des mgu bar 'dzin pa dang / 'chal pa'i tshul khrims kyi sems yongs su spang ba'i phyir tshul khrims med par tshul khrims kyi 'du shes skyed de med
187b7 bzhin du so sor rtog par byed la/ mi bden pa'i dga' ba dang / mchog tu dga' ba skyed cing bdag cag gis ni 'chal pa'i tshul khrims kyi sems bsal to snyam ste/ dga' ba des mgu bar 'dzin pa dang / gnod sems
187b8 kyi sems yongs su spang ba'i phyir bzod pa med par bzod pa'i 'du shes skyed de med bzhin du so sor rtog par byed la/ mi bden pa dang / mchog tu dga' ba skyed cing bdag cag gis ni gnod pi sems kyi sems bsal to
188a1 snyam ste/ dga' ba des mgu bar 'dzin pa dang / le lo'i sems yongs su spang ba'i phyir brtson 'grus med par brtson 'grus kyi 'du shes skyed de/ med bzhin du so sor rtog par byed la/ mi bden
188a2 pa'i dga' ba dang / mchog tu dga' ba skyed cing bdag cag gis ni le lo'i sems bsal to snyam ste/ dga' ba des mgu bar 'dzin pa dang / rnam par g.yengs pa'i sems yongs su spang ba'i phyir bsam gtan med par
188a3 bsam gtan gyi 'du shes skyed de med bzhin du so sor rtog par byed la/ mi bden pa'i dga' ba dang / mchog tu dga' ba skyed cing bdag cag gis ni rnam par g.yengs pa'i sems bsal to snyam ste/ dga' ba des
188a4 mgu bar 'dzin pa dang / mi shes pa'i sems yongs su spang ba'i phyir shes rab med par shes rab kyi 'du shes skyed de med bzhin du so sor rtog par byed la/ mi bden pa'i dga' ba dang / mchog tu dga' ba skyed cing
188a5 bdag cag gis ni mi shes pa'i sems bsal to snyam ste/ dga' ba des mgu bar 'dzin pa gang yin pa rnams kyang de dang 'dra bar blta bar bya'o/ /nga ni mi blun po de dag la lam sgom pa yin no zhes mi smra ste/ de dag ni log
188a6 par zhugs pa zhes bya'o/ /rigs kyi bu 'di lta ste dper na mi zhig chu med par 'du shes 'khrul te/ de chu dor bar so sor rtog par byed la/ mi bden pa'i dga' ba dang / mchog tu dga' ba skyed cing dga' ba des mgu
188a7 bar 'dzin pa de bzhin du rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig de bzhin gshegs pa'i chos kyi dbyings ma shes nas rgyun du zhugs pa'i 'bras bu med par rgyun du zhugs pa'i 'bras bur 'du shes 'khrul/
188a8 lan cig phyir 'ong ba'i 'bras bu med par lan cig phyir 'ong ba'i 'bras bur 'du shes 'khrul/ phyir mi 'ong ba'i 'bras bu med par phyir mi 'ong ba'i 'bras bur 'du shes 'khrul/ dgra bcom pa nyid kyi 'bras bu med
188b1 par dgra bcom pa nyid kyi 'bras bur 'du shes 'khrul/ rang sangs rgyas nyid kyi 'bras bu med par rang sangs rgyas nyid kyi 'bras bur 'du shes 'khrul/ sangs rgyas nyid kyi 'bras bu med par sangs rgyas nyid kyi 'bras bur
188b2 'du shes 'khrul/ mya ngan las 'das pa'i 'bras bu med par mya ngan las 'das pa'i 'bras bur 'du shes 'khrul te/ med bzhin du so sor rtog par byed la/ mi bden pa'i dga' ba dang / mchog tu dga' ba skyed cing
188b3 dga' ba des mgu bar 'dzin pa gang yin pa rnams kyang de dang 'dra bar blta bar bya'o/ /nga ni mi blun po de dag la lam sgom pa yin no zhes mi smra ste/ de dag ni log par zhugs pa zhes bya'o/ /rigs kyi bu de lta bas
188b4 na rigs kyi bu 'am/ rigs kyi bu mo dad pa can rnams kyis ji ltar smig rgyu la chu'i 'du shes skyed pa de lta bur chos rnams rab tu shes par bya'o/ /de ltar chos rnams rab tu shes pa de dag ni yang dag par zhugs pa yin
188b5 nam/ gzhan du shes pa gang dag yin pa de dag ni yang dag par zhugs pa ma yin no/ /nga ni mi blun po de dag la lam sgom pa yin no zhes mi smra ste/ de dag ni log par zhugs pa zhes bya'o/ /rigs kyi bu 'di lta ste
188b6 dper na bud med gcig gis me long blangs te bzhin gyi mtshan ma brtags na des me long shin du phyis pa de la gzugs brnyan mdzes shing blta na sdug pa mthong nas/ des de la bdag gis ni gzugs brnyan 'di
188b7 la 'dod chags kyi sems bskyed par mi bya'o/ /de ci'i phyir zhe na/ 'di ni bdag gi ma yin/ bdag kyang 'di'i ma yin pa'i phyir ro snyam du so sor rtog par byed na/ rigs kyi bu 'di ji snyam du sems/ de ltar
188b8 gzugs brnyan de bud med 'di la 'dod chags kyi sems mi skyed pa ngo mtshar to snyam du 'dzin tam/ gsol pa/ bcom ldan 'das de ni ma lags so/ /de ci'i slad du zhe na/ bcom ldan 'das gzugs brnyan
189a1 ni rnam par rtog pa ma mchis pa dang / yongs su ma grub pa lags te/ de la rtog pa ci yang ma mchis pa'i slad du'o/ /bcom ldan 'das kyis bka' stsal pa/ rigs kyi bu de de bzhin te/ byis pa
189a2 so so'i skye bo rnams ni gzugs rnams la rtog par byed de gzugs 'di dag ni ngan no/ /'di dag ni 'bring ngo / /'di dag ni rab bo snyam du sems mod kyi 'on kyang gzugs rnams ni gzugs kyi ngo bo nyid la rnam par
189a3 rtog pa mi skyed de rtog par mi byed/ rnam par rtog par mi byed do/ /sgra dang / dri dang ro dang / reg bya rnams kyang de dang 'dra'o/ /'di ltar yang byis pa so so'i skye bo rnams ni chos rnams la rtog par byed de chos
189a4 'di dag ni ngan no/ /'di dag ni 'bring ngo / /'di dag ni rab bo snyam du sems mod kyi/ 'on kyang chos rnams ni chos kyi ngo bo nyid la rnam par rtog pa mi skyed de/ rtog par mi byed/ rnam par rtog par mi byed
189a5 do/ /rigs kyi bu 'di lta ste dper na bud med des med pa de yod pa'i 'du shes bskyed nas/ de yang so sor rtog par byed cing de la mngon par zhen pa de bzhin du rigs kyi bu 'di na dge slong dang / dge slong ma
189a6 dang / dge bsnyen dang / dge bsnyen ma kha cig chos thams cad gzugs brnyan lta bur shes nas 'di skad du bdag cag gzugs rnams la chags par mi bya'o/ /de bzhin du bdag cag sgra rnams dang /
189a7 dri rnams dang / ro rnams dang / reg bya rnams dang / chos rnams la chags par mi bya'o/ /bdag cag gis sdom pa bsgrub par bya'o zhes zer te/ de dag med pa de la yod par 'du shes bskyed nas med bzhin
189a8 du so sor rtog par byed de de la mngon par zhen la/ des kyang dga' bar 'dzin cing bdag cag la ni bstod par byed/ gzhan la ni brnyas par byed pa gang dag yin pa rnams kyang de dang 'di bar blta bar bya'o/ /
189b1 nga ni mi blun po de dag la lam sgom pa yin no zhes mi smra ste/ de dag ni log par zhugs pa zhes bya'o/ /rigs kyi bu 'di lta ste dper na mo sham zhig yod la de dran pa nyams pas 'di ltar bdag ni bu mi 'dod par bya'o zhes
189b2 dam 'cha' bar byed pa de la/ bud med la la zhig gis yid bsrung ba'i phyir shes shing rtogs bzhin du 'di skad ces/ khyod kyi bu gzugs bzang zhing mdzes la blta na sdug pa zhig yod par 'gyur gyis/ 'di
189b3 ltar dam mi bca' bar gsol zhes zer la/ de nas mo sham des bud med de'i tshig mnyan nas dran pa nyams pas bdag gi bu gzugs bzang zhing mdzes la blta na sdug pa zhig yod par 'gyur ro snyam du re ba'i sems
189b4 skyed par byed de/ sems 'khrul pa des 'du shes kyi rnam pa des sems yongs su mgu bar byed la/ bu ni skyes kyang ma skyes skye bar yang mi 'gyur ba de bzhin du rigs kyi bu de bzhin gshegs pa ni chos thams cad/
189b5 mo sham gyi bu dang 'dra bar mkhyen cing gzigs bzhin du 'jig rten gyi rjes su 'thun par bya ba'i phyir gnyis su ston te/ 'das pa'i dus na khyod ming 'di zhes bya bar gyur/ rigs ni 'di zhes bya/ rus ni 'di zhes bya/
189b6 kha dog ni 'di 'dra bar gyur/ zas ni 'di lta bu zhig za za/ yun ni 'di srid gcig tu gnas gnas/ bde ba dang sdug bsngal ni 'di lta bu zhig nyams su myong / tshe'i mtha' ni 'di srid cig tu gyur to/ /ma
189b7 'ongs pa'i dus na ni 'di lta bu zhig tu 'gyur te/ ming ni 'di skad ces bya bar 'gyur/ rigs ni 'di zhes bya/ rus ni 'di zhes bya/ kha dog ni 'di 'dra bar 'gyur/ zas ni 'di lta bu zhig za bar 'gyur/
189b8 yun ni 'di srid cig tu gnas par 'gyur/ bde ba dang sdug bsngal ni 'di lta bu zhig nyams su myong bar 'gyur/ tshe'i mtha' ni 'di srid gcig tu 'gyur ro/ /de bzhin du da ltar byung ba'i dus na ming ni 'di zhes bya/
190a1 rigs ni 'di zhes bya/ rus ni 'di zhes bya/ kha dog ni 'di 'dra ba zhig /zas ni 'di lta bu zhig za/ yun ni 'di srid gnas/ bde ba dang sdug bsngal ba ni 'di lta bu zhig nyams su myong / tshe'i mtha'
190a2 ni 'di srid cig thub po zhes ston par mdzad do/ /rigs kyi bu dper na mo sham de rang gi brtags pas bu'i 'du shes des re bar byed la bu de ni mi skye ba'i chos can no/ /mi skye ba'i chos can yin pas na mi 'gag
190a3 pa'i chos can no/ /mi 'gag pa'i chos can yin pas na rnam par rig byed ma yin pa'i chos can no/ /rigs kyi bu de bzhin du gzugs thams cad ni gzugs kyi ngo bo nyid kyis mi skye ba'i chos can no/ /
190a4 mi skye ba'i chos can yin pas na mi 'gag pa'i chos can no/ /mi 'gag pa'i chos can yin pas na rnam par rig byed ma yin pa'i chon can no/ /tshor ba thams cad dang / 'du shes thams cad dang / 'du byed
190a5 thams cad dang / rnam par shes pa thams cad kyang de dang 'dra ste/ rnam par shes pa'i ngo bo nyid kyis mi skye ba'i chos can no/ /mi skye ba'i chos can yin pas na mi 'gag pa'i chos can no/ /mi 'gag pa'i
190a6 chos can yin pas na rnam par rig byed ma yin pa'i chos can te/ chos kyi ngo bo nyid de ltar mi shes pa gang dag yin pa de dag ni yang dag par zhugs pa ma yin no/ /nga ni mi blun po de dag la lam sgom pa yin no
190a7 zhes mi smra ste/ de dag ni log par zhugs pa zhes bya'o/ /chos rnams de ltar shes pa gang dag yin pa de dag ni yang dag par zhugs pa yin te/ de dag ni lam la gnas pa yin no/ /de dag ni lam las mi
190a8 g.yo ba yin no/ /de ci'i phyir zhe na/ de bzhin gshegs pa rnams kyi chos gnas pa ni chos kyi dbyings mi g.yo ba'i tshul gyis mi g.yo ba yin pa'i phyir ro/ /rigs kyi bu de lta bas na/ rigs kyi bu 'am/ rigs
190b1 kyi bu mo de bzhin gshegs pa rnams kyi chos kyi tshul la 'jug par 'dod pas 'dod chags las g.yo bar mi bya'o/ /zhe sdang las g.yo bar mi bya'o/ /gti mug las g.yo bar mi bya'o/ /nyon mongs pa thams cad
190b2 las g.yo bar mi bya'o/ /mig dang / gzugs dang / mig gi rnam par shes pa las g.yo bar mi bya'o/ /de bzhin du rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang /
190b3 lce dang ro dang / lce'i rnam par shes pa dang / lus dang / reg bya dang / lus kyi rnam par shes pa dang / yid dang / chos dang / yid kyi rnam par shes pa las g.yo bar mi bya'o/ /chos thams cad kyi 'du shes
190b4 las g.yo bar mi bya'o/ /chos thams cad kyi 'du shes la yang gnas par mi bya'o/ /de ci'i phyir zhe na/ gal te 'dod chags las g.yo bar gyur na chos kyi dbyings las g.yo bar 'gyur ro/ /de ci'i
190b5 phyir zhe na/ stong pa nyid mi g.yo ba'i don gyis 'dod chags nyid chos kyi dbyings yin pa'i phyir ro/ /gal te zhe sdang las g.yo bar gyur na chos kyi dbyings las g.yo bar 'gyur ro/ /de ci'i phyir zhe na/ mtshan
190b6 ma med pa mi g.yo ba'i don gyis zhe sdang nyid chos kyi dbyings yin pa'i phyir ro/ /gal te gti mug las g.yo bar gyur na chos kyi dbyings las g.yo bar 'gyur ro/ /de ci'i phyir zhe na/ smod pa med pa
190b7 mi g.yo ba'i don gyis gti mug nyid chos kyi dbyings yin pa'i phyir ro/ /gal te nyon mongs pa thams cad las g.yo bar gyur na chos kyi dbyings las g.yo bar 'gyur ro/ /de ci'i phyir zhe na/ nyon mongs
190b8 pa thams cad kyi ngo bo nyid ji lta ba bzhin du rtogs pa mi g.yo ba'i don gyis nyon mongs pa thams cad nyid chos dbyings yin pa'i phyir ro/ /gal te mig dang / gzugs dang / mig gi rnam par shes pa las
191a1 g.yo bar gyur na chos kyi dbyings las g.yo bar 'gyur ro/ /de ci'i phyir zhe na/ rten cing 'brel par 'byung ba mi g.yo ba'i don gyis mig dang / gzugs dang / mig gi rnam par shes pa nyid chos kyi
191a2 dbyings yin pa'i phyir ro/ /de bzhin du gal te rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang /
191a3 lus kyi rnam par shes pa dang / yid dang / chos dang / yid kyi rnam par shes pa las g.yo bar gyur na chos kyi dbyings las g.yo bar 'gyur ro/ /de ci'i phyir zhe na/ rten cing 'brel par 'byung ba mi g.yo ba'i don gyis/
191a4 yid dang / chos dang / yid kyi rnam par shes pa nyid chos kyi dbyings yin pa'i phyir ro/ /gal te chos thams cad kyi 'du shes las g.yo bar gyur na chos kyi dbyings las g.yo bar 'gyur ro/ /de ci'i phyir zhe na/
191a5 chos thams cad kyi 'du shes kyi ngo bo nyid ji lta ba bzhin du rtogs pa mi g.yo ba'i don gyis chos thams cad kyi 'du shes nyid kyis chos kyi dbyings yin pa'i phyir ro/ /ngas de las dgongs nas tshig 'di skad du log par
191a6 lta ba/ log par lta ba yin par mthong na/ de de'i yang dag par lta ba yin no zhes gsungs so/ /bsal ba med pa dang / gzhag pa med pa'i tshul gyis log par lta ba las kyang mi g.yo la/ log par lta ba med par
191a7 gyur pa las gud na yang / yang dag par lta ba med de/ chos thams cad gnyis su med pa'i phyir/ log par lta ba yang dag pa ji lta ba bzhin du mthong ba nyid yang dag par lta ba yin gyi gnyis su 'du shes pa la ni yang
191a8 dag par lta ba med do/ /rigs kyi bu 'di lta ste dper na mi la la zhig nub mo mun pa mun nag gi nang na lam du zhugs te/ des 'brog khong khong zhig tu shing ljon pa phal po che stug po mthong la/ des der shing zhig gi drung na
191b1 chom rkun yod pa'i 'du shes bskyed nas skrag ste lam der ma song na/ rigs kyi bu 'di ji snyam du sems/ ci mi de snang ba yang ma byung / shing de yang mngon sum du ma byas par shing stug po de las 'phags pa 'am/ chom
191b2 rkun gyi 'jigs pa med par 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rigs kyi bu 'di ji snyam du sems/ ci mi de snang ba yang yod la shing yang
191b3 mngon sum du byas na shing stug po de las 'phags pa 'am/ chom rkun gyi 'jigs pa med par 'gyur ram/ gsol pa/ bcom ldan 'das de da lta lags so/ /de ci'i slad du zhe na/ bcom ldan 'das 'di
191b4 ltar mi des 'jigs pa ma mchis pa la 'jigs pa'i 'du shes bskyed cing / yang dag pa ma lags pa kun brtags pa'i slad du'o/ /bcom ldan 'das kyis bka' stsal pa/ rigs kyi bu de bzhin du byis pa
191b5 so so'i skye bo rtsod pas yang dag pa ma yin pa'i phyin ci log gis phyin ci log tu gyur pa/ ma rig pa'i mun pas mig kun nas g.yos pa/ thams cad med bzhin du sgro btags pas 'khor ba'i 'jigs pas skrag nas
191b6 'khor ba las nges par 'byung ba yongs su tshol lo/ /de dag gis gang du 'jigs pa'i 'du shes bskyed pa'i 'khor ba de yang don dam par mi dmigs na de dag mya ngan las 'das pa ni 'jigs pa med pa'o zhes
191b7 yongs su tshol bar byed do/ /dge ba'i bshes gnyen gyis yongs su zin pa dag par zhugs pa rnams ni 'khor ba de nyid mya ngan las 'das pa yin par yang dag pa ji lta ba bzhin du rab tu shes la/ chos thams
191b8 cad kyi skye ba med pa yang rab tu shes te/ de ltar yang dag par zhugs pa de dag ni chos gang yang len par mi byed/ 'dor bar mi byed/ sel bar mi byed/ 'jog par mi byed do/ /chos kyi dbyings la
192a1 gnas te g.yo ba med do/ /mi g.yo bas na gnas sgom par mi byed/ mi sgom pas na gnas med do/ /gnas med pas na g.yo ba med de/ 'di ni de bzhin gshegs pa rnams
192a2 kyi chos kyi tshul g.yo ba med pa ste/ de la ni g.yo bar bya zhing 'phags par bya ba 'am/ dor bar bya ba 'am/ blang bar bya ba'i chos ci yang mi dmigs so/ /de ci'i phyir zhe na/ chos kyi tshul ni
192a3 nam mkha'i tshul nyid yin la/ nam mkha' la ni g.yo ba yang med/ 'phags pa yang med pa'i phyir ro/ /rigs kyi bu de ltar yang dag par zhugs pa shes pa dang ldan pa ni sems can thams cad kyis kyang
192a4 shes pa'i yongs su shes pa de las bskyod cing bsgul bar mi nus so/ /de ci'i phyir zhe na/ 'di ltar des mi g.yo ba'i ye shes thob pa'i phyir ro/ /de nas tshe dang ldan pa shA ri'i bu stan las langs te/
192a5 bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /
192a6 bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni shes rab dang ldan pa'i mchog tu bstan
192a7 par bgyid pa lags so/ /de ci'i slad du zhe na/ bcom ldan 'das chos kyi rnam grangs 'di ni mi shes pa thams cad sel ba dang / shes pa thams cad dang ldan pa'i slad du'o/ /de nas bcom
192a8 ldan 'das la tshe dang ldan pa maud gal gyi bu chen pos 'di skad ces gsol to/ /bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa 'am/ kun chub bar
192b1 bgyid pa 'am/ mos par bgyid pa de dag ni rdzu 'phrul dang ldan pa'i mchog tu bstan par bgyi ba lags so/ /de ci'i slad du zhe na/ bcom ldan 'das mig gi rnam par shes par bgyi ba gang lags
192b2 pa de ni rdzu 'phrul ma lags kyi/ bcom ldan 'das gang mig gi rnam par shes par bgyi ba'i chos thams cad la se gol gtogs pa tsam yang mos par mi bgyid pa de ni rdzu 'phrul gyi mchog lags
192b3 pa'i slad du'o/ /de nas bcom ldan 'das la tshe dang ldan pa nam grus 'di skad ces gsol to/ /bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di
192b4 'dzin pa 'am/ kun chub par bgyid pa 'am/ mos par bgyid pa de dag ni bsam gtan pa'i mchog tu bstan par bgyi ba lags so/ /de ci'i slad du zhe na/ bcom ldan 'das chos kyi rnam
192b5 grangs 'di ni nyon mongs pa thams cad nges par sreg pa lags pa'i slad du'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das rigs kyi
192b6 bu 'am/ rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni nyon mongs pa ma mchis par gnas pa'i mchog tu bstan
192b7 par bgyi ba lags so/ /de ci'i slad du zhe na/ bcom ldan 'das chos kyi rnam grangs 'di ni nyon mongs pa'i dgra thams cad dang bral ba dang / chos thams cad kyis ma gos pa lags pa'i slad du'o/ /
192b8 de nas bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa 'am/ kun chub par
193a1 bgyid pa 'am/ mos par bgyid pa de dag ni sbyangs pa'i yon tan smra ba'i mchog tu bstan par bgyi ba lags so/ /de ci'i slad du zhe na/ bcom ldan 'das chos kyi rnam grangs 'di ni nyon mongs pa thams cad sbyangs
193a2 pa dang / chos thams cad kyis kun nas nyon mongs pa can du mi 'gyur ba'i slad du'o/ /de nas bcom ldan 'das la tshe dang ldan pa sgra gcan zin gyis 'di skad ces gsol to/ /bcom ldan 'das rigs kyi bu 'am/ rigs kyi bu mo gang dag
193a3 chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni bslab pa la dga' ba'i mchog tu bstan par bgyi ba lags so/ /de ci'i slad du zhe na/ bcom ldan 'das chos kyi rnam grangs
193a4 'di ni bslab pa thams cad kyi pha rol du phyin pa lags pa'i slad du'o/ /de nas bcom ldan 'das la tshe dang ldan pa nye bar 'khor gyis 'di skad ces gsol to/ /bcom ldan 'das rigs kyi bu 'am/ rigs kyi bu mo
193a5 gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni 'dul ba 'dzin pa'i mchog tu bstan par bgyi ba lags so/ /de ci'i slad du zhe na/ bcom ldan 'das
193a6 chos kyi rnam grangs 'di ni nyon mongs pa thams cad sel bar bgyid pa lags pa'i slad du'o/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das rigs kyi bu 'am/
193a7 rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni mang du thos pa'i mchog tu bstan par bgyi ba lags so/ /de ci'i slad du zhe na/ bcom ldan
193a8 'das chos kyi rnam grangs 'di ni thos pa thams cad dang ldan pa lags pa'i slad du'o/ /de ltar nyan thos chen po de dag thams cad kyis rang rang gi mchog brjod pa dag gis chos kyi rnam grangs 'di mngon par bstod do/ /
193b1 de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo de lta bas na khyod kyis chos thams cad bsal ba med cing gzhag pa med pa la gnas pas sangs rgyas kyi byang chub 'di bdag
193b2 nyid kyis yang dag par ston cig /chos gang yang dor du med pa dang / thob par byar med par chos ston cig /yongs su shes par byar med pa dang / spang du med pa dang / bsgom du med pa dang / mngon sum du byar med pa dang /
193b3 mngon par rtogs par byar med pa dang / 'khor ba las bskyod du med pa dang / mya ngan las 'das par 'gror med pa dang / rgyun du zhugs pa'i 'bras bu thob par byar med pa dang / lan gcig phyir 'ong bar 'gyur ba dang /
193b4 phyir mi 'ong bar 'gyur ba dang / dgra bcom pa nyid kyi 'bras bu thob par byar med par chos ston cig /de ci'i phyir zhe na/ kun dga' bo chos thams cad ni rgyun du zhugs pa dang / lan gcig phyir 'ong ba dang / phyir mi 'ong ba
193b5 dang / dgra bcom pa'i chos yin te/ chos kyi dbyings mnyam pa nyid kyi phyir ro/ /kun dga' bo de lta bas na/ khyod kyis byang chub sems dpa'i theg pa pa'i gang zag rnams la nyan thos dang / rang sangs rgyas kyi sa las
193b6 bzlar med pa dang / sangs rgyas kyi chos rnams thob par byar med par chos ston cig /de ci'i phyir zhe na/ kun dga' bo chos thams cad ni sangs rgyas kyi chos yin te/ chos kyi dbyings mnyam pa nyid kyi phyir ro/ /kun dga'
193b7 bo gzhan yang khyod kyis rnal 'byor spyod pa'i dge slong dgra bcom pa nyid mngon sum du bya bar 'dod pa rnams la 'dod chags dang / zhe sdang dang / gti mug spang du med par chos ston cig /de bzhin gshegs pa bltar med pa dang /
193b8 chos mnyan du med pa dang / dge 'dun la bsnyen bkur byar med par chos ston cig /kun dga' bo 'dod chags dang / zhe sdang dang / gti mug rnams ni spang du med pa kho na ste/ 'dod chags dang / zhe sdang dang / gti mug rnams ya ma brla yin pa'i phyir ro/ /
194a1 kun dga' bo skad cig pa rnams ni spang bar bya ba ma yin te med pa'i phyir ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das ji ltar de bzhin gshegs pa bltar ma mchis pa lags/
194a2 ji ltar chos mnyan du ma mchis pa lags/ ji ltar dge 'dun bsnyen bkur bgyir ma mchis pa lags/ bcom ldan 'das kyis bka' stsal pa/ kun dga' bo de bzhin gshegs pa ni bstan du med pa ste/ de ni mig gis blta bar mi nus
194a3 so/ /kun dga' bo chos ni brjod du med pa ste/ de ni rna bas mnyan par mi nus so/ /kun dga' bo dge 'dun ni 'dus ma byas pa ste/ de ni lus sam/ ngag gam/ sems kyis bsnyen bkur byar mi nus so/ /de nas bcom ldan 'das
194a4 la tshe dang ldan pa kun dga' bos 'di skad ces gsol to/ /bcom ldan 'das sangs rgyas bcom ldan 'das rnams kyi chos nyid 'di ltar rtogs par dka' ba ni ngo mtshar lags so/ /bcom ldan 'das kyis bka' stsal pa/ kun
194a5 dga' bo de ni khyod ji skad zer ba de bzhin te/ rnam grangs 'dis na sangs rgyas bcom ldan 'das rnams kyi chos nyid ni rtogs par dka'o/ /de ci'i phyir zhe na/ kun dga' bo nyon mongs pa thams cad las kyang sems yongs su sbyang
194a6 dgos la/ chos gang las kyang bskyod par yang mi bya/ 'phag par yang mi bya ba'i phyir ro/ /kun dga' bo gang rnam grangs 'dis de bzhin gshegs pa rnams kyi chos kyi tshul la 'jug cing mos par byed pa'i sems can de
194a7 dag ni ngo mtshar du gyur pa yin par rig par bya'o/ /kun dga' bo rigs kyi bu 'am/ rigs kyi bu mo gang dag nga'i bstan pa 'di la rab tu byung ba chos kyi rnam grangs 'di 'dzin pa 'am/ kun chub par byed pa 'am/ mos par
194a8 byed pa de dag gis ni yul 'khor gyi zas legs par zos so/ /de dag ni de bzhin gshegs pa'i bstan pa la legs par rab tu byung ngo / /de dag gis ni mi'i lus thob pa legs par thob bo/ /de dag gis ni bdud sdig can btul
194b1 lo/ /de dag gis ni nga'o snyam pa'i nga rgyal nges par bcom mo/ /de dag gis ni sbyin gnas sbyangs so/ /de dag gis ni yon gnas su gzung bar bya'o/ /de dag gis ni bsod nams kyi zhing du blta bar bya'o/ /de ci'i phyir zhe na/ kun dga' bo chos kyi rnam grangs
194b2 'di ni mngon pa'i nga rgyal can rnams dang / 'bras bu la dmigs pa rnams dang / byang chub la dmigs pa rnams dang / sngon gyi rgyal ba rnams la bya ba ma byas pa rnams kyis bzod par mi nus pa'i phyir ro/ /chos kyi rnam grangs 'di bstan pa na byang chub
194b3 sems dpa' lhag pa'i bsam pa brtan pas mi skye ba'i chos la bzod pa thob par gyur to/ /de nas bcom ldan 'das kyis de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i
194b4 tshe bcom ldan 'das kyi zhal gyi sgo nas 'od zer kha dog du ma kha dog sna tshogs 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung nas/ 'od zer de dag gis 'jig
194b5 rten gyi khams mtha' yas mu med pa snang bas khyab par byas te/ tshangs pa'i 'jig rten gyi bar du song nas phyir log ste/ bcom ldan 'das la lan gsum skor ba byas nas bcom ldan 'das kyi spyi gtsug tu nub par gyur to/ /de nas sangs rgyas kyi byin
194b6 gyis brlabs kyis tshe dang ldan pa kun dga' bo stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces
194b7 gsol to/ /bcom ldan 'das de bzhin gshegs pa rnams ni rgyu ma mchis/ rkyen ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu ni gang lags/ rkyen ni gang lags de skad ces gsol pa dang / bcom
194b8 ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo 'khor 'di'i nang nas dge slong mngon pa'i nga rgyal can du gyur pa nyis brgya po de dag gis mngon pa'i nga rgyal med pa'i chos 'di
195a1 thos nas len pa med par zag pa rnams las sems rnam par grol lo/ /byang chub sems dpa' lhag pa'i bsam pa brtan pas ni mi skye ba'i chos la bzod pa thob po/ /kun dga' bo byang chub sems dpa' lhag pa'i
195a2 bsam pa brtan pa 'di ni bskal pa khris bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa rin po che thams cad kun du snang ba la/ 'jig rten gyi khams me tog thams cad kyis rnam par
195a3 bkra ba zhes bya bar de bzhin gshegs pa dgra bcom pa yang dag par rdzogs pa'i sangs rgyas rin po che'i pad ma dpal gyi snying po can zhes bya bar 'gyur ro/ /de'i sangs rgyas kyi zhing yang yon tan bkod pa dpag tu med pa dang ldan par 'gyur te/
195a4 sangs rgyas kyi zhing de yang byang chub sems dpa' 'ba' shig gis yongs su gang bar 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i
195a5 ming ci lags/ 'di ji ltar gzung bar bgyi/ bcom ldan 'das kyis bka' stsal pa/ de'i phyir kun dga' bo khyod kyis chos kyi rnam grangs 'di chos thams cad g.yo ba med pa zhes bya bar zung shig /lhag pa'i bsam pa brtan pa'i le'u
195a6 zhes bya bar yang zung shig /bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' lhag pa'i bsam pa brtan pa dang / byang chub sems dpa' de dag dang / dge slong de dag dang / thams
195a7 cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa lhag pa'i bsam pa brtan pa'i le'u zhes bya ba theg pa chen
195a8 po'i mdo rdzogs so// // rgya gar gyi mkhan po su ren dra bo d+hi dang / pra dz+nyA bar ma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa// //ye d+harma he tu pra b+ha bA he tun+te ShAn+tA thA ga to h+ya ba data te ShAny+tsa yo ni ro d+ha e ba~M bA dI ma
hA shra ma NaH dge'o/
CLOSE WINDOW