བོད་ཡིག |
142a1 lo tsa ba ban de dpal gyi lhun pos bsgyur/ zhu chen gyi lo tsa ba ban de dpal brtsegs kyis zhus te gtan la phab pa// //@#/ / rgya gar skad du/ Ar+ya trA ya s+t+ring+shat+pa ri brta nA ma
142a2 ma hA yA na sU tra/ bod skad du/ 'phags pa sum bcu rtsa gsum pa'i le'u zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad
142a3 bdag gis thos pa dus gcig na/ bcom ldan 'das sum bcu rtsa gsum pa'i lha'i nang na shing yongs 'du'i drung na/ ar mo nig lta bu'i rdo leb la bzhugs te/ sku bskrun pa'i yum la thugs brtse ba'i phyir dge
142a4 slong brgyad stong gi dge slong gi dge 'dun chen po thams cad kyang dgra bcom pa/ zag pa zad pa/ rdzu 'phrul che ba/ dbang che bar grags pa/ mthu chen po sha stag dang / byang chub sems dpa' bdun khri nyis stong
142a5 thams cad kyang byang chub sems dpa' mngon par shes pas mngon par shes pa/ bzod pa thob pa/ spobs pa thogs pa med pa phal cher 'jig rten gyi khams tha dad pa nas 'dus pa sha stag dang thabs gcig tu dbyar
142a6 gnas par zhal gyis bzhes nas/ de nas bcom ldan 'das 'khor 'bum phrag du mas yongs su bskor cing mdun gyis bltas te chos ston to/ /de nas de'i tshe lha'i bu zla ba zhes bya ba dang / zla mchog ces bya ba gnyis
142a7 'khor de nyid kyi nang du 'dus par gyur te 'dug go/ /de nas lha'i bu zla ba stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de
142a8 logs su thal mo sbyar ba btud nas/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de
142b1 bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to/ /zla
142b2 ba khyod su'i don du de bzhin gshegs pa la zhu bar 'dod/ de nas bcom ldan 'das la lha'i bu zla bas tshigs su bcad de gsol pa/ gang dag bdag la sman dang sems can gzhan la sman slad zhugs/ /sems can kun
142b3 la snying rje snying brtse legs par bskyed nas ni/ /byang chub rdul bral bdud rtsi 'tshal zhing don du bsgrub bgyi ba/ /shAkya seng ge bdag ni de dag don du zhu ba zhu/ /gang dag ma zhum sems kyis bskal pa bye bar spyod bgyid
142b4 cing / /sdug bsngal spong la 'gro ba thams cad kyang ni grol bar bgyid/ /gang dag sems can kun la sems snyoms sbyor ba snyoms par bgyid/ /bdag ni mi 'dren de dag don du rgyal la zhu ba lags/ /gang dag
142b5 sangs rgyas mtshan mchog sum bcu rtsa gnyis rtags rnams kyis/ /sku spras rdul dang bral ba bsod nams zhing chen mthong gyur nas/ /yon tan rgya mtsho gang chen mtsho rnams de dag 'dod bgyid pa/ /gzi brjid
142b6 chen po de dag don du bdag ni zhu ba lags/ /gang dag rtag tu skyes bu khyu mchog ye shes ma gtogs par/ /gzhan du blo gros mi bskyed gzhan du sems par mi bgyid dang / /gang dag nyan thos rang rgyal dag tu
142b7 blo gros mi skyed pa/ /rtsal rab brtan pa de dag don du bdag ni zhu ba lags/ /gang dag rnyed dang ma rnyed grags dang ma grags mnyam par sems/ /smad dang bsngags dang bde dang sdug bsngal dag gis skyo mi
142b8 'gyur/ /'jig rten chos rnams zil gyis mnan te gnas shing bskyod ma mchis/ /'jigs dang bral ba de dag don du bdag ni zhu ba lags/ /gang dag bdag phangs mtshungs 'drar gzhan dag la yang phangs
143a1 par 'dzin/ /srid pa gsum na tha dad 'byed pa ma mchis sbyor ba mnyam/ /gang dag byams par sems shing tshul 'chos tha ba skyon ma mchis/ /skye bo de dag rnams kyi don du bdag ni zhu ba lags/ /gang
143a2 dag rtag tu sbyin dang tshul khrims dag cing rnam dag spyod/ /bdag nyid spong bar bgyid kyi tshul khrims phung po gtong mi bgyid/ /gang dag rtag tu lus dang ngag dang yid rnams legs par bsdams/ /bdag ni dri
143a3 med de dag don du rgyal la zhu ba lags/ /gang dag bzod pa smra zhing legs par bsdams pa'i shes dang ldan/ /sdug bsngal dang ni bsad dang bcing dang brdeg pa rnams kyang bzod/ /kun gyis dkrugs kyang
143a4 khro ba dang ni tha ba bskyed par mi bgyid pa/ /nges par bgyis pa de dag don du bdag ni zhu ba lags/ /gang dag mthu dang brtson 'grus stobs gnas dam pa'i don dang ldan/ /'jig rten don gyi slad du rgyu zhing bdag
143a5 gi phyir ma lags/ /dkar po'i spyod pa rnams kyis mi ngoms rgya mtsho'i chab dang 'dra/ /yon tan rgya mtsho de dag don du rgyal la zhu ba lags/ /gang dag rnam par rtog pa sna tshogs shas cher mi 'jug pa/ /gang
143a6 dag nyon mongs sna tshogs pham bgyis 'phags pa'i ye shes ldan/ /gang dag bsam gtan mngon shes rnam rtsen rdzu 'phrul rkang par ldan/ /bsam gtan gnas pa de dag don du bdag ni zhu ba lags/ /gang
143a7 dag shes rab pha rol son cing ye shes mtha' yas ldan/ /rtog dang kun rtog bral zhing spros pa ma mchis zhi bar gyur/ /gang gis chos 'di dben zhing ya ma brlar yang rtogs 'gyur ba/ /gang zag chen po de dag
143a8 don du bdag ni zhu ba lags/ /gang dag rdzu 'phrul shes la mkhas shing shin du rab zhi spyod/ /zhing rnams khrag khrig mchi la zhing du 'dzin pa 'ang ma mchis dang / /sangs rgyas khrag khrig phyag 'tshal sangs rgyas
143b1 'dzin pa 'ang ma mchis pa/ /mthong na dga' ba de dag don du rgyal la zhu ba lags/ /gang dag nyon mongs bdud dang bral zhing phung po'i bdud bcom dang / /gang dag 'chi bdag bdud dang bral zhing lha yi bdud
143b2 bcom dang / /gang dag bdud kun nges bcom nas ni byang chub reg gyur pa/ /mun dang bral ba de dag don du bdag ni zhu ba lags/ /gang dag nags dang tshal du bcas pa'i sa gzhi bskyod nas kyang / /byang chub rdul
143b3 med ye shes mchog ni 'tshang rgya dang / /gang dag sems gcig la ni shes pa ci mchis 'byung 'gyur ba/ /rdo rje lta bu de dag don du bdag ni zhu ba lags/ /gang dag ye shes kun mkhas gzi brjid chen pos gzi bskyed
143b4 dang / /gang dag rtag tu sangs rgyas gdung phyir chos spyod rab tu brtan/ /gang dag 'dren pa dang ni dge 'dun mkhas rnams dgyes dgur spyod/ /de dag don du srid gsum dag na bdag gi zhu ba lags/ /bcom ldan
143b5 'das ji ltar na byang chub sems dpa' sems dpa' chen po mngon par shes pa chen po dang ye shes kyi khyad par dam pa'i pha rol du son pa rnams lags/ bcom ldan 'das ji ltar na byang chub sems dpa' sems dpa'
143b6 chen po bsam gyis mi khyab pa'i thabs la mkhas pas yongs su bsngo ba shes pa dang ldan pa rnams lags/ bcom ldan 'das ji ltar na byang chub sems dpa' sems dpa' chen po chos thams cad tshul gcig
143b7 pa dang / ro gcig pa dang / 'jug pa gcig pa dang / bstan pa gcig pa shes pa rjes su 'thob pa rnams lags/ bcom ldan 'das ji ltar na byang chub sems dpa' sems dpa' chen po zab mo'i tshul khrims
143b8 can bag mchis par spyod pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba rnams lags/ de skad ces gsol pa dang / bcom ldan 'das kyis lha'i bu zla ba la
144a1 'di skad ces bka' stsal to/ /zla ba legs so legs so/ /zla ba khyod kyis go cha chen po bgos pa rnams dang / 'gron pa phal po che sgrol bar 'dod pa rnams dang / chos kyi sgron ma chen po sbar bar 'dod pa
144a2 rnams dang / chos kyi gru chen po sgrol bar 'dod pa rnams dang / chos kyi 'khor lo chen po skor bar 'dod pa rnams dang / chos kyi rnga bo che chen po rdung bar 'dod pa rnams dang / chos kyi rnga chen po rdung bar 'dod pa rnams dang / chos kyi
144a3 rgyal mtshan chen po bsgreng bar 'dod pa rnams dang / chos kyi tog chen po gzung bar 'dod pa rnams dang / shes rab kyi snang ba chen po bya bar 'dod pa rnams dang / ye shes chen po'i rjes su 'gro bar 'dod pa rnams dang / ye shes
144a4 chen po yongs su rdzogs par byed 'dod pa de dag dang / de lta bur yon tan tshad med pa dang ldan pa'i sems can de dag gi don du de bzhin gshegs pa la zhu bar byed pa khyod legs so/ /lha'i bu de'i phyir legs par rab tu nyon
144a5 la tshul bzhin yid la byos shig dang / ji ltar byang chub sems dpa' sems dpa' chen po rnams mngon par shes pa chen po dang ye shes kyi khyad par dam pa'i pha rol tu son pa yin pa dang / ji ltar byang chub sems dpa'
144a6 sems dpa' chen po rnams bsam gyis mi khyab pa'i thabs la mkhas pas yongs su bsngo ba shes pa dang ldan pa yin pa dang / ji ltar byang chub sems dpa' sems dpa' chen po rnams chos thams cad tshul gcig
144a7 pa dang / ro gcig pa dang / 'jug pa gcig pa dang / bshad pa gcig pa shes pa rjes su 'thob pa yin pa dang / ji ltar byang chub sems dpa' sems dpa' chen po rnams zab mo'i tshul khrims can bag yod par
144a8 spyod pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba yin par ngas khyod la bstan to/ /bcom ldan 'das de ltar 'tshal lo zhes gsol te/ /lha'i bu zla bas
144b1 bcom ldan 'das kyis ltar mnyan pa dang / bcom ldan 'das kyis de la 'di skad ces bka' stsal to/ /lha'i bu byang chub sems dpa' sems dpa' chen po chos bzhi dang ldan na mngon par shes pa chen po dang
144b2 ye shes kyi khyad par dam pa'i pha rol tu son pa yin te/ bzhi gang zhe na/ lha'i bu dag 'di la byang chub sems dpa' sems dpa' chen po ni chos thams cad shes pa la yang mkhas la chos thams cad la yang mngon
144b3 par zhen pa med do/ /de ni chos thams cad nam mkha' dang mnyam par rig pa dang / shes pa dang / thob pa dang / mngon sum du gyur pa yang yin la chos thams cad kyang chos nyid dang 'thun par sbyor te/ chos kyi dbyings
144b4 la ma gtogs par chos gzhan ci yang yang dag par mi mthong ngo / /lha'i bu de la chos thams cad tshul gcig pa gang zhe na/ sngon gyi mtha' thams cad ji ltar stong pa de kho na bzhin du phyi ma'i mtha' yang stong la
144b5 da ltar byung ba gang yin pa de yang ngo bo nyid stong pa nyid kyis stong ste/ lha'i bu de ltar na dus gsum stong pa nyid la rnam par mi rtog pa gang yin pa de ni ji lta ba bzhin zhes bya'o/ /de la byed pa dang / shes pa dang / ston pa
144b6 dang / 'dogs pa dang / 'grel pa dang / rnam par 'byed pa dang / gsal bar byed pa dang / 'chad pa 'di ni mkhas pa zhes bya'o/ /de la ji ltar chos thams cad la mngon par zhen pa med ce na/ lha'i bu chos thams cad
144b7 ni bdag nyid kyi kun nas slong bas kun nas bslang ba ste/ des chos thams cad dran pa nye bar gzhag pas kun nas bslang bar rig nas bdag la mngon par zhen pa med do/ /de bdag la mngon par zhen pa med pas chos gzhan
144b8 rnams slong bar mi byed do/ /chos gang yang mi shes shing ma bslangs pas na/ de la mngon par zhen par mi nus so/ /de mngon par zhen pa med pas na chos rnam par gzhag par yang byed la chos gang la yang mngon par
145a1 zhen par mi 'gyur ro/ /lha'i bu de la ji ltar byang chub sems dpa' sems dpa' chen pos chos thams cad nam mkha' dang 'dra bar shes she na/ lha'i bu khams gsum pa ni sems tsam du zad la sems
145a2 de yang gzugs med pa/ bstan du med par/ thogs pa med pa/ rnam par rig par byed pa ma yin pa/ sgyu ma lta bu ste/ sems de yang sems kyi chos nyid kyis yongs su btsal kyang mi rnyed do/ /sems
145a3 gang gis sems yongs su btsal ba'i sems de yang mi rnyed do/ /de sems mi dmigs pas chos thams cad mi dmigs so/ /chos thams cad mi dmigs pas chos gang yang mtshan ma 'am rdzas su
145a4 yang dag par mi mthong ste/ chos thams cad la chags par mi 'gyur ro/ /chos thams cad yongs su ma grub pa'i phyir nam mkha' dang 'dra bar shes so/ /lha'i bu dper na nam mkha' ma skyes shing yongs su ma grub
145a5 pa de bzhin du des chos thams cad shes so/ /ji ltar nam mkha' zhes bya ba de yang dben pa de bzhin du chos thams cad kyang ming tsam du zad de dag kyang dben pa'o/ /ji ltar byang chub sems dpa' chos nyid dang 'thun
145a6 par sbyor zhe na/ lha'i bu 'di la byang chub sems dpa' sems dpa' chen pos 'di la so so yang dag par bslabs na/ chos 'di dag thams cad gcig gis gcig mi shes shing mi mthong ste/ mig gis
145a7 kyang rna ba mi shes shing mi mthong la/ rna bas kyang mig mi shes shing mi mthong ngo / /snas kyang lce mi shes shing mi mthong la/ lces kyang sna mi shes shing mi mthong ngo / /lus kyis kyang yid mi shes shing mi
145a8 mthong la/ yid kyis kyang lus mi shes shing mi mthong ngo / /chos 'di dag thams cad ni bems po/ spyod pa med pa/ byed pa myed pa'o/ /des de chos kyi dbyings dang 'dra bar shes te/ de lta bu'i shes rab dang
145b1 ldan pa de ni yul drug las chos gang snang bar gyur pa na/ de 'di snyam du sems te/ 'di la ni gang phyi rol rig par byed pa'i nang gi chos gang yang med do/ /'di la ni gang nang rig par byed pa'i phyi rol gyi chos
145b2 gang yang med do snyam mo/ /des de ltar shes shing de ltar mthong bas chos gang gi yang skye ba 'am/ 'gag pa 'am/ gnas pa yang dag par mi mthong ngo / /lha'i bu gang la skye ba yang med/ 'gag pa yang med/
145b3 gnas pa yang med pa de ni chos kyi dbyings so/ /lha'i bu gzhan yang byang chub sems dpa' ni 'di snyam du sems te/ chos thams cad ni gnas pa ste/ gtan du mi skye bar gnas pa'i phyir ro snyam mo/ /de de
145b4 ltar chos thams cad la yang dag pa ji lta ba bzhin du so sor rtog pa dang ldan pas na/ chos nyid la ma gtogs pa'i chos gang yang mi mthong la/ chos thams cad kyang chos nyid dang 'thun par sbyor te/ lha'i bu
145b5 byang chub sems dpa' sems dpa' chen po chos bzhi po de dag dang ldan na mngon par shes pa chen po dang ye shes kyi khyad par dam pa'i pha rol du son pa yin no/ /lha'i bu de la mngon par shes pa gang zhe na/
145b6 lha'i bu mngon par shes pa zhes bya ba ni chos thams cad la gzhan gyi dring mi 'jog pa'i shes pa gang yin pa'o/ /lha'i bu ye shes shes bya ba ni chos thams cad la gnyis su mi 'byed pa gang yin pa'o/ /lha'i
145b7 bu gnyis su med pa zhes bya ba ni gang la mig dang gzugs 'dogs par mi byed/ rna ba dang sgra 'dogs par mi byed/ sna dang dri 'dogs par mi byed/ lce dang ro 'dogs par mi byed/ lus dang reg bya 'dogs
145b8 par mi byed/ yid dang chos 'dogs par mi byed pa'o/ /byang chub sems dpa' ye shes de lta bu dang ldan pa ni mngon par shes pa lnga thob par 'gyur te/ de yang bsam pa ji lta ba bzhin du smon lam yongs su
146a1 rdzogs nas thob par 'gyur ro/ /lha'i bu byang chub sems dpa' ye shes de lta bu dang ldan pa ni lha'i mig gis phyogs bcur sangs rgyas kyi zhing bye ba khrag khrig 'bum phrag dpag tu med pa dag mthong ngo / /
146a2 sangs rgyas kyi zhing de dag na sangs rgyas bcom ldan 'das nyan thos kyi dge 'dun dang bcas pa gang dag bzhugs pa de dag kyang mthong ngo / /sangs rgyas bcom ldan 'das de dag chos bstan pa gang dag yin pa de dag
146a3 kyang lha'i rna ba'i khams kyis thams cad thos so/ /sangs rgyas kyi zhing de dag na sems can rnams kyi bsam pa dang spyod pa tha ma dang / 'bring dang / rab gang dag yin pa de dag thams cad kyang rab tu shes so/ /
146a4 sangs rgyas kyi zhing de dag thams cad du yang skad cig de la 'gro'o/ /de bdag nyid kyis sngon gyi gnas shes pa mngon sum du byed pa las kyang brtsams nas chos ston par byed de lha'i bu byang chub sems dpa' sems
146a5 dpa' chen po ye shes de lta bu dang ldan pa ni thams cad mkhyen pa nyid ma thob par yang sems can rnams la sangs rgyas kyi bya bas nye bar gnas pa yin te/ sangs rgyas kyi chos thams cad kyang myur du yongs su
146a6 rdzogs nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /thabs shes pa la mkhas
146a7 shing gsal ba ni/ /mngon shes chen po yongs su rdzogs par byed/ /rtag tu chos kun nam mkha' lta bur shes/ /de ni zab mo'i tshul khrims ldan pa yin/ /chos rnams thams cad ji bzhin shes pa yi/ /mkhas pa
146a8 mngon par zhen par mi byed de/ /rtag tu chos kun nam mkha' lta bu dang / /rtag tu stong pa'i bdag med shes pa yin/ /chos dang chos kyi dbyings la 'thun par sbyor/ /chos kyi dbyings la ma gtogs mthong ba med/ /
146b1 gang gis de mthong de yang lhag par mthong / /de ltar mngon par brtson pas mngon shes 'thob/ /sngon gyi chos rnams ji ltar stong pa bzhin/ /ma 'ongs pa rnams de bzhin stong pa dang / /des ni da ltar byung ba 'ang de bzhin mthong / /
146b2 de dag sngan chad ji bzhin brjod pa yin/ /chos rnams thams cad rtag tu dus gsum stong / /mkhas pa mi rtog rnam par rtog mi byed/ /mi rtog rnam par rtog par mi byed na/ /ji bzhin mthong ba la ni 'jigs pa med/ /
146b3 de nyid shes ldan mkhas la gsal ba ste/ /chos kyang ston la chos kyi 'du shes med/ /rlom sems med pa la ni rten pa 'ang med/ /rten pa med pa la ni g.yo ba 'ang med/ /chos 'di thams cad bdag las byung ba ste/ /
146b4 de ni bdag med rang bzhin bdag med de/ /chos 'di thams cad bdag med rtogs nas kyang / /mkhas pa chos gzhan kun nas slong mi byed/ /ma skyes gang yin de ni 'byung mi 'gyur/ /de ni de la mngon par zhen pa med/ /
146b5 rnam par gzhag pas chos kun ston par byed/ /chos rnams ston kyang bdag la sems pa med/ /srid gsum thams cad sems las 'grub par 'gyur/ /sems de nyid kyang rtag tu bstan du med/ /gzugs
146b6 med lung du ma bstan sgyu ma 'dra/ /mkhas pa de ni sems kyi chos nyid tshol/ /de ni sems kyi chos nyid tshol ba na/ /sems dang sems kyi chos nyid mthong ba med/ /sems de sems gang gis ni tshol byed pa/ /
146b7 sems de yang ni rang bzhin mthong ba med/ /de ni chos rnams kun gyis mi gos te/ /de yi mtshan ma 'dod chags 'jug pa med/ /de ni chos kun ma grub shes nas kyang / /de yis rtag tu nam mkha' lta bur shes/ /
146b8 ji ltar nam mkha' skyes par ma gyur pa/ /de bzhin de yis chos rnams thams cad shes/ /snying po med pa'i nam mkha' ming gis byas/ /chos rnams stong pa ming gis rnam par brjod/ /nams kyang rna bas
147a1 mig ni mthong ba med/ /rna ba yis ni nams kyang mig mi mthong / /snas kyang lce min lces kyang sna ma yin/ /de dag gcig la gcig ni mthong ba med/ /lus kyis nams kyang yid ni mthong mi 'gyur/ /
147a2 yid kyis nams kyang lus ni mthong ba med/ /'di dag phan tshun 'dogs par mi byed de/ /de phyir 'di dag rtag tu dben pa yin/ /spyod med byed pa med la bems po ste/ /chos kyi dbyings la rtag tu mtshungs shing mnyam/ /
147a3 nang yang phyi rol dag gis mi shes la/ /phyi rol dag kyang nang gis mi shes so/ /de phyir chos rnams 'di dag rab shes pa/ /rtag tu de yi shes pa mtha' yang yas/ /phyogs bcur sangs rgyas bye ba nyan thos bcas/ /
147a4 mthong du zin kyang rtog par mi byed do/ /shes rab mtha' yas tshul khrims rab dag pa/ /de dag chos rnams ston pa gang yin pa/ /legs par gsungs pa de dag thams cad thos/ /bzung nas kyang ni yang
147a5 dag 'dzin par byed/ /des ni sems can kun gyi sems kyang shes/ /rdzu 'phrul gyis ni zhing rnams bye byer 'gro/ /bskal pa bye ba bsam gyis mi khyab pa/ /gang gA'i bye snyed sngon gyi gnas kyang dran/ /
147a6 de phyir mngon shes lnga po 'di bsgoms na/ /bde gshegs ye shes dang yang nye bar 'gyur/ /mkhas de rtag tu sangs rgyas bya bas gnas/ /byang chub ma thob par yang don byed 'gyur/ /gang zhig 'di 'dra'i
147a7 chos bstan thos nas kyang / /dga' ba rgya chen gtso bo skye 'gyur ba/ /de la bdud kyis tshugs par mi 'gyur te/ /myur du byang chub mchog tu rdzogs 'tshang rgya/ /lha'i bu byang chub sems dpa' sems dpa'
147a8 chen po chos bzhi dang ldan na/ bsam gyis mi khyab pa'i thabs shes pa la mkhas pa yin par rig par bya'o/ /bzhi gang zhe na/ lha'i bu 'di la byang chub sems dpa' sems dpa' chen po ni thabs la mkhas pa yin te/
147b1 de ji lta ji ltar bdag nyid sdug bsngal ba dang / yid mi bde ba dang / 'khrug pa rnams kyis gnod par gyur par mthong ba de lta de ltar sems can rnams kyi sdug bsngal zhi bar bya ba'i phyir brtson 'grus rtsom ste/ des
147b2 sems can thams cad kyang byang chub kyi sems la nges par 'dogs la chos thams cad kyang byang chub kyi sems la nges par 'dogs so/ /de sems can thams cad kyi dus gsum du yang dag par bsgrubs
147b3 pa'i bsod nams thams cad kyi phung po la yang rjes su yi rang bar byed la sangs rgyas thams cad kyis dus gsum du yang dag par bsgrubs pa'i bsod nams kyi phung po la yang rjes su yi rang bar byed de/ dge ba'i
147b4 rtsa ba de yang sems can de dag thams cad nyid la 'dor zhing yongs su gtong bar byed de/ gang rnam pa thams cad mkhyen pa nyid tu yongs su mi sngo ba'i sems bskyed pa ci yang med la sems la ma gtogs pa'i byang
147b5 chub kyang yang dag par ma mthong ngo / /byang chub kyi mtshan nyid gang yin pa sems kyi mtshan nyid kyang de yin par shes nas 'dri bar byed do/ /sems dang byang chub la yang mngon par zhen pa med la thabs shes
147b6 pas dge ba'i rtsa ba yang rnam par 'phel bar byed do/ /des chos kyi dbyings kyang rnam par dag par yang dag par mi mthong la/ bsam gyis mi khyab pa'i chos rnams rtogs pas dge ba'i rtsa ba yang
147b7 dag par sgrub pa la yang chog mi shes so/ /sems kyi las dang / dge ba'i sems la yang mchog du 'dzin pa yang med do/ /de sbyin pa yang sbyin par byed la de la yang rnam par mi rtog go/ /tshul khrims
147b8 kyang srung la de la mchog tu 'dzin pa yang med do/ /bzod pa yang sgom la de la yang mi gnas so/ /brtson 'grus kyang rtsom la de la yang dben par shes so/ /bsam gtan la yang snyoms par 'jug la de
148a1 la yang mi rten to/ /shes rab la yang spyod la de la yang kun du mi spyod do/ /sems can rnams kyang yongs su smin par byed la de yang mi dmigs par spyod do/ /zhing yang yongs su dag par
148a2 byed la phan gdags pa'i tshul gyis byed do/ /ye shes kyang yongs su tshol la de yang yongs su tshol ba med pa'i tshul gyis byed do/ /chos kyang ston la de yang brjod du med pa'i tshul gyis byed de/ lha'i bu
148a3 de ltar spyod pa'i byang chub sems dpa' sems dpa' chen po ni dge ba'i rtsa ba ji tsam du chung ba yang tshad med par byed do/ /lha'i bu byang chub sems dpa' sems dpa' chen pos ji ltar dge ba'i rtsa ba ji
148a4 tsam du chung ba yang tshad med par byed ce na/ lha'i bu 'di la byang chub sems dpa' sems dpa' chen po ni chos thams cad la tshad med pa'i 'du shes bskyed par byed de/ gang la mur thug pa yod pa de lta
148a5 bu'i chos ni gang yang med do/ /de ci'i phyir zhe na/ lha'i bu chos thams cad ni stong pa dang / mtshan ma med pa dang / smon pa med pa yin la stong pa gang yin pa de ni tshad med pa'i phyir ro/ /tshad med par
148a6 byas pa'i sems kyis chos kyi phyir sbyin pa ji tsam du chung ba yang thabs la mkhas pas tshad med par byed do/ /de ci'i phyir zhe na/ gang du byang chub kyi sems de yongs su bsngo ba'i byang chub de tshad med pa'i
148a7 phyir ro/ /des tshad med pa'i spyod pas 'di lta ste/ sangs rgyas bcom ldan 'das rnams kyi byang chub tshad med pa'i chos nyid rtogs par 'gyur ro/ /lha'i bu gzhan yang byang chub sems dpa' sems
148a8 dpa' chen po ni sems can gyi spyod pa la 'jug ste/ de thabs la mkhas pas chos ji lta bu la mos pa'i sems can rnams la de lta bu'i mos pas gnas te/ sbyin pa 'am/ rab tu sbyin pa 'am/ chos
148b1 bstan pas gnas so/ /lha'i bu gzhan yang sbyin pa'i sgo nas de'i rang bzhin du gnas te/ /tshul khrims kyi rang bzhin du ma yin/ bzod pa'i rang bzhin du ma yin/ brtson 'grus kyi rang bzhin
148b2 du ma yin/ bsam gtan gyi rang bzhin du ma yin/ shes rab kyi rang bzhin du ma yin mod kyi/ 'on kyang sbyin pa yang sbyin par byed cing tshul khrims kyang srung la des kyang rlom sems su mi byed do/ /tshul
148b3 khrims dang ldan zhing bzod pa yang phun sum tshogs la/ gzhan dag gis byas pa dang ma byas pa rnams kyang bzod do/ /dkar po'i spyod pa thams cad la yang brtson 'grus rtsom la bsam gtan la
148b4 yang bsam gtan byed cing / shes rab kyis lhag par mthong ba la yang mkhas so/ /lha'i bu gzhan yang byang chub sems dpa' thabs shes pa la mkhas pa ni nyan thos rnams dang lhan cig 'khod na
148b5 yang de dag la 'dod par yang mi byed la de'i snying po gang yin pa des kyang nye bar 'tsho bar byed do/ /rang sangs rgyas kyi byang chub kyi theg pa bdag dang lhan cig 'khod na yang de dag la 'dod par yang
148b6 mi byed la/ de'i snying po gang yin pa des kyang nye bar 'tsho bar byed de/ lha'i bu byang chub sems dpa' chos bzhi po de dag dang ldan na bsam gyis mi khyab pa'i thabs shes pa la mkhas pa yin no/ /
148b7 de nas de'i tshe bcom ldan 'das kyis tshigs su bcad pa 'di dag bka' stsal to/ /bdag nyid dang ni gzhan dag gi/ /gnyi ga'i sdug bsngal rab shes nas/ /bdag gi sdug bsngal zhi byed
148b8 cing / /gzhan gyi sdug bsngal kun zhi byed/ /sems can thams cad byang chub sems/ /sems de la ni 'dogs par byed/ /sems la chos rnams thams cad kyang / /don gcig tu ni 'dogs
149a1 par byed/ /sems can kun gyi bsod nams gang / /dus gsum gyis ni bsdus rnams dang / /sangs rgyas kun gyi bsod nams gang / /de dag kun gyi rjes yi rang / /dge ba de dag thams cad kyang / /
149a2 sems can kun la sbyin par byed/ /sangs rgyas kyi ni ye shes phyir/ /lhag pa'i bsam pas 'jug par byed/ /sems ni skyes pa thams cad kyang / /byang chub tu ni yongs su bsngo/ /chos nyid ma gtogs sems
149a3 gzhan nam/ /byang chub dag kyang mthong ba med/ /de ni sems dang byang chub kyang / /rnam pa gnyis su mi mthong ste/ /byang chub de yi mtshan nyid gang / /sems kyang de yi mtshan nyid yin/ /mnyam pa nyid kyis chos rnams
149a4 mnyam/ /de ni gnas pa yong med de/ /'dzangs pa thabs la mkhas pa ni/ /dkar po'i chos kyis rgyas par 'gyur/ /dbyings de la ni 'phel ba med/ /chos kyi dbyings ni bsam mi khyab/ /sangs rgyas chos rnams
149a5 tshol ba la/ /rtag tu chog par 'dzin pa med/ /bdag ni dkar pos rgyas so snyam/ /de ni sems kyis bsam mi byed/ /de ni gang du bsngo ba yi/ /byang chub de la 'ang mchog mi 'dzin/ /sbyin pa'i mi rtog sbyin par byed/ /
149a6 rlom sems med par tshul khrims srung / /rtag tu bzod pa sgom byed la/ /sems can la yang gnas pa med/ /sems dang lus ni dben pa yis/ /rtag tu brtson 'grus rtsom par byed/ /rten med bsam gtan
149a7 phun sum tshogs/ /shes rab kyi ni pha rol son/ /sems can rnams kyang smin byed la/ /de ni dmyigs pas gnas pa med/ /zhing yang yongs su sbyong byed la/ /lhag par 'dzin pa'ang yod ma yin/ /de ni sangs
149a8 rgyas ye shes tshol/ /yi ge rnams la 'ang chags pa med/ /de ltar spyod pa de la ni/ /byang chub rnyed par dka' ba med/ /tshad med bsam gyis mi khyab pa'i/ /stong pa nyid dang mtshan med dang / /smon pa med la mos na ni/ /
149b1 de la tshad kyang med par 'gyur/ /mos pa ji bzhin gzud phyir sems can la/ /sbyin pa spyod kyang de bzhin gnas pa med/ /sbyin pa 'ang sbyin byed yang na len par byed/ /de dang 'thun par chos kyang spyod par byed/ /
149b2 sbyin pa byas kyang de la chags pa med/ /tshul khrims mchog min bzod la chags pa med/ /brtson 'grus mchog min bsam gtan chags pa med/ /shes rab ye shes la ni ser sna med/ /sbyin pa sbyin yang de ni
149b3 tshul khrims spyod/ /bzod pa sgom yang rtag tu brtson 'grus ldan/ /bsam gtan gyis ni rtag tu gnas pa med/ /sbyin byed de ni shes pas nges par 'byung / /rang sangs rgyas dang nyan thos de dag dang / /rtag tu
149b4 gnas kyang byang chub sems dpa' ni/ /rtag tu snying po ci yod 'tsho byed kyang / /'jigs med de dag la ni 'dod pa med/ /chos 'di dag gis gnas pa rdzogs pa yi/ /byang chub sems dpa' smad du med pa rnams/ /
149b5 thabs kyis shes pa bsam gyis mi khyab ste/ /de dag sbyin pa chung ngu 'ang mtha' yas 'gyur/ /lha'i bu byang chub sems dpa' chos bzhi dang ldan na chos thams cad tshul gcig pa dang / ro gcig pa dang / 'jug
149b6 pa gcig pa dang / bstan pa gcig par rab tu shes so/ /bzhi gang zhe na/ lha'i bu 'di la byang chub sems dpa' ni chos kyi dbyings ma 'dres pa'i shes pa la mkhas pa dang / chos thams cad stong pa'i rjes su 'gro ba
149b7 dang / chos gang la yang sgro 'dogs par mi byed de/ bdag tu sgro 'dogs pa 'am/ gzhan du sgro 'dogs par mi byed pa dang / dben pa'i tshul gyis chos thams cad khong du chud pa ste/ lha'i bu byang chub sems dpa'
149b8 chos bzhi po de dag dang ldan na chos thams cad tshul gcig pa dang / ro gcig pa dang / 'jug pa gcig pa dang / bstan pa gcig par rab tu shes so/ /des de ltar shes pas 'jig rten pa dang / 'jig rten las
150a1 'das pa'i chos rnams kyis rnam pa gnyis su mi 'jug ste/ kha na ma tho ba dang bcas pa dang / kha na ma tho ba med pa rnams dang / zag pa dang bcas pa dang / zag pa med pa rnams dang / 'dus byas dang /
150a2 'dus ma byas kyi chos rnams kyi rnam pa gnyis su mi 'jug go/ /des ni chos gang la yang mchog gam/ tha mar yang dag par mi mthong ngo / /so so'i skye bo'i chos rnams dang / dgra bcom pa'i chos rnams tha dad par yang
150a3 dag par mi mthong ste/ so so'i skye bo'i chos rnams kyi rang bzhin gang yin pa de nyid dgra bcom pa'i chos rnams kyi rang bzhin yin no/ /'brir yang med la bsnan du yang med do/ /tshul gcig pa yang shes te/ 'di lta ste dben
150a4 pa'i tshul lo/ /chos thams cad kyi rab tu dbye ba yang ston la chos kyi dbyings chad par yang yang dag par mi mthong ngo / /bzod pa gcig pa dang yang ldan te/ 'di lta ste/ stong pa nyid kyi bzod pa'o/ /stong pa nyid dang
150a5 bzod pa yang rnam pa gnyis su mi 'byed do/ /'jug pa gcig gis chos thams cad la 'jug ste/ 'di lta ste/ mi skye ba'i 'jug pas so/ /lha'i bu byang chub sems dpa' de ni bla na med pa yang dag par rdzogs
150a6 pa'i byang chub dang nye ba yin te/ de 'di snyam du bdag nye bar gyur tam/ 'on te nye bar ma gyur cig gu snyam du yang mi sems so/ /de ci'i phyir zhe na/ des tshul gcig pa las sems can rnams kyang gzhan la byang
150a7 chub kyang gzhan par yang dag par mi mthong ba'i phyir ro/ /gzhan yang 'di la sems can mi dmigs pa gang yin pa de nyid byang chub yin no/ /de nas bcom ldan 'das kyis don de nyid thugs su chud nas yang rgyas
150a8 par dpyad de/ de'i tshe tshigs su bcad pa 'di dag bka' stsal to/ /chos kyi dbyings ni 'byed par mi byed de/ /chos kyi dbyings la yang dag dmigs pa med/ /chos dbyings ji bzhin chos kun de dang 'dra/ /
150b1 'dzin pa med cing rdzas kyang ci yang med/ /chos kun stong pa nyid kyi rjes su 'gro/ /nang dang phyi rol 'dus byas gang yin pa'i/ /chos kun ya ma brla ste byed pa med/ /chos rnams thams cad tshul gcig yin par shes/ /
150b2 chos rnams gang la'ang sgro ni 'dogs mi byed/ /bdag gam gzhan la'ang rten par mi byed de/ /bdag dang bdag gi snyam pa bsal byas pa/ /de la nams kyang tha dad dbye ba med/ /dben pa spyod cing rab tu dben la gus/ /
150b3 chos kun stong pa nyid du lta bar byed/ /de ni chos rnams kun la lta ba na/ /dben pa la yang rtog par mi byed do/ /'jig rten 'jig rten 'das pa'i chos bstan la/ /de ni shas cher gnyis su mi 'jug ste/ /kha na ma tho
150b4 kha na ma tho med/ /zag bcas zag med chos la de mi rlom/ /'dus byas rnams dang 'dus ma byas rnams la/ /gnyis su mi 'byed rtag tu gcig par lta/ /so so'i skye bo'am dgra bcom gang yin pa/ /phan gdags
150b5 'os su gyur pa'i chos ma mthong / /so so'i skye bo'i rang bzhin gang bstan pa/ /de dag nyid ni dgra bcom chos rnams yin/ /dbrir yang med la bsnan du'ang ci yang med/ /dben pa'i sgo nas tshul gcig khong du chud/ /
150b6 de ni chos kun rab dbye shes mod kyi/ /chos kyi dbyings la 'byed par yong mi byed/ /chos 'di thams cad stong pa ma gtogs pa/ /bzod pa'ang gzhan la 'dod pa'ang gzhan ma yin/ /stong pa nyid la mi rlom som
150b7 nyi med/ /'di dag skye med rang bzhin 'byung ba med/ /des ni 'jug pa gcig par thams cad shes/ /de ltar spyod pa de la byang chub sla/ /byang chub mtshungs med la ni nye bar gyur/ /bdag dang byang chub la yang sems
150b8 dpa' med/ /chos rnams 'di dag thams cad bdag mi dmigs/ /des ni dmigs su med par byang chub rtogs/ /lha'i bu byang chub sems dpa' sems dpa' chen po chos bzhi dang ldan na zab mo'i tshul khrims
151a1 can bag yod par gnas pa zhes bya'o/ /bzhi gang zhe na/ lha'i bu 'di la byang chub sems dpa' sems dpa' chen po ni 'di snyam du sems te/ tshul khrims shes bya ba 'di gang yin snyam mo/ /de de
151a2 ltar tshul bzhin du so sor rtog pa na 'di snyam du sems te/ lus kyis legs par spyod pa dang / ngag gis legs par spyod pa dang / yid kyis legs par spyod pa gang yin pa de ni tshul khrims shes bya ba yin no snyam mo/ /
151a3 de 'di snyam du sems te de la lus kyis legs par spyod pa gang zhe na/ lus kyis srog gcod pa 'am/ ma byin par len pa 'am/ 'dod pa la log par g.yem pa'i las ma byas pa gang yin pa de ni lus kyi legs
151a4 par spyod pa yin no/ /de la ngag gis legs par spyod pa gang zhe na/ ngag gis rdzun du smra ba 'am/ phra ma 'am/ ngag rtsub po 'am/ tshig kyal pa'i las ma byas pa gang yin pa de ni ngag gi legs par spyod pa yin no/ /
151a5 de la yid kyis legs par spyod pa gang zhe na/ yid kyis brnab sems sam/ gnod sems sam/ log par lta ba'i las ma byas pa gang yin pa de ni yid kyi legs par spyod pa yin no snyam mo/ /de de ltar tshul bzhin
151a6 du so sor rtog pa na de 'di snyam du sems te/ lus sam/ ngag gam/ yid kyis las byas pa gang yin pa de ni sngon po zhes bya ba 'am/ ser po zhes bya ba 'am/ dmar po zhes bya ba 'am/ dkar po zhes bya ba 'am/
151a7 btsod ka'am/ shel gyi kha dog lta bu zhes bya bar gdags par mi nus la/ de ni mig gis rnam par shes par bya ba 'am/ rna bas rnam par shes par bya ba 'am/ snas rnam par shes par bya ba 'am/ lces rnam par
151a8 shes par bya ba 'am/ lus kyis rnam par shes par bya ba 'am/ yid kyis rnam par shes par bya ba ma yin no/ /de ci'i phyir zhe na/ 'di ltar de ni ma skyes pa dang / ma bskyed pa dang / ma bskrun pa dang / ma bkag pa'i
151b1 phyir ro/ /gang ma skyes pa dang / ma bskyed pa dang / ma bskrun pa dang / ma bkag pa de ni chos gang gis kyang rnam par shes par bya ba ma yin pa'i phyir ro snyam mo/ /de 'di snyam du sems te/ gang 'dus ma byas
151b2 pa de ni tshul khrims yin te/ de la ni gdags pa ci yang med do/ /gang gdags su med pa de la ni bdag gis kyang mngon par zhen par byar med do snyam ste/ de de ltar spyod pa na tshul khrims de yang dag par mi mthong
151b3 ngo / /gang du tshul khrims de yongs su bsngos pa de yang dag par ma mthong ste/ de ltar na byang chub sems dpa' zab mo'i tshul khrims can zhes bya'o/ /lha'i bu gzhan yang byang chub sems dpa' sems dpa'
151b4 chen po ni 'jig tshogs lta ba yongs su shes pa'i shes pa dang ldan pa yin te/ lta ba gang gis tshul khrims dang ldan pa 'am/ tshul khrims 'chal pa zhes spros par 'gyur ba'i 'jig tshogs la lta ba slong bar mi byed
151b5 do/ /lha'i bu gzhan yang byang chub sems dpa' sems dpa' chen po ni zab mo'i tshul la zhugs pa yin te/ de ni lus dang ngag gi spyod pa dang / spyod yul shes bzhin du spyod pas tshul khrims dang ldan pa zhes bya'o/ /
151b6 de yang bdag la dmigs pa dang / gzhan la dmigs pas spyod par mi byed de/ des na zab mo'i tshul khrims can zhes bya'o/ /lha'i bu gzhan yang byang chub sems dpa' sems dpa' chen po ni tshul khrims
151b7 ma nyams pa dang / tshul khrims ma zhig pa yin no/ /lha'i bu ji ltar na byang chub sems dpa' sems dpa' chen po tshul khrims ma nyams pa dang / tshul khrims ma zhig pa yin zhe na/ lha'i bu bdag la dmigs pa
151b8 ni tshul khrims la dmigs par 'gyur ro/ /lha'i bu gang bdag la mi dmigs pa de ni tshul khrims la mi dmigs so/ /gang tshul khrims la mi dmigs pa de ni tshul khrims nyams par mi byed cing / de ni tshul
152a1 khrims 'jig par mi byed do/ /ci'i phyir nyams par mi byed/ 'jig par mi byed ce na/ de ni gzhan las chos thams cad shes pa yin te/ gang gzhan las 'gyur ba de la ni bdag kyang med/ bdag
152a2 gi ba yang med do/ /gang la bdag med pa de la ni 'jig par 'gyur ba ci yang med de/ lha'i bu byang chub sems dpa' sems dpa' chen po chos bzhi po de dag dang ldan na zab mo'i tshul khrims can bag yod par
152a3 gnas pa zhes bya'o/ /de nas de'i tshe bcom ldan 'das kyis tshigs su bcad pa 'di dag bka' stsal to/ /lus dag ngag dag yid kyang dag pa gang / /de ni rtag tu dag par spyod pa ste/ /rtag tu legs par
152a4 bsdams shing gnas pa de/ /byang chub sems dpa' tshul khrims ldan zhes bya/ /las lam bcu po rab dge 'di dag rnams/ /byang chub sems dpa' mkhas pa gang srung zhing / /lus dang ngag dang yid kyis gang
152a5 byas pa/ /de ni mkhas rnams tshul khrims yin zhes brjod/ /ma byas ma bskyed ma skyes gang yin pa/ /de la bsngags pa med cing gnas pa 'ang med/ /gang la bsngags pa med cing gnas pa 'ang med/ /de la nams
152a6 kyang gdags pa rnyed mi 'gyur/ /rtag tu tshul khrims ma nyams ma zhig gang / /de ni mig gis shes par mi nus la/ /rna bas mi shes sna dang lces ma yin/ /lus dang yid kyis rnam par mi shes so/ /dbang
152a7 po drug gis mi shes gang yin pa/ /de la gnas par bya bar mi nus te/ /de nyid tshul khrims yongs su dag par mthong / /nams kyang tshul khrims dmigs te gnas pa med/ /de ni tshul khrims tsam des rlom pa med/ /
152a8 de ni bdag tu 'du shes khrims mi srung / /tshul khrims srung yang tshul khrims 'du shes med/ /dran ldan zab mo'i tshul khrims ldan pa yin/ /'jig tshogs lta ba rnam par bsal byas pa/ /de la lta bar byas pas
152b1 'byung mi 'gyur/ /gang la lta med lta ba'i gnas med pa/ /de ni tshul khrims tshul khrims 'chal mi rlom/ /zab mo'i chos kyi tshul la zhugs pa ste/ /de yi cho ga brtags pa ma yin la/ /shin du shes bzhin ldan
152b2 zhing legs par gsungs/ /tshul khrims sgo nas gzhan gyis brnyas mi 'gyur/ /bdag tu dmigs pas tshul khrims dmigs par 'gyur/ /gang la bdag med de la tshul khrims med/ /bdag gam yang na tshul
152b3 khrims rlom pa de/ /mtha' zhes bya ste gnyis ka 'jigs ma yin/ /bdag med smra ba tshul khrims rlom pa med/ /bdag med smra ba tshul khrims rten pa med/ /bdag med smra la tshul khrims rlom pa med/ /bdag med
152b4 smra la tshul khrims sems dpa' med/ /tshul khrims ma nyams tshul khrims ma rmongs pa/ /bdag ni tshul khrims ldan zhes bdag mi rlom/ /gang la bdag dang tshul khrims 'du shes med/ /de 'dra 'di ni zab pa zhes
152b5 kyang brjod/ /gang gi tshul khrims de 'drar 'jigs med pa/ /de la nams kyang 'chal pa'i khrims mi 'byung / /chos kun dmigs su med pa gang yin pa/ /de 'dra'i tshul khrims 'phags pa rnams kyis bsngags/ /
152b6 byis pa gang dag bdag tu lta la gnas/ /tshul khrims srung zhing bdag ni khrims ldan snyam/ /tshul khrims bde ba ma lus zad gyur nas/ /de dag ngan 'gro gsum las thar mi 'gyur/ /gang dag bdag tu lta ba mtha'
152b7 dag bsal/ /de dag 'dir ni bdag dang bdag gi med/ /bdag tu lta med gang de tshul khrims ldan/ /de la phyin chad log par lhung 'jigs med/ /gang zhig tshul khrims rnam pa 'di 'drar shes/ /de la 'chal
152b8 pa'i tshul khrims lta mi nus/ /bdag dang de bzhin rnam gsum mi mthong na/ /tshul khrims tshul khrims 'chal lta ci zhig smos/ /de skad ces bka' stsal pa dang / bcom ldan 'das la lha'i bu zla bas 'di skad
153a1 ces gsol to/ /bcom ldan 'das sangs rgyas bcom ldan 'das rnams kyi bla na med pa yang dag par rdzogs pa'i byang chub de ji tsam du zab pa ni ngo mtshar lags so/ /bcom ldan 'das byang chub sems
153a2 dpa' sems dpa' chen po de ltar mi gnas pa dang / len pa ma mchis pas chos ji lta ba bzhin du gnas la/ rnam par rtog pa thams cad yang dag par chad pa dang / bdag tu 'du shes pa dang bral ba dang / bskal pa
153a3 grangs ma mchis par yang spyod pa dang / sangs rgyas kyi chos thams cad yongs su ma rdzogs kyi bar du nyan thos dang rang sangs rgyas kyi sar yang mi ltung la bar ma dor rnam par byang bar yang mi 'gyur ba yang ngo
153a4 mtshar che lags so/ /bcom ldan 'das byang chub sems dpa' sems dpa' chen po chos du dang ldan na chos zab mo rnams la yang spyod la/ yang dag pa'i mtha' yang mngon sum du mi bgyid lags/ de skad
153a5 ces gsol pa dang / bcom ldan 'das kyis lha'i bu zla ba la 'di skad ces bka' stsal to/ /lha'i bu byang chub sems dpa' sems dpa' chen po chos bzhi dang ldan na chos zab mo rnams la yang spyod la/ yang
153a6 dag pa'i mtha' yang mngon sum du mi byed do/ /bzhi gang zhe na/ lha'i bu byang chub sems dpa' sems dpa' chen po ni thams cad mkhyen pa'i ye shes bsgrub pa'i phyir dam bcas pa la brtan pas snying po la
153a7 gnas pa dang / sems can thams cad yongs su mi gtong bar gnas pa'i phyir zhum pa med pa'i brtson 'grus dang ldan pa dang / sangs rgyas kyi gdung rgyun mi 'chad pa la zhugs pa'i phyir snying rje chen po dang ldan pa
153a8 dang / dge ba'i rtsa ba thams cad yongs su bsngo ba la mkhas pa'i phyir thabs la mkhas pa ste/ lha'i bu byang chub sems dpa' sems dpa' chen po chos bzhi po de dag dang ldan na chos zab mo rnams la'ang
153b1 spyod la/ bar ma dor yang dag pa'i mtha' mngon sum du 'ang mi byed do/ /de nas de'i tshe bcom ldan 'das kyis tshigs su bcad pa 'di dag bka' stsal to/ /mkhas pa rtag tu yi dam bcas la brtan/ /sngon chad yi dam
153b2 bcas pa spong mi byed/ /dpa' bo thams cad mkhyen pa'i ye shes phyir/ /theg pa gzhan la 'dod pa skyed mi byed/ /rtag tu bag dang ldan zhing brtson 'grus rtsom/ /zhum pa med pa'i sems kyis rtag tu spyod/ /de yis
153b3 sems can gang yang btang ba med/ /de yi sems ni sems can kun la snyoms/ /'jig rten 'di dag kun la snying rje bas/ /sdug bsngal bzod cing sems kyang zhum pa med/ /ci nas sangs rgyas gdung ni mi 'chad
153b4 pa/ /de phyir dkon mchog mang po 'byung bar byed/ /mkhas rnams thabs shes pa la legs par bslabs/ /le lo med par dge ba yongs su bsngo/ /'khor ba'i chu bo la ni phan phyir brtse/ /bar ma dor ni zag rnams
153b5 zad mi byed/ /byang chub sems dpa' 'jigs med gang dag gis/ /chos rnams 'di dag legs par bsdus par gyur/ /de dag zab mo'i chos rnams spyod pa ste/ /nams kyang yang dag mtha' la rig mi 'gyur/ /de
153b6 nas bcom ldan 'das la lha'i bu zla bas 'di skad ces gsol to/ /bcom ldan 'das ji ltar na byang chub sems dpa' sems dpa' chen po zab mo la spyod pa lags/ de skad ces gsol pa dang / bcom ldan 'das
153b7 kyis lha'i bu zla ba la 'di skad ces bka' stsal to/ /lha'i bu 'di la byang chub sems dpa' sems dpa' chen po ni so so'i skye bo'i chos bstan pa'i phyir sangs rgyas kyi chos yongs su bsgrub pa yang yongs su tshol bar
153b8 mi byed la/ so so'i skye bo'i chos rnams gsal bar yang mi byed de/ sangs rgyas kyi chos kyang rnam par dag par mi mthong ste/ so so'i skye bo'i chos ma gtogs par sangs rgyas kyi chos 'thob pa yongs su mi tshol
154a1 lo/ /so so'i skye bo'i chos rnams kyang gzhan la sangs rgyas gyi chos rnams kyang gzhan no zhes de ltar mi spyod do/ /so so'i skye bo'i chos rnams ni chung la sangs rgyas kyi chos rnams ni rgya che'o zhes de ltar
154a2 mi spyod do/ /so so'i skye bo'i chos rnams ni zag pa dang bcas pa yin la sangs rgyas kyi chos rnams ni zag pa med pa'o zhes de ltar mi spyod do/ /gzhan yang de 'di snyam du sems te/ so so'i skye bo'i chos gang dag
154a3 yin pa rnams dang / sangs rgyas kyi chos gang dag yin pa rnams ni shes pa 'am/ mthong ba 'am/ nye bar brtag par mi nus so/ /de ci'i phyir zhe na/ 'di ltar de dag ni stong pa yin la stong pa nyid la ni shes pa
154a4 'am/ mthong ba 'am/ nye bar rtog pa med de/ 'di lta ste/ rang bzhin gyis bems po yin pa'i phyir ro snyam mo/ /lha'i bu 'di ltar chos rnams kyi chos nyid dang / chos kyi ngo bo nyid dang / chos gnas pa nyid dang / chos
154a5 ji lta ba bzhin pa gang yin pa de la ni gnyis po gang gis so so'i skye bo zhes bya ba 'am/ nyan thos shes bya ba'am/ rang sangs rgyas shes bya ba'am/ yang dag par rdzogs par sangs rgyas shes bya bar gnyis su dbye
154a6 ba'i gnyis she ci yang med do/ /lha'i bu zab mo la spyod pa'i byang chub sems dpa' rnams la ni gang sangs rgyas kyi chos ma yin pa de lta bu'i chos gang yang med do/ /de ci'i phyir zhe na/ lha'i bu chos rnams kyi chos
154a7 smra bar bya ba gang yin pa de ni smrar med pa'o/ /smrar med pa gang yin pa de ni brjod du med pa'o/ /brjod du med pa gang yin pa de la ni yod pa med do/ /gang la yod pa med pa de la ni 'byung ba med do/ /gang la 'byung ba
154a8 med pa de la dngos po'i rnam par rig pa med do/ /lha'i bu chos thams cad ni dngos po med pa yang yin te/ gang na chos thams cad kyi bgrang ba de las grol ba ni sangs rgyas kyi chos rnams yin te/ lha'i bu de bas
154b1 na rnam grangs 'dis kyang chos thams cad ni rnam par mi rtog pa'i spyod pa'i tshul gyis sangs rgyas kyi chos rnams yin no zhes de ltar rig par bya'o/ /gang rnam par rtog pa la spyod pa de dag la ni gnyis su 'jug pa'i
154b2 rnam par shes pa 'byung ba yod do/ /de dag ni rnam par shes pa'i spyod yul la spyod pa'o/ /gang dag sangs rgyas kyi chos zag pa med pa gang dag yin pa de dag la yang rtog la/ de dag la brtags nas kyang zag pa rnams
154b3 slong bar byed pa de dag gis ni chos kyi dbyings la kun nas nyon mongs pa 'am/ rnam par byang ba med par mi shes so/ /chos rnams thams cad kyi rang bzhin shes pa gang yin pa de dag ni chos gang la yang kun nas
154b4 nyon mongs pa'i chos sam/ rnam par byang ba'i chos su 'dzin pa yang med na/ kun nas nyon mongs pa'i chos sam/ rnam par byang ba'i chos su dmigs pa lta ga la yod de/ de ni gnas med do/ /lha'i bu de ltar na byang chub
154b5 sems dpa' sems dpa' chen po zab mo la spyod pa yin te/ gang sangs rgyas kyi chos ma yin pa'i chos gang yang med par mthong la/ /gang gis mthong ba de yang lhag par mthong ba dang / ji ltar mi mthong ba de lta bur
154b6 mthong ste/ de ltar mthong ba'i byang chub sems dpa' ni bdud dam bdud kyi ris kyi lha rnams kyis mi tshugs so/ /de skad ces bka' stsal pa dang / bcom ldan 'das la lha'i bu zla bas 'di skad ces gsol to/ /
154b7 bcom ldan 'das byang chub sems dpa' sems dpa' chen po de ltar 'di lta bu'i chos rnams la yang nye bar rtogs la skye ba yang rtsom par bgyid do/ /skye ba dang / 'gum pa dang / gum nas kyang skye bar 'gyur ba ni ngo
154b8 mtshar lags so/ /bcom ldan 'das kyis bka' stsal pa/ lha'i bu dper na sgyu ma mkhan gyis sprul pa ni 'ong ba dang / 'gro ba dang / 'dug pa dang / nyal ba dang / smra bar yang byed la/ de yang rnam par mi rtog pa de
155a1 bzhin du/ lha'i bu gang gis chos thams cad sgyu ma lta bur shes pa de ni 'gro ba dang skye ba thams cad kyang ston la de yang rnam par mi rtog go/ /lha'i bu byang chub sems dpa' ni skye ba dang / 'byung ba yang rlom
155a2 sems su mi byed la sngon gyi byin gyis brlabs kyis skye bar 'gyur ro/ /de skad ces bka' stsal pa dang / bcom ldan 'das la lha'i bu zla bas 'di skad ces gsol to/ /bcom ldan 'das kyis gang 'di skad du byang
155a3 chub sems dpa' ni skye ba dang / 'byung ba yang rloms su mi byed ces bka' stsal pa de la/ bcom ldan 'das de bzhin gshegs pa ni lha mo sgyu 'phrul las 'khrungs te/ sku bskrun pa'i yum la thugs brtse ba'i slad du
155a4 sum bcu rtsa gsum pa'i lha rnams kyi nang du dbyar gnas par zhal gyis bzhes na/ ji ltar de bzhin gshegs pas rlom sems su mi mdzad lags/ bka' stsal pa/ lha'i bu de bzhin gshegs pa ni lha mo sgyu
155a5 'phrul las ma skyes so/ /gsol pa/ 'o na de bzhin gshegs pa gang las 'khrungs lags/ bka' stsal pa/ lha'i bu de bzhin gshegs pa ni shes rab kyi pha rol du phyin pa las skyes te/ lha'i bu gang dag
155a6 shes rab kyi pha rol du phyin pa ni sangs rgyas bcom ldan 'das rnams skyed pa'i yum yin no zhes smra ba ni yang dag par smra ba yin no/ /shes rab kyi pha rol du phyin pa ni 'das pa dang / ma 'ongs pa dang / da ltar byung ba'i
155a7 sangs rgyas bcom ldan 'das rnams skyed pa'i yum yin no zhes smra ba ni yang dag par smra ba yin no/ /de ci'i phyir zhe na/ lha'i bu skyes bu chen po'i mtshan sum bcu rtsa gnyis ni lha mo sgyu 'phrul las skyes pa
155a8 ma yin gyi/ lha'i bu skyes bu chen po'i mtshan sum bcu rtsa gnyis ni shes rab kyi pha rol du phyin pa la bslabs pas mngon par grub pa yin no/ /lha'i bu de bzhin gshegs pa'i stobs bcu po 'di dag ni lha mo sgyu
155b1 'phrul las skyes pa ma yin gyi/ de bzhin gshegs pa'i stobs bcu ni shes rab kyi pha rol du phyin pa la bslabs pas mngon par grub pa yin no/ /lha'i bu de bzhin gshegs pa'i mi 'jigs pa bzhi po 'di dag ni
155b2 lha mo sgyu 'phrul las skyes pa ma yin no/ /sangs rgyas kyi chos ma 'dres pa bcwa brgyad dang byams pa chen po dang / snying rje chen po dang / dga' ba chen po dang / btang snyoms chen po dang / spyi gtsug bltar mi mthong ba dang /
155b3 gshegs pa don yod pa dang / sangs rgyas kyi spyan dang / sangs rgyas kyi ye shes dang / sangs rgyas kyi so so yang dag par rig pa dang / pha rol gyi sems shes pa dang / lha'i bu mdor bsdu na gang dag gis de
155b4 bzhin gshegs pa dang de bzhin gshegs pa zhes bya ba'i grangs su 'gro ba'i sangs rgyas kyi chos de lta bu gang dag yin pa de dag ni lha mo sgyu 'phrul las skyes pa ma yin te/ lha'i bu de ltar na de bzhin gshegs pa'i
155b5 sangs rgyas kyi chos dpag tu med pa gang dag gis de bzhin gshegs pa de bzhin gshegs pa zhes bya ba'i grangs su 'gro ba de lta bu de dag ni shes rab kyi pha rol du phyin pa la spyad cing / shes rab kyi pha rol du
155b6 phyin pa la bslabs pas mngon par grub pa yin te/ lha'i bu khyod kyis rnam grangs 'dis kyang ci nas de bzhin gshegs pa shes rab kyi pha rol du phyin pa las skyes kyi/ lha mo sgyu 'phrul las ma yin pa de ltar
155b7 rig par bya'o/ / bam po gnyis pa/ de nas bcom ldan 'das la lha'i bu zla bas 'di skad ces gsol to/ /bcom ldan 'das gal te shes rab kyi pha rol du phyin pa chos gang gi yang bskyed
155b8 pa ma lags/ skrun pa ma lags/ 'gag par bgyid pa ma lags na/ bcom ldan 'das ji ltar shes rab kyi pha rol du phyin pa de bzhin gshegs pa bskrun pa lags/ bka' stsal pa/ lha'i bu chos gang dag gis
156a1 de bzhin gshegs pa de bzhin gshegs pa zhes bya ba'i grangs su 'gro ba'i chos de dag ni skye ba yang med/ 'chi 'pho ba yang med/ 'byung ba yang med do/ /lha'i bu gang skye ba yang med/ 'chi 'pho ba yang
156a2 med/ 'byung ba yang med pa de lta bu'i ye shes de bskyed pa ni shes rab kyi pha rol du phyin pa ste/ shes rab kyi pha rol tu phyin pa las ni gang skye ba med pa dang / 'chi 'pho med pa dang / 'byung ba med pa'i de bzhin gshegs
156a3 pa skyes so/ /lha'i bu gang la skye ba yang med/ 'chi 'pho ba yang med/ 'byung ba yang med pa de ni shes rab kyi pha rol tu phyin pa yod pa las yang dag par nges par 'byung ba yod mod kyi/ shes rab kyi pha rol du phyin
156a4 pa med pa las ni nges par 'byung ba med do/ /gsol pa/ bcom ldan 'das de ltar shes rab mchis na nges par 'byung ba mchis pa lags na ci shes rab de la sems pa 'am/ 'tshal ba mchis sam/ bka'
156a5 stsal pa/ lha'i bu shes rab la ni sems dpa' 'am shes pa yang med do/ /lha'i bu gal te shes rab sems dpa' 'am/ shes pa zhig yin par gyur na shes rab las rtag tu nges par 'byung ba med par 'gyur ro/ /
156a6 de ci'i phyir zhe na/ lha'i bu gang la sems sam tshor ba yod na de la nges par 'byung ba ci yang med pa'i phyir ro/ /lha'i bu gang gi phyir shes rab kyi pha rol du phyin pa sems dpa' med cing shes pa med pa de'i phyir
156a7 shes rab rtag tu nges par 'byung ba yin no/ /gsol pa/ bcom ldan 'das nges par 'byung ba zhes bgyi ba de gang gi tshig bla dgas lags/ bka' stsal pa/ lha'i bu spros pa med pa'i tshig bla dgas so/ /
156a8 gsol pa/ bcom ldan 'das spros pa ma mchis pas ci zhig nges par 'byin par bgyid lags/ bka' stsal pa/ lha'i bu gang dag spros pa la spyod pa de dag ni khams gsum du skye ba mi 'dor ro/ /gang dag
156b1 spros par mi byed pa de dag ni khams gsum du skye ba 'dor bar byed do/ /lha'i bu de lta bas na gang khyod spros pa med par nges par 'byung bas ci zhig nges par 'byin ces zer ba ni khams gsum du skye bas nges par
156b2 'byin par byed do/ /gsol pa/ bcom ldan 'das kyis khams gsum las yang dag par 'da' bar bgyi ba'i slad du nyan thos rnams la chos bstan lags sam/ bka' stsal pa/ lha'i bu nga ni 'dod pa'i
156b3 khams las kyang brtsams te nyan thos rnams la chos ston la/ de bzhin gshegs pas 'dod pa'i khams kyang ma dmigs so/ /lha'i bu nga ni gzugs kyi khams las kyang brtsams te nyan thos rnams la chos ston
156b4 la/ de bzhin gshegs pas gzugs kyi khams kyang ma dmigs so/ /lha'i bu nga ni gzugs med pa'i khams las kyang brtsams te nyan thos rnams la chos ston la/ de bzhin gshegs pas gzugs med
156b5 pa'i khams kyang ma dmigs so/ /lha'i bu nga ni yang dag par 'da' bar bya ba'i phyir chos ston la/ de bzhin gshegs pas gang yang dag par 'da' ba'i chos de yang dag par ma mthong ngo / /lha'i bu nga'i nyan
156b6 thos rnams ni 'dod pa'i khams la dmigs nas 'dod pa'i khams las yang dag par 'da' bar mi byed do/ /nga'i nyan thos rnams ni gzugs kyi khams la dmigs nas gzugs kyi khams las yang
156b7 dag par 'da' bar mi byed do/ /nga'i nyan thos rnams ni gzugs med pa'i khams la dmigs nas gzugs med pa'i khams las yang dag par 'da' bar mi byed do/ /lha'i bu gzhan yang nga'i nyan thos rnams
156b8 ni khams gsum pa mi dmigs pas khams gsum pa la mi rten te/ chos rnams stong pa nyid du dmigs pas 'dod pa'i khams su smon lam mi 'debs so/ /gzugs kyi khams su smon lam mi 'debs so/ /gzugs
157a1 med pa'i khams su smon lam mi 'debs so/ /khams gsum par smon lam mi 'debs pas na khams gsum par mi skye'o/ /ma skyes pa de dag gi 'gro ba ni gdags su med do/ /kye lha'i bu 'on
157a2 kyang 'phags pa rnams ni yang dag par 'da' ba zhes de skad brjod par mdzad do/ /'on kyang don dam par na 'di la su yang dag par 'da' ba yang med 'ong ba yang med do/ /de ci'i phyir zhe na/ lha'i bu chos thams cad ni yang
157a3 dag par 'da' ba med pa las blta bar bya'o/ /lha'i bu dper na/ nam mkha' ni ma skyes pa/ ma byas pa/ mngon par ma grub pa/ 'pho ba med pa/ 'ong ba med pa ste/ chos thams cad kyang de bzhin du lta bar bya'o/ /
157a4 gtam 'di bstan pa na lha'i 'khor de'i nang nas lha'i bu bdun khri nyis stong chos rnams la chos kyi mig rdul med cing dri ma dang bral ba skyes so/ /sngon dge ba'i rtsa ba bskyed pa'i lha'i bu khri drug stong ni bla na med pa yang dag
157a5 par rdzogs pa'i byang chub tu sems skyes so/ /dge ba'i rtsa ba yongs su smin pa'i byang chub sems dpa' brgyad stong ni mi skye ba'i chos rnams la bzod pa skyes so/ /de dag gi lag tu bcom ldan 'das kyi
157a6 mthus sngon ma mthong ba'i me tog gi snod byung bar gyur te/ me tog gi snod de dag nas de bzhin gshegs pa la gtor to/ /me tog de dag gis kyang sum bcu rtsa gsum pa'i gnas kho ra khor yug tu
157a7 khebs par gyur to/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das lha'i bu 'di rnams kyis de bzhin gshegs pa la me tog gtor ba gang dag
157a8 lags pa 'di dag ni sngon ma mthong lags so/ /de nas lha'i bu zla bas lha'i dbang po brgya byin la 'di skad ces smras so/ /kau shi ka da ltar gang la me tog dag gis gtor ba'i de bzhin gshegs pa 'di yang
157b1 sngon ma mthong ngo / /de ci'i phyir zhe na/ kau shi ka sems gang gis de bzhin gshegs pa mthong ba'i sems de ni 'gags shing med par gyur te mthong bar mi nus so/ /kau shi ka de bas na gang ci mthong yang
157b2 rung ste/ de dag thams cad ni sngon ma mthong ba'o/ /gang ci thos kyang rung ste/ de dag thams cad ni sngon ma thos pa'o/ /smras pa/ lha'i bu khyod kyis de bzhin gshegs pa mthong ngam/ smras pa/ kau shi ka
157b3 gal te de bzhin gshegs pa gzugs shes bya ba yin na ni/ bdag gis de bzhin gshegs pa mthong ngo / /kau shi ka gal te de bzhin gshegs pa tshor ba dang / 'du shes dang / 'du byed rnams dang / rnam
157b4 par shes pa zhes bya ba yin na ni bdag gis de bzhin gshegs pa mthong na/ kau shi ka de bzhin gshegs pa ni gzugs shes bya ba 'am/ tshor ba dang / 'du shes dang / 'du byed rnams dang / rnam par shes pa zhes
157b5 bya ba ma yin no/ /kau shi ka de bzhin gshegs pa ni phung po lnga'i chos kyi mtshan nyid kyis rab tu phye ba ma yin te de ni mthong bar sla ba ma yin no/ /kau shi ka gzhan yang gang khyod 'di skad du lha'i bu khyod kyis de bzhin
157b6 gshegs pa mthong ngam zhes zer ba ni ji ltar de bzhin gshegs pas bdag gzigs pa de bzhin du bdag gis de bzhin gshegs pa mthong ngo / /smras pa lha'i bu khyod kyis de bzhin gshegs pa ji ltar mthong /
157b7 smras pa/ kau shi ka de bzhin gshegs pa mdun na bzhugs pa 'di la zhus shig /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das lha'i bu zla ba ji ltar
157b8 gzigs lags/ bka' stsal pa/ kau shi ka gzugs su mi mthong ngo / /tshor ba dang / 'du shes dang / 'du byed rnams dang / rnam par shes par mi mthong ngo / /sngon gyi mtha' dang / phyi ma'i mtha' dang / da ltar
158a1 byung bar mi mthong ngo / /langs pa dang / 'dug pa dang / 'gro ba dang / 'ong ba dang / rgyab dang / glo dang / mdun dang / chos la ma gtogs par mi mthong ngo / /slob par mi mthong ngo / /mi slob par mi mthong ngo / /
158a2 mi slob pa'i chos dang ldan par mi mthong ngo / /dgra bcom par mi mthong ngo / /dgra bcom pa'i chos dang ldan par mi mthong ngo / /nyan thos kyi sa dang / rang sangs rgyas kyi sa dang / sangs rgyas kyi sar mi mthong ste/
158a3 kau shi ka de ltar mthong ngo / /kau shi ka sus de ltar mthong ba des ni yang dag par mthong ste/ log par mthong ba ma yin no/ /su yang dag par mthong ba des ni ci yang mi mthong ngo / /su ci yang mi mthong ba des ni mnyam par
158a4 mthong ste mi mnyam par mi mthong ngo / /kau shi ka de ltar gzigs pa'i de bzhin gshegs pa ni thams cad gzigs pa zhes bya'o/ /kau shi ka de ltar gzigs pa'i de bzhin gshegs pa ni de bzhin gshegs pa
158a5 zhes bya ste/ 'on kyang de bzhin gshegs pa ni chos kyi dbyings 'dres par yang mi mdzad do/ /kau shi ka 'di ji snyam du sems/ de ltar gzigs pa'i de bzhin gshegs pas ci zhig gzigs par 'gyur/ gsol
158a6 pa/ bcom ldan 'das de bzhin gshegs pas ni ming gzigs pa ma lags/ gzugs gzigs pa ma lags te/ bcom ldan 'das 'di la ni chos 'ga' tsam yang grangs su bgyis pa ma mchis so/ /bcom
158a7 ldan 'das ci de bzhin gshegs pas ji ltar gzigs pa de bzhin du lha'i bu zla bas kyang de ltar mthong lags sam/ bka' stsal pa/ kau shi ka mi skye ba'i chos la bzod pa thob pa'i byang chub sems dpa'
158a8 su yang rung ba de dag thams cad kyis ni chos kyi dbyings kyi lus kyis chos 'ga' tsam yang gzung ba'i phyir chos gang yang mi mthong ngo / /gsol pa/ bcom ldan 'das ci lha'i bu zla ba mi skye ba'i chos la
158b1 bzod pa thob lags sam/ bcom ldan 'das kyis bka' stsal pa/ kau shi ka khyod kyis lha'i bu zla ba 'di nyid la dris shig dang / 'di nyid khyod la lan ldon no/ /de nas lha'i dbang po brgya byin gyis
158b2 lha'i bu zla ba la 'di skad ces smras so/ /lha'i bu khyod mi skye ba'i chos rnams la bzod pa skyes sam/ smras pa/ kau shi ka ci mi skye ba skye 'am/ smras pa/ lha'i bu de ni ma yin no/ /smras pa/ kau shi ka gal te mi
158b3 skye ba skye bar gyur na mi skye ba'i chos rnams la su'i bzod pa skye bar 'gyur/ kau shi ka mi skye ba zhes bya ba de ni chos kyi dbyings kyi tshig bla dgas so/ /chos kyi dbyings gang yin pa de la ni skye ba 'am 'gag pa mi
158b4 dmigs so/ /de nas lha'i dbang po brgya byin 'di snyam du sems te/ lha'i bu 'di'i bstan pa de 'dra ba las na/ kye ma lha'i bu 'di ni bzod pa thob pa yin te/ bla na med pa yang dag par rdzogs pa'i byang chub dang
158b5 nye'o snyam mo/ /de nas lha'i bu zla bas lha'i dbang po brgya byin gyi sems kyi yongs su rtog pa sems kyis shes nas/ lha'i dbang po brgya byin la 'di skad ces smras so/ /kau shi ka bzod pa thob pa gang dag
158b6 yin pa de dag ni sangs rgyas kyi byang chub dang nye ba ma yin no/ /smras pa/ lha'i bu khyod ci las bsams te de skad zer/ smras pa/ kau shi ka thob ces bya ba de ni dmigs pa'i tshig bla dgas yin la dmigs pas ni
158b7 byang chub mngon par rdzogs par 'tshang mi rgya'o/ /mi skye ba'i bzod pa zhes bya ba de ni mi skye ba'i tshig bla dgas so/ /mi skye ba gang yin pa de nyid ni byang chub bo/ /smras pa/ lha'i bu zla ba byang chub nyid gang las btsal bar
158b8 bya/ smras pa/ kau shi ka byang chub ni bdag gi ngo bo nyid las btsal bar bya'o/ /smras pa/ bdag gi ngo bo nyid gang las btsal bar bya/ smras pa/ chos gang ma skyes/ mi skye/ skye bar mi 'gyur ba de las btsal bar bya'o/ /
159a1 ci nas kyang tshol ba na gang btsal ba dang / gang gis btsal ba de yang slong bar mi byed pa de ltar btsal bar bya'o/ /de nas bcom ldan 'das la lha'i dbang po brgya byin gyis 'di skad ces gsol to/ /
159a2 bcom ldan 'das lha'i bu zla ba 'di de ltar zab mo'i shes rab dang ldan pa ngo mtshar lags so/ /bcom ldan 'das lha'i bu zla ba 'di gang nas shi 'phos te 'dir mchis lags/ de nas lha'i bu zla bas lha'i
159a3 dbang po brgya byin la 'di skad ces smras so/ /kau shi ka sgyu ma mkhan gyis skyes pa 'am/ bud med sprul pa gang yin pa de gang nas shi 'phos te 'dir 'ongs/ 'di nas shi 'phos nas gang du 'gro bar 'gyur/ smras
159a4 pa/ lha'i bu sgyu ma sprul pa la ni shi 'pho 'am skye ba med do/ /de ci'i phyir zhe na/ de ni rnam par rtog pa med pa'i phyir ro/ /smras pa/ kau shi ka khyod 'di skad du sprul pa 'di gang nas shi 'phos te 'dir 'ongs/ 'di
159a5 nas shi 'phos nas gang du 'gro bar 'gyur zhes zer ba de ci mkhas pa rnams kyis smad par mi 'gyur ram/ smras pa/ lha'i bu de de bzhin no/ /smras pa/ kau shi ka bdag ni khyod kyis dri ba de la 'di snyam du byed de/ gang
159a6 khyod kyis lha'i bu 'di gang nas shi 'phos te 'dir mchis/ 'di nas shi 'phos nas gar skye bar 'gyur zhes zhus pa ni sgyu ma lta bu'i chos rnams la de skad 'dri bar zad do snyam mo/ /kau shi ka 'di ji snyam du sems/
159a7 de bzhin gshegs pas sprul pa sprul par mdzad pa gang yin pa de 'ong ngam/ 'chi 'pho 'am/ skye 'am/ smras pa/ lha'i bu de ni ma yin no/ /smras pa/ ci bya ba gang gi phyir/ sprul pa bya ba de byed dam/
159a8 smras pa/ lha'i bu byed do/ /smras pa/ kau shi ka de bzhin du gang gis chos thams cad sprul pa lta bu dang sgyu ma lta bu'i rtogs pa de ni 'gro ba dang / 'ong ba dang / 'chi 'pho dang / skye ba yang ston la de ni ci la yang
159b1 rnam par mi rtog ste/ bya ba de yang byed do/ /kau shi ka 'di ji snyam du sems/ gang rmi lam du gzugs mthong ba 'am/ sgra thos pa 'am/ dri snom pa 'am/ ro myong ba 'am/ reg bya la reg pa 'am/ chos rnam par shes
159b2 pa de dag ci de na ci yang yod dam/ smras pa/ lha'i bu de ni med do/ /smras pa/ kau shi ka de bzhin du gang gis chos thams cad rmyi lam gyi ngo bo nyid du rtogs pa de ni mthong ba dang / thos pa dang / dran pa dang / bye brag phyed pa
159b3 dang / rnam par shes pa'i chos rnams la chags par mi 'gyur/ rjes su chags par mi 'gyur/ khong khro bar mi 'gyur ro/ /mthong ba dang / thos pa dang / dran pa dang / bye brag phyed pa dang / rnam par shes pa'i
159b4 chos rnams kyang gzhan dag la rjod par byed la/ brjod pa de yang mngon par zhen pa med do/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das lha'i bu zla ba
159b5 'di skye ba yang mi dmigs 'chi 'pho yang mi dmigs lags na/ bcom ldan 'das 'dis ji ltar sems can rnams yongs su smin par bgyi bar rtogs shing bgyid par 'gyur lags/ gang la skye ba yang ma mchis/
159b6 'chi 'pho yang ma mchis pa de ni nyan thos kyis lags te/ de ni byang chub sems dpa'i sa ma lags so/ /bcom ldan 'das byang chub sems dpas ni bskal pa stong phrag mang por 'khor bar bgyi 'tshal
159b7 lags so/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka byang chub sems dpa' mi skye ba'i chos rnams la bzod pa skyes pa ni su yang
159b8 rung ste/ de ni skye ba la yang rlom sems med la 'chi 'pho la yang rlom sems med de/ de ni dgra bcom pa yongs su mya ngan las 'das nas lo brgya lon pa ji lta ba de bzhin du gzung bar bya'o/ /de ci'i phyir zhe na/
160a1 de la ni bdag tu 'du shes dang gzhan du 'du shes mi 'jug pa'i phyir ro/ /kau shi ka gzhan yang byang chub sems dpa' gang gtan du yongs su mya ngan las 'das pa'i chos rnams la/ de ltar skye ba la yang
160a2 rlom sems mi byed/ 'chi 'pho la yang rlom sems mi byed pa dang / bdag tu 'du shes par yang mi byed/ gzhan du 'du shes par yang mi byed la sems can gang chos kyi tshul gyi bzod pa 'di mi shes pa de dag la brda
160a3 sprad pa'i phyir snying rje chen pos ched tu bskal pa bye ba 'bum phrag grangs med par 'khor yang skyo ba med pa ni mchog tu dka' ba byed pa yin no/ /kau shi ka dper na mi la la zhig me mdag gi dong du lhung nas tshig cing 'dug
160a4 pa de la mi snying rje chen po dang ldan pa 'ga' zhig gis lus dang srog la yang ma bltas te/ 'dod pa'i yon tan lnga la dga' zhing 'dug pa las/ dga' zhing rtse ba bor nas me'i phung po de'i nang nas me de phyung ste/ bdag
160a5 nyid tshig pa ni dang du blangs na/ kau shi ka 'di ji snyam du sems/ mi de dka' ba byed pa yin nam/ gsol pa/ bcom ldan 'das dka' ba bgyid pa lags so/ /bka' stsal pa/ kau shi ka byang chub sems
160a6 dpa' gang nyon mongs pa thams cad las grol la srid pa len par byed pa ni de bas kyang ches dka' ba byed pa yin no/ /kau shi ka de bas na rnam grangs 'dis kyang khyod kyis 'di ltar rig par bya ste/ byang chub sems
160a7 dpa' sems dpa' chen po ni ci nas kyang nyan thos dang rang sangs rgyas rnams zil gyis mnan nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /kau shi ka khyod
160a8 'di skad du lha'i bu 'di gang nas shi 'phos te 'dir 'ongs shes zer ba de ngas bshad kyis nyon cig /kau shi ka sangs rgyas kyi zhing 'di nas shar phyogs su sangs rgyas kyi zhing khrag khrig 'bum phrag bdun bcu rtsa gnyis
160b1 'das pa na 'jig rten gyi khams rin po che'i phung po bkram pa zhes bya ba zhig yod de/ 'jig rten gyi khams de na rin po che du mas brgyan pa'i shing ljon pa rin po che sna tshogs kyi me tog rgyas pa dag dang 'chags
160b2 sa'i skyed mos tshal gyi khang pa brtsegs pa rin po che sna tshogs kyis spras pa'i zam pa dang ldan pa dag yod do/ /sa gzhi chen po de yang bai dUr+ya las grub pa ste/ rin po che 'bum phrag mang pos spras so/ /kau shi ka
160b3 'jig rten gyi khams rin po che'i phung po bkram pa de na de bzhin gshegs pa dgra bcom pa yang dag par rdzogs pa'i sangs rgyas phyag na rin chen gzi brjid mngon par 'phags pa'i rgyal po zhes bya ba chos ston
160b4 to/ /de na theg pa gnyis po 'di lta ste/ nyan thos kyi theg pa 'am/ rang sangs rgyas kyi theg pa rnam par gzhag pa med de/ sangs rgyas kyi zhing de byang chub sems dpa' sems dpa' chen po 'ba' shig gis
160b5 yongs su gang ngo / /kau shi ka de bzhin gshegs pa dgra bcom pa yang dag par rdzogs pa'i sangs rgyas phyag na rin chen gzig brjid mngon par 'phags pa'i rgyal po de'i chos bstan pa re re la byang chub sems
160b6 dpa' bye ba khrag khrig phrag sum bcu rtsa drug gis bzod pa thob par gyur te/ bzod pa thob pa'i mod la byang chub sems dpa' de dag ta la bdun srid tsam gyi nam mkha' la 'phags nas sangs rgyas kyi
160b7 zhing thams cad rab tu g.yos par byas te/ stong gsum gyi stong chen po'i 'jig rten gyi khams thams cad rin po che'i pad ma 'dab ma 'bum yod pa sha stag gis pus mo nub tsam du khebs par byas nas
160b8 de ltar 'khod bzhin du yang dag par rdzogs pa'i sangs rgyas gzhan dag la blta ba dang / phyag 'tshal ba dang / bsnyen bkur bya ba dang / chos mnyan pa'i phyir bar snang las sangs rgyas kyi zhing gzhan dag tu
161a1 'dong bar byed do/ /kau shi ka sangs rgyas kyi zhing der bzod pa thob pa'i byang chub sems dpa' su yang mi gnas te/ bzod pa thob pa'i mod la sangs rgyas kyi zhing gzhan du 'dong ngo / /kau shi ka de bzhin
161a2 gshegs pa de byung nas bskal pa bcu gnyis kyi bar du nyin gcig bzhin du nyin lan gsum mtshan lan gsum du chos bstan pa 'byung ste/ chos bstan pa re re la byang chub sems dpa' bye ba khrag khrig phrag sum bcu
161a3 rtsa drug gis bzod pa thob par 'gyur te/ bzod pa thob pa'i mod la sangs rgyas kyi zhing gzhan dag tu 'dong ngo / /kau shi ka byang chub sems dpa' ji snyed bzod pa thob nas sangs rgyas kyi zhing gzhan du 'dong ba de snyed
161a4 kyi byang chub sems dpa' dag sangs rgyas kyi zhing gzhan dag nas shi 'phos nas sangs rgyas kyi zhing der skye bar 'gyur te/ kau shi ka de lta bu'i tshul gyis sangs rgyas kyi zhing de byang chub sems dpa' bye ba khrag khrig
161a5 'bum phrag mang po dag gis mi stongs so/ /kau shi ka 'jig rten gyi khams rin po che'i phung po bkram pa de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag
161a6 na rin chen gzig brjid mngon par 'phags pa'i rgyal po de'i thad nas lha'i bu zla ba 'di mi snang bar gyur te/ nga la blta ba dang / phyag 'tshal ba dang / bsnyen bkur bya ba dang / zhu ba dang / dri bar bya ba dang / chos kyi rnam
161a7 grangs 'di yang skye bo mang po la rgyas par bya ba dang / byang chub sems dpa' gzhan dag gi yang chos kyi bzod pa 'di yongs su rdzogs par bya ba'i phyir sum bcu rtsa gsum gyi gnas 'dir gnas par gyur to/ /kau
161a8 shi ka lha'i bu zla ba 'di ni nga'i tshe'i mthas gtugs pa'i bar du dam pa'i chos yongs su bzung nas de bzhin gshegs pa yongs su mya ngan las 'das pa'i 'og tu phyi ma'i tshe phyi ma'i dus dam pa'i chos nub pa'i
161b1 dus la bab pa na/ 'di nas shi 'phos nas 'dzam bu'i gling du mi rnams dang skal ba mnyam par skye bar 'gyur te/ 'di lta bu'i chos kyi rnam grangs zab mo zab par snang ba 'di dag yongs su 'dzin pa la brtson par
161b2 'gyur ro/ /sems can 'bum phrag mang po dag kyang chos kyi bzod pa 'di la 'dod pa bskyed par 'gyur ro/ /de phyi ma'i tshe phyi ma'i dus dam pa'i chos nub pa na mi'i 'jig rten nas shi 'phos nas dga' ldan
161b3 gyi lha'i ris su skye bar 'gyur te/ dga' ldan gyi gnas na gnas pa'i byang chub sems dpa' sems dpa' chen po byams pa dang lhan cig tu sangs rgyas bcom ldan 'das rnams kyi byang chub 'di 'dzin du
161b4 'jug par 'gyur ro/ /lha'i bu 'bum phrag dpag tu med pa sngon byang chub tu sems ma bskyed pa dag kyang bskyed du 'jug par 'gyur ro/ /gang gi tshe byang chub sems dpa' sems dpa' chen po byams pa
161b5 bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe lha'i bu 'di 'dzam bu'i gling 'dir gnas nas lo bcu'i bar du khyim par 'dug cing de bzhin gshegs pa
161b6 byams pa nyan thos kyi dge 'dun dang bces pa la bkur sti byed/ bla mar byed par 'gyur ro/ /de de'i 'og tu mi khri bzhi stong dang lhan cig tu khyim nas khyim med par rab tu 'byung bar 'gyur te/ rab tu byung nas
161b7 kyang de bzhin gshegs pa byams pa'i tshe'i mthas gtugs pa'i bar du dam pa'i chos yongs su 'dzin par 'gyur ro/ /yongs su mya ngan las 'das nas kyang dam pa'i chos ji srid gnas pa de srid du dam
161b8 pa'i chos yongs su 'dzin par 'gyur ro/ /bskal pa bzang po'i sangs rgyas dgu brgya dgu bcu rtsa drug 'byung bar 'gyur ba gang dag yin pa de dag thams cad mnyes par byed par 'gyur ro/ /mnyes par byas
162a1 nas kyang bkur sti byed par 'gyur te/ sangs rgyas bcom ldan 'das de dag thams cad kyi thad du tshangs par spyad pa spyod par 'gyur ro/ /de de'i 'og tu bskal pa gang gA'i klung bdun bcu'i
162a2 bye ma snyed 'das pa na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas zla ba'i 'od
162a3 ces bya bar 'jig rten du 'byung bar 'gyur ro/ /de nas lha'i bu zla mchog gis lha'i bu zla ba la 'di skad ces smras so/ /lha'i bu khyod bcom ldan 'das kyis bla na med pa yang dag par rdzogs pa'i byang chub tu
162a4 lung bstan na/ ci khyod de bzhin gshegs pa la lhag par dga' ba dang / dang ba dang / gus pa skye 'am/ de skad ces smras pa dang / lha'i bu zla bas lha'i bu zla mchog la 'di skad ces smras so/ /lha'i bu de bzhin
162a5 gshegs pa ni 'dun pa'i dbang du 'gro ba 'am/ 'jigs pa'i dbang du 'gro bas lung ston pa cung zad kyang med de/ lha'i bu de bzhin gshegs pa ni byang chub sems dpa' gang byang chub sems dpa'i bslab pa
162a6 la slob pa lung ston par zad na/ bdag gis de bzhin gshegs pa la lhag par dga' ba 'am/ dang ba 'am/ gus pa bskyed du ci zhig yod/ smras pa/ lha'i bu dang ba gang las yongs su btsal bar bya/ smras pa/
162a7 dang ba sems las yongs su btsal bar bya'o/ /smras pa/ gang sems la sems su 'du shes pa des dang ba gang las btsal bar bya/ smras pa/ gang la 'dzin pa med pa de la dang ba yod do/ /smras pa/ gang
162a8 la 'dzin pa med pa de la mchog tu dang ba yod dam/ smras pa/ lha'i bu de ni dang ba yin te/ gang la sdang ba yang med/ rab tu sdang ba yang med/ dang ba yang med pa dang / gang la so so'i skye bo'i dang ba med pa de la
162b1 ni dang ba yod do/ /de ltar dang bar gyur pas de la rang bzhin gyis dang ba yang med la de ni de phyin chad kyang sdang bar mi 'gyur ro/ /lha'i bu de lta bas na dang ba thob par 'dod pas myur du chos lnga la sbyor bar bya ste/ ci nas
162b2 sbyor ba yang med 'bral ba yang med pa de ltar sbyor bar bya'o/ /de ci'i phyir zhe na/ chos kyi dbyings la ni sbyor bar yang med/ 'bral ba yang med pa'i phyir ro/ /de nas lha'i bu zla mchog gis lha'i bu zla ba la 'di
162b3 skad ces smras so/ /lha'i bu byang chub sems dpa'i bslab pa zhes bya na byang chub sems dpa' rnams kyi bslab pa rnams gang yin/ smras pa/ lha'i bu gang la lus kyang med/ lus kyi sdom pa yang med/ ngag
162b4 kyang med/ ngag gi sdom pa yang med/ yid kyang med/ yid kyi sdom pa yang med pa de ni byang chub sems dpa' rnams kyi sdom pa'i mchog yin no/ /gang la yid kyang med/ 'dzin pa yang med/ sogs pa yang
162b5 med/ 'bri ba yang med pa de ni lha'i bu byang chub sems dpa' rnams kyi bslab pa yin no/ /de nas lha'i bu zla mchog gis lha'i bu zla ba la 'di skad ces smras so/ /lha'i bu khyod bslab pa 'di la bslabs
162b6 pas de bzhin gshegs pas lung bstan tam/ smras pa/ lha'i bu bdag ni bslab pa 'di la bslabs pas de bzhin gshegs pas lung bstan to/ /de ci'i phyir zhe na/ lha'i bu bslab pa 'di la ni gang gis
162b7 shes par 'gyur ba'i bdag gam/ bdag gi zhes bya ba 'am/ bdag slob bo snyam du 'dzin pa med de/ yang dag par zhugs pa de ni bdag slob bo snyam du de ltar mi sems so/ /smras pa/ ji tsam gyis na
162b8 yang dag par zhugs par 'gyur/ smras pa/ gang mnyam pa nyid la snon par yang mi byed/ 'bri bar yang mi byed/ len par yang mi byed/ 'dor bar yang mi byed pa dang / gang mnyam pa nyid la chos 'di
163a1 dag ni mchog go/ /chos 'di dag ni ngan pa'o zhes gnyis su mi 'byed cing chos 'di la yang dag par so sor shes te/ de ltar zhugs pa gang yin pa de ni yang dag par zhugs pa zhes bya'o/ /de nas
163a2 lha'i bu zla mchog gis lha'i bu zla ba la 'di skad ces smras so/ /lha'i bu khyod kyis chos gang dag thob pa dang / chos gang dag spangs pa'i phyir de bzhin gshegs pas lung bstan/ smras pa/ lha'i bu bdag ni so so'i
163a3 skye bo'i chos rnams spangs pa dang / sangs rgyas kyi chos rnams thob pa'i phyir de bzhin gshegs pas lung bstan pa ma yin gyi/ lha'i bu bdag ni chos 'di dag ma spangs ma thob pa'i phyir de bzhin gshegs
163a4 pas lung bstan to/ /smras pa/ de lta na ni byis pa so so'i skye bo rnams kyang lung bstan par 'gyur ro/ /de ci'i phyir zhe na/ so so'i skye bo rnams ni so so'i skye bo'i chos rnams kyang ma spangs la/ sangs
163a5 rgyas kyi chos rnams kyang ma thob pa'i phyir ro/ /smras pa/ lha'i bu so so'i skye bo'i chos rnams kyis ci zhig spros par byed/ smras pa/ stong pa nyid dang / chos nyid spros par byed do/ /smras pa/ sangs rgyas
163a6 kyi chos de dag gis ci zhig spros par byed/ smras pa/ de bzhin nyid dang / yang dag pa'i mtha' spros par byed do/ /smras pa/ stong pa nyid dang / chos nyid spros par nus sam/ smras pa/ lha'i bu de ni ma yin
163a7 no/ /smras pa/ de bzhin nyid dang / yang dag pa'i mtha' spros par nus sam/ smras pa/ de ni ma yin no/ /smras pa/ lha'i bu bdag gis de las bsams te/ so so'i skye bo'i chos rnams ma spangs pa dang /
163a8 sangs rgyas kyi chos rnams ma thob pa'i phyir de bzhin gshegs pas bdag lung bstan to zhes smra'o/ /smras pa/ ci stong pa nyid dang / chos kyi dbyings dang / de bzhin nyid dang / yang dag pa'i mtha'
163b1 byang chub tu ji ltar lung bstan pa de bzhin du khyod de bzhin gshegs pas byang chub tu lung bstan tam/ smras pa/ bdag ni stong pa nyid dang / chos kyi dbyings dang / de bzhin nyid dang / yang dag pa'i mtha' ji lta ba bzhin
163b2 du lung bstan to/ /lha'i bu chos 'di dag gi de bzhin nyid ji lta ba bzhin du lung bstan pa yang de bzhin te/ gang lung bstan zin pa yang de bzhin no/ /gang lung ston pa yang de bzhin no/ /gang mngon par rdzogs par
163b3 'tshang rgya bar 'gyur ba 'am/ mngon par rdzogs par 'tshang rgya ba yang de bzhin no/ /de nas bcom ldan 'das la lha'i bu zla mchog gis 'di skad ces gsol to/ /bcom ldan 'das lha'i bu zla ba 'di ni zab mo'i
163b4 shes rab dang ldan pa lags so/ /bcom ldan 'das kyis bka' stsal pa/ lha'i bu bzod pa thob pa'i byang chub sems dpa' rnams kyi chos nyid ni de yin te/ lan ci dang ci 'debs pa de dag thams cad chos
163b5 kyi dbyings kho nas 'debs la chos kyi dbyings ni bstan pa 'am/ lan gdab pa 'am/ brjod par yang mi nus so/ /de ci'i phyir zhe na/ chos kyi dbyings ni brjod du med cing bsnyad du med pa'i phyir ro/ /chos kyi
163b6 dbyings ji lta ba bzhin du sems can gyi khams kyang de dang 'dra'o/ /sems can gyi khams ji lta ba bzhin du sangs rgyas kyi yul yang de dang 'dra'o/ /chos thams cad kyang de dang 'dra'o/ /lha'i bu byang chub sems
163b7 dpa' gang dag de ltar chos kyi dbyings kyi rjes su 'gro ba de dag ni gzhan gyi dring mi 'jog pa zhes bya'o/ /gtam 'di brjod pa na tshe dang ldan pa maud gal gyi bu chen po khang bzang rnam par rgyal byed na 'dug ste/
163b8 'khor chen po la chos ston cing 'dug go/ /de nas tshe dang ldan pa maud gal gyi bu chen po stan las langs te 'chag par byed do/ /de nas tshe dang ldan pa maud gal gyi bu chen po 'di snyam du sems te/ kye ma 'dzam
164a1 bu gling 'di ni de bzhin gshegs pa dgra bcom pa yang dag par rdzogs pa'i sangs rgyas kyis stongs so/ /sems can dge ba'i bsam pa can dag kyang mang na/ de dag kyang chos mi thos pas
164a2 yongs su nyams par 'gyur ro snyam mo/ /de nas tshe dang ldan pa maud gal gyi bu chen pos de nyid kyi phyir lha'i mig gis 'dzam bu'i gling 'dir rnam par bltas na/ des de bzhin gshegs pa dgra bcom pa yang dag
164a3 par rdzogs pa'i sangs rgyas dge slong stong nyis brgya lnga bcu'i dge slong gi dge 'dun chen po dang thabs gcig tu rgyal po'i khab kyi grong khyer chen po na rgyal po gzugs can snying po'i khang pa na bshos gsol ba
164a4 mthong nas de 'di snyam du sems te/ 'di na bdag dang 'dra ba'i dge slong 'ga' lta yod dam snyam pa dang / des bdag dang 'dra ba'i dge slong zhig bcom ldan 'das kyi g.yon logs na/ zan za zhing 'dug pa mthong
164a5 nas des bdag gi lus la brtags so/ /de brtags nas de la chung zad kyang tha dad par ma mthong ste/ bdag nyid kyi chu zheng ci 'dra ba de'i chu zheng yang de kho na dang 'dra la lhag chad med de/ kha dog de dang / rtags
164a6 de dang / dbyibs de tha dad pa med par mthong nas de 'di snyam du sems te/ de bzhin gshegs pa 'dzam bu'i gling du gshegs sam snyam mo/ /des shing yongs 'du'i drung du bltas na de na yang de bzhin gshegs
164a7 pa lha'i tshogs kyis bskor te chos ston cing bzhugs la shA ri'i bu yang g.yas logs na 'dug pa dang / maud gal gyi bu 'dra ba'i dge slong yang g.yon logs na 'dug pa dang / de ma yin pa'i nyan thos chen po dag
164a8 kyang de na 'khod par mthong ngo / /de nas tshe dang ldan pa maud gal gyi bu chen po 'di ltar ngo mtshar che bar gyur te/ sangs rgyas bcom ldan 'das rnams ni ngo mtshar che'o/ /sangs rgyas bcom ldan 'das rnams ni rdzu 'phrul
164b1 che'o/ /che bar yang grags so/ /mthu yang che ste/ 'di ltar 'dzam bu'i gling na yang chos ston pa'i rgyun mi 'chad la/ sum bcu rtsa gsum pa'i gnas na yang sum bcu rtsa gsum pa'i lha rnams la chos
164b2 ston to snyam mo/ /de nas tshe dang ldan pa maud gal gyi bu chen po rgya cher ngo mtshar du gyur nas 'dzam bu'i gling du rnam par bltas na des de bzhin gshegs pa rgyal bu rgyal byed kyi tshal mgon med zas
164b3 sbyin gyi kun dga' ra ba na 'khor 'bum phrag du mas yongs su bskor cing mdun gyis bltas te chos ston cing bzhugs pa mthong ngo / /de na yang bdag kho na dang 'dra ba'i dge slong kha dog kyang de dang
164b4 'dra/ rtags kyang de dang 'dra/ dbyibs kyang de dang 'dra ba zhig mthong ngo / /shA ri'i bu dang / 'od srung chen po dang / ka t+ya'i bu chen po dang / gang po dang / rab 'byor dang / nam gru dang / rta thul dang / ka pi na
164b5 dang / nyan thos chen po thams cad kyang chu zheng de kho na bzhin du mthong ngo / /rgyal po'i khab na ji lta ba bzhin du rgyal bu rgyal byed kyi tshal na yang de dang 'dra'o/ /rgyal bu rgyal byed kyi tshal na ji lta ba bzhin du sum
164b6 bcu rtsa gsum pa'i gnas na yang de dang 'dra'o/ /de nas tshe dang ldan pa maud gal gyi bu chen po rgya cher ngo mtshar du gyur nas 'dzam bu gling du rnam par bltas na/ des bcom ldan 'das ser skya'i gnas kyi grong
164b7 khyer chen po na shing n+ya gro d+ha'i kun dga' ra ba na bzhugs pa dang / ser skya'i grong khyer chen po na bsod snyoms la gshegs pa mthong ste/ der yang maud gal gyi bu dang 'dra ba'i dge slong dang / de ma yin pa'i nyan
164b8 thos chen po dag kyang mthong ngo / /de bzhin du de bzhin gshegs pa yangs pa'i grong khyer chen po na lid tsa bi gzhon nu dri ma med pa'i zla ba'i khyim na bshos gsol zhing bzhugs pa mthong ste/ der yang bdag
165a1 kho na dang 'dra ba'i dge slong kha dog de 'dra ba dang / rtags de 'dra ba dang / dbyibs de 'dra ba dang / de ma yin pa'i nyan thos chen po dag kyang mthong ngo / /de nas tshe dang ldan pa maud gal gyi bu chen pos de
165a2 bzhin gshegs pa bA rA Na si'i grong khyer chen por bsod snyoms la gshegs nas slar gshegs pa mthong ste/ der yang bdag dang 'dra ba'i dge slong kha dog kyang de 'dra/ rtags kyang de 'dra/ dbyibs kyang
165a3 de 'dra ba dang / de ma yin pa'i nyan thos chen po dag kyang mthong ngo / /de nas tshe dang ldan pa maud gal gyi bu chen pos 'dzam bu'i gling 'dir rnam par bltas na/ de bzhin gshegs pa bzhugs bzhugs pa gang
165a4 yang rung ste/ gtsug lag khang ngam/ 'chag sa 'am/ shing drung 'am/ rdo leb bam/ sa phyogs gang yang rung ba'i sa phyogs ji snyed pa de dag thams cad du de bzhin gshegs pa dge slong gi dge 'dun
165a5 gyis yongs su bskor cing mdun gyis bltas pa spyod lam sna tshogs kyis bzhugs pa mthong ngo / /de nas tshe dang ldan pa maud gal gyi bu chen po rgya cher ngo mtshar du gyur nas byang gi sgra mi snyan gyi gling du rnam
165a6 par bltas na de na yang de bzhin gshegs pa dge slong gi dge 'dun chen po dang thabs gcig tu byang gi sgra mi snyan gyi gling na bsod snyoms la gshegs pa dang / bsod snyoms bzhes nas bshos gsol
165a7 zhing bzhugs pa mthong ste/ de na yang bdag nyid dang 'dra ba'i dge slong dang / de ma yin pa'i nyan thos chen po dag kyang mthong ngo / /de nas tshe dang ldan pa maud gal gyi bu chen pos shar gyi lus 'phags kyi gling
165a8 du rnam par bltas na/ des der yang de bzhin gshegs pa skye bo'i tshogs chen po'i dbus na chos ston cing bzhugs pa mthong ste/ de na yang bdag nyid dang 'dra ba'i dge slong dang / de ma yin pa'i nyan thos chen po
165b1 dag kyang mthong ngo / /de bzhin du nub kyi ba lang spyod kyi gling na yang de bzhin gshegs pa bsam gtan nang du yang dag par 'jog la bzhugs te/ srog chags stong phrag du ma phyag 'tshal zhing 'dug pa dang / nyan thos
165b2 chen po thams cad me'i khams kyi ting nge 'dzin la snyoms par zhugs pa dag kyang mthong ste/ de na yang bdag nyid dang 'dra ba'i dge slong zhig mthong ngo / /de nas tshe dang ldan pa maud gal gyi bu chen po rgya cher ngo mtshar du
165b3 gyur nas sa bla'i lha rnams kyi gnas su rnam par bltas na/ de na yang de bzhin gshegs pa dge slong gi dge 'dun dang thabs gcig tu chos ston pa mthong ste/ de na yang bdag nyid dang 'dra ba'i dge slong dang / de ma
165b4 yin pa'i nyan thos chen po dag kyang mthong ngo / /de bzhin du bar snang gi lha rnams kyi gnas su rnam par bltas na/ de na yang de bzhin gshegs pa 'khor brgya phrag du ma la chos ston pa mthong ste/ de na yang bdag
165b5 nyid dang 'dra ba'i dge slong dang / de ma yin pa'i nyan thos chen po dag kyang mthong ngo / /de bzhin du rgyal chen bzhi'i ris kyi lha rnams dang / sum bcu rtsa gsum pa dang / 'thab bral dang / dga' ldan dang / 'phrul
165b6 dga' dang / gzhan 'phrul dbang byed rnams su yang de dang 'dra'o/ /de nas tshe dang ldan pa maud gal gyi bu chen pos tshangs pa'i 'jig rten gyi bar du rnam par bltas na tshangs pa'i 'jig rten na yang de bzhin
165b7 gshegs pa tshangs pa 'bum phrag du mas yongs su bskor cing mdun gyis bltas nas chos ston pa mthong ste/ de na yang bdag nyid dang 'dra ba'i dge slong kha dog kyang de 'dra/ rtags kyang de 'dra/ dbyibs kyang
165b8 de 'dra/ chu zheng yang de kho na dang 'dra ba mthong ngo / /maud gal gyi bu 'dra ba'i dge slong de dag thams cad kyang rdzu 'phrul gyi cho 'phrul gyis chos ston te/ thams cad kyang maud gal gyi bu zhes bya bar shes so/ /shA ri'i
166a1 bu 'dra ba'i dge slong de dag thams cad kyang shes rab kyi snang ba chen pos 'khor gyi mdun na seng ge'i sgra sgrogs te/ de dag thams cad kyang shA ri'i bu zhes grags te/ de ltar nyan thos chen po de dag rang rang gi
166a2 stobs bskyed pas chos ston to/ /de nas maud gal gyi bu chen po dga' zhing mgu la spu zing zhes byed nas ngo mtshar du gyur te/ dga' ba dang / mchog tu dga' ba skyes nas/ sangs rgyas bcom ldan 'das rnams ni
166a3 ngo mtshar to/ /sangs rgyas bcom ldan 'das rnams ni mchog tu ngo mtshar to zhes lan gsum du ched du brjod pa ched du brjod do/ /de nas maud gal gyi bu chen po sangs rgyas rnams la phyag 'tshal lo/ /sangs rgyas
166a4 rnams la phyag 'tshal lo zhes tshig tu smra zhing khang bzang rnam par rgyal byed nas shugs chen pos yan lag lngas phyag byas so/ /de'i tshe ca co'i sgra chen po 'jig rten du grags te/ sum bcu rtsa gsum
166a5 pa'i gnas thams cad g.yos so/ /de na lha'i bu 'bum phrag du ma mi dga' bar gyur te/ bcom ldan 'das la zhus pa/ bcom ldan 'das rgyu gang dang rkyen gang gis ca co'i sgra chen po dang / sa chen po g.yo
166a6 ba 'jig rten du byung lags/ de skad ces gsol pa dang / bcom ldan 'das kyis lha'i bu de dag la 'di skad ces bka' stsal to/ /lha'i bu dag dge slong maud gal gyi bu 'di sangs rgyas la gces par 'dzin pa'i
166a7 phyir sa chen po'i steng du phyag byas te/ 'di ni de'i mthu yin no/ /gsol pa/ bcom ldan 'das ci'i slad du dge slong maud gal gyi bu chen po sa chen po'i steng du phyag 'tshal lags/ bcom ldan 'das kyis bka' stsal
166a8 pa/ lha'i bu dag dge slong maud gal gyi bu de 'ong gis de la dris shig /de nas gnas brtan maud gal gyi bu chen po khang bzang rnam par rgyal byed nas langs te shin du myur ba dang / shin du rings par bcom ldan 'das
166b1 ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas bcom ldan 'das kyi spyan sngar 'dug ste/ sor mo bcu'i thal mo sbyar
166b2 nas bcom ldan 'das la tshigs su bcad pa dag gis bstod pa/ /mgon po mtshungs med mi yi dbang po khyad par brnyes/ /dri ma gsum gyi tha ba spangs pa sems dul ba/ /mi mchog lha dang mi yi mchod pa'i
166b3 gnas gyur pa/ /rgyal ba'i blo yi spyod pa bsam gyis yong mi khyab/ /nyi ma 'bum phrag mang po dag ni shar ba na/ /sems can long ba kun gyis mthong bar mi 'gyur ba/ /de bzhin stobs bcu mnga' ba kun du
166b4 'od zer ldan/ /nyan thos kun gyis shes par sla bar ma lags so/ /nyan thos 'di dag thams cad dmus long 'dra ba ste/ /sangs rgyas theg pa zhes ni 'dzin par yod mi bgyid/ /de bzhin gshegs pa la ni
166b5 dang bas mchi mod kyi/ /rgyal ba dag gis chos nyid kyang ni yod ma 'tshal/ /rgya mtsho chen po'i drung na ba rjes lta bu dang / /ri rab rgyal po dang ni yungs 'bru gcig pu dang / /nyi ma'i 'od dang srin bu me khyer 'dra ba ste/ /
166b6 sangs rgyas spyan sngar nyan thos 'khor rnams de dang 'dra/ /lhun po rnams kyang yungs 'bru dag la 'dod mi bgyid/ /mkha' la nyi ma gnas pa me khyer 'dod mi bgyid/ /dmus long mi dang lha yi mig ldan
166b7 ci 'dra dang / /zla ba'i 'od kyis skar ma rnams ni zil gnon pa/ /sangs rgyas spyan sngar nyan thos 'khor rnams de dang 'dra/ /lha mo sgyu 'phrul la ni thugs brtse don slad du/ /lhun po'i rtse mo 'di na rgyal ba bzhugs
166b8 pa na/ /sangs rgyas dang ni dge slong dge 'dun mi bzhugs pas/ /bdag ni 'dzam bu'i gling 'di stong snyam yid la bgyid/ /bcom ldan bdag ni rnam par rgyal byed nang na mchis/ /lha yi bu mo rnams la chos ni ston
167a1 pa na/ /bdag gis lha yi mig gis 'dzam bu'i gling du bltas/ /grong khyer dang ni tshong 'dus brgya phrag brtag pa bgyid/ /brtags pa'i tshe na bdag gis der ni rgyal ba mthong / /rgyal po'i khab dang
167a2 mthu chen gzugs can snying po'i khang / /grong rdal mi dang 'khor gyis mdun gyis bltas pa na/ /nyan thos rnams dang thabs gcig tu ni bshos kyang gsol/ /g.yon logs na ni bdag gi kha dog 'dra ba yi/ /
167a3 maud gal gyi ni bu mchis pa yang bdag gis mthong / /g.yas logs na ni shA ri'i bu mchis gzhan dag kyang / /rgyal ba yi ni nyan thos thams cad 'khod pa mthong / /lhun po yi ni steng du rgyal ba gshegs
167a4 snyam bgyid/ /bdag gis brtags na lhun po'i zom na bzhugs pa mthong / /bdag nyid kyang ni rgyal po'i khab na mchis pa dang / /lhun po'i rtse mo de nyid na yang mchis pa mthong / /grong khyer mnyan yod na yang
167a5 'jig rten mgon po ni/ /srog chags bye ba mang po dag la chos ston mthong / /de dag na yang bdag dang shA ri'i bu dang ni/ /nyan thos gzhan rnams gang lags de dag mthong bar gyur/ /shAkya dag gi nang du
167a6 bsod snyoms gshegs pa mthong / /yangs pa nas ni slar gshegs pa yang mthong bar gyur/ /ba ra Na sir yang ni de bzhin mthong bar gyur/ /thams cad du yang bdag nyid kyi ni lus kyang mthong / /byang
167a7 gi sgra mi snyan gyi gling na de bzhin du/ /tshogs dang lhan cig bsod snyoms dag la rgyu ba mthong / /ma dros mtsho yi nang dag na yang nyan thos bcas/ /bsod snyoms zhal zas gsol ba bdag gis mthong bar
167a8 gyur/ /de bzhin nub kyi ba lang spyod kyi gling dag na/ /sems can bye ba phrag gis mang po'i don mdzad mthong / /thams cad du ni maud gal bu yang rdzu 'phrul gyi/ /stobs kyis 'gro ba rnams ni 'dul bar bgyid pa
167b1 mthong / /de bzhin du yang shar gyi lus 'phags gling dag na/ /mi rnams la ni chos rnams sna tshogs ston pa mthong / /de na yang ni bdag dang shA ri'i bu dag dang / /gzhan yang nyan thos gang lags
167b2 de dag bdag gis mthong / /de bzhin sa bla pa yi lha yi gnas rnams dang / /bar snang dag na chos ni ston cing bzhugs pa mthong / /chos kyi mnga' bdag dam pa khyod ni 'jig rten skyong / /bzhi po
167b3 dag la chos rnams ston cing bzhugs pa mthong / /de bzhin du yang 'thab bral lha rnams nang du mthong / /de nas shAkya seng ge dga' ldan dag tu mthong / /rab 'phrul dag dang gzhan 'phrul dbang byed dag
167b4 na yang / /mgon po nyan thos rnams dang bcas pa bdag gis mthong / /tshangs pa'i 'jig rten dag na tshangs pa bye ba la/ /chos rnams ston cing bzhugs pa bdag gis mthong bar gyur/ /thams cad du yang
167b5 bdag gi lus dang de bzhin du/ /gzhan yang rgyal ba'i nyan thos rnams ni bdag gis mthong / /gtsug lag khang dang 'chag sa shing gi gnas rnams dang / /phug rnams gang na sngon chad sangs rgyas bzhugs
167b6 bzhugs pa/ /thams cad du yang shAkya seng ge ci 'dra ba/ /de 'dra'i chos kyi rgyal po bdag gis mthong bar gyur/ /dpa' bo khyod kyi chos nyid 'di ni bdag gis su/ /mthong nas bdag ni ngo mtshar rmad du
167b7 'dzin par gyur/ /sangs rgyas 'od mdzad de dag rnams kyi rdzu 'phrul mchog /'di 'dra de dag ngo mtshar rab tu che ba lags/ /rnam 'dren sum bcu gsum na bzhugs par ma bas kyi/ /'dzam bu'i gling
167b8 na thams cad du yang snang zhing bzhugs/ /grong rnams dang ni yul 'khor grong khyer dag na yang / /kha dog 'thun pa yis ni chos rnams ston cing bzhugs/ /'jig rten mgon po khyod ni ji ltar mthong ba
168a1 bzhin/ /de snyed kyi ni shA ri'i bu dang gsus po che/ /ka pi na dang nam gru kA t+ya na'i bu/ /gang po dang ni rab 'byor 'od srung mthong bar gyur/ /thos pa rgya mtsho lta bu'i dge ba kun dga' bo/ /kun du sangs rgyas
168a2 rnams la zhu ba bdag gis mthong / /thams cad du yang bdag gi lus ni mdog dang rtags/ /mtshungs shing lhag pa ma mchis bdag gis mthong bar gyur/ /sangs rgyas bsam gyis mi khyab rnams la phyag 'tshal
168a3 zhes/ /bdag gis lhun po'i zom la ched du brjod pa brjod/ /bdag gi spu yang zing zhes bgyid de gus pas gnas/ /yan lag lnga po rnams kyis kyang ni phyag bgyis lags/ /sgra skad chen po dag kyang yongs
168a4 su grags par gyur/ /stong gsum sa gzhi dag kyang rab tu g.yos par gyur/ /lhun po'i rtse mo 'di yang kun du snang bar gyur/ /rgyal ba des pa dag gi mthu ni mthong gyur nas/ /da ltar bdag ni shin du rings
168a5 pa'i tshul gyis su/ /mi mchog ga la bzhugs pa der ni bdag mchis te/ /chos kyi rnam par dbye ba mkhas pa khyod la zhu/ /rgyal ba de bzhin gshegs rnams ji ltar rnam par 'phrul/ /'dzam bu'i gling
168a6 dang lha yi 'jig rten dag dang ni/ /lho phyogs dang ni shar phyogs byang gi phyogs rnams dang / /tshangs pa'i 'jig rten dang ni bar snang gnas bzhugs pa/ /rgyal ba rnams kyi de nyid gang lags bdag la gsungs/ /
168a7 ston pa chen po rdzu 'phrul che ba 'di mthong bas/ /deng ni bdag gis rnyed pa legs par rnyed par gyur/ /de yi 'og tu sangs rgyas theg pa 'di dag lags/ /bdag nyid dman par gyur pa deng du mya ngan bgyid/ /
168a8 gal te bdag sems rnam par grol bar ma gyur na/ /byang chub tu ni da ltar sems kyang bskyed pa zhig /bcom ldan bdag gi zag pa zad pas bgyir ma mchis/ /bdag ni sangs rgyas ye shes 'di yi snod
168b1 ma lags/ /ji ltar rgya mtshor rin chen don du song song na/ /kyi hud nor bu rin chen bor te mching bu blangs/ /byang chub bor nas nyan thos gyur pa gang lags pa'i/ /sems can rnams kyang da ni de 'drar mkhyen par
168b2 mdzod/ /sems can dman pa ngan pa'i lta ba can dag ni/ /rgya chen byang chub tu ni sems kyang skye mi 'gyur/ /brtson 'grus ldan zhing mthu rtsal brten pa gang lags pa/ /de dag sangs rgyas ye shes la ni 'dun pa
168b3 skyed/ /mgon po bdag ni thal mo sbyar nas sangs rgyas kyi/ /ye shes mchog zhugs gang lags pa la phyag kyang 'tshal/ /shAkya seng ge bzhin du de dag rnam par 'phrul/ /bdag ni 'di la yid gnyis mi
168b4 'tshal dogs ma mchis/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu chen po khyod kyi yul ji lta ba de bzhin du khyod kyis mthong zhing lta bar zad kyi/ maud
168b5 gal gyi bu sangs rgyas bcom ldan 'das rnams kyi sangs rgyas kyi yul bsam gyis mi khyab pa gang yin pa ni sems can thams cad rang sangs rgyas su gyur pas kyang kun shes pa 'am/ rnam par shes par mi
168b6 nus na nyan thos phyogs gcig pa la spyod cing phyogs gcig gi shes pa dang ldan pa khyod kyis lta ga la shes/ maud gal gyi bu gzhan yang de bzhin gshegs pa dgra bcom pa yang dag par rdzogs pa'i sangs
168b7 rgyas rdzu 'phrul gyi rnam par 'phrul pa'i cho 'phrul zhes bya ba'i chos kyi rnam grangs ston gyis de'i bar du 'khor ma 'ongs pa rnams ni sdus shig /'khor 'dus pa rnams ni 'khod du chug shig /bcom ldan 'das
168b8 de ltar 'tshal lo zhes gsol te/ tshe dang ldan pa maud gal gyi bu chen pos bcom ldan 'das kyi ltar mnyan nas lus 'bar zhing 'od zer dag 'gyed bzhin du de'i tshe tshangs pa'i 'jig rten du 'dug nas gling chen po
169a1 bzhi pa'i 'jig rten gyi khams su skad kyis bsgo ste de'i tshe tshigs su bcad pa 'di dag smras so/ /bskal pa bye ba khrag khrig rnams su yang / /de bzhin gshegs rnams 'byung ba shin du dkon/ /u
169a2 dum ba ra'i me tog ji lta ba/ /'dren pa rnams mthong ba yang de dang 'dra/ /'khor los sgyur ba'i rgyal po rdzu 'phrul che/ /bsod nams stobs dang ldan zhing bu stong dang / /rin chen bdun ldan 'dod pa gang yin pa/ /
169a3 de ni song la sangs rgyas chos nyon cig /brgya byin tshangs par 'gyur bar su 'dod dang / /'dir ni lha mi'i bde ba gzhan dag gis/ /dga' zhing rtse la rtag tu bde ldan 'dod/ /de ni chos kyi rgyal po ltar song shig /
169a4 nyon mongs kun skams zhi ba mya ngan 'das/ /bdud rtsi reg dang rdzu 'phrul stobs gnas nas/ /rnam par 'phrul par 'dod pa gang yin pa/ /de ni song la rgyal ba'i chos nyon cig /rang sangs rgyas sam nyan thos
169a5 'gyur ba 'am/ /yang na stobs bcas dpung bcas bdud btul nas/ /sangs rgyas rkang gnyis mchog 'gyur 'dod pa gang / /de ni chos kyi mnga' bdag ltar song shig /de nas gnas brtan maud gal gyi
169a6 bus bskul ba'i lha bye ba khrag khrig 'bum phrag du ma dang / 'dod pa na spyod pa dang / gzugs na spyod pa'i lha'i bu rnams myur du myur bar shin du rings par me tog dang / me tog phreng dang / spos dang / phye ma khyer
169a7 nas bcom ldan 'das ga la ba der dong ste/ lhags nas bcom ldan 'das la mchod pa byas te/ bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de nas tshe dang ldan pa
169a8 maud gal gyi bus rdzu 'phrul de btang nas bcom ldan 'das ga la ba der song ste phyin nas bcom ldan 'das kyi spyan sngar 'dug go/ /de nas bcom ldan 'das kyis tshe dang ldan pa maud gal gyi bu chen po la bka'
169b1 stsal pa/ maud gal gyi bu de'i phyir legs par rab tu nyon la yid la zung shig dang / de bzhin gshegs pa'i sangs rgyas kyi rdzu 'phrul gyis rnam par 'phrul ba'i cho 'phrul zhes bya ba'i chos kyi rnam grangs ngas bshad do/ /
169b2 bcom ldan 'das de ltar 'tshal lo zhes gsol te/ tshe dang ldan pa maud gal gyi bu bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /maud gal gyi bu stong gsum gyi stong
169b3 chen po'i 'jig rten gyi khams 'di na zla ba bye ba phrag brgya dang / nyi ma bye ba phrag brgya dang / rgya mtsho chen po bye ba phrag brgya dang / ri'i rgyal po ri rab bye ba phrag brgya dang / gling chen po bzhi pa'i 'jig rten gyi khams
169b4 bye ba phrag brgya yod de/ stong gsum gyi stong chen po'i 'jig rten 'di ni sangs rgyas rnams kyi sangs rgyas kyi zhing yin no/ /maud gal gyi bu 'di ji snyam du sems/ gling chen po bzhi pa 'di 'ba' shig tu nga
169b5 mngon par rdzogs par sangs rgyas kyi gling gzhan du ni ma yin no snyam du sems na/ maud gal gyi bu khyod kyis de ltar blta bar mi bya ste/ gling chen po bzhi pa'i 'jig rten gyi khams thams cad du sems can
169b6 rnams ji ltar yongs su smin pa bzhin du nga chos ston te/ kha cig tu ni mngon par rdzogs par sangs rgyas/ kha cig tu ni da dung ma'i mngal na gnas/ kha cig tu ni dga' ldan gyi gnas na 'dug /kha cig tu
169b7 ni yongs su mya ngan las 'das par ngas yang dag par shes so/ / bam po gsum pa ste tha ma/ maud gal gyi bu stong gsum gyi stong chen po'i 'jig rten gyi khams 'di
169b8 nyid na gling chen po bzhi pa'i 'jig rten gyi khams 'di nyid kyi shar phyogs su gling chen po bzhi pa'i 'jig rten gyi khams khri nyis stong 'das pa na gling chen po bzhi pa'i 'jig rten gyi khams rdul med ces
170a1 bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rdul bral blo gros shes bya ba da ltar chos ston to/ /maud gal gyi bu gling chen po bzhi pa'i
170a2 'jig rten gyi khams de na 'khod pa'i sems can de dag ni 'dod chags chung ba dang / zhe sdang chung ba dang / gti mug chung ba dang / byad bzang ba dang / legs par bshad kyis byang bar byed pa yin no/ /de na byang chub
170a3 sems dpa'i theg pa pa ni nyung ba ste/ phal cher nyan thos kyi theg pa pa yin no/ /maud gal gyi bu de bzhin gshegs pa dgra bcom pa yang dag par rdzogs pa'i sangs rgyas rdul bral blo gros des chos bstan
170a4 pa re re la nyan thos bye ba phrag dgu bcu rtsa dgu dgu 'dul bar byed de/ da ltar 'di na rgyun du zhugs pa zhes bya ba dang / lan gcig phyir 'ong ba zhes bya ba dang / phyir mi 'ong ba zhes bya ba bstan pa de lta bu'i dge
170a5 sbyong gi tshul gyi 'bras bu bzhi rnam par gzhag pa ni de na med kyi de dag thams cad ni stan gcig la 'dug pa sha stag ste/ kha cig ni mngon par shes pa mngon sum du byed cing rnam par thar pa brgyad rjes su 'thob
170a6 pa dang / ye shes chen po thob nas ta la bdun srid tsam gyi nam mkha' la mngon par 'phags nas rang gi me'i khams kyis rang gi lus sreg par byed de/ yongs su mya ngan las 'das pa de dag gi thal
170a7 ba'i bag tsam yang med do/ /maud gal gyi bu de ltar na de bzhin gshegs pa de rgyun mi 'chad par chos ston cing sems can rnams rnam par grol bar byed la rgyun mi 'chad par nyan thos rnams yongs su
170a8 mya ngan las zlo bar byed do/ /de na sbyin pa yang med/ len pa yang med do/ /bza' ba dang / btung ba dang / gos rnams bsams pa tsam gyis 'byung bar 'gyur te/ dper na sum bcu rtsa gsum pa'i lha
170b1 rnams kyi dang 'dra'o/ /de na sems can rnams mngal na gnas pa med de rdzus te skye'o/ /sa gzhi chen po de yang gser las grub pa yin no/ /maud gal gyi bu de bzhin gshegs pa rdul bral blo gros de'i
170b2 'jig rten gyi khams de na mi de dag gi tshe'i tshad ni lo lnga brgya thub ste/ bar ma dor 'chi ba med do/ /maud gal gyi bu 'di ji snyam du sems/ 'jig rten gyi khams de na bzhugs pa'i de bzhin gshegs
170b3 pa rdul bral blo gros zhes bya ba de gzhan zhig yin snyam du sems na/ maud gal gyi bu khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming de skad ces bya bas chos ston
170b4 to/ /maud gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis 'jug par mi nus so/ /maud gal gyi
170b5 bu stong gsum gyi stong chen po'i 'jig rten gyi khams 'di nyid na lho phyogs su gling chen po bzhi pa'i 'jig rten gyi khams khri brgyad stong 'das pa na gling chen po bzhi pa'i 'jig rten gyi khams rin chen
170b6 'byung zhes bya ba rin po che sna bzhi 'di lta ste/ gser dang / dngul dang / shel dang / rdo'i snying po las grub pa zhig yod de/ de na de bzhin gshegs pa dgra bcom pa yang dag par rdzogs pa'i
170b7 sangs rgyas rin chen phung po zhes bya ba da ltar chos ston te/ maud gal gyi bu de bzhin gshegs pa de ni shas cher rang sangs rgyas kyi theg pa pa rnams las brtsams nas chos ston te/ de na ni nyan thos
170b8 kyi theg pa pa dag kyang nyung ngo / /byang chub sems dpa'i theg pa pa dag kyang nyung ngo / /rang sangs rgyas kyi theg pa pa'i sems can gang dag yin pa de dag 'jig rten gyi khams de nas shi 'phos nas
171a1 'jig rten gyi khams gzhan sangs rgyas kyi zhing stong pa dag tu skye bar 'gyur te/ de dag rkyen gnyis kyis rdzogs pa'i byang chub 'thob par 'gyur ro/ /maud gal gyi bu 'di ji snyam du sems/ 'jig
171a2 rten gyi khams de na bzhugs pa'i de bzhin gshegs pa rin chen phung po zhes bya ba de gzhan zhig yin snyam du sems na/ maud gal gyi bu khyod kyis de ltar mi blta'o/ /de ci'i phyir zhe na/ nga nyid 'jig
171a3 rten gyi khams de na ming de skad ces bya bas chos ston to/ /maud gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad
171a4 kyis 'jug par mi nus so/ /maud gal gyi bu stong gsum gyi stong chen po'i 'jig rten gyi khams 'di nyid nas nub phyogs su gling chen po bzhi pa'i 'jig rten gyi khams nyi khri nyis stong 'das pa na gling
171a5 chen po bzhi pa'i 'jig rten gyi khams rin chen sna tshogs can zhes bya ba rin po che sna bdun gser dang / dngul dang / bai dUr+ya dang / shel dang / rdo'i snying po dang / mu tig dmar po dang / spug las grub pa
171a6 zhig yod de/ maud gal gyi bu 'jig rten gyi khams de na rin po che las byas pa'i 'chag sa dag dang / rin po che las byas pa'i khang pa brtsegs pa dag dang / rin po che'i stegs bus brgyan pa'i rdzing bu
171a7 dag kyang yod do/ /bza' ba dang / btung ba dang / gos kyang bsams pa tsam gyis 'byung bar 'gyur te/ dper na dga' ldan gyi lha rnams kyi nye bar spyod pa dang / longs spyod ji lta ba de bzhin du 'jig rten gyi
171a8 khams de na 'khod pa'i mi de dag gi nye bar spyod pa dang / longs spyod kyang de dang 'dra'o/ /de na bud med kyi ming yang mi grag go/ /de na bud med skye ba yang med do/ /de na sems can de dag 'khrig pa'i chos
171b1 kun du spyod pa yang med do/ /sems can de dag 'dod pa'i rtog pa yang mi byed/ gnod sems kyi rtog pa yang mi byed/ rnam par 'tshe ba'i rtog pa yang mi byed do/ /de na su yang mngal na gnas pa med de sems can de dag
171b2 rdzus te skye zhing dkyil mo dkrung bcas bzhin du 'byung ngo / /maud gal gyi bu rin chen sna tshogs can gyi 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas rin chen 'byung
171b3 angs kyi gzungs kyi rdo rje'i tshig 'khor gsum yongs su chad pa'i pha rol du phyin pa drug dang ldan pa ma gtogs par gtam mi gsung
171b4 ngo / /de na sems can dpag tu med grangs med pa dag bla na med pa yang dag par rdzogs pa'i byang chub tu sems skyed par byed do/ /sems can dpag tu med grangs med pa dag gis mi skye ba'i chos la bzod pa thob bo/ /
171b5 sems can dpag tu med grangs med pa dag ni bla na med pa yang dag par rdzogs pa'i byang chub tu lung ston to/ /de na theg pa gnyis po 'di lta ste/ nyan thos kyi theg pa dang / rang sangs rgyas kyi theg pa rnam par gzhag pa
171b6 yang med de/ byang chub sems dpa' nyes pa'i dri nga ba med cing 'khrig pa dang bral ba 'ba' shig gis gling chen po bzhi pa'i 'jig rten gyi khams de yongs su gang ngo / /de bzhin gshegs pa de'i tshe tshad ni lo brgyad
171b7 khri bzhi stong thub bo/ /mi de dag ni bar ma dor 'chi 'pho ba yod de/ sems can su yang de nas shi 'phos nas sems can dmyal ba 'am/ dud 'gro'i skye gnas sam/ gshin rje'i 'jig rten nam/ mi khom
171b8 pa rnams su skye ba med do/ /byang chub sems dpa' de dag phal cher de nas shi 'phos nas sangs rgyas kyi zhing yongs su dag pa gzhan dag tu skye bar 'gyur te/ de bzhin gshegs pa rnams mngon sum du
172a1 'gyur ro/ /gling de dag na lha dang / klu dang / gnod sbyin dang / dri za 'khod pa gang dag yin pa de dag thams cad ni 'di lta ste/ thams cad mkhyen pa nyid kyi sems dang blo gros su blo gros gcig go /
172a2 lha dang / klu dang / gnod sbyin dang / dri za de dag sangs rgyas kyi chos la dga' ba ma gtogs par gzhan la dga' ba mi skyed do/ /lha dang / klu dang / gnod sbyin dang / dri za dang / mi de dag kyang lha zhes bya ba 'am/
172a3 klu zhes bya ba 'am/ dri za zhes bya ba 'am/ mi zhes bya bar ming du gdags pa tsam yod pa ma gtogs par tha dad du dbyer med do/ /maud gal gyi bu 'di ji snyam du sems/ de bzhin gshegs pa dgra bcom pa
172a4 yang dag par rdzogs pa'i sangs rgyas rin chen 'byung 'jig rten gyi khams de na chos ston pa gang yin pa de gzhan zhig yin snyam du sems na/ maud gal gyi bu khyod kyis de ltar mi blta'o/ /de ci'i phyir zhe na/
172a5 nga nyid 'jig rten gyi khams de na ming de skad ces bya bas chos ston to/ /maud gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de ni nyan thos dang / rang sangs rgyas thams
172a6 cad kyis kun shes par sla ba ma yin no/ /maud gal gyi bu stong gsum gyi stong chen po'i 'jig rten gyi khams 'di nyid nas byang phyogs su gling chen po bzhi pa'i 'jig rten gyi khams sum khri drug stong 'das pa
172a7 na gling chen po bzhi pa'i 'jig rten gyi khams 'jigs med ces bya ba rin po che sna gnyis te gser dang / dngul las grub pa zhig yod de/ de na sems can dmyal ba'i 'jigs pa yang med/ dud 'gro'i skye
172a8 gnas kyi 'jigs pa yang med/ gshin rje'i 'jig rten gyi 'jigs pa yang med/ mi khom pa'i 'jigs pa yang med ngan 'gro'i 'jigs pa yang med do/ /de na sems can su yang tshul khrims nyams pa
172b1 'am/ lta ba nyams pa 'am/ cho ga nyams pa med do/ /de na gzhan mu stegs can spyod pa dang / kun du rgyu rnams kyi ming du gdags pa yang med do/ /maud gal gyi bu 'jig rten gyi khams 'jigs med de na
172b2 de bzhin gshegs pa dgra bcom pa yang dag par rdzogs pa'i sangs rgyas 'jigs med sbyin zhes bya ba da ltar chos ston te/ maud gal gyi bu de bzhin gshegs pa de ni 'di lta ste/ nyan thos su 'gyur ba
172b3 dang / rang sangs rgyas su 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas su 'gyur ba'i theg pa gsum las brtsams nas sems can rnams la chos ston to/ /
172b4 maud gal gyi bu de bzhin gshegs pa de gang gi tshe byang chub mngon par rdzogs par 'tshang rgya bar bya ba'i phyir byang chub kyi shing drung du 'gro bar 'dod pa dang / byang chub kyi shing drung na 'dug pa de la bdud blo gros
172b5 bzang po zhes bya ba la sogs pa bdud khrag khrig phrag bdun bcu rtsa gnyis 'ong bar 'gyur ro/ /de'i tshe de bzhin gshegs pa byang chub sems dpar gyur pa da dung thams cad mkhyen pa ma thob pa des
172b6 bdud ji snyed yod pa de snyed kyi byang chub kyi shing sprul par byed do/ /byang chub kyi shing ji snyed yod pa de snyed kyi byang chub sems dpa' rang rang gi byang chub kyi shing drung na 'dug pa dag sprul te/ der bdud de
172b7 dag ngo mtshar du gyur nas yang dag pa'i byang chub sems dpa' de gang yin/ bdag cag gis gang gi bar chad bya snyam mo/ /de nas sprul pa'i byang chub sems dpa' de dag gis bdud de dag la 'di
172b8 skad ces smras so/ /grogs po dag chos thams cad ni sgyu ma lta bu yin na 'di la ji ltar khyod kyis bar chad bya/ gzhan yang khyed kun gyis gang bla na med pa yang dag par rdzogs pa'i byang chub tu
173a1 sems bskyed pa 'am/ gang yang dag par 'dzud pa de'i bsod nams ji snyed 'phel bar 'gyur ba shes sam/ khyod kyis ni de yang mi rtogs so/ /gal te khyod kyis byang chub sems dpa'i
173a2 theg pa la zhugs pa'i bar chad byed pa'i bsod nams ma yin pa ji snyed 'phel bar 'gyur ba shes na ni khyed bar chad byed pa'i phyir brtul bar ma byed cig /de nas bdud rnams kyis smras pa/ gang bla na med
173a3 pa yang dag par rdzogs pa'i byang chub tu sems bskyed pa 'am/ gang gzhan la khong du chud par bgyis te yang dag par 'dzin du 'jug pa de bsod nams ji snyed cig skyed par bgyid/ smras pa/ grogs po
173a4 dag gang gis sangs rgyas kyi zhing gang gA'i klung gi bye ma snyed rin po ches yongs su bkang ste sbyin pa byin pa bas/ gang gis bla na med pa yang dag par rdzogs pa'i byang chub tu sems bskyed na/ de ni de
173a5 bas ches bsod nams mang du skyed par 'gyur ro/ /grogs po dag gang gis sangs rgyas kyi zhing gang gA'i klung gi bye ma snyed kya sems can de dag thams cad la bde ba'i yo byad thams cad kyis bskal pa
173a6 'bum gyi bar du bkur sti byas pa bas/ gang gis gzhan la khong du chud par byas te yang dag par 'dzin du bcug na de ni de bas ches bsod nams mang du skyed par 'gyur ro/ /de dag gis smras pa/ gang
173a7 gis bla na med pa yang dag par rdzogs pa'i byang chub las byang chub sems dpa'i bar chad bgyis na de bsod nams ma lags pa ji snyed cig skyed par 'gyur/ sprul pa'i byang chub sems dpa' rnams
173a8 kyis smras pa/ sems can de dag gi mig phyung na de bsod nams ma yin pa ji tsam zhig skyes par 'gyur/ de dag gis smras pa mang ngo / /smras pa/ bla na med pa yang dag par rdzogs pa'i byang chub
173b1 las byang chub sems dpa'i bar chad byas pa de de bas ches bsod nams ma yin pa mang du skyed par 'gyur ro/ /de nas bdud mang po de dag gdams ngag 'di dag bstan pa dang / cho 'phrul 'di lta bu mthong nas
173b2 thams cad kyis bla na med pa yang dag par rdzogs pa'i byang chub tu sems bskyed do/ /sprul pa'i byang chub sems dpa' de dag thams cad la yang lha'i me tog dang / me tog phreng dang / byug pa rnams kyis
173b3 mngon par gtor to/ /sil snyan brgya stong dag kyang kun du dkrol te/ tshig 'di skad du ded dpon chen po khyod myur ba myur bar bla na med pa yang dag par rdzogs pa'i byang chub mngon par rdzogs par sangs rgyas
173b4 nas de'i 'og tu bdag cag kyang byang chub la dgod du gsol zhes kyang 'dzer to/ /der lha gzhan dag gis kyang sgra phyung ste/ kye ma bdud 'di dag gis bla na med pa yang dag par rdzogs pa'i byang chub tu
173b5 sems bskyed pa'i phyir 'di rnams ni ngan 'gro'i 'jigs pa thams cad las rab tu grol lo/ /kye ma de bzhin gshegs pa 'di ni 'jigs pa med pa sbyin pa ste/ de bas na de bzhin gshegs pa 'di'i
173b6 mtshan ni 'jigs med sbyin 'jigs med sbyin zhes bya'o zhes 'dzer to/ /maud gal gyi bu 'di ji snyam du sems/ 'jig rten gyi khams de na sems can de dag la chos ston pa'i de bzhin gshegs pa
173b7 de gzhan zhig yin snyam du sems na/ maud gal gyi bu khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming de skad ces bya bas chos ston to/ /maud gal gyi bu 'di
173b8 yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis 'jug par mi nus so/ /maud gal gyi bu stong gsum gyi stong chen po'i
174a1 'jig rten gyi khams 'di nyid nas shar dang lho'i phyogs mtshams su gling chen po bzhi'i 'jig rten gyi khams brgyad khri bzhi stong 'das pa na gling chen po bzhi pa'i 'jig rten gyi khams kun nas sna
174a2 tshogs can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas me tog sna tshogs can zhes bya bas chos ston to/ /maud gal gyi bu gling chen po bzhi
174a3 pa'i 'jig rten gyi khams de yang bkra zhing blta na sdug la mig mangs ris su 'dug cing rin po che'i dra bas khebs la/ ka tsa lin di ka ltar reg na bde ba'i rtswa sngon po khrun du sor bzhi tsam gyis kun du khyab
174a4 par 'dug go/ /sa chen po de yang rkang pa bteg na ni par ces byed la rkang pa bzhag na ni nems shes byed de/ sa chen po de lag mthil ltar mnyam par 'dug go/ /maud gal gyi bu kun nas sna tshogs
174a5 can gyi 'jig rten gyi khams de na grong khyer chen po bzang mchog ces bya ba 'byor cing rgyas la bde ba dang lo legs pa dang / nyams dga' ba dang / skye bo dang / mi mang pos gang ba zhig yod de/ grong khyer de'i shar
174a6 phyogs nas nub phyogs kyi chur ni dpag tshad sum bcu rtsa gnyis yod do/ /lho phyogs nas byang phyogs kyi zheng du ni dpag tshad bcu gnyis yod do/ /maud gal gyi bu grong khyer chen po bzang mchog de'i nang na sems
174a7 can ches mang ba dag gnas kyi/ yul ang ga dang / ma ga d+ha dang / ku ru 'di dag na ni de lta ma yin no/ /maud gal gyi bu de ltar na de bzhin gshegs pa me tog sna tshogs can ni grong khyer chen po bzang mchog na gnas
174a8 shing bzhugs te/ de'i chos bstan pa gcig gis sems can khrag khrig phrag sum bcu ni dgra bcom pa nyid du btul to/ /khrag khrig phrag sum bcu ni phyir mi 'ong ba'i 'bras bu la btul to/ /khrag khrig phrag
174b1 sum bcu ni lan gcig phyir 'ong ba'i 'bras bu la btul to/ /khrag khrig phrag sum bcu ni rgyun du zhugs pa'i 'bras bu la btul to/ /khrag khrig phrag sum bcu ni rang sangs rgyas kyi byang chub tu yongs su smin
174b2 par byas so/ /de'i nyis 'gyur ni bla na med pa yang dag par rdzogs pa'i byang chub tu sems bskyed do/ /gzhan yang sems can dpag tu med pa dag gi dge ba'i rtsa ba yongs su smin par byas so/ /maud gal gyi
174b3 bu gling chen po bzhi pa'i 'jig rten gyi khams de na sbrang rtsi 'byung zhes bya ba'i shing ljon pa rtag tu me tog dang ldan pa dang / rtag tu 'bras bu dang ldan pa dag yod de/ me tog dang / 'bras bu de dag gi ro ni dper na ro
174b4 brgya dang sbyar ba'i 'bras can dang 'dra ste/ de las skyes pa 'am/ bud med dag gis me tog gcig gam/ 'bras bu gcig zos na de nyin mtshan bdun gyi bar du des 'tsho bar 'gyur te/ spro ba dang mdog kyang
174b5 nyams par mi 'gyur la/ lus gzi byin dang kha dog dang ldan par yang nyams su tshor bar 'gyur ba dang / zo bdog yang bar 'gyur ro/ /zos nas kyang phyi sa dang gci ba med la/ ngar snabs dang snabs kyang
174b6 med do/ /'jig rten gyi khams de na zhing rmed pa yang med/ tshong byed pa yang med/ rtsis byed pa yang med/ las su bya ba yang med de/ sems can de dag ni me tog dang 'bras bu za'o/ /de na phyug po yang med/
174b7 dbul po yang med de/ sems can de dag longs spyod mnyam mo/ /maud gal gyi bu de bzhin gshegs pa de'i nyan thos kyi dge 'dun ni 'bum phrag dgu bcu rtsa dgu yod do/ /de bzhin gshegs pa de yang me tog
174b8 kun du rgyas pa zhes bya ba'i skyed mos tshal de na bzhugs te/ bcom ldan 'das de nyan thos kyi dge 'dun dang bcas par bzhugs nas gdugs tshod la bab pa na shing ljon pa rnams der 'dud par 'gyur te/
175a1 me tog dang 'bras bu de dag bcom ldan 'das dang / dge slong rnams kyi lhung bzed kyi nang du 'brul bar 'gyur la/ bshos gsol zin par rig nas shing ljon pa de dag phyir rangs te snga mkho bzhin du
175a2 'dug go/ /maud gal gyi bu 'jig rten gyi khams de'i yon tan ni de dag yin te/ de bas kyang lhag par yod do/ /maud gal gyi bu 'di ji snyam du sems/ de bzhin gshegs pa 'jig rten gyi khams de na
175a3 sems can de dag la chos ston pa de gzhan zhig yin par khyod som nyi 'am/ yid gnyis sam/ the tshom za na khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na me tog sna
175a4 tshogs can zhes bya ba'i ming gis chos ston to/ /maud gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis
175a5 'jug par mi nus so/ /maud gal gyi bu stong gsum gyi stong chen po'i 'jig rten gyi khams 'di nyid nas lho dang nub kyi phyogs mtshams su gling chen po bzhi pa'i 'jig rten gyi khams bdun khri 'das pa na/
175a6 gling chen po bzhi pa'i 'jig rten gyi khams rnam par phye ba'i blo gros shes bya ba zhig yod de/ de na gling gcig la yang grong khyer brgyad khri dang / tshong 'dus brgyad khri yod do/ /grong dang / grong khyer dang / grong
175a7 rdal dang / yul 'khor dang / tshong 'dus de dag thams cad na yang mi bye ba phrag 'bum dag gis yongs su gang ngo / /rgyal po de dag thams cad kyang rang rang gi rgyal srid kyis chog par 'dzin to/ /rgyal po
175a8 de dag thams cad kyang chos dang ldan pa'i rgyal po ste chos ma yin pa spangs pa sha stag go/ /rgyal po de dag thams cad la yang btsun mo bud med brgyad khri bzhi stong brgyad khri bzhi stong yod de bud med de dag
175b1 thams cad kyang yul gyi bzang mo sha stag go/ /rgyal po re re la yang bu lnga brgya lnga brgya yod do/ /rgyal po re re la yang bu mo khri nyis stong nyis stong yod de/ de dag thams cad kyang yul gyi bzang mo sha stag go /
175b2 rgyal po de dag thams cad kyang chad pa med pa dang / mtshon cha med par rang rang gi 'og tu gtogs pa 'dul bar byed do/ /maud gal gyi bu 'jig rten gyi khams rnam par phye ba'i blo gros de na de bzhin gshegs
175b3 pa dgra bcom pa yang dag par rdzogs pa'i sangs rgyas 'od zer rab tu 'gyed pa zhes bya ba chos ston to/ /maud gal gyi bu de bzhin gshegs pa de ni bla na med pa yang dag par rdzogs pa'i byang chub mngon
175b4 par rdzogs par sangs rgyas nas gling chen po bzhi pa'i 'jig rten gyi khams der ta la bdun srid tsam gyi nam mkha' la mngon par 'phags nas skyil mo dkrung bcas te/ skyil mo dkrung gcig gis
175b5 gling chen po bzhi pa'i 'jig rten gyi khams khyab par byas nas 'od zer dag rab tu 'gyed pa dang / me tog gi char 'bebs pa dang / sil snyan brgya stong dag dkrol bzhin du sa chen po rnam pa drug tu rab tu
175b6 bskyod nas/ tshangs pa'i sgra skad lta bu dge ba'i rtsa ba 'bum phrag du mas yang dag par bsgrubs pa'i gsung gis chos kyi 'khor lo bskor te/ 'di lta ste/ nyon mongs pa thams cad zad par bya ba'i phyir
175b7 rdul med pa mya ngan las 'das pa yang dag par ston te/ byang chub sems dpa' rnams bsdu ba'i phyir chos ston to/ /des de lta de ltar chos bstan pas gling bzhi pa'i rgyal po brgyad khri bu dang bcas/ chung ma
175b8 dang bcas/ bu mo dang bcas pa de dag ma gtogs pa'i skyes pa dang / bud med dang / khye'u dang / bu mo de dag chos rnams la chos kyi mig rdul med cing dri ma dang bral ba rnam par dag go/ /rgyal po de dag
176a1 bu dang bcas/ chung ma dang bcas/ bu mo dang bcas pas kyang bla na med pa yang dag par rdzogs pa'i byang chub tu sems bskyed de thams cad kyis tshig 'thun par de bzhin gshegs pa la rab
176a2 tu 'byung bar gsol ba 'debs so/ /de dag thams cad kyang de bzhin gshegs pas dge slong tshur shog ces gsungs pas rab tu byung ngo / /de ltar thams cad rab tu byung nas so so'i grong khyer dang / grong
176a3 rdal dang / yul 'khor dang tshong 'dus dang / rgyal po'i pho brang dag tu gnas pa'i longs spyod kyis gnas so/ /ma rmos ma btab pa'i 'bras sA lu yang byung ngo / /lha rnams kyang de dag la bsnyen bkur
176a4 byed do/ /de nas de bzhin gshegs pa de'i chos bstan pa gnyis pa la nyan thos kyi theg pa pa thams cad ni lan gcig phyir 'ong ba'i 'bras bu la bkod do/ /byang chub sems dpa'i theg pa pa rnams ni
176a5 chos rnams la mi skye ba dang 'thun pa'i bzod pa la 'god do/ /chos bstan pa gsum pa la ni nyan thos kyi theg pa pa rnams ni phyir mi 'ong ba'i 'bras bu la 'god do/ /byang chub sems dpa'i theg pa pa
176a6 rnams ni mngon par shes pa lnga 'thob bo/ /chos bstan pa bzhi pa la ni nyan thos kyi theg pa pa thams cad ni dgra bcom pa nyid la 'god do/ /byang chub sems dpa'i theg pa pa rnams ni chos rnams la mi skye
176a7 bar bzod pa 'thob bo/ /rgyal po'i btsun mo de dag dang / sras de dag dang / rgyal po'i bu mo de dag ni lus de nyid kyis bud med kyi lus las gyur te/ skyes pa'i lus thob par gyur nas de dag thams cad
176a8 kyang de bzhin gshegs pa des bla na med pa yang dag par rdzogs pa'i byang chub tu lung bstan to/ /maud gal gyi bu 'di ji snyam du sems/ 'jig rten gyi khams de na de bzhin gshegs pa chos ston pa
176b1 de gzhan zhig yin snyam du sems na/ maud gal gyi bu khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming de skad ces bya bas chos ston to/ /maud gal gyi bu 'di
176b2 yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang rang sangs rgyas thams cad kyis 'jug par mi nus so/ /maud gal gyi bu stong gsum gyi stong chen po'i
176b3 'jig rten gyi khams 'di nyid nas nub dang byang gi phyogs mtshams su gling chen po bzhi pa'i 'jig rten gyi khams lnga khri lnga stong 'das pa na gling chen po bzhi pa'i 'jig rten gyi khams spos ldan zhes bya ba
176b4 zhig yod de/ tsan dan sbrul gyi snying po 'ba' zhig yod la spos de srang gcig la ni 'dzam bu gling 'di ri'o/ /de na shing ljon pa spos kyi ngad kun nas ldang ba zhes bya ba dag kyang yod de shing gcig las kho ra khor
176b5 yug tu dpag tshad bcur spos kyi ngad ldang ngo / /de na sa chen po las pad ma shing rta'i phang lo tsam la 'dab ma 'bum phrag du ma dang / kha dog 'bum phrag du ma dang ldan pa/ 'jam zhing ka tsa lin di ka ltar reg na bde ba
176b6 'phang du khru bcu pa tsam dag skyes te/ pad ma re re'i dris kyang gling bzhi pa'i 'jig rten gyi khams de dri bsung zhim par byed do/ /gling bzhi pa'i 'jig rten gyi khams de na tsan dan gyi khang pa brtsegs pa dang / tsan dan gyi
176b7 'chag sa pad ma dang me tog gis gang bar 'dug go/ /khang pa brtsegs pa sha stag 'bum phrag du mas 'jig rten gyi khams de khyab par 'dug go/ /de na grong dang grong khyer gyi yongs su 'dzin pa med de/ dper na
176b8 gzhan 'phrul dbang byed kyi lha rnams kyi nye bar spyad pa dang / longs spyod ji lta ba de bzhin du 'jig rten gyi khams de na mi de dag gi nye bar spyad pa dang longs spyod kyang de dang 'dra'o/ /maud gal gyi bu 'jig rten gyi
177a1 khams spos ldan de na de bzhin gshegs pa spos 'gyed 'od zer can zhes bya ba da ltar chos ston te/ de bzhin gshegs pa de ni nyan thos dang rang sangs rgyas kyi gtam yongs su spangs pa byang chub
177a2 sems dpa'i gtam 'ba' shig gsung ngo / /gling chen po bzhi pa'i 'jig rten gyi khams de na byang chub sems dpa' sems dpa' chen po thams cad kyang rdzu 'phrul thob pa sha stag gis yongs su gang ngo / /byang
177a3 chub sems dpa'i 'khor de na byang chub sems dpa' chos thams cad la rnam par 'phrul pa'i rgyal po zhes bya ba bsam gyis mi khyab pa'i 'jug pa dang ldan pa/ bzod pa gnyis pa thob pa/ mngon par shes pa
177a4 rnams la mkhas pa/ spobs pas rtogs par khong du chud pa/ sangs rgyas 'bum phrag du ma mang po la bsnyen bkur byas pa 'dug ste/ maud gal gyi bu byang chub sems dpa' chos thams cad la rnam par
177a5 'phrul pa'i rgyal po de la de bzhin gshegs pa des bskul te skabs phye nas chos ston te/ bcom ldan 'das de'i spyan sngar stan las langs nas de bzhin gshegs pa'i zhabs la phyag 'tshal te/ de bzhin
177a6 gshegs pa la lan gsum bskor ba byas nas steng gi bar snang la mngon par 'phags te skyil mo krung gis kho ra khor yug tu dpag tshad bcur khyab par byas nas spu'i khung bu thams cad nas 'od zer dag bkye
177a7 ste/ 'jig rten gyi khams thams cad 'od kyis khyab par byas nas me tog kha dog sna tshogs 'bum dang ldan pa/ shing rta'i 'phang lo tsam dag gis sa chen po de dag la mi 'greng tsam du bkram ste/ 'jig rten gyi
177a8 khams thams cad du lha dang mi'i sil snyan dag gi sgra 'byin to/ /sil snyan de dag las kyang chos kyi phyag rgya'i sgra brgyad brgya 'byung ngo / /chos kyi phyag rgya re re la yang mdo bye ba phrag brgyad bcu rtsa bzhi bsdus so/ /
177b1 mdo re re yang tshigs su bcad pa bdun khri nyis stong gis brjod do/ /des skyil mo dkrung de las ma langs par sems can bye ba khrag khrig 'bum phrag dgu bcu rtsa drug bla na med pa yang dag par rdzogs pa'i byang chub
177b2 las phyir mi ldog pa la bkod de thams cad kyang chos rnams mi skye bar bzod pa thob par byas so/ /maud gal gyi bu 'jig rten gyi khams de de lta bu'i byang chub sems dpa' dag gis yongs su gang ngo / /de na sems
177b3 can zhar ba 'am/ theng po 'am/ gyol po 'am/ 'on pa 'am/ dbul po 'am/ mdog ngan pa 'ga' yang med de/ sems can de dag thams cad skyes bu chen po'i mtshan sum bcu rtsa gnyis dang ldan pa'i
177b4 byang chub sems dpa' sha stag go/ /sems can de dag ni chos kyi dga' ba'i dga' ba ma gtogs par gzhan ci la yang dga' ba med do/ /byang chub sems dpa' sems dpa' chen po de dag la ni bsam
177b5 gtan gyi dga' ba'i zas ma gtogs par zas gzhan ci yang med do/ /de na mi khom par lhung zhing skye ba yang med do/ /de nas shi 'phos nas kyang de bzhin gshegs pa'i 'gro ba ma gtogs par 'gro ba gzhan du
177b6 'gro ba med do/ /maud gal gyi bu 'di ji snyam du sems/ 'jig rten gyi khams de na bzhugs pa'i de bzhin gshegs pa spos 'gyed 'od zer can zhes bya ba de gzhan zhig yin snyam du sems na maud gal gyi bu
177b7 khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming 'di skad ces bya bas sems can rnams la chos ston to/ /maud gal gyi bu 'di yang sangs rgyas kyi rdzu 'phrul gyis rnam
177b8 par 'phrul pa'i cho 'phrul yin te/ de la ni nyan thos dang rang sangs rgyas thams cad kyis 'jug par mi nus so/ /maud gal gyi bu stong gsum gyi stong chen po'i 'jig rten gyi khams 'di nyid nas byang dang shar gyi
178a1 phyogs mtshams su gling chen po bzhi pa'i 'jig rten gyi khams bzhi khri nyis stong 'das pa na/ gling chen po bzhi pa'i 'jig rten gyi khams mya ngan gyis 'joms pa zhes bya ba zhig yod de/ de na
178a2 sems can 'khod pa rnams ni 'dod chags kyis chags pa dang / zhe sdang gis sdang ba dang / gti mug gis rmongs pa dang / brkam pa dang / brlang ba dang / rgod pa dang / mu cor smra ba dang / dbang po zhan pa dang /
178a3 ser sna can dang / tshul khrims 'chal pa dang / gnod sems che ba dang / le lo can dang / snyom las can dang / brjed ngas pa dang / shes bzhin med pa dang / bdag tu lta ba dang / sems can dang / srog dang /
178a4 gang zag tu lta ba dang / shes rab 'chal pa dang / lug ltar lkug pa dang / ngo tsha mi shes pa dang / khrel med pa dang / gus pa med pa dang / sems 'khrul pa sha stag go/ /sems can de dag ni kha dog ngan
178a5 pa dang / chung bar grags pa dang / byad ngan pa dang / dka' bas 'tsho ba dang / gcig la gcig 'drid pas gnas pa sha stag go/ /de na zla ba drug tu char mi 'bab ste/ lo tog legs par mi smin to/ /sa
178a6 chen po de ni rtsub pa dang / mkhrang pa dang / tsher ma sna tshogs can dang / g.yang sa dang / ri brag gis gang ngo / /'jig rten gyi khams de na sems can de dag gi chu ni 'bru mar gyi snyigs ma dang dri ma dang 'dra'o/ /
178a7 sems can de dag ni gos dang / chos gos dang / longs spyod dag gis dbul ba dang / bkren pa dang / gzhan gyi nor 'phrog pa sha stag go/ /'jig rten gyi khams de na rgyal po sdang chags shes bya ba zhig
178a8 yod de/ sems can de dag la rgyal srid kyi dbang phyug la dbang byed de sems can de dag gi nor dang 'bru byung ngo cog rgyal po'i mdzod du 'brub par byed do/ /sems can de dag ni chad pa dang brdeg pa 'ba'
178b1 shig gis gzir ba sha stag go/ /maud gal gyi bu de dag ni 'jig rten gyi khams de na tshe de'i sdug bsngal yin no/ /gang 'chi ba de dag kyang shi nas phal cher sems can dmyal ba rnams dang / dud 'gro'i
178b2 skye gnas rnams dang / gshin rje'i 'jig rten du skye bar 'gyur ro/ /maud gal gyi bu gling chen po bzhi pa'i 'jig rten gyi khams de na de bzhin gshegs pa dgra bcom pa yang dag par rdzogs pa'i
178b3 sangs rgyas snying brtse ba dang snying rje'i sems yid la byed pa zhes bya ba chos ston te/ maud gal gyi bu de bzhin gshegs pa de ni cho 'phrul rnam pa bcwa brgyad kyis chos ston to/ /des lo bdun brgya'i
178b4 bar du chos bstan kyang sems can gcig gis kyang chos mngon par rtogs par ma gyur la/ de bzhin gshegs pa de yang skyo ba med pa'i steng du snying rje chen pos chos kyang ston to/ /maud gal gyi bu de
178b5 ltar na de bzhin gshegs pa de grong ngam/ grong khyer ram/ grong rdal du gnas shing bzhugs la sems can de dag gis spyos shing brgyad bkag ste/ smod cing bshung bar byed kyang der sems can
178b6 yongs su smin par bya ba'i phyir snying rje chen pos de dag bzod par mdzad do/ /maud gal gyi bu de bzhin gshegs pa des lo bdun brgya bas kyang lhag pas sems can kha cig yongs su smim par
178b7 mdzad de chos bstan pa lan gcig la/ sems can khrag khrig phrag brgyad bcu rtsa bzhis ni dgra bcom pa nyid thob bo/ /khrag khrig phrag brgyad bcu rtsa bzhis ni phyir mi 'ong ba'i 'bras bu thob bo/ /
178b8 khrag khrig phrag brgyad bcu rtsa bzhis ni lan gcig phyir 'ong ba'i 'bras bu thob bo/ /khrag khrig phrag brgyad bcu rtsa bzhis ni rgyun du zhugs pa'i 'bras bu thob ste/ de dag kyang nyi ma gcig la rab tu byung ba
179a1 bsnyen par rdzogs so/ /slob pa dang mi slob pa de dag thams cad kyang gcig la gcig lung bstan pas nyi ma gcig gis yongs su mya ngan las 'das so/ /de bzhin gshegs pa de ni byang chub
179a2 sems dpa' lnga las kyi sgrib pas der skyes te/ sdug bsngal gyi tshor ba nyams su myong ba de dag yongs su smin par mdzad pa'i phyir da dung yang bzhugs so/ /de skad ces bka' stsal pa dang / bcom ldan
179a3 'das la tshe dang ldan pa maud gal gyi bu chen pos 'di skad ces gsol to/ /bcom ldan 'das las kyi sgrib pa gang gis na byang chub sems dpa' rnams re shig 'jig rten gyi khams nyon mongs par skye bar 'gyur
179a4 lags/ bka' stsal pa/ maud gal gyi bu byang chub sems dpa' chos bzhi dang ldan na re shig skye ba ngan pa len par 'gyur ro/ /bzhi gang zhe na/ maud gal gyi bu byang chub sems dpa' byang chub sems dpa'i
179a5 ming gis rnyed pas 'tsho bar byed la byang chub sems dpa'i bslab pa la mi slob pa dang / maud gal gyi bu gzhan yang byang chub sems dpa' dam pa'i chos spong ba yal bar 'dor zhing zlog par mi byed pa dang / maud gal
179a6 gyi bu gzhan yang byang chub sems dpa' byang chub sems dpa' gzhan dag gi rnyed pa'i bar chad byed cing bsngags pa ma yin pa brjod pa dang / maud gal gyi bu gzhan yang byang chub sems dpa' lus kyi las dang /
179a7 ngag gi las dang / yid kyi las ma bsrungs pa dang ldan pa ste/ maud gal gyi bu byang chub sems dpa' chos bzhi po de dag dang ldan na re shig 'gro ba ngan par 'gro bar 'gyur ro/ /maud gal gyi bu 'di ji snyam du sems/
179a8 'jig rten gyi khams de na bzhugs pa'i de bzhin gshegs pa snying brtse ba dang snying rje'i sems yid la byed pa zhes bya ba de gzhan zhig yin snyam du sems na/ maud gal gyi bu khyod kyis de ltar mi blta'o/ /de ci'i
179b1 phyir zhe na/ nga nyid 'jig rten gyi khams de na ming de skad ces bya bas sems can rnams la chos ston to/ /maud gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos
179b2 dang rang sangs rgyas thams cad kyis 'jug par mi nus so/ /maud gal gyi bu de ltar na de bzhin gshegs pa ni stong gsum gyi stong chen po'i 'jig rten gyi khams thams cad du sangs rgyas kyi phrin las mdzad de/ de la
179b3 ni ston pas ma bstan pa'i bar du khyed nyan thos rnams kyis 'jug par mi nus so/ /maud gal gyi bu stong gsum gyi stong chen po'i 'jig rten gyi khams 'di na gling chen po bzhi pa'i 'jig rten gyi khams bye ba phrag
179b4 brgya yod de/ de na de bzhin gshegs pa mos pa ji lta ba bzhin du sems can rnams la chos ston to/ /maud gal gyi bu stong gsum gyi stong chen po'i 'jig rten gyi khams 'di nyid na gling chen po bzhi pa'i 'jig
179b5 rten gyi khams gang na nga tshangs pa'i gzugs kyis chos ston te/ de bzhin gshegs pa rab tu 'byung ba dang / gos ngur smrig mi ston pa yang yod do/ /de bzhin du brgya byin gyi gzugs kyis kyang nga chos ston to/ /
179b6 de bzhin du skye ba thams cad kyis kyang nga chos ston to/ /maud gal gyi bu stong gsum gyi stong chen po'i 'jig rten gyi khams 'di dag thams cad na ji lta bur mos pa'i sems can rnams la ji ltar mos pa bzhin du
179b7 nga chos ston to/ /sangs rgyas kyi zhing tshad med pa gzhan dang gzhan dag tu yang nga chos ston te/ de la ni nyan thos dang rang sangs rgyas thams cad kyis 'jug par mi nus so/ /maud gal gyi bu dper na zla ba'i
179b8 dkyil 'khor ram/ nyi ma'i dkyil 'khor ni gzhal med khang nas kyang mi g.yo la grong dang / grong khyer dang / grong rdal dang / yul 'khor dang / rgyal po'i pho brang thams cad du yang dag par snang ngo / /maud
180a1 gal gyi bu de bzhin du de bzhin gshegs pa dgra bcom pa yang dag par rdzogs pa'i sangs rgyas ni rang gi sangs rgyas kyi zhing las kyang ma g.yos la sangs rgyas kyi zhing dpag tu med pa dag tu yang dag
180a2 par snang ste/ sems can ji ltar yongs su smin par gyur pa rnams la chos ston to/ /de nas bcom ldan 'das la tshe dang ldan pa maud gal gyi bu chen pos 'di skad ces gsol to/ /bcom ldan 'das gang
180a3 sum bcu rtsa gsum dag na bzhugs pa dang / 'dzam bu'i gling dang / lha'i gnas rnams dang / stong gsum gyi stong chen po'i 'jig rten gyi khams 'di na gling chen po bzhi pa'i 'jig rten gyi khams gzhan dang
180a4 gzhan dag na chos ston cing bzhugs pa la de bzhin gshegs pa yang dag pa gang lags/ gang la yon phul na mthu che bar 'gyur ba'i de bzhin gshegs pa yang dag pa ni 'di lags so snyam du bdag gis ji
180a5 ltar 'tshal bar bgyi/ de skad ces gsol pa dang / bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu de'i phyir khyod nyid la phyir dri bar byas/
180a6 khyod kyis ji ltar bzod pa de bzhin du lan thob shig /maud gal gyi bu 'di ji snyam du sems/ sgyu ma mkhan gyis sprul pa'i skyes pa 'am/ bud med gang yin pa de la yang dag pa gang yin/ gsol pa/
180a7 bcom ldan 'das de la ni yang dag pa ci yang ma mchis so/ /de ci'i slad du zhe na/ sgyu ma mkhan gyis gsang sngags dang / rig sngags kyi stobs bskyed te sprul pa sprul par byas pas na de dag la ni khyad
180a8 par ma mchis so/ /bka' stsal pa/ maud gal gyi bu ci gang gi phyir sprul pa de'i bya ba byed dam/ gsol pa/ bcom ldan 'das bgyid lags so/ /bka' stsal pa/ maud gal gyi bu de bzhin du sgyu ma lta
180b1 bu'i chos thams cad la ni khyad par ram tha dad pa dbye ba med do/ /maud gal gyi bu ji ltar sgyu ma mkhan gyi gsang sngags dang / rig sngags kyi stobs kyis sprul pa mang po sprul la/ de dag kyang mnyam zhing
180b2 khyad par med pa bzhin du maud gal gyi bu de bzhin gshegs pa'i shes rab dang / rig pa dang / ye shes kyis sangs rgyas kyi zhing thams cad du ston par mdzad la/ de dag kyang mnyam zhing khyad par
180b3 med pa 'di lta ste/ sangs rgyas kyi phrin las kyi bya ba byed de de la yon phul ba gang yin pa de dag gi rnam par smin pa yang mnyam par 'gyur ro/ /maud gal gyi bu sangs rgyas bcom ldan 'das rnams
180b4 ni cung zad kyang tha dad du dbyer med do/ /maud gal gyi bu de lta bas na yang dag pa ma yin pa dang / sgyu ma lta bur gyur pa'i chos thams cad ni chos kyi dbyings su khyad par ram tha dad du dbyer med do/ /maud gal gyi bu de bzhin
180b5 gshegs pa ni bzhed na 'jig rten gyi khams gcig tu yang mtshan sum bcu rtsa gnyis dang ldan pa'i de bzhin gshegs pa de'i rang bzhin dang chu zheng dang ldan pa gang gA'i klung gi bye ma snyed sprul par mdzad de/ de dag
180b6 kyang rnam pa drug cu dang ldan pa'i ngag gi las kyis chos ston to/ /de bzhin gshegs pa de dag thams cad kyis kyang sems can thams cad kyi sems kyi spyod pa mkhyen to/ /de bzhin gshegs pa de dag thams
180b7 cad kyang ji ltar mos pa'i sems can rnams la mos pa dang / dbang po ji lta ba bzhin du 'jug pa'i shes pa bskyed pa'i phyir chos ston to/ /de bzhin gshegs pa de dag thams cad kyi chos bstan pas
180b8 sems can sna tshogs nges par 'byung bar 'gyur te/ de ltar sdug bsngal yang dag par zad par bya ba'i phyir de bzhin gshegs pa de dag thams cad cho 'phrul rnam pa bzhis chos ston to/ /de bzhin
181a1 gshegs pa de dag thams cad ni sangs rgyas kyi yon tan thams cad kyang yang dag par ston to/ /maud gal gyi bu 'di ji snyam du sems/ de dag la ches khyad par du 'phags pa 'am/ ches gzugs
181a2 dang ldan pa 'am/ ches kha dog dang ldan pa 'am/ ches spobs pa dang ldan pa 'am/ ches ye shes dang ldan pa 'am/ ches rdzu 'phrul dang ldan pa 'am/ ches chos ston pa dang ldan pa 'am/ ches sems can yongs su
181a3 dgrol ba dang ldan pa gang yin/ gsol pa/ bcom ldan 'das de la ni tha dad par bstan par mi nus lags so/ /bka' stsal pa/ maud gal gyi bu de lta bas na rnam grangs 'dis kyang chos thams cad ni sprul
181a4 pa'i ngo bo nyid de/ khyad par yang med/ tha dad du dbyer yang med pa de ltar rig par bya'o/ /maud gal gyi bu chos thams cad sprul pa'i ngo bo nyid du shes pa gang yin pa de dag ni so so'i skye bo rnams la tha dad par dbye
181a5 bar mi 'dod na sangs rgyas bcom ldan 'das rnams lta ci smos/ de ci'i phyir zhe na/ maud gal gyi bu chos thams cad ni rang bzhin gyis stong pa/ kun du brtags pa dang / yongs su brtags pa las byung ba
181a6 ste/ de dag la ji ltar 'dod pa de bzhin du rnam par sgrub mod kyi/ chos kyi dbyings ni skye ba yang med 'jig pa yang med do/ /maud gal gyi bu chos kyi dbyings de ni de bzhin gshegs pas de bzhin du thugs
181a7 su chud de/ de thugs su chud pa'i phyir de bzhin gshegs pas spu'i khung bu gcig nas 'dzam bu'i gling gi sems can ji snyed pa de dag thams cad kyi mdun du de bzhin gshegs pa dge slong gi dge 'dun dang
181a8 bcas pa yang dag par ston la/ de dag kyang gcig gis gcig mi shes so/ /maud gal gyi bu 'dzam bu'i gling lta zhog gi/ gling chen po bzhi pa'i 'jig rten gyi khams kyi sems can lha 'am/ mi 'am/
181b1 de ma yin pa'i skye ba'i gnas na gnas pa ji snyed pa'i sems can de dag thams cad kyi mdun du de bzhin gshegs pas spu'i khung bu gcig nas de bzhin gshegs pa dge slong gi dge 'dun dang bcas pa yang dag
181b2 par ston la/ de dag kyang gcig gis gcig mi shes so/ /maud gal gyi bu gling chen po bzhi pa'i 'jig rten gyi khams kyi sems can rnams lta zhog gi/ maud gal gyi bu nan gyis dper bya na stong gsum gyi
181b3 stong chen po'i 'jig rten gyi khams kyi sems can du bsdu bar bsdus pa ji snyed pa de dag thams cad snga phyi med par mi'i lus thob par gyur la/ maud gal gyi bu sems can mir gyur pa de dag thams cad kyi
181b4 mdun du de bzhin gshegs pas spu'i khung bu gcig nas de bzhin gshegs pa dge slong gi dge 'dun dang bcas pa yang dag par ston par mdzad la/ de dag kyang gcig gis gcig mi shes so/ /maud gal
181b5 gyi bu stong gsum gyi stong chen po'i 'jig rten gyi khams kyi sems can thams cad lta zhog gi/ maud gal gyi bu shar phyogs kyi 'jig rten gyi khams gang gA'i klung gi bye ma snyed dag na sems can du smos
181b6 pa gang yin pa'i sems can gyi khams ni ches mang gi sa'i khams ni de lta ma yin no/ /de bzhin du lho dang / nub dang / byang gi phyogs dang / phyogs mtshams dang / 'og dang steng gi phyogs bcur kho ra khor
181b7 yug tu phyogs re rer yang 'jig rten gyi khams gang gA'i klung gi bye ma snyed dag na sems can du smos pa gang yin pa'i sems can gyi khams ni ches mang gi/ sa'i khams ni de lta ma yin no/ /maud gal gyi bu
181b8 nan gyis dper bya na/ sems can de dag thams cad kyis snga phyi med par mi'i lus thob par gyur kyang / maud gal gyi bu sems can de dag thams cad la yang de bzhin gshegs pas spu'i khung bu gcig nas re re'i
182a1 mdun du de bzhin gshegs pa dge slong gi dge 'dun dang bcas pa yang dag par ston la sems can de dag kyang gcig gis gcig mi shes so/ /maud gal gyi bu phyogs bcur gang gA'i klung gi bye ma
182a2 snyed kyi 'jig rten gyi khams dag na sems can 'khod pa rnams lta zhog gi/ maud gal gyi bu de bzhin gshegs pa ni gdan 'di la bzhugs bzhin du sangs rgyas kyi spyan sgrib pa med pa dang / thogs pa med pas
182a3 sangs rgyas kyi zhing ji snyed yod pa rnams gzigs te/ de dag ni ngas kyang sangs rgyas kyi ye shes ma nyams pas bskal pa 'bum du yang dper blang ba 'grangs pa'i tshul gyis bstan par sla ba ma yin te/ sangs rgyas
182a4 kyi zhing de dag ni de tsam du dpag tu med do/ /ngas gdan 'di la bzhugs bzhin du gang gzigs pa dang / de bzhin gshegs pas dper blang ba 'grangs pa dag gis bstan pa gang yin pa de ni sems can thams cad rang
182a5 sangs rgyas dang 'dra bar gyur pas kyang shes pa 'am/ gzhal ba 'am/ brtag par sla ba ma yin na nyan thos rnams kyis lta ci smos te/ de bzhin gshegs pa 'ba' shig gis sangs rgyas kyi zhing de dag brgya phrag
182a6 ji snyed yod pa dang / stong phrag ji snyed yod pa dang / 'bum phrag ji snyed yod pa dang / bye ba 'bum phrag ji snyed yod pa dang / gtams phrag ji snyed yod pa dang / dkrigs phrag ji snyed yod pa dang / mi 'khrugs phrag
182a7 ji snyed yod pa dang / grangs med pa phrag ji snyed yod pa dang / dpag tu med pa phrag ji snyed yod pa dang / gang gA'i klung gi bye ma snyed phrag ji snyed yod pa dang / stong gsum gyi rdul phra rab kyi rdul yongs su gang ba ji snyed
182a8 yod pa mkhyen to/ /maud gal gyi bu ngas sangs rgyas kyi spyan sgrib pa med pa dang / thogs pa med pas sangs rgyas kyi zhing ji snyed mthong ba'i sangs rgyas kyi zhing de dag na sems can gang sems can du bsdu bas bsdus shing
182b1 smos pa'i sems can gyi khams rnams ni ches mang gi/ sa'i khams ni de lta ma yin te/ /sems can de dag thams cad kyis snga phyi med par mi'i lus thob par gyur la thob nas kyang 'khor los sgyur ba'i rgyal por
182b2 gyur te/ 'khor los sgyur ba'i rgyal po re re la yang de snyed kyi 'khor yod par gyur kyang / maud gal gyi bu 'khor los sgyur ba'i rgyal po 'khor dang bcas pa de dag thams cad la de bzhin gshegs pas spu'i khung
182b3 bu gcig nas re re'i mdun du de bzhin gshegs pa dge slong gi dge 'dun dang bcas pa yang dag par ston la gcig gis gcig kyang mi shes te rang rang gi de bzhin gshegs pa mthong ngo / /de bzhin du spu'i khung bu
182b4 thams cad nas kyang de bzhin gshegs pa dge slong gi dge 'dun dang bcas pa yang dag par ston kyang de bzhin gshegs pa'i rdzu 'phrul gyis rnam par 'phrul pa'i cho 'phrul gyi brgya'i cha 'am/ stong gi cha 'am/ 'bum gyi cha
182b5 'am/ bye ba phrag 'bum gyi cha 'am/ grangs sam/ cha 'am/ bgrang ba 'am/ dpe 'am/ rgyu tsam yang yang dag par bstan par mi 'gyur te maud gal gyi bu de ltar na de bzhin gshegs pa dgra bcom pa yang dag par rdzogs pa'i
182b6 sangs rgyas ni rdzu 'phrul dang ye shes dpag tu med pa dang ldan no/ /maud gal gyi bu 'di ji snyam du sems/ sems can 'khor los sgyur bar gyur pa de dag gi bsod nams kyi phung po gang gi 'khor los sgyur ba'i
182b7 rgyal srid dang / rin po che sna bdun thob pa'i bsod nams kyi phung po mang ngam/ gsol pa/ bcom ldan 'das mang lags so/ /bde bar gshegs pa dpag tu ma mchis so/ /bka' stsal pa/ maud gal
182b8 gyi bu khyod mos par bya'o/ /khong du chud par bya'o/ /sems can 'khor los sgyur bar gyur pa de dag thams cad kyi bsod nams kyi phung po de bas ches mang ba'i bsod nams kyi phung pos de bzhin gshegs
183a1 pa'i spu'i khung bu gcig yongs su 'grub par 'gyur ro/ /de nas bcom ldan 'das la tshe dang ldan pa maud gal gyi bu chen pos 'di skad ces gsol to/ /bcom ldan 'das bdag gi ston pa 'di ltar rdzu
183a2 'phrul che ba dang / 'di ltar che bar grags pa dang / 'di ltar mthu che ba ni bdag gis rnyed pa legs par rnyed lags so/ /de lta lags kyis kyang bdag ni rgyu'i rjes su 'gro ba'i chos thams cad la thogs pa ma mchis
183a3 pa'i ye shes 'di lta bu las dman par gyur pa lags so/ /bcom ldan 'das de bzhin gshegs pa'i sangs rgyas kyi rdzu 'phrul gyis rnam par 'phrul pa'i cho 'phrul 'di thos nas lan cig sems bskyed pa'i
183a4 sems can de dag kyang rnyed pa legs par rnyed pa lags na/ gang dag mos par bgyid la mos shing yid ches nas kyang rdzu 'phrul dang ye shes 'di lta bu yongs su rdzogs par bgyi ba'i slad du bla na med pa yang dag par
183a5 rdzogs pa'i byang chub tu sems bskyed pa lta smos kyang ci 'tshal te/ sems can de dag ni lha dang bcas pa'i 'jig rten na phyag bgyi ba'i gnas lags so/ /bka' stsal pa/ maud gal gyi bu de ni de bzhin te/ khyod
183a6 ji skad zer ba bzhin du sems can gang dag de bzhin gshegs pa'i yon tan rnams la yid ches pa de dag gis ni rnyed pa legs par rnyed do/ /de dag ni log par ltung ba'i dogs pa med par shes par bya'o/ /de nas lha
183a7 de dag dang / klu de dag dang / brgya byin de dag dang / tshangs pa de dag gis bcom ldan 'das las sangs rgyas kyi rdzu 'phrul gyis rnam par 'phrul pa'i cho 'phrul 'di thos nas tshig 'thun par sangs rgyas bcom
183a8 'das rnams la phyag 'tshal lo/ /phyag 'tshal lo/ /sems can gang dag gis ye shes 'di lta bu yongs su rdzogs par bya ba'i phyir sems bskyed pa 'am/ skyes par 'gyur ba de dag la yang phyag 'tshal
183b1 lo/ /ji ltar da ltar na de bzhin gshegs pa rnam par 'phrul pa de bzhin du de dag kyang rnam par 'phrul par 'gyur te/ de bas na bdag cag gis 'di la som nyi 'am/ yid gnyis sam/ the tshom za bar mi bya'o zhes ched du
183b2 rjod pa ched du brjod do/ /de nas lha dang / klu dang / gnod sbyin dang / dri za de dag dang / brgya byin de dag dang / tshangs pa de dag gis bcom ldan 'das la mchod pa bya ba dang / chos kyi rnam grangs 'di la gus par bya
183b3 ba'i phyir sil snyan 'bum sgra phyung ngo / /lha'i me tog ud pa la dang / pad ma dang / ku mu da dang / pad ma dkar po dag gis sum bcu rtsa gsum gyi gnas thams cad la mngon par gtor to/ /chos kyi rnam grangs
183b4 'di bstan pa na sngon bla na med pa yang dag par rdzogs pa'i byang chub tu sems ma bskyed pa'i lha khrag khrig phrag bdun cu rtsa gnyis kyis sems bskyed de/ tshig 'di skad du ji ltar da ltar na de bzhin gshegs pa seng ge'i sgra
183b5 sgrogs pa de bzhin du bdag cag kyang ma 'ongs pa'i dus na lha dang bcas pa'i 'jig rten gyi mdun du bla na med pa'i seng ge'i sgra sgrogs par gyur cig ces smras so/ /de nas bcom ldan 'das la lha'i bu zla ba dang / zla
183b6 mchog gis 'di skad ces gsol to/ /bcom ldan 'das rigs kyi bu 'am/ rigs kyi bu mo gang chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa dang / gzhan dag
183b7 la yang rgya cher yang dag par ston pa de bsod nams ji tsam skyed par 'gyur lags/ de skad ces gsol pa dang / bcom ldan 'das kyis lha'i bu zla ba dang / zla mchog la 'di skad ces bka' stsal to/ /lha'i
183b8 bu dag rigs kyi bu 'am/ rigs kyi bu mo gang chos kyi rnam grangs 'di bdag nyid kyang 'chang la gzhan dag la yang ston pa de ni dkon mchog gsum rgyun mi gcad pa'i phyir zhugs pa yin no/ /de ci'i phyir zhe na/
184a1 lha'i bu 'di ltar chos kyi rnam grangs 'di thos na nyan thos kyi sems sam/ rang sangs rgyas kyi sems skyed par mi 'gyur te/ bla na med pa yang dag par rdzogs pa'i byang chub 'ba' shig tu sems
184a2 skyed par 'gyur ba'i phyir ro/ /de ci'i phyir zhe na/ lha'i bu rgya chen po la mos pa dbang po rnon po sngon gyi rgyal ba la lhag par bya ba byas pa rnams ni chos kyi rnam grangs 'di la dga' ba skye bar 'gyur gyi/ chung ngu la mos
184a3 pa rnams ni de lta ma yin no/ /lha'i bu rnam grangs 'dis na gang dag chos kyi rnam grangs 'di 'chang ba dang / klog pa rnams ni ci nas dkon mchog gsum gyi rgyun mi gcad pa'i phyir gnas pa yin pa de ltar
184a4 rig par bya'o/ /lha'i bu 'di ji snyam du sems/ gang dkon mchog gsum rgyun mi gcad pa'i phyir gnas pa de'i bsngags pa'i mtha' 'am/ bsod nams kyi mtha' sangs rgyas 'bum sku tshe'i tshad bskal
184a5 par bzhugs pas kyang bstan pa 'am/ bshad par spyod dam/ gsol pa/ bcom ldan 'das de ni ma lags so/ /bka' stsal pa/ lha'i bu rnam grangs 'dis kyang gang chos kyi rnam grangs 'di 'chang ba 'am gzhan
184a6 dag la ston pa de bsod nams tshad med pa skyed par 'gyur bar mkhas pas de ltar rig par bya'o/ /de nas bcom ldan 'das la byang chub sems dpa' byams pas 'di skad ces gsol to/ /bcom ldan 'das
184a7 chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ byams pa de'i phyir khyod kyis chos kyi rnam grangs 'di sum bcu rtsa gsum pa'i le'u zhes
184a8 bya bar zung shig /sangs rgyas kyi rdzu 'phrul gyis rnam par 'phrul pa'i cho 'phrul zhes bya bar yang zung shig /bcom ldan 'das kyis de skad ces bka' stsal nas/ lha'i bu zla ba dang / zla mchog dang /
184b1 byang chub sems dpa' sems dpa' chen po byams pa dang / tshe dang ldan pa maud gal gyi bu chen po dang / tshangs pa de dag dang / brgya byin de dag dang / lha dang mi dang / lha ma yin dang / dri zar bcas pa'i
184b2 'jig rten yi rangs te/ bcom ldan 'das kyis gsungs pa la mngon par bstod do/ /'phags pa sum bcu rtsa gsum pa'i le'u zhes bya ba theg pa chen po'i mdo rdzogs so// // rgya gar gyi
184b3 mkhan po pradz+nya bar ma dang / zhu chen gyi lo ts+tsha ba ban de ye shes sde la sogs pas/ /bsgyur cing zhus te gtan la phab pa/ /
CLOSE WINDOW