བོད་ཡིག |
327b4 / @#/ /rgya gar skad du/ ar+ya karma A ba ra na pra ti pra sra bi di nA ma ma hA yA na sU tra/ bod skad du/ 'phags pa las kyi sgrib pa rgyun
327b5 gcod pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi
327b6 tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' bdun khri dang thabs gcig tu bzhugs te/ de nas sangs rgyas kyi mthus tshe dang ldan
327b7 pa shA ri'i bu stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad
327b8 ces gsol to/ /bcom ldan 'das rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang
328a1 dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas las kyi sgrib pa rnams ji ltar
328a2 so sor bshags par bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la rigs kyi bu 'am/ rigs kyi bu mo nyan thos kyi theg pa la yang
328a3 dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang
328a4 chub mngon par rdzogs par 'tshang rgya bar 'dod pas nyin lan gsum mtshan lan gsum du bla gos phrag pa gcig tu gzar la pus mo g.yas pa'i lha nga sa la btsugs te/ thal mo sbyar ba btud nas tshig 'di skad du skye
328a5 bo mang po la sman pa dang / skye bo mang po bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du sangs rgyas bcom ldan 'das gang dag da ltar
328a6 phyogs bcu'i 'jig rten na bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rab tu skor ba/ chos kyi 'khor lo ston pa/ chos kyi tshul rab tu 'dzin pa/ chos kyi
328a7 sbyin pa mdzad pa/ chos kyi sgron ma 'bar bar mdzad pa/ chos kyi char rab tu 'bebs pa/ chos kyi rnga rab tu rdung ba/ chos kyi rnga bo che rab tu rdung ba/ chos kyi dung rab tu 'bud pa/ chos kyi srog shing sgreng ba/ sems can
328a8 thams cad la chos kyi sbyin pas tshim par mdzad pa/ nyam bag tu spyod du 'dzud pa'i sangs rgyas bcom ldan 'das de dag la phyag 'tshal lo/ /sangs rgyas bcom ldan 'das mchod pa'i gnas/ phyag bgyi ba'i gnas/
328b1 ri mo bgyi ba'i gnas/ mkhyen par gyur pa/ spyan du gyur pa/ dpang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa/ de dag la bdag lus dang / ngag dang / yid kyis phyag 'tshal lo/ /thog ma
328b2 dang / tha ma ma mchis pa'i 'khor ba na 'khor ba'i tshe/ bdag 'dod chags kyis gzir ba 'am/ zhe sdang gis gzir ba 'am/ gti mug gis gzir ba 'am/ lus dang ngag dang / yid kyi las kyi sgrib pa gang mngon par
328b3 'dus bgyis pa/ sangs rgyas su ma 'tshal ba dang / chos su ma 'tshal ba dang / dge 'dun du ma 'tshal ba dang / dge ba dang / mi dge bar ma 'tshal ba dang / de bzhin gshegs pa la ngan sems kyis khrag phyung ba dang /
328b4 chos spangs pa dang / dge 'dun gyi dbyen bgyis pa dang / dge slong dgra bcom pa bkum pa dang / pha ma bkum pa dang / lus kyi las rnam gsum/ ngag gi rnam bzhi/ yid kyi rnam gsum ste/ mi dge ba bcu'i las
328b5 kyi lam bgyis pa dang / bgyid du stsal ba dang / bgyid pa la rjes su yi rang ba dang / sems can kha cig la ngag rtsub po smras pa dang / skur pa btab pa dang / srang la g.yo bgyis pa dang / gzhal ba la g.yo bgyis
328b6 pa dang / 'gro ba drug tu 'khor bar 'khor ba na pha ma mi dga' bar bgyis pa dang / gang zag gi 'am/ mchod rten gyi 'am/ dge 'dun gyi 'am/ phyogs bzhi'i dge slong gi dge 'dun gyi nor brkus pa dang / ci ltar
328b7 bslab pa'i gzhi bcas pa rnams kyi 'dul ba dang / 'gal bar bgyis pa dang / mkhan po dang / slob dpon gyis bsgo ba ma mnyan pa dang / nyan thos kyi theg pa la yang dag par zhugs pa 'am/ rang sangs rgyas
328b8 kyi theg pa la yang dag par zhugs pa 'am/ theg pa chen po la yang dag par zhugs pa 'am/ de las gzhan pa'i sems can rnams la mi snyan par bgyis pa dang / spyos pa dang / brdegs pa dang / de dag la
329a1 tha ba dang / zhe sdang bskyed pa dang / phrag dog dang / ser sna las byung ba'i sems kyis sangs rgyas bcom ldan 'das rnams la tshig rtsub po smras pa dang / chos la chos ma lags shes bgyis pa
329a2 dang / chos ma lags pa la chos lags shes bgyis pa de dag sangs rgyas bcom ldan 'das mkhyen par gyur pa/ spyan du gyur pa/ dpang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag
329a3 gi spyan sngar so sor 'chags so/ /mthol lo/ /mi 'chab po/ /slan chad kyang mi bgyid do/ /bdag las kyi sgrib pa gang gis bsgribs te/ sems can dmyal ba dang / dud 'gro'i skye gnas dang / yi dags kyi yul dang /
329a4 lha ma yin gyi tshogs kyi nang du mchi bar 'gyur ba dang / sangs rgyas dang / chos dang / dge 'dun mnyes par bgyid par mi 'gyur ba dang / mi khom pa rnams su skye bar 'gyur ba'i las de lus 'di nyid la rnam par smin te
329a5 gzhan du mi myong bar shog shig /de yang sangs rgyas bcom ldan 'das mkhyen par gyur pa/ spyan du gyur pa/ dpang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag gi spyan sngar so sor 'chags
329a6 so/ /mthol lo/ /mi 'chab bo/ /slan chad kyang mi bgyid do/ /ji ltar sngon gyi byang chub sems dpa' sems dpa' chen po de dag sngon byang chub kyi phyir spyod pa na las kyi sgrib pa rnams so sor bshags pa dang / ma
329a7 bcabs pa de bzhin du bdag kyang las kyi sgrib pa rnams so sor 'chags so/ /mthol lo/ /mi 'chab bo/ /slan chad kyang mi bgyid do/ /ji ltar ma 'ongs pa'i dus kyi byang chub sems dpa' sems dpa' chen po de
329a8 dag byang chub sems dpa'i spyad pa spyod pa na las kyi sgrib pa rnams so sor 'chags par 'gyur ba dang / mi 'chab par 'gyur ba de bzhin du bdag kyang las kyi sgrib pa rnams so sor 'chags so/ /mthol lo/ /mi
329b1 'chab po/ /slan chad mi bgyid do/ /ji ltar da ltar phyogs bcu'i 'jig rten na byang chub sems dpa' sems dpa' chen po dag byang chub kyi phyir spyod pa na las kyi sgrib pa rnams so sor 'chags pa dang / mi 'chab pa de
329b2 bzhin du bdag kyang las kyi sgrib pa rnams so sor 'chags so/ /mthol lo/ /mi 'chab po/ /slan chad mi bgyid do/ /ji ltar 'das pa dang / ma 'ongs pa dang / da ltar byung ba'i byang chub sems dpa' sems dpa' chen po
329b3 dag byang chub sems dpa'i spyad pa spyod pa na las kyi sgrib pa rnams so sor bshags pa dang / so sor 'chags pa dang / so sor 'chags par 'gyur ba de bzhin du bdag kyang las kyi sgrib pa rnams so sor 'chags so/ /
329b4 mthol lo/ /mi 'chab po/ /slan chad mi bgyid do zhes brjod par bya'o/ /shA ri'i bu de lta bas na rigs kyi bu 'am/ rigs kyi bu mo chos thams cad la sgrib pa med pa rnam par dag pa thob par 'dod pas 'di bzhin du las
329b5 kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /su rgyal rigs kyi rigs shing sA la chen po lta bu phyug pa/ nor che ba/ longs spyod che ba/ sa le sbram dang / nor dang / yo byad mang ba/
329b6 shin du skyid pa/ bzhon pa chen po la zhon pa rnams kyi nang du skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /su bram ze'i rigs shing
329b7 sA la chen po lta bu rnams dang / khyim bdag gi rigs shing sA la chen po lta bu phyug pa/ nor che ba longs spyod che ba/ sa le sbram dang / nor dang / yo byad mang ba/ shin du skyid pa/ bzhon pa chen po la zhon pa rnams kyi nang du skye
329b8 bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /su rgyal chen bzhi'i ris kyi lha rnams kyi brtul zhugs dang mtshungs par skye bar
330a1 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /su sum bcu rtsa gsum pa'i lha rnams kyi brtul zhugs dang mtshungs
330a2 par skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /de bzhin du su 'thab bral dang / dga' ldan dang / 'phrul dga' dang / gzhan 'phrul dbang
330a3 byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod
330a4 nams skyes dang / 'bras bu che dang / sems can 'du shes med pa dang / gya nom snang ba dang / shin du mthong ba dang / mi che ba dang / mi gdung ba dang / 'og min gyi lha rnams kyi brtul zhugs dang mtshungs par skye
330a5 bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /su gzugs med pa nam mkha' mtha' yas skye mched du nye bar 'gro ba rnams dang /
330a6 rnam shes mtha' yas skye mched du nye bar 'gro ba rnams dang / ci yang med pa'i skye mched du nye bar 'gro ba rnams dang / 'du shes med 'du shes med min skye mched du nye bar 'gro ba'i lha rnams kyi brtul zhugs dang mtshungs par
330a7 skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /su rgyun du zhugs pa'i 'bras bu dang / lan cig phyir 'ong ba'i 'bras bu dang / phyir
330a8 mi 'ong ba'i 'bras bu dang / dgra bcom pa nyid mngon sum du byed par 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /su rig pa gsum
330b1 'am/ mngon par shes pa drug gam/ stobs rnams sam/ dbang po rnams sam/ nyan thos kyi pha rol du phyin pa 'am/ nyan thos dbang che bar grags pa 'am/ rang byang chub mngon sum du byed par 'dod pa des
330b2 kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /su thams cad mkhyen pa'i ye shes dang / rnam par dag pa'i ye shes dang / bsam gyis mi khyab pa'i
330b3 ye shes dang / mtshungs pa med pa'i ye shes dang / yang dag par rdzogs pa'i sangs rgyas kyi ye shes mngon par bsgrub par 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab
330b4 par bya'o/ /phyin cad kyang mi bya'o/ /de ci'i phyir zhe na/ shA ri'i bu de bzhin gshegs pas chos thams cad ni rten cing 'brel par 'byung ba'o zhes gsungs pa'i phyir te/ rgyu dang rkyen gzhan dang gzhan gyis gzhan skye'o/ /
330b5 gzhan 'gag go/ /de la 'das pa'i chos gang yin pa de dag ni 'gags pa/ zad pa bral ba rnam par gyur pa ste/ de dag la yang las kyi sgrib pa chung zad kyang med do/ /de ltar na 'du byed pa gang yin pa rnams kyang
330b6 med pa las byung ba ste/ de dag la yang las kyi sgrib pa cung zad kyang med do/ /de ci'i phyir zhe na/ shA ri'i bu de bzhin gshegs pas chos thams cad ni stong pa/ sems can med pa/ srog med pa/ gang zag med pa/ ma
330b7 skyes pa/ ma 'gags pa/ 'dus ma byas pa zhes gsungs pa'i phyir ro/ /shA ri'i bu chos thams cad bdag las byung yang bdag kyang yod pa ma yin no/ /shA ri'i bu rigs kyi bu 'am/ rigs kyi bu mo gang
330b8 la la zhig 'di lta ste/ sems can med pa'i mtha'i chos kyi tshul 'di la 'jug pa 'di ni las kyi sgrib pa rgyun gcod pa zhes bya ste/ shA ri'i bu 'di ni so sor bshags pa'o/ /de nas bcom ldan 'das la tshe dang
331a1 ldan pa shA ri'i bus 'di skad ces gsol to/ /bcom ldan 'das rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par
331a2 zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas ji ltar dge ba'i
331a3 rtsa ba rnams la rjes su yi rang bar bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la rigs kyi bu 'am/ rigs kyi bu mos nyin lan
331a4 gsum mtshan lan gsum du bla gos phrag pa gcig tu gzar nas pus mo g.yas pa'i lha nga sa la btsugs te/ thal mo sbyar nas tshig 'di skad du phyogs bcu'i 'jig rten na sems can gang su dag sbyin pa las byung
331a5 ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod nams bgyi ba'i dngos po mngon par 'dus bgyis pa de dag thams cad la yang rjes su yi rang ba'i mchog gis
331a6 rjes su yi rang ngo / /rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas
331a7 rjes su yi rang ngo / /phyogs bcu'i 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod nams bgyi ba'i
331a8 dngos po mngon par 'du bgyid par 'gyur ba de dag thams cad la yang rjes su yi rang ba'i mchog gis rjes su yi rang ba nas rjes su yi rang ba mi mnyam pa dang mnyam pa'i bar gyis rjes su yi rang ngo / /phyogs bcu'i
331b1 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod nams bgyi ba'i dngos po mngon par 'du bgyid pa de dag
331b2 thams cad la yang rjes su yi rang ba'i mchog gis rjes su yi rang ba nas rjes su yi rang ba mi mnyam pa dang mnyam pa'i bar gyis rjes su yi rang ngo / /byang chub sems dpa' gang dag da ltar na sems dang po bskyed pa
331b3 de dag gis dang po byang chub mchog tu sems bskyed pa dang ldan pa'i dge ba'i rtsa ba gang lags pa dang / byang chub sems dpa' bskal pa brgyas byung ba rnams kyi bsod nams kyi phung po gang lags pa dang / byang chub
331b4 sems dpa' mi skye ba'i chos la bzod pa thob pa rnams kyi bsod nams kyi phung po gang lags pa dang / phyir mi ldog pa rnams kyi bsod nams kyi phung po gang lags pa dang / byang chub sems dpa' skye ba
331b5 gcig gis thogs pa rnams kyi bsod nams kyi phung po gang lags pa de dag thams cad la yang rjes su yi rang ba'i mchog gis rjes su yi rang ba nas rjes su yi rang ba mi mnyam pa dang mnyam pa'i bar gyis
331b6 rjes su yi rang ngo / /byang chub sems dpa' sems dpa' chen po de dag sngon byang chub sems dpa'i spyad pa spyod pa na pha rol du phyin pa drug dang ldan pa'i dge ba'i rtsa ba mngon par 'dus bgyis pa gang lags
331b7 pa de dag thams cad la yang rjes su yi rang ba'i mchog gis rjes su yi rang ngo / /rjes su yi rang ba'i dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang /
331b8 ltag na med pa dang / mnyam pa med pa dang / mi mnyam pa dang mnyam pas rjes su yi rang ngo / /ma 'ongs pa'i dus kyi byang chub sems dpa' sems dpa' chen po de dag byang chub kyi phyir spyod pa na pha rol du phyin
332a1 pa drug dang ldan pa'i bsod nams kyi phung po mngon par 'du bgyis par 'gyur ba de gang lags pa de dag thams cad la yang rjes su yi rang ba'i mchog gis rjes su yi rang ngo / /rjes su yi rang ba dam
332a2 pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su yi rang ngo / /byang chub sems dpa'
332a3 sems dpa' chen po gang dag da ltar phyogs bcu'i 'jig rten na byang chub kyi phyir spyod pa de dag pha rol du phyin pa drug dang ldan pa'i bsod nams kyi phung po mngon par 'du bgyid pa gang lags pa de dag thams cad la yang rjes su yi rang ba'i
332a4 mchog gis rjes su yi rang ngo / /rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su
332a5 yi rang ngo / /skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang bde ba'i slad du sngon gyi de bzhin gshegs pa dgra bcom pa yang dag par
332a6 rdzogs pa'i sangs rgyas de dag gis bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rab tu bskor ba/ chos kyi 'khor lo rab tu bstan pa/ chos kyi tshul rab tu bzung ba/ chos kyi
332a7 char rab tu phab pa/ chos kyi char rab tu btang ba/ chos kyi rnga rab tu brdungs pa/ chos kyi rnga bo che brdungs pa/ chos kyi dung bus pa/ chos kyi srog shing bsgreng ba/ chos kyi sgron ma 'bar bar mdzad pa/ sems can thams cad la
332a8 chos kyi sbyin pas tshim par mdzad pa/ nyam bag tu spyod du btsud pa gang lags pa dang / de la nyan thos kyi theg pa pa 'am/ rang sangs rgyas kyi theg pa pa 'am/ byang chub sems dpa'i theg pa pa 'am/ de las gzhan pa'i
332b1 sems can rnams kyis dge ba'i rtsa ba bskyed pa gang lags pa de dag thams cad la yang rjes su yi rang ba'i mchog gis rjes su yi rang ba nas rjes su yi rang ba mi mnyam pa dang mnyam pa'i bar gyis rjes su yi rang ngo / /
332b2 skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang / bde ba'i slad du ma 'ongs pa'i dus kyi sangs rgyas bcom ldan 'das
332b3 de dag bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo skor bar 'gyur ba'i bar dag gang lags pa dang / de la nyan thos kyi theg pa pa 'am/ rang sangs rgyas kyi theg pa pa 'am/
332b4 byang chub sems dpa'i theg pa pa 'am/ de las gzhan pa'i sems can dag dge ba'i rtsa ba skyed par 'gyur ba gang lags pa de dag thams cad la yang rjes su yi rang ba'i mchog gis rjes su yi rang ba nas rjes su yi rang ba
332b5 mi mnyam pa dang mnyam pa'i bar gyis rjes su yi rang ngo / /skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang / bde ba'i
332b6 slad du da ltar na phyogs bcu'i 'jig rten na sangs rgyas bcom ldan 'das rnams bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rab tu bskor ba/ chos kyi 'khor lo rab
332b7 tu ston pa/ chos kyi tshul rab tu 'dzin pa/ chos kyi char rab tu 'bebs pa/ chos kyi char rab tu gtong ba/ chos kyi sbyin pa mdzad pa/ chos kyi sgron ma 'bar bar mdzad pa/ chos kyi rnga rdung ba/ chos kyi rnga bo che rdung ba/ chos kyi
332b8 dung 'bud pa/ chos kyi srog shing sgreng ba/ sems can thams cad la chos kyi sbyin pas tshim par mdzad pa/ nyam bag tu spyod du 'dzud pa gang lags pa dang / de la nyan thos kyi theg pa pa 'am/ rang sangs rgyas kyi theg
333a1 pa pa 'am/ byang chub sems dpa'i theg pa pa 'am/ de las gzhan pa'i sems can dag dge ba'i rtsa ba bskyed pa gang lags pa de dag thams cad la yang rjes su yi rang ba mchog gis rjes su yi rang ba
333a2 nas rjes su yi rang ba mi mnyam pa dang mnyam pa'i bar gyis rjes su yi rang ngo zhes brjod par bya'o/ /shA ri'i bu 'di ni rjes su yi rang ba'i bsod nams kyi phung po'o/ /rigs kyi bu 'am/ rigs kyi bu mo rjes su yi rang ba'i
333a3 bsod nams kyi phung po 'dis rjes su yi rang na bsod nams kyi phung po mang po grangs med/ dpag tu med pa skyed do/ /shA ri'i bu stong gsum gyi stong chen po'i 'jig rten gyi khams kyi sems can nas/ 'jig rten gyi
333a4 khams gang gA'i klung gi bye ma snyed kyi sems can ji snyed pa de dag thams cad dgra bcom pa zag pa zad par gyur la/ rigs kyi bu 'am rigs kyi bu mo la la zhig gis de dag la ji srid 'tsho'i bar du gos dang / zas dang /
333a5 na ba'i gsos sman dang / yo byad rnams kyis bsnyen bkur byas pa bas gang zhig rjes su yi rang ba 'dis rjes su yi rang na de ni de bas bsod nams ches mang du grangs med dpag tu med pa skyed do/ /shA ri'i bu de bas na
333a6 rigs kyi bu 'am/ rigs kyi bu mo bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas rjes su yi rang ba 'dis rjes su yi rang bar bya'o/ /bud med skyes pa'i dbang po thob par
333a7 'dod cing bud med kyi dbang po rjes par 'dod pas kyang rjes su yi rang ba 'dis rjes su yi rang bar bya'o/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom
333a8 ldan 'das ma 'ongs pa'i byang chub sems dpa' sems dpa' chen po rnams la snang ba bgyis par 'gyur ba dang / da ltar byung ba'i byang chub sems dpa' rnams kyi mos pa skyed par 'gyur ba'i bskul ba'i phung po
333b1 bshad du gsol/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la rigs kyi bu 'am/ rigs kyi bu mo nyan thos kyi theg pa la
333b2 yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs
333b3 pa'i byang chub mngon par rdzogs par 'tshang rgya bar 'dod pas nyin lan gsum mtshan lan gsum du bla gos phrag pa gcig tu gzar la pus mo g.yas pa'i lha nga sa la btsugs te/ thal mo sbyar nas tshig 'di skad
333b4 du sangs rgyas bcom ldan 'das gang dag da ltar na/ phyogs bcu'i 'jig rten gyi khams na bla na med pa yang dag par rdzogs pa'i byang chub mngon par rdzogs par sangs rgyas pa de dag la phyag 'tshal lo/ /
333b5 sangs rgyas bcom ldan 'das de dag la phyag 'tshal nas chos kyi 'khor lo rab tu bskor bar bskul gyis/ sangs rgyas bcom ldan 'das de dag gis skye bo mang po la sman pa dang / skye bo mang po la bde ba dang / 'jig rten
333b6 la thugs brtse ba dang / skye bo phal po che dang / lha dang mi rnams kyi don dang / sman pa dang / bde ba'i slad du chos kyi 'khor lo rab tu bskor du gsol/ /chos kyi 'khor lo rab tu bstan du gsol/ /chos kyi tshul rab tu
333b7 gzung du gsol/ /chos kyi sbyin pa mdzad pa gzung du gsol/ /chos kyi sgron ma 'bar bar mdzad du gsol/ /chos kyi char dbab tu gsol/ /chos kyi rnga brdung du gsol/ /chos kyi rnga bo che brdung du gsol/ /chos kyi dung bud
333b8 du gsol/ /chos kyi srog shing bsgreng du gsol zhes brjod par bya'o/ /shA ri'i bu gzhan yang rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la
334a1 yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ nyin lan gsum mtshan lan gsum du bla gos phrag pa gcig tu gzar la pus mo
334a2 g.yas pa'i lha nga sa la btsugs te/ thal mo sbyar nas tshig 'di skad du sangs rgyas bcom ldan 'das gang dag da ltar phyogs bcu'i 'jig rten na tshe'i 'du byed btong ba'i sangs rgyas bcom ldan 'das de dag la phyag 'tshal lo/ /
334a3 sangs rgyas bcom ldan 'das de dag la bdag phyag 'tshal nas gsol ba 'debs kyis/ sangs rgyas bcom ldan 'das de dag skye bo mang po la sman pa dang / skye bo mang po la bde ba dang / 'jig rten la thugs brtse
334a4 ba dang / skye bo phal po che dang / lha dang mi rnams kyi don dang / sman pa dang / bde ba'i slad du chos kyi 'khor lo ni rab tu bskor/ chos kyi sgron me ni 'bar bar mdzad/ chos kyi char ni rab tu 'bebs/ chos kyi char ni rab
334a5 tu gtong / chos kyi rnga ni rab tu rdung / chos kyi rnga bo che ni rab tu rdung / chos kyi dung ni rab tu 'bud/ chos kyi srog shing ni rab tu bsgreng / chos kyi sgron ma ni mched par mdzad/ sems can thams cad la chos kyi sbyin pas ni
334a6 tshim par mdzad/ nyam bag tu spyod du ni 'dzud cing re shig bzhugs su gsol/ gsol ba btab pa'i phung po 'di yang bla na med pa yang dag par rdzogs pa'i byang chub tu yongs su bsngo ste/ ji ltar na bla na med pa yang
334a7 dag par rdzogs pa'i byang chub tu yongs su bsngo ba de bzhin du 'di yongs su bsngo'o zhes brjod par bya'o/ /shA ri'i bu 'di ni gsol ba gdab pa'i phung po ste/ rigs kyi bu 'am rigs kyi bu mo gsol ba gtab
334a8 pa'i phung po 'dis gsol ba 'debs na/ bsod nams mang po grangs med dpag tu med pa skyed do/ /shA ri'i bu rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten
334b1 gyi khams ji snyed pa de dag rin po che sna bdun gyis bkang ste/ de bzhin gshegs pa rnams la dbul ba phul ba sas/ gang gis de bzhin gshegs pa de dag la chos kyi 'khor lo skor bar bskul na de ni de bas
334b2 bsod nams ches mang du grangs med dpag tu med pa skyed do/ /shA ri'i bu stong gsum gyi stong chen po'i 'jig rten gyi khams lta zhog ste/ shA ri'i bu 'jig rten gyi khams gang gA'i klung gi bye ma dang mnyam pa ji snyed
334b3 pa de dag rigs kyi bu 'am/ rigs kyi bu mo la la zhig gis rin po che sna bdun gyis bkang ste/ de bzhin gshegs pa rnams la dbul ba phul ba bas/ gang gis de bzhin gshegs pa de dag la
334b4 gsol ba btab na de ni de bas bsod nams ches mang du grangs med dpag tu med pa skyed do/ /de ci'i phyir zhe na/ shA ri'i bu ngas sngon byang chub sems dpa'i spyad pa spyod pa na de bzhin gshegs pa rnams la chos kyi
334b5 'khor lo skor bar gsol ba btab ste/ dge ba'i rtsa ba des na nga la lha'i dbang po brgya byin dang / mi mjed kyi bdag po tshangs pas bcom ldan 'das skye bo mang po la sman pa dang / skye bo mang po la bde ba dang /
334b6 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang / bde ba'i slad du chos kyi 'khor lo rab tu bskor bar gsol zhes chos kyi 'khor lo rab tu bskor
334b7 bar gsol ba btab bo/ /shA ri'i bu ngas sngon byang chub kyi phyir spyod pa na de bzhin gshegs pa rnams la ring du bzhugs par gsol te/ dge ba'i rtsa ba des na nga mi 'jigs pa bzhi dang / de bzhin
334b8 gshegs pa'i stobs bcu dang / sangs rgyas kyi chos ma 'dres pa bcwa brgyad dang / so so yang dag par rig pa bzhi dang / byams pa chen po dang / snying rje chen po dang / yongs su mya ngan las 'das
335a1 pa thob ste/ nga'i dam pa'i chos kyang yun ring du gnas par 'gyur ro/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /
335a2 bcom ldan 'das rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag
335a3 par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas thams cad mkhyen pa nyid du 'gyur bar bgyi
335a4 ba'i slad du dge ba'i rtsa ba rnams ji ltar yongs su bsngo bar bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la rigs
335a5 kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/
335a6 sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas nyin lan gsum du mtshan lan gsum du tshig 'di skad ces thog ma
335a7 dang tha ma ma mchis pa'i 'khor ba na 'khor ba'i tshe bdag gis dge ba'i rtsa ba mngon par 'dus bgyis par gyur pa/ sangs rgyas sam/ chos sam/ dge 'dun nam/ gang zag gam/ tha na
335a8 dud 'gro'i skye gnas su song ba rnams sam/ sems can gzhan dag la yang rung ste/ zan chang gcig tsam stsal bar gyur ba dang / 'chags pa gang lags pa dang / gsol ba gdab pa gang
335b1 lags pa dang / skyabs su mchi ba gang lags pa dang / bslab pa'i gzhi dang ldan pa'i dge ba'i rtsa ba gang lags pa dang / so sor 'chags pa dang ldan pa'i dge ba'i rtsa ba lags pa dang / rjes su
335b2 yi rang ba dang ldan pa'i bsod nams bgyi ba'i dngos po gang lags pa dang / gsol ba gdab pa dang ldan pa'i dge ba'i rtsa ba gang lags pa de dag thams cad gcig tu bsdus gzhal bzlums te/ sems dul zhing
335b3 rnam par grol ba dang / gzung ba ma mchis pas sems can thams cad la stsal to/ /ji ltar dge ba'i rtsa ba rnams sems can thams cad la gtang bar bgyi ba sangs rgyas bcom ldan 'das rnams kyis
335b4 sangs rgyas kyi ye shes chags pa mi mnga' bas ji ltar mkhyen pa de lta bus bdag gis dge ba'i rtsa ba gtang ngo / /sems can thams cad lag na rin po che dang ldan par gyur cig /nam mkha'i
335b5 mdzod dang longs spyod zad mi shes pa dang / bsod nams zad mi shes pa dang / chos zad mi shes pa dang / ye shes zad mi shes pa dang / spob pas zad mi shes pa dang / bla na med pa yang dag
335b6 par rdzogs pa'i byang chub mngon par rdzogs par byang chub pa dang / thams cad mkhyen pa'i ye shes thob par gyur cig /bdag gi dge ba'i rtsa ba sems can thams cad la stsal ba las byung ba'i
335b7 bsod nams gang yin pa de dag thams cad gcig tu bsdus gzhal bzlums te/ bla na med pa yang dag par rdzogs pa'i byang chub tu yongs su sngo'o/ /dge ba'i rtsa ba 'dis bdag dang
335b8 sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang thogs par gyur cig /ji ltar sngon gyi
336a1 byang chub sems dpa' sems dpa' chen po de dag gis byang chub kyi phyir spyod pa na thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngos pa de bzhin
336a2 du bdag gis kyang thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngo'o/ /dge ba'i rtsa ba 'dis bdag dang / sems can thams cad bla na med pa yang dag par
336a3 rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang thob par gyur cig /ji ltar ma 'ongs pa'i dus kyi byang chub sems dpa' sems dpa'
336a4 chen po de dag byang chub kyi phyir spyod pa na thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su sngo bar 'gyur ba de bzhin du bdag gis kyang thams cad mkhyen pa nyid du 'gyur
336a5 bar bgyi ba'i slad du dge ba'i rtsa rnams yongs su bsngo'o/ /dge ba'i rtsa ba 'dis bdag dang / sems can thams cad bla na med pa yang dag par rdzogs pa'i byang chub mngon par rdzogs par
336a6 'tshang rgya bar gyur cig /thams cad mkhyen pa'i ye shes kyang thob par gyur cig /ji ltar da lta na da ltar byung ba'i byang chub sems dpa' sems dpa' chen po de dag byang chub kyi phyir spyod pa
336a7 na thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su sngo ba de bzhin du bdag gis kyang thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su
336a8 bsngo'o/ /dge ba'i rtsa ba 'dis bdag dang sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /
336b1 thams cad mkhyen pa'i ye shes kyang thob par gyur cig /ji ltar bcom ldan 'das de bzhin gshegs pa shAkya thub pa des byang chub kyi snying po la bzhugs te/ sangs rgyas kyi
336b2 ting nge 'dzin bsam gyis mi khyab pa dri ma med pa shin du dkar ba la bzhugs nas bdud sdig can bcom ste/ shes par bgyi ba dang / blta bar bgyi ba dang / rtogs par
336b3 par bgyi ba dang / mngon par rdzogs par byang chub par bgyi ba gang ci yang rung ste/ de thams cad nam gyi tho rangs skye reng 'char kar skad cig gcig dang ldan pa'i shes rab kyis
336b4 bdud rtsi brnyes te/ 'chi ba med par 'gro ba'i lam mngon par rdzogs par sangs rgyas pa de bzhin du bdag dang sems can thams cad kyang bla na med pa yang dag par rdzogs pa'i byang chub
336b5 mngon par rdzogs par 'tshang rgya bar gyur cig /thams cad mkhyen pa'i ye shes kyang thob par gyur cig /ji ltar bcom ldan 'das de bzhin gshegs pa 'od dpag med dang / 'od
336b6 mchog dang / 'od dge dang / bsod nams 'od dang / mi 'khrugs pa dang / seng ge dang / 'od zer brgya pa dang / 'od zer mtho dang / 'od dra ba can dang / rin chen
336b7 'od 'phro dang / 'od 'bar dang / snang ba'i rgyal po dang / shin du brgyan dang / rin chen tog dang / chos kyi rgyal mtshan dang / yan lag mchog de bzhin
336b8 gshegs pa dgra bcom pa yang dag par rdzogs pa'i sangs rgyas de dag dang / sangs rgyas bcom ldan 'das gzhan dag gis bla na med pa yang dag par rdzogs pa'i byang chub
337a1 mngon par rdzogs par sangs rgyas nas ji tsam du skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams
337a2 kyi don dang / sman pa dang / bde ba'i slad du chos kyi 'khor lo rab tu bskor ba de bzhin du bdag dang / sems can thams cad kyang bla na med pa yang dag par rdzogs pa'i byang chub mngon par rdzogs par sangs rgyas
337a3 nas skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du chos kyi
337a4 'khor lo rab tu skor bar shog shig ces brjod par bya'o/ /shA ri'i bu 'di ni yongs su bsngo ba'i phung po ste/ bsod nams kyi phung po snga ma bas yongs su bsngo ba'i phung po 'di'i brgya'i char yang nye bar mi 'gro
337a5 ba nas dpe'i bar du yang mi bzod do/ /shA ri'i bu rigs kyi bu 'am/ rigs kyi bu mo gang la la zhig mdo 'di len tam/ kun chub par byed dam/ 'dzin tam/ klog gam/ gzhan dag la yang
337a6 rgya cher yang dag par rab tu ston na de ni bsod nams kyi phung po ches mang du grangs med dpag tu med pa skyed do/ /shA ri'i bu stong gsum gyi stong chen po'i 'jig rten gyi khams kyi sems can ji snyed pa de dag thams cad
337a7 snga phyi med par mi'i lus thob par gyur la/ snga phyi med par mi'i lus thob nas kyang rang byang chub thob par gyur te/ de dag la rigs kyi bu 'am/ rigs kyi bu mo la la zhig gis bsti stang dang / phu dud du bya ba'i phyir
337a8 gos dang / zas dang / mal cha dang / na ba'i gsos sman dang / yo byad rnams kyis ji srid 'tsho'i bar du bsnyen bkur byas te/ rim gro bya ba lan cig cing yang rin po che'i phung po ri rab tsam gyi rin po che rnams
337b1 yongs su zad par byas la/ yongs su mya ngan las 'das nas kyang de dag gi mchod rten rin po che sna bdun te/ gser dang / dngul dang / mu tig dang / bai dUr+ya dang / shel dang / spug dang / mu tig dmar po
337b2 las 'phang du dpag tshad bcu pa byas te/ de dag la gdugs dang / rgyal mtshan dang / ba dan dang / ba dan phra mo rnams kyis mchod pa byas na shA ri'i bu 'di ji snyam du sems/ rigs kyi bu 'am/ rigs
337b3 kyi bu mo gzhi de las bsod nams mang du skyed dam/ gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/
337b4 shA ri'i bu rigs kyi bu 'am/ rigs kyi bu mo gang mdo 'dzin tam/ kun chub par byed dam/ 'don par byed dam/ klog gam/ skye bo mang po la yang dag par rab tu ston tam/ bla na med pa yang dag
337b5 par rdzogs pa'i byang chub tu smon lam 'debs na de ni de bas bsod nams ches mang du skyed de/ bsod nams kyi phung po snga mas bsod nams kyi phung po 'di'i brgya'i char yang nye bar mi 'gro ba nas dpe'i
337b6 bar du yang mi bzod do/ /de ci'i phyir zhe na/ shA ri'i bu 'di ltar rigs kyi bu 'am/ rigs kyi bu mo sgrub pa 'di la gnas nas phyogs bcu'i 'jig rten gyi khams kyi sangs rgyas bcom ldan 'das
337b7 rnams la chos kyi 'khor lo bskor bar bskul ba'i phyir ro/ /shA ri'i bu sbyin pa rnams kyi nang na ni 'di lta ste/ chos kyi sbyin pa ni mchog ces ngas bshad do/ /de nas 'khor de las
337b8 srog chags khri stan las langs te/ so so nas bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas
338a1 bcom ldan 'das la 'di skad ces gsol to/ /bcom ldan 'das bdag cag gis mdo sde 'di gzung bar bgyi'o/ /gzhan dag la yang rgya cher yang dag par bstan par bgyi'o/ /bsgrub pa la
338a2 gnas par bgyi'o/ /de ci'i slad du zhe na/ bcom ldan 'das bdag cag ni dge ba'i chos de lta bu dag gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal zhing don du gnyer
338a3 ba lags so/ /de nas lha'i dbang po brgya byin gyis bcom ldan 'das dang / chos kyi rnam grangs 'di la lha'i me tog man dA ra bas mngon par gtor to/ /mngon par gtor nas kyang tshig 'di skad ces bcom
338a4 ldan 'das chos kyi rnam grangs 'di ni byang chub sems dpa' rnams kyi dge ba'i rtsa ba bskrun pa dang / las kyi sgrib pa rgyun gcod pa'i gces spras bgyid pa lags so/ /bcom ldan 'das kyis bka' stsal pa/
338a5 de de bzhin no/ /kau shi ka de de bzhin te/ de ci'i phyir zhe na/ lha'i dbang po ngas mngon par shes te/ 'di nas bskal pa grangs med pa'i yang ches grangs med par gyur pa na bcom ldan 'das de bzhin gshegs pa dgra
338a6 bcom pa yang dag par rdzogs pa'i sangs rgyas 'od zer gyi phung po chen po zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kho lo sgyur ba bla na med pa/ lha
338a7 dang / mi rnams kyi ston pa/ sangs rgyas bcom ldan 'das 'jig rten du byung ngo / /lha'i dbang po de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po de'i tshe'i tshad ni lo bye ba
338a8 phrag drug cu thub par gyur to/ /de'i nyan thos thog mar 'dus pa ni bye ba phrag 'bum yod de/ thams cad kyang dgra bcom pa zag pa zad pa sha stag go/ /de'i nyan thos 'dus pa gnyis pa ni bye ba brgya stong
338b1 phrag dgu bcu rtsa brgyad yod de/ thams cad kyang dgra bcom pa zag pa zad pa sha stag go/ /de'i nyan thos 'dus pa pa gsum pa ni bye ba brgya stong phrag dgu bcu rtsa dgu yod de/ thams cad kyang dgra
338b2 bcom pa zag pa zad pa sha stag go/ /lha'i dbang po de nas de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po de lha dang bcas pa'i 'jig rten dang / tshangs pa
338b3 dang bcas pa dang / dge sbyong dang / bram zer bcas pa'i skye dgu'i don gyi phyir rgyu'o/ /lha'i dbang po de'i tshe bud med gang gA'i lha mo zhes bya ba zhig 'khor 'dus pa de nyid kyi nang du 'dus par gyur te/ 'dug pa des
338b4 chos kyi rnam grangs 'di bcom ldan 'das de bzhin gshegs pa 'od zer gyi phung po chen po las mngon sum du bzung / kun chub par byas/ blangs nas skye bo mang po la yang dag par bstan te/ bla na med
338b5 pa yang dag par rdzogs pa'i byang chub la yang dag par zhugs par gyur to/ /de de nas shi 'phos nas bud med kyi lus spangs te/ skyes pa'i dbang po thob nas rtag par rgyun du lha dang /
338b6 mi rnams kyi nang du skyes te/ lan brgyad khri bzhi stong du 'khor los rgyur ba'i rgyal po byas nas de bzhin gshegs pa rin chen 'od 'phro zhes bya bar gyur to/ /kau shi ka 'di nas shar phyogs na
338b7 sangs rgyas kyi zhing bye ba stong phrag brgya na chos ston ste/ ngas da lta na yang mthong / /kau shi ka su dag bcom ldan 'das de bzhin gshegs pa dgra bcom pa yang dag par rdzogs pa'i
338b8 sangs rgyas rin chen 'od 'phro de'i ming thos pa de dag thams cad yongs su mya ngan las 'das par nges par 'gyur ro/ /bud med gang la la zhig gis de bzhin gshegs pa dgra bcom pa yang
339a1 dag par rdzogs pa'i sangs rgyas rin chen 'od 'phro de'i ming thos sam/ 'chi kar yang mngon sum du byed na de nyid de'i bud med kyi lus kyi tha ma yin no/ /lha'i dbang po de ltar
339a2 chos kyi rnam grangs 'di byang chub sems dpa' sems dpa' chen po rnams kyi dge ba'i rtsa ba sgrub pa dang / las kyi sgrib pa rgyun gcod pa'i gces spras byed pa yin no/ /de nas bcom ldan
339a3 'das la lha'i dbang po brgya byin gyis 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ de skad ces gsol
339a4 pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de'i phyir chos kyi rnam grangs 'di las kyi sgrib pa rgyun gcod pa zhes bya bar zung shig /
339a5 'di ni byang chub sems dpa'i sde snod ces bya bar yang zung shig /'di som nyi gcod pa zhes bya bar yang zung shig /bcom ldan 'das kyis de skad ces bka' stsal nas/ lha'i
339a6 dbang po brgya byin dang / tshe dang ldan pa shA ri'i bu dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis
339a7 gsungs pa la mngon par bstod do/ /'phags pa las kyi sgrib pa rgyun gcod pa zhes bya ba theg pa chen po'i mdo rdzogs so// // rgya gar gyi mkhan po 'dzi na mi tra dang /
339a8 dA na shI la dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis bcos shing gtan la phab pa/ ge'o/ /bkra shis/ /
CLOSE WINDOW