བོད་ཡིག |
311b4 / @#/ /rgya gar skad du/ Ar+ya karma A ba ra Na bi shud d+ha nA ma ma hA yA na sU tra/ bod skad du/
311b5 'phags pa las kyi sgrib pa rnam par dag pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yangs pa can gyi a mras bsrungs pa'i tshal na/ dge
311b6 slong lnga brgya tsam gyi dge slong gi dge 'dun chen po dang thabs gcig tu bzhugs te/ byang chub sems dpa' sems dpa' chen po sum khri nyis stong la 'di lta ste/ byang chub sems dpa' sems dpa' chen po nga rgyal
311b7 rnam par 'joms dang / 'od kyis rnam par rtse ba mngon par shes pa dang / me tog dam pa lta bu dang / 'od zer rab tu 'gyed pa'i rgyal po dang / rtag tu bu don ltar bris pa'i lus can dang / som nyi thams cad mgu byed
311b8 dang / rin chen bkod pa'i rgya mtsho blo gros dang / me tog sna tshogs gnas dang / sgra dbyangs rnam par dag pa'i rgyal po dang / 'od zer rgyal po'i sgron ma dang / dpal gyi snying po'i gser 'od dang / dbang po dang / yul
312a1 thams cad rab tu 'dul ba dang / sgra dbyangs mngon par sgrogs pa'i rgyal po dang / gzi brjid yid 'ong kun bsdus dang / byang chub sems dpa' sems dpa' chen po 'jam dpal gzhon nur gyur pa dang / de dag
312a2 la sogs pa byang chub sems dpa' sems dpa' chen po sum khri nyis stong dang yang thabs gcig go/ /de nas de'i tshe dge slong dri med 'od ces bya ba yangs pa can gyi grong khyer chen por bsod snyoms kyi phyir rgyu ste/ mthar chags
312a3 su bsod snyoms kyi phyir rgyu ba na khyim gyi rgyus mi shes pas smad 'tshong ma'i khyim zhig tu song ngo / /dge slong de smad 'tshong ma'i khyim gyi nang du song ma thag tu smad 'tshong ma des bdag dge slong 'di dang mi nyal du mi gtong ngo / /
312a4 gal te ma grub na ni bdag 'chi bar 'gyur ro snyam du de la 'dod chags kyi sems bskyed do/ /des dge slong de nang du 'ongs ma thag tu sgo bcad nas dge slong de la 'di skad ces smras so/ /bdag dang lhan cig tu mi nyal du mi rung
312a5 ngo / /gal te ma nyal na ni kho mo 'chi bar 'gyur ro zhes smras so/ /de nas dge slong dri med 'od kyis smad 'tshong ma de la 'di skad ces smras so/ /sru mo kho bos ni sangs rgyas kyi bslab pa chen po bcas pa la bslab dgos te/
312a6 'khrig pa'i chos byed mi phod kyis thong shig /kho bo ni shi yang sla yi 'khrig pa'i chos ni mi byed do zhes smras so/ /de nas smad 'tshong ma de 'di snyam du sems te/ bdag gis gsang sngags dang / sman gang gis dge slong 'di
312a7 'dug nas gdon mi za bar bdag dang lhan cig tu dga' ba nyams su myong bar 'gyur ba'i gsang sngags dang / sman dag dge slong 'di la sbyin gor ma chag go snyam mo/ /de nas des dge slong de la smras pa/ bdag kyang sangs
312a8 rgyas kyis bcas pa'i bslab pa gzhig pa 'am nyams par ni bgyi bar mi 'tshal gyis/ thugs brtse ba'i slad du bsod snyoms bzhes shig ces byas nas de nang du song ste/ rig sngags dang gsang sngags stobs
312b1 bskyed pa dag gis zas de la sngags nas dge slong de'i lhung bzed kyi nang du blugs so/ /zas blugs ma thag tu dge slong de de'i mod la tshul bzhin ma yin pa'i rnam par rtog pa skyes te/ de kun du rtog cing shas cher gdung
312b2 ba skyed do/ /de nas smad 'tshong ma des dge slong de'i bzhin gyi mdog gyur par mthong nas lag pa g.yas pas dge slong de bzung ste/ mal du khrid nas de dang lhan cig tu nyal po byed do/ /de nas dge slong de smad 'tshong
312b3 ma de dang lhan cig tu dga' ba'i rtsed mo de nyams su myong nas bsod snyoms de blangs te/ gtsug lag khang du song nas khyim bdag ni tshul khrims kyi phung po chen po las nyams par gyur gyis/ bdag tshul khrims nyams
312b4 pas dad pas byin pa longs spyod pa'i 'os ma yin te/ bdag ni sems can dmyal ba chen por ltung bar 'gyur ro snyam nas de dge slong grogs po rnams kyi thad du 'ongs nas bdag ni tshul khrims 'chal par gyur te/ dge
312b5 sbyong ma yin par gyur pas bdag ni sems can dmyal bar ltung bar 'gyur ro zhes smras so/ /dge slong grogs po de dag gis de la 'di skad ces smras so/ /khyod ci'i phyir tshul khrims 'chal par gyur/ des kyang de dag
312b6 la ji ltar gyur pa bzhin du bsnyad do/ /de nas dge slong grogs po de dag gis dge slong dri med 'od la 'di skad ces smras so/ /tshe dang ldan pa dri med 'od byang chub sems dpa' sems dpa' chen po 'jam dpal gzhon nur
312b7 gyur pa zhes bya ba nyes pa thams cad las 'byin pa la mkhas pa/ sgrib pa thams cad las sel ba la mkhas pa/ mi skye ba'i chos la bzod pa thob pa/ bcom ldan 'das kyis kyang bstod cing bsngags la snyan par
312b8 brjod pa yod kyis tshe dang ldan pa tshur shog /'o bu cag 'jam dpal gzhon nur gyur pa ga la ba der 'dong ngo / /des ni khyod kyi 'gyod pa de bsal nus so/ /de nas dge slong dri med 'od de zas de ma zos par dge slong
313a1 grogs po de dag dang lhan cig tu 'jam dpal gzhon nur gyur pa ga la ba der dong ste lhags nas/ 'jam dpal gzhon nur gyur pa dang lhan cig tu mngon du yang dag par mgu ba dang / yang dag par dga' bar
313a2 'gyur ba'i gtam rnam pa sna tshogs byas nas/ 'jam dpal gzhon nur gyur pa la ji ltar gyur pa de bsnyad do/ /de skad smras pa dang / 'jam dpal gzhon nur gyur pas dge slong dri med 'od de la 'di skad ces smras so/ /
313a3 dge slong khyod zas 'di je zo shig dang / zas zos zin pa'i 'og tu bcom ldan 'das la zhus te/ bcom ldan 'das kyis ji skad lung bstan pa'i don bzhin du gzung bar bya'o/ /de nas dge slong dri med 'od dang / dge
313a4 slong de dag zan zos zin pa'i 'og tu 'jam dpal gzhon nur gyur pa dang lhan cig tu bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la
313a5 lan gsum bskor ba byas nas phyogs gcig tu 'khod do/ /de nas dge slong dri med 'od ngo tsha ste bcom ldan 'das la gsol ma nus so/ /de nas 'jam dpal gzhon nur gyur pa stan las langs te/ bla gos phrag pa
313a6 gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas bcom ldan 'das la ji ltar gyur pa de thams cad gsol to/ /de skad ces gsol nas
313a7 bcom ldan 'das kyis dge slong dri med 'od de la 'di skad ces bka' stsal to/ /dge slong khyod kyis de lta bu byas pa bden nam/ gsol pa/ bcom ldan 'das de mad lags so/ /bcom ldan 'das kyis bka' stsal pa/
313a8 dge slong khyod kyis ci bdag gis 'dod chags spyad do snyam du snga nas bsams sam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ dge slong 'dod chags yid la byed pa ma
313b1 skyes par khyod kyis 'dod chags ji ltar spyad/ gsol pa/ bcom ldan 'das bdag gi 'dod chags kyi sems ni slad kyis skyes lags so/ /bka' stsal pa/ dge slong sems des khyod kyi 'dod chags spyad dam/
313b2 gsol pa/ bcom ldan 'das de ni ma lags so/ /bcom ldan 'das kyis bka' stsal pa/ dge slong ci sems kun nas nyon mongs pas sems can rnams kun nas nyon mongs pa can du 'gyur la/ sems rnam par dag
313b3 pas rnam par dag par 'gyur ro zhes ngas chos ma bstan tam/ gsol pa/ bcom ldan 'das de ni de lta lags so/ /bcom ldan 'das kyis bka' stsal pa/ dge slong ji snyam du sems/ ci khyod kyis gnyid log pa'i rmi
313b4 lam na kun du rtog pa'i tshe 'dod chags spyad pa myong ngam/ gsol pa/ bcom ldan 'das myong lags so/ /bcom ldan 'das kyis bka' stsal pa/ dge slong sems kyis 'dod chags spyad par khyod kyis mi shod dam/
313b5 gsol pa/ bcom ldan 'das de ni de lta ma lags so/ /bcom ldan 'das kyis bka' stsal pa/ dge slong ci khyod kyis rmi lam gyi sems dang / gnyid ma log pa'i sems 'di la bye brag dang tha dad du bya ba zhig yod par
313b6 mthong ngam/ gsol pa/ bcom ldan 'das bdag gis ni rmi lam gyi sems sam/ gnyid ma log pa'i sems la tha dad du bgyi ba cung zad kyang ma mthong lags so/ /bcom ldan 'das kyis bka' stsal pa/ dge
313b7 slong 'di ji snyam du sems/ chos thams cad ni rmi lam lta bu'o zhes ngas ma bstan tam/ gsol pa/ bcom ldan 'das de ni de lta lags so/ /bcom ldan 'das kyis bka' stsal pa/ dge slong 'di ji snyam du
313b8 sems/ ci rmi lam de yang dag pa yin nam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ dge slong 'di ji snyam du sems/ ci rmi lam gyi sems gang yin pa dang /
314a1 gnyid ma log pa'i sems gang yin pa 'di gnyis med pa ma yin nam/ gsol pa/ bcom ldan 'das ma mchis lags so/ /bde bar gshegs pa ma mchis lags so/ /bcom ldan 'das kyis
314a2 bka' stsal pa/ dge slong 'di ji snyam du sems/ ci med pa de gang zhig na yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ dge slong 'di ji snyam du sems/ ci med pa gang
314a3 yin pa de la skye ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ dge slong ji snyam du sems/ ci skye ba med pa skye ba 'am/ 'gags pa 'am/ kun nas nyon mongs
314a4 pa can nam/ rnam par byang bar 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ dge slong 'di ji snyam du sems/ ci skye ba med pa'i chos rnams sems can dmyal
314a5 bar 'gro bar 'gyur ram/ dud 'gro'i skye gnas sam/ gshin rje'i 'jig rten du 'gro bar 'gyur ram/ gsol pa/ bcom ldan 'das skye ba ma mchis pa nyid kyang ma mchis pa lags na/ ngan 'gror mchi bar 'gyur ba lta ga la mchis/
314a6 bcom ldan 'das kyis bka' stsal pa/ dge slong chos thams cad ni de ltar 'od gsal ba yin na byis pa so so'i skye bo rnams ni yang dag pa ma yin pa'i chos rnams la brtags/ phyin ci log la brtags/ gsob dang / gsog lta
314a7 bu'i chos thams cad la brtags pas/ sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ro/ /dge slong gzhan yang chos thams cad ni yang dag pa ma yin pa ste/ rnam par bsgrubs
314a8 nas nye bar gnas pa'i mtshan nyid do/ /dge slong chos thams cad ni sbyar ba ste/ 'dod chags dang / zhe sdang dang / gti mug rnams kyang byis pa so so'i skye bo de dag gis kun nas bskyed pa yin no/ /dge slong chos thams cad ni
314b1 brtags pa ste/ phyin ci log las byung ba yin no/ /dge slong chos thams cad ni med pa ste/ smig rgyu lta bu'i ngo bo nyid yin no/ /dge slong chos thams cad ni ya ma brla ste nam mkha' dang 'dra'o/ /dge slong chos thams cad
314b2 ni dngos po dang bral ba'i phyir dngos po med pa'o/ /dge slong chos thams cad ni nam mkha' ltar zab pa'i phyir zab pa'o/ /dge slong chos thams cad ni dngos po mi dmigs pa'i phyir yangs pa'o/ /dge slong chos thams cad
314b3 ni shin du dben pa'i phyir mi gnas pa'o/ /dge slong chos thams cad ni yul thams cad gsog yin pa'i phyir mi rten pa'o/ /dge slong chos thams cad ni shin du gsog yin pa'i phyir rtsa ba med pa'o/ /dge slong chos
314b4 thams cad ni nyon mongs pa mi dmigs pa'i phyir kun nas dkris pa med pa'o/ /dge slong chos thams cad ni rang bzhin gyis ma skyes pa'i phyir yongs su gdung ba med pa'o/ /dge slong chos thams cad ni chos dben
314b5 pa'i phyir sgrib pa med pa'o/ /dge slong chos thams cad ni rang bzhin gyis ldang ba med pa'i phyir zhe sdang med pa'o/ /dge slong chos thams cad ni rang bzhin gyis 'od gsal ba'i phyir gti mug med pa'o/ /dge slong
314b6 chos thams cad ni mig yor lta bu ste rnam par smin pa med pa'o/ /dge slong chos thams cad ni log par snang ba'i phyir sgyu ma lta bu'o/ /dge slong chos thams cad ni yang dag pa ma yin par kun du brtag pa'i phyir
314b7 gnas pa med pa'o/ /dge slong chos thams cad ni byis pa so so'i skye bo rnams kyis med bzhin du sgro btags pa'i phyir rnam par rmongs par byed pa'o/ /dge slong chos thams cad ni rkyen phan tshun 'gal ba'i phyir
314b8 skye ba med pa'o/ /dge slong chos thams cad ni lam chad pa'i phyir chags pa med pa'o/ /dge slong chos thams cad ni nyon mongs pa yang dag pa ma yin pa'i phyir nyon mongs pa med pa'o/ /dge slong chos thams cad ni
315a1 nam mkha' ltar yongs su dag pa'i phyir dri ma med pa'o/ /dge slong chos thams cad ni ci las kyang dben pa'i phyir ci yang ma yin pa'o/ /dge slong chos thams cad ni ngo bo nyid kyis ma skyes pa'i phyir dul ba'o/ /
315a2 dge slong chos thams cad ni sngon gyi mtha' dang / phyi ma'i mtha' dang / dbus yongs su bcad pa'i phyir mi bden pa'o/ /dge slong chos thams cad ni gcig la gcig rgyur 'gyur ba med pa'i phyir grol ba'o/ /dge slong chos thams
315a3 cad ni rtswa dang shing dang / brtsigs pa dang / bong ba 'dra ba'i phyir bems po yin no/ /dge slong chos thams cad ni nam mkha' dang tshul 'dra ba'i phyir ngo bo med pa'o/ /dge slong chos thams cad ni chags pa med pa'i phyir mnyam
315a4 pa'o/ /dge slong chos thams cad ni nam mkha'i lus dang / chang pa stong pa dang 'dra ba'i phyir gzung du med pa'o/ /dge slong chos thams cad ni ye shes dang ldan pa rnams kyis yongs su btsal ba'i phyir thob pa med pa'o/ /
315a5 dge slong chos thams cad ni dus gsum yongs su dag pa'i phyir dus med pa'o/ /dge slong chos thams cad ni mun par chags pa med pa'i phyir sbyor ba med pa'o/ /dge slong chos thams cad ni sgrib pa las dben pa'i phyir
315a6 zug rngu med pa'o/ /dge slong chos thams cad ni mya ngan las 'das pa dang mtshungs pa'i phyir bde ba'o/ /dge slong chos thams cad ni 'jigs pa dang bral ba'i phyir 'jigs pa med pa'o/ /dge slong chos thams cad ni
315a7 tshu rol mi dmigs pa'i phyir pha rol ma yin no/ /dge slong chos thams cad ni grangs su bgrang ba med pa'i phyir dpag tu med pa'o/ /dge slong chos thams cad ni mtshan ma gsob yin pa'i phyir mtshan ma med pa'o/ /
315a8 dge slong chos thams cad ni smon pa chad pa'i phyir smon pa med pa'o/ /dge slong chos thams cad ni 'du byed brdzun pa'i chos nyid yin pa'i phyir mngon par 'du byed pa med pa'o/ /dge slong chos thams cad ni rnam par rtog pa nye
315b1 bar zhi ba'i phyir spros pa med pa'o/ /dge slong chos thams cad ni gnas dang bral ba'i phyir gnas pa med pa'o/ /dge slong chos thams cad ni rtag tu dang ba'i phyir rnyog pa med pa'o/ /dge slong chos thams cad ni skye ba mi
315b2 dmigs pa dang / skye ba gsob yin pa dang / skye ba gsog yin pa dang / skye ba stong pa yin pa dang / skye ba zhi ba yin pa'i phyir yongs su mya ngan las 'das pa'o/ /dge slong de'i phyir chos 'di dag ni ji skad bstan pa de kho na bzhin te/
315b3 dge slong nga byang chub kyi snying po la 'dug pas ni chos gang gis skye ba 'am/ 'jig pa 'am/ kun nas nyon mongs pa 'am/ rnam par byang ba 'am/ sgrib pa 'am/ kun nas dkres pa 'am/ 'gyod pa 'am/ yid la gcags
315b4 pa'i chos rdul tsam yang mi dmigs so/ /de ci'i phyir zhe na/ dge slong chos thams cad ni rtag tu kun nas nyon mongs pa can ma yin pas rang bzhin gyis yongs su dag pa'i phyir ro/ /de nas dge slong dri med 'od kyis chos kyi rang
315b5 bzhin 'di thos nas tshim zhing mgu la yi rangs te/ rab tu dga' zhing dga' ba dang yid bde ba skyes te/ sgrib pa med par shin du dga' bar gyur nas bcom ldan 'das ga la ba de logs su thal mo sbyar ba btud nas bcom
315b6 ldan 'das la tshigs su bcad de gsol pa/ kye ma kye ma sangs rgyas mthu che ba/ /lhar bcas 'jig rten skyabs ni khyod lags te/ /ma bslabs bzhin du yon tan kun gyis 'phags/ /sdug bsngal kun 'grel
315b7 khyod la phyag 'tshal lo/ /skyabs ma mchis pa rnams kyi skyabs khyod mdzod/ /'dren pa ma mchis rnams kyi 'dren khyod mdzod/ /zhir gyur bde ba'i lam la gnas pa po/ /sangs rgyas mthu chen khyod la phyag 'tshal lo/ /
315b8 khyod ni 'jig rten long ba'i sgron ma lags/ /mig ma mchis pa rnams la mig stsol khyod/ /sems can ma grol rab tu grol mdzad khyod/ /dpa' bo mthu chen khyod la phyag 'tshal lo/ /chags dang sdang la khyod ni chags
316a1 mi mnga'/ /sred la chags rnams sdug bsngal 'grel pa khyod/ /'khor ba'i 'khor lo mi bden thugs su chud/ /ye shes stobs 'phags khyod la phyag 'tshal lo/ /rtog dang rnam rtog rnams kyis
316a2 rtag mi chags/ /ye shes bsam mi khyab pas grol ba po/ /'jig rten gsum mchog dri med nyon mongs grol/ /dri med dag pa'i sems can khyod phyag 'tshal/ /byang chub la ni bdag kyang zhugs bgyis la/ /
316a3 sems can sdug bsngal skyabs ma mchis rnams dgrol/ /'di 'dra'i ye shes bdag gis thob gyur cing / /theg pa dman pas zag pa bas ma gyur/ /bskal pa bye ba khrag khrig bsam yas kyis/ /sdug
316a4 bsngal bas bgyi byang chub yong mi spong / /skar ma'i tshogs kyi nang na dgun zla ltar/ /'jig rten mgon po bdag gis de 'drar mthong / /ji ltar bsam pa dman pa'i mi 'ga' zhig /rgya mtsho chen po'i nang du phyin gyur
316a5 kyang / /rin chen mang po mi len spong bgyid cing / /mching bu'i nor bu blangs nas mchi bar bgyid/ /de bzhin gang dag sangs rgyas rnam 'phrul stobs/ /thos kyang 'dir ni byang chub sems mi skyed/ /byang chub
316a6 spangs nas nyan thos 'tshal ba gang / /de dag ye shes yangs la 'jug mi 'gyur/ /'dir ni mi zhig byis pa'i rang bzhin can/ /rgyal po 'bangs kyis bskor ba mthong gyur kyang / /de ni blon po'i thabs la
316a7 sems bskyed na/ /de yi shes pa yangs ltar mi 'jug ltar/ /de ltar sangs rgyas yon tan che nyid dang / /ye shes rnam par 'phrul pa thos gyur kyang / /shes pa dman pa la ni 'dun skyed pa/ /de ni le lo can
316a8 te sems kyang zhum/ /theg pa dman pas 'jig rten ma chags pa/ /mtshan mo srin bu me khyer snang ba 'dra/ /nyi ma'i gzi brjid kyis ni las bgyid pa/ /snang ba thob nas mun dang bral bar 'gyur/ /sangs rgyas
316b1 sgras ni mtho ris mchi bar 'gyur/ /sangs rgyas sgras ni bzang 'gror mchi bar 'gyur/ /'jig rten 'di na sangs rgyas sgron ma'i mchog /lhar bcas 'jig rten 'di ni snang bar mdzad/ /wa yi khrod na seng ge
316b2 mthong gyur na/ /wa yi skad la 'dun pa skyed pa dang / /seng ge rnam par 'phrul ba spong bgyid cing / /wa yi chos kyi dga' ba skyed pa ltar/ /de bzhin gang dag nyan thos khrod dag tu/ /skyes bu khyu mchog seng ge
316b3 rnam 'phrul mthong / /theg pa dman la dga' ba skyed pa ni/ /de dag phyogs gcig pa yi rdzu 'phrul lags/ /ye shes 'tshal ba'i mis ni dus kun du/ /'jig rten kun du sdug bsngal mang 'grel ba/ /nyan
316b4 thos mang po'i sa min gang lags pa/ /ye shes dam pa mchog ni btsal bar bgyi/ /de nas dge slong dri med 'od kyi tshigs su bcad pa spobs pa smras pa 'di thos nas/ lha'i bu bzhi khri nyis stong bla na med pa
316b5 yang dag par rdzogs pa'i byang chub tu sems bskyed nas/ de dag gis bcom ldan 'das dang / 'jam dpal gzhon nur gyur pa dang / dge slong dri med 'od la me tog man dA ra ba dag gis gtor te/ tshig 'di skad ces
316b6 smras so/ /dge slong legs so legs so/ /'di ltar sangs rgyas kyi byang chub rjes su 'dzin pa 'di ni de bzhin gshegs pa la byas pa gzo ba nyid yin no/ /de nas bcom ldan 'das kyis de'i tshe 'dzum pa
316b7 mdzad do/ /'di ni sangs rgyas bcom ldan 'das rnams kyis chos nyid de/ nam 'dzum pa mdzad pa de'i tshe bcom ldan 'das kyi zhal gyi sgo nas 'od 'phro ba 'di lta ste/ sngon po dang / ser po dang / dmar po dang / dkar po dang /
316b8 btsod ka dang / shel dang / dngul gyi kha dog lta bu kha dog du ma dang / kha dog sna tshogs byung ste/ de dag gis 'jig rten gyi khams mtha' yas mu med pa dag 'od kyis khyab par byas nas/ tshangs pa'i 'jig rten gyi
317a1 bar du song ste/ nyi ma dang zla ba'i 'od kyang mog mog por byas nas phyir log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu mi snang bar gyur to/ /de nas
317a2 tshe dang ldan pa kun dga' bo stan las langs te chos gos phrag pa gcig tu bgos nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das
317a3 la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa mi mdzad na/ 'dzum pa mdzad pa'i
317a4 rgyu gang lags/ rkyen gang lags/ bcom ldan 'das kyis bka' stsal pa/ kun dga' bo dge slong dri med 'od 'dis lhag pa'i bsam pa de lta bus byang chub tu sems bskyed de/ de'i phyir ngas dge slong dri med 'od
317a5 'di bla na med pa yang dag par rdzogs pa'i byang chub tu lung bstan par bya ste/ kun dga' bo dge slong dri med 'od 'di ni ma 'ongs pa'i dus bskal pa bcu 'das pa na sangs rgyas bye ba phrag nyi shu rtsa gnyis la mchod pa
317a6 byed par 'gyur te/ de bzhin gshegs pa dgra bcom pa yang dag par rdzogs pa'i sangs rgyas byams pa las mi skye ba'i chos la bzod pa thob par 'gyur ro/ /bskal pa bzang po'i sangs rgyas bcom ldan
317a7 'das thams cad la yang mchod pa byed par 'gyur te/ de'i 'og tu mngon par byung nas de bzhin gshegs pa yon tan pad ma rnam par grags spyod seng ge'i sgra sgrogs shes bya bar 'gyur ro/ /kun dga' bo de
317a8 bzhin gshegs pa dgra bcom pa yang dag par rdzogs pa'i sangs rgyas yon tan pad ma rnam par grags spyod seng ge'i sgra sgrogs de'i sangs rgyas kyi zhing rin po che sna bdun las grub par 'gyur la/ nyan thos dang
317b1 rang sangs rgyas med de/ byang chub sems dpa' 'ba' shig tu 'du bar 'gyur ro/ /sangs rgyas kyi zhing der yang phyir mi ldog pa'i 'khor lo zhes bya ba'i chos bstan par 'gyur ro/ /de dag kyang myur ba nyid du bla na
317b2 med pa yang dag par rdzogs pa'i byang chub mngon par rdzogs par 'tshang rgya bar 'gyur te/ sangs rgyas kyi zhing yang ye shes kyi khyad par gyis yongs su sbyang bar 'gyur ro/ /'jig rten gyi khams de yang rnam grags
317b3 mtha' yas ldan zhes bya bar 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo 'di lta ste dper na nyi ma shar ba na mun pa thams cad med par 'gyur ro/ /
317b4 kun dga' bo de bzhin du gang dag gis chos kyi rnam grangs 'di thos pa de dag gis kun nas snang ba thob par 'gyur te/ chos thams cad la yang sgrib pa med pa thob par 'gyur ro/ /de nas bcom ldan 'das la tshe dang
317b5 ldan pa kun dga' bos 'di skad ces gsol to/ /bcom ldan 'das ji tsam gyis na sgrib pa dang / sgrib pa ma mchis par 'gyur lags/ bcom ldan 'das kyis bka' stsal pa/ kun dga' bo thong shig gnas 'di
317b6 'dri bas khyod la ci zhig bya/ kun dga' bo gal te de bzhin gshegs pas sgrib pa dang sgrib pa med pa thams cad bshad du zin na lhar bcas pa'i 'jig rten rmongs par 'gyur ro/ /de nas bcom ldan 'das la 'jam
317b7 dpal gzhon nur gyur pas 'di skad ces gsol to/ /bcom ldan 'das sgrib pa dang / sgrib pa ma mchis pa gang thos na/ byang chub sems dpa' rnams lnga brgya pa tha ma la bab pa'i tshe/ 'jig rten pa'i chos
317b8 rnams la 'dod pa skyed pa mi 'gyur bar de bshad du gsol/ /bcom ldan 'das kyis bka' stsal pa/ 'jam dpal sgrib pa zhes bya ba la 'dod chags ni sgrib pa'o/ /zhe sdang ni sgrib pa'o/ /gti mug ni sgrib pa'o/ /
318a1 sbyin pa ni sgrib pa'o/ /tshul khrims ni sgrib pa'o/ /bzod pa ni sgrib pa'o/ /brtson 'grus ni sgrib pa'o/ /bsam gtan ni sgrib pa'o/ /shes rab ni sgrib pa'o/ /sangs rgyas su 'du shes pa ni
318a2 sgrib pa'o/ /chos su 'du shes pa ni sgrib pa'o/ /dge 'dun du 'du shes pa ni sgrib pa'o/ /stong pa nyid du 'du shes pa ni sgrib pa'o/ /mtshan ma med par 'du shes pa ni sgrib pa'o/ /smon pa med par 'du shes pa ni
318a3 sgrib pa'o/ /mngon par 'du byed pa med par 'du shes pa ni sgrib pa'o/ /skye ba med par 'du shes pa ni sgrib pa'o/ /byang chub tu 'du shes pa ni sgrib pa'o/ /'jam dpal mdor na kun nas nyon mongs pa 'am/
318a4 rnam par byang bar dmigs pa de dag thams cad ni de'i sgrib pa yin par blta bar bya'o/ /'jam dpal gyis gsol pa/ bcom ldan 'das sbyin pa ji ltar sgrib pa lags/ tshul khrims dang / bzod pa dang /
318a5 brtson 'grus dang / bsam gtan dang / shes rab ji ltar sgrib pa lags/ bcom ldan 'das kyis bka' stsal pa/ 'jam dpal chos thams cad la ni sgrib pa med mod kyi/ 'on kyang byis pa so so'i skye
318a6 bo rnams kyi rang gi rtog pas sbyin pa yang sgrib pa'i bya ba byed do/ /tshul khrims dang / bzod pa dang / brtson 'grus dang / bsam gtan dang / shes rab kyang sgrib pa'i bya ba byed do/ /de ci'i phyir zhe na/ 'jam
318a7 dpal byis pa so so'i skye bo rnams ni sbyin pa sbyin pa na/ sems can ser sna can rnams la ma dad par byed de/ de dag ma dad pa des khong khro ba dang / tha ba'i nyes pa skyed par byed do/ /khong khro ba dang / tha ba'i
318a8 nyes pas sems can dmyal bar ltung bar 'gyur ro/ /de dag tshul khrims srung ba na tshul khrims 'chal pa la smod cing brnyas par byed la bsngags pa ma yin pa rjod do/ /de dag las de dag gi bsngags
318b1 pa ma yin pa thos pas so so'i skye bo mang po dag ma dad par byed de/ de dag ma dad pa des ngan 'gror 'gro bar 'gyur ro/ /de dag bzod pa sgom pa na bdag cag ni bzod par smra ba yin gyi gzhan 'di dag gnod sems
318b2 kyi sems dang ldan pa yin no zhes bzod pa'i rgyags pas myos pa de dag bag med pa'i gzhi las byung ba'i sdug bsngal rnams skyed par 'gyur ro/ /de dag brtson na bdag cag ni bzang par smra ba yin gyi gzhan 'di
318b3 dag gnong sems kyi sems dang ldan pa yin no zhes bzod pa'i rgyags pas myos pa de dag bag med pa'i gzhi las byung ba'i sdug bsngal rnams skyed par 'gyur ro/ /de dag brtson 'grus rtsom pa na bdag sgrogs
318b4 shing dge slong 'di dag ni le lo can du gnas pa yin te/ brtson pa med par dad pas byin pa longs spyod par byed do/ /de dag gis ni chu ra'i chu yang longs spyod par mi 'os so snyam ste/ de dag brtson 'grus rtsom pas
318b5 bdag la ni bstod par byed/ gzhan la ni smod par byed de/ de dag ni byis pa yin zhes nga smra'o/ /de dag bsam gtan la snyoms par 'jug pa na/ bsam gtan gyi dga' ba de la chags pa skyed par byed cing de dag 'di snyam du
318b6 sems te/ bdag cag ni mnyam par bzhag pas gnas pa yin gyi/ dge slong gzhan 'di dag ni sems g.yengs pas gnas pa yin te/ 'du 'dzi la dga' bas gnas pa yin no/ /'du 'dzi la dga' bas 'di
318b7 dag sangs rgyas su ga la 'gyur te/ 'di dag ni sangs rgyas kyi byang chub las ring ngo snyam mo/ /de dag 'du shes yid la byed pa des ji tsam du brnyas par gyur pa'i sems skyed par byed pa de snyed kyi bskal par 'khor ba
318b8 yongs su 'dzin par 'gyur ro/ /phyis de dag gis gang du byang chub la spyod pa na gal te de dag mang du thos pa yin du zin kyang de dag gis chos thams cad yi ge med pa la rnam par shes pa yod par brtags te/
319a1 shes rab tu dmigs nas pha rol khyad du gsod par byed pa de dag ni mi shes pa'o zhes nga smra'o/ /mi shes bzhin du smra'o zhes nga smra'o/ /skyes bu dam pa ma yin pa'o zhes nga smra'o/ /rnam par rtog
319a2 pas nyams dma'o zhes nga smra'o/ /gal te de dag theg pa chen po la zhugs par gyur na yang de dag 'di snyam du sems te/ bdag cag ni 'jig rten na gtso bo yin no/ /bdag cag ni 'jig rten na phul yin no/ /
319a3 bdag cag ni 'jig rten na mchog yin no snyam mo/ /gal te de dag gis nyan thos kyi theg pa pa dag mthong na/ de dag la ma dad pa skyed cing smod pa dang / 'phya ba dang / bsngags pa ma yin pa brjod par byed de/ bsam
319a4 pa ngan pa dang / nyes par rjod pa des na ngan 'gror 'gro ba thob par 'gyur ro/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das byang chub sems dpa'
319a5 sangs rgyas kyi chos rnams kyis bsngags pa brjod par mi bgyi lags sam/ bcom ldan 'das kyis bka' stsal pa/ 'jam dpal 'di ji snyam du sems/ ci byang chub sems dpa' sems can thams cad
319a6 la dga' bzhin du blta ba dang / phan pa'i dngos po'i rang bzhin bskyed par mi bya 'am/ 'jam dpal gyis gsol pa/ bcom ldan 'das de ni de lta lags so/ /bcom ldan 'das kyis bka' stsal pa/ 'jam
319a7 dpal 'di ji snyam du sems/ byang chub sems dpa' sems can nyan thos kyi theg pa 'am/ rang sangs rgyas kyi theg pa 'am/ theg pa chen po pa 'ga' tsam yang yongs su spangs sam/ 'jam dpal gyis
319a8 gsol pa/ bcom ldan 'das de ni ma lags te/ byang chub sems dpa' sems can thams cad la sems snyoms pa lags pas byang chub sems dpa' ni sems can 'ga' yang yongs su ma btang
319b1 ba lags so/ /bcom ldan 'das kyis bka' stsal pa/ 'jam dpal 'di lta ste dper na sman pas ni rgyal po 'am/ tshong dpon nam/ khyim bdag gam/ mi dbul po 'am/ sems can 'ga' tsam yang yongs
319b2 su spangs pa med do/ /sman pa de ni 'di ltar sems snyoms pas nye bar gnas pa yin te/ ji ltar byas na sems can 'di dag nad dang bral bar 'gyur zhig gu snyam mo/ /'jam dpal de bzhin du byang chub sems
319b3 dpa' sems dpa' chen po ni sems can thams cad la snying rje 'jug cing sems snyoms pas nye bar gnas pa yin te/ 'di snyam du sems can 'di dag thams cad ji ltar byas na sangs rgyas kyi chos
319b4 rnams la nges par 'byung bar 'gyur zhig gu snyam mo/ /'jam dpal 'di lta ste dper na sman pa ni sman dpyod kyi rgyud rgyun ma chad na/ dga' zhing mgu la yid rangs par 'gyur ro/ /'jam dpal de bzhin du
319b5 byang chub sems dpa' sems dpa' chen po ni sangs rgyas kyi gdung rgyun mi chad na dga' zhing mgu la yid rangs par 'gyur ro/ /'jam dpal sems can thams cad ni sman pa dang 'dra ba ma yin no/ /'jam
319b6 dpal gso bar byed pa'i sman pa ni dkon no/ /'jam dpal de bzhin du sems can thams cad ni sangs rgyas dang 'dra ba ma yin te/ byang chub kyi sems ni dkon no/ /byang chub kyi phyir go cha bgo ba ni sems
319b7 can thams cad kyis mi bzod do/ /dper na le lo can rnams ni bdag gis sman pa bya'o snyam du sman pa'i chos rnams la lhag par dmigs pa med do/ /de bzhin du sems can thams cad ni byang chub
319b8 tu sems bskyed mi nus te/ le los bdag nyid nad par byed do/ /'jam dpal rang byung ni dkon no/ /gzhan la rag las pa ma yin pa'i ye shes ni dkon no/ /sems rgya che ba ni dkon no/ /sangs rgyas kyi
320a1 chos rnams la lhag par dmigs pa ni dkon no/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das ji ltar byang chub sems dpa' chos thams cad
320a2 la sgrib pa ma mchis par rnam par dag par 'gyur lags/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal byang chub sems dpa' chos thams
320a3 cad 'dod chags kyi chos su mthong ba gang yin pa des ni las kyi sgrib pa rnam par dag pa thob par 'gyur ro/ /chos thams cad zhe sdang gi chos su mthong ba des ni las kyi sgrib pa rnam par dag pa thob par 'gyur ro/ /chos
320a4 thams cad gti mug gi chos su mthong ba des ni las kyi sgrib pa rnam par dag pa thob par 'gyur ro/ /'jam dpal gzhan yang byang chub sems dpa' 'dod pa'i yon tan lnga po dag la mngon par dga' zhing mi gtong mi spong la/
320a5 sangs rgyas kyi chos rnams kyang 'dod pa'i ngo bo nyid du mthong ba des ni las kyi sgrib pa rnam par dag pa thob par 'gyur ro/ /'jam dpal gzhan yang byang chub sems dpa' ni sgrib pa lnga po dag gis byang chub tshol bar byed de/
320a6 tshol ba dang byang chub kyang 'thob pa med cing sgrib pa rnams kyang med pa des ni las kyi sgrib pa thams cad rnam par dag pa thob par 'gyur ro/ /'jam dpal gzhan yang byang chub sems dpa' gang kun nas mnar sems kyi
320a7 gzhi dgu po dag la byams pa thob par 'gyur la/ gang la de'i kun nas mnar sems kyi gzhi skye bar 'gyur ba de dang de la tshul bzhin du so sor rtog par byed cing bdag nyid kyang mi dmigs/ gzhan yang mi dmigs/ byams pa
320a8 yang mi dmigs te/ 'di ltar chos thams cad mi dmigs pa de ni byams pa'i mchog yin no/ /de ltar byang chub sems dpa' bzod pa dang ldan pa ni sgrib pa med pa nyid thob par 'gyur ro/ /'jam dpal gzhan yang
320b1 byang chub sems dpa' gang ltung ba la ltung ba med par mthong ba dang / 'dul ba ma yin pa la 'dul bar mthong ba dang / kun nas nyon mongs pa la rnam par byang bar mthong ba dang / 'khor ba'i khams la mya ngan las 'das pa'i
320b2 dbyings su mthong ba des ni las kyi sgrib pa rnam par dag pa thob par 'gyur ro/ /'jam dpal gzhan yang byang chub sems dpa' gang 'dod chags kyi khams la mya ngan las 'das pa'i dbyings su mthong ba dang / zhe sdang gi
320b3 khams la mya ngan las 'das pa'i dbyings su mthong ba dang / gti mug gi khams la mya ngan las 'das pa'i dbyings su mthong ba des ni las kyi sgrib pa rnams par dag pa thob par 'gyur ro/ /'jam dpal gzhan yang
320b4 byang chub sems dpa' sems dpa' chen po gang chos thams cad la sangs rgyas kyi chos su yang dag par mthong ba des ni las kyi sgrib pa rnam par dag pa thob par 'gyur ro/ /'jam dpal gzhan yang byang chub sems
320b5 dpa' gang chos thams cad nam mkha'i gzhi las byung bar mthong ba des ni las kyi sgrib pa rnam par dag pa thob par 'gyur ro/ /'jam dpal gzhan yang byang chub sems dpa' gang ser sna'i chos rnams dang /
320b6 sbyin pa'i chos rnams la gnyis su mi 'byed pa dang / 'chal pa'i tshul khrims kyi chos rnams dang / tshul khrims kyi chos rnams la gnyis su mi 'byed pa dang / gnod sems kyi chos rnams dang / bzod pa'i chos rnams
320b7 la gnyis su mi 'byed pa dang / le lo'i chos rnams dang / brtson 'grus kyi chos rnams la gnyis su mi 'byed pa dang / rnam par g.yengs pa'i chos rnams dang / bsam gtan gyi chos rnams la gnyis su mi 'byed pa
320b8 dang / 'chal pa'i shes rab kyi chos rnams dang / shes rab kyi chos rnams la gnyis su mi 'byed pa des ni las kyi sgrib pa rnam par dag pa thob par 'gyur ro/ 'jam dpal gzhan yang byang chub sems dpa' gang
321a1 nyon mongs pa thams cad la sangs rgyas kyi chos rnams su mos pa des ni las kyi sgrib pa rnam par dag pa thob par 'gyur ro/ /de nas bcom ldan 'das la 'jam dpal gzhon nur gyur pas 'di skad ces
321a2 gsol to/ /bcom ldan 'das byang chub sems dpa' ji ltar nyon mongs pa thams cad la sangs rgyas kyi chos rnams 'jug par bgyid pa lags/ bcom ldan 'das kyis bka' stsal pa/ 'jam dpal 'di ji snyam du
321a3 sems/ chos 'ga' tsam yang chos 'ga' tsam la kun nas nyon mongs pa'i bya ba byed dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'jam dpal 'di ji
321a4 snyam du sems/ chos 'ga' tsam yang chos 'ga' tsam la rnam par byang ba'i bya ba byed dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'jam dpal 'di ji
321a5 snyam du sems/ khyod kyis mi skye ba'i chos la bzod pa ji ltar thob/ 'jam dpal gyis gsol pa/ bcom ldan 'das bdag gis ni nyon mongs pa thams cad la mi skye ba'i chos la bzod pa thob lags so/ /
321a6 de ci'i slad du zhe na/ bcom ldan 'das nyon mongs pa thams cad ni nam mkha'i gzhi las byung ba'i slad du ste/ bcom ldan 'das bdag gis ni chos 'ga' tsam yang yongs su ma 'tshal cing ma spangs la/ ma bsgoms
321a7 shing mngon sum du ma bgyis lags so/ /bcom ldan 'das byis pa so so'i skye bo thams cad ni sangs rgyas kyi chos rnams dang bral ba yang ma lags/ rtogs pa yang ma lags te/ bcom ldan 'das nyon mongs
321a8 pa spang ba'i slad du sangs rgyas kyi chos rnams la dmigs pa de dag ni phongs par 'gyur ba lags so/ /de nas bcom ldan 'das kyis 'jam dpal gzhon nur gyur pa la legs so zhes bya ba byin te/
321b1 'jam dpal gnyis su med pa'i chos la gnas pa bstan pa 'di ni legs so/ /legs so/ /'jam dpal sngon byung ba 'das pa'i dus bskal pa grangs med pa/ gzhal du med pa/ tshad med pa/ bsam gyis mi khyab
321b2 pa/ dpag tu med pa'i pha rol pas kyang ches pha rol du gyur pa de'i tshe de'i dus na/ 'jig rten gyi khams shin du dri ldan zhes bya bar de bzhin gshegs pa dgra bcom pa yang dag par rdzogs pa'i sangs rgyas rig
321b3 pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das nyi ma'i snying po 'od zer dri ma med
321b4 pa zhes bya ba 'jig rten du byung ngo / /'jam dpal de bzhin gshegs pa dgra bcom pa yang dag par rdzogs pa'i sangs rgyas nyi ma'i snying po 'od zer dri ma med pa de'i sku tshe'i tshad ni bskal pa dgu stong thub par gyur
321b5 to/ /'jig rten gyi khams de'i sems can gang yin pa de dag ni dman pa la mos par gyur to/ /rgya chen po la mos pa ni nyung bar gyur to/ /de bzhin gshegs pa de yongs su mya ngan las 'das pa'i dam pa'i chos ni
321b6 lo stong gi bar du gnas par gyur to/ /de'i sku gdung rnams kyang 'di lta ste dper na nga'i sku gdung ji ltar rgyas par 'gyur ba bzhin du rgyas par gyur to/ /'jam dpal de'i tshe dge slong dpas byin zhes bya ba tshul
321b7 khrims kyi phung po la gnas pa/ ngo tsha shes shing bslab pa 'dod pa/ mang du thos pa zhig byung ste/ dge slong de mdzes shing blta na sdug la/ kha dog bzang po rgyas pa mchog dang ldan no/ /de nang par smad g.yogs
321b8 bgos nas lhung bzed dang chos gos blangs te/ grong khyer chen po rnam par rgyal bar bsod snyoms kyi phyir song ngo / /de grong khyer de na bsod snyoms kyi phyir rgyu zhing tshong dpon gyi khyim zhig tu song ba dang / tshong dpon gyi
322a1 khyim de na yang tshong dpon gyi bu mo gzugs bzang zhing mdzes la blta na sdug pa mi la ma btang ba zhig yod do/ /de nas tshong dpon gyi bu mo des dge slong dpas byin mthong nas 'dod chags kyi sems
322a2 skyes te de 'di snyam du sems so/ /gal te bdag gis dge slong dpas byin 'di bdag gi khyim thab tu ma thob na ni bdag 'chi bar 'gyur ro snyam nas su la yang bsnyad ma nus te/ de 'dod chags kyis yongs su gdungs
322a3 pa de nyid kyis nang tu zhugs par gyur to/ /de nas dge slong dpas byin bsod snyoms kyi phyir rgyu ba byas nas gtsug lag khang du song ngo / /bu mo de'i pha yang 'chi ba'i dus byas so/ /de nas bu mo de'i mas bu mo de la
322a4 khyod ci'i phyir 'di ltar na bar gyur ces smras na/ cang mi smra zhing gzas mi za bar 'dug go/ /de nas bu mo de'i ne'u ldangs bde ba dang sdug bsngal mtshungs par spyod pa rnams kyis bu mo de la khyod ci'i phyir 'di ltar na bar gyur
322a5 ces dris so/ /des smras pa/ bdag gis dge slong che ge mo zhig mthong nas/ de la 'dun pa'i 'dod chags skyes te/ bdag dge slong de dang phrad na ni nad 'di las sos par 'gyur ro/ /ci ste phrad par ma gyur na ni 'chi bar 'gyur
322a6 ro/ /de nas bu mo de dag gis bu mo de las thos nas de'i ma la bsnyad do/ /de nas de'i ma 'di snyam du sems te/ gal te dge slong dpas byin dang phrad par ma gyur na ni ci byar yang med kyis bu mo 'di ni 'chi bar 'gyur ro snyam mo/ /
322a7 yang 'di snyam du bsams te/ bdag gis bu mo 'di dge slong dpas byin las lung nod du gzhug gor ma chag go/ /'on tang dge slong dpas byin de khyim 'dir rtag tu 'ong bar 'gyur ro snyam mo/ /de nas dge slong dpas byin
322a8 yang grong khyer rnam par rgyal bar bsod snyoms kyi phyir rgyu zhing tshong dpon gyi khyim der yang bsod snyoms kyi phyir song ste/ de nang du zhugs pa dang / tshong dpon gyi bu mo nyam chung bar gyur pa mthong nas/ des bu mo 'di ci'i phyir
322b1 nyam chung zhing na bar gyur ces smras so/ /bu mo de'i mas smras pa/ bu mo 'di chos nyan par 'dod pa las bdag gis bgegs byas nas de'i phyir 'di na bar gyur to/ /de skad ces smras nas/ dge slong dpas byin des
322b2 bu mo de'i ma la 'di skad ces smras so/ /khyod bu mo 'di chos nyan pa la bgegs ma byed cig /des smras pa/ gal te slob dpon gyis bu mo 'di la lung 'bog na ni bdag bu mo 'di chos nyan pa la bgegs mi bgyid do/ /
322b3 dge slong dpas byin gyis smras pa/ bu mo 'di la bdag gis lung dpog par bya'o/ /bu mo'i mas smras pa/ slob dpon rtag tu khyim 'dir gshegs shig /dpas byin gyis smras pa/ 'ong bar bya'o/ /de nas bu mo des
322b4 dge slong gi tshig thos nas tshul bzhin ma yin pa yid la byed pa de las rtse zhil bar gyur te/ bdag gis kyang ci nas bdag 'dod pa bzhin byed par 'gyur bar chags par 'gyur bar bya'o snyam mo/ /de nas bu mo des dge
322b5 slong de la 'di skad ces smras so/ /bdag la thugs brtse ba'i slad du slob dpon khyim 'dir gshegs par gsol lo/ /de nas dge slong dpas byin des cang mi smra bas khas blangs nas bsod snyoms khyer te gtsug
322b6 lag khang du song ngo / /de nas bu mo de'i mas bu mo de la 'di skad ces smras so/ /bu mo khyod da phyin cad rgyan gyis brgyan par gyis la/ tsan dan gyis lus byug pa dang / gos kha dog sna tshogs bgo bar gyis la ci nas
322b7 khyod kyi dbang du 'gyur ba de bzhin du khyod kyis nan tan byos shig /des kyang de bzhin du nan tan byas so/ /de nas dge slong dpas byin yang dang yang du khyim der 'ong zhing yid brtan par gyur to/ /des rtag tu mthong bas
322b8 bu mo de la 'dod chags kyi sems bskyed de/ de 'dod chags yid la byed pa de dang lhan cig gnas nas 'dod chags kyis kun nas dkris par gyur to/ /de bu mo de dang lhan cig tu shin du 'dres par gnas shing
323a1 'dug par gyur te/ de 'dres shing der mngon par dga' nas yang dang yang du gnas par gyur to/ /de nas dge slong dpas byin de bu mo dang lhan cig tu 'du zhing 'dug 'dug pa sngon bu mo de gang gis blangs
323a2 pa'i khyim thab des thos so/ /dge slong dpas byin de bu mo de dang lhan cig tu yang dang yang du 'dug pa dang / de 'di snyam du sems te/ dge slong dpas byin 'di bdag gis thabs kyis bzung ste gsad do snyam mo/ /dge
323a3 slong dpas byin des kyang bu mo de'i khyim thab kyis bdag gsad par byas shes thos nas/ de 'di snyam du sems te/ bdag gis bu mo 'di'i lag tu gang gis tshong dpon gyi bu de 'chi bar 'gyur ba'i dug bskur gor
323a4 ma chag snyam mo/ /de nas dge slong dpas byin des bu mo de'i lag tu dug byin te/ de la 'di skad ces smras so/ /gal te bdag khyod kyi snying du sdug na ni dug 'dis khyim thab 'di gsod cig /de nas bu mo des dge slong
323a5 de las dug de blangs nas kha zas dang sbyar te bran mo'i lag tu bskur nas khyod song la nga'i khyim thab de la 'di byin ces byas so/ /de nas bran mo des dug dang sbyar ba'i kha zas de tshong dpon gyi bu de la byin no/ /de nas
323a6 tshong dpon gyi bu des kha zas dug dang sbyar ba de zos nas shi'o/ /de nas dge slong dpas byin des tshong dpon gyi bu de shi'o zhes thos so/ /thos nas kyang de 'gyod pa chen po skyes te/ bdag gis ni 'jigs su rung ba'i
323a7 las byas so/ /bdag gis ni las mi zad pa byas te/ 'di ltar bdag gis 'dod pa yang yongs su spyad la/ mi yang gsod du bcug na/ bdag gi 'gro ba ni gang yin/ bdag gi tshe phyi ma ni gang yin zhig gu/ bdag
323a8 ni sems can dmyal bar ltung bar 'gyur ro snyam nas de'i lus yongs su gdung bar gyur te/ bdag ni shi nas gdon mi za bar sems can dmyal bar 'gro bar 'gyur ro snyam nas/ de 'di snyam du sems te/ bdag sdug
323b1 bsngal 'di las thar par byed nus pa su zhig yod snyam mo/ /de gtsug lag khang nas gtsug lag khang du 'gro zhing rgyu ste/ shing bcad pa bzhin du sa la sgyel nas/ kyi hud kyi hud bdag ni sems can dmyal ba par gyur
323b2 to zhes tshig tu smra'o/ /de'i tshe gtsug lag khang gangs zhes bya ba zhig yod de/ de gtsug lag khang de ga la bar song ste phyin nas/ gtsug lag khang gi sgor song ste/ sa la sgyel nas kyi hud kyi hud bdag ni sems can
323b3 dmyal ba par gyur to zhes tshig tu smra'o/ /de nas byang chub sems dpa' sems dpa' chen po 'jigs sgrol gtsug lag khang de'i nang du 'gro bas dge slong de sa la sgyel ba mthong nas des de la smras pa/ dge slong
323b4 khyod ci'i phyir sa la sgyel/ des de la smras pa/ bdag ni sems can dmyal ba par gyur to/ /bdag gis ni 'jigs su rung ba'i las byas te/ bdag gis 'khrig pa yang byas la/ mi yang bsad do/ /de nas
323b5 byang chub sems dpa' 'jigs sgrol gyis dge slong dpas byin de la smras pa/ dge slong ma 'jigs shig dang / ngas khyod 'jigs pa med par bya'o/ /de nas dge slong dpas byin des 'jigs pa med pa'i sgra thos nas/
323b6 dga' zhing mgu la yi rangs par gyur to/ /de nas byang chub sems dpa' 'jigs sgrol gyis dge slong dpas byin de sa las bslang nas lag pa g.yas pa nas bzung nas nags stug po zhig gi nang du song nas/ de
323b7 nags stug po der 'dug go/ /de nas byang chub sems dpa' sems dpa' chen po 'jigs sgrol ta la'i srid tsam gyi nam mkha' la 'dug nas dge slong de la 'di skad ces smras so/ /dge slong khyod nga la yid
323b8 ches sam/ de nas dge slong des thal mo sbyar nas tshig tu smras pa/ bdag ni bcom ldan 'das dang mjal to/ /bdag ni bde bar gshegs pa dang mjal to/ /de nas de'i tshe byang chub sems dpa' sems
324a1 dpa' chen po 'jigs sgrol sangs rgyas thams cad kyi yul la 'jug pa'i sgo de bzhin gshegs pa'i ye shes kyi phyag rgya zhes bya ba'i ting nge 'dzin la snyoms par zhugs ma thag tu de'i lus las de bzhin
324a2 gshegs pa'i sku gser gyi mdog can skyes bu chen po'i mtshan sum bcu rtsa gnyis mnga' ba de dag phyung ngo / /de bzhin gshegs pa'i sku de dag gis kyang nags stug po de dag thams cad khyab par gyur te/ de bzhin gshegs pa
324a3 pa'i sku de dag gis gsung 'thun par tshigs su bcad pa dag gsungs so/ /chos rnams 'di dag gzugs brnyan 'dra ba ste/ /chu nang zla ba snang la med pa bzhin/ /byis pa'i sems ni rmongs shing skrag gyur nas/ /'dod
324a4 chags dug dang de bzhin zhe sdang rtog /chos rnams mkha' 'dra rtag tu dag cing gsal/ /mya ngan 'das shing gnas med zhi ba yin/ /'di na tshor ba po dang byed pa med/ /chos rnams 'di dag zhi gsog snying po med/ /nang du btsal
324a5 kyang 'dod chags ma rnyed de/ /zhe sdang sus kyang rnyed par ma gyur na/ /byis pa'i skye bo dag ni chags snyam sems/ /su yang 'di na chags par gyur pa med/ /rmi lam du ni bdag gi gzugs mthong snyam/ /de la chags shing
324a6 sdang la rmongs par gyur/ /mtshon cha thogs shing gsad par gsol pa na/ /gsod pa po dang mtshon cha ci yang med/ /de bzhin 'di na byis pa 'dod pa spyod/ /thab mo dag kyang 'gyed cing gsod par byed/ /gti mug dbang gis
324a7 skrag cing rmongs par gyur/ /bdag ni chags so snyam ste dga' bar 'dzin/ /'jig rten 'di dag thams cad rmi lam bzhin/ /chos rnams gsog ste stong zhing snying po med/ /smig rgyu 'dra zhing sprin dang mtshungs pa ste/
324a8 'dod chags mtshan nyid med cing gti mug zhi/ /chos rnams 'di dag sgra dang brtsig pa bzhin/ /sems ni nang na med cing phyi rol med/ /'dod chags srog dang sems can gso ba min/ /zhe sdang gang zag ma yin dngos po med/ /
324b1 chos rnams 'di dag rkyen dang rgyu las grub/ /sgyu de la ni rmongs shing byed pa med/ /chu zla 'dra bar byas pa ma yin te/ /lus kyang med de 'dod chags gsog yin no/ /sgyu mas bsgrubs pa yin te stong pa nyid/ /byis pa
324b2 dngos por 'dzin pas dpyad cing brtags/ /sgyu ma gsog ste med cing stong pa yin/ /'di na 'dod chags zhe sdang gti mug med/ /chos 'di thams cad mtshan nyid med pa ste/ /rtsa ba mi dmigs gzod nas rab tu zhi/ /
324b3 mtha' ma gzung med dben zhing snying po med/ /'dod chags 'od gsal gti mug rab tu zhi/ /'di na byis pa gzugs brnyan mthong ba na/ /'di ni bdag yin snyam du sems par byed/ /gsog dang gzung du med la yod min
324b4 dang / /snying po med pa de la log par rtog /chos rnams 'di dag mig yor 'dra ba ste/ /'dod chags gti mug zhe sdang gzung du med/ /sgyu ma rmi lam chu zla lta bu ste/ /'di la su yang chags shing spong ba med/ /yul
324b5 'di dag ni dug med stong pa ste/ /dngos por dmigs pa thams cad gzung du med/ /'di dag brtags pa'i chos can yod ma yin/ /dngos po mi dmigs rtsa nas rab tu zhi/ /sgyu ma 'dod chags zhe sdang gti mug med/ /'di
324b6 la nams kyang yod par 'gyur ma yin/ /chos rnams sgyu ma 'dra zhing rmi lam 'dra/ /thog ma mi dmigs thams cad yod ma yin/ /ji ltar chu la zla ba snang bzhin du/ /der ni nams kyang zhugs par gyur pa med/ /de bzhin
324b7 byis pa sdang zhing chags gyur kyang / /'di na 'dod chags med cing zhe sdang med/ /'dod chags gzung du med cing zhe sdang med/ /gti mug 'od gsal rkyen rnams stong pa ste/ /sems can dmigs su med cing srog kyang med/ /
324b8 chos 'di gsog ste zhi la snying po med/ /mig kyang med de rna ba med pa yin/ /sna yang mi snang lce yang de bzhin te/ /'di dag bems po'i chos can snying po med/ /byis pa'i skye bo rmongs byed mos par byed/ /
325a1 nam mkha' la ni ji ltar mtha' med cing / /zad par mi 'gyur skye ba med pa bzhin/ /chos rnams 'di dag thams cad de bzhin te/ /nam mkha'i chu ltar dag cing rnam par dag /chos rnams rnam pa
325a2 sna tshogs brtags pa ste/ /brtags na de yang nams kyang yod ma yin/ /byis pa phung po 'di dag 'dra bar 'dzin/ /de yang de la nams kyang yod ma yin/ /shes ldan dngos dang dngos min rnam 'jig cing / /chos nyid
325a3 'di dag thams cad zhi bar mthong / /thams cad ma skyes gzung du med par mthong / /de yi lus ni nams kyang yod pa min/ /chos rnams 'od gsal grol zhing rab tu grol/ /zhi zhing mi gnas mya ngan 'das gyur
325a4 la/ /de la nams kyang gzung du med pa ste/ /shes ldan de ltar rtogs na grol bar 'gyur/ /de nas nags khrod der byang chub sems dpa' 'jigs sgrol las chos mnyan pa'i phyir lha'i bu bzhi khri nyis stong lhags
325a5 par gyur pa de dag gis tshigs su bcad pa bstan pa de dag thos nas mi skye ba'i chos la bzod pa thob par gyur to/ /dge slong dpas byin de yang kun nas dkris pa dang bral bar gyur te/ de bzhin gshegs pa'i
325a6 sprul pa bkod pa de dag mthong nas byang chub kyi tshul dang ldan pa'i sems kyis chos kyi rang bzhin rab tu rnam par 'byed pas mi skye ba'i chos la bzod pa thob par gyur to/ /'jam dpal khyod kyis de'i tshe de'i dus na
325a7 byang chub sems dpa' 'jigs sgrol zhes bya ba de gzhan zhig yin pa snyam na de ltar mi blta'o/ /de ci'i phyir zhe na/ byang chub sems dpa' byams pa de'i tshe de'i dus na byang chub sems dpa' 'jigs
325a8 sgrol zhes bya bar gyur to/ /'jam dpal khyod kyis de'i tshe de'i dus na dge slong dpas byin zhes bya ba de gzhan zhig yin pa snyam na de ltar mi blta'o/ de ci'i phyir zhe na/ de bzhin gshegs pa rin chen zla ba
325b1 byang chub kyi spyad pa spyod pa de/ de'i tshe de'i dus na dge slong dpas byin zhes bya bar gyur to/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das dge slong
325b2 dpas byin de byang chub tu mngon par rdzogs par sangs rgyas lags sam/ bcom ldan 'das kyis bka' stsal pa/ 'jam dpal mngon par rdzogs par sangs rgyas zin te/ de ni nub phyogs logs su
325b3 sangs rgyas kyi zhing 'di nas sangs rgyas kyi zhing gang gA'i klung gi bye ma snyed 'das pa na/ 'jig rten gyi khams 'od zer rtag pa zhes bya ba der de bzhin gshegs pa rin chen zla ba zhes bya bar gyur to/ /'jam dpal
325b4 chos 'di dag gi sgrub pa byed pa dag ji tsam 'dod pa dag kyang yongs su longs spyad la/ srog gi bar chad kyang byas bzhin du mi skye ba'i chos la bzod pa thob par gyur pa la ltos/ /de ci'i phyir zhe na/ 'di ltar des khams
325b5 gsum pa thams cad yang dag pa ma yin par shes shing sems can thams cad mig yor dang 'dra bar shes pa'i phyir ro/ /'jam dpal sgyu ma lta bu'i sems la gnas pa la ni chos gang la yang sgrib pa med do/ /
325b6 'jam dpal yang byis pa so so'i skye bo rnams ni rang gi rtog pas sems can dmyal ba dang / dud 'gro'i skye gnas dang / gshin rje'i 'jig rten du ltung bar 'gyur te/ med pa'i chos rnams la yongs su brtags
325b7 pas sdug bsngal 'bum phrag mang po nyams su myong bar 'gyur ro/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das byang chub sems dpa' gang chos
325b8 kyi rnam grangs 'di 'dzin pa dang / 'chang ba dang / kun chub par bgyid pa dang / bsti stang bgyid pa des tshe 'di nyid la yon tan ji snyed cig thob par 'gyur lags/ bcom ldan 'das kyis bka' stsal pa/ 'jam dpal 'di
326a1 ji snyam du sems/ nyi ma'i dkyil 'khor shar ba na 'dzam bu'i gling pa'i mi rnams la yon tan gyi phan yon ji tsam du 'gyur/ 'jam dpal gyis gsol pa/ bcom ldan 'das yon tan gyi phan yon dpag
326a2 tu ma mchis shing snang ba tshad ma mchis par 'gyur te/ des ni mi rnams sug las bgyid par 'gyur lags so/ /bcom ldan 'das kyis bka' stsal pa/ 'jam dpal de bzhin du chos kyi rnam grangs 'dis ni byang chub
326a3 sems dpa' de'i nyon mongs pa thams cad bsal nas/ shes rab kyi snang ba tshad med pa skyed par byed do/ /chos thams cad la yang sgrib pa med pa thob par 'gyur ro/ /yongs su gdung ba dang bral zhing kun nas dkris pa
326a4 yang med par 'gyur ro/ /de la chags pa med pa'i spobs pa yang myur du mngon sum du 'gyur ro/ /bdud dang phyir rgol ba thams cad kyis kyang mi rdzi bar 'gyur ro/ /chos kyang ston te/ spobs pa mthar thug pa med
326a5 pas ston par 'gyur ro/ /'jam dpal 'di lta ste dper na me byung na rtswa dang shing thams cad sreg par byed do/ /'jam dpal de bzhin du chos kyi rnam grangs 'dis yang nyon mongs pa thams cad sreg par byed do/ /'jam dpal
326a6 'di lta ste dper na/ ri'i rgyal po gangs kyis ri nag po thams cad zil gyis gnon to/ /'jam dpal de bzhin du byang chub sems dpa' chos kyi rnam grangs 'di la mkhas pas ni pha rol rgol ba thams cad chos dang ldan
326a7 pas tshar bcad nas zil gyis gnon par byed do/ /'jam dpal 'di lta ste dper na/ 'khor los sgyur ba'i rgyal pos ni khams kyi rgyal po rnams zil gyis gnon to/ /'jam dpal de bzhin du byang chub sems
326a8 dpa' chos kyi rnam grangs 'di la gnas pas ni gang zag tshig dang yi ge'i 'bru sna tshogs thams cad la mkhas pa rnams zil gyis gnon to/ /'jam dpal 'di lta ste dper na/ dge slong 'dul ba 'dzin pa ni
326b1 ltung ba thams cad 'dul ba la mkhas pa yin no/ /'jam dpal de bzhin du byang chub sems dpa' chos kyi rnam grangs 'di la mkhas pa ni phyogs bcu'i sems can thams cad kyi 'gyod pa sel bar byed do/ /
326b2 'jam dpal 'di lta ste dper na/ nyi ma'i dkyil 'khor shar na mun pa mun nag thams cad med par 'gyur ro/ /'jam dpal de bzhin du byang chub sems dpa' chos kyi rnam grangs 'di la mkhas pa ni sems can
326b3 thams cad kyi nyon mongs pa sel bar byed de ye shes kyi snang ba yang byed par 'gyur ro/ /de ci'i phyir zhe na/ 'jam dpal chos kyi rnam grangs 'di la slob pa gang yin pa de ni lhag pa'i shes rab la slob pa yin pa'i
326b4 phyir ro/ /de nas bdud sdig can bcom ldan 'das ga la ba der song ste phyin nas/ bcom ldan 'das la 'di skad ces gsol to/ /bcom ldan 'das khyod ni thugs rje dang ldan pa lags te/ sems can thams
326b5 cad la sman pa dang / thugs brtse ba can lags na/ bcom ldan 'das bdud kyi gnas thams cad rab tu g.yos te/ bdag kyang mya ngan gyi zug rngus zug lags kyis/ bcom ldan 'das yang chos kyi rnam grangs
326b6 'di mi bshad par gsol/ bcom ldan 'das bdag gis kyang chos kyi rnam grangs 'di ci nas 'dzam bu'i gling du spyod par mi 'gyur ba de ltar bgyi'o/ /ci nas chos kyi rnam grangs 'di su yang 'dzin par mi 'gyur/
326b7 'chang bar mi 'gyur/ kun chub par bgyid par mi 'gyur ba de lta bur yang bgyi'o/ /ci nas chos kyi rnam grangs 'di la lam ngan par 'du shes par 'gyur bar yang bgyi'o/ /de dag shin du rgyas pa'i mdo sde dag la
326b8 log par lta ba'i 'du shes su 'gyur bar yang bgyi'o/ /dge slong de dag ci nas chos kyi rnam grangs 'di spong bar 'gyur ba'i kun nas dkris pa 'ga' 'byung bar yang bgyi'o/ /de nas sangs rgyas kyi mthus lha'i
327a1 dbang po brgya byin bcom ldan 'das kyi spyan sngar 'dug nas/ des bcom ldan 'das kyi zhabs la mgo bos phyag 'tshal te/ bcom ldan 'das la me tog man dA ra ba dag gis gtor nas/ bcom ldan
327a2 'das la 'di skad ces gsol to/ /bcom ldan 'das gal te bdud sdig can chos kyi rnam grangs 'di nub par bgyid pa'i slad du rtsol bar gyur na/ bcom ldan 'das bdag gis chos kyi rnam grangs 'di gzung bar bgyi/
327a3 bcang bar bgyi/ kun chub par bgyi'o/ /bcom ldan 'das dang btsun pa kun dga' po yongs su mya ngan las 'das pa'i 'og tu yang bdag gis chos kyi rnam grangs 'di 'dzam bu'i gling du spyod par 'gyur bar bgyi'o/ /chos smra
327a4 ba de la yang rgyal po chen po bzhi gnod sbyin gyi tshogs kyi 'khor dang bcas pa rnams bsrung ba dang / bskyab pa dang / sba bar bgyid du stsal bar 'tshal te/ chos kyi rnam grangs 'di 'dzin pa dang / 'chang ba dang / klog pa dang /
327a5 kun chub par bgyid pa gang lags pa de la bdag gis kyang bsrung ba dang / bskyab pa dang / sba bar 'tshal lo/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos kyi
327a6 rnam grangs 'di zung shig /chongs shig /lhogs shig /kun chub par gyis shig /gzhan dag la yang rgya cher ston cig /de ci'i phyir zhe na/ kun dga' bo 'di ni chos thams cad kyi chos kyi me long yin pa'i phyir ro/ /
327a7 gsol pa/ bcom ldan 'das de bzhin gshegs pas ji skad bka' stsal pa de bzhin du chos kyi rnam grangs 'di bdag gis gzung lags na/ bcom ldan 'das chos kyi rnam grangs 'di'i ming ci lags/ 'di ji ltar
327a8 gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di las kyi sgrib pa rnam pa dag pa zhes bya bar zung shig /sgrib pa med pa'i ye shes la 'jug pa zhes bya
327b1 bar zung shig /chos kyi rnam grangs 'di bshad pa na dge slong drug cus len pa med par zag pa rnams las sems rnam par grol lo/ /byang chub sems dpa' brgyad bcus ni mi skye ba'i chos la bzod pa thob par gyur to/ /
327b2 bcom ldan 'das kyis de skad ces bka' stsal nas/ 'jam dpal gzhon nur gyur pa dang / tshe dang ldan pa kun dga' bo dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/
327b3 bcom ldan 'das kyis gsungs pa la mngon par bstod do/ /'phags pa las kyi sgrib pa rnam par dag pa zhes bya ba theg pa chen po'i mdo rdzogs so// // rgya gar gyi mkhan po dzi na mi tra dang / pra dz+nyA bar ma dang / zhu chen gyi lo
ts+tsha ba ban de ye shes sde la sogs pas bsgyur cing zhus te gtan la phab pa/
CLOSE WINDOW