བོད་ཡིག |
140a8 'phags pa sA lu'i ljang pa zhes bya ba theg pa chen po'i mdo rdzogs so// // @#/ /rgya gar skad du/ pra tI t+ya sa mu pA da A di tsa bi b+hang nir nA ma sU tra/ bod skad du/
140b1 rten cing 'brel bar 'byung ba dang po dang rnam par dbye ba bstan pa zhes bya ba'i mdo/ dkon mchog gsum la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na rgyal bu
140b2 rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag khyed la rten cing 'brel par 'byung ba dang po dang rnam par
140b3 dbye ba bstan kyis/ de legs par rab tu nyon la yid la zung shig dang bshad do/ /rten cing 'bral par 'byung ba dang po gang zhe na/ 'di lta ste/ 'di yod na 'di 'byung / 'di skyes pas 'di skye ba ste/ 'di lta ste/ ma rig
140b4 pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen
140b5 gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang /
140b6 yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ /'di ni rten cing 'brel par 'byung ba dang po zhes bya'o/ /rten cing 'brel
140b7 par 'byung ba'i rnam par dbye ba gang zhe na/ ma rig pa'i rkyen gyis 'du byed ces bya ba'i ma rig pa gang zhe na/ gang de sngon gyi mtha' mi shes pa dang / phyi ma'i mtha' mi shes pa dang / sngon dang phyi ma'i mtha' mi shes pa
140b8 dang / nang mi shes pa dang / phyi mi shes pa dang / nang dang phyi mi shes pa dang / las mi shes pa dang / rnam par smin pa mi shes pa dang / las dang rnam par smin pa mi shes pa dang / sangs rgyas mi shes pa dang / chos
141a1 mi shes pa dang / dge 'dun mi shes pa dang / sdug bsngal mi shes pa dang / kun 'byung dang / 'gog pa dang / lam mi shes pa dang / rgyu mi shes pa dang / rgyu las yang dag par 'byung ba'i chos mi shes
141a2 pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / bsten par bya ba dang / bsten par bya ba ma yin pa dang / ngan pa dang / gya nom pa dang / nag po dang / dkar po dang / rnam
141a3 par dbye ba dang bcas pa'i rten cing 'brel par 'byung ba dang / reg pa'i skye mched drug yang dag pa ji lta ba bzhin khong du mi chud pa dang / gang de dang der yang dag pa ji lta ba bzhin du mi shes pa dang / ma mthong ba dang / mngon
141a4 par ma rtogs pa dang / rmongs pa dang / kun du rmongs pa dang / ma rig pa dang / mun pa'i rnam pa zhes bya ba 'di ni ma rig pa zhes bya'o/ /ma rig pa'i rkyen gyis 'du byed ces bya ba'i 'du byed gang zhe na/ 'du byed ni rnam pa gsum
141a5 ste/ gsum gang zhe na/ lus kyi 'du byed dang / ngag gi 'du byed dang / yid kyi 'du byed do/ /'du byed kyi rkyen gyis rnam par shes pa zhes bya ba'i rnam par shes pa gang zhe na/ rnam par shes pa'i tshogs drug ste/ mig
141a6 gi rnam par shes pa dang / rna ba'i rnam par shes par dang / sna dang / lce dang / lus dang / yid kyi rnam par shes pa'o/ /rnam par shes pa'i rkyen gyis ming dang gzugs zhes bya ba la ming gang zhe na/ gzugs can
141a7 ma yin pa'i phung po bzhi ste/ tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po'o/ /gzugs gang zhe na/ gzugs gang yin pa ci yang rung / de dag thams
141a8 cad 'byung ba chen po bzhi dang / 'byung ba chen po bzhi dag rgyur byas pa ste/ gzugs 'di dang / snga ma'i ming gnyi ga gcig tu mngon par bsdus nas ming dang gzugs shes bya'o/ /ming dang gzugs kyi rkyen gyis
141b1 skye mched drug ces bya ba'i skye mched drug gang zhe na/ nang gi skye mched drug ste/ mig nang gi skye mched dang / rna ba dang / sna dang / lce dang / lus dang / yid nang gi skye mched do/ /skye mched drug gi rkyen gyis reg
141b2 pa zhes bya ba'i reg pa gang zhe na/ reg pa'i tshogs drug ste/ mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa'o/ /reg pa'i rkyen gyis tshor ba zhes bya ba'i tshor ba gang zhe na/
141b3 tshor ba ni gsum ste/ bde ba dang / sdug bsngal ba dang / bde ba yang ma yin/ sdug bsngal ba yang ma yin pa'o/ /tshor ba'i rkyen gyis sred pa zhes bya ba'i sred pa gang zhe na/ sred pa ni gsum ste/ 'dod pa'i sred pa
141b4 dang / gzugs kyi sred pa dang / gzugs med pa'i sred pa'o/ /sred pa'i rkyen gyis len pa zhes bya ba'i len pa gang zhe na/ len pa ni bzhi ste/ 'dod pa nye bar len pa dang / lta ba nye bar len pa dang / tshul khrims
141b5 dang brtul zhugs nye bar len pa dang / bdag tu smra ba nye bar len pa'o/ /len pa'i rkyen gyis srid pa zhes bya ba'i srid pa gang zhe na/ srid pa ni gsum ste/ 'dod pa'i srid pa dang / gzugs kyi srid pa dang /
141b6 gzugs med pa'i srid pa'o/ /srid pa'i rkyen gyis skye ba zhes bya ba'i skye ba gang zhe na/ gang sems can de dang de dag gi sems can gyi ris de dang de dag tu gang skye ba dang / shin du skye ba dang / 'pho ba dang /
141b7 mngon par 'byung ba dang / rab tu 'byung ba dang / phung po so sor thob pa dang / khams so sor thob pa dang / skye mched so sor thob pa dang / phung po rnams mngon par grub pa dang / srog gi dbang po rab tu skyes pa
141b8 'di ni skye ba zhes bya'o/ /skye ba'i rkyen gyis rga shi zhes bya ba'i rga shi gang zhe na/ gang de'i spyi ther dang / skra dkar dang / gnyer ma tshogs pa dang / rnyis pa dang / zhum pa dang / ba lang chu 'thung ba ltar gug pa dang /
142a1 lus nag po'i thig les gang ba dang / lud pa lu zhing dbugs rgod pa dang / mdun du lus bub pa ltar byed pa dang / mkhar ba la brten pa dang / blun pas mong rtul ba nyid dang /
142a2 zhan pa nyid dang / nyams pa dang / yongs su nyams pa dang / dbang po rgud pa dang / 'du byed rnams rnyings pa dang / shin du rnyings par gyur pa 'di ni rga ba zhes bya'o/ /
142a3 'chi ba gang zhe na/ sems can gang yin pa de dang de dag sems can gyis ris/ de dang de dag nas 'phos pa dang / 'pho ba nyid dang / zhig pa dang / nang nyams pa dang /
142a4 tshe nyams pa dang / drod yal ba dang / srogs gis dbang po 'gags pa dang / phung po rnams 'dor ba dang / shi ba dang / dus byed pa 'di ni shi ba zhes bya ste/ shi ba 'di
142a5 dang snga ma rga ba gnyis gcig tu bsdus nas rga shi zhes bya ste/ 'di ni rten cing 'brel par 'byung ba rnam par dbye ba yin no/ /dge slong dag khyed la rten cing 'brel par
142a6 'byung ba dang po dang rnam par dbye ba bshad par bya'o/ /zhes ngas smras pa gang yin pa de'i/ ched du ngas smras pa 'di dag yin no/ /rten cing 'brel par 'byung ba dang po dang rnam par
dbye ba bstan pa zhes bya ba'i mdo rdzogs so/
CLOSE WINDOW