བོད་ཡིག |
127a6 rgya gar gyi mkhan po bid d+yA ka ra sing ha dang / zhu chen gyi lo ts+tsha ba ban d+he de ba tsan dras zhus te gtan la phab pa/ / @#/ /rgya gar skad du/ Ar+ya sing ha nA di ka nA ma ma hA yA na sU tra/
127a7 bod skad du/ 'phags pa seng ge'i sgra bsgrags pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/
127a8 bcom ldan 'das nyi zla'i gnas rnam par rgyal byed kyi khang bzangs kyi nang na dge slong gi dge 'dun chen po dang / dgra bcom pa bye ba khrag khrig brgya stong phrag dgu bcu rtsa dgu dang thabs gcig tu bzhugs so/ /de'i tshe
127b1 bcom ldan 'das kyis byang chub sems dpa' rnam par rgyal ba'i phung po la bka' stsal pa/ rnam par rgyal ba'i phung po khyod sangs rgyas kyi zhing 'di nas byang phyogs logs na gang gA'i klung drug bcu'i bye ma snyed
127b2 kyi sangs rgyas kyi zhing rdul phra rab snyed 'das pa na 'jig rten gyi khams mngon par dga' ba zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas chos 'phags
127b3 zhes bya ba da ltar bzhugs te/ 'tsho zhing gzhes la chos kyang ston to/ /de bzhin gshegs pa de la blta ba dang / phyag bya ba dang / bsnyen bkur bya ba dang / mchod pa bya ba'i phyir song shig /de nas byang chub sems dpa' rnam
127b4 par rgyal ba'i phung po 'jig rten gyi khams der song nas/ bcom ldan 'das chos 'phags de'i zhabs la phyag 'tshal te lan bdun bskor ba byas nas phyogs gcig tu 'dug go/ /byang chub sems dpa' rnam par rgyal ba'i
127b5 phung po phyogs gcig tu 'dug pa dang / de nas bcom ldan 'das de bzhin gshegs pa chos 'phags des byang chub sems dpa' de la 'di skad ces bka' stsal to/ /rigs kyi bu khyod ga las 'dir 'ongs/ de nas byang
127b6 chub sems dpa' rnam par rgyal ba'i phung po bcom ldan 'das kyis bka' stsal pa/ de la cang mi smra bar kha rog 'dug go/ /de'i tshe der 'khor 'dus pa gang lha dang / klu dang / gnod sbyin dang / lha ma yin dang / nam
127b7 mkha' lding dang / mi 'am ci dang / lto 'phye chen po dang / mi dang / mi ma yin pa de dag 'di snyam du sems te/ ci'i phyir byang chub sems dpa' rnam par rgyal ba'i phung po 'di 'jig rten gsum gyi bla mas bka' stsal pa
127b8 la lan mi gsol bar kha rog 'dug zhig gu snyam mo/ /de nas bcom ldan 'das kyis der seng ge bsgyings pa lta bus phyogs bcur gzigs nas 'khor thams cad the tsom du gyur pa thugs su chud nas 'dzum pa
128a1 mdzad do/ /bcom ldan 'das de bzhin gshegs pa chos 'phags de 'dzum pa mdzad pa'i 'od kyi snang ba gser gyi kha dog lta bu'i 'od zer brgya stong phrag du mas phyogs bcu snang bar mdzad do/ /de nas skad cig de
128a2 nyid la sa chen po g.yos par gyur to/ /phyogs bcu nas kyang byang chub sems dpa' gzugs dang / kha dog dang / tshul du ma 'chang ba dag bcom ldan 'das kyi cho 'phrul chen po de mthong nas 'jig rten gyi khams der thams cad
128a3 'dus te/ bcom ldan 'das de'i zhabs la mgo bos phyag 'tshal nas rang rang gi dge bas bsgrubs pas 'dug ste/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar
128a4 ba btud de/ ngo mtshar du gyur pa dang / rmad du gyur pas 'dzum dmul nas bcom ldan 'das la 'di skad ces gsol to/ /bcom ldan 'das bdag cag gis 'od zer gyi cho 'phrul du ma dag mthong lags te/ bcom
128a5 ldan 'das bdag cag gis 'od zer gyi snang ba 'di lta bu dag sngon nam yang ma mthong lags so/ /bcom ldan 'das 'di'i don de ni legs pa lags te/ gang bcom ldan 'das kyis 'dzum pa de lta bu mdzad pa'i don
128a6 de bdag cag la thugs brtse bar dgongs te lung bstan du gsol/ de nas byang chub sems dpa' 'od phreng gis bcom ldan 'das la tshigs su bcad de gsol pa/ rnam 'dren gang zag mchog ste thugs rje can/ /
128a7 rgyu ma mchis par 'dzum pa mi mdzad na/ /bdag dang 'jig rten snang mdzad thugs rje can/ /'dzum mdzad rgyu dang mdzad rgyu nges par gsungs/ /de nas bcom ldan 'das de bzhin gshegs pa chos 'phags 'dzam bu
128a8 chu bo'i gser ltar snang zhing 'od zer bye ba khrag khrig brgya stong phrag du ma rab tu 'gyed pa/ sku'i gzugs dang mdog gzi brjid kyis 'bar ba de la byang chub sems dpa' 'od phreng gis 'di skad ces gsol to/ /
128b1 bcom ldan 'das bdag gis cho 'phrul mang po mthong lags te/ bdag gis sngon 'od zer gyi snang ba 'di lta bu nams kyang ma mthong lags so/ /'od phreng phyogs 'dir de bzhin gshegs pa'i 'od zer gyi snang ba 'di lta
128b2 bu chung ngu zhig mdzad de/ mtshan ma snang ba de dag ni rgyu med pa ma yin/ byed rgyu med pa ma yin no/ /'od phreng khyod de'i phyir legs par rab tu nyon la yid la zung shig dang / ngas khyod la bshad do/ /don gang gi phyir ngas 'dzum
128b3 pa mdzad pa thos nas kyang rigs kyi bu khyod kyis skrag par mi bya/ dngang bar mi bya dngang bar 'gyur bar mi bya som nyir mi bya/ the tsom du mi bya'o/ /de ci'i phyir zhe na/ sangs rgyas bcom ldan 'das rnams kyi yul ni bsam gyis
128b4 mi khyab bo/ /smon lam ni bsam gyis mi khyab bo/ /rnam par 'phrul pa ni bsam gyis mi khyab bo/ /don de dag yang dag par mthong nas the tsom ma byed cig /'od phreng gang 'di ltar de bzhin gshegs pa shAkya thub pas
128b5 nga'i drung du byang chub sems dpa' rnam par rgyal ba'i phung po btang ba 'di khyod kyis mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /rigs kyi bu byang chub sems
128b6 dpa' rnam par rgyal ba'i phung po 'di la ngas khyod ga las 'ongs shes de skad dris na/ de cang mi smra bar kha rog 'dug ste/ rigs kyi bu ngas don gyi dbang 'di mthong nas 'dir 'dzum pa mdzad do/ /de bzhin gshegs pas
128b7 rmas pa'i lan de ci'i phyir 'dis ma gsol snyam du 'khor 'di dag thams cad the tsom du gyur to/ /rigs kyi bu ngas rmas pa'i lan skyes bu dam pa 'dis ci'i phyir ma gsol ce na/ 'ong ba dang 'gro ba med pa'i chos rnams
128b8 la/ bcom ldan 'das bdag la khyod ga las 'ongs zhes 'ong ba rmed par mdzad do snyam mo/ /chos thams cad brjod du ma mchis par yang glo bar chud na/ bcom ldan 'das ga las 'ongs shes byung ba'i gnas la bdag
129a1 gis gsol bar spro ba ma mchis so snyam du sems te/ rigs kyi bu mdor na rigs kyi bu 'dis chos thams cad bstan te/ yang dag pa'i chos ston pa yin no/ /rigs kyi bu byang chub sems dpa' rnam
129a2 par rgyal ba'i phung pos yi ge med pa'i chos dang / tshig med pa dang / brjod tu med pa dang / yi ge dang bral ba dang / mtshan ma med pa dang / mtshan ma dang bral ba dang / blang ba med pa dang / blang ba dang bral ba dang / 'ong ba med pa
129a3 dang / mthong ba med pa dang / gnas pa med pa dang / sems dang yid dang / rnam par shes pa dang bral ba dang / rgyu rkyen dang bral ba dang / tshig med pa dang / rnam par rig pa med pa dang / lta ba med pa dang / ther zug tu gnas pa
129a4 med pa dang / tshig gis brjod du med pa dang / brda med pa dang / yi ge gcig la 'di lta ste/ yang dag pa ma yin pa dang / bsags pa med pa'i gnas pa dang / yi ge med pa dang / gdul ba med pa rnams la su zhig ston
129a5 snyam du shes nas rigs kyi bu bstan pa med pa 'dir bstan to/ /de nas bcom ldan 'das kyi mthus byang chub sems dpa' lus 'od gsal gyis bcom ldan 'das la 'di skad ces gsol to/ /bcom ldan 'das gal
129a6 te chos thams cad bstan du ma mchis pa lags na chos de dag thams cad lkug pas bstan par 'gyur lags so/ /bcom ldan 'das kyis bka' stsal pa/ rigs kyi bu ji skad smras pa de bzhin te/ lkug pa 'ba' shig
129a7 gis ma yin gyi/ sems can thams cad kyang mi shes bzhin du chos ston par byed do/ /gsol pa/ bcom ldan 'das ji ltar sems can thams cad ma 'tshal bzhin du chos ston pa de bshad du gsol/ bde bar gshegs
129a8 pa bshad du gsol/ de skad ces gsol pa dang / bcom ldan 'das kyis byang chub sems dpa' lus 'od gsal la 'di skad ces bka' stsal to/ /rigs kyi bu 'di lta ste/ dper na dmus long dag nyi ma shar kyang gzugs
129b1 mthong bar mi 'gyur zhing nyi ma'i 'od ci 'dra ba yang mi shes te/ ji ltar gzhan dag gis nyi ma'i mtshan nyid 'di lta bu zhig yin no zhes bstan pa dang / de ltar gzhan gyi sgra las nyi ma yin par mngon par zhen to/ /rigs kyi bu de
129b2 bzhin du chos thams cad nang du 'dus shing dbyings kyi nang du 'dus te/ dbyings med cing yi ge med pa/ yi ge dang bral ba/ chos thams cad brjod tu med pa yin na rkyen gyi dbang gis sgra 'byung bar 'gyur ro/ /rigs
129b3 kyi bu 'di lta ste/ dper na ri brag dang sgra la brten nas brag cha'i sgra 'byung yang rigs kyi bu ri brag gi sgra ni stong pa yin no/ /rigs kyi bu de bzhin du rkyen la brten nas yi ge'i sgra 'byung bar 'gyur te/ yi ge'i sgra ni stong
129b4 pa yin no/ /rigs kyi bu sems can gang dag brjod pa de thams cad so so yang dag par rig pa'i nang du 'dus par blta ste/ tshig gis brjod pa gang yin pa de ni chos so so yang dag par rig pa yin par blta
129b5 ba dang / tshig gis brjod pa gang yin pa de ni don so so yang dag par rig pa yin par blta bar bya'o/ /de lta bas na rigs kyi bu khyod kyis sems can gyi gang cung zad g.yo ba de thams cad chos kyi sdom bzhir 'dus
129b6 par blta bar bya ste/ 'byung po dag mi shes pas gnas mi g.yo'o/ /de ltar mi dmus long de ji ltar shes pa de bzhin du chos de nyid la mngon par zhen to/ /rigs kyi bu don yongs su tshol bar 'dod pas rang gi rgyud
129b7 las yongs su btsal bar bya'o/ /rigs kyi bu byang chub yongs su tshol bar 'dod pas rang gi nye bar len pa'i phung po lnga las btsal bar bya'o/ /chos kyi rnam grangs 'di'i don ji lta ba bzhin bshad pa na stong gsum gyi stong
129b8 chen po'i 'jig rten gyi khams thams cad rnam pa drug tu g.yos so/ /snang ba chen pos 'jig rten khyab par shin tu snang bar gyur to/ /bcom ldan 'das de bzhin gshegs pa chos 'phags kyi ljags kyi dbang
130a1 po phyung nas stong gsum gyi stong chen po'i 'jig rten gyi khams thams cad ljags kyi dbang pos yang dag par bkab par gyur to/ /ljags kyi dbang po de las 'od zer bye ba khrag khrig brgya stong phrag du ma
130a2 byung ste/ 'od zer de dag gis sems can dmyal ba chen po la sogs pa nas srid pa'i rtse mo'i bar gyi 'jig rten gyi khams thams cad snang bar byas so/ /de nas bcom ldan 'das kyi ljags kyi dbang po de nyid
130a3 slar bsdus nas 'khor gyi dkyil 'khor thams cad la bka' stsal pa/ grogs po dag lce 'di lta bu yod pa ni brdzun mi zer ste/ grogs po dag ngas gtam cung zad ji lta ba bzhin bshad pa de ltar brtag pa dang /
130a4 de ltar dad pa dang / yid ches par gyis shig /de nas sa bcu la gnas pa dang / lha dang klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po la sogs pa dang / mi dang
130a5 mi ma yin pa'i 'khor thams cad stan las langs te thal mo sbyar nas tshig 'thun par 'di skad ces gsol to/ /bcom ldan 'das yang dag pa'i don bstan pa bshad du gsol/ bde bar gshegs pa bshad du gsol/
130a6 sangs rgyas kyi mthus som nyi mi bgyi zhing the tsom mi bgyi'o/ /de nas bcom ldan 'das kyis thams cad dang ldan pa'i 'khor la lan gnyis lan gsum du gzigs nas 'di skad ces bka' stsal to/ rigs kyi bu
130a7 dag skye bo mang po la phan pa dang / skye bo mang po la bde ba'i phyir seng ge'i sgras bshad par bya'o/ /rigs kyi bu gang 'jig rten gyi khams mi mjed na de bzhin gshegs pa dgra bcom pa yang dag par rdzogs pa'i
130a8 sangs rgyas shAkya thub pa zhes bya ba da ltar bzhugs te/ 'tsho zhing gzhes la chos kyang ston to/ /rigs kyi bu de ni de bzhin gshegs pa chos 'phags nga nyid yin te/ 'jig rten gyi khams mi mjed der sgrub pa rnam pa
130b1 sna tshogs kyis sems can rnams la chos ston pa mdzad do/ /de nas thams cad dang ldan pa'i 'khor ngo mtshar du gyur cing rmad tu gyur pa de dag gis bcom ldan 'das la legs so zhes bya ba gsol te/ bcom
130b2 ldan 'das de ltar sems can thams cad la seng ge'i sgra bsgrags pa legs lags so/ /legs lags so/ /bcom ldan 'das ji ltar 'khor 'dir seng ge'i sgra bsgrags pa'i bcom ldan 'das kyi
130b3 seng ge'i sgra 'di thos par 'gyur zhing thos nas kyang yid ches par 'gyur ba'i sems can gang lags pa de dag kyang / bcom ldan 'das dge ba'i rtsa ba ngan ngon dang ldan pa ma lags na gang 'dzin pa dang / 'chang
130b4 ba dang / klog pa dang / gzhan dag la yang rgya cher yang dag par rab tu ston pa dang / mdo sde 'di la me tog dang / bdug spos dang / phreng ba dang / byug pa dang / phye ma dang / na bza' dang / gdugs dang / rgyal mtshan
130b5 dang / ba dan dag gis mchod pa bgyid pa lta smos kyang ci 'tshal te/ seng ge'i sgra bsgrags pa'i mdo sde 'di sems can gang gi rna bar thos par 'gyur ba de ni bcom ldan 'das sangs rgyas thams cad kyis byin gyis brlabs
130b6 pa lags so/ /de nas bcom ldan 'das kyis byang chub sems dpa' de dag la legs so bya ba gnang ste/ rigs kyi bu ji skad smras pa de bzhin te/ legs so legs so/ /gang de bzhin gshegs pa'i yang dag pa'i
130b7 seng ge'i sgra 'di thos nas rab tu dang ba'i sems kyis legs so zhes bya ba 'ga' zhig rjes su 'bul na yang rigs kyi bu 'am/ rigs kyi bu mo de dge ba'i rtsa ba ngan ngon dang ldan pa ma yin te/ de dag ngas yongs su bzung
130b8 ba yin no/ /byang chub sems dpa' sems dpa' chen po byams pas kyang 'gron du gnyer bar byed do/ /de dag gis nga yi byang chub phrag pa la khyer ba yin no/ /gang snyigs ma lnga dag la bab pa'i tshe mdo sde 'di la
131a1 mos pa'i sems can de dag ni ngas yongs su smin par byas pa yin te/ tshe rabs gzhan du yang mi pham pas yongs su 'dzin par 'gyur ro/ /de'i skye ba'i rgya mtsho bskams pa yin no/ /bdud pham par byas pa yin
131a2 no/ /nyon mongs pa rnams bsal ba yin no/ /chos kyi rnga shin du brdungs pa yin no/ /srid pa gsum rnam par bzlog pa yin no/ /phyir rgol ba rnams las nges par rgyal ba yin no/ /nyon mongs pa'i tshogs bcom
131a3 pa yin no/ /rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams grangs med pa phrag bcu'i rdul phra rab kyi rdul snyed kyi bskal par de bzhin gshegs pa thams
131a4 cad la bde ba'i yo byad thams cad kyis bsnyen bkur byed kyang / de bzhin gshegs pa'i sngon gyi rnam par 'phrul pa 'di thos nas dad par mi byed na de nyes pa che ba yin no/ /de bzhin gshegs pa'i bkas rigs
131a5 kyi bu de de bzhin gshegs pa la rim gror bya bas rim gror byed pa dang / rigs kyi bu'am rigs kyi bu mo gang gzhan zhig gis de bzhin gshegs pas yang dag par bstan pa 'di thos nas dad cing sems rab tu dang
131a6 bas legs so zhes bya ba 'bul na/ gang de bzhin gshegs pa la mchod cing bsnyen bkur byas pa de bas 'di bsod nams ches lhag par brgya phrag stong sogs par 'gyur ro/ /de lta bas na rigs kyi bu gang
131a7 dag nga la skyabs su song ba de dag gis mdo sde 'di bri bar bya bcang bar bya'o/ /de nas byang chub sems dpa' rnam par rgyal ba'i phung po dang / 'od phreng dang / glog gi 'od dang / spyan rnam par dag pa dang / byams pa
131a8 dang / mi 'jigs mdzad dang / spyan ras gzigs dbang phyug dang / mthu chen thob dang / 'jam dpal dang / spobs pa dpa' bo dang / sgrib pa thams cad rnam par sel ba dang / spyan ras gzigs dang / kun tu bzang
131b1 po dang / de dag la sogs pa byang chub sems dpa' bye ba khrag khrig brgya stong phrag brgyad bcu rtsa bzhis bcom ldan 'das la 'di skad ces gsol to/ /bcom ldan 'das slad ma'i dus slad ma'i tshe snyigs ma lnga la
131b2 bab pa na bdag cag gis mdo sde 'di rgyas par bgyi'o/ /bcom ldan 'das gang mdo sde 'di la mos pa'i sems can de ni yongs su mya ngan las 'das par rig par bgyi'o/ /bcom ldan 'das sems can dge ba'i
131b3 rtsa ba ma bskyed pa rnams kyi rna bar mdo sde 'di thos par mi 'gyur te/ gang dag rgya cher 'jug pa de dag gi yon tan gyi mtha' ni bskal pa bye ba khrag khrig brgya phrag stong du rtogs par dka' lags so/ /de nas bcom
131b4 ldan 'das byang chub sems dpa' de dag la legs so zhes bya ba gnang ste/ rigs kyi bu dag legs so legs so/ /de ltar khyed rnams kyis de bzhin gshegs pa'i bstan pa la brdos pa 'dzin pa lta bur gyis shig /
131b5 bcom ldan 'das kyis de skad ces bka' stsal nas/ byang chub sems dpa' rnam par rgyal ba'i phung po dang / thams cad dang ldan pa'i 'khor lha dang / mi dang / lha ma yin dang / dri zar bcas pa'i 'jig rten de dag
131b6 bcom ldan 'das kyis gsungs pa la yi rangs te mngon par bstod do/ /'phags pa seng ge'i sgra bsgrags pa zhes bya ba theg pa chen po'i mdo rdzogs so// //
CLOSE WINDOW