བོད་ཡིག |
282a3 / // @#/ /rgya gar skad du/ Ar+ya dza ya ma ti nA ma ma ha yA na sU tra/ bod skad du/ 'phags pa rgyal ba'i blo gros zhes bya ba theg pa chen po'i mdo/ sangs rgyas dang / byang chub sems dpa' tham
282a4 sa cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun chen po dang / byang chub
282a5 sems dpa' rab tu mang po dag dang thabs gcig tu bzhugs so/ /de nas bcom ldan 'das kyis byang chub sems dpa' rgyal ba'i blo gros la bka' stsal pa/ rgyal ba'i blo gros rigs kyi bu 'am/ rigs kyi bu mo bsod nams
282a6 'dod pas de bzhin gshegs pa la mchod par bya'o/ /shes rab 'dod pas thos pa la brtson par bya'o/ /mtho ris 'dod pas tshul khrims bsrungs bar bya'o/ /longs spyod 'dod pas gtong ba sbel bar bya'o/ /gzugs bzang
282a7 ba 'dod pas bzod pa bsgom par bya'o/ /spobs pa 'dod pas bla ma la gus par bya'o/ /gzungs 'dod pas mngon pa'i nga rgyal med par bya'o/ /ye shes 'dod pas tshul bzhin yid la byed pa la gnas par bya'o/ /thar pa 'dod pas
282a8 sdig pa thams cad spang bar bya'o/ /sems can thams cad bde bar bya bar 'dod pas byang chub tu sems bskyed par bya'o/ /skad snyan pa 'dod pas bden par smra bar bya'o/ /yon tan 'dod pas rab tu dben pa la dga' bar bya'o/ /
282b1 chos 'dod pas dge ba'i bshes gnyen la bsten par bya'o/ /zhi gnas 'dod pas 'du 'dzi med pa mang du bya'o/ /lhag mthong 'dod pas chos stong par so sor brtag pa mang du bya'o/ /tshangs pa'i 'jig rten 'dod pas byams pa dang / snying
282b2 rje dang / dga' ba dang / btang snyoms bsgom par bya'o/ /lha dang mi'i longs spyod phun sum tshogs pa 'dod pas dge bcu'i las kyi lam yang dag par blangs te gnas par bya'o/ /yongs su mya ngan 'da' bar 'dod pas stong pa'i
282b3 chos la mngon par dga' bar bya'o/ /yon tan thams cad thob par 'dod pas dkon mchog gsum la mchod par bya'o/ /bcom ldan 'das kyis de skad ces bka' stsal nas/ byang chub sems dpa' sems dpa
282b4 'a chen po rgyal ba'i blo gros dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /
CLOSE WINDOW