བོད་ཡིག |
275a5 @#/ /rgya gar skad du/ Ar+ya k+She mA ba tI byA ka ra Na nA ma ma hA yA na sU tra/ bod skad du/ 'phags pa bde ldan ma lung bstan pa zhes bya ba theg pa chen po'i mdo/ sangs rgyas dang byang chub
275a6 sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong nyi khri'i dge slong gi dge 'dun chen po dang / byams
275a7 pa dang / 'jam dpal la sogs pa byang chub sems dpa' sems dpa' chen po rab tu mang po dang thabs gcig tu bzhugs so/ /de nas bcom ldan 'das snga dro'i dus kyi tshe chos gos dang sham thabs gsol te/ lhung
275a8 bzed bsnams nas byang chub sems dpa' sems dpa' chen po byams pa dang thabs gcig tu rgyal po'i khab kyi grong khyer chen por bsod snyoms la gshegs so/ /de nas bcom ldan 'das rgyal po'i khab kyi
275b1 grong khyer du mthar chags kyis bsod snyoms rgyu zhing rgyal po gzugs can snying po'i pho brang ga la ba der gshegs so/ /de nas rgyal po gzugs can snying po'i btsun mo bde ldan ma zhes bya ba khang bzangs mchog
275b2 gi steng na 'dug pas bcom ldan 'das thag ring po nas gshegs pa mthong ngo / /mthong nas kyang sems dga' bar gyur te/ khang bzangs kyi steng nas babs nas/ bcom ldan 'das dang / byang chub sems
275b3 dpa' sems dpa' chen po byams pa'i gdan dar dkar rin che ba bting ngo / /de nas bcom ldan 'das dang byang chub sems dpa' sems dpa' chen po byams pa gdan bshams pa la bzhugs so/ /de nas rgyal po'i btsun mo
275b4 bde ldan ma lus rgyan thams cad kyis brgyan pas bcom ldan 'das dang / byang chub sems dpa' sems dpa' chen po byams pa'i zhabs la mgo bos phyag 'tshal nas chos mnyan pa'i phyir zhe sa dang bcas/ gus pa dang bcas
275b5 pas bcom ldan 'das kyi spyan sngar 'dug go/ /de nas bcom ldan 'das kyis rgyal po'i btsun mo bde ldan ma lus rgyan thams cad kyis brgyan pa la gzigs nas sems can thams cad la phan pa'i phyir mkhyen
275b6 bzhin du rgyal po'i btsun mo bde ldan ma la bka' stsal pa/ bde ldan ma gang lus la thogs pa'i 'bras bu 'di lta bu shin du lham me lhan ne lha nger 'dug pa'i shing de'i ming ci zhes bya/ de skad ces bka' stsal pa dang /
275b7 bcom ldan 'das la rgyal po'i btsun mo bde ldan mas tshigs su bcad de gsol pa/ gang gi 'bras bu khyod thogs pa/ /shing de'i ming ni ci yin zhes/ /dpa' bo chen po mkhyen bzhin du/ /gang zag mchog gis smras
275b8 pa ni/ /bdag gis sngon ni gang bskyed pa/ /bsod nams las byung shing zhes bgyi/ /'dren pa bdag gis myong ba yi/ /'bras bu 'di dag de yi lags/ /ljon shing bshad pa de nyid kyang / /sangs rgyas nyan
276a1 thos rnams la yod/ /sangs rgyas ye shes 'thob 'dod rnams/ /byang chub phyir ni de la gnas/ /sbyin dang tshul khrims chab stsal bas/ /ljon shing de ni rnam par bsrung / /de ni rnam par 'khrung pa
276a2 na/ /'bras bu bzang po rnams kyang 'byung / /bzod pa dang ni brtson 'grus mthus/ /ljon shing bdag gis legs par bsrungs/ /de ni rnam par 'khrung pa na/ /'bras bu dri med 'byung bar 'gyur/ /shing 'di blta
276a3 na mdzes pa ste/ /bsam gtan shes rab me tog rgyas/ /'dren pa bdag gis de dag gi/ /'bras bu rnams ni myong ba lags/ /ji ltar ri la rten pa yi/ /shing rnams yal ga lo ma dag /chu zheng gab par rgya
276a4 che ba/ /'phel bar gyur te bskyod mi nus/ /de bzhin ljon shing che bzang 'di/ /sangs rgyas chos nyid 'tshal bas na/ /sems can kun la phan pa'i phyir/ /sngon ni legs par bsrungs pa lags/ /'dren pa'i bsod nams
276a5 ljon shing 'di'i/ /'bras bu gzhan yang mchis lags te/ /bdag gis nyams su myong ba 'di/ /de yi me tog tsam du bas/ /de yi 'bras bu byang chub mchog /sangs rgyas byang chub bla med lags/ /de ni bdag gis
276a6 thob par 'gyur/ /smad pa bud med nyid spangs nas/ /skyes par bdag nyid 'gyur ba lags/ /sems can kun gyi dam pa mchog /chos rnams kun gyi pha rol phyin/ /thams cad mkhyen pa thams cad gzigs/ /
276a7 sdug bsngal kun gyi nyen pa yi/ /sems can rnams ni bdag gis dgrol/ /'jig rten kun la snying brtse ba'i/ /skyabs su bdag ni 'gyur ba lags/ /de skad ces gsol pa dang / bcom ldan 'das kyis rgyal po'i btsun
276a8 mo bde ldan ma la bka' stsal pa/ bde ldan ma gang khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che'i tshogs kyi don dang / lha rnams dang / mi rnams la phan pa dang / bde ba'i phyir zhugs pa legs so
276b1 legs so/ /de skad ces bka' stsal pa dang / bcom ldan 'das la rgyal po'i btsun mo bde ldan mas 'di skad ces gsol to/ /bcom ldan 'das bcom ldan 'das kyi sku la skyes bu chen po'i mtshan sum bcu rtsa gnyis dang / dpe byad bzang po brgyad
276b2 bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang / dga' ba chen po dang / btang snyoms
276b3 chen po 'di rnams ci las grub lags/ de bzhin du gzhan yang sangs rgyas kyi chos dpag tu ma mchis pa dang / bsam gyis mi khyab pa dang / gzhal du ma mchis pa dang / brjod du ma mchis pa dang bgrang ba las 'das pa rnams ci las
276b4 grub lags/ de skad ces gsol pa dang / bcom ldan 'das kyis rgyal po'i btsun mo bde ldan ma la tshigs su bcad de bka' stsal pa/ sangs rgyas ye shes 'dod pas na/ /sems can kun la phan pa'i phyir/ /ngas kyang 'di ltar
276b5 ljon pa'i shing / /sngon ni legs pa kho nar bskyed/ /sbyin dang tshul khrims bzod pa dang / /de bzhin brtson 'grus bsam gtan bsags/ /yun ring dus nas ting 'dzin dang / /shes rab nges par bsten pa yin/ /sems can
276b6 rnams la mi mnyam sems/ /ngas ni bsgoms par mi dran te/ /rtag tu sems ni mnyam gyur pas/ /sangs rgyas nyid ni ngas brnyes ste/ /nga yi sems ni mnyam pa yis/ /rtag tu sdug dang mi sdug dang / /mdza' dang mi mdza'
276b7 snyoms pas na/ /bsod nams shing ni rnam par bskyed/ /des na ljon shing chen po 'di/ /yon tan mang por gyur pa yin/ /'khor los sgyur nyid ngas thob ste/ /brgya byin nyid kyang byas pa yin/ /rnam mang dbang phyug chen po dang / /
276b8 tshangs pa nyid kyang de las thob/ /bsam gyis mi khyab sangs rgyas chos/ /mtshan nyid dag kyang ngas rtogs so/ /de nas rgyal po'i btsun mo bde ldan mas bcom ldan 'das kyi yon tan rnams thos nas/ bcom ldan 'das kyis legs
277a1 par rab tu gsungs pa la mngon par bstod de rjes su yi rangs nas bcom ldan 'das la tshigs su bcad de gsol pa/ ji ltar mi mchog dam pa po/ /yon tan rgya mtsho mtha' yas pas/ /sngon ni spyod pa shin
277a2 du bslabs/ /de ltar bdag kyang rjes su slob/ /yon tan mthar phyin khyod kyi ni/ /yon tan rnams ltar bdag slob ste/ /srid par sdug bsngal spangs nas ni/ /bdag kyang 'di 'drar 'gyur bar bgyi/ /tshe rabs gzhan
277a3 ni ma lus par/ /bdag gis sbyin pa gang stsal pa/ /mnyam med ye shes mthong slad du/ /de dag thams cad yongs su bsngo/ /srid pa 'di 'am gzhan dag tu/ /bdag gis tshul khrims gang bsrungs pa/ /sangs rgyas
277a4 ye shes 'thob slad du/ /de dag thams cad yongs su bsngo/ /bzod dang brtson 'grus ting 'dzin dang / /shes rab dge ba gang bsten pa/ /sangs rgyas chos kyi don gyi phyir/ /de dag thams cad bdag gis bsngo/ /lus dang
277a5 ngag dang yid rnams kyis/ /las dge gang dag bdag gis bsags/ /sangs rgyas ye shes yon tan phyir/ /byang chub tu ni bdag gis bsngo/ /bud med lus 'di spangs nas ni/ /skyes pa mchog tu bdag gyur cig /de ltar
277a6 skyes pa'i lus thob nas/ /dam pa'i mchog tu bdag gyur cig /de ltar gyur nas bde gshegs kyi/ /'khor lo bla med bskor bar bgyi/ /'khor ba'i btson rar bcings pa yi/ /sems can bye ba dgrol bar bgyi/ /de nas bcom ldan
277a7 'das kyis rgyal po'i btsun mo bde ldan ma la tshigs su bcad pa dag gis legs so zhes bya ba byin te/ tshig 'di smras pa legs pa yin/ /sems ni rab tu sdom pa legs/ /khyod kyis bdud ni legs par mnan/ /rdzogs sangs
277a8 rgyas su khyod 'gyur ro/ /de nas rgyal po'i btsun mo bde ldan ma dga' zhing mgu la rab tu dga' ba dang / dga' zhing yid bde ba skyes nas bcom ldan 'das dang / byang chub sems dpa' byams pa bza' ba dang bca' ba mang pos tshim par
277b1 byas so/ /de nas bcom ldan 'das stsang sder ni gyur phyag ni bcabs nas rgyal po'i btsun mo bde ldan ma la chos kyi gtam rgyas pas yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga'
277b2 bar mdzad nas lung bstan te/ bde ldan ma khyod ma 'ongs pa'i dus bskal pa du ma zhig na de bzhin gshegs pa dgra bcom pa yang dag par rdzogs pa'i sangs rgyas lha dang mi rnams kyi ston pa/ sangs rgyas bcom ldan 'das
277b3 yon tan rin chen dpal zhes bya bar 'gyur ro/ /khyod kyi sangs rgyas kyi zhing yang mchog tu yongs su dag par 'gyur te/ ngan song ngan 'gro log par ltung ba'i sdug bsngal med pa yid du 'ong ba yid dang 'thad pa mchog
277b4 tu rnam par dag pa'i byang chub sems dpa' rnams kyi gnas yin te/ khyod kyi sangs rgyas kyi zhing de ni de lta bur 'gyur ro/ /chos kyi rnam grangs 'di bshad pa na dge bsnyen ma stong phrag mang po zhig gis ni bla na med pa yang
277b5 dag par rdzogs pa'i byang chub tu sems bskyed do/ /srog chags stong phrag mang po dang / lha dang mi'i skye dgu rnams kyis ni chos kyi snang ba thob par gyur to/ /bcom ldan 'das kyis de skad ces bka' stsal nas/ rgyal po'i btsun mo bde ldan ma dang /
277b6 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /'phags pa bde ldan ma lung bstan pa zhes bya ba theg pa chen po'i mdo rdzogs so// //
CLOSE WINDOW