བོད་ཡིག |
122b1 / @#/ /rgya gar skad du/ Ar+ya ta thA ga ta gu Na dz+nyA na a tsin ta bi Sha ya a ba tA ra nir de sha nA ma ma hA yA na sU tra/ bod skad du/ 'phags
122b2 pa de bzhin gshegs pa'i yon tan dang ye shes bsam gyis mi khyab pa'i yul la 'jug pa bstan pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal
122b3 lo/ /'di skad bdag gis thos pa dus gcig na/ bcom ldan 'das yul ma ga d+hA na chos kyi dbye dgon pa na byang chub kyi snying po kun du 'od kyi khang bzangs bsod nams kyi rgyan gyi tshogs chen po bsags pa/
122b4 dga' ba chen po skyed pa/ kun nas ma smad pa/ yon tan gyi tshogs dpag tu med pa dang ldan pa na bzhugs te/ bcom ldan 'das chos thams cad mnyam pa nyid du mngon par rdzogs par sangs rgyas pa/ legs par
122b5 thugs su chud pa'i blo dang ldan pa/ kun du spyod pa gnyis mi mnga' ba/ mtshan nyid med pa'i chos la mchog tu gzhol bar mdzad pa/ sangs rgyas kyi gnas pas gnas pa/ sangs rgyas thams cad dang mnyam pa nyid
122b6 brnyes pa/ sgrib pa med pa'i rtogs pa brnyes pa/ phyir mi zlog pa'i chos dang ldan pa/ spyod yul gyis mi 'phrogs pa/ sangs rgyas kyi mdzad pa mtha' yas pa rgyun mi gcod pa/ bsam gyis mi khyab pa rnam par
122b7 'jog pa/ mtshan nyid med pa'i chos kyi dam pa'i pha rol du byon pa/ dus gsum la mnyam pa nyid tshar phyin pa/ 'jig rten gyi khams thams cad du zhugs pa'i sku dang ldan pa/ chos thams cad la the tsom med
122b8 pa'i mkhyen pa mnga' ba/ spyod pa thams cad dang ldan pa'i blo mnga' ba/ chos mkhyen pa la nem nur mi mnga' ba/ rnam par ma brtags pa'i sku mnga' ba/ byang chub sems dpa' thams cad kyis ye shes yang dag
123a1 par blangs pa/ sangs rgyas kyi gnas pa gnyis su med pa dam pa'i pha rol du byon pa/ de bzhin gshegs pa'i ma 'dres pa rnam par thar par mdzad pa'i ye shes kyi mthar phyin pa/ mtha' dang dpung med pa
123a2 'i sangs rgyas kyis mnyam pa nyid thugs su chud pa/ chos kyi dbyings dam pa can/ nam mkha'i khams kyi mthas gtugs pa/ phyi ma'i mtha'i mur thug par bskal pa bgrangs pa thams cad du chos kyi 'khor lo bskor
123a3 ba rgyun mi gcod pa'i sku mnga' ba pad ma'i snying po can gyi seng ge'i khri la bzhugs te/ dge slong 'bum phrag drug bcu rtsa gnyis dang thabs gcig pa la 'di lta ste/ tshe dang ldan pa shA ri'i bu dang / maud gal gyi bu chen po
123a4 dang / 'od srung chen po dang / ma 'gags pa dang / rab 'byor dang / kA t+yA'i bu dang / ka pi na chen po dang / nag pa dang / dga' bo dang / chu klung 'od srung dang / ga yA 'od srung dang / lteng rgyas 'od srung dang / byams ma'i bu gang po dang /
123a5 ba lang bdag dang / lam phran bstan dang / gyad bu nor dang / seng ldeng nags pa dang / skul byed dang / gsus po che chen po dang / sgra gcan zin dang / kun dga' bo dang / de dag la sogs pa dge slong 'bum phrag drug bcu'
123a6 rtsa gnyis po de dag thams cad kyang chos gcig la yang dag par gzhol ba/ 'phags pa'i spyod yul la gnas pa sha stag go/ /thams cad kyang chos thams cad kyi ngo bo nyid kyi tshul la zhugs pa sha stag go/ /thams cad
123a7 kyang gzhi med pa nam mkha'i spyod yul ba sha stag go/ /thams cad kyang mi rten par gnas pa sha stag go/ /thams cad kyang nyon mongs pa'i sgrib pa kun nas ldang ba thams cad dang bral ba sha stag go/ /thams cad kyang thams
123a8 cad mkhyen pa'i ye shes kyi yul dang spyod yul la zhugs pa'i shes pa dang ldan pa sha stag go/ /thams cad kyang byang chub sems dpa'i bya ba la zhugs pa sha stag go/ /thams cad kyang de bzhin gshegs pa thams cad kyi chos kyi dbyings
123b1 snang ba'i tshul la zhugs pa sha stag go/ /thams cad kyang chos kyi tshul gcig la yang dag par gzhol ba sha stag go/ /thams cad kyang thams cad mkhyen pa nyid la mngon du phyogs pa sha stag go/ /thams cad kyang thams cad
123b2 mkhyen pa nyid kyi lam rgyun ma bcad pa sha stag go/ /thams cad kyang thams cad mkhyen pa nyid las yid phyir ma log pa sha stag go/ /thams cad kyang shes rab dang ye shes mngon par grub pa'i yid dang ldan pa sha stag go/ /
123b3 thams cad kyang thams cad mkhyen pa'i ye shes dang lhag mthong dam pa'i pha rol du phyin pa sha stag go/ /thams cad kyang thabs kyi yul dang / spyod yul la nges par byung ba sha stag go/ /dge slong ma skye dgu'i bdag mo chen
123b4 mo dang / dge slong ma grags 'dzin la sogs pa dge slong ma 'bum phrag drug bcu rtsa gnyis dang yang thabs gcig ste/ thams cad kyang dkar po'i chos shin du yongs su bsdus pa sha stag go/ /thams cad kyang thams cad
123b5 mkhyen pa'i ye shes la nye bar gyur pa sha stag go/ /thams cad kyang thams cad mkhyen pa nyid kyi snang ba'i tshul la zhugs pa sha stag go/ /thams cad kyang chos thams cad dngos po med par rab tu rtogs pa sha stag go/ /
123b6 chos thams cad la mtshan nyid med par zhugs pa/ chos thams cad yang dag pa'i mthar rig pa/ chos thams cad ma skyes pa dang / ma 'gags pa dang / gnyen po med par mos pa/ bsam gyis mi khyab pa'i
123b7 rnam par thar pa dang / ting nge 'dzin la rab tu gnas pa sha stag go/ /thams cad kyang 'dul ba'i sems can ji lta ba de bzhin du rnam par mi tog cing lhun gyis grub par gzugs dang / lus dang / kha dog dang / spyod
123b8 lam shin du ston pa sha stag go/ /byang chub sems dpa' sems dpa' chen po sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed kyi byang chub sems dpa'i dge 'dun
124a1 chen po dang yang thabs gcig pa la 'di lta ste/ byang chub sems dpa' sems dpa' chen po kun du bzang po dang / kun nas 'dren dang / kun du sprul dang / kun du shes rab dang / kun du mig dang / kun du 'od dang /
124a2 kun du snang ba dang / kun du 'od zer dang / kun du rtog dang / byang chub sems dpa' sems dpa' chen po kun du blo dang / shugs chen dang / shugs chen 'dzin dang / rnam par 'phrul pa chen po dang / rnam par 'phrul pa chen
124a3 po'i rgyal po dang / brtson 'grus chen pos rnam par gnan dang / rtsal chen dpa' ba dang / cher bsgyings dang / bsgyings pa chen po'i stobs dang / tshogs kyi dbang po chen po dang / spos kyi bal glang glang po che chen po dang / byang
124a4 chub sems dpa' sems dpa' chen po zla ba chen po dang / zla ba bzang dang / yon tan zla ba dang / rin chen zla ba dang / kun du snang ba'i zla ba dang / chos dri ma med pa'i zla ba dang / rnam par snang byed zla ba dang / rnam par bsgrags
124a5 pa'i zla ba dang / 'od zer rab tu gtong ba'i zla ba dang / byang chub sems dpa' sems dpa' chen po zla gang dang / tshangs pa'i dbyangs dang / tshangs pa'i dbang pos bsgrags pa'i dbyangs dang / sa'i sgra dbyangs dang /
124a6 chos kyi dbyings kyi sgra dbyangs dang / bdud kyi dkyil 'khor thams cad rnam par 'joms pa'i dbyangs dang / chos kyi rnga chen sgra dbyangs dang / kun du go bar byed pa'i dbyangs dang / mi rtog rnam par mi rtog dbyangs dang /
124a7 sa steng sgra dbyangs dang / byang chub sems dpa' sems dpa' chen po dbyangs kyi yan lag thams cad zil gyis gnon pa'i dbyangs dang / kun nas snying po dang / kun du dri ma med pa'i snying po dang / yon tan snying po
124a8 dang / rnam par snang mdzad snying po dang / rin chen snying po dang / zla ba'i snying po dang / nyi ma'i snying po dang / snang byed snying po dang / pad ma'i dpal gyi snying po dang / rdo rje'i snying po dang / blo gros bzang po dang / blo gros chen po dang /
124b1 khyad par blo gros dang / rnam grags blo gros dang / rgyal chen blo gros dang / bla ma'i blo gros dang / 'phel ba'i blo gros dang / mtha' yas blo gros dang / yangs pa'i blo gros dang / sangs rgyas blo gros dang / blo gros
124b2 mi zad pa dang / byang chub sems dpa' sems dpa' chen po blo gros rgya mtsho dang / brtan pa'i blo gros dang / rdo rje blo gros dang / sangs rgyas mngon sum blo gros dang / ri rab mar me dang / mar me chen po dang /
124b3 chos kyi sgron ma'i mar me dang / phyogs thams cad du khyab pa'i mar me dang / kun nas mun pa thams cad sel ba'i mar me dang / 'gro ba thams cad la snang ba'i mar me dang / gcig tu snang ba'i mar me dang /
124b4 zla ba'i mar me dang / byang chub sems dpa' sems dpa' chen po nyi ma'i mar me dang / 'jam dpal gzhon nur gyur pa dang / lag na rin chen gzhon nur gyur pa dang / lag na phyag rgya rin chen gzhon
124b5 nur gyur pa dang / rin chen 'od zer gzhon nur gyur pa dang / nam mkha' mdzod gzhon nur gyur pa dang / sems bskyed ma thag tu chos kyi 'khor lo skor ba gzhon nur gyur pa dang / dra ba can gyi 'od gzhon
124b6 nur gyur pa dang / rnam par sel ba gzhon nur gyur pa dang / bdog pa thams cad yongs su gtong ba gzhon nur gyur pa dang / dpal gyi snying po gzhon nur gyur pa dang / seng ge gzhon nur gyur pa
124b7 dang / zla 'od gzhon nur gyur pa dang / zla ba'i 'od zer gzhon nur gyur pa dang / mchog gi blo gros gzhon nur gyur pa dang / rgyan bkod pa gzhon nur gyur pa dang / lag na pad ma dang / lag na rdo rje dang /
124b8 nyi 'od dang / nor bu dang / glog dang / nyi ma dang / zla ba dang / brgya byin dang / tshangs pa thams cad zil gyis gnon pa'i 'od dang / sgrib pa thams cad rnam par sel ba dang / mya ngan dang mun pa thams cad 'jams
125a1 pa'i blo gros dang / byang chub sems dpa' sems dpa' chen po yul thams cad las nges par 'byung ba'i blo gros dang / rtul med rnam par gnon dang / rnam dag rnam par gnon dang / phung po rnam par gnon dang /
125a2 skye mched rnam par gnon dang / khams rnam par gnon dang / stong pa nyid rnam par gnon dang / mtshan ma med pa rnam par gnon dang / smon pa med pa rnam par gnon dang / skye ba med pa rnam par gnon dang / 'gag pa med pa rnam par
125a3 gnon dang / 'gro ba med pa rnam par gnon dang / 'ong ba med pa rnam par gnon dang / 'chi 'pho med pa rnam par gnon dang / mi skye ba rnam par gnon dang / rang bzhin 'od gsol rnam par gnon dang / 'jig rten gsum
125a4 rnam par gnon dang / mtha' yas rnam par gnon dang / 'jig rten gyi khams thams cad rnam par gnon dang / chos thams cad rnam par gnon dang / rnam par thar pa dang / ting nge 'dzin dang / snyoms par 'jug pa thams cad
125a5 rnam par gnon dang / mngon par shes pa dang / rig pa rnam par gnon dang / sems can thams cad kyi sems kyi spyod pa rnam par gnon dang / yang dag pa'i mtha' rnam par gnon dang / de bzhin gshegs pas rnam par gnon
125a6 dang / mnyam pa nyid rnam par gnon dang / byang chub sems dpa' sems dpa' chen po chos dbyings rnam par gnon dang / bdud yul mi gos dang / bdud las rgyal dang / bdud las rgyal chen po dang / gtsug na rin po che dang /
125a7 'od zer stong gi 'od 'phro dang / mngon par 'byung dka' dang / rab tu thub dka' dang rtogs dka' dang / bsnyen par dka' ba'i blo dang ngan 'gro skem dang / bzang skyong dang dkon mchog 'byung gnas dang / ded dpon bzang po dang / mis byin dang / chu lha'i
125a8 lha dang / zla ba'i lha dang / dri ma med kyis byin dang / dri ma med par grags pa dang / byang chub sems dpa' sems dpa' chen po byams pa dang / de dag la sogs pa byang chub sems dpa' sems dpa' chen po sangs rgyas kyi zhing brjod du med pa bye ba khrag khrig 'bum
125b1 phrag bcu'i rdul phra rab kyi rdul snyed thams cad kyang skye ba gcig gis thogs pa 'jig rten gyis khams gzhan dang gzhan dag nas 'dus pa sha stag go/ /thams cad kyang sems can gyi khams
125b2 thams cad yongs su smin par bya ba la dpyod pa dang / thabs dang / tshul dang / 'dul ba dang / byang chub sems dpa'i chos la 'god pa la mkhas pa sha stag go/ /thams cad kyang 'jig rten gyi khams rab 'byam thams
125b3 cad la dpyod pa'i tshul shes pa rab 'byam la zhugs pa sha stag go/ /thams cad kyang mya ngan las 'das pa'i sa'i spyod yul shes pa la dpyod cing so sor rtog pa la mkhas pa sha stag go/ /
125b4 thams cad kyang spros pa thams cad shin tu chad cing spyod pa len pa rnam par chad de sems can gyi khams thams cad sdud pa la
125b5 mkhas pa sha stag go/ /thams cad kyang mtha' dang dbung med pa'i chos kyi tshul la 'jug pa la shin du mkhas pa sha stag go/ /thams cad kyang sems can thams cad kyi las kyi rnam par smin pa chud mi za ba mi dmigs
125b6 par dpyod cing so sor rtog pa la mkhas pa sha stag go/ /thams cad kyang sems can gyi khams thams cad kyi bsam pa dang / bag la nyal dang / dbang po dang / rtsom pa dang / sbyor ba la shin du dpyod cing so sor rtog pa
125b7 la mkhas pa sha stag go/ /thams cad kyang 'das pa dang / ma 'ongs pa dang / da ltar byung ba'i de bzhin gshegs pa thams cad kyis gsungs pa'i don dang tshig dang / yi ge gzung ba dang blang ba shes pa yang dag par 'dzin
125b8 cing rtog pa la mkhas pa sha stag go/ /thams cad kyang 'jig rten pa dang / 'jig rten las 'das pa dang / mtha' dang dbung med pa'i chos kyi tshul la 'jug par zhugs pa sha stag go/ /thams cad kyang 'dus byas dang / 'dus ma byas
126a1 dang / dus dang rim pa'i tshul la so sor rtog pa la mkhas pa sha stag go/ /thams cad kyang 'das pa dang / ma 'ongs pa dang / da ltar byung ba'i de bzhin gshegs pa thams cad kyi ye shes kyi dkyil 'khor skad
126a2 cig gcig gis de ma thag tu thob par gnas pa sha stag go/ /thams cad kyang sems kyi skad cig sems kyi skad cig la 'chi 'pho dang / 'byung ba dang / skye ba dang / mngon par 'byung ba dang / dka' bar spyod par sbyor ba dang /
126a3 byang chub kyi snying por 'gro ba dang / bdud 'dul ba dang / mngon par rdzogs par 'tshang rgya ba dang / chos kyi 'khor lo skor ba dang / yongs su mya ngan las 'das pa chen po kun du ston pa la mkhas pa sha stag go/ /thams cad
126a4 kyang sems can thams cad kyi phyir sems bskyed cing byang chub rnam par 'tshang rgya ba dang ma bral ba sha stag go/ /thams cad kyang sems can gcig gi sems kyi dmigs pa la 'jug pas sems can ma lus pa thams cad
126a5 kyi sems kyi dmigs pa la mkhas pa dang ldan pa sha stag go/ /thams cad kyang rang byung gi ye shes kyi sa las mi bskyod pa'i byang chub sems dpa'i lus dang ldan pa sha stag go/ /thams cad kyang thams cad mkhyen pa
126a6 nyid kyis thob par sbyong ba las phyir mi ldog pa sha stag go/ /thams cad kyang byang chub sems dpa'i mngon par 'du byed pa'i stobs rgyun mi gcod cing mngon par 'du mi byed pa shes pa'i tshul la zhugs pa sha stag go/ /
126a7 thams cad kyang sems can gcig gi bya ba la bskal pa mtha' yas par spyod pa kun du 'dzin par byin gyis rlob pa la mkhas pa sha stag go/ /thams cad kyang khyad par chos kyi 'khor lo skor bar byin gyis rlob cing gdul
126a8 bya'i khams 'gro ba thams cad 'dzud pa la mkhas pa sha stag go/ /thams cad kyang 'das pa dang / ma 'ongs pa dang / da ltar byung ba'i de bzhin gshegs pa thams cad kyi rnam par dag pa'i gnas la 'jug pa dang /
126b1 sbyong ba'i stobs kyi khyad par dang smon lam phun sum tshogs pa sha stag go/ /thams cad kyang kun du bzang po'i spyod pa'i smon lam gyi khyad par gyi bsam pa phun sum tshogs pa sha stag go/ /thams cad kyang sangs rgyas
126b2 'byung ba thams cad kyi thad du 'gro zhing skul ba la mkhas pa sha stag go/ /thams cad kyang de bzhin gshegs pa thams cad kyi chos kyi tshul kun du 'dzin pa la mkhas pa sha stag go/ /thams cad kyang sangs rgyas
126b3 thams cad kyi rigs rgyun mi gcod par byed pa sha stag go/ /thams cad kyang sangs rgyas med pa'i 'jig rten gyi khams su sangs rgyas 'byung ba kun du ston par byed pa sha stag go/ /thams cad kyang kun nas nyon
126b4 mongs pa can gyi 'jig rten gyi khams yongs su sbyong bar byed pa sha stag go/ /thams cad kyang byang chub sems dpa' thams cad kyi las kyi sgrib pa rgyun gcod par byed pa sha stag go/ /thams cad kyang chos kyi dbying
126b5 sgrib pa med pa la zhugs pa sha stag go/ /thams cad kyang nam mkha'i khams ltar tshad med pa'i chos dang ldan pa sha stag go/ /thams cad kyang chos kyi dbyings la 'jug pa mnyam pa nyid dang ldan pa sha stag go/ /thams cad
126b6 kyang yang dag pa'i mtha' dang chos kyi dbyings mnyam pa nyid dang ldan pa sha stag go/ /thams cad kyang las kyis kun nas bslang ba ji lta ba bzhin du rnam par smin pa la mos pa sha stag go/ /thams cad kyang rgyus kun nas
126b7 bslang ba ji lta ba bzhin du 'bras bu la mos pa sha stag go/ /thams cad kyang rgya'i 'bur kun du 'byung ba lta bur chos thams cad mnyam pa nyid du shes pa dang ldan pa sha stag go/ /thams cad kyang mig yor dang / gzugs
126b8 brnyan ltar ston pa'i chos mnyam pa nyid dang ldan pa sha stag go/ /thams cad kyang chos thams cad kyi sgra dbyangs kyi rnam par rig pa brag cha dang mtshungs pa dang ldan pa sha stag go/ /thams cad kyang rnam par thar pa
127a1 dang ting nge 'dzin bsam gyis mi khyab pa la gnas pa sha stag go/ /thams cad kyang dpa' bar 'gro ba'i ting nge 'dzin gyis rnam par rtsen pa sha stag go/ /thams cad kyang sangs rgyas kyi sku mtha' yas pa'i mdog
127a2 yongs su 'grub pa sgrub pa'i gzugs la gnas pa sha stag go/ /thams cad kyang skra tsam gyi khyon gcig la 'jig rten gyi khams thams cad kun tu ston pa la mkhas pa sha stag go/ /thams cad kyang phyogs bcu dag tu
127a3 skra tsam gyi khyon gcig la 'chi pho dang / 'byung ba dang / skye ba dang / mngon par 'byung ba dang / dka' ba spyad par sbyor ba dang / byang chub kyi snying por 'gro ba dang / bdud 'dul ba dang / mngon par byang chub pa dang / chos kyi 'khor lo
127a4 skor ba dang / yongs su mya ngan las 'das pa chen po kun du ston pa la mkhas pa sha stag go/ /thams cad kyang skyil mo krung gcig gis phyogs bcu dag gi 'jig rten gyi khams thams cad kyi nam mkha' rgyas
127a5 par 'gengs par shes pa dang ldan pa sha stag go/ /thams cad kyang zhing thams cad kyi rgyan zhing gcig tu ston pa la mkhas pa sha stag go/ /thams cad kyang zhing gcig gi rgyan bkod pa zhing thams cad du kun du ston pa
127a6 la mkhas pa sha stag go/ /thams cad kyang phyogs bcu dag gi 'jig rten gyi khams rab 'byam thams cad kyi de bzhin gshegs pa thams cad kyi 'khor gang dag yin pa de dag de bzhin gshegs pa gcig gi
127a7 'khor du ston pa la mkhas pa/ de bzhin gshegs pa gcig gi 'khor gang yin pa de phyogs bcu dag gi 'jig rten gyi khams thams cad kyi de bzhin gshegs pa thams cad kyi 'khor du kun du ston pa la
127a8 mkhas pa sha stag go/ /thams cad kyang chos thams cad mtha' dang dbung med par ston pa la mkhas pa sha stag go/ /thams cad kyang sems can thams cad kyi lus rang gi lus su kun du ston pa la mkhas
127b1 pa sha stag go/ /thams cad kyang sangs rgyas thams cad kyi sku sangs rgyas gcig gi skur zhugs par kun du ston pa la mkhas pa sha stag go/ /thams cad kyang sangs rgyas gcig gi sku sangs rgyas thams cad
127b2 kyi skur zhugs par kun du ston pa la mkhas pa sha stag go/ /thams cad kyang phyogs bcu'i 'jig rten gyi khams thams cad rang gi lus su chud par kun du ston pa la mkhas pa sha stag go/ /thams cad kyang
127b3 sems can gcig gi lus la dus gsum gyi sems can rnams kun du ston pa la mkhas pa sha stag go/ /thams cad kyang 'das pa'i dus la ma 'ongs pa dang / da ltar byung ba'i dus dang / ma 'ongs pa'i dus
127b4 la 'das pa dang / da ltar byung ba'i dus dang / da ltar byung ba'i dus la 'das pa dang / ma 'ongs pa'i dus kun du ston pa la sha stag go/ /thams cad kyang lus gcig gis ting nge 'dzin la snyoms par zhugs la
127b5 lus dpag tu med grangs med pa las ldang ba la mkhas pa/ lus dpag tu med cing grangs med pa dag gis ting nge 'dzin la snyoms par zhugs la/ lus gcig las ldang bar kun du ston pa la mkhas
127b6 pa sha stag go/ /thams cad kyang sems can thams cad kyis lus snyed kyi mngon par byang chub pa kun du ston pa la mkhas pa sha stag go/ /thams cad kyang sems can thams cad kyi lus la sems
127b7 can gcig gi lus kun du ston pa la mkhas pa/ sems can gcig gi lus la sems can thams cad kyi lus kun du ston pa la mkhas pa sha stag go/ /thams cad kyang sems can thams cad kyis
127b8 lus las sangs rgyas kyi sku kun du ston pa la mkhas pa sha stag go/ /thams cad kyang sangs rgyas kyi sku las sems can gyi lus kun du ston pa la mkhas pa sha stag go/ /thams cad kyang sems can gyi lus
128a1 chos kyi skur kun du ston pa la mkhas pa sha stag go/ /thams cad kyang zhing thams cad kyi rgyan bkod pa de dag zhing gcig tu kun du ston pa la mkhas pa zhing gcig gi rgyan bkod pa de dag zhing thams
128a2 cad du kun du ston pa la mkhas pa sha stag go/ /thams cad kyang chos kyi sku sems can gyi lus su kun du ston pa la mkhas pa sha stag go/ /thams cad kyang spu'i khung bu gcig tu phyogs bcu'i 'jig rten gyi
128a3 khams thams cad 'jug par byed pa kun du ston pa la mkhas pa sha stag go/ /thams cad kyang sangs rgyas thams cad kyi mngon par rdzogs par byang chub pa'i smon lam gyi stobs kyi gnas mngon par rdzogs
128a4 par byang chub par kun du ston pa la mkhas pa sha stag go/ /thams cad kyang phyogs bcu'i 'jig rten gyi khams rab 'byam thams cad na gdul bya'i sems can yongs su smin pa ji lta ba de bzhin du bla na med pa
128a5 yang dag par rdzogs pa'i byang chub kun du ston pa la mkhas pa sha stag go/ /thams cad kyang bskal pa bgrangs pa thams cad du 'jig rten gyi khams gcig tu byang chub sems dpa'i spyad pa spyod pa rgyun
128a6 mi gcod pa'i lus kun du ston pa la mkhas pa sha stag go/ /thams cad kyang sems bskyed pa gcig gis phyogs bcu'i 'jig rten gyi khams rab 'byam thams cad kyi 'jig rten gyi khams re re
128a7 na sgo nga las skyes pa dang / mngal nas skyes pa dang / drod gsher las skyes pa dang / rdzus te skyes pa dang / gzugs can dang / gzugs can ma yin pa dang / 'du shes can dang / 'du shes can ma yin pa dang /
128a8 rkang gnyis pa dang / rkang bzhi pa dang / rkang mang dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang /
128b1 'jig rten skyong ba dang / mi dang / mi ma yin pa sems can gdul bya yongs su smin pa thams cad ji lta ba de bzhin du lhun gyis grub cing rnam par mi rtog par spyad pa dang / spyod lam dang bya ba la 'jug pa'i
128b2 gnas kun du ston pa la mkhas pa sha stag go/ /thams cad kyang rdul phra rab kyi rdul re re la 'jig rten gyi khams dpag tu med/ grangs med/ bsam gyis mi khyab/ mtshungs pa med/ gzhal du med/
128b3 tshad med/ brjod du med pa'i yang brjod du med pa dag 'jug par byed kyang sems can la gnod pa med pa la mkhas pa sha stag go/ /thams cad kyang bskal pa dpag tu med grangs med/ bsam gyi mi khyab/
128b4 mtshungs pa med/ gzhal du med/ brjod du med pa'i yang brjod du med pa dag yud tsam gcig tu byin gyis rlob pa kun du ston pa la mkhas pa/ yud tsam gcig bskal pa dpag tu med/ grangs med/
128b5 bsam gyis mi khyab/ mtshungs pa med/ gzhal du med/ brjod du med pa'i yang brjod du med pa dag tu byin gyis rlob pa la mkhas pa sha stag go/ /thams cad kyang spyod lam ji lta bus sems
128b6 can rnams yongs su smin par 'gyur ba de lta de ltar lhun gyis grub cing rnam par mi rtog par gzugs kyi lus kyi kha dog dang / spyod lam kun du ston pa la mkhas pa sha stag ste/ byang chub sems dpa'
128b7 sems dpa' chen po de dag dang / gzhan dag thams cad kyang yon tan bye ba khrag khrig 'bum phrag dpag tu med grangs med pa dag dang ldan pa sha stag go/ /sangs rgyas kyi zhing tha dad pa nas 'dus pa'i lha
128b8 dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dpag tu med/ grangs med/
129a1 bsam gyis mi khyab/ mtshungs pa med/ gzhal du med/ tshad med/ brjod du med pa'i yang brjod du med pa sha stag dang yang thabs gcig go/ /'jig rten gyi khams 'di nas kyang rgyal chen
129a2 bzhi'i ris kyi lha bye ba phrag brgya re re yang g.yog 'khor mang po/ dang ldan pa dag bcom ldan 'das la blta ba'i phyir dang / phyag bya ba'i phyir dang / bsnyen bkur bya ba'i phyir dang / chos mnyan pa'i
129a3 phyir bcom ldan 'das ga la ba der lhags so/ brgya byin bye ba phrag brgya dang / lha'i rgyal po rab 'thab bral bye ba phrag brgya dang / lha'i rgyal po yongs su dga' ldan bye ba phrag brgya dang / lha'i rgyal po rab 'phrul
129a4 bye ba phrag brgya dang / lha'i rgyal po gzhan 'phrul dbang byed pa bye ba phrag brgya la lha'i rgyal po re re yang g.yog 'khor mang po dang ldan pa dag bcom ldan 'das la blta ba'i phyir dang / phyag bya ba'i phyir dang / mchod
129a5 pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ ded dpon la sogs pa bdud kyi ris kyi lha bye ba phrag mang po dag kyang bcom ldan 'das la
129a6 blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /srin po'i rgyal po 'bum phrag bcwa
129a7 brgyad dang / 'byung po'i rgyal po 'bum phrag sum bcu rtsa brgyad dang / lha ma yin gyi rgyal po 'bum phrag brgyad bcu dang / rig sngags 'chang gi rgyal po 'bum phrag drug bcu rtsa lnga dang / drang srong
129a8 'bum phrag dgu bcu rtsa dgu thams cad kyang mngon par shes pa lnga dang ldan pa sha stag dang / rlung gi rgyal po chen po rnam par 'thor rlung dang / rnam par 'thor rlung chen po g.yog 'khor mang po dang
129b1 ldan pa dag dang / tshangs pa bye ba phrag brgya dang / tshangs pa chen po bye ba phrag brgya dang / 'od chung bye ba phrag brgya dang / tshad med 'od bye ba phrag brgya dang / 'od gsal bye ba phrag brgya dang / dge chung bye ba phrag
129b2 brgya dang / tshad med dge bye ba phrag brgya dang / dge rgyas bye ba phrag brgya dang / sprin med bye ba phrag brgya dang / 'bras bu che bye ba phrag brgya dang / bsod nams skyes bye ba phrag brgya dang / gya nom snang
129b3 bye ba phrag brgya dang / shin du mthong bye ba phrag brgya dang / mi che ba bye ba phrag brgya dang / mi gdung ba bye ba phrag brgya dang / 'og min gyi lha bye ba phrag brgya dag la tshangs pa chen po re re yang g.yog
129b4 'khor mang po dang ldan pa dag bcom ldan 'das blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das
129b5 ga la ba der lhags so/ /lha'i bu dbang phyug chen po la sogs pa gnas gtsang ma'i ris kyi lha bye ba phrag brgya dag kyang bcom ldan 'das la blta ba'i phyir dang / phyag bya ba'i phyir dang /
129b6 mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /klu'i dbang po bye ba phrag brgya dang / gnod sbyin gyi dbang po bye ba phrag brgya dang /
129b7 dri za'i dbang po bye ba phrag brgya dang / lha ma yin gyi dbang po bye ba phrag brgya dang / nam mkha' lding gi dbang po bye ba phrag brgya dang / mi 'am ci'i dbang po bye ba phrag brgya dang / lto 'phye chen po'i dbang po bye ba phrag
129b8 brgya re re yang g.yog 'khor mang po dang ldan pa dag bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir/ bcom ldan
130a1 'das ga la ba der lhags so/ /mi dang ma yin pa dpag tu med grangs med pa dag kyang bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i
130a2 phyir dang / chos mnyan pa'i phyir bcom ldan 'das ga la ba der lhags so/ /dge bsnyen dang dge bsnyen ma bye ba khrag khrig 'bum phrag mang po dag kyang bcom ldan 'das la blta ba'i phyir dang / phyag bya ba'i
130a3 phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /rtswa dang / shing gel ba dang / sman dang / nags tshal gyi lha gang dag yin pa dag dang
130a4 lhun po dang / lhun po chen po dang / btang bzung dang / btang bzung chen po dang / gangs ri dang / 'khor yug dang 'khor yug chen po la sogs pa ri rnams kyi lha gang dag yin pa de dag thams cad gnas dang bcas te/
130a5 bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /rgya mtsho dang / rgya mtsho chen po
130a6 dang / chu klung dang / chu bran dang / mtsho bran dang / mtshe'u dang / chu mig dang / 'bab chu rnams kyi lha gang dag yin pa de dag thams cad kyang gnas dang bcas te/ bcom ldan 'das la blta ba'i phyir dang /
130a7 phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /grong dang / grong khyer dang / grong rdal dang / ljongs dang / yul 'khor dang /
130a8 rgyal po'i pho brang 'khor dang / 'or rnams kyi lha gang dag yin pa de dag kyang rang gis gnas dang lhan cig tu/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i
130b1 phyir dang / chos mnyan pa'i phyir bcom ldan 'das ga la ba der lhags so/ /klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang lto 'phye chen po'i gnas rnams kyi lha gang dag
130b2 yin pa de dag kyang rang rang gi gnas su zhugs te/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir dang / bcom ldan
130b3 'das ga la ba der lhags te/ bcom ldan 'das kyi mthus sems can 'ga' la yang gnod pa med cing sgrib pa med do/ /zla ba bye ba phrag brgya dang / nyi ma bye ba phrag brgya dang / rgya mtsho bye ba phrag brgya re re yang
130b4 g.yog 'khor mang po dang ldan pa dag bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /
130b5 klu'i rgyal po chen po ma dros pa yang 'khor dang bcas te bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'ad
130b6 sa ga la ba der lhags so/ /dud 'gro'i skye gnas su song ba'i sems can thams cad kyang bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir
130b7 dang / chos mnyan pa'i phyir bcom ldan 'das ga la ba der lhags so/ /dud 'gro'i skye gnas su song ba'i sems can de dag thams cad kyang theg pa chen po la mos pa/ theg pa chen po la gzhol ba thams
130b8 cad mkhyen pa nyid kyi ye shes 'dod pa sha stag go/ /de'i tshe bcom ldan 'das kyi kha dog dang / gzugs dang / gzi brjid dang / 'od kyis 'khor thams cad zil gyis mnan te/ lam me lhan ne/
131a1 lhang nge'o/ /'di lta ste/ dper na nyi mas 'od zer bye ba khrag khrig 'bum phrag grangs med pa phyung ste srin bu me khyer thams cad zil gyis mnan nas lam me/ lhan ne/ lhang nge'o/ /de bzhin
131a2 du bcom ldan 'das kyang brgya byin dang / tshangs pa dang / 'jig rten skyongs ba thams cad zil gyis mnan te lam me/ lhan ne/ lhang nge'o/ /'di lta ste dper na zla ba yar gyi ngo tshes bcwa lnga la zla ba'i dkyil
131a3 'khor sprin gyis dra ba las grol ba ni skar ma'i tshogs thams cad zil gyis mnan nas lam me/ lhan ne/ lhang nge'o/ /de bzhin du bcom ldan 'das kyang brgya byin dang / tshangs pa dang / 'jig rten skyongs ba
131a4 thams cad spa bkong ste zil gyis mnan nas lam me/ lhan ne/ lhang nge te/ ri'i rgyal po ri rab ltar dpal gyis rab tu 'bar te/ sku mi g.yo/ mi 'gyur/ mi 'gul bar lam me/ lhan ne/ lhang nge
131a5 'o/ de nas 'jam dpal gzhon nur gyur pas byang chub sems dpa' sems dpa' chen po sgrib pa thams cad rnam par sel ba la 'di skad ces smras so/ kye rgyal ba'i sras de bzhin du de bzhin
131a6 gshegs pa 'di ni sku mi g.yo mi 'gyur/ mi 'gul bar bzhugs so/ /de skad ces smras pa dang / byang chub sems dpa' sems dpa' chen po sgribs pa thams cad rnam par sel bas 'jam
131a7 dpal gzhon nur gyur pa la 'di skad ces smras so/ 'jam dpal de bzhin gshegs pa 'di la 'khor 'di nyid kyi nang nas kha cig gis ni rab tu 'byung bar mngon du phyogs shing khyim nas
131a8 mngon par 'byung bar shes so/ /kha cig gis ni rab tu byung zhing dka' ba spyod pa la gnas par shes so/ /'khor 'di nyid kyi nang nas kha cig gis ni byang chub kyi snying por gshegs par shes so/ /kha cig
131b1 gis ni byang chub kyi snying po la bzhugs par shes so/ /'khor 'di nyid kyi nang nas kha cig gis ni bdud 'khor grangs med dpag tu med pas bskor ba bcom par shes so/ /kha cig gis ni lha dang / klu dang / gnod
131b2 sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dpag tu med grangs med pa dag gis ded dpon chen po rgyal lo
131b3 rgyal lo zhes spro bar byed par shes so/ /kha cig gis ni mngon par rdzogs par sangs rgyas nas brgya byin rnams gsol ba 'debs par shes so/ /kha cig gis ni tshangs pa rnams la gsol ba 'debs par
131b4 shes so/ /'khor 'di nyid kyi nang nas kha cig gis ni 'jig rten skyongs ba rnams bcom ldan 'das la gsol ba 'debs par shes so/ /kha cig gis ni bcom ldan 'das bdag cag la sbyin pa'i
131b5 stam ston par shes so/ /'khor 'di nyid kyi nang nas kha cig gis bcom ldan 'das bdag cag la tshul khrims kyi gtam ston par shes so/ /kha cig gis ni bzod pa'i gtam/ kha cig gis ni
131b6 brtson 'grus kyi gtam/ kha cig gis ni bsam gtan gyi gtam/ kha cig gis ni shes rab kyi gtam bcom ldan 'das bdag cag la ston par shes so/ /kha cig gis ni thabs la mkhas
131b7 pa'i gtam/ kha cig gis ni rdzu 'phrul gyi gtam/ kha cig gis ni smon lam gyi gtam/ kha cig gis ni ye shes kyi gtam bcom ldan 'das bdag cag la ston par shes so/ /kha cig
131b8 gis ni nyan thos kyi theg pa'i gtam/ kha cig gis ni rang sangs rgyas kyi theg pa'i gtam/ kha cig gis ni theg pa chen po'i gtam/ bcom ldan 'das bdag cag la ston par shes so/ /kha cig
132a1 gis ni sems can dmyal bar skye ba'i chos rnams bcom ldan 'das bdag cag la ston par shes so/ /kha cig gis ni dud 'gror skye ba'i chos rnams bcom ldan 'das bdag cag la ston
132a2 par shes so/ /kha cig gis ni yi dags su skye ba'i chos rnams kha cig gis ni gshin rje'i 'jig rten du skye ba'i chos rnams bcom ldan 'das bdag cag la ston par shes so/ /kha cig gis ni rgyal
132a3 chen bzhi'i ris kyi lha'i nang du skye ba'i chos rnams bcom ldan 'das bdag cag la ston par shes so/ /kha cig gis ni sum bcu rtsa gsum gyi gnas su skye ba dang / kha cig gis ni 'thab bral gyi gnas
132a4 su skye ba'i chos rnams bcom ldan 'das bdag cag la ston par shes so/ /kha cig gis ni dga' ldan gyi gnas su skye ba dang / kha cig gis ni 'phrul dga'i gnas su skye ba dang / kha cig gis ni gzhan
132a5 'phrul dbang byed kyi gnas su skye ba dang / kha cig gis ni bdud kyi gnas su skye ba dang / kha cig gis ni 'tshangs pa'i gnas su skye ba'i chos rnams bcom ldan 'das bdag cag la ston par shes so/ /
132a6 de bzhin du tshangs pa'i mdun na 'don dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes
132a7 dang / 'bras bu che dang / mi che ba dang / mi gdung ba dang / gya nom snang dang / shin du mthong dang / 'og min dang / nam mkha' mtha' yas skye mched dang / rnam shes mtha' yas skye mched dang / ci yang med
132a8 pa'i skye mched dang / 'du shes med 'du shes med min skye mched du skye ba'i chos rnams bcom ldan 'das bdag cag la ston par shes so/ /'jam dpal 'khor 'di nyid kyi nang nas kha cig gis ni mir
132b1 skye ba'i chos rnams/ kha cig gis ni 'khor los sgyur ba'i rgyal por 'gyur ba'i chos rnams kha kha cig gis ni gling gnyis dang / gsum dang / bzhi pa'i 'khor los sgyur ba dang / stong gnyis dang / stong
132b2 gsum gyi stong chen po dang / stong gsum gyi stong chen po'i 'jig rten gyi khams gang gA'i klung gi bye ma snyed dag gi 'khor los sgyur ba'i rgyal por 'gyur ba'i chos rnams bcom ldan 'das bdag cag la
132b3 ston par shes so/ /'jam dpal 'khor 'di nyid kyi nang nas kha cig gis ni de bzhin gshegs pa'i sku 'dom do tsam du 'phags par shes so/ /kha cig gis ni rgyang grags tsam du 'phags kha cig gi
132b4 ni rgyang grags gnyis tsam du 'phags/ kha cig gis ni de bzhin gshegs pa'i sku dpag tshad tsam du 'phags par shes so/ /kha cig gis ni de bzhin gshegs pa'i sku dpag tshad gnyis tsam du 'phag
132b5 sa par shes so/ /kha cig gis ni de bzhin gshegs pa'i sku dpag tshad bcu tsam du shes so/ /'khor 'di nyid kyi nang nas kha cig gis ni de bzhin gshegs pa'i sku dpag tshad stong du shes so/ /kha
132b6 cig gis ni de bzhin gshegs pa'i sku dpag tshad stong phrag bcu dang / nyi shu dang / sum bcu dang / bzhi bcu dang / lnga bcu par shes so/ /kha cig gis ni dpag tshad 'bum dang / kha cig gis ni de bzhin
132b7 gshegs pa'i sku dpag tshad 'bum phrag bcu dang / nyi shu dang / sum bcu dang / bzhi bcu dang / lnga bcu par shes so/ /kha cig gis ni de bzhin gshegs pa'i sku dpag tshad 'bum phrag brgyad khri
132b8 bzhi stong par shes so/ /'khor 'di nyid kyi nang nas kha cig gis ni de bzhin gshegs pa'i sku dpag tshad 'bum phrag bgrangs pa las 'das par shes so/ 'khor 'di nyid kyi nang nas kha cig gis ni
133a1 de bzhin gshegs pa'i sku gser gyi kha dog tu mthong ngo / /kha cig gis ni nor bu rin po che bai dUr+ya'i kha dog tu/ kha cig gis ni nor bu rin po che chen po an+da rnyil gyi kha dog tu/ kha cig gis ni nor bu rin po che mthon ka
133a2 chen po'i kha dog tu/ kha cig gis ni nor bu rin po che skar 'od kyi kha dog tu/ kha cig gis ni nor bu rin po che pad ma rA ga'i kha dog tu/ kha cig gis ni nor bu rin po che brgya byin thogs pa'i kha dog tu/ kha cig gis ni
133a3 nor bu rin po che rdo rje snang ba'i kha dog tu/ kha cig gis ni nor bu rin po che lha thams cad snang ba'i kha dog tu/ kha cig gis ni nor bu rin po che nyi zla snang ba'i kha dog tu/ kha cig gis ni nor bu rin po che chu 'dang gi kha dog
133a4 tu/ kha cig gis ni de bzhin gshegs pa'i sku nor bu rin po che shel gyi kha dog tu shes so/ /kha cig gis ni nor bu rin po che dbang gi rgyal po'i kha dog tu/ kha cig gis ni nor bu rin po che 'od thams cad bsdus
133a5 pa'i kha dog tu/ kha cig gis ni nor bu rin po che ri dgas kyi rgyal po seng ge ral pa can gyi kha dog tu/ kha cig gis ni nor bu rin po che seng ge'i rgyal mtshan gyi rtse mo'i kha dog tu/ kha cig gis ni nor bu rin po che
133a6 rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu shes so/ /'jam dpal 'khor 'di nyid kyi nang nas kha cig gis ni da bzhin gshegs pa yid bzhin gyi nor bu
133a7 rin po che'i kha dog tu shes so/ /'jam dpal kha dog dang / spyod lam dang / dbyibs gang dang gang kho nas sems can rnams 'dul bar 'gyur ba/ 'jam dpal de bzhin gshegs pa kha dog dang / spyod lam
133a8 dang / dbyibs de dang de kho nar sems can rnams kyis mthong ngo / /'jam dpal chos bstan pa gang dang gang gis sems can rnams yongs su smin par 'gyur ba'i chos de dang de nyid de bzhin gshegs pa
133b1 ston par sems can rnams kyis shes so/ /'jam dpal spyod pa gang dang gang gis sems can rnams de bzhin gshegs pa'i bstan pa la 'dzud cing 'dul bar 'gyur ba'i spyod pa de dang de la de bzhin ga
133b2 shegs pa bzhugs par sems can rnams kyis shes so/ /'jam dpal gal te shar phyogs kyi 'jig rten gyi khams dpag tu med/ grangs med/ bsam gyis mi khyab/ mtshungs pa med/ gzhal
133b3 du med/ tshad med/ brjod du med pa'i yang brjod du med pa dag lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs
133b4 pa dang / 'jig rten skyong ba dang / mi dang / mi ma yin pa rnams kyis yongs su gang bar gyur la/ shar phyogs su ji lta ba de bzhin du lho dang / de bzhin du nub dang / de bzhin du byang dang / de bzhin du shar lho
133b5 dang / de bzhin du lho nub dang / de bzhin du nub byang dang / de bzhin du byang shar dang / de bzhin du steng dang / de bzhin du 'og gi phyogs kyi 'jig rten gyi khams dpag du med/ grangs med/ bsam gyi mi
133b6 khyab/ mtshungs pa med/ gzhal du med/ tshad med/ brjod du med pa'i yang brjod du med pa dag lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang /
133b7 lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa dag gis dper na 'dam bu'i tshal lam/ bu ram shing gi tshal lam/ til gyi zhing bzhin du yongs su gang bar
133b8 gyur pa'i sems can de dag 'jam dpal gal te de bzhin gshegs pa mthong bas 'dul ba yin na/ sems can de dang de dag gis de bzhin gshegs pa'i spyan snga na 'dom gang tsam na 'khod par shes so/ /
134a1 'jam dpal kha dog dang / spyod lam dang / gnas gang dang gang gis sems can de dag 'dul bar 'gyur ba de dang de kho nar de bzhin gshegs pa mdun na bzhugs par sems can de dag gis
134a2 mthong ngo / /'jam dpal chos bstan pa gang dang gang gis sems can rnams yongs su smin par 'gyur ba de dang de nyid kyi chos ston par thos so/ /'jam dpal spyod pa gang gis sems can de dag de bzhin gshegs
134a3 pa'i bstan pa la 'jug par 'gyur ba'i spyod pa de dang de la de bzhin gshegs pa bzhugs te/ de bzhin gshegs pa'i mdzad pa thams cad lhun gyis grub cing rnam par mi rtog par 'gyur ro/ /'jam dpal 'di
134a4 lta ste dper na zla ba yar gyi ngo'i dkyil 'khor nam phyed kyi dus na 'dzam bu'i gling gi sems can thams cad kyis so so'i mdun na zla ba'i dkyil 'khor 'dug par shes kyang zla ba'i dkyil 'khor ni sems can de
134a5 dag gis bdag ci'i phyir zla ba'i dkyil 'khor du shes par 'gyur bar bdag sems can de dag gi mdun na 'dug par bya'o/ /snyam du mi rtog /rnam par mi rtog mod kyi/ 'on kyang 'jam dpal zla ba'i dkyil
134a6 'khor ni ma 'dres pa'i chos dang ldan pas lhun gyis grub cing rnam par mi rtog par de lta bu'i bya ba 'di 'byung ngo / /'jam dpal de bzhin du de bzhin gshegs pa dgra bcom pa yang dag par rdzogs pa'i sangs
134a7 rgyas kyang 'khor dpag tu med/ grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa'i yang brjod du med pa'i dbus na bzhugs na de dag thams cad
134a8 kyis kyang de bzhin gshegs pa mdun na bzhugs par mthong mod kyi/ 'jam dpal de bzhin gshegs pa ni sems can de dag gis de bzhin gshegs pa mdun na bzhugs par shes par 'gyur ba dang
134b1 sems can de dag gis mdun du 'dug par bya'o snyam du mi rtog /rnam par mi rtog ste/ 'on kyang sems can rnams ji lta bus 'dul ba de bzhin du de bzhin gshegs pa mdun na bzhugs
134b2 par shes so/ /de ci'i phyir zhe na/ ma 'dres pa'i chos dang ldan pa'i phyir ro/ /'jam dpal dper na sems can rnams kyi las kyi tha ma dang / 'bring dang / rab kyi rnam par smin pa'i dbang gis
134b3 sems can rnams kyi 'du byed tha ma dang / 'bring dang / rab rnams 'byung bar 'du byed rnams ni mi rtog /rnam par mi rtog ste/ 'on kyang 'du byed de dag lhun gyis grub cing rnam par mi
134b4 rtog par tha ma dang / 'bring dang / rab rnams kyi bya ba dag la 'jug go/ /'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sems can rnams kyis
134b5 las kyi rnam par smin pa tha ma dang / 'bring dang / rab kyi dbang gis de bzhin gshegs pa tha ma dang / 'bring dang / rab tu sems can rnams kyis mthong yang 'jam dpal de bzhin gshegs pa ni
134b6 mi rtog /rnam par mi rtog ste/ 'on kyang de bzhin gshegs pa de'i mdzad pa de lta bu de lhun gyis grub par 'byung ngo / /'jam dpal dper na nor bu rin po che bai dUr+ya rigs ma ni ras
134b7 tha dad pa nyid kyi dbang gis kha dog tha dad pa nyid du 'gyur te/ 'jam dpal gal te nor bu rin po che bai dUr+ya ras ser po'i steng du bzhag na ni nor bu rin po che bai dUr+ya kha dog ser por 'gyur/ gal te
134b8 ras dmar po'i steng du bzhag na ni nor bu rin po che bai dUr+ya kha dog dmar por 'gyur/ gal te ras sngon po'i steng du bzhag na ni nor bu rin po che bai dUr+ya kha dog sngon por 'gyur te/ de ltar ras kha
135a1 dog ci dang ci 'dra ba'i steng du bzhag pa de dang de nyid kyi kha dog kho nar 'gyur yang 'jam dpal nor bu rin po che bai dUr+ya ni mi rtog /rnam par mi rtog ste/ 'on kyang lhun gyis grub cing
135a2 rnam par mi rtog par de'i bya ba de lta bu de 'byung ngo / /'jam dpal de bzhin du de bzhin gshegs pa yang sems can tha dad pa nyid kyi dbang gis kha dog tha dad pa nyid du 'gyur te/ 'jam dpal
135a3 gal te sems can rnams de bzhin gshegs pa'i sku gser gyi kha dog tu mthong bas gdul bar bya ba yin na ni de dag gis ni de bzhin gshegs pa'i sku gser gyi kha dog tu mthong ngo / /gal te sems
135a4 can rnams nor bu rin po che bai dUr+ya'i kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che bai dUr+ya'i kha dog tu mthong ngo / /gal te sems can rnams
135a5 mu tig gi kha dog lta bus gdul bar bya ba yin na ni de dag gis kyang de bzhin gshegs pa'i sku mu tig gi kha dog tu mthong ngo / /gal te sems can rnams nor bu rin po che an da rnyil gyi
135a6 kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che an da rnyil gyi kha dog tu mthong ngo / /'jam dpal gal te sems can rnams nor bu rin po che
135a7 mthon ka chen po'i kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che mthon ka chen po'i kha dog tu mthong ngo / /gal te sems can rnams nor
135a8 bu rin po che 'od thams cad bsdus pa'i kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che 'od thams cad bsdus pa'i kha dog tu mthong ngo / /
135b1 gal te sems can rnams nor bu rin po che dbang gi rgyal po'i kha dog lta bus/ gdul bar bya ba yin na ni de dag gis kyang de bzhin gshegs pa'i sku nor bu rin po che dbang gi rgyal po'i kha dog tu
135b2 mthong ngo / /gal te sems can rnams nor bu rin po che brgya mtsho'i gnas rnam par dag pa rin po che/ bkod pa kun nas 'od zer snang ba'i kha dog lta bus gdul bar bya ba yin na ni de dag gis kyang de bzhin
135b3 gshegs pa'i sku nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu mthong ngo / /gal te sems can rnams nor bu rin po che'i rgyal po seng ge ral pa
135b4 can gyi kha dog lta bus gdul bar bya ba yin na ni de dag gis kyang / de bzhin gshegs pa'i sku nor bu rin po che'i rgyal po seng ge ral pa can gyi kha dog tu mthong ngo / /gal te sems can rnams nor
135b5 bu rin po che seng ge'i rgyal mtshan gyi rtse mo'i kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che seng ge'i rgyal mtshan gyi rtse mo'i kha dog tu mthong ngo / /
135b6 'jam dpal gal te sems can rnams nor bu rin po che glog gi sgron ma'i kha dog lta bus gdul bar bya ba/ yin na ni de dag gis kyang de bzhin gshegs pa'i sku nor bu rin po che glog gi sgron ma'i
135b7 kha dog tu mthong ngo / /gal te sems can rnams nor bu rin po che chu 'dang gi kha dog lta bus gdul bar bya ba yin na ni/ /de dag gis kyang de bzhin gshegs pa'i sku nor bu rin po che
135b8 chu 'dang gi kha dog tu mthong ngo / /de bzhin du sems can rnams de bzhin gshegs pa'i sku brgya byin dang / /tshangs pa dang / 'jig rten skyong ba'i kha dog tu mthong bas gdul bar bya ba yang /
136a1 yin na ni de dag gis kyang de bzhin gshegs pa'i sku brgya byin dang / tshangs pa dang / 'jig rten skyong ba'i kha dog tu mthong ngo / /de bzhin du sbyar te sems can rnams sems can dmyal ba dang /
136a2 dud 'gro dang / yi dags dang / gshin rje'i 'jig rten du skyes pa'i bar gyi kha dog gis gdul bar bya ba yin na ni de dag gis kyang de bzhin gshegs pa'i sku sems can dmyal ba dang / dud 'gro dang / yi dag
136a3 sa dang / gshin rje'i 'jig rten du skyes pa'i bar gyi kha dog tu mthong ngo / /gzugs med par skyes pa'i bar gyi gzugs dang / lus dang / kha dog dang / spyod lam gang dang gang gis sems can rnams 'dul
136a4 bar 'gyur ba'i gzugs dang / lus dang / kha dog dang / spyod lam de dang de lta bur de bzhin gshegs pa mthong ngo / /de bzhin du sgo nga las skyes pa dang / mngal nas skyes pa dang / drod gsher las skyes
136a5 pa dang / rdzus te skyes pa dang / gzugs can dang / gzugs can ma yin pa dang / 'du shes can dang / 'du shes can ma yin pa dang / 'du shes med 'du shes med min gyi sems can rnams kyi gzugs
136a6 dang / lus dang / kha dog dang spyod lam gang dang gang gis 'dul bar 'gyur ba'i gzugs dang / lus dang / kha dog dang / spyod lam de dang der de bzhin gshegs pa mthong yang de bzhin gshegs
136a7 pa ni sems can 'di dag gis gser gyis kha dog tu mthong bar gyur la/ nor bu rin po che bai dUr+ya'i kha dog tu mthong bar ni ma gyur cig /sems can 'di dag gis ni nor bu rin po che bai dUr+ya'i kha dog tu mthong
136a8 bar gyur la/ nor bu rin po che an da rnyil gyi kha dog tu mthong bar ni ma gyur cig /sems can 'di dag gis ni nor bu rin po che an da rnyil gyi kha dog tu mthong bar gyur la nor bu rin po che mthon
136b1 ka chen po'i kha dog tu mthong bar ni ma gyur cig /sems can 'di dag gis ni nor bu rin po che mthon ka chen po'i kha dog tu mthong bar gyur la/ nor bu rin po che 'od thams cad bsdus pa'i kha dog tu
136b2 mthong bar ni ma gyur cig /sems can 'di dag gis ni nor bu rin po che 'od thams cad bsdus pa'i kha dog tu mthong bar gyur la/ nor bu rin po che dbang gi rgyal po'i kha dog tu mthong bar ni ma gyur
136b3 cig /sems can 'di dag gis ni nor bu rin po che dbang gi rgyal po'i kha dog tu mthong bar gyur la/ nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog
136b4 tu mthong bar ni ma gyur cig /sems can 'di dag gis ni nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu mthong bar gyur la/ nor bu rin
136b5 po che'i rgyal po seng ge ral pa can gyi kha dog tu mthong bar ni ma gyur cig /sems can 'di dag gis ni nor bu rin po che'i rgyal po seng ge ral pa can gyi kha dog tu mthong bar gyur la/ nor bu rin po che
136b6 seng ge'i rgyal mtshan gyi rtse mo'i kha dog tu mthong bar ni ma gyur cig /sems can 'di dag gis ni nor bu rin po che seng ge'i rgyal mtshan gyi rtse mo'i kha dog tu mthong bar gyur la/ nor bu rin po
136b7 che brgya byin thogs pa'i kha dog tu mthong bar ni ma gyur cig /sems can 'di dag gis ni nor bu rin po che brgya byin thogs pa'i kha dog tu mthong bar gyur la/ nor bu rin po che rdo rje snang ba'i kha
136b8 dog tu mthong bar ni ma gyur cig /sems can 'di dag gis ni nor bu rin po che rdo rje snang ba'i kha dog tu mthong bar gyur la/ nor bu rin po che lha thams cad snang ba'i kha dog tu mthong bar ni
137a1 ma gyur cig /sems can 'di dag gis ni nor bu rin po che lha thams cad snang ba'i kha dog tu mthong bar gyur la/ nor bu rin po che nyi zla snang ba'i kha dog tu mthong bar ni ma gyur cig /
137a2 sems can 'di dag gis ni nor bu rin po che nyi zla snang ba'i kha dog tu mthong bar gyur la/ nor bu rin po che glog gi sgron ma'i kha dog tu mthong bar ni ma gyur cig /sems can 'di dag gis ni
137a3 nor bu rin po che glog gi sgron ma'i kha dog tu mthong bar gyur la/ nor bu rin po che'i rgyal po yid bzhin gyi kha dog tu mthong bar ni ma gyur cig ces mi rtog /rnam par mi rtog go/ /de bzhin du sbyar te/ 'gro ba thams cad du
137a4 skyes pa'i sems can rnams la yang brjod par bya ste/ 'jam dpal de bzhin gshegs pa ni mi rtog /rnam par mi rtog mod kyi/ 'on kyang lhun gyis grub cing rnam par mi rtog pa de'i mdzad pa de lta bu de 'byung ngo /
137a5 bam po gnyis pa/ 'jam dpal dper na nor bu rin po che dbang gi rgyal po gang du 'byung ba der lcags dang lcags las byas pa'i yo byad rnams mi 'byung mod kyi/ 'jam dpal 'on
137a6 kyang nor bu rin po che dbang gi rgyal po ni mi rtog /rnam par mi rtog ste/ 'di snyam du bdag gang du byung ba der lcags dang lcags las byas pa'i yo byad rnams 'byung bar ma gyur cig snyam du mi sems mod kyi
137a7 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal de bzhin du sangs rgyas kyi zhing gang du de bzhin gshegs pa byung ba der mu stegs can spyod pa pa dang / kun du rgyu dang
137a8 gcer bu pa la sogs pa mu steg can gyi gnas thams cad mi 'byung / der lta bar gyur pa thams cad mi 'byung / der 'khrug pa thams cad mi 'byung / der mtshams med pa lnga po dag mi 'byung der mi dge ba
137b1 bcu'i las kyi lam rnams mi 'byung / der rgyal po'i bka' lung dang / chos gces pa 'dor ba mi 'byung / der nyi zla'i 'od dag mi 'byung / der brgya byin dang / tshangs pa dang / 'jig rten skyong ba dag dang lha thams cad
137b2 kyi 'od dag mi 'byung / der nor bu rin po che'i 'od rnams dang / me'i 'od rnams dang / glog gi 'od rnams mi 'byung / der yud tsam dang / yud tsam phyed dang / zla ba dang / zla ba phyed dang / lor bgrang ba rnams mi 'byung
137b3 ste/ 'jam dpal gzhan du na sems can yongs su smin par bya ba'i phyir de bzhin gshegs pa'i byin gyi brlabs ni ma gtogs so/ /'jam dpal de bzhin gshegs pa ni mi rtog /rnam par mi rtog ste/ 'on
137b4 kyang sems can gyi dbang gis lhun gyis grub cing rnam par mi rtog par de'i mdzad pa de lta bu de 'byung ngo / /'jam dpal dper na nor bu rin po che mthon ka chen po'i 'od kyis reg pa de dag thams cad nor bu rin po che mthon
137b5 ka chen po'i kha dog tu 'gyur yang nor bu rin po che mthon ka chen po ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal de bzhin du gang dag de
137b6 bzhin gshegs pa la dmigs pa'i yid la byed pa'i 'od kyis reg pa de dag thams cad thams cad mkhyen pa nyid kyi kha dog tu 'gyur yang de bzhin gshegs pa ni mi rtog /rnam par mi rtog ste/ 'on kyang 'jam dpal lhun
137b7 gyis grub cing rnam par mi rtog par de bzhin gshegs pa'i mdzad pa de lta bu de 'byung ngo / /'jam dpal dper na nor bu rin po che chen po bai dUr+ya byi dor legs par byas pa mgo'i rgyan nam/ mgul ba'i rgyan
137b8 nam/ lag pa'i rgyan nam/ rkang pa'i rgyan yang rung ste/ gang dang gang gis logs na rgyan du 'dug pa de dang der rgyan du shin du lam me/ lhan ne/ lhang nge'o/ /nor bu rin po che chen po bai dUr+ya de nyid kyi mthus rgyan de
138a1 dag kyang shin du lam me/ lhan ne/ lhang nger/ 'dug kyang nor bu rin po che chen po bai dUr+ya mi rtog rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /
138a2 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang spyod lam gyi gnas gang dang gang gis nyan thos kyi spyod pa 'am/ rang sangs rgyas kyi spyod pa 'am/ byang chub sem
138a3 sa dpa'i spyod pa 'am/ de bzhin gshegs pa'i spyod pa 'am/ spyod pa pa dang / kun tu rgyu dang / gcer bu pa'i spyod pa 'am/ dud 'gro dang / yi dags dang / gshin rje'i 'jig rten dang / sha za dang / grul bum dang / srin po'i spyod
138a4 pa 'am/ lha dang / klu dang / gnod sbyin dang / dri za'i spyod pa 'am/ spyod pa gang dang gang la gnas pa'i spyod pa de dang de nyid shin du lam me/ lhan ne/ lhang nge'o/ /de bzhin gshegs pa de nyid kyi mthus spyod pa de shin du lam
138a5 me lhan ne/ lhang nger rnam par mdzes kyang 'jam dpal de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i mdzad pa de lta bu de 'byung ngo / /'jam dpal dper
138a6 na sa la gnas/ sa la brten nas sa bon thams cad dang / rtswa dang / shing gel ba dang / sman dang / nags tshal rnams skye zhing 'phel la shin du rgyas pa nyid du 'gyur yang 'jam dpal sa ni mi rtog /rnam par mi rtog
138a7 ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal de bzhin du de bzhin gshegs pa la gnas/ de bzhin gshegs pa la brten nas sems can thams cad kyi dge ba'i
138a8 rtsa ba thams cad skye zhing 'phel te/ shin du rgyas pa nyid du 'gyur yang de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i mdzad pa de lta bu de 'byung ngo / /
138b1 'jam dpal dper na sprin chen pos 'dzam bu'i gling thams cad khebs par byas nas rtswa dang / shing gel ba dang / sman dang / nags tshal rnam pa tha dad pa rnams su char pa chen po rab tu phab ste/ ro gcig pa'i chu'i rgyun
138b2 des rtswa dang / shing gel ba dang / sman dang / nags tshal rnam pa tha dad pa rnams skye bar byed cing gnas rnam pa tha dad pa rnams su chu de ro tha dad pa dang / kha dog tha dad par yang gnas la/ 'jam dpal sprin ni mi rtog /rnam
138b3 par mi rtog ste/ 'on kyang lhun gyis grub cing rnam par mi rtog par bya ba tha dad pa rnams 'byung ngo / /'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang phyogs bcu'i
138b4 'jig rten gyi khams rab 'byam thams cad sangs rgyas kyi sku'i sprin gyis khyab par mdzad de/ sems can dge ba'i rtsa ba sna tshogs bsags pa/ smon lam dang / lhag pa'i bsam pa dang / mos pa tha dad cing mos pa
138b5 tha dad pa la gnas pa thams cad la chos kyi char chen po mngon par phab ste/ 'jam dpal chos kyi char de yang ro gcig pa yin mod kyi/ 'jam dpal sems can dge ba'i rtsa ba sna tshogs bsags pa/ smon lam dang /
138b6 lhag pa'i bsam pa dang / mos pa tha dad cing mos pa tha dad pa la gnas pa/ dge ba'i rtsa ba dang / smon lam dang / lhag pa'i bsam pa dang / mos pa tha dad pa la zhugs pa rnams la rnam pa tha dad pa nyid kyi chos tha dad pa kho na'i
138b7 char pas nus pa ji lta ba dang / mthu ji lta ba bzhin du dge ba'i rtsa ba bskyed kyang 'jam dpal de bzhin gshegs pa ni mi rtog /rnam par mi rtog ste/ 'di lta ste/ sems can 'di dag la ni nyan thos kyi ye shes su 'gyur ba'i
138b8 dge ba'i rtsa ba dag rnam par bskyed par bya'o/ /sems can 'di dag la ni rang sangs rgyas kyi ye shes su 'gyur ba'i dge ba'i rtsa ba dag rnam par bskyed par bya'o/ /sems can 'di dag la ni sangs rgyas kyi ye shes su
139a1 'gyur ba'i dge ba'i rtsa ba dag rnam par bskyed par bya'o/ /sems can 'di dag la ni rgyal chen bzhi pa'i lha'i gnas su skye ba'i dge ba'i rtsa ba dag rnam par bskyed par bya'o/ /sems can 'di dag la ni
139a2 sum bcu rtsa gsum gyi gnas su skye ba'i dge ba'i rtsa ba dag rnam par bskyed par bya'o/ /de bzhin du sbyar te 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams
139a3 dang / de bzhin du tshangs pa rnams dang / tshangs chen rnams dang / tshangs pa'i mdun na 'don rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med
139a4 dge rnams dang / dge rgyas rnams dang / sprin med rnams dang / bsod nams bskyes rnams dang / 'bras bu che ba rnams dang / mi che ba rnams dang / mi gdung ba rnams dang gya nom snang rnams dang / shin du
139a5 mthong rnams dang / gnas gtsang ma'i ris rnams dang / 'og min rnams kyi dge ba'i rtsa ba dag rnam par bskyed par bya'o/ /bdud kyi ris kyi lha rnams kyi dge ba'i rtsa ba dag rnam par bskyed par bya'o snyam du
139a6 'jam dpal de bzhin gshegs pa ni mi rtog /rnam par mi rtog go/ /sems can 'di dag la ni rgyal por skye ba'i dge ba'i rtsa ba sna tshogs dag rnam par bskyed par bya'o/ /sems can 'di dag la ni mir skye ba'i
139a7 dge ba'i rtsa ba sna tshogs dag rnam par bskyed par bya'o/ /sems can 'di dag la ni dbang phyug tu 'gyur ba'i dge ba'i rtsa ba sna tshogs dag rnam par bskyed par bya'o snyam du 'jam dpal de bzhin gshegs pa ni mi
139a8 rtog /rnam par mi rtog ste/ 'on kyang de bzhin gshegs pa ni lhun gyis grub cing rnam par mi rtog par sems can smon lam dang / lhag pa'i bsam pa dang / mos pa ji lta ba dang / dge ba'i rtsa ba ji ltar
139b1 bsags pa bzhin du mdzad pa de lta bu de 'byung ste/ de bzhin gshegs pa ni thams cad du btang snyoms su bzhugs shing btang snyoms la rnam par mi rtog go/ /'jam dpal dper na nyi ma'i dkyil 'khor
139b2 shar ma thag tu 'od zer bye ba khrag khrig 'bum phrag grangs med pa btang bas 'dzam bu'i gling gi mun pa mun nag thams cad med par 'gyur yang nyi ma'i dkyil 'khor ni mi rtog /rnam par mi rtog ste/ 'on
139b3 kyang lhun gyis grub cing rnam par mi rtog par bya ba de lta bu de 'byung ngo / /'jam dpal de bzhin du de bzhin gshegs pa'i/ nyi ma'i dkyil 'khor shar ma thag tu ye shes kyi 'od zer bye ba khrag khrig 'bum
139b4 phrag grangs med pa btang bas sems can rnams kyi lta bar 'gyur ba'i mun pa thams cad med par gyur te/ sems can yongs su smin par bya ba'i phyir de bzhin gshegs pa'i byin gyi brlabs kyis 'jig rten gyis
139b5 khams su lta bar gyur pa 'byung ba ni ma gtogs so/ /'jam dpal de bzhin gshegs pa ni ngas sems can rnams kyi lta bar gyur pa bsal lo snyam 'am/ bsal bar bya'o snyam du mi rtog /rnam par
139b6 mi rtog mod kyi/ 'on kyang 'jam dpal lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ste/ 'jam dpal de bzhin gshegs pa ni thams cad du rnam par mi rtog
139b7 cing mnyam ste btang snyoms pa'o/ /'jam dpal dper na sgyu ma sprul pa ni sgyu ma mkhan gyi dbang gis bya ba rnam pa sna tshogs dang / lus tha dad pa sna tshogs ston kyang 'jam dpal sgyu ma sprul pa de ni brjod du med pa
139b8 ma skyes pa/ ma 'gags pa/ yi ge med pa/ sgra med pa/ yul med pa/ dngos po med pa/ bsam gyis mi khyab pa mtshan nyid med pa/ gnyis su med pa/ kun du spyod pa med pa/ chos kyi dbyings dang mnyam zhing
140a1 gnyen po med pa yin yang 'jam dpal sgyu ma sprul pa ni sgyu ma mkhan gyi dbang gis lhun gyis grub cing rnam par mi rtog par bya ba sna tshogs ston to/ /'jam dpal de bzhin du de bzhin gshegs pa
140a2 dgra bcom pa yang dag par rdzogs pa'i sangs rgyas kyang sems can gyi dbang gis 'khor gyi nang na gzugs kyi sku dang / kha dog dang / spyod pa dang / spyod lam dang / bya ba la 'jug pa'i gnas sna tshogs 'byung
140a3 mod kyi/ 'jam dpal de bzhin gshegs pa de ni brjod du med pa/ ma skyes pa/ ma 'gags pa/ yi ge med pa/ sgra med pa/ yul med pa/ dngos po med pa/ bsam gyis mi khyab pa/ mtshan nyid med pa/
140a4 gnyis su med pa/ kun tu spyod pa med pa/ chos kyi dbyings dang mtshungs shing gnyen po med pa/ khams gsum las yang dag par 'das pa ste/ 'on kyang 'jam dpal de bzhin gshegs pa ni lhun gyis grub cing
140a5 rnam par mi rtog par sems can gyi dbang gis mdzad pa sna tshogs dag ston to/ /'jam dpal dper na nyi ma ni gcig kho na yin na ri'i rgyal po ri rab kyi dbang gis gling bzhi rnams su sems can
140a6 rnams kyis rnam pa mang por mthong ste/ kha cig gis ni de 'char bar mthong / kha cig gis ni shar zin par mthong / kha cig gis ni bag dros pa tsam du mthong / kha cig gis ni dros chen tsam du shes/
140a7 kha cig gis ni nam phyed/ kha cig gis ni nyi ma phyed/ kha cig gis ni nyi ma mel tse thun gcig tsam du shar bar shes/ kha cig gis ni nyi ma phyed yol tsam du shes/ kha cig gis ni nyi ma snur tsam du shes/
140a8 kha cig gis ni tho rangs tsam du shes te/ nyi ma'i dkyil 'khor cig yin mod kyi/ 'on kyang gling bzhi dag tu sems can rnams kyis gzhan dang gzhan dag tu mthong yang nyi ma'i dkyil 'khor ni mi rtog /
140b1 rnam par mi rtog ste/ lhun gyis grub cing rnam par mi rtog bzhin du ri rab kyi dbang gis gling bzhi pa'i 'jig rten gyi khams su bya ba sna tshogs ston to/ /'jam dpal de bzhin du de bzhin gshegs pa dgra bcom pa
140b2 yang dag par rdzogs pa'i sangs rgyas kyang sems can gyi dbang gis 'khor gcig kho na'i nang nas kyang sems can kha cig gis ni de bzhin gshegs pa mngon par rdzogs par 'tshang rgya bar shes/ kha cig gis ni yongs su mya ngan las 'da' bar shes/
140b3 kha cig gis ni bcom ldan 'das mngon par rdzogs par sangs rgyas par shes so/ /'khor de nyid kyi nang nas kha cig gis ni bcom ldan 'das yongs
140b4 su mya ngan las 'das par shes/ kha cig gis ni de bzhin gshegs pa bcom ldan 'das mngon par rdzogs par sangs rgyas nas lo bcu lon par shes/ kha cig gis ni de bzhin gshegs pa yongs
140b5 su mya ngan las 'das nas lo bcu lon par shes/ kha cig gis ni bcom ldan 'das kyi bstan pa snying por gyur par shes/ kha cig gis ni bcom ldan 'das kyi bstan pa nub par shes/
140b6 kha cig gis ni bcom ldan 'das kyis chos bstan nas lo bcu dang / nyi shu dang / sum bcu dang / bzhi bcu dang / lnga bcu lon par shes/ kha cig gis ni bcom ldan 'das yongs su mya ngan
140b7 las 'das nas lo bcu dang / nyi shu dang / sum bcu dang / bzhi bcu dang / lnga bcu lon par shes/ kha cig gis ni bcom ldan 'das mngon par rdzogs par sangs rgyas nas lo brgya dang / lo stong
140b8 lon par shes/ kha cig gis ni bcom ldan 'das yongs su mya ngan las 'das nas/ lo brgya dang / lo stong lon par shes/ kha cig gis ni bcom ldan 'das mngon par rdzogs par
141a1 sangs rgyas nas lo stong phrag bcu dang / nyi shu dang / sum bcu dang / bzhi bcu dang / lnga bcu lon par shes/ kha cig gis ni bcom ldan 'das yongs su mya ngan las 'das nas lo stong phrag
141a2 bcu dang / nyi shu dang / sum bcu dang / bzhi bcu dang / lnga bcu lon par shes/ kha cig gis ni bcom ldan 'das mngon par rdzogs par sangs rgyas nas bskal pa bye ba khrag khrig 'bum phrag bcu dang /
141a3 nyi shu dang / sum bcu dang / bzhi bcu dang / lnga bcu lon par shes/ kha cig gis ni bcom ldan 'das yongs su mya ngan las 'das nas bskal pa bye ba khrag khrig 'bum phrag bcu dang / nyi shu dang /
141a4 sum bcu dang / bzhi bcu dang / lnga bcu lon par shes so/ /'jam dpal 'khor 'di nyid kyi nang nas lha dang / mi kha cig gis ni bcom ldan 'das shAkya thub pa mngon par rdzogs par sangs rgyas nas
141a5 bskal pa brjod du med pa'i yang brjod du med pa lon par shes/ 'jam dpal 'khor 'di nyid kyi nang nas lha dang / mi kha cig gis ni bcom ldan 'das shAkya thub pa yongs su mya ngan las 'das
141a6 nas bskal pa brjod du med pa'i yang brjod du med pa lon par shes kyang 'jam dpal de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog bzhin
141a7 du sems can gyi dbang gis de bzhin gshegs pa'i mdzad pa de lta bu de 'byung ngo / /'jam dpal dper na 'dzam bu'i gling du rlung gi dkyil 'khor chen po langs pas rtswa dang / shing gel ba
141a8 dang / sman dang / nags tshal dang / lo ma thams cad g.yo rab tu g.yo/ kun du rab tu g.yo/ 'gul/ rab tu 'gul/ kun du rab tu 'gul/ 'ur 'ur/ rab tu 'ur 'ur/ kun du rab tu 'ur 'ur/
141b1 'khrugs/ rab tu 'khrugs/ kun tu rab tu 'khrugs shing lo ma kha cig ni shar phyogs su dma' la nub phyogs su mtho/ kha cig ni nub phyogs su dma' la/ shar phyogs su mtho/ lo ma kha cig
141b2 ni mtha' dma' la dbus mtho/ kha cig ni byang phyogs dma' la lho phyogs su mtho yang rtswa dang / shing gel ba dang / sman dang / nags tshal dang / lo ma rnams mi rtog /rnam par mi rtog ste/ 'on
141b3 kyang 'jam dpal rlung gi dkyil 'khor gyi dbang gis bya ba sna tshogs ston to/ /'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang mi rtog /rnam
141b4 par mi rtog ste/ 'on kyang sems can gyi dbang gis rtag tu skad cig la gzugs kyi sku dang / kha dog dang / spyod pa dang / smon lam dang / bya ba la 'jug pa'i gnas grangs med pa dag phyogs bcu'i 'jig rten gyi khams
141b5 mtha' yas mu med pa rnams su 'byung ngo / /'jam dpal sems can rnams kyi de bzhin gshegs pa la dmigs pa yid la byed pa ji snyed 'byung ba de snyed kyi bskal par sems can dmyal ba dang / dud 'gro
141b6 dang / yi dags dang / gshin rje'i 'jig rten du skye ba'i rgyun chad cing ldog ste/ 'jam dpal de ltar de bzhin gshegs pa dgra bcom pa yang dag par rdzogs pa'i sangs rgyas ni yon tan tshad med pa dang ldan te/
141b7 de bzhin gshegs pa gcig la dmigs pa'i yon tan gyi mtha' yang byang chub sems dpa' sems dpa' chen po rnam par thar pa dang / ting nge 'dzin bsam gyis mi khyab pa la gnas pa rnams kyis kyang
141b8 bskal pa bye ba khrag khrig 'bum phrag dpag tu med pa dag gis kyang rtogs par mi nus so/ /'jam dpal stong gsum gyi stong chen po'i 'jig rten gyi khams kyi lha rnams dang / mi rnams ni ches nyung gi
142a1 phyi rol gyi drang srong mngon par shes pa lnga dang ldan pa 'dod pa dag la 'dod chags dang bral ba rnams kyis lha'i mig gis shing rta'i phang lo'i tshad tsam gyi sa phyogs gcig na sems can dag
142a2 mthong ba ni ches mang ngo / /'jam dpal phyi rol gyi drang srong mngon par shes pa lnga dang ldan pa 'dod pa dag la 'dod chags dang bral ba rnams kyis lha'i mig gis stong gsum gyi stong chen po'i 'jig rten gyi khams
142a3 na sems can dag mthong ba ni ches nyung gi/ de bzhin gshegs pa'i nyan thos dgra bcom pa/ zag pa zad pa/ rnam par thar pa brgyad la bsam gtan pas lha'i mig gis shing rta'i phang lo'i tshad tsam gyis
142a4 phyogs gcig na sems can dag mthong ba ni ches mang ngo / 'jam dpal de bzhin gshegs pa'i nyan thos dgra bcom pa zag pa zad pa/ rnam par thar pa brgyad la bsam gtan pas lha'i mig gis stong gsum
142a5 gyi stong chen po'i 'jig rten gyi khams na sems can ji snyed mthong ba de bas ni 'jam dpal rang sangs rgyas kyis lha'i mig gis shing rta'i phang lo'i tshad tsam gyi sa phyogs gcig na sems can dag mthong ba ni
142a6 ches mang ngo / /'jam dpal rang sangs rgyas kyis lha'i mig gis stong gsum gyi stong chen po'i 'jig rten gyi khams na/ sems can ji snyed mthong ba de bas ni 'jam dpal byang chub sems dpa' rnam par thar
142a7 pa dang ting nge 'dzin bsam gyis mi khyab pa la gnas pas lha'i mig gis shing rta'i phang lo'i tshad tsam gyi sa phyogs gcig na sems can dag mthong ba ni ches mang ngo / /'jam dpal byang chub sems dpa' rnam
142a8 par thar pa dang ting nge 'dzin bsam gyis mi khyab pa la gnas pas lha'i mig gis stong gsum gyi stong chen po'i 'jig rten gyi khams na sems can ji snyed mthong ba de bas ni 'jam dpal de bzhin gshegs pas lha'i
142b1 spyan gyis shing rta'i phang lo'i tshad tsam gyi sa phyogs gcig na sems can dag gzigs pa ni ches grangs med do/ /'jam dpal de bzhin du phyogs bcu'i 'jig rten gyi khams rab 'byam thams cad na shing rta'i phang lo
142b2 'i tshad tsam gyi sa phyogs thams cad na gnas pa'i sems can re re'i sems dang sems las byung ba'i chos byung ba dang / 'byung ba dang / 'byung bar 'gyur ba gang dag gzigs pa de dag ni byang chub sems dpa' rnam par
142b3 thar pa dang ting nge 'dzin bsam gyis mi khyab pa la gnas pa rnams kyis kyang bskal pa gang gA'i klung gi bye ma snyed du yang bgrang ba 'am/ bsam pa 'am/ grangs su bya bar sla ba ma yin te/ 'jam dpal sems can 'das
142b4 pa dang / ma 'ongs pa dang / da ltar byung ba de dag gis sems dang sems las byung ba de dag ni de bzhin gshegs pa dgra bcom pa yang dag par rdzogs pa'i sangs rgyas kyis lhun gyis grub par skad cig thang cig yud
142b5 tsam gcig la rab tu mkhyen to/ /'jam dpal phyogs bcu'i 'jig rten gyi khams thams cad du gtogs pa'i sems can thams cad kyi sems dang sems las 'byung ba rnams rgyu gang dang / dmigs pa
142b6 gang dang / rkyen gang gis ji ltar byung ba dang / 'byung ba dang / 'byung bar 'gyur ba dang / sems can de dag gis spyod pa dang / spyod lam dang / bya ba la 'jug pa'i gnas gang dag byung ba dang / 'byung ba dang / 'byung bar
142b7 'gyur ba de dag de bzhin gshegs pas lhun gyis grub pa'i ye shes kyis rnam par mi rtog par skad gcig thang cig yud tsam cig la yang dag pa ji lta ba bzhin du rab tu mkhyen to/ /'jam dpal sems can de dag
142b8 ji ltar bla na med pa yang dag par rdzogs pa'i byang chub tu 'dul ba yang lhun gyis grub pa'i ye shes kyi rnam par mi rtog par skad cig thang cig yud tsam cig la rab tu mkhyen to/ /'jam dpal sems can re re'i
143a1 ma rig pa'i gnas kyi sa'i nyon mongs pa gang gA'i klung gi bye ma bas mang ba de dag kyang de bzhin gshegs pas lhun gyis grub pa'i ye shes kyis rnam par mi rtog par skad cig thang cig yud tsam cig la
143a2 rab tu mkhyen to/ /'jam dpal rgyu gang dang / dmigs pa gang dang / rkyen gang gis nyon mongs pa de dag ji ltar 'byung ba dang / thabs kyi shes pa gang gis sems can de dag gi nyon mongs pa ji ltar zhi bar 'gyur
143a3 ba de dag kyang lhun gyis grub pa'i ye shes kyis rnam par mi rtog par skad cig thang cig yud tsam cig la rab tu mkhyen to/ /'jam dpal de ltar na de bzhin gshegs pa dgra bcom pa yang dag par rdzogs
143a4 pa'i sangs rgyas rnams ni ye shes bsam gyis mi khyab pa dang ldan no/ /'jam dpal dper na zla ba'i dkyil 'khor ni nyi ma'i dbang gis 'dzam bu'i gling du gzugs dang / kha dog dang / gzi brjid dang / 'od rab
143a5 'bring tha mar snang yang zla ba'i dkyil 'khor ni 'bri ba dang / 'phel ba yang med de/ 'on kyang sems can rnams kyi las kyi rnam par smin pas nyi ma bgrang ba dang / yud tsam dang / yud tsam phyed kyi grangs rtsi bar bya bar
143a6 de lta bu de yang 'byung la 'jam dpal zla ba'i dkyil 'khor ni mi rtog rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal de bzhin du de bzhin gshegs
143a7 pa dgra bcom pa yang dag par rdzogs pa'i sangs rgyas kyang phyogs bcu'i 'jig rten gyi khams rab 'byam thams cad du bsam pa rab 'bring tha mas sems can rnams kyis de bzhin gshegs pa gzugs dang
143a8 kha dog dang / gzi brjid dang / 'od rab 'bring tha mar mthong yang 'jam dpal sems can gang gi dge ba'i rtsa ba dang / spyod pa dang / mos pa dang / smon lam gyi stobs dang / byin gyis brlabs ci 'dra ba yin pa de 'dra bar de
143b1 bzhin gshegs pa mthong ste/ 'jam dpal de bzhin gshegs pa la ni rab 'bring tha ma med do/ /de ci'i phyir zhe na/ 'jam dpal de bzhin gshegs pa dgra bcom pa yang dag par rdzogs pa'i sangs rgyas ni chos
143b2 kyi sku ste/ shin du ma skyes pa/ ma byung ba/ ma 'gags pa yin na/ 'jam dpal 'on kyang sems can rnams kyi bsam pa rab 'bring tha mas de bzhin gshegs pa rab 'bring tha mar mthong yang 'jam dpal de bzhin
143b3 gshegs pa ni mi rtog rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal stong gsum gyi stong chen po'i 'jig rten gyi khams 'di na lha dang / klu dang gnod
143b4 sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa rnams dang / tha na dud 'gro'i skye gnas su
143b5 song ba'i sems can gang dag de bzhin gshegs pa la bshos gsol ba dang / gang dag bshos mi gsol ba dang / gang dag mthong ba dang / gang dag mi mthong ba dang / gang dag stong pa dang / gang dag mi steng pa dang /
143b6 gang dag gshe ba dang / gang dag mi gshe ba dang / gang dag reg pa dang / gang dag mi reg pa de dag thams cad kyi bya ba de lta bu rnams kyang sangs rgyas kyi mthus lhun gyis grub cing rnam par mi rtog par 'byung ngo / /'jam dpal dper na gang
143b7 dag gis nor bu rin po che mthon ka chen po mthong ba dang / reg pa dang / spyod yul du gnas pa de dag thams cad ni nor bu rin po che mthon ka chen po'i kha dog tu 'gyur yang nor bu rin po che mthon ka chen po ni mi
143b8 rtog /rnam par mi rtog go/ /'jam dpal de bzhin du sems can gang dag gis de bzhin gshegs pa tha na ri mor bris pa dang / gzugs su byas pa mthong ba dang / reg pa dang / de'i spyod yul yang shes pa de dag
144a1 thams cad ni gzugs dang / kha dog bsam gyis mi khyab pa yongs su 'grub pa thob par 'gyur yang de bzhin gshegs pa ni mi rtog /rnam par mi rtog go/ /'jam dpal dper na rtsi'i rgyal po legs par
144a2 mthong zhes bya ba sems can gnod sems kyi sems dang ldan pa 'am/ dang ba'i sems dang ldan pa yang rung gang dag gis mthong ba de dag gi mig rnam par dag par 'gyur/ gnod sems kyi sems dang ldan pa 'am/
144a3 dang ba'i sems dang ldan pa yang rung gang dag gi rna bas de rlung gis bskyod pa'i sgra thos pa de dag gi rna ba rnam par dag par 'gyur/ gnod sems kyi sems dang ldan pa 'am/ dang ba'i sems dang ldan pa yang
144a4 rung gang dag gi dri tshor ba de dag gi sna rnam par dag par 'gyur/ gnod sems kyi sems dang ldan pa 'am/ dang ba'i sems dang ldan pa yang rung gang dag gis lces de'i ro myong ba de dag gi lce'i dbang po
144a5 rnam par dag par 'gyur/ gnod sems kyi sems dang ldan pa 'am/ dang ba'i sems dang ldan pa yang rung gang dag lus kyis reg pa de dag gi lus rnam par dag par 'gyur yang 'jam dpal rtsi'i rgyal po
144a6 legs par mthong ba ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal de bzhin du gnod sems kyi sems dang ldan pa 'am/
144a7 dang ba'i sems dang ldan pa yang rung gang dag gis de bzhin gshegs pa tha na ri mor bris pa dang / gzugs su byas pa mthong ba de dag gi dge ba'i rtsa ba des mig rnam par dag par 'gyur/ tha na dud
144a8 'gro'i skye gnas su song ba yang rung ste/ gnod sems kyi sems dang ldan pa 'am/ dang ba'i sems dang ldan pa yang rung gang dag gis de la sangs rgyas shes bya ba 'am/ de bzhin gshegs pa
144b1 zhes bya ba 'am/ 'jig rten mgon po zhes bya ba 'am/ thams cad mkhyen pa zhes bya ba'i sgra thos pa de dag dge ba'i rtsa ba des rna ba'i dbang po rnam par dag par 'gyur/ gnod sems kyis
144b2 sems dang ldan pa 'am/ dang ba'i sems dang ldan pa yang rung gang dag gis de'i yon tan gyi dri tshor ba de dag dge ba'i rtsa ba des sna rnam par dag par 'gyur/ gnod sems kyi sems dang ldan
144b3 pa 'am/ dang ba'i sems dang ldan pa yang rung gang dag gis de'i chos kyi ro myong ba de dag dge ba'i rtsa ba des lce rnam par dag par 'gyur/ gnod sems kyi sems dang ldan pa 'am/ dang ba'i
144b4 sems dang ldan pa yang rung gang dag gis lus kyis reg pa de dag dge ba'i rtsa ba des lus rnam par dag par 'gyur yang 'jam dpal de bzhin gshegs pa ni mi rtog /rnam par mi rtog ste/
144b5 ma 'dres pa'i chos dang ldan pa'i phyir lhun gyi grub cing rnam par mi rtog par de'i bya ba de lta bu de 'byung ngo / /'jam dpal dper na rtsi'i rgyal po 'bral ba zhes bya bas bskus pa'i rnga sgra sem
144b6 sa can zug rngus zug pa dang bcas pa/ dug dang bcas pa gang dag gis thos pa de dag gi zug rngu thams cad 'byung zhing dug kyang mi gdug par 'gyur yang 'jam dpal rtsi'i rgyal po 'bral
144b7 ba ni mi rtog /rnam par mi rtog ste/ 'on kyang sems can rnams kyi las kyi rnam par smin pa'i dbang dang rgyu rkyen tshogs pas lhun gyis grub cing rnam par mi rtog par rtsi'i rgyal po 'bral
144b8 ba'i bya ba de lta bu de 'byung ngo / /'jam dpal de bzhin du de bzhin gshegs pa'i mtshan thos ma thag tu sems can rnams kyi lta bar gyur pa'i zug rngu dag 'byung zhing 'dod chags dang /
145a1 zhe sdang dang / gti mug gi dug kyang mi gdug par 'gyur yang 'jam dpal de bzhin gshegs pa ni mi rtog /rnam par mi rtog ste/ 'on kyang 'jam dpal lhun gyis grub cing rnam par mi rtog
145a2 par de bzhin gshegs pa'i mdzad pa de lta bu de 'byung ngo / /de ci'i phyir zhe na/ ma 'dres pa'i chos dang ldan pa'i phyir ro/ /'jam dpal stong gsum gyi stong chen po'i 'jig rten gyi khams kyi rdul
145a3 phra rab kyi rdul rnams ni ches nyung gi/ bcom ldan 'das shAkya thub pas sngon byang chub sems dpa'i spyad pa spyod pa na phyogs bcu'i 'jig rten gyi khams gang gA'i klung gi bye ma snyed dag tu/
145a4 'jig rten gyi khams re rer yang rdul phra rab kyi rdul re re la bsdus pa'i dngos po bzhi po dag gis sems can yongs su smin par mdzad pa dag ni ches mang ngo / /'jam dpal phyogs bcu'i 'jig
145a5 rten gyi khams gang gA'i klung gi bye ma snyed dag gi rdul phra rab kyi rdul rnams ni ches nyung gi/ bcom ldan 'das shAkya thub pas rgyun mi gcod par lhun gyis grub cing rnam par mi rtog par
145a6 phyogs bcu'i 'jig rten gyi khams mtha' yas mu med pa dag tu rdul phra rab kyi rdul re re la sems can bla na med pa yang dag par rdzogs pa'i byang chub tu yongs su smin par mdzad zin pa dang
145a7 yongs su smin par mdzad pa dang / yongs su smin par mdzad par 'gyur ba dag ni ches mang ste/ 'jam dpal de ltar de bzhin gshegs pa dgra bcom pa yang dag par rdzogs pa'i sangs rgyas
145a8 ni sems can yongs su smin par mdzad pa bsam gyi mi khyab pa dang ldan no/ /'jam dpal dper na zla ba'i dkyil 'khor ni nyi ma'i dbang gis 'bri ba dang / skye ba dang / mi snang bar 'gyur bar
145b1 yang snang la/ zla ba'i dkyil 'khor la ni 'bri ba dang / mi snang ba dang / skye ba med de/ 'on kyang sems can rnams kyi sngon gyi dge ba'i las kyi rnam par smin pas nyi ma'i grangs dang / yud tsam dang /
145b2 yud tsam phyed dang / zla ba phyed dang / zla ba dang / lo bgrang ba'i grangs bzhag pa'i phyir/ de bzhin gshegs pa'i byin gyi brlabs kyis bya ba de lta bu dag 'byung yang 'jam dpal zla ba'i dkyil 'khor la ni 'bri ba 'am/
145b3 'phel ba 'am/ mi snang bar 'gyur ba med de/ 'on kyang 'jam dpal sems can rnams kyi sngon gyi dge ba'i las kyi rnam par smin pa dang / nyi ma'i dbang gis lhun gyis grub cing rnam par mi rtog par zla ba'i
145b4 dkyil 'khor gyi bya ba de lta bu de 'byung ngo / /'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sngon dge ba'i rtsa ba'i tshogs bsags pa'i sems can rnams
145b5 kyi nga rgyal dang / rgyags pa dang / dregs pa yang dag par gzhom pa'i phyir dang / sngon gyi dge ba'i rtsa ba'i tshogs rnams yongs su smin par bya ba'i phyir dang / de bzhin gshegs pa'i bstan pa la gzud pa'i phyir
145b6 de bzhin gshegs pa'i dam pa'i chos 'grib pa dang nub par kun du ston te/ 'jam dpal sems can gyi dbang gis de bzhin gshegs pa'i dam pa'i chos nub pa dang / 'grib pa dang / 'phel bar 'gyur mo
145b7 kyi/ 'on kyang 'jam dpal sems can gyi dbang gis lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ngo / /'jam dpal dper na nam mkha' la gnas/ nam mkha'
145b8 la brten nas sems can thams cad kyi bya ba sna tshogs dag 'byung yang nam mkha' ni ma skyes pa/ ma 'gags pa/ 'dus ma byas pa/ yi ge med pa/ sgra med pa/ brjod du med pa/ brjod par bya ba ma
146a1 yin pa/ gnyis su med pa/ gnyen po med pa ste/ 'on kyang lhun gyis grub cing rnam par mi rtog par de'i bya ba sna tshogs dag 'byung ngo / /'jam dpal de bzhin du de bzhin gshegs pa dgra bcom pa
146a2 yang dag par rdzogs pa'i sangs rgyas la gnas/ de bzhin gshegs pa dgra bcom pa yang dag par rdzogs pa'i sangs rgyas la brten nas sems can thams cad kyi bya ba thams cad 'byung yang 'jam dpal de
146a3 bzhin gshegs pa ni mi skye mi 'gags te/ 'jam dpal de bzhin gshegs pa ni 'dus ma byas pa/ yi ge med pa/ sgra med pa/ brjod du med pa/ brjod par bya ba ma yin pa/ gnyis su med pa/ gnyen po
146a4 med pa ste/ 'on kyang sngon gyi dge ba'i rtsa ba dang / spyod pa dang / smon lam gyi stobs dang / byin gyis brlabs kyis lhun gyis grub cing rnam par mi rtog par sems can rnams la de'i chos kyi mdzad pa sna tshogs
146a5 dag kyang 'byung ngo / /'jam dpal theg pa chen po la mos pa'i byang chub sems dpa' sangs rgyas la dmigs pa'i yid la bya ba cig gis kyang phyogs bcu'i 'jig rten gyis khams grangs med dpag tu med
146a6 pa dag tu rdul phra rab kyi rdul re re la sems can dpag tu med grangs med pa dag ni bla na med pa'i ye shes rtogs par 'gyur bar byed/ sems can dpag tu med grangs med pa dag ni nyan thos dang rang sangs
146a7 rgyas nyid du 'gyur bar byed/ sems can dpag tu med grangs med pa dag ni tshangs pa thob par byed/ sems can dpag tu med grangs med pa dag ni gzhan 'phrul dbang byed kyi lha'i 'jig rten du skye ba thob par
146a8 byed/ sems can dpag tu med grangs med pa dag ni 'phrul dga'i lha'i 'jig rten du skye ba thob par byed/ sems can dpag tu med grangs med pa dag ni dga' ldan gyi lha'i 'jig rten du skye ba thob par
146b1 byed/ sems can dpag tu med grangs med pa dag ni 'thab bral gyi lha'i gnas su skye ba thob par byed/ sems can dpag tu med grangs med pa dag ni sum bcu rtsa gsum lha'i gnas su skye ba thob
146b2 par byed/ sems can dpag tu med grangs med pa dag ni rgyal chen bzhi'i lha'i gnas su skye ba thob par byed/ sems can dpag tu med grangs med pa dag ni lha'i rgyal po thob par byed/
146b3 sems can dpag tu med grangs med pa dag ni 'khor los sgyur ba'i rgyal po thob par byed/ sems can dpag tu med grangs med pa dag ni stobs kyi 'khor los sgyur ba'i rgyal po thob par byed/
146b4 sems can dpag tu med grangs med pa dag ni klu'i dbang po thob par byed/ sems can dpag tu med grangs med pa dag ni gnod sbyin gyi dbang po thob par byed/ sems can dpag tu med
146b5 grangs med pa dag ni dri za'i dbang po thob par byed/ sems can dpag tu med grangs med pa dag ni lha ma yin gyi dbang po thob par byed/ sems can dpag tu med grangs med pa dag ni mi
146b6 'am ci'i dbang po thob par byed/ sems can dpag tu med grangs med pa dag ni lto 'phye chen po'i dbang po thob par byed/ sems can dpag tu med grangs med pa dag ni mi'i rgyal po thob par byed/
146b7 sems can dpag tu med grangs med pa dag ni mir skye ba thob par byed/ sems can dpag tu med grangs med pa dag ni rigs chen por skye ba thob par byed na thal mo sbyar ba lta ci smos/ bdug pa
146b8 phul ba lta ci smos/ de bzhin du mar me phul ba lta ci smos/ spos phul ba lta ci smos/ me tog phul ba lta ci smos/ mchod pa rnam pa mang po gzhan phul ba lta ci smos/ tshigs su bcad pa cig
147a1 tsam yang nyan pa dang / klog pa dang / 'dzin pa lta ci smos/ dam pa'i chos rnam pa mang po yongs su 'dzin pa lta ci smos te/ de bas ches grangs med pa'i sangs rgyas kyi mdzad pas nye bar
147a2 gnas par 'gyur ro/ /'jam dpal byang chub sems dpa' bskal pa 'am/ bskal pa brgya 'am/ bskal pa dpag tu med grangs med par sems can dmyal ba dang / dud 'gro dang /
147a3 yi dags dang / gshin rje'i 'jig rten du skye ba thob pa ni sla'i/ byang chub sems dpa' sangs rgyas mnyes par ma byas/ chos dang / dge 'dun mnyes par ma byas pa ni de lta ma yin no/ /'jam
147a4 dpal de la sangs rgyas mi mnyes par byed pa dang / chos dang / dge 'dun mi mnyes par byed pa ni tha na bdag gi chung ma la mi tshangs par spyod pa las byung ba'i tshul bzhin ma yin pa yid la byed pa
147a5 dang / byang chub sems dpa' la rnam par zhe sdang ba dang / byang chub sems dpa' la brnyas pa dang / byang chub sems dpa' la khyad du gsod pa dang / chos spong ba dang / chos 'don pa dang / byang chub
147a6 sems dpa' la gus par mi byed pa dang / dge ba'i bshes gnyen la bsnyen bkur mi byed pa dang / sems can yongs su smin par byed pa 'dor ba dang / bla ma dang / sbyin pa'i gnas dang / slob dpon
147a7 dang / pha ma dang / dge sbyong dang / bram ze yang dag par song ba dang / yang dag par zhugs pa la gus par mi byed pa dang / chos smra ba/ chos khyad par can rtogs pa/ chos rgya chen po ston pa/ theg pa
147a8 chen po la yang dag par gnas pa/ mya ngan las 'das pa'i lam gyi bya ba shes pa/ gzungs dang mdo sde'i rgyal po thob pa rnams la mi 'dud cing brjid byed pa dang / khengs pa yin chos dang /
147b1 chos smra ba la mi gus skyed pa dang / sri zhu dang rim gro mi byed pa dang / chos rgya mtsho chen po bsgrags pa byung na la la zhig dad par gyur na mi rung ngo snyam nas chos smra ba'i gang zag la legs so
147b2 zhes bya ba sbyin par mi byed pa dang / bdag shes pa la mi 'jug pa dang / chos la nges par sems pa mi skyed pa dang / mngon pa'i nga rgyal bskyed de bsngags par 'os pa'i gang zag rnams kyi bsngag
147b3 pa bcas pa shing mi snyan par brjod pa dang / pha rol gyi yon tan dang bsngag pa la mi dga' ba yin gang zag la zhe sdang bas chos la zhe sdang bar byed cing chos spong ba dang / gzhan dag kyang rtsod du
147b4 'jug pa dang / stan mthon po 'dod cing thabs tshol ba dang / gzhan las rim gror bya ba bdag gis byed cing mngon par dga' ba dang / gnas brtan rgan zhing yun ring du tshangs par spyad pa rnams la rim
147b5 gro mi byed cing bsu bar mi byed la bzhin khro gnyer can yin/ rtag tu sems rtsub cing klan ka tshol ba dang / glags lta ba dang / nga rgyal bskyed nas mkhas pa'i gan du mi 'gro mi sten/ snyen par mi byed/
147b6 bkur sti mi byed cing dge ba ni gang / mi dge ba ni gang / bya ba ni gang / mi bya ba ni gang / bya ba ma yin pa ni gang / ci zhig byas na yun ring po'i don dang / phan pa dang / bde bar 'gyur zhes mi 'dri ba dang /
147b7 nges par 'byung bar mi lta zhing rtsod pa mang ba yin te/ 'jam dpal de ltar na sangs rgyas dang / chos dang / dge 'dun mi mnyes par byed pa yin no/ /'jam dpal dge ba'i bshes gnyen gyis yongs su zin
147b8 pa'i byang chub sems dpa' ni dbang skur bar 'gyur ba'i gzungs thob par 'gyur/ rgya mtsho dam pa'i snying po dri ma med par snang ba 'od gsal ba'i gzungs thob par 'gyur ro/ /'jam dpal dge ba'i
148a1 bshes gnyen gyis yongs su zin pa'i byang chub sems dpa' ni bskal pa bye ba khrag khrig 'bum phrag dpag tu med grangs med pa dag tu sems can dmyal ba dang / dud 'gro dang /
148a2 yi dags dang / gshin rje'i 'jig rten du gnas par 'gyur ba'i las rnams tshe 'di la rnam par smin par 'gyur te/ glang po che bas sam/ rims tsha bas sam/ rtsib logs na bas sam/ rgyal srid
148a3 'khrugs pas sam/ kla klo 'khrugs pas sam/ mu ge'i 'khrugs pas sam/ lus la gnod pa dang / yid la gnod pa gang yang rung bas brgyad bkag pas kyang tshe gcig la byang bar 'gyur te/ tha na rmi lam tsam gyis
148a4 kyang byang bar 'gyur ro/ /'jam dpal dge ba'i bshes gnyen gyis yongs su zin pa'i byang chub sems dpa' ni sangs rgyas bye ba khrag khrig 'bum phrag dpag tu med pa dag las dge ba'i rtsa ba bskyed pa/ sbyin pa las
148a5 byung ba dang / mchod pa las byung ba dang / de dag gi thad nas bslab pa bzung ba las byung ba rnams snga dro gcig gis zil gyis gnon te/ de ltar dge ba'i bshes gnyen la bsnyen bkur bya ba ni yon tan bsam gyis
148a6 mi khyab bo/ /'jam dpal dge ba'i bshes gnyen gyis yongs su zin pa'i byang chub sems dpa' ni gter bcu rnyed par 'gyur te/ bcu gang zhe na/ sangs rgyas kyi chos thams cad la 'grang bar sbyor ba'i gter
148a7 dang / sangs rgyas kyi chos thams cad la nges par sems pa'i gter dang / sangs rgyas kyi chos thams cad la gzungs snang ba'i gter dang / sangs rgyas kyi chos thams cad la so so yang dag par rig pa rab tu ston
148a8 pa'i gter dang / sangs rgyas kyi chos thams cad la brjod du med pa'i tshul la mkhas pa rtogs par byed pa'i gter dang sangs rgyas kyi rnam par 'phrul ba dang / cho 'phrul thams cad mngon sum du mthong ba'i gter
148b1 dang / sangs rgyas kyi chos thams cad la mnyam pa nyid du sgrub pa la mkhas pa'i gter dang / sangs rgyas thams cad mthong ba dang mi 'bral ba'i gter dang / sgyu mar gyur pa'i bskal pa bsam gyis mi khyab pa
148b2 yongs su 'grub par 'jug pa la mkhas pa'i gter dang / sangs rgyas dang / byang chub sems dpa' thams cad la dga' ba dang / mchog tu dga' ba dang / dang ba chen po 'thob pa'i gter ro/ /'jam dpal
148b3 dge ba'i bshes gnyen gyis yongs su zin pa'i byang chub sems dpa' ni dbang bcu 'thob par 'gyur te/ bcu gang zhe na/ 'di lta ste/ tshe'i tshad bskal pa brjod du med pa'i yang brjod du med pa dag tu byin gyis
148b4 rlob pa'i phyir tshe la dbang ba dang / ting nge 'dzin dpag tu med grangs med pa dag la nges par sems pa'i ye shes la 'jug pa'i phyir sems la dbang ba dang / 'jig rten gyi khams thams cad bkod pa dang / rgyan
148b5 du mas brgyan pa'i byin gyis brlabs kun du ston pa'i phyir yo byad la dbang ba dang / 'jig rten gyi khams thams cad du skye ba kun du ston pa'i phyir skye ba la dbang ba dang / dus ji lta ba bzhin du las kyi rnam
148b6 par smin pa byin gyis rlob pa kun du ston pa'i phyir las la dbang ba dang / 'jig rten gyi khams thams cad sangs rgyas kyis gang bar byin gyis rlob pa kun du ston pa'i phyir mos pa la dbang ba dang / dus gang
148b7 dang / gang gi tshe byang chub mngon par rdzogs par 'tshang rgya bar 'dod pa'i dus de dang der byang chub mngon par rdzogs par 'tshang rgya ba dang / sangs rgyas kyi zhing gang dang gang du 'dod pa'i sangs rgyas kyi zhing de dang der/
148b8 byang chub mngon par rdzogs par 'tshang rgya ba'i phyir smon lam la dbang ba dang / sangs rgyas kyi zhing thams cad du rdzu 'phrul dang rnam par 'phrul pa kun du ston pa'i phyir rdzu 'phrul la dbang ba dang / mtha' dang dbung
149a1 med pa'i chos kyi sgo snang ba kun du ston pa'i phyir chos la dbang ba dang / de bzhin gshegs pa'i stobs bcu dang / mi 'jigs pa dang / mtshan dang dpe byad bzang po rnams dang / rdzogs pa'i byang chub kun du ston pa'i
149a2 phyir ye shes la dbang ba'o/ /'jam dpal dge ba'i bshes gnyen gyis yongs su zin pa'i byang chub sems dpa' ni skra'i khyon tsam gcig la phyogs bcu'i nam mkha' mthas klas pa'i 'jig rten gyi khams rnams 'jug
149a3 par byed kyang sems can gang la yang gnod pa dang / sgrib pa med de/ sngon ji lta bar phyis kyang de bzhin no/ /bskal pa dpag tu med grangs med/ bsam gyis mi khyab/ mtshungs pa med pa rnams yud tsam gcig tu
149a4 byin gyis rlob cing yud tsam gcig ni bskal pa dpag tu med grangs med/ bsam gyis mi khyab par byin gyis rlob ste/ bskal pa re re la yang mes 'jig pa dang / chus 'jig pa dang / rlung gis 'jig pa byin gyis rlob
149a5 kyang sems can gang la yang yo byad cis kyang phongs par mi 'gyur zhing lus la gnod pa 'am/ sems la mi bde ba yang mi 'byung la/ sems can gang ji ltar yongs su smin par 'gyur ba des bya ba de lta bu yang
149a6 shes so/ /'jam dpal dge ba'i bshes gnyen gyis yongs su zin pa'i byang chub sems dpa' ni 'dod na phyogs bcu'i phyogs re re yang sangs rgyas kyi yul gyi mthas klas pa'i bar gyi 'jig rten gyi khams rnams
149a7 su/ 'jig rten gyi khams re re na rdul phra rab kyi rdul re re la sangs rgyas kyi yul gyi mthas klas pa'i lus rnams kyis lus re res kyang dga' ldan gyis gnas nas shi 'phos pa dang / skye ba dang / mngon par
149a8 'byung ba dang / dka' ba spyod par sbyor ba dang / byang chub kyi snying por 'gro ba dang / bdud 'dul ba ston pa dang / mngon par rdzogs par byang chub pa dang / chos kyi 'khor lo bskor bar bskul ba dang / yongs su mya ngan las
149b1 'das pa chen po yang ston to/ /'jam dpal dge ba'i bshes gnyen gyis yongs su zin pa'i byang chub sems dpa' ni 'dod na phyogs bcu'i 'jig rten gyi khams re rer rdul phra rab kyi rdul re re la sangs rgyas kyi
149b2 yul gyi mtha' klas pa'i sangs rgyas kyi zhing rnams 'jug par byed cing / phyogs bcu'i sangs rgyas kyi zhing thams cad kyi rgyan gyi yon tan bkod pa gang dag yin pa de dag zhing gcig tu ston par byed/
149b3 zhing gcig gi rgyan gyi yon tan bkod pa gang dag yin pa de dag zhing thams cad du ston par byed/ sangs rgyas kyi zhing thams cad du de bzhin gshegs pa thams cad kyi 'khor gyi nang na yang snang la gnas
149b4 nas kyang mi g.yo'o/ /'jam dpal dge ba'i bshes gnyen gyis yongs su zin pa'i byang chub sems dpa' ni 'dod na phyogs bcu'i 'jig rten gyi khams thams cad kyi sems can thams cad kyi
149b5 lus sems can gcig gi lus su ston te/ sems can gcig gi lus sems can thams cad kyi lus su ston kyang lus 'dres par yang mi byed de/ sems can gang la yang gnod par mi 'gyur zhing
149b6 bya ba de lta bu de yang ston te/ lhun gyis grub cing rnam par mi rtog par sems can rnams kyang yongs su smin par byed do/ /'jig rten gyi khams rab 'byam thams cad kyi sangs rgyas thams cad sangs
149b7 rgyas gcig tu byin gyis rlob cing / de bzhin gshegs pa gcig kyang sangs rgyas kyi yul gyi mtha' klas pa'i de bzhin gshegs pa thams cad du byin gyis rlob la de bzhin gshegs pa rnams
149b8 'dres par yang mi 'gyur te/ lhun gyis grub cing rnam par mi rtog par bya ba de lta bu thams cad kyang ston to/ /lus gcig gis mnyam par 'jog la lus dpag tu med grangs med pa dag gis
150a1 ldang zhing lus dpag tu med grangs med pa dag gis mnyam par gzhag la lus gcig gis ldang ngo / / bam po gsum pa ste tha ma/ 'jam dpal dge ba'i bshes
150a2 gnyen gyis yongs su zin pa'i byang chub sems dpa' ni chos kyi dbyings la spyod yul ba yang yin la sems can gyi khams la spyod yul bar yang snang ngo / /sangs rgyas kyi spyod yul la mngon par dga'
150a3 ba yang yin la bdud kyi spyod yul bar yang rnam par snang ngo / /mya ngan las 'das pa'i spyod yul ba yang yin la 'khor ba'i spyod yul bar yang snang ngo / thams cad mkhyen pa'i ye shes spyod yul ba yang
150a4 yin la byang chub sems dpa'i spyod yul bar yang snang ngo / /zhi ba'i spyod yul ba yang yin la ma zhi ba dang / rab tu ma zhi ba dang / nye bar ma zhi ba'i spyod yul bar yang snang ste sems can rnams kyang
150a5 'dul lo/ /blang ba med pa dang / dor ba med pa dang / spros pa med pa dang / ma spros pa dang / mtshan ma med pa dang / dngos po med pa dang / shes par bya ba med pa dang / bar snang dang mtshungs pa spyod yul ba yang yin la
150a6 spros pa dang / mtshan ma dang / dmigs pa spyod yul ba'i sems can thams cad kyi nang na yang snang ngo / /stobs bkod pa'i spyod yul ba yang yin la gzugs bzang po'i spyod yul bar yang snang ngo / /chos thams cad
150a7 skye ba med pa dang / 'gag pa med pas gnyen po spyod yul ba yang yin la sems can yongs su smin par byed pa'i spyod yul bar yang snang ngo / /ye shes dang / rnam par thar pa dang / mngon par shes pa dang /
150a8 rig pa dang / rnam par grol ba'i spyod yul ba yang yin la phyogs bcu'i 'jig rten gyi khams rab 'byam thams cad kyi lha dang / klu dang / gnod sbyin dang / dri za dang / lha ma yin dang /
150b1 nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / srin po dang / 'byung po dang / yi dags dang / sha za dang / grul bum dang / srul po dang /
150b2 lus srul po dang / sems can dmyal ba dang / dud 'gro'i skye gnas dang / gshin rje'i 'jig rten du skyes pa dang / sgo nga las skyes pa dang / mngal nas skyes pa dang / drod gsher las skyes pa dang
150b3 rdzus te skyes pa dang / gzugs can dang / gzugs can ma yin pa dang / 'du shes can dang / 'du shes can ma yin pa dang / 'du shes med 'du shes med min nas gzugs med pa'i bar gyi
150b4 sems can rnams yongs su smin par byed par yang snang ngo / /de bzhin gshegs pa'i spyod pa dang / mngon par rdzogs par byang chub pa dang / sangs rgyas kyi bkod pa thams cad kyi spyod yul thob pa yang
150b5 yin la nyan thos dang / rang sangs rgyas thams cad kyi cho ga dang spyod lam yang kun tu ston to/ /'jam dpal dge ba'i bshes gnyen gyis yongs su zin pa'i byang chub sems dpa' ni sems can
150b6 thams cad kyi sgra sems can gcig gi sgrar 'jug par byed la/ sems can gcig gi sgra sems can thams cad kyi sgrar 'jug par byed cing / sgra rnams 'dres par yang mi 'gyur la sems
150b7 can gang gi sgra la yang sgrib par mi 'gyur ro/ /'jam dpal dge ba'i bshes gnyen gyis yongs su zin pa'i byang chub sems dpa' ni lhun gyis grub cing rnam par mi rtog par phyogs bcu'i 'jig rten
150b8 gyi khams rab 'byam thams cad du rang gi lus sa'i khams dang / chu'i khams dang / me'i khams dang / rlung gi khams su byin gyis rlob po/ /'jam dpal dge ba'i bshes gnyen gyis
151a1 yongs su zin pa'i byang chub sems dpa' ni sems can gyis lus la zhing gis lus kun tu ston kyang sems can gyi lus dang 'dres par yang mi byed/ zhing gi lus la sems can gyi lus kun tu
151a2 ston kyang zhing gi lus dang 'dres par yang mi byed do/ /sangs rgyas kyi sku la nyan thos dang / rang sangs rgyas kyi lus su kun du ston kyang sangs rgyas kyi sku dman par yang mi byed do/ /nyan thos dang / rang sangs rgyas
151a3 kyi lus la sangs rgyas kyi zhing kun nas kyang nyan thos dang / rang sangs rgyas kyi lus rgya chen por yang mi byed do/ /spyod pa'i lus la mngon par rdzogs par byang chub pa'i sku kun du ston kyang spyod pa'i
151a4 rgyun chad par yang mi byed do/ /mngon par rdzogs par byang chub pa'i sku la spyod pa'i lus kun tu ston kyang mngon par rdzogs par byang chub pa'i sku nyams par yang mi byed do/ /mya ngan las 'das pa la 'khor ba'i
151a5 rgyan tu ston kyang mya ngan las 'das pa la mngon par zhen pa yang mi skyed do/ /'khor ba mya ngan las 'das par kun tu ston kyang gtan du yongs su mya ngan las 'da' bas yongs su mya ngan las 'da' bar yang
151a6 mi byed do/ /mnyam par yang bzhag la bya ba thams cad kyang ston te/ 'di lta ste/ 'ong ba dang / 'gro ba dang / 'greng ba dang / nyal bar byed do/ /spyod lam thams cad kyang kun tu ston la ting nge 'dzin rnam par
151a7 'khrug par mi byed do/ /de bzhin gshegs pa gcig gi zhabs kyi drung na chos nyan par yang snang la/ phyogs bcu'i 'jig rten gyis khams rab 'byam thams cad na de bzhin gshegs pa thams
151a8 cad kyi 'khor gyi dkyil 'khor dag na gzugs dang / lus dang / kha dog yongs su 'grub pa gzhan dang gzhan dag gis kyang chos nyan la ting nge 'dzin thob par yang mi byed cing / chos kyang len
151b1 la 'dzin te 'don cing kun chub par yang byed la sangs rgyas de dag las chos nyan pa'i rgyun chad par yang mi byed do/ /phyogs bcu'i 'jig rten gyi khams rab 'byam thams cad du gzugs dang / lus dang / kha dog yongs
151b2 su 'grub pa tha dad pas sems can rnams yongs su smin par yang byed la lus tha dad par mi byed cing gnas nas kyang mi g.yo'o/ /phyogs bcu'i 'jig rten gyi khams rab 'byam thams cad du bya ba thams cad kun tu
151b3 ston kyang ting nge 'dzin tha dad par yang mi byed do/ /sems kyi skad cig sems kyi skad cig la ting nge 'dzin bye ba khrag khrig 'bum phrag dpag tu med grangs med pa dag kyang mngon par sgrub la ting nge 'dzin tha dad par yang
151b4 mi byed de/ 'jam dpal rnam grangs des na rnam par thar pa dang ting nge 'dzin bsam gyis mi khyab pa la gnas pa'i byang chub sems dpa' sangs rgyas kyi zhing gi mthas klas pa'i bskal par ting nge 'dzin gyi sgo bsgrub pa
151b5 mngon par sgrub kyang byang chub sems dpa'i ting nge 'dzin gyi sgo bsgrub pa rnams kyi mthar thug par mi 'gyur ro/ /'jam dpal byang chub sems dpa'i ting nge 'dzin phun sum tshogs pa de dag thams cad ni dge ba'i bshes gnyen la
151b6 sa nges par 'byung ngo / /'jam dpal de bzhin du gzungs kyi sgo brjod du med pa mngon par bsgrub pa mtha' yas dpag tu med grangs med/ bsam gyis mi khyab/ mtshungs pa med/ gzhal du med/ tshad med pa dag dang
151b7 gzungs thob pa phun sum tshogs pa de dag thams cad kyang dge ba'i bshes gnyen las nges par 'byung ngo / /stobs dang / mi 'jigs pa dang / sangs rgyas kyi chos ma 'dres pa dpag tu med/ grangs med/ bsam gyis mi khyab/
151b8 mtshungs pa med/ gzhal du med/ tshad med/ brjod du med pa phun sum tshogs pa rnams kyang de bzhin no/ /'jam dpal mdor bsdu na de ltar byang chub sems dpa'i sangs rgyas kyi chos bsgrub pa mtha' yas
152a1 pa thams cad dang / sangs rgyas kyi chos phun sum tshogs pa thams cad ni dge ba'i bshes gnyen las nges par byung ba yin no/ /'jam dpal dge ba'i bshes gnyen gyis yongs su zin pa'i byang
152a2 chub sems dpa' ni chos kyi dbyings mtha' yas pa'i sgo la 'jug pa sems can la kun du ston pa'i yul dang / 'jig rten gyi khams thams cad kyi rgyan sna tshogs su mngon par sgrub pa 'gro ba thams
152a3 cad shes par byed pa'i yul dang / 'jig rten gyi khams thams cad du sprul pa mngon par bsgrub pa'i yul dang / de bzhin gshegs pa'i sku byang chub sems dpa'i lus su mngon par bsgrub pa dang /
152a4 byang chub sems dpa'i lus de bzhin gshegs pa'i skur mngon par bsgrub pa'i yul dang / nam mkha'i khams 'jig rten gyi khams su mngon par bsgrub pa dang / 'jig rten gyi khams nam mkha'i
152a5 khams su mngon par bsgrub pa'i yul dang / 'khor ba mya ngan las 'das par mngon par bsgrub pa dang / mya ngan las 'das pa 'khor bar mngon par bsgrub pa'i yul dang / sems can gyi skad brjod pa gcig
152a6 gis sangs rgyas kyi chos thams cad bstan pa'i yul dang / gdong dang lus mtha' yas pa kun du bstan pa lus cig tu byin gyis brlob cing lus kyi rim pa thams cad mngon par bsgrub pa'i yul dang
152a7 lus gcig gis chos kyi dbyings rgyas par 'gengs pa'i yul dang / sems can gcig gis sems bskyed pa rnams la sems kyi skad cig sems kyi skad cig re re la yang sgo mtha' yas pas bsgrub
152a8 pa'i byang chub rnam par mi rtog pa'i yul dang / 'jam dpal de la sogs pa yul bye ba khrag khrig 'bum phrag dpag tu med/ grangs med/ bsam gyis mi khyab pa de dag byang chub sems dpa' la yang
152b1 dag par 'grub bo/ /'jam dpal dge ba'i bshes gnyen gyis yongs su zin pa'i byang chub sems dpa' ni 'jig rten gyis khams thams cad 'jig rten gyis khams gcig tu mos shing 'jug go/ /'jig rten gyis
152b2 khams gcig 'jig rten gyi khams thams cad du mos shing 'jug go/ /'jig rten gyis khams thams cad pad ma'i gdan gcig dang / de bzhin gshegs pa'i sku gcig gis yongs su khyab par mos shing 'jug go/ /
152b3 'jig rten gyis khams thams cad nam mkha'i ngo bo nyid du kun du ston par mos shing 'jug go/ /'jig rten gyi khams thams cad sangs rgyas kyi rgyan du mos shing 'jug go/ /'jig rten gyi khams thams cad
152b4 byang chub sems dpa'i lus kyis yongs su khyab par mos shing 'jug go/ /'jig rten gyi khams thams cad skra tsam gyi khyon gcig la 'jog par mos shing 'jug go/ /'jig rten gyi khams thams cad lus cig
152b5 tu 'jug pa dang ldan par mos shing 'jug go/ /'jig rten gyi khams thams cad de bzhin gshegs pa gcig gi byang chub kyi shing dang byang chub kyi snying pos yongs su khyab par mos shing 'jug go/ /'jig rten gyi khams thams
152b6 cad sgra skad gcig gis go bar byed cing sems can gyi khams sna tshogs kyi sgra la 'jug pas tshim par byed par mos shing 'jug go/ /sems can thams cad kyi ngo bo nyid dang lus su mos shing 'jug go/ /sems can gyis
152b7 khams thams cad sems can gcig gi lus la 'jug pa dang ldan par mos shing 'jug go/ /sems can gyi khams thams cad byang chub sems dpa'i khong du song bar mos shing 'jug go/ /sems can gyi khams
152b8 thams cad de bzhin gshegs pa'i khong du zhugs par mos shing 'jug go/ /sems can gyi khams thams cad sems can gcig gi lus la rten par mos shing 'jug go/ /sems can gyi khams thams cad
153a1 sangs rgyas kyi chos kyi snod du mos shing 'jug go/ /sems can gyi khams thams cad brgya byin dang tshangs pa dang / 'jig rten skyong ba gang 'dod pa dang mos pa'i gzugs dang / lus dang / kha dog dang
153a2 rtags la mngon du phyogs pa ston par mos shing 'jug go/ /sems can gyi khams thams cad nyan thos dang / rang sangs rgyas kyi gzugs dang / lus dang / kha dog dang / rtags dang / tshul du ston par mos shing
153a3 'jug go/ /sems can gyi khams thams cad byang chub sems dpa'i yon tan gyis legs par brgyan pa'i byin gyis brlabs kun tu ston par mos shing 'jug go/ /sems can gyi khams thams cad de bzhin
153a4 gshegs pa'i gzugs dang / mtshan dang / dpe byad bzang po dang / gzugs dang / lus dang / kha dog sna tshogs dang / spyod lam dang / spyod pa kun du ston pa gzhan shes par byed par mos shing 'jug go/ /
153a5 'jam dpal dge ba'i bshes gnyen gyis yongs su zin pa'i byang chub sems dpa' ni 'dod pa'i khams nas kyang mi g.yo la gzugs dang gzugs med pa na spyod pa'i bsam gtan dang / rnam par thar pa dang
153a6 ting nge 'dzin la snyoms par 'jug pa rnams la yang snyoms par 'jug cing de dag gi dbang gis kyang mi skye'o/ /nyan thos kyi lam mngon du shes pa la zhugs pa yang yin la snying rje chen po'i stobs kyang
153a7 rgyun mi gcod do/ /rang sangs rgyas kyi lam mngon du shes shing mthong ba la mkhas pa yang yin la snying rje chen po'i stobs kyang rgyun mi gcod do/ /g.yog 'khor mang pos yongs su bskor ba yin la lha dang
153a8 mi'i g.yog 'khor mang po rnam par dag pa dang yang ldan no/ /lha'i bu mo 'bum dag glu dbyangs rjes su sgrogs shing sil snyan 'bum dag sil khrol 'byin pa dang yang ldan la byang chub sems dpa'i
153b1 lam dang ldan pa'i bsam gtan dang / ting nge 'dzin dang / snyoms par 'jug pa rnams kyang mi 'dor ro/ /'gro ba'i dga' ba dang / rtse ba dang / bzhad gad dang / 'jo sgeg thams cad dang / sems can brkam chags
153b2 pa'i 'du 'dzi thams cad kyi nang na gnas pa yang yin la sems kyi skad cig gcig la yang byang chub kyi sems kyi mnyam pa nyid kyang mi 'dor ro/ /'jig rten las 'das pa yang yin te 'jig rten thams cad
153b3 dang ma 'dres la pha rol du 'gro ba'i lam la slob par yang snang zhing las dang nyon mongs par bying ba'i sems can rnams yongs su smin par yang byed do/ /lam la gnas shing lam ji lta ba bzhin du shes pa
153b4 mthong ba la zhugs pa yang yin la/ lam ngan par lhung ba'i sems can yongs su smin par bya ba'i phyir lam ngan pa na yang snang zhing lam de la snying por 'du shes pa yang ma yin la des dag par 'dod pa yang
153b5 ma yin no/ lus dang / ngag dang / yid kyi las kyi mtha' kha na ma tho ba med pa yang yin te/ rtag tu tshul khrims legs par bsrung zhing de bzhin gshegs pa'i tshul khrims rnam par dag pa la yang gzhol la
153b6 sems can tshul khrims 'chal pa yongs su smin par bya ba'i phyir byis pa so so'i skye bo phal pa'i spyod yul ba la yang kun tu snang ngo / /bsod nams dang ye shes kyi tshogs bsags shing byang chub sems
153b7 dpa'i 'gro ba la yang gzhol la ngan 'gror skyes pa'i sems can yongs su smin par bya ba'i phyir sems can dmyal ba dang / dud 'gro'i skye gnas dang / gshin rje'i 'jig rten dang / mi khom pa dang /
153b8 dbul po'i khyim du skye ba'i 'gro ba yang kun tu ston la 'gro ba der yang dag par gzhol ba yang ma yin no/ /ye shes dang spobs pa thogs pa med pa'i sangs rgyas kyi chos la zhugs pas gzhan
154a1 gyi dring la mi 'jog pa'i ye shes la mkhas pa yang yin no/ /de bzhin gshegs pa thams cad kyi byin gyis brlabs kyis byin gyis brlabs pa dang sangs rgyas thams cad kyi sku dang lus gzugs
154a2 gcig tu gyur pa dang / sems can thams cad dang thun mong ma yin pa'i chos kyi tshul dang dgongs pa snang ba rtogs pa dang / theg pa thams cad mnyam pa nyid kyis byin gyis brlabs pa dang / sangs rgyas thams cad
154a3 kyi spyod yul la mngon du phyogs pa dang / 'gro ba thams cad kyis bsngags par 'os pa dang / sems can gyi khams thams cad kyis gdong du lta ba dang / 'gro ba thams cad kyi slob dpon du gyur pa dang / zab cing
154a4 brtan pa'i rgya mtsho'i chu'i dus rlabs lta bu'i ting nge 'dzin gyis rnam par rtse ba dang / sangs rgyas kyi sku dang / kha dog mtha' yas pa yongs su 'grub pa sgrub pa'i gzungs thob pa yang yin la chos yongs su tshol
154a5 ba'i rgyun yang mi gcod do/ /lha dang / mi dang / lha ma yin dang / dri zar bcas pa'i 'jig rten gyi slob dpon dam pa yang yin la/ tsog tsog por 'dug ste thal mo sbyar nas mkhan po dang / slob dpon las chos len par
154a6 yang kun tu ston cing gus par bya ba thams cad kyi nye bar gnas par yang snang ste/ byang chub sems dpa'i lam la gnas nas thabs gang dang gang gis sems can rnams yongs su smin pa 'am 'dul bar 'gyur
154a7 ba'i thabs de dang de nyid sems can rnams la ston to/ /dge ba'i rtsa ba thams cad shin du bsdus pa dang / byang chub sems dpa'i spyod pa thams cad kyi rtse mor phyin pa dang / de bzhin gshegs pa thams cad kyis
154a8 dbang bskur ba dang / chos kyi dbang phyug gi bdag po dam pa'i mchog thob pa dang / chos kyi gcod pan thogs pa med cing dri ma med pas bcings pa dang / 'jig rten gyi khams thams cad du thogs pa med par
154b1 de bzhin gshegs pa'i sku kun du ston pa dang / thogs pa med par chos kyi 'khor lo skor ba'i byin gyis brlab dang ldan pa dang / lus gzugs 'jig rten gyi khams thams cad du zhugs pa dang ldan pa dang /
154b2 chos thams cad kyi dbang phyug dam pa'i mchog thob pa dang ldan pa dang / byang chub sems dpa'i dbang thams cad thob pa dang / 'gro ba'i zhing thams cad du skye ba ston pa'i shes pa dang ldan pa dang / 'das pa dang /
154b3 ma 'ongs pa dang / da ltar byung ba'i de bzhin gshegs pa thams cad dang yul gcig tu gyur pa yang yin la byang chub sems dpa'i spyod pa'i rgyun yang mi gcod/ byang chub sems dpa'i mngon par 'du bya ba'i
154b4 stobs las kyang yongs su mi nyams/ byang chub sems dpa'i spyod pa'i byin gyis brlabs las kyang thag ring tu mi 'gyur/ byang chub sems dpa'i chos nyid kyang mi 'dor/ byang chub sems dpa'i las kyi
154b5 mtha' las kyang mi 'da'/ byang chub sems dpa'i lam las kyang phyir mi ldog /'jam dpal dge ba'i bshes gnyen gyis yongs su zin pa'i byang chub sems dpa' ni chos thams cad la blang
154b6 ba med pa dang / dor ba med pa dang / 'deg pa med pa dang / 'jog pa med pa dang / sgyu ma dang / smig rgyu dang / rmi lam dang / mig yor dang / gzugs brnyan dang / chu zla dang / stong pa nyid dang / mtshan ma med
154b7 pa dang / smon pa med pa dang / mngon par 'du bya ba med pa dang / brjod du med pa dang / smrar med pa dang / bsnyad du med pa dang / de bzhin nyid dang / yang dag pa'i mtha' dang / rnam par 'jig pa med pa dang /
154b8 mnyam pa nyid dang / dbyer med pa dang / gnyis su med pa zhes bya ba de ni de'i dmigs pa yin te/ chos thams cad ni gnyen po med pa'i phyir ro/ /chos thams cad ces bya ba de ni de'i dmigs pa ste/
155a1 'du shes pa 'dzin pa'i phyir dmigs pa'o/ /de ci'i phyir zhe na/ sems med pa la sems su dmigs pa ni 'du shes phyin ci log yin pa'i phyir te/ sems phyin ci log tu gyur na sems myos par 'gyur
155a2 ro/ /sems myos na sems bslad par 'gyur ro/ /sems bslad pa las sems skrag par 'gyur ro/ /sems skrag pa las byang chub kyi sems nyams par 'gyur ro/ /'jam dpal de lta bas na byang chub sems
155a3 dpas sems la sems kyi rjes su blta bar bya'o/ /'jam dpal dge ba'i bshes gnyen gyis yongs su zin pa'i byang chub sems dpa' ni dbang bcu 'thob par 'gyur te/ bcu gang zhe na/ 'di lta ste/ tshe la
155a4 dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / chos la dbang ba dang /
155a5 ye shes la dbang ba'o/ /rnam par 'phrul pa bcu yang 'thob ste/ bcu gang zhe na/ 'di lta ste/ sems can rnam par sprul pa dang / zhing rnam par sprul pa dang / chos rnam par sprul pa dang / lus rnam par sprul pa dang / smon lam rnam
155a6 par sprul pa dang / spyod yul rnam par sprul pa dang / ye shes rnam par sprul pa dang / mngon par shes pa rnam par sprul pa dang / rdzu 'phrul rnam par sprul pa dang / stobs rnam par sprul pa'o/ /'jam dpal dge ba'i bshes gyi nyan gyis
155a7 yongs su zin pa'i byang chub sems dpa' ni sems can gyi khams thams cad kyi mos pa la 'jug pa dang / sangs rgyas kyi zhing tha dad pa nyid la 'jug pa dang / phyogs thams cad kyi dri ba rnam par 'byed pa la 'jug pa dang /
155a8 'jig rten gyi khams steng g.yogs med cing gzhi phyal ba'i rgyud thams cad la 'jug pa dang / chos thams cad gcig pa dang tha dad pa nyid rab 'byam rnam par gzhag pa la mkhas pa la 'jug pa dang / las thams cad bsgyur
155b1 bar gzhug pa la 'jug pa dang / 'du shes phyin ci log gis phyin ci log tu gyur pa'i 'jig rten gnas pa tha dad pa nyid kyi 'du shes can tha dad pa nyid la 'jug pa dang / chos thams cad bsgyur ba la 'jug pa'i mtha' nges par 'byung ba
155b2 gcig la 'jug pa dang / chos kyi dbyings thams cad de bzhin gshegs pa'i rnam par sprul par byin gyis rlob pa la 'jug pa dang / 'gro ba thams cad dus gsum la 'jug pa dang / sangs rgyas thams cad kyi gdung rgyun mi
155b3 'chad pa la zhugs pa'i ye shes mngon par bsgrub po/ /'jam dpal dge ba'i bshes gnyen gyis yongs su zin pa'i byang chub sems dpa' ni sangs rgyas bye ba khrag khrig 'bum phrag dpag tu med grangs med pa dag las dge
155b4 ba'i rtsa ba bskyed pa sbyin pa las byung ba dang / mchod pa las byung ba dang / de dag gi thad nas bslab pa bzung ba las byung ba rnams snga dro gcig gis zil gyis gnon te/ 'jam dpal de ltar dge ba'i bshes gnyen ni
155b5 yon tan bsam gyis mi khyab pa dang ldan no/ /'jam dpal dge ba'i bshes gnyen gyis yongs su zin pa'i byang chub sems dpa' rnams ni bla na med pa yang dag par rdzogs pa'i byang chub mngon par rdzogs par
155b6 'tshang rgya ste/ de dag phyogs bcu'i 'jig rten gyi khams mtha' yas pa mu med pa dag tu 'jig rten gyi khams re re na yang rdul phra rab kyi rdul re re la dus gsum la 'jug cing bskal pa'i phyi ma'i mtha'i mur thug
155b7 par bskal par byin gyis brlabs te/ dus gsum la 'jug pa'i chos ston to/ /de ci'i phyir zhe na 'jam dpal de bzhin gshegs pa dgra bcom pa yang dag par rdzogs pa'i sangs rgyas rnams ni rtag pa/ brtan pa/ ther zug
155b8 pa yin pa'i phyir ro/ /'jam dpal dge ba'i bshes gnyen gyis yongs su zin pa'i byang chub sems dpa' rnams kyi 'du shes phyin ci log tu mi 'gyur ro/ /'jam dpal 'du shes phyin ci log gis sems phyin ci log tu gyur
156a1 pa'i sems can rnams 'di dag ni sangs rgyas kyi chos so/ /'di dag ni sangs rgyas kyi chos ma yin no zhes mngon par zhen nas chos spong bar byed do/ /mi dge ba'i las sna tshogs kyang byed do/ /'jam dpal sangs
156a2 rgyas kyi chos rnams ni skye ba 'am/ 'gag pa med de/ 'jam dpal sangs rgyas kyi chos rnams ni ma skyes pa/ ma 'gags pa/ yi ge med pa/ sgra med pa/ gnyis su med pa gnyen po med pa sgra las yang dag par
156a3 'das pa'o/ /de ci'i phyir zhe na/ gnyen po med pa'i phyir ro/ /'jam dpal 'di dag ni sangs rgyas kyi chos so/ /'jam dpal 'di dag ni sangs rgyas kyi chos ma yin no/ /zhes bya ba 'di gnyis ni mtha' ste/ 'jam dpal
156a4 mtha' gang yin pa de ni sangs rgyas kyi chos ma yin te/ 'jam dpal sangs rgyas kyi chos ni mtha' med pa'i ngo bo nyid do/ /'jam dpal mtha' med pa'i ngo bo nyid ni mi skye mi 'gag go/ /'jam dpal mi skye mi 'gag pa
156a5 gang yin pa de ni mtha' dang mtha' med pa yongs su spangs pa ste/ yi ge med pa dang / sgra med pa/ sgra las yang dag par 'das pa/ gdags par bya ba ma yin pa/ gnyis su med pa/ gnyen po med pa'o/ /'jam dpal gang
156a6 gnyen po med pa de ni mi skye mi 'gag go/ /gang mi skye mi 'gag pa de ni sangs rgyas kyi bka' yin no/ /de ci'i phyir zhe na/ 'jam dpal de bzhin gshegs pa ni chos kyi sku ste/ shin du ma skyes pa/ ma byung ba/ ma
156a7 'gags pa'o/ /de la ni tshigs med mod kyi sngon gyi dge ba'i rtsa ba dang / spyod pa dang / smon lam gyi stobs bskyed pa'i byin gyis brlabs kyis sems can dag gis de bzhin gshegs pa mthong ngo / /'jam dpal dper
156a8 na nor bu rin po che chu 'dang bar byed pa chu'i nang du bcug ma thag tu 'dam rdzab dang rnyog pa thams cad 'dang bar byed kyang 'jam dpal nor bu rin po che chu 'dang bar byed pa ni mi rtog rnam par mi rtog ste/ 'on kyang lhun gyis grub cing
156b1 rnam par mi rtog par de'i bya ba de lta bu de 'byung ngo / /'jam dpal de bzhin du de bzhin gshegs pa byung ma thag tu phyogs bcu'i 'jig rten gyi khams rab 'byam thams cad kyi sems can thams cad kyi nyon mongs pa'i 'dam
156b2 rdzab dang rnyog pa thams cad dang bar byed kyang de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal dper na rdza mkhan gyi
156b3 'khor lo shin du myur zhing stobs kyi shugs kyis 'phangs pa ni rdza mkhan gyi dbang gis snod spyad sna tshogs mngon par 'du byed kyang 'jam dpal rdza mkhan gyi 'khor lo ni mi rtog /rnam par mi rtog ste/ 'on
156b4 kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sngon gyi dge ba'i rtsa ba dang /
156b5 spyod pa dang / smon lam gyi stobs kyi byin gyis brlabs kyi shugs kyis sems can gyi dbang gis sems can rnams la dge ba'i rtsa ba sna tshogs mngon par 'du mdzad kyang de bzhin gshegs pa ni mi rtog /rnam
156b6 par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ste/ sangs rgyas kyi chos ma 'dres pa dang ldan pa'i phyir ro/ /'jam dpal sems can gang dag de bzhin gshegs pa la
156b7 bshos gsol ba dang / gang dag bshos mi gsol ba dang / gang dag gis mthong ba dang / gang dag gis ma mthong ba dang / gang dag stod pa dang / gang dag mi stod pa dang / gang dag gshe ba dang gang dag mi gshe ba dang
156b8 gang dag zhu ba byed pa dang / gang dag zhu ba mi byed pa de dag thams cad kyi bya ba rnams kyang sangs rgyas kyi byin gyis brlabs kyis lhun gyis grub cing rnam par mi rtog par 'byung ngo / /'jam dpal de bzhin gshegs
157a1 pa'i khyu mchog tu gyur pa thams cad kyang dge ba'i bshes gnyen gyis yongs su zin pa las 'byung ngo / /'jam dpal dge ba'i bshes gnyen gyis yongs su zin pa'i byang chub sems dpa' sangs rgyas
157a2 kyi sku dang kha dog mtha' yas pa yongs su 'grub pa grub pa'i gzungs 'thob ste/ gzungs de thob pas phyogs bcu'i 'jig rten gyis khams thams cad sangs rgyas kyi skus khyab par byed do/ /'jig rten gyi khams re
157a3 rer yang mngon par rdzogs par byang chub pa'i sku ston to/ /lhun gyis grub cing rnam par mi rtog par chos kyi 'khor lo bskor ba grangs med pa dang / chos tha dad pa nyid grangs med pa ston te gnas nas kyang mi g.yo'o/ /
157a4 'jam dpal de ltar na dge ba'i bshes gnyen rnams ni yon tan bsam gyis mi khyab pa dang ldan pa yin no/ /'jam dpal de lta bas na byang chub sems dpas de bzhin gshegs pa la bya ba bzhin du dge ba'i
157a5 bshes gnyen rnams la bsten par bya'o/ /bsnyen par bya'o/ /bsnyen bkur bya'o/ /'jam dpal mi dge ba'i bshes gnyen rnams ni brag gi bya skyibs rab tu 'bar ba bzhin du yongs su spang bar bya'o/ /de ci'i phyir
157a6 zhe na/ 'jam dpal mi dge ba'i bshes gnyen la bsten na byang chub sems dpa'i sems dang 'du shes phyin ci log tu 'gyur ro/ /sems phyin ci log tu gyur na kun du 'khrul par 'gyur ro/ /sems kun du
157a7 'khrul par gyur na rnam par rmongs par 'gyur ro/ /sems rnam par rmongs na skrag par 'gyur ro/ /sems skrag par gyur na byang chub kyi sems 'dor bar 'gyur ro/ /byang chub kyi sems bor na lha yongs su gtong bar
157a8 'gyur ro/ /lha yongs su btong na lha rnams kyang de la bsngags pa ma yin pa smra bar 'gyur ro/ /klu rnams dang / gnod sbyin rnams dang / dri za rnams dang / mi'am ci rnams dang / lto 'phye chen po rnams dang / mi rnams
157b1 mi ma yin pa rnams nas sangs rgyas kyi bar dag kyang de la bsngags pa ma yin pa smra bar 'gyur ro/ /'jam dpal de lta bas na byang chub sems dpas dge ba'i bshes gnyen rnams la bsten par bya'o/ /bsnyen par bya'o/ /
157b2 bsnyen bkur bya'o/ /'jam dpal dper na skyabs shes bya ba'i sman ni gnod sems kyi sems dang ldan pa 'am/ dang ba'i sems dang ldan pas mthong yang rung ste/ tha na dud 'gro'i skye gnas su song ba de dag gi nad
157b3 thams cad med par 'gyur yang skyabs shes bya ba'i sman ni mi rtog /rnam par mi rtog ste/ ma 'dres pa'i chos dang ldan pa'i phyir lhun gyis grub cing rnam par mi rtog par de'i bya ba de lta bu de 'byung ngo / /'jam dpal
157b4 de bzhin du gnod sems kyi sems dang ldan pa 'am/ dang ba'i sems dang ldan pa gang gis de bzhin gshegs pa'i sku ri mor bris pa 'am/ gzugs su byas pa mthong na tha na dud 'gro'i skye gnas su song ba yang
157b5 rung ste/ de dag gis nyon mongs pa'i nad thams cad med par 'gyur yang de bzhin gshegs pa ni mi rtog /rnam par mi rtog ste/ ma 'dres pa'i chos dang ldan pa'i phyir lhun gyis grub cing rnam par mi rtog par bya ba de lta
157b6 bu de 'byung ngo / /'jam dpal dper na nyi ma'i dkyil 'khor rgya mtsho chen po las mngon par 'phags te/ nam mkha'i spyod yul la gnas nas 'od zer bye ba khrag khrig 'bum phrag grangs med pa btang bas grongs dang /
157b7 grong khyer dang / grong rdal dang / ljongs dang / yul 'khor dang / rgyal po'i pho brang 'khor thams cad du mthong ba sbyin par byed cing mun pa sel bar byed/ 'dam rdzab dang / rnyog pa thams cad skems par byed/ pad ma
157b8 rnams kyang kha 'bye bar byed/ rtswa dang / shing gel pa dang / sman dang / nags tshal thams cad kyang skye bar byed/ sman thams cad kyang yongs su smin par byed/ las kyi gnas thams cad ni gnas par byed la/ chu klung
158a1 dang / mtshe'u dang / mtsho bran thams cad la yang dus gcig tu snang ba thob par 'gyur yang gnas las kyang mi g.yo zhing 'jam dpal nyi ma'i dkyil 'khor ni mi rtog /rnam par mi rtog ste/ 'on kyang
158a2 ma 'dres pa'i chos dang ldan pa'i phyir lhun gyis grub cing rnam par mi rtog par de'i bya ba de lta bu de rtag tu 'byung ngo / /'jam dpal de bzhin du de bzhin gshegs pa dgra bcom pa yang dag par rdzogs pa'i
158a3 sangs rgyas kyang srid pa'i rgya mtsho las mngon par 'phags te/ chos kyi dbyings kyi nam mkha'i spyod yul la gnas nas ye shes kyi 'od zer bye ba khrag khrig grangs med pa btang bas phyogs bcu'i
158a4 'jig rten gyi khams rab 'byam thams cad du snang ba sbyin par mdzad cing sems can thams cad kyi ma rig pa'i mun pa mun nag dang / rab rib dang / ling tog rnams rnam par sel bar mdzad/ nyon mongs pa'i
158a5 'dam rdzab dang / rnyog pa thams cad skam par mdzad/ yun ring po nas gnyid kyis log pa'i sems can gyi khams ni sad par mdzad/ sems can thams cad kyi dge ba'i rtsa ba thams cad ni skye bar mdzad/
158a6 sems can thams cad kyi dge ba'i rtsa ba'i tshogs thams cad ni yongs su smin par mdzad/ dge ba'i rtsa ba'i sgo thams cad ni rab tu 'jog par mdzad de/ dus gcig tu de'i mdzad pa thams cad 'byung yang
158a7 gnas nas kyang mi g.yo zhing 'jam dpal de bzhin gshegs pa ni mi rtog rnam par mi rtog ste/ 'on kyang ma 'dres pa'i chos dang ldan pa'i phyir lhun gyis grub cing rnam par mi rtog par de'i mdzad pa de lta bu de
158a8 'byung ngo / /'jam dpal de ltar de bzhin gshegs pa'i lhun grub cing rnam par mi rtog par sems can yongs su smin par mdzad pa'i gnas kyang dge ba'i bshes gnyen gyis yongs su zin pa las 'byung ngo / /'jam dpal
158b1 dge ba'i bshes gnyen gyis yongs su zin pa'i byang chub sems dpa' ni chos rab tu rnam par 'byed cing dpyod pa la mkhas par 'gyur te/ de chos rnams la 'di ltar dpyod do/ /mig ni gzugs kyi dmigs pa'i rgyu ma yin/ gzugs
158b2 kyang mig gi dmigs pa'i rgyu ma yin la dmigs pa'i rgyu rkyen nyid kyis kyang rnam par shes pa 'byung ste/ rnam par shes pa de yang mig las kyang ma byung / gzugs las kyang ma byung zhing rnam par shes pa de ni byung nas zhig la
158b3 zhu zhing mi gnas pa'o/ /rna ba dang / sna dang / lce dang / lus kyang de bzhin no/ /yid kyang chos kyi rkyen ma yin zhing chos kyi rkyen ma yin la dmigs pa'i rgyu rkyen nyid kyis kyang rnam par shes pa 'byung ste/ rnam par shes pa
158b4 de ni yid las kyang ma byung / chos rnams las kyang ma byung zhing yid kyi rnam par shes pa de ni byung nas zhig la zhu zhing mi gnas pa'o/ /de bzhin du dge ba'i rtsa ba yang byang chub kyi rkyen ma yin/ byang chub kyang dge
158b5 ba'i rtsa ba'i rkyen ma yin mod kyi/ dge ba'i rtsa ba de yang byang chub kyi rkyen la dmigs pa las sems skye ba rnams kyis skye ste/ de dag kyang skyes nas zhig cing zhu la mi gnas pa'o/ /de la sems gang gis dge ba'i
158b6 rtsa ba mngon par 'dus byas pa dang / sems gang gis byang chub tu yongs su bsngos pa de gnyis ni phan tshun mi sbyor ro/ /dper na me ni gang nas kyang mi 'ong gang du yang mi 'gro ste/ 'on kyang rgyu dang rkyen gyis
158b7 'bar ro/ /'jam dpal de bzhin du byang chub sems dpa'i shes rab kyi me 'bar ba yang gang nas kyang mi 'ong gang du yang mi 'gro ste/ 'on kyang dge ba'i rtsa ba'i rgyu la brten nas byang chub sems
158b8 dpa'i shes rab kyi me 'bar te/ shes pa de lta bu dang ldan pa de ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /'jam dpal de ltar na dge ba'i
159a1 bshes gnyen rnams ni yon tan rgya mtsho tshad med pa yin no/ /'jam dpal rigs kyi bu 'am rigs kyi bu mo gang la la zhig gis phyogs bcu'i 'jig rten gyi khams thams cad kyi rdul snyed kyi sangs rgyas
159a2 bcom ldan 'das byang chub sems dpa' dang bcas/ nyan thos dang bcas pa rnams la rtag par nyin gcig bzhin du zhal zas ro rgya dang ldan pa dang / lha'i na bza' dag phul la/ de ltar 'bul ba bskal pa gang gA
159a3 klung gis bye ma snyed du phul zhing de bzhin gshegs pa de dag yongs su mya ngan las 'das nas de bzhin gshegs pa'i re re'i phyir yang phyogs bcu'i 'jig rten gyi khams rab 'byam thams cad du 'jig rten
159a4 gyi khams re rer yang mchod rten 'dzam bu'i chu bo'i gser las byas pa nor bu rin po che glog gi sgron mas spras pa/ nor bu rin po che 'od thams cad bsdus pa'i stegs bus yongs su bskor ba/ nor bu
159a5 dang / mu tig dang / rin po che'i phreng bas mdzes par byas pa/ gdugs dang / rgyal mtshan dang / ba dan bsgreng ba/ dril bu g.yer ka'i dra ba'i bla re bres pa/ tsan dan sbrul gyi snying po'i byug pas byug pa/ nor
159a6 bu rin po che dbang gi rgyal po'i dra bas khebs par byas pa/ phyogs bcu'i 'jig rten gyi khams thams cad kyi rdul snyed dag byas te/ mchod rten de dag la stong gsum gyi stong chen po'i tshad tsam gyi lha'i
159a7 na bza' dag dang / gdugs kyi sprin dag dang / rgyal mtshan gyi sprin dag dang / ba dan gyi sprin dag dang / me tog gi sprin dag dang / spos kyi sprin dag dang / nor bu rin po che dbang gi rgyal po'i sprin dag dang /
159a8 yid bzhin gyi nor bu rin po che'i sprin dag gis gtor/ mngon par gtor la nyin gcig bzhin/ de ltar mchod cing bskal pa gang gA'i klung gi bye ma snyed dag tu mchod la/ sems can gzhan dpag tu med
159b1 grangs med pa dag kyang mchod pa de nyid la 'god pa bas 'jam dpal rigs kyi bu 'am rigs kyi bu mo gzhan gang gis de bzhin gshegs pa'i yon tan dang ye shes bsam gyis mi khyab pa'i yul la 'jug pa
159b2 bstan pa'i chos kyi rnam grangs 'di la tha na mos par byed na 'di nyid de bas bsod nams ches grangs med par skyed do/ /'jam dpal chos kyi rnam grangs 'di la mos pa'i byang chub sems dpa' ni pha
159b3 rol du phyin pa bye ba khrag khrig 'bum phrag dpag tu med grangs med pa dag yongs su rdzogs par byed do/ /sa bye ba khrag khrig 'bum phrag dpag tu med grangs med pa dag gnod to/ /bskal pa bye ba khrag khrig 'bum
159b4 phrag dpag tu med grangs med pa dag phyir snyil bar byed do/ /sangs rgyas kyi rnam par rol pa bye ba khrag khrig 'bum phrag dpag tu med grangs med pa dag rab tu shes so/ /nga rgyal gyi ri dpag tu med grangs med
159b5 pa dag rnam par 'jig par byed do/ /phrag dog dang ser sna'i rgyal mtshan dpag tu med grangs med pa dag snyol bar byed do/ /srid pa'i chu klung dpag tu med grangs med pa dag skums par byed
159b6 do/ /skye ba'i rgya mtsho dpag tu med grangs med pa dag las rgal bar byed do/ /bdud kyi zhags pa dpag tu med grangs med pa dag gcod do/ /nyi zla rnams dang / brgya byin dang / tshangs pa dang / 'jig rten skyongs
159b7 ba rnams kyi gzi brjid zil gyis mnan te 'dug go/ /sangs rgyas kyi zhing nas sangs rgyas kyi zhing du 'gro'o/ /sems can dmyal ba dang / dud 'gro'i skye gnas dang / yi dags dang / gshin rje'i 'jig
159b8 rten du skyes pa'i sems can rnams kyi skyabs su 'gyur ro/ /sangs rgyas rnams dang byang chub sems dpa' rnams dang yang phrad par 'gyur ro/ /rgya mtsho'i phyag rgya zhes bya ba'i ting nge 'dzin kyang
160a1 'thob bo/ /chos thams cad yang dag par 'du ba zhes bya ba'i ting nge 'dzin kyang 'thob bo/ /chos thams cad la dbang byed pa zhes bya ba'i ting nge 'dzin kyang 'thob bo/ /rnam par bkod pa zhes bya ba'i ting nge 'dzin kyang 'thob bo/ /
160a2 rin po che 'byung ba zhes bya ba'i ting nge 'dzin kyang 'thob bo/ /dga' bar byed pa zhes bya ba'i ting nge 'dzin kyang 'thob bo/ /pad+ma bkod pa zhes bya ba'i ting nge 'dzin kyang 'thob bo/ /nam mkha' mdzod ces bya ba'i ting nge 'dzin kyang
160a3 'thob bo/ /'jig rten thams cad kyi rjes su song ba zhes bya ba'i ting nge 'dzin kyang 'thob bo/ /dam pa'i chos pad ma dkar po zhes bya ba'i ting nge 'dzin kyang 'thob bo/ /yul la dbang byed pa zhes bya ba'i ting nge 'dzin kyang 'thob
160a4 bo/ /cher bsgyings zhes bya ba'i ting nge 'dzin kyang 'thob bo/ /rnam pa dang sems la dbang byed pa zhes bya ba'i ting nge 'dzin kyang 'thob bo/ /seng ge bsgyings pa zhes bya ba'i ting nge 'dzin kyang 'thob bo/ /nyi ma'i sgron ma zhes bya ba'i ting nge 'dzin
160a5 kyang 'thob bo/ /mtha' yas 'khyil pa zhes bya ba'i ting nge 'dzin kyang 'thob bo/ /rab tu g.yo ba'i rjes su song ba zhes bya ba'i ting nge 'dzin kyang 'thob bo/ /rdo rje'i dkyil 'khor zhes bya ba'i ting nge 'dzin kyang 'thob bo/ /rdo rje'i rgyal
160a6 mtshan zhes bya ba'i ting nge 'dzin kyang 'thob bo/ /rdo rje lta bu zhes bya ba'i ting nge 'dzin kyang 'thob bo/ /rdo rje lte ba zhes bya ba'i ting nge 'dzin kyang 'thob bo/ /sa 'dzin zhes bya ba'i ting nge 'dzin kyang 'thob bo/ /
160a7 lhun po sgron ma zhes bya ba'i ting nge 'dzin kyang 'thob bo/ /lhun po rgyal mtshan zhes bya ba'i ting nge 'dzin kyang 'thob bo/ /rin po che'i mdzod ces bya ba'i ting nge 'dzin kyang 'thob bo/ /sems la dbang
160a8 byed pa zhes bya ba'i ting nge 'dzin kyang 'thob bo/ /sems can thams cad kyi sems la dbang byed pa zhes bya ba'i ting nge 'dzin kyang 'thob bo/ /spyod pa thams cad kyi yul la nges par 'byung ba zhes bya ba'i ting nge 'dzin kyang
160b1 'thob bo/ /sbyor ba zab cing gsang ba zhes bya ba'i ting nge 'dzin kyang 'thob bo/ /sna tshogs snang ba'i spobs pa zhes bya ba'i ting nge 'dzin kyang 'thob bo/ /bltar mi mthong ba zhes bya ba'i ting nge 'dzin kyang 'thob
160b2 bo/ /chos thams cad la rnam par lta ba zhes bya ba'i ting nge 'dzin kyang 'thob bo/ /rnam par rol pa zhes bya ba'i ting nge 'dzin kyang 'thob bo/ /mngon par shes pa thams cad las nges par skyes pa zhes bya ba'i ting nge
160b3 'dzin kyang 'thob bo/ /bdud kyi dkyil 'khor rnam par 'joms pa zhes bya ba'i ting nge 'dzin kyang 'thob bo/ /gzugs thams cad kun tu ston pa zhes bya ba'i ting nge 'dzin kyang 'thob bo/ /
160b4 gzugs thams cad kyi khyad par zhes bya ba'i ting nge 'dzin kyang 'thob bo/ /lus rnam par 'jig pa zhes bya ba'i ting nge 'dzin kyang 'thob bo/ /spyod pa thams cad la 'jug pa zhes bya ba'i ting nge 'dzin kyang
160b5 'thob bo/ /shes rab sgron ma zhes bya ba'i ting nge 'dzin kyang 'thob bo/ /mngon sum du byang chub snang ba zhes bya ba'i ting nge 'dzin kyang 'thob bo/ /so so yang dag par rig pa rin po che bstan pa zhes bya ba'i
160b6 ting nge 'dzin kyang 'thob bo/ /yon tan gyi rnam pa thams cad la 'jug pa zhes bya ba'i ting nge 'dzin kyang 'thob bo/ /chos thams cad 'dul bar rnam par nges par bstan pa zhes bya ba'i ting nge 'dzin kyang 'thob bo/ /
160b7 rab tu zhi ba rnam par nges pa'i cho 'phrul zhes bya ba'i ting nge 'dzin kyang 'thob bo/ /dpa' bar 'gro ba zhes bya ba'i ting nge 'dzin kyang 'thob bo/ /zab cing brtan pa'i rgya mtsho'i chu'i dus rlabs shes bya ba'i ting
160b8 nge 'dzin kyang 'thob ste/ de dag la sogs pa'i ting nge 'dzin bye ba khrag khrig 'bum phrag grangs med pa dag 'thob bo/ /sangs rgyas kyi sku dang kha dog mtha' yas pa yongs su 'grub pa sgrub pa'i gzungs kyang 'thob bo/ /ye shes dang
161a1 ldan pa zhes bya ba'i gzungs kyang 'thob bo/ sgra dbyangs rnam par dag pa zhes bya ba'i gzungs kyang 'thob po/ /mi zad pa'i za ma tog ces bya ba'i gzungs kyang 'thob po/ /mtha' yas 'khyil pa zhes bya ba'i
161a2 gzungs kyang 'thob po/ /rgya mtsho'i phyag rgya zhes bya ba'i gzungs kyang 'thob po/ /pad ma bkod pa zhes bya ba'i gzungs kyang 'thob po/ /chags pa med pa'i sgor 'jug pa zhes bya ba'i gzungs kyang 'thob po/ /so so yang
161a3 dag par rig pa rnam par nges pa la 'jug pa zhes bya ba'i gzungs kyang 'thob po/ /sangs rgyas kyi rgyan gyis byin gyis brlabs pa zhes bya ba'i gzungs kyang 'thob po/ /sangs rgyas kyi sku dang / kha dog mtha' yas
161a4 yongs su 'grub pa zhes bya ba'i gzungs kyang 'thob po/ /de dag la sogs pa gzungs bye ba khrag khrig 'bum phrag grangs med pa dag kyang 'thob po/ /chos thams cad la spyod pa'i khyad par nyid kyang 'thob po/ /
161a5 chos thams cad la gzhan la rag ma las pa'i shes pa yang 'thob po/ /chos thams cad la som nyi gcod pa nyid kyang 'thob po/ /sangs rgyas kyi rnam par rol pa stong phrag grangs med pa dag kyang 'thob po/ /
161a6 sems can thams cad kyi spyod pa'i bye brag la mkhas pa yang 'thob po/ /'jam dpal dper na ri'i rgyal po ri rab ni ri thams cad zil gyis gnon nas lam me/ lhan ne lhang nge'o/ /'jam dpal de bzhin du
161a7 chos kyi rnam grangs 'di la mos pa'i byang chub sems dpa' yang sems can thams cad kyi dge ba'i rtsa ba thams cad zil gyis gnon nas lam me/ lhan ne lhang nge'o/ /de nas 'jam dpal
161a8 gzhon nur gyur pas byang chub sems dpa' sems dpa' chen po sgrib pa thams cad rnam par sel ba la/ 'di skad ces smras so/ kye rgyal ba'i sras byang chub sems dpas gang dag la mos pas
161b1 yon tan gyi khyad par 'di dag dang gzhan dag kyang 'thob pa'i chos kyi bye brag gzhan dag kyang yod dam/ de skad ces smras pa dang / byang chub sems dpa' sgrib pa thams cad rnam par sel bas 'jam dpal gzhon nu
161b2 gyur pa la 'di skad ces smras so/ 'jam dpal byang chub sems dpa' gang dag la mos na/ yon tan gyi khyad par 'di dag dang gzhan dpag tu med pa dag kyang 'thob pa'i chos lnga po 'di dag ste/ lnga gang zhe na/
161b3 chos thams cad gnyen po med pa dang / ma skyes pa dang / ma 'gags pa dang / brjod du med par mos pa dang / rtag tu rgyun mi 'chad par skad cig skad cig la de bzhin gshegs pa'i spyod pa dang spyod lam la
161b4 'jug pa'i gnas 'dzam bu'i gling gi rdul phra rab kyi rdul las kyang lhag pa dag la lhun gyis grub cing rnam par mi rtog par 'jug par mos pa dang / seng ge bran bzangs kyi bu'i rtogs pa brjod pas sems can
161b5 yongs su smin par byed pa de bcom ldan 'das shAkya thub pas/ bskal pa gang gA'i klung gi bye ma snyed nas mngon par rdzogs par sangs rgyas te mdzad par mos pa dang / mar me mdzad kyis
161b6 lung bstan pa nas bzungs te mngon par rdzogs par byang chub pa'i bar der/ bcom ldan 'das shAkya thub pa'i byang chub sems dpa'i spyod pa gang yin pa de thams cad sangs rgyas
161b7 kyi yul gyi mthas klas pa'i bskal pa nas mngon par rdzogs par sangs rgyas nas bstan pa yin par mos pa dang / shAkya thub pas bstan pas sems can yongs su
161b8 smin par byas pa gang yin pa de sangs rgyas kyi yul gyis mthas klas pa'i bskal pa nas bcom ldan 'das shAkya
162a1 thub pa mngon par rdzogs par sangs rgyas nas mdzad pa yin par mos pa ste/ 'jam dpal lnga po de dag ni byang chub sems dpas gang dag la mos pas yon tan gyi khyad par 'di dag dang
162a2 gzhan dpag tu med pa dag kyang 'thob pa yin no/ /'jam dpal rigs kyi bu 'am rigs kyi bu mo gang la la zhig gis 'jig rten gyi khams thams cad kyi rdul snyed kyi dgra bcom pa mngon par
162a3 shes pa drug dang ldan pa/ rnam par thar pa brgyad la bsam gtan pa rnams la nyin cig bzhin du lha'i zas ro brgya dang ldan pa dang / lha'i gos dag byin te/ de ltar byin pa bskal pa gang gA'i klung gi
162a4 bye ma snyed dag tu byin pa bas 'jam dpal rigs kyi bu 'am rigs kyi bu mo gzhan gang zhig gis rang sangs rgyas cig la nyi ma cig zas byin na de ni de bas bsod nams ches grangs med par skyed do/ /
162a5 'jam dpal rigs kyi bu 'am rigs kyi bu mo gang la la zhig gis 'jig rten gyi khams re rer yang gtsug lag khang 'dzam bu'i chu bo'i gser las byas pa/ nor bu rin po che glog gi sgron
162a6 mas spras pa/ nor bu rin po che 'od thams cad bsdus pa'i stegs bus yongs su bskor ba/ nor bu dang / mu tig dang / rin po che'i phreng bas mdzes par byas pa/ gdugs dang / rgyal mtshan dang /
162a7 ba dan bsgreng ba/ dril bu g.yer ka'i dra ba'i bla re bres pa/ tsan dan sbrul gyi snying po'i byug pas byugs pa/ nor bu rin po che dbang gi rgyal pos khebs par byas pa/ rgya mtsho na gnas pa'i rin po che
162a8 rnam par dag pa bkod pa kun nas 'od zer snang ba'i nor bu rin po che'i ka ba mang pos dkrigs pa/ nor bu rin po che seng ge ral pa zhes bya ba'i spang leb bres pa/ nor bu rin po che seng ge rgyal mtshan
162b1 gyi rtse mo las byas pa'i sgo gang dang / rta babs dang / skar khung gis brgyan pa/ dar gyi lda ldi mang pos bres pa/ phyogs bcu'i 'jig rten gyi khams thams cad kyi rdul snyed dag byas te/ rang sangs rgyas
162b2 kyi gnas stong phrag grangs med pa dag dang / rang sangs rgyas de dag la nyin cig bzhin lha'i zas ro rgya dang ldan pa dang / lha'i gos dag kyang byin zhing de ltar byin pa bskal pa gang gA'i klung gi bye ma snyed dag
162b3 tu byin pa bas 'jam dpal rigs kyi bu 'am rigs kyi bu mo gzhan gang zhig gis sangs rgyas zhe 'am/ 'jig rten gyi mgon po zhe 'am/ de bzhin gshegs pa zhe 'am/ thams cad mkhyen pa
162b4 zhes bya ba'i sgra thos na 'di ni de bas ches bsod nams grangs med par skyed na gang gis de bzhin gshegs pa'i sku ri mor bris pa'am/ gzugs su byas pa mthong ba lta ci smos te/ 'di nyid de bas ches
162b5 bsod nams grangs med par skyed do/ /gang gis mar me phul ba 'am/ bdug pa 'am/ spos sam/ me tog dag gam/ rol mo'i sgra 'am/ mchod pa sna tshogs gzhan dag byed pa lta ci smos te/ 'di nyid de
162b6 bas ches bsod nams grangs med par skyed do/ /gang gis de bzhin gshegs pa'i phyir nyi ma cig bslab pa gcig bsrung ba lta ci smos te/ 'di ni de bas ches bsod nams grangs med par skyed do/ /'jam
162b7 dpal rigs kyi bu 'am/ rigs kyi bu mo gang la la zhig gis de bzhin gshegs pa byang chub sems dpa' dang bcas pa/ nyan thos dang bcas pa phyogs bcu'i 'jig rten gyi khams thams cad
162b8 kyi rdul phra rab snyed rnams las nyin cig bzhin du lha'i zas ro rgya dang ldan pa dang / lha'i na bza' dag kyang 'bul la/ de ltar 'bul ba bskal pa gang gA'i klung gi bye ma snyed dag tu 'bul zhing sangs
163a1 rgyas bcom ldan 'das de dag yongs su mya ngan las 'das nas kyang de bzhin gshegs pa re re'i phyir mchod brten tshad gling bzhi pa tsam rnam pa thams cad kyi mchog dang ldan pa yon tan thams cad yongs
163a2 su rdzogs pa dang ldan pa dang / 'dzam bu'i chu bo'i gser las byas pa/ nor bu rin po che glog gi sgron mas spras pa/ nor bu rin po che 'od thams cad bsdus pa'i stegs bus yongs su bskor ba/ nor
163a3 bu dang / mu tig dang / rin po che'i phreng bas mdzes par byas pa/ gdugs dang / rgyal mtshan dang / ba dan sgreng ba/ dril bu g.yer ka'i dra ba'i bla re bres pa/ tsan dan sbrul gyi snying po'i byug pas byug pa/ nor
163a4 bu rin po che dbang gi rgyal po'i dra bas g.yog pa/ phyogs bcu'i 'jig rten gyi khams thams cad kyi rdul snyed dag byas te/ mchod rten de dag la nyin cig bzhin du stong gsum gyi stong chen po'i
163a5 tshad tsam gyi lha'i gos dag dang / gdugs kyi sprin dag dang / rgyal mtshan gyi sprin dag dang / ba dan gyi sprin dag dang / me tog gi sprin dag dang / spos kyi sprin dag dang / rin po che'i sprin
163a6 dag dang / rol mo'i sgra'i sprin dag dang / rgyan gyi sprin dag dang / seng ge rgyal mtshan gyi rtse mo'i zla ba'i sprin dag dang / lha'i sil snyan dang / pheg rdob pa dang / glu dbyangs kyi sgra'i sprin
163a7 rnams kyis gtor/ mngon par gtor la chos kyi rnam grangs 'di la mos pa bas 'jam dpal rigs kyi bu 'am rigs kyi bu mo gzhan gang zhig de bzhin gshegs pa'i yon tan dang /
163a8 ye shes bsam gyis mi khyab pa'i yul la 'jug pa bstan pa'i chos kyi rnam grangs 'di la mos shing tha na dud 'gro'i skye gnas su song ba'i sems can gcig la zan kham cig byin na 'di nyid de bas
163b1 ches bsod nams grangs med par skyed do/ /'jam dpal mdo sde 'di la mos pa'i byang chub sems dpa' gang la la zhig gis mdo 'di las ji skad smos pa'i de bzhin gshegs pa rnams la
163b2 mchod pa bas/ byang chub sems dpa' mdo 'di nyid la mos pa gzhan gang zhig gis mdo 'di nyid la mos pa'i byang chub sems dpa' gzhan zhig mthong nas byang chub sems dpa' 'di ni mdo 'di
163b3 nyid la mos pa'o snyam ste dga' ba dang / mchog tu dga' ba chen po rnyed la/ de sems dang bas langs te/ de la thal mo sbyar nas phyag 'tshal te ci nus ci lcogs su de la yongs su bzung ba byas na/ 'di
163b4 nyid de bas ches sangs rgyas kyi ye shes thob par 'gyur ba'i bsod nams grangs med pa skyed do/ /'jam dpal de lta bas na sangs rgyas kyi ye shes 'dod pa'i byang chub sems dpas chos kyi rnam grangs
163b5 'di mnyan pa'i phyir 'jig rten gyi khams mes yongs su gang ba gang gA'i klung gi bye ma snyed dag kyang rgal te 'gro bar bya'o/ /'jam dpal byang chub sems dpa' gang la la zhig gis bskal pa
163b6 bye ba stong phrag brgyad du pha rol du phyin pa lnga la spyad pa bas/ 'jam dpal byang chub sems dpa' gzhan gang zhig de bzhin gshegs pa ni rtag pa'o snyam du mos ste byad na 'di ni de bas ches bsod nams grangs
163b7 med par skyed do/ /'jam dpal byang chub sems dpa' gang la la zhig gis sangs rgyas phyogs bcu'i 'jig rten gyi khams thams cad kyi rdul phra rab kyi rdul snyed dag la lha'i zas ro brgya dang ldan pa dang /
163b8 lha'i na bza' dag nyin gcig bzhin du 'bul zhing / de ltar 'bul ba bskal pa gang gA'i klung gi bye ma snyed dag dang / 'jam dpal byang chub sems dpa' gzhan gang zhig de bzhin gshegs
164a1 pa'i yon tan dang ye shes bsam gyis mi khyab pa'i yul la 'jug pa bstan pa'i chos kyi rnam grangs 'di la mos pa'i byang chub sems dpa' la ngo mtshar du 'dzin par gyur nas khyod chos
164a2 kyi rnam grangs 'di la mos pa legs so/ /legs so/ /khyod ni lha dang bcas pa'i 'jig rten gyis phyag bya ba'i 'os yin no zhes bsam pa thag pa nas legs so zhes bya ba byin la/ khyod de bzhin
164a3 gshegs pa thams cad kyi gsang ba'i gnas rnams su zhugs la chos kyi 'khor lo skor cig ces byas na/ 'jam dpal byang chub sems dpa' ni de bas ches bsod nams grangs med par 'phel te/
164a4 bsod nams mngon par 'du bya ba 'di la sbyin pa las byung ba'i bsod nams snga ma des brgya'i char yang nye bar mi 'gro stong gi cha dang / 'bum gyi cha dang / bye ba'i cha dang / bye ba brgya'i cha dang / bye ba stong gi cha dang /
164a5 bye ba 'bum gyi cha dang / bye ba khrag khrig phrag 'bum gyi cha dang / grangs dang / cha dang / bgrang ba dang / dpe dang / zla dang / rgyur yang mi bzod do/ /bcom ldan 'das kyis gnang ste/ byang chub sems dpa' sgrib pa thams
164a6 cad rnam par sel bas de skad ces smras nas/ byang chub sems dpa' 'jam dpal gzhon nur gyur pa dang / byang chub sems dpa' de dag dang / nyan thos chen po de dag dang / lha dang / mi dang / lha ma yin dang /
164a7 dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa de bzhin gshegs pa'i yon tan dang ye shes bsam gyis mi khyab pa'i yul la 'jug pa ston
164a8 pa zhes bya ba theg pa chen po'i mdo rdzogs so// // rgya gar gyi mkhan po dz+nya na gar+b+ha dang / zhu chen gyi lo ts+tsha ba ban d+he ye shes sdes bsgyur cing zhus te gtan la phab pa'o/ /
CLOSE WINDOW