བོད་ཡིག |
265a7 bod skad du/ 'phags pa kun rdzob dang don dam pa'i bden pa bstan pa zhes bya ba theg pa chen po'i mdo/ bam po dang po/ sangs rgyas dang byang chub sems dpa'
265a8 thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong brgyad stong gi dge slong gi dge 'dun chen po dang / byang chub
265b1 sems dpa' bdun khri nyis stong dang / 'dod pa na spyod pa dang / gzugs na spyod pa'i lha'i bu rnams dang thabs gcig tu bzhugs te/ de nas bcom ldan 'das 'khor brgya stong du mas yongs su bskor cing mdun gyis bltas
265b2 nas chos ston to/ /de nas lha'i bu rab tu zhi ba rnam par dul ba'i dbang phyug ces bya ba 'khor der 'dus par gyur te 'dug pa des/ bcom ldan 'das kyi zhabs la spyi bos phyag 'tshal te/ bcom ldan 'das ga la ba
265b3 de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das 'jam dpal gzhon nur gyur pa de ltar gang na mchis bcom ldan 'das bdag dang 'khor mang po
265b4 'di rnams kyang skyes bu dam pa des chos bstan par rab tu 'tshal lo/ /bcom ldan 'das kyis bka' stsal pa/ lha'i bu sangs rgyas kyi zhing 'di nas shar phyogs su sangs rgyas kyi zhing stong phrag bcwo brgyad 'das
265b5 pa na/ 'jig rten gyi khams rin po che dang ldan pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i tog ces bya ba da ltar bzhugs pa 'tsho zhing gzhes
265b6 la chos kyang ston te/ /'jam dpal gzhon nur gyur pa'ang da ltar de na 'dug go/ /de skad ces bka' stsal pa dang / bcom ldan 'das la lha'i bu rab tu zhi ba rnam par dul ba'i dbang phyug gis
265b7 'di skad ces gsol to/ /bcom ldan 'das 'jam dpal gzhon nur gyur pa la ci nas de mtshan ma rig pas 'dir mchi bar sems pa de lta bu'i mtshan ma zhig mdzad na legs so/ /de ci'i slad du zhe na/ bcom
265b8 ldan 'das ji ltar 'jam dpal gzhon nur gyur pa las thos pa lta bur nyan thos dang / rang sangs rgyas thams cad dang / byang chub sems dpa' dmigs pa can rnams las/ de lta bu'i chos bstan pa mi
266a1 thos te/ de bzhin gshegs pa ma gtogs par gzhan su yang de lta bur chos ston mi nus so/ /bcom ldan 'das nam 'jam dpal chos ston pa de na bdud kyi khang pa thams cad mog mog por 'gyur ro/ /bdud
266a2 thams cad kyis kyang klags mi rnyed do/ /pha rol rgol ba thams cad kyang shin du tshar chod par 'gyur ro/ /dmigs pa can rnams kyang dmigs pa ma mchis par 'gyur ro/ /dam pa'i chos kyang yun ring du gnas par 'gyur ro/ /
266a3 de bzhin gshegs pa yang de la rjes su yi rang zhing rab tu gzung ba mdzad do/ /de nas bcom ldan 'das kyis lha'i bu rab tu zhi ba rnam par dul ba'i dbang phyug gsol ba 'debs par mkhyen nas/ zhal gyi mdzod spu nas 'od zer
266a4 gcig btang ste/ des stong gsum gyi stong chen po'i 'jig rten gyi khams 'di snang ba chen pos snang bar byas nas/ sangs rgyas kyi zhing stong phrag bcwa brgyad po de dag las thal te/ bcom ldan 'das de bzhin gshegs
266a5 pa dgra bcom pa yang dag par rdzogs pa'i sangs rgyas/ rin po che'i tog de'i sangs rgyas kyi zhing / 'jig rten gyi khams rin po che dang ldan pa zhes bya ba/ de snang ba chen pos khyab par byas so/ /
266a6 de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog bzhugs pa la/ byang chub sems dpa' sems dpa' chen po kha cig gis gsol pa/
266a7 bcom ldan 'das 'di ltar 'od chen po rab tu dga' ba 'di su'i ltas sngon du byung ba lags/ bcom ldan 'das rin po che'i tog gis bka' stsal pa/ rigs kyi bu sangs rgyas kyi zhing
266a8 'di nas nub phyogs su sangs rgyas kyi zhing stong phrag bcwa brgyad 'das pa na 'jig rten gyi khams mi mjed ces bya ba yod de/ de na bcom ldan 'das de bzhin gshegs pa dgra bcom pa
266b1 yang dag par rdzogs pa'i sangs rgyas shAkya thub pa da lta na bzhugs te/ 'tsho zhing gzhes la chos kyang ston to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya
266b2 thub pa des zhal kyi mdzod spu nas 'od zer gcig btang bas/ 'od zer gyi snang ba des sangs rgyas kyi zhing / stong phrag bcwa brgyad las thal nas 'jig rten gyi khams 'di snang ba chen pos snang bar byas so/ /
266b3 byang chub sems dpa' sems dpa' chen po de dag gis gsol pa/ bcom ldan 'das ci'i slad du de bzhin gshegs pa dgra bcom pa yang dag par rdzogs pa'i sangs rgyas des 'od zer 'di btang / bcom ldan 'das
266b4 rin po che'i tog gis bka' stsal pa/ 'jam dpal gzhon nur gyur pa sbran pa'i phyir ro/ /de ci'i phyir zhe na/ 'jam dpal gzhon nur gyur pa der 'ong bar bya ba'i phyir te/ byang chub sems dpa' sems dpa' chen po bgrang ba las
266b5 'das pa rnams dang / lha dang / klu dang / gnod sbyin dang / dri za mang po la sogs pa 'khor dang tshogs pa de dag 'jam dpal gzhon nur gyur pa la blta ba dang / chos nyen par 'dod do/ /de bzhin gshegs pa
266b6 rin po che'i tog gis 'jam dpal gzhon nur gyur pa la 'di skad ces bka' stsal to/ /'jam dpal bcom ldan 'das de bzhin gshegs pa shakya thub pa dang / 'khor de dag thams cad khyod la lta 'dod kyis/ 'jig
266b7 rten gyi khams mi mjed ces bya ba der song shig /'jam dpal gyis gsol pa/ bcom ldan 'das bdag gis kyang ltas sngon du byung ba 'di 'tshal to/ /de nas 'jam dpal gzhon nur gyur pa byang chub sems dpa'
266b8 stong phrag bcu dang lhan cig tu de bzhin gshegs pa rin po che'i tog gi zhabs la mgo bos phyag 'tshal te/ bcom ldan 'das de bzhin gshegs pa dgra bcom pa yang dag par
267a1 rdzogs pa'i sangs rgyas rin po che'i tog la lan gsum du bskor ba byas nas 'di lta ste/ skyes bu stobs po che lag pa bskum pa las brkyang ba 'am/ lag pa brkyang ba las bskum pa bzhin du skad cig yud tsam
267a2 thang cig de nyid kyis 'jig rten gyi khams mi mjed 'dir phyin te/ de bar snang la lus mi snang bar 'dug nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la
267a3 mchod pa bya ba'i phyir/ me tog sngon ma mthong ma thos pa/ dri zhim pa kha dog dang ldan pa yid du 'ong ba'i char chen po mngon par phab ste/ me tog gi char chen po phab pa des stong gsum gyi stong chen po'i 'jig rten gyi khams
267a4 'di pus mo nub tsam du gang bar gyur to/ /de nas 'khor de thams cad me tog gi char chen po mthong nas ngo mtshar du gyur te/ bcom ldan 'das la gsol pa/ bcom ldan 'das su'i mthus 'di lta bur blta na sdug
267a5 pa'i me tog gi char chen po mngon par phab/ bcom ldan 'das kyis bka' stsal pa/ 'di ni 'jam dpal gzhon nur pa/ 'jig rten gyi khams rin po che dang ldan pa nas byang chub sems dpa' stong phrag bcu dang
267a6 'grogs te/ 'jig rten gyi khams mi mjed 'dir phyin nas de dag gi lus mi snang bar de bzhin gshegs pa la mchod pa'i phyir 'di lta bu'i me tog gi char chen po mngon par phab po/ /'khor de dag gis gsol pa/
267a7 bcom ldan 'das 'jam dpal gzhon nur gyur pa de dang / byang chub sems dpa' sems dpa' chen po de dag bdag cag gis blta'o/ /de nas 'jam dpal gzhon nur gyur pa/ byang chub sems dpa' stong phrag bcu
267a8 dang lhan cig tu bar snang las babs te/ bcom ldan 'das kyi zhabs la mgo bos phyag 'tshal nas byang chub sams dpa' sems dpa' chen po de dag dang / 'jam dpal gzhon nur gyur pa rang rang gi rdzu 'phrul
267b1 gyis sprul pa'i stan la 'khod do/ /de nas lha'i bu rab tu zhi ba rnam par dul ba'i dbang phyug gis bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom
267b2 ldan 'das 'khor 'di dag nyan 'tshal na/ bcom ldan 'das kyis bka' mchid kyi rgyud 'ga' zhig 'jam dpal gzhon nur gyur pa la smrar gsol/ bcom ldan 'das kyis bka' stsal pa/ lha'i bu khyod nyid kyis
267b3 gang 'dod pa dris shig /lha'i bus smras pa/ 'jam dpal bcom ldan 'das de bzhin gshegs pa rin po che'i tog de'i sangs rgyas kyi zhing na chos bstan pa ji lta bu dag 'byung na der mngon par dga'/ 'jam dpal gyis
267b4 smras pa/ don dam par na 'dod chags bskyed pa'i phyir yang ma yin/ 'dod chags zad par bya ba'i phyir yang ma yin no/ /don dam par na zhe sdang bskyed pa'i phyir yang ma yin/ zhe sdang zad par bya ba'i phyir yang ma yin no/ /
267b5 don dam par na gti mug bskyed pa'i phyir yang ma yin/ gti mug zad par bya ba'i phyir yang ma yin no/ /don dam par na ye shes bskyed pa'i phyir yang ma yin/ ye shes zad par bya ba'i phyir yang ma yin no/ /lha'i bus smras
267b6 pa/ 'jam dpal ci'i phyir/ 'jam dpal gyis smras pa/ lha'i bu mi skye ba la skye ba 'am zad pa gang yang med do/ /lha'i bu don dam par na byang chub sems dpa' sems dpa' chen po rnams la rnam par rtog pa skyes pa
267b7 'am/ skye ba'am/ skye bar 'gyur ba gang yang med do/ /de ci'i phyir zhe na/ don dam par na chos thams cad rang bzhin gyis ma skyes pa'i phyir ro/ /lha'i bus smras pa/ 'jam dpal de bzhin gshegs pa de ci zhig spang
267b8 ba'i phyir chos ston 'jam dpal gyis smras pa/ don dam par na rang bzhin gyis mi skye mi zad pa'i phyir de bzhin gshegs pa de chos ston to/ /de ci'i phyir zhe na/ byang chub sems dpa' sems dpa' chen po de dag ni don dam pa'i bden pa la lhur
268a1 byed pa yin gyi kun rdzob kyi bden pa la yang lhur byed pa ma yin no/ /lha'i bus smras pa/ 'jam dpal don dam pa'i bden pa gang yin/ 'jam dpal gyis smras pa/ lha'i bu gal te don dam par na don
268a2 dam pa'i bden pa lus dang / ngag dang / yid kyi yul gyi rang bzhin du 'gyur na ni don dam pa'i bden pa zhes bya ba'i grangs su mi 'gro ste/ kun rdzob kyi bden pa nyid du 'gyur ro/ /'on kyang lha'i bu don dam par na don dam pa'i
268a3 bden pa'i tha snyad thams cad las yang dag par 'das pa/ bye brag med pa/ ma skyes pa/ ma 'gags pa/ smra bar bya ba dang / smra ba dang / shes par bya ba dang / shes pa dang bral ba'o/ /lha'i bu don dam pa'i
268a4 bden pa ni rnam pa thams cad kyi mchog dang ldan pa dang / thams cad mkhyen pa'i ye shes kyi yul gyi bar las yang dag par 'das pa yin te/ lha'i bu de la rtog pa dang rnam par rtog pa thams cad 'jug pa 'ang med/ ldog pa 'ang
268a5 med do/ /don dam par na de la pha rol yang med/ tshu rol yang med/ dbus kyang med de/ lha'i bu 'di ni don dam pa'i bden pa zhes sgro btags te brjod mod kyi/ ji ltar don dam pa'i bden pa'o zhes bya ba ltar ni
268a6 ma yin no/ /lha'i bu don ni don dam par mi skye ba ste/ de la tha snyad thams cad mi 'jug go/ /don dam par gang la tha snyad thams cad mi 'jug pa de ni lha'i bu don dam pa'i bden pa ste/ ji ltar don dam pa'i
268a7 bden pa'o zhes brjod pa ltar na ma yin no/ /lha'i bu de bzhin gshegs pa dgra bcom pa yang dag par rdzogs pa'i sangs rgyas kyis kyang don dam par na chos thams cad dang / sgra thams cad ni brdzun te slu ba'i
268a8 chos so zhes bka' stsal to/ /lha'i bus smras pa/ 'jam dpal ji ltar de bzhin gshegs pas chos bshad pa de brdzun du mi 'gyur ram/ 'jam dpal gyis smras pa/ lha'i bu de bzhin gshegs pa ni
268b1 don dam par na brdzun du 'ang mi 'chad bden par yang mi 'chad do/ /de ci'i phyir zhe na/ lha'i bu don dam par na de bzhin gshegs pa ni ma skyes pa ste/ de don dam par na bden pa dang brdzun par mi 'chad do/ /
268b2 lha'i bu de ji snyam du sems/ de bzhin gshegs pa'i sprul pas bshad pa de bden nam 'on te/ brdzun/ lha'i bus smras pa/ 'jam dpal de bzhin gshegs pa sprul pas bshad pa ni bden pa 'ang ma
268b3 yin brdzun pa 'ang ma yin no/ /de ci'i phyir zhe na/ 'jam dpal don dam par na de bzhin gshegs pas sprul pa la yang dag par yongs su grub pa gang yang med do/ /'jam dpal gyis smras pa/ lha'i bu de de bzhin
268b4 gshegs pas don dam par chos thams cad yongs su ma grub par mkhyen to/ /gang don dam par yongs su ma grub pa de ni don dam par na bden pa zhes kyang mi bya/ brdzun pa zhes kyang mi bya'o/ /de ci'i phyir zhe na/ don dam
268b5 par na chos thams cad ma skyes pa'i phyir ro/ /lha'i bus smras pa/ ci 'jam dpal de bzhin gshegs pa don dam pa'i bden pa ston tam/ 'jam dpal gyis smras pa/ lha'i bu don dam pa'i bden pa ni bstan par mi
268b6 nus so/ /de ci'i phyir zhe na/ gang ston pa dang / gang gis ston pa dang / ci ston pa dang / gang la ston pa dang / ci'i phyir ston pa dang thams cad don dam par na rab tu ma skyes pa'o/ /
268b7 rab tu ma skyes pa'i chos rnams kyis ni rab tu ma skyes pa'i chos rnams bshad mi nus so/ /'jam dpal gzhon nur gyur pas don dam pa'i bden pa bstan pa 'di ni ston pa'i tshul gyis bstan pa na dge slong lnga
268b8 brgya len pa med par zag pa rnams las sems rnam par grol lo/ /byang chub sams dpa' sems dpa' chen po bgrang ba las 'das pa rnams ni mi skye ba'i chos la bzod pa ma skyes pa'i tshul gyis bzod pa
269a1 skyes so/ /lha'i bus smras pa/ 'jam dpal don dam pa'i bden pa la mos par dka'o/ /'jam dpal gyis smras pa/ lha'i bu don dam pa'i bden pa la ni dmigs pa can thams cad kyis
269a2 mos par dka'o/ /lha'i bus smras pa/ 'jam dpal don dam pa'i bden pa khong du chud par dka'o/ /'jam dpal gyis smras pa/ lha'i bu mi brtson pas don dam pa khong du chud par dka'o/ /lha'i bus
269a3 smras pa/ 'jam dpal ji ltar na dge slong mngon par brtson pa yin/ 'jam dpal gyis smras pa/ lha'i bu don dam par na nam yongs su shes pa dang / spang ba dang / bsgom pa dang / mngon du bya ba'i phyir
269a4 brtson par ma gyur na lha'i bu de ltar dge slong mi brtson pa'i tshul gyis mngon par brtson pa yin no/ /de ci'i phyir zhe na/ gang 'di snyam du don dam par 'di yongs su shes par bya'o/ /'di spang bar bya'o/ /
269a5 'di bsgom par bya'o/ /'di mngon du bya'o snyam du sems pa'i sbyor ba de ni mtshan ma dang bcas pa/ spros pa dang / bcas pa/ dmigs pa dang bcas pa/
269a6 nyon mongs pa dang bcas pa/ 'khrugs pa dang bcas pa/ 'jigs pa dang bcas pa/ nor dang bcas pa/ sdug bsngal dang bcas pa/ zug rngu dang bcas pa/ dug dang bcas pa ste/ de'i sbyor ba
269a7 de ni yang dag pa ma yin no/ /lha'i bus smras pa/ 'jam dpal yang dag par sbyor ba ni gang yin/ 'jam dpal gyis smras pa/ lha'i bu don dam par na de bzhin nyid dang chos kyi dbyings dang /
269a8 shin du mi skye ba gang dang mnyam pa/ don dam par na mtshams med pa lnga po dag kyang de dang mnyam mo/ /don dam par na de bzhin nyid dang / chos kyi dbyings dang / shin du mi skye ba gang dang mnyam pa/ don dam
269b1 par na lta bar gyur pa rnams kyang de dang mnyam mo/ /don dam par na de bzhin nyid dang / chos kyi dbyings dang / shin du mi skye ba gang dang mnyam pa/ don dam par na so so'i skye bo'i chos rnams kyang de dang mnyam mo/ /
269b2 don dam par na de bzhin nyid dang / chos kyi dbyings dang / shin du mi skye ba gang dang mnyam pa/ don dam par na slob pa'i chos rnams kyang de dang mnyam mo/ /don dam par na de bzhin nyid dang / chos kyi
269b3 dbyings dang / shin du mi skye ba gang dang mnyam pa/ don dam par na mi slob pa'i chos rnams kyang de dang mnyam mo/ /don dam par na de bzhin nyid dang / chos kyi dbyings dang / shin du mi skye ba gang dang /
269b4 mnyam pa/ don dam par na yang dag par rdzogs pa'i sangs rgyas kyi rnams kyang de dang mnyam mo/ /don dam par na yang dag par rdzogs pa'i sangs rgyas kyi chos rnams gang dang mnyam pa/ don dam
269b5 par na de bzhin nyid dang / chos kyi dbyings dang / shin du mi skye ba 'ang de dang mnyam mo/ /don dam par na yang dag par rdzogs pa'i sangs rgyas kyi chos rnams gang dang mnyam pa/ don dam par na mya ngan
269b6 las 'das pa yang de dang mnyam mo/ /don dam par na mya ngan las 'das pa gang dang / mnyam pa/ don dam par na 'khor ba yang de dang mnyam mo/ /don dam par na 'khor ba gang dang mnyam pa/ don dam par na kun
269b7 nas nyon mongs pa yang de dang mnyam mo/ /don dam par na kun nas nyon mongs pa gang dang mnyam pa/ don dam par na rnam par byang ba yang de dang mnyam mo/ /don dam par na rnam par byang ba gang dang mnyam pa/ don dam
269b8 par na chos thams cad kyang de dang mnyam mo/ /de ltar don dam par chos thams cad mnyam pa nyid yang dag par sbyor ba'i dge slong ni lha'i bu don dam par na yang dag par sbyor ba zhes bya ste ji skad brjod pa bzhin du ni ma yin no/ /lha'i bus smras pa/ 'jam
270a1 dpal mnyam pa nyid gang gis don dam par na rnam par byang ba'i bar du gang dang mnyam pa don dam par na chos thams cad kyang de dang mnyam zhes bya/ 'jam dpal gyis smras pa/ don dam par na chos thams cad shin
270a2 du mi 'byung bar mnyam pa dang / don dam par na chos thams cad shin du mi skye bar mnyam pa dang / don dam par na chos thams cad shin du dngos po med par mnyam pas/ lha'i bu don dam par na chos thams cad mnyam mo/ /
270a3 de ci'i phyir zhe na/ lha'i bu don dam par na shin du mi 'byung ba nyid kyi phyir chos thams cad ni tha dad du bya ba med do/ /lha'i bu 'di lta ste dper na/ kham pa'i snod kyi nang gi nam mkha' gang yin pa dang / rin po che'i
270a4 snod kyi nang gi nam mkha' gang yin pa de ni nam mkha'i khams nyid yin te/ de la don dam par na chung zad kyang tha dad du bya ba med do/ /lha'i bu de bzhin nyid du nyon mongs pa gang yin pa de don dam par na shin du mi 'byung ba nyid do/ /
270a5 rnam par byang ba gang yin pa de yang don dam par na shin du mi 'byung ba nyid do/ /don dam par na 'khor ba yang shin du mi 'byung ba nyid do/ /don dam par na mya ngan las 'das pa'i bar du yang shin du mi 'byung ba nyid do/ /
270a6 'di la don dam par na tha dad du bya ba chung zad kyang med do/ /de ci'i phyir zhe na/ don dam par na chos thams cad shin du mi 'byung ba'i phyir ro/ /lha'i bus smras pa/ 'jam dpal byang chub sems
270a7 dpa' sems dpa' chen pos/ 'phags pa'i bden pa dag la ji ltar brtson par bya/ 'jam dpal gyis smras pa/ lha'i bu gal te byang chub sems dpa' sems dpa' chen po 'phags pa'i bden pa dag la
270a8 brtson par mi byed na ji ltar nyan thos rnams la mi ston pa'i tshul gyis chos ston/ lha'i bu de lta mod kyi byang chub sems dpa' sems dpa' chen po'i bden pa sgom pa ni lta ba dang bcas pa'o/ /nyan thos kyi
270b1 bden pa sgom pa ni mi lta ba'o/ /de ci'i phyir zhe na/ lha'i bu byang chub sems dpa' sems dpa' chen po rnams/ kun rdzob tu sems can thams cad la lta ba ste/ bden pa rnams mi sgom pa'i tshul gyis kyang
270b2 sgom mod kyi/ dngos po med par dmigs pa'i rnam pas yang dag nyid kyi mtha' de yang mngon du mi byed do/ /kun rdzob tu thabs mkhas pa bsgrub pa'i phyir byang chub sems dpa' sems dpa' chen po dag bden
270b3 pa rnams la mi sgom pa'i tshul gyis sgom mo/ /kun rdzob tu 'khor ba dang mya ngan las 'das pa'i bden pa yang mi 'dor la/ kun rdzob tu sangs rgyas kyi ye shes la so sor brtag pa'i phyir byang chub sems dpa' sems
270b4 dpa' chen po dag bden pa rnams la mi sgom pa'i tshul gyis kyang sgom mo/ /lha'i bu 'di lta ste/ dper na 'gron pa mang po bcings nas skyes bu gcig bros te/ 'gron pa mang po'i nang nas byung nas/ 'brog dgon par
270b5 zhugs pa dang / de yid 'jigs shing skrag nas phyir mi log par 'brog dgon pa las 'ongs so/ /lha'i bu de bzhin du nyan thos rnams 'khor bas 'jigs shing skrag nas 'khor ba las bros te/ 'jig rten 'dir phyir
270b6 mi 'ong zhing gcig pa gnyis su med pa bden pa sgom ste/ thabs kyi rigs pa dang bral bas sems can thams cad la mi lta ba nas thams cad mkhyen pa'i ye shes kyi bar la ma lta ba'o/ /lha'i bu 'di lta ste/
270b7 dper na ded dpon g.yog mang po lam rgyags thams cad 'byor pa/ zong chen po bsdu ba'i phyir 'gro'o snyam nas skye bo mang po bsdus te/ de 'jigs shing skrag pa med par 'brog dgon pa de las 'da'o/ /lha'i bu
270b8 de bzhin du byang chub sems dpa' sems dpa' chen po yang kun rdzob tu ded dpon chen po ltar 'jig rten gyi spyod pas/ sems can thams cad nye bar 'tsho ba/ thog mang po rje chen po'i
271a1 sbyor ba can/ dge ba'i rtsa ba thams cad kyi lam rgyags 'byor pa/ pha rol du phyin pa drug dang / bsdu ba'i dngos pos yongs su bzung zhing bla na med pa'i bsod nams dang ye shes yang dag par bsdu ba'i
271a2 khe chen po dang ldan pa yang sems can gyi khams thams cad kyi don byed cing / sangs rgyas kyi zhing nas sangs rgyas kyi zhing du 'gro ste/ sems can thams cad nye bar 'tsho bar gyur cing thabs mkhas pas bden pa rnams
271a3 la sgom mo/ /lha'i bu 'di lta ste/ dper na sha na'i ras la me tog tsam pa ka dang me tog 'bar shi kas bsgos na de'i dri myur du yal bar 'gyur ro/ /lha'i bu de bzhin du nyan thos kyi bden pa la sgom pa ni yun
271a4 thung bar blta ste/ de myur du mya ngan las 'das nas sangs rgyas kyi tshul khrims dang / thos pa dang / ting nge 'dzin dang / shes rab dang ye shes kyi dri yang mi 'byin/ bags chags kyi mtshams sbyor ba'i
271a5 nyon mongs pa yang spong mi nus so/ /lha'i bu 'di lta ste/ dper na yul ka shi ka'i gos rin po che la/ mi dang lha'i spos dang / me tog gi dris bskal pa chen po brgya stong du bsgos na/ de'i lha'i dri
271a6 de rtag tu bro zhing / dri gtsang mas lha dang mi zil gyis gnon to/ /lha'i bu de bzhin du byang chub sems dpa' sems dpa' chen po'i bden pa sgom pa mi sgom pa'i tshul gyis bskal pa brgya stong grangs med par
271a7 bsgoms pa ni/ rnam pa thams cad kyi mchog dang ldan pa thams cad mkhyen pa'i ye shes ma thob kyi bar du bar ma dor de yongs su mya ngan las mi 'da' zhing 'di lta ste/ rnam pa thams cad kyi mchog dang ldan pa thams cad
271a8 mkhyen pa'i ye shes kyi de mi dmigs pa'i tshul gyis shin du dri zhim par 'gyur ro/ /'jig rten gyi tha snyad du nyon mongs pa'i bags chags thams cad kyang spong zhing / lha dang / mi dang / lha ma yin du bcas pa'i 'jig rten rnams
271b1 kyang 'du bar 'gyur ro/ /de nas lha'i bu rab tu zhi ba rnam par dul ba'i dbang phyug gis 'jam dpal gzhon nur gyur pa la 'di skad ces smras so/ /'jam dpal bcom ldan 'das de bzhin gshegs pa dgra bcom
271b2 pa yang dag par rdzogs pa'i sangs rgyas rin po che'i tog de'i nyan thos kyi dge 'dun de ci 'dra/ 'jam dpal gyis smras pa/ don dam par na dad pa'i rjes su 'gro ba yang ma yin/ gzhan la dad pas 'gro ba yang
271b3 ma yin no/ /don dam par na rigs kyi rjes su 'gro ba yang ma yin te/ don dam par na de bzhin gshegs pa'i rigs kyang mi gtong ngo / /don dam par na chos kyi rjes su 'gro ba yang ma yin te/ don dam par na chos
271b4 gang yang mi dmigs so/ /don dam par na brgyad pa yang ma yin te/ kun rdzob tu na log pa'i chos brgyad dang yang bral lo/ /don dam par na rgyun du zhugs pa yang ma yin te/ 'jig rten gyi tha snyad kyi bden pa na ngan song
271b5 thams cad las kyang 'das so/ /don dam par na lan cig phyir 'ong ba yang ma yin te/ kun rdzob tu na sems can yongs su smin par bya ba'i phyir yang 'ong ngo / /don dam par na phyir mi 'ong ba yang ma yin te/ kun rdzob
271b6 tu na chos thams cad las 'ong ba med do/ /don dam par na dgra bcom pa yang ma yin te/ 'jig rten gyi tha snyad du na lha dang bcas pa'i 'jig rten gyis bla na med pa'i mchod par 'os pa yang yin no/ /don dam par na nyan thos kyang ma
271b7 yin te/ mi dmigs pa'i tshul gyis sangs rgyas bcom ldan 'das thams cad las thos pa yang 'dzin to/ /don dam par na 'dod chags dang bral ba yang ma yin te/ kun rdzob tu na 'dod chags kyi yongs su gdung bas kyang mi gdung ngo / /don dam par na zhe sdang
271b8 dang bral ba yang ma yin te/ kun rdzob tu na zhe sdang gi yongs su gdung bas kyang mi gdung ngo / /don dam par na gti mug dang bral ba yang ma yin te/ kun rdzob tu na chos thams cad mun pa mun nag dang bral ba'o/ /don dam par na nyon mongs pa dang bral
272a1 ba yang ma yin te kun rdzob tu na sems can thams cad kyi nyon mongs pa gdul ba'i phyir yang brtson no/ /don dam par na thog ma nas ma skyes pa nges par zhugs kyang kun rdzob tu na bsams bzhin du sred pa len
272a2 to/ /kun rdzob tu na 'khor ba yang yongs su 'dzin mod kyi/ don dam par na chos gang yang yongs su 'dzin pa dang gtong ba yang med do/ /de don dam par na chos thams cad shin du dran pa dang bral bar mi mthong bas
272a3 mthong ste/ kun rdzob tu na dran pa nye bar gzhag pa rnams kyang sgom mo/ /de don dam par na chos thams cad shin du ma skyes ma 'gags par mi shes pa'i tshul gyis kyang rab tu shes la/ 'jig rten gyi spyod par na
272a4 yang dag par spong ba rnams kyang sgom mo/ /de don dam par na lus dang sems med pa yang 'jig rten gyi kun rdzob kyi bden par na rdzu 'phrul gyi rkang pa rnams kyang sgrub bo/ /de don dam par na dbang po thams cad dang
272a5 bral yang kun rdzob tu na dbang po rnams kyang sgrub bo/ /de don dam par na chos thams cad rab tu dngos po med par mi mthong ba'i tshul gyis mthong yang nga rgyal can dmigs pa can thams cad tshar gcod pa'i
272a6 phyir mi sgom pa'i tshul gyis stobs kyang sgom mo/ /de don dam par na chos thams cad shin du dngos po med par khong du chud par bya ba'i phyir mi sgom pa'i tshul gyis byang chub kyi yan lag rnams kyang sgom mo/ /
272a7 de don dam par na shin du dngos po med kyang kun rdzob tu ni sgom pa'i tshul gyis lam yang sgom mo/ /de don dam par na yang dag pa'i mtha' la zhi gnas mngon par sgrub bo/ /de don dam par na lhag mthong shin du
272a8 mi skye bar mi sgom pa'i tshul gyis mthong ngo / /de don dam par na ma rig pa zad pa nyid du mi dmigs pala'i tshul gyis rig pa skyed de/ don dam par na zad pa 'am/ /skye bar mi dmigs so/ /de sha'i mig gi
272b1 sems can thams cad dang / sangs rgyas kyi zhing thams cad kyang mthong la de don dam par na ci yang mi mthong ngo / /de lha'i mig gis sems can thams cad kyi 'chi 'pho dang skye ba yang dag pa ji lta ba bzhin du
272b2 mthong yang don dam par na ci yang mi mthong ngo / /de shes rab kyi mig gis sems can thams cad kyi spyod pa dang / g.yo ba rnams yang dag pa ji lta ba bzhin du shes kyang don dam par na ci yang mi shes so/ /de
272b3 chos kyi mig gis chos thams cad yang dag pa ji lta ba bzhin du mthong yang don dam par na chos ci yang mi mthong ngo / /de sangs rgyas kyi spyan gyis sangs rgyas kyi mdzad pa thams cad byed kyang don dam par na ci
272b4 yang mi byed do/ /de lha'i rna bas sangs rgyas bcom ldan 'das thams cad kyis chos bstan pa thos kyang don dam par na ci yang mi thos so/ /de sems gcig gis sems can thams cad kyi sems la lta
272b5 yang don dam par na ci yang mi lta'o/ /de rjes su dran pa'i ye shes kyis sngon gyi mtha' yang rjes su dran mod kyi don dam par na ci yang mi dran no/ /de rdzu 'phrul gyi sangs rgyas kyi zhing bsam gyis mi khyab
272b6 par 'gro yang don dam par na/ 'ong ba 'am 'gro ba med do/ /de ni zag pa zad kyang don dam par na zad pa'i chos can ma yin no/ /snang yang snang la don dam par na de'i lus yongs su sgrub pa yang med do/ /smra yang
272b7 smra la don dam par na yi ger yang ma brjod do/ /sems kyang sems la don dam par na sems dang sems las byung ba'i chos su brjod par bya ba ma yin no/ /don dam par na gzugs su yang mi snang la kun rdzob
272b8 tu skyes bu chen po'i mtshan sum cu rtsa gnyis kyis ni brgyan/ dpe byad bzang pos ni spras/ bsod nams dang ye shes kyi tshogs kyis ni brgyan/ gzi brjid ni bsnyen par dka'/ brjod pa ni rnam par
273a1 bsgrags/ tshul khrims kyi byug pas ni byugs/ ngan du smra ba'i tshig rnams kyis ni kun nas nyon mongs par gyur pa med/ mngon par shes pas ni rnam par rol/ thos pas ni rnam par shigs/ spobs
273a2 pas ni rab tu sgrog /kun rdzob tu na ye shes kyi rnam par 'phrul/ ye shes kyi 'od kyis ni mun pa mun nag sel/ shes rab kyis ni snang bar byed/ mtha' yas par bstan pa ni rtogs par khong du chud do/ /kun rdzob tu ni
273a3 sems can thams cad kyi ni skyabs/ sangs rgyas bcom ldan 'das rnams kyis ni rtag tu gzigs/ nyan thos dang / rang sangs rgyas dang / mu stegs can dmigs pa can thams cad kyis ni mi blta zhing byang chub
273a4 kyi phyir ni rtag tu blta ba ste/ kun rdzob tu ni bstan pa ni zad mi shes/ dran pa ni rgya mtsho dang 'dra/ ting nge 'dzin ni ri rab dang mtshungs/ bzod pa ni sa dang 'dra'o/ /kun rdzob tu ni rnam par rtog pa thams cad sel
273a5 ba'i phyir dpa' ba'o/ /mi shes pa'i mun pa mun nag sel ba'i phyir nyi ma lta bu'o/ /rab tu snang ba'i phyir zla ba dang 'dra'o/ /kun rdzob tu ni 'du ba'i phyir dbang po dang mtshungs so/ /kun rdzob tu ni sems la dbang
273a6 byed pa'i phyir tshangs pa dang 'dra'o/ /kun rdzob tu nam mkha' la dbang byed pa'i phyir mi mnyam pa dang mnyam pa'o/ /kun rdzob tu ni thams cad rjes su song yang don dam par na gang du song ba'am 'ongs pa'am 'dug
273a7 pa med do/ /de ci'i phyir zhe na/ don dam par na chos thams cad shin tu ma byung ba'i phyir ro/ /lha'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i
273a8 tog de'i nyan thos kyi dge 'dun ni de dang 'dra ste/ de bas kyang lhag par bsam gyis mi khyab pa'i chos dang yang ldan no/ /'jam dpal gzhon nur gyur pas mi dmigs pa'i tshul gyis bstan pa 'di bshad pa na
273b1 dge slong lnga brgya dang / dge bsnyen lnga brgya dang / lha'i bu lnga stong dmigs pa can de dag thams cad kyis 'di skad ces gsol to/ /bcom ldan 'das bdag cag kyang de bzhin gshegs pa dgra bcom pa
273b2 yang dag par rdzogs pa'i sangs rgyas rin po che'i tog de'i nyan thos su gyur cig /'jam dpal gyis smras pa/ kye grogs po dag sangs rgyas kyi zhing der dmigs pa can thams cad mi skye'o/ /kye grogs po
273b3 dag byang chub sems dpa' sems dpa' chen po dmigs pa med pa rnams ni ma skye ba'i tshul gyis der skye'o/ /kye grogs po dag gal te khyed kyang der 'dod na khyed kyis mi dmigs pa'i tshul gyis shes rab kyi
273b4 pha rol tu phyin pa la brtson par gyis shig /kye grogs po dag khyed nam shes rab kyi pha rol du phyin pa la mi dmigs pa'i tshul gyis brtson par gyur pa de'i tshe/ grogs po dag khyed la rnam pa'i mchog thams cad
273b5 dang ldan pa/ thams cad mkhyen pa'i ye shes kyang rnyed par mi dka' na/ sangs rgyas kyi zhing yongs su dag par skye ba lta smos kyang ci dgos/ lha'i bu rab tu zhi ba rnam par dul ba'i dbang phyug gis yang 'jam dpal
273b6 gzhon nur gyur pa la 'di skad ces smras so/ /'jam dpal nyan thos kyi 'dul ba ni ji lta bu/ byang chub sems dpa' sems dpa' chen po'i 'dul ba ni ji lta bu/ 'jam dpal gyis smras pa/ lha'i bu khams
273b7 gsum gyis skrag pas btul ba ni nyan thos kyi 'dul ba'o/ /dge ba'i rtsa ba'i tshogs thams cad bsags shing sems can thams cad dbugs 'byin pa dang / khams gsum du bsams bzhin du skye bas btul
273b8 ba ni kun rdzob tu na byang chub sems dpa' sems dpa' chen po'i 'dul ba'o/ /nyon mongs pa thams cad la sdang ba ni nyan thos kyi 'dul ba'o/ /sems can thams cad kyi nyon mongs pa spong ba'i phyir rjes su btul ba ni
274a1 kun rdzob tu na byang chub sems dpa' sems dpa' chen po'i 'dul ba'o/ /phyogs gcig rig pa ni nyan thos kyi 'dul ba'o/ /phyogs bcu mtha' yas mu med pa'i 'jig rten gyi khams
274a2 thams cad rig pa ni kun rdzob du na byang chub sems dpa' sems dpa' chen po'i 'dul ba'o/ /bdud thams cad la btang snyoms pa ni nyan thos kyi 'dul ba'o/ /phyogs bcu mtha' yas mu med pa'i
274a3 'jig rten gyi khams su gtogs pa'i bdud kyi rigs thams cad bskrugs shing / phyir rgol ba thams cad 'joms pa ni kun rdzob tu na byang chub sems dpa' sems dpa' chen po'i 'dul ba'o/ /
274a4 bdag gi rgyud gsal bar byed pa ni nyan thos kyi 'dul ba'o/ /sems can thams cad kyi rgyud gsal bar byed cing / thams cad mkhyen pa'i ye shes snang bar byed pa dang / chos thams cad la bsgribs
274a5 pa med pa'i ye shes mthong ba snang bar/ byed pa ni kun rdzob tu na byang chub sems dpa' sems dpa' chen po'i 'dul ba'o/ /rang gi sems kyis bsams pa ni nyan thos kyi 'dul ba'o/ /'das pa dang /
274a6 ma byon pa dang / da ltar gyis sangs rgyas thams cad kyi dgongs pa ni kun rdzob tu na byang chub sems dpa' sems dpa' chen po'i 'dul ba'o/ /rdo chag pa'i 'phro mi 'byor pa lta bu ni nyan thos kyi 'dul ba'o/ /
274a7 gser dang / dngul chag pa'i 'phro 'byor pa lta bu ni kun rdzob tu na byang chub sems dpa' sems dpa' chen po'i 'dul ba'o/ /sangs rgyas kyi chos thams cad dang / thabs mkhas pa dang bral ba ni nyan
274a8 thos kyi 'dul ba'o/ /thabs mkhas pa chen po dang / sangs rgyas kyi chos thams cad du bsdu bas bsdus pa ni kun rdzob tu na byang chub sems dpa' sems dpa' chen po'i 'dul ba'o/ /stobs bcu
274b1 dang / mi 'jigs pa dang / ma 'dres pa dang / thams cad mkhyen pa'i ye shes dang bral ba ni nyan thos kyi 'dul ba'o/ /stobs bcu dang / mi 'jigs pa dang / ma 'dres pa dang / thams cad mkhyen
274b2 pa'i ye shes su bsdu bas bsdus pa ni kun rdzob tu na byang chub sems dpa' sems dpa' chen po'i 'dul ba'o/ /mes tshig pa las 'bros pa lta bu ni nyan thos kyi 'dul ba'o/ /bskyed mos
274b3 tshal dang / gzhal med khang lta bu bur chos kyi dga' bas dga' ba ni kun rdzob tu na byang chub sems dpa' sems dpa' chen po'i 'dul ba'o/ /bag chags kyi rgyun ma bcad pa ni nyan thos kyi 'dul ba'o/ /
274b4 bag chags thams cad yang dag par bcom pa ni kun rdzob tu na byang chub sems dpa' sems dpa' chen po'i 'dul ba'o/ /lha'i bu mdor na tshad du gtogs pa tshad kyi chos kyis drangs pa ni nyan thos
274b5 kyi 'dul ba'o/ /tshad du gtogs pa ma yin pa tshad med pa'i chos kyis drangs pa ni kun rdzob tu na byang chub sems dpa' sems dpa' chen po'i 'dul ba'o/ /tshad yod pa'i tshul khrims dang / thos pa dang /
274b6 ting nge 'dzin dang / shes rab dang / rnam par grol ba dang / rnam par grol ba'i ye shes mthong ba thob par byed pa ni nyan thos kyi 'dul ba'o/ /tshad yod pa ma yin pa/ tshad med pa'i yon tan dang ldan zhing / tshad med
274b7 pa'i tshul khrims dang / thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba thob par byed pa ni kun rdzob tu na byang chub sems dpa' sems dpa' chen po'i
274b8 rnam par grol ba'o/ /de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal khyod kyis kun rdzob tu na byang chub sems dpa' sems dpa' chen po rnams
275a1 kyi 'dul ba legs par bshad pa legs so legs so/ /'jam dpal yang 'di ltar don de nyid bstan pa'i phyir khyod la dpe bstan to/ /'jam dpal 'di lta ste/ dper na skyes bu gnyis
275a2 shig yod do/ de las skyes bu gcig ni ba lang gi rjes kyi bsngags pa smra/ skyes bu gcig ni rgya mtsho chen po'i bsngags pa smra na/ 'jam dpal de ji snyam du sems/ skyes bu des ba lang gi
275a3 rjes kyi bsngags pa ji snyed cig brjod nus/ 'jam dpal gyis gsol pa/ bcom ldan 'das ba lang gi rjes thams cad kyang chung na/ de'i bsngags pa lta ci smos/ bcom ldan 'das kyis bka' stsal pa/
275a4 'jam dpal de bzhin du/ ba lang gi rjes chung ba lta nyan thos kyi 'dul bar blta'o/ /'jam dpal 'di ji snyam du sems/ skyes bu gcig shos des rgya mtsho chen po'i bsngags pa ji tsam zhig brjod
275a5 nus/ 'jam dpal gyis gsol pa/ bcom ldan 'das rgya mtsho chen po'i bsngags pa ni shin du mang ste/ dpag tu ma mchis/ bsam gyis mi khyab bo/ /bcom ldan 'das kyis bka' stsal pa/ 'jam
275a6 dpal de bzhin du rgya mtsho chen po'i bsngags pa dpag tu med pa ltar kun rdzob tu na byang chub sems dpa' sems dpa' chen po'i 'dul bar blta'o/ /de nas bstan pa 'di mi ston pa'i tshul gyis bshad
275a7 pa na lha'i bu khri nyis stong gis don dam par na ma skyes pa'i tshul gyis bla na med pa yang dag par rdzogs pa'i byang chub tu sems skyes nas tshig 'di skad ces kyang smra ste/ bcom ldan 'das bdag cag ni
275a8 byang chub sems dpa'i bslab pa 'di la mi slob pa'i tshul gyis slob bo/ /de nas lha'i bu rab tu zhi ba rnam par dul ba'i dbang phyug gis 'jam dpal gzhon nur gyur pa la 'di skad ces smras so/ /
275b1 ci 'jam dpal khyod nyan thos kyi 'dul ba la bslabs sam/ 'on te byang chub sems dpa'i 'dul ba la bslabs/ 'jam dpal gyis smras pa/ lha'i bu 'di ji snyam du sems/ rgya mtsho chen por
275b2 mi shong ba'i chu gang yang yod dam/ lha'i bus smras pa/ 'jam dpal rgya mtsho chen por mi shong ba'i chu gang yang med do/ /'jam dpal gyis smras pa/ lha'i bu de bzhin du kun rdzob tu na byang chub sems
275b3 dpa' sems dpa' chen po'i 'dul ba ni rgya mtsho chen po dang 'dra'o/ /lha'i bus smras pa/ 'jam dpal 'dul ba 'dul ba zhes bya ba'i tshig gi don gang yin 'jam dpal gyis smras pa/ lha'i bu nyon
275b4 mongs pa 'dul ba ni kun rdzob tu na 'dul ba'o/ /nyon mongs pa phangs su shes pa'ang nga 'dul ba'o/ /lha'i bus smras pa/ 'jam dpal ji ltar na nyon mongs pa 'dul bar 'gyur/ ji ltar na nyon mongs pa yongs su
275b5 shes pa yin/ 'jam dpal gyis smras pa/ don dam par na chos thams cad ma byung ba/ ma skyes dngos po med pa yin na kun rdzob tu med pa la phyin ci log tu gyur te/ med pa las phyin ci log tu gyur pa de las
275b6 kun du rtog pa dang / rnam par rtog pa'o/ /kun du rtog pa dang / rnam par rtog pa de las tshul bzhin ma yin pa yid la byed pa'o/ /tshul bzhin ma yin pa yid la byed pa de las bdag tu sgro 'dogs pa'o/ /bdag tu
275b7 sgrog 'dogs pa de las lta ba kun nas ldang ba'o/ /lta ba kun nas ldang ba de las nyon mongs pa rnams 'byung ngo / /gang yang lha'i bu don dam par na chos thams cad shin du ma skyes/ ma byung dngos po med par mi shes
275b8 pa'i tshul gyis rab tu shes pa de ni don dam par na phyin ci ma log pa'o/ /gang don dam par na phyin ci ma log pa de ni rtog pa med cing rnam par mi rtog pa'o/ /gang rtog pa med cing rnam par mi rtog pa de ni tshul bzhin rab tu sbyor
276a1 ba'o/ /gang tshul bzhin rab tu sbyar ba de la don dam par na bdag tu sgro 'dogs pa mi 'byung ngo / /gang la don dam par na bdag tu sgro 'dogs pa mi 'byung ba de la lta ba kun nas ldang bar mi 'gyur ba nas/
276a2 don dam par na mya ngan las 'das par lta ba kun nas ldang bar yang mi 'gyur te/ de ltar ma skyes pa la spyod pa de ni nyon mongs pa shin tu rnam par dul bar mi lta ba'i tshul gyis blta ste/ lha'i bu 'di ni nyon mongs pa 'dul ba
276a3 zhes bya'o/ /lha'i bu nam nyon mongs pa rnams la snang ba med pa'i shes rab dang ye shes skyis don dam par na shin du stong pa dang / shin tu mtshan ma med pa dang / shin tu smon pa med do/ /don dam par na shin tu ma skyes
276a4 ma byung / dngos po med par mi shes pa'i tshul gyis rab tu shes na/ lha'i bu de'i tshe mi shes pa'i tshul gyis nyon mongs pa rnams yongs su shes pa yin no/ /lha'i bu 'di lta ste/ dper na sbrul kha gdug pa'i rigs 'don
276a5 pa des ni sbrul kha gdug pa'i gdug pa rab tu zhi bar byed do/ /lha'i bu de bzhin du gang nyon mongs pa rnams kyi rigs rab tu shes pa de'i nyon mongs pa rnams shin du mi dmigs pa'i tshul gyis rab tu zhi bar 'gyur ro/ /lha'i bus
276a6 smras pa/ 'jam dpal nyon mongs pa'i rigs de gang yin/ 'jam dpal gyis smras pa/ lha'i bu don dam par na chos thams cad ma skyes/ ma byung / dngos po med pa la gang kun du rtog pa de ni nyon mongs pa rnams
276a7 kyi rigs so/ /don dam par na kun du mi rtog pa'i phyir kun nas nyon mi mongs so/ /lha'i bu kun nas nyon mongs pas kun gzhi med do/ /kun gzhi med pas don dam par ni mi gnas so/ /mi gnas pas
276a8 don dam par mi 'tshig go/ /mi 'tshig pas don dam par na nye bar zhi ba zhes bya'o/ /don dam pa na/ ji skad smras pa bzhin du ni ma yin te/ lha'i bu kun rdzob tu na/ 'di ni nyon mongs pa 'dul ba'o/ /
276b1 lha'i bus smras pa/ 'jam dpal ji ltar na nyon mongs pa rnams 'dul bar 'gyur/ ci yod pa zhig gam/ 'on te med pa zhig /'jam dpal gyis smras pa/ lha'i bu 'di lta ste/ dper na skyes bu zhig gnyid
276b2 kyis log pa'i rmi lam la sbrul kha gdug pas zin nas de sdug bsngal gyis gtse ba las yang dug sman btang nas/ de'i gdug pa med par gyur te/ gdug pa med par gyur pas sdug bsngal yang med par gyur na/
276b3 lha'i bu de ji snyam du sems/ skyes bu de yang dag par zin tam/ 'on te yang dag pa ma yin/ lha'i bus smras pa/ 'jam dpal don dam par na shin du yang dag pa ma yin no/ /'jam
276b4 dpal gyis smras pa/ lha'i bu ji ltar dug de med par gyur/ lha'i bus smras pa/ 'jam dpal ji ltar zin pa shin du mi bden pa de bzhin du/ dug med par gyur pa yang shin du bden pa ma
276b5 yin no/ /'jam dpal gyis smras pa/ lha'i bu de bzhin du 'phags pa rnams kyi nyon mongs pa thams cad kying don dam par mi blta ba'i tshul gyis blta'o/ /lha'i bu gang yang 'di skad du
276b6 ji ltar na nyon mongs pa rnams 'dul bar 'gyur zhes zer ba ni/ ji ltar bdag don dam par na/ bdag med pa de bzhin du/ lha'i bu don dam par na nyon mongs pa rnams kyang nyon mongs pa rnams ma yin no/ /
276b7 lha'i bu de ste don dam par na/ bdag de bzhin nyid yin na ni lha'i bu don dam par na nyon mongs pa yang de bzhin nyid du 'gyur ro/ /lha'i bu 'di ltar bdag don dam par na bdag ma yin te/ lha'i bu de bas na nyon mongs pa rnams kyang
276b8 don dam par na nyon mongs pa ma yin no/ /lha'i bu de la bdag don dam par nyon mongs pa 'dul bar dmigs par 'gyur ba na don dam par na gang yang mi dmigs so/ /de ci'i phyir zhe na/ lha'i bu don dam par
277a1 na shin du ma byung ba'i phyir chos thams cad ni zhi ba'o/ /lha'i bu don dam par na 'dzin pa med pa'i phyir chos thams cad ni nye bar zhi ba'o/ /lha'i bu don dam par na chos thams cad sgro btags pa
277a2 med pa'i phyir chos thams cad ni rab tu zhi ba'o/ /lha'i bu don dam par na shin du ma skyes pa'i phyir chos thams cad ni mi zad pa'o/ /lha'i bu don dam par na shin du dngos po med pa'i phyir/ chos thams cad ni
277a3 shin du ma skyes pa'o/ /lha'i bus smras pa/ 'jam dpal chos thams cad kyi sgo gang yin/ 'jam dpal gyis smras pa/ lha'i bu smra bar bya ba dang / smra ba dang / shes pa dang / shes par bya ba dang
277a4 bya ba dang / tha snyad dang / byed pa thams cad 'jug pa'i kun rdzob kyi bden pa ni chos thams cad kyi sgo'o/ /smra ba dang / smra bar bya ba dang / shes pa dang / shes par bya ba dang / bya ba dang / tha snyad dang / byed pa
277a5 thams cad las rnam par log pa'i phyir don dam pa'i bden pa ni chos thams cad kyi sgo'o/ /yang lha'i bu kun rdzob tu na tshul bzhin ma yin pa'i yid la byed pa ni 'khor ba'i sgo'o/ /kun rdzob ni tshul
277a6 bzhin yid la byed pa ni mya ngan las 'das pa'i sgo'o/ /kun rdzob tu na the tsom ni sgrib pa'i sgo'o/ /kun rdzob tu na rnam par grol ba ni sgrib pa med pa'i sgo'o/ /kun rdzob tu na kun du rtag par nyon mongs pa
277a7 rnams kyi sgo'o/ /kun rdzob du na mi rtag pa ni nyon mongs pa med pa'i sgo'o/ /kun rdzob tu na rnam par g.yeng ba ni rnam par rtog pa rnams kya sgo'o/ /kun rdzob tu na zhi gnas ni nye bar zhi ba'i sgo'o/ /kun rdzob
277a8 tu na lta bar gyur pa rnams ni nga rgyal gyi sgo'o/ /kun rdzob tu na stong pa nyid ni nga rgyal med pa'i sgo'o/ /kun rdzob tu na sdig pa'i grogs po sten pa ni mi dge ba'i rtsa ba thams cad kyi sgo'o/ /kun rdzob tu na dge ba'i
277b1 bshes gnyen dang sten pa ni dge ba'i rtsa ba thams cad kyi sgo'o/ /kun rdzob tu na log par lta ba ni sdug bsngal thams cad kyi sgo'o/ /kun rdzob tu na yang dag par lta ba ni bde ba thams cad kyi sgo'o/ /kun rdzob
277b2 tu na ser sna ni dbul ba'i sgo'o/ /kun rdzob tu na sbyin pa ni longs spyod chen po'i sgo'o/ /kun rdzob tu na ngang tshul ngan pa ni ngan 'gro thams cad kyi sgo'o/ /kun rdzob tu na tshul khrims ni lha dang mir skye ba thams cad kyi
277b3 sgo'o/ /kun rdzob tu na gnod sems ni byad gzugs ngan pa'i sgo'o/ /kun rdzob tu na bzod pa ni gzugs phun sum tshogs pa'i sgo'o/ /kun rdzob tu na le lo ni mi rtogs pa'i sgo'o/ /kun rdzob du na brtson 'grus
277b4 ni rtogs pa'i sgo'o/ /kun rdzob tu na rnam par rtog pa ni rgod pa'i sgo'o/ /kun rdzob tu na bsam gtan ni sems shin du sbyangs pa'i sgo'o/ /kun rdzob tu na 'chal pa'i shes rab ni khong du ma chud pa'i
277b5 sgo'o/ /kun rdzob tu na shes rab ni byang chub kyi phyogs kyi chos sum cu rtsa bdun gyi sgo'o/ /kun rdzob tu na byams pa ni khong mi khro ba'i sgo'o/ /kun rdzob tu na snying rje chen po ni lhag pa'i bsam pa'i sgo'o/ /
277b6 kun rdzob tu na lhag pa'i bsam pa ni g.yo med pa'i sgo'o/ /kun rdzob tu na dga' ba ni chos la mos pa'i sgo'o/ /kun rdzob tu na btang snyoms na nyes pa thams cad dang bral ba'i sgo'o/ /kun rdzob tu na
277b7 dran pa nye bar gzhag pa rnams ni dge ba'i rtsa ba thams cad yongs su mi bri ba'i sgo'o/ /kun rdzob tu na yang dag par spong ba rnams ni yang dag pa'i nan tan gyi sgo'o/ /kun rdzob tu na rdzu 'phrul gyi rkang pa rnams ni
277b8 lus dang sems las su rung ba'i sgo'o/ /kun rdzob tu na dbang po rnams ni dad pa thob pa'i sgo'o/ /kun rdzob tu na stobs rnams ni nyon mongs pa thams cad 'joms pa'i sgo'o/ /kun rdzob tu na byang chub
278a1 kyi yan lag rnams ni thams cad mkhyen pa khong du chud pa'i sgo'o/ /kun rdzob tu ni 'phags pa'i lam yan lag brgyad pa ni lam ngan pa thams cad las 'da' ba'i sgo'o/ /lha'i bu gzhan
278a2 yang kun rdzob tu na byang chub kyi sems na sangs rgyas kyi chos thams cad kyi sgo'o/ /kun rdzob tu na dam pa'i chos yongs su 'dzin pa'i chos thams cad kyi dbang phyug go sgo'o/ /kun rdzob tu ni sems can smin par bya ba ni/
278a3 dam pa'i chos yongs su 'dzin pa'i sgo'o/ /kun rdzob tu na thabs ni gnas dang gnas ma yin pa la mkhas pa'i sgo'o/ /kun rdzob tu na shes rab kyi pha rol du phyin pa ni mya ngan las 'das pa'i sgo'o/ /don dam par
278a4 shin du mi 'byung ba ni chos thams cad kyi sgo'o// // bam po gnyis pa ste tha ma/ lha'i bus smras pa/ 'jam dpal shin du mi skye ba'i sgo gang / 'jam dpal gyis smras pa/ lha'i bu don dam par na shin du mi 'byung ba
278a5 ni kun nas sgo'o/ /lha'i bus smras pa/ 'jam dpal shin du' mi 'byung ba'i rang bzhin gang / 'jam dpal gyis smras pa/ lha'i bu don dam par na shin du dngos po med pa ni shin du mi 'byung ba'i rang bzhin no/ /lha'i bus
278a6 smras pa/ 'jam dpal shin du mi 'byung ba la cha shas dbye ba gang yang med dam/ 'jam dpal gyis smras pa/ lha'i bu de ji snyams du sems/ nam mkha' la cha shas dbye ba gang yang yod dam/ lha'i bus smras pa/
278a7 'jam dpal med do/ /'jam dpal gyis smras pa/ lha'i bu de bzhin du ji ltar na nam mkha' la cha shas dbye ba med pa de bzhin du lha'i bu shin du ma skyes pa la yang cha shes dbye ba med do/ /lha'i bus
278a8 smras pa/ /'jam dpal khyod kyis don dam par na shin du mi 'byung ba/ yongs su shes sam/ /'jam dpal gyis smras pa/ lha'i bu shin du mi 'byung bas shin du mi 'byung ba yongs su
278b1 mi shes so/ /de ci'i phyir zhe na/ lha'i bu chos thams cad ni shin du ma skyes shing ma byung la/ dngos po med pa'i phyir ro/ /lha'i bu smras pa/ 'jam dpal khyod kyis chos gang yang yongs su shes shing gang khong du chud
278b2 pas 'di lta bu'i spobs par gyur/ 'jam dpal gyis smras pa/ lha'i bu 'di ji snyams du sems/ brag chas chos gang yongs su shes na/ gdod las sgra 'byung lha'i bus smras pa/
278b3 'jam dpal brag chas chos gang yang yongs su shes pa med mod kyi kun rdzob tu na rkyen las sgra 'byung ngo / /'jam dpal gyis smras pa/ lha'i bu de bzhin du sems can thams cad la dmigs
278b4 pa'i rkyen gyis kun rdzob tu na/ byang chub sems dpa' sems dpa' chen po smra'o/ /lha'i bu smras pa/ 'jam dpal khyod ci la gnas te de ston/ 'jam dpal gyis smras pa/ lha'i bu de bzhin
278b5 gshegs pa sprul pa gang la gnas te de ston pa la'o/ /lha'i bu smras pa/ 'jam dpal de bzhin gshegs pa sprul pa ni/ don dam pa ni ci la'ang gnas pa med do/ /'jam dpal gyis
278b6 smras pa/ lha'i bu de bzhin du don dam par na/ /chos thams cad la/ mi gnas par bdag mi ston pa'i tshul gyis ston to/ /lha'i bus smras pa/ 'jam dpal de
278b7 ste khyod don dam par na/ chos thams cad la mi gnas par mi bstan pa'i tshul gyis bstan na/ khyod ci la gnas te/ bla na med pa yang dag par/
278b8 rdzogs pa'i byang chub mngon par/ rdzogs par 'tshang rgya bar 'gyur/ 'jam dpal gyis smras pa/ lha'i bu bdag ni mtshams med pa rnams la gnas te/
279a1 mngon par rdzogs par 'tshang mi rgya ba'i tshul gyis bla na med pa yang dag par rdzogs pa'i byang chub tu mngon par rdzogs par 'tshang rgya'o/ /lha'i bus smras pa/ mtshams med pa rnams ci la gnas/
279a2 'jam dpal gyis smras pa/ lha'i bu don dam par na mtshams med pa rnams ni shin du ma byung zhing dngos po med pa la mi gnas pa'i tshul gyis gnas so/ /lha'i bus smras pa/ 'jam dpal mtshams med pa
279a3 rnams byed pa ni de bzhin gshegs pas sems can dmyal bar bshad do/ /'jam dpal gyis smras pa/ lha'i bu ji ltar de bzhin gshegs pas mtshams med pa byed pa sems can dmyal bar bshad pa de bzhin du/ lha'i
279a4 bu de bzhin gshegs pas mtshams med pa byed pa/ mi gnas pa'i tshul gyis mtshams med pa la gnas na myur du bla na med pa yang dag par rdzogs pa'i byang chub mngon par rdzogs par 'tshang rgya'o zhes mi ston pa'i tshul gyis
279a5 ston to/ /lha'i bus smras pa/ 'jam dpal mtshams med pa de gang yin/ 'jam dpal gyis smras pa/ lha'i bu mtshams med pa gang gis byang chub sems dpa' sems dpa' chen po rnams myur du bla na med pa
279a6 yang dag par rdzogs pa'i byang chub mngon par rdzogs par 'tshang mi rgya ba'i tshul gyis mngon par rdzogs par 'tshang rgya ba'i byang chub sems dpa' sems dpa' chen po rnams kyi mtshams med pa ni 'di lta ste/ lha'i bu
279a7 mtshams med pa lnga po de dag gang zhe na/ lha'i bu 'di la nam byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub tu mi skye ba'i tshul gyis sems bskyed
279a8 nas bar ma dor nyan thos dang / rang sangs rgyas dang / dmigs pa can dang / mu stegs can thams cad kyi sar sems mi skyed pa 'di ni lha'i bu byang chub sems dpa' sems dpa' chen po'i mtshams med pa dang po'o/ /
279b1 lha'i bu gzhan yang nam byang chub sems dpa' sems dpa' chen po bdog pa thams cad gtong ba la mi skye ba'i tshul gyis sems bskyed nas/ nam byang chub kyi snying po la 'dug gi bar du ser sna dang lhan cig
279b2 mi gnas pa 'di ni lha'i bu byang chub sems dpa' sems dpa' chen po'i mtshams med pa gnyis pa'o/ /lha'i bu gzhan yang nam byang chub sems dpa' sems dpa' chen po sems can thams cad la bdag gis
279b3 rnam pa thams cad kyis yongs su bskyab bo snyam du sems mi skyed pa'i tshul gyis de ltar sems bskyed nas bar ma dor mi nur ba de ni lha'i bu byang chub sems dpa' sems dpa' chen po'i mtshams med pa gsum
279b4 pa'o/ /lha'i bu gzhan yang byang chub sems dpa' sems dpa' chen po don dam par na chos thams cad rab tu ma skyes pa/ ma byung ba/ dngos po med pa'o zhes bzod pa ma thob pa'i tshul gyis bzod pa thob nas
279b5 bar du rdzas dang / ngo bo dang / dngos por 'dzin pa len pas ma zin pa 'di ni lha'i bu byang chub sems dpa' sems dpa' chen po'i mtshams med pa bzhi pa'o/ /lha'i bu gzhan yang nam byang chub sems dpa' sems
279b6 dpa' chen po skad cig gcig dang ldan pa'i shes rab kyis chos thams cad rnam pa thams cad du mngon par rdzogs par byang chub par bya'o/ /zhes de ltar ma skyes pa'i tshul gyis sems bskyed nas/ rnam pa'i mchog thams
279b7 cad dang ldan pa thams cad mkhyen pa'i ye shes mi thob pa'i tshul gyis ma thob kyi bar du mi 'dug /kun du mi 'dug pa ni lha'i bu byang chub sems dpa' sems dpa' chen po'i mtshams med pa lnga pa'o/ /de ltar ma
279b8 gnas pa'i tshul gyis gnas na byang chub sems dpa' sems dpa' chen po myur du bla na med pa yang dag par rdzogs pa'i byang chub don dam par mngon par rdzogs par 'tshang mi rgya ba'i tshul gyis mngon par rdzogs par 'tshang
280a1 rgya'o/ /lha'i bus smras pa/ 'jam dpal mtshams med pa gang dag gis byis pa so so'i skye ba rnams sems can dmyal bar 'gro bar 'gyur ba'i mtshams med pa de nyid la byang chub sems
280a2 dpa' sems dpa' chen po gnas na mngon par rdzogs par 'tshang mi rgya ba'i tshul gyis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de lta bu'i rnam grangs yod dam/ 'jam dpal gyis smras pa/
280a3 lha'i bu yod do/ /de ci'i phyir zhe na/ lha'i bu don dam par na chos thams cad ni shin du stong pa ste/ lha'i bu shin tu stong pa nyid khong du chud pa ni byang chub ste/ don dam par na byang chub
280a4 ces ji skad du brjod pa ltar ni ma yin no/ /lha'i bu don dam par na chos thams cad ni mtshan ma med pa ste/ lha'i bu mtshan ma med pa khong du chud pa ni byang chub ste/ don dam par na byang chub ces ji skad du brjod pa
280a5 ltar ni ma yin no/ /lha'i bu don dam par na chos thams cad ni shin tu smon pa med pa ste/ lha'i bu smon pa med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i
280a6 bu don dam par na chos thams cad ni shin du gzung bar bya ba med pa ste/ lha'i bu shin du gzung bar bya ba med pa khong du chud pa ni byang chub ste/ don dam par na byang chub ces ji skad tu brjod pa ltar ni ma yin no/ /lha'i bu don dam
280a7 par na chos thams cad ni shin du mngon par 'du mi byed pa ste/ lha'i bu shin du mngon par 'du mi byed pa'i khong du chud pa ni byang chub ste/ don dam par na byang chub ces ji skad du brjod pa ni ma yin no/ /lha'i bu don dam par na
280a8 chos thams cad ni shin du 'dus ma byas pa ste/ lha'i bu shin du 'dus ma byas pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad
280b1 ni shin du mi mthong ba ste/ lha'i bu shin tu mi mthong ba khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad ni shin du ma skyes pa ste/
280b2 lha'i bu shin du ma skyes pa khong du chud pa ni byang chub ste/ don dam pa na byang chub ces ji ltar brjod pa ltar ni ma yin no/ /lha'i bu don dam par na chos thams cad ni shin du ma byung ba ste/ lha'i bu shin du ma byung ba khong du
280b3 chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad ni shin du dngos po med pa ste/ lha'i bu shin du dngos po med pa khong du chud pa ni
280b4 byang chub ste/ don dam par na byang chub ces ji skad du brjod pa ltar ni ma yin no/ /lha'i bus smras pa/ 'jam dpal chos kyi rnam grangs 'di la su dad par 'gyur/ 'jam dpal gyis smras pa/ lha'i bu
280b5 don dam par na de bzhin gshegs pa la yang dad pas mi 'gro na/ gang nyan thos dang / rang sangs rgyas dang / mu stegs can dmigs pa can thams cad lta ci smos/ lha'i bus smras pa/ su dag mos par 'gyur/
280b6 'jam dpal gyis smras pa/ gang don dam par na chos gang la yang mngon par mi chags pa de mos par 'gyur ro/ /lha'i bus smras pa/ yang su dag nan tan byed par 'gyur/ 'jam dpal gyis smras pa/ gang
280b7 don dam par na chos gang la yang nan tan mi byed pa'o/ /lha'i bus smras pa/ su dag mngon par rdzogs par 'tshang rgya bar 'gyur/ 'jam dpal gyis smras pa/ gang don dam par na chos thams cad gang
280b8 yang mngon par rdzogs par 'tshang mi rgya'o/ /lha'i bus smras pa/ 'jam dpal don dam par na su dag chos gang yang mngon par rdzogs par 'tshang mi rgya/ 'jam dpal gyis smras pa/ lha'i bu kun rdzob
281a1 tu na rnam pa'i mchog thams cad dang ldan pa thams cad mkhyen pa'i ye shes mngon par rdzogs par 'tshang rgya ba dag go/ /lha'i bus smras pa/ 'jam dpal de dag ji lta bu'i rang bzhin du 'gyur/ 'jam
281a2 dpal gyis smras pa/ lha'i bu don dam par na de dag rab tu ma skyes pa'i rang bzhin du 'gyur ro/ /lha'i bus smras pa 'jam dpal mdo sde 'di lta bu su dag gi lag tu 'gro/ 'jam dpal gyis smras pa/
281a3 lha'i bu kun rdzob tu na gang sems can thams cad la dam pa'i chos kyi lag sbyin par byed pa rnams kyi'o/ /lha'i bus smras pa/ 'jam dpal de dag ji lta bur gnas par 'gyur/ 'jam dpal gyis smras pa/
281a4 lha'i bu don dam par na shin du ma skyes/ ma byung / dngos po med pa la de dag gnas par 'gyur ro/ /lha'i bus smras pa/ 'jam dpal de dag cis 'gro bar 'gyur/
281a5 'jam dpal gyis smras pa/ lha'i bu don dam par na ma skyes/ ma byung / dngos po med par de dag 'gro bar 'gyur ro/ /lha'i bus smras pa/ 'jam dpal phyir mi ldog pa'i byang chub sems dpa'
281a6 sems dpa' chen pos ci byang chub 'thob bam/ 'jam dpal gyis smras pa/ lha'i bu gang phyir mi ldog pa'i byang chub sems dpa' sems dpa' chen po des byang chub mi 'thob pa ni gnas ma yin te/ go skabs
281a7 med do/ /lha'i bus smras pa/ 'jam dpal byang chub sems dpa' sems dpa' chen po rnams ci las ldog par 'gyur/ 'jam dpal gyis smras pa/ lha'i bu byang chub sems dpa' sems dpa' chen po
281a8 don dam par na rnam par rtog pa thams cad las ldog go/ /nyan thos dang / rang sangs rgyas thams cad dang / mu stegs can dmigs pa can gyi sa las ldog go/ /lha'i bus smras pa/ 'jam dpal byang chub
281b1 sems dpa' sems dpa' chen po ci las mi ldog /'jam dpal gyis smras pa/ lha'i bu byang chub sems dpa' sems dpa' chen po rnams ni chos thams cad shin du mi 'byung ba'i mnyam pa nyid las mi ldog go/ /de ci'i
281b2 phyir zhe na/ don dam par na chos thams cad shin tu mi 'byung bar mnyam pa'i phyir byang chub sems dpa' sems dpa' chen po dag mnyam ste/ de bas na phyir mi ldog go/ /lha'i bus smras pa/ chos thams cad shin
281b3 du 'byung bar mnyam pa nyid ces bya ba de 'jam dpal chos gang gi tshig bla dgas/ 'jam dpal gyis smras pa/ chos thams cad shin du mi 'byung bar mnyam zhes bya ba ni lha'i bu don dam par sna tshogs med pa'i tshig bla
281b4 dgas so/ /lha'i bus smras pa/ 'jam dpal chos thams cad shin du mi 'byung bar mnyam pa la ci'i phyir sna tshogs su snang / 'jam dpal gyis smras pa/ gang lha'i bu chos thams cad shin du mi 'byung bar mnyam
281b5 pa la don dam par rdzas dang / dngos po dang / ngo bor yongs su rtog pas de dag don dam par na sna tshogs su spyod do/ /de dag don dam par sna tshogs su spyod pa la dmigs pa'i lta ba mang du 'gyur ro/ /de dag dmigs pa'i lta ba
281b6 mang pos 'gro ba rnam pa tha dad pa rnams su dbang med par 'khyam mo/ /gang lha'i bu chos thams cad shin du mi 'byung bar mnyam pa la don dam par ngo bo dang / rdzas dang / dngos po yongs su mi rtog na/ de dag don dam par
281b7 na sna tshogs su mi spyod do/ /de dag don dam par sna tshogs su mi spyod na/ don dam par shin du dngos po med par 'gro ba'i tshul gyis don dam par chos thams cad shin du ma skyes pa'i mtshan nyid dang mnyam par khong du chud par
281b8 'gyur ro/ /lha'i bus smras pa/ rnam grangs grang gis nyon mongs pa dang bcas pa'i byang chub sems dpa' sems dpa' chen po la byang chub yod kyi/ nyon mongs pa med pa la ma yin pa'i rnam grangs yod dam/ 'jam
282a1 dpal gyis smras pa/ lha'i bu yod do/ /de ci'i phyir zhe na/ lha'i bu chos thams cad ni kun rdzob tu 'byung ba yang 'byung ngo / /mi 'byung yang mi 'byung ste/ byang chub sems dpa' sems dpa' chen po rnams
282a2 kyi byang chub kyang kun rdzob tu 'byung ngo / /de ci'i phyir zhe na/ lha'i bu don dam par na chos thams cad ni nyon mongs pa med cing mi skye mi 'gag ste/ chos gang don dam par mi skye mi 'gag pa de don dam par gang gis kyang mngon par
282a3 rdzogs par sangs ma rgyas so/ /mngon par rdzogs par 'tshang rgya bar mi 'gyur ro/ /mngon par rdzogs par 'tshang mi rgya'o/ /de ci'i phyir zhe na/ lha'i bu don dam par chos thams cad shin du ma skyes pa'i phyir te/
282a4 lha'i bu rnam grangs de lta bus byang chub sems dpa' sems dpa' chen po nyon mongs pa dang bcas pa la byang chub 'byung ste/ nyon mongs pa med pa la ni ma yin no/ /lha'i bus smras pa/ 'jam dpal rnam grangs gang gi
282a5 byang chub sems dpa' sems dpa' chen po ser sna can la sbyin pa'i pha rol du phyin par 'gyur te/ gtong ba dang ldan pa la ma yin pa'i rnam grangs yod dam/ 'jam dpal gyis smras pa/ yod de/ lha'i bu rnam grangs gang
282a6 gis byang chub sems dpa' sems dpa' chen po ser sna can gyi sbyin pa'i pha rol du phyin par 'gyur gyi/ gtong ba dang ldan pa la ma yin pa'i rnam grangs yod do/ /de ci'i phyir zhe na/ gang sems can thams cad dang /
282a7 sangs rgyas kyi chos thams cad kun rdzob tu yongs su mi gtong mi 'dor ba de ni lha'i bu byang chub sems dpa' sems dpa' chen po'i ser sna'o/ /lha'i bus smras pa/ 'jam dpal gang byang chub sems dpa' sems dpa'
282a8 chen po ngan pa'i ngang tshul can la tshul khrims kyi pha rol du phyin par 'gyur kyi/ tshul khrims dang ldan pa la ma yin pa'i rnam grangs yod dam/ 'jam dpal gyis smras pa/ yod de/ lha'i bu byang chub sems dpa' sems
282b1 dpa' chen po gang sems can yongs su smin par bya ba'i phyir sems can la lta'i/ tshul lam yin pa de ni kun rdzob tu na byang chub sems dpa' sems dpa' chen po'i tshul khrims kyi pha rol tu phyin pa'o/ /lha'i bus
282b2 smras pa/ 'jam dpal byang chub sems dpa' sems dpa' chen pos gang bzod pa
282b3 bor la/ bzod pa can gyi rnam grangs yod dam/ 'jam dpal gyis smras pa/ lha'i bu yod de/ byang chub sems dpa' sems dpa' chen po gang la la don dam par chos thams cad la rdzas dang / dngos po dang /
282b4 ngo bor mi bzod pa de ni shin du ma smras pa'i tshul gyis bla na med pa'i bzod pa dang ldan par 'gyur te/ lha'i bu de ni mi dmigs pa'i tshul gyis byang chub sems dpa' sems dpa' chen po'i bzod pa dam pa'o/ /lha'i bus
282b5 smras pa/ 'jam dpal byang chub sems dpa' sems dpa' chen po le lo can brtson 'grus dang ldan par 'gyur ba'i rnam grangs yod dam/ 'jam dpal gyis smras pa/ lha'i bu yod de/ lha'i bu byang chub sems
282b6 dpa' sems dpa' chen po le lo can du gyur pa ni sla'i nyan thos dang / rang sangs rgyas dang / mu stegs can dmigs pa'i brtson 'grus kyis brtson 'grus dang ldan pa ni de lta ma yin no/ /lha'i bus smras pa/
282b7 'jam dpal byang chub sems dpa' sems dpa' chen po brjed ngas pa gang mnyam par bzhag par 'gyur ba'i rnam grangs yod dam/ 'jam dpal gyis smras pa/ lha'i bu yod de/ lha'i bu byang chub sems dpa'
282b8 sems dpa' chen po gang la la rmi lam du yang don dam par rdzas dang / ngo bo dang / dngos po'i sems mi skye ba de ni mi dmigs pa'i tshul gyis shin du mnyam par bzhag par 'gyur ro/ /lha'i bus smras pa/ 'jam
283a1 dpal byang chub sems dpa' sems dpa' chen po gang shes rab med pa/ shes rab chen por 'gyur ba'i rnam grangs yod dam/ 'jam dpal gyis smras pa/ lha'i bu yod do/ /de ci'i phyir zhe na/
283a2 lha'i bu don dam par na chos thams cad la shes rab kyis rnam par dpyad de btsal na shin du med cing mi dmigs te/ shes rab gyi de yang don dam par na shin du med cing mi dmigs pas na kun rdzob tu shes rab can zhes bya ste/
283a3 shes rab de yang don dam par na shin du ma skyes pa yin no/ /lha'i bu rnam grangs des na byang chub sems dpa' sems dpa' chen po shes rab med pa ni shes rab chen po can/ zhes bya'o/ /shes rab bye brag tu 'phags
283a4 pa zhes bya'o/ /shes rab dam pa dang ldan pa zhes bya'o/ /shes rab gya nom pa zhes bya'o/ /mi dmigs pa'i shes rab can zhes bya ste/ don dam par na ji skad du brjod pa ltar ni ma yin no/ /de nas bcom ldan 'das kyis 'jam
283a5 dpal gzhon nur gyur pa la legs so zhes bya ba byin te/ legs so legs so/ /'jam dpal khyod kyis byang chub sems dpa' sems dpa' chen po rnams kyi bya ba dang mi bya ba mi bstan pa'i tshul gyis bstan pa ni tshig 'di
283a6 legs par smras so/ /'jam dpal 'di lta ste/ dper na skyes bu bkres pa ltogs pas nyams chung ba mnags pa sla'i/ mi shes pas kha zas dug can zos pa de lta ma yin no/ /'jam dpal de bzhin du byang chub sems
283a7 dpa' sems dpa' chen po mi dmigs pa'i ser sna can dang / ngan pa'i ngang tshul can dang / gnod sems can dang / le lo can dang / brjed ngas pa dang / shes rab med pa sla'i/ nyan thos dang / rang sangs rgyas dmigs pa
283a8 can gyi sems kyi sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi sbyor ba ni de lta ma yin no/ /de ci'i phyir zhe na/ dmigs pa'i dug gi skyon chags pa'i phyir de la
283b1 kun rdzob du 'jigs par shes par bya'o/ /de nas bcom ldan 'das la lha'i bu mtshams bzangs kyis 'di skad ces gsol to/ /bcom ldan 'das byang chub sems dpa' sems dpa' chen pos nyon mongs pa
283b2 rnams la 'jigs par mi bgyi 'am/ bcom ldan 'das kyis bka' stsal pa/ lha'i bu kun rdzob du byang chub sems dpa' sems dpa' chen pos nyon mongs pa la 'jigs par bya'o/ /de bas kyang des nyan thos dang
283b3 rang sangs rgyas dmigs pa can gyi sems la shin tu 'jigs par bya ste/ nyon mongs pa rnams la ni de lta ma yin no/ /lha'i bus gsol pa/ bcom ldan 'das de ci'i slad nas/ bcom ldan 'das kyis bka'
283b4 stsal pa/ lha'i bu khyod nyid la dris khyod kyis ci nus pa de bzhin du lung ston cig /lha'i bu 'di yid la ji snyam/ skyes bu 'tsho bar 'dod par gyur pas yan lag gcad pa la 'jigs par bya 'am/ 'on te mgo
283b5 gcad pa la rab tu 'jigs par bya/ lha'i bus gsol pa/ bcom ldan 'das yan lag gcad pa'i skyes bu ni 'tsho ste/ bsod nams 'dod pa bsod nams kyi lam yang dag par blangs shing gnas pa de ni mtho ris
283b6 su skye ba'i rgyur 'gyur gyi/ bcom ldan 'das mgo bcad pa ni 'tsho ba las yongs su nyams te/ bsod nams 'tshal ba bsod nams kyi lam yang dag par len cing spyod mi nus so/ /bcom ldan 'das kyis bka' stsal
283b7 pa/ lha'i bu de bzhin te/ byang chub sems dpa' sems dpa' chen po mi dmigs pa ni spyod pa nyams kyang sla'i/ nyan thos dang / rang sangs rgyas dmigs pa can kyi lta bar lhung ba rnams kyis bslab pa dang / sbyangs pa'i
283b8 yon tan thams cad dang ldan pa ni de lta ma yin no/ /byang chub sems dpa' sems dpa' chen po ser sna can ni sla'i/ sems can thams cad yongs su btang ste/ sangs rgyas kyi chos thams cad 'dor ba ni de lta ma yin
284a1 no/ /byang chub sems dpa' sems dpa' chen po ngan pa'i ngang tshul can du gyur pa ni sla'i/ sems can thams cad yongs su smin par mi byed par/ gyur pa ni de lta ma yin no/ /byang chub
284a2 sems dpa' sems dpa' chen po dad pas spyod pa'i sa la spyod pa/ mi dmigs pa la mos shing nyon mongs pa dang bcas pa sla'i/ nyan thos dang / rang sangs rgyas dmigs pa can nges par gyur pa thob pa/
284a3 nyon mongs pa med pa de lta ma yin no/ /lha'i bus gsol pa/ bcom ldan 'das byang chub sems dpa' sems dpa' chen po rnams kyi mi spyod pa'i tshul gyis spyod pa ni 'jig rten thams cad dang mi mthun
284a4 pa lags so/ /bcom ldan 'das dmigs pa'i dug gi skyon chags pas na/ gang nyan thos dang / rang sangs rgyas dmigs pa can rnams kyi tshul khrims de ni byang chub sems dpa' sems dpa' chen po
284a5 rnams kyi ngan pa'i ngang tshul lags so/ /ji tsam du gang nyan thos dang / rang sangs rgyas dmigs pa can rnams kyi brtson 'grus de ni dmigs pa'i dug gi skyon chags pa'i phyir byang chub sems dpa' sems
284a6 dpa' chen po'i le lo'i bar du'o/ /bcom ldan 'das kyis bka' stsal pa/ lha'i bu 'di lta ste/ dper na gang mi dbul po'i kha zas de ni 'khor los sgyur ba'i rgyal po'i dug go/ /lha'i bu de bzhin du
284a7 gang nyan thos dang / rang sangs rgyas dmigs pa can rnams kyi tshul khrims dang / brtson 'grus kyi bar du de dag ni byang chub sems dpa' sems dpa' chen po'i ngan pa'i ngang tshul dang le lo'i bar du'o/ /
284a8 de ci'i phyir zhe na/ dmigs pa'i dug gi skyon chags pa'i phyir ro/ /lha'i bu 'di lta ste/ dper na gang bdag nyid bsab pa'i las byed pa'i skyes bu'i nor des grong khyer gyi skye bo thams cad bde bar sbyor mi nus
284b1 so/ /lha'i bu de bzhin du gang nyan thos dang / rang sangs rgyas dmigs pa can dbul ba'i sems dang / dman pa'i sems dang / dmigs pa'i sems dang ldan pa rnams kyi brtson 'grus kyi bar gyis 'dzam
284b2 bu'i gling gi sems can yongs su thar bar byed kyang mi nus na sems can thams cad lta ci smos/ lha'i bu 'di lta ste/ dper na nor chen po longs spyod chen po gtong ba dang ldan pa/ byams pa la gnas pa/ snying rje
284b3 chen po dang ldan pa ded dpon chen po ni/ sems can thams cad bla na med pa'i bde bar byed pa la zhugs pa'i nor de grangs med dpag tu med pa'i sems can bde bar byed do/ /lha'i bu de bzhin du gang byang chub sems dpa'
284b4 sems dpa' chen po lhag pa'i bsam pa la zhugs pa/ sems can thams cad la shes rab dang / thabs dang / snying brtse ba chen pos bskul ba/ bskul pa chen po bye ba khrag khrig brgya stong grangs med par bsod
284b5 nams dang ye shes kyi tshogs bsags pa'i nor chen po mi dmigs pa'i brtson 'grus kyi bar du de dag gis sems can grangs med/ dpag tu med pa yongs su smin par byed do/ /mi gzhog pa'i tshul gyis rnam pa
284b6 thams cad mkhyen pa nyid la 'ang rab tu 'god do/ /de nas bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das nyan thos kyis 'dus ma byas kyi chos rnams mngon sum du bgyis
284b7 la/ bcom ldan 'das byang chub sems dpa' sems dpa' chen po ni 'dus byas su gtogs pa lags na/ de ji ltar 'dus ma byas su gtogs pa'i nyan thos dang / rang sangs rgyas dmigs pa can thams cad zil gyis
284b8 gnon/ bcom ldan 'das kyis bka' stsal pa/ 'od srung de'i don rab tu grub par bya ba'i phyir dper bya ste/ skyes bu mkhas pas smras pa'i don rig pa la la dpes de'i don go bar 'gyur ro/ /'di lta ste/ dper na rgya mtsho chen po
285a1 bzhi mar gyi gang bar gyur la/ de nas skyes bu la las skra brgyar gshegs pa'i rtse mo'i thog mas mar gyi thigs pa gcig blangs na/ 'od srung 'di ji snyam du sems/ skra brgyar gshegs pa'i rtse mo'i thog mas
285a2 mar gyi thigs pa bcus pas rgya mtsho chen po bzhi mar gyis gang ba zil gyis gnon par nus sam/ 'od srung gis gsol pa/ bcom ldan 'das de ma lags so/ /bde bar gshegs pa de ma lags so/ /bcom ldan
285a3 'das kyis bka' stsal pa/ yang 'od srung de dag las ches mang ba dang / ches mchog tu gyur pa dang / ches dam pa dang / ches rin che ba gang yin/ 'od srung gis gsol pa/ bcom ldan 'das 'di ltar rgya mtsho chen po gcig gi
285a4 bye ba brgya stong gi cha shas de 'ang / bcom ldan 'das shin du mang / shin du mchog /shin du dam pa/ shin du rin che ba lags te/ bcom ldan 'das brgyar gshags pa'i skra'i rtse mo'i thog mas mar gyi thigs pa blangs pa de lta
285a5 ma lags na/ bcom ldan 'das rgya mtsho chen po bzhi lta ci smos/ bcom ldan 'das kyis bka' stsal pa/ 'di lta ste/ dper na brgyar gshags pa'i skra'i rtse mo'i thog mas mar gyi thigs pa blangs pa tshad yod pa de bzhin
285a6 du nyan thos dang / rang sangs rgyas dmigs pa can gyi 'dus ma byas kyi ye shes ni chung ngo / /dmigs pa dang bcas pa'o/ /'od srung 'di lta ste/ dper na rgya mtsho chen po bzhi mar gyis gang ba de tsam du byang chub sems dpa' sems
285a7 dpa' chen po dmigs pa med pa/ dad pa spyod pa'i sa la mi spyod pa'i tshul gyis spyod pa'i rnam pa'i mchog thams cad dang ldan pa/ bsod nams dang ye shes kyi tshogs thams cad bsdus pa/ 'dus byas kyi ye shes su mi blta
285a8 ba'i tshul gyis blta'o/ /de yang don dam pa'i me 'bar bas yongs su smrin par byas pas rnam pa thams cad kyi mchog dang ldan pa'i thams cad mkhyen pa'i ye shes su mi dmigs pa'i tshul gyis 'gyur ro/ /'od srung de bzhin du
285b1 byang chub sems dpa' sems dpa' chen po yang 'dus ma byas thob pa'i nyan thos dang rang sangs rgyas dmigs pa can thams cad mi dmigs pa'i tshul gyis zil gyis gnon to/ /'od srung 'di lta ste/ dper na grong khyer chen
285b2 por chud pa'i mching bu'i nor bu khur brgya stong du gyur pa dang / rgya mtsho chen po'i nang na yod pa grur bcug rin che ba'i bai dUr+ya nor bu rin po che chen po de bde zhing nye zho med par 'dzam bu'i gling du phyin na de ji snyam du sems/ grang
285b3 khyer chen por chud pa'i mching bu'i nor bus gru'i nang du bcug pa rin po che bai dUr+ya nor bu rin po che zil gyis non par nus sam/ 'od srung gis gsol pa/ bcom ldan 'das de ma lags so/ /bde bar gshegs pa de ma
285b4 lags so/ /bcom ldan 'das kyis bka' stsal pa/ 'od srung ji ltar grong khyer chen por chud pa'i mching bu'i nor bu bzhin du/ 'dus ma byas thob pa'i nyan thos dang / rang sangs rgyas dmigs pa can thams cad
285b5 du blta'o/ /'od srung ji ltar nor bu rin po che chen po'i bai dUr+ya rgya mtsho chen po'i nang na yod pa grur bcug pa bde zhing nye zho med par tshong khang gi bar du 'ongs par gyur pa/ 'od srung de bzhin du byang chub sems dpa'
285b6 sems dpa' chen po 'khor ba'i grong khyer gyi tshong khang gi bar du 'ongs na sems can thams cad bla na med pa yang dag par rdzogs pa'i byang chub tu mi 'jog pa'i tshul gyis rab tu 'god par blta'o/ /'od srung 'di
285b7 lta ste/ dper na dpyid zla tha chungs kyi zla ba la sa chen po lo tog gis rab tu gang ba la grog sbur phra mos zas kyi 'bru gcig khyer ba dang / sa chen po 'di de dag gis gang ba gnyis gang mang bar sems/ 'od srung gis
285b8 gsol pa/ bcom ldan 'das lo tog gis gang ba'i sa chen po de dpag tu ma mchis pa'i 'bru'i phung po chen po 'byung bar 'gyur te/ des sems can grangs ma mchis dpag tu ma mchis pa rnams tshim par 'gyur gyi/
286a1 bcom ldan 'das grog sbur phra mos 'tshal ba'i zas kyi 'bras bus lta ci zhig bgyi ste/ des sems can gang yang 'tsho bar mi 'gyur ro/ /bcom ldan 'das kyis bka' stsal pa/ 'od srung ji
286a2 ltar grog sbur phra mos khyer ba'i zas kyi 'bru gcig po de bzhin du 'od srung nyan thos dang / rang sangs rgyas dmigs pa can thams cad kyi zag pa med pa'i rnam par grol ba'i 'bras bur blta'o/ /'od srung ji ltar lo
286a3 tog mang pos rab tu gang ba'i sa chen po de bzhin du 'od srung byang chub sems dpa' sems dpa' chen po mi gnas pa'i tshul gyis kun rdzob dang don dam pa'i bden pa la gnas pas/ pha rol du phyin pa drug la sogs pa
286a4 sangs rgyas kyi chos thams cad dang / bla na med par bsdus pa'i bsod nams dang ye shes kyi tshogs kyi dge ba'i rtsa ba'i lo tog tu blta'o/ /de yongs su smin par gyur nas 'di lta ste/ bla na med pa rnam pa
286a5 thams cad kyi mchog dang ldan pa'i ye shes kyi bde ba mi dmigs pa'i tshul gyis sems can thams cad kyi 'tsho bar 'gyur ro/ /de nas bcom ldan 'das la tshe dang ldan pa 'od srung chen pos 'di skad ces gsol to/ /
286a6 bcom ldan 'das ngo mtshar to/ /bde bar gshegs pa ngo mtshar to/ /bcom ldan 'das kyis mi 'chad pa'i tshul gyis ji ltar bshad pa de de bzhin no/ /bcom ldan 'das de ltar rnam pa thams cad kyi mchog dang
286a7 ldan pa/ bla na ma mchis pa mi dmigs pa'i ye shes kyis byang chub sems dpa' sems dpa' chen po dad pa'i spyod pa'i sa la mi spyod pa'i tshul gyis spyod pas nyan thos dang / rang sangs rgyas dmigs pa can thams cad
286a8 zil gyis non to/ /de nas bcom ldan 'das de bzhin gshegs pa rin po che'i tog gi sangs rgyas kyi zhing nas 'phags pa 'jam dpal gzhon nur gyur pa dang / lhan cig tu 'jig rten gyi khams mi mjed ces
286b1 bya ba 'dir 'ongs pa'i byang chub sems dpa' sems dpa' chen po dag gis bstan pa 'di thos nas/ bcom ldan 'das la 'di skad ces gsol to/ /bcom ldan 'das 'di lta ste/ nyan thos dang / rang
286b2 sangs rgyas dmigs pa can kun nas nyon mongs pa spong ba'i bka' mchid dang / ltung ba rnam par gzhag pa'i bar gyi bka' mchid 'di dag thams cad ni spros pa'i bka' mchid do/ /rnam pa tha dad pa'i bka'
286b3 mchid do/ /dmigs pa'i bka' mchid de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog gi sangs rgyas kyi zhing na de lta bu'i dmigs pa can gyi
286b4 bka' mchid ma mchis so/ /de lta bu'i dmigs pa can gyi bka' mchid mi gda' ste/ bcom ldan 'das de ni byang chub sems dpa' sems dpa' chen po rnams kyi dag pa'i bka' mchid mi thos pa'i tshul gyis thos so/ /
286b5 phyir mi ldog pa'i bka' mchid mi thos pa'i tshul gyis thos so/ /mi dmigs pa'i bka' mchid mi thos pa'i tshul gyis thos so/ /don dam par chos thams cad shin du ma skyes pa'i bka' mchid mi thos pa'i tshul gyis
286b6 thos so/ /don dam par chos thams cad shin du ma byung ba'i bka' mchid mi thos pa'i tshul gyis thos so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ni
286b7 shin du dka' ba mdzad de/ gang 'di snyed kyi nyam nga ba bzod cing gang thams cad don dam par shin du ma skyes pa la/ chos rnams rab 'bring tha mar ston par mdzad do/ /'di lta ste/ don dam par na shin du ma skyes
286b8 pa dang / ma byung ba dang / dngos po ma mchis pa'i rnam pa ste/ bcom ldan 'das de ltar don dam par chos thams cad rnam pa gcig las sems can rnams kyi dmigs pa gzhom pa'i slad du mi ston pa'i tshul gyis
287a1 rnam pa du mar chos ston to/ /de nas byang chub sems dpa' sems dpa' chen po de rnams kyis/ lha'i me tog dang / spos dang / bdug pa dang / phreng ba dang / byug pa dang / phye ma dang / chos gos dang / gdugs
287a2 dang / rgyal mtshan dang / ba dan dang / rnam par rgyal ba'i ba dan dang bcas pa'i bla res/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la bla na med pa'i mchod
287a3 pa byas nas/ 'jam dpal gzhon nur gyur pa la 'di skad ces smras so/ /'jam dpal bdag cag 'jig rten gyi khams rin po che dang ldan pa zhes bya bar 'dong ngo / /'jam dpal gyis smras pa/ rigs kyi bu dag da
287a4 de'i dus la bab par shes na deng shig /byang chub sems dpa' sems dpa' chen po de dag gis smras pa/ 'jam dpal ci khyod da mi 'gro 'am/ 'jam dpal gyis smras pa/ rigs kyi bu sangs rgyas kyi zhing thams
287a5 cad ni sangs rgyas kyi zhing gcig go/ /de bzhin du sangs rgyas thams cad ni sangs rgyas gcig go/ /de bzhin du chos thams cad ni chos gcig go/ /de bzhin du sems can thams cad ni sems can gcig go/ /de
287a6 dag 'di las khyad par ci yod na/ rigs kyi bu bdag der 'gro/ de skad smras pa dang / byang chub sems dpa' sems dpa' chen po de dag gis smras pa/ 'jam dpal ji ltar sangs rgyas kyi zhing thams cad sangs
287a7 rgyas kyi zhing gcig /'jam dpal ji ltar sangs rgyas thams cad sangs rgyas gcig /'jam dpal ji ltar chos thams cad chos gcig /'jam dpal ji ltar sems can thams cad sems can gcig / 'jam
287a8 dpal gyis smras pa/ rigs kyi bu dag sangs rgyas kyi zhing thams cad ni zhing ma yin no de ci'i phyir zhe na/ don dam par shin du ma skyes pa'i phyir ro/ /rigs kyi bu dag sangs rgyas thams cad ni sangs rgyas ma yin no/ /
287b1 de na ci'i phyir zhe na/ don dam par na shin tu ma byung ba'i phyir ro/ /rigs kyi bu dag chos thams cad ni chos ma yin no/ /de ci'i phyir zhe na/ don dam par na shin du dngos po med pa'i phyir ro/ /rigs kyi bu dag sems can thams
287b2 cad ni sems can ma yin no/ /de ci'i phyir zhe na/ don dam par na shin du kun nas ma byung ba'i phyir ro/ /de nas de'i tshe 'jam dpal gzhon nur gyur pas ci nas stong gsum gyi stong chen po'i 'jig rten gyi khams 'di
287b3 bcom ldan 'das de bzhin gshegs pa rin po che'i tog gi 'jig rten gyi khams rin po che dang ldan pa zhes bya ba de ci 'dra bar lhag chad med par snang ba de lta bur bsam pa rab tu rdzogs nas de 'dra bar ting nge 'dzin la
287b4 snyoms par zhugs so/ /de nas byang chub sems dpa' sems dpa' chen po de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de dang / 'jig
287b5 rten gyi khams rin po che dang ldan pa zhes bya ba de 'ang mthong ste/ byang chub sems dpa' sems dpa' chen po de dag 'di snyam du 'jig rten gyi khams rin po che dang ldan pa zhes bya bar phyin par sems so/ /
287b6 de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa yang bcom ldan 'das de bzhin gshegs pa rin po che'i tog gi kha dog dang dbyibs ci 'dra ba
287b7 bzhin du mthong ngo / /nyan thos chen po de dag kyang byang chub sems dpa' sems dpa' chen po yin snyam du sems so/ /de nas byang chub sems dpa' sems dpa' chen po de dag bcom ldan 'das de bzhin gshegs
287b8 pa shAkya thub pa la rin po che'i tog yin snyam pa byed nas 'di skad ces gsol to/ /bcom ldan 'das bdag cag 'jig rten gyi khams rin po che dang ldan pa zhes bgyi ba 'dir sus phyin par bgyis/ bcom ldan 'das shAkya
288a1 thub pas bka' stsal pa/ rigs kyi bu dag khyed sus khrid/ byang chub sems dpa' sems dpa' chen po de dag gis gsol pa/ bcom ldan 'das 'jam dpal gzhon nur gyur pas bdag cag khrid
288a2 do/ /bcom ldan 'das shAkya thub pas bka' stsal pa/ rigs kyi bu khyed ni 'jam dpal gzhon nur gyur pas ma 'ongs ma song ba'i tshul gyis phyin par byas so/ /de nas 'jam dpal gzhon nur gyur pas byang chub sems dpa'
288a3 sems dpa' chen po de dag la 'di skad ces smras so/ /rigs kyi bu dag khyed gang du khrid/ gang nas khrid par byas pa mnyam par zhog la ltos shig /de nas byang chub sems dpa' sems dpa' chen po de dag gis rang rang gi ting nge
288a4 'dzin la mnyam par bzhag ste bltas na/ 'jig rten gyi khams mi mjed de nyid nas bdag nyid gang du yang ma g.yos par mthong ste/ ngo mtshar du gyur rmad du gyur nas 'di ltar bdag cag stan 'di nyid las ma 'phags par 'jig
288a5 rten gyi khams rin po che dang ldan pa zhes bya bar yang phyin pa snyam byed de/ 'jam dpal gzhon nur gyur pa'i byin gyi brlabs med pa'i tshul gyis byin gyi brlabs bsam gyis mi khyab po zhes ched du brjod pa ched du brjod do/ /de dag
288a6 gis yang smras pa/ bcom ldan 'das sems can thams cad kyis kyang mi dmigs pa'i tshul gyis byin gyi brlabs 'di thob par gyur cig /de nas bcom ldan 'das shAkya thub pas byang chub sems dpa' sems dpa' chen po
288a7 de dag la bka' stsal pa/ rigs kyi bu dag 'di lta ste/ dper na nam mkha' ni sa'i snod dang / shing gi snod dang / khar ba'i snod dang / zangs kyi snod dang / dngul gyi snod dang / gser gyi snod dang / nor bu dang / mu tig dang /
288a8 bai dUr+ya dang / dung dang / man shel dang / byi ru dang / a mra gar ba dang / spug dang / dung g.yas phyogs su 'khyil ba dang / mu tig dmar po'i snod la sogs pa'i nang du zhugs par gyur pa rigs kyi bu dag kun rdzob tu snod la
288b1 tha dad pa yod mod kyi nam mkha' la yod pa ma yin no/ /de ci'i phyir zhe na/ don dam par na nam mkha' shin du dngos po med pa'i phyir te/ de bzhin du rigs kyi bu dag don dam par chos thams cad shin du ma skyes/ ma
288b2 byung / dngos po med mod kyi/ 'jig rten kun rdzob kyi tha snyad kyis tha snyad du 'dogs shing rab tu 'jog ste/ 'di ni gzugs so/ /'di ni tshor ba'o/ /'di ni 'du shes so/ /'di ni 'du byed rnams so/ /'di ni rnam par
288b3 shes pa'o/ /'di dag ni skye mched rnams so/ /'di dag ni khams rnams so/ /'di ni sangs rgyas dkon mchog go/ /'di ni chos dkon mchog go/ /'di ni dge 'dun dkon mchog go/ /'di ni nyan thos kyi theg pa'o/ /'di ni
288b4 rang sangs rgyas kyi theg pa'o/ /'di ni bla na med pa'i theg pa chen po'o/ /'di dag ni dge ba bcu'i las kyi lam rnams so/ /'di dag ni mi dge ba bcu'i las kyi lam rnams so/ /'di dag ni sems can dmyal ba'o/ /'di dag
288b5 ni dud 'gro'i skye gnas so/ /'di dag ni yi dags kyi yul lo/ /'di dag ni lha ma yin no/ /'di dag ni mi'o/ /'di dag ni lha'o/ /'di dag ni 'dod pa na spyod pa'i lha'o/ /'di dag ni gzugs na spyod
288b6 pa'i lha'o/ /'di dag ni gzugs med pa na spyod pa'i lha'o/ /'di ni 'dod pa'i khams so/ /'di ni gzugs kyi khams so/ /'di ni gzugs med pa'i khams so/ /'di ni lus kyis legs par spyod pa'o/ /'di ni ngag
288b7 gis legs par spyod pa'o/ /'di ni yid kyis legs par spyod pa'o/ /'di ni sbyin pa'i pha rol du phyin pa'o/ /'di ni tshul khrims kyi pha rol du phyin pa'o/ /'di ni bzod pa'i pha rol tu phyin pa'o/ /'di ni brtson 'grus kyi
288b8 pha rol tu phyin pa'o/ /'di ni bsam gtan gyi pha rol tu phyin pa'o/ /'di ni shes rab kyi pha rol tu phyin pa'o/ /'di ni thabs kyi pha rol du phyin pa'o/ /'di ni smon lam gyi pha rol du phyin pa'o/ /'di ni stobs kyi pha
289a1 rol tu phyin pa'o/ /'di ni ye shes kyi pha rol du phyin pa'o/ /'di ni sa bcu dang / dbang bcu dang / byang chub sems dpa'i stobs bcu dang / de bzhin gshegs pa'i stobs bcu dang / mi 'jigs pa bzhi
289a2 dang / so so yang dag par rig pa bzhi dang / dbang po lnga dang / stobs lnga dang / ji tsam du sangs rgyas kyi chos ma 'dres pa bcwa brgyad dang / ji tsam du rnam pa thams cad kyi mchog dang ldan pa'i thams cad mkhyen pa'i ye
289a3 shes dang / ji tsam du sangs rgyas kyi byang chub dang / ji tsam du de bzhin nyid dang / yang dag pa'i mtha' dang stong pa nyid dang / mtshan ma med pa dang / smon pa med pa dang / mngon par 'dus ma byas pa dang / ji tsam
289a4 du 'dus byas dang / 'dus ma byas pa'i chos thams cad dang / ji tsam du 'khor ba dang / mya ngan las 'da' ba dang / ji tsam du smra ba dang / smra bar bya ba dang / shes pa dang / shes byar tha snyad 'dogs pa dang / 'brel par
289a5 'jug pa de tsam du 'jig rten kun rdzob kyi tha snyad 'jug go/ /don dam par na spyod pa thams cad med par gyur pa ste/ de ci'i phyir zhe na/ rigs kyi bu don dam par na chos thams cad shin du ma skyes pa/ ma byung ba/
289a6 dngos po med pa'o/ /de nas byang chub sems dpa' sems dpa' chen po de dag shin du ngo mtshar du gyur nas stan las langs te/ bcom ldan 'das de bzhin gshegs pa dgra bcom pa yang dag par rdzogs pa'i
289a7 sangs rgyas shAkya thub pa la yang shin du rgya che ba/ shin du khyad par dang ldan pa'i mchod pa byas nas/ bcom ldan 'das kyi zhabs la mgo bos phyag 'tshal te/ tshig 'di skad ces gsol to/ /bcom ldan 'das
289a8 sems can thams cad 'di lta bu'i seng ge'i sgra/ bye brag tu 'phags pa'i sgra/ khyu mchog gi sgra/ skyes bu chen po'i sgra/ yang dag pa'i sgra/ de kho na'i sgra/ mi dmigs pa'i sgra/ don dam pa'i sgra/ mi dmigs
289b1 pa'i tshul gyis 'byin par gyur cig /de nas byang chub sems dpa' sems dpa' chen po de dag dga' mgu rangs nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
289b2 shAkya thub pa la lan brgya stong du mar bskor ba byas nas/ bcom ldan 'das kyi gan nas slar dong ste/ de dag phyogs bcur song nas mi dmigs pa'i brtson 'grus kyi go cha chen po go cha med pa'i tshul gyis bgos
289b3 nas don dam pa dang / kun rdzob kyi bden pa gnyis la gnas pa'i chos bstan pa 'di nyid mi ston pa'i tshul gyis ston to/ /chos 'dul ba 'di nyid la sems can thams cad 'dul zhing ston te mi 'jog pa'i tshul gyis
289b4 rab tu 'god do/ /'jam dpal gzhon nur gyur pa stan de la 'dug ste ma langs par 'di 'dra ba'i ting nge 'dzin la mnyam par bzhag ste/ ting nge 'dzin des 'jam dpal gzhon nur gyur pa'i gtsug tor gyi gseb spyi bo'i
289b5 gtsug nas sems can thams cad kyi dmigs pa dang / mi shes pa sel ba zhes bya ba'i 'od zer byung ste/ de byung nas phyogs bcu'i 'jig rten gyi khams thams cad du sangs rgyas kyi zhing rab 'byam du snang bar
289b6 byas so/ /'od zer snang ba des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas chos bshad pa/ kun rdzob dang don dam pa'i bden pa gnyis la brten pa
289b7 mi thos pa'i tshul gyis thos so/ /'di ltar phyogs bcu mtha' yas mu med pa'i 'jig rten gyi khams thams cad na bzhugs pa'i sangs rgyas dang / byang chub sems dpa' sems dpa' chen po thams cad
289b8 la mchod pa bya ba'i phyir 'od zer gyi snang ba de las lha'i me tog gi char 'bebs pa'i sprin byung ngo / /lha'i bdug pa'i char 'bebs pa'i sprin byung ngo / /lha'i spos kyi char 'bebs pa'i sprin byung ngo / /lha'i phreng
290a1 ba'i char 'bebs pa'i sprin byung ngo / /lha'i byug pa'i char 'bebs pa'i sprin byung ngo / /lha'i phye ma'i char 'bebs pa'i sprin byung ngo / /lha'i gos kyi char 'bebs pa'i sprin byung ngo / /lha'i gdugs
290a2 kyi char 'bebs pa'i sprin byung ngo / /lha'i rgyal mtshan gyi char 'bebs pa'i sprin byung ngo / /lha'i ba dan gyi char 'bebs pa'i sprin byung ngo / /lha'i rnam par rgyal ba'i ba dan gyi char 'bebs pa'i sprin byung ngo / /lha'i bla
290a3 re'i char 'bebs pa'i sprin gyi bar du byung ngo / /lha'i me tog dang / bdug pa dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang
290a4 bla re'i char 'bebs pa'i sprin byung ngo / /rnam pa thams cad kyi mchog dang ldan pa/ bla na med pa'i bden pa chen po thams cad phun sum tshogs pa'i lha'i me tog dang / bdug pa dang / spos dang / phreng ba dang / byug pa dang / phye ma dang
290a5 chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang / bla re'i char gyi sprin rab tu gtong ngo / /de nas 'jam dpal gzhon nur gyur pa ting nge 'dzin de las langs te/ langs nas bcom
290a6 ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lan brgya stong du mar mi dmigs pa'i tshul gyis bskor ba byas nas 'jig rten gyi khams mi mjed ces bya ba 'di nas slar
290a7 song ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chos kyi rnam grangs sangs rgyas dang byang chub sems dpa' sems dpa' chen po thams cad kyi 'byung gnas 'di zung
290a8 shig /rgyas par gyis shig /de nas tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das chos kyi rnam grangs 'di bdag gis bzung ba ni lags na/ rgyas par bgyid
290b1 ni mi nus so/ /de ci'i slad du zhe na/ bcom ldan 'das don dam par dmigs pa la mngon par zhen pa'i sems can shin du mang ste/ rdzas la mngon par zhen pa nas dngos po'i bar la mngon par zhen te/
290b2 log par 'dzin pa de las dbye ba shin du dka'o/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo chos kyi rnam grangs 'di ni
290b3 'das pa dang / ma 'ongs pa dang / da ltar gyi sangs rgyas bcom ldan 'das thams cad kyis byin gyi mi rlob pa'i tshul gyis byin gyis brlabs so/ /kun dga' bo khyod rkyen tsam gyis shig /kun dga' bos gsol
290b4 pa dang / bcom ldan 'das rigs kyi bu 'am/ rigs kyi bu mo gang chos kyi rnam grangs 'di chung ngu na nyan par 'gyur ba de dag ci 'dra bar 'gyur/ bcom ldan 'das kyis bka' stsal pa/ kun dga' bo chos
290b5 kyi rnam grangs 'di las de bzhin gshegs pas yang dag par bstan pa/ de kho na bstan pa/ mi dmigs pa bstan pa/ don dam pa bstan pa/ mi ston pa'i tshul gyis bstan to/ /bstan pa de yang
290b6 bsam gyis mi khyab/ dpag tu med de/ kun dga' bo de bzhin du gang chos kyi rnam grangs 'di las chung ngu na yi ge 'bru gcig tsam yang mi nyan pa'i tshul gyis mnyan na sangs rgyas kyi chos thams cad
290b7 bsam gyis mi khyab cing dpag tu med par 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci/ 'di ji ltar gzung
290b8 bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di kun rdzob dang / don dam pa'i bden pa bstan pa zhes bya bar zung shig /bcom ldan 'das kyis de skad ces
291a1 bka' stsal nas/ byang chub sems dpa' sems dpa' chen po de dag dang / nyan thos chen po de dag dang / tshe dang ldan pa kun dga' bo dang / 'khor de dag thams cad dang / lha dang / mi dang / lha ma yin dang / dri zar
291a2 bcas pa'i 'jig rten yid rangs te/ bcom ldan 'das kyis bshad pa la mngon par bstod do/ /'phags pa kun rdzob dang don dam pa'i bden pa bstan pa zhes bya ba theg pa chen po'i mdo/ rdzogs s+ho// // rgya gar gyi mkhan po
shAkya pra b+ha dang /
CLOSE WINDOW