བོད་ཡིག |
184a8 @#/ /rgya gar skad du/ Ar+ya bi ma la kIr ti nir de sha nA ma ma hA yA na sU tra/ bod skad du/ 'phags pa dri ma med par grags pas bstan pa zhes bya ba theg pa chen po'i mdo/ sangs rgyas dang / byang
184b1 chub sems dpa' dang / 'phags pa nyan thos dang / rang sangs rgyas 'das pa dang / da ltar gyi dang / ma byon pa thams cad la phyag 'tshal lo/ /'di skad bdag gis thos pa dus gcig na/ bcom
184b2 ldan 'das yangs pa'i grong khyer na a mra srung ba'i tshal na/ dge slong brgyad stong gi dge slong gi dge 'dun chen po dang thabs gcig tu bzhugs te/ thams cad kyang dgra bcom pa/ zag pa zad pa/ nyon mongs
184b3 pa med pa/ dbang dang ldan par gyur pa/ sems shin du rnam par grol ba/ shes rab shin du rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag
184b4 gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba/ sems kyi dbang thams cad kyi dam pa'i pha rol du son pa sha stag go/ /
184b5 byang chub sems dpa' sum khri nyis stong dang yang thabs gcig ste/ mngon par shes pa mngon par shes pa'i byang chub sems dpa' sems dpa' chen po mngon par shes pa chen po yongs su sbyangs
184b6 pa las nges par byung ba/ sangs rgyas kyis byin kyi brlabs kyis byin gyis brlabs pa/ chos kyi grong khyer srung ba/ dam pa'i chos yongs su 'dzin pa/ seng ge'i sgra chen po sgrogs pa/ phyogs bcur
184b7 sgra shin du bsgrags pa/ gsol ba ma btab par sems can thams cad kyi dge ba'i bshes gnyen du gyur pa/ dkon mchog gsum gyi rigs rgyun mi 'chad par byed pa/ bdud dang phyir rgol ba bcom pa
184b8 pha rol gyi rgol ba thams cad kyis zil gyis mi non pa/ dran pa dang / blo gros dang / rtogs pa dang / ting nge 'dzin dang / gzungs dang / spobs pa phun sum tshogs pa/ sgrib pa dang kun nas sdang ba
185a1 thams cad dang bral ba/ sgrib pa med pa'i rnam par thar pa la gnas pa/ spobs pa rgyun mi 'chad pa/ sbyin pa dang / dul ba dang / mi 'gyur ba dang / yang dag par sdom pa dang / tshul khrims dang /
185a2 bzod pa dang / brtson 'grus dang / bsam gtan dang / shes rab dang / thabs la mkhas pa dang / smon lam dang / stobs dang / ye shes kyi pha rol du phyin pa las nges par byung ba/ mi dmigs
185a3 pa'i chos la bzod pa dang ldan pa/ phyir mi ldog pa'i chos kyi 'khor lo skor ba/ mtshan nyid med pa'i phyir rgyas btab pa/ sems can thams cad kyi dbang po shes pa la mkhas pa/ 'khor thams
185a4 cad zil gyis mi non pa'i mi 'jigs pas rnam par gnon pa/ bsod nams dang ye shes kyi tshogs chen po bsags pa/ mtshan dang dpe byad bzang po thams cad kyis lus shin du brgyan pa/
185a5 gzugs dam pa 'dzin pa/ rgyan dang bral ba/ ri rab kyi rtse mo mthong ba bzhin du snyan pa dang grags pas mngon par 'phags pa/ lhag pa'i bsam pa rdo rje ltar bsra ba sangs rgyas dang chos dang dge
185a6 'dun la mi phyed pa'i dad pa rnyed pa/ chos rin po che'i 'od zer las bdud rtsi'i char shin du 'bebs pa/ sems can thams cad kyi skad dang / smra ba dang / dbyangs kyi yan lag dang / sgra
185a7 rnam par dag pa'i dbyangs dang ldan pa/ chos zab mo rten cing 'brel bar 'byung ba la 'jug cing mtha' dang / mtha' med par lta ba'i bag chags kyi mtshams sbyor ba kun gcod pa dang /
185a8 seng ge ltar 'jigs pa med cing sgra mngon par sgrog pa/ chos chen po'i 'brug sgra sgrogs pa/ mtshungs pa dang mi 'tshungs pa'i chos las yang dag par 'das pa/ chos rin po che shes
185b1 rab dang bsod nams kyi tshogs yang dag par sgrub pa'i ded dpon chen po drang ba dang / zhi ba dang / phra ba dang / 'jam pa dang / blta dka' ba dang / rtogs par dka' ba'i chos kyi tshul la
185b2 mkhas pa/ sems can rnams kyi 'ong ba dang / 'gro ba dang / sems can gyi bsam pa rtogs pa'i rjes su zhugs pa'i ye shes kyi yul dang ldan pa/ mi mnyam pa dang mnyam pa'i sangs rgyas
185b3 kyi ye shes la dbang bskur bas dbang bskur ba/ stobs bcu dang / mi 'jigs pa dang / sangs rgyas kyi ma 'dres pa la lhag pa'i bsam pas zhugs pa/ ngan song gi 'jigs pa dang / ngan 'gro
185b4 log par ltung ba'i 'jigs pa'i 'obs thams cad las rgal bas bsams bzhin du srid pa'i 'gro bar skye ba ston pa/ sman pa'i rgyal po chen po/ sems can thams cad 'dul ba'i cho
185b5 ga la mkhas pa/ sems can thams cad kyi nyon mongs pa'i nad thams cad rtogs pa/ ci rigs par chos kyi sman sbyar ba rab tu sbyor ba/ yon tan mtha' yas pa'i 'byung gnas dang
185b6 ldan pa/ sangs rgyas kyi zhing mtha' yas par yon tan bkod pas legs par brgyan pa mthong ba dang / thos pa 'bras bu yod pa/ gom pa 'dor ba 'bras bu yod pa/ bskal pa bye ba khrag
185b7 khrig brgya stong dpag tu med par yon tan yongs su brjod kyang yon tan gyi chu bo mtha' yas par rtogs pa la 'di lta ste/ byang chub sems dpa' mnyam par lta ba zhes bya dang / mnyam mi mnyam
185b8 lta ba dang / ting nge 'dzin rnam par sprul pa'i rgyal po dang / chos kyi dbang phyug dang / chos kyi tog dang / 'od kyi tog dang / 'od bkod pa dang / rin po che bkod pa dang / bkod pa chen po dang /
186a1 spobs pa brtsegs pa dang / rin po che brtsegs pa dang / lag na rin po che dang / lag na phyag rgya rin po che dang / rtag tu lag brkyang dang / rtag tu lag bteg dang / rtag tu gdung dang /
186a2 rtag tu dga' dgod dbang po dang / mchog tu dga' ba'i rgyal po dang / lha'i rgyal po dang / smon lam la zhugs pas phyin pa dang / so so yang dag par rig pa rab tu sgrub pa thob dang / nam
186a3 mkha'i mdzod dang / rin chen sgron ma 'dzin dang / rin chen dpa' dang / rin chen dga' ba dang / rin chen dpal dang / mig 'phrul can dang / dra ba can gyi 'od dang / dmigs pa med pa'i bsam
186a4 gtan dang / shes rab brtsegs dang / rin chen gtong dang / bdud 'joms dang / glog gi lha dang / rnam par 'phrul pa'i rgyal po dang / mtshan brtsegs yang dag 'das dang / seng ge'i nga ro
186a5 mngon par bsgrags pa'i dbyangs dang / ri'i rtse mo kun du 'joms pa'i rgyal po dang / spos kyi glang po che dang / spos kyi ba glang glang po che dang / rtag tu 'bad dang / brtson pa mi 'dor ba
186a6 ba dang / rab kyi blo gros dang / mdzes par skyes dang / pad mo'i dpal gyi snying po dang / pad mo bkod pa dang / spyan ras gzigs kyi dbang phyug dang / mthu chen thob dang / tshangs pa'i dra ba can dang /
186a7 rin chen gdan dkar can dang / bdud las rgyal dang / zhing snyoms brgyan dang / nor bu rin chen gdugs dang / gtsug na gser dang / gtsug na nor bu dang / byams pa dang / 'jam dpal gzhon nur gyur
186a8 pa dang / de dag la sogs pa byang chub sems dpa' sum khri nyis stong ngo / /gling chen po bzhi pa'i 'jig rten gyi khams mya ngan med pa nas tshangs pa ral pa can la sogs pa tshangs pa khri bcom ldan 'das
186b1 la lta ba dang / phyag 'tshal ba dang / bsnyen bkur bya ba dang / chos mnyan pa'i phyir lhags pa de dag kyang 'khor de nyid du 'dus so/ /gling chen po bzhi pa so so nas kyang brgya byin khri nyis stong lhags te/ de dag kyang
186b2 'khor de nyid du 'dus so/ /de bzhin du gzhan yang dbang che ba dbang che bar grags pas tshangs pa dang / brgya byin dang / 'jig rten skyong dang / lha dang / klu dang / gnod sbyin dang / dri za dang / lha ma yin dang / nam mkha' lding
186b3 dang / mi 'am ci dang / lto 'phye chen po rnams kyang 'khor de nyid du 'dus par gyur to/ /de bzhin du 'khor bzhi po dge slong dang / dge slong ma dang / dge bsnyen dang / dge bsnyen ma rnams kyang der lhags so/
186b4 de nas bcom ldan 'das dpal gyi snying po'i seng ge'i khri la bzhugs te/ 'khor brgya stong du mas yongs su bskor cing mdun gyis bltas nas chos ston to/ /rgya mtsho'i nang nas ri'i rgyal po ri rab
186b5 mngon par 'phags pa bzhin du 'khor thams cad zil gyis mnan te lam me lhan ne lhang nges dpal gyi snying po'i seng ge'i khri la bzhugs so/ /de nas byang chub sems dpa' lid tsa bi gzhon nu dkon
186b6 mchog 'byung gnas lid tsa bi gzhon nu lnga brgya tsam dang / rin po che sna bdun gyi gdugs thogs nas yangs pa'i grong khyer chen po nas byung ste/ a mra srung ba'i tshal ga la ba dang / bcom ldan 'das
186b7 ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan bdun bskor ba byas nas/ rin po che'i gdugs ji lta bu thogs pa de dag gis
186b8 bcom ldan 'das la mngon par bskyabs te/ mngon par bskyabs nas phyogs gcig 'khod do/ /rin po chen 'i gdugs de dag phul ma thag tu de'i mdo la sangs rgyas kyi mthus rin po che'i
187a1 gdugs de dag gcig tu gyur te/ rin po che'i gdugs des stong gsum gyi stong chen po'i 'jig rten gyi khams 'di thams cad khebs par snang ngo / /stong gsum gyi stong chen po'i 'jig rten gyi khams
187a2 kyi chu zheng de dag kyang rin po che'i gdugs chen po de nyid kyi nang na snang ngo / /stong gsum gyi stong chen po'i 'jig rten gyi khams 'di na ri'i rgyal po ri rab gang dag yod pa rnams dang / gangs ri dang / ri btang bzung
187a3 dang / ri btang bzung chen po dang / spos kyi ngad ldan dang / rin po che'i ri dang / ri nag po dang / khor yug dang / khor yug chen po dang / deg thams cad kyang rin po che'i gdugs chen po de nyid kyi nang na snang ngo / /stong gsum gyi stong chen
187a4 po'i 'jig rten gyi khams 'di na rgya mtsho chen po gang dag yod pa rnams dang / mtsho dang / mtshe'u dang / rdzing dang / 'bab chu dang / chu bran dang / lu ma 'bab pa de dag thams cad kyang rin po che'i gdugs chen po de nyid kyi nang na snang ngo / /stong
187a5 gsum gyi stong chen po'i 'jig rten gyi khams 'di na nyi ma dang zla ba'i gzhal med khang dang / skar ma'i gzugs dang / lha'i gnas dang / klu'i gnas dang / gnod sbyin dang / dri za dang / lha ma yin dang / nam mkha' lding dang / mi 'am ci dang /
187a6 lto 'phye chen po'i gnas rnams dang / rgyal po chen po bzhi'i gnas dang / grong dang / gror khyer dang / grong rdal dang / yul 'khor dang / rgyal po'i pho brang 'khor ji snyed yod pa de dag thams cad kyang rin po che'i gdugs chen
187a7 po gcig po de nyid kyi nang na snang ngo / /phyogs bcu'i 'jig rten na sangs rgyas bcom ldan 'das rnams kyi chos ston pa gang 'byung ba de yang rin po che'i gdugs chen po gcig po de las 'byung ba'i sgrar grag go/ /de nas bcom ldan
187a8 'das las de lta bu'i cho 'phrul chen po 'di mthong nas thams cad dang ldan pa'i 'khor de ngo mtshar du gyur te/ tshim zhing mgu nas yid rangs te/ rab tu dga' zhing dga' ba dang / yid bde ba skyes nas de bzhin gshegs pa la
187b1 phyag 'tshal te/ mig mi 'dzums par lta zhing 'khod do/ /de nas lid tsa bi gzhon nu dkon mchog 'byung gnas kyis bcom ldan 'das las de lta bu'i cho 'phrul chen po 'di mthong nas pus mo g.yas pa'i lha nga sa
187b2 la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad pa 'di dag gis mngon par bstod do/ /gtsang zhing mdzes pa pad ma'i 'dab
187b3 ltar yangs pa'i spyan/ /dgongs pa dag cing zhi gnas pha rol phyin mchog brnyes/ /dge ba'i las bsags yon tan rgya mtsho dpag mi lang / /dge sbyong zhi ba'i lam brten khyod la phyag 'tshal
187b4 lo/ /skyes bu khyu mchog 'dren pa'i rdzu 'phrul khyod gzigs shig /bde bar gshegs pa'i zhing mchog rab gsal kun kyang gda'/ /khyod kyi chos kyi bka' mchid rgya che 'chi med
187b5 'gro/ /de dag thams cad nam mkha' 'di yi dkyil na gda'/ /khyod kyi chos kyi rgyal srid mchog 'di chos kyis rgyal/ /rgyal bas 'gro ba rnams la chos kyi nor kyang stsal/ /
187b6 chos rnams rab tu 'byed mkhas don dam ston mdzad pa/ /chos kyi dbang phyug chos rgyal khyod la mgos phyag 'tshal/ /mchis pa ma lags pa dang ma mchis ma lags
187b7 dang / /chos 'di thams cad rgyu las brten nas 'byung ba dang / /'di la bdag med tshor ba po dang byed med cing / /dge sdig las ci'ang chud mi za zhes gsung
187b8 gis ston/ /thub dbang khyod kyis bdud dpung stobs can rab btul nas/ /byang chub mchog rab zhi ba mi 'chi bde ba brnyes/ /de la tshor med sems dang yid kyi rgyu ba med/ /mu stegs ngan pa'i tshogs rnams kun gyis de mi
188a1 rtogs/ /rmad byung chos kyi rgyal po lha mi mngon sum du/ /lan gsum bzlas pa chos kyi 'khor lo rnam mang po/ /shin du zhi ba rang bzhin rnam dag rab tu bskor/ /de tshe dkon mchog gsum po dag kyang nye bar bstan/
188a2 khyod kyis dkon mchog chos kyis legs par gang btul ba/ /de dag rtog pa ma mchis rtag par rab tu zhi/ /khyod ni skye rga na 'chi mthar 'byin sman pa'i mchog /yon tan rgya mtsho dpag mi lang la mgos phyag 'tshal/
188a3 sti stang legs par bgyis pas mi bskyod ri rab bzhin/ /tshul khrims ldan dang tshul khrims 'chal la mtshungs par byams/ /mnyam pa nyid la bzhugs shing thugs kyang nam mkha' bzhin/ /sems can dkon mchog 'di
188a4 la su zhig mchod mi bgyid/ /thub pa chen po 'khor rnams 'dus pa 'di dag ni/ /khyod kyi zhal du rab tu dad pa'i yid kyis lta/ /thams cad kyis kyang rgyal ba rang gi mdun gnas mthong / /de ni rgyal ba'i ma 'dres sangs rgyas
188a5 mtshan lags so/ /bcom ldan 'das kyi gsung gcig rab tu phyung ba yang / /'khor rnams kyis ni gsung la tha dad rnam par rig /'gro ba dag gis rang gi don bzhin rnam rig pa/ /de ni rgyal ba'i ma 'dres sangs rgyas
188a6 mtshan lags so/ /gsung gcig rab tu bsgrags pa mdzad pa de yis ni/ /kha cig bag chags bsgos shing kha cig rtogs par byas/ /som nyi 'tshal ba 'dren pas rab tu zhi mdzad de/ /de ni rgyal ba'i ma 'dres sangs
188a7 rgyas mtshan legs so/ /stobs bcu 'dren pa'i rtsal mnga' khyod la phyag 'tshal lo/ /'jigs pa mi mnga' 'jigs bral khyod la phyag 'tshal lo/ /ma 'dres pa yi chos rnams nges par rab rtogs pa/ /'gro ba
188a8 thams cad 'dren pa khyod la phyag 'tshal lo/ /kun du sbyor ba'i bcings pa gcod la phyag 'tshal lo/ /pha rol phyin nas skam la bzhugs la phyag 'tshal lo/ /dub pa'i 'gro ba sgrol ba khyod la phyag 'tshal lo/ /
188b1 'khor ba'i 'gro bar mi gnas pa la phyag 'tshal lo/ /sems can rnams dang 'gro bar zhugs shing kun 'grogs kyang / /'gro ba thams cad las ni rnam par grol ba'i thugs/ /pad ma dag ni chu skyes chu yis
188b2 yongs mi gos/ /thub pa'i pad mas stong pa nyid ni nges par bsgoms/ /mtshan ma thams cad rnam pa kun du rab tu bsal/ /khyod ni ci la'ang smon par mdzad pa yong mi mnga'/ /sangs rgyas dag gi mthu chen
188b3 bsam gyis mi khyab ste/ /nam mkha' lta bur mi gnas pa la bdag phyag 'tshal/ /de nas bcom ldan 'das la lid tsa bi gzhon nu dkon mchog 'byung gnas kyis tshigs su bcad pa de dag gis mngon par bstod
188b4 nas bcom ldan 'das la 'di skad ces gsol to/ /bcom ldan 'das lid tsa bi gzhon nu lnga brgya tsam po 'di dag thams cad kyang bla na med pa yang dag par rdzogs pa'i byang chub tu yang dag par zhugs te/ 'di dag kyang
188b5 byang chub sems dpa' rnams sangs rgyas kyi zhing yongs su dag pa gang lags shes sangs rgyas kyi zhing yongs su dag pa zhu na/ bcom ldan 'das de bzhin gshegs pas byang chub sems dpa' de dag la
188b6 sangs rgyas kyi zhing yongs su dag pa legs par bshad du gsol/ de skad ces gsol pa dang / bcom ldan 'das kyis lid tsa bi gzhon nu dkon mchog 'byung gnas la legs so zhes bya ba byin te/ legs
188b7 so legs so/ /gzhon nu khyod gang sangs rgyas kyi zhing yongs su dag pa las brtsams te de bzhin gshegs pa la 'dri ba legs so/ /de'i phyir gzhon nu khyod legs par rab tu nyon la yid la zung shig dang /
188b8 byang chub sems dpa' rnams kyi sangs rgyas kyi zhing yongs su dag pa las brtsams te ngas khyod la bshad do/ /bcom ldan 'das legs so zhes gsol nas lid tsha bi gzhon nu dkon mchog 'byung
189a1 gnas dang / lid tsa bi gzhon nu lnga brgya tsam po de dag bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to/ /rigs kyi bu sems can gyi zhing ni byang
189a2 chub sems dpa'i sangs rgyas kyi zhing ngo / /de ci'i phyir zhe na/ byang chub sems dpa' ji tsam du sems can rnams la rgyas par byed pa de tsam du sangs rgyas kyi zhing yongs su 'dzin to/ /sems can rnams
189a3 ji lta bus 'dul bar 'gyur ba de lta bu'i sangs rgyas kyi zhing yongs su 'dzin to/ /sangs rgyas kyi zhing la 'jug pa ji lta bus sems can rnams sangs rgyas kyi ye shes la 'jug par 'gyur ba de lta bu'i sangs rgyas
189a4 kyi zhing yongs su 'dzin to/ /sangs rgyas kyi zhing la 'jug pa ji lta bus sems can rnams 'phags pa lta bu'i dbang po skye bar 'gyur ba de lta bu'i sangs rgyas kyi zhing yongs su 'dzin to/ /de ci'i phyir zhe na
189a5 rigs kyi bu byang chub sems dpa' rnams kyi sangs rgyas kyi zhing ni sems can gyi don las byung ba'i phyir ro/ /dkon mchog 'byung gnas 'di lta ste dper na nam mkha' la ji lta bur bya ba 'dod pa de bzhin du
189a6 byed mod kyi nam mkha' la ni byar mi rung zhing brgyan du yang mi rung ba de bzhin du/ dkon mchog 'byung gnas chos thams cad nam mkha' dang mtshungs par shes nas byang chub sems dpa' sems can yongs su smin
189a7 par bya ba'i phyir sangs rgyas kyi zhing ji lta bur bya bar 'dod pa de lta bur sangs rgyas kyi zhing byed mod kyi/ sangs rgyas kyi zhing nam mkhar ni byar mi rung ngo / brgyan du mi rung ngo / /dkon mchog 'byung gnas
189a8 'on kyang bsam pa'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du sems can g.yo med pa dang / sgyu med pa rnams skye bar 'gyur ro/ /rigs kyi bu
189b1 lhag pa'i bsam pa'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du dge ba'i rtsa ba dang tshogs thams cad bsags pa'i sems can rnams skye bar 'gyur ro/ /
189b2 sbyor ba'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du dge ba'i chos thams cad la gnas pa'i sems can rnams skye bar 'gyur ro/ /byang chub sems dpa'i
189b3 sems bskyed pa rgya chen po byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der theg pa chen po la yang dag par zhugs pa'i sems can rnams skye bar 'gyur ro/ /
189b4 sbyin pa'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der bdog pa thams cad yongs su gtong ba'i sems can rnams skye bar 'gyur ro/ /tshul khrims
189b5 kyi zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der bsam pa thams cad dang ldan pa'i dge ba bcu'i las kyi lam yongs su srung ba'i sems can rnams skye bar
189b6 'gyur ro/ /bzod pa'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der mtshan sum bcu rtsa gnyis kyis brgyan cing bzod pa dang / dul ba dang zhi gnas
189b7 dam pa'i pha rol du phyin pa'i sems can rnams skye bar 'gyur ro/ /brtson 'grus kyi zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der dge ba'i chos thams
189b8 cad la brtson 'grus brtsams pa'i sems can rnams skye bar 'gyur ro/ /bsam gtan gyi zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der dran pa dang
190a1 shes bzhin gyis mnyam par bzhag pa'i sems can rnams skye bar 'gyur ro/ /shes rab kyi zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der yang dag pa nyid
190a2 du nges pa'i sems can rnams skye bar 'gyur ro/ /tshad med pa bzhi rnams ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der byang chub sems dpa' byams pa dang / snying
190a3 rje dang / dga' ba dang / btang snyoms la gnas pa'i sems can rnams skye bar 'gyur ro/ /bsdu ba'i dngos po bzhi rnams zhi byang chub sems dpa'i sangs rgyas kyi zhing ste/ de byang chub thob pa'i sangs rgyas kyi
190a4 zhing der rnam par grol ba thams cad kyis yongs su zin pa'i sems can rnams skye bar 'gyur ro/ /thabs la mkhas pa ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der thabs
190a5 dang spyod pa thams cad la mkhas pa'i sems can rnams skye bar 'gyur ro/ /byang chub kyi phyogs sum cu rtsa bdun gyi chos rnams ni byang chub sems dpa'i sangs rgyas kyi zhing ste/ de byang chub thob pa'i sangs rgyas
190a6 kyi zhing der dran pa nye bar gzhag pa dang / yang dag par spong ba dang / 'ardzu 'phrul gyi rkang pa dang / dbang po dang / stobs dang / byang chub kyi yan lag dang / lam sgrub pa shes pa'i sems can rnams skye bar 'gyur ro/ /
190a7 yongs su sngo ba'i sems ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du yon tan thams cad kyi rgyan rnams snang bar 'gyur ro/ /mi khom pa brgyad rab tu zhi bar bstan pa
190a8 ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du ngan song thams cad shin tu chad cing mi khom pa brgyad med par 'gyur ro/ /bdag nyid bslab pa'i gzhi rnams la
190b1 gnas shing pha rol gyi ltung ba mi gleng ba ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der ltung ba'i sgra yang mi grag par 'gyur ro/ dge ba bcu'i las
190b2 kyi lam yongs su dag pa ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der tshe nges pa dang / longs spyod che ba dang / tshangs par spyod pa dang / bde ba'i rjes su
190b3 'jug pa'i tshig gis brgyan pa dang / ngag 'jam pa dang / 'khor mi phyed pa dang / bye ba sdum pa la mkhas pa dang / phrag dog dang bral ba dang / gnod sems kyi sems med pa dang / yang dag par lta ba dang
190b4 ldan pa'i sems can rnams skye bar 'gyur ro/ /rigs kyi bu de ltar na byang chub sems dpa'i byang chub kyi sems bskyed pa ci 'dra bar bsam pa yang de 'dra'o/ /bsam pa ci 'dra bar sbyor ba yang de 'dra'o/ /
190b5 sbyor ba ji snyed par lhag pa'i bsam pa yang de snyed do/ /lhag pa'i bsam pa ji snyed par nges par sems pa yang de snyed do/ /nges par sems pa ji snyed par sgrub pa yang de snyed do/ /sgrub pa ji snyed par yongs su
190b6 bsngo ba yang de snyed do/ /yongs su bsngo ba ji snyed par thabs rnams kyang de snyed do/ /thabs rnams ji snyed par zhing yongs su dag pa yang de snyed de/ zhing yongs su dag pa ji lta ba bzhin du sems can
190b7 yongs su dag pa yang de bzhin no/ /sems can yongs su dag pa ji lta ba bzhin du ye shes yongs su dag pa yang de bzhin no/ /ye shes yongs su dag pa ji lta ba bzhin du bstan pa yongs su dag pa yang de
190b8 bzhin no/ /bstan pa yongs su dag pa ji lta ba bzhin du ye shes bsgrubs pa yongs su dag pa yang de bzhin no/ /ye shes bsgrubs pa yongs su dag pa ji lta ba bzhin du rang gi sems yongs su dag pa yang
191a1 de bzhin te/ rigs kyi bu de lta bas na byang chub sems dpa' sangs rgyas kyi zhing yongs su dag par byed 'dod pas rang gi sems yongs su sbyang ba la nan tan bya'o/ /de ci'i phyir zhe na/ ji lta bur
191a2 byang chub sems dpa'i sems yongs su dag pa de 'dra bar sangs rgyas kyi zhing yongs su dag par 'gyur ro/ /de nas sangs rgyas kyi mthus tshe dang ldan pa shA ri'i bu 'di snyam du sems te/ gal te ji ltar bur
191a3 sems yongs su dag pa de 'dra bar byang chub sems dpa'i sangs rgyas kyi zhing yongs su dag par 'gyur na/ bcom ldan 'das shAkya thub pa byang chub sems dpa'i spyad pa spyod pa na/ de sems yongs su ma dag
191a4 gam/ ci nas sangs rgyas kyi zhing 'di lta bur yongasu ma dag par snang snyam mo/ /de nas bcom ldan 'das kyis tshe dang ldan pa shA ri'i bu'i sems kyi yongs su rtog pa thugs kyis mkhyen nas tshe dang ldan pa
191a5 shA ri'i bu la 'di skad ces bka' stsal to/ /shA ri'i bu 'di ji snyam du sems/ nyi ma dang zla ba yongs su ma dag gam ci na dmus long dag gis mi mthong / gsol pa/ bcom ldan 'das de ltar ma lags so/ /
191a6 de dmus long gis nongs kyi nyi ma dang zla bas ni ma nongs so/ /bka' stsal pa/ shA ri'i bu de bzhin du sems can la las de bzhin gshegs pa'i sangs rgyas kyi zhing gi yon tan gyi rgyan bkod pa mi mthong ba de
191a7 ni sems can rnams kyi mi shes pas nyes kyi de la de bzhin gshegs pas nyes pa ni ma yin no/ /shA ri'i bu de bzhin gshegs pa'i sangs rgyas kyi zhing ni yongs su dag mod kyi khyod kyis de mi mthong ngo / /de nas tshangs pa ral pa can gyis
191a8 gnas brtan shA ri'i bu la 'di skad ces smras so/ /btsun pa shA ri'i bu de bzhin gshegs pa'i sangs rgyas kyi zhing yongs su ma dag go zhes ma zer cig /btsun pa shA ri'i bu bcom ldan 'das kyi
191b1 sangs rgyas kyi zhing yongs su dag pa 'di lta ste dper na btsun pa shA ri'i bu gzhan 'phrul dbang byed kyi lha rnams kyi gnas kyi bkod pa bzhin du bcom ldan 'das shAkya thub pa'i sangs rgyas kyi zhing bkod pa
191b2 'ang kho bos de 'dra ba mthong ngo / /de nas gnas brtan shA ri'i bus tshangs pa ral pa can la 'di skad ces smras so/ /tshangs pa kho bos ni sa chen po 'di mtho dman dang / tsher ma dang / g.yang sa dang / ri'i rtse mo dang /
191b3 ngam grog dang / 'jim ngan gyis rab tu gang bar mthong ngo / /tshangs pa ral pa can gyis smras pa/ 'di ltar sangs rgyas kyi zhing 'dra bar yongs su ma dag par mthong ba ni btsun pa shA ri'i bu sems la mtho dman yod cing
191b4 sangs rgyas kyi ye shes la bsam pa yongs su ma dag par nges so/ /gang dag btsun pa shA ri'i bu sems can thams cad la sems mnyam zhing sangs rgyas kyi ye shes la bsam pa yongs su dag pa de dag gis ni
191b5 sangs rgyas kyi zhing 'di yongs su dag par mthong ngo / /de nas bcom ldan 'das kyis stong gsum gyi stong chen po'i 'jig rten gyi khams 'di la zhabs kyi mthe bos bsnun pa dang / bsnun ma thag tu 'jig rten
191b6 gyi khams 'di rin po che du ma brtsegs pa dang / rin po che brgya stong du ma'i tshogs dag rin po che brgya stong du ma so sor bkod par gyur pa 'di lta ste dper na de bzhin gshegs pa rin po che bkod pa'i 'jig
191b7 rten gyi khams yon tan rin chen mtha' yas bkod pa bzhin du 'jig rten gyi khams 'di'ang de 'dra'o/ /de nas thams cad dang ldan pa'i 'khor de'ang ngo mtshar du gyur cing bdag nyid kyang rin po che'i
191b8 pad ma bkod pa'i stan la 'dug pa snyam byed do/ /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu khyod kyis sangs rgyas kyi zhing gi yon tan bkod pa 'di mthong ngam
192a1 gsol pa/ bcom ldan 'das mthong lags so/ /sngon ma mthong ma thos pa'i bkod pa 'di dag gda'o/ /bka' stsal pa/ shA ri'i bu sangs rgyas kyi zhing 'di ni rtag tu 'di 'dra mod kyi sems
192a2 can dman pa rnams yongs su smin par byas pa'i phyir de bzhin gshegs pas sangs rgyas kyi zhing de lta bur nyes pa mang po'i skyon chags par ston te/ shA ri'i bu 'di lta ste dper na lha'i bu rnams rin po che'i snod
192a3 gcig tu zas za yang bsod nams ji lta bu bsags pa'i bye brag gis lha'i zas bdud rtsi nye bar gnas pa de bzhin du shA ri'i bu sems can sangs rgyas kyi zhing gcig tu skyes pa dag kyang sems can ji
192a4 ltar yongs su dag pa bzhin du sangs rgyas rnams kyi sangs rgyas kyi zhing gi yon tan bkod pa mthong ngo / /sangs rgyas kyi zhing gi yon tan gyi rgyan bkod pa 'di snang ba na srog chags brgyad khri bzhi stong bla na
192a5 med pa yang dag par rdzogs pa'i byang chub tu sems skyes so/ /lid tsa bi gzhon nu gang dag lid tsa bi gzhon nu dkon mchog 'byung gnas dang lhan cig tu lhags pa lnga brgya po de dag kyang rjes su 'thun pa'i bzod pa thob par gyur to/ /
192a6 de nas bcom ldan 'das kyis rdzu 'phrul de dag brtul ba dang / de nas yang sangs rgyas kyi zhing de phyir sngon gyi rang bzhin du gyur par snang ngo / /de na nyan thos kyi theg pa can gyi lha dang mi rnams 'di snyam du
192a7 sems te/ kye ma'o 'du byed 'di dag ni mi rtag go snyam du rig nas srog chags sum khri nyis stong chos rnams la chos kyi mig rdul med cing dri ma dang bral ba rnam par dag go/ /dge slong brgyad stong ni len pa med par
192a8 zag pa rnams las sems rnam par grol lo/ /sangs rgyas kyi zhing rgya chen po la mos pa'i srog chags brgyad khri bzhi stong yang chos thams cad rnam par bsgrubs pas nye bar gzhag pa'i mtshan nyid du rig nas bla na med
192b1 pa yang dag par rdzogs pa'i byang chub tu sems skyes so/ /sangs rgyas kyi zhing yongs su dag pa gleng gzhi'i le'u ste dang po'o// // yang de'i tshe yangs pa'i grong khyer chen po na lid tsa bi dri ma med par grags pa
192b2 zhes bya ba zhig 'dug ste/ sngon gyi rgyal la lhag par bya ba byas shing dge ba'i rtsa ba bskyed pa/ sangs rgyas mang po la bsnyen bkur byas pa/ bzod pa thob pa/ spobs pa thob pa/ mngon par shes pa chen pos rnam par
192b3 rtsen pa/ gzungs thob pa/ mi 'jigs pa thob pa/ bdud dang phyir rgol ba bcom pa/ chos kyi tshul zab mo la shin du zhugs pa/ shes rab kyi pha rol du phyin pa las nges par byung ba/ thabs mkhas pa rtogs par khong du
192b4 chud pa/ spobs pa dang ldan pa/ sems can gyi bsam pa dang spyod pa la mkhas pa/ sems can gyi dbang po mchog dang mchog ma yin pa shes pa las nges par byung ba so so ci rigs par chos ston pa/ theg pa chen po 'di
192b5 la brtson par byas shing shes par byas pa/ shin du brtags te las byed pa/ sangs rgyas kyi spyod lam la gnas pa/ blo dam pa rgya mtsho lta bu'i rjes su zhugs pa/ sangs rgyas thams cad kyis bstod cing bkur te rab
192b6 tu bsngags pa/ brgya byin dang / tshangs pa dang / 'jig rten skyong ba thams cad kyis phyag byas pa de sems can yongs su smin par bya ba'i phyir thabs la mkhas pas yangs pa'i grong khyer chen po na gnas te/ sems can
192b7 mgon med pa dang dbul po rnams bsdu ba'i phyir longs spyod zad mi shes pa/ sems can tshul khrims 'chal pa rnams bsdu ba'i phyir tshul khrims yongs su dag pa/ sems can sdang ba dang / rab tu sdang
192b8 ba dang / gnod sems can dang / tshul khrims 'chal pa dang / khro ba'i sems can rnams bsdu ba'i phyir bzod pa dang dul ba thob pa/ sems can le lo can rnams bsdu ba'i phyir brtson 'grus 'bar ba/
193a1 sems 'khrug pa'i sems can rnams bsdu ba'i phyir bsam gtan dang / dran pa dang / ting nge 'dzin la gnas pa/ sems can 'chal pa'i shes rab can rnams bsdu ba'i phyir shes rab rnam
193a2 par nges pa thob pa/ gos dkar po gyon la dge sbyong gi spyod pas phun sum tshogs pa/ khyim gyi gnas na gnas la 'dod pa'i khams dang / gzugs kyi khams dang / gzugs med pa'i khams dang ma
193a3 'dres pa/ bu dang / chung ma dang / slas rnams kyang rtag tu tshangs par spyod pa/ g.yog bran gyis yongs su bskor bar snang yang rab tu dben par spyod pa/ rgyan gyis brgyan par snang yang rtag tu
193a4 mtshan dang ldan pa/ zas skom gyis zas za bar snang ba yang rtag tu bsam gtan gyi dga' ba'i zas za ba/ rtsed mo dang / rgyan po'i grwa thams cad na snang yang rtsed mo dang rgyan po la chags pa'i sems
193a5 can rnams yongs su smin par byed cing rtag tu don yod pa/ spyod pa ya mtshan can thams cad tshol yang sangs rgyas la mi phyed pa'i bsam pa dang ldan pa 'jig rten pa dang / 'jig rten las 'das pa'i
193a6 gsang sngags dang bstan bcos kyi rnam pa shes kyang rtag tu chos kyi kun dga' la dga' mos pa/ 'du 'dzi kun gyi nang na snang yang thams cad kyi nang na gtso bor mchod pa/ 'jig rten dang 'thun par bya ba'i
193a7 phyir rgan rabs dang / bar ma dang / gzhon nu'i grogs su gyur cing chos bzhin du smra ba/ tha snyad thams cad du 'jug kyang rnyed pa dang longs spyod la re ba med pa/ sems can thams cad gdul ba'i phyir lam gyi
193a8 bzhi mdo dang sum mdo thams cad na 'ang snang la sems can rnams srung ba'i phyir rgyal po'i bya ba rnams la yang zhugs pa/ theg pa dman pa la mos pa zlog cing theg pa chen po la sems can rnams yang dag
193b1 par gzud pa'i phyir chos nyan pa dang / yang dag par brjod pa thams cad na yang snang ba/ byis pa rnams yongs su smin par bya ba'i phyir yi ge'i grwa khang thams cad tu 'ang 'gro ba/ 'dod pa'i nyes pa
193b2 yang dag par bstan pa'i phyir smad 'tshong gi khyim kun du'ang 'jug pa/ dran pa yang dag par gzhag pa'i phyir chang 'tshong ba'i khyim thams cad du'ang 'jug pa/ chos kyi mchog bstan pa'i phyir tshong dpon gyi nang du
193b3 yang tshong dpon kun gyis bkur ba/ 'dzin pa thams cad kyi len pa yongs su gcad pa'i phyir khyim bdag gi nang du'ang khyim bdag tu kun gyis bkur ba/ bzod pa dang des pa dang / stobs la rab tu dgod pa'i phyir
193b4 rgyal rigs kyi nang du rgyal rigs su kun gyis bkur ba/ nga rgyal dang / rgyags pa dang / dregs pa shin du gzhom pa'i phyir bram ze'i nang du yang bram zer kun gyis bkur ba/ rgyal po'i bya ba thams cad chos dang mthun
193b5 par bsgo ba'i phyir blon po'i nang du yang blon por kun gyis bkur ba/ rgyal po'i longs spyod dang dbang phyug la chags pa bzlog pa'i phyir gzhon nu'i nang du yang gzhon nur kun gyis bkur ba/ bud med gzhon nu yongs
193b6 su smin par bya ba'i phyir btsun mo'i 'khor gyi nang du yang nyung rum du kun gyis bkur ba/ tha mal ba'i bsod nams khyad par du 'phags par dmigs par bya ba'i phyir skye bo phal pa dang yang 'thun par 'jug
193b7 pa/ dbang phyug gi bdag por bstan pa'i phyir brgya byin gyi nang du yang brgya byin du kun gyis bkur ba/ ye shes kyi khyad par bstan pa'i phyir tshangs pa'i nang du'ang tshangs par kun gyis bkur ba/ sems
193b8 can thams cad yongs su smin par bya ba'i phyir 'jig rten skyong du kun gyis bkur ba ste/ de ltar lid tsa bi dri ma med par grags pa tshad med pa'i thabs la mkhas pa'i ye shes dang ldan te/ yangs pa'i grong
194a1 khyer chen po na gnas shing 'dug go/ /de thabs la mkhas pas bdag nyid na ba lta bur bstan nas de la nad 'dri ba'i phyir yangs pa'i grong khyer chen po nas rgyal po dang / blon po dang /
194a2 dbang po dang / gzhon nu'i 'khor dang / bram ze dang / khyim bdag dang / tshongs dpon dang / grong pa dang / yul gyi mi dang / de ma yin pa srog chags stong phrag mang po nad 'drir 'ongs te/ der lhags pa de dag
194a3 la lid tsa bi dri ma med par grags pas 'byung ba chen po bzhi'i 'di nyid las brtsams nas chos ston te/ grogs po dag lus 'di ni 'di ltar mi rtag pa/ 'di ltar mi brtan pa/ 'di ltar yid brtan du mi
194a4 rung ba/ 'di ltar nyam chung ba/ 'di ltar snying po med pa/ 'di ltar zhig pa/ 'di ltar yun thung ba/ 'di ltar sdug bsngal ba/ 'di ltar nad mang ba/ 'di ltar 'gyur ba'i chos can no/ /grogs po dag 'di ltar
194a5 lus 'di ni nad mang po'i snod de/ mkhas pas de la gnas par mi bya'o/ /grogs po dag lus 'di ni bcang mi bzod pa ste/ dbu ba rdos pa lta bu'o/ /lus 'di ni ring du mi gnas pa ste/ chu'i chu bur
194a6 lta bu'o/ /lus 'di ni nyon mongs pa'i srid pa las byung ba ste/ smig rgyu lta bu'o/ /lus 'di ni snying po med pa ste chu shing gi sdong po lta bu'o/ /kye ma lus 'di ni rus pa la rgyus pas sbrel ba ste 'khrul 'khor
194a7 lta bu'o/ /lus 'di ni phyin ci log las byung ba ste sgyu ma lta bu'o/ /lus 'di ni yang dag pa ma yin pa mthong ba ste rmi lam lta bu'o/ /lus 'di ni sngon gyi las kyis gzugs brnyan snang ba ste
194a8 gzugs brnyan lta bu'o/ /lus 'di ni rkyen la rag lus pa'i phyir brag cha lta bu'o/ /lus 'di ni sems 'khrug cing 'gyes pa'i mtshan nyid de sprin lta bu'o/ /lus 'di ni skad cig tu 'jig pa dang ldan
194b1 zhing mi gnas pa ste glog dang mtshungs so/ /lus 'di ni rkyen sna tshogs las byung ba ste bdag po med pa'o/ /lus 'di ni sa dang 'dra ste byed pa med pa'o/ /lus 'di ni chu dang 'dra ste bdag med pa'o/ /lus 'di ni me dang 'dra
194b2 ste srog med pa'o/ /lus 'di ni rlung dang 'dra ste gang zag med pa'o/ /lus 'di ni nam mkha' dang 'dra ste rang bzhin med pa'o/ /lus 'di ni 'byung ba chen po rnams kyi gnas te yang dag pa ma yin pa'o/ /lus 'di ni bdag
194b3 dang bdag gi med pa ste stong pa'o/ /lus 'di ni rtswa dang / shing dang / brtsig pa dang / bong ba dang / mig yor lta bu ste bems po'o/ /lus 'di ni rlung gi 'khrul 'khor dang ldan pas 'byung ste tshor ba med pa'o/ /lus 'di ni rnag
194b4 dang mi gtsang ba bsags pa ste gsog go/ /lus 'di ni rtag tu bsku ba dang / mnye ba dang / 'jig pa dang / 'gyes pa'i chos can te gsob bo/ /lus 'di ni nad bzhi brgya rtsa bzhis gtses pa'o/ /lus 'di ni rtag tu rga bas zil
194b5 gyis non pa ste khron pa rnying pa dang 'dra ba'o/ /lus 'di ni 'chi ba'i mtha' yin te mthar mi gnas pa'o/ /lus 'di ni phung po dang / khams dang / skye mched kyis yongs su zin pa ste/ gshed ma dang sbrul gdug pa dang / grong
194b6 stong pa lta bu ste/ khyod kyis de lta bu'i lus de la yid byung ba dang skyo ba bskyed cing de bzhin gshegs pa'i sku la mos pa bskyed par bgyi'o/ /grogs po dag de bzhin gshegs pa'i sku ni chos kyi sku ste ye shes las skyes
194b7 pa'o/ /de bzhin gshegs pa'i sku ni bsod nams las skyes pa/ sbyin pa las skyes pa/ tshul khrims las skyes pa/ ting nge 'dzin las skyes pa/ shes rab las skyes pa/ rnam par grol ba las skyes pa/
194b8 rnam par grol ba'i ye shes mthong ba las skyes pa/ byams pa dang / snying rje dang / dga' ba dang / btang snyoms las skyes pa/ sbyin pa dang / dul ba dang / yang dag par sdom pa las skyes pa/ dge ba bcu'i las
195a1 kyi lam las skyes pa/ bzod pa dang des pa las skyes pa/ brtson 'grus brtan pa'i dge ba'i rtsa ba las skyes pa/ bsam gtan dang / rnam par thar pa dang / ting nge 'dzin dang / snyoms
195a2 par 'jug pa las skyes pa/ thos pa dang / shes rab dang / thabs las skyes pa/ byang chub kyi phyogs kyi chos sum cu rtsa bdun las skyes pa/ zhi gnas dang lhag mthong las skyes pa/ stobs bcu las skyes pa/
195a3 mi 'jigs pa bzhi las skyes pa/ sangs rgyas kyi chos ma 'dres pa bcwa brgyad las skyes pa/ pha rol tu phyin pa thams cad las skyes pa/ mngon par shes pa dang rig pa las skyes pa/ mi dge ba'i chos thams
195a4 cad spangs ba las skyes pa/ dge ba'i chos thams cad yang dag par sdud pa las skyes pa/ dben pa las skyes pa/ yang dag pa nyid las skyes pa/ bag yod pa las skyes pa'o/ /grogs po dag de bzhin
195a5 gshegs pa'i sku ni dge ba'i las tshad med pa las skyes pa ste/ khyed kyis de lta bu'i sku de la mos pa bskyed par bya'o/ /sems can thams cad kyi nyon mongs pa'i nad rab tu spang ba'i phyir bla na med pa yang
195a6 dag par rdzogs pa'i byang chub tu sems bskyed par bya'o/ /de bzhin du lid ca bi dri ma med par grags pas de ltar nad 'dri ba'i tshogs pa de dag la ji nas sems can brgya stong mang po dag bla na med pa yang dag
195a7 par rdzogs pa'i byang chub tu sems bskyed pa de lta de lta bur chos 'chad do/ /thabs la mkhas pa bsam gyis mi khyab pa'i le'u zhes bya ste gnyis pa'o// // de nas lid tsa bi
195a8 dri ma med par grags pa 'di snyam du sems te/ bdag ni na zhing mi bde ste khri'i steng na 'dug na/ de bzhin gshegs pa dgra bcom pa yang dag par rdzogs pa'i sangs rgyas kyis bdag la ma
195b1 dgongs te/ thugs mi brtse ba'i phyir nad 'dri ba 'ga' yang ma btang ngo snyam mo/ /de nas bcom ldan 'das kyis lid tsa bi dri ma med par grags pa'i sems kyi rtog pa de lta bu mkhyen nas bcom
195b2 ldan 'das kyis tshe dang ldan pa shA ri'i bu la bka' stsal pa/ shA ri'i bu khyod lid tsa bi dri ma med par grags pa'i nad 'drir song shig /de skad ces bka' stsal pa dang / bcom ldan 'das la tsha dang
195b3 ldan pa shA ri'i bus 'di skad ces gsol to/ /bcom ldan 'das bdag lid tsa ba dri ma med par grags pa bro 'dri zhing mchi bar mi spro'o/ /de ci'i slad du zhe na/ bcom ldan 'das bdag gis
195b4 mngon par 'tshal ba dus gcig na/ shing zhig gi drung na nang du yang dag bzhag par gyur pa na lid tsa bi dri ma med par grags pa'i yang shing de'i drung ga la ba der mchis nas bdag la 'di skad ces mchi'o/ /
195b5 btsun pa shA ri'i bu ji ltar khyod kyis yang dag par bzhag pa de lta bu'i nang du yang dag 'jog pa la nang du yang dag bzhag pa mi bya'o/ /ji ltar khams gsum du lus dang sems mi snang bar 'gyur ba de ltar
195b6 nang du yang dag bzhag par gyis shig /ji ltar 'gog pa las kyang mi ldang zhing spyod lam kun du yang snang bar 'gyur ba de ltar nang du yang dag gzhag par gyis shig /ji ltar thob pa'i mtshan nyid kyang
195b7 mi 'dor la so so'i skye bo'i mtshan nyid du yang snang ba de ltar nang du yang dag gzhag par gyis shig /ji ltar khyod kyi sems nang na yang mi 'dug la phyi rol gyi gzugs la yang mi rgyu ba
195b8 da ltar nang du yang dag gzhag par gyis shig /ji ltar lta bar gyur pa thams cad la yang mi g.yo zhing byang chub kyi phyogs kyi chos sum bcu rtsa bdun rnams la yang snang ba de ltar nang du
196a1 yang dag gzhag par gyis shig /ji ltar 'khor ba na spyod pa'i nyon mongs pa rnams kyang mi spong la/ mya ngan las 'das pa la yang yang dag par gzhol bar 'gyur ba de ltar nang du yang dag
196a2 gzhag par gyis shig /btsun pa shA ri'i bu gang dag de ltar nang du yang dag gzhag pa la nang du yang dag 'jog na de dag la bcom ldan 'das kyis nang du yang dag 'jog par bka' stsal to zhes mchi nas/
196a3 bcom ldan 'das bdag gis chos nyid de thos nas de la slar tshig lan ldon pa'i rngo ma thog cing cang mi mchi bar 'gyur te/ de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan
196a4 'das kyis tshe dang ldan pa maud gal gyi bu chen po la bka' stsal pa/ maud gal gyi bu khyod lid tsa bi dri ma med par grags pa'i nad 'drir song shig /maud gal gyi bus kyang gsol pa/ bcom ldan 'das
196a5 bdag skyes bu dam pa de'i bro zhing mchi bar mi spro'o/ /de ci'i slad du zhe na/ bcom ldan 'das bdag gis mngon par 'tshal ba dus gcig na/ yangs pa'i grong khyer chen po'i srang zhig gi sgo na khyim bdag
196a6 rnams la bdag chos ston cing mchis pa'i drung der lid tsa bi dri ma med par grags pa mchis nas bdag la 'di skad ces mchi'o/ /btsun pa maud gal gyi bu ji ltar ston pa ltar ni khyim pa gos dkar po can
196a7 rnams la de ltar chos mi bstan to/ /btsun pa maud gal gyi bu chos de ji lta ba bzhin du chos bstan par bya ste/ btsun pa maud gal gyi bu chos ni sems can med pa ste sems can gyi rdul dang bral ba/
196a8 bdag med pa ste 'dod chags kyi rdul dang bral ba/ srog med pa ste skye ba dang 'chi 'pho dang bral ba/ gang zag med pa ste sngon gyi mtha' dang phyi ma'i mtha' yongs su ma chad pa/ zhi ba dang nye bar zhi ba'i mtshan
196b1 nyid de 'dod chags dang bral ba/ dmigs pa med par 'gro ba ste yi ge med pa/ tshig thams cad chad pa/ brjod du med pa/ rlabs thams cad dang bral ba/ thams cad kyi rjes su song ba ste nam mkha' dang mnyam
196b2 zhing mtshungs pa/ kha dog dang / rtags dang / dbyibs med pa/ rgyu ba thams cad dang bral ba/ nga'i ba med pa/ nga yir 'dzin pa med pa/ rnam par rig pa med pa ste/ sems dang / yid dang / rnam par shes pa dang bral ba/ gnyen po
196b3 med pa'i phyir 'dra ba med pa/ rgyu dang mi mthun zhing rkyen du sgro 'dogs pa med pa/ chos kyi dbyings su yang dag par 'du ba'i phyir chos thams cad ni mnyam par bzhag pa/ rjes su mi 'gro ba'i tshul gyis de bzhin nyid kyi rjes
196b4 su song ba/ shin du ma g.yos pa'i phyir yang dag pa nyid kyi mtha' la gnas pa yul drug la mi rten pas ma g.yos pa/ mi gnas pas gang du yang 'gro ba dang 'ong ba med pa/ stong pa nyid du yang dag par 'du ba/ mtshan ma
196b5 med pas rab tu phye ba/ smon pa med pa'i mtshan nyid rtog pa dang sel ba med pa/ dor cing gzhag pa med pa/ skye ba dang 'jig pa med pa/ kun gzhi med pa/ mig dang / rna ba dang / sna dang / lce dang / lus dang / yid kyi lam las yang
196b6 dag par 'das pa/ ma khengs pa/ ma rung ba/ gnas pa/ mi g.yo bar gyur pa/ rgyu ba thams cad dang bral ba ste/ btsun pa maud gal gyi bu chen po de lta bu'i chos la bstan pa ji lta bu zhig yod/ btsun pa maud gal gyi bu chen po
196b7 chos bstan pa zhes bya ba de yang sgro btags pa'i tshig ste/ gang dag nyan pa de dag kyang sgro btags pa nyan to/ /btsun pa maud gal gyi bu gang la sgro btags pa'i tshig med pa de la chos ston pa yang med de/ thos pa yang med/ shes pa
196b8 yang med do/ /'di lta ste dper na/ sgyu ma'i skyes bus sgyu ma'i skyes bu dag la chos bstan pa bzhin no/ /de lta bur sems gnas pas chos bstan par bya'o/ /khyod kyis sems can gyi dbang po la mkhas par bya'i/ /shes rab kyi mig gis legs par mthong ba dang /
197a1 snying rje chen po mngon du gyur pa dang / theg pa chen po'i bsngags pa brjod pa dang / sangs rgyas la byas pa gzo ba dang / bsam pa dag pa dang / chos kyi nges pa'i tshig rnam par shes pas dkon mchog
197a2 gsum gyi rigs mi 'chad par bya ba'i phyir khyod kyis chos bstan par bya'o zhes mchi ste/ bcom ldan 'das de lta de lta bur des chos bstan pas khyim bdag gi 'khor de las khyim bdag brgyad brgya bla na med pa
197a3 yang dag par rdzogs pa'i byang chub tu sems skyes so/ /bdag kyang spobs pa ma mchis par gyur te/ bcom ldan 'das de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das
197a4 kyis tshe dang ldan pa 'od srung chen po la bka' stsal pa/ 'od srung khyod lid tsa bi dri ma med par grags pa'i nad 'dir song shig /'od srung chen pos kyang gsol pa/ bcom ldan 'das bdag skyes bu dam pa de'i bro 'dri zhing
197a5 mchi bar mi spro'o/ /de ci'i slad du zhe na/ bdag gis mngon par 'tshal ba dus gcig na/ dbul po'i srang du bsod snyoms la mchis na lid tsa bi dri ma med par grags pa der mchis nas bdag
197a6 la 'di skad ces mchi'o/ /'di ltar sems can chen po'i khyim bkol te dbul po'i khyim rnams su 'gro ba ni btsun pa 'od srung chen po'i byams pa phyogs gcig pa yin gyi btsun pa 'od srung chen po
197a7 chos mnyam pa nyid la gnas par bya'o/ /dus thams cad du sems can thams cad la bsams te bsod snyoms btsal bar bya'o/ /zas med par zas btsal bar bya'o/ /gzhan gyi ril por 'dzin pa btsal
197a8 ba'i phyir khyod bsod snyoms la 'gro bar bya'o/ /grong stong par byin gyis brlabs te khyod grong du 'jug par bya'o/ /skyes pa dang bud med yongs su smin par bya ba'i phyir khyod grong khyer du 'jug par bya'o/ /sangs rgyas kyi rigs kyis khyod
197b1 khyim du 'gro bar bya'o/ /mi len pas bsod snyoms blang bar bya'o/ /dmus long dang mtshungs par gzugs rnams la blta'o/ /brag ca dang 'dra bar sgra rnams mnyan to/ /rlung dang mtshungs par dri rnams mnam mo/ /rnam par rig pa med pas ro
197b2 rnams myang ngo / /ye shes la reg pa med pas reg bya rnams la reg par bya'o/ /sgyu ma'i skyes bu'i rnam par rig pas chos rnams la rig par bya'o/ /gang bdag gi dngos po dang gzhan gyi dngos po med pa de ni mi 'bar ba'o/ /gang mi 'bar
197b3 ba de ni zhi bar mi 'gyur ro/ /gal te gnas brtan 'od srung chen po log pa nyid brgyad las kyang mi 'da' zhing rnam par thar pa brgyad la 'ang snyoms par 'jug cing log pa'i mnyam pa nyid kyis yang dag pa'i mnyam pa nyid la 'jug pa
197b4 dang / bsod snyoms gcig kyang sems can thams cad la sbyin zhing sangs rgyas thams cad dang 'phags pa thams cad la yang dbul te/ phul nas gdod bdag gis bza' ba lta na ji ltar nyon mongs pa dang bcas pa yang ma
197b5 yin/ nyon mongs pa dang bral ba yang ma yin pa de ltar bza'o/ /mnyam par bzhag pa yang ma yin/ langs pa yang ma yin par bza'o/ /'khor ba la 'ang mi gnas la mya ngan las 'das pa la yang mi gnas par bza'o/ /
197b6 btsun pa khyod la gang dag bsod snyoms sbyin par byed pa de dag kyang 'bras bu che bar yang mi 'gyur/ 'bras bu chung bar yang mi 'gyur/ 'bring bar yang mi 'gyur/ khyad par du yang
197b7 mi 'gyur/ sangs rgyas gshegs par yang dag par gzhol bar bya'i nyan thos 'gro bar yang dag par gzhol bar mi bya'o/ /gnas brtan 'od srung chen po de ltar yul 'khor gyi bsod snyoms don yod par bza'o zhes mchi ste
197b8 bcom ldan 'das bdag chos bstan pa 'di thos nas ngo mtshar du gyur te/ byang chub sems dpa' thams cad la phyag 'tshal lo/ /khyim na
198a1 gnas pa yang 'di lta bu'i spobs pa dang ldan na/ su zhig bla na med pa yang dag par rdzogs pa'i byang chub tu sems mi skyed snyam nas de tshun chad bdag gis sems can gang yang theg
198a2 pa chen po ma lags par nyan thos kyi theg pa dang / rang sangs rgyas kyi theg pa la sngon chad ma btsud do/ /bcom ldan 'das de'i slad du bdag skyes bu dam pa de'i bro 'dri zhing mchi bar mi spro'o/ /de nas
198a3 bcom ldan 'das kyis tshe dang ldan pa rab 'byor la bka' stsal pa/ rab 'byor khyod lid tsa bi dri ma med par grags pa'i nad 'drir song shig /rab 'byor gyis kyang gsol pa/ bcom ldan 'das bdag
198a4 skyes bu dam pa de'i bro 'dri zhing 'chi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal ba dus gcig na/ yangs pa'i grong khyer chen por lid tsa bi dri ma med par grags pa'i
198a5 khyim du bsod snyoms la mchis pa dang / lid tsa bi dri ma med par grags pas bdag gi lhung bzed 'tshal nas zas bzang pos bkang ste 'di skad ces mchi'o/ /btsun pa rab 'byor khyod gal te zang zing gi mnyam pa nyid
198a6 rjes su rtogs shing / chos thams cad kyi mnyam pa nyid kyis sangs rgyas kyi chos kyi mnyam pa nyid rjes su rtogs na gzod bsod snyoms 'di long shig /btsun pa rab 'byor khyod gal te 'dod chags dang / zhe sdang
198a7 dang / gti mug kyang ma spangs la de dag dang lhan cig tu yang gnas mi gnas/ gal te 'jig tshogs la lta ba 'ang ma bskyod la bgrod pa gcig pa'i lam du yang song / khyod kyis ma rig pa dang srid pa'i sred pa yang
198a8 ma bcom la rig pa dang rnam par grol ba yang ma skyed/ mtshams med pa'i mnyam pa nyid dang / khyod kyi rnam par grol ba yang mtshungs/ khyod grol ba yang ma yin la bcings pa yang ma yin/ khyod kyis 'phags pa'i
198b1 bden pa bzhi 'ang ma mthong la bden pa ma mthong ba yang ma yin/ 'bras bu thob pa'ang ma yin la so so'i skye bo 'ang ma yin so so'i skye bo'i chos las kyang ma log /khyod 'phags pa 'ang ma yin la ma 'phags
198b2 pa 'ang ma yin/ chos thams cad dang yang ldan la chos thams cad kyi 'du shes dang yang bral/ khyod kyis ston pa yang ma mthong / chos kyang ma thos/ dge 'dun la 'ang bsnyen bkur ma byas shing ston pa drug po
198b3 gang yin pa de dag 'di lta ste/ 'od srung rdzogs byed dang / kun du rgyu gnag lhas kyi bu dang / smra 'dod kyi bu mo'i bu yang dag rgyal ba can dang / kA t+ya'i bu nog can dang / mi pham skra'i la ba can dang / gcer bu
198b4 gnyen gyi bu de dag btsun pa'i ston pa yin te/ de dag la brten nas khyod rab tu byung zhing / ston pa drug po de dag gar 'gro bar 'phags pa rab 'byor yang 'gro la/ lta bar gyur pa thams cad kyi nang du yang khyod chud cing
198b5 mtha' dang dbus kyang mi rnyed do/ /khyod mi khom pa brgyad du yang 'jug la dal ba thob pa yang med/ khyod kun nas nyon mongs pa dang yang mnyam par gyur la rnam par byang ba yang khong du ma chud/ gang sems can thams cad
198b6 kyi nyon mongs pa med pa de btsun pa nyon mongs pa med pa yin/ khyod kyi sbyin pa yang rnam par ma sbyangs/ btsun pa khyod la su dag bsod snyoms sbyin par byed pa de dag kyang log par lhung bar byed/ khyod bdud thams
198b7 cad dang yang lhan cig /nyon mongs pa thams cad kyang khyod kyi grogs su gyur/ nyon mongs pa'i ngo bo nyid gang yin pa btsun pa'i ngo bo nyid kyang de yin/ sems can thams cad la yang khyod kyis gsad pa'i sems
198b8 nye bar gzhag /sangs rgyas thams cad la yang khyod kyis bskur/ sangs rgyas kyi chos thams cad la yang mi snyan par byas/ dge 'dun la yang khyod mi rton cing nam yang yongs su mya ngan las mi 'da' na gdod
199a1 khyod kyis bsod snyoms 'di long shig ces mchi ste/ bstan pa 'di de las thos nas bcom ldan 'das de la bdag gis ji skad bshad/ ji skad smra/ ji ltar bgyi snyam ste/ phyogs bcu mun
199a2 par gyur nas bdag gis lhung bzed de yang bor te khyim nas slar 'byung bar bgyis na lid tsa bi dri ma med par grags pa bdag la 'di skad ces mchi'o/ /btsun pa rab 'byor yi ge dag la ma 'jigs par lhung bzed
199a3 'di long shig /btsun pa rab 'byor 'di ji snyam du sems/ gal te de bzhin gshegs pa'i sprul pa la de skad byas na de ji skrag par 'gyur ram bdag gis de la rigs kyi bu de lta ma yin no zhes bgyis so/ /des bdag
199a4 la smras pa/ btsun pa rab 'byor sgyu ma sprul pa'i rang bzhin gyi chos thams cad la skrag par ma byed cig /de ci'i phyir zhe na/ tshig de dag thams cad kyang de'i rang bzhin te/ de ltar mkhas pa dag yi ge rnams
199a5 la yang mi chags shing de dag la skrag par mi byed pa'i phyir ro/ /de ci'i phyir zhe na/ yi ge de dag thams cad ni yi ge med pa ste/ rnam par grol ba ni ma gtogs so/ /chos thams cad ni rnam par grol ba'i mtshan
199a6 nyid do/ /bstan pa 'di bshad pa na lha'i bu nyis brgya chos rnams la chos kyi mig rdul med cing dri ma dang bral ba rnam par dag go/ /lha'i bu lnga brgya ni rjes su 'thun pa'i bzod pa thob par gyur to/ /bdag kyang spobs
199a7 pa ma mchis par gyur nas de la slar lan ldon pa'i rngo mi thog ste/ bcom ldan 'das de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis tshe dang ldan pa byams ma'i bu gang po la
199a8 bka' stsal pa/ gang po khyod lid tsa bi dri ma med par grags pa'i nad 'drir song shig /gang pos kyang gsol pa/ bcom ldan 'das bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan
199b1 'das bdag gis mngon par 'tshal ba dus gcig na/ nags tshal chen po'i sa phyogs shig na las dang po pa'i dge slong dag la chos ston cing mchis na lid tsa bi dri ma med par grags pa der mchis nas bdag
199b2 la 'di skad ces mchi'o/ /btsun pa gang po snyoms par zhugs te dge slong 'di dag gi sems ltos la chos ston cig /rin po che'i snod chen por zan rul ma blugs shig /dge slong 'di dag gi bsam pa
199b3 ji lta bu shes par gyis la nor bu rin po che bai dUr+ya mching bu'i nor bu dang mtshungs par ma byed cig /btsun pa gang po sems can gyi dbang po dag la ma brtags par nyi tshe ba'i dbang po nye bar ma sgrub shig /rma med
199b4 pa la rma ma dbyung shig /lam chen por 'jug par 'dod pa srang dog par ma gzud cig /rgya mtsho chen po ba lang gi rmig rjes su ma blugs shig /ri rab yungs 'bru'i nang du ma gzhug shig /nyi ma'i 'od srin
199b5 bu me khyer gyis ma bzlog shig /seng ge'i sgra sgrogs par 'dod pa rnams wa'i sgra la ma gzud cig /btsun pa gang po dge slong 'di dag thams cad ni theg pa chen po la yang dag par zhugs pa las byang chub
199b6 kyi sems stor ba sha stag ste/ btsun pa gang po dge slong 'di dag thams cad ni theg pa chen po la yang dag par zhugs pa las byang chub kyi sems stor ba sha stag ste/ btsun pa gang po 'di dag la nyan thos
199b7 kyi theg pa ma bstan cig /nyan thos kyi theg pa ni yang dag pa ma yin te/ sems can gyi dbang po'i rim pa shes pa la nyan thos 'di dag ni kho bos dmus long dang 'dra ba snyam byed do/ /de nas lid tsa bi dri ma
199b8 med par grags pa de'i tshe ji ltar dge slong de dag sngon gyi gnas rnam pa mang po rjes su dran par 'gyur ba de lta bu'i ting nge 'dzin la snyoms par zhugs nas/ de dag la yang dag par rdzogs pa'i byang chub kyi phyir
200a1 sangs rgyas lnga brgya la bsnyen bkur byas pa'i dge ba'i rtsa ba dang ldan pa ste/ de dag gi byang chub kyi sems de yang mngon du gyur nas de dag skyes bu dam pa de'i rkang pa la mgo bos phyag 'tshal te/ thal mo
200a2 sbyar bar gyur pa dang / des yang de dag la bla na med pa yang dag par rdzogs par byang chub las phyir mi ldog par 'gyur ba de lta bu'i chos bstan nas/ bcom ldan 'das bdag gis 'di snyam du bsams so/ /nyan thos
200a3 kyis pha rol gyi sems dang bsam pa ma brtags par su la yang chos mi bstan to/ /de ci'i slad du zhe na/ nyan thos la ni sems can thams cad kyi dbang po mchog dang mchog ma lags pa la mkhas pa yang ma mchis/
200a4 ji ltar de bzhin gshegs pa dgra bcom pa yang dag par rdzogs pa'i sangs rgyas bzhin du rtag tu mnyam par bzhag pa yang ma lags so snyam bgyid de/ bcom ldan 'das de'i slad du bdag skyes bu dam pa de'i bro 'dri zhing
200a5 mchi bar mi spro'o/ /de nas bcom ldan 'das kyis tshe dang ldan pa kA t+ya'i bu chen po la bka' stsal pa/ kA t+ya'i bu khyod lid tsa byi dri ma med par grags pa'i nad 'drir song shig /kA t+ya'i bus kyang gsol pa/ bcom
200a6 ldan 'das bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das bdag gis mngon par 'tshal ba dus gcig na/ bcom ldan 'das kyis dge slong rnams la gdams pa mdor
200a7 bka' stsal te/ mdo de'i tshig gtan la dbab pa'i slad du bdag gis 'di lta ste/ mi rtag pa'i don dang / sdug bsngal ba'i don dang / bdag med pa'i don dang / zhi ba'i don gyi chos bstan na lid tsa bi dri ma med par grags
200a8 pa der mchis nas bdag la 'di skad ces mchi'o/ /btsun pa kA t+ya'i bu chen po rgyu ba dang bcas pa/ skye ba dang bcas pa 'jig pa dang ldan pa'i chos nyid ma ston cig /btsun pa kA t+ya'i bu chen po gang shin du ma skyes/ ma
200b1 bskyed/ skyed par mi 'gyur/ ma 'gags/ mi 'gag /'gag par mi 'gyur ba de ni mi rtag pa'i don to/ /gang phung po lnga po dag la stong pa nyid du rtogs pas skye ba med pa rtog pa'i don de ni sdug bsngal gyi don to/ /
200b2 gang bdag dang bdag med pa gnyis su med pa nyid de ni bdag med pa'i don to/ /gang rang gi ngo bo med pa dang / gzhan gyi ngo bo med pa de ni mi 'bar te/ gang mi 'bar ba de ni zhi bar mi 'gyur zhing / gang rab tu ma zhi ba de ni
200b3 zhi ba'i don to/ /bstan pa 'di bshad pa na dge slong de dag len pa med par zag pa rnams las sems rnam par grol lo/ /bcom ldan 'das de'i slad du bdag ni skyes bu dam pa de'i bro 'dri zhing mchi bar mi spro'o/ /de
200b4 nas bcom ldan 'das kyis tshe dang ldan pa ma 'gags pa la bka' stsal pa/ ma 'gags pa khyod lid tsa byi dri ma med par grags pa'i nad 'drir song shig /ma 'gags pas kyang gsol pa/ bcom ldan 'das bdag
200b5 skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das bdag gis mngon par 'tshal ba dus gcig na/ bdag 'chag sa zhig na 'chag pa der tshangs pa chen po dge ba bkod pa zhes
200b6 bgyi ba tshangs pa khri dang lhan cig phyogs de snang bar bgyis nas bdag ga la ba der mchis te/ bdag gi rkang pa la mgo bos phyag bgyis nas phyogs gcig tu 'khod de bdag la 'di skad ces mchi'o/ /btsun pa ma 'gags
200b7 pa khyod bcom ldan 'das kyis lha'i mig can gyi mchog tu gsungs na/ tshe dang ldan pa ma 'gags pa'i lha'i mig gis ji srid tshun chad mthong / bdag gis de la 'di skad ces bgyis so/ /grogs po dag kho bos ni
200b8 bcom ldan 'das shAkya thub pa'i sangs rgyas kyi zhing stong gsum gyi stong chen po'i 'jig rten gyi khams ni 'di lta ste/ dper na skyes bu mig dang ldan pa'i lag mthil du skyu ru ra'i 'bras bu bzhag pa bzhin du mthong
201a1 ngo zhes bka' mchid 'di bgyis pa dang / lid tsa bi dri ma med par grags pa phyogs der mchis te/ bdag gi rkang pa la mgo bos phyag bgyis nas bdag la 'di skad ces mchi'o/ /btsun pa ma lags pa'i
201a2 lha'i mig mngon par 'du byed pa'i mtshan nyid dam/ 'on te mngon par 'du mi byed pa'i mtshan nyid yin/ de gal te mngon par 'du byed pa'i mtshan nyid yin na ni phyi rol gyi mngon par shes pa lnga dang mtshungs so/ /ji ste mngon par 'du mi
201a3 byed pa yin na ni mngon par 'du mi byed pa ni 'dus ma byas pa yin te/ des ni mthong bar mi nus na gnas brtan gyis ji ltar mthong zhes mchi nas bdag cang mi mchi bar gyur te/ tshangs pa de yang skyes bu dam pa de las bstan
201a4 pa 'di thos nas ngo mtshar du gyur te phyag 'tshal nas 'di skad ces smras so/ /'jig rten na lha'i mig can gang lags/ smras pa/ sangs rgyas bcom ldan 'das rnams ni 'jig rten na lha'i mig can te/ de dag ni mnyam
201a5 par bzhag pa'i gnas kyang mi 'dor la sangs rgyas kyi zhing thams cad kyang gzigs te/ gnyis kyis rab tu phye ba yang ma yin no/ /de nas tshangs pa g.yog 'khor khris bstan pa 'di thos nas lhag pa'i bsam pas bla na
201a6 med pa yang dag par rdzogs pa'i byang chub tu sems bskyed do/ /des bdag dang skyes bu dam pa de la phyag bgyis te gus par smras nas de nyid du mi gda' bar gyur te/ bdag kyang spobs pa ma mchis par gyur to/ /de'i slad
201a7 du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis tshe dang ldan pa nye bar 'khor la bka' stsal pa/ nye bar 'khor khyod lid tsa bi dri ma med par grags pa'i nad 'drir song shig /nye ba
201a8 'khor gyis kyang gsol pa/ bcom ldan 'das bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das bdag gis mngon par 'tshal ba dus gcig na dge slong gnyis shig ltung ba
201b1 byung nas bcom ldan 'das la ngo tsha ste bcom ldan 'das kyi drung du ma mchis kyi/ de gnyis bdag ga la ba der mchis te bdag la 'di skad ces mchi'o/ /btsun pa nye bar 'khor bdag cag gnyis la ltung ba byung
201b2 ste ngo tsha nas bcom ldan 'das kyi drung du yang ma mchis na/ tshe dang ldan pa nye bar 'khor khyod kyis bdag cag gnyis kyi the tsom sol te bdag cag gnyis ltung ba las phyung shig ces mchi nas/ bcom ldan 'das
201b3 bdag dge slong de gnyis la chos kyi gtam ston pa'i phyogs der lid tsa bi dri ma med par grags pa 'ang mchis nas de bdag la 'di skad ces mchi'o/ /btsun pa nye bar 'khor khyod kyis dge slong 'di gnyis kyi ltung ba de
201b4 phyir dam du mi bya/ rnyog pa can du mi bya bar 'di gnyis kyi ltung ba'i 'gyod pa sol cig /btsun pa nye bar 'khor ltung ba ni nang na yang mi gnas/ phyi rol du yang mi 'phos/ gnyis ga med par yang mi dmigs so/ /
201b5 de ci'i phyir zhe na/ bcom ldan 'das kyis bka' stsal pa/ sems kun nas nyon mongs pas sems can kun nas nyon mongs so/ /sems rnam par byang bas rnam par dag par 'gyur ro zhes gsungs
201b6 pa'i phyir te/ btsun pa nye bar 'khor sems ni nang na yang ma yin/ phyi rol na yang ma yin/ gnyi ga med par yang mi dmigs so/ /sems ji lta bar ltung ba 'ang de bzhin no/ /ltung ba ji lta bar chos thams
201b7 cad kyang de bzhin te/ de bzhin nyid las mi 'da'o/ /btsun pa nye bar 'khor sems kyi rang bzhin gang yin pa dang / sems kyi rang bzhin gang gis btsun pa'i sems rnam par grol ba'i sems kyi rang bzhin de nam
201b8 yang kun nas nyon mongs par gyur tam/ smras pa/ de ni ma yin no/ /smras pa/ btsun pa nye bar 'khor sems can thams cad kyi sems ni de'i rang bzhin te/ btsun pa nye bar 'khor kun du rtog pa ni nyon mongs pa ste
202a1 mi rtog /rnam par mi rtog pa ni rang bzhin no/ /phyin ci log ni kun nas nyon mongs pa ste/ phyin ci ma log pa ni rang bzhin no/ /bdag tu sgro 'dogs pa ni kun nas nyon mongs pa ste/ bdag med pa
202a2 ni rang bzhin no/ /btsun pa nye bar 'khor chos thams cad ni skyes nas 'jig cing mi gnas pa ste/ sgyu ma dang / sprin dang / glog lta bu'o/ /chos thams cad ni mi sdod pa ste/ skad cig tsam du yang mi 'dug go/ /
202a3 chos thams cad ni rmi lam dang smig rgyu ba dang 'dra ste/ yang dag pa ma yin pa mthong ba'o/ /chos thams cad ni chu zla dang gzugs brnyan dang 'dra ste/ sems kun du rtog pa las byung ba'o/ /gang dag gis de ltar shes
202a4 pa de dag ni 'dul ba 'dzin pa zhes bya ste/ gang dag de ltar btul ba de dag ni legs par btul ba'o/ /de nas dge slong de gnyis 'di skad ces mchi'o/ /khyim bdag 'di ni shin du shes rab dang ldan te/ bcom ldan 'das kyis
202a5 'dul ba 'dzin pa rnams kyi mchog tu gsungs pa btsun pa nye bar 'khor 'di ni de tsam ma yin no/ /de gnyis la bdag gis 'di skad ces bgyis so/ /dge slong khyed kyis 'di la khyim bdag snyam pa'i 'du shes ma skyed cig /
202a6 de ci'i phyir zhe na/ de bzhin gshegs pa ma gtogs par gang dag 'di'i spobs pa'i rgyun gcod nus pa'i nyan thos sam/ byang chub sems dpa' de gang yang med de/ 'di'i shes rab kyi snang ba ni de dang 'dra'o/ /de nas dge
202a7 slong de gnyis the tsom gsal nas de nyid du lhag pa'i bsam pas bla na med pa yang dag par rdzogs pa'i byang chub tu sems bskyed de/ de gnyis kyis skyes bu dam pa de la phyag 'tshal nas 'di skad ces sems can thams cad kyis kyang
202a8 'di lta bu'i spobs pa thob par gyur cig /ces mchi'o/ /de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis tshe dang ldan pa sgra gcan zin la bka' stsal pa/ sgra gcan zin
202b1 khyod lid tsa bi dri ma med par grags pa'i nad 'drir song shig /sgra gcan zin kyis kyang gsol pa/ bcom ldan 'das bdag skyes bu de'i bro 'dri zhing mchi bar mi spro'o/ /de ci'i slad du zhe na/ bcom ldan 'das
202b2 bdag gis mngon par 'tshal ba dus gcig na/ lid tsa bi gzhon nu mang zhig bdag ga la ba der mchis nas bdag la 'di skad ces mchi'o/ /btsun pa sgra gcan zin khyod bcom ldan 'das kyi sras yin te/ 'khor
202b3 los sgyur ba'i rgyal srid bor nas rab tu byung na/ khyod kyis gang la dmigs nas rab tu byung ba'i yon tan dang phan yon gang lags shes mchi nas/ bdag de dag la ci rigs par rab tu byung ba'i yon tan dang phan
202b4 yon ston cing mchis na lid tsa bi dri ma med par grags pa yang bdag ga la ba der mchis pa der bdag la phyag bgyis nas 'di skad ces mchi'o/ /btsun pa sgra gcan zin rab tu byung ba'i yon tan dang phan
202b5 yon ji ltar khyod ston pa de ltar mi bstan to/ /de ci'i phyir zhe na/ rab tu 'byung ba ni yon tan med cing phan yon med pa yin no/ /btsun pa sgra gcan zin gang la 'dus byas 'jug pa de la yon tan dang phan
202b6 yon yod mod kyi rab tu byung ba ni 'dus ma byas par sbyor ba yin te/ 'dus ma byas la ni yon tan dang phan yon med do/ /btsun pa sgra gcan zin rab tu 'byung ba ni gzugs can ma yin te gzugs dang
202b7 bral ba'o/ /thog ma dang tha ma'i mthar lta ba dang bral ba'o/ /mya ngan las 'das pa'i lam mo/ /mkhas pa rnams kyis bsngags pa'o/ /'phags pa rnams kyis yongs su bzung ba'o/ /bdud
202b8 thams cad pham par byed pa'o/ /'gro ba lnga las grol ba'o/ /mig lnga rnam par sbyong ba'o/ /stobs lnga 'thob pa'o/ /dbang po lnga'i rten to/ /gzhan dag la mi gnod pa'o/ /sdig pa'i chos dang
203a1 ma 'dres pa'o/ /pha rol mu stegs can rab tu 'dul ba'o/ /gdags pa las yang dag par 'das pa'o/ /'dod pa'i 'dam la zab pa'o/ /yongs su 'dzin pa med pa'o/ /nga yi ba med cing ngar
203a2 'dzin pa dang bral ba'o/ /len pa med pa'o/ /'khrug pa med pa'o/ /'khrug pa spangs pa'o/ /rang gi sems 'dul zhing gzhan gyi sems srung ba'o/ /zhi gnas dang 'thun pa'o/ /thams cad du kha na ma tho ba med
203a3 pa ste/ de ni rab tu byung ba zhes bya/ gang dag de ltar rab tu byung ba de dag ni legs par rab tu byung ba'o/ /gzhon nu khyod kyang legs par gsungs pa'i chos 'di lta bu la rab tu phyung shig /sangs rgyas 'byung ba yang rnyed
203a4 par dka'o/ /dal ba 'byor pa yang rnyed par dka'o/ /mir 'gyur ba yang rnyed par dka'o/ /gzhon nu de dag gis 'di skad smras so/ /khyim bdag bdag cag gis thos na de bzhin gshegs pa ni pha mas ma btang bar rab tu mi
203a5 'byin ce'o/ /des de dag la smras pa/ gzhon nu khyod kyis bla na med pa yang dag par rdzogs pa'i byang chub tu sems bskyed la nan tan gyis sgrubs shig dang / de nyid khyed kyis rab du byung zhing bsnyen par rdzogs pa yin no/ /
203a6 de nas lid tsa bi gzhon nu sum stong nyis brgya bla na med pa yang dag par rdzogs pa'i byang chub tu sems bskyed do/ /bcom ldan 'das de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan
203a7 'das kyis tshe dang ldan pa kun dga' bo la bka' stsal pa/ kun dga' bo khyod lid tsa byi dri ma med par grags pa'i nad 'drir song shig /kun dga' bos kyang gsol pa/ bcom ldan 'das bdag skyes bu dam pa de'i
203a8 bro 'dri zhing mchi bar mi spro'o/ /de ci'i slad du zhe na/ bcom ldan 'das bdag gis mngon par 'tshal ba dus gcig na/ bcom ldan 'das kyi sku la snyun cig byung nas/ de la 'o ma zhig 'tshal te bdag bram ze shing
203b1 sA la chen po lta bu zhig gi sgo drung na lhung bzed thogs shing mchis pa dang / lid tsa bi dri ma med par grags pa phyogs der mchis nas bdag la phyag bgyis te 'di skad ces mchi'o/ /btsun pa kun dga'
203b2 bo ci'i phyir nang par sngar lhung bzed thogs nas khyim gyi sgo drung 'di na 'dug /de la bdag gis 'di skad ces bgyis so/ /bcom ldan 'das kyi sku la snyun cig byung ste de la 'o ma zhig dgos nas de tshol lo
203b3 zhes bgyis pa dang / de bdag la 'di skad ces mchi'o/ /btsun pa kun dga' bo de skad ma zer cig /btsun pa kun dga' bo de bzhin gshegs pa'i sku ni rdo rje lta bu mkhregs pa ste/ mi dge ba thams cad
203b4 kyi bag chags ni spangs dge ba'i chos thams cad dang ni ldan pa yin na de la snyung ga la 'byung / de la nyam nga ba ga la yod/ btsun pa kun dga' bo bcom ldan 'das la skur pa ma 'debs par cang ma zer bar slar song
203b5 shig /gzhan su la yang de skad ma smra shig /gzi brjid che ba gzi brjid che ba'i lha'i bu rnams dang / sangs rgyas kyi zhing kun nas lhags pa'i byang chub sems dpa' rnams kyis thos sa re/ btsun pa
203b6 kun dga' bo 'khor los sgyur ba'i rgyal po dge ba'i rtsa ba chung ngu dang ldan pa la yang nad med na/ bcom ldan 'das dge ba'i rtsa ba tshad med pa dang ldan ldan pa de la snyun ga la mnga' ste/ de ni gnas med do/ /btsun
203b7 pa kun dga' bo kho bo ngo tsha bar ma bya bar slar song shig /gzhan mu stegs can spyod pa pa dang / kun du rgyu dang / gcer bu pa dang / 'tsho ba pa dag gis thos sa re/ de dag 'di snyam du kye ma'o 'di dag gi ston pa
203b8 ni bdag nyid kyang na ba las skyob mi nus na/ sems can na ba dag gi skyabs lta ga la nus snyam du sems sa re/ btsun pa kun dga' bo gab cing mi snang bar bzhud cig /sus kyang thos sa re/ btsun pa kun
204a1 dga' bo gab cing mi snang bar bzhud cig /sus kyang thos sa re/ btsun pa kund ga' bo de bzhin gshegs pa rnams ni chos kyi sku ste/ kha zas kyis gsos pa'i lus ma yin no/ /de bzhin
204a2 gshegs pa rnams ni 'jig rten las 'das pa'i sku yin te/ 'jig rten gyi chos thams cad las yang dag par 'das pa'o/ /de bzhin gshegs pa'i sku la gnod pa med de/ zag pa thams cad
204a3 las rnam par log pa'o/ /de bzhin gshegs pa'i sku ni 'dus ma byas te/ 'du byed thams cad dang bral ba'o/ /btsun pa kun dga' bo de lta bu la nad yod par 'dod pa ni mi rigs shing 'dra ba ma yin no
204a4 zhes mchi nas/ de la bcom ldan 'das las bdag gis log par thos shing log par bzung bar ma gyur grang snyam ste/ bdag rab tu ngo tsha bar gyur te/ /de nas bdag gis bar snang las sgra thos pa kun dga' bo
204a5 khyim bdag ji ltar ston pa de de bzhin te/ 'on kyang bcom ldan 'das snyigs ma lnga'i dus la byung bas de'i phyir sems can rnams dman zhing dbul ba'i spyod pas rnam par 'dul te/ de bas na kun dga' bo ngo tsha bar ma byed
204a6 par 'o ma khyer la slar song shig ces mchi'o/ /bcom ldan 'das lid tsa bi dri ma med par grags pa dris pa lan 'debs pa bstan pa 'di 'dra ste/ bcom ldan 'das de'i slad du bdag skyes bu dam pa de'i bro 'dri zhing mchi bar
204a7 mi spro'o/ /de bzhin du nyan thos lnga brgya tsam mi spro bar gyur pa de dag gis rang gi spobs pa bcom ldan 'das la gsol te/ gang dag lid tsa byi dri ma med par grags pa dang gtam byas pa de thams cad kyang bcom ldan 'das la
204a8 gsol to/ /de nas bcom ldan 'das kyis byang chub sems dpa' byams pa la bka' stsal pa/ byams pa khyod lid tsa byi dri ma med par grags pa'i nad 'drir song shig /byams pas kyang gsol pa/ bcom ldan 'das
204b1 bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das bdag gis mngon par 'tshal ba dus gcig na/ lha'i bu yongs su dga' ldan la sogs pa dga' ldan rigs kyi lha'i bu rnams
204b2 la lhan cig tu 'di ltar byang chub sems dpa' sems dpa' chen po rnams kyi phyir mi ldog pa'i sa la brtsams te chos kyi bka' mchid mchi ba'i phyogs der lid tsa byi dri ma med par grags pa mchis te/ de bdag la 'di skad ces mchi'o/ /
204b3 byams pa khyod bcom ldan 'das kyis bla na med pa yang dag par rdzogs pa'i byang chub tu skye ba gcig gis thogs par lung bstan na/ byams pa de skye ba gang gis lung bstan/ byams pa ci 'das pas sam/ 'on te ma 'ongs pas sam/ 'on te da ltar
204b4 gyis/ de la gang 'das pa'i skye ba de ni zad pa'o/ /gang ma 'ongs pa de ni ma phyin pa'o/ /da ltar gyi skye ba la ni gnas pa 'ang med de/ 'di lta ste/ bcom ldan 'das kyis bka' stsal pa/ 'di ltar dge slong dag khyod ni skad cig
204b5 cig tu skye'o/ /rga'o 'chi'o/ /'pho'o/ /'byung ngo zhes gsungs so/ /skye ba med pa la ni nges par gyur pa la 'jug pa ste/ mi skye ba ni lung bstan pa yang med/ mi skye ba ni mngon par rdzogs par 'tshang rgya ba yang ma yin na
204b6 byams pa khyod de bzhin nyid skye bas sam/ de bzhin nyid 'gag pas sam/ ji ltar lung bstan pa de bzhin nyid ni mi skye mi 'gag cing skye bar mi 'gyur la 'gag par mi 'gyur te/ gang sems can thams cad kyi de bzhin nyid dang
204b7 gang chos thams cad kyi de bzhin nyid dang / gang 'phags pa thams cad kyi de bzhin nyid de ni byams pa khyod kyi yang de bzhin nyid do/ /gal te khyod de lta bur lung bstan na ni sems can thams cad kyang lung bstan pa yin no/ /de ci'i phyir zhe na/ de bzhin nyid ni gnyis kyis
204b8 rab tu phye ba ma yin/ tha dad pas rab tu phye ba ma yin pa'i phyir te/ byams pa khyod gang gi tshe byang chub mngon par rdzogs par 'tshang rgya ba de'i tshe sems can thams cad kyang de lta bu'i byang chub mngon par rdzogs par 'tshang
205a1 rgya bar 'gyur ro/ /de ci'i phyir zhe na/ sems can thams cad rjes su rtogs pa ni byang chub yin pa'i phyir ro/ /byams pa khyod gang gi tshe yongs su mya ngan las 'das pa de'i tshe sems can thams cad
205a2 kyang yongs su mya ngan las 'da' bar 'gyur ro/ /de ci'i phyir zhe na/ sems can thams cad yongs su mya ngan las ma 'das par de bzhin gshegs pa yongs su mya ngan las mi 'da' ste/ de dag gi sems can
205a3 thams cad shin du yongs su mya ngan las 'das shing mya ngan las 'das pa'i rang bzhin can du mthong ba'i phyir ro/ /byams pa de lta bas na lha'i bu 'di rnams ma brid ma slu shig /byang chub la ni su yang mi gnas mi
205a4 ldog gi/ byams pa lha'i bu 'di dag byang chub la kun du rtog par lta ba de 'dor du chug shig /byang chub ni lus kyis mngon par rdzogs par 'tshang rgya ba ma yin/ sems kyis kyang ma yin no/ /byang chub ni mtshan
205a5 ma thams cad rnam par zhi ba'o/ /byang chub ni dmigs pa thams cad kyis sgro btags pa med pa'o/ /byang chub ni yid la byed pa thams cad rgyu ba med pa'o/ /byang chub ni lta bar gyur pa thams cad yongs su
205a6 chad pa'o/ /byang chub ni yongs su rtog pa thams cad dang bral ba'o/ /byang chub ni g.yo ba dang / sems pa dang bskyod pa thams cad dang bral ba'o/ /byang chub ni smon lam thams cad la mi 'jug pa'o/ /
205a7 byang chub ni 'dzin pa thams cad dang bral zhing ma chags par 'jug pa'o/ /byang chub ni chos kyi dbyings kyi gnas kyis gnas pa'o/ /byang chub ni de bzhin nyid rjes su rtogs pa'o/ /byang chub ni yang
205a8 dag pa nyid kyi mtha' la gnas pa'o/ /byang chub ni yid dang chos med pas gnyis su med pa'o/ /byang chub ni nam mkha' dang mnyam pas mnyam pa'o/ /byang chub ni skye ba dang / 'jig pa dang / gnas pa dang /
205b1 gzhan du 'gyur ba med pas 'dus ma byas pa'o/ /byang chub ni sems can thams cad kyi sems dang spyod pa dang / bsam pa yongs su shes pa'o/ /byang chub ni skye mched rnams kyi sgo ma yin pa'o/ /byang chub
205b2 ni bag chags thams cad kyi mtshams sbyor ba'i nyon mongs pa dang bral bas ma 'dres pa'o/ /byang chub ni gnas dang gnas ma yin pa dang bral bas yul la mi gnas shing phyogs la mi gnas pa'o/ /
205b3 byang chub ni kun nas mi ldang zhing de bzhin nyid la mi gnas pa'o/ /byang chub ni ming tsam ste ming de yang g.yo ba med do/ /byang chub ni blang ba dang dor ba med pas rlabs med do/ /byang chub ni 'khrug pa med
205b4 pa ste rang bzhin gyis yongs su dag pa'o/ /byang chub ni rab tu snang ba ste ngo bo nyid rnam par dag pa'o/ /byang chub ni 'dzin pa med pa ste shin du dmigs pa med pa'o/ /byang chub ni chos thams cad kyi mnyam pa
205b5 nyid khong du chud pas tha dad pa med pa'o/ /byang chub ni dpe bstan pa dang bral bas dpe med pa'o/ /byang chub ni shin du khong du chud par dka' ba'i phyir phra ba'o/ /byang chub ni nam mkha'i/ rang bzhin pas na
205b6 thams cad du song ba ste/ de ni lus kyis sam/ sems kyis mngon par rdzogs par 'tshang rgya bar mi nus so/ /de ci'i phyir zhe na/ lus ni rtswa dang shing dang / brtsig pa dang / lam dang / mig yor
205b7 lta bu'o/ /sems ni gzugs med pa/ bstan du med pa/ rten med pa/ rnam par rig pa med pa'o/ /bcom ldan 'das bstan pa 'di bshad pa na 'khor de nas lha'i bu nyis brgya mi skye ba'i chos la
205b8 bzod pa thob bo/ /bdag kyang spobs pa ma mchis par gyur te/ bcom ldan 'das de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis lid tsa bi gzhon
206a1 nu 'od bkod pa la bka' stsal pa/ 'od bkod pa khyod lid tsa bi dri ma med par grags pa'i nad 'drir song shig /'od bkod pas kyang gsol pa/ bcom ldan 'das bdag skyes bu dam pa de'i bro 'dri
206a2 zhing mchi bar mi spro'o/ /de ci'i slad du zhe na/ bcom ldan 'das bdag gis mngon par 'tshal ba dus gcig na/ bdag yangs pa'i grong khyer chen po nas byung ba dang / lid tsa bi dri ma med par grags pa
206a3 nang du mchi ba dang mjal te/ des bdag la gus par smras pa dang / bdag gis 'di skad ces bgyis so/ /khyim bdag khyod ga las 'ongs des bdag la smras pa/ byang chub kyi snying po nas 'ongs so/ /
206a4 bdag gis de la smras pa/ byang chub kyi snying po zhes bya ba de gang gi tshig bla dgas/ de bdag la 'di skad ces mchi'o/ /rigs kyi bu byang chub kyi snying po zhes bya ba de ni bcos ma ma yin pa'i phyir bsam pa'i snying
206a5 po'o/ /brtson pa'i las sgrol ba'i phyir de ni sbyor ba'i snying po'o/ /khyad par du khong du chud pa'i phyir de ni lhag pa'i bsam pa'i snying po'o/ /yang dag par mi brjod pa'i phyir de ni byang chub kyi sems kyi snying po'o/ /
206a6 rnam par smin pa la mi re ba'i phyir de ni sbyin pa'i snying po'o/ /smon lam yongs su rdzogs pa'i phyir de ni tshul khrims kyi snying po'o/ /sems can thams cad la khong khro ba'i sems med pas de ni bzod pa'i snying po'o/ /
206a7 phyir mi ldog pa'i phyir de ni brtson 'grus kyi snying po'o/ /sems las su rung ba'i phyir de ni bsam gtan gyi snying po'o/ /mngon sum du mthong ba'i phyir de ni shes rab kyi snying po'o/ /sems can thams cad la sems
206a8 mnyam pa'i phyir de ni byams pa'i snying po'o/ /gnod pa thams cad bzod pa'i phyir de ni snying rje'i snying po'o/ /chos kyi kun dga' la dga' zhing mos pa'i phyir de ni dga' ba'i snying po'o/ /rjes su chags pa dang khong khro
206b1 bar spangs pa'i phyir de ni btang snyoms kyi snying po'o/ /drug mngon par shes pas de ni mngon par shes pa'i snying po'o/ /mi rtog pa'i phyir de ni rnam par thar pa'i snying po'o/ /sems can yongs su smin par byed
206b2 pa'i phyir de ni thabs kyi snying po'o/ /sems can thams cad sdud pa'i phyir de ni bsdu ba'i dngos po'i snying po'o/ /nan tan snying por byed pa'i phyir de ni thos pa'i snying po'o/ /tshul bzhin so sor rtog pa'i phyir de ni nges par sems
206b3 pa'i snying po'o/ /'dus byas dang 'dus ma byas spong ba'i phyir de ni byang chub kyi phyogs kyi chos kyi snying po'o/ /'jig rten thams cad mi slu ba'i phyir de ni bden pa'i snying po'o/ /ma rig pa'i zag pa zad pa nas rga shi'i bar gyi zag pa zad pa'i
206b4 phyir de ni rten cing 'brel par 'byung ba'i snying po'o/ /yang dag pa ji lta ba bzhin du mngon par rdzogs par byang chub pa'i phyir de ni nyon mongs pa thams cad rab tu zhi ba'i snying po'o/ /sems can thams cad ngo bo nyid med pa'i phyir/ de ni
206b5 sems can thams cad kyi snying po'o/ /stong pa nyid mngon par byang chub pa'i phyir de ni chos thams cad kyi snying po'o/ /mi g.yo ba'i phyir de ni bdud thams cad rab tu 'jom pa'i snying po'o/ /'jug pa dang bral ba'i phyir de ni khams
206b6 gsum pa'i snying po'o/ /mi 'jigs shing mi dngangs pa'i phyir de ni seng ge'i sgra sgrogs pa'i brtson 'grus kyi snying po'o/ /thams cad du ma smad pa'i phyir de ni stobs dang / mi 'jigs pa dang / ma 'dres pa dang / sangs
206b7 rgyas kyi chos thams cad kyi snying po'o/ /nyon mongs pa ma lus pa'i phyir de ni rig pa gsum gyi snying po'o/ /thams cad mkhyen pa'i ye shes yang dag par grub pa'i phyir de ni sems kyi skad cig gcig la chos thams
206b8 cad ma lus par khong du chud pa'i snying po'o/ /rigs kyi bu de ltar ji tsam du byang chub sems dpa' rnams pha rol tu phyin pa dang ldan pa dang / sems can yongs su smin par byed pa dang ldan pa dang / dam pa'i chos
207a1 yongs su 'dzin pa dang ldan pa dang / dge ba'i rtsa ba dang ldan pa'i gom pa 'dor ba dang / 'deg pa de thams cad kyang byang chub kyi snying po nas 'ongs so/ /sangs rgyas kyi chos rnams las 'ongs shing sangs rgyas
207a2 kyi chos rnams la gnas so/ /bcom ldan 'das bstan pa 'di bshad pa na/ lha dang mi lnga brgya tsam gyis byang chub tu sems bskyed de/ bdag kyang de nas spobs pa ma mchis par gyur to/ /bcom ldan 'das de'i
207a3 slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis byang chub sems dpa' 'gro ba 'dzin la bka' stsal pa/ 'gro ba 'dzin khyod lid tsa bi dri ma med par grags pa'i nad
207a4 'drir song shig /'gro ba 'dzin gyis kyang gsol pa/ bcom ldan 'das bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das bdag gis mngon par 'tshal
207a5 ba dus gcig na rang gi gnas na mchis pa'i tshe bdud sdig can lha'i bu mo khri nyis stong gis yongs su bskor te/ brgya byin gyi cha byad kyis sil snyan dang glu dbyangs len cing bdag ga la ba der mchis te/ bdag
207a6 gi rkang pa la mgo bos phyag 'tshal nas de 'khor dang bcas pa bdag la mdun gyis bltas te phyogs gcig tu mchis so/ /bdag ni de la brgya byin lha'i dbang po lags snyam bgyid de/ bdag gis de la 'di
207a7 skad ces bgyis so/ /ko'u shi ka khyod legs par 'ongs so/ /'dod pa'i dga' ba thams cad la bag yod par gyis shig /lus dang / srog dang / longs spyod rnams las snying po blangs pa dang / mi
207a8 rtag par rtog pa mang du gyis shig /de nas des bdag la 'di skad ces mchi'o/ /skyes bu dam pa lha'i bu mo khri nyis stong 'di dag bdag las khyod kyis long la 'di dag khyod kyi g.yog gyis shig ces mchi ba dang / de la
207b1 bdag gis 'di skad du ko'u shi ka rung ba ma yin pa'i dngos po dag dge sbyong shAkya'i sras la ma 'bul cig /'di dag ni nged la rung ba ma yin no zhes bgyis so/ /bka' mchid de bgyis pa dang / lid tsa
207b2 bi dri ma med par grags pa de mchis nas bdag la 'di skad du rigs kyi bu 'di la brgya byin yin snyam du 'du shes ma skyed cig /'di ni bdud sdig can te/ khyod la co dri ba'i phyir 'ongs kyi brgya byin ni ma yin no
207b3 zhes mchi'o/ /de nas lid tsa bi dri ma med par grags pas bdud sdig can de la 'di skad du bdud sdig can lha'i bu mo 'di rnams dge sbyong shAkya'i sras la ni rung ba ma yin gyis nga la byin cig ces bgyis pa dang / de
207b4 nas bdud sdig can 'jigs shing skrag nas mi dga' ste/ lid tsa bi dri ma med par grags pa 'dis bdag la bslus su 'ong ngo zhes de mi snang bar bgyi bar 'tshal ba ma nus te/ rdzu 'phrul thams cad bstan
207b5 kyang mi snang bar ma nus so/ /de nas bar snang las sgra byung ste/ sdig can khyod kyis lha'i bu mo 'di rnams skye bu dam pa 'di la phul cig dang / gdod bdag gi gnas su 'gro nus par 'gyur ro/ /de nas
207b6 bdud sdig can 'jigs shing skrag nas mi 'tshal bzhin du lha'i bu mo de rnams phul lo/ /de nas dri ma med par grags pas lha'i bu mo de rnams blangs nas lha'i bu mo de dag la 'di skad ces smras so/ /khyod bdud
207b7 sdig can gyis nga la byin gyis de bla na med pa yang dag par rdzogs pa'i byang chub tu sems skyed cig /des de dag la byang chub tu yongs su smin par 'gyur ba'i rjes su 'thun pa'i gtam bgyis pa dang de dag kyang byang chub tu
207b8 sems bskyed do/ /de nas yang des khyed kyis byang chub tu sems bskyed zin gyis da phan chad khyed chos kyi kun dga' la/ dga' zhing mos par gyis la 'dod pa la dga' zhing mos par ma byed cig ces bsgo'o/ /
208a1 de dag gis smras pa/ chos kyi kun dga' la dga' ba de gang lags/ des smras pa/ sangs rgyas la mi phyed par dad cing dga' ba dang / chos nyan par 'dod cing dga' ba dang / dge 'dun
208a2 la bsnyen bkur bya bar dga' ba dang / nga rgyal med cing bla ma dag la sti stang byed par dga' ba dang / khams kun nas 'byung bar dga' ba dang / yul rnams la mi gnas par dga' ba dang / phung po rnams la
208a3 gshed ma lta bur rtog pa la dga' ba dang / khams rnams la sbrul gdug pa dang mtshungs par rtog pa la dga' ba dang / skye mched rnams la grong stong pa lta bur dben par dga' ba dang / byang chub kyi sems kun
208a4 tu bsrung bar dga' ba dang / sems can la phan par byed par dga' ba dang / sbyin pa la bgo bsha' byed par dga' ba dang / tshul khrims la mi lhod par dga' ba dang / bzod pa la bzod cing dul bar
208a5 dga' ba dang / brtson 'grus la dge ba yang dag par bsgrubs par dga' ba dang / bsam gtan la yongs su spyod par dga' ba dang / shes rab la nyon mongs pa'i snang ba med par dga' ba dang / byang chub
208a6 la rgya cher dga' ba dang / bdud tshar gcod par dga' ba dang / nyon mongs pa rnams nges par gzhom par dga' ba dang / sangs rgyas kyi zhing rnam par sbyong bar dga' ba dang / mtshan dang dpe byad bzang po
208a7 yongs su sgrub pa'i phyir dge ba thams cad bsags pa la dga' ba dang / chos zab mo thos pas mi skrag par dga' ba dang / rnam par thar pa'i sgo gsum la 'dris par byed pa'i dga' ba dang / mya ngan las
208a8 'das pa'i dmigs pa la dga' ba dang / byang chub kyi snying po'i rgyan la dga' ba dang / dus ma yin par thob par mi byed pa la dga' ba dang / skal ba mnyam pa'i skye bo la bsten par dga' ba dang / skal ba mi mnyam
208b1 pa rnams la zhe mi sdang zhing khong khro ba med pa'i dga' ba dang / dge ba'i bshes gnyen rnams la bsten par dga' ba dang / sdig pa'i grogs po dag rnam par spang bar dga' ba dang / chos la mos shing dad de mchog
208b2 tu dga' ba'i dga' ba dang / thabs la sdud pa'i dga' ba dang / bag yod par byang chub kyi phyogs kyi chos sten pa la dga' ba ste/ de ltar na byang chub sems dpa' chos kyi kun dga' la dga' zhing mos pa yin no/ /de nas
208b3 bdud sdig can gyis lha'i bu mo de dag la 'di skad ces smras so/ /da bdag cag gi gnas su 'dong gis tshur shog /de dag gis smras pa/ khyod kyis bdag cag khyim bdag 'di la phul bas da ni chos kyi kun dga' la dga' zhing
208b4 mos par bya'o/ 'dod pa la ni dga' zhing mos par mi bya'o/ /de nas bdud sdig can gyis lid tsa byi dri ma med par grags pa la 'di skad ces smras so/ /byang chub sems dpa' sems dpa' chen po ni bdog pa thams cad yongs
208b5 su gtong zhing sems 'dzin pa med pa lags na khyim bdag khyod kyis lha'i bu mo 'di rnams dgye bar gsol/ dri ma med par grags pas smras pa/ 'di rnams bgye ba yin gyis/ sdig can g.yog dang bcas te deng
208b6 shig /sems can thams cad kyi chos kyi bsam pa yongs su rdzogs par gyur cig /de nas lha'i bu mo de dag gis dri ma med par grags pa la phyag 'tshal nas 'di skad ces smras so/ /khyim bdag ji ltar bdag cag
208b7 bdud kyi gnas na gnas par bgyi/ smras pa/ /sring mo dag mi zad pa'i sgron ma zhes bya ba'i chos kyi sgo yod de/ de la nan tan gyis shig /de yang gang zhe na/ 'di lta ste/ sring mo dag sgron ma gcig las sgron
208b8 ma brgya stong 'bar bar byas kyang sgron ma de 'bri bar mi 'gyur ba de bzhin du sring mo dag byang chub sems dpa' gcig gis sems can brgya stong mang po rnams byang chub la bkod kyang byang chub sems dpa' de sems dran
209a1 pa mi 'bri/ yongs su mi 'bri ba'i steng du 'phel lo/ /de bzhin du dge ba'i chos thams cad kyang ji lta ji ltar gzhan dag la bsgo zhing bstan pa de lta de ltar dge ba'i chos thams cad kyis rnam par 'phel
209a2 te/ 'di ni mi zad pa'i sgron ma zhes bya ba'i chos kyi sgo'o/ /bdud kyi gnas de na khyod gnas pa'i tshe lha'i bu dang / lha'i bu mo tshad med pa rnams byang chub kyi sems la mos par gyis shig /de ltar na khyed de bzhin gshegs
209a3 pa la byas pa gzo bar 'gyur ro/ /sems can thams cad kyi 'tsho bar yang 'gyur ro/ /de nas lha'i bu mo de dag lid tsa bi dri ma med par grags pa'i rkang pa la mgo bos phyag 'tshal te bdud dang lhan cig slar mchis so/ /bcom ldan
209a4 'das lid tsa bi dri ma med par grags pa'i rnam par 'phrul pa'i khyad par de bdag gis mthong ste/ bcom ldan 'das de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis tshong
209a5 dpon gyi bu legs par byin la bka' stsal pa/ rigs kyi bu khyod lid tsa bi dri ma med par grags pa'i nad 'drir song shig /legs par byin gyis kyang gsol pa/ bcom ldan 'das bdag skyes bu dam pa de'i bro 'dri
209a6 zhing mchi bar mi spro'o/ /de ci'i slad du zhe na/ bcom ldan 'das bdag gis mngon par 'tshal ba dus gcig na bdag pha'i sdum pa na mchod sbyin chen po bgyid ba'i slad du dge sbyong dang bram ze thams cad dang / dbul
209a7 po dang / sdug bsngal ba dang / bkren pa dang / sdug phongs pa dang / slong ba thams cad la sbyin pa stsal te/ gdugs bdun du mchod sbyin chen po bgyid pa der gdugs tha ma der lid tsa bi dri ma med par
209a8 grags pa mchod sbyin chen po'i sa der mchis nas bdag la 'di skad ces mchi'o/ /tshong dpon gyi bu ji ltar khyod mchod sbyin byed pa de ltar mchod sbyin mi bya'i khyod kyis chos kyis mchod sbyin bya'o/ /zang zing gi
209b1 mchod sbyin gyis khyod la ci zhig bya/ bdag gis de la 'di skad ces bgyis so/ /chos kyi mchod sbyin de ji ltar sbyin par bya/ des bdag la smras pa/ chos kyi mchod sbyin de gang gis snga phyi med par sems
209b2 can yongs su smin par 'gyur ba de ni chos kyi mchod sbyin no/ /de yang gang zhe na/ 'di lta ste/ byang chub kyi rnam par mngon par bsgrubs pa'i byams pa chen po dang / dam pa'i chos bsdus pas mngon par bsgrubs
209b3 pa'i snying rje chen po dang / sems can thams cad kyi mchog tu dga' ba la dmigs pas mngon par bsgrubs pa'i dga' ba chen po dang / shes pas bsdus pas mngon par bsgrubs pa'i btang snyoms
209b4 chen po dang / zhi ba dang dul bas mngon par bsgrubs pa'i sbyin pa'i pha rol du phyin pa dang / sems can tshul khrims 'chal pa rnams yongs su smin par byed pas mngon par bsgrubs pa'i tshul khrims kyi pha
209b5 rol tu phyin pa dang / bdag med pa'i chos kyis mngon par bsgrubs pa'i bzod pa'i pha rol du phyin pa dang / byang chub tu rtsom pas mngon par bsgrubs pa'i brtson 'grus kyi pha rol tu phyin pa dang / lus dang sems
209b6 dben pas mngon par bsgrubs pa'i bsam gtan gyi pha rol du phyin pa dang / thams cad mkhyen pa'i ye shes kyis mngon par bsgrubs pa'i shes rab kyi pha rol du phyin pa dang / sems can thams cad yongs su
209b7 smin par byed pas mngon par bsgrubs pa'i stong pa nyid la sgom pa dang / 'dus byas yongs su sbyong bas mngon par bsgrubs pa'i mtshan ma med pa la sgom pa dang / bsams bzhin du skye bas mngon par bsgrubs
209b8 pa'i smon pa med pa la sgom pa dang / dam pa'i chos yongs su 'dzin pas mngon par bsgrubs pa'i stobs kyis rtul ba dang / bsdu ba'i dngos pos mngon par bsgrubs pa'i srog gi dbang po dang / sems can
210a1 thams cad kyi bran dang slob mar gyur pas mngon par bsgrubs pa'i nga rgyal med pa dang / snying po med pa las snying po len pas mngon par bsgrubs pa'i lus dang / srog dang / longs spyod rnyed
210a2 pa dang / rjes su dran pa drug gis mngon par bsgrubs pa'i dran pa dang / yang dag par dga' bar 'gyur ba'i chos kyis mngon par bsgrubs pa'i bsam pa dang / yang dag pa'i nan tan gyis mngon par bsgrubs
210a3 pa'i 'tsho ba yongs su dag pa dang / dad pa dang mchog tu dga' ba la bsten pas mngon par bsgrubs pa'i 'phags pa la bsnyen bkur byed pa dang / 'phags pa ma yin pa la khong khro ba med pas mngon par bsgrubs
210a4 pa'i sems nges par sems pa dang / rab tu byung bas mngon par bsgrubs pa'i lhag pa'i bsam pa dang / nan tan gyis mngon par bsgrubs pa'i thos pa la mkhas pa dang / nyon mongs pa med pa'i chos
210a5 rtogs pas mngon par bsgrubs pa'i dgon pa la gnas pa dang / sangs rgyas kyi ye shes 'thob par byed pas mngon par bsgrubs pa'i nang du yang dag 'jog pa dang / sems can thams cad nyon mongs
210a6 pa las rnam par grol ba'i rnal 'byor gyis mngon par bsgrubs pa'i rnal 'byor spyod pa'i sa dang / mtshan dang / dpe byad bzang po dang / sangs rgyas kyi zhing gi rgyan dang / sems can yongs su smin
210a7 par byed pas mngon par bsgrubs pa'i bsod nams kyi tshogs dang / sems can thams cad kyi sems dang spyod pa la ci rigs par chos ston pas mngon par bsgrubs pa'i ye shes kyi tshogs dang / chos
210a8 thams cad la blang ba med pa dang / dor ba med pa tshul gcig pa'i ye shes kyis mngon par bsgrubs pa'i shes rab kyi tshogs dang / nyon mongs pa thams cad dang / bsgribs pa thams cad dang / mi
210b1 dge ba'i chos thams cad spong bas mngon par bsgrubs pa'i dge ba'i rtsa ba thams cad kyi tshogs dang / thams cad mkhyen pa'i ye shes khong du chud pa dang / dge ba'i chos kyis mngon par bsgrubs pa'i
210b2 byang chub kyi phyogs kyi chos thams cad yang dag par 'byung ba de ni rigs kyi bu chos kyi mchod sbyin de la gnas pa'i byang chub sems dpa' mchod sbyin byin pa mchod sbyin shin du byed pa yin te/ lha dang bcas
210b3 pa 'jig rten gyi sbyin gnas su 'gyur ro/ /bcom ldan 'das de lta bur khyim bdag des bstan pa 'di bshad pa'i tshe bram ze'i 'khor de nas bram ze nyis brgya bla na med pa yang dag par rdzogs pa'i byang chub tu sems
210b4 skyes so/ /bdag kyang dad cing ngo mtshar du gyur te/ skyes bu dam pa de'i rkang pa la phyag bgyis nas mu tig gi do shal brgya stong ri ba bdag gi mgul nas dkrol te stsal na/ de mu tig gi do shal de len du ma btub nas de
210b5 la bdag gis 'di skad ces bgyis so/ /'di long la gang la mos pa la byin cig ces bgyis pa dang / der mu tig gi do shal blangs te dum bu gnyis su bgyis na/ cha gcig ni mchod sbyin gyi gnas de na 'jig rten thams
210b6 cad kyis smad pa grong khyer gyi nang na dbul po la stsal to/ /cha gcig ni de bzhin gshegs pa bzod par dka' ba la phul te/ ji ltar 'khor de dag thams cad kyis smig rgyu'i 'jig rten gyi khams de dang / de bzhin
210b7 gshegs pa bzod par dka' ba de yang mthong zhing mu tig gi do shal de de bzhin gshegs pa bzod par dka' ba'i spyi bo'i steng na mu tig gi do shal gyi khang pa brtsegs pa bkra ba lta na sdug pa/ gru bzhi lham pa/ ka ba bzhi zug pa/
210b8 ngos mnyam zhing rab tu rnam par phye ba phyung ba mthong ba des de lta bu'i cho 'phrul bstan nas tshig 'di skad ces smras so/ /sbyin pa po sbyin bdag gang ji ltar de bzhin gshegs pa la sbyin gnas su 'du shes pa de 'dra bar grong khyer
211a1 gyi dbul po dang tha dad pa med par mnyam zhing snying rje chen po'i sems dang / rnam par smin pa la mi re bas yongs su gtong ba de ni chos kyi mchod sbyin yongs su rdzogs pa'o zhes bgyis pa dang / de nas
211a2 grong khyer gyi dbul po des cho 'phrul de mthong / chos bstan pa de yang thos nas bla na med pa yang dag par rdzogs pa'i byang chub tu sems bskyed do/ /bcom ldan 'das de'i slad du bdag skyes bu dam pa de'i bro
211a3 'dri zhing mchi bar mi spro'o/ /de ltar byang chub sems dpa' sems dpa' chen po de dag thams cad kyang gang skyes bu de dang / skabs su gtam gang dag brjod pa so so'i bstan pa bshad de 'gro bar mi spro'o/ /
211a4 nyan thos dang byang chub sems dpa' gtang bar rmas pa'i le'u ste gsum pa'o// // de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal
211a5 khyod lid tsa bi dri ma med par grags pa'i nad 'drir song shig /'jam dpal gyis kyang gsol pa/ bcom ldan 'das lid tsa bi dri ma med par grags pa ni bsnyen par dka' zhing zab mo'i tshul la spobs pa rab
211a6 tu zhugs pa/ tshig snrel zhi dang rdzogs pa'i tshig sgrub pa la mkhas pa/ spobs pa rgyun mi 'chad pa/ sems can thams cad la khong khro ba ma mchis pa'i blo dang ldan pa/ byang chub sems dpa'i bgyi
211a7 ba thams cad tshar phyin pa/ byang chub sems dpa'i bgyi ba thams cad tshar phyin pa/ byang chub sems dpa' thams cad dang / sangs rgyas thams cad kyi gsang ba'i gnas la shin du zhugs pa/ bdud
211a8 thams cad kyi gnas rnam par zlog pa la mkhas pa/ mngon par shes pa chen pos rnam par rtsen pa/ thabs dang shes rab las nges par 'byung ba/ chos kyi dbyings su gnyis su ma mchis shing dbyer ma mchis
211b1 pa'i spyod yul gyi dam pa'i mchog thob pa chos kyi dbyings bkod pa gcig pa rnam pa mtha' yas pa'i bkod par chos ston pa la mkhas pa/ sems can thams cad kyi dbang po bkod pa 'thob par bgyid pa 'tshal
211b2 pa la mkhas pa/ thabs mkhas pa rtogs par khong du chud pa/ dris pa gtan la 'bebs pa thob pa ste/ de ni go cha chung ngus mgu bar mi nus kyis kyang sangs rgyas kyi byin gyi brlabs kyis der mchis te yang dag pa
211b3 ji lta ba dang / mthu ji lta ba bzhin du bshad par 'tshal lo/ /de nas 'khor de na byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba de dag dang /
211b4 lha'i bu de dag dang / lha'i bu mo de dag 'di snyam du sems so/ /'jam dpal gzhon nur gyur pa dang / skyes bu dam pa de gnyis smra ba las der ni chos bsgrags pa'i gtam chen po gdon mi za bar 'byung ngo snyam ste
211b5 de nas byang chub sems dpa' brgya stong dang / nyan thos lnga brgya tsam dang / brgya byin dang / tshangs pa dang / 'jig rten skyong ba shin du mang ba dang / lha'i bu brgya stong phrag shin du mang po rnams chos nyan
211b6 pa'i phyir 'jam dpal gzhon nur gyur pa'i phyi bzhin dong ngo / /de nas 'jam dpal gzhon nur gyur pa byang chub sems dpa' de dag dang / nyan thos chen po de dag dang / brgya byin dang / tshangs pa dang /
211b7 'jig rten skyong ba de dag dang / lha'i bu de dag thams cad kyis yongs su bskor cing mdun du bdar te/ yangs pa'i grong khyer chen por zhugs so/ /de nas lid tsa bi dri ma med par grags pa 'di snyam du sems
211b8 te/ 'jam dpal gzhon nur gyur pa 'khor mang po dang 'ong gis bdag gi khyim 'di stong par byin gyis brlab po snyam ste/ des khyim de stong par byin gyis brlabs nas de na sgo ba 'ang med do/ /khri gang la
212a1 dri ma med par grags pa na ba nyal zhing 'dug pa'i khri gcig po de ma gtogs par gdan khri 'am khri'u 'am/ stan gang yang mi snang ngo / /de nas 'jam dpal 'khor dang bcas pa dri ma med par
212a2 grags pa'i gnas ga la ba der dong ste lhags nas nang du 'ongs pa dang khyim de stong par mthong ste/ de na sgo ba 'ang med/ dri ma med par grags pa nyal zhing 'dug pa'i khri gcig pu de las gzhan khri 'am
212a3 khri'u 'am/ stan ma mthong ngo / /de nas lid tsa bi dri ma med par grags pas 'jam dpal gzhon nur gyur pa mthong ste/ mthong nas 'di skad ces smras so/ /'jam dpal legs par 'ongs so/ /
212a4 'jam dpal shin du legs par 'ongs so/ /sngon ma 'ongs/ ma mthong / ma thos pa mthong ngo / /'jam dpal gyis smras pa khyim bdag ji skad zer ba de bzhin te/ gang 'ongs pa de ni phyis mi 'ong ngo / /
212a5 gang song ba de yang phyir mi 'gro'o/ /de ci'i phyir zhe na/ ma 'ongs pa la 'ong bar shes pa yang 'di song ba la yang 'gro bar shes pa med la/ gang mthong ba de ni phyir yang blta bar bya ba ma yin pa'i phyir ro/ /skyes bu dam pa khyod bzod dam/ 'tsho
212a6 'am/ khyod kyi khams rnams ma 'khrug gam/ khyod kyi nad de 'byung ngam/ mi skye 'am/ bcom ldan 'das kyang khyod la gnod pa chung ngam/ nyam nga ba nyung ngam/ na ba nyung ngam/ bskyod pa yang ngam 'tsho ba
212a7 dang / stobs dang / bde ba dang / kha na ma tho ba dang / bde bar reg pa la gnas sam zhes gsung ngo / /khyim bdag khyod kyi nad 'di ci las byung / byung nas ci srid lon/ ji ltar gnas/ ci tsam na zhi bar
212a8 'gyur/ dri ma med par grags pas smras pa/ 'jam dpal ma rig pa dang / sred pa'i sred pa ji srid par kho bo'i nad 'di 'ang de srid do/ /sems can thams cad kyi nad ji srid par kho bo'i nad kyang de srid do/ /nam
212b1 sems can thams cad nad dang bral bar gyur pa de na kho bo'i nad kyang mi 'byung ngo / /de ci'i phyir zhe na/ 'jam dpal byang chub sems dpa'i 'khor ba'i gnas ni sems can te/ nad ni 'khor ba la gnas so/ /nam
212b2 sems can thams cad nad dang bral bar gyur pa de na byang chub sems dpa' yang nad med par 'gyur ro/ /'jam dpal 'di lta ste dper na tshong dpon gyi bu gcig pa na bar gyur na de na ba'i phyir pha ma gnyis kyang na bar 'gyur ro/ /ji srid
212b3 tu bu gcig pa de nad med par ma gyur pa de srid du pha ma gnyis kyang sdug bsngal bar 'gyur te 'jam dpal de bzhin du byang chub sems dpa' sems can thams cad la bu gcig pa bzhin du sdug pa yin te/ sems can thams cad pas de yang
212b4 na bar 'gyur/ sems can la nad med na de yang na ba med do/ /gang 'jam dpal khyod nad 'di ci las byung zhes zer ba yang byang chub sems dpa' rnams kyi nad ni snying rje chen po las 'byung ngo / /'jam dpal gyis smras pa/
212b5 khyim bdag khyod kyi khyim 'di stong na khyod la g.yog 'ga' yang med dam/ smras pa/ 'jam dpal sangs rgyas kyi zhing thams cad kyang stong ngo / /smras pa cis stong / smras pa/ stong pa nyid kyis stong ngo / /
212b6 smras pa stong pa nyid la stong pa ci zhig yod/ smras pa/ kun du rtog pa ni stong pa nyid kyis stong pa'o smras pa stong pa nyid kun du brtag par nus sam/ smras pa/ yongs su rtog pa de yang stong pa ste/ stong pa nyid ni
212b7 stong pa nyid la mi rtog go/ /smras pa/ khyim bdag stong pa nyid gang du btsal/ smras pa/ 'jam dpal stong pa nyid ni lta bar gyur pa drug bcu rtsa gnyis las btsal lo/ /smras pa/ lta bar gyur pa drug
212b8 bcu rtsa gnyis gang las btsal/ smras pa/ de de bzhin gshegs pa'i rnam par grol ba las btsal lo/ /smras pa/ de bzhin gshegs pa'i rnam par grol ba 'di gang las btsal smras pa/ sems
213a1 can thams cad kyi sems dang po spyod pa las btsal lo/ /'jam dpal gang khyod la g.yog kyang med dam zhes zer ba ni bdud thams cad dang / phas kyi rgol ba thams cad ni kho bo'i g.yog yin no/ /
213a2 de ci'i phyir zhe na/ bdud rnams ni 'khor ba'i bsngags pa smra ba ste/ 'khor ba ni byang chub sems dpa'i g.yog go/ /phas kyi rgol ba rnams ni lta bar gyur pa rnams kyi bsngags pa smra ba ste/
213a3 byang chub sems dpa' ni lta bar gyur pa thams cad las mi g.yo'o/ /de bas na bdud thams cad dang phas kyi rgol ba thams cad ni kho bo'i g.yog go/ /'jam dpal gyis smras pa/ khyim bdag khyod kyi nad ci
213a4 'dra/ smras pa/ gzugs med cing bstan du med do/ /smras pa/ nad de lus dang ldan nam/ 'on te sems dang ldan/ smras pa/ lus dben pas na lus dang ldan pa yang ma yin/ sems sgyu ma'i
213a5 chos nyid pas na sems dang yang mi ldan no/ /smras pa/ khyim bdag 'di lta ste/ sa'i khams dang / chu'i khams dang / me'i khams dang / rlung gi khams dang / nam mkha'i khams 'di bzhi las khams
213a6 gang gnod par 'gyur/ smras pa/ 'jam dpal sems can thams cad kyi nad khams de lta bu gang yin pa des kho bo yang na'o/ /'jam dpal ji ltar na byang chub sems dpas byang chub sems dpa' na ba yang dag par
213a7 dga' bar bya/ 'jam dpal gyis smras pa/ lus kyi mi rtag pa ste/ yid byung zhing 'dod chags dang bral bas ni ma yin no/ /lus sdug bsngal ba ste/ mya ngan las 'das pa la dga' bas ni ma yin no/ /lus
213a8 bdag med pa ste/ 'on kyang sems can smin par bya bas so/ /lus zhi ba nyid kyis te/ shin du zhi bas ni ma yin no/ /nyes par spyod pa thams cad bstan pa ste/ 'pho bas ni ma yin no/ /bdag pas sems can
213b1 gzhan na ba la snying rje ba dang / sngon gyi mtha'i mu'i sdug bsngal rjes su dran pa dang / sems can gyi don bya ba rjes su dran pa dang / dge ba'i rtsa ba mngon du bya ba dang / gzod ma nas rnam par dag pa dang / sred
213b2 pa med pa dang / rtag tu brtson 'grus brtsoms pas nad thams cad med par byed pa'i sman pa'i rgyal por 'gyur ro zhes de ltar byang chub sems dpas byang chub sems dpa' na ba yang dag par dga' bar bya'o/ /
213b3 'jam dpal gyis smras pa/ rigs kyi bu byang chub sems dpa' na bas ji ltar rang gi sems nges par bsam par bya/ dri ma med par grags pas smras pa/ 'jam dpal byang chub sems dpa' na bas ni bdag gi
213b4 sems la 'di ltar nges bsam par bya'o/ /nad ni sngon gyi mtha' nas yod pa ma yin pa phyin ci log gi las kun nas ldang ba las byung ngo / /yang dag pa ma yin pa kun du rtog pa'i nyon mongs pa las byung
213b5 ste/ don dam par ni 'di la gang gi na ba zhes bya ba'i chos de gang yang mi dmigs so/ /de ci'i phyir zhe na/ 'byung ba chen po bzhi las gyur pa'i lus 'di khams 'di dag la bdag po gang yang med de bskyed pa
213b6 'ang med do/ /lus 'di la bdag med de/ bdag tu mngon par zhen pa ma gtogs par 'di la don dam par na gang nad ces bya ba de mi dmigs te/ de bas na bdag ni mngon par zhen pa med cing / nad kyi rtsa ba
213b7 kun shes pa la gnas par bya'o zhes des bdag tu 'du shes pa rgyun bcad de chos kyi 'du shes bskyed par bya'o/ /lus 'di ni chos mang po 'dus pa ste skye ba na yang chos kho na skye/ 'gag pa na yang chos kho na 'gag
213b8 ste/ chos de dag ni phan tshun du mi tshor mi shes te/ chos de dag skye ba na yang 'di snyam du bdag skye'o snyam du mi sems so/ /'gag pa na yang 'di snyam du bdag 'gag go snyam du mi sems so/ /des chos kyi 'du shes
214a1 kun shes par bya ba'i phyir sems bskyed par bya ste/ gang bdag gis 'di ltar chos su 'du shes pa de yang phyin ci log ste/ phyin ci log ni nad chen po'o/ /bdag ni nad dang bral bar bya ste/ nad rab
214a2 tu spang ba'i phyir brtson par bya'o/ /de la nad spang ba de gang zhe na/ 'di lta ste/ ngar 'dzin pa dang / nga yir 'dzin pa spang ba'o/ /ngar 'dzin pa dang / nga yir 'dzin pa spang ba de gang zhe na/ 'di lta ste/
214a3 gnyis dang bral ba'o/ /de la gnyis dang bral ba gang zhe na 'di lta ste/ nang dang phyi rol du kun du spyod pa med pa'o/ /de la nang dang phyi rol du kun du spyod pa de gang zhe na/ 'di lta ste/ mnyam pa nyid las mi g.yo
214a4 ba/ rab tu mi g.yo ba/ rnam par mi g.yo ba'o/ /mnyam pa nyid gang zhe na/ bdag mnyam pa nyid nas mya ngan las 'das pa mnyam pa nyid kyi bar du'o/ /de ci'i phyir zhe na/ 'di lta ste/ bdag dang mya ngan las
214a5 'das pa gnyi ga'ang stong pa'i phyir ro/ /de gnyi ga cis stong zhe na/ ming du brjod pa de gnyis stong ste/ de dag kyang yongs su ma grub pa'o/ /de ltar mnyam pa nyid mthong ba des nad nyid gzhan ma yin/ stong pa
214a6 nyid gzhan du mi byed de/ nad nyid stong pa nyid do/ /tshor ba de ni tshor ba med par rig par bya ste/ des tshor ba 'gog pa yang mngon sum du mi bya'o/ /sangs rgyas kyi chos yongs su rdzogs pa la tshor ba gnyi ga dor mod kyi
214a7 ngan 'gror skyes pa'i sems can thams cad la snying rje chen po mi skyed pa 'ang ma yin no/ /ji ltar sems can 'di dag la tshul bzhin nges par sems pas nad sel bar 'gyur ba de ltar bya'o/ /'di dag la chos gang yang
214a8 nye bar sbyar bar yang mi bya/ bsal bar yang mi bya ste/ de gzhi gang las nad byung ba de yongs su shes par bya ba'i phyir de dag la chos bshad par bya'o/ /gzhi de gang zhe na/ 'di lta ste/ lhag par dmigs pa ni gzhi'o/ /
214b1 lhag par dmigs pa'i gzhi la ji tsam du dmigs pa de tsam du nad kyi gzhi'o/ /ci la lhag par dmigs she na/ khams gsum la lhag par dmigs so/ /lhag par dmigs pa'i gzhi yongs su shes pa
214b2 gang zhe na/ 'di lta ste/ dmigs pa med cing mi dmigs pa'o/ /gang mi dmigs pa de ni lhag par mi dmigs pa'o/ /ci mi dmigs she na/ 'di lta ste/ bdag tu lta ba dang / pha rol du lta ba
214b3 dang / lta ba gnyis su mi dmigs te/ des na mi dmigs pa zhes bya'o/ /'jam dpal de ltar byang chub sems dpa' na bas rga ba dang / na ba dang / 'chi ba dang / skye ba spang ba'i phyir bdag gi sems la
214b4 nges par bsam par bya'o/ /'jam dpal byang chub sems dpa' rnams kyi nad ni de lta bu yin te/ gal te de lta ma yin du zin na/ 'bad pa don med par 'gyur ro/ /'di lta ste/ dper bya na phyir rgol ba
214b5 bcom pas dpa' bo zhes bya ba de bzhin du rga ba dang / na ba dang / 'chi ba'i sdug bsngal zhi bar byed pas byang chub sems dpa' zhes bya'o/ /byang chub sems dpa' na ba des 'di snyam du ji ltar bdag gi nad yang
214b6 dag pa ma yin zhing yod pa ma yin pa de bzhin du sems can thams cad kyi nad kyang yang dag pa ma yin zhing yod pa ma yin no zhes brtag par bya ste/ de de ltar rtog pa na phan yon du lta bar mi ltung zhing sems can rnams
214b7 la snying rje chen po skye ste/ blo bur gyi nyon mongs pa spang ba'i phyir mngon par brtson pa'i snying rje chen po sems can rnams la skye ba ni ma gtogs so/ /de ci'i phyir zhe na/ phan yon du lta bar ltung nas snying rje chen
214b8 pos ni skye ba rnams su byang chub sems dpa' skyo bar 'gyur ro/ /phan yon du lta ba'i kun nas ldang ba dang bral ba'i snying rje chen pos ni byang chub sems dpa' skye ba rnams su skyo bar mi 'gyur ro/ /lta ba kun
215a1 nas ldang ba kun du ldang zhing mi skye ste/ de sems kun nas ldang ba med par skye bas de grol bzhin du skye/ de grol bzhin du 'byung ngo / /grol bzhin du skye zhing grol bzhin du 'byung bas sems
215a2 can bcings pa rnams bcings pa las grol ba'i chos ston par nus shing mthu yod do/ /'di lta ste/ bcom ldan 'das kyis bdag nyid bcings pas pha rol bcings pa las dgrol ba de ni gnas med de/
215a3 bdag grol bas pha rol bcings pa las grol ba de ni gnas yod do zhes gsungs te/ de bas na byang chub sems dpa' grol bar bya'i/ bcings par ni mi bya'o/ /de la bcings pa gang / grol ba gang zhe na/
215a4 thabs med par srid pa'i grol ba yongs su 'dzin pa ni byang chub sems dpa'i bcings pa'o/ /thabs kyis srid pa'i 'gro bar 'jug pa ni grol ba'o/ /thabs med pas bsam gtan dang / ting nge 'dzin dang /
215a5 snyoms par 'jug pa ro myang ba ni byang chub sems dpa'i bcings pa'o/ /thabs kyis bsam gtan dang / ting nge 'dzin gyi ro myang ba ni grol ba'o/ /thabs kyis ma zin pa'i shes rab ni bcings pa'o/ /
215a6 thabs kyis zin pa'i shes rab ni grol ba'o/ /shes rab kyis ma zin pa'i thabs ni bcings pa'o/ /shes rab kyis zin pa'i thabs ni grol ba'o/ /de la thabs kyis ma zin pa'i shes rab bcings
215a7 pa gang zhe na/ 'di lta ste/ stong pa nyid dang / mtshan ma med pa dang / smon pa med pa la nges par sems shing / mtshan dang dpe byad bzang po dang / sangs rgyas kyi zhing gi rgyan dang / sems can yongs su
215a8 smin par bya ba la nges par mi sems pa ni thabs kyis ma zin pa'i shes rab ste bcings pa'o/ /de la thabs kyis zin pa'i shes rab grol ba gang zhe na/ 'di lta ste/ mtshan dang dpe byad bzang po dang /
215b1 sangs rgyas kyi zhing gi rgyan dang / sems can yongs su smin par bya ba la sems nges par sems shing stong pa nyid dang / mtshan ma med pa dang smon pa med pa la 'dris par byed pa 'di ni thabs kyis zin pa'i
215b2 shes rab ste grol ba'o/ /de la shes rab kyis ma zin pa'i thabs bcings pa gang zhe na 'di lta ste/ lta ba thams cad dang / nyon mongs pa kun nas ldang ba dang / bag la nyal dang / rjes su chags
215b3 pa dang / khong khro ba la gnas pa'i dge ba'i rtsa ba rtsom pa thams cad byang chub tu mi sngo ba ni shes rab kyis ma zin pa'i thabs te bcings pa'o/ /de la shes rab kyis zin pa'i thabs grol ba gang zhe na/
215b4 'di lta ste/ lta ba thams cad dang / nyon mongs pa kun nas ldang ba dang / bag la nyal ba dang / rjes su chags pa dang / khong khro ba spangs pa'i dge ba'i rtsa ba rtsom pa thams cad byang chub tu yongs su bsngos
215b5 la des kyang mi snyems pa de ni byang chub sems dpa'i shes rab kyis zin pa'i thabs te grol ba'o/ /'jam dpal de la byang chub sems dpa' na bas de ltar chos de dag la nges par bsam par bya ste/
215b6 gang lus dang sems dang / nad la mi rtag pa dang / sdug bsngal ba dang / stong pa dang / bdag med par rtog pa de ni de'i shes rab bo/ /gang yang lus kyi nad yongs su spong bas mi skye ste/ 'khor
215b7 ba'i rgyun mi gcod cing sems can gyi don sbyor ba la rjes su sbyor ba 'di ni de'i thabs so/ /gzhan yang gang lus dang / sems dang / nad rnams phan tshun du gcig nas gcig tu gsar pa yang ma yin/
215b8 rnying pa yang ma yin par rtog pa de ni de'i shes rab bo/ /gang yang lus dang / sems dang / nad rnams shin du zhi ba dang 'gog pa mi skyed pa de ni de'i thabs so/ /'jam dpal de ltar byang chub sems dpa'
216a1 na bas rang gi sems nges par bsam par bya mod kyi des nges par sems pa dang / nges par mi sems par mi bya'o/ /de ci'i phyir zhe na/ gal te nges par sems pa la gnas na de ni byis pa'i chos so/ /
216a2 ci ste nges par mi sems pa la gnas na de ni nyan thos kyi chos so/ /de lta bas na byang chub sems dpas nges par sems pa dang / mi sems pa la gnas par mi bya'o/ /gang de la mi gnas pa ni byang chub sems dpa'i
216a3 spyod yul te/ so so'i skye bo'i spyod yul yang ma yin/ 'phags pa'i spyod yul yang ma yin pa de ni byang chub sems dpa'i spyod yul lo/ /gang 'khor ba 'ang spyod yul la nyon mongs pa 'ang spyod yul ma
216a4 yin pa de ni byang chub sems dpa'i spyod yul lo/ /gang mya ngan las 'das par rtog par yang spyod yul la gtan du yongs su mya ngan las 'das par yang spyod yul ma yin pa de ni byang chub sems dpa'i spyod yul lo/ /
216a5 gang bdud bzhi ston pa yang spyod yul la bdud kyi yul thams cad las yang dag par 'das pa yang spyod yul ba de ni byang chub sems dpa'i spyod yul lo/ /gang thams cad mkhyen pa'i ye shes tshol ba yang spyod yul
216a6 la dus ma yin par ye shes 'thob pa yang spyod yul ma yin pa de ni byang chub sems dpa'i spyod yul lo/ /gang bden pa bzhi shes pa yang spyod yul la dus ma yin par bden pa rtogs par byed pa yang spyod yul ma yin pa de
216a7 ni byang chub sems dpa'i spyod yul lo/ /gang nang du so sor rtog pa yang spyod yul la bsams bzhin du srid par skye bar yongs su 'dzin pa 'ang spyod yul ma yin pa de ni byang chub sems dpa'i spyod yul la nges par
216a8 gyur pa la 'jug pa 'ang spyod yul ma yin pa de ni byang chub sems dpa'i spyod yul lo/ /gang rten cing 'brel par 'byung ba'i yang spyod yul la lta ba thams cad kyi yul yang spyod yul ma yin pa de ni byang chub sems dpa'i
216b1 spyod yul lo/ /gang sems can thams cad kyi 'du 'dzi yang spyod yul la nyon mongs pa'i bag la nyal yang spyod yul ma yin pa de ni byang chub sems dpa'i spyod yul lo/ /gang dben pa yang spyod
216b2 yul la lus dang sems zad pa'i gnas kyang spyod yul ma yin pa de ni byang chub sems dpa'i spyod yul lo/ /gang khams gsum yang spyod yul la chos kyi dbyings dbye bar bya ba 'ang spyod yul ma yin pa de ni byang chub sems
216b3 dpa'i spyod yul lo/ /gang stong pa nyid kyang spyod yul la yon tan gyi rnam pa thams cad tshol ba yang spyod yul ba de ni byang chub sems dpa'i spyod yul lo/ /gang mtshan ma med pa 'ang spyod yul la sems can rab
216b4 tu grol bar bya ba la dmigs shing rtog pa'ang spyod yul ba de ni byang chub sems dpa'i spyod yul lo/ /gang smon pa med pa 'ang spyod yul la bsams bzhin du srid pa'i 'gro bar ston par yang spyod yul ba de ni byang chub
216b5 sems dpa'i spyod yul lo/ /gang mngon par 'du mi byed pa 'ang spyod yul la dge ba'i rtsa ba thams cad mngon par 'du byed pa rgyun mi gcod pa yang spyod yul ba de ni byang chub sems dpa'i spyod yul lo/ /gang pha rol tu
216b6 phyin pa drug kyang spyod yul la sems can thams cad kyi sems dang spyod pa'i pha rol du 'gro bar yang spyod yul ba de ni byang chub sems dpa'i spyod yul lo/ /gang mngon par shes pa drug kyang spyod yul la zag pa zad pa
216b7 yang spyod yul ma yin pa de ni byang chub sems dpa'i spyod yul lo/ /gang dam pa'i chos la gnas pa yang spyod yul la lam ngan pa la mi dmigs pa 'ang spyod yul ba de ni byang chub sems dpa'i spyod yul lo/ /
216b8 gang tshad med pa bzhi la'ang spyod yul la tshangs pa'i 'jig rten du skye ba la mi reg pa 'ang spyod yul ba de ni byang chub sems dpa'i spyod yul lo/ /gang rjes su dran pa drug kyang spyod yul la zag pa thams cad kyang spyod
217a1 yul ma yin pa de ni byang chub sems dpa'i spyod yul lo/ /gang bsam gtan dang / ting nge 'dzin dang / snyoms par 'jug pa 'ang spyod yul
217a2 la ting nge 'dzin dang / snyoms par 'jug pa'i dbang gis mi skye ba 'ang spyod yul ba de ni byang chub sems dpa'i spyod yul lo/ /gang dran pa nye bar bzhag pa 'ang spyod yul
217a3 la lus dang / tshor ba dang / sems dang / chos kyang shin du spyod yul ma yin pa de ni byang chub sems dpa'i spyod yul lo/ /gang yang dag par
217a4 spong ba 'ang spyod yul la dge ba dang mi dge ba gnyis su dmigs pa 'ang spyod yul ma yin ma yin pa de ni byang chub sems dpa'i spyod yul lo/ /gang rdzu
217a5 'phrul gyi rkang pa sgrub pa 'ang spyod yul la lhun gyis grub pa'i rdzu 'phrul gyi rkang pa la dbang sgyur ba 'ang spyod yul ba de ni byang chub sems dpa'i spyod yul
217a6 lo/ /gang dbang po lnga'i yang spyod yul la sems can thams cad kyi dbang po mchog dang mchog ma yin pa shes pa 'ang spyod yul ba de ni byang chub sems
217a7 dpa'i spyod yul lo/ /gang stobs lnga la gnas pa 'ang spyod yul la de bzhin gshegs pa'i stobs bcu la mngon par dga' ba yang spyod yul ba de ni byang chub sems dpa'i spyod
217a8 yul lo/ /gang byang chub kyi yan lag bdun yongs su grub pa 'ang spyod yul la blo rab tu dbye ba shes pa la mkhas pa 'ang spyod yul ba de ni byang chub sems dpa'i spyod yul lo/ /gang lam la gnas pa 'ang spyod yul
217b1 yul la lam ngan pa la mi dmigs pa 'ang spyod yul ba de ni byang chub sems dpa'i spyod yul lo/ /gang zhi gnas dang / lhag mthong gi tshogs tshol ba yang spyod yul la shin du zhi bar mi ltung ba yang spyod yul ba
217b2 de ni byang chub sems dpa'i spyod yul lo/ /gang chos thams cad skyed pa med pa'i mtshan nyid du rtog pa yang spyod yul la mtshan dang dpe byad bzang po dang / sangs rgyas kyi sku dang rgyan yongs su
217b3 sgrub pa 'ang spyod yul ba de ni byang chub sems dpa'i spyod yul lo/ /gang nyan thos dang / rang sangs rgyas kyi tshul ston pa yang spyod yul la sangs rgyas kyi chos las mi nyams pa yang spyod yul ba
217b4 de ni byang chub sems dpa'i spyod yul lo/ /gang rang bzhin rab tu rnam par dag par gyur pa'i chos thams cad kyi rjes su 'gro ba 'ang spyod yul la sems can thams cad ji ltar mos pa bzhin du spyod
217b5 lam ston pa yang spyod yul ba de ni byang chub sems dpa'i spyod yul lo/ /gang sangs rgyas kyi zhing thams cad la shin du 'jig pa dang / 'chags pa med pa
217b6 nam mkha'i/ rang bzhin du rtog pa yang spyod yul la sna tshogs su bkod pa dang / du mar bkod pa sangs rgyas kyi zhing gi yon tan bkod pa
217b7 ston pa 'ang spyod yul ba de ni byang chub sems dpa'i spyod yul lo/ /gang chos kyi 'khor lo rab tu bskor ba dang / yongs su mya ngan las 'das pa
217b8 chen po ston pa yang spyod yul la byang chub sems dpa'i spyod pa ma gtong ba yang spyod yul ba de ni byang chub sems dpa'i spyod yul lo/ /bstan pa 'di bshad pa
218a1 na 'jam dpal gzhon nur gyur pa dang lhan cig tu lhags pa'i lha'i bu de dag las lha'i bu brgyad stong bla na med pa yang dag par rdzogs pa'i byang chub tu sems skyes so/ /nad pa yang dag par dga' bar bya ba'i
218a2 le'u ste/ bzhi pa'o// // de nas tshe dang ldan pa shA ri'i bu 'di snyam du sems te/ khyim 'di na stan dag kyang med na byang chub sems dpa' 'di dag dang / nyan thos chen po 'di dag ci la 'khod snyam mo/ /de nas lid
218a3 tsa bi dri ma med par grags pas tshe dang ldan pa shA ri'i bu'i sems kyi rtog pa shes nas tshe dang ldan pa shA ri'i bu la 'di skad ces smras so/ /btsun pa shA ri'i bu ci chos 'dod de 'ongs sam/ 'on te stan 'dod/ smras pa/
218a4 kho bo ni chos 'dod de 'ongs kyi/ stan 'dod pa ni ma yin no/ /smras pa/ btsun pa shA ri'i bu de bas na gang chos 'dod pa de ni bdag gi lus kyang 'dod pa ma yin na/ stan 'dod par lta ga la 'gyur/ btsun pa
218a5 shA ri'i bu gang chos 'dod pa de ni gzugs dang / tshor ba dang / 'du shes dang / 'du byed dang / rnam par shes pa 'dod pa ma yin no/ /phung po dang / khams dang / skye mched 'dod pa ma yin no/ /gang chos 'dod pa de
218a6 ni 'dod pa'i khams dang / gzugs kyi khams dang / gzugs med pa'i khams 'dod pa ma yin no/ /gang chos 'dod pa de ni sangs rgyas la mngon par zhen pa 'dod pa ma yin/ chos dang / dge 'dun la mngon par
218a7 zhen pa 'dod pa ma yin no/ /btsun pa shA ri'i bu gzhan yang gang chos 'dod pa de ni sdug bsngal yongs su shes par 'dod pa ma yin/ kun 'byung ba spang bar 'dod pa ma yin/ 'gog pa mngon du bya bar 'dod pa ma yin/
218a8 lam bsgom par 'dod pa ma yin no/ /de ci'i phyir zhe na/ chos ni spros pa med pa/ yi ge med pa ste/ de la sdug bsngal shes par bya/ kun 'byung ba spang bar bya/ 'gog pa mngon du bya/ lam bsgom par
218b1 bya'o zhes gang 'phros par byed pa de ni chos 'dod pa ma yin te/ de ni spros pa 'dod pa pa'o/ /btsun pa shA ri'i bu chos ni nye bar zhi zhing rab tu zhi ba ste/ de la gang dag skye ba dang 'jig pa la spyod pa de dag ni chos
218b2 'dod pa ma yin/ dben pa 'dod pa ma yin te/ de ni skye ba dang 'jig pa 'dod pa'o/ /btsun pa shA ri'i bu gzhan yang chos ni rdul med cing rdul dang bral ba ste/ de la gang dag chos gang la chags ni tha na mya
218b3 ngan las 'das pa la yang rung ste/ de dag ni chos 'dod pa ma yin gyi/ de dag ni 'dod chags kyi rdul 'dod pa'o/ /chos ni yul ma yin te/ gang dag yul 'grang ba de dag yul 'grang ba de dag ni
218b4 chos 'dod pa ma yin gyi/ de dag ni yul 'dod pa'o/ /chos ni blang ba med pa/ dor ba med pa ste/ gang dag chos gang la 'dzin pa dang gtong ba de dag ni chos 'dod pa ma yin te/ de dag ni 'dzin
218b5 pa dang gtong ba 'dod pa'o/ /chos ni kun gzhi med pa ste/ gang kun gzhi la dga' ba de dag ni chos 'dod pa ma yin gyi/ de dag ni kun gzhi 'dod pa'o/ /chos ni mtshan ma med pa stong pa ste gang
218b6 dag gi rnam par shes pa mtshan ma'i rjes su 'jug pa de dag ni chos 'dod pa ma yin te/ de dag ni mtshan ma 'dod pa'o/ /chos ni lhan cig gnas pa ma yin te/ gang su dag chos dang lhan cig gnas
218b7 pa de dag ni chos 'dod pa ma yin gyi/ de dag ni gnas pa 'dod pa'o/ /chos ni mthong ba dang / thos pa dang / bye brag phyed pa dang / rnam par rig pa ma yin te/ gang dag mthong ba dang / thos pa dang /
218b8 bye brag phyed pa dang / rnam par rig pa la spyod pa de dag ni mthong ba dang / thos pa dang / bye brag phyed pa dang /
219a1 rnam par rig pa 'dod pa yin gyi de dag ni chos 'dod pa ma yin no/ /btsun pa shA ri'i bu chos ni 'dus byas dang 'dus ma byas med pa ste/ gang dag 'dus byas spyod yul ba de dag ni chos 'dod pa ma
219a2 yin gyi de dag ni 'dus byas su 'dzin pa 'dod pa'o/ /btsun pa shA ri'i bu de lta bas na khyod chos 'dod par bya na khyod kyis chos thams cad mi 'dod par bya'o/ /chos bstan pa 'di bshad pa na lha'i bu lnga brgya chos
219a3 rnams la chos kyi mig rnam par dag go/ /de nas li tsa bi dri ma med par grags pas 'jam dpal gzhon nur gyur pa la smras pa/ 'jam dpal khyod kyis phyogs bcu'i sangs rgyas kyi zhing brgya stong grangs med
219a4 pa dag tu sangs rgyas kyi zhing rgyu zhing 'gro ba na sangs rgyas kyi zhing gang na seng ge'i khri thams cad kyi mchog yon tan thams cad dang ldan pa dag mthong / de skad ces smras pa dang 'jam dpal gzhon nur gyur pas li tsa bi
219a5 dri ma med par grags pa la 'di skad ces smras so/ /rigs kyi bu 'di nas shar phyogs su sangs rgyas kyi zhing gang gA'i klung sum bcu rtsa gnyis kyi bye ma snyed 'das pa na 'jig rten gyi khams lhun po'i rgyal mtshan
219a6 zhes bya ba yod de/ de na de bzhin gshegs pa lhun po'i sgron ma'i rgyal po zhes bya ba bzhugs te/ 'tsho zhing gzhes so/ /de bzhin gshegs pa de'i sku ni dpag tshad 'bum phrag brgyad cu rtsa bzhi'o/ /bcom
219a7 ldan 'das de'i seng ge'i khri'i tshad ni dpag tshad 'bum phrag drug cu rtsa brgyad do/ /byang chub sems dpa' de dag gi lus kyang dpag tshad 'bum phrag bzhi bcu rtsa gnyis so/ /byang chub sems dpa' de dag gi
219a8 seng ge'i khri yang dpag tshad 'bum phrag sum cu rtsa bzhi yod de/ rigs kyi bu de bzhin gshegs pa lhun po'i sgron ma'i rgyal po de'i sangs rgyas kyi zhing 'jig rten gyi khams lhun po'i rgyal mtshan de na seng ge'i
219b1 khri thams cad kyi mchog yon tan thams cad dang ldan pa dag yod do/ /de nas li tsa bi dri ma med par grags pas de'i tshe de lta bu'i bsam pa kun bsams shing / 'di lta bu'i rdzu 'phrul 'di mngon par 'du byed
219b2 pa mngon par byas te/ gang 'jig rten gyi khams lhun po'i rgyal mtshan de na bcom ldan 'das de bzhin gshegs pa lhun po'i sgron ma'i rgyal po des seng ge'i khri sum khri nyis stong bskur te/ de tsam du
219b3 'phang mtho ba/ de tsam du yangs pa/ de tsam du blta na sdug pa/ gang byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba dang /
219b4 lha'i bu de dag gis sngon ma mthong ba de dag steng gi nam mkha' las 'ongs te/ li tsa bi dri ma med par grags pa'i khyim du so sor gnas so/ /seng ge'i khri sna tshogs sum khri nyis stong ma 'dos par shong ste/
219b5 khyim de yang de tsam du yangs par snang ngo / /yangs pa'i grong khyer chen po yang bsgribs par gyur pa med/ 'dzam bu'i gling dang gling bzhi pa yang bsgribs pa med de/ de dag thams cad kyang sngon ji lta ba
219b6 bzhin du snang ngo / /de nas li tsa bi dri ma med par grags pas 'jam dpal gzhon nur gyur pa la 'di skad ces smras so/ /'jam dpal seng ge'i khri dang 'tsham pa'i lus su byin gyis brlabs nas byang chub
219b7 sems dpa' 'di dag dang seng ge'i khri la 'dug shig /de nas byang chub sems dpa' gang mngon par shes pa thob pa de dag ni bdag gi lus dpag tshad 'bum phrag bzhi bcu rtsa gnyis par byin gyis brlabs te seng ge'i
219b8 khri la 'khod do/ /byang chub sems dpa' gang dag las dang po pa de dag ni seng ge'i khri de dag la 'dug ma nus so/ /de nas li tsa bi dri ma med par grags pas ji ltar byang chub sems dpa' de dag mngon par shes
220a1 pa lnga 'grub par 'gyur ba de lta de lta bur byang chub sems dpa' de dag la chos bstan te/ de dag gis mngon par shes pa thob nas lus dpag tshad 'bum phrag bzhi bcu rtsa gnyis par mngon par
220a2 sprul te seng ge'i khri de dag la 'khod do/ /nyan thos chen po de dag kyang seng ge'i khri de dag la 'khod ma nus te/ de nas li tsa bi dri ma med par grags pas tshe dang ldan pa shA ri'i bu la smras pa/ btsun pa shA ri'i
220a3 bu seng ge'i khri la 'dug shig /smras pa/ skyes bu dam pa seng ge'i khri 'di dag mtho zhing che bas 'dug mi nus so/ /smras pa/ btsun pa shA ri'i bu bcom ldan 'das de bzhin gshegs pa lhun po'i sgron
220a4 ma'i rgyal po de la phyag gyis shig dang / 'dug nus par 'gyur ro/ /de nas nyan thos chen po de dag gis bcom ldan 'das de bzhin gshegs pa lhun po'i sgron ma'i rgyal po de la phyag 'tshal nas gdod de dag seng
220a5 ge'i khri la 'khod do/ /de nas tshe dang ldan pa shA ri'i bus li tsa bi dri ma med par grags pa la 'di skad ces smras so/ /rigs kyi bu khyim chung ngu'i nang du seng ge'i khri 'di lta bur mtho zhing che ba sna tshogs 'di lta bu stong phrag
220a6 'di snyed chud pa dang / 'di dag gis yangs pa'i grong khyer chen po yang bsgribs par ma gyur/ 'dzam bu'i gling gi grong dang / grong khyer dang / yul 'khor dang / rgyal po'i 'khor dang / gling chen po bzhi la 'ang
220a7 cung zad kyang ma bsgribs/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i gnas rnams kyang bsgribs par ma gyur te/ sngon ci
220a8 'dra ba phyis kyang de bzhin du snang ba ni ngo mtshar to/ /li tsa bi dri ma med par grags pas smras pa/ btsun pa shA ri'i bu de bzhin gshegs pa dang / byang chub sems dpa' rnams la ni rnam par thar pa bsam
220b1 gyis mi khyab pa zhes bya ba yod de/ rnam par thar pa bsam gyis mi khyab pa de la gnas pa'i byang chub sems dpa' ni ri'i rgyal po ri rab de tsam du mtho ba/ de tsam du che ba/ de tsam du 'phags pa/ de
220b2 tsam du yangs pa yang yungs 'bru'i nang du 'jug ste/ yungs 'bru de yang skyes pa yang med/ ri rab kyang gang ba'ang med la bya ba de yang ston to/ /rgyal chen bzhi'i ris kyi lha rnams dang / sum cu rtsa
220b3 gsum pa'i lha rnams kyang bdag cag gang du bcug mi shes so/ /rdzu 'phrul gyis 'dul ba'i sems can gzhan dag gis ni ri'i rgyal po ri rab de yungs 'bru'i nang du bcug par shes shing mthong ngo / /
220b4 de ni btsun pa shA ri'i bu byang chub sems dpa' rnams kyi rnam par thar pa bsam gyis mi khyab pa'i yul la 'jug pa'o/ /btsun pa shA ri'i bu gzhan yang rnam par thar pa bsam gyis mi khyab pa la gnas pa'i
220b5 byang chub sems dpa' ni rgya mtsho chen po bzhi'i chu'i phung po rnams spu'i khung bu gcig tu blugs te/ nya dang / rus sbal dang / chu srin byis pa gsod dang / sbal pa dang / chu las skyes pa'i srog chags gzhan dag
220b6 la yang gnod par gyur pa med/ klu dang / gnod sbyin dang / dri za dang / lha ma yin rnams kyang 'di snyam du bdag cag gar btsud snyam yang mi sems la/ bya ba de yang snang zhing sems can de dag la
220b7 gnod cing 'khrug pa yang med do/ /stong gsum gyi stong chen po'i 'jig rten gyi khams 'di yang rdza mkhan gyi 'khor lo bzhin lag pa g.yas pas blangs te bskor nas 'jig rten gyi khams gang gA'i klung gi
220b8 bye ma snyed du 'phangs kyang sems can rnams bdag cag gang du phyung gang nas 'ongs mi shes so/ /slar yang blangs nas gnas bzhin du bzhag kyang 'ong ba dang 'gro bar mi shes mod kyi bya ba de yang kun tu snang ngo / /
221a1 btsun pa shA ri'i bu gzhan yang 'khor ba tshad med pas 'dul ba'i sems can dag kyang yod/ 'khor ba bstung bas 'dul ba dag kyang yod do/ de la rnam par thar pa bsam gyis mi khyab pa la
221a2 gnas pa'i byang chub sems dpa' ni 'khor ba tshad med pas 'dul ba'i sems can rnams 'dul ba'i dbang gi phyir zhag bdun yang bskal pa 'das par ston te/ 'khor ba bstung bas 'dul ba'i sems can
221a3 rnams la ni bskal pa yang zhag bdun gyis 'das par ston to/ /de la 'khor ba tshad med pas 'dul ba'i sems can rnams ni zhag bdun la yang bskal pa 'das pa snyam du shes so/ /gang 'khor ba bstung bas
221a4 'dul ba'i sems can de dag ni bskal pa yang zhag bdun gyis 'das par shes so/ /de ltar rnam par thar pa bsam gyis mi khyab pa la gnas pa'i byang chub sems dpa' ni sangs rgyas kyi zhing thams cad kyi yon
221a5 tan bkod pa rnams sangs rgyas kyi zhing gcig tu ston to/ /sems can thams cad kyang lag pa g.yas pa'i mthil du bzhag ste/ sems kyi mgyogs pa'i rdzu 'phrul gyis 'gro zhing sangs rgyas kyi zhing gcig
221a6 nas kyang ma g.yos so/ /phyogs bcu'i sangs rgyas bcom ldan 'das la mchod pa ji snyed yod pa de thams cad spu'i khung bu gcig tu ston to/ /phyogs bcu na zla ba dang / nyi ma dang / skar ma'i gzugs ji snyed yod pa de
221a7 thams cad kyang spu'i khung bu gcig tu ston to/ /phyogs bcu na rlung gi dkyil 'khor ldang ba ji snyed pa de dag thams cad kha'i nang du brngubs kyang de'i lus zhig pa 'ang med cing sangs rgyas kyi zhing de dag gi rtswa dang nags tshal rnams nyal ba
221a8 'ang med do/ /phyogs bcu'i sangs rgyas kyi zhing rnams sreg pa'i bskal pas tshig pa'i me'i phung po de kun rang gi ltor bcug kyang gang des las bya ba de byed do/ /'og tu sangs rgyas kyi zhing gang gA'i klung gi bye ma snyed 'das pa nas
221b1 sangs rgyas kyi zhing de steng du byung ste gshegs nas/ gyen du sangs rgyas kyi zhing gang gA'i klung gi bye ma snyed 'das par steng du 'jog ste/ 'di lta ste/ dper na skyes bu mthu chen po zhig gis khab kyi rtse mos rgya shug gi lo ma la gtsugs
221b2 te bteg pa bzhin no/ /de ltar rnam par thar pa bsam gyis mi khyab pa la gnas pa'i byang chub sems dpa' sems can thams cad 'khor los sgyur ba'i gzugs su byin gyis rlob bo/ /de bzhin du 'jig rten skyong ba'i gzugs su byin
221b3 gyis rlob bo/ /brgya byin gyi gzugs su byin gyis rlob bo/ /tshangs pa'i gzugs su byin gyis rlob bo/ /nyan thos kyi gzugs su byin gyis rlob bo/ /rang sangs rgyas kyi gzugs su byin gyis rlob bo/ /byang chub sems dpa'i
221b4 gzugs su byin gyis rlob bo/ /sems can thams cad sangs rgyas kyi gzugs su byin gyis rlob bo/ /phyogs bcu na sems can rab 'bring tha ma thams cad kyi sgrar grags pa dang / sgrar btags pa gang ji snyed pa de dag
221b5 thams cad sangs rgyas kyi gsung dbyangs dang / sangs rgyas kyi sgra dang chos kyi sgra dang / dge 'dun gyi sgrar byin gyis rlob ste/ sgra dbyangs de las kyang mi rtag pa dang / sdug bsngal ba dang / stong pa dang / bdag
221b6 med pa'i sgra dbyangs 'byung bar byed de/ phyogs bcu'i sangs rgyas bcom ldan 'das rnam pa ji snyed du bstan pas chos ston pa de dag thams cad sgra dang dbyangs de dag las 'byung bar byed do/ /btsun pa shA ri'i bu 'di ni
221b7 rnam par thar pa bsam gyis mi khyab pa la gnas pa'i byang chub sems dpa' rnams kyi yul la 'jug pa cung zad tsam zhig bstan par zad de/ btsun pa shA ri'i bu rnam par thar pa bsam gyis mi khyab pa la gnas pa'i byang chub
221b8 sems dpa' rnams kyi yul la 'jug pa bstan pa ni bskal pa las lhag pa 'am/ de las 'das pa yang kho bos bshad do/ /de nas gnas brtan 'od srung chen pos byang chub sems dpa'i rnam par thar pa bsam gyis mi
222a1 khyab pa bstan pa 'di thos nas ngo mtshar du gyur te/ gnas brtan shA ri'i bu la 'di skad ces smras so/ /tshe dang ldan pa shA ri'i bu 'di lta ste dper na mi dmus long gi mdun du la las gzugs su gyur pa thams
222a2 cad bstan kyang dmus long des gzugs gcig kyang mi mthong ba de bzhin du/ tshe dang ldan pa shA ri'i bu rnam par thar pa bsam gyis mi khyab pa'i sgo 'di bstan pa'i tshe nyan thos dang rang sangs rgyas thams cad dmus long dang 'dra
222a3 bar mig med de/ bsam gyis mi khyab pa'i rgyu gcig tsam yang mngon sum du ma gyur na/ rnam par thar pa bsam gyis mi khyab pa 'di thos nas mkhas pa su zhig bla na med pa yang dag par rdzogs pa'i byang chub tu sems mi
222a4 skyed/ dbang po shin du nyams pa sa bon tshig pa dang rul ba ltar theg pa chen po 'di la snod du ma gyur na da ji ltar bya/ nyan thos dang rang sangs rgyas thams cad kyis chos bstan pa 'di thos nas cho nges btab ste/ stong gsum
222a5 gyi stong chen po'i 'jig rten gyi khams su go bar byas so/ /byang chub sems dpa' thams cad kyis ni rnam par thar pa bsam gyis mi khyab pa 'di thos na rgyal bu gzhon nus cod pan blang ba bzhin du rab tu dga'
222a6 bas spyi bor blang zhing 'di la mos pa'i stobs shin du bskyed par bya'o/ /gang rnam par thar pa bsam gyis mi khyab pa 'di la mos pa de la bdud thams cad kyang ci zhig byed par 'gyur/ gnas brtan 'od srung chen pos
222a7 bstan pa 'di bshad pa na lha'i bu sum khri nyis stong gis bla na med pa yang dag par rdzogs pa'i byang chub tu sems bskyed do/ /de nas lid tsa bi dri ma med par grags pas gnas brtan 'od srung chan po la 'di skad ce smras so/ /
222a8 btsun pa 'od srung chen po phyogs bcu'i 'jig rten gyi khams dpag tu med pa dag na bdud ji snyed bdud byed pa de dag thams cad kyang rnam par thar pa bsam gyis mi khyab pa la gnas pa'i byang chub sems dpa' rnams thabs la
222b1 mkhas pas sems can yongs su smin par bya ba'i phyir bdud byed do/ /btsun pa 'od srung chen po phyogs bcu'i 'jig rten gyi khams dpag tu med pa dag na byang chub sems dpa' la slong ba gang dag gis lag pa 'am/
222b2 rkang pa 'am/ rna ba 'am/ sna 'am/ khrag gam/ rgyus pa 'am/ rus pa 'am/ rkang pa 'am/ mig gam/ ro stod dam/ mgo 'am/ yan lag dang / nying lag gam/ rgyal po'i srid dam/ yul 'khor ram/
222b3 ljongs sam/ chung ma dang bu pho dang / bu mo dang / bran pho dang / bran mo dang / rta dang / glang po che dang / shing rta dang / bzhon pa dang / gser dang / dngul dang / nor bu dang / mu tig dang / dung dang / man shel dang / byi ru dang / bai dU
222b4 R+ya dang / nor bu rin po che rnams kyang rung / bza' ba dang / btung ba dang / bro ba rnams sam/ gos rnams kyang rung / nyam nga bar byas te slong ba de dag thams cad kyang phal cher rnam par thar pa bsam gyis mi khyab
222b5 pa la gnas pa'i byang chub sems dpa' rnams te/ thabs la mkhas pas lhag pa'i bsam pa brtan pa 'di ston to/ /de ci'i phyir zhe na/ btsun pa 'od srung chen po byang chub sems dpa' rnams ni dka'
222b6 thub drag pas na de lta bur ston to/ go skabs ma phye bar byang chub sems dpa' la nyam nga bar byed pa'i mthu skye bo phal la med do/ /go skabs ma phye bar gsad pa 'am bslang bar yang mi nus so/ /btsun pa 'od
222b7 srung 'di lta ste/ dper na srin bu me khyer gyis nyi ma'i dkyil 'khor gyi 'od zil gyis mnan par mi nus pa de bzhin du btsun pa 'od srung go skabs ma phye bar byang chub sems dpa'i thad du 'gro ba 'am bslang bar mi nus so/ /
222b8 btsun pa 'od srung chen po 'di lta ste/ dper na bal glang glang po che la brdeg pa ni bong bus bzod par mi nus te/ de bzhin du btsun pa 'od srung chen po byang chub sems dpa' ma yin pas byang chub sems dpa'
223a1 nyam nga bar byed mi nus kyi byang chub sems dpa' nyid la nyam nga bar byed de/ byang chub sems dpas nyam nga bar byas pa byang chub sems dpas bzod do/ /btsun pa 'od srung chen po de ni rnam par
223a2 thar pa bsam gyis mi khyab pa la gnas pa'i byang chub sems dpa' rnams kyi thabs shes pa'i stobs la 'jug pa'o/ /rnam par thar pa bsam gyis mi khyab pa bstan pa'i le'u ste lnga pa'o// // de nas 'jam dpal
223a3 gzhon nur gyur pas li ts+tsha bI dri ma med par grags pa la 'di skad ces smras so/ /skyes bu dam pa byang chub sems dpas sems can thams cad la ji ltar blta bar bya/ smras pa/ 'jam dpal 'di lta ste/ dper
223a4 na skyes bu mkhas pa chu zla la lta ba de bzhin du byang chub sems dpas sems can thams cad la blta bar bya'o/ /'jam dpal 'di lta ste/ dper na sgyu ma mkhan dag sgyu ma mkhan gyis sprul pa'i mi la lta ba de bzhin du
223a5 byang chub sems dpas sems can thams cad la blta bar bya'o/ /'jam dpal 'di lta ste dper na me long gi dkyil 'khor la bzhin lta ba de bzhin du byang chub sems dpas sems can thams cad la blta bar bya'o/ /
223a6 'jam dpal 'di lta ste dper na smig rgyu'i chu ltar byang chub sems dpas sems can thams cad la blta bar bya'o/ /'jam dpal 'di lta ste dper na brag cha'i sgra skad lta bur byang chub sems dpas sems can thams cad
223a7 la blta bar bya'o/ /'jam dpal 'di lta ste dper na nam mkha' la sprin gyi phung po lta bur byang chub sems dpas sems can thams cad la blta bar bya'o/ /'jam dpal 'di lta ste dper na dbu ba rdos pa'i sngon gyi mtha'
223a8 lta bur byang chub sems dpas sems can thams cad la blta bar bya'o/ /'jam dpal 'di lta ste dper na chu'i chu bur 'byung ba dang 'jig pa ltar byang chub sems dpas sems can thams cad la so sor brtag go/ /'jam
223b1 dpal 'di lta ste dper na chu shing la snying po lta ba ltar byang chub sems dpas sems can thams cad la so sor brtag go/ /'jam dpal 'di lta ste/ dper na glog gi 'pho ba ltar byang chub sems dpas sems can thams
223b2 cad la so sor brtag go/ /'jam dpal 'di lta ste dper na khams lnga pa ltar byang chub sems dpas sems can thams cad la so sor brtag go/ /'jam dpal 'di lta ste dper na skye mched bdun po ltar byang chub sems dpas
223b3 sems can thams cad la so sor brtagaso go/ /'jam dpal 'di lta ste dper na gzugs med pa dag la gzugs med pa snang ba ltar byang chub sems dpas sems can thams cad la so sor brtag go/ /'jam dpal 'di lta ste
223b4 dper na sa bon brngos pa las myu gu 'grub pa ltar byang chub sems dpas sems can thams cad la so sor brtag go/ /'jam dpal 'di lta ste dper na sbal pa'i spu'i gos ltar byang chub sems dpas sems can thams cad la so sor
223b5 brtag go/ /'jam dpal 'di lta ste dper na shi ba 'dod pa'i rtsed mo la dga' ba ltar byang chub sems dpas sems can thams cad la so sor brtag go/ /'jam dpal 'di lta ste dper na rgyun du zhugs pa'i 'jig tshogs la lta ba ltar
223b6 byang chub sems dpas sems can thams cad la so sor brtag go/ /'jam dpal 'di lta ste dper na lan cig phyir 'ong ba la srid pa gsum po ltar byang chub sems dpas sems can thams cad la so sor brtag go/ /'jam dpal
223b7 'di lta ste/ dper na phyir mi 'ong ba la mngal du 'jug pa ltar byang chub sems dpas sems can thams cad la so sor brtag go/ /'jam dpal 'di lta ste/ dper na dgra bcom pa la 'dod chags dang / zhe sdang dang / gti mug
223b8 bzhin du byang chub sems dpas sems can thams cad la so sor brtag go/ /'jam dpal 'di lta ste dper na bzod pa thob pa'i byang chub sems dpa' la ser sna dang / 'chal pa'i tshul khrims dang / gnod sems dang / rnam par
224a1 'tshe ba'i sems bzhin du byang chub sems dpas sems can thams cad la so sor brtag go/ /'jam dpal 'di lta ste dper na de bzhin gshegs pa la bag chags bzhin du byang chub sems dpas sems can thams
224a2 cad la so sor brtag go/ /'jam dpal 'di lta ste dper na mi dmus long gis gzugs mthong ba ltar byang chub sems dpas sems can thams cad la so sor brtag go/ /'jam dpal 'di lta ste dper na 'gog pa la
224a3 snyoms par zhugs pa'i dbugs 'byung ba dang rngub pa de bzhin du byang chub sems dpas sems can thams cad la so sor brtag go/ /'jam dpal 'di lta ste/ dper na nam mkha' la ni bya'i rjes bzhin du byang chub sems
224a4 dpas sems can thams cad la so sor brtag go/ /'jam dpal 'di lta ste dper na ma ning la pho mtshan skye ba bzhin du byang chub sems dpas sems can thams cad la so sor brtag go/ /'jam dpal 'di lta ste dper na mo sham
224a5 gyi bu rnyed pa bzhin du byang chub sems dpas sems can thams cad la so sor brtag go/ /'jam dpal 'di lta ste dper na de bzhin gshegs pas sprul pa'i nyon mongs pa ma skyes pa de bzhin du byang chub sems dpas sems can thams cad
224a6 la so sor brtag go/ /'jam dpal 'di lta ste/ dper na rmi lam na snang ba sad na mthong ba bzhin du byang chub sems dpas sems can thams cad la so sor brtag go/ /'jam dpal 'di lta ste dper na kun du mi rtog pa la
224a7 nyon mongs pa bzhin du byang chub sems dpas sems can thams cad la so sor brtag go/ /'jam dpal 'di lta ste dper na/ rgyu med pa las me 'byung ba bzhin du byang chub sems dpas sems can thams cad la so sor brtag
224a8 go/ /'jam dpal 'di lta ste dper na yongs su mya ngan las 'das pa'i nying mtshams sbyor ba bzhin du byang chub sems dpas sems can thams cad la so sor brtag go/ /'jam dpal de lta bur yang dag pa nyid bdag
224b1 med par rab tu rtogs pas byang chub sems dpas sems can thams cad la so sor brtag go/ /smras pa/ rigs kyi bu gal te byang chub sems dpas sems can thams cad la de lta bur so sor brtag na ji ltar
224b2 na sems can thams cad la byams pa chen po skye bar 'gyur/ smras pa/ 'jam dpal nam byang chub sems dpa' de ltar so sor rtog pa na de ltar chos yongs su shes nas sems can 'di dag la'ang bdag gis chos
224b3 bstan to snyam ste/ de bas na de sems can thams cad la yang dag pa'i skyabs kyi byams pa skye ste/ len pa med pa'i phyir nye bar zhi ba'i byams pa'o/ /nyon mongs pa med pas gdung ba med pa'i byams pa'o/ /
224b4 dus gsum mnyam pa nyid kyi phyir ci bzhin pa nyid kyi byams pa'o/ /kun nas ldang ba med pa'i phyir 'gal ba med pa'i byams pa'o/ /phyi nang ma 'dres pa'i phyir gnyis su med pa'i byams pa'o/ /shin du mthar thug pa'i phyir mi 'khrugs
224b5 pa'i byams pa'o/ /bsam pa rdo rje lta bur mi phyed pa'i phyir brtan pa'i byams pa'o/ /rang bzhin gyis yongs su dag pa'i phyir yongs su dag pa'i byams pa'o/ /bsam pa mnyam pa'i phyir mnyam pa'i byams pa'o/ /
224b6 dgra bcom pa'i phyir dgra bcom pa'i byams pa'o/ /sems can yongs su smin par bya ba rgyun mi 'chad pa'i phyir byang chub sems dpa'i byams pa'o/ /yang de bzhin nyid khong du chud pa'i phyir de bzhin gshegs pa'i byams pa'o/ /
224b7 sems can gnyid kyis log pa rab tu sad par byed pa'i phyir sangs rgyas kyi byams pa'o/ /rang mngon par rdzogs par byang chub pa'i phyir rang byung gi byams pa'o/ /ro mtshungs pa'i phyir byang chub kyi byams pa'o/ /rjes su
224b8 chags pa dang / khong khro ba spangs pa'i phyir sgro btags pa med pa'i byams pa'o/ /theg pa chen po yongs su snang bar byed pa'i phyir snying rje chen po'i byams pa'o/ /stong pa dang bdag med par so sor rtog pa'i phyir yongs
225a1 su mi skyo ba'i byams pa'o/ /slob dpon dpe mkhyud med pa'i phyir chos kyi sbyin pa'i byams pa'o/ /tshul khrims 'chal pa'i sems can la lta ba'i phyir tshul khrims kyi byams pa'o/ /bdag dang
225a2 pha rol srung ba'i phyir bzod pa'i byams pa'o/ /sems can thams cad kyi khur khyer ba'i phyir brtson 'grus kyi byams pa'o/ /ro myang ba med pa'i phyir bsam gtan gyi byams pa'o/ /dus su thob par byed pa'i phyir
225a3 shes rab kyi byams pa'o/ /thams cad du sgo ston pa'i phyir thabs kyi byams pa'o/ /bsam pa rnam par dag pa'i phyir tshul 'chos pa med pa'i byams pa'o/ /bsam pa thag pa nas byed pa'i phyir g.yo med pa'i
225a4 byams pa'o/ /nyon mongs pa med pa'i phyir lhag pa'i bsam pa'i byams pa'o/ /bcos pa ma yin pa'i phyir sgyu med pa'i byams pa'o/ /sangs rgyas kyi bde ba la 'god pa'i phyir bde ba'i byams pa ste/ 'jam dpal
225a5 de ni byang chub sems dpa'i byams pa chen po'o/ /smras pa/ de'i snying rje chen po gang yin/ smras pa/ dge ba'i rtsa ba'i byas pa sems can thams cad la gtong ba'o/ /smras pa/ de'i dga' ba chen po gang
225a6 yin/ smras pa/ gang byin nas yid dga' bar gyur te mi 'gyod pa'o/ /smras pa/ de'i btang snyoms gang yin/ smras pa/ gang gnyi ga'i don du 'gyur ba'o/ /smras pa/ 'khor ba'i 'jigs pas skrag
225a7 pa gang la brtan par bya/ smras pa/ 'jam dpal byang chub sems dpa' 'khor ba'i 'jigs pas skrag pa ni sangs rgyas kyi che ba nyid la brtan par bya'o/ /smras pa/ sangs rgyas kyi che ba nyid la gnas par 'dod
225a8 pas gang la gnas par bya/ smras pa/ sangs rgyas kyi che ba nyid la gnas par 'dod pas sems can thams cad la snyoms par gnas par bya'o/ /smras pa/ sems can thams cad la snyoms par
225b1 gnas par 'dod pas gang la gnas par bya/ smras pa/ sems can thams cad la snyoms par gnas par 'dod pas sems can thams cad rab tu thar bar bya ba'i phyir gnas par bya'o/ /smras pa/ sems can
225b2 thams cad rab tu thar bar bya bar 'dod pas ji lta bur bya/ smras pa/ sems can thams cad rab tu thar bar bya bar 'dod pas nyon mongs pa las rab tu thar bar bya'o/ /smras pa/ nyon mongs pa spang bar
225b3 'dod pas/ ji ltar rab tu sbyar bar bya/ smras pa/ nyon mongs pa spang bar 'dod pas tshul bzhin rab tu sbyar bar bya'o/ /smras pa/ ji lta bur rab tu sbyar na/ tshul bzhin du rab tu sbyor ba yin/ smras pa/
225b4 skye ba med pa dang / 'gag pa med pa la rab tu sbyor ba ni tshul/ bzhin du/ rab tu sbyor ba yin no/ /smras pa/ ci mi skyed/ ci mi 'gog /smras pa/ mi dge ba rnams mi skyed cing / dge ba rnams kyis mi
225b5 'gog go/ /smras pa/ dge ba dang mi dge ba'i rtsa ba gang smras pa/ 'jig tshogs ni rtsa ba'o/ /smras pa/ 'jig tshogs kyi rtsa ba gang / smras pa/ 'jig tshogs kyi rtsa ba ni 'dod pa dang chags pa'o/ /
225b6 smras pa/ 'dod pa dang chags pa'i rtsa ba gang / smras pa/ 'dod pa dang chags pa'i rtsa ba ni yang dag pa ma yin pa kun rtog pa'o/ /smras pa/ yang dag pa ma yin pa kun du rtog pa'i rtsa ba gang / smras pa/ yang
225b7 dag pa ma yin pa kun rtog pa'i rtsa ba ni phyin ci log gi 'du shes so/ /smras pa/ phyin ci log gi 'du shes kyi rtsa ba gang / smras pa/ phyin ci log gi 'du shes kyi rtsa ba ni rten med pa'o/ /smras pa/ rten med pa'i rtsa
225b8 ba gang / smras pa/ 'jam dpal gang rten med pa de'i rtsa bar 'gyur ba ci zhig yod de/ de ltar chos thams cad ni rten med pa'i rtsa ba la gnas pa'o/ /de nas khyim de na gang gnas pa'i lha mo des byang chub sems dpa'
226a1 sems dpa' chen po de dag gi chos bstan pa 'di thos nas dga' zhing mgu la yid rangs te/ bdag gi lus rags pa bstan nas lha'i me tog dag gis byang chub sems dpa' sems dpa' chen po de dag dang /
226a2 nyan thos chen po de dag la mngon par gtor te/ gtor ba dang byang chub sems dpa' rnams kyi lus la me tog gang dag bab pa de dag ni sa la lhung ngo / /nyan thos chen po rnams kyi lus la me tog gang dag bab pa de dag ni de nyid du chags
226a3 nas sa la ma lhung ngo / /de nas nyan thos chen po de dag rdzu 'phrul gyis me tog de dag sprugs kyang ma lhung ngo / /de nas lha mo des tshe dang ldan pa shA ri'i bu la 'di skad ces smras so/ /btsun pa shA ri'i bu me tog 'di dag sprugs te
226a4 ci bya/ smras pa lha mo me tog 'di dag ni rung ba ma yin pas na bdag me tog 'di dag 'dor ro/ /lha mos smras pa/ btsun pa shA ri'i bu de skad ma smra zhig /de ci'i phyir zhe na/ me tog 'di dag ni rung ba yin no/ /de ci'i phyir
226a5 zhe na/ 'di ltar me tog de dag ni mi rtog /rnam par mi rtog pa ste/ gnas brtan shA ri'i bu nyid rtog cing rnam par rtog go/ /btsun pa shA ri'i bu gang dag legs par gsungs pa'i chos 'dul ba la rab tu byung nas rtog pa dang
226a6 rnam par rtog pa de dag ni rung ba ma yin pa'o/ /gnas brtan ni rtog cing rnam par rtog ste/ gang dag mi rtog pa de dag ni rung ba'o/ /btsun pa shA ri'i bu 'di ltar rtog pa dang rnam pa spangs pa'i phyir byang chub sems dpa' sems
226a7 dpa' chen po 'di dag gi lus la me tog mi chags pa la ltos/ 'di lta ste/ dper na 'jigs pa'i rang bzhin can gyi mi la ni mi ma yin pa rnams kyis glags rnyed do/ /de bzhin du 'khor ba'i 'jigs pas skrag pa rnams
226a8 la ni gzugs dang / sgra dang / dri dang / ro dang / reg byas glags rnyed par 'gyur ro/ /gang dag 'du byed thams cad kyi nyon mongs pa'i 'jigs pa dang bral ba de dag la ni gzugs dang / sgra dang / dri dang / ro dang / reg
226b1 byas ci zhig byar yod/ gang dag bag chags ma spangs pa de dag la ni me tog kyang 'chags kyi/ gang dag bag chags spangs pa de dag gi lus la me tog mi chags te/ de bas na bag chags thams cad spangs
226b2 pa rnams kyi lus la me tog mi chags so/ /de nas tshe dang ldan pa shA ri'i bus lha mo de la 'di skad ces smras so/ /lha mo khyod khyim 'di'i nang du zhugs nas yun ji srid cig lon/ lha mos smras pa/ gnas
226b3 brtan gyis rnam par grol ba la zhugs nas yun ji srid pa'o/ /smras pa/ lha mo khyod khyim 'dir gnas nas ring po ma lon pa lta zhig /smras pa/ gnas brtan gyis rnam par grol ba la zhugs nas ji srid
226b4 lon/ de nas gnas brtan cang mi zer bar gyur to/ /smras pa/ gnas brtan shes rab chen po dang ldan pa'i mchog ni ci'i phyir mi smra zhing da dus la bab na dris pa'i lan mi blan/ smras pa/ lha mo rnam
226b5 par grol ba ni brjod du med na de ji skad du brjod mi shes so/ /smras pa/ gnas brtan gyis gang yi ger brjod pa de thams cad kyang rnam par grol ba'i mtshan nyid do/ /de ci'i phyir zhe na/ rnam par grol ba gang
226b6 yin pa de ni nang na 'ang med/ phyi rol na 'ang med/ gnyi ga med par yang mi dmigs so/ /de bzhin du yi ge de nang na 'ang med/ phyi rol na 'ang med/ gnyi ga med par yang mi dmigs so/ /de lta bas na btsun
226b7 pa shA ri'i bu yi ge bsal bas rnam par grol ba ma ston cig /de ci'i phyir zhe na/ chos thams cad mnyam pa ni 'phags pa'i rnam par grol ba yin pa'i phyir ro/ /smras pa/ lha mo 'dod chags dang / zhe sdang dang /
226b8 gti mug dang bral ba'i phyir rnam par grol ba ma yin nam/ lha mos smras pa/ 'dod chags dang / zhe sdang dang / gti mug dang bral bas rnam par grol ba'o zhes bya ba 'di ni mngon pa'i nga rgyal can rnams
227a1 la bstan pa ste/ gang dag mngon pa'i nga rgyal med pa de dag la ni 'dod chags dang / zhe sdang dang / gti mug gi rang bzhin nyid rnam par grol ba'o/ /de nas tshe dang ldan pa shA ri'i bus lha mo de la 'di skad
227a2 ces smras so/ /legs so legs so/ /lha mo khyod kyis ci thob cing ci mngon du byas na khyod de lta bu'i spobs pa dang ldan/ smras pa/ btsun pa shA ri'i bu bdag gis ni ci 'ang thob pa 'ang med/ mngon sum du
227a3 byas pa 'ang med de/ des na bdag gi spobs pa 'di 'dra'o/ /gang dag 'di snyam du bdag gis thob cing mngon sum du byas so snyam pa de dag ni legs par gsungs pa'i chos 'dul ba la nga rgyal can zhes
227a4 bya'o/ /smras pa/ lha mo khyod nyan thos kyi theg pa pa 'am/ rang sangs rgyas kyi theg pa pa 'am/ theg pa chen po pa 'am/ smras pa/ bdag ni nyan thos kyi theg pa ston pas na nyan thos kyi theg pa can no/ /
227a5 bdag ni rten 'brel bcu gnyis kyi sgo nas 'jug pas na rang sangs rgyas kyi theg pa can no/ /bdag ni snying rje chen po mi gtong bas na theg pa chen po pa yin mod kyi 'on kyang btsun pa shA ri'i bu dper na tsam pa ka'i tshal
227a6 du zhugs na e ran ta'i dri la mi snom gyi/ tsam pa ka'i tshal du zhugs na tsam pa ka nyid kyi dri la bsnom pa de bzhin du btsun pa shA ri'i bu khyim 'di na sangs rgyas kyi chos kyi yon tan dri dang ldan pa gnas pas nyan thos
227a7 dang rang sangs rgyas kyi dri la mi bsnom mo/ /btsun pa shA ri'i bu khyim 'dir brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding
227a8 dang / mi 'am ci dang / lto 'phye chen po gang dag khyim 'dir gnas pa de dag kyang skyes bu dam pa 'di'i chos thos pas sangs rgyas kyi chos kyi yon tan gyi dris byang chub kyi sems bskyed de dong ngo / /btsun pa shA ri'i bu
227b1 bdag khyim 'di na lo bcu gnyis lon yang byams pa chen po dang / snying rje chen por ldan pa dang / bsam gyis mi khyab pa'i sangs rgyas kyi chos dang ldan pa ma gtogs par nyan thos dang rang sangs rgyas dang ldan pa'i gtam
227b2 sngon ma thos so/ /btsun pa shA ri'i bu khyim 'di ni ngo mtshar rmad du byung ba'i chos rnam pa brgyad rtag tu rgyun mi 'chad par snang ngo / /brgyad po gang zhe na/ khyim 'di na gser gyi kha dog gi 'od rtag tu rgyun mi 'chad pas na
227b3 mtshan mo 'am/ nyin bar du yang mi mngon/ khyim 'dir zla ba dang nyi ma 'ang mi mngon mi snang ste/ de ni ngo mtshar rmad du byung ba'i chos dang ldan pa'o/ /btsun pa shA ri'i bu gzhan yang gang dag khyim 'dir zhugs pa
227b4 de dag zhugs ma thag tu nyon mongs pas gtse ba med de de ni ngo mtshar rmad du byung ba'i chos gnyis pa'o/ /btsun pa shA ri'i bu gzhan yang khyim 'di na rtag tu brgya byin dang / tshangs pa dang / 'jig rten skyong ba dang / sangs
227b5 rgyas kyi zhing thams cad nas lhags pa'i byang chub sems dpa' rnams dang mi 'bral te/ de ni ngo mtshar rmad du byung ba'i chos gsum pa'o/ /gzhan yang btsun pa shA ri'i bu khyim 'di na rtag tu rgyun mi 'chad par chos
227b6 bsgrags pa dang / pha rol du phyin pa drug dang ldan pa'i gtam dang / phyir mi ldog pa'i chos kyi 'khor lo'i gtam dang mi 'bral te/ de ni ngo mtshar rmad du byung ba'i chos bzhi pa'o/ /gzhan yang btsun pa shA ri'i
227b7 bu khyim 'di na rtag tu lha dang / mi'i rnga dang / glu'i dbyangs dang / rol mo byed de/ rnga de dag las sangs rgyas kyi chos tshad med pa bsgrub pa'i sgra dus thams cad du 'byung ste/ 'di ni ngo mtshar rmad du byung ba'i chos lnga
227b8 pa'o/ /btsun pa shA ri'i bu gzhan yang khyim 'di na rin po che thams cad kyis gang ba zad mi shes pa'i gter chen po bzhi yod de/ de'i mthus sems can dbul zhing phongs pa thams cad kyis khyer te/ dong yang
228a1 zad mi shes te/ de ni ngo mtshar rmad du byung ba'i chos drug pa'o/ /btsun pa shA ri'i bu gzhan yang khyim 'di ni de bzhin gshegs pa shAkya thub pa dang / snang ba mtha' yas dang / mi 'khrugs pa
228a2 dang / dkon mchog dpal dang / dkon mchog 'od 'phro dang / dkon mchog zla ba dang / dkon mchog bkod pa dang / bzod dka' dang / don thams cad grub pa dang / rin chen mang dang / seng ge bsgrags pa
228a3 dang / seng ge'i sgra de bzhin gshegs pa la sogs pa phyogs bcu'i de bzhin gshegs pa tshad med pa rnams skyes bu dam pa 'dis bsams ma thag tu kun gshegs te/ gshegs nas kyang de bzhin gshegs
228a4 pa'i gsang ba zhes bya ba'i chos kyi sgo la 'jug pa bstan nas slar gshegs te/ de ni ngo mtshar rmad du byung ba'i chos bdun pa'o/ /btsun pa shA ri'i bu gzhan yang khyim 'di na lha thams cad kyi gnas kyi bkod pa dang / sangs
228a5 rgyas kyi zhing gi bkod pa thams cad snang ste/ de ni ngo mtshar rmad du byung ba'i chos brgyad pa'o/ /
228a6 btsun pa shA ri'i bu khyim 'di na ngo mtshar rmad du byung ba'i chos brgyad po de dag snang ste/ 'di lta bu bsam gyis mi khyab pa'i chos mthong na nyan thos kyi chos la su zhig 'dod par 'gyur/
228a7 smras pa/ lha mo khyod bud med kyi dngos po las bsgyur na ci nyes/ smras pa/ bdag gi lo bcu gnyis kyi bar du bud med kyi dngos po btsal na 'ang da dung ma rnyed do/ /btsun pa sha ri'i bu sgyu ma mkhan gyis bud med sprul pa de la
228a8 'di ltar khyod bud med kyi dngos po las bsgyur na ci nyes byas na de ji skad zer bar 'gyur/ smras pa/ de la yang dag pa yongs su grub pa gang yang med do/ /smras pa/ btsun pa shA ri'i bu de bzhin du chos thams cad yongs su ma
228b1 grub pa ste/ sgyu mas sprul pa'i ngo bo nyid la bud med kyi dngos po las bsgyur na ci nyes shes khyod de snyam du sems/ de nas lha mo des 'di lta bur byin gyis brlab pa byin gyis brlabs nas ji lta bur gnas brtan shA ri'i bu lha mo
228b2 de ci 'dra ba de 'dra bar snang ste/ lha mo de yang gnas brtan shA ri'i bu ci 'dra bar de 'dra bar snang ngo / /de nas lha mo shA ri'i bu'i gzugs su gyur pa des shA ri'i bu lha mo'i gzugs su gyur pa de la 'di ltar btsun pa shA ri'i bu bud
228b3 med kyi dngos po las bsgyur na ci nyes shes dris so/ /shA ri'i bu lha mo'i gzugs su gyur pas 'di skad ces smras so/ /kho bo skyes pa'i gzugs ni mi snang bar gyur te/ kho bo bud med kyi lus su gyur nas
228b4 gang bsgyur mi shes so/ /smras pa/ gal te gnas brtan gyis bud med kyi gzugs las slar bsgyur nus na ni bud med thams cad kyis bud med kyi dngos po las 'gyur ro/ /ji ltar gnas brtan bud med du snang ba de
228b5 bzhin du bud med thams cad kyang bud med kyi gzugs su snang ste/ bud med ma yin pa las bud med kyi gzugs su snang ngo / /de la dgongs te bcom ldan 'das kyis chos thams cad bud med kyang ma yin/ skyes pa 'ang
228b6 ma yin zhes gsungs so/ /de nas lha mo des byin gyis brlabs de btang ba dang / tshe dang ldan pa shA ri'i bu slar yang bdag gi gzugs dang ldan par gyur to/ /de nas lha mo des shA ri'i bu la 'di skad ces smras so/ /
228b7 btsun pa shA ri'i bu khyod kyis bud med kyi gzugs su byas pa de ga re/ smras pa/ bdag gis byas pa 'ang med bsgyur ba 'ang med do/ /smras pa/ de bzhin du chos thams cad kyang byas pa 'ang med/
228b8 gang ma byas shing bsgyur ba med pa de ni sangs rgyas kyi bka'o/ /smras pa/ lha mo khyod 'di nas shi 'phos na
229a1 gang du skye smras pa/ de bzhin gshegs pas sprul pa de gar skye bar bdag kyang der skye'o/ /smras pa/ de bzhin gshegs pas sprul pa la ni 'chi 'phos yang med/ skye ba yang med do/ smras pa/
229a2 chos thams cad kyang de bzhin te/ 'chi 'pho med cing skye ba med do/ /smras pa/ lha mo khyod ci srid na byang chub mngon par rdzogs par 'tshang rgya bar 'gyur/ smras pa/ gang gi tshe gnas brtan khyod so so'i skye bo'i
229a3 chos dang ldan par 'gyur ba de'i tshe bdag kyang byang chub mngon par rdzogs par 'tshang rgya'o/ /smras pa/ lha mo kho bo so so'i skye bo'i chos dang ldan par 'gyur ba de ni gnas ma yin no/ /smras pa/ btsun pa shA ri'i
229a4 bu de bzhin du bdag kyang byang chub mngon par rdzogs par 'tshang rgya ba de ni gnas ma yin no/ /de ci'i phyir zhe na/ byang chub ni gnas ma yin pa la gnas pa'i phyir te/ de lta bas na gnas ma yin pa la ni su yang
229a5 mngon par rdzogs par 'tshang rgya ba med do/ /gnas brtan shA ri'i bus smras pa/ de bzhin gshegs pas gsungs pa ni gang gA'i klung gi bye ma snyed kyi de bzhin gshegs pa rnams mngon par rdzogs par sangs rgyas
229a6 so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro zhes gsungs so/ /lha mos smras pa/ btsun pa shA ri'i bu 'das pa dang / ma 'ongs pa dang / da ltar byung ba'i
229a7 sangs rgyas rnams shes bya ba de ni yi ge bgrang ba'i brda'i tshig bla dgas so/ sangs rgyas rnams ni 'das pa 'am ma 'ongs pa 'am/ da ltar byung ba ma yin te/ byang chub ni dus gsum las yang dag par
229a8 'das pa'o/ /gnas brtan gyis dgra bcom pa thob bam/ smras pa/ thob pa med pa'i rgyus thob bo/ /smras pa/ de bzhin du mngon par rdzogs par byang chub pa med pa'i rgyus mngon par rdzogs par byang chub
229b1 bo de nas lid tsa bi dri ma med par grags pas tshe dang ldan pa gnas brtan shA ri'i bu la 'di skad ces smras so/ /btsun pa shA ri'i bu lha mo 'di ni sangs rgyas bye ba khrag khrig phrag dgu bcu rtsa gnyis la bsnyen bkur
229b2 byas te/ mngon par shes pa'i ye shes la rnam par rtse ba/ smon lam las yang dag par byung ba/ bzod pa thob pa/ phyir mi ldog pa la yang dag par zhugs pa ste/ sems can yongs su smin par bya ba'i
229b3 phyir smon lam gyi dbang gis ji ltar 'dod pa de bzhin du gnas so/ /lha mo'i le'u ste drug pa'o// // de nas 'jam dpal gzhon nur gyur pas lid tsa bi dri ma med par grags pa la 'di skad ces smras so/ /
229b4 rigs kyi bu ji ltar na byang chub sems dpa' sangs rgyas kyi chos rnams la 'gro bar song ba yin/ smras pa/ 'jam dpal gang gi tshe byang chub sems dpa' 'gro ba ma yin par 'gro ba de'i tshe byang chub
229b5 sems dpa' sangs rgyas kyi chos rnams la 'gro bar song ba yin no/ /smras pa/ byang chub sems dpa'i 'gro ba ma yin par 'gro ba gang / smras pa/ gang gi tshe mtshams med pa lnga'i 'gro bar 'gro yang gnod
229b6 sems dang / rnam par 'tshe ba dang / rab tu sdang bar mi 'gyur ro/ /sems can dmyal ba'i 'gro bar 'gro yang nyon mongs pa'i rdul thams cad dang bral ba yin/ dud 'gro'i 'gro bar 'gro yang glen pa'i
229b7 mun pa mun gnag dang bral ba yin/ lha ma yin du 'gro bar 'gro yang nga rgyal dang / rgyags pa dang / dregs pa med pa yin/ gshin rje'i 'jig rten du 'gro bar 'gro yang bsod nams dang ye shes kyi
229b8 tshogs thams cad blangs pa yin/ mi g.yo ba dang gzugs med pa'i 'gro bar 'gro yang de'i 'gro ba la yang dag par 'jug pa ma yin/ 'dod chags kyi 'gro bar 'gro yang 'dod pa'i longs spyod thams cad la
230a1 'dod chags dang bral ba yin/ zhe sdang gi 'gro bar 'gro yang sems can thams cad la khong khro ba med pa yin/ gti mug gi 'gro bar 'gro yang chos thams cad la shes rab kyis nges par
230a2 pa dang ldan pa yin/ ser sna'i 'gro bar 'gro yang lus dang srog la mi lta bas phyi nang gi dngos po yongs su gtong ba yin/ tshul khrims 'chal pa'i 'gro bar 'gro yang kha na ma tho ba cung zad la 'ang 'jigs par lta
230a3 zhing sbyangs pa'i yon tan dang yo byad bsnyungs pa thams cad la gnas pa yin/ gnod sems kyi tha ba dang khong khro ba'i 'gro bar 'gro yang shin du gnod sems med cing byams pa la gnas pa yin/ le lo'i 'gro
230a4 bar 'gro yang brtson 'grus rtsom pa rgyun mi 'chad cing dge ba'i rtsa ba thams cad yongs su tshol ba la brtson pa yin/ dbang po 'khrul pa'i 'gro bar 'gro yang rang bzhin gyis snyoms par zhugs shing bsam gtan don
230a5 yod pa yin/ 'chal pa'i shes rab kyi 'gro bar 'gro yang shes rab kyi pha rol tu phyin pa'i 'gro bar song zhing 'jig rten pa dang 'jig rten las 'das pa'i bstan bcos thams cad la mkhas pa yin/ tshul 'chos
230a6 pa dang kha gsag byed pa'i 'gro bar 'gro yang ldem po ngag la mkhas shing thabs mkhas pa'i spyod pa tshar phyin pa yang yin/ nga rgyal gyi 'gro ba 'ang ston la 'jig rten thams cad kyi zam pa dang stegs bur 'gyur ba yang
230a7 yin/ nyon mongs pa'i 'gro bar 'gro yang shin du kun nas nyon mongs pa med cing rang bzhin gyis yongs su dag pa yang yin/ bdud kyi 'gro bar 'gro yang sangs rgyas kyi chos thams cad la gzhan gyi dring la mi 'jog
230a8 pa yang yin/ nyan thos kyi 'gro bar 'gro yang sems can rnams la ma thos pa'i chos thos par byed pa yang yin/ rang sangs rgyas kyi 'gro bar 'gro yang sems can thams cad yongs su smin par bya ba'i phyir snying rje
230b1 chen po las byung ba yang yin/ dbul po'i 'gro bar 'gro yang longs spyod zad mi shes pa'i rin po che lag na thogs pa yang yin/ dbang po nyams pa'i 'gro bar 'gro yang / gzugs bzang zhing mtshan gyis legs
230b2 par brgyan pa 'di yin/ rigs ngan par skye ba'i 'gro bar 'gro yang bsod nams dang ye shes kyi tshogs bsags pas de bzhin gshegs pa'i gdung rab tu skye bar 'gyur ba yang yin/ nyam chung zhing mdog ngan
230b3 gzhan pa'i 'gro bar 'gro yang blta na sdug pa dang / sred med kyi bu'i lus lta bu thob pa yin/ sems can thams cad la na ba dang mi bde ba'i spyod pa 'ang ston la 'chi ba'i 'jigs pa las shin du 'das shing
230b4 rab tu choms pa yang yin/ longs spyod kyi 'gro bar 'gro yang btsal ba thams cad med cing mi rtag pa'i 'du shes la so sor rtog pa mang ba yang yin/ byang chub sems dpas slas dang gar thabs mang po
230b5 ston kyang dben par spyod cing 'dod pa'i 'dam las rgal ba yang yin/ khams dang skye mched kyi 'gro bar 'gro yang gzungs thob cing spobs pa sna tshogs kyis brgyan pa yang yin mu stegs can gyi 'gro bar 'gro
230b6 yang mu stegs su gyur pa yang ma yin/ 'jig rten thams cad kyi 'gro bar 'gro yang 'gro ba thams cad las phyir ldog pa yang yin/ mya ngan las 'das pa'i 'gro bar 'gro yang 'khor ba'i rgyun kyang mi gtong
230b7 ba yin te/ 'jam dpal de ltar na byang chub sems dpa' 'gro ba ma yin par 'gro ba ste/ sangs rgyas kyi chos rnams la 'gro bar song ba yin no/ /de nas lid tsa dri ma med par grags pas 'jam dpal gzhon nur
230b8 gyur pa la 'di skad ces smras so/ /'jam dpal de bzhin gshegs pa rnams kyi rigs gang yin/ smras pa/ rigs kyi bu 'jig tshogs ni de bzhin gshegs pa rnams kyi rigs so/ /ma rig pa dang / srid
231a1 pa'i sred pa ni rigs so/ /'dod chags dang / zhe sdang dang / gti mug ni rigs so/ /phyin ci log bzhi ni rigs so/ /sgrib pa lnga ni rigs so/ /skye mched drug ni rigs so/ /rnam par shes pa la gnas
231a2 pa bdun ni rigs so/ /log pa brgyad ni rigs so/ /kun nas mnar sems kyi dngos po dgu ni rigs so/ /mi dge ba'i las kyi lam bcu ni rigs so/ /rigs kyi bu 'di ni de bzhin gshegs pa rnams kyi rigs te rigs
231a3 kyi bu mdor na lta bar gyur pa drug bcu rtsa gnyis ni de bzhin gshegs pa rnams kyi rigs so/ /smras pa/ 'jam dpal ci las bsams te de skad smra/ smras pa/ rigs kyi bu 'dus ma byas mthong ba nges par 'jug pa la
231a4 gnas pas ni bla na med pa yang dag par rdzogs pa'i byang chub tu sems bskyed mi nus so/ /nyon mongs pa'i 'byung gnas 'dus byas la gnas pa bden pa ma mthong bas ni bla na med pa yang dag par rdzogs pa'i byang chub tu sems
231a5 bskyed nus so/ /rigs kyi bu 'di lta ste dper na dgon dung gis phyogs su me tog ud pa la dang / pad ma dang / ku mu da dang / pad ma dkar po dang / dri mchog rnams mi skye ste/ 'dam dang chu gling du bskyed na me tog
231a6 ud pa la dang / pad ma dang / ku mu da dang / pad ma dkar po dang / dri mchog rnams skye'o/ /rigs kyi bu de bzhin du 'dus ma byas nges pa thob pa'i sems can rnams la ni sangs rgyas kyi chos rnams mi skye'o/ /nyon
231a7 mongs pa'i 'dam dang / chu gleng du gyur pa'i sems can rnams la ni sangs rgyas kyi chos rnams skye'o/ /'di lta ste dper na nam mkha' la sa bon mi skye'i/ sa la gnas shing skye ba de bzhin du 'dus ma byas nges pa thob
231a8 pa'i sems can la sangs rgyas kyi chos mi skye'i/ 'jig tshogs la lta bar ri rab dang mnyam pa bskyed nas byang chub kyi sems skye ste/ de nas sangs rgyas kyi chos rnams skye'o/ /rigs kyi bu rnams grangs
231b1 'dis nyon mongs pa thams cad ni de bzhin gshegs pa rnams kyi rigs su rig par bya'o/ /rigs kyi bu 'di lta ste dper na rgya mtsho chen por ma zhugs par rin thang med pa'i rin po cher phyin par mi nus so/ /de bzhin
231b2 du nyon mongs pa'i rgya mtshor ma zhugs par ni thams cad mkhyen pa nyid de las skyed par mi nus so/ /de nas gnas brtan 'od srung chen pos 'jam dpal gzhon nur gyur pa la legs so zhes bya ba byin te/
231b3 legs so legs so/ /'jam dpal tshig 'di ni legs par smras pa 'di ni yang dag go/ /nyon mongs pa ni de bzhin gshegs pa rnams te/ bdag cag lta bus ni byang chub tu sems bskyed pa 'am/
231b4 sangs rgyas kyi chos la mngon par rdzogs par 'tshang rgya bar ga la nus/ mtshams med pa lnga dang ldan pas ni byang chub kyi sems bskyed par yang nus/ sangs rgyas kyi chos rnams kyang mngon par rdzogs
231b5 par 'tshang rgya bar nus so/ /'di lta ste dper na skyes bu dbang po ma tshang ba la 'dod pa'i yon tan lnga ni yon tan med cing nus pa med pa ste/ de bzhin du kun du sbyor ba thams cad spangs pa'i nyon mthos la ni
231b6 sangs rgyas kyi chos thams cad yon tan med cing nus pa med de/ de la phyir dmigs par mi nus so/ /'jam dpal de lta bas na so so'i skye bo rnams ni de bzhin gshegs pa la byas pa gzo ba'o/ /nyan
231b7 thos rnams ni byas pa gzo ba ma yin no/ /de ci'i phyir zhe na/ so so'i skye bos ni sangs rgyas kyi yon tan thos pas dkon mchog gsum gyi gdung rgyun mi 'chad par bya ba'i phyir bla na med pa yang dag par rdzogs pa'i
231b8 byang chub tu sems bskyed par byed la nyan thos kyis ni ji srid 'tsho'i bar du sangs rgyas kyi chos stobs dang mi 'jigs pa rnams thos kyang bla na med pa yang dag par rdzogs pa'i byang chub tu sems bskyed par mi nus pa'i
232a1 phyir ro/ /de nas byang chub sems dpa' gzugs thams cad ston pa zhes bya ba 'khor der 'dus pa des lid tsa bi dri ma med par grags pa la 'di skad ces smras so/ /khyim bdag khyod kyi pha ma dang /
232a2 bu dang / chung ma dang / bran pho dang / bran mo dang / las byed pa dang / zho shas 'tsho ba rnams ga re/ 'dza' bshes dang / nye du dang / snag gi gnyen mtshams rnams ga re/ g.yog dang / rta dang / glang po che dang
232a3 shing rta dang / dpung bu chung dang / bzhon pa rnams ga re/ de skad ces smras pa dang / lid tsa bi dri ma med par grags pas byang chub sems dpa' gzugs thams cad ston pa la tshigs su bcad pa 'di dag smras
232a4 so/ /byang chub sems dpa' rnam dag gi/ ma ni shes rab pha rol phyin/ /pha ni thabs la mkhas pa ste/ /'dren pa rnams ni de las skyes/ /chos la dga' ba chung ma ste/ /byams dang snying rje bu mo yin/ /
232a5 chos dang bden gnyis bu pho yin/ /stong pa'i don sems khyim yin no/ /de bzhin nyon mongs thams cad ni/ /ci dgar dbang byed slob ma'o/ /mdza' bshes byang chub yan lag ste/ /des ni byang chub mchog
232a6 rag 'gyur/ /de grogs rtag tu 'grogs pa ni/ /pha rol phyin pa drug rnams so/ /bsdu ba de yi bud med khyim/ /glu dbyangs chos rnams ston pa'o/ /gzugs rnams de yi bskyed mos tshal/ /byang chub yan
232a7 lag me tog rgyas/ /'bras bu rnam grol ye shes te/ /chos kyi nor chen stong pa'o/ /rnam par thar pa rdzing yin te/ /ting nge 'dzin gyi chu yis bkang / /rnam dag pad mas kun khebs pa/ /de la 'khru ba dri
232a8 ma med/ /mngon shes de yi gzhon pa ste/ /theg pa chen po bla na med/ /kha lo sgyur ba byang chub sems/ /lam ni zhi ba yan lag brgyad/ /de yi rgyan ni mtshan rnams dang / /dpe byad bzang po brgyad bcu'o/ /
232b1 bsam pa dge ba de dag gi/ /gos ni khrel yod ngo mtshar shes/ /de dag dam chos nor dang ldan/ /rab tu sbyor ba chos ston pa/ /nan tan dag ni rnyed chen te/ /yongs su sngo ba byang chub phyir/ /mal ni bsam
232b2 gtan bzhi rnams te/ /'tsho ba dag pas kun du bting / /de dag sad pa ye shes te/ /rtag tu thos pa mnyam par bzhag /de dag zas ni bdud rtsi ste/ /rnam grol khu ba btung ba yin/ /bsam pa rnam dag
232b3 khrus yin te/ /spos kyis bsku ba tshul khrims so/ /nyon mongs dgra rnams bcom pas na/ /de dag dpa' bo mi pham pa/ /bdud bzhi dag kyang rab tu btul/ /byang chub dkyil 'khor rgyal mtshan
232b4 bsgreng / /bsams bzhin skye ba ston mod kyi/ /skye ba med cing 'byung ba med/ /zhing kun du yang snang ba ni/ /nyi ma shar ba bzhin du'o/ /'dren la mchod pa thams cad kyis/ /sangs rgyas bye ba
232b5 mchod nas kyang / /bdag dang sangs rgyas rnams la ni/ /nams kyang gnas par yong mi byed/ /ji ltar sems can phan par yang / /sangs rgyas zhing rnams spyod mod kyi/ /nam mkha' lta bur zhing
232b6 rnams gyur/ /sems can sems can 'du shes med/ /sems can kun gyi gzugs rnams dang / /sgra skad gang rnams 'byin pa dang / /'jigs med byang chub sems dpa' rnams/ /skad cig
232b7 gcig gis ston par byed/ /bdud kyi las rnams shes mod kyi/ /bdud rnams kyi yang rjes su 'jug /thabs kyi pha rol phyin pa dag /de yi bya ba kun kyang ston/ /sgyu ma'i chos kyis rnam rtsen pas/
232b8 sems can yongs su smin pa'i phyir/ /rga ba dang ni na bar gyur/ /bdag nyid shi bar rab tu ston/ /sa rnams rab tu tshig pa ni/ /bskal pas sreg par kun ston te/ /sems can rtag par 'du shes pa/ /
233a1 mi rtag par ni rab bstan to/ /sems can bye ba stong rnams kyang / /yul gcig tu ni 'gron du gnyer/ /thams cad khyim du zan byin te/ /thams cad byang chub phyir bsngo'o/ /sngags dang
233a2 rig pa ci yod dang / /bzo gnas rnam pa mang po dag /thams cad kyi yang pha rol phyin/ /sems can thams cad bde thob byed/ /'jig rten ya mtshan ji snyed pa/ /de dag kun du rab byung nas/ /lta ba tha dad
233a3 gyur pa yi/ /sems can rnams ni yongs su 'grel/ /zla ba 'am nyi mar de gyur te/ /brgya byin tshangs pa skye dgu dbang / /chu dang mer kyang rab gyur te/ /sa dang rlung du 'ang de bzhin no/ /nad kyi bskal pa bar ma
233a4 la/ /de ni rtsi mchog dam par gyur/ /des ni sems can rnam grol zhing / /nad rnams med cing bde bar 'gyur/ /mu ge'i bskal pa bar ma la/ /zas dang skom du bsgyur nas su/ /bkres shing skom pa med
233a5 byas te/ /srog chags rnams la chos ston te/ /mtshon gyi bskal pa bar ma la/ /de dag byams pa sgom gyur te/ /sems can bye ba brgya mang po/ /gnod sems med la 'dzud par byed/ /
233a6 g.yul chen 'dren pa'i nang du ni/ /de dag phyogs la mnyam par 'gyur/ /byang chub sems dpa' stobs chen rnams/ /'dum zhing 'du bar dga' bar byed/ /sangs rgyas zhing ni ji snyed pa/ /bsam
233a7 gyis mi khyab dmyal bar yang / /sems can rnams la phan pa'i phyir/ /bsams bzhin du ni der 'gro'o/ /ji snyed dud 'gro'i skye gnas kyi/ /'gro bar rab tu bstan pa ni/ /thams cad du yang chos ston
233a8 to/ /de phyir rnam par 'dren ces bya/ /'dod pa'i longs spyod rnams kyang ston/ /bsam gtan pa la bsam gtan ston/ /bdud rnams rab tu 'joms byed cing / /de dag klags rnyed 'gyur mi byed/ /
233b1 me dbus nas ni pad ma ltar/ /yang dag ma yin de ston te/ /de bzhin 'dod dang bsam gtan yang / /yang dag ma yin de ston to/ /bsams bzhin smad 'tshong rnams su sgyur/ /skyes pa rnams ni bsdu
233b2 ba'i phyir/ /'dod chags lcags kyus brjod nas su/ /de dag sangs rgyas ye shes 'god/ /sems can rnams la phan pa'i phyir/ /grong mi dang ni ded dpon dang / /mdun na 'don dang blon po dang /
233b3 blon po chen por rtag tu gyur/ /sems can dbul po rnams la ni/ /zad mi shes pa'i gter du gyur/ /gang la sbyin pa byin pa yang / /de dag byang chub sems bskyed btsud/ /nga rgyal khengs pa'i sems can
233b4 la/ /de dag tshan chen mchog gyur te/ /nga rgyal kun kyang bcom nas su/ /bla med byang chub tshol du btsud/ /'jigs skrag sems can rnams la ni/ /rtag tu de yi mdun na 'dug /de dag mi 'jigs byin nas kyang /
233b5 byang chub tu ni smin par byed/ /de dag lnga mngon shes pa yi/ /drang srong tshangs par spyod gyur te/ /bzod dang des pa tshul khrims dang / /sdom pa la ni sems can 'god/ /rim gro lhur byed sems can rnams/ /'jigs
233b6 pa med pas 'dir mthong na/ /bran dang g.yog tu shin du gyur/ /slob mar yang ni nye bar 'gro/ /yan lag gang dang gang rnams kyis/ /sems can chos la dgar gyur pa/ /thabs chen shin du bslabs pa dang / /bya ba dag
233b7 ni thams cad ston/ /de dag slob pa mtha' yas shing / /spyod yul rnams kyang mtha' yas te/ /ye shes mtha' yas rdzogs pas na/ /srog chags mtha' yas grol bar byed/ /bskal pa dag ni bye ba dang / /bskal
233b8 pa bye ba phrag brgyar ni/ /bcom ldan sangs rgyas rnams kyis kyang / /de yi yon tan mtha' brjod dka'/ /gang rnams shes rab med pa yi/ /sems can dman pa ma gtogs par/ /mkhas pas chos 'di thos gyur nas/ /
234a1 byang chub mchog la su mi smon/ /de bzhin gshegs pa'i rigs kyi le'u ste bdun pa'o// // de nas lid tsa bi dri ma med par grags pas byang chub sems dpa' de dag la 'di skad ces smras so/ /skyes bu dam
234a2 pa dag byang chub sems dpa' rnams kyi gnyis su med pa'i chos kyi sgor 'jug pa gang yin/ spobs par gyis shig /byang chub sems dpa' chos rnam par 'phrul pa zhes bya ba der 'dus pa des 'di skad ces smras so/ /
234a3 rigs kyi bu skye ba dang 'jig pa ni gnyis te/ gang ma skyes ma byung ba de la 'jig pa gang yang med de/ mi skye ba'i chos la bzod pa thob pa ni gnyis su med pa la 'jug pa'o/ /byang chub sems dpa' dpal sbas kyis smras
234a4 pa/ nga dang nga 'o zhes bya ba de ni gnyis te/ bdag tu sgro btags pa med na nga'i bar mi 'gyur te/ gang sgro btags pa med pa de ni gnyis su med pa la 'jug pa'o/ /byang chub sems dpa' dpal brtsegs kyis smras pa/
234a5 kun nas nyon mongs pa dang / rnam par byang ba zhes bya ba de ni gnyis te/ kun nas nyon mongs pa yongs su shes na rnam par byang ba la rlom sems su mi 'gyur zhing rlom sems thams cad legs par 'joms pa dang / 'thun par
234a6 'gro ba'i lam de ni gnyis su med pa la 'jug pa'o/ /byang chub sems dpa' skar bzangs kyis smras pa/ g.yo ba dang rlom sems de ni gnyis te/ gang g.yo ba med cing rlom sems su mi byed/ yid la mi byed/ lhag
234a7 par bya ba med pa/ lhag par bya ba dang bral ba de ni gnyis su med par 'jug pa'o/ /byang chub sems dpa' lag bzangs kyis smras pa/ byang chub kyi sems dang / nyan thos kyi sems zhes bya ba de ni gnyis te/ gang
234a8 sgyu ma'i sems dang mtshungs par mthong ba de byang chub kyi sems kyang med/ nyan thos kyi sems kyang med de/ gang sems kyi mtshan nyid mtshungs pa de ni gnyis su med par 'jug pa'o/ /byang chub sems dpa'
234b1 mig mi 'dzums kyis smras pa/ len pa dang mi len pa de ni gnyis te/ gang mi len pa de mi dmigs pa te gang mi dmigs pa de la rtog pa dang bsal bar mi byed/ chos thams cad mi byed mi
234b2 spyod pa de ni gnyis su med par 'jug pa'o/ /byang chub sems dpa' mig bzangs kyis smras pa/ mtshan nyid gcig pa dang mtshan nyid med pa zhes bya ba de ni gnyis so/ /gang rtog par mi byed/ kun du
234b3 rtog par mi byed/ mtshan nyid gcig par mi byed/ mtshan nyid med par mi byed do/ /gang mtshan nyid dang mtshan nyid mi 'dra ba la mtshan nyid mtshungs par 'jug pa de ni gnyis su med par 'jug pa'o/ /byang chub
234b4 sems dpa' skar rgyal gyis smras pa/ dge ba dang mi dge ba zhes bya ba de ni gnyis te/ gang dge ba dang mi dge ba mi slong zhing mtshan ma dang mtshan ma med pa la gnyis su med par rtog pa ni gnyis su med par 'jug
234b5 pa'o/ /byang chub sems dpa' seng ges smras pa/ kha na ma tho ba dang bcas pa dang kha na ma tho ba med pa zhes bya ba de ni gnyis te/ gang gis rdo rje lter rab tu 'bigs pa'i ye shes kyis mi 'ching mi grol ba de ni
234b6 gnyis su med par 'jug pa'o/ /byang chub sems dpa' seng ge blo gros kyis smras pa/ 'di ni zag pa dang bcas pa/ 'di ni zag pa med pa'o zhes bya ba de ni gnyis te/ gang mnyam pa nyid gyis chos thob
234b7 pas zag pa dang zag pa med pa'i 'du shes su mi byed/ 'du shes med par gyur pa 'ang ma yin/ mnyam pa nyid la mnyam pa nyid thob pa 'ang med cing 'du shes kyi mdud pa med pa de ltar gang 'jug pa de ni gnyis su med par
234b8 'jug pa'o/ /byang chub sems dpa' bde mos kyis smras pa/ 'di ni bde ba/ 'di ni mi bde ba'o zhes bya ba de ni gnyis te/ gang ye shes shin tu rnam par dag pa'i phyir grangs thams cad dang bral zhing blo nam mkha' dang
235a1 mtshungs par mi chags pa de ni gnyis su med par 'jug pa'o/ /byang chub sems dpa' sred med kyis smras pa/ 'di ni 'jig rten pa'o/ /'di ni 'jig rten las 'das pa'o zhes bya ba de ni gnyis
235a2 te/ gang 'jig rten gyi rang bzhin stong pa de la cung zad kyang rgal ba yang med/ 'jug pa yang med/ 'gro ba 'ang med/ mi 'gro ba 'ang med de/ gang la mi rgal/ mi 'jug /'gro ba 'ang med/ mi 'gro ba 'ang
235a3 med pa de ni gnyis su med par 'jug pa'o/ /byang chub sems dpa' dul ba'i blo gros kyis smras pa/ 'khor ba dang mya ngan las 'das pa zhes bya ba de ni gnyis te/ 'khor ba'i ngo bo nyid mthong bas mi 'khor zhing
235a4 yongs su mya ngan las mi 'da' ste/ gang de ltar rtogs pa de ni gnyis su med par 'jug pa'o/ /byang chub sems dpa' mngon sum mthong gis smras pa/ zad pa dang mi zad pa zhes bya ba de ni gnyis so/ /
235a5 zad pa ni shin du zad pa ste/ gang shin du zad pa de la zad par bya ba ma yin pas na de'i phyir mi zad pa zhes bya'o/ /gang mi zad pa de ni skad cig pa ste/ skad cig pa la zad pa med do/ /de lta bur rab tu zhugs pa de
235a6 ni gnyis su med pa'i chos kyi sgor zhugs pa zhes bya'o/ /byang chub sems dpa' kun nas sbas kyis smras pa/ bdag dang bdag med do zhes bya ba de ni gnyis te/ gang bdag gi dngos po mi dmigs pa de ci zhig
235a7 bdag med par byed par 'gyur ba de dag gi ngo bo nyid mthong bas gnyis su med pa ni gnyis su med par 'jug pa'o/ /byang chub sems dpa' glog gi lhas smras pa/ rigs pa dang ma rig pa zhes bya ba de ni gnyis te
235a8 ma rig pa'i rang bzhin ltar rig pa 'ang de bzhin te/ ma rig pa gang yin pa de ni lung du ma bstan pa/ bgrang du med pa bgrang ba'i lam las 'das pa'o/ /gang 'di la mngon par rtogs pa de ni gnyis su
235b1 med par 'jug pa'o/ /byang chub sems dpa' mthong dgas smras pa/ gzugs nyid stong pa ste/ gzugs bshig pas stong pa ma yin gyi/ gzugs kyi rang bzhin ni stong pa ste/ de bzhin du tshor ba
235b2 dang / 'du shes dang / 'du byed dang / rnam par shes pa stong pa nyid ces bya ba de ni gnyis so/ /rnam par shes pa nyid ni stong pa nyid de/ rnam par shes pa bshig pas stong pa ma yin gyi/ rnam par shes pa'i rang bzhin
235b3 ni stong pa nyid do/ /'di la gang gis nye bar len pa'i phung po lnga la de bzhin du shes shing de lta bur ye shes kyis rig pa de ni gnyis su med par 'jug pa'o/ /byang chub sems dpa' 'od kyi tog gis smras pa/ khams
235b4 bzhi po yang gzhan la nam mkha'i khams kyang gzhan no zhes bya ba de ni gnyis te/ khams bzhi po ni nam mkha'i rang bzhin no/ /sngon gyi mtha' yang nam mkha'i rang bzhin no/ /phyi ma'i mtha' yang nam mkha'i
235b5 rang bzhin no/ /de bzhin du da ltar yang nam mkha'i rang bzhin te/ gang de ltar khams la 'jug pa'i ye shes de ni gnyis su med par 'jug pa'o/ /byang chub sems dpa' rab kyi blo gros kyis smras pa/ mig
235b6 dang gzugs so zhes bya ba de ni gnyis te/ gang mig yongs su shes pas gzugs ma la mi chags/ mi sdang mi rmongs pa de ni zhi ba zhes bya'o/ /de bzhin du rna ba dang sgra/ sna dang dri/ lce dang ro/ lus dang reg
235b7 yid dang chos de dag ni gnyis so/ /gang yang yid yongs su shes nas chos la mi chags/ mi sdang / mi rmongs pa de ni zhi ba zhes bya'o/ /de ltar zhi ba la gnas pa ni gnyis su med par 'jug pa'o/ /
235b8 byang chub sems dpa' blo gros mi zad pas smras pa/ sbyin pa thams cad mkhyen pa nyid du yongs su bsngo ba de ni gnyis te/ sbyin pa'i ngo bo nyid ni thams cad mkhyen pa'o/ /thams cad mkhyen pa'i ngo bo nyid ni
236a1 yongs su bsngo ba'o/ /de bzhin du tshul khrims dang / bzod pa dang / brtson 'grus dang / bsam gtan dang / shes rab thams cad mkhyen pa nyid du yongs su bsngo ba de ni gnyis so/ /thams cad
236a2 mkhyen pa ni shes rab kyi rang bzhin no/ /yongs su bsngo ba yang thams cad mkhyen pa'i rang bzhin te/ gang tshul gcig pa 'di la 'jug pa de ni gnyis su med par 'jug pa'o/ /byang chub sems dpa' blo zab kyis smras pa/ stong pa
236a3 nyid kyang gzhan la mtshan ma med pa dang / smon pa med pa yang gzhan no zhes bya ba de ni gnyis te/ stong pa gang yin pa de la mtshan ma gang yang med do/ /mtshan ma med pa la smon pa med/ smon pa med pa la sems dang / yid dang / rnam
236a4 par shes pa rgyu ba med de/ gang rnam par thar pa gcig gi sgo de la rnam par thar pa thams cad kyi sgo rnams su blta bar bya ba de ni gnyis su med pa'i sgor 'jug pa'o/ /byang chub sems dpa' dbang po zhi bas smras pa/ sangs rgyas dang / chos
236a5 dang / dge 'dun zhes bya ba de ni gnyis te/ sangs rgyas kyi rang bzhin ni chos so/ /chos kyi rang bzhin ni dge 'dun te/ de dag thams cad kyang 'dus ma byas pa'o/ /'dus ma byas ni nam mkha'o/ /chos thams cad kyi tshul ni nam
236a6 mkha' dang mtshungs te/ gang de ltar rjes su 'gro ba de ni gnyis su med par 'jug pa'o/ /byang chub sems dpa' thogs pa med pa'i mig gis smras pa/ 'jig tshogs dang 'jig tshogs 'gog pa zhes bya ba de ni gnyis te/
236a7 'jig tshogs nyid ni 'gog pa'o/ /de ci'i phyir zhe na/ 'jig tshogs su lta ba mi skye ba med cing gang lta ba des 'jig tshogs so zhe 'am/ 'jig tshogs 'gog ces mi rtog ste/ de mi rtog /rnam par mi rtog /shin du mi rtogs
236a8 pas 'gog pa'i rang bzhin du gyur te/ mi 'byung mi 'jig pa de ni gnyis su med par 'jug pa'o/ /byang chub sems dpa' shin du dul bas smras pa/ lus dang / ngag dang / yid kyi sdom pa zhes bya ba de ni gnyis su med de/
236b1 de ci'i phyir zhe na/ chos 'di dag ni mngon par 'du mi byed pa'i mtshan nyid de/ lus kyi mngon par 'du mi byed pa gang yin pa ngag gi mngon par 'du mi byed pa 'ang de'i mtshan nyid do/ /yid kyi mngon par 'du mi byed pa 'ang de'i
236b2 mtshan nyid de/ gang chos thams cad kyi mngon par 'du mi byed pa de yin par shes par bya/ rjes su rig par bya ste/ gang 'di la mngon par 'du mi byed par shes pa de ni gnyis su med par 'jug pa'o/ /byang chub sems dpa'
236b3 bsod nams zhing gis smras pa/ bsod nams dang / bsod nams ma yin pa dang / mi g.yo ba mngon par 'du bya ba mngon par 'du byed do zhes bya ba de ni gnyis te gang bsod nams dang bsod nams ma yin pa dang /
236b4 mi g.yo ba mngon par 'du mi byed pa de ni gnyis su med pa'o/ /bsod nams dang / bsod nams ma yin pa dang / mi g.yo ba'i 'du byed rnams kyi rang gi mtshan nyid stong pa ste/ de la bsod nams kyang med/ bsod
236b5 nams ma yin pa yang med/ mi g.yo ba yang med/ mngon par 'du byed pa med de/ gang de ltar mi sgrub pa de ni gnyis su med par 'jug pa'o/ /byang chub sems dpa' pad ma bkod pas smras pa/ bdag kun
236b6 nas ldang ba las skyes pa de ni gnyis te/ bdag yongs su shes pa de ni gnyis mi slong ngo / /de ltar gnyis su med par gnas pa la rnam par rig pa med pas rnam par rig pa med pa de ni gnyis su med par 'jug pa'o/ /
236b7 byang chub sems dpa' dpal gyi snying pos smras pa/ dmigs pas rab tu phye ba de ni gnyis so/ /gang mi dmigs pa de ni gnyis su med pa ste/ de'i phyir gang len pa med cing 'dor ba med pa de ni gnyis su med par
236b8 'jug pa'o/ /byang chub sems dpa' zla ba'i bla mas smras pa/ mun pa dang snang ba zhes bya ba de ni gnyis te/ mun pa 'ang med/ snang ba 'ang med pa de ni gnyis su med pa'o/ /de ci'i phyir zhe na/ 'di ltar 'gog
237a1 par snyoms par zhugs pa la mun pa yang med/ snang ba yang med de/ chos thams cad kyi mtshan nyid kyang de bzhin te/ gang mnyam pa nyid 'di la 'jug pa de ni gnyis su med par 'jug pa'o/ /
237a2 byang chub sems dpa' lag na phyag rgya rin po ches smras pa mya ngan las 'das pa la mngon par dga' zhing 'khor ba la mi dga' ba de ni gnyis te/ gang mya ngan las 'das pa la yang mngon par dga' ba med pa/
237a3 'khor ba la yang mi dga' ba med pa de ni gnyis su med pa'o/ /de ci'i phyir zhe na/ gang bcings pa las ni grol bar bstan gyi/ gang shin du ma bcings pa de thar pa ga la tshol/ ma bcings ma grol ba'i dge slong
237a4 gis ni dga' ba dang mi dga' ba yang mi rnyed de/ de ni gnyis su med par 'jug pa'o/ /byang chub sems dpa' nor bu brtsegs pa'i rgyal pos smras pa/ lam dang lam ngan pa'o zhes bya ba de ni gnyis te/ lam
237a5 du zhugs pa la ni lam ngan pa mi spyod do/ /mi spyod pa la gnas pa ni lam gyi 'du shes sam/ lam ma yin pa'i 'du shes su mi 'gyur ro/ /'du shes yongs su rig pa ni blo gnyis su mi 'jug ste/ de ni
237a6 gnyis su med par 'jug pa'o/ /byang chub sems dpa' bden dgas smras pa/ bden pa dang brdzun pa zhes bya ba de ni gnyis te/ bden pa mthong bas kyang bden pa nyid yang dag par rjes su mi mthong na
237a7 brdzun pa lta ga la mthong / de ci'i phyir zhe na/ sha'i mig gis mi mthong gi shes rab kyi mig gis mthong ste/ ji ltar mi mthong na rnam par mi mthong ba de ltar mthong ngo / /gang la mthong ba yang med/ rnam
237a8 par mthong ba yang med pa de ni gnyis su med par 'jug pa'o/ /de ltar byang chub sems dpa' de dag gis rang rang gi bstan pa bshad nas 'jam dpal gzhon nur gyur pa la 'di skad ces smras so/ /'jam dpal
237b1 byang chub sems dpa'i gnyis su med par 'jug pa gang yin/ 'jam dpal gyis smras pa/ skyes bu dam pa khyed kun gyis kyang legs par smras mod kyi khyed kyis bshad pa de thams cad
237b2 ni gnyis so/ /bstan pa gcig ni ma gtogs te brjod du med pa/ smrar med pa/ bshad du med pa/ bsgrag tu med pa/ bstan du med par gdags su med pa de ni gnyis su med par 'jug pa'o/ /de nas
237b3 'jam dpal gzhon nur gyur pas lid tsa bi dri ma med par grags pa la 'di skad ces smras so/ /kho bo cag gis ni rang rang gi bstan pa bshad zin na rigs kyi bu khyod kyang gnyis su med pa'i chos kyi sgo bstan pa la spobs
237b4 par gyis shig /de nas lid tsa bi dri ma med par grags pa cang mi smra bar gyur to/ /de nas 'jam dpal gzhon nur gyur pas lid tsa bi dri ma med par grags pa la legs so zhes bya ba byin te/ legs so legs
237b5 so/ /rigs kyi bu 'di ni byang chub sems dpa' rnams kyi gnyis su med par 'jug pa yin te/ de la yi ge dang sgra dang / rnam par rig pa'i rgyu ba med do/ /bstan pa 'di bshad pa na byang chub sems dpa' lnga
237b6 stong gnyis su med pa'i chos kyi sgor zhugs pas mi skye ba'i chos la bzod pa thob par gyur to/ /gnyis su med pa'i chos kyi sgor 'jug pa'i le'u ste brgyad pa'o// // de nas tshe dang ldan pa shA ri'i bus 'di
237b7 snyam du bsams te/ gdugs tshod la 'ang bab na byang chub sems dpa' chen po 'di dag ni mi ldang na 'di dag zan gar za snyam mo/ /de nas lid tsa bi dri ma med par grags pas tshe dang ldan pa shA ri'i bu'i sems
237b8 kyi rtog pa sems kyis shes nas tshe dang ldan pa shA ri'i bu la 'di skad ces smras so/ /btsun pa shA ri'i bu de bzhin gshegs pas rnam par thar pa brgyad po gang dag gsungs pa'i rnam par thar pa de dag la gnas par
238a1 gyis la zang zing dang 'dres pa'i rgyud kyis chos ma nyan cig /btsun pa shA ri'i bu yud tsam zhig sdod cig dang / sngon ma myong ba'i kha zas za bar 'gyur ro/ /de nas de'i tshe lid tsa bi dri ma med
238a2 par grags pa de lta bu'i ting nge 'dzin la snyoms par zhugs te/ 'di 'dra ba'i rdzu 'phrul mngon par 'du bya ba mngon par 'dus byas so/ /gang steng gi phyogs su sangs rgyas kyi zhing 'di nas sangs rgyas kyi zhing gang
238a3 gA'i klung bzhi bcu rtsa gnyis kyi bye ma snyed 'das pa na 'jig rten gyi khams spos thams cad kyi dri mchog ces bya ba yod de/ byang chub sems dpa' de dag dang / nyan thos chen po de dag la bstan to/ /de
238a4 na de bzhin gshegs pa spos mchog brtsegs pa zhes bya ba da ltar bzhugs te 'tsho zhing gzhes so/ /'jig rten gyi khams der phyogs bcu'i sangs rgyas kyi zhing thams cad kyi mi dang lha'i dri'i byung ba de
238a5 bas 'jig rten gyi khams de'i shing las ches khyad du 'phags pa 'byung ngo / /'jig rten gyi khams de na ni nyan thos dang rang sangs rgyas rnams kyi ming yang med de/ byang chub sems dpa' 'ba' zhig
238a6 gi tshogs 'dus pa de dag la de bzhin gshegs pa spos mchog brtsegs pa de chos ston to/ /'jig rten gyi khams de na khang pa brtsegs pa thams cad kyang spos las byas/ 'chag sa dang / bskyed
238a7 mos tshal dang / gzhal med khang thams cad kyang spos las byas so/ /gang byang chub sems dpa' de dag zas za ba'i zas de'i dris 'jig rten gyi khams tshad med pa khyab bo/ /de'i tshe bcom ldan 'das de
238a8 bzhin gshegs pa spos mchog brtsegs pa byang chub sems dpa' de dag dang thabs gcig tu bshos gsol ba'i phyir zhugs te/ de na lha'i bu spos bkod pa'i zas shes bya ba theg pa chen po la yang dag
238b1 par zhugs pa de bcom ldan 'das dang byang chub sems dpa' de dag gi rim gro dang bsnyen bkur byed par brtson no/ /de nas thams cad dang ldan pa'i 'khor des 'jig rten gyi khams de na bcom ldan
238b2 'das de nang byang chub sems dpa' de dag bshos la bkod de bzhugs pa mthong ngo / /de nas lid tsa bi dri ma med par grags pas byang chub sems dpa' de dag thams cad la 'di skad ces smras so/ /skyes bu dam
238b3 pa khyed kyi nang na sangs rgyas kyi zhing de nas zas len par su spro/ de na 'jam dpal gyi byin gyi brlabs kyis su yang spro ba med do/ /de nas lid tsa bi dri ma med par grags pas 'jam dpal gzhon nur gyur pa la 'di
238b4 skad ces smras so/ /'jam dpal khyod kyi 'khor 'di 'dra la ngo mi tsha 'am/ smras pa/ rigs kyi bu de bzhin gshegs pas ma bslabs pa la brnyas par mi bya'o zhes ma gsungs sam/ de nas lid tsa bi dri ma med
238b5 par grags pa mal de nas ma langs par byang chub sems dpa' de dag gi mdun du sprul pa'i byang chub sems dpa'i lus gser gyi kha dog lta bu mtshan dang dpe byad bzang pos legs par brgyan pa zhig sprul te/ gang gis
238b6 'khor de dag thams cad mog mog por byas par 'gyur ba de lta bu'i gzugs su snang bar gyur to/ /de nas lid tsa bi dri ma med par grags pas sprul pa'i byang chub sems dpa' de dag la 'di skad ces smras so/ /rigs
238b7 kyi bu khyod steng gi phyogs su song la sangs rgyas kyi zhing gang gA'i klung bzhi bcu rtsa gnyis kyi bye ma snyed 'das pa na 'jig rten gyi khams spos thams cad kyi dri mchog ces bya ba yod de/ de na de bzhin gshegs pa spos
238b8 mchog brtsegs pa zhes bya ba da ltar bshos gsol ba'i phyir bzhugs pa der song la de bzhin gshegs pa de'i zhabs la mgo bos phyag 'tshal te 'di skad ces gsol cig / lid tsa bi dri ma med par grags pa
239a1 bcom ldan 'das kyi zhabs la lan brgya stong du mgo bos phyag 'tshal nas bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ stobs dang / bde ba dang / kha na ma tho ba
239a2 mi mnga' zhing bde bar reg pa la gnas sam zhes snyun gsol zhing 'di skad ces kyang mchi'o/ /bcom ldan 'das kyis gsol ba'i pham phabs bdag la stsal bar gsol/ des 'jig rten gyi khams mi mjed du sangs rgyas
239a3 kyi mdzad pa bgyid par 'gyur ro/ /dman pa la mos pa'i sems can 'di dag kyang rgya chen po la dad par bgyid par 'gyur ro/ /de bzhin gshegs pa'i mtshan kyang rgyas par bgyid par 'gyur ro zhes gsol cig /de
239a4 nas sprul pa'i byang chub sems dpa' des lid tsa bi dri ma med par grags pa la legs so zhes byas nas de mnyan te/ byang chub sems dpa' de dag gi mdun nas bzhin gyen du bltas te song na/ byang chub sems dpa'
239a5 de dag gis de 'gro bar ma mthong ngo / /de nas sprul pa'i byang chub sems dpa' des 'jig rten gyi khams spos thams cad kyi dri mchog ces bya ba der phyin nas/ bcom ldan 'das de bzhin gshegs pa spos mchog brtsegs
239a6 pa de'i zhabs la mgo bos phyag 'tshal te 'di skad ces gsol to/ /bcom ldan 'das byang chub sems dpa' dri ma med par grags pa bcom ldan 'das kyi zhabs la mgo bos phyag 'tshal nas bcom ldan 'das la
239a7 gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ stobs dang / bde ba dang / kha na ma tho ba mi mnga' zhing bde ba rag pa la gnas sam zhes snyun gsol lo/ /des bcom ldan 'das kyi zhabs
239a8 la lan brgya stong du mgo bos phyag 'tshal nas 'di skad ces gsol to/ /bcom ldan 'das gsol ba'i zhal zas kyi pham phabs bdag la stsal bar gsol/ des 'jig rten gyi khams mi mjed 'dir sangs rgyas
239b1 kyi mdzad pa bgyid par 'gyur ro/ /dman pa la mos pa'i sems can 'di dag kyang sangs rgyas kyi chos rgya chen po la blo gros mos par bgyid cing sangs rgyas kyi mtshan kyang rgyas par bgyid par 'gyur ro zhes mchi'o/ /
239b2 de nas bcom ldan 'das de bzhin gshegs pa spos mchog brtsegs pa'i sangs rgyas kyi zhing gi byang chub sems dpa' de dag ngo mtshar du gyur nas bcom ldan 'das de bzhin gshegs pa spos mchog brtsegs pa
239b3 de la 'di skad ces gsol to/ /bcom ldan 'das sems can chen po 'di lta bu ga la mchis/ 'jig rten gyi khams mi mjed de gang na mchis/ dman pa la mos pa zhes bgyi ba de ci lags shes bcom ldan 'das
239b4 de la byang chub sems dpa' de dag gis de skad ces zhus pa dang / de nas bcom ldan 'das kyis byang chub sems dpa' de dag la 'di skad ces bka' stsal to/ /rigs kyi bu 'og gi phyogs na sangs rgyas kyi zhing 'di
239b5 nas sangs rgyas kyi zhing gang gA'i klung bzhi bcu rtsa gnyis kyi bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba snyigs ma lnga'i sangs rgyas kyi zhing
239b6 na dman pa la mos pa'i sems can rnams la chos ston to/ /de nas byang chub sems dpa' dri ma med par grags pa zhes bya ba rnam par thar pa bsam gyis mi khyab pa la gnas pa de byang chub sems dpa' rnams la chos ston
239b7 te/ des nga'i ming yongs su bsgrags pa dang 'jig rten gyi khams 'di'i bsngags pa rab tu bstan pa dang / byang chub sems dpa' de dag gi dge ba'i rtsa ba shin tu 'bar bar bya ba'i phyir sprul pa'i byang chub sems
239b8 dpa' btang ngo / /de nas byang chub sems dpa' de dag gis 'di skad ces gsol to/ /bcom ldan 'das byang chub sems dpa' de'i tshe ba ji tsam na de'i sprul pa 'di yang rdzu 'phrul dang / stobs dang / mi 'jigs pa
240a1 'di lta bur gyur/ bcom ldan 'das des bka' stsal pa/ byang chub sems dpa' de'i che ba ni 'di 'dra ste/ des phyogs bcu'i sangs rgyas kyi zhing thams cad du sprul pa 'gyed de/ sprul pa
240a2 de dag sangs rgyas kyi zhing de dag gi sems can thams cad la sangs rgyas kyi bya bas nye bar gnas par 'gyur ro/ /de nas bcom ldan 'das de bzhin gshegs pa spos mchog brtsegs pas dri thams
240a3 cad dang ldan pa'i snod du dri thams cad bsgos pa'i zas blugs te/ de sprul pa'i byang chub sems dpa' de la byin no/ /de nas byang chub sems dpa' brgya stong phrag dgu bcu yang der 'gro bar chas te/ bcom
240a4 ldan 'das bdag cag kyang 'jig rten gyi khams mi mjed der bcom ldan 'das shAkya thub pa de la blta ba dang / phyag 'tshal ba dang / bsnyen bkur bgyi ba dang / dri ma med par grags pa de dang / byang chub sems
240a5 dpa' de dag kyang blta ba'i slad du mchi'o/ /bcom ldan 'das des bka' stsal pa/ rigs kyi bu dag da de'i dus la bab par shes na deng shig /rigs kyi bu dag sems can de dag myos shing bag med par
240a6 gyur ta re/ dri rnams med par gyis la deng shig /'jig rten gyi khams mi mjed de'i sems can de dag spa gong bar 'gyur du 'ong gis rang gi gzugs kyang sgyur cig /'jig rten gyi khams de la 'ang ngan par
240a7 'du shes bskyed nas khong khro ba'i 'du shes ma skyed cig /de ci'i phyir zhe na/ rigs kyi bu sangs rgyas kyi zhing ni nam mkha'i zhing ste/ sems can rnams yongs su smin par bya ba'i phyir sangs rgyas bcom ldan 'das
240a8 rnams ni sangs rgyas gyi yul thams cad mi ston to/ /de nas sprul pa'i byang chub sems dpa' des zhal zas de thogs nas byang chub sems dpa' brgya stong phrag dgu bcu dang lhan cig tu sangs rgyas kyi mthu dang
240b1 dri ma med par grags pa'i byin gyi brlabs kyis skad cig yud tsam thang cig de nyid la 'jig rten gyi khams spos thams cad kyi dri mchog de nas mi snang bar gyur te/ lid tsa bi dri ma med par grags pa'i khyim
240b2 na 'dug go/ /de nas lid tsa bi dri ma med par grags pa seng ge'i khri snga ma ci 'dra ba de lta bu'i seng ge'i khri brgya stong phrag dgu bcu byin gyis brlabs te/ de la byang chub sems dpa' de dag 'khod do/ /de nas
240b3 sprul pa'i byang chub sems dpa' des zhal zas kyis bkang ba'i snod de dri ma med par grags pa la byin no/ /de nas zhal zas de'i dris yangs pa'i grong khyer chen por 'dug par gyur te/ 'jig rten gyi khams stong gi
240b4 bar du dri zhim po mnam par gyur to/ /gang yangs pa'i grong khyer gyi bram ze dang / khyim bdag rnams dang / lid tsa bi rnams kyi dbang po lid tsa bi zla gdugs kyis dri de mnams nas ngo mtshar du gyur rmad du gyur te/
240b5 lus dang sems dang bar gyur nas lid tsa bi brgyad khri bzhi stong tshang ba dang lhan cig tu dri ma med par grags pa'i khyim du zhugs so/ /de dag gi khyim de na byang chub sems dpas gang ba'i seng ge'i khri de tsam du mtho ba
240b6 de tsam du che zhing yangs pa la 'khod pa mthong ste/ mthong nas de dag shin du mos shing rab tu dga' ba chen po skyes te/ de dag thams cad kyis nyan thos chen po de dag dang / byang chub sems dpa' chen po de dag la
240b7 phyag 'tshal nas phyogs gcig du 'khod do/ /sa la spyod pa'i lha'i bu rnams dang / 'dod pa na spyod pa dang / gzugs yod pa na spyod pa'i lha'i bu rnams kyang dri des bskul nas lid tsa bi dri ma med par grags
240b8 pa'i khyim du lhags so/ /de nas lid tsa bi dri ma med par grags pas gnas brtan shA ri'i bu dang / nyan thos chen po de dag la 'di skad ces smras so/ /btsun pa rnams de bzhin gshegs pa'i zhal zas bdud rtsi
241a1 thugs rje chen pos yongs su bsgos pa zo la nyi tshe ba'i spyod pa la sems nye bar ma 'dogs shig /sbyin pa spyod ma nus pa re/ de na nyan thos kha cig 'di snyam du sems so/ /zhal zas nyung ngu
241a2 'di la 'di lta bu'i 'khor 'dis ji ltar bza'o snyam mo/ /de nas sprul pa'i byang chub sems dpa' des nyan thos de dag la 'di skad ces smras so/ /tshe dang ldan pa dag khyed rang gi shes rab dang bsod nams dang /
241a3 de bzhin gshegs pa'i shes rab dang bsod nams su ma snyom shig /de ci'i phyir zhe na/ 'di lta ste dper na rgya mtsho chen po bzhi ni zad kyang srid kyi zhal zas 'di la zad pa cung zad kyang med do/ /sems can
241a4 thams cad kyis zhal zas 'di kham ri rab tsam du bskal par zos kyang 'di zad par mi 'gyur ro/ /de ci'i phyir zhe na/ tshul khrims dang / shes rab dang / ting nge 'dzin mi zad pa las byung ba de bzhin gshegs pa'i
241a5 zhal zas snod du lus pa 'di zad par mi nus so/ /de nas zhal zas des 'khor thams cad la tshim par byas kyang zhal zas de zad par ma gyur to/ /byang chub sems dpa' dang / nyan thos dang / brgya byin dang / tshangs
241a6 pa dang / 'jig rten skyong ba rnams dang / sems can gzhan dag gis zhal zas zos pa pa de dag kyang ji ltar 'jig rten gyi khams bde ba thams cad kyis rab tu brgyan pa na byang chub sems dpa' rnams kyi bde ba ci
241a7 'dra ba de lta bu'i bde ba lus las skyes so/ /de dag gi spu'i khung bu nas kyang 'di lta bu'i dri 'byung bzhin 'di lta ste dper na 'jig rten gyi khams spos thams cad kyi dri mchog de na shing rnams las dri 'byung ba bzhin no/ /
241a8 de nas lid tsa bi dri ma med par grags pa shes bzhin du bcom ldan 'das de bzhin gshegs pa spos mchog brtsegs pa'i sangs rgyas kyi zhing nas lhags pa'i byang chub sems dpa' rnams la 'di skad ces smras so/ /
241b1 rigs kyi bu dag de bzhin gshegs pa spos mchog brtsegs pa de'i chos ston pa ci 'dra/ de dag gis smras pa/ de bzhin gshegs pa de ni yi ge dang nges pa'i tshig gis chos mi ston te/ dri de nyid kyis byang chub sems
241b2 dpa' 'dul bar gyur te/ spos kyi shing gang dang gang gi drung du byang chub sems dpa' de dag 'dug pa de dang de dag las 'di 'dra ba'i dri byung ste/ gang dri de mnams ma thag tu byang chub sems dpa'i yon tan thams cad
241b3 kyi 'byung gnas shes bya ba'i ting nge 'dzin rab tu thob par 'gyur ro/ /ting nge 'dzin de thob ma thag tu de dag thams cad la byang chub sems dpa'i yon tan rnams skye'o/ /de nas byang chub sems dpa' de dag gis lid tsa
241b4 bi dri ma med par grags pa la 'di skad ces smras so/ /'di na bcom ldan 'das shAkya thub pa chos bstan pa ji lta bu rab tu ston par mdzad/ smras pa/ skyes bu dam pa rnams sems can 'di dag ni gdul dka' ste/
241b5 sems can dmu rgod gdul dka' ba 'di rnams la dmu rgod dang gdul dka' ba gdul ba'i gtam rnams rab tu ston to/ /dmu rgod gdul dka' ba rnams gdul ba gang / dmu rgod gdul dka' ba gdul ba'i gtam de gang zhe na/ 'di lta ste/
241b6 'di ni sems can dmyal ba'o/ /'di ni dud 'gro'i skye gnas so/ /'di ni gshin rje'i 'jig rten no/ /'di ni mi khom pa'o/ /'di ni dbang po nyams par skye ba'o/ /'di ni lus kyi nyes par spyod pa'o/ /'di ni lus kyis
241b7 nyes par spyad pa'i rnam par smin pa'o/ /'di ni ngag gi nyes par spyod pa'o/ /'di ni ngag gis nyes par spyad pa'i rnam par smin pa'o/ /'di ni yid kyi nyes par spyod pa'o/ /'di ni yid kyis nyes par spyad pa'i rnam par
241b8 smin pa'o/ /'di ni srog gcod pa'o/ /'di ni ma byin par len pa'o/ /'di ni 'dod pas log par g.yem pa'o/ /'di ni brdzun du smra ba'o/ /'di ni phra ma'o/ /'di ni ngag rtsub po'o/ /'di ni tshig kyal pa'o/ /
242a1 'di ni brnab sems so/ /'di ni gnod sems so/ /'di ni log par lta ba'o/ /'di ni de dag gi rnam par smin pa'o/ /'di ni ser sna'o/ /'di ni ser sna'i 'bras bu'o/ /'di ni 'chal pa'i tshul
242a2 khrims so/ /'di ni khro ba'o/ /'di ni le lo'o/ /'di ni le lo'i 'bras bu'o/ /'di ni 'chal pa'i shes rab bo/ /'di ni 'chal pa'i shes rab kyi 'bras bu'o/ /'di ni bslab pa'i gzhi las 'das pa'o/ /'di ni
242a3 so sor thar pa'o/ /'di ni bya ba'o/ /'di ni mi bya ba'o/ /'di ni rnal 'byor pa'o/ /'di ni sgrib pa'o/ /'di ni sgrib pa med pa'o/ /'di ni ltung ba'o/ /'di ni ltung ba las byung ba'o/ /'di ni lam mo/ /'di ni lam
242a4 ngan pa'o/ /'di ni dge ba'o/ /'di ni mi dge ba'o/ /'di ni kha na ma tho ba dang bcas pa'o/ /'di ni kha na ma tho ba med pa'o/ /'di ni zag pa dang bcas pa'o/ /'di ni zag pa med pa'o/ /'di ni 'jig rten pa'o/ /'di ni
242a5 'jig rten las 'das pa'o/ /'di ni 'dus byas so/ /'di ni 'dus ma byas so/ /'di ni kun nas nyon mongs pa'o/ /'di ni rnam par byang ba'o/ /'di ni 'khor ba'o/ /'di ni mya ngan las 'das pa'o zhes de lta bur chos rnam
242a6 pa du mar bshad pas rta dmu rgod lta bu'i sems rab tu gnas par byed do/ /'di lta ste dper na rta 'am bal glang dmu rgod gnad du brdab pa tshun chad kyis dul bar 'gyur ro/ /de bzhin du sems can dmu rgod gdul dka' ba
242a7 rnams kyang sdug bsngal thams cad smos pa'i gtam gyis dul bar 'gyur ro/ /byang chub sems dpa' de dag gis smras pa/ 'di ltar bcom ldan 'das shAkya thub pa sangs rgyas kyi che ba bzhag ste/ ngan cing dbul ba
242a8 sems can dmu rgod rnams 'dul ba ni ngo mtshar to/ /byang chub sems dpa' gang 'di lta bur sangs rgyas kyi zhing yang ba na 'khod pa de dag gi snying rje chen po 'ang bsam gyis mi khyab bo/ /de nas lid tsa bi dri ma med par grags pas
242b1 smras pa/ skyes bu dam pa dag de de bzhin te ji skad smras pa de bzhin no/ /gang 'dir skyes pa'i byang chub sems dpa' 'di dag gis snying rje chen po shin du brtan no/ /de dag 'jig rten gyi khams 'dir tshe gcig la
242b2 sems can gyi don shin du mang du byed de/ 'jig rten gyi khams spos thams cad kyi dri mchog der bskal pa brgya stong gis kyang sems can gyi don de ltar byed mi nus so/ /de ci'i phyir zhe na/ skyes bu dam pa dag 'jig
242b3 rten gyi khams mi mjed 'dir gang de dag yongs su 'dzin par 'gyur ba'i dge ba bsags pa chos bcu yod de/ de dag ni sangs rgyas kyi zhing gzhan na med do/ /bcu gang zhe na/ 'di lta ste/ dbul po rnams la ni
242b4 sbyin pas sdud do/ /tshul khrims 'chal pa rnams la ni tshul khrims kyis sdud do/ /khong khro ba rnams la ni bzod pas sdud do/ /le lo can rnams la ni brtson 'grus kyis sdud do/ /sems g.yeng ba rnams la ni
242b5 bsam gtan gyis sdud do/ /shes rab 'chal pa rnams la ni shes rab kyis sdud do/ /mi khom par gyur pa rnams la ni mi khom pa brgyad las 'da' ba ston to/ /
242b6 nyi tshe bar spyod pa rnams la ni theg pa chen po ston to/ /dge ba'i rtsa ba ma bskyed pa rnams la ni dge ba'i rtsa bas sdud do/ /bsdu ba'i dngos po bzhis rtag tu rgyun mi chad par sems can yongs su smin par byed pa ste/
242b7 dge ba bsags pa'i chos bcu po 'di dag rab tu 'dzin par 'gyur ba de dag ni sangs rgyas kyi zhing gzhan na med do/ /byang chub sems dpa' de dag gis smras pa/ chos du dang ldan na byang chub sems dpa' 'jig rten
242b8 gyi khams mi mjed 'di nas shi 'phos nas ma rmas ma snad par sangs rgyas kyi zhing yongs su dag par 'gro bar 'gyur/ smras pa/ chos brgyad dang ldan na byang chub sems dpa' 'jig rten gyi khams mi mjed
243a1 'di nas shi 'phos nas ma rmas ma snad par sangs rgyas kyi zhing yongs su dag par 'gro bar 'gyur ro/ /brgyad gang zhe na/ sems can thams cad la bdag gis phan par bya ste/ 'di dag las
243a2 ni phan pa chung zad kyang mi 'tshal la/ /sems can thams cad kyi sdug bsngal thams cad bzod par bya ste/ des dge ba'i rtsa ba thams cad sems can thams cad la gtang bar bya'o snyam pa dang / sems can thams cad
243a3 la khong khro ba med pa dang / byang chub sems dpa' thams cad la ston pa lta bur dga' ba dang / thos pa dang ma thos pa'i chos rnams thos na mi spong ba dang / gzhan gyi rnyed pa la phrag dog med cing bdag gi rnyed pas
243a4 mi snyems shing sems nges par sems pa dang / bdag gi 'khrul pa la so sor rtog cing gzhan gyi nyes pa mi gleng ba dang / bag yod pa la dga' zhing yon tan thams cad yang dag par len pa ste/ chos brgyad po de dag dang ldan na
243a5 byang chub sems dpa' 'jig rten gyi khams mi mjed nas shi 'phos nas ma rmas ma snad par sangs rgyas kyi zhing yongs su dag par 'gro bar 'gyur ro/ /de nas lid tsa bi dri ma med par grags pa dang / 'jam
243a6 dpal gzhon nur gyur pas de ltar 'khor der 'dus pa la de ltar chos bstan pas 'di ltar srog chags 'bum tshang ba bla na med pa yang dag par rdzogs pa'i byang chub tu sems skyes so/ /byang chub sems dpa' khri ni
243a7 mi skye ba'i chos la bzod pa thob par gyur to/ /sprul pas zhal zas blangs pa'i le'u ste dgu pa'o// // yang de'i tshe bcom ldan 'das a mra srung ba'i tshal na chos ston pa'i 'khor gyi khyams de yang rgya
243a8 che zhing yangs par gyur to/ /'khor de yang gser gyi kha dog lta bur 'dug go/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das 'di ltar a mra srung
243b1 ba'i tshal 'di rgya che zhing yangs par gyur pa dang / 'khor thams cad kyang gser gyi kha dog tu gda' ba 'di su'i snga ltas lags/ bcom ldan 'das kyis bka' stsal pa/ kun dga' bo 'di ni lid tsa bi dri
243b2 ma med par grags pa dang 'jam dpal gzhon nur gyur pa gnyis 'khor mang pos yongs su bskor cing mdun du bdar te/ de bzhin gshegs pa'i drung du 'ong ba'i snga ltas so/ /de nas lid tsa bi dri ma med par
243b3 grags pas 'jam dpal gzhon nur gyur pa la 'di skad ces smras so/ /'jam dpal sems can chen po 'di dag kyang de bzhin gshegs pa mthong zhing phyag 'tshal bar 'gyur gyis yu bu cag bcom ldan 'das kyi drung du
243b4 'dong ngo / /'jam dpal gyis smras pa/ rigs kyi bu dag de'i dus la bab par shes na 'dong ngo / /de nas lid tsa bi dri ma med par grags pas 'di lta bu'i rdzu 'phrul mngon par 'du bya ba mngon par 'du byas pas ji ltar
243b5 'khor thams cad seng ge'i khri de dag dang bcas te lag pa g.yas pa'i steng du bzhag nas/ bcom ldan 'das ga la ba der dong ste der phyin pa dang / de dag sa la bzhag ste bcom ldan 'das kyi zhabs la mgo bos phyag
243b6 'tshal nas/ bcom ldan 'das la lan bdun du bskor te phyogs gcig du 'dug go/ /de nas de bzhin gshegs pa spos mchog brtsegs pa'i sangs rgyas kyi zhing nas lhags pa'i byang chub sems dpa' de dag
243b7 kyang seng ge'i khri las babs te/ bcom ldan 'das kyi zhabs la mgo bos phyag 'tshal nas bcom ldan 'das la thal mo sbyar te phyag 'tshal zhing phyogs gcig tu 'khod do/ /byang chub sems dpa'
243b8 sems dpa' chen po de dag dang / nyan thos chen po de dag thams cad kyang seng ge'i khri las babs te bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de bzhin du brgya
244a1 byin dang / tshangs pa dang / 'jig rten skyong ba dang / lha'i bu de dag thams cad kyang bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de nas bcom ldan
244a2 'das kyis byang chub sems dpa' de dag la chos kyi gtam gyis yang dag par dga' bar byas nas 'di skad ces bka' stsal to/ /rigs kyi bu dag rang rang gi seng ge'i khri la 'khod cig /bcom ldan 'das
244a3 kyis de skad ces bka' stsal nas de dag 'khod do/ /de nas bcom ldan 'das kyis shA ra'i bu la 'di skad ces bka' stsal to/ /shA ri'i bu khyod kyis sems can gyi ma tshogs byang chub sems dpa' rnams kyi rnam par
244a4 'phrul pa mthong ngam/ gsol pa/ bcom ldan 'das mthong lags so/ /bcom ldan 'das kyis bka' stsal pa/ de la khyod kyi 'du shes ji lta bur skyes/ gsol pa/ bcom ldan 'das bdag de la bsam
244a5 gyis mi khyab pa'i 'du shes skyes lags so/ /ji ltar bsam pa dang / gzhal ba dang / bgrang bar mi nus pa de lta bur de dag gi bgyid pa bsam gyis mi khyab pa mthong ngo / /de nas bcom ldan 'das la tshe dang ldan pa kun
244a6 dga' bos 'di skad ces gsol to/ /bcom ldan 'das sngon ma mnams pa'i dri zhig gda' na 'di lta bu su'i dri lags/ bcom ldan 'das kyis bka' stsal pa/ kun dga' bo byang chub sems dpa' 'di dag gis lus
244a7 kyi spu'i khung bu thams cad nas dri byung ba yin no/ /shA ri'i bus kyang smras pa/ tshe dang ldan pa kun dga' bo kho bo cag gi lus kyi spu'i khung bu thams cad nas kyang 'di lta bu'i dri 'byung ngo / /smras pa/ dri ci las
244a8 byung smras pa/ lid tsa bi dri ma med par grags pa 'dis de bzhin gshegs pa spos mchog brtsegs pa'i sangs rgyas kyi zhing 'jig rten gyi khams spos thams cad kyi dri mchog nas zhal zas blangs te/ zos so cog thams
244b1 cad kyi lus las 'di lta bu'i dri 'byung ngo / /de nas tshe dang ldan pa kun dga' bos lid tsa bi dri med par grags pa la 'di skad ces smras so/ /dri 'di ji srid kyi bar du 'chags par 'gyur/ smras pa/ ji srid zas ma zhu ba'i bar du'o/ /
244b2 kun dga' bos smras pa/ zas de yun ji srid na zhu bar gyur/ smras pa/ zhag bdun phrag bdun gyis zhu bar 'gyur te/ de nas yang zhag bdun gyi bar du des mdangs rgyas par 'gyur ro/ /ma zhu ba'i gnod par yang mi 'gyur ro/ /btsun
244b3 pa kun dga' bo dge slong gang nges pa la ma zhugs pas zas 'di zos na de dag nges pa la zhugs na de 'ju bar 'gyur ro/ /nges pa la zhugs pa gang gis zhal zas 'di zos pa de dag sems yongs su ma grol gyi bar du mi 'ju'o/ /
244b4 sems can byang chub tu sems ma bskyed pa gang dag gis de zos pa de dag byang chub tu sems bskyed na de 'ju bar 'gyur ro/ /byang chub tu sems bskyed pa gang dag gis zos pa de dag bzod pa ma thob kyi bar du mi 'ju'o/ /bzod pa
244b5 thob pa gang dag gis zos pa de dag skye ba gcig gis thogs na 'ju bar 'gyur ro/ /btsun pa kun dga' bo 'di lta ste/ dper na sman bro ldan zhes bya ba ltor song na dug thams cad med par ma gyur gyi bar du mi 'ju ste sman de phyis 'ju
244b6 bar 'gyur ro/ /de bzhin du btsun pa kun dga' bo nyon mongs pa thams cad kyi dug med par ma gyur gyi bar tu zas de 'ju bar mi 'gyur te/ zas de phyis gdod 'ju bar 'gyur ro/ /de nas tshe dang ldan pa kun dga' bos bcom
244b7 ldan 'das la 'di skad ces gsol to/ /bcom ldan 'das zhal zas 'di ni sangs rgyas kyi mdzad pa bgyid do/ /bka' stsal pa/ kun dga' bo de de bzhin te/ ji skad smras pa de de bzhin no/ /kun dga' bo gang dag na
244b8 byang chub sems dpa' sangs rgyas kyi mdzad pa byed pa'i sangs rgyas kyi zhing rnams kyang yod do/ /gang dag na 'od kyis sangs rgyas kyi mdzad pa byed pa'i sangs rgyas kyi zhing rnams kyang yod do/ /gang dag na byang chub kyi shing
245a1 gis sangs rgyas kyi mdzad pa byed pa'i sangs rgyas kyi zhing rnams kyang yod do/ /gang dag na de bzhin gshegs pa'i mtshan dang gzugs mthong bas sangs rgyas kyi mdzad pa byed pa'i sangs rgyas kyi zhing
245a2 rnams kyang yod do/ /gang dag na chos gos kyis sangs rgyas kyi mdzad pa byed pa'i sangs rgyas kyi zhing rnams kyang yod do/ /de bzhin du zhal zas kyis mdzad pa dang / de bzhin du chu dang / bskyed mos tshal dang /
245a3 gzhal med khang dang / gang pa brtsegs pas sangs rgyas kyi mdzad pa byed pa dag kyang yod do/ /kun dga' bo gang dag na sprul pas sangs rgyas kyi mdzad pa byed pa'i sangs rgyas kyi zhing rnams kyang yod do/ /kun dga' bo
245a4 nam mkhas sangs rgyas kyi mdzad pa byed pa'i sangs rgyas kyi zhing dag kyang yod do/ /de bzhin du nam mkha' dang bar snang dag sangs rgyas kyi mdzad pa byed de/ de lta bus sems can de dag 'dul bar 'gyur ro/ /kun
245a5 dga' bo de bzhin du rmi lam dang / gzugs brnyan dang / chu zla dang / brag ca dang / sgyu ma dang / smig rgyu dang / dper bstan pa dang / yi ge dang / nges pa'i tshig ston pa sems can de dag la sangs rgyas kyi mdzad pa byed
245a6 pa dag kyang yod do/ /gang dag na yi ge rnam par rig par byed pas sangs rgyas kyi mdzad pa byed pa'i sangs rgyas kyi zhing dag kyang yod do/ /kun dga' bo gang na smra ba med pa dang / brjod pa med pa dang / mi bstan pa dang /
245a7 mi brjod pas sems can de dag la sangs rgyas kyi mdzad pa byed de/ de lta bur yongs su dag pa'i sangs rgyas kyi zhing rnams kyang yod do/ /kun dga' bo sangs rgyas bcom ldan 'das rnams kyi spyod lam dang / longs
245a8 spyod dang / yongasu spyod pas sems can rnams 'dul ba'i phyir sangs rgyas kyi mdzad pa mi byed pa ni gang yang med do/ /kun dga' bo bdud bzhi po de dag dang / nyon mongs pa'i sgo brgya stong phrag brgyad cu rtsa
245b1 bzhis sems can rnams kun nas nyon mongs pa de thams cad kyis sangs rgyas bcom ldan 'das rnams sangs rgyas kyi mdzad pa byed do/ /kun dga' bo 'di ni sangs rgyas kyi chos thams cad kyi sgor 'jug pa zhes bya
245b2 ba'i chos kyi sgo ste/ chos kyi sgo 'dir zhugs pa'i byang chub sems dpa' de ni yon na rgya chen po bkod pa thams cad dang ldan pa'i sangs rgyas kyi zhing rnams la zhum pa 'ang med/ gong ba 'am med/ yon tan rgya chen po bkod pa
245b3 thams cad dang ldan pa'i sangs rgyas kyi zhing rnams la dga' ba yang med/ snyems pa yang med de/ de bzhin gshegs pa rnams la yang rab tu ri mor skyed do/ /sangs rgyas bcom ldan 'das chos
245b4 thams cad mnyam pa nyid thugs su chud pa rnams kyi sems can yongs su smin par bya ba'i phyir sangs rgyas kyi zhing sna tshogs su ston pa de ni ngo mtshar to/ /kun dga' bo 'di lta ste/ sangs rgyas kyi zhing rnams
245b5 kyi yon tan gzhan dang gzhan sna tshogs su 'gyur yang bya lam gyis khebs pa'i sangs rgyas kyi zhing dang nam mkha' la tha dad pa med pa de bzhin du kun dga' bo de bzhin gshegs pa rnams kyi gzugs kyi sku tha dad du
245b6 gyur yang de bzhin gshegs pa rnams kyi chags pa med pa'i ye shes ni tha dad pa ma yin no/ /kun dga' bo sangs rgyas thams cad kyi gzugs dang / kha dog dang / gzi brjid dang / sku dang / mtshan dang /
245b7 rigs btsun pa dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / stobs rnams dang / mi 'jigs pa rnams dang / sangs rgyas
245b8 kyi chos rnams dang / byams pa chen po dang / snying rje chen po dang / phan par dgongs pa dang / spyod lam dang / spyod pa dang / lam dang / tshe'i tshad dang / chos ston pa dang / sems can yongs su smin par
246a1 byed pa dang / sems can rnam par grol ba dang / zhing yongs su dag pa dang / sangs rgyas kyi chos thams cad yongs su rdzogs par mtshungs te/ de bas na yang dag par rdzogs pa'i sangs rgyas shes bya'o/ /
246a2 de bzhin gshegs pa zhes bya'o/ /sangs rgyas shes bya'o/ /kun dga' bo tshig de gsum gyi don rgyas pa dang / tshig rnam par dbye ba gang yin pa de ni khyod tshe'i tshad bskal par 'dug kyang bde bar kun chub par
246a3 sla ba ma yin no/ /stong gsum du gtogs pa'i sems can rnams kun dga' bo khyod 'dra bar mang du thos pa dang / dran pa dang / gzungs thob pa rnams kyi nang na mchog tu gyur la/ kun dga' bo dang 'dra ba'i
246a4 sems can de dag thams cad kyis kyang yang dag par rdzogs pa'i sangs rgyas shes bya ba dang / de bzhin gshegs pa zhes bya ba dang / sangs rgyas shes bya ba'i tshig de gsum gyi don gdon mi za bar bstan pa ni
246a5 bskal par yang kun chub par mi nus so/ /kun dga' bo de ltar sangs rgyas kyi byang chub ni tshad med de/ de bzhin gshegs pa rnams kyi shes rab dang spobs pa bsam gyis mi khyab po/ /de nas bcom ldan 'das
246a6 la tshe dang ldan pa kun dga' bos 'di skad ces gsol to/ /bcom ldan 'das deng slan chad bdag mang du thos pa'i mchog go zhes dam mi 'cha'o/ /bcom ldan 'das kyis bka' stsal pa/ kun dga' bo khyod zhum
246a7 pa'i sems ma skyed cig /de ci'i phyir zhe na/ kun dga' bo khyod nyan thos rnams la dgongs te mang du thos pa'i mchog go zhes ngas bstan gyi byang chub sems dpa'i nang na ma yin no/ /kun dga' bo byang chub sems
246a8 dpa' lta zhog gi/ de dag ni mkhas pa dag gis tshod gzung bar bya ba ma yin te/ kun dga' bo rgya mtsho thams cad kyi gting ni tshad gzung bar nus kyi byang chub sems dpa' rnams kyi shes rab dang / ye shes
246b1 dang / dran pa dang / gzungs dang / spobs pa'i gting ni tshod gzung mi nus so/ /kun dga' bo byang chub sems dpa'i spyod pa rnams la khyod btang snyoms su gyis shig /de ci'i phyir zhe na/ kun dga' bo
246b2 lid tsa bi dri ma med par grags pa 'dis snga dro gcig la bkod pa bstan pa ni nyan thos dang rang sangs rgyas rdzu 'phrul thob pa thams cad kyis bskal pa bye ba brgya stong du 'ang rdzu 'phrul dang rnam par sprul pa'i cho
246b3 'phrul thams cad kyis ston mi nus so/ /de nas bcom ldan 'das de bzhin gshegs pa spos mchog brtsegs pa'i sangs rgyas kyi zhing nas lhags pa'i byang chub sems dpa' de dag thams cad kyis thal mo sbyar te/
246b4 de bzhin gshegs pa la phyag 'tshal zhing tshig 'di skad ces gsol to/ /bcom ldan 'das bdag cag gis 'di ltar sangs rgyas kyi zhing 'di la ngan par 'du shes bskyed pa yid la bgyis pa rnams spang bar 'tshal lo/ /de
246b5 ci'i slad du zhe na/ bcom ldan 'das sangs rgyas bcom ldan 'das rnams kyi sangs rgyas kyi yul dang / thabs mkhas pa ni bsam gyis mi khyab ste/ de dag sems can thams cad yongs su smin par bgyi ba'i slad du ji lta ji lta
246b6 bur bzhed pa de ltar de lta bur zhing bkod pa ston to/ /bcom ldan 'das bdag cag 'jig rten gyi khams spos thams cad kyi dri mchog der mchis kyang bcom ldan 'das rjes su dran par 'gyur ba'i chos kyi rdzongs shig bdag
246b7 cag la stsal bar gsol/ de skad ces gsol pa dang / bcom ldan 'das kyis bka' stsal pa/ rigs kyi bu byang chub sems dpa'i rnam par thar pa zad pa dang / mi zad pa zhes bya ba yod do/ /de la khyed kyis bslab par
246b8 bya ste/ de yang gang zhe na/ zad pa zhes bya ba ni 'dus byas so/ /mi zad pa ni 'dus ma byas te/ de la byang chub sems dpa' 'dus byas zad par mi bya/ 'dus ma byas la 'ang gnas par mi bya'o/ /de la 'dus byas mi zad pa
247a1 ni 'di lta ste/ byams pa chen po las ma nyams pa'o/ /snying rje chen po ma btang ba'o/ /lhag pa'i bsam pas yang dag par btsud pa'i thams cad mkhyen pa'i sems mi brjed pa'o/ /sems can
247a2 yongs su smin par byed pa la mi skyo ba'o/ /bsdu ba'i dngos po mi gtong ba'o/ /dam pa'i chos yongs su gzung ba'i phyir lus dang srog 'dor ba'o/ /dge ba'i rtsa ba dag la chog mi shes pa'o/ /yongs su bsngo bar mkhas
247a3 pa la 'god pa'o/ /chos tshol ba la le lo med pa'o/ /chos bstan pa la slob dpon dpe mkhyud mi byed pa'o/ /de bzhin gshegs pa la blta ba dang / mchod pa'i dngos po la brtson pa'o/ /bsams bzhin du skye bas mi skrag pa'o/ /
247a4 phun sum tshogs pa dang rgud pa dag la ma khengs mi 'dud pa'o/ /ma bslabs pa rnams la mi brnyas shing lobs pa rnams la ston pa ltar phangs par sems pa'o/ /nyon mongs pa rgyas pa rnams la tshul bzhin nye bar sbyor ba'o/ /
247a5 dben pa la dga' zhing de la ma chags pa'o/ /bdag gi bde ba la ma zhen cing pha rol bde ba la zhen pa'o/ /bsam gtan dang / ting nge 'dzin dang / snyoms par 'jug pa la mnar med pa ltar 'du shes pa'o/ /'khor ba la bskyed mos
247a6 tshal dang mya ngan las 'das pa lta bur 'du shes pa'o/ /slong ba rnams la dag pa'i bshes gnyen du 'du shas pa'o/ /bdog pa thams cad yongs su gtong ba la thams cad mkhyen pa nyid rdzogs par byed par 'du shes pa'o/ /
247a7 tshul khrims 'chal pa rnams la bskyab par 'du shes pa'o/ /pha rol tu phyin pa rnams la pha mar 'du shes pa'o/ /byang chub kyi phyogs kyi chos rnams la bdag po g.yog tu 'du shes pa'o/ /dge ba'i rtsa ba'i tshogs
247a8 thams cad kyis chog mi shes shing sangs rgyas kyi zhing thams cad kyi yon tan bdag gi zhing du sgrub pa'o/ /mtshan dang dpe byed bzang po yongs su bkang ba'i phyir gtan pa med pa'i mchod sbyin yangs su gtong ba'o/ /sdig
247b1 pa thams cad mi byed pas lus dang / ngag dang / sems brgyan pa'o/ /lus dang ngag yongs su dag cing sems yongs su dag pas bskal pa grangs med par 'khor ba'o/ /sems dpa' bas sangs rgyas kyi yon tan
247b2 tshad med pa thos kyang zhum par mi 'gyur ba'o/ /nyon mongs pa'i dgra tshar gcad par bya ba'i phyir shes rab kyi mtshon thogs pa'o/ /sems can thams cad kyi khur bkur ba'i phyir phung po dang / khams dang / skye mched kun
247b3 shes pa'o/ /bdud kyi sde gzhom pa'i phyir brtson 'grus 'bar ba'o/ /nga rgyal med pa'i phyir ye shes tshol ba'o/ /chos gsung ba'i phyir 'dod pa nyung zhing chog shes pa'o/ /'jig rten thams cad dga' bar bya ba'i
247b4 phyir 'jig rten gyi chos thams cad dang ma 'dres pa'o/ /'jig rten dang 'thun par bya ba'i phyir spyod lam thams cad las ma nyams pa'o/ /bya ba thams cad yang dag par bstan par bya ba'i phyir mngon par shes pa bskyed
247b5 pa'o/ /thos pa thams cad gzung ba'i phyir gzungs dang / dran pa dang / ye shes so/ /sems can thams cad kyi the tsom gcad pa'i phyir dbang po mchog dang mchog ma yin pa shes pa'o/ /chos bstan pa'i phyir byin gyi
247b6 brlabs thogs pa med pa'o/ /spobs pa thob pa rab tu rnyed pas spobs pa thogs pa med pa'o/ /dge ba bcu'i las kyi lam yongs su dag pas lha dang mi'i phun sum tshogs pa myong ba'o/ /tshad med pa bzhi rab tu bskyed pas
247b7 tshangs pa'i lam du 'god pa'o/ /chos bstan par gsol ba dang rjes su yi rang zhing legs so zhes bya ba byin pas sangs rgyas kyi dbyangs rab tu thob pa'o/ /lus dang / ngag dang / yid sdom pas khyad par du 'gro ba dang /
247b8 chos thams cad la ma chags pas sangs rgyas kyi spyod lam rab tu thob pa'o/ /byang chub sems dpa'i dge 'dun sdud pas theg pa chen po la yang dag par 'dzud pa'o/ /yon tan thams cad chud mi za bas bag yod
248a1 pa yin te/ rigs kyi bu de ltar na byang chub sems dpa' chos la brtson zhing byang chub sems dpa' 'dus byas zad par mi byed do/ /ji ltar na 'dus ma byas la mi gnas zhe na/ gang gi tshe stong pa nyid la byang
248a2 bar byed cing stong pa nyid mngon sum du yang mi byed/ mtshan ma med pa la yongs su byang bar byed kyang mtshan ma med pa mngon sum du yang mi byed/ smon pa med pa la yongs su byang bar byed kyang smon pa med pa mngon sum du yang
248a3 mi byed/ mngon par 'du mi byed pa la yongs su byang bar byed kyang mngon par 'du mi byed pa mngon sum du yang mi byed/ mi rtag par so sor rtog kyang dge ba'i rtsa bas chog mi shes/ sdug bsngal bar so sor rtog
248a4 kyang bsams bzhin du skye/ bdag med par so sor rtog kyang bdag yongs su 'dor ba 'ang ma yin/ zhi bar so sor rtog kyang shin du zhi ba 'ang mi skyed/ dben par so sor rtog kyang lus dang sems kyis kyang 'bad/
248a5 gnas med par so sor rtog kyang dkar po'i chos kyi gnas spong ba 'ang ma yin/ 'byung ba med par so sor rtog kyang sems can rnams kyi khur blangs pa yang thogs/ zag pa med par so sor rtog kyang 'khor ba'i rgyun la
248a6 slong bar yang byed/ rgyu ba med par so sor rtog kyang sems can yongs su smin par bya ba'i phyir rgyu bar yang 'gyur/ bdag med par so sor rtog kyang sems can la snying rje chen po mi 'dor/ mi skye bar so sor rtog kyang
248a7 nyan thos kyi nges par yang mi ltung / gsog dang / gsob dang / snying po med pa dang / bdag po med pa dang / gnas med par so sor rtog kyang bsod nams gsog ma yin pa dang / ye shes gsob ma yin pa dang /
248a8 brnag pa yongs su rdzogs shing rang byung ba'i ye shes su dbang bskur ba dang / rang byung gi ye shes la brtson pa dang / nges pa'i don sangs rgyas kyi rigs la rab tu gnas pa yin te/ rigs kyi bu de ltar na de lta bu'i
248b1 chos la mos pa'i byang chub sems dpa' ni 'dus ma byas la mi gnas shing 'dus byas kyang zad par mi byed do/ /rigs kyi bu gzhan yang byang chub sems dpa' ni bsod nams kyi tshogs yang dag par sgrub pa'i phyir
248b2 'dus ma byas la mi gnas so/ /ye shes kyi tshogs yang dag par bsgrub pa'i phyir 'dus byas zad par mi byed do/ /byams pa chen po dang ldan pa'i phyir 'dus ma byas la mi gnas so/ /snying rje chen po dang ldan pa'i
248b3 phyir 'dus byas zad par mi byed do/ /sems can yongs su smin par bya ba'i phyir 'dus ma byas la mi gnas so/ /sangs rgyas kyi chos rnams la mos pa'i phyir 'dus byas zad par mi byed do/ /sangs rgyas kyi mtshan
248b4 yongs su rdzogs par bya ba'i phyir 'dus ma byas la mi gnas so/ /thams cad mkhyen pa'i ye shes yongs su rdzogs par bya ba'i phyir 'dus byas zad par mi byed do/ /thabs la mkhas pa'i phyir 'dus ma byas la mi
248b5 gnas so/ /shes rab kyis shin du brtags pa'i phyir 'dus byas zad par mi byed do/ /sangs rgyas kyi zhing yongs su dag par bya ba'i phyir 'dus ma byas la mi gnas so/ /sangs rgyas kyi byin gyi brlabs kyi phyir
248b6 'dus byas zad par mi byed do/ /sems can gyi don myong ba'i phyir 'dus byas la mi gnas so/ /chos kyi don yang dag par bstan pa'i phyir 'dus byas zad par mi byed do/ /dge ba'i rtsa ba'i tshogs kyi phyir 'dus ma byas
248b7 la mi gnas so/ /dge ba'i rtsa ba'i bag chags kyi phyir 'dus byas zad par mi byed do/ /smon lam yongs su rdzogs par bya ba'i phyir 'dus ma byas la mi gnas so/ /smon pa med pa'i phyir 'dus byas zad par mi byed do/ /
248b8 bsam pa yongs su dag pa'i phyir 'dus ma byas la mi gnas so/ /lhag pa'i bsam pa yongs su dag pa'i phyir 'dus byas zad par mi byed do/ /mngon par shes pa lngas rnam par rtsen pa'i phyir 'dus ma byas la mi
249a1 gnas so/ /sangs rgyas kyi ye shes kyi mngon par shes pa drug gi phyir 'dus byas zad par mi byed do/ /pha rol du phyin pa'i tshogs yongs su bkang ba'i phyir 'dus ma byas la mi gnas so/ /
249a2 dus yongs su rdzogs pa'i phyir 'dus byas zad par mi byed do/ /chos kyi nor kun bsdu ba'i phyir 'dus ma byas la mi gnas so/ /nyi tshe ba'i chos mi 'dod pas 'dus byas zad par mi byed do/ /chos kyi sman
249a3 kun sdud pa'i phyir 'dus ma byas la mi gnas so/ /ci rigs par chos kyi sman sbyor ba'i phyir 'dus byas zad par mi byed do/ /dam bcas pa la brtan pa'i phyir 'dus ma byas la mi gnas so/ /dam bcas pa
249a4 nyams 'og tu chud par bya ba'i phyir 'dus byas zad par mi byed do/ /chos kyi rtsa ba thams cad sgrub pa'i phyir 'dus ma byas la mi gnas so/ /'di ltar chos chung ngu'i sman sbyor ba'i phyir 'dus byas zad par mi
249a5 byed do/ /de nyon mongs pa'i nad thams cad yongs su shes pa'i phyir 'dus ma byas la mi gnas so/ /nad thams cad zhi ba'i phyir 'dus byas zad par mi 'dod do/ /rigs kyi bu de ltar na byang chub sems
249a6 dpa' 'dus byas zad par mi byed cing 'dus ma byas la mi gnas te/ de ni byang chub sems dpa' rnams kyi rnam par thar pa'i zad pa dang mi zad pa zhes bya ba yin no/ /skyes bu dam pa dag khyed kyis kyang
249a7 de la brtson par gyis shig /de nas byang chub sems dpa' de dag bstan pa 'di thos nas tshim zhing mgu la yid rangs te/ rab tu dga' nas dga' ba dang yid bde ba skyes te/ bcom ldan 'das la mchod pa
249a8 bya ba dang byang chub sems dpa' de dag dang / chos kyi rnam grangs 'di la mchod par bya ba'i phyir stong gsum gyi stong chen po'i 'jig rten gyi khams 'di thams cad phye ma dang spos dang / bdug pa mang po thams cad dang
249b1 me tog gis pus mo nub tsam du khebs par byas te/ bcom ldan 'das kyi 'khor gyi dkyil 'khor du'ang mngon par bkram pa byas nas bcom ldan 'das kyi zhabs la mgo bos phyag 'tshal te/ bcom ldan 'das
249b2 la lan gsum bskor nas ched du brjod pa rjod cing / de nas sangs rgyas kyi zhing 'di nas mi snang bar gyur te/ skad cig yud tsam thang cig gis 'jig rten gyi khams spos thams cad kyi mchog der 'khod do/ /
249b3 zad pa dang mi zad pa zhes bya ba'i chos kyi rdzongs kyi le'u ste bcu pa'o// // de nas bcom ldan 'das kyis lid tsa bi dri ma med par grags pa la 'di skad ces bka' stsal to/ /rigs kyi bu khyod gang gi tshe de bzhin
249b4 gshegs pa la lta 'dod par gyur pa de'i tshe khyod de bzhin gshegs pa la ji ltar lta/ de skad ces bka' stsal pa dang / bcom ldan 'das la lid tsa bi dri ma med par grags pas 'di skad ces gsol to/ /bcom ldan 'das
249b5 gang gi tshe bdag de bzhin gshegs pa la lta 'tshal ba de'i tshe de bzhin gshegs pa mi mthong bas lta ba lags so/ /sngon gyi mtha' nas ma skyes pa dang / phyi ma'i mthar mi 'gro ba dang / da ltar gyi dus la 'ang mi gnas par lta
249b6 lags so/ /de ci'i slad du zhe na/ gzugs kyi de bzhin nyid kyi rang bzhin te/ gzugs ma mchis pa'o/ /tshor ba'i de bzhin nyid kyi rang bzhin te/ tshor ba ma mchis pa'o/ /'du shes kyi de bzhin nyid kyi rang bzhin te/ 'du
249b7 shes ma mchis pa'o/ /'du byed kyi de bzhin nyid kyi rang bzhin te/ 'du byed ma mchis pa'o/ /rnam par shes pa'i de bzhin nyid kyi rang bzhin te/ rnam par shes pa ma mchis pa'o/ /khams bzhi ni mi gnas pa ste/
249b8 nam mkha'i khams dang mtshungs pa'o/ /skye mched drug ni ma skyes pa ste/ mig gi lam las shin du 'das pa/ rna ba'i lam las shin du 'das pa/ sna'i lam las shin du 'das pa/ lce'i lam las shin du 'das pa/
250a1 lus kyi lam las shin du 'das pa/ yid kyi lam las shin du 'das pa/ khams gsum pa dang ma 'dres pa/ dri ma gsum dang bral ba/ rnam par thar pa gsum gyi rjes su mchis pa/ rig pa gsum thob pa/
250a2 ma thob pa yang dag par thob pa/ chos thams cad la ma chags pa'i mthar phyin pa/ yang dag pa nyid kyi mtha' ma mchis pa/ de bzhin nyid la rab tu gnas pa de phan tshun du bral ba/ rgyus ma bskyed pa/ rkyen la rag
250a3 ma las pa/ mtshan nyid ma mchis pa/ mtshan nyid dang bcas pa ma lags pa/ mtshan nyid gcig pa 'ang ma lags pa/ mtshan nyid tha dad pa 'ang ma lags pa/ rtogs par gyur ba 'ang ma lags pa/ kun du rtogs par
250a4 gyur ba'ang ma lags pa/ mi rtogs par gyur pa'ang ma lags pha rol na'ang ma lags pa/ tshu rol du'ang ma lags pa/ dbus na yang ma lags pa/ 'di na yang ma lags pa/ pha bi na yang ma lags pa/ de na yang ma lags pa/ gzhan na yang
250a5 ma lags pa/ rnam par shes pas 'tshal bar bgyi ba 'ang ma lags pa/ rnam par shes pa la gnas pa 'ang ma lags pa/ mun pa yang ma lags pa/ snang ba yang ma lags pa/ ming ma mchis pa/ mtshan
250a6 ma mchis pa/ nyam chung ba yang ma lags pa/ stobs dang ldan pa yang ma lags pa/ yul la mi gnas shing phyogs la mi gnas pa dge ba 'ang ma lags pa/ mi dge ba'ang ma lags pa/ 'dus byas
250a7 kyang ma lags pa/ 'dus ma byas kyang ma lags pa/ gang gi don du brjod pa'ang ma lags te/ sbyin par yang ma lags pa/ ser snar yang ma lags pa/ tshul khrims su yang ma lags pa/ 'chal ba'i
250a8 tshul khrims su yang ma lags pa/ bzod par yang ma lags pa/ gnod sems su yang ma lags pa/ brtson 'grus su yang ma lags pa/ le lor yang ma lags pa/ bsam gtan du yang ma lags
250b1 pa/ g.yeng bar yang ma lags pa/ shes rab du yang ma lags pa/ 'chal pa'i shes rab tu 'ang brjod pa 'ang ma lags pa/ bden par yang ma lags pa/ brdzun par yang ma lags pa/ nges par 'byin
250b2 pa yang ma lags pa/ nges par mi 'byin pa yang ma lags pa/ 'gro bar bgyi ba yang ma lags pa/ 'gro bar mi bgyi ba yang ma lags pa/ smra ba dang spyod pa thams cad shin du chad pa ste/ zhing du gyur pa 'ang ma
250b3 lags pa/ zhing du ma gyur pa yang ma lags pa/ sbyin par 'os pa yang ma lags pa/ sbyin pa mi sbyong ba'ang ma lags pa/ gzung bar bgyi ba 'ang ma lags pa/ reg par bgyi ba'ang ma lags pa/ mtshan ma
250b4 ma mchis pa/ 'dus ma bgyis pa/ grangs dang bral ba/ mnyam pa nyid kyis mnyam pa/ chos nyid kyis mtshungs pa/ mtshungs pa ma mchis pa/ brtson 'grus mtshungs pa ma mchis pa/ gzhal ba las shin du
250b5 'das pa/ song ba'ang ma lags pa/ zhugs pa'ang ma lags pa/ shin du 'das pa'ang ma lags pa/ mthong ba dang thos pa dang / bye brag phyed pa dang / rnam par rag pa 'ang ma lags pa/ mdud pa thams cad
250b6 ma mchis pa/ thams cad mkhyen pa'i ye shes dang mtshungs pa thob pa/ chos thams cad la snyoms shing chos thams cad la bye brag ma mchis pa thob pa/ thams cad tu kha na ma tho ba ma mchis pa/ ci yang ma
250b7 mchis pa/ snyigs ma ma mchis pa/ mi rtog pa/ rnam par mi rtog pa/ ma bgyis pa/ ma skyes pa/ ma 'thon pa/ ma byung ba/ kun nas ma byung ba/ 'byung bar 'gyur ba yang ma lags pa/ 'byung
250b8 bar mi 'gyur ba'ang ma lags pa/ 'jig pa ma mchis pa/ kun gzhi ma mchis pa/ mya ngan ma mchis pa/ dga' ba ma mchis pa/ rlabs ma mchis pa/ tha snyad du bstan pa thams cad kyis brjod par
251a1 bgyi ba ma lags pa ste/ bcom ldan 'das de bzhin gshegs pa'i sku ni 'di 'dra ste/ de la de ltar lta lags so/ /gang gis de ltar mthong ba de yang dag par mthong ba lags so/ /gang gis rnam
251a2 pa gzhan du mthong ba de ni log par mthong ba lags so/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das rigs kyi bu dri ma med par grags pa de sangs rgyas kyi zhing gang
251a3 nas shi 'phos te sangs rgyas kyi zhing 'dir mchis/ bcom ldan 'das kyis bka' stsal pa/ shA ri'i bu khyod kyis skyes bu dam pa 'di la khyod gang nas shi 'phos te/ 'dir skyes shes dris shig /de nas tshe dang ldan pa shA
251a4 ri'i bus lid tsa bi dri ma med par grags pa la 'di skad ces smras so/ /rigs kyi bu khyod gang nas shi 'phos te 'dir skyes/ dri ma med par grags pas smras pa/ gnas brtan gyis chos gang mngon du byas pa'i chos
251a5 de la 'chi 'pho dang skye ba gang yang yod dam/ smras pa/ chos de la 'chi 'pho 'am skye ba gang yang med do/ /smras pa/ btsun pa shA ri'i bu de bzhin du chos thams cad 'chi 'pho med cing skye ba med na ci'i phyir na de lta bur
251a6 khyod gang nas shi 'phos shing 'dir skyes snyam du sems/ btsun pa shA ri'i bu gang sgyu ma mkhan gyis sprul pa'i bud med dam skyes pa la khyod gang nas shi 'phos te 'dir skyes shes dris na de'i lan ci skad ces 'debs/ smras pa/
251a7 rigs kyi bu sprul pa la 'chi 'pho yang med/ skye ba 'ang med na de ci zhig lan ldon/ smras pa/ btsun pa shA ri'i bu chos thams cad ni sprul pa'i rang bzhin no zhes de bzhin gshegs pas ma gsungs sam/ smras pa/ rigs kyi bu de
251a8 de bzhin no/ /smras pa/ btsun pa shA ri'i bu chos thams cad sprul pa'i rang bzhin lta bu la ci'i phyir khyod 'di snyam du khyod ga las shi 'phos te 'dir skyes snyam du sems/ btsun pa shA ri'i bu 'chi 'pho zhes bya ba ni mngon par
251b1 'du byed pa'i mtshan nyid do/ /skye ba zhes bya ba de yang mngon par 'du byed pa'i rgyun to/ /de la byang chub sems dpa' 'chi 'pho yang dge ba'i rtsa ba mngon par 'du byed pa zad par mi byed do/ /de skye yang mi dge ba'i
251b2 rgyun 'brel bar mi byed do/ /de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu rigs kyi bu 'di ni 'jig rten gyi khams mngon par dga' ba nas de bzhin gshegs pa
251b3 mi 'khrugs pa'i drung nas 'dir 'ongs so/ /gsol pa/ bcom ldan 'das skyes bu dam pa 'di sangs rgyas kyi zhing de tsam du rnam par dag pa nas mchis te/ sangs rgyas kyi zhing nongs pa mang po'i skyon chags
251b4 pa la mngon par dga' ba ni ngo mtshar to/ /de nas lid tsa bi dri ma med par grags pas smras pa/ shA ri'i bu 'di ji snyam du sems/ nyi ma'i 'od rnams mun pa dang lhan cig 'grogs sam/ smras pa/ de ni
251b5 ma yin no/ /rigs kyi bu de gnyis mi 'grogs sam/ smras pa/ rigs kyi bu de gnyis mi 'grogs te/ nyi ma'i dkyil 'khor shar ma thag tu mun pa thams cad med par 'gyur ro/ /smras pa/ ci'i phyir
251b6 na 'dzam bu'i gling du nyi ma 'char/ smras pa/ de ni snang bar bya ba dang mun pa bsal ba'i phyir ro/ /smras pa/ btsun pa shA ri'i bu de bzhin du byang chub sems dpa' ni sems can rnams yongs su sbyang ba dang /
251b7 ye shes kyi snang bar bya ba dang / mun pa chen po bsal ba'i phyir bsams bzhin du sangs rgyas kyi zhing yongs su ma dag pa rnams su skye ste/ nyon mongs pa rnams dang lhan cig mi gnas shing sems can thams cad kyi nyon
251b8 mongs pa'i mun pa yang rnam par sel to/ /de nas 'khor de dag thams cad 'jig rten gyi khams mngon par dga' ba de dang / de bzhin gshegs pa mi 'khrugs pa de dang / byang chub sems dpa' de dag dang / nyan thos chen
252a1 po de dag bdag cag gis blta'o snyam du skom par gyur to/ /de nas bcom ldan 'das kyis 'khor de dag thams cad kyi sems kyi rtog pa thugs kyis mkhyen nas lid tsa bi dri ma med par grags pa la 'di skad
252a2 ces bka' stsal to/ /rigs kyi bu 'khor 'di ni 'jig rten gyi khams mngon par dga' ba de dang / de bzhin gshegs pa mi 'khrugs pa de mthong bar 'dod kyi 'khor 'di la khyod kyis ston cig /de nas lid tsa bi dri ma
252a3 med par grags pas 'di snyam du bsams te/ bdag seng ge'i khri 'di las ma langs par 'jig rten gyi khams mngon par dga' ba de dang / byang chub sems dpa' brgya stong du ma dang / lha dang / klu dang / gnod sbyin dang /
252a4 dri za dang / lha ma yin gnas pa kho ra khor yug gi ris bskor ba dang bcas pa dang / 'bab chu dang / mtshe'u dang / chu mig dang / mtsho dang / rgya mtsho'i 'obs dang bcas pa dang / ri rab dang / ri bo dang / de'u dang / bog rir
252a5 bcas pa dang / zla ba dang / nyi ma dang / skar mar bcas pa dang / lha dang / klu dang / gnod sbyin dang / dri za'i gnas su bcas pa dang / tshangs pa'i gnas dang 'khor du bcas pa dang / grong dang / grong khyer dang / grong
252a6 rdal dang / ljongs dang / yul 'khor dang / mir bcas pa dang / bud med dang / khyim du bcas pa dang / byang chub sems dpar bcas pa dang / nyan thos kyi 'khor dang bcas pa dang / de bzhin gshegs pa mi 'khrugs pa'i byang chub
252a7 kyi shing dang / de bzhin gshegs pa mi 'khrugs pa yang 'khor rgya mtsho snyed kyi nang na bzhugs shing chos 'chad pa dang / gang pad ma gang dag phyogs bcu na sems can rnams la sangs rgyas kyi mdzad pa byed pa de dag dang / rin
252a8 po che'i skas gsum 'dzam bu'i gling nas sum cu rtsa gsum pa'i gnas kyi bar du mngon par 'phags pa'i skas de la sum cu rtsa gsum pa'i lha rnams ni de bzhin gshegs pa mi 'khrugs pa la blta ba dang / phyag bya ba dang /
252b1 bsnyen bkur bya ba dang / chos mnyan pa'i phyir 'dzam bu'i gling du 'bab/ 'dzam bu'i gling gi mi rnams ni sum cu gsum rtsa gsum pa'i lha rnams blta ba'i phyir sum cu rtsa gsum pa'i gnas su 'dzeg pa de lta bu'i yon tan
252b2 tshad med pa tshogs pa 'jig rten gyi khams mngon par dga' ba de chu'i phung po nas bzung ste/ 'og min gyi gnas kyi bar du rdza mkhan gyi 'khor lo bzhin du nyi tshe bar bcad de/ lag pa g.yas pas blangs nas me tog gi phreng
252b3 ba bzhin du thogs te 'jig rten gyi khams mi mjed 'dir bcug go/ /bcug nas kyang 'khor 'di thams cad la bstan par bya'o/ /de nas lid tsa bi dri ma med par grags pa de 'di lta bu'i ting nge 'dzin la snyoms par zhugs
252b4 nas 'di lta bu'i rdzu 'phrul mngon par 'du bya ba mngon par byas te/ 'jig rten gyi khams mngon par dga' ba de nyi tshe bar bcad nas lag pa g.yas pas blangs te 'jig rten gyi khams mi mjed 'dir bcug go/ /der nyan thos
252b5 dang / byang chub sems dpa' dang / lha dang / mi gang dag lha'i mig mngon par shes pa drug thob pa de dag gis skad cher bos pa/ bcom ldan 'das bdag cag 'tshal to/ /bde bar gshegs pa bdag cag 'tshal to/ /de
252b6 bzhin gshegs pa bdag cag gi skyabs mdzod cig ces gsol pa dang / 'dul ba'i don du bcom ldan 'das kyis de dag la 'di skad ces bka' stsal to/ /byang chub sems dpa' dri ma med par grags pas khyer ba de ni
252b7 nga'i yul ma yin no/ /de na lha dang mi la sogs pa gzhan dag gis ni bdag cag gar khyer mi shes mi mthong ngo / /'jig rten gyi khams mngon par dga' ba de 'jig rten gyi khams mi mjed 'dir bcug kyang 'jig
252b8 rten gyi khams 'di gang ba 'am/ bri bar yang mi mngon te/ dog cing btsir ba 'ang med do/ /'jig rten gyi khams mngon par dga' ba de yang bri ba med de sngon ji lta ba bzhin du phyis kyang de bzhin du snang ngo / /de nas
253a1 bcom ldan 'das shAkya thub pas 'khor de dag thams cad la bka' stsal pa/ kye grogs po dag 'jig rten gyi khams mngon par dga' ba dang / de bzhin gshegs pa mi 'khrugs pa dang / sangs rgyas
253a2 kyi zhing bkod pa dang / nyan thos bkod pa dang / byang chub sems dpa' bkod pa 'di dag la ltos shig /de dag gis gsol pa/ bcom ldan 'das mthong lags so/ /bka' stsal pa/ sangs rgyas kyi zhing 'di 'dra ba yongs su gzung
253a3 bar 'dod pa'i byang chub sems dpas de bzhin gshegs pa mi 'khrugs pa'i byang chub sems dpa'i spyad pa thams cad kyi rjes su bslab par bya'o/ /de ltar 'jig rten gyi khams mngon par dga' ba bstan pa'i rdzu 'phrul
253a4 gyi cho 'phrul dang / de bzhin gshegs pa mi 'khrugs pa bstan pas 'jig rten gyi khams mi mjed 'di lha dang mi'i skye dgu las khri phrag bcu bzhi bla na med pa yang dag par rdzogs pa'i byang chub tu sems skyes
253a5 so/ /kun gyis kyang 'jig rten gyi khams mngon par dga' ba der skye bar smon lam btab ste/ bcom ldan 'das kyis kyang de dag thams cad 'jig rten gyi khams mngon par dga' bar skye bar lung bstan to/ /
253a6 de ltar lid tsa bi dri ma med par grags pas 'jig rten gyi khams mi mjed 'dir sems can yongs su smin par bya ba ji snyed yod pa de dag thams cad smin par byas nas 'jig rten gyi khams mngon par dga'
253a7 ba de slar gnas ji lta ba bzhin du bzhag go/ /de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu khyod kyis 'jig rten gyi khams mngon par dga' ba de dang / de bzhin
253a8 gshegs pa mi 'khrugs pa de mthong ngam/ gsol pa/ bcom ldan 'das bdag gis mthong lags so/ /sems can thams cad kyang sangs rgyas kyi zhing gi yon tan bkod pa de 'dra bar gyur cig /sems
253b1 can thams cad kyang rigs kyi bu lid tsa bi dri ma med par grags pa ji lta bu de 'dra ba'i rdzu 'phrul dang ldan par gyur cig /bdag cag kyang skyes bu dam pa 'di lta bu mthong ba thob pa na rnyed pa legs par lags te/
253b2 gang dag tha na da ltar gyi de bzhin gshegs pa'am/ yongs su mya ngan las 'das pa'i chos kyi rnam grangs 'di thos pa'i sems can de dag kyang rnyed pa rab du rnyed par 'gyur na/ gang dag thos nas mos pa dang /
253b3 yid ches pa dang / 'dzin pa dang / 'chang ba dang / klog pa dang / kun chub par bgyid pa dang / mos nas ston pa dang / rab tu 'don pa dang / gzhan dag la 'ang 'chad pa dang / sgom pa'i rnal 'byor la rjes su sbyor ba
253b4 rnams la lta smos kyang ci 'tshal/ chos kyi rnam grangs 'di gang dag gi sug par thob par gyur pa de dag kyang chos rin po che'i gter rnyed par 'gyur ro/ /gang dag chos kyi rnam grangs 'di kha ton du bgyid pa
253b5 de dag kyang de bzhin gshegs pa'i grogs su gyur pa lags so/ /gang dag chos 'di la mos pa rnams la rim gro dang bsnyen bkur bgyid pa de dag ni chos yang dag par srung ba lags so/ /gang dag chos kyi
253b6 rnam grangs 'di legs par bris te 'chang ba dang ri mor bgyid pa de dag gi khyim na de bzhin gshegs pa bzhugs par 'gyur ro/ /gang dag chos kyi rnam grangs 'di las rjes su yi rang ba de dag ni bsod nams thams cad yongs
253b7 su bsrung ba lags so/ /gang dag chos kyi rnam grangs 'di las tha na tshig bzhi pa'i tshigs su bcad pa gcig tsam dang / sdom pa'i tshig tsam yang gzhan dag la ston pa de dag ni chos kyi mchod sbyin chen po bgyid pa lags
253b8 so/ /gang dag chos kyi rnam grangs 'di la bzod pa dang / 'dun pa dang / blo gros dang / rtogs pa dang / lta ba dang / mos pa dag ni de nyid de dag la lung bstan pa lags so/ /'jig rten gyi khams mngon par dga' ba blangs pa
254a1 dang / de bzhin gshegs pa myi 'khrugs pa bstan pa'i le'u ste bcu gcig pa'o// // de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das bdag gis sngon de bzhin
254a2 gshegs pa dang / 'jam dpal gzhon nur gyur pa las chos kyi rnam grangs brgya stong mang po thos kyang ji ltar chos kyi rnam grangs 'di las rnam par sprul pa bsam gyis mi khyab pa'i tshul la 'jug pa rab tu bstan pa 'di
254a3 lta bu ni sngon nam yang ma thos lags so/ /bcom ldan 'das sems can gang dag chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa de dag kyang the tsom ma mchis par 'di
254a4 lta bu'i chos kyi snod tu 'gyur na/ gang dag bsgom pa'i rnal 'byor la rjes su sbyor ba rnams la smos kyang ci 'tshal te/ de dag gis ngan song thams cad ni bcad/ de dag gis bde 'gro'i lam thams cad ni
254a5 phye/ de dag sangs rgyas thams cad kyis ni gzigs/ de dag gis phas kyi rgol ba thams cad ni bcom/ de dag gis bdud thams cad ni shin du pham par bgyis/ de dag gis byang chub sems dpa'i lam
254a6 ni rnam par sbyangs/ de dag byang chub kyi snying po la ni gnas/ de dag de bzhin gshegs pa'i spyod yul la ni yang dag par 'jug par 'gyur ba lags so/ /bcom ldan 'das rigs kyi bu'am/ rigs kyi bu mo
254a7 gang dag chos kyi rnam grangs 'di 'chang ba de dag la bdag 'khor thams cad dang bcas pas rim gro dang g.yog bgyi'o/ /grong dang / grong khyer dang / grong rdal dang / ljongs dang / yul 'khor dang / rgyal po'i pho brang
254a8 'khor gang na chos kyi rnam grangs 'di spyod pa dang / 'chang ba dang / rab tu ston pa der chos nyan pa'i slad du bdag g.yog dang bcas te mchi'o/ /rigs kyi bu ma dad pa rnams dad pa bskyed par bgyi/ dad pa rnams
254b1 ni chos dang ldan pas bsrung zhing bskyab par bgyi'o/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /legs so legs so/ /lha'i dbang po
254b2 khyod kyis legs par smras pa de la de bzhin gshegs pa yang rjes su yid rang ngo / /lha'i dbang po 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub de ni chos kyi rnam
254b3 grangs 'di las bstan to/ /lha'i dbang po de bas na gang chos kyi rnam grangs 'di 'dzin pa dang / tha na glegs bam la 'dri ba dang / 'dzin pa dang / klog pa dang / kun chub par byed pa'i rigs kyi bu'am/ rigs
254b4 kyi bu mo de dag gis ni 'das pa dang / da ltar byung ba'i sangs rgyas bcom ldan 'das rnams mchod par 'gyur ro/ /lha'i dbang po rigs kyi bu pho 'am rigs kya bu mo gang gis stong gsum gyi stong chen po'i 'jig rten
254b5 gyi khams 'di de bzhin gshegs pas yongs su gang ba 'di lta ste dper na bu ram shing gi tshal lam/ 'dam bu'i tshal lam/ smyig ma'i tshal lam/ til gyi zhing ngam/ seng ldeng gi tshal bzhin du rab tu gang ba rnams
254b6 la bskal pa'am/ bskal pa las lhag par rim gror byas/ bla mar byas/ sti stang du byas te/ de bzhin gshegs pa de dag la mchod pa thams cad dang bde ba'i yo byad kyi mchod pa dang / de bzhin gshegs pa de dag
254b7 yongs su mya ngan las 'das nas kyang de bzhin gshegs pa re re la yang mchod pa'i phyir gcig tu mkhregs pa ma zhig pa'i sku gdung gi mchod rten rin po che thams cad las byas pa rgyar ni gling chen po bzhi pa'i 'jig rten gyi
254b8 tshad tsam/ 'phang du ni tshangs pa'i 'jig rten du phyin pa/ gdugs dang / ba dan dang / srog shing sgreng bas mdzes par rab tu byas te/ de bzhin gshegs pa thams cad kyi mchod rten so sor byas nas des de la bskal
255a1 pa 'am/ bskal pa las lhag par me tog thams cad dang / spos thams cad dang / rgyal mtshan thams cad dang / ba dan thams cad kyis mchod pa byas shing rnga dang sil snyan rnams brdungs te mchod na lha'i
255a2 dbang po 'di ji snyam du sems/ rigs kyi bu 'am/ rigs kyi bu mo de dag de'i gzhi las bsod nams mang du bskyed dam/ gsol pa/ bcom ldan 'das mang lags so/ /bde bar gshegs pa mang lags te/
255a3 bskal pa bye ba brgya stong gis kyang bsod nams kyi phung po de'i mthar phyin par mi nus lags so/ /bcom ldan 'das kyis bka' stsal pa/ lha'i dbang po khyod mos par bya'o/ /khyod kyis khong du chud par
255a4 bya'o/ /gang rnam par thar pa bsam gyis mi khyab pa bstan pa'i chos kyi rnam grangs 'di 'dzin tam/ klog gam/ kun chub par byed pa'i rigs kyi bu pho 'am/ rigs kyi bu mo bsod nams shin du mang du bskyed
255a5 do/ /de ci'i phyir zhe na/ lha'i dbang po sangs rgyas bcom ldan 'das rnams kyi byang chub ni chos las byung ste/ de chos kyi mchod par nus kyi zang zing gis ni ma yin pa'i phyir ro/ /lha'i dbang po khyod kyis rnam grangs
255a6 'dis kyang 'di ltar rig par bya ste/ lha'i dbang po sngon byung ba 'das pa'i dus na bskal pa grangs med pa'i yang ches grangs med pa/ rgya che ba/ tshad med pa/ bsam gyis mi khyab par gyur pa de'i dus de'i tshe na
255a7 bskal pa rnam par sbyong ba la 'jig rten gyi khams cher bkod par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabasu ldan pa/ bde bar gshegs pa/ 'jig rten mkhyen pa/
255a8 skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das sman gyi rgyal po zhes bya ba 'jig rten du byung ste/ de bzhin gshegs pa dgra bcom pa yang dag par rdzogs pa'i
255b1 sangs rgyas sman gyi rgyal po de'i tshe'i tshad ni bar gyi bskal pa nyi shur gyur to/ /de'i nyan thos kyi dge 'dun ni bye ba khrag khrig phrag sum cu rtsa drug yod do/ /byang chub sems dpa'i dge 'dun ni bye ba khrag khrig
255b2 phrag bcu gnyis yod do/ /lha'i dbang po de'i tshe de'i dus na 'khor los sgyur ba'i rgyal po rin chen gdugs shes bya ba gling bzhi la dbang ba rin po che sna bdun dang ldan pa zhig byung ste/ de la bu dpa' ba/ rtul phod
255b3 pa/ yan lag mchog gis gzugs dang ldan pa/ pha rol gyi sde rab tu 'joms pa stong du tshang ba yod do/ /rgyal po rin chen gdugs des bcom ldan 'das de bzhin gshegs pa sman gyi rgyal po 'khor dang bcas pa la
255b4 bar gyi bskal pa lnga'i bar du bde ba'i yo byad thams cad kyis ri mor byas so/ /lha'i dbang po bar gyi bskal pa lnga po de dag 'das nas rgyal po rin chen gdugs kyis bu stong la 'di skad ces smras so/ /kye khyed shes
255b5 par gyis shig /ngas de bzhin gshegs pa la mchod pa byas kyis da khyed kyis kyang de bzhin gshegs pa la mchod par gyis shig /de nas rgyal bu gzhon nu de dag pha rgyal po rin chen gdugs la legs so zhes smras nas de mnyan te/ de dang lhan cig tshogs nas de bzhin
255b6 gshegs pa sman gyi rgyal po la bskal pa bar ma lnga'i bar du bde ba'i yo byad thams cad kyis rim gror byas so/ /de'i nang nas rgyal bu zla gdugs shes bya ba de gcig pu dben par song nas 'di snyam du sems te/ mchod pa de bas mchod pa gzhan ches khyad par du 'phags shing rgya
255b7 che ba yod dam snyam pa dang / sangs rgyas kyi byin gyi brlabs kyis bar snang de las lha dag 'di skad ces zer ro/ /skyes bu dam pa chos kyi mchod pa ni mchod pa thams cad kyi nang na mchog go/ /des smras pa/ chos kyi mchod pa de gang yin/ lhas smras pa/ skyes bu dam pa khyod de
255b8 bzhin gshegs pa sman gyi rgyal po de'i drung du song la chos kyi mchod pa de gang lags shes zhus shig dang / bcom ldan 'das de khyod la lung ston to/ /de nas lha'i dbang po rgyal bu zla gdugs gzhon nu bcom ldan 'das de bzhin gshegs pa dgra bcom pa
256a1 yang dag par rdzogs pa'i sangs rgyas sman gyi rgyal po ga la ba der song ste phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas rgyal bu zla
256a2 gdugs kyis bcom ldan 'das de bzhin gshegs pa sman gyi rgyal po de la 'di skad cas gsol to/ /bcom ldan 'das chos kyi mchod pa zhes bgyi ba'i chos kyi mchod pa de gang lags/ bcom ldan 'das des bka' stsal
256a3 pa rigs kyi bu chos kyi mchod pa ni gang de bzhin gshegs pas gsungs pa'i mdo sde zab mo zab mor snang ba/ 'jig rten thams cad dang mi mthun pa/ rtogs par dka' ba/ mngon par dka' ba/ khong du chud par dka' ba/ phra ba
256a4 zhib pa/ ma dmigs pa/ byang chub sems dpa'i sde snod kyi nang du gtogs pa/ gzungs dang mdo sde'i rgyal po'i phyag rgyas btab pa/ phyir mi ldog pa'i 'khor lo ston pa/ pha rol du phyin pa drug las byung ba/
256a5 'dzin pa rnams yongs su bzung ba/ byang chub kyi phyogs kyi chos dang ldan pa/ byang chub kyi yan lag sgrub par gtogs pa/ sems can la snying rje chen po 'jug pa/ byams pa chen po ston pa/ bdud kyi lta bar
256a6 gyur pa thams cad med pa/ rten cing 'brel par 'byung ba bstan pa/ bdag med pa sems can med pa/ srog med pa/ gang zag med pa/ stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma
256a7 skyes pa dang / ma byung ba dang ldan pa/ byang chub kyi snying po sgrub pa/ chos kyi 'khor lo rab tu bskor ba/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye
256a8 chen po'i dbang po rnams kyis rab tu bstod cing bsngags pa/ dam pa'i chos kyi rigs rgyun mi gcod pa/ chos kyi mdzod 'dzin pa/ chos kyi mchod pa'i mchog la zhugs pa/ 'phags pa'i skye bo thams cad kyis yongs su
256b1 bzung ba/ byang chub sems dpa'i spyod pa thams cad yang dag par ston pa/ yang dag pa'i don gyi chos so sor yang dag par rig pa la 'jug pa/ chos kyi mdo mi rtag pa dang / sdug bsngal ba dang / bdag
256b2 med pa dang / zhi ba las nges par byung ba/ ser sna can dang / tshul khrims 'chal pa dang / gnod sems can dang / le lo can dang / brjed ngas pa dang / shes rab 'chal pa spa 'gong ba/ phas kyi rgol ba
256b3 dang / lta ba ngan pa dang / dmigs pa la mngon par zhen pa thams cad sdong par byed pa/ sangs rgyas thams cad kyis bstod pa/ 'khor ba'i phyogs kyi gnyen po/ mya ngan las 'das pa'i bde ba yang dag
256b4 par ston pa de lta bu'i mdo sde rnams gang yang dag par ston pa dang / 'chang ba dang / so sor rtog pa dang / dam pa'i chos kun sdud pa de ni chos kyi mchod pa zhes bya'o/ /rigs kyi bu gzhan yang chos kyi mchod pa
256b5 ni gang chos la chos su nges par sems pa/ chos la chos bzhin nan tan byed pa dang / rten cing 'brel par 'byung bar 'thun pa/ mthar lta ba thams cad dang bral ba/ skye ba med pa/ 'byung ba med pa la bzod pa bdag med
256b6 pa sems can med par 'jug pa/ rgyu dang rkyen dang mi 'gal ba dang / 'thab pa med pa/ rtsod pa med pa/ nga yi ba med pa/ ngar 'dzin pa dang bral ba/ don la rton gyi tshig 'bru la mi rton pa/ ye shes la rton gyi rnam par
256b7 shes pa la mi rton pa/ nges pa'i don gyi mdo sde la rton gyi drang ba'i don gyi thar kun rdzob la mngon par ma zhen pa/ chos nyid la rton gyi gang zag tu lta ba dmigs par 'dzin pa la mngon par ma zhen pa/ sangs rgyas kyi chos
256b8 nyid ji lta ba bzhin du khong du chud pa/ kun gzhi med par 'jug pa/ kun gzhi yang dag par 'joms pa/ ma rig pa rnam par zhi ba nas/ rga shi dang / mya ngan dang / smre sngags 'don pa dang / sdug bsngal ba dang / yid
257a1 mi bde ba dang / 'khrug pa'i bar du rnam par zhi zhing de ltar rten cing 'brel par 'byung ba'i yan lag bcu gnyis la 'di lta ste/ sems can la lta ba zad mi shes par mngon par sgrub pas mngon par sgrub cing
257a2 lta ba rnams la mi lta ba 'di ni rigs kyi bu bla na med pa'i chos kyi mchod pa zhes bya'o/ /lha'i dbang po de ltar rgyal bu zla gdugs de bcom ldan 'das de bzhin gshegs pa sman gyi rgyal po de las chos kyi mchod pa de lta bu thos
257a3 pa dang rjes su 'thun pa'i chos kyi bzod pa thob bo/ /gos dang rgyan ci thogs pa rnams bcom ldan 'das de la phul nas tshig 'di skad ces smras so/ /bcom ldan 'das de bzhin gshegs pa yongs su mya ngan las
257a4 'das kyang dam pa'i chos yongs su gzung ba dang / dam pa'i chos la mchod pa bgyi ba'i slad tu bdag dam pa'i chos yongs su gzung bar spro'o/ /bcom ldan 'das ji ltar bdag gis bdud dang phyir rgol ba rnams
257a5 bcom nas bcom ldan 'das dam pa'i chos yongs su 'dzin par 'gyur ba de ltar de bzhin gshegs pas byin gyi brlab par gsol/ de bzhin gshegs pas de'i bsam pa mkhyen nas phyi ma'i dus phyi ma'i tshe na
257a6 dam pa'i chos kyi grong khyer skyong zhing srung ba dang / yongs su 'dzin par 'gyur bar lung bstan to/ /lha'i dbang po de nas rgyal bu zla gdugs de de bzhin gshegs pa de bzhugs bzhin du dad pas khyim nas khyim
257a7 med par rab tu byung ste/ dge ba'i chos la brtson 'grus brtsams nas gnas so/ /de brtson 'grus brtsams shing dge ba'i chos la rab tu gnas nas ring po ma lon par mngon par shes pa lnga bskyed de/ gzungs
257a8 rnams rtogs khong du chud par gyur to/ /de spobs pa rgyun mi chad pa thob pas bcom ldan 'das de bzhin gshegs pa sman gyi rgyal po de yongs su mya ngan las 'das las kyang mngon par shes pa dang / gzungs kyi
257b1 stobs kyis bcom ldan 'das de bzhin gshegs pa sman gyi rgyal po des chos kyi 'khor lo rab tu bskor ba bzhin du bar gyi bskal pa bcu'i bar du rjes su bskor to/ /lha'i dbang po de ltar dge slong zla
257b2 gdugs dam pa'i chos yongs su gzung ba la mngon par brtson pas sems can bye ba brgya phrag bcu ni bla na med pa yang dag par rdzogs pa'i bying chub las phyir mi ldog par byas par gyur to/ /srog chags
257b3 khrag khrig bzhi bcu ni nyan thos dang rang sangs rgyas kyi theg pa la btul lo/ /sems can tshad med pa rnams ni mtho ris su skye bar byas so/ /lha'i dbang po de'i tshe de'i dus na rin chen gdugs shes bya ba'i
257b4 'khor los sgyur ba'i rgyal por gyur pa de gzhan yin pa snyam du 'dzin na lha'i dbang po khyod kyis de ltar mi blta'o/ /de ci'i phyir zhe na/ rin chen 'od 'phro de bzhin gshegs pa de de'i tshe de'i dus na rin chen gdugs
257b5 shes bya ba'i 'khor los sgyur ba'i rgyal por gyur to/ /rgyal po rin chen gdugs de'i bu stong yod pa de dag ni da ltar gyi bskal pa bzang po'i byang chub sems dpa' 'di dag yin te/ gang bskal pa bzang po 'di
257b6 la sangs rgyas stong tshang bar 'byung ba'o/ /de las bzhi ni sangs rgyas log par dad sel la sogs pa sngon du byung ste/ lhag ma rnams kyang 'byung bar 'gyur ro/ /'khor ba 'jig la sogs pa snang mdzad
257b7 la thug pa'i bar du ste/ tha mar de bzhin gshegs pa snang mdzad ces bya ba 'byung ngo / /lha'i dbang po de'i tshe de'i dus na bcom ldan 'das de bzhin gshegs pa sman gyi rgyal po de'i dam pa'i chos
257b8 yongs su bzung ba rgyal bu zla gdugs shes bya ba de gzhan yin pa snyam du 'dzin na khyod kyis de ltar mi blta'o/ /de ci'i phyir zhe na/ lha'i dbang po nga de'i tshe de'i dus na rgyal bu zla gdugs shes bya bar gyur to/ /lha'i
258a1 dbang po rnam grangs 'dis kyang 'di ltar rig par bya ste/ lha'i dbang po ji tsam na de bzhin gshegs pa rnams la mchod pa'i nang na chos kyi mchod pa ni mchog ces bya'o/ /mchog dang / dam pa dang /
258a2 mchog rab dang / gya nom pa dang / bla ma dang / bla na med pa zhes bya'o/ /lha'i dbang po de lta bas na nga la zang zing gis ma mchod par chos kyi mchod pas mchod cig /nga la zang zing gis sti stang ma byed
258a3 chos kyi sti stang gyis shig /de nas bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa ngas bla na med pa yang dag par rdzogs pa'i byang chub bskal pa bye
258a4 ba grangs med par yang dag par sgrubs pa 'di khyod la gtad do/ /ci nas phyi ma'i dus phyi ma'i tshe chos kyi rnam grangs 'di lta bu khyod kyi byin gyi brlabs kyis yongs su bzung bas 'dzam bu'i gling du rgyas par 'gyur zhing /
258a5 ma nub par gyis shig /de ci'i phyir zhe na/ byams pa ma 'ongs pa'i dus na rigs kyi bu pho 'am/ rigs kyi bu mo dang / lha dang / klu dang / gnod sbyin dang / dri za dang / lha ma yin dge ba'i rtsa ba
258a6 bskyed pa/ bla na med pa yang dag par rdzogs pa'i byang chub la yang dag par zhugs pa de dag chos kyi rnam grangs 'di ma thos pas nyams par gyur ta re/ 'di lta bu'i mdo sde thos nas shin du dga' zhing dad pa rnyed par 'gyur
258a7 ba dang / spyi bos len par 'gyur ba'i rigs kyi bu dang / rigs kyi bu mo de dag bsrung ba'i phyir/ byams pa khyod kyis de'i dus na mdo sde 'di lta bu 'di rgyas par gyis shig /byams pa
258a8 byang chub sems dpa' rnams kyi phyag rgya ni 'di gnyis te/ gnyis gang zhe na/ tshig dang tshig 'bru sna tshogs la dad pa'i phyag rgya dang / chos kyi tshul zab mos mi skrag cing / yang dag pa nyid ji lta
258b1 ba bzhin du 'jug pa'i phyag rgya dang / byams pa de gnyis ni byang chub sems dpa' rnams kyi phyag rgya'o/ /byams pa de la byang chub sems dpa' gang dag tshig dang tshig 'bru sna tshogs la dad cing lhur len pa
258b2 de dag ni las dang po pa yin te/ tshangs par spyad nas ring po ma lon par rig par bya'o/ /byams pa gang dag mdo sde zab mo ma gos pa 'phrugs pa dang / snrel zhi'i rgyud kyi tshig dang / rim pa rab tu dbye ba 'di 'don
258b3 pa dang / nyan pa dang / mos pa dang / ston par 'gyur ba'i byang chub sems dpa' dag ni ring du tshangs par spyod par rig par bya'o/ /byams pa de la las dang po pa'i byang chub sems dpa' ni rgyu gnyis kyis bdag
258b4 la rma 'byin te/ chos zab mo la nges par sems par mi 'gyur ro/ /gnyis gang zhe na/ sngon ma thos pa'i mdo sde zab mo thos na skrag cing the tsom du gyur nas rjes su yi rangs bar mi byed cing / 'di lta bur
258b5 bdag cag gis sngon ma thos na de gang nas 'ongs shes spong bar byed do/ /rigs kyi bu gang dag mdo sde zab mo 'dzin pa dang / chos zab mo'i snod du gyur pa dang / chos zab mo ston pa de dag la mi sten/ mi 'grogs/
258b6 bsnyen bkur mi byed cing / de dag la sting stang mi byed par gyur te bar bar du de dag la mi sten par yang brjod do/ /rgyu de gnyis kyis las dang po pa'i byang chub sems dpa' bdag nyid la rma 'byin te chos zab mo la nges par mi
258b7 rtog pa'o/ /rgyu gnyis kyis zab mo la mi mos pa'i byang chub sems dpa' bdag nyid la rma 'byin te/ ma skyes pa'i chos la yang bzod pa thob par mi 'gyur ro/ /gnyis gang zhe na/ las dang po pa spyad nas ring po ma lon pa'i byang chub sems
258b8 dpa' rnams la brnyas shing khyad du gsod pa de 'dzin du mi 'jug gam/ mi 'byed/ mi ston pa dang / gang zab mo la shin du ma dad pas bslab pa la ri mo mi byed cing 'jig rten gyi zang zing sbyin pas ni sems can la phan 'dogs
259a1 shing chos kyi sbyin pas ma yin te/ byams pa zab mo la mos pa'i byang chub sems dpa' rgyu 'di gnyis kyis bdag nyid la rma 'byin te/ mi skye ba'i chos la bzod pa 'ang myur du thob par mi 'gyur ro/ /de skad
259a2 ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das kyis ji skad tu legs par gsungs pa ni bcom ldan 'das ngo mtshar to/ /bcom ldan
259a3 'das legs so/ /bcom ldan 'das bdag gis da slan chad nongs pa 'di dag spang bar bgyi'o/ /de bzhin gshegs pas bla na med pa yang dag par rdzogs pa'i byang chub bskal pa bye ba khrag khrig brgya stong grangs ma mchis
259a4 pa nas yang dag par bsgrubs pa 'di bsrung bar bgyi'o/ /gzung bar bgyi'o/ /ma 'ongs pa'i rigs kyi bu pho dang / rigs kyi bu mo snod tu gyur pa de dag la mdo sde 'di lta bu lag tu son par bgyi'o/ /dran pa gang gis 'di
259a5 'dra ba'i mdo sde 'di lta bu la mos pa dang / 'dzin pa dang / 'chang ba dang / kun chub par bgyid pa dang / 'dzud pa dang / yi ger 'dri ba dang / gzhan dag la'ang rgya cher 'chad par 'gyur ba'i dran pa nye bar bsgrub par bgyi'o/ /
259a6 bcom ldan 'das bdag gis de dag brtan par bgyi'o/ /bcom ldan 'das de'i dus na 'di lta bu'i mdo sde 'di la mos pa dang / rab tu 'jug par 'gyur ba de ni bcom ldan 'das byang chub sems dpa' byams pa'i byin gyi brlabs
259a7 lags par rig par bgyi'o/ /de nas bcom ldan 'das kyis byang chub sems dpa' byams pa la legs so zhes bya ba byin nas legs so legs so/ /khyod kyi tshig de ni legs par smras te/ de bzhin gshegs pa 'ang
259a8 khyod kyis legs par smras pa de la rjes su yid rang ba gnang bar mdzad do/ /de nas byang chub sems dpa' de dag gis dbyangs gcig tu tshig 'di skad ces smras so/ /bcom ldan 'das bdag cag kyang de bzhin gshegs pa
259b1 yongs su mya ngan las 'das nas sangs rgyas kyi zhing so so nas mchis te/ de bzhin gshegs pa'i sangs rgyas kyi byang chub 'di rgyas par bgyi'o/ /rigs kyi bu de dag kyang mos par bgyi'o/ /de nas bcom ldan
259b2 'das la rgyal po chen po bzhis kyang 'di skad ces gsol to/ /bcom ldan 'das grong dang / grong khyer dang / grong rdal dang / yul 'khor dang / rgyal po'i pho brang 'khor gang dang gang na chos kyi rnam grangs 'di lta bu
259b3 spyod pa dang / 'chad pa dang / yang dag par ston pa de dang de dag tu bcom ldan 'das bdag cag rgyal po bzhi yang dpung dang bcas pa dang / bzhon pa dang bcas pa 'khor dang bcas te/
259b4 der chos nyan pa'i slad tu mchi'o/ /chos smra ba de'i dpag tshad khor yug tu ci nas kyang chos smra ba de la klags lta ba dang klan ka tshol ba gang gis kyang klags mi rnyed par bsrung bar bgyi'o/ /de nas bcom ldan 'das
259b5 kyis tshe dang ldan pa kun dga' bo la 'di skad ces bka' stsal to/ /kun dga' bo khyod kyis chos kyi rnam grangs 'di zung shig /chongs shig /gzhan dag la yang rgya cher yang dag par ston cig /gsol pa/ bdag
259b6 gis chos kyi rnam grangs 'di bzung ba lags na bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi
259b7 rnam grangs 'di dri ma med par grags pas bstan pa dang / phrugs su sbyar ba snrel zhir mngon par bsgrub pa dang / bsam gyis mi khyab pa'i rnam par thar pa'i le'u zhes kyang bya ba'i chos kyi rnam grangs 'di kun dga' bo khyod kyis
259b8 zung shig /bcom ldan 'das kyis de skad ces bka' stsal nas/ lid tsa bi dri ma med par grags pa dang / 'jam dpal gzhon nur gyur pa dang / tshe dang ldan pa kun dga' bo dang / byang chub sems dpa' de dag dang /
260a1 nyan thos chen po de dag dang / thams cad dang ldan pa'i 'khor de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la
260a2 mngon par bstod do/ /sngon gyi sbyor ba dang / dam pa'i chos gtad pa'i le'u zhes bya ste bcu gnyis pa'o/ /'phags pa dri ma med par grags pas bstan pa zhes bya ba theg pa chen po'i mdo
rdzogs s+ho/
CLOSE WINDOW