CLOSE WINDOW

J1006
བོད་ཡིག

(A) @#/ /dus 'khor 'grel chen dri med 'od bzhugs so/ / (黃) 秘密經時輪註五品一部 @##/ /rgya gar skad du/ bi ma la pra b+hA nA ma mU la tan+t+rA nu sA ri NI dwA da sha sA ha sri kA la g+hu kA la tsakra tan+t+ra rA dza TI kA / bod skad du/ bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba/ dpal dus kyi 'khor lo la phyag 'tshal lo/ /stong nyid snying rje'i bdag nyid can/ /srid gsum skye dang 'jig pa med/ /shes dang shes bya gcig pa'i sku/ /dpal ldan dus 'khor la phyag 'tshal/ /rnam par bcas kyang rnam med bcom ldan 'das ma shes rab ma ste de yis 'khyud/ /skye 'jig spangs pa'i 'gyur med bde ba dang ldan bzhad pa la sogs bde ba spangs/ /sangs rgyas rnams kyi skyed mdzad sku gsum dag dang ldan zhing dus gsum yang dag rig / kun mkhyen mchog gi dang po'i sangs rgyas bcom ldan gnyis med de nyid la phyag 'tshal/ /sangs rgyas seng ge'i khrir bzhugs rdo rje'i rnal 'byor rnam par dag pa srid pa gsum gyis mchod/ / de nyid gcig pu sku yi rab tu dbye bas rnam pa bcu drug srid med srid par gnas/ /shes dang shes bya gcig gyur rgyal ba mchog gi dam tshig yan lag rnam pa bcu gnyis kyi/ /bden don byang chub sems ni rgyal ba'i rdo rje'i tshig gyur dus kyi 'khor lo la phyag 'tshal/ /kun mkhyen ye shes sku ni rgyal ba'i bdag po'i lhan cig skyes dang de bzhin chos kyi sku/ /longs spyod rdzogs dang sprul pa'i sku yang nyin byed sku dang pad+ma'i 'dab ma rgyas pa'i spyan/ /rnam par thar dang sku gsung thugs chags srid 'das 'byor pa rnal 'byor dag pa shes rab dang / /thabs ni gnyis med gang zhig lha mi lha min gyis bstod dang po'i sangs rgyas de la 'dud/ /ye shes stong nyid ye shes kyis/ /legs dag rnam dag 'gyur ba med/ /sems ni mtshan med ye shes kyis/ /legs dag gnyis med chos bdag nyid/ / ngag ni smon med ye shes kyis/ /dag pa gsang sngags mi zad sgra/ /de bzhin mngon par 'dus ma byas/ /ye shes kyis dag dri ma med/ /shes rab thabs kyi bdag nyid sbyor/ /dbyibs sku rdzu 'phrul bgrod pa can/ /de bzhin gshegs pas rdo rje sems/ /byang chub sems dpa' sems dpa' che/ /dam tshig sems dpar gsungs pa gang / /dngos dang dngos med zad pa'i gtso/ / thog mtha' med cing zhi ba yi/ /byang chub sems de la phyag 'tshal/ /sprul pa yi ni sku gsung thugs/ /ye shes gcig sbyor sdom pa dang / /longs spyod rdzogs pa'i sku gsung thugs/ / ye shes gcig sbyor sdom pa dang / /dpal ldan chos kyi sku gsung thugs/ /ye shes gcig sbyor sdom pa dang / /lhan cig skyes pa'i sku gsung thugs/ /ye shes gcig sbyor sdom pa ni/ / sad rmi gnyid stug bzhi pa yi/ /dbang po gnyis skyes bde min zhing / /ye shes sems dang ngag dang lus/ /gnas bzhir yang dag mi gnas te/ /las kyi phyag rgya yongs dor zhing / /ye shes phyag rgya rnam par spangs/ /phyag rgya che las yang dag skyes/ /lhan skyes gzhan dang 'grogs pa min/ /rnam rtog bsgom pa las 'das pa/ /phyag rgya chen po mi 'gyur bde/ /gzung dang 'dzin pa dbyibs dag dang / /rtog dang brjod pa rnam par spangs/ /dri za'i grong khyer rnam pa dang / /pra phab pa yi rang bzhin can/ /thabs dang shes rab bdag nyid sbyor/ /e wa~M yi ge de la 'dud/ /phra rab rdul gyi chos nyid 'das/ /pra phab pa yi rang bzhin can/ /rnam pa kun gyi mchog ldan ma/ /phyag rgya chen mo de la 'dud/ /sangs rgyas kun gyi skyed mdzad ma/ /skye ba dang ni 'jig pa spangs/ /kun tu bzang po'i spyod pa can/ /sna tshogs yum de la phyag 'tshal/ /A li kA li snyoms 'jug dang / /hU~M phaT yi ge sogs spangs kyang / /'gyur ba med las 'khrungs pa'i sku/ /dus kyi 'khor lo de la 'dud/ /kun mkhyen ye shes sku zhes pa/ /khyab bdag nyi ma lta bu'i sku/ /pad ma'i 'dab ma rgyas pa'i spyan/ /de nyid bcu drug dbye ba las/ /sku bzhi'i bdag nyid sangs rgyas ni/ /rdo rje seng ge'i gdan bzhugs pa/ /lha dang lha min gyis bstod sngon/ /zla bzang gis gsol de la 'dud/ /ngag dang ye shes gcig sbyor rgyal ba mchog gi dam tshig thugs dang chos ni gcig tu sbyor/ / gsung dang longs spyod rdzogs pa gcig sbyor srid gsum gyis mchod sku dang sprul pa rnal 'byor te/ /shes dang shes bya gnyis med srid 'das 'byor pa 'di ni rdo rje sems dpa' rnam pa bzhi/ rdo rje'i rnal 'byor thabs dang shes rab bdag nyid lha mi lha min gyis bstod de la 'dud/ /zhabs gcig rdo rje nor bur rdul dang nyi ma dang / /gnyis pa gtsug tor khu ba ri bong can la ni/ /rtag tu mi chod dbyer med 'dod par bkod gyur pa/ /'jig rten gsum gyis mchod pa'i gtso la spyi bos 'dud/ /rlung me chu dang sa yi dkyil 'khor lhun po pad+ma dang / /zla nyi dus me'i steng du dbang phyug dang ni bdud kyi mgor/ /zhabs ni srid pa'i yum gyi zhabs dang lhan cig bkod gyur pa/ /lha'i dbang pos btud pa'i gtso la spyi bos phyag 'tshal te/ /de ltar rdo rje'i rnal 'byor gang zhig dpag med bde gshegs rnams kyis bsten cing bstan pa dang / /byang chub sems dpa' rdo rje mchog 'dzin gsang sngags rig pa kun gyis yang dag brjod gyur pa'i/ /'gyur med mchog gi bde ba rnal 'byor de ni dus kyi 'khor lor blun po bdag brjod 'dod/ /mkha' la myur 'gro mkha' 'gro'i bdag po 'gro ste 'dab chags gzhan pa 'gro ba min nam ci/ gang du rang gi lus la srid pa mtha' dag sngags bcas pa/ /gsal bar A li thig le 'dzin pa rgyal ba'i dbang pos gsungs/ /chu gter chen po der ni rkyal ba'i slad du rab zhugs pa/ /de la gal te pha rol bdag phyin rgyal ba'i mthu yin no/ /gang phyir gsang bdag la gsungs mchog gi dang po'i sangs rgyas las/ /stobs bcu pa yis bsdus pa'i rgyud ni sngon du lung bstan pa/ /de phyir dus kyi 'khor lo bsdus pa'i rgyud 'di ka lA par/ /'jam dpal gyis ni thub pa mtha' dag rnams la nges par bstan/ /'grel bshad stong phrag drug bcu pa/ /zla ba bzang pos bris pa gang / /theg pa kun don gsal byed de/ /pad ma dkar po bdag gis ni/ /rtsa ba'i rgyud kyi rjes 'jug cing / / gzhung ni stong phrag bcu gnyis te/ /rdo rje'i tshig 'byed dang bcas pa/ /bsdus pa'i rgyud la bri bar bya/ /rgyal bas gsungs pa'i cho gas dbang mchog blangs nas rgyud 'di 'am ni bsdus pa yi/ /rgyud rgyal ma lus thos nas yang dag ye shes lam la gnas pa'i rnal 'byor pas/ /khengs dang longs spyod 'byor pa du ma btang nas sems ni bla mar gtad byas te/ /sangs rgyas nyid kyi slad du gtso bo'i 'grel bshad gzhan phan spyod pa mnyan par bya/ /mngon shes med gang dpal ldan rdo rje theg pa la gnas bstan bcos du ma yi/ /rnam rtog chos kyi snying dang mkhas pa nyid kyi dregs ldan 'grel bshad chen po dag /byed pa de ni glang chen long ba myos bzhin dgra yi rgyud ni rgyal ba'i slad/ /gang gnas de yis rang gi rgyud ni nyams byed 'di ni rtag tu bdud gyi gnyen/ /mkhas pa'i mngon pa'i nga rgyal dang ldan rgyal bdag gsung ni mi shes ngang tshul rtag long bas/ /theg mchog 'grel bshad byas te long ba gzhan dag lhung du bcug nas dmyal bar rab 'jug pa/ /'gyod pa dang ni srog gcod la sogs mi dge'i lam la bud med bde bas sems drangs shing / /dpal ldan shes rab bde nyams rdo rje'i tshig bcom phyi yi longs spyod dag gis zil mnan pa'o/ /gang zhig ston pa nyid kyis lung bstan rgyal bdag bde ster rdo rje theg par mtha' dag ni/ /'grel bshad dag dang bsdu ba mdzad pa rdo rje mchog 'dzin bdag 'dra'i byang chub sems dpa' ste/ /de dag 'dir ni lha dang lag 'gro mi rnams smin pa'i don du sangs rgyas mthur smra la/ /gang dag mngon shes lnga med de dag bdag cag rgyal dbang yin zhes bden pa min pa smra/ / ma 'ongs dus na rtag tu rtog ge la sogs bstan bcos la gtad sna tshogs blos/ /sangs rgyas pa yang gzhan gyi rtog ge dang phrad dbang gis log pa 'byung 'gyur te/ /rtog ge la gtad de yis 'dod pa'i yul la lam ni ston par byed pa gang / /de dag nyid kyi blo ngan skyon ni 'joms byed 'grel bshad bdag gis bri bar bya/ /chags bral med pa'i 'dod chags mtha' yas chu la zhe sdang sbrul dang chu srin dkrigs/ /gti mug klong ni rab mang 'gro 'ong nor dang dpal la brkam pa'i rba rlabs can/ /'gyod sogs gsod pa la sogs las kyi rta gdong 'khor mo sgra drag srid pa yi/ /chu gter la ni dpal ldan rdo rje theg pa'i 'grel bshad rtag tu mnyan pa ste/ shes rab rlung gi dar gyis myur 'gro myang 'das pha rol don gnyer chen po rnams/ /dam pa'i bde bas myur du rgal bar byed slad de ni lam gyi 'dren ma dang / /nyon mongs bdud tshogs 'joms pa mkhas pa'i yang dag ye shes yid bzhin nor bu ste/ /'jig rten gsum gyi bdag po nyid ster 'di ni kun tu ston par byed pa'o/ /gang zhig phung po la sogs sgrib pa rab bcom yul ni pra phab brgyad lta bu/ /kun mkhyen bde ster de nyid gcig pu rdo rje 'dzin pa'i phyag rgya chen mo ste/ /de bor sangs rgyas nyid slad nor la chags shing 'khyog po'i snying ldan brtags ma dag /gang gis sten byed rnam brtags blo can de yis de yang 'pho ba thob par byed/ /'dod chags nyams las sdig de gang phyir shin tu sdug ma las ni zhe sdang skye/ /sdang las gti mug 'di las rang gi rdo rje lhung las sems ni rtag rmongs te/ / mchog min ma lus bza' dang btung ba la sogs yul gzhan dag la rab tu 'jug /de yis sems la co dris bde ba nyams shing skye ba drug tu 'khor bar 'gyur/ /kun mkhyen lam don gnyer ba rnams la sgra dang sgra min rnam dpyad chen po med/ /sna tshogs yul skad ngan pa yis kyang chen po rnams kyi lam la rtag tu 'jug /sems can rnams kyi mos pa'i sems kyi dbang gis thams cad mkhyen pa'i gsung gzhan la/ /lung ston dag la lha klus bkod pa'i sgra sogs rtsod pa don gnyer rnams kyi gzhan/ /yul gyi skad dang zur chag sgra las kyang / /rnal 'byor ldan pas don ni 'dzin byed te/ /chu la 'o ma nges par zhugs pa de/ / ngang pas rab tu phyung nas 'thung bar byed/ /don dam de nyid yul la rtag tu ni/ /chen po rnam dag tshig la rtogs pa min/ /yul gyi ming rnams kyis ni don shes la/ /bstan bcos sgra dag gis ni ci zhig bya/ /gang zhig zur chag sgra dang sgrar gyur pas/ /brjod pa de nyid ye shes ma yin zhing / /gang zhig 'gro ba dag la nyi tshe ba/ /de ni thams cad mkhyen pa'i gsung ma yin/ /mchog tu mi 'gyur bzhi pa de nyid ni/ /sangs rgyas rnams kyi shes rab ye shes te/ /gang zhig de ni slar yang de bzhin 'di/ /rang gi phyag rgya chen mor rgyal bas gsungs/ /shes rab 'grogs las gang gi dkar po zag / de yis bde ba ci yis 'phel bar 'gyur/ /dpyid dang 'grogs la me tog ma rgyas pa/ /ltung ba tsu ta'i 'bras bu ci yis 'byung / /gang gis 'gyur med ma thob sdug bsngal can/ /de ni 'gyur ba dang bcas bde ba tshol/ /thams cad chu ni tshol byed tswa ta ka /skom par gyur kyang sa la gnas pa min/ /'khor ba yi ni bde ba mi rtag pa/ /'thob pa min yang rmongs chen tshol bar byed/ /yang dag rgyal srid bde ba thob pa yang / /thar pa'i don du mkhas pas 'dor bar byed/ /ji ltar lo yi mtshamasu rgyal ma na/ /ri dgas zas can 'khrig pa'i bde ba tshol/ /rdo yi phye ma dag gi kha zas can/ / phug ron rnams ni rtag tu byed pa ste/ /lan cig rtag tu khu ba ltung ba'i phyir/ /gnyis ka la yang mchog gi bde ba med/ /de bzhin dka' thub can dang 'dod ldan la/ /rmi lam sad pa dag las 'dzag phyir ro/ /ji ltar gnyid log la yang sbrul gyi ni/ /sos btab mi 'tsho de bzhin dka' thub pa/ /khu ba sdud pa med phyir stobs med ma'i/ /skye gnas de yis nyams par byas pa'o/ /ji ltar rdo dreg skud pa'i gos dag ni/ /me yis bsregs pa nyid kyis dag 'gyur ba/ /de bzhin skyes bu rnams kyi dam pa yi/ /sems ni shes rab ye shes dag gis so/ /ji ltar dngul chu me yis reg pa las/ /'bros par byed kyi g.yo ba med mi 'gyur/ /de bzhin thabs dang bral ba'i khu ba ni/ /rtag tu skye gnas reg pa dag las so/ /ji ltar g.yo ba de yang sman sogs kyi/ /stobs kyis me dang phrad pas yang dag 'ching / /de bzhin khu ba shin tu rnal 'byor gyis/ /shes rab dag dang yang dag phrad pas so/ /ji ltar me ni shing la rtag gnas kyang / /gcad dang dbye ba'i thabs kyis mi mthong ste/ /rtsub shing rtsub stan lag pas bsrubs pa las/ / de la gnas pa dag kyang mthong 'gyur ba/ /de bzhin sems kyi 'od gsal rtog pa yi/ /bsgom pa'i thabs rnams dag gi mi mthong ste/ /de nyid du 'di brkyang ma dag dang ni/ /ro ma gcig tu sbyor bas mthong bar 'gyur/ /sna tshogs rnam rtog la sogs lam gyis ni/ /de nyid de bzhin gshegs pas gang gsungs pa/ /bcu drug bzhi yi rab tu dbye ba can/ /lam dang bral bas 'thob pa ma yin no/ /skyed pa'i rim par gsungs pa'i hU~M dang ni/ /phaT yig la sogs rtog pa dang bral ba/ /rdzogs pa'i rim pa'i rnal 'byor de nyid te/ /de nyid kyi ni sgrub thabs gzhan yod min/ /du ba la sogs mtshan ma dag dang ni/ /srog rtsol dag gis dbu mar 'bab pa dang / /rig ma'i brtul zhugs dag gis rdo rje ni/ /ltung min de bzhin steng du khu ba ste/ /lam 'di dag gis sangs rgyas rnams kyi ni/ /bde ba mchog tu 'gyur ba med pa zhes/ /mngon par brjod pa 'am pho nya mo kun gyi/ /lhan cig skyes pa rnal 'byor pas thob 'gyur/ /gzugs la sogs par rtog pa dkyil 'khor gyi/ /'khor lo bsgom pa goms par gyur pas ni/ /grub pa 'jig rten pa dag 'grub 'gyur te/ /'dod pa'i dngos grub chen po ga la zhig /gang zhig sems can rnams la brtse ba yis/ /gzhan don dge la rtag tu brtson pa yi/ /slob ma dag pa rnams la lam dag ni/ /bla ma dam pa'i drin lan 'byung ba yin/ /lam bzang rin chen 'di ni bag med kyi/ /sems can gzhan pa dag la byin pa na/ / rang khyim dgon pa dag tu rab zhugs la/ /yul ngan chom kun rnams kyis 'phrog par byed/ /the tshom 'gyod pa dag dang gnyid dang ni/ /le lo rgod pa'i chom rkun rnams kyis kyang / /gnyen 'dun thibs po'i nang du zhugs pa yi/ /lam bzang rin chen dag ni 'phrog par byed/ /srog gcod ma byin gzhan gyi bud med dang / /brdzun dang tshig rtsub dag dang phra ma dang / /'khyal par gyur pa'i tshig dang brnab sems dang / /gnod sems lta ba ngan pa'i chom rkun dang / /yod pa'i sdig dang nye ba'i sdig pa dang / /gsod 'khu dbang po mngon par zhen pa ste/ /chom rkun lnga pa lnga po 'di dag gis/ /rin po che ni rtag tu 'phrog par byed/ /shin tu bza' dang btung ba sna tshogs dang / /longs spyod du ma'i chom rkun de dag gis/ /brtson 'grus ldan du zin kyang bag med cing / /brgyal bar gyur pa nyid la 'phrog par byed/ /rang nyid kyis ni yongs su ma brtags par/ /rin thang chen por gyur pa yin ma yin/ /shes par bya phyir g.yon can gzhan la ston/ /de yi tshig gis rin chen 'dor bar byed/ /gang dag rin chen bzang po rig pa rnams/ /rin chen chen po yongasu rtog tu gzhug /de dag rnams kyi rnam dag tshig gis ni/ /rang gi rin chen rnam par shes par bya/ / rdzogs sangs rgyas dang byang chub sems rnams dang / /pha dang ma dang bu mo sring mo dang / /bu dang spun zla 'dod pa'i chung ma yi/ /gzugs rnams dag gis bdud ni bgegs byed do/ /de phyir bla ma dam pas gnang ba yi/ /lam bzang rin chen dag ni slob ma yis/ /chom rkun rtsa lag yongs su btang byas te/ /'bad pas shin tu legs par sba bar bya/ /dpa' bo'i rim pa bdag byin brlab pa yi/ / rim pa dag kyang thar pa'i lam ma yin/ /shin tu rnam dag rim pa gcig pu ni/ /thar pa'i slad du sangs rgyas rnams kyis bstan/ /'tshams med lnga po dag ni byas pa rnams/ /dbang don bde ba nyid ni gang zhig gis/ /thabs dang shes rab bdag nyid rgyud dag la/ /rgyal ba'i dbang pos yang dag bzung bar gyur/ /dpa' bo'i rim pa phyi rol la min te/ /lus la srog zad nyid la 'di gsungs so/ /bdag byin brlab pa dag ni stong pa la/ /khams gsum po ni mthong bar gyur pa'i mtshan/ /'khor ba snying po med de zad gyur pa/ /de las skyes bu'i sangs rgyas nyid 'bras te/ /chu shing gi ni 'bras bu smin pa dang / /chu shing nyams pas yang dag 'byung ba bzhin/ /sdig pa dang ni shing srin sems can rnams/ /gang las byung ba de dag de nyams byed/ /de bzhin rnal 'byor dag gi sems de ni/ /sgyu ma rnam par nyams par byed pa yin/ / gnyis med g.yo ba med dang rigs med dang / /'dod dang mchog tu mi 'gyur 'dod chags che/ /dngos dang dngos po med pa med pa dang / /ye shes dang ni sems dpa' kun tu bzang / /nyon mongs med dang nyon mongs chen po dang / /lhan skyes dpal ldan byang sems thig le 'dzin/ /dpal ldan dus kyi 'khor lo rdo rje dang / /thabs dang shes rab bdag nyid rnal 'byor ro/ /snying rje dang ni stong nyid sku/ / dus ni kun rdzob gzugs can ma/ /stong nyid 'khor lo zhes brjod de/ /dus kyi 'khor lo gnyis med 'dod/ /'di yi dpal ni myur thob slad/ /rtag tu rnal 'byor ma rnams zhabs/ /rnal 'byor gang zhig sgom pa de'i/ /bgegs ni rtag tu nyams par 'gyur/ /dgra dang seng ge glang chen dbang po me dang ltos 'gro'i bdag dang chom rkun zhags pas 'ching / /chu gter 'khrug dang sha za 'chi ba'i 'jigs byed nad dang dbang po'i nye bar 'tshe ba dang / /dbul dang bud med dang bral mi bdag 'khrugs pa'i 'jigs dang rdo rje ltung dang nor nyams rnams/ /gang zhig rnal 'byor ma rnams zhabs ni gsal bar dran byed de la rab tu nyams par 'gyur/ /glang chen shing rta rta dang rab tu mang ba'i mi mchog thams cad lus la go bgos shing / /lag na mdung dang 'khor lo ral gri mda' gzhu'i dgra rnams kyis ni g.yul du 'joms byed pa/ /'chi ster drag po'i gzugs can phyogs dang 'tshams son dgra de thams cad rang gi mtshon gyis ni/ /bcom ste rgyal ba'i grags pa gang zhig rnal 'byor ma rnams zhabs dran byed pas kun nas 'thob/ /kun nas seng ge'i sgra sgrogs shin tu rnam par 'gyur ba'i bzhin ldan mche ba rnon po gtsigs/ /rnga ma g.yo zhing sder mo gug la brtan pas glang chen myos pa'i glad pa rab tu 'gems/ / rab khros nyi ma 'char ka'i mig can ro 'dzin ral gri g.yo ba'i gsod 'dod ral pa can/ /gang gis rnal 'byor ma rnams zhabs dag 'jigs 'phrog dran pa de la ring du 'gro bar 'gyur/ /mdog sngo mig ni ser skya 'gram pa gnyis po myos pa'i chu bo rab tu mang bas gang / /rnam mang ljon pa mchog rnams rtsad nas 'byin zhing rab tu grugs byed 'brug bzhin sgra dag sgrogs/ /lag pas bcing ba byas nas so yi rtse mo dag gis 'byed byed rab mchog glang po'i bdag /gang gis rnal 'byor ma rnams zhabs dag 'jigs 'phrog dran pa de yi lus ni gtong bar byed/ /kun nas me lce rab 'bar phyogs dang 'tshams su du ba kun gyis mun pa chen po gtibs/ /grong dang dgon pa dus gcig sreg cing skar mda' ltung ba bzhin du me stag 'phro bar byed/ /sems can rnams la dus kun du ni 'chi ba'i 'jig byed phyogs kun khyab par gyur pa'i me/ /gang gis rnal 'byor ma rnams zhabs dag 'jigs 'phrog dran pa de la bsil ba nyid du 'gyur/ /khros shing mig sman sngon po'i mdog dang 'khyog por bgrod pa'i lus can drag po'i phaT sgra sgrogs/ /mche ba 'khyog po lce gnyis dang ldan 'chi ba'i 'jigs byed rlung gi shugs can rab tu gtum/ /drag po'i mig dang gdengs ka gsal byas yang dag phrad pa za bar byed pa'i gdengs can dbang / /gang gi rnal 'byor ma rnams zhabs dag 'jigs 'phrog dran pa de la rab tu nyams par 'gyur/ /sdang ba'i sems ldan lag pa'i mthil na gzhu dang rna ba'i bar du mda' bkang mdung dang ni/ /'khor lo ral gri lag thogs phyogs dang mtshams su gnas pas dam pa'i lam gyi sa bkag nas/ /dgon par lam 'gron skye bo rgyu ba dang phrad 'joms byed drag po'i mig can chom rkun pa/ /gang gis rnal 'byor ma rnams zhabs dag 'jigs 'phrog dran pa de la ring ba nyid du 'gyur/ /lag pa dag ni zhags pas bcings shing rkang pa'i pad+ma zung ni lcags sgrog dag gis gtams/ / dge ba'i chu dang bral bas lce dang mgrin pa mchu skams lus po skem zhing bkres pas gzir/ /nyin mtshan dus su rje bo khros pa'i bka' yis kun tu srungs ma rnams kyis srung byed pa/ /gang gis rnal 'byor ma rnams zhabs dag 'jigs 'phrog dran pa de yang de las grol bar 'gyur/ /chu gter bzhon pa la zhon mtha' yas drag po'i rlung gis chu'i gter ni 'khrug byed cing / /kun du 'khor bar byed la chu gter chom rkun chu srin nya'i rigs kyis bkag gyur te/ /me yi til mar gdug pas 'phangs pa me yi char chen kun nas rgyun du 'bab pa la/ /gang gis rnal 'byor ma rnams zhabs dag 'jigs 'phrog dran pa de yang de las pha rol 'gro/ /phaT ces 'jigs rung sgra sgrogs kha nas me 'bar lag na gri gug dang ni thod pa thogs/ /ro langs gdug pa'i sems ldan phyogs bcu'i dkyil 'khor dag la yang dag gnas shing 'jigs par byed/ /bkres pas gzir te sha dag za zhing mi khrag la dga' lus skams gos dang bral ba dag /gang gis rnal 'byor ma rnams zhabs dag 'jigs 'phrog dran pa de la bsrung ba byed par 'gyur/ /nyin bzhin 'khun zhing sor mo'i rtse mo po nyams te sna dang mchu dang rna ba nyams/ /gdong dang mgrin pa rkang lag dag gi rma rnams las ni rnag rul mang po rab tu 'bab/ /rul pa'i dri nga'i mthu las gnyen bshes tshogs kyis shi ba'i lus bzhin yongs su btang gyur pa/ /gang zhig rnal 'byor ma rnams zhabs bzang dran byed nad kyis btang zhing 'dod dang ldan par 'gyur/ /'bar bcas mche rnon gdengs can 'phrog byed sha ra b+ha dang stag dang glang chen gdong ldan zhing / /lag na 'khor lo ral gri mda' dang rtse gsum lcags kyu rdo rje thogs pas phyogs kun du/ /byang chub bsam gtan gcig gzhol mchog bde la gnas sgrub pa po sdigs dbang po'i pho nya gang / /de dag rnal 'byor dbang phyug ma zhabs gang gi rang yid la byed de la nyams par 'gyur/ /dbyar ni nags nas grong gi bar du 'dam rdzab gyis gang lam dag la yang khur khyer zhing / /rgun ni gos dang bral bas kha ba'i lam du dgrod cing yul gzhan dag tu 'gro bar byed/ /so ka chu med 'jigs bcas mya ngan lam du nyi ma'i 'od zer gyis gdung dbul po gang / /rnal 'byor ma rnams zhabs bzang sgom byed sdug bsngal de dag gis btang 'dod dang ldan par 'gyur/ /mchan khung mig dang rna ba sna dang kha lus brjod pa dag las mi bzad dri 'byung zhing / /bud med kun dang bral bas dus kun du ni dga' ba'i bde ba dang bral skal ngan te/ /mi dge 'bras bu'i dbang gis rtag tu bud med sdang bar gyur pa gang la de dag kun/ /rnal 'byor ma rnams zhabs ni bde ba mchog sbyin bsgoms pas skal bzang kha dog gzugs can 'gyur/ /'khus phyir g.yog 'khor gang la mi dbang 'khrugs te 'jig pa'i gshin rje lta bur mtha' gcig tu/ /gsod pa la zhen 'chi ba'i 'jigs pa byed pa'i sde rnams myur du yang dag skul byed pa/ /rnal 'byor ma rnams zhabs ni 'jig rten gsum po kun gyi mgon dag rang yid la bsgoms pas/ /de dag rnams kyi de yang rab tu zhi zhing 'dod pa thams cad sbyin pas mchog sbyin 'gyur/ /gang dag 'ga' zhig tu ni mkha' las rdo rje rab ltung bud med 'grogs las rtag par yang / /skye dang skye ba gzhan slad 'chi dang brgyal dang chags bral slar yang byed pas rnal 'byor ma'i/ /dpal ldan las dang ye shes mchog gi chu skyes la gnas rdo rje'i zhabs dag bsgoms pa yis/ /de dag rnams kyi de yang rab zhi 'chi ba nyid 'gyur slar yang skye ba ldan pa min/ /gang dag nyin dang mtshan mor bud med 'grogs la rnam par chags pas nor kun nyams 'gyur zhing / /skye ba gzhan gyis bag chags bsgos pa'i sems las de ni slar yang mang po rab 'byung bas/ /shes rab rnal 'byor ma rnams dag gi mi mnyam mnyam pa'i zhabs ni sna tshogs gzugs can gang / /rgyal ba mchog gis mchod cing bstod pa bsgoms pas de ni nor kun nyams par mi 'gyur ro/ /ser skya lug dang kun dar ma ste nyi zla sgra gcan lam gsum bgrod rnams rnal 'byor ma/ /dngos dang dngos med rab nyams mnyam bgrod zhabs de dag ni de dag rnams kyi ye shes sku/ /de yi lhan skyes bde ba'i go 'phang 'gyur med gcig 'di de dag de nyid gang gis dran/ / de yi skye ba 'di la ma lus 'jigs 'phrog 'dir brjod 'bras bu myur du 'byung bar 'gyur/ /dpal ldan rnal 'byor ma rnams dag gi gnas ni rdo rje nor bu'i khyim te der 'jug lam/ /nyon mongs med cing bdud nyams sngon du rgyal bas gsungs pa'i stod pa bdag gis 'dir brjod do/ /skyes bu gang dag bdud kyi grogs kyis rtag tu mi bden mun par song zhing lam nyams pa/ /de dag rnams kyis lam 'di thob nas rdo rje nor bu'i khyim dang ring min 'ong gyur cig /du ba la sogs lam gyis lhan skyes bde ba'i go 'phang bsgoms na de ni dus 'khor lo/ /sum bcu rtsa gnyis mtshan gyis yang dag 'gro ba'i bla ma chos kyi 'khor lo 'di la gnas/ /lha rnams mgo yi gtsug gi nor bu'i 'od zer tshogs kyis zhabs kyi pad ma la gtugs shing / /dam pa'i lam ni ston byed nyin mor byed pa bzhin du mun pa thams cad 'joms par 'gyur/ / lha klu mi dang lha min dbang po'i cod pan dag gis zhabs pad la gtugs gang / /yang dag ye shes nyin byed 'gro ba gsum gyi dpal ldan chos kyi 'khor lor gnas/ /bdud dang nyon mongs ri dgas rab gtum gsod byed dpal ldan shAkya seng ge de'i/ /rtag tu 'gro la brtse dang de yi shes rab kyis bskul 'grel bshad bdag gis bri/ /kA yig las ni rgyu zhi ba/ /la yig 'di la thim pa nyid/ /tsa yig gis ni g.yo ba'i sems/ /kra yig rim pa bcings las so/ /dus ni 'gyur med bde ye shes/ /thabs dang snying rje'i bdag nyid te/ /'khor lo shes bya'i rnam 'gro dpal/ /shes rab stong nyid bdag nyid do/ /'di ni dpal ldan dus 'khor lo/ /rdo rje'i rnal 'byor thams cad nas/ /bden pa gnyis la gnas pa 'di/ /mngon par brjod pa'i rjod byed 'gyur/ /bde bar gshegs pas lung bstan zhing / /'jam dpal gyis ni bskul gyur pa/ /'jig rten mgon po bdag gis ni/ /rgyud 'di'i 'grel bshad bri bar bya/ /byis pa mkhas pa rmongs rnams la/ /rgyud kyi gsang ba gsal byed de/ /ma yis bu la phan pa bzhin/ /lus can thams cad bde don du'o/ /rdo rje sems dpa'i lam mchog ni/ /gang gis rnal 'byor pas rig byed/ /de phyir dri ma med pa'i 'od/ /'grel bshad 'di ni myur du bri/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba las bdud dang bgegs mtha' dag nyams par byed pa mchog gi 'dod pa'i lha dang dam pa'i lam nges pa'i mdor bsdus pa chen po ste dang po'o// // 'dir dang por re shig rtsa ba'i rgyud kyi rjes su 'brangs te brjod bya dang rjod byed dang 'brel pa la sogs pa dang bsdus pa'i rgyud la sogs pa lung bstan pa brjod par bya ste/ phyi nas bsdus pa'i rgyud la dgos pa dang dgos pa'i dgos pa la sogs pa yod/ 'di la dang por re shig brjod bya dang rjod byed dang 'brel pa dang dgos pa dang dgos pa'i dgos pa rnams mngon par gzigs nas/ gdul bya'i skye bo nges pa dang bral ba rnams la rang gi sems kyi bsam pas skye ba 'di la sangs rgyas nyid kyi 'bras bu rab tu ster ba bde ba chen po'i gnas mchog gi dang po'i sangs rgyas rdo rje dbyings kyi dkyil 'khor chen por rdo rje seng ge'i khri la bzhugs pa/ sangs rgyas dang byang chub sems dpa' dang khro bo'i rgyal po dang lha dang klu dang lha dang lha mo'i tshogs kyis yongs su bskor ba/ khams gsum pas zhabs kyi pad ma la phyag byas pa/ khams gsum gyi 'khor lo sgyur ba/ mchog gi dang po'i sangs rgyas rigs med pa/ bcom ldan 'das dpal dus kyi 'khor lo/ zla ba bzang pos gsol ba btab par gyur pas/ mchog gi dang po'i sangs rgyas stong phrag bcu gnyis pa/ rigs med pa/ rgyud kyi rgyal po dus kyi 'khor lo/ rdo rje 'dzin pa'i ye shes kyi sku/ mngon du gyur pa'i mtshan yang dag par brjod pas 'khyud pa/ rgyud thams cad kyi rdo rje'i tshig mngon du gyur pa/ sangs rgyas rin chen za ma tog kha 'byed pa/ 'jig rten dang 'jig rten las 'das pa'i bden pa la brten pa/ rdzogs pa'i byang chub pa rnam pa bzhi dang rdo rje rnam pa bzhis yongs su dag pa/ sku bzhi dang rigs drug dang bden pa bcu gnyis dang de kho na nyid bcu drug dang stong pa nyid bcu drug dang snying rje bcu drug gi bdag nyid kyi brjod par bya ba dang rjod par byed pa/ dbang bskur ba 'jig rten pa'i bcu dang / 'jig rten las 'das pa'i bcu gcig pa rab tu gsal bar byed pa/ las kyi phyag rgya dang ye shes kyi phyag rgya dang phyag rgya chen mo dang 'jig rten dang 'jig rten las 'das pa'i dngos grub rab tu gsal bar byed pa/ 'jig rten gyi khams dang nang dang mngon par dbang skur ba dang / sgrub thabs dang ye shes te le'u lnga'i bdag nyid dam brtag pa lnga'i bdag nyid ni mi la sogs pa'i sems can mtha' dag gis yang dag par rdzogs pa'i sangs rgyas nyid thob par bya ba'i phyir yang dag par bstan to/ /de las bsdus pa'i rgyud yang dag par sdud par byed pa la 'jam dpal dang / ma 'ongs pa'i dus su tshangs pa'i drang srong rnams gdul bar bya ba'i don du 'grel bshad byed pa la bdag dang / rgyud ston pa'i don du gshin rje mthar byed la sogs pa gzhan rnams dang / sham b+ha la'i yul la sogs pa grong khyer bye ba phrag dgu bcu rtsa drug na gnas pa'i sems can thams cad dam pa'i lam thob pa la de bzhin gshegs pas lung bstan to/ /'dir rdul phra rab 'dus pa sngon du 'gro ba ni 'jig rten gyi khams so/ /'jig rten gyi khams sngon du 'gro ba ni sems can rnams so/ /sems can sngon du 'gro ba ni 'jig rten dang 'jig rten las 'das pa'i mngon par dbang bskur ba'o/ /mngon par dbang bskur ba sngon du 'gro ba ni bsod nams kyi tshogs dkyil 'khor gyi 'khor lo bsgom pa goms pas 'og min gyi srid pa'i mthar thug pa 'jig rten pa'i dngos grub bsgrub pa'o/ /'jig rten pa'i dngos grub sngon du 'gro ba ni bsod nams dang ye shes kyi tshogs dag dang skye ba snga ma'i stong pa nyid dang snying rje kun rdzob dang dmigs pa med pa'i bag chags kyi stobs kyis rdul phra rab 'dus pa las 'das shing / dkyil 'khor la sogs pa rnam par rtog pa'i sgom pa dang bral ba phyag rgya chen po'i ye shes kyi dngos grub sgrub pa'o/ /de bas na dang por 'jig rten gyi khams kyi brtag pa'o/ /de nas nang gi brtag pa'o/ /de nas dbang bskur ba'i brtag pa'o/ /de nas 'jig rten pa'i dngos grub bsgrub pa'i brtag pa'o/ /de nas mchog tu mi 'gyur ba'i ye shes bsgrub pa'i brtag pa ste/ de ltar na rim pa ji lta ba bzhin rgyud kyi rgyal po ni brtag pa lnga 'am le'u lnga'i bdag nyid do/ /'dir thabs dang shes rab kyi bdag nyid rdo rje'i rnal 'byor dang po'i sangs rgyas rigs med pa bcom ldan 'das dus kyi 'khor lo ni brjod par bya ba'o/ /de yang le'u lnga po 'di'i ngo bo nyid kyis gnas te/ dang por re shig 'jig rten gyi khams kyi le'u la thams cad mkhyen pa zhes pa la sogs pa ston pa po'i ngo bo nyid kyis gnas pa dang / gnas bstan pa'i ngo bo nyid kyis gnas pa dang / 'khor chen po phun sum tshogs pa'i ngo bo nyid kyis gnas pa dang / gsol ba 'debs pa po'i ngo bo nyid kyis gnas pa dang / rdo rje'i rnal 'byor brjod par bya ba dang rjod par byed pa dang dgos pa'i dgos pa la sogs pa zhus pa'i ngo bo nyid kyis gnas pa dang / stong pa chen po'i yi ge lnga la sogs pa dang sna tshogs 'byung ba dang dkyil 'khor dang dbang bskur ba gsol ba 'debs pa'i ngo bo nyid kyis gnas pa dang / ston pa po'i lan gyi ngo bo nyid kyis gnas pa dang / 'jig rten gyi khams dang gza' dang sgyu skar dang sems can dang sngags dang srog la sogs pa 'byung ba dang sdud pa'i ngo bo nyid kyis gnas pa dang / rlung la sogs pa'i dkyil 'khor dang rgya mtsho dang gling dang ri'i grangs kyi ngo bo nyid kyis gnas pa dang / srid pa sum bcu rtsa gcig gi ngo bo nyid kyis gnas pa dang / 'khor lo sgyur ba chen po 'byung ba'i ngo bo nyid kyis gnas pa dang / shin tu phra ba'i dbugs la sogs pas nyin mo'i tshad la sogs pa'i ngo bo nyid kyis gnas pa dang / 'jam dpal lung bstan pa'i ngo bo nyid kyis gnas pa dang / grub pa'i mtha' dang byed pa'i skar rtsis kyi ngo bo nyid kyis gnas pa dang / dbu ma'i rtsa'i dbugs rnams las gza'i rkang pa dang rgyu skar gyi rkang pa skye ba'i ngo bo nyid kyis gnas pa dang / khyim bcu gnyis kyi rnam pas sa 'khor ba'i ngo bo nyid kyis gnas pa dang / dbyangs 'char ba la sogs pa'i ngo bo nyid kyis gnas pa dang / sgra gcan la sogs pa sa'i stobs kyi ngo bo nyid kyis gnas pa dang / rdzong 'joms pa dang bsrung ba'i 'khrul 'khor gyi ngo bo nyid kyis gnas pa dang / 'khor lo sgyur bas dum bu bcu gnyis su 'khor ba'i ngo bo nyid kyis gnas pa dang / kla klo'i chos bcom nas sangs rgyas kyi chos rab tu 'jog pa'i ngo bo nyid kyis gnas pa dang / sems can mtha' dag la 'jig rten dang 'jig rten las 'das pa'i dngos grub kyi lam sbyin pa'i ngo bo nyid kyis gnas pa dang / 'jam dpal dang 'jig rten dbang phyug sngon dang phyi mar ston pa po'i ngo bo nyid kyis gnas pa dang / 'khor lo sgyur ba chen po la sogs pa rigs ldan gyi mthar thug pa mi rnams mchog gi tshe'i ngo bo nyid kyis gnas pa zhes bya ba ni 'jig rten gyi khams kyi le'u la'o// //de nas nang gi le'u la dang por mngal 'dzin pa dang sdud pa'i ngo bo nyid kyis gnas pa dang / rdul dang khu ba dang kun gzhi'i rnam par shes pa yang dag par sbyor ba'i ngo bo nyid kyis gnas pa dang / zla ba so so re re zhing mngal 'byung ba'i ngo bo nyid kyis gnas pa dang / nya la sogs pa gnas skabs bcu'i ngo bo nyid kyis gnas pa dang / sku bzhi dang rdo rje bzhi dag pa'i ngo bo nyid kyis gnas pa dang / rdzogs pa'i byang chub pa bzhis mngal 'byung ba'i ngo bo nyid kyis gnas pa dang / dbugs drug brgya lhag pa'i stong phrag nyi shu rtsa gcig dang / rtsa stong phrag bdun bcu rtsa gnyis dang tshigs kyi gnas sum brgya drug bcu dang khams drug dang ro drug dang dbang po drug dang yul drug dang las kyi dbang po drug dang las kyi dbang po'i yul drug dang rnam par shes pa drug dang 'du byed drug dang tshor ba drug dang 'du shes drug dang / gzugs drug dang ye shes drug dang 'khor lo drug dang dkyil 'khor drug steng dang 'og gi ngo bo nyid kyis gnas pa dang / lte ba'i chu skyes la sogs pa'i 'dab ma dang sna bug dag la g.yon dang g.yas kyi dkyil 'khor phung po lnga dang khams lnga 'bab pa'i ngo bo nyid kyis gnas pa dang / dbu ma las rgyud mtha' dag 'byung ba'i ngo bo nyid kyis gnas pa dang / srog la sogs pa rlung gi bya ba'i ngo bo nyid kyis gnas pa dang / khams rnams las lha'i mtshan ma 'byung ba'i ngo bo nyid kyis gnas pa dang / nyi ma dang zla ba dang me'i 'chi ltas kyi ngo bo nyid kyis gnas pa dang / las kyi rnam par smin pas 'gro ba drug tu skye ba'i ngo bo nyid kyis gnas pa dang / rtsa la sogs pa gza' yi rkang pa 'chad pa'i ngo bo nyid kyis gnas pa dang / dbu mar zhugs pa'i dga' ba la sogs pa rnams kyis 'chi ltas kyi 'chi ba bslu ba'i ngo bo nyid kyis gnas pa dang / phyi rol 'jig rten pa'i bya ba bsgrub pa'i ngo bo nyid kyis gnas pa dang / lta ba thams cad rjes su dpag pas yongs su brtag pa'i ngo bo nyid kyis gnas pa dang / sems can sna tshogs kyi 'dod pa dang rjes su mthun par chos rab tu gzhag pa'i ngo bo nyid kyis gnas pa zhes bya ba ni nang gi le'u la'o// //de nas dbang gi le'u la dang por bla ma yongs su brtag pa'i ngo bo nyid kyis gnas pa dang / mchog dang 'bring dang tha ma'i slob ma yongs su brtags te bsdu ba'i ngo bo nyid kyis gnas pa dang / las rab 'byam bsgrub pa la grong la sogs pa'i phyogs kyi cha dang sa la sogs pa'i mtshan nyid kyi ngo bo nyid kyis gnas pa dang / thab khung dang sbyin sreg gi rdzas dang / bgrang phreng dang gdan dang phur bu dang bum pa dang rdul tshon dang thig skud dang 'khrul 'khor dgod pa'i mtshan nyid kyi ngo bo nyid kyis gnas pa dang / sa yongasu bzung ba dang dkyil 'khor bri ba dang de nyid bcu yongs su shes pa'i ngo bo nyid kyis gnas pa dang / 'jig rten pa dang 'jig rten las 'das pa'i dbang sbyin pa'i ngo bo nyid kyis gnas pa dang / thams cad rab tu gnas pa'i ting nge 'dzin gyi ngo bo nyid kyis gnas pa dang / dam tshig gi 'khor lo 'dus pa dang dam tshig gi mchod pa'i ngo bo nyid kyis gnas pa dang / rigs sum bcu rtsa drug gi lha mo'i phyag rgya dang lta stangs dang mtshan ma dang dam tshig gi brda' dang / rigs la sogs pa'i ngo bo nyid kyis gnas pa dang / dkyil 'khor gyi 'khor lo gshegs su gsol ba'i ngo bo nyid kyis gnas pa dang / chu bo chen po la sogs pa dang rang rang gi khyim du rdul tshon dang tshogs kyi 'khor lo gshegs su gsol te mchod pa'i ngo bo nyid kyis gnas pa dang / dpal ldan bla ma dbul ba thams cad kyis mnyes pa'i ngo bo nyid kyis gnas pa zhes bya ba ni dbang gi le'u la'o// //de nas bsgrub thabs kyi le'u la dang por bsrung ba'i 'khor lo la sogs pa dang gdong dag pa dang rang gi snying kha'i zla ba'i sa bon gyi 'od zer rnams las de bzhin gshegs pa spro ba'i ngo bo nyid kyis gnas pa dang / bla na med pa'i mchod pa dang sdig pa bshags pa dang bsod nams la rjes su yid rang ba dang / skyabs su 'gro ba gsum dang bdag nyid 'bul ba dang / byang chub tu sems bskyed pa dang lam brten pa dang stong pa nyid la dmigs pa la sogs pa'i ngo bo nyid kyis gnas pa dang / skyed pa'i rim pa la dkyil 'khor rgyal mchog dang las rgyal mchog dang thig le'i rnal 'byor dang phra mo'i rnal 'byor la sogs pa'i bsgrub thabs kyi ngo bo nyid kyis gnas pa dang / phyi rol 'jig rten pa'i dngos grub kyi bsgrub thabs kyi ngo bo nyid kyis gnas pa dang / mchod sbyin la sogs pa dang rig byed kyi mtha' gsang ba'i de kho na nyid kyi ye shes dang yan lag drug gi sbyor ba la sogs pa'i bsgrub thabs kyi ngo bo nyid kyis gnas pa dang / sbyin pa la sogs pa'i bsod nams kyi tshogs kyi ngo bo nyid kyis gnas pa dang / mngon sum dang lkog tu gyur pa'i sems bsgom pa'i ngo bo nyid kyis gnas pa zhes bya ba ni bsgrub thabs kyi le'u la'o// //de nas ye shes kyi le'u la dang por lus kyi rus pa la sogs pa'i khams rnam par dag pa'i dkyil 'khor gyi ngo bo nyid kyis gnas pa dang / sku dang gsung dang thugs dang rigs drug gi lha'i ngo bo nyid kyis gnas pa dang / a la sogs pa dang / ka la sogs pa sngags kyi rigs drug gi ngo bo nyid kyis gnas pa dang / thabs dang shes rab kyi rgyud sum bcu rtsa drug gi ngo bo nyid kyis gnas pa dang / thabs dang shes rab dang bya ba dang rnal 'byor rjes su rig pa dang sdom pa chen po dang 'khor lo sgyur ba drug spro ba'i ngo bo nyid kyis gnas pa dang / dbang bzhi pa mchog tu mi 'gyur ba phyag rgya chen po'i ye shes kyi dngos grub kyi bsgrub thabs kyi ngo bo nyid kyis gnas pa dang / ye shes kyi dkyil 'khor spro ba'i ngo bo nyid kyis gnas pa dang / byang chub kyi sems bsten pa'i bsgrub thabs kyi ngo bo nyid kyis gnas pa dang / shes pa dang shes bya rnam pa kun gyi bdag nyid phyag rgya chen po'i dngos grub gyi ngo bo nyid kyis gnas pa dang / lus dang ngag dang sems kyi bya ba thams cad rtag pa'i ngo bo nyid kyis gnas pa dang / chos kyi phung po stong phrag brgyad bcu rtsa bzhi bstan pa'i ngo bo nyid kyis gnas pa dang / sangs rgyas kyi zhing bsdu ba'i ngo bo nyid kyis gnas pa dang / nam mkha'i khams la ri rab kyi rdul phra rab dang mnyam pa'i byang chub sems dpa' sems dpa' chen po rnams dang thabs gcig tu bzhugs pa'i ngo bo nyid kyis gnas pa dang / sangs rgyas kyi zhing 'byung ba'i ngo bo nyid kyis gnas pa dang / sangs rgyas kyi zhing rdo rjer byin gyis brlab pa'i ngo bo nyid kyis gnas pa dang / mos pa sna tshogs pa'i sems can gyi bsam pa'i dbang gis chos bstan pa'i ngo bo nyid kyis gnas pa dang / bcud dang bcud len la sogs pa lus kyi dngos grub gyi bsgrub thabs kyi ngo bo nyid kyis gnas pa dang / mchog tu mi 'gyur ba'i bde bas sems can thams cad kyi don mdzad pa'i ngo bo nyid kyis gnas pa dang / chos yang dag par bsdu ba dang rtsis kyi ming bsdu ba'i ngo bo nyid kyis gnas pa dang / yi ge lnga dang yi ge drug gi stong pa chen po dang thig le stong pa la bstod pa'i ngo bo nyid kyis gnas pa zhes bya ba ni ye shes kyi le'u la'o// //des na rim pa 'dis gsungs pa'i phyir le'u lnga'i ngo bo nyid kyis gnas pa'i bcom ldan 'das dus kyi 'khor lo ni 'dir brjod par bya ba'o/ /'di ston par byed pa'i le'u'i tshogs rgyud kyi rgyal po ni brjod par byed pa'o/ /brjod bya brjod byed 'di dag phan tshun brjod bya rjod byed kyi mtshan nyid ni 'brel pa ste/ brjod par bya ba ni bcom ldan 'das dus kyi 'khor lo le'u lnga'i ngo bo nyid kyis bzhugs pa yin la brjod par byed pa ni dus kyi 'khor lo rjod par byed pa le'u lnga'i bdag nyid do/ /yang dang po'i sangs rgyas bcom ldan 'das ni brjod par bya ba yin la rjod par byed pa ni dang po'i sangs rgyas rjod par byed pa'o zhes bya ba brjod bya rjod byed kyi mtshan nyid ni brjod bya rjod byed kyi 'brel pa'o/ /de nas dkyil 'khor du zhugs pa las 'jig rten pa'i dbang sbyin pas bsod nams kyi tshogs kyi don byed pa ni dgos pa'o/ /shes rab chen po 'jig rten las 'das pa'i dbang bzhi pa sbyin pas rigs med pa phyag rgya chen po'i dngos grub thob pa la bsod nams dang ye shes kyi tshogs kyi don byed pa ni dgos pa'i dgos pa ste/ brjod bya la sogs pa'i mtshan nyid 'di dag nyid mngon par gzigs nas/ gdul bya'i skye bo nges pa dang bral ba rnams la rang gi sems kyi bsam pas zhes bya ba la/ nges pa ni nyan thos pa'i mchog gi sdom pa 'dod pa lnga la nye bar longs spyod pa dang bral ba'i tshul khrims kyi sdom pa ste de dang bral ba ni nges pa dang bral ba'o/ /de dag gi rang gi sems kyi bsam pa ni 'dod pa lnga la nye bar longs spyod par 'dod pa'o/ /de bzhin du dbang po gnyis kyi bde ba chen po 'dod pa ni nges pa dang bral ba rnams kyi rang gi sems kyi bsam pa ste/ rang gi sems kyi bsam pa 'dis skye ba 'di la sangs rgyas nyid kyi 'bras bu rab tu ster ba zhes bya ba ni skye ba 'di mi'i skye ba la sangs rgyas nyid kyi 'bras bu rab tu ster ba rgyud kyi rgyal po'o/ /lha la sogs pa 'gro ba lnga'i skye ba la ni ma yin no/ /de ci'i phyir zhe na/ las kyi sa ma yin par skyes pa'i phyir ro/ /'dir lha la sogs pa rnams la yang mi'i skye ba thob nas sangs rgyas nyid kyi 'bras bu ster bar 'gyur ro/ /zhes bya ba ni bcom ldan 'das kyi nges pa'o/ /bsod nams dang ye shes kyi tshogs dag dang khams drug gi bdag nyid can skyes bu chen po'i gang zag la'o zhes pa ste/ rnam pa gzhan du las ngan pa dang ldan pa'i mi'i skye ba 'di la sangs rgyas nyid kyi 'bras bu rab tu ster ba ni ma yin no zhes bya ba de bzhin gshegs pa'i nges pa'o/ /ci ste sngags kyi theg pa 'dir sangs rgyas bcom ldan 'das kyis gsungs pa ni 'di lta ste/ gdol pa smyig ma mkhan sogs dang / /mtshams med lnga ni byed pa rnams/ /sngags kyi spyod pa rjes spyad na/ /skye 'di nyid la sangs rgyas 'gyur zhes pa yin no zhe na/ bcom ldan 'das kyi gsung 'di ni bden te/ skye ba 'di la sngar mtshams med pa lnga la sogs pa mi bzad pa'i las gang byas pa de dag sngags kyi theg pa 'dir phyag rgya chen po mi 'gyur ba'i bde ba'i ting nge 'dzin gyis bcom nas/ mi dge ba blo bur ba gzhan mi 'jug par bya ba'i phyir rdo rje chos 'byung gi khang par bdud bzhi dang bgegs kyi dgra 'jug pa'i sgo rnams la byams pa dang snying rje dang dga' ba dang btang snyoms la sogs pa dang / byang chub kyi phyogs kyi chos kyi sgo glegs bcug nas/ de nyid du rdo rje sems dpa' phyag rgya chen po dang lhan cig tu bsgrubs te 'tshams med pa lnga byed pa po rnams kyang skye ba 'di la sangs rgyas nyid kyi 'bras bu thob par 'gyur ro zhes bya ba ni de bzhin gshegs pa bzhed kyi/ sngags kyi theg par zhugs pa'i rjes la mtshams med pa lnga la sogs pa mi bzad pa'i las byed pa rnams kyang skye ba 'di la sangs rgyas nyid kyi 'bras bu thob par 'gyur ro zhes bya ba ni de bzhin gshegs pa yang dag par bzhed pa ma yin no/ /'dir theg pa gsum ka la yang bcom ldan 'das kyi gsung ni thog mar dge ba/ bar du dge ba/ tha mar dge ba zhes bcom ldan 'das kyis gsungs pa'i phyir sngags kyi theg pa la zhugs pa'i rjes la sdig pa byas kyang sangs rgyas nyid kyi 'bras bu thob par 'gyur ro zhes pa ni de bzhin gshegs pa'i nges pa ma yin no/ /'o na sngags kyi theg pa 'dir rnal 'byor pa rnams kyis sha bza' bar bcom ldan 'das kyis gsungs la de nyid kyang rtag tu srog bcad pa las 'byung ste srog bcad pa med par ni 'ga' zhig gi tshe sring ngo / /gal te za ba po med na gsod pa po yang mi 'byung ngo / /de'i phyir za ba po dang gsod pa po dag srog gcod par 'gyur ro/ /'dir yang nyi ma so sor sngags pas dam tshig bzhi bya'o zhes pa ni de bzhin gshegs pa'i nges pa'o zhe na/ de ni bden te rgyu gang gi phyir mtshan ma dang kha na ma tho ba dang bcas pas srog gcod par 'gyur ba rgyu de'i phyir rnal 'byor pa rnams kyis mtshan ma med pa dang kha na ma tho ba med pa go gu la sogs pa bza' bar bcom ldan 'das kyis gsungs so/ /'dir yul gang na 'jig rten pa rnams kyis gang bza' ba ma yin pa dang gang btsong ba ma yin pa go ku la sogs pa rang gi las kyis shi ba dang g.yul du las ngan pa 'am rang gi skyon gyis chom rkun la sogs pas bsad pa de dag thams cad rnal 'byor pas bza' bar de bzhin gshegs pas gsungs so/ /rdzas kyis nyos pa ni ma yin zhing pha mes la sogs pa dang mchod sbyin la sogs pa'i bya ba la bsad pa yang ma yin te/ mtshan ma dang bcas pa'i sha bza'o zhes de bzhin gshegs pas ma gsungs so/ /yang gang zhig nyi ma so sor dam tshig bya ba de ni kha na ma tho ba med pa'i go ku la sogs pa lnga dang rnam par snang mdzad la sogs pa lnga'i ri lu nyungs kar gyi tshad tsam nyi ma so sor dam tshig brten pa'i don du bya'o/ /rtag par kha na ma tho ba med pa'i chang dang bud med ni bsgom pa'i slad du rmongs pa med pa'i chos kyis gsungs so/ /rtsa ba'i rgyud las kyang bcom ldan 'das kyis gsungs pa 'di lta ste/ lha dang rang 'jigs pha mes dang / /'dod grub don dang btsong phyir yang / /gdul dka' sdig pa byed rnams kyis/ /gnod byed min pa'i sems can bsad/ /de yi sha de nyo ba dang / /za 'dod kha na ma tho bcas/ / ma blangs snod du lhung gyur pa/ /de nyid kha na ma tho med/ /srog chags gcig gi sha dag ni/ /mang po rnams kyis zos pa mchog /srog chags du ma'i sha dag ni/ /yid skyes gcig gis zos pa min/ / snying rje bskyed de de nyid las/ /rnam par mi rtog sems kyis ni/ /rnal 'byor ldan pas bza' bya ba/ /kha na ma tho med gzhan min/ /rigs su 'dzin pa gzhom pa'i phyir/ /rtag tu bza' dang btung ba dang / /rigs min mngon bgrod rdo rje can/ /de nyid gzigs pa dag gis gsungs zhes pa'o/ /de ltar gsungs pa'i rim pas nges pa dang bral ba rnams la sangs rgyas nyid kyi 'bras bu rab tu ster ba ni rgyud kyi rgyal po'o/ /sangs rgyas nyid ni thams cad mkhyen pa nyid dang / rnam pa thams cad mkhyen pa nyid dang / lam mkhyen pa nyid dang / lam gyi rnam pa mkhyen pa nyid dang / stobs bcu dang mi 'jigs pa la sogs pa'i yon tan rnam par 'byor pa ste de ster ba ni sangs rgyas nyid kyi 'bras bu rab tu ster ba'o/ /bde ba chen po'i gnas zhes pa ni bde ba chen po'i gnas chos kyi dbyings nam mkha'i mtshan nyid can dog pa med pa'i chos 'byung 'jig rten gyi dpe las 'das pa kun tu bzang po'i bde ba chen po'i gnas so/ /mchog gi dang po'i sangs rgyas rdo rje dbyings kyi dkyil 'khor chen por zhes pa ni rigs med pa shes pa dang / shes bya gcig tu 'dres par gyur cing gcad du med la dbyer med pa rnam pa thams cad du dbyings kyi mtshan nyid me long gi pra phab pa dang mtshungs pa ste/ rdo rje dbyings kyi dkyil 'khor chen po der ro/ /rdo rje seng ge'i khri la bzhugs pa ni rdo rje seng ge'i khri zla ba dang nyi ma dang me'i dkyil 'khor gcad du med cing dbyer med pa 'am e yig nam mkha'i khams ni rdo rje seng ge'i khri'o/ /de la bzhugs pa ni rdo rje seng ge'i khri la bzhugs pa sku dang gsung dang thugs dang ye shes kyi bdag nyid wa~M yig ste rdo rje seng ge'i khri la bzhugs pa de yis so/ /sangs rgyas dang byang chub sems dpa' dang khro bo'i rgyal po dang lha dang / klu dang lha dang lha mo'i tshogs kyis yongs su bskor ba zhes pa la sangs rgyas ni mi bskyod pa la sogs pa'o/ /byang chub sems dpa' ni kun tu bzang po la sogs pa'o/ /khro bo'i rgyal po ni gtsug tor la sogs pa'o/ /lha ni dbang phyug la sogs pa'o/ /klu ni mtha' yas la sogs pa'o/ /lha mo ni rdo rje dbyings kyi dbang phyug ma la sogs pa dang / chos kyi dbyings la sogs pa dang / shin tu sngon mo la sogs pa dang / tsar tsi kA la sogs pa dang / gau rI la sogs pa dang / khyi gdong ma la sogs pa ste de dag gi 'dus pa ni tshogaso/ /des yongs su bskor ba ni lha dang lha mo'i tshogs kyis yongs su bskor ba ste lha dang lha mo'i tshogs kyis yongs su bskor ba de yis so/ /khams gsum pas zhabs kyi pad ma la phyag byas pa zhes pa la khams gsum pa ni 'dod pa dang gzugs dang gzugs med pa ste de dag gis gang gi zhabs kyi pad ma la phyag byas pa de ni khams gsum pas zhabs kyi pad ma la phyag byas pa ste khams gsum pas zhabs kyi pad ma la phyag byas pa de yis so/ /khams gsum gyi 'khor lo bsgyur ba zhes pa ni gang gi chos kyi 'khor lo khams gsum du cig car rab tu 'khor ba de ni khams gsum pa'i 'khor lo sgyur ba ste khams gsum pa'i 'khor lo sgyur ba de yis so/ /mchog gi dang po'i sangs rgyas zhes pa la mchog gi dang po'i sangs rgyas ni skad cig gcig dang rnam pa lnga dang rnam pa nyi shu dang sgyu 'phrul dra bas mngon par rdzogs par byang chub pa'i mtshan nyid 'gyur ba med pa'i bde ba ni mchog yin la/ des dang por sangs rgyas pa ni mchog gi dang po'i sangs rgyas de yis so/ / rigs med pa zhes pa la rigs ni shes rab dang / thabs kyi bdag nyid gzung ba dang 'dzin pa'i mtshan nyid kyi chos te rigs de gang gis spangs pa de ni rigs med pa ste rigs med pa de yis so/ /bcom ldan 'das dus kyi 'khor lo zhes pa la bcom ldan ni bdud dang nyon mongs pa bcom pa'i phyir bcom pa dang dbang phyug la sogs pa thams cad mkhyen pa'i yon tan gyi tshogs te bcom pa de 'di la ldan pa'i phyir bcom ldan no/ /dus ni mchog tu mi 'gyur ba'i bde ba chen po'i mtshan nyid de des gang gis lus phung po dang khams la sogs pa sgrib pa med pa'i 'khor lor bskyed pa de ni dus kyi 'khor lo'o/ /gzhan yang yi ge so so re res te/ kA yig gis ni rgyu zhi ba/ /la yig 'di la thim pa nyid/ /tsa yig gis ni g.yo ba'i sems/ /kra yig rim pa bcings las so/ /rim pa ni lus la sogs pa'i thig le rnams 'pho ba yin la de lhan cig skyes pa'i bde bas bcings pa ni kA la tsakra ste bcom ldan 'das dus kyi 'khor lo de yis so/ /zla ba bzang pos gsol ba btab par gyur pas zhes pa ni 'di ni zla ba yang yin la bzang po yang yin pa'i phyir zla ba bzang po ste de bzhin gshegs pa thams cad kyi nyan pa por gyur pa rdo rje zla ba dri ma med pa'i 'od do/ /sems can thams cad kyi skad tha dad pa dag gis de bzhin gshegs pas chos gsungs pa rnams yang dag par sdud par byed pa'i phyir de bzhin gshegs pa thams cad kyi nyan pa por gyur pa'i gsang ba'i bdag po ste gsang ba ni nyan thos dang rang sangs rgyas kyi theg pa dag las mchog tu gyur pa rdo rje'i theg pa'o de'i yang dag par sdud pa po yin pas na bdag po ste gsang ba'i bdag po'o/ /de bzhin du phyi rol du ni 'jig rten gyi bden pas gsang ba'i sgras gnod sbyin rnams te de dag gi bdag po ni gsang ba'i bdag po'o/ / ro ldan na gnas pa ni phyi rol du ro'i sgras srog nyams pa shi ba'i tshogs so/ /de 'di la yod pa'i phyir ro ldan te dur khrod kyi sa'o/ /de na gnod sbyin chen po sems can rnams la rnam par tho 'tsham zhing bgegs du ma byed pa po dag yod la de dag gsod par byed pa po ni ro ldan na gnas pa ste/ nags kyi ri dgas kyi bdag po zhes pa bzhin du ro ldan na gnas pa gnod sbyin chen po rnams kyi bdag po'o/ /nang du ni ro zhes pa dbugs 'byung ba dang 'jug pa sum stong drug brgyas dman pa'i nyi khri gcig stong drug brgya rnams 'gog pa'o/ /de 'di la yod pa ni chos kyi sprin gyi sa ste de la gnas pa ni ro ldan na gnas pa'o/ /bdud dang nyon mongs pa dang shes bya dang snyoms 'jug gi sgrib pa'i gnod sbyin rnams gsod par byed pa ni gnod sbyin gyi bdag po ste/ de bzhin gshegs pas chos kyi seng ge'i sgra dang sems can so so'i sgra dag gis bstan pa'i chos rnams rab tu ston par byed pa po sprul pa'i sku phyag na rdo rje zla ba bzang pos gsol ba btab par gyur pa de yis so/ /mchog gi dang po'i sangs rgyas zhes pa ni brjod bya mchog gi dang po'i sangs rgyas rjod par byed pa'i phyir te brjod bya 'di rjod par byed pa'i ngo bo nyid kyis gnas pa'i phyir mchog gi dang po'i sangs rgyas so/ /dus kyi 'khor lo ni brjod bya dus kyi 'khor lo rjod par byed pa'i phyir dus kyi 'khor lo'i rjod byed do/ /stong phrag bcu gnyis pa zhes pa ni stong phrag brgyad bcu rtsa bzhi lhag pa'i 'bum phrag gsum gyi yi ge'i tshogs te yi ge sum bcu rtsa gnyis pa rjes su bsngags pa stong phrag bcu gnyis yod pa ni stong phrag bcu gnyis pa'o/ /rigs med pa zhes pa ni brjod bya rigs med pa rjod par byed pa'i phyir ro/ /'dir rigs ni shes rab kyi phyogs dang thabs kyi phyogs te phyogs spangs pa gang gi phyir rigs de med pa'i rgyud de ni rigs med pa shes rab dang thabs kyi bdag nyid can rnal 'byor gyi rgyud ces rgyal bas gnyis su med par gsungaso/ /brjod par bya ba thabs dang shes rab kyi bdag nyid can gyi rgyud kyi rgyal po 'di la/ thabs dang shes rab kyi phyogs tha dad na thabs dang shes rab kyi bdag nyid can gyi brjod par bya ba med par 'gyur ro/ /thabs dang shes rab kyi bdag nyid can gyi brjod par bya ba med na gnyis su med pa'i ye shes med par 'gyur ro/ /gnyis su med pa'i ye shes med na sangs rgyas nyid kyang med par 'gyur ro/ /sangs rgyas nyid med na 'khor ba'o/ /'dir brjod par byed pa dang brjod par bya ba 'brel pa med par thabs kyi ming can gyi rnal 'byor gyi rgyud la thabs dang shes rab kyi bdag nyid gnyis su med pa dang rnal 'byor brjod bya rjod byed kyi mtshan nyid du mi 'gyur ro/ /rnal 'byor gyi sgra ni thabs kyi don rjod par byed pa 'am shes rab kyi don rjod par byed pa yang ma yin te rnal 'byor gyi sgra ni thabs dang shes rab kyi don rjod par byed pa'o/ /de bzhin du yang gsungs pa/ rnal 'byor thabs kyi lus dang ni/ /shes rab gcig pu dag gis min/ /thabs dang shes rab snyoms 'jug pa/ /de bzhin gshegs pas rnal 'byor gsungs zhes so/ /de'i phyir rgyud gang la thabs dang shes rab kyi bdag nyid kyi brjod par bya ba yod pa'i rgyud de ni don dam par shes rab kyi rgyud kyang ma yin la thabs kyi rgyud kyang ma yin no/ /'jig rten gyi kun rdzob tu me long lta bu'i ye shes la sogs pa'i dbye bas phung po dang khams rnam par dag pa las thabs dang shes rab kyi phyogs su dbang po rtul po'i sems can gyi bsam pa'i dbang gis de bzhin gshegs pas gsungs so/ /de bzhin du rnal 'byor ma'i ming can la yang ngo / /'dir 'di la rnal 'byor gyi ngang tshul yod pa'i phyir rnal 'byor pa'o/ /de bzhin du rnal 'byor ma yang ngo / /de'i phyir gzhan la ltos pa nyid las rnal 'byor gyi rgyud dang rnal 'byor ma'i rgyud du yang 'gyur ro/ /des na don dam pa'i bden pas thabs dang shes rab kyi bdag nyid can rnal 'byor gyi rgyud rigs med pa dus kyi 'khor lo'o/ /rdo rje 'dzin pa'i ye shes kyi sku mngon du gyur pa'i mtshan yang dag par brjod pas 'khyud pa zhes pa ni dang po'i sangs rgyas mngon par brjod pa nyid kyi phyir ro/ / 'dir ji ltar mtshan yang dag par brjod pa 'das pa dang ma 'ongs pa dang da ltar byung ba'i de bzhin gshegs pa rnams kyis gsungs pa dang gsung bar 'gyur ba dang gsung ba de bzhin du dang po'i sangs rgyas kyang ngo / / dang po'i sgras ni thog ma dang tha ma med pa'i don to/ /thog ma med pa'i dus su thog ma med pa'i sangs rgyas kyis bstan pa dang ston par 'gyur ba dang ston pa ste de bzhin gshegs pa mar me mdzad dang shAkya thub pa 'ba' zhig gis gsungs pa ni ma yin no/ /'dir phyag na rdo rjes/ 'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba rdzogs sangs rgyas/ /yang yang gsung ba gang yin dang / /rgyud chen sgyu 'phrul dra ba 'dir/ /rdo rje 'chang chen gsang sngags 'chang / /dpag med dgyes pa rnam dag gis/ /gang yang yang dag glur blangs pa zhes gsungs so/ /mtshan yang dag par brjod pa gsol ba 'debs pa'i tshig 'di'i phyir de bzhin gshegs pa thams cad kyis sngags kyi theg pa gsungs pa yin no/ /'dir 'dus pa las de bzhin gshegs pa mar me mdzad nas shAkya thub pa'i bar du de bzhin gshegs pa gang gis kyang sngags kyi theg pa ma gsungs so zhes pa gang yin pa de ni de'i tshe de'i dus na zhes pa ste/ 'phags pa'i yul du chos ston pa'i dus na rigs bzhi'i mngon pa'i nga rgyal dang ldan zhing skal ba med pa'i sems can rnams kyi bsam pa'i dbang gis 'phags pa'i yul du 'khor rnams la ma bstan te/ dus gzhan du yul gzhan gyi 'jig rten gyi khams kyi 'khor la yang ma bstan pa ni ma yin no/ /de bzhin gshegs pa'i gsung 'di'i phyir de bzhin gshegs pa thams cad theg pa gsum ston par byed pa po yin no/ /rnam pa gzhan du na thams cad mkhyen pa nyid du mi 'gyur te/ rdo rje'i theg pa ston par byed pa po nyid ma yin pa'i phyir ro/ /de'i phyir sems can gyi bsam pa'i dbang gis de bzhin gshegs pa thams cad theg pa gsum ston par byed pa po dang chos kyi phung po brgyad khri bzhi stong ston par byed pa po yin no/ /de'i phyir rdo rje 'dzin pa'i ye shes kyi sku mngon du gyur pa'i mtshan yang dag par brjod pas 'khyud pa'o/ /rgyud kyi rgyal po thams cad kyi rdo rje'i tshig mngon du gyur pa zhes pa ni rdo rje theg pa 'dir sems can gyi bsam pa'i dbang gis rgyud kyi rgyal po thams cad la rdo rje'i tshig tu sbas te bzhi pa de yang de bzhin no zhes de bzhin gshegs pas gsungs pa'i phyir ro/ / bzhi pa ni gsum pa ma yin te bzhi pa zhes gsungs pa'i phyir ro/ /de yang de bzhin no zhes gsungs pa'i phyir shes rab ye shes de nyid bzhi par 'gyur ro/ /bcom ldan 'das kyi gsung 'di'i phyir rdo rje'i tshig tu sbas pa yin no/ /rgyud kyi rgyal po thams cad la rdo rje'i tshig rab tu gsal ba ma yin zhing bla ma brgyud pa'i rim pas rtogs par bya ba yin te rgyud ni rgyud gzhan dag gis rtogs par bya zhes de bzhin gshegs pas gsungs pa'i phyir ro/ /sngags kyi tshul 'di la rdo rje'i tshig rnam pa gnyis te gcig ni 'jig rten pa'i kun rdzob yin la gnyis pa ni don dam pa'o/ /de dag las 'jig rten kun rdzob kyi rdo rje'i tshig ni gsod pa la sogs pa'i las la dam tshig grub pa ster bar byed pa'o/ /don dam pa'i bden pa'i rdo rje'i tshig ni bzhi pa de yang de bzhin te/ phyag rgya chen po'i dngos grub gyi 'bras bu ster bar byed pa'o/ /dang po'i sangs rgyas 'di la rdo rje'i tshig de dag nyid rab tu gsal bar bstan pa dang bshad pa dang rab tu bshad pa dag gis bcom ldan 'das kyis gsal bar mdzad do/ /de nyid bsgrub pa la phyag rgya chen po bsgom pa du ba la sogs pa mtshan ma'i lam rab tu gsal bar mdzad de/ stong par rtse gcig yid byas te/ /nyi ma gcig ni yongs su brtag ces pas so/ /bcom ldan 'das kyi gsung 'di'i phyir mchog gi dang po'i sangs rgyas la rdo rje'i tshig phyag rgya chen po bsgom pa'i lam du ba la sogs pa rab tu gsal ba yin gyi bla ma rgyud pa'i rim pas 'ongs pa ma yin la bla ma'i bkas byin gyis brlabs pa yang ma yin no/ /lam 'di la yang nyin dang mtshan mor yid ches pa yod te nyi ma gcig ni yongs su brtag ces bcom ldan 'das kyis gsungs pa'i phyir ro/ /'dir du ba la sogs pa'i mtshan ma bor nas gzhan sngags la sogs pa'i bsgrub thabs nyi ma gcig gis rnal 'byor pas yongs su brtag par bya ba ma yin no/ /mtshan ma yang rnam pa gsum ste dang po'i mtshan ma dang / bar ma'i mtshan ma dang / tha ma'i mtshan ma'o/ /dang po'i mtshan ma ni du ba la sogs pa'i lam dang sbyor ba yan lag drug gis sku rdzogs pa'i 'gyur ba med pa'i skad cig thob pa'o/ /bar ma'i mtshan ma ni mchog tu mi 'gyur ba'i skad cig brgya phrag bcwa brgyad kyis sa dang po thob pa dang mngon par shes pa lnga dang ma mthong ba'i don yang dag par mthong ba dang / 'jig rten pa'i dngos grub thob pa'o/ /tha ma'i mtshan ma ni sangs rgyas nyid dang rdo rje 'chang nyid de mchog tu mi 'gyur ba'i skad cig drug brgya lhag pa'i stong phrag nyi shu rtsa gcig gis sa bcu gnyis pa thob nas phyag rgya chen po'i dngos grub thob pa'o/ /rdo rje'i tshig la sogs pa mtshan ma sngon du 'gro ba can 'di dag rab tu gsal bar rgyud kyi rgyal po mchog gi dang po'i sangs rgyas las bcom ldan 'das kyis gsungs so/ /de'i phyir rgyud ni rgyud gzhan tshol ba rnams la rgyud kyi rgyal po thams cad kyi rdo rje'i tshig mngon du gyur pa'o/ /sangs rgyas rin chen za ma tog kha 'byed pa zhes pa la sangs rgyas rin chen ni mchog tu mi 'gyur ba'i bde ba yin la za ma tog ni rdo rje dang pad ma ste sangs rgyas rin chen za ma tog go/ de nyid rgyud kyi rgyal po gang gis kha 'byed pa de ni sangs rgyas rin chen za ma tog kha 'byed pa'o/ /'jig rten dang 'jig rten las 'das pa'i bden pa la rten pa zhes pa la 'jig rten pa'i bden pa ni dkyil 'khor gyi 'khor lo rnam par rtog pa'i bsgom pa skyed pa'i rim pas 'jig rten pa'i dngos grub bsgrub par byed pa'o/ /'jig rten las 'das pa'i bden pa ni du ba la sogs pa'i mtshan ma dang rnam par mi rtog pa'i sems rdzogs pa'i rim pas phyag rgya chen po'i dngos grub sgrub par byed pa'o/ /rdzogs pa'i rim pa ni lhan cig skyes pa rnam par mi rtog pa ste rnam pa thams cad du zhal dang phyag dang kha dog dang dbyibs kyi rtog pa dang bral ba'o/ /bden pa 'di dag la rten pa ni 'jig rten dang 'jig rten las 'das pa'i bden pa la brten pa ste lam gnyis ka ston pa'i phyir ro/ /mngon par rdzogs par byang chub pa bzhi dang rdo rje bzhis yongs su dag pa zhes pa ni skad cig gcig gis mngon par rdzogs par byang chub pa dang / rnam pa lngas mngon par rdzogs par byang chub pa dang / rnam pa nyi shus mngon par rdzogs par byang chub pa dang / sgyu 'phrul dra bas mngon par rdzogs par byang chub pa ste 'di rnams kyis yongs su dag pa ni mngal skyes bskyed pa'i rim pa dang du ba la sogs pa sku rdzogs pa rdzogs pa'i rim pas so/ /de ltar mngon par rdzogs par byang chub pa bzhis yongs su dag pa'o/ /sku bzhi dang rigs drug dang bden pa bcu gnyis dang de kho na nyid bcu drug dang stong pa nyid bcu drug dang snying rje bcu drug dang 'jig rten dang 'jig rten las 'das pa'i dbang dang las dang ye shes dang phyag rgya chen po'i dngos grub gyi lam rab tu gsal bar byed pa zhes pa la/ sku bzhi ni dag pa dang chos dang longs spyod rdzogs pa dang sprul pa rnams mngal skyes rnams kyi bzhi pa dang / shin tu gnyid log pa dang / rmi lam dang sad pa'i gnas skabs kyi mtshan nyid can te de dag kyang sangs rgyas rnams kyi sgrib pa dang bral ba'o rigs drug ni mi 'gyur ba'i bde ba ye shes kyi khams dang / rnam par shes pa nam mkha'i khams dang / 'du byed rlung gi khams dang / tshor ba me'i khams dang / 'du shes chu'i khams dang / gzugs sa'i khams te mngal skyes rnams kyi rigs drug sgrib pa dang bcas pa yin la sangs rgyas rnams kyi sgrib pa dang bral ba'o/ /bden pa bcu gnyis ni ma rig pa dang / 'du byed dang rnam par shes pa dang / ming dang gzugs dang / skye mched drug dang / reg pa dang / tshor ba dang sred pa dang / len pa dang / srid pa dang / skye ba dang / rga shi ste mngal skyes rnams kyi bden pa bcu gnyis ni sgrib pa dang bcas pa yin la sangs rgyas rnams kyi sgrib pa dang bral ba'o/ /'pho ba bcu gnyis kyi srog gi dbye bas srog gi rlung rgyu ba'i phyir mngal nas skyes pa rnams kyi sgrib pa dang bcas pa'o/ /yan lag bcu gnyis 'gags pa'i phyir sangs rgyas rnams kyi ni sgrib pa dang bral ba'o/ /de kho na nyid bcu drug ni sprul pa'i sku dang / sprul pa'i gsung dang / sprul pa'i thugs dang / sprul pa'i ye shes dang / longs spyod rdzogs pa'i sku dang / longs spyod rdzogs pa'i gsung dang / longs spyod rdzogs pa'i thugs dang / longs spyod rdzogs pa'i ye shes dang / chos kyi sku dang / chos kyi gsung dang / chos kyi thugs dang / chos kyi ye shes dang / lhan cig skyes pa'i sku dang / lhan cig skyes pa'i gsung dang / lhan cig skyes pa'i thugs dang / lhan cig skyes pa'i ye shes te/ dga' ba dang / mchog dga' dang / khyad par gyi dga' ba dang / lhan cig skyes pa'i dbye bas de kho na nyid bcu drug mngal skyes rnams kyi ni sgrib pa dang bcas pa yin te bcu drug phyed phyed thig le 'dor ba'i phyir ro/ /sangs rgyas rnams kyi ni sgrib pa dang bral ba yin te bcu drug phyed phyed thig le 'dzin pa nyid kyi phyir ro/ /stong pa nyid bcu drug ces pa ni nag po'i phyogs dang nyi ma dang shes rab bo/ /snying rje bcu drug ces pa ni dkar po'i phyogs dang zla ba dang thabs so/ /stong pa nyid la dbye ba gsum ste/ stong pa nyid dang / chen po stong pa nyid dang / don dam pa stong pa nyid do/ /de la stong pa nyid ni phung po lnga stong pa nyid de nag po'i tshes gcig la sogs pa tshes lnga'o/ /chen po stong pa nyid ni khams lnga stong pa nyid de drug pa la sogs pa tshes lnga'o/ /don dam pa stong pa nyid ni dbang po lnga stong pa nyid de bcu gcig pa la sogs pa tshes lnga'o/ /de nas gnam stong gi mthar thug pa tshes bcwo lnga ni stong pa nyid bcwa lnga'o/ /gnam stong gi mtha' dang dkar po'i tshes gcig 'jug pa'i dang po'i dbus su bcu drug pa rnam pa thams cad stong pa nyid do/ /de bzhin du snying rje rnam pa gsum ste/ sems can la dmigs pa dang / chos la dmigs pa dang / dmigs pa med pa'o/ /de la sems can la dmigs pa ni dkar po'i tshes gcig la sogs pa tshes lnga'o/ /chos la dmigs pa ni drug pa la sogs pa tshes lnga'o/ /dmigs pa med pa ni bcu gcig pa la sogs pa tshes lnga ste nya'i mthar thug pa'o/ /nya'i mtha' dang nag po'i tshes gcig 'jug pa dang po'i dbus su snying rje bcu drug pa'o/ /'di dag gcig pa nyid ni stong pa nyid bcu drug dang snying rje bcu drug gi bdag nyid brjod par bya ba ste de'i rjod par byed pa'o/ /'jig rten dang 'jig rten las 'das pa'i mngon par dbang bskur ba zhes pa la re shig 'jig rten pa ni chu dang / cod pan dang / dar dpyangs dang / rdo rje dril bu dang / brtul zhugs chen po dang / ming dang / rjes su gnang ba dang / bum pa dang / gsang ba dang / shes rab ye shes te mngal nas skyes pa rnams kyi 'jig rten kun rdzob kyi dbang bcu ni lus dang ngag dang sems dang ye shes dang khams dang phung po dang / skye mched dang las kyi dbang po la sogs pa yongs su dag par bya ba'o/ /'jig rten las 'das pa bcu gcig pa ni bzhi pa de yang de bzhin no zhes pa'i nges pas phyag rgya chen po mchog tu mi 'gyur ba'i ye shes kyi mtshan nyid bla ma'i zhal las lus dang ngag la sogs pa sgrib pa med pa nyid kyis sbyong bar byed pa'o/ /las dang ye shes dang phyag rgya chen po'i dngos grub ces pa la las kyi phyag rgya ni nu ma dang skrar ldan pa'o/ /ye shes kyi phyag rgya ni rang gi sems kyis yongs su brtags pa'o/ /phyag rgya chen mo ni rnam par rtog pa dang bral ba pra phab pa'i rang bzhin can no/ /'di rnams kyi dngos grub ni rnam pa gsum ste/ 'dod pa na spyod pa ni las kyi phyag rgya'i dngos grub bo/ /gzugs kyi srid pa'i dngos po'i mtshan nyid ni ye shes kyi phyag rgya'i dngos grub bo/ /dngos po dang dngos po med pa dang bral ba rnam pa kun gyi mchog dang ldan pa ni phyag rgya chen po'i dngos grub bo/ /sku bzhi la sogs pa 'di dag gi 'jig rten dang 'jig rten las 'das pa'i lam rab tu gsal bar byed pa ni mchog gi dang po'i sangs rgyas so/ /de ltar brjod pa'i rim pas 'jig rten gyi khams dang nang dang dbang dang bsgrub thabs dang ye shes te le'u lnga'i bdag nyid dam brtag pa lnga'i bdag nyid mi la sogs pa'i sems can mtha' dag gis yang dag par rdzogs pa'i sangs rgyas nyid thob pa'i phyir yang dag par bstan to zhes pa ni yang dag pa'i rnam pas te rdo rje'i tshig tu sbas pa'i rnam pas ni ma yin no/ /mchog gi dang po'i sangs rgyas 'di las bsdus pa'i rgyud yang dag par sdud par byed pa la 'jam dpal dang / ma 'ongs pa'i dus su tshangs pa'i drang srong rnams gdul bar bya ba'i don du 'grel bshad byed pa la bdag dang / rgyud ston par byed pa la gshin rje mthar byed la sogs pa rnams dang / sham b+ha la'i yul la sogs pa grong bye ba phrag dgu bcu rtsa drug na gnas pa'i sems can thams cad theg pa chen po'i lam thob pa la de bzhin gshegs pas lung bstan to zhes pa ni mchog gi dang po'i sangs rgyas stong phrag bcu gnyis pa 'di las bsdus pa'i rgyud yang dag par sdud par byed pa la 'jam dpal de bzhin gshegs pas lung bstan to/ /ma 'ongs pa'i dus su grong khyer ka lA par gnas pa'i tshangs pa'i drang srong bye ba phrag phyed dang bzhi rnams gdul bar bya ba'i don du bsdus pa'i rgyud kyi 'grel bshad byed pa la 'jig rten dbang phyug bdag kyang lung bstan la/ gzhan khro bo'i rgyal po dang byang chub sems dpa' nyi shu rtsa gsum po dag kyang ngo / /grong bye ba phrag dgu bcu rtsa drug na gnas pa'i sems can thams cad sprul pa'i sku bsdus pa'i rgyud ston par byad pa pos theg pa chen po'i lam thob par byed pa la lung bstan to/ /theg pa chen po'i lam ni 'jam dpal gyis rdo rje'i rigs kyi bum pa dang gsang ba dang shes rab ye shes kyi dbang bskur ba ste de 'thob par byed pa la ni/ theg pa chen po'i lam thob par byed pa la'o/ /bum pa dang gsang ba dang shes rab ye shes kyi dbang bskur ba 'di las rigs thams cad rigs gcig tu 'gyur ro/ /rigs de 'di la yod pa'i phyir rigs ldan no/ /de'i rigs ni rigs ldan gyi rigs te sngags pa mtha' dag rdo rje'i rigs kyi dbang bskur ba'i phyir ro zhes bya ba nges pa'i don to/ /de ltar 'jam dpal grags pa ni rigs ldan du lung bstan cing / grags pa 'di'i rigs la 'jig rten dbang phyug bdag rigs ldan gnyis par lung bstan to/ /de bzhin du rim pa ji lta bar gshin rje mthar byed la sogs pa'i khro bo bcu dang sa'i snying po la sogs pa'i byang chub sems dpa' bcu gsum po rnams te/ gshin rje mthar byed la sogs pa khro bo'i rgyal po de dag gi bar bar du byang chub sems dpa' bcu gsum po rnams lung bstan pa/ sprul pa'i skus grong bye ba phrag dgu bcu rtsa drug na gnas pa rnams kyi rgyal por gyur pa/ sems can mtha' dag la de bzhin gshegs pa'i chos rab tu ston par mdzad pa/ kla klo la sogs pa'i chos ngan pa 'joms par mdzad pa/ skyes bu chen po'i mtshan sum bcu rtsa gnyis dang dpe byad brgyad bcu dang ldan pa/ mngon par shes pa lnga la sogs pa dbang phyug gi yon tan yongs su rdzogs pa'o/ /de'i phyir mchog gi dang po'i sangs rgyas 'di las bsdus pa'i rgyud yang dag par sdud par byed pa la 'jam dpal dang 'grel bshad byed pa la bdag dang chos ston pa la gshin rje mthar byed la sogs pa rnams lung bstan to/ /bsdus pa'i rgyud gyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las brjod bya dang rjod byed dang 'brel pa dang dgos pa dang dgos pa'i dgos pa mngon par gzigs nas bcom ldan 'das kyis rgyud bstan pa'i mdor bsdus te gnyis pa'o// // da ni 'dir ston pa po dang gsol ba 'debs pa po'i 'brel pa yang brjod par bya'o/ /gal te na snga ma dang phyi mar rgyud kyi 'grel bshad ma thos pa'i tshig 'byung bar 'gyur te/ rdo rje'i theg pa 'di la ro ldan na gnas pa'i gnod sbyin gyi bdag po chen po byang chub sems dpa' chen po phyag na rdo rje de bzhin gshegs pa la gsol ba 'debs pa dang / yang dag par sdud par byed pa po ma yin nam/ ji ltar sham b+ha la'i yul ka lA pa'i grong gi bdag po nyi ma'i 'od kyi lha mo rnam par rgyal ma'i mngal nas byung ba rgyal po zla ba bzang po gsol ba 'debs pa por gyur/ rgyud gzhan 'ga' zhig tu yang ma thos shing lung bstan pa med pa'i phyir phan tshun ston pa po dang gsol ba 'debs pa po 'grel ba 'gal lo zhe na/ de'i phyir brjod par bya ste/ 'dir sngags kyi theg pa la mngal nas byung ba de bzhin gshegs pa la gsol ba 'debs pa por mi 'gyur ro zhes gang 'ga' zhig gis brjod pa de ni ma yin te/ gang gi phyir bcom ldan 'das kyang mngal nas byung ba nyid yin pa'i phyir ro/ /sngags kyi theg pa 'di la gal te mngal nas byung ba de bzhin gshegs pa la gsol ba 'debs pa po dang sdud pa por mi 'gyur na/ de'i tshe shAkya'i rigs mi'i dbang po zas gtsang ma'i lha mo sgyu 'phrul chen mo'i lhums nas bltams pa shAkya thub pa thams cad mkhyen pa ston pa por mi 'gyur te/ mngal nas byung ba nyid yin pa'i phyir ro/ /yang 'ga' zhig gis smras pa/ des sngar bdud bcom pa byas shing byang chub skyed te de nas thams cad mkhyen pa chos ston par byed pa por gyur to/ /mya ngan las 'das pa'i rjes la yang mngal du 'jug pa med do zhes pa'i tshig las ni shin tu 'gal ba ste rang ma grub pa gzhan gyi sgrub byed ma yin pa'i phyir ro/ /'dir dang por sangs rgyas nyid med na lha dang mi dang lha ma yin gyi nang nas gang gis kyang bdud 'joms par mi byed do/ /dang por mngon par rdzogs par sangs rgyas par yang mi byed de/ sgrib pa thams cad med pa yin pa'i phyir ro/ /cig car yang mi byed de gang gi tshe bdud yod pa de'i tshe sangs rgyas nyid ma yin te sems sgrib pa dang bcas pa'i phyir ro/ /gang gi tshe sangs rgyas nyid yin pa de'i tshe bdud med de sems sgrib pa dang bral ba'i phyir ro zhes pa las gzhan pa ci yod/ las kyi sa 'dir sangs rgyas bcom ldan 'das ma gtogs pa bud med kyi mngal nas skyes pa gzhan ni skyes bu chen po'i mtshan sum bcu rtsa gnyis dang dpe byad brgyad bcu dang mdzod spu sum bcu rtsa gnyis yongs su 'khyil pa dang mngon par shes pa drug dang ldan pa ma yin no/ / de'i phyir bdud ces bya ba ni sems can rnams kyi 'khor ba'i sems kyi bag chags kyi dri ma'o/ /sangs rgyas nyid ces bya ba ni 'khor ba'i bag chags dang bral ba'i sems so/ /de ltar yang bcom ldan 'das kyis shes rab kyi pha rol tu phyin pa las/ sems gang zhig yod pa'i sems de ni sems ma yin no zhes rang bzhin gyis 'od gsal bar gsungs te de nyid ni 'khor ba'i bag chags dang bral ba'o/ /de'i phyir bdud ni dri ma dang bcas pa'i sems yin la sangs rgyas nyid ni dri ma med pa'i sems yin no/ /'dir phyi rol du sangs rgyas kyis bdud bcom pa gang yin pa de ni rmi lam bzhin du sems can rnams kyi rang gi sems kyi snang ba yin no/ /don dam par de bzhin gshegs pa'i thugs ni le'u lnga par rgyas par brjod par bya'o/ /'dir sems can gyi don du sangs rgyas dang byang chub sems dpa' rnams 'khor bar 'jug pa ni 'khor ba pa rnams kyis brjod par bya ba ma yin no/ / 'jig rten dbang phyug bdag sems can gyi don la dmyal bar zhugs pa'i dus su gshin rje'i pho nya rnams dang gshin rje'i rgyal po rnams kyis bstod pa brjod pa/ gang zhig srid pa'i 'ching ba rnams las grol yang sems can don du srid pa 'dzin/ /de ni stong pa'i don dag ston mdzad dus las las kyi 'bras bu gtong ma yin/ /sems kyi dri ma yang dag ye shes mes bsregs rtag tu yang dag brtse bas brlan/ /mdzad spyod brtag min sems can don la dgyes pa'i sangs rgyas de la bdag cag 'dud ces pa'o/ /de'i phyir sems can gyi don gyi ngo bor sangs rgyas dang byang chub sems dpa' rnams mngal du 'jug pa 'am dmyal bar gshegs pa ni byis pa'i skye bo rnams kyis rnam par brtag par mi nus so/ /pha rol du phyin pa bcu bsgrubs pa sa bcu'i dbang phyug dbang bcu thob pa'i byang chub sems dpa' gcig gis kyang stong gsum gyi stong chen po'i 'jig rten gyi khams su sprul pa'i sku du ma dag gis byang chub sems dpa'i gdul bya rnams la byang chub sems dpa'i chos ston par byed te byang chub sems dpa' chen po de du ma ni ma yin no/ /de bzhin du sngon gyi smon lam gyi stobs kyis bsod nams dang ye shes kyi tshogs yongs su rdzogs shing mi 'jigs pa la sogs pa'i dbang phyug gi yon tan thams cad phun sum tshogs pa'i sangs rgyas bcom ldan 'das ni sangs rgyas kyi zhing stong gsum gyi stong chen po'i 'jig rten gyi khams rnams su sgyu ma'i sprul pa'i sku sgrib pa dang bral ba mtha' yas pa mtha' yas pa dag gis/ sems can mtha' yas pa mtha' yas pa dag gi skad mtha' yas pa mtha' yas pa dag gis gsol ba 'debs pa po sna tshogs kyis gsol ba btab pa na/ sems can thams cad kyi skad la rab tu 'jug pa thams cad mkhyen pa'i skad kyis 'jig rten dang 'jig rten las 'das pa'i chos ston par mdzad de thams cad mkhyen pa de du ma ni ma yin no/ /dper na sgyu ma'i skyes bu chen po 'ga' zhig gis sgyu ma'i gzugs du ma sprul te des sprul pa'i gzugs de dag gis shing rnams rtsa ba nas 'byin par byed cing ri'i rtse mo yang bskyod par byed la/ lha chen po'i gzugs lta bu dang khyab 'jug lta bus lha sbyin la sogs pa 'ching bar byed de sgyu ma'i skyes bu chen po de du ma ni ma yin no/ /de bzhin du sangs rgyas dang byang chub sems dpa' rnams kyi sgyu ma'i sprul pa'i sku dag gis srid pa gsum du sems can gyis don mdzad pa'o/ /des na sems can thams cad la 'jig rten dang 'jig rten las 'das pa'i chos bstan pa'i phyir sangs rgyas bcom ldan 'das sngar sa bcu gnyis kyi dbang phyug tu gyur pa mkhas pa sgyu 'phrul chen po 'chang ba sgyu 'phrul chen po'i mig 'phrul dang ldan pa 'phags pa'i yul lum bi nir shAkya'i rigs mi'i dbang po zas gtsang ma'i lha mo sgyu 'phrul chen mo'i lhums nas bltams pa ni gzhon nu don grub yin la/ sa bcu'i dbang phyug phyag na rdo rje yang sham b+ha la'i yul ka lA pa'i grong du nyi ma'i 'od kyi lha mo rnam par rgyal ma'i mngal nas 'khrungs pa zla ba bzang po'o/ /sangs rgyas bcom ldan 'das ni sangs rgyas kyi zhing du 'jig rten dang 'jig rten las 'das pa'i chos bstan pa'i don du sa bcu gnyis mngon du mdzad nas shAkya thub par gyur to/ /byang chub sems dpa' phyag na rdo rje ni chu bo shI ta'i byang phyogs grong bye ba phrag dgu bcu rtsa drug na gnas pa'i gdul bya rnams rgyud kyi rgyal po mchog gi dang po'i sangs rgyas kyis yang dag par rdzogs pa'i sangs rgyas kyi lam thob par bya ba'i phyir rgyal po zla ba bzang por gyur to/ /sangs rgyas dang byang chub sems dpa' 'di gnyis sprul pa'i sku 'am longs spyod rdzogs pa'i sku dag gis ston pa po dang gsol ba 'debs pa por 'brel pa yin te snga ma dang phyi ma 'gal ba med pa'i phyir ro/ /phyag na rdo rje'i sprul pa'i sku rgyal po zla ba bzang po des sems can thams cad kyis 'jig rten dang 'jig rten las 'das pa'i dngos grub bsgrub pa'i don du de bzhin gshegs pa la gsol ba btab bo/ / de bzhin gshegs pas kyang chu bo shI ta'i byang phyogs sham b+ha la la sogs pa'i yul rnams kyi grong bye ba phrag dgu bcu rtsa drug na gnas pa rnams kyi sems rnam par dag pa skal ba dang ldan pa nyid du gnas pa gzigs nas rdo rje'i tshig kha ma phye ba med pa rdo rje'i tshig rab tu gsal bar byed pa mchog gi dang po'i sangs rgyas stong phrag bcu gnyis pa yang dag par bstan to/ /ma 'ongs pa'i dus su tshangs pa'i drang srong bye ba phrag phyed dang bzhi dang / grong bye ba phrag dgu bcu rtsa drug na gnas pa rnams yongs su smin par gzigs nas/ rgyud kyi rgyal po stong phrag bcu gnyis pa 'di las bsdus pa'i rgyud byed pa dang rtsa ba'i rgyud kyi rgyal po ston par byed pa dang / rdo rje'i rigs kyi dbang bskur bas rigs thams cad rigs gcig tu byed pa la 'jam dpal grags pa rigs ldan du de bzhin gshegs pas lung bstan to/ /'grel bshad byed pa po pad ma dkar po bdag kyang rigs ldan gnyis par lung bstan to/ /de'i 'og tu bdag gi phyi nas gshin rje mthar byed la sogs pa rnams lung bstan to/ /'dir bcom ldan 'das kyis/ lo 'di nas ni drug brgya'i los/ /drang srong rnams ni smin don du/ /'jam dbyangs mi bdag grags pa ni/ /sham b+ha la zhes bya bar 'byung / /'di yi sgrol ma lha mo che/ /sras ni pad 'dzin 'jig rten dbang / /bdag gi shAkya'i rigs rgyud las/ /byung ba zla bzang khyod rigs la'o/ /smra mkhas rdo rje'i rigs dang ldan/ /grags pa rdo rje'i rigs la ni/ /rigs bzhi rigs gcig byas gang des/ /rigs ldan tshangs pa'i rigs kyis min/ / 'di skad bdag gis thos pa 'dis/ /drang srong rnams la chos bstan na/ /gzhan las thos phyir kun mkhyen min/ /zhes pa'i rtsod pa 'byung bar 'gyur/ /rnam pa gang dang gang dag gis/ /sems can rnams ni yongs smin byed/ /rnam pa de dang de dag gis/ /chos ni bstan par bya ba yin/ /sgra dang sgra nyams dag gi chos/ /rnal 'byor pas ni 'bad pas 'dzin/ /yul gyi sgra yis don rnyed pa/ /de la bstan bcos sgra yis ci/ /ji ltar sa la rin chen ming / /dbye ba tha dad tha dad ni/ /yul dang yul gyi dbang gis brjod/ /rin chen dbye ba 'gar yang med/ /de bzhin bdag gi dag pa'i chos/ /sdud par byed pa sna tshogs kyis/ / sems can bsam pa'i dbang gis ming / /sna tshogs tha dad tha dad brjod/ /des na snying po'i don bsdus 'di/ /thams cad mkhyen sogs bdag 'dod do/ /'phreng 'dzin tshigs bcad sum bcu ni/ /lhag pa'i phyogs brgya le'u lngas/ /dpal ldan rgyud dag rdzogs par ni/ /smra ba'i rgyal pos ston 'gyur te/ /sdud par byed pa po yang 'di/ /'grel bshad byed pa pad dkar 'dzin/ /rgyud 'dir drang srong rigs sogs la/ /sangs rgyas lam ni gsal byed pa/ /zla ba lha dbang gzi brjid can/ /zla bas byin dang lha dbang phyug /sna tshogs gzugs dang lha dbang ldan/ /grags pa pad dkar rim pas so/ /'das pa'i rgyal po nyi ma'i 'od/ /de ni bgegs dgra'i sprul pa ste/ /phyag na rdo rje zla bzang khyod/ /sa snying gshin rje mthar byed dang / /sgrib pa thams cad rnam sel dang / /rmugs byed khengs byed rim pa ste/ /nam mkha'i snying po 'jam dbyangs dang / /'jig rten mgon po go rim bzhin/ /gshin rje gshed sogs khro bo bcu/ /de bar byang chub sems dpa' gzhan/ /bcu gsum de dag rim pa yis/ /rigs ldan rigs la 'byung bar 'gyur/ /grags pa rigs ldan rigs kyang ste/ /de nas rigs ldan pad ma dkar/ /bzang po rigs ldan gsum pa ste/ /de bzhin bzhi pa rnam rgyal lo/ /bshes gnyen bzang po phyag dmar dang / /bdun pa khyab 'jug sbas pa'o/ /nyi ma grags dang shin tu bzang / /rgya mtsho rnam rgyal rgyal dka' dang / /rigs ldan nyi ma bcu gnyis pa/ /sna tshogs gzugs dang zla ba'i 'od/ /mtha' yas dang ni sa skyong dang / /dpal skyong seng ge rnam par gnon/ /stobs po che dang ma 'gags pa/ /mi'i seng ge dbang phyug che/ /mtha' yas rnam rgyal rigs ldan dang / /grags pa rigs ldan de nas slar/ / de sras 'khor lo chen po can/ /rigs ldan drag po 'byung 'gyur te/ /smra mkhas rta mchog ting 'dzin gyis/ /kla klo'i chos ni mthar byed pa'o/ /nyi ma'i shing rta la sogs kyi/ /smra mkhas ston pa 'byung 'gyur gang / / de yis zla bzang rtsa rgyud la/ /khyod ni bsdud par byed pa ste/ /'dir ni sems can yongs smin byed/ /khyod nyid 'grel bshad byed pa'o/ /'jam pa'i rdo rjes bsdus rgyud la/ /'grel bshad byed pa pad 'dzin rang zhes gsungs so/ /rtsa ba'i rgyud las ji ltar gsungs pa'i rim pas byang chub sems dpa' dang khro bo'i rgyal po lung bstan pa rnams grong bye ba phrag dgu bcu rtsa drug gi 'khor lo sgyur ba sngags kyi tshul ston par byed pa por de bzhin gshegs pas lung bstan to/ /de bzhin gshegs pa'i nges pa de'i phyir rtsa ba'i rgyud kyi rgyal po stong phrag bcu gnyis pa dang 'grel bshad stong phrag drug bcu pa yang sham b+ha la la sogs pa'i yul gyi skad gzhan gyis glegs bam la bris nas rgyal po zla ba bzang pos grong bye ba phrag dgu bcu rtsa drug na gnas pa rnams la rab tu bstan to/ /de dag nyid de la mos pa rnams kyis mnyan zhing glags te rang gi sems la bzung nas gzhan dag la yang rgya cher rab tu bstan to/ /rgyud bstan pa'i dus de nas lo gnyis pa la sems can rnams kyi dngos grub kyis rgyu'i slad du dkyil 'khor gyi 'khor lo dang rdzu 'phrul bstan nas sprul pa'i skus gang nas byon pa de nyid du longs spyod rdzogs pa'i skus gshegs so/ /de nas lha'i dbang gis lo brgya'i bar du rgyud ston pa mdzad de/ de bzhin du gzi brjid can dang / zla bas byin dang / lha'i dbang phyug dang / sna tshogs gzugs dang / lha'i dbang ldan gyis kyang ngo / /nam mkha'i snying po'i sprul pa'i sku lha'i dbang ldan 'di'i lha mo sna tshogs yum gyi mngal du 'jam dpal rgyal po grags par gyur te byang chub sems dpa' seng ge'i khri de la lo brgya'i bar du chos bstan to/ /de nas lo brgya rdzogs pa'i rjes la de bzhin gshegs pas lung bstan pa'i byin gyi rlabs kyi stobs kyis/ drang srong rnams yongs su smin pa'i dus su gzigs shing mngon par shes pa lnga'i stobs kyis yang dag pa'i lam thob par mkhyen nas nges pa ster bar bzhed pa'i rgyal po grags pas thams cad bos par gyur to/ /ka lA pa'i grong gi lho phyogs na ma la ya'i skyed mos tshal te rgyar dpag tshad bcu gnyis pa ka lA pa'i grong dang mnyam pa'o/ /de'i shar phyogs na nye ba'i yid kyi mtsho rgyar dpag tshad bcu gnyis pa'o/ /nub phyogs na pad ma dkar po'i mtsho tshad de dang 'dra'o/ /mtsho de gnyis kyi bar na ma la ya'i skyed mos tshal lo/ /ma la ya'i skyed mos tshul gyi dbus na rgyal po zla ba bzang pos mdzad pa bcom ldan 'das dus kyi 'khor lo'i dkyil 'khor gyi 'kho lo ste rin po che lnga'i rang bzhin lha dang lha mo'i bdag nyid yongs su grub pa gru bzhi pa/ rgyar khru bzhi brgya yod pa/ phyi rol du sku'i dkyil 'khor gru bzhi pa/ sgo bzhi pa/ rta babs bzhi dang dur khrod brgyad kyis brgyan pa/ ra ba lngas bskor ba/ phyi rol du sa la sogs pa'i dkyil 'khor bzhi dang / rdo rje phreng bas brgyan pa ste rdo rje phreng ba'i mthar thug pa'i rgyar ni khru brgyad brgya'o/ /sku'i dkyil 'khor gyi phyed kyi tshad dbus su gru bzhi pa ni gsung gi dkyil 'khor te gru bzhi pa/ sgo bzhi pa/ rta babs bzhis brgyan pa/ ra ba lngas bskor ba'o/ /gsung gi dkyil 'khor gyi phyed kyi tshad ni thugs kyi dkyil 'khor te gru bzhi pa/ sgo bzhi pa/ rta babs bzhis brgyan pa/ ra ba gsum gyis bskor ba'o/ /de'i phyed kyis ye shes kyis 'khor lo ste ka ba bcu drug gis nye bar mdzes pa'o/ /de'i phyed kyis pad ma 'dab ma brgyad pa ste pad ma'i sum cha ni lte ba'o/ /de ltar sku dang gsung dang thugs kyi dkyil 'khor rnams mtshan nyid thams cad yongs su rdzogs pa do shal dang do shal phyed pa dang yang dag par ldan pa/ rin po che'i snam bu dang / kha khyer dang / ba ku lI dang bcas pa/ me long dang zla ba phyed pa dang dril bus rnam par mdzes pa'o/ /dkyil 'khor gsum gyi bdag nyid kyi dkyil 'khor gyi khang pa der dbo'i zla ba'i nya la nyi ma'i shing rta la sogs pa tshangs pa'i drang srong bye ba phrag phyed dang bzhi la rgyal po grags pas nges pa byin pa ni nyi ma'i shing rta la sogs pa tshangs pa'i drang srong rnams bdag gi tshig thams cad mkhyen pa'i phun sum tshogs pa byed pa nyon cig /nag pa'i zla ba'i nya 'di la rig byed kyi gzhung gi nges pa skyong bar byed pa khyed rnams la bdag gis bstan pa sbyin par bya'o/ /de bas na khyed kyis yul sna tshogs pa gzhan gyi rigs dang ldan pa'i bram ze gang yin pa de dag tha dad du byas te bdag la bstan par bya'o tshig des yul sna tshogs kyi spyod pa thod par za ba dang ba lang gi sha dang ma he'i sha za ba dang chang 'thung ba dang ma la sogs pa len pa'i yul gyi tha snyad phan tshun 'gal ba dag gis rnam par dpyad pa na de dag thams cad kyang lhung bar gyur to/ / de ltar de dag 'gal bar gzigs nas rgyal po grags pas gsungs pa/ 'dir bdag gis bcom ldan 'das dus kyi 'khor lo'i dkyil 'khor gyi khang pa 'dir gzhug par bya zhing khyed rnams la 'jig rten dang 'jig rten las 'das pa'i dbang sbyin par bya'o/ /gzhan yang bdag gi bkas khyed rnams kyi rdo rje'i rigs dang lhan cig tu bza' ba dang btung ba dang bag ma blang ba'i 'brel pa dag kyang bya'o/ /ci ste khyed rnams bdag gi bka' mi byed pa de lta na bdag gi grong bye ba phrag dgu bcu rtsa drug bor la gang dang gang du khyed cag mos pa der khyed rnams song cig /rnam pa gzhan du na lo brgyad brgya 'das pa'i rjes la khyod kyi bu dang tsha bo la sogs pas kla klo'i/ chos dar bar byas nas sham b+ha la la sogs pa'i yul chen po dgu bcu rtsa drug tu kla klo'i chos ston par byed par 'gyur ro/ /kla klo'i lha bi Shi mi la la'i sngags kyis phyugs kyi ske gri gug gis bcad te de nas lha'i sngags / kyis bsad pa'i phyugs de rnams kyi sha za bar byed cing rang gi las kyis shi ba rnams kyi sha za bar mi byed par 'gyur ro/ /chos de yang khyed la tshad ma ste/ mchod sbyin don du phyugs dag spros zhes pa'i gzhung gi tshig las so/ /kla klo'i chos dang rig byed kyi chos dag la yang khyad par med de srog gcod par byed pa'i phyir ro/ /de'i phyir khyed kyi rigs kyi bu dang tsha bo la sogs pa rnams kyis kla klo de dag gi gzi byin dang g.yul du bdud gyi lha 'jug pa yang mthong nas ma 'ongs pa'i dus lo brgyad brgya 'das pa na kla klor 'gyur ro/ /de dag kla klor gyur pa na grong bye ba phrag dgu bcu rtsa drug na gnas pa'i rigs bzhi la sogs pa thams cad kyang kla klor 'gyur te skye bo chen po gang nas bgrod pa de ni lam mo zhes tshangs pa'i drang srong gis smras pa'i phyir ro/ /'dir kla klo'i chos dang rig byed kyi chos la yang lha dang pha mes kyi don du srog gcad par bya ba yin la rgyal rigs kyi chos la yang ngo / /lha dang pha mes tshim byas nas/ /sha zos skyon gyi cha yod min/ /zhes pa dang / de bzhin du/ gang zhig gdug la gdug spyod pa/ /de la skyon ni ma mthong ngo / /zhes bram zes smras pa'i phyir ro/ /de ltar rig byed kyi chos tshad mar byas nas kla klo'i chos yongs su 'dzin par 'gyur te/ rgyu des na ma 'ongs pa na kla klo'i chos mi 'jug par bya ba'i phyir khyed rnams la bdag gis nges pa sbyin no/ /de bas na khyed rnams kyis bdag gi bka' bzhin bya'o/ /zhes so/ /rgyal po grags pa'i gsung chad pa dang bcas pa'i bka' de skad brjod pa 'dis mgor thog lhung ba bzhin gyur pa'i tshangs pa'i drang srong rnams kyis nyi ma'i shing rta la smras pa/ kye nyi ma'i shing rta khyod kyis mi'i dbang po grags pa la bdag cag ni rig byed las bshad pa rigs kyi chos dor nas rdo rje'i rigs kyi dbang bskur ba'i chos la mi 'jug ste de bas bdag cag khyod kyi bkas shI ta dang kha ba can gyi lho lang ka'i gling gi byang 'phags pa'i yul du 'gro ba mchog go zhes zhu ba mdzod cig ces so/ /tshangs pa'i drang srong de dag gi tshig nyi ma'i shing rtas mi'i dbang po grags pa la/ kye rgyal po chen po mchog gi rgyal po dbang phyug dam pa skyes bu chen po'i mtshan sum bcu rtsa gnyis dang dpe byad brgyad bcu'i yan lag yongs su rdzogs pa dpal shAkya'i rigs kyi thig le mchog gi thugs rje can rang rang gi rigs kyi chos la zhugs pa rnams la thugs rje mdzod cig /ci ste bdag cag gis gdon mi za bar khyod kyi bka' bzhin bya ba yin pa de lta na bdag cag rdo rje'i rigs kyi dbang skur la 'jug par mi bgyi ste khyod kyi bkas chu bo shi tA'i lho kha ba can dang lang ka'i gling gi bar 'phags pa'i yul du 'gro ba mchog go zhes zhus so/ /de nas nyi ma'i shing rta'i tshig gis rgyal po grags pas khyed rnams sham b+ha la'i yul nas myur du byung la song shig /gang gi chu bo shI ta'i byang phyogs grong bye ba phrag dgu bcu rtsa drug na gnas pa'i sems can thams cad srog gcod pa la sogs pa mi dge ba'i lam yongs su btang nas bcom ldan 'das dus kyi 'khor lo'i byin rlabs kyis yang dag pa'i ye shes kyi lam thob par 'gyur ro zhes smras so/ / rgyal po grags pa'i bka' des ka lA pa'i grong nas nges par byung ba'i tshangs pa'i drang srong de dag thams cad nyi ma bcu pa la nags tshal gyi nang du rab tu zhugs so/ /nags tshal gyi nang du rab tu zhugs pa de dag thams cad rgyal po grags pas mngon par shes pa lnga'i stobs kyis mkhyen te/ ji ltar tshangs pa'i drang srong 'di dag 'phags pa'i yul du song na grong khyer bye ba phrag dgu bcu rtsa drug na gnas pa'i sems can thams cad mi bzad pa'i sems dang ldan par 'gyur te/ 'dir rgyu gang zhig rdo rje'i theg par gsungs pa yang dag pa'i ye shes kyi lam ma yin pa'i rgyu des drang srong thar pa don du gnyer ba 'di dag thams cad dpal rgyal po grags pa'i 'jigs pas rang gi gnas yongs su btang ste rang gi gnyen bshes bzung nas 'phags pa'i yul du song ngo zhes rgyal rigs la sogs pa'i skye bo rnams sems par byed cing skal ba ngan par 'gyur te zab pa dang rgya che ba'i chos kyi snod la sems legs pa dang mi ldan pa'i phyir ro/ /de ltar sems can thams cad kyi rang gi sems kyi bsam pa mkhyen nas mi'i dbang po grags pas khyab 'jug dang tshangs pa dang drag po'i rigs thams cad rmongs par byed pa zhes bya ba'i ting nge 'dzin la snyoms par zhugs so/ /ting nge 'dzin de dang lha'i byin gyi rlabs kyi stobs kyis drang srong de dag thams cad nags tshal de nyid du rmongs par gyur pa dang nags tshal de na gnas pa'i ri khrod pa la sogs pa rnams kyis drang srong thams cad bcings nas slar yang dkyil 'khor gyi khang pa nyid du khyer 'ongs te mi'i dbang po grags pa'i zhabs kyi drung du dor ba dang rab tu sad de mi'i dbang po grags pa dang / dkyil 'khor gyi khang pa de nyid dang ma la ya'i skyed mos tshal mthong bar gyur to/ /de mthong ba na ya mtshan thob nas e ma ho/ 'di ni ngo mtshar che ste bdag cag rab tu ma sad par nags tshal chen po nas/ dkyil 'khor gyi khang pa chen por sus khyer te 'ongs zhes pa'i tshig 'di smras so/ /tshangs pa'i drang srong rnams kyi tshig de lta bu 'di rgyal po grags pa'i blon po sprul pa'i sku rgya mtsho'i blo gros kyis thos nas smras pa/ kye nyi ma'i shing rta la sogs pa tshangs pa'i drang srong rnams ya mtshan par ma byed cig /rgyal po grags pa 'di ni phyogs gcig pa ma yin te khyed rnams rjes su gzung ba'i don du sangs rgyas kyi byin gyis brlabs kyis byung ba'i byang chub sems dpa' chen po zhig go/ de'i phyir 'di'i zhabs la skyabs song la rgyud kyi rgyal po dang po'i sangs rgyas la 'jig rten dang 'jig rten las 'das pa'i dngos grub sgrub pa'i lam dbang bskur bar gsol ba thob cig ces so/ /de nas rgya mtsho'i blo gros kyi tshig de dang sangs rgyas kyi byin gyis brlabs kyis nyi ma'i shing rta la sogs pa tshangs pa'i drang srong rnams rab tu sad de tshig 'di smras pa/ legs so legs so/ /rgya mtsho'i blo gros khyod kyi tshig gang gis bdag cag gis sems rab tu sad par gyur to/ /de'i phyir nga ni dkon mchog gsum la skyabs su song ste sems can mtha' dag gis skye ba 'di nyid la yang dag par rdzogs pa'i sangs rgyas thob par bya ba'i slad du rgyud kyi rgyal po dus kyi 'khor lo la 'jig rten dang 'jig rten las 'das pa'i dngos grub sgrub pa'i lam dbang bskur bar gsol ba gdab par bgyi'o zhes so/ /de skad smras nas drang srong de rnams kyis tshangs pa'i rigs kyi rgyal po nyi ma'i shing rta la bos te/ kye nyi ma'i shing rta khyod ni rig byed la sogs pa'i bstan bcos kyi glegs bam gcig pu 'jig rten dang 'jig rten las 'das pa'i bstan bcos thams cad kyi gzhal bya 'dzin pa'i thugs can no/ /des na bdag cag gi gsol ba 'debs pa'i tshig gis rgyal po grags pa la gsol ba gdab pa byos shig /bdag cag kyang maN+Dal sngon du 'gro ba can gyis skyabs su song ste thams cad kyis gsol ba gdab par bgyi'o/ / de nas tshangs pa'i drang srong gi tshig des nyi ma'i shing rtas rin chen gser gyi rang bzhin gyi me tog rnams kyis maN+Dal byas nas mi'i dbang po grags pa'i zhabs kyi drung du rin po che'i me tog gi snyim pa gtor te/ pus mo gnyis sa la btsugs shing lag pa gnyis spyi bor son pas tshangs pa'i drang srong rnams dang thabs gcig tu grags pa'i zhabs la phyag 'tshal nas/ pus mo g.yas pa'i lha nga sa la btsugs shing thal mo sbyar ba dpral bar bkod te mi'i dbang po grags pa la gsol ba btab pa/ bcom ldan 'das gang du mtshams med pa lnga byed pa po rnams kyang skye ba 'di nyid la sangs rgyas nyid thob par lung ston zhing bcom ldan 'das rdo rje 'dzin pa'i mchog tu mi 'gyur ba'i bde bas yang dag par bsdus pa'i phyag rgya chen po 'thob par lung ston pa rgyud kyi rgyal po dang po'i sangs rgyas bstan du gsol/ de bzhin gshegs pas rgyal po zla ba bzang po la bstan pa'i dang po'i sangs rgyas stong phrag bcu gnyis pa gang yin pa de nyid gzhung nyung ngus dang po'i sangs rgyas rgyud kyi rgyal po bsdus pa 'di yang dag par bsdu ba mdzad nas tshangs pa'i drang srong rnams la ston pas bstan du gsol zhes so/ /de nas nyi ma'i shing rtas gsol ba btab pa gsan nas tshangs pa'i drang srong rnams kyi mos pa'i sems kyi dbang gi phyir de bzhin gshegs pa'i byin gyi rlabs kyi stobs kyis bsdus pa yang dag par sdud par mdzad pa po nyid kyis phreng ba 'dzin pa'i tshigs su bcad pa thams cad mkhyen pa ston pa po la sogs pa'i yang dag par sdud par byed pa dag gis rgyud kyi rgyal po ston par mdzad do/ /sgra bzang po smra ba de dag rnams kyi sgra bzang po la zhen pa spang ba'i slad du don la stod pa nyid la brten te tshigs su bcad pa kha cig tu zur chag gi sgra dang / tshigs su bcad pa kha cig tu gcod 'tshams nyams pa dang / kha cig tu rnam dbye med pa'i tshig dang / kha cig tu dbyangs dang gsal byed phyis pa dang / tshigs bcad kha cig tu ring po la thung ngu dang thung ngu la yang ring po dang / kha cig tu lnga pa'i don la bdun pa dang / bzhi pa'i don la drug pa dang / kha gcig tu gzhan gyi tshig can gyi byings la bdag nyid kyi tshig can dang / bdag nyid kyi tshig can la gzhan gyi tshig can dang kha cig tu gcig gi tshig la mang po'i tshig dang / mang po'i tshig la gcig gi tshig dang / kha cig tu pho'i rtags la ma ning gi rtags dang ma ning gi rtags la pho'i rtags dang / kha cig tu rkan las byung ba sha yig la so dang spyi bo las byung ba dang / kha cig tu spyi bo las byung ba la so dang rkan las byung ba dang / kha cig tu so las byung ba la rkan dang spyi bos las byung ba ste/ de lta bu gzhan yang rgyud ston pa po'i man ngag gi rjes su 'brang bar bya ba'o/ /de bzhin du rtsa ba'i rgyud las bcom ldan 'das kyis/ zla bzang sangs rgyas thams cad dang / /bla ma rnams kyi slob ma yis/ /chung ma bu mo bu sdug dang / /rtag tu 'dod pa'i dngos po 'bul/ /dri ni sa la 'byung ba ste/ /chu la gzugs dang me la ro/ /rlung reg 'gyur ba med la sgra/ /nam mkha' che la chos kyi dbyings/ /dri dang spos sogs mar me dang / /bza' dang btung sogs gos rnams kyis/ /rtag tu phyag rgya mchod byas te/ /dam pa'i bu yi bla ma'i dbul/ /zhes gsungs te de lta bu la sogs pa'i sgra zur chag gzhan yang rnal 'byor pas lung bklags pa las rtogs par bya'o/ /de bzhin du 'grel bshad la yang sgra bzang po'i mngon pa'i nga rgyal nyams par bya ba'i slad du bdag gis don la rton pa nyid la brten te bri bar bya ste/ rnam pa gang dang gang gis rigs dang rig pa dang sgra bzang po'i mngon pa'i nga rgyal zad par 'gyur ba'i rnam pa de dang des don la rton pa nyid la brten te yul gyi skad gzhan dang sgra'i bstan bcos kyi skad gzhan gyis sangs rgyas dang byang chub sems dpa' rnams thar pa'i don du chos ston to/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las ston pa po dang gsol ba 'debs pa po dang rtsa ba'i rgyud dang bsdus pa'i rgyud kyi 'grel pa'i mdor bsdus te gsum pa'o// // da ni 'jam dpal gyi sprul pa mi'i dbang po grags pa dang nyi ma'i shing rta ston pa po dang gsol ba 'debs pa po la sogs pa'i 'brel pa la sogs pas bsdus pa'i rgyud kyi rgyal po rnam par rgyas par bya ste/ 'dir dpal ldan dus kyi 'khor lo chen po'i dkyil 'khor gyi khang pa'i shar gyi sgo dang nye ba'i nor bu rin po che'i khyams chen por rin po che'i seng ge'i khri chen po la bzhugs pa/ lha dang lha ma yin dang klu'i sprul pa'i sku rgyal po'i rigs chen po dgu bcu rtsa drug tu skyes pa rin po che'i cod pan chen po bcings pa grong bye ba bye ba'i bdag po rnams kyis zhabs kyi pad ma la phyag byas pa/ de bzhin gshegs pa thams cad kyi shes rab kyi sku nyi ma'i shing rtas gsol ba btab pa mi'i dbang po grags pas nyi ma'i shing rta la 'di gsungs so/ / nyi ma'i shing rta khyod tshangs pa'i drang srong gi rigs la sogs pa/ sems can thams cad kyi yang dag par rdzogs pa'i sangs rgyas kyi lam thob par bya ba'i slad du rgyud kyi rgyal po mchog gi dang po'i sangs rgyas dam pa'i dngos po nyan par 'dod cing yang dag par brtson pa gang yin pa de ni legs so legs so/ /khyod kyi 'di legs pa de bas na rgyud kyi rgyal po mchog gi dang po'i sangs rgyas dam pa'i dngos po 'jig rten dang / 'jig rten las 'das pa'i dngos grub sgrub par byed pa dus kyi 'khor lo'i rdo rje'i rnal 'byor khyod kyis dris pa de thams cad bdag gis bstan par bya'o/ /sdud par byed pa po rgyal po grags pa bdag gis de bzhin gshegs pa'i byin gyi rlabs kyi stobs kyis yang dag par rdzogs pa'i sangs rgyas dang / zla ba bzang po ston pa po dang gsol ba 'debs pa por 'brel pas phreng ba 'dzin pa'i sdeb sbyor gyis yang dag par bsdus te rgyud kyi rgyal po chen po las phyung ba sngon du lung bstan pa'i bsdus pa'i rgyud kyi rgyal po dam pa'i dngos po shes rab dang thabs kyi bdag nyid kyi rnal 'byor khyod kyis kyang rtse gcig pa'i yid kyis nyon cig ces so/ /de nas bcom ldan 'das 'jam dpal gyi sprul pa'i sku mi'i dbang po grags pas mchog gi dang po'i sangs rgyas las de bzhin gshegs pas lung bstan pa ston pa po la sogs pa yang dag par sdud pa'i tshigs su bcad pa dang po gsungs pa/ thams cad mkhyen pa ye shes sku dang nyin mor byed pa'i sku ste pad ma'i 'dab ma rgyas pa'i spyan/ /sangs rgyas seng ge'i khri la bzhugs pa lha mchog rnams kyis btud la rgyal po zla ba bzang po yis/ /mgo bos rab tu phyag 'tshal lag pa'i pad ma sbyar ba yan lag mchog la bzhag nas zhus pa ni/ /rnal 'byor dpal ldan dus 'khor ka phreng ldan pa'i a 'dus la ste mi rnams dgrol ba'i don du'o/ /rgyud kyi rgyal po 'dir ston pa po la sogs pa rnams bsdu ba'i don du tshigs su bcad pa dang po 'di bcom ldan 'das kyis yang dag par gsungs so/ /'dir ston pa po la sogs pa rnams ni ston pa po dang / gnas dang / 'khor chen po dang / gsol ba 'debs pa po dang / chos bstan pa dang / dgos pa dang dgos pa'i dgos pa'o/ /'di rnams las res shig ston pa po bsdu ba ni/ thams cad mkhyen pa ye shes sku dang nyin mor byed pa'i sku ste pad ma'i 'dab ma rgyas pa'i spyan/ /sangs rgyas zhes pa'i yi ge nyi shu rtsa gsum po 'dis bcom ldan 'das kyis ston pa po bsdu ba mdzad do/ /seng ge'i khri la bzhugs zhes pa'i yi ge lnga po 'dis gnas bsdu ba mdzad do/ /ba lha mchog rnams kyis btud la zhes pa'i yi ge bdun po 'dis 'khor chen po bsdu ba mdzad do/ /rgyal po zla ba bzang po yis/ mgo bos rab tu phyag 'tshal lag pa'i pad ma sbyar ba yan lag mchog la gzhag nas zhus pa ni zhes pa'i yi ge nyi shu rtsa brgyad po 'dis gsol ba gdebs pa po bsdu ba mdzad do/ /rnal 'byor dpal ldan dus 'khor ka phreng ldan pa'i a 'dus la ste/ /zhes pa'i yi ge bcu bzhi po 'dis chos bstan pa bsdu ba mdzad do/ /mi rnams dgrol ba'i don du'o/ /zhes pa yi ge bdun po 'dis dgos pa dang dgos pa'i dgos pa bsdu ba mdzad de/ de ltar na yi ge brgyad bcu rtsa bzhi po 'di rnams kyis rim pa ji lta ba bzhin ston pa po dang gnas dang 'khor chen po dang gsol ba 'debs pa po dang chos ston pa dang dgos pa dang dgos pa'i dgos pa rnams de bzhin gshegs pas lung bstan pa'i bcom ldan 'das 'jam dpal gyis rtsa ba'i rgyud kyi rgyal po las phyung ste bsdu ba mdzad do/ /rgyud kyi rgyal po thams cad du 'di skad bdag gis thos pa zhes pa la sogs pas bcom ldan 'das rdo rje 'dzin pa bzhugs pa'i gnas nges par bstan pa de bzhin gshegs pas gsungs pa ma yin nam/ ji ltar rgyud kyi rgyal po 'di thams cad mkhyen pa zhes pa la sogs pas 'di skad bdag gis la sogs pa dang bral bar sangs rgyas bcom ldan 'das kyis yang dag par bstan pa yin/ 'di skad bdag gis thos pa la sogs pas bzhugs pa'i gnas nges par bstan pa med pa'i phyir rgyud kyi rgyal po 'di sangs rgyas bcom ldan 'das kyis gsungs pa ma yin no/ /zhes ming dang tshig la rton pa la brten pa 'ga' zhig gi tshig 'dir 'byung bar 'gyur te/ de'i phyir brjod pa 'dir ma 'ongs pa'i dus na byis pa'i skye bo ming dang tshig la rton pa la brten pa dag gis rgyud kyi rgyal po thams cad du 'di skad bdag gis thos pa zhes pa la sogs pas bcom ldan 'das rdo rje 'dzin pa bzhugs pa'i gnas nges par bstan pa de bzhin gshegs pas gsungs par gang brjod pa de ni ma yin te/ gang gi phyir chos ston pa po don la rton pa la brten pa nyid kyi phyir dang / sdud par byed pa po rnams kyang yul sna tshogs kyi skad gzhan gyis yang dag par sdud par byed pa'i phyir ro/ /'dir gal te 'di skad bdag gis thos pa zhes pa la sogs pa legs par sbyar ba'i tshig mgrin pa dang rkan la sogs pa'i 'bad rtsol gyis bskyed pa nyi tshe bas de bzhin gshegs pa chos ston par byed pa de lta na chos kyi phung po brgyad khri bzhi stong dus du mar yang de bzhin gshegs pas bstan pa dang / sdud pa pos kyang bri bar mi nus te nyi tshe ba legs par sbyar ba'i tshig gcig pu yin pa'i phyir ro/ /'dir sprul pa'i sku mtha' yas pa med pa'i phyir mtha' yas pa mtha' yas pa'i 'jig rten gyi khams rnams su mtha' yas pa mtha' yas pa'i sems can rnams kyi sgra dag gis cig car chos ston pa yang med par 'gyur ro/ /chos kyi phung po brgyad khri bzhi stong ston par byed pa med pa'i phyir/ thams cad mkhyen pa ma yin par 'gyur te de ltar yang ma yin no/ /'dir sangs rgyas tshad med pa dang chos tshad med pa dang dge 'dun tshad med par de bzhin gshegs pas gsungs pa 'di'i phyir ston pa po thams cad mkhyen pa gcig ma yin no/ /thams cad mkhyen pa'i skad sems can thams cad kyi skad kyis don ston par byed pa gcig ma yin no/ /bzhugs pa'i gnas nges par bstan pa gcig ma yin no/ /de bzhin gshegs pa'i gsol ba 'debs pa po nyan thos kyi dge 'dun gcig ma yin gyi/ 'dir sems can rnams kyi mos pa sna tshogs kyi dbang gis thams cad mkhyen pa du ma dang thams cad mkhyen pa'i skad du ma dang bzhugs pa'i gnas du ma dang gsol ba 'debs pa po du ma dang chos bstan pa du ma yin no/ /de'i phyir de bzhin gshegs pas 'di skad bdag gis thos pa zhes pa la sogs pa mgrin pa dang rkan la sogs pa'i 'bad rtsol gyis bskyed pa lha'i skad gcig pus rgyud thams cad bstan pa ma yin no/ /'dir dang por re shig nyan thos kyi tshul sde snod gsum la sogs pa ma ga d+ha'i skad kyis chos ston pa ni 'di lta ste/ i t+ya bi so b+ha ga bA~M sa mA sa~M bud d+ho bid+yA tsa ra Na sa~M pan+na su ga to lo ka bi du a nuta ta ro zhes pa la sogs pas chos bstan to/ /de bzhin du chu bo shA ta'i byang tsam pa ka'i yul du grong bye ba'i skad kyis chos ston pa ni 'di lta ste/ a kar Sh+Tu khu Sh+Nu ka ga ga Na ku/ dzi Na ma ka bi dzi ri Ta ku/ du du ru ba ka ces pa la sogs pas chos bstan to/ /de bzhin du ru ka ma'i byang su ram+ma'i yul du grong bye ba'i skad kyis chos ston pa ni 'di lta ste/ a ka ma ya sad/ ba la da data ta bi ra Ta/ mi ni ka a ku Ta ba ra dad/ dzi gi ti ba ra data/ ces pa la sogs pas chos bstan to/ /de ltar de bzhin gshegs pa yul du ma'i yul gyi skad kyis theg pa gsum ston par byed pa'i phyir 'di skad bdag gis thos pa zhes pa la sogs pa legs par sbyar ba'i skad gcig pus ma yin no/ /des na sdud par byed pa po rnams kyis legs par sbyar ba'i skad kyis bris pa'i rgyud kyi rgyal po rnams la yang kha cig tu ni 'di skad bdag gis thos pa zhes pa la sogs pas bzhugs pa'i gnas nges par bstan te/ kha cig tu ni ma yin no/ /dang por re zhig dpal 'dus pa stong phrag nyi shu rtsa lnga pa dang sgyu 'phrul dra ba stong phrag bcu drug pa zhes pa la sogs pa rgyud kyi rgyal po du mar ni 'di skad bdag gis thos pa zhes pa la sogs pas bzhugs pa'i gnas nges par bstan to/ /la lar ni ma yin te dang por re shig mchog gi dang po'i sangs rgyas stong phrag bcu gnyis pa dang / rnal 'byor rjes su rig pa stong phrag sum bcu rtsa drug pa dang / mngon par brjod pa 'bum pa chen po las te/ de bzhin du rgyud kyis rgyal po du ma rnams la yang ngo / /rtsa ba'i rgyud kyi rgyal po rnams la ji lta ba de bzhin du de nas phyung ba'i bsdus pa'i rgyud rnams la yang kha cig tu ni 'di skad bdag gis thos pa zhes pa la sogs pas bstan la kha cig tu ni ma yin no/ /'dir dpal 'dus par bcom ldan 'das kyis 'di skad bdag gis thos pa dus gcig na bcom ldan 'das de bzhin gshegs pa thams cad kyi sku dang gsung dang thugs rdo rje btsun mo'i b+ha ga rnams la bzhugs te zhes gnas nges par bstan pa gsungs so/ /de bzhin du sgyu 'phrul dra ba las 'di skad bdag gis thos pa zhes pa la sogs pas bzhugs pa'i gnas nges par bstan to/ /de bzhin du rtsa ba'i rgyud dang bsdus pa'i rgyud kyi rgyal po gzhan rnams la yang bzhugs pa'i gnas nges par bstan to/ /'dir mchog gi dang po'i sangs rgyas las bcom ldan 'das kyis/ thams cad mkhyen pa ye shes sku/ /nyi ma'i sku gang mi zad pa/ /dpal ldan pad 'dab rgyas pa'i spyan/ /sangs rgyas seng ge'i khrir bzhugs pa/ /sku gsung thugs dang chags pa yis/ / sku gsung thugs kyi dkyil 'khor la/ /sku gsung thugs dang chags pa'i bdag /rdo rje sems dpa' lhag pa'i lha/ /mi phyed rdo rje'i rnal 'byor 'di/ /dus kyi 'khor lo mi 'gyur bde/ /sangs rgyas thog ma tha ma med/ /dang po'i sangs rgyas rigs med pa/ /kun nas rdo rje skal bzang nyid/ /kun nas sna tshogs sdom pa ste/ /bden don rnam pa bcu gnyis dang / /de nyid rnam pa bcu drug 'dzin/ /zhes pa la sogs pas mchog gi dang po'i sangs rgyas las bzhugs pa'i gnas nges par bstan pa gsungs so/ /de bzhin du rnal 'byor rjes su rig pa stong phrag sum bcu rtsa drug pa las bcom ldan 'das kyis/ rdo rje mkha' 'gro'i pad mar gnas/ /lhag pa'i lha ni gcig po 'di/ /lhan skyes dga' ba'i gzugs kyis ni/ /srid gsum bdag nyid dag la gnas/ /zhes pa la sogs pas rnal 'byor rjes su rig pa las bzhugs pa'i gnas nges par bstan pa gsungs so/ /de bzhin du mngon par brjod pa 'bum pa las bcom ldan 'das kyis/ pho nya kun gyi gsang ba la/ /sems dpa' kun gyi bdag nyid gnas/ /sems dpa' pho nya kun rang bzhin/ /rdo rje sems dpa' bde ba che/ /zhes pa la sogs pas bzhugs pa'i gnas nges par bstan pa gsungs te de yang bla ma'i man ngag las rtogs par bya'o/ /de bzhin du gsol ba 'debs pa po ni dpal 'dus pa las/ de nas phyag na rdo rje de bcom ldan 'das rdo rje 'dzin pas byin gyis brlabs par gyur pas 'di skad ces gsol to/ /rgyud kyi rgyal po chen po rgyud thams cad kyi bla na med pa sangs rgyas thams cad kyi dpal 'dus pa sangs rgyas thams cad mngon par brjod pa bcom ldan 'das kyis stan du gsol zhes pa de lta bu la sogs pas phyag na rdo rjes gsol ba btab bo/ /de bzhin du sgyu 'phrul dra ba la phyag na rdo rje gsol ba 'debs pa po ste mtshan yang dag par brjod pa las rab tu grags so/ /'dir mchog gi dang po'i sangs rgyas la gsol ba 'debs pa po ni/ sems can nyon mongs gzhil ba'i slad/ /sku gsung thugs kyi sbyor ba yis/ / bcom ldan 'das kyis bskul gyur pas/ /ston pa'i zhabs kyi pad ma gnyis/ /rin chen me tog rnams kyis mchod/ /slar yang snyim pa rin chen bcas/ /pus mo gnyis ni sar btsugs shing / / spyi bos yis kyang phyag 'tshal te/ /de nas pus mo g.yas pa yi/ /lha nga sa la btsugs nas ni/ /dpral bar thal mo sbyar byas te/ /mi bdag gsol ba 'debs par byed/ /rgyud rnams kun gyi bla na med/ / dang po'i sangs rgyas rtag tu ni/ /dngos grub kun tshogs mtshan nyid can/ /A li kA li legs ldan dpal/ /dus 'khor 'di la rnal 'byor ni/ /skad cig gcig mngon rdzogs sangs rgyas/ / skad cig bzhi yi rnam dbye can/ /de nyid bcu drug dbye ba yis/ /tha dad thig le bzhi 'dzin pa/ /stong dang ye shes thig le dang / /mchog dang rdo rje 'dzin pa che/ /stong pa chen po yi ge lnga/ /thig le stong pa yi ge drug /phyi dang lus dang gzhan la yang / /sangs rgyas lha dang lha min nyid/ /de bzhin rang bzhin rnams la ni/ /skyes bu nyi shu lnga pa gzhan/ /lus dang sna tshogs tshad dang gang / /'jig rten gsum po 'byung ba'i rgyu/ / lha dang lha min longs spyod pa/ /ji bzhin gsal bar 'di dag kun/ /ma lus ston pas bshad du gsol/ /zhes pa de lta bu la sogs pas mchog gi dang po'i sangs rgyas la rgyal po zla ba bzang pos gsol ba btab bo/ / de bzhin du rnal 'byor rjes su rig pa'i rgyud la sna tshogs gzugs can mas/ dpal ldan sna tshogs gzugs can mas/ /rdo rje 'jigs byed la btud zhus/ /rnal 'byor rjes su rig pa'i rgyud/ /rdo rje sems dpa'i mchog bde ci/ /zhes pa la sogs pas rnal 'byor rjes su rig pa la gsol ba gdab pa gsungs so/ /de bzhin du mngon par brjod pa 'bum pa la rdo rje phag mos/ /srid gsum bdag nyid he ru kar/ /rdo rje phag mos phyag 'tshal te/ /mngon par brjod pa 'bum pa'i rgyud/ /rdo rje sems dpa'i mchog bde ci/ /zhes pa la sogs pas mngon par brjod pa 'bum pa la gsol ba gdab pa gsungs so/ /de bzhin du rgyud kyi rgyal po gzhan rnams la yang gsol ba 'debs pa rnal 'byor pas shes par bya'o/ /bcom ldan 'das mtha' yas pa'i chos ston pa po nyid yin pa 'di'i phyir/ 'di skad bdag gis thos pa zhes pa la sogs pas rgyud kyi rgyal po thams cad du bzhugs pa'i gnas nges par bstan zhes sangs rgyas pa rnams kyis brjod par mi bya'o/ /sems can thams cad kyi skad kyi rang bzhin can thams cad mkhyen pa'i skad med par legs par sbyar ba'i skad nyi tshe ba gcig pu 'dis yin na sangs rgyas kyang nyi tshe bar 'gyur ro/ /'phags pa'i yul 'dir sgra smra ba po mu stegs pa mkhas pa'i mngon pa'i nga rgyal dang ldan pa rnams mthong nas/ ji ltar bram ze dang khyab 'jug pa dang zhi ba pa la sogs pa rnams kyi 'dod pa'i lha tshangs pa dang khyab 'jug dang drag po la sogs pa rnams legs par sbyar ba smra ba po yin pa de bzhin du bdag cag gi 'dod pa'i lha sangs rgyas dang byang chub sems dpa' rnams legs par sbyar ba smra ba po yin no zhes pa ni sangs rgyas pa byis pa'i blo can rnams kyi bsam pa ste/ 'dir sangs rgyas dang byang chub sems dpa' de dag thams cad mkhyen pa'i skad med par legs par sbyar ba'i skad nyi tshe ba 'dis ma yin te sems can thams cad kyi skad kyis chos ston par byed pa po dang yang dag par sdud par byed pa po yin no/ /de'i phyir sangs rgyas dang byang chub sems dpa' rnams ni lha'i skye ba dang 'brel pa nyi tshe bas ma yin te sems can sna tshogs kyi skad kyis chos ston pa po yin pa'i phyir ro/ /sngags kyi tshul 'di la e wa~M nyid ming ma yin te dngos po gcig la yang ming du ma'o/ /ming mang po nyid kyi phyir ming gcig kho na gtso bo ma yin te ming thams cad kyis dngos po gcig go bar byed pa'i phyir ro/ /dper na bud med dang mi mo dang na chung ma rnams las bud med gcig pu gtso bo'i ming ma yin te thams cad kyis nu ma dang skrar ldan pa'i dngos po go bar byed pa'i phyir ro/ /de bzhin du e yig dang gsang ba dang pad ma dang chos 'byung dang nam mkha'i khams dang / bde ba chen po'i gnas dang / seng ge'i khri dang / b+ha ga dang / gsang ba'i ming rnams kyi nang nas e yig gcig pu gtso bo'i ming ma yin te thams cad kyis rnam pa thams cad pa'i stong pa nyid go bar byed pa'i phyir ro/ /de bzhin du wa~M yig dang / bde ba chen po dang chags pa chen po dang lhan cig skyes pa dang mchog tu mi 'gyur ba dang / thig le dang de nyid dang / ye shes dang / rnam par dag pa'i sems kyi ming rnams kyi nang nas wa~M yig gcig pu gtso bo'i ming ma yin te thams cad kyis phyag rgya chen po lhan cig skyes pa'i dga' ba 'gyur ba med pa'i bde ba go bar byed pa'i phyir ro/ /de bzhin du e yig dang wa~M yig dag gis rnam pa thams cad kyi mchog dang ldan pa'i stong pa nyid dang chos thams cad la dmigs pa med pa'i snying rje dbyer med pa'i byang chub kyi sems kyi dngos po go bar byed pa'i phyir/ e wa~M gi yi ge dang / rdo rje sems dpa' dang / byang chub kyi sems dang / dus kyi 'khor lo dang / dang po'i sangs rgyas dang / shes rab dang thabs kyi bdag nyid dang / rnal 'byor dang / shes pa dang shes bya'i bdag nyid dang / gnyis su med pa dang / thog ma dang tha ma med pa dang / zhi ba dang / 'dus pa dang / sdom pa ste/ de lta bu la sogs pa'i ming du ma rnams kyis rnal 'byor pas shes rab dang thabs kyi bdag nyid gnyis su med pa'i rnal 'byor rigs med pa rtogs par bya'o/ /'dir 'dus pa la sogs pa'i rgyud kyi rgyal po la rgyud kyi dang por e yig dang wa~M yig bcom ldan 'das kyis nges pa'i tshig gi tshul gyis nges par bstan zhing sdud par byed pa po rnams kyis kyang rgyud kyi dang por bris pa gang yin pa de ni lha rnams lha'i skad kyis yongs su smin par bya ba'i slad du'o/ /de'i phyir 'dus pa la sogs pa'i rgyud kyi rgyal po la yi ge gnyis po 'di dbyi bar mi 'dod te yi ge gnyis po 'di bcom ldan 'das kyi rkan la sogs pas ma gsungs pa yang ma yin la sdud par byed pa po rnams kyis ma thos par bris pa yang ma yin no/ /de'i phyir yi ge gnyis po 'di'i nges pa'i don brjod par bya ste dang por a yig nam mkha'i khams dang gsang ba'i pad ma'o/ /de'i 'og tu rnam par bcad pa nyi ma dang rdul lo/ /de'i 'og tu a yig sgra gcan dang rnam par shes pa bde bas byin gyis brlabs pa'o/ /de'i 'og tu rjes su nga ro zla ba dang khu ba'o/ /a yig nam mkha'i khams dang sgra gcan rnam shes 'di gnyis kyi bar du rnam par bcad pa nyi ma dang rdul ni u nyid 'thob ste/ de'i phyir rnam par bcad pa nyi ma dang rdul u nyid thob par gyur pa na don dam pa'i bden pa las yon tan med do/ /yon tan med pa'i phyir ya Nar bsgyur bar 'gyur te phyi ma'i a yig sgra gcan dang rnam par shes pa dang lhan cig wa nyid do/ / rjes su nga ro zla ba dang khu ba dang yang dag par sbyar te de'i phyir wa~M yig go/ de bzhin du dang po'i a yig nam mkha'i khams dang gsang ba'i pad ma ni bdun pa'i mtha' can te/ a yig pha rol gyi i yig dang lhan cig yon tan dang ldan par 'gyur te/ de'i phyir e yig go/ e yig nam mkha'i khams rten 'di'i dbus su wa~M yig rnam par bcad pa dang / i yig dang rjes su nga ro dang nyi ma dang sgra gcan dang zla ba dang rdul dang kun bzhi'i rnam par shes pa dang khu ba'i bdag nyid rten pa yin par phyi dang lus dang gzhan la yang rtogs par bya'o/ /'dir rtsa ba'i rgyud las bcom ldan 'das kyis gsungs pa/ e yig mkha' khams dbus su ni/ / sangs rgyas kun gyi bde ba len/ /wa~M zhig rdo rje sems dpa' 'di/ /sku gsung thugs kyi rnal 'byor las/ /thig le zla ba khu ba sku/ /rnam par bcad pa rdul nyi gsung / /a yig mun can thugs rab brjod/ /mkha' khams e la rnam par gnas/ /sku gsung thugs gyi rnal 'byor gyis/ /sku gsung thugs kyi dkyil 'khor la/ /sku gsung thugs dang chags pa yis/ /srid gsum bdag nyid dag la gnas/ / zhes so/ /rgyu 'dis lha rnams yongs su smin par bya ba dang yang dag par rdzogs pa'i sangs rgyas nyid thob par bya ba'i slad du de bzhin gshegs pas 'dus pa la sogs pa'i rgyud kyi rgyal po rnams la 'di skad bdag gis thos pa zhes pa la sogs pas bzhugs pa'i gnas nges par bstan pa gsungs so/ /dngos po gang zhig dpal 'dus pa la sogs par e ba~M zhes pa'i ming 'dis brjod pa'i dngos po de nyid mngon par brjod pa 'bum pa la sogs pa'i rgyud kyi rgyal po rnams su gsang ba zhes pa la sogs pas de bzhin gshegs pas bstan to/ /de yang bla ma'i man ngag las rgyud dang rgyud gzhan du dgongs pa'i skad kyis rtogs par bya'o/ /'dir rtsa ba'i rgyud las bcom ldan 'das kyis gsungs pa/ dgongs pa'i skad dang de bzhin min/ /ji bzhin sgra dang de bzhin min/ /drang ba'i don dang nges don te/ /rgyud ni mtha' drug mtshan nyid do/ /bcom ldan 'das kyi gsung 'di'i phyir ming gcig ni gtso bo ma yin no/ /sngags kyi theg pa 'di la yid ches pa rnam pa gsum bcom ldan 'das kyis gsungs te/ dang por re shig rgyud las yid ches pa dang / de nas bla ma las yid ches pa dang / de nas bdag nyid las yid ches pa ste/ yid ches pa 'di gsum gyis yang dag par rdzogs pa'i sangs rgyas kyi lam yongs su dag par 'gyur ro/ /rnam pa gzhan du yid ches pa gsum med par lam gang bla mas slob ma la bstan pa ni yang dag par rdzogs pa'i sangs rgyas nyid kyi 'bras bu ster bar byed pa por mi 'gyur te slob ma'i dad pa dman pa nyid kyi phyir kun rdzob kyi bden pas 'jig rten pa'i 'bras bur 'gyur ro/ /'dir rgyud dang rgyud gzhan du bcom ldan 'das kyis dam bca' ba mdzad de rnam par rtog pa dang bral ba'i sems su byas nas nyi ma gcig mtshan ma yongs su brtag par bya'o/ /gal te rgyud las gsungs pa'i cho ga dang bla ma'i man ngag gis slob ma yid ches par ma gyur pa de lta na bcom ldan 'das brdzun gsung bar 'gyur ro/ /ci ste bla ma rgyud nas gsungs pa'i cho gas slob ma la lam ster ba por ma gyur pa de lta na bcom ldan 'das kyis dam bca' ba brdzun du mi 'gyur te bla mas lam yongs su mi shes pa'i phyir dang phyin ci log dang rnam par ma dag pa'i lam bsgom pa ston par byed pa nyid kyi phyir ro/ /'dir du ba la sogs pa'i mtshan ma bor nas gzhan dkyil 'khor gyi 'khor lo sgrub pa'i mtshan ma nyi ma gcig yongs su brtag par bya ba ma yin par bcom ldan 'das kyis gsungs so/ /'dir rigs gsum gyi bdag nyid kyi rgyud kyi rgyal po la sku dang gsung dang thugs kyi bdag nyid can zhal gsum pa brjod par bya ba'o/ / rigs bzhi'i bdag nyid la sku dang gsung dang thugs dang ye shes kyi bdag nyid can zhal bzhi pa brjod par bya ba'o/ /rang bzhin gyi rigs gcig dang lhan gcig rigs bzhi'i bdag nyid can gyi rgyud dang brjod par bya bar 'gyur ro/ / de bzhin du rigs lnga'i bdag nyid rang bzhin gyi gcig dang lhan cig rigs drug gi bdag nyid du 'gyur ro/ /'dir rigs bzhi'i bdag nyid kyi rgyud la rigs bzhi'i bdag nyid brjod par bya ba ste nyi ma dang zla ba dang sgra gcan dang me dang rdul dang khu ba dang sems dang ye shes gcig tu sbyor ba'o/ /'dir mtshan yang dag par brjod pa'i so sor rtog pa'i ye shes la bstod pa las tshigs su bcad pa sum bcu rtsa gsum pa la sogs pa gsum gyis rdo rje'i rnal 'byor gsal bar de bzhin gshegs pas gsungs pa 'di lta ste/ rdo rje nyi ma snang ba che/ /rdo rje zla ba dri med 'od/ /chags bral dang po chags pa che/ /kha dog sna tshogs 'bar ba'i 'od/ /rdo rje dkyil dkrung rdzogs sangs rgyas/ /sangs rgyas brjod pa'i chos 'dzin pa/ /dpal ldan sangs rgyas pad ma skyes/ /kun mkhyen ye shes mdzod 'dzin pa/ /rgyal po sgyu 'phrul sna tshogs 'chang / /che ba sangs rgyas rigs sngags 'dzin/ /rdo rje rnon po ral gri che/ /'gyur med mchog ste rnam par dag /ces so bcom ldan 'das kyi gsung 'di'i phyir rigs bzhi'i bdag nyid brjod par bya ba ste rdo rje sems dpa' rnam par dag pa dang chos dang sngags dang dbyibs kyi bdag nyid can bcom ldan 'das dus kyi 'khor lo'o/ /de ltar phung po dang khams kyi dbye bas rigs lnga'i bdag nyid de/ de bzhin du sgyu 'phrul dra ba las bcom ldan 'das kyis gsungs pa/ gdong lnga zur phud lnga dang ldan/ /zur phud lnga pa me tog thod/ /mgo zlum brtul zhugs chen po 'chang / /tshangs par spyod pa brtul zhugs mchog /ces so/ /de bzhin du phung po dang / khams kyi dbye bas rigs drug gi bdag nyid kyi brjod par bya ba dang / de bzhin du zhal gyi dbye bas rigs brgya'i bdag nyid kyang bcom ldan 'das kyis chos kyi dbyings rnam par dag pa'i mtha'i tshigs su bcad pa'i rkang pa dang lhan cig me longs lta bu'i ye shes la bstod pa'i tshigasu bcad pa dang pos gsungs pa 'di lta ste/ rdo rje 'jigs byed 'jigs par byed/ /khro bo'i rgyal po gdong drug 'jigs/ /mig drug lag drug stobs dang ldan/ / keng rus mche ba gtsigs pa po/ /ha lA ha la gdong brgya pa/ /zhes so/ /bcom ldan 'das kyis gsung 'di'i phyir/ rgyud dang rgyud gzhan dag tu brjod par bya ba ni zhal gsum pa dang / zhal bzhi pa dang / zhal lnga pa dang / zhal drug pa dang / zhal brgya par rtogs par bya'o/ /'dir 'dus pa la sogs par gnas gang zhig bcom ldan 'das kyis e yig gis gsungs pa'i gnas de nyid mngon par brjod pa 'bum pa la sogs par gsang ba la sogs pa'i sgras bcom ldan 'das kyis gsungs so/ /brjod par bya ba rdo rje sems dpa' gang zhig wa~M yig gis gsungs pa de nyid bde ba chen po'i sgras gsungs so/ /de ltar gsungs pa'i rim pas rigs bzhi'i bdag nyid dang rigs drug gi bdag nyid can mchog gi dang po'i sangs rgyas la rig bzhi'i bdag nyid dang rigs drug gi bdag nyid brjod par bya ba yin no/ /thams cad mkhyen pa zhes pa la sogs pa'i yi ge nyi shu rtsa gsum gyis bcom ldan 'das kyis bstan pa ni stong pa nyid dang snying rje dbyer med pa byang chub kyi sems kyi rdo rje bde ba chen po'o/ /'dir seng ge'i khri'i sgras nam mkha'i khams rnam pa thams cad pa ste seng ge'i khri de la bzhugs pa'o/ /sangs rgyas zhes pa ni rdo rje sems dpa'o/ /rnal 'byor zhes pa ni don chen po mchog tu mi 'gyur ba'o/ /rnal 'byor 'di mtshan yang dag par brjod pa'i rdo rje dbyings kyi dkyil 'khor chen po la bstod pa las tshigs su bcad pa bcu bzhis yang dag par brjod pa/ 'di ltar sangs rgyas bcom ldan 'das/ /rdzogs pa'i sangs rgyas a las byung / /a ni yig 'bru kun gyi mchog /don chen yi ge dam pa yin/ /srog chen po ni skye ba med/ / tshig tu brjod pa spangs pa ste/ /brjod pa kun kyi rgyu yi mchog /tshig kun rab tu gsal bar byed/ /ces pa la sogs pa nas/ mgon po rigs mchog chen po ste/ /bla ma gsang sngags che ba'i mchog / theg pa chen po'i tshul la gnas/ /theg pa chen po'i tshul gyi mchog /ces pa'i mthar thug pas rgyud kyi rgyal po thams cad la brjod par bya ba 'di chung ngu dang 'bring dang chen po'i sems can gyi bsam pa'i dbang gis bcom ldan 'das kyis yang dag par brjod do/ /de bzhin du stong pa ye shes zhes pa la sogs pa yi ge bcu bzhis rigs drug gi bdag nyid brjod par bya ba de nyid mtshan yang dag par brjod pa'i bya ba sgrub pa'i ye shes la bstod pa las kyang tshigs su bcad pa gnyis pas yang dag par bsdus te gsungs pa 'di lta ste/ gsang sngags don kun bskyed pa po/ /thig le chen po yi ge med/ /stong pa chen po yi ge lnga/ /thig le stong pa yi ge drug / ces so/ /des na ming mtha' yas pa dag gis chos ston par byed pa nyid kyi phyir 'di skad bdag gis thos pa zhes pa la sogs pas bstan pa'i rgyud kyi rgyal po 'di de bzhin gshegs pas gsungs pa yin la/ gsang ba zhes pa la sogs pa dang thams cad mkhyen pa zhes pa la sogs pas bstan pa ni de bzhin gshegs pas gsungs pa ma yin no zhes bya ba sangs rgyas pa rnams kyis brjod par mi bya ste/ rang gi grub pa'i mtha' dang gzhan gyi grub pa'i mtha' la skyon 'dzin na rtsa ba'i ltung ba drug par 'gyur ro/ /de'i phyir rgyud gzhan la snga ma dang phyi mar 'brel ba shes nas yon tan dang skyon rtogs par bya ba'o/ /rnam pa gzhan du na gdug pa'i slob dpon de bzhin gshegs pa'i snying po las phyi rol du gyur pa yul dang dbang po'i nye bar longs spyod pa la chags shing brdzun du smra ba rnams ma mthong ba'i skyon bzung ba las mnar med par 'gro bar 'gyur ro/ /de ltar brjod pa'i rim pa lung dang rigs pa dam pas snga ma dang phyi ma mi 'gal bar thams cad mkhyen pa zhes pa la sogs pas rgyud kyi rgyal po mchog gi dang po'i sangs rgyas bcom ldan 'das kyis yang dag par bstan to/ /'dir 'ga' zhig la thams cad mkhyen pa gang yin pa de nyid sangs rgyas bcom ldan 'das ma yin nam ming gnyis kyis dngos po gcig go bar byed pa'i phyir ro/ /sangs rgyas zhes pa zlos pa'i tshig 'di bcom ldan 'das kyis ci'i don du gsungs zhes pa'i bsam pa 'byung bar 'gyur te/ de'i phyir brjod par bya'o/ /'dir thams cad mkhyen pa gang yin pa de nyid sangs rgyas bcom ldan 'das zhes pa'i tshig 'di ni bden te/ 'on kyang khyab 'jug dang drag po la sogs pa gzhan yang byis pa'i skye bo rnams kyis thams cad mkhyen pa nyid du yongs su brtags pas de dag gi thams cad mkhyen pa nyid gsal bar bya ba'i slad du thams cad mkhyen pa sangs rgyas bcom ldan 'das zhes gsungs te/ khams gsum po 'di na khyab 'jug dang drag po la sogs pa rnams kyi nang na gang zhig chos thams cad sems can thams cad kyi skad kyis ston par byed pa po thams cad mkhyen pa gzhan ni med do/ /'dir de dag gi nang na chos thams cad sems can thams cad kyi skad kyis ston par byed pa po'i thams cad mkhyen pa ci'i phyir med ce na/ brjod par bya ste/ khyab 'jug dang drag po la sogs pa rnams 'gro ba drug gi 'khor ba 'dir lha'i skye bar skyes pa nyid kyi phyir dang / sangs rgyas bcom ldan 'das 'khor ba'i pha rol gyi mthar rnam par gnas pa nyid kyi phyir ro/ /'dir de bzhin gshegs pas mtshan yang dag par brjod pa'i chos kyi dbyings shin tu rnam par dag pa la bstod pa las tshigs su bcad pa bcu gsum pas gsungs pa 'di lta ste/ 'khor ba'i pha rol mthar son pa/ /bya ba byas pa skam sar gnas/ /shes pa 'ba' zhig nges gsal ba/ /shes rab mtshon chas rnam 'joms pa/ /zhes so de'i phyir thams cad mkhyen pa sangs rgyas bcom ldan 'das te sangs rgyas zhes pa zlos pa'i tshig tu mi 'gyur ro/ /thams cad mkhyen pa gang yin pa de nyid ye shes sku ma yin nam/ bcom ldan 'das kyis ye shes sku zhes zlos pa ci'i don du gsungs zhe na/ de nyid brjod par bya ste/ 'dir thams cad mkhyen pa gang yin pa de nyid ye shes sku zhes pa de ni bden te/ 'on kyang sangs rgyas gzhan nyan thos dang rang sangs rgyas kyi yang yod pas de dag gi yang dag par rdzogs pa'i sangs rgyas nyid bsal bar bya ba'i slad du thams cad mkhyen pa ye shes sku yang dag par rdzogs pa'i sangs rgyas bcom ldan 'das ye shes kyi sku zhes bcom ldan 'das kyis zlos pa gsungs so/ /'dir nyan thos dang rang sangs rgyas rnams kyi nang na ye shes sku yang dag par rdzogs pa'i sangs rgyas su gyur pa ni 'ga' yang med do/ /'dir ci'i phyir nyan thos dang rang sangs rgyas rnams kyi nang na yang dag par rdzogs pa'i sangs rgyas su gyur pa 'ga' yang med ces na/ brjod par bya ste/ 'dir nyan thos dang rang sangs rgyas rnams ni lhag ma dang bcas pa'i mya ngan las 'das pa la gnas pa'i phyir dang / yang dag par rdzogs pa'i sangs rgyas lhag ma thams cad las rnam par grol ba'i phyir ro/ /de ltar yang bcom ldan 'das kyis mtshan yang dag par brjod pa'i so sor rtog pa'i ye shes la bstod pa las tshigs su bcad pa bcu gcig pas gsungs pa 'di lta ste/ lhag ma kun las rnam grol zhing / /nam mkha'i lam la rab gnas pa/ /yid bzhin nor bu chen po 'chang / khyab bdag rin chen kun gyi mchog /ces so/ /de'i phyir thams cad mkhyen pa ye shes sku yang dag par rdzogs pa'i sangs rgyas bcom ldan 'das ye shes kyi sku zhes bcom ldan 'das kyis zlos pa gsungs so/ /gang ye shes sku yin pa de nyid mi shes pa'i mun pa 'joms par byed pa'i phyir nyin mor byed pa'i sku ma yin nam/ bcom ldan 'das kyis nyin mor byed pa'i sku zhes zlos pa ci'i don du gsungs zhes 'ga' zhig smra bar 'gyur ba de'i phyir brjod par bya ste/ 'dir gang ye shes sku yin pa de nyid mi shes pa'i mun pa 'joms par byed pa'i phyir nyin mor byed pa'i sku'o zhes pa'i tshig ni bden te/ 'on kyang sangs rgyas pa gzhan rnam par shes par smra ba yang yod pas de dag gi rnam par shes pa'i chos nyid bsal bar bya ba'i slad du ye shes kyi sku nyin mor byed pa'i sku rnam par shes pa'i chos nyid las 'das pa yang dag par rdzogs pa'i sangs rgyas zhes nyin mor byed pa'i sku zlos pa gsungs so/ /'dir rnam par shes par smra ba rnams kyi nang na ye shes kyi sku nyin mor byed pa'i sku yang dag par rdzogs pa'i sangs rgyas su gyur pa ni 'ga' yang med do/ /'dir ci'i phyir rnam par shes par smra ba rnams kyi nang na ye shes kyi sku nyin mor byed pa'i sku/ yang dag par rdzogs pa'i sangs rgyas su gyur pa 'ga' yang med ce na/ brjod par bya ste/ 'dir rnam par shes par smra ba rnams rnam par shes pa'i chos la gnas pa'i phyir dang / yang dag par rdzogs pa'i sangs rgyas rnam par shes pa'i chos nyid las 'das pa'i phyir ro/ / de ltar yang de bzhin gshegs pas mtshan yang dag par brjod pa'i so sor rtog pa'i ye shes la bstod pa las tshigs su bcad pa nyi shu rtsa gsum pas gsungs pa 'di lta ste/ rnam par shes pa'i chos nyid 'das/ /ye shes gnyis med tshul 'chang ba/ /rnam par rtog med lhun gyis grub/ /dus gsum sangs rgyas sku 'chang ba/ /zhes so/ /de'i phyir ye shes kyi sku nyin mor byed pa'i sku yang dag par rdzogs pa'i sangs rgyas zhes bcom ldan 'das kyis zlos pa gsungs so/ /'dir 'ga' zhig la rgyud kyi brjod par bya ba ye shes kyi sku gang yin pa de ni gzugs can ma yin pa yin la pad ma'i 'dab ma rgyas pa'i spyan gang yin pa de ni gzugs can ma yin nam/ ci'i don du pad ma'i 'dab ma rgyas pa'i spyan zhes bcom ldan 'das kyis gsungs zhes pa'i bsam pa 'byung bar 'gyur te/ de'i phyir brjod par bya ste/ 'dir byis pa'i skye bo dag gis pad ma'i 'dab ma rgyas pa'i spyan rgyud kyi brjod par bya ba gzugs can du brjod pa gang yin pa de ni ma yin te/ 'dir nges pa'i don du pad ma'i sgras nam mkha'i khams brjod do/ /pad ma nam mkha'i khams de la pad ma'i 'dab ma rnams bzhin du rigs brgya ring ba'i ngo bo nyid kyis gnas pa'i sems can rnams so/ /pad ma'i 'dab ma de dag gi mtha' ji srid par bcom ldan 'das gang gi spyan brgya rgyas pa de ni pad ma'i 'dab ma rgyas pa'i spyan no/ /'dir bcom ldan 'das kyis mtshan yang dag par brjod pa'i me long lta bu'i ye shes la bstod pa las tshigs su bcad pa drug pas gsungs pa 'di lta ste/ rdo rje 'bar ba mig mi bzang / /skra yang rdo rje 'bar ba ste/ /rdo rje 'bebs pa 'bebs pa che/ /mig brgya pa ste rdo rje'i mig /ceso/ /bcom ldan 'das kyi gsung 'di'i phyir pad ma'i 'dab ma rgyas pa'i spyan yang dag par rdzogs pa'i sangs rgyas bcom ldan 'das ni gzugs dang bral ba yin no/ /sangs rgyas de seng ge'i khri la bzhugs pa ste seng ge'i khri ni mkha' khams yin la gzhan yang seng ge'i khri ni zla ba dang nyi ma dang me'i dkyil 'khor te de la bzhugs pa ni seng ge'i khri la bzhugs pa'o/ /'dir rtsa ba'i rgyud las bcom ldan 'das kyis gsungs pa/ e gsang mkha' khams b+ha ga 'am/ /chos 'byung chu skyes seng ge'i khrir/ /bzhugs pa'i rdo rje can wa~M dang / /rdo rje can dang rdo rje sems/ /rdo rje 'jigs byed dbang phyug dang / /he ru ka dang dus 'khor dang / /dang po'i sangs rgyas la sogs mtshan/ /sna tshogs yul gyi ming rnams kyis/ /rgyud gzhan dag tu bdag gis brjod/ /sna tshogs sems can bsam pas kyang / /rten gyi mtshan nyid gnas dang ni/ /rten pa dag kyang bdag gis brjod/ /kun mkhyen ston pa rdo rje 'dzin/ /sangs rgyas seng ge'i khri la bzhugs/ /zla bzang khyod kyis gsol btab pa/ /dus kyi 'khor lo'i ston pa po/ /zhes so/ /de'i phyir thams cad mkhyen pa sangs rgyas bcom ldan 'das 'jig rten dang 'jig rten las 'das pa'i chos ston pa po lha dang lha ma yin dang mi rnams kyi ston pa mchog gi thugs rje can rgyu med par mnyes gshin pa sgrib pa thams cad las nges par grol ba'o/ /des na khyab 'jug dang drag po la sogs pa rnams kyi yang ston pa sangs rgyas bcom ldan 'das/ thams cad mkhyen pa ste/ stong gsum gyi stong chen po'i 'jig rten gyi khams na mtha' yas pa mtha' yas pa'i sems can rnams la mtha' yas pa mtha' yas pa'i skad kyis cig car 'jig rten dang 'jig rten las 'das pa'i chos ston pa po gzhan ni 'ga' yang med te/ gang gi phyir lha'i skye ba gcig pu nyi tshe bar skyes pa'i phyir dang legs par sbyar ba gcig pu nyi tshe ba smra ba'i phyir de dag ni thams cad mkhyen pa'i skad des mos pa sna tshogs pa'i sems can rnams la rang rang gi skad tha dad kyis 'jig rten dang 'jig rten las 'das pa'i chos ston par byed pa po ma yin no/ /mi'i 'jig rten 'dir de dag gis legs par sbyar ba'i skad kyis bstan pa klu dang grub pa'i mtha' dang sngon rabs kyi chos thams cad nyi tshe bar mngon sum du mthong ngo / /rig byed bzhi po rnams kyang ste gang gi phyir bram ze dang rgyal rigs rig byed klog par byed pa'i phyir ro/ /'dir bram ze dang rgyal rigs dag gis rigs byed klag par bya'i rje'u rigs dang dmangs rigs la sogs pa rnams kyis ma yin no zhes dang / de bzhin du klu dang grub pa'i mtha' dang sngon gyi rabs kyi chos rnams bram ze'i kha las bram ze dang rgyal rigs dang rje rigs dang dmangs rigs te rigs bzhi rnams kyis mnyan par bya'i/ rab tu byung ba 'dzin pa med pas na nya pa la sogs pa rnams kyis ni ma yin no zhes te/ chos dgag pa'i tshig 'di'i phyir de dag gis bstan pa'i chos rnams ni nyi tshe ba ste sems can thams cad la phan par byed pa ma yin no/ /mi'i yul 'dir legs par sbyar ba'i skad nyi tshe ba yin pa'i rgyu gang gis mos pa sna tshogs pa'i sems can rnams la sna tshogs pa'i skad kyis 'jig rten dang 'jig rten las 'das pa'i chos bstan par bya bar mi nus pa des na mi'i yul 'dir rje'u rigs dang dmangs rigs la sogs pa skye gnas dman par skyes pa rnams kyis rig byed klag pa dang rab tu byung ba dbyig pa 'dzin pa yang mi bya'o zhes rje'u rigs dang dmangs rigs la sogs pa dgag pa byas so/ /sgra gcig pu legs par rab tu sbyar bas mtho ris su 'dod pa 'jo'o zhes pa ni log pa'i nga rgyal gyis zil gyis non pa rnams kyi bsam pa ste thams cad mkhyen pa'i skad med pa'i phyir ro/ / mi'i 'jig rten 'dir gal te dmangs rigs la sogs pa'i mi thams cad kyis rig byed dang klu dang grub pa'i mtha' dang rtog ge dang bstan bcos la sogs pa rig par gyur pa de lta na bram ze rnams la su zhig gus par byed par 'gyur te/ rig pa dang chos dang ye shes thun mongs bar yongs su shes pa'i phyir dang khyim pa 'khor ba'i longs spyod la chags pa thams cad dang bram ze rnams yon tan khyad par med pa'i phyir ro/ /zhes bya bar shes nas/ rdzas la chags pa'i drang srong gdug pa rnams kyis glu dang grub pa'i mtha' dang sngon gyi rabs la sogs pa'i chos rnams legs par sbyar ba'i skad kyis glegs bam la bris shing rig byed kyang kha thon gyis klag par bya'o zhes pa'i nges pa byas pa ni thams cad shes par mi ston pa'i bsam pas byis pa'i skye bo rnams rmongs pa chen po skyed par byed pa ste/ 'dir sngon gyi dus na rig byed dang klu dang grub pa'i mtha' dang sngon gyi rabs kyi chos rnams glegs bam la bris par ma gyur pa na sdom brtson rnams kyi kha la gnas so/ /de nas snyigs ma lnga'i dus kyi dbang gis shes rab dman pa nyid kyi phyir sdom brtson rnams kyis glegs bam la bris so zhes so/ /'dir khyab 'jug dang drag po la sogs pa rnams kyis bstan pa'i chos nyi tshe ba sems can thams cad la brtse ba dang bral ba/ 'khor ba'i sdug bsngal ster bar byed pa log pa'i nga rgyal bskyed par byed pa rigs su smra ba mngon par khengs par byed pa dag la sangs rgyas pa rnams kyis rjes su yi rang bar mi bya'o/ /khams gsum po 'dir thams cad mkhyen pas thams cad mkhyen pa'i skad kyis bstan pa'i chos gang yin pa sdud par byed pa po dag gis sems can sna tshogs pa'i skad kyi gleg bam la bris pa/ rig byed la mos pa 'jig rten pa'i don ston par byed pa theg pa gsum gyi don ston par byed pa 'jig rten kun rdzob kyi bden pa dang / don dam pa'i bden pas bstan pa ni sems can thams cad kyis mnyan pa dang brjod pa'i slad du yang ste/ de la mos pa'i sems can rnams kyis thams cad mkhyen pas bstan pa'i chos kyi phung po brgyad khri bzhi stong 'jig rten dang 'jig rten las 'das pa'i don ston par byed pa de dag nyan par byed klog par byed/ 'don par byed 'chang bar byed gzhan dag la yang rgya cher yang dag par rab tu ston par byed rab tu gnas par byed/ me tog sna tshogs dang spos sna tshogs dang dri sna tshogs dang / phye ma sna tshogs dang gos sna tshogs dang me long sna tshogs dang dril bu sna tshogs dang ba dan sna tshogs dang rnga yab sna tshogs dang gdugs sna tshogs dang bla re sna tshogs dang mu tig gi do shal sna tshogs dang mar me sna tshogs dang rin po che'i rgyan sna tshogs kyis mchod pa byed te/ mchod pa byas nas de dag la yan lag lngas phyag 'tshal bar byed do/ /de ltar thams cad mkhyen pas bstan pa'i chos gzhan la phan par byed pa de dag ni mos pa'i dbang gis gzhan la phan par byed pa'i slad du de dag de bzhin gshegs pas rigs dang rigs ma yin pa'i dbang gis 'ga' zhig la yang bsgrubs pa dang bkag pa med de da lta yang nub par ma gyur to/ /re shig yul gyi khyad par gzhan lta zhog gi de bzhin gshegs pa mngon par rdzogs par sangs rgyas pa 'phags pa'i yul 'dir bcom ldan 'das yongs su mya ngan las 'das par gyur pa na sdud par byed pa po dag gis theg pa gsum glegs bam la bris te/ de bzhin gshegs pa'i nges pas sde snod gsum ma ga d+ha'i skad kyis bris so/ /mdo sde ni sin d+hu'i skad kyis so/ /pha rol du phyin pa'i tshul dang sngags kyi tshul ni legs par sbyar ba'i skad kyis so/ /rgyud dang rgyud gzhan dag ni legs par sbyar ba'i skad dang tha mal ba'i skad dang zur chag gi skad dang legs par sbyar ba ma yin par ri khrod pa la sogs pa kla klo'i skad kyis te/ de lta bu la sogs pa thams cad mkhyen pas bstan pa'i chos rnams sdud par byed pa po dag gis bris so/ /de bzhin du bod kyi yul du theg pa gsum bod kyi skad kyis bris te/ rgya nag du rgya nag gi skad kyis so/ /rgya nag chen por rgya nag chen po'i skad kyis so/ /pAr si ka'i yul du pAr si ka'i skad kyis so/ /chu bo shI ta'i byang du tsam pa ka'i yul gyi skad dang spre'u yi yul gyi skad dang gser zhes bya ba'i yul gyi skad kyis so/ /de bzhin du chu bo son po'i byang du rug ma zhes bya ba'i yul gyi skad dang su ra~M ma'i yul gyi skad kyis so/ /de ltar grong bye ba bye ba'i bdag nyid yul dgu bcu rtsa drug rnaMsu yul dgu bcu rtsa drug gi skad kyis bris so/ /de bzhin du dum bu bcu gnyis dang mtho ris dang mi yul dang sa 'og rnams su sems can sna tshogs kyi skad kyis sdud par byed pa po dag gis theg pa gsum bris te/ nyan thos rnams kyis nyan thos kyi theg pa dang / rang sangs rgyas rnams kyis rang sangs rgyas kyi theg pa dang / byang chub sems dpa' rnams kyis theg pa chen po pha rol tu phyin pa dang / theg pa chen po gsang sngags rgyu dang 'bras bu'i bdag nyid de/ sdud par byed pa po sna tshogs kyis sems can rnams gdul bar bya ba'i don du'o/ /sdud par byed pa sna tshogs kyis yul sna tshogs kyi skad kyis bris pa'i lung dang rigs pa 'dis rnam par dpyad pa na sangs rgyas bcom ldan 'das thams cad mkhyen pa thams cad mkhyen pa'i skad kyis chos ston pa po yin gyi khyab 'jug dang drag po la sogs pa gzhan ni ma yin no/ /ci ste khyab 'jug dang drag po la sogs pa rnams kyi nang na yon tan 'di dag yongs su rdzogs pa 'ga' zhig yod na de yang bdag cag gis rnam pa thams cad du phyag bya ba dang mchod par bya ba dang bkur bar bya ba yin no/ /mkhas rnams yon tan la gus te/ /sangs rgyas dbang phyug sogs la min/ /yon tan med la 'ang gus pa gang / /de blun mi dge'i las las skyes/ /sems can rnams la phan pa'i chos/ /tha mal rnams kyang ston par byed/ /mkhas pas bdag gi dga' mi dgas/ /sems can rnams la 'tshe ba ston/ /ma yang srin mo'i 'jig rten na/ /rang gi bu la bza' bar sems/ / gang zhig bu la brtse med pa/ /de la skye bo gzhan lta ci/ /mchod sbyin la sogs chos kyi rgyu/ /gang la pha ma gsod par ni/ /rang don lhur len bram zes brjod/ /de la gzhan don ci zhig gtam/ /de'i phyir mchog gi dang po'i sangs rgyas la thams cad mkhyen pa sangs rgyas bcom ldan 'das sems can thams cad la thugs brtse ba can thams cad mkhyen pa skad thams cad kyis chos ston pa po yin la/ de bzhin du sa bcu'i dbang phyug phyag na rdo rje zla ba bzang po ni gsol ba 'debs pa po dang sdud pa po yin par rab tu grags so/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las thams cad mkhyen pa zhes pa la sogs pas rgyud kyi rgyal po ston pa po dang gsol ba 'debs pa po bsgrub pa'i mdor bsdus te bzhi pa'o// // da ni rdo rje'i rnal 'byor bsdu ba brjod pa rnal 'byor dpal ldan dus 'khor zhes pa la sogs pa ste sngags kyi tshul 'di la 'jig rten dang 'jig rten las 'das pa'i bden pa la yang dag par brten nas sangs rgyas bcom ldan 'das kyis rgyud dang rgyud gzhan dag tu don rnam pa gnyis nges par bstan te/ gcig ni 'jig rten kun rdzob gyis yin la gnyis pa ni don dam pas so/ /de la gang 'jig rten kun rdzob kyis bstan pa de ni drang ba'i don yin la gang don dam pas bstan pa de ni nges pa'i don to/ /don rnam pa gnyis po 'di slob ma rnams kyis bla ma'i man ngag las khong du chud par bya ba'o/ /de bzhin du rgyud dang rgyud gzhan thams cad la brjod par bya ba rnam pa gnyis te gcig ni 'jig rten kun rdzob kyis yin la gnyis pa ni don dam pas so/ /gang 'jig rten kun rdzob kyis yin pa de ni kha dog dang phyag dang mtshan ma dang dbyibs kyi mtshan nyid can no/ /gang don dam pa'i bden pas yin pa de ni kha dog dang phyag dang mtshan ma dang dbyibs dang bral ba'o/ /'di dag las gang 'jig rten pa'i kun rdzob kyis bstan pa de ni phyi dang nang la 'jig rten pa'i dngos grub sgrub pa'i slad du rang gi sems kyis yongs su brtags pa'i chos/ 'jig rten pa'i dngos grub kyi 'bras bu ster bar byed pa'o/ /gang don dam pa'i bden pas bstan pa de ni 'jig rten las 'das pa rnam pa thams cad kyi mchog dang ldan pa phyag rgya chen po'i dngos grub bsgrub pa'i slad du rang gi sems kyis yongs su brtags pa'i chos dang bral ba gzhon nu ma rnams kyis/ me longs la sogs pa la pra phab pa bzhin du rnal 'byor pa rnams kyis rang gi sems kyi 'od gsal mngon sum du nam mkha' la snang ba 'dod pa'i don gyi 'bras bu ster ba ste 'bras bu ni 'gyur ba med pa'i bde ba'i ye shes kyi sems so/ /sems 'di gnyis gcig pa nyid ni shes rab dang thabs kyi bdag nyid rdo rje'i rnal 'byor don chen po mchog tu mi 'gyur ba dang po'i sangs rgyas rigs med pa dus kyi 'khor lo bcom ldan 'das rdo rje sems dpar rgyud gzhan thams cad du rab tu grags so/ /bcom ldan 'das de nyid rgyu'i mtshan nyid pha rol tu phyin pa'i tshul la ni shes rab kyi pha rol tu phyin pa las ngo bo nyid kyi sku zhes gsungs so/ /de bzhin du mngon par rtogs pa'i rgyan gyi tshig le'ur byas pa las mdzad pa dang bzhir nges par byams pas gsungs pa/ ngo bo nyid longs rdzogs bcas dang / /de bzhin gzhan pa sprul pa ni/ /chos sku mdzad par bcas pa ste/ /rnam pa bzhir ni yang dag brjod/ /ces so/ /bcom ldan 'das de nyid 'bras bu'i mtshan nyid sngags kyi tshul la lhan gcig skyes pa'i dga' ba dang / lhan cig skyes pa'i sku zhes gsungs te gzung ba dang 'dzin pa spangs pa rnam par shes pa'i chos nyid las 'das pa srid pa dang / mya ngan las 'das pa la rab tu mi gnas pa/ sangs rgyas rnams kyi 'dus pa dang lha mo rnams kyi sdom pa yang ye shes kyi sku 'di dang lhan cig ro mnyam pa nyid do zhes pa nges pa'i don to/ /'dir rnal 'byor pa rnams kyi phyogs su 'dzin pa thams cad nyams par bya ba'i slad du rdo rje'i rnal 'byor rigs med pa rtag pa dang chad pa spangs pa/ 'jig rten pa'i dpe las 'das pa/ yod pa dang med pa'i blo yongs su spangs pa/ gzhon nu ma'i me long la pra phab pa bzhin rang gi sems kyis ma brtags pa mngon sum du mthong ba/ yid ches pa'i don can rnam pa thams cad pa/ nam mkha' las byung ba/ kun tu bzang po/ dbang po thams cad pa/ sems can thams cad kyi bdag nyid du gnas pa/ lhan cig skyes pa'i dga' ba/ gtan tshigs dang dpe spangs pa 'di'i dper dngos po dang dngos po med pa gcig pa nyid 'gyur te chos mi mthun pa'i phyir ro/ /dper na 'jig rten pa'i dpe bum pa dang chos mi mthun pa'i phyir nam mkha'i me tog ni med pa thams cad kyis med do/ /de bzhin du nam mkha'i me tog dang chos mi mthun pa'i phyir bum pa ni dngos po thams cad kyis yod do zhes 'di gnyis phan tshun chos mi 'thun pa'i phyir dper 'gyur ro/ /de bzhin du chad pa dang / chos mi mthun pa'i phyir srid pa ni dngos po thams cad kyis yod do/ /srid pa dang chos mi mthun pa'i phyir chad pa ni med pa thams cad kyis med do/ /chad pa'i sgras ni mya ngan las 'das pa dngos po med pa'i mtshan nyid do/ /de bzhin du 'jig rten las 'das pa'i dper bum pa dang nam mkha'i me tog 'di gnyis gcig pa nyid 'gyur te chos mi mthun pa'i phyir ro/ /bum pa dang nam mkha'i me tog 'di dag 'jig rten pa'i kun rdzob tu gcig pa nyid med te phan tshun 'gal ba'i phyir ro/ /gang gis gang yod pa de ni med par mi 'gyur zhing gang med pa de ni yod par mi 'gyur te dngos po dang dngos po med pa'i rang bzhin las so/ /gang gis yod pa'i mtshan nyid kyi sems su 'gyur ba des med pa'i mtshan nyid du mi 'gyur ro/ /gang gis med pa'i mtshan nyid kyi sems su 'gyur ba des yod pa'i mtshan nyid du mi 'gyur te 'gal ba'i phyir ro/ /'dir yang stong pa nyid dang snying rje'i bdag nyid kyi gzugs rnam par dag pa'i sems gzhon nu ma'i pra phab pa lta bu ni gzugs kyi mtshan nyid ma yin te rdul phra rab med pa'i phyir ro/ /gzugs med pa'i mtshan nyid ma yin te stong pa la yod pa'i phyir ro/ /de'i phyir kun rdzob stong pa nyid kyi gzugs can dang stong pa nyid kun rdzob kyi gzugs can te 'jig rten pa'i dpe las 'das pa nyid kyi phyir sems gang yod pa'i sems de ni sems med pa/ rtag pa dang chad pa'i chos kyis mtshan nyid dang bral ba stong pa nyid dang snying rje dbyer med pa'o/ /don dam pa'i bden pas gnyis ka'i sems dag chos mi mthun pa'i phyir yod pa dang med pa las 'das pa/ dngos po dang dngos po med pa zad pa/ rdo rje'i rnal 'byor gnyis su med pa ste de bzhin gshegs pa'i gsung rigs med pa nyid kyi phyir ro/ /'dir rtsa ba'i rgyud las bcom ldan 'das kyis gsungs pa/ yod dang med las rnam par 'das/ /gnyis med dngos dang dngos med zad/ /stong nyid snying rje dbyer med pa/ / rdo rje'i rnal 'byor bde ba che/ /phra rab rdul gyi chos nyid 'das/ /stong pa'i chos ni rnam par spangs/ /rtag dang chad las rnam par grol/ /rdo rje'i rnal 'byor rigs med pa/ /zhes so/ /de bzhin du rgyud gzhan dag tu yang de bzhin gshegs pas rdo rje'i rnal 'byor phyag rgya chen po'i dngos grub ster bar byed pa po gsungs so/ /rdo rje'i rnal 'byor rnam par dag pa skad cig gcig gis mngon par rdzogs par sangs rgyas pa/ dam pa'i don chen po mchog tu mi 'gyur ba lhan cig skyes pa'i dga' ba 'di ni/ 'dod pa'i srid pa la mi gnas/ gzugs kyi srid pa la mi gnas/ gzugs med pa'i srid pa la mi gnas/ 'dod pa'i mya ngan las 'das pa la mi gnas/ gzugs kyi mya ngan las 'das pa la mi gnas/ gzugs med pa'i mya ngan las 'das pa la mi gnas te srid pa dang / mya ngan las 'das pa la mi gnas pa nyid kyi phyir ro/ /gnyis ka la yang mi gnas te phan tshun 'gal ba'i phyir ro/ /srid pa dang mya ngan las 'das pa na gcig pa nyid ma yin te grib ma dang nyi ma bzhin no/ /dper na me ni gtsub stan la mi gnas/ gtsub shing la mi gnas/ skyes bu'i lag pa'i rtsol ba la mi gnas pa de bzhin du rdo rje'i rnal 'byor yang phyi dang nang dang gzhan thams cad la rnal 'byor pas rtogs par bya'o/ /'dir skad cig gcig gis mngon par rdzogs par byang chub pa zhes bya ba ni mchog tu mi 'gyur ba'i bde ba chen po'i skad cig ste skad cig gcig la mngon par rdzogs par sangs rgyas pa 'di ni dbugs kyi grangs kyi mtha' ji srid par skad cig thams cad rnam par sgom pa po yin no/ /de nas rdzogs pa'i skad cig de la mngon par rdzogs par sangs rgyas pa ste yang dag par rdzogs pa'i sangs rgyas so 'dir rdzogs pa'i skad cig gang la de bzhin gshegs pa thams cad mngon par rdzogs par sangs rgyas pa'i skad cig de nas chos thams cad skye ba med pa gnas pa med pa 'jig pa med pa ste rigs med pa'i phyir ro/ /'dir skad cig gang la chos rnams skye bar 'gyur ba'i skad cig de la gnas pa dang 'jig pa med do/ /'dir skad cig gang la gnas par 'gyur ba'i skad cig de la 'jig pa dang skye ba med do/ /'dir skad cig gang la chos thams cad 'jig par 'gyur ba'i skad cig de la skye ba dang gnas pa med do/ /de ltar na rim pa ji lta ba bzhin chos thams cad skad cig skye ba dang skad cig gnas pa dang skad cig 'jig par mi 'gyur ro/ /cig car yang mi srid te chos thams cad dus gcig tu yod pa la skye ba dang gnas pa dang 'jig pa'i skad cig rnams gcig pa nyid ma yin no/ /ci ste rim pa ji lta bar skye ba'i skad cig las gnas pa'i skad cig dang gnas pa'i skad cig las 'jig pa'i skad cig dang 'jig pa'i skad cig las skye ba'i skad cig 'byung ngo zhe na/ 'di nyid don dam pa'i rigs pas mi 'thad te 'dir skad cig snga ma ma 'gags pa las skad cig gzhan mi 'byung zhing de bzhin du 'gags pa las kyang mi 'byung ngo / / dper na sa bon ma nyams pa las myu gu mi 'byung zhing nyams pa las kyang mi 'byung ba bzhin no/ /de ltar na don dam par yod pa'i dngos po med pa'i phyir skad cig gcig med de gcig dang du ma 'gal ba'i phyir ro/ /'dir skad cig thams cad rnam par sgom pa po skad cig gcig la mngon par rdzogs par sangs rgyas zhes pa gang yin pa de ni mchog tu mi 'gyur ba'i bde ba'i skad cig drug brgya lhag pa'i stong phrag nyi shu rtsa gcig sgom pa po dang por mchog tu mi 'gyur ba'i bde ba'i skad cig gis mngon par rdzogs par sangs rgyas te/ de'i rjes la sangs rgyas rnams kyi rnal 'byor skad cig thams cad med pa gcig dang du ma dang bral ba mchog gi gnyis su med pa ste don dam par yod pa dang med pa dang bral ba nyid kyi phyir ro/ /ji srid du 'jig rten pa'i sems yod pa de srid du chos rnams gcig dang du mas rnam par dpyod de skad cig ma'i sems snang ba'i phyir ro/ /gang gi tshe sems skad cig gis chos dang bral ba de'i tshe rang bzhin med pa zhes brjod do/ / de'i phyir rang bzhin med pa'i phyogs ni bcom ldan 'das kyis phyogs med par gsungs so/ /phyogs zhes bya ba ni dngos po dang dngos po med pa dang / yod pa dang med pa dang / yin pa dang ma yin pa dang / gcig dang gcig ma yin pa dang / rtag pa dang chad pa dang / srid pa dang mya ngan las 'das pa dang / gzugs dang gzugs ma yin pa dang / sgra dang sgra ma yin pa dang / skad cig dang skad cig ma yin pa dang / chags pa dang chags pa ma yin pa dang / zhe sdang dang zhe sdang ma yin pa dang / gti mug dang gti mug ma yin pa zhes pa de lta bu la sogs pa rnams ni phyogs te phan tshun ltos pa dang bcas pa nyid kyi phyir ro/ /phyogs 'di dang bral ba ni sangs rgyas rnams kyi mi gnas pa'i mya ngan las 'das pa rang bzhin med pa ste skad cig gcig dang du ma dang bral ba'i ye shes ni rgyal ba rnams kyis de kho na nyid ces gsungs so/ /de nyid sems can rnams kyi rang gi sems kyi bsam pa'i dbang gis rnam pa bzhi dang rnam pa bcu drug tu yang so sor snang ste/ dga' ba dang mchog dga' dang khyad par gyi dga' ba dang lhan cig skyes pa'i dbye bas rnam pa bzhi ste/ de nas sku'i dga' ba dang gsung gi dga' ba dang thugs kyi dga' ba dang ye shes kyi dga' ba dang / de bzhin du sku'i mchog gi dga' ba dang gsung gi mchog gi dga' ba dang thugs kyi mchog gi dga' ba dang ye shes kyi mchog gi dga' ba dang / de bzhin du sku'i khyad par gyi dga' ba dang gsung gi khyad par gyi dga' ba dang / thugs kyi khyad par gyi dga' ba dang ye shes kyi khyad par gyi dga' ba dang / de bzhin du sku'i lhan cig skyes pa'i dga' ba dang gsung gi lhan cig skyes pa'i dga' ba dang / thugs kyi lhan cig skyes pa'i dga' ba dang / ye shes kyi lhan cig skyes pa'i dga' ba ste/ de lta bu'i de nyid rnam pa bcu drug gang gi tshe rnal 'byor pas rig pa de'i tshe de nyid rnam pa bcu drug rig /ces bcom ldan 'das kyis gsungs so/ /de nyid de kho na la lhan cig skyes pa'i sku zhes brjod te/ de'i 'og tu chos kyi sku dang de'i 'og tu longs spyod rdzogs pa'i sku dang de'i 'og tu sprul pa'i sku'o/ /de bzhin du lhan cig skyes pa'i gsung dang lhan cig skyes pa'i thugs dang lhan cig skyes pa'i ye shes dang / de bzhin du chos kyi gsung dang chos kyi thugs dang / chos kyi ye shes dang / longs spyod rdzogs pa'i gsung dang longs spyod rdzogs pa'i thugs dang longs spyod rdzogs pa'i ye shes dang / sprul pa'i gsung dang sprul pa'i thugs dang sprul pa'i ye shes te de ltar de nyid rnam pa bcu drug tu sems can thams cad kyi sems kyi lhag par mos pa'i dbang gis rab tu snang ste/ de nyid lhan cig skyes pa'i sku stong pa nyid kyi rnam par thar pas rnam par dag pa/ ye shes rdo rje thams cad mkhyen pa shes rab dang thabs kyi bdag nyid rnam par dag pa'i rnal 'byor zhes brjod do/ /de nyid chos kyi sku mtshan ma med pa'i rnam par dag pa thugs rdo rje ye shes sku shes rab dang thabs kyi bdag nyid chos kyi bdag nyid kyi rnal 'byor zhes brjod do/ /de nyid longs spyod rdzogs pa'i sku smon pa med pa'i rnam par thar pas rnam par dag pa/ gsung rdo rje nyin mor byed pa'i sku shes rab dang thabs kyi bdag nyid sngags kyi rnal 'byor zhes brjod do/ / de nyid sprul pa'i sku mngon par 'dus ma byas pa'i rnam par thar pas rnam par dag pa/ sku rdo rje pad ma'i 'dab ma rgyas pa'i spyan shes rab dang thabs kyi bdag nyid dbyibs kyi rnal 'byor zhes brjod te de lta bu'i rdo rje'i rnal 'byor rnam pa bzhi po 'di sangs rgyas la phyag na rdo rjes zhus so/ /stong pa nyid kyi rnam par thar pas rnam par dag pa/ ye shes rdo rje shes rab dang thabs kyi bdag nyid lhan cig skyes pa'i sku thams cad mkhyen pa nyid thob pa ni thams cad mkhyen pa ste thams cad gzigs pa nyid kyi phyir ro/ /mtshan ma med pa'i rnam par thar pas rnam par dag pa/ thugs rdo rje shes rab dang thabs kyi bdag nyid/ chos kyi sku lam gyi rnam pa mkhyen pa nyid thob pa ni ye shes sku ste/ mchog tu mi 'gyur ba'i bde bas gnas pa nyid kyi phyir ro/ /smon pa med pa'i rnam par thar pas rnam par dag pa/ gsung rdo rje shes rab dang thabs kyi bdag nyid/ longs spyod rdzogs pa'i sku lam mkhyen pa nyid thob pa ni nyin mor byed pa'i sku ste mtha' yas pa mtha' yas pa'i sems can gyi skad kyis cig car 'jig rten dang 'jig rten las 'das pa'i chos ston pa po nyid yin pa'i phyir ro/ /mngon par 'dus ma byas pa'i rnam par thar pas rnam par dag pa/ sku rdo rje shes rab dang thabs kyi bdag nyid/ sprul pa'i sku/ rnam pa thams cad mkhyen pa nyid thob pa ni pad ma'i 'dab ma rgyas pa'i spyan te mtha' yas pa mtha' yas pa'i sprul pa'i sku dag gis cig car rnam pa thams cad pa'i sku'i bkod pa'i rdzu 'phrul spro ba'i phyir ro/ /de bzhin du skad cig gcig gis mngon par rdzogs par sangs rgyas pa ni ye shes rdo rje ste don thams cad gzigs pa'o/ /rnam pa lngas mngon par rdzogs par sangs rgyas pa ni thugs rdo rje ste mchog tu mi 'gyur ba'i bde ba'o/ /rnam pa nyi shus mngon par rdzogs par sangs rgyas pa ni gsung rdo rje ste/ bden pa'i don rnam pa bcu gnyis pa sems can thams cad kyi skad kyis chos ston pa po'o/ /sgyu 'phrul dra bas mngon par rdzogs par sangs rgyas pa ni sku rdo rje ste de nyid rnam pa bcu drug rig pa mtha' yas pa'i sgyu 'phrul dra ba dag gis spros pa'i sku'o/ / 'dir sems kyi rdo rje rnam pa bzhi rnam par dag pa ni sku bzhi'i mtshan nyid du 'gyur te/ bzlog par dka' ba'i 'dod chags kyi dri mas kun nas bsgos pa b+ha ga dang dbang po'i bdag nyid bzhi pa'i sems kyi dngos po med pa'i sems ni ngo bo nyid kyi sku ste thams cad mkhyen pa zhes bya'o/ /mun pas zil gyis mnan pa shin tu gnyid log pa'i sems kyi dngos po med pa'i sems ni chos kyi sku ste ye shes sku zhes pa'o/ /srog gis bskyed pa yod pa dang med pa'i rmi lam gyi sems kyi dngos po med pa'i sems ni longs spyod rdzogs pa'i sku ste nyin mor byed pa'i sku zhes pa'o/ /rnam par rtog pa du ma'i dngos po'i 'du shes sad pa'i sems kyi dngos po med pa'i sems ni sprul pa'i sku ste pad ma'i 'dab ma rgyas pa'i spyan zhes pa'o/ /rdo rje'i rnal 'byor 'di ye shes kyi le'ur rgya cher brjod par bya ste/ 'jig rten khams kyi le'u 'dir ni mdor bstan pa tsam zhig bstan to/ /de ltar ye shes dang thugs dang gsung dang sku'i bdag nyid kyi rnal 'byor zhus te dpal ldan dus 'khor rgyud kyi rgyal po la'o/ /ji ltar gyur pa la zhe na/ ka phreng ldan pa'i a 'dus la ste ka phreng ldan pa'i a 'dus zhes pa ka'i phreng ba ni ka phreng ste ka yig la sogs pa gsal byed kyi phreng ba'o/ /ka yig gsal byed thams cad kyi gtso bor rig par bya ste dang por bstan pa 'am rdul gyi ngo bo nyid yin pa'i phyir ro/ /de bzhin du a'i 'dus pa ni a 'dus te dbyangs kyi tshogs pa zhes brjod do/ /'dir ka'i phreng ba ni/ ka kha ga g+ha nga / tsa tsha dza dz+ha nya/ Ta Tha Da D+ha Na/ pa pha ba b+ha ma/ ta tha da d+ha na/ sanya Sha sha th+ka zhes pa ni ka'i phreng ba ste gsal byed kyi phreng ba'o/ /'dir a'i 'dus pa ni a A i I r-i r-I u U l-i l-I a A e ai ar Ar o au al Al ha hA ya yA ra rA wa wA la lA zhes pa ni a'i 'dus pa ste dbyangs kyi tshogs so/ /a 'dus 'di la ka phreng dang ldan pa'i phyir ka phreng ldan pa ste/ ka phreng ldan pa'i a 'dus dus kyi 'khor lo'i rjod par byed pa a la sogs pa dang ka la sogs pa shes rab dang thabs kyi bdag nyid rnal 'byor gyi rgyud dang po'i sangs rgyas rigs med pa de la dus kyi 'khor lo'i brjod par bya ba rdo rje'i rnal 'byor rgyud kyi ngo bo nyid kyis gnas pa dang po'i sangs rgyas ni zla ba bzang pos zhus zhes pa chos bstan pa bsdus pa'o/ /da ni dgos pa dang dgos pa'i dgos pa bsdus pa brjod pa/ rnams ba'i ste/ mi rnams dgrol ba'i don ni dang por re shig dkyil 'khor du 'jug pa la sogs pas sems can gyi don byed pa ni dgos pa ste/ bsod nams kyi tshogs dang dkyil 'khor gyi 'khor lo'i gzugs bsgom pa'i stobs dang / byin gyis brlab pa bsgom pa'i stobs dang / dpa' bo'i rim pa dang byin gyis brlab pa'i rim pas 'jig rten pa'i dngos grub sgrub pa yang dgos pa'o/ /de nas gong nas gong du dgos pa'i yang dgos pa ni dgos pa'i dgos pa ste/ 'dir nam mkha'i khams la rnam par rtog pa med pa'i sems dang du ba la sogs pa'i mtshan mas phyag rgya chen po rnam pa kun sna tshogs pa'i ngo bo nyid kyis bsgom pa mchog tu mi 'gyur ba'i bde ba'i sgrub thabs dang / bsod nams dang ye shes kyi tshogs dag gis mi rnams kyi skye ba 'di la sangs rgyas nyid dang rdo rje 'dzin pa nyid te dgos pa dang dgos pa'i dgos pa bsdus pa'o/ /mchog gi dang po'i sangs rgyas kyi rnal 'byor 'di ni 'das pa'i sangs rgyas rnams kyis bstan to/ / da ltar byung ba rnams kyis ston to/ /ma 'ongs pa rnams kyis kyang ston par 'gyur te/ 'das pa dang da ltar byung ba dang ma 'ongs pa'i dus dang / 'das pa dang da ltar byung ba dang ma 'ongs pa'i tshe'i 'khor rnams kyis so/ / mtha' yas pa mtha' yas pa'i sangs rgyas kyi zhing rnams su mtha' yas pa mtha' yas pa'i sems can rnams la mtha' yas pa mtha' yas pa'i de bzhin gshegs pa rnams kyis sangs rgyas nyid kyi slad du yang dag par bstan to/ / ston to/ /ston par 'gyur ro/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las ston pa po la sogs pa bsdus pa'i mdor bsdus te lnga pa'o// // da ni nyi ma'i shing rtas gsol ba btab par gyur pa bcom ldan 'das 'jam dpal gyi sprul pa'i sku mi'i dbang po grags pas/ mchog gi dang po'i sangs rgyas las de bzhin gshegs pas lung bstan pa zla ba bzang pos gsol ba 'debs pa tshigs su bcad pa gnyis pas gsungs pa/ stong pa ye shes kyang ste thig le mchog mchog rdo rje 'dzin pa sangs rgyas lha dang lha min yang / /phyi dang lus dang gzhan la yang ste rang bzhin rnams la skyes bu nyi shu lnga pa'i bdag nyid dang / /lus la sna tshogs tshad dang srid pa gsum gyi bkod pa lha dang lha min rnams kyi longs spyod dang / /dkyil 'khor dang ni dbang ste 'di dag skabs gsum pa dang mi yi bla ma yang dag bshad du gsol/ /'dir gsol ba 'debs pa'i tshigs su bcad pa ni stong pa chen po yi ge lnga dang thig le stong pa yi ge drug dang rigs drug la sogs pa'i don bsdus par bcom ldan 'das kyis gsungs te de'i phyir 'di bdag gis dgrol bar bya'o/ /'dir dang por gsol ba 'debs pa'i tshigs su bcad pa stong pa zhes pa la sogs pas rgyud kyi sbas pa'i don rab tu gsal bar byas na 'chad par 'gyur ba byis pa'i blo can rnams kyis rtogs sla bar 'gyur ro/ /des na dang por 'grel bshad las mdor bsdus pas brjod par bya'o/ /'dir stong pa zhes pa la sogs pa'i ming rnams kyis ma mthong ba dang mthong ba'i dngos po'i tshe dbang yin nyi tshe ba'i dbang po'i spyod yul rnams rab tu ston to/ /med pa dang yod pa dang dngos po ma yin pa dang dngos po yin pa thams cad la yang ming sngon du 'gro bas tha snyad byed de nam mkha'i me tog la sogs pa dang bum pa la sogs pa bzhin no/ /'dir nam mkha'i me tog gis ming gis bstan pa'i dngos po med pa ni dngos po ma yin no/ /de bzhin du bum pa'i ming gis bstan pa'i dngos po ni dngos po med pa'i mtshan nyid ma yin te rang gi ming gis brjod pa'i phyir ro/ /de bzhin du rgyud dang rgyud gzhan rnams su bstan bcos kyi ming dang yul gyi ming dang sngags kyi yi ge'i ming dang yi ge re re'i ming rnams kyis dngos po gang dag de bzhin gshegs pas nges par bstan cing sdud par byed pa po rnams kyis kyang bris pa de dag thams cad rnal 'byor pa rnams kyis drang ba'i don dang nges pa'i don gyis rtogs par bya'o/ /'dir gcig dang dngos po med pa la yang ming sna tshogs ste de'i phyir dngos po gcig la yang ming sna tshogs kyis bstan pa rnal 'byor pa rnams kyis ming gi rnam par rtog pa mi bya ste bla ma dam pas nye bar bstan pa gser bzhin yongs su brtags pa ni don la rton pa la brten pa nyid kyi phyir ro/ /'dir stong pa ye shes kyang ste thig le mchog mchog rdo rje 'dzin pa/ zhes pa'i yi ge bcu bzhi po 'dis stong pa zhes pa la sogs pa'i ming rnams kyis khams drug gi skyes bu chen po'i gang zag 'di bsdus pa 'di lta ste/ ye shes kyi phung po dang rnam par shes pa'i phung po dang ye shes kyi khams dang nam mkha'i khams dang yid dang rna ba dang sgra dang chos kyi dbyings dang mchog gi dbang po dang b+ha ga dang dri chu 'dzag pa dang khu ba 'pho ba ste/ 'di rnams sgrib pa dang bral ba nyid dang ro mnyam pa nyid dang gcig tu 'dres par gyur pa nyid la stong pa zhes brjod do/ /thams cad dngos po med pa ni ma yin te rnal 'byor pas rang rig pa nyid kyi phyir ro/ /de nyid ni rgyal ba rnams kyis gzhom du med par gsungs te gzhom du med pa 'di'i ming gi mtshan ma ni lho dang byang dang shar dang nub kyi dbus su gri gug gi rnam par ri mo tsam rjod du med pa ste stong pa chen po'i yi ge dang po'o/ /de'i 'og tu ye shes kyang zhes pa ste 'dir kyang yig ni sdud pa'i don du bstan te sdud pa'i don go bar byed pa'i phyir ro/ /ye shes zhes pa'i ming 'dis stong pa gsum pa zhes pa rtogs par bya ba 'di lta ste tshor ba'i phung po dang me'i khams dang mig dang ro dang lag pa dang 'gro ba ste/ 'di rnams sgrib pa med pa nyid dang ro mnyam pa nyid dang gcig tu 'dres par gyur pa nyid ni ye shes te stong pa chen po yi ge gsum pa'o/ /'di'i ming gi mtshan ma ni dbus ma gzhom du med pa'i mtshan ma'i lho ru thig le gnyis te brjod du med pa'o/ / thig le zhes pa'i ming 'dis stong pa bzhi pa rtogs par bya ste snga ma'i kyang yig gi phyir ro/ /'di lta ste/ 'du shes kyi phung po dang chu'i khams dang lce dang gzugs dang rkang pa dang len pa ste/ 'di rnams sgrib pa med pa nyid dang ro mnyam pa nyid gcig tu 'dres par gyur pa nyid ni thig le ste stong pa chen po yi ge bzhi pa'o/ /'di'i ming gi mtshan ma ni dbus kyi mtshan ma'i byang du thig le gcig ste brjod du med pa'o/ /mchog mchog rdo rje 'dzin pa/ zhes pa ni mchog dang mchog dang rdo rje 'dzin pa ni mchog mchog rdo rje 'dzin pa ste gcig zlas dbye ba'i phyir ro/ /sngar gyi kyang yig las gsum po 'di stong pa'i ming can du 'gyur ro/ /mchog dang po'i ming gis stong pa gnyis pa zhes brjod pa 'di lta ste/ 'du byed kyi phung po dang rlung gi khams dang sna dang reg bya dang ngag gi dbang po dang bshang ba 'dzag pa ste/ 'di rnams sgrib pa dang bral ba nyid dang ro mnyam pa nyid dang gcig tu 'dres par gyur pa nyid ni mchog ste stong pa chen po yi ge gnyis pa'o/ /'di'i ming gi mtshan ma ni dbus ma gzhom du med pa'i shar du dbyig pa'i rnam pa ri mo tsam brjod du med pa'o/ /mchog gnyis pa'i ming gis stong pa lnga pa zhes brjod pa 'di lta ste/ gzugs kyi phung po dang sa'i khams dang lus kyi dbang po dang dri dang bshang lam dang brjod pa ste 'di rnams sgrib pa med pa nyid dang ro mnyam pa nyid dang gcig tu 'dres par gyur pa nyid ni mchog ste stong pa yi ge lnga pa'o/ /'di'i ming gi mtshan ma ni dbus ma gzhom du med pa'i nub tu thod pa'i rnam pa brjod du med pa'o/ /de ltar brjod pa'i rim pas gcig tu 'dres par gyur pa lnga ni stong pa chen po yi ge lnga pa wa~M yig rdo rje sems dpa' bde ba chen po rdo rjer brjod do/ /'dir dbyangs kyi ming can brjod du med pa'i yi ge lnga ni 'di lta ste/ dbus su a yig stong pa gri gug gi rnam pa'o/ /lhor ri yig stong pa thig le gnyis so/ /byang du u yig stong pa thig le gcig go/ shar du i yig stong pa dbyug pa'i rnam pa'o/ /nub tu li yig stong pa mthong ba'i rnam pa ste/ de bzhin du yon tan dang 'phel ba dang ya Nar bsgyur ba'i rnam par 'gyur ba rnams shes par bya'o/ /de ltar wa~M yig ni stong pa chen po yi ge lnga pa dmigs pa med pa'i snying rje'i bdag nyid rdul phra rab kyi chos nyid las 'das pa pra phab pa'i rang bzhin dang mtshungs pa rnal 'byor pas rtogs par bya ba'o/ /'dir ye shes dang rnam par shes pa'i phung po la sogs pa'i dbyangs rnams ni 'di lta ste/ ye shes kyi phung po a~M/ rnam par shes pa'i phung po a/ ye shes kyi khams a:/ nam mkha'i khams A/ yid kyi dbang po aM/ rna ba'i dbang po a/ sgra a:/ chos kyi dbyings A/ b+ha ga ha/ dri chu 'dzag pa ha:/ mchog gi dbang po ha~M/ khu ba 'pho ba hA/ 'di dag ni dbus ma gzhom du med pa'i sgrib pa dang bral ba ste gri gug gi rnam pa'i ming gi mtshan mas rtogs par bya'o/ /'du byed kyi phung po i/ rlung gi khams I/ sna'i dbang po e/ reg bya ai/ ngag gi dbang po ya/ bshang ba 'dzag pa yA/ 'di dag sgrib pa dang bral ba shar du dbyug pa'i rnam pa'i mtshan mas rtogs par bya'o/ /tshor ba'i phung po r-i/ me'i khams r-I/ mig gi dbang po ar/ ro Ar/ lag pa'i dbang po ra/ 'gro ba rA/ 'di dag sgrib pa dang bral ba lhor thig le gnyis kyi mtshan mas rtogs par bya'o/ /'du shes kyi phung po u/ chu'i khams U/ lce'i dbang po o/ yul gzugs au/ rkang pa'i dbang po wa/ len pa wA/ 'di dag sgrib pa dang bral ba dbus kyi mtshan ma'i byang du thig le'i mtshan mas rtogs par bya'o/ /gzugs kyi phung po l-i/ sa'i khams lI/ lus kyi dbang po al/ yul dri Al/ bshang sham gyi dbang po la/ brjod pa lA/ 'di dag sgrib pa dang bral ba nub tu thod pa'i rnam pa'i mtshan mas rtogs par bya'o/ /'di dag ni sum bcu rtsa drug gi dbye bas tha dad pa dbyangs dang yon tan dang 'phel ba dang ya Nar bsgyur ba'i rnam par 'gyur ba'o/ /gang du phung po rnams sum bcu rtsa drug gi dbye bas tha dad par gyur pa der phung po'i gnas su ro drug gzung bar bya ste/ skyur ba dang ska ba dang kha ba dang tsha ba dang dngar ba dang lan tshwa rnams so/ /aM a i r-i u li zhes pa ro drug ste lhag ma ni brjod pa'i tshogs so/ /stong pa chen po yi ge lnga sum bcu rtsa drug gi bdag nyid de nyid rgyal ba rnams kyis rdo rjer brjod te de 'dzin pa'i phyir rdo rje 'dzin pa'o/ /thig le stong pa yi ge drug ni e yig chos 'byung rnam pa thams cad pa'i stong pa nyid kyi gzugs so/ /'di lta ste rnam par shes pa'i phung po dang nam mkha'i khams dang rna ba dang chos kyi dbyings dang b+ha ga dang khu ba 'pho ba ste 'di rnams sgrib pa dang bral ba rnam pa thams cad pa'i stong pa nyid do/ /dbus ma gzhom du med pa'i steng du 'di'i ming gi mtshan ma ka sde'i bdag nyid ka yig gsal byed brjod du med pa ste thig le stong pa dang po'o/ /'du byed kyi phung po dang rlung gi khams dang sna dang reg bya dang ngag dang bshang ba 'dzag pa ste 'di rnams sgrib pa dang bral ba rnam pa thams cad pa'i stong pa nyid do/ /shar gyi mtshan ma'i shar du 'di'i ming gi mtshan ma tsa sde'i bdag nyid tsa yig gsal byed brjod du med pa ste thig le stong pa gnyis pa'o/ /tshor ba'i phung po dang me'i khams dang mig dang ro dang lag pa dang 'gro ba ste 'di rnams sgrib pa dang bral ba rnam pa thams cad pa'i stong pa nyid do/ /lho'i mtshan ma'i lhor 'di'i ming gi mtshan ma Ta sde'i bdag nyid Ta yig gsal byed brjod du med pa ste thig le stong pa gsum pa'o/ /'du shes kyi phung po dang chu'i khams dang lce dang gzugs dang rkang pa'i dbang po dang len pa ste 'di rnams sgrib pa dang bral ba rnam pa thams cad pa'i stong pa nyid do/ /byang gi mtshan ma'i byang du 'di'i ming gi mtshan ma pa sde'i bdag nyid pa yig gsal byed brjod du med pa ste thig le stong pa bzhi pa'o/ /gzugs kyi phung po dang / sa'i khams dang lus kyi dbang po dang dri dang bshang lam dang brjod pa ste 'di rnams sgrib pa dang bral ba rnam pa thams cad pa'i stong pa nyid do/ /nub kyi mtshan ma'i nub tu 'di'i ming gi mtshan ma ta sde'i bdag nyid ta yig gsal byed brjod du med pa ste thig le stong pa lnga pa'o/ /ye shes kyi phung po dang ye shes kyi khams dang yid dang sgra dang mchog gi dbang po dang dri chu 'dzag pa ste 'di rnams sgrib pa dang bral ba rnam pa thams cad pa'i stong pa nyid do/ /dbus ma gzhom du med pa'i mtshan ma'i 'og tu 'di'i ming gi mtshan ma sa sde'i bdag nyid sa yig gsal byed brjod du med pa ste thig le stong pa drug pa'o/ /de ltar na thig le stong pa yi ge drug ni chos 'byung rdo rje 'dzin pa e yig ste stong pa nyid dmigs pa dang bcas pa pra phab pa'i rang bzhin can no/ /'dir phung po dang khams la sogs pa'i gsal byed rnams ni/ ka kha ga g+ha nga / tsa tsha dza dz+ha nya/ Ta Tha Da D+ha Na/ pa pha ba b+ha ma/ ta tha da d+ha na/ sa ny+ba Sha sha u0f88u0f90/ ha ya ra wa la k+Sha/ zhes pa ste/ dbyangs dang gsal byed 'di dag gi yang thung ngu dang ring po'i dbye bas phung po dang khams la sogs pa'i dbye ba shes p ar bya'o/ /lus kyi dbye bas phung po dang dbang po ni dbyangs dang gsal byed thung ngu'i chos rnams yin la khams dang yul ni dbyangs dang gsal byed ring po'i chos rnams so/ /ro drug dang khams kyi rnam par 'gyur ba'i dbye bas khams sum bcu rtsa drug tu 'gyur ba dang / phung po drug dbang po drug gi dbye bas phung po sum bcu rtsa drug tu 'gyur ba 'di lta ste/ ro drug dang khams drug dang dbang po drug dang yul drug dang las kyi dbang po drug dang las kyi dbang po'i yul drug ni ro drug dang khams kyi rnam par 'gyur ba'o/ /rna ba'i rnam par shes pa la sogs pa rnam par shes pa drug dang / de bzhin du 'du byed drug dang tshor ba drug dang 'du shes drug dang gzugs kyi phung po drug dang / ye shes kyi phung po drug ni phung po'i rnam par 'gyur ba'o/ /'chad par 'gyur bar rgya cher brjod par bya ste le'u dang po 'dir ni mdor bsdus pa tsam zhig nye bar bstan to/ /'dir stong pa chen po yi ge lnga ni dbyangs kyi tshogs te khu ba dang zla ba zhes brjod do/ /thig le stong pa yi ge drug ni gsal byed kyi tshogs te rdul dang nyi ma zhes brjod do/ /'dir khu ba dang zla ba ni wa~M yig ste rdo rje'o/ /rdul dang nyi ma ni e yig ste pad ma'o/ / rdo rje dang pad ma 'di gnyis gcig pa nyid ni rdo rje sems dpa' ste rdo rje ni mchog gi bde ba dang ye shes dang khu ba'o/ /sems dpa' ni rnam pa thams cad pa dang shes rab kyi gzugs dang shes bya dang nyi ma dang ye shes dang rnam par shes pas byin gyis brlabs pa dang sgrib pa dang bral ba dang gcig tu 'dres par gyur pa dang de nyid dang 'gro ba'i don byed pa po yin no/ /sku dang gsung dang thugs dang ye shes gcig tu sbyor ba 'di nyid zhal bzhi'i rgyur 'gyur te/ ye shes ni nub gyi zhal ser po'o/ /rnam par shes pa ni shar gyi zhal nag po'o/ /zla ba dang sku ni byang gi zhal dkar po'o/ /nyi ma dang gsung ni lho'i zhal dmar po'o/ /zla ba dang nyi ma 'di dag ni gtso bo dang phal pa'i dbye bas khams drug drug tu rtogs par bya ste/ de dag kyang sa dang chu dang me dang rlung dang ro dang ro chen po'i cha shas so/ /'di rnams la khu ba las byung ba gsum dang byung ba ma yin pa gsum ste/ chu'i khams dang ro'i khams te/ khams 'di dag ni khu ba las byung ba'o/ /ro'i khams ni nam mkha'i khams kyi ming ngo / /rdul las byung ba gsum dang byung ba ma yin pa gsum ste/ sa'i khams dang me'i khams dang ro chen po'i khams te khams 'di dag ni rdul las byung ba'o/ /'dir ro chen po ni ye shes kyi khams kyi ming ngo / /khams lhag ma dag ni khu ba dang rngul las byung ba'o/ /de ltar zla ba dang nyi ma dag las byung ba'i khams gsum po rnams ni rim pa ji lta ba bzhin du mngal nas skyes pa rnams kyi lus dang ngag dang sems su 'gyur te/ zla ba'i khams rnams thabs kyi lus dang sems dang / nyi ma'i khams rnams shes rab kyi lus dang ngag dang sems te khu ba dang rdul las byung ba'i rgyu'i phyir ro/ /khams 'di dag ni dbang po drug la sogs pa rnams kyi rigs drug go/ de bzhin du sku dang gsung dang thugs kyi rigs ni ngo bo nyid kyi rigs dang lhan cig rigs bzhir 'gyur ro/ /sku gsum sku bzhir 'gyur ro/ /gnas skabs gsum gnas skabs bzhir 'gyur ro/ /de bzhin du khams lnga'i rigs ni ye shes kyi khams dang lhan cig rigs drug tu 'gyur ro/ /de bzhin du mngal nas skyes pa rnams kyi phung po lnga'i rigs ni ye shes kyi phung po dang lhan cig rigs drug tu 'gyur ro/ /bu mo la lo bcu gnyis dang / skyes pa la lo bcu drug gis te/ bu mo la rdul gyi dus ji srid par rigs gsum dang rigs lngar rig par bya'o/ /skyes pa la khu ba 'pho ba'i dus ji srid par rigs gsum dang rigs lngar rig par bya'o/ /ye shes kyi khams byung ba'i dus nas 'chi ba'i bar du gnyis ka la rigs bzhi dang rigs drug go/ de bzhin du rtsa ba'i rgyud las bcom ldan 'das kyis gsungs pa/ rigs gsum dang ni rigs lnga nyid/ /rang bzhin gcig dang rigs brgya'o/ /zhes so/ /da ni rigs kyi rigs can brjod pa sangs rgyas zhes pa la sogs pa'o/ /'dir sangs rgyas ni ye shes dang rnam par shes pa la sogs pa phung po drug go/ lha dang lha min yang zhes pa'i yang yig gis byang chub sems dpa' yid kyi dbang po la sogs pa drug dang de bzhin du khams drug dang yul drug dang / de bzhin du khro bo drug las kyi dbang po drug dang / khro bo'i lha mo drug las kyi dbang po'i bya ba drug go/ lha ni lag pa dang rkang pa'i tshigs bcu gnyis la 'chad par 'gyur ba rnams te/ de bzhin du rnal 'byor ma tsa ra tsi ka la sogs pa brgyad do/ /lha min ni klu'i rgyal po rnams dang lha mo khyi gdong ma la sogs pa rnams so/ /da ni mu stegs pa rnams 'jug par bya ba'i phyir rang bzhin dang skyes bu brjod do/ /de bzhin du bcom ldan 'das kyis rgyud gzhan las gsungs pa/ sgyu 'phrul chen mo drag chen drag mo/ /'byung dang sdud par byed pa mo/ /rang nyid byed po rang 'phrog po/ /rang nyid rgyal po rang gtso bo/ /zhes pa brdzun pa ste don dam par byed pa po dang 'phrog pa po med do/ /mu stegs byed rnams kyis yongs su brtags pa'i chos rang bzhin dang skyes bu la sogs pa gzhan yang ngo / /'dir mu stegs pa rnams kyi rang bzhin nyi shu rtsa bzhi'i bdag nyid dang skyes bu nyi shu rtsa lnga pa'o/ /de la rtsa ba'i rang bzhin rnam par 'gyur ba ma yin te/ sems can rnams kyi bzhi pa'i gnas skabs skyed par byed pa namakha'i khamaso/ /chen po la sogs pa bdun ni rang bzhin dang rnam par 'gyur ba ste sa dang chu dang me dang rlung dang yid dang blo dang nga rgyal lo/ /rnam pa bcu drug ni rnam par 'gyur ba ste/ dbang po lnga dang yul lnga dang las kyi dbang po lnga dang mchog gi dbang po ste/ rang bzhin dang rnam par 'gyur ba nyi shu rtsa bzhi'o/ /'dir skyes bu ni khyab byed nyid yin pa'i phyir rang bzhin yang ma yin rnam par 'gyur ba yang ma yin te ngo bo nyid dang bral ba'o/ / phyi dang lus dang gzhan la yang nyi shu rtsa lnga'i bdag nyid grub ste/ phyi rol du khams lnga dang sgra gcan dang nyi ma dang zla ba zhes pa ni rang bzhin brgyad do/ /bkra shis la sogs pa gza' lnga ni dbang po lnga dang yul lnga dang / sa la sogs pa rnams kyi ro drug gi rnam par 'gyur ba bcu drug ste/ kha cig ni dbang po la sogs pa rnams dang 'tsho ba'i lus drug ces so/ /de bzhin du lus la sna tshogs tshad ni nang gi le'ur brjod par bya'o/ /srid pa gsum gyi bkod pa zhes pa la/ 'dir phyi rol du srid pa gsum ni 'jig rten gyi khams yin la nang du ni lus kyi khams so/ /de'i bkod pa 'chad par 'gyur ba'i rim pas bshad du gsol zhes pa bya ba'i nges pa'o/ /lha dang lha min rnams kyi longaspyod dang zhes pa ni 'dir lha rnams nyin mo longaspyod cing lha ma yin rnams mtshan mo longaspyod te de bzhin du byang du bgrod pa dang lhor bgrod pa'o/ /dkyil 'khor dang ni dbang ste skabs gsum pa dang mi'i bla ma 'di dag yang dag bshad du gsol zhes pa la/ 'dir 'jig rten gyi bden pas tshon dang thig gdab pas rdul tshon gyi dkyil 'khor dang / don dam pa'i bden pas nam mkha'i khams la thig gdab pa dang bral zhing tshon dgye ba dang bral ba kha dog dang phyag dang dbyibs kyi gzugs kyi lha rnam par rtog pas bsgom pa'i sems dang bral ba rnam pa thams cad pa me long gi pra phab pa lta bu bshad du gsol zhes pa'o/ /de bzhin du 'jig rten pa'i dbang ni chu dang cod pan dang dar dpyangs dang rdo rje dril bu dang brtul zhugs chen po dang ming dang rjes su gnang ba ste bdun no/ /de bzhin du gong ma ni bum pa dang gsang ba dang shes rab ye shes so/ /'jig rten las 'das pa'i dbang bcu gcig pa ni bzhi pa ste thams cad yang dag par bshad du gsolo/ /de ci'i phyir zhe na/ 'phags pa'i yul 'dir ma 'ongs pa'i dus na rdo rje slob dpon rdzas la rkam pa dag 'byung bar 'gyur te/ phyug po rdzas kyis mngon par khengs pa rnams kyi khyim du song nas rdzas kyi don du chos 'tshong bar byed par 'gyur ba dang / rdzas la chags pas skal ba dang mi ldan pa rnams la 'jig rten las 'das pa'i dbang ster bar 'gyur ba dang / dang po rgyal po la sogs pa'i mngag gzhug pa phyi nas bla mar 'gyur ba dang / rdzas kyis dman pa mi dge ba bcu'i las kyi lam yongs su btang zhing sems can skal pa dang ldan par gyur pa gzhan rnams la yang 'jig rten las 'das pa'i dbang mi ster bar 'gyur ba dang / de dag rnams la nyon mongs pa bskyed par 'gyur ba dang / rdzas kyi dbang gis gdug pa'i sems can rnams la rdo rje'i tshig rab tu gsal bar byed par 'gyur ba dang / gzhan yang rdo rje'i tshig mi shes pa phan tshun rtsod pa byed par 'gyur ba dang / mkhas pa'i mngon pa'i nga rgyal gyis rgyud kyi don mi shes pa rnams kyang rgyud kyi 'grel bshad byed par 'gyur ba dang / bdud kyi ris rnams sems can rnams kyi bla mar gyur nas rdo rje'i tshig phyin ci log tu ston par 'gyur ba dang / sangs rgyas kyi ye shes dbang po gnyis las skyes pa'i bde bar byis pa'i blo can rnams la ston par 'gyur ba dang / gsum pa shes rab ye shes de nyid bzhi pa ste de yang de bzhin no zhes pa'i sgra rgyu dang 'bras bu dbye ba med pas bcom ldan 'das kyis gsungs so/ /zhes gsum pa'i ye shes sangs rgyas kyi ye shes su smra bar 'gyur ba dang / 'phags pa'i yul gang du mkhas pa'i mngon pa'i nga rgyal kyis glegs bam mthong nas dbang bskur med par rdo rje theg pa ston pa po byed par 'gyur ba de'i phyir/ de ltar ma 'ongs pa'i dus kyi gdug pa'i slob dpon rnams kyi 'jug pa gzigs nas/ sangs rgyas bcom ldan 'das kyis rgyud dang rgyud gzhan thams cad du bzhi pa shes rab ye shes kyi dbang gsal por ma mdzad de/ rtsa ba'i rgyud dang sdus pa'i rgyud rnams su bzhi pa shes rab ye shes dang phyag rgya chen po bsgom pa du ba la sogs pa'i lam shin tu sbyas shing rtsa ba'i rgyud 'ga' zhig la rab tu gsal lo/ /rtsa ba'i rgyud mchog gi dang po'i sangs rgyas 'di dang bsdus pa'i rgyud la yang bzhi pa shes rab ye shes rab tu gsal zhing phyag rgya chen po bsgom pa du ba la sogs pa'i lam yang rab tu gsal ba rdo rje slob dpon brgyud pa'i rim pas 'ongs pa ma yin pa ste/ dper na sngags kyi lha dang phyi rol gyi dngos grub sgrub pa'i thabs dang dpa' bo'i rim pa dang rang byin gyis brlab pa'i rim pa yang bla ma brgyud pa'i rim pas 'ongs pa ma yin pa bzhin no/ /rnam par dag pa'i rim pa phyag rgya chen po'i dngos grub ster bar byed pa po 'di mchog gi dang po'i sangs rgyas la rab tu gsal bar glegs bam du bris te/ chu bo shI ta'i byang du sems can skal pa dang ldan pa rnams kyi sems kyi lhag par mos pa mkhyen nas/ bcom ldan 'das kyis bstan zhing phyag na rdo rjes glegs bam la bris pa'o/ /mtshan yang dag par brjod pa tshad mar byas nas sems can rnams the tsom med par 'gyur ba gang yin pa des na sngags kyi theg pa'i tshul thams cad kyi nges pa'i don mtshan yang dag par brjod pa las bcom ldan 'das kyis phyag na rdo rje la yang dag par bstan to/ /de'i phyir gang gis mchog gi dang po'i sangs rgyas mi shes pa des mtshan yang dag par brjod pa mi shes so/ /gang gis mtshan yang dag par brjod pa mi shes pa des rdo rje 'dzin pa'i ye shes kyi sku mi shes so/ /gang gis rdo rje 'dzin pa'i ye shes kyi sku mi shes pa des sngags kyi theg pa mi shes so/ /gang gis sngags kyi theg pa mi shes pa de dag thams cad ni 'khor ba pa ste bcom ldan 'das rdo rje 'dzin pa'i lam dang bral ba'o/ /de lta bas na mchog gi dang po'i sangs rgyas ni bla ma dam pa rnams kyis bstan par bya zhing thar pa don du gnyer ba'i slob ma dam pa rnams kyis mnyan par bya'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las dkyil 'khor dang dbang la sogs pa bsdus pa'i mdor bsdus te drug pa'o// // da ni sdud par byed pa po 'jam dpal gyis zla ba bzang po khyod la bdag mgu zhes pa la sogs pa'i tshigs su bcad pa gsum pas mchog gi dang po'i sangs rgyas las bcom ldan 'das kyi lan gyi tshig yang dag par bsdus pa de nyid bdag gis dgrol bar bya'o/ /zla ba bzang po khyod la bdag mgu zhes pa la zla ba bzang po ni bod pa ste kye zla ba bzang po khyod la bdag mgu'o/ /gang las ci'i phyir zhe na/ gang zhig khyod kyis dris pa dus kyi 'khor lo'i rnal 'byor 'di ni rab mchog lha dang mi la sogs pa rnams kyis shes pa ma yin pas de'i phyir bdag mgu'o/ /'dir rab mchog lha rnams ni rgyal chen bzhi'i ris la sogs pa nas 'du shes med 'du shes med min skye mched kyi mthar nye bar son pa rnams so/ / mi ni 'khor los bsgyur ba la sogs pa'o/ /srin po ni bden bral la sogs pa'o/ /lha min ni gzhan gyis mi thub pa la sogs pa'o/ /klu ni mtha' yas la sogs pa'o/ /chags bral ni 'phags pa kun dga' bo la sogs pa'o/ /thub mchog ni drang srong mi sbyin la sogs pa ste 'di dag gi rigs rnams kyis so/ /rab mchog lha dang mi la sogs pa 'di rnams kyis shes pa ma yin pa dus kyi 'khor lo'i rnal 'byor mya ngan las 'das pa la sogs 'dzin ma'i mthar thug ces pa gang gi dang po mya ngan las 'das pa ye shes kyi khams dang mtha' 'dzin ma sa ste dbus su ma brjod pa nyid las nam mkha' dang rlung dang me dang chu'i khams so/ /nam mkha' la sogs pa'i khams 'di dag ni khyab par bya ba ste khyab par byed pa ni ye shes kyi khams so/ /de ltar khyab par bya ba dang khyab par byed pa'i 'brel pas rnal 'byor te/ de bzhin du bcom ldan 'das kyis gsungs pa/ sa dang chu dang de bzhin me/ /rlung dang nam mkha'i khams dang ni/ /rnam shes khams drug par brjod pa/ /skyes bu chen po'i gang zag go/ zhes so/ /tshig gi bgrod pa dang bcas zhes pa la tshig ni rnam pa gnyis te A li kA li'i bdag nyid can no/ /de dag gi bgrod pa ni tshig gi bgrod pa ste mgrin pa dang rkan dang spyi bo dang mchu dang so'i gnas rnams las dbyangs dang gsal byed rnams brjod pa'o/ /bgrod pa de dang bcas pa ni sngags kyi brdas rab tu brjod pa'o/ /'dir sngags kyi brda ni rnam pa gnyis te gcig ni sngags kyi brda yin la gnyis pa ni de kho na nyid kyi brda'o/ /de la sngags kyi brda ni rab tu brjod pa ste 'jig rten pa'o/ /de kho na nyid ni dam pa'i don can tshig tu brjod pa spangs pa'o/ /gang du rab tu brjod pa'i brda yin pa der oM A: hU~M zhes pa la sogs pa sngags kyi ming ngo / /gang du de kho na nyid kyi brda yin pa der a yig ni chos thams cad kyi sgo ste gdod ma nas ma skyes pa nyid kyi phyir ro zhes dang / de bzhin du sgyu 'phrul dra ba stong phrag bcu drug pa las bcom ldan 'das kyis gsungs pa/ 'di ltar sangs rgyas bcom ldan 'das/ /rdzogs pa'i sangs rgyas a las byung / /a ni yig 'bru kun gyi mchog /don chen yi ge dam pa yin/ /srog chen po ste skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed/ /ces dang / yang de nyid kyi ting nge 'dzin dra ba'i le'u las/ gsang sngags skye gnas yi ge med/ /gsang sngags chen po rigs gsum pa/ /gastong pa chen po yi ge lnga/ /thig le stong pa yi ge drug /ces so/ /de kho na nyid dam pa'i don can gyi brda sngags kyi theg pa las bcom ldan 'das kyis gsungs pa/ 'di ltar mya ngan las 'das pa ye shes kyi khams gzhom du med cing brjod du med pa ste brjod du med pa'i dbyangs dang gsal byed kyi mtshan nyid can no zhes so/ /nam mkha'i khams la sogs pa'i sngags kyi brda rab tu brjod pa'i mtshan nyid can mgrin pa la sogs pa nas brjod pa'i chos bcom ldan 'das kyis gsungs te/ 'dir a ku ha rnam par bcad pa ni 'grin pa las so/ /i tsu ya sha ni rkan las so/ /r-i Tu ra Sha ni spyi bo las so/ /u pu wa ny+pa ni mchu las so/ /l-i tu la sa ni so las so/ /de bzhin du gnas gnyis pa dang gnas gsum pa dang / gnas bzhi pa dang gnas lnga pa'i sngags te brtsegs pa'i sngags rnams kyang rab tu brjod pa'i brdas rig par bya'o/ /ming gi rang bzhin can de dag thams cad kyang 'jig rten pa'i dngos grub bsgrub pa'i slad du ming can gyi dngos po rnams go bar byed pa'o/ /de kho na nyid kyi brda' tshig tu brjod pa spangs pa dam pa'i don can las kyi phyag rgya dang ye shes kyi phyag rgya'i dngos grub spangs pa ni phyag rgya chen po'i dngos grub bsgrub pa'i slad du bcom ldan 'das kyis rgyud kyi rgyal po thams cad las nges par bstan to/ /sbyor ba 'di mtha' dag ni lus dbus su ste dkyil 'khor dag dang dbang ni 'chad par 'gyur ba'i rim pas sems can thams cad kyis sgrib pa med pa'i gnas thob par bya ba'i slad du bdag gis bshad par bya yis mi'i bdag po bzang po khyod nyon cig ces pa ste bcom ldan 'das kyi lan gyi tshig bsdus pa'i mdor bstan pa'o/ /da ni bcom ldan 'das kyis 'jig rten gyi khams bsdus pa sdud par byed pa po 'jam dpal gyis mchog gi dang po'i sangs rgyas las dus kyi stong pa rnams las zhes pa la sogs pa tshigs su bcad pa bzhi pas bstan pa bdag gis dgrol bar bya'o/ /sngags kyi tshul 'di la bsngags pa ni/ theg pa gsum gyi nges 'byung la/ /theg pa gcig gis 'bras bur gnas par bcom ldan 'das kyis gsungs te/ gang theg pa gsum gyi dgongs pa mi shes pa de ni dus las thams cad mkhyen pa'i lam las nyams par 'gyur ro/ /sngags kyi theg pa la ldem por dgongs pa'i skad gzhan mi shes pas srog gcod pa la sogs pa dang / tshogs khang dang gtsug lag khang gi rdzas la nye bar longs spyod pa byas pa dang / rtag pa dang chad pa'i phyogs bzung bas phyi rol gyi yul nye bar longaspyod pa la chags par gyur na/ slob dpon gyi chas kyis dkon mchog gsum la co dris nas dmyal bar 'gro bar 'gyur ro/ /'dir 'jig rten pha rol dang 'jig rten 'di'i don du sems can rnams kyis mnyes par bya ba'i rgan pa bzhi ste/ de dag las ye shes kyi rgan pa ni mngon par shes pa thob pa dang / rab tu dga' ba la sogs pa'i sa thob pa'i rdo rje slob dpon dge slong ngam khyim pa mchod par 'os pa dge slong bcu dang mnyam par bcom ldan 'das kyis gsungs pa'o/ /de med na dka' thub kyis rgan pa ni ngur smrig 'dzin pa ste ngur smrig 'dzin pa rnams las lo dang / sngags pa rnams dbang gis rgan pa khyim pa'i slob dpon rnams kyis thams cad du phyag bya ste dka' thub kyis rgan pa'i phyir dang / khyim pa rnams la mngon par shes pa med pa'i phyir ro/ /thos pas rgan pa ni mkhas pa mchod par 'os pa/ bstan pa gsal bar byed pa phas kyi rgol ba bdud kyi rigs rnams 'dul bar byed pa ste 'di dag ni 'jig rten pha rol gyi don du sems can rnams kyis mnyes par bya ba'o/ /nor gyis rgan pa ni rgyal po ste 'jig rten 'di'i longs spyod don du gnyer ba rnams kyis mnyes par bya ba'o/ /de ltar rgan po bzhi ni sems can rnams kyis mnyes par bya ba'o/ /de'i phyir theg pa gsum shes pa po ni dka' thub kyis rgan pa ste khyim pa la ni ji srid dka' thub par ma gyur par nyan thos kyi theg pa las so sor thar pa mnyan pa'i skabs med do/ / de'i phyir khyim pa ni mngon shes dang ldan pa ma gtogs par rgan por mi 'gyur zhing khyim pa rab tu byung ba dang bral ba rnams tshogs khang dang gtsug lag khang la nye bar longs spyod pa yang bcom ldan 'das kyis theg pa gang du yang ma gsungs so/ /de bas na theg pa gsum yongs su shes par bya ba'i slad du dang por bye brag tu smra ba'i gzhung la brten nas rdul phra rab 'dus pa'i bdag nyid kyi 'jig rten gyi khams yod cing de bzhin du khur khur ba'i gang zag yod te rtag pa 'am mi rtag par bdag mi smra'o zhes bcom ldan 'das kyis gsungs pa'i phyir ro/ /'jig rten gyi khams 'byung ba dang / 'gag pa dang chags pa dang 'jig pa'i dus kyang rig par bya'o/ /des na chags ba ni 'byung ba'i dus kyi dbang gi stong pa rnams las zhes pa la stong pa rnams ni 'jig rten pa'i tha snyad kyis mig la sogs pa'i dbang po rnams kyi spyod yul ma yin pa rdul phra rab kyi ngo bos rnam par gnas pa sa dang chu dang me dang rlung dang ro'i rdzas yon tan lnga dang bzhi dang gsum dang gnyis dang gcig gi rang bzhin rnams dang / yon tan drug pa chos kyi dbyings thams cad du khyab par byed pa ni stong pa rnams so/ /stong pa rdul phra rab de rnams las 'byung ba'i dus kyi dbang gis rlung zhes bya ba ni rdul phra rab de rnams kyi nang nas dang por re shig rlung gi rdul phra rab rnams phan tshun 'byar bar 'gyur ro/ /'byar ba de las yang zhing g.yo ba nyid du bgrod pa ni rlung zhes brjod do/ /de bzhin du me'i rdul phra rab rnams kun tu 'byar bar gyur pa rlung dang ldan pa'i klog ni me zhes brjod do/ /de bzhin du chu'i rdul phra rab rnams 'dus pa kun tu 'byar bar gyur pa rlung dang me dang ldan pa'i char ni chu zhes brjod do/ /de bzhin du sa'i rdul phra rab kun tu 'byar ba nam mkha' la dbang po'i gzhur snang ba ni 'dzin ma zhes brjod do/ /ro'i rdul phra rab rnams ni thams cad du khyab par byed pa ste de ltar stong pa lnga rnams las rlung dang 'bar byed chu dang 'dzin ma rnams su 'gyur ro/ /yang dag par 'dzin pa dang srub pa dang dbyibs kyi rlung gi mthu las gling dang ri bo rgya mtsho dang zhes pa la gling ni bdun no/ /ri bo ni bdun no/ /rgya mtsho ni bdun no/ /rgyu skar dang ni nyi zla skar ma gza'i tshogs dang drang srong zhes pa la rgyu skar ni nyi shu rtsa bdun dang de'i 'brel pa mtha' yas pa'o/ /nyi zla ni zlum po'i rnam pa'o/ /skar ma gza'i tshogs zhes pa ni de bzhin nyid du skar ma'i rnam pa can bkra shis la sogs pa rnams so/ / drang srong ni skar ma bdun no/ /lha dang 'byung po klu rnams dang / zhes pa la lha ni rgyal chen bzhi'i ris la sogs pa'o/ /'byung po ni gzhan gyis mi thub pa dang yi dags la sogs pa'o/ /klu ni mtha' yas la sogs pa'o/ / dud 'gro skye gnas rnam pa bzhi dang zhes pa la sgo nga las skyes pa ni nam mkha' lding la sogs pa ste rlung gi skye gnas so/ /mngal nas skyes pa ni glang po'i dbang po la sogs pa ste me'i skye gnas so/ /drod gsher las skyes pa ni srin bu dang phye ma leb dang grog sbur la sogs pa ste chu'i skye gnas so/ /brdzus te skyes pa ni ljon pa la sogs pa ste sa'i skye gnas so/ /de bzhin du brdzus te skyes pa chen po ni ro'i skye gnas so/ /sna tshogs sa dang 'og tu zhes pa las zhes pa ni lung gi tshig go/ sna tshogs kyang de yin la sa yang yin pa'i phyir sna tshogs sa ste gling bdun gyi rang bzhin dang dum bu bcu gnyis kyi rang bzhin no/ /de'i 'og ni sna tshogs sa'i 'og ste klu'i srid pa dang dmyal ba'i srid pa bdun no/ / sna tshogs sa de la mi rnams dang 'og dmyal ba'i srid par dmyal ba rnams te yang yig ni bsdu ba'i don to/ /stong pa'i dbus su yang dag 'byung ste/ chu la lan tshwa dang ni sgo nga'i dbus su sgong skyes bzhin zhes pa ni 'dir brtan pa rnams skyed pa la lan tsha dang g.yo ba rnams skyed pa la sgo nga dper 'gyur te dang zhes pa ni sdud pa'o/ /dper na nyi ma'i 'od kyi sbyor ba las lan tsha chu'i rdul phra rab rnams lan tshwa sra ba nyid du 'gyur ba de bzhin du lhun po la sogs pa brtan pa rnams so/ /dper na khu ba zhu ba'i rdul phra rab rnams sgong nga'i dbus su gdong ba'i lus la sogs pa'i cha shas nyid du 'gyur ba de bzhin du g.yo ba sems can rnams rig par bya'o/ /'jig rten gyi khams 'di'i 'byung ba ni le'u lnga par rgyas par brjod par bya'o/ /'jig rten gyi khams bsdus pa'i mdor bsdus chen po'o/ /da ni 'jam dpal gyis lus dang zhes pa la sogs pa snga ma'i rim pas bstan pa rdo rje'i lus bsdus pa'i tshigs su bcad pa lnga pa bdag gis dgrol bar bya ste lus zhes pa ni zla ba sgrib pa dang bral ba'o/ /ye shes zhes pa ni nyi ma sgrib pa dang bral ba'o/ /nam mkha' zhes pa ni nam mkha'i khams sgrib pa dang bral ba ste de bzhin du rlung gi khams dang me'i khams dang chu'i khams dang sa'i khams so/ /brtan pa zhes pa ni khams lnga'i bdag nyid brtan pa'i khams sgrib pa dang bral ba'o/ /g.yo ba zhes pa ni khams drug gi bdag nyid kyi gang zag gi khams sgrib pa dang bral ba'o/ /lha ni mthong ba skyed min dag dang zhes pa ni lha yang de yin la mthong ba skyed min yang yin pa de ni lha ni mthong ba skyed min te gzugs med pa'i srid pa rnam par shes pa'i nga rgyal tsam dang ldan pa nam mkha' mtha' yas skye mched la sogs pa rnam pa bzhi'o/ / de ltar lus la sogs pa rdo rje ye shes kyi rten srid pa rnams pa sa bcur de bzhin gshegs pas gsungs pa rdo rje'i lus las sngags kyi skye gnas thig le la sogs pa 'byung bar 'gyur ro/ /mi'i bdag po ni bod pa'o/ /'dir sngags kyi skye gnas ni zla ba las thig le dang / nyi ma las rnam par bcad pa dang / nam mkha'i khams las a dang rlung gi khams las i dang me'i khams las r-i dang chu'i khams las u dang sa'i khams las li dang brtan pa'i khams las gsal byed ma dang g.yo ba'i khams las gsal byed k+Sha dang gzugs med pa'i khams las gsal byed ha yig ste/ sngags kyi tshig 'di dag g.yon skor gyis dgod par bya'o/ /de ltar gsal byed snga ma gsal byed phyi ma'i steng du 'gro'o/ /li yig la sogs pa rnams ni i ka ni a tsa la ya Na'o zhes pas ya Nar bsgyur te mtha'i a yig gis yang dag par sbyar ro/ /rnam par bcad pa zla ba phyed pa'i rnam pa'o/ / thig le zlum po'o/ /ye shes rtse mo'i rnam pa'o/ /yon tan dang 'phel ba la sogs pa'i sngags rnams kyi sngags kyi skye gnas ni 'di lta ste/ ha k+Sha ma l-i u r-i i aH h+k+Sh+m+l+'+R+Ya~M zhes pa ni 'jig rten gyi khams kyi tshogs dang rdo rje'i lus te nam mkha'i khams la ya yig rlung gi dkyil 'khor ro/ /de'i steng du ra yig me'i dkyil 'khor ro/ /de'i steng du wa yig chu'i dkyil 'khor ro/ /de'i steng du la yig sa'i dkyil 'khor ro/ /de'i steng du ma yig lhun po rnam pa lnga pa'o/ /de'i steng du k+Sha yig pad ma'i tshul gyis g.yo ba'i tshogs so/ /de'i steng du gzugs med pa'i tshogs ha yig go/ ha yig las rnam par bcad pa nyi ma dang thig le zla ba dang nA da rdo rje'i mtshan ma rtse gcig pa ste/ de ltar rdo rje'i lus dang 'jig rten gyi khams dang dkyil 'khor gyi rnam pa ni 'chad par 'gyur bas bshad par bya'o/ /de ltar sngags kyi skye gnas 'byung bar 'gyur zhing slar yang 'di nyid du grol te zhes pa ni slar yang sdud pa'i dus su 'di nyid la grol ba ste thim par 'gyur zhes pa'o/ /de ltar gang gis yang dag rig pa zhes pa ni de ltar brjod pa'i rim pas sgrib pa dang bral ba 'dis rdo rje'i lus gang su zhig gis rig pa'o/ /de ni phyugs min zhes pa phyugs de mi shes pa'o/ /sems kyi kun du rtog pa dag las grol zhes pa la kun tu rtog pa ni dkyil 'khor du brtags pa'i chos te de las grol ba ni sems kyi kun tu rtog pa dag las grol ba'o/ /rnam pa bcu po 'di mdor bsdus pa chos kyi dbyings shin tu rnam par dag pa la bstod pa las de bzhin gshegs pas gsungs pa 'di lta ste/ rnam pa bcu po don bcu'i don/ /thub dbang stobs bcu khyab pa'i bdag /kun gyi don ni ma lus byed/ /rnam bcu dbang ldan che ba po/ /thog ma med pa spros med bdag /de bzhin nyid bdag dag pa'i bdag /bden par smra zhing tshig mi 'gyur/ /ji skad smras pa de bzhin byed/ /gnyis med gnyis su med par gsung / /yang dag mtha' la rnam par gnas/ /bdag med seng ge'i sgra dang ldan/ /mu stegs ri dgas ngan 'jigs byed/ /ces so/ /rdo rje'i lus bsdus pa'i mdor bsdus so/ /da ni sgra gcan la sogs pa 'byung ba bsdus pa'i tshigs bcad drug pa g.yon gyi yan lag ces pa la sogs pa bdag gis dgrol bar bya ste g.yon gyi yan lag tu ni dkar po 'bar ba zhes pa la sngar brjod pa'i gzhom du med pa dbus na gnas pa 'khyog po phyed kyi mtshan ma'i ming can gyi g.yon gyi yan lag tu thig le gcig ste de yang dkar po 'bar ba ces pa ye shes dkar po'i 'od zer ro/ /'gro ba'i bdud rtsi'i cha ni cha shas nyid do/ /g.yas su dmar po'i mdog ces pa ni gzhom du med pa de'i g.yas su rnam par bcad pa'i mtshan ma'i ming can dmar po 'bar ba ye shes dmar po'i 'od zer ro/ /de dag gi phyi rol g.yon dang g.yas su yang grangs ji lta bar sgra gcan dang dus mer 'gyur ro/ /de nas zla ba dang nyi mar 'gyur ro/ /de bzhin du gza' lag dang bkra shis dang / pa sangs dang phur bu dang / mjug rings dang spen pa dang / char dang klog dang / chu dang me ste zung bdun pa'o/ /'jig rten la ni 'jig rten gyi khams la gnas pa ste de nyid ni nges pa'i don to/ /'di rnams la sngags kyi tshig ni grangs ji lta ba bzhin g.yon dang g.yas su/ a~M aHu ri/ U rI/ o ar/ au Ar/ wa ra/ wA rA/ zhes pa zung bdun ni gza' bdun po rnams kyi lhag pa'i lha'o/ /mun pa med pa zung gcig dag ni mun pa'i mtha' la'o/ / zhes pa mun pa dang bral ba dkar po dang dmar po'i ye shes kyi 'od zer kyi rang bzhin gzhom du med pa'i g.yon dang g.yas la gnas pa ni gzhom du med pa'i yan lag yin gyi gzhan ni ma yin no/ / rgyab tu ser po yang zhes pa la yang yig gis ni ye shes ser po'i 'od zer ro zhes pa'i don to/ /gzhom du med pa'i rgyab tu thod pa'i rnam pa'i mtshan ma'i ming can no/ /de'i phyi rol rnam pa dang bcas pa'i nub tu ser po 'bar ba'o/ /de nas skar ma phra mo dang skar ma sbom po'o/ /de bzhin du lha'i gzhu'o/ /sa ni rnam pa gnyis te sa dang rdo ba'i gzugs so/ /de ltar ser po 'bar ba de ni rnam pa bzhi dang rnam pa gnyis su 'gyur ro/ /srog ces bya ba gcig pu'i rlung ni rnam bcur 'gyur te spyi bo rtsa ba dag dang mdun du'o/ /zhes pa ni gzhom du med pa de'i steng du 'od zer ljang khu ste phyi rol du stong pa'i sa bon las byung ba srog gi rlung ngo / /'og tu 'od zer sngon po ste phyi rol du ye shes kyi sa bon las byung ba thur du sel ba'i rlung ngo / /mdun du 'od zer nag po ste phyi rol du mnyam gnas zhes bya ba'i rlung ngo / /de nas gyen du rgyu ba dang / de bzhin du khyab byed dang klu dang rus sbal dang / rtsangs pa dang lha sbyin dang nor las rgyal ba ste rlung bcu'o/ /'di dag las 'og dang steng du zung gcig ste shar dang nub tu ni rlung dang sa zung bdun no/ /nor las rgyal ba ni ma ning ste shi ba'i lus yongs su mi gtong ba'i phyir ro/ / 'di rnams la sngags kyi tshig ni steng dang 'og tu ha hA'o/ /shar dang nub tu grangs ji lta bas/ a A/ r-i l-i/ -I l-I/ e a la ai a lA/ ya la/ yA lA k+Sha zhes pa zung bdun ni shar dang nub tu'o/ /steng 'og zung gcig ni mun pa'i mthar ro/ /zung bdun po rnams ni thun 'tshams bzhi'i dbye bas gza' bdun po rnams kyi lhag pa'i lha'o/ /gza' nyi ma la mtshan phyed nas shar nas 'char ba la a/ lho nas 'char ba la aH nub nas 'char ba la A/ byang nas 'char ba la a~M/ zla ba la/ i r-i l-i u/ bkra shis la I r-I l-I u/ gza' lag la e ar al o/ phur bu la ai Ar Al au pa sangs la ya ra la wa/ spen pa la yA rA lA wA zhes pa rim pa ji lta ba bzhin gza' bdun po rnams kyi sa bon no/ /dbus kyi rdo rje'i steng du sa bon zhes pa ni steng dang 'og dang shar dang lho dang nub dang byang gi sa bon rnams kyi dbus kyi gzhom du med pa gri gug gi rnam pa rdo rje'o/ /de'i steng gi sa bon rjes su nga ro ste g.yon gyi yan lag la gang gnas pa de steng du 'gyur ro/ /rang gi nus pa yon tan tshogs dang bcas pa 'og tu gnas zhes pa ni rjes su nga ro'i nus pa rnam par bcad pa'o/ /de'i yon tan ni 'od zer dmar po yin la de dang bcas pa'i nus pa ni yon tan tshogs dang bcas pa ste rjes su nga ro'i 'og tu zla ba phyed pa'i rnams pas gnas pa'o/ /rang gi nus pa zhes pas ma gsungs pa nyid las shar dang nub kyi mtshan ma ni gzhom du med pa'i rkang pa dang mgo bo la'o/ /de ltar na stong pa chen po yi ge lnga ni rdo rje sems dpa'i yul la wa~M yig ste rdo rje yan lag med pa'i sgrub pa la ha~M yig go/ de'i phyi rol du thig le stong pa yi ge drug ni wa~M yig gi phyogs la rten e yig ces brjod cing ha~M yig gi phyogs la skye gnas k+Sha yig ste rdo rje dang pad ma yang ngo / /kun tu ye shes dang ni stong pa zhes pa la ye shes kyi sgras gzhom du med pa'i steng gi rnam par bcad pa zla ba phyed pa'i rnam pa ste kun tu zhes pa ni phyi rol gyi yi ge thams cad la 'gyur ro/ /stong pa ni thams cad la thig le'o/ /zhi ba gnas dang bcas pa dngos po kun gyis rnam par grol zhes pa la zhi ba ni gzhom du med pa'o/ /de'i gnas ni shar dang nub kyi mtshan ma ste de dang bcas pa'i zhi ba dngos po kun gyis rnam par grol ba'o/ /de nyid kun tu ste phyi rol gyi yi ge'i chos thams cad la rkang pa dang mgor rlung dang sa dag grangs ji lta ba bzhin no/ /mgo'i steng du cha dang cha'i steng du thig le dang thig le'i steng du nA da gzhom du med par brjod par bya'o/ /'di'i sngags kyi tshig rnams ni/ a~M` wa~M` k+Sha~M` ha~M` a~M` a~M`H a~M` A~M` i~M` I~M` ra~M` ra~M la~M lA~M`M U~M` U~M` e~M` e+e~M` a ra~M` A ra~M` a la~M` A la~M` o~M` o+o~M` ha~M` hA~M` ya~M` yA~M` ra~M` rA~M` la~M` lA~M` wa~M` wA~M` k+Sha~M`/ de ltar khyab par bya ba sngags kyi tshig thams cad la stong pa chen po yi ge lnga khyab par byed pa por rig par bya'o/ /'di'i mdor bsdus pa rgyud kyi rgyal po sgyu 'phrul dra ba las bcom ldan 'das kyis gsungs pa 'di lta ste/ rgyal po sgyu 'phrul sna tshogs 'chang / /che ba sangs rgyas rig sngags 'dzin/ /rdo rje rnon po ral gri che/ /yi ge mchog ste rnam par dag /ces dang / de bzhin du cha med kun 'gro khyab pa po/ /phra mo sa bon zag pa med/ /rdul med rdul bral dri ma med/ /nyes pa spangs pa skyon med pa/ /ces so/ /sgra gcan la sogs pa 'byung ba bsdus pa'i mdor bsdus so/ /da ni a sogs sum bcu zhes pa la sogs pas zla ba'i cha 'phel ba dang 'grib pa dang nyi ma'i bgrod pas mtshan mo dang nyin mo 'phel ba dang 'grib pa la sogs pa bsdus pa'i tshigs bcad brgyad pa bdag gis dgrol bar bya'o/ /a sogs bcu sum 'i dbyangs gang ha ya ra wa lar ldan de dag zla ba'i cha dang zhes pa ni a yig dang po yin pa'i i yig la sogs pa gang yin pa de dag kyang a la sogs pa ste ha ya ra wa lar ldan thung ngu dang ring po dang yon tan dang 'phel ba'o/ /ha la sogs pa ya Nar bsgyur ba thung ngu dang ring po'i dbye bas sum bcur 'gyur ro/ /zla ba'i cha 'phel ba dang 'grib pa'i rgyur gyur pa de dag kyang tshes gcig la sogs pa lnga'i dbye ba gsum du 'gyur ro/ /dga' ba la sogs pa'i dbye bas dga' ba rnam pa gsum dang bzang po rnam pa gsum dang rgyal ba rnam pa gsum dang stong pa rnam pa gsum dang rdzogs pa rnam pa gsum ste/ mun pa dang rdul dang snying stobs kyi dbye ba dang chung ngu dang 'bring dang chen po'i dbye bas so/ /'phel ba'i cha bcwa lnga dkar po'i phyogs la nam mkha' la sogs pa'i khams kyi ngo bos gnas pa rnam pa gsum mo/ /'dir tshes gcig a gnyis pa i gsum pa ri/ bzhi pa u/ lnga pa l-i/ dga' ba dang bzang po dang rgyal ba dang stong pa dang rdzogs pa ni nam mkha' dang rlung dang me dang chu dang sa'i khams rnam grangs ji lta ba bzhin te mun pa gsal ba dang po chung ngu'i tshad do/ /de nas rim pa gnyis pa la yon tan gyi dbye bas/ drug pa a/ bdun pa e/ brgyad pa ar/ dgu pa o/ bcu pa al/ dga' ba dang bzang po dang rgyal ba dang stong pa dang rdzogs pa ni nam mkha' dang rlung dang me dang chu dang sa'i khams rnams te/ dang po'i sde mtshan gyi mun pa gsal ba dang po chung ngu'i tshad gang yin pa de 'bring po'i tshad du gyur pa dang rdul gsal ba chung ngu'i tshad do/ /de nas sde mtshan gsum pa la ha la sogs pa ya Nar bsgyur ba rnams te/ bcu gcig pa ha/ bcu gnyis pa ya/ bcu gsum pa ra/ bcu bzhi pa wa/ zla ba nya ba la/ dga' ba dang bzang po dang rgyal ba dang stong pa dang rdzogs pa ni nam mkha' dang rlung dang me dang chu dang sa'i khams rnams te/ gnyis pa'i sde tshan gyi rdul 'bring po'i tshad dang / dang po'i sde tshan gyi mun pa bsal ba chung ngu'i tshad ni chen po'i tshad do/ /'di'i dbye ba rnam pa lnga ste snying stobs kyi dbye bas bcu gcig pa la dang po'i tshes gcig gi cha chen po'i tshad bu mo'o/ / bcu gnyis pa la gzhon nu ma'o/ /bcu gsum pa la lang tsho ma'o/ /bcu bzhi pa la rgan mo'o/ /bcwa lnga pa la yongasu smin par gyur pa'o/ /de ltar tshes gcig gi cha bcwa lnga pa la yongs su smin par gyur pa ni rdzogs pa zhes mngon par brjod de de ltar dkar po'i phyogs la zla ba'i cha 'phel ba bcwa lnga'i dbye bas tha dad do/ /de'i mtha' nag po'i tshes gcig gi dang po la mun pa 'jug pa'i dus ni bcu drug pa'i cha zhes brjod de/ de'i mthar dkar po'i tshes gcig gi cha nag po'i tshes gcig gi mun pa la 'jug par 'gyur te dkar po'i cha gnyis pa yongs su smin par 'gyur ro/ /de nas gnyis pa yang gnyis pa'i mun pa la 'jug par 'gyur te/ gsum pa yongs su smin par 'gyur ro/ /de bzhin du de yang nag po'i gsum pa'i mun pa la 'jug par 'gyur te de bzhin du bzhi pa la sogs pa cha bcwa lnga'i mthar thug pa yongs su smin pa rnams mun pa la 'jug par 'gyur ro/ /de nas gnam stong gi mthar cha dang po 'char ba'i mtshams dang cha bcu drug pa'i dang po'i cha la sgra gcan 'jug par 'gyur ro/ /de ltar gzas zin pa rnam pa gnyis te nya la cha rdzogs pa'i mthar zla ba sgra gcan gyis 'dzin cing gnam stong la cha dang po 'char ba'i thog mar ro/ /'dir nag po'i phyogs la sa la sogs pa sdud pa'i rim pas mun pa 'jug ste de'i phyir spro ba'i rim pas shar ba rnams mdzad do/ /nag po'i tshes gcig sa'i mun pa la dkar po'i tshes gcig nam mkha'i khams kyi cha zhugs te mun pas sgrib par 'gyur ro/ /gnyis pa rlung gi cha chu'i mun pas sgrib par 'gyur ro/ /gsum pa me'i cha me'i mun pas sgrib par 'gyur ro/ /bzhi pa chu'i cha rlung gi mun pas sgrib par 'gyur ro/ /lnga pa sa'i cha nam mkha'i khams kyi mun pas sgrib par 'gyur te/ de ltar dang po'i sde tshan la mun pa 'jug pa chung ngu'i tshad du 'gyur ro/ /de nas gnyis pa'i sde mtshan la yang mun pas sgrib pa'i bya ba brjod pa'i rim pas te sde tshan gnyis pa de la sde tshan dang po'i mun pa chung ngu'i tshad ni gnyis pa 'bring po'i tshad do/ /de bzhin du gsum pa'i sde tshan la yang mun pas sgrib pa'i bya ba ste sde tshan de la chung ngu'i tshad gnyis pa'i sde tshan la 'bring po'i tshad ni gsum pa chen po'i tshad do/ /de la chen po'i tshad kyi dbye ba rnam pa lnga ste mun pa chen po'i tshad kyi dbye ba bcu gcig pa la byis pa'o/ /bcu gnyis pa la gzhon nu'o/ /bcu gsum pa la lang tsho'o/ /bcu bzhi pa la rgan pa'o/ /gnam stong la yongs su smin par 'gyur ro/ /de bzhin du gnyis pa'i sde tshan la 'bring po'i tshad dang gsum pa'i sde tshan la mun pa chung ngu'i tshad kyi'o/ /de nas dkar po'i tshes gcig 'ongs pa na sa'i khams kyi mtshan nyid kyi mun pa smin pa sel bar 'gyur ro/ /gnyis pa la chu'i mun pa'o/ /gsum pa la me'i mun pa'o/ /bzhi pa la rlung gi mun pa'o/ /lnga pa la nam mkha'i khams kyi mun pa'o/ /de ltar cha dang po chung ngu'i tshad sa rdzogs pa ni smin par 'gyur ro/ /gnyis pa rgan mo'o/ /gsum pa lang tsho ma'o/ /bzhi pa gzhon nu ma'o/ /lnga pa bu mo ste drug pa la sogs pa nub par gyur pa rnams gnas so/ /de ltar chung ngu'i sde tshan la cha chung ngu smin yang ji srid nag po'i phyogs la gsum pa chen po'i tshad smin par ma gyur par mun pa 'jug par mi 'gyur ro/ /so so'i bcwa lnga'i cha 'di dag nub par gyur pa rnams nyi ma bcu drug pa la 'char ro/ /shar ba rnams nyi ma bcu drug pa la nub par 'gyur ro/ /de ltar a sogs sum bcu'i dbyangs ni zla ba'i cha'i ming ste dkar po'i cha rnams dang mun pa zhugs pa nye bar btags pas nag po'i ming can rnams so/ / dkar po dang nag po'i tshes gcig la sogs pa 'di rnams kyi dbyangs kyi sngags kyi tshigs rnams ni/ aM iM r-iM uM l-iM/ aM eM/ a raM u0f00 a la~M/ haM yaM raM baM laM/ lAHwAHrAHyAHhAH/ AlaHauHAraHaiH AH/ lIHUHrIHIHAHzhes pa de dkar po'i phyogs la zla ba thig les brgyan pa cha bcwa lnga'i bdag nyid do/ /nag po'i phyogs la nyi ma rnam par bcad pas brgyan pa zla ba'i cha bcwa lnga sgrib par byed pa'o/ /thung ngu ni zla ba'o/ /ring po ni nyi ma'o/ /de bzhin du yon tan ni zla ba'o/ /'phel ba ni nyi ma ste ha la sogs pa ni snga ma bzhin no/ /nyin phyed kyang / ka la sogs pa'i sde rnams dbyangs dang bcas pa nyin zhag stong drug me'i tshad kyis spyod par byed ces pa ni 'dir ka yig sde pa gang dag gi dang po yin pa de ni ka yig la sogs pa'i sde ste sde zhes pa ni yi ge lnga'i tshogs so/ /nam mkha' la sogs pa dang sa la sogs pa'i dbye bas lngar klog ste dbyangs kyi tshogs ni thams cad du nam mkha' la sogs pa'i dbye bas klog go/ 'dir so sor sdud pa shes par byed pa ni gsal byed klag pa thams cad la 'dir gsal byed dag pa sum bcu ste ya yig la sogs pa gzhan du ka yig la sogs pa gsal byed klag par ma bsdus shing a la sogs pa dbyangs kyi sde tshan du bklags pa rnams ni dbyangs kyi rnam par 'gyur ba'o/ /'di lta ste a i r-i u l-i ka /a e ar o al tsa/ ha ya ra wa la Ta ces dang / de'i 'og tu nga nya Na ma nan/ g+ha dz+ha D+ha b+ha d+ha d+ha/ ga dza Da ba da da/ kha tsha Tha pha tha tha/ ka tsa Ta pa ta ta/ u0f88u0f90 sha Sha u0f89u0fa4 sa zhes pa ste dang po dang mtha' bklags pa las so/ /ya yig la sogs pa ni ka yig la sogs pa'i sde ba'i nang du mi 'gyur te rab tu brjod pas dbyangs kyi chos can nyid yin pa'i phyir ro/ /de'i phyir gsal byed kyi bdag nyid ni sum bcu ste ka la sogs pa sde pa drug po ka tsa Ta pa ta sa rnams ni nam mkha' dang rlung dang me dang chu dang sa dang ye shes kyi khams kyi rang bzhin te/ mgrin pa dang rkan dang spyi bo dang mchu dang so las brjod pa'i dbang gis so/ /drug pa so sor brjod pa la khams lnga'i bdag nyid do/ /ka la sogs pa'i sde pa de rnams dbyangs dang bcas pa ste dbyangs ni a la sogs pa thung ngu lnga dang ring po lnga ste bsres pa ni bcur 'gyur ro/ /thung ngu'i mthar rjes su nga ro ni dbyangs drug pa'o/ /ring po'i mthar rnam par bcad pa ni dbyangs drug pa'o/ /de dag kyang dbyangs dang gsal byed mtshungs par ldan pas brjod par bya ste dbyangs de dag dang ldan pa ni dbyangs dang bcas pa'o/ /nyin zhag stong drug me'i tshad kyis spyod par byed ces pa ni nyin zhag sum brgya drug bcus te stong drug me yi tshad de dag gis zla ba bcu gnyis dang bgrod pa gnyis su yang 'gyur ro/ /lho dang byang gi bgrod pa so so la nyin zhag brgya brgyad bcur 'gyur ro/ /'pho ba'i zla ba'i dbye bas kar ka Ta la sogs pa lhor bgrod pa la nam mkha' la sogs pa spro ba'i rim pas dbyangs thung du drug dang bcas pa'i sde pa drug nyi mas zla ba drug gis spyod do/ /de nas byang du bgrod pa la sa la sogs pa'i dbye bas dbyangs ring po dang bcas pa'i sde pa drug zla ba drug gis spyod do/ /gang du dbyangs thung ngu dang bcas pa spyod pa der mtshan mo 'phel bar 'gyur ro/ /gang du dbyangs ring po dang bcas pa spyod pa der nyin mo 'phel bar 'gyur ro/ / 'dir lhor bgrod pa ni zla ba'o/ /byang du bgrod pa ni nyi ma'o/ /gsal byed gcig ni zla ba'o/ /gsal byed gnyis brtsegs pa ni nyi ma'o/ /gsal byed gsum brtsegs pa ni sgra gcan no/ /de bzhin du dbyangs thung ngu ni zla ba'o/ /ring po ni nyi ma'o/ /shin tu ring po ni sgra gcan no zhes pa ni thams cad du yin no/ /de ltar sgra gcan gyi shin tu ring po nyid la mun pa rnam pa gsum ste chung ngu dang 'bring dang chen po'i bdag nyid do/ /'dir kar ka Ta'i 'pho ba'i nyin zhag la spro ba'i dbye bas ka sde'i nga yig a yig dang bcas pa nyi mas spyod do/ /gnyis pa la ngi / gsum pa la ng+Ri/ bzhi pa la ngu / lnga pa la ng+l-i/ drug pa la ngaM / de bzhin du nyin zhag bdun pa dang por byas nas nyin zhag bcu gnyis pa'i mthar g+ha yig spyod te ji ltar nga yig rnam par spyod pa bzhin no/ /de bzhin du nyin zhag bcwa brgyad kyi mthar thug pa ga yig dbyangs dang bcas pa spyod do/ /nyin zhag nyi shu rtsa bzhi pa'i bar du kha yig spyod do/ /de bzhin du nyin zhag sum bcu pa'i bar du ka yig dbyangs dang bcas pa spyod do/ /stong pa'i nyin zhag 'ga' zhig la gzhom du med pa'o/ /de bzhin du seng ge'i 'pho ba'i zla ba'i nyin zhag sum bcu po rnams kyis nya yig la sogs pa dbyangs dang bcas pa rnams spyod do/ /bu mo'i 'pho ba'i nyin zhag rnams kyis Na yig la sogs pa dbyangs dang bcas pa rnams spyod do/ /srang gi 'pho ba'i nyin zhag rnams kyis ma yig la sogs pa dbyangs dang bcas pa rnams spyod do/ /sdig pa'i 'pho ba'i nyin zhag rnams kyis na yig la sogs pa dbyangs dang bcas pa rnams spyod do/ /gzhu'i 'pho ba'i nyin zhag rnams kyis th+ka la sogs pa dbyangs dang bcas pa'i gsal byed rnams spyod do/ /de ltar na lhor bgrod pa la zla ba drug gi nyin zhag rnams kyis sde pa drug dbyangs dang bcas pa grangs brgya brgyad bcu rnams zla ba'i rang bzhin mtshan mo 'phel ba'i dbye bas spyod do/ /de nas byang du bgrod pa'i dbye ba ni sa yig la sogs pa lugs las bzlog pas brjod te chu srin la sogs pa 'pho ba'i zla ba'i nyin zhag gi dbye bas sde pa drug dbyangs dang bcas pa ni sdud pa'i rim pas dbyangs ring po dang bcas pa'i yi ge rnams nyi mas spyod do/ /'dir chu srin gyi 'pho ba'i nyin zhag la s+sAH dbyangs dang bcas pa spyod do/ /gnyis pa la s+s+l-I/ gsum pa la s+sU/ bzhi pa la s+s+R-I/ lnga pa la s+s-I/ drug pa la s+sA/ de bzhin du nyin zhag drug pa gzhan rnams kyis/ ny+p+ny+pA ny+p+ny+p-IH ny+p+ny+pU/ ny+p+ny+p-I/ ny+p+ny+pI/ ny+p+ny+pA/ de bzhin du Sha dang de bzhin du sha'o/ /de bzhin du u0f88u0f90u0f88u0f90u0f71u0f7f u0f88u0f90u0f88u0f90u0fb3u0f71u0f80 u0f88u0f90u0f88u0f90u0f71u0f74 u0f88u0f90u0f88u0f90u0fbcu0f71u0f80 u0f88u0f90u0f88u0f90u0fb0/ zhes pas sde dbyangs dang bcas pa rnams chu srin gyi 'pho ba'i nyin zhag s um bcus spyod do/ /de bzhin du bum pa dang nya dang lug dang glang dang 'khrig pa'i 'pho ba'i nyin zhag rnams kyis/ ta sde dang pa sde dang Ta sde dang tsa sde dang ka sde rnams dbyangs dang bcas pa nyin zhag brgya brgyad bcus spyod do/ /kar ka Ta'i 'pho ba'i bar du nyin mo 'phel ba yin la nyin mo 'phel ba ni nyi ma ste sdud pa'i ngo bos rig par bya'o/ /'dir mtshan mo dang nyin mo 'phel ba'i rang bzhin gyi yi ge rnams ni 'di lta ste/ mtshan mo 'phel ba nga ngi ng+R-i ngu ng+l-i ngaM / g+ha g+hi g+h+r-i g+hu g+h+l-i g+haM / ga gi g+R-i gu gl-i gaM/ kha khi kh+R-i khu kh+l-i khaM/ ka ki k+R-i ku kl-i kaM zhes pa ni kar ka Ta'i 'phel ba'o/ /nya nyi ny+R-i nyu ny+l-i nyaM/ dz+ha dz+hi dz+h+R-i dz+hu dz+h+l-i dz+haM/ dza dzi dz+R-i dzu dz+l-i dzaM/ tsha tshi tsh+R-i tshu tsh+l-i tshaM/ tsa tsi ts+R-i tsu ts+l-i tsaM zhes pa ni seng ge'i 'phel ba'o/ /Na Ni N+R-i Nu N+l-i NaM/ D+ha D+hi D+h+R-i D+hu D+h+l-i D+haM/ Da Di D+R-i Du D+l-i DaM/ Tha Thi Th+R-i Thu Th+l-i ThaM/ Ta Ti T+R-i Tu T+l-i TaM/ zhes pa ni bu mo'i 'phel ba'o/ /ma mi m+R-i mu m+l-i maM/ b+ha b+hi b+h+R-i b+hu b+h+l-i b+haM/ ba bi b+R-i bu bl-i baM/ pha phi ph+R-i phu ph+l-i phaM/ pa pi p+R-i pu p+l-i paM/ zhes pa ni srang gi 'phel ba'o/ /na ni n+R-i nu n+l-i naM/ d+ha d+hi d+h+R-i d+hu d+h+l-i d+haM/ da di d+R-i du d+l-i daM/ tha thi th+R-i thu th+l-i thaM/ ta ti t+R-i tu t+l-i taM/ zhes pa ni sdig pa'i 'phel ba'o/ /u0f88u0f90 u0f88u0f90u0f72 u0f88u0f90u0fb0u0f80 u0f88u0f90u0f74 u0f88u0f90u0fb3u0f80 u0f88u0f90u0f7e/ sha shi sh+R-i shu sh+l-i shaM Sha Shi Sh+R-i Shu Sh+l-i ShaM/ ny+pa ny+pi ny+p+R-i ny+pu ny+p+l-i ny+paM/ sa si s+R-i su sl-i saM/ zhes pa ni gzhu'i 'pho ba la ste zla ba drug gi nyin zhag rnams kyis mtshan mo 'phel zhing nyin mo mdzad do/ /de nas chu srin la sogs pa la nyin mo 'phel ba ni s+sAH s+s+l-i s+sU s+s+r+R-I s+sI s+sA/ ny+p+ny+pAny+p+ny+p+l-Iny+p+ny+pUny+p+ny+p+r-Iny+p+ny+pIny+p+ny+pA/ Sh+ShAH Sh+Sh+l-I Sh+sh+Ru Sh+Sh+R+'-i Sh+ShI Sh+ShA/ sh+shA sh+sh+l-I sh+shU sh+sh+r+R-I sh+shI sh+sh+'a/ u0f88u0f90u0f88u0f90u0fb0u0f7f th+k+th+k+l-I th+k+th+kU th+k+th+k+R-I th+k+th+kI th+k+th+kA zhes pa ni chu srin gyi 'phel ba'o/ /t+tAH t+t+l-I t+tU t+t+r+R-I t+tI t+tA/ th+thAH th+th+l-I th+th+rU th+th+R-I th+thI th+thA/ d+dAHd+d+l-I d+dU d+d+R-I d+dI d+dA / d+h+d+hIHd+h+d+h+l-I d+h+d+hAHd+h+d+h+l-I d+h+d+hU d+h+d+h+R-I d+h+d+hI d+h+d+hA/ n+nAHn+n+l-I n+nU n+n+r+R-I n+nI n+nA zhes pa ni bum pa'i 'phel ba'o/ /p+pAH p+p+l-I p+pU p+p+R-I p+pI p+pA/ ph+phAHph+ph+l-I ph+phU ph+ph+R-I ph+phI ph+phA/ b+bAHb+b+l-I b+bU b+b+R-I b+bI b+bA/ b+h+b+hAH b+h+b+h+l-I b+h+b+hU b+h+b+h+R-I b+h+b+hI b+h+b+hA/ m+mAHm+m+l-I m+mU m+m+R-I m+mI m+mA/ zhes pa ni nya'i 'phel ba'o/ T+TAHT+T+l-I T+TU T+T+R-I T+TI T+TA/ th+thAHth+th+l-I th+thU th+th+R-I th+thI th+thA/ D+DAHD+D+l-I D+DU D+D+R-I D+DI D+DA/ D+h+D+hA T+TI T+h+T+haH D+h+D+h+l-I D+h+D+hU D+h+D+h+R-I D+h+D+hI D+h+D+hA/ N+NAHN+N+l-I N+NU N+N+R-I N+NI N+NA/ zhes pa ni lug gi 'phel ba'o/ /ts+tsAHts+ts+l-I ts+cU ts+ts+R-I ts+tsI ts+cA/ tsh+tshAHtsh+tsh+l-I tsh+tshU tsh+tsh+R-I tsh+tshI tsh+tshA/ dz+dzAHdz+dz+l-I dz+dzU dz+dz+R-I dz+dzA/ dz+h+dz+hAHdz+h+dz+h+l-I dz+h+dz+hU dz+h+dz+h+R-I dz+h+dz+hI dz+h+dz+hA/ ny+nyAHny+ny+l-I ny+nyU ny+ny+R-I ny+nyI ny+nyA/ zhes pa ni glang gi 'phel ba'o/ /k+kAHk+k+l-I k+kU k+k+R-I k+kI k+kA/ kh+khAHkh+kh+l-I kh+khU kh+kh+R-I kh+khI kh+khA/ g+gAHg+g+l-i g+gU g+g+R-I g+gI/ g+h+g+hA/ g+h+g+h+l-I g+h+g+hU g+h+g+h+R-I g+h+g+hI g+h+g+hA/ d+dAHd+d+l-I ng+ngU ng+ng+R-I ng+ngI ng+ngA/ zhes pa ni 'khrig pa la nyin mo 'phel ba ste zla ba drug ji srid pa'i mthar ni 'grib pa'o/ /de ltar na lhor bgrod pa la dbyangs thung ngu dang ldan pa'i gsal byed de/ gnyis ka zla ba'i cha'i mtshan nyid do/ /byang du bgrod pa la gsal byed gnyis brtsegs pa dbyangs ring po dang ldan pa ste gnyis ka nyi ma'i mtshan nyid yin no/ /gsal byed gcig dbyangs ring po dang ldan pa ni zla ba dang nyi ma'i bdag nyid du 'gyur ro/ /de bzhin du gsal byed gnyis brtsegs pa dbyangs thung ngu dang ldan pa ni nyi ma dang zla ba'i bdag nyid du 'gyur ro/ /de bzhin du dbyangs dang gsal byed kyi dbye bas zla ba rnam pa gnyis dang nyi ma rnam pa gnyis so/ /de bzhin du yon tan dang 'phel ba dang ldan pa'i gsal byed rnams rig par bya'o/ /zhes pa ni bgrod pa'i dbye bas nyi ma'i rkang pa'i dbyangs kyi dbye ba dang / / dbyangs kyi dbye ba gzhan nam mkha' la sogs pa dkyil 'khor lnga 'bab pas sum brgya drug bcu'i dbye bas tha dad pa ni 'chad par 'gyur bas bshad par bya'o/ /'di'i mdor bsdus pa rgyud kyi rgyal po sgyu 'phrul dra ba las/ sangs rgyas kun gyi thugs chen po/ /sangs rgyas kun gyi thugs la gnas/ /sangs rgyas kun gyi sku chen po/ /sangs rgyas kun gyi gsung yang yin/ /rdo rje nyi ma snang ba che/ /rdo rje zla ba dri med 'od/ / chags bral dang po chags pa che/ /kha dog sna tshogs 'bar ba'i 'od/ /ces bcom ldan 'das kyis gsungs so/ /'dir dkar po'i phyogs la lnga pa dang bcu pa dang nya ni chags pa'o/ /nag po'i phyogs la lnga pa dang bcu pa dang gnam stong ni chags bral lo/ /'di gnyis kyi dbus rdzogs pa gsum gyi mjug dga' bral gyi mthar stong pa chen po yi ge lnga gcig tu 'dres par gyur pa'i rnal 'byor ni de bzhin gshegs pa rnams kyi thugs te/ de'i phyir sangs rgyas kun gyi thugs chen po ni zla ba cha bcu drug pa'i mthar stong pa chen po'o/ /sangs rgyas kun gyi thugs la gnas ni gnam stong gi mtha' cha dang po 'char ba'i 'tshams nyi ma mun pa bcu drug pa'i mthar thig le stong pa yi ge drug go/ de bzhin du sangs rgyas kun gyi sku che ba ni stong pa chen po'o/ /sangs rgyas kun gyi gsung yang yin ni thig le stong pa'o/ /rdo rje nyi ma snang ba che ni thig le stong pa yi ge drug go/ rdo rje zla ba dri med 'od ni stong pa chen po yi ge lnga'o/ /shes rab dang thabs kyi chos ni 'chad par 'gyur ba las rgya cher brjod par bya ste/ gsang sngags skye gnas yi ge med/ /gsang sngags chen po rigs gsum pa yang rgya cher ro/ /da ni nyin zhag so so'i mtshan mo dang nyin mo'i chu tshod gsungs pa ha sogs dbyangs rnams dag kyang chu tshod ces pa ste ha la sogs pa de dag dbyangs kyang yin pas na ha sogs dbyangs rnams so/ /kyang yig gis gzhan gsal byed do/ /de dag dbyangs bcu gnyis dang bcas pa ni dbyangs drug bcur 'gyur ro/ /de la mtshan mo 'phel ba la dbyangs thung ngu dang ldan pa'i dbyangs sum bcu'i bdag nyid nyi ma phyed nas mtshan phyed kyi bar du 'gyur ro/ /nyin mo 'phel ba la dbyangs ring po dang ldan pa sum bcu mtshan phyed nas nyi ma phyed kyi bar du 'gyur ro/ /de ltar nyin zhag so so la mtshan mo dang nyin mo 'phel ba rig par bya'o/ / 'dir sngags kyi tshigs rnams ni mtshan mo 'phel ba la spro ba'i rim pa dang nyin mo 'phel ba la sdud pa'i rim pas 'di lta ste/ ha hi h+R-i hu h+l-i haM/ ya yi y+R-i yu y+l-i yaM/ ra ri R+R-i ru rl-i raM/ wa wi w+R-i wu w+l-i waM/ la li l+R-i lu l+l-i laM/ zhes pa mtshan mo ste bsam pa'i dbye bas shes rab dang / lus kyi dbye bas thabs so/ /l+lAHl+l+l-I l+lU l+l+R-I l+lI l+lA/ w+WAHw+W+l-I w+WU w+W+R-I w+WA/ R+RAHR+R+l-I R+RU R+R+R-I R+RI R+RA/ y+Y+'aH y+Y+l+'-i y+YU y+Y+R+'-i y+Y+'i y+Y+'a/ h+hAHh+h+l-I h+hU h+h+R-I h+hI h+hA/ zhes pa nyin mo ste bsam pa'i dbye bas thabs dang lus kyi dbye bas shes rab bo/ /khu ba dang zla ba ni shes rab kyi bsam pa las byung ba nyid kyi phyir shes rab dang / thabs kyi lus las byung ba nyid kyi phyir thabs so/ /de bzhin du rdul dang / nyi ma ni thabs kyi bsam pa las byung ba nyid kyi phyir thabs dang / shes rab kyi lus las byung ba nyid kyi phyir shes rab ste de ltar thams cad du rjes su rtogs par bya'o/ /da ni brtan pa dang g.yo ba khams gsum pa'i sngags gsungs pa lha mi gdengs can 'byung po'i skye gnas dag kyang sngags zhes pa lha ni 'dod pa dang gzugs dang gzugs med pa ste lha ma yin yang de'i nang du 'dus so/ /mi dang gdengs can ni rab tu grags pa ste rgyal po dang mtha' yas la sogs pa'o/ /'byung po'i skye gnas ni sngar brjod pa rnam pa bzhi'o/ /brtan pa'i skye gnas ni lhun po dang shing la sogs pa ste de dag thams cad sngags kyi ming gis ming can du byas pa'i sngags su 'gyur ro/ /khams gsum po 'dir gang gi ming gang yin pa de'i de bsgrub pa'i slad du sngags kyi brdar 'gyur te dang po'i yi ge ni ye shes kyi sa bon du 'gyur zhing / ming mtha' dag ni bzlas pa'i sngags su 'gyur ro/ /don sna tshogs bsgrub pa'i slad du sems can mtha' yas pa'i ming gi dbye bas sngags mtha' yas par khong du chud par bya'o/ /dper na dge ba dang mi dge ba'i 'bras bu'i don du ming gi yi ge dang pos khyim dang ming gi yi ge thams cad kyis kyang dbyangs dman pa dang lhag pa g.yul 'gyed pa'o/ /de bzhin du dang po'i yi ge dang ming thams cad kyis kyang bsgom pa dang bzlas pa'i bya ba 'grub ste rten cing 'brel par 'byung ba la 'khrul pa med cing nor bu dang sngags dang sman rnams kyi mthu rang gi sems yongs su gyur pa las 'byung ba ni bsam gyis mi khyab bo/ /a sogs ka sogs ldan pa dag las zhes pa la a sogs ni a yig la sogs pa ste dbyangs kyi tshogs so/ /ka sogs ldan pa ni ka yig la sogs pa gsal byed dang ldan pa dag las so/ /de ltar ni brjod pa'i rim pa 'dis so/ /khams gsum dag ni 'dod pa dang gzugs dang gzugs med pa'i khams te nges par skyed par 'gyur ro/ /mi'i bdag ces pa ni bod pa'o/ /zla ba'i cha la sogs pa dang sna tshogs pa'i sngags bsdus pa'i mdor bsdus so/ /da ni dbyangs ni zhes pa la sogs pas dbyangs rnams kyi skye ba'i gnas la sogs pa bsdus pa'i tshigs su bcad pa dgu pa bdag gis dgrol bar bya'o/ /dbyangs ni ka tsa Ta pa tar ldan la sogs pa yang dag sbyar ba rnams kyi skye ba'i gnas zhes pa la 'dir dbyangs ni sngar brjod pa'i a yig la sogs pa rnams te a i r-i u l-i lnga'o/ /'di rnams kyi skye ba'i gnas rnam pa lnga grangs ji lta ba bzhin no/ /dbyangs ji ltar gyur pa rnams kyi zhe na/ ka tsa Ta pa tar ldan pa dang u0f88u0f90 la sogs pa yang dag par sbyar ba rnams kyi zhes pa ste grangs ji lta ba bzhin ka yig la sogs pa'i sde pa dang sbyar ba dang th+ka la sogs pa r nams kyi yi ge so so dang / sbyar ba ni u0f88u0f90 sha Sha u0f89u0fa4 sa dang / yang dag par sbyar ba/ rnams kyi ste/ sogs pa smos pa'i phyir/ smos pa'i phyir ha ya ra wa la dang ldan pa rnams kyi'o/ /de ltar yang a ku ha rnam par bcad pa ni mgrin pa las byung ba'o/ /i tsu ya sha ni rkan las byung ba'o/ /r-i Tu ra Sha ni spyi bo las byung ba'o/ /u pu wa u0f89u0fa4 ni mchu las byung pa'o/ /l-i tu la sa ni so las byung ba'o/ /zhes skye ba'i gnas gsungs so/ /mgrin rkan steng gi cha ji ltar gyur pa zhe na mkha' rlung bsreg bya las skyes pa'i gnas so/ /mchu d ang so ni chu dang sa dag gi skye ba'i gnas su a yig la sogs pa rnam grangs ji lta ba bzhin du skye ba ste skye ba ces pa ni gnas de dag tu brjod pa rnams kyi sgra'i don rtogs pa'o/ /'dir sngags kyi bzlas pa'i cho ga bsgrub pa'i don du skye ba'i gnas rig par bya ste gzhan ni bsgom pa'i gnas kyi don du lus kyi 'khor lo'i dbye bas brjod pa/ a sogs rnams ni gtsug tor 'khor lo snying mgrin mgo bo lte ba'i 'khor lo dag la rim pas te/ zhes pa la a sogs zhes pa a yig la sogs pa dbyangs rnams kyi grangs bzhin du nam mkha' la sogs pa'i rigs kyi dbye bas grangs bzhin du gtsug tor la sogs pa'i 'khor lo rnams bsgom pa'i don du skye ba'i gnas su rig par bya'o/ / 'dir a ku ha rnam par bcad pa ni gtsug tor gyi 'khor lo la bsgom par bya'o/ /i tsu ya sha ni snying kha'i 'khor lo la'o/ /r-i Tu ra Sha ni mgrin pa'i 'khor lo la'o/ /u pu wa u0f89u0fa4 ni dpral ba'i 'khor lo la'o/ /l-i tu la sa n i lte ba'i 'khor lo la bsgom par bya'o/ /sna tshogs ni kha dog sna tshogs ljang khu ste gtsug tor gyi 'khor lo'o/ /nag pa ni snying kha'i 'khor lo'o/ /dmar ba ni mgrin pa'i 'khor lo'o/ /ri bong can gyi mdog ni dpral ba'i 'khor lo'o/ /gser 'dra ni lte ba'i 'khor lo'o/ /phung po khams kyi lhag pa'i lha dang ldan pa la'o/ /zhes pa ni grangs ji lta ba bzhin du rnam par shes pa'i phung po dang nam mkha'i khams kyi lhag pa'i lha dang ldan pa gtsug tor gyi 'khor lo'o/ /'du byed dang rlung gi khams kyi lhag pa'i lha dang ldan pa snying kha'i 'khor lo'o/ /de bzhin du tshor ba dang me'i khams kyi lhag pa'i lha dang ldan pa mgrin pa'i 'khor lo'o/ / 'du shes dang chu'i khams kyi lhag pa'i lha dang ldan pa dpral ba'i 'khor lo'o/ /gzugs dang sa'i khams kyi lhag pa'i lha dang ldan pa lte ba'i 'khor lo ste de ltar phung po khams kyi lhag pa'i lha dang ldan pa la'o/ /'chad par 'gyur ba la yan lag dgod pa la sogs pa rig par bya'o/ /dbyangs rnams kyi skye gnas nges par bstan pa'o/ /dpal mchog gi dang po'i sangs rgyas las bsdus pa rgyud kyi rgyal po dpal dus kyi 'khor lo'i 'grel bshad stong phrag bcu gnyis pa dri ma med pa'i 'od las 'jig rten gyi khams bsdus pa'i mdor bsdus te bdun pa'o// // da ni bcom ldan 'das kyis sems can gyi bsam pa'i dbang gis 'jig rten gyi khams kyi tshad gsungs pa sdud par mdzad pa po 'jam dpal gyis tshigs su bcad pa bcu pa la sogs pas mchog gi dang po'i sangs rgyas las bsdus pa rlung gi mtha' nas lhun po'i mtshams zhes pa la sogs pa de nyid bdag gis dgrol bar bya'o/ /rlung gi mtha' nas lhun po'i mtshams su dmyal ba gdeng can grong khyer la ni dpag tshad 'bum phrag gnyis zhes pa la 'dir 'jig rten gyi kun rdzob tu mos pa sna tshogs pa'i sems can gyi bsam pa'i dbang gi 'jig rten gyi khams gyi tshad sems can rnams la gsungs shing rab tu snang ngo / /don dam par ni 'jig rten gyi khams la tshad dang dpangs med te sems can rnams kyi bsod nams dang sdig pa'i dbang gis so/ / 'dir phug khru lnga pa'i tshad gang du 'dod chags dang bral ba 'am byang chub sems dpa' gnas pa'i phug der bsod nams dang ye shes bsten pa de'i mthu dang rdzu 'phrul gyi stobs kyi 'khor lo sgyur ba sde dang bcas pa 'ongs shing rab tu 'jug ste de sus kyang ma bskyed cing phug der zhugs pa'i 'khor lo bsgyur ba'i sde yang dog pa nyid ma yin no/ /don dam par 'jig rten gyi khams kyi tshad kyang de bzhin du rig par bya'o/ /'dir 'jig rten gyi kham kyi tshad gang yin pa de ni/ ji ltar phyi rol de bzhin lus zhes gsungs pa'i phyir 'jig rten gyi khams kyi tshad 'jig rten gyi khams dkyil 'khor gyi don dang / lus kyi tshad lus kyi dkyil 'khor gyi don du ste/ lus ni dkyil 'khor zhes brjod do zhes gsungs pa'i phyir ro/ /de ltar phyi rol du 'jig rten pa'i tshad kyis lhun po'i dpangs dpag tshad 'bum yin pa de bzhin du lus kyi sgal tshigs kyi dpangs khru gang ste khru'i tshad des lus ni khru bzhi'o/ / lhun po dpag tshad 'bum gyi tshan kyis 'jig rten gyi khams 'bum phrag bzhi'o/ /rnam pa gzhan du na ji ltar phyi rol de bzhin lus su mi 'gyur te mi mnyam pa'i phyir ro/ /de ltar 'jig rten gyi khams kyi tshad kun rdzob ji lta ba de ltar 'gyur du chug mod/ 'dir bsregs bcad ces pa la sogs pas bcom ldan 'das kyis dam bcas pa ni bsod nams dang ye shes kyi tshogs kyi yul la yin no/ /gang gi phyir 'jig rten gyi khams kyi yul la mdzod kyi 'dod pa dang / rig byed kyi grub pa'i mtha'i bsam pas rnam pa sna tshogs pa dang / tshangs pa'i yul sa gcig ni dpag tshad bye ba'i khyon no zhes brdzun du smra ba'i phyir nyi ma'i shing rta la sogs pa yongasu smin par bya ba'i slad du tshangs pa'i yul sa'i tshad de rnam par gzhom pa'i don du gza' dang rtsis dang khyim gyi 'khor lo dang ldan pa'i 'jig rten gyi khams kyi tshad rab tu bkod do/ /de'i phyir tshad 'di la sangs rgyas pa'i mdzod mthong nas 'khrul pa 'di mi bya ste/ ji ltar bcom ldan 'das kyis 'jig rten gyi khams kyi tshad 'bum phrag sum bcu so drug lhag pa dang ji ltar 'jig rten gyi khams dpag tshad 'bum phrag bzhi'i tshad du gsungs/ 'dir bcom ldan 'das brdzun gsung ba po yin nam ci zhes pa 'ga' zhig 'dod par gyur na de'i tshig mkhas pa rnams kyis khas blang bar mi bya ste sems can gyi bsam pa'i dbang gis so/ /de bzhin du yang / sems can mos pa sna tshogs pa/ /grub mtha' sna tshogs rig pa po/ /sna tshogs lam la rab gnas pa/ /shes pa'i nga rgyal khengs pa can/ /de dag rang bzhin grub mtha' la/ /ji srid rigs pa ma bstan pa/ /de srid khengs pa can de dag /kun mkhyen gyi yang dbang mi 'gyur/ /sems can phan las mi bden pa/ /bsod nams tshogs kyi rgyu yin te/ /gzhan la gnod las bden pa ni/ /mnar med la sogs rab tu ster/ /gtong ba po min yi dags kyis/ /khyim gyi gnas ni rir mthong ste/ /sdig pa byed pa dag gis khyim/ /khab rtse ri'i rnam par ro/ /sa 'og dngos grub thob gyur cing / /lha mo rnams kyi grong 'gro ba/ /grub pa rnams kyi rab bstan sa/ /kun nas bug pa bcas par mthong / /zhes gsungs so/ /de'i phyir 'jig rten gyi khams kyi tshad bcom ldan 'das kyis gsungs pa ni sems can rnams kyi rang gi sems kyi bag chags kyi dbang gis rab tu snang ba ste/ de bzhin gshegs pas mngon par zhen pas 'jig rten gyi khams gzigs nas gzung ba dang 'dzin pa'i ngo bos dngos po'i tshad gsungs pa ni 'ga' yang med do/ /de ltar thams cad yongs su mkhyen nas drang srong rnams yongs su smin par bya ba'i don du 'jig rten gyi khams kyi tshad dang lus kyi tshad dkyil 'khor gyi don du bcom ldan 'das kyis gsungs so/ /'dir rlung gi mtha' nas lhun po'i mtshams su zhes pa ni sa dang chu dang me'i dkyil 'khor rnams kyi 'og na rlung gi dkyil 'khor nam mkha'i khams la rnam par gnas te/ rlung gi mtha' de nas lhun po'i bar du dmyal ba'i gnas bdun dang brgyad pa ni gdengs can gyi gro khyer te/ dmyal ba gdengs can grong khyer la ni dpag tshad 'bum phrag gnyis yin no/ /'dir rlung gi dkyil 'khor stong phrag lnga bcur 'gyur te drag po'i rlung chen po dang mun pa chen po de la dmyal ba'i gnas gnyis steng 'og tu dpag tshad stong phrag nyi shu rtsa lnga'i cha ste rgya'i tshad ni sa'i dkyil 'khor gyi tshad do/ /de bzhin du me'i dkyil 'khor la dmyal ba'i gnas gnyis te me'i dmyal ba gcig dang de'i steng du du ba mi bzad pa'i dmyal ba'o/ /de bzhin du chu'i dkyil 'khor la dmyal ba gnyis te 'dam gyi chu 'dam dang chu yang dag par ldan pa dang bye ma'i chu bye ma dang chu yang dag par ldan pa ste grang ba chen po'o/ /sa'i dkyil 'khor la gseg ma chu'i dmyal ba dpag tshad stong phrag nyi shu rtsa lnga'o/ /de'i steng du gdengs can gyi grong khyer steng 'og tu dpag tshad stong phrag nyi shu rtsa lnga'o/ /de nyid la tshad rnam pa gnyis te phyed ni lha ma yin gyi gnas yin la phyed ni klu'i 'jig rten gyi gnas so/ /de bzhin du lus la rkang pa'i mthil nas rked mthil pa'i bar du khru gnyis te khru gnyis po de nyid cha brgyad du byas nas cha re re la rim pa bzhin du dmyal ba dang gdengs can gyi grong khyer rnams rig par bya'o/ /lhun po'i tshad ni 'bum phrag gcig ste sa'i dkyil 'khor de nas lhun po'i tshad ni steng 'og tu dpag tshad 'bum phrag gcig ste lus la rked pa nas mgrin pa'i 'og gi bar du khru gang ngo / /de nyid du gza'i tshogs rnams 'khor te gza'i tshogs kyi gnas de nas stong phrag dag ni nyi shu lnga lhun po'i mgrin pa ste lus la sor drug go/ de nas gdong la lnga bcu lhun po'i gdong mgrin pa nas dpral ba'i mtha'i bar du ste lus la sor bcu gnyis so/ /de nas brtan pa'i go 'phang g.yo med gtsug gtor ni stong phrag nyi shu lnga ste lus la dpral ba'i mtha' nas gtsug tor gyi gnas kyi bar du sor drug gi tshad do/ /de'i phyi rol stong pa gcig pu srid pa gsum bral yon tan med cing de nyid kyis dman pa'o zhes pa ni 'og rlung gi dkyil 'khor dang steng gtsug tor de'i phyi rol stong gcig pu ste rdul phra rab so so'i ngo bo khams lnga pa stong pa gcig pu'o/ /nam mkha' ni ma yin te thams cad du khyab par byed pa'i phyir stong pa gcig pur rtogs par mi bya'o/ /de ltar 'jig rten gyi khams kyi tshad 'bum phrag bzhi ste lus la khru bzhi'o/ /khru yang sor nyi shu rtsa bzhi'i bdag nyid do/ /da ni 'dir zheng gi tshad gsungs pa rlung gi mtha' nas rlung gi 'tshams la 'bum phrag bzhi ste rlung nas rlung gi mtha' shar nas nub kyi rlung gi dkyil 'khor gyi mtha'i bar dang de bzhin du lho nas byang gi mtha'i bar ro/ /brtan pa 'dzin ma'i gzhi la gling dang ri dang rgya mtsho rnams zhes pa ni de nas rlung gi dkyil 'khor gyi dbus su me'i dkyil 'khor zlum po'i rnam pa dang / de bzhin du me'i dkyil 'khor gyi dbus su chu'i dkyil 'khor dang / chu'i dkyil 'khor gyi dbus su sa'i dkyil 'khor ro/ /de nyid ni brtan pa 'dzin ma'i gzhi ste de la gling drug dang ri drug dang rgya mtsho drug go/ bdun pa chu'i dkyil 'khor dang bcas pas rgya mtsho bdun dang / bdun pa 'dzam bu'i gling dang bcas pas gling bdun dang / rdo rje'i ri dang bcas pas ri bdun no/ /rdo rje'i ri ni rta gdong gi me ste lan tshwa'i rgya mtsho chu'i dkyil 'khor gyi mthar 'og dang thad ka'i cha la gnas so/ /sa 'dzam bu'i gling chen po'i mthar phyogs thams cad dang 'og tu lan tshwa'i rgya mtsho rnam par gnas so/ /lan tshwa'i rgya mtsho'i mtha' nas lan tshwa'i rgya mtsho'i mthar 'bum phrag bzhi'i phyed te/ bzhi phyed 'bum phrag gnyis te zhes pa lhun po'i dbus nas g.yas g.yon du lan tshwa'i rgya mtsho'i dkyil 'khor gyi mthar 'bum phrag gnyis te g.yas su 'bum phrag gcig dang g.yon du 'bum phrag gcig ste/ de bzhin du shar dang nub dang rlung dang me dang bden bral dang dbang ldan du'o/ /lan tshwa'i chu'i dkyil 'khor de las g.yas dang g.yon du me dang rlung gi dkyil 'khor 'bum phrag gnyis su 'gyur ro/ /g.yas su 'bum phrag gcig dang g.yon du 'bum phrag gcig ste phyogs thams cad du de bzhin no/ /dbus na lhun po gang gi steng du khyim gyi 'khor lo skar bcas nyin dang mtshan mor 'khor ba ste/ /zhes pa ni dbus na lhun po'o/ /de ci 'dra ba zhig ce na gang gi steng na khyim gyi 'khor lo rtsibs bcu gnyis pa skar ma'i phung po mtha' yas pa dang bcas pa'i skar bcas nyin dang mtshan mor 'khor ba'o/ /'dir tshig 'di la rigs pa ci zhig yod/ gang gis 'di brjod par bya ba lhun po gzhan yang yod dam ci zhe na/ brjod pa 'dir man da ra yang lhun po'i ming gis smos pa des na man da ra las tha dad du bya ba'i slad du tshig 'di rigs so/ /cha drug la ni 'bum phrag gnyis gnyis zhes pa ni 'dir brjod pa'i rim pas 'og dang steng dang shar dang nub dang lho dang byang gi cha drug la sa'i dkyil 'khor gyi dbus nas 'bum phrag gnyis gnyis so/ /srid gsum mtha' dag ni mtho ris dang mi yul dang sa 'og ste/ srid gsum mtha' dag dus kyi sbyor ba dag las rab tu skyes/ /zhes pa chags pa skye ba'i dus kyi dbang gis yang dag par 'dzin pa dang srung ba dang dbyibs kyi rlung gi dus kyi sbyor ba dag las sems can rnams kyi dge ba dang mi dge ba'i las kyi 'bras bu la nye bar longs spyod pa'i don du skyes so/ /da ni 'dir 'khor yug gi tshad brjod pa 'jig rten khams kyi kun nas khor yug tu ni thad ka'i tshad kyi sum 'gyur du yang 'gyur ba ste/ zhes pa ni 'dir 'jig rten gyi khams thams cad la thad ka'i tshad kyi sum 'gyur khor yug gi tshad du 'gyur te lhun po la sogs pa nas rlung gi dkyil 'khor gyi mthar thug pa gling dang ri dang rgya mtsho la sogs pa thams cad kyi'o/ /sa'i khor yug 'bum phrag gsum dang zhes pa la sa yi ni sa'i dkyil 'khor gyi mtha'i bar du thad ka'i tshad 'bum phrag gcig ste khor yug gi tshad 'bum phrag gsum du 'gyur ro/ /de bzhin du chu me rlung rnams kyi zhes pa ni chu dang me dang rlung gi dkyil 'khor rnams kyi rang rang gi dkyil 'khor gyi mtha' nas rang rang gi dkyil 'khor gyi mtha'i bar du thad ka'i tshad ni 'bum phrag gnyis dang 'bum phrag gsum dang 'bum phrag bzhi ste/ khor yug gi tshad ni drug dgu nyi ma rim pas so zhes pa ste chu'i dkyil 'khor la 'bum phrag drug dang me'i dkyil 'khor la 'bum phrag dgu dang rlung gi dkyil 'khor la nyi ma ste 'bum phrag bcu gnyis su rim pas rig par bya'o/ / mi'i dbang po phyi rol srid pa gsum gyi gnas la dpag tshad 'bum phrag gcig nyid gang yin pa/ /de ni sa'i steng gi gnas su lus la rang rang dag gi tshad kyis yang dag khru gang ngo / /zhes pa ni sngar brjod pa'i rim pas phyi rol du 'jig rten gyi khams la dpag tshad 'bum phrag gcig gang yin pa de nyid rang gi lus la rang gi khru yis khru gang gi tshad du 'gyur ro/ /da ni phra rab ces pa la sogs pas rdul phra rab la sogs pa rnams kyi dpag tshad brjod te/ phra rab brgyad rnams dag gi phra mo 'di gcig ces pa ni 'dir phra rab rdul phra rab brgyad phreng bar gnas pa dag gis phra mo gcig ste phra mo gcig gi tshad du 'gyur ro/ /phra mo 'di brgyad rnams kyis mi rnams kyi skra yi rtse mor 'gyur ro/ /skra yi rtse mo 'di brgyad phreng bar gnas pas skye tshe'i tshad do/ /de rnams kyis shig gi tshad do/ /de rnams kyis nas kyi tshad do/ /ltos 'gro nas zhes pa ni de brgyad kyis sor du 'gyur ro/ /sor mo nyi ma ni zung gis zhes pa nyi ma ni bcu gnyis yin la zung rnam pa gnyis kyis nyi shu rtsa bzhi ste sor mo nyi shu rtsa bzhi phreng bar gnas pas khru'i tshad du 'gyur ro/ / de bzhis gzhur 'gyur te 'dir ni stong phrag gnyis kyi gzhu yis rgyang grag dag tu 'gyur ro/ /de bzhis dpag tshad du 'gyur ro/ /dpag tshad de yis lha yul la lha rnams kyi tshad dang / sa la mi rnams kyi tshad dang / nam mkha' la nyi ma dang zla ba la sogs pa 'khor ba'i don du tshad yin no/ /da ni gzugs med pa'i srid pa la sogs pa srid pa sum bcu rtsa gcig gsungs pa dang por chos bzang bskal pa zhes pa ste/ dang por ni thog mar ro/ /chos bzang gi sgras ni gzugs med pa'i srid pa zhes brjod do/ /bskal pa zhes pa ni gang du lha rnams tshe bskal par gnas pa'o/ / gnas de ni chos bzang bskal pa zhes pa ste mtho ris kyi sa'o/ /zung ni zung dang ldan pa dag ste zhes pa la zung ni gnyis yin la de dag zung dang ldan pa ni bzhi ste zung ni zung dang ldan pa dag ste zhes pa gzugs med pa'i srid pa'i gnas rnam pa bzhi zhes pa'i don to/ /bskal pa chen po gcig dang bskal pa gnyis dang gsum dang bzhi'i tshe'o zhes dgongs so/ /ri rab kyi gtsug gtor gyi 'og skra'i gnas te zad par stong pa rnam pa bzhi bsgoms pa rnams kyi'o/ /de bzhin du tshangs pa'i bskal pa zung ni zung dang ldan pa dag dpral ba'i gnas te zad par rlung rnam pa bzhi bsgoms pa rnams kyi'o/ /de bzhin du tshangs pa 'jig rten las 'das pa zung ni zung dang ldan pa dag sna'i gnas te zad par me rnam pa bzhi bsgoms pa rnams kyi'o/ de bzhin du dpal gyi bskal pa zung ni zung dang ldan pa dag sna'i 'og ko sko'i mthar te zad par chu rnam pa bzhi bsgoms pa rnams kyi'o/ /de bzhin du dkar po'i bskal pa zung ni zung dang ldan pa dag mgrin pa'i gnas te zad par sa rnam pa bzhi bsgoms pa rnams kyi'o/ /de ltar na gzugs can rnams kyi bskal pa bcu drug ste bskal pa bcu drug nas brtsams nas bskal pa re re'i bar gyi tshe'o/ /mgrin pa'i 'og de nas brtsams nas 'og rlung gi dkyil 'khor gyi mtha'i bar du 'dod pa'i srid pa bcu gcig ste/ shin tu dbang gyur gnas nas 'dod pa bcu gcig go / zhes gsungs te 'dod pa bcu gcig gi dbye bas tha dad do zhes pa'i don to/ /gzugs med dag ni a sogs bzhi po ha 'khrig bral ba rnams te/ zhes pa ni 'dir gzugs med la sogs pa rnams kyi sa bon gyi yi ge ni a yig la sogs pa'i dbyangs bzhi ste de dag kyang ha yig gnyis dang bral ba'o/ /'di ni stong pa drug tu dogs pa med pa'i tshig go/ i la sogs pa bcu drug gzugs zhes pa ni/ 'dir dbyangs bcu drug po gang dag gi dang po i yig yin pa de dag ni i la sogs pa zhes brjod de i la sogs pa bcu drug ni gzugs rnams so/ /ha sogs la mtha' yang ni 'dod pa rnam bcur rab tu gsal te zhes pa ni dbyangs bcu'i rnam par 'gyur ba gang dag gi dang po ha yig yin la mtha' la yig yin pa de dag ni ha sogs la mtha' ste 'dod pa rnam pa bcur 'gyur ro/ /rab tu gsal te lung las gsungs pa yod pa'o/ /gsal byed gcig pa ka sa'o zhes pa ni gsal byed ka yig la sogs pa mtha' dag so sor brjod pas yang dag par bsdus pa ni yi ge gcig pa ka sar 'gyur te ka dang sa brtsegs pa k+Sha yig go zhes pa'i don to/ /de yang 'dod pa'i srid pa bcu gcig pa'o/ /srid pa sum bcu rtsa gcig dag gis 'dir ni srid gsum du 'gyur zhes pa ni a yig la sogs pa srid pa sum bcu rtsa gcig po 'di dag gis srid pa gsum ste 'dod pa'i srid pa dang gzugs kyi srid pa dang / gzugs med pa'i srid par 'gyur ro/ /'dir srid pa sum bcu rtsa gcig ces pa ni gzugs med la sogs pa ste/ 'du shes med 'du shes med min skye mched du nye bar 'gro ba dang / ci yang med pa'i skye mched du nye bar 'gro ba dang / rnam shes mtha' yas skye mched du nye bar 'gro ba dang / nam mkha' mtha' yas skye mched du nye bar 'gro ba zhes bya ba ni gzugs med pa bzhi'o/ /'og min la sogs pa gzugs bcu drug ste/ 'og min dang shin tu mthong dang mi gdung ba dang mi che ba dang 'bras bu che ba dang bsod nams skyes dang sprin med dang dge rgyas dang tshad med dge ba dang dge chung dang 'od gsal ba dang tshad med 'od dang 'od chung dang tshangs chen dang / tshangs pa mdun na 'don dang tshangs ris zhes bya ba ni gzugs bcu drug go/ gzhan 'phrul dbang byed la sogs pa 'dod pa bcu gcig ste/ gzhan 'phrul dbang byed dang 'phrul dga' dang dga' ldan dang 'thab bral dang / sum bcu rtsa gsum dang / rgyal chen bzhi'i ris zhes bya ba ni 'dod pa na spyod pa'i lha drug ste/ bskal pa chung ngu drug dang lnga dang bzhi dang gsum dang gnyis dang gcig gi bskal pa'i tshe dang ldan pa'o/ /'dir de'i nang du 'dus pa'i lha ma yin dang mi dang dud 'gro dang yi dags dang dmyal ba zhes bya ba ni 'dod pa'i srid pa lnga ste/ de ltar na srid pa sum bcu rtsa gcig go/ gzugs med pa la sogs pa 'di rnams kyi ming gi sngags a yig la sogs pa rnams brjod pa'i rim pas grangs bzhin no/ /'di lta ste a A a aHzhes pa ni gzugs med pa ste zad par nam mkha'o/ /i I e ai zhes pa ni zad par rlung ngo / /r-i r-I ar Ar zhes pa ni zad par me'o/ /u U o au zhes pa ni zad par chu'o/ /l-i l-I al Al zhes pa ni zad par sa ste/ tshul khrims kyi stobs dang zad par rlung la sogs pa'i ting nge 'dzin gyi stobs gyis 'og min la sogs pa gzugs bcu drug tu 'gyur ro/ /ha hA ya yA ra rA zhes pa 'dod pa na spyod pa drug tu sbyin pa'i stobs dang sngags bzlas pa'i stobs kyis 'gyur ro/ /wa wA zhes pa ni lha ma yin dang / mi ste sbyin pa'i stobs kyis lha ma yin dang dge ba dang mi dge ba'i las kyi stobs kyis mir 'gyuro/ /la lA zhes pa ni dud 'gro dang yi dags te sdig pa chung ngus dud 'gro dang sdig pa 'bring gis yi dagso/ /k+Sha yig gis dmyal ba ste sdig pa chen pos 'gyur ro/ / klu'i 'jig rten dang por bsod nams kyi stobs dang dmyal ba'i gnas dang por sdig pa'i stobs kyis bskal pa chung ngu'i tshe'o/ /dmyal ba'i gnas gnyis pa dang gsum par bskal pa bar ma'i tshe'o/ /dmyal ba'i gnas bzhi pa dang lnga par bskal pa mchog gi tshe'o/ /dmyal ba'i gnas drug pa dang bdun par bskal pa chen po'i tshe'o/ /brgyad par 'jig rten gyi khams nye bar sdud pa'i tshe ste de ltar srid pa sum bcu rtsa gcig gis srid pa gsum mo zhes pa'i don to/ /khams kyi dbye bas ni khams gsum mo/ / srid gsum ma lus ni mtho ris dang mi yul dang sa 'og go/ 'di yang sku dang gsungs dang thugs kyi rdo rje gsum du 'gyur te/ a sogs ka sogs rab tu dbye ba las zhes shes par bya'o/ /bskal pa chung ngu'i tshad ni chu dang zheng la dpag tshad gcig pa'i dong ste de yang skra'i rtse mo phra mo rnams kyis yongs su bkang ba las lo brgya na skra'i rtse mo re re phyung bas gang gi tshe stong par gyur pa de'i tshe bskal pa chung ngu'i nyin zhag gcig go/ nyin zhag de sum bcu'i tshad kyis zla ba'o/ /zla ba bcu gnyis kyis lo'o/ /lo brgya la bskal pa zhes brjod do/ /de bzhin du de'i sde ni bskal pa bar ma ste/ bskal pa bar ma'i sdes mchog gi bskal pa'o/ /de ltar sems can rnams sdig pa'i dbang gis bskal pa'i grangs du mar dmyal ba la sogs pa'i sdug bsngal bar 'gyuro/ /lha rnams bsod nams kyi dbang gis bskal pa du mar mtho ris la sogs pa'i bde bar 'gyuro/ /da ni klu'i gnas la sogs pa rnams kyi ming gsung ste ming de la rtsod pa med do/ /rin chen sna nas gseg ma'i chu ni dmyal bar nges par brjod de zhes pa ni 'dir gnas gang na rin po che rnams kyis snang ba'i gnas de ni rin chen snang ste lha ma yin dang klu'i 'jig rten de nas 'og tu dpag tshad stong phrag nyi shu rtsa lnga'i tshad de rin chen snang de nas gseg ma'i chu ni dmyal bar nges par brjod de bshad ces pa'i don to/ /bye ma'i chu zhes bya ba ni gnyis pa'o/ /'dam gyi chu ni gsum pa ste grang ba'i dmyal ba gnyiso/ /de'i 'og tu mi bzad pa'i du ba ni bzhi pa'o/ /me ni lnga pa ste tsha ba'i dmyal ba gnyiso/ /de nas 'og tu mun pa ni drug pa'o/ /ngu 'bod mun pa chen po ni bdun pa ste drag po'i rlung gi dmyal ba gnyiso/ /rdo rje me lce dang bcas pa brgyad pa ni dang yig gis te rdo rje khab rtse'i sa'i cha rtag tu rab tu 'bar ba'o/ /dmyal ba chen po brgyad po rnams ni sa 'og na'o/ /lan tshwa chang dang chu dang 'o ma dang zho dang mar dang sgrang rtsi'i rgya mtsho bdun te zhes pa'i lan tshwa ni sa'i dkyil 'khor gyi phyi rol na'o/ /chang la sogs pa ni sa'i steng na'o/ /ri bo ni bdun te 'od sngon man da ra ri ni Sha Ta dang nor bu'i 'od zer tro Na bsil ri rdo rje'o zhes pa'i rdo rje ni lan tshwa'i rgya mtsho'i phyi rol na'o/ /kha ba can la sogs pa'i ri rgyud so so ni chang la sogs pa'i rgya mtsho so so'i phyi rol na chu'i phreng ba 'ching ba bzhin no/ /gling ni zla ba 'od dkar dag dang rab mchog ku sha dang ni mi 'am ci dang khrung khrung dang / drag po yang ni longs spyod sa ste bdun pa 'dzam bu mi rnams gnas pa dag ni las kyi sa bdun pa 'dzam bu'i gling chen po zlum po'i rnam pa zheng du dpag tshad 'bum phrag gcig dang khor yug tu 'bum phrag gsum yod pa gang du mi rnams gnas pa de ni las kyi sa dang / drug ni longs spyod kyi sar rig par bya'o/ /'dzam bu'i gling ni lan tshwa'i rgya mtsho'i ngogs na ste lhag ma ni chang la sogs pa'i ngogs na'o/ /da ni 'dzam gling chen po la gling bzhi rnams gsungs pa/ shar du rlung ni shin tu zlum po zhes pa ni shar du rlung gi dkyil 'khor gyi rang bzhin gyis shin tu zlum po ste zla ba nya ba'i rnam pa'o/ /lho ru me'i dkyil 'khor gyi rang bzhin gyis gru gsum mo/ /byang du chu'i dkyil 'khor gyi rang bzhin gyis zlum po phyed pa'o/ /nub tu sa'i dkyil 'khor gyi rang bzhin gyis gru bzhi ste chu yi gter gyi zur zhes so/ /dbusu lhun po stong pa'i dkyil 'khor gyi rang bzhin gyis thig le'i rnam pa'o/ /rdo rje mchog gi rang bzhin dkyil 'khor rnams kyi dbu su'o zhes pa ni shar dang lho dang byang dang nub kyi dkyil 'khor rnams kyi dbu su lhun po'o/ /sa'i steng du dpag tshad stong phrag rnams ni ri dang klu dang gza' dang phyogs rnams dag tu 'gyur/ dkyil 'khor chen po bzhi po 'di rnams kyi dpag tshad kyi tshad ni grangs bzhin du sa'i steng du ri zhes pa stong phrag bdun no/ /klu zhes pa stong phrag brgyad do/ /gza' zhes pa stong phrag dgu'o/ /phyogs zhes pa stong phrag bcu ste gling bzhi rnams kyi dpag tshad kyi tshad rim pa bzhin no/ /'dir gang zhig shar zlum po phyed dang nub gru bzhi yin pa de'i phyir rang gi lus rang bzhin gyis mdun dang rgyab rlung dang / sa'i rang bzhin dang g.yon dang g.yas kyi lus ni chu dang me'i rang bzhin no/ /de'i phyir dkyil 'khor bzhi'i rnaM pas gling bzhi rnams kyi mtshan nyido/ /da ni lhun po la sogs pa rnams kyi rgya'i tshad gsungs pa/ lhun po yi ni steng gi rgya shar dang nub dang byang dang lho'i cha'i bar du stong phrag lnga bcu'o/ /sa gzhi dag gi gnas la rgyar stong phrag bcu drug go/ stong phrag gcig ni khor yug dag gi yang dag pa'i zheng ngo / /rwa ni lnga po rnams dag steng dang sa gzhi dag gi gnas la ni phyir son pa'o/ /phyogs kun du ni khor yug kyango / /de'i phyi rol gling dang ri bo dag dang zhes pa ni khor yug de'i phyi rol rwa bzhi'i khongs skyibs kyi gnas su gling drug dang mtsho drug dang ri drug ste de rnams las kha ba'i ri dang rwa mnyam pa'o/ /bdun pa ni 'dzam bu'i gling ste de'i phyi rol na lan tshwa'i chu gter gyi dkyil 'khor dang thams cad nas me'i dkyil 'khor dang rlung gi dkyil 'khor ro/ /chu gter drug po thams cad dag kyang zla ba zla ba gcig gis dman pa'i stong phrag re re ste zhes pa ni rgya mtsho drug ste rgya mtsho so so la bcu gcig lhag pa'i brgyas dman pa'i stong phrag tu 'gyuro zhes pa'i don to/ /de bzhin du gling rnams drug dang ri rgyud mchog rnam drug nyid te gling dang ri dang rgya mtsho bcwa brgyad po 'di rnams tshad mnyamo/ /de nyid zhib mor ni stong phrag bcu drug las bcwa brgyad kyis thob pa'i chas gsal bar 'gyuro/ /zla ba zla ba gcig gis dman pa zhes pa ni rtsing ge'i tshad mdor bsdus te brjod pa'o/ /'dir lhun po'i 'og gi cha la tshangs pa'i gnas nas phyogs thams cad du dpag tshad stong phrag brgyad dang khor yug gi gcig go/ dpag tshad stong phrag dgu'i phyi rol dpag tshad stong phrag bcu drug gi bar du gling drug la sogs pa rnams gnas so/ /de'i phyir stong phrag bcu drug las bcwa brgyad kyis thob pa'i chas tshad gsal bar 'gyur ro/ /de'i phyi rol lhun po'i phyogs brgyad du stong phrag nyi shu rtsa lnga ni 'dzam bu'i gling chen po'i yangs pa ste zlum po'i rnam pa'o/ /de'i phyi rol phyogs thams cad du lan tshwa'i chu gter 'bum phrag phyed kyi tshad du 'gyur ro/ /srid pa gsum po 'dzin pa yi ni mtha' ma dag gi me'i dkyil 'khor dang rlung gi dkyil 'khor gyi tshad dag de bzhin no/ /de ltar na lhun po tshangs pa'i gnas nas phyogs thams cad du dpag tshad 'bum phrag gnyis gnyis su 'gyur te lus la brang gi phyed ni sa'i dkyil 'khor ro/ /dpung pa ni chu'i dkyil 'khor ro/ /nye ba'i dpung pa ni me'i dkyil 'khor ro/ /nor bu 'ching ba nas lag pa'i mthar ni rlung gi dkyil 'khor te de ltar na 'jig rten gyi khams kyi tshad do/ /da ni tshangs pa'i gnas su dus kyi 'khor lo zhes pa la sogs pas dus kyi 'khor lo dang lha dang klu dang gnas dang nye ba'i gnas la sogs pa rnams kyi gnas gsungs te/ phyi rol du tshangs pa'i gnas dang lus la gtsug tor gyi nor bu la dus kyi 'khor lo ste de nyid ni rgyal ba mchog bcas yang dag bstod pa ste/ sangs rgyas thams cad dang bcas pa 'dus shing gcig tu 'dres par gyur pa dang lha'i tshogs byang chub sems dpa' dang tshangs pa la sogs pa rnams kyis yang dag par bstod pa'o/ /lhun po la ni tshig mnga' tshangs pa la sogs pa rnams kyi tshogs so/ /sa gzhi'i 'og na gnas pa klu rnams dag ni rigs lnga'i tshogs so/ /dpal ldan lhun po'i phyogs rnams kun du ste phyogs brgyad du sa'i dkyil 'khor la son gnas rnams kun dang nye ba'i gnas/ zhes pa la gnas ni phyogs bzhir rlung dang me dang chu dang sa'i rang bzhin gyis gnas pa/ shar gyi lus 'phags dang 'dzam bu'i gling chung ngu dang byang gi sgra mi snyan dang nub kyi ba lang spyod do/ /nye ba'i gnas ni rang bzhin de nyid kyis phyogs mtshams rnams su ste me dang bden bral dang dbang ldan dang rlung gi phyogs su'o/ / de bzhin du zhing dang nye ba'i zhing ni rgya mtsho'i phyed la'o/ /'dun pa dang nye ba'i 'dun pa ni rgya mtsho'i phyed gzhan la'o/ /'dus pa can dang nye ba'i 'dus pa can ni me'i dkyil 'khor gyi phyed la'o/ /khang pa dang nye ba'i khang pa ni me'i phyed gzhan la'o/ /dur khrod dang nye ba'i dur khrod ni rlung gi dkyil 'khor kyi phyed la'o/ /dur khrod chen po brgyad ni rlung gi dkyil 'khor gyi mtha' la ste/ de ltar gnas la sogs pa rnams sa bcu gnyis su rig par bya ste lus la yang sa bcu gnyis ni lag pa dang rkang pa dag gi tshigs bcu gnyis so/ /da ni phyogs skyong rnams kyi gnas gsungs pa shar du brgya byin zhes pa ste/ shar du brgya byin ni lhun po'i steng gi shar phyogs su brgya byin no/ /mer ni me lha'o/ /gshin rje'i phyogs su gshin rje'o/ /bden bral du srin po'o/ /nub phyogs su chu lha'o/ /rlung du rlung lha'o/ /nor sbyin du gnod sbyin no/ /'phrog byed kyi phyogs su drag po'o/ /steng gi char tshangs pa'o/ /'og tu khyab 'jug go/ brgya byin la sogs pa 'di dag mtshon ldan 'khor gyi skye bo dang bcas rang rang phyogs ni srung zhing skyong ba ste/ de dag rnams kyi dbus su dus kyi 'khor lo rgyal ba rnams kyi skyed mdzad gzhom du med pa rdo rje'i sku ste phyogs skyong rnams kyi gtso bo zhes bya ba'i don to/ /da ni sa dum bu bcu gnyis la 'khor lo sgyur ba chen po 'khor ba gsungs pa lhun po'i rgyab kyi phyogs zhes pa la sogs pa ste/ lhun po'i rgyab kyi phyogs rnams su ni sa gzhi dag la lha min kla klo rnams kyis rgyal bar dka' ba 'khor ro/ /sa'i dum bu gang du de bzhin gshegs pa'i chos ni rnam par nyams shing de dag las bzlog pa'i chos 'jug pa'i sa gzhi der 'khor lo can 'khor te rtsod dus la chos min rab tu 'jug pa de nyid rtsod dus 'jug pa zhes pa'i don to/ /chos ma yin pa'i bdag nyid rtsod pa'i dus so/ /dum bu gang dang gang du kla klo'i chos zhugs pa'i dum bu de dang de nyid du rab tu gyur pas bgrod par byed pa ni rab tu bgrod par byed pa'o/ /kla klo rnams dang kyang yig gis lha min la sogs pa rnams kyang g.yul du bcom ste rang gi chos la kla klo la sogs pa de dag dgod pa byas nas mdun du rnam par rgyu'o/ /rdzogs ldan gsum ldan gnyis ldan dag dang rtsod dus gzhan ni dus kyi sbyor ba dag gis 'byung bar 'gyur zhes pa ni 'dir rdzogs ldan la sogs pa dus bzhi gzhan te rdzogs ldan chen po la sogs pa ma yin no zhes pa'i don to/ /dus bzhi 'di ni dus kyi sbyor bas 'byung bar 'gyur te dus ni khyim gyi 'khor lo rtsibs bcu gnyis pa'o/ /de'i sbyor ba ni dus kyi sbyor ba ste 'tshams bzhi'i dbye bas 'byung bar 'gyur ro/ /dum bu gang du stobs ldan 'khor lo can te rab tu zhugs pa der ni rdzogs ldan dus bgrod te rdzogs ldan dus zhes bya ba ni yang dag par rdzogs pa'i sangs rgyas kyi chos bgrod do zhes pa'i don to/ /rgyal po'i rgyab tu gsum ldan zhes pa ni rgyal po'i rgyab tu rdzogs ldan gyi mthar chos kyi rkang pa gcig med pa dang / gsum ldan gyi mthar rkang pa gnyis med pa ni gsum ldan du 'gyur ro/ /rtsod pa'i dus kyang rgyal po'i mdun dag tu te bskal pa'i mthar chos kyi rkang pa bzhi med pa'o/ /gnyis kyi bar du gnyis ldan no zhes pa ni rtsod dus dang gsum ldan gnyis kyi bar du chos kyi rkang pa gsum med pa'i gnyis ldan no/ /dus bzhi po rnams dag gi lo'i tshad ni stong phrag nyi shu rtsa gcig ro brgya dag dang bcas pa ste ro brgya zhes pa drug brgya lhag pa'i stong phrag nyi shu rtsa gcig gi tshad der 'gyur ro/ /re re dag gi tshad ni dus dang mda' yis bsgyur ba'i zhes pa la dus ni bzhi'o/ /mda' ni lnga ste lnga bcu rtsa bzhi po de dag gis bsgyur ba ni dus dang mda' yis bsgyur ba'o/ /mi rnams dag gi lo brgya gang yin pa'o zhes pa lo brgya bsgyur ba/ bzhi brgya lhag pa'i stong phrag lngar 'gyur te dus so so'i tshad mnyam mo/ /da ni mi'i lus skyes la sogs pa rnams kyi dbugs kyi tshad gsungs pa phra dbugs zhes pa la sogs pa ste/ phra zhes pa ni mi'i dbugs 'jug pa dang 'byung ba gcig drug brgya lhag pa'i stong phrag nyi shu rtsa gcig tu gyur pa'i cha gcig ni phra mo'i dbugs te dbugs de drug ni lus skyes srin bu'i rigs la sogs pa'i chu srang gcig go/ chu srang drug bcu ni chu tshod do/ /chu tshod drug bcu ni nyin zhag ste nyin zhag ces bya ba ni lus skyes la sogs pa rnams kyi dbugs 'jug pa dang 'byung ba drug brgya lhag pa'i stong phrag nyi shu rtsa gcig gi grangs so/ /dbugs de dag 'das pas mi rnams kyi rang gi nyin zhag go/ d+h+ru rnams kyi 'byung po yi dags rnams kyi rang gi nyin zhag ste/ d+h+ru zhes pa ni mi'i dbugs sum bcu 'gyur gyi dbugs te nag po'i phyogs nyin mo dang dkar po'i phyogs mtshan mo ni yi dags pha mes la sogs pa rnams kyi rang gi nyin zhag go/ chu tshod ces pa ni/ mi rnams kyi dbugs sum brgya drug bcu ste lha rnams kyi dbugs gcig go/ nyin zhag ces pa ni mi rnams kyi dbugs drug brgya lhag pa'i stong phrag nyi shu rtsa gcig ste lha min rnams kyi dbugs gcig d+h+ru pa mi lo nus go/ d+h+ru zhes pa ni mi rnams kyi lo ste nus pa'i dbugs gcig go/ pa nus pa zhes pa ni 'og min pa'i skye ba'o/ /dus bzhi zhes pa ni mi rnams kyi lo'i tshogs drug brgya lhag pa'i stong phrag nyi shu rtsa gcig ste gtso bo'i dbugs gcig go/ gtso bo zhes pa ni 'du shes med min skye mched du nye bar 'gro ba'i skye ba'o/ /phra dbugs d+h+ru dang chu tshod nyin zhag d+hu dang dus bzhi dag ni stong phrag nyi shu rtsa gcig dang / drug brgya rnams ni rim pas lus skyes phra dang mi dang 'byung po lha dang lha min rnams dang ni/ nus dang gtso bo'i nyin zhag gcig gi tshad te de ltar sngar brjod pa'i rim pas lus skyes la sogs pa 'di rnams kyi rang rang gi dbugs drug brgya lhag pa'i stong phrag nyi shu rtsa gcig gis nyin zhag tu 'gyur ro/ /tshad 'di dag las nus pa'i tshad ni 'og min gyi lha'i tshad te sa gzhi dag la 'khor lo can gyi dus bzhi nus pa'i tshad du 'jug ces so/ /dum bu dum bur zhi ba'i go 'phang 'khor lo can bgrod dum bu so sor sangs rgyas kyi chos rab tu bskor nas zhi ba'i go 'phang bde ba chen po'i gnas bgrod do/ /nyin zhag gcig la nyi ma bcu gnyis so/ /dum bu so so re rer 'khor lo sgyur ba chos rab tu ston pa po yang so so re re ste nyin zhag gcig la 'khor lo sgyur ba bcu gnyis su 'gyur ro/ /nus pa'i dbugs dang mi rnams kyi lo brgya phrag bcwa brgyad bcwa brgyad kyis re re bgrod te de ltar na chos kyi nyin mor byed pa bsod nams dang ye shes kyi lam rab tu ston pa'i nyi ma bcu gnyis so/ /phyi rol du lo la khyim bcu gnyis kyi dbye bas nyi ma bcu gnyis su 'gyur ro/ /da ni phra mo la sogs pa rnams kyi dbugs kyi dbye bas nyin zhag so so la dus kyi dbye ba gsungs pa phyogs zhes pa la sogs pa ste/ 'dir lus skyes la sogs pa rnams kyi nyin zhag so so la phyogs nyi shu rtsa bzhi dang / zla ba mtha' dag ces pa zla ba bcu gnyis dang / dus drug dang / dus bzhi dang / me dus zhes pa dus gsum dang bgrod pa gnyis te rgyal po lo ni mtha' dag ces pa ni 'di mtha' dag lo'i dbye bar shes par bya'o/ /de bzhin du rjes su nyin zhag ni nyin zhag sum brgya drug bcu'o/ /dus sbyor chu tshod dag dang chu'i srang rnams te dus sbyor ni sum brgya nyi shu lhag pa'i stong phrag bzhi'o/ /chu tshod ni drug brgya lhag pa'i stong phrag nyi shu rtsa gcig gi grangs so/ /chu srang ni stong phrag dgu bcu rtsa drug lhag pa'i 'bum phrag bcu gnyis so/ /'di rnams de ltar bgrod pa lus skyes la sogs pa rnams kyi nyin zhag so so la lo'i yan lag 'di dag dbugs kyi dbye bas bgrod do/ /de la dbugs dgu brgyas phyogs su 'gyur te phyogs nyi shu rtsa bzhis nyin zhag dang lor 'gyur ro/ /dbugs stong brgyad brgyas zla ba ste zla ba bcu gnyis kyis nyin zhag dang lor 'gyur ro/ /dbugs sum stong drug brgyas dus te dus drug gis nyin zhag dang lor 'gyur ro/ /dbugs lnga stong bzhi brgyas dus su 'gyur te dus bzhis nyin zhag dang lor 'gyur ro/ /dbugs bdun stong nyis brgyas dus gcig tu 'gyur te dus gsum gyis nyin zhag dang lor 'gyur ro/ /dbugs khri brgyad brgyas bgrod par 'gyur te bgrod pa gnyis kyis nyin zhag dang lor 'gyur ro/ /de ltar na lus skyes la sogs pa rnams kyi rang rang gi tshad kyi dbugs nyi khri cig stong drug brgyas so so'i nyin zhag dang lor 'gyur ro/ /de bzhin du dbugs drug bcus nyin mtshan du 'gyur te nyin mtshan sum brgya drug bcus nyin zhag dang lor 'gyur ro/ /dbugs lngas dus sbyor du 'gyur te dus sbyor bzhi stong sum brgya nyi shus nyin zhag dang lor 'gyur ro/ /dbugs gcig gis chu tshod du 'gyur ro/ /dbugs gcig gis drug bcu'i chas chu srang du 'gyur ro/ /dbugs sum brgya drug bcu'i chas dbugs su 'gyur te/ chu tshod nyi khri chig stong drug brgyas nyin zhag dang lor 'gyur ro/ /chu srang stong phrag dgu bcu rtsa drug lhag pa'i 'bum phrag bcu gnyis kyis nyin zhag dang lor 'gyur ro/ /dbugs stong phrag bdun bcu rtsa drug lhag pa'i 'bum phrag bdun bcu rtsa bdun gyis nyin zhag dang lor 'gyur ro/ /de bzhin du dbugs 'bum phrag bdun bcu rtsa drug lhag pa'i bye ba phrag bdun bcu rtsa bdun gyis nyin zhag brgya dang lo brgyar 'gyur ro/ /mchog gi tshe 'di ni las kyi dbang gis rang rang gi tshad las lhag pa dang dman par 'gyur ro/ /rnal 'byor pa rnams kyi rnal 'byor gyi stobs dang dka' thub pa rnams kyi ting nge 'dzin gyi stobs kyis lhag par 'gyur te dbugs gcig chu tshod du 'gyur ro/ /sems can sdig pa can rnams kyi sdig pa'i stobs kyis dman par 'gyur ro/ /'di lung dang rigs pa dam pas nges pa ni med te 'on kyang rig byed dag las skyes bu tshe lo brgya pa dbang po brgya pa zhes brjod do/ /'dir mi rnams kyi mchog gi tshe lo brgya'o zhes pa'i tshig 'di ni spros pa ste rdzogs ldan gyi dus kyi mi rnams kyi tshe 'phel ba'i dbang gis so/ /'dir nges pa'i don du skyes bu'i sgras nyin zhag so so dang lo so so brjod te/ nyin zhag brgya dang lo brgyas nang dang phyi la'o/ /slar yang dbugs kyi 'khor lo gzhan la 'jug pa'i phyir skyes bu tshe lo brgya pa dbang po brgya pa zhes so/ /de ltar nang du nyin zhag brgya phrag gnyis kyis dus bzhi rnams su 'gyur te dbugs stong phrag nyi shu lhag pa'i 'bum phrag bzhi bcu rtsa gsum gyis so/ /phyi rol du ni lo rnams kyis so/ /de ltar 'khor lo gnyis ka yongs su 'khor bas skyes bu gnyis ka'i tshe zla ba gnyis dang dus gcig go/ g.yon dang g.yas kyi dkyil 'khor bcu ste lo stong phrag sum bcu rtsa gnyis lhag pa'i 'bum phrag bzhis dkyil 'khor gcig tu srog rab tu 'bab bo/ /de bzhin du dkyil 'khor lnga la gza' thams cad rang rang gi skye ba'i gnas stong pa la 'jug go/ de nas yang rgyu ba gzhan la 'jug pas skyes bu gzhan dbu ma las nges par 'byung zhes pa ste 'chad par 'gyur ba la brjod par bya'o/ /dpal mchog gi dang po'i sangs rgyas las bsdus pa'i rgyud kyi rgyal po dpal dus kyi 'khor lo'i 'grel bshad stong phrag bcu gnyis pa dri ma med pa'i 'od las 'jig rten gyi khams kyi tshad bsdus pa'i mdor bsdus te brgyad pa'o// // da ni lo 'di nas ni zhes pa la sogs pas sham b+ha la'i yul du 'jam dpal 'byung ba dang kla klo'i chos byung nas skar rtsis kyi grub pa'i mtha' rnam par nyams pa dang nyung ngu'i byed pa rab tu 'jug par de bzhin gshegs pas lung bstan pa bdag gis dgrol bar bya'o/ / lo 'di nas ni drug brgya'i lo yis gsal bar mi bdag grags pa sham b+ha la zhes bya bar 'byung zhes pa la lo 'di zhes pa ni de bzhin gshegs pas chos bstan pa'i lo ste/ lo de nas lo drug brgya na chu bo shI ta'i byang sham b+ha la zhes bya ba'i yul du grags pa zhes pa ni lung gi brjod pa ste 'jam dpal grags pa chen po gsal bar 'byung zhes pa sprul pa'i sku 'dzin par mdzad par 'gyur zhes pa'i don to/ /de nas klu'i lo brgya rnams kyis zhes pa ni grags pa mya ngan las 'das pa de nas klu zhes pa lo brgyad brgya nas nges par zhes pa ni gdon mi za bar mkha'i yul du kla klo'i chos dag rab tu 'jug par 'gyur te/ chu bo shI ta'i lho phyogs mkha'i yul grong bye bas rnam par brgyan par kla klo stag gzig rnams kyi lha ma yin gyi chos rab tu 'jug par 'gyur ro/ /kla klo de'i dus su 'dzin ma la ni nyung ngu'i byed pa gsal bar mi rnams dag gis rig par bya'o/ /grub pa'i mtha' rnams rnam par nyams pa zhes pa ni tshangs pa dang nyi ma pa dang gcer bu pa dang skra can gyi grub pa'i mtha' ste 'di bzhi rnam par nyams pa ni grub pa'i mtha' rnams rnam par nyams pa'o/ /mtha' dag sa gzhi la ni zhes pa la mtha' dag ni gang du mu stegs pa'i grub pa'i mtha' zhugs pa de mtha' dag go/ sa gzhi ni chu bo shI ta'i lho ste sa gzhi der ro/ /sham b+ha la la sogs pa'i yul rnams su sangs rgyas pa'i grub mtha' rnam par nyams pa ni ma yin no/ /dus kyi sbyor ba la 'byung 'gyur zhes pa la dus kyi sbyor ba ni kla klo'i chos te de'i grub pa'i mtha' rnams la sbyor ba ni dus kyi sbyor ba las 'byung bar 'gyur ro/ /dus kyi sbyor ba la zhes pa ni lnga pa'i don la bdun pa'o/ /grub pa'i mtha' rnam par nyams pa de'i phyir nyung ngu'i byed pa gsal zhes pa ni ma'i la du'i tshig ste don dam par ni mu stegs pa rnams kyi nyung ngu'i byed pa la sogs pa gsal ba ma yin no/ /gang gi phyir grub pa'i mtha' rnams rnam par nyams zhes pa'i tshig zur gyi phyir ro/ /gal te byed pa la sogs pa gsal ba yin pa de lta na grub pa'i mtha' rnams rnam par nyams pa med te byed pa las kyang gza' 'grub pa'i phyir ro/ /byang du bgrod pa'i nyin zhag la grib mas yongs su brtags pas byed pa gzhan la yang nyi ma dag pa ma mthong ngo / /byang du bgrod pa la grib ma dag pa med na nyi ma'i longs spyod ma dag go/ nyi ma'i longs spyod ma dag pas zla ba'i longs spyod ma dag ste/ de bzhin du bkra shis la sogs pa rnams kyang nyi ma'i longs spyod la sbyangs par gyur pa ni nyi ma'i longs spyod ma dag pa nyid kyi phyir de dag gi longs spyod kyang ma dag go/ de ltar gza'i longs spyod ma dag pa nyid kyi phyir mu stegs pa rnams kyi gza'i 'bras bu skyes rabs la sogs pa rnams don med do/ /'dir grub pa'i mtha' la gza' rnams kyi bgrod pa bud med dang byis pa rnams kyis bsgrub par bya ba yin na byis pa'i skye bo la sogs pa de dag rnams kyis gza' myur du shes par 'gyur ro/ /des na phrag dog gi cha las skyes pa'i mu stegs gdug pa rnams kyis gal te bud med dang byis pa la sogs pa thams cad kyis gza'i rgyu ba shes par gyur pa de lta na bdag cag la su zhig gus par byed par 'gyur/ de'i phyir grub pa'i mtha' sbas te rgyud kyi byed pa la sogs pa bya'o zhes gros byas nas grub pa'i mtha' rnams sba ba byas shing rgyud kyi byed pa la sogs pa gsal bar byas te/ gang gis byis pa'i skye bo rnams kyis mi bzad par mthong nas ring du 'bros par byed cing skar rtsis kyi ming mi byed par 'gyur ba rgyud la nyin zhag gi tshogs kyi phung po du ma dang byed pa la yang dal ba dang myur ba la sogs pa'i las bzhi'i spros pa byas so/ /de ltar dus kyi dbang gis byed pa la nges pa mi gsal te mi gsal ba nyid kyi phyir nyi ma'i longs spyod mi dag go/ nyi ma'i longs spyod ma dag pas gza' thams cad kyi longs spyod ma dag par 'gyur ro/ /'dir gdug pa'i mu stegs rnams kyis gzhan dag gis mi shes par bya ba'i don du byed pa la sogs pa bkod pa gang yin pa de nyid dus kyi dbang gis de dag gis yongs su mi shes par 'gyur te gzhan la gnod pa byas pa'i phyir ro/ /de'i phyir gzhan la gnod pa byed pa ni thams cad du 'gal ba yin no/ / 'dir nyin zhag so so la gza' rnams kyi longs spyod bgrod pa ni 'chad par 'gyur ba las brjod par bya'o/ /da ni re shig nyung ngu'i byed pa gsungs pa me mkha' rgya mtsho rnams zhes pa'o/ /rgyud kyi rgyal po 'di la nges pa ni mi rtag pa ste lo drug bcu'i mthar slar yang nges pa 'god pa'i phyir ro/ /'dir byed pa la nges pa ni de bzhin gshegs pa'i dus nas lo drug brgya na 'jam dpal gyi dus so/ /de nas lo brgyad brgya na kla klo'i dus so/ / kla klo'i dus de las brgyad bcu rtsa gnyis lhag pa'i brgyas dman pa ni rgyal dka' gang gis nyung ngu'i byed pa rnam par sbyong ba rigs ldan rgyal dka'i dus so/ /dus de nyid ni byed pa la nges par 'gyur te kla klo'i lo las so/ /rab byung la sogs 'das pa zhes pa ni lo drug bcu po gang dag gi dang po rab byung yin pa de dag ni rab byung la sogs pa ste de dag las so sor da ltar ba'i lo'i snga ma'i lo ni rab byung la sogs 'das pa'o/ /de dag gsum lhag pa'i bzhi brgya'i phung po la bsres pa ni kla klo'i lor rab tu grub par 'gyur ro/ /lo gcig dang por byas nas lo drug bcu ji snyed pa de snyed ni rab byung la sogs 'das pa rnam bsres su 'gyur ro/ /lo de nyid ni byed pa gzhan thams cad la rab tu grags pa yin te gza' nyi ma bzhin no/ /gsum lhag pa'i bzhi brgya'i lo'i phung po la des bsres pa ni kla klo'i lor rab tu grub ste/ kla klo ni sbrang rtsi'i blo gros te rah+ma Na'i 'jug pa kla klo'i chos ston pa po kla klo stag gzig rnams kyi bla ma dang rje bo'o/ /kla klo'i dbang po'i lo ni lag pa gdengs can zla bas dman pa brgyad bcu rtsa gnyis lhag pa'i brgyas dman pa ni lag pa gdengs can zla bas dman pa ste sham b+ha la'i yul du rigs ldan rgyal dka'i dus kyi lo'o/ /de nyid ni nyung ngu'i byed pa la lo'i tshogs so/ /lhag ma dag kyang nyi mas bsgyur brgyad bcu rtsa gnyis lhag pa'i brgyas dman pa'i lhag ma lo'i tshogs de nyid zla ba'i tshogs kyi don du nyi mas bsgyur ba ni bcu gnyis kyis bsgres pa ste zla ba'i tshogs su 'gyur ro/ /nag pa la sogs zla ba bsres te zhes pa ni zla ba'i tshogs de nyid la da ltar gyi zla ba'i don du nag pa la sogs pa'i da ltar ba'i zla ba rnams kyis bsres pa'o/ /'og tu dus kyis bsgyur ba zhes pa ni 'og dang steng gi phung po la zla ba'i tshogs de nyid te 'og gi phung po la zla ba'i tshogs byas nas lhag pa'i zla ba gzung ba'i don du dus kyis bsgyur ba ni bzhis bsgres pa yin no/ /mkha' me zla bas rnam par dbye zhes pa ni 'dir zla ba phyed dang bcas pa'i sum bcu rtsa gnyis na lhag pa'i zla bar 'gyur te gnam stong la nyi ma'i 'pho ba med pa'i phyir ro/ /des na longs spyod par mi 'gyur ro/ /de'i phung po bzhis bsgyur ba ni cha'i phung por 'gyur ro/ /cha'i phung po bzhis bsgyur bar gyur pa na rgyu med na rgyu can yang mi 'byung ngo zhes pa'i rigs pas bgo bar bya ba'i phung po bzhis bsgyur bar 'gyur ro/ /de'i phyir bgo bar bya ba'i phung po la cha'i phung pos rnyed pa ni 'bras bur 'gyur te rnyed pa steng du bsres pa rnyed pa lhag pa'i zla ba'i tshogs de nyid steng gi phung po'i zla ba'i tshogs la bsres pa dag ni mi'i bdag po zla ba'i tshogs pa rnam par dag par 'gyur te da ltar gyi zla ba la tshes sum bcu'i rtsis kyi don du'o/ /da ni zla ba'i nges pa gsungs pa zla ba gnas gsum gyur pa'i dbus ma'i phung po dag la gang gnas lag pa rtse mo can gyis bsgyur zhes pa ste/ 'dir zla ba dag pa gnas gsum du byas nas gang zhig dbus ma'i phung po la gnas pa'i zla ba de dag zla ba so so'i gza'i chu tshod kyi don du lag pa rtse mo can gyis bsgyur ba ni sum bcu rtsa gnyis kyis bsgyur ba yin no/ /rtsa ba dag la drug gi chas rnyed ces pa ni rtsa ba'i phung po la drug gi chas rnyed pa dbus ma'i phung po la bu lon du 'gyur ro/ /des dbus ma'i phung po la sbyang bar bya ste bu lon yin pa'i phyir ro/ /steng 'og dag la mig dang sum bcu'i nor ni bsres pa gsal bar bya ste nges pa 'di ni mig dmar la sogs pa nub par byed pa la 'ongs pa ste des na nyi ma la sogs pa 'char bar byed pa'i don du steng gi phung por gza' gnyis nor du 'gyur ro/ /'og gi phung por chu tshod sum bcu nor du 'gyur ro/ /de'i phyir steng dang 'og la grangs bzhin du mig dang sum bcu bsre'o/ /drug bcu'i cha dag gis rnyed pa rtsa ba'i chu tshod kyi phung po la drug bcu'i chas rnyed pa ni gza'i tshogs su 'gyur te lhag ma ni gza'i longs spyod la chu tshod kyi phung por 'gyur ro/ /steng du rab bsres drug bcu'i chas rnyed pa'i gza'i tshogs de nyid steng gi gza'i phung po la rab tu bsres pa yin no/ /thub pa mchog rnams dag gis te bdun gyis bcad pa ste rnam par phye bar gyur pa'i lhag ma de ni gza' nyid do/ /zla ba'i nges pa la gza' ni steng du dgod par bya zhing gza'i 'og tu chu tshod kyi tshogs so/ /da ni gza'i rkang pa rnams gsungs pa gnas gnyis nyi zla bsres pa zhes pa ste/ gnas gnyis la zla ba'i tshogs de nyid nyi zla bsres pa ni brgya rtsa bcu gnyis bsres pa ste nyi zla zhes pa ni byed pa la ltos pa yin gyi grub pa'i mtha' la ltos pa ni ma yin no/ /dus dang nyi mas thob pa 'og gi zla ba'i tshogs la brgya nyi shu rtsa drug gis thob pa ste rnyed pa ni steng gi phung por nor du 'gyur ro/ /steng gi phung po la sbyin par bya ste zla ba so so la tshogs gnyis kyi don du dang po lag pas bsgyur la phyi nas sbyin par bya'o/ /'byung ba bsres pa mtha' dag ces bya ba ni byed pa la ltos pa'o/ /dus dang nyi mas cha thob pa ni grub pa'i mtha' ste gang gi phyir zla ba brgya nyi shu rtsa drug na tshogs kyi gnas su tshogs gcig lhag par 'gyur ba'i zla ba'i rkang pa'i dbang gis so/ /brgyad dang gnyis kyis phye ba tshogs zhes pa ni nyi shu rtsa brgyad kyis phye ba tshogs su 'gyur ro/ / gza' bdun gyi rkang pa yin pa'i phyir nyi shu rtsa brgyad kyi char 'gyur ro/ /cha des thob pa ni zla ba so so'i gza'i rkang par 'gyur te gza'i chu tshod kyi 'og tu'o/ /dus dang nyi mas cha thob pa'i lhag ma ni tshogs kyi cha shas su 'gyur te tshogs kyi 'og tu gzhag par bya'o/ /da ni nyi ma'i skar ma'i nges pa gsungs pa gnas gsum dbus ma dag ni dbang phyug gis bsgyur zhes pa ste zla ba dag pa de dag steng dang dbus dang 'og gi gnas gsum du 'gyur ro/ /gang zhig dbus ma la gnas pa'i zla ba de dag dbang phyug gis bsgyur te bcu gcig gis bsgyur ro/ /bcu gcig gis bsgyur ba ni byed pa la ltos pa yin gyi grub pa'i mtha' la ltos pa ma yin no/ /'og ma dgu dang yon tan rnams kyis cha thob par gnyis bsres zhes pa ni 'og gi phung po la dgu dang yon tan rnams kyis te sum bcu rtsa dgu rnams kyis cha thob pa'o/ /gnyis bsres zhes pa ni byed pa la ltos pas bsres pa'o/ /dman pa'i dbus ma ni dbus kyi phung po la dman pa ste bu lon no zhes pa'i don to/ /chu tshod dag gis thob pa nor te zhes pa ni dbus ma'i phung po las chu tshod dag gis te drug bcus thob pa'i rnyed pa ni skar ma'i tshogs te steng gi phung po la nor du 'gyur ro/ /drug bcu'i cha'i lhag ma ni skar ma'i chu tshod du 'gyur ro/ /nor de nyid steng gi phung por gnyis kyis ni/ bsgyur nas byin la skar mas bgos pa ste nyi shu rtsa bdun gyis bgos pa'i lhag ma'o/ /mi bdag ni bod pa ste nyi ma'i skar ma la sogs longs spyod dag tu 'gyur ro/ /'dir steng du skar ma'i tshogs dang 'og tu skar ma'i chu tshod kyi tshogs so/ /slar yang ma dag pa las kyang ma dag pa'i zla ba'i nges pa byis pa rnams kyis rab tu rtogs par bya ba'i don du bkod pa gza' la gza' ni rab sbyin gza'i gnas su gza' gcig sbyin par bya'o/ /mi bdag nyis 'gyur chu tshod rnams te mi bdag ces pa ni bcu drug ste mi bdag nyis 'gyur chu tshod ni chu tshod sum bcu rtsa gnyis chu tshod kyi gnas su sbyin par bya'o/ /'og tu tshogs dag la yang gnyis zhes pa ni chu tshod kyi 'og tshogs kyi gnas su gnyis sbyin par bya bar 'gyur ro/ /skar ma'i gnas su skar mar gnyis dang chu tshod drag po skar ma'i chu tshod kyi gnas su drag po zhes pa chu tshod bcu gcig sbyin par bya ba'i phyir nor du rab tu gsal te nyi ma'i longs spyod dag la rab tu sbyin zhes pa ni skar ma la sogs pa'o/ /de'i phyir zla ba'i nges par 'gyur te slar yang zla ba zla ba dag la rab tu sbyin par gsungs zla ba'i nges pa byed pa la ltos pa'i dbang gis zla ba so so la rab tu sbyin par bya'o zhes bcom ldan 'das kyis ma 'ongs pa nyid lung bstan to/ /da ni zla ba'i nges pa las tshes la sogs pa'i rtsis gsungs pa tshes rnams sbyin dang dor dang slar yang sbyin pa dag ni gza' dang chu tshod rkang pa rnams su ste zhes pa ste 'dir zla ba so so'i nges pa la dkar po'i tshes gcig la sogs pa'i tshes gcig nas brtsams nas sum bcu pa gnam stong gi bar ji snyed pa de snyed kyi tshes rnams sbyin dang dor dang slar yang sbyin zhes pa ni gza'i gnas su sbyin te nyin zhag so so'i gza'i don du'o/ /chu tshod kyi gnas su dor te zla ba'i chas chu tshod de dman pa'i phyir ro/ /tshogs kyi gnas su slar yang sbyin te zla ba'i rkang pa rnams kyi nor dang bu lon yongs su dag par bya ba'i phyir ro/ /tshogs kyi cha la chu gter zla bas mnyam dang mi mnyam thob pa dag la sbyin dor rkang pa'i don zhes pa ni tshogs kyi gnas su tshogs las chu gter zla ba ste bcu bzhi'i chas mnyam pa thob pas rkang pa'i don nor du 'gyur ro/ /mi mnyam pa thob pas rkang pa'i don bu lon du 'gyur ro/ /'dir mnyam pa'i cha ni gnyis thob pa 'am bzhi thob pa ste ma thob pa yang mnyam pa'o/ /mi mnyam pa'i cha ni gcig thob pa 'am gsum thob pa'o/ /de las lhag pa'i cha ni med te tshes sum bcu dang bcas pa'i tshogs nyi shu rtsa bdun ni lnga bcu rtsa bdun las lhag par mi 'gyur ro/ /de las cha bcu bzhis rnam par phye ba ni bzhir 'gyur ro/ /mnyam pa dang mi mnyam pa'i cha des rkang pa'i don sbyin pa 'am dor bar rig par bya'o/ /rkang pa'i don zhes pa ni zla ba'i rkang pa rnams te gnas bcu bzhir steng dang 'og gi rkang pa bdun bdun bzlog pa sa la sogs pa'i yon tan gyi dbye bas tha dad pa rnams so/ /rkang pa'i don de dag kyang sbyin pa 'am dor bar 'gyur ro/ /stong la stong pa rnam dag ces pa ni bcu bzhi'i cha'i lhag ma gal te stong par gyur na de'i tshe rkang pa'i don yang stong pa ste sbyin pa dang dor ba med do zhes pa ni byed pa la rigs pa'o/ /bcu gsum zla ba'i rkang par lnga ste zhes pa ni lhag ma rkang pa bcu gsum pa 'am rkang pa gcig pa mthong na chu tshod lnga nor ram bu lon du 'gyur ro/ /de bzhin du mig dang nyi ma dag la phyogs zhes pa ni lhag ma rkang pa gnyis pa 'am bcu gnyis pa la chu tshod bcu sbyin pa 'am dor bar 'gyur ro/ /bcu gcig pa dang me la zhes pa gsum pa la tshes zhes bya ste zhes pa bcwa lngar 'gyur ro/ /rkang pa bcu pa dang chu gter zhes pa cha'i lhag ma rkang pa bzhi pa mthong na nyi shur gcig gis dman par 'gyur ro/ /lnga dang bug par nyi shu rtsa gnyis zhes pa lnga pa dang dgu pa la 'gyur ro/ /dus zhes pa drug dang nor zhes pa rkang pa brgyad pa la rgyal ba ste nyi shu rtsa bzhir 'gyur ro/ /cha'i lhag ma rkang pa bdun pa mthong na chu tshod nyi shu rtsa lnga mnyam pa la sbyin pa dang mi mnyam pa la dor bar 'gyur te zla ba'i cha 'phel ba dang 'grib pa'i dbang gis so/ /de la nyi ma'i rab tu dbye bas gsal byas nyi ma'i rkang pa dag ni sbyin dang dor bar 'gyur/ /tshes kyi longs spyod de la nyi ma'i rkang pa rnams nyi ma'i rab tu dbye bas 'gyur te nyi ma'i bu lon ni de la bu lon no/ /nyi ma'i nor ni de la nor nyid do zhes pa ni nyi ma'i rab tu dbye ba'o/ / 'dir zla ba'i rkang pa rnams ni 'byung dang 'byung ba mda' dang rig byed me lag ri bong can ni snga ma'i cha dang gzhan la yang zhes pa ste 'byung dang zhes pa lnga'o/ /slar yang 'byung ba zhes pa de'i 'og tu lnga'o/ /mda' zhes pa de'i 'og tu lnga'o/ /rig byed ces pa de'i 'og tu bzhi'o/ /me zhes pa de'i 'og tu gsum mo/ /lag pa zhes pa de'i 'og tu gnyis so/ /ri bong can zhes pa de'i 'og tu rkang pa gcig ste de ltar gnas bdun po dag tu rkang pa rnams so/ /gzhan gnas bdun po rnams su gcig la sogs pa lugs las bzlog pa ste gnas bcu bzhi po rnams su rkang pa lnga'i bar du'o/ /de ltar gnas bcu bzhi po rnams su zla ba'i rkang pa rnams dgod par 'gyur ro/ /tshogs kyi cha la chu gter zla bas mnyam dang mi mnyam thob la rgyu ba rnams ni sbyin dang dor zhes pa ni/ 'dir yang cha bcu bzhi'i lhag ma mthong bar gyur pa na mnyam par thob pa la rgyu ba lnga la sogs pa rnams sbyin no/ /mi mnyam pa thob pa la dor ro zhes pa ste cha bcu bzhi'i lhag ma gcig mthong na chu tshod lnga gzung bar bya'o/ /gnyis pa la gnyis pa'i gnas na gnas pa dang lhan cig bcu'o/ /gsum pa la gsum pa'i gnas na gnas pa dang lhan cig bcwa lnga'o/ /bzhi pa la bzhi pa'i gnas na gnas pa bzhi dang lhan cig nyi shur gcig gis dman pa'o/ /lnga pa la lnga pa'i gnas na gnas pa gsum dang lhan cig nyi shu rtsa gnyis so/ /drug pa la drug pa'i gnas na gnas pa gnyis dang lhan cig nyi shu rtsa bzhi'o/ /bdun pa la bdun pa'i gnas na gnas pa gcig dang lhan cig nyi shu rtsa lnga'o/ /de nas zla ba'i rkang pa 'phel ba bzlog ste brgyad pa mthong bar gyur pa na rkang pa brgyad pa snga ma bdun dang bcas pa rnams dor te gzhan ma spyad pa'i rkang pa drug po rnams tshogs gcig tu byas nas chu tshod nyi shu rtsa bzhi sbyin pa'am dor bar 'gyur ro/ /dgu pa la rkang pa lnga po rnams kyi chu tshod nyi shu rtsa gnyis so/ /bcu pa la rkang pa bzhi po rnams kyi nyi shur gcig gis ma tshang ba'o/ /bcu gcig pa la rkang pa gsum po rnams kyi bco lnga'o/ /bcu gnyis pa la rkang pa gnyis po dag gi bcu'o/ /bcu gsum pa la rkang pa gcig gi lnga'o/ /bcu bzhi pa la stong pa'o zhes pa ni grub pa'i mtha'i nges pa'o/ /rgyu zhing yod pas lhag ma bsgyur ba las ni dus dang nyi mas cha thob dag kyang de bzhin no zhes pa la/ /'dir rgyu zhing yod pa zhes pa ni tshogs kyi 'og na gnas pa'i tshogs kyi cha shas dus dang nyi mas cha thob pa'i lhag ma rnams rgyu zhing yod pa ste tshogs las bcu bzhi'i cha'i lhag ma rgyu ba'i rkang pa gang yin pa de'i sngon ma ni rgyu zhing yod pa'i rkang pa ste tshogs kyi cha shas rnams yod pa'i rkang par 'gyur ro/ /der gza' rab tu zhugs te de'i phyir sbyin pa dang dor ba'i don du de gzung bar bya'o/ /rkang pa des lhag ma tshogs kyi cha shas bsgyur te/ de las brgya nyi shu rtsa drug gis cha thob pa yang de bzhin du sbyin te thams cad sngar gyi rkang pa'i chu tshod gyi tshogs ji lta ba de bzhin no/ /de nyid la nyi ma'i rab tu dbye bas sngar bzhin du nyi ma'i rkang pa rnams sbyin pa 'am dor bar 'gyur ro zhes pa ni grub pa'i mtha'o/ /da ni nyin zhag so so'i nyi ma'i longs spyod gsungs pa gang zhig rig byed rnams kyis tshes bsgyur gsal bar nor te de yi sum cha dag gis bsres pa'o zhes pa la rig byed rnams kyis tshes bsgyur ba ni bsgres pa ste/ rig byed rnams kyis tshes bsgyur ba ni nyi ma'i chu tshod kyi gnas su gsal bar nor du 'gyur ro/ /bsgyur ba'i tshes grangs de yi sum cha dag gis bsres pa ni nor te chu tshod kyi gnasu sbyin par bya'o/ /dus kyi rgyu skar rkang pa gsum bcas bu lon dag ste nyi ma'i longs spyod dbus nas sbyang bar bya zhes pa ni 'dir nyi ma'i rkang pa rnam par dag par bya ba'i don du gang gis nyi ma'i longs spyod nyin zhag so so la rgyu ba'i chu tshod dang chu srang la sogs pa rnams shes par byed pa nyi ma'i skye ba'i khyim sbyang bar bya'o/ /rnam pa gzhan du na byed pa la nyi ma'i nyin zhag so so dag pa med do/ /de'i phyir tha skar la sogs pa'i skar ma'i longs spyod las rgyu skar drug dang rkang pa gsum bcas zhes pa chu tshod bzhi bcu rtsa lnga ste nyi ma'i rkang pa dag par bya ba'i phyir lug la sogs pa'i khyim gsum yongs su sbyangs par 'gyur zhing kar Ta Ta skye ba'i khyim du 'gyur ro/ /de'i phyir dus kyi rgyu skar rkang pa gsum bcas bu lon dag ste nyi ma'i longs spyod dbus nas sbyang bar bya'o/ /longs spyod ni skar ma la sogs pa'i longs spyod te nyi ma'i longs spyod tha dad du byas la longs spyod de'i dbus nas skar ma'i gnas nas skar ma sbyang bar bya zhing chu tshod kyi gnas nas chu tshod sbyang bar bya'o/ /bya ba lhag ma mig dmar ji bzhin zhes pa ni 'dir bya ba lhag ma rnams mig dmar gyi ji lta ba de bzhin du nyi ma'i yang shes par bya'o/ /'on kyang mig dmar gyi rgyu ba'i rkang pa rnams tha dad do/ /nyi ma yi ni ro dus ri bong can rnams dal ba'i las la rkang pa ste ro zhes pa drug go/ dus zhes pa de'i 'og tu bzhi'o/ /ri bong zhes pa de'i 'og tu gcig ste khyim gsum la phyed snga ma'o/ /phyed phyi ma ni lugs las bzlog pa ste khyim bzhi pa la gcig go/ khyim lnga pa la bzhi'o/ /khyim drug pa la drug ste khyim 'di dag gi las ni dal ba'i las so/ /dal ba'i las 'di la kar ka Ta la sogs pa'i khyim drug po rnams su drug po 'di dag rkang par 'gyur ro/ / gzhan ni mig dmar la brjod par bya'o/ /longs spyod kyis ni chu tshod bsgyur nas mda' dang yon tan zla bas cha thob longs spyod dang bcas pa/ /bgrod dang 'gro ba'i dbang gis nyi ma la ni sbyin dang dor te gzhan du dag pa yod ma yin zhes pa'i tshig 'di ni nges pa'i don te/ ji ltar bkra shis la rgyu ba'i rkang pas chu tshod bsgyur te de las mda' dang yon tan zla bas zhes pa khyim gcig gi chu tshod kyi tshogs te brgya sum bcu rtsa lnga'o/ /cha des thob pa ni chu tshod kyi tshogs te chu tshod kyi gnas su nor du 'gyur ro/ /bgrod pa 'gro ba'i dbang gis bu lon du yang 'gyur te bgrod pa 'gro ba'i dbang gis chu srin la sogs pa la nor dang kar ka Ta la sogs pa la bu lon du 'gyur ro/ /gzhan du byed pa la brjod pa'i cho gas ni nyin zhag so so dag pa med do/ /'dir byed pa la brjod pa'i cho ga gsungs pa nyi ma la ni dus ro zhes pa ste kar ka Ta la bu lon ni phyogs dang po la dus zhes pa chu tshod gsum dang ke ka Ta'i phyogs gnyis pa la ro zhes pa drug go/ de bzhin du seng ge la sbrul zhes pa brgyad dang bcu'o/ /de bzhin du bu mo la 'phrog byed te bcu gcig dang slar yang 'phrog byed te bcu gcig go/ de nas srang la drag po zhes pa bcu gcig dang phyogs zhes pa bcu'o/ /de bzhin du sdig pa la klu zhes pa brgyad dang drug go/ de nas gzhu la me zhes pa gsum dang nam mkha' zhes pa stong pa bgrod pa'i mthar ro/ /de bzhin du chu srin la sogs pa la nor ro zhes pa ni byed pa la ste thams cad du grub pa'i mtha' la dgongs pa ni ma yin no/ /de ltar na zla ba'i 'pho ba'i dbye ba dag las phyogs kyi dbye bas zla ba drug ni nyin mor byed pas spyod do/ / da ni zla ba'i longs spyod gsungs pa nyi ma la byin zhes pa ni nyi ma'i longs spyod la tshes grangs byin nas 'og tu ro yis bsgyur la zhes pa ni tshes grangs de dag 'og tu drug gis bsgyur ba'o/ /gza'i longs spyod bsres pa dag ces pa ni gza'i longs spyod chu tshod la sogs pa rnams bsres pa dag chu tshod kyi gnas nas dman par gyur pa ni ri bong mtshan ma'i longs spyod du 'gyur ro/ /nyi zla bsres pa sbyor ba'o/ /nyi ma dang zla ba'i longs spyod bsres pa dag sbyor bar 'gyur ro/ /byed pa dag ni tshes la mig gis bsgyur ba zla bral gang zhig ces pa ni mig ste gnyis kyis tshes grangs rnams bsgyur ba las gcig dang bral ba bdun gyi lhag ma ni byed par 'gyur ro/ / gza'i longs spyod ni longs spyod du 'gyur ro/ /'dir yan lag lnga ni gza' dang tshes dang rgyu skar dang sbyor ba dang byed pa'o/ /de la gza' ni nyi ma dang zla ba dang mig dmar dang gza' lag dang phur bu dang pa ba sangs dang spen pa ste bdun no/ /tshes ni tshes gcig la sogs pa bcwa lnga'o/ /rgyu skar ni tha skar dang bra nye dang smin drug dang snar ma dang mgo dang lag dang nam so dang rgyal dang skag dang mchu dang gre dang dbo dang me bzhi dang nag pa dang sa ri dang sa ga dang lha 'tshams dang snron dang snrubs dang chu stod dang chu smad dang gro bzhin dang mon gre dang mon gru dang khrum stod dang khrums smad dang nam gru ste nyi shu rtsa bdun no/ /de bzhin du sbyor ba ni sel ba dang mdza ba dang tshe dang ldan pa dang skal bzang dang bzang po dang shin du skrang dang las bzang dang 'dzin pa dang zug rngu dang skrang ba dang 'phel ba dang nges pa dang kun 'joms dang dga' ba dang rdo rje dang grub pa dang shin du lhung dang mchog can dang yongs 'joms dang zhi ba dang grub pa dang bsgrub bya dang dge ba dang dkar po dang tshangs pa dang dbang po dang khon 'dzin zhes pa ste sbyor ba nyi shu rtsa bdun no/ /dkar po'i tshes gcig gi phyed phyi ma la byed pa dang po ba ba~M mo/ /gnyis pa'i phyed snga ma dang phyi ma la bA la ba~M dang kau la ba~M mo/ /gsum pa'i phyed snga ma dang phyi ma la tai ti la~M dang ga ra dza~M mo/ /bzhi pa'i phyed snga ma dang phyi ma la ba ni dza~M dang biSh+Ti'o/ /de bzhin du lnga pa la ba ba~M dang bA la ba~M mo/ /drug pa la kau la ba~M dang tai ti la~M mo/ / bdun pa la ga ra dza~M dang ba ni dza~M mo/ /brgyad pa'i phyed snga ma la biSh+Ti'o/ /brgyad pa'i phyed phyi ma la ba ba~M mo/ /dgu pa'i phyed snga ma dang phyi ma la bA la ba~M dang kau la ba~M mo/ /bcu pa'i phyed snga ma dang phyi ma la tai ti la~M dang ga ra dza~M mo/ / bcu gcig pa'i phyed snga ma dang phyi ma la ba ni dza~M dang biSh+Ti'o/ /slar yang bcu gnyis pa'i phyed snga ma dang phyi ma la ba ba~M dang bA la ba~M mo/ /bcu gsum pa la kau la ba~M dang tai ti la~M mo/ /bcu bzhi pa la ga ra dza~M dang ba ni dza~M mo/ / zla ba nya ba'i phyed snga ma la biSh+Ti'o/ /phyed phyi ma la ba ba~M mo/ /nag po'i tshes gcig gi phyed snga ma dang phyi ma la bA la ba~M dang kau la ba~M mo/ /gnyis pa'i phyed snga ma dang phyi ma la tai ti la~M dang ga ra dza~M mo/ /gsum pa'i phyed snga ma dang phyi ma la ba ni dza~M dang biSh+Ti'o/ /de bzhin du bzhi pa la ba ba~M dang bA la ba~M mo/ /lnga pa la kau la ba~M dang tai ti la~M mo/ /drug pa la ga ra dza~M dang ba ni dza~M mo/ /bdun pa'i phyed snga ma la biSh+Ti'o/ /phyed phyi ma la ba ba~M mo/ /brgyad pa la bA la ba~M dang kau la ba~M mo/ /dgu pa la tai ti la~M dang ga ra dza~M mo/ /bcu pa'i phyed snga ma dang phyi ma la ba ni dza~M dang biSh+Ti'o/ /de bzhin du bcu gcig pa la ba ba~M dang bA la ba~M mo/ /bcu gnyis pa la kau la ba~M dang tai ti la~M mo/ /bcu gsum pa la ga ra dza~M dang ba ni dza~M mo/ /bcu bzhi'i phyed snga ma la biSh+Ti ste byed pa bdun yongs su longs spyod do/ /de nas nag po'i bcu bzhi'i phyed phyi ma la sha ku ni'o/ /gnam stong gi phyed snga ma la rkang bzhi'o/ /phyed phyi ma la klu'o/ / dkar po'i tshes gcig gi phyed snga ma la ki~M stu g+h+na~M ngo / /phyed phyi ma la slar yang ba ba~M mo/ /de ltar na byed pa bcu gcig ste yan lag lnga'i rim pa'o/ /tha skar dang bra' nye dang smin drug gi rkang pa gcig ni lug la'o/ /de bzhin du rkang pa dgu dgu ni lug la sogs pa'i khyim bcu gnyis por rig par bya'o/ /mig dmar dang pa ba sangs dang gza' lag dang zla ba dang nyi ma dang gza' lhag dang pa ba sangs dang sa skyes dang bla ma dang spen pa dang nyi ma'i bu dang / lha'i bla ma ste 'di dag grangs bzhin du lug la sogs pa'i khyim rnams la zhing bdag go/ da ni mu stegs pa rnams kyis khyim gzung ba'i don du ming gi yi ge brtags pa brjod par bya ste/ 'dir skyes rabs kyi dkyil 'khor dbyangs dang gsal byed yongs su ma shes pa'i phyir drang srong rnams kyis ming gi yi ge brtags nas bkod pa 'di lta ste/ a i u e ni smi drug go/ o wA wi wu ni snar ma'o/ /we wo kA kI ni mgo'o/ /ku g+ha nga tsha ni lag go/ ke ko hA hI ni nam so'o/ /hu he ho DA ni rgyal lo/ /Di Du De Do ni skag go/ ma mi mu me ni mchu'o/ /mo Ta Ti Tu ni gre'o/ /Te To pA pi ni dbo'o/ /pu Sha Na Tha ni me bzhi'o/ /be bo rA ri ni nag pa'o/ /ru re ro ta ni sa ri'o/ /ti tu te to ni sa ga'o/ /nA ni nu ne ni lha 'tshams so/ /no yA yi yu ni snron no/ /ye yo b+hA b+hI ni snrums so/ /b+hu d+ha pha D+hA ni chu stod do/ /b+he b+ho dzA dzi ni chu smad do/ /dzu dze dzo khA ni gro bzhin no/ / khi khu khe kho ni byi bzhin no/ /ga gi gu ge ni mon gru'o/ /go sha shi shu ni mon gre'o/ /she sho dA dI ni khrums stod do/ /du Sha sha sa ni khrums smad do/ /de do tsA tsi ni nam gru'o/ /tsu tsi tso lA ni tha skar ro/ /li lu le lo ni bra nye'o/ / zhes bya ba ni khyim bcu gnyis kyi ming gi dbye ba'i yi ge rnams te yi ge 'di dag gis sems can rnams kyi khyim shes par bya zhing des dge ba dang mi dge ba'i 'bras bu shes par bya'o zhes bya ba ni mu stegs pa rnams kyi bsam pa rigs pas stong pa'o/ /don dam par dge ba dang mi dge ba ni rang gi las kyi dbang gis yin te/ de ltar yang / gza' tshes rgyu skar sbyor ba dang / /byed pa nyid dang dus sbyor dang / /gdug pa'i gza' ste 'di dag ni/ / bsod nams byed pa rnams la dge/ skad gcig gcig la skyes rnams kyi/ /skyes rabs tha dad tha dad 'bras/ /rang rang las la nyer spyod pas/ /de rnams 'bras bu gcig pa min/ /g.yul dang nags bsregs pa dang ni/ /nya pas rgya ni bcings pa la/ /gang gis lus can mang po rnams/ /cig car du ni 'chi bar 'gyur/ /lus can rnams kyi bsod nams kyis/ /tshe stobs brtson 'grus rdzu 'phrul dang / /skal bzang gzugs nyid sdig pas ni/ /tshe zad brtson 'grus rdzu 'phrul nyams shes gsungs so/ /yan lag lnga'i byed pa mdor bsdus pa'o/ /da ni byed pa la lo'i 'pho ba'i nges pa gsungs pa dag pa'i lo la klu bsres zhes pa ste/ dag pa'i lo ni byed pa'i lo'o/ /klu bsres ni brgyad bsres pa'o/ /mkha' dang nam mkha' chu gter gyis bsgyur zhes pa ni bzhi brgyas bsgyur ba yin no/ /klu bsres rnams kyis sbyangs pa dag ces pa ni byed pa'i lo brgyad bsres pa rnams kyis sbyangs pa ste dman par byas pa'o/ /ri zla me yis rab tu phye ste zhes pa ni sum brgya bcu bdun gyis phye ba gzar 'gyur ro/ /nam mkha' ros bsgyur zhes pa ni slar yang cha'i lhag ma chu tshod kyi don du drug bcus bsgyur te ri la sogs pas phye ba ni chu tshod du 'gyur ro/ /gnyis dang sum bcu'i gza' dang chu tshod nges pa 'dir ldan zhes pa 'dir ni mig dmar la sogs pa'i nges pa las nyi ma la sogs pa byed pa'i don to/ /gza'i gnas su gnyis sbyin zhing chu tshod kyi gnas su sum bcu ste drug bcu'i chas thob pa ni gzar 'gyur ro/ /lhag ma ni gza'i chu tshod du 'gyur ro/ /gza'i gnas su bdun gyi cha'i lhag ma gza' ste zla ba dag la lo'i 'pho bar 'gyur ro zhes pa ni rig pa'o/ /da ni lo'i nges pa la lug la sogs pa'i 'pho ba la snon par byed pa la snon byed bcu gnyis gsungs pa lug sogs rnams kyi snon byed dag la gza' dang chu tshod ces pa ste/ gza'i gnas dang chu tshod kyi gnas su gza' dang chu tshod rim par yongs bkod bcu gnyis 'di dag ste zla ba ri 'byung zhes pa la zla ba ni gza'i gnas su gcig go / ri 'byung zhes pa ni chu tshod kyi gnas su lnga bcu rtsa bdun no/ /'dir lo'i nges pa dang bcas pas gza'i gnas su gza' gang byung ba'i gza' des lug gi 'pho bar 'gyur te chu tshod kyi gnas su chu tshod gang byung ba'i chu tshod de rnams kyis so zhes bya ba ni byed pa'i rigs pa'o/ /rig byed dag dang zhes pa gnyis kyi tshig ni sdeb sbyor gyi dbang gis te rigs byed ni gza'i gnas su bzhi'o/ /yon tan mda' ste zhes pa ni chu tshod kyi gnas su lnga bcu rtsa gsum ste glang gi 'pho ba la'o/ /ri bong can zhes pa gza'i gnas su gcig go/ ri zla zhes pa chu tshod kyi gnas su bcu bdun te gsum pa la zhes pa ni 'khrig pa'i 'pho ba la'o/ / rig byed ces pa ni gza'i gnas su bzhi'o/ /me 'byung zhes pa ni chu tshod kyi gnas su lnga bcu rtsa gsum ste kar ka Ta'i 'pho ba la'o/ /zla ba zhes pa gza' la gcig go/ mig dang lag pa zhes pa chu tshod kyi gnas su nyi shu rtsa gnyis te seng ge la'o/ /dus zhes pa gza'i gnas su bzhi'o/ /rig byed mig ces pa chu tshod kyi gnas su nyi shu rtsa bzhi ste drug pa dag la'o zhes pa bu mo'i 'pho ba la'o/ /gza' la drug dang zla ba mda' zhes pa chu tshod kyi gnas su lnga bcu rtsa gcig srang gi 'pho ba la'o/ /zla ba zhes pa gza' la gcig go/ ri dus zhes pa chu tshod kyi gnas su bzhi bcu rtsa bdun te sdig pa'i 'pho ba la'o/ /me zhes pa gza'i gnas su gsum mo/ /drug zla zhes pa chu tshod kyi gnas su bcu drug ste gzhu'i 'pho ba la'o/ /rig byed ces pa gza'i gnas su bzhi'o/ /ri dang 'jig rten zhes pa chu tshod kyi gnas su sum bcu rtsa bdun te chu srin gyi 'pho ba la'o/ /gza'i gnas su drug go/ rig byed stong pa dag ces pa chu tshod kyi gnas su bzhi ste bum pa'i 'pho ba la'o/ /stong pa zhes pa gza'i gnas su ci yang sbyin par mi bya ba'o/ / mig mda' zhes pa chu tshod kyi gnas su lnga bcu rtsa gnyis te nyi ma'i go 'phang nya'i khyim la sbyin par bya bar 'gyur ro/ /zhes pa ni byed pa la 'pho ba'i longs spyod du shes par bya'o/ /grub pa'i mtha' la ni 'di 'pho ba'i longs spyod du mi 'gyur te/ gang zhig rig byed rnams kyis tshes bsgyur gsal bar nor te de yi sum cha dag gis bsres pa'o zhes pa 'dis zla ba'i nang du chu tshod gcig med do/ /spros pa yis kyang gnas gsum dbu ma dbang phyug gis bsgyur zhes pa 'dis yang nyams pa sos nas nyi ma'i longs spyod gsal bar 'gyur ro/ /lo gcig gi bar du nyi ma'i dkyil 'khor gyi nyin zhag gi cha ma gtogs par nyin zhag so so'i longs spyod dag par 'gyur ro/ /slar yang lo gzhan la 'pho ba'i nges pa gzhan du 'gyur ro/ /des na nag pa'i zla ba nas slar yang nag pa'i zla ba'i bar lo so so tsam nyi ma'i longs spyod dag go/ de'i phyir la byed pa'i lo gzhan la ltos nas des zla ba gcig gi nges pa cung zad dag go/ de nas nyi ma'i nyin zhag gi longs spyod nyin zhag so so la dbugs bzhi dang / chu srang gsum med pas ma dag ste longs spyod kyi dbang gis byang du bgrod pa nas byang du bgrod pa'i bar la/ nyin zhag lnga 'chad par 'gyur ro/ /zla ba so so la chu tshod nyi shu rtsa lnga 'chad par 'gyur ro/ /byed pa 'pho ba'i dus nas byed pa 'pho ba'i dus kyi zla ba so so la chu tshod nyi shu rtsa lnga lhag ste/ lo'i 'tshams su gza' lnga lhag go/ 'dir chad pa dang lhag pa ji ltar shes na byang du bgrod pa'i zla ba dang po la nyi ma bcu'i bar du/ thur ma'i grib mas yongs su brtag par bya ste/ nyin zhag gang nas brtsams te/ thur ma'i grib ma byang nas log par gyur pa de ni gza' de dang tshes de dang sbyor ba des dang byed pa des nyi ma 'pho ba'i nyin zhag go/ nyin zhag de la nyi ma'i longs spyod skar ma'i gnas su nyi shu dang chu tshod kyi gnas su/ bcwa lnga zhes pa rtsa ba'i nges pa'o/ /nges pa de la nyin zhag so sor nyi ma'i dkyil 'khor gyi nyin zhag rnams kyis thob pa rab tu bsres te de nas sngar brjod pa'i cho gas nyi ma'i rkang pa rnams sbyang bar bya'o/ /rtsa ba'i rgyud las nyi ma'i dkyil 'khor gyi nyin zhag dang / chu tshod dang / chu srang dang dbugs dang khyim gyi 'khor lo longs spyod pa'i mthar thugs pa gsungs pa 'di lta ste/ lo gcig mkha' dus mes bsgyur te/ /gnas gnyis 'og ma gnyis kyis bsgyur/ /drug bcu rtsa lngas bgos thob pa/ /steng gi phung por nor du sbyin/ /slar yang lhag ma drug bcus bsgyur/ /cha thob de yi 'og tu yang / /slar yang lhag ma drug bcus bsgyur/ /cha thob de las kyang 'og ste/ /slar yang lhag ma drug gis bsgyur/ /drug bcu rtsa lngas bgos thob pa/ dbugs kyi tshogs te mi yi bdag /de yi yang ni 'og tu gzhag /nyin zhag chu tshod chu srang rnams/ /dbugs su byas nas rnam gsum slar/ /'og la ri mkha' ris thob pa/ / dbus kyi phung por nor du sbyin/ /de las drug bcu rtsa bzhis thob/ /steng gi phung por bu lon dbrog /lhag ma 'dir ni nyin zhag dang / /chu tshod chu srang dag dang dbugs/ /'di dag 'khor lo longs spyod pas/ /nyi ma'i dkyil 'khor du 'gyur ro/ /nyin gcig rgyu skar gyis bsgyur gang / /chu tshod drug bcus de bzhin te/ /nyi ma'i dkyil 'khor longs spyod kyis/ / thob pa zhag re'i chu tshod do/ /slar yang drug bcus bsgyur chu srang / /drug gis bsgyur las dbugs su 'gyur/ /longs spyod 'di ni nyi ma yi/ /rgyu skar chu tshod sogs la sbyar/ / bgrod nas nyin zhag so sor slar/ /bgrod par 'gyur gyi bar du sbyin/ /brjod pa'i las kyi cho ga yis/ /nyi ma'i rkang pa sbyang bar bya/ /gzhan du byed pa'i lam gyis ni/ /nyi ma rtag tu dag pa med/ /nyi ma'i longs spyod ma dag na/ /'di la sbyangs pa'i mig dmar sogs/ /rtsa ba nyams pa'i ljon pa bzhin/ /'dir ni gsal ba nyid mi 'gyur/ /khyim gyi 'khor lo longs spyad pas/ /zla ba'i dkyil 'khor bshad bya la/ /'khor lo'i chu tshod nyi chu tshod/ /zla ba'i longs spyod bsres pa dag /sum bcu'i chas thob zla longs spyod/ /nyin zhag so so'i chu tshod 'gyur/ /zla bas nyin zhag chu tshod dang / /chu srang dbugs ni gang dag gis/ /'khor lo'i chu tshod mthar spyod pa/ /de ni de yi dkyil 'khor 'gyur/ /nyin zhag stong phrag drug dang ni/ /dgu brgya sgra gcan dkyil 'khor te/ /mig dmar la sogs dkyil 'khor ni/ /rang rang rgyu ba las rab grub/ /nyin gcig rgyu skar rnams kyis bsgyur/ / dkyil 'khor gyis ni rnam par dbye/ /thob pa dag ni skar mar 'gyur/ /lhag ma slar yang drug bcus bsgyur/ /dkyil 'khor cha yis chu tshod de/ /de bzhin chu srang dbugs dag kyang / / dkyil 'khor chas thob gza' rnams kyi/ /nyin zhag so sor mi yi bdag /de nyid sbyin pa byas nas ni/ /gza'i rgyu bas gza' sbyang bya/ /gang tshe gza' yi longs spyod dag / de tshe zla ba'i cha 'char la/ /bgrod pa'i ri mo la gnas pa/ /zla ba'i longs spyod kyis shes bya/ /bgrod pas nyi ma sbyangs byas te/ /longs spyod cha gcig la gnas pa'i/ / zla ba nyi mas sbyang bar bya/ /zla bas dmig dmar la sogs so/ /tshigs 'tshams dkar po nag po la/ /tshes grangs gnyis ka'i dbus su ni/ /zla ba nyi ma rnam 'joms pa/ /sgra gcan 'jug pas tshes grangs so/ /te ltar thams cad yongs shes nas/ /grub mtha'i longs spyod rnam pa gzhan/ /rnam gzhan nyung ngu'i byed la sogs/ /'di las ma dag rnam par spangs/ /zhes so/ /de ltar brjod pa'i rim pas rgyud kyi rgyal po mchog gi dang po'i/ sangs rgyas las grub pa'i/ mtha'i mtshan nyid gsungs so/ / bsdus pa'i rgyud kyi rgyal po las/ grub pa'i mtha' rnams rnam par nyams zhes pa'i tshig gis bsdus te/ rgyud las gsal por ma mdzad do/ /de ci'i phyir zhe na/ 'dir mu stegs pa rnams kyis bsdus pa'i rgyud kyi rgyal po mthong ste/ nyi ma'i longs spyod rnam par dag pa mthong nas/ bdag cag gi byed pa la yang nyi ma'i longs spyod rnam par dag pa yod do/ /zhes rang gi byed pa'i nang du 'bri bar 'gyur te/ rgyu des na 'grel bshad la ltos nas gsal por ma mdzad do/ /da ni nyin mo dang mtshan mo 'phel ba dang 'grib pa gsungs pa zla drug 'phel dang / 'grib pa zhes pa ste/ grangs bzhin du 'phel ba dang 'grib pa gnyis su 'gyur ro/ /nyin dang mtshan mo dag kyang zhes pa ni nyin mo dang mtshan mo dag go/ nyi ma rab tu rgyu bas so zhes pa ni nyi ma byang du rgyu ba dang / lhor rgyu bas ni nyi ma rab tu rgyu bas so/ /chu gter srog dang chu srang me ni nyin zhag so so'i dus su 'phel 'grib bgrod pa'i yan lag gis/ tshad 'di ni kai la sha'i byang gi cha kha ba can gyi bar du ste nyin zhag so so la dbugs bzhi dang chu srang gsum bgrod pa'i yan lag gis 'phel zhing 'grib bo/ /bgrod pa'i yan lag ni phyed dang bcas pa'i brgyad bcu rtsa gnyis lhag pa'i nyin zhag brgya ste bgrod pa'i yan lag nyin zhag de rnams kyis lho phyogs su mtshan mo 'phel bar 'gyur te/ byang du nyin mo'o/ /kai la sha'i lho phyogs la ni 'chad par 'gyur ba las brjod par bya'o/ /tshad 'di la lhor bgrod pa'i 'pho ba'i nyin zhag la chu tshod sum bcu rtsa drug gis nyin mor 'gyur zhing nyi shu rtsa bzhis mtshan mor 'gyur ro/ /de bzhin du byang du bgrod pa la mtshan mo dang nyin mo'i tshad bzlogs pas shes par bya'o/ /da ni sgra gcan rgyu skar la longs spyod pa gsungs pa zla ba zhes pa ste zla ba ni byed pa'i zla ba'o/ /mig dang nyi ma bsres pa zhes pa ni byed pa la ltos pa yin gyi/ grub pa'i mtha' la ltos pa ma yin no/ /mig dang nyi ma zhes pa brgya nyi shu rtsa gnyis bsres pa'o/ /mig gis rnam 'gyur zhes pa ni phyogs kyi phung po'i don du gnyis kyis bsgyur ba'o/ /zla ba'i tshigs la gcig bsres te zhes pa ni nya'i longs spyod kyi don du phyogs gcig bsres pa dang gnam stong gi longs spyod kyi don du phyogs gnyis bsres pa phyogs kyi phung por 'gyur ro/ /mkha' dus chu yis rab phye zhes pa ni/ sgra gcan gyi phyogs kyi longs spyod kyi don du phyogs kyi 'khor lo phyogs bzhi brgya drug bcus bgos ste mkha' dus chu des rab tu phye ba'i lhag ma'i phyogs gang yin pa de dag thub pa lag pas bsgyur bar 'gyur ro/ /skar ma'i longs spyod kyi don du mkha' sogs cha yis skar ma'o/ /zhes pa ni stong pa la sogs pa bzhi brgya drug bcu'i chas thob pa skar mar 'gyur ro/ /slar yang lhag ma ni lhag ma drug bcus bsgyur ba gang yin pa las cha de nyid kyis thob pa chu tshod du 'gyur ro/ /de bzhin du drug bcus bsgyur ba las cha de nyid kyis chu srang du 'gyur ro/ /drug gis bsgyur ba las cha de nyid kyis dbugs su 'gyur ro/ /thob pas dman pa'i 'khor lo gdong 'dir mkha' dus chu yis thob pa'i skar ma la sogs pa gang yin pa de dag gis 'khor lo skar ma nyi shu rtsa bdun gyi bdag nyid la dman par byas pa'i 'khor lo ni gdong du 'gyur te tha skar la sogs pas gdong gi skar ma'i longs spyod du 'gyur ro/ /mun can ni sgra gcan te 'di la mun pa yod pa'i phyir mun can no/ /mun can de'i mjug ma dag kyang rgyu skar phyed bsres pa'o zhes pa la rgyu skar phyed ni skar ma phyed dang bcas pa'i bcu gsum ste de dag gdong gi longs spyod la bsres pa ni 'jug ma zhes pa mjug ma'i longs spyod du 'gyur ro/ /da ni bkra shis la sogs pa rnams rgyu skar la longs spyod pa'i don du nyin zhag gi tshogs gsungs pa zla ba zhes pa byed pa'i zla ba'o/ /nyin zhag gi phung po'i don du sum bcus bsgyur bas de dag nyin zhag tu 'gyur ro/ /nyin zhag de dag da ltar ba'i zla ba'i nyin zhag so so dang bcas pa gnas gsum du 'gyur ro/ /'og gi phung po las ri mkha' ris thob pa zhes pa bdun brgya bdun gyis cha thob pa dbu ma'i phung por rnam par bsre'o/ /dbu ma'i phung po de dag las kyang chu gter ro/ / drug bcu rtsa bzhis cha thob pas dman pa mi gsal nyin zhag go/ kha cig tu nyin zhag so so'i gza' lhag pas gsal ba'i don du gza' gcig dman par 'gyur ro/ /de'i phyir gsal ba'i nyin zhag gi tshogs su 'gyur ro/ /da ni bkra shis gsungs te ri dus gcig gis bsres pa zhes pa ni byed pa la ltos pa yin gyi grub pa'i mtha' la ltos pa ma yin no/ /brgya drug bcu rtsa bdun gyis bsres pa ni ri dus gcig gis bsres pa'o/ / gsal ba'i nyin zhag tshogs te ri klu dus kyis bgos pa yis/ nyin zhag gi tshogs de yang mig dmar gyi dkyil 'khor nyin zhag drug brgya brgyad bcu rtsa bdun gyis bgos pa'o/ /'di las mig dmar gyi yongs su bskor ba shes nas lhag ma skar mas bsgyur zhes pa nyi shu rtsa bdun gyis bsgyur ba las slar yang ri klu dus rnams kyis thob pa ni skar mar 'gyur ro/ /nam mkha' ro drug bcu yis bsgyur ba las kyang ri la sogs pa rnams kyis thob pa ni chu tshod te mig dmar gyi longs spyod la thob par 'gyur ro/ /chu srang la sogs pa ni sngar brjod pa'i cho gas so/ /'dir gza' thams cad kyi longs spyod kyi gnas rnam pa lngar 'gyur te/ khyim gyi gnas dang / skar ma'i gnas dang / chu tshod kyi gnas dang / chu srang gi gnas dang / dbugs kyi gnas rnams 'og nas 'og tu 'gyur ro/ /dbugs kyi gnas su dbugs drug las lhag pa mi gnas te drug gi chas thob pa ni chu srang la gzhug go/ chu srang ni drug bcu las lhag par mi gnas te drug bcu'i chas thob pa ni chu tshod kyi phung por gzhug go/ chu tshod rnams kyang de bzhin du rgyu skar gyi phung por gzhug go/ skar ma ni las gnyis la phyed dang bcas pa'i bcu gsum pas lhag par mi gnas shing khyim drug tu gnas so zhes bya ba ni nges pa'o/ /da ni mig dmar dag pa gsungs pa mig dmar la ni phyed bcas dgu sbyang zhes pa ste/ 'dir mig dmar gyi skar ma la sogs pa'i longs spyod tha dad du byas te mig dmar gyi longs spyod gcig la skye ba'i rkang pa gzung ba'i don du skar ma dgu sbyang bar bya'o/ /phyed bcas zhes pa ni chu tshod sum bcu chu tshod kyi gnas nas sbyang bar bya'o/ /tha skar la sogs pa'i skar ma'i longs spyod la gal te bu lon lhag na 'khor lo bsres la rnam par sbyang zhes pa ni/ 'dir skar ma'i longs spyod tha skar la sogs pa la gdon mi za bar bu lon sbyang bar bya ste gal te bu lon gyi phung po lhag pa dang bcas shing longs spyod kyi phung po dman par gyur na/ de'i tshe 'khor lo bsres la rnam par sbyang ngo / /'khor lo ni skar ma nyi shu rtsa bdun gyi tshogs te/ de dag bsres la bu lon rnam par sbyang ngo zhes pa'i don to/ /'khor lo phyed ni dor bar bya ste zhes pa ni 'dir gal te sbyangs pa'i lhag ma 'khor lo phyed du gyur na/ de'i tshe dor bar bya ste phyed pas lhag par gyur na'ang 'dir lhag ma gang yin pa/ phyed pas lhag par gyur na'o/ / dor ba'i lhag ma de ni rim pa min par 'gyur ro/ /gza' thams cad kyi dal ba'i las la rim pa min pas nor du 'gyur te rim pas ni bu lon no/ /skar ma drug bcus bsgyur te chu tshod dag dang rab ldan par gyur pa zhes pa ni chu tshod kyi tshogs kyi don du rgyu skar gyi tshogs drug bcus bsgyur bar gyur pa la 'og na gnas pa'i chu tshod kyi tshogs steng du ldan par 'gyur ro/ /'byung me zla bas bgo khyim gyi rkang pa'i don du chu tshod kyi phung po la brgya sum bcu rtsa lngas bgo ste gang thob pa de khyim gyi rkang par 'gyur ro/ /dal ba'i las dag la yang nor dang bu lon dag ni rim pa min dang rim pas so/ /grangs bzhin du rig par bya'o/ /'dir khyim rgyu ba'i rkang pa ni de nyid ces pa skye ba nas khyim dang po la nyi shu rtsa lnga'o/ /gnyis pa la bcwa brgyad do/ / gsum pa la ri zhes pa bdun te khyim snga ma gsum la'o/ /de nas 'khor lo phyed kyi phyed gzhan la ni khyim bzhi pa la bdun no/ /lnga pa la bcwa brgyad do/ / drug pa la nyi shu rtsa lnga'o/ /rab tu gsal bar ro rkang 'khor lo phyed la steng dang 'og tu ste zhes pa'o/ /longs spyod kyis ni chu tshod bsgyur las zhes pa ni/ chu tshod kyi tshogs las brgya sum bcu rtsa lnga'i chas thob pa ni khyim gyi longs spyod du 'gyur te/ de nyid rkang pa drug gi nang nas rkang pa'o/ /de nas gnyis pa ni longs spyod pa'i phyir longs spyod de/ longs spyod lhag ma des chu tshod lhag ma bsgyur ba las mda' dang yon tan zla bas 'khor lo phyed las cha thob pa/ longs spyod kyis chu tshod bsgyur ba'i phung po las brgya sum bcu rtsa lnga'i chas thob pa ni snga ma phyed la gzung byar 'dod te rkang pa'i dbang gis zhes pa ni gza' phyed phyi mar ma bgrod kyi bar du'o/ /de'i 'og tu de bzhin phyi ma phyed la dor byar 'gyur zhes pa ni longs spyod de nyid phyed phyi ma la dor byar 'gyur ro/ / zos pa tshogs gcig byas nas zhes pa ni snga ma phyed la gnas pa la gza' rnams kyis khyim gyi dbang gis rkang pa zos pa gang yin pa de dag tshogs gcig tu byas pa dang phyi ma phyed la snga ma dang phyi ma zos pa dor nas ma zos pa tshogs gcig tu byas te/ gza' yi bgrod pa'i dbang gis sbyin dang dor ba dag kyang chu tshod la'o zhes pa la gza' rnams kyi bgrod pa ni rim pa min pa dang rim pa ste/ de'i dbang gis sbyin pa dang dor ba ni rim pa min pa'i dbang gis sbyin pa dang / rim pa'i dbang gis dor ba'o/ / chu tshod la'o zhes pa ni chu tshod kyi phung po dang gza'i longs spyod skar ma'i phung po la'o zhes bya ba ni bkra shis la sogs pa rnams kyi dal ba'i las thams cad la nges pa ste khyim gyi las kyi cho ga skye ba'i rgyu ba dag pa'o/ /da ni myur ba'i las kyi cho ga gsungs pa de nas nyi ma sa skyes rnam par sbyang ste bla ma nyi skyes dag kyang myur ba'i las la'o zhes pa ste/ de nas ni de ma thag nyid la'o/ /slar yang khyim gyi las kyis rnam par dag pa'i gza'i longs spyod kyis nyi ma'i longs spyod la sbyang bar bya'o/ /nyi mar sa skyes rnam par sbyang ste zhes pa ni dal ba'i longs spyod nyi rkang dang bral ba las te gza'i longs spyod tha dad du byas nas so/ /de nas zhes pa ste bla ma yang sbyang bar bya zhing nyi skyes spen pa yang sbyang bar bya ste kyang gi sgras mig dmar ji lta ba bzhin du'o/ /gang la zhe na myur ba'i las la'o/ /de bzhin du zla skyes te zla skyes kyi longs spyod la gza' lag gi longs spyod kyi don du nyi mas sbyang bar bya'o/ /dkar po la yang ste dkar po'i longs spyod la yang dkar po'i longs spyod kyi don du nyi mas sbyang bar bya'o/ /'dir gza' mthon pos gza' dma' mo la rnam par sbyang ngo zhes pa ni nges pa ste des na zla skyes dang dkar po la yang nyi mas sbyang bar bya'o/ /myur ba'i las la nges par rim pas nor du 'gyur zhes pa ni 'dir myur ba'i las te myur ba'i bya ba la rim pas nor du 'gyur ro/ / nges par zhes pa gdon mi za bar ro/ /rim pa min pas bu lon du 'gyur ro/ /gza' mthon po'i longs spyod dag pa'i lhag ma las 'khor lo phyed yongs su dor te sbyangs pa'i lhag ma ni 'dir rkang pa'o/ / gza' mthon po'i longs spyod rnam par dag pa'i lhag ma'i skar ma ni gza' rnams kyi nyin zhag gi longs spyod kyi dbang gis rgyu ba'i skar mar 'gyur ro/ /de nyid gza' rgyu ba'i rkang pa ste chu tshod du ma'i bdag nyid can no/ /gza' rgyu rkang pa'i chu tshod de dag rnams kyis lhag ma'i chu tshod bsgyur/ drug bcu'i cha yis thob pa gza' rgyu rkang pa dag las gzung bya dang ni dbrog bya de bzhin nyid ces pa ni snga ma bzhin du phyed snga ma la gzung bar bya ba dang phyed phyi ma la dbrog par bya ba'o/ /zos pa dag ni tshogs gcig byas nas gza' yi bgrod pa'i dbang gis sbyin dang dor ba mtha' dag ste zhes pa ni 'dir myur ba'i las la rim pas sbyin pa dang rim pa min pas dor ba ste phyed snga ma la zos pa'i tshogs dang phyed phyi ma la ma zos pa'i tshogs ni snga ma bzhin no/ /sa skyes la ni rkang pa rgyal ba sogs te zhes pa la rgyal ba ni nyi shu rtsa bzhi'o/ /de dag kyang dang po la gnas pa ste ma nu'i gnas gnas bcu bzhi la gnas pa'i rkang pa bcu bzhi po gang dag gi gnas dang po la'o/ /sa skyes la de la sogs pa'i rkang pa ni rkang pa rgyal ba sogs te rab gsal ma nu'i gnas rgyu skar gyi gnas bcu bzhi la mtha' dag gzhag par bya ste/ de ltar gza' rnams thams cad kyi ni rim par yongs su brtsi bar rigs par bya'o mi'i dbang zhes so/ /zla skyes te zla skyes kyi longs spyod dang dkar po las nyi mas rnam par dag pa ni zla ba'i bu gza' lag tu 'gyur zhing / dkar po las rnam par dag par gyur pa ni dkar por 'gyur te/ zla skyes dang dkar po'i longs spyod las so/ /bkra shis rnam par dag pa'o/ /da ni gza' lag gsungs pa stong dang nam mkha' zla bas bsgyur ba'i mtha' dag nyin zhag tshogs la zhes pa ste/ sngar rnam par dag pa'i nyin zhag gi tshogs mtha' dag brgyas bsgyur ba ni stong dang nam mkha' zla bas bsgyur ba'o/ /me dang nyi ma ri yis dman zhes pa ni brgyas bsgyur ba'i nyin zhag gi tshogs de nyid bdun stong brgya nyi shu rtsa gsum gyis dman pa'o/ /ri nas bug pa ri dang klu yis bgo ste zhes pa la ri nas ni bdun nas te bug pa ri dang klu zhes pa ni brgyad stong bdun brgya dgu bcu rtsa bdun te rang gi rkang pa'i dkyil 'khor gyi nyin zhag ri nas bug pa ri dang klu de dag gis bgo ste rnam par dbye'o/ /slar yang lhag ma skar ma la sogs dbye bas bsgyur zhes pa ni dkyil 'khor gyi nyin zhag gi cha'i lhag ma'i nyin zhag gi tshogs slar yang bsgyur te skar ma la sogs dbye ba nyi shu rtsa bdun gyis bsgyur ro/ /sogs pa'i sgras slar yang dkyil 'khor gyi cha'i lhag ma drug bcus bsgyur te de bzhin du chu srang rnams kyis bsgyur zhing dbugs drug gis bsgyur ro/ /rab brjod dkyil 'khor gyi nyin zhag gi cha yis thob pa ni skar mar 'gyur ro/ /slar yang chu tshod kyi gnas su chu tshod de/ de bzhin du chu srang dang dbugs ni thob pa'o/ /zla skyes longs spyod te rkang pa'i longs spyod dag tu 'gyur ro/ /zla skyes dor te nyi ma'i dbus nas mi bdag bzang po mi bdag skar ma phyed kyang yang dag spang zhes pa ni ri la sogs pa'i dkyil 'khor gyis thob pa zla skyes kyi longs spyod gang yin pa de dag myur ba'i las la rnam par dag pa'i don du dor te/ de nas nyi ma'i dbus nas kye mi bdag bzang po mi bdag ste bcu drug dang skar ma phyed kyang zhes pa chu tshod sum bcu nyi ma'i chu tshod kyi longs spyod las so/ /ci ste bu lon dag par ma gyur na de'i tshe rgyu skar gyi 'khor lo rab tu bsres nas bu lon rnam par sbyang bar bya'o zhes bya ba ni snga ma'i nges pa laso/ /lhag ma'i bya ba nor dang bu lon dal dang myur ba'i las kyang mig dmar ji lta bzhin du 'gyur zhes pa ni go sla'o/ /zla skyes rkang pa dal ba'i las la bcu ri me ste zhes pa la zla skyes gza' lag ste/ dal ba'i las la ni khyim gyi las la snga ma dang phyi ma'i gnas drug la khyim gyi gnas dang po la bcu'o/ /khyim gyi gnas gnyis pa la ri zhes pa bdun no/ /khyim gyi gnas gsum la me zhes pa gsum ste phyed snga ma la'o/ /de nas phyed phyi ma la khyim gyi gnas bzhi pa la gsum mo/ /khyim gyi gnas lnga pa la bdun no/ /khyim gyi gnas drug pa la bcu ste bcu ri me ni dal ba'i las la rkang pa'o/ /myur ba'i las te rgyu skar gyi las la mi bdag la sogs ni bcu drug la sogs pa ste gnas bcu bzhi la rkang pa bcu bzhir 'gyur ro/ /de dag kyang 'chad par 'gyur ba las brjod par bya'o/ / gza' lag yongs su dag pa'o/ /da ni phur bu gsungs pa nyin zhag tshogs ni mkha' mkha' ro dang migs gis dman pa byas nas zhes pa ste/ nyin zhag tshogs ni sngar gyi nyin zhag gi tshogs te brgya phrag nyi shu rtsa drug gis dman pa byas nas so/ /mkha' mkha' ro dang mig gis dman zhes pa ni byed pa la ltos pa yin gyi grub pa'i mtha' la ltos pa ma yin no/ /so me chu gter dag gis bgo zhes pa ni bzhi stong sum brgya sum bcu rtsa gnyis kyis bgo ba'o/ /lhag ma ni bgos pa'i lhag ma ste skar mas bsnun pa ni nyi shu rtsa bdun gyis bsgyur ba las dkyil 'khor gyi chas skar mar 'gyur ro/ /slar yang sngar brjod pa'i rim pas bla ma yi longs spyod la yang chu tshod la sogs par 'gyur ro/ /rgyu skar nyi ma sbyang ste zhes pa ni phur bu'i longs spyod 'di las skar ma bcu gnyis sbyang bar bya ste bya ba lhag ma ni mig dmar bzhin no/ /'phrog byed dgu dang rtse mo can ni dal ba'i las la rkang pa'o zhes pa ni sngar bzhin du khyim gyi gnas drug la ste 'phrog byed ces pa bcu gcig go/ de nas dgu'o/ /de nas rtse mo can zhes pa gsum ste de bzhin du phyed phyi ma la yang lugs las bzlog pas so/ /slar yang myur ba'i las dag la rkang pa rab gsal ma nu'i gnas te/ gnas bcu bzhi la phyogs rkang la sogs de dag go zhes pa la phyogs zhes pa bcu la sogs pa ste/ rgyu skar rgyu ba'i rkang pa ni 'chad par 'gyur ba las brjod par bya'o/ / phur bu dag pa'o/ /da ni pa sangs gsungs pa nyin zhag mkha' dang zla bas bsgyur zhes pa ste bcus nyin zhag gi tshogs bsgyur nas chu gter nor gyis dman pa zhes pa brgyad bcu rtsa bzhis dman par byas te/ ri dang rgyal ba mig gis bgo zhes pa ni rkang pa'i dkyil 'khor gyi nyin zhag stong nyis brgya bzhi bcu rtsa bdun gyis te myur ba'i rkang pa dag pa'i don du'o/ /lhag ma skar mas bsgyur ba las kyang skar ma'i longs spyod slar yang chu tshod kyi longs spyod mig dmar bzhin te de bzhin du chu srang la sogs pa'i longs spyod ni myur ba'i las la ste pa sangs kyi yin no/ /pa sangs kyi dal ba'i las la yang rgyu skar dus ni zhes pa rgyu skar drug go / nyi ma la sbyang zhes pa nyi ma'i longs spyod la ste thams cad du lnga pa'i don la bdun par rig par bya'o/ /mda' dus ri bong can ni dal ba'i las la rkang pa ste zhes pa ni snga ma bzhin du khyim gyi gnas drug la mda' zhes pa lnga'o/ / dus zhes pa bzhi'o/ /ri bong can zhes pa gcig ste phyed snga ma la'o/ /de bzhin du phyed phyi ma la lugs las bzlog pas so/ /myur la ste myur ba'i las la de nyid la sogs dbye bas zhes pa ni nyi shu rtsa lnga la sogs pa'i dbye bas te de nyid la sogs dbye bas zhes so/ /rab gsal ma nu'i gnas dag la ste zhes pa rgyu skar gyi rkang pa'i gnas bcu bzhi la'o/ /sbyin dor mig dmar bzhin zhes pa ni bkra shis la ji lta ba de bzhin du rgyu ba'i rkang pa sbyin pa dang dor bar yang 'gyur ro/ /pa sangs dag pa'o/ /da ni spen pa gsungs pa mkha' mig klu dang rig byed kyis dman gsang ba'i nyin zhag tshogs ni zhes pa ste/ sngar gyi nyin zhag gi tshogs gsal ba la bzhi stong brgyad brgya nyi shus dman pa ste dman pa zhes pa ni byed pa la ltos pa yin gyi grub pa'i mtha' la ltos pa ma yin no/ /drug ro ri mkha' zla ba yis bgo zhing zhes pa ni dkyil 'khor gyi nyin zhag khri bdun brgya drug bcu rtsa drug gis bgo ba'o/ /lhag ma skar mas bsgyur ba las dkyil 'khor gyi nyin zhag gi chas thob pa ni skar mar 'gyur te de bzhin du chu srang la sogs pa'i longs spyod du 'gyur ro/ /spen pa yi ni dor bya dag kyang bcwa brgyad do zhes pa ni spen pa'i longs spyod las rgyu skar bcwa brgyad dor bar bya bar 'gyur ro/ /bu lon lhag na 'khor lo byin nas sbyang bar bya bar 'gyur ro zhes bya ba ni snga ma'i nges pa ste skye ba'i skar ma rgyu ba'i don du'o/ /'di'i dal ba'i las la rkang pa nyi shu rtsa gnyis tshes dus zhes pa ni khyim gyi gnas drug la rkang pa rnams te khyim dang po la nyi shu rtsa gnyis so/ /de nas tshes zhes pa bcwa lnga'o/ /de nas dus zhes pa drug go/ de bzhin du phyed phyi ma la yang shes par bya ste rab gsal ro'i gnas la'o zhes gsungs pa'i phyir ro/ /myur ba'i las la ro la sogs zhes pa ni myur ba ste rgyu skar gyi las la gnas bcu bzhir ro la sogs pa ni drug la sogs pa'i rkang pa rnams sbyin pa dang dor ba'o/ /de dag kyang 'chad par 'gyur ba la brjod par bya ste/ gza'i rkang pa'i tshogs la rnam pa thams cad du spen pa dag pa'o/ /da ni rgyu ba'i mtshan nyid gsungs pa myur dal rgyu ba dag kyang rim pas rkang pa bgrod pa la ste zhes pa ni myur ba'i las la nyi ma'i dkyil 'khor las shar ba'i gza'i rkang pa bcu bzhi'i chu tshod phyed snga ma longs spyod pa ni myur bar rgyu ba zhes brjod do/ /rim pas rkang pa bgrod par byed pa'i phyir/ rim pas rkang pa bgrod pa la ste phyed phyi ma la gang zhig longs spyod pa de ni dal bar rgyu ba zhes brjod do/ /'khyog po nyid ni rim min gyis zhes pa ni de nas 'khor lo phyed yongs su dor ba la gza'i rim pa min par 'gyur ro/ /rim pa min pa de yang 'khyog por rgyu ba zhes brjod te phyed snga ma la'o/ /phyed phyi mar yang nyi ma 'gro ba'i dbang gis gza' rnams kyis ni 'byung ba yang zhes pa 'byung bar rgyu ba zhes brjod te 'khyog po yongs su btang ba las so/ /'dir shar nas rim par bgrod pa la phyed snga ma'i bar du nor 'phel lo/ /de nas phyed phyi ma la 'khor lo phyed kyi bar du nor 'grib bo/ /de nas 'khor lo phyed yongs su dor nas rim pa min pas phyed snga ma la bu lon 'phel lo/ /phyed phyi ma la nyi ma'i rgyu skar la rab tu zhugs kyi bar du bu lon 'grib bo/ /de nas nub ste slar yang 'char ba ni rim pa de nyid kyis rig par bya'o/ /sum bcu rtsa bdun lag pas bsgyur ba'i zla ba rnams kyis mjug rings dag ni myur dang 'khyog por 'gyur zhes pa 'dir mjug rings mdor bstan pa'i rkang pa 'di ni 'chad par 'gyur ba las rgya cher brjod par bya'o/ /gza'i skabs so/ /da ni gza' rnams kyi 'char ba dang nub pa'i dus gsungs pa gang dag su zhig nyi ma'i longs spyod la ni rab zhugs gza' de dag kyang nges par nub par 'gyur zhes pa ste/ nyi ma'i dkyil 'khor gyi 'od zer gyis mi mthong ba'i phyir nub par gyur pa zhes brjod kyi gza' rnam pa thams cad du med pa ni ma yin no/ /nyi ma btang nas 'char bar 'gyur te zhes pa ni nub par gyur pa'i gza' de nyid kyis rang gi rgyu ba'i dbang gis nyi ma btang bar gyur pa na 'char bar 'gyur te nyi ma'i 'od zer gyis yongs su btang ba'i phyir ro/ /de'i lam yang bgrod pa 'gro ba'i rnam par dbye bas so zhes pa ni 'char ba'i gza' de'i lam yang bgrod pa 'gro ba'i rnam par dbye bas so/ /bgrod pa dag gi rnam par dbye ba ni bgrod pa'i rnam par dbye ba ste me'i dkyil 'khor nas kai la sha'i byang du gangs can gyi bar dang / gangs can nas lhor me'i dkyil 'khor gyi bar du phyed dang bcas pa'i nyin zhag brgya brgyad bcu rtsa gnyis kyi rnam par dbye ba ste des nyi ma'i bgrod pa 'gro ba'i rnam par dbye ba'o/ /nyi ma 'gro ba'i rnam par dbye ba des 'char ba'i gza' de dag gi lam du yang 'gyur ro/ /g.yon pa'i lam la gnas pa gang yin de ni nyi ma 'gro ba'i dbang gis g.yon nas 'gro ba ste zhes pa ni 'dir g.yon gyi lam la gnas pa ni zhi ba'i gza' zla skyes la sogs pa rnams te/ gza' lag dang pa sangs dang mjug rings rnams ni g.yon gyi yan lag tu yang dag par byung ba'i phyir ro/ /nyi ma'i dkyil 'khor la nub pa'i dus su yang g.yon gyi yan lag nas rab tu 'jug cing 'char ba yang g.yon gyi yan lag nas so/ /de'i phyir g.yon pa'i lam la gnas pa'i gza' gang yin pa de ni drag po'i gza' rnams kyi g.yon nas 'gro ste nyi ma'i ji lta ba bzhin no/ /g.yas la gnas pa dag ni g.yas kyis zhes pa la 'dir g.yas la gnas pa ni gang zhig g.yas kyi lam nas nyi ma'i dkyil 'khor la nub par 'gyur ba ste bkra shis dang phur bu dang spen pa'o/ /drag po ni zhi ba'i gza' rnams kyi g.yas nas 'gro ste g.yas kyi yan lag tu yang dag par byung ba'i phyir lus kyi dbye bas zhi ba'o/ /phur bu ni g.yas kyi yan lag tu yang dag par byung ba'i phyir lus kyi dbye bas drag po'o/ /de bzhin du slar yang gsal bar 'dir ni phan tshun 'thab ste dgra yin phyir zhes pa ni zhi ba dang drag po gza' lag dang bkra shis dag dang / phur bu dang pa sangs dag dang / spen pa dang mjug rings 'di dag phan tshun 'thab par 'gyur te dgra nyid yin pa'i phyir ro/ /rang gi zhing la yang dag gnas rnams gal te de la dgra dag gyur na nges par 'thab pa'o zhes pa ni mig dmar gyi rang gi zhing lug gi khyim dang sdig pa'i khyim ste zhing de la mig dmar yang dag par gnas pa de'i tshe gal te zhing de la gza' lag longs spyod par gyur na de'i tshe nges par 'thab bo/ /de bzhin du gza' lag gi zhing 'khrig pa dang bu mor gal te mig dmar rgyu ba'i dbang gis longs spyod par gyur pa de ltar na yang 'thab bo/ /de bzhin du phur bu'i zhing gzhu dang nya la gal te pa sangs gyur na de'i tshe phur bu dang pa sangs 'thab bo/ /de bzhin du pa ba sangs kyi zhing glang dang srang la yang ngo / /de bzhin du spen pa'i zhing chu srin dang bum pa la gal te mjug rings gyur na de'i tshe 'thab bo/ /de bzhin du ri bong can gyi zhing kar ka Ta la gal te spen pa gyur na de'i tshe mjug rings dang lhan cig brtsod te mjug rings g.yon gyi yan lag tu skyes pa'i phyir ro/ /skar ma la ste gzhan la 'thab pa min par zhes pa ni 'dir slar yang gza' rnams kyi skye ba'i skar ma la ltos nas skar ma la'o/ /rang gi zhing gi khyim 'ba' zhig la 'thab pa ma yin te skye ba'i skar ma la yang dgra dag 'thab par 'gyur te pa sangs skar ma nab so la'o/ /bkra shis skar ma mchu la'o/ /shas sar ma ma cha/ /phur bu skar ma me bzhi la'o/ /gza' lag skar ma lha 'tshams la'o/ /spen pa skar ma snrums la'o/ /mjug rings skar ma chu smad la'o/ / zla skyes dang bkra shis dag rang rang gis skar ma la 'thab ste/ de bzhin du pa sangs dang phur bu dag dang / spen pa dang mjug rings dag go/ rang rang gi skar ma ma gtogs par skar ma 'am zhing gzhan la 'thab pa min par 'gyur bar nges pa ni gdon mi za ba'o/ /skar ma gzhan la phan tshun mtshungs pa dag tu ldan par 'gyur ro/ /de bzhin du zla ba'i rwa mtho ba yang gal te nyi ma yi ni g.yon du zla ba zhugs par gyur cing 'byung ba yang ni g.yon pa yis yin par gyur na de'i tshe byang gi rwa ni mtho bar 'gyur te kha cig tu ni bgrod pa'i dbang gis lho ru ste lhor bgrod pa la'o/ /mu ge dang char mi 'bab pa la sogs pa'i rgyu las yin gyi ngo bo nyid kyis ni ma yin no/ /da ni sgra gcan rab tu 'jug pa gsungs te tshigs 'tshams ni nya'i 'tshamasu ste yang yig gis gnam stong gi 'tshamasu yang ngo / /sgra gcan gdong dang zla ba mnyam par 'gro ste mngon du phyogs par 'dzin pa kho nar 'gyur ro/ /'dir mngon du phyogs pa ni shar du 'dzin pa'o/ /de nyid sgra gcan 'khor ba'i dbang gis shes par bya ste byed pa gzhan thams cad la rab tu grags pa'i phyir 'dir bcom ldan 'das 'jam dpal gyi 'bad pa ma mdzad do/ /g.yon du rgyu ba dag la g.yas min du ste zhes pa ni g.yon du sgra gcan 'khor ba la g.yas min g.yon du zla ba 'dzin par 'gyur ro/ / nyi ma'i bgrod pa'i dbang gis g.yas la g.yas pa'i char zhes pa ni nyi ma'i longs spyod las byung ba zla ba'i bgrod pa'i dbang gis te nyi ma'i bgrod pa'i dbang gis zhes so/ /g.yas la ste g.yas su 'khor ba la g.yas su zla ba 'dzin par 'gyur ro/ /de ltar sgra gcan gyis ni phyogs 'tshams su 'dzin ri bong 'dzin pa zhes pa ni de ltar brjod pa'i rim pas 'khor ba'i dbang gis ri bong 'dzin pa sgra gcan gyis phyogs 'tshams su 'dzin no/ /'byung ba dag ni rgyab tu yang / shar la sogs pa 'khor nas 'byung ba dag ni nub tu 'khor bas rgyab tu 'dzin no/ /rtsa ba'i rgyud dam gzhan gyi byed pa gzhan la yang sgra gcan 'khor ba la sogs pa shes par bya'o/ /da ni rgyu skar gyi 'go la gsungs pa tha skar la sogs nag pa phyed du nyin dang mtshan mo mnyam pa'i dbus su 'go la'i ri mo'o/ /tha skar la sogs pa nag pa phyed dang nag pa phyed la sogs pa nam gru'i mthar lug dang srang la sogs pa nyin mtshan mnyam pa la dbus su nyin mtshan mnyam pa'i 'go la'i ri mo ste nyi ma 'char ba dang nub pa'i rgyu las chu tshod sum bcu sum bcu'i bdag nyid can du 'gyur ro/ /'go la de nyid ni rgyu skar gyi dbye bas 'gyur te rgyu skar g.yas dang g.yas min dag la nges par srid pa'i gnas su khyim gyi dbye bas yang dag gnas zhes pa ni las kyis 'dir mi shes pa'i dbang gis 'go la'i 'dod pa rnam pa sna tshogs gnas la sogs pa'i dbye ba tha dad pas brjod do/ /'dir 'go la la gza' brgyad po dag gi myur ba dang dal bar 'gro ba'i dbye bas khyim longs spyod pa ni mnyam ste/ dper na so ba 'chag pa la ba lang ka ba las ring du 'khor ba gang yin pa de ni 'gyogs par 'gro zhing gom pa mang po dag gis skor bar byed la/ ka ba la nye bar 'khor ba gang yin pa de ni dal bar 'gro zhing gom pa nyung ngus skor bar byed de de bzhin du gza' rnams kyang rig par bya'o zhes grag go/ 'jig rten pa'i 'dod pa dang po rigs pas rnam par dpyad te 'dir rang rang gi grub pa'i mtha'i bsam pa'i dbang gis rtsis kyi tha snyad med cing 'dod pa gcig tu mi 'gyur ro/ /de nyid kyi phyir rnam par dpyad par bya ste 'go la la nyi ma las myur ba dang dal bar 'gro ba'i gza' gang yin pa de dag ci steng nas steng dang 'og nas 'og tu gnas sam/ 'on te g.yon gyi cha dang g.yas kyi char gnas/ rnam pa gnyis ka yang 'gal te/ gal te nyi ma las 'og dang steng du rnam par gnas na de'i tshe myur ba dang dal ba dag tu phrad par mi 'gyur te rang gi gnas yongs su mi gtong ba'i phyir ro/ /ci ste pha rol gyi grub pa'i mtha' smra ba pos smras pa/ 'og na gnas pa'i sems can rnams kyis 'og dang steng gi gza' phrad cing mnyam par mthong ste 'og gi gzas steng gi gza' sgribs pa ni mnyam pa nyid do zhe na/ 'di la brjod pa 'dir mnyam pa nyid ni nyi ma'i gung gi dus la ste 'char ba dang nub pa'i dus la ma yin no/ /'char ba'i dus su gnas tha dad pa'i mthu las sems can rnams kyis 'og dang steng du gza' rnams blta bar bya bar 'gyur ro/ /de bzhin du nub pa'i dus su yang ste de ltar yang ma yin no/ /de bzhin du g.yas dang g.yon la gnas pa rnams kyang nyi ma dang lhan cig phrad pa med te rang gi gnas yongs su mi gtong ba'i phyir ro/ /de ltar na gza' rnams nyi ma'i dkyil 'khor la nub pa dang 'char ba yang med par 'gyur ro/ /de'i phyir don dam par gza' rnams kyi gnas gzhan pa med do/ /byis pa rnams kun du rmongs pa skyed par byed pa'i tshig rigs pa dang bral ba 'di dag kyang skye bo mi shes pa rnams kyis bkod pa ste/ 'dir gnas dang po la zla ba dang / gnyis pa la gza' lag dang / gsum pa la pa sangs dang / bzhi pa la nyi ma dang / lnga pa la sa skyes dang / drug pa la phur bu dang / bdun pa la sgra gcan dang / brgyad pa la spen pa gnas so zhes bya ba ni srid pa'o/ /'dir khyim gyi 'khor lo la gza' thams cad byang du 'gro ba dang lhor 'gro ba yod de dper na nyi ma'i rgyu skar longs spyod pa'i dbang dang khyim drug longs spyod pa'i dbang gis bzhin no/ /byang du 'gro ba dang lhor 'gro ba'i nyi ma de dang phrad pa na gza' 'ga' zhig nyi ma'i steng du 'gro ba dang 'ga' zhig 'og tu 'gro ba yang med do/ /'dir khyim gyi 'khor lo la dal bar 'gro ba'i dbang gis gza' 'ga' zhig nyi ma'i rgyab nas 'ong ngo / /shar bar gyur pa na zla ba ni mdun nas 'gro ste myur bar bgrod pa'i dbang gis so/ /gza' lag dang pa sangs ni rkang pa'i dbang gis res 'ga' mdun dang res 'ga' rgyab tu shar nas bgrod do/ /'di dag gi bgrod pa yongasu shes par bya ba'i don du khyim gyi 'go la gsungs te rgyu skar g.yasu gnas bcu bzhi dang g.yas min du gnas bcu bzhi dag la khyim gyi dbye bas yang dag gnas zhes pa ni khyim rnams kyi dbye ba rkang pa dang bcas pa'i rgyu skar gnyis te/ khyim so so'i khyim gyi dbye ba de dag gis byang du 'go la'i ri mo'i dbus su tha skar la sogs pa nag pa phyed kyi bar phyed dang bcas pa'i rgyu skar bcu gsum mo/ /lho ru yang 'go la'i ri mo'i dbus su nag pa phyed la sogs pa nam gru'i mthar phyed dang bcas pa'i rgyu skar bcu gsum mo/ /gzhu yi rnam pa'i dus khyim dag la 'go la'i dbus nas lhor ni me yi'i dkyil 'khor la gnas shing zhes pa ni gzhu'i rnam pa'i khyim drug la 'go la nyin mtshan mnyam pa'i ri mo'i dbus nas rgyu skar gyi 'khor lo phyed kyi rgyu skar gyi 'khor lo lhor gnas so/ /byang du de ni bsil ba'i ri ste pad 'dab bzang po bzhin du shar du lug dang srang sogs la'o zhes pa ni lhor khyim drug la so sor rgyu skar gyi 'khor lo phyed gnas pa ji lta ba de bzhin du 'go la'i ri mo'i dbus nas byang du khyim so so'i dbye bas khyim drug la gnas so/ /shar du lug dang srang sogs te bu mo'i mthar thug pa la gnas shing de bzhin du srang la sogs pa nya'i mthar thugs pa la gnas so/ /'dir shar gyi phyed du lug go/ dbang ldan du glang ngo / /byang gi phyed du 'khrig pa'o/ /slar yang byang gi phyed du kar ka Ta'o/ /rlung du seng ge'o/ /nub kyi phyed du bu mo'o/ /slar yang nub kyi phyed du srang ngo / / bden bral du sdig pa'o/ /lho'i phyed du gzhu'o/ /slar yang lho'i phyed du chu srin no/ /me ru bum pa'o/ /shar gyi phyed du nya'o zhes pa ni 'go la la khyim dgod pa'o/ /'dir lug shar ba na srang nub bo/ /glang shar ba na sdig pa nub ste de ltar thams cad du nyin mtshan gyis shar ba'i khyim nas khyim bdun pa ni nub par rig par bya'o/ /da ni 'jig rten spyi'i lugs kyis 'go la'i rgya gsungs pa me nas bsil ba'i ri yi mtshams su dpag tshad stong phrag mkha' dang nam mkha' mkha' dang mda' ri'o zhes pa ste/ 'dir lho me'i dkyil 'khor nas byang kha ba can chen po'i 'tshams su 'go la'i tshad dpag tshad stong phrag bdun bcu rtsa lnga'o/ /de bzhin du shar dang nub 'khor ba nas te gsal bar le'u lnga pa las brjod par bya'o/ /dbus su 'khor lo phyed kyi ri mo zhes pa ni khyim gyi 'khor lo'i dbus su nyin mtshan mnyam pa'i ri mo ste dpag tshad stong phrag bdun bcu rtsa lnga'i dbus su phyed dang bcas pa'i stong phrag sum bcu rtsa bdun gyi mthar 'gyur ro/ /de la bgrod pa ni dbus su 'khor lo phyed kyi ri mo nyi ma'i bgrod pa dag kyang zhes pa ste kyang gi sgra las gza' thams cad kyi 'khor lo phyed kyi dbus kyi ri mo bgrod pa ni rang rang gi mnyam pa la mtshan mo gcig yin gyi dus thams cad du ni ma yin no/ /phyi nas g.yas dang g.yas min dag tu rgyu ste zhes pa ni phyi nas mnyam pa'i dus kyi nyan zhag las lhor bgrod pa la lhor rgyu'o/ /byang du bgrod pa la byang du rgyu'o/ / g.yas dang g.yas min dag ni srang la sogs pa dang lug la sogs pa la'o/ /nyin dang mtshan mo rgyu skar dbye bas rim pa yis/ lam rnams mkha' klu zla ba zhes pa ni lam rnams kyi grangs brgya brgyad bcu ste 'dor zhing nyin dang mtshan mo dag kyang ji srid bgrod pa dag gi mthar zhes pa ni byang du bgrod pa nas lhor bgrod pa'i bar dang lhor bgrod pa nas byang du bgrod pa'i bar du'o/ /nyi ma ri bong can gyi nyin mtshan chu tshod drug bcu dag las 'grib dang 'phel ba drug chas so/ / zhes pa ni 'dir drug chas 'grib par 'gyur zhing 'phel bar 'gyur te chu tshod drug bcu'i drug cha chu tshod bcus chu srin nas 'khrig pa'i mthar thug pa'i bar du mtshan mo 'grib cing nyin mo 'phel lo/ /kar ka Ta nas gzhu'i mthar thug pa'i bar du nyin mo 'grib cing mtshan mo 'phel te nges par nyi ma ri bong can ni 'grib dang 'phel zhes pa drug chas so/ /'dir kai la sha'i dum bu la grib mas nges pa ni 'phags pa'i yul du byang du bgrod pa nas lhor bgrod pa'i mtha' dang lhor bgrod pa nas byang du bgrod mtha' pa'i mthar grib ma'i nges pa'i dbang gis bcu'i chas 'grib cing 'phel lo/ /de bzhin du bod dang li dang rgya nag la sogs pa'i yul rnams su dgu cha dang brgyad cha dang bdun cha dag gis sham b+ha la'i yul la thug pa'i bar du grib ma'i dbang gis 'grib cing 'phel bar rig par bya'o/ /da ni steng du nyi ma 'khor ba'i dbang gis dub bu bcu gnyis la sa'i 'go la gsungs pa gang phyir ri la skye bo rnams kyi nyin mtshan mnyam par 'gyur te lug nyi srang gi nyi ma la'o zhes pa ste sa'i dum bu gang du lug gi nyi ma la dpyid phyed kyi nyin mtshan mnyam par 'gyur na srang gi nyi ma la ston phyed du 'gyur ro/ /de'i phyir de bzhin du lug gi nyi ma la ston phyed du 'gyur na srang gi nyi ma la dpyid kyi dus phyed kyi nyin mtshan mnyam par 'gyur ro/ /de bzhin du phan tshun ltos pa las gang gi phyir sa'i dum bu dang po la ri zhes pa sa'i dum bu bdun pa la ste lhun po'i lho nas byang dang byang nas lhor sa'i dum bu bdun pa la nyin mtshan mnyam par 'gyur ro/ /de phyir gnyis brgyad dum bu dag la nges par glang la gnas dang sdig pa la gnas de bzhin no zhes pa ni 'dir ji ltar sngar brjod pa la lhun po'i lho dang byang gi sa'i dum bur lug gi nyi ma dang srang gi nyi ma la nyin mtshan mnyam par 'gyur ba de bzhin du cung zad bden bral gyi zur du gnas pa dang dbang ldan gyi zur phyed kyi char gnas pa la yang nges par zhes pa gdon mi za bar nyi ma glang la gnas pa dang sdig pa la gnas pa la de bzhin du dpyid phyed dang ston phyed nyin mtshan mnyam par 'gyur ro/ /de bzhin du bug pa zhes bya dgu pa dang me grangs te gsum pa'i sa'i dum bur bden bral gyi zur gyi phyed gzhan la gnas pa dang dbang ldan gyi zur phyed la gnas pa la nyin mtshan mnyam par 'gyur te nyi ma 'khrig pa la gnas pa dang gzhu la gnas pa la dpyid phyed dang ston phyed du 'gyur ro/ /phyogs kyi tshad bcu pa dang bzhi pa dag la ni lhun po'i shar gyi sa'i dum bu dang nub kyi sa'i dum bur nyin mtshan mnyam par 'gyur te nyi ma kar ka Ta la gnas pa dag dang chu srin la gnas pa la dpyid phyed dang ston phyed du 'gyur ro/ /lnga pa la gnas pa dang bcu gcig pa la yang mdun gyi sa'i dum bur nyin mtshan mnyam par 'gyur te dpyid phyed dang ston phyed du 'gyur ro/ /seng ge bum par rab tu zhugs par gyur pa na ste nyi ma lnga pa rlung gi zur gyi phyed la gnas pa dang bcu gcig pa me'i zur gyi phyed la gnas pa la nyin mtshan mnyam par 'gyur te dpyid phyed dang ston phyed du 'gyur ro/ /bcu gnyis ro yi sar ni zhes pa bcu gnyis pa me'i zur gyi phyed gzhan la gnas pa dang ro rlung gi zur gyi phyed gzhan la gnas pa la ste sa zhes pa lung gi tshig go/ nyi ma nya la gnas pa dang bu mo la gnas pa la nyin mtshan mnyam pa gnyis su 'gyur te dpyid phyed dang ston phyed du 'gyur ro/ /de ltar sa bcu gnyis su khyim bcu gnyis kyi dbang gis nyi ma 'char ba dang nub pa'i rnam par dbye bas zla ba bcu gnyis dang dus drug du 'gyur ro/ /da ni nyi ma'i khyim 'khor ba'i dbang gis sa dum bu bcu gnyis su byang du bgrod pa bcu gnyis dang lhor bgrod pa bcu gnyis gsungs pa 'dir ni g.yon bgrod bu 'gyur zhes pa ste/ 'dir ni zhes pa lhun po'i lho'i sa'i dum bur 'o/ /ci'i phyir zhe na lho 'dzam bu'i gling chung ngur de bzhin gshegs pas chos bstan pa'i dbang gis so/ /de'i phyir lho'i sa'i dum bur g.yon bgrod ces pa byang du bgrod pa ste nyi ma chu srin du gnas pa la'o/ /de bzhin du bum par nyi mas sa'i dum bu gnyis pa la'o/ /nya la dum bu gsum par ro/ /mi rnams kyi ni bgrod pa dag kyang lug gi nyi mas bzhi par te nub kyi sa'i dum bu ni bzhi pa'o/ /'byung ba zhes bya lnga par nyi ma glang la gnas par gyur pas so/ /'khrig par nyi ma gnas pas/ sa drug pa la byang du bgrod par 'gyur ro/ /bdun pa lhun po'i byang du yang nyi ma kar ka Ta la gnas pas byang du bgrod par 'gyur ro/ /seng ge la gnas pas sa'i dum bu brgyad par 'gyur ro/ /bu mo la nyi ma gnas pas bug pa ste sa'i dum bu dgu par ro/ /srang gi nyi mas sa'i dum bu bcu par 'gyur ro/ /sdig par nyi ma yis drag po'i dum bu bcu gcig pa la'o/ /gzhu la gnas pas dum bu bcu gnyis par 'gyur te mi rnams bgrod pa dag kyang zhes pa srid pa ste khyim bcu gnyis kyi dbye bas rtsibs bcu gnyis kyi sa la gnas pa'i 'jig rten rnams kyi byang du bgrod pa'o/ /de bzhin lhor bgrod du 'gyur/ de ltar brjod pa'i rim pas lhor bgrod pa ste nyi ma'i bgrod pa'i dbang gis kar ka Ta sogs khyim rnams dag la 'gyur ro/ /lhun po'i lho 'dzam bu'i gling chung ngu'i sa'i dum bu 'dir kar ka Tar nyi ma gnas pas lhor bgrod par 'gyuro/ /de bzhin du g.yas skor gyis te gnyis par seng ge'i nyi mas so/ / gsum par bu mo'i nyi mas so/ /bzhi par srang gi nyi mas te lhun po'i nub tu lhor bgrod par 'gyur ro/ /lnga pa la sdig pa'i nyi mas so/ /drug pa la gzhu'i nyi mas so/ /bdun pa la chu srin gyi nyi mas te lhun po'i byang du'o/ /brgyad pa la bum pa'i nyi mas so/ /dgu pa la nya'i nyi mas so/ /bcu pa la lug gi nyi mas so/ /bcu gcig pa la glang gi nyi mas so/ /sa'i dum bu bcu gnyis pa la 'khrig pa'i nyi mas te/ khyim bcu gnyis kyis dbye bas 'jig rten rnams kyi lhor bgrod par 'gyur ro/ /da ni sa'i dkyil 'khor la nyi ma steng du 'gro ba'i tshad gsungs pa steng du drug dang klu'i grangs zhes pa ste/ 'dir bdun pa sa'i dkyil 'khor las steng du dpag tshad stong phrag brgyad bcu rtsa drug gi grangs ni/ nyi ma'i gdung byed dag kyang byang du 'grod pa dag gi mthar te lhor bgrod pa'i dang po la'o/ / rang rang gi dum bur kar ka Ta la sogs pa rang rang gi lhor bgrod pa'i/ 'pho ba'i nyin zhag la 'gyur te dum bu bcu gnyis po rnams la rim pa bzhin no/ /de nas g.yas phyogs su yang zad par 'gyur te mi yi bdag po stong phrag dag ni drag po'i grangs zhes pa ni/ lhor bgrod pa'i 'pho ba'i nyin zhag de nas g.yas su bgrod pa la/ byang du bgrod pa'i bar du stong phrag bcu gcig zad par 'gyur te/ nyi ma'i gdung bar byed pa ni steng du stong phrag bdun bcu rtsa lngar rig par bya'o/ /stong phrag brgyad bcu rtsa gcig mda' ni ste lnga brgya dang bral bar gyur pa dbus nas 'go la'i ri mor gyur te dpag tshad kyi tshad do/ / 'go la'i ri mo de las gang zhig nyi ma'i 'phel dang / 'grib par gyur pa de ni mkha' mkha' mda' dang / mda' zhes pa dpag tshad lnga brgya lhag pa'i stong phrag lnga ste/ ri mo las byang dang lhor nyi ma'i gdung bar byed pa steng du rang rang gi dum bur rang rang gi khyim du longs spyod pa'i dbang gis rig par bya'o/ /da ni dum bu bcu gnyis la lho dang byang du nyin zhag so sor nyi ma thad kar 'gro ba gsungs pa lan tshwa'i rgya mtsho 'gongs nas nyin mor byed pa dag ni lho ru me'i bar du 'gro bar byed ces pa ste/ 'dir rtsibs bcu gnyis kyi sa la dum bu so so re rer khyim gyi dbang gis lan tshwa'i rgya mtsho 'gongs nas lhor bgrod pa la gnas pa'i nyi ma me'i dkyil 'khor gyi dang po'i bar rgya mtsho'i mtha'i 'tshamasu 'gro bar byed do/ /me'i dkyil 'khor gyi 'tshams de nas kai la sha'i byang du 'gro ste gangs kyi ri la byang gi lam du yang byang bsgrod la gnas pa'i nyi ma'i lho bgrod kyi dang po'i nyin zhag gi bar du'o/ /mda' rnams tshes kyis bsgyur ba zhes pa la mda' rnams zhes pa lnga'o/ /tshes zhes pa bco lnga ste bco lnga po de dag gis bsgyur ba ni mda' rnams tshes kyis bsgyur ba zhes pa ste bdun bcu rtsa lngar 'gyur ro/ /dpag tshad kyi grangs stong phrag bdun bcu rtsa lnga po de phyogs kyi bgrod pa dag la nyin mor byed pas 'gro bar byed te gangs can nas me'i bar dang me nas gangs can gyi bar stong phrag bdun bcu rtsa lnga ni lho bgrod la sogs pa'i phyogs kyi cha'o/ /phyogs kyi cha de zla ba drug gis rim pa bzhin byang du bgrod pa dang lhor bgrod pa dag la bgrod do/ /phyed bcas mig klu zlas thob nyin dang nyin la 'dor ba zhes pa ni phyed dang bcas pa'i brgya brgyad bcu rtsa gnyis kyi cha thob pa ni stong phrag bdun bcu rtsa lnga las nyin zhag so sor dpag tshad rnams kyi phyogs kyi cha nyi mas 'dor ro/ /de ltar bgrod pa gnyis ka'i longs spyod kyis nyi ma'i khyim gyi 'khor lo'i dkyil 'khor gyi nyin zhag gi grangs ni drug bcu rtsa lnga lhag pa'i sum brgyar 'gyur ro/ /de ltar dum bu bcu gnyis su nyi ma thad kar bgrod par rig par bya'o/ /da ni dum bu bcu gnyisu 'khor ba'i dbang gis nyi ma khyim so so la gnas pa'i zla ba bcu gnyis kyi dbye ba gsungs pa khyim gcig la ni nyi ma gnas pas mtha' dag dus kyi tshogs dang zla ba dang ni phyogs rnams byed ces pa ste/ 'dir lug la sogs pa'i khyim gang yang rung ba gcig la nyi ma gnas pas dum bu bcu gnyis su dus drug dang zla ba bcu gnyis dang phyogs nyi shu rtsa bzhi byed te khyim gyi 'khor lo 'khor ba'i dbang gis so/ /'dir lhun po'i phyogs kyi cha thams cad du khyim gyi 'khor lo 'khor ba'i dbang gis me la reg pa gang yin pa de ni bdun pa'i phyogs thob pa na lhun po'i rwa la reg cing gangs gyi ri'i steng du 'gro'o zhes pa'i rigs pas nyi ma khyim so sor gnas pa'i dus kyi tshogs la sogs pa mtha' dag ste thams cad rig par bya'o/ /dum bu dum bu dag tu zla bar 'gyur te sa gzhi bcu gnyis rtsibs rnams la ni rim pas so zhes pa ni 'dir sa gzhi rtsibs bcu gnyis pa la dum bu so so dag tu zla ba so sor 'gyur ro/ /nyi ma khyim gcig la gnas pa'i rnam pa gang gis yin pa de ltar brjod par bya ste 'dir khyim gcig nges par bstan pas khyim thams cad rig par bya'o/ /lhun po'i lho 'dzam bu'i gling chung ngu 'dir lug la sogs pa'i khyim rnams dang / dpyid la sogs pa'i dus rnams dang / nag pa la sogs pa'i zla ba rnams dang / de bzhin du phyogs rnams thams cad rab tu grags so/ /de'i phyir lug gi khyim de la nyi ma gnas pas dum bu bcu gnyis su dus kyi tshogs la sogs pa thams cad byed pa ji lta ba de bzhin du brjod par bya ste/ lhun po'i lho'i dum bu 'dir lug la nyi ma gnas pas dpyid kyi dus su sa ga'i zla ba byed do/ /me'i zur gyi phyed dum bu gnyis pa la snron gyi zla ba byed do/ /de bzhin du me'i zur gyi phyed gzhan gyi dum bu gsum pa la chu stod kyi zla ba byed do/ /de bzhin du bzhi pa la lhun po'i shar gyi dum bu la shar lus 'phags por gro bzhin gyi zla ba byed do/ /lnga pa dbang ldan gyi phyed kyi dum bur khrums kyi zla ba byed do/ /dbang ldan gyi zur gyi phyed gzhan la dum bu drug par tha skar gyi zla ba byed do/ /lhun po'i byang dum bu bdun par smin drug gi zla ba byed do/ /rlung gi zur gyi phyed la dum bu brgyad par mgo'i zla ba byed do/ /rlung gi zur gyi phyed gzhan la dum bu dgu par rgyal gyi zla ba byed do/ /lhun po'i nub tu dum bu bcu par mchu'i zla ba byed do/ /bden bral gyi zur gyi phyed kyi dum bu la dbo'i zla ba byed do/ /bden bral gyi zur gyi phyed gzhan gyi dum bu la nag pa'i zla ba byed do/ /de bzhin du zla ba gnyis kyis dum bu gnyis su dus su 'gyur ro/ /dum bu so sor dkar po dang nag po'i phyogs kyi dbye bas phyogs gnyis su 'gyur te de ltar na dus drug dang / zla ba bcu gnyis dang phyogs nyi shu rtsa bzhi po rnams dum bu bcu gnyis la 'khor lo'i rnam pas 'khor bar shes par bya'o/ /lho'i dum bu 'dir khyim bcu gnyis kyi dbang gis 'pho ba la zla ba gang zhig gyur pa de ni 'pho ba gzhan la g.yas skor gyis bden bral gyi zur du 'gro'o/ /bden bral gyi zur phyed na gnas pa ni zur phyed gzhan du 'gro'o/ /zur phyed gzhan na gnas pa ni lhun po'i nub ba lang spyod du 'gro'o/ /nub ba lang spyod na gnas pa ni rlung gi zur phyed du 'gro'o/ /rlung gi zur phyed na gnas pa ni zur phyed gzhan du 'gro'o/ /zur phyed gzhan na gnas pa ni byang sgra mi snyan du 'gro'o/ /byang sgra mi snyan na gnas pa ni dbang ldan gyi zur phyed du 'gro'o/ /de na gnas pa ni zur phyed gzhan du 'gro'o/ /zur phyed gzhan na gnas pa ni shar lus 'phags por 'gro'o/ /shar lus 'phags po na gnas pa ni me'i zur gyi phyed kyi dum bur 'gro'o/ /phyed snga ma na gnas pa ni zur phyed gzhan du 'gro'o/ /zur phyed gzhan na gnas pa ni lho 'dzam bu'i gling du 'gro ste de ltar zla ba bcu gnyis po rnams 'pho ba so so'i dbang gis dum bu bcu gnyis po rnams su yang dag par rgyu bar shes par bya'o/ /tshad gang dum bu gang du nyin mo'i dbang gis yin pa de ni bdun pa dag tu mtshan mo la 'gyur ro/ /'dir byang du bgrod pa'i 'pho ba la lho'i dum bur nyin mo'i tshad nyams pa dang mtshan mo'i tshad 'phel ba de nyid byang sgra mi snyan du ste sa'i dum bu bdun par nyi ma 'char ba'i dbang dang lhor mtshan mo 'phel ba'i dbang gis so/ /de'i tshad kyang gzhan du ma yin te lho 'dzam bu'i gling du 'char ba'i dbang gis dang bdun par mtshan mo nyams pa'i dbang gis de nas lho la 'gyur ro/ /de ltar thams cad dum bu so so la rig par bya'o/ /lam phyed 'bum phrag gsum po dag la nyi ma'i mdun du nyin mo dang ni rgyab tu mtshan mo'o/ / zhes pa ni 'dir zlum po'i tshad 'bum phrag drug ste nyi ma'i bgrod pa'i dbang gis lam phyed la 'bum phrag gsum ni nyin mo zhes pa shar ba nas nub pa'i bar ro/ /nub pa nas 'char ba'i bar ni mtshan mo ste 'bum phrag gsum mo/ /de ltar nyin mtshan la rig par bya'o/ / da ni dum bu bcu gnyis la gnas pa rnams kyi lhun po'i gnas pa gsungs pa ri'i rgyal po dag ni skye bo thams cad kyi yang byang na gnas par 'gyur ro mi yi bdag ces pa ste 'dir ri'i rgyal po lhun po ni dum bu bcu gnyis la gnas pa'i skye bo rnams kyi byang du 'gyur ro/ / nyi ma 'char ba shar du 'gyur te zhes pa ni lhun po'i dum bu thams cad la gnas pa kun gyi gang nas nyi ma 'char ba de ni shar gyi phyogs su 'gyur te lho 'dzam bu'i gling la gnas pa rnams kyi shar lus 'phags po shar gyi phyogs so/ /nub ba lang spyod pa rnams kyi lho 'dzam bu'i gling shar gyi phyogs so/ /byang sgra mi snyan na gnas pa rnams kyi nub ba lang spyod shar gyi phyogs so/ /shar lus 'phags po na gnas pa rnams kyi byang sgra mi snyan shar gyi phyogs te nyi ma 'khor zhing 'char ba'i dbang gis so/ /de bzhin du zur na gnas pa brgyad po rnams la shes par bya ste dum bu so sor dbyug gu lnga lnga'i bar gyis nyi ma 'char bar 'gyur ro/ /ri dang mnyam pa bgrod pa dag dang zhes pa ni dum bu so sor ri dang mnyam pa lhun po la mngon du phyogs par nyi ma bgrod pa ni byang dang lho dag go/ de ni nub pa nub/ de bzhin du dum bu bcu gnyis su ji ltar 'char ba shar yin pa de bzhin du de nub pa ni nub tu rig par bya'o/ /dus ni gsum ste snga dro dang nyin gung dang phyi 'phred do/ /thun 'tshams ni bzhi ste mtshan phyed kyi thun 'tshams dang / snga dro'i thun 'tshams dang / nyin gung gi thun 'tshams dang / phyi 'bred kyi thun 'tshams so/ /thun tshod ni brgyad te nyin mo la bzhi dang mtshan mo la bzhi'o/ /nyin mo dang mtshan mo dus kun tu ni yang dag rgyu ba rnams/ de ltar dus la sogs pa rnams nyin mtshan dus thams cad du yang dag par rgyu ba ni dum bu nas dum bur lhun po'i phyogs rnams su 'khor ro/ /rab gsal nyi ma'i sa la zhes pa ni rtsibs bcu gnyis pa'i sa la'o/ /dus sbyor dbye bas phye bar gyur pa zhes pa la dus sbyor ni bcu gnyis te de dag gi dbye bas phye bar gyur pa'i dus la sogs pa rnams 'khor te dus ni dus sbyor bzhi bzhis 'khor ro/ /thun 'tshams so so ni dus sbyor gsum gyis 'khor ro/ /thun tshod so so ni dus sbyor phyed dang gnyis kyis 'khor ro/ /de bzhin du dus sbyor so so ni dbyug gu lngas 'khor ro/ /thun tshod phyed ni thun tshod phyed kyi 'khor ro/ / yud tsam ni thun tshod phyed kyi phyed kyis 'khor ro/ /chu tshod ni chu srang drug bcus 'khor ro/ /chu srang so so ni dbugs drug gis 'khor te/ de ltar na nyin mtshan du lus can rnams kyi dbugs kyi dbye ba dang dus sbyor gyi dbye bas dus rnams 'khor zhing bgrod do/ /da ni lhun po'i phyogs thams cad du nyi ma 'khor ba'i tshad gsungs pa chu tshod dus la dpag tshad stong phrag drug ni rkang pa dang bcas nyin mor byed pa 'gro ba ste zhes pa ste chu tshod dus la zhes pa ni dbugs sum brgya drug bcu'i grangs kyi dus la'o/ /drug ni rkang pa dang bcas zhes pa ni dpag tshad nyis brgya lnga bcu lhag pa'i stong phrag drug ste khyim la gnas pa'i nyin mor byed pa 'di nam mkha' la 'gro ba'o/ /de'i phyir 'khor ba'i shugs 'di ni khyim gyi yin gyi gzhi la gnas pa'i nyi ma yin ni ma yin no/ /'dir khyim gyi 'khor lo ni g.yas skor gyis 'khor te gza' rnams ni khyim dag la g.yas min gyis rgyu'o/ /ji ltar khyim gyi 'khor lo 'khor ba de bzhin du sgra gcan yang nub tu mngon par phyogs nas ri rab la g.yas skor byed cing yang dag par rgyu'o/ / shar du phyogs pa'i gza' rnams ni lhun po la g.yas min tu skor ba byed cing khyim gyi 'khor lo la yang dag par bgrod par byed do/ /de ltar na don dam pa'i rigs pas sgra gcan ni bsod nams dang ldan pa yin zhing nyi ma la sogs pa rnams ni gdug pa ste sdig pa'i gzar brjod do/ /drug bcu la ni me 'bum dag dang zhes pa ni chu tshod drug bcu'i dus kyi yun la ste dbugs drug brgya lhag pa'i stong phrag nyi shu rtsa gcig gi grangs kyi dus la'o/ /me 'bum ste 'bum phrag gsum dang lnga dang ri bo'i pa stong phrag bdun bcu rtsa lnga'i dpag tshad gyi grangs 'khor te nyin dang mtshan mo dag tu zhes pa ni nyin mtshan du'o/ /nyin dang mtshan mor 'go la phyed la mkha' me chu tshod bgrod te zhes pa ni 'dir nyin mtshan mnyam pa'i 'pho ba'i nyin zhag la lngar brjod pa'i 'go la'i ri mo las mkha' me ste sum bcu'i chu tshod nyi mas nyin mo bgrod cing sum bcu'i chu tshod mtshan mo bgrod de nyin mtshan mnyam mo zhes pa'i don to/ /'go la dag la g.yas dang ni g.yas min dag tu 'grib dang 'phel ba lnga ste zhes pa ni 'go la'i phyed de las g.yas dang g.yas min dag tu ste g.yas su zla ba gsum gyis mtshan mo chu tshod lnga 'phel lo/ /g.yas min du zla ba gsum gyis nyin mo chu tshod lnga 'phel lo/ /'dir mtshan mo 'phel bas nyin mo 'grib pa dang nyin mo 'phel bas mtshan mo 'grib par shes par bya'o/ /nyin zhag so sor de ni dbugs zung chu srang gsum zhes pa ni 'dir g.yas dang g.yas min dag tu zla ba gsum po rnams kyi nyin zhag so so la nyin mo dang mtshan mo 'phel ba 'am 'grib pa ni dbugs gnyis dang chu srang gsum mo/ /tshad 'di ni kai la sha'i dum bu la yin gyi 'phags pa'i yul la sogs pa la ma yin no/ /'phags pa'i yul du yang nyin mtshan so so la chu srang gnyis 'phel ba 'am 'grib par shes par bya ste zla ba gsum gyis nyin mtshan mnyam pa'i dbus nyin mtshan gyi tshad sum bcur mtshungs pa las bgrod pa'i dbang gis chu tshod gsum 'phel ba 'am 'grib par rig par bya'o/ /da ni kai la sha'i dum bu'i dbye bas dus sbyor bcu gnyis 'char ba'i dus gsungs pa lug gi dus sbyor la ni chu srang du 'gyur zhes pa ste 'dir lug gi dus sbyor la/ dang po shar ba nas dus sbyor phyi ma 'char ba'i bar gyi dus la chu srang gi tshogs mkha' dgu lag ste zhes pa dgu bcu lhag pa'i nyis brgyar 'gyur ro/ /'di las drug bcu'i chas chu tshod bzhi dang chu srang lnga bcu ni lug gi dus sbyor 'char ba'i dus so zhes pa ni kai la sha'i yul du nges pa'o/ /mkha' dus mig ni glang la 'gyur zhes pa ni de bzhin du glang gi dus sbyor 'char ba'i dus la chu srang gi tshogs nyis brgya drug bcu ste chu tshod bzhi dang chu srang nyi shu 'char ba'i dus so/ /zung dag la yang mkha' mkha' gnyis te zhes pa ni zung ste 'khrig pa 'char ba'i dus chu srang gi tshogs nyis brgya ste chu tshod gsum dang chu srang nyi shu'o/ /mda' ro'i chu tshod du 'gyur zhes pa ni mda' ste chu tshod lnga ni ku la'i ra ste kar ka Ta'i dus sbyor 'char ba'i dus so/ /de nas ro zhes pa chu tshod drug ni seng ge'i dus sbyor 'char ba'i dus so/ /bu mo la ni phyed bcas drug ste zhes pa ni bu mo'i dus sbyor 'char ba'i dus chu tshod drug dang chu srang sum bcu ste phyed bcas drug du 'gyur ro/ /srang sogs rim pa min pas de bzhin thams cad 'gyur zhes pa ni dus sbyor drug gi dus kyi 'tshams 'di nas srang la sogs pa'i dus sbyor phyi ma drug la rim pa min pas de bzhin te cho ga 'dis thams cad te ma lus pa 'gyur ro/ /zhes pa ni nges pa'o/ /'dir dus sbyor 'char ba'i dus ni srang la chu tshod drug dang / chu srang sum bcu'o/ /sdig pa la drug go/ gzhu la lnga'o/ /chu srin la chu tshod gsum dang chu srang nyi shu'o/ /bum pa la chu tshod bzhi dang chu srang nyi shu'o/ /nya la chu tshod bzhi dang / chu srang lnga bcu'o zhes pa ni kai la sha'i yul du nges pa'o/ /dus sbyor drug gis de nub gang phyir 'char ba dag kyang de bzhin zhes pa ni gang gi phyir 'char ba yang dus sbyor drug gis yin pa de'i phyir de ni nub par 'gyur ro/ /nyi ma'i rgyu skar dbye bas so zhes pa ni phyed dang bcas pa'i rgyu skar bcu gsum gyi mthar nub pa ste de bzhin du de 'char ba ni phyed dang bcas pa'i rgyu skar bcu gsum gyi mthar ro/ /nyin mtshan kyi dbye bas dus sbyor drug dang skar ma phyed dang bcas pa'i bcu gsum gyis nyin mo'i dus su 'gyur ro/ /dus sbyor drug dang skar ma phyed dang bcas pa'i bcu gsum gyis mtshan mo'i dus du 'gyur ro/ /dus sbyor 'char ba'i dus kyi dbang gis nyin mo dang mtshan mo dman pa dang lhag par 'gyur te nyi ma yang dag par rgyu ba'i dbang gis so/ /da ni lus la dbu ma'i lo brgya'i nyin zhag dang dbugs la sogs pa gsungs pa stong phrag nyi shu rtsa gcig ces pa la sogs pa ste/ stong phrag nyi shu rtsa cig ni stong phrag gcig lhag pa'i khri phrag gnyis so/ /ro brgya ldan pa dag ces pa ni drug brgya dang ldan pa'o/ /so yi cha yis nges par phyung gyur pa zhes pa ni phung po de las sum bcu rtsa gnyis kyi cha dag gis nges par phyung ba'o/ /lus la ni lus la ste dbugs lhag gang dag nyin zhag so so'i dusu dus sbyor gyi 'pho ba bcu gnyis kyi dus su 'byung ba ri dang dus rnams dag gi grangs bdun bcu rtsa lnga lhag pa'i drug brgya'i grangs so/ /stong phrag sum bcu rtsa drug dag gis bsgyur ba rnams kyang lo brgya'i tshad du rab tu grags pa ste/ dbugs de dag lo brgya'i nyin zhag stong phrag sum bcu rtsa drug gis bsgyur ba de dag ni lo brgya'i dbugs kyi tshad du 'gyur ro/ /'dir nyin zhag so so la rtsa gsum gyi dbugs brgya phrag bcu drug lhag pa'i khri phrag gnyis kyi grangs la lo brgya'i nyin zhag gis bsgyur ba ni 'bum phrag bdun bcu rtsa drug lhag pa'i bye ba phrag bdun bcu rtsa bdun du 'gyur ro/ /de dag las sum bcu rtsa gnyis kyi chas thob pa 'bum phrag bzhi bcu rtsa gsum lhag pa'i bye ba phrag gnyis kyi grangs ni dbu ma a ba d+hU tI'i dbugs su 'gyur ro/ /lhag ma 'bum phrag sum bcu rtsa gsum lhag pa'i bye ba phrag bdun bcu rtsa lnga ni la la nA dang ra sa nA dag gi dkyil 'khor lnga las 'bab ste cha mnyam par gyur pa las g.yon dang g.yas nas phyed la la nA nas 'bab cing phyed ra sa nA nas 'bab ste lo brgya'i 'tshams kyi'o/ /stong dus me yis rab tu phye ba dag ni chu tshod du 'gyur zhes pa ni dbugs kyi phung po de las sum brgya drug bcus rab tu phye ba'i rnyed pa ni chu tshod kyi phung por 'gyur ro/ /drug bcu'i cha yis nyin zhag kyang zhes pa ni chu tshod kyi phung po de las drug bcu'i chas thob pa ni nyin zhag gi tshogs su 'gyur te stong phrag sum bcu rtsa drug las dbu ma'i nyi shu rtsa lnga lhag pa'i brgya phrag bcu gcig gi grangs so/ /lhag ma'i nyin zhag gi tshogs brgya phrag bzhi bcu rtsa brgyad dang bdun bcu rtsa lnga lhag pa'i khri phrag gsum ni la la nA dang ra sa nA dag gi lo brgya'i 'tshams kyi yin par rig par bya'o/ / da ni gza' brgyad kyi lo brgya'i tshad 'khor lo phyed dang bcas pa la longs spyod pa'i phyir gcig tu bsdus pa nyid kyis dus kyi 'khor lo dang bral ba gsungs pa zla ba'i phyogs zhes pa la sogs pa ste/ zla ba'i phyogs te zhes pa ni zla ba'i phyogs gcig dbyug gu sum bcu'i bdag nyid kyi mtshan mor 'gyur te khyim gyi 'khor lo phyed la nye bar longs spyod pa'i phyir ro/ /nyi ma'i bgrod pa zhes pa ni nyi ma'i bgrod pa nyid nyin mtshan phyed du 'gyur te 'khor lo phyed la nye bar longs spyod pa'i phyir ro/ /sa skyes zla ba dgu rnams dag gi mtshan mo'o zhes pa ni byed pa brjod par 'dod pas so/ /de bzhin du bla ma'i lo drug tu 'gyur ro/ /nyi ma'i ji lta ba de bzhin du pa sangs kyi yang bgrod pa ste zla skyes gza' lag gi yang bgrod pa'o/ /chos zhes bya ba'i lo ni ste lo bcwa lnga ni spen pa'i 'o/ /mun can sgra gcan gyi ni lo dgu nyin mtshan phyed du 'gyur te rgyu skar phyed kyi 'khor lo nye bar longs spyod pa'i phyir ro/ /de dag thams cad gcig tu bsdus pa ni nor gyis bsgyur ba'i dus kyi lo sum bcu rtsa gnyis dang phyed bcas zla ba gsum du 'gyur te sems can rnams kyi snying stobs kyi yon tan gyi dbyi bas so/ /phyed dang bcas pa'i nyin zhag grangs dag las phyed dang bcas pa'i rgyu skar gyi 'khor lo la nye bar longs spyod pa'i phyir snying stobs dang rdul dang mun pa'i dbye bas lo brgyar 'gyur te/ dus kyi 'khor lo dman no zhes pa ni lo gsum dang phyogs gsum gyis dman pa ste gza' brgyad po rnams kyi gcig tu bsdus pa las phyed dang bcas pa'i zla ba bcu lhag pa'i lo dgu bcu rtsa drug gi tshogs su 'gyur ro/ /'dir srog ni snying stobs la 'bab ces pa ni phyed dang bcas pa'i zla ba gsum lhag pa'i lo sum bcu rtsa gnyis kyi bar du sems can rnams kyi srog ni snying stobs la ste snying stobs kyi yon tan gyis 'bab bo/ /de'i 'og tu rdul gyi bar du tshad de nyid kyis so/ /de'i 'og tu mun pa la yang rim pa de nyid kyis so/ /lha mi lag 'gro rnams kyi rang rang gi lo brgya'i tshad las snying stobs dang rdul dang mun pa rnams kyi mtha'i mtshams de nas lnga pa nyid du 'gyur ro/ /zla ba phyed bcas mtshan mo dag gis zhes pa ni dus kyi 'khor lo'i phyogs gsum gyis te kyang zhes pas sngar gyi lo gsum gyis so/ /'dir 'khor ba pa rnams lnga pa nyid 'chi bar 'gyur te skyes bu tshe lo brgya pa dbang po brgya pa zhes pa'i tshig 'jig rten pa'i tha snyad las so/ /don dam pa'i rigs pas ni nges pa med de sems can rnams kyi rang rang gi las kyi dbang gis skye ba dang 'gag par sangs rgyas pa rnams kyis rtog par bya'o/ /skyes bu tshe lo brgya pa dbang po brgya pa zhes pa ni dgongs pa'i skad de skyes bu ni phyi rol du dus bzhi'i bdag nyid kyi lo khri phrag gnyis lhag pa'i 'bum phrag bzhi bcu rtsa gsum gyi dbugs gyi mtshan nyid do/ /nang du ni dbugs kyi tshad de nyid kyis dus bzhi'i bdag nyid te gang gi dus su gza' thams cad kyi rgyu ba stong pa la 'jug par 'gyur ba'o zhes pa ni don dam pa'i rigs pa'o/ / sems can rnams kyi dge ba dang mi dge ba'i dbang gis kyang tshe dman pa dang lhag par 'gyur zhing tshe lo brgya pa zhes bya ba'i nges pa med te/ de bzhin gshegs pa'i gsung gi phyir ro/ /grangs ni shin tu nges pa 'di dag rgyud kyi rgyal po dus kyi 'khor lor rab tu grags pa yin no/ /mi yi dbang zhes pa ni phyag na rdo rje zla ba bzang po la bod pa'o/ /da ni dbu ma a ba d+hU tI'i drug bcu'i cha'i chu tshod rnams gza' lnga rgyu skar la 'char ba'i rkang pa'i chu tshod kyi tshogs su gsungs pa ma bcad ces pa la sogs pa ste/ ma bcad dus kyi 'khor lo ni lo gsum dang phyogs gsum gyi nyin zhag ma bcad pa ste nyi shu rtsa lnga lhag pa'i brgya phrag bcu gcig gi bgrod pa dag la bu lon dgu ni mngal gyi zla ba dgu'i bu lon chu tshod dgu ni bsres par gyur pa mtha' dag rnams te chu tshod kyi tshogs sum bcu rtsa bzhi lhag pa'i brgya phrag bcu gcig gi grangs rnams ni bkra shis la sogs gza' ni lnga po rnams kyi myur ba'i las te skar ma'i las dag la yang rkang pa'i chu tshod du 'gyur ro/ /sa skyes la ni rig byed dus me zhes pa de dag las bkra shis la chu tshod kyi tshogs drug bcu rtsa bzhi lhag pa'i sum brgya'i grangasu 'gyur ro/ /srid pa'i gnas rnams dag la zhes pa ni rkang pa'i gnas bcu bzhi la ste skar ma phyed dang bcas pa'i bcu gsum longs spyod pa'i phyir ro/ /rgyu ba'i dbye ba yis zhes pa ni nyi shu rtsa bzhi la sogs pa'i dbye bas so/ /snga phyi phyed la mtshungs par phyed snga ma la rgyu skar gyi rkang pa'i dbang gis brgya brgyad bcu rtsa gnyis dang phyed phyi ma la brgya brgyad bcu rtsa gnyis te rgyu skar rnams kyi phyed phyed yin pa'i phyir ro/ /bu lon nor gyi bgrod pa dag la zhes pa ni rim pa min pas bu lon gyi bgrod pa dang rim pas nor gyi bgrod pa rnams la gnas kyi dbye ba nges par sbyar te nyi ma'i dkyil 'khor la shar ba'i skar ma ni gnas dang po'o/ /gnas kyi dbye ba de las gzhan dang gnas bcu bzhi ste gnas kyi dbye ba de dag gis chu tshod de dag nges par sbyar ro/ /dang por rgyal dbang grangs te rgyu skar dang po spyad pa'i gnas la nyi shu rtsa bzhi'o/ /me dang mig ni rnam gsum dag du rab tu 'gyur/ dang po'i gnas nas gnyis pa dang gsum pa dang bzhi pa la nyi shu rtsa gsum du 'gyur te rnam gsum zhes so/ /gnas gnyis dag la gcig dang mig ste gnas bzhi pa de nas lnga pa dang drug pa'i gnas la nyi shu rtsa gcig ste gnas gnyis zhes so/ /bcwa brgyad tshes dang drag po gnas drug pa de nas bdun pa dang brgyad pa dang dgu pa'i gnas rnams la grangs bzhin du bcwa brgyad dang tshes zhes pa bcwa lnga dang drag po zhes pa bcu gcig go/ me dang rtsa bar drag po dang / gnas dgu pa de nas gnas bcu pa la me zhes pa rkang pa gsum mo/ /de nas rtsa bar ma phyed phyi ma la gnas bcu gcig par drag po ste bcu gcig go/ sum bcu rtsa brgyad brgyad bcu dag dang / bcu gnyis pa la sum bcu rtsa brgyad do/ /bcu sum pa la brgyad bcu'o/ /brtan pa srid pa'i gnas zhes pa gnas bcu bzhi pa la 'dir ni gsum bcas lnga bcu'o zhes pa la gsum dang bcas pa'i lnga bcu ni gsum bcas lnga bcu ste lnga bcu rtsa gsum ni gnas bcu bzhi pa 'di la nges pa'o/ /rgyu skar gyi 'khor lo phyed po de yis nyi ma rnam dag gyur pa'i rjes la rim pa min pas bu lon du 'gyur ro/ /rim pas nor du 'gyur ro/ /mig dmar la sogs pa'i skar ma'i longs spyod la bu lon dor bar bya zhing nor sbyin par bya'o/ /rig byed dag dang bug pa zla ba'i grangs ni gza' lag myur ba'i las la chu tshod dag tu 'gyur zhes pa ni 'dir gza' lag gi chu tshod kyi tshogs brgya dgu bcu rtsa bzhi'o/ /bkra shis kyi rang gi chu tshod kyi tshogs rnams gnas bcu bzhi la ji lta ba de bzhin du gza' lag gi yang rtogs par bya ste/ myur ba'i las zhes pa rgyu skar gyi las la'o/ /gnas gnyis la ni bcu drug ces pa ni gnas dang po la bcu drug ste gnas gnyis pa la yang bcu drug go/ gzhan la tshes dang ma nu myos byed ces pa ni gsum pa la bcwa lnga'o/ /bzhi pa bcu bzhi'o/ /lnga pa la bcu gsum mo/ /drag po ri dang dbang po mkha'/ drug pa la bcu gcig go/ bdun pa la bdun no/ /brgyad pa la lnga'o/ /dgu pa la stong pa'o/ /rtsa ba dag las rig byed drag po dang ni zhes pa ni gnas dgu pa de nas rtsa bar phyed phyi ma ste gnas bcu pa la bzhi'o/ /bcu gcig pa la bcu gcig go/ bcu gnyis pa la nyi shu'o/ /bcu gsum pa la nyi shu rtsa brgyad do/ / bcu bzhi pa la yang sum bcu rtsa bzhi gzhag par bya ste de ltar na go rims ji lta ba bzhin du gza' lag gi chu tshod rnams rgyu ba'i dbye bas yang dag par gnas par rig par bya'o/ /chu gter nam mkha' dag dang zla ba'i grangs brgya rtsa bzhi ni bla ma'i chu tshod kyi tshogs te rgyu ba'i dbye bas rnam par phye ba dag gnas bzhi la 'gyur ba ni chu tshod kyi tshogs de las gnas gnyis dag la phyogs kyi tshad dang / gnas dang po la bcu ste gnyis pa la yang bcu'o/ /dgu nor dus zhes pa ni gsum pa la dgu'o/ / bzhi pa la brgyad do/ /lnga pa la drug go/ drug lag pa zla ba dag dang zhes pa ni drug pa la drug go/ bdun pa la gnyis so/ /brgyad pa la gcig go/ rtsa bar ni phyed phyi ma la me drug bug pa dang ni drag po zhes pa ni dgu pa la gsum mo/ /bcu pa la drug go/ bcu gcig pa la dgu'o/ /bcu gnyis pa la bcu gcig go/ mi bdag thub pa rnams te zhes pa ni bcu gsum pa la bcu drug go/ gnas bcu bzhi pa la bdun no/ /rgyu ba thams cad rim pas so zhes pa ni de ltar gza' thams cad kyi rkang pa'i chu tshod rnams thams cad go rims ji lta bas rig par bya'o/ /myur zhes pa ni myur ba'i rgyu ba ste gza' shar ba'i phyed snga ma la'o/ /dal ba yang phyed phyi ma la'o/ /'khyog po ni rim pa min pas phyed snga ma la'o/ /yang yig gis 'byung ba ni rim pa min pa'i phyed phyi ma la'o/ /gza'i tshogs ni nges par nyi ma'i dbye ba dag gis te nyi ma las rnam par dag pa'i dbye bas rgyu bar byed do/ /drug dang zla ba chu gter grangs zhes pa ni bzhi brgya bcu drug gi tshogs te 'di dag ni pa sangs te dkar po'i gnas bcu bzhi la 'gyur ro/ /de las chu tshod rnams gnas gsum dag la nyi shu lnga ste zhes pa ni dang po'i gnas la nyi shu lnga ste gnyis pa dang gsum pa la yang ngo / /gnyis ni rgyal ba zhes dang / bzhi pa la nyi shu rtsa bzhi ste lnga pa la yang de bzhin no/ /lag mig rnam pa gnyis zhes pa ni drug pa la nyi shu rtsa gnyis te bdun pa la yang ngo / /skyon dang tshes dang brgyad te zhes pa ni brgyad pa la bcwa brgyad do/ /dgu pa la bcwa lnga'o/ /bcu pa la brgyad do/ /de nas rtsa bar phyed phyi ma la drug dang nam mkha' yon tan dag dang zhes pa ni bcu gcig pa la drug go/ bcu gnyis pa la sum bcu'o/ /bcu gsum pa la gcig gis dman pa'i brgya'o/ /mthar bcu bzhi pa la me dang ri yi grangs zhes pa bdun bcu rtsa gsum mo/ /brtan pa srid pa'i gnas la ste gnas bcu bzhi la pa sangs kyi rgyu ba rim pas rtogs par bya'o/ /nyi ma'i bu la drug dang 'byung ba'i grangs/ spen pa'i gnas bcu bzhi la chu tshod kyi tshogs lnga bcu rtsa drug tu 'gyur ro/ / de las drug dang 'byung ba dag dang 'byung ba rig byed ces pa ni gnas dang po la drug go/ gnyis pa la lnga ste gsum pa la yang ngo / /bzhi pa la bzhi'o/ /chu gter mig dang zhes pa ni lnga pa la bzhi'o/ /drug pa la gnyis so/ /bdun pa la zung zhes pa gnyis so/ /brgyad pa la stong pa'o/ /de nas rtsa bar phyed phyi ma la phyogs dang rig byed dag dang 'byung ba zhes pa ni dgu pa la gnyis so/ /bcu pa la bzhi'o/ /bcu gcig pa la lnga'o/ /ro dang nor dang rtse mo can zhes pa ni bcu gnyis pa la drug go/ bcu gsum pa la brgyad do/ /bcu bzhi pa la chu tshod gsum ste spen pa'i gnas bcu bzhi la rim pas gzhag par bya'o/ /de ltar gza' rnams kyi ni rgyu ba mtha' dag dus kyi 'khor lo dag las shin tu nges par 'gyur zhes pa ni dbu ma'i lo brgya'i dbugs kyi 'khor lo la dus kyi 'khor lo zhes bya ste gza' rnams 'char ba'i rgyu ba'i chu tshod kyi longs spyod do/ /da ni dal ba'i bya ba la skye ba'i khyim gyi chu tshod dal ba'i rkang pa rnams gsungs pa sum bcu rtsa drug ces pa la sogs pa ste/ sum bcu rtsa drug phyed bcas zla ba ni lo gsum gyi zla ba sum bcu rtsa drug dang phyogs gsum las phyogs gcig gzung ba ste nges par zhes pa gdon mi za bar ro/ /nor gyis bsgyur ba dag ces pa la sgra dang reg dang gzugs dang ro dang dri dang snying stobs dang rdul dang mun pa ni yon tan brgyad te yon tan brgyad po 'di dag gis bsgyur ba dag ni gza' lnga po rnams kyi dal ba'i bya ba la rkang par 'gyur ro/ /mig bug mig gi grangs ni khyim gyi chu tshod nyis brgya dgu bcu rtsa gnyis kyi grangs su 'gyur ro/ /de las rab tu gsal bar bkra shis la sogs pa rnams kyi gnas drug gi phyed snga ma dang phyed phyi ma la rim pa dang rim pa min pas shes par bya'o/ /de nyid bcwa brgyad ri dag brtan pa sa yi bu yi phyi ma phyed dang snga ma'i cha la ste/ de bzhin du phyogs ri me ni gza' lag gi'o/ /de bzhin du dbang phyug dgu me bla ma'i snga cha dang gzhan gyi cha la yang ngo / /de bzhin du dkar po'i mda' dang chu gter zla ba'o/ /de bzhin du spen pa yi yang mig bcas mig dang nyin zhag dus su 'gyur te rim pa 'di ni sngar brjod pa yin no/ /de ltar dus kyi 'khor lo'i zla ba'i yongasu longs spyod pa brgyad kyis bsgyur ba las drug bcu'i cha shas ni khyim gyi rkang pa'i chu tshod du rig par bya'o/ /da ni zla ba zhes pa la sogs pas bkra shis la sogs pa gza' lnga rnams kyi khyim gsum yongs su longs spyod pa las lo gsum gyi nyin zhag dang mtshungs pa'i chu tshod yongasu longs spyod par gsungs pa/ zla ba la ni sa skyes longs spyod chu tshod dgu bcu dag ste zhes pa ni 'jig rten la grags pa ste rang gi ngo bos ni dkyil 'khor gyi chas thob pa'i chu tshod rnams 'gyur ro/ /zla bar yang phyed dang bcas pa'i nyin zhag sum bcus 'gyur ro/ /grub pa'i mtha'i tshad des phur bu dang spen pa'i longs spyod dang lhan cig nyi ma la rnam par sbyong ba gsum po rnams kyi chu tshod dgu bcur 'gyur ro/ /zhes pa ni grub pa'i mtha'o/ /lnga dang 'jig rten zla ba'i grangs pa sangs kyi ste/ mi rigs so zhe na/ grub pa'i mtha' tshad ma yin pa'i phyir ro/ /gang gi phyir nyi ma'i longs spyod kyis pa sangs la rnam par sbyangs pa las pa sangs su 'gyur ba des na pa sangs kyi zla ba'i longs spyod kyi chu tshod kyi tshogs ni brgya sum bcu rtsa lnga ste gza' lag gi yang de bzhin no/ /de dag gcig tu bsdus pa mkha' ro bsreg za ste lnga po rnams kyi chu tshod kyi tshogs sum brgya drug bcur 'gyur ro/ /'di dag zla ba gsum gyis lo'i nyin zhag bu lon chu tshod te chu tshod stong brgyad bcu'o/ /longs spyod 'di ni gsum gyi'o zhes pa ni 'jam dpal gyis tshig zur gyis grub pa'i mtha' gsungs pa'o/ /zla bar bla ma'i longs spyod du 'gyur zhes pa la sogs pa grub pa'i mtha'i tshigasu bcad pa 'di ni 'jig rten gyi grags pa nyams par bya ba'i don du tshig zur gyi don gsungs pa'o/ /'dir phyogs gsum po gang yin pa de dag ni mjug rings 'char ba'i longs spyod dang 'brel bar gza' lnga rnams kyi rtsa ba'i grub pa'i mtha' las gsungs so/ /de'i phyir de dag phur bu dang spen pa'i longs spyod la sbyin par mi bya'o/ /da ni sgra gcan gyi longs spyod las mjug rings kyi longs spyod gsungs pa zla gcig ces pa la sogs pa ste/ 'dir sngar gyi dal ba'i bya ba la zla ba phyed dang bcas pa'i sum bcu rtsa drug gi lhag ma'i zla ba gang zhig gza' rnams kyis ma spyad pa'i zla ba de nyid yon tan brgyad kyis bsgyur te de las drug bcu'i chas chu tshod brgyad gzung bar bya'o/ /de dag las chu tshod phyed dang bcas pa'i bdun ni sgra gcan gyi longs spyod te 'di nyid la zhes pa ni nyi ma'i zla ba'i tshad la'o/ /sgra gcan zla ba'i longs spyod nyi ma dang bcas zla ba'i rkang pa zhes pa ni nyi ma'i snying stobs dang rdul dang mun pa ste rkang pa gsum mo/ /zla ba'i dri dang ro dang gzugs dang reg dang sgra'i yon tan de rkang pa lnga'o/ /rkang pa brgyad po 'di dag ni sgra gcan gyi chu tshod phyed dang bcas pa'i bdun gyi rang bzhin no/ /lhag ma chu tshod phyed ni mun pa med pa'i rang bzhin te des dman pa ni chu tshod phyed kyis rnam par dman pa'o/ /nyi ma'i bgrod pa dang po la gsum/ chu srin gyi 'pho ba'i phyogs dang po la chu tshod gsum te snying stobs dang rdul dang mun pa'i bdag nyid nor gyi longs spyod do/ /de bzhin du kar ka Ta'i phyogs dang po la bu lon gyi longs spyod do/ /zla ba myos byed nyin zhag dag la zhes pa ni tshogs kyi gnas su bcu bzhi'i cha'i lhag ma nyin zhag dang po ste rkang pa dang po 'am bcu gsum pa la zla ba'i chu tshod lnga ste yon tan lnga'i bdag nyid du 'gyur ro/ /gang zhig ma spyad phyed kyi chu tshod ces pa ni sgra gcan gyis ma spyad pa'o/ /dus kyi nyin zhag dus la ste nyin zhag drug bcu rtsa bzhi la de ni cha dman zla ba ste zla ba'i cha nyams pa'o zhes pa'i don to/ /de ni nyi ma'i lhag par 'gyur te nyi ma'i chu tshod gnyis su gyur nas nyin zhag so sor lhag ste dus kyis bsgyur ba rig byed rnams kyis tshes grangs bsgyur zhes pa la sogs pas so/ /gang zhig zla ba'i nang du nyin zhag tu gyur pa de nyid ni lhag par 'gyur te nyi ma'i zla ba ste 'pho ba'i zla ba la nyin zhag gcig lhag pa de nyid dbu ma'i yan lag tu rig par bya'o/ /sgra gcan zla ba'i longs spyod mig gis rnam par bsgyur te zhes pa ni sgra gcan gyi dus kyi longs spyod chu tshod bcwa lnga la phyogs kyi longs spyod dag gis bgos pa las te rkang pas dman pa'i bzhis thob pa dag ni mjug rings kyi chu tshod bzhi ste nyin zhag so so'i dus su'o/ /slar yang sgra gcan gyi zla ba'i longs spyod las/ chu srang bdun dang phyed phrogs te chu srang bdun dang dbugs gsum po 'di dag yon tan gsum gyis bsgyur ba ni phyed dang bcas pa'i chu srang nyi shu rtsa gnyis su 'gyur te byed pa brjod par 'dod pas so/ /rang gi ngo bos ni gang zhig phyed dang bcas pa'i gsum gyis te gang du nyi mas nyin zhag so so la chu tshod bzhi dang chu srang nyi shu rtsa drug longs spyod pa'o/ /nyi ma'i longs spyod dag la sbyang bar bya/ nyi ma'i longs spyod nyin zhag so so la chu tshod bzhi dang chu srang nyi shu po 'di ni byed pa brjod par 'dod pa'i 'o/ /grub pa'i mtha' la ni chu srang drug lhag go / nyi ma'i longs spyod de la sbyang bar bya ste sbyangs pa'i lhag ma ni rkang par 'gyur ro/ /mjug rings nyi ma dag dang lhan cig rnam par rgyu ste myur bar rgyu ba la mdun nas rim pa dang 'khyog por rgyu ba la rgyab nas rim pa min pas rkang pa spyod do/ / rgyu bar chu srang phyed bcas gnyis spyod nyin dang nyin la nyi ma'i longs spyod dag la rim pas sam rim pa min pas so/ /rang gi zla ba sum bcu drug gis de rgyu chu tshod dag kyang 'jig rten gyis ni tshes grangs bsgyur/ gsum gyis bcwa lnga bsgyur ba ni bzhi bcu rtsa lnga'o/ /phyed bcas zla bar chu tshod gnyis ni nyin zhag so sor 'char te lo gsum gyi mthar chu srang gi longs spyod rnams yongasu btang nas phyogs gsum gyi bar du nyin zhag so sor chu tshod gnyis longs spyod te myur ba la mdun dang 'khyog po la rgyab tu'o/ /de ltar phyed bcas zla ba'i bar tu de 'char te 'on kyang zla ba gcig ni du ba med pa'o/ /de nas mtha'i phyogs gcig du ba dang bcas pa'o/ /des na sems can rnams la du ba mjug rings rab tu gsal te 'gro ba dang 'ong ba'i dbye bas zla ba gcig tu 'gyur ro/ /du ba btang nas skar ma bzhin rab tu snang bar 'gyur ro/ /slar yang dpal dus kyi 'khor lor lo gsum gyi longs spyod la rab 'jug de ni gang tshe lo yi longs spyod la zhugs pa de'i tshe mthong ba min par 'gyur ro/ /de yi 'char ba'i cha dag shes par gyur na ste de ltar mjug rings de'i 'char ba'i cha dag shes par gyur na de yi 'char ba mtha' yas pa'i dus kyang shes par 'gyur ro/ /da ni dus kyi 'khor lo lo gsum gyi nyin zhag de nyid nyi shu rtsa lngas bsgyur zhing bgrod pa'i nyin zhag gis dman pa la dgu bsres pa rnams gza' rnams kyi dkyil 'khor du gsungs pa lo yi nyin zhag ces pa la sogs pa ste/ lo yi nyin zhag ni stong phrag gcig dang brgyad bcu'o/ / de nyid lnga yis bsgyur te slar yang mda' zhes pa lngas bsnun pa ni bsgyur zhes pa'i don to/ /de ltar dum bur bsgyur ba ni nyi shu rtsa lngas bsgyur bar 'gyur ro/ /bgrod pa'i nyin zhag ni brgya brgyad bcu ste des dman pa'o/ /bgrod pa gcig la gza' rnams longs spyod pa'i dbang gis bgrod pa gcig gi nyin zhag rnams kyis dman par 'gyur ro/ /bug pa bsres pa rnams ni bug pa zhes pa dgu ste de dag gis bsres pa rnams ni rang rang gi bgrod pa'i dbang gis gza' lnga po rnams kyi nyin zhag gi dkyil 'khor du 'gyur ro/ /gcig tu bsdus pa las drug stong brgyad brgya nyi shu rtsa dgu lhag pa'i khri phrag gnyis te/ de las sa skyes la ni ri klu drug ces pa drug brgya brgyad bcu rtsa bdun gyi nyin zhag gi tshogs su 'gyur ro/ /ri bug ri klu ste zla skyes la stong phrag brgyad dang bdun brgya dgu bcu rtsa bdun du 'gyur ro/ /lha'i bla ma dag la so me rig byed te bzhi stong sum brgya sum bcu rtsa gnyisu 'gyur ro/ /pa sangs la ni ri dang rgyal ba mig ces pa nyis stong nyis brgya bzhi bcu rtsa bdun du 'gyur ro/ /nyi ma'i bu la drug drug ri dang nam mkha' gcig ces pa khri phrag gcig dang bdun brgya drug bcu rtsa drug gi nyin zhag gi tshogs ni dkyil 'khor du 'gyur ro/ /sa skyes la ni ri dus gcig kyang zhes pa la sogs pa tshigasu bcad pa gnyis kyi bar ni 'grel bshad las sngar brjod zin to/ /da ni gza' rnams kyi skye ba dag par bya ba'i don du rgyu skar gyi tshogs gsungs pa zla ba drug gis zla ba'i longs spyod ces pa ni de'i steng du dag pa ste pa'i 'on kyang sems can gyi bsam pa'i dbang gis byed pa la ltos pa'o/ /mjug rings 'char ba la yang phyogs gsum gyi nyin zhag gis rgyu ba'i rkang pa bsgyur ba ni chu srang gi tshogs phyed dang bcas pa'i brgya bcu gnyis su 'gyur te de nyid mjug rings shar ba nas nyin zhag so so la 'gyur ro zhes pa ni bya bar rig par bya'o/ /gang zhig phyed kyi chu tshod rgyu skar gyi bu lon gyi gnas nas thob pa zhes pa ni sems can rnams smin par bya ba'i slad du ma'i la du ma'i tshig go/ da ni gza' rnams kyi rgyu ba'i stobs gsungs pa zla skyes zhes pa la sogs pa ste zla skyes gza' lag dang blon po phur bu ni myur ba ste myur bar rgyu ba phyed snga ma la shar bar gyur pa na stobs dang ldan par 'gyur ro/ /sa skyes dang mjug rings ni sa skyes mjug rings te 'khyog po la zhes pa dkyil 'khor phyed yongs su btang nas rim pa min pa la longs spyod pa las stobs dang ldan par 'gyur ro/ /dman pa spen pa dang pa sangs ni dal ba la ste rim pa'i phyed phyi ma la stobs dang ldan no/ /rang bzhin yon tan dbang gis zhes pa ni khams kyi yon tan gyi dbang gis so/ /rgyu ba lhag ma la ste rgyu ba gsum las skyes la sogs pa rnams stobs med do/ /myur la shar du kha phyogs 'gyur te gza' thams cad myur bar rgyu ba phyed snga ma la shar du kha phyogs par 'gyur ro/ /slar yang de dag 'khyog por rgyu ba la rab tu zhugs par gyur pa na gzhan du mngon par phyogs te nub tu mngon par phyogs so/ /dal ba rim pa'i phyed phyi ma la lho ru bzhin phyogs par 'gyur ro/ /rang bgrod yon tan dbang gis 'byung ba la yang ste rim pa min pa'i phyed phyi ma la byang du gdong phyogs par 'gyur te tshig 'di ni dbyangs 'char ba la sa'i stobs kyi don du'o/ /da ni nyi ma dang zla ba'i rkang pa gsungs pa zla ba'i nyin zhag sum bcu gang dag chu gter gyis bsgyur zhes pa bzhis bsgyur ba de dag mkha' mig zla ba zla ba'i rkang pa ste nyin zhag bdun gyi bar du zla ba'i cha 'phel ba'i don du rkang pa brgya nyi shur 'gyur te 'chad par 'gyur ba las brjod par bya'o/ /khyim ni bcu gnyis po rnams bzhis bsgyur ba brgyad dang rig byed dag kyang zla ba drug gi bar du nyi ma'i rkang par 'gyur ro/ /de yang 'chad par 'gyur ba las brjod par bya ste 'dir ni mdor bsdus pa tsam gyis rkang pa 'di dag gi nges pa'o/ /de'i nang du 'grib dang 'phel ba dag kyang bgrod pa 'gro ba'i dbang gis rim min rim pa ste/ 'khor lo phyed phyed dag la mtha' dag nor dang dus kyi grangs rnams te bzhi bcu rtsa brgyad kyi grangs rnams byed pa brjod par 'dod pa la rig par bya'o/ /da ni zla ba'i dkyil 'khor la sgra gcan 'jug pa'i mtshan nyid gsungs pa tshigs 'tshams zhes pa la sogs pa ste tshigs 'tshams ni nya'i mtha' 'am gnam stong gi mthar ro/ /ri bong can gyi dkyil 'khor dag la sgra gcan rab tu 'jug ste dkyil 'khor yang / dkyil 'khor gyi sgras ni 'dir chu tshod drug bcu'i bdag nyid rgyu skar gcig gi longs spyod te de yang thams cad 'dzin pa'i dbang gis khyim bcu gnyis kyi bdag nyid dang cha bcu drug gi bdag nyid du rig par bya'o/ /rnam dag gyur na thams cad 'dzin te gal te sgra gcan gyi longs spyod kyis zla ba'i longs spyod yongasu dag na de'i tshe chu tshod drug bcu'i mthar thug par thams cad 'dzin no/ /longs spyod phyed dag par gyur na phyed 'dzin no/ /ri bong can gyi rgyu ba'i dbang gis dkyil 'khor chu tshod drug bcu ste zla ba'i cha bcu drug gi bdag nyid do/ /de bzhin du ri bong can gyis rgyu ba'i dbang gi chu tshod dag ni ji snyed yod pa ste/ sgra gcan gyi longs spyod la rab tu zhugs pa de snyed ni cha gcig gi bzhi cha'i bar du gza' dang 'grogs par shes par bya'o/ /sgra gcan 'khor ba la sogs pa 'di dag grub pa'i mtha' las phyi rol shes pa'i don du rgya cher rig par bya'o/ /rgyud 'dir ni bsdus pa'i slad du 'jam dpal gyis gsal bor ma bstan te 'dir ni gang zhig nang la nye bar mkho ba de nyid mdor bsdus pas brjod do/ / de bzhin du gza' 'thab pa la sogs pa mtha' dag grub pa'i mtha' las shes par bya ste rgyud 'dir ni skar rtsis kyi yul gza' 'thab pa la sogs pa grub pa'i mtha' la ltos so/ /nang du ni gza' 'thab par brjod par 'dod pa med do zhes pa bcom ldan 'das kyi nges pa ste phyi rol du zla ba 'dzin pa byung bar gyur pa na nang du sems can rnams kyi khu ba 'dzin par 'gyur ba ma yin zhing nyi ma 'dzin pas rdul 'dzin par 'gyur ro zhes pa'i nges pa yang thams cad du med do/ /de'i phyir sangs rgyas pa rnams kyis phyi rol yongs su shes pa'i don du tshangs pa dang nyi ma dang gcer bu pa dang skra can gyi grub pa'i mtha' rnams shes par bya'o zhes pa ni bcom ldan 'das kyi nges pa'o/ /da ni gza' thams cad kyi rgyu ba dus bzhi'i mthar stong pa la 'jug pa gsungs pa mi rnams kyi ni zhes pa la sogs pa ste/ mi rnams kyi lo brgya gang yin pa de dag gza' rnams dag gi lo'i longs spyod kyis ni bsgyur bar bya zhes pa ni dus kyi 'khor lo dang bcas pa'i gza' rnams kyis nyin zhag phyed dang gnyis kyis lo brgya longs spyod do/ /nyin zhag gsum gyis nyis brgya'o/ /nyin zhag sum bcus stong phrag gnyis so/ /nyin zhag sum brgya drug bcus lo stong phrag nyi shu rtsa bzhis longs spyod par 'gyur te des lo brgya bsgyur ba'o/ /gnas gnyis phyogs kyi chas thob bcu'i chas thob pa steng gi phung po dag la bu lon sbyang bar bya bar 'gyur te lhag ma 'bum phrag nyi shu zhes shu rtsa gcig dang khri phrag drug gi lo grangs gang dag rnams ni dus kyi phyed la 'gyur ro/ /dus kyi phyed kyi mtha' la rkang pa lnga ste rdzogs ldan gyi rkang pa bzhi dang gsum ldan gyi rkang pa gcig go/ dus kyi phyed ni nam mkha' dang rlung dang me dang chu dang sa'i dkyil 'khor gyi bdag nyid te rim pa bzhin du gtso bo'i rtsa g.yon pa la srog yang dag par rgyu ba'o/ /slar yang phung po gnyis kyis zhes pa slar yang gnyis pa'i phung po rkang pa lnga'i bdag nyid kyis te de la gsum ldan gyi rkang pa gnyis dang / gnyis ldan gyi rkang pa gnyis dang / rtsod ldan gyi rkang pa gcig ste/ sa dang chu dang me dang rlung dang stong pa'i bdag nyid ni go rims ji lta ba bzhin du gtso bo'i rtsa g.yas pa nas srog yang dag par rgyu ba'i dkyil 'khor lnga'i bdag nyid do/ /de ltar na rtsa gnyis ka'i dkyil 'khor gyi lo'i phung po gnyis kyis dus bzhi po rnams kyi lo yi grangs te mi rnams kyi lo khri phrag gnyis lhag pa'i 'bum phrag bzhi bcu rtsa gsum ste gtso bo'i dus sbyor gnyis g.yon dang g.yas kyi rtsa'i dkyil 'khor yang dag par rgyu ba las so/ /'dir dus so so rnams kyi tshad ni stong pa stong pa nam mkha' klu dang lag pa thub pa ri bong can rnams zhes pa ni lo stong phrag nyi shu rtsa brgyad lhag pa'i 'bum phrag bcu bdun rdzogs ldan dus kyi tshad te dkyil 'khor bzhi'i rkang pa nye bar longs spyod pa'i phyir ro/ /gsum ldan la ni nam mkha' mkha' stong ro dang dgu dang nyin byed ces pa stong phrag dgu bcu rtsa drug lhag pa'i 'bum phrag bcu gnyis kyi lo yi grangs su rab tu grags so/ /stong pa stong pa mkha' dang rig byed ro dang lag 'gro zhes pa ni stong phrag drug bcu rtsa bzhi lhag pa'i 'bum phrag brgyad te gnyis ldan lor ni yang dag par 'gyur ro/ /stong pa nam mkha' mkha' mig yon tan chu gter rnams zhes pa ni stong phrag sum bcu rtsa gnyis lhag pa'i 'bum phrag bzhi rnams kyi lo'i grangs ni rtsod pa'i dus la 'gyur ro/ /de ltar na gsum ldan gyi rkang pa gsum dang / gnyis ldan gyi gnyis dang / rtsod ldan gyi rkang pa gcig go/ dkyil 'khor gsum dang / gnyis dang gcig gi bdag nyid te dkyil 'khor so so ni rtsod ldan gyi dus kyi lo'i tshad do/ /lo ni 'di dag rnams kyis dus kyi mtha' ru gza' tshogs rgyu ba khyim ni stong pa dag la gnas zhes pa la lo ni sngar brjod pa 'di dag rnams kyis dus kyi mtha' ru ste dus bzhi'i mthar gza' tshogs rgyu ba nam gru'i mthar khyim ni stong pa dag la gnas so/ /slar yang tha skar la sogs pa'i rgyu skar dag gza' rnams kyi longs spyod du 'gyur ro/ /rab byung zhes par 'gyur ba ji lta ba de bzhin du nag pa'i zla bar yang 'gyur ro/ /gza' dang sbyor ba tshes dang byed pa rnams kyang de bzhin dang po dag ste de'i dus su ni/ gza' nyi ma dang / sbyor ba sel ba dang / tshes dkar po'i phyogs kyi tshes gcig dang / byed pa pa ba~M zhes pa dang po dag ste de'i dus su lha rnams dag dang lha min kla klo rnams kyi 'khrug pa drag po sa gzhi'i gnas pA ga dA rnams su 'byung bar 'gyur te de nas rdzogs ldan gyi dus 'jug par 'gyur ro/ /da ni tshes la sogs pa gza'i longs spyod thams cad stong pa la gnas pa ni slar yang nges pa 'byung bar gsungs pa de nas rgyu skar rnams kyis nyin zhag gcig ni bsgyur bar 'gyur te chu tshod drug bcu rnams kyis kyang / gza' rnams kyi ni dkyil 'khor dag gis nges par cha ni rab tu thob par gyur pa longs spyod 'gyur/ zla ba rdzogs na nges par 'gyur te slar yang gza' dang chu tshod kyi ni gnas rnams dag tu 'gyur/ rgyu skar la ni nyi ma'i longs spyod du 'gyur zla ba gcig las sbyangs pa nyin zhag dag ni tshogs zhes so/ /da ni dus kyi 'khor lo'i lo dang phyogs las zla ba'i nges pa gsungs pa sde pa drug ni nyi ma'i dbyangs bcas zhes pa la sde pa drug ni ka tsa Ta pa ta sa rnams ni gsal byed kyi yi ge sum bcu'o/ /dbyangs bcu gnyis dang bcas pas sum brgya drug bcur 'gyur te yi ge rnams thung ngu dang ring po'i dbyangs kyis phye bas so/ /a A/ i I/ r-i r-I/ u U/ l-i l-I/ a~M aH/ 'di dag gis ka yig la sogs pa'i yi ge so so la bcu gnyis kyi dbye bas tha dad par 'gyur ro/ /des na gsal byed sum bcu po rnams bcu gnyis kyi dbye bas tha dad pa dag ni sum brgya drug bcu ste/ slar yang ka yig la sogs pa de dag yon tan gzhan gyis phye ba dang / ya Nar bsgyur bas phye ba dag ste nges par yon tan gyis bsgyur/ yon tan ni a e ar o al a~M/ 'phel ba ni A ai Ar au al AH /ya Nar bsgyur ba ni ha hA ya yA ra rA wa wA la lA ha~M hAH/ zhes pa ste/ de ltar na lo gsum nyi ma dag la ste ka yig la sogs pa de rnams nyin zhag stong brgyad bcur 'gyur ro/ /a sogs thung ngu nyin zhag ces bya bcwa lnga ste sum 'gyur ri bong can cha thung ngu dang ring po dang shin du ring po'i dbye bas phyed bcas zla ba phyogs gsum du zla ba la 'gyur ro/ /de la a i r-i u l-i/ a e ar o al/ ha ya ra wa la/ lA wA rA yA hA/ Al au Ar ai A/ lI U r-I I A/ A~M I~M r-I~M U~M l-I~M/ A~M aiM A ra~M au~M A la~M/ hA~M yA~M rA~M wA~M lA~M zhes pa ni phyogs gsum gyi dbyangs so/ /chu tshod ha sogs rnams su 'gyur te dus sbyor bcu gnyis kyi dbye bas drug bcu'i grangs so/ /sngar brjod pa'i cho gas nya ma phyed nas mtshan phyed kyi bar du thung ngu rnams so/ /mtshan phyed nas nyi ma phyed kyi bar du ring po sum bcu'o/ /dpal ldan stong pa gzhom med la sogs lnga po gang yin pa de dag snying stobs dang rdul dang mun pa'i dbye bas sad pa dang rmi lam dang shin du gnyid log pa'i rang bzhin gyis de dag ni sgra gcan te srog gi rlung gi dus sbyor gsum du 'gyur ro zhes bya ba ni nges pa'o/ /'byung ba nyi ma zla ba'i grangs ni slar yang lo gsum dang phyogs gsum gyi nyin zhag ste nyi shu rtsa lnga lhag pa'i brgya phrag bcu gcig tu 'gyur ro/ /kye mi yi bdag po zhes pa ste phyed bcas zla ba zhes pa ni phyogs gsum mo/ /phyed dang bcas pa'i zla ba dor nas zhes pa ni de las phyed dang bcas pa'i zla ba dor bas gzhan ni stong brgyad bcur 'gyur ro/ /de nas lhag ma thub mchog bdun rnams kyis bcad pa'i thob pa dag ni bsdus pa'i dus kyi 'khor lor 'gyur ro/ /de nyid zla ba'i nges pa la gza' gcig dang / chu tshod sum bcu rtsa gnyis dang / tshogs gnyis rab tu bsres nas tshes gcig dang rgyu ba'i rkang pa lnga'o/ /'khor lo dag las rnam par phye ba dag ni gzar 'gyur ro/ /lha mo drug bcu rnams kyis te chu tshod drug bcu rnams kyis so zhes pa'i don to/ /lha mo sum bcu rtsa gnyis kyi chu tshod rnams kyis zla ba'i nges pa la chu tshod kyi gnas su sum bcu rtsa gnyis so/ /thub pa nor gyis bsgyur ba lnga bcu rtsa drug gi lha mo rnams kyis tshogs kyi gnas su tshogs gnyisu 'gyur ro/ /sbyin dor sbyin pa dag ni lha mo gcig tu 'gyur zhing rkang pa lnga ni lha mo lngar 'gyur te lnga po gcig dang bcas pa'i drug gis so/ /zla ba'i phyogs gsum nyin zhag rnams ni nyin zhag bzhi bcu rtsa lnga ste sum 'gyur snying stobs dang rdul dang mun pa'i bdag nyid dag kyang nyi ma'i longs spyod la ni rab tu grags so/ /drug bcus phye ba'i skar ma gnyis dang zhes pa chu tshod brgya nyi shus rgyu skar gyi nges pa la gnyisu 'gyur ro/ /nyi ma'i nyin zhag dang po la bzhis bsgyur ba'i chu tshod bzhi la sogs pa dang ldan pa'i dbang phyug chu tshod de chu tshod bcu cig chu tshod kyi gnasu 'gyur ro zhes pa ni thams cad du nges pa'o/ / dpal ldan dus kyi 'khor lo gza' yi tshogs dang bcas pa 'di dag ces pa la sogs pa brjod pa'i rim pas phyi dang lus la dbyer med pa bsdu ba dang ni spro ba'i slad du srid pa gsum 'dod pa dang gzugs dang gzugs med pa ste gnas der ro/ /nyi ma zhes pa ni kye nyi ma'i shing rta bsdus pa'i rgyud yang dag par 'ching ba la gsol ba 'debs pa po zhes 'jam dpal gyis bod pa'o/ /dus kyi gzugs ni srog gi gzugs kyis so/ /shes rab thabs kyi rab dbye ni nyin mo dang mtshan mo'i dbye ba dang zla ba dang nyi ma'i dbye ba la sogs pa'o/ /mnyam dang mi mnyam rigs ni mnyam pa ring po dang mi mnyam pa thung ngu dang myur 'khyog la sogs pa'i rgyu bas so/ /chags bral dang ni thub mchog rigs dang tshangs dang drag po la sogs lha rnams kyis ni shes ma yin zhes pa ni de ltar sngar brjod pa'i cho gas tshangs pa la sogs pa 'di dag gis shes pa ma yin pa/ bcom ldan 'das dus kyi 'khor lo kun rdzob kyi tshul gyis rnam par gnas pa gab par bya ba brtan pa dang g.yo ba'i dngos po thams cad la khyab par byed pa/ ji ltar yang dag par rdzogs pa'i sangs rgyas bcom ldan 'das thams cad mkhyen pa 'jig rten dang 'jig rten las 'das pa'i kun rdzob dang don dam pa'i ngo bo nyid kyis phyag na rdo rje zla ba bzang po la rab tu bstan pa bzhin du/ mi'i dbang po 'jam dpal grags pa bdag gis kyang nyi ma'i shing rta khyod la bcom ldan 'das dus kyi 'khor lo de nyid mdor bsdus pas rab tu bstan to/ /dpal ldan dang po'i sangs rgyas las byung ba bsdus pa'i rgyud kyi rgyal po dus kyi 'khor lo'i 'grel bshad stong phrag bcu gnyis pa dri ma med pa'i 'od las skar rtsis shes pa'i cho ga'i mdor bsdus chen po ste dgu pa'o// // da ni dbyangs 'char ba gsungs pa a sogs zhes pa la sogs pa'o/ /dbyangs gang dag gi dang po a yig yin pa de dag ni a sogs lnga ste a i r-i u l-i zhes pa rang byung gi tshig go/ a i u Na/ r-i l-i ka ces pa ni so sor brjod pa gzung ba'i phyir ro/ /e o tsa zhes pa ni klag pa'i phyir te i yig dang u yig dag gi yon tan sbyar ba'i yi ge dag go/ r-i ka'i aN las ra la dag go zhes pa'i mdo'i phyir ri li dag ni ma ning du mi 'gyur te ri yig li yig dag kyang yon tan dang ldan pas i yig la sogs pa rnams dang khyad par med do/ /de'i phyir a i u e o zhes pa ni byis pa rnams la 'jig rten du grags pa'o/ /yon tan dang ya Na skyed pa'i phyir a i u Na ri li ka ces par rigs te i ka'i a tsa la ya Na'o zhes pa'i khyad par gyi phyir dang a ka'i a ka la ring po'o/ / zhes pa'i shes par byed pa'i phyir ro/ /dang por dbyangs lnga gang yin pa de dag rang byung du lung bstan pas mnyam pa'i ngo bo ste de dag kyang nam mkha' la sogs pa'i rang bzhin gyi dbang gis grangs bzhin du 'jam dpal gyis rang gi lung ston pa las bris pa a i r-i u l-i ka ces pa ste nam mkha' dang rlung dang me dang chu dang sa'i rang bzhin rim pa bzhin no/ /de bzhin du a e ar o al tsa dang de bzhin du ha ya ra wa la Ta 'jam dpal gyis nges par bstan te yon tan dang ya Nar bsgyur ba las rang rang gi rang bzhin gyi ngo bo nyid la rten pa'i phyir ro/ /dbyangs lnga po de dag dang po'i tshes grangs dbang gis zhes pa ni dang po'i tshes grangs lnga mun pa'i dbye bas te dkar po'i tshes gcig dang gnyis pa dang gsum pa dang bzhi pa dang lnga pa'o/ /de dag gi dbang gis ni dang po'i tshes grangs dbang gis te dga' ba la sogs pa rnams lnga po dang ldan par gyur pa ste dbyangs lnga po rnams kyi dang po'i tshes ni dga' ba'o/ /gnyis pa ni bzang po'o/ /gsum pa ni rgyal ba'o/ /bzhi pa ni stong pa'o/ /lnga pa ni rdzogs pa'o/ /de bzhin du drug pa la sogs pa dang de bzhin du bcu gcig pa la sogs pa'o/ /dga' ba la sogs ldan pa 'di la de dag 'dir ni 'char bar byed te/ gal te de la sa skyes la sogs gza' dag ma gyur na'o zhes pa dga' ba las skyes dang / bzang po la gza' lag dang / rgyal ba la phur bu dang / stong pa la pa sangs dang / rdzogs pa la spen pa ste/ dga' ba la sogs pa 'di dag la gal te sa skyes la sogs pa'i gza' dag ma gyur na de'i tshe 'char bar 'gyur ro/ / rnam pa gzhan du mi shis pa 'char te kye mi'i bdag po sa skyes mi shis shar bar gyur cing dga' ba la gal te slar yang smin drug dag dang ldan pa nyid du gyur pa'i dga' ba'i tshes de la gal te g.yul lam nad du gyur na mi rnams dag ni 'chi bar 'gyur te dang po'i dbyangs kyi'o zhes pa thog ma nam mkha'i dbyangs kyi zhes pa'i don te skyes pa 'am bud med gang gi ming gi dang po a yig yin pa de'o/ /de bzhin du bzang po dang gza' lag la gal te rgyu skar mchur gyur na de'i tshe gnyis pa i yig gi dbyangs kyi ming can 'chi bar 'gyur ro/ /de bzhin du rgyal ba phur bu la gal te skag tu gyur na de'i tshe gsum pa r-i yig gi dbyangs kyi ming can 'chi bar 'gyur ro/ /de bzhin du stong pa dang pa sangs la gal te mon grur gyur na de'i tshe bzhi pa u yig gi dbyangs kyi ming can 'chi bar 'gyur ro/ /de bzhin du rdzogs pa dang spen pa la gal te bra nyer gyur na de'i tshe lnga pa li yig gi dbyangs kyi ming can 'chi bar 'gyur ro/ /de ltar dbyangs 'char ba rnams la yang rgyu skar dang gza'i dbang gis 'chi ba'i sbyor bar 'gyur ro/ /de bzhin du gza' nyi ma dag la dga' ba 'char ba rnams kyi g.yul du rmar 'gyur te gzir ba rnams nyon mongs par 'gyur ro/ /de bzhin du gza' zla ba la ni bzang po 'char ba rnams kyi yang shes par bya'o/ /bden par 'char ba lnga po rnams kyi ste a yig la sogs pa rang rang gi tshes la shar ba rnams kyi 'bras bu mang por 'chi ba'i sbyor bas dman pa dag la 'gyur ro/ /nad dang g.yul dang yul du bgrod pa dang bag ma len pa'i dus dag tu dge ba dang mi dge ba'i 'bras bu de nyid mtshan mas shes par bya'o/ /de ltar rgyu skar gza' sngar brjod pa'i rim pas te dbyangs tshogs tshes rnams dag ni de nyid lnga'i rab tu dbye ba yis zhes pa ni slar yang dbyangs rnams 'char ba 'di nyid phyogs dang zla ba dang bgrod pa dang lo dang lo drug bcu la yang 'gyur ba ste/ 'dir nag pa la sogs pa nas 'char ba ni nag pa la sogs pa'i zla ba gnyis la nyin zhag drug bcu ste de dag la nyin zhag bcu gnyis kyis rim pa bzhin du a yig la sogs pa rnams 'char bar 'gyur te nag pa'i dkar po'i tshes gcig la sogs pa ji srid bar zla ba gnyis pa'i yang dkar po'i tshes gcig go/ de lta na lo zla dus kyi dbye bas dbyangs lnga po rnams lan drug yongasu 'khor bar 'gyur ro/ /phyogs la 'char ba'i yul la yang nyin zhag bcu gnyis kyis phyogs kyi dbye ba'o/ /de bzhin du lo'i nyin zhag sum brgya drug bcu la bdun bcu rtsa gnyis kyis a yig la sogs rnams rim pas 'char bar shes par bya ste de nyid ni nag pa la sogs tshes pa'i dkar po'i tshes gcig la sogs pa'i zla ba'i dbye ba'o/ /ba'o/ /de bzhin du rab byung la sogs pa'i lo drug bcu la dbyangs lnga po rnams rim pa bzhin du dbyangs re re zla ba drug gis 'char te nyi shu rtsa bzhi yongs su bskor bas slar yang sngar gyi cho ga'o zhes pa ni bgrod pa la 'char ba'o/ /rab byung la sogs pa'i lo bcu gnyis la 'char ba ni rab byung la sogs pa rnams de bzhin du yongasu bskor ba ste lo la sogs pa rnams shes par bya'o/ /de ltar dbyangs ni lnga po rnams dag 'dir ni 'char bar 'gyur te de ni slar yang nub pa'o/ /zhes pa ni 'dir phyogs kyi dbye ba la nyin zhag bcu gnyis ni dga' ba ste de bzhin du bzang po la sogs pa'o/ /zla ba'i dbye ba la nyin zhag bdun bcu rtsa gnyis ni dga' ba ste/ de bzhin du bzang po la sogs pa yang ngo / /bgrod pa'i dbye ba la bgrod pa ni dga' ba ste de bzhin du bzang po la sogs pa'o/ /lo'i dbye ba la lo bcu gnyis ni dga' ba ste de bzhin du bzang po la sogs pa yang ngo / /dang po la ni dbyangs dang po rnams byis pa ste rang tshes yon tan dbang gis zhes pa nam mkha' dang rlung dang me dang chu dang sa'i yon tan gyi dbang gis dang sgra dang reg dang ro dang gzugs dang dri yi yon tan gyi dbang gis te grangs bzhin no/ /'dir dga' ba la a yig 'char ba'o/ /bzang po la i yig go/ rgyal ba la r-ig yig go/ stong pa la u yig go/ rdzogs pa la li yig go/ de bzhin du rang rang gi 'char ba'i nyin zhag las nyin zhag gnyis pa la dpal ldan gzhon nu yang ste bzang po la a yig gzhon nu'o/ /rgyal ba la i yig go/ stong pa la ri yig go/ rdzogs pa la u yig go/ dga' ba la li yig go/ dar bab rgan po rim pas me dang chu gter nyin zhag la ste zhes pa ni rang gi nyin zhag las me zhes pa nyin zhag gsum pa la dar la bab par 'gyur te rgyal ba la a yig dar la bab pa'o/ /stong pa la i yig go/ rdzogs pa la r-i yig go/ dga' ba la u yig go/ bzang po la l-i yig go/ rgan po chu gter zhes pa ni rang gi tshes las nyin zhag bzhi pa la ste 'dir stong pa la a yig rgan po'o/ /rdzogs pa la i yig go/ dga' ba la ri yig go/ bzang po la u yig go/ rgyal ba la li yig go/ lnga pa la ni nub par 'gyur zhes pa ni rdzogs pa la a yig nub par gyur pa'o/ /dga' ba la i yig go/ bzang po la ri yig go/ rgyal ba la u yig go/ stong pa la li yig go zhes pa ste dbyangs rnams kyi 'char ba la sogs pa rnam pa lnga'i dbye ba shes par bya'o/ /a sogs dbyangs lnga gang dag nges par yon tan gyis bsgyur zhes pa ni snying stobs dang rdul dang mun pa'i yon tan gyis bsgyur bas bcwa lngar 'gyur ro/ /de rnams slar yang rnam gnyis sum bcu nyid te/ a i r-i u l-i/ a e ar o al/ ha ya ra wa la zhes pa dga' ba la sogs pa sum 'gyur te dkar po'i phyogs la'o/ /de bzhin du lA wA rA yA hA/ Al au Ar ai A/ l-I a+'u r-I I A zhes pa ni dga' ma la sogs pa ste nag po'i phyogs la'o/ /de ltar na phyogs gnyis ka la tshes sum bcu rnams grangs bzhin no/ /ka sogs sde pa'i yi ge rnams la rang bzhin yon tan dbang gis dbyangs de dag mtha' dag sbyar bar bya ba ste/ thung ngu rnams ni 'dir yang dkar po'i phyogs la 'char bar 'gyur te de nyid lnga yi dbye ba yis zhes pa ni 'dir gsal byed gang zhig dbyangs thung ngus brjod pa de ni dkar po'i phyogs la 'char ro/ / ring po rnams ni nag po'i phyogs la ste de bzhin du gang zhig dbyangs ring pos brjod pa'i gsal byed ring po ni nag po'i phyogs la 'char ro/ /'dir gsal byed kyi yul la nyi ma 'pho ba'i phyogs su rig par bya ste spro ba dang bsdu ba'i sbyor bas so/ /nyi shu rtsa bdun rgyu skar de la zhes pa rgyu skar gyi tshogs nyi shu rtsa bdun te de dag las rkang pa dang bcas pa'i rgyu skar gnyis kyis nyi ma'i dus sbyor bcu gnyis so/ /gsal bar mda' zhes pa ni de dag chu tshod lnga lnga'i bdag nyid kyi cha dgu pa'o/ /'di dag rnams kyang rang bzhin gsum ste g.yo ba lug la sogs pa dang brtan pa glang la sogs pa dang mnyam pa gnyis kyi rang bzhin 'khrig pa la sogs pa'o/ /lug dang kar ka Ta dang srang dang chu srin ni g.yo ba bzhi'o/ /glang dang seng ge dang sdig pa dang bum pa ni brtan pa'o/ /'khrig pa dang bu mo dang gzhu dang nya ni gnyis kyi rang bzhin no/ /de ltar de dag rtag pa nyid du 'char te nyin mtshan la bcu gnyis so/ /'dir 'dri ba'i dus su g.yo ba rnams kyis bya ba myur du 'gyur ro/ /brtan ba pa rnams kyis brtan pa'o/ /gnyis kyi rang bzhin rnams kyis bya ba 'bring po'o/ /de la yud tsam sum bcu rnams dang zhes pa dus sbyor gyi tshogs de la yud tsam sum bcu'o/ /nyin zhag dus thun brgyad kyi bdag nyid la chu tshod dag kyang drug bcu kho nar 'gyur ro/ /dang por de thog mar sum bcu'i dbyangs rnams 'dir ni 'char bar 'gyur ba nyid de yud tsam yud tsam dag la'o/ /zla ba'i dbus su tshes kyi cha la zhes pa ni tshes grangs gcig yud tsam sum bcu'i char byas nas yud tsam re re'i cha la ste tshes gcig la a yig la sogs pa'o/ /gnyis pa la i yig la sogs pa'o/ /gsum pa la ri yig la sogs pa'o/ /bzhi pa la u yig la sogs pa'o/ /lnga pa la li yig la sogs pa'o/ /drug pa la yon tan gyi a yig la sogs pa'o/ /bdun pa la e yig la sogs pa'o/ /brgyad pa la ar yig la sogs pa'o/ /dgu pa la o yig la sogs pa'o/ /bcu pa la al yig la sogs pa'o/ /bcu gcig pa la ha yig la sogs pa'o/ /bcu gnyis pa la ya yig la sogs pa'o/ /bcu gsum pa la ra yig la sogs pa'o/ /bcu bzhi pa la wa yig la sogs pa'o/ /nya la la yig la sogs pa dbyangs sum bcu rnams spro ba'i rim pas dkar po'i phyogs kyi tshes grangs so so la sum bcu'i dbye bas 'char ro/ /de nas nag po'i phyogs kyi tshes gcig gi tshes dga' ba la dbyangs sum bcu po rnams sdud pa'i rim pas 'char ro/ /de la tshes gcig la lA yig la sogs pa'o/ /gnyis pa la wA yig la sogs pa ste de bzhin du thams cad do/ /zla ba'i dbus su tshes kyi cha la 'char bar brjod de de dag nub pa dag kyang de nyid la'o zhes pa zla ba la ste/ 'dir dbyangs yig gang dkar po'i tshes gcig la sogs pa la shar ba de dag nag po'i tshes gcig la sogs pa la nub pa'o/ /stong pa rlung me chu dang sa rnams dag kyang a la sogs pa dbyangs ni lnga po rnams kyi rigs zhes pa ni sngar brjod pa'i rim pas nam mkha' la sogs pa rnams ni a yig la sogs pa rnams kyi rigs so/ /sgra gcan la sogs pa'i gza' rnams ni grangs bzhin du thung ngu dang ring po rnams kyi lhag pa'i lha ste sgra gcan dang dus me ni a yig thung ngu dang ring po dag gi'o/ /zla ba dang nyi ma ni i yig dag gi'o/ /gza' lag dang sa skyes ni ri yig dag gi'o/ /pa sangs dang bla ma ni u yig dag gi'o/ /mjug rings dang spen pa ni li yig dag gi ste 'dir ji ltar rigs par lhag pa'i lha'o/ /de bzhin du dus sbyor bcu gnyis las dus sbyor so so de dag nyin dang mtshan mo'i dbang gis chu tshod rnams ni bsgrub par bya ste da ltar gyi dus sbyor 'char ba la cha lnga pa'o/ /de'i dbus su dbyangs gang byung ba'i gza' zhes bya ba stobs ldan de yis dkyil 'khor bsgrub par bya mi mnyam pa dang mnyam pa'i dus sbyor gyi dbye bas stong pa la sogs pa dang sa la sogs pa bsgrub par bya'o/ /g.yon pa dag la thung ngu'i dbyangs rnams 'dir ni 'char te g.yon pa mi mnyam pa'i dus sbyor la dbyangs dang gsal byed thung ngu rnams 'char bar 'gyur ro/ /g.yas pa mnyam pa'i dus sbyor nas gzhan ring po brjod pa'i gsal byed rnams su 'gyur ro/ /de bzhin du g.yon la stong pa la sogs pa de nyid dkyil 'khor lnga'o/ /sgra gcan la sogs pa gcig gis bar du tshod pa'i gza'i tshogs te sgra gcan la sogs mtha' dag ces pa ni sgra gcan dang zla ba dang gza' lag dang pa sangs dang mjug rings so/ /g.yas pa lho'i dus sbyor la de nyid 'dzin ma la sogs dkyil 'khor lnga'i dbye ba'o/ /gza'i tshogs ni nges par nyi ma'i bu la sogs pa zhes pa ni spen pa dang phur bu dang bkra shis dang nyi ma dang dus me'o/ /'dir mnyam pa'i dus sbyor chu srin la chu tshod lnga ni grangs bzhin du A yig la sogs pa'i dbyangs rnams dang / yon tan dang 'phel ba rnams kyis dbyangs ring pos brjod pa'i gsal byed rnams 'char ro/ /de la chu tshod dang po sa'i dkyil 'khor la kA'o/ /gnyis pa chu'i dkyil 'khor la khA'o/ /gsum pa me'i dkyil 'khor la gA'o/ / bzhi pa rlung gi dkyil 'khor la g+hA'o/ /lnga pa stong pa'i dkyil 'khor la ngA ste de la ka la sogs pa'i gsal byed a yig la sogs pas brjod pa dag ni chu srin gyi dkyil 'khor lnga la rim pa bzhin du 'char ro/ /de bzhin du bum pa'i stong pa la sogs pa'i dkyil 'khor lnga la dbyangs thung ngus brjod pa'i nga la sogs pa rnams lugs las bzlog pas rig par bya ste de la chu tshod dang po ni nam mkha'i dkyil 'khor la nga'o/ /gnyis pa la g+ha'o/ / gsum pa la ga'o/ /bzhi pa la kha'o/ /lnga pa sa'i dkyil 'khor la ka 'char ro/ /de bzhin du nya la tsA tshA dzA dz+hA nyA'o/ /lug gi dkyil 'khor lnga rnams la nya dz+ha dza tsha tsa'o/ /de bzhin du glang la TA ThA DA D+hA NA'o/ /'khrig pa'i dkyil 'khor lnga la Na D+ha Da Tha Ta'o/ /de bzhin du kar ka Ta la pA phA bA b+hA ma'o/ /seng ge'i dkyil 'khor lnga la ma b+ha ba pha pa'o/ /bu mo la tA thA dA d+hA nA'o/ /srang gi dkyil 'khor lnga la na d+ha da tha ta'o/ /de bzhin du sdig pa la sAny+pa ShA shA th+kA'o/ /gzhu'i dkyil 'khor lnga la th+ka sha Sha ny+pa sa ste chu tshod 'char ba la gsal byed rnams ni lhag pa'i lha'o/ /'dir gsal byed brjod pa'i dbyangs ni gsal byed kyi yi ge'i dbyangs su 'gyur zhing dbyangs ni srog gi dbyangs su 'gyur ro/ /srog gi dbyangs de yang zla ba'i cha la thung ngu dang ring po'i dbye ba dang yud tsam gyi dbye ba sngar brjod pas shes par bya'o/ /bsal byed 'char ba ni dus sbyor gyi chu tshod kyi dbye bas shes par bya'o/ /'dir g.yul du srog gi dbyangs nub par gyur na 'chi zhing yi ge'i dbyangs nub par gyur na rma ste nad pa rnams ni 'chi ba dang nyon mongs pa'o/ /de bzhin du gang la ming gi yi ge dang po la gsal byed med pa de la dbyangs nyid srog gi dbyangs te gcig shos ni yi ge'i dbyangs so/ /de ltar na nang la g.yon dang g.yas kyi sna bug nas dkyil 'khor 'bab pa'i dbye bas gsal byed 'char bar shes par bya'o/ /phyi rol du yang dus kyi chu tshod ces pa ni de las dus can 'char ba'i chu tshod phyi rol gyi gza'i gnas dang mnyam pa'o/ /gza'i gnas ni dkyil 'khor te de dang mnyam pa'i dbyangs bcas gsal byed dang bcas pa dag ni bsgrub par bya ste dge ba dang mi dge ba yongs su shes pa'i don du'o/ /da ni dris na zhes pa la sogs pas dris pa las dge ba dang mi dge ba'i 'bras bu gsungs pa dris par gyur na g.yul gyi dus su rab tu 'chi bar 'gyur te stong pa la ni dus dag shar ba na'o/ / g.yas kyi rtsar stong pa'i dkyil 'khor la dus me shar bar gyur pa na g.yul gyi slad du gang zhig dang por 'bod par byed na rgyal po 'am mi bdag de ni rab tu 'chi bar 'gyur ro/ /de bzhin du rlung du ste rlung gi dkyil 'khor du nyi ma shar ba la 'pham par 'gyur ro/ /me'i dkyil 'khor la sa skyes shar bar gyur pa la rma'o/ /chu'i dkyil 'khor la bla ma shar ba la ni 'dum par 'gyur ro/ /sa la spen pa shar ba la g.yul du 'thab par mi 'gyur ro zhes pa ni 'dri ba'i nges pa'o/ /de bzhin du nad pa la ni stong pa'i dkyil 'khor la sogs pa la grangs bzhin du 'chi ba dang nyon mongs pa dang rma dang bde ba dang mnyam pa nyid du 'gyur te 'dri byed kyis dris par gyur pa na nad pa rnams la 'gyur ro zhes pa'o/ /g.yul du dgra ni nges par rab tu nyams/ 'dir sngar brjod pa'i g.yul du dgra ni nges par rab tu nyams par 'gyur te g.yon gyi rtsar sgra gcan stong pa'i dkyil 'khor la shar na'o/ /yang yig ni tshig kha bskang ba'i don to/ /rlung ste rlung gi dkyil 'khor la zla ba shar ba na 'pham par 'gyur ro/ /zla skyes me la shar ba dag pho nyas dris pa na dgra'i rma yang ngo / /chu'i dkyil 'khor la pa sangs shar ba la don rnyed par 'gyur ro/ /sa la mjug rings shar ba dag la dang por brjod pa'i dgra yang dbang du 'gyur te/ g.yul gyi yul la'o/ /de bzhin bgrod pa bag ma dag la g.yon gyi lam la gza' rnams kyi ni mang ba'i 'bras bur 'gyur te dri ba byas par gyur na'o zhes pa ste 'dri ba'i dus su sna las 'char ba'i nges pa'o/ /da ni dris pa'i dbyangs gsungs pa pho nyas zhes pa la sogs pa ste/ pho nyas brjod pa'i dbyangs rnams gang dag nges par bcu yis bsgyur te zhes pa g.yon dang g.yas kyi dkyil 'khor rnams kyis bsgyur ba'o/ /khyim gyi 'khor lo bcu gnyis dag gis bsre'o/ /slar yang de dag 'byung bas snun pa ni lngas bsgyur ba'o/ /nye ba'i skye bo dang ldan mtshan ma mkhan po ma gtogs pa'i nye ba'i skye bo dang ldan pa'o/ /bdun gyi cha'i lhag ma ni gza'i cha'i lhag ma ste/ zla ba ste gza' gcig la gnas pa dang / me ste gza' gsum pa dang / mda' ste gza' lnga pa dang ri bo ste gza' bdun pa la lhag ma la gnas par gyur na mi rnams la grub pa yod pa ma yin te nyi ma dang bkra shis dang phur bu dang spen pa ste mi mnyam pa rnams la'o/ /mig ste gza' gnyis pa dang / rig byed te gza' bzhi pa dang ro ste drug pa la bya ba 'grub par 'gyur te shin tu mnyam pa'i gnas su gyur pa zla ba dang gza' lag dang pa sangs rnams la lhag ma gnas par gyur na'o zhes pa ste dris pa'i dbyangs kyi nges pa'o/ /da ni lo la sogs pa'i khyad par las khyad par gsungs pa lo dang zhes pa la sogs pa ste/ lo ste lo drug bcu dang / zla ba bcu gnyis dang / phyogs nyi shu rtsa bzhi dang / nyin dang mtshan mo'i dus nyin mtshan dang thun brgyad ni dus sbyor bcu gnyis kyi dbus su rab tu zhugs pa ste/ de dag la dge ba dang mi dge ba'i 'bras bu'i slad du dus sbyor dbus su rab tu zhugs shing dus sbyor gyi 'bras bu la nub par 'gyur ba ste 'di dag gi stobs dus sbyor rgyu ba las gzhan pa med do zhes pa'o/ /dus sbyor gcig ni lnga'i dbye bas gza' tshogs dang ldan dbyangs dang bcas pa'i de nyid tha dad du 'gyur te sngar brjod pa'i tshogs so/ / de nyid gcig ni dbugs rnams drug bcus mngon lhag yon tan brgya ste sum brgya yi dus kyi chu tshod te chu tshod kyi dkyil 'khor dag la gnas so/ /chu tshod kyi cha shas chu srang drug bcu'o/ /de yi cha shas zhes pa chu srang gi cha shas te dbugs drug rnams so/ /mi yi dbang zhes pa ni bod pa ste khyad par las khyad par gyi dbugs kyi stobs nges pa'o/ /da ni dbugs 'byung ba dang 'jug pa'i dbus su mi dge ba dang dge ba'i 'bras bu gsungs pa dbugs 'byung ba dang 'jug pa dag gi dbus su grangs bzhin du mi dge ba dang dge ba'i 'bras bu ste 'dri ba'i dus su dbugs 'byung ba ste lte ba nas srog phyir 'byung na mi dge ba'i 'bras bur 'gyur ro/ /'dri ba'i dus su dbugs 'jug pa ste phyi rol nas lte bar srog rab tu 'jug par gyur na dge ba'i 'bras bur 'gyur ro/ /de nyid ni gang zhig rnal 'byor ldan pas shes par byed de gzhan rnams kyis ni ma yin no/ /lha shes skar rtsis pa rnams kyis kyang dus kyi chu tshod shes par byed de nyin zhag 'das pa'i dbang gis nyi ma zla ba bsgrubs nas te mi mnyam pa pa'i dus sbyor g.yon dang g.yas kyi dkyil 'khor gyi chu tshod phyi rol la bsgrubs nas so/ /da ltar byung ba shes pa min par te de ltar sngar brjod pa dag da ltar byung ba'i dus su shes par gyur pa ma yin par dge dang mi dge'i 'bras bu 'jig rten 'dir ni gang brjod pa/ de ni long ba yis kyang long ba bzung nas glang chen seng ges gtams pa'i thibs por rab tu 'jug ces pa ste dge ba dang mi dge ba ston pa'i 'bras bu'i nges pa'o/ /da ni dus sbyor gyi sbyor ba gsungs pa phra mo zhes pa la sogs pa ste/ phra mo'i rnal 'byor mi shes pa la zhes pa ni sngar brjod pa'i phra mo'i rnal 'byor dbugs 'byung ba dang 'jug pa'i sbyor ba mi shes par gyur pa la 'jig rten gyi tha snyad kyis gza' yi stobs dang bcas pa'i dus sbyor gyi sbyor ba sbyin pa ni sbyor 'char ba las bdun pa'i dus sbyor la gal te dus kyi me yod na de'i tshe dge ba'i bya ba don du gnyer ba rnams 'chi bar 'gyur ro/ /gal te nyi ma yod na de'i tshe nad kyis thebs par 'gyur ro/ /gal te sa skyes yod na rma 'byung bar 'gyur ro/ /gal te spen pa yod na de'i tshe nor rnam par nyams par 'gyur te de ltar na skye ba'i dus sbyor te 'char ba'i dus sbyor dang bdun pa de la gza' rnams kyis 'di dag thams cad byed pa gang yin pa de'i phyir de dag spang bar bya ste gsal bar bdag gi tshig gis dus sbyor gzhan ni sngags pas rab tu sbyin par bya'o/ /'dir 'char ba'i dus sbyor dang bdun pa la gal te sgra gcan yod na de'i tshe dgra nyams par 'gyur ro/ /gal te zla ba yod na de'i tshe rang nyid rgyas par 'gyur ro/ /gal te zla skyes yod na de'i tshe g.yul du rnam par rgyal bar 'gyur ro/ /gal te pa sangs yod na de'i tshe dga' ma dang bcas te bud med dang bcas pa'i nor dag thob par 'gyur ro/ /gal te yang dag dus sbyor thams cad kyis te gal te slar yang dus sbyor bcu gnyis po zhi ba'i gza' dang bcas par gyur na dge bar 'gyur ro/ / slar yang gal te rang lus g.yon gyi rtsa la gyur pa na/ nges par don ni thams cad 'grub ste mtha' dag sa'i steng du dag pa'i gza' dang tshes la'o/ /'dir dag pa'i gza' ni rgyu skar me bzhi dang nyi ma'o/ /rgyal dang bla ma'o/ /lha 'tshams dang gza' lag go/ snar ma dang spen pa'o/ /gro bzhin dang zla ba'o/ /tha skar dang bkra shis so/ /nam gru dang pa sangs te grub pa'i sbyor ba'o/ /'dir mi dge ba ni/ lha 'tshams dang nyi ma'o/ /smin drug dang zla ba'o/ /mon gru dang sa skyes so/ /tha skar dang gza' lag go/ mgo dang bla ma'o/ /snar ma dang pa sangs so/ /me bzhi dang spen pa ste 'di dag ni 'chi ba'i sbyor ba'o/ /bsregs pa'i tshes rnams spangs nas gza' thams cad dang tshes thams cad dag pa ste biSh+Ti'i longs spyod ni spang bar bya'o/ /'dir bsregs pa'i tshes rnams ni nyi ma dang bcu gnyis pa bsregs pa'o/ /zla ba dang bcu gcig pa'o/ /bkra shis dang bcu pa'o/ /gza' lag dang gsum pa'o/ /phur bu dang drug pa'o/ /pa sangs dang gnyis pa'o/ /spen pa dang bdun pa ste tshes grangs 'di dag dge ba'i bya ba la spang bar bya'o/ /mi dge ba'i bya ba la ni gdug pa'i gza' dang tshes la sogs pa thams cad gzung bar bya'o/ /'dir shin tu ltung dang yongs 'joms dang khon 'dzin spangs pa'i sbyor ba thams cad ni dge ba'i bya ba la shis pa ste/ de bzhin du sel ba la chu tshod gsum spang bar bya'o/ /zug rngu la yang lnga spang bar bya'o/ /skrang ba dang shin tu skrang ba la drug go/ kun 'joms dang rdo rje la dgu'o zhes pa ni sbyor ba ma dag pa'o/ /de bzhin du dag pa'i gza' dang tshes la'o zhes pa ni 'jig rten pa'i tha snyad kyis gza' la sogs pa yongs su dag pa ste don dam par sems can rnams kyi sngar bsgrubs pa'i las kyis dge ba dang mi dge ba'i 'bras bur 'gyur ro zhes pa ni de bzhin gshegs pa'i nges pa'o/ /da ni 'jig rten gyi tha snyad kyis skar ma la sogs pa'i stobs gsungs pa rgyu skar zhes pa la sogs pa ste/ rgyu skar rnams ni cha gsum byas nas zhes pa ni rgyu skar nyi shu rtsa bdun po 'di dag cha gsum ste dgu dang dgu dang dgu yis so/ /dgu pa de dag so so la nad pa 'am g.yul du 'thab mo dag gi skyes pa'i rgyu skar ni dgu dgu las dang po'i ste thog mar 'gyur ro/ /de nas gcig gis bar du chod pa'i skar ma ni mi mnyam pa'i gnas de la gal te gdug pa'i nyi ma dang bkra shis dang spen pa dang dus me rnams ni zla ba dag dang lhan cig tu gyur na de'i tshe nad pa rnams sam g.yul du 'thab mo rnams ni 'chi ba nyid de mnyam pa'i gnas la rgyal ba'o zhes pa ni skar ma'i stobs kyi nges pa'o/ /da ni gdengs can gyi 'khor lo gsungs pa tha skar zhes pa la sogs pa ste/ tha skar la sogs pa rgyu skar nyi shu rtsa bdun rnams kyis rtsa gsum sprul yang spras par gyur pa rgyu skar nam gru nyid kyi bar du ste sdig zla zhes pa sdig pa'i gza' dang zla ba ni sdig zla ste nad pa 'am 'thab mo ba'i skyes pa'i rgyu skar gal te rtsa gcig dag la gyur na de'i tshe mi rnams dag ni rnam par nyams te 'chi bar 'gyur ro zhes pa rtsa gsum pa gdengs can gyi 'khor lo'i nges pa'o/ /rtsa gsum la smin drug la sogs pa gcig gis bar du chod pa dang de bzhin du rtsa gsum la lag la sogs pa rgyu skar gsum gyis bar du chod pa rnams la zla ba gnas na gang thog mar g.yul gyi sar zhugs pa de rnam par rgyal bar 'gyur ro/ /rtsa'i phyi rol gyi rgyu skar gsum po rnams la zla ba gnas na gang phyi nas zhugs pa rnam par rgyal bar 'gyur ro zhes pa ni gdengs can gyi 'khor lo gsum pa'i nges pa'o/ /tshe'i gnas skabs kyi 'bras bu gsungs pa drug dang tshes dang zhes pa la sogs pa ste/ 'dir rtsibs brgyad pa'i 'khor lo byas la de nas shar nas dbang ldan gyi bar du nyi ma la sogs pa'i gza' rnams kyi longs spyod lo brgya rtsa brgyad dgod par bya ste shar gyi rtsibs la drug go/ mer tshes zhes pa bcwa lnga'o/ /gshin rjer brgyad do/ /bden bral du ri zla zhes pa bcu bdun no/ /chu ru bcu'o/ / rlung du bcu dgu zhes pa gcig gis ma tshang ba'i nyi shu'o/ /byang du nyi ma zhes pa bcu gnyis so/ /dbang ldan du nyi shu gcig ste nyi mas drug longs spyod do/ /zla bas bcwa lnga'o/ /mig dmar gyis lo brgyad spyod do/ / gza' lag gis bcu bdun spyod do/ /nyi skyes kyis bcu spyod do/ /bla mas te phur bus bcu dgu spyod do/ /lag 'gro zhes pa sgra gcan te lo bcu gnyis spyod do/ /dkar po ste pa sangs kyis lo nyi shu rtsa gcig spyod do/ /de ltar na lo brgya rtsa brgyad grangs bzhin du nyi ma la sogs pa rnams kyis te de dag rim pas spyod ces so/ /slar yang de dang nang gi gnas skabs la zhes pa ste 'dir rags pa'i gnas skabs la drag po rnams kyis zhi ba min pa byed de nyi ma dang bkra shis dang spen pa dang sgra gcan rnams kyis so/ /zhi ba rnams kyis zhi ba byed de zla ba dang gza' lag dang phur bu dang pa sangs rnams kyis so zhes grag go/ 'dir lo drug la sogs pa gnas skabs gcig la slar yang nang gi gnas skabs rnam pa brgyad du 'gyur ro/ /de dang nang gi gnas skabs la yang de las sde pa brgyad po rnams kyi yi ge dag gis zhes pa la/ 'dir sde pa'i yi ge rnams ni rnam pa gnyis te gcig ni 'jig rten la grags pa'i brjod pas yin la gzhan ni rang byung gi brjod pas so/ /'dir 'jig rten pa'i brjod pas a'i sde pa ni a i u e o ste a i r-i u li ka ces pa ni rigs pa'o/ /ka'i sde pa ni ka kha ga g+ha nga ste/ de bzhin du tsa'i sde pa dang / Ta'i sde pa dang / ta'i sde pa dang / pa'i sde pa dang / ya'i sde pa ya ra la wa dang / sha'i sde pa sha Sha sa ha zhes pa ni 'jig rten pa'i brjod pas so/ /ha ya wa ra la Na/ nya ma nga Na na ma/ dz+ha b+ha nya/ g+ha D+ha d+ha Sha/ dza ba ga Da da sha /kha pha tsha Tha tha tsa Ta ta ba/ ka pa ya/ sha Sha sar zhes pa la sogs pa ni nam mkha' la sogs pa'i rigs pa'o/ /'di nyid la nam mkha' la sogs pas sde pa'i yi ge rnams yongs su dag pa med te bde byed spros pas brjod pa'i phyir ro/ /'dir yang a i r-i u l-i zhes pa ni nyi ma'i rags pa'i gnas skabs lo drug dang nang gi gnas skabs la rnam pa brgyad longs spyod do/ /de bzhin du ha ya wa ra la Na zhes pa ni zla ba'i lo bcwa lnga dang nang gi gnas skabs la'o/ /nga g+ha ga kha ka ni bkra shis kyi lo brgyad dang nang gi gnas skabs la'o/ /nya dz+ha dza tsha tsa ni gza' lag gi lo bcu bdun dang nang gi gnas skabs la'o/ /Na D+ha Da Tha Ta ni spen pa'i lo bcu dang nang gi gnas skabs la'o/ /ma b+ha ba pha pa ni phur bu'i lo bcu dgu dang nang gi gnas skabs la'o/ /na d+ha da tha ta ni sgra gcan gyi lo bcu gnyis dang nang gi gnas skabs la'o/ /th+ka sha Sha u0f89u0fa4 sa ni dkar po'i lo nyi shu rtsa gcig dang nang gi gnas skabs la rnam pa brgyad longs spyod do/ /de bzhin du sde pa'i rang bzhin ni nyi ma dang zla ba dang nam mkha' dang rlung d ang me dang chu dang sa dang ye shes kyi khams kyi rang bzhin te rim pa bzhin du yi ge lnga lnga'i bdag nyid kyi sde pa brgyad po rnams so/ /gang du e o ar Ar al Al yod pa der rtsa ba'i rang bzhin gzung bar bya'o/ /de ltar sde pa brgyad kyi yi ge rnams las yi ge lnga rnams nyi ma la sogs pa rnams lo drug la sogs pa rnams la dbyangs kyis yud tsam dang gsal byed kyis dkyil 'khor longs spyod de lnga pa rnam par phye ba las so/ /cha brgyad kyi lo drug la sogs pa rnams kyi nang gi gnas skabs la'o zhes pa ni gnas skabs kyi 'khor lo'i nges pa'o/ /gza'i longs spyod so so'i dang po'i cha la tshe'i gnas skabs kyi bdag po ste de nas gzhan bdun po go rims bzhin no zhes pa ni tshe'i gnas skabs kyi nges pa'o/ /da ni rten cing 'brel par 'byung ba gsungs pa rgyal zhes pa la sogs pa ste/ rgyal gyi zla bar zhes pa rgyal 'das shing mchu 'jug pa'i nyin zhag la ma rig pa'o/ /'dir chu srin la sogs pa'i khyim gyi 'khor lo rtsibs bcu gnyis pa'o/ /de la dang po'i rtsibs la/ chu srin te der nyi ma son pa la'o/ /bum par nyi ma mchu la yang / yang yig gis mchu'i mtha' 'di nyid du dbo 'jug pa'i nyin zhag la 'du byed do/ /de bzhin du dbo'i mtha' nag pa'i dang po nya'i nyin zhag la rnam par shes pa'o/ /de bzhin du nag pa'i mtha' sa ga'i dang po lug gi nyin zhag la ming dang gzugs so/ /de bzhin du sa ga'i mtha' snron gyi dang po glang gi nyin zhag la skye mched drug go/ de bzhin du snron gyi mtha' chu stod kyi dang po 'khrig pa'i 'pho ba'i nyin zhag la reg pa'o/ /de bzhin du chu stod kyi mtha' gro bzhin gyi dang po kar ka Ta'i 'pho ba'i nyin zhag la tshor ba'o/ /de bzhin du gro bzhin gyi mtha' khrums kyi dang po seng ge'i 'pho ba'i nyin zhag la sred pa'o/ /de bzhin du khrums kyi mtha' tha skar gyi dang po bu mo'i 'pho ba'i nyin zhag la len pa'o/ /de bzhin du tha skar gyi mtha' smin drug gi dang po srang gi 'pho ba'i nyin zhag la srid pa'o/ /de bzhin du smin drug gi mtha' mgo'i dang po sdig pa'i 'pho ba'i nyin zhag la skye ba'o/ / de bzhin du mgo'i mtha' rgyal gyi dang po gzhu'i 'pho ba'i nyin zhag la rga shi ste rtsibs bcu gnyis po rnams la rim pa bzhin yan lag bcu gnyis po rnams shes par bya'o/ /nyi ma'i dbye ba dang zla ba'i dbye ba ni rgyal gyi tshes gcig la sogs pas thams cad du rab tu grags so/ /gnyis ka'i bgrod pa'i dbang gis zhes pa ni 'pho ba'i bgrod pa'i dbang dang zla ba'i phyogs dang tshes kyi bgrod pa'i dbang gis te yan lag bcu gnyis po rnams so/ /rgyal dang mchu yi 'tshams su chu srin dag la nyi ma gnas pa'i gza' de la ni ma rig pa'o/ /nyin zhag de nas nyin zhag gnyis pa la rga shi'o/ /gza' gsum pa la skye ba'o/ /bzhi pa la srid pa'o/ /lnga pa la len pa'o/ /drug pa la sred pa'o/ /bdun pa la tshor ba'o/ /brgyad pa la reg pa'o/ /dgu pa la skye mched drug go/ bcu pa la ming dang gzugs so/ /bcu gcig pa la rnam par shes pa'o/ /bcu gnyis pa la 'du byed do/ /gza' gsum pa la ji lta ba de bzhin du bcu gsum pa la skye ba'o/ /bcu bzhi pa la srid pa'o/ /bco lnga pa la len pa'o/ /res 'ga' gza' bcu drug pa la yang sred pa'o/ /nyi ma'i bgrod pa'i dbye bas yan lag rnams te 'pho ba'i phyogs 'ga' zhig la gza' bcu drug tu 'gyur ro zhes pa ste g.yas kyi rtsal chu srin gyi dus sbyor mnyam pa'i dbang gis so/ /de bzhin du mchu dang dbo'i 'tshams su bum par nyi ma son pa'i gza' de la 'du byed do/ /gnyis pa la rnam par shes pa'o/ /gsum pa la ming dang gzugs so/ /bzhi pa la skye mched drug go/ lnga pa la reg pa'o/ /drug pa la tshor ba'o/ / bdun pa la sred pa'o/ /brgyad pa la len pa'o/ /dgu pa la srid pa'o/ /bcu pa la skye ba'o/ /bcu gcig pa la rga shi'o/ /bcu gnyis pa la ma rig pa ste/ g.yon gyi char bum pa'i dus sbyor mi mnyam pa'i dbang gis spro ba'i rim pas so/ /'dir gsum pa la ji lta ba de bzhin du bcu gsum pa la ming dang gzugs so/ /bcu bzhi pa la skye mched drug go/ bcwa lnga pa la reg pa'o/ /kha cig tu bcu drug pa la tshor ba'o/ /de ltar thams cad du nyi ma dang zla ba'i rgyu ba mnyam pa dang mi mnyam pa'i dbye bas shes par bya ste gnyis ka'i phyogs kyi 'pho ba la gza'i dbye bas so/ /'dir ma rig pa la sogs pa'i yan lag mi mnyam pa ni zhi ba'i bya ba kun la dge ba ste/ ma rig pa dang rnam par shes pa dang skye mched drug dang tshor ba dang len pa dang skye ba ni mi mnyam pa'i yan lag go/ gang zhig 'du byed la sogs pa mnyam pa ni zhi ba'i bya ba la mi dge ba ste 'du byed dang ming dang gzugs dang reg pa dang sred pa dang srid pa dang rga shi ni mnyam pa ste mnyam pa ni drag po'i las la shis par 'gyur ro/ /de bzhin du rgyal gyi zla ba'i dkar po'i phyogs kyi tshes gcig la ma rig pa'o/ /gnyis pa la 'du byed de spro ba'i rim pas so/ /nag po'i phyogs kyi tshes gcig la ma rig pa'o/ /gnyis pa la rga shi ste de ltar nye bar sdud pa'i rim pas tshes bcu gnyis po rnams la yan lag bcu gnyis so/ /rgyal gyi zla ba la dkar po dang nag po'i phyogs kyi dbye bas ma rig pa la sogs pa'i yan lag rnams ji lta ba de bzhin du mchu la dkar po dang nag po'i phyogs kyi dbye bas 'du byed la sogs pa rnams spro ba dang bsdu ba'i dbye bas rtogs par bya'o/ /de bzhin du dbo la sogs pa'i dkar po dang nag po'i phyogs rnams la rnam par shes pa la sogs pa ste yan lag bcu gnyis rnams so sor 'gyur ro/ /'dir 'jig rten pa'i tha snyad kyis skar rtsis shes pa la ji lta ba de bzhin du mngon par shes pa dang bral ba rnams kyis shes par bya'o zhes pa ni rten cing 'brel bar 'byung ba'i nges pa ste des na rgyas par ma gsungs so/ /da ni sa'i stobs gsungs pa nyi ma zhes pa la sogs pa ste/ 'dir sa'i dkyil 'khor phyogs brgyad kyi bdag nyid dang khyim gyi 'khor lo la gza'i 'khor lo 'khor ba shes nas/ sa'i phyogs brgyad po de dag la gang du nyi ma mig dmar mjug rings spen pa thams cad g.yas te g.yas sam rgyab du yang dag gnas pas dgra ni 'chi bar byed te dgra rnams kyi mdun dang g.yon du gnas pas 'chi bar byed do/ /g.yon dang mdun du zhi ba'i rang bzhin gza' tshogs mtha' dag g.yul gyi sar ni de bzhin kho na dgra ni 'chi bar byed te zla ba dang gza' lag dang pa sangs dang bla ma ni zhi ba'i rang bzhin gza' tshogs te dgra rnams kyi g.yas dang rgyab na gnas na dgra ni 'chi bar byed do zhes pa nges pa'o/ /de bzhin du 'chad par 'gyur ba'i rnal 'byor ma dang biSh+Ti drag po rlung dang bcas pa g.yas dang rgyab tu bde ba sbyin pa ste dgra rnams kyi g.yon dang mdun du gnas pas 'chi bar byed par 'gyur ro/ /mnyam dang mi mnyam gyur pa ste drag po phyed dgra rnams kyi g.yas dang rgyab tu yin la drag po phyed ni ma yin zhing zhi ba phyed g.yon dang mdun du yin la zhi ba phyed ni ma yin pa de'i tshe gnyis ka'i dpung ni 'joms par 'gyur te gnyis ka'i dpung rnams 'chi bar 'gyur ro zhes pa ni nges pa'o/ /da ni tshangs ma la sogs pa rnal 'byor ma rnams kyi stobs gsungs pa tshangs ma zhes pa la sogs pa ste/ 'dir dkar po'i phyogs sam nag po'i phyogs kyi tshes gcig la brgya byin du tshangs ma'o/ /gnyis pa la gnod sbyin du drag mo'o/ /gsum pa la me'i 'tshams su gzhon nu ma'o/ /bzhi pa la bden bral du khyab 'jug ma'o/ /lnga pa la gshin rjer phag mo'o/ /drug pa la chur dbang mo'o/ /bdun pa la rlung du tsa muN DA'o/ /brgyad pa la dbang ldan du dpal mo chen mo ste nor gyi tshes la zhes pa brgyad kyi tshes la'o/ / dang po ni tshes gcig la sogs pa'o/ /dgu pa la zhes pa ni slar yang dgu pa la brgya byin du tshangs ma'o/ /bcu pa la gnod sbyin du drag mo'o/ /bcu gcig pa la mer gzhon nu ma'o/ /bcu gnyis pa la bden bral du khyab 'jug ma'o/ /bcu gsum pa la gshen rjer phag mo'o/ /bcu bzhi pa la chur dbang mo'o/ /bcwa lnga pa la nya 'am/ gnam stong gi tshes phyed la tsA muN DA dang tshes phyed la dpal chen mo'o zhes pa ni rigs pa'o/ / de ltar phyogs brgyad po 'di dag tu rnal 'byor ma de dag 'char bar byed do/ /slar yang tshes gcig la sogs pa'i tshes rnams la phyed snga ma brgyad du dbye zhing phyed phyi ma brgyad du dbye ste de ltar na tshes de dag tu brgyad gnyis kyi dbye ba rnams la 'char bar shes par bya'o/ /de dag rnams kyi rang rang gi tshes la brgyad cha dang po longs spyod pa ni tshes kyi bdag mo ste phyi nas ji ltar brjod pa'i rim pas bdun po longs spyod pa ni bdun po rnams so zhes pa ni rigs pa'o/ /de bzhin du tshes kyi phyed phyi ma la yang shes par bya'o zhes pa ni rnal 'byor ma'i 'khor lo 'char ba'i nges pa'o/ /da ni biSh+Ti'i stobs gsungs pa biSh+Ti rnams ni dkar po'i phyogs kyi bzhi pa dang brgyad pa dang bcu gcig pa dang nya la 'char te rim pa bzhin du brgya byin dang gshin rje dang nub dang byang du'o/ /nag po'i phyogs kyi gsum pa dang bdun pa dang bcu pa dang bcu bzhi pa la 'char te rim pa bzhin du me dang bden bral dang rlung dang dbang ldan du'o zhes pa ni biSh+Ti 'char ba'i nges pa ste 'di dag gi bya ba ni sngar nyid du gsungs so/ /da ni drag po'i stobs gsungs pa drag po shar nas te shar gyi phyogs nas gzhan phyed chu'i bar du 'gro ste nyin zhag dbang gis ni 'pho ba rgyu ba'i dbang gis so/ / byang du zhes pa ni g.yon skor gyis so/ /byang gi nyi ma la zhes pa ni byang bgrod la gnas pa la ste chu srin dang bum pa'i phyed la shar du'o/ /bum pa'i phyed dang nya la dbang ldan du'o/ /lug dang glang gi phyed la byang du'o/ /glang gi phyed dang 'khrig pa la rlung du'o/ /de'i 'og tu chu nas me ldan zhes pa ni nyi ma lhor bgrod pa la gnas pa la drag po lhor 'gro ste kar ka Ta dang seng ge'i phyed la chu ru'o/ /seng ge'i phyed dang bu mo la bden bral du'o/ /srang dang sdig pa'i phyed la gshin rjer ro/ /sdig pa'i phyed dang gzhu la me ru'o zhes pa ni drag po 'char ba'i nges pa'o zhes pa la sogs pa zla ba'i drag po dang phyogs kyi drag po dang nyin zhag gi drag po dang dus kyi drag po dang rnam pa drug ni don med pa ste des na ma gsungs so/ /da ni thun phyed pa'i sgra gcan gyi stobs gsungs te 'dir gza' bdun po rnams las nyi ma 'char ba la shar nas te shar gyi phyogs kyi cha nas thun phyed kyi mjug tu rlung du rab tu 'jug go/ de nas thun phyed gzhan gyi mthar lho ru 'gro bar byed do/ /slar yang thun phyed gzhan gyi mthar dbang ldan du 'gro'o/ /de nas thun phyed gzhan gyi mthar chu ru 'gro'o/ /de nas thun phyed gzhan gyi mthar mer ro/ /de nas thun phyed gzhan gyi mthar gnod sbyin du'o/ / de nas thun phyed gzhan gyi mthar bden bral du 'jug go zhes pa ni phyogs brgyad po rnams la nyi ma 'char ba nas nyi ma nub pa'i bar du nges pa ste de bzhin du mtshan mo la shes par bya'o/ /dpal ldan rtsa ba'i sgra gcan dor nas rlung dag las kyang 'di ni rnam par rgyal bar 'gyur te/ mtshan ma'i 'thab mo 'thab mo pa gnyis kyis 'thab mo dang 'khrug pa dag la yang rtsa ba'i sgra gcan gyis ni dgra'i stobs 'joms te zla ba la sogs pa'i sgra gcan rnams kyi nang na de dang mtshungs pa'i sgra gcan gzhan yod pa min no zhes pa ni nges pa'o/ /da ni mtshan ma'i 'thab mo la 'thab mo pa'i stobs gsungs pa dbyangs dman 'thab mo pa ni mnyam pa'i g.yul mtshan ma'i 'thab mo dang mi mnyam pa'i g.yul gnyis ga'i dpung gi 'khrug pa la ste mnyam dang mi mnyam g.yul la lhag pa dag gis ste dbyangs kyi yi ge lhag pa'i ming gis 'joms par byed pa ste dbyangs thung ngu dbyangs ring pos 'joms par byed do/ /dbyangs ring po ni dbyangs shin tu ring pos 'joms par byed do/ /slar yang mtshan ma gzhan ni dbugs la gnyis kyi ming gang snying la rab tu 'jug na de ni 'khrug pa dag las rgyal bar 'gyur/ gang gi ming dbugs phyir 'thon pa la yin pa de ni 'chi bar 'gyur ro/ / sbyor ba gzhan ni pho nyas brjod pa dang po'i ming de rnam par rgyal bar 'gyur te phyis kyi ming ni pham par 'gyur zhes pa ni nges pa'o/ /'du ba zhes pa ni rgyal mtshan dang du ba dang seng ge dang khyi dang glang dang bong bu dang glang po dang bya rog ces pa'i 'du ba rnams so/ /kha dog ni ljang khu dang dkar po dang dmar po dang nag po ste de bzhin du bram ze dang rgyal rigs dang rje'u rigs dang dmangs rigs so/ /dbyangs la sogs pa ni yi ge'i tshogs nyis 'gyur dang dbyangs kyi tshogs bzhi 'gyur bdun gyi cha'i lhag ma ni 'bras bu ste dbyangs la sogs pa 'di dag dang dbang phyug gis spros pas brjod pa gzhan mnyam pa dang mi mnyam par gyur pa rnams kyis kyang 'bras med ston pa nyid te gang gi phyir mngon par shes pa lnga med pa'i phyir ro/ /'jig rten gyi tha snyad thams cad kyis byis pa rnams kun du rmongs pa skyed par byed pa'i tshig rang gi las kyi 'bras bu la longs spyod pa dang bral ba ni gza' la sogs pa'i 'bras bu'i zol gyis drang srong rnams kyis brdzun gyi bkod pa byas pa'o/ /dbang phyug gi chos la gnas pa rnams kyis dbyangs 'char ba'i bkod pa byas te/ dbang phyug gis gsungs so zhes pa'i brdzun gyi tshig gis 'jig rten rnams rab tu slu bar byed do/ /spros pa 'di ni rgya cher mchog tu mi 'gyur ba'i ye shes grub pa las brjod par bya ste 'dir ni cho ga'o/ /da ni rtsa ba'i sgra gcan gyi stobs gsungs pa dus zhes pa la sogs pa ste/ 'dir sa la rgyu skar byas nas zhes pa ni rgyu skar nyi shu rtsa brgyad po rnams te rgyu skar gang la nyi ma yod pa'i rgyu skar de shar gyi skar ma bdun po rnams kyi dbus su yin zhing g.yas dang g.yas min du rgyu skar gsum ste thub pa zhes pa bdun ni shar du'o/ /dus kyis bsgyur ba ni shar du ji lta ba de bzhin du byang dang nub dang gshin rjer ro/ /'khor lo 'khor bar byed pa ni g.yas skor gyis te rgyu skar dgod pa ni g.yon skor gyis so/ /nyin mtshan gyis rgyu skar nyi shu rtsa brgyad po rnams so sor 'char ba la longs spyod do/ /'dir 'khor ba'i dbang gis rgyu skar gang la dus te sgra gcan gyi mjug mar gyur pa dang mun can du yang rab gyur zhes pa ste 'thab mo'i sa la mi bdag rnams kyi g.yas su dus dang gal te g.yas min du mun can sgra gcan gyi gdong du gyur pa na de'i tshe g.yul du lha'i mgon po dag ni 'phrog byed drag po dang bcas mi rnams kyis kyang 'joms par 'gyur ro/ /lta ba ltung bas gdong dang mjug ma'i sgra gcan gnyis po de dag la yang g.yul du dgra'i sde rnams dag ni 'phral du nges par ltung ste lto yi dbus su rgyal bar 'gyur ro/ /'dir gal te shar du gdong pa dang nub tu mjug ma yod na de'i tshe lhor lta ba dang byang du lto ba'o/ /gang gi tshe me la gdong pa yod na de'i tshe rlung du mjug ma dang bden bral du lta ba dang dbang ldan du lto ba'o/ / gang gi tshe lhor gdong pa yod pa de'i tshe byang du mjug ma dang chur lta ba dang shar du lto ba'o/ /gang gi tshe bden bral du gdong pa yod pa de'i tshe dbang ldan du mjug ma dang rlung du lta ba dang mer lto ba'o/ / gang gi tshe chur gdong pa yod pa de'i tshe shar du mjug ma dang byang du lta ba dang lhor lto ba'o/ /gang gi tshe rlung du gdong pa yod pa de'i tshe mer mjug ma dang dbang ldan du lta ba dang bden bral du lto ba'o/ /gang gi tshe byang du gdong pa yod pa de'i tshe lhor mjug ma dang shar du lta ba dang nub tu lto ba'o/ /gang gi tshe dbang ldan du gdong pa yod pa de'i tshe bden bral du mjug ma dang mer lta ba dang rlung du lto ba'o/ /de ltar sgra gcan dus la gnas pa rnams te gdong la gnas pa dang mjug ma la gnas pa rnams ni 'chi bar 'gyur ro/ /dpung rnams mnyam du ltung bar 'gyur ba ni lta ba'i cha la gnas pa rnams te 'dir lta ba'i cha ni lta ba la gnas pa'i rgyu skar bcu gnyis rnams kyi g.yas dang g.yon nas gsum pa'i cha rgyu skar bzhi ni sgra gcan gyi yin la bzhi ni dus kyi ste/ brang 'gro 'gro ba'i dbang gis der ni sde rnams bcom par 'gyur ro/ /lta ba'i cha ni spangs pa rnams ni lto la gnas pa'i rgyu skar bcu gnyis rnams kyi gsum pa'i cha ni ltor zhugs pa ste rgyu skar bzhi g.yas dang bzhi g.yas min du'o/ /'dir lta ba'i cha la gnas pa rnams lto'i char zhugs pa rnams la mngon par phyogs par 'gyur te de rnams dang lhan cig 'thab bo/ /de ltar dpal ldan rtsa ba'i sgra gcan bla ma'i gsung la gnas pa dus kyi 'khor lor shes par bya ste bla ma'i gsung ni sangs rgyas kyi gsung ngo / /rgyu de'i phyir dpal ldan rtsa ba'i sgra gcan srid gsum rnam rgyal te 'khyog po zhes pa ni gza' drag po'o/ /lha min zhes pa ni rnal 'byor ma drug bcu ste 'khyog po drag po lha min de dag gi nang na rnam par rgyal ba'o/ /g.yul gyi dus su sa'i dkyil 'khor la gnas shes par bya ste gzhan du dgra ni nyams pa med/ de ltar brjod pa'i rim pas sgra gcan shes par bya'o zhes pa ni nges pa'o/ / 'dir rnal 'byor ma la sogs pa'i stobs thams cad btang nas rgyal rigs rnams kyis sgra gcan 'di gcig pu gzung bar bya ste gang gis nyi ma zla ba za zhing skabs gsum pa rnams 'jigs par byed la drag po'i gzugs can mig sman gyi mdog ste/ sa la gang zhig nyin mtshan gyis shar dang nub dang lho dang byang gi phyogs kyi cha ste phyogs brgyad po rnams su 'khor ba de nyid gzung bar bya'o zhes pa ni g.yul gyi stobs la nges pa'o/ /da ni gdug pa'i dgra'i rdzong gzhom pa'i don du 'khrul 'khor rnams gsungs pa g.yul du zhes pa la sogs pa ste/ g.yul du pham pa'i dgra bo dag ni gal te 'phral la mkhar gyi nang du zhugs par gyur pa na de'i tshe phyi rol du 'khrul 'khor byas te 'khrul 'khor de dag gis 'phangs pa rgyun chad med par ltung ba'i rdo dang me mda' rab tu 'bab pa dang / ral gri la sogs gcod pa'i 'khrul 'khor dag gis rang gi khyim bsrung ba byas nas sa gzhi'i gnas la rdo rje'i gur dang lcog ni dbye ba dag gis kyang de yi rdzong ni phye mar byas te nyin zhag nyung zad dag gis gdug pa de ni bsgrub par bya zhes pa ni rigs pa'o/ /'dir thang gi ra ba'i rdzong la rdo'i 'khrul 'khor gyi mtshan nyid gsungs pa ka ba bzhi zhes pa la sogs pa ste/ ka ba bzhi ni brgyad gnyis khru ldan zhes pa ni khru bcu drug pa gru bzhi pa zheng du sor bcu drug pa ste 'khrul 'khor rab kyi'o/ /'bring gi ka ba ni khru bcu bzhi pa ste zheng du sor bcu bzhi pa'o/ /tha ma'i ka ba ni khru bcu gnyis pa ste zheng du sor bcu gnyis pa'o/ /de dag kyang gnas brgyad du phug par gyur pa ste mnyam dang mi mnyam gnas nas so/ / mnyam pa ni shar dang nub kyi mtha' ste mi mnyam pa ni lho dang byang gi mtha'o/ /gnas brgyad po de dag tu phug par gyur pa ste bug pa'i tshad ni gsum gyi cha'o/ /de dag tha dad pa rnams ni mdun du rdang bu bzhi dang g.yas su bzhi dang g.yon du bzhi dang rgyab tu 'og gi char gcig gis so/ /rgyab kyi ka ba dag la bug pa lnga nyid te mdun gyi ka ba dag la ni brgyad do/ /'khrul 'khor gyi tshad ni rtsa bar khru bcu ste steng du khru lnga'o/ /sgyogs mda' ni ka ba rnams las khru gnyis kyis dman pa'o/ / o log bcu'i tshad ni khru drug pa ste o log cu'i g.yon dang g.yas su ba lang gi mjug ma'i rnam pa'o/ /dbus kyi zlum por phyed bcas khru gnyis dag go/ ngos gnyis kar sor nyi shu'o/ /rtse mo'i bum pa dag la sor sum bcu'o/ / zlum po 'di'i dbus su bug pa sor bcu bzhi pa zheng du sor bdun pa'o/ o log cu'i bug pa der sgyogs mda' khru gang dor nas khru bcu gsum po rnams ba lang gi mjug ma'i rnam par byas te sgyogs mda' de de'i bug par rab tu gzhug go/ lcags kyi gzer gyis rgyab kyi char gzar gyis gdab ste brtan par 'gyur ro/ /sgyogs mda'i mgo bo khru gang gi tshad la sum cha'i bar du bug pa gnyis so/ /bug pa de dag tu a long gnyis te zlum skor du sor drug bcu pa lcags kyi dbyug gu zlum po'i rgyar sor drug pa'o/ /re re la thag pa lnga bcu gdags par bya ste mgo bor a long dag la zhes so/ /sgyogs mda'i mthar gnya' non zlum po sor bcu gnyis pa'o/ /sgyogs mda'i rtse mor 'dzub mo dang bcas pa bcug ste gzer gnyis kyis sgyogs dang bcas pa dang lce dang bcas pa la gdab bo/ /lce'i rtse mor mdzub mor shes par bya ste sor drug ni lce'i gnya' non gyi tshad yin la de'i bug par sgyogs mda'i gnya' non gyi bar du bcug par 'gyur ro/ / sgyogs mda'i 'dzub mo 'di la 'ur mthil thag pa dang bcas pa la khru gsum pa ste 'dir lpags pa'i 'ur mthil sor nyi shu rtsa bzhi pa dbus kyi zheng la sor bcu gnyis pa g.yas dang g.yas min du ba lang gi mjug ma'i rnam pa'o/ /ngos gnyis kar srad bu'i rang bzhin gyi thag pa gnyis te phyed dang bcas pa'i khru gnyis lhag pa'o/ /'ur mthil de'i nang du rdo ba rab tu bcug ste stobs ldan 'then byed rnams kyis thag pa rnams 'then par gyur pa dag btang ba ni 'phral la myur du nam mkhar 'gro ste song nas 'phral la nges par ltung zhing khang steng la sogs pa ra ba 'am lam srang dag tu mtha' dag phye mar byas nas rdo ba sa yi 'og tu 'gro ste rdo rje 'bab pa ji lta ba nyid bzhin no/ /'khrul 'khor de yi 'dzub mo zla ba phyed pa'i rnam pa ni sa gzhi'i gnas su tshangs pa'i ri mo 'dzub mo'i mgo dang mnyam par 'gyur ro/ /de'i ngos gnyis su mtho re re'i bar gyis rdo ba gtang ba'i gnas brgyad du 'gyur ro/ /lag pa gnyis ka'i khu tshur bcings pa las ni gtang bar bya ba yin te gtong ba'i dus su rdo ba sa la reg par 'gyur ro/ /mnyam pa'i rkang pa ni rkang pa g.yas pa 'khrul 'khor gyi nang du zhugs pa ste mi mnyam pa'i rkang pa ni rkang pa g.yon pa zhugs pa'o/ /rang 'dod rdo ba lhung ste rnam gsum bgrod pa'i dbang gis ni g.yon dang g.yas dang dbus kyi bgrod pa'i dbang gis te rdzong ni rnam par gzhom pa'i don du'o zhes pa thang gi rdzong dbye ba'i nges pa'o/ /gang zhig bsnun pas glang chen zhes pa la sogs pa ni go sla'o/ /da ni chu'i rdzong blang ba'i slad du chu'i 'khrul 'khor gyi mtshan nyid gsungs pa ka ba zhes pa la sogs pa ste/ 'dir chu'i 'khrul 'khor gyi don du shing sbom du sor drug pa khru bcu bzhi pa'o/ /glang po che'i 'khrul 'khor la sor nyi shu rtsa bzhi'o/ /rta'i 'khrul 'khor la sor nyi shu'o/ /mi'i 'khrul 'khor la sor bcu drug go/ khru bcu gnyis kyi bar bar la gnas pa'i ka ba drug po dag gis gnyis ka'i nang ni mnyam pa lhag chad med pa nyid do/ /snying po re re ni khru bcu gnyis so/ /'og gi nang dang steng gi nang la khru ni zung gi bar dag la ste khru gnyis kyi bar la'o/ /ka ba drug dang nang gnyis kyis snying po re rer 'gyur ro/ /zhes pa ni nges pa'o/ /so so'i re mig kun la spang leb dag gis g.yogs pa ste 'dir ngos gnyis kar dpung pa rnams brus shing spang leb so so'i ngos gzhan la 'og dang steng gi spang leb kyi rtse mo bsrungs nas dbus su ngos gcig brus te spang leb las sor mo gcig spang leb kyi dbus su bcug la ji ltar chu 'jug par mi 'gyur bar bsdam par bya'o/ / de bzhin du 'og dang steng dang shar dang nub dang byang dang lho thams cad du bya'o/ /glang po che rnams kyi snying po ni dpangs su khru gsum mo/ /rta rnams kyi ni phyed dang bcas pa'i khru gnyis so/ /mi rnams kyi ni khru gnyis so/ /pags pa spra tshil gos rnams kyis zhes pa ni spang leb so so'i 'tshams kyi gnas de rnams su lpags pa bzhu ba dang spra tshil gos rnams kyis steng du rgyas gdab par bya'o/ /ji ltar snying po'i dbus su rlabs kyi chu mi 'jug par khru gnyis kyi dpangs ni mgrin pa'i gnas su snying po'i dbus su 'jug pa'i slad du bya'o/ /snying po dman pa dang 'bring dang mchog gi dbye ba 'di rnams kyis 'khrul 'khor du mar 'gyur ro/ /dus zhes pa snying po drug gis 'khrul 'khor du 'gyur te brgyad kyis sam skyon te bcwa brgyad kyis sam sum 'gyur nyin byed de sum bcu rtsa drug gis sam nyis 'gyur te snying po de'i nyis 'gyur dag gis 'khrul 'khor du 'gyur ro/ /rgya mtsho chen po rgal ba'i slad du snying po stong phrag gi mthar thug pa'o/ /'dir phyi rol du dpung pa bzhi rnams la ste snying po so so'i shar dang nub kyi dpung pa dag dang / nang gnyis kyi lus la byang dang lhor g.yas dang g.yas min dag la'o/ /dpung pa bzhi po de rnams dang ka ba'i shing dpung pa phug pa'i bug pa nas phyung ba rgyar dpung pa'i sum cha dang ldan pa rnams la spang leb khru gsum pa rtse mo gnyis ka phug pas snying po thams cad phan tshun bsdam par bya ste snying po'i gra bzhir ro/ /lhag ma snang ba'i gnas rnams su skya ba rnams rgyu bar byed do/ /skya ba rgyu ba'i gnas rnams spangs nas steng ngam shar dang nub kun nas rgya yis btab pa'o/ /'khrul 'khor thams cad kyi rgyab tu skya ba 'dzin pa drug ste de bzhin du bcu gnyis dang sum bcu dang brgya'i mthar thug pa'o/ /skya ba 'dzin pa de rnams kyis mdun nas dpung pa gnyis ka mnyam pa 'khrul 'khor 'dren pas 'khrul 'khor dang rjes su 'thun pas stong gi mthar thug par 'gyur ro/ /yang na rlung rjes su 'thun par shes nas ka ba'i khung bur rab tu btsugs pa'i g.yo ba'i rlung gi dar rnams kyis ni ste rlung dar rnams kyis 'khrul 'khor de rlung gis bskyod pa ste de la zhon pa rang gi sde ni chu'i rdzong dag nyams pa'i don du chu'i gter la 'gro gling gzung ba'i don du'o zhes pa rigs pa ste gdug pa rnams gdul ba'i don du'o zhes pa chu'i 'khrul 'khor gyi mtshan nyid do/ /da ni ri'i rdzong bshig pa'i don du me'i 'bru mar 'phen pa la rlung gi 'khrul 'khor gsungs pa chu gter zhes pa la sogs pa ste/ 'dir spang leb gru pa khru bzhi pa'i stegs bu'i dbus su ka ba khru gsum pa rgyar zlum por sor bcu gnyis pa'o/ /g.yon dang g.yas dang rgyab dang mdun gyi zur rnams su lcags kyi phur pa a long dang bcas pa'o/ /a long de rnams la thag pa rnams kyis ka ba'i mgo bcing bar bya'o/ /'khrul 'khor gyi cha gnyis steng dang 'og gi mthar thug bar sra ba'i gos rnams kyis g.yog par bya'o/ /'dir zur du rgyal mtshan rnams ni khru lnga pa ste rgyar gcig pa'o/ /'og dang g.yon dang g.yas kyi zur gyi a long la khru gnyis kyi bar du thag pa gsum mo/ / der gcig tu bsdom pas ri'i rdzong gi dpangs kyi tshad dang mtshungs pa'o/ /thag pa des rgyab nas mi rnams dag gis drangs shing sa las thag pas steng du 'gro ste 'khrul 'khor de ni rlung gis rab tu bskyod par gyur pa nges par brag rdzong bshig pa'i don du mkha' la 'gro ba ste de'i steng du 'khrul 'khor der me'i 'bru mar dang me dang bcas pa'i skyes bu zhig gzhug par bya'o/ /mi des rlung gi 'khrul 'khor de nas me'i 'bru mar 'phangs pas dgra'i dpung dang rdzong ni thams cad kun nas sreg par byed ces pa ste nges par ri yi rdzong gzhom pa'i nges pa'o/ /gri gug gi 'khrul 'khor ni mngon sum du mthong bas rtogs par bya ste tshigs su bcad pas kyang gsal bar gsungs so/ /de bzhin du rtse mo 'byed pa yang rlung gi 'khrul 'khor yang rab tu gsal bar byas shing tshigs su bcad pa yang gsal te 'dir 'grel bshad kyi rnam par bshad pa med do/ /de bzhin du rdo rje'i gur la yang rnam par bshad pa med do/ /da ni g.yul du glang po che go cha dang bcas pa 'bugs pa'i slad du lcags mda'i 'khrul 'khor gsungs te/ chur sor drug pa lcags mda'i tshad kyi wa byas nas de'i 'og dang steng dang g.yas dang g.yon gyi char lcags kyi dbyug pa sor drug pa gru bzhi pa'i rtse mor rgyas btab pa'i bug pa la lcags kyi phur pa rnams kyis 'tshams gnyis dang dbu ma la rgyud dang bcas pa'i gzhu ni g.yo ba med par btags byas nas/ slar yang stegs bu de'i rgyab kyi char g.yas dang gcig shos su lcags kyi phur pa gru bzhi pa gnyis so/ /lcags kyi dbyug pa'i rtse mor phur pa'i bug par 'khrul shing gi rtse mo gnyis po gzhug par bya'o/ /'khrul shing gi dbus su sor mo rnams te drug gam lnga 'am bzhi 'am gsum mam gnyis so/ / 'og tu lcags kyi dbyug gu mthe chung gi tshad chur sor gsum pa cig 'og gi phur pa'i a long g.yo ba dang bcas pa la gzhug par bya'o/ /steng du rgyud rnams sor mo'i rtse mor bcing bar bya'o/ /sor mo'i rtse mo de la so so'i 'tshams su lcags mda' dang rgyud rnams so/ /rgyud des mang zhing mnyam pa'i mda' 'am lcags mda' rnon po rnams/ g.yul gyi dus su 'phangs pas go cha dang bcas glang chen lus po phug nas rab tu 'gro bar 'gyur zhes pa ni lcags mda'i 'khrul 'khor gyi nges pa'o/ /da ni rgyal po'i pho brang bsrung ba'i slad du sa 'og gi ral gri'i 'khrul 'khor gsungs pa ka ba gnyis zhes pa ste/ 'dir ka ba gru bzhi pa rgyar sor bcu gnyis kyi tshad khru bzhi pa gnyis te khru gnyis 'og sa brkos pa'i 'og tu sa la nub cing khru gnyis brkos pa'i nang du gnas pa dag go/ de la brkos pa'i gnas nas steng du khru phyed dang gnyis dor te de nas g.yon dang g.yas kyi ka ba'i bug pa la rdang bu gzhug par bya'o/ /steng du sor drug / dor nas thag pa rnams kyis dkri bar bya ste zlum po g.yo ba'i don du'o/ /thag pa de dag gi dbus kyi zlum po'i dbus su ral gri'i chang gzungs bcug pa ste dang por zlum po bskor ba du ma rnams kyis bskor te zlum po'i dbus su ral gri'i chang gzungs bcug pa rtse mo'i char gzer gyis btab pa'o/ /de bzhin du mdun nas ka ba gnyis po lugs las bzlog pas bskor ba ste ral gri'i rtse mo la gnas pa'i phyag rgya'i rtse mo'i cha la mnan pa'i ral gri'i rtse mo'i phyag rgya'i rtse mo la thag pas mnan pa'o/ /ral gri'i chang gzungs kyi rtse mo'i 'khrul shing gi cha la 'khrul shing sor drug pa'i tshad do/ /de nas ral gri 'byung ba spangs nas spang leb rnams kyis brkos pa'i steng du g.yog par bya'o/ / gang gis bskul bar gyur pa la 'thon par 'gyur te lcags las byas pa'i chung ngu'o/ /zla ba zhes pa ni gsang ba'i skad do/ /dbus zhes pa ni spros pa ste 'dir ral gri'i chang gzungs kyi rtse mor 'khrul shing gi steng du spang leb sbyin par bya'o/ /spang leb de la gang gi rkang pa bzhag pa de ni ral gri yis gcod par byed do zhes pa rang bzhin du shes par bya'o/ /ral gri'i 'khrul 'khor gyi nges pa zhes pa ste ral gri'i 'khrul 'khor gyi mtshan nyid nges pa'o/ / de ltar g.yul gyi dus su mkhar gyi sgo'i mtha' dang mi'i bdag po'i khang par rtag tu rtsa ba'i sgo'i lam spangs nas 'khrul 'khor du ma rnams te 'khrul 'khor kho na mtshon cha'o zhes pa sa 'og gi ral gri'i 'khrul 'khor gyi nges pa'o/ / da ni rgyal rigs 'thab pa la shing rta'i mtshan nyid gsungs pa srog shing steng du zhes pa la sogs pa ste/ 'dir shing rta'i don du dang por srog shing brtan por bya'o/ /rta rnams kyi shing rta'i 'khor lo'i tshad ni phyed dang bcas pa'i khru gnyis so/ / srog shing ni bzhi 'gyur cung zad lhag pa dang bcas pa ste tshad de nyid kyis gru bzhi dang zlum po'o/ /de nas srog shing gi steng du gdan ste phyogs brgyad dang dbus su 'khor lo'i tshad las dgu cha'i re mig dgu'i bdag nyid do/ /de nyid ni nyi ma'i lag pas zhes pa rgyar sor drug pa'i lag pa bcu gnyis kyis te shar dang nub kyi drug dang lho dang byang gi drug gis gdan du 'gyur ro/ /srog shing rgyar sor bcu bzhi pa ste de cha gsum du byas nas dbus kyi cha spangs te rtse mo gnyis kyi gnas su bug pa bya'o/ /bug pa de dag tu 'khor lo'i rtsibs bcug nas srog shing dang lhan cig gzer gdab par bya'o/ /'khor lo'i mu khyud la lcags kyi 'khrul shing g.yo ba med pa ste gzhi'i bug pa zlum po la bcug pa 'khor lo dang bcas pa 'khor ba'o/ / de nas gdan de'i zur bzhi rnams su rgyar gnas kyi lag pa dang chur nyis 'gyur gyi ka ba bzhi ste de rnams kyang rdang bu rnams kyis phyogs bzhi rnams su phye ba dang 'og dang steng du phye ba'o/ /mnyam pa'i shing rta ni mnyam pa'i rta rnams kyis bskyod pa'o/ / mi mnyam pa'i shing rta ni mi mnyam pa'i rta rnams kyis bskyod pa'o/ /gnyis dang bzhi dang drug ni mnyam pa'i rta rnams so/ /gsum dang lnga dang bdun ni mi mnyam pa'i rta rnams so/ /mi mnyam pa'i shing rta ni gnas las mnyam pa'i phyed kyi tshad kyis so/ /steng gi cha phyed dag la 'thab mo ba'i sa ste zhes pa ni steng gi ka ba rnams kyi cha gcig gnas kyi tshad dor nas cha phyed la gnas steng du 'thab mo pa'i sa'o/ /gnas kyi phyed kyi tshad du 'gyur te mnyam dang mi mnyam 'dren byed rta 'am glang po rnams kyi dpangs kyis 'gyur ro/ /rgyar sor brgyad dang chur gnas kyi nyis 'gyur te rdang bu rnams dang lhan cig gzer gdab bo/ /de nas gnas kyi cha'i 'og dang steng du mtshan ma'i phyed kyi sar 'gyur te sor mo bzhi'i steng du'o/ /sa de la me long do shal rgyal mtshan la sogs bkod pa ste sogs pa'i sgras rnga yab dang bla re dang dril bu la sogs pa'o/ /'thab mo pa'i sa dang mtshan ma'i sa dag gi dbus su 'thab mo'i don du phyogs bzhi rnams su rab tu gsal ba'o/ /gcig phyed cha gnyis dag ste zhes pa ni rtsa ba'i gnas kyi 'og tu 'thab mo pa'i sa la cha gcig go/ rab tu gsal ba la cha phyed dang mtshan ma dag ste 'di dag ni cha mnyam mo/ /zla ba lag pa rtse mo can rnams zhes pa ni ka ba'i rdang bu rnams kyi rtsa ba'i gnas kyi steng du 'dren pa'i gnas la sor bzhi pa rnams kyi cha gcig go/ de nas ka ba rnams kyis 'thab mo pa 'thab pa'i gnas la sor bzhi pa rnams kyi cha gnyis so/ /de nas ka ba rnams kyi steng du sor bzhi pa rnams kyi cha gsum ste de'i steng du rgyal mtshan la sogs pa rnams kyi mtshan ma'i sa'o/ /zlum po phyed bcas gcig gi cha la gnas dang steng du sngar brjod pa rnams so/ /phyed dang bcas pa'i cha las zlum po'o/ /dga' ba'i dbye ba dag la zhes pa ni dga' ba'i shing rta'i dbye ba la pad ma'i shing rta'i sa gru bzhir 'gyur ro/ /de ltar gsungs pa'i rim pas rten dang bcas pa'i 'khor lo'i tshad ni rta'i shing rta la phyed dang bcas pa'i khrur 'gyur ro/ /glang po'i shing rta la rta'i shing rta'i tshad las tshad rnam pa gnyis su 'gyur ro/ / 'khor lo dang gnas dang rdang bu dang mtshan ma la sogs pa rnams kyi'o zhes pa nges pa'o/ /'dir lha rnams kyis ni pad ma'i rigs kyi shing rta zlum por 'gyur ro/ /lha yi bu yis bkod pa zhes pa srid sgrub kyi shing rta ni dga' ba'i rigs te gru bzhi'o/ /mi gzhan rnams kyi yang shing rta bkod pa ni gru bzhi ste rgyal rigs rnams kyi'o/ /brgyad dang chu gter srog shing 'khor lo rnams kyis rnam gsum 'dir ni shing rta chen po phyed dang mnyam zhes pa ni 'dir srog shing bzhi dang 'khor lo brgyad kyis g.yul du phyir mi ldog pa'i shing rta chen por 'gyur ro/ /'og dang steng du srog shing dag dang 'khor lo bzhi yis shing rta phyed du 'gyur ro/ /de'i phyir brgyad ces pa ni 'khor lo'o/ /chu gter zhes pa ni srog shing bzhi'o/ /de ltar rnam gsum zhes pa ste 'khor lo bzhi dang de bzhin du gnyis so/ /de bzhin du srog shing ngo shing rta ni shing rta'i phyed dang mnyam pa ste mtshungs pa'o/ /nyi ma'i shing rta mchog ni 'khor lo gcig pa zhes pa ni 'khor lo gcig gis lha rnams kyi shing rtar 'gyur te de bzhin du nyi ma la 'gyur ro/ /mi mnyam zhes pa la sogs pa ni go sla'o/ /srog shing gcig dang 'khor lo gnyis kyis mnyam pa'i shing rta ste gnya' shing gi rgyab bcom par 'gyur ro zhes pa ni shing rta'i mtshan nyid nges pa'o/ /da ni lha rnams kyi gzhal yas khang mi bdag rnams kyi ltad mo la bskyod pa'i khyim gyi mtshan nyid gsungs pa drug ces pa la sogs pa ste/ 'dir ka ba khru nyi shu pa bzhi ste 'di rnams kyi mtha' bzhir bug pa mnyam pa rnams su 'gyur te bug pa'i mtha' gcig ni khru drug gi cha la'o/ /gnyis pa ni khru lnga'i cha la'o/ /de la gsum pa ni khru bzhi'i cha la 'gyur ro/ /bzhi pa ni khru gsum gyi cha la 'gyur ro/ /'og dang steng du khru re re dor nas bug pa'i mtha' mngon du phyogs par 'gyur ro/ /rtsa ba'i char sa la khru bcu gsum du 'gyur ro/ /rtsa ba'i cha las steng du sa la phyed kyi cha khru phyed dang bdun du 'gyur te rtseg ma so so'i dbang gis rtseg ma'i sa la 'gyur ro/ /tshogs kyi gzhal yas khang la rdang bu bzhi bzhi'i steng du sar 'gyur ro/ /de bzhin du sa la mi bdag rnams kyi rtseg ma rnam pa gsum gyi dbang gis yul gyi ltad mo dang dga' ston rnams la yang ngo / /dang po'i rtseg ma la ka ba'i phyi rol gyi bug pa las phyi rol tu byung ba'i rdang bu'i steng du spang leb rnams kyis thams cad du 'khor ba ni khru gsum gyis 'khor ba'o/ /gnyis pa'i rtseg ma la phyogs thams cad du khru gcig 'khor ba'o/ /lha'i gzhal yas khang dang bgrod pa'i khyim gyi mtshan nyid nges pa'o/ /da ni dpyid kyi dga' ston gyi slad du 'khor mtshan lo'i khyogs kyi mtshan nyid gsungs pa 'khor lo'i steng du zhes pa la sogs pa ste/ 'dir sngar gyi shing rta bzhin du 'khor lo brgyad dang rtsa ba'i gnas so/ /de'i steng du glang po che'i shing rta'i ka ba'i khyon gyis ka ba bzhi'o/ /gzhal yas khang bzhin du rtseg ma rnam pa gsum gyi bdag nyid kyi phyogs su 'gyur ro/ /rdang bu bzhi bzhi'i steng du brgyad gnyis brgyad dang de nas phyed te zhes pa ni rtseg ma dang po la phyogs bzhi rnams su khyogs bcu drug tu 'gyur ro/ /gnyis pa la brgyad do/ /gsum pa la bzhi'o/ /rtseg ma dang po la phyogs te lag pa bcu rdang bu'i steng na gnas shing g.yas dang g.yon dang shar dang nub na gnas pa rnams kyi khyogs so/ /gnyis pa la dus te drug gis 'gyur ro/ /gsum pa la bzhis so/ /khyogs rnams kyi lag pa rten nyid sa gsum la zhes pa ste lag pa gnyis gnyis la 'khrul shing re re bug pa'i gzhi la bcug pa'o/ /'khrul shing re re la bu mo rnams kyi gdan bzhi bzhir 'gyur te nang dang phyi rol dag tu gnas pa 'og dang steng du son zhing phyogs brgyad du ni 'khyog pa rnams zhes pa ni 'khor lo'i khyogs kyi mtshan nyid nges pa'o/ /da ni ldum ra la sogs pa bcu pa'i don du chu'i 'khrul 'khor gyi mtshan nyid gsungs pa steng zhes pa la sogs pa ste/ steng dang 'og dang g.yon dang g.yas su 'khrul 'khor 'khyog po sbubs kyi rnam pa'o/ /dbus su bug pa dang bcas pa'i dbu ma khru bzhi pa ni rtsa ba'i 'khrul 'khor ro/ /de'i sbubs kyi rtse mo la bum pa'i kha'i mgrin pa'i sbubs kyi rtse mo bcug par gyur pa'o/ /'og tu bum pa la bug pa ni sbubs kyi bug pa'i tshad do/ /'khrul 'khor gyi rgyab tu sbubs kyi rtse mor sbubs gzhan chu'i nang du gzhug par bya'o/ /de nas bum pa'i bug pa dang chur son pa'i sbubs kyi bug pa 'am sbubs kyi bug pa mdun nas rgyas gdab par bya'o/ /de nas ji srid 'khrul 'khor chus gang bar gyur gyi bar tu rtsa ba'i 'khrul 'khor gyi dbus su bug pa nas chu gzhug par bya'o/ /de nas chu'i nang gi bug pa 'am bum pa'i bug pa dang sbubs kyi bug pas cig car mtsho las bum par chu 'dren par byed do/ /chu de nyid skyed mos tshal lam ldum rar 'gro ste mnyam pa'i sa la gang du drangs pa der ni 'gro bar 'gyur zhes pa chu bcu pa'i 'khrul 'khor gyi mtshan nyid nges pa'o/ /da ni 'jam dpal gyis nyi ma'i shing rta la nges pa sbyin pa gsungs pa rab mchog ces pa la sogs pa ste/ 'dir gdug pa can rnams bsgrub pa'i don du dang po'i sangs rgyas su ni srid gsum bla ma shAkya seng ges phyag na rdo rje'i sprul pa'i sku zla ba bzang po la dbyangs 'char ba dang 'khrul 'khor gyi mtshan nyid thams cad sngon du gsungs pa gang yin pa de yi nang nas te dbyangs 'char ba dang 'khrul 'khor brjod pa de'i nang nas 'dir ni de ring sham b+ha la zhes bya ba'i yul 'dir nyi ma'i shing rta khyod la 'jam dpal mi'i dbang po grags pa bdag gis gsal bar bstan to/ /rang gnas bsrung ba'i don du 'di dag mtha' dag gyis shig zhe sdang chags pas mino nyi ma kye zhes pa ste nyi ma'i shing rta'i nges pa ji lta ba de bzhin du dus kyi 'khor lo yongs su shes pa dang ldan pa gzhan rnams kyi yang bcom ldan 'das kyi nges pa'o/ /mchog gi dang po'i sangs rgyas las bsdus pa'i rgyud kyi rgyal po dus kyi 'khor lo'i 'grel bshad stong phrag bcu gnyis pa dri ma med pa'i 'od las dbyangs 'char ba dang 'khrul 'khor gyi cho ga nges pa'i mdor bsdus chen po ste bcu pa'o/ /da ni 'khor lo sgyur ba chen pos kla glo'i chos 'joms pa dang sangs rgyas kyi chos rab tu 'jog pa nyid la sogs pa go sla ste des na 'grel bshad du ma brjod do/ /'jig rten khams kyi le'u yi 'grel bshad rdzogs so// // No existing page No existing page (I) @#/ /dus 'khor 'grel chen dri med 'od bzhugs so/ / (黃) 秘密經時輪註五品一部 dpal dus kyi 'khor lo la phyag 'tshal lo/ /gang zhig chen po'i mi rnams smin par bya ba'i don du mngal ni 'dzin pa 'di mdzad cing / /srid pa'i 'ching las nges par grol yang srog chags rnams kyi lam gyi slad du srid pa ste/ /sna tshogs skyes rabs phreng ba yon tan dang ldan sems can don gnyer rnams kyis mthong gyur pa/ /dang po'i sangs rgyas rdzu 'phrul che ldan spyod pa dag ste skyob pa de la phyag 'tshal lo/ / shAkya seng ge de bzhin gshegs/ /dpal ldan rdo rje sems dpa' la/ /btud te pad ma dkar po dpal/ /'jam dpal gyis ni bskul gyur zhing / /bde bar gshegs pas lung bstan pa/ /'gro la snying rje'i bdag nyid can/ /'jig rten mgon po bdag gis ni/ /nang gi le'u'i 'grel bshad bri/ /'dir dpal dus kyi 'khor lo'i dkyil 'khor gyi khang pa'i shar sgo'i mthar dpal ldan rin po che'i khang bzang chen po rin po che'i seng ge'i khri la bzhugs pa/ nyi ma'i shing rtas gsol ba btab par gyur pa/ bcom ldan 'das 'jam dpal gyi sprul pa'i sku/ mi'i dbang po grags pas nang gi le'u bstan pa'i don du mchog gi dang po'i sangs rgyas las bcom ldan 'das shAkya thub pa la zla ba bzang pos gsol ba btab pa tshigs su bcad pa dang po gsungs pa 'di lta ste/ mi shes sna tshogs tshad ni gang dag rgyal ba skyed mdzad khyod kyis bstan pa rnams kyang bdag gis te/ /slar yang bdag ni nyan par 'tshal lo srid pa gsum po mtha' dag lus kyi dbus su ji ltar lags/ /zla ba bzang po'i tshig dag gsan nas bde bar gshegs pas legs zhes bya ba byin nas rab gsungs pa/ /sems can rnams ni thar pa'i slad du mchog gi thugs rjes sna tshogs tshad rnams dag kyang lus la'o/ /'dir nang gi le'u la mi shes zhes pa la sogs pas gsol ba 'debs pa po dang ston pa po bsdus pa'i tshigs su bcad pa yang dag par sdud par mdzad pa po 'jam dpal gyis bsdus pa'i rgyud las bstan pa ni bdag gis dgrol bar bya'o/ /'dir lus kyi dbus su sna tshogs tshad ni mi shes te rgyal ba skyed mdzad ces pa ni rdo rje sems dpa' shAkya thub pa sgrib pa med pa'i phung po rnams skyed par mdzad pa ni rgyal ba skyed mdzad yin pas de la bod pa ste kye rgyal ba skyed mdzad khyod kyis phyi rol du sna tshogs tshad ni gang dag bstan pa de dag lus la mi shes so/ / de'i phyir slar yang bdag ni nyan par 'tshal lo srid pa gsum po mtha' dag lus kyi dbus su ji ltar te rnam pa gang gis 'gyur zhes pa'o/ /de nas zla ba bzang po'i gsol ba 'debs pa'i tshig dag gsan nas bde bar gshegs pas zla ba bzang po la legs zhes bya ba byin nas rab tu gyur pas gsungs pa/ sems can rnams ni thar pa'i slad du mchog gi thugs rjes sna tshogs tshad rnams dag kyang lus la'o/ /kyang yig gis rgyud gzhan thams cad kyang lus la gsungs so/ /le'u gnyis pa bstan pa'i slad du gsol ba 'debs pa po dang ston pa po bsdus pa'i mdor bsdus so/ /bstan pa'i tshigs su bcad pa gsungs pa sa zhes pa la sogs pa'o/ /'dir lus kyi nang du sa la sogs pa mtha' dag rang rang gi yi ges shes par bya ste so las byung ba'i yi ge rnams kyis sa shes par bya'o/ /mchu las byung ba rnams kyis chu'o spyi bo las byung ba rnams kyis me'o/ /rkan las byung ba rnams kyis rlung ste sa dang chu me rlung rnams so/ /rdo rje ste glog ni slar yang spyi bo las byung ba rnams kyis so/ /lha'i gzhu ste 'ja' tshon ni so las byung ba rnams kyis so/ /rlung bcu po rnams ni rkan las byung ba rnams kyis so/ /khyim gyi 'khor lo ni a la sogs pa dang ka la sogs pa mtha' dag gis so/ /zla ba ni thig les so/ /nyi ma ni rnam par bcad pas so/ /sgra gcan ni dbyangs med pa'i gsal byed kyis so/ /lhun po ni ming gi yi ges so/ /gdengs can rnams kyi gnas ni oM yig gis so/ /mi'i gnas te mi'i 'jig rten ni AHyig gis so/ /lha yi gnas te mtho ris ni hU~M yig gis so/ /'khyog po bkra shis la sogs pa'i gza' rnams ni g.yas dang g.yon gyi sa bon gyi yi ge sngar brjod pa rnams kyis so/ /'pho ba ni sde pa bcu gnyis kyi dbye ba rnams kyis te zla ba yang de bzhin no/ /phyogs ni sde pa drug phyed kyi dbye ba rnams kyis so/ / nyin dang mtshan mo tshes rnams ni ka la sogs pa dbyangs dang bcas pa sngar brjod pa rnams kyis te mtha' dag lus kyi dbus su rnal 'byor pas shes par bya'o/ /rnam gsum khyab bdag bgrod pa rnal 'byor pa yis stong pa'i dbye bas so/ /sngar brjod pa'i rim pas bcom ldan 'das rdo rje sems dpa' 'dod pa dang gzugs dang gzugs med pa'i rang bzhin rnam pa gsum gyi bgrod pa yang rnam pa gsum ste bde ba chen pos thams cad kyi bdag nyid la gnas pa'i phyir ro/ /de yang stong pa'i dbye bas so zhes pa ni byang chub kyi sems kyi thig le bzhi'i dbye bas shes par bya'o/ /lus la sna tshogs bsdus pa'i mdor bsdus kyi nges pa'o/ /da ni mi'i lus skyed pa la rgyu dang 'bras bu'i tshogs pa bsdus pa'i tshigs su bcad pa gsum pa gsungs pa lus zhes pa la sogs pa ste lus 'di la ni khams kyi tshogs zhes pa ni spu dang lpags pa dang khrag dang sha dang rus pa dang rkang la sogs pa'i khams kyi tshogs su 'gyur te/ mtha' dag ro drug zos shing 'thungs pa dag las zhes pa ni lan tshwa dang dngar ba dang tsha ba dang kha ba dang ska ba dang skyur ba ni ro drug ste 'di dag zos shing 'thungs pa'i dbang gis khams kyi tshogs su 'gyur ro/ /ro drug rnams kyang 'byung ba las te zhes pa ni ro drug tu yang sa dang chu dang me dang rlung dang ro rnams las 'gyur ro/ /'byung ba'i tshogs kyang nam mkha'i khams la'o zhes pa ni sa dang chu dang me dang rlung dang ro'i tshogs ni nam mkha'i khams sngar brjod pa'i rdul phra rab kyi chos la 'gyur ro/ /stong ba la ni ye shes rnam par bsres pa zhes pa ni 'dir lus la khyab par bya ba dang khyab par byed pa'i 'brel ba kun rdzob kyis nges par gnas pa gang yin pa sems can thams cad kyi lus la rnam par shes pa'o/ /de nyid ni stong pa ste stong pa nyid kyi gzugs la bsgoms pa'i stobs kyis 'dzin par byed pa'i sems gzung bar bya ba sems kyi snang ba la rnam par bsres pa ni ro mnyam 'gyur med rtag par yang 'gyur te 'dir rtag pa'i sgra ni sgrib pa med par brjod do/ /de ltar 'byung ba la gnas zhi ba bde ba chen po rnam gsum srid pa la gnas rang gi lus la rnal 'byor pa rnams kyis rig par bya'o/ /'dir nang gi le'u la tshigs su bcad pa 'di ni mdor bsdus pas rnam par phye ste 'chad par 'gyur ba'i ye shes kyi le'ur mchog tu mi 'gyur ba'i ye shes grub pa las rgyas par brjod par bya'o/ /lus skyed pa la rgyu dang 'bras bu tshogs pa'i nges pa'o/ /mngal 'dzin pa la sogs pa gsungs pa sa bon zhes pa la sogs pa ste 'dir dbang po gnyis kyi sbyor ba las gsang ba'i pad mar lhung ba'i khu ba dang b+ha ga'i khrag gang yin pa de ni sa bon zhes brjod do/ /sa bon de ni 'dzin mas 'dzin te gsang ba'i pad ma la sa'i khams gang yod pa de yis so zhes pa'i don to/ /pad mar gnas pa zhes pa ni gsang ba'i pad mar gnas pa'o/ / gsang ba'i pad ma de las chu yis sdud do/ /phyi nas ni me yis smin par byed cing zhes pa ni chu yis rab tu bsdus pa'i sa bon 'di me yis rab tu smin par byed do/ /ro dang ro ni za bar byed de zhes pa ni ro drug po ma yis zos pa dang 'thungs pa gang yin pa'i ro dang ro de dag me yis za bar byed do/ /sa bon 'di yi 'phel ba rlung gis byed do/ /nam mkha' stong pa dag kyang 'phel ba'i sngon du go skabs sbyin par byed do/ /mi yi bdag po zhes pa ni bod pa'o/ /dus las de ltar 'grub pa ste de ltar rim pa de dag gis nya la sogs pa grub ste mngal rdzogs par 'gyur ro/ /lha yi gnas skabs rnams byed do zhes pa la du ba la sogs pa lha yi gnas skabs bcu po de dag byed pa ni mngal dang byis pa dang gzhon nu la sogs pa'i gnas skabs bcu po rnams te btsa' bar 'gyur ba'i dus dang byis pa la sogs dus dag tu yang ngo zhes pa ni mngal 'dzin pa'i nges pa'o/ /sa bon gyi rang gi khams kyi bya ba gsungs pa sa bon dag gi zhes pa la sogs pa ste 'dir sa bon khu ba dang khrag gis gang yin pa des gsang ba'i pad ma la gnas pa'i ro drug po rnams zos nas lus skyed pa la gsal bar lci zhing sra ba nyid byed do/ /chu ni de bzhin gsher ba nyid byed do/ /me ni zos pa'i ro rnams smin par byed do/ /rab mchog rnam pa bcu'i rlung srog la sogs pa dag ni sa bon 'di yi lus la 'phel bar byed do/ /'phel ba dag la slar yang nam mkha' nyid ni go skabs sbyin byed dus las de ltar sngar brjod pa'i cho gas skyed pa ste sna tshogs dngos po du ma dag gis lus bcas sgra dang yid dang zhes pa ni lus dang ngag dang sems so/ /nus pa rnams ni du ba la sogs pa ste lus dang ngag dang sems kyi chos can rnams spro bar byed do zhes pa ni sa bon gyi khams kyi bya ba brjod pa'o/ /gsang ba zhes pa la sogs pas nang gi sems rdo rje 'dzin pa khyab 'jug gi gnas skabs bcu gsungs te 'dir gsang ba'i pad mar khrag gi nang du gang tshe lhung ba'i byang chub sa bon zhes pa ni khu ba ste srog dang bcas pa ni kun gzhi'i rnam par shes pa dang bcas pa dag gang gi tshe gsang ba'i pad mar lhung ba de'i tshe gnas skabs bcu'i mtshan nyid du 'gyur ro/ / de rnams las mngal gyi nang du nya dang rus sbal dang phag gi gnas skabs gsum du 'gyur ro/ /de bzhin du btsa' ba'i dus su gcig ste mi yi seng ge'i gnas skabs so/ /byis pa'i dus dag tu yang rnam pa gnyis te so skye ba'i bar ni mi'u thung gi gnas skabs so/ /so skyes nas so lhung ba'i bar ni dgra sta rA ma'i gnas skabs so/ /gzhon nu lang tsho dag la gzhan zhes pa ni so lhung ba nas lo bcu drug gi bar du rgyas pa dang po rA ma'i gnas skabs so/ /de bzhin du lo bcu drug nas skra dkar skyes pa'i bar ni rgyas pa gzhan nag po'i gnas skabs so/ /skra dkar skyes pa nas 'chi ba'i nyin zhag gi bar ni sangs rgyas kyi gnas skabs so/ /'chi ba'i nyin zhag la 'byung ba thams cad gcig tu 'dres par gyur pa nyid kyi phyir lus la rigs ldan gyi gnas skabs su 'gyur te rgan po nyid la zhi ba gcig ste mngal skyes rnams kyi srid pa 'chi ba nyid ni mtha' ma'o zhes so/ / gnas skabs bcu'i nges pa'o/ /nya zhes pa la sogs pas nang la sems rdo rje 'dzin pa khyab 'jug gi bya ba gsungs te 'dir nya'i dngos po la byang chub kyi sems rdo rje 'dzin pa khyab 'jug ni nya yi rnam par 'gyur te nyin zhag 'ga' ni dus kyi nyin zhag gi bar du'o/ /de nas rus sbal gyi dngos po la ni rus sbal gyi dngos por 'gyur te yang yig gis dus gzhan gyi nyin zhag gi bar du'o/ /phag pa'i dngos po la byang chub kyi sems khyab 'jug de yi skye mched nyi ma ste skye mched bcu gnyis 'byung bar 'gyur te gsum pa'i dus kyi nyin zhag gi bar du'o/ /de bzhin du zla ba bdun pa nas skye ba'i nyin zhag gi bar du mi yi seng ge'i dngos po la rab tu skye bar 'gyur te lag pa dag gis skye gnas rnam par 'byed pa'i phyir ro/ /mi'u thung gi dngos po la ni sngar brjod pa'i byis pa'i dngos por 'gyur ro/ /dgra sta rA ma la yang mi bdag gnyis te sum bcu rtsa gnyis kyi so rnams 'byung bar 'gyur ro/ / rA ma'i dngos po la ni ltung bar 'gyur ro/ /byang chub kyi sems khyab 'jug de nyid nag po'i dngos po la ni gsal bar sgyu dag byed ces pa sgyu ma byed par 'gyur ro/ /sangs rgyas kyi dngos po la yang zhi ba dang sems can/ rnams la brtul zhugs nges pa byed do/ /rigs ldan la ni 'chi bar 'gyur te rigs ldan gyi dngos po la sngar brjod pa'i cho gas 'chi bar 'gyur ro zhes pa ni 'jug pa bcu'o/ /'dir phyi rol du nya la sogs pa'i lo rgyus tshangs pa'i drang srong gdug pa rnams kyis byis pa rnams bslu ba'i slad du bkod pa gang yin pa de ni dmyal ba 'thob pa'i rgyu ste 'chad par 'gyur ba mchog tu mi 'gyur ba'i ye shes grub pa las rgyas par brjod par bya'o/ / khu ba zhes pa la sogs pas ma'i mngal na gnas pa'i khu ba dang rdul dag gi rnam par 'gyur ba mngal bzung ba nas brtsams te btsa' ba'i mthar thug pa gsungs so/ /'dir skye ba'i lus la mdzod drug tu 'gyur te/ khu ba las rkang du 'gyur ba dang rus par 'gyur ba dang / rgyus pa ste chu rgyus rnams su 'gyur ba'o/ /rdul las lpags pa dang khrag tu 'gyur ba dang shar 'gyur ba ste gang gi phyir brjod pa'i sa bon gyis rab tu bskyed pa'i phyir ro/ /'dir mngal du zla ba gcig gi bar du khrag dang sa bon bdud rtsi lnga'i ror gyur pa rab tu skye'o/ /phyi nas sa bon myu gu zhes pa ni de nas zla ba'i mjug tu byang chub kyi sems myu gur gyur pa'i snying kha'i go skabs su rnam pa bcu yi rtsa srog la sogs pa'i rlung rnams kyi rten du 'gyur te de dag kyang shin tu phra ba ste skra'i tshad do/ /lte ba la ste lte ba'i phyogs su brgyad pa brgyad dbyug gu drug bcu rtsa bzhi rgyu bar bya bar 'gyur ro/ /ma gsungs kyang khyim gyi 'pho ba bcu gnyis kyi dbang gis drug bcu rtsa bzhi po rnams kyi rten du gyur pa'i rtsa shin du phra ba bcu gnyis su 'gyur te de bzhin du lte ba'i rtsa sngar brjod pa de dag thams cad ni shin tu phra ba'o/ /rkang lag gdong gi gnas kyi rgyu'i slad du gyen du skyod par byed pa ste rkang lag gdong gi gnas rnams su bskyod pa'i mthu de las zla ba gnyis pa rdzogs par gyur pa'i rjes la 'dir ni rkang lag gdong gi mtshon pa cung zad do/ /'dir dang po nya'i gnas skabs kyi nyin zhag 'das par gyur pa rus sbal gyi gnas skabs la gdong dang rkang pa dang lag pa'i gnas rnams su 'bur po lngar 'gyur ro/ /lag pa rkang pa mgrin pa dag gi mgo bo mnyam par 'gyur te rus sbal lo/ /phra mo'i rtsa gzhan rnams ni zla ba bzhi pa rdzogs par gyur pa na rkang lag gdong dang mgrin pa dag gi phyogs su rkang pa dang lag pa rnams kyi tshigs drug dang gdong gi mgrin pa la lhan cig skyes pa dang longs spyod rdzogs pa'i rtsa shin tu phra ba rnams su 'gyur te rus sbal gyi gnas skabs so/ /zla ba lnga pa la ni phag gi dngos po la sha dang khrag dang rus pa mkha' ro bsreg za zhes pa ni rus pa sum brgya drug bcu ste tshigs rnams kyang de snyed do/ /zla ba drug pa la yang ste yang yig gis phag pa'i dngos po la sha dang khrag tu 'gyur ro/ /tshor bar 'gyur te bde ba dang sdug bsngal yang rig go/ mngon par shes pa'i stobs kyis sngon gyi gnas rjes su dran par yang 'gyur te rang gi sems kyi chags pa dang bral bar byed do/ /srid pa'i sdug bsngal smod par byed do/ /sangs rgyas kyi lam la bsngags par byed do/ /de nas smin ma skra dang spu dang bug pa mig la sogs pa rnams kyang phag gi dngos po la thub pa mchog la ste zla ba bdun pa rdzogs par gyur pa na skye mched rnams yongs su rdzogs par 'gyur ro/ /'dir mngal gyi zla ba'i mjug tu nyin zhag so so'i dus la stong pa stong pa mig gi grangs te nyis brgya'i grangs kyi rtsa rnams su nyin zhag so so la 'gyur ro/ /de nas sum brgya drug bcu'i gnad rnams dang rus pa rnams te de'i nang du rkang du 'gyur ro/ /ro 'dzin ni lce ste lce yi dbang po bskyed pa'i slad du'o/ /sngar gyi mig la sogs pa rnams sra ba nyid du 'gyur ro/ /ro 'dzin skyes pa'i dus de nas 'dir gci ba bshang ba ni zla ba brgyad pa dag la yang phag gi dngos po la 'gyur ro/ / de nas bug pa zhes pa ste zla ba dgu pa rdzogs par gyur pa 'ang kha cig tu bcu pa dang bcu gcig pa dang bcu gnyis pa la phag gi dngos po'i mjug tu sdug bsngal drag por 'gyur te btsa' ba'i dus su skye gnas kyis ni btsir ba dag gis te mi'i seng ge'i dngos po la mngal nas skye ba dag gi'o zhes pa ni mngal nas skye ba'i nges pa'o/ /'phags pa'i bden pa bzhi las 'khor ba pa rnams kyi sdug bsngal gyi bden pa gsungs pa mngal zhes pa la sogs pa ste 'dir dang por re shig 'khor ba pa mngal na gnas pa rnams kyi mngal na gnas pa'i sdug bsngal bum par 'tshed pa dang mtshungs par 'gyur ro/ /btsa' ba'i dus su tho ba'i 'khrul 'khor gyis btsir ba bzhin no/ /byis pa'i dngos po la yang bshang ba za ba phag pa bzhin no/ /gzhon nu dang ni lang tsho dag la yang bud med dang bral ba'i sdug bsngal dang nor dang 'byor pa nyams pa'i sdug bsngal te de med pa'i phyir ro/ /rgan po nyid la 'ang rga shi'i sdug bsngal lo/ / slar yang shi ba'i mthar 'gro ba drug tu 'jigs ster ngu 'bod la sogs te sogs pas ni yi dags dang dud 'gro'i 'gro bar sdug bsngal drag por 'gyur te dge ba bcu yongs su bor ba dang sdig pa'i dbang gis so/ /de ltar sgyu mas rmongs par byas pa'i mtha' dag 'gro ba 'di ni sdug bsngal dag las sdug bsngal 'dzin par byed/ 'dir 'khor ba'i sgyu ma ngar 'dzin pa dang nga yir 'dzin pa'i bdag nyid can gyis rmongs par byas pa dmyal ba dang yi dags dang dud 'gro'i sdug bsngal dag las sdug bsngal 'dzin par byed do/ /lam gyi bden pa gsungs pa 'khor ba zhes pa la sogs pa ste 'gro ba drug gi bdag nyid kyi 'khor ba 'dir mi nyid du ni 'gyur ba dag kyang 'ga' zhig tu ste/ de bas mu stegs pa'i sbyin pa la sogs pa'i chos rnams la mi rnams kyis chos kyi blo ni res 'ga' na 'byung ngo / /de bas sangs rgyas la ni rjes chags rgya lam na dge ba'i dbang gis 'gyur zhing sbyin pa la sogs pa la rjes su chags pa yang ngo / /de bas kyang dge ba'i dbang gis dang po'i theg pa nyan thos dang rang sangs rgyas kyi theg pa la rab tu 'jug par 'gyur ba'o/ /de bas dpal ldan rdo rje theg pa la 'jug pa ste rdo rje ni mi phyed pa dang mi chod pa chen po yin la de nyid theg pa yin pa ni rdo rje theg pa ste sngags kyi tshul dang pha rol tu phyin pa'i tshul 'bras bu dang rgyu'i bdag nyid gcig tu 'dres par gyur pa'o/ /de la 'jug pa ni rdo rje theg pa la 'jug pa'o/ /de bas bsgom pa la ni blo gros ma lus rgya lam dag na 'jug ste gang zhig sems dmigs pa dang bcas pa'i stong pa nyid dang dmigs pa med pa'i snying rje'i bdag nyid la'o/ /bsod nams dang ye shes kyi dbang gis bsgom pa de la sangs rgyas nyid 'dod par 'gyur ba'o/ /de ltar mchog gi bde ba'i go 'phang dag la 'jug pa e ma shin tu dka' ste 'khor ba'i bde ba mngon par 'dod pa'i 'khor ba pa rnams la ring ba las kyang shin du ring ngo / / mngal du zhes pa la sogs pas kun 'byung gi bden pa gsungs te 'dir dang por 'jig rten kun rdzob kyis rnam par dag pa'i sku la sogs pa mngal nas skyes pa'i lus la yang dag par blta bar bya ste phyi nas de nyid kyi chos kyis sangs rgyas bcom ldan 'das kyi shin tu rnam par dag pa'i sku la sogs pa rnams rnal 'byor pa rnams kyis rig par bya'o/ /'dir ma'i mngal du ji srid gnas pa de srid du mngon par shes pa lnga dang ldan pa ni lus can rnams kyi yang dag par dag pa'i skur 'gyur ro/ /de nas btsa' ba'i dus nas brtsams te ji srid so skye ba de srid ni chos kyi skur 'gyur ro/ /so skyes pa de nas ji srid so rab tu lhung bar 'gyur ba de srid ni rgyal ba byang chub kyi sems rdo rje'i longs spyod rdzogs pa'i sku ste mi yi bdag po zhes pa ni bod pa'o/ /so lhung ba de nas sprul pa'i sku ni rab tu gsal zhing nges par 'chi ba'i mtshams te mi rnams dag gi ni mngal nas skyes pa rnams kyi'o/ / mngal dang phyi rol dag tu slar yang sku'i tshogs 'di ni rnam pa bzhi ru 'gyur te 'dir ye shes kyi dbye bas mngal dang rnam par shes pa drug gi dbye bas phyi rol du ste ye shes rnam shes dbye bas zhes so/ /'dir re shig mngal du rnam shes ni kun gzhi'i rnam par shes pa ste bde ba dam pa'i ye shes so/ /zla ba nyi ma dag ni khu ba dang rdul lo/ /kyang pad mar gnas pa ni mngal rdzogs par bya ba'i don du gsum po gcig tu gyur pa ma'i pad ma la gnas pa'o/ /de ni mngal du dag pa'i skur bcom ldan 'das kyis gsungs te/ ma dang pha dang kun gzhi'i rnam par shes pa'i bde ba'i gnas skabs gcig yin pa'i phyir ro/ khams dang phung po rnams rab tu 'byung ba rnam pa bcu po gang yin pa de ni rgyal ba byang chub kyi sems rdo rje'i chos kyi sku'o/ /de nas yon tan dbang gis te nyin zhag gi dbang gis nang gi rna ba la sogs pa'i dbang po rnams dang sgra la sogs pa'i yul rnams skyes par gyur pa na longs spyod rdzogs pa'i skur 'gyur ro/ /de nas skra la sogs pa skyes te sogs pas ba spu dang bshang ba dang gci ba grub cing rab tu btsa' ba'i dus su skye gnas nas 'byung ba ni mngal du sprul pa'i skur gsungs so/ /de nas phyi rol gyi sku bzhi ni skyes par gyur pa na dbugs kyi dang po gang zhig dbu ma'i rtsa la rab tu 'byung bar 'gyur ba yon tan med pa de ni gsung rdo rje'i yul la yang dag par dag pa'i sku'o/ /dag pa'i sku de nyid ni rkang pa dang bcas pa'i dbugs lnga bcu rtsa drug gi cho gas ji srid pa de srid de dbu ma las rab tu 'bab pa'i phyir ro/ /de nas srog yang dag par rgyu ba'i dbang gis so ni rab 'byung gang zhig tshig ni gsal min dag kyang gang de 'du shes pa'i mtshan nyid de ni gsung rdo rje'i yul la chos kyi sku'o/ /de nas gnyis skyes rnams ni ltung ba ste so rnams lhung bar 'gyur ba'i bar lo brgyad kyi mthar thug pa ni longs spyod rdzogs pa'i sku ste tshig yongs su gsal ba'i phyir ro/ /so rnams dag las te lhung ba las 'chi ba'i mthar thug pa ni phyi rol du sprul pa'i skur 'gyur ro/ /'dir mngal du lus kyi dbye bas sku'i dbye ba rnam pa bzhi ste phyi rol du srog rgyu ba'i dbye bas sku'i dbye ba rnam pa bzhi'o/ /ye shes dang rnam par shes pa ni nang dang phyi rol du yang lus dang srog dag gi grogs so/ /'dir lus kyi dbye ba ni sa bon dang 'brel ba can te ngag gi dbye ba ni khrag dang 'brel ba can no/ /de bzhin du khyab par bya ba dang khyab par byed pa'i 'brel ba'i sems kyi dbye bas sku'i dbye ba rnam pa bzhi dang sad pa la sogs pa'i ye shes kyi dbye bas sku'i dbye ba rnam pa bzhi ste dga' ba la sogs pa rnam pa bzhi'i rang bzhin gyis so/ /lus dang phyi rol la lhan cig skyes pa la sogs pa'i sku 'byung ba'i nges pa'o/ /mngal du zhes pa la sogs pas sku dang gsung dang thugs dang ye shes 'byung ba gsungs te 'dir ma'i mngal du ye shes ni lhan cig skyes pa'i dga' ba'o/ /rnam shes bsres pa ni kun gzhi'i rnam shes bsres pa'o/ /nyi ma ri bong can dang bcas pa ni rdul dang khu ba dag dang bcas pa'o/ /ye shes rdo rje la sogs kun ni lhan cig skyes pa'i dga' ba la sogs par 'gyur ro/ /mngal na gnas pa dag ni sku'i rdo rje la sogs rim pa yis kyang stobs dang ldan par 'gyur ro/ /'dir dang por mngal du skye ba'i mtshams kyi bar du dpal ldan sku yi rdo rjer 'gyur te lus kyi cha shas yongs su rdzogs pa'o zhes pa'i don to/ /de nas skyes pa na gsung rdo rje srog yang dag par rgyu ba ste srog 'byung ba'o/ /de nas so sum bcu rtsa gnyis rab tu skyes par gyur pa na thugs 'du shes 'dzin pa por 'gyur te nyid ces pa ni mtha' gcig tu nges pa'o zhes pa'i don to/ /slar yang so lhung nas so sum bcu rtsa gnyis rab tu skyes par gyur pa na khu ba 'pho ba'i gnas skabs kyi mtshan nyid lhan cig skyes pa'i dga' ba'i mtshan nyid te bud med rnams kyi lo bcu gnyis kyi mtshams dang skyes pa rnams kyi lo bcu drug gi 'tshams su rig par bya'o/ /sku dang gsung dang thugs dang ye shes rdzogs pa brjod pa'i phyir ro/ /rten dang rten pa'i 'brel ba gsungs pas zhes pa la sogs pa ste sa'i snying po dag ni bsreg za mer 'gyur ro/ / de'i rigs can ni ma yin te sa'i yon tan gyi rang bzhin med pa'i phyir ro/ /'dzin ma dang rlung dag ni nam mkha'i snying po stong pa'i dbus na gnas pa'o/ /de'i rigs las skyes pa ni ma yin te nam mkha'i yon tan med pa'i phyir ro/ /de bzhin du rlung gi snying po dang sa'i snying po dag ni chu yin no/ /rlung gi snying po de nyid ni rang bzhin med pa rjes su 'thun pa'i gzugs kyis gnas pa ste gang dang gang du rlung yang dag par rgyu ba de dang der de dang lhan cig 'gro'o/ /sa'i nang na gnas pa gang yin pa de ni rang bzhin te sa la rko bar byed pa na gsher ba'i ngo bor mthong ngo / /'dir slar yang nam mkha' ni sa la sogs pa thams cad kyi rten te sa la sogs pa'i 'byung ba rnams ni rten pa'o/ /'dir rten dang rten pa ni rim pa bzhin du 'gyur te sa yi rten ni chu ste phyi rol du sa yi dkyil 'khor gyi rten chu yi dkyil 'khor yin pa ji lta ba de bzhin du lus la yang ngo / /'bar byed dag kyang ste me'i dkyil 'khor ni chu yi zhes pa chu'i dkyil 'khor gyi rten no/ /rlung zhes pa rlung gi dkyil 'khor ni dag par byed pa me'i dkyil 'khor dag gi'o/ /rlung gi zhes pa rlung gi dkyil 'khor gyi rten ni stong pa ste nam mkha'o/ /de ltar stong pa ni sa la sogs pa 'byung ba thams cad gyi rten du 'gyur ro/ / tshogs pa'i rten dang rten pa gsungs pa phung po zhes pa la sogs pa ste 'dir lus la phung po lnga po rnams kyi rten ni 'byung ba rnams te sa la sogs pa'i 'byung ba'i tshogs su 'gyur ro/ /de ci'i phyir zhe na/ 'dir sa la sogs pa'i rang bzhin med na ma rig pa la sogs pa'i rkyen med par 'gyur ro/ /ma rig pa dang 'du byed dang rnam par shes pa'i rkyen med na gzugs la sogs pa'i phung po med de gang gi phyir 'byung ba bzhi'i bdag nyid kyi gzugs dang khams drug gi bdag nyid kyi skyes bu chen po'i gang zag yod pa de'i phyir phung po'i rten ni 'byung ba rnams su 'gyur ro/ /lus mchog dag la 'byung ba'i tshogs kyi rten ni rtsa stong phrag bdun bcu rtsa gnyis kyi grangs rnams su 'gyur ro/ / rtsa de dag rnams kyi yang rten ni srog gi rlung ste 'du byed pa'i rgyu yin pa'i phyir ro/ /de yang rnam pa bcu ste 'chad par 'gyur ba las brjod par bya'o/ /srog gi rlung rnams dag gi rten ni sems yin no/ /sems de ni ste de nyid gnyis kyi rang bzhin gyi sems su 'gyur ro/ /yon tan dbang gis zhes pa la snying stobs dang rdul gyi dbang gis ni rang bzhin can sad pa dang rmi lam gyi mtshan nyid do/ /mun pa'i yon tan gyi dbang gis rang bzhin med pa shin tu gnyid log pa'i mtshan nyid dbang po med par 'gyur ro/ /rang bzhin can dang rang bzhin med pa de dag gi yang rten ni gtso bo ste 'khor ba pa rnams kyi bde ba dang sdug bsngal gyi gnas skabs 'dzin pa'o/ /de yang bde ba dang sdug bsngal dang bral ba ni srid pa gsum gyis btud cing gzhom med kun tu 'gro ba gang yin pa de yin te/ bde sdug sel ba mthar gyur pa zhes so/ /dri zhes pa la sogs pa khams rnams kyi bskyed par bya ba dang skyed par byed pa'i 'brel ba gsungs te 'dir phyi rol lam nang du dri ni 'dzin ma dag las 'byung bar 'gyur te gtso bos so/ /phal pas ni ro la sogs pa rnams kyang ngo / /ro rnam pa drug ni yang zhes pa srid pa'i don te rtse mo can me'i khams las te gang gi phyir yongs su smin par byed pa'i rgyu yin pa de'i phyir me las ro 'byung bar 'gyur ro/ /gzugs kyi khams ni chu las so/ /'dir myu gu la sogs pa rnams skye ba la sogs pa ni kha dog sna tshogs dang dbyibs sna tshogs su chu las 'gyur te gtso bos so/ /phal pas ni ro la sogs pa rnams kyang 'byung ngo / /de bzhin du rlung ste rlung gi khams las reg pa 'byung bar 'gyur ro/ /zhi ba ste ye shes kyi khams las sgra dang zhes pa sgra 'byung ngo / /chos kyi khams te byang chub kyi sems kyi khams ni nam mkha' ste lnga'i bdag nyid kyi ro'i khams gsal bar byed pa las 'byung bar 'gyur te bde ba'i gnas skabs las so/ /da ni bzung ba dang 'dzin pa 'i 'brel ba gsungs te 'dir gzhan gyi rigs la 'khyud pas bya ba 'grub par 'gyur te rang gi rigs la 'khyud pa ni bdag nyid la rang gi bya ba 'gal ba'i phyir ro/ /de'i phyir gzhan gyi rigs la 'khyud pa ni lus skyed pa'i rgyur 'gyur ro/ /des na stong pa zhes pa stong pa'i rigs las byung ba'i rna ba'i dbang pos ni ye shes kyi khams las byung ba'i sgra 'dzin par byed do/ /nges par rgyal ba skyed mdzad ces pa ni gdon mi za bar ye shes kyi khams las byung ba'i yid kyi dbang pos nam mkha'i khams las byung ba'i yul chos kyi khams 'dzin par byed do/ /rlung dag ni zhes pa bskyed par bya ba dang skyed par byed pa dbyer med pa nyid kyis te rlung las byung ba'i sna'i dbang pos sa'i khams las byung ba'i yul dri 'dzin par byed do/ /me yang zhes pa ni me'i khams las byung ba mig gi dbang pos chu'i khams las skyes pa'i yul gzugs 'dzin par byed do/ /chu'i khams las byung ba lce'i dbang pos me'i khams las skyes pa'i yul ro 'dzin par byed do/ /'dzin ma zhes pa sa'i khams las byung ba lus kyi dbang pos rlung gi khams las byung ba'i yul reg bya 'dzin par byed de yul dang yul can rnams kyi gzung ba dang 'dzin pa'i mtshan nyid nges pa'o/ /'jig rten kun rdzob kyis gzugs la sogs pa'i phung po rnams khams so so la grub par gsungs pa grub pa zhes pa la sogs pa ste 'dir khams dang phung po rnams gcig nyid du grub par gsungs so/ /'dir gzugs ni 'dzin ma la gtso bos grub pa ste 'du shes la sogs pa rnams ni phal pas grub pa'o/ /srid pa gsum gyi gnas su ste khams gsum gyi yul du yin gyi mya ngan las 'das pa'i chos la ni ma yin no/ /yang yig las chu la ni 'du shes zhes grub par 'gyur te 'dir 'du shes bya ba ni dbyangs kyi chos zla ba dang khu ba dang chu'i rang bzhin te chu'i rang bzhin nyid kyi phyir chu la 'du shes grub par 'gyur ro zhes pa ni nges pa'o/ /me la nges pa nyid du tshor ba zhes pa la 'dir me'i rang bzhin ni nyi ma dang rdul dang ka li ste nyi ma dang rdul dang kA li'i rang bzhin ni tshor ba'o/ /de'i phyir me la tshor ba gtso bos grub par 'gyur te lhag ma rnams ni phal pas rab tu 'gyur ro/ /rlung la 'du byed kyi phung po grub ste de bzhin du 'dir rlung ni lus dang ngag dang sems yang dag par g.yo bar byed pa ste des na rlung gi rang bzhin ni 'du byed du grub bo/ /de bzhin du rnam shes ye shes bsres pa ste ye shes dang bcas pa ni rim pa bzhin du nam mkha' dang bcas rdo rje dag la ste nam mkha' la rna ba'i rnam par shes pa la sogs pa'i mtshan nyid rnam par shes par grub bo/ /rdo rje ste ye shes kyi khams la byang chub kyi sems 'pho ba'i mthar bde ba'i skad cig gi bdag nyid kyi ye shes grub bo/ /'dir khams drug gi bdag nyid can skyes bu chen po'i gang zag gi lus la ci'i phyir khams dang phung po la sogs pa thams cad du 'gyur zhe na gsungs pa/ rdul dang byang chub sems sogs sbyor bas so/ /'dir lus la khams dang phung po la sogs pa gang yin pa de thams cad ni rdul dang khu ba dang kun gzhi'i rnam par shes pa'i bde ba'i skad cig gi gnas skabs sbyor ba las 'gyur ro/ /rna ba la sogs pa 'dzin pa rnams sgra la sogs pa'i yul 'dzin par byed pa nyid kyis de'i rang bzhin nyid du gsungs pa rna ba zhes pa la sogs pa ste 'dir lus kyi chos la rna ba ni stong pa'i mtshan nyid 'dzin par byed pa nyid kyis gzung ba'i yul 'dzin pas rdo rje'i rang bzhin te sgra'i rang bzhin no/ /'dir 'dzin pa'i chos ni lus kyi dbye bas gsungs te gzung ba'i chos ni bsam pa'i dbye bas so/ /de'i phyir gzung bar bya ba'i rang bzhin gyis bskyed par bya ba dang bskyed par byed pa'i rang bzhin rnam par shes par bya'o/ /mi yi bdag po zhes pa ni bod pa'o/ /sems te yid ni nam mkha' dag gi rang bzhin zhes pa chos kyi khams kyi rang bzhin te yul chos kyi khams 'dzin pa nyid kyi phyir ro/ /sna ni sa yi rang bzhin zhes pa dri'i rang bzhin te dri 'dzin pa'i phyir ro/ / de bzhin kho na lce ni me'i rang bzhin nyid du 'gyur snga ma bzhin du me las skyes pa ro'i rang bzhin te ro 'dzin pa nyid kyi phyir ro/ /mig ni chu yi rang bzhin dag ste chu las skyes pa'i gzugs 'dzin pa'i phyir ro/ /srid pa gsum gyi gnas su ste mya ngan las 'das pa la ni ma yin no/ /lus kyang rlung gi rang bzhin no zhes pa ni lus kyi dbang pos yul reg bya rlung las skyes pa 'dzin pa'i phyir ro/ /de ltar brjod pa'i rim pas rna ba la sogs pa thams cad 'gyur te yon tan dbang gis zhes pa ni sgra dang chos kyi khams dang dri dang ro dang gzugs dang reg bya'i dbang gis so/ /rna ba dang yid dang sna dang lce dang mig dang lus te dbang po drug gi khams 'di dag ni ye shes rnam shes sbyor ba las shes par bya'o/ / khams drug gi dbang gis ser sna la sogs pa sems kyi rnam par 'gyur ba drug gsungs pa ser sna zhes pa la sogs pa ste 'dir lus la sems kyi ser sna ni ye shes khams la zhes pa lnga pa'i don la bdun pa ste/ ye shes kyi khams kyi dbang gis sems can rnams kyi ser sna'i sems so zhes pa'i don to/ /nam mkha' la ni zhe sdang rdo rje'o zhes pa ni nam mkha'i khams kyi dbang gis sems can rnams kyi zhe sdang gi sems so/ /de bzhin du rlung gi khams kyi dbang gis phrag dog gi sems so/ /me'i khams kyi dbang gis chags pa'i sems te de nyid thub pas rab tu gsal bar mdzad do/ /de bzhin nyid du chu'i khams kyi dbang gis nga rgyal gyi sems so/ /sa yi khams kyi dbang gis gti mug gi sems te rang bzhin ni ye shes la sogs pa'i khams kyi chos so/ /de'i yon tan ni rang bzhin rnams te de'i rang bzhin gyi dbang gis 'khor ba pa rnams kyi sems la ser sna la sogs par 'gyur ro/ khams kyi dbang gis las kyi dbang po rnams gsungs pa ngag ces pa la sogs pa ste 'dir ngag gi dbang po ni rlung gi khams las 'gyur ro/ /lag pa'i dbang po ni me'i khams las so/ /rkang pa'i dbang po ni chu'i khams las so/ /bshang lam gyi dbang po ni sa'i khams las so/ /ma brjod pa nyid las gsang ba'i dbang po ni nam mkha'i khams las so/ /lo bcu drug gi mthar mchog gi dbang po ni ye shes kyi khams las 'gyur ro zhes pa ni las kyi dbang po drug gi nges pa'o/ /thur sel zhes pa la sogs pas khams drug las thur sel la sogs pa'i rlung rnams gsung te 'dir lus la thur sel gyi rlung ni ye shes kyi khams la 'gyur ro/ /'dir yang lnga pa'i don la bdun pa 'o/ /de yang bshang ba dang gci ba dang khu ba 'dren par byed pa las rnam gsum zhes par 'gyur ro/ /srog gi rlung ni stong pa la ste nam mkha'i khams las so/ /yang yig gis de yang rnam pa gsum ste g.yon dang g.yas dang dbu ma'i rtsar rab tu 'bab pa las so/ /rlung gi dbus su ste rlung gi khams kyi rang bzhin las mnyam gnas su 'gyur ro/ /rtse mo can te me'i khams la slar yang gyen rgyu'o/ /chu la ste chu'i khams la khyab byed do/ /sa la zhes pa sa'i khams la klu'o/ /de nas de ma thag tu rus sbal la sogs pa bzhi po rnams te rlung gi khams las rus sbal du 'gyur ro/ /me'i khams las rtsangs pa'o/ /chu'i khams las lha sbyin no/ /sa'i khams las nor las rgyal ba'o/ / lo bcu drug gi mthar nam mkha'i khams las dga' ba'i rlung ngo / /ye shes kyi khams las lhan cig skyes pa'i dga' ba'i rlung ngo / /gtsug tor zhes pa la sogs pas khams kyi dbang gis lus kyi lag pa la sogs pa'i tshigs la 'khor lo la sogs pa rnams gsungs te 'dir nam mkha'i khams las gtsug tor gyi pad ma 'am 'khor lor 'gyur te 'dab ma'i grangs ni 'chad par 'gyur ba las brjod par bya'o/ /lha dang mi rnams kyi ni ye shes kyi khams las kyang gsang bar 'gyur te gsang ba'i pad ma'o zhes pa'i don to/ /snying gi pad ma rlung gi khams las 'gyur ro/ /rab gsal rtse mo can las mgrin pa'i 'khor lor 'gyur ro/ /gsal bar ni nges par ro/ /chu'i khams las smin ma'i nang gi pad ma'o/ /nor ni nor te drug bcu rtsa bzhi'i 'dab ldan lte ba'i pad ma ni sa'i khams las 'gyur ro/ /tshigs drug ces pa ni mang po'i tshig la gcig gi tshig go / rkang pa lag pa dag gi ste rkang pa g.yon pa'i gsum ni sa'i khams kyi snying stobs dang rdul dang mun pa'i yon tan rnams kyi dbye ba las 'gyur te ma hi zhes pa thung ngu ni sa'i rnam grangs so/ /rkang pa g.yas pa'i gsum ni chu'i khams kyi yon tan gsum gyi dbye ba las so/ /lag pa g.yon pa'i gsum ni me'i yon tan gsum gyi dbye ba las so/ /lag pa g.yas pa'i gsum ni rlung gi yon tan gsum gyi dbye ba las te rlung rnams dag la gsum gyi grangs zhes so/ /'khor lo bcu gnyis ni 'chad par 'gyur ba las brjod par bya'o/ /'khor lo bcwa brgyad kyi nges pa'o/ /da ni sa zhes pa la sogs pas khams kyi dbang gis sor mo 'byung ba gsungs te 'dir lag pa dang rkang pa dag gi mthe bo la sogs pa mthe chung gi mthar thug pa rnams g.yon pa dang g.yas pa la yang khams lnga yon tan gsum gyi rang bzhin gyis tshigs gsum gyi bdag nyid de/ de la sa'i khams kyi dbang gis mthe bong du 'gyur te sa'i khams kyi yon tan gsum gyi dbang gis mthe bo'i tshigs gsum mo/ /de bzhin du chu'i khams kyi rang bzhin gyis 'dzub mo'o/ /de bzhin du me'i khams kyi rang bzhin gyis gung mo'o/ /de bzhin du rlung gi khams kyi rang bzhin gyis ming med do/ /nam mkha'i khams kyi rang bzhin gyis mthe'u chung ngo / /lag pa g.yon pa la ji lta ba de bzhin du g.yas pa la yang ngo / /de bzhin du rkang pa dag la yang shes par bya'o/ / lag pa gnyis dang rkang pa gnyis la bcu ni gsum gyis bsgyur ba ste sum bcu'i tshigs kyi gzugs dang ldan pa mtha' dag ste de dag thams cad sen mo'i mthar thug yang dag gzung bya'o/ /so rnams gsungs te 'dir gal te dang por byis pa la steng du so gnyis su gyur na de'i so g.yas pa sa'i rang bzhin te g.yon pa chu'i rang bzhin no/ /de nas 'og tu gyur pa na de'i tshe g.yas pa me'i rang bzhin dang g.yon pa rlung gi rang bzhin no/ /de bzhin du slar yang steng du me dang rlung gi rang bzhin dag go/ 'og tu sa dang chu'i rang bzhin dag go/ slar yang 'og tu rlung dang me'i rang bzhin dag go/ slar yang steng du sa dang chu'i rang bzhin dag ste de ltar lugs dang 'thun pa dang lugs las bzlogs pas steng dang 'og tu khams bzhi'i rang bzhin gyis so sum bcu rtsa gnyis po dag rig par bya'o/ /gang gi tshe 'khyog po'i mche ba yin pa de'i tshe nam mkha'i khams so/ /de bzhin du spu dang skra rnams khams kyi dbye bas shes par bya ba dag ni gzhan gang spu yi mthar ni lus mchog la 'gyur de dang de ni de bzhin du yang khams lnga las rig par bya ste/ lus kyi dben pa bye ba phrag phyed dang bcas pa'i gsum gyi dbye ba ji snyed pa khams kyi rnam par 'gyur ba ste rdul dang khu ba'i dbang gis khams kyi rnam par 'gyur ba'o/ /kun 'byung gi bden pa ni lus kyi dben pas so zhes bcom ldan 'das kyis gsungs so/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las lus dang ngag dang sems 'byung ba dang sdug bsngal dang lam dang kun 'byung dang 'gog pa'i bden pa nges pa'i mdor bsdus chen po ste dang po'o// da ni gsang ba zhes pa la sogs pas rten dang brten pa'i tshogs pa gsungs te 'dir lus la 'khor lo drug ni rten du gyur pa ste sku bzhi ni brten pa'o/ /de dag las lhan cig skyes pa'i sku ni pad ma gsum la rang bzhin dang rang bzhin med pa'i dbye bas so/ /de'i phyir gsang ba'i pad ma dang gtsug tor gyi pad ma dang lte ba'i pad ma la rnam par dag pa'i sku lhag pa'i lha ste rang bzhin med pa ma brtags pa dang rang bzhin pra phab pa lta bu'o/ /snying khar ni chos kyi sku'o/ /mgrin pa'i chu skyes la yang sku'i dbye bas longs spyod rdzogs pa'i sku lhag pa'i lha'o/ /thig le la zhes pa spyi bo'i chu skyes dag pa'i 'khor lo la sprul pa'i sku lhag pa'i lha'o/ /sku'i dbye bas lte ba sprul pa'i 'khor lor sprul pa'i sku lhag pa'i lha'o zhes pa ni sku'i dbye ba'i nges pa'o/ /yon tan dbang gis zhes pa ni 'khor lo rnams kyi yon tan te lhan cig skyes pa'i sku'i rten gyi yon tan ye shes dang nam mkha' dang sa'o/ /chos kyi sku'i rten gyi yon tan rlung ngo / /longs spyod rdzogs pa'i sku'i rten gyi yon tan me'o/ /sprul pa'i sku'i rten gyi yon tan chu ste rten dang rten pa'i dngos po'o/ /brjod pa'i rim pas snying kha'i 'khor lo mgrin pa'i 'khor lo spyi bo'i pad ma chos dang longs spyod rdzogs dang dag pa'o zhes so/ /lte ba zhes pa la sogs pas lus kyi rten gyi dbye bas rigs drug gsungs te 'dir lus kyi 'khor lo drug la khams drug gi dbang gis rigs drug tu 'gyur te/ grangs bzhin du yum gyi rigs gsum ste gtso bo zhes pa yab kyi rigs kyang ngo / /lte bar sa'i 'khor lo la 'khor lo'i rigs su 'gyur ro/ /mgrin par me'i pad ma la rin chen gyi rigs su 'gyur ro/ /gsang bar ye shes kyi pad ma la gri gug gi rigs su 'gyur te grangs bzhin du yum gyi sku dang gsung dang thugs so/ /de bzhin du spyi bor chu'i pad ma la pad ma'i rigs su 'gyur ro/ /snying khar rlung gi pad ma la ral gri'i rigs su 'gyur ro/ /de bzhin du gtsug tor dbus su nam mkha'i khams kyi pad ma la rdo rje'i rigs su 'gyur te gtso bo'i sku dang gsung dang thugs so/ /rim pa bzhin rdul dang khu ba dag gi rigs su 'gyur te sa la sogs pa'i khams las skyes pa'i rnam par 'gyur ba rnams kyi go rims ji lta bas so/ /de dag ces pa la sogs pas de dag nyid rlung dang rtsa ba'i dbye bas gsungs te 'dir srog dang thur sel gyi rtsa gsum gyi dbye bas rtsa gsum gyi ming gi mtshan nyid du 'gyur ro/ /thur sel gyi bshang ba'i rtsa ni 'khor lo'i rigs so/ /srog gi nyi ma'i rtsa ni rin chen gyi rigs so/ /thur sel gyi khu ba'i rtsa ni gri gug gi rigs so zhes pa ni yum gyi rigs gsum ste sku dang gsung dang thugs so/ /de bzhin du srog gi zla ba'i rtsa ni pad ma'i rigs so/ /thur sel gyi gci ba'i rtsa ni ral gri'i rigs so/ /srog gi dbu ma'i sgra gcan gyi rtsa ni rdo rje'i rigs te gtso bo'i sku dang gsung dang thugs so zhes pa ni rigs drug gi nges pa'o/ /lus zhes pa la sogs pas lus dang bsam pa rab tu 'jug pa dang khams kyi kha dog gsungs te 'dir lus la khams rnams phan tshun du gzung ba dang 'dzin pa'i dbye bar 'gyur ro/ /de la tshogs pa'i dbang gis 'dzin pa'i khams gang yin pa de ni lus kyi ming du 'gyur ro/ /tshogs pa'i dbang gis gzung ba gang yin pa de ni bsam pa'i ming du 'gyur ro/ / gzung ba dang 'dzin pa dag gcig pa nyid ni phan tshun ro mnyam pa nyid do/ /de'i phyir lus la bsam pa rab tu zhugs pa nam mkha' bzhin du ro mnyam bsam pa'i dbus su lus dag kyang / rnal 'byor ldan pas shes bya rang bzhin yon tan dbang gis khams kyi kha dog la sogs dbye bas te zhes pa'o/ /'dir lus kyi dbang po la sogs pa rnams dang dri la sogs pa'i yul rnams kyi rang bzhin ni sa la sogs pa khams rnams te kha dog bzhir 'gyur ro/ /'dir lus kyi dbye bas lus kyi dbang po dang yul dri dang bshang lam gyi dbang po dang / brjod pa rnams sa'i lus kyi rang bzhin gyis kha dog ser po dang bsam pa'i dbang gis rlung gi rang bzhin las kha dog nag po'o/ /de bzhin du sna'i dbang po dang reg dang ngag gi dbang po dang bshang ba 'dzag pa rnams lus kyi dbye bas rlung gi rang bzhin kha dog nag po dang sa'i bsam pa'i dbye bas ser po'o/ /mig gi dbang po dang ro dang lag pa'i dbang po dang 'gro ba rnams lus kyi dbang gis me'i rang bzhin kha dog dmar por 'gyur zhing bsam pa'i dbang gis chu'i rang bzhin dkar por 'gyur ro/ /de bzhin du lce'i dbang po dang kha dog gi gzugs dang rkang pa'i dbang po dang len pa rnams lus kyi dbye bas chu'i rang bzhin kha dog dkar por 'gyur zhing bsam pa'i dbang gis me'i rang bzhin kha dog dmar por 'gyur ro/ /sa rlung me dang chu la'o zhes pa ste sa'i rang bzhin dang rlung gi rang bzhin dang me'i rang bzhin dang chu'i rang bzhin la kha dog rig par bya'o/ /de bzhin du rna ba'i dbang po dang yul chos kyi dbyings dang b+ha ga'i dbang po dang khu ba 'pho ba ste 'di dag ni lus kyi dbye bas nam mkha'i rang bzhin kha dog ljang khu dang bsam pa'i dbye bas ye shes kyi rang bzhin sngon po'o/ /de bzhin du yid kyi dbang po dang sgra dang mchog gi dbang po dang gci ba 'dzag pa ste 'di dag ni lus kyi dbye bas ye shes kyi khams kyi rang bzhin kha dog sngon po dang bsam pa'i dbye bas nam mkha'i rang bzhin ljang khu'o/ /de'i phyir ye shes nam mkha' la yang sngon po ljang khur 'gyur te lus dang bsam pa'i rab tu dbye bas so zhes so/ /lus dang bsam pa'i rang bzhin nges pa'o/ / rus pa dang sha la sogs pa'i khams rnams shes rab dang thabs kyis 'khyud pa gsungs pa shes rab ces pa la sogs pa ste 'dir lus la rus pa'i khams ni shes rab ste sha'i khams ni thabs so/ /sa dang 'du byed de dag ni phan tshun yang dag par ldan pa ste sra ba nyid gang yin pa de ni sa'i khams so zhes pa'i shes par byed pa las rus pa dang sha ni shes rab dang thabs so/ /de bzhin du shes rab dang thabs ni chu dang bcas pa'i khrag ste chu'i khams dang lhan cig tu tshor ba'i phung po'o/ /de bzhin du me dag dang zhes pa tsha ba nyid dang gci ba zhes pa ni 'du shes te 'di dag ni shes rab dang thabs so/ /khu ba'i khams 'du shes kyi phung po ma yin nam ji ltar gci ba zhes brjod ce na/ 'dir lus la 'du shes gang yin pa de ni byis pa skyes pa tsam gyis te gci ba 'dzag pa las so/ /bde ba chen po'i ye shes gang yin pa de ni lo bcu drug gi 'tshams su 'gyur te sa bon 'pho ba'i chos las so/ /de'i phyir gci ba ni 'du shes kyi chos dang khu ba ni ye shes kyi chos so zhes pa'i khyad par las gci ba ni 'du shes kyi phung po'o/ /de bzhin du rlung dang bshang ba shes rab dang thabs te rlung gi khams dang gzugs kyi phung po'o/ /stong pa zhes pa rdul gyi khams dang khu ba zhes pa rnam par shes pa'i khams ni shes rab dang thabs te mchog gi lus la dpal ldan rdul dang byang chub kyi sems nyid dag tu 'gyur ro/ /de bzhin du rna ba sgra sogs gzhan rnams zhes pa ni sgra ni shes rab bo/ /rna ba ni thabs so/ /dri ni shes rab bo/ /sna ni thabs so/ /gzugs ni shes rab bo/ /mig ni thabs so/ /ro ni shes rab bo/ /lce ni thabs so/ /reg bya ni shes rab bo/ /lus ni thabs so/ /chos kyi dbyings ni shes rab bo/ /yid ni thabs so/ /bshang ba 'dzag pa ni shes rab bo/ /bshang lam ni thabs so/ /'gro ba ni shes rab bo/ /rkang pa ni thabs so/ /len pa ni shes rab bo/ /lag pa ni thabs so/ /brjod pa ni shes rab bo/ /ngag gi dbang po ni thabs so/ /gci ba'i bya ba ni shes rab bo/ /b+ha ga 'am rtags ni thabs so/ /khu ba 'dzag pa ni shes rab bo/ /dung can ma'i dbang po ni thabs so/ /rang gi rgyal ba'i rigs kyi dbang gis ngag gi rang bzhin la sogs kyang zhes pa ni las kyi dbang po la sogs pa'o/ /de ltar brjod pa'i rim pas lha mo sa la sogs pa rnams sangs rgyas dang bcas te rnam par snang mdzad la sogs pa dang lhan cig pa'i yul dang yul can rnams ni 'chad par 'gyur ba'i dkyil 'khor dag la brjod par bya'o/ /phan tshun shes rab dang thabs kyis 'khyud pa'i cho ga'i nges pa'o/ /da ni rtsa rnams zhes pa la sogs pas zla ba dang nyi ma khu ba dang rdul gyi bya ba gsungs te 'dir lus la mngal gyi zla ba gcig gi rjes la nyin zhag so sor rtsa brgya phrag gnyis su 'gyur te zla ba'i nang du nyin zhag sum bcus stong phrag drug gi grangs su 'gyur ro/ /zla ba bcu gnyis kyi mtshams su nyin zhag gsum brgya drug bcu rnams kyis stong phrag bdun bcu rtsa gnyis kyi grangs su 'gyur te/ rtsa rnams stong phrag drug ni nyin mor byed pas bsgyur ba ste bcu gnyis kyis bsgyur ba'o/ /mngal gyi dbus dag tu yang 'phel ba ni/ byas nas yang yig gis phyi rol du yang ste zla ba bcu gnyis kyi mtha'i bar du'o/ /mngal bzung ba'i zla ba gcig bor nas lo rdzogs par gyur pa na 'phel ba gtong ste/ ri bong 'dzin pa ni yang yig gis zla ba bcu gsum na ste nyi ma dag kyang 'phel bar byed do zhes pa ni de nas zla ba dang khu ba'i rtsa'i khams kyi grangs yongs su chad par gyur pa na lo bcu gnyis kyi bar du rdul gyi khams 'phel bar byed do/ /kyang yig gis khu ba'i khams kyang 'phel bar byed do/ /lo ni bcu gnyis dag na nyin phyed khams ni 'phel ba gtong ste rang gi lus po dag la'o zhes pa bud med rnams kyi rdul 'byung ba'i bar du nyi ma 'phel ba ste kyang yig gis bsdus pa las skyes pa rnams kyi lo bcu drug gi mtshams su khu ba 'byung ba'i bar du'o/ /de bzhin du rtsa ni 'chad pa dag kyang rab tu skyes par gyur pa nas nyin zhag so sor rim pas zung gi grangs su 'gyur zhes pa ni 'chad par 'gyur ba las rgya cher brjod par bya'o/ /rtsa dang khams 'phel ba'i nges pa'o/ /da ni dpal ldan 'byung ba zhes pa la sogs pas nam mkha' la sogs pa'i de nyid rnams gsungs te 'dir byis pa'i lus la dpal ldan 'byung ba lnga dang dbang po lnga ni nam mkha' la sogs pa dang rna ba la sogs pa ste gcig tu bcur 'gyur ro/ /de bzhin du las kyi dbang po lnga po rnams dang de tsam zhes pa ni sgra de tsam la sogs pa ste de tsam lnga ru brjod pa rnams so/ /yon tan bcas pa dag kyang yid dang zhes pa ni snying stobs dang rdul dang mun pa dang bcas pa'i yid de/ de bzhin du blo dang ngar 'dzin dang mchog gi rang bzhin yang ngo / /'di dag ni de nyid rnams te nyi shu rtsa bzhi'o/ /lus dang phyi rol srid pa gsum gyi gnas su 'di ni longs spyod de gtso bo dag gi'o/ /ji ltar gyur pa'i zhe na/ phung po lnga yi bdag nyid dang 'jig rten gyi kun rdzob kyis rnam gsum srid pa la gnas bdag gi las ni bsags pa dag gi longs spyod du 'gyur ro/ /rang bzhin nyi shu rtsa bzhi'i bdag nyid ni 'dzin par byed pa'i chos can skyes bu'i gzung bar bya ba'i chos can gyi rang bzhin no/ /rang gi ngo bo can yang gzung bya'i chos dang bral ba'i rang bzhin gzhan te rang bzhin gyis 'od gsal bar yod pa'o zhes pa ni rang bzhin dang skyes bu'i nges pa'o/ /da ni sa zhes pa la sogs pas lus la sa la sogs pa rnams kyi mtshan nyid gsungs te 'dir lus la sa ni sra ba'o/ /chu ni gsher ba'o/ /me yang tsha ba nyid do/ /gang gi phyir bskum pa brkyang bar byed pa'i rlung ni yang ba nyid do/ /bug pa ni stong pa'o/ /brtan pa'i rus pa ste rgyab kyi tshigs pa'i rus pa dpyi nas brtsams nas phrag pa'i mthar thug pa ni 'chi med ri bo mchog ces pa lhun po'o/ /phyi rol tu char pa gang yin pa de lus la 'dir ni bdud rtsi ste lce dang lce chung dag las stu ka 'dzag pa'o/ /rdo rje ni snying la sgra ste rgyu ma rnams 'khrol ba gang yin pa'o/ /gzhu ste 'ja' tshon ni bshang ba dag go/ phyi rol du chu srang drug bcu'i bdag nyid kyi chu tshod gang yin pa de ni lus la dbugs dang dbugs 'byung zung dag go zhes pa ste srog gi rlung 'byung ba dang 'jug pa zung ni chu tshod do/ /zung 'di rnams dgu brgya nyis 'gyur zhes pa brgya phrag bcwa brgyad rnams kyis 'pho ba gcig tu 'gyur ro/ /phyi rol du 'pho ba ni nyin zhag sum cu'i zla bas te nang du ni dkyil 'khor lnga 'bab pa'i rtsa lnga rnams so/ /skar rtsis pa ni nyi ma la sogs pa'i gza' rnams so/ /de dag bug pa'i dbye ba bcur 'gyur te 'dir bshang lam gyi bug pa ni zla ba'o/ /gci ba'i bug pa ni nyi ma'o/ /khu ba'i bug pa ni dus kyi me'o/ kha'i bug pa ni sgra gcan no/ /mig g.yas pa'i bug pa ni bkra shis so/ /mig g.yon pa'i bug pa ni gza' lag go/ sna g.yas pa'i bug pa ni phur bu'o/ /sna g.yon pa'i bug pa ni pa sangs so/ /rna ba g.yas pa'i bug pa ni spen pa'o/ /rna ba g.yon pa'i bug pa ni mjug rings so/ /slar yang bkra shis la sogs pa 'di rnams kyi dbang po drug gi dbye ba ni 'chad par 'gyur ba'i le'u lnga pa las brjod par bya'o/ /sa la sogs pa'i nges pa'o/ /da ni rgyu skar zhes pa la sogs pas rgyu skar la sogs pa gsungs te/ thur ma bdun pa'i 'khor lo'i dbye bas byi bzhin dang bcas pa'i rgyu skar nyi shu rtsa brgyad do/ /thur ma'i rgyu skar rnams kyi zur bzhir dbyug gu'i rgyu skar bzhi ste de ltar na sum bcu rtsa gnyis so/ /rim pa dang rim pa ma yin par rgyu ba'i dbye bas rgyu skar bcu bzhi ni so rnams kyi steng gi 'khor lo la ste bcu bzhi ni 'og gi 'khor lo la gnas so/ /'khor lo phyed kyi dbye bas so rnams kyi dbye ba steng dang 'og tu 'gyur te rgyu skar dag ni so yi phreng ba'o/ /rjes su nyin zhag chu tshod rnams ni tshigs kyi dbye bar 'gyur zhes pa ni nyin zhag so sor chu tshod drug bcu'i lo'i rjes su nyin zhag gi dbugs kyi grangs su 'gyur ro/ /chu tshod de ni nyin zhag sum brgya drug bcur 'gyur ro/ /de dag kyang tshig sum brgya drug bcur 'gyur ro zhes pa tshigs kyi dbye ba'o/ /rtsa rnams chu bo zhes pa ni 'dir phyi rol du 'jig rten gyi khams la rgya mtshor 'gro ba'i chu bo stong phrag bdun bcu rtsa gnyis te nang du ni ro 'bab pa'i rtsa stong phrag bdun bcu rtsa gnyis su 'gyur ro/ /rgyu ma sprin te rgyu ma zhes pa ni rnam dbye med pa'i tshig go/ rgyu ma ni sprin du 'gyur te ro 'bab pa'i phyir dang sgra sgrogs pa'i mtshan nyid kyi phyir ro/ /ri bong can gyi cha gzhan khams rnams gnyis kyi rang bzhin no/ /'dir cha rnam pa gnyis te/ spu la sogs pa'i khams kyi rnam par 'gyur bas gcig dang khu ba 'pho ba'i chos kyis gzhan no/ /'di dag las slar yang spu la sogs pa'i khams kyi rnam par 'gyur bas gnas pa gang yin pa de yang rnam pa gnyis te ri bong can gyi cha gzhan zhes so/ /'dir spu phra mo dang spu sbom po ni tshes gcig dang gnyis pa'o/ /de bzhin du lpags pa ni gsum pa dang bzhi pa'o/ /de bzhin du khrag ni lnga pa dang drug pa'o/ /de bzhin du sha ni bdun pa dang brgyad pa'o/ /de bzhin du rtsa ni dgu pa dang bcu pa'o/ /de bzhin du rus pa ni bcu gcig pa dang bcu gnyis pa'o/ /de bzhin du rkang ni bcu gsum pa dang bcu bzhi pa'o/ /de bzhin du khu ba ni bcwa lnga pa dang bcu drug pa ste/ cha ni khams rnams gnyis kyi rang bzhin no zhes pa'i nges pa'o/ /da ni spu dang zhes pa la sogs pas 'byung po'i skye gnas gsungs te 'dir 'jig rten gyi khams su 'byung po'i skye gnas rnam pa bzhi ste/ 'dir phyi rol du sa'i skye gnas brtan pa ni nang du spu rnams so/ /phyi rol du rlung gi skye gnas sgong skyes ni nang du shig rnams so/ /phyi rol du chu'i skye gnas srin bu'i rigs la sogs pa drod gsher las skyes pa ni lus la yang srin bu'i rigs la sogs pa'o/ /phyi rol du me'i gnas mngal nas skyes pa khu ba nas byung ba ni nang du khu ba nyid do/ /ma brjod pa nyid las phyi rol du nam mkha'i khams ro'i ngo bo gzugs brdzus te skyes pa rnams ni nang du phra mo'i gzugs srog chags phra mo rnams te 'byung po'i skye gnas rnam pa bzhi'o/ /dga' ba la sogs mthe bong tshigs rnams zhes pa ni 'dir phyi rol du tshes gcig la sogs pa tshes lnga lnga ni dga' ba la sogs par brjod de de dag kyang dkar po dang nag po'i phyogs kyi dbye bas mthe'u chung dang mthe bo la sogs pa tshigs gsum gsum gyi rang bzhin gyis so/ /nam mkha' la sogs pa'i khams kyi dbye bas lag pa g.yon pa'i sor mo'i tshigs rnams dga' ba la sogs par 'gyur ro/ /lag pa g.yas pa'i sor mo'i tshigs rnams sa la sogs pa'i dbye bas te rgan po'i mthe bo'i tshigs la sogs pa'i dbye bas bcwa lnga'o/ / de bzhin du rkang pa'i sor mo'i tshigs rnams zla ba gnyis pa'i tshes kyi dbye bas shes par bya'o/ /de ltar na dus so so'i dbye bas lo la yongs su 'khor ba drug tu 'gyur te dus drug gis so zhes pa ni dga' ba la sogs mthe bong tshigs rnams zhes pa'i nges pa'o/ /spyi bo'i pad ma lte ba'i pad ma dag kyang nus pa'o zhes pa ni sngar brjod pa'i cho gas lhan cig skyes pa'i skur 'gyur ro zhes pa ste nus pa'i nges pa'o/ /da ni tshangs pa'i yul sa zhes pa la sogs pas mtho ris la sogs pa gsungs te 'dir lus la tshangs pa'i yul sa gtsug tor nas mgrin pa'i mthar thug pa ni mtho ris kyi 'jig rten du 'gyur te/ lag mchog dag ni mi yul gyi 'jig rten du 'gyur ro/ /rkang pa dag ni sa 'og gi 'jig rten du 'gyur ro/ /chu gter rnams dang gling rnams ni chu gter gling ste ri bo rnams kyang bdun rnams grangs bzhin du lus la rgya mtsho bdun po ni gsher ba'i khams rnams te/ de dag las lan tshwa'i rgya mtsho ni gci ba'o/ /chang gi rgya mtsho ni rngul lo/ /chu'i rgya mtsho ni stU ka'o/ /'o ma'i rgya mtsho ni bud med rnams kyi 'o ma dang skyes pa rnams kyi bad kan gyi khams so/ /zho'i rgya mtsho ni mgo'i glad pa'o/ /mar gyi rgya mtsho ni zhag go/ sbrang gi rgya mtsho ni khu ba'o/ /de bzhin du gling rnams te 'dzam bu'i gling rtsibs bcu gnyis pa ni lag pa dang rkang pa'i dum bu bcu gnyis la'o/ /drag po ni sha'o/ /khrung khrung ni mchin pa'o/ /mi 'am ci'i ni snying ngo / /gu sha ni tshil bu'o/ /'od dkar ni rgyu ma'o/ /zla ba ni rtsa ste 'jam pa'i khams rnams so/ /ri bo zhes pa la rdo rje'i ri ni rkang pa dang lag pa'i sen mo rnams so/ /bsil ba'i ri ni lag pa'i rus pa'o/ /dro Na ni nye ba'i dpung pa'i rus pa'o/ /nor bu'i 'od ni dpung pa'i rus pa'o/ /ni Sha Ta ni rkang pa'i rus pa'o/ / man da ra'i ri ni byin pa'i rus pa'o/ /'od sngon ni brla'i rus pa'o zhes pa ni ri bdun po sra ba'i khams rnams te brgyad pa lhun po ni lus kyi sgal tshigs dpyi nas brtsams nas phrag pa'i mthar thug par nges pa ste gsher 'jam sra ba gsum gyi rang bzhin khams rnams so/ /me rlung dkyil 'khor zhes pa zhes pa la me'i dkyil 'khor ni khrag go/ rlung gi dkyil 'khor ni lpags pa'o/ /rgyal po zhes pa ni bod pa'o/ / skra rnams grub pa mtha' dag srid pa gsum gyi gnas su du ma'i dbye ba dag gis grub pa'o zhes pa ni 'dir phyi rol du 'jig rten gyi khams la grub pa rnam pa gsum ste mkha' la spyod pa dang sa la spyod pa dang sa 'og na gnas pa'o/ /de dag las mkha' la spyod pa ni mgo la skyes pa rnams so/ /sa la spyod pa ni mchan khung du skyes pa rnams so/ /sa 'og na gnas pa ni b+ha ga dang rtags las skyes pa'o/ /ma brjod pa nyid las spu rnams ni 'byung po'i rigs bye ba phrag phyed dang bcas pa'i gsum gyi mtshan nyid do zhes pa ni mtho ris la sogs pa'i nges pa'o/ /da ni snying zhes pa la sogs pas me gsum gsungs te 'dir lus la lho'i me dang khyim bdag gi me dang bsreg bya za ba'i me'o zhes pa ni nges pa ste gsum po grangs bzhin du snying kha'i pad ma gzhu'i rnam pa la rdo rje ste glog gi me'o/ /mgrin pa'i pad ma zlum po la khyim bdag gi nyi ma'i me'o/ / lte ba'i thab khung gru bzhi pa la bsreg bya za ba'i sha za'i me'o zhes pa ni rab 'phro rim pa yis/ nyin bzhin sreg byed chu gter zur gyi thab khung dag la yang zhes pa'i nges pa'o/ /de dag gong na me gzhan dri med 'od zer 'phro ba ye shes gzugs ni mun pa dag gi mthar/ gsang ba'i pad ma dang dpral ba'i pad ma la mi chod pa ste gnas gang zhig nyi ma glog gis mi gdung ri bong 'dzin pa gza' dang skar ma la sogs med pa na ste sogs pas ni sha za'i me ste/ bzhi pa bden pa'i me ye shes kyi gzugs so zhes pa ni me gsum gyi nges pa'o/ /da ni gza' zhes pa la sogs pas gza'i chu tshod la sogs pa gsungs te 'dir phyi rol du gza' bdun te brgyad pa ni rigs ldan gyi longs spyod do/ /brgyad po de dag ni lus kyi snying kha'i pad ma'i 'dab ma brgyad po rnams la 'gyur te/ shar gyi 'dab ma la nyi ma'o/ /mer zla ba'o/ /lhor bkra shis so/ /bden bral du gza' lag go chur phur bu'o/ /rlung du pa sangs so/ /lus ngan du spen pa'o/ /dbang ldan du rigs ldan gyi longs spyod la mjug rings te/ longs spyod phyed gzhan la ni sgra gcan no/ /rab tu gsal byas chu tshod drug bcu lte ba'i pad ma la ste chu tshod stong pa'i 'dab ma bzhi'o/ /lhag ma 'dab ma drug bcu ni dkyil 'khor drug bcu 'bab pa'i chu tshod rnams te gza' so so la drug bcu'i grangs so/ /smin ma'i dbus su 'dab ma bcu drug rnams la 'dab ma gnyis ni stong pa 'bab pa'o/ /'dab ma bcu bzhi la 'byung dang 'byung ba mda' zhes pa la sogs pas zla ba'i rkang pa bcu bzhi rnams so/ /de la dang po'i 'dab ma la 'byung ba zhes pa chu tshod lnga'i bdag nyid kyi rkang pa ste de bzhin du gnyis pa dang gsum pa la'o/ /'dab ma bzhi pa la rig byed ces pa chu tshod bzhi'i bdag nyid do/ /lnga pa la rtse mo can te rkang pa chu tshod gsum mo/ /'dab ma drug pa la lag pa zhes pa chu tshod gnyis kyi bdag nyid kyi rkang pa'o/ /'dab ma bdun pa la ri bong can zhes pa chu tshod gcig gi bdag nyid kyi rkang pa bdun pa'o/ /de bzhin du lugs las bzlog pas brgyad pa la chu tshod gcig gi rkang pa'o/ /dgu pa la chu tshod gnyis kyi bdag nyid do/ /bcu pa la chu tshod gsum gyi bdag nyid do/ /bcu gcig pa la chu tshod bzhi'i bdag nyid do/ /bcu gnyis pa la chu tshod lnga'i bdag nyid do/ /bcu gsum pa dang bcu bzhi pa la yang de ltar shes par bya ste zla ba'i rkang pa ma nu'i grangs su 'gyur ro/ /mi bdag ces pa ni bod pa'o/ /longs spyod 'khor lo ste mgrin pa'i 'khor lor 'dab ma sum bcu rtsa gnyis la 'dab ma bzhi ni stong pa'o/ /gzhan 'dab ma nyi shu rtsa brgyad po rnams la byi bzhin dang bcas pa'i rgyu skar nyi shu rtsa brgyad po rnams su 'gyur ro/ /de dag ni shar gyi thur ma bdun gyi dbu ma la dbu ma gang yin pa nam gru'i mthar g.yon skor gyis te/ gnyis pa la tha skar ro/ /gsum pa la bra nye'o/ /bzhi pa la smin drug go/ de nas dbyug gu'i rgyu skar te thur ma ni 'dab ma bdun pa'i ming can gyi rtsa'o/ /de nas byang gi thur ma bdun po rnams la g.yon skor gyis te thur ma dang po la snar ma'o/ /gnyis pa la mgo'o/ /gsum pa la lag go/ bzhi pa la nam so'o/ /lnga pa la rgyal lo/ / drug pa la skag go/ bdun pa la mchu'o/ /de nas gzhan la yang de bzhin du rig par bya'o/ /slar yang lte ba'i pad mar rgyu skar rnams kyi chu tshod drug bcu rig par bya'o/ /chu tshod kyi chu srang ni drug bcu ste drug bcu rnams brgya phrag sum bcu rtsa drug ni gsal bar mtha' dag lus la lag pa rkang pa la sogs dag gi tshigs la'o zhes pa ni 'chad par 'gyur ba las rgyas par brjod par bya ste gza' la sogs pa'i nges pa'o/ /da ni lte ba zhes pa la sogs pas srog gi nus pa lte ba la sogs pa'i 'khor lor 'khor ba gsungs te 'dir phyi rol du nyi ma khyim bcu gnyis po rnams la lo'i 'pho ba'i dbye bas 'khor ba ji lta ba de bzhin du nang du srog gi nus pa yang khyim bcu gnyis po rnams la nyin zhag so sor 'pho ba bcu gnyis kyi dbye bas 'khor ro/ /lte ba'i chu skyes nyi ma'i 'dab ma dag la 'khor te mchog gi cha srog gi nus pa ni 'pho ba'i rims pas khyim bcu gnyis kyi 'dab ma rnams la srog zung dgu brgya nyis 'gyur dag gis 'pho bar 'gyur te zhes pa ni 'dir ji ltar phyi rol du dbyug gu brgya phrag bcwa brgyad kyis nyi ma'i 'pho ba gcig tu 'gyur ba de bzhin du dbugs brgya phrag bcwa brgyad kyis srog gi nus pa 'dab ma re rer 'pho bar 'gyur ro/ /de yang dus sbyor kar ka Ta nas mi yi dbang 'dir phyi rol du nyi ma'i skye ba'i khyim ni kar ka Ta'o/ / de bzhin du skyes pa thams cad dus sbyor gang du skyes par gyur pa'i khyim de ni kar ka Ta'i ming can du rig par bya ste srog gi skye ba gnas par bya zhes pa'i rigs pas so/ /dus sbyor kar ka Ta nas mi yi dbang zhes pa ni bod pa'o/ /phyi rol du dus sbyor gang la nyi ma gnas pas 'char ba'i dus nas nyin dang mtshan mor 'khor ba de la de ni rig par bya ste thur ma bdun gyi dbye bas so/ /dus sbyor tshad ni shes par bya ste phyi rol du nyi ma'i 'pho ba chad pa dang lhag pa nyin zhag rnams kyis rig par bya ba ji lta ba de bzhin du nang du chad pa dang lhag pa ni dbugs rnams kyis rig par bya'o/ /nyi ma'i chu tshod kyi dbye bas lus la dbugs kyi nges pa'o/ / srog gi nor dang bu lon mnyam pa ste kar ka Ta la sogs pa la nyi ma'i rkang pas bu lon dang chu srin la sogs pa la nor ro/ /skar rtsis kyi cho gas mnyam pa ni 'pho ba so so'i nyin zhag ste rkang pa dang bcas pa'i dbyug gu lnga bcu rtsa drug gi bdag nyid ni phyi rol du'o/ /nang du mnyam pa ni dbugs kyi bdag nyid te dus sbyor so so'i 'pho ba'i dbye bas so zhes pa ni 'pho ba bcu gnyis 'khor ba'o/ /da ni re re zhes pa la sogs pas pad ma'i 'dab ma so so la dkyil 'khor rab tu 'bab pa gsungs te 'dir phyi rol du nyi ma'i 'pho ba re re la nyin zhag sum bcus dkyil 'khor lnga longs spyod cing nyin zhag drug gi dbyug gu sum brgya drug bcus dkyil 'khor gcig longs spyod do/ / de bzhin du nang du dbugs brgya phrag bcwa brgyad kyis dkyil 'khor lnga longs spyod cing / dbugs sum brgya drug bcus dkyil 'khor gcig longs spyod par 'gyur ba ni nges pa'o/ /'dir 'pho ba so so'i 'dab ma la gnas lngar 'gyur te 'dab ma'i nub dang byang dang lho dang shar dang dbus so/ /de la pad ma'i 'dab ma so so re re la 'bab par 'gyur te nub tu 'dzin ma'i dkyil 'khor ro/ /'dab ma'i byang du chu'i dkyil 'khor 'bab bo/ /lhor me'i dkyil 'khor 'bab bo/ /slar yang shar du rlung gi dkyil 'khor rab tu 'bab bo/ /'dab ma'i dbus dag tu yang stong pa'i dkyil 'khor 'bab ste/ so sor dbugs sum brgya drug bcu ni srog gi nus pa'o/ /de ltar dbye ba lnga yis 'pho ba so sor 'gyur ro/ /dkyil 'khor 'di dag la dbugs sum brgya drug bcu'i dbus nas rkang pa dang bcas pa'i dbugs bcu gcig bcu gcig bzung nas dus sbyor 'char ba'i mtshams su mnyam pa rab tu 'bab ste dman pa'i dbugs ni drug bcu'o zhes pa ni rkang pa gsum dang bcas pa'i dbugs gsum gyis dman pa'i dbugs rkang pa dang bcas pa'i lnga bcu rtsa drug 'bab bo/ /de ltar 'pho ba'i dbye ba rnams ni nang du dus sbyor bcu gnyis kyi mtshams kyi rab tu dbye bas 'gyur ro zhes pa ni 'pho ba'i nges pa'o/ /da ni stong pa zhes pa la sogs pas dkyil 'khor lnga'i lhag pa'i lha gsungs te 'dir phyi rol du nyi ma ni lug la sogs pa mi mnyam pa'i dus sbyor la stong pa'i dkyil 'khor la sogs pa longs spyod cing glang la sogs pa mnyam pa'i dus sbyor la sa'i dkyil 'khor la sogs pa longs spyod do/ /de bzhin du nang du stong pa la sogs pa de nyid lnga zhes pa ni stong pa dang rlung dang me dang chu dang sa'i dkyil 'khor rnams nges par byang du ste sna bug g.yon par rab tu 'bab bo/ /sa la sogs pa zhes pa ni sa dang chu dang me dang rlung dang stong pa'i dkyil 'khor rnams g.yas kyi sna'i bug par 'bab bo/ /g.yon dang g.yas kyi dkyil 'khor bcu po 'di dag la grangs bzhin du g.yon par stong pa'i dkyil 'khor rab tu 'bab pa'i dus su sgra gcan ni lhag pa'i lha'o/ /g.yas par dus kyi me'o/ /g.yon par rlung gi dkyil 'khor la zla ba'o/ /g.yas pa la nyi ma'o/ /g.yon par me'i dkyil 'khor la gza' lag go/ g.yas pa la bkra shis so/ /g.yon par chu'i dkyil 'khor la pa sangs so/ /g.yas pa la phur bu'o/ /g.yon par sa'i dkyil 'khor la mjug rings so/ / g.yas pa la spen pa'o/ /de ltar na nam mkha' la sogs pa'i dkyil 'khor rnams la bdag po zhing can bcur 'gyur ro/ /de bzhin du zla ba drug la zla ba dbang phyug tu 'gyur te lug dang 'khrig pa dang seng ge dang srang dang gzhu dang bum pa'i khyim g.yon gyi rtsa la zla ba zhes pa khu ba'i khams dbang phyug ste byang dag tu'o/ /lho ru glang dang kar ka Ta dang bu mo dang sdig pa dang chu srin dang nya'i khyim la nyi ma ste rdul gyi khams dbang phyug tu 'gyur ro/ /mi bdag ces pa ni bod pa'o/ /dkyil 'khor gyi bdag po'i nges pa'o/ /da ni de zhes pa la sogs pas srog la sogs pa'i rlung rnams gsungs te 'dir lte ba'i 'khor lo ni snying por 'dab ma bzhi'i bdag nyid do/ /de'i phyi rol du 'dab ma brgyad kyi bdag nyid do/ /de'i phyi rol du 'dab ma bcu gnyis kyi bdag nyid do/ /de'i phyi rol du 'dab ma drug bcu rtsa bzhi'i bdag nyid de 'dab ma'i sgras dbugs kyi chos can gyi rtsa rnams gzung ngo / /lte ba'i 'khor lo de steng ste sor mo phyed dang bcas pa'i bcu gnyis kyi steng snying kha'i phyogs su rtsa yi 'khor lo rtsibs brgyad pa rtsa brgyad kyi bdag nyid yang dag par gnas so/ /de rnams la srog la sogs pa'i rlung gi tshogs so/ /pad ma nor gyi 'dab ma dag la zla ba nyi ma me rnams te me zhes pa ni sgra gcan no/ /g.yon du zla ba'i rtsa ni ri bong mtshan ma 'bab ste kha dog dkar po'o/ /g.yas su kha dog dmar po ste nyi ma'i rtsa 'bab pa'o/ /'dab ma brgyad kyi dbus su dus kyi me'i gzugs sgra gcan gyi rtsa 'bab bo/ /mnyam pa dag la dus sbyor 'char ba'i 'tshams su rkang pa dang bcas pa'i dbugs lnga bcu rtsa drug go/ snying kha'i chu skyes rtsibs brgyad pa 'di la thun tshod 'pho ba'i rtsa rnams rig par bya'o/ /sna'i bug par dkyil 'khor lnga 'bab par byed pa ni 'di rnams su 'gyur ro/ /rtsa dang rtsa la dbugs 'byung ba dang 'jug pa brgya phrag nyi shu rtsa bdun gyis srog yang dag par rgyu bar 'gyur te dbyug gu phyed dang bcas pa'i bdun gyis so/ / de la srog ni steng du 'bab bo/ /thur sel ni lte ba'i 'og tu 'bab bo/ /mnyam gnas ni shar gyi 'dab ma'i rtsa snar ma la lhag pa'i lha'o/ /gyen rgyu ni me'i 'dab mar rtsa lag ldan gyi lce la'o/ / khyab byed ni lho'i 'dab mar rtsa dmar ser la'o/ /klu ni bden bral gyi 'dab mar rtsa rgyal la'o/ /rus sbal ni chu'i 'dab mar rtsa rgyal ba la'o/ /rtsangs pa ni rlung gi 'dab mar rtsa a la~M bu sha la'o/ / lha sbyin ni byang gi 'dab mar rtsa i Da la'o/ /nor las rgyal ba ni dbang ldan gyi 'dab ma la rtsa ku hA la'o/ /srog ni rtsa su shum+na la'o/ /thur sel ni phyogs kyi grangs dung can ma gang gis byang chub kyi sems zag par byed pa de la lhag pa'i lha'o zhes pa de ltar rlung rnam pa bcu ni rtsa'i 'khor lo la las kyi dbye bas yang dag par gnas so/ /srog la sogs pa 'di dag thams cad rtsa stong phrag bdun bcu rtsa gnyis po rnams la khyab pa ste 'on kyang gnas brgyad la skyes pa brgyad do/ /dung can mtha' yas i Da la sogs rang gi snying kha'i pad ma rtsa yi 'khor lo mtha' dag go zhes pa mnyam gnas la sogs pa rnams kyi skye ba'i gnas te snying kha'i 'khor lo'i nges pa'o/ /da ni srog ces pa la sogs pas srog la sogs pa'i bya ba gsungs te 'dir lus la srog gis srog ste stobs byed do/ /nyi ma zla ba'i lam na gnas par gyur pa na ste nyi ma'i lam ni dmar ser ram ra sa nA'o/ /zla ba'i lam ni i Da 'am la la nA ste de'i lam la gnas pa ni gnas pa'o/ /kyang ni tshig phrad kyi don to/ /bza' dang btung ba ma lus pa ni ro drug zos pa dang chu la sogs pa 'thungs pa ste de dag ma lus pa thur sel gyi rlung gis 'og tu 'dren te zhes pa ni lung ngo / /mtha' dag ro mnyam ste mtshungs pa'i ro'i bar du lus la mnyam gnas zhes bya ba'i rlung gis 'thob par byed de khams bdun ro mnyam par byed do zhes pa'i don to/ /lus la gyen rgyu zhes bya ba'i rlung gis g.yo bar byed do/ kha dang lag pa rkang pa rnams kyis glu dang zlos gar byed de lus 'di la gyen rgyu de nyid kyi khas glu la sogs pa dang rgod pa dang smra ba la sogs pa byed do/ /lag pa rkang pa rnams kyis zlos gar dang 'gro ba la sogs byed do/ /khyab byed kyis ni nad dag byed de rang bzhin yon tan dbang gis zhes pa ni chu'i rang bzhin gyi dbang gis te ji ltar lus ni 'jig pa ste de lta nyid du nad byed do/ /klu yang sgregs pa byed pa nyid de gsal bar lag pa rkang pa bskum pa dag ni rus sbal rlung gis so/ /de ni zhes pa khro ba dang g.yeng ba mtha' dag rtsangs pa'i rlung gis byed do/ /glal ba dag kyang lha sbyin gyis byed do/ /lus ni lnga pa nyid du gyur pa nor las rgyal ba'i rlung gis gtong bar mi byed do/ /mi yi bdag po zhes pa ni bod pa'o/ /rlung gcig nor las rgyal ba'o zhes so/ /de ltar brjod pa'i rim pas srog la sogs pa'i rlung rnams thams cad de rlung rnams kyis rang bzhin gyis gnas yon tan dag ni gtong bar mi byed de nam mkha' la sogs pa'i rang bzhin gyi yon tan rnams so/ /srog la sogs pa'i bya ba nges pa'o/ /da ni dmar ser zhes pa la sogs pas rtsa'i ming mu stegs kyi ming rnams kyis gsungs te dmar ser phra mo dag kyang i Ta la sogs ni i Da la sogs pa rtsa gsum mo/ /rnam gsum lam bgrod ces pa la zla ba'i lam la bgrod pa ni i Da'o/ / nyi ma'i lam la bgrod pa ni dmar ser ro/ /sgra gcan gyi lam la bgrod pa ni su shum+na'o/ /snar ma ni bzhi pa'o/ /lag ldan lce ni lnga pa'o/ /rgyal ni drug pa'o/ /ri yang rgyal ba zhes pa bdun pa'o/ /a la~M nu Sha ni nor dang zhes pa brgyad pa'o/ /ku hA ni dgu pa'o/ /phyogs kyi grangs ni dung can ma gang ste bcu pa dung can mas byang chub kyi sems bde ba'i mthar rtag par byed pa'o/ /dpal ldan rtsa yi 'khor lo 'di ni rnam pa mang por 'gyur te tshigs kyi dbye ba du mas so zhes pas 'dir lus la tshigs kyi dbye ba'i grangs sum brgya drug bcu ste tshigs kyi dbye ba de dag gis rtsa'i 'khor lo'i dbye ba sum brgya drug bcur 'gyur zhing srog la sogs pa'i rlung gi bya ba'i dbye ba yang de bzhin du shes par bya'o zhes pa ni rtsa'i 'khor lo'i nges pa'o/ /da ni dbang po zhes pa la sogs pas rtsa'i 'khor lo de nyid la dbang po la sogs pa'i byin gyis brlabs pa gsungs te 'dir dbang po'i 'dab ma la thun tshod gcig gi bar du srog gi nus pas dbang po'i rang bzhin brten to/ /me'i 'dab ma la me'i rang bzhin no/ /gshin rje'i 'dab ma la gshin rje'i rang bzhin no/ /bden bral gyi 'dab ma la bden bral gyi rang bzhin no/ /chu'i 'dab ma la chu'i rang bzhin no/ /rlung gi 'dab ma la rlung gi rang bzhin no/ /nor sbyin gyi 'dab ma la nor sbyin gyi rang bzhin no/ /dbang ldan gyi 'dab ma la dbang ldan gyi rang bzhin te de ltar 'dab ma brgyad po rnams la srog gi nus pa de yi rang bzhin rten zhing 'khor bar byed do/ /dbang po la sogs pa'i rang bzhin gyi nges pa'o/ /da ni mgrin pa'i 'khor lo gsungs te 'dir snying kha'i pad ma'i steng du sor mo phyed dang bcas pa'i bcu gnyis kyi mthar mgrin pa'i 'khor lo la gza'i tshogs dang bcas pa'i rgyu skar 'khor lo yang dag gnas te dbyug gu'i skar ma bzhi dang gtso bo'i rgyu skar nyi shu rtsa brgyad de 'di rnams kyis 'dab ma sum bcu rtsa gnyis pa'o/ /dbyug gu'i rgyu skar bzhi dor nas 'dab ma nyi shu rtsa brgyad po rnams la nyin mtshan gyis srog yang dag par rgyu ste dbyug gu drug bcu las chas thob pa ni 'dab ma so so la srog yang dag par rgyu'o/ /tshangs pa'i yul sa dpal ldan dpral ba dag nas dbyangs kyis yongs su bskor ba'i thig le dkar po zag /mgrin pa'i pad ma de'i yang steng du sor mo phyed dang bcas pa'i bcu gnyis kyi mthar dpral ba'i pad ma 'dab ma bcu drug pa la 'dab ma gnyis dor nas 'dab ma bcu bzhi po rnams la nyin mtshan gyis srog yang dag par rgyu ste dbyug gu drug bcu las bcu bzhi'i cha thob pas 'dab ma so so 'dor ro/ /thig le dang rnam par bcad pa ni lte ba la rig par bya ste zla ba'i rkang pa rgyu ba'o/ /slar yang lte ba'i 'khor lo la rtsa drug bcu rtsa bzhi ni 'jigs ma la sogs pa'i ming rnams kyis so/ /snying khar brgyad ni i Da la sogs pa'i ming rnams kyis so/ /mgrin par tha skar la sogs pa'i ming dang stong pa bzhi'i ming rnams kyis so/ /dpral ba'i rtsa rnams la tshes gcig la sogs pa'i ming rnams kyis so/ / gtsug tor la thun 'tshams bzhi'i dbye bas de nyid bzhi'i ming rnams kyis so/ /mgrin pa dang dpral ba'i pad ma'i 'dab ma 'di rnams la nang du gyur pa ni 'khor lo 'dab ma brgyad par rig par bya'o/ /de bzhin du lte ba dang snying kha dang mgrin pa dang dpral ba la 'khor lo rtsibs brgyad pa ni sa dang chu dang me dang rlung gi rang bzhin no/ /gtsug tor la 'dab ma bzhi pa ni stong pa'i rang bzhin no/ /lte bar 'dab ma bzhi pa ni ye shes kyi khams kyi rang bzhin no/ /gsang bar 'dab ma sum bcu rtsa gnyis pa ste phyi rol gyi 'dab ma bcu drug rnams la dbyangs kyi rtsa'o/ /nang du 'dab ma bcu la phung po dang khams kyi rtsa'o/ / de las nang gi 'dab ma rnams la stong pa drug gi rtsa'o/ /de ltar na 'khor lo drug po rnams kyi grangs ni lnga bcu rtsa drug lhag pa'i brgya phrag gcig ste 'chad par 'gyur ba'i 'khor lo drug po rnams la brjod par bya'o/ /'khor lo drug gi nges pa'o/ /da ni rtsa ba zhes pa la sogs pas sna bug gnyis las dkyil 'khor lnga rab tu 'bab pa gsungs te 'dir sna bug g.yon pa dang g.yas pa dag la rtsa ba ste 'og gi char sa'i dkyil 'khor 'bab bo/ /sna bug g.yon pa dang g.yas pa dag la g.yon du chu 'bab bo/ /dbus kyi re khA la mngon par phyogs pa'i sna'i bug pa gnyis te thams cad kyi byang na lhun po'o zhes pa'i shes par byed pa las so/ /g.yas su bsreg za'i dkyil 'khor dag ni rab tu 'bab ste g.yas dang byang gnyis ka'i phyi rol gyi sna'i bug pa'i cha'o/ /sna bug gnyis ka'i steng du rlung gi dkyil 'khor 'bab bo/ /sna bug gnyis kyi dbus su nam mkha' ste sa dang chu dang me dang rlung gi dkyil 'khor gyi dbus su nam mkha'i dkyil 'khor 'bab ste/ g.yon gyi dus sbyor rgyu ba la g.yon dang / g.yas kyi dus sbyor rgyu ba la g.yas nas dkyil 'khor rab tu 'bab bo/ /slar yang sna bug gnyis la cig char du mnyam pa ye shes kyi dkyil 'khor 'bab ste srog gi nus pa'o/ /'di dag rnams ni 'bugs te zhes pa ni lte ba dang snying kha dang mgrin pa dang dpral ba dang gtsug tor dang sna bug gi dkyil 'khor rnams dbyug gu dang khyim dang thun tshod dang rgyu skar dang tshes grangs dang mtshams kyi dkyil 'khor gyi dbye ba dag gis 'bugs par byed do/ /nus pa ni srog gi nus pa 'gro ste mchog gi gnas ni dmigs pa med pa'o/ /bcu gnyis mtha' ni sor bcu gnyis kyi mtha'o/ /cha yi mthar ni sor bcu drug gi mthar ro/ /'dir sa'i dkyil 'khor rab tu 'bab pa'i rlung ni sna bug nas sor bcu gnyis kyi mthar 'gro ste de nas ldog go/ chu'i dkyil 'khor gyi rlung ni sor bcu gsum 'gro ste de nas ldog go/ me'i dkyil 'khor gyi rlung ni sor bcu bzhi 'gro ste de nas ldog go/ rlung gi dkyil 'khor gyi rlung ni sor bcwa lnga 'gro ste de nas ldog go/ stong pa'i dkyil 'khor gyi rlung ni sor bcu drug 'gro ste de nas ldog go / ye shes kyi dkyil 'khor gyi rlung sa'i dkyil 'khor gyi mthar de dag gi dbus su rab tu zhugs pa ni sna bug gnyis nas sor bcu gnyis 'bab bo/ /nam mkha'i mthar dbu mar zhugs pa'i sor bcu drug 'bab bo/ / 'dir gang gi tshe phyi rol du 'phel bar gyur pa de'i tshe nang du thung ngur 'gyur ro/ /gang gi tshe bcu drug la sogs pa las phyi rol du thung ngur 'gyur ba de'i tshe rlung gi rtsa'i dbang gis lte bar sor mo bzhi 'phel bar 'gyur te srog gi nus pa 'bab pa'i nges pa'o/ /da ni zhing zhes pa la sogs pas zhing la sogs pa rnams gsungs te 'di ltar lus kyi dpung ba'i tshigs gnyis la zhing gnyis so/ /brla'i tshigs gnyis la nye ba'i zhing ngo / /nye ba'i dpung pa'i tshigs gnyis la tshan do ha gnyis so/ /pus mo'i tshigs gnyis la nye ba'i tshan do ha'o/ /lag pa'i tshigs gnyis la 'dus pa'o/ /rkang pa'i tshigs gnyis la nye ba'i 'dus pa'o/ /lag pa'i mthil gnyis la dur khrod gnyis so/ /rkang pa'i mthil gnyis la nye ba'i dur khrod gnyis so/ /lag pa gnyis kyi sor mo la dur khrod chen po bzhi'o/ / rkang pa gnyis kyi sor mo la nye ba'i dur khrod chen po bzhi ste zhing la sogs pa'i nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las kun 'byung gi bden pa la sogs pa'i mdor bsdus chen po ste gnyis pa'o// // da ni 'khor lo can zhes pa la sogs pas 'khor los sgyur ba dang kla klo'i 'khrug pa rang gi lus la gsungs te 'dir rang gi lus la ni mi'i lus la'o/ /phyi rol du le'u dang po las gsungs pa'i 'khor lo can gang yin pa de ni lus la rdo rje can te thugs rdo rje'o zhes pa'i don to/ /lha mchog bdag po dbang phyug la sogs pa bcu gnyis rnams gang yin pa de dag ni yan lag bcu gnyis 'gog pa rnams so/ /rigs ldan gang yin pa de ni lus la yang dag pa'i ye shes te ni zhes pa ni rgyu de las so/ / phyi rol du glang po rta dang shing rta mngag gzhug pa gang yin pa de dag lus la/ 'phags pa'i tshad med pa bzhi rnams so/ /phyi rol du drag po gang yin pa de ni lus la rang rgyal gyi ye shes kyi ming can no/ /phyi rol du ha nu mAn gang yin pa de ni nyan thos kyi ye shes te rang gi lus la 'khor lo can 'khor dang bcas pa dang rigs ldan du 'gyur ro/ /de bzhin du phyi rol du gdug pa kla klo'i dbang po gang yin pa de ni lus la sdig pa'i sems so/ /phyi rol du byed pa'i blo gros sdug bsngal sbyin byed gang yin pa de ni lus la mi dge ba'i lam mo/ /phyi rol du rta la gnas pa gang yin pa de ni lus la ma rig pa 'jug pa'o/ /phyi rol du lha min dpung glang po dang rta dang shing rta dang rkang thang rnams gang yin pa de ni lus la bdud kyi phyogs rnam pa bzhi'o/ /phyi rol du de'i g.yul la kla klo rnams sdud pa de ni rang gi lus la srid pa'i 'jigs pa 'joms pa'o/ /phyi rol du 'khor lo can chen po dang rigs ldan gyi dpal ldan rgyal ba gang yin pa de ni rang gi lus la thar pa'i lam rnyed pa'o/ /phyi rol du kai la shar 'khor lo can chen po'i chos kyi sbyin pa gang yin pa de ni rang gi lus la srid pa'i 'jigs pa 'phrog pa'o/ /phyi rol du rdzas kyis gang ba'i sa gzhi gang yin pa de ni lus la khams kyi tshogs rnam par dag pa'o/ /phyi rol du 'khor lo can gyi sras tshangs pa dang lha'i dbang por gyur pa rgyab kyi dum bu gcig tu chos ston par byed pa dang / mdun te mdun gyi dum bur kla klo'i chos zad pa don du gnyer ba gang yin pa 'jam dpal te de dang 'jig rten mgon po srid pa gsum las rnam par rgyal ba de ni rang gi lus la dpal ldan rdul dang byang chub kyi sems bde ba ster ba 'am smon pa'i sems dang 'jug pa'i sems so/ /rgyab kyi dum bur tshangs pa la sogs pa'i rigs rnam pa sna tshogs gang yin pa de dag ni rang gi lus la du ma'i sangs rgyas rnam par dag pa phung po dang khams dang skye mched rnams kyi rang bzhin no/ /de ltar kla klo dbang po'i 'khrug par 'gyur te nges par lus can rnams kyis lus kyi dbus su'o/ /sgyu ma'i gzugs kyang phyi rol du ni nges par mkha'i yul du kla klo 'khrug ste 'khrug pa min zhes pa ste/ 'di ni rgyas par 'chad par 'gyur ba'i le'u lnga par mchog tu mi 'gyur ba'i ye shes grub pa las brjod par bya'o/ /da ni dus kyi lo zhes pa la sogs pas dbu ma'i phyogs gsum dang lo gsum gyi dbye ba dag gis rigs gsum la sogs pas 'dus pa la sogs pas gsungs te 'dir dus kyi lo ni rtsa dbu ma'i lam mo/ /me grangs ni lo gsum gyi grangs so/ /lo yi nyin zhag tshogs kyis bsgyur ba ni nyin zhag sum brgya drug bcus bsgyur bar 'gyur ba ste nyin zhag gi tshogs stong brgyad bcur 'gyur ro/ /lo gsum po de nyid rigs gsum ste sku dang gsung dang thugs kyi rigs so/ /lo'i dbye bas snying stobs dang rdul dang mun pa'i rang bzhin no/ /nyin zhag gi tshogs de las bgrod pa'i dbye ba brgya brgyad bcu'i chas thob pa ni rigs drug tu 'gyur ro/ /slar yang nyin zhag gi tshogs de las zla ba'i dbye bas te sum bcu'i chas thob pa ni rigs sum bcu rtsa drug tu 'gyur te ro yis bsgyur ba'i ro zhes pa drug gis bsgyur ba'i drug ni sum bcu rtsa drug te/ rnal 'byor ma rnams kyi rigs so/ /de bzhin du thabs rnal 'byor pa rnams kyi'o/ /nyin zhag gi tshogs stong brgyad bcu po de las gza' yis bcad pas thob pa ni rab gsal nges par dus kyi 'khor lo'i dkyil 'khor ba'i lha rnams te lnga bcu rtsa bzhi lhag pa'i brgya phrag gcig go/ lhag ma shes rab dang thabs zung zhig ste de ltar na lnga bcu rtsa drug lhag pa'i brgya phrag gcig ni dus kyi 'khor lo ste bdun gyi cha'i lhag ma ni rigs ldan gyi gnas kyi lhag pa'i lha'o/ /lha dang lha mo'i 'khor lo dang rigs ldan gyi mtshan nyid do/ /slar yang sngar gyi nyin zhag gi tshogs stong brgyad bcu po de las phyogs kyis bcad pa mngon par brjod pa zhes pa ni bcwa lnga'i chas thob pa ni lha dang lha mo rnams kyis mngon par brjod par 'gyur te/ dus kyi 'khor lo'i bdag po zung dang lhan cig bdun bcu rtsa gnyis ni lha dang lha mo'i mtshan nyid do zhes pa ni lo gsum gyi dbye bas rnal 'byor ma'i rgyud kyi nges pa'o/ /'jig rten gyi kun rdzob kyis rigs gsum dang rigs drug dang rigs sum bcu rtsa drug gi rnal 'byor ma'i rgyud te rnal 'byor ma'i rgyud kyi nges pa'o/ /da ni sgyu 'phrul dra ba zhes pa la sogs pas bya ba'i rnal 'byor dang rnal 'byor gyi rgyud rnams rnam pa gsum dang drug gi dbye bas gsungs te 'dir dbu ma'i phyogs gsum gyi nyin zhag ni nyin zhag bzhi bcu rtsa lnga ste nyin zhag so so la dus sbyor bcu gnyis kyi dbye bas bcu gnyis kyis bsgyur ba ni nyin zhag gi yan lag bzhi bcu'i lhag pa'i lnga brgya'i grangs su 'gyur ro/ /nyin zhag gi yan lag bzhi bcu lhag pa'i lnga brgya po de las tha dad du byas pa ni sgyu 'phrul dra ba rnam pa gsum du yang 'gyur te bug pa rig byed ces pa lha zung bzhi bcu rtsa dgus gcig tu 'gyur ro/ /slar yang 'byung ba rgya mtshos 'gyur zhes pa ni lha zung bzhi bcu rtsa lngas gnyis par 'gyur ro/ / me dang chu gter gyis te lha zung bzhi bcu rtsa gsum gyis gzhan du'o/ /nyin zhag gi yan lag 'di las tha dad du byas pa rnams ni gsum gyi dbye bas sum bcu rtsa bdun lhag pa'i brgya'i grangs su 'gyur ro/ /lha dang lha mo rnams ni nyis 'gyur te bdun bcu rtsa bzhi lhag pa'i nyis brgya'i grangs su 'gyur ro zhes pa sgyu 'phrul dra ba'i nges pa ste 'di'i spros pa'i don ni le'u lnga pa las brjod par bya'o zhes pa ni sgyu 'phrul dra ba bya ba'i rnal 'byor gyi rgyud kyi nges pa'o/ /da ni 'dus pa rnam pa drug gi dbye ba gsungs te tha dad du byas pa'i lhag pa'i nyin zhag gi yan lag de las dpal ldan 'dus pa dus kyi dbye ba ni zhes pa ste de nyid ces bya zhes pa ni nyin zhag gi yan lag de las tha dad du byas pa'i lha zung nyi shu rtsa lngas nyi shu rtsa lnga'i bdag nyid du 'gyur ro/ /lha bcu dgu tha dad du byas pas nyi shu rtsa lnga po 'di las drug gis dman pa gzhan bcu dgu'i bdag nyid du 'gyur ro/ /nyi shu rtsa lnga'i bdag nyid dang bcu dgu'i bdag nyid de dag gi phyed kyi dbye bas rnam par phye ba ni dbye ba gzhan du yang 'gyur te nyi shu rtsa lnga'i phyed ni phyed dang bcas pa'i bcu gnyis so/ /bcu dgu'i phyed ni phyed dang bcas pa'i dgu ste 'di las phyed ni phyed dang bcas pa'i bcu gnyis la 'jug go/ de la gcig ni dgu'i bdag nyid du 'dus pa'o/ /gzhan ni bcu gsum gyi bdag nyid do/ /slar yang sres pa ni 'dus pa'i dbye ba gzhan gnyis su 'gyur te bcu gsum zhes pa ni bcu dang gsum mo/ /bcu dgu ni nyi shur gcig gis ma tshang ba ste bcu gsum dang bcu dgu po 'di dag gis kyang lha zung sum bcu rtsa gnyis kyi 'dus par 'gyur ro/ /bug pa ste dgu dang de nyid bcas te nyi shu rtsa lnga dang bcas pa ni lha zung sum cu rtsa bzhis 'dus pa gnyis par 'gyur te de ltar 'dus pa drug gi dbye ba tha dad do/ /rgyud kyi rgyal po drug po 'di dag la lha zung gi grangs sum bcu rtsa gnyis lhag pa'i brgyar 'gyur ro/ /nyis 'gyur ni lha dang lha mo'i grangs te drug bcu rtsa bzhi lhag pa'i brgya phrag gnyis so/ /de ltar na 'dus pa dang sgyu 'phrul dra ba'i rgyud kyi rgyal po dgu pa rnams la bdag po zung dang bcas pa bzhi bcu lhag pa'i lnga brgya'i nyin zhag gi yan lag gi grangs kyi lha dang lha mor 'gyur ro/ /rgyud 'di rnams la phung po dang khams dang skye mched dang zla ba dang nyi ma'i rkang pa rdzogs pa'i dbye bas tha dad pa ni mngal du ji lta ba de bzhin du le'u lnga pa las gdan gyi dbye bas brjod par bya'o zhes pa ni rnal 'byor gyi rgyud kyi nges pa'o/ /'dir mngal nas skyes pa'i phung po dang khams rdzogs pa ni dgu'i bdag nyid kyi 'dus pa'o/ /de bzhin du phung po dang khams dang lhan cig skyes pa dang chos dang longs spyod rdzogs pa dang sprul pa'i 'khor lo rdzogs pa ni bcu gsum gyi bdag nyid do/ /de bzhin du phung po dang khams dang 'khor lo dang yul rdzogs pa ni bcu dgu'i bdag nyid do/ /de bzhin du phung po dang khams dang 'khor lo dang yul dang mig la sogs pa drug rdzogs pa ni nyi shu rtsa lnga'i bdag nyid do/ /de bzhin du phung po dang khams dang 'khor lo dang yul dang dbang po dang las kyi dbang po bzhi dang gsang ba dang gtsug tor gyi pad ma rdzogs pa ni sum bcu rtsa gnyis kyi bdag nyid do/ /de bzhin du phung po dang khams dang 'khor lo drug dang yul dang dbang po dang las kyi dbang po dang mchog gi dbang po dang dga' ba rdzogs pa ni sum bcu rtsa bzhi'i bdag nyid kyi 'dus pa'o/ /mngal bzung nas lo bcu drug gi 'tshams kyi bar du byis pa rnams rnam pa drug tu 'byung ba ni 'dus pa'i nges pa ste le'u lnga pa las rgyas par brjod par bya'o/ /de bzhin du sgyu 'phrul dra ba la phung po dang khams dgu dang spu la sogs pa'i khams brgyad dang skye mched bcu gnyis 'khor lo bzhi dang bcas pa dang rlung dang 'khris pa dang bad kan dang 'dus pa'i khams dang bcas pa'i las kyi dbang po drug ni bzhi bcu rtsa gsum gyi bdag nyid kyi sgyu 'phrul dra ba'o/ /gtsug tor dang gsang ba'i pad ma dang bcas pa'i bzhi bcu rtsa lnga'i bdag nyid do/ /'dod chags dang zhe sdang dang gti mug dang nga rgyal dang bcas pa ni bzhi bcu rtsa dgu'i bdag nyid do zhes pa ni sgyu 'phrul dra ba'i nges pa ste le'u lnga pa las rgyas par brjod par bya'o/ /rnal 'byor ma dang rnal 'byor gyi rgyud 'byung ba'i nges pa'o/ /da ni phyi dang nang gi phyag rgya gsungs te 'dir thams cad du rgyus 'bras bu la rgyas gdab par bya ste 'bras bus kyang rgyu la rgyas gdab par bya'o/ /rdul gyi chos can nyid kyi phyir nyi ma ni shes rab ste rgyu'o/ /khu ba'i chos can nyid kyi phyir zla ba ni thabs te 'bras bu'o/ /gzhan la ltos pa las khu ba'i chos can nyid kyi phyir zla ba ni shes rab ste rgyu'o/ /rdul gyi chos can nyid kyi phyir nyi ma ni thabs te 'bras bu'o/ /de lta na thams cad du stong pa nyid ni shes rab ste rgyu'o/ /snying rje ni thabs te 'bras bu'o/ /'dir gang zhig zla ba'i cha shas nyin zhag gi tshogs bzhi bcu rtsa lnga ste de dag las gza' yi cha yis thob pa nyin zhag drug ni rdo rje can gyi phyag rgya drug tu 'gyur te 'khor lo dang rna cha dang mgul brgyan dang gdu bu dang ske rags dang thal ba dang mchod phyir thogs pa ste dus kyi 'khor lo'i phyi rol gyi phyag rgya'o/ /gzhan pa'i nyin zhag cho gas te lhag ma gsum gyi grangs ni nang du rdo rje can gyi sku gsung thugs kyi phyag rgya ste phyi dang nang du phyag rgya dgur rig par bya'o/ / shes rab sku zhes pa ni shes rab kyi rgyud dang thabs kyi sku thabs kyi rgyud la dus sbyor gsum rnams ni snying stobs dang rdul dang mun pa'i bdag nyid te sku dang gsung dang thugs kyi bdag nyid do/ /rnal 'byor ma dang rnal 'byor gyi rgyud las phyag rgya rab tu gsal bar byas pa'i nges pa'o/ /da ni nus ma zhes pa la sogs pas dus kyi 'khor lo'i lha dang lha mo'i grangs gsungs te 'dir 'khor lo drug gi rtsa sna tshogs pa'i rang bzhin rnams lha'i tshogs so/ /nus ma khro bo rnams ni rim pas bcu ru rab tu 'gyur te zhes pa la pha rol tu phyin pa bcu ni nus ma bcu dang gtsug tor la sogs pa'i khro bo bcu ste so sor bcu'o/ /lnga ni sangs rgyas lha mo rnams zhes pa ni mi bskyod pa la sogs pa'i sangs rgyas lnga dang rdo rje dbyings kyi dbang phyug ma la sogs pa'i lha mo lnga ste so sor lnga'o/ /gzugs sogs mig la sogs pa drug ste zhes pa ni gzugs kyi rdo rje ma la sogs pa drug dang sa'i snying po la sogs pa drug ste de bzhin du so sor drug go/ slar yang lha'i tshogs ni drug gnyis so zhes pa ni dbang po la sogs pa bcu gnyis kyi grangs so/ / rnal 'byor ma dang klu dang gtum mo brgyad ces pa ni tsar tsi kA la sogs pa brgyad dang / mtha' yas la sogs pa brgyad dang / khyi gdong ma la sogs pa brgyad de lha'i cho gas 'di dag ni bsgrub thabs kyi le'u las so sor ming gi dbye bas brjod par bya'o/ /srid par zhes pa ni phyi rol dang nang du'o/ /slar yang 'di dag thams cad shes rab dang thabs kyi dbye bas nyis 'gyur te 'di dag dpal ldan dus kyi 'khor lo bzhi lhag brgya ste de yi phyed kyang lha lnga bcu rtsa gnyis kyi bdag nyid do/ /de ltar nyi ma dang zla ba'i dbye bas ste slar yang de dag gcig nyid kyis lha lnga bcu rtsa drug lhag pa'i brgya phrag gcig gi bdag nyid kyi dus kyi 'khor lor rig par bya'o/ /pad ma'i lte ba la gnas pa'i lha'i tshogs kyi nges pa'o/ /da ni tsar tsi kA la sogs pa'i pad ma'i 'dab ma'i lha mo rnams gsungs te nyi ma'i cha las te sum bcu rtsa gnyis kyi chas dbugs kyi 'khor lo las nyin zhag so sor chu tshod gnyis thob pa gang yin pa de ni zla ba'i dbus su chu tshod drug bcur 'gyur te rigs ldan gyi rang bzhin no/ /de dag rnal 'byor ma ste dus sbyor bsres pa zhes pa la dus sbyor ni thun 'tshams bzhi ste de dag rigs ldan la bsres pa ni drug bcu rtsa bzhir 'gyur ro/ /de dag kyang shes rab dang thabs kyi dbye bas gnyis kyis bsgyur ba ni nyi shu rtsa brgyad lhag pa'i brgya'i grangs su 'gyur ro/ /slar yang nyi ma'i cha las nyin zhag rab phye ste nyin zhag sum brgya drug bcus rab tu phye ba ni nag pa la sogs pa'i tshes ni mtshan nyid kyi lha'i cho gas te/ de nyid sgeg mo la sogs pa bcu gnyis dang bcas pa nyis 'gyur dag kyang nyi shu lhag pa'i bdun brgya'i grangs kyi lha'i tshogs su 'gyur ro/ /mtha' dag bsdus par gyur pa zhes pa ni lha mo 'di dag mngon brjod rnams dang bcas pa ste lha bdun bcu rtsa gnyis dang bcas pa'i phyag rgya drug dang lhan cig pa ni nyi ma'i nyin zhag sum 'gyur lo gsum gyi nyin zhag gi grangs stong brgyad bcu'o/ /rnal 'byor ma'i rgyud la lo gsum gyi nyin zhag gi tshogs kyi lha dang lha mor rig par bya bar dgongs pa ste de ltar na nyi ma lo yi rab tu dbye bar 'gyur ro/ /ri bong 'dzin pa la sgyu 'phrul dra ba dang 'dus pa rnam pa dgu po mtha' dag phyogs kyi dbye ba ste lha'i tshogs bzhi bcu lhag pa'i lnga brgya rnams kyis so/ /de ltar nyi ma dang zla ba'i lha'i tshogs gcig tu gyur pa rnams kyis kyang dang po'i sangs rgyas su 'gyur ro/ /dang po'i sangs rgyas de la mkha' lag mi bdag rnams te nyi shu lhag pa'i brgya phrag bcu drug gi grangs so/ /lha dang lha mo de dag rnams kyi shes rab thabs te mtshan mo nyin mo zhes pa ni grangs bzhin du shes rab mtshan mo'i cha dang thabs nyin mo'i cha'o/ /mnyam pa'i cha ste nyin phyed nas mtshan phyed dang mtshan phyed nas nyin phyed la rgyu skar phyed dang bcas pa'i bcu gsum gyis te dbyug dgu'am chu tshod bcu lhag pa'i brgyad brgya rnams kyis mtshan mo'i cha'o/ /de bzhin du nyin mo'i cha ste dpal ldan rgyu skar gyi dkyil 'khor dang po'i sangs rgyas la lha'i tshogs rgyu skar gyi chu tshod kyi grangs kyi bdag nyid du bcom ldan 'das kyis gsungs so/ /phyi rol du skar ma'i chu tshod rnams gza' thams cad kyi longs spyod yin pa ji lta ba de bzhin du nang du sku dang gsung dang thugs dang ye shes ni dbang po drug gi chos rnams kyi'o/ /gang gis rang gi lus la shes par gyur pa ste/ de ltar brjod pa'i rim pas shes rab dang thabs kyi bdag nyid dang po'i sangs rgyas gang gis rang gi lus la nyin mtshan dus thun mtshams dang thun tshod la sogs pa'i dbye ba dang zla ba 'pho ba'i dbye ba bcu gnyis rnams kyis shes par gyur pa'i rnal 'byor pa de ni dpal ldan 'jam pa'i rdo rje srid pa'i 'jigs 'joms sangs rgyas skye ba 'di nyid dag la'o zhes pa ni bsdus pa'i rgyud dang rtsa ba'i rgyud kyi lha 'byung ba'i nges pa'o/ /da ni sum bcu zhes pa la sogs pas mchog gi dang po'i sangs rgyas 'di las bsdus pa'i rgyud 'byung ba gsungs te 'dir mchog gi dang po'i sangs rgyas nyi shu lhag pa'i brgya phrag bcu drug las sum cu'i cha yis thob pa ni lha lnga bcu rtsa bzhir 'gyur ro/ /slar yang gsum gyis bsgyur ba ste sku dang gsung dang thugs kyis bsgyur ba ni drug bcu rtsa gnyis lhag pa'i brgyar 'gyur ro/ /de rnams las dkyil 'khor gyi lha ni lnga bcu rtsa bzhi lhag pa'i brgya'i grangs te dkyil 'khor gyi gtso bo thabs dang shes rab zung zhig dang phyi rol gyi phyag brgya drug go/ bcu'i chas mchog gi dang po'i sangs rgyas las dus kyi 'khor lo 'byung ba ste i Da la sogs pa dung can ma'i mtha'i rtsa'i dbye bas so/ /phyi rol du ni drang ba'i don to/ / bsdus pa'i dus kyi 'khor lo'i rgyud kyi nges pa'o/ /da ni 'khor lo dag gi rtsa rnams de bzhin nyid ces pa sogs pas dus kyi 'khor lo'i rtsa rnams gsungs te 'dir lus la rigs gsum kyi rtsa gsum ni lte ba dang gsang ba dang rdo rje nor bur lus dang ngag dang sems kyi thig le 'dzin pa rnams so/ /de bzhin du rigs drug gi rtsa rnams ni la la nA dang ra sa nA dang a ba d+hU tI dang bshang ba dang gci ba dang khu ba 'bab pa rnams so/ / de bzhin du rigs sum bcu rtsa drug gi rtsa rnams ni gtsug tor la sogs pa 'khor lo drug gi rtsa drug dang / sgra 'dzin pa gnyis dang rig pa 'dzin pa gnyis dang gzugs 'dzin pa gnyis dang ro 'dzin pa gnyis dang dri 'dzin pa gnyis po 'di dag ni rtsa bcu'o/ /lte ba'i 'khor lo'i nang dang gzhan gyi zlum po rnams la 'pho ba bcu gnyis kyi rtsa rnams dang thun tshod brgyad kyi rtsa rnams te/ de ltar thams cad rigs sum bcu rtsa drug gi gtso mor 'gyur te ro'i rang bzhin can drug dang khams kyi rang bzhin can drug dang dbang po'i rang bzhin can drug dang yul gyi rang bzhin can drug dang las kyi dbang po'i rang bzhin can drug dang las kyi dbang po'i yul gyi rang bzhin can drug go / d e bzhin du gzugs 'jug par byed pa drug dang tshor ba dang 'jug par byed pa drug dang 'du shes 'jug par byed pa drug dang 'du byed 'jug par byed pa drug dang rnam par shes pa 'jug par byed pa drug dang ye shes 'jug par byed pa drug ste rigs sum bcu rtsa drug gi rtsa rnams kyang rten dang brten pa'i 'brel pas bdun bcu rtsa gnyis so zhes shes par bya'o/ /de bzhin du dus kyi 'khor lo'i rtsa rnams gsungs pa gtsug gtor la ni chu gter zhes pa ni 'dab ma bzhi'i gzugs can bzhi ste thun 'tshams bzhi 'jug par byed pa rnams so/ /snying khar brgyad de zhes pa ni rtsa snar ma la sogs pa mnyam gnas pa la sogs pa rnams kyi rten du gyur pa rnams te nyin zhag so sor thun gyi dbye bas gza' brgyad rgyu bar byed pa rnams so/ /'dir 'og dang steng gi rtsa gnyis kyi rten pa ni rlung ngo / /spyi bor mi bdag ces pa ni tshes bcu drug 'jug par byed pa rnams so/ /mgrin pa la yang so yi grangs zhes pa ni mgrin pa'i 'khor lo la rgyu skar nyi shu rtsa brgyad dang dbyug gu'i skar ma bzhi 'jug par byed pa sum bcu rtsa gnyis so/ /lte bar te lte ba'i pad ma la khyim gyi rtsa ba'i phyi rol du chu tshod kyi rtsa brgyad ni brgyad kyis bsgyur ba rtsa drug bcu rtsa bzhi ste dkyil 'khor drug bcu 'bab par byed pa dang stong pa bzhi 'bab par byed pa ste dbyug gu drug bcu rtsa bzhi 'bab par byed pa'o/ /nyis 'gyur mi bdag ces pa ni sum bcu rtsa gnyis te gsang ba'i dbus su gsang ba'i pad ma'i rtsa khu ba la sogs pa'i khams sum bcu rtsa gnyis 'jug par byed pa rnams so/ /'di rnams las rtsa drug ni 'khor lo 'gog par 'gyur ro/ /bcus yul 'gog par 'gyur te de rnams ni 'dus pa'i rang bzhin no/ /slar yang de dag nyis 'gyur ni bad kan gyi cha ste nyi shu'o/ /slar yang nyis 'gyur ni mkhris pa'i cha ste bzhi bcur 'gyur ro/ /slar yang de dag rlung gi cha brgyad bcur 'gyur te de ltar 'khor lo drug po rnams la rtsa lnga bcu rtsa drug lhag pa'i brgya rnam par gnas pa ni dus kyi 'khor lo'i rtsar rtogs par bya'o/ /'di dag nges par 'chi ba ster byed bla ma'i nges pa'i dbang gis tshe dang nad med dag kyang ster/ 'khor lo drug la dus kyi rtsa brjod pa rnams bla ma'i man ngag gis bsgoms par gyur na 'chi ba'i 'jigs pa 'phrog ste rnal 'byor pa rnams kyi 'di la ngo mtshar med do/ /gtsug tor la ni chu gter te bzhi'o/ /dpral bar rgya mtshos bsnun pa'i dus rnams zhes pa bcu drug ste rtsa nyi shu po 'di dag ni bad kan gyi khams rab tu 'khrug pa'o/ /mgrin par so dang zhes pa ni rtsa sum bcu rtsa gnyis so/ /snying kha'i chu skyes dag la mig gis bsgyur ba'i dus rnams zhes pa ni rtsa brgyad de rtsa bzhi bcu po 'di dag ni mkhris pa'i khams dgu rab tu 'khrug pa'o/ /lte ba dang gsang ba bdag la grangs bzhin du chu gter drug bcu zhes pa ni rtsa drug bcu rtsa bzhi'o/ /mi bdag dag kyang ste gsang ba'i pad ma'i phyi rol yongs su bskor ba la rtsa bcu drug go rtsa brgyad bcu po 'di dag ni rlung gi khams rab tu 'khrug pa'o/ /gsang bar gzhan ni phyogs dang zhes pa ni yongs su bskor ba la rtsa bcu'o/ /gzhan drug kyang grangs bzhin du snying po'i yongs su bskor ba la'o/ /'dus pa dag ste zhes pa ni 'dus pa rab tu 'khrug pa'o/ /'gog pa'o zhes pa ni 'khor lo drug 'gog pa'i rang bzhin no/ /de ltar na lnga bcu rtsa drug gi lhag pa'i brgya ni dus kyi 'khor lo'i rtsa lha dang lha mo'i rang bzhin gyis gnas pa byis pa rnams la 'chi ba ster bar byed pa ste/ rigs drug gi rtsa dang lhan cig drug bcu rtsa gnyis lhag pa'i brgya'i dus kyi 'khor lo 'khor lo drug gi rtsa'i bdag nyid can bsgoms par gyur pa na rnal 'byor pa rnams la bde ba ster bar byed pa'o slar yang rtsa drug bcu rtsa gnyis lhag pa'i brgya po de dag gi rtsa so so la rlung bcu rab tu rgyu ba dang phung po dang khams bcu'i rang bzhin gyis rnam pa bcur 'gyur ro/ /de ltar thams cad bcus bsgyur ba ni nyi shu lhag pa'i brgya phrag bcu drug gi grangs su 'gyur te rgyu skar nyi shu rtsa bdun gyi chu tshod 'bab pa rnams so/ /de bzhin du dpal ldan rgyu skar gyi dkyil 'khor mchog gi dang po'i sangs rgyas la shes rab dang thabs kyi 'di snyed kyi lha'o/ /rgyu skar gyi dkyil 'khor rgyas pa 'di las 'jig rten kun rdzob kyis bad kan la sogs pa'i khams 'bab pa'i lha rnams 'jig rten pa'i dngos grub bsgrub pa 'am rang gi lus bsgrub pa'i slad du 'jam dpal gyis phyung ba ni 'khor lo drug gi gtso mo rnams so/ /dus kyi 'khor lo'i rtsa sdom pa'i nges pa'o/ /da ni drug ces pa la sogs pas rigs drug gi rtsa bsrung ba gsungs te 'dir lus la gang zhig rtsa drug gi 'khor lo 'gog par brjod pa rnams gsum gyi lam la gnas pa ni steng du zla ba dang nyi ma dang sgra gcan te g.yon dang g.yas dang dbu ma'i lam la gnas pa dang / 'og tu zla ba dang nyi ma dang me yi dbye bas bshang ba dang gci ba dang khu ba'i lam la gnas pa'o/ / de ni rnal 'byor pas lus la bsrung bar bya'o/ /gang gis zhe na bla ma'i nges pa'i dbang gis zhes pa la bla ma'i nges pa ni sbyor ba yan lag drug ste des 'chi ba las bsrung bar bya'o/ /gang zhig srog chags rnams la 'chi ba ster ba ni drug po 'di rnams la srog zhugs pa'o/ /drug la gal te srog ni rab zhugs gyur na de tshe mi rnams kyi ni dus thams cad du 'chi ba 'joms par nges te mtha' gcig tu'o/ /drug po 'di dag gi nang nas phra mo ni dbu ma a ba d+hu tI ste phra mo de la srog ma zhugs par gyur na rnal 'byor pa rnams kyis 'chi ba'i yul ni gang du gcod par byed de nges par 'chi ba'i yul gcod par mi byed do/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las nang du 'khor los sgyur ba dang kla klo'i 'khrug pa dang dus kyi 'khor lo'i rigs kyi rgyud dang rtsa'i rigs 'byung ba'i mdor bsdus chen po ste gsum pa'o// // da ni srog ces pa la sogs pas lus can rnams kyi dus ma yin par 'chi ba'i mtshan nyid gsungs te 'dir lus la lte ba'i 'khor lo rtsibs bcu gnyis pa'i khyim gyi 'khor lo ste lug la sogs pa mi mnyam pa'i dus sbyor gyi bdag nyid gcig gis bar du chod pa dang de bzhin du glang la sogs pa mnyam pa'i dus sbyor gyi bdag nyid gcig gis bar du chod pa'i 'dab ma ste/ de'i phyir na sna bug la srog yang dag par rgyu ba ni lug la sogs pa mi mnyam pa'i dus sbyor drug la g.yon du 'gyur ro/ /glang la sogs pa mnyam pa'i dus sbyor rnams la sna bug g.yas su srog yang dag par rgyu bar 'gyur te dbyug gu lnga lngas 'pho ba bcu gnyis rnams nyin zhag so sor 'gyur ro/ /de ltar nyin mtshan gyi dbyug gu drug bcus 'pho ba bcu gnyis te drug ni g.yon gyi sna bug la'o/ /drug ni g.yas kyi sna bug la'o/ /dbu ma la bcu gnyis rab tu 'jug pa rnams su'o/ /lus la nad dang bral ba rnams ni khams mnyam pa nyid te nad kyis zil gyis mnan pa rnams ni rlung dang 'khris pa dang bad kan gyi khams mi mnyam pa nyid do/ /mi mnyam pa de las srog mi mnyam pa ste/ /des na rtsa gcig ste g.yon pa la nyin dang mtshan mor gal te 'bab na de'i tshe 'tsho ba dag ni dus kyi lo ste dbu ma'i lo brgya rdzogs pa'i mtshan nyid ni mi rnams kyi 'tsho ba'i grangs su 'gyur ro/ /gal te phyogs gcig rnam par ma chad 'bab na de'i tshe phyed dang bcas pa'i lo ni tsher 'gyur te de nas 'chi bar 'gyur ro/ /gal te zla ba gcig tu rnam par ma chad de bar chad med par rtsa g.yon par 'bab na de'i tshe 'tsho ba zla ba gsum du 'gyur ro/ /de ltar rnal 'byor pas ni rang lus dag la zla bgrod 'chi ba dus kyi 'khor lor shes par bya zhes pa ni 'chi ltas kyi yul la dus kyi 'khor lo rtsibs bcu gnyis pa'i khyim gyi 'khor lo ste de nyid sa la bris nas 'dab ma dang po la 'chi ltas kyi nyin zhag gcig dang tshe'i zla ba sum bcu rtsa drug dgod par bya'o/ /de nas zla gcig mi 'bab bo/ /'chi ltas kyi nyin zhag 'phel ba ni zla ba gnyis pa'i mthar zla ba gsum pa 'jug pa na g.yon pa'i rtsa de nyid kyi 'dab ma la nyin zhag gnyis 'bab bo/ /de nas zla ba gsum pa ni mi 'bab bo/ /de nas zla ba bzhi pa'i mthar zla ba lnga pa 'jug pa na g.yon pa'i rtsar nyin zhag gsum du srog 'bab bo/ /zla ba lnga pa de nas zla ba drug pa la mi 'bab bo/ /de ltar na zla ba drug gis 'chi ltas kyi nyin zhag gsum ste bar gyi nyin zhag gsum ni mthar g.yas dang g.yon gyi 'chi ltas kyi chos can no/ /'chi ltas zhes bya ba ni dus ma yin par 'chi ba ste 'chi ltas min pa ni lo brgya'i 'tshams su 'chi ba'o/ /de ltar na 'chi ltas kyi nyin zhag dang bcas pa 'tsho ba'i zla ba sum bcu rtsa drug las zla ba drug song ste de nas 'dab ma de la srog gi rlung yang dag par rgyu ba med do/ / 'pho ba bcu gcig dang dbugs 'byung ba dang 'jug pa drug brgya lhag pa'i stong phrag nyi shu rtsa gcig gis nyin mtshan du 'gyur te 'dir khyim gyi 'dab ma yongs su dor yang dbugs kyi 'khor lo ni dman pa med do/ /de nas 'dab ma gnyis pa la nyin zhag bzhi pa dang nyin zhag lnga pa dang nyin zhag drug pa ni zla ba bdun pa dang brgyad pa dang dgu pa la grangs bzhin du 'bab ste 'tsho ba'i zla ba'i tshogs sum bcu po de las zla ba gsum song ngo / /de nas zla ba nyi shu rtsa bdun bzung nas 'dab ma gsum pa la srog yang dag par rgyu'o/ /'dab ma gnyis spangs shing 'pho ba bcus nyin mtshan byed de 'dab ma bcu la srog yang dag par 'pho'o/ /zla ba nyi shu rtsa bdun las slar yang zla ba so so la nyin zhag bdun g.yon gyi rtsar 'bab ste nyin zhag brgyad dang nyin zhag dgu 'bab pa'o/ /de nas zla ba nyi shu rtsa bdun las zla ba gzhan gsum gyis dman par 'gyur ro/ /de bzhin du sngar brjod pa'i cho gas khyim gyi 'dab ma gsum pa dor te 'dab ma dgu la srog yang dag par 'pho bar byed do/ /de bzhin du nyin zhag bcu dang nyin zhag bcu gcig dang nyin zhag bcu gnyis g.yon gyi rtsar 'bab bo/ / de nas 'dab ma bzhi pa dor te 'tsho ba'i zla ba nyi shu rtsa bzhi las zla ba gsum gyis dman par 'gyur ro/ /de bzhin du nyin zhag bcu gsum dang nyin zhag bcu bzhi dang nyin zhag bcwa lnga ste de nas 'dab ma lnga pa dor te 'dab ma bdun la 'pho bar byed do/ /zla ba nyi shu rtsa gcig las zla ba gsum gyis dman par 'gyur ro/ /de bzhin du nyin zhag bcu drug dang nyin zhag bcu bdun dang nyin zhag bcwa brgyad zla ba so sor rim pa bzhin du 'bab bo/ /de nas 'dab ma drug pa dor te 'dab ma drug la 'pho bar byed cing 'tsho ba'i zla ba bcwa brgyad las zla ba gsum gyis dman par 'gyur ro/ /de bzhin du nyin zhag bcu dgu dang nyin zhag nyi shu dang nyin zhag nyi shu rtsa gcig 'bab bo/ /de nas khyim gyi 'dab ma bdun pa dor te khyim gyi 'dab ma lnga la nyin mtshan gyi srog 'pho bar byed do/ /de nas 'tsho ba'i zla ba bcwa lnga las zla ba gsum gyis dman par 'gyur ro/ / de bzhin du nyin zhag nyi shu rtsa gnyis dang nyin zhag nyi shu rtsa gsum dang nyin zhag nyi shu rtsa bzhi bar chad med par gang gi tshe 'bab pa de'i tshe 'dab ma brgyad pa dor te 'dab ma bzhi la 'pho bar byed do/ /'tsho ba'i zla ba bcu gnyis las zla ba gsum gyis dman par 'gyur ro/ /de bzhin du nyin zhag nyi shu rtsa lnga dang nyin zhag nyi shu rtsa drug dang nyin zhag nyi shu rtsa bdun gang gi tshe 'bab pa de'i tshe 'dab ma dgu pa dor te 'dab ma gsum pa la 'pho bar byed do/ /'tsho ba'i zla ba dgu las zla ba gsum gyis dman par 'gyur ro/ /de bzhin du nyin zhag nyi shu rtsa brgyad dang nyin zhag nyi shu rtsa dgu dang nyin zhag sum bcu gang gi tshe 'bab pa de'i tshe 'dab ma bcu pa dor te 'dab ma gnyis la 'pho bar byed do/ / 'tsho ba'i zla ba drug las zla ba gsum gyis dman par 'gyur ro/ /de bzhin du nyin zhag sum bcu rtsa gcig dang nyin zhag sum bcu rtsa gnyis dang nyin zhag sum bcu rtsa gsum gang gi tshe 'bab pa de'i tshe 'dab ma bcu gcig pa dor te 'dab ma gcig la 'pho bar byed do/ /'tsho ba'i zla ba gsum las nyin zhag dgu bcus dman par 'gyur ro/ /de nas sngar gyi 'dab ma la ma babs pa'i nyin zhag gsum po ni 'dab ma bcu gnyis pa la nyin zhag gnyis 'bab bo/ /de nas 'dab ma bcu gnyis pa 'dor ro/ /de nas lte ba la nyin zhag gcig 'bab ste srog gi 'khor lo'i dbugs chad par 'gyur ba'i bar du'o/ /de nas rtsa g.yon pa'i 'chi ltas kyis gang dag rnal 'byor pa ma yin pa'i mi rnams 'chi bar 'gyur ro/ /g.yon pa'i rtsa la zla ba'i 'chi ltas kyi nges pa'o/ /snying stobs dang rdul dang mun pa'i dbye bas zla ba so sor 'chi ltas kyi nyin zhag re re lhag pas 'phel lo/ /'dir khyim gyi 'khor lo dgod pa ni khyim gyi 'khor lo'i rim pa gnyis pa byas nas rim pa dang po la 'chi ltas kyi nyin zhag rnams dang rim pa phyi ma la 'chi ltas kyi nyin zhag gi lhag ma'i tshe'i zla ba rnams so/ /de la 'khor lo'i rtsibs dang po la 'chi ltas kyi nyin zhag gsum dang zla ba sum bcu'o/ /rtsibs gnyis pa la 'chi ltas kyi nyin zhag drug dang lhag ma tshe'i zla ba nyi shu rtsa bdun no/ /de bzhin du rtsibs gsum pa la 'chi ltas kyi nyin zhag dgu dang de bzhin du zla ba nyi shu rtsa bzhi'o/ /bzhi pa la nyin zhag bcu gnyis dang zla ba nyi shu rtsa gcig go/ lnga pa la nyin zhag bcwa lnga dang zla ba bcwa brgyad do/ /drug pa la nyin zhag bcwa brgyad dang zla ba bcwa lnga'o/ /bdun pa la nyin zhag nyi shu rtsa gcig dang zla ba bcu gnyis so/ /brgyad pa la nyin zhag nyi shu rtsa bzhi dang zla ba dgu'o/ /dgu pa la nyin zhag nyi shu rtsa bdun dang zla ba drug go/ bcu pa la nyin zhag sum bcu dang zla ba gsum mo/ / 'khor lo'i rtsibs bcu gcig pa la 'chi ltas kyi nyin zhag sum bcu rtsa gsum dang mjug tu zla ba gsum zad pa'o/ /de nas khyim gyi 'khor lo'i rtsibs dang po la sngar ma rgyus pa'i nyin zhag gsum po gang yin pa de'i nyin zhag gnyis ni 'dab ma bcu gnyis pa la g.yas kyi rtsa zad pa'i don du g.yas kyi rtsa la 'bab bo/ /nyin zhag gcig ni dbugs kyi 'khor lo zad pa'i don du dbu ma a ba d+hu tI la 'bab bo/ /de nas zla ba'i 'chi ltas kyi g.yon gyi rtsa las srog 'gro ste zla ba'i 'chi ltas kyi nges pa'o/ /da ni lnga nas zhes pa la sogs pas rtsa g.yas pa la nyi ma'i 'chi ltas gsungs te 'dir lus la zla bas nyi ma'i yon tan snying stobs dang rdul dang mun pa rnams bzung nas 'chi ltas kyi nyin zhag nges par bstan te/ nyi mas zla ba'i yon tan sgra dang reg pa dang gzugs dang ro dang dri rnams bzung nas 'chi ltas kyi nyin zhag nges par bstan to/ /khyim lnga'i bar du lnga lhag pa ste lnga pa lngas so/ /de nas khyim gnyis ni gcig lhag pas so/ /de nas rtsa ba nas brtsams nas nyin zhag sum bcu rtsa gsum gyi bar du rgyu ste nyin zhag bcwa lngas khyim brgyad pa 'dor ro/ /bcus khyim dgu pa 'dor ro/ /lngas khyim bcu pa 'dor ro/ /gsum gyis khyim bcu gcig pa 'dor te de ltar na nyin zhag sum bcu rtsa gsum du g.yas kyi rtsa la srog rgyu'o/ /de nas khyim bcu gnyis pa la g.yon gyi rtsa'i khams zad pa'i don du g.yon gyi rtsa las nyin zhag gnyis so/ /dbugs kyi 'khor lo zad pa'i don du dbu ma'i rtsa la nyin zhag gcig ste de nas 'chi bar 'gyur ro/ /'di lta ste 'tshams kyi nyin zhag lnga nas nyin zhag nyi shu rtsa lnga'i bar du nyin zhag bgrod pa skye ba lnga ni 'phel ba dag gis skye ba ste/ nyin zhag lnga dang bcu dang bcwa lnga dang nyi shu dang nyi shu rtsa lnga rnams te skyes pa nas khyim lnga rnams la'o/ /de nas re re lhag pas khyim drug pa dang bdun pa la rim pa bzhin du snying stobs dang rdul zad pa'i don du nyin zhag nyi shu rtsa drug dang nyi shu rtsa bdun no/ /de nas dus ni rdzogs par gyur na bcu ni gsum gyis bsgyur bdag khyim brgyad pa dang dgu pa dang bcu pa la srog rgyu'o/ /de nas bcu gcig pa la gsum lhag pa'i zla bar 'gyur ba ji srid pa nyid do/ /lo rnams ni 'chi ltas kyi nyin zhag gi lhag ma'i lo ste khyim gyi 'khor lo la skye ba'i khyim la sogs pa'i khyim bcu gnyis po rnams la'o/ /gsum mig zla ba ste skye ba'i khyim la 'chi ltas kyi nyin zhag gi lhag ma lo gsum mo/ /gnyis pa la gnyis so/ /gsum pa la lo gcig ste 'chi ltas kyi nyin zhag gi lhag ma 'tsho ba'i lo rnams so/ /de nas drug gsum zung dang zla ba gang zhes pa ni khyim bzhi pa la zla ba drug po de dag rnams so/ /lnga pa la zla ba gsum mo/ /drug pa la zla ba gnyis so/ /bdun pa la 'chi ltas kyi nyin zhag gi lhag ma 'tsho ba'i zla ba gcig go/ skye ba'i gnas de nas bdun pa'i gnas ni rdzogs pa'o/ /mngal nas skyes pa rnams kyi mngal bzung ba'i zla ba ni chu srin no/ /de nas bdun pa ni srog skye ba'i zla ba ste kar ka Ta'o/ /zla ba'i rtsa 'phel ba yongs su btang ba'i phyir khyim bcu gnyis pa'i mthar slar yang chu srin du 'gyur te mngal bzung ba nas zla ba bcu gsum pa'o/ /de'i phyir kar ka Ta ni srog gi skye ba'i gnas te nyi ma kho na'i ma yin no/ / de nas 'char te skye ba de nas chu srin 'char ba ste khyim bdun pa 'char ba na nyi ma nub pa zhes bya ba rdzogs pa'i dus so/ /rdzogs pa'i dus de nas srog phyir mi ldog par 'gyur te lha dang lha ma yin dang mi rnams kyis lus la brtan par bya bar mi nus so/ /mtshan mo'i cha la zla ba 'char ba'i dus zhes pa la zla ba 'char ba zhes bya ba ni khu ba'i khams la 'chi ba 'jug pa'o/ /'chi ba 'char ba yin gyi khu ba'i khams ni ma yin te 'chi ltas kyi rlung zhugs pa'i phyir ro/ /rdzogs pa'i dus de nas khu ba zad pa'i don du rtsa g.yas pa la srog nyin zhag sum bcu rtsa gsum rgyu'o/ /de nas rtsa g.yon pa la nyin zhag gnyis dang rtsa dbu ma la nyin zhag gcig ste/ 'tsho ba'i nyin zhag lhag ma ni tshes zhes pa bcwa lnga dang phyogs zhes pa bcu dang mda' zhes pa lnga dang yon tan zhes pa gsum dang gnyis zhes pa gnyis dang nyin zhag gcig ste nyi ma'i 'chi ltas la bshad pa gcig gi nges b.lo da ni rang gi gnas nas zhes pa la sogs pas bshad pa gnyis pa gsungs te 'dir lus kyi lte ba'i pad ma la rtsa bcu gnyis kyi bdag nyid can khyim gyi 'khor lo'o/ /de la skye ba'i gnas ni khyim dang po'i rtsa ste/ mngal nas skyes pa'i byis pa'i dus sbyor gang yin pa de nyid glang la sogs pa mnyam pa'i rtsa'i rang bzhin can no/ /rang gi gnas de nas mchog gi cha srog gi nus pas khyim gyi 'khor lo ste rtsa'i 'khor lo rtsibs bcu gnyis pa dkyil 'khor drug bcu'i bdag nyid can 'dor te nyams dang lhag ma mtshungs pa yi zhes pa la nyams pa ni rgyu ba'i nyin zhag rnams te lnga dang bcu dang bcwa lnga dang nyi shu dang nyi shu rtsa lnga dang nyi shu rtsa drug dang nyi shu rtsa bdun ni nyams pa'o/ /lhag ma ni lo gsum dang lo gnyis dang lo gcig dang zla ba drug dang zla ba gsum dang zla ba gnyis dang zla ba gcig ni nyams pa'i lhag ma ste nyams pa'i lhag ma de dag rnams kyis 'dab ma dang po la sogs pa nas ji srid rtsa'i 'dab ma bdun pa'i bar de srid du rim pas lo dang zla ba te lo gsum mig ri bong can gyis rtsa gsum 'dor ro/ /zla ba drug gsum zung dang zla ba rnams kyis rtsa bdun 'dor ro/ / zhag gis kyang rdzogs pa nas ni lhag ma mtshungs pa'i zhes pa la rdzogs pa'i dus ni skye ba'i gnas kyi mtshams nas bdun pa ste nyi ma dang rdul nub pa'i dus so/ /rdzogs pa'i dus de nas srog gi nus pa rgyu ba'i tshe'i nyin zhag mtshungs pa rnams kyis khyim gyi rtsa yongs su 'dor te tshes nyin zhag bcwa lnga dang phyogs nyin zhag bcu dang mda' nyin zhag lnga dang yon tan zhes pa nyin zhag gsum ste nyin zhag sum bcu rtsa gsum po 'di rnams kyis rtsa brgyad pa dang dgu pa dang bcu pa dang khyim gyi rtsa bcu gcig pa dkyil 'khor lnga 'bab par byed pa ni nyi ma'i rab tu rgyu bas 'dor te rtsa g.yas pa gcig pu nas 'bab pas so/ /bcu gnyis pa ni rtsa g.yon pa la nyin zhag gnyis dang dbu ma la nyin zhag gcig gis te lte bar rab tu zhugs pas so/ /de ltar rdzogs pa nas nyin zhag sum bcu rtsa drug gis nyin mor byed pa'i 'chi ltas kyi sbyor bas mi rnams 'chi bar 'gyur ro/ /bshad pa gnyis pa'i nges pa'o/ /da ni sngon du zhes pa la sogs pas 'dab ma bcu gnyis la sogs pas 'dab ma bcu gnyis la lo gsum gyi nyin zhag 'dor ba gsungs te 'dir khyim gyi 'khor lo la skye ba'i dus sbyor gyi rtsa ni sngon zhes brjod de skye ba'i dus sbyor gyi 'dab ma de la lo gsum gyi nyin zhag gi tshogs stong brgyad bcu'i nang nas mda' dang me dang 'jig rten zhes pa nyin zhag gi tshogs sum bcu rtsa lnga lhag pa'i sum brgya 'dor bar byed do/ /de nas 'dab ma ste stong par byas te lhag ma'i nyin zhag gi tshogs bzung nas srog gi nus pa 'dab ma gnyis pa la 'jug go/ nyin zhag gi tshogs de las rgyu ba dang bcas pa ste snga ma las 'dab ma phyi mar rgyu ba'i nyin zhag bcu dang lhan cig tu mda' dus rtse mo can zhes pa nyin zhag gi tshogs bzhi bcu rtsa lnga lhag pa'i sum brgya 'dab ma gnyis pa la 'dor ro/ /de nas lhag ma bzung nas 'dab ma gsum pa la 'jug ste gnyis pa stong par 'gyur ro/ /slar yang de nyid la rgyu ba'i nyin zhag bcwa lnga dang lhan cig nyin zhag bdun bcu lhag pa'i brgya 'dab ma gsum pa la 'dor ro/ /lhag ma bzung nas bzhi pa la 'jug ste gsum pa stong par 'gyur ro/ /de nas rgyu ba'i nyin zhag nyi shu dang lhan cig mig sbrul zhes pa nyin zhag gi tshogs brgyad bcu rtsa gnyis 'dab ma bzhi pa la 'dor ro/ /lhag ma bzung nas lnga pa la 'jug ste bzhi pa la stong par 'gyur ro/ /slar yang rgyu ba'i nyin zhag nyi shu rtsa lnga dang lhan cig ri bo mda' ste nyin zhag gi tshogs lnga bcu rtsa bdun 'dor ro/ /lhag ma bzung nas drug pa la 'jug ste lnga pa stong par 'gyur ro/ / slar yang rgyu ba'i nyin zhag nyi shu rtsa drug dang lhan cig nyin zhag gi tshogs nyi shu rtsa brgyad 'dor ro/ /de nas 'dab ma bdun pa la 'jug ste drug pa stong par 'gyur ro/ /de nas bdun pa la rgyu ba'i nyin zhag gi tshogs nyi shu rtsa bdun 'dor ro/ /lhag ma nyin zhag gi tshogs sum bcu rtsa drug bzung nas 'dab ma brgyad par 'jug ste bdun pa stong par 'gyur ro/ /de nas brgyad pa la nyin zhag bcwa lnga 'dor ro/ /lhag ma nyin zhag nyi shu rtsa gcig bzung ba nas dgu pa la 'jug ste brgyad pa stong par 'gyur ro/ /de nas dgu pa la nyin zhag bcu 'dor ro/ /lhag ma nyin zhag bcu gcig bzung nas bcu pa la 'jug ste dgu pa stong par 'gyur ro/ /de nas bcu pa la nyin zhag lnga 'dor ro/ /lhag ma nyin zhag drug bzung nas bcu gcig pa la 'jug ste bcu pa stong par 'gyur ro/ /de la nyin zhag gsum 'dor ro/ /lhag ma nyin zhag gsum bzung nas bcu gnyis pa 'jug ste bcu gcig pa stong par 'gyur ro/ /de la nyin zhag gnyis 'dor ro/ /lhag ma nyin zhag gcig bzung nas lte ba la 'jug ste khyim gyi 'dab ma bcu gnyis pa'i rtsa stong par 'gyur ro/ /de ltar nyi ma'i dbu ma'i lo gsum gyi nyin zhag stong brgyad bcu'i grangs rnams kyis srog gi nus pas khyim gyi 'khor lo rtsibs bcu gnyis pa 'dor ro/ /de nas lte ba la nyin zhag gcig dbu mar 'bab ste de nas dbugs kyi 'khor lo btang nas rnam par shes pa srog gi rlung dang lhan cig 'gro ba drug po gzhan du 'pho bar byed do/ /nyi ma'i 'chi ltas kyi nges pa'o/ /'dir dgod pa ni sngar gyi dgod pa bzhin du rim pa gnyis la lo'i dbye ba dang nyin zhag 'dor ba'i dbye ba ste rim pa snga ma la 'chi ltas kyi nyin zhag dgod cing rim pa phyi ma la lhag ma tshe'i nyin zhag dgod do/ /'khor lo gnyis pa la nyin zhag 'dor ba dgod cing snga ma'i 'dab ma ma rnams la rim pas stong pa dgod do/ /g.yas pa'i rtsa mnyam pa'i dus sbyor la skyes pa rnams la nyi ma'i 'chi ltas te mi mnyam pa'i dus sbyor la skyes pa tshe thung ba rnams la zla ba'i 'chi ltas so/ /nyi ma'i 'chi ltas kyi nges pa'o/ /da ni nyi ma'i dbu ma'i 'chi ltas dus kyi lo'i rim pas lo brgya'i 'tshams su byis pa'i skye bo mu stegs pa rnams kyis brjod pa sems can rnams rmongs pa skyed par byed pa gang yin pa de'i dgag pa brjod par bya'o/ /'dir mu stegs pa rnams brjod pa grag ste rtsa g.yas pa la chu tshod lnga rab tu rgyu bas tshe lo brgya'o/ /chu tshod drug rab tu rgyu bas tshe lo dgu bcu'o/ /chu tshod bdun rab tu rgyu bas tshe lo brgyad cu'o/ /chu tshod brgyad rab tu rgyu bas tshe lo lnga bcu'o/ /chu tshod dgu rab tu rgyu bas tshe lo sum bcu'o/ /chu tshod bcu rab tu rgyu bas tshe lo nyi shu rtsa drug go/ chu tshod bcwa lnga rab tu rgyu bas tshe lo bcu bzhi'o/ /chu tshod sum bcu rab tu rgyu bas tshe lo bcu gnyis so/ /nyin zhag gcig rab tu rgyu bas tshe lo bcu'o/ /nyin zhag gnyis rab tu rgyu bas tshe lo brgyad do/ /nyin zhag gsum rab tu rgyu bas tshe lo drug go/ nyin zhag bzhi rab tu rgyu bas tshe lo lnga'o/ /de nas nyin zhag lnga rab tu rgyu bas tshe lo gsum mo zhes pa ni mu stegs pa rnams kyi g.yas kyi lam la chu tshod dang dbugs kyi nges pa'o/ /de nyid ni thams cad mkhyen pas gsungs pa'i rigs pas rnam par dpyad na mi 'thad te 'dir mi rnams kyi 'chi ltas med pa la g.yon dang g.yas kyi rtsa la lnga ste mnyam pa dang mi mnyam pa'i dus sbyor rnams la dbyug gu lngar srog gi rlung 'bab bo/ /skyes bu tshe lo brgya pa'i srog ni g.yon dang g.yas pa dag la lo bdun du bgrod pa'i dbye bas dbugs 'phel lo/ /de nas lo drug bcu rnams ni bgrod pa 'phel ba'i dbye bas chu srang 'phel lo/ / de nas lo sum bcu rnams ni zla ba gsum gyis dbye bas chu tshod 'phel lo/ /de nas lo gsum dang phyogs gsum ni nyin zhag gi dbye bas 'phel lo zhes pa ni dus 'phel ba'i rigs pa'o/ /rigs pa 'di las mngal nas skyes pa'i byis pa gang zhig dus ma yin par 'chi bar 'gyur ba lo gsum mam lo lnga'am lo bcu gnyis sam nyi shu la sogs pas 'chi ba de la chu tshod lnga'i steng du chu tshod drug dang bdun la sogs pa rab tu rgyu ba'i rim pa ni don med pa ste mngal nas skyes pa nas lo gsum 'chi ba'i 'tshams yin pa'i phyir ro/ /'dir gal te skyes pa'i zla ba gcig gi rjes su 'chi bar 'gyur na de'i tshe skyes pa'i nyin zhag nas brtsams te srog gi rlung rdzogs pa'i dus nas tshes phyogs mda' dang yon tan la sogs pa rgyu'o/ /de bzhin du mngal nas skyes pa nas zla ba gnyis kyi mtha' dang zla ba gsum gyi mtha' dang zla ba bzhi'i mtha' dang zla ba drug gi mtha' dang lo'i mtha' dang lo gnyis kyi mtha' dang lo gsum gyi mthar 'chi ba ni nyin zhag sum bcu rtsa gsum rgyu ba nas g.yas kyi rtsa la sgra la sogs pa'i yon tan lnga zad pa'i dbye bas nyin zhag lnga rgyu ba dang / g.yon gyi rtsa la snying stobs la sogs pa'i yon tan gsum zad pa'i dbye bas nyin zhag gcig gi bar du lugs las bzlog pas so/ /de bzhin du lte ba la srog rab tu zhugs pa las mngal nas skyes pa'i nyin mtshan dang po la yang 'chi bar shes par bya'o/ /de bzhin du 'dab ma bcu gnyis pa la srog 'char ba las nyin zhag gsum pa la 'chi ba'o/ /de bzhin du 'dab ma bcu gcig pa la srog 'char ba las nyin zhag drug pa la'o/ /de bzhin du khyim gyi 'dab ma bcu pa la srog 'char ba las nyin zhag bcu gcig pa la'o/ /de bzhin du khyim gyi 'dab ma dgu pa la srog 'char ba las nyin zhag nyi shu rtsa gcig pa la'o/ /de bzhin du rim pas khyim gyi 'dab ma brgyad pa la srog 'char ba las nyin zhag sum bcu rtsa drug pa la'o/ /de bzhin du khyim gyi 'dab ma bdun pa la srog 'char ba las zla ba gnyis na'o/ /de bzhin du 'dab ma drug pa la srog 'char ba las zla ba ny+ra na'o/ /de bzhin du lnga pa la srog 'char ba las zla ba bzhi na'o/ /de bzhin du 'dab ma bzhi pa la nyin zhag nyi shur srog 'char ba las zla ba drug na'o/ /de bzhin du phyogs dang bcas par gsum pa la srog 'char ba las lo gcig na'o/ /nyin zhag bcu gnyis pa la srog 'char ba las lo gnyis na'o/ /dang po la srog 'char ba las lo gsum na'o/ /lo bzhi pa la nyin zhag ni rigs pa ma yin te mngal nas skyes pa nas lo brgya'i 'tshams kyi bar du'o/ /'di ni nyi ma'i 'chi ltas kyi nges pa ste nyi ma'i ji lta ba de bzhin du snying stobs la sogs pa yon tan gsum gyi dbye bas mngal nas skyes pa la zla ba'i 'chi ltas kyi nges pa'o/ /de bzhin du phyi ma'i steng gi rna ba las dbang phyug gis smras pa/ ji ltar g.yon pa de bzhin g.yas/ / de bzhin nyid du dbu ma yang / /lo gsum mthar ni 'chi ba ster ba zhes pa ste gzhan gyi grub pa'i mtha' la yang la lar nges pa yod do/ /zla ba dang nyi ma'i 'chi ltas kyi nges pa'o/ /'di ltar mngal nas skyes pa rnams kyi las las nyin zhag gcig nas brtsams te lo gsum gyi mthar nyin zhag so so la 'chi ba'i dbye ba stong brgyad bcu'i dbye bas tha dad pa'i byis pa'i 'chi ba gang yin pa de ni zla ba'i lam mam nyi ma'i lam 'di la nges pa med do/ /'on kyang rtsa las dbugs rab tu rgyu ba'i 'chi ltas kyi nyin zhag rnams kyis srog gi grangs shes par byed do/ /de'i phyir 'chi ltas kyi 'khor lo ni 'chi ba'i 'khor lo ste khyim gyi 'khor lo'i rtsa rnams las srog gis dkyil 'khor lnga rgyu ba go rims kyis yongs su 'dor ro/ /de nas lte ba la rab tu zhugs pa'i nyin zhag de la 'chi'o zhes pa ni rigs pa'o/ /nyi ma'i dbu ma rab tu rgyu bas lo brgya'i 'tshams su lo gsum gyi dus kyi mtshan nyid 'di ni yongs su brtags pas sems can thams cad kyi 'chi bar bcom ldan 'das kyis gsungs so zhes zer ro/ /de nyid ni zla ba'i phyogs gsum gyi chos kyis zla ba'i 'chi ltas su mi 'gyur te 'dir gang zhig zla ba'i chos kyis 'chi ltas kyi 'chi bar mi 'gyur ba des na byis pa mi mkhas pa rnams kyis rab tu brtags pa'o/ /g.yon pa'i rtsa la zla ba'i chos las 'chi ltas kyi 'chi ba ji ltar med/ g.yas pa la nyi ma rab tu rgyu ba las 'chi ltas kyi 'chi bar thams cad mkhyen pas gsungs so zhes pa ni mi shes pa rnams kyi tshig go/ 'dir lo gsum gyi lhag pa'i lha ni nyi ma'i sgras srog gi rlung ste phyogs gsum gyi bdag po zla ba'i sgras thur sel gyi rlung ngo / /'dir i Da dang dmar ser dang su shum+na rnams kyi bdag po ni srog dang nyi ma ste lte ba las steng du rab tu rgyu ba'i phyir ro/ /bshang ba dang gci ba dang khu ba'i rtsa rnams kyi bdag po ni thur sel ste lte ba las 'og tu rab tu rgyu ba'i phyir ro/ /de ltar na zla ba la 'og tu yon tan gsum dang nyi ma la steng du dkyil 'khor dang yul lnga'i yon tan lnga'o/ /de na 'og dang steng gi rtsa dag las yon tan gsum gyi dbye bas g.yon pa la zla ba'i 'chi ltas dang yon tan lnga'i dbye bas g.yas pa la nyi ma'i 'chi ltas so/ /zla ba dang nyi ma'i 'chi ltas kyi nges pa'o/ /da ni dus kyi lo zhes pa la sogs pas dbu ma yongs su rdzogs pa'i dus su 'chi ba'i mtshan nyid gsungs te 'dir skyes pa dang bud med rnams kyi lus la snying stobs dang rdul dang mun pa'i dbye bas srog rab tu rgyu ste phyed dang bcas pa'i zla ba bcu lhag pa'i lo dgu bcu rtsa drug gi bar du g.yon dang g.yas la dkyil 'khor lnga 'bab bo/ /lo gsum dang phyogs gsum gyi bar ni dbu ma'i dus te tshe lo brgya pa'i mi rnams kyi nges pa'o/ /de la g.yon pa dang g.yas pa dang dbu ma'i rtsa gsum kyi snying stobs dang rdul dang mun pa'i rang bzhin can te 'di rnams las 'chi ba ni mun pa'i rtsa la rgyu ba'i grangs srog dang thur sel gyi rang bzhin gyis bzung nas g.yon pa dang g.yas pa la mi mnyam pa dang mnyam pa'i nyin zhag gis rgyu ste/ dus kyi lo ste lo gsum dang phyogs gsum gyi bar du nyin zhag bgrod pa'i dbang gis zhes pa la nyin zhag ni nyi shu rtsa lnga lhag pa'i brgya phrag bcu gcig ste de dag gi bgrod pa'i dbang gis ji srid srog zad par 'gyur ba de srid du 'pho zhing rgyu bar byed pa ste/ zla ba zhes bya ste g.yon pa'i lam dang nyi ma'i lam g.yas pa la mi mnyam mnyam pa'i nyin zhag re re 'phel bas rim pas so zhes pa ni gal te lug la sogs pa mi mnyam pa'i dus sbyor la skyes par gyur na g.yon pa'i rtsa la nyin zhag gcig rgyu'o/ /gal te glang la sogs pa mnyam pa'i dus sbyor la skyes par gyur na g.yas pa la nyin zhag gnyis rgyu'o/ /de nas slar yang 'pho ba'i dbye ba ni mi mnyam mnyam pa'i nyin zhag rnams kyis g.yon pa la rgyu ba'i mjug dang g.yas pa la rgyu ba'i mjug tu rgyu ba'i nyin zhag gi chad kyis byed pa ni bcu gnyis rtsibs kyi khyim gyi 'khor lo la rim pas dkyil 'khor lnga yongasu dor ba'i slad du ste g.yon gyi rtsa la nam mkha' la sogs pa'i dkyil 'khor zad pa'i don du 'pho bar byed cing g.yas kyi rtsa las la sogs pa'i dkyil 'khor zad pa'i don du 'pho bar byed do/ / 'dir g.yon pa la rgyu ba'i nyin zhag lnga dang 'pho ba'i nyin zhag rnams kyis lug la sogs pa mi mnyam pa'i 'dab ma drug po rnams la stong pa'i dkyil 'khor rab tu 'bab pa srog gi rlung gis 'dor ro/ /g.yas pa la rgyu ba'i nyin zhag drug dang 'pho ba'i nyin zhag drug rnams kyis glang la sogs pa mnyam pa'i dus sbyor drug po rnams la sa'i dkyil 'khor rab tu 'bab pa srog gis 'dor ro/ /de bzhin du g.yon pa'i rtsa la nyin zhag bcu gcig gis rlung gi dkyil 'khor 'dor ro/ /g.yas pa la nyin zhag bcu gnyis kyis chu'i dkyil 'khor 'dor ro/ /de bzhin du g.yon pa'i 'dab ma la nyin zhag bcu bdun gyis me'i dkyil 'khor 'dor ro/ / g.yas pa'i 'dab ma la nyin zhag bcwa brgyad kyis me'i dkyil 'khor 'dor ro/ /slar yang g.yon pa'i 'dab ma la nyin zhag nyi shu rtsa gsum gyis chu'i dkyil 'khor 'dor ro/ /g.yas pa'i 'dab ma la nyin zhag nyi shu rtsa bzhis rlung gi dkyil 'khor 'dor ro/ /slar yang g.yon pa'i 'dab ma drug la nyin zhag nyi shu rtsa dgus sa'i dkyil 'khor 'dor ro/ /g.yas pa la nyin zhag sum bcus nam mkha'i dkyil 'khor 'dor te de ltar mi mnyam pa dang mnyam pa'i nyin zhag rnams g.yon pa dang g.yas pa la rgyu ba dang nyin zhag sum bcu po rnams kyi 'pho ba'i nyin zhag sum bcus dus sbyor bcu gnyis kyi rtsa'i 'dab ma rnams la dkyil 'khor lnga yongs su 'dor ro/ /de nas g.yon pa'i rtsa mi mnyam pa'i 'dab ma rnams la rgyu ba'i nyin zhag sum bcu rtsa gcig dang 'pho ba'i nyin zhag sum bcu rtsa gcig gis kyang snying stobs kyi khams zad do/ / g.yas pa'i rtsa la nyin zhag sum bcu rtsa gnyis rgyu ba dang 'pho ba'i nyin zhag sum bcu rtsa gnyis kyang rdul kyi khams zad do/ /de nas mi mnyam pa'i 'dab ma la rgyu ba'i nyin zhag sum bcu rtsa gsum dang 'pho ba'i nyin zhag sum bcu rtsa gsum gyis mun pa'i khams zad de de ltar bad kan gyi rtsa zad pa ni snying stobs kyi khams dang 'khris pa'i rtsa zad pa ni rdul gyi khams dang rlung gi rtsa zad pa ni mun pa'i khams zhes brjod de rgyu ba'i nyin zhag sum bcu rtsa gsum dang 'pho ba'i nyin zhag sum bcu rtsa gsum gyis so/ /khyim gnyis ka'i nyin zhag bsdus pas nyin zhag gsum gyis dman pa'i lo gsum dang phyogs gsum gyis nyin zhag nyi shu rtsa gnyis lhag pa'i brgya phrag bcu gcig tu 'gyur ro/ /dkyil 'khor lnga dang snying stobs dang rdul dang mun pa'i rtsa gcod pa ni srog gi rlung gis gnas yongs su 'dor ba ste de ltar phyed dang bcas pa'i zla ba dang ji srid lo gsum gyi nyin zhag rnams srog rgyu bas so/ /de nas gzhan ni sum bcu dag dang ste mngal bzung ba'i zla ba'i nyin zhag gi tshogs nyin zhag sum bcu'i bdag nyid dang 'tsho ba dag gi mtshan mo gsum gyi bar du g.yas pa'i rtsa la rgyu zhing 'pho ba thams cad med pas nyin zhag sum bcu rtsa gsum gyi bar du phung po dang khams rnams rnam par gcod pa ste 'dir gzugs la sogs pa'i phung po lnga dang sa la sogs pa'i khams lnga dang lus kyi dbang po la sogs pa'i dbang po lnga dang dri la sogs pa'i yul lnga dang bshang lam la sogs pa'i las kyi dbang po lnga dang smra ba la sogs pa'i las kyi dbang po'i yul lnga ste 'di dag rnams nyin zhag sum bcu rtsa gsum gyis gcod cing phan tshun yang dag par sbyor ba med par 'gyur ro/ /de nas dbugs kyi 'khor lo zad pa'i don du nyin zhag gcig dbu ma la 'jug go/ phung po drug pa dang khams drug pa dang dbang po drug pa dang yul drug pa dang las kyi dbang po drug pa dang las kyi dbang po'i yul drug pa khu ba 'pho ba ni 'chi ba'i mthar 'gyur te phung po dang khams dang skye mched rnam par gcad pa'i nges pa'o/ /da ni dbugs zhes pa la sogs pas skyes par gyur pa rnams kyi 'chi ba'i dbugs rgyu ba gsungs te 'dir lus la dbugs kyi 'khor lo dang chu srang gi 'khor lo dang chu tshod kyi 'khor lo dang nyin zhag gi 'khor lo ni phyi rol la ji lta ba de bzhin du lus la yang ngo / /de la dbugs drug gi bdag nyid ni dbugs kyi 'khor lo'o/ / chu srang drug bcu'i bdag nyid ni chu srang gi 'khor lo'o/ /chu tshod drug bcu'i bdag nyid ni chu tshod kyi 'khor lo'o/ /nyin zhag stong brgyad bcu'i bdag nyid ni 'chi ltas kyi 'khor lo'o/ /nyin zhag lnga bcu rtsa drug lhag pa'i brgya phrag bcu gcig gi bdag nyid ni dus kyi 'chi ba'i nyin zhag gi 'khor lo'o/ /'khor lo 'di rnams la 'chi ba ni dbugs kyi rang bzhin dang chu srang gi rang bzhin dang chu tshod kyi rang bzhin dang nyin zhag gi rang bzhin gyi rgyu ste g.yon gyi rtsa dang g.yas kyi rtsa la grangs bzhin du re re lhag pas so/ /dang por re shig dbugs rgyu ba ni bgrod pa'i yan lag las ni lo bdun dag gis zhes pa ste 'dir skyes pa gang la lo brgya'i 'tshams su 'chi ltas med na dus kyi 'chi ba 'byung bar 'gyur ro/ /de'i bgrod pa gnyis ni g.yon pa'i rtsa dang g.yas pa'i rtsa la dkyil 'khor lnga 'bab pa can gyi srog gi rlung 'bab bo/ /de nas bgrod pa gsum pa la g.yon pa'i rtsa'i nam mkha'i dkyil 'khor la dbugs gcig rgyu'o/ /bzhi pa la mi rgyu'o/ /de nas lo gsum pa'i bgrod pa lnga pa la g.yas pa'i rtsa'i sa'i dkyil 'khor la dbugs gnyis rgyu'o/ / slar yang bgrod pa drug pa la mi rgyu'o/ /de nas bgrod pa bdun pa la g.yon pa'i rtsa'i nam mkha'i dkyil 'khor la dbugs gsum rgyu'o/ /brgyad pa la ma yin no/ /de bzhin du dgu pa la g.yas pa'i rtsa'i sa'i dkyil 'khor la dbugs bzhi rgyu'o/ /bcu pa la ma yin no/ /slar yang bcu gcig pa la g.yon gyi rtsa'i stong pa'i dkyil 'khor la dbugs lnga rgyu'o/ /bcu gnyis pa la ma yin no/ / de nas bgrod pa bcu gsum pa la g.yas pa'i rtsa'i sa'i dkyil 'khor la dbugs drug rgyu'o/ /bgrod pa bcu bzhi pa la ma yin no/ /de ltar dbugs drug gis 'khor lo ste de ni lip+tA 'am chu srang gcig tu 'gyur ro/ /'di la phyed dang bcas pa'i zla bas dman pa'i lo bdun no/ /'tshams 'di nas chu srang gi 'khor lo'i steng du dbugs rgyu bar mi 'gyur zhing chu srang gi dngos pos chu srang rgyu ba ni bgrod pa 'gro ba'i dbang las lo ni drug bcus kyang zhes pa ste lo bdun po de'i steng du gzhan lo drug bcu ji srid par gcig gis bar du chod pa'i bgrod pa dag gis g.yon gyi rtsa'i nam mkha'i dkyil 'khor la gcig la sogs pas mi mnyam pa'i chu srang rnams chu srang lnga bcu rtsa dgu'i bar dang / /g.yas kyi rtsa'i sa'i dkyil 'khor la gnyis la sogs pas mnyam pa rnams chu srang drug bcu'i bar du mi mnyam pa dang mnyam pa'i dus sbyor gyi rang bzhin gyi 'dab ma drug drug la rgyu'o/ /chu srang drug bcus chu srang gi 'khor lo ste de nyid ni chu tshod gcig tu 'gyur ro/ /lo drug bcu rtsa bdun gyi 'tshams 'di nas 'chi ba chu tshod kyi rang bzhin gyis chu tshod rgyu ba ni zla ba gsum las sum bcu'i lo yis zhes pa ste slar yang chu tshod gcig dang por byas nas g.yon gyi rtsa dang g.yas kyi rtsa la mi mnyam pa dang mnyam pa'i chu tshod gcig gis bar du chod pas rgyu ste bgrod pa phyed la zla ba gsum gyis g.yon gyi rtsa'i nam mkha'i dkyil 'khor la chu tshod gcig rgyu'o/ /gzhan zla ba gsum gyis ma yin no/ /slar yang gzhan bgrod pa phyed la zla ba gsum gyis g.yas kyi rtsa'i sa'i dkyil 'khor la chu tshod gnyis rgyu'o/ /de ltar zla ba gsum gsum gyis g.yon dang g.yas kyi khyam gyi 'dab ma drug drug gis nam mkha'i dkyil 'khor dang sa'i dkyil 'khor la 'chi ba chu tshod kyi rang bzhin gyis chu tshod drug bcu po rnams rgyu'o/ /de'i phyir phyed dang bcas pa'i zla ba'i dman pa'i lo dgu bcu rtsa bdun gyi 'tshams su chu tshod kyi 'khor lo rgyu ste de nyid nyin zhag gcig tu 'gyur ro/ /de nas g.yon pa dang g.yas pa'i rtsa la nyin zhag gi rang bzhin gyis nyin zhag gi 'khor lo sngar brjod pa'i rim pas rgyu ste de'i phyir nyin zhag bgrod pa'i dbang las dus kyi lo dang phyogs kyis kyang zhes pa ste lo gsum dang phyogs gsum dang kyang yig gis gzhan nyin zhag sum bcus kyang ngo / /'dir 'chi ba'i nyin zhag rgyu ba'i grangs ni dus kyi 'khor lo dag las phyed bcas sum bcu gnyis kyis bgos pa'i zhes pa ste nyi shu rtsa lnga lhag pa'i brgya phrag bcu gcig las thob pa'i nyin zhag gi tshogs ni lte ba'i mthar thug par rig par bya'o/ /'dir phyed dang bcas pa'i sum bcu rtsa gnyis kyis thob pa rgyu ba'i nyin zhag sum bcu rtsa bzhi dang chu tshod sum bcu rtsa drug dang chu srang lnga bcu rtsa lnga dang phyed dang bcas pa'i dbugs gnyis te 'di dag las nyin zhag gcig ni lte ba la'o/ /lhag ma ni g.yon dang g.yas pa'i 'chi ltas su rig par bya'o/ /nyin zhag so sor rgyu ba ni chu tshod lhag par 'gyur te mtha'i rgyu ba ni g.yas pa'i rtsa la'o/ /dus kyi 'chi ba'i nges pa'o/ /da ni phyogs zhes pa la sogs pas lte ba'i 'khor lo la sogs pa'i rtsa 'chad pa gsungs te 'dir lte ba la khyim gyi rtsa bcu gnyis dang dkyil 'khor drug bcu ste dgu yis bsnun pa'i lag 'gro zhes pa brgyad la dgu yis bsnun pa ni bdun bcu rtsa gnyis su 'gyur ro/ /dgu yis bsnun pa'i lag 'gro lte ba'i 'khor lo 'di las phyogs dang phyogs la rtsa ni gcod par byed do/ /'dir phyogs ni nyin zhag bcwo brgyad kyis rig par bya ste phyogs des lo gsum la g.yon gyi stong pa la sogs pa'i dkyil 'khor 'bab par byed pa'i rtsa sum bcu 'dor zhing g.yas kyi sa la sogs pa'i dkyil 'khor 'bab par byed pa sum bcu 'dor ro/ /de ltar sum bcu sum bcu ste phyogs drug bcus srog gi rlung gis yongs su 'dor ro/ /thams cad du dkyil 'khor gyi rtsa rnams las lo gsum gyi phyogs rnams kyis drug gis cha shas yongs su dor nas dkyil 'khor lnga 'bab par byed pa 'dor ro/ /las kyi 'khor lo bya ba zhes pa'i tshigs las nyin zhag rtse mo can gyis rtsa ni re re 'dor zhes pa las 'dir lus la las kyi 'khor lo ni lag pa dag gi tshigs drug dang rkang pa dag gi tshigs drug po rnams la zla ba bcu gnyis kyi dbye ba las bcu gnyis kyi dbye bas tha dad pa'i 'khor lo bcu gnyis kyi bdag nyid do/ /tshigs kyi 'khor lo so so la rtsa sum bcu ste tshigs bcu gnyis po rnams la rtsa sum brgya drug bcu 'o/ /de rnams las g.yas pa'i phrag pa dang dpung pa'i tshigs pa la chu srin gyi tshes grangs sum bcu'i dbye bas rtsa sum bcu'o/ /g.yon pa'i phrag pa dang dpung pa'i tshigs la dbo'i zla ba'i tshes grangs sum bcu'i dbye bas rtsa sum bcu'o/ / de bzhin du g.yas pa'i nye ba'i dpung pa'i tshigs la nag pa'i zla ba'i rtsa rnams so/ /g.yon pa'i nye ba'i dpung pa'i tshigs la sa ga'i zla ba'i rtsa rnams so/ /g.yas pa'i lag pa dang nye ba'i dpung pa'i tshigs la snron gyi zla ba'i rtsa rnams so/ /g.yon pa'i lag pa dang nye ba'i dpung pa'i tshigs la chu stod kyi zla ba'i tshes grangs sum bcu'i dbye bas rtsa sum bcu ste lag pa dag gi tshigs drug gi las kyi 'khor lo rnam pa drug la rtsa brgyad bcu lhag pa'i brgya'o/ /de nas g.yas pa'i brla dang dpyi'i tshigs la gro bzhin gyi zla ba'i tshes sum bcu'i dbye bas rtsa sum bcu'o/ /g.yon pa'i brla dang dpyi'i tshigs la khrums kyi zla ba'i rtsa sum bcu'o/ /de bzhin du g.yas pa'i brla dang byin pa'i tshigs la tha skar gyi zla ba'i rtsa sum bcu'o/ /g.yon pa'i brla dang byin pa'i tshigs la smin drug gi zla ba'i rtsa sum bcu'o/ / g.yas pa'i rkang pa dang byin pa'i tshigs la mgo'i zla ba'i rtsa sum bcu'o/ /g.yon pa'i rkang pa dang byin pa'i tshigs la rgyal gyi zla ba'i tshes sum bcu'i rang bzhin can gyi rtsa sum bcu ste de ltar rkang pa dag gi tshigs drug gi las kyi 'khor lo la rtsa brgyad bcu lhag pa'i brgya'o/ /las kyi dbang po'i bya ba 'jug pa'i dang por gyur pa'i phyir las kyi 'khor lo'o/ /rtsa 'di dag las nyin zhag rtse mo can gyis te so sor nyin zhag gsum gsum gyis rgyu ba las lo gsum gyi nyin zhag brgyad bcu lhag pa'i stong gi grangs 'di rnams kyis rtsa sum brgya drug bcu srog gi rlung gis 'dor ro/ /bya ba zhes pa'i zhes pa ni len pa dang 'gro ba la sogs pa'i bya ba byed pa'i phyir bya ba zhes pa ste/ lag pa dang rkang pa'i sor mo'i tshigs drug bcu rnams la rtsa drug gi bdag nyid kyi 'khor lo ste sa dang chu dang me dang rlung dang stong pa dang ye shes kyi rtsa'i rang bzhin can gyi bdag nyid do/ /tshigs so so la gnas pa ni rtsa drug gi bdag nyid do/ /tshigs drug bcu po rnams la rtsa sum brgya drug bcu'o/ /de dag las rtsa so so ni nyin zhag gsum gsum gyis yongs su 'dor te las kyi 'khor lo la ji lta ba bzhin no/ /gang gi tshe g.yas pa'i lag pa dang nye ba'i dpung pa'i tshigs pa la rtsa sum bcu 'dor ba de'i tshe lag pa g.yas kyi sor mo lnga'i steng rnams su rtsa drug drug 'dor te/ de ltar zla ba'i nyin zhag tshes rnams kyis sor mo lnga po rnams la rtsa sum bcu 'dor ro/ /g.yon pa la yang de bzhin du rig par bya'o/ /gang gi tshe g.yas pa'i dpung pa dang nye ba'i dpung pa'i tshigs la 'dor ba de'i tshe sor mo'i tshigs dbu ma'i mtshams rnams la rtsa sum bcu 'dor ro/ /g.yon pa la yang de bzhin no/ /gang gi tshe g.yas pa'i phrag pa dang dpung pa'i tshigs la 'dor ba de'i tshe sor mo'i 'og gi tshigs kyi 'tshams rnams la nyin zhag dgu bcus rtsa sum bcu 'dor ro/ /g.yon pa la yang de bzhin du shes par bya'o/ /gang gi tshe g.yas pa'i rkang pa dang byin pa'i tshigs la rtsa sum bcu 'dor ba de'i tshe rkang pa g.yas pa'i sor mo'i steng gi tshigs kyi 'tshams rnams la nyin zhag dgu bcus rtsa sum bcu 'dor ro/ /g.yon pa la yang de bzhin no/ /gang gi tshe g.yas pa'i byin pa dang brla'i tshigs la 'dor ba de'i tshe sor mo'i dbu ma'i tshigs kyi 'tshams rnams la rtsa sum bcu 'dor ro/ /rkang pa g.yon pa la yang de bzhin du shes par bya'o/ /gang gi tshe g.yas pa'i dpyi dang brla'i tshigs la 'dor ba de'i tshe rkang pa'i sor mo'i 'og gi tshigs kyi 'tshams rnams la rtsa sum bcu 'dor ro/ /g.yon pa la yang de bzhin du shes par bya'o/ /da ni rtsa rnams kyi lhag pa'i lha'i yi ge brjod par bya ste 'dir g.yon pa'i phrag pa dang dpung pa'i tshigs la nam mkha' la sogs pa'i dbyangs thung ngus phye ba'i ka sde lugs las bzlog pas so/ /de bzhin du g.yas pa'i phrag pa dang dpung pa'i tshigs la ye shes la sogs pa'i dbyangs ring pos phye ba'i ka sde'o/ / g.yon pa'i dpung pa dang nye ba'i dpung pa'i tshigs la nam mkha' la sogs pa'i dbyangs thung ngus phye ba'i rtsa sde'o/ /g.yas pa la ye shes la sogs pa'i dbyangs ring po drug gis phye ba'o/ /g.yon pa'i lag pa dang nye ba'i dpung pa'i tshigs la nam mkha' la sogs pa'i dbyangs drug gis phye ba'i Ta sde'o/ /g.yos pa la ye shes la sogs pa'i dbyangs kyis phye ba'o/ /de ltar byang du bgrod pa la zla ba drug go/ de nas lho la g.yas pa'i dpyi dang brla'i tshigs la ye shes la sogs pa'i dbyangs ring po drug gis phye ba'i pa sde'o/ /g.yon pa la nam mkha' la sogs pa'i dbyangs thung ngus phye ba'o/ / de bzhin du g.yas pa'i byin pa dang brla'i tshigs la ye shes la sogs pa'i dbyangs drug gis phye ba'i ta sde'o/ /g.yon pa la nam mkha' la sogs pa'i dbyangs thung ngus phye ba'o/ /de bzhin du g.yas pa'i rkang pa dang byin pa'i tshigs la ye shes la sogs pa'i dbyangs ring po drug gis phye ba'i sa sde'o/ /g.yon pa la nam mkha' la sogs pa'i dbyangs thung ngus phye ba ste nam mkha'i gsal byed la sogs pa lugs las bzlog pas so/ /de ltar ring po dang / thung ngu'i dbye bas sde pa so so la yi ge sum bcu'i bdag nyid ni las kyi 'khor lo'i 'khor lo bcu gnyis kyi rtsibs sum bcu po rnams la'o/ /de nas bya ba'i 'khor lo'i g.yas pa'i mthe bo la sogs pa'i tshigs so so la ka yig la sogs pa'i gsal byed so so ye shes la sogs pa'i dbyangs ring po drug gis phye ba ste/ mthe bo'i 'og gi tshigs rtsa drug gi bdag nyid la ye shes la sogs pa'i dbyangs kyis phye ba'i gsal byed ka yig go/ 'dzub mo'i tshigs la kha yig go/ gung mo'i tshigs la ga yig go/ ming med kyi tshigs la g+ha yig go/ mthe'u chung gi tshigs la ye shes la sogs pa'i dbyangs ring po drug gis phye ba'i nga yig go/ g.yon pa'i mthe'u chung gi 'og gi tshigs kyi 'tshams la nam mkha' la sogs pa'i dbyangs thung ngus phye ba'i nga yig go / ming med kyi tshigs la g+ha yig go/ gung mo'i tshigs la ga yig go/ 'dzub mo'i tshigs la kha yig go/ mthe bo'i tshigs la nam mkha' la sogs pa'i dbyangs thung ngu drug gis phye ba'i ka yig go/ de bzhin du g.yas pa'i mthe bo la sogs pa'i tshigs kyi phreng ba gnyis pa la dbyangs ring pos phye ba'i tsa sde'o/ /g.yon pa la dbyangs thung ngus phye ba'o/ /de bzhin du g.yas pa'i tshigs kyi phreng ba gsum pa la dbyangs ring pos phye ba'i Ta sde'o/ /g.yon pa la dbyangs thung ngus phye ba'o/ /de bzhin du g.yas pa'i rkang pa'i sor mo'i tshigs rnams la dbyangs ring pos phye ba'i pa sde'o/ /g.yon pa la dbyangs thung ngus phye ba'o/ /g.yas pa'i tshigs dbu ma rnams la dbyangs ring pos phye ba'i ta sde'o/ /g.yon pa la nam mkha' la sogs pa'i dbyangs thung ngus phye ba'o/ /g.yas pa'i steng gi tshigs kyi 'tshams rnams la dbyangs ring pos phye ba'i sa sde'o/ /g.yon pa'i sor mo'i tshigs kyi 'tshams rnams la nam mkha' la sogs pa'i dbyangs drug gis phye ba'i lugs las bzlog pas so/ zhes pa ni lo dang po la ste/ gnyis pa la yon tan dang 'phel bas phye ba dang / gsum pa la ya Nar bsgyur ba la sogs pas phye ba'i sde pa drug go/ 'di ni rgyas par 'chad par 'gyur ba las brjod par bya ste 'dir ma spros so/ /mgrin pa dag las rgyu skar rtsa ni nyin dang nyin la zla ba'i nang du rim pas 'dor ba ste zhes pa ni mgrin pa'i 'khor lo las rgyu skar nyi shu rtsa brgyad kyi rtsa de dag dbyangs kyi bdag nyid kyi nyin zhag nyi shu rtsa brgyad kyis 'dor ro/ /thig ler gnas pa ste dpral bar gnas pa zla ba'i rkang pa rtsa bcu bzhi'i bdag nyid ni dbyangs shin tu ring po bcu bzhi'i nyin zhag bcu bzhis phyogs kyi nang du 'dor ro/ / gza'i rtsa ni yul dang snying stobs la sogs pa'i yon tan gyi nyin zhag brgyad kyis 'dor ro/ /gsang bar gnas pa gsal byed sum bcu'i bdag nyid kyi rtsa rnams ni dus kyi 'chi bas 'dor te rtsa gcod pa'i nges pa'o/ /da ni sde pa zhes pa la sogs pas las kyi 'khor lo la rtsa rnams nyi ma'i rang bzhin gyis srog gi rim pa dang rim pa ma yin pas gcod pa sde pa'i ming rnams kyis gsungs te 'dir las kyi 'khor lo rtsibs bcu gnyis pa la rkang pa dang / lag pa'i tshigs bcu gnyis po rnams la so sor rtsa sum bcu'i bdag nyid kyi 'khor lo'o/ /mchu'i zla ba la sogs pa'i tshes sum bcu'i lhag pa'i lha dang ldan pa'i 'khor lo bcu gnyis po de dag las g.yas pa'i lag pa dang rkang pa'i tshigs drug la rnam par bcad pa la sogs pa dbyangs ring po drug gis phye ba'i ka la sogs pa'i sde pa drug gsal byed kyi chos kyis sdud pa'i rim pas so/ /de bzhin du g.yon pa'i lag pa dang rkang pa dag gi tshigs kyi 'khor lo drug la nam mkha' la sogs pa'i dbyangs thung ngu'i dbye bas phye ba'i sde pa drug nam mkha' la sogs pa'i gsal byed kyi chos kyis skyed pa'i rim pa ste so sor sdud pa'i brjod pa nga yig la sogs pas so/ /sde pa'i dbyangs dang bcas pa de dag rnams las nyin mor byed pa srog gi rlung 'chi ba dang lhan cig khyim gyi dbye bas bgrod par rgyu ba ste zhes pa la bgrod pa ni dang po byang du bgrod pa ste chu srin la sogs pa dang mchu'i zla ba la sogs pa'o/ /bgrod pa de nyid lag pa g.yas pa dang g.yon pa'i tshigs kyi 'khor lo drug po rnams la rgyu'o/ /de bzhin du bya ba'i 'khor lo la lag pa'i sor mo'i tshigs kyi 'tshams kyi 'khor lo rtsa drug gi bdag nyid can sum bcu po rnams kyi sor mo'i tshigs kyi 'khor lo so so re re la ka la sogs pa'i gsal byed rnams te/ lag pa g.yas pa'i sor mo'i tshigs kyi 'tshams kyi 'khor lo rnams la dbyangs ring po drug gis phye ba rnams sdud pa'i rim pas rgyu'o/ /g.yon pa la nam mkha' la sogs pa'i gsal byed nam mkha' la sogs pa'i dbyangs kyis phye ba rnams skyed pa'i rim pas so/ /de bzhin du lhor bgrod pa la las kyi zhes bya ba rkang pa gnyis kyi tshigs kyi 'khor lo drug po rnams dang bya ba zhes bya ba sor mo'i tshigs rnams la'o/ /'dir mchu'i zla ba dang chu srin gyi 'pho ba la tshes kyi dbye bas zla ba dang 'pho ba'i gza'i dbye bas nyi ma rgyu bar shes par bya'o/ /gang du nyi ma 'phel ba der zla ba 'grib bo/ / gang du zla ba 'phel ba der nyi ma 'grib bo/ /'di ltar chu srin la sogs pa la nyi ma 'phel te g.yas kyi phrag pa dang dpung pa'i tshigs kyi 'khor lo chu srin gyi rtsa sum bcu'i bdag nyid rnams la ka la sogs pa dbyangs ring pos phye ba sum bcu rnams ming gi chos can dang srog gi chos can kyi lhag pa'i lha'o/ /rtsa dang po la k+kAHste de bzhin du tshigs gsum gsum po thams cad la yi ge rnams rim pa bzhin du k+kAH k+k+lI k+kU k+k+RI k+kI k+kA zhes pa ni dang po'i rtsa drug dang de bzhin du bya ba'i 'khor lo'i mthe bo g.yas pa'i 'og gi tshigs kyi rtsa drug po rnams la'o/ /de bzhin du kh+khAHkh+kh+lI kh+khU kh+kh+RI kh+khI kh+khA zhes pa ni las kyi 'khor lo'i gnyis pa'i rtsa drug dang bya ba'i 'khor lo'i 'dzub mo'i 'og gi tshigs kyi 'tshams kyi rtsa drug la'o/ /de bzhin du g+gAHg+g+lI g+gU g+g+RI g+gI g+gA zhes pa ni las kyi 'khor lo'i gsum pa'i rtsa drug dang bya ba'i 'khor lo'i gung mo'i 'og gi tshigs kyi 'tshams kyi rtsa drug la'o/ /de bzhin du g+h+g+hAHg+h+g+h+lI g+h+g+hU g+h+g+h+RI g+h+g+hI g+h+g+hA zhes pa ni las kyi 'khor lo'i bzhi pa'i rtsa drug dang bya ba'i 'khor lo'i ming med kyi 'og gi tshigs kyi 'tshams kyi rtsa drug la'o/ / de bzhin du d+dAH ng+ng+lI ng+ngU ng+ng+RI ng+ngI ng+hA zhes pa ni las kyi 'khor lo'i lnga pa'i rtsa drug dang bya ba'i 'khor lo'i mthe chung gi 'og gi tshigs kyi 'tshams kyi rtsa drug la'o/ /de ltar nyin zhag drug drug gis sa la sogs pa'i dkyil 'khor nyi mas 'dor te nyin zhag sum bcus dkyil 'khor lnga 'dor ro/ /de nas g.yon pa'i rtsar bum pa la yang dag par 'pho'o/ /der las kyi 'khor lo dang bya ba'i 'khor lo la yang nam mkha' la sogs pa'i rim pas ka sde'o/ /'dir dbo'i zla ba dang bum pa'i 'pho ba g.yon pa'i phrag pa dang dpung pa'i tshigs kyi las kyi 'khor lo'i rtsa sum bcu po rnams la nam mkha'i dkyil 'khor la sogs pas nga yig la sogs pa'i gsal byed nam mkha' la sogs pa'i dbyangs thung ngus phye ba rnams so/ /'di lta ste nga ngi ng+Ri ngu ng+li nga~M zhes pa ni nam mkha' la sogs pa'i dkyil 'khor drug gi mtshan nyid kyi dang po'i rtsa drug dang bya ba'i 'khor lo'i g.yon pa'i mthe'u chung gi 'og gi tshigs kyi rtsa drug la'o/ /de bzhin du g+ha g+h-i g+h+Ri g+hu g+h+li g+ha~M zhes pa ni las kyi 'khor lo'i gnyis pa rlung gi dkyil 'khor gyi rang bzhin gyi rtsa drug dang bya ba'i 'khor lo'i ming med kyi 'og gi tshigs kyi 'tshams kyi rtsa drug la'o/ /de bzhin du ga gi g+Ri gu gli ga~M zhes pa ni las kyi 'khor lo'i gsum pa me'i dkyil 'khor gyi rtsa drug dang bya ba'i 'khor lo'i gung mo'i 'og gi tshigs kyi 'tshams kyi rtsa drug la'o/ /de bzhin du kha khi kh+Ri khu kh+li kha~M zhes pa ni las kyi 'khor lo'i bzhi pa chu'i dkyil 'khor gyi rtsa drug dang bya ba'i 'khor lo'i 'dzub mo'i 'og gi 'tshams kyi tshigs drug la'o/ /de bzhin du ka ki k+Ri ku kli ka~M zhes pa ni las kyi 'khor lo'i lnga pa sa'i dkyil 'khor gyi rtsa drug dang bya ba'i 'khor lo'i mthe bo'i 'og gi dang po'i tshigs kyi 'tshams kyi rtsa drug la ka yig gi dbyangs drug ste/ de ltar dus gcig la g.yas pa dang g.yon pa la sdud pa dang skyed pa'i dbye bas chu srin dang bum pa dag gi ka la sogs pa'i dbyangs drug cu'o/ /de nas rtsa sde dbyangs dang bcas pa rnams nya dang lug gi dbye bas las kyi 'khor lo'i g.yas pa'i dpung pa dang nye ba'i dpung pa'i tshigs la rgyu ste/ bya ba'i 'khor lo'i rtsa sum bcu po nyin zhag drug gi dbye bas sa la sogs pa'i dkyil 'khor rnams la rtsa sde dbyangs dang bcas pa rnams sdud pa'i rim pas rgyu'o/ /'di lta ste ts+tsAHts+ts+lI ts+tsU ts+ts+RI ts+tsA zhes pa ni sa la'o/ /tsh+tshAHtsh+tsh+lI tsh+tsh+RI tsh+tshI tsh+tshA zhes pa ni chu la'o/ /dz+dzAHdz+dz+lI dz+dzu+A+u dz+dz+RI dz+dzI dz+dzA zhes pa ni me la'o/ /dz+h+dz+hAHdz+h+d+h+lI dz+h+dz+hU dz+h+dz+h+RI dz+h+dz+hI dz+h+dz+hA zhes pa ni rlung la'o/ /ny+nyAHny+ny+lI ny+nyU ny+ny+RI ny+nyI ny+nyA zhes pa ni nam mkha' la ste las kyi 'khor lo la dbyangs sum bcu'o/ /bya ba'i 'khor lo la yang g.yas pa'i mthe bo'i dbu ma'i tshigs nas mthe'u chung gi dbu ma'i tshigs kyi bar tshigs lnga'i rtsa drug drug po rnams la rtsa la sogs pa'i yi ge sum bcu po rnams sdud pa'i rim pas shes par bya'o/ / de bzhin du las kyi 'khor lo la g.yon pa'i dpung pa dang nye ba'i dpung pa'i tshigs kyi rtsa sum bcu dang bya ba'i 'khor lo la yang mthe'u chung gi dbu ma'i tshigs nas mthe bo'i dbu ma'i tshigs kyi bar tshigs lnga'i rtsa drug drug po rnams la nya la sogs pa'i yi ge sum bcur 'gyur ro/ /'di lta ste nya nyi ny+Ri nyu ny+li nya~M zhes pa nam mkha'i dkyil 'khor la'o/ /dz+ha dz+hi dz+h+Ri dz+hu dz+h+li dz+haM zhes pa ni rlung la'o/ /dza dza dz+Ri dzu dz+li dza~M zhes pa ni me la'o/ / tsha tshi tsh+Ri tshu tsh+li tsha~M zhes pa ni chu la'o/ /tsa tsi ts+Ri tsu ts+li tsa~M zhes pa ni sa la'o/ /de ltar dpyid kyi dus su khyim gyi dbye bas tsa sde rnams rgyu'o/ /de nas las kyi 'khor lo la g.yas pa'i lag pa dang nye ba'i dpung pa'i tshigs kyi rtsa sum bcu po rnams dang bya ba'i 'khor lo la g.yas pa'i mthe bo'i steng gi tshigs la sogs pa'i tshigs lnga po'i rtsa drug drug la Ta sde rnams glang gi dbye bas sdud pa'i rim pas rgyu'o/ /'di lta ste T+TAH T+T+lI T+TU T+T+RI T+TI T+TA zhes pa ni sa la'o/ /Th+ThAHTh+Th+lI Th+ThU+u Th+Th+RI Th+ThI Th+ThA zhes pa ni chu la'o/ /D+DAHD+D+lI D+D+'u D+D+RI D+D+'i D+D+'a zhes pa ni me la'o/ /D+h+D+hAHD+h+D+h+lI D+h+D+hU D+h+D+h+t+RI D+h+D+hI D+h+D+hA zhes pa ni rlung la'o/ /N+NAHN+N+lI N+NU N+N+RI N+NI N+NA zhes pa ni nam mkha' la ste de ltar sdud pas so/ /de nas las kyi 'khor lo la g.yon pa'i lag pa dang nye ba'i dpung pa'i tshigs kyi rtsa sum bcu po rnams dang bya ba'i 'khor lo la lag pa g.yon pa'i mthe'u chung gi steng gi tshigs nas mthe bo'i tshigs kyi 'tshams lnga'i rtsa drug drug la nam mkha' la sogs pa'i dkyil 'khor gyi rim pas Na yig la sogs pa'i yi ge rnams so/ /'di lta ste Na Ni N+Ri Nu N+li Na~M zhes pa ni nam mkha' la'o/ /D+ha D+hi D+h+Ri D+hu D+h+li D+ha~M zhes pa ni rlung la'o/ /Da Di D+Ri Du D+li Da~M zhes pa ni me la'o/ /Tha Thi Th+Ri Thu Th+li Tha~M zhes pa ni chu la'o/ /Ta Ti T+T+Ri Tu T+li Ta zhes pa ni sa la ste glang dang 'khrig pa'i khyim gyi dbye bas so ka'i dus su rgyu ste de ltar byang du bgrod pa la yi ge brgya brgyad bcu rnams ni nyin mor byed pa khyim gyi dbye bas bgrod par rgyu ba ste zhes so/ /phyi nas re re lhag pas nyin dang nyin la ldog par 'gyur zhes pa ni phyi nas lhor bgrod pa la zla ba'i thur sel gyi rlung la 'chi ba rgyu'o/ /nyi ma ldog par 'gyur te dman par mi 'gyur ro/ /zla ba'i mtshan mo 'phel bar 'gyur te gang 'phel ba de'i rgyu ba rnams la 'chi ba rgyu'o zhes pa'i rigs pas so/ /lag pa'i sor mo'i steng gi tshigs nas ji srid g.yas pa'i phrag pa dang dpung pa'i tshigs kyi rtsa dang po'i mthar thug par nyi ma ldog par 'gyur ro/ /'dir lhor bgrod pa la zla ba rgyu ba ni las kyi 'khor lo la g.yas pa'i dpyi dang brla'i tshigs kyi rtsa sum bcu pa rnams dang / bya ba'i 'khor lo la g.yas pa'i mthe bo'i 'og gi tshigs nas mthe'u chung gi 'og gi tshigs kyi mtha'i bar du sor mo'i tshigs lnga po rnams kyi rtsa drug drug la pa sde'i yi ge sum bcu rnams kar ka Ta'i dbye bas sdud pa'i rim pas rgyu ste lo gsum gyi bdag po'o/ /'di lta ste p+pAHp+p+lI p+pU p+p+RI p+pI p+pA zhes pa ni sa la'o/ / ph+phAHph+ph+lI ph+phU ph+ph+RI ph+phI ph+phA zhes pa ni chu la'o/ /b+bAHb+b+lI b+bU b+b+RI b+bI b+bA zhes pa ni me la'o/ b+h+b+hAHb+h+b+h+lI b+h+b+hU b+h+b+h+RI b+h+b+hI b+h+b+hA zhes pa ni rlung la'o/ /m+mAHm+m+lI m+mU m+m+RI m+mI m+mA zhes pa ni nam mkha' la ste de ltar kar ka Ta'i dbye bas so/ /de nas g.yon pa'i dpyi dang brla'i tshigs la nam mkha' la sogs pa'i dkyil 'khor gyi dbye bas spro ba'i rim pas te yi ge sum bcu rnams lugs las bzlog pas so/ /'di lta ste ma mi m+Ri mu m+li ma~M zhes pa ni nam mkha' la'o/ /b+ha b+hi b+h+Ri b+hu b+h+li b+ha~M zhes pa ni rlung la'o/ /ba bi b+Ri bu bli ba~M zhes pa ni me la'o/ /pha phi ph+Ri phu ph+li pha~M zhes pa ni chu la'o/ /pa pi p+Ri bu p+li pa~M zhes pa ni sa la ste seng ge'i 'pho ba'i dbye bas khrums kyi zla ba rgyu'o/ /de ltar dbyar gyi dus su zla ba rgyu zhing nyi ma ldog par 'gyur ro/ /de nas las kyi 'khor lo la g.yas pa'i brla dang byin pa'i tshigs dang bya ba'i 'khor lo la rkang pa'i mthe bo'i dbu ma'i tshigs nas mthe chung gi dbu ma'i tshigs kyi mthar tshigs lnga po rnams kyi rtsa drug drug la ta sde rgyu ste/ /de rnams las yi ge sum bcu ni khyim sdud pa'i dbye bas so/ /'di lta ste t+tAHt+t+lI t+tU t+t+RI t+tI t+tI t+tA zhes pa ni sa la'o/ /th+thAHth+th+lI th+thU th+th+RI th+thI th+thA zhes pa ni chu la'o/ /d+dAHng+ng+lI ng+ngU ng+ng+RI ng+ngI ng+ngA zhes pa ni me la'o/ /ng+h+ng+hAHng+h+ng+h+lI ng+h+ng+hU ng+h+ng+h+RI ng+h+ng+hI ng+h+ng+hA zhes pa ni rlung la'o/ /n+nAHn+n+lI n+nU n+n+RI n+nI n+nA zhes pa ni nam mkha' la ste de ltar bu mo'i dbye bas zla ba rgyu'o/ /de nas las kyi 'khor lo la g.yon pa'i brla dang byin pa'i tshigs dang bya ba'i 'khor lo la rkang pa g.yon pa'i mthe'u chung gi dbu ma'i tshigs nas mthe bo'i dbu ma'i tshigs kyi mthar tshigs lnga po rnams kyi rtsa drug drug la'o/ /'di lta ste na ni n+Ri nu n+li na~M zhes pa ni nam mkha' la'o/ /de bzhin du d+ha d+hi d+h+Ri d+hU d+h+li d+ha~M zhes pa ni rlung la'o/ /de bzhin du da di d+Ri du d+li da~M zhes pa ni me la'o/ /tha thi th+Ri thu th+li tha~M zhes pa ni chu la'o/ /ta ti t+Ri tu t+li ta~M zhes pa ni sa la'o/ /de ltar srang gi dbye bas g.yon pa la skyed pa'i rim pas zla ba rgyu zhing nyi ma ldog par 'gyur te ston gyi dus su'o/ /de nas las kyi 'khor lo la g.yas pa'i rkang pa dang byin pa'i tshigs la rtsa sum bcu dang bya ba'i 'khor lo la g.yas pa'i mthe bo'i steng gi tshigs nas mthe'u chung gi steng gi tshigs kyi bar du tshigs lnga po rnams kyi rtsa drug drug la sdig pa'i dbye bas sdud pa'i rim pas sa sde'i yi ge sum bcu dbyangs dang bcas pa rnams zla bas lhor rgyu ste nyi ma ldog par 'gyur ro/ /'di lta ste/ s+sAHs+s+lI s+sU s+s+RI s+sI s+sA zhes pa ni sa'i dkyil 'khor la'o/ /de bzhin du ny+p+k+bAHny+p+k+p+lI ny+p+l+pU ny+p+l+p+RI ny+p+k+pI ny+p+l+pA zhes pa ni chu la'o/ /de bzhin du Sh+ShAHSh+Sh+lI Sh+ShU Sh+Sh+RI Sh+ShI Sh+ShA zhes pa ni me la'o/ /sh+shAHsh+sh+lI sh+shU sh+sh+RI sh+shI sh+shA zhes pa ni rlung la'o/ /de bzhin du th+k+th+kAHth+k+th+k+lI th+k+th+kU th+k+th+k+RI th+k+th+k+lI th+k+th+kA zhes pa ni nam mkha' rtsa drug la ste de ltar yi ge sum bcu rnams sdig pa'i dbye bas so/ /de nas las kyi 'khor lo la g.yon pa'i rkang pa dang byin pa'i tshigs kyi rtsa sum bcu dang bya ba'i 'khor lo la mthe'u chung gi sor mo'i steng gi tshigs nas mthe'o 'i steng gi tshigs kyi 'tshams lnga po rnams rtsa drug drug la skyed pa'i rim pas yi ge sum bcu rnams zla bas rgyu'o/ /nyi ma ni lag pa g.yon pa la phung po dang khams rnams ldog par 'gyur te gzhu'i khyim gyi dbye bas so/ /'di lta ste u0f88u0f90 u0f88u0f90u0f72 u0f88u0f90u0fbcu0f72 u0f88u0f90u0f74 u0f88u0f90u0fb3u0f74 u0f88u0f90u0f71u0f83 zhes pa ni nam mkha' la'o/ /de bzhin du shi sh+Ri shu sh+li sha~M zhes pa ni rlung la'o/ Sha Shi Sh+Ri Shu Sh+li ShAM zhes pa ni me la'o/ ny+pa ny+pi ny+p+Ri ny+pu ny+p+li ny+pa~M zhes pa ni chu la'o/ /de bzhin du sa si s+Ri su sli saM zhes pa ni sa la ste de ltar yi ge sum bcu ni gzhu'i dbye bas so/ /de nas rgun smad kyi dus nas brtsams nas zla ba rgyu ba med de slar yang chu srin la sogs pas nyi ma 'phel lo/ /lo dang po la snying stobs kyi yon tan gyi dbye bas nyi ma dang zla ba dang bcas pa'i dus rgyu/ de nas lo gnyis pa la rdul gyi dbye bas yon tan dang 'phel ba'i dbyangs kyi ka la sogs pa'i yi ge sum bcu rnams las kyi 'khor lo'i rtsa sum bcu dang bya ba'i 'khor lo la sngar bzhin du rig par bya'o/ /chu srin la sdud pa'i rim pas 'di lta ste/ k+kAHk+kAl k+kA+au k+kAr k+kai k+kA zhes pa ni sa la'o/ /de bzhin du kh+khAHkh+khAl kh+kho+o kh+khAr kh+khA+ai kh+khA zhes pa ni chu la'o/ /g+gAHg+gAl g+go+o g+gAr g+gai g+gA zhes pa ni me la'o/ /g+h+g+hAHg+h+g+hAl g+h+g+ho+o g+h+g+hAr g+h+g+hA+ai g+h+g+hA zhes pa ni rlung la'o/ /d+dAHd+dAl ng+ngo+o d+dAr ng+ngai d+dI zhes pa ni nam mkha'i dkyil 'khor la ste lag pa g.yas pa la snga ma bzhin du chu srin gyi dbye bas nyi ma rgyu'o/ /rkang pa g.yas pa la chu srin gyi dbye bas zla ba zlog go/ de bzhin du bum pa'i dbye bas skyed pa'i rim pas yon tan dang bcas pa rnams lag pa g.yon pa'i tshigs la rgyu'o/ /'di lta ste nga nge ngar ngo ngal ngaM zhes pa ni nam mkha' la'o/ /g+ha g+he g+har g+ho g+hal g+ha~M zhes pa ni rlung la'o/ /ga ge gar go gal ga~M zhes pa ni me la'o/ kha khe khar kho khal kha~M zhes pa ni chu la'o/ /ka ke kar ko kal ka~M zhes pa ni sa la ste g.yon pa la bum pa'i dbye bas skyed pa'i rim pas so/ /de bzhin du dpyid kyi dus su nya dang lug dag la grangs bzhin du tsa sde'i yi ge sum bcu sdud pa dang skyed pa'i rim pas g.yas dang g.yon pa'i tshigs kyi rtsa rnams la'o/ /de bzhin du so ka'i dus su Ta sde'i yi ge rnams so/ /de nas nyi ma zlog cing zla ba rgyu'o/ /dbyar gyi dus su kar ka Ta dang seng ge la g.yas pa dang g.yon pa'i rkang pa'i tshigs kyi rtsa sum bcu po rnams la snga ma bzhin du 'phel ba dang yon tan dang bcas pa'i yi ge sum bcu po rnams las pa sde'i yi ge rnams rgyu'o/ /ston la 'phel ba dang yon tan dang ldan pa'i ta sde'i yi ge rnams dang zla ba rgyu'o/ /rgun stod la sa sde'i yi ge rnams sdud pa dang skyed pa'i rim pas so/ /de ltar lo gnyis pa la dbyangs sum brgya drug bcu dang zla ba dang nyi ma dag rgyu'o/ /de nas lo gsum pa la mun pa'i dbye bas ka la sogs pa'i sde pa dbyangs dang bcas pa las nyi ma dang lhan cig dus rgyu'o/ /'dir ya Nar bsgyur ba rnams ni dbyangs zhes brjod de de dag dang lhan cig yi ge sum bcu sum bcu rnams mun pa'i yul gyi dus rgyu ste snga ma bzhin du lag pa dang rkang pa'i tshigs kyi las kyi 'khor lo dang bya ba'i 'khor lo la yang sdud pa dang skyed pa'i dbye bas so/ k+k+hAHk+k+lA k+k+WA k+k+RA k+k+YA k+k+hA zhes pa ni sa la chu srin gyi dbye bas so/ /de bzhin du kh+kh+hAHkh+kh+lA kh+kh+WA kh+kh+RA kh+kh+YA kh+kh+hA zhes pa ni chu la'o/ /de bzhin du g+g+hAHg+g+lA g+g+WA g+g+RA g+g+YA g+g+hA zhes pa ni me la'o/ /g+h+g+hAHg+h+g+h+lA g+h+g+h+WA g+h+g+h+RA g+h+g+h+YA g+h+g+hA zhes pa mi rlung pa'o/ / ng+ng+hAHng+ng+lA ng+ng+WA ng+ng+RA ng+ng+YA ng+ng+hA zhes pa ni nam mkha' la ste de ltar g.yas pa la nyi ma rgyu'o/ de nas g.yon pa la bskyed pa'i rim pas te/ /ng+ha ng+Ya ng+Ra ng+Wa ng+la ng+ha~M zhes pa ni nam mkha' la'o/ /de bzhin du g+h+ha g+h+Ya g+h+Ra g+h+Wa g+h+la g+h+ha~M zhes pa rlung la 'o/ /g+ha gla g+Ra g+Wa gla g+ha~M zhes pa ni me pa'o/ /kh+ha kh+Ya kh+Ra kh+Wa kh+la kh+ha~M zhes pa ni chu la'o/ /k+ha k+Ya k+Ra k+Wa kla k+ha~M zhes pa nis la ste de ltar rgun smad kyi dus su g.yon pa la skyed pa'i rim pas dbyangs sum bcu po rnams nyi mas rgyu'o/ /de bzhin du dpyid la tsa sde'o/ /so ka la Ta sde'o/ /de nas tshigs drug la nyi ma ldog par 'gyur ro/ /rkang pa'i tshigs la zla ba rgyu ste sngar bzhin dbyar gyi dus su pa sde dang ston la ta sde dang rgun stod la sa sde rnams sdud pa'i dbye ba dang skyed pa'i dbye bas so/ /de ltar lo gsum pa la yang dbyangs sum brgya drug bcu nyin mor byed pas rgyu'o/ /de dag la dus kyi lo ni ji srid pa nyin zhag stong brgyad bcu nyid zad par rig par bya'o/ /lo gsum gyi rtsa dang yi ge gcod pa'i nges pa'o/ /de nas lo ni chad par 'gyur na phyogs kyi nang du dbyangs thung ngu dang ring po dang shin tu ring po bzhi bcu rtsa lnga'i chos kyi dbyings kyi nyin zhag dbang gis te nyin zhag bzhi bcu rtsa lnga'i dbang gis nyi ma'i dbye bas nyi ma dang zla ba'i dbye bas zla ba'i 'chi ba rgyu ste mgrin pa la sngar nyin zhag nyi shu rtsa brgyad dang dpral ba la nyin zhag bcu bzhi sngar brjod pa rnams dang gsang bar bcu pa gsum zhes pa ni nyin zhag sum bcu'o/ /de nas mgrin pa la nyin zhag bzhi dang dpral ba la nyin zhag gnyis dang 'tsho ba'i mtshan mo gsum mo/ /'dir dbyangs gcod pa la tshes gzhan chu tshod lnga bcu rtsa drug gi bdag nyid gzung bar bya'o/ /de ltar tshes bzhi bcu rtsa lnga ni dbyangs kyi chos can te gsum ni stong pa'i chos can no/ /gsal byed kyi chos la yang de bzhin du nyin zhag gnyis so/ /'di dag las nyin zhag brgyad ni snying kha'i pad ma la rgyu ste de nas rlung bcu po rnams yang dag par 'dus te lte ba la nyin dang mtshan mo'i dus su dbugs ni 'byung ba dang 'jug pa'i 'khor lo nyams pa'i bar du 'tsho ba dag ni mtshan mo gcig tu 'gyur ro/ /de nas las kyi dbang gis rnam par shes pa gzhan du 'pho ba ni srog chags tshe lo brgya pa rnams dbu ma'i 'chi bar gyur na nges pa ste rtsa gcod pa'i nges pa'o/ /da ni lte ba zhes pa la sogs pas sprul pa'i 'khor lo la sogs pa rnams la nyin zhag drug gi 'tshams su 'chi ba las lhag ma'i rtsa rlung bcu rgyu bar byed pa rnams gsungs te 'dir lte ba'i 'khor lo la phyi rol gyi dkyil 'khor 'bab pa'i rtsa zad pa yongs su dor ba las lo gsum gyi steng du phyogasum rgyus pa dang gsal byed rnams rgyus pa na nyin zhag drug gi bar du khyim bcu gnyis kyi rtsa stong pa'i dkyil 'khor dang sa'i dkyil 'khor gyi bdag nyid can ni dbugs rgyu bas nges par gnas te nyi ma zhes so/ /de bzhin du mgrin pa la yud tsam drug 'bab par byed pa ste ro dang paM zhes so/ /zla ba'i thun phyed 'bab par byed pa gsum ste me zhes so/ /snying kha'i pad ma la thun tshod 'bab par byed pa phyed dang bcas pa'i rtsa ste rang gi snying kha'i pad mar phyed dang bcas pa'i rtsa ni de bzhin nyid du lhag ma dang bcas pa'o zhes so/ /lag pa rkang pa'i tshigs la zhes pa ni las kyi 'khor lo dang bya ba'i 'khor lo'i tshigs la rtsa sum brgya drug bcu'i nang nas so/ /tshes kyis bsgyur ba'i dus rnams zhes pa ni rlung bcu 'bab par byed pa'i rtsa drug bcu'o/ /tshigs bcu gnyis po rnams kyi tshigs so so la rtsa lnga lnga ni rlung bcu rgyu bar byed pa ste lhag ma ni dus kyi 'chi ba'i rlung mun pa chen po'i chos so/ /bya ba'i 'khor lo'i tshigs drug bcu po rnams la rtsa re re ni rlung bcu 'bab par byed pa ste lnga lnga ni 'chi ba chen po'i rlung 'bab par byed pa'o/ /de ltar nyin zhag drug gi bar du ste de nas nyin zhag drug gis dbang po dang yul gyi rtsa zad par byas nas mthar ni ste 'chi ba'i nyin zhag la kun tu phra mo dbu ma a ba d+hU tI 'bab bo/ / zla ba dang nyi ma bshang ba dang gci ba 'bab par byed pa dor nas mun pa chen po'i dus kyi rlung 'chi ba'i mthar 'bab pa ste ji srid dbugs kyi 'khor lo zad par 'gyur ba'i bar du'o zhes pa ni nges pa'o/ /nyin zhag snying gi chu skyes yang dag gtong bar byed ces pa ni de ltar nyi ma dang zla ba'i rgyu ba'i rtsa gsal byed dang / las dang bya ba'i 'khor lo'i lhag ma'i rtsa dang dbugs chad pa ni dus kyi 'chi ba'i nges par bcom ldan 'das kyis gsungs so/ /da ni sum bcu drug ces pa la sogs pas zla ba dang nyi ma'i rgyu ba zad pas dus 'phel ba gsung ste lo brgya la nyin zhag gi tshogs byas na nyin zhag stong phrag sum bcu rtsa drug tu 'gyur te d+hu zhes pa ni lo'i ming ngo / /sum bcu drug gi stong phrag d+hU brgya'i nyin zhag tshogs de rnams dag gis dus kyi rtsa ni rgyu ba ste zhes pa rtsa rnams la 'chi ba 'jug ste stong phrag bdun bcu rtsa gnyis po rnams la 'chi ba'i rlung 'jug go / dkyil 'khor lnga'i rlung gis drug bcu'i cha shas der bkod nas rim pa las rgyu bar byed do/ /dus kyi rtsa dang rlung gang rgyu zhe na/ nyin mtshan dus la nyi ma zla bas rang rang rgyu ba dag gis gang gang rdzogs par mi nus pa ste rgyu skar gyi rgyu ba nyi mas mi nus pa dang tshes kyi rgyu ba zla bas mi nus pa'o/ /nyi ma'i nyin zhag ces pa nyin zhag bcu gnyis ni nyi ma'i rgyu ba la yang bu lon du 'gyur ro/ /de phyed nyin zhag drug ni zla ba'i rgyu ba la'o/ / 'dir zla ba so so la nyin zhag sum bcus nyi mas khyim re mi rgyu zhing tshes la zla bas dbyug gu drug bcu mi rgyu'o/ /de'i phyir rgyu skar nyin zhag rab tu dbye bas 'chi ba'i nyi zla rgyu ba stong pa'i zla ba dag la ste/ gang du de dag la nus pa med pa de ni zla ba sum bcu rtsa gnyis kyi mthar stong pa'i zla ba ste de yang rtsa drug bcu rtsa bzhi'i bdag nyid do/ /rtsa drug bcu rtsa bzhi po de dag la stong pa'i rlung rgyu ste lte ba'i pad ma la rtsa stong phrag bdun bcu rtsa gnyis po rnams kyi nang nas nyin zhag so sor rtsa gnyis rgyu'o/ /spyi'i rags pa'i nges pa'o/ /da ni srog ces pa la sogs pas nyin zhag so sor dbugs kyi dbye bas rgyu ba gsungs te 'dir drug brgya lhag pa'i stong phrag nyi shu rtsa gcig gi nang nas gang zhig ye shes kyi dkyil 'khor 'bab par 'gyur ba de ni lus la lhag pa'i dbugs zhes brjod do/ /rab gsal 'tshams su ste dus sbyor gnyis ka'i dbus su rig byed rkang chad kyis dman drug bcu zhes pa rkang pa dang bcas pa'i lnga bcu rtsa drug go/ 'pho ba bcu gnyis kyi dbye dag gis de dag thams cad bdun bcu rtsa lngas lhag pa'i drug brgyar gyur nas nyin zhag so so'i dus su rtsa ni zung dag nges par 'joms zhes pa ni lung gi tshig ste 'joms so zhes pa ni rang bzhin no/ /rtsa zung 'di rnams ni g.yon pa dang g.yas pa la ste rtsa stong phrag bdun bcu rtsa gnyis kyi nang nas rtsa zung zhig 'joms shing dkyil 'khor lnga rlung yang dag par rgyu ba rnam par nyams par 'gyur ro/ /lhag ma dbugs bzhi bcu rtsa lngas gnas so/ /yang dang yang du lo yi dbus su ste de ltar nyin zhag so sor rtsa zung dag 'joms par byed pas lo'i nang du lo'i nyin zhag sum brgya drug bcus nyi zla rgyu ba dag las te g.yas pa dang g.yon pa'i dkyil 'khor yang dag par rgyu ba las stong pa mig dang ri yi grangs zhes pa nyi shu lhag pa'i bdun brgya'o/ /de ltar lo brgya'i nyin zhag stong phrag bdun bcu rtsa drug dag gis dus bgrod de lha mi rnams kyi rang gi tshe dkyil 'khor lnga 'bab par byed pa'i rtsa stong phrag bdun bcu rtsa gnyis zla ba dang nyi ma'i rgyu ba la'o/ / rang rang tshad sngar brjod pa'i phra mo lus skyes 'byung po lha la sogs pa'i nyin zhag rnams kyis so zhes pa ste rtsa gcod pa'i nges pa'o/ /da ni zos dang zhes pa la sogs pas dus kyi rtsa'i rang bzhin gsungs te 'dir lus la dus kyi rtsa la ste dbu ma rab tu 'bab pa'i dus su gal te zos par gyur tam nad du gyur ram mi rnams la res 'ga' bsnun par gyur na de'i tshe gzhi de yis ni 'phral la myur bar rtsa ba'i 'khor lo drug po dag la dus mun pa chen po'i rlung ni rab tu 'jug par 'gyur ro/ /de rab tu zhugs par gyur na yang 'khor lo drug po rnams la rtsa lnga bcu rtsa drug lhag pa'i brgya po 'di 'gog ste/ nyi ma ri bong can gyi bgrod pa g.yas pa dang gcig shos kyi rtsa la bcad nas mtha' dag dbu mar phra mo la ni brten pa ste a ba d+hu tI'i rtsa la rten pa gang zhig 'tsho ba srog gi rlung de 'phrog pa ni mi bdag srog chags rnams kyi 'tsho ba'o zhes pa ni dus kyi rtsa'i nges pa'o/ / da ni snying kha'i pad ma zhes pa la sogs pas chos kyi 'khor lo la sogs pa la zla ba'i rkang pa rnams gsungs te 'dir zla ba'i rkang pa'i dbye ba bcu bzhi'i cha mnyam pa dang mi mnyam par bgrod pas tshes rnams la 'phel ba 'am 'grib pa de ni nyin zhag bdun pa la ste tshes bdun la yul lnga'i yon tan byis pa dang gzhon nu la sogs pa'i dbye bas 'phel ba 'am 'grib pa ni nyin zhag bdun pa la rkang pa nyi shu lhag pa'i brgya rdzogs te ldog par 'gyur ro/ /'dir nyi shu lhag pa'i brgya'i cha brjod par bya ste 'dir bcu bzhi'i cha'i lhag ma rkang pa gcig mthong na nyin zhag gi cha de'i chu tshod drug bcu'i cha shas rnams kyi nang nas chu tshod lnga'i cha shas ni cha'i nor la lhag par 'gyur ro/ /nag po 'am dkar po'i bu lon gyi gnas su dman par 'gyur ro/ /nyin zhag gnyis pa la gnyis pa'i cha shas lnga ste dang po'i gzhon nu nyid kyis nyis 'gyur du shes par bya'o/ /de bzhin du zhag gsum pa la gsum pa'i cha shas lnga'o/ /gnyis pa'i bcu'o/ /dang po'i lang tsho'i dbye bas bcwa lnga'o/ /de bzhin du byis pa'i rab tu dbye bas bzhi pa'i cha shas lnga'o/ /gsum pa'i bcu'o/ /gnyis pa'i bcwa lnga'o/ /dang po'i lang tsho'i dbye bas bcu dgu'o/ /de bzhin du nyin zhag lnga pa la lnga pa'i cha shas lnga'o/ /bzhi pa'i bcu'o/ /gsum pa'i bcwa lnga'o/ /gnyis pa'i bcu dgu'o/ /dang po'i rgan po'i dbye bas nyi shu rtsa gnyis so de bzhin du nyin zhag drug pa la drug pa'i cha shas lnga'o/ /lnga pa'i bcu'o/ /bzhi pa'i bcwa lnga'o/ /gsum pa'i bcu dgu'o/ /gnyis pa'i nyi shu rtsa gnyis so/ /dang po'i shin tu rgan po'i dbye bas nyi shu rtsa bzhi'o/ /de ltar nyin zhag bdun pa la bdun pa'i cha shas lnga'o/ /drug pa'i bcu'o/ /lnga pa'i bcwa lnga'o/ /bzhi pa'i bcu dgu'o/ /gsum pa'i nyi shu rtsa gnyis so/ / gnyis pa'i nyi shu rtsa bzhi'o/ /dang po'i smin pa'i gnas skabs kyi dbye bas nyin zhag bdun pa la cha shas nyi shu rtsa lnga rkang pa'i dbang pos nor ram bu lon du 'gyur ro/ /de ltar byis pa la sogs pa'i rim pas thams cad kyi tshad shes par bya'o/ /de ltar tshes bdun rnams kyis rkang pa'i cha shas bzung nas snying kha'i pad ma la sogs pa rnams kyi 'dab ma nyi shu lhag pa'i brgya po rnams la ri bong mtshan ma rgyu zhing de nas slar yang ldog go/ ri bong can gyi rkang pa ni rang gi rkang pa zhes pa'i don to/ /snying khar 'dab ma brgyad la cha brgyad do/ /dpral bar 'dab ma bcu drug la cha bcu drug go/ longs spyod du 'dab ma sum bcu rtsa gnyis la cha sum bcu rtsa gnyis so/ /lte ba'i pad mar 'dab ma drug bcu rtsa bzhi la cha drug bcu rtsa bzhi ste de ltar cha shas nyi shu lhag pa'i brgya phrag gcig spyad nas zla ba'i cha 'grib pa 'am 'phel ba ldog go/ snying kha'i pad ma dang dpral bar 'byung ba phyogs dang nyin zhag ces bya ba rgyu ste longs spyod dang lte bar yang dgu ldan bcu dang drag po zung dang rgyal ba zhes bya ba dang de nyid ces bya'o/ /zhag bdun dag nas slar yang ri bong mtshan ma gang 'di rim pa min pas 'dor dang po'i cha'i cha shas nyi shu rtsa lnga yongs su smin par gyur pa gang yin pa de ni nyin zhag brgyad pa la lte bar lhag pa'i lhar 'gyur ro/ /slar yang zla ba nya ba la lte ba dang snying kha dang mgrin pa dang dpral ba rnams la rdzogs par byed do/ /thig le'i gnas su thig le dag la rdzogs par byas nas zhes pa ni lte ba de nas slar yang rim pa min pas 'dab ma drug bcu rtsa bzhi po rnams la cha drug bcu rtsa bzhi'o/ /snying khar cha brgyad do/ /mgrin par cha sum bcu rtsa gnyis so/ /dpral bar cha bcu drug go/ de ltar nyin zhag bcu bzhis rkang pa rnams rdzogs par 'gyur ro/ / de la rdzogs par byas nas snying khar rab 'jug dkar po'i phyogs la ste nor gyi phyogs la rim pas so/ /slar yang nag po dag la de bzhin te bu lon gyi phyogs la rim pa snga ma bzhin du rim pa min pas rlung dang sa dang chu dang me'i pad ma'i 'dab ma rnams la sdud pa ste snying khar nag po'i rkang pa rnams kyi bu lon rdzogs par gyur gyi bar du'o zhes pa ni rkang pa'i nges pa'o/ /'dir pad ma rnams ni snying khar rtsibs brgyad pa nag po'o/ /spyi bor rtsibs bcu drug pa dkar po'o/ /mgrin par rtsibs sum bcu rtsa gnyis pa dmar po'o/ /gzhan ni de'i nyis 'gyur te lte ba la rtsibs drug bcu rtsa bzhi pa ser po'o/ /pad ma'i 'dab ma'i nges pa'o/ /da ni brgyad pa gnyis zhes pa la sogs pas tshigs bzhi'i gnas gsungs te 'dir snying kha'i pad ma la sogs pa rlung dang me dang chu dang sa'i khams kyi rang bzhin rnams kyi lte ba'i ge sar gyi rtse mo rnams la dbyangs kyi dbye bas zla ba rgyu'o/ /a sogs sum bcu'i dbyangs gang ha ya ra wa lar ldan thig le dpal ldan rnam par bcad pa yis/ phye ba drug bcur 'gyur te zhes pa ni 'dir sngar brjod pa'i thung ngu lnga dang yon tan gyi ngo bo lnga dang ya Nar bsgyur ba thung ngu lnga ste bcwa lnga po 'di dag thig les phye ba ni sum bcur 'gyur ro/ /ring po dang 'phel bar gnas pa dang hA la sogs pa bcwa lnga rnam par bcad pas phye ba ni sum bcu ste de ltar na drug bcur 'gyur ro/ /de dag dus dang mi bdag nor dang so rnams ge sar rtse mo la'o zhes pa ni 'dir zla bas snying kha'i pad ma la gnam stong du byas nas phyed snga ma dang phyed phyi ma'i cha'i dbye bas tshes bcwa lnga nas dbyangs sum bcu po rnams rgyu'o/ /'dir snying kha'i pad ma'i ge sar gyi rtse mo dkar po'i phyogs kyi tshes gcig gi phyed snga ma la a/ phyed phyi ma la a~M/ gnyis pa'i phyed la snga ma la i/ phyed phyi ma la i~M zhes pa ste lte ba spangs nas snying khar dus zhes pa bzhi'o/ /de nas mgrin pa'i pad ma'i ge sar gyi rtse mor gsum pa'i phyed snga ma dang phyi ma la ri ri~M/ de bzhin du bzhi pa la u u~M/ de bzhin du lnga pa la li li~M/ drug pa la a a~M/ bdun pa la e i~M/ brgyad pa la ge sar gyi rtse mor phyed snga ma la ar/ phyed phyi ma la lte bar a ra~M zhes pa dang / dgu pa la o oM/ bcu pa la a la a la~M zhes pa ni mgrin pa'i pad ma'i ge sar gyi rtse mo la spyod do/ /de nas dpral ba'i pad ma'i ge sar gyi rtse mor bcu gcig pa'i phyed snga ma dang phyi ma la ha ha~M/ bcu gnyis pa'i phyed snga ma dang phyi ma la ya ya~M/ bcu gsum pa la ra ra~M/ bcu bzhi pa la wa wa~M/ nya'i phyed snga ma la ge sar gyi rtse mor la zhes dang / phyed phyi ma la lte bar laM zhes pa ste spyi bor zla ba rdzogs pa'i skyed pa'i rim pas rlung dang me dang chu'i pad ma'i lte ba rnams la spyod do/ /de nas sa'i pad ma'i lte ba rnams su nag po'i phyogs la sdud pa'i rim pas ring po rnam par bcad pa rnams spyod do/ /'di lta ste nag po'i tshes gcig gi phyed snga ma la lAHphyed phyi ma la lA/ de bzhin du gnyis pa la wAHwA/ gsum pa la rAHrA/ bzhi pa la yAH yA/ lnga pa la hAHhA/ drug pa la AlaHAl/ bdun pa la auHau/ brgyad pa la lte bar AraHAr/ dgu pa la aiHai/ bcu pa la AHA/ bcu gcig pa la lIHlI/ bcu gnyis pa la UHU/ bcu gsum pa la rIHrI/ bcu bzhi pa la IHI/ bcwa lnga pa la AHA/ 'dir lte ba la stong pa gnyis te 'di dag gi lte ba la dbyangs dang rnam par bcad pa med do/ / slar yang snying kha'i pad ma'i gnam stong gi mthar tshes gcig la sogs pa rnams snying kha'i pad ma'i ge sar gyi rtse mo la'o/ /dkar po dang nag po'i rdzogs pa'i nges pa'o/ /mgrin pa'i pad ma'i ge sar gyi rtse mo dang lte ba'i la dkar po'i brgyad pa'o/ /lte ba'i pad ma'i ge sar gyi rtse mo dang lte ba la nag po'i brgyad pa'o/ /snying khar nag po rdzogs so/ /spyi bor rdzogs pa'i mtha'o/ /snying khar zhes pa ni gnam stong gi mthar tshes gcig 'jug pa'i dus so/ /zhes pa ste nges pa'o/ /da ni thig le zhes pa la sogs pas nyi ma'i gsal byed kyi longs spyod gsungs te 'dir ka la sogs pa'i sde pa rnams thig le'i rnam pa dang rnam par bcad pa bzhis phye bar gyur pa na yi ge nyi shu lhag pa'i brgyar 'gyur te de nyid ni pad 'dab mchog nyi shu lhag pa'i brgya phrag gcig la'o/ /thun gyi bgrod pa'i dbang gis nyi ma rgyu zhing nyams par byed de sdud pa dang skyed pa'i dbye bas so/ /'dir thun gyi bgrod pa ni thun 'tshams bzhi ste de dag gi bgrod pa'i dbang gis ni thun gyi bgrod pa'i dbang gis so/ /'dir snying kha'i pad ma la gnam stong gi mthar ro/ /tshes gcig la sogs pa la 'dab ma drug bcu rtsa bzhi las 'dab ma bzhi ni stong pa'o/ /de rnams la tshes gcig gi s+sAHs+sA ny+p+ny+pAHny+p+n+pA zhes pa ni 'dab ma bzhi po rnams la tshes gcig gi thun 'tshams bzhi po sa la sogs pa rnams nyi mas spyod do/ /de bzhin du gnyis pa la Sh+ShAHSh+ShA sh+shAHsh+shA zhes pas so/ /de bzhin du gsum pa la th+k+th+kAHth+k+th+kA t+tAHt+tA zhes pa'o/ /bzhi pa la th+thAHth+thA d+dAHd+dA zhes pa'o/ /lnga pa la ng+h+ng+hAHng+h+ng+hA n+nAHn+nA zhes pa'o/ /drug pa la p+pAHp+pA ph+phAHph+phA zhes pa'o/ /bdun pa la b+bAHb+bA b+h+b+hAHb+h+b+hA zhes pa'o/ /brgyad pa la m+mAHm+mA T+TAHT+TA zhes pa'o/ /dgu pa la Th+ThAHTh+ThA D+DA D+DAHzhes pa'o/ /bcu pa la T+h+T+hAHT+h+T+hA )D+h+D+hAHD+h+D+hA N+NAHN+NA zhes pa'o/ /bcu gcig pa la ts+tsAHts+tsA tsh+tshAHtsh+chA zhes pa'o/ /bcu gnyis pa la dz+dzA dz+dzAHdz+h+dz+hAHdz+h+d+dz+hA zhes pa'o/ /bcu gsum pa la ny+nyAHny+nyA k+kAHk+kA zhes pa'o/ /bcu bzhi pa la kh+khAHkh+khA g+gAHg+gA zhes pa'o/ / dkar po'i zla ba nya la g+g+hAH g+h+g+hA d+dAHd+dA zhes pa ste lte ba'i pad ma'i 'dab ma rnams la nyi mas sa la sogs pa'i sde pa'i yi ge rnams longs spyad nas ldog cing spyi bor rang gi rgyu bas zla ba 'jug ste/ de'i phyir nyi mas spyad pas pad ma rnams la zla ba 'ong zhing zla bas spyad pa'i pad ma rnams la nyi ma 'gro'o/ /nag po'i phyogs la nyi ma skyed pa'i rim pas te zla ba sdud pa'i rim pas so/ /'dir gang gi tshe zla ba skyed pas rgyu ba de'i tshe nyi ma sdud pas so/ / gang gi tshe nyi mas skyed pas yin pa de'i tshe zla ba bsdud pas so/ /zhes pa ni thams cad du nges pa'o/ /da ni dpral ba'i pad ma la sogs pa'i 'dab ma rnams la nyi mas nga la sogs pa'i sde pa'i yi ge rnams rim pa min pas spyod te nag po'i tshes gcig la dpral ba'i 'dab ma bzhi po rnams su nga nga~M g+ha g+ha~M spyod do/ /gnyis pa la ga ga~M kha khaM/ gsum pa la ka ka~M nya nyaM/ bzhi pa la dz+ha dz+ha~M dza dzaM/ de nas mgrin pa'i pad ma'i 'dab ma rnams su lnga pa la tsha tsha~M tsa tsaM/ drug pa la Na Na~M D+ha D+haM/ bdun pa la Da Da~M Tha ThaM/ brgyad pa la Ta Ta~M ma maM/ dgu pa la b+ha b+ha~M ba baM/ bcu pa la pha pha~M pa paM/ bcu gcig pa la na na~M d+ha d+haM/ bcu gnyis pa la da da~M tha thaM/ snying kha'i pad ma'i 'dab ma rnams su bcu gsum pa la ta taM th+ka th+kaM/ bcu bzhi pa la sha sha~M` Sha Sha~M` zhes pa ste/ de nas gnam stong la lte ba dang ge sar gyi rtse mor ny+pa ny+paM sa sa~M/ snying kha'i lte ba dang ge sar gyi rtse mor gnam stong gi mthar gzhom du med pa ste thig le stong pa yi ge drug ces pa dang stong pa chen po yi ge lnga zhes pa ste zla ba dang nyi ma'i nges pa'o/ /da ni phyogs la zla ba zhes pa la sogs pas zla ba dang nyi ma'i nor dang bu lon gsungs te 'dir tshes kyi nges pa la nyin zhag so sor sbyin dang dor dang slar yang sbyin zhes gsungs pa'i phyir gza'i gnas su chu tshod drug bcu'i bdag nyid kyi cha sbyin no/ /de'i bu lon gyi rgyur chu tshod gyi gnas su chu tshod kyis dman pa'o/ /de'i phyir rags pa'i tshad kyis nyin zhag so sor chu tshod gcig gis dman pa'i cha dang phra mo'i tshad kyis rkang pa dang bcas pa'i chu srang lnga bcu rtsa drug go/ ci'i phyir zhe na/ gang gi phyir nyin zhag gi tshogs la drug bcu rtsa bzhi'i chas thob pa bu lon du 'gyur ba de'i phyir nyin zhag so sor rkang pa dang bcas pa'i chu srang lnga bcu rtsa drug ste nyin zhag drug bcu rtsa bzhis nyin zhag gcig dman pa ni cha zad pa'o zhes pa'i don to/ /nyi ma'i nyin zhag gnyis so/ /de ltar phyogs la zla ba rang gi rgyu bas nyin zhag ces bya'i rkang pa dag kyang bu lon dag tu byed/ chu tshod bcwa lnga zhes bya ste rkang pa zhes pa ni tshes kyi bzhi cha zhes bya'o/ /kyang yig las rkang pa dang bcas pa'i chu srang lnga bcu rtsa drug gis dman pa'o/ /slar yang ste yang nyin zhag so sor nyams pa zla ba gnyis kyis te nyin zhag drug bcu rtsa bzhis gzhan pa dag kyang nyin zhag bu lon du 'gyur ro/ /slar yang lo yi sbyor ba dag las 'phel ba ni rdzogs pa'i lo la nyin zhag drug tu 'gyur te sngar brjod pa'i cho gas dman pa'o/ /gzhan yang de bzhin 'chi ba dag gis 'tshams su 'phel 'chi ba'i 'tshams ni lo brgya ste 'chi ba'i 'tshams de las bu lon nyin zhag gi tshogs phyed dang bcas pa'i drug bcu rtsa gnyis lhag pa'i lnga brgya 'phel lo/ /rgyal po de ltar nyi ma'i nyis 'gyur 'di ni lo'i dbang gis 'chi ba'i 'tshams su 'phel te nyin zhag gi tshogs nyi shu rtsa lnga lhag pa'i brgya phrag bcu gcig 'chi ba'i 'tshams su 'phel lo/ /bu lon gyi nges pa'o/ /da ni dbugs drug ces pa la sogs pas dbugs la sogs pas dbugs la sogs pa'i bye bas lo'i grangs gsungs te 'dir mi rnams kyi lus la dbugs 'jug pa dang 'byung ba drug gis chu srang gcig tu 'gyur te de yang chu srang du brjod do/ /chu srang de drug bcus chu tshod gcig tu 'gyur te dbyug gu gcig gi bdag nyid can no/ /chu tshod de dag drug bcu ni nyin zhag ste nyin mtshan du 'gyur ro/ /gsum gyis bsgyur ba bcu ste sum bcu'i nyin zhag de dag gis zla ba gcig go/ chu srin la sogs pa'i zla ba de dag drug gis bgrod pa gcig tu 'gyur ro/ /bgrod pa de nyid gnyis kyis bsgyur ba ni lo gcig tu rab tu grags so/ /skyes bu rnams kyi tshe lo brgya po 'di las bu lon bgrod par son pa ni mun pa'i rtsa'i bgrod par son pa'o/ /dus ni 'chi ba ste de'i rtsa yi dbang gis ni a ba d+hU tI'i grangs kyi chos kyis so zhes pa ste dus kyi rtsa'i nges pa'o/ /da ni 'jig rten gsum na zhes pa la sogs pas dbang phyug la sogs pa rnams dman pa nyid du gsungs te/ 'dir 'jig rten gsum na lha dang lag 'gro mi rnams kyi nang na gang zhig rang gi lus la zla ba nyi ma dag rdzogs par nus pa'i rnal 'byor ldan pa med do/ /de rgyu gang las zhe na gang gi phyir zla bas rang gi rgyu bas lo'i 'tshams su nyin zhag gi tshogs sum brgya drug bcu rgyu ba ma yin zhing / srid par te lus la lo yi nang du rim pas te sngar brjod pa'i cho ga dag gis nyi mas kyang ni rgyu skar thams cad de nyi shu rtsa bdun rgyu ba min pa de'i phyir ro/ /lo so so nas lo so sor bu lon dag gis de ni srid pa ste lus za'o/ /dus kyi 'khor lo dpa' bo gcig pu skye ba dang 'jig pa'i rgyur gyur pa ste 'khor ba pa rnams la dus kyi 'khor lo dpa'o gcig pu'o/ /de'i phyir rnal 'byor las zla ba dang nyi ma dag rdzogs par byas te/ byang chub kyi sems dang / rdul gyi sems kyi chos srog dang thur sel dag rdzogs par byas nas de bsgrub par bya'o zhes pa ni sangs rgyas bcom ldan 'das kyi nges pa'o/ /da ni 'chad pa zhes pa la sogs pas 'chi ltas kyi dbang gis gci ba la sogs pa'i khams kyi rnam par 'gyur ba'i mtshan nyid gsungs te 'dir lus la chad pa gal te g.yon pa 'am g.yas pa'i rtsa gcig srog rab tu 'bab pa dang bral ba yin na mi yi bdag po zhes pa ni bod pa ste zla ba drug gi 'tshams su gci ba dag ni skyur ba nyid du 'gyur ro/ /de tsam rnams ni nyin zhag lnga nas mchog gi rtsa srog gi nus pa chen po yis 'dor te rim pa bzhin nyin zhag so sor gong bu 'chad pa'i dus su'o/ /nyin zhag drug gi 'tshams su yul sgra rna ba la 'dor te rna ba la zhes pa ni lung gi tshig las lnga pa'i don la bdun pa'o/ / nyin zhag lnga'i 'tshams su ro yang nges par kha las te lce las 'dor ro/ /nyin zhag bzhi'i 'tshams su mig 'bras mig gi dbus nas so/ /nyin zhag gsum gyi 'tshams su dri ni sna las so/ /nyin zhag gnyis kyi 'tshams su mi rnams dag gi lag pa rkang pa'i lus las dro ba'i dngos po ste reg pa'i rang bzhin no/ /mtha'i nyin zhag la chos kyi dbyings khu ba 'pho ba dang dbugs kyi 'khor lo yang 'dor ro/ /nyin zhag drug gi nang du 'chi ba'i mtshan nyid gzhan yang gsungs te 'dir lus la 'chi bar rab tu zhugs par gyur na rang gi lus sna yi rtse mo 'phyang ba glang po che'i sna'i rnam par mthong ba dang / rang gi spyi bor lag pa bzhag pa de yi rang bzhin dag tu mthong ste phra mor mthong ba min pa dang / de bzhin du lag pa gnyis ka'i mthil la rgya skyegs tshon gyis rab tu byugs kyang lag mthil gyi lpags pa la dmar po nyid du byed pa ma yin pa dang nyi ma kha dog nag por mthong ba dang yongs su gyur pa'i ri bong 'dzin pa ste nya'i zla ba yongs su rdzogs par ser por mthong ba ni nyin zhag drug gi 'tshams su'o/ /de nas nyin zhag gang la gcin dang lus kyang bsil bar gyur pa'i nyin zhag de la 'chi ba nyid de mi yi bdag po zhes pa ni bod pa'o/ /nyin zhag drug gi 'tshams su 'chi ba'i mtshan ma gzhan yang gsungs te 'dir dus ma yin pa'i 'chi bas non pa'i lce 'og tu nag po'i thig ste ri mo rnams nag por rab tu 'gyur ro/ /de bzhin du mig la tshangs pa'i ri mo shin tu phra mo skra'i tshad tsam gyi ri mo ste nag po dang dmar po'i dkyil 'khor 'byed par byed par 'gyur ro/ /dbugs ni zla ba nyi ma'i lam du 'phro ba dang mkhur tshos gnyis po bskyod pa dang / de bzhin du nu ma'i steng ni mchan khung du zhugs te nu ma'i steng gi rtsa dag mchan khung du zhugs par gyur pa dang / gza'i tshogs rnams mtha' dag mi mthong ste me stag dang bcas par mthong ba dang de'i mgrin pa lus dang bcas pa ste lag pa dang rkang pa dang bcas pa rengs shing sems med pa dang 'khor ba yang ste 'di dag ni lus la 'chi ba'i mtshan nyid du 'gyur bar 'dod te gsungs pa yin no/ /gzhan yang lus sam phyi rol la grib ma'i skyes bu la sogs pa gang cung zad phyin ci log tu mthong ba de thams cad 'chi ba'i mtshan nyid du rnal 'byor pas rig par bya'o/ /de shes nas sbyin pa la sogs pa bya ste gal te bsod nams kyi stobs kyis 'tsho ba de lta na yang mdzes shing / ci ste 'chi bar 'gyur ba de lta na yang gang byin pa de'i 'bras bu rjes su spyod do/ /de'i phyir phyogs gnyis ka la yang bde bar gshegs pa pa bde ba don du gnyer ba rnams kyis sbyin pa byin par bya'o zhes pa ni bcom ldan 'das kyi nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las 'chi ltas kyi 'chi ba'i mtshan nyid dang rtsa 'chad pa'i mdor bsdus chen po ste bzhi pa'o// // da ni skye ba dang ni zhes pa la sogs pas 'jig rten gyi kun rdzob kyis skyed pa dang sdud pa'i mtshan nyid byed pa po gsungs te 'khor ba 'dir 'pho ba'i skad cig gang yin pa des sems can rnams kyi skye ba byed de mngal du kun gzhi'i rnam par shes pa rdul dang khu ba dang yang dag par ldan pa'i chos can no/ /de nas des mngal nas btsa' ba'i dus byed cing byis pa dang gzhon nu la sogs pa'i gzugs byed de lus skyed pa'o/ /'pho ba'i skad cig de nyid 'jig rten dag tu ste mtho ris dang mi yul dang sa 'og tu slar yang sdud par byed pa dus kyi 'khor lo can te nyi ma min/ nyi ma rdul dang zla ba khu ba dus kyi 'khor lo med pa ste/ kun gzhi'i rnam par shes pa med pas mi byed do zhes pa'i don to/ /'dir rdul dang khu ba'i chos can nyi ma dang zla bas ci'i phyir mi byed ce na/ 'dir thams cad du me dang nyi ma dang zla ba'i bdag nyid ni 'gro ba'o zhes pa rab tu grags pa'i tshig gi phyir gsungs so/ /'dir gang gi phyir zla ba nyi ma la sogs lha rnams 'byung ba dang bcas mtshan mo'i cha la bcom ldan de yis zos zhes pa ste 'khor ba 'dir mtshan mo'i cha ni zla ba ste skyed pa'o/ /nyin mo'i cha ni nyi ma ste sdud pa'o/ /'dir mtshan mo'i cha la ste skyed pa'i dus su kun gzhi'i rnam par shes pa'i mtshan nyid nges pa'i mngal du zla ba khu ba dang nyi ma rdul dang sogs pa'i sgras bshang ba dang gci ba dang 'byung ba dang bcas sa dang chu dang me dang rlung dang nam mkha'i khams dang bcas pa rnams rdul dang khu ba'i rten du gnas pa'i lus dang ngag dang sems rdzogs pa'i don du zos te/ zla ba ste khu ba ni dbang phyug go/ nyi ma ste rdul ni rtag tu bzhi pa'o/ /rkang ni drag po'o/ /gci ba ni khyab 'jug go/ bshang ba ni tshangs pa'o/ /zla ba nyi ma la sogs lha rnams mtshan mo'i cha la ste skyed pa'i dus su zos so/ /slar yang ste yang mtha' yas lus la dngos po sna tshogs kyis bzung bar gyur pa ni rnam par 'phrul pa te de dag rnams gtong bar byed de nges par nyin mo'i dus su zhes pa sdud pa'i dus su gtong zhes pa'i don to/ /skyed pa'i rgyur ni ste slar yang gzhan skyed pa'i rgyu ru gtong bar byed do/ /rim pas ste lte ba dang snying kha dang mgrin pa dang dpral ba dang gtsug tor gyi gnas rnams su sa la sogs pa'i khams yongs su gtong ba'i rim pas so/ /kun rdzob kyi byed pa po'i nges pa'o/ /da ni sgra la sogs pa zhes pa la sogs pas 'jig rten kun rdzob kyi las dang byed pa la sogs pa gsungs te 'dir lus grub par gyur pa na sgra dang reg bya dang gzugs dang ro dang dri dang chos kyi dbyings te drug po rnams ni las su 'gyur ro/ /dbang po drug po dag kyang ste rna ba dang lus dang mig dang lce dang sna dang yid te drug po ni byed pa'o/ /khyim bcu gnyis kyi dbye bas lo dang zla ba dang zla ba'i cha'i dbye bas phyogs nyi shu rtsa bzhi dang nyin dang mtshan mo ste nyin mtshan dang tshes bcwa lnga dang zla ba dang nyi ma dag kyang ste 'di dag mtha' dag ni byed pa'o/ /byed pa po ni kun gzhi'i rnam par shes pa'i mtshan nyid khu ba 'pho ba'i skad cig lhan cig skyes pa'i dga' ba ste 'jig rten kun rdzob kyis so/ /'pho ba'i skad cig la sogs pa byed pa po dang byed pa dang las 'di dag sdud pa'i byed pa po gzhan du 'dir 'gyur te gang gi phyir skyed pa'i byed pa po ni byed pa po ma yin no/ /de'i phyir mkha' khyab mkha' yi rdo rje can te yul dang rnam bral yon tan med la rang bzhin med pa'o zhes pa lhan cig skyes pa'i sku ste cha med kun 'gro khyab pa po zhes pa'o de'i phyir skyed pa dang sdud pa'i byed pa po dang mya ngan las 'das pa'i mtshan nyid kyang med do zhes pa'i don to/ /byed pa po zad pa'i nges pa'o/ /da ni dri dang zhes pa la sogs pas tshogs pa la sogs pa gsungs te 'khor ba 'dir tshogs pa las skye ba ste chos gcig las ni ma yin no/ /'dir tshogs pa ni dri dang kha dog dang ni ro dang reg pa zhes dang 'dzin ma dang ni chu dang me dang rlung / zhes pa gzugs can brgyad po 'di dag rnams ni mtha' dag yul gyi tshogs pa dag ste gcig ni gtso bor 'gyur zhes pa ste gzugs can brgyad po 'di dag las yon tan gcig gi gtso bor 'gyur zhing lhag ma phal par 'gyur ro zhes pa ni sngar brjod zin to/ /sgra dang stong pa dang ni chos kyi dbyings dang yid kyang mi yi bdag po gzugs med du 'gyur ro zhes pa ni gzugs med bzhi po rnams te 'dir stong pa'i sgras khu ba'i khams brjod do/ /'jig rten gsum po mtha' dag 'di ni spro ba dag dang sdud par 'gyur te dus kyi mthu las so zhes pa 'pho ba'i skad cig gis mthu las so zhes pa'i don to/ /tshogs pa'i nges pa'o/ /da ni bdag nyid 'ching ste zhes pa la sogs pas 'khor ba'i 'ching ba gsungs te 'dir lus la phung po'i ngar 'dzin pa tsam ni 'khor ba ste bdag nyid kyis bdag nyid 'ching ngo / / rang bzhin la gnas yon tan rnam rtog rnams kyis zhes pa la rang bzhin ni phung po dang khams dang skye mched kyi tshogs pa ste de la gnas pa'i yon tan skye ba dang 'gag pa'i mtshan nyid dri la sogs pa rnams dang / 'khor ba'i sems kyi dngos po dang dngos po med pa'i rnam par rtog pa'i mtshan nyid rnams te rang bzhin la gnas yon tan rnam rtog de dag rnams kyis bdag nyid 'ching bar byed de rang gi lus las byung ba'i skud pa rnams kyis bdag nyid 'ching bar byed pa dar gyi srin bu ji bzhin nyid do/ /bdag nyid bdag gis nges par slar yang rnam par rtog pa med pa'i yid dag las ni gtong bar byed ces pa ni slar yang bdag de rang bzhin la gnas yon tan rnam rtog rnams kyis btang ba ni rnam par rtog pa med par 'gyur ro/ /rnam par rtog pa med pa'i yid de las bdag nyid 'khor ba'i sdug bsngal las gtong bar byed do/ /de'i phyir rgyal po rang las rang bzhin yon tan la gnas sdug bsngal dang ni bde ba byed pa ste/ rang bzhin rnam par bral ba ste khams bcwa brgyad dang bral ba su zhig byed po ci zhig byed de mi byed do zhes pa'i don to/ /mi shes 'jig rten log pa'i bdag nyid kyis byed pa po yongs su brtags pas rmongs par byed do/ /las kyi 'ching ba'i nges pa'o/ /da ni sa zhes pa la sogs pas sa la sogs pa rnam pa brgyad kyi rang bzhin gsungs te 'dir lus la dang po 'khor ba'i sems kyi rang bzhin rnam pa brgyad te sa dang chu dang me dang rlung dang nam mkha' dang yid dang blo dang ngar 'dzin pa'i bdag nyid dang rnam pa brgyad do/ /'di dag kyang rnam gsum ste rags dang phra mo gzhan yang rnam gsum yon tan la gnas te snying stobs dang rdul dang mun pa'i yon tan rnams la gnas pa ni yon tan la gnas pa'o/ /yi ge thig le la sogs pa'i dbye ba yis rags pa rags pa'i dbang po rnams la gnas te blun po'i bag chags 'dzin par byed pa rags pa'i sems kyi sad pa'i gnas skabs kyi chos can ni rigs pa ste sad pa'i dngos po 'dzin par byed pa'i phyir ro/ /phra mo'i sems kyi phra mo ni rmi lam gyi gnas skabs kyi chos can te yid bzhin gyi dbang po rnams kyis sgyu ma lta bu'i dngos po 'dzin par byed pa'i phyir ro/ /phra mo gzhan yang dbang po thams cad 'gog pa'i mtshan nyid shin tu gnyid log pa'i gnas skabs kyi chos can ni gzhan te bltar med pa zhes brjod pa dang gcig tu gyur pa zhes pa la sogs pa'i mtshan nyid de dngos po thams cad yongs su btang ba'i phyir ro/ /de ltar rnam pa gsum ni snying stobs dang rdul dang mun pa'i dbye bas sad pa dang rmi lam dang shin tu gnyid log pa'i rang bzhin can no/ / rags pa ni nyin mo'i mtshan nyid do/ /phra mo ni thun 'tshams kyi mtshan nyid do/ /gzhan ni mtshan mo'i chen po'i mtshan nyid do/ /yang yig las gzhan bzhi pa'i rang bzhin ye shes kyi sku ste/ de ni khu ba 'pho ba'i dus su ye shes kyi sems te bzhi pa'i sems kyi bzhi pa'i gnas skabs kyi chos can te sems can rnams kyi skye ba dang 'gog pa'i rgyur gyur pa gang yin pa de'i phyir ye shes kyi sku'o/ /de yang rang bzhin rnam 'gyur med pa'i 'tsho ba 'byung ba ste srog chen po 'byung ba chos kyi khams kyi rang bzhin no/ /'byung ba min zhes pa ni 'byung ba sa dang chu dang me dang rlung dang khu ba ni 'byung ba ma yin no zhes pa'i don to/ /de ltar 'khor ba'i sems kyi rang bzhin gyi sad pa la sogs pa'i dbye bas rnam pa bzhir nges pa'o/ /da ni a sogs zhes pa la sogs pas bzhi pa la sogs pa rnams kyi ming gi chos gsungs te 'khor ba 'dir rig par bya ba dang rig par byed po dag gi ming ni don rab tu go bar byed pa ste de yang brjod par bya ba dang brjod par byed pa'i mtshan nyid kyis gnas so/ /de la ye shes kyi rang bzhin las a sogs stong pa lnga ni gzhom du med pa'i a la sogs pa ste gzhom du med pa ni dbus su a yig stong pa'o/ /shar du i yig stong pa'o/ /lhor ri yig stong pa'o/ /byang du u yig stong pa'o/ /nub tu li yig stong pa'o zhes pa ste a sogs stong pa lnga ni rang bzhin te rnam par 'gyur ba min no/ /dpal ldan cha dang thig le nA da dang / dus dang sems dang blo ste zhes pa la cha ste nyi ma dang thig le ste zla ba dang nA da ste sgra gcan dang dus te dus me dang sems dang blo dang rang bzhin dag kyang shin tu gnyid log pa'i gnas skabs kyi chos can no/ /gzhan pa'i dbyangs ni rlung la sogs pa'o/ / sogs pa'i sgras nam mkha' la sogs pa ste/ a i ri u li/ a e ar o al/ ha ya ra wa la rnams so/ /de bzhin du ring po ste rmi lam gyi rang bzhin no/ /rags pa'i sde pa'i yi ge dbyangs bcu gnyis dang bcas pa sum brgya drug bcu rnams ni sad pa'i rang bzhin no/ /bcu drug gzhan ni rnam 'gyur rags pa'o zhes pa ste yi ge so so re re'i dbyangs bcwa lngas bzung ba gsal byed dang bcas pa ni rnam par 'gyur ba bcu drug go / thams cad du khams lnga dang las kyi dbang po lnga dang yul lnga ni rnam par 'gyur ba ste yid dang lhan cig bcu drug go/ sa la sogs pa 'di dag gi dbus su rdo rje can ni rang bzhin min zhing rnam 'gyur min te khyab byed rang bzhin med pa'o/ /gang gi phyir 'khor ba'i bag chags las grol ba'i sems kyi chos yin pa de'i phyir gang sems yod pa'i sems de ni sems ma yin no zhes 'khor ba'i sems dang bral ba mya ngan las 'das pa'i sems gzhan yod pa ni rdo rje can gyi ming gis bcom ldan 'das kyis gsungs so/ /rang bzhin rnam pa bzhi'i nges pa'o/ /da ni 'khor bar zhes pa la sogs pas sems can rnams rang gi las kyi 'bras bu la nye bar longs spyod pa gsungs te 'khor ba 'dir sems can bde ba 'am sdug bsngal ba 'am bde ba dang sdug bsngal ba rang bzhin yon tan la gnas ni sngar brjod pa'i yon tan la gnas pa ste rang gis byas pa'o zhes pa'i don to/ /las las skyes pa de ni za ba ste rang gis byas pa'i las kyis bskyed pa ni las las skyes pa ste longs spyod do zhes pa'i don to/ /de nyid ni 'dir lus dang ngag dang sems kyi dbang gis rnam pa gsum ste rags pa dang phra mo dang zhi ba'o/ /gzhan yang rnam pa gsum ste khyad par gyi las dang las ma yin pa'o/ /de dag las gang zhig bdag ni byed pa po'o zhes pa'i sems bskyed pa de ni khyad par gyis las gyi ming can no/ /gang zhig byed pa po gzhan pa phyugs bdag gam gzhan yod pa'i sems skyed pa de ni las kyi ming can no/ /byed po bdag gam gzhan pa min te rang bzhin rnam par bral ba phung po la sogs pa'i tshogs pa dang bral ba gang zhig sems bskyed pa de ni las ma yin pa'i ming can no/ /de ltar bdag dang gzhan byed pa por 'dzin pa dang bral bar shes pa gang yin pa de'i las ni byed pa pos byas pa ma yin zhing byed pa po ni rgyur gyur pa ma yin no/ /las las skye ba ni tshogs pa'i dbang gis te ji ltar sA li'i sa bon las sA li 'grub pa de bzhin du dge ba'i las las dge ba'i las kyi 'bras bu 'grub bo/ /ji ltar ko dra ba'i sa bon las ko dra ba 'grub pa de bzhin du mi dge ba'i las las mi dge ba'i las kyi 'bras bu 'grub ste rang las ma yin zhing gzhan las kyang ma yin no zhes 'chad par 'gyur ba las brjod par bya'o/ /las kyi 'bras bu nges pa'o/ /da ni de phyir zhes pa la sogs pas byed pa po med par 'bras bu dang bcas pa'i las gsungs te 'khor ba 'dir byed pa po 'ga' yang srog chags rnams kyi bde ba dang sdug bsngal dag mi sbyin mi 'phrog ste/ gang gi phyir rnam pa gsum po gang byas sngon gyi las rang gis byas pa ni 'bras bu rab tu sbyin par 'gyur ba de'i phyir byed pa po 'ga' yang mi sbyin zhing mi 'phrog go zhes pa'i don to/ /skyed dang sdud pa'i byed pa po 'di ster zhing de ni 'phrog pa rmongs pa rnams kyi blo gros te/ ci'i phyir zhe na gang zhig rang gi lus la dpag med dge ba 'phrog par byed pa'i bug pa rang gi dbang po dag gis mthong ba ma yin te rang gi dbang po phyi rol du yul drug la 'jug cing nang du zag pa med pa'i bde ba dang bral ba rnams kyis so/ /rang gi las kyi 'bras bu nye bar longs spyod pa'i nges pa'o/ /da ni 'dod pa zhes pa la sogs pas 'dod pa la sogs pa'i byed pa po phan tshun dngos po yang dag par sbyor ba med pa gsungs te 'dir 'gro ba sems can rnams kyi rang gi yid la 'dod pa'i nus pa gang yin pa rnams dngos po rnams gsal bar byed de yid 'jug par byed do zhes pa'i don to/ /bya ba ni dngos po rnams la 'jug par byed do/ /ye shes nus pa ni dngos po ro mnyam rgyur ni don la nye bar dmigs par byed de don nges pa ni ye shes nges pa zhes pa'i don to/ /slar yang gtong ba ste sngar gyi ye shes gtong ba dag ni bzhi pa srid gsum gyis btud gnyis med kyis nges par rim pas byed do zhes pa ni yid kyi nus pa bzhi'o/ /bzhi po de dag gi nang nas gang zhig rnam par dag pa'i sems kyi bdag nyid rdo rje can ni gsal ba dang 'jug pa dang ro mnyam rgyur don la nye bar dmigs pa cung zad mi za zhing ye shes gtong ba'i gtong ba min pa nyid do zhes pa ste 'dod pa la sogs pa'i nges pa'o/ /da ni bdag ces pa la sogs pas bde ba dang sdug bsngal rab tu sbyin par byed pa po gsungs te 'khor bar bdag ni byed po sdug bsngal dang bde ba dag rab tu sbyin pa por mi yi bdag po der ni 'gyur ba min srid pa gsum gyi gnas na bde ba dang sdug bsngal rab tu sbyin pa po 'ga' yang yod pa ma yin te sems kyi nus pa de rnams rnam par spangs nas so/ /'dir sems kyi nus pa ni sad pa dang rmi lam dang shin tu gnyid log pa dang bzhi pa'i mtshan nyid te de dag gi gtso bo ni bzhi pa skye ba dang 'gog pa'i chos can gyi gnas skabs te sems kyi nus pa spangs nas bdag ni byed po bde dang sdug bsngal rab tu sbyin pa po 'ga' yang med do zhes pa'o/ /sems can rnams kyi khu ba 'pho ba spangs nas bcings pa dang grol ba gzhan 'ga' yang yod pa ma yin te 'khor ba'i sems spangs nas so zhes pa'i don to/ / mya ngan las 'das pa'i sems 'khor ba las 'das pa lus thams cad la gnas pa ni gang gis kyang ma bcings shing ma bgrol ba'o/ /nam mkha' bum pa'i dbus nas chu ni len par byed pa na yang 'gro ba min pa ji lta ba/ mkha' khyab mkha' yi rdo rje can zhes pa ste stong pa la sogs pa'i rnam par thar pas rnam par dag pa'i sems ni mkha' yi rdo rje can no/ /yul dang rnam bral zhes pa yon tan med pa ste de tsam la sogs pa dang snying stobs dang rdul dang mun pa dang bral ba ste/ sad pa dang rmi lam dang shin tu gnyid log pa dang bzhi pa dang bral ba zhes pa'i don te rang bzhin med pa lus kyi dbus dag tu yang de bzhin no/ /rtag pa dngos po dang chad pa dngos po med pa ste de dag gang la med pa de ni rdo rje can te rnam par dag pa'i sems so zhes pa'i don to/ /'khor ba dang mya ngan las 'das pa'i sems nges pa'o/ /da ni de ltar zhes pa la sogs pa las smra ba gsungs te de ltar brjod pa'i rim pas las yod par smra ba po dang byed pa po med par gang smra ba po dang bdag med par gang smra ba por 'gyur te/ bcom ldan 'das rnam par dag pa'i sems kyi bdag nyid yod min med min yod med min/ gnyis ka'i bdag nyid min pa 'ang min pa khams gsum gyi ston pa gcig pu de ni byed po min te/ kun mkhyen dang po'i sangs rgyas thams cad mkhyen pa nyid dang rnam pa thams cad mkhyen pa nyid dang lam mkhyen pa nyid dang lam gyi rnam pa mkhyen pa nyid thob pa/ srid gsum gyis btud dus kyi 'khor lo can zag pa med pa'i bde ba rnam pa thams cad pa'i chos can te 'khor lo can khyab 'jug ni ma yin no/ /ci'i phyir zhe na gang las tshangs pa khyab 'jug drag po dag kyang gang gi zhabs kyi chu skyes drung du lhag par skyabs 'gro ba dus kyi 'khor lo de la phyag 'tshal lo zhes pa ni 'jam dpal bdag ste rgyal ba mchog skyed yon tan med cing rnam rtog med pa ni sngar brjod pa'i mtshan nyid do/ /stong pa nyid smra ba po'i nges pa'o/ /da ni zhi ba zhes pa la sogs pas 'chi ba'i mthar bsam pa'i dbang gis skye ba gsungs te 'khor ba 'dir sems can rnams kyi rang gi las kyi dbang gis snying stobs kyi yon tan la sogs pa'i bsam pa ste bsam pa de las skye ba'o/ /'dir 'chi ba'i dus su dge ba'i las kyi dbang gis zhi ba'i bsam par 'gyur te snying stobs kyi yon tan gyi bdag nyid do/ /bsam pa de skyes par gyur na shi ba'i mthar lha nyid du 'gyur ro/ /mi yi bdag po zhes pa ni zla ba bzang po la bod pa'o/ /mi dge ba'i dbang gis bsam pa drag por 'gyur te/ mun pa'i yon tan gyi bdag nyid do/ /mun pa'i bsam pa de la dmyal ba nyid du 'gyur ro/ /mi dge ba 'bring po'i dbang gis rdul gyi bsam pa ste rdul gyi bsam pa der gyur na shi ba'i mthar dud 'gro nyid du 'gyur ro/ /rab mchog sa yi steng du mi nyid dag ni 'dres pa la ste dge ba dang mi dge ba 'dres pa la mi nyid du 'gyur ro/ /'byung bo nyid ni rnam pa gsum ste rdul dang mun pa dang ni snying stobs phan tshun 'dres pa la'o/ /'dir snying stobs lhag pa la yi dags mchog go/ rdul lhag pa la 'bring po'o/ /mun pa lhag pa la tha ma'o/ /lha ma yin rnams ni lha'i nang du 'dus pa nyid do/ /de bzhin du mi rnams ni snying stobs lhag pa la bde ba dang ldan pa'o/ /rdul lhag pa la bde ba dang sdug bsngal dang ldan pa'o/ /mun pa lhag pa la rtag tu sdug bsngal dang ldan pa'o/ /de bzhin du mtho ris la sogs pa thams cad du yang sems can rnams kyi rang gi las kyi dbang gis las kyi 'bras bu rnam par smin pa dpag tu med par 'gyur ro/ /de'i phyir 'chi ba'i dus su yid kyis bsam pa gang zhig dran par gyur pa der ni skye bo yang dag skye zhes pa ste bsam pa skye ba'i nges pa'o/ /da ni lha nyid ces pa la sogs pas lha la sogs pa'i dbye ba gsungs te 'dir lha yi mchog gi gnas mtho ris su lha nyid brgyad kyi dbye ba dag gis 'gyur te zad par sa dang zad par chu dang zad par me dang zad par rlung dang zad par stong pa dang zad par zla ba dang zad par nyi ma dang zad par sgra gcan zhes bya ba bsgoms pa dang / sbyin pa la sogs pa'i bsod nams kyi stobs dang / mi dge ba bcu yongs su spangs pa ste lha nyid brgyad kyi dbye ba dag gis 'gyur ro/ /mi nyid gcig ni ji lta ba khams drug gi bdag nyid do/ /dud 'gro dag kyang chu gter rnam pa ste khams drug gi bdag nyid can rnam pa bzhi'o/ /dmyal ba'i 'gro bar dmyal ba nyid ni de bzhin gcig ste khams drug gi bag chags las byung ba rmi lam dang mtshungs pa'o lha ma yin nyid ni lha'i nang du 'dus so/ /yi dags nyid ni dmyal ba'i nang du 'dus te sdug bsngal la nye bar longs spyod pa'i phyir ro/ /skye ba brgyad dang gcig dang bzhi dang gcig ste gnas bcu bzhi po 'di rnams su ro yi 'gro bar zhes pa 'gro ba drug tu skye bo kun gzhi'i rnam par shes pa'i chos can 'khor te las kyi zhags pas nges par bcings pa dag skye ba 'bum phrag du mas las kyi zhags pa las grol ba min zhing thar ba mchog gi bde ba'i go 'phang du 'gro ba min no/ /sems can gyi bsam pa'i dbang gis lha la sogs pa'i dbye ba nges pa'o/ /da ni phung po zhes pa la sogs pas 'ching ba'i rgyu gsungs te 'gro ba drug gi 'khor ba 'dir 'tsho ba ste srog kun gzhi'i rnam par shes pa'i chos can bcings te 'khor ro/ /gang gis zhe na phung po ste 'byung ba dang khams drug dang dbang po dang rnam gsum srid pa 'jigs pa yul drug dang de tsam dang las kyi dbang po lnga dang las kyi skyon dge ba dang mi dge ba dang yon tan dang bcas yid dang blo dang ngar 'dzin la sogs te sogs pa'i sgras srog gi nus pa'i rtsa ba'i rang bzhin no/ /'di dag gis bcings 'tsho ba dag ni ro yis 'gro bar 'khor te phra mo'i dngos po dag gis slar te slar yang 'pho ba'i dga' bas so/ /'ching ba phra mo dang rags pa'i dngos po ste sad pa dang rmi lam dang shin tu gnyid log pa dang bzhi pa'i mtshan nyid do/ /dngos po 'di dag btang na mi bzad mchog gi gnas su rab tu 'gro ste gang du son na slar yang skye ldan 'khor ba par 'gyur ba min no/ /'khor ba'i bag chags kyi ma rig pa'i nges pa'o/ /de yang yan lag dang bcas zhes pa la sogs pas 'di'i gnyen po rig pa gsungs te 'khor ba 'dir 'jig rten gyi tha snyad la rig pa gang yin pa de ni don dam pa de kho na nyid kyi yul la rig pa ma yin no/ /dang por yan lag dang bcas rig byed te yan lag drug dang bcas pa'o/ /yan lag drug rnams kyang mdo dang dbyangs kyis bsnyad pa dang lung ston pa dang sdeb sbyor dang nges tshig dang skar rtsis te 'di dag dang bcas pa'o zhes pa'i don to/ /de yang dran pa'i gzhung dang bcas pa ste dran pa ni shed bu la sogs pa'i gzhung rnams so/ /de rnams dang bcas pa ste yang dag par ldan pa'o/ /rtog ge ni 'jig rten pa'i dngos po rab tu 'jal ba'i bstan bcos rnams so/ /grub pa'i mtha' ni 'jig rten pa'i dngos grub sgrub par byed pa dkyil 'khor gyi 'khor lo la sogs pa rnam par rtog pas bsgom pa'i chos can te de rnams dang ldan pa zhes pa khyad par du byas pa'o/ /de bzhin du 'jig rten du snyan ngag mkhan po rgyas pa me la sogs pa rnams kyis byas pa'i bstan bcos gzhan yang rig pa min zhes pa ste/ rgyas pa'i snyan ngag b+hA ra ta dang / me'i snyan ngag bsgom pa'i chos dang / sogs pa'i sgras grog mkhar gyi snyan ngag rA mA yan dang / ma rkaN De ya'i snyand ngag sngon rabs kyi chos la sogs pa rnams bzung ste snyan ngag mkhan 'di dag gis byas pa ni rig pa ma yin no/ /'o na rig pa gang yin zhe na smras pa/ rig pa zhes pa rnam par mi rtog pa nang gi rig pa ste rnam pa thams cad dang ldan pa'i stong pa nyid do/ /gzhan yang 'gyur med kyang rig pa ste dmigs pa med pa zag pa med pa'i bde ba'i bdag nyid can no/ /rig pa ni rgyu dang 'bras bu'i bdag nyid can rgyu dang 'bras bu gcig tu 'dres par gyur pa ste me'i 'od dang sreg par byed pa gcig tu 'dres par gyur pa bzhin no/ /'jig rten 'dir ni 'das pa dang da ltar byung ba'i thub pa chos kyi 'khor lo la gnas pa rnams kyis rab tu gsungs pa nyid do/ /de'i rang bzhin ci zhe na gsungs pa/ gang du 'jig rten gsum po mtha' dag ces pa ste bde ba'i skad cig gang las skye ba'i dus su 'jig rten gsum po mtha' dag tu 'gyur ba'o/ /slar yang gang du thim pa ste 'chi ba'i dus su skad cig gang la dngos po'i tshogs pa thim pa'o/ /'gyur ba'i skad cig la skad cig de nyid zag pa med pa'i bde ba 'gyur ba med par brjod te gang las chos kyi 'khor lo bskor ba'i don du sangs rgyas pa 'byung ba dang gang du yongs su mya ngan las 'das pa chen po'o kyai mi yi bdag po zhes pa ste rig pa'i nges pa'o/ /da ni rnal 'byor zhes pa la sogs pas sngon gyi rnal 'byor goms pa'i stobs gsungs te mi'i 'jig rten 'dir gal te rnal 'byor pa rig pa'i rnal 'byor goms par byed pa dag rnal 'byor ma thob rab tu g.yo ba'i yid kyis res dga' shi bar gyur pa na/ dpal ldan mi yi 'jig rten du ni rab mchog thub pa'i rigs te sangs rgyas dang byang chub sems dpa'i rigs su rnal 'byor ni stong pa dang snying rje dbyer med pa rnam par dag pa'i de kho na nyid dang rnam par dag pa'i sems so/ /de dang ldan pa'i phyir rnal 'byor dang ldan pa ste rnal 'byor yongs su rdzogs pa ni ma yin no/ /slar yang sngon gyi goms pa de yis kun tu 'dzin par 'gyur te thob par 'gyur ro/ /ye shes rnal 'byor ni de kho na nyid kyi rnal 'byor te yangs pa zhes pa ni nyi tshe ba ma yin pa ste rnam pa thams cad pa'o zhes dgongs pa'o/ /ye shes thob ste yongs su rdzogs na mi zad mchog gi gnas su rab 'gro zhes pa la gang la zad pa med pa ni mi zad mchog gi gnas so/ / zhes rnam par sbyar ro/ /de ji ltar gyur pa zhe na gsungs pa/ gang du slar yang skye ba ldan pa ste 'byung ba dang ldan pa min pa de ni sangs rgyas thams cad kyi mchog gi gnas so/ /da ni ye shes zhes pa la sogs pas sangs rgyas pa rnams dang lha min rnams dang kla klo rnams kyi ye shes skye ba'i dus gsungs te/ 'dir nges par rnal 'byor goms pa rnam pa gsum ste sangs rgyas pa'i dang lha min gyi dang 'byung po'i 'o/ / de la sangs rgyas pa'i rnal 'byor ni stong pa nyid dang snying rje'i bdag nyid do/ /lha min gyi ni brtags pa'i chos so 'byung po'i ni rnam pa gnyis te rtag pa'i ngo bo dang chad pa'i ngo bo'o/ /de bzhin du rnal 'byor de goms pa la dga' ba nyid las de nyid gang la yod pa'i rnal 'byor pa rnam pa gsum mo/ /de rnams las nyin mo'i cha la sangs rgyas pa'i rnal 'byor pa rnams kyi ye shes skye'o/ / mtshan mo'i cha la lha min gyi rnal 'byor pa rnams kyi'o/ /thun 'tshams bzhi spangs pa'i dus su 'byung po'i rnal 'byor pa rnams kyi ye shes skye'o/ /'dir dus kyi cha ni ye shes skye ste rgyal ba rnams kyi nyi ma nyin mo'i dus su mtshan mo phyed dang mtshan mo'i mthar/ lha min rnams kyi zla ba mtshan mo'i dus su nyi ma phyed dang nyin mo dag gi 'jug tu'o/ /'byung po rnams kyi yang ma brjod pa nyid las thun 'tshams spangs pa'i dus su'o/ /'dir mtshan mo phyed dam/ snga dro'i thun 'tshams la sangs rgyas pa rnams kyi ye shes lhag par gnas par 'gyur ro/ /nyi ma phyed dam nub par gyur pa'i thun 'tshams la lha min rnams kyi ye shes lhag par gnas par 'gyur ro/ /gzhan thun bzhi'i thun 'tshams la 'byung po rnams kyi ste nyin mo'i cha la rtag pa'i ye shes lhag par gnas shing mtshan mo'i cha la chad pa'i ye shes lhag par gnas so/ /sangs rgyas pa dang lha min 'di dag gi grangs bzhin du sangs rgyas pa rnams kyi yang dag ye shes su 'gyur ro/ /de'i chos dang 'gal ba rnams nyams ni lha min rnams kyir 'gyur ro/ /yang dag ye shes ni nyin mo'i snang ba bzhin du thams cad mthong ba'o/ /rnam nyams ye shes ni mtshan mo'i snang ba bzhin sems can rnams kyi 'chi ba dang 'tsho ba cung zad mthong ba'o/ /ji ltar shes zhe na de'i phyir gsungs pa/ chos bstan pa las so zhes pa ste 'dir yang dag ye shes rnam nyams dag la tshig ni legs sbyar tha mal dag tu rab tu 'gyur ba ste zhes pa ni yang dag ye shes skyes pa rnams kyis legs par sbyar ba'i ngag sgra thams cad kyi bdag nyid do/ /rnam nyams ye shes skyes pa rnams kyi tha mal gyi ngag tu 'gyur te ston par byed pa po rnams kyi yul gcig gi skad gcig gi skad kyi khyad par gyis so/ /sangs rgyas pa rnams kyi ye shes ni sems can thams cad la snying rje'i bdag nyid can zhi ba'i las ston par byed pa'o/ /lha min rnams kyi ye shes ni sha bza' ba'i slad du dud 'gro'i sems can la gnod pa byed pa drag po'i las ston par byed pa po'o/ /srid pa gsum gyi gnas su sangs rgyas pa rnams kyi ye shes ni skyes bu nyid kyi las ston par byed do/ /lha min rnams kyi ye shes ni sa la tha mal gyi las ston par byed do/ /'byung po rnams kyi ni sa la rnam par 'dres pa'i las ston par byed do/ /ye shes ston par byed pa'i nges pa'o/ /da ni nyi ma gung zhes pa la sogs pas sangs rgyas pa dang lha min dag gi za ba'i dus gsungs te 'dir nyin zhag so so la nyi ma gung nas brtsams nas mtshan mo phyed kyi bar du nyin mo'i dus so/ /mtshan mo phyed nas brtsams nas nyi ma gung gi mthar thug pa ni mtshan mo'i dus so/ /nyin mo dang mtshan mo'i dus de las rang rang gi dus kyi phyed phyi ma ni grangs bzhin du sangs rgyas pa dang kla klo de dag gi dka' thub pa rnams kyi za ba'i dus te khyim pa rnams kyi ni ma yin no zhes pa ste nges pa'o/ /sangs rgyas pa dang lha min dag gi bza' ba dang btung ba yang grangs bzhin du sangs rgyas pa rnams kyi zan khyad par du 'phags pa ste/ kla klo rnams kyi ba lang gi sha dang bcas pa'o/ /btung ba ni grangs bzhin du sangs rgyas pa rnams kyi rnam mang bcud ster zhim pa ste/ kla klo rnams kyi btung ba ni bya gag la sogs pa'i sgong nga'i khu ba'o/ /bgo ba ni grangs bzhin du sangs rgyas pa rnams kyi gos dmar po ste/ kla klo rnams kyi ni dkar po'o/ /dka' thub pa rnams kyi ste khyim pa rnams kyi ni nges pa med do/ /de bzhin du shi ba'i mthar gnas ni grangs bzhin du nyi ma zla ba'i bgrod pa bzhin du zhes pa ste/ /nyi ma steng du bgrod cing zla ba 'og tu bgrod do/ /de dag gi bgrod pa bzhin du mtho ris kyi gnas nyi ma'i bgrod pa ni sangs rgyas pa rnams kyi ste/ /zla ba'i bgrod pa bzhin sa 'og gi gnas ni lha min rnams kyi'o/ /de bzhin du rtsa ba'i rgyud kyi dbang mdor bstan pa las bcom ldan 'das kyis gsungs pa/ /lus can thams cad shi ba na/ /zla ba bdud rtsi 'og tu 'gro/ /steng du nyi ma rdul sgra gcan/ /rnam shes dngos po'i mtshan nyid do/ / de bzhin du chos ni grangs bzhin du sangs rgyas pa rnams kyi 'tshe ba med pa'o/ /kla klo rnams kyi ni 'tshe ba ste yang yig las 'byung po rnams kyi'o/ /bla ma'i nges pa'i dbang gis bsgom pa'i dus dang 'dod pa'i lha la bstod pa'i dus su grangs bzhin du sangs rgyas pa rnams la rdo rje'i gdan bsngags shing kla klo rnams la lha min gyi gdan bsngags so/ /yang yig las gzhan ni thun mong ba ste de ni mi sgrub cing mi 'gog go/ 'dir lha min gyi gdan ni sa'i ngos la pus mo g.yon gyi steng du pus mo g.yas brkyang zhing rkang pa g.yon gyi steng du rkang pa g.yas pa'o/ /yang yig las 'og tu ste rkang pa g.yas pa'i steng du'o/ /rkang pa'i 'thil du yang yang yig las rgyab tu dpyi bzhag pa'o/ /rdo rje'i gdan la sogs pa ni 'chad par 'gyur ba las brjod par bya'o/ /sangs rgyas pa dang lha min gyi bya ba nges pa'o/ /'byung po rnams kyi las 'dren mar sngar gsungs pa de yang 'dir tshigs su bcad pas gsal bar gsungs pa 'di lta ste/ 'byung po rnams kyi las ni 'dren mar rab tu 'gyur te tshig kyang 'dres pa sha za dag gi'o/ /chos ni 'tshe med 'tshe ldan bla ma'i nges pa'i dbang gi srog gcod la sogs skyon dag la/ mchod sbyin la sogs don du rab tu 'jug sogs pa'i sgras g.yul gyi don du 'tshe ba la rab tu 'jug go/ dka' thub kyi 'bras bu'i don du ldog pa ste/ mi 'tshe ba la rab tu 'jug par 'gyur te mi yi bdag po res 'ga' dag ni ldog pa 'am zhes pa'o/ /bza' ba btung ba dag kyang 'dres pa nyi zla'i bgrod pa dag las lam ni 'dren ma gzhan du'o zhes pa ni/ 'byung po rnams kyi lam ni thams cad kun du 'dres par rig par bya'o/ /'byung po rnams kyi bya ba'i nges pa'o/ /da ni 'od zer zhes pa la sogs pas lam brjod par 'dod pa gsungs te 'dir lam ni rnam pa gsum ste 'od zer gyi lam dang du ba'i lam dang rnam par 'dres pa'i lam mo/ / 'di dag las 'od zer lam ni nyi ma'i snang ba dkar po nyin mo bgrod pa byang ste nyin mo 'phel ba'i mtshan nyid dang lo phyed ni phyi rol du ste/ nang du chu srin la sogs pa dus sbyor drug gi bdag nyid can te shar ba nas nub pa zhes bya ba'i ming can no/ /du ba'i lam ni zla ba'i snang ba mtshan mo dag dang dkar min bgrod pa 'di ni lho ste/ du ba'i lam dag la kar ka Ta la sogs pa lhor bgrod pa'i zla ba drug ste gang du mtshan mo 'phel ba de lhor bgrod pa'o/ /nub par gyur pa nas shar ba'i bar ni nges pa'o/ /'dir 'od zer lha rnams mtho ris su ste mtho ris su 'gro ba'i lam mo/ /dkar min bgrod pa lha min rnams kyi klu yi 'jig rten du 'gro ba'i du ba'i lam mo/ /kun du 'dres pa nyin mo dang mtshan mo'i chos can ni mi yi 'jig rten du 'gro ba la ste/ yi dags dang dud 'gro dang mi rnams bskyed pa la rab tu gsal bar byas so/ /zhes pa ni lam gyi nges pa ste/ skye ba snga ma'i bag chags kyis bskyed pa'i snying stobs dang mun pa dang rdul gyi yon tan gyi rang bzhin gyis so/ /da ni gang zhig gang gi dbus su zhes pa la sogs pas sangs rgyas pa'i nyan thos dang lha min dang 'byung po'i las la dga' ba'i sems can rnams kyi bag chags 'dzin pa gsungs te 'khor ba 'dir skye ba'i las kyi bag chags kyi stobs kyis lha dang lha min dang 'byung po'i bya ba la rjes su chags pa gang zhig gang gi dbus su rab tu zhugs par gyur te/ brtul zhugs nges pa la dga' las kyi zhags pas nges bcings pa zhes pa chos de'i bya ba rnams kyis bcings pa'o/ /de yi dbus su rang rang bsam pas mi bdag ni bod pa ste/ de yi rigs te lha dang lha min dang 'byung po'i rigs su de yi 'dzin pa dag gis zhes pa ni de yi dngos po'i 'dzin pa ste/ de yis lha dang lha min dang 'byung po'i rigs su skye bar 'gyur ro/ /snying stobs dang mun pa dang rdul gyi ngar 'dzin gyis te sngar brjod pa'i cho gas so/ /ji srid sems kyi rang bzhin dag ni rnam gsum srid pa'i dbang gis zhes pa ni 'dod pa dang gzugs dang gzugs med pa'i srid pa'i bag chags kyi dbang gis te tshor ba bde ba dang sdug bsngal 'khor ba par gyur pa de srid du 'khor ba sdug bsngal gyi mtshan nyid du sems kyang 'khyam ste mi yi bdag po 'tho ris mi yul dag dang 'og tu yang zhes pa lha dang mi dang dmyal ba la sogs pa 'gro ba drug po rnams su kun gzhi'i rnam par shes pa 'khyam mo zhes pa ste bag chags 'dzin pa'i nges pa'o/ /de'i phyir bag chags rnam pa gsum las 'das pa ni 'khor ba'i pha rol mthar son pa/ bya ba byas pa skam sar gnas pa/ ye shes kyi sku bcom ldan 'das yang dag par rdzogs pa'i sangs rgyas lha dang lha ma yin dang klu la sogs pa rnams kyis zhabs kyi pad ma la phyag byas pa dus kyi 'khor lo'o zhes pa ni bag chags spangs pa'i nges pa'o/ /da ni ka sogs zhes pa la sogs pas mngal du gsal byed dang dbyangs kyang skye bar 'gyur ba ji lta ba de bzhin du 'chi ba'i mtshan nyid gsungs te 'dir mngal 'dzin pa'i dus su rdul ni gsal byed sum bcu'i bdag nyid dang khu ba ni dbyangs sum bcu'i bdag nyid de 'di dag kun gzhi'i rnam par shes pas byin gyis brlabs pa ni yang dag par sbyor ro/ /'dir mngal du skye ba'i phyogs dang po la ka yig la sogs pa'i gsal byed sum bcu po rnams dbyangs thung ngus byin gyis brlabs pa dang / phyogs phyi ma la dbyangs ring pos byin gyis brlabs pa ste gsal byed kyi phyogs gnyis po 'di ni 'chi ba la rab tu gsal bar 'gyur ro/ /de bzhin du dkar po'i phyogs la khu ba'i nam mkha'i khams rdul la rab tu 'jug ste/ nag po'i phyogs la sa'i khams rab tu 'jug go/ de bzhin du 'byung ba dang mi 'byung ba dag la rdul gyi sa dang nam mkha'i khams dag khu ba'i khams la rab tu 'jug go/ de bzhin du zla ba gnyis pa'i phyogs dang po la i yig gis byin gyis brlabs pa'i gsal byed rnams te rdul la rlung gi khams rab tu 'jug go/ phyogs phyi ma la u yig gis byin gyis brlabs pa rnams te chu'i khams 'jug go/ gsum pa'i phyogs dang po la me'i khams 'jug pa'i slad du ri yig gis byin gyis brlabs pa rnams so/ /phyogs phyi ma la me'i khams 'jug pa'i slad du rI yig gis byin gyis brlabs pa rnams so/ /zla ba bzhi pa'i phyogs dang po la chu'i khams 'jug pa'i slad du u yig gis byin gyis brlabs pa rnams so/ /phyogs phyi ma la rlung gi khams 'jug pa'i slad du I yig gis byin gyis brlabs pa rnams so/ /zla ba lnga pa'i phyogs dang po la sa'i khams 'jug pa'i slad du li yig gis byin gyis brlabs pa rnams so/ /phyogs phyi ma la nam mkha'i khams 'jug pa'i slad du a yig ring pos byin gyis brlabs pa rnams te/ skyad pa dang sdud pa'i dbye bas nam mkha' la sogs pa dang sa la sogs pa khu ba dang rdul dag phan tshun du 'jug go/ de nas dbang po dang las kyi dbang po byin gyis brlabs pa'i slad du yon tan dang 'phel ba dang ha la sogs pa thung ngu dang ring po rnams gsal byed rnams la 'jug par byed de/ zla ba drug pa'i phyogs dang po'i phyed la a/ phyogs dang po'i phyed phyi ma la ha/ phyogs phyi ma'i phyed la Al/ phyogs phyi ma'i phyed phyi ma la lA/ de bzhin du bdun pa la e ya au wA/ brgyad pa la ar ra Ar rA/ dgu pa la o wa ai yA/ bcu pa la al la A hA zhes pa gsal byed sum bcu po rnams la 'jug go/ mngal gyi zla ba'i rjes la zla ba bcus phung po dang khams dang skye mched la sogs pa rnams 'grub bo/ /khu ba dang rdul yang dag par sbyor bas phung po dang khams dang skye mched la sogs pa rnams spro ste skyed pa dang sdud pa'i rim pas so/ /de bzhin du zla ba bcu gcig pa la thig les byin gyis brlabs pa sum bcu dang / zla ba bcu gnyis pa la rnam par bcad pas byin gyis brlabs pa rnams su 'gyur ro/ /de nas zla ba'i khams khu ba'i khams kyi rtsa dang rkang dang rus pa rnams skyed pa yongs su chad te shes rab kyi lo bcu gnyis dang thabs kyi lo bcu drug la nyi ma rdul 'phel bar byed do/ /de nas ye shes kyi khams smin te/ shes rab kyi rdul smin zhing thabs kyi khu ba smin no/ /de nas snga ma bzhin du shes rab kyi gzhan lo bcu gnyis dang thabs kyi gzhan lo bcu drug tu sa'i khams smin no/ /'tshams 'di nas snying stobs kyi cha dbu mar 'gyur ro/ /slar yang shes rab kyi gzhan lo bcwa brgyad du chu'i khams smin te/ thabs kyi phyed dang bcas pa'i nyin zhag nyi shu rtsa gnyis dang / zla ba gcig lhag pa'i lo bcu drug tu snga ma bzhin du chu'i khams smin no/ /shes rab kyi me smin pa ni snga ma bzhin te thabs kyi yang snga ma bzhin no/ /de bzhin du rlung gi khams smin pa dang nam mkha'i khams smin pa ste snying stobs dang rdul dang mun pa'i dbye bas lo dgu bcu rtsa drug dang phyed dang bcas pa'i zla ba bcus khams thams cad smin no/ /de nas dbu ma'i rtsa lo dang phyogs dang nyin zhag gi tshad gsal byed sum bcu'i tshad de nyin zhag gi tshogs lnga bcu rtsa lnga lhag pa'i brgya phrag bcu gcig gis dus rab tu rgyu ste za bar byed do/ /ka sogs sde rnams dbyangs dang bcas pa sngar brjod pa dag kyang yon tan gyis bsgyur ba nyin zhag stong brgyad bcur gyur pa dang gang yang phyogs gsum dag gi dbyangs thung ngu dang ring po dang shin du ring po bzhi bcu rtsa lnga dang / nges par sum bcu'i gsal byed de dag rnams la rnam gsum bgrod pa'i dbang gis zhes pa g.yon dang g.yas dang dbu ma'i bgrod pa'i dbang gis 'chi ba rgyu'o/ /de bzhin du bkra shis la sogs pa gza' lnga'i rkang pa sum bcu rtsa bzhi lhag pa'i brgya phrag bcu gcig sngar brjod pa rnams dang nyi ma ri bong can gyi rkang pa ro dang dus dang ri bong can te rkang pa bcu gcig gi bdag nyid dang / sgra gcan mjug rings rkang pa ste sgra gcan gyi rkang pa ni phyed dang bcas pa'i bdun gyi bdag nyid de zla ba yongasu bcad pa'i bdag nyid do/ /mjug rings 'char ba'i rkang pa ni nyin zhag so sor chu tshod gnyis kyi bdag nyid te rkang pa chu tshod kyi bdag nyid 'di dag ni lo gsum dang phyogs gsum dang gsal byed sum bcu'i nyin zhag gi grangs te 'di dag nyid la 'chi ba rgyu'o/ /de bzhin du sum bcu rtsa gnyis lo dang phyogs kyang yon tan gyis bsgyur ba zla ba nyi ma me yis phye ba'o zhes pa ni snying stobs dang rdul dang mun pas phye ba ste lo dgu bcu rtsa drug dang gzhan phyed dang bcas pa'i zla ba bcu'i phyogs rnams so/ /g.yon dang g.yas kyi rtsa'i phyogs lo brgya'i phyogs rnams kyi nang nas lo gsum gyi ni phyogs rnams dag ste bdun bcu rtsa gnyis dang / ri bong can gyi yon tan te phyogs gsum dang dus kyi me yi phyogs gnyis dag ste/ de ltar phyogs bdun bcu rtsa bdun lo brgya las ni ste lo brgya'i phyogs kyi phung po brgya phrag nyi shu rtsa bzhi'i grangs las dman par gyur pa'o/ /lhag ma'i phyogs ni nyi zla dag gi ste g.yas dang g.yon gyi'o/ /'jig rten mig dang me mig grangs zhes pa nyi shu rtsa gsum lhag pa'i brgya phrag nyi shu rtsa gsum mo/ /de bzhin du nyin mtshan dus rnams gtso bo dag gis dman pa mtha' dag ste lo brgya'i stong phrag sum bcu rtsa drug go/ gtso bos dman pa ni lo gsum dang phyogs gsum dang gsal byed gyi zla bas dman pa ste g.yon dang g.yas la 'chi bas zos pa'o/ / gsal byed la sogs sde pa dbyangs rnams dag ni nyi ma zla ba'i bgrod pa'i dbang gis 'chi bas zos te 'chi ltas nas brtsams nas dbu ma'i dus su zos so/ /de bzhin du phyed bcas 'khor lo'i chu tshod phyed bcas 'khor lo ni khyim bcwa brgyad kyi grangs te sum bcu rtsa lnga lhag pa'i brgyas bsgyur ba sum bcu lhag pa'i brgya phrag nyi shu rtsa bzhi ni chu tshod kyi grangs so/ /ri bong can gyi rkang pa ni rim pa dang rim pa ma yin pa yi dbye bas 'byung dang 'byung ba mda' dang rig byed la sogs pa brgya'i grangs te de dag dang bral ba ni ri bong can gyi rkang pa dang bral ba'o/ /gza'i chu tshod ni bdun te des dman pa mtha' dag ni nyi shu rtsa gsum lhag pa'i brgya phrag nyi shu rtsa gsum gyi grangs so/ /shes rab thabs kyi rab tu dbye ba dag gis te sdud pa dang skyed pa'i dbye bas nyin mtshan dus kyis de dag rnams kyang 'chi bas zos so/ /de ltar sde pa dbyangs bcas dbyangs kyi tshogs dang bcas pa gsal byed rnams nyid dag dang rkang pa ni/ dman dang bar ma dus 'chi zla ba nyi ma'i 'chi ba dang ni gsal byed lhag pa'i lha la'o zhes pa ni dman pa zla ba'i 'chi ltas kyi 'chi ba dang / bar ma nyi ma'i 'chi ltas kyi 'chi ba dang / gsal byed lhag pa'i lha dbu ma'i dus su 'chi ba'i 'chi ba la ste sngar brjod pa'i nges pa'o/ /de nas sum bcu gnyis dang nyin zhag gcig kyang zhes pa nyin zhag sum bcu rtsa gsum mo/ /ri bong can bcas nyi ma'i bgrod la ste g.yon pa'i bgrod pa dang bcas pa'i g.yas pa'i bgrod pa las rtsa ni gcod pa 'di thun mong ba'o/ /dus kyi 'chi ba la ni slar yang ste sum bcu mtshan mo gsum gyis zhes pa nyin zhag sum bcu rtsa gsum gyis rdo rje dang bcas te lus dang ngag dang sems dang bcas pa'i phung po khams dang dbang po la sogs 'dor ro/ /de nas dor nas zla ba nyi ma'i rtsa la lA nA dang ra sa nA dag dang dung can ma a ba d+hU tIr srog gi rlung dag nyin gcig rab 'jug ste sa dang chu dang bsreg za rlung dang nam mkha'i khams ni rnam par chad pa ji srid nyid du'o/ /'dir 'chi ba'i nyin zhag la dbu mar srog rab tu zhugs te dus kyi rlung gis dman par gyur pa na lte bar sa'i khams yon tan lnga'i rang bzhin 'dor te de nas sa'i khams rnam par chad par 'gyur ro/ /snying khar chu'i khams yon tan bzhi'i rang bzhin 'dor te chu'i khams rnam par chad par 'gyur ro/ / mgrin par me'i khams yon tan gsum gyi rang bzhin 'dor te de nas me'i khams rnam par chad par 'gyur ro/ /dpral bar rlung gi khams yon tan gnyis kyi rang bzhin 'dor te de nas rlung gi khams rnam par chad par 'gyur ro/ /gtsug tor du nam mkha'i khams yon tan gcig gi rang bzhin 'dor te de nas stong pa'i khams rnam par 'chad do zhes pa ni steng du srog gi khams yongs su 'dor ba'o/ /'og tu lte bar lus kyi thig le'i chos thur sel 'dor ro/ /de nas sad pa'i gnas skabs zad par 'gyur ro/ /gsang bar ngag gi thig le'i chos 'dor te/ de nas rmi lam gyi gnas skabs chad par 'gyur ro/ /nor bur sems kyi thig le'i chos 'dor te de nas shin tu gnyid log pa'i gnas skabs chad par 'gyur ro/ /de bzhin du steng du yang rdul gyi khams kyi thig le rnams srog gis 'dor te de nas lus dang ngag dang sems ni rnam par chad par 'gyur ro/ /'pho ba'i dus su drug pa ye shes kyi khams 'dor ro/ /yan lag thams cad la khu ba 'og tu 'dor zhing rdul steng du 'dor te bzhi pa'i gnas skabs rnam par chad par 'gyur ro/ /de ltar mngal nas skyes pa rnams 'chi ba'i dus nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las 'jig rten kun rdzob kyi skye ba dang 'gag pa'i rgyur gyur pa skad cig gi mtshan nyid dus kyi 'khor lo nges pa'i mdor bsdus chen po ste lnga pa'o/ / da ni 'jig rten dang 'jig rten las 'das pa'i dngos grub gyi rgyur lus bsrung ba'i man ngag gsungs pa dang por zhes pa la sogs pa ste/ 'khor ba 'dir sems can rnams kyi lus la srog dang thur sel sdud pa'i rim pas 'byung bar 'gyur zhing skyed pa'i rim pas rab tu 'jug pa ji lta ba de bzhin du rtsa ba'i rgyud kyi dbang mdor bstan pa las bcom ldan 'das kyis gsungs pa/ lte ba'i pad ma snying mgrin dang / /dpral ba gtsug tor 'dam skyes la/ / sa chu me rlung stong pa rnams/ /sdud pas rab tu 'bab pa ni/ /'byung 'gyur de ni 'jug pa dag /skyed pas 'jug ste sa la'o/ /de bzhin du thur sel gyi nus pa ni/ /lte gsang nor bu'i chu skyes la/ /lus ngag sems ni 'bab pa dag /'byung ba dang ni 'jug pa ste/ /sdud dang skyed pa'i rang bzhin can zhes so/ /rgyu de'i phyir dang por mtha' dag rgyal ba'i lus te phung po lnga la sogs pa'i lus ni dngos grub rgyu ru sngags pa dag gis yang dag bsrung bar bya ste/ lus med na ni dngos grub med cing skye ba 'di la mchog gi bde ba ste zag pa med pa'i bde ba thob par 'gyur ba 'ang med/ de phyir lus kyi don gyi rgyur ni ste lus kyi don zhes pa ni byang chub kyi sems te de bsrung ba'i rgyur ni nyin zhag so so'i dus su rtsa yi sbyor ba bsgom par bya/ la la nA dang ra sa nA dag gi sbyor ba ni rtsa'i sbyor ba ste srog gi rlung dbu mar bsgom par bya'o/ /bshang ba dang gci ba'i rtsa yi sbyor ba thur sel ni dung can mar ro/ /nyin dang mtshan mo'i dus su dus sbyor bcu gnyis su rtsa'i sbyor ba 'di bsgom par bya'o/ /'di bsgoms pas lus 'grub ste lus grub par gyur na gzhan pa'i dngos grub 'jig rten pa mngag gzhug nyid du rab tu 'gyur ro zhes pa ste 'jig rten pa'i dngos grub bsgrub pa'i nges pa'o/ /da ni stong pa zhes pa la sogs pas 'jig rten las 'das pa'i dngos grub bsgrub pa'i lam gsungs te 'dir stong pa la ni du ba sogs lam bla ma'i nges pa'i dbang gis zhes pa 'chad par 'gyur ba'i rim pas gzugs brnyan 'tshams su bsgom par bya/ /gzugs brnyan ni rnam pa thams cad pa'i gzugs brnyan te de'i mthar thug par bsam mo/ / 'tshams de nas rtsa yi 'khor lo rnams su srog dang thur sel rlung ni brtan pa dag kyang byed pa ste lte ba'i 'khor lo la rnal 'byor pas so/ /phyi nas zla ba nges par 'gog pa ni gza' bzhin zhes pa sgra gcan bzhin du byed te byang chub sems ni rnal 'byor pa yis so/ /srog dang thur sel dag phan tshun yang dag par sbyor ba ni rnal 'byor te de gang la yod pa ni rnal 'byor pa'o/ /byang chub sems ni 'pho ba'i skad cig go/ 'gog pa ni nye bar zhi ba ste rgyu mthun pa la sogs pa 'gyur ba med par byed do/ /de nas gang zhig cung zad 'dod pa dag ces pa ni rgyu mthun pa de las rnam par smin pa dang skyes bu byed pa dang dri ma med pa gang cung zad brjod par bya ba ma yin pa 'dod pa de ni nyin zhag 'ga' yis skye ba 'di la thob par 'gyur/ nyin zhag 'ga' ni lo gsum dang phyogs gsum gyi dus kyi 'khor lo'i nyin zhag rnams te de dag gis so/ /stong pa la sogs pa'i rnam par thar pas sbyangs pa'i phung po 'di dag gis phyag rgya chen po'i dngos grub thob par 'gyur ro/ /phyag rgya chen po'i dngos grub bsgrub pa'i lam gyi nges pa'o/ /da ni nyi ma zhes pa la sogs pas dus ma yin pa'i 'chi ba slu ba gsungs te 'dir gang gi tshe rnal 'byor pas dus ma yin pa'i 'chi ba'i mtshan nyid mthong ba de'i tshe nyi ma zla ba 'gog pa ni g.yon pa dang g.yas pa'i rtsa 'gog pa'o/ /mnyam dang mi mnyam bgrod pa la ste zhes pa ni sdud pa dang skyed pa'i bgrod pa la'o/ /dbu ma me la zhes pa ni sgra gcan dus me dbu ma'i rtsa la rab tu zhugs par bya'o/ /srog dang thur sel gnyis po dag kyang nyin zhag dang po song na ste dbu ma rab tu 'bab pa nyin zhag gcig song bar gyur na/ rnal 'byor pa rnams kyi dus min 'chi ba slu bar 'gyur ro/ /srog gis gang bar byas nas te dkyil 'khor lnga 'bab pa dbu ma'i sbyor ba'i srog gis lag pa dang bcas rkang pa'i mthe bo'i tshigs dang sen mo'i mthar gang bar byas nas gtsug tor la sogs pa'i 'khor lo drug la sangs rgyas lha mo 'jigs med lag pa'i pad ma rnal 'byor pas ni bsgom par bya ste 'chad par 'gyur ba'i rim pas so/ /dus ma yin par 'chi ba slu ba'i nges pa'o/ / da ni thur sel zhes pa la sogs pas rlung nad la sogs pa zhi bar byed pa gsungs te 'dir lus la lte ba dang gsang ba na sngar brjod pa rlung gi skyon byed pa'i rtsa brgyad bcu ste de dag khams mnyam pa byed pa'i slad du thur sel bskum na 'dod pa zhes pa bde ba byed par 'gyur te sngags pa rnams kyis rlung gi nad gzir ba la sogs pa ma lus dag la'o/ /de bzhin du dpral ba dang gtsug tor la bad kan gyi skyon byed pa'i rtsa nyi shu ste de dag khams mnyam pa nyid byed pa'i slad du srog rtsol 'dod par 'gyur ro/ /bad kan la 'gyur zhes pa ni bad kan gyi nad skyes par gyur pa na rnal 'byor pas srog dgag par bya'o/ /slar yang de dag gtong ba mkhris pa dag gi skyon la'o zhes pa ni mkhris pa'i nyes pa skyes par gyur pa na srog dang thur sel de dag phyi rol du gtang bar bya ste 'chad par 'gyur ba'i rim pas phyi rol gyi rlung shI ta ces pas bzung nas lce chung la lce bkod cing sdU ka la sogs pa'i bdud rtsi btung bar bya ste mkhris pa'i nad mtha' dag la'o/ /rtsa ni mgrin pa dang snying kha la mkhris pa'i skyon byed pa bzhi bcu ste de dag khams mnyam pa nyid byed pa'i slad du sbyor ba de bya'o/ /steng dang 'og ni yang dag 'gog pa bde ba byed par 'gyur te 'dus pa dag dang rims la yang zhes pa ni 'dir gsang ba la 'dus pa byed pa'i rtsa bcu ste de dag khams mnyam pa nyid byed pa'i slad du steng dang 'og srog dang thur sel dag 'gog pa 'dod de rims la yang 'dod do/ /rgyu ci'i phyir zhe na gang zhig lte ba'i steng du srog gi rlung 'bab pa de las mtha' dag nad 'phrog ste/ lte ba'i rtsa bar thur sel 'bab pas lte ba'i 'og tu nad mtha' dag 'phrog ste gzhan pa dag kyang ngo zhes pa'o/ /rlung la sogs pa'i nad nye bar zhi ba'i nges pa'o/ / da ni bskum ste zhes pa la sogs pas lto ba'i nad nye bar zhi ba'i cho ga'i man ngag gsungs te/ 'dir gang gi tshe lto bar dmu chu la sogs par gyur na de'i tshe bskum ste thur sel rlung ni 'og tu rnam pa gsum gyis lam du bgrod pa dag ces pa bshang ba dang gci ba dang khu ba'i lam du bgrod pa dag dang / srog nyid steng nas kyang bskum par bya ste zla ba dang nyi ma dang me'i lam du bgrod pa'o/ /ji srid de dag yang dag phrad te me ni zhes pa lte ba'i me stobs dang ldan zhing lus kun la ni khyab par 'gyur ba 'di ni dmu chu skran dang gzhang 'brum nad rnams dag kyang ste chu'i lto ba la sogs pa rnams zla ba'i sbyor bas 'joms pa ste dbugs lud dang ni glo dang rnam pa gsum gyi dug brtan pa dang g.yo ba dang bcos ma dang / mig gi nad la sogs pa ste mgo bo'i nad kyang 'joms so/ /lto ba'i nad nye bar zhi ba'i nges pa'o/ /da ni 'chan khung zhes pa la sogs pas 'chi ltas bslu ba'i slad du rtsa 'ching ba'i bcing ba gsungs te 'dir gang gi tshe rnal 'byor pas dbu mar nyin mtshan du srog gnas par ma nus na de'i tshe brjod pa'i bcing ba 'dis g.yon pa'i 'chi ltas la g.yas par srog rgyu bar byed cing g.yas pa'i 'chi ltas la g.yon pa rgyu bar byed pa zla ba phyed dang zla ba gcig gi bar du'o/ /mchan khung g.yas nas g.yas min las ni nu ma dag kyang stobs ldan mnan te srog ni bkag pa las/ /nu ma g.yas pa mnan pas g.yon pa'i rtsar 'bab cing mchan khung g.yon nas mnan pas g.yas pa'i rtsar 'bab bo/ /de ltar zla ba phyed kyis kyang ni 'chi ster 'chi ltas 'phrog ste rnal 'byor ldan pa'i rnal 'byor pa yis so zhes pa la rnal 'byor ni dgang ba dang dbyung ba dag gcig pa bum pa can te de dang ldan pa ni rnal 'byor ldan pa'o/ /'phrog pa ni sel bar byed do/ /zhes pa ste dus ma yin pa'i 'chi ba bslu ba'i nges pa'o/ /da ni rgyab kyi zug rngu 'joms par byed pa gsungs pa rdo rje dkyil dkrung du gnas rkang pa zhes pa ste rdo rje dkyil dkrung ni brla g.yas pa'i steng du rkang pa g.yon pa dang brla g.yon pa'i steng du rkang pa g.yas pa ste rkang pa de dag rgyab tu gnas pa'i dpung pa rdo rje bcings pa'i lag pa g.yon gyis rkang pa g.yon pa bzung zhing g.yas kyis rkang pa g.yas pa'o/ /rkang pa de dag bzung ba lag pa'i pad mo dag ni rgyab kyi zug rngu 'joms par byed do/ /steng du rkang pa dag dang 'og tu mgo bo lus la bad kan nad rnams mtha' dag 'phrog par byed do zhes pa'o/ /srog 'gog pa las nyin zhag 'ga' zhig gis ni rab 'khru gci ba'i nad dag nges par 'joms par byed/ tho rangs ming med dag gis chu dang bral ba'i khar ni ste ma bkrus par so yi phreng ba dag la rab tu bdar ba ni mig rnams dag gi mig sman du 'gyur te mig gi nad 'phrog par 'gyur ro/ /tho rangs chu yis gtor ba dag kyang migi nad 'phrog par 'gyur ro/ /gan rkyal nyal nas lte ba lag pa g.yon pas bzung ba gang yin pa de ni lag pa'i pad mas bzung ba dag ni ma zhu ba yi zug rngu 'joms pa ste srog rtsol dang bcas pas so/ /'bras rnams byung ba la ni ste 'bras dang skrangs 'bur la sogs pa byung ba'i dus su mar dang bcas pa'i tshwa dang gos kyis bcings pa yis bdugs na 'phel ba 'joms par byed pa nyid de/ de nas arka'i 'o ma byugs pas kyang ngo ste 'bras la sogs pa 'byung ba la'o zhes pa ste nges pa'o/ /'ga' zhig tshe na so srin zug rngu bcas gyur na de'i tshe stag ldan gyi ni sa bon du ba sbubs la sogs pa dag gis bzung na srin bu la sogs pa 'joms te stag ldan zhes pa kan Da kA ri'o/ /nad spyi nye bar zhi ba'i nges pa'o/ /da ni lo zhes pa la sogs pas mdze nad nye bar zhi ba'i slad du cho ga gsungs so/ /'di ni rnal 'byor chen po ste sngon tu du ba la sogs pa'i mtshan ma dang srog rtsol gyis mi 'gyur ba bde ba'i skad cig bsgrubs pa'o/ /phyag rgya dang rab tu 'dus pa la byang chub kyi sems ltung du bcug nas phyag rgya dang sbyar bas ltung ba'i byang chub kyi sems bde ba dang bcas pa de nyid srog dang thur sel dag gis 'gog pa las lo phyed kyis ni sngags pa rnams kyi mchog gi lus la dkar ba'i mdze 'phrog de las gzhan lta ci/ gal te mdze ma sel na de'i tshe phyag rgya lo bcu drug ma bsten par bya ste rnal 'byor pas nyin zhag so sor sha'i bza' ba dang chang gi btung ba dang zla ba drug gi nang du de'i skye gnas su bsrubs pa la byang chub kyi sems ltung ba rnam par bzung bar gyur na mdze'i nad 'phrog ste bum pa can gyi sbyor bas so/ / de bzhin gshegs pa'i gsung 'di la the tsom med do/ /mdze 'phrog pa 'ba' zhig ma yin te gzhan yang bdun bcu'i lo yi rga ba skra dkar bcas pa dag kyang phyag rgya dang 'dus pa la byang chub kyi sems ltung ba lo gnyis rab tu rdzogs nas nges par 'phrog go/ sbyor ba 'di nyid kyis rnal 'byor pa rnams kyis nyin zhag 'ga' yis te/ dus kyi 'khor lo'i lo gsum dang phyogs gsum gyi nyin zhag rnams kyis lam dang sems ni rab tu 'grogs pa dag las de steng zhes pa rga ba rnam par nyams pa'i steng du phyag rgya'i dngos grub tu 'gyur ro/ /mdze nye bar zhi ba'i nges pa'o/ /da ni srog rtsol gyi nges pa gsungs te/ 'dir sngags pas lus la srog rtsol bum pa can bya ste snying kha de bzhin mgo bo dag ni ji srid me yis gdung bar 'gyur ba ste snying kha bsregs shing mgo bo yang gdung bar 'gyur ba de srid du'o/ /de las steng du mi bya'o zhes pa nges pa'o/ /gal te de las steng dag tu ni byed na bzang po'i pad mar brgyal bar 'gyur te zhes pa lte ba'i pad mar srog rgyal bar 'gyur ro/ /ma bsdams pa 'am stobs dag gis gtsug tor phug cing phung po dag dang khams rnams rnam par spangs nas 'chi ba nyid du 'gro bar 'gyur ba gang yin pa de'i phyir phyag rgya 'grogs pa rab nyams skyes bu rnams kyi skye ba 'di nyid la ni srog rtsol ba de 'bras ster ba med do/ /srog rtsol gyi nges pa'o/ /da ni phyag rgya zhes pa la sogs pas rnal 'byor pa rnams kyi phyag rgya dang myang ba dang kha zas dang rgyu ba'i nges pa gsungs te 'dir bcom ldan 'das kyis phyag rgya gsungs pa ni bsgom pa'i don du rnal 'byor gyi phyag rgya gsungs pa ste/ chags pa zad pa'i don te rgyur nyin mtshan du bud med dang rol bar gsungs pa ni ma yin no/ /de bzhin du chang gi btung ba ni cung zad kha tshim par byed pa ste bum pa la sogs pa bzhin du ma yin te myos byed ni rnal 'byor gyi dbang po rnams la thar ba ster bar byed par mi 'gyur ro/ /de bzhin du kha zas byed pa ni 'dir kha zas thams cad bde ba'i don te gang cung zad kha zas byed pa de thams cad shin tu chung ba bde bar 'gyur te de'i phyir nyin zhag so so'i dus su ma zhu ba'i rgyur mi bya'o zhes pa ni kha zas kyi nges pa'o/ /dpal ldan spyod pa ste rnal 'byor spyod pa dngos grub rgyur zhes pa dngos grub kyi rgyur te/ de'i phyir mtshan mo dur khrod gnas dang nye ba'i gnas la sogs par 'khyam pa dag rtsed mo'i don du ni ma yin no zhes pa'i don te rnal 'byor gyi spyod pa'i nges pa'o/ /da ni kun spangs kyi rnal 'byor pa'i sman gsungs te/ 'dir gang gi tshe rnal 'byor pa'i kha na bar gyur na de'i tshe mi bskyod pa cung zad dro bar byas te khar bzung na kha'i nad zhi bar byed par 'gyur ro/ /so yi zug rngu nyid kyi yang zhes pa ste yang yig las so srin gyi yang ngo / /gang gi tshe mgo bo na bar gyur na de'i tshe tho rangs mi bskyod pa rngub pa byas na rnal 'byor pa rnams kyi mgo yi nad 'phrog ste de bzhin nyid du chu ni rngubs pas so/ /gang gi tshe rna ba na bar gyur pa de'i tshe gcin dro bar byas pa rna bar rab tu blugs pa dang / mig gi nad la grang mor byas pa mig tu rab tu blugs pas grangs bzhin du gnyis ka'i nad 'phrog ste gcin ni dro dang grang mo zhes so/ /'byung pos gzir la zhes pa 'byung po yi dags la sogs pas bzung ba la tsha ba gsum dang bcas pa'i mi bskyod pa rngubs na bde ba ster te/ zos pa nyid la yang zhes pa sbrul gyis zos pa yang bde ba ster bar 'gyur ro/ /kha'i nad la sogs pa nye bar zhi ba'i nges pa'o/ / da ni bshang ba zhes pa la sogs pas tshe 'phel ba'i don du bdud rtsi lnga'i sbyor ba gsungs te/ 'dir ji ltar phyi rol de bzhin du lus zhes gsungs pa'i phyir phyi rol gyi rdzas lnga dang nang gi rdzas lnga gcig tu byas pa ni bdud rtsi lnga'i sbyor ba ste/ bdud rtsi lnga po de zos pas rnal 'byor pa rnams la tshe ster bar 'gyur ro/ /phyi rol tu bshang ba'i sgras rnam par snang mdzad stobs ldan stobs kyi zhag ste mu zir brjod do/ /nang du ni bshang ba nyid de 'di dag cha mnyam pa'o/ /gcin ni phyi rol du khyab 'jug mi bdag ste b+h+riM ga rA dzA'i khu ba'o/ /nang du ni gcin nyid do/ / khrag ni phyi rol du lhang tsher ro/ /nang du ni bud med kyi me tog ste cha mnyam pa'o/ /khu ba ni phyi rol du dngul chu'o/ /nang du ni khu ba nyid de 'di dag cha mnyam pa'o/ /mi yi sha ni phyi rol du 'bras bu gsum mo/ /nang du ni rkang ste 'di dag kyang cha mnyam pa'o/ /de ltar bshang ba cha gcig dang sha rkang pas dman pa'i cha dang khrag cha phyed dang khu ba rkang pa gcig ste/ 'di rnams gcig tu byas nas gcin gyis lan bdun gyi bar du bsgo bar bya ste yang dang yang du nyi ma la bskams nas so/ /de nas nyin zhag so sor zho gnyis tsam gyi mar dang sbrang rtsi dang bcas pa zos na zla ba drug gi 'tshams su tshe ster bar 'gyur ro/ /lo ma dang skyur ba dang til mar dang lan tshwa dang bud med dang sbyor ba spangs pa las so zhes pa ni bdud rtsi lnga'i nges pa'o/ /da ni bsam gtan bcas pas zhes pa la sogs pas me tog rngub pa gsungs te/ 'dir bsam gtan ni dbu mar srog rab tu gzhug pa ste bsam gtan de dang bcas pa ni bsam gtan bcas pa'o/ /me tog ni bud med kyi rdul lo/ /phyi rol du ni skra'i rgyal po b+h+riM ga rA dzA ste de'i khu ba bud med kyi me tog dang mnyam pa'o/ /bsam gtan bcas par me tog rngubs na bsam gtan bcas pa rnams kyi skra dkar dang bcas rga ba dang ni lus skyes rnams kyang zla ba drug gi 'tshams su 'phrog ste rngub pa'i nges pa'o/ /da ni sgron ma lnga gsungs te ba lang dang khyi dang so ldan dang rta dang mi rnams kyi sha sbrang bu'i skyugs pa dag dang bsres pa ste sbrang rtsi dang bsres pa'i sgron ma lnga zos pas mtha' dag nad ni 'phrog par 'gyur ro/ /sbrang bu'i skyugs pa gzhan ni sbrang chang ste de dang bcas pa mtha' dag nad ni 'phrog par 'gyur ro zhes pa'i nges pa'o/ /bud med me tog khu ba dag dang bsres pa ni sngar brjod pa'i phyi dang nang gi bdag nyid de/ lo gcig zos nas rga ba nges par sel bar byed do zhes pa ni sngar brjod pa'i nges pa'o/ /da ni rlung la sogs pa nye bar zhi ba gsungs te rlung 'joms lan tshwa skyur ba dag tu rab tu 'gyur te mngar dang ska ba'i rdzas dag ni mkhris pa'i dgra'o/ /bad kan 'joms pa kha ba kun dang tsha ba gsum dang bcas pa ste sman rnams sam ni khu ba 'am zhes pa zos pa dang 'thungs pas so/ /bad kan 'joms par yi 'o ma tsha ba gsum bcas dag ste ma he'i 'o ma sha ka ra dang bcas pa mkhris pa'i dgra'o/ /rlung 'joms dag kyang rnga mo'i 'o ma rgyam tshwa dang bcas pa ste rnam gsum nad 'phrog pa yi 'o ma grangs bzhin du rgyam tsha la sogs pa dang ldan pa ni rlung dang mkhris pa dang bad kan 'joms pa'o/ /de bzhin mar zhes pa ba'i mar ni rims dang bral ba rnams kyi rnam pa gsum gyi nad zhi bar byed do zhes pa nges pa'o/ /da ni kha la sogs pa'i nad nye bar zhi ba'i don du bskol ba'i til mar la sogs pa gsungs pa dzA tI zhes pa la sogs pa ste 'dir thams cad du chu ni rdzas kyi brgyad 'gyur ro/ /dzA tI'i 'dab ma'i brgyad 'gyur gyi chu rkang pa'i lhag mar dzA tI bskol ba'i khu ba'i chu cung zad dro bas kha nad zhi bar byed par 'gyur te so yi zug rngu nyid kyang ngo / /til mar ni til gyi til mar ro/ /dngos po'i chu ni ra'i gcin te de dang mnyam pa bskol ba'i til mar lhag ma la tsha ba gsum dang lan tsha rkang pa dang bcas pa'i cha shas tshos pa'i 'jug tu rab tu sbyin te/ de rna bar rab tu blugs pas rna ba yi ni nad dag 'joms so/ /de bzhin du mar ni ba lang gi mar te 'o ma brgyad 'gyur dang bskol ba'i 'jug tu klu nA ga ge sar dang dmar po gur gum ste de dag rkang pa'i cha shas sbyin no/ /mar 'di rngubs pas sna yi nad dag 'joms pa nyid do/ /dkar ko TI ste ban d+hA kar ko TI dang lang ga li dang in drI ni in dra ba ru nI ste tig tA dang bong bu'i chu dang bcas pa byugs pas 'bras kyi phreng ba 'phrog go zhes pa ste nges pa'o/ /mdor bsdus pa ste rgyas par gso ba'i bstan bcos las shes par bya'o/ /da ni lag pa zhes pa la sogs pas rdo rje'i tsher ma nye bar zhi bar byed pa gsungs te/ 'dir gang gi tshe sdig pa'i nad kyi nye bar 'tshe ba byung na de'i tshe dang por tsha ba skye bar 'gyur zhing lag pa dang rkang pa'i tshigs rnams gdung bar 'gyur te mgo bo yang gdung bar 'gyur ro/ / mtshan nyid 'di shes nas ting nge 'dzin dmigs par bya'o/ /de la 'di ni cho ga ste bug pa med pa'i khyim du tsha ba skyes pa rab tu zhugs nas lag pa gnyis po dag ni brla'i mthar thug par rab tu 'phyang bar bya zhing rkang pa'i pad ma mnyam pa dag byas te srog gi rlung ni 'gog pa bum pa can bya'o/ /ji srid lus ni sa la rab tu ltung bar ma gyur pa de srid du ste tsha ba'i nad kyis sa la rab tu ltung bar 'gyur ro/ / de nas ma ltung ba'i bar du yang dang yang du srog rtsol bya'o zhes pa ni nges pa'o/ /ji srid tsha ba dag ni grol bar yang ma gyur pa de srid du bya ste tsha ba grol bar gyur na mi bya'o zhes pa ni nges pa'o/ /yang dang yang du ting nge 'dzin la gnas pas 'chi ba'i 'jigs pa byed pa'i tsher ma can ni nges par 'joms te snying kha'i pad mar zla ba'i gzugs can dri med ri bong can mtshungs sna tshogs yum ni bsgoms pas so zhes pa ni srog rtsol gyis zla ba'i dkyil 'khor la rdo rje pad ma'i gdan la bzhugs pa zhal gcig pa phyag gnyis pa ste pad ma dang mchog sbyin gyi phyag go zhes pa ni sdig pa'i nad nye bar zhi ba'i nges pa'o/ /da ni sdig pa'i nad nye bar zhi ba'i don du sman gsungs te 'dir gang gi tshe sdig pa'i nad kyi mtshan ma tsha ba skyes pa dang lag pa dang rkang pa'i tshigs rnams gdung bar gyur na de'i tshe sran chung btags nas chu grang mos tsha bas rnam par bsnun pa'i mi rnams la byin na tsher ma 'joms par byed do/ /de bzhin du tsha ba'i mthar ni zhes pa nyin zhag gsum pa la tsher ma 'thon pa'i dus su sdig pa'i nad kyis shi ba'i thod pa ste ma rnyed na ji ltar snyed pa bdar nas mi bskyod pa bsres pa'i skyes pa'i thod pa skyes pa dang / bud med kyi thod pa bud med kyis 'thungs shing ma rnyed na ji ltar rnyed pa 'thungs pas 'jigs par byed pa 'am tsher ma can 'phrog ste tsha ba'i mthar thod pa ji ltar rnyed pas so zhes pa ni nges pa'o/ /'dir sran chung la sogs pa mngon par bsngags pa'i slad du sngags su 'gyur ro/ /de yang dang por oM yig ste sngags kyang chu me rlung rnams dag gi sngon du oM yig ces pas thog mar oM yig go/ chu zhes pa ni pa sde'i yi ge gnyis pa chu'i khams te pha'o/ /me zhes pa 'og tu ra'o/ /steng du e yig te chu me rlung 'di dag rnams gcig pa nyid ni phre~M ste rjes su nga ro nam mkha' thams cad la khyab pa nyid kyi phyir ro/ /badzra snga ma kaN Da ka rnams kyi ming ngo / /de nyid kyis ni bsrung ba bya ste sran chung la sogs pa la lan bdun mngon par bsngags pa ji lta ba de bzhin nyid du de nyid kyis bsrung ba ste mgo mgrin snying kha lte ba gsang ba dang sogs pa'i sgras gtsug tor te gnas drug po 'di rnams su thun gsum du bsrung ba bya'o zhes pa ni nges pa'o/ /'dir sngags ni oM phre~M ba~M shwa mA taHbadzra kaN Da kAn na sha ya nA sha ya shAn ti~M ku ru ku ru swA hA/ gzhan bsrung ba'i don du lha sbyin gyi shAn ti~M ku ru ku ru swA hA/ /zhes pa ni nges pa'o/ /'di ni bcom ldan 'das ma sna tshogs yum gyi ste nye bar 'tshe ba thams cad las bdag dang gzhan bsrung ba la dran par bya'o zhes pa ni bcom ldan 'das kyi nges pa'o/ /sngags 'dis lan bdun mngon par bsngags pa'i sran chung chu grang mos btags pa btung bar sbyin zhing tsha bas shi ba'i thod pa mi bskyod pas btags pa sbyin no/ /'byung pos zin pa la tsha ba gsum dang bcas pa mi bskyod pas btags nas sbyin te sdig pa'i nad nye bar zhi ba'i nges pa'o/ /da ni mnyam pa zhes pa la sogs pas nyi ma'i gdung ba zhi ba'i nges pa mdzad pa de 'dir gang gi tshe so ka lam du nyi ma'i 'od zer gyis bsregs par gyur pa de'i tshe mnyam pa d+hA dri zhes pa skyu ru ra'i 'dab ma'i phye ma dang d+hA n+ya pa zhes pa ku stu~M bu ru ste de dang mnyam pa'o/ /gzhan yang de bzhin ti na tI rI yi 'dab ma'i phye ma zhes pa ban d+hU li'i 'dab ma'i phye ma mnyam pa'o/ /de ltar thams cad cha mnyam pa'o/ /de ltar thams cad cha mnyam par byas nas nyi zla reg pa zhes pa nyi ma dang zla ba'i 'od zer gyis reg pa'i chu ni nges par dri ma dang bral ba zhes pa nya lcibs la sogs pa'i dri ma dang bral ba rkang pa'i lhag mar bskol bar bya zhes pa ni rdzas kyi brgyad 'gyur gyi chu blugs pa nas ji srid khu ba rkang pa gcig tu gyur pa de srid du rdzas gsum po bskol bar bya'o/ /bskol ba'i yul 'di la srang gis ni tshad ma yin te thams cad du bre'i tshad do zhes pa ni nges pa'o/ /de'i khu ba rkang pa'i cha shas tsam ka ra dang bsres pa gzhan pa'i nyin zhag nas btung ste de ltar rim pa 'di yis zhag gsum du tho rangs kyi dus su'o/ /so ka nyi ma'i 'od zer dag gis bsregs pas 'chi ster 'phrog ste khams bdun song ba dag kyang ngo zhes pa spu dang lpags pa la sogs pa song ba ste kyang yig gis gzhan yang ngo zhes pa ste nges pa'o/ /da ni gser la nyi ma zhes pa la sogs pas bcud len gzhan gsungs te 'dir lus la phyi rol gyi bcud len don du gnyer ba gang su zhig gis grub pa'i bcud len med na bcud len 'bring po 'di bya'o/ /'di'i cho ga gsungs pa ni gser la ste rnam par dag pa'i gser la nyi ma zhes pa zangs dang khab len lcags dang pa Da las skyes zhes pa lhang tsher gyi lcags dang lcags zhes pa rnon po ste so sor mnyam pa'i cha bzung ba 'di dag rnams kyi cha dang gser mnyam pa'o/ /mA k+Shi ka yi phye ma rab tu btab pa kha phye ba'i gong bur rlung drag pos sbud par bya ste ji srid du gser gnas pa'o/ /de nyid ni sa bon te sa bon de phyed kyis zhes pa gser srang gnyis kyis dngul gyi chu srang bzhi'o/ /dri ma dag dang bral ba zhes pa ni lan bdun gyi bar du sbyang bar byas pas te bsgongs pas srang ni drug tu bya'o/ /de nas ba yi dar ba mar dang bral ba drag po'i rtse mo can gyis zhes pa mi bzad pa'i mes bsad nas bsad pa de ras kyis btsags te snyigs ma dor nas shin tu dang ba'i dngas ma gzung bar bya'o/ /dngas ma de nyid khab len gyi snod du gser gyi gong bu dang lhan cig bskol bar bya ste ji srid phyed kyi tshad du gyur pa'o/ /de nas rab tu blangs te dag pa'i ka ra srang brgyad ces pa la de ni rgyal po la soDa pa ma yin pa rnams kyis zas yongs su 'ju ba'i dbang gis dgu la sogs pa dang bdun la sogs pa yang ngo / /pho ba ris kyi phye ma ka ra'i drug bcu rtsa bzhi cha yang de la bsre bar bya'o/ /de nyid thams cad dus su bza' bar bya ste kha zas rnam spangs bgrod pa ji srid nyid du'o/ / zla ba drug gis lha yi lus te skra dkar gnyer ma dang bral ba 'di yis 'chi med nyid du 'gyur/ 'dir btung ba la tAm bU la bza' ba bsgrub ste tAm bU la'i snyigs ma dor nas so/ /de ni thams cad dus su bza' bar bya zhes pa ni dngas ma de nyid cho ga des bza' bar bya ste gser gyi gong bus rnam par dman pa longs spyad par bya'o/ /'on kyang ji srid gong bu yod pa de srid de dang lhan cig tu ste phyi nas de dang bral ba dus thams cad du'o zhes pa ni bcud len gyi nges pa'o/ /da ni sngar brjod ces pa la sogs pas zan la sogs pa la nye bar longs spyod pa'i don du gser phyed ldan gsungs te/ sngar brjod sa bon rgyal po mnyam pa dag ste gzhan yang dngul chu la ni blugs pa phyed tsam mo/ /lan tshwa skyur po dag gis mnyes nas rnam pa mang po'i sman gyis ji srid gcig nyid du 'gyur ba zhes pa'o/ /de nas mkhris pa skyur pos mu zi sogs dang da ra da dang shi lA dag kyang zhes pa ni/ 'dir dngul chu gnas pa'i don du rdzas rnam pa gsum ni dngul chu dang mtshungs pa ste/ dngul chu dang lhan cig mkhris pa dang skyur gyis mnye bar bya ste/ ba lang gi mkhris pa 'am nya'i 'khris pa'o/ /'bras bu skyur mo ji ltar rnyed pa bI dza pU ra la sogs pa'o/ /mu zi dang da ra da dang shI lA dang tA la kA dang sha sha ka dang k+ka k+ShI dang ka shi sa dang tud thA kha dang hai ma gi ri kA ste/ mu zi la sogs pa 'di dag ni nye ba'i dngul chu gnyis te dngul chu chen po gcig dang gsum ni dngul chur mtshungs pa'o/ /de yis dngul gyi 'dab ma byugs pa nyin zhag gsum thab kyi 'og tu bzhag pa ni gser nyid du 'gyur te thab kyi mes smin pa dag go/ phyed dang ldan pa ste gser gyi so zhes pa ste gser phyed can gyi nges pa'o/ /da ni rnon po zhes pa la sogs pas me tog bya ba gsungs so/ /'dir me tog gi sgras dram+ma gzugs can gyi rdzas brjod te rnon po dngul gyis bkang zhing brdungs pa'o/ /'di ni de'i 'dab ma dag pa ste rnon po dang nam mkha' las skyes zhes pa lhang tsher de nyid dang a la zhes pa tA la kA dang lan tshwa zhes pa rgyam tsha dang ya bak+ShA ra dang sar dza ra sa ste rnon po la sogs pa rim pa yis 'phel ba zhes pa ni cha gcig dang gnyis dang gsum dang bzhi dang lnga dang drug gi bar du'o/ /de dag thams cad gcig tu byas pa nyi ma ste zangs nyis 'gyur dag la ro mnyam byed pas dang po kong bu kha bsdams par bsreg ste/ de nas kong bu kha phye bar nyi ma'i lhag mar gyur gyi bar du bsreg par bya'o/ /slar yang lan tshwas te Ta~M ga na'i lan tshwas dag par 'gyur ro/ / de bzhin pa las byung ba la sogs kyis bran 'jam par 'gyur zhes pa la ba las byung ba ni ba'i dar ba'o/ /sogs pas ni arka'i rtsa ba dang badzra ka na ka'i rtsa ba dang e raN De'i rtsa ba dang k+ShI ra kau0f85tsu kA'i rtsa ba rnams btags nas zhag bdun gyi bar du mnan par bya'o/ /de nas ji srid mnyen par gyur gyi bar du dar ba de la bkru bar bya'o/ /de nyid dngul la sum cha byin zhing bkang ba 'am bsnun pa dag kyang dag pa'i me tog nyid du 'gyur te me tog gi 'dab ma'i nges pa'o/ /da ni sangs rgyas dang byang chub sems dpa' rnams mchod pa'i don du dri dang spos la sogs pa'i le tshe sbyar ba gsungs pa/ e la zhes pa la sogs pa ste/ 'dir dri'i bstan bcos las gsungs pa'i cho gas sbyangs pa'i rdzas rnams re mig nyi shu rtsa lnga'i bdag nyid can gyi le tshe sbyar ba la dgod par bya ste/ re mig dang po la e la'o/ /gnyis pa la ga pur ro/ /gsum pa la phreng ba zhes pa sbri ka'i me tog go/ bzhi pa la g.yo ba zhes pa si h+la ka'i phye ma'o/ /lnga pa la g+ha na zhes pa gla sgang ngo / /drug pa la 'bras bu can te pri yang ku'i me tog go/ bdun pa la bya rog ste a ga ru nag po'o/ /brgyad pa la ri skyes te shai lai ya'o/ /dgu pa la kak+ko la'o/ /bcu pa la sing ha mu tra'o/ /bcu gcig pa la ud pal te ru rta'o/ /bcu gnyis pa la 'bras bu ste dzA ti pha la'o/ /bcu gsum pa la ri dgas skyes te gla rtsi'o/ / bcu bzhi pa la dmar po ste gur gum mo/ /bcwa lnga pa la dai t+ya ste mu rA'o/ /bcu drug pa la pU ti ste pu tra ka sha'o/ /bcu bdun pa la klu ste nA ga ge sar gyi me tog go/ bcwa brgyad pa la bsil ba ste tsan dan no/ / bcu dgu pa la ra Na ste u shI ra ka'o/ /nyi shu pa la 'dab ma ste ta mA la'i 'dab ma'o/ /nyi shu rtsa gcig pa la pa la ste mA~M si'o/ /nyi shu rtsa gnyis pa la chu ste pA la ka'o/ /nyi shu rtsa gsum pa la 'khri shing zhes pa 'khri shing gla rtsi'o/ /nyi shu rtsa bzhi pa la nam mkha' ste b+he ruN Da biSh+Ta'o/ /nyi shu rtsa lnga pa la 'khyog po ste piN Di ta ka ra'i me tog go/ de ltar 'di dag ni rdzas rnams te ji ltar 'dod pa bzhin le tshe sbyar ba las byung ba'i rdzas lnga po 'di dag gis bzang po'i dri mdzod cig ces pa ni nges pa'o/ /ri dgas ri bong can sogs zhes pa ni gla rtsi dang ga pur dang bcas pa'i bdug pa dag gis smin par bya'o/ /me tog dri bzang po rnams kyis bsgo bar bar bya'o/ /chang la sogs pas so zhes pa ni ga pur dang gla rtsi dang dzA ti pha la dang bcas pa 'chad par 'gyur ba'i chang thams cad kyis dbugs par bya'o zhes pa ni rdzas dgod pa'i nges pa'o/ /da ni le tshe sbyar ba la bkod pa'i rdzas rnams kyis cha gsungs pa mig ces pa la sogs pa ste/ 'dir re mig dang po la bkod pa'i rdzas ni mig ces pa cha gnyis so/ /gnyis pa la zla ba zhes pa cha gcig go/ gsum pa la me zhes pa gsum mo/ / bzhi pa la rgyam mtsho zhes pa bzhi'o/ /lnga pa la mda' zhes pa lnga'o/ /drug pa la yon tan zhes pa gsum mo/ /bdun pa la chu gter zhes pa bzhi'o/ /brgyad pa la mda' zhes pa lnga'o/ /dgu pa la lag pa zhes pa gnyis so/ /bcu pa la zla ba zhes pa gcig go/ bcu gcig pa la mda' zhes pa lnga'o/ /bcu gnyis pa la mig ces pa gnyis so/ /bcu gsum pa la zla ba zhes pa gcig go/ bcu bzhi pa la me zhes pa gsum mo/ /bcwa lnga pa la chu gter zhes pa bzhi'o/ /bcu drug pa la zla ba zhes pa gcig go/ bcu bdun pa la dus zhes pa gsum mo/ /bcwa brgyad pa la dus zhes pa bzhi'o/ /bcu dgu pa la mda' zhes pa lnga'o/ / nyi shu pa la mig ces pa gnyis so/ /nyi shu rtsa gcig pa la chu gter zhes pa bzhi'o/ /nyi shu rtsa gnyis pa la mda' zhes pa lnga'o/ /nyi shu rtsa gsum pa la mig ces pa gnyis so/ /nyi shu rtsa bzhi pa la zla ba zhes pa gcig go/ nyi shu rtsa lnga pa la 'jig rten zhes pa gsum mo/ /de ltar brjod pa'i rim pas e la sogs pa cha shas grangs rnams rim pas yongs su bkod pa re mig lnga lnga dag la ste/ rdzas lnga ni le tsher sbyar ba'i grong khyer la gnas te grong khyer zhes pa ni re mig go/ dag pa'i rdzas kyi cha shas nyin zhag ces bya zhes pa bcwa lnga'i cha shas te/ gcig dang gnyis dang gsum dang bzhi dang lnga dang gcig tu gyur pa de dag gis drir 'gyur ro zhes pa ni dri'i le tshe sbyar ba las rdzas kyi cha shas kyi nges pa'o/ /da ni spos kyi le tshe sbyar ba gsungs pa dzA ti zhes pa la sogs pa ste 'dir sngar bkod pa'i le tshe sbyar ba'i rdzas rnams kyi nang nas dzA ti la sogs pa'i rdzas lnga phyung ste de rnams kyi gnas su rim pa gzhan lnga sbyin par bya'o/ /de la dzA ti zhes pa ni dzA ti pha la ste/ sogs pa las gnyis pa ni e la'o/ /gsum pa la ni khri shing gla rtsi'o/ /bzhi pa la ni 'dab ma ste tA mA la'i 'dab ma la'o/ /lnga pa ni ka la sha ste ka k+ko la'o/ / 'di rnams kyi grong du ste re mig du rim pas bkod par bya ba ni dzA ti pha la'i re mig tu rgya rkyegs so/ /e la'i re mig tu sar dzA ra sa'o/ /'khri shing gi re mig tu 'o ma shes pa shrI bA sa'o/ /'dab ma'i re mig tu bu ra zhes pa gu gul lo/ /ka k+ko la'i re mig tu si ta zhes pa kun tu ru ka'o/ /de ltar bdug pa'i bya ba rnams la bdug pa ni rdzas lnga po sngar brjod pa'i cha shas dag gis bya'o zhes pa ste nges pa'o/ /ga pur ka ra dang bcas pa ste gang du ka ra dang yin pa der ka ra dang lhan cig sbrang rtsi sbyin par bya'o/ /sen mo dag ni me yi cha shas kyis lhan cig pa ste de ltar cha bcwa brgyad kyis yan lag drug gi spos su 'gyur ro/ /ga pur dang ka ra dang sbrang rtsi dang gla rtsi dang bcas pa'i yan lag bcu pa la ste/ bdug spos kyi le tshe sbyar ba la rdzas kyi nges pa'o/ /da ni spos kyi ring bu gsungs pa de dag ces pa la sogs pa ste 'dir bdug pa'i le tshe sbyar ba las gsungs pa'i spos kyi sbyor ba sbrang rtsi dang bral ba dri yi chu ka ra cung zad bsres pa dang sbyar ba des spos kyi ring bu nA ra tsa'i rnam pa bya ste/ gos la sogs pa bdug pa dang dam pa'i chos dang sku gzugs la sogs pa'i don du'o zhes pa ste nges pa'o/ / da ni khrus kyi le tshe sbyar ba gsungs pa lte ba dang po zhes pa la sogs pa ste 'dir sngar brjod pa'i dri'i le tshe sbyar ba la bgod pa'i rdzas rnams kyi nang nas lte ba la sogs pa'i rdzas lnga phyung ste de dag gi re mig rnams la grangs bzhin du khrus kyi le tshe sbyar ba la gzhan dag sbyin par bya'o/ /de la lte ba'i re mig la gran thi par+N+Na dgod par bya'o/ /si~M ha mU tra'i re mig la stag gi sen mo'o/ /ri bong can ni grong du ha re Nu'o/ /mkha' yi grong du ha ta zhes pa ka tso ri ka'o/ /gzhan yang de bzhin te ji ltar spos kyi bya ba la dung zhes pa sen mo ste cha gsum mo/ /de ltar shun pa dag gi cha gsum sbyin par bya'o/ /khrus kyi sbyor ba la khrus kyi rdzas rnams kyi nang nas de ltar cha bcu+o brgyad la rdzas drug gis khrus su 'gyur ro/ /khrus kyi le tshe sbyar ba la rdzas kyi nges pa'o/ /da ni dril phyis kyi le tshe sbyar ba gsungs te 'dir khrus kyi le tshe sbyar ba gsungs pa'i rdzas rnams nang nas shun pa bzhin du rdzas lnga po rnams cha gsum sbyin par bya ste d+hA n+ya zhes pa ku stu~M bu ru dang mU R+bI zhes pa ma ru ba ka dang brgya yis mtshan dang zhes pa me tog brgya pa dang da ma zhes pa da ma ka dang ma d+hu ri ste lnga po 'di rnams cha gsum mo/ /de ltar cha bcwa brgyad kyis dril phyis su 'gyur te dril phyis kyi rdzas kyi nges pa'o/ /da ni smin pa'i til mar gyi don du til mar gyi re mig sbyar ba gsungs pa sngar zhes pa la sogs pa ste 'dir sngar brjod pa'i dri'i le tshe sbyar ba'i rdzas kyi tshogs ma bzlog pa chu skyes zhes pa sen mo ste chu skyes bzhin du lus dang zhes pa shun pa dang gran thi par+N+Na dag kyang ste de dag cha gsum byin nas dri'i le tshe sbyar ba'i rdzas lnga dang bcas pa/ rdzas bdun gyi cha bcwa brgyad kyis 'chad par 'gyur ba'i rim pas til mar smin par bya ste dri sna tshogs kyi til mar du 'gyur ro/ /til mar gyi le tshe sbyar ba'i rdzas nges pa'o/ / de bzhin du phye ma la sogs pa ste phye ma dag gi yul la gran thi de bzhin zhes pa ni sen mo bzhin du rdzas lnga po rnams la gran thi par+N+Na ka sbyin par bya'o/ /lus dang ha ta btung ba bsgo ba la sbyin par bya bar 'gyur te kha bsgo ba la yang ngo / /shun pa po la gran thi dung zhes pa rdzas bzhi'i cha gsum ni 'bras bu'i smin pa dang 'dab ma sbyar ba'i smin pa dang dang ba'i smin pa dang sogs pa las khyogs kyi smin pa 'chad par 'gyur ba la sbyin par bya'o/ /de ltar brjod pa'i rim pas rab dbye sum bcu dag gis dri la sogs pa'i sbyor ba sum bcu legs spras rnam mang dri dang spos la sogs pa'i sbyor ba dang khrus dang dril phyis la sogs pa rnams dri don du gnyer ba rnams kyis bya'o/ /rdzas ji ltar gyur pas zhes na rnam par dag cing 'bras bu sbyar bas smin dang bsgos pa dang ni phug pa dag gis 'dod par gyur pas so zhes pa ste rdzas bsdu ba'i nges pa'o/ /da ni dri bdug pas smin pa gsungs pa dang por brgyad cha zhes pa la soDa pa'o/ /'dir dri'i sbyor ba la 'dab ma rnam pa gsum ste tha ma dang 'bring dang mchog go/ de la tha ma ni gla sgang dang shai lai ya dang U shI ra dang bA la ka dang ka pid tha dang bil ba dang mU ra dang mA~M si zhes pa ste rdzas 'di dag ni tha ma'o/ /'di dag gi dbang gis ni 'dab ma'i dbang gis so/ /dang por ska ba ste a ru ra'i phye ma bu ram gyis sbyar ba'i bdug par 'gyur te de 'dab ma'i brgyad chas dang por nyin zhag gcig bdug par bya'o/ /de nas nyin zhag gnyis me tog bsgo ba byas nas nyin zhag gsum pa la 'bring po'i 'dab ma bsre bar bya'o/ /de nas de'i nyis 'gyur dag ni drag po'i spos zhes pa ni snga ma dang phyi ma de'i nyis 'gyur dag ni drag po'i spos zhes pa ste rgya skyegs dang sar dza ra sa dang shrI bA sa dang gu gul dang kun du ru ka ste lnga po 'di dag bu ram gyi sbyar bas drag po'i spos su 'gyur ro/ /ska ba'i nyis 'gyur sbyin par bya ste 'dab ma'i rkang pa'i cha shas so/ /'dir 'bring po'i 'dab ma ni me tog gi sde dang tsan dan dang a ka ru dang 'bras bu'i sde dang sen mo dang shun pa'i sde dang khu ba'i sde dang ste de ltar nyin zhag gnyis drag po'i bdug pas bdug par bya ste/ gcig gis bar du chod pa'i nyin zhag gnyis te me tog gis sgo bar bya'o/ /phyi nas rdzas kyi tshad kyi bu ram dag kyang bdug pa dang lhan cig so ka nges par bsreg par bya'o/ /de nas so ka'i sbyor ba dag las 'phel te dbyar rdzas kyi nyis 'gyur dang rgun sum 'gyur sbyin par bya'o/ /de nas bu ram tshig par gyur pa na dung zhes pa sen mo'i rkang pa'i cha shas bu ram dang lhan cig sngar brjod pa'i cho gas nyin zhag gnyis nges par bsreg par bya'o/ /de nas sbrang rtsi dang dkar po ste sha ka ra dag kyang rdzas dang mnyam pa gong bu'i bdug pa dang lhan cig nges par bsreg ste/ bdug pa ni kham bu'i dang po dang 'jug tu 'ba' zhig pa nges par bsreg go/ de bzhin du bu ram yang nyin zhag so sor kham bu gsum bsregs nas ngal bso bar bya'o/ /nyin zhag so sor rdzas kyi brgyad cha'i spos nges par bsreg par bya'o/ /rnam pa gzhan du smin pas ni ma smin par 'gyur zhing lhag pas dri tshig par 'gyur te ma smin na skyur bar 'gyur ro zhes pa ste nges pa'o/ /gong bu zhes pa ni gong bu'i bdug pa ste le tshe sbyar ba las brjod pa'i ga pur dang bcas shing drag po'i rdzas spangs pa rdzas lnga sbrang rtsi dang bu ram gyis sbyar bas gong bu'i bdug pa ste de nyid dung gi tshad de zhes pa ni rdzas kyi rkang pa'i cha shas nges par bsreg go/ de la pU tra ke sha dang dzA ti pha la dang ga pUr dang lte ba dang gzhan le tshe sbyar ba las brjod pa mchog gi 'dab ma re byin nas ma la ya ni tsan+dan no/ /yang ba zhes pa ni a ka ru'o/ /g.yo ba zhes pa ni si h+la ka'o/ /zla ba zhes pa ni ga pur te de dang ldan pa ni rdzas gsum mo/ /de bzhin no zhes pa ni gong bu'i bdug pa dang mtshungs par sbrang rtsi dang sha ka ra dang bcas pa nges par bsreg par bya'o/ /'dir bu ram ni gong bu'i bu ram ste khu ba sngon du 'gro ba can ni ma yin no zhes pa ni nges pa'o/ /de nas smin pa'i dri shes nas te smin pa mnyes pa 'di'i dris gal te lag pa'i mthil dmar por gyur na de'i tshe yongs su smin pa'o/ /ci ste ma smin na ji srid smin par ma gyur pa de srid du dkar po'i bdug pa bsreg par mi bya'o/ /smin pa'i dri 'di ni me tog bzang po tsam pa ka la sogs pa dri zhim po rnams kyis nyin zhag 'ga' zhig ste phyogs kyi phyed dam phyogs gcig gi bar du bdug pa'i skyon spong ste de nas 'dod par 'gyur ro/ /phyi nas 'bug pa brgya yi cha shas 'bras bu gsum zhes pa ni dzA ti pha la dang ka k+ko la dang yang na ka k+ko la'i gnas su e la dang 'khri shing gla rtsi'o/ /zla ba zhes pa ni ga pur ro/ /ma da zhes pa ni gla rtsi ste 'di dag cha mnyam par byas nas brgya yi cha shas kyi dris 'bugs pa bya'o/ / chang dang bcas pas zhes pa ni 'chad par 'gyur ba'i myos pa'i chang dang lhan cig 'bugs pa brgya yi cha shas sbyin par bya'o/ /chang ni 'bugs pa'i rgyar 'gyur ro/ /'bug pa'i nges pa'o/ /da ni dri rnams bslang ba'i don du chang gsungs pa shi gru zhes pa la sogs pa ste 'dir dri'i bstan bcos las gsungs pa'i cho gas rgya cher gang du chang la sogs pa smin pa ci 'dra ba de ni dri'i bstan bcos de nyid las shes par bya ste 'dir yang mdor bsdus pas brjod do/ /shi gru'i chu zhes pa ni shi gru'i khu ba dang tshwa ga mU tra dang me tog bcud dang ces pa sbrang rtsi ste de dang mnyam pa ni tshad mtshungs pa'o/ /me tog las skyes mthar zhes pa ni sbrang rtsi'i mthar thug par mes bskol bar bya'o/ /de nas blangs te nA ri ke la sogs par blugs nas so ba'i phung po'i dbus su zla ba gcig smin par 'gyur ro/ /ri dgas dang mnyam chang dang lte ba 'bigs pa'o zhes pa ni mes smin pa'i 'jug tu lte ba zhes pa gla rtsi dang ma gsungs kyang ga pur dang 'bras bu gsum ste des rgya'i cha shas 'bugs pa byin nas so ba de la gzhag par bya'o/ de nas dri'i dri 'bugs pa lngar brjod pa bya'o zhes pa ni nges pa'o/ /dri'i bstan bcos thams cad las bdug pa smin pa la bdug pa'i 'khrul 'khor rnam pa gsum ni mnyam pa dang Da ma ru'i rnam pa dang steng kham phor gyi dbyibs can te dbus su sor mo drug pa ni tha ma ste ska ba dang drag po'i bdug pa'i don du'o/ /'bring po ni sor mo brgyad pa'i dpangs te sen mo dang bu ram dang gong bu'i spos kyi don du'o/ /mchog ni sor mo bcu pa ste bsil ba'i spos kyi don du'o/ /'khrul 'khor 'di'i 'og tu bye ma dang bcas pa'i gyo mo sgyed pu'i steng du byin nas tsha ba'i bye ma la bdug pa 'dzin pa byin te de'i steng du 'khrul 'khor ro/ /'khrul 'khor gyi steng du dri'i rdzas sor phyed kyi dpangs su rab tu byugs pa'i 'jim pa'i thod pa ste rdzas shin tu chud pa la nA ri ke la byin nas bdug pa nges par bsreg par bya ste/ dbyug gu gcig dang dbyug gu phyed du bdug pa'i tshad shes nas so/ /de nas thod pa blangs te spang leb kyi steng du gos byin nas gang gis du ba mi 'gro ba kha 'og tu phyogs par gzhag par bya'o/ /smin pa'i dus su yang thod pa dang 'khrul 'khor gyi bar du gsher ba'i gos kyis bkri bar bya'o zhes pa ni bdug pa smin pa'i nges pa'o/ /'bras bus smin pa ni bI dzA pU ra'i nang gi 'bras bu phyung nas lpags pa yongs su bsgyur ba'i nang du dri'i rdzas rab tu gzhug par bya'o/ /phyi rol tu shing shun gyis dkris nas 'jim pas sor gcig gi dpangs su byug par bya'o/ /phyi nas ba lang gi lci ba'i mes kha sbyor gyi sbyor bas smin par bya ste ji srid byug pa me'i mdog tu gyur pa'i bar du'o/ /de las lhag na dri nyams par 'gyur ro/ /de nas me las phyung ste bsil bar gyur pa'i dri ni lte ba la sogs pa rnams kyis sngar brjod pa'i cho gas dbug par bya ste 'bras bu smin pa'i nges pa'o/ /'dab ma sbyar ba'i smin pa la yang ste ke ta kI'i 'dab ma rnams kyis snod byas nas nang du dri'i rdzas gzhug par bya ste lhag ma ni 'bras bu smin pa bzhin no/ /ngang pa'i smin pa la gser ram dngul gyi bum pa'i nang la dri'i rdzas dpangs sor gcig gis byugs pa zangs kyi snod dri'i chus phyed yongs su bkang ba la rkyal bar byed cing bskol ba nyams su myong ba ste ngang pa bzhin rkyal bar byed pas ngang pa'i smin pa zhes pa'o/ /dbug pa la sogs pa ni sngar bzhin no/ /ngang pa'i smin pa'i nges pa'o/ /ngang pa'i smin pa dang zhes bya ba gsungs pa'i phyir khyogs kyi smin pa la sogs pa brjod par bya ste 'dir dri'i bstan bcos las brjod pa'i rdzas rnam pa dgu'i nang nas dman pa'i 'dab ma rnams dag pa'i slad du las rnam pa brgyad de bkru ba dang dugs dang mnye ba dang brdung ba dang / spang ba dang bdug pa dang bsgo ba dang dbug pa'o/ /de la bkru ba ni rtsa ba mos so/ /dugs ni khyogs kyi smin pas so/ /mnye ba ni dri'i chus so/ /brdung ba ni bu ram gyi chu la sogs pas so/ /spang ba ni shi gru dang tshA ga mU tra la sogs pas so/ /bdug pa ni ska ba dang drag po dag gis so/ /bsgo ba ni ke ta kI la sogs pa'i me tog rnams kyis so/ /dbug pa ni lte ba la sogs pa'i rdzas rnams kyis so/ /gla sgang la sogs pa ni dman pa'i 'dab ma rnams dang me tog gi tshogs la bkru ba dang bsro ba la sogs pa bya ste brdung ba spangs nas so/ /de bzhin du shun pa'i tshogs dang 'bring po'i 'dab ma rnams dang rtsa ba'i tshogs dang shing gi tshogs dang 'dab ma'i tshogs dang 'tsho ba'i tshogs la'o/ /sen mo ni brdung ba'o/ /pU tra ke sha ni sbyar ba'i smin pa'o/ /lhag ma ni me tog gi tshogs bzhin no/ /'bras bu'i tshogs dang khu ba'i tshogs dang zhu ba'i rdzas kyi tshogs la las ci yang mi bya'o/ /brjod pa'i rdzas 'di rnams phye mar byas nas snod kyi khar gos kyi steng du phye ma sbyin no/ /snod dri chus phyed gang ba sgyed bu'i steng du bzhag nas blang ba'i dugs kyis dugs bya ste ji srid phye ma rlon par gyur gyi bar du'o/ /de nas blangs te mnye ba la sogs pa bya'o/ /de bzhin du pu tra ke sha'i yang khyogs kyi dugs dang sen mo'i dugs kyi gnas su ba lang gi lci ba dang 'jim pas bskol ba dang rdung ba'o/ /ska ba'i chus bran pa ste lhag ma ni snga ma bzhin no/ /smin pa rnam pa lnga'i nges pa'o/ /lhag ma ni dri don du gnyer ba rnams kyis dri'i bstan bcos las shes par bya'o/ /da ni dri la sogs pa rnams kyis gsang ba gsungs pa gsang ba zhes pa la sogs pa ste 'dir dri la sogs pa rnams bsil ba'i spos kyi smin pa'i dus su gsang ba ni dri la pU ti sbyin par bya'o/ / ras sen mo g.yo ba zhes pa ni gsang ba ste 'dir spos kyis smin pa la skyur bar gyur pa'i dri rnams la spos sbyin par bya ste spos kyi sbyor ba byas so/ /spos kyi sbyor ba zhes pa ni spos kyis smin pa'i yul la gan d+ha ra sa dang sen mo dang sih+la ka bu ram gyis sbyangs nas nyin zhag gcig gam nyin zhag gnyis te ji srid skyur ba nyid 'dor ba'o/ /de nas gong bu la sogs pa sbyin par bya'o zhes pa ni nges pa'o/ /ci ste smin pa drag pos dri tshig par gyur na mtshan mo ri bong mtshan mo'i 'od zer gyis dri la reg par bya'o/ /de med na ji srid tshig pa'i skyon nye bar zhi bar gyur gyi bar du chu'i 'gram du gzhag par bya'o/ /dri rnams rnam par nyams pa'i rgyu brjod par bya ste 'dir ma dag pa dang dag pa'i rdzas rnams gcig pa nyid ni rnam par nyams pa'i rgyu'o/ /de bzhin du 'bru mar dang rlan dang bcas pa'i gnas dang sogs ma dang 'gyur byed kyi rdzas dang bshang gci dang byi bas reg pa dang shin tu dro ba'i gnas so/ /de bzhin bsil ba zhes pa tsan dan dang du ru ka dang gu ru dang ri bong can ni gsang ba ste bu tra ke'i sha'i mjug tu bsil ba la sogs pa'i spos sbyin par bya'o zhes pa ste smin pa'i mthar nges pa'o/ /bsgo ba'i bya bar me tog gsang ba ste ji srid spos kyi skyon nye bar zhi bar gyur pa'o/ / 'bugs pa la zhes pa la 'bugs pa'i yul la ga pur dang gla rtsi dang 'bras bu gsum dang ma da'i chang zhes pa gla rtsi'i chang gsang ba ste ji srid me tog bsgo ba'i skyon nye bar zhi bar gyur bar ro zhes pa ste dri'i sbyor ba'i nges pa'o/ / yang dag khrus sbyor la zhes pa ni khrus kyi yul gdon mi za bar ro/ /gsang ba zhes pa ni sbyin par bya ste khrus kyi rdzas kyi tshogs kyi nang du shun pa gran thi par+N+Na nags su rgyu ba dang bcas zhes pa ni pu tra ke sha dang bcas pa ste cha gsum cha bcwa lnga'i dbus su sbyin par bya'o zhes pa ni nges pa'o/ /dril phyis kyi sbyor ba la gran thi par+N+Na sbyin par bya ste cha ni khrus la ji lta ba bzhin no/ /dri'i le tshe sbyar ba'i cho ga gsungs pa'o/ /da ni lte ba'i gtso bo'i dri gsungs pa chu skyes dag pa zhes pa la sogs pa ste 'dir gang gi tshe rdzas gcig gis dri'i rgyal po bya bar 'dod na de'i tshe chu skyes dag pa zhes pa ni sen mo'o/ /de nyid ni spyir rnam pa bzhi ste glang po che'i rna ba dang rta'i rmig pa dang ud pa la'i 'dab ma dang ba da ra'i 'dab ma'o/ /de rnams la dri'i sbyor ba la glang po che'i rna ba dang rta'i rmig pa sbyin par bya'o/ /spos kyi sbyor ba la ba da ra dang ud ba la'i 'dab ma'o/ /'dir yang ba da ra'i 'dab ma mchog ste de med na ud pa la'i 'dab ma la sogs pa gzung bar bya'o/ /dag pa ni dri'i bstan bcos las brjod pa'i cho gas bskol ba dang brdung ba dang bu ram dang ska ba'i chus bran pa dang phye mar byas pa dang 'bras bu gsum la sogs pas byug pa dang bsgos pa'i phyir dag pa'o/ /de nyid gzhan pa'i rdzas kyis dman zhing dngar ba dag dang zhes pa ni chang ste de dang rnam par bral ba'o/ /dri yi chu yis btags zhes pa ni 'dir dri yi chu yi don du shin tu dang ba'i chu blangs nas e la dang shun pa dang mA~M si dang bA la ka dang tsan dan rnams zho gnyis thum por bcings te chu bre brgyad la bzhug par bya'o/ /de nas rkang pa'i lhag mar bskol bar bya ste ji srid dri'i chur gyur par ro/ /des dri gzhan yang brtag par bya'o zhes pa ni nges pa'o/ /spos kyis smin pa zhes pa ni sen mo dag pa btags pa de nyid bdug pas smin pa'i cho gas spos kyis smin pa'o/ /ska ba drag po sbrang rtsi dang bcas lag skyes dag gis kham bu rim pas 'phel zhes pa la sbrang rtsi dang ka ra dang bcas pa ska ba'i kham bu gcig ste nyin zhag dang po la'o/ kham bu'i thog ma tha mar sbrang rtsi dag dang dkar po nges par bsreg ste dang po spos las so zhes pa'i nges pa las dang por sbrang rtsi dang sha ka ra'o/ /bar du ska ba'i spos kyi kham bu sbyin par bya'o/ /slar yang kham bu'i mjug tu sbrang rtsi dang ka ra nges par bsreg par bya'o/ /nyin zhag gnyis pa la me tog bsgo bar bya'o/ /de ltar gcig gis bar du chod pa'o/ /drag po'i spos kyis kham bu gnyis nyin zhag gnyis la nges par bsrag go/ sen mo'i kham bu gsum nyin zhag gsum gyiso/ /de nas kham bu gnyis ni ka ra bsres pa dag ste zhes pa ni ma la ya'i kham bu gnyis nyin zhag gnyis la'o/ /g.yo ba'i gcig ste lcags dang ga pur dag gis yang ngo / kham bu'i thog ma dang tha mar sbrang rtsi dang sha ka ra sngar bzhin no/ /de ltar gcig gis bar du chod pas nyin zhag nyi shu rtsa bzhi'i spos kyis smin par 'gyur ro/ /de nas nyin zhag bcus me tog bzang po rnams kyis bsgo bar byas nas de ji srid spos kyi skyon nye bar zhi bar gyur pa'i bar du'o/ /dri yi chu yis bsres pa dag ces pa ni sngar gyi tshogs nyin zhag so sor dri'i chus bskol bar bya'o/ /chu grang mo sbyin par mi bya ste chu grang mos bskyur bar 'gyur ro/ /dri yi chu de yis bsres pa'i dri byas nas/ 'jim pa'i thod pa 'dzag pa min pa phyi rol nas spra tshil dang gos kyis bcings te brtan par kha bcad la de nyid ni gzhan shin tu che ba'i snod kyi rdza mar ro/ /yang na sa 'og tu ste de med na'o/ /snod der bcug la steng nas bye ma sbyin par bya ste ji srid snod kyi mgrin pa'i mthar thug pa gang bar gyur gyi bar du'o/ /bye mas gang ba'i snod de la thun mong ba'i chu nyi mas dros pa sbyin no/ /snod de nyid nyi ma'i 'od la zla ba drug gi bar du gzhag par bya'o/ /de ltar zla ba drug gi nye bar sbyor bas smin par 'gyur te chu la gnas pa lte ba'i gtso bo'i dri zhes pa ni dri'i rgyal po'i nges pa'o/ / da ni dri'i til mar gyi don dang me tog gi til mar gyi slad du til dag pa gsungs pa til zhes pa la sogs pa ste 'dir til yongs su smin pa sar pa rnams yang dag par gzung bar bya'o/ /'dab ma bskol ba'i chu dag dang zhes pa la 'dab ma ni a mra'i 'dab ma'o/ /de bzhin du dza~M bu dang ka bid tha dang ma du lung ga dang bil ba rnams kyi ste shing lnga'i 'dab ma'o/ /de dag bskol ba'i chu ni 'dab ma'i chu ste des mnyes nas til rnams kyi sbun pa bsal ba ni dag pa dang po'o/ /de nas dra ba'i 'khrul 'khor gyi steng du gos byin nas de'i steng du til rnams snod gzhan gyis byibs nas gdug par bya ste dag pa gnyis so/ /byug pa la sogs pa rnams kyis zhes pa ni 'bras bu gsum dri'i chus btags pa'i byug pa sbyin par bya'o/ /sogs pas ni nyi ma'i 'od kyis bskam par bya'o/ /de ltar til rnams dag byas nas phyi nas dzA ti la sogs me tog rnams kyis nyin zhag 'ga' zhig ste phyogs sam nyin zhag bcur bar chad med par bsgo bar bya'o/ /ji srid bsgos pa rnams bsgos pa'i me tog gi dri 'dzin pa'i bar du ste de ni 'dod pa bsgos pa yin no/ /de nas til btsir ba'i 'khrul 'khor gyis til mar blangs nas mi yi bdag po zhes pa ni bod pa'o/ /mkhas pas mching bu'i snod du gzhag par bya ste til mar de ni khrus sam yan lag byug pa dag la myos byed me tog til mar nyid ni smin par 'gyur zhes pa'o/ /ci ste smin pa'i til mar byed par 'dod na de'i tshe til mar de nyid dri bzang po'i chu dang mnyam pa bskol bar bya ste ji srid til mar gyi dbu ba 'dor gyi bar du'o/ /de nas 'bogs pa'i dus su dri'i rdzas brgyad cha'i dri'i chus btags pa sbyin par bya'o/ /phyi nas dbog par bya ste ji srid grangs par gyur gyi bar du'o/ /de nas gla rtsi la sogs pa'i 'bugs pa byin nas mching bu'i snod du bzhag par bya'o/ /de nyid ma da'i chang rkang pa'i cha shas kyis bsres nas rgya skyegs kyi snod du nyi ma'i 'od kyis zhag bdun gdungs na gla rtsi'i til mar du 'gyur ro/ /'od ma'i dong par smin pa ni nyi ma'i smin par 'gyur te de ltar byug pa la sogs pa ni 'od ma'i dong par smin zhing lte ba la sogs pas phug pa mchog gi byug par 'gyur ro/ /de ltar cho ga sna tshogs pa dri'i bstan bcos las gsungs pa'i dri la sogs pa'i sbyor ba bya ste 'dir ni bcom ldan 'das kyis mdor bsdus pa gsungs so/ /dri'i rigs pa nges pa'o/ /da ni sbrum ma rnams btsa' ba'i don du thams cad sum bcu rtsa bzhi'i 'khrul 'khor gsungs pa sa 'dzin zhes pa la sogs pa ste 'dir gang gi tshe sbrum ma rnams btsa' ba'i dus phyi rol gyi pho nya mo'i skyon gyis mngal rengs par gyur na de'i tshe 'khrul 'khor 'di tshad kyi rgyab tu bri bar bya ste tshad ces pa ni bre'o/ /de'i rgyab tu re mig bcu drug byas nas re mig dang po la sa 'dzin te bdun no/ /gnyis pa la nyi ma ste bcu gnyis so/ /gsum pa la zla ba ste gcig go/ bzhi pa la ma nu ste bcu bzhi'o/ /lnga pa la mig ste gnyis so/ /drug pa la 'dod pa ste bcu gsum mo/ /bdun pa la nor te brgyad do/ /brgyad pa la drag po ste bcu gcig go/ dgu pa la rgyal po ste bcu drug go/ bcu pa la me zhes pa gsum mo/ /bcu gcig pa la phyogs zhes pa bcu'o/ /bcu gnyis pa la 'byung ba zhes pa lnga'o/ /bcu gsum pa la bug pa zhes pa dgu'o/ /bcu bzhi pa la drug ces pa drug go/ bcwa lnga pa la tshes zhes pa bcwa lnga'o/ /bcu drug pa la chu gter dag ces pa ni bzhi ste mtha yi re mig bcu drug pa la gzhag par bya'o/ /re mig bzhi pa la gnas pa yi a~M ka 'di rnams kyi grangs gcig tu bsdus pa ni chu yi gter dang rtse mo can zhes pa sum bcu rtsa bzhi'o/ /thams cad du dpal ldan 'khor lo mtha' dag ni tshad kyi rgyab tu bris nas 'khrul 'khor 'dir rab tu btsa' bar 'gyur ba'i dus su sbrum ma rnams la bstan par bya zhes pa ste mngal 'gro ba'i nges pa'o/ /da ni mngal la sogs pa byis pa'i rgyud gsungs pa rnal 'byor ma rnams zhes pa la sogs pa ste/ 'dir sa yi steng du rab gsal rnal 'byor ma drug bcu rtsa bzhi gang yin pa de dag ni brgyad pa brgyad kyi ma mor rab tu grags so/ /de dag gi nang nas mngal zhes bya ba sum 'gyur dgu zhes pa ni nyi shu rtsa bdun no/ /nyin zhag ces bya bcu'o/ /bcu gcig pa zla ba zhes bya ba'o/ /gzhan ni lnga pa gsum zhes pa bcwa lnga ni lo zhes bya ste drug bcu rtsa gsum po de dag byis pa 'dzin ste mtha' dag sa yi steng du'o/ /mngal du zug rngu dang ni rab tu btsa' ba'i dus su skye gnas la yang zug gzer byed pa nyid ces pa ni 'dir mngal zhes bya ba rnams kyi nang nas bcwo lnga ni mngal bzung ba'i nyin zhag nas brtsams te nyin zhag bco lnga'i bar du mngal du zug rngu rab tu byed do/ /de nas dgu ni zla ba dgu'i bar du rab tu 'gro 'o/ /rab tu btsa' ba'i dus su gcig go/ nu ma'i 'o ma 'phrog pa gnyis te mngal zhes bya ba rnams kyi nges pa'o/ /skyes pa rnams la byis pa'i rgyud du 'gyur te nyin zhag dbang dang zla ba lo yi rab dbye las zhes pa la 'dir byis pa'i rgyud ces pa ni ma mos gzir ba rnams kyi byis pa gso ba'o/ /de la nyin zhag ces bya ba rnams la 'chad par 'gyur ba'i gtor ma sbyin par bya ste byis pa skyes pa rnams skyes pa'i nyin zhag nas brtsams te nyin zhag drug bcu'i bar du rang rang gi nyin zhag la gzir bar byed pa rnams la'o/ /zla ba re re'i dbang gis bcu gcig po rnams la zla ba bcu gcig gi bar du'o/ /de nas bco lnga po rnams la lo bcu+o lnga'i bar du'o/ /de'i steng du byis pa gzhon nu nyid med de lo bcu drug pa la khu ba 'dzag pa'i phyir ro zhes pa ni nges pa'o/ /da ni ma rungs pa lnga gsungs pa ma rungs zhes pa la sogs pa ste 'dir sa'i steng du dga' ba la sogs pa'i tshes kyi dbye bas tshes lnga po rnams kyi 'tshams su gzhon nu rnams te nam mkha' la sogs pa'i rang bzhin yon tan dbang gis tshigs 'tshams dag la yang dag gnas so/ /de dag rang gi tshes la 'jigs gyur byis pa 'dzin par byed de thams cad thun mong gi gtor mas byis pa nges par gtong bar mi byed do/ /rgyal po zhes pa ni bod pa'o/ /de dag zhi ba'i don du 'dir ni rnam mang dkyil 'khor khrus dang sbyin sreg gi bya ba 'chad par 'gyur ba dag tu rab tu 'gyur zhes pa ni ma rungs pa'i nges pa'o/ /da ni mngal zhes bya ba rnams kyis gzir ba'i sbrum ma rnams kyi dman gsungs pa ru rta zhes pa la sogs pa ste 'dir gang gi tshe sbrum ma rnams kyi mngal na bar gyur na de'i tshe sman ni ru rta dang u shi ra dang / ka se ru dang rta ka ra'i rtsa ba dang ud pa la'i rtsa ba dang pad ma ge sar te rdzas 'di dag bsil ba'i chu yongs su dngas pas btags shing rdo rje yis ni bsngags pa dag kyang zhes pa la/ oM AHhU~M a mu kA yA gar+b+ha shU la~M ha ra ha ra swA hA zhes pa ni sngags te 'dis mngon par bsngags nas mngal gyi zug rngu la rab sbyin pa zhes pa ste nges pa'o/ /de bzhin du mngal ni rengs na na ku la'i spu brgyad dang gtsug phud can gyi ste rma bya'i mjug ma bzung nas bsil ba'i chus btags te mngon par bsngags nas snga ma bzhin du sbyin par bya'o/ /'o ma phrogs pa rnams 'o ma'i shing gi 'og tu khrus bya'o/ /ba'i 'o mas gang ba'i kham phor bdun dang 'o ma'i zan gyi gtor ma sbyin par bya'o zhes pa ni mngal zhes bya ba rnams kyi nges pa'o/ /da ni 'o ma zhes pa la sogs pas nyin zhag ma rnams kyi cho ga gsungs te 'dir nyin zhag bcu'i nang du bzung ba'i byis pa zhi ba'i don du 'o ma dang mar dang thug pa dang zan dang zho dang bu ram dang bcas pa'i gtor ma nyin zhag ma rnams dag la sbyin par bya ste khrus dang spos ni 'chad par 'gyur ro/ /nyin zhag ma rnams kyi mtshan mo gsum du gtor ma'i nges pa'o/ /da ni sman pa zhes pa la sogs pas zla ba zhes bya ba rnams kyi cho ga gsungs te 'dir zhag bcu'i rjes la zla ba'o/ /de nas zla ba bcu gcig gi bar du zla bar skyes pa rnams zhi ba'i don du ma mo rnams la gtor ma sbyin par bya'o/ /smin pa'i zas lnga tha dad ces pa ni mar gyi smin pa ste pU ri kA dang g+h+ri ta pU ra dang so mA li dang se bA lI dang ba Ta ka ces pa ste lnga tha dad pa'o/ /zas gzhan zho dang bu ram dang bcas pa po li ka dang mo da ka dag kyang ngo / /dri zhes pa tsan dan dang dri bzang po'i me tog dang til gyi til mar ram mar gyi me dang bkru ba dag kyang 'dab ma rnams kyis zhes pa ni a shwad tha la sogs pa shing 'o ma can lnga'i 'dab ma rnams kyis te cung zad bskol ba'i chu dro ba dang bcas pas byis pa la khrus bya ste zhag lnga'i bar du thams cad bya'o/ /khrus kyi mjug tu byis pa la bdug pa sbyin par bya ste/ ba lang gi so dang lug gi rwa dang ri dgas kyi spu dang mi'i sen mo dang skra dang sbrul gyi shun pa 'di dag gcig tu byas nas drag po'i sol bas spos so/ /lha'i gtor ma la ni sngar brjod pa'i dri dang spos la sogs pa sbyin par bya'o/ /phyogs bzhi dang grong gi dbus su'o zhes pa nges pa ste byis pa zla skyes rnams ni rgyas pa'i don du mtha' dag brjod pa rnams kyang gtor ma dag la'o/ /da ni bza' ba lnga zhes pa la sogs pas lo can ma rnams kyi cho ga gsungs te 'dir zla ba bcu'i steng du zla ba gnyis ni 'dir lor gzung bar bya'o/ /de nas lo bco lnga'i bar du lor skyes pa ma mos gzir ba rnams zhi ba'i don du lo can ma rnams la gtor ma sbyin par bya'o/ /bza' ba lnga zhes pa ni yung ba la sogs pa rnams kyis zan ser po dang dkar po dang dmar po dang nag po dang ljang khur byas pa ste 'di dag ni bza' ba lnga'o/ /bca' ba lnga zhes pa smin pa'i zas sngar brjod pa'o/ /chu la rgyu ba nya sha dang sha dang dri la sogs pa sngar brjod pa dang chang dang sngar brjod pa'i spos la sogs pa ste thams cad smyig ma'i snod du bzhag pa nas mar me dang bcas pa'i gtor mas lan gsum byab par bya'o/ /phyogs zhes pa nyin zhag bcur phyogs bcu'i char te dbang po nas dbang ldan gyi mthar thug pa dang 'og dang steng du gtor ma ste grong gi dbus dang lam gyi bzhi mdor sbyin par bya'o/ /byis pa lor ni skyes pa rnams dag rab tu gsal bar sa la rgyas pa'i slad du mi yi dbang zhes pa ni bod pa'o/ /lo can ma rnams mchod pa'i nges pa'o/ /de ltar mngal nas lo ni lnga pa gsum zhes pa ni lo bcwa lnga'i mthar thug par rnal 'byor ma drug bcu rtsa gsum po rnams nges par mchod par bya'o/ /gzhan du na byis pa rnams zhi ba la sogs par mi 'gyur ro zhes pa ni rnal 'byor ma rnams mchod pa'i nges pa'o/ /da ni ma mos bzung ba rnams kyi skyon gyi mtshan nyid gsungs pa yan lag ces pa la sogs pa ste 'dir gang gi tshe byis pa ma mos bzung bar gyur na de'i tshe de'i yan lag rkyong bar 'gyur ba dang mig na bar 'gyur ba dang kha dang lag pa dag dang rkang pa dag ni kha dang lag pa rkang pa ste ser po nyid du yang 'gyur ba dang gcin ni kha dog ser por 'gyur ba dang tsha ba skye bar 'gyur ba dang / skyug par 'gyur ba dang skam pa dang brgyal bar 'gyur ba ste ma mo'i skyon gyi mtshan ma 'di dag rnams shes par gyur nas byis pa de dag dang yang gi sgras gdug pa'i gdon gyis bzung ba rnams la dkyil 'khor dang sbyin sreg la sogs pa bya'o/ /rnam pa gzhan du gtor ma ma byin na ni gtong bar mi 'gyur te rang bzhin yon tan dbang gis 'byung ba las skyes ma mo sngar brjod pa dag gis zhes pa ste gso ba'i mtshan nyid do/ /da ni drug bcu rtsa bzhi ma rigs ldan mas bzung ba'i 'chi ba'i mtshan nyid gsungs pa gang gi zhes pa la sogs pa ste 'dir drug bcu rtsa bzhi ma rigs ldan ma ni mngal dang nyin zhag dang zla ba dang lo'i 'tshams su rnal 'byor ma thams cad kyi 'tshams so so la khyab par byed pa'i ngo bos gnas pa'o/ /des bzung ba'i byis pa'i yan lag thams cad dkar por 'gyur ba dang 'brum pa shin tu phra mo nyungs dkar dang skye tshe tsam du 'gyur ba dang / mgrin pa lus dang bcas pa 'khyog por 'gyur ba dang kha 'am gsang ba 'am bshang lam dag las khrag 'dzag par 'gyur ba te 'di 'dra ba'i mtshan nyid mthong nas yul de la mchod pa bya ba min te gal te byed na de'i tshe sngags pa rmongs pa rnams chags pa las chung ba nyid du 'gyur ro/ /ci'i phyir zhe na gang gi phyir de ni 'chi bar 'gyur te nges par lha dang mi dang lag 'gro rnams kyis bsrung bar nus pa min pa'i phyir ro/ /'chi ba'i mtshan ma'i nges pa'o/ /da ni dkyil 'khor la mchod pa byas pas bde ba byed pa gsungs pa klu zhes pa la sogs pa ste 'dir klu la sogs pa rnams kyis gzir ba rnams ni klu la sogs pa rnams 'chad par 'gyur ba'i dkyil 'khor la mchod par byas pas bde ba byed par 'gyur ro/ /'di dag gis mtshan nyid du ma 'byung po'i rgyud las brjod pa shes par bya ba dag ni 'di nyid du 'chad par 'gyur ba'i phyag rgya bcing pa las ji snyed cig go/ da ni ma rungs pa rnams mchod pa'i don du dkyil 'khor dang dkyil 'khor gyi gnas gsungs pa ma rungs pa rnams zhes pa la sogs pa ste 'dir ma rungs pa rnams mchod pa'i don du dkyil 'khor ni grong gi phyi rol du 'gyur ro/ /de nyid du shing gcig gi gnas dang dur khrod dang ni lha mchog khang pa dag gam ste lha khang stong pa dang chu bo 'dus pa rnams su'o/ /khru gang dag gam gnyis dang bzhi zhes pa ni 'dir 'byor pa dang rjes su 'tsham par dkyil 'khor khru gcig pa 'am khru gnyis pa 'am khru bzhi pa nas brtsams te khru stong pa ji srid pa de srid du slob dpon gyis bri bar bya'o/ /dgu dang bcu gsum mi bdag ces pa ni 'dir lha dgu rnams kyi dkyil 'khor gyi tshad ni khru gcig go/ bcu gsum rnams kyi khru gnyis so/ /mi bdag ces pa bcu drug rnams kyi khru bzhi'o zhes pa nas brtsams te nyi shu lhag pa'i brgya phrag bcu drug rnams kyi khru stong gi mthar thug par bri bar bya ste 'byor pas so/ /'dir dkyil 'khor thams cad kyi dbus su rtsibs brgyad pa'i 'khor lo 'am pad mar 'gyur te dkyil 'khor gyi phyed kyi cha shas so/ /sgo ni dkyil 'khor gyi 'khor lo'i brgyad cha'o/ / sgo yi phyed kyis kha khyer dang do shal gyi sa'o/ kha khyer gyi phyed kyis rtsig pa'i re khA lnga dang rin chen snam bu'o/ /sgo'i tshad kyis sgo khyud dang logs dang 'gram mo/ /rta babs ni sgo las sum 'gyur ro zhes pa ste dkyil 'khor gyi mtshan nyid nges pa'o/ /da ni zhi ba'i thab gsungs pa zlum po zhes pa la sogs pa ste 'dir 'chad par 'gyur ba'i thab khung rnams kyi nang nas zhi ba la zlum po'i thabs gzung bar bya ste de nyid cha gsum zhes pa ni rgyar mtho gnyis dang zabs su mtho gcig go/ pad ma dkar po'i rang bzhin zhes pa ni snying po'i nang du rdul tshon dkar pos pad ma dang kha khyer gyi steng du pad ma'i phreng ba dang phyi rol gyi 'og tu pad ma'i 'dab ma rnams te de ltar dkar po'i tshon rnams dag gis bkang ba'o/ /de nas pad ma dkar po'i lte ba dang 'dab ma rnams la tshon lnga dag gis lha rnams kyi mtshan ma bya ste rang phyogs rigs kyi dbang gis ni de bzhin gshegs pa lnga'i rigs kyi dbang gis so/ /rdo rje dbus dang zhes pa ni 'dir 'chad par 'gyur ba las las thams cad la rdo rje 'am zhes gsungs pa'i phyir ro/ /pad ma'i lte ba la rdo rje sngon po ste rnam par shes pa'i phung po'o/ /shar gyi 'dab ma la ral gri nag por 'gyur te rigs kyi dbang gis 'du byed do/ /lhor rin chen dmar po ste tshor ba'o/ /g.yon te byang gi 'dab ma la pad ma dkar po 'dab ma brgya pa ste 'du shes so/ /nub tu 'khor lo'i mtshan ma ser po ste gzugs kyi phung po'o/ /me'i 'dab ma la gri gug nag po ste rlung ngo / /pad ma'i 'dab ma la gnas lha min zur du ste bden bral du lcags kyu dmar po ste me'o/ /rlung du rdo rje zhags pa ser po ste sa'o/ /drag po'i 'dab ma dag la ste dbang ldan du rtse gsum dkar po ste chu'i khams so/ /dbus kyi rdo rje ni rnam par shes pa dang lhan gcig nam mkha'i khams so/ /shar gyi sgor ral gri nag po ste khro bo phrag dog rdo rje'o/ /lho'i sgor rdo rje dbyug pa dmar po ste khro bo 'dod chags rdo rje'o/ /chu ru ste nub kyi sgor be con ser po ste khro bo gti mug rdo rje'o/ /byang gi sgor tho ba dkar po ste khro bo nga rgyal rdo rje'o/ /dbus su rdo rje sngon po ni khro bo'i rgyal po zhe sdang rdo rje'o/ /sems kyi zhes pa la sogs pa nas don du 'di dag mdzod ces pa'i mthar thug pa ni go sla'o/ /da ni gdon gyis zin pa rnams kyi khrus kyi cho ga gsungs pa bum pa zhes pa la sogs pa ste 'dir dkyil 'khor gyi phyogs rnams su bum pa brgyad ni 'chad par 'gyur ba'i mtshan nyid dang ldan pa/ rin chen dang bcas ste rin po che lnga dang bcas pa 'chad par 'gyur ba'i sman la sogs pa dang ldan pa'o/ /'dab ma zhes pa ni 'o ma'i shing gi yal 'dab bo/ /pad ma'i kha ste de dag gis so/ /de bzhin du so ma btang ba'i kham phor ni bdun gyis zhes pa ni kham phor bdun gyis so/ /chu dang bdud rtsi lnga la sogs pas zhes pa ni de dag dang bcas pa ste chu dang 'o ma dang zho dang mar dang sbrang rtsi dang bu ram shing gi khu ba dang dri'i chu ste 'di dag gis gang ba'i kham phor bdun gyis rim pa bzhin du bkru bar bya'o/ /de nas bum pa brgyad dang rgyal ba dang rnam par rgyal ba'i bum pa dag gis te slar yang gi sgra las so/ /nyungs dkar sogs kyis nges par bya ba ces pa ni dang por ba'i rnam lnga'i gong bu rnams kyis so/ /de nas 'bar ba'i rtsa'i thab rnams dang nyungs dkar la sogs pa dang zan gyi gong bu rnams kyis te 'di dag gis byab par bya'o/ /de nas dri la sogs pa rnams kyis mchod pa dang de bzhin du dkyil 'khor rab tu gnas pa byas nas dkyil 'khor du gzhug par bya'o/ /der dbang bskur byin nas te dkyil 'khor gyi bum pa'i chus chu la sogs pa'i dbang bskur ba byin nas de nas zhi ba'i bsreg bya sbyin sreg bya'o/ /'o ma zhes pa la sogs pa ni go sla'o/ /gzhan gang zhig ma brjod pa de thams cad ni dbang gi le'u las brjod pa'i cho gas slob dpon gyis bya'o zhes pa ni nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las bcud len la sogs pa dang byis pa'i rgyud kyi mdor bsdus pa chen po ste drug pa'o// // dus kyi 'khor lo bde ba che/ /'gro ba'i mgon la phyag 'tshal te/ /rang gzhan lta ba dag la gzhung / /cung zad gsungs pa rnam rgyas bya/ /da ni mchog gi dang po'i sangs rgyas las 'jam dpal gyis bsdus pa rang dang gzhan gyi lta ba'i 'dod pa'i rnam par gzhag pa gsungs pa bdag med ces pa la sogs pa ste 'dir 'jig rten gyi kun rdzob kyis rnam par dpyad pa 'jig rten gyi dngos grub kyi slad du lta ba thams cad kyi grub pa'i mtha' mtshungs so/ /'di lta ste/ dngos po gang dang gang gis ni/ /mi rnams yid ni yang dag sbyar/ /des de'i rang bzhin nyid 'gyur te/ /sna tshogs gzugs kyi nor bu bzhin/ /zhes pa ste dngos po'i rnam par brtag pa mtshungs so/ /de bzhin du khams dang dbang po la sogs pa rnam par dpyod pa yang mtshungs so/ /tha snyad can byed pa po dang byed pa la sogs pa yang mtshungs te sangs rgyas pa dang mu stegs pa dag la bye brag med do/ /stong pa nyid kyi de kho na la ni bye brag yod te de yang bdag med ces pa la sogs pa ste/ bdag med ni rnam pa gnyis te gang zag gi bdag med dang chos kyi bdag med pa'o/ /las kyi rnam par smin pa ni rnam pa gsum ste lus dang ngag dang yid kyi'o/ /srid pa gsum zhes pa ni 'dod pa dang gzugs dang gzugs med pa'o/ /dus kyi 'gro ba zhes pa ni dmyal ba dang yi dags dang dud 'gro dang mi dang lha ma yin dang lha rnams kyi 'gro ba ste 'gro ba drug go/ yan lag bcu gnyis rten cing 'brel bar 'byung ba ste de las dngos su yang dag 'byung ba ni 'gro ba drug po rnams so/ /rig byed bden pa zhes bya ba ni 'phags pa'i bden pa bzhi ste sdug bsngal dang kun 'byung dang lam dang 'gog pa'i mtshan nyid do/ /gnyis kyis bsgyur ba'i dgu zhes pa bcwa brgyad ni ma 'dres pa sangs rgyas chos rnams te 'chad par 'gyur ba las brjod par bya'o/ /phung po lnga zhes pa ni gzugs la sogs pa'o/ /sku gsum zhes pa ni chos kyi sku la sogs pa'o/ /lhan cig skyes pa'i sku ni bzhi pa'o/ /de bzhin nyid du bems po ma yin stong pa nyid ni rnam pa thams cad kyi mchog dang ldan pa pra phab pa lta bu'o/ /bdag med la sogs pa 'di dag gang du zhes pa theg pa gsum du ston pa pos brjod pa de ni rab tu gsal zhing nges par rdo rje can gyi bstan pa ste sangs rgyas pa'i lta ba'i dbang gis sems can gyi bsam pas so/ /zhes pa ni de bzhin gshegs pa'i nges pa'o/ / da ni tshangs pa dang khyab 'jug gi 'dod pa gsungs pa gang du zhes pa la sogs pa ste 'dir gzhung gang du rig byed rang byung ste ma byas pa nam mkha' lta bu dang kha dang lag pa rkang pa sogs kyang skye bo'i skye gnas te zhes pa tshangs pa'i kha ni bram ze'i skye gnas dang / lag pa rgyal rigs kyi skye gnas dang / sogs pa'i sgras brla gnyis ni rje rigs skye gnas dang / rkang pa dag ni dmangs rigs kyi skye gnas dang / a shwa me d+ha dag las gzhan pa mchog gi chos med ces pa ni 'dir mtho ris sgrub par byed pa la a shwa me d+ha'i mchod sbyin las gzhan pa mchog gi chos yod pa ma yin no zhes pa de ni tshangs pa'i bstan par 'gyur ro zhes pa la sogs pa ni tshangs pa'i 'dod pa nges pa'o/ / 'dir de'i nang du 'dus pa klu'i chos khyab 'jug gi 'dod pa ni 'di lta ste/ byed pa po yod pa dang bdag yod pa dang dge ba dang mi dge ba'i las yod pa dang dus yod pa dang sa la sogs pa'i rang bzhin yod pa dang snying stobs la sogs pa'i yon tan yod pa dang stong pa nyid ni nyams pa'i chos nyid yod de gcig tu gyur pa la sogs pas mi mthong ba'i phyir ro zhes brjod pa dang / byed po dge ba dang mi dge bas byas pa'i 'bras bu ster bar byed pa'i rgyu yod do zhes pa ni rab tu gsal zhing nges par bstan te dus kyi 'khor lo 'dir khyab 'jug dag gi'o zhes pa ni khyab 'jug pa'i 'dod pa'i nges pa'o/ /da ni dbang phyug gi 'dod pa gsungs pa lam drug ces pa la sogs pa ste 'dir sngar brjod pa'i khyab 'jug gi 'dod pa dang lhan cig lam drug la sogs pa'o/ /ci'i phyir zhe na/ lha gsum po ni gzugs gcig ste/ tshangs pa khyab 'jug dbang phyug che zhes pa'i nges tshig las so/ /byed pa po dang bdag dang las dang dus dang rang bzhin dang yon tan dang stong pa nyid zhig pa'i chos ni mya ngan las 'das pa ste mtha'i gnas skabs las so/ /'di dag dang lhan cig lam drug la sogs pa rnams rig par bya'o zhes pa ni nges pa'o/ /'dir lus la lam drug rnams zhes pa ni yul drug po rnams la 'jug par byed pa'o/ /de nyid lnga dang zhes pa ni nam mkha' la sogs pa'i khams kyi tshogs so/ /mchog gi go 'phang zhes pa ni drug pa ye shes kyi khams so/ /ma lus pa zhes pa ni khams thams cad gcig tu 'dres par gyur pa'o/ /yang yig las gzhan no/ /sngags kyi lus zhes pa ni A li kA li'i bdag nyid can te sngags kyi de nyid do/ /rig ces pa ni dga' ba la sogs pa'i 'dod pa'i de kho na nyid do/ / bdag ces pa ni bdag gi de kho na nyid rtag pa'o/ /dam pa'i zhi ba nyid ces pa ni zhi ba'i de nyid de thams cad du khyab pa'o/ /gzugs spangs pa de'i rnam gsum gnas na gnas pa ni gong bu la gnas pa dang tshig la gnas pa dang gzugs la gnas pa ste lus dang ngag dang sems kyi rnam par rtog pa'i chos can no/ /rnam gsum gnas na gnas pa de'i sbyor dang zhes pa ni skye ba'i dus su lam drug la sogs pa 'di dag rnams sbyor ba ste 'dus pa dang / 'chi ba'i dus su gtong ba'i dngos te de rnams rnam par 'brel lo zhes pa'i don to/ /thig le'i dbye ba zhi ba nyid dang zhes pa ni 'dir khu ba thig le'i dbye ba ste 'dzag pa'i bde ba'i gnas skabs kyi mtshan nyid de nyid zhi ba nyid do/ /mtha' dag lus la gnas pa zhes pa ni rgyu ba dang mi rgyu ba la khyab pa'o/ /bcu gnyis mdud pa'i dbye ba ste zhes pa ni 'dir srog chags rnams kyi lus la gnas pa'i khyim bcu gnyis po rnams mdud pa'i sgras gsungs te khyim bcu gnyis po 'di rnams kyi dbye ba ni lo dang bgrod pa dang dus gsum dang dus bzhi dang dus drug dang / zla ba dang phyogs dang nyin zhag dang chu tshod dang chu srang dang dbugs te 'di thams cad grub pa'i mtha' gang du rab tu gyur pa de ni nges par zhi ba pa yi bstan pa'o zhes pa ni zhi ba pa'i 'dod pa nges pa'o/ /da ni 'jig rten rgyang phan pa'i 'dod pa gsungs pa dbang phyug ces pa la sogs pa ste 'dir lus can rnams la dbang phyug med pa dang byed pa po med pa dang las kyi rnam par smin pa dag kyang med pa dang yon tan yul rnams zhes pa ni yon tan snying stobs la sogs pa dang yul dri la sogs pa'o/ /'byung ba'i tshogs zhes pa ni sa la sogs pa ste de dag longs spyod pa'o/ /'byung ba'i tshogs de med pa na ste shi ba'i mthar las kyi 'bras bu med do/ /a ru ra dang bu ram la sogs pa yang dag par sbyor ba las chang gi nus pa bzhin 'byung ba rnams yang dag par sbyor ba'i nus pa ste de med pa na 'jig rten pha rol gyi lus 'ga' yang yod pa ma yin no zhes pa ni gsal bar lha yi bla ma phur bu'i bstan par rig par bya'o/ /'jig rten rgyang phan pa'i 'dod pa nges pa'o/ /da ni kla klo stag gzigs rnams kyi 'dod pa gsungs pa byed po zhes pa la sogs pa ste 'dir byed po rah+ma Nas rgyu ba g.yo ba dang mi rgyu ba brtan pa'i dngos po mtha' dag bskyed cing stag gzig rnams kyi zhes pa kla klo gos dkar po can rnams kyi thar pa dag gi rgyu rah+ma Na de mnyes pa las nges par mi rnams mtho ris dang / ma mnyes pa las dmyal bar 'gyur ro zhes pa de ni rah+ma Na yi bstan pa ste bya ba ni sngar brjod pa'o/ /stag gzigs gi 'dod pa nges pa'o/ /da ni zad byed pa rnams kyi 'dod pa gsungs pa dus gsum zhes pa la sogs pa ste 'dir zad byed pa'i grub pa'i mtha' smra ba la rdzas dang rnam grangs dag gis rtag pa dang mi rtag pa'i tha snyad du 'gyur ro/ /de la dus gsum nyid dang zhes pa ni 'das pa dang ma 'ongs pa dang da ltar byung ba'o/ /rdzas ni drug ste zhes pa ni srog dang gang zag dang dus dang nam mkha' dang bsod nams dang sdig pa'o/ /'di dag gi nang nas srog dang dus dang nam mkha' ni rtag pa'o/ /tshig dgus bsgrubs dang zhes pa ni srog dang srog ma yin pa dang zag pa dang sdom pa dang spangs pa dang bcings pa dang thar pa dang 'gro ba dang 'ong ba'o/ /srog ni drug gi lus la cha shas so zhes pa ni sa'i lus la cha shas dang chu'i lus la cha shas dang me'i lus la cha shas dang rlung gi lus la cha shas dang nags kyi bdag po'i lus la cha shas dang 'bru'i lus la cha shas so zhes pa ste lus drug la srog rnams kyi cha shas so/ /gzhan ni yod pa'i lus lnga zhes pa ni kha zas can gyi lus dang 'od kyi lus dang rang bzhin can gyi lus dang brdzus skyes kyi lus dang mtha'i lus so zhes pa ni srog rnams kyi'o/ /brtul zhugs sdom pa 'gro dang ye shes spyod pa dag gi dbye ba rnams zhes pa la zad byed pa rnams kyi brtul zhugs ni lnga ste/ dang po 'tshe ba med pa dang gnyis pa bden par smra ba dang gsum pa byin pa len pa dang bzhi pa tshangs par spyod pa dang lnga pa yongs su bzung ba thams cad yongs su gtong ba'o/ /sdom pa ni lnga ste/ spyod lam gyi sdom pa dang / skad kyi sdom pa dang yongs su tshol ba'i sdom pa dang blangs pa mi 'dor ba'i sdom pa dang nye bar rab tu gnas pa'i sdom pa'o/ /'gro ba'i dbye ba ni lnga ste/ dmyal ba dang dud 'gro dang mi dang lha dang thar pa'i 'gro ba'o/ /ye shes kyi dbye ba ni lnga ste/ blo gros dang thos pa dang 'tshams dang yid kyi yongs su tshol ba dang mo'i ye shes so/ /spyod pa'i dbye ba ni bcu gsum ste/ brtul zhugs kyi dbye ba lnga dang sdom pa'i dbye ba lnga dang lus kyi gsang ba dang ngag gi gsang ba dang sems kyi gsang ba'o zhes pa 'di dag ni mchod 'os pa rnams kyis thar pa'i don du rab tu brjod do/ /srog ni lus kyi tshad te dpag tu med pa'i srid pa dag gis rtag pa'i srog gis thar pa'o/ / grub pa'i mtha' gang du thar pa'i tshad ni 'jig rten gsum gyi steng du gdugs kyi rnam pa dpag tshad 'bum phrag bzhi bcu rtsa lnga par nges par brjod pa de ni rgyal ba rnams kyi bstan pa'o zhes pa ni zad byed pa'i 'dod pa'i nges pa'o/ /da ni mu stegs pa rnams kyi 'dod pa rigs pas rnam par dpyad nas sun dbyung bar gsungs pa rig byed ces pa la sogs pa ste 'dir rigs pas rnam par dpyad na rig byed ni rang byung ma yin no/ / de ci'i phyir zhe na/ smras pa/ rig byed kyi sgras don rjod par byed pa nyid kyi phyir ro/ /'di sgra gang zhig don gyi rjod byed yin pa de ni mgrin pa dang rkan la sogs pa'i rtsol bas bskyed pa gang yin pa de'i phyir rang byung ma yin pa 'grub bo/ /ci ste 'di ni rig byed kyi sgra ma yin te gzhan nyid do/ /'di ni rna ba'i bug pa'i nang du sgra'i don thams cad dang gcig tu 'dres par gyur cing rtag pa de'i mngon par gsal bar byed pa'o zhes 'grub bo zhe na/ de'i phyir smras pa/ 'dir gal te rig byed sgra'i don thams cad dang gcig tu 'dres par gyur pa nyid kyis gnas shing rtag pa yin na/ de'i tshe bum pa zhes brjod par gyur pa na rna ba'i bug pa'i nang du ca cor rtogs par bya bar 'gyur te de ltar yang ma yin no/ /de'i phyir rtag pa'i sgra gzhan khyab par byed pa yod pa'i dam bca' ba 'di ni don med pa'o/ /don ni tha dad min na gal te sgra dang don dag gcig nyid yin pa de lta na me'i sgra brjod pa dag gis rang gi kha cis mi sreg /de'i phyir rig byed ni rtag pa nyid ma yin zhing don dang lhan cig gcig nyid ma yin no zhes grub ste gzhan pa ci/ 'dir gang gi tshe kla klo rnams kyis rig byed kyi chos bsgribs par gyur pa na rig byed med par gyur pa de'i tshe tshangs pa'i gdong bzhi dag gis sngon ni rig byed sgra dag gis kyang don ni rab tu gsal bar byas te dbang po phyugs su gyur zhes pa la sogs pa'i klog gis so zhes zer ba thos so/ /de'i phyir don gzhan dang rig byed gzhan zhes grub bo/ /de'i phyir ston pa po tshangs pa yod de rig pa'i yul dang ma 'ongs don dang 'das pa dag la ston pa po grub ste gyur zhes pa'i klog las so/ khas klog pa las byas par grub bo/ /de'i phyir rig byed nam mkha' mtshungs min 'dir ni gnas kyi dbye ba dag las kha yis rab brjod byas pa'o zhes pa ni nges pa'o/ /rigs pas gnyis skyes kha yis klags pa nyi tshe ba ste kun du 'gro ba gzhan rnams klog pa'o/ /gang phyir dmangs la sogs pa'i rigs ni kun 'gro min pa'i rig byed 'di dag klog dang 'gro ba min/ /de phyir shes rab mkhas par gyur pa'i mi rnams dag la rig byed dag ni tshad mar mi 'gyur ro zhes pa ni mdor bsdus pas rig byed byas par 'grub pa ste rgya cher tshad ma'i bstan bcos las shes par bya'o zhes bya ba 'jam dpal gyi nges pa'o/ /da ni bram ze la sogs pa rnams kyi skye gnas sngar brjod pa sun dbyung ba brjod par bya ste 'dir tshangs pa'i kha ni bram ze rnams kyi skye gnas te de las skye ba'i phyir ro zhes grag go/ de bzhin du dpung pa ni rgyal rigs rnams kyi skye gnas so/ /sogs pa'i sgras brla gnyis ni rje rigs rnams kyi skye gnas so/ / rkang pa gnyis ni dmangs rigs rnams kyi skye gnas te de ltar rigs bzhi'o/ /rigs bzhi po 'di dag gi mtha' ni rigs lnga pa ste/ gdol pa de dag rnams kyi skye gnas gang yin ni re shig bram ze rnams kyis mi shes so zhes pa las gzhin pa ci/ 'dir tshangs pa'i kha las bram ze rnams skyes pa ni bden par grag go/ de'i phyir bdag gis dri bar bya'o/ /bram ze mo rnams kyang de las skyes par gyur tam ci/ gal te gyur na de'i tshe sring mor 'gyur te skye gnas gcig las skyes pa nyid kyi phyir ro/ /de bzhin du rgyal rigs la sogs pa rnams kyang ngo / /de'i phyir sring mo dang lhan cig bag ma ji ltar byed/ ci te byed na de'i tshe kla klo'i chos la zhugs so/ /kla klo'i chos la zhugs na rigs nyams te rigs nyams pa las dmyal bar 'gyur ro/ /zhes pa ni rigs pa'o/ /gzhan yang rnam par dpyad par bya ste 'dir gal te skye dgu rnams gcig gis bskyed pa yin na de'i tshe rigs bzhir ji ltar 'gyur/ dper na pha gcig gi bu bzhi bzhin te de dag ni rigs so so so so ma yin no/ /de bzhin du rigs rnams kyang ngo / /ci ste tshangs pa'i kha la sogs pa'i dbye bas tha dad na/ de'i tshe de nyid rigs pas mi 'thad de ji ltar u dum bA ra'i 'bras bu rtsa ba dang rked pa dang rtse mo las skyes pa rnams tha dad med pa de bzhin du skye dgu rnams kyang ngo / /gzhan yang dkar po dang dmar po dang ser po dang nag po'i kha dog gi dbye bas tha dad pa ni ma mthong ngo / /de bzhin du khams dang dbang po dang bde ba dang sdug bsngal dang rigs pa dang lung la sogs pa'i dbye ba ma mthong ba gang yin pa de'i phyir rigs nges pa med pa'o zhes grub bo/ /de bzhin du a shwa me d+ha la sogs pa'i mchod sbyin gyi 'bras bu shu kas sun phyung ba 'di lta ste/ mchod sdong bcad cing phyugs bsad de/ /khrag 'dam byas nas mtho ris su/ /gal te 'gro ba de lta na/ /dmyal bar gang gis 'gro bar 'gyur zhes pa shu ka'i tshig tu rab tu grags so/ /de'i phyir rig byed rang byung ma yin zhing kha la sogs pa skye bo'i skye gnas dang a shwa me d+ha las gzhan pa mchog gi chos med pa ma yin te tshangs pa'i 'dod pa thams cad rnam par dpyad na don med pa'i rab tu smra ba'o/ /khyab 'jug pa'i 'dod pa ni dbang phyug dang lhan cig sun dbyung bar bya'o/ / da ni dbang phyug gi 'dod pa sun dbyung ba gsungs pa gal te zhes pa la sogs pa ste 'dir gal te thams cad byed po dbang phyug yod par gyur na de'i tshe longs spyod pa po yang gzhan ma yin te ji ltar gzhan gyis khur ba zos pas gzhan skom pas 'chi bar 'gyur/ de ltar yang ma yin no/ /gang gis byed pa de ni byed pa po ste gang bya ba de ni las so/ /las byas pa de'i 'bras bu longs spyod pa po ni las byed pa po'o/ /las med na byed pa po mi 'grub ste dper na bum pa byed pa'i phyir bum pa mkhan no/ /de bzhin du gang gis las byed pa de ni byed pa po zhes rigs so/ /smras pa/ dbang phyug rang dbang du las kyi byed pa po min te rab tu sbyor ba po yin no zhe na/ smras pa/ 'dir gal te las byed pa po ma yin na de'i tshe kun nas thams cad byed pa po zhes pa don med par 'gyur ro/ /'dir gal te byed pa po bskul bar gyur pa na las byed na de'i tshe byed pa po'i gzhan dbang nyid do/ /gang gi gzhan dbang nyid du gyur pa des 'gal ba'i las byas par gyur na rab tu sbyor ba pos ji ltar tshar gcod par byed/ rang dbang nyid med par rang dbang nyid du dbang phyug gis khyab pa'o/ /de ltar byed pa por smra ba rnams la las kyi 'bras bu med par grub ste de ltar yang ma yin no/ /de'i phyir dge dang mi dge'i 'bras ster byed po dbang phyug 'ga' yang med de srog chags las ni dor nas so zhes pa ste byed pa po med par rang gi las kyi 'bras bu la nye bar longs spyod pa grub bo/ /da ni rang dbang gi byed po gzhan la ltos pa nyid du gsungs pas zhes pa la sogs pa ste 'dir ni gal te mkha' la ste nam mkha' la sa la sogs pa'i rdul phran rnams byed po'i dang por yod pa min no/ /de'i tshe rdzas dag med pa la ni sna tshogs mi byed te yul dang rnam par bral ba cha med pa la thams cad byed po ji ltar yod/ yul dang rnam par bral ba byed po 'di yi sgrub byed kyi tshad ma mngon sum dang lkog tu gyur pa med pa gang yin pa de'i phyir rdzas yang dag par sbyor ba nyid las rgyu ba dang mi rgyu ba dang sna tshogs thams cad du 'gyur gyi/ byed pa po'i 'dod pas ma yin las kyi gzugs zhes pa ni rigs pa ste byed pa po'i 'dod pa dgag pa'o/ /da ni rten cing 'brel bar 'byung ba gsungs pa yang dag sbyor ba las zhes pa la sogs pa ste 'dir dngos po thams cad kyi yang dag par sbyor ba las 'byung ba ni 'di thob nas 'di 'byung bar 'gyur ba ste/ yang dag sbyor ba las zhes pa ni zla ba'i 'od zer dang yang dag par sbyor ba las chu shel las chur 'gyur ro/ /kyang yig gis me shel las mer 'gyur ro/ /me long las dngos po dang yang dag par sbyor ba las dngos po'i gzugs brnyan du 'gyur ro/ /gzhan gyis skyur ba zos pa'i yang dag par sbyor ba las gzhan gyi lce 'dzag par 'gyur te skyur ba'i rgyu las so/ /khron pa la sogs pa rang gi sgra'i yang dag par sbyor ba las sgra brnyan du 'gyur ro/ /dag pa'i sa bon las sa dang chu la sogs pa'i yang dag par sbyor ba las myu gur 'gyur ro/ / khab len las zhes pa ni khab len gyi rdo'i yang dag par sbyor ba las lcags kyi thur ma g.yo bar 'gyur ro/ /'dod pas dngos po 'di dag la dngos por 'gyur ba ci yang min no/ /'o na ci zhe na/ dngos po rnams kyi nus pa ste 'di ni srid pa gsum gyi gnas su su zhig gis kyang sprul pa min no zhes pa ste rten cing 'brel par 'byung ba grub pa'o/ /'dir smras pa/ gang gi phyir rgyu med na 'bras bur mi 'gyur ba de'i phyir rgyu yod do/ / des na dbang phyug la sogs pa grub bo zhe na/ smras pa 'dir rgyu las 'bras bur 'gyur ba gang yin pa de ci 'bras bu yod pa 'am med pa yin/ rgyu la yod pa ni 'bras bur mi 'gyur ro/ /bum pa yod pa'i sa la sogs pa ni rgyur 'gyur bar mi 'gyur te yod pa'i phyir ro/ /med pa ni 'bras bur mi 'gyur te med pa'i phyir rus sbal gyi spu bzhin no/ /de bzhin du snam bu'i snal ma la sogs pa rnams rgyur gyur par mi 'gyur ro/ /gnyis ka'i bdag nyid ni 'bras bur mi 'gyur te phan tshun 'gal ba'i phyir ro/ /gang yod pa de ni med pa ma yin zhing gang med pa de ni yod pa ma yin te 'gal ba'i phyir ro/ /de'i phyir rgyu las 'bras bu yod pa dang 'bras bu med pa dang 'bras bu yod pa dang med par mi 'gyur ro zhes grub bo/ /smras pa/ 'dir rgyu bkag pas 'bras bu yang bkag par 'gyur ro/ /gnyis ka bkag pa'i phyir thams cad med par grub bo zhes na/ smras pa/ 'dir thams cad med pa ma yin te gzhan la ltos pa'i phyir ro/ /'dir rgyu la rgyu nyid gang yin pa de ni 'bras bu la ltos nas yongs su brtags pa ste 'bras bu yang rgyu la ltos nas so/ /de ltar gzhan la ltos pa'i phyir gnyis ka yang rgyu nyid du thal bar 'gyur ro/ /gnyis ka rgyu yin pa nyid kyi phyir 'bras bu med de de med na rgyu med do/ /rgyu ni 'bras bu la ltos pa'i phyir nges pa med pa nyid du thal bar 'gyur te nges pa med pa nyid yin pa de'i phyir rgyu ma yin pa nyid du thal bar 'gyur ro/ /de'i phyir dbang phyug la sogs pa'i rgyu thams cad nges pa med pa nyid dang rgyu ma yin pa nyid du grub bo/ /smras pa rgyu dang 'bras bu ni ltos pa can grub pa ma yin te rgyu gang yin pa de nyid rgyu nyid dang 'bras bu gang yin pa de nyid ni 'bras bu nyid du grub bo zhe na/ smras pa/ 'dir khyod kyi 'dod pa las grub cing bdag gi las ma yin pa ni shin tu mi bzad pa'o/ /gal te khyod kyi 'dod pa las grub na de'i tshe bdag gi yang 'dod pa las khyod kyi yod pa gang yin pa de ni bdag gi med par grub ste rig pa rnam par spangs pa'i phyir ro/ /smras pa/ yid ches lung las dam tshig 'di/ /dam tshig ma grub dam tshig ces brjod pa dag ni mi 'thob ste/ /bstan bcos rig pa rnams kyis gsungs zhes dang / 'ga' zhig gi tshe rigs pa brjod pa smras pa/ 'dir nye bar len pa'i rgyu las thams cad 'byung ba med pa'i phyir nus pa'i rgyu nus pa can las 'bras bu yod pa grub bo zhe na/ smras pa/ 'dir khyed kyi gtan tshigs ni don med do/ /ji ltar gal te khyod kyi phyogs sgrub par byed pa'i mtshan nyid thob pa de'i tshe bdag gi phyogs kyang sgrub par 'gyur zhing / ci ste khyod kyi phyogs sun 'byin pa'i mtshan nyid thob pa de'i tshe bdag gi phyogs kyang sun 'byin par 'gyur te/ dper na me 'di ni gnyis ka bsreg par byed kyi gcig ma yin pa bzhin no/ /'dir dper na sgra smra ba po rnams kyis dam bca' ba ni sgra rtag pa'o/ /gtan tshigs gang zhe na/ lus can ma yin pa'i phyir ro/ /dpe' gang zhe na nam mkha' bzhin no/ /gang gi phyir ji ltar nam mkha' lus can ma yin pa nyid kyis rtag pa de bzhin du sgra yang yin no/ /de'i phyir sgra rtag par grub bo zhe na/ smras pa/ 'di ni dam bca' ba ma yin te/ gzhan yang smra bar 'gyur ba sgra mi rtag go/ gtan tshigs gang zhe na byas pa'i phyir ro/ /dpe gang zhe na bum pa bzhin no/ / gang gi phyir ji ltar bum pa sa dang dbyig gu dang 'khor lo dang skud pa dang skyes bu'i rtsol bas byas pa de bzhin du sgra yang mgrin pa dang rkan la sogs pa'i rtsol bas bskyed pa de'i phyir sgra mi rtag par grub bo/ /des na zol gyi gtan tshigs tsam las 'bras bu 'grub par mi 'gyur ro/ /gang gis ji lta ba de bzhin du brjod pa de ni tshad mar 'gyur gyi zol gyi gtan tshigs las ni ma yin no/ /de ltar gtan tshigs don med do/ /gzhan yang bsgrub bya rnams kyis dam bca' ba dang 'gal bas gtan tshigs ni sgrub byed du mi 'gyur ro/ /'dir gang gi dus na dam bca' ba yod pa de'i dus na gtan tshigs med do/ /gang gi dus na gtan tshigs yod pa de'i dus na dam bca' med do/ / des na dam bca' med pa'i gtan tshigs 'di gang gi yin te/ cig car ba'i chos can ma yin pa'i phyir ro/ /gang gi dus na pra yig yod pa de'i dus na ti yig dang dz+nyA yig med do/ /de bzhin du pa yig dang ra yig dang a yig ste pra yig gi ji lta ba bzhin du yi ge yi ge'i 'o/ /ma skyes pa 'am shi ba'i bus bya ba byed par mi nus te de bzhin du gtan tshigs kyis kyang ngo / /de'i phyir rgyu la brten nas 'bras bur mi 'gyur te rgyu med pa las grub ba'i phyir ro/ /rgyu med pa las zhes pa ni rgyu dang byed pa zhes pa don gzhan ma yin no/ /de ltar rgyu las 'bras bur mi 'gyur te rgyu med pa las kyang 'bras bur mi 'gyur ro/ /de'i phyir 'bras bu ni rang las ma yin gzhan las ma yin gnyis ka las ma yin rgyu med pa can yang ma yin no zhes grub ste byed pa po dang byed pa rtag pa sun dbyung ba'o/ /da ni bdag sun dbyung ba gsungs pa gal te zhes pa la sogs pa ste 'dir gal te bdag ni kun du 'gro na gnyen dang bral ba'i sdug bsngal ji ltar nyams su myong bar 'gyur zhes pa ni/ 'dir gal te bdag thams cad du 'gro ba de gcig pur gyur na de las gnyen dang bral ba'i sdug bsngal du mi 'gyur zhing / sems can gcig gi sdug bsngal gyis sems can thams cad sdug bsngal bar 'gyur te bdag thams cad du 'gro ba yin pa'i phyir ro/ /ci ste bdag du ma yin na de'i tshe bdag du ma rnams thams cad du 'gro ba nyid med do/ /gal te 'di ni rtag par gyur na 'dod pa'i mda' yis bsnun pa'i gnas skabs nyid du cis rab 'gyur zhes pa ni 'dir rtag pa gang yin pa de la gnas skabs gzhan med de rnam par 'gyur ba dang bral ba'i phyir ro/ / de'i phyir 'dod pa'i mda' yis bsnun pas 'dod pa'i gnas skabs rnam pa bcu po 'dir ji ltar 'gyur/ de'i phyir bdag ni mi rtag par rtogs par bya ste rnam 'gyur dang yang dag par ldan pa'i phyir ro/ /gal te bya ba dang bcas par gyur na gnyid log dus su 'di ni rmongs pa nyid du ci ltar 'gro zhes pa ni 'dir sad pa'i dus su sad pa'i gnas skabs kyi mtshan nyid kyi bya ba dang bcas shing / dang yig las rtag pa yang yin na de'i tshe gnyid log pa'i dus su bya ba dang bral ba rmongs pa nyid du ji ltar 'gro/ /de ltar nges par mtha' gcig tu rnam par dpyad na bdag 'di ni kun tu 'gro bar 'gyur ba ma yin zhing khyab bdag gtso bo rtag pa yang ma yin la bya ba dang bcas pa yang ma yin no zhes grub bo/ /da ni sangs rgyas bcom ldan 'das kyi gsung rab gsungs pa bdag med ces pa la sogs pa ste 'dir rten cing 'brel par 'byung ba'i chos rnams ni 'gog pa las skye ba dang skye ba las 'gog pa'o/ / de ltar 'gog pa'i chos rnams la bdag med te bdag gi ba med pa'i phyir ro/ /skye ba'i chos rnams 'byung ba yod de slar yang skye ba 'dzin par byed pa'i phyir ro/ /'di dag ni kha thon la sogs pa'i dpes grub ste 'chad par 'gyur ba las brjod par bya'o/ /dge dang mi dge'i 'bras bu yod de zhes pa ni skye ba'i chos rnams la dge ba dang mi dge ba'i 'bras bu yod pa'o/ /'gog pa'i chos rnams la med pas na byed pa po yis rnam par dman te byed pa po dang bral ba'o zhes pa'i don to/ /'gog pa'i chos kyi tshogs 'gro ba po med do/ /ma lus pa ni mtha' dag go/ thar pa'i slad du 'gro ba yod de gzhan dag ste gzhan ni de'i rang bzhin zhes pa la sogs pa gsungs pa'i phyir ro/ /'ching ba yod de bcings pa med zhes pa ni 'dir skye ba'i chos rnams la 'ching ba yod do/ /'gog pa'i chos rnams la bcings pa med do/ /dngos po dngos med dag kyang yod de skad cig rnam bral rang bzhin med pa dag gi srid pa yod ces pa ni 'dir dngos po dang dngos po med pa gcig tu 'dres par gyur pa rang bzhin med cing rdzas kyi rnam par rtog pa dang bral ba pra phab pa dang mtshungs pa skad cig rnam bral te skye ba dang 'jig pa dang bral ba'i dngos po ni sangs rgyas rnams kyi chos kyi 'khor lo bskor ba'i don du yod do/ /'di dag bdag gi ste gdon thams cad las rnam par grol ba'i tshig gang yin pa de ni lha dang gdengs can rnams kyi gdon bcas tshig gis 'joms mi 'gyur 'dir dper na gdon gyis bzung ba'i gyad kyis gdon las grol ba'i gyad gzhom par mi nus so/ /de bzhin du rnam par rtog pa'i gdon gyis bzung bas rnam par rtog pa'i gdon las grol ba gzhom par mi nus so/ /bdag med pa la sogs pa grub pa'o/ /'di ni mdor bsdus pas gsungs pa ste rgyas par lung rgya chen po las shes par bya'o zhes pa ni nges pa'o/ /da ni bye brag smra ba dang mdo sde pa dang rnal 'byor spyod pa'i 'dod pa sun dbyung ba gsungs pa gang zhig de nyid ces pa la sogs pa ste 'dir mu stegs sangs rgyas pa gang dag phyogs yongs su 'dzin to/ /rang gi phyogs 'dzin pa des gzhan gyi phyogs 'dzin par byed par 'gyur te byis pa'i blo can de dag rnams kyis de'i chos kyis sam de'i chos mi mthun pas so/ /'dir bye brag smra ba gang zhig de nyid gang zag ces bya lus la gnas par smra ba de ni rang bzhin dag gis nyams zhes pa ni 'dir gal te gang zag gi nang du 'dus pa skye ba'i cha shas can gyi gang zag yod na de'i tshe rang bzhin brjod par bya'o/ /ci shes pa'i rang bzhin nam mi shes pa'i rang bzhin yin/ gal te shes pa'i rang bzhin yin pa de lta na mi rtag ste 'dir bum pa'i shes pa 'gag pa na snam bu'i shes pa 'byung bar 'gyur ro/ /de'i phyir mi rtag go/ ci ste mi shes pa'i rang bzhin yin na de'i tshe mi shes pa la bde ba dang sdug bsngal la sogs pa rig pa med do/ /des na bye brag smra ba de ni de'i rang bzhin rnam par dpyad na nyams so/ /'dir khur khur ba'i gang zag yod de rtag par yang bdag mi smra zhing mi rtag par yang bdag gis mi smra'o zhes pa bcom ldan 'das kyi gsung gang yin pa de ni ye shes kyi le'u las rgya cher brjod par bya'o/ /kun rdzob dag gis don ni smra ba po yang don dam ma rig med pa dag tu 'dod pa'o/ /'dir kun rdzob kyis sngon po la sogs pa'i don 'dzin pa'i don smra ba po ni nyams so ji ltar zhe na don dam pa ye shes kyi sku ma rig ste mo bsham gyi bu bzhin du med pa dag tu 'dod pas so/ /de bzhin du smras pa/ nam mkha' dang ni 'gog pa gnyis/ /'dus ma byas gsum rtag pa ste/ /'dus byas thams cad skad cig ma/ /bdag gis stong zhing byed po med/ /dbang skyes blo ni rnam med kyis/ /phra rab bsags pa dngos su rig kha che'i gzhung gi chu gter gyi/ /bye brag smra ba'i gzhung 'dod 'gyur/ /shes pa rnams bcas skyed byed ni/ /dbang po'i spyod yul snang ba min/ /nam mkha' mo bsham bu dang mtshungs/ /'gog pa dag ni nam mkha' bzhin/ /'du byed bems po yod ma yin/ /dus gsum rjes 'gro dag kyang med/ /thogs pa med pa'i gzugs yod min/ /zhes pa mdo sde pa yis rig /ces so/ /des na thogs pa med pa'i gzugs dus gsum rig par byed pa po gal te mar me rnal ba dang mtshungs pa yin na de'i tshe thogs pa med pa'i gzugs med pa'i phyir thams cad mkhyen par mi 'gyur ro/ /sku bzhi ma gtogs pa nyi tshe ba'i skus sangs rgyas nyid du mi 'gyur ro/ /'dir thogs pa med pa'i sku dang bral ba'i sangs rgyas ni rnam pa thams cad pa'i rdzu 'phrul ston par mi 'gyur ro/ /thams cad kyi skad kyi gsung du mi 'gyur ro/ /gzhan gyi sems mkhyen par yang mi 'gyur ro/ /lha'i mig la sogs pa thams cad dang 'bras bu med par 'gyur ro zhes pa ni mdo sde pa'i 'dzin pa'i skyon no/ /da ni rnal 'byor spyod pa rnams kyi 'dzin pa'i skyon gsungs pa/ srid gsum mtha' dag rnam par shes pa nyid du smra ba po yang rnam par shes pa 'dod par byed ces pa ste/ smras pa/ yan lag can zhes bya ba med/ /phra rab rdul rnams yod pa min/ /rmi lam nyams su myong ba bzhin/ /dmigs pa med par rab tu snang / /gzung dang 'dzin pa rnam grol ba'i/ /rnam par shes pa don dam yod/ /ces pa rnal 'byor spyod pa'i gzhung / /rgya mtsho'i pha rol phyin rnams sgrogs/ /de'i phyir gcig dang du ma'i rang bzhin gyis rnam par shes pa rnam par dpyad pas bral ba'i phyir rnam par shes par smra ba po nyams so/ /'dir khams gsum pa ni rnam par shes pa tsam mo/ /gal te rnam par shes pa las gzhan phyi rol gyi dngos po'i rang gzugs med na de'i tshe 'dzin pa mig gi rnam par shes pa la phyi rol gyi gzugs ji ltar gzung ba'i rang bzhin gyis rab tu snang / smras pa/ ma rig pa'i bag chags kyi dbang gis so zhe na/ smras pa/ ci ma rig pa 'di khams gsum pa'i mtshan nyid can ma yin nam/ gal te ma rig pa khams gsum pa'i mtshan nyid can ma yin na/ de'i tshe 'khor ba las 'das pa'i mtshan nyid du 'gyur ro/ /de ltar na 'di shes rab kyi pha rol tu phyin pa ste/ de ltar yang ma yin no/ /de'i phyir ma rig pa 'di ni 'khor ba'i bag chags so/ /'khor ba la yang srid pa gsum gyi mtshan nyid de srid pa gsum ni khams gsum mo/ /de yang rnam par shes pa tsam ste/ de ltar ma rig pa rnam par shes pa tsam dang / rnam par shes pa tsam de'i bdag nyid yin na/ de'i bdag nyid yin pa'i phyir ma rig pa dang bral ba med de rnam par shes pa ni ma rig pa tsam yin pa'i phyir ro/ /ci ste khams gsum pa rnam par shes pa tsam ma yin na de'i tshe dam bca' ba nyams te khams gsum pa tsam du ma grub bo/ / da ni skad cig 'jig pa dang skye ba'i skyon gsungs pa 'di ni chos rnams skad cig ma gcig la 'jig pa dang skye bar 'gyur ba gang yin pa de ci gnas pa med par ram/ gal te gnas pa med par 'jig pa dang skye bar 'gyur na de'i tshe ri bong gi rwa la yang 'gyur ro/ /ci ste skyes pa las gnas shing gnas pa las 'jig ste zhig pa las skye ba de ltar na/ gnas pa dang 'jig pa dang skye ba rnams gcig nyid med te mtshan nyid tha dad pas rtogs par bya'o/ / 'dir gang gi dus na gnas pa yod pa de'i dus na skye ba dang 'jig pa med do/ /gang gi dus na 'jig pa yod pa de'i dus na skye ba dang gnas pa med do/ /gang gi dus na skye ba yod pa de'i dus na gnas pa dang 'jig pa med do/ /dus zhes pa ni skad cig go/ gal te dus gcig la yin na skye ba dang rga ba dang 'chi ba rnams gcig pa nyid do zhes pa las gzhan pa ci/ 'dir gang du skad cig gcig la chos kyi skye ba dang 'jig pa de ci/ chos snga ma 'gags pa las sam 'on te ma 'gags pa'i chos las chos phyi ma skye/ gal te 'gags pa'i chos can las skye na de'i tshe 'gags pa'i mar me las mar me gzhan skye'o/ /ci ste ma 'gags pa las skye na de'i tshe ma 'gags pa'i mar me las mar me skye ba bzhin du de las gzhan skye'o/ /de ltar skyes pa las skye bas na mar me'i phreng ba bzhin du rnam par shes pa'i phreng bar 'gyur ro/ /de'i phyir rnam par shes pa snga ma ma 'gags pa las gzhan skye ba brjod par mi nus te 'gags pa las kyang ngo / /'dres pa las kyang ma yin te de dag phan tshun 'gal bas gcig pa nyid med do/ /de'i phyir dbu ma pas smras pa/ rnam par shes pa don dam yod/ /de yang mkhas rnams mi 'dod de/ / gcig dang du ma'i rang bzhin dang / /bral bas nam mkha'i pad+ma bzhin/ /yod min med min yod med min/ /gnyis ka'i bdag nyid min pa 'ang min/ /mtha' bzhi rnam par grol ba yi/ /de nyid dbu ma pa yis rig ces so/ /gang zhig phyogs nyams de ni ma nyams par 'gyur ro/ /de gang zhe na/ gang zhig snying rje stong nyid gnyis su med pa smra bo ste 'dir gang gi snying rje dmigs pa med cing rnam par rtog pa dang bral ba dang stong pa nyid rnam pa thams cad kyi mchog dang ldan pa dus gsum yongs su shes pa'i slad du dus gsum du 'jug pa'o zhes pa ni sangs rgyas pa'i grub pa'i mtha' nges pa'o/ /da ni snga ma'i las nye bar longs spyod pa dang da ltar gyi la sogs pa la dgag pa gsungs pa skye bo zhes pa la sogs pa ste 'dir gang dag gi 'dod pa las sngar byas pa'i las rnams skye bo longs spyod cing skye ba 'di la byas pa rnams ni skye ba gzhan la'o zhes so/ / gal te de lta yin na de'i tshe las ni 'jig par mi 'gyur te mi rnams skye dang skye ba gzhan dag gi las kyi 'bras bu nye bar longs spyod pa'i phyir ro/ /de ltar na dpag med srid pa dag gis 'khor ba las ni 'byung bar 'gyur ba med cing thar par 'jug pa med pa nyid du 'gyur ro/ /'di dag stag gzig rnams kyang nges par 'dod par 'gyur te 'on kyang gzhan pa'i rigs kyis rab tu dman pa'o zhes pa la kla klo stag gzig rnams kyi 'dod pa ni mi shi ba dag mtho ris sam dmyal bar mi'i lus 'dis bde ba 'am sdug bsngal longs spyod te rah+ma na'i nges pas so zhes pa'o/ /de'i phyir gzhan pa'i rigs kyis rab tu dman pa'o zhes pa ste nges pa'o/ /da ni tshu rol mdzes pa'i 'dod pa sun dbyung ba gsungs pa gal te 'byung ba zhes pa la sogs pa ste 'dir gal te sngar brjod pa sa la sogs pa'i 'byung ba rnams gcig tu gyur pas a ru ra dang bu ram dang d+hA ta kI yang dag par sbyor ba las chang gi nus pa bzhin du mi rnams kyi dbang po dang bcas pa'i sems 'grub na de'i tshe sa la sogs pa gcig tu gyur pa'i shing rnams la 'byung ba yang dag par sbyor ba las dbang po dang bcas pa'i sems su ci'i phyir mi 'gyur/ ci ste brtan pa 'di rnams la skye bo'i nus pa med do zhe na/ de'i tshe 'byung ba yang dag par sbyor ba'i nus pa zhes pa mchog tu rdzun no/ /de'i phyir tshul rol mdzes pa'i tshig 'di dag ni mi rnams dag la bde ba'i 'bras bu ster min lam nyams so zhes pa ste 'jig rten rgyang 'phan pa sun dbyung ba'i nges pa'o/ /da ni zad byed pa'i 'dod pa sun dbyung ba gsungs pa srog ces pa la sogs pa ste 'dir gal te zad byed pa'i grub pa'i mtha' las srog ni rtag pa ste de yang lus kyi tshad do zhes grub bo zhe na/ de'i tshe lus kyi cha shas lag pa dang rkang pa la sogs pa bcad par gyur na nyams par 'gyur ram ci/ bcad pa'i lus kyi cha shas med pa'i phyir ro/ /rtag pa dag ni lus kyi mthu las phra mo bzung ba las phra mor 'gyur zhing lus sdom po bzung ba las sbom por yang ni rab tu 'gyur ram ci zhes pa'o/ /'dir gang zhig rtag pa de ni rnam par 'gyur ba can ma yin la gang zhig rnam par 'gyur ba can de ni rtag pa ma yin no zhe na smras pa/ rdzas dang rnam grangs dag la rtag pa dang mi rtag pa zhes brjod par 'gyur/ smras pa/ ji ltar gser dang rna rgyan dag rtag pa dang mi rtag pa de bzhin du rdzas dang rnam grangs dag la srog gi rdzas rtag pa dang rnam par 'gyur ba mi rtag pa zhes kyang brjod par 'gyur ro/ /de bzhin du grub pa'i mtha' smras pa/ la lar srog ni stobs ldan zhing la lar las ni stobs ldan 'gyur/ /de ltar srog dang las dag la/ kho na ni sngon du bcings pa'o zhes pa ste/ tshigs su bcad pa 'di'i don smras pa ni la lar zhes pa thar pa'i yul la srog ni stobs dang ldan te ye shes 'ba' zhig gi stobs kyis so/ /la lar te 'gro ba bzhi'i 'khor ba'i yul la las stobs dang ldan te mi shes pa'i stobs kyis so/ /de ltar srog dang las dag la yang kho na ni sngon thog ma med pa'i dus su bcings pa'o zhes grub go de ltar rdzas skye ba dang 'jig pa'i bdag nyid ni rang gi yon tan dang ldan pa'i phyir te rnam pa gzhan du grub pa med do zhes pa ni grub pa'i mtha'o zhe na/ smras pa/ rdzas dang rnam grangs dag gcig nyid dam gzhan nyid/ 'dir gal te gcig nyid yin na de'i tshe rdzas dang rnam grangs dag la dbye ba med do/ / ci ste gzhan nyid yin na de'i tshe rdzas med par rnam grangs su 'gyur te skud pa med pa'i snam bu mthong bar 'gyur ba de ltar yang ma yin no/ /de bzhin du rigs dang gsal ba dag la yang rtag pa dang mi rtag pa yang dag par sbyor ba'i skyon no/ /'dir rtag pa dang mi rtag pa dag gcig pa nyid ni med de phan tshun 'gal ba'i phyir te mi 'dra ba dang 'dra ba dag bzhin no/ /de bzhin du 'khor ba'i las las grol ba gang zhig 'jig rten steng na gnas pa bde ba dag gi gnas su 'gro zhes pa ste 'dir zad byed pa'i grub pa'i mtha' las srid pa gsum ni gcig nyid de gnyis su med do/ /des na srid pa gsum po 'di ni thog ma dang tha ma med cing skye ba dang 'jigs pa dang bral ba thams cad rdo rje'i rang bzhin te nam yang 'jig par mi 'gyur ro/ /gal te srid pa 'di 'jig par 'gyur na de'i tshe gzhan srid pa gsum med pa'i phyir srog chags thams cad gang du gnas par 'gyur/ rgyu des na 'di ni rtag pa ste srog kyang rtag pa'o/ /'khor ba las grol bar gyur na thar pa dpag tshad 'bum phrag bzhi bcu rtsa lnga pa bde ba'i gnas gang zag dang bral bar 'gro'o zhes pa grub bo zhe na/ smras pa/ 'dir 'jig rten gsum phra rab dag gis bskyed pa yin gyi phra rab med par ma yin la/ yang yig las thar ba yang ngo / /de lta na ji ltar rtag par 'gyur te gang zhig phra rab dag gis bkod pa ni rtag tu zhes pa dus kun tu rtag pa ste brtan par yang mi 'gyur te sdud pa'i dus kyi dbang gis 'jig par 'gyur ro/ /de 'jig pa las grub pa rnams kyang 'jig pa 'byung bar mi 'gyur ro zhes pa grub pa ni rigs pa las te gzhan pa ci/ 'dir sngar brjod pa'i srog gi lus kyi cha shas drug po rnams kyi nang nas nags kyi bdag po rnams kyi srog ste/ ci nags kyi bdag po so so lus gcig gi bde ba 'am sdug bsngal las kyi dbang gis nyams su myong bar 'gyur ram/ ci ste du mas yin/ smras pa/ srog gcig gis gang zag gcig 'dzin te/ gang gi mthus nags kyi bdag po rnams dang 'brul sogs pa rnams la srog ces pa'i ming ngo / /gal te srog med na de'i tshe rkang 'thung zhes pa ji ltar grub/ srog med pa'i shing skam la sogs pa rnams ni chu 'thungs nas me tog la sogs pa dus su byed par mi 'gyur ro zhes grub bo zhe na smras pa 'dir gal te gang zag so so la srog so so re re yod na de'i tshe bur shing gi dbyig pa dum bu dum bur byas pa las dum bu du mar 'gyur te de dag gi nang nas dum bu gcig ni rtag tu srog dang bcas pa ste las kyi dbang gi sku~Ms nas rab tu zhugs pas so/ /'ga' zhig ni des yongs su btang ba'o/ /rigs pas rnam par dpyad na de ltar yang mi 'thad de ci'i phyir zhe na/ gang gi phyir slar yang de dag sa la btsugs nas dum bu so so la myu gu la sogs pa mthong ba de'i phyir nags kyi bdag po rnams kyi myu gu la sogs pa rnams kyi nus pa ni dngos po'i rang bzhino zhes grub po zhes pa ni zad byed pa sun dbyung ba'i nges pa'o/ /rgya che du mar tshad ma'i bstan bcos du ma dang dbu ma pas mu stegs pa rnams kyi grub pa'i mtha' sun dbyung bar bya ste/ gang zhig kun rdzob bam don dam pa sangs rgyas kyi gsungs dang mtshungs pa de ni sun dbyung bar mi bya'o zhes pa ni dus kyi 'khor lo dang po'i sangs rgyas bcom ldan 'das kyi nges pa'o/ /zhes pa la sogs ye shes slad du dus kyis 'khor los sa la bstan par rab tu gsal mdzad pa/ /'jam dang sra dang gzhan pa'i bag chags stobs kyis skyes bu rnams kyi sems kyi rjes su 'brang ba ste/ /sems ni nges par dngos po'i tshon gyis nye bar gzhag pa dag las shes bzhin tshon ldan nyid 'gyur ba/ /gang yin de phyir rang gzhan rigs su gyur pa'i chos ni 'ga' yang rnal 'byor pa yis sun mi dbyung / / chos ni sems can phan pa yul dang rnam par bral ba dag ste chos min dag kyang gnod pa'o/ /'tshe ba'i rig byed tshad ma can ni bde ba'i 'bras bu mi ster dus kun du ni sdug bsngal ster/ /dam pa'i byams ldan rmongs pa'i tshig las mchog gi bde ba byed cing sems can de la rjes su chags/ /de phyir sems can don ni gcig pu dag dang mi bdag yid kyis rang bzhin med pa bsgom par bgyis/ /lha mi'i bla ma nga ni mtho ris 'jig rten dag tu dbang po sa steng du ni 'khor los sgyur/ /sa 'og dag tu klu'i rgyal po gdengs can rigs kyis btud dang kun du 'gro dang mchog pa ste/ /ye shes sangs rgyas thub dbang 'gyur med mchog dang khyab bdag rnal 'byor rnams kyi rdo rje rnal 'byor dang / /rigs byed oM gyi yi ge gtsang ma dag ste rgyal po kun gyis bdag la skyabs su song zhes pa ni skyabs kyi nges pa'o/ /da ni nyi ma'i shing rtas phyag byas pa/ /khyod ni ma dang khyod ni pha ste khyod ni 'gro ba'i bla ma khyod ni gnyen dang grogs bzang yang / /khyod ni mgon po khyod ni byed po phan dang sdig 'phrog khyod ni go 'phang phun sum tshogs pa yang / /khyod ni 'ba' zhig gnas dang khyod ni yon tan mchog gi gnas te skyon rnams bcom pa khyod nyid do/ /khyod ni dman pa rnams kyi mgon dang yid bzhin nor bu rgyal ba'i dbang po khyod la bdag skyabs mchi/ /zhes te nyi ma'i shing rtas bla ma'i phyag gis bcom ldan 'das 'jam dpal la bstod nas zhabs gnyis po spyi bor byas te slar yang rang gi stan la 'khod do/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las rang dang gzhan gyi lta ba rigs pas rnam par dpyad pa'i mdor bsdus chen po ste bdun pa'o// //nang gi le'u yi 'grel bshad rdzogs s+ho// // (U) @#/ /dus 'khor 'grel chen dri med 'od bzhugs so/ / (黃) 秘密經時輪註五品一部 dpal dus kyi 'khor lo la phyag 'tshal lo/ /bsod nams ye shes kyis sprul bcom ldan 'das ni gdul dka'i sems can rnams kyis rtag tu ni/ /'jigs byed 'jigs su rung ba'i gzugs dang skye bo mkhas pa rnams kyis dregs dang bral bar mthong / /gang zhig kho na'i gsung ni sems can rnams kyi mos pa'i sems kyi dbang gis kun gyi sgra/ /gzhan gyi rna bar son pas dam pa'i lam ni yang dag ston par mdzad pa de la 'dud/ /rnam pa kun gyi mchog ldan pa'i/ /sku ni mos pa sna tshogs las/ /rang rang bsam pas sems can gyis/ /mthong ba sprul pa'i mtshan nyid do/ /gang zhig sems can kun gyi sgras/ /rdzu 'phrul bdag nyid rab gsal byed/ /sems can bsam pa'i dbang gis 'di/ /longs spyod rdzogs sku'i mtshan nyid do/ /mi rtag pa min rtag pa 'ang min/ /gcig min du ma'i mtshan nyid min/ /dngos min dngos po med pa 'ang min/ /'di ni rten bral chos sku'o/ /stong nyid snying rje dbyer med cing / /chags dang chags bral rnam par spangs/ /shes rab ma yin thabs kyang min/ /'di ni ngo bo nyid sku gzhan/ /dus kyi 'khor lo zhes grags pa/ /sku bzhi'i bdag nyid zhi ba la/ /dngos po kun gyis phyag 'tshal te/ /sgrub thabs le'u'i rgya cher 'grel/ /'jam pa'i dpal gyis bskul gyur pas/ /'jig rten dbang po chu skyes 'dzin/ /sprul pa'i skur ni gyur pa bdag /pad ma dkar pos bri bar bya/ /'dir dpal ldan ka lA pa'i grong gi lho ma la ya'i skyed mos tshal gyi dpal dus kyi 'khor lo'i dkyil 'khor gyi khang pa'i shar sgo'i mthar rin po che'i sgo khyams na seng ge'i khri la bzhugs pa bcom ldan 'das 'jam dpal gyi sprul pa'i sku mi'i dbang po grags pa la nyi ma'i shing rtas gsol ba btab par gyur pas mchog gi dang po'i sangs rgyas las sgrub thabs kyi le'ur zla ba bzang pos gsol ba btab pa dang / sangs rgyas bcom ldan 'das kyi lan gyi gsung tshigs su bcad pa dang pos 'khor chen po la rab tu bstan par gyur pa rgyal ba skyed mdzad bdag gis dbang bskur bdun po rnams dang bum pa dang ni gsang ba'i dbang bskur dang / / shes rab ye shes dbang bskur srid pa'i 'jigs pa 'joms pa rnal 'byor rnams kyis bgrod bya bzhi pa thob/ /slar yang rgyal ba mchog dang bcas pa sna tshogs gtso bo'i sgrub thabs yang dag par ni bdag zhu'o/ /zla ba bzang po'i tshigs gsan nas ni rgyal ba'i bdag pos rdo rje can dag gi yang bsgrub thabs gsungs zhes pa ste 'dir tshigs su bcad pa'i rkang pa gsum gyis sgrub thabs kyi le'u bstan pa'i slad du zla ba bzang pos gsol ba btab pa'o/ /de nas rkang pa bzhi pa nas brtsams te ji srid le'u yongs su rdzogs pa de srid ni bcom ldan 'das kyi lan gyi gsung ngo / /da ni zla ba bzang po'i tshig gsan nas ni rgyal ba'i bdag po bcom ldan 'das shAkya thub pa dus kyi 'khor lo'i ting nge 'dzin la snyoms par zhugs pas rdo rje can bcom ldan 'das dpal dus kyi 'khor lo'i sgrub thabs gsungs te yang yig gis mi bskyod pa la sogs pa de bzhin gshegs pa rnams dang rdo rje dbyings kyi dbang phyug ma la sogs pa lha mo rnams dang phyag na rdo rje la sogs pa byang chub sems dpa' rnams dang sgra rdo rje ma la sogs pa yul gyi lha mo rnams dang gtsug tor la sogs pa khro bo'i rgyal po chen po rnams dang shin du sngon mo la sogs pa khro bo'i lha mo rnams dang tsa ra tsi kA la sogs pa ma mo rnams dang khyab 'jug la sogs pa lha rnams dang rgyal ba la sogs pa klu'i rgyal po rnams dang khyi gdong ma la sogs pa rab gtum ma rnams dang gzhan rnams kyi yang so so'i sgrub thabs rgyal ba'i bdag pos gsungs te gzugs kyi sgom pas 'og min gyi srid pa'i mthar thug pa 'jig rten pa'i dngos grub sgrub pa'i ched du'o zhes pa ni bcom ldan 'das kyi nges pa'o/ /da ni dus rnam par dag pas bcom ldan 'das kyi gzugs brtags pa mdor bstan pa gsungs pa zla ba'i sku zhes pa la sogs pa ste 'dir dang po'i sangs rgyas las bcom ldan 'das kyis gsungs pa/ nyin mo nyi ma rdul rdo rje/ /bsam pa'i dbye bas mtshan mo zla/ /khu ba pad ma de dag gcig /dus kyi 'khor lo bde chen po zhes pa dang / de bzhin du rgyud gzhan dang gzhan dag las kyang bcom ldan 'das kyis spyir gsungs pa/ nyin mo bcom ldan rdo rje can/ /mtshan mo shes rab rab tu grags/ /ji ltar nyi ma drag po dang / /de bzhin zla ba u mar 'dod ces pa'o/ /de ltar nyi ma dang zla ba dang nyin mo dang mtshan mo'i dbye bas nyin mtshan ni dus zhes gsungs te de'i 'khor lo ni dbugs drug brgya lhag pa'i stong phrag nyi shu rtsa gcig gi bdag nyid dang rten 'brel yan lag bcu gnyis kyi mtshan nyid khyim gyi 'khor lo ste sems can thams cad kyi skye ba dang 'jig pa'i rgyur gyur pa 'jig rten kun rdzob kyis so/ /de bzhin du yang gsungs pa/ dus kyis 'byung po rnams sgro zhing / /dus kyis rtag tu sdud par byed/ /dus ni bcom ldan rdo rje can/ /nyin mtshan rang bzhin can yin no zhes pa'o/ /de ltar dus kyi 'khor lo 'di'i sgrub thabs ni skye ba dang 'jig pa rnam par nyams pa'i don du rnal 'byor pa rnams kyis 'chad par 'gyur ba'i rim pas bya'o/ /gzugs brtags pa'i nges pa ni zla ba'i sku zhes pa la sogs pa ste dus sbyor bcu gnyis kyi bdag nyid kyi nyin mtshan ni sku gcig go/ de'i dus sbyor drug drug gi bdag nyid ni g.yon dang g.yas pa'i zhabs te zung gi zhabs zhes so dus sbyor bzhi bzhi'i bdag nyid ni g.yon dang g.yas dang dbus kyi mgrin pa ste me yi mgrin pa zhes pa mgrin pa gsum mo/ /de bzhin du dus sbyor gsum gsum gyi bdag nyid ni shar dang lho dang nub dang byang gi zhal bzhi ste chu gter zhes pa zhal bzhi'o/ /sna tshogs mdog ni 'chad par 'gyur ro/ /de bzhin du dus sbyor gnyis gnyis kyi bdag nyid ni g.yon dang g.yas su yang shar dang nub dang dbus kyi phrag pa ste phrag pa drug ces so/ /de bzhin du zla ba so so'i bdag nyid ni dpungs pa rnams te dpung pa de rnams kyis nyi ma'i dpung pa zhes so/ / dus sbyor phyed pa so sor phyogs kyi dbye bas phyag nyi shu rtsa bzhi ste rgyal ba'i phyag gi pad ma zhes so/ /de bzhin du dbugs drug bcu drug bcu'i bdag nyid dang nyin zhag so so'i dbye bas sor mo'i tshigs sum brgya drug bcu ste phyag re re la sor mo lnga lnga'o/ / tshigs gsum gyi dbye bas tshigs bcwa lnga ste phyag nyi shu rtsa bzhi po rnams la sum brgya drug bcur 'gyur ro/ /de ltar stong pa drug dang me yi tshigs zhes so/ /zhabs dag gis ni zla ba nyi ma bsreg za'i dkyil 'khor rnams la bdud dang drag po zhes pa phung po dang nyon mongs pa dang 'chi bdag dang lha'i bu ni bdud do/ /'dod chags dang zhe sdang dang gti mug dang nga rgyal gyi bdag nyid ni drag po ste skrag bzhin pa dus kyi 'khor lo gang gis rol pas mnan cing srid med srid pa mnyam pa ni sgrib pa med pas mya ngan las 'das pa dang 'khor ba gcig tu 'dres par gyur pa ste de ltar dus kyi 'khor lo gcig pu de ni bsgrub par bya'o zhes pa bcom ldan 'das kyi nges pa'o/ /da ni 'di bsgrub pa'i don du gnas rnams gsungs pa skyed mos tshal zhes pa la sogs pa ste 'dir 'jig rten pa'i las bsgrub pa'i rjes su mthun pas gnas su 'gyur ro/ /skyed mos tshal du dbang dang dgug pa'i don du sngags pas bsgrub par bya'o/ /ri bor rengs pa dang rmongs pa dang phur bus gdab pa'i don du'o/ / rgyal ba mchog gi gnas te byin brlabs dang bcas pa'i mchod rten chen por dngos grub chen po brgyad kyi don du'o/ /lha yi gnas stong par bskrad pa dang dbye ba'i don du'o/ /dang gi yi ges rgya mtsho chen po'i ngogs su yang ngo / /grub pa'i gnas su las kyi phyag rgya'i dngos grub kyi don du'o/ /dur khrod du bsad pa'i don du'o/ /mtsho dang bzang po'i gnas su zhi ba dang rgyas pa'i don du'o/ /sbas pa'i sa zhes pa phug gi gnas sam sa'i khang par 'jig rten gsum gyi rgyal srid bsgrub pa'i don du'o/ /da ltar las kyi rjes su mthun pas yul gang du sems ni rab tu tshim par 'gyur ba der ni bsgrub par bya'o mi yi bdag po kye zhes pa'o/ /de bzhin du yang gsungs pa/ gang na sa skyong chos ldan zhing / /gang zhig kho nar skye dgu rnams/ /bder gnas sa 'dzin rtsod med pa/ /der ni rnal 'byor brtsam par bya zhes pa'o/ /nges par 'jam pa'i mal cha dag dang gang na la nye bar 'dug nas sngar brjod bsrung ba byas nas ni zhes pa ni dbang gi le'u las gsungs pa'i bsrung ba byas nas zhes pa ste gnas kyi nges pa'o/ /da ni kha dag pa la sogs pa gsungs pa dang por zhes pa la sogs pa ste 'dir rnal 'byor pas sngar gsungs pa'i bsrung ba dang bdud bskrad pa byas te de nas sgrub thabs kyi le'u las gsungs pa'i cho gas bdag nyid skad cig gis lha'i gzugs kyi rnam par byas nas rang gi snying khar paM yig yongs su gyur pa las pad ma dmar po 'dab ma brgyad pa'o/ /de'i steng du lte ba la aM yig yongs su gyur pa las zla ba'i dkyil 'khor ro/ /de'i dbus su de nyid ces pa kun rdzob tu huM yig las skyes pa rdo rje rtse lnga pa'o/ /de'i 'od zer sna tshogs rnams te kha dog lnga rnams rnal 'byor pas bsgom par bya'o/ /sngon du kha la sogs pa dag par byas nas te bdud rtsi lnga'i ril bu khar bcug pas kha dag par 'gyur ro/ /de bzhin du sngar gsungs pa'i mchog gi phyag rgyas mgo bo nas brtsams te ji srid rkang pa'i mtha' de srid du bdag nyid la yang dag par reg par bya ste de ltar na lus dag pa'o/ /de ltar kha la sogs pa dag par byas nas de nas zla ba'i dkyil 'khor la rdo rje'i 'od zer gyis nam mkha'i 'thil du de bzhin gshegs pa rnams rab tu rtogs par byas te spros pa'i rgyal ba de rnams la mchod pa'i don du 'od zer de rnams kyang bkug nas rang gi snying khar zla ba'i rdo rje la rab tu zhugs par bsgom par bya'o/ /de nas zla ba'i dkyil 'khor la mchod pa'i lha mo bcu gnyis po rnams kyi sa bon yi ge'i gong bu rnams bsam par bya ste/ k+kh+g+g+h+ngak+kh+g+g+h+ngA ts+ch+dz+dz+h+nya ts+tsh+dz+dz+h+nyA T+Th+D+D+h+Na T+Th+D+D+h+NA p+ph+b+b+h+ma p+ph+b+b+h+mA t+th+d+d+h+na t+th+d+d+h+nA sau0f8eu0fa4u0fb5u0fb4u0f8du0f90 sau0f8eu0fa4u0fb5u0fb4u0f8du0f90u0f71 zhes pa sa bon gyi yi ge 'di rnams las grub pa ni grangs bzhin du rol mo ma dang gar ma dang dri ma dang phreng ba ma dang bdug spos ma dang mar me ma dang lha bshos ma dang ma nyams ma dang sgeg mo dang bzhad ma dang glu ma dang / 'dod ma ste de dag la sogs pa rnams kyis de bzhin gshegs pa rnams la dbang gi le'u las gsungs pa'i cho gas mchod pa byas nas/ de nas 'chad par 'gyur ba'i rim pas sdig pa rnam pa mang po bsags pa dag ni dang por bshags par byas te de nas sgrub pa po yis lus dang ngag dang sems rnams dag pa yis ni gsum la skyabs su 'gro ba bya zhes pa ni nges pa'o/ /da ni sdig pa bshags pa'i mjug thogs su bsod nams la rjes su yid rang bar bya ste/ rdzogs sangs rgyas dang byang chub sems dpa' rnams dang 'phags pa'i tshogs kyis rnam mang dge ba gang mdzad pa/ /de rnams mtha' dag la ni sdig pa rnam bral byang chub spyod la rjes su gnas pa'i sngags pa rjes yid rang / /de nas gsum la skyabs su 'gro ste sangs rgyas chos dang dge 'dun srid pa'i 'jigs 'phrog la yang byang chub bar du bdag ni skyabs su mchis/ /de ltar gsum la skyabs su song ste bdag nyid kyi dngos po dbul ba byas nas de nas sems can gyi don gyi slad du smon lam bya ste/ rdzogs sangs rgyas su bdag gyur cig ces 'dir ni smon lam sems can don gyi slad du bdag bgyid do zhes pa'o/ /de ltar phyag 'tshal ba dang mchod pa dang sdig pa bshags pa dang bsod nams la rjes su yid rang ba dang de bzhin gshegs pa rnams la bskul ba dad gsol ba gdab pa dang bsod nams yongs su bsngo ba ste de ltar mchod pa rnam pa bdun bya'o/ /de nas rtsa ba gsum dran par bya ste byang chub tu sems bskyed pa dang bsam pa rnam par dag pa dang bdag tu 'dzin pa dang bdag gir 'dzin pa yongs su spong ba'o/ /de nas bsod nams dang ye shes dang tshul khrims kyi tshogs kyi don du pha rol du phyin pa bcu bsam par bya ste sbyin pa'i pha rol du phyin pa dang de bzhin du tshul khrims dang bzod pa dang brtson 'grus dang bsam gtan dang shes rab dang thabs dang smon lam dang stobs dang ye shes kyi pha rol tu phyin pa rnam par bsam par bya'o/ /de nas tshangs pa'i gnas rnams dran par bya ste byams pa dang snying rje dang dga' ba dang btang snyoms so/ /de nas bsdu ba'i dngos po bzhi bsam par bya ste sbyin pa dang snyan par smra ba dang don spyod pa dang don mthun pa'o/ /de nas mi dge ba bcu yongs su spang ba bsgom par bya ste srog gcod pa dang ma byin par len pa dang 'dod pa log par g.yem pa dang brdzun du smra ba dang tshig rtsub dang phra ma dang tshig 'khyal pa dang brnab sems dang gnod sems dang log lta'o/ /de bzhin du 'gyod pa dang rmugs pa dang gnyid dang rgod pa dang the tshom ste sgrib pa lnga yongs su spang bar bya'o/ /de bzhin du 'dod chags dang zhe sdang dang gti mug dang nga rgyal te nyon mongs pa rnams yongs su spang bar bya'o/ /de bzhin du 'dod pa'i zag pa dang srid pa'i zag pa dang ma rig pa'i zag pa dang lta ba'i zag pa spang bar bya'o/ /de nas rnam par thar pa bzhi bsgom par bya ste/ stong pa nyid dang mtshan ma med pa dang smon pa med pa dang mngon par 'dus ma byas pa bsgom par bya'o/ /rgyu ba dang mi rgyu ba dang bcas pa'i khams gsum po tshigs su bcad pa 'dis rnam par dpyad par bya ste/ dngos po med la bsgom pa med/ /sgom pa sgom pa nyid ma yin/ /de ltar dngos po dngos min pas/ /sgom pa dmigs su med pa'o zhes pa'o/ /'di'i don ni 'chad par 'gyur ba las brjod par bya'o/ /da ni stong pa zhes pa la sogs pas yang srid pa gzung ba'i slad du stong pa nyid kyi mtshan nyid gsungs te stong pa dngos po'i ngo bo'i rang bzhin 'gro ba mtha' dag 'di ni dngos po dag gis rnam par dman pa gang yin pa'i stong pa chen po de las kyang sangs rgyas byang chub med cing gzhan phan snying rje dag kyang med do/ /de bzhin du 'gro ba la phan pa'i phyir sangs rgyas su bya'o zhes pa mtshan ma'i dam bca' med pa ste mtha' dag de ltar shes nas sangs rgyas nyid kyi slad du de lta na yang mi yi bdag po sku gsung thugs kyi rdo rje ni/ /dpag med yon tan dkyil 'khor dbang po dkyil 'khor la ni byang chub sems dpa' rnams kyis bsgom par bya zhes pa ste 'jig rten pa'i 'bras bu bsgrub pa dang sems can thams cad la yang dag par bstan pa'i slad du sku gsung thugs kyi dkyil 'khor la gtso bo sku gsung thugs kyi rdo rje bsgom par bya'o zhes pa ni bcom ldan 'das kyi nges pa'o/ /da ni 'jig rten las 'das pa'i phung po gzung ba dang 'khor ba pa'i phung po yongs su spang ba'i slad du ting nge 'dzin gsungs pa chu yis zhes pa la sogs pa ste mi yi 'jig rten 'dir mngal nas skyes pa rnams 'chi ba'i dus su chu yis me rnam par nyams par byed do/ /de'i phyir ting nge 'dzin de nyid kyis chu yis me ni rnam par nyams pa dang por 'dir ni lus kyi dbus su sdom brtson rnams kyis bya/ phyi nas me med pa'i phyir 'dzin ma dag ni sra ba nyid spangs te lan tshwa bzhin du zhu bar gyur nas chur 'gyur te chu yi dbus su rab tu zhugs so/ /de nas rlung ni chu de rnams mtha' dag bskams nas nam mkha' la mi snang bar 'gyur ro/ /de ltar khams kyi tshogs myur du rnam par nyams te de nas sems ni me dang mun pa'i mtha' ste/ nam mkha'i khams rnam pa thams cad pa'i gzugs yul dang rnam par bral ba dbus kyi sa la kun gzhi'i rnam par shes pa gzhag par bya'o/ /de nas sngags 'di brjod par bya ste/ oM shU n+ya tA dz+nyA na badzra swa b+hA ba Ad ma ko haM/ oM a ni mi ta ta dz+nyA na badzra swa b+hA ba Ad ma ko haM/ oM a pra Ni hi ta dz+nyA na badzra swa b+hA ba Ad ma ko haM/ oM a na b+hi saM skA ra dz+nyA na badzra swa b+hA ba Ad ma ko haM zhes pa brjod nas khams gsum po rdul phra rab kyi chos nyid las 'das pa'i stong pa nyid rnam par bsgom par bya'o/ / zhes pa ni de bzhin gshegs pa'i nges pa'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las gnas bsrung ba dang sdig pa bshags pa la sogs pa'i mdor bsdus chen po ste dang po'o// // da ni smon lam yongs su rdzogs par bya ba dang chos kyi 'khor lo bskor ba'i don du mngal du 'jug pa'i tshul gyis skyed pa'i rim pas bcom ldan 'das kyi sgrub thabs gsungs pa stong pa zhes pa la sogs pa ste 'dir phyi dang nang du skyed pa'i mtshan ma ni nam mkha'i khams mtha' yas pa dang shes rab kyi chos 'byung gru gsum mo/ /phyi rol du mi yul la rdo rje'i rang bzhin rtsibs bcu zlum po ste nang du ma'i lus so/ / de la phyi rol du ya~M yig yongs su gyur pa las rlung gi dkyil 'khor nag po dbus su gzhu'i rnam pa thad dkar dpag tshad 'bum phrag bzhi pa 'og dang steng du hu~M yig yongs su gyur pa'i sna tshogs rdo rje gnyis dang bcas pa rgyal mtshan gyis mtshan pa'o/ /de'i steng du ra~M yig yongs su gyur pa las me'i dkyil 'khor dmar po gru gsum rgyar dpag tshad 'bum phrag gsum pa 'og dang steng du hu~M yig yongs su gyur pa'i sna tshogs rdo rje gnyis dang bcas pa'i bkra shis kyis mtshan pa'o/ /de'i steng du waM yig yongs su gyur pa las chu'i dkyil 'khor dkar po zlum po dpag tshad 'bum phrag gnyis pa steng dang 'og tu hU~M yig yongs su gyur pa'i sna tshogs rdo rje gnyis dang bcas pa pad mas mtshan pa'o/ / de'i steng du laM yig yongs su gyur pa las sa'i dkyil 'khor kha dog ser po gru bzhi pa dpag tshad 'bum yod pa 'og dang steng du hU~M yig yongs su gyur pa'i sna tshogs rdo rje gnyis dang bcas pa rdo rjes mtshan pa'o/ /de'i steng du ma~M yig yongs su gyur pa las lhun po chen po rdo rje'i rang bzhin 'og gi rgyar stong phrag bcu drug dang steng la stong phrag lnga bcu pa'o/ /de'i dbus su k+Sha~M yig yongs su gyur pa las lhun po'i tshad phyed kyis sna tshogs chu skyes so/ /de'i sum cha ni lte ba'o/ / de'i steng du ha~M yig yongs su gyur pa las zla ba'i dkyil 'khor lte ba dang mnyam pa'o/ /de'i steng du rnam par bcad pa yongs su gyur pa las nyi ma'i dkyil 'khor ro/ /de'i steng du thig le yongs su gyur pa las me zhes pa sgra gcan gyi dkyil 'khor kha dog 'thon mthing ste de ltar mtha' dag gcig tu 'dres par gyur pa ni h+k+Sh+m+l+W+R+Ya~M zhes pa sa bon gyi yi ger rnam par bsgom par bya ste de las 'jig rten gyi khams grub par bsam par bya'o zhes pa ni phyi rol tu'o/ /nang du ni sngar gsungs pa'i rnam pas ma'i lus la dpral bar rlung gi dkyil 'khor dang mgrin par me'i dkyil 'khor dang snying khar chu'i dkyil 'khor dang lte bar sa'i dkyil 'khor dang lte ba nas gsang ba'i pad ma'i mthar thug pa lhun po chen po'o/ /gsang ba'i pad ma ni bcom ldan 'das kyi pad ma bzhin no/ /bshang ba dang gci ba dang khu ba 'bab pa'i rtsa gsum ni zla ba dang nyi ma dang sgra gcan gyi dkyil 'khor te gsang ba'i pad ma'i lte bar de rnams 'dus pa'o/ /de bzhin du de'i steng du khang pa brtsegs pa kun nas dri med 'od zer 'phro ba 'am rdo rje las skyes te hU~M yig las skyes pa'i rdo rje gur ni yum gyi skye gnas su ste rdo rje dang bcas pad ma zhes pa'i shes par byed pa las so/ /de nyid kyis na yang na rdo rje'i rang bzhin gyi gur ro/ /de'i dbus su rdo rje'i sa la b+h+ru~M yig yongs su gyur pa'am oM yig yongs su gyur pa las nor bu'i tshogs kyi dkyil 'khor 'od zer rnam par 'phro ba ste oM yig ye shes las skyes rgyal ba mchog gi pad ma zla ba dang ni nyi ma dag gi gdan zhes pa sa'i dkyil 'khor gyi mthar thug par thugs kyi dkyil 'khor ro/ /de'i phyi rol du ni gsung gi dkyil 'khor rgya mtsho'i dkyil 'khor gyi mthar thug pa ste nor gyi pad ma zhes pa pad ma brgyad po 'di ni zla ba nyi mas rnam par dman pa'o/ /de nyid kyi phyi rol du sku'i dkyil 'khor rlung gi dkyil 'khor gyi mthar thug pa ste nyin mor byed pa'i pad ma zhes pa pad ma bcu gnyis zla ba nyi mas rnam par dman pa dang de bzhin du sgo bzhir shing rta rnams so/ /de ltar sku'i dkyil 'khor ni zheng du dpag tshad bzhi 'bum mo/ /de'i phyed ni gsung gi dkyil 'khor dang de'i yang phyed ni thugs kyi dkyil 'khor dang de'i yang phyed ni bde ba chen po'i 'khor lo dang de'i yang phyed ni bcom ldan 'das kyi pad ma'o/ /pad ma'i sum cha ni lte ba ste de bzhin du zla ba dang nyi ma dang sgra gcan gyi dkyil 'khor rnams so/ /de bzhin du nang du ni snying kha nas 'og dang steng du gsang ba'i pad ma dang spyi bo ji srid par ro/ /yang na snying kha nas dpung ba dang nye ba'i dpung ba dang sen mo'i mtha' ji srid par te ma'i lus la rnam par brtags pa bsgom pa'i phyir ro zhes pa ni nges pa'o/ /de ltar dkyil 'khor re re la sgo bzhi bzhi ste de ltar sgo bcu gnyis rnams ni nyi ma'i sgo rnams su ste rgyal po zhes pa bod pa'o/ /nor bu dang gser gyi rang bzhin rta babs rnams dang sku'i dkyil 'khor gyi phyi rol du dur khrod brgyad dang snying por brgyad gnyis ka ba rnams te cha bcu drug gi dbye bas ka ba bcu drug go/ rdo rje'i rang bzhin ni byang chub sems kyi rang bzhin no/ /rgyal ba'i shin du longs spyod rdzogs pa'i 'khor lo'o/ /'di la lus kyi khams rnams kyi rnam par dag pa ni ye shes kyi le'u las brjod par bya'o/ /'dir rtsa ba'i rgyud kyi rjes su 'brangs nas chos kyi phung po rnam par dag pa brjod par bya ste 'dir bcom ldan 'das kyis gsungs pa/ sangs rgyas chos dang dge 'dun ches/ /thugs gsung sku yi dkyil 'khor ro/ /tshangs pa'i gnas bzhi rnams kyis ni/ /rdo rje'i thig ni bzhi po ste/ /dran pa nyer gzhag bzhi rnams kyis/ /kun nas gru bzhi pa nyid do/ /yan lag bcu gnyis 'gags pa yis/ /sgo ni bcu gnyis po rnams te/ /de bzhin sa ni bcu gnyis kyis/ /rta babs rnams ni mdzes pa rnams/ /'phags lam yan lag brgyad rnams kyis/ /phyogs brgyad du ni dur khrod rnams/ /stong nyid bcu drug ka pa rnams/ /khams rnams kyis kyang khang pa brtsegs/ /rnam thar brgyad kyis sgo khyud rnams/ /gzugs can yon tan brgyad rnams kyis/ /'gram rnams dang ni logs rnams nyid/ /thugs gsung sku yi dbye bas so/ / tshul khrims la sogs phung po lngas/ /kha dog lnga ni rnam par dag /theg pa gsum gyis ra ba gsum/ /dad pa'i dbang po sogs kyis lnga/ /dad sogs stobs rnams dag gis lnga/ /thugs gsung sku yi dkyil 'khor la'o/ /ting nge 'dzin dang gzungs rnams kyis/ /dkyil 'khor gsum la stegs bu ste/ /pha rol phyin bcu rdzogs pa yis/ /rin chen snam bu rnam par bkra/ /ma 'dres chos ni bcwo brgyad kyi/ /do shal do shal phyed pa rnams/ /dbang rnams kyis kyang ba ku lI/ /dge bas kra ma shIr Sha 'o/ /stong nyid la sogs rnam thar gyis/ /dril bu'i sgras ni gang ba ste/ /rdzu 'phrul rkang pas rgyal mtshan gtams/ /spong bas me long rab tu 'bar/ /byang chub yan lag rnga yab g.yo/ /yan lag dgu yis phreng bas brgyan/ /bsdu ba bzhi po rnams kyis ni/ /zur du sna tshogs rdo rjes brgyan/ /bden bzhis rin po che rnams kyis/ / sgo dang sgo khyud mtshams su spras/ /mngon shes lnga yis rtag tu ni/ /khor yug chen po lnga yis bskor/ /rnam pa kun mkhyen byang chub pas/ /rdo rje phreng bas legs par bskor/ /bde ba gcig pu'i khor yug gis/ / de bzhin ye shes rdo rje 'bar/ /thabs dang shes rab cha yis ni/ /zla ba nyi ma rtag tu shar/ /thugs gsung sku dang dag pa yis/ /chos kyi 'khor lo bum pa che/ /rnga bo che dang byang chub shing / /de bzhin yid bzhin nor bu sogs/ /'di ni dpal ldan dus 'khor gyi/ /dkyil 'khor chos kyi dbyings nyid do/ /phun tshogs kun byed bsgoms nas ni/ /de nas a sogs ka sogs dgod ces pa ste bcom ldan 'das mngal du 'jug pa'i dus su mngal sbyang ba'i cho ga'o/ | /da ni zla ba zhes pa la sogs pas phyi rol du lha rdzogs pa dang nang du mngal rdzogs pa gsungs te 'dir dkyil 'khor gyi lte ba'i steng gi zla ba dang nyi ma dang sgra gcan gyi dkyil 'khor gyi steng du zla ba'i dkyil 'khor la a sogs dbyangs sum bcu dang thig le dang rnam par bcad pa ste sum bcu rtsa gnyis po rnams mtshan sum bcu rtsa gnyis kyi don du g.yon dang g.yas su bskor bas dgod par bya'o/ /de la a i r-i u l-i zhes pa ni dang po'i cha lnga'o de nas yon tan gyi dbye bas a e ar o al zhes pa ni gnyis pa'i cha lnga'o de nas ya Nar bsgyur bas ha ya ra wa la zhes pa ni gsum pa'i cha lnga'o cha bcwa lnga'i mthar thig le aM zhes pa ste bcu drug ni g.yon skor gyis so/ /de nas g.yas skor gyis nag po'i tshes gcig la sogs pa'i cha rnams dgod par bya ste lA wA rA yA hA Al au Ar ai A l-I U r-I I A zhes pa ste bcwa lnga pa gnam stong gi mthar rnam par bcad pa aHzhes pa ste dbyangs bcu drug go/ 'di rnams ni skyes bu chen po'i mtshan sum bcu rtsa gnyis po rnams te zla ba'i yan lag dang mngal 'dzin pa'i khu ba'i khams la'o/ /de nas nyi ma'i dkyil 'khor la ka sogs gsal byed gcig gi bdag nyid bzhi bcu dang brtsegs pa bzhi bcu rnams te de la ha ya ra wa la dang bcas pa'i sde pa drug po rnams ni sum bcu rtsa lngar 'gyur ro/ /de bzhin du lan gnyis brjod pa'i dbang gis la wa ya Da D+ha rnams gzung bar bya ste l+la w+Wa y+Ya D+Da D+h+D+ha/ l+la w+Wa R+Ra y+Ya h+ha/ s+sa ny+p+ny+pa Sh+Sha sh+sha u0f88u0f90u0f88u0f90/ t+ta th+tha d+da d+h+d+han+na/ p+pa ph+pha b+ba b+h+b+ham+ma/ T+Ta Th+Tha D+Da D+h+D+haN+Na/ ts+tsa tsh+tsha dz+dza dz+h+dz+hany+nya/ k+ka kh+kha g+ga g+h+g+ha ng+nga / zhes pa bzhi bcu ste g.yas skor du sa la sogs pa'i dbye bas brtsegs pa rnams so/ /de nas g.yon skor gyis nga g+ha ga kha ka /nya dz+ha dza tsha tsa/ Na D+ha Da Tha Ta/ ma b+ha ba pha pa/ na d+ha da tha ta/ u0f88u0f90 sha Sha u0f89u0fa4 sa/ ha ya ra wa la D+ha Da ya wa la zhes pa gsal byed gci g gi bdag nyid bzhi bcu'o/ /de ltar nyi ma dang mngal 'dzin pa'i rdul la dpe byad brgyad bcu rnams so zhes pa ni nges pa'o/ /de ltar zla ba nyi ma la yang a sogs ka sogs rdo rje dang bcas zhes pa ni de dag las 'og tu nyi ma'o/ /nyi ma'i steng du zla ba'o/ /zla ba'i dbus su hu~M yig zla ba'i mtshan ma lta bu'o/ /de bzhin du rdul gyi steng du khu ba'o/ /khu ba'i dbus su kun gzhi'i rnam par shes pa dri za'i sems can no/ /de nas me long la sogs lnga rnams kyis zhes pa ni de la zla ba dang khu ba dbyangs dang ldan pa ni me long lta bu'i ye shes te gzugs kyi phung po skyed par byed pa rnam par snang mdzad do/ /nyi ma dang rdul gsal byed dang ldan pa ni mnyam pa nyid kyi ye shes te tshor ba'i phung po skyed par byed pa rin chen 'byung ldan no/ /dri za'i sems can hU~M yig dang ldan pa ni so sor rtog pa'i ye shes te 'du shes kyi phung po skyed par byed pa snang ba mtha' yas so/ /de rnams gcig pa nyid dang srog gi rlung hi yig dang ldan pa ni bya ba grub pa'i ye shes te 'du byed kyi phung po skyed par byed pa don yod grub pa'o/ /de nas yan lag thams cad kyi cha shas yongs su rdzogs pa dang rnam par shes pa ha~M yig dang ldan pa ni chos kyi dbyings shin du rnam par dag pa'i ye shes te rnam par shes pa'i phung po skyed par byed pa mi bskyod pa ste phyi dang nang du ye shes lnga'i bdag nyid do/ /'di rnams gcig tu 'dres par gyur pa ni sa bon te dbyangs rnams kyi thig le dang gsal byed rnams kyi rnam par bcad pa dang rnam par shes pa gzhom du med pa dang srog gi a yig go/ de ltar gsungs pa'i rim pas bcom ldan 'das 'od zer lnga rnams 'gyed par byed cing dri ma med pa'i 'od 'phro dus kyi 'khor lo bsgom par bya zhes pa ste phyi rol dang mngal du sku rdzogs pa'i nges pa'o/ /da ni lha'i sku la dus kyi cha yis dbyibs gsungs pa rdo rje zhes pa la sogs pa ste 'dir lha rnams skye ba'i dus su rgyan thams cad dang bcas par skye ste de rnams kyang lus kyi cha shas sna tshogs dang kha dog sna tshogs dang dbyibs sna tshogs nyid du skye'o/ /de'i phyir rdo rje'i rgyan dang ldan pa'i sku dang rgyal ba'i phyag gi pad ma ni phyag nyi shu rtsa bzhi'o nyi ma zhes pa dpung pa bcu gnyis so/ /dus kyi zhal ni zhal bzhi'o/ /mgrin pa gsum dang spyan bcu gnyis te rnam par rgyas pa'i zhal yang mche ba phyed ni gtsigs pa'o zhes pa'o/ /nang du lus rdzogs pa la rnam par shes pa lus kyi bdag po'i mtshan nyid ni dkyil 'khor la pad ma'i lte bar dang rang gi lus mthar gyis 'byung ba ni dkyil 'khor gyi rnam pas lha rnams rnam par dgod pa gsungs pa dpal ldan oM yig las skyes rgyal ba'i bdag po'i pad mar zhes pa snying po'i pad mar zla ba nyi ma me yi steng du ni zhes pa la la nA dang ra sa nA dang a ba d+hU tI'i steng du drag po lus med gnyis kyi zhes pa bdud dang nyon mongs pa'i phyogs te g.yon dang g.yas par rab tu 'bab pa dag gi snying khar rgyal ba'i dbang po shin tu rol pa'i zhabs ni g.yas brkyang stabs zhes pa'o/ /de la bdud ni 'dod pa'i lha kha dog dmar po gdong gcig pa lag pa bzhi pa lag na me tog gi mda' lnga dang gzhu dang zhags pa dang lcags kyu 'dzin pa ste zhabs g.yas pa kha dog dmar po'i 'og tu'o/ /de bzhin du drag po dkar po mig gsum pa gdong gcig pa lag pa bzhi pa rtse gsum dang Da ma ru dang thod pa dang kha T+wA~M ga 'dzin pa ste zhabs g.yon pa dkar po'i 'og tu'o/ /'di ltar sku mdog sngon po ste de bzhin du dbus kyi mgrin pa 'thon 'thing dang g.yas pa nyi ma dang mtshungs pa dmar po dang g.yas min te g.yon pa ni zla ba'i mdog can dkar po ste de ltar mgrin pa gsum mo/ /sngar gsungs pa'i rnam pas shar gyi zhal ni nag po mche ba gtsigs pa drag po dang g.yas pa ni chags pa dang bcas pa dmar po dang g.yon pa ni rab tu zhi ba dkar po dang nub ni ting nge 'dzin la gnas pa ser po'o/ /ral pa'i cod pan la sna tshogs rdo rje dang zla ba phyed pa dang rdo rje sems dpa'i dbu rgyan can rdo rje nor bu dang rdo rje rna rgyan dang rdo rje mgul rgyan dang rdo rje gdu bu dang rdo rje ska rags dang rdo rje rkang gdub dang rdo rje dar dpyangs dang rdo rje phreng ba dang stag gi lpags pa'i gos 'dzin pa'o/ /de bzhin du g.yas kyi phrag pa dang po 'thon 'thing dang gnyis pa dmar po dang gsum pa dkar po ste de bzhin du g.yon du yang ngo / /de bzhin du g.yas dang g.yon du yang dpung pa gnyis 'thon 'thing dang gnyis dmar po dang gnyis dkar po'o/ /de bzhin du g.yas dang g.yon du yang phyag bzhi nag po dang bzhi dmar po dang bzhi dkar po ste de rnams kyang 'chad par 'gyur ba'i mtshon cha dang bcas pa'o/ /de bzhin du phyag re re la sor mo lnga ste mthe bo ser po dang 'dzub mo dkar po dang gung mo dmar po dang ming med nag po dang mthe chung ljang gu'o/ /de rnams re re la tshigs gsum ste phyag gi mthil nas sor mo thams cad kyi tshigs kyi phreng ba dang po nag po dang gnyis pa dmar po dang gsum pa dkar po'o/ /de ltar phyag gi pad ma ri bong can so so la kha dog lnga ste de dag sor gdub rnams kyis 'phro ba'o/ /de ltar ma rig pa dang 'du byed dang rnam par shes pa rnams rab tu zhugs pa'i nges pa ste mngal gyi zla ba gsum pa dang gnas skabs dang po'o/ /da ni nag ces pa la sogs pas mtshon cha'i tshogs gsungs te nag po'i phyag gi 'thil bzhi la dang por rdo rje dang gnyis par ral gri dang gsum par rtse gsum dang bzhi par gri gug go/ de bzhin du dmar po'i phyag gi 'thil bzhi la dang por me yi mda' dang gnyis par rdo rje lcags kyu dang gsum par sgra dang bcas pa'i Da ma ru dang bzhi par tho ba'o/ /gsum pa dkar po'i phyag gi 'thil bzhi la dang po'i phyag gi 'thil du 'khor lo dang gnyis par mdung dang gsum par dbyug pa dang bzhi par dgra sta'o zhes pa ni g.yas pa'i mtshon cha'i tshogs te rdo rje can gyi nyi ma'i phyag gi pad ma g.yas la'o zhes so/ /da ni g.yon pa'i nag po'i phyag gi 'thil bzhi la mtshan ma gsungs te dang por rdo rje dril bu dang gnyis par phub dang gsum par kha TA~M ga rnam par rgyas pa'i kha can dang bzhi par khrag gis gang ba'i thod pa'o/ /de bzhin du dmar po'i phyag gi 'thil bzhi la dang por gzhu dang gnyis par zhags pa dang gsum par nor bu rin chen dang banyi par pad ma dkar po'o/ /de bzhin du dkar po'i phyag gi 'thil bzhi la dang po'i phyag gi 'thil du chun/ rgyu ba zhes pa dung dang gnyis par me long dang gsum par rdo rje lcags sgrog dang bzhi par tshangs pa'i mgo bo zhes pa 'di ltar rig byed gdong ldan tshangs pa'i mgo bo gang yin pa pad mas brgyan pa ste spras pa rgyal ba'i g.yon pa'i phyag na'o zhes so/ /der bdud dang drag po la yang dag par nye ba na bdud dang drag po dag gi rang gi lha mo dag ni zhabs kyi 'thil la 'dzin cing gdong ni dman pa dag tu byed de bdud kyi dga' ma dang drag po'i u ma'o/ /mi bskyod pa rab tu zhugs pa'o/ /da ni sna tshogs yum gyi mtshan nyid gsungs pa gser mdog ces pa la sogs pa ste de la ro mnyam pa gcig las zla ba dang khu ba'i rang bzhin gyis bcom ldan 'das skyed cing nyi ma dang rdul gyi rang bzhin gyis lha mo skyed do/ /de la dkar po dang nag po'i chos can ni zla ba ste dmar po dang ser po'i chos can ni nyi ma'o/ /des na gser mdog go/ rig byed zhal ldan ni zhal bzhi'o/ /nor gyi phyag gi pad ma ni phyag brgyad de mdun nas 'khyud pa dag ni sna tshogs yum mo/ /de'i g.yas kyi phyag dang po na gri gug dang gnyis pa na lcags kyu dang gsum pa na sgra dang bcas pa'i Da ma ru dang bzhi pa na bgrang phreng ngo / / g.yon gyi phyag dang po na thod pa dang gnyis pa na zhags pa dang gsum pa na 'dab ma brgya pa'i pad ma dkar po dang bzhi pa na mchog gi rin chen de bzhin nyid du'o/ /de bzhin du bcom ldan 'das ni g.yas brkyang ste sna tshogs yum ni g.yon brkyang ngo / /nyi ma'i spyan ni spyan bcu gnyis so/ /rgyal ba'i bdag po'i cod pan ni rdo rje sems dpa'i cod pan can no/ /phyag rgya lnga po rnams kyi rgya yis btab pa snyoms par zhugs pas gnas pa'o/ /ye shes kyi pha rol du phyin pa ni sna tshogs yum de'i nang du 'dus shing pha rol du phyin pa gzhan sbyin pa la sogs pa rnams te pha rol du phyin pa brgyad ni 'dab ma rnams la lha mo brgyad de de rnams nor gyi phyag gi pad ma ni phyag brgyad do/ /rig byed zhal ni zhal bzhi'o lo nyi ma'i spyan ni spyan bcu gnyis so/ /de dag rnams kyi nang nas bzhi ni klu yi rnga yab 'dzin te phyag brgyad kyis rnga yab brgyad 'dzin pa'o/ /zur bzhir rgyal ba'i zhal gyi dbye bas so zhes pa ni mer nag mo dang bden bral du dmar mo dang rlung du ser mo dang dbang ldan du dkar mo'o/ /de bzhin du de rnams kyi rgyab du dbang ldan du chos kyi dung dkar po dang bden bral du chos kyi gaN DI dmar po dang mer yid bzhin gyi nor bu nag po dang rlung du dpag bsam gyi shing ser po'o/ / de bzhin du shar gyi 'dab ma la nag mo dang lhor dmar mo dang byang du dkar mo dang nub tu ser mo 'bar ma'o/ /phyogs bzhi'i dbye bas bcom ldan 'das kyi zhal gyi dbye ba ji lta ba de bzhin du lha mo rnams kyi ste sna tshogs yum gyi dang po'i zhal gser gyi mdog dang g.yas pa dkar po dang g.yon pa dmar po dang rgyab 'thon 'thing ste de bzhin du lha mo ser mo rnams kyi'o/ /dkar mo rnams kyi mdun dkar po dang g.yas nag po dang rgyab dmar po dang g.yon ser po'o/ /dmar mo rnams kyi dang po dmar po dang g.yas ser po dang g.yon 'thon 'thing dang rgyab dkar po'o/ /nag mo rnams kyi mdun nag po dang g.yas dmar po dang g.yon dkar po dang rgyab ser po'o/ /snying po'i pad ma'i lha mo rnams kyi rgyan dang phyag rgya lnga po rnams ni bcom ldan 'das ma'i ji lta ba de bzhin du shes par bya'o zhes pa nges pa'o/ /da ni nag mo 'bar ma la sogs pa rnams kyi g.yas dang g.yon gyi phyag gi mtshan ma rnams gsungs pa nag mo zhes pa la sogs pa sde nag mo yi ni dang po'i phyag gi 'thil na spos kyi snod dang gnyis pa dag na bsil ba'i snod de tsan dan gyi snod dang dmar po sbyar ba gur gum kyi snod ni gsum pa na'o/ /myos byed dang bcas ri bong 'dzin pa zhes pa gla rtsi dang bcas pa'i ga pur gyi snod ni bzhi pa na ste g.yas kyi phyag rnams na'o/ /g.yon pa'i dang po na dril bu dang gnyis pa na pad ma dang gsum pa na lha'i shing gi me tog dang bzhi pa na me tog sna tshogs kyi phreng ba rim pas so zhes pa ste shar gyi 'dab ma la'o/ /dmar mo 'bar ma'i g.yas kyi phyag dang po na mar me dang gnyis pa na do shal dang gsum pa na cod pan dang bzhi pa na gdu bu'o/ /de bzhin du g.yon pa'i phyag dang po na gos dang gnyis pa na ska rags dang gsum pa na rin po che'i rna rgyan dang bzhi pa na rkang gdub bo/ /de bzhin du ser mo 'bar ma'i g.yas kyi dang po na dung dang gnyis pa na gling bu dang gsum pa na nor bu dang bzhi pa na Da ma ru'o/ /g.yon gyi dang po na rgyud mangs dang gnyis pa na rnga dang gsum pa na sgra sgrogs pa'i 'khar rnga dang bzhi pa na zangs dung ngo / /de bzhin du dkar mo 'bar ma'i dang po na 'o ma'i snod dang gnyis pa na chu'i snod dang gsum pa na mchog gi sman dang bzhi pa na chang gi snod do/ /g.yon gyi dang po na bdud rtsi'i snod dang gnyis pa na grub pa'i ro'i snod dang gsum pa na bdud rtsi'i 'bras bu dang bzhi pa na zas kyi snod de dkar mo yi'o/ /rang gi phyag rgya dang bcas pa ste rdo rje sems dpa' rdzogs pa'o/ /da ni ming dang gzugs la sogs pa skyed pa'i slad du 'dod chags chen pos gdul bar bya ba'i sems can gyi 'jig rten dang po'i sangs rgyas bstan par bya ba'i snod du mngon par gzigs nas shin du dga' ba'i sgras rang gi lus la mi bskyod pa la sogs pa'i rgyal ba'i tshogs rnams dang nam mkha' la sogs pa'i khams kyi tshogs rnams te skyes bu dang rig ma dang mig la sogs pa dang / gzugs la sogs pa yul gyi rang bzhin gyis lha'i rang gi ngo bor gyur pa rnams gzhug par bya ste slar yang de rnams rang gi lus las spros nas sna tshogs yum gyi nang du ji lta ba bzhin du bsgom par bya'o/ /de nas de bzhin nyid du spros nas slar yang khams dang bcas pa'i de bzhin gshegs pa rnams dkyil 'khor gyi 'khor lo'i rnam pas rang gi lus la gzhug par bya ste zhu ba zla bar gyur pa rnams rang gi rdo rje nas spros te rang gi rig ma'i pad mar de rnams yongs su gyur pa las lha dang lha mo'i tshogs kyi dkyil 'khor rten dang brten pa'i mtshan nyid can no/ /mi bskyod pa lhag pa'i bdag por bsgoms nas dang por bcom ldan 'das kyi sku la gzhug par bya'o/ /de nas phyogs kyi pad mar chu gter sangs rgyas bzhi rnams ni nges par spyan dgu pa me'i zhal zhes pa zhal gsum pa dus kyi phyag ces pa phyag drug pa rnams spro bar bya'o/ /de la shar gyi pad mar nyi ma'i steng du don yod grub pa nag po ste g.yas skor gyis nag po dang dmar po dang dkar po'i zhal can no/ /lhor rin chen 'byung ldan kha dog dmar po ste g.yas skor gyis dmar po dang dkar po dang nag po'i zhal can no/ / byang du snang ba mtha' yas dkar po ste g.yas skor gyis dkar po dang nag po dang dmar po'i zhal can no/ /nub tu rnam par snang mdzad ser po ste g.yas skor gyis ser po dang dkar po dang nag po'i zhal can no/ /de ltar bzhi ni nyi ma'i dkyil 'khor la ste nyin mo bcom ldan 'das rdo rje can zhes pa'i shes par byed pa las so/ /mer sgrol ma don yod grub pa lta bu'o/ /bden bral du gos dkar mo rin chen 'byung ldan lta bu'o/ /dbang ldan du mA ma kI snang ba mtha' yas lta bu'o/ /rlung du spyan ma rnam par snang mdzad lta bu'o/ /de ltar bzhi ni zla ba'i dkyil 'khor la ste mtshan mo shes rab rab tu grags zhes pa'i shes par byed pa las so/ /slar yang lha dang lha mo de dag gi bar gyi mtshams brgyad du bdud rtsi'i bum pa brgyad do/ /de ltar lha dang lha mo nag dang dmar dang ser ba dang ni ri bong 'dzin pa lta bur dkar ba ste zhes so/ /shar gyi sgor khro bo shin du stobs te kha dog dang zhal dang phyag ni don yod grub pa lta bu nag po'o/ /lho'i sgor rmugs byed de kha dog dang zhal dang phyag ni rin chen 'byung ldan lta bu dmar po'o/ /nub kyi sgor rengs byed de kha dog dang zhal dang phyag ni rnam par snang mdzad lta bu ser po'o/ / byang du khengs byed de kha dog dang zhal dang phyag ni snang ba mtha' yas lta bu dkar po'o/ /steng du gtsug tor te kha dog dang zhal dang phyag ni mi bskyod pa lta bu ljang khu'o/ /'on kyang khro bo 'di rnams g.yas brkyang pa ste khro bo'i lha mo rnams ni g.yon brkyang ngo / /zla ba bzhi pa la ming dang gzugs skye ba'i dus su gzugs 'byung ba chen po bzhi'i bdag nyid dang rlung dang me dang sa dang chu'i khams kyi bdag nyid de des na khams dang phung po dang khro bo rnams spro ba'o/ /de nas zla ba lnga pa la skye mched drug skye ba'i dus su nam mkha'i snying po la sogs pa spro bar bya ste mkha' snying la sogs zhes pa ni 'dir rlung las skyes pa sna ni nam mkha'i snying po dbyibs la sogs pa don yod grub pa lta bu ste shar gyi sgo'i g.yas su ra ba'i rtsig pa la ste phyogs su'o/ /phyogs bral du gnas ni me'i zur du rlung las skyes pa reg bya rdo rje ma ste dbyibs la sogs pa sgrol ma lta bu'o/ /de bzhin du lho'i sgo'i g.yas su me las skyes pa mig ni sa'i snying po ste dbyibs la sogs pa rin chen 'byung ldan lta bu'o/ /de bzhin du bden bral gyi zur du me'i khams las skyes pa ro rdo rje ma ni gos dkar mo lta bu'o/ /nub kyi sgo'i g.yas su sa las skyes pa lus kyi dbang po ni sgrib pa thams cad rnam par sel ba ste rnam par snang mdzad lta bu'o/ /de bzhin du rlung gi zur du sa'i khams las skyes pa dri rdo rje ma ni spyan ma lta bu'o/ /byang gi sgo'i g.yas su chu las skyes pa lce ni 'jig rten dbang phyug ste snang ba mtha' yas lta bu'o/ /dbang ldan du chu las skyes pa gzugs rdo rje ma ni mA ma kI lta bu'o/ /'og tu ye shes kyi khams las skyes pa yid ni kun tu bzang po kha dog sngon po zhal gsum pa phyag drug pa kha dog dus kyi 'khor lo lta bu ste shar gyi sgo'i g.yon du ra ba'i rtsig pa la'o/ /de bzhin du ye shes kyi khams las skyes pa sgra rdo rje ma ni kun du bzang po lta bu ste byang gi sgo'i g.yon du'o/ /steng du nam mkha'i khams las skyes pa rna ba ni phyag na rdo rje ljang khu mi bskyod pa lta bu ste lho'i sgo'i g.yon du'o/ /de bzhin du nam mkha'i khams las skyes pa chos kyi khams kyi rdo rje ma ni phyag na rdo rje lta bu ste nub kyi sgo'i g.yon du'o/ /de ltar zla ba lnga pa la skye mched drug dang drug pa la reg pa zhes pa'i shes par byed pa las reg bya la sogs pa'i yul rnams te de ltar skye mched bcu gnyis spro ba'o/ /sku rdo rje'i gnas skabs gnyis pa'o/ /'dir shar dang byang dang steng na gnas pa'i lha dang lha mo nag po dang dkar po rnams ni zla ba'i dkyil 'khor la dgod par bya ste nam mkha' dang rlung dang chu'i khams rnams khu ba'i chos can nyid kyi phyir ro/ /yang na phyogs bral du gnas pa zur gyi lha mo rnams zla ba la ste mtshan mo shes rab rab tu grags zhes gsungs pa'i phyir ro/ /de bzhin du lho dang nub dang 'og na gnas pa'i lha dang lha mo dmar ba dang ser ba rnams ni nyi ma'i dkyil 'khor la ste ye shes dang me dang sa'i khams rnams rdul gyi chos can nyid kyi phyir ro/ /yang na phyogs na gnas pa'i lha rnams nyi ma la ste nyin mo bcom ldan 'das rdo rje can zhes gsungs pa'i phyir ro/ /de ltar gang zhig bcom ldan 'das la mngon du phyogs pa de ni gtso bo ste phyogs rnams su'o/ /bcom ldan 'das la mngon du phyogs pa'i lha mo ni gtso mo ste phyogs bral rnams su'o/ /gzhan du phyogs pa ni gtso bo ma yin pa'o/ /de'i phyir shes rab phang bar thabs ni gtso bo ma yin pa ste pad ma dang zla ba la zur gyi char phyogs bral rnams su'o/ / de bzhin du thabs kyi lha rnams kyi phang par yang lha mo gtso mo ma yin pa ste nyi ma'i dkyil 'khor la phyogs rnams su'o/ /gnyis po dag ni rang gi phyag gi chu skyes 'chad par 'gyur ba'i rang rang mtshan mas mtshan pa dag gis phun tshun 'khyud/ /mtshan ma gang zhig gang gi g.yas kyi dang po'i phyag 'thil na de de yi phyag rgya chu skyes dman/ chu skyes kyi mtshan ma dang rin po che dang ral gri ni g.yon dang g.yas su yang thun mong ngo / /de ltar shar dang nub dang g.yon dang g.yas dang 'og dang steng du shes rab thabs kyis 'khor lo mchog gi bde bar gnas pa'i rdo rje'i 'dug stangs dag gis bzhugs pa ni thabs 'dren pa ste pad ma'i 'dug stangs kyis bzhugs pa ni lha mo'i tshogs 'dren ma'o zhes pa nges pa'o/ /da ni nag po rnams kyi zhes pa la sogs pas mtshan ma rnams gsungs te 'dir rigs drug gi phung po rnam par dag pas mtshan ma drug rnams so/ /de la 'du byed kyi rigs las skyes pa don yod grub pa dang sgrol ma dang shin du stobs dang nam mkha'i snying po dang reg bya rdo rje ma ste nag po rnams kyi g.yas kyi phyag dang po na ral gri dang gnyis pa na gri gug dang gsum pa na rtse gsum mo/ /g.yon gyi dang po na phub dang gnyis pa na thod pa dang gsum pa'i phyag gi 'thil na kha T+wA~M ga dkar po'o/ /de bzhin du tshor ba'i rigs las skyes pa rin chen 'byung ldan dang gos dkar mo dang rmugs byed dang sa'i snying po dang ro rdo rje ma ste dmar po rnams kyi g.yas kyi phyag dang po na me'i mda' dang gnyis pa na rdo rje lcags kyu dang gsum pa na sgra dang bcas pa'i Da ma ru ste rim pa yis so/ /g.yon gyi dang po na gzhu dang gnyis pa na rdo rje zhags pa dang gsum pa na dri med 'phro ba'i nor bu rin po che rtse mo dgu pa'o/ /de bzhin du gzugs kyi rigs las skyes pa rnam par snang mdzad dang spyan ma dang rengs byed dang sgrib pa thams cad rnam par sel ba dang dri rdo rje ma ste ser po rnams kyi g.yas kyi phyag dang po na 'khor lo dang gnyis pa na dbyug pa dang gsum pa na 'jigs byed rdo rje'o/ /g.yon gyi dang po na dung dang gnyis pa na rdo rje lcags sgrog dang gsum pa na sgra dang bcas pa'i rdo rje dril bu'o/ /de bzhin du 'du shes kyi rigs las skyes pa snang ba mtha' yas dang mA ma kI dang pad ma mthar byed dang 'jig rten dbang phyug dang gzugs rdo rje ma ste dkar po rnams kyi g.yas kyi phyag dang po na tho ba dang gnyis pa na mdung dang gsum pa na rtse gsum mo/ /g.yon pa'i dang po na pad ma dkar po 'dab ma brgya pa dang gnyis pa na me long dang gsum pa na bgrang phreng ngo / /de bzhin du rnam par shes pa'i rigs las skyes pa mi bskyod pa dang rdo rje dbyings kyi dbang phyug ma dang gtsug tor dang phyag na rdo rje dang chos kyi khams kyi rdo rje ma ste ljang khu rnams kyi g.yas kyi dang po na rdo rje dang gnyis pa na gri gug dang gsum pa na dgra sta'o/ /g.yon gyi dang po na dril bu dang gnyis pa na thod pa dang gsum pa na tshangs pa'i mgo bo'o/ /de bzhin du ye shes kyi rigs las skyes pa rdo rje sems dpa' dang sna tshogs yum dang gnod mdzes rgyal po dang kun du bzang po dang sgra rdo rje ma ste sngon po rnams kyi yang ngo / /mtshan ma'i nges pa'o/ /yang na sgrol ma dang kun du bzang po'i kha T+wA~M ga'i gnas dang tshangs pa'i mgo bo'i gnas su ud pa la'o/ / gang gi tshe du ba la sogs lha mo brgyad po dang bum pa brgyad dang chos kyi dung la sogs pa res 'ga' dor nas rgyal ba'i bdag po'i pad ma dag la dpal ldan 'khor lo ste thugs kyi dkyil 'khor ni snying po'i dbus su mi yi bdag po nyi shu rtsa lnga'i bdag nyid du yang 'gyur te de'i tshe bcom ldan 'das nye bar bskor ba yang dpal 'dus pa lta bur 'gyur ro/ /'di la skyon med de ris med pa nyid kyi phyir ro/ /de ltar sgrub pa po rnams kyis rang gi sems kyi nus pa shes nas bcom ldan 'das 'di yang rnal 'byor pa rnams dag gis bsgom par bya'o/ /dbang gi don du yang na dkyil 'khor rigs kyi dbang gis phyi yi 'khor los rab tu dman par 'gyur ro/ /'dir lhan cig skyes pa'i bde ba rdo rje sems dpa' khu ba mngal du zhugs pa ni zla ba dang po la ma rig pa dang gnyis pa la 'du byed dang gsum pa la rnam par shes pa dang bzhi pa la ming dang gzugs so/ /gzugs dang 'brel pa skye mched drug dang reg pa la sogs pa ni zla ba drug pa ji srid bar te rigs kyi dbang gis so zhes pa bcom ldan 'das kyi nges pa'o/ /de bzhin du snying khar thugs kyi dkyil 'khor khams lnga lnga'i bdag nyid do/ /de nas zla ba bdun pa la tshor ba skye ba'i dus su gnas skabs gsum pa ni gsung gi dkyil 'khor la rtsa'i lha mo rnams spro ba ste de la gsung gi dkyil 'khor ni mgrin pa nas sprul pa'i 'khor lo'i mthar thug pa gru bzhir gzung bar bya'o/ /sprul pa'i 'khor lo de la rtsa rnam pa bzhi ste snying po'i zlum skor dang po la bzhi dang gnyis pa la brgyad dang gsum pa la bcu gnyis te thugs dang gsung dang sku'i rang bzhin gyis so/ /de nas zlum skor bzhi pa la rdo rje gsum thun mong gi rtsa drug bcu rtsa bzhi ste de la drug bcu ni dkyil 'khor 'bab pa yin la bzhi ni stong pa'o/ /de bzhin du mgrin par sum bcu ni yud tsam 'bab pa ste gnyis ni stong pa'o/ /de ltar sprul pa'i 'khor lo nas gsung gi rtsa thun tshod brgyad kyi dbye ba 'bab pa zlum skor gnyis pa la gnas pa rnams drug bcu rtsa bzhi po rnams dang lhan cig tu mgrin pa'i bar du spro bar bya'o zhes pa ni nges pa'o/ /da ni phyi rol zhes pa la sogs pas gsung gi dkyil 'khor gyi lha spro ba gsungs pa 'dir thugs kyi dkyil 'khor gyi phyi rol ni gsung gi dkyil 'khor te phyi rol der ni brgyad pa brgyad kyis pad 'dab brgyad pa rnams la phyogs brgyad kyi lha mo rnams dang lhan cig tu tsar tsi kA sogs rnal 'byor ma rnams zla ba nyi ma dang bral zhing rang rang gi bzhon pa la gnas pa rig byed phyag ces pa phyag bzhi dang spyan gsum ma gdong sna tshogs pa'o/ /de la shar gyi pad mar tsar tsi kA zhal gcig ma nag mo'o/ /mer ni mkha' 'gro'i bdag pos 'gro ma khyab 'jug ma'o/ /phag mo dang gdong drug ma ni kha dog dmar mo ste gshin rje dang bden bral du'o/ /chur dbang mo ser mo'o/ /rlung du chu gter gdong ma ste tshangs ma ser mo'o/ /byang du drag mo dkar mo zhal gcig ma'o/ /dbang ldan du dpal mo dkar mo'o/ /de ltar lte ba la gnas pa'i gtso mo'i kha dog dang dbyibs ji lta ba de bzhin du de rnams kyi 'dab ma la gnas pa'i lha mo rnams so/ /de ltar brgyad pa brgyad kyi rnal 'byor ma gang pad ma'i 'dab ma la gnas gtso mo'i kha dog zhal rnams so/ /da ni shar la sogs par zhes pa la sogs pas tsar tsi kA la sogs pa rnams kyi g.yas kyi phyag gnyis la mtshan ma rnams rim pa bzhin du gsungs te 'dir shar du tsar tsi kA'i phyag dang po na gri gug dang gnyis pa na rtse gsum mo/ /khyab 'jug ma'i 'khor lo dang be con no/ /phag mo'i dbyug pa dang ral gri'o/ /gzhon nu ma'i sha ka ti dang lcags kyu'o/ /dbang mo'i rdo rje dang mda'o/ /tshangs ma'i pad ma dang tshangs pa'i dbyug pa'o/ /drag mo'i rtse gsum dang Da ma ru'o/ /dpal chen mo'i pad ma dang bgrang phreng ngo zhes pa ste g.yas kyi phyag gnyis la'o/ /de bzhin du 'dab ma'i lha mo rnams kyi yang ngo / /de nas g.yon gyi phyag gnyis la shar la sogs pa rim pa bzhin du ste tsar tsi kA'i g.yon gyi phyag dang po na thod pa dang gnyis pa na kha T+wA~M ga'o/ /khyab 'jug ma'i pad ma dang dung ngo / /phag mo'i lcags sgrog dang phub bo/ /gzhon nu ma'i rin po che dang zhags pa'o/ /dbang mo'i dril bu dang gzhu'o/ /tshangs ma'i spyi blugs dang snod do/ /drag mo'i kha T+wA~M ga dang sbrul lo/ /dpal chen mo'i pad ma dang rin po che nyid do/ /de bzhin du pad ma nor 'dab la ni brgyad pa brgyad kyi rnal 'byor ma'i phyag gi mtshon cha de bzhin no ste gtso mo'i ji lta ba de bzhin no zhes pa nges pa'o/ /da ni de rnams kyi ming du 'gyur te de la tsar tsi kA la sogs pa'i pad ma'i 'dab ma rnams la shar la sogs pa g.yas skor gyis tsar tsi kA la sogs pa rnams kyi 'dab ma'i lha mo rnams rig par bya'o/ /de la 'dab ma dang po la 'jigs ma ste gnyis pa la sogs pa la drag mo dang dus kyi mche ba ma dang me 'bar gdong ma dang rlung gi shugs ma dang rab gtum ma dang drag spyan ma dang snang chen ma ste tsar tsi kA'i nor 'dab pad ma la rang gi phyogs rnams su'o/ /khyab 'jug ma'i 'dab ma dang po la sogs pa la g.yang mo dang sgyu ma dang grags ma dang dpal mo dang rnam par rgyal ma dang dpal ldan rgyal ma dang dpal ldan rgyal byed ma dang brgyad pa dpal ldan 'khor lo can ma ste nor 'dab pad ma la ni khyab 'jug ma'i phyogs kyi char zhes pa mer ro/ /de nas phag mo'i 'dab ma dang po la sogs pa la keng rus ma dang dus mtshan ma dang / rab tu khros pa'i gdong ma dang dus kyi lce dang gtsigs ma dang nag mo dang 'jig rung ma dang gzugs ngan ma rnams nor bdag pad ma la ste phag mo'i 'dab ma'i lha mo'o zhes pa lhor ro/ /de bzhin du gzhon nu ma'i mdun gyi 'dab ma la sogs pa la pad ma dang lus med ma dang gzhon nu ma dang ri dgas bdag pos 'gro ma dang rin chen phreng ba ma dang mig bzang ma dang ru la ma dang bzang mo ste gang na gtso mo mchog gi rma byas 'gro ma'i chu skyes 'dab ma la'o rgyal po kye zhes pa ste bden bral du'o/ /de bzhin du dbang mo'i mdun gyi 'dab ma la sogs pa la rdo rje 'od dang rdo rje lus dang gser ldan ma dang Ur ba sI dang bkra ba'i ri mo dang ram b+hA dang zug rngu med dang shin du sgrol ma ste pad ma nor 'dab rdo rje lag ma lhag pa'i lha can la lo zhes pa nub tu'o/ /de nas tshangs ma'i mdun gyi 'dab ma la sogs pa la sa bI trI dang pad ma'i spyan ma dang chu skyes can ma dang blo gros ma dang ngag gi dbang phyug ma dang gA ya trI dang glog ma dang dran ma rnams kyang pad ma rigs byed gdong ma lhag pa'i lha can la'o zhes pa rlung du'o/ /de nas drag mo'i mdun gyi 'dab ma la sogs pa la gau rI dang gaM gA dang rtag ma dang myur ma dang to ta lA dag mtshon byed ma dang dmar ser ma dang nag mo ste de bzhin gang na drag mo gtso mo'i pad ma nor gyi 'dab ma la'o zhes pa byang du'o/ /de nas dpal mo'i mdun gyi 'dab ma la sogs pa la dpal ldan dkar mo dang zla ba'i ri mo dang ri bong 'dzin pa'i gdong ma dang ngang pa'i mdog ma dang 'dzin ma dang pad ma'i dbang mo dang skar mig ma dang dri med ri bong 'dzin ma ste dbang ldan pad ma dag la mtshan mar bcas pa'o/ / de ltar gsung gi dkyil 'khor gyi gtso mo tsar tsi kA la sogs pa rnams kyi pad ma'i 'dab ma rnams la rnal 'byor ma drug bcu rtsa bzhi po rnams te tshor ba'i yan lag la'o/ /sred pa'i yan lag la sku rdo rje thams cad rdzogs pa ste sku rdzogs pa la dpral ba nas gsang ba'i pad ma'i mthar gru bzhir rig par bya'o/ /de la lag pa dang rkang pa'i las kyi 'khor lo dang bya ba'i 'khor lo'i tshigs bcu gnyis la 'dab ma nyi shu rtsa brgyad pa'i pad ma bcu gnyis po gang yin pa de rnams ni zla ba brgyad pa la rtsa dang lha'i gzugs kyis spro bar bya'o/ /de yi phyi rol nyi ma'i pad ma la zhes pa ni de'i phyi rol du sku'i dkyil 'khor gyi pad ma bcu gnyis po rnams la shar gyi sgo'i g.yas kyi cha la sogs par ra ba'i rtsig pa la nam mkha'i snying po la sogs pa bzhin du bden bral la sogs pa rnam grangs bzhin du gsungs te lha min bden bral te shar gyi sgo'i g.yas su'o/ /g.yo ba zhes pa rlung ste mer ro/ /gshin rje zhes pa lho'i sgo'i g.yon du'o/ /g.yas su me dang bden bral du gdong drug go / nub kyi sgo'i g.yon du gnod sbyin dang g.yas su brgya byin dang rlung du tshangs pa'o/ /byang gi sgo'i g.yon du drag po dang g.yas su rgya mtsho dang dbang ldan du tshogs kyi bdag po'o/ /shar gyi sgo'i g.yon du khyab 'jug ste thams cad phyag bzhi pa'o/ /bcu gnyis po 'di rnams kyi g.yas kyi phyag gnyis la rim pa bzhin mtshan ma rnams su 'gyur te bden bral gyi dang po na ral gri dang gnyis pa na gri gug go/ rlung gi dang po na ljon shing dbang po ste dpag bsam gyi shing dang gnyis pa na yongs 'du'i me tog go / gshin rje'i dang po na dbyug pa dang gnyis pa na ral gri'o/ /me'i dang po na sha ka ti dang gnyis pa na dbyug pa'o/ /gdong drug gi dang po na sha ka ti dang gnyis pa na mdung ngo / /nor sbyin gyi dang po na nor bu rin po che dang gnyis pa na be con no/ /dbang po'i dang po na rdo rje dang gnyis pa na me'i mda'o/ /tshangs pa'i dang po na khab dang gnyis pa na bgrang phreng ngo / /drag po'i dang po na rtse gsum dang gnyis pa na mda'o/ /chu lha'i dang po na zhags pa dang gnyis pa na rin po che'o/ / log 'dren gyi dang po na dgra sta dang gnyis pa na rdo rje'o/ /khyab 'jug gi dang po na 'khor lo dang gnyis pa na dbyug tho'o/ /de nas g.yon du bden bral gyi phyag dang po na phub dang gnyis pa na thod pa'o/ /rlung gi dang po na in dra nI la dang gnyis pa na ud pa la sngon po'o/ /gshin rje'i dang po na lcags sgrogs dang gnyis pa na zhags pa'o/ /me'i dang po na pad ma dang gnyis pa na ril ba spyi blugs so/ /gdong drug pa'i dang po na rin po che dang gnyis pa na me long ngo / /gnod sbyin gyi dang po na ne le dang gnyis pa na pad ma'o/ /dbang po'i dang po na dril bu dang gnyis pa na gzhu'o/ /tshangs pa'i dang po na pad ma dang gnyis pa na spyi blugs so/ /drag po'i dang po na sbrul dang bcas pa'i kha T+wA~M ga dang gnyis pa na gzhu'o/ /rgya mtsho'i dang po na sbrul gyi zhags pa dang gnyis pa na zla ba chu shel gyi nor bu rin po che'o/ /log 'dren gyi dang po na zhags pa dang gnyis pa na rin po che'o/ /nor lha'i dang po na pad ma dang gnyis pa na skye ba lnga pa'i dung ste thams cad kyi phyag g.yon pa gnyis la rim pa bzhin du mtshan ma rnams so/ /bden bral la sogs pa pad ma'i lte ba la gnas pa de rnams kyi pad ma'i 'dab ma ni 'dab ma nyi shu rtsa brgyad de g.yas skor gyis 'dab ma'i zlum skor gsum las zlum skor dang po la 'dab ma bzhi dang gnyis pa la brgyad dang gsum pa la bcu drug go/ de ltar 'dab ma nyi shu rtsa brgyad po rnams la nag pa la sogs pa'i zla ba'i tshes rnams te dkar po dang nag po'i phyogs rnams kyi nya dang gnam stong gi gtso bo nyid kyi lte ba la gnas so/ / de ltar nag pa'i zla ba'i tshes rnams bden bral gyi pad ma'i 'dab ma la'o/ /sa ga'i zla ba'i tshes rnams rlung gi la'o/ /snron gyi zla ba'i tshes rnams me'i la'o/ /chu stod kyi zla ba'i tshes rnams gdong drug gi la'o/ /gro bzhin gyi zla ba'i tshes rnams rgya mtsho'i la'o/ /khrums stod kyi zla ba'i tshes rnams log 'dren gyi la'o/ /tha skar gyi zla ba'i tshes rnams dbang po'i la'o/ /smin drug gi zla ba'i tshes rnams tshangs pa'i la'o/ /mgo'i zla ba'i tshes rnams drag po'i la'o/ /rgyal gyi zla ba'i tshes rnams gnod sbyin gyi la'o/ /mchu'i zla ba'i tshes rnams khyab 'jug gi la'o/ /dbo'i zla ba'i tshes rnams gshin rje'i la'o/ /lha mo rnams kyi kha dog dang mtshon cha dang dbyibs ni de bzhin no/ / de ltar pad ma'i 'dab ma rnams la nag pa sogs kyi nor lag tshes rnams dang ni lte bar rdzogs pa gnyis/ mchog gi zla ba'i cha rnams thams cad stong pa dus dang 'jig rten zhes pa sum brgya drug bcu ste de rnams lo yi sbyor bas rig par bya'o/ /'chad par 'gyur ba'i sa bon dang por gyur pa rdo rje'i mtha' can ni 'di rnams kyi ming du 'gyur ro zhes pa nges pa'o/ /da ni lag pa dang rkang pa'i 'thil dang gtsug tor dang bshang lam gyi rtsa spro ba'i dag pas sgor ni lha mo shing rta la gnas 'od zer can la sogs pa zhal gcig phyag bzhi ma rnams te 'di rnams ni gzhan gyi gnas su 'gro ba'i phyir gtso mo ma yin pa nyid do/ /dbyug pa sngon po la sogs pa rnams ni rang gi gnas kyi phyir gtso bo nyid do/ / de'i phyir rdo rje lcags sgrog ma la sogs pa 'di rnams mngon du phyogs pa'i gnas su 'gro ba ni shar la sogs pa'i rigs so/ /rigs kyi dbang des na lcags sgrog ma'i g.yas kyi phyag dang po na ral gri dang gnyis pa na rdo rje ste don yod grub pa'i rigs kyi dbang gis so/ /de bzhin du rin chen rigs kyi dbang gis khro gnyer can gyi phyag dang po na mda' dang gnyis pa na lcags kyu dang bcas pa'o/ /rnam par snang mdzad kyi rigs kyi dbang gis 'od zer can gyi g.yas kyi phyag dang po na 'khor lo dang gnyis pa na dbyug pa'o/ /rang bzhin yon tan dbang gis zhes pa pad ma'i rigs kyi dbang gis tsun dA'i phyag dang po na tho ba dang gnyis pa na mdung ngo / /ye shes kyi rigs kyi dbang gis shin du sngon mo'i dang po na gri gug dang gnyis pa na rdo rje'o/ /nam mkha'i rigs kyi dbang gis dag spyan ma'i dang po na dgra sta dang gnyis pa na rtse gsum mo/ /de bzhin du lcags sgrog ma'i g.yon gyi phyag na phub dang sbrul lo/ /khro gnyer can gyi dang po na gzhu dang gnyis pa na zhags pa'o/ /'od zer can gyi dung dang rin chen no/ /tsun dA'i pad ma dang me long ngo / /shin du sngon mo'i thod pa dang dril bu'o/ /drag spyan ma'i sbrul gyi zhags pa dang kha T+wA~M ga'o/ /de bzhin du shar dang lho dang nub dang byang gi sgor gnas pa dbyug pa sngon po dang 'dod pa'i rgyal po dang stobs po che dang mi g.yo ba'i 'o zhes pa ni nges pa'o/ /de nas zla ba dgu pa len pa la bya ba'i 'khor lo'i sor mo nyi shu'i rtsa rnam par dag pas klu bcu dang rab gtum ma bcu spro bar bya ste sku'i dkyil 'khor gyi phyi rol du rta babs bzhi'i ka ba brgyad kyi 'og tu klu brgyad dang 'og dang steng du rgyal ba dang rnam par rgyal ba dag go/ thams cad phyag bzhi pa ste g.yas kyi dang po na bdud rtsi'i bum pa dang gnyis pa na rdo rje'o/ /g.yon gyi dang po na pad ma dang gnyis pa na rin po che'o/ /de'i phyir bum pa rdo rje'i phyag dang pad ma nor bu dag gi phyag rlung la sogs pa'i dkyil 'khor la ni zhes pa ste shar gyi rlung gi dkyil 'khor gnyis la pad ma dang stobs kyi rgyu dag go / lhor me'i dkyil 'khor la nor rgyas kyi bu dang dung skyong ngo / /nub tu sa'i dkyil 'khor la 'jog po dang pad ma chen po'o/ /byang du chu'i dkyil 'khor la mtha' yas dang rigs ldan no/ /nam mkha' la rgyal ba'o/ /ye shes la rnam par rgyal ba'o zhes pa ste rkang pa'i sor mo bcu'o/ /de nas lag pa'i sor mo rnam par dag pas shar du khyi gdong ma dang lhor phag gdong ma dang nub tu lce spyang gdong ma dang byang du stag gdong ma ste rlung dang me'i khor yug gi dbus su dur khrod chen po la zhal gcig phyag gnyis ma phyag na gri gug dang thod pa can no/ /de bzhin du mer bya rog gdong ma dang bden bral du bya rgod gdong ma dang rlung du mkha' lding gdong ma dang dbang ldan du 'ug gdong ma dang sa 'og tu rdo rje'i mig dang nam mkhar sngon mo ste 'di rnams thams cad phyag na gri gug dang thod pa can gcer bu phyag rgya lngas brgyan pa mgo'i phreng ba 'phyang ba'o/ /de bzhin du ba spu dang skra rnam par dag pas phyed dang bcas pa bye ba phrag gsum gyi 'byung po'i skye gnas g.yo ba'i mthar zhes pa rlung gi dkyil 'khor gyi mthar te lpags pa'i mthar ba spu rnams so/ /zhes bsngags pas phyi rol du spro bar bya ste de ltar zla ba dgu'i mthar lus dang lha'i tshogs rdzogs pa'o/ /da ni yi dags dmar dang zhes pa la sogs pas tsA muN DA la sogs pa rnams kyi pad mar gdan rnams gsungs te 'dir shar gyi pad ma'i lte ba la tsA muN DA'i gdan yi dags chen po dmar po'o/ /lte ba dang 'dab ma brgyad tsA muN DA la sogs pa'i lha mo rnams so/ /de bzhin du khyab 'jug ma'i mkha' lding dang phag mo'i ma he dang gzhon nu ma'i rma bya dang dbang mo'i glang po dang tshangs ma'i ngang pa dang drag mo'i khyu mchog dang dpal chen mo'i seng ge ni rim pas gdan te phyogs dang phyogs bral gyi pad ma rnams su'o/ /lha min la sogs rnams kyi de bzhin zhes gsungs pa'i phyir bden bral gyi pad mar gdan ni yi dags dmar po'o/ /khyab 'jug gi mkha' lding dang gshin rje'i ma he dang gzhon nu'i rma bya dang dbang po'i glang po dang tshangs pa'i ngang pa dang drag po'i khyu mchog go zhes pa ni bden bral la sogs pa rnams kyi nges pa'o/ /de bzhin du nor bdag rtse mo can dang chu gter rlung dang tshogs kyi ni zhes pa lnga po rnams kyi grangs bzhin du ste nor bdag gi glang po che dang me'i lug dang rgya mtsho'i chu srin dang rlung gi ri dgas dang tshogs kyi bdag po'i byi ba'o/ /de bzhin du bya rog gdong ma'i 'khor lo'i 'og tu b+he ruN Da dang bya rgod gdong ma'i khrung khrung dang mkha' lding gdong ma'i mig sngon dang 'ug gdong ma'i bya ma byi ste zur du'o/ /de bzhin du phyogs rnams su khyi gdong ma'i 'khor lo'i 'og tu bse dang phag gdong ma'i dom dang lce spyang gdong ma'i seng ge dang stag gdong ma'i 'bri'o zhes pa khyi gdong ma la sogs pa yi ste phyogs rnams su'o/ /rdo rje'i mig ma'i rkang pa brgyad pa sa 'og shing rta la gnas pa'o/ /mkha' la sngon mo'i shing rta yi mkhar bgrod khro ba dang bcas kha dog lnga pa lus rgyas mig gsum ldan pa a ni la zhes pa'o/ /de bzhin du shar gyi sgor 'od zer can gyi shing rta la phag bdun dang lhor tsun dA'i shing rta la rta bdun dang nub tu lcags sgrog ma'i shing rta la glang po bdun dang byang du khro gnyer can gyi shing rta la seng ge bdun no/ /de bzhin du de nas snying kha'i rtsa bcu'i rang bzhin gyis thugs kyi dkyil 'khor gyi sgo bzhi'i g.yas dang g.yon gyi stegs bu la mchod pa'i lha mo spro bar bya ste shar tu dri ma dang phreng ba ma dang lhor bdug spos ma dang mar me ma dang nub tu sgeg mo dang bzhad ma dang byang du rol mo ma dang gar mkhan ma dang nam mkhar glu ma dang 'dod ma dang 'og tu bshang ba dang gci ba'i rtsa'i rang bzhin gyis lha bshos ma dang bdud rtsi'i 'bras bu ma'o/ /rdul tshon gyi dkyil 'khor la mkha' dang 'og na gnas pa'i lha mo gang su yang rung ba de rnams ni shar dang nub kyi rta babs kyis 'og tu blta bar bya ste phyogs skyong la sogs pa rnams bsgom pa ni ji ltar gsungs pa'i gnas nyid du'o/ /sgo'i g.yon gyi kun du bzang po la sogs pa bzhi yang de bzhin no zhes pa nges pa'o/ /de ltar mchod pa'i lha mo rnams ji lta ba de bzhin du mtha' g.yas pa'i gzungs ma rnams ni snam bu la ste stegs bu la'o/ /de bzhin du gdengs can rigs dang bcas pa'i phyir 'dod ma rnams sku'i dkyil 'khor gyi phyi rol du stegs bu la'o/ /de'i phyir gsung gi dkyil 'khor gyi stegs bu la 'dod ma rnams so/ /de la shar du sgrol ma las skyes pa dbye bar 'dod ma dang lhor gos dkar mo las skyes pa bskyod par 'dod ma dang byang du mA ma kI las skyes pa rgyas par 'dod ma dang nub tu spyan ma las skyes pa rengs par 'dod ma ste de ltar lha mo sgrol ma la sogs dag pa yis so/ /rdo rje dbyings kyi dbang phyug ma las skyes pa ni srid gsum skyed ma gsod par 'dod ma'o/ /sna tshogs yul las skyes pa ni skyed par 'dod ma'o/ /de bzhin du sgra las skyes pa rol mo 'dod ma dang gzugs las skyes pa rgyan 'dod ma dang ro las skyes pa zas 'dod ma dang dri las skyes pa dri 'dod ma dang reg bya las skyes pa gos 'dod ma dang chos kyi khams las skyes pa 'khrig pa 'dod ma ste shar la sogs pa'i stegs bu rnams la rigs kyi dbye bas so/ /tsA muN DA las skyes pa lus la 'phrug par 'dod ma dang khyab 'jug ma las skyes pa kha na gnas pa'i mchil ma 'dor bar 'dod ma dang 'phag mo las skyes pa lus kyi dri ma 'dod ma dang gzhon nu ma las skyes pa gar 'dod ma dang drag mo las skyes pa stan 'dod ma dang tshangs ma las skyes pa chu la rkyal bar 'dod ma dang dbang po las skyes pa mal stan la snyes par 'dod ma dang dpal mo las skyes pa rgyal srid 'dod ma ste tsA muN DA la sogs pa brgyad kyi bya ba rnams so/ /de bzhin sa la khro skyes rnams kyi 'dod ma ste 'dir shin du sngon mo las skyes pa kun du gdung ba 'dod ma dang rengs byed ma las skyes pa gnyen pa 'dod ma dang nga rgyal ma las skyes pa 'jam par smra ba 'dod ma dang rmugs byed ma las skyes pa skems 'dod ma dang shin du stobs ma las skyes pa skrod 'dod ma dang de bzhin du rdo rje lcags sgrog ma las skyes pa reg bya 'dod ma dang khro gnyer can las skyes pa dgug 'dod ma dang tsun DA las skyes pa 'ching 'dod ma dang 'od zer can las skyes pa phur bus 'debs par 'dod ma dang drag spyan ma las skyes pa rgyug par 'dod ma'o/ /de bzhin du lha min rigs las skyes pa rnams kyi 'dod ma rnams ni khyi gdong ma las skyes pa yan lag thams cad bskyod par 'dod ma dang phag gdong ma las skyes pa bshang gci zag par 'dod ma dang lce spyang gdong ma las skyes pa sems can rnams la slu bar 'dod ma dang stag gdong ma las skyes pa rtsod pa mang po 'dod ma dang bya rog gdong ma las skyes pa lhag ma za bar 'dod ma dang bya rgod gdong ma las skyes pa g.yul 'dod ma dang mkha' lding gdong ma las skyes pa sbrul 'ching bar 'dod ma dang 'ug gdong ma las skyes pa byis pa khro bar 'dod ma ste 'dod ma sum bcu rtsa bdun rnams ni gsung gi dkyil 'khor la rang gi rigs kyi dbye bas rang rang gi phyogs rnams su'o/ /de bzhin du sum bcu rtsa bdun phyir 'dod ma rnams zhes pa 'dod ma rnams las bzlog pa ni phyir 'dod ma zhes brjod te de rnams sku'i dkyil 'khor gyi stegs bu la rang gi rigs kyi dbang gis rang rang gi phyogs rnams su'o zhes pa ni thams cad du nges pa'o/ /de ltar phyi yi dkyil 'khor gyi phyi rol gyi snam bu la gzhan yang nyin zhag so so'i dus su gang zhig cung zad sems can gyi bya ba 'dod pa de thams cad 'dir khams kyi dbang gis rnal 'byor ma yi bya ba'o zhes pa ni nges pa'o/ /da ni rtag pa dang mi rtag pa gsungs pa zhes pa de ltar zhes pa la sogs pa ste zhes pa de ltar skye ba'i zla ba bdun pa la sogs pa rnams kyis phyi rol du rdo rje can gyis srid pa gsum po mtha' dag rnams kyang zhes pa phung po dang khams dang skye mched la sogs pa dkyil 'khor gyi rnam par gsungs te byis pa'i skye bo rnams kyi sems brtan par bya ba'i don du'o/ /'dir phyi 'jig rten gyi khams dang nang lus dang gzhan brtags pa'i dkyil 'khor la spro ba dang bsdu ba ni spro dang bsdu ba dag la dngos po'i skye ba yang dag gnas zhes pa la 'dir dngos po ni rdul phra rab kyi rdzas sa dang chu dang me dang rlung ste 'byung ba bzhi po rnams dang nam mkha'i khams ni zla ba dang rjes su nga ro 'am khu ba 'am de bzhin du rdul lam thig le gnyis dang nyi ma yang nam mkha'i khams dang de bzhin du sgra gcan rnam par shes pa'i khams te de ltar khams drug gi bdag nyid can skyes bu chen po'i gang zag ni dngos po'i skye ba'o/ /dngos po'i skye ba de'i 'byung ba ni spro ba'o/ / nyams pa ni sdud pa ste de gnyis las 'byung ba las skyes pa rnams yang dag par gnas so/ /de ltar sa'i skye ba ni ljon shing la sogs pa brtan pa rnams dang chu'i skye ba ni drod gsher las skyes pa rnams dang me'i skye ba ni mngal skyes rnams dang rlung gi skye ba ni sgong skyes rnams dang zla ba'i skye ba ni klu dang lha ma yin rnams dang nyi ma'i skye ba ni 'byung po dang lha rnams dang sgra gcan gyi skye ba ni gzugs med rnams dang dus me'i skye ba ni dmyal ba rnams so/ /de ltar skye ba rnam pa brgyad ni dngos po'i rang bzhin can te dngos po'i skye ba'o/ /de la rtag pa mkha' yi rdo rje zhes pa la 'dir mkha' zhes pa ni dgu pa nam mkha'i rdul phra rab kyi rdzas dang bral ba mi chod pa ste gcad du med pa dang dbyer med pa nyid kyi phyir dang rdzas med pa'i phyir mkha' yi rdo rje nam mkha'i khams ni rtag pa ste nam mkha'i khams de thams cad na gnas pa nyid kyi phyir rnam gsum srid pa la gnas kyang mi rtag pa nyid du 'gyur ba ma yin no/ /sngar brjod pa'i 'byung po'i tshogs ni rtag pa min par 'gyur te mi yi bdag po mig 'phrul ji bzhin nyid du brtags na med pa zhes pa'i rigs pa las so/ /de ltar rnam par dpyad kyang rtag pa stong pa chen po mthong zhing mi rtag pa rdul phra rab phrad pa dang 'bral ba yang mthong ste gnyi ga sangs rgyas nyid kyi sgrub thabs su mi 'gyur ro/ /de lta na yang blun po'i blo can byis pa rnams gzhug pa dang sems ni dag pa'i don slad du kye mi'i bdag po zla ba bzang po khyod kyis sgrub thabs dag ni brjod par bya ste don dam par ni rtag pa dang mi rtag pa'i dngos po snying por gyur pa 'ga' yang 'dir ni bsgrub par bya ba med do/ /de'i phyir sangs rgyas nyid kyi slad du gang zhig bsgrub par bya ba sgrub pa de nyid ni zhes pa nges pa ste 'dir gang zhig brtags pa'i sgrub thabs de ni 'khrul pa zhes pa rdo rje can gyi sgrub thabs mtha' dag gang yin pa'o/ /de phyir rgyal po rang sems dri ma rnam par bral ba ste brtags pa dang bral ba dag ni dkyil 'khor gyi dbang por bya'o zhes pa nges pa'o/ /da ni dpal ldan zhes pa la sogs pas rten dang rten pa gsungs te sku gsung thugs kyi dkyil 'khor la dpal ldan rdo rje can gtso bo ni thugs rdo rjer 'gyur te mi bdag sku gsung thugs kyi mtshan nyid kyi dkyil 'khor ni sku yi rdo rje'o/ /lha rnams 'khor lo a li ka li'i rigs skyes gsung gi rdo rje zla ba nyi ma'i steng du'o/ /de ltar gsung dang sku'i dkyil 'khor la yang lha'i tshogs ni gsung rdo rje'o/ /de ltar sku'i rnam pas thugs rnam pa gsum dang dkyil 'khor gyi rnam pas sku rnam pa gsum dang so sor brjod pas gsung yang rnam pa gsum mo zhes pa ni thams cad du nges pa'o/ /'dir pad ma rnams kyi rtsa ba dang sdong bu ni a yig las byung ba'o/ /'dab ma rnams dang ge sar rnams ni u yig las yang dag par byung ba'o/ /dbus kyi lte ba dang zla ba'i gdan ni ma yig las so/ /nyi ma'i gdan ni yang na ra yig las so/ /de ltar oM yig pra Na ba ni snying por gsungs te pad ma'o/ /mngal nas skyes pa rnams kyi skye ba 'di la dang po lha'i sku'i dbyibs rdzogs pa'o zhes pa ste nges pa'o/ /de ltar ye shes lnga'i bdag nyid bcom ldan 'das dus kyi 'khor lo rdo rje sems dpas dbu brgyan pa shin du rnam par dag pa'i chos kyi dbyings kyi bdag nyid can bsgoms te de nas 'gro ba drug na gnas pa'i sems can thams cad bkug nas dkyil 'khor de nyid du bcug par bsgom par bya'o/ /rnam par snang mdzad la sogs pa'i de bzhin gshegs pa khams dang bcas pa rnams rang gi snying khar bcug nas byang chub kyi sems su zhu bar gyur pa rnams rang gi gsang ba'i rdo rje nas spros te byang chub kyi sems des sems can de rnams thams cad la dbang bskur bar bsgom par bya'o/ /de nas byang chub kyi sems kyi 'od zer gyis reg pa'i sems can de rnams thams cad zhal gsum pa dang zhal sna tshogs pa dang kha dog sna tshogs pa'i lha'i rang bzhin shes rab dang thabs kyi bdag nyid can mchog gi dga' ba'i bde bas gang bar bsgom par bya'o/ /de nas de rnams kyi rang gi lus dkyil 'khor gyi 'khor lo'i rang bzhin du gyur par skad cig gis blta bar bya'o/ /de la sngags kyi sa bon rnams ni gsal byed sna tshogs brtsegs pa dbyangs dang bcas pa rnams so/ /'dir gsal byed thams cad kyi tshogs ni k+Sha yig ste shes par byed pa des gang gi ming gi gsal byed dang po gang yin pa de sa des thams cad bya'o/ /'dir k+Sha k+Shi k+Sh+R-i zhes pa ni rnam par shes pa la sogs pa de bzhin gshegs pa lnga'o/ /de bzhin du k+ShA k+ShI k+Sh+R-I k+ShU k+Sh+l-I zhes pa ni nam mkha' la sogs pa khams lnga'o/ /de bzhin du k+Sha k+She k+Shar k+Sho k+Shal k+ShaM zhes pa ni rna ba la sogs pa byang chub sems dpa' drug go/ de bzhin du k+ShA k+Shai k+ShAr k+Shau k+ShAl k+ShaHzhes pa ni yul drug go/ k+Sh+ha k+Sh+la k+Sh+ra k+Sh+Wa k+Sh+la zhes pa ni las kyi dbang po lnga'o/ /de bzhin du khro mo rnams ni k+Sh+hA k+Sh+YA k+Sh+RA k+Sh+WA k+Sh+lA zhes pa ni las kyi dbang po'i yul lnga'o/ /de ltar phung po lnga dang khams lnga dang skye mched bcu gnyis dang las kyi dbang po lnga dang las kyi dbang po'i yul lnga ste de ltar skyes bu chen po'i mtshan sum bcu rtsa gnyis su gyur pa'i dkyil 'khor gyi 'khor lo'i rnam par sems can thams cad skad cig gis bsgom par bya'o/ / yang na rgyas par te lha mo'i gsang bar sa bon so so re res de rnams so sor rdzogs par byas nas spro bar bya'o/ /de bzhin du bcom ldan 'das kyis rtsa ba'i rgyud las gsungs pa/ sangs rgyas zhing na sems can gang / /sku gsum dam tshig bdud rtsi yis/ /bskyed cing rdo rje dpal gyis reg /thams cad der ni de bzhin gshegs/ /rdo rje gsum gyi ye shes thob/ /'dir ni rdzogs sangs rgyas gyur par/ /bsgoms te de nas de dag rnams/ /rang rang zhing du rab tu gzhug ces pa'o/ /sems can rnams la brtse ba'i don du dbang bskur sbyin pa'o zhes pa nges pa'o/ /da ni zla ba bcu pa srid pa'i yan lag la srog spro ba dang gsung gi rdo rje bskyed pa'i slad du btsa' ba gsungs te phyi rol du yang skyed pa gnyis pa'o/ /de la lte ba dang gtsug tor du yang hoHyig ste 'di gnyis kyi dbus su chud pa'i dpral bar sku rdo rje oM mgrin par gsung rdo rje AHsnying khar thugs rdo rje huM zhes pa yi ge gsum po 'di ni sku gsung thugs kyi mtshan nyid rtsa gsum skyed par byed pa'o/ /lte bar hoHyig ye shes kyi 'od zer gyis zhu ba bde mnyam pad ma la ni sku gsung thugs kyi rdo rje ste de ni shes rab chags pas zhu ba khyab bdag rdo rje can yang zhes pa yang yig gis shes rab dang lhan cig ri bong 'dzin pa bzhin du rnam par bltas nas nang du dkyil 'khor lnga 'bab pa'i don dang phyi rol gyi yul thams cad nye bar longs spyod pa'i don dang phyi rol du lha rdzogs pa na 'gro ba mtha' dag gi don byed pa'i slad du byams pa dang snying rje dang dga' ba dang btang snyoms kyi rang bzhin can sgrol ma dang mA ma kI dang gos dkar mo dang spyan ma ste lha mo rnams kyis glu dag mdzad pa/ bcom ldan khyod ni sems can kun la phan par mdzad pa po/ /bdag cag bsrungs shig lha mi'i bla ma rdo rje ldan pa 'dod pa don gnyer rnams la 'dod pa mdzod ces pa ste byams pa'i rang bzhin sgrol mas thugs rdo rje dang snying rje'i rang bzhin mA ma kIs sku rdo rje dang dga' ba'i rang bzhin gos dkar mos gsung rdo rje dang btang snyoms kyi rang bzhin spyan mas ye shes rdo rje skul bar byed do/ /de ltar thugs dang sku dang gsung ye shes kyi bdag nyid can bcom ldan 'das rdo rje can des de rnams kyi glu dag gsan nas 'dod pa dang gzugs dang gzugs med pa'i mtshan nyid srid pa gsum po mtha' dag rnams kyang mig 'phrul lta bur gzigs nas zla ba zhu ba de la hu~M yig kha dog sngon po dri ma med pa'i 'od zer 'phro ba bltas te de yongs su gyur pa las rdo rje'o/ /de las spros pa zhes pa ni rnal 'byor pa bdag nyid bcom ldan 'das rdo rje'i rgyan dang ldan zhing rgyal ba'i bdag po'i cod pan can shes rab kyis 'khyud par gyur pa yang rdzogs pa'o/ /sngar bzhin du slar yang shes rab thabs kyi bdag nyid thugs dang gsung dang sku'i chos kyis dkyil 'khor rab tu spro bar bya ste skyes pa'i byis pa rab tu sad pa ngu bar byed pa'i phyir ro/ /'dir sngags kyi tshul la mngal nas skyes pa skye ba'i rim pas zla ba dgus byis pa'i lus rdzogs shing rnam pa lngas mngon par rdzogs par byang chub pa'i mtshan nyid ni lha rnams kyi sku rdzogs pa ste bsnyen pa'i yan lag dang po'o/ /'dir lha'i nga rgyal gyi slad du sngags kyi tshig ni oM su bid shud d+ha d+har+m+ma d+hA tu swa b+hA ba Ad ma ko haM zhes brjod de de nas gsung rdo rje bskyed pa'i slad du rnal 'byor pas bsnyen pa'i yan lag gnyis pa bsgom par bya'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las bskyed pa'i rim pas sku rdzogs pa'i mdor bsdus chen po ste gnyis pa'o// // 'dir ni srog gi kun spyod dag las gsung gi rdo rje dkyil 'khor bcu'i bdag nyid te/ /stong pa la sogs dbye ba dbyangs kyi rang bzhin can las rtag tu gnas lnga la gnas shing / /srid pa'i 'jigs las sems can rnams kyi lhag par mos pas dam pa'i lam ni ston byed pa/ /'di yi skyed pa 'jam pa'i dpal gyis gsungs pa rgyas 'grel gyis ni rnam par rgyas par bya/ /hoHyig ces pa la sogs pa ni 'dir mi'i 'jig rten du mngal nas skyes pa rnams kyi srog gi rlung bskyed pa'i slad du rang gi dkyil 'khor 'bab pa sa la sogs pa'i khams rnams kyis rmi lam gyi gnas skabs su zhugs pa'i rnam par shes pa la sad pa'i gnas skabs kyi don du skul bar byed pa ji lta ba de bzhin du sems can don gyi slad du spyan ma la sogs pa'i lha mo rnams rig par bya'o/ /'dir lha la lte ba dang gtsug tor gyi a ba d+hU tI'i lam du ho yig thog ma tha mar bkod de de nas dpral bar sku rdo rje oM dang mgrin par gsung rdo rje AHdang snying khar thugs rdo rje hu~M ste de ltar sku gsung thugs las yang dag par byung ba zla ba dang nyi ma dang sgra gcan gyi mtshan nyid do/ /dus kyi mes 'og dang steng nas shes rab kyi 'od zer gyis zhu ba ste shes rab chags pas zhu ba zhes pa la shes rab ni gtum mo ste des zhu ba'o/ /'dir bskul ba rnam pa gnyis te gcig ni srog rdzogs pa'i slad du yin la gnyis pa ni lo bcu drug gi mthar bde ba rdzogs pa'i slad du'o/ /des na rdo rje can yang ri bong 'dzin pa zhu ba bzhin bltas nas yang yig gis shes rab kyang ste shes rab dang bcas pa'i thugs dang ye shes rdo rje a ba d+hU tI dang dung can ma la rten pa'o/ /lha mo rnams kyis glu dag mdzad de bcom ldan khyod ni sems can kun la phan par mdzad pa po/ / bdag cag srungs shig lha mi'i bla ma rdo rje ldan pa 'dod pa don gnyer rnams la 'dod pa mdzod/ /'dir byams pa dang snying rje dang dga' ba dang btang snyoms kyi rang bzhin can sgrol ma dang mA ma kI dang gos dkar mo dang spyan ma ste lha mo rnams kyis byis pa rnams la dkyil 'khor 'bab pa'i don dang bcom ldan 'das la 'gro ba'i don gyi slad du skul bar byed do/ /lha mo'i rdo rje'i glus bskul ba'i nges pa'o/ /de bzhin du rtsa ba'i rgyud las/ spyan ma bdag ni 'gro ba'i yum/ rnal 'byor pa yi rgyu mthun gnas/ /bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ /mA ma kI bdag sring mo ste/ /rnal 'byor pa yi rnam smin gnas/ /bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ /gos dkar mo bdag bu mo ste/ /rnal 'byor pa yi skyes bur gnas/ /bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ / sgrol ma bdag ni tsha mo ste/ /rnal 'byor pa yi dri bral gnas/ /bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ /stong pa'i dkyil 'khor nyams myong nas/ /sku gsung thugs kyi dkyil 'khor ni/ /'gro ba gdon pa'i bsam pa yis/ /'gro ba'i mgon po spro bar mdzod/ /ces pa ste de ltar bde mnyam 'bras bu ster ba lte ba dang gsang ba la sogs pa'i pad+ma la byis pa rnams kyi rnam par shes pa brgyal bar gyur pa sad par byed pa bzhin du lha'i sku gnas so zhes pa ni nges pa'i don to/ /da ni rdo rje can des glu zhes pa la sogs pas lha bzhengs pa gsungs te 'dir stong pa nyid la rab tu zhugs pa'i bcom ldan 'das glu rnams kyis rab tu sad par gyur pa na 'gro ba mtha' dag sgyu ma lta bur gzigs nas sems can gyi don gyi slad du slar yang skyed pa mdzad de dri ma med pa'i 'od zer 'phro ba rang gi mtshan ma yig yongs su gyur pa'i rdo rje rtse lnga pa spros byas nas des rdo rje'i rgyan dang ldan zhing rgyal ba'i bdag po'i cod pan zhes pa mi bskyod pa'i cod pan can no/ /shes rab kyis ni 'khyud par gyur pa zhes pa ni stong pa'i dkyil 'khor 'bab pa rdo rje dbyings kyi dbang phyug ma sna tshogs yum gyis te de'i snying gar byis pa rnams kyi bzhin no/ /rgyal po zhes pa bod pa ste shes rab thabs kyis ni shes rab dang thabs snyoms par zhugs pas dkyil 'khor lnga'i rang bzhin gyis sangs rgyas nam mkhar gnas pa rnams phung po khams dang skye mched la sogs pa'i rang bzhin gyis dam tshig gi dkyil 'khor gyi don du rang gi lus la bcug ste shes rab kyi pad mar sngags kyi rang bzhin yi ge so so rnams so/ /de nas pad ma las sngon bzhin du zhal dang phyag dang mtshan ma dang dbyibs kyi mtshan nyid can rnams ye shes dang thugs dang gsung dang sku'i dkyil 'khor rnams la spro bar bya'o/ /de ltar dkyil 'khor rab du spro ba dag kyang ngo / /kyang yig gis sngon bzhin zhes pa'o/ /byis pa mngal nas 'byung ba'i dus su srog la sogs pa'i rlung bcu skye'o/ slob ma rnams dkyil 'khor du 'jug pa'i dus su me tog 'thor ro/ /gcer bu mngal gyi khru ma'i gos 'dzin pa byis pa zhes pa'i rnam par dag pas lha'i dam tshig gi dkyil 'khor rdzogs pa'o/ /de nas dbang po rab tu sad pa ni ye shes sems dpa' gzhug pa ste byis pa la ji lta ba de bzhin du lha la rnam pa nyi shus rdzogs par byang chub pa'i mtshan nyid rnal 'byor pa rnam kyis bsgom par bya'o/ /de ltar rnam pa lngas mngon par rdzogs par byang chub pas sku rdzogs pa ni bsnyen pa'i yan lag ste/ rnam pa nyi shus rdzogs par byang chub pas gsung rdzogs pa ni nye ba'i sgrub pa'o/ /de ltar skyed pa'i rim pa rnam pa gnyis te gcig ni mngal nas skyes pa dang gnyis pa sgo nga las skyes pa'o/ /gang sgong nga las skyes pa de ni 'jig rten gyi khams skyed pa ste tshangs pa'i sgo nga zhes pa'i tshig gi phyir ro/ /gang mngal nas skyes pa de ni mi rnams skyed pa'o/ /gang skad cig gis gang yin pa de ni sems can rnams rdzus skyes las skyed pa'o/ /de ni skyed pa'i rim pa gcig ste skad cig gi rnam pa sems can gyi bsam pas bcom ldan 'das kyis gsungs so/ /rdzogs pa'i rim pa ni rtog pa dang bral ba ste/ nam mkha' las byung rang byung ba/ / shes rab ye shes me bo che/ /'od chen rnam par snang bar byed/ /ye shes snang ba lam me ba/ /zhes pa la sogs pa rnam pa lngas mngon par rdzogs par byang chub pas rtogs par bya'o/ /da ni 'od zer sngon po zhes pa la sogs pas ye shes kyi 'khor lo dgug pa gsungs te 'dir byis pa skyes pa'i dbu ma'i srog 'byung ba ni 'od zer sngon po ste de'i 'byung bas dbang po rnams rab tu sad cing phyi rol gyi yul rnams la rnam par shes pa drug po rnams 'jug pa ni nang du'o/ /de'i phyir phyi rol gyi lha rdzogs pa la dbu ma'i srog rnam par dag pas rdo rje shugs 'od zer sngon po 'jigs pa'i sku rab tu bzhad pa'i zhal mche ba phyed gtsigs pa sgra drag po sgrogs pa spyan bcu gnyis pa/ /gnyis lhag rgyal ba'i phyag ste phyag nyi shu rtsa drug pa zhal bzhi pa zhabs gnyis pa shes rab dang thabs las rab tu byung ba gtso bo bzhin du mtshon cha rnams dang bcas pa glang po che'i lpags pa'i gos 'dzin pa phyag rgya lngas rnam par brgyan pa mi bskyod pas dbu brgyan pa thod pa dang mgo bo'i phreng ba 'dzin pa sbrul gyis brgyan pa hu~M yig rdo rje'i sprul pa rkang pa brgyad pa'i shing rta dag la gnas zhes pa sgra dang reg bya dang ro dang gzugs dang dri dang snying stobs dang rdul dang mun pa'i yon tan la gnas pa rgyal ba'i dgra ni 'joms par byed pa ste bdud dang nyon mongs pa 'joms par byed pa'i rdo rje shugs de ni ye shes 'khor lo'i slad du zhes pa yul lnga'i shes pa 'jug pa'i slad du bskul bar bya ste kun gzhi'i rnam par shes pa las 'jug pa'i rnam par shes pa'o/ /de nas lte ba'i pad ma las phyi rol du 'byung ba'i srog gis phyi rol gyi dngos po rnams bkug nas slar yang ldog go/ de'i phyir rnam par dag pas dri med 'od zer 'phro ba ye shes 'khor lo'i dbang phyug nges par lte bar rdo rje lcags kyus bsnun byas shing / phyag nyi shu rtsa bzhi po rnams rang gi rdo rje sbrul gyi zhags pa dag gis bcings nas rang gi mtshon cha rnams kyis 'jigs par byas te/ de ltar ye shes kyi 'khor lo bsgrub byar byas shing dngos po'i mtshan nyid sna tshogs pa'i 'khor lo mtha' dag bskyod par byas nas slar yang rang gi gnas su 'gro 'o/ /de nas gzhug pa ni kun gzhi rnam par shes pa dang mig gi dbang po las skyes pa mig gi rnam par shes pa rmugs byed kyis byed do/ /bcing ba ni lus kyi dbang po las skyes pa lus kyi rnam par shes pa rengs byed kyis byed do/ /mnyes pa ni lce'i dbang po las skyes pa lce'i rnam par shes pa khengs byed kyis byed do/ /ro mnyam par byed pa ni sna'i dbang po las skyes pa sna'i rnam par shes pa shin du stobs kyis byed do/ /de ltar na rnam pa lnga ni dzaH yig gis dgug pa dang hU~M yig gis gzhug pa dang wa~M yig gis bcing ba dang hoH yig gis mnyes pa dang hI yig gis ro mnyam par byas te rdo rje lcags kyu dang rdo rje dang rdo rje zhags pa dang rdo rje dril bu dang rdo rje dbyug pas so/ /de ltar ye shes kyi 'khor lo yang dag par mchod de sngar bzhin dam tshig gi 'khor lo la ro mnyam pa nyid du gyur pa bsgom par bya'o zhes pa ni nges pa'o/ /da ni skyed pa'i zhes pa sogs pas skyed pa'i rim pas gnas so sor ye shes kyi lha rnams dam tshig gi lha rnams dang lhan cig tu gcig pa nyid gsungs te 'dir skyed pa'i rnal 'byor gyi skyed pa'i rim pa dag la rnam par shes pa na nam mkha' dang bcas zhes pa rdo rje dbyings kyi dbang phyug ma dang lhan cig tu snying po'i pad mar zhes pa bde ba chen po la me'i steng du ste zla ba dang nyi ma dang sgra gcan nam dus me'i dkyil 'khor gyi steng du dam tshig sems dpa' dang ye shes sems dpa' ro mnyam pa nyid du 'gyur ro/ /de bzhin du shar gyi 'dab ma la nag mo 'bar ma ro mnyam pa'o/ /mchog gi pad 'dab la ni lhor dmar mo 'bar ma dang byang du dkar mo 'bar ma dang nub tu ser mo 'bar mar 'gyur te rigs kyi dbang gis zhes pa ye shes kyi zhal gyi dbang gis so/ /de bzhin du mer du ba ma dang bden bral du smigs rgyu ma dang dbang ldan du mkha' snang ma dang rlung du mar me ma ro mnyam pa'o/ /de bzhin du me'i zur du yid bzhin gyi nor bu dang bden bral du chos kyi gaN+DI dang dbang ldan du chos kyi dung dang rlung du dpag bsam gyi shing ste rdo rje phreng ba dang pad ma'i 'dab ma dag gi bar du zur gyi cha la'o/ /de bzhin du shar gyi pad ma'i gdan gyi lte bar nyi ma la 'du byed dang sa gnyis po dam tshig sems dpa' dag dang lhan cig ro mnyam pa'o/ /lhor tshor ba dang chu'i khams dang byang du 'du shes dang me'i khams dang nub du rlung dang bcas pa'i gzugs ro mnyam par 'gyur ro/ /'dir thabs rnams gtso bo'o/ /de bzhin du me'i phyogs su rlung dang gzugs dag ro mnyam par 'gyur ro/ /bden bral du me'i khams dang 'du shes dang dbang ldan du chu'i khams dang tshor ba dang rlung du sa'i khams dang 'du byed dang ro mnyam pa ste zur du lha mo rnams gtso mo'o/ /de bzhin du lha mo sangs rgyas par rnams su ni le tshe brgyad kyi gnas su bdud rtsi'i ro'i bum pa rnams ro mnyam par 'gyur ro zhes pa nges pa ste de bzhin gshegs pa'i 'phar ma la'o/ /de nas byang chub sems dpa'i 'phar ma'i shar gyi pad ma la sna dang dri ro mnyam pa'o/ /lhor mig dang yul gzugs dang byang du lce dang ro dang chur lus kyi dbang po dang reg bya dang nam mkhar rna ba dang sgra dag ste lho yi sgo yi g.yon du'o/ /sa 'og tu ni nges par yid dang chos kyi khams su 'gyur te shar gyi sgo yi g.yon du'o/ /de ltar dang por thabs ni drug po dag kyang de bzhin gshegs pa'i rigs kyi dbang gis dkyil 'khor gyi lhag pa'i lha ru 'gyur ro/ /phyi nas shes rab la sogs drug ces pa ni chos kyi khams la sogs pa ste 'dir mer reg bya rdo rje ma dang lus kyi dbang po'o/ / bden bral du ro rdo rje ma dang lce'o/ /dbang ldan du gzugs rdo rje ma dang mig go/ rlung du dri rdo rje ma dang sna'o/ /sa 'og tu sgra rdo rje ma dang rna ba ste byang gi sgo'i g.yon du'o/ /nam mkha' la chos kyi khams dang yid te nub kyi sgo'i g.yon du rang rang gi pad ma'i gdan la zla ba'i steng du ye shes sems dpa' dang ro mnyam du byed pa'o/ /de ltar skye mched bcu gnyis po rnams ni byang chub sems dpa'i 'phar ma la'o/ /da ni khro bo'i rgyal po rnams kyi ro mnyam pa nyid gsungs te shar gyi sgor ni rab gtum ral gri 'dzin pa shin du stobs te de yi phyag rgya rengs byed ma'o/ /lho'i sgor rmugs byed dang phyag rgya nga rgyal ma'o/ /byang gi sgor khengs byed dang phyag rgya rmugs byed ma'o/ /nub kyi sgor rengs byed dang de'i phyag rgya mtha' yas brtson 'grus mar 'gyur te sgo yi dbus na gnas pa'i pad ma la ro mnyam pa'o/ /thugs kyi dkyil 'khor la ro mnyam par byed pa ste skye ba can gyi lte ba'i 'khor lo dang snying kha'i pad ma la'o zhes pa ni nges pa'o/ /de bzhin du khro bo'i zhar las byung ba phyi rol du sku'i dkyil 'khor gyi sgo skyong ste shar du dbyug pa sngon po dang 'od zer can ro mnyam pa'o/ / lhor 'dod pa dang tsun dA shing rta la gnas pa'o/ /byang du mi g.yo ba dang khro gnyer can ma'o/ /nub tu brtson 'grus mtha' yas te stobs po che dang lcags sgrog ma ro mnyam pa'o/ /sa 'og tu gnod mdzes rgyal po dang drag spyan ma'o/ /steng du gtsug tor dang shin du sngon mo'o/ /rdul tshon gyi dkyil 'khor la shar gyi sgo'i steng du gtsug tor dang nub tu gnod mdzes te gnyis po dag gi shing rta yang ngo zhes pa nges pa'o/ /bsgom pa la ni 'og dang steng du shing rta'o/ /snying po'i dkyil 'khor la kha dang dbang po dang bshang lam dang gtsug tor ni sgo rnams te dbang po zhes pa ni gci ba dang khu ba'i sgo'o/ /phyi rol du sku'i dkyil 'khor la sna dang mig dang lce dang lus dang rna ba rnams te byis pa'i lus la ji lta ba de bzhin du dkyil 'khor la'o zhes pa nges pa'o/ /de bzhin du gnas lnga nas brjod pa'i dbang gis gsung gi dkyil 'khor gyi sgo lnga ste de ltar 'og dang steng du stong pa'i sgo gsum po khu ba'i sgo dang lus dang mgrin pa'i gnas kyi mtshan nyid spangs nas dkyil 'khor gsum po rnams la sgo bcu gnyis so/ /de ltar nyi ma'i dus sbyor gyi dbye bas sgo bcu gnyis dang zla ba'i cha'i dbye bas bcwa lnga ste sems can thams cad kyi sku dang gsung dang thugs kyi chos kyis so zhes pa ni nges pa'o/ /'dir gsung gi dkyil 'khor la sogs pa ro mnyam pa nyid dang g.yon brkyang la sogs pa'i stabs rnams ni go sla ste/ gsung las skyes pa'i dkyil 'khor du ni zhes pa nas brtsams te rdo rje gar gyi slad du'o zhes pa'i mthar thugs pa tshigs su bcad pa phyed dang bcas pa dgu ni go sla 'o/ /da ni cod pan zhes pa la sogs pas lha rnams kyi rigs kyi rgyas gdab pa gsungs pa 'dir mchog gi dang po'i sangs rgyas kyi dkyil 'khor du cod pan dag la phan tshun rdo rje yi ni rdo rjer 'gyur te de ci'i phyir zhe na ye shes dang rnam par shes pa phan tshun yang dag par sbyor ba'i phyir ro/ /de bas na ye shes kyis rnam par shes pa dang rnam par shes pas ye shes la ste gnyis ga'i spyi bo la thugs rdo rje chos gos dang gtsug tor 'dzin pa rdo rje skyil dkrung gis gnas pa sa la reg pa'i phyag rgyas de bzhin gshegs pa'i dbugs dbyung bas so/ /ngo bo nyid kyi rigs la ni rigs lngas rgyas gdab pa bkag ste sangs rgyas rnams kyi skyed par byed pa po yin pa'i phyir ro/ /yang na ye shes dang rnam par shes pa'i chos kyis sangs rgyas lnga'i bdag nyid kyi cod pan ni res 'ga' na'o zhes pa nges pa'o/ /gzugs kyi steng du mi bskyod pa ste sku'i rnam pa thugs kyis zhes gsungs pa'i phyir ro/ /gsal bar pad ma 'dzin pa'i rnam par snang mdzad nyid du 'gyur te lus kyis gsung so sor brjod pas zhes gsungs pa'i phyir ro/ /rin chen dbang po'i chu skyes 'dzin te rdul gyi chos can nyid kyi phyir ro/ /don yod grub pa'i cod pan la ni rab mchog nor bu'i phyag ste khrag las sha 'byung ba'i phyir ro/ /drug ni ral pa'i cod pan tu 'gyur te yon tan dbang gis zhes pa la yon tan ni mu stegs pa rnams gzhug par bya ba'i slad du dbang phyug gi zhal rnam par dag pas zhal drug gam tshangs pa'i mtshan nyid lnga'i zhal lnga ni ral pa'i cod pan 'dzin pa'o/ /'dir de ma thag pa ste rnam par snang mdzad dang g.yon gyi lha ste snang ba mtha' yas dang mi 'jigs pa ste rin chen 'byung ldan dang de'i skyes bu ste don yod grub pa dang dbang ldan te mi bskyod pa dang dus kyi me ste rdo rje sems dpa' rnams ni sa dang chu dang me dang rlung dang nam mkha' dang ye shes kyi rang bzhin tha mal pa'i phung po rnams te dag pa'i phung po gtsug tor dang chos gos 'dzin pa rnams kyis rgyas btab pa'o/ /de ltar drug ni ral pa'i cod pan can zhes bya'o// lhag ma'i 'khor lo'i lha dang lha mo rnams kyi cod pan ni rin po che sna tshogs pa'i rang bzhin dang rang rang gi rigs kyis rgyas btab pa ste 'chad par 'gyur ba las gang zhig gang gis bskyed pa de ni des rgyas gdab bo/ /da ni 'khor lo la sogs pa'i mtshan ma rnams kyi rab tu skye ba gsungs pa sa las zhes pa la sogs pa ste 'dir sa'i sa bon l-i yig las 'khor lo rab tu skye'o/ /chu las te u yig las pad ma dang me las te r-i yig las nor bu dang rlung las te i yig las ral gri dang stong pa las te a yig las rdo rje dang ye shes las te a~M yig las gri gug tu 'gyur zhes pa bya ba dang 'brel lo/ /de bzhin du l-I yig las gos su 'gyur ro/ /U yig las bdud rtsi'i snod dang r-I yig las me long dang I yig las dri dang A yig las rgyud mangs dang rnam par bcad pa can aH yig las chos 'byung ste sa la sogs pa'i yon tan gyi dbye bas mtshan ma rnams so/ /de bzhin du al yig las phub dang o yig las mdung dang ar yig las mda' dang e yig las dgra sta dang a yig las Da ma ru ste yon tan gyi dbye bas mtshan ma lnga'o/ /de bzhin du Al yig las dbyug pa dang au yig las zhags pa dang Ar yig las lcags kyu dang ai yig las tho ba dang A yig las rtse gsum ste 'phel ba'i dbyangs kyis mtshan ma lnga'o/ /de bzhin du la yig las gzhu dang we yig las ud pal dang ra yig las mgo bo dang ya yig las kha T+wA~M ga dang ha yig las dril bu'o/ /de bzhin du lA yig las lcags sgrog dang wA yig las dung dang rA yig las thod pa dang yA yig las stag gi lpags pa dang hA yig las glang po che'i lpags pa ste ya Nar 'gyur ba ring po rnams kyis so/ /mtshan ma sum bcu rtsa gnyis kyi dbyangs kyi nges pa'o/ /'dir ni lhag ma nye ba'i mtshan ma sa dang chu dang sreg za rlung dang nam mkha' las skyes pa de rnams rang bzhin yon tan dbang gis shes par bya ba nyid de lha dang lha mo rnams kyi 'o zhes pa tsar tsi kA la sogs pa thams cad kyi mtshan ma rnams rlung la sogs pa'i dbye bas rig par bya'o/ /'dir gsungs pa gang zhig l-i la sogs pa sa dang chu dang sreg za rlung dang nam mkha' las skyes thung ngu dang / ring po'i rab dbyes rim par yongs bkod sum bcu'i dbyangs ni nges par pad ma la gnas zla ba dang / /nyi ma'i gdan la gnas pa 'khor lo la sogs mtshan ma de rnams mtha' dag rnams kyi rang gi sngags/ /gang zhig kho nar mtshan ma drug par gyur pa der ni yon tan dbang gis gzhom du med par 'gyur/ de ltar sa bon gyis mtshan ma bskyed pa dang mtshan mas lha skyed pa ni rnal 'byor pas thams cad du rtogs par bya'o zhes pa rgyud kyi nges pa'o/ /da ni nA da zhes pa la sogs pas rdo rje sems dpa' la sogs pa rnams kyi skye ba'i sa bon gyi yi ge gsungs te nA da ni gzhom du med pa'o/ /dpal ldan rdo rje sems dpa' ni ye shes kyi phung po'o/ /de ltar thams cad du ming dang ming can gyi 'brel pa ste 'di ltar a ni mi bskyod pa dang i ni don yod grub pa dang r-i ni rin chen 'byung ldan dang u ni snang ba mtha' yas dang l-i ni rnam par snang mdzad dang ld-i ni spyan ma dang U ni mA ma kI dang r-I ni gos dkar mo ma dang I ni sgrol ma dang A ni rdo rje dbyings kyi dbang phyug ma dang gzhom du med pa zhes pa ni dpal ldan yum ste shes rab kyi pha rol du phyin ma'o/ /de ltar lus dang bsam pa'i dbye bas thung ngu dang ring po'i dbyangs rnams kyi skye ba'o/ /de bzhin du mchog gi rgyal ba'i bdag po ye shes kyi phung po dang sna tshogs yum ye shes kyi khams ni phan tshun lus dang bsam pa'o/ /rnam par shes pa dang nam mkha'i khams so/ /'du byed dang sa'i khams dang tshor ba dang chu'i khams dang 'du shes dang me'i khams dang gzugs dang rlung gi khams so/ /de bzhin du aM yig ni kun du bzang po dang a yig ni phyag na rdo rje dang e ni nam mkha'i snying po dang ar ni sa'i snying po dang o ni 'jig rten dbang phyug dang al ni sgrib pa thams cad rnam par sel ba'o/ /de bzhin du A ni chos kyi khams dang AH ni sgra rdo rje ma dang ai ni reg bya rdo rje ma dang Ar ni ro rdo rje ma dang au ni gzugs rdo rje ma dang Al ni dri rdo rje ma'o/ /kun du bzang po dang chos kyi khams ni phan tshun du lus dang bsam pa'o/ /phyag na rdo rje dang sgra yi rdo rje ma zung ste lus dang bsam pa'o/ /nam mkha'i snying po dang dri rdo rje ma'o/ /'jig rten dbang phyug dang ro rdo rje ma'o/ /sa yi snying po dang gzugs rdo rje ma'o/ /sgrib pa thams cad rnam par sel ba dang reg bya rdo rje ma'o/ /de ltar rigs ni drug po nges par rang bzhin yon tan dbang gis yang dag par ni rnal 'byor pas rig par bya zhes pa ni nges pa'o/ /da ni haM zhes pa la sogs pa khro bo rnams kyi rigs lnga'i sa bon gsungs pa 'dir haM yig ni gtsug tor 'khor los sgyur bar 'gyur te lus kyi dbang gis zhes pa lus kyi dbye ba las so/ /de ltar gzhan rnams kyang ngo / /haHni shin du sngon mo'o/ /ha ni gnod mdzes dang hA ni drag spyan ma'o/ /yaM ni shin du stobs dang lAHni rengs byed ma'o/ /raM ni rmugs byed dang wAHni nga rgyal ma'o/ /waM ni khengs byed dang rAHni rmugs byed ma'o/ /laM ni rengs byed dang yAHni shin du brtson 'grus ma'o/ /de bzhin du ya wa ra la ni grangs bzhin du dbyug pa sngon po dang mi g.yo ba dang 'dod pa dang stobs po cher 'gyur ro/ /lus kyi dbang gis lha mo rnams kyi ring po ste glang po che'i shing rta la yA ni rdo rje lcags sgrog ma dang rta'i shing rta la wA ni tsun dA dang seng ge'i shing rta la rA ni khro gnyer can ma dang phag gi shing rta la lA ni 'od zer can ma'o/ /de bzhin du dbyug sngon dang 'od zer can ni zung ste phan tshun lus dang bsam pa'o/ /mi g.yo ba dang khro gnyer can ma'o/ /shin du stobs dang rdo rje lcags sgrog ma'o/ /'dod pa'i rgyal po dang tsun dA ni zung ste dkyil 'khor la ni bde ba dam pa'i don du'o zhes pa ni gzhan gyi rigs la 'khyud pas so/ /de bzhin du nus ma'i sa bon rnams te nus ma ni du ba la sogs pa mtshan ma'i rnal 'byor ma rnams so/ /de la a yig dag dang aM dang rnam par bcad pa ni a A aM aHste rim pa bzhin du nag mo 'bar ma dang ser mo 'bar ma dang dkar mo 'bar ma dang dmar mo 'bar ma'o/ /de bzhin du haM dang haHdang ha hA ste haM ni mkha' gsal ma dang haHni smig rgyu ma dang ha ni du ba ma dang hA ni mar me ma ste de ltar yi ge brgyad las skyes pa nus ma brgyad do/ /bum pa rnams la de bzhin ha yig rlung dang me dang chu dang sa yi dbyangs kyis phye bar 'gyur zhes pa ni shar gyi bum pa dag la hi h+li dang lho'i bum pa dag la h+R-i h+R-I dang byang gi bum pa dag la hu hU dang nub kyi bum pa dag la h+l-i h+l-I ste rlung la sogs pa'i dbye ba'o/ / de bzhin du oM yig ni chos kyi dung dang huM ni yid bzhin gyi nor bu dang ha ni dpag bsam gyi shing dang AHni chos kyi gaN DI ste thugs kyi dkyil 'khor gyi lha'i sa bon gyi yi ge'o/ /da ni gsung gi dkyil 'khor la tsar tsi kA la sogs pa'i sa bon gyi yi ge rnams gsungs te ha yig ni tsA muN DA'o/ /haM ni dbang phyug chen mo dang haHni phag mo dang hA ni dbang mo dang k+Sha ni khyab 'jug ma dang k+ShA ni tshangs ma dang k+shaM ni dpal chen mo dang k+ShaHni gzhon nu ma ste gtso mo rnams kyi sa bon no/ /de bzhin du 'dab ma'i lha mo rnams kyi ni rim pa bzhin du shar la sogs pa phyogs brgyad kyi rgyab kyi pad ma'i 'dab ma rnams la hI h+R-I hU h+l-I k+ShI k+Sh+R-I k+ShU k+Sh+l-I'o/ /thung ngu'i dbyangs rnams mdun du'o zhes pa 'dab ma brgyad po rnams la hi h+R-i hu h+l-i k+Shi k+Sh+R-i k+Shu k+Sh+l-i zhes pa ste shar gyi pad ma'i 'dab ma dag dang lho'i dag dang byang gi dag dang nub kyi dag dang me'i dag dang bden bral gyi dag dang dbang ldan gyi dag dang rlung gi dag la'o/ /lhag ma'i 'dab ma drug po rnams la ni 'dab ma drug la ya sogs dbyangs drug gis phye thung ngu ring po rnams ni rim par yongs bkod pa zhes pa ste phyogs dang phyogs bral gyi pad ma'i 'dab ma rnams la'o/ /de la tsA muN DA'i pad ma'i 'dab ma la mdun du hi yig sngar bkod pa ste de nas g.yas skor gyis 'dab ma gnyis pa la ya dang gsum pa la yi dang bzhi pa la y+R-i dang lnga pa la sngar bkod pa'i hI dang drug pa la yu dang bdun pa la y+l-i dang brgyad pa la yaM ngo / /de bzhin du khyab 'jug ma'i k+Shi yA yI y+R-I k+ShI yU y+l-I yaH'o/ /de bzhin du phag mo'i mdun gyi 'dab ma la h+R-i ste de nas ra r-i R+R-i h+R-I ru rl-i raM ngo / /gzhon nu ma'i k+Sh+R-i rA rI R+R-I k+Sh+R-I rU R+l-I raH'o/ /drag mo'i hu wa wi w+R-i hU wu w+l-i waM ngo / /de bzhin du dpal chen mo'i k+Shu wA wI w+d-I k+ShU wU w+lI waH'o/ /dbang mo'i h+li la li l+Ri h+l-I lu l+l-i laM ngo / /tshangs ma'i k+Sh+l-i lA lI l+R-I k+Sh+l-i lU l+l-I laH'o/ /de ltar hi k+Shi la sogs la mtha' thams cad nor ni gdengs can gyis bsgyur zhes pa brgyad la brgyad kyis bsgyur ba 'jigs ma la sogs pa lha mo rnams kyi 'dab ma la go rim bzhin du'o zhes pa nges pa ste phyogs rnams su hi la sogs pa'o/ /k+Shi la sogs pa ni phyogs bral gyi pad ma'i dang po rnams la'o/ /'dir rigs kyi dbang gis mngon phyogs tsA muN DA la sogs pa'i thabs su 'gyur te sngags kyi dbye bas so zhes pa ni 'dir tsA muN DA dang khyab 'jug ma ni 'du byed kyi rigs can ma'o/ / de dag la mngon du phyogs pa gzugs kyi rigs can ni thabs te sngags kyi dbye bas zhes pa l-i yig gi rigs can nyid do/ /phag mo dang gzhon nu ma ni tshor ba'i rigs can ma'o/ /de dag la mngon du phyogs pa 'du shes kyi rigs can ni thabs te u yig las skyes pa'o/ /dbang mo dang tshangs ma ni gzugs kyi rigs can ma'o/ /de dag la mngon du phyogs pa 'du byed kyi rigs can ni thabs te i yig las skyes pa'o/ /drag mo dang dpal chen mo ni 'du shes kyi rigs can ma'o/ /de dag la mngon du phyogs pa tshor ba'i rigs can ni thabs te r-i yig las skyes pa'o/ /de ltar gsung gi dkyil 'khor la rigs bzhi'i rnam par gzhag pa'o/ /da ni sku'i dkyil 'khor la brgya byin la sogs pa rnams kyi sa bon gsungs te taM ni brgya byin dang naHni tshangs pa dang paM ni rgya mtsho dang maHni tshogs kyi dbang po dang TaM ni me dang NaHni gzhon nu dang tsaM ni srin po'i dbang po dang nyaHni rlung dang kaM ni khyab 'jug dang ngaHni gshin rje dang saM ni drag po dang u0f88u0f90u0f7fni gnod sbyin no/ /de ltar tsa la sogs pa sde pa drug po rnams ni thung ngu dang ring po'i dbye bas nag pa'i zla ba la sogs pa rnams kyi gnam stong gi sa bon te tsaM nyaH/ zhes pa la sogs pas nag pa zla ba'i gnam stong dang sa ga'i zla ba'i gnam stong la gzung bar bya'o/ /de bzhin du tsa la sogs sde pa dbyangs dang bcas pa rnams ni lha yi pad ma'i 'dab mar lha mo rnams kyir 'gyur/ nag pa'i zla ba sogs kyi tshes rnams dus kyi nges pa'i dbang gis stong pa drug dang me yi grangs zhes pa sum brgya drug bcu'i grangs te lo yi tshes rnams so/ /'dir nag pa zla ba'i lha mo rnams ni dang po'i zlum skor gyi 'dab ma bcu bzhi po rnams la'o/ /de la dang po'i 'dab ma la nya rdo rje ma dang gnyis pa la nyi rdo rje ma dang de bzhin du ny+Ri rdo rje ma dang nyu rdo rje ma dang ny+li rdo rje ma dang nyaM rdo rje ma dang de bzhin du dz+ha rdo rje ma dang dz+hi rdo rje ma dang dz+h+R-i rdo rje ma dang dz+hu rdo rje ma dang dz+h+l-i rdo rje ma dang dz+haM rdo rje ma dang dza rdo rje ma dang dzi rdo rje ma ste lha mo bcu bzhi po rnams ni bden bral gyi pad ma'i 'dab ma rnams la'o/ /dzr-i rdo rje ma ni mngon du phyogs pa'i shes rab ste nya'i chos can nyid kyi phyir ro/ / de bzhin du gnyis pa'i zlum skor la nag po'i tshes gcig la sogs pa ste dang po'i 'dab ma la dzu rdo rje ma'o/ /de bzhin du dz+li rdo rje ma dang dzaM rdo rje ma dang tsha rdo rje ma dang tshi rdo rje ma dang tsh+Ri rdo rje ma dang tshu rdo rje ma dang tsh+li+-i rdo rje ma dang tshaM rdo rje ma dang tsa rdo rje ma dang tsi rdo rje ma dang ts+R-i rdo rje ma dang tsu rdo rje ma dang ts+l-i rdo rje ma'o/ /tsaM rdo rje ni gnam stong gi sa bon te 'dir bskyed pa'i rim pas so/ /nyaHzhes pa lugs las bzlog pas skyed pa'i rim pas te rlung gi 'dab ma la tsa rdo rje ma'o/ /de bzhin du sngags thams cad rdo rje'i mtha' can te tsI ts+R-I tsU ts+li tsaH tshA tshI tsh+R-I tshU tsh+l-I tshaH dzA dzI ste dz+R-I nya'i gnas su sngar bzhin no/ /gnyis pa'i zlum skor la nag po'i tshes gcig la sogs pa ste dzU dz+l-I dzaH dz+hA dz+hI dz+h+R-I dz+hU dz+h+l-I dz+haH/ nyA nyI ny+R-I nyU ny+l-I 'o/ /nyaHzhes pa ni gnam stong gi sa bon te rlung gi lte ba la'o/ /de bzhin du na gyi zla ba dang chu stong kyi zla ba dag la Ta sde'o/ /gro bzhin gyi zla ba dang khrums stod kyi zla ba dag la pa sde'o/ /tha skar gyi zla ba dang smin drug gi zla ba dag la ta sde'o/ /mgo'i zla ba dang rgyal gyi zla ba dag la sa sde'o/ /mchu'i zla ba dang dbo'i zla ba dag la ka sde'o/ /de ltar lo'i tshes kyi lha rnams kyi sa bon gyi nges pa'o/ /da ni de nyid la gnas ha yig ces pa la sogs pas klu'i rgyal po rnams kyi sa bon gsungs pa 'dir de nyid ni ya ra la wa ste de rnams la gnas pa ni de nyid la gnas pa'o/ /rlung gi dkyil 'khor la stobs kyi rgyu dang pad ma dag gi h+Ya h+YA 'o/ /sa'i dkyil 'khor la 'jog po dang pad ma chen po dag gi grangs bzhin du h+la h+lA 'o/ /me'i dkyil 'khor la nor rgyas kyi bu dang dung skyong dag gi h+Ra h+RA 'o/ /chu'i dkyil 'khor la mtha' yas dang rigs ldan dag gi h+Wa h+WA 'o/ /de ltar rlung me chu dang sa rnams kyi dkyil 'khor rnams la shar la sogs pa'i klu rnams kyi zhes so/ /da ni khyi gdong ma la sogs pa rnams kyi sa bon gsungs te brtsegs pa zhes pa ni yi ge so sor yi ge lnga'i bdag nyid brtsegs pa'o/ /sde bdun brtsegs pa la gnas de rnams kA ya ra wa lar ldan pa ni brgyad de dur khrod brgyad du lha min mo rnams kyi'o/ /de la phyogs su shar gyi dur khrod la k+kh+g+g+h+nga dang lhor k+Sh+Y+R+W+la dang nub tu th+k+sh+Sh+Th+sa dang byang du h+Y+R+W+Sha dang mtshams su mer ny+dz+h+dz+ch+tsa dang bden bral du N+D+h+D+Th+Ta dang rlung du n+ng+h+d+th+ta dang dbang ldan du m+b+h+b+ph+pa 'o/ /de ltar thams cad du shes rab thabs kyi lus dang bsam pas rigs kyi dbang las 'dir ni gang zhig dbus su mngon phyogs 'gyur te rnal 'byor pas gtso bo dang nye ba'i gtso bo'i dbye bas rtogs par bya'o zhes pa ni rgyud kyi nges pa'o/ /da ni bskyed bya skyed byed la sogs pa'i 'brel pa dpal ldan rdo rje can dang kun bzang zhes pa la sogs pa tshigs su bcad pa phyed dang bcas pa'i dgu ni go sla ste sna tshogs yum gyi lhag ma'o zhes pa'i mthar thug pa rigs dang rigs can dag gi 'brel pa'o/ /da ni sku bzhi rnam par dag pas dag pa gsungs pa lha mo zhes pa la sogs pa ste 'dir nang gi le'u las mngal nas skyes pa'i byis pa'i gnas skabs rnam pa bzhi'i dbye bas mngal dang phyi rol du sku bzhir gsungs pa ji lta ba de bzhin du lha bsgom pa la rnal 'byor pas rnam par sbyang bar bya'o/ /de la lha mo ni du ba ma dang smig rgyu ma dang mkha' snang ma dang mar me ma dang ser mo 'bar ma dang dkar mo 'bar ma dang dmar mo 'bar ma dang nag mo 'bar ma dang cha dang thig le'i gzugs can ma ste bde ba chen po'i 'khor lo'i bde ba chen po'i pad ma'i 'dab ma rnams la'o/ /'phar ma gnyis pa la sangs rgyas rig ma zhes pa ste 'dir sangs rgyas ni don yod grub pa dang rin chen 'byung ldan dang snang ba mtha' yas dang rnam par snang mdzad do/ /rig ma ni sgrol ma dang gos dkar mo dang mA ma kI dang spyan ma'o/ /shing dang bcas shing bum pa dang bcas zhes pa la shing ni dpag bsam gyi shing ste de bzhin du yid bzhin gyi nor bu dang chos kyi gaN DI dang chos kyi dung ngo / /bum pa ni rdul dang khu ba dag gis sku dang gsung dang thugs dang ye shes kyi thig le'i dbye bas bshang ba dang gci ba dang khrag dang rkang gi bum pa brgyad do/ /rgyal ba'i dkyil 'khor gyi bdag po yi ni dag pa'i sku'o/ / de nas phyi rol gyi 'phar ma la thugs kyi dkyil 'khor gyi sgo rnams su khro bo'i dbang po ni bgegs mthar byed dang shes rab mthar byed dang pad ma mthar byed dang gshin rje mthar byed dang gtsug tor ro/ / byang chub sems dpa' ni phyag na rdo rje dang nam mkha'i snying po dang sa'i snying po dang 'jig rten dbang phyug dang rnam par sel ba dang kun du bzang po'o/ /nges par ro yi rdo rje ma zhes pa ni sgra rdo rje ma dang reg bya rdo rje ma dang gzugs rdo rje ma dang ro rdo rje ma dang dri rdo rje ma dang chos kyi khams kyi rdo rje ma ste/ 'di rnams ni chos kyi sku de nyid do/ /de nas gsung gi dkyil 'khor la rnal 'byor ma rnams longs spyod sku ste tsa ra tsi kA la sogs pa 'dab ma'i lha mo dang lhan cig pa'o/ /de nas sku'i dkyil 'khor la rab mchog shing rta la gnas 'od zer can la sogs pa dang lha ni nyi mar rab grags pa bden bral la sogs pa bcu gnyis dang stobs kyi rgyu la sogs pa klu ni brgyad po rnams dang khyi gdong ma la sogs pa rab gtum ma rnams te lha la sogs pa 'di rnams 'khor dang bcas pa zhes pa pad ma'i 'dab ma'i lha dang bcas pa ni sangs rgyas kyi sprul pa'i sku'o/ /de bzhin slar yang rgyal ba'i sku ni dbye ba gnyis su 'gyur te phyi rol dag dang nas nang la yang / mngal nas skyes pa ji lta ba 'di de bzhin kho na dkyil 'khor la ni nges par rab tu 'gyur zhes pa ni 'dir mngal du byis pa'i rnam par shes pa dang ye shes dang khu ba dang rdul mngal du dag pa'i sku yin pa ji lta ba de bzhin du ston pa bcom ldan 'das dang lha mo du ba ma la sogs pa dang sogs pa'i sgras chos kyi dung la sogs pa dang bum pa brgyad de 'di rnams ni dkyil 'khor gyi snying por lhan cig skyes pa'i sku'o/ /de nas byis pa'i phung po dang khams 'byung ba chos kyi sku yin pa ji lta ba de bzhin du dkyil 'khor la sangs rgyas la sogs pa'o/ /de nas byis pa'i skye mched 'byung ba longs spyod rdzogs pa'i sku yin pa ji lta ba de bzhin du dkyil 'khor la yang nges par sgra rdo rje ma la sogs pa'o/ /de nas byis pa'i lag pa dang rkang pa la sogs pa dang skra la sogs pa 'byung ba dang btsa' ba'i dus sprul pa'i sku yin pa ji lta ba de bzhin du gshin rje mthar byed la sogs pa khro bo bzhi ste rigs kyi dbang gis dkyil 'khor gyi ni snying por yang dag gnas zhes pa thugs kyi dkyil 'khor la thugs kyi rigs kyi dbang gis te mngal du rnam pa bzhi'i nges pa'o/ /da ni phyi rol du rnam pa bzhi gsungs pa phyi rol zhes pa la sogs pa ste 'dir byis pa skyes pa'i lte ba nas srog 'byung ba lhan cig skyes pa'i sku yin pa ji lta ba de bzhin du phyi rol du gsung gi dkyil 'khor la tsA muN DA la sogs pa lha mo brgyad po 'khor dang bcas pa zhes pa lha mo drug bcu rtsa bzhi dang bcas pa'o/ /'dir byis pa'i lag pa dang rkang pa la sogs pa bskum pa dang tshig mi gsal ba chos kyi sku yin pa ji lta ba de bzhin du lha bcu gnyis te sogs pa'i sgras shing rta la gnas pa'i lha mo drug go/ 'dir byis pa'i so skyes pa dang tshig gsal bar gyur pa na longs spyod rdzogs pa'i sku yin pa ji lta ba de bzhin du dkyil 'khor la mtha' dag gdengs can rigs so/ /'dir byis pa'i so lhung ste slar yang skyes pa nas 'chi ba'i bar du sprul pa'i sku yin pa ji lta ba de bzhin du dkyil 'khor la gtum mo khyi gdong ma la sogs pa 'khor dang bcas ste 'byung po bye ba phrag phyed dang bcas pa'i gsum dang bcas pa ni sprul pa'i skur 'gyur mi yi bdag po sems can kun gyi don gyi slad du'o zhes pa phyi rol du sku bzhi rnam par dag pa'i nges pa'o/ /da ni sku bzhi dang rdo rje bzhi phan tshun du sbyor ba gsungs pa sku pa yi zhes pa la sogs pa ste 'dir byis pa'i gzugs rdzogs pa'i slad du lhan cig skyes pa'i sku dang 'byung ba bzhi'i bdag nyid kyi sku yi rdo rje thung du 'gyur ba ji lta ba de bzhin du dkyil 'khor la yang ngo / /de bzhin du byis pa'i brjod pa'i don du gsung rdo rje dang chos kyi sku zung du 'gyur ba ji lta ba de bzhin du chos ston pa'i don du dkyil 'khor la yang ngo / /'dir byis pa'i byang chub sems dang longs spyod rdzogs pa'i sku sems can kun gyi don byed pa po zung yin pa ji lta ba de bzhin du dkyil 'khor la yang ngo / /'dir byis pa'i ye shes zhes pa ni 'pho ba'i dus su bde ba'o/ /sprul pa'i sku zhes pa ni lo bcu drug gi mtshams su khams yongs su rdzogs pa nyid do/ /zung du 'gyur te srog chags rnams la thar pa ster ba nyid do zhes pa la thar pa ni 'dir byang chub kyi sems kyi thig le rnams 'pho ba'i skad cig ste de ster ba'i phyir thar pa ster ba'o/ /srog chags rnams kyi ye shes dang sprul pa'i sku'i mtshan nyid zung yin pa ji lta ba de bzhin du de'i chos mi mthun pas rgyu dang 'bras bu'i yan lag bcu gnyis 'gags pa ni thar pa ster ba'o zhes pa sangs rgyas kyi nges pa'o/ /slar yang sku bzhi dang rdo rje bzhi po rnams kyi shes rab thabs kyi lus dang bsam pa mnyam pa dang mi mnyam rigs zhes pa la mnyam pa'i rigs ni rdul las byung ba'i khams kyi rigs dang mi mnyam pa'i rigs ni khu ba las byung ba'i khams kyi rigs te nyi zla ka sogs a sogs dang rnam gsum srid pa la gnas ye shes kyi dbye ba dga' ba la sogs pa dang rnam shes kyi dbye ba skye mched bcu gnyis kyi dbye ba dag gis rnal 'byor pa yis mtha' dag rig par bya ste nang gi le'u las byis pa la ji lta ba de bzhin du lha'i sgrub thabs kyi skyed pa'i rim pa la'o/ /de ltar lha'i gzugs rdzogs pa'o/ /da ni sku dang gsung dang thugs kyis byin gyis brlab pa gsungs pa rdo rje zhes pa la sogs pa ste 'dir byis pa skyes pa'i lus dang ngag dang sems byin gyis brlab pa sad pa dang rmi lam dang shin du gnyid log pa'i mtshan nyid du 'gyur ba ji lta ba de bzhin du dpral ba dang mgrin pa dang snying kha dang lte ba dang gsang ba dang gtsug tor la oM AH huM ho swA hA ste 'di rnams kyis byin gyis brlabs pa'i yan lag ni byis pa mas 'khru bar byed pa ji lta ba de bzhin du rab mchog rgyal ba'i bdag po'i lha mo rnams kyis zhes pa rnal 'byor ma rnams kyis bkru bar bya'o/ /'dir byin gyis brlab pa ni dpral bar a yig yongs su gyur pa las zla ba'i dkyil 'khor ro/ /de'i steng du oM yig yongs su gyur pa las 'khor lo rtsibs brgyad pa'o/ /de yongs su gyur pa las sku rdo rje kha dog dkar po zhal gsum pa rtsa ba dkar po g.yon dmar po g.yas nag po phyag drug pa g.yas pa na 'khor lo dang rdo rje dang pad ma 'dzin pa g.yon na ral gri dang dril bu dang nor bu 'dzin pa shes rab dang bcas pa rdzogs par bya ste de nas dpral ba las spros nas des nam mkha'i khams kun nas yongs su gang bar bsgom par bya'o/ /sku rdo rjes gdul bar bya ba'i sems can rnams la chos bstan pa mdzad nas slar log ste bdag nyid kyi mdun du yang dag par bkod la sku'i rdo rje 'dzin pa bdag la dbang bskur du gsol zhes dbang bskur bar gsol ba gdab par bya ste de nas sku'i rigs kyi lha mo rnams kyis bdud rtsi'i bum pas mngon par dbang bskur bar bsgom par bya'o/ /de nas dbang bskur bar gyur pa la byin gyis brlab par bya ste dpral bar zla ba'i dkyil 'khor la sku rdo rje rab tu bcug nas 'di brjod par bya'o/ /dpal ldan sku'i rdo rje 'dzin/ /rdo rje mi phyed gsum bsgoms pas/ /sku yi rdo rje can gyi ni/ /byin brlabs gnas su deng bdag mdzod/ /phyogs bcur gzhugs pa'i sangs rgyas rnams/ /rdo rje mi phyed gsum bsgoms pas/ /sku yi rdo rje can gyi ni/ /byin brlabs gnas su deng bdag mdzod/ /ces pa ste sku byin gyis brlab pa'o/ /de bzhin du mgrin par ra yig yongs su gyur pa las nyi ma'i dkyil 'khor ro/ /de'i steng du AH yig yongs su gyur pa las pad ma dmar po 'dab ma brgyad pa'o/ /de yongs su gyur pa las gsung rdo rje shes rab dang bcas pa dmar po zhal dmar po dang dkar po dang nag po g.yas na pad ma dang rdo rje dang 'khor lo 'dzin pa g.yon na nor bu dang dril bu dang ral gri 'dzin pa spros te des nam mkha'i khams yongs su gang bar bsgom par bya'o/ /gsung rdo rje gdul bar bya ba'i sems can rnams la chos bstan pa mdzad nas slar yang bdag nyid kyi mdun du yang dag par bkod la gsung gi rdo rje can gyis bdag la dbang bskur du gsol zhes dbang bskur bar gsol ba gdab par bya ste de nas gsung gi rigs kyi lha mo rnams kyis bdud rtsi'i bum pas bdag nyid la dbang bskur bar bsgom par bya'o/ /de nas gsung byin gyis brlab par bya ste gsung rdo rje nyi ma'i dkyil 'khor la rnam par bkod nas 'di brjod par bya'o/ /dpal ldan gsung gi rdo rje 'dzin/ / rdo rje mi phyed gsum bsgoms pas/ /gsung gi rdo rje can gyi ni/ /byin brlabs gnas su deng bdag mdzod/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /gsung gi rdo rje can gyi ni/ / byin brlabs gnas su deng bdag mdzod/ /ces pa ste gsung byin gyis brlab pa'o/ /thugs byin gyis brlab pa ni snying khar thig le yongs su gyur pa las sgra gcan gyi dkyil 'khor kha dog 'thon 'thing rnam par bsgom par bya 'o/ /de'i steng du huM yig yongs su gyur pa las rdo rje rtse lnga pa'o/ /de yongs su gyur pa las thugs rdo rje shes rab dang bcas pa nag po zhal nag po dang dmar po dang dkar po g.yas na rdo rje dang 'khor lo dang pad ma 'dzin pa g.yon na dril bu dang ral gri dang nor bu 'dzin pa spros te des nam mkha'i khams yongs su gang bar bsgom par bya'o/ /thugs rdo rjes gdul bar bya ba'i sems can rnams la chos bstan pa mdzad nas slar log ste bdag nyid kyi mdun du yang dag par bkod la thugs rdo rje can gyis bdag la dbang bskur du gsol zhes dbang bskur bar gsol ba gdab par bya ste de nas thugs rdo rje'i rigs kyi lha mo rnams kyis bdag nyid la dbang bskur bar bsgoms nas byin gyis brlab par bya ste thugs rdo rje sgra gcan gyi dkyil 'khor la bkod nas 'di brjod par bya'o/ /dpal ldan thugs kyi rdo rje 'dzin/ /rdo rje mi phyed gsum bsgoms pas/ /thugs kyi rdo rje can gyi ni/ /byin brlabs gnas su deng bdag mdzod/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /thugs kyi rdo rje can gyi ni/ /byin brlabs gnas su deng bdag mdzod ces pa'o/ /de ltar thugs byin gyis brlab pa byas te de nas gcig pa nyid kyis/ oM sarba ta thA ga ta kA ya wA ka tsi ta ta swa b+hA ba Ad ma ko haM zhes pa'i nga rgyal rnal 'byor pas gzung bar bya'o zhes pa nges pa'o/ /de bzhin du shes rab kyi lte bar ho yig gis so/ /gsang bar swA yig gis so/ /gtsug tor la hA yig gis so/ /khu ba'i chos las thabs rigs gsum dang rdul dang khu ba'i chos las shes rab rigs drug go/ gsol ba gdab pa gzhan ni dbang gi le'u las gsungs pa'i tshogs bya'o/ /der ma gsungs pa gang yin pa de thams cad cho ga 'dis bya'o zhes pa ni nges pa'o/ /da ni stong pa la sogs pa'i nga rgyal gyi gnas rnams gsungs pa stong pa zhes pa la sogs pa ste 'dir sems can thams cad shi ba'i mthar shi ba'i mtha'i phung po rnams stong pa nyid du 'gyur ba ji lta ba de bzhin du rnal 'byor pa rnams kyi mi'i phung po'i nga rgyal yongs su spang ba'i don dang lha'i phung po yongs su rdzogs par bya ba'i don du oM shU n+ya tA dz+nyA na badzra swa b+hA ba Ad ma ko haM zhes pa ni nges pa'o/ /'dir nye bar bskyed pa'i cha shas can gyi phung po lngas mngal du byis pa'i lus rdzogs pa ji lta ba de bzhin du dkyil 'khor la me long lta bu la sogs pa rnam pa lngas lha'i sku rdzogs pa'o/ /de la nga rgyal ni oM su bi shud d+ha d+har+m+ma d+hA tu swa b+hA ba Ad ma ko haM zhes pa nges pa ste de ltar stong pa dang chos kyi dbyings kyi dus dang rdo rje gsum gyi dus dang de bzhin du 'chad par 'gyur ba'i ye shes mchod pa rjes su chags pa la ste 'dir byis pa'i rna ba 'bigs pa la sogs pas lo bcu drug gi 'tshams su bag ma len pa na lag pa 'dzin pa dang ye shes mchod pa'i rjes su chags pa ji lta ba bzhin no/ /de ltar de'i dus su tata swa b+hA ba Ad ma ko haM zhes brjod par bya ste 'dir skyed pa'i rim pa la bcom ldan 'das kyi nges pa'o/ /da ni lha'i rnam par dag pas 'khor lo thams cad kyi rtsa rnams gsungs pa bum pa zhes pa la sogs pa ste 'dir bum pa rnams dang lhan cig du ba la sogs pa brgyad po rnams kyis snying kha'i 'khor lo rtsibs brgyad pa dag pa ste de nyid chos kyi 'khor lo'o/ /rig ma spyan ma la sogs pa bzhi dang sangs rgyas rnam par snang mdzad la sogs pa bzhi ste brgyad po 'di rnams lus dang bsam pa'i dbye bas bcu drug po rnams kyis mgo bor 'khor lo rtsibs bcu drug pa dag pa ste de nyid lhan cig skyes par rab tu grags so/ /ma gsungs pa nyid las chos kyi dung dang yid bzhin gyi nor bu dang chos kyi gaN DI dang dpag bsam gyi shing ste bzhi po rnams kyis gtsug tor gyi 'khor lo dag pa'o/ /byang chub sems dpa' la sogs zhes pa skye mched bcu gnyis dang khro bo bzhi ste bcu drug po rnams shes rab dang thabs kyi dbye bas sum bcu rtsa gnyis te nyis 'gyur mi bdag ces pa sum bcu rtsa gnyis rnams kyis mgrin par longs spyod rdzogs pa'i 'khor lo rtsibs sum bcu rtsa gnyis pa dag pa'o/ /'jigs ma la sogs nor la gdengs can gyis ni bsgyur ba zhes pa drug bcu rtsa bzhi po rnams kyis lte bar sprul pa'i 'khor lo rtsibs drug bcu rtsa bzhi pa dag pa'o/ /de bzhin du tsA muN DA la sogs pa brgyad dang sgeg mo la sogs pa brgyad kyis gsang ba'i 'khor lo dag pa'o/ /lag pa dang rkang pa'i tshigs bcu gnyis po rnams la lha sum brgya drug bcu po rnams kyis las kyi 'khor lo dag pa'o/ /klu dang gtum mo bcu drug po 'di rnams kyi lus dang bsam pa'i dbye bas sor mo'i tshigs kyi mtshams rnams la bya ba zhes bya ba'i 'khor lo dag pa ste 'khor lo dag pa'i nges pa'o/ / da ni gtso bo la sogs pa rnams kyi rnam par dag pa gzhan gsungs pa dus kyi zhes pa la sogs pa ste 'dir phyi rol du dus dang nang du chu srin la sogs pa khyim gyi 'khor lo yan lag bcu gnyis kyi bdag nyid ni rgyu dang 'bras bu'i bdag nyid te de la lnga ni rgyu'i chos so/ /bdun ni 'bras bu'i chos so/ /rgyu'i chos ni nyon mongs pa dang las kyi bdag nyid do/ /'bras bu'i chos ni sdug bsngal gyi bdag nyid te 'jig rten khams kyi le'ur gsungs so/ /rgyu dang 'bras bu'i chos de rnams kyi dag pa ni dus kyi dag pa ste rgyu dang 'bras bu 'gags pa'i dag pas rdo rje can te dkyil 'khor gyi dbang po dus kyi 'khor lo rnam par dag pa'o/ /lo dang zla ba la sogs dbye bas so zhes pa ni 'chad par 'gyur ba las brjod par bya'o/ / sems kyi rnam pa ni rnam par dag pa'i sems so/ /nyi ma ste 'khor ba'i sems kyi mtshan nyid srog la zhon pa'i rnam par shes pa'i phung po ni ma yin no/ /nyin zhag so so'i dbang gis sna tshogs yum shes rab ma rnam par dag pa ste 'dir lo la zla ba'i dbye bas dus sbyor bcu gnyis ji lta ba de bzhin du nyin zhag so so la 'char ba'i dbye bas dus sbyor bcu gnyis so/ /de bzhin du yan lag bcu gnyis 'gags pas shes rab ma 'ang dag pa'o/ /'dir theg pa gsum la rgyas gdab pa ni chos kyi phung po brgyad khri bzhi stong gi ye d+harmAH'o/ /lha rnams kyi rgyas gdab pa ni sangs rgyas so/ /dge 'dun rnam pa bzhi'i rgyas gdab pa ni dge slong ngo / /de bzhin du dge slong sngon du 'gro ba ni dge 'dun no/ /ye d+harmAHsngon du 'gro ba ni chos so/ /sangs rgyas sngon du 'gro ba ni byang chub sems dpa' dang khro bo dang lha'i tshogs so/ /de bzhin du dkyil 'khor la gtso bo ni bsam du med pa'i thugs rdo rje ste gtso mo ni stong pa nyid dang ye shes kyi chos can ma sna tshogs yum mo zhes pa rigs pa'o/ /da ni du ba la sogs pa rnams kyi rnam par dag pa gsungs pa rlung zhes pa la sogs pa ste 'dir snying kha'i pad mar mnyam gnas la sogs pa'i rlung rnams kyi rten du gyur pa'i rtsa brgyad de de rnams kyis du ba la sogs pa'i lha mo nag mo 'bar ma'i mthar thugs pa rnams dag pa'o/ /a ba d+hU tI dang dung can ma dag gis cha dang thig le'i gzugs can ma dag ste rlung bcu 'gags pas dag pa'o/ /nyon mongs pa bzhi zad pas zhabs g.yon pa'i 'og tu drag po dag pa'o/ /bdud kyi tshogs zad pas zhabs g.yas pa'i 'og tu bdud dag pa'o/ /lus kyi sgrib pa zad pas dung dag pa'o/ /ngag gi sgrib pa zad pas gaN DI dag pa'o/ / sems kyi sgrib pa zad pas nor bu dag pa'o/ /ye shes kyi sgrib pa zad pas dpag bsam gyi shing dag pa ste sku'i rdo rje la sogs kyis so/ /bum pa brgyad ni bdud rtsi'i yan lag gis zhes pa ni 'dir rkang 'gags pas bum pa gnyis dag pa ste g.yon dang g.yas kyi dbye bas so/ /de ltar thams cad du g.yon dang g.yas kyi dbye bas rig par bya'o/ /de bzhin du khrag 'gags pas bum pa gnyis dang de bzhin du gci ba mi 'dzag pas bum pa gnyis dang de bzhin du bshang ba mi 'dzag pas bum pa gnyis dang de bzhin du khu ba mi 'dzag pas rgyal ba'i bum pa dang rdul mi 'dzag pas rnam par rgyal ba'i bum pa ste bum pa brgyad dang gnyis sam thod pa rnams dag pa'o/ /da ni sangs rgyas rnams kyi dag pa gsungs te 'dir kun rdzob kyi chos 'gags par gyur pa na 'du byed gzhan la sogs pa de rnams so/ /des na rnam par dag pa'i 'du byed ni don yod grub pa ste 'du byed kyi sgrib pa zad pas so/ /tshor ba ni dri med nor bu'i phyag ces pa rin chen 'byung ldan te dang yig ni sdud pa'i don to/ /de bzhin du 'du shes ni snang ba mtha' yas so/ /gzugs kyi phung po ni 'khor lo can zhes pa rnam par snang mdzad do/ /slar yang mi bskyod pa la sogs pa 'di rnams ni ri bong can zhes pa khu ba dang stobs zhes pa sha dang khrag dang gci ba dang bshang ba ste 'di rnams rnam par dag cing sgrib pa med pas rnam par shes pa la sogs pa'i phung po lnga rnam par dag par 'gyur ro/ /de bzhin du lha mo drug ces pa sna tshogs yum dang rdo rje dbyings kyi dbang phyug ma dang sgrol ma dang gos dkar mo dang mA ma kI dang spyan ma ste khams rnams kyis zhes pa ye shes dang nam mkha' dang rlung dang me dang chu dang sa'i khams rnams 'gags pas khams gzhan de rnams rnam par dag par 'gyur ro/ /yul dang yul can rnams kyis zhes pa gzugs la sogs pa yul drug dang mig la sogs pa yul can rnam par dag pa rnams kyis gzugs gzhan la sogs pa de rnams dang mig gzhan la sogs pa de rnams rnam par dag pa ni gzugs rdo rje ma la sogs pa rnams dang lhan cig tu sa yi snying po la sogs pa ste byang chub sems dpa' phyag rgyar bcas pa dag pa'o/ /khro bo lnga ni stobs rnams kyis zhes pa dad pa'i stobs dang brtson 'grus kyi stobs dang dran pa'i stobs dang ting nge 'dzin gyi stobs dang shes rab kyi stobs te dad pa med pa dang brtson 'grus med pa dang dran pa med pa dang ting nge 'dzin med pa dang shes rab med pa'i sgrib pa zad pas dad pa la sogs pa'i stobs rnams su 'gyur ro/ /stobs de rnams rnam par dag pa ni gtsug tor dang bgegs mthar byed dang shes rab mthar byed dang pad ma mthar byed dang gshin rje mthar byed de khro bo'i rgyal po rnams dag pa'o/ /nges par slar yang gzhan pa zhes pa gnod mdzes rgyal po dang dbyug pa sngon po dang 'dod pa'i rgyal po dang mi g.yo ba dang stobs po che ni b+ha ga dang ngag dang lag pa dang rkang pa dang bshang lam gyi las kyi dbang po lnga po rnams kyis te las kyi dbang po'i bya ba rnams kyis drag spyan ma la sogs pa dang lhan cig yongs su dag pa'o/ /tsA muN DA sogs thun brgyad kyis te pad ma'i 'dab mar gnas pa 'jigs ma la sogs pa rnams nyi ma'i dus sbyor chu tshod drug bcu rnams kyis so/ /bzhi ni stong pa'i 'dab ma rnam par dag pas so/ /sprul pa'i 'khor lo'i sgrib pa zad pas tsar tsi kA gzhan la sogs pa dang 'jigs ma gzhan la sogs pa'o zhes pa dag pa'o/ /lha min la sogs zhes pa bden bral dang rlung dang me dang gdong drug dang rgya mtsho dang tshogs kyi dbang po dang brgya byin dang tshangs pa dang drag po dang gnod sbyin dang khyab 'jug dang gshin rje rnams ni nag pa'i zla ba dang sa ga'i zla ba dang snron gyi zla ba dang chu stod kyi zla ba dang gro bzhin gyi zla ba dang khrums stod kyi zla ba dang tha skar gyi zla ba dang smin drug gi zla ba dang mgo'i zla ba dang rgyal gyi zla ba dang mchu'i zla ba dang dbo'i zla ba ste bcu gnyis po rnams kyi sgrib pa zad pas dag pa'o/ /de rnams kyi pad ma'i 'dab mar gnas rnams sgeg mo la sogs pa dang ldan pa sum brgya drug bcu ni chu tshod dbugs kyi grangs kyi nyin zhag rnams kyis te nyin zhag sum brgya drug bcu'i sgrib pa zad pas dag pa lha gzhan de rnams dang 'dab ma'i lha mo gzhan de rnams so zhes pa dag pa'o/ / gsang bar mi bdag nyis 'gyur rtsa rnams kyis kyang klu rnams dang ni gtum mo rnams kyang rnam par dag /ces pa shes rab dang thabs kyi dbye bas nyis 'gyur nyid do/ /de bzhin 'dod ma la sogs zhes pa ni 'dir 'dod ma sum bcu rtsa drug dang phyir 'dod ma sum bcu rtsa drug sngar gsungs pa rnams rang bzhin yon tan dbang gis lus kyi bya bas rnam par dag ste lus kyi bya ba'i sgrib pa zad pas 'dod ma gzhan la sogs pa de rnams dag pa'o/ /skra rnams kyis ni grub pa mtha' dag go / sgrib pa med pa'i ba spu bye ba phrag phyed dang bcas pa'i gsum po rnams kyis dur khrod du 'byung po'i tshogs rnam par dag pa ste de ltar grub pa gzhan de rnams dang 'byung po gzhan de rnams so zhes pa dag pa'o/ /de nyid nyi shu rtsa bzhi sgrib pa med pa rnams kyis gtso bo'i mtshon cha rdo rje la sogs pa rnams dag pa ste rang bzhin med pa'i rnam pa nyi shu rtsa bzhi'i phyir ro/ /rang bzhin yon tan dbang gis zhes pa la rang bzhin ni sa la sogs pa'i khams kyi tshogs so/ /de rnams kyi yon tan ni yul drug ste de rnams kyi sgrib pa zad pa las dri gzhan la sogs pa'i khams rnams kyis phyi yi phyag rgya drug rnam par dag pa'o/ /rdo rjes zhes pa sku dang gsung dang thugs dang ye shes kyi rdo rje ste sad pa dang rmi lam dang shin du gnyid log pa dang bzhi pa'i mtshan nyid rnam par dag pa rnams kyis sgrib pa med pa'i phyir nang gi phyag rgya rnams dag pa ste gzhan sku'i phyag rgya bzhi po de rnams rnam par dag pa'o/ /rdo rje 'dzin pa'i thugs khar zhes pa dkyil 'khor gyi gtso bo'i thugs khar zla ba'i steng du yang dag par gnas pa'o/ /dpal ldan rdo rje can ni lhan cig skyes pa'i dga' ba mchog tu 'gyur ba med pa'o/ /sna tshogs yum ni rnam pa thams cad pa'i stong pa nyid kyi ye shes dus gsum gzigs pa ste 'pho ba'i bde ba dang brtags pa'i sgrib pa zad pa'i phyir ro zhes pa dag pa'o/ /rnam gsum srid gnas zhes pa ni thams cad du thams cad kyi tshe phung po la sogs pa thams cad rnam par dag pa ste sgrib pa thams cad zad pa'i phyir ro zhes pa bcom ldan 'das kyi nges pa'o/ /de ltar srid pa yongs su shes pa ni mya ngan las 'das pa zhes brjod do/ /'dir 'das pa dang ma 'ongs pa dang da ltar byung ba ste dus gsum gyi srid pa gsum ji lta bar gyur pa gzigs pa ni yongs su shes pa ste de nyid srid pa gsum sgrib pa zad pa dang rgyu dang 'bras bu 'gags pas rdzogs pa'i sangs rgyas rnams la cig car du 'gyur te thams cad mkhyen pa nyid dang rnam pa thams cad mkhyen pa nyid dang lam mkhyen pa nyid dang lam gyi rnam pa mkhyen pa nyid kyi stobs kyis so/ /nyan thos dang rang sangs rgyas rnams dang byang chub sems dpa' rnams la dus gsum gyi srid pa gsum ji lta bar gyur pa cig car yongs su shes par mi 'gyur te phung po lhag ma dang bcas pa'i mya ngan las 'das pa'i dbyings kyi phyir dang de bzhin du byang chub sems dpa' rnams la sgrib pa cung zad tsam gyi phyir ro/ /de bzhin du khro bo'i dbang po rnams kyang sa bcu'i dbang phyug nyid du grub bo/ /da ni dag pa las chos kyi sku la sogs pa 'byung ba gsungs pa dpal ldan dag pa las zhes pa la sogs pa ste 'dir kun rdzob kyi bden pa la rten cing 'brel par 'byung ba'i chos skad cig ma rnams ni skye ba dang 'jig pa'i chos can te srid pa yongs su mi shes pa'i phyir ro/ / 'khor ba pa rnams kyi ma rig pa'i bag chags las bzhi pa la sogs pa'i gnas skabs bzhir 'gyur te de rnams las sku yi rab tu dbye bas yid ni rnam pa bzhi ru gnas so/ /srog chags rnams kyi lus la rnam pa bzhi ni 'dir skye ba 'dzin pa'i dus su mngal du 'jug pa na khu ba 'pho ba'i gnas skabs na bzhi pa ste de yang kun rdzob tu bde ba chen po zhes brjod do/ /de nyid ni shrI yig las gnyis su med pa'i ye shes so/ /kun rdzob tu dag pa'i sku ste lhan cig skyes pa'i sku'o zhes pa'i don to/ /de las chos kyi sku shin tu gnyid log pa'i mtshan nyid dang de las longs spyod rdzogs pa'i sku rmi lam gyi mtshan nyid dang de las sprul pa'i sku sad pa'i mtshan nyid dang lus rdzogs te srog 'byung ba'i dus nas phyi rol du slar yang rnam pa bzhir gsungs so/ /de bzhin du dkyil 'khor la rgyal ba'i bdag po'i sems can kun don byed pa po sku yi dbye bar 'gyur te kun rdzob kyi sgrib pa zad pa'i phyir ro/ /khams gsum pa gzhan gyi sems shes pa dang sngon gyi gnas rjes su dran pa la sangs rgyas rnams kyi thugs bzhugs te srid pa yongs su shes pa'i phyir ro/ /da ni sku bzhi'i bya ba gsungs pa sprul par zhes pa la sogs pa ste 'dir 'khor ba pa rnams kyi sprul par zhes bsad pa'i gnas skabs su yid ni longs spyod byed pa por rab tu 'gyur te lus dang ngag dang dbang pos yul rnams byed par gyur pas so/ /longs spyod rdzogs la zhes pa rmi lam gyi gnas skabs su ma mthong ba'i yul bems po ma yin pa rnams la sems par 'gyur te yon tan dbang gis zhes pa yul gyi bag chags kyi dbang gis so/ /chos kyi sku la zhes pa shin du gnyid log pa'i gnas skabs su gnyid du 'gyur te yid ni dbang po med par 'gyur ro zhes pa'i don to/ /dag pa la ni zhes pa bzhi pa'i gnas skabs su bde bar rab tu 'gyur te 'dir ni nyin mo'i dus sam mtshan mo'i dus su ste dus ni dus tshod do/ /de'i dus su 'khrig pa byas pa ni thig le grol ba gsum gyi mthar lhan cig skyes pa'i skad cig gi dus gcig na bde ba chen por rab tu 'gyur ro zhes pa kun rdzob kyi de nyid gang yin pa de'i phyir de ni nyin mtshan dus su rnal 'byor pa yis bsgom par bya'o/ /'gyur med don du'o zhes pa mi 'pho ba'i skad cig gi don du ste 'chad par 'gyur ba'i yan lag drug gis so zhes pa nges pa'o/ /de ltar sgrib pa dang bcas pa'i chos 'gags na sgrib pa med pa'i chos su 'gyur te skye ba dang 'jig pa dang bral ba'o zhes pa rigs pa'o/ /da ni g.yon rkyang gi stabs la sogs pa'i rnam par dag pa gsungs pa g.yon zhes pa la sogs pa ste 'dir gang gi tshe 'khor ba pa rnams kyi g.yon gyi rtsa la srog rab tu rgyu bar gyur pa de'i tshe g.yas la skum par 'gyur te srog kyang sngags kyi lha'o/ /des na g.yon brkyang ba dang g.yas bskum pas g.yon la srog rab tu rgyu ba gang yin pa der 'gyur te de bzhin du sngags kyi lha'i g.yas bskum pa gang yin pa de ni g.yon brkyang gi stabs su brjod do/ /mnyam pa'i stabs dang gzhan pa g.yas brkyang gi stabs ni grangs bzhin du ste me'i rgyu ba las zhes pa cig car rtsa gnyis la dbu mar rgyu bas mnyam pa'i stabs su 'gyur ro/ /nyi ma'i rgyu ba las zhes pa g.yas la rgyu ba dang g.yon bskum pa las g.yas brkyang gi stabs su 'gyur ro/ /de bzhin du sa ga'i stabs dang zlum po dang rol pa'i stabs dang pad ma'i 'dug stangs dang rdo rje'i 'dug stangs gang yin pa de rnams rim pa bzhin du g.yon gyi rtsa 'am g.yas kyi rtsa la nam mkha' sogs la zhes pa ste nam mkha'i dkyil 'khor la srog rab tu rgyu ba ni sa ga'i stabs dang rlung gi dkyil 'khor la rab tu rgyu ba ni zlum po'i stabs dang me'i dkyil 'khor la rab tu rgyu ba ni rol pa'i stabs dang chu'i dkyil 'khor la rab tu rgyu ba ni pad ma'i 'dug stangs dang sa'i dkyil 'khor la rab tu rgyu ba ni rdo rje'i 'dug stangs te de ltar mnyam dang mi mnyam bgrod pa dag la srog rlung rab tu rgyu ba gang yin pa rnam pa lnga'o/ /rnam par dag pa des lha rnams kyi stabs dang 'dug stangs rnam par dag par 'gyur te g.yo ba med pa las so zhes pa nges pa'o/ / de bzhin du skyes pa'i ngag rdzogs pa gnyis pa'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las srog dang lha skyed pa'i mdor bsdus chen po ste gsum pa'o// bcu drug phyed phyed thig le 'chang / /'pho med bde la rab btud nas/ /gang de'i thabs ni yang dag pa/ /thig le'i rnal 'byor rab brjod bya/ /gtum mo zhes pa la sogs pas so/ /'dir skyed pa'i rim pa thams cad la sku rdzogs pa ni dkyil 'khor rgyal mchog go/ gsung rdzogs pa ni las rgyal mchog ste las kyi dbang po bya ba la 'jug pa'i phyir ro/ /byang chub kyi sems kyi thig le rdzogs pa ni thig le'i rnal 'byor ro/ /khu ba 'pho ba las bde ba la dmigs pa ni phra mo'i rnal 'byor te de yang mi rnams kyi lo bcu drug gi mtshams su 'gyur ro/ /des na deng nye bar longs spyod pa'i slad du bag ma len pa dang lag pa 'dzin pa la sogs pa'i bya ba dang slob ma la slob dpon gyis shes rab ma gtod par byed do/ / byis pa'i skye bo rnams la las kyi phyag rgya des bde ba de sgrub par byed par gsungs so/ /'bring po rnams la ye shes kyi phyag rgyas so/ /mchog gi rnal 'byor pa rnams la phyag rgya chen mos so/ /des na rtsa ba'i rgyud las bcom ldan 'das kyis gsungs pa/ bcu drug lo lon rigs can ma/ /gzugs dang lang tshos brgyan pa la/ /dang por legs par bslab byas nas/ /dbang bskur nas ni sgrub pa brtsam/ /sku gsung thugs dang chags pa ni/ /dpral ba la sogs rnams la dgod/ /swA hA gsang ba gtsug tor cher/ /de nas pad ma rnam par sbyang / /AHyis pad ma 'dab brgyad pa/ /hU~M yig gis ni rdo rjer ldan/ /de ltar rdo rje dang bcas pa'i/ /shes rab pad ma bskyod rgyu las/ /hU~M gis rang gi rdo rje ni/ /rtse mo lnga par rnam par bsgom/ /de dbus pad ma 'dab brgyad pa/ /AHyig gis ni rab tu brtag /de ltar rdo rje pad ma dang / /bcas pa byas nas pad mar gzhug /de nas rdo rje 'dzin pa'i snyems/ /'dzin cing rnal 'byor phaT bya/ /b+ha gar ling ga rab bkod nas/ /byang chub sems ni spro mi bya/ /khams gsum po ni ma lus pa'i/ /sangs rgyas gzugs ni bsgom par bya/ /lte bar gtum mo 'bar ba yis/ /de bzhin gshegs pa lnga bsreg cing / /spyan ma mig la sogs pa yang / /bsregs nas ri bong can ha~M 'dzag /bdud rtsi khu ba'i chos can ni/ /thig le'i gzugs kyis 'dzag par byed/ /thig le'i rnal 'byor zhes par grags/ /bcu drug phyed phyed thig le 'chang / /cha med cha las 'das pa ste/ /bsam gtan bzhi yi rtse mo 'chang / /phra mo'i rnal 'byor zhes par grags/ /rgyu mthun la sogs steng du 'gro/ /dung can ma 'di phyag rgya che/ /de ni gtum mor rab tu brjod/ /lte ba'i steng du g.yung mo gang / /a ba d+hU tI mi yi sna/ /'od zer lnga yi rang bzhin srog /dkyil 'khor lnga ni 'bab byed pa/ /sna rtser yungs dkar du grags pa/ /de yang srog rtsol nyid du bshad/ /khams gsum po ni ma lus pa'i/ / srid pa gsum ni yongs shes pa/ /srog 'gag pa ni yungs dkar te/ /de yang rgyu bcas rgyu med du'o/ /so sor sdud pa phyag rgya che/ /nam mkha' stong pa'i mtshan nyid do/ /sna de yi ni phyogs su yang / /gang zhig kho nar yid bkod pa/ /mtshan ma'i mthar ni re khA gang / /de la sna tshogs rgyu mi rgyu/ /ma lus bsgom par bya de la/ /rnal 'byor bsam gtan sogs de yang zhes pa rtsa ba'i rgyud las nges pa ste 'dor bsdus nas gsungs so/ /des na rtsa ba'i rgyud kyi rjes su 'brangs nas rtogs par bya'o zhes pa bcom ldan 'das 'jam dpal gyi nges pa'o/ /gtum mo lte ba'i 'khor lo dgu yis bsnun pa'i lag 'gro zhes pa ni 'dir lte ba la rtsa'i 'khor lo dgu yis bsnun pa'i lag 'gro ste rtsa bdun bcu rtsa gnyis kyi bdag nyid ni khyim bcu gnyis kyi rtsa'i bdag nyid dang dkyil 'khor drug bcu'i rtsa'i bdag nyid do/ /dgu yis bsnun pa'i lag 'gro tsar tsi kA sogs lhag pa'i lha dang ldan pa ho yig ye shes snying po ste ye shes rdo rjes byin gyis brlabs pa de la dri med glog dang mtshungs pa gtum mo'i ye shes me ni rab rgyas pa zhes pa kun rdzob kyi ye shes 'dod pa ste de'i me ni 'dod pa'i me'o/ /'dod pa'i me des rab tu rgyas par gyur pa na lte ba sprul pa'i 'khor lor rnam par snang mdzad la sogs pa g.yon la dkyil 'khor lngar gyur pa dang g.yas la spyan ma la sogs pa rnams sreg cing mig la sogs pa'i dbang po rnams dang gzugs la sogs pa'i yul rnams kyang sreg ste yid ni chos kyi dbyings 'dzin pa'i phyir ro/ /thams cad mi 'jug pa'i phyir bsregs pa'o/ /de ltar thams cad bsregs nas mgo bor zla ba bzang las zhes pa skye ba dang byang chub kyi sa bon haM yig las thig le'i gzugs khu ba glo bur ba 'dzag pa gang yin pa de ni rdo rje can te byang chub kyi sems so zhes pa'i don to/ /mgo bo nas mgrin pa dang mgrin pa nas snying kha dang / snying kha nas lte ba dang lte ba nas gsang ba'i pad mar ro/ /pad ma de nyid ni shes rab kyi chos 'byung du gsungs shing de bzhin du lte ba dang snying kha dang mgrin pa dang dpral ba dang gtsug tor gyi pad ma rnams shes rab kyi chos 'byung du gsungs so/ /de ltar zhu bar gyur pa na gsang bar sku'i thig le dang lte bar gsung gi thig le dang snying khar thugs kyi thig le dang mgrin par ye shes kyi thig le'o/ /de ltar shes rab chos 'byung dag la gnas pa byang chub kyi sems ni slar yang zhes pa ji ltar byon pa de bzhin gshegs pa ste spro ba byas zhes gsungs so/ / ji ltar dpral ba nas dga' ba la sogs pa'i dbye ba'am rnam pa sna tshogs la sogs pa'i dbye bas byon pa dang zla ba'i cha bcwa lnga yongs su gang ba de bzhin du rgyu mthun pa la sogs pa'i dbye bas steng du dpral bar gshegs te dri ma med pa spro ba byas par 'gyur ro/ /des na dri ma med pa'i thig le sna tshogs rgyan dang ldan zhing me long dag la gnas pa lta bu zhes pa pra phab pa dang mtshungs pa dus gsum du gnas pa'i ye shes 'khor lo rang byung ba zhes pa ni thig le'i rnal 'byor las phra mo'i rnal 'byor du gyur pa'o/ /de bzhin du 'dod pa dang ni gzugs dang gzugs med srid pa rnam pa gsum po rnams kyang rim pas zhes pa sku dang gsung dang thugs kyi thig le skyed pa'i rim pas sbyangs byas te/ phyi nas ye shes me lce dag gis zhes pa mi 'pho ba'i bde ba'i 'od zer rnams kyis srid pa gsum po mtha' dag ste khams gsum po dus gcig tu ni dgug par bya zhes pa cig car dus gsum shes pa ste lha'i rnal 'byor dkyil 'khor gyi 'khor lo'i rnam pa spro ba dang 'khor ba pa rnams kyi bu dang bu mo spro ba ni byang chub kyi sems las so/ /de ltar lo bcu drug gi mtshams su mngal nas skyes pa rnams kyi lus dang ngag dang sems dang ye shes rdzogs pa ste lha rnams kyi ni sgom pa'i stobs kyiso/ / sangs rgyas rnams kyi ni rnam par thar pa bzhi'i stobs kyis so zhes pa kun rdzob dang don dam pa'i bden pas so/ /da ni zla ba zhes pa la sogs pas nang du sngags kyi bzlas pa la sogs pa gsungs te 'dir lus la zla ba zhes pa ni g.yon gyi rtsa dang nyi ma zhes pa ni g.yas kyi rtsa'o/ /a sogs zhes pa ni a la sogs pa dbyangs kyi tshogs te g.yon du srog yang dag par rgyu ba'o/ /ka sogs zhes pa ni gsal byed kyi tshogs te g.yas su srog yang dag par rgyu ba'o/ / rnam gsum bgrod gnas zhes pa g.yon gyi bgrod pa la gnas pa'i srog ni sku rdo rje'i bzlas pa zhes brjod do/ /g.yas kyi bgrod pa la gnas pa'i srog ni gsung gi bzlas pa zhes brjod do/ /dbu ma'i bgrod pa la gnas pa'i srog ni thugs kyi bzlas pa zhes brjod te 'di rnams 'gags pa las gzhom du med pa thams cad mkhyen pa'i gsung du 'gyur ro/ /des na so sor sdud pa la sogs pa drug gis sbyor ba yan lag drug po 'di bsgom par bya ste so sor sdud dang bsam gtan dang / /de bzhin srog rtsol 'dzin pa dang / /rjes su dran dang ting nge 'dzin/ /sbyor ba yan lag drug tu 'dod ces pa ste 'chad par 'gyur ba 'di rnams goms pas gser bzang pad ma la ni zhes pa lte ba'i pad ma la sku gsung thugs kyi rnal 'byor te zhes pa ni rnam gsum bgrod pa la gnas pa'i srog 'gog pa'o zhes pa'i don to/ /'gog pa de nas dga' ba la sogs rnams kyis zhes pa dga' ba dang mchog dga' dang khyad par dga' ba dang lhan cig skyes pa'i dga' ba rnams kyis rdo rje chu skyes dag la ro mnyam gyur pas mi 'pho ba nyid kyi phyir sgom pa 'di ni rdo rje gsum ste khu ba dang bshang ba dang gci ba 'gog pa'o zhes pa'i don to/ /de bzhin du rtsa ba'i rgyu las/ /dbu ma mchog gi dbugs dang ni/ /dri dang chu dang ldan pas kyang / /rtag tu rigs ldan ma mchod bya/ /khyad par dus la pho nya mo zhes so/ /de nas shes rab pad mar zhes pa gsang ba'i pad mar sems kyi thig le gnas par gyur pa dag la lhan cig skyes pa'i dbang gis zhes pa mi 'gyur ba'i bde ba'i dbang gis bsgom pa ni gzhom du med par 'gyur te steng du khu ba'o/ /da ni bsnyen pa la sogs pa gsungs pa bdud rtsi zhes pa la sogs pa ste 'dir las dang po pas dang por sgrub thabs kyi cho gas bsnyen pa bya ste bdud rtsi lnga la sogs pas bsnyen pa zhes pa la phyi rol du bdud rtsi lnga ni bshang ba la sogs pa dang sogs pa'i sgras go ku la sogs pa ste lha mnyes pa'i don du de rnams zos pas bsnyen pa'o/ /nang du bdud rtsi lnga ni phung po lnga ste sogs pa'i sgras dbang po lnga po sgron ma lnga'o/ /de rnams la ltos pa med pa ni bsnyen pa ste lus dang rdzas la sred pa yongs su spangs pa'o/ /bsnyen pa des lha rnams mchog ster bar 'gyur gyi bshang ba la sogs pa zos pas ni ma yin no/ /chu gter rdo rje rnams dang zhes pa ni lus kyi longs spyod la ltos pa med pa dang ngag gi longs spyod la ltos pa med pa dang sems kyi longs spyod la ltos pa med pa dang 'pho ba'i bde ba la ltos pa med pa ni bsnyen pa ste lus dang ngag dang sems dang tshangs par spyod pa'i sdom pa'o zhes pa'i don to/ /'dis lha rnams mchog ster bar 'gyur gyi srid pa'i longs spyod la zhen pas ni ma yin no/ /sngags kyi bzlas pa sogs kyis zhes pa la 'dir sngags kyi bzlas pa zhes pa ni srog sdom pa ste sogs pa'i sgras dbyung ba dang dga' ba dang bum pa can gyi sbyor ba ni rtag tu bsnyen pa'o/ /des lha rnams mchog ster bar 'gyur gyi srog ma bsdams par ngag tu brjod pas ni ma yin no zhes pa nges pa'i don to/ /drang ba'i don gyis ni thun mong gi dngos grub kyi don du bgrang phreng la sogs pas bzlas pa la sogs pa bya'o/ /da ni nye ba'i sgrub pa gsungs pa so sor zhes pa la sogs pa ste 'dir so sor sdud pa zhes pa la 'khor ba pa rnams kyi sdud pa ni mig la sogs pa'i dbang po rnams kyis gzugs la sogs pa'i yul 'dzin pa'o/ /de yongs su spong ba ni so sor sdud pa zhes brjod de stong pa nyid kyi gzugs la gzhan sha la sogs pa'i mig la swo pa rnams kyis gzhan gzugs la sogs pa'i yul 'dzin pa ni nye ba'i sgrub pa'o/ /de bzhin du bsam gtan dang srog rtsol dang 'dzin pa ste rdo rje pad ma las skyes bdud rtsi 'pho ba med pa yis ni nye ba'i sgrub pa ste nges pa'i don gyis so/ /drang ba'i don gyis ni phyi rol du lha spros pas so zhes pa nye ba'i sgrub pa grub pa'o/ /da ni sgrub pa gsungs pa dga' ba zhes pa la sogs pa ste 'dir dga' ba la sogs rnams kyis rdo rje gsum zhes pa sku dang gsung dang thugs kyi thig le rnams dang chu skyes ro mnyam gyur pa sgom pa sgrub par 'gyur te snying kha dang lte ba dang gsang bar thig le rnams gnas pa'o zhes pa'i don te de ltar na sgrub pa'o/ /de nas sgrub pa chen po ni shes rab sbyar la gang gi tshe 'pho ba med pa'i bde bar 'gyur ba de'i tshe nges par sgrub pa chen po ste phra mo'i rnal 'byor dag las zhes pa nges pa'i don gyis shin du yid bzang ma'i rtsa'i steng du khu ba yang dag par sbyor ba las sgrub pa chen por gsungs te drang ba'i don du ni shes rab kyi chos 'byung gi sna'i rtse mor yungs dkar la sogs pa'o zhes pa nges pa'o/ /de ltar sgrub pa chen por 'gyur ro/ /da ni dman pa dang mchog gi dbye bas bsnyen pa la sogs pa gsungs pa dang por zhes pa la sogs pa ste 'dir skyed pa'i rim pa la dang por stong nyid byang chub ces pa ni srog chags rnams shi ba'i mthar phung po yongs su dor nas skye ba'i cha shas can gyi phung po 'dzin pa las bar gang yin pa stong pa nyid kyi skad cig ma gcig po srid pa gsum mthong ba ni stong pa zhes gsungs te nges par ni gdon mi za bar ro/ /skad cig de'i phyi nas zla ba thig le dag ni yang dag 'dzin zhes pa 'dir kun gzhi'i rnam par shes pas ma'i mngal du khu ba'i thig le rnams 'dzin pa zhes bya ba ni yang dag 'dzin pa'o/ /de'i 'og tu khu ba la sogs pa bzung ba de nas gzugs ni bskyed pa zhes bya ba ni zla ba bdun gyis mngal rdzogs pa ste lus rdzogs pa'o zhes pa'i don to/ /de nas rab mchog ro yi rigs rnams dag gis zhes pa phung po drug po rnams kyis mig la sogs pa rnams kyi yi ge dgod pa ste gzugs la sogs pa'i yul la rab tu 'jug pa'o/ /de bzhin du lha'i sgrub thabs la yang las dang po pas brtags pa'i bdag nyid bsgom par bya'o/ /chu yi gter gyi rdo rje 'di ni spyi yi bsnyen par 'gyur te zhes pa sku dang gsung dang thugs dang ye shes kyi rdo rje rdzogs pa rnams kyis sgrub pa dag ni dbu ma yang ste srog rdzogs pa'o/ /'di la thabs ni rnam bzhir 'gyur te zhes pa ni bsnyen pa'i yan lag dang nye bar sgrub pa'i yan lag la dman pa dang brtan pa'o/ /sgrub pa'i yan lag dag la de bzhin nyid de lo bcu drug gi mtshams su zhes pa nges pa'o/ /'dir dman pa ni skyes pa'i byis pa dang so skyes nas 'bring po'i byis pa dang so lhung nas gzhon nu'o/ /slar so skyes shing lo bcu drug gi rjes la dar ma ste bu dang bu mo skyed par byed pa nyid kyi phyir ro/ /de bzhin du lha thams cad yan lag rnam pa bzhir rnal 'byor pas bsgom par bya'o zhes pa ni 'jig rten pa'i bden pa'i nges pa'o/ /da ni don dam pa'i bden pas sangs rgyas kyi sku rdzogs pa brjod par bya ste 'dir dang por stong nyid byang chub ces pa ni mun pa la cung zad kyang bsam par mi bya ba'o/ / de nas zla ba'i thig le dag ni yang dag 'dzin zhes pa ni du ba la sogs pa'i mtshan ma thig le'i mthar thug pa 'dzin pa'o/ /de nas gzugs dag bskyed cing zhes pa ni thig le de nas sna tshogs mthong ba ni gzugs bskyed pa'o/ / rab mchog ro yi rigs rnams dag gis zhes pa sgrib pa med pa'i phung po drug rnams kyis so/ /yi ge dgod pa zhes pa ni nyi tshe ba'i phung po dang khams dang skye mched la sogs pa rnams 'gog pa'o/ /de'i phyir sa thob pas dman pa la sogs pa'i dbye bar 'gyur te ji srid sa bcu gnyis kyi dbang phyug tu ma gyur gyi bar du'o/ /de'i phyir bden don rnam pa bcu gnyis ldan/ /de nyid rnam pa bcu drug rig /rnam pa nyi shus byang chub pa/ /rnam par sangs rgyas kun rig mchog ces pa nges pa'o/ /da ni sbyor ba yan lag drug gsungs pa so sor sdud pa zhes pa la sogs pa ste 'dir dang po'i las la so sor sdud pa ni rgyal ba'i dbang po zhes pa ye shes kyi phung po'o/ /de yang mtshan ma'i dbye bas rnam pa bcu ste du ba dang smig rgyu dang me khyer dang mar me dang 'bar ba dang zla ba dang nyi ma dang sgra gcan dang cha shas dang thig le mthong ba'i dbye bas ma brtags pa ye shes kyi phung po'o/ /bsam gtan mi bskyod pa nyid do zhes pa rnam par shes pa'i phung po ste rnam pa bcu ni yul dang yul can bcu po rnams gcig nyid du sna tshogs gzugs la bsam gtan pa'o/ /srog rtsol dag kyang ral gri can no zhes pa 'du byed kyi phung po ste rnam pa bcu ni g.yon dang g.yas kyi dkyil 'khor bcu po gcig tu 'dres par gyur pa nyid kyi phyir ro/ /slar yang rnam pa bcu ste 'dzin pa phyag na rin chen no zhes pa ni tshor ba'i phung po ste srog gi 'dzin pa lte ba dang snying kha dang mgrin pa dang dpral ba dang gtsug tor gyi pad ma la 'gro ba dang 'ong ba'i dbye bas rnam pa bcu'o/ / g.yung mo la ni rjes su dran pa pad ma 'dzin par 'gyur zhes pa 'du shes kyi phung po ste g.yung mo dbu ma'i rtsa la rjes su dran pa de yang rnam pa bcu ste 'dod pa'i gnas skabs bcu'i dbye ba las so/ /dpal ldan ting 'dzin 'khor lo can zhes pa rnam par snang mdzad de ting 'dzin rnam pa bcu ni rlung bcu po rnams 'gog pa'i phyir ro/ /de ltar bcom ldan 'das ni rab tu mi gnas pa'i mya ngan las 'das pa ste rlung rnams mi 'bab pa gang gi phyir ro zhes pa'i don to/ /re re dbye ba lnga rnams kyis te zhes pa ni 'dir sbyor ba re re ni dkyil 'khor lnga 'bab pa'o/ /a sogs ka sogs rnams kyis zhes pa ni dbyangs dang gsal byed g.yon dang g.yas kyi srog yang dag par rgyu ba 'gog pas so/ /da ni so sor sdud pa la sogs pa'i mtshan nyid gsungs pa so sor zhes pa la sogs pa ste 'dir so sor sdud pa zhes bya ba ni lus la yul dang yul can bcu po rnams kyi 'brel pas rnam par shes pa rab tu 'jug pa med pa ste stong pa'i gzugs kyi yul rnams la mig gzhan la sogs pa rnam pa lnga po rnams kyis rab tu 'jug pa'o/ /de bzhin du gzugs de nyid la shes rab ces pa ni lta ba'o/ /rtog pa zhes pa ni dngos po 'dzin pa'o/ /dpyod pa zhes pa ni de'i don nges par byed pa'o/ / dga' ba zhes pa ni gzugs la chags pa'o/ /g.yo med bde ba zhes pa ni gzugs dang lhan cig sems gcig tu byed pa'o/ /de ltar gzung ba dang 'dzin pa'i dbye bas bsam gtan rnam pa bcu'o/ /'dir srog rtsol dag kyang lam ni gnyis po zhes pa g.yon dang g.yas pa'i lam bsgyel ba ste 'gog cing dbu ma'i lam du rab tu zhugs pa'o/ /de yang dkyil 'khor bcu 'gog pa las rnam pa bcu'o/ /'dir thig ler zhes pa dpral bar srog ni rab tu zhugs shing gnyis ga'i bgrod pa bcom pa zhes pa 'gro ba dang 'ong ba dang bral ba ni rtse gcig sems pa zhes bya ba dpral bar srog 'dzin pa'o/ /gtum mo'i snang ba gang zhig srid pa gsum gyi nam mkha' la gyur pa de ni rjes su dran pa ste rnam pa bcur sngar gsungs so/ /shes rab thabs kyi bdag nyid kyis ni zhes pa shes bya dang shes pa gcig tu 'dres par gyur pas te 'gyur med bde ba'i dbang gis ye shes gzugs la ting 'dzin no/ /de yang srog la sogs pa rnams med pa las rnam pa bcu'o/ /de ltar sbyor ba yan lag drug gi sgrub thabs so/ /'di rnams dman pa la sogs dbye ba rnams kyis sna tshogs gtso bo dus kyi 'khor lo'i sgrub thabs rnam pa gsum du 'gyur/ phyag rgya gsum dang gnas skabs gsum zhes pa ni rnam gsum bgrod pa'i dbang gis zhes pa ste 'dir byang chub kyi sems 'dzag pa'i bgrod pa ni dman pa'i gnas skabs dang g.yo ba'i bgrod pa ni 'bring po'i gnas skabs dang mi g.yo ba'i bgrod pa ni mchog gi gnas skabs so/ /'di rnams las las kyi phyag rgya ni 'dzag pa'i bde ba sbyin pa mo dang ye shes kyi phyag rgya ni g.yo ba'i bde ba sbyin pa mo dang phyag rgya chen mo ni mi g.yo ba'i bde ba sbyin pa mo'o/ /de ltar sbyor ba yan lag drug la phyag rgya gsum bsgom par bcom ldan 'das kyis gsungs pa'i phyir rnal 'byor pas sangs rgyas nyid kyi slad du sbyor ba yan lag drug bsgom par bya'o/ /da ni so sor sdud pa la sogs pa'i 'bras bu gsungs pa so sor zhes pa la sogs pa ste 'dir gang gi tshe so sor sdud pas gzugs brtan par gyur pa'i rnal 'byor pa rnam par dag par gyur pa de'i tshe sngags rnams kun gyis byin gyis rlob par 'gyur te tshig gi mchog sbyin pa la sogs pa sbyin par 'gyur ro/ /mngon par shes pa lnga ni thob par 'gyur te mi yi bdag po bsam gtan sbyor bas dag pa'o zhes pa ni 'dir gang gi tshe mig mi 'dzums par gyur pa de'i tshe lha'i mig tu 'gyur ro/ /de bzhin du lha'i rna ba la sogs pa ste bsam gtan gyis dag par 'gyur ro/ /srog rtsol gyis dag pa zhes pa ni 'dir gang gi tshe rnal 'byor pa nyi ma dang ri bong can gyi lam dang bral te rtag tu dbu mar 'bab par gyur pa de'i tshe srog rtsol gyis dag par gyur pas na byang chub sems dpa' rnams kyis mchod de bsngags par byed do zhes pa'i don to/ /bdud dang nyon mongs la sogs nyams shing stobs bcu la ni 'jug par 'gyur te zhes pa ni stong pa nyid kyi gzugs gzung ba'i sems la 'jug par 'gyur te 'dzin pa'i stobs kyis so zhes pa ni srog 'gro ba dang 'ong ba zad pas gcig tu 'dres par gyur pas so/ /rjes su dran pa legs par dag pa zhes pa la 'dir rjes su dran pa ni gzugs la 'khyud pa'i sems rnam par rtog pa thams cad dang bral ba'o/ /de'i phyir gang gi tshe dag par gyur pa de'i tshe dri med 'od kyi dkyil 'khor du 'gyur ro/ /kyang gi sgra las ba spu'i khung bu nas 'od zer lnga 'phro zhing nges par rgyu'o/ /ye shes gzugs las so zhes pa stong pa'i gzugs las so/ /de nas ting nge 'dzin gyis dag pa zhes pa ni 'dir gzung ba dang 'dzin pa'i sems dag gcig pa nyid kyis gang zhig 'gyur ba med pa'i bde bar gyur pa'i bde ba de ni ting nge 'dzin du gsungs so/ /de'i phyir ting nge 'dzin gyis dag pa dri ma med par gyur pa ni nyin zhag 'ga' zhig rnams kyis te lo gsum dang phyogs gsum gyi nyin zhag rnams kyis ye shes sku ni 'grub par 'gyur zhes pa dbang bcu la sogs pa thob pa'i byang chub sems dpar 'gyur te so sor sdud pa la sogs pa'i nges pa'o/ /da ni btsan thabs kyi rnal 'byor gsungs te 'dir gang gi tshe so sor sdud pa la sogs pas gzugs mthong bar gyur pa la srog ma bcings pa nyid kyis 'gyur ba med pa'i skad cig ma ma skyes na de'i tshe nA da goms pa 'chad par 'gyur bas btsan thabs su dbu mar 'bab par byas nas shes rab kyi chu skyes su gnas pa'i byang chub kyi sems kyi thig le rdo rje nor bur bkag nas mi g.yo bas 'gyur ba med pa'i skad cig bsgrub par bya'o zhes pa ni btsan thabs kyi rnal 'byor ro/ /da ni stong pa nyid kyi gzugs bsgrub pa'i slad du lta stangs gsungs pa bsnyen pa zhes pa la sogs pa ste 'dir bsnyen pa zhes pa ni dang por du ba la sogs pa'i mtshan ma sgom pa'o/ / bsnyen pa de las dang po'i rnal 'byor ni sems kyis du ba la sogs pa'i mtshan ma 'dzin pa'o/ /de yang du ba la sogs pa dang lhan cig yid ches par 'gyur ba rnam pa bcu ste des na de yang rnam pa bcu'o/ /'khor lo can gyi zhes pa gtsug tor gyi khro bo'i lta bas zhes pa mig mi 'dzums par steng du lta bas mtshan mar 'gyur te mtshan mo'i rnal 'byor gyis rnam pa bzhi dang nyin mo'i rnal 'byor gyis rnam pa drug ste de nas gzugs so/ /de ltar gzugs kyi mthar thug par so sor sdud pa dang bsam gtan gyis bsnyen pa'i yan lag tu 'gyur ro/ /bgegs mthar byed pa'i lta ba zhes pa la bgegs mthar byed ni bdud rtsi 'khyil pa'o/ /de'i lta ba ni bdud rtsi'i gnas su son pa ste dpral bar son pa'o/ /bgegs mthar byed de'i lta ba ni bdud rtsi'i lam du son pa yang yan lag drug gi nye bar sgrub pa'o/ /kyang yig gis srog rtsol dang 'dzin pa bya ste srog gzugs mthong nas so zhes pa nye ba'i sgrub pa'o/ /shes rab la spros zla ba thig le zhes pa la 'dir shes rab la chags pas spros pa 'di zla ba thig le yin pa ni la spros zla ba thig le ste shes rab la spros pa'i byang chub kyi sems kyi thig le yang rdo rje nor bur gnas pa de'i gsang ba dang lte ba dang snying khar 'gyur med gsum du gyur pa gang yin pa de ni sgrub pa la zhes pa gsum pa sgrub pa'i yan lag la 'gyur ro/ /de ltar sgrub pa'i yan lag bya'o/ /bde ba ma nyams gcig pu zhi ba zhes pa la 'dir bde ba ma nyams pa'i byang chub kyi sems ska cig gcig pu gang yin pa de ni zhi ba zhes gsungs te lhan skyes ye shes rnal 'byor 'dir ni sgrub pa chen po la zhes pa ni sems 'gyur ba med pa'i bde ba dang lhan cig gcig pa nyid do zhes pa sgrub pa chen po'i yan lag bzhi pa'o/ /de ltar ye shes kyi sgrub thabs la yan lag bzhi'o/ /lha'i sgrub thabs la skyed pa'i rim pas sngar gsungs te 'jig rten pa'o/ /'jig rten las 'das pa ni de kho na nyid kyi sgrub thabs rdzogs pa'i rim pas so/ /de bzhin du gsungs pa/ sangs rgyas rnams kyis chos bstan pa/ /bden pa gnyis la yang dag rten/ /'jig rten kun rdzob bden pa dang / /dam pa'i don gyi bden pa'o zhes pa ni bcom ldan 'das kyi nges pa'o/ /slar yang rdo rje can bdag bstan pa ni/ /rim pa gnyis la yang dag rten/ /gcig ni skyed pa'i rim pa ste/ /gzhan ni rdzogs pa'i rim pa'o zhes so/ /de ltar lha'i sgrub pa la rnam par rtog pa'i sgom pa dang de kho na nyid kyi sgrub pa la rnam par rtog pa dang bral ba yan lag bzhi po rnams kyis so zhes pa rigs pa'o/ /da ni srog rtsol gyi mtshan nyid gsungs pa srog ces pa la sogs pa ste 'dir stong pa nyid kyi gzugs mthong bar gyur pa na rnal 'byor pas srog rtsol bya ba gang yin pa de ni ji srid mgo yi bar du zhes pa mgo bo na bar mi byed kyi bar du'o/ /de yang bde mnyam 'bras bu ster bar 'gyur ro/ /de las steng du zhes pa ni mgo bo na ba'i mtha' las 'dod pa min pa 'chi ba'i 'jigs pa byed par 'gyur te phung po rnam par nyams pa'i rgyur 'gyur ro/ /ci ste rnal 'byor gyi stobs kyis gtsug tor phug nas srog 'gro na rnal 'byor pas mchog gi bde ba'i go 'phang dag la zhes pa stong pa nyid kyi gzugs la nges par sbyar bar bya ste nges par ni mtha' gcig tu'o/ /de ltar phung po med kyang rnal 'byor pa ni bde mnyam zhes pa sangs rgyas kyi gzugs la 'jug ste rnal 'byor pa zhes pa ni rnal 'byor gyi sems 'gro ba'o/ /'on kyang 'jig rten du ni grags pa min pa rnal 'byor pa 'di shi'o zhes pa ste srog rtsol gyi nges pa'o/ /tshigs su bcad pa gzhan ni go sla'o/ /da ni lha gshegs su gsol ba gsungs pa gtsug tor zhes pa la sogs pa ste 'dir dkyil 'khor rgyal mchog dang las rgyal mchog dang thig le'i rnal 'byor dang phra mo'i rnal 'byor bsgoms nas mchod pa dang mchog sbyin rdo rje mchog khyod 'dud ces pa la sogs pas bstod pa byas te de nas dkyil 'khor gyi lha rnams gshegs su gsol ba'i slad du gtsug tor du ni rdo rje rtse mo lnga pa bsgom par bya'o/ /de'i lte ba la bde ba chen po'i 'khor lo gshegs su gsol lo/ /de'i phyi rol gyi rtse mo dag ni nyis 'gyur zhes pa rtse mo brgyad pa ste dbus kyi rtse mo dang lhan cig rtse mo dgu pa'i rdo rje chos kyi 'khor lor zhes pa snying khar 'gyur te de'i lte bar du ba ma la sogs pa gshegs su gsol lo/ /nyis 'gyur gzhan ma zhes pa/ rtse mo bcu drug pa dbus kyi rtse mo dang bcu bdun pa ste lhan skyes zhes pa dpral bar ro/ /de'i lte bar phung po dang khams kyi lha gshegs su gsol lo/ /de yi nyis 'gyur dag kyang gzhan zhes pa rtse mo sum bcu rtsa gnyis pa dbus ma'i rtse mo dang lhan cig rtse mo sum bcu rtsa gsum pa ste longs spyod rdzogs zhes pa mgrin par ro/ /de'i lte bar skye mched bcu gnyis dang khro bo bzhi'i lha gshegs su gsol lo/ /de yi yang ni nyis 'gyur gzhan zhes pa rtse mo drug bcu rtsa bzhi pa dbus ma'i rtse mo dang lhan cig rtse mo drug bcu rtsa lnga pa'i rdo rje ste sprul pa zhes pa lte ba'i 'khor lor ro/ / de'i lte bar tsar tsi kA la sogs pa dang 'jigs ma la sogs pa dkyil 'khor drug bcu 'bab pa rnams te bzhi ni stong pa nyid kyi rigs can ma'o/ /de ltar bdun bcu rtsa gnyis po de rnams gshegs su gsol lo/ /de yi snying po rtse mo gcig pa zhes pa ni de rnams kyi snying por sngar gsungs pa'i rtse mo gcig pa ste bde mnyam 'bras ster gsang ba'i pad ma'i khongs su gnas pa'o/ /de la yang rtse mo sum bcu rtsa gnyis te 'dab ma'i grangs so/ /de'i lte bar 'od zer can la sogs pa gang yin pa de rnams gshegs su gsol lo/ /de bzhin du lha bcu gnyis po 'khor dang bcas pa rnams ni las kyi 'khor lo rnams rdo rjer byas nas de rnams kyi lte bar de rnams gshegs su gsol lo/ /klu rnams dang khyi gdong ma la sogs pa rnams ni bya ba'i 'khor lo rnams la'o/ /de ltar gshegs su gsol ba byas te de nas thun 'tshams gsum la sngar gsungs pa'i cho gas gtor ma sbyin par bya'o/ /sngar gyi cho gas bdud rtsi lnga sbyang ba byas nas des bdag nyid tshim par bya'o/ /de ltar skyed pa'i rim pa dang rdzogs pa'i rim pas dus kyi 'khor lo'i sgrub thabs bcom ldan 'das 'jam dpal gyis gsungs so/ /da ni rnal 'byor gyi spyod pa gsungs pa rnal 'byor pa zhes pa la sogs pa ste 'dir rnal 'byor pa rnams kyis rnal 'byor gyi spyod pa rnam pa gnyis te gcig ni phyi'i dang gnyis pa ni nang gi'o/ /de la phyi'i gang yin pa de 'jig rten pa'i 'bras bu'i rgyu dang nang gi gang yin pa de 'jig rten las 'das pa'i 'bras bu'i rgyur rnal 'byor pas bya'o/ /'dir rnal 'byor pa yis nyin dang mtshan mor srog gcod pa dag bya ba de ni thams cad mkhyen pa'i 'bras bu thob pa'i slad du rang gi lus la srog nyams pa la gsungs kyi phyi rol du srog gcod pa ni ma yin no/ /'dir phyi rol du gdul dka' 'dul ba'i slad du srog gcod par gsungs pa gang yin pa de ni de rnams kyi srog rnal 'byor gyi stobs kyis bkug pa slar yang lus de nyid la rnal 'byor pas gzhugs par bya'o/ /de ltar na gdul dka' 'dul ba por 'gyur te gdul dka' mthar byed pa ni ma yin no zhes grub bo/ /sgra ni gang zhig zhal gyis dman pa dag ces pa ni 'dir thams cad mkhyen pa'i gsung thams cad kyi skad sems can thams cad kyi snying la rang rang gi skad gzhan gyis 'gyur ba gang yin pa de nyid ni rab tu mi gnas pa ste sems can thams cad kyi skad yin pa nyid kyi phyir ro/ /rab tu mi gnas pa nyid kyi phyir brdzun du smra bar gsungs so/ /phyi rol du yang sems can gyi don gyi slad du sgyu 'phrul chen mo drag chen mo/ /'byung dang sdud par byed pa mo zhes pa la sogs pa'i gsung ni gdul bya'i don du'o/ /de bzhin du dbang po gnyis skyes bde de nyid/ /sangs rgyas nyid kyi 'bras bu ster/ /skyes pa rdo rje 'dzin rnam pa/ /bud med rdo rje btsun mo'o zhes pa la sogs pa'i gsung ni brdzun du smra ba ste sems can rnams slu ba'i slad du sangs rgyas pa'i rnal 'byor pa rnams kyis slu ba can gyi tshig ni ma yin no zhes grub bo/ /'dir lus sgrib pa med par skyes par gyur pa na gang zhig thams cad mkhyen pa'i sa bcu gnyis po rnams 'dzin pa de ni rnal 'byor pa yis brkus te 'dzin par gsungs so/ /phyi rol du yang sems can la phan pa'i slad du gter la sogs pa dbyung bar bya ste gter srung ba po rnams ngan 'gro las grol bar bya ba'i don du'o/ /khu ba'i thig le ma lhung ba las bde bar 'gyur ba gang yin pa de gzhan gyi bud med bsten pa'o/ /gzhan gyi bud med ni shes rab kyi pha rol tu phyin ma ste 'khor ba'i pha rol tu son ma'o/ /gzhan ni rdo rje sems dpa' ste 'khor ba'i pha rol du son pa'o/ /de yi bud med ni gzhan gyi bud med te rnal 'byor pa rnams kyi chags bral min pa las zhes pa mi 'gyur ba'i bde ba las de bsten pa'o/ /phyi rol du yang dbang bskur ba la sogs pa'i dus su sbyin pa pos rang gi chung ma la sogs pa byin pa gang yin pa de bsten pa ni gzhan gyi bud med bsten pa ste chags bral min pa las zhes pa ni ji ltar dam tshig can rnams bdag nyid chags pa dang bral bas dam tshig dral bar mi 'gyur ba'o zhes pa'i don to/ /srog rtsol ba'i me yis zhes pa ni 'dir srog 'gog pas gtum mo 'bar ba gang yin pa de srog rtsol ba'i me zhes gsungs te srog rtsol ba'i me de yis ri bong can ni zhu ba dag kyang zhes pa byang chub kyi sems zhu ba'i khu pi thig le'i gzugs rdo rje'i khas steng du btung ba lhan cig skyes pa'i bde ba skyed pa gang yin pa de ni rnal 'byor pa rnams kyi chang btung bar gsungs so/ /phyi rol du yang dbang bskur ba la sogs pa'i dus su phyi'i lha rnams kyi gtor ma'i don du gsungs so/ /mthe bo'i tshigs nas gtsug tor dag tu zhes pa ni 'dir 'dod pa'i bstan bcos las thos te dkar po'i phyogs la rkang pa g.yon pa'i mthe bo nas tshes gcig la sogs pa 'phel ba dang zla ba'i cha 'phel bas nya'i mthar gtsug tor du rang sems zhes pa byang chub kyi sems 'gro ste tshes kyi dbang gis so/ /slar yang gtsug tor nas ni rkang pa g.yas pa'i sor mo rnams su slar yang 'di ni 'gro ste nag po'i phyogs kyi tshes kyi dbang gis ji srid nag po'i phyogs kyi mtha' ru zhes pa gnam stong gi mthar ro/ /de ltar nag po'i phyogs kyi mthar ni byang chub kyi sems rkang pa'i mthe bo la rig par bya'o/ /slar yang zla ba gzhan gyi dkar po'i phyogs la g.yon gyi mthe bo la sngar bzhin no/ / de la smras pa/ tshes dang po la ni sor mo'i tshigs dang por ro/ /gnyis pa la ni gnyis par ro/ /gsum pa la ni gsum par ro/ /bzhi pa la ni g.yon gyi long bu'i mtshams su'o/ /lnga pa la ni pus mo'i mtshams su'o/ / drug pa la ni brla dang dpyi'i 'tshams su'o/ /bdun pa la ni g.yon gyi lag pa'i sor mo'i tshigs dang po'i 'tshams su'o/ /brgyad pa la ni bar ma'i 'tshams su'o/ /dgu pa la ni gsum pa'i mtshams su'o/ /bcu pa la ni khrig ma'i 'tshams su'o/ /bcu gcig pa la ni gru mo'i 'tshams su'o/ /bcu gnyis pa la ni phrag pa dang dpung pa'i 'tshams su'o/ /bcu gsum pa la ni snying khar ro/ /bcu bzhi pa la ni mgrin par ro/ /nya la ni dpral bar ro/ /nya'i mthar ni khu ba gtsug tor du 'gyur ro/ /slar yang nag po'i tshes dang po la ni dpral bar ro/ /gnyis pa la ni mgrin par ro/ /gsum pa la ni snying khar ro/ /bzhi pa la ni g.yas pa'i phrag pa dang dpung pa'i 'tshams su'o/ /lhag ma ni g.yon pa bzhin lugs las bzlog pa ste rkang pa g.yas pa'i sor mo'i sen mo'i mtha' la gnam stong gi mtha' ji srid par byang chub kyi sems so/ /rnal 'byor pa rnams spyod pa gang de nyin zhag so so'i dus su 'dod pa'i dngos grub rab ster ba zhes pa ni 'dir g.yon dang g.yas kyi rtsa la rab tu 'bab pa'i dbang gis g.yon dang g.yas su bgrod pa'i byang chub kyi sems dus thams cad du dbu mar rab tu 'bab pas gsang ba la sogs pa'i pad ma drug po rnams su 'og tu 'gro ba las steng du 'gro ba zhes bya ba'i spyod pa de ni 'dod pa'i dngos grub ces pa phyag rgya chen po'i dngos grub ste de rab tu ster ba po'o/ /phyi rol du yang de bzhin gshegs pa lnga'i rigs can gyi bud med rnams 'dzin pa ni bud med kyi spyod pa ste bud med kyi spyod pa de rnams la srub pa ni tshangs par spyod pa'o/ /de bzhin du zhal ni rnal 'byor pas bya'o zhes dang / de bzhin du byang chub sems kyi 'thab mo ni rtsa'i kun du spyod pa zhes pa steng du khu ba 'gro bar bya'o zhes pa rtsa ba'i rgyud las nges pa ste rtsa ba'i spyod pa'i nges pa'o/ /'dir nyi shu rtsa lnga lhag pa'i brgya'i rjes la tshigs su bcad pa bzhi ni go sla'o/ /da ni zhi ba la sogs pa'i don du lha bsgom pa gsungs pa dkar po zhes pa la sogs pa ste 'dir bcom ldan 'das dus kyi 'khor lo dpa' bo gcig pa 'am shes rab dang thabs kyi bdag nyid dam lnga'i bdag nyid la sogs par gsungs pa ni zhal la sogs pa'i dbye ba rnams kyis zhi ba la sogs par 'gyur ro/ /gang gi tshe zhi ba byed pa de'i tshe rnal 'byor pas sku'i zhal gtso bor byas nas zla ba'i dkyil 'khor la kha dog dkar po dpral bar gnas pa bsgom par bya ste dkar po yis ni zhi dang rgyas pa byed do/ /gsung gi zhal gtso bo nyi ma'i dkyil 'khor la mgrin par gnas pa yid la bsgoms par gyur na dmar po yis ni dgug pa dang dbang du bya ba byed do/ /ye shes kyi zhal gtso bo dus me'i dkyil 'khor la lte bar gnas pa bsgoms pa ser pos rengs pa dang rmongs pa byed do/ /snying khar sgra gcan gyi dkyil 'khor la thugs kyi zhal gtso bo ste nag pos bsad pa dang bskrad pa dang dbye ba yang byed do/ /de bzhin du 'byung ba rnams kyi dkyil 'khor la gnas lha min lag 'gro'i rigs 'di bsgoms pa yis ni bsgrub par bya zhes pa la lha min dang lag 'gro rnams kyi rigs rnam pa brgyad de rigs de nyid bsgrub par bya'o/ /mkha' lding du 'chad par 'gyur ba ni 'dir rgyas par ma byas so/ /sgom dang bzlas pa de bzhin nyid du rang gi yid la byed ces pa ni zhal gcig phyag gnyis pa'i lha'i sku la sogs pa'i kha dog gi dbye bas bsgoms pa ni 'chad par 'gyur ba'i rim pas zhi ba la sogs pa byed do/ /de ltar 'byung ba rnams kyi dkyil 'khor la gnas zhes pa chu la sogs pa'i dkyil 'khor la gnas pa'i rdo rje bzhi srid pa gsum gyi gnas su bsgrub par bya ste las kyi dbye ba du ma rnams kyis zhes pa cho ga sna tshogs pa rnams kyis zhes pa'i don to/ /da ni gdul dka' 'dul bar byed pa'i slad du glang po che'i lpags pa rlon pa'i gos 'dzin par bsgom pa gsungs pa phyogs zhes pa la sogs pa ste 'dir dus rnam par dag pas lo'i phyogs nyi shu rtsa bzhi po rnams kyis phyag nyi shu rtsa bzhi pa ste/ rdo rje phreng thogs dpal dang ldan zhes pa grub bo/ /glang po che'i lpags pa rlon pa'i gos 'dzin pa 'di ni lhag pa'i zla ba dang bcas pa ste lo gang zhig zla ba bcu gsum gyi bdag nyid do/ /de'i phyogs nyi shu rtsa drug rnams kyis phyag rnam par dag pa'o/ /de'i phyir phyogs lhag pa las byung ba ni phyag gnyis so/ /phyag de dag bong ba dang ni gser dang mtshungs pa zhes pa nag po dang ser po g.yas dang cig shos dag gis ni phung po'i bdud nyid glang chen zhes pa phung po'i bdud ni glang po che ste de zad pa las cha tsam nyid ni lpags pa'o/ /de nyid rab tu 'byin pa ni phung po'i bdud nyid glang chen ma lus pa shus nas rkang pa zung zhig dag nas 'dzin cing rkang pa zung zhig 'phyang ba glang chen lpags pa'i gos zhes pa 'dzin pa ste g.yas su mgo bo dang g.yon gyi char mjug ma'o/ /lha min dbang po zhes pa ni lha'i bu'i bdud de de'i ma rig pa 'jug pa ni khrag go / de zad pa las cha tsam ni thod pa'i khrag ste khrag gi thod pa de gang gi rab mchog phyag gi 'thil na yod pa de ni lha min dbang po'i khrag gi thod pa phyag 'thil na zhes pa'o/ /'chi bdag bdud kyi gdong gi phyag ces pa ni 'chi bdag gi bdud zad pa las cha tsam gyi sgrib pa mgo bo gang gi phyag na yod pa de ni 'chi bdag bdud kyi gdong gi phyag go/ nyon mongs bdud ni zhabs kyis bsgyel zhes pa ni nyon mongs pa'i bdud zad pa las cha tsam gyi nyon mongs pa'i sgrib pa nges par ma bsregs pa gang yin pa de ni yi dags te gang gi zhabs kyi 'og tu bsgyel ba'o/ /des na nyon mongs bdud ni zhabs kyis bsgyel ba ste de ltar cha tsam gyi sgrib pa rnams kyis so/ /gnyis lhag rgyal ba'i phyag ces pa phyag nyi shu rtsa drug pa ste lhag ma'i phyag la ni mtshon cha dus kyi 'khor lo bzhin no/ /mgo bo dang thod pa'i phreng ba 'dzin pa stag gi lpags pa'i sham thabs can rus pa'i phyag rgya dang klu'i dbang pos brgyan pa ste gzhan gyi don du bsgom par bya zhes pa ni gdul dka' ba'i gdul bya'i don du'o zhes pa nges pa'o/ /da ni de'i shes rab kyi mtshan nyid gsungs pa de la zhes pa la sogs pa ste 'dir lus kyi dbye bas nyi ma ni shes rab ste zla ba ni thabs so/ /zla ba des nyi ma las bcu gnyis lhag pa'i gcig gi rgyu ba ji srid par rgyu ste zla ba so sor khyim bcu gsum rgyu zhing nyi mas khyim gcig rgyu'o/ /des na nyi ma'i rgyu ba'i dbang gis de la yum ni zhal gcig ma ste zla ba dag pas so/ /zung gi phyag gi pad ma ni gnyis te phyag gi pad ma g.yas dang g.yas min de dag la gri gug dang dpal ldan zhes pa mi'i thod pa'o/ /de phyir lus kyi rab tu dbye bas zhes pa zla ba'i khyim gyi phyogs kyi dbye ba nyi shu rtsa drug gis rgyal ba'i bdag po phyag nyi shu rtsa drug par 'gyur te sna tshogs yum ni de bzhin nyid du lus kyi dbye bas nyi ma'i khyim gcig ste phyogs kyi dbye bas sna tshogs yum phyag gnyis ma'o/ /gcer bu skra grol ma ste lhag ma ni bcom ldan 'das bzhin du rgyan gyis brgyan pa'o/ /shes rab thabs kyi lus dang bsam pa bde mnyam 'bras ster zhes pa de ltar gsungs pa rnams kyis mi 'gyur ba'i bde ba'i 'bras bu ster ba ste zla ba nyi ma'i rab tu rgyu ba dbugs 'jug pa dang 'byung ba 'gog pas bsgom par bya'o zhes pa ni nges pa'o/ /da ni sna tshogs gzugs bsgom pa gsungs pa gcig ces pa la sogs pa ste 'dir zhal gcig pa 'am sogs pa'i sgras zhal gnyis pa 'am zhal bzhi dang lnga dang mtha' yas pa'am phyag dang zhabs mang zhes pa phyag dang zhabs du ma can mtshon cha du ma 'dzin pa du ma'i kha dog dang du ma'i dbyibs te/ rgyal po sgyu 'phrul sna tshogs 'chang / /che ba sangs rgyas rig sngags 'dzin pa ste stong pa nyid dang mi 'gyur ba 'dzin pa'i bcom ldan 'das shes rab dang thabs kyi bdag nyid do/ /mun pa dag gi mthar zhes pa ni mtshan mo'i dus su mtshan mo'i rnal 'byor dang nyin mo'i dus su nyin mo'i rnal 'byor gyis shes rab kyi pha rol du phyin pa la rnal 'byor lta ba gang yin pa de ni mtshan mo nam mkha' la lta zhing nyin mo bla khabs med pa la blta ba'o/ /de ltar gzugs kyi mthar thugs par bsgoms te rtsa ni zla ba nyi ma 'gog pa las zhes pa g.yon dang g.yas kyi srog 'gog pa las bde mnyam ster te zhes pa mchog tu mi 'gyur ba'i bde ba ster ro/ /sa la sogs pa rnams ni zhes pa sa la sogs pa'i khams rnams so/ /'bigs byed dri med nor bu dang mtshungs zhes pa ni ji ltar dri med nor bu chen po reg pa tsam gyis rdo la sogs pa'i khams rin po cher byed de 'bigs par byed ces pa 'joms par byed pa ni ma yin no/ /de bzhin du stong pa gcig pu dri ma dang bral ba ni sa la sogs pa'i lus kyi khams rnams kun nas 'bigs par byed do/ /stong pa nyid kyi gzugs can de ni thog ma med cing mtha' med dbus kyang med la yul med yul zhes pa ni yul rnams med par yul du snang ba sgyu ma dang rmi lam dang pra phab pa lta bu bsgrubs pa ni dus kyi 'khor lo ste bde mnyam ster ba'o zhes pa nges pa'o/ /de ltar dpal ldan dang po'i sangs rgyas kyi sgrub thabs rdzogs pa'i rim pas gsungs pa ste 'di'i rgyas pa ni ye shes kyi le'u las brjod par bya'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las skyed pa'i rim pa dang rdzogs pa'i rim pa'i sgrub thabs kyi mdor bsdus chen po ste bzhi pa'o// // rje bo sna tshogs rdo rje 'dzin/ /khro bo'i rgyal po rnams kyi gtso/ /rdo rje shugs la phyag 'tshal nas/ /sgrub thabs sna tshogs bshad par bya/ khro bo'i dbang po zhes pa la sogs pas so/ /'dir khro bo'i dbang po rdo rje shugs ni sngar gsungs pa'i sgrub thabs kyi cho gas hU~M yig dang rdo rje las rdzogs pa ste gnyis lhag rgyal ba'i phyag ces pa phyag nyi shu rtsa drug pa glang po che'i lpags pa'i gos 'dzin pa rig byed zhal zhes pa zhal bzhi pa zhabs gnyis pa dmar ser spyan dang dbu skra dmar ser rgyal ba'i bdag po'i cod pan zhes pa mi bskyod pa'i cod pan can mche ba rnon po gtsigs pa sbrul gyi rgyan dang zhes pa sbrul gyis brgyan pa rab mchog stag gi lpags pa'i shams thabs can gtso bo'i bzhin du mtshon cha'i phyag ste dus kyi 'khor lo lta bu dang spyi bor mtha' dag rgyal ba'i rigs rnam par dag pa'i thod pa kha dog lnga rnam dag gis phreng ba nges par bcings pa'o/ /de ltar gyur pa dri med 'phro ba ste dang ba ni dkyil 'khor gyi khang pa sna tshogs mdog la dbus su sna tshogs chu skyes dang nyi ma'i dkyil 'khor gyi steng du dpa' bo gcig pa ste sgo bzhi rnams su rdo rje lcags kyu dang rdo rje dang zhags pa dang rdo rje dril bu rnams go rim ji lta ba bzhin bkod nas zhabs gnyis dag gis 'byung po'i mgon po ste yi dags kyi mgon po gzhan gyis mi thub pa lhag pa'i stobs kyis mnan zhing g.yas brkyang stabs kyis yang dag gnas pa 'byung po la sogs pa rnams skrag par byed pa'i glang po che'i lpags pa 'dzin pa lag pa'i sdigs 'dzub dag gis lha min gdengs can lha rnams skrag par byed pa ste dzaHhU~M ba~M hoHsngags kyi tshig 'di rnams kyis ye shes sems dpa' dang / gcig tu gyur pa rnal 'byor pas bsgoms na zla ba gcig nyid kho nas dur khrod sa la gnas pa zhes pa dur khrod kyi sar gnas pa'i 'byung po'i tshogs ni bsgrub par bya zhes pa 'byung po la sogs pa rnams kyi gtso bo gang yin pa de gzugs des zhabs kyi 'og tu bsgyel bar gyur pa na 'khor dang bcas pa 'grub par 'gyur te yi dags sam srin po la sogs pa'o/ /'byung po la sogs pa'i sgrub thabs kyi nges pa'o/ /da ni sprin gyi char dbab pa'i don du klu'i rgyal po'i sgrub thabs gsungs pa klu rnams zhes pa la sogs pa ste 'dir khro bo'i dbang po rdo rje shugs de nyid bsgoms par gyur pas nyin zhag nyung zad rnams kyis zhes pa zla ba'i nyin zhag rnams kyis sprin gyi tshogs ni bsgrub par bya ste de ltar zhes pa cho ga 'dis so/ /klu rnams chu skyes 'dab brgyad la ste zhes pa ni chu skyes kyi shar gyi 'dab ma la stobs kyi rgyu dang mer pad ma dang lhor nor rgyas kyi bu dang bden bral du dung skyong dang byang du mtha' yas dang dbang ldan du rigs ldan dang nub tu 'jog po dang rlung du pad ma chen po ste shar dang mer nag po dag dang lho dang bden bral du dmar po dag dang byang dang dbang ldan du dkar po dag dang nub dang rlung du ser po dag go/ klu'i rgyal po rgyal dang rnam rgyal ljang khu dang sngon po dag ni nyi ma'i steng du bsgyel byas nas zhes pa nyi ma'i dkyil 'khor la g.yon pa dang g.yas pa'i zhabs kyi 'og tu lte ba yan chad skyes bu'i rnam pa man chad sbrul gyi rnam pa mgo'i steng na gdengs ka bdun gyi khor yug can nor bu chen po 'phro ba dag gan rkyal du bsgyel cing klu'i rgyal po gzhan rnams bsgyel nas de rnams kyi mjug ma'i rtse mo ni so sor rgyal ba'i steng du shar dang byang gi rnams dang rnam par rgyal ba'i steng du lho dang nub kyi rnams kyi mjug ma'i rtse mo thams cad do/ /de ltar zhabs dag gis ni gdengs can bdag po zung dang pad ma'i 'dab mar gnas pa rnams kyi mjug ma'i rtse mo thams cad mnan nas zhes so/ /de ltar klu'i rgyal po brgyad ni gdengs ka lnga dang ldan pa sprin gyi rigs te sprin tshogs lto ba dag nas nges par kun du spro byed pa'o/ /de ltar dur khrod kyi sar khro bo'i dbang po bsgoms pas zla ba'i nyin zhag rnams kyis sprin gyi tshogs ni bsgrub par bya ste de nas ji ltar mngon par 'dod pa'i dus su char 'bebs par byed cing gshegs su gsol bas zlog par byed do/ /klu'i rgyal po'i sgrub thabs kyi nges pa'o/ /da ni las kyi dbye ba rnams kyis lha'i sgrub thabs gsungs pa zhes pa la sogs zhes pa la sogs pa ste 'dir dkyil 'khor du gsungs pa la sogs pa dang mi yi bdag po gzhan lha dang lha mo rnams kyi sgrub thabs so so ru dkyil 'khor 'dir ni dpa' bo gcig pa rnams kyis 'gyur te rang gi rgyal ba'i rigs kyi dbang gis ni rnam par snang mdzad la sogs pa'i rigs kyi dbang gis las kyi dbye ba mtha' dag rnams kyi sgrub thabs su 'gyur ro/ /rengs dang zhi ba dag dang dbang dang gzhan nor 'phrog dang gsad pa dang ni bskrad pa la sogs pa dag la yang sum bcu rtsa drug rnal 'byor ma rnams dang gzhan dur khrod kyi mthar thug pa rnams kyi 'chad par 'gyur ba'i sgrub thabs su 'gyur te slar yang bzlas pa dang sbyin sreg ni rang rang gi sngags kyi sa bon rnams kyis 'gyur ro/ /da ni zhi ba la sogs pa'i bsam gtan gsungs pa zhi ba la ni zhes pa la sogs pa ste 'dir zhi ba la bsam gtan zhi ba dang ri bong 'dzin pa ltar dkar ba'i lha zhi ba'i gzugs bsgom par bya'o/ /drag po gsad pa la sogs pa la bsam gtan drag po dang lha kha dog nag po'o/ /dbang la bsam gtan chags pa dang bcas pa dang lha kha dog dmar po chags pa'i gzugs so/ /rengs pa la bsam gtan rmongs pa dang lha kha dog ser po rengs pa'i gzugs so/ /zhi ba la ji lta ba de bzhin du rgyas pa dang rims nye bar zhi ba dang dug gzhil ba la 'gyur ro/ /gsad pa la ji lta ba de bzhin du bskrad pa dang dbye ba dang rims gzhug pa la yang ngo / /dbang la ji lta ba de bzhin du dgug pa dang bskyod pa dang rims bskyed pa la yang ngo / /rengs pa la ji lta ba de bzhin du rmongs pa dang phur bus gdab pa la yang ngo zhes pa nges pa'o/ /da ni tshogs kyi rigs rnams kyis zhi ba la sogs pa 'grub par gsungs pa zhi dang zhes pa la sogs pa ste 'dir zhi dang rgyas pa dag kyang sras bcas rgyal ba'i rigs dang zhes pa ni 'dir gzugs dang tshor ba dang 'du shes dang 'du byed te bzhi po 'di rnams ni rgyal ba'i rigs so/ /sras bcas zhes pa ni rnam par sel ba dang sa'i snying po dang 'jig rten dbang phyug dang nam mkha'i snying po ste 'di rnams ni byang chub sems dpa'i rigs so/ / de bzhin du spyan ma dang gos dkar mo dang mA ma kI dang sgrol ma rnams ni rgyal ba'i rigs so/ /dri rdo rje ma dang ro rdo rje ma dang gzugs rdo rje ma dang reg bya rdo rje ma rnams ni byang chub sems dpa'i rigs te rigs 'di rnams kha dog dkar po dpral bar zla ba'i dkyil 'khor la pad ma'i 'dug stangs kyis gnas pa thabs rnams pad ma dkar po dang mchog sbyin gyi phyag rgya dang shes rab rnams ud pal dkar po dang mi 'jigs pa'i phyag can du bsgoms pa so so re res zhi dang rgyas pa dag kyang 'grub par 'gyur te rgyal po zhes pa ni bod pa'o/ /kyang yig gis dug med pa nyid dang rims nye bar zhi ba yang ngo / /dbye ba dang bskrad pa dag dang kyang yig gis gsad pa dang dug gzhug pa dag kyang rang bzhin yon tan dbang gis zhes pa khro bo'i rang bzhin gyi dbang gis khro bo las skyes rnams kyis 'grub par 'gyur ro/ /khro bo las skyes ni hU~M yig dang rdo rje las skyes pa khro bo bcu po rnams dang phreM yig dang gri gug las skyes pa khro bo bcu'i btsun mo rnams te snying khar sgra gcan gyi dkyil 'khor la khro bo g.yas brkyang gi stabs phyag na rdo rje dang zhags pa can rnams kyis gsad pa 'grub par 'gyur ro/ /phyag na ral gri dang lcags sgrog sdigs 'dzub dang bcas pa rnams kyis dbye ba la sogs pa 'grub par 'gyur te kha dog nag po drag po rnams kyis so/ /lha mo g.yon brkyang ba phyag na gri gug dang thod pa can rnams dang phyag na ral gri dang zhags pa can rnams kyis so/ /dbang sogs 'byung skyes rnams kyis zhes pa ni 'dir tsar tsi kA la sogs pa'i lha mo brgyad po mgrin par nyi ma'i dkyil 'khor la sa ga'i stabs kha dog dmar po phyag na mda' gzhu can rnams kyis dbang du bya ba 'grub par 'gyur te phyag na zhags pa dang lcags kyu can rnams kyis dgug pa la sogs pa 'grub par 'gyur ro/ /rab gsal lha min rigs la phur bus gdab pa 'ang lha min mo rnams kyis zhes pa ni 'dir khyi gdong ma la sogs pa'i lha mo brgyad po lte bar dus me'i dkyil 'khor ser po la zlum po'i stabs phyag na 'khor lo dang ri bo can rnams kyis rengs pa 'grub par 'gyur ro/ /phyag na tho ba dang phur bu can rnams kyis phur bus gdab pa 'grub par 'gyur ro/ /phyag na rtse gsum dang sbrul rnams kyis rmongs pa 'grub par 'gyur ro/ /yum dag gis ni zhes pa rdo rje dbyings kyi dbang phyug ma 'am shes rab kyi pha rol du phyin mas gsung ba'i pad ma la las thams cad 'grub par 'gyur te/ chu la sogs pa'i dkyil 'khor gyi dbye bas dkar po la sogs pa'i kha dog dang sngar brjod pa'i mtshan ma dang 'dug stangs so so re res so/ /gsad pa dang gso ba yang 'grub par 'gyur te rdo rje'i 'dug stangs kyis thig le'i dbus su dga' ba dang bcas pa'i lha mos gso bar byed do/ /rnal 'byor gyi stobs kyis srog bkug ste thig le 'phos pas ni chags pa dang bral bas 'chi bar byed te slar yang bsgrub bya rab tu 'tsho ba med do/ /des na de ni sangs rgyas pa'i rnal 'byor pas bsgrub par mi bya ste gang du bsgrub bya'i srog bkug pa na khu ba phyir 'byung bar 'gyur ba'o zhes pa ste las thams cad la nges pa'o/ /da ni las thams cad kyi sgrub thabs rnams kyi dang po'i rgyu gsungs pa dang por zhes pa la sogs pa ste 'dir dang por rnal 'byor pas 'bad pa yis ni bla ma'i man ngag las bsgrub par bya ste dus kyi 'khor lo zhes pa ni srog gi rlung ste rtag tu dbu mar rab tu gzhug par bya'o/ /srid gsum skyed ma zhes pa ni stong pa nyid kyi gzugs te gzugs dang srog gnyis po de dag 'bad pa yis ni bsgrub par bya/ phyi nas sa gzhi'i gnas dag tu ni gang zhig gsungs pa zhi ba la sogs pa'i las rnams thams cad bsgrub par bya bar 'gyur ro/ /'dir dpe ni pha dang ma yis rnam par dman pa'i bu ni yod pa min par dus kun du ni 'jig rten grags/ de phyir bde mnyam 'bras ster gzugs dang srog gnyis po bsgrub par bya ste rnam pa gzhan du gzugs dang srog ma bsgrubs pas las ni 'grub pa yod pa min no zhes pa nges pa'o/ /da ni zhi ba la sogs pa bsgrub pa'i slad du dang po'i bsgom pa gsungs pa gtso bo'i zhes pa la sogs pa ste 'dir gang gi tshe rnal 'byor pas a ba d+hU tI la srog gnas pa gzugs rnam par gsal ba mthong ba de'i tshe gzugs de ji ltar rnam par brtags pa de ltar gzugs de mthong bar 'gyur ro/ /gtso bo zhes pa ni sngar gsungs pa'i dus kyi 'khor lo rdzogs par byas te de nas de'i thugs khar pad ma'i dbus kyi lte ba la ri bong can dang nyi ma me zhes pa zla ba dang nyi ma dang sgra gcan te gsum gyi bdag nyid sbyor ba'i gza'i dkyil 'khor dang nang du la la nA dang ra sa nA dang a ba d+hU tI gcig tu 'dres par gyur pa snying kha'i pad ma ste de'i steng du rdo rje ni huM yig yongs su gyur pa las byung ba 'jig dus sprin dang mtshungs pa zhes pa kha dog nag po rtse mo lnga pa 'od zer dang bcas zhes pa 'od zer lnga 'phro ba dgod par bya'o/ /de yi dbus su zhes pa ni rdo rje de'i dbus te lte bar dzaHyig yongs su gyur pa las rdo rje lcags kyu bsgom par bya'o/ /de nas dzaHyi lcags kyu de'i 'od zer rdo rje lcags kyu'i rnam pa rnams kyis srid pa gsum po zhes pa khams gsum po mtha' dag bkang byas nas/ rdo rje lcags kyu de rnams kyis srid pa gsum gyi rnam pa can dang ba khyab byed nyid kyis rnam gsum srid par gnas pa'i ye shes 'khor lo gang yin pa de thams cad bkug nas a ba d+hU tI'i sgo nas gtsug tor dang dpral ba dang mgrin pa dang snying kha dang lte ba dang gsang ba'i lam du rab tu gzhug par bya'o/ /rnam pa thams cad pa zla ba zhu ba dang mtshungs zhes pa byang chub kyi sems kyi mtshan nyid gang yin pa de rang gi rdo rje'i kha nas yum gyi pad mar spro bar bya zhes pa ni skyes bus rang gi rdo rje'i sgo nas bud med kyi pad mar byang chub kyi sems dga' ba dang ldan par spro bar byed pa ji lta ba de bzhin du lha'i rnal 'byor gyis lha mo'i pad mar spro bar bya'o/ /yum zhes pa ni 'chad par 'gyur ba rnams kyi skyed mdzad ma ste mngal nas skyes pa rnams kyi ji lta ba de bzhin nyid do/ /der ni nyi mar rab tu zhugs pa zhes pa 'dir bud med kyi skye gnas su khrag la rab tu zhugs pa'i byang chub kyi sems khrag dang lhan cig ro mnyam par 'gyur ba ji lta ba de bzhin du yum gyi pad mar nyi ma'i dbus su rab tu zhugs pa'i zla ba ni ro mnyam par 'gyur ro/ /a sogs dang ldan pa zla ba zhu ba dang ka sogs dang ldan pa nyi ma rdul te srog dang thur sel dang ldan pa'o/ /de yi dbus su ste srog dang thur sel gyi dbus su ye shes sa bon kun gzhi'i rnam par shes pa'i mtshan nyid du 'gyur te rigs kyi dbang gis so zhes pa ni phung po lnga'i bag chags kyi dbang gis sems can rnams kyi rnam par shes par 'gyur ba de bzhin du zhi ba la sogs pa'i las kyi ye shes kyi sa bon du 'gyur ro/ /sa bon de yis rdzogs pa'i gzhon nu ma 'am gzhon nu lo bcu gnyis kyi mtha' dang lo bcu drug gi mthar 'bras bu ster bar 'gyur ba ji lta ba de bzhin du lha mo 'am thabs kyi lha rnal 'byor pas bsgoms pa'o zhes pa ni nges pa'o/ /de'i phyir lo bcu gnyis rnams su lha mo bsgoms pas mchog ster bar 'gyur zhing lha ni lo bcu drug rnams kyis mchog ster bar 'gyur te de nas las thams cad dang dngos grub thams cad dang bde ba thams cad rnal 'byor pas 'grub par 'gyur ro/ /rnam pa gzhan du na nyon mongs pa 'ba' zhig ste rgyud gzhan thams cad las dus nges pa ni brtson 'grus dang ldan pa nyin dang mtshan mor bsgoms pa'i bdag nyid can rnams kyi yin gyi gzhan rnams kyi ni lo brgya'i mthar yang ma yin no zhes pa dngos grub nges pa'o/ /da ni mtshan ma bskyed pa'i slad du ye shes kyi sa bon rnams gsungs pa dzaHzhes pa la sogs pa ste 'dir dzaHhU~M ba~M hoHrim pas zhes pa ni dzaHyig las rdo rje lcags kyur 'gyur te de yongs su gyur pa las lha 'am lha mo phyag na rdo rje lcags kyu can du 'gyur ro/ /de bzhin du hU~M yig las rdo rje ste de las phyag na rdo rjer 'gyur ro/ /baM yig las zhags pa ste de las phyag na zhags par 'gyur ro/ /hoHyig las dril bu ste de las phyag na dril bur 'gyur ro/ /oM AH ho de bzhin du gsungs zhes pa la de bzhin du zhes pa ni sngar bzhin du rim pas te oM yig las zla ba zhes pa zla ba'i dkyil 'khor dang AHyig las nyi ma zhes pa nyi ma'i dkyil 'khor dang hU~M yig las rdo rje zhes pa sgra gcan gyi dkyil 'khor dang ho yig las de bzhin nyid du 'gyur med ces pa rus me'i dkyil 'khor ro/ /I r-I U l-I de bzhin nyid du zhes pa ste rim pa bzhin du A+e yig yongs su gyur pa las ral gri ste de yongs su gyur pa las lha 'am lha mo phyag na ral grir 'gyur ro/ /de bzhin du r-I yig las nor bu 'am mda' ste de las me'i lha phyag na nor bu 'am phyag na mda'o/ /U yig las pad ma ste de las chu'i lha phyag na pad ma dang phyag na ud pal la'o/ /l-I yig las 'khor lo ste de las sa'i lha phyag na 'khor lo'o/ /de bzhin du ya ra wa la rnams kyang rim pa bzhin du rlung dang me dang chu dang sa'i lha rnams so/ /de bzhin du haHzhes pa ni nyi ma'i dkyil 'khor ro/ /huM zhes pa ni nyi ma'i steng du gtso bo'i rdo rje'o/ /haM zhes pa ni zla ba'i dkyil 'khor ro/ /phreM zhes pa ni zla ba'i dkyil 'khor gyi steng du gtso mo'i gri gug go/ mtshan ma'i nges pa ste de bzhin gsungs zhes so/ /da ni lha bsgrubs pa'i rjes la zhi ba la sogs pa'i las bya ba'i slad du lha'i ting nge 'dzin gsungs pa zla ba zhes pa la sogs pa ste 'dir sngar brjod pa'i yum gyi gsang ba'i pad mar zla ba nyi ma'i dbus su a sogs ka sogs dang bcas par chu yi sa bon bdag nyid chu skyes te zhes pa ni waM yig yongs su gyur pa las pad ma dkar po'o/ /de las rdzogs pa'i lha mo zla ba'i mdog can zhal gcig phyag gnyis ma glang chen dkar po la zhon zhes pas srungs la zhon pa phyag na chu skyes dkar dang zhes pa ni lha phyag na pad ma dkar po dang lha mo phyag na ud pa la dkar po ste mi 'jigs pa ni g.yas pa mi 'jigs pa'i phyag go/ gos ni dkar po dang dkar po'i rgyan dang ldan pa ste mu tig gi 'bras bus brgyan pa rab tu bzhad pa'i zhal ni bsgom par bya ste de yang bsgrub bya'i khyim du bskul bar bya'o/ /de nas zhes pa la sogs pa'i tshigs su bcad pa gzhan gnyis kyis gsungs pa ni go sla ste de ltar bsgrub bya yi ni mchog gi bde ba byed pa thams cad rnal 'byor pa yis bsgom par bya zhes pa'i mthar thug par ro/ /de bzhin du zla ba nyi ma'i dbus su hrIHste zhes pa la sogs pa nas de bzhin zhags pa lcags kyu dag gis khams gsum po nas dgug pa'i las ni rnam pa mang por 'gyur zhes pa'i mthar thug pa dbang dang dgug pa'i tshigs su bcad pa gsum ni go sla'o/ /de bzhin du dbye ba dang bskrad pa la nyi ma zla ba'i dbus su sprin nag dang mtshungs hU~M yig ring po las skyes ral gri bsgoms byas nas zhes pa la sogs pa tshigs su bcad pa gnyis ni go sla'o/ /nyi zla'i dbus su laHzhes bya ba yongs gyur 'khor lo bzang po kha dog ser po bsgoms byas nas zhes pa la sogs pa rengs pa dang phur bus gdab pa dang rmongs pa'i tshigs su bcad pa gnyis ni go sla'o/ /slar yang gsad pa la nyi ma zla ba'i dbus su dri med glog dang mtshungs pa'i gri gug phreM gi rang bzhin bsgoms byas nas zhes pa la sogs pa tshigs su bcad pa gnyis ni go sla'o/ /de ltar dbang la sogs pa'i tshigs su bcad pa dgu ni go sla ste des na ma bris so/ /da ni zhi ba la bsam gtan gzhan gsungs pa zhi dang zhes pa la sogs pa ste dang por re shig dus kyi 'khor lo dpa' bo gcig pa'i bdag nyid bsgom par bya ste zhi ba la sogs pa dang dbang la sogs pa'i las la phyag nyi shu rtsa bzhi pa dang bsad pa la sogs pa dang rengs pa la sogs pa'i las la phyag nyi shu rtsa drug pa'o/ /de nas ska cig gi rnam pas zhi dang rgyas pa la zhes pa ni 'dir dus kyi 'khor lo'i thugs khar chu'i dkyil 'khor la chu'i sa bon gyis bskyed pa'i lha chu'i bdag nyid can dkar po ste rigs kyi dbang gis zhes pa u yig gi rigs kyi dbang gis chu'i sa bon las ni zhi dang rgyas pa la yang de'i bsam gtan ni bsam gtan dkar por 'gyur ro/ /de bzhin du dbang dang dgug pa la yang dmar po lus ni sreg par byed pa me yi sa bon bdag nyid de mgrin par me'i dkyil 'khor la r-i yig gi rigs kyi dbang gis so/ /dbye ba dang ni bskrad pa la yang nag po rlung gi sa bon gyi rang bzhin te dpral bar rlung gi dkyil 'khor la srog gi i yig gi rigs kyi dbang gis so/ /rengs pa dang phur bus gdab pa la sogs pa la ser po sa yi sa bon gyi bdag nyid te lte bar sa'i dkyil 'khor la l-i yig gi rigs kyi dbang gis so/ /bsad pa la stong pa'i sa bon las sngon po'i mdog ste gsang bar ye shes kyi dkyil 'khor la aM yig gi rigs kyi dbang gis so/ /gso ba la ljang khu ste gtsug tor du stong pa'i dkyil 'khor la a yig gi rigs kyi dbang gis so/ / de ltar gnas drug po rnams su rigs drug gi dbang gis srog yang dag par sdom pa las 'grub par bcom ldan 'das kyis gsungs so/ /da ni sa la sogs pa'i zad par bsgom pa gsungs pa sa zhes pa la sogs pa ste 'dir gang gi tshe rnal 'byor pa rnams kyis lha grub par gyur pa de'i tshe lte ba'i sa'i dkyil 'khor las sa yi zad par rgya mtsho'i steng du zam stegs brtsigs pa bzhin du spros nas bsgom par bya ste chu yi gter du 'gro ba la zhes pa zad par sa yi bsam gtan gyis thang la ji lta ba de bzhin du chu la rgya mtsho'i steng du rnal 'byor pa 'gro'o/ /de bzhin du rlung gi zad par char pa ni nyams pa'i don to zhes pa ni dpral ba'i rlung gi dkyil 'khor las sprin gyi steng du rlung gi zad par spros nas bsgom par bya ste des sprin dang char rnam par nyams par byed do/ /gzhan yang khams lnga'i bdag nyid kyi khang pa brtsegs pa bdag nyid kyi steng du bsgom par bya ste bsam gtan des ni char 'bab kyang rnal 'byor pa la chus mi reg cing khang pa brtsegs pa'i mtshams kyi mthar thug par sprin gyi char rab tu 'jug par mi 'gyur ro zhes rtsa ba'i rgyud las rab tu gsungs so/ /de ltar rlung gi zad par char pa ni nyams pa'i don to zhes so/ /me yi zad par zhes pa ni 'dir mgrin pa'i me'i dkyil 'khor las me'i sa bon yongs su gyur pa'i 'bar ba rnams sa'i steng du spros nas bsgom par bya ste 'bar ba de rnams kyis sa yi dkyil 'khor gser zhu ba bzhin du zhu bar byed do/ /de ltar sa zhu bar byed pa'i don du me'i zad par bsgom par bya'o/ /de bzhin du me dag kyang nyams pa'i don du chu yi zad par zhes pa ni 'dir lha'i thugs kha'i chu'i dkyil 'khor las chu'i sa bon gyis bskyed pa'i chu'i zad par me'i steng du spros nas bsgom par bya ste des me bsil bar 'gyur zhing sreg par byed pa'i nus pa med do/ /stong pa'i zad par mkha' la 'gro dang zhes pa ni gtsug tor gyi nam mkha'i dkyil 'khor la nam mkha'i zad par rdzas dang bral ba bsgom par bya ste des nam mkha' la 'gro bar 'gyur ro/ /de bzhin du chom rkun la sogs pa'i nye bar 'tshe ba la bsam gtan de nyid kyis mi snang bar 'gyur ro zhes pa ni nges pa'o/ /da ni dud 'gro'i nye bar 'tshe ba zhi ba'i slad du bsam gtan gsungs pa glang po'i zhes pa la sogs pa ste 'dir gang gi tshe glang po'i bdag pos 'jigs par gyur pa de'i tshe mgrin pa'i me yi sa bon zhes pa ra yig las byung ba'i kha lnga pa bsgom par bya ste glang po'i bdag po'i gzhom pa'i yul la de ni kha lnga pa'i bsam gtan du 'gyur ro/ /de bzhin du klu'i dbang po gzhom pa la ni nam mkha' lding snying kha'i chu'i dkyil 'khor las chu'i sa bon gyi bdag nyid can te de ni dkar por 'gyur ro/ /bse'i 'jigs pa dang seng ge'i 'jigs pa la rkang brgyad ces pa rkang pa brgyad pa nag po ste dpral ba'i rlung gi dkyil 'khor las rlung gi sa bon gyi bdag nyid can no/ / rta'i dgra la zhes pa ma he'i 'jigs pa la bse zhes grags pa sa yi rigs kyi dbang gis zhes pa ser po ste lte ba'i sa'i dkyil 'khor la la yig gi sa bon las so/ /lha min gzhom la khro bo skyes gtsug tor gyi stong pa'i dkyil 'khor ljang khu 'am gsang ba'i ye shes kyi dkyil 'khor sngon po las hU~M yig gi sa bon gyi bdag nyid dam k+Sha~M yig gi sa bon gyi bdag nyid khro bo las skyes pa ni lha min la sogs pa rnams gzhom pa'i yul la rnal 'byor pa rnams kyi bde ba byed par 'gyur ro zhes pa ste dud 'gro gzhom pa'i slad du bsam gtan gyi nges pa'o/ /da ni las bsgrub pa'i slad du dang po'i nges pa gsungs pa khyab bdag ces pa la sogs pa ste 'dir rnal 'byor pas las 'grub pa'i slad du dang por bsgrub par bya ste sngags gzhan 'grub pa'i slad du 'chad par 'gyur ba'i bzlas pa dang sbyin sreg gi cho gas dpal ldan sngags zhes pa ste oM AH zhes pa bsgrub par bya'o/ / de bzhin du bsam gtan gzhan 'grub pa'i slad du sangs rgyas gzugs zhes pa stong pa nyid kyi gzugs mngon sum du bya ste de ltar khyab bdag gi ni dpal ldan sngags dang sangs rgyas gzugs kyang rnal 'byor pa yis dang por bsgrub par bya'o/ /phyi nas nyi ma'i dbye ba rnams kyis zhes pa dbye ba bcu gnyis kyis gnas pa yon tan dpag tu med pa'i las rnams 'grub par 'gyur ro/ /sngags dang gzugs brnyan ma grub par ni srid gsum gnas su ci yang 'grub par 'gyur ba nyid ma yin/ de phyir rgyal po rang sems dri ma rnam par bral ba dag las dang por khyab bdag gi sngags dang gzugs ni bsgrub par bya'o zhes pa nges pa'o/ /de ni ral gri la sogs pa'i dngos grub kyi don du lha min dbang po'i sgrub pa gsungs pa dpa' bo zhes pa la sogs pa ste 'dir g.yul gyi sar dpa' bo zhes pa rgyal po'i bu 'am 'thab mo pa gzhan lcags mda' gcig bsnun pas lhung bar gyur pa 'am de bzhin du chom rkun nam dpa' bo shing la dpyangs pa ni nag po'i phyogs kyi brgyad dam 'byung po'i mtshan mo zhes pa bcu bzhi la ste mi yi bdag po zhes pa ni bod pa'o/ /ro sreg sar ni zhes pa dur khrod du dbang gi las la gsungs pa'i bum pa brgyad dang rgyal ba dang rnam par rgyal ba'i bum pa dag gis kyang ro de bkru bar bya'o/ /de nas dri dang spos dang mar me dang ni rnam mang kha zas me tog dmar po rnams kyis rab mchod nas/ gos dmar po bskon par bya ste mgo dang snying kha dang ni spyi bo lte ba la sogs su yang rdo rje dgod pa rab byas te zhes pa ni dpral bar oM/ snying khar hu~M/ gtsug tor du ha~M/ lte bar hoH mgrin par AH gsang bar k+ShaH'o/ /de bzhin du sngar gsungs pa'i snying kha dang mgo bo dang gtsug tor dang go cha dang mig dang mtshon cha ste yan lag drug dgod pa byas nas ro dang bdag nyid kyi lus kyang lha'i rnal 'byor gyis bsrung bar bya'o/ /de nas sngar gsungs pa'i thab khung zur gsum du rdul tshon dmar pos snying po'i pad ma dmar po gang yin pa de ni mtshan mar bcas pa zhes pa ste lte ba la mda'i mtshan ma'o/ /yang na las thams cad la rdo rje zhes gsungs pa'i phyir rdo rje dmar po'o/ /'dab mar rgyal rnams mtshan ma zhes pa ni shar gyi 'dab mar ral gri dang lhor rin po che dang byang du pad ma dang nub tu 'khor lo ste phyogs su'o/ /phyogs bral du ni de bzhin lha mo rnams kyi rang mtshan ma zhes pa ni sngar gsungs pa'i ma mo'i skyon la ji lta ba bzhin du mer gri gug dang bden bral gyi 'dab mar rdo rje lcags kyu dang rlung du rdo rje zhags pa dang dbang ldan du rtse gsum mo/ /phyi rol re khA gsum la phyogs bcu'i dkyil 'khor du ni de bzhin khro bo'i mtshan ma rnams zhes pa ni de bzhin gshegs pa rnams kyi ji lta ba de bzhin du phyogs rnams su'o/ /lha mo rnams kyi ji lta ba de bzhin du phyogs bral rnams su'o/ /steng du gtsug tor gyi rdo rje dang 'og tu gnod mdzes rgyal po'i dgra sta ster ba gsum po rnams bsrung ba'i slad du'o/ /de bzhin du rdul tshon gyi dkyil 'khor la sngar gsungs pa'i cho gas mtshan ma rnams bkod cing dur khrod kyi sa gzhi la dkyil 'khor gyi bum pa la sogs pa yang dag par bzhag ste rab tu gnas pa byas la dri la sogs pa rnams kyis 'dod pa'i lha rnams la mchod pa byas nas zhing skyong la sogs pa rnams la gtor ma sbyin zhing de nas ro ni de yi g.yas min du ste zhes pa thab khung gi byang rdul tshon gyi dkyil 'khor gyi sgo'i lhor te de ltar dkyil 'khor dang thab khung dag gi dbus su ro'o/ /g.yas su rkang pa'o zhes pa ni lhor rkang pa dang byang du mgo bo'o/ /lag pad ral gri zhes pa ni lag na ral gri can gan rkyal te ri mo gsum gyis yongs su bskor ba'o/ /de ltar sngar brjod ma mo'i skyon las dkyil 'khor du rgyal ba'i bdag po'i rdo rje sngar gsungs pa rnams kyis bdag nyid bsrung ba rab byas nas sngags pas thabs kyi g.yas su khrag dang bcas pa'i sha rnams dag gis sbyin sreg nyid ni rab byed pa zhes pa ni 'dir thab khung du rgyal rigs kyi khyim nas blangs pa'i me seng ldeng gi shing gis rab tu sbar te de nas sngar gsungs pa'i cho gas me lha spyan drang ba la sogs pa byas nas lha'i rnal 'byor gyis sha chen po khrag dang bcas pa bcu yis bsgyur ba'i brgyar ni zhes pa stong phrag gcig 'di'i sngags kyis sbyin bsreg bya'o/ /de yi sngags zhes pa oM hrIM phreM hU~M phaT ces pa 'di ni de'i sngags so/ /'dis de la dgod pa yang bya ste dpral bar oM/ mgrin par hrIM/ snying khar phreM/ lte bar hU~M/ gsang bar phaT ces pa dgod do/ /rdo rje dkyil dkrung bcas nas 'chi med ri bo bzhin du g.yo ba med pa nyid kyis mtshan mo phyed na thun gcig ji srid par sbyin sreg bya'o/ /des sbyin sreg stong phrag rdzogs par gyur pa na ro 'dzin ral gri lta bur 'khyug cing 'bar la mche ba rnon po mig gsum pa/ gang zhig rnam par 'gems pa'i sgra sgrogs sa la rkang pa rdebs shing sgrub pa po ni 'jigs byed pa/ ro yi lus la lha min dbang po zhugs pa ste de ltar gyur pa thab kyi mtha' ru gnas nas ka ha ka ha rgod par byed cing 'jigs pa'i lus kyis gar byeng te/ de mthong nas ni 'jigs pa'i sngags pa sems nyams skad cig gis ni gshin rje'i grong khyer 'gro bar 'gyur/ 'di yi rjes la ro bsreg gnas su sngags pas zhes pa la sogs pa nas brtsams te lha min dbang po bsgrub par bya zhes pa'i mthar thug pa tshigs su bcad pa gsum ni go sla'o/ /de ltar lha min dbang po bsgrub pa'i nges pa'o/ /da ni sngags kyi mtshan nyid gsungs pa ming gi dang po zhes pa la sogs pa ste khams gsum po 'dir brtan pa dang g.yo ba'i chos rnams kyi gang gi ming gang yin pa de'i ming gi dang po'i yi ge ni ming gi dang po'o/ /de nyid thugs kyi rdo rjer 'gyur te mi yi bdag po lha dang lha mo rnams kyi'o/ gsung gi rdo rje ming thams cad de 'dir dper na dA rA pAN Da rA mA ma kI lo tsa nA zhes pa ming de nyid gsung gi rdo rje'o/ /de bzhin du dngos po thams cad kyi ming yang ngo / /de ltar thams cad kyi ming gi yi ge de las lhag pa dag kyang sku yi rdo rje ste zhes pa ni 'dir dper na oM tA re tuta tA re tu re swA hA/ oM pAN Da ra bA si ni ba ra de swA hA/ oM mA ma kI ki ri ki ri swA hA/ oM lo tsa ne ba su de swA hA/ zhes pa la sogs pa ming gi yi ge las lhag pa'i yi ge thugs dang gsung gi yi ge dang bcas pa rnams ni sku rdo rje'o/ /sku rdo rje de las gzhan pa phreng ba'i sngags gang yin pa de ni yan lag so so'i sngags zhes gsungs te ji ltar lag pa dang rkang pa la sogs pa lus kyi cha shas yin pa de bzhin du ming gi cha shas ni sngags kyi ming gi'o/ /de yang rnam pa mang por 'gyur zhing bklags pas grub pa brgya lam na ste 'dir ji ltar dbang gi le'u las yan lag so so'i sngags oM aHhU~M hoHhaM k+ShaH h+k+Sh+m+l+W+R+Ya~M kA la tsakra dur dAn ta da ma ka dzA ti dza rA ma ra NA na ta ka /trai lo kya bi dza ya/ ma hA bI re shwa ra/ badzra b+hai ra ba/ badzra kA ya/ badzra gA tra/ badzra ne tra zhes pa la sogs pa yan lag so so'i sngags te brgya lam na sngon gyi skye ba la bsgrubs na bklags pas 'grub so/ /skye ba 'di la bsgrubs na yang 'grub par 'gyur te de nas las byed do/ /'dir thugs la sogs pa rnams kyi sngags bsgom par bya ba ni ming gi yi ge dang po'o/ / mchod par bya ba ni ming gi sngags so/ /bzlas par bya ba ni ming las lhag pa'o/ /rang gi rgyal ba'i rigs kyi dbang gis zhes pa bgrang phreng la sogs pa'i dbye ba rnams kyis so/ /thugs kyi dbye bas bsgom par bya ba'o/ / gsung gi dbye bas mchod par bya ba'o/ /sku yi dbye bas bzlas par bya ba'o zhes pa nges pa'o/ /'dir oM yig ma gtogs pa'i ming gi yi ge dang po lha'i rnam par bsgom par bya'o/ /oM yig dang po'i ming gis thams cad la mchod par bya ste sku rdo rjes so/ /de bzhin du yan lag so so la dang por sku rdo rje dang mthar thugs rdo rje hU~M phaT ces pa byin nas bzlas par bya'o/ /de bzhin du sems can thams cad kyi lus dang ngag dang yid kyi dbye ba'o/ / da ni thun mong gi sngags sgrub pa la bzlas pa'i grangs gsungs pa so sor zhes pa la sogs pa ste 'dir so sor sku rdo rje'i sngags kyi rigs ni bye ba bzlas par 'gyur te rab tu grags pa'o/ /sbyin sreg ni bye ba bzlas pa de las bcu yi cha shas zhes pa gsung rdo rje'i sbyin sreg 'bum phrag bcur 'gyur ro/ /rang bzhin yon tan dbang gis zhes pa ni zhi ba la sogs pa'i yon tan gyi dbang gis dbang gi le'u las gsungs pa'i rdzas rnams dang thab dang 'dug stangs la sogs pa'i cho gas grub par 'gyur ba ji srid nyid du'o/ /phyi nas zhi ba la sogs rnams la 'bras bu ster bar rab 'gyur rnam pa gzhan du 'grub mi 'gyur/ /de ltar gsungs pa'i bsam gtan dang bcas bzlas dang sbyin sreg brtul zhugs nges ldan rnams kyis sngags kyi skye gnas bsgrub par bya/ 'dir lha gang dag gi dam tshig gang dang gang yin pa'i lha de ni dam tshig dang brtul zhugs dang nges pa des bsgrub par bya bar 'gyur te rnam pa gzhan du na 'grub par mi 'gyur ro/ /de bzhin du bsgrub bya'i ming gi yi ge gal te sgrub pa po'i ming gi yi ge dang po'i dgrar gyur na de'i tshe sgrub pa po 'chi bar 'gyur zhing ci ste tha mal par gyur na de'i tshe nyon mongs par 'gyur la ci ste/ grogs por gyur na de'i tshe lha 'grub par 'gyur ro/ /dbyangs dgra yis 'chi ba ste gsal byed dgra yis na ba'o/ /gzhan pa rlung gi yi ge thams cad chu'i yi ge rnams kyi dgra ste dbyangs rnams kyi dbyangs rnams dang gsal byed rnams kyi gsal byed rnams so/ /de bzhin du chu'i yi ge rnams me'i yi ge rnams kyi'o/ /me'i yi ge rnams sa'i yi ge rnams kyi'o/ /sa'i yi ge rnams rlung gi yi ge rnams kyi'o/ /nam mkha'i yi ge rnams thams cad kyi grogs po ste thams cad kyi yi ge rnams nam mkha'i grogs po'o/ /de bzhin du sa'i grogs po chu dang me'i grogs po rlung dang rlung gi me dang chu'i sa ste de ltar na grogs po'i sde tshan no/ /rlung gi tha mal pa ni chu dang me'i tha mal pa ni sa dang chu'i tha mal pa ni me dang sa'i tha mal pa ni rlung ngo / /de ltar thams cad shes par bya ste de nas sngags kyi lha bsgrub par bya'o zhes pa ni rtsa ba'i rgyud las nges pa'o/ /de skad du rtsa ba'i rgyud las bcom ldan 'das kyis gsungs pa/ a ku ha rka mgrin byung gang / /dbyangs dang gsal byed mtshan nyid rnams/ /stong pa rlung sogs khams rnams kyi/ /grogs po nyid kyis rtag tu gnas/ /i tsu ya sha rkan las byung / /dbyangs dang gsal byed mtshan nyid rnams/ /rlung gi khams las yang dag byung / /chu las skyes pa rnams kyi dgra/ /r-i Tu ra Sha spyi bo skyes/ /dbyangs dang gsal byed mtshan nyid rnams/ /me yi khams las yang dag byung / /sa las skyes pa rnams kyi dgra/ /u pu wa u0f89u0fa4 mchu skyes gang / /dbyangs dang gsal byed mtshan nyid rnams/ /chu yi khams las yang dag byung / /me las skyes pa rnams kyi dgra/ /li tu la sa so s kyes gang / /dbyangs dang gsal byed mtshan nyid rnams/ /sa yi khams las yang dag byung / /rlung las skyes pa rnams kyi dgra/ /rtag tu rlung gi grogs po me/ /tha mal pa chu nus med phyir/ /me yi grogs po rlung yin te/ / tha mal pa sa nus med phyir/ /chu yi grogs po sa yin te/ /tha mal pa me nus med phyir/ /sa yi grogs po chu yin te/ /tha mal pa ni rlung nyid do/ /oM gyi yi ge spangs nas kyang / /sngags kyi dang po'i yi ge'i rigs/ /de nyid sngags rnams dag gi thugs/ /gzugs ni rdzogs pa'i rgyu yin no/ /gang tshe sngags kyi dang po yi/ /yi ge gsal byed gzhan brtsegs na/ /de tshe thog mar brjod pa'i slad/ /de dag las ni dang po gzung dbyangs dang gsal byed dbye ba yis/ /de nyid rnam pa gnyis su 'gyur/ /srog gi dgra dang grogs po dang / /lus kyi yang ni brjod par bya/ /srog gi dgra dang grogs po 'am/ /tha mal pa ni dbyangs su brjod/ /lus kyi dgra grogs tha mal pa/ /gsal byed rnams kyi bdag nyid do/ /dbyangs kyi dgra yis sgrub pa po'i/ /srog 'phrog par ni the tshom med/ /gsal byed mtshan nyid dgra yis ni/ /lus la nad la sogs pa byed/ /sde pa gcig la 'ang ka la sogs/ /gsal byed chos can lnga rnams gang / /de rnams sa la sogs pa'i rigs/ /sngags sgrub pa la shes par bya/ /nga nya Na ma nan 'di rnams/ /rlung sogs las skyes rnams kyi grogs/ / g+ha dz+ha d+ha b+ha d+ha d+ha 'di rnams/ /chu las skyes pa rnams kyi dgra/ /ga dza Da ba dad 'di rnams/ /sa las skyes pa rnams kyi dgra/ /kha tsha Tha pha tha tha 'di rnams/ /me las skyes pa rnams kyi dgra/ /ka tsa Ta pa ta ta 'di rnams/ /rlung las skyes pa rnams kyi dgra/ /sngags kyi dang por gnas yi ge/ rang gi sde pa 'am gzhan la yang / /sgrub pa po yi yi ge gnyis/ /skye ba las skyes ming skyes 'gyur/ /zhes pa la sogs pa rtsa ba'i rgyud las bcom ldan 'das kyi nges pa'o/ /slar yang de nyid las dang po'i yi ge'i las rnam pa drug gsungs pa 'di lta ste/ sngags kyi dang por gsal byed dam/ /dbyangs rnams bsgrub par bya ba'i slad/ /bsnyen dang bzlas pa byed rnams la/ /'di yi las ni rnam drug gsungs/ /dang por bsnun par bya ba ste/ /de nas dbab dang bsreg pa dang / /de nas sngags pas bslang ba dang / /de nas rgyas dang mnyes pa'o/ /rnam par bcad bcas stong pa yis/ /sngags kyi sngon 'gro mnan pa ni/ /mtshon cha'i rgyal pos bsnun pa ste/ /brgyal ba'i gnas skabs thob par 'gyur/ /thugs kyi bzlas pa 'bum gyis ni/ /brgyal bar gyur pa'i sngags kyi lha/ / nga rgyal yongs su spangs pa ni/ /sgrub pa po yi dbang du 'gyur/ /de bzhin rlung gis mnan na de/ /rnal 'byor pa la phebs par 'gyur/ /me yis mnan na bsregs par 'gyur/ /de bzhin chu yis bslang bar 'gyur/ /sa ni spyi bor gnas pa dag /bzlas na lha ni rgyas par 'gyur/ /spyi bor thig le'i chas mnan na/ /mnyes pas mchog ni ster bar 'gyur/ /de ltar drug 'bum bzlas pa ni/ /dang po'i sangs rgyas rgyud chen las/ /'dod pa grub slad bde gshegs kyis/ /sngon du bsnyen pa rnams su gsungs/ /phaT yig de bzhin hU~M bau ShaT/ /na maHswA hA ba Shan rnams/ /las drug la ni grangs bzhin du/ /sngags mthar brtul zhugs can gyis bya/ /dang por rnam snang mdzad byin nas/ /slar yang bzlas pa yang dag brtsam/ /de nas bye ba bzlas byas nas/ /sbyin sreg bcu yi cha shas kun/ /rgyud las gsungs pa'i cho gas bya/ /de nas lha ni 'grub 'gyur te/ /sngags pa rnams la grub pa des/ /mchog dang gang zhig don gnyer ster/ /rigs gzhan dang ni bya ba gzhan/ /dus dang de bzhin sngags kyi rigs/ /gnas dang phyogs dang gdan gzhan gyi/ /las rnams kun la 'bras bu med/ /glegs baM dag las bklags pa'i sngags/ /man ngag rnam par spangs rnams kyis/ /sgrub pa rab tu byed pa'i mi/ /gang de sa la nyon mongs 'gyur/ / gal te glegs baM las rnyed na/ /man ngag ces bya de ni ci/ /ji ltar bris pa bklags pa ni/ /drang ba'i don gyis rab ston to/ /sngags kyi dam pa'i dngos spangs rnams/ /glegs baM bklags pa'i sngags rnams kyis lha la sogs rnams sgrub pa po/ /nam mkha' dag ni za bar 'dod/ /rang sems brtan pa'i brtson 'grus kyis/ /sngags kyi bzlas pas sgrub pa po/ /gzhan don gnyer ba rnams kyi ni/ /'dod pa'i 'jig rten dngos grub 'gyur/ /sngags bzlas de bzhin sbyin sreg dang / /mchod rten mchod pa'i chog rim gyis/ /tshig 'di ji ltar gyur pa bzhin/ /brtse bas dman na 'grub mi 'gyur/ /de phyir 'bad pa thams cad kyis/ /ston pa byang chub sems dpa' dang / /lha rnams sgrub pa'i slad du ni/ /de nyid mkhas pas gzung bar bya/ /zhes pa ste de ltar sngon du bsnyen pa byas nas thugs kyi yi ge bsgrub par bya'o/ /'dir sngags la bsnun pa la sogs pa ni 'di lta ste/ dang por sgrol ma'i sngags bstan par bya ste rnam pa des gzhan la yang shes par bya'o/ /oM h+tAHphaT ces pa'i sngags kyis bsnun pa ste 'bum bzlas so/ /oM y+tAHhU~M zhes pa ni dbab pa'o/ /oM rtA bau ShaT ces pa ni bsreg pa'o/ /oM w+tAHnamaHzhes pa ni bslang ba'o/ /oM ltAHswA hA zhes pa ni rgyas pa'o/ /oM tAM wa ShaT ces pa ni mnyes pa'o/ /bzlas pa drug 'bum dang sbyin sreg drug khri byas te de nas oM tA re swA hA zhes pa gsung rdo rje'i bzlas pa 'bum phrag bcu dang sbyin sreg bcu cha'o/ /de nas oM tA re tuta tA re tu re swA hA zhes pa sku rdo rje'i bzlas pa bye ba'i mthar thug pa dang 'bum phrag bcu yi sbyin bsreg bya ste de ltar na rnal 'byor pa rnams la sngags kyi lha mchog ster bar 'gyur gyi rnam pa gzhan du ni ma yin no/ /thugs dang gsung dang sku'i dbye ba rnams kyis bsgom par bya ba dang mchod par bya ba dang bzlas par bya ba'i sngags so sor 'bum phrag drug dang 'bum phrag bcu dang 'bum phrag brgya'o zhes pa ni rtsa ba'i rgyud las bcom ldan 'das kyi nges pa'o/ /da ni ri lu'i sgrub pa gsungs pa grub pa zhes pa la sogs pa ste 'dir dang por ri lu sgrub pa'i sngags sngar gsungs pa'i cho gas bsgrubs nas oM kA la tsakra A dz+nyA sid d+ha gu li kAM sA d+ha ya swA hA/ de nas ri lu bsgrub pa'i slad du lhas rab tu gnang bar 'gyur te de la 'di ni cho ga'o/ /grub pa zhes pa ni dbang gi le'u las gsungs pa mkha' la spyod pa sum bcu rtsa drug po rnams lnga dang drug dang bcu dang brgyad dang brgyad ni sde tshan te de rnams las sde tshan gcig gi/ sha bsgrubs nas grib ma la bskams pa bdud rtsi lnga dang lhan cig tu phye mar byas te de nas mi bskyod pas sbrus nas tsa Na ka'i tshad kyi ri lu byas te de ltar na grub pa zhes pa'o/ /lcags gsum gyis bcings zhes pa ni 'dir sku dang gsung dang thugs kyi dag pas zla ba dang nyi ma dang sgra gcan gyi dbye bas dngul dang zangs dang khab len gyi lcags te so sor bcings pa ni lcags gsum gyis bcings pa'o/ /mkha' la 'gro ba'i sha yi ri lu 'chad par 'gyur ba'i rim pas bsgrubs pa ni mkha' la spyod pa nyid dag ster ro/ /de bzhin du khyi dang rta la sogs pa sa la spyod pa dang chu la spyod pa rnams kyi lus kyi sha rnams kyi ri lu grub pa lcags gsum gyis bcings pas lus la bkres skom sogs dang nad rnams 'phrog par byed do zhes pa ri lu sgrub pa'i nges pa'o/ /da ni mig sman sgrub pa gsungs pa de dag rnams kyi zhes pa la sogs pa ste 'dir mig sman sgrub pa'i sngags sngar bzhin bsgrubs nas de nas mig sman bsgrub par bya'o/ / oM kA la tsakra A dz+nyA sid d+hA ny+dza naM sA d+ha ya swA hA/ de nas mkha' la 'gro ba rnams kyi mig rnams blangs nas phye ma zhib mor byas te byang chub kyi sems kyis sbru bar bya'o/ /mig sman de nyid ni gter bsgrub pa'i slad du sa rab tu 'byed par 'gyur ro/ /'khris pa rnams kyis zhes pa ni khyi dang rta la sogs pa rnams kyi 'khris pa rnams kyis mig sman byas nas bud med kyi me tog gis sbru bar bya'o/ /mig sman de nyid ni mi snang ba'i yul la mi snang bar byed cing dbang du bya ba'i yul la na chung gi yid 'phrog par 'gyur te dpal ldan dur khrod du ni bsgrubs pa'o/ /de la 'di ni cho ga ste nag po'i brgyad kyi mtshan mo 'am yang na ma nu'i nyin zhag la zhes pa nag po'i bcu bzhi'i mtshan mo dkyil 'khor bzhengs byas nas sngar gsungs pa'i lha min dbang po'i sgrub pa las bsrung ba sngar gsungs pa gang yin pa dag kyang kun nas byas te de nas de'i dbus su dkyil 'khor gyi lte ba la ri lu 'am mig sman thod par gnas pa gzhag par bya'o/ /de ltar de yi dbus su sha yi ri lu rnams sam mig sman ni byas nas shin du dri bzangs me tog rnams kyis yang dag mchod cing de bzhin du sngar gsungs pa'i gtor ma la sogs pa byin la de nas sngar gsungs pa'i sngags kyi bzlas pa cho ga 'dis rab tu bya'o/ /dus kyi 'khor lo'i bkas ji srid ri lu 'am mig sman rnams 'od zer 'phro ba'i bar de srid du sngags bzlas par bya'o/ /de nas te de'i 'tshams su blangs la gzung bar bya'o/ /gal te 'od zer mi 'phro na de'i tshe yang ji srid lhas rab tu gnas par gyur gyi bar du sngags bsgrub par bya'o/ /de nas ri lu bzung ba'i grangs kyi mi rnams ri lu'i rig pa 'dzin par 'gyur ro/ /de bzhin du mig sman gyi rig pa 'dzin pa'o/ /ral gris ral gri'i rig pa 'dzin pa ste de bzhin du rin po che la sogs pas kyang ngo / /de la sngags ni oM kA la tsakra A dz+nyA sid d+ha khaDa gaM sA d+ha ya swA hA/ de bzhin du rin po che la sogs pa rnams la dang por kA la tsakra zhes pa nges pa'o/ /de la lcags kyi ral gri byas nas lha'i nges pas bsgrub par bya'o/ /shel gyi rin po che dang dngul gyi pad ma dang / gser gyi 'khor lo dang lcags thams cad kyi rang bzhin gyi rdo rje dang de bzhin du dril bu dang lcags kyi gri gug byas nas so/ /mtshan ma bsgrub pa'i nges pa ste de bzhin du rtse gsum dang dgra sta la sogs pa'i mtshon cha thams cad bsgrub par bya'o/ /dus kyi 'khor lo'i bkas mtshon cha gang dang gang bsgrubs pa de mtshan ma des de'i rigs kyi rig pa 'dzin par 'gyur ro/ /ci ste lha'i nges pas grub pa'i bcud bzhin du skye ba bdun du 'khor ba dang phrad na sgrub pa med par yang mkha' la spyod pa rnams grub par 'gyur ro zhes pa ni rtsa ba'i rgyud las nges pa ste ri lu la sogs pa sgrub pa'i cho ga'o/ /de nas tshigs su bcad pa bdun bcu lhag pa'i brgya pa nas mkha' lding gi tshigs su bcad pa bcu bzhi ni go sla ste des na 'dir ma bris so/ /da ni zhi ba la sogs pa la 'khrul 'khor gsungs pa rig byed ces pa la sogs pa ste 'dir dbang gi le'u las gsungs pa'i n+ya gro d+ha'i 'dab ma la sogs pa la shrI khaN Da la sogs pa dang tsan dan la sogs pa'i smyu gus zhi ba la sogs pa'i 'khrul 'khor bri bar bya'o/ /de la 'di ni rim pa ste dang po'i zlum skor la 'dab ma bzhi dang gnyis pa la brgyad dang gsum pa la bcu drug dang bzhi pa la sum bcu rtsa gnyis dang lnga pa la drug bcu rtsa bzhi dang drug pa la sum bcu rtsa gnyis so/ /ji ltar lus la gtsug tor dang snying kha dang dpral ba dang mgrin pa dang lte ba dang gsang ba na 'khor lo drug yod pa de bzhin du 'khrul 'khor bri ba la zlum skor drug go/ de la 'dab ma bzhi'i dbus su bsgrub bya'i ming ngo / /rig byed ces pa 'dab ma bzhi la phyogs su dang por a aM zung zhes pa ni shar du a/ byang du aM/ nub tu A/ lhor aHzhes pa ni zlum skor dang po la'o/ /chu skyes 'dab brgyad ces pa ni i la sogs pa 'dab brgyad la zhes pa ste shar dang mer i I/ gshin rje dang bden bral du r-i r-I byang dang dbang ldan du u U/ nub dang rlung du l-i l-I zhes pa ni zlum skor gnyis pa la'o/ /de bzhin du mi yi bdag po zhes pa ni zlum skor gsum pa'i 'dab ma bcu drug la e ya la sogs zhes pa ste shar la sogs pa'i 'dab ma bzhi la e ai ya yA'o/ /lho'i 'dab ma rnams la ar Ar ra rA'o/ /byang gi 'dab ma rnams la o au wa wA'o/ /nub kyi 'dab ma rnams la al Al la lA zhes pa ni zlum skor gsum pa la'o/ / so zhes pa 'dab ma sum bcu rtsa gnyis rnams la ka sogs gsum gyis bsgyur ba'i bcu zhes pa sum bcu dang ha k+Sha zhes pa gnyis skyes la'o/ /de la shar gyi dang po'i 'dab ma lnga po rnams la tsa tsha dza dz+ha nya dang lho'i 'dab ma lnga rnams la Ta Tha Da D+ha Na dang byang gi 'dab ma rnams la pa pa ba b+ha ma dang nub kyi 'dab ma lnga rnams la ta tha da d+ha na'o/ /de bzhin du dbang ldan nas brtsams nas shar du 'dab ma gsum la ma yig nas brtsams te ka kha ga'o/ /me nas brtsams nas lhor 'dab ma gsum la nya yig nas brtsams te g+ha nga k+Sha'o/ /bden bral nas brtsams nas nub tu 'dab ma gsum la Na yig nas brtsams te sa k+pa Sha'o/ /rlung nas brtsams nas byang du 'dab ma gsum la na yig nas brtsams te sha u0f88u0f90 ha'o/ /de ltar 'dab ma sum bcu rtsa gnyis po rnams la ste zlum skor bzhi pa la'o/ /chu gter drug ces pa 'dab ma drug bcu rtsa bzhi la ste thun mtshams bzhi po rnams la shar dang lho dang byang dang nub tu bsgrub bya'i ming ste dbus su ji lta ba bzhin no/ /de ltar gnas lngar bsgrub bya'i ming ngo / /tshes kyis bsgyur ba'i dus la zhes pa 'dab ma drug bcu po rnams la grangs bzhin du la mtha' dbyangs dang bcas pa rnams zhes pa ni ha ya ra wa la rnams dbyangs dang bcas pa zhes pa dbyangs/ /bcu gnyis dang bcas pa ste 'dab ma drug bcu po rnams la'o/ /de nas shar la sogs pa'i bsgrub bya'i ming las g.yas skor gyis ya yA yi yI y+R-i y+R-I yu yU y+l-i y+l-I yaM yaH zhes pa 'dab ma bcu gnyis la'o/ /de nas lhor bsgrub bya'i ming las ra rA rI rI R+R-i R+R-I ru rU rl-i R+l-I raM raH zhes pa 'dab ma bcu gnyis la'o/ / byang du bsgrub bya'i ming las wa wA wi wI w+Ri w+RI wu wU w+l-i w+l-I waM waH zhes pa 'dab ma bcu gnyis la'o/ /nub tu bsgrub bya'i ming las la lA li lI l+R-i l+R-I lu lU l+l-i l+l-I laM laH zhes pa 'dab ma bcu gnyis la'o/ /de nas shar du bsgrub bya'i pha rol gyi 'dab ma la ha'o/ /nub tu hA lhor haHbyang du haM ste de bzhin du g.yon skor gyis hi hI dbang ldan gyi mthar ro/ /h+Ri h+RI me'i mthar ro/ /hu hU rlung gi mthar ro/ /h+li h+lI bden bral gyi mthar ro/ /bsgrub bya'i ming gi yi ge dang po ni lte ba la'o/ /gnyis pa ni shar gyi thun 'tshams kyi 'dab ma la'o/ /gsum pa ni lhor dang bzhi pa ni byang du dang lnga pa ni nub tu ste/ de rnams hu~M AH ho zhes pa thugs dang gsung dang sku dang ye shes kyi yi ge ming gi yi ge dang po dang bcas pa rnams bri bar bya'o/ /yang na a sogs dbyangs ni re re dag gis chu srin bum pa'i dbang las ring po thung ngu dag kyang lnga zhes pa ste 'dir chu srin la sogs pa'i dus sbyor rnams kyi lhag pa'i lha ni kA khA gA g+hA ngA zhes pa la sogs pa'o/ /shar du bsgrub bya'i thugs kyi yi ge nas g.yas skor gyis nya la tsA tshA dzA dz+hA nyA'o/ /de bzhin du lug la nya dz+ha dza tsha tsa ste de ltar 'dab ma bcu la'o/ / de bzhin du lhor gsung rdo rje nas TA la sogs pa bcu dang byang du sku rdo rje nas pA la sogs pa bcu dang nub tu ye shes rdo rje nas tA la sogs pa bcu'o/ /lhag ma'i 'dab ma nyi shu po rnams kyi nub kyi 'dab ma lnga la kA la sogs pa ring po lnga'o/ /shar du nga la sogs pa thung ngu lnga dang lhor sA la sogs pa ring po lnga dang byang du u0f88u0f90 la sogs pa thung ngu lnga ste de ltar yi ge drug bcu rnams zlum skor lnga pa la'o/ /phyi rol 'dab ma sum bcu gnyis la zhes p a ni 'dir gsang ba'i pad ma'i 'dab ma sum bcu rtsa gnyis rnam par dag pas zlum skor drug pa'i 'dab ma sum bcu rtsa gnyis po rnams la bdag gi snying po badzra tIk+Sh+Na la sogs yi ge rnams zhes pa ni 'di lta ste/ badzra tIk+Sh+Na duH kha ts+tshe da zhes pa ni dbang ldan nas brtsams nas me'i mthar thugs par ro/ /de nas lhor pra dz+nyA dz+nyA na mUr+t+ta ye dz+nyA zhes pa'o/ /de bzhin du nub tu na kA ya bA gI shwa ra a zhes pa'o/ /de bzhin du byang du ra pa tsa nA ya te na maH zhes pa ste badzra tIk+Sh+Na la sogs pa yi ge rnams so/ /de ltar 'khor lo drug gi bdag nyid kyi 'khrul 'khor dbang gi le'u las gsungs pa'i cho gas bris nas de dag rnams kyi phyi rol du yang zhi sogs las la wa ya ra la dkyil 'khor rnams nyid do zhes pa ni 'khrul 'khor 'dis zhi ba dang rgyas pa dang rims 'phrog pa dang dug med par byed pa la 'khrul 'khor chu'i dkyil 'khor ram wa yig gis bskor bar bya'o/ /de nas zla ba'i dkyil 'khor gyi dbus sam glang po che'i dbus su gzhug par bya'o/ /de bzhin du bsad pa la sogs pa la rlung gi dkyil 'khor dang dbang la sogs pa la me'i dkyil 'khor dang rengs pa la sogs pa la sa'i dkyil 'khor gyis bskor bar bya'o/ /lhag ma dbang gi le'u las gsungs pa dag bya'o/ /'dir 'khrul 'khor la snying por yi ge'i yan lag mchog ces pa ni snying por mgo bo bri bar bya'o/ /rtse mo ldan par rkang pa dag ni zhes pa lhun po thams cad kyi byang na gnas pa snying po'i lte ba yin pa'i phyir lhor rkang pa ste dbang dang dgug pa la'o/ /de bzhin du zhi ba sogs la snying por rkang pa zhes pa ni byang du rkang pa ste lhun po la mngon par phyogs pa'o/ /rtse mo ldan par mgo bo zhes pa ni lhor mgo bo'o/ /de bzhin du bsad pa la sogs pa la shar du rkang pa dang nub tu mgo bo'o/ /rengs pa la sogs pa la shar du mgo bo dang nub tu rkang pa ste de ltar 'khrul 'khor so so la sngags pas bri bar bya'o/ /zhi ba zhes pa la sogs pa ni go sla'o/ /'khor lo drug gi 'khrul 'khor gyi nges pa'o/ /da ni gshin rje mthar byed kyi 'khrul 'khor gsungs pa rtsibs brgyad ces pa la sogs pa ste 'dir n+ya gro d+ha'i 'dab ma la sogs pa la 'khrul 'khor bri bar bya ste zlum skor dang po ni rtsibs brgyad pa'o/ /gnyis pa ni rtsibs bcu gnyis pa'o/ /gsum pa ni rtsibs bcu drug pa'o/ /de la rtsibs brgyad po rnams la phyogs dang phyogs bral du gnas zhes pa ni phyogs su yam la sogs pa'i yi ge gnas pa dang phyogs bral gyi 'dab ma la bsgrub bya'i ming gi yi ge gnas shing bcu drug rtsibs la yang bar bar gyi 'dab ma brgyad po rnams la'o/ / de ltar zlum skor dang po la bsgrub bya zur rnams su ste dbus su lte bar rab tu 'gyur ba ya dang shar du ma dang rtsibs bcu gnyis pa'i shar du rA dang gnyis par dzA dang gsum par sa dang 'dab ma bzhi par do'o/ /dang po'i rtsibs brgyad pa'i lhor me'o/ /slar yang rtsibs bcu gnyis pa'i 'dab ma lnga par ru dang drug par Na dang bdun par yo'o/ /slar yang rtsibs brgyad pa'i nub kyi 'dab mar da'o/ /slar yang rtsibs bcu gnyis pa'i brgyad par ni dang dgu par ra dang bcu par ya'o/ / slar yang rtsibs brgyad pa'i byang du k+She'o/ /slar yang rtsibs bcu gnyis pa'i bcu gcig par ts+tsa dang bcu gnyis par ni'o/ /de bzhin du rtsa ba'i rgyud las gsungs pa/ ya ma rA dzA sa do me ya/ ya me do ru Na yo da ya/ ya da yo ni ra ya k+She ya/ ya k+She ya ts+tsa ni rA ma ya zhes so/ /gcig bdag po yi sa yi ge bcu drug po rnams 'dab ma bcu drug la'o/ /de ltar dbus su rab 'gyur ya ma rA dzA sa do me ru Na las yo'o/ /de nas snying pa'i rtsibs kyi dbus nas da ni ra ya k+She ts+tsha de nas mthar ni ni ru 'gyur zhes pa rtsibs brgyad pa dang rtsibs bcu gnyis pa la nges pa'o/ /de nas rtsibs bcu drug pa la bsgrub bya'i ming gi bar bar gyi 'dab ma la sngags 'di bri bar bya'o/ /oM hrA+oM Sh+TIM bi kr-i tA na na hu~M hU~M phaT ces pa'o/ /de ltar re mig nas ni re mig bar la 'gyur te mi yi bdag po bsgrub bya'i ming dang sngags 'di'o/ /dbye dang bsad dang dbang la zhes pa ni 'dir dbye ba la dbus su lhag pa'i lha ya dang bsad pa la ma dang dbang la rA rab tu 'gyur ro/ /de bzhin du k+She da me do sats+tsa sogs zhes pa ni 'dir rengs pa k+She dang dgug pa la da dang rmongs pa la me dang stobs byed pa la do dang zhi ba la sa dang bskrad pa la ts+tsa dang rims byed pa la Na dang bskyod pa la ru dang brgyal ba la dzA dang gdung ba zhi bar byed pa la yo dang dgra bzlog pa la ni'o/ /der ni snying po dag nas ya yig 'gro ste yon tan dbang gis zhes pa ni 'dir las kyi rang bzhin gyis yi ge gang zhig snying por bdag por gyur pa de'i gnas su ya yig bri bar bya'o/ /phyi rol thams cad snga ma bzhin te gshin rje mthar byed kyi 'khrul 'khor gyi nges pa'o/ /da ni 'jam dpal gyi 'khrul 'khor gsungs pa yi ge rnams kyi zhes pa la sogs pa ste 'dir yi ge rnams kyi yan lag mchog las zhes pa ni yi ge rnams kyi mgo la thig le'o/ /yan lag mchog de las mdun du dbyangs kyis 'khyud pa dag ma ru rab tu 'gyur te rjes su nga ro dbyangs a yig gis 'khyud pa ni ma ru 'gyur ro/ /gzhan yang ka yig la sogs pa'i yi ge rnams kyis 'khyud pa ni sde mtha' zhes pa nga nya Na ma nan rnams su 'gyur te rdo rje rigs kyi dbang gis lnga pa haM dang saM du gsungs so/ /de'i phyir thig le ni bdag go/ rnam par bcad pa thig le gnyis kyis dbyangs mchog sbyar ba la ni zhes pa a yig gnyis kyi dbus su 'di yang bdag gi shes rab yi ge u ru 'gyur ro/ /de ltar maM zhes pa ni thabs te muHzhes pa ni shes rab bo/ /de bzhin du haM huHsaM suHmaM dzuHzhes pa yi ge brgyad po rnams 'dab ma brgyad la'o/ /nyi ma'i 'dab ma la zhes pa rtsibs bcu gnyis pa'i zlum skor gnyis pa la/ phyi rol du 'dab ma dang po la shrI dang gnyis pa la ba'o/ /de bzhin du rim pas dzra g+ho Sha sa man ta b+ha tra hU~M phaT ces pa yi ge bcu gnyis po rnams te lhag ma thams cad sngar bzhin no/ /bsgrub bya 'dir ni lte ba la ste zhes pa ni bsgrub bya'i ming gi yi ge dang po lte ba la'o/ /de nas bzlas pa'i dus su dpal ldan zhi ba sogs la bskul zhes pa ni oM shrI badzra g+ho Sha sa man ta b+ha tra che ge mo'i shAn tiM ku ru ku ru na maHde bzhin du rgyas pa la sogs pa la swA hA phaT hU~M ba Sha Ta bau ShaT ces pa mthar sbyin par bya ste 'khrul 'khor bri ba la yang mtha'i 'dab ma la'o/ /de bzhin sngar brjod 'khor lo rnams dag la yang rtag tu bsgrub bya'i ming ni bri bar bya bar 'gyur/ 'di rnams thams cad bdag gi drin las rgyal ba'i bdag po'i bka' yis mi rnams kyis ni 'grub par 'gyur zhes pa ste 'khrul 'khor bri ba'i cho ga'o/ /de nas tshigs su bcad pa brgya dgu bcu rtsa gcig pa'i rjes la tshigs su bcad pa bzhi bcu ni go sla ste sgra ni gang zhig ces pa la sogs pa nas pho nya mo rnams dag la zas phud ces pa'i tshigs su bcad pa'i mthar thug pa'i tshigs su bcad pa 'ga' zhig ni go sla zhing tshigs su bcad pa 'ga' zhig ni dgos pa'i dbang gis dbang gi le'ur kha bskangs te brjod zin to/ /da ni 'jig rten dang 'jig rten las 'das pa'i dngos grub kyi slad du lha yi dmigs pa gsungs pa lha yi zhes pa la sogs pa ste 'dir sems can rnams kyi bsam pa'i dbang gis rnal 'byor pa rnams kyi lha yi dmigs pa gang yin mngon sum dang ni rjes su dpag pa rnam pa gnyis su 'gyur ba ste mngon sum dang rjes su dpag pa de dag las mngon sum gang yin pa dag ni de nyid sbyor bas mkha' la skar ma bzhin du 'gyur te skar ma'i tshogs bzhin du du ma longs spyod rdzogs pa'i sku zhes pa ni sha la sogs pa'i mig gis gzung bar bya ba srid pa gsum dang dus gsum rmi lam dang sgyu ma dang mtshungs pa'o/ /'dir dang por las dang po pa'i rnal 'byor pas mngon par shes pa med par sha'i mig gis sna tshogs mthong ngo / /de nas mngon par shes pa'i mtshams kyi dbang gis lha'i mig gis mthong ngo / /de nas chags pa dang bral ba'i mtshams kyi dbang gis sangs rgyas kyi spyan gyis gzigs so/ /de nas byang chub sems dpa'i mtshams kyi dbang gis shes rab kyi spyan gyis gzigs so/ /de nas yang dag par rdzogs pa'i sangs rgyas kyi 'tshams kyi thugs kyi dbang gis ye shes kyi spyan gyis gzigs te lhag ma kun las rnam grol zhing zhes so/ /de ltar de bzhin gshegs pa'i sha la sogs pa'i spyan lnga po rnams ni stong pa nyid gzigs pa'i slad du ste sems can gzhan rnams ni stong pa nyid lta ba'i yul la dmus long ngo / /'di rnams kyi rgyas pa ni mchog tu mi 'gyur ba'i ye shes grub pa pa las brjod par bya ste de kho na nyid bsgom pa'i nges pa'o/ /de kho na nyid ma yin pa'i sgrub pa la mngon sum min na rjes su dpag pa shi ba'i lus bzhin de nyid min pa yis ni brtags pa gang / de ni ri mo sogs la blta bya zhes pa ni sangs rgyas dang byang chub sems dpa' rnams kyi sku gzugs ri mor byas pa dang lugs ma 'am dkyil 'khor gyi 'khor lo bris nas nges pa'i rnam par blta bar bya ste byis pa'i rnal 'byor pa dman pa rnams kyi bsgom pa'i don du'o zhes pa rnam par rtog pa'i sgom pa'i nges pa'o/ /da ni rnam par rtog pa'i sgom pa'i thabs gsungs pa gzugs zhes pa la sogs pa ste 'dir byis pa'i rnal 'byor pa rnams kyi rang gi sems kyi nus pas gzugs zhes pa lha gcig gam dkyil 'khor bris skur bris pa bsgom par bya ste dang por bris sku la ni de nyid min pas rang sems bsgom par bya zhes so/ /de kho na nyid kyis kyang nam mkha' la ni de nyid sbyor ba dag gis zhes pa stong pa nyid dang snying rje'i sbyor bas rang sems ma tshang med pa mtha' dag mthong gyur pa zhes pa rnam pa thams cad pa ste gzugs dang dkyil 'khor gyi 'khor lor brtags pa med pa'i phyir ro/ /de ltar gzugs la sogs pa bris skur bris pa brtags pa 'am stong pa nyid kyi gzugs ma brtags pa lo yi phyed dam lo gcig bla ma'i nges pa'i dbang gis ji srid nyid du rang sems brtan par gyur gyi bar du'o/ /de nas phyag rgya'i sbyor bas zhes pa ni 'dir so sor sdud pa dang bsam gtan dang srog rtsol dang 'dzin pa'i stobs kyis rang sems brtan pa skyes par gyur pa na de nas phyag rgya'i sbyor bas nyin zhag 'ga' zhig rnams kyis zhes pa ni dus kyi 'khor lo'i nyin zhag nyi shu rtsa lnga lhag pa'i brgya phrag bcu gcig gis so zhes pa nges pa ste nyin zhag 'di rnams kyis byang chub kyi sems 'gyur ba med pa nyid du rab tu 'gyur te dri ma med pa nyid du 'gyur ro zhes 'brel lo/ /'dir bris sku dang sku gzugs dang glegs baM bri ba'i slad du nyi gnas chos smra ba btsal bar bya ste des bris sku dang sku gzugs dang glegs baM la sogs pa bya ste drag po dang zhi ba'i bya bas so/ /sngar gsungs pa'i mchod yon la sogs pa phul nas slob dpon la mchod pa bya'o/ /dge 'dun la mchod ston dang tshogs kyi 'khor lo dbul bar bya'o/ /rab gnas kyi dus kyi cho ga ji lta ba de bzhin du mchod yon 'bul ba'i dus su yang ji ltar nus pas bya'o zhes pa ni nges pa'o/ /da ni rdo rje'i tshig gi nges pa gsungs pa rgyud kyi rgyal po zhes pa la sogs pa ste 'dir rgyud kyi rgyal po thams cad las ni zhes pa 'dus pa la sogs pa thabs kyi rgyud dang 'khor lo sdom pa la sogs pa shes rab kyi rgyud las nges par rdo rje'i tshig sngar gsungs pa'i mi 'gyur ba'i bde ba de bcom ldan 'das kyis rnal 'byor pa rnams dag la gsungs te/ de bzhin du gsungs pa/ 'di ltar sangs rgyas bcom ldan 'das/ / rdzogs pa'i sangs rgyas a las byung / /a ni yig 'bru kun gyi mchog /don chen 'gyur med dam pa yin/ /srog chen po ni skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed ces pa la sogs pa nas ye shes sku nyid khyod la 'dud ces pa'i mthar thug pa tshigs su bcad pa drug bcu rtsa gnyis lhag pa'i brgyas mtshan yang dag par brjod pa las ye shes kyi sku gsungs pa de nyid rdo rje'i tshig tu gsungs te/ de nyid ni rgyud kyi rgyal po thams cad du byis pa rnams ni smin par byed pa'i don du mchog gi thugs rje dag gis sna tshogs gtso bos sbas te byis pa rnams la dbang po gnyis kyi bde ba rab tu bstan to/ /de'i phyir rdo rje'i tshig de ni dbye ba byas nas nyin zhag so so'i dus su ste nyin dang mtshan mor rnal 'byor pa yis sngar gsungs pa'i mig gis bsgom par bya ste phyag rgya'i dngos grub don slad ces pa phyag rgya chen po'i dngos grub kyi slad du'o/ /de ci zhig ce na de ni rgyal ba mchog gi skyed mdzad gzhom du med pa dus kyi 'khor lo'o zhes pa bcom ldan 'das kyi nges pa ste rdzogs pa'i sangs rgyas kyi gnas thob pa'i slad du rgyud gzhan thams cad las rnal 'byor pa rnams kyis rtogs par bya'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las sna tshogs pa'i sgrub thabs kyi mdor bsdus chen po ste lnga pa'o// //sgrub thabs kyi le'u yi rgyas 'grel rdzogs so// // maM ga laM b+ha ba tu/ /dge'o// // (r-I) @#/ /dus 'khor 'grel chen dri med 'od bzhugs so/ / (黃) 秘密經時輪註五品一部 dpal dus kyi 'khor lo la phyag 'tshal lo/ /gang gis rta la sogs pa sbyin pa rnam bcu sbyin pa don gnyer rnams la byin/ /bsod nams ye shes stobs ni chen po de yis bdud la sogs pa bcom byas te/ /dpal ldan chos dbyings dri med gsung gi dbang phyug dkyil 'khor du ni dbang bskur nas/ /thams cad ston pa gcig pu'i yul la lung bstan sangs rgyas de la phyag 'tshal lo/ /de bzhin dus 'khor bde chen po/ /sku gsum mchog dang dkyil 'khor gsum/ /rdo rje gsum mchog rdo rje'i dbyangs/ /'gyur ba med la phyag 'tshal te/ /bsod nams ye shes 'bras thob slad/ /rtsa ba'i rgyud ni rtogs pa las/ /rgyud 'dir dbang gi le'u la/ /rgyas 'grel bdag gis bri bar bya/ /'dir dpal ldan ka lA pa'i grong gi lho phyogs ma la ya'i skyed mos tshal gyi dus kyi 'khor lo'i dkyil 'khor gyi khang pa'i shar sgo'i mthar/ nor bu rin po che chen po'i sgo khyams na nor bu rin po che chen po'i seng ge'i khri la bzhugs pa de bzhin gshegs pas lung bstan pa 'jam dpal gyi sprul pa'i sku rgyal po grags pa la nyi ma'i shing rtas gsol ba btab pas/ mchog gi dang po'i sangs rgyas las zla ba bzang pos gsol ba btab pa'i don rab tu ston par byed pa bsdus pa'i rgyud kyi dbang bskur ba'i le'u las lus la sna tshogs tshad ces pa la sogs pa tshigs su bcad pa dang pos bstan pa de nyid de bzhin gshegs pas lung bstan cing 'jam dpal gyis bskul ba 'jig rten dbang phyug gi sprul pa'i sku pad ma dkar po bdag gis mdor bsdus chen po'i rgyas 'grel gyis rgyas par bya'o/ /'dir lus la sna tshogs tshad dang zhes pa la sogs pa nas dkyil 'khor dag ni bstan du gsol zhes pa'i mthar thug pa ni zla ba bzang pos gsol ba btab pa'o/ /de nas zla ba bzang po'i tshig gsan nas ni bde bar gshegs pas dus kyi 'khor lo'i dkyil 'khor rab tu gsungs zhes pa la sogs pa dbang gi le'u yi tshigs su bcad pa mtha' dag ni de bzhin gshegs pas lan gsungs pa ste le'u yi mtha'i bar du slar gsol ba btab pa med do/ /'dir zla ba bzang pos gsol pa/ bcom ldan 'das 'dir lus la nang gi le'u las bcom ldan 'das kyis gang gsungs pa sna tshogs tshad dang nyin dang mtshan mo'i dus dang zla ba 'pho ba'i dbye ba rnams la sogs pa rig byed dang ni byed po la sogs dbye ba'i mthar thug pa bdag gis thos te thams cad shes so zhes pa'i don to/ /des na da ni sems can rnams kyis bsod nams dang ye shes thob par bya ba'i slad du bcom ldan 'das kyis dkyil 'khor bstan du gsol zhes pa ste de nyid bcu dang yang dag par ldan pas slob ma rnams la dbang bskur ba sbyin pa dang sku gzugs la sogs pa rab tu gnas par bya ba dang 'og min gyi srid pa'i mthar thug pa 'jig rten pa'i dngos grub sgrubs pa'i ched du ste 'jig rten pa'i bden pas so/ /don dam pa'i bden pas ni rdul tshon gyi dkyil 'khor bri ba med te bcom ldan 'das kyis bkag pa'i phyir ro/ /de skad du dang po'i sangs rgyas las bcom ldan 'das kyis gsungs pa/ /rdo rje'i thig rnams gdab pa dang / /rdul tshon dag kyang gdab pa ni/ /sngags kyi de nyid kyis mi bya/ /byed na byang chub thob par dka' zhes pa la 'dir gal te sngags kyi de nyid ni sngags zhes pa ye shes te yid skyob par gyur pa'i phyir ro/ / sngags kyi de nyid des gal te rdo rje slob dpon phyag rgya chen po'i dngos grub kyi don du thig gdab pa la sogs pa byed na de'i tshe byed pa de'i byang chub thob par dka' bar 'gyur ro zhes pa ni de bzhin gshegs pa'i nges pa'o/ / rgyu des na zla ba bzang pos gsol ba btab pa 'di ni 'jig rten pa'i dngos grub sgrub pa'i don dang bsod nams kyi tshogs kyi don du ste phyag rgya chen po'i dngos grub sgrub pa'i don dang ye shes kyi tshogs kyi don du ni ma yin no/ / 'dir ye shes sgrub pa'i slad du gzhan dkyil 'khor gsum bcom ldan 'das kyis gsungs pa 'di lta ste/ /lus kyi dbang po b+ha ga sems/ /sku gsung thugs kyi rdo rje yi/ /dkyil 'khor rnam pa gsum du 'gyur/ / gzhan pa tshon lnga ldan pa min/ /zhes pa ste/ de'i phyir bde ba chen po sgrub pa dang mchog gi dbang bskur ba sbyin pa'i don du rdul tshon gyi dkyil 'khor du mi 'gyur ro zhes pa ni zla ba bzang pos gsol ba btab pa'o/ / zla ba bzang po'i tshig ste gsol ba btab pa'i tshig de nyid gsan nas ni bde bar gshegs pas dus kyi 'khor lo'i dkyil 'khor thams cad rab tu gsungs te thams cad 'chad par 'gyur ba'i rim pas bstan to zhes pa'i don to/ /ston pa po dang gsol ba 'debs pa po'i tshig bsdus pa'o/ /da ni bla ma bsten pa'i don du rdo rje slob dpon yongs su brtag pa tshigs su bcad pa gnyis pas gsungs pa dang por zhes pa la sogs pa ste/ 'dir sngags kyi tshul la 'jig rten dang 'jig rten las 'das pa'i dngos grub 'dod pa'i slob ma rnams kyis dang por bla ma bsten par bya ste de yang rdo rje slob dpon yongs su brtag pa gsungs pa'i cho gas yang dag par yongs su brtag nas so/ /rnam pa gzhan du yongs su brtag pa'i mtshan nyid dang bral ba'i bla ma bsten pas slob ma rnams kyi chos phyin ci log tu 'gyur te chos phyin ci log pas dmyal bar 'gro bar 'gyur ro/ / de'i phyir gsungs pa/ dang por yang dag bstan bya bla ma dag kyang dam tshig ldan zhing zhes pa la 'dir dam tshig rnam pa gnyis ni phyi dang nang gi ste drang ba dang nges pa'i don gyis rtogs par bya ba 'chad par 'gyur ba'o/ / dam tshig 'di la yod pa'i phyir dam tshig ldan pa'i bla ma'o/ /dang por yang dag par bstan par bya ste bu dang chung ma la sogs pas kyang mnyes par bya'o zhes pa'i don to/ /rdo rje theg pa la lhag par gnas zhes pa la 'dir rdo rje theg pa ni yang dag par rdzogs pa'i sangs rgyas kyi theg pa ste mu stegs pa dang nyan thos dang rang sangs rgyas kyi theg pa rnams kyis mi phyed pa'i phyir rdo rje ste thar par 'dis 'gro ba'i phyir rdo rje theg pa'o/ / de la lhag par gnas pa zhi rdo rje theg pa la lhag par gnas pa'o/ /de nyid sgoms shing zhes pa la 'dir de nyid ni 'jig rten pa'i dngos grub sgrub par byed pa dang yang dag par rdzogs pa'i sangs rgyas nyid sgrub par byed pa rnam pa gnyis te lnga pa ye shes kyi le'u yi mchog tu mi 'gyur ba'i ye shes grub pa 'chad par 'gyur ba las brjod par bya'o/ /de nyid de kho na sgom pa ni 'di'i ngang tshul lo zhes pa'i don to/ /ma chags zhes pa ni bu dang chung ma la sogs pa thams cad dang rang gi lus la yang ltos pa med pa'o/ /dri ma dag dang rnam par bral zhing zhes pa la dri ma ni 'dod chags dang zhe sdang dang gti mug dang nga rgyal dang phrag dog dang ser sna'i tshogs te de nyid rnam pa mang pos bral ba gang yin pa de ni dri ma dag dang rnam par bral ba'o/ /bzod pa'i ngang tshul zhes pa la bzod pa ni 'di 'bras bu la ltos pa med pa'i rang bzhin gyis rab tu zhugs pa'o/ /lam la zhugs zhes pa la lam ni yang dag par rdzogs pa'i sangs rgyas kyi lam ste de la zhugs pa'i ngang tshul can no/ /bla ma de bsten par gyur na slob ma rnams la lam ni sbyin byed dmyal ba'i 'jigs pa 'phrog par 'gyur ro/ / de nyid las ni tshangs spyod ldan zhes pa gang zhig mchog tu mi 'gyur ba'i bde ba thob pa'o/ /bdud rnams la zhes pa phung po dang nyon mongs pa dang 'chi bdag dang lha'i bu ste bdud bzhi po rnams la rdo rje dbyug pa dang 'dra ba rdo rje dbyug pa'o/ /de yang 'dzin ma'i gzhi la rdo rje sems dpar rab tu grags pa ste sprul pa'i skus so zhes pa ni rdo rje slob dpon bsten pa'i nges pa'o/ /da ni gdugs pa'i slob dpon gyi skyon yongs su brtag pa'i don du nga rgyal dang ldan zhes pa la sogs pa'i tshigs su bcad pa gsum pa nyid kyis gsungs te/ 'dir sngags kyi tshul la bla ma gang zhig nga rgyal la sogs pa'i skyon dang bcas pa'i bla ma de ni bla mar byas kyang dmyal ba bzhin du slob ma mkhas pa ste shes ldan rnams kyis rdzogs pa'i byang chub rgyur ni spang bar bya'o/ /nga rgyal 'di la yod pa'i phyir nga rgyal dang ldan pa'o/ /nga rgyal yang rnam pa du ma ste mkhas pas mngon par khengs pa dang rdzas dang dbang phyug gis mngon par khengs pa dang de nyid bcu yongs su shes pa dang lam dang gzugs la sogs pas mngon par khengs pa ste de gang la yod pa de ni spang bar bya'o/ /'og ma 'og ma'i sems can rnams la bltas na nga rgyal dang ldan pa dang gong ma gong ma'i sems can rnams la bltas na nga rgyal dang bral bar 'gyur ba des na yang dag pa'i lam rig pa pos nga rgyal dang ldan zhing snying rje dang bral ba ni spang bar bya ste/ de bzhin du khro bas zil gyis mnan pa'o/ /dam tshig rnam bral zhes pa ni 'jig rten pas smad pa gsang ba'i dam tshig rnams gsal por spyad pas dam tshig dang bral bar 'gyur te de yang spang bar bya'o/ /rdzas la brkam pa yang ste dge 'dun dang mchod rten gyi rdzas la sogs pa lci ba'i dang bla ma'i rdzas nye bar longs spyod pa ni rdzas la brkam pa'o/ /de bzhin du 'khor ba'i longs spyod kyi don du rdzas sog par byed pa'o/ /thos pa dag kyang med ces pa ni rmongs pa ste dam pa'i lam gyi man ngag dang bral ba'o/ /de bzhin du dam pa'i slob ma rnams ni slu ba don du gnyer zhing zhes pa ni brdzun smra ba po ste spang bar bya'o/ /mchog gi bde ba'i gnas las sems nyams dbang ma bskur zhes pa ni dbang bskur med par rgyud 'chad pa po zhes pa ste spang bar bya'o/ /longs spyod dag la kun chags zhes pa ni phyi rol 'khor ba pa'i longs spyod rnams la kun te rnam pa kun nas yang dag par chags pa'o/ /bag med ni chang 'thungs bas te mnyam par ma bzhag pa spang bar bya'o zhes pa'i don to/ /dbang po'i don du 'dod ldan pa zhes pa ni dbang po gnyis kyi bde ba'i don du 'dod ldan yang spang bar bya'o zhes pa ni de bzhin gshegs pa'i nges pa'o/ /sngags kyi tshul las 'di lta ste/ /slob dpon yon tan blang bya ste/ / skyon ni nam yang min pa nyid/ /yon tan blangs pas dngos grub 'gyur/ /skyon brjod pa las dngos grub med ces dang / de bzhin du dbang mchog thob gang rdo rje yi/ /slob dpon la ni de bzhin gshegs/ phyogs bcu'i 'jig rten khams bzhugs rnams/ /dus gsum byon nas phyag 'tshal lo zhes de bzhin gshegs pas gsungs pa ma yin nam/ de'i phyir slob dpon gyi yon tan blang bar bya'o zhes pa lam nyams pa 'ga' zhig gi tshig 'byung bar 'gyur te/ de'i phyir brjod par bya'o/ /'dir ma 'ongs pa'i dus su lam nyams pa'i byis pa'i skye bo rnams kyis/ slob dpon yon tan blang bya ste/ /skyon ni nam yang min pa nyid ces pa gang brjod par bya ba de ni ma yin te/ ci'i phyir zhe na/ gang gi phyir bla ma bsten pa'i slad du slob dpon gyi skyon dang yon tan yongs su brtag pa de bzhin gshegs pas gsungs pa 'di lta ste/ snying rje med cing khro la gdug khengs shing chags la ma bsdams dang / /rang bstod bla mar slob ma ni/ /blo bzang ldan pas mi bya'o zhes pa ste gsungs 'di'i phyir bla mar byas kyang bya ba ma yin pa byed pa ni thar pa don du gnyer ba'i slob mas spang bar bya ba nyid do/ /de bzhin du dang po'i sangs rgyas las gang zhig khyim pa bsti gnas spyod/ /g.yog po zhing pa tshongs pa dang / /dam chos 'tshongs pa'i rmongs pa de/ / sa la rdo rje 'dzin pa min zhes pa la sogs pas so/ /bla ma rnam pa gsum slob dpon yongs su brtag pa las gsungs pa/ de nyid bcu ni yongs shes pa/ /gsum las dge slong mchog yin zhing / /'bring ni dge tshul zhes bya ste/ /khyim gnas de las tha ma'o/ /zhes dang de bzhin du sa thob ma gtogs khyim pa ni/ /rgyal pos bla mar mi bya ste/ /de la thos pa yongs shes pas/ /gang zhig rtags can bya ba nyid/ /sa thob ma gtogs slob dpon ni/ /khyim gnas gang tshe mchod byed pa/ /de tshe sangs rgyas chos dang ni/ /dge 'dun rnams la gus med 'gyur zhes dang / de bzhin du lha khang sogs kyi rab gnas sogs/ /rtags can gyis ni rtag tu bya/ /gnas gcig dag na gsum yod na/ /khyim pa gos dkar ldan pas min zhes pa ste/ de ltar rnam pa du mas slob dpon yongs su brtag pa las bcom ldan 'das kyis gsungs pa'i bla ma slob ma rnams kyis bsten par bya ste sngar gsungs pa'i nges pa ni skyon dang ldan pa spang ba'i slad du'o/ /de bzhin du yon tan las kyang gsungs pa 'di lta ste/ brtan zhing dul la blo gros ldan/ /bzod ldan drang la g.yo sgyu med/ /sngags dang rgyud kyi sbyor ba shes/ /snying brtser ldan zhing bstan bcos mkhas/ /de nyid bcu ni yongs su shes/ /dkyil 'khor 'bri ba'i las la mkhas/ /gsang sngags 'chad byed slob dpon te/ dang ba'i bdag nyid dbang po thul zhes pa la sogs pas so/ /'on kyang tshigs su bcad pa gzhan gyis gsungs pa'i tshig ci ste rnam par mi dpyod ce na/ dbang mchog thob gang zhes pa la sogs pa'i tshig ni mkhas pa rnams kyis don dam pa'i bden pa dang 'jig rten pa'i bden pa ste nges pa'i drang ba'i don gyis rtogs par bya'o/ /de la re shig nges pa'i don brjod par bya ste 'dir bum pa dang gsang ba dang shes rab ye shes kyi dbang bskur ba rnams kyi mchog phyag rgya chen po shes rab kyi pha rol tu phyin pa mi 'gyur ba'i bde ba chen po'i ska cig ma rnams kyi mtha' ma mngon par rdzogs par byang chub pa'i mtshan nyid mi chod pa ste de bcom ldan 'das gang gis byang chub kyi shing drung du thob pa de ni dbang mchog thob pa'o/ /gang ni gang gi phyir te sku dang gsung dang thugs mi phyed pa de'i phyir rdo rje slob dpon te de bzhin gshegs pa shAkya thub pa'o/ khams gsum po 'dir sems can gyi don du gang gis sku dang gsungs dang thugs mi phyed pa rdo rje bzhin du spyod pa de ni rdo rje slob dpon kun du gshegs pa thams cad mkhyen pa nyid te/ de la yang de bzhin gshegs/ phyogs bcu'i 'jig rten khams bzhugs pa rnams zhes pa la 'dir phyogs bcu rnams na byang chub sems dpa' gang dag yod pa de rnams kyi cod pan rin po che bdun gyi rang bzhin ni nges pa'i don gyis 'jig rten gyi khams zhes brjod te cod pan de dag la de bzhin gshegs pa gang dag rigs kyi phyag rgya'i rang bzhin gyis bzhugs pa de dag ni phyogs bcu'i 'jig rten khams bzhugs rnams so/ /byang chub sems dpa' de rnams kyang dus gsum du byon nas sangs rgyas bcom ldan 'das la phyag 'tshal bar byed te/ de dag phyag 'tshal bar byed pas cod pan la gnas pa'i de bzhin gshegs pa rnams dang phung po rnams kyis kyang de bzhin gshegs pa la phyag 'tshal bar 'gyur ro zhes pa ni bcom ldan 'das kyi nges pa'i don to/ /de bzhin du nye bar btags nas drang ba'i don brjod par bya ste 'dir phyi rol la ji lta ba de bzhin du lus la sna tshogs zhes gsungs pa'i phyir 'jig rten gyi khams kyi sgras phyogs bcu na gnas pa'i slob ma rnams kyi lus brjod te/ 'og ni sa'i khang pa la gnas pa rnams so/ /steng ni khang bzang sum rtseg la sogs pa la gnas pa rnams so/ /de rnams la phung po lnga gnas pa ni de bzhin gshegs pa zhes brjod te/ de ltar 'jig rten khams bzhugs rnams so/ /slob ma de rnams kyang thun 'tshams gsum du 'ongs nas bla ma la phyag 'tshal bar byed te de rnams phyag 'tshal bar byed pas phung po lnga rnams kyis kyang bla ma la phyag 'tshal bar 'gyur ro zhes pa ni drang ba'i don to/ /'dir ngur smrig 'dzin pa'i dge slong rnams kyis dus gsum du rdo rje slob dpon la phyag 'tshal bar bya ste khyim pa dang gsar bu rnams la ni dam pa'i chos 'chad pa ma gtogs par ma yin no/ /'di lta ste/ 'jig rten smod pa spang ba'i phyir/ /dam chos la sogs mdun bdar te/ /khyim pa 'am ni gsar bu la/ /brtul zhugs 'dzin pas blos phyag bya/ /de bzhin du mchog min las dang phyag spangs nas/ /stan bstab pa dang ldang ba dang / / don bya la sogs bsnyen bkur 'dir/ /thams cad brtul zhugs can gyis bya zhes pa 'dir gal te khyim pa 'am gsar bu dag kyang dge slong gi rdo rje slob dpon du mtshungs par gyur na de'i tshe ci ltar zhe na/ mchog min gyi las rkang pa bkru ba la sogs pa dang yan lag lnga'i phyag spang nas rang gi gnas su bla ma byon pa la nor la sogs pa'i bkur bsti bya'o/ /'chad pa'i dus su 'jig rten smod pa spang ba'i phyir dam pa'i chos la sogs pa mdun du bdar nas phyag 'tshal bar bya'o/ /'dir 'jig rten smod pa ni khyim pa 'am dge tshul gang yin pa de dag le lo nyid kyi gong ma'i rtags mi 'dzin pas so sor thar pa thos pa dang yongs su shes pa med pa'i phyir ro/ /gal te le lo dang nga rgyal med pa de lta na sngar dge slong gi sdom pa shes nas phyis theg pa chen po shes par bya ba ste kye'i rdo rje la sogs par bcom ldan 'das kyis gsungs pa ci'i don du mi byed/ de'i phyir dge slong rdo rje 'dzin pa yod na khyim na gnas pa'i slob dpon ni dge slong rnams kyis bsten par mi bya ste rgyal pos kyang rnam pa thams cad du bsten par mi bya'o/ /de bzhin du slob dpon yongs su brtag pa las/ slongs mo dang ni gos dmar gyis/ /ngan pa'i bdag gang ngo tsha nas/ /g.yem bcas phyag dang mchod byed pas/ /sangs rgyas pa rnams la ma nyams par/ /'gyur ro zhes 'brel lo/ /de bzhin du gang tshe gos dmar mthong gyur nas/ /sdig can rnams ni zhe sdang 'gyur/ /kla klo'i chos dga' sangs rgyas pa/ /de tshe dkar po'i gos la mos/ /zhes so/ /'dir sangs rgyas pa'i bstan pa ni dus thams cad du gos dkar po ma yin te/ de ltar yang 'jam dpal gyi yul gyi gtsug lag khang du dge slong dang / dge tshul pham par gyur pa de'i tshe gos dkar po byin zhing ngur smrig blangs te gtsug lag khang nas nges par 'byin par byed do/ /rdo rje slob dpon yang sngags pa'i gtsug lag khang nas rgyal po'i nges pas so/ /'phags pa'i yul 'dir yang khyim na gnas pa gos dkar po 'dzin pa ni ngur smrig 'dzin pa rnams kyi bla ma dang gtsug lag khang la sogs pa rab tu gnas pa byed pa po ci ltar yin/ gang zhig dge slong rdo rje 'dzin pa yod kyang gnod pa'i gnas skabs thob pa dag sten par bya na 'di ni dge 'dun la brnyas pa chen po ste nges par 'di ni bde bar gshegs pa'i rnam par dbye ba rnam par nyams par byed pa'o/ /de'i phyir rnam pa kun du yongs su brtags nas skyon dang bral ba'i bla ma bsten par bya zhing skyon dang ldan pa spang bar bya'o/ /slob dpon yongs su brtag pa gsungs pa'i nges pa'o/ /da ni zab cing zhes pa la sogs pas shes rab ye shes la sogs pa'i dbang gi don du slob ma dam pa'i mtshan nyid gsungs te/ 'dir sngags kyi tshul la slob ma rnam pa gnyis te gcig ni phyag rgya chen po'i dngos grub sgrub pa don du gnyer ba dang gnyis pa ni 'jig rten pa'i dngos grub sgrub pa don du gnyer ba'o/ / gang phyag rgya chen po'i dngos grub sgrub pa don du gnyer ba de ni stong pa nyid kyi lam bsgom pa'i don du bum pa dang gsang ba la sogs pa'i dbang gis yang dag par bsdu bar bya'o/ /gang 'jig rten pa'i dngos grub sgrub pa don du gnyer ba de ni sngags dang phyag rgya dang dkyil 'khor gyi 'khor lo sgoms pa'i don du dbang bdun gyis yang dag par bsdu bar bya ste 'bring po bsod nams dag gi rgyur zhes so/ /tha ma ni dbang gis yang dag par bsdu bar bya ba ma yin te dge snyen gyi bslab pas yang dag par bsdu bar bya'o zhes pa ni nges pa'o/ /'dir zab cing rgya che ba'i chos stong pa nyid dang snying rje'i bdag nyid la gang zhig sems pa de ni zab cing rgya che la sems zhes pa ste slob ma mchog go / bla ma'i nges pa la dga' zhes pa ni rtsa ba'i ltung ba bcu bzhi dang bral zhing dge ba bcu'i chos la dga' ba'o/ /gtong ba'i ngang tshul dang ldan zhes pa ni 'du 'dzi thams cad rnam par spangs shing / rdzas la sogs pa la ltos pa med pa'o/ /yon tan shes zhes pa ni dkon mchog gsum la dad pa'o/ /thar pa don gnyer zhes pa ni 'jig rten pa'i dngos grub la ltos pa med pa'o// //rgyud la gus shing zhes pa ni rgyud las gsungs pa'i sdom pa srung bar byed pa'o/ /g.yo ba min pa'i sems ldan zhes pa ni 'jig rten pa'i lam rnams kyis gang gi sems mi g.yo ba de ni g.yo ba med pa'i sems ldan no/ /de nyid thob pa shin du sbed ces pa ni de kho na nyid thob pa na ji srid rang gis nyams su myong bar gyur pa de srid du sbed pa ni shin du sbed pa'o/ /gdug pa rnams kyi grogs nyams zhes pa ni 'dir gang dag nor don du gnyer ba'i khyim pa'i slob dpon rnams dang de bzhin du dka' thub pa rnams kyang ste gang zag gcig gis bsti gnas dang gtsug lag khang nye bar longs spyod pa de rnams ni gdug pa'o/ /de rnams kyi grogs ni mi dge ba bcu'i lam ste de gang la nyams pa de ni gdug pa rnams kyi grogs nyams pa'o/ /de ltar gyur pa ni slob ma chen po ste bla ma shin du mkhas pa de nyid rig pa rnams kyis shes rab ye shes kyi dbang la sogs pa'i rgyur bsdu bar bya'o/ /sog pa'i sgras dbang bzhi pa'i rgyur yang de nyid do/ /gzhi na 'bring po ni slar yang bsod nams dag gi rgyur te yon tan 'bring po dang ldan pa ni dbang bdun gyi rgyur yang dag par bsdu bar bya'o/ /tha ma yang gal te bla ma sten par byed cing smod par mi byed na bslab pa'i gnas lnga'i rgyur yang dag par bsdu bar bya'o zhes pa ni bcom ldan 'das kyi nges pa ste slob ma yongs su brtag pa'i nges pa'o/ /da ni rdo rje slob dpon gyis dkyil 'khor bzhengs pa dang dbang sbyin pa dang rgyud bstan pa'i don du rnal 'byor ma rnams la mchod pa byed pa'i slad du nag pa'i mthar zhes pa la sogs pas dkar po'i tshigs nges pa bcom ldan 'das kyis gsungs pa rnam par rgyas par bya ste/ 'phags pa'i yul 'dir dkar po'i tshes gcig la sogs pa cha bcwa lnga'i mthar nag po'i tshes gcig 'jug pa sa ga'i nya'i skya reng 'char ba'i tshe bcom ldan 'das shAkya thub pa mngon par rdzogs par sangs rgyas te de nas chos kyi 'khor lo bskor zhing theg pa gsum bstan pa mdzad nas zla ba bcu gnyis pa nag pa'i nya la shrI d+hA n+ya ka Ta kar chos kyi dbyings gsung gi dbang phyug gi dkyil 'khor cha bcu drug gi rnam par dbye ba'i mtshan nyid can dang / de'i steng du dpal ldan rgyu skar gyi dkyil 'khor cha bcu drug gi rnam par dbye ba can dang po'i sangs rgyas rnam par spros so/ /'dir rgyu skar gyi dkyil 'khor zhes ci ltar shes par bya zhe na brjod par bya ste/ 'dir mchod rten gyi phyi rol du rgyu skar nyi shu rtsa brgyad rnam par dag pas ka ba nyi shu rtsa brgyad te phyogs bzhi rnams su thur ma bdun gyi dbye bas shar du khyab 'jug gis khyer nas 'ongs pa dang lhor kAr ti kas dang nub du tshangs pas dang byang du bde byed kyis khyer nas 'ongs pa rnams btsugs pa gang yin pa des na mchod rten gyi phyi rol rgyu skar gyi rnam par dbye bas mchod rten gyi nang gi dkyil 'khor ni dpal ldan rgyu skar gyi dkyil 'khor ro/ /de bzhin du sgo logs nyi shu rtsa bzhi ni phyogs kyi cha'i dbye bas so/ /gzhan 'og gi dkyil 'khor sku dang gsung dang thugs kyi dkyil 'khor gyi bdag nyid cha bcu drug dang ldan pa ni stong pa nyid dang snying rje bcu drug rnam par dag pas so zhes pa dkyil 'khor gyi gnas nges pa'o/ /gnas der nyin zhag de nyid la de bzhin gshegs pas sangs rgyas kyi dbang byin nas lha dang lha ma yin la sogs pa rnams sangs rgyas nyid du lung bstan te des na ma 'ongs pa'i dus su nya 'di ni dus kyi 'khor lo las rdo rje slob dpon rnams la de bzhin gshegs pa'i nges par gyur to/ /nag pa'i mthar ni dkar po'i tshigs la gzhan la phan pa'i bla mas dkyil 'khor dag ni bzhengs byas nas/ /sdig pa'i dri ma 'phrog pa'i dbang bdun rnams ni bsod nams don du bu rnams dag la sbyin par bya zhes pa la 'dir dang por dbang bdun sbyin pa ni gzhug pa'i don dang sngags bzlas pa dang dkyil 'khor sgom pa'i don du ste des bsod nams kyi tshogs so/ /de'i phyir bsod nams kyi tshogs kyi rgyur dbang bdun sbyin par bya zhing mi 'tshe ba la sogs pa'i brtul zhugs nyi shu rtsa lnga sbyin par bya'o/ /de nas ye shes kyi tshogs kyi don du dbang gong ma gsum sbyin pa ni rang gi sha la sogs pa dang shin du 'dod pa sbyin pa la sogs pa'i don dang rnam pa thams cad kyi mchog dang ldan pa'i stong pa nyid sgom pa'i don dang byang chub kyi sems mi 'gyur ba'i don te des ye shes kyi tshogs so/ /de'i phyir ye shes kyi tshogs kyi rgyur dbang gong ma rnams sbyin par bya'o/ /de dag kyang dbang bzhi pa dang bcas pa ste bzhi pa ni man ngag gis brjod par bya'o/ /zhes pa bcom ldan 'das kyi dbang gi nges pa'o/ /de ltar nag pa'i nya gtso bor byas nas nya bcu gnyis po rnams la rdo rje slob dpon gyis dbang sbyin par bya zhing sku gzugs la sogs pa rnams rab tu gnas par bya'o/ /de bzhin du rgyu skar dang sbyor ba dge ba dang bcas pa'i nyin zhag gzhan la yang bya'o zhes pa ni dbang la sogs pa'i nges pa'o/ /da ni dus kyi 'khor lo'i rgyud bstan pa'i don du rnal 'byor ma rnams mchod pa'i nges pa gsungs te nag pa'i nya la dkyil 'khor bzhengs nas sam yang na dkyil 'khor bris pa med par mtha' dag yon tan gter gyur rgyud kyi rgyal po bstan pa'i slad du rnal 'byor ma rnams dag la bza' ba dang btung ba la sogs pas mchod pa bya'o/ /ci ste ma tshogs pa'i dbang gis nag pa'i nya la mchod pa med par gyur na de'i tshe lo gcig tu ni rgyud kyi rgyal po dag ni bla ma rdo rje slob dpon gyis bstan par mi bya'o/ /ci ste mchod pa med par gyur pa la 'os pa'i slob ma 'ga' zhig thos pa don du gnyer na de'i tshe des nya bcu gnyis po rnams la rnal 'byor ma rnams la mchod pa byas nas mnyan par bya ste/ de'i bsod nams kyi tshogs kyis gzhan rnams kyis kyang mnyan no/ /'dir rnal 'byor ma rnams la mchod pa ni phyi'i bgegs nye bar zhi bar bya ba'i don du ste rtag tu brgyad dang bcu bzhi la ji ltar 'byor pa bya ba dang 'byung po la sogs pa rnams la nyin zhag so sor gtor ma sbyin par bya ba dang sangs rgyas mchod pa maN Dal la sogs pa bya ba ni khyim na gnas pa nor dang ldan pa rnams kyi nges pa'o/ /kun spangs kyi slob ma rnams la ni mchod pa nges pa med cing de rnams la bstan pa'i don du bla ma rnams kyis kyang nges pa mi bya'o/ /gang gis phyir sangs rgyas dang rdo rje rnal 'byor ma rnams kyang bsam pa 'dzin par byed pa ste mchod pa la sogs pa'i dngos po 'dzin par byed pa ma yin pa'i phyir ro/ /rgyud bstan pa'i mchod pa'i nges pa'o/ /da ni dbang gi don du sa la sogs pa'i mtshan nyid gsungs te tshigs su bcad pa 'dir sa la sogs pa gang smos pa de mtha' dag 'chad par 'gyur ba las brjod par bya'o dge ba dang mi dge ba'i las kyi 'bras bu'i don du zhi ba la sogs pa bya'o zhes pa ni rdo rje slob dpon gyis so/ /slob ma rnams ni bsdu ba dag dang gang yang dkyil 'khor bri ba dag shes nas bya'o zhes pa ni nges pa'o/ /gdug pa'i slob dpon pha rol slu ba po rdzas la chags pas yongs su shes pa med par byed na dmyal bar 'gro bar 'gyur ro zhes pa ni slob dpon la rjes su bstan pa'i tshigs su bcad pa'o/ /dbang gi don du sa ni yongs brtags ces pa la sogs pa ni go sla'o/ /da ni sa yi zhes pa la sogs pas sa'i mtshan nyid gsungs te 'dir 'jig rten gyi tha snyad kyis dngos po rnams kyi rigs rnam pa bzhi'o/ /de yang kha dog bzhis rig par bya ste dmangs rig+sa la sogs pa rnams kha dog nag po la sogs pas so/ /'dir 'jig rten kun rdzob kyis kha dog nag po'i sa ni dmangs rigs so/ /ser po ni rje rigs dang dmar po ni rgyal rigs dang dkar po ni bram ze'i rigs so/ /de bzhin du dri las te rmag gi dri ni dmangs rigs so/ /lan tshwa'i dri ni rje rigs dang pad ma'i dri ni rgyal rigs dang mchog gi dri ni bram ze'i rigs te rim pas so/ /de bzhin du ro las te skyur ba dang lan tshwa'i ro ni dmangs rigs so/ /mngar dang tsha ba zhes pa la mngar ba'i ro ni rje rigs dang tsha ba'i ro ni mi bdag gi rigs te rgyal rigs dang gzhan pa'i ro kha ba rang ska ba dag ni gnyis skyes kyi rigs so zhes pa ste ro las rigs nges pa'o/ /da ni zhi ba la sogs pa'i don dus gsungs pa dkar po zhes pa la sogs pa ste 'dir zhi ba dang rgyas pa sa la dkar po dang bsad pa dang bskrad pa la kha dog nag po dang dbang dang dgug pa la dmar po dang rengs pa dang rmongs pa la ser por 'gyur ro/ /yang yig las dug gzhil ba la sogs pa la yang rim pa ji lta bas te nges pa'o/ /'dir las kyi cha ni thams cad pa las ljang khu las thams cad byed par 'gyur te lnga pa dang ni mtha' ma dag gi rigs so/ /ro dang dri rnams thams cad dang ldan mtha' dag yon tan gter de ni nam mkha'i khams kyi mtshan nyid du rnal 'byor pas rig par bya'o zhes pa ste sa'i mtshan nyid nges pa'o/ /'dir gal te 'di 'dra ba'i sa'i mtshan nyid nges pa zhi ba la sogs pa'i don du yin na de'i tshe nags dang grong khyer la sogs pa'i phyogs kyi cha thams cad du mtshan nyid 'di rnams dang ldan pa'i sar mi 'gyur ro/ /de nas rtsa ba'i rgyud las bcom ldan 'das kyis gsungs pa/ 'dir gang du dkyil 'khor la sogs pa'i las bya ba der gal te las dang rjes su mthun pa'i sa med par gyur na de'i tshe khung bu brkos nas te chu'i mtha' ma rdo ba'i mthar brko bar bya'o/ /de nas las dang rjes su mthun pa'i sa gzhan gyis khung bu dgang bar bya'o/ /'dir sa'i dri'i don du sa dkar po ni tsan dan gyi chus bran par bya'o/ /sa dmar po ni pad ma'i chu dang tsan dan dmar po'i chus bran par bya'o/ /sa ser po ni bong bu dang rta dang mi'i gci bas bran par bya'o/ /sa nag po ni sha rul pa'i chus bran par bya'o/ / ro bro ba'i don du nag po la lan tshwa dang skyur ba bsre bar bya'o/ /ser po la bu ram dang dmar po la tsha ba gsum dang dkar po la kha ba dang ska ba'o/ /ljang khu ni las thams cad pa nyid kyi phyir ci yang bsre bar mi bya'o/ /de bzhin du sa'i nang du gter gzhug par bya ste nag po la ni bsad pa la mi rus dang bkrad pa la bya rog gi mjug sgro dang sdang ba la bong bu'i rus pa'o/ /ser po la ni phur bus gdab pa la lug gi rwa dang rengs pa la ba bla dang rmongs pa la sbrul lo/ /dmar po la ni dbang la 'gi wang dang dgug pa la mtshal dang bskyod pa la ldong ros so/ /dkar po la ni zhi ba la shel dang rgyas pa la dung dang rims 'phrog pa dang bsreg pa la mu tig go/ ljang khu la ni cung zad kyang gzhug par mi bya'o/ / ci ste ljang khu la thun mong gi las thams cad pa bya ba yin na de'i tshe sa'i snying por rin po che lnga gzhug par bya'o/ /dkar po dang dmar po la yang ste las thams cad pa la drag po'i rdzas rnams spang bar bya'o/ /las thams cad pa'i sgras ni zhi ba la sogs pa dang dbang la sogs pa'i las drug ste bsad pa la sogs pa dang phur bus gdab pa la sogs pa drug ni ma yin no/ /sa yongs su brtag pa'i nges pa'o/ /da ni dbang ldan zhes pa la sogs pas zhi ba la sogs pa'i don du phyogs kyi cha gsungs te 'dir spyi'i grong las grong gi phyi rol dbang ldan dang byang du yang zhi ba dang rgyas pa dag bya'o/ /rgyal po chen po'i gnas las ni phyogs brgyad na ro sreg pa la sogs pa'i dur khrod brgyad te/ des na zhi ba dang rgyas pa 'grub par mi 'gyur ro/ /de'i phyir rgyal po'i khab kyi dbang ldan dang byang du zhi ba dang rgyas pa bya'o/ /las lhag ma rnams ni grong gi bzhin du rgyal po'i gnas las phyi rol du'o zhes pa zhi ba dang rgyas pa'i las nges pa'o/ /de bzhin du mer bsad pa dang shar du rnam par dbye ba dang bskrad pa dang bden bral du dbang du bya ba dang lhor dgug pa dang rlung du rmongs pa dang nub tu rengs pa dang phur bus gdab pa'o/ /grong gi dbus su las thams cad pa'i dkyil 'khor dang thab dang sbyin sreg la sogs pa sngags pas bya'o zhes pa ni phyogs kyi char las byed pa'i nges pa'o/ /da ni zhi ba la sogs pa'i thab gsungs te thab khung grong gi phyogs brgyad dbang ldan la sogs pa rnams su rim pa ji lta bas te zhi ba la thab khung zlum po'o/ /rgyas pa la gru bzhi dang bsad pa la gzhu'i rnam pa dang dbye ba la zur lnga pa dang dbang la zur gsum pa dang dgug pa la zur bdun pa dang rmongs pa la zur drug pa dang rengs pa la zur brgyad pa'o/ /'di rnams kyi mtshan nyid ni 'chad par 'gyur ba'i sbyin sreg gi cho ga las rgyas par brjod par bya'o/ /da ni thab khung gi mtshan ma gsungs te 'dir thab khung zlum po'i pad ma'i lte ba la mtshan ma ni pad ma'o/ /gru bzhi pa la 'khor lo dang gzhu'i rnam pa la gri gug dang zur lnga pa la ral gri dang zur gsum pa la mda' dang zur bdun pa la rdo rje lcags kyu dang zur drug pa la rmongs pa la sbrul dang zur brgyad pa la lcags sgrog go/ 'dir thab khung gnyis kyi mtshan ma bzlog pa ni sdeb sbyor gyi dbang gis te mtshan ma'i nges pa'o/ /'di rnams kyi tshad gsungs pa gcig ces pa la sogs pa ste zlum po ni khru gcig pa'o/ /gru bzhi pa ni khru gnyis pa dang gzhu'i rnam pa ni khru phyed pa dang zur lnga pa ni zlum po'i tshad dang zur gsum pa ni sor nyi shu dang zur bdun pa ni sor bzhi bcu dang zur drug pa ni sor sum bcu dang zur brgyad pa ni sor drug bcu'o/ /thab khung gi phyed kyi tshad ni zabs so/ /thab khung gi drug gi cha shas ni kha khyer ro/ /thab khung gi bcu gnyis kyi cha shas ni mchu'o/ /mtshan ma'i phreng ba yang kha khyer la kun nas so/ /phyi rol du chu skyes 'dab ma rnams ni zhi ba dang rgyas pa la'o/ /lhag ma'i las rnams la ni rtsigs pa'i phyi rol du gzhan dang gzhan 'chad par 'gyur ro/ /yang na las thams cad la thab khung gi dbus su rdo rje mtshan mar shes par bya'o/ /da ni sa la phur bu gdab pa'i don du phur bu gsungs te 'dir phyogs bcur phur bu gdab pa'i don du zhi ba la n+ya gro d+hA'i phur bu'o/ /rgyas pa la a shwad tha dang bsad pa la rus pa'i bdag nyid dang bskrad pa la lcags dang dbang la seng ldeng las skyes pa dang dgug pa la tsU ta las skyes pa dang rmongs pa la arka las skyes pa dang rengs pa la bil ba las skyes pa'o zhes pa ni phur bu'i nges pa ste las thams cad pa la u dum ba ra las skyes pa'o/ /da ni bum pa gsungs te zhi ba la shel gyi bum pa'o/ /rgyas pa la dngul gyi'o/ /bsad pa la mi'i thod pa'o/ /bskrad pa dang dbye ba la lcags kyi'o/ /dbang la gser gyi'o/ /dgug pa la zangs kyi'o/ /rengs pa la sa'i bdag nyid do/ / rmongs pa la shing las skyes pa'i bum pa bcu'o/ /de nas zhi ba dang rgyas pa'i don du bum pa'i mtshan nyid gsungs te 'dir bum pa'i lto ba zlum po ni brgyad gnyis sor du brjod te sor bcu drug tu brjod do/ /gnyis kyis bsgyur ba'i bcu yis dpangs zhes pa ni bum pa'i lto ba'i 'og nas kha dang mchu'i mthar sor nyi shu ni dpangs so/ /sor gnyis dag gi mchu zhes pa ni gang dag gi mchu sor gnyis 'phyang ba de dag ni sor gnyis dag gi mchu'o/ kha'i 'tshams nas sor drug gi mgrin pa'o/ /sor brgyad kha ste zhes pa ni mchu'i mtha' nas mchu'i mthar kha sor mo brgyad te/ sor brgyad cha gsum du byas nas cha gnyis kyis mgrin pa'i bug pa'o/ / cha gcig gis mchu gnyis kyi zheng ngo / /de yang ri bong 'dzin pa ltar dkar ba'i bum pa ni zhi rgyas dag la ste gzhan la ni 'gyur ba ma yin no/ /shel dang dngul gyi bum pa rnams med na sa'i rang bzhin gyi bum pa nag po dang rtsa ba med pa rnams sA li btags pa 'am tsan dan gyis byugs te dkar por bya'o/ /de bzhin du rtsa ba'i rgyud las kyang bcom ldan 'das kyis gsungs te/ bsad pa la mi'i thod pa dur khrod kyi sol ba'i phye ma dang mi'i zhag gis byugs te nag por bya'o zhes so/ /bskrad pa dang dbye ba la mgrin pa ring po sor brgyad pa 'khyog po lus phra ba zlum po sor bcu gnyis pa srid du sor nyi shu rtsa bzhi pa mchu sor gcig pa/ kha sor drug pa'o/ /dbang dang dgug pa la 'jig rten gyi tha snyad kyis bzo bos ji ltar byas pa'o/ /rings pa la sbom thung ste zlum po dang dpangs mtshungs par sor bcu drug pa mgrin pa sor bzhi pa/ kha sor drug pa mchu mthug po sor gnyis pa'o/ /bum pa'i nges pa ste las thams cad pa la zhi ba la sogs pa dang dbang la sogs pa'i las la gsungs pa rnams gzung bar bya'o zhes pa ni nges pa'o/ /da ni snga dro zhes pa la sogs pas zhi ba la sogs pa'i dus gsungs te 'dir nyin zhag so so la snga gro nas thun brgyad ni thun tshod rnams te de rnams las dang po'i thun la zhi ba dang gnyis pa la rgyas pa dang gsum pa la bsad pa dang bzhi pa la bskrad pa dang lnga pa la dbang dang drug pa la dgug pa dang bdun pa la rmongs pa dang brgyad pa la rengs pa bya'o zhes pa ni zhi ba la sogs pa la thun 'tshams su 'gyur ro/ /de bzhin de yi thun phyed dag la zhes pa ni snga dro'i thun phyed la zhi ba dang phyed phyi ma la rgyas pa ste thams cad du yang de bzhin no/ /de bzhin du mtshan mo'i thun phyed snga ma la zhi ba dang phyed phyi ma la rgyas pa'i las rnams kyang sngags pas bya'o/ /gal te 'chad par 'gyur ba'i 'dug stangs bcings nas thun tshod gcig tu sbyin sreg byed par mi nus na de'i tshe thun phyed gcig sbyin bsreg byas nas bsgrub par bya ste gnyi ga gsungs so/ /dus kyi bye brag gis lha mchod pa dang sgrub pa'i nges pa gzhan ni le'u lnga par 'chad par 'gyur ba las brjod par bya'o/ /da ni zhi ba dang rgyas pa dag la gdug pa'i dus dang dus sbyor dgag pa gsungs te 'dir nyin zhag so sor nyi ma gung dang nam phyed dag ni zhi ba dang rgyas pa'i las la yang spang bar bya'o/ /de bzhin du 'char ba'i dus sbyor gdug pa'i gza' rnams gnas pa ste bkra shis dang spen pa dang dus me'i gza' dang bcas pa ni spang ste gang gi phyir 'chi ba'i 'jigs byed do/ /des na bsad pa dang bskrad pa la ni de nyid sbyar bar bya'o zhes pa nges pa'o/ /da ni 'o ma dang bcas zhes pa la sogs pas zhi ba la sogs pa rnams la sbyin sreg gi yam shing gsungs te 'dir zhi ba dang rgyas pa la 'o ma dang bcas yam shing mda' brgya zhes pa ni lnga brgya'i grangs so/ / 'o ma'i shing rnams zhes pa ni u dum ba ra dang a shwad tha dang n+ya gro d+hA dang parkA TI dang ma d+hu brik+Sha rnams so/ /bsad pa la mi rus mthe chung gi sor mo'i dbyibs su byas pa lnga brgya'o/ /de bzhin du dbye ba dang bskrad pa la bya rog gi mjug ma lnga brgya'o/ /de bzhin du dbang la seng ldeng las skyes pa dang dgug pa la pa lA sha las skyes pa dang rmongs pa la smyo byed las skyes pa dang rengs pa la bil ba las skyes pa ste thams cad du khru phyed ni sor bcu gnyis pa'o/ /mthe chung gi sor mo'i tshad nas mthe bo'i bar du ste de'i steng du chad pa 'am lhag pa ni gzung bar mi bya'o zhes pa ni yam shing gi nges pa'o/ /da ni sbyin sreg gi rdzas rnams gsungs pa'o ma zhes pa la sogs pa ste 'dir zhi ba la ba'i 'o ma dang dUr bas sbyin bsreg bya'o/ /rgyas pa la mar dang 'bru lngas so/ /bsad pa la khrag gis te sha dang dug dang lhan cig go/ bskrad pa dang dbye ba la mi'i zhag gis te skye tshe dang lan tshwa dag dang lhan gcig go dbang la rngul gyis te ka ra bI ra'i me tog dmar po la sogs pa dang lhan cig go/ dgug pa la gci bas te bil ba'i 'dab ma 'am de'i 'bras bu'i 'bru dang lhan cig go/ rengs pa la mchil mas te me tog rnyings pa'i phreng ba dang lhan cig go/ rmongs pa la chang gis te d+ha du ra'i me tog dang lhan cig go zhes pa ni zhi ba la sogs pa la sbyin sreg gi rdzas nges pa'o/ /da ni slob dpon gyi gdan gyi phyogs kyi gsungs te 'dir zhi ba la gshin rjer 'chad par 'gyur ba'i gdan bya'o/ /rgyas pa la bden bral gyi zur du'o/ /bsad pa la chu ru'o/ /bskrad pa dang dbye ba la rlung du'o/ /dbang la gnod sbyin du'o/ /dgug pa la dbang ldan du'o/ /rmongs pa la shar du'o/ /rengs pa la me'i zur du'o zhes pa ni zhi ba'i las la sogs pa la sbyin sreg gi thab kyi gdan gyi nges pa'o/ /da ni rdul tshon gyi cho ga gsungs te 'dir zhi ba la sogs pa'i las gnyis gnyis la thab khung rnams dang dkyil 'khor gyi dbus su rdul tshon gdab par 'gyur te zhi ba dang rgyas pa dag la rdul tshon dkar po'o/ /bsad pa dang bskrad pa dag la rdul tshon nag po dang dbang dang dgug pa dag la dmar po dang rmongs pa pa dang rengs pa dag la ser po dang las thams cad pa la ljang khu ste dkar po dang nag po dang dmar po dang ser po ljang khu dang bcas pa'o zhes so/ /de bzhin du thab khung rnams dang dkyil 'khor gyi phyi rol gyi shar dang lho dang nub dang byang gi sa la sangs rgyas kyi dbye ba 'am bcom ldan 'das kyi zhal gyi bye bas rgyud las gsungs pa'i cho gas rdul tshon gdab bo/ /rdul tshon gdab pa'i nges pa'o/ /de bzhin du 'chad par 'gyur ba'i rim pas slob dpon gyis dgod pa sogs dang bsang gtor la sogs pa dang rang gi snying kha'i rdo rje dag las lha rnams spro bar bya'o zhes pa ni nges pa'o/ /da ni mchod yon gyi snod kyi mtshan nyid gsungs te 'dir zhi ba la ni mchod yon sbyin pa'i don du shel gyi snod kham phor gyi rnam pa ste ka tso la'i rnam pa'o zhes pa'i don to/ /thams cad sor bcu gnyis pa lte ba dang bcas pa 'dab ma brgyad pa'i bdag nyid te/ de ltar na shel la sogs pa'i mchod yon snod la pad ma nor gyi 'dab ma mthe bo dag ni bcu gnyis kyang zhes so/ /'dir lte ba sor bzhi dang 'dab ma rnams sor bzhi ste de ltar sor bcu gnyis so/ /de bzhin du rgyas pa la sogs pa la dngul dang thod pa dang lcags dang gser dang zangs dang shing dang sa'i rang bzhin gyi snod rnams la sgrub po/ /de bzhin du bsreg blugs kyi sbyin sreg gi don du dgang gzar dang blugs gzar gsungs te 'dir yu ba'i rtse mor te khru gang tsam gyi yu ba'i rtse mor snyim pa'i rnam pa'i snod gru bzhi pa ste sor mo gcig gi dpangs so/ /mnyam pa'i gzhi la pad ma ste pad ma'i 'dab ma'i rtse mo 'di ni mchu'i nang gi ngos so/ /phyi rol du rdo rje rtse lnga pa ste dbu ma'i rtse mo la gci ba dang khu ba'i rgyun 'byung ba bzhin du mar gyi rgyun 'byung ba'i don du bug pa'o/ /bsreg blugs kyi bya ba la bsreg blug+sa kyi dgang gzar ro/ /khru gang tsam gyi yu ba las zhes pa ni rtsa ba'i rgyud las snying kha'i pad ma nas rdo rje'i mthar thug pa'o zhes pa ni nges pa'o/ /de bzhin du yu ba'i rtse mor sbyin sreg gi bya ba la khyor bar 'gyur te mdzod spu'i gnas nas snying kha'i bar du'o/ kha'i rgya'i cha de nyid lag 'thil gyi tshad kyis pad ma sor drug pa'o/ /rdzas kyi sbyin sreg gi blugs gzar gyi yu ba'i rgyab la rdo rjes mtshan pa ste sbyin sreg gi snod kyi nges pa'o/ /da ni zhi ba la sogs pa la lha'i sku gsungs te 'dir thab khung gi me lha dang dkyil 'khor gyi gtso bo ni zhi ba dang rgyas pa la zhi ba kha dog dkar por 'gyur ro/ /bsad pa dang bskrad pa la sogs pa la drag po kha dog nag po'o/ /dbang dang dgug pa la chags pa dang bcas pa kha dog dmar po'o/ /rmongs pa dang rengs pa la sogs pa la khengs pa kha dog ser po'o zhes pa ni zhi ba la sogs pa la lha'i kha dog go/ las thams cad pa la ljang khu cung zad bzhad cing chags pa'i sku ste lha'i nges pa'o/ /da ni rdul tshon gyi rnam par dag pa gsungs pa rnam pa lnga zhes pa la sogs pa ste 'dir rgyal ba'i dbang po rdo rje sems dpa' rnam pa lnga'o/ /gang phyir te gang gi phyir ye shes kyi 'od zer rnam pa lnga spro ba'i phyir te srid pa gsum la gnas pa'i phung po dang khams dang skye mched sgrib pa med pa'i dbye ba yis so/ /de las kyang ni lha rnams dkyil 'khor dag la rdul tshon rnam pa lnga ru 'gyur te rdul tshon gyi nges pa'o/ /da ni thig skud khru ni brgyad ces pa la sogs pas thig skud kyi mtshan nyid gsungs te 'dir gzhon nu mas bkal ba'i srad bu du ma sum bsgril gyi bdag nyid du bya ste de nas rdo rje slob dpon gyi mthe bo'i nas kyi tshad kyis sum bsgril du bya'o/ /de nyid ni khru brgyad pa ces pa dkyil 'khor gyi nyis 'gyur ram bzhi 'gyur khru bcu drug gi bar du slob dpon gyi khru yis thig skud gcig bya ste dkyil 'khor la mtshan nyid gzhan pa ma yin no/ /dkyil 'khor ni rtag tu rang gi bdag nyid kyi chas khru gcig nas brtsams te khru stong ji srid pa de srid du 'gyur ro/ /des na gang du thig skud kyi nges pa dang dkyil 'khor gyi nges pa slob dpon gyi khru yis yin pa der thig skud ni dkyil 'khor las nyis 'gyur ro/ /de la dang po'i sangs rgyas kyi thugs kyi dkyil 'khor ni khru bcu gnyis pa rab tu bya'o zhes pa'i nges pas thig skud khru nyi shu rtsa bzhi'o/ /de bzhin du gsungs gi dkyil 'khor khru bcu drug pa dang sku'i dkyil 'khor khru nyi shu pa'o zhes pa ni nges pa ste thig skud ni de dag gi nyis 'gyur ro/ /khru stong gi dkyil 'khor ni khru nyis stong gi thig skud kyis thig gdab par mngon par brjod pa med te shin du rmad du byung ba'i phyir ro/ /rgyud gzhan las thig skud sboms su sgo'i nyi shu cha dang ring ba dkyil 'khor gyi nyis 'gyur ma yin nam/ ci ltar na sboms su nas tsam dang ring ba khru brgyad pa yin zhes pa 'ga' zhig gi tshig 'byung bar 'gyur te de'i phyir brjod par bya'o/ /'dir gal te dkyil 'khor thams cad la thig skud sboms su sgo'i nyi shu cha yin na de'i tshe khru stong gi dkyil 'khor la 'khor lo'i brgyad cha'i sgo ni nyi shu rtsa lnga lhag pa'i khru brgyar 'gyur ro/ /de'i nyi shu cha sor drug lhag pa'i khru drug ni thig skud kyi sboms su 'gyur te thig skud khru stong phrag gnyis pa des slob dpon su zhig dkyil 'khor gyi sa la thig gdab pa byed par 'gyur/ de'i phyir tshig 'di ni dkyil 'khor khru gang tsam la sogs pa la ste de'i steng du spyi'i thig skud kyi sboms nges pa ni bcom ldan 'das kyi ma yin no/ /mi rnams kyi lus ni thun mong gis khru bzhi ste des na lus las nyis 'gyur ni khru brgyad do/ /rnam pa gsum gyi lam la gnas pa ni lus dang ngag dang sems kyi rtsa la gnas pa gcig tu 'dres par gyur pa'i thig skud do/ /des khru stong gi mthar thug pa'i dkyil 'khor gyi thig gdab par bya ste snying po'i 'khor lo'i rtsibs rnams las yang dang yang du thig gi gnas su thig btab pas so zhes pa ni thig skud kyi cho ga'i nges pa'o/ /da ni zhi ba zhes pa la sogs pas zhi ba la sogs pa'i las sgrub pa'i don du 'dug stangs rnams gsungs te 'dir zhi ba la sogs pa la rim pas 'dug stangs rnams su 'gyur ro/ /de yang zhi ba la dkyil dkrung zhes pa ste pus mo g.yon pa'i steng du rkang pa g.yas pa gan rkyal du gnas pa ni dkyil dkrung ngo / /rgyas pa la rdo rje'i 'dug stangs ni rkang pa g.yas pa brla g.yon pa'i steng dang g.yon pa yang brla g.yas pa'i steng du ste thad kar gan rkyal gyis so zhes pa ni rdo rje 'dug stangs so/ /lha min zhes pa ni lha min gyi 'dug stangs te bsad pa la 'thab mo byed pa'i rus sbal gyi stabs bzhin no zhes pa ni lha min gyi 'dug stangs so/ /tsog pu zhes pa ni bskrad pa dang dbye ba la tsog pur 'gyur te rkang pa gnyis mnyam pa long bu 'phongs tshos kyi rtsa ba la reg pa dag ste byin pa gnyis dang brla gnyis steng du son pa ni tsog pu'o/ /dkyil dkrung phyed pa dbye ba rnam pa gnyis zhes pa ni 'dir dbang la rkang pa g.yon pa dkyil dkrung bzhin dang g.yas pa tsog pu bzhin te g.yas su cung zad dud pa'o/ /dgug pa la dbye ba gnyis pa ste g.yas pa dkyil dkrung bzhin dang g.yon pa tsog pu bzhin te g.yon du cung zad dud pa'o zhes pa ni dkyil dkrung phyed pa dbye ba gnyis so/ /bshang lam rkang par gnas pa dag ces pa ni 'dir rmongs pa la rkang pa g.yon par bshang lam gnas pa ste rkang pa g.yon pa'i steng du bshang lam bzhag cing g.yas pa tsog pu bzhin no/ /rengs pa la g.yas par bshang lam gnas pa ste rkang pa'i steng du bshang lam bzhag cing g.yon pa tsog pu bzhin no/ /'dug stangs kyi dbye ba rnam pa brgyad kyi nges pa'o/ /da ni shel dang zhes pa la sogs pas sngags bzlas pa'i don du zhi ba la sogs pa'i bgrang phreng gsungs te 'dir zhi ba la shel gyi bgrang phreng ngo / /rgyas pa la mu tig gi 'bras bu'o/ /bsad pa la mi'i so las byas pa'o/ /bskrad pa la bong bu'i so las byas pa 'am rus pa las byas pa'o/ /dbang la bo de tse'i bgrang phreng ngo / /dgug pa la pad ma 'am tsan dan dmar po'i sa bon gyi bgrang phreng ngo / /rmongs pa la lung tang gi bgrang phreng ngo / /rengs pa la dbang po'i mig ces pa ru rag sha'i bgrang phreng ngo zhes pa ni bgrang phreng gi nges pa ste bde gshegs rigs kyi dbang gis zhes pa ni 'chad par 'gyur ba las brjod par bya'o/ /da ni dri zhim zhes pa la sogs pas mchod pa'i don du zhi ba la sogs pa la me tog rnams gsungs te 'dir zhi ba dang rgyas pa la dri zhim po'i me tog dkar po rnams kyis lha la sogs pa rnams mchod do/ /bsad pa dang bskrad pa dang dbye ba la tsha ba dang bcas pa'i nag po tsher ma can rnams kyis so/ /dbang dang dgug pa la dmar pos so/ /rmongs pa dang rengs pa la ser pos te mchod pa'i me tog gi nges pa'o/ / da ni bsil dang zhes pa la sogs pas spos gsungs te zhi ba dang rgyas pa dag la bsil ba'i spos te bsil ba ni a ga ru dang sih+la ka dang ga bur rnams kyi spos sbrang rtsi dang sha ka ra la sogs pa dang bcas pa ni bsil ba'i spos zhes brjod de bsil ba'i rdzas rnams kyis so/ /de bzhin du bsad pa dang bskrad pa la bshang ba dang sha yi spos khrag dang ldan pa'o/ /dbang dang dgug pa la drag po'i spos zhes pa ste gu gul dang rgya skyegs dang spos dkar dang kun du ru dang thang chu rnams bu ram gyis sbyar ba ni drag po'i spos so/ /de bzhin du rmongs pa dang rengs pa la ska ba'i spos ni a ru ra'i phye ma bu ram dang bcas pa ska ba'i spos te spos kyi nges pa'o/ /de bzhin du zhal zas ni zhi ba la 'o ma dang zan no/ /rgyas pa la zho dang zan no/ /bsad pa la mchin pa'o/ /bskrad pa la sha'o/ /dbang la mar dang zan no/ /dgug pa la til gyi 'bru mar dang zan no/ /rmongs pa la sran chung mung ga dang bsres pa'i zan no/ /rengs pa la tsa na ka dang nya dang zan no/ /de bzhin du zhi ba dang rgyas pa dag la tsan dan gyi byug pa'o/ /bsad pa dang bskrad pa la khrag dang sol bas so/ /dbang dang dgug pa la gur gum dang gi wang ngam tsan dan dmar pos so/ /rmongs pa dang rengs pa la yung ba dang ba blas te dri'i nges pa'o/ /de bzhin du mar me ni zhi ba dang rgyas pa dag la mar gyi mar me'o/ / bsad pa dang bskrad pa dag la mi'i zhag gis so/ /dbang dang dgug pa dag la til gyi 'bru mar gyis so/ /rmongs pa dang rengs pa la zar ma'i 'bru mar dang bsi shing gi 'bru mar gyis so zhes pa la sogs pa mar me'i nges pa'o/ /de bzhin du zhi ba dang rgyas pa la 'bras sA li ma chags pa'o/ /bsad pa dang bskrad pa la skye tshe dang dbang dang dgug pa la yungs dkar dang rengs pa dang rmongs pa la sran chung ngam 'bru gzhan no/ / de bzhin du gos la sogs pa ste zhi ba dang rgyas pa dag la mchod pa'i rdzas thams cad dkar po'o/ /bsad pa dang bskrad pa dag la nag po dang / dbang dang dgug pa la dmar po dang rengs pa dang rmongs pa dag la ser po'o las thams cad pa la ljang khu ste mchod pa'i cho ga nges pa'o/ /da ni zhi ba la sogs pa'i las la 'chad par 'gyur ba'i 'khrul 'khor bri ba'i cho ga gsungs te 'dir 'chad par 'gyur ba'i 'khrul 'khor ni zhi ba dang rgyas pa dag la n+ya gro d+hA'i 'dab ma sar pa la shrI khaN Da dang sA li btags pa'i chus dUr ba'i myu gus bri bar bya ste rgyas pa la ni bsil ba'i smyu gus so/ /de bzhin du bsad pa dang bskrad pa la yang dur khrod kyi ras la dug dang khrag dang sol bas mi'i rus pa'i smyu gus te bskrad pa la ni bya rog gi mjug ma'i smyu gus so/ /dbang dang dgug pa la ni gro ga'i 'dab ma la gur gum dang 'gi wang gis gser gyi smyu gus te dgug pa la ni seng ldeng gi smyu gus tsan dan dmar po btags pas so/ /rengs pa dang rmongs pa la ni arka'i 'dab ma yongs su smin pa kha dog ser po la 'bras bu gsum gyi khu ba dang bcas pa'i ba bla dang yung bas bil ba'i smyu gus te rmongs pa la arka'i smyu gus so zhes pa ni nges pa'o/ /da ni 'khrul 'khor rab tu gzhag pa'i cho ga gsungs te 'dir zhi ba dang rgyas pa dag la 'khrul 'khor bris pa'i 'dab ma la sogs pa ni ji srid 'khrul 'khor mi mthong gi bar du srad bu dkar pos dkri bar bya ste/ de bzhin du las kyi dbye bas srad bu nag po dang srad bu dmar po dang srad bu ser pos dkri bar bya'o/ /de nas zhi ba dang rgyas pa dag la kham phor kha sbyar du mngar gsum ste sbrang rtsi dang mar dang 'o ma yang dag par bsres pa la gzhag par bya'o/ /bsad pa dang bskrad pa la thod pa khrag gis gang bar gzhag par bya'o/ /dbang dang dgug pa la mes gdungs pa'i gyo mo kha sbyar du spra tshil gyis dkris nas so/ /rengs pa dang rmongs pa la ba bla'i chus gang ba'i so phag gi dbus su gzhag par bya'o/ /zhi ba dang rgyas pa dag la rlan dang bcas ba'i gnas ni gtsang ba dag tu maN Dal gyi steng du gzhag bar bya'o/ /bsad pa dang bskrad pa la ro bsregs pa'i sa brkos pa'i 'og tu gzhug par bya'o/ /dbang dang dgug pa la thab kyi 'og tu'o/ /rengs pa dang rmongs pa las skam po la gzhug par bya ste dge ba dang mi dge ba'i las la 'bras bu sngags pa yis ni rig par bya zhes pa ni nges pa'o/ /da ni bris pa'i 'khrul 'khor gyi 'khor lo'i phyi rol gyi des pa gsungs te 'dir zhi ba la 'khor lo'i phyi rol du zla ba'i dkyil 'khor gyis bskor bar bya ste zlum po'i ri mos so/ /rgyas pa la glang po ches bskor bar bya ste ji lhar glang po che'i lus la 'khor lor 'gyur ba'o/ /bsad pa la yi dags kyi lus la'o/ /bskrad pa la rda mo'i lus la'o/ /dbang la ri dgas kyi lus la'o/ /dgug pa la rta'i lus la'o/ /rmongs pa la ra'i lus sam lug gi lus la'o/ / rengs pa la rus sbal gyi lus la ste ji ltar 'khrul 'khor gyi 'khor lor 'gyur ba de bzhin du phyi rol du gzugs bya'o/ /de nas sngon du gsungs pa'i srad bus dkri bar bya'o/ /de bzhin du rig pa yang nges pa ste zhi ba dang rgyas pa la dngul gyi sbu gu rig pa'i dbus su gzhag par bya'o/ /bsad pa la mi'i rus pa'i sbu gu dang bskrad pa la bya rog gi rus pa'i sbu gu dang dbang la gser gyi sbu gu dang dgug pa la zangs kyi sbu gu dang rmongs pa la lcags kyi sbu gu dang rengs pa la ra gan gyi sbu gu'o zhes pa ni nges pa'o/ /'dir gang gis bskrad par 'gyur ba'i cho ga de nyid kyis dbye ba'i bya'o/ /gang gis rengs par 'gyur ba de nyid kyis phur bus gdab pa bya ste 'on kyang dgra'i dri ma dril ba bdud rtsi lnga dang bcas pas gzugs brnyan byas nas 'khor lo drug dang lag pa dang rkang pa'i tshigs rnams la myos byed kyi tsher ma rnams kyis phur bus gdab par bya'o/ /lha ma ni rengs pa la sogs pa bzhin no/ /gang gis dgug par 'gyur ba de nyid kyis rims skyed pa ste 'on kyang skye tshe dang lan tshwas gzugs brnyan la byugs nas mes rab gdung bar bya'o/ /gang gis zhi bar 'gyur ba de nyid kyis gdug pa'i lta ba dang dug gzhil ba ste/ / slob dpon gyis las bcu gnyis kyi cho ga shes nas gal te gzhan la phan pa'i slad du byed na de'i tshe bcom ldan 'das kyis nges pas gdon mi za bar de'i 'bras bur 'gyur te rang gi don du ni ma yin no/ /gang zhig byed na yang 'dir de'i cung zad kyang 'grub par mi 'gyur te gdug pa'i slob dpon rnams yongs su ngal ba nyon mongs pa tsam 'ba' zhig go/ de'i phyir rgyud las gsungs pa'i nges pas ltos pa med pa'i slob dpon mngon par shes pa thob pas gzhan la phan pa'i don du bya'o/ /nges pa ni 'chad par 'gyur ba las 'byung bar 'gyur te des na 'dir rgyas par ma brjod do/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od kyi dbang gi le'u las slob dpon la sogs pa dang las rab 'byam thams cad bsgrub pa'i mtshan nyid kyi mdor bsdus chen po ste dang po'o// // rdo rje 'jigs byed 'jigs par byed/ / dpa' bo gdul dka' 'dul ba po/ /dus kyi 'khor lo thod pa can/ khams gsum rnam rgyal la btud te/ /dkyil 'khor bri ba'i slad du yang / /gnas ni bsrung ba'i cho ga dang / /gdug pa rnams ni bsal ba dang / /sa sogs lhag gnas bshad par bya/ /ji ltar rgyud rgyal las gsungs dang / /'jam pa'i rdo rjes gzhan las kyang / /cho ga thams cad sangs rgyas 'bras/ /thob slad 'grel bas bdag gis dgrol/ /'dir sngar brjod pa'i rnam pas nyi ma'i shing rtas gsol ba btab pa bcom ldan 'das 'jam dpal gyi sprul pa'i sku mi'i dbang po grags pas dkyil 'khor bri ba'i slad du mchog gi dang po'i sangs rgyas las bcom ldan 'das kyis rab tu gsungs pa bsrung ba'i 'khor lo la sogs pa rnams tshigs su bcad pa nyi shu rtsa gsum pa la sogs pas rab tu bsdus te dpal ldan rdo rje rnams kyis phyogs kun du zhes la sogs pas rgyud las gang gsungs pa de thams cad mdor bsdus chen pos bdag gis dgrol bar bya'o/ /dpal ldan rdo rje zhes pa la sogs pa la 'dir dang por re shig rdo rje slob dpon gyis rang gi lus dang gnas srung ba bsam par bya ste phyi nas slob ma la sogs pa bsdu ba dang sa yongs su gzung ba yang bya'o/ /de'i phyir dang por sngags pas dkyil 'khor gyi don du brtags pa'i sar song nas dbus su 'jam pa'i stan la shar du mngon par phyogs par gyur pas nye bar 'dug nas dpal ldan rdo rje rnams yan lag la dgod par bya ste dpral bar zla ba'i dkyil 'khor dkar po la oM yig dgod do/ /mgrin par nyi ma'i dkyil 'khor dmar po la AHyig dgod do/ /snying khar sgra gcan gyi dkyil 'khor nag po la hU~M yig dgod do/ /lte bar dus kyi me'i dkyil 'khor kha dog ser po la hoHyig dgod do/ /gtsug tor dang gsang bar grangs bzhin du nam mkha' dang ye shes kyi dkyil 'khor ljang khu dang sngon po la ha~M dang k+ShaH yig dag dgod do/ /de ltar dkyil 'khor drug bsgoms te dkyil 'khor de rnams la rim pa ji lta bas sa bon 'di rnams yongs su gyur pa'i rdo rje rnams bsgom par bya ste rtse mo bcu bdun pa dang / rtse mo sum bcu rtsa gsum pa dang / rtse mo dgu pa dang / rtse mo drug bcu rtsa lnga pa dang / rtse mo lnga pa dang / rtse mo sum bcu rtsa gsum pa'o/ /de bzhin du phyi rol du g.yon pa'i phrag pa dang dpung pa'i tshigs la ka sde'i bdag nyid rtse mo sum bcu rtsa gcig pa'o/ /de bzhin du g.yas pa la ka sde ring po'i bdag nyid do/ /de bzhin du g.yon pa'i nye ba'i dpung pa'i tshigs la tsa sde thung ngu'i bdag nyid te g.yas pa la ring po'i bdag nyid do/ /de bzhin du g.yon pa'i lag pa'i tshigs la Ta sde thung ngu'i bdag nyid te g.yas pa la ring po'i bdag nyid do/ /g.yon pa'i brla'i tshigs la pa sde thung ngu'i bdag nyid te g.yas pa la ring po'i bdag nyid do/ /g.yon pa'i pus mo sa'i tshigs la ta sde thung ngu'i bdag nyid te g.yas pa la ring po'i bdag nyid do/ /rkang pa g.yon pa'i tshigs la sa sde thung ngu'i bdag nyid te g.yas pa la ring po'i bdag nyid do zhes pa ni tshigs la rdo rje dgod pa'o/ /de bzhin du sor mo'i tshigs drug bcu po rnams la so sor rdo rje rtse mo bdun pa bsgom par bya ste nang gi le'u las gsungs pa'i sa bon gyi yi ge rnams kyis so/ /de bzhin du rna ba dag la a A dag gis rdo rje rtse mo gsum pa bsgom par bya'o/ /sna'i bug pa dag la e ai dag gis so/ /mig dag la ar Ar dag gis so/ / lce dang lce chung dag la o au dag gis so/ /rdo rje dang gsang ba dag la al Al dag gis so/ /yid dang khu ba'i rtsa la a~M aHdag gis so/ /de bzhin du gtsug tor dang mgo bo dag la ha hA dag gis rtse mo lnga pa'o/ /de nas mchu lce dang rkan dag la ya yA dag gis rtse mo lnga pa'o/ /lag pa'i 'thil dag la ra rA dag gis so/ /de bzhin du rkang pa'i 'thil dag la wa wA dag gis so/ /de bzhin du bshang lam gyi g.yon dang g.yas su la lA dag gis so/ / de ltar rdo rje'i skur bdag nyid bsgom par bya'o/ /de nas rdo rje de rnams las 'phros pa'i rdo rje 'bar ba rnams kyis phyogs bcu na gnas pa'i mtha' dag bdud kyi tshogs sems can la rnam par 'tshe bar byed pa rnams nges par bsreg par bya ste steng du ljang khu 'bar ba rnams dang 'og tu sngon po 'bar ba rnams dang shar dang mer nag po 'bar ba rnams dang lho dang bden bral du dmar po 'bar ba rnams dang byang dang dbang ldan du dkar po 'bar ba rnams dang nub dang rlung du ser po 'bar ba rnams kyis so/ /bdud kyi tshogs bsregs pa de'i 'og tu phyi nas 'khor lo'i rtsibs bcu rnams la phyogs dang phyogs bral du gnas khro bo'i tshogs ni bsgom par bya zhes pa ni 'dir 'chad par 'gyur ba'i rim pas bdud dang bgegs dang log 'dren rnams phur bus gdag pa'i don dang gnas bsrung ba'i don du sngags pas bsrung ba'i 'khor lo bsgom par bya'o/ /'dir 'chad par 'gyur ba'i tshigs su bcad pa las nges pa gsungs pa/ sa'i phyogs rnams su 'dir dang por rdo rje gsum gyis zhing skyong rnams la gtor ma sbyin bya ste/ phyi nas rdo rje brjod pa bzhi yis phyogs dang phyogs bral la gnas bdud kyi tshogs ni nges par bsreg par bya zhes pa ste 'dir bzhi yis zhes pa ni gtso bo nyid kyi phyir gsungs pa'o/ /rgyas par ni rdo rje thams cad kyis nges par bsregs par bya'o zhes pa nges pa ste yan lag thams cad la sngags dgod par rig par bya'o/ /de'i phyir dang por sa la zhing skyong gang zhig de'i grong gis ming gis mnyam pa dang mi mnyam pa'i yi ge ste de'i gtor ma'i sngags ni oM AHhU~M che ge mo sa pa ri wA rA ya/ i da~M ba liM gan d+haM puSh+paM d+hU baM pra dI bA k+Sha taM da dA ma he/ sa pa ri wA raHshI g+h+raM A gats+tsha tu/ dzaHhU~M ba~M hoHi daM ba liM gr-ih+nA tu khA da tu pi ba tu/ sa pa ri wA ra kaHsarba sa twA nAM shAn tiM puSh+TiM rak+Sha wa ra Na gu pa tiM ka ro tu/ i daM s+thA naM t+ya ka trA bA h+ye maN Da la b+hU myaM tiSh+Tha tu hU~M hU~M phaT/ badzra d+ha ra A dz+nyA pa ya ti swA hA/ de ltar gtor ma byin nas gnas kyi bdag po gshegs te de nas sngar gsungs pa'i cho gas bdud kyi tshogs bsregs nas bsrung ba'i 'khor lo rnam par bsam mo/ /de la dang por yaM yig yongs su gyur pa las rlung gi dkyil 'khor te steng dang 'og tu hU~M yig las rdo rje kha sbyar ba'o/ /de bzhin du raM yig gi bdag nyid me'i dkyil 'khor dang waM yig gi bdag nyid chu'i dkyil 'khor dang laM yig gi bdag nyid sa'i dkyil 'khor ro/ /de nas dkyil 'khor bzhi po rnams gcig tu byas te tho rangs grib ma yi ni mtha' ru zhes pa 'tshams kyi mthar thug par ro/ /de nas yang khang pa brtsegs pa khru brgya phrag gnyis pa bsgom par bya ste phyi rol du ring du mthong ba'i mtha' ru ste gang du nam mkha' dang sa 'byar ba zlum po'i dkyil 'khor gyi rnam par snang ba der dkyil 'khor bzhi gcig tu gyur pa de nyid las rab gsum mo/ /de nas yul 'khor bsrung ba'i don du yul 'khor gyi 'tshams su rab lnga bsgom par bya ste thams cad du 'og tu mdung rnams dang steng du mda'i dra ba rnon po'o/ /dbus su rdo rje'i sa gzhi yul 'khor gyi 'tshams kyi mthar thug pa bsgom par bya'o/ /de nas khang pa brtsegs pa'i dbus su chu skyes sam 'khor lo rtsibs brgyad pa khru bcu gnyis pa bsgom par bya'o/ /de'i lte ba 'am mu khyud gdan dang bcas pa ste nyi ma'i gdan dang bcas pa dag kyang khru bzhi'o/ /nyi ma de'i steng du bdag nyid 'chad par 'gyur ba'i khro bo rdo rje shugs kyi sku phyag nyi shu rtsa drug dang zhal bzhi pa nyes pa dag dang rnam par bral ba ste/ 'di ltar 'khor lo'i dbus su gnyis lhag rgyal ba'i phyag dang dus kyi zhal ldan khro bo'i dbang po rdo rje shugs zhes pa ste sgrub thabs kyi le'u las 'chad par 'gyur ba sngags pas bsgom par bya'o zhes pa ni nges pa'o/ /de nas te khro bo'i rgyal po de bsgoms nas bla ma'i nges pa dang ldan zhes pa sangs rgyas kyi gsung dang ldan pa gang zhig cung zad 'dod pa sgrub pa po yis bsgrub par bya zhes pa ste dkyil 'khor gyis dang slob ma la sogs pa rnams bsrung ba'i don du srung ba'i 'khor lo la khro bo la sogs pa'i lha'i tshogs spro bar bya'o/ /'dir ting nge 'dzin ni dang por bdag nyid rdo rje shugs su bsgoms te de nas snying khar nyi ma'i dkyil 'khor la ha ya ra wa la rnams brtsegs pa'i rang bzhin bsgom par bya'o/ /de dag gi nang nas ha yig las grub pa kha dog ljang khu 'chad par 'gyur ba'i phyag dang mtshon cha dang zhal dang ldan pa zhal gyi gtso bo'i rna ba g.yon pa'i sgo nas phyung ste steng du brtsegs pa'i nang du zla ba'i dkyil 'khor ram nyi ma'i dkyil 'khor la gtsug tor can g.yas rkyang du gzhag par bya'o/ /'dir nyi ma'i rkang pa'i bye bas khro bo rnams dgod pa ni rnam pa lnga'o/ /'dir ro dang dus dang ri bong can zhes pa'i nges pa las nyi ma'i rkang pa ni bcu gcig go/ /de la ri bong can gyis rdo rje shugs kyi'o/ /dus kyis gshin rje mthar byed la sogs pa bzhi yi'o/ /ro yis gtsug tor la sogs pa drug gi'o/ /de'i phyir nyi ma'i bu lon dang nor gyi dbye bas thams cad nyi ma la gnas pa 'am de bzhin du tshes kyi nor dang bu lon gyi dbye bas thams cad zla ba la gnas pa'o/ /de bzhin du lus kyi dbye bas phyogs rnams su zla ba la gnas pa dang phyogs bral rnams su nyi ma la gnas pa'o/ /de bzhin du bsam pa'i dbye bas phyogs bral rnams su zla ba la gnas pa dang phyogs rnams su nyi ma la gnas pa'o/ /de bzhin du nub dang lhor nyi ma'i gdan la gnas pa dang byang dang shar du zla ba'i gdan la gnas pa ni nyi ma'i rkang pa'i dbye bas nges pa'o/ /des na sngags pas ji ltar mngon par 'dod pa bzhin khro bo'i cho gas gzhag par bya'o zhes pa ni nges pa'o/ /de bzhin du hA yig ring po las grub pa'i gnod mdzes rgyal po kha dog sngon po ni rna ba g.yas pa'i sgo nas phyung ste rdo rje'i sa gzhir nyi ma la gzhag par bya'o/ /de bzhin du yi yig las grub pa bgegs mthar byed kha dog nag po ni sna g.yon pa'i sgo nas phyung ste shar gyi rtsibs su zla ba'i dkyil 'khor ram nyi ma la gzhag par bya'o/ /de bzhin du yI yig las grub pa dbyug pa sngon po nag po ni sna g.yas pa'i sgo nas phyung ste me'i rtsibs su nyi ma 'am zla ba la gzhag par bya'o/ /R+R-i yig las grub pa shes rab mthar byed dmar po ni mig g.yon pa'i sgo nas phyung ste lho'i rtsibs su zla ba 'am nyi ma'i gdan la gzhag par bya'o/ /de bzhin du R+R-I yig las grub pa 'dod pa'i rgyal po dmar po ni mig g.yas pa'i sgo nas phyung ste bden bral gyi rtsibs su nyi ma 'am zla ba'i gdan la gzhag par bya'o/ /de bzhin du wu yig las grub pa pad ma mthar byed dkar po ni lce'i sgo nas phyung ste byang gi rtsibs su zla ba 'am nyi ma la gzhag par bya'o/ /de bzhin du wU yig las grub pa mi g.yo ba dkar po ni gci ba'i sgo nas phyung ste dbang ldan gyi rtsibs su nyi ma 'am zla ba la gzhag par bya'o/ /de bzhin du l+l-i yig las grub pa gshin rje mthar byed ser po ni bshang lam gyi sgo nas phyung ste/ nub kyi rtsibs su zla ba 'am nyi ma la bzhag par bya'o/ /de bzhin du l+l-I yig las grub pa stobs po che ser po ni rdo rje gtsug tor gyi sgo nas phyung ste rlung gi rtsibs su nyi ma 'am zla ba la gzhag par bya'o/ /yang na bsdus pa'i rgyud kyi rjes su 'brang ba'i sngags pas thams cad nyi ma'i dkyil 'khor la gzhag par bya'o/ /de ltar na snying po'i 'khor lo dgod pa'o/ /de nas brtsegs pa'i phyi rol du tshangs ris la sogs pa'i zad par sa la sogs pa rnams spro bar bya'o/ /'dir so sor bsdu ba'i tshig gis ha ya ra wa la zhes brjod nas nga nya Na ma nan gsungs te/ de bzhin du 'dir snying khar nyi ma'i dkyil 'khor la nga nya Na ma nan brtsegs pa'i rang bzhin bsgom nas de dag la nga ngA'i yi ge dag las grub pa zad par nam mkha' dag ni sngar brjod pa'i sgo dag nas phyung ste brtsegs pa'i steng dang gnod mdzes kyi 'og du stong pa'i dkyil 'khor la gnas pa bsgom par bya'o/ /de bzhin du nyi nyI las grub pa'i zad par rlung dag ni shar dang me dag tu rlung gi dkyil 'khor la bsgom par bya'o/ /de bzhin du N+R-i N+R-I las grub pa zad par me dag ni lho dang bden bral dag tu me'i dkyil 'khor la bsgom par bya'o/ /de bzhin du mu mU las grub pa zad par chu dag ni byang dang dbang ldan dag tu chu'i dkyil 'khor la bsgom par bya'o/ /de bzhin du n+l-i n+l-I dag las grub pa zad par sa dag ni nub dang rlung dag tu sa'i dkyil 'khor la bsgom par bya'o/ /de nas g+ha dz+ha D+ha b+ha d+ha d+ha brtsegs pa'i rnam pa bsgom par bya zhing de dag las kyang phyogs skyong ba bcu spro bar bya ste/ g+ha g+hA las grub pa tshangs pa dang khyab 'jug ljang khu dang sngon po dag ni ra ba'i khyon gyi tshad kyis steng du tshangs pa dang 'og tu khyab 'jug ste ngang pa dang mkha' lding la gnas pa bsgom par bya'o/ /de bzhin du dz+hi dz+hI las grub pa bden bral dang rlung lha kha dog nag po dag ni shar dang me dag tu yi dags dang ri dgas kyi gdan la gnas pa'o/ / de bzhin du lho dang bden bral du D+h+R-i D+h+R+'-i las grub pa gshin rje dang me lha dag ni ma he dang lug la gnas pa'o/ /byang dang dbang ldan du b+hu b+hU las grub pa rgya mtsho dang bde byed dag ni chu srin dang khyu mchog la gnas pa'o/ /nub dang rlung du d+h+l-i d+h+l-I las grub pa dbang po dang gnod sbyin dag ni glang po dang 'khor lo'i khang brtseg la gnas pa ste de ltar phyogs skyong rnams ra ba'i nang la bsgom par bya'o/ /de nas ra ba bsrung ba'i don du gza'i 'khor lo spro bar bya ste sngar brjod pa'i nyi ma'i dkyil 'khor la ga dza Da ba da da bsgoms te de dag las ga gA las grub pa sgra gcan dang dus kyi me dag ni ra ba gsum po rnams kyi khyon gyi tshad kyis steng dang 'og tu stong pa'i dkyil 'khor la gnas pa bsgom par bya'o/ /de bzhin du dzi dzI las grub pa zla ba dang nyi ma dag ni shar dang me dag tu rlung gi dkyil 'khor la gnas pa'o/ /D+R-i D+R-I las grub pa gza' lag dang bkra shis dag ni lho dang bden bral du me'i dkyil 'khor la gnas pa'o/ /bu bU las grub pa pa sangs dang phur bu dag ni byang dang dbang ldan du chu'i dkyil 'khor la gnas pa'o/ /d+l-i d+l-I las grub pa 'jug rings dang spen pa dag ni nub dang rlung dag tu sa'i dkyil 'khor la gnas pa'o/ /'di ni ra ba'i phyi rol du srung zhing skyong ba'i gza' rnams so/ /de nas ra ba lnga bsrung ba'i don du klu'i rgyal po rnams spro bar bya ste/ nyi ma'i dkyil 'khor de la kha tsha Tha pha tha tha bsgoms nas de dag las kha khA las grub pa rgyal ba dang rnam par rgyal ba dag ni ra ba lnga'i nang gi khyon gyi tshad kyis steng dang 'og tu stong pa'i dkyil 'khor la gnas pa bsgom par bya'o/ /de bzhin du tshi tshI las grub pa stobs kyi rgyu dang pad ma dag ni shar dang me dag tu rlung gi dkyil 'khor la gnas pa'o/ /de bzhin du Th+R-i Th+R-I las grub pa nor rgyas kyi bu dang dung skyong dag ni lho dang bden bral dag tu me'i dkyil 'khor la gnas pa'o/ /de bzhin du phu phU las grub pa mtha' yas dang rigs ldan dag ni byang dang dbang ldan dag tu chu'i dkyil 'khor la gnas pa'o/ /th+l-i th+l-I las grub pa pad ma chen po dang 'jog po dag ni nub dang rlung du sa'i dkyil 'khor la gnas pa bsgom par bya'o/ /de nas ra ba lnga'i phyi rol du bsrung ba'i don du 'byung po dang lha ma yin rnams bsgom par bya ste/ nyi ma'i dkyil 'khor de la ka tsa Ta pa ta ta brtsegs pa bsgoms nas de dag las phyi rol du ra ba'i khyon gyi tshad kyis steng du ro langs dang 'og tu grul bum ste 'di dag ni ka kA las grub pa stong pa'i dkyil 'khor la gnas pa bsgom par bya'o/ /shar du tsi las grub pa mi 'am ci khyi'i gdong can dang me ra tsA las grub pa skyes bu 'am ci bya rog gi gdong can te rlung la gnas pa'o/ /de bzhin du T+R-i T+R-I las grub pa dag ni dri za phag gi gdong can dang 'byung po bya rgod kyi gdong can te lho dang bden bral du me la gnas pa'o/ /pu pU las grub pa srin po stag gi gdong can dang yi dags 'ug pa'i gdong can ni byang dang dbang ldan du chu la gnas pa'o/ /t+l-i t+l-I las grub pa brjed byed lce spyang gi gdong can dang mkha' lding ni mkha' lding nyid te nub dang rlung du sa la gnas pa'o zhes pa ni bsrung ba'i 'khor lo'o/ /sku dang gsung dang thugs kyi chos rnam par dag pa khang pa brtsegs pa dang ra ba gsum dang ra ba lnga rnams ni ye shes dang nam mkha' dang rlung dang me dang chu dang sa'i khams drug las skyes pa khro bo'i rgyal po rnams dang gzugs dang gzugs med pa dang phyogs skyong bcu dang gza' dang klu dang 'byung po ste sde pa drug gi bdag nyid srung zhing skyong ba rnams ni nang dang phyi rol nas yang dag par sbyar ba'i sbyor bas dgod par bya'o/ /sa dang chu las byung ba rnams ni las kyi khams srung bar byed pa'o/ /me dang rlung gi khams las byung ba rnams ni ngag gi khams srung bar byed pa'o/ /stong pa dang ye shes kyi khams las byung ba rnams ni thams cad du sems kyi khams srung bar byed pa'o/ /de'i phyir bcom ldan 'das kyi nges pa ste de nas bla ma'i nges pa dang ldan gang zhig cung zad 'dod pa sgrub po pa yis bsgrub par bya zhes pa ni nges pa'o/ /da ni khro bo la sogs pa 'di rnams so so'i gtor ma'i sngags kyi tshigs su 'gyur ba 'di lta ste/ oM AHhu~M ho/ /uSh+NI Sha/ sum b+ha ni sum b+ha/ big+h+nAn ta ka /ni la daN Da/ pra dz+nyA na ta ka /Taka ki rA dzA pad mA ta ka /a tsa la ya mAn ta ka /ma hA ba le b+h+yaHsa pa ri wA re b+h+yaHi daM ba liM/ gan d+haM/ puSh+paM/ d+hU paM/ dI paM/ ak+Sha taM/ da dA ma he/ te tsA ga t+ya/ sa pa ri wA rAHshI g+h+raM/ i daM/ ba liM/ gr-i h+Nan tu/ khA dan tu/ pi wan tu/ dza hU~M ba~M hoHsaM tr-i pa tAHsarba satwA nAM/ shAn+tiM/ puSh+TiM/ rak+ShA ba ra Na/ gupa tiM/ kurba na tu/ hu~M hU~M phaT/ badzra d+ha ra A dz+nyA pa ya ti swA hA zhes pa ni khro bo thams cad kyi gtor ma'i sngags so/ /de bzhin du zad par nam mkha' la sogs pa grub pa rnams kyi gtor ma'i sngags kyi tshig rnams ni oM AHhU~M ho/ /A kA sha /bA yu ti dza/ u da ka /pri th+WI sA d+hi te b+h+yaHsa pa ri wA re b+h+yaHi daM/ ba liM/ gan d+haM/ puSh+paM/ d+hU paM/ dI baM/ ak+Sha ta/ da dA ma he/ te tsA ga t+ya/ sa pa ri wA rAHshI g+h+raM/ i daM ba liM gr-i h+Nan tu/ kha dan tu/ pi ban tu/ dzaHhU~M ba~M hoHsaM tr-ip+tAHsarba sa twA nAM/ shAn+tiM/ puSh+TiM/ rak+ShA ba ra Na/ gupa tiM/ kurba na tu/ hu~M hU~M phaT/ badzra d+ha ra A dz+nyA pa ya ti swA hA/ de nas phyogs skyong rnams kyi gtor ma'i sngags kyi tshigs rnams ni oM AHhU~M ho/ brah+ma/ biSh+Tu/ naiR+R-i t+ya/ bA yu ya mAg ni/ sa mu dre shwa ra/ an dra/ yak+She b+h+yaHsa pa ri wA re b+h+yaHi daM/ ba liM/ gan d+haM/ puSh+paM/ d+hU baM/ dI paM/ ak+Sha taM/ da dA ma he/ ti tsA ga t+ya/ sa pa ri wA rAHshIg+h+raM/ i daM/ ba liM/ gr-ih+nan tu/ khA dan tu/ bi ban tu/ dzaHhU~M ba~M hoHsaM tr-ip+tAHsarba satwA nAM/ shAn+tiM/ puSh+TiM/ rak+ShA ba ra Na/ gupa tiM/ kurban tu/ hu~M hU~M phaT/ badzra d+ha ra A dz+nyA pa ya ti swA hA/ de nas gza'i gtor ma'i sngags kyi tshig rnams ni oM AHhu~M ho rA hu kA lA ga ni/ tsan tra/ sUr+ya/ bu d+ha/ ma~M ga la/ shu kra/ br-i haspa ti/ ke tu sha ni b+h+yaHsa pa ri wA re b+h+yaHi daM/ ba liM/ gan d+haM/ puSh+paM/ d+hU paM/ dI paM/ ak+Sha taM/ da dA ma he/ ti tsA ga t+ya/ sa pa ri wA rAHshI g+h+raM/ i daM/ ba liM/ gr-ih+nan tu/ khA dan tu/ bi ban tu/ dzaHhU~M ba~M hoHsaM tr-i pa tAHsarba satwA nAM/ shAn+tiM/ puSh+TiM/ rak+ShA ba ra Na/ gupa tiM/ kurban tu/ hu~M hU~M phaT/ badzra d+ha ra A dz+nyA pa ya ti swA hA/ de nas klu'i gtor ma'i sngags kyi tshigs rnams ni oM AHhu~M ho/ /dza ya/ bi dza ya/ pad ma/ kar ko Ta ka /bA su ki/ shaM kha pA la/ ku li ka /a nan ta/ tak+Sha ka /ma hA pad me b+h+yaHsa pa ri wA re b+h+yaHi daM/ ba liM/ gan d+haM/ puSh+paM/ d+hU paM/ dI paM/ ak+Sha taM/ da dA ma he/ ti tsA ga t+ya/ sa pa ri wA rAHshIg+h+raM/ i daM/ ba liM/ gri h+nan tu/ khA dan tu/ pi ban tu/ dzaHhU~M ba~M hoHsaM tr-i pa tAHsarba satwA nAM/ shAn+tiM/ puSh+TiM/ rak+ShA ba ra Na/ gupa tiM/ kurban tu/ hu~M hU~M phaT/ badzra d+ha ra A dz+nyA pa ya ti swA hA/ de nas 'byung po'i gtor ma'i sngags kyi tshigs rnams ni oM AHhu~M ho/ be tA Da/ bi g-i ta mu kha/ shwa/ kA ka /sU ka ra/ gr-i d+h+ra/ bya g+h+ro l+'u ka /dzaM bu ka /ga ru Da/ mu khe b+h+yaHsa pa ri wA re b+h+yaHi daM/ ba liM/ gan d+haM/ puSh+paM/ d+hU paM/ dI paM/ ak+Sha taM/ da dA ma he/ te tsA ga t+ya/ sa pa ri wA rAHshI g+h+raM/ i daM/ ba liM/ gr-ih+nan tu/ khA dan tu/ bi ban tu/ dzaHhU~M ba~M hoHsaM traM pa tAHsarba sa twA nAM/ shAn+tiM/ puSh+TiM/ rak+ShA ba ra Na/ gupa tiM/ kurban tu/ hu~M hU~M phaT/ badzra d+ha ra a dz+nyA pa ya ti swA hA zhes pa ni 'byung po'i gtor ma'i sngags te de ltar so so'i gtor ma 'chad par 'gyur ba'i rim pas sbyong ba dang rgyas pa dang rab tu 'bar ba dang bdud rtsir byas nas khro bo la sogs pa rnams la sngags pas sbyin par bya'o/ /de bzhin du dkyil 'khor gyi cho ga thams cad la thun 'tshams bzhir slob dpon gyis gtor ma byin te de nas gshegs su gsol bar bya'o/ /gshegs su gsol ba'i dus su gsang ba'i 'khor lor ha~M yig la khro bo'i 'khor lo gzhug par bya'o/ /gtsug tor du a~M yig la zad par stong pa la sogs pa'i 'khor lo dang dpral bar i yig la phyogs skyong ba'i 'khor lo dang mgrin par r-i yig la gza'i 'khor lo dang snying khar u yig la ku'i 'khor lo dang lte bar l-i yig la 'byung po'i 'khor lo gzhug par bya'o/ /gshegs su gsol ba'i cho ga rdzogs nas de'i 'og tu sngags pas 'chad par 'gyur ba'i rim pas sa yongs su gzung bar bya'o zhes pa ni nges pa'o/ /da ni 'chad par 'gyur ba'i ting nge 'dzin gyis sa sbyang ba'i don du sa'i lha mo spyan drang ba gsungs te 'dir sa'i ting nge 'dzin gyis sa'i lha mo spyan drangs nas dzaHhU~M ba~M hoHzhes pa'i sngags kyi tshig 'di dag gis sngar brjod pa'i mchod yon gyi snod kyi chu dang bcas pa'i me tog mchod yon gyi dri la sogs pa dang bcas pa dag gis 'di la mchod yon rab tu sbyin no/ /de la gsol ba btab ste phyi nas sa yi gnas la dag pa dag ni ji ltar 'dod pa mdzod ces pa la 'dir gsol ba gdab pa ni rgyal bas lha yi bdag po dang bcas bdud ni bcom pa dag la lha mo khyod ni dbang du gyur/ /de phyir khyod ni mchod par bya yis lha mchog gis btung ba bzhes shig bzhes shig bdag gi mchod yon no zhes pas bstod nas de la gsol ba gdab par bya ste/ ji ltar rgyal bas byang chub slad du bdud kyi sde ni stobs ldan dag kyang rab tu bcom gyur pa/ /de bzhin bdag gis kyang ni slob ma rnams la dbang bskur slad du bdud rnams nyams pa dag tu bya khyod dpang du gyur pas so zhes pa'o/ /de nas sangs rgyas la sogs pa rnams la 'chad par 'gyur ba'i mchod pa byas shing mchod yon la sogs pa phul nas gsol ba gdab par bya ste 'dir gsol ba gdab pa ni gang dag phyogs rnams kun na sangs rgyas byang chub sems dpa' nyes pa rnam bral btsun mo dang bcas pa/ /de dag rnams kyi mchog gi thugs rjes dkyil 'khor du ni dbang bskur slad du bdag la bskyang du gsol/ /de dag kun la gsol ba btab nas seng ldeng rang bzhin sra ba'i phur bu rnams kyis sa la gdab ste 'chad par 'gyur ba'i rim pas so zhes pa ni gsol ba gdab pa'i nges pa'o/ / de ltar gsungs pa'i khro bo mtshon cha dang ldan pa rnams ni phyogs bcu'i cha rus la phur bus gdab pa dang bsrung ba'i don du dgod par bya zhes pa ste nges pa'o/ /da ni sa bsko ba'i mtshan ma gsungs pa 'dir sa yi snying por zug rngu la sogs pa nges par zhugs gyur na dge ba'i las bgegs byed par 'gyur te de'i phyir sbyang ba bya'o/ /zug rngu ni mi'i rus pa'am sol ba dang bcas pa ste sol ba 'am rwa ni thun mong du dge ba'i las la 'chi ba'i 'jigs byed te gnas de rnams su rnam par nyams par 'gyur te de phyir 'dir ni yon tan dbang gis sbyang bar bya'o/ /ci ste sa la rin chen nam dung ngam 'ching bu mthong na de'i tshe bde ba byed par 'gyur te dkyil 'khor dag gi don du'o/ /de bzhin du khang bzang don dang khyim gyi don dang rab gsal nges par 'dir ni mchod sbyin la sogs ched du 'o zhes pa ni gnas sbyang ba'i nges pa'o/ /da ni sa sbyang ba'i don du nyi ma gsungs pa rdzogs pa dag la zhes pa la sogs pa ste 'dir zla ba so so la rdzogs pa drug ni 'di lta ste lnga pa gnyis dang bcu pa gnyis dang bcwa lnga pa gnyis ste dkyil 'khor bri ba'i slad du dus kyi 'tshams shes shing dge ba dang mi dge ba'i las shes nas so/ /'dir dge ba'i las la dkar po'i lnga pa dang bcu pa dang bcwa lnga pa la biSh+Ti spangs nams sbyang bar bya ste de nas sngar gsungs pa'i sas dgang bar bya'o/ /mi dge ba'i las la nag po'i lnga pa dang bcu pa dang gnam stong ste zla ba nyams pa las sbyang bar bya zhing sngar gsungs pa'i sas dgang bar bya'o/ /de nas sa gzung ba dag kyang ste mchod pa la sogs pa rdzogs pa la'o/ /bu rnams dag ni ste slob ma rnams yang dag par bsdu ba ni rdzogs pa la'o/ /de nas dkyil 'khor bri ba'i dus shes nas bcu gnyis pa la thig gdab par bya'o/ /'dod pa ma nu'i nyin zhag dag la zhes pa bcu gsum pa dang bcu bzhi pa la dpal ldan rdul tshon dgye bar bya'o/ /dbang la sogs pa 'chad par 'gyur ba ni nya la mchog gi bla mas sbyin te zhes pa lung gi tshig go/ /bdud ni bcom pa'i nyin zhag dag la yang ste yang yig gis nya gzhan la yang sbyin no zhes pa ni nges pa'o/ /de bzhin du sku gzugs la sogs pa ni nya de nyid kyi mtshan mo rgyal ba'i rigs la rab tu gnas par 'gyur te mtshan mo gzhan la rab gnas min zhes pa ni nges pa'o/ /de nas dag pa'i dus sbyor gza' la sogs pas mi yi bdag po mtshan mo gzhan la rab tu gnas par 'gyur ro/ /srog te phur bu dang pa sangs nub par gyur zhes pa nyi ma'i dkyil 'khor la rab tu zhugs na de'i tshe ste zla ba de la nges par ni mtha' gcig tu bag ma dang rab tu gnas par mi 'gyur ro/ /de bzhin du rgyal dang nag pa'i nya la phur bu'i zhing du nyi ma zhugs par gyur pa ni 'gyur te/ rgyal la rgyal po rnams kyi dbang bskur ba dang / nag pa la sangs rgyas kyi dbang bskur ba'i phyir ro zhes pa ni nges pa'o/ /de ltar slob dpon dag gis sa gzhi'i gnas su 'jig rten 'jig rten 'das pa dag kyang mtha' dag shes nas ni zhi ba la sogs pa'i bya ba gang gang byed pa de de mtha' dag de ltar 'bras bu dag ni rab tu sbyin par 'gyur zhes pa ni tshes kyi nges pa ste/ de bzhin du drag po'i las ni mi dge ba'i nyin zhag la nges pa'o/ /da ni slob ma bsrung ba'i cho ga gsungs te 'dir dang por slob ma la sogs pa bsrung bar bya ste phyi nas slob ma la sogs pa bsdu bar bya'o/ /'dir rgyal ba la sogs pa lha mo rnams te gnyi ga'i rigs su gyur pa dag gis bsrung ba ni mgo bor U yig dang snying khar I yig dang gtsug tor du A yig dang lte bar l-I yig dang mgrin par r-I yig dang gnas par AHyig ste gnyi ga'i rigs su gyur pa sku gsung thugs kyis phye ba dag gis zhes pa'o/ /de bzhin sku gzugs sogs dang glegs bam rnams ni rab gsal nges pa'i dpal ldan dbyangs rnams dag gis zhes pa ste a i r-i u l-i zhes pa dbyangs lnga po rnams kyis bsrung ba byas nas de'i rjes la sangs rgyas rnams la gsol ba gdab par bya ste sems can rnams ni thar du slad du che ge mo bdag kyang bcom ldan 'das dus kyi 'khor lo'i dkyil 'khor 'dri bar bgyid do/ /de'i phyir sangs rgyas dang byang chub sems dpa' rnams kyis slob ma la sogs pa rnams byin gyis brlab par mdzad du gsol zhes pa ni gsol ba gdab pa'i nges pa dang bsrung ba'i nges pa'o/ /da ni gang zhig 'chad par 'gyur bas rgyas par brjod par bya ba thig skud la sogs pa'i lhag par gnas pa la sogs pa mdor bsdus pas gsungs te dag pa'i gnas ni legs par gang zhing shin du mnyam par bkod pa gru bzhi cung zad rus sbal rgyab bzhin mtho ba la/ khru tshad gcig la sogs pa dus dang nor dang mi bdag ces pa khru bzhi dang khru brgyad dang khru bcu drug ste de bzhin du stong phrag gi bar gyi tshad kyi gnas gang bde la lhar thig skud dang gshin rjer rdo rje dang chur rdul tshon gyi snod dang byang du rdo rje dril bu dang dbus su rnam par rgyal ba'i bum pa bkod nas de'i rjes la 'chad par 'gyur pa'i rim pas gnyid log ste/ gang gi tshe slob dpon nam slob mas mtshan rnyed pa de'i tshe mtshan ma rnyed na dang po ste shar gyi phyogs dang phyi ma ste nub kyi phyogs su dkyil 'khor thig ni gdab par bya ste bla ma dang slob ma dag gis so zhes pa ni nges pa'o/ /da ni mtshan ma ngan pa'i mtshan nyid gsungs te 'dir thig skud chad par gyur pa na bla ma nyams par 'gyur zhing yongs 'joms 'gongs par gyur na bu rnams dag kyang nyams par 'gyur ro/ /gal te rdul tshon rlung gis khyer na zhes pa ni 'dir gang gi tshe dkyil 'khor gyi rdul tshon rlung gis khyer bar gyur pa de'i tshe bla ma la sogs pa rnams la 'jigs pa gsal bar byed cing yul 'khor dag tu rgyal po 'jigs pa yang gsal bar byed do/ /mtshan ma ngan pa de dag mthong nas slar yang slob dpon gyis gtso bo dag gi sngags kyi bzlas pa rab tu bya ste slar yang mtshan mar gyur gyi bar du'o/ /de nas slar yang mtshan ma rnyed na mnyam dang mi mnyam rkang pa dag gis thig ni gdab pa bsgrub par bya/ 'dir slob dpon gyi rkang pa g.yon pa dkyil dkrung dang g.yas pa'i 'thil sa la bzhag pa mnyam pa'i rkang pa dang de bzhin du bzlog pa mi mnyam pa'i rkang pas thig gdab pa bsgrub par bya'o zhes pa ni nges pa'o/ /da ni yongs 'joms gsungs pa 'dir shes rab thabs kyi yan lag dbus su yongs 'joms su 'gyur te de ni dkyil 'khor dag la spang bar bya zhes pa la 'dir shes rab kyi yan lag ni lho dang nub bo/ /thabs kyi yan lag ni shar dang byang ngo / /'di dag gi dbus su yongs 'joms te dkyil 'khor la spang bar bya'o/ /de bzhin du sa la g.yul gyi dus su rtse mo can dang rlung du gnas pa zhes pa ni me dang rlung gi phyogs su ji snyed gnas pa'i sde gnyis po dag gi dbus su gdengs can bzhin du byug pa'i rnam pa can te yongs 'joms 'gongs pa las g.yul du sde ni nyams par 'gyur te sa gzhi dag tu 'gran pa'i 'thab mo la ni bsnun par 'gyur zhing dkyil 'khor la 'thab mo dang rtsod par 'gyur ro/ /de phyir g.yul dang dbang dag la yang yongs 'joms shin du stobs dang ldan par sngags pas rig par bya zhes pa ste nges pa'o/ /da ni 'dod pa'i lha'i dmigs pa mdor bsdus pas gsungs te 'dir a sogs zhes pa a yig la sogs pa'i dbyangs rnams dang ka sogs zhes pa ka yig la sogs pa'i gsal byed rnams te zla ba dang nyi ma'i bdag nyid do/ /rdo rje ldan pa dag gis zhes pa hu~M yig dang bcas pa dag gis rang gi snying kha'i pad mar zla nyi me steng du 'chad par 'gyur ba'i rim pas dpal ldan dus kyi 'khor lo ri bong can 'dzin 'dod pa mnan pa'i g.yas brkyang zhabs ni bsgoms byas shing / /shes rab gtso bo'i thugs kha'i pad ma nyi zla sbyar ldan la ste rang rang rdo rje lcags kyu yis/ /sangs rgyas lha mo rnams bkug ces pa ste rdul tshon la sangs rgyas rnams ro mnyam par bsgom par bya zhing rdul tshon gyi rnam pa bkod te thig skud la yang lha mo bsgom par bya zhing thig skud kyi rnam pas so zhes pa nges pa'o/ /da ni sngon gyi sa'i lha mo spyan drang ba la sogs pa nas brtsams te ji srid ting nge 'dzin 'di'i bar gyi sngags kyi cho ga brjod par bya zhing lha'i ting nge 'dzin gyis bdud tshar gcad pa'i sngags dang bcom ldan 'das dus kyi 'khor lo'i yan lag dgod pa dang sku dang gsung dang thugs kyi sbyang ba brjod par bya ste 'dir dang por sgrub thabs kyi le'u las 'chad par 'gyur ba'i rim pas kha rnam par dag pa dang / de bzhin gshegs pa rnams mchod pa dang sdig pa bshags pa dang bsod nams la rjes su yi rang ba dang gsum la skyabs su 'gro ba dang bdag nyid kyi dngos po dbul ba dang byang chub kyi sems bskyed pa dang lam la rten pa byas te de nas stong pa nyid la dmigs pa byas nas lha rdzogs par bya ba'i don du sku dang gsung dang thugs dang ye shes rnam par sbyang bar byed pa'i sngags kyi tshig rnams su 'gyur te/ oM AHhu~M hoHha~M k+ShaHpradz+nyo pA yA da ma ka kA ya ba ga tsita ta dz+nyA nA d+hi pa te ma ma kA ya bA ga tsita ta dz+nyA na badzraM badzrA mr-i ta swa b+hA ba ku ru ku ru skan d+ha d+hA twA ya ta na~M niHswa b+hA ba~M swA hA zhes pa'i sngags 'di brjod nas gtsug tor gyi steng du ba~M yig yongs su gyur pa las rdo rje zla ba'i dkyil 'khor cha bcu drug rdzogs pa sngags pas bsgom par bya'o/ /de nas des gtsug tor nas brtsams te rkang pa'i sen mo'i mtha' ji srid par rang gi lus sbrul gyi shun pa bzhin du lan gsum du dor bar bya'o/ /de nas ri bong mtshan ma can gyi lus su bdag nyid bsgom par bya ste zhi ba dang rgyas pa la'o/ /de bzhin du dbang dang dgug pa la ra~M yig yongs su gyur pa'i nyi ma'i dkyil 'khor gyis kha dog dmar po bsgom par bya'o/ /bsad pa dang bskrad pa la yang yaM yig yongs su gyur pa'i sgra gcan gyi dkyil 'khor gyis bdag por ro/ /rengs pa dang rmongs pa la la~M yig yongs su gyur pa'i sgra gcan gyi mjug ma'i dkyil 'khor ser pos ser por ro/ /slar gso ba la ha~M yig yongs su gyur pa'i nam mkha'i dkyil 'khor kha dog sna tshogs ljang khus bdag nyid kha dog ljang khur sngags pas bsgom par bya'o/ /de nas sngags 'di brjod par bya ste oM swa b+hA ba shud d+hAHsarba d+harmAHswa b+hA ba shud d+ho haM zhes pa 'di brjod te/ de nas dpral bar oM dkar po las snang ba mtha' yas dang mgrin par AHdmar po las rin chen 'byung ldan dang snying khar huM nag po las don yod grub pa dang lte bar hoHser po las rnam par snang mdzad dang gtsug tor du haM ljang khu las mi bskyod pa dang gsang bar k+ShaHsngon po las rdo rje sems dpa' rnams 'chad par 'gyur ba'i phyag dang kha dog dang / mtshon cha 'dzin pa dgod par bya'o/ /rdo rje'i zhal dag pa dang rigs drug dgod pa'i cho ga nges pa'o/ /da ni lag pa dag pa dang dgod pa'i sngags brjod par bya ste oM hraHsarbA s+t+ra rA dza mA ra kle shAn ta ka badzra tIk+Sh+Na duHkha ts+tshed ma ma ka raM bi sho d+ha ya swA hA/ sngags 'dis phan tshun du lag pas lag pa mnye bar bya'o/ /lag pa bkru ba'i sngags so/ /de nas sngon du gsungs pa'i rim pas a i r-i u l-i/ a e ar o al/ ha ya ra wa la zhes pa a yig la sogs pa nas la yig gi mthar thug pa dbyangs bcwa lnga po rnams mthe chung gi rtsa ba'i tshigs la sogs pa lag pa g.yon pa'i sor mo'i tshigs kyi 'tshams rnams la dgod par bya'o/ /lag pa g.yas pa'i mthe bo rgan po'i rtse mo'i tshigs nas brtsams te mthe chung gi rtsa ba'i tshigs gsum pa'i bar du lA wA rA yA hA/ Al au A ra ai A/ l-I U r-I I A zhes pa lA yig la sogs pa rnams sa la sogs pa'i rim pas dgod par bya'o/ /de nas lag pa yang dag par sbyar ba'i zla ba dang nyi ma dag gi dbus su hu~M yig kha dog 'thon 'thing bsgoms te/ de nas zla ba dang nyi ma dang sgra gcan gyi sa bon de rnams kyis/ 'chang bar 'gyur ba rdo rje rtse lnga pa'i phyag rgya bcing bar bya ste des gtsug tor nas brtsams nas rkang pa'i mtha' sor mo'i sen mo'i mthar thug par bdag nyid la yang dag par reg par bya'o/ /de nas sngags 'di brjod par bya ste/ oM AHhuM hoHhaM k+ShaHkA ya bA ga tsita ta dz+nyA nA d+hi pa te badzra kA ya ma ma kA ya bA ka tsita ta dz+nyA nA badzraM badzra kA ya swa b+hA baM ku ru ku ru swA hA/ de nas nga rgyal ni oM sarba ta thA ga ta badzra ka ya swa b+hA ba Ad ma ko hAM zhes pa ste sku dang gsung dang thugs dang ye shes rnam par dag pa'o/ /de ltar rigs drug dgod par byas nas phyi nas yan lag drug dgod par bya ste lag pa gnyis kha sbyar ba byas nas mthe bo zung gis snying khar oM h+l-IM hri da yA ya na maHmgo bor o h+r+'uM si ra se swA hA/ gtsug tor la o h+R-IM shi khA yai bau Sha Ta/ yan lag thams cad la oM hrIM ka ba tsA ya hUM lag pa gnyi gas yan lag thams cad la reg par bya'o/ /oM hrAM ne trA ya wa Sha Ta mig la'o/ /oM hrAHas+t+ra ya phaT dge ba la g.yon pa dang mi dge ba la g.yas pa'i 'dzum mo dang mthe bo'i se gol gyis phyogs thams cad du mtshon cha dgod par bya'o/ /de nas oM sarba ta thA ga ta hr-i da ya siraHshi khA ka ba tsa ne tra as+t+ra badzra Sha DaM ga swa b+hA ba Ad ma ko haM zhes pa ste yan lag drug dgod pa'i cho ga'o/ /sa la sogs pa yan lag drug ni dgongs pa'i skad kyis tshul gzhan yang ste snying kha ni lte ba'o/ /de bzhin du snying kha dang mgrin pa dang dpral ba dang gtsug tor la sogs pa ste mgo bo la sogs pas gzung bar bya'o/ /de nas sngags 'dis sngar brjod pa'i bsrung ba'i 'khor lo bya ste oM AHhu~M raHbadzra tsan dra sUr+ya rA hU kA la ag na yaHkA ya bA ka tsita ta dz+nyA na badzra prA kA rA na ku ru ku ru swA hA zhes pa ra ba'i sngags so/ / oM huM bi shwa kA ya badzra badzra k+'u TA gA raM ku ru ku ru swA hA zhes pa ni khang pa brtsegs pa'i sngags so/ /oM hAM yA~M rA~M wA~M lA~M badzrA kA sha bA yu te dza u da ka pr-i th+WI badzra swa b+hA ba pany+tsa d+hA ta bo badzra maN Da lA ni ku ru ku ru swA hA zhes pa ni 'og tu dkyil 'khor dgod pa'i sngags so/ /thabs kyi rgyud la 'di nyid kyis khang pa brtsegs pa la sogs pa bya ste 'dir lhun po'i steng du dkyil 'khor du mi 'gyur ro/ /oM paM bi shwa badzra pad me ku ru ku ru swA hA zhes pa ni pad ma'i sngags so/ / oM raHbadzra sUr+ya badzra sUr+yA sa na~M ku ru ku ru swA hA zhes pa ni nyi ma'i gdan gyi sngags so/ /de nas de'i steng du rgyud la lhag par mos pas bdag nyid khro bo'i dbang por bsgom par bya ste oM hUM kro d+he na dro haM kro d+hA nAM A dz+nyA dA ya ka swA hA/ de nas rang rang gi sngags kyi tshig gis khro bo rnams la bka' bsgo bar bya ste/ oM haM badzra kro d+ha rA dza ma hA uSh+NI Sha U ra d+ha di shi rak+ShAM ku ru ku ru swA hA/ oM yaM badzra kro d+ha rA dza a ti ba la sarba big+h+nAn ta ka pUrba de shi ra k+ShAM ku ru ku ru swA hA/ oM raM badzra kro d+ha rA dza dzaM b+ha ka duSh+Ta pradz+nyAn ta ka dak+Shi Na di shir k+ShAM ku ru ku ru swA hA/ oM waM badzra kro d+ha rA dza mA na ka bi rA ga pad mAn ta ka Ud ha ra di shi rak+ShAM ku ru ku ru swA hA/ oM laM badzra kro d+ha rA dza sta ma b+ha ka ya mAn ta ka pash+tsi ma di shi rak+ShAM ku ru ku ru swA hA/ de nas bsam pa'i dbang gis phyogs bral rnams su yi ge ring po rnams sdud pa'i rim pas gzung bar bya ste oM lAHbadzra kro d+ha rA dza ma hA ba la pA ya byAM di shi rak+ShAM ku ru ku ru swA hA/ oM wAHbadzra kro d+ha rA dza a tsa la I shA na di shi rak+ShAM ku ru ku ru swA hA/ oM rAHbadzra kro d+ha rA dza Taka ki niR+R-i t+yAM di shi rak+ShAM ku ku ru swA hA/ oM yAHbadzra kro d+ha rA dza nI la daN Da Ag ne y+YAM di shi rak+ShaM ku ru ku ru swA hA/ oM hAHbadzra kro d+ha rA dza sum b+ha a d+ho di shi rak+ShAM ku ru ku ru swA hA/ de ltar sngags kyi tshig rnams kyis khro bo'i rgyal po rnams sngags pas rgyud las gsungs pa'i bsgrub thabs kyi cho gas bsgom par bya'o/ /de nas sarba ta thA ga ta rak+ShA tsakra swa b+hA wa Ad ma ko haM zhes brjod te nga rgyal gzung bar bya'o/ /bsrung ba'i 'khor lo'i nges pa'o/ /de nas rang gi snying khar paM yig yongs su gyur pa las sna tshogs pad ma ste de'i lte ba'i steng du aM yig yongs su gyur pa las zla ba'i dkyil 'khor ro/ /de'i steng du lha la lhag par mos pa'i dbang gis ye shes kyi sa bon no/ /de las rdo rje nyi ma bzhin du de bzhin gshegs pa thams cad rab tu sad par byed pa'i 'od zer rnams nam mkha'i khams su spro bar bya'o/ / de nas de rnams phyir log ste rang gi snying kha'i ye shes kyi sa bon la zhugs nas nam mkha'i khams su dkyil 'khor gyi rnam par spros pa'i sangs rgyas rnams mchod pa'i don du dri ma dang phreng ba ma la sogs pa rnams rang rang gi ye shes kyi sa bon las spro bar bya'o/ /oM ts+tsh+dz+dz+h+nya badzra gan d+de gan d+ha ar ts+tsa naM ku ru ku ru swA hA/ oM ts+tsh+dz+dz+nyA badzra mA le mA la ar ts+tsa naM ku ru ku ru swA hA/ oM T+Th+D+na badzra d+hU pe d+hU pa ar ts+tsa naM ku ru ku ru swA hA/ oM T+Th+D+D+h+NA badzra bra dI be pra dI pa ar ts+tsa naM ku ru ku ru swA hA/ oM ph+ph+b+b+h+ma badzra a mr-i te nai ber+ya a Ra ts+tsa naM ku ru ku ru swA hA/ oM p+ph+b+b+h+mA badzra ak+Sha te ak+Sha ta pha la ar ts+tsa naM ku ru ku ru swA hA/ oM t+th+d+d+h+na badzra lA s+ye bas+t+ra A b+ha ra Na pu dzAM ku ru ku ru swa hA/ oM t+th+d+d+h+nA badzra hA s+ye g+haN TA daRa sha pU dzAM ku ru ku ru swA hA/ oM k+kh+g+g+h+nga badzra bA d+ye bA d+ya pU dzAM ku ru ku ru swA hA/ oM k+kh+g+g+h+ngA badzra nr-i d+ye nr-i t+ya pU dzAM ku ru ku ru swA hA/ oM dzAM ku ru ku ru swA hA/ oM bud d+ha bo d+hi sa twA nAM badzra su ra ta pU dzAM ku sa ru ku ru swA hA/ zhes pa lha mo'i sngags kyi tshig 'di rnams kyis sangs rgyas la sogs pa rnams la yid kyi rang bzhin gyi mchod pa byas nas de bzhin du phyag 'tshal ba'i mchod pa'o/ /de nas rgyud las gsungs pa'i tshogs sdig pa bshags pa dang bsod nams la rjes su yid rang ba dang dkon mchog gsum la skyabs su 'gro ba dang bdag nyid kyi dngos po dbul ba dang byang chub kyi sems bskyed par bya'o zhes pa ni rnam pa bdun gyi mchod pa'i cho ga'o/ /de nas stong pa nyid la dmigs pa dang dkyil 'khor rgyal mchog dang las rgyal mchog dang thig le'i rnal 'byor dang phra mo'i rnal 'byor rnams sngags pas bya'o/ /de nas rgyud la lhag par mos pa'i dbang gis 'dod pa'i lha'i nga rgyal bya ste oM sarba ta thA ga tA d+hi pa ti badzra sa two haM dur dAn ta da ma ka huM hU~M phaT swA hA zhes pa 'dis bdag nyid byin gyis brlab par bya ste lha'i nga rgyal gyi nges pa'o/ /de ltar lha'i nga rgyal bskyed te de nas sa yongs su gzung ba dang slob ma bsdu bar bya'o/ /dang por yul dang grong gi bdag po'i gtor ma sngags kyi tshigs 'di dag gis sbyangs nas sbyin par bya'o/ /oM oM badzra tsan dra sarba d+har+m+ma su bi shud d+ha swa b+hA ba sarba d+harmA na bi sho d+ha ya swA hA/ oM AHbadzra sUr+ya sarba d+har+m+ma pra bo d+ha ka sarba d+harmAn pra bo d+ha ya swA hA/ oM hu~MHbadzrA na la sarba d+har+m+ma pra dI pa ka sarba d+harmAn pra dI pa ya swA hA/ oM ho sarba d+har+m+ma badzrA mr-i ta ka ra sarba d+harmAn badzra mr-i taM ku ru ku ru swA hA/ sngags kyi tshig 'di rnams kyis go rim bzhin du lag pa g.yon pas sbyang bar bya'o/ /lag pa g.yas pas rgyas par bya'o/ /yang dag par reg ste snyim pas bkab nas rab tu 'bar bar bya'o/ /rdo rje mkha' lding gi phyag rgyas rdo rje bdud rtsir byas nas 'jig rten gsum las rnam par rgyal ba'i phyag rgyas yul gyi bdag po spyan drang bar bya zhing khyi'i phyag rgyas grong na gnas pa'i bdag po rnams dang rtse lnga pa'i phyag rgyas khro bo'i rgyal po rnams dang gri gug gi phyag rgyas zad par rnams dang ral gri'i phyag rgyas lha rnams dang rin po che'i phyag rgyas gza' rnams dang pad ma'i phyag rgyas klu rnams dang 'khor lo'i phyag rgyas yi dags rnams spyan drang bar bya ste de nas oM AHhu~M che ge mo A gats+tsha A gats+tsha shI g+h+raM i daM ba liM gr-ih+Na gr-ih+Na b+hu ga twA pI twA hr-i pa tiM kr-i twA sarba sa twA nAM shAn ti tsita taM kr-i twA a pa ras+thA naM gats+tsha gats+tsha swA hAs yongs su gzung ba'i dus su'o/ /gzhan gyi dus su ni swA s+thA naM ga ts+tsha zhes brjod par bya'o/ /de ltar thams cad kyi gtor ma so so'i phyogs kyi char sngar brjod pa'i cho gas gshegs su gsol bar bya ste gtor ma'i cho ga'o/ /de nas rang gi snying khar zla ba'i dkyil 'khor la lA~M yig yongs su gyur pa las 'khor lo ser po bsgom par bya ste de yongs su gyur pa las sa'i lha mo zhal gsum phyag drug ma g.yas pa na 'khor lo dang dbyug pa dang rdo rje 'dzin cing g.yon pa na dung dang lcags sgrog dang rdo rje dril bu 'dzin ma kha dog ser mo gos ser po dang rin po che'i rgyan ser po dang ldan pa bsgom par bya'o/ /de nas 'chad par 'gyur ba'i rim pas dam tshig sems dpa' dang ye shes sems dpa' gcig tu byas te de nas phyi rol du sa'i lha mo sngags kyi tshig 'dis spyan drang bar bya ste/ oM lA~M AHhu~M/ sun d+ha ri sarba bud d+ha dza na ni sarba sa two ba kA ri Ni/ badzra sa twA A dz+nyA pa ya ti shI g+h+raM A gats+tsha A gats+tsha/ i daM gan d+haM buSh+paM d+hU paM dI paM nai be t+yaM pha lAk+Sha taM da dA mi ta ba hwa me ba gr-ih+Na gr-ih+Na maN Da lAr+thaM/ ma mas+thA naM dang / sarba satwA nAM shAn tiM/ puSh+TiM kr-i twA shu b+ha tsa ta te na i daM s+thA naM h+ya ka twA a pa ras+thA naM gats+tsha gats+tsha swA hA zhes pa ni sa'i lha mo gshegs su gsol ba'i cho ga'o/ /de nas sngar gsungs pa'i ting nge 'dzin dang sngags kyi tshig 'di rnams kyis bdud gzhom par bya ste oM AHhu~M hoHho k+ShaHhrAHhrAHhrAHhrAHra ra ra ra badzrA na la sarba ba ra Na d+harmA pra la ya swA b+hA ba sarba mA ra kA yi ka big+h+na bi nA ya kA di nAM da sha dig ga tA ni kA ya bA kwa tsita tA ni da ha da ha pa tsa pa tsa b+hasmI ku ru ku ru hu~M hU~M phaT phaT ces pa ni bdud gzhom pa'i cho ga'o/ /de nas bgegs dang log 'dren la sogs pa gzhan rnams rdo rje lcags kyus bkug cing rdo rje zhags pas bcings nas rdo rje phur pa khro bo'i rgyal po lte ba'i 'og rtse mo'i rnam pa ni gnas bcu po rnams su gdug pa'i steng du bying bar yi ge lnga las bsgom par bya ste sngags kyi tshig 'di rnams kyis so/ /oM AHhu~M hoHhi k+ShaHhUM hU~M hU~M phaT phaT phaT badzra kI la ka kA ya bA ka tsita ta dz+nyA nA d+hi pa te Sha Ta mu kha Sha Ta b+hu dza Sha Ta tsa ra Na sarba big+h+na bi nA ya kA di duSh+TA nAM kA ya bA ka tsita ta dz+nyA nA ni kI la ya kI la ya hu~M hU~M phaT phaT/ de nas rdo rje tho ba'i sngags ni oM l+l-IHbadzra mud ga ra mA rA d+hI nAM si ra si kaN the hr-i dang ye nA b+hau gu h+ye a na te badzra kI la kA nA ko Ta yA ko Ta ya k+Sha~M k+ShA~M k+Shi~M k+ShI~M k+Sh+R-i~M k+Sh+R-I~M k+Shu~M k+ShU~M k+Sh+l-iM k+Sh+l-IM hU~M hU~M hU~M phaT phaT phaT ces pa ni phur bus gdab pa'i cho ga'o/ /de nas phur bu rnams bsrung ba'i don du khro bo'i rgyal po bcu po rnams sngar gsungs pa'i cho gas dgod par bya'o/ /de nas g.yon pa dang g.yas pa'i rkang pa'i 'thil la hu~M hU~M rnam par bkod te rdo rje rtse lnga pa'i phyag rgyas rkang pa'i 'thil du reg nas rdo rje'i stabs kyis dkyil 'khor gyi dbus kyi sa la bcag par bya ste dus kyi 'khor lo'i sku'i g.yas rkyang dang g.yon rkyang gi stabs dang mnyam pa'i stabs kyis kyang ngo / /shar du yaM yAHrkang pa'i 'thil la bkod cing ral gri'i phyag rgyas reg nas zlum po'i stabs kyis bcag par bya'o/ /lhor ra~M rAHbkod cing rin po che'i phyag rgyas reg nas rol pa'i stabs kyis bcag par bya'o/ /nub tu li lAHbkod cing 'khor lo'i phyag rgyas reg nas rdo rje'i 'dug stangs kyis byin gyis brlab pa 'am sa ga'i stabs kyis bcag par bya'o/ /byang du waM wAHbkod cing pad ma'i phyag rgyas reg nas pad ma'i 'dug stangs kyis byin gyis brlab pa 'am tA Na Da ba'i stabs kyis bcag par bya'o/ /de nas badzra gan d+ha la sogs pa'i sngags kyi tshig rnams kyis dri la sogs pa'i rdzas rnams kyis dkyil 'khor gyi sa la mchod pa byas nas sngar brjod pa'i cho gas rdo rje'i sa spyan drang bar bya'o/ /de la sngags kyi tshig rnams ni oM AHlA~M hu~M badzra b+h+'u mi tiSh+Tha ma tsa la hu~M hU~M phaT badzra d+ha ra A dz+nyA pa ya ti swA hA/ de nas slar yang sngags pas mchod yon la sogs pa bya ste sa lhag par gnas pa'i cho ga'o/ /de nas rdo rje bum pa rnams lhag par gnas pa bya ste 'dir sngags kyi tshig rnams ni oM ha~M hA~M hi~M hIM hri~M hr-IM hu~M hU~M h+l-i~M h+l-I~M badzra pad mA mr-i ta ga Ta su bi shud d+ha d+har+m+ma d+hA tu swa b+hA ba sarba d+harmA na su bi shud d+ha d+har+m+ma d+hA tu swa b+hA bA na ku ru ku ru swA hA/ dri la sogs pa phul nas dkyil 'khor gyi dbus su rnam par rgyal ba'i bum pa bzhag par bya ste bum pa lhag par gnas pa'i cho ga'o/ /de nas rdo rje'i thig skud lhag par gnas pa bya ste de la sngags kyi tshig rnams ni oM A~M I~M r-I~M U~M l-I~M badzra sU tra sarba d+harmai ka swa b+hA ba sarba d+harmA na e ka A kA ra swa b+hA bA na ku ru ku ru swa hA/ dri la sogs pa phul nas shar gyi sar bzhag par bya ste thig skud lhag par gnas pa'i cho ga'o/ /de nas rdo rje'i rdul tshon lhag par gnas pa bya ste de la sngags kyi tshig rnams ni oM A~M i~M r-i~M u~M l-i~M su bi shud d+ha pany+tsa skan d+ha swa b+hA ba pany+tsa skan d+hA na su bi shud d+ha d+harmA na ku ru ku ru swA hA/ dri la sogs pa phul nas rdul tshon gyi snod rnams nub kyi sar gzhag par bya ste rdul tshon lhag par gnas pa'i cho ga'o/ / de nas rdo rje lhag par gnas pa bya ste de la sngags kyi tshig rnams ni oM huM kro d+ha badzraM sarba sa twa ka ru NA da ma ka sarba d+har+m+mai ka su kha swa b+hA ba sarba d+harmA na badzra su kha swa b+hA bA na ku ru ku ru swA hA/ dri la sogs pa phul nas lhor gzhag par bya ste rdo rje lhag par gnas pa'i cho ga'o/ /de nas rdo rje dril bu lhag par gnas pa bya ste de la sngags kyi tshig rnams ni oM hoHbadzra g+haN Te sarba d+har+m+mai ka pra dz+nyA d+h+wa ni swa b+hA be sarbA kA re sarba d+har+m+ma pra bo d+ha na sarba d+harmAn niHswa b+hA be na pra bo d+ha ya pra bo d+ha ya swA hA/ dri la sogs pa phul nas byang gi sa la gzhag par bya'o/ /rdo rje dril bu lhag par gnas pa'i cho ga ste sa la sogs pa yang dag par gzung ba'i cho ga'o/ /de nas slob ma lhag par gnas pa bya ste dang por dkyil 'khor gsol ba gdab pa'i dus dang bar du sa la sogs pa gzung ba dang / mthar dkyil 'khor du 'jug pa'i dus thams cad du maN Dal byas nas so shing byin te de nas bsrung ba bya'o/ /de la 'di ni cho ga ste khrus byas shing gos gtsang ma bgos te zhi ba la sogs pa'i las dang rjes su mthun pas sa de nyid la maN Dal byas nas shar du mngon par phyogs pa la u dum ba ra'i so shing ngam 'o ma can gyi shing gzhan las skyes pa sor bcu gnyis pa mgo bor me tog gi phreng ba bcings pa dri la sogs pa rnams kyis mchod nas sngags 'dis sbyin par bya'o/ /oM AHhu~M hoHha~M k+ShaHbadzra dan ta kASh+Tha tsa tur bi mok+Sha mu kha bi shud d+hi swa b+hA ba kA ya bA ka tsita ta dz+nyA na mu kha dan tA di ma la~M bi sho d+ha ya bi sho d+ha ya swA hA zhes pas so shing byin nas lhag par gnas pa'i mthar steng nas rab tu dor zhing maN Dal du lhung ba'i so shing gis mtshon par bya ste gang du mgo bo gang yin pa lhung ba der gnas pa'i las rab 'byam la sogs pa der 'grub par 'gyur ro zhes pa ni so shing gi cho ga'o/ /de nas slob ma dkyil 'khor gyi sa la bcug ste spyi bo dang mgrin pa dang snying kha dang lte ba dang gtsug tor dang gsang ba la oM AHhu~M hoHha~M k+ShaHrigs drug po rnams dgod pa byas nas sngags kyi tshig 'di rnams kyis rdo rje sems dpa' bskul bar bya ste/ oM a A aM aH badzra satwa ma hA su kha badzra kA la tsakra shi Sh+ya s+ya a b+hi mu kho b+ha ba san tu Sh+To b+ha ba ba ra do b+ha ba kA tsita tA d+hiSh+ThA naM ku ru ku ru swA hA/ slob ma lhag par gnas pa'i cho ga'o/ /de nas slob ma gshegs su bcug nas dkyil 'khor gyi dbus su rnam par rgyal ba'i bum pa dang shar du rdo rje'i thig skud dang nub du rdo rje rdul tshon gyi snod dang lhor rdo rje dang byang du dril bu rnams slob dpon gyis sgo'i cha shes nas dgod par bya'o/ /de rnams gnas lngar bkod te de nas lhor dge ba dang mi dge ba'i mtshan ma'i don du sngags 'dis mal stan lhag par gnas pa bya'o/ /oM hoHbadzra ka ma la da la gar+b+he sha y+Ye badzra su kha ma hA ni drAM ka ro mi ya thA ta thA ga te na kr-i tA haHhaHswA hA/ mal stan lhag par gnas pa'o/ /de nas slob dpon nub tu mgo dang shar du rkang pa phyogs pas nyal bar bya'o/ /de la bsgoms pa'i stobs sam rmi lam gyis mtshan ma blta bar bya ste gal te sangs rgyas dang byang chub sems dpa' dang lha mo'i tshogs rgyud mangs la sogs pa'i mtshan ma'i phyag dang ldan pa mthong na de'i tshe dge ba'o/ /ci ste rdo rje mkha' 'gro ma phyag na gri gug dang thod pa can nam khro bo'i dbang po bdud dang bgegs dang log 'dren la sogs pa rnams srung ba'i 'khor lo'i mtha' phan chad du nyams par byed pa mthong na yang de bzhin du dge ba'o/ /ci ste cung zad kyang ma mthong na de'i tshe 'bring po'o/ /ci ste bdud kyi ris bkres pa dang skom pas gzir ba ring cing skam pa'i lus can lag na gri gug dang thod pa thogs pa skye bo legs pa la gnod pa byed pa la dga' ba rnams slob dpon nam slob mas mthong na de'i tshe mtshan ma ngan par 'gyur te/ de mthong nas rdo rje slob dpon gyis mal stan spangs te dkyil 'khor gyi shar gyi sar sngar brjod pa'i bsrung ba'i 'khor lo bsgoms nas slar yang de rnams la sngar brjod pa'i cho gas gtor ma rgya chen po sbyin par bya'o/ /slar yang sbyang ba'i sngags gzhan ni oM phroM badzra DA ki nI badzra d+hA twI shwa ri ga ga na swa b+hA ba sarba dra bya bi sho d+ha ni sarba dra byA Ni bi sho d+ha ya hu~M phre~M phaT ces pa ni bgegs nye bar zhi bar byed pa'i gtor ma sbyang ba'i sngags so/ /de nas sangs rgyas rnams spyan drang bar bya ste sangs rgyas yab yum bcas pa sras bcas g.yog 'khor dang / /grogs bcas gnyen rnams dag gis bskor ba'i tshogs pa ni/ /lha dang lha mo dag gis mnyes par byed rnams dang / /mchog gi rdo rje sems dpa' dag ni gshegs su gsol zhes pa'i tshigs su bcad pa 'dis de bzhin gshegs pa rnams rang gi lus kyi rang rang gi khams la dgod par bya'o/ /sangs rgyas rnams spyan drang ba'i cho ga'o/ /de nas rdo rje mkha' 'gro ma rnams dgug par bya ste de la sngags kyi tshig rnams ni oM ha hA hi hI badzra b+hai ra ba A kaRa Sha ya A kaRa Sha ya/ pra be sha ya pra be sha ya/ ban d+ha ya ban d+ha ya/ to Sha ya to Sha ya/ dzaHhU~M ba~M hoHbadzra DA kI nI nAM hr-i da yaM hu~M hU~M phre~M phre~M phaT ces pa ni dgug pa'i sngags so/ /de nas rdo rje'i phyag rgyas rdo rje mkha' 'gro ma rnams la gtor ma dang dri dang me tog dang bdug pa dang mar me dang 'bras bu ma nyams pa dang bcas pa sngar brjod pa'i cho gas byin nas phyi rol dur khrod kyi sa la bza' ba dang btung ba byed par bsam par bya'o/ /mkha' 'gro ma rnams dgug pa'i sngags so/ /de nas bdud dang bgegs kyi nye bar 'tshe ba zhi bar bya ba'i slad du srung ba'i 'khor lo sngon du 'gro ba can rdo rje 'jigs byed kyi rnal 'byor la dmigs par bya ste sgrub thabs kyi cho gas yan lag drug la sogs pa'i sngags dgod pa byas nas dam tshig sems dpa' dang lhan cig ye shes sems dpa' gcig tu byas te sgrub thabs las gsungs pa'i cho gas 'chad par 'gyur ba'i phyag nyi shu rtsa drug dang spyan bcu gnyis dang phrag pa drug dang zhal bzhi dang mgrin pa gsum dang zhabs gnyis pa 'chad par 'gyur ba'i mtshon cha rnams 'dzin pa rnam par bsams nas sngar gsungs pa'i sa bon gyi yi ge rnams rang gi lus la rnam par dgod do/ /de nas dbang bskur bar gsol ba gdab par bya ste de la sngags kyi tshig rnams ni oM haM hA~M hiM hIM hr-iM hr-IM huM hUM h+l-i h+l-I A I r-I U l-I badzra DA ki n+yo badzrA mr-i ta g+ha Tai ra b+hi Shany+tsa na tu mAM swA hA/ oM aM iM r-iM uM l-iM sarba bud d+ha badzra mu ku Ta ma ma pany+tsa bud d+ha Ad ma kaM ban d+ha yan tu hu~M hU~M phaT/ oM a A aM aHha hA haM haHphre~M hoHsarba pA ra mi ta ma ma badzra paT+TaM ban d+ha yan tu huM hU~M phaT/ oM hu~M hoH bi dz+nyA na dz+nyA na swa b+hA be ka ru NA pradz+nyA Ad ma ke badzra badzra g+haN Te sa bye ta ra ka ra yor ma ma badzra satwAHsa pra dz+nyo da dA tu hu~M hU~M phaT/ oM a A e ai ar Ar o au al Al a~M aHsarba bo d+hi satwAHsa p+hAR+YAHsarba dA sarba kA ma u ba b+ho gaM badzra pra taM ma ma da dan tu swA hA/ oM ha hA ya yA ra rA wa wA la lA sarba kro d+ha rA dzAHsa b+hAR+YA mai trI ka ru NA mu di ta u pek+ShA sarba sa ma tA swa b+hA baM badzra pUrbaM ga maM nA ma me da dan tu hu~M hU~M phaT/ oM e waM pad ma badzra tsi h+Nau pra dz+nyo pA yau maN Da lA d+hi pa ti badzra su kha dz+nyA nAM ga ma ma da da tAM haM haHhU~M phaT ces pas gsol ba gdab pa byas te de nas dbang bdun gyis bdag nyid la dbang bskur bar bsgom par bya'o/ /de nas dbang bdun thob pa'i nga rgyal gzung bar bya ste oM sarba ta thA ga ta sapa tA b+hi She ka sapa ta b+hU mi prA p+to haM zhes pa ste dbang bdun rjes su gnang ba'i cho ga'o/ /de nas sngags pas sngags kyi tshig 'di rnams kyis bum pa la sogs pa'i dbang gong ma rnams gsol ba gdab par bya ste oM oM pra dz+nyo pA yau ka la shA b+hi She kaM me da da tAM hu~M hU~M phaT/ oM AHpra dz+nyo pA yau gu h+yA b+hi She kaM me da da tAM hu~M hU~M phaT/ oM hu~M pra dz+nyo pA yau badzra sa twa bi shwa mA ta rau pradz+nyA dz+nyA nA b+hi She kaM me da da tAM hu~M hU~M phaT ces pas gsol ba btab ste de nas 'chad par 'gyur ba'i cho gas bdag nyid la dbang bskur bar bsgom par bya'o/ /de nas nga rgyal gzung bar bya ste oM oM badzra sa twe na badzra ka la shA b+hi She ke nA b+hi She ka to badzra satwa pu tro a tsa lA b+hU mi la ba d+ho haM/ oM AHbadzra sa twe na gu h+yA g+hi She ka nA b+hi She ka to badzra satwa yu ba rA dzo na ba b+hU mi la ba d+ho haM/ oM hu~M badzra sa twe na pra dz+nyA dz+nyA ne nA b+hi She ka to dwi tI ya badzra d+ha ro haM d+har+m+ma me g+hA b+hU mi la ba d+ho haM zhes pas nga rgyal bya ste dbang gong ma'i cho ga'o/ /de nas gong ma las gong ma dbang bzhi pa ni man ngag las te sngags 'dis gsol ba gdab par bya'o/ /oM ho pra dz+nyo pA yAd ma kaM badzra sa twa ma hA mu trA dz+nyA nA b+hi She kaM me pra yats+tsha oM AHhu~M ho phaT ces pas gsol ba btab ste de nas bdag nyid la dri ma med pas dbang bskur bar bsgom par bya'o/ /de nas rdo rje sems dpa'i nga rgyal gzung bar bya ste oM ho d+har+m+ma d+hA twak+Sha ra tsa tur thA b+hi Shi ke NA b+hi She ka to badzra sa twe nA da ma nA haM dwi tI yo dwA da sha b+hU mi la ba d+ho badzra sa two ma hAr+thaHpa ra mA k+Sha raHtrai lo kya bi dza yaHkA la tsakro b+ha ga bAn e waM kA raHzhes pa ni gong ma las gong ma'i dbang gi cho ga'o/ /da ni phyag rgya drug gi sngags kyi tshig rnams te oM haM haHbA ma dak+Shi Na kaR+N+Na yo ra badzra kuN Da le hu~M hU~M phaT phaT/ oM aM aHka T+yA~M kaN The badzra me kha lA badzra kaN Thi ke hu~M hU~M phaT phaT/ oM a A bA ma dak+Shi Na ka ra yor badzra ru tsa kau hu~M hU~M phaT phaT/ oM ha hA bA ma dak+Shi Na pA da yor badzra nU pa re hu~M hU~M phaT phaT/ oM ha~M ba~M pany+tsA kA ra ma hA shU n+ya swa b+hA ba badzra shi ro ma Ni shi ba si sarbAM ge b+hasma hu~M hU~M phaT phaT/ oM aM ar d+ha nA rI shwa ra badzrA r+d+ha tsan dra badzra paT+Tor d+he hu~M hU~M phaT phaT/ oM a aHaM sarba swa rai ka tri swa ra swa b+hA ba badzra yadz+nyo ba bI ta skan d+he hu~M hU~M phaT phaT ces pa ni phyag rgya drug gi cho ga'o/ /de nas 'chad par 'gyur ba'i glang po che'i lpags pa'i phyag rgya dang bcas pa gzhan phyag rgya bzhi'i sngags kyi tshig rnams ni oM k+ShaHdur dAn tA b+hi mA nak+Sha yaM ka ra byA g+h+ra tsar ma ka Tau huM hUM phaT phaT/ oM haM k+ShaHtriM shad swa ra sapa ta ti hra swa dIr+g+ha byany+dza na swa b+hA ba dai t+ya ku la sha ta si ro b+hir muN Da mA le skan d+hA ba laM bi ni skan d+he hu~M hU~M phaT phaT/ oM ha hi h+R-i hu h+l-i pany+tsa skan d+ha bi shud d+ha swa b+hA ba shi ra si ka pA la mA le hu~M hU~M phaT phaT ces pa ni phyag rgya bzhi'i cho ga'o/ /de ltar pha rol tu phyin pa bcu'i dbye bas phyag rgya bcu dang gnas bcu drug gi dbye bas stong pa nyid bcu drug ste phyag rgya dgod pa'i cho ga'o/ /de nas g.yas dang g.yon gyi phyag rnams su mtshon cha bsgom par bya ste de la sngags kyi tshig rnams ni mtshon cha'i sa bon gyis brjod par bya'o/ /oM k+Sh+RaHkro d+ha badzra hu~M phaT/ oM k+Sh+RaHbadzra khaDa ga huM phaT/ oM k+Sh+RaHbadzra tri shU la hu~M phaT/ oM k+Sh+RaHbadzra kar t+ta ri hu~M phaT/ oM k+Sh+RaHbadzra ba Na hu~M phaT/ oM k+Sh+RaHbadzra aM ku sha hu~M phaT/ oM k+Sh+RaHbadzra Da ma ru ka hu~M phaT/ oM k+Sh+RaHbadzra mung ga ra hu~M phaT/ oM k+Sh+RaHbadzra tsakra hu~M phaT/ oM k+Sh+RaHbadzra kun ta huM phaT/ oM k+Sh+RaHbadzra daN Da hu~M phaT/ oM k+Sh+RaHbadzra paRa shu hu~M phaT ces pa ni g.yas kyi mtshon cha dgod pa'o/ /de nas g.yon pa la sngags kyi tshig rnams ni oM dang hwA~M yig dang bos brjod par bya'o/ /oM hwA~M badzra g+haN Te ho phreM phaT/ oM hwAM badzra khe Ta ka ho phreM phaT/ oM hwA~M badzra kha T+wA~M ga ho phreM phaT/ oM hwA~M badzra ka pA la ho phre~M phaT/ oM hwAM badzra tsA pa ho phreM phaT/ oM hwA~M badzra pA sha ho phreM phaT/ oM hwA~M badzra rad na ho phreM phaT/ oM hwA~M badzra pad ma ho phreM phaT/ oM hwA~M badzra shaM khe ho phreM phaT/ oM hwA~M badzrA dar sha ho phreM phaT/ oM hwA~M badzra shri kha le ho phreM phaT/ oM hwA~M tsa tu ra be de mu kha swa b+hA ba bra h+ma shi raHho phreM phaT ces pa ni g.yon pa'i phyag rnams la mtshan ma dgod pa'i cho ga'o/ /de nas glang po che'i lpags pa'i sngags kyi tshig rnams ni oM k+Sha k+ShA k+Shi k+ShI k+Sh+R-i k+Sh+R-I k+Shu k+ShU k+Sh+l-i k+Sh+l-I k+ShaM k+ShaHha hA hi hI h+R-i h+R-I hu hU h+l-i h+l-I haM haH/ sarba big+h+na bi dA ri ta ga dza tsaRa ma pa TAr dra ra ka ta shra pa ta huM phreM g.yas pa dang g.yon pa'i phyag gi khu tshur sdigs 'dzub dang bcas pa dag gis g.yas su mgo bo'i rtse mo dang rgyab tu rkang pa gnyis 'phyang zhing rkang pa gnyis nas bzung ba bsam par bya ste lpags pa bgo ba'i go cha'o/ /de nas klu'i rgyal po bcu po rnams rnam par dgod par bya ste de la sngags kyi tshig rnams ni oM huM badzra dza ya nA gen dra badzra dza TA mu ku Ta ban d+he tiSh+Tha tiSh+Tha huM hUM phaT phaT/ oM k+ShUM badzra bi dza ya nA gen+ta badzra paT+Ta ban+d+he tiSh+Tha tiSh+Tha huM hU~M phaT phaT/ oM h+YaM h+YAM badzra kar ko Ta ka badzra pad mau bA ma dak+Shi Na kuN Da la yoHtiSh+Tha tiSh+Tha huM hU~M phaT phaT/ oM h+RaM h+RAM badzra bA su ki shaM kha pA lo bA ma dak+Shi Na ru tsa ka yoHtiSh+Tha tiSh+Tha huM hU~M phaT phaT/ oM hwaM hwAM badzre a nan ta ku li kau me kha lA kaN Thi ka yoHtiSh+Tha tiSh+Tha hu~M hU~M phaT phaT/ oM h+laM h+lAM badzra ta k+Sha ka ma hA pad mau bA ma dak+Shi Na pA da nU pu ra yoHtiSh+Tha tiSh+Tha hu~M hU~M phaT phaT/ de ltar sngags kyis phyag rgya thams cad dgod par bya'o/ /de nas bcom ldan 'das dus kyi 'khor lo'i rkang pa bcu drug pa mkha' 'gro ma'i tshogs dang bcas pa gdug pa tshar gcod pa'i sngags bdud la sogs pa rnams tshar gcad pa'i don du sngags pas bzlas par bya'o zhes pa ni nges pa'o/ /de la sngags kyi tshig rnams ni 'di lta ste/ oM na mo badzra satwA ya na mo bud d+ha bo d+hi sa twe b+h+yaHna mo badzra kro d+hen dra rA dze b+h+yaHna mo bi shwa mA tre na mo bud d+ha bo d+hi sa twa de bI b+h+yaHna mo badzra DA ki nI b+h+yaHoM na mo b+ha ga ba te kA la tsakrA ya/ badzra b+hai ra ba b+hI ka rA ya/ ma he na dra nI la paRa N+Na sha rI rA ya/ mA ra kle sha hri da yA krAn ta si ta raka ta tsa ra NA ya/ kr-iSh+Na rak+ta siM ta kaN ThA ya/ nI la sita pI ta ra ka ta daSh+TA ka rA lo gra b+hI Sha Na mu khA ya/ kr-iSh+Na raka ta si ta sa bye ta ra skan d+hA ya/ dwA da sha b+hu dzA ya/ Sha Ta biM sha ti ka rA ya/ badzra khaDa ga tri shU la kar ti kA bA NAM ku sha Da ma ru ka mung gar tsakra kun ta dan Da paRa shu badzra g+haN Ta khe Ta kha T+wA~M ga ka pA la tsA pa pA sha rad na ka ma la shaM kha A daRa sha shriM kha lA brah+ma shi ro ga dza tsar ma d+h+r-i ta ka rwa ya/ byA g+h+ra tsar ma ni wa sa nA ya/ skan d+he muN Da mA lA ba laM bi ne/ shi ra si badzra pa Ta Ta mu ku Te badzra ka pA la mA lA ra d+ha tsan+d+ra d+ha rA ya/ kuN Da la ru tsa ka kaN Thi kA me kha lA n+'u pu ra b+hasma ya dz+nyo pa bI ta shi ro ma Ni ma hA mu trA nA gen tra bi b+hu Sha NA ya/ badzra DA ki nI saM to Shi ta hr-i da yA ya/ in tra ag ni ya ma naiR+R-i t+ya ba ru Na bA yu ku be ra i shA na brah+ma biSh+Nu bi nA ya ka kAr ti ke ya nan di ma hA kA la gra ha nak+Sha tra k+She tra pA la su ren trA su ren trA pha nIn+t+ra b+hU ten tra na ren tra saM stu ta tsa ra NA ya/ zhes pa ni bcom ldan 'das kyi sngags rkang pa bcu drug pa ste 'di bye ba bzlas pa las thams cad dang sbyin sreg 'bum phrag bcus grub pa chen po brgyad po thams cad 'grub par 'gyur te sngon du bsnyen pa'i nges pa'o/ /de nas bklags pa tsam gyis las thams cad byed do/ / da ni bdud rigs brgya'i mgo bo'i phreng ba'i sa bon rnams te mkha' 'gro ma'i tshogs kyi yang de rnams nyid do/ /ha hA k+Sha k+ShA da dA th+ka th+kA na nA ma mA Na NA Na NA nya nyA hu~M hU~M phreM phreM phaT phaT ces pa dur khrod la'o/ /kl-i kl-I khu khU g+R-i g+R-I g+hi g+hI ha hA hu~M hU~M phaT phaT ces pa nam mkha'i 'khor lo la'o/ /ts+l-i ts+l-I tshu tshU dz+R-i dz+R-I dz+hi dz+hI ya yA hu~M hU~M ya yA hu~M hU~M phaT phaT ces pa ni rlung gi 'khor lo la'o/ /T+l-i T+l-I Thu ThU D+R-i D+R-I D+hi D+hI ra rA hu~M hU~M phaT phaT ces pa ni me'i 'khor lo la'o/ /p+l-i p+l-I phu phU b+R-i b+R-I b+hi b+hI wa wA hu~M hU~M phaT phaT ces pa ni chu'i 'khor lo la'o/ /t+l-i t+l-I thu thU ng+R-i ng+R-I d+hi d+hI la lA hu~M hU~M phaT phaT ces pa ni sa'i 'khor lo la'o/ /sl-i slI ny+pu ny+p+'u Sh+R-i Sh+R-I shi shI haM haHhu~M hU~M phaT phaT ces pa ni ye shes kyi 'khor lo la'o/ /'di rnams la grangs bzhin du rdo rje dang ral gri dang rin po che dang pad ma dang 'khor lo dang gri gug gi phreng ba rnams he ha yig la sogs pa'i sa bon bcu gnyis rnams kyis 'khor lo'i phyogs kyi 'dren pa'o/ /ha hA hi hI h+R-i h+R-I hu hU h+l-i h+l-I ha~M haHzhes pa ni shes rab dang thabs kyi phyag tu gnyis dang lhag ma thod pa brgyad ni lha mo rnams kyi bar bar du'o/ /a A aM aHha hA ha~M haHphreM hoHzhes pa ni pha rol tu phyin pa bcu'o zhes pa mkha' 'gro ma'i dra ba'i sngags kyi tshig go/ /le'u lnga pa las sngags 'di rnams drag po'i las la brjod par bya'o zhes pa ni nges pa'o/ /da ni bcom ldan 'das kyi yan lag so so'i phreng ba'i sngags brjod par bya ste oM AHhu~M hoHk+Sha h+k+Sh+m+l+W+R+Ya~M k+ShaHh+k+Sham+law+Raya kA la tsakra/ dur dAn ta da ma ka dzA ti dza rA ma ra NAn ta ka trai lo kya bi dza ya/ ma hA bi re shwa ra/ badzra b+hai ra ba/ badzra kA ya/ badzra gA tra/ badzra ni tra/ badzra shro tra/ badzra g+h+rA Na/ badzra dzi hwa/ badzra dan ta/ badzra na kha/ badzra ke sha badzra lo ma/ badzrA b+ha ra Na/ badzra hA sa/ badzra gI ta/ badzra nr-i t+ya/ badzrA yu d+ha ka ra/ badzra kro d+ha rA dzA d+hi pa ti/ badzra DA ka badzra DA ki ni dzA la pa ri bri ta/ shI g+h+raM A gats+tshA gats+tsha/ badzra satwA dz+nyA yA sarba mA ra big+h+na bi nA ya ka kiM na ra kiM bu ru Sha ga ru Da ga na d+harba yak+Sha rak+Sha sa b+hU ta ma hA pre ta kum b+hAN Da a ba smA rak+She tra pA la be tA Da pU ta na duSh+Ta nA gA hA da yo ye sarba dz+wa ra sarba byA d+hi k+Shu tro ba tra ba ka ri NaHsarba satwA nAM sarbA ba ga ra ra tA sta na sarbAn dzaHshI g+h+raM badzrAM ku she nA kr-i Sh+yA kr-i Sh+ya/ Ur d+ha di shi ga tA nA kr-i Sh+yA kr-i Sh+ya/ pURa ba di shi ga tA nA kr-i Sh+yA kr-i Sh+ya/ dak+Shi Na di shi ga hA nA kr-i Sh+yA kr-i Sh+ya/ uta ta ra di shi ga tA nA kri Sh+yA kr-i Sh+ya/ pan+tsi ma di shi ga tA nA kr-i Sh+yA kr-i Sh+ya/ bA ya bya di shi ga tA nA kr-i Sh+yA kr-i Sh+ya/ I shA na di shi ga tA nA kr-i Sh+yA kr-i Sh+ya/ nai R+R-i t+ya di shi ga tA nA kr-i Sh+yA kr-i Sh+ya/ Ag ne ya di shi ga tA nA kr-i Sh+yA kr-i Sh+ya/ a d+ho di shi ga tA nA kr-i Sh+yA kr-i Sh+ya/ A kA sha maN Da la ga tA nA kr-i Sh+yA kr-i Sh+ya/ bA yu maN Da la ga tA nA kr-i Sh+yA kr-i Sh+ya/ te dzo maN Da la ga tA nA kr-i Sh+yA kr-i Sh+ya/ to ya maN Da la ga tA nA kr-i Sh+yA kr-i Sh+ya/ pr-ith+bI maN Da la ga hA nA kr-i Sh+yA kr-i Sh+ya/ kA ma d+hA tu ga tA nA kr-i Sh+yA kr-i Sh+ya/ rU pa d+hA tu ga tA nA kr-i Sh+yA kr-i Sh+ya/ a rU pa d+hA tu ga tA nA kr-i Sh+yA kr-i Sh+ya/ kA ya d+hA tu ga tA nA kr-i Sh+yA kr-i Sh+ya/ bA ga d+hA tu ga tA nA kr-i Sh+yA kr-i Sh+ya/ tsita ta d+hA tu gA tA nA kr-i Sh+yA kr-i Sh+ya/ pany+tsa skan d+ha ga tA nA kr-i Sh+yA kr-i Sh+ya/ pany+tsa d+hA tu ga tA nA kr-i Sh+yA kr-i Sh+ya/ pan tsen tri ya ga tA nA kr-i Sh+yA kr-i Sh+ya/ pany+tsa bi Sha ya ga tA nA kr-i Sh+yA kr-i Sh+ya/ pany+tsa karmen dri ya ga tA nA kr-i Sh+yA kr-i Sh+ya/ pany+tsa karmen dri ya bi Sha ya ga tA nA kr-i Sh+yA kr-i Sh+ya/ sarba to ya tra ku tra tsi ta ga tA nA kr-i Sh+yA kr-i Sh+ya/ ma hA sh+ma shA ne badzrA ga ni dz+wa li ta b+hU myAM ni pA ta ya ni pA ta ya/ badzra pA she na sarba b+hu dze Shu ban d+ha ya ban d+ha ya/ badzra shr-iM kha la yA sarba pA de Shu ni ro d+ha ya ni ro d+ha ya/ sarba satwe Shu ka ya bA ka tsit+to pa tra ba kA ra ra tA na tA na ma hA kro d+ha badzre Na tsURa N+Na ya tsURa N+Na ya/ badzra khang ge na ni kr-in ta ya ni kr-in ta ya/ badzra tri shU le na b+he da ya b+he da ya/ badzra kaRa t+ti ka yA ha na ha na/ badzra bA Ne na bin d+ha bin d+ha/ badzra kI la kair+Na kI la ya kI la ya/ badzra mung ga re NA ko Ta yA ko Ta ya/ badzra tsakre Na ts+tshe da ya ts+tshe da ya/ badzra ku na te na b+hin d+ha b+hin d+ha/ badzra daN De Na tA Da ya tA Da ya/ badzra paRa shu nA ts+tshin da ts+tshin d+ha/ sARa d+ha tri ko Ti khaN DaM kr-i twA Sh+ma shA na b+hU myAM sarba b+hu te b+h+yo ba liM ku ru ku ru/ badzra Da ma ru ke na badzra DA ki ni rA bA ha yA bA ha ya/ badzra DA ki ni b+h+yo mA ra kA yi kA nAM ru d+hi raM ni be da ya ni be da ya/ pany+tsa mr-i ta ha ri NI b+h+yaHpany+tsa mr-i taM ni be d+ha ya ni be da ya/ sarba badzra DA ki nI sa hi taHsarba satwA nAM shAn ti kaM pauSh+Ti kaM rak+ShA ba ra Na gupa tiM ku ru ku ru hu~M hU~M phaT/ ces pa ni bcom ldan 'das dus kyi 'khor lo rdo rje 'jigs byed kyi yan lag so so'i phreng ba'i sngags te lan bdun bzlas pas bdud dang bgegs dang gzhan gyis mi thub pa dang yi dags la sogs pa'i bdag po rnams thams cad dang gdug pa thams cad tshar gcod par byed do/ /'di la yang dang por bye ba bzlas pa dang sbyin sreg 'bum phrag bcu bya ste las so so la bzlas pa 'bum phrag bcu dang sbyin sreg khri phrag bcu'o zhes pa ni nges pa'o/ /de nas bdud tshar gcad pa byas nas yang dang yang du mal stan la nyal bar bya ste ji srid dge ba'i mtshan ma thob kyi bar du'o/ /de nas mal stan spangs te rdo rje dang rdo rje dril bu bzung nas slar yang gtor ma sbyin par bya'o/ /de nas dkyil 'khor gyi nub kyi sa la shar du mngon par phyogs pas rdo rje'i thig skud dri dang spos la sogs pas yang dag par mchod te/ de nas zhi ba la sogs pa'i las kyi dgongs pas shrI khaN DA dang sA li btags pa dang khrag dang dug dang ro bsregs pa'i sol ba dang gur gum dang tsan dan dmar po dang yung ba dang ba bla'i chus spangs shing slob dpon gyi khu tshur g.yon pa dang slob ma nub tu mngon par phyogs pa'i khu tshur g.yas pas thig skud bzung nas shar dang nub kyis la brkyang ste sngags 'di brjod par bya'o/ /oM AHhu~M kA ya bA ka tsita tai ka b+hU tAHsarba d+harmA e kA kA re Na badzra sa two haM badzra b+hU miM sU tra yA mi hu~M AHphaT/ de nas rdo rje thig gi sngags brjod par bya ste oM badzra sU trai kA kA ra swa ru pe Na dzaHdzaHdzaHsarba d+harmA na su tra ya oM AHhu~M hoHhaM k+ShaHphaT/ rkang pa g.yon pa dkyil dkrung phyed pa ste g.yas pa sa la gzhag pa dang slob ma'i rkang pa g.yas pa dkyil dkrung dang g.yon pa sa la bzhag pas shar dang nub kyi tshangs pa'i thig gdab par bya'o/ /de nas slob dpon lho'i sar gnas pa dang slob ma byang gi sar gnas pas lho dang byang gi tshangs pa'i thig ste sgo bzhi rnams su son pa shar dang nub dang lho dang byang gi phur bu'i steng du'o/ /de nas rang gi 'dod pas zur thig gdab par bya ste slar yang dkyil dkrung la sogs pa'i rnam pa de nyid kyis rlung dang me dang bden bral dang dbang ldan gyi thig gdab par bya'o/ /de nas phyogs kyi yongs 'joms spangs nas shar dang nub kyi tshangs pa'i thig nas brtsams te lho'i sa la thig gdab par bya'o/ /de nas byang gi sa la'o/ /de nas lho dang byang gi tshangs pa'i thig nas nub kyis la'o/ /de nas shar gyi sa la'o/ /de nas dri dang spos la sogs pa phul nas dkyil 'khor la dgos pa'i thig rnams yang dag par bsrungs te lhag ma thams cad dbyi bar bya'o/ /sgo thams cad yang dag par sbyangs te slar yang dri dang me tog la sogs pa dang gtor ma byin nas sngar brjod pa'i cho gas sngags bzlas par bya'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od kyi dbang gi le'u las srung ba'i 'khor lo sngon du 'gro ba can sa la sogs pa gzung ba'i mdor bsdus chen po ste gnyis pa'o// // dus kyi 'khor lo bde chen po/ /dkyil 'khor pa rnams dag gi gtso/ / rdo rje gsum mchog la btud te/ /zla ba khu ba'i cha dbye bas/ /dkyil 'khor cha ni bcu drug pa/ /sku gsung thugs kyi dkyil 'khor la/ /yang yang char ni phye ba yis/ /rdo rje'i thig ni gdab pa la/ /'jam pa'i rdo rjes bsdus rgyud las/ /drang srong rigs ni smra ba po/ /rnams kyi nga rgyal gzhil don du/ /khru bzhi dpal ldan dkyil 'khor ni/ /gsum la sor phyed thig rnams kyi/ /spros pa gang zhig gsungs pa de/ /rtsa ba'i rgyud kyi rjes 'brangs nas/ /mtshan nyid bdag gis rgyas par bya/ /'dir mchog gi dang po'i sangs rgyas las tshigs su bcad pa sum bcu rtsa drug pa la sogs pas dkyil 'khor gyi mtshan nyid bsdus te 'jam dpal gyis thig ces pa la sogs pas yang dag par brjod pa gang yin pa de rnams da ni rtsa ba'i rgyud kyi rjes su 'brangs nas dgrol bar bya'o/ /'dir sngar gyi dkyil 'khor gyi sa la nub tu rdo rje slob dpon shar du mngon par phyogs pa dang shar du slob ma las kyi rdo rje can nub tu mngon par phyogs pas dkyil 'khor gyi sa gru bzhir gzhal nas dbus su tshangs pa'i thig gdab par bya'o/ /de nas lhor slob dpon byang du mngon par phyogs pa dang byang du slob ma lhor mngon paRa phyogs pas tshangs pa'i thig gnyis pa gdab par bya ste tshangs pa'i thig gi nges pa'o/ /de nas zur sbyang ba'i don du zur gyi thig kyang gdab par bya'o/ /de nas thig ni ro dang dgu bcu 'di rnams tshangs pa'i thig las phyogs kyi cha rnams dag tu rab sbyin bya zhes pa ni 'dir dbus kyi tshangs pa'i thig las lho'i phyogs kyi char dgu bcu rtsa drug dang byang du dgu bcu rtsa drug dang shar du dgu bcu rtsa drug dang nub tu dgu bcu rtsa drug gi thig rnams rab tu btab nas sor phyed brjod pa nor dang dus kyi thig rnams dag gis zhes pa ste thig de rnams las thig bzhi bcu rtsa brgyad kyis dbus su snying po'i dkyil 'khor dag tu 'gyur te thugs kyi dkyil 'khor du 'gyur zhes pa'i don to/ /snying po las ni phyi rol mtha' dag rnams kyis zhes pa dgu bcu rtsa gnyis lhag pa'i brgyas bkod pa dag kyang dkyil 'khor chen po'i sgo yi 'tshams zhes pa ste snying po'i dkyil 'khor gyi thig las nyis 'gyur gyi thig gis gsung gi sgo'i dkyil 'khor gyi sgo'i 'tshams su 'gyur ro/ /gsung gi dkyil 'khor gyi thig las nyis 'gyur gyis sku'i dkyil 'khor gyi sgo'i mthar thug par 'gyur ro/ /de nas sku'i dkyil 'khor la rab lnga dang rta babs dang sa la sogs pa'i 'khor yug bzhi dang rdo rje'i phreng ba blta bar bya ste phyi rol sa la zhes pa nam mkha'i sa la zhes pa'i don to zhes pa thig gdab pa'i nges pa gang yin pa de ni spros pa'i don gyis gsungs pa'o/ /rang gi ngo bos ni slar yang tshigs su bcad pa lnga bcu rtsa bzhi pa la sogs pa gnyis kyis gnyis dang chu gter gcig dang chu gter gcig dang nyi ma zhes pa la sogs pa'i cha shas kyis nges pa gsungs so/ /de'i phyir sor phyed brjod pa'i ri mig 'di rnams kyis tshad gang yin pa de ni slob dpon gyis spros pa'i don to/ /gzhan gnyis dang chu gter la sogs pa'i cha shas kyis gang yin pa de ni byis pa'i slob ma rnams kyis rab tu rtogs par bya ba'i don du gsungs pa'o/ /de'i phyir thig gang zhig dbyi bar bya ba de dag ni gdab par bya ba ma yin no zhes pa cho ga gzhan gyi nges pa'o/ /des na rtsa ba'i rgyud kyi rjes su 'brangs nas spros pa med pa zla ba'i cha dag pas thig gdab pa brjod par bya ste de skad du bcom ldan 'das kyis gsungs pa/ gru bzhi mnyam pa'i sa gzhi la/ /bcu drug cha ru byas nas ni/ /sku'i dkyil 'khor dor bya ste/ /slar yang cha ni bcu drug pa'i/ /gsung gi dkyil 'khor dang por bya/ / de nas gsung gi dkyil 'khor yang / /dor nas cha ni bcu drug pa'i/ /thugs kyi dkyil 'khor slar yang bya/ /de ltar phyogs gsum yang dag dag /dkyil 'khor yon tan gsum bdag nyid/ /de nas gnyis dang chu sogs cha'i/ /thig de dkyil 'khor gsum la gdab pa ces pa la sogs pa sku dang gsung dang thugs kyi dkyil 'khor la thig gdab pa'i nges pa bcom ldan 'das kyis gsungs te rtsa ba'i rgyud las gsungs pa'i cho ga des dbyi ba'i thig rnams spangs nas rdo rje slob dpon gyis thig gdab par bya'o zhes pa ni nges pa'o/ /'dir yang khru bzhi pa'i bdag nyid kyi dkyil 'khor gsum la sor phyed pa'i cha dgu bcu rtsa drug nyis 'gyur du gsungs par 'gyur ro/ /de la cha bcu drug po rnams kyi cha so so la sor phyed pa bcu gnyis su 'gyur te de ltar na cha bcu drug po rnams la sor phyed pa dgu bcu rtsa drug nyis 'gyur du 'gyur ro/ /de'i phyir dang por dkyil 'khor gyi don du sa gzhi cha bcu drug tu bya'o/ /de nas phyi rol gyi phyogs bzhi rnams su cha bzhi dor te ngos gnyi ga la cha brgyad dor nas gsung gi dkyil 'khor gyi don du 'gyur ro/ /de nas gsung gi dkyil 'khor la cha so so'i dbus su thig btab nas cha brgyad po gang yin pa de nyid cha bcu drug tu bya'o/ /de la cha bcu drug po rnams ni sor phyed pa drug par 'gyur ro/ /de rnams las kyang thugs kyi dkyil 'khor gyi don du shar du cha bzhi dang de bzhin du nub dang byang dang lho ru yang dor nas gzhan snying po'i cha brgyad po cha so so'i dbus su thig btab ste cha bcu drug tu bya'o/ /thugs kyi dkyil 'khor de la cha bcu drug po rnams ni sor phyed pa gsum par 'gyur ro/ /de ltar na nor dang dus kyis 'gyur zhes pa sor phyed pa bzhi bcu rtsa brgyad kyis te sor phyed pa gsum gyi bdag nyid kyi cha bcu drug gis so/ /de rnams la tshangs pa'i thig las byang dang lho dang shar dang nub kyi cha gnyis gnyis ni thugs kyi dkyil 'khor gyi sgo bzhi'i don du bcom ldan 'das kyis gsungs so/ /de bzhin du sor phyed pa gsum gyi cha bzhi ni gsung gi dkyil 'khor gyi sgo'i don du gsungs so/ /de bzhin du sor phyed pa gsum gyi cha brgyad ni sku'i dkyil 'khor gyi sgo'i don du gsungs te de ltar thugs dang gsung dang sku'i dkyil 'khor la rang rang gi 'khor lo'i tshad kyis sgo ni 'khor lo'i brgyad char 'gyur ro/ /'khor lo yang ra ba'i dang po'i 'tshams su rig par bya'o/ / dkyil 'khor gsum ka yang de bzhin no/ /tshangs pa'i thig las byang dang lho dang shar dang nub tu sor phyed pa gnyis gnyis spangs nas snying po'i pad ma'i lte ba'i gtso bo'i gdan gyi don dang phyogs dang sgo bzhi rnamasu su lha'i pad ma'i gdan gyi don du thig gdab par bya'o/ /de nas byang dang lho dang shar dang nub kyi phyogs rnams su chu gter zhes pa sor phyed pa bzhi ni pad ma'i 'dab ma rnams su 'gyur te gtso bo'i pad ma ni lha dang lha mo lhag ma rnams kyi gdan las sum 'gyur ro/ /de ltar tshangs pa'i gnas su ni nyi ma'i re mig dag gis zhes pa sor phyed pa bcu gnyis kyis bcom ldan 'das kyi pad ma'o/ /pad ma'i sum cha ni lte ba ste sor phyed pa bzhir 'gyur ro zhes pa nges pa'o/ /phyogs rnams su 'dab ma'i nang du thig btab nas lhag ma sor phyed pa gsum rnam pa gnyis su byas te rkang pa dang bcas pa'i sor phyed pa'i chas snying po'i dkyil 'khor la re khA gsum du 'gyur te phyogs gzhan du 'ang 'gyur ro/ /de nas pad ma'i 'dab ma'i phyi rol du sor phyed pa'i cha gcig gis rdo rje phreng ba'i gnas so/ /de nas sor phyed pa bzhis lha'i pad ma rnams so/ /pad ma'i dbus su thig btab nas snga ma ma yin pa'i rdo rje'i phreng ba'i cha dang lhan cig sor phyed pa gsum du 'gyur te de rnams kyi dbus su thig btab nas phyed dang bcas pa phyed dang bcas pa'i chas 'gram gyi gnas su ra ba'i sa dang rta babs kyi ka bar 'gyur ro/ /de nas sangs rgyas kyi gdan las phyi rol du sor phyed kyis phyi'i rdo rje phreng bar 'gyur ro/ /sangs rgyas dang lha mo rnams kyi bar gyi le tshe rnams la bum pa'am thod pa rnams kyi gdan brgyad du 'gyur te g.yon dang g.yas su ka ba bcu drug gi bar du sor phyed pa'i cha gsum gyis so/ /lhag ma ni sangs rgyas kyi gdan gyi tshad kyis so/ /de nas rdo rje phreng ba las sor phyed pa gsum pa'i cha gnyis dang sor phyed dor nas thig btab ste de nas bzhis dri la sog+sa pa'i lha mo rnams dang sna la sogs pa'i lha rnams kyi gdan gyi don du thig gdab par bya'o/ /de nas sor phyed dor nas phyed dang bcas pa'i sor mo phyed kyis rab gsum du 'gyur ro/ /de bzhin du ra ba'i sa las nyis 'gyur ni stegs bu'i sa'o/ /stegs bu'i phyed kyis rin chen snam bu'o/ /rin chen snam bu'i nyis 'gyur gyis do shal dang do shal phyed pa'i sa'o/ /do shal gyi sa phyed ni ba ku lI dang kra ma sh+liRa Sha'o/ /de ltar na sgo dang mnyam pa ni sgo khyud do/ /sgo khyud dang mnyam pa ni logs te 'gram yang de bzhin no/ /ka ba'i steng du rta babs ni sgo'i tshad las sum 'gyur te de ltar na snying po'i dkyil 'khor la thig gdab pa'i nges pa'o/ /de ltar thig ni ro dang zhes pa nas brtsams te do shal phyed pa dag gi mthar ni ba ku lI ra yang rab tu 'gyur zhes pa'i mthar thug pa sngar thig gdab pa dang slar yang dkyil 'khor gyi don du gzhan gnyis dang chu gter gcig dang chu gter gcig dang zhes pa nas brtsams te rta babs rab tu gsungs pa'i cha rnams kyis zhes pa'i mthar thug pa ste thugs kyi dkyil 'khor la thig gdab pa gnyi ga rab tu gsungs so zhes pa ni thugs kyi dkyil 'khor gyi nges pa'o/ /da ni rtsa ba'i rgyud las gsungs pa'i rta babs kyi mtshan nyid brjod par bya ste 'dir rta babs ni thams cad du sgo'i tshad las sum 'gyur du 'gyur ro/ /de la thugs kyi dkyil 'khor la sor phyed pa drug gis sgo ste de las sum 'gyur sor phyed pa bcwa brgyad kyis rta babs su 'gyur ro/ /de nyid ni rtseg ma gsum du bya ste rtseg ma dang po ni sor phyed pa drug gis so/ /gnyis pa ni phyed dang bcas pa'i bzhi yis so/ /gsum pa ni phyed dang bcas pa'i gsum gyis so/ /de nas gnyis kyis har mi dang gnyis kyis bum pa ste de ltar cha bcwa brgyad kyis rta babs sum rtseg go/ /de la rtseg ma dang po la ka ba'i steng du sor phyed kyi chas snam bu ste ring ba nyid du sor phyed pa nyi shu rtsa bzhi'o/ /de'i steng du sor phyed kyi chas myos pa srung ba ste ring ba nyid du sor phyed pa bcu drug go/ /de'i steng du snying po'i lte ba'i tshad kyis dbus su mchod pa'i lha mo'i gnas gru bzhi'o/ /de yi g.yas dang g.yon du sor phyed kyis ka ba'o/ /de dag gi g.yas dang g.yon du slar yang lha mo'i gnas so/ /de nas slar yang g.yas dang g.yon du ka ba'o/ /de dag gi g.yas dang g.yon du rta babs kyi ka ba'i steng du glang po che mnan pa'i seng ge zung zhig mgo bo steng du bltas pa'o/ / de dag gi mgo bo'i steng dang ka ba bzhi'i steng du 'og gi snam bu'i phyed kyi chas snam bur 'gyur te ring ba nyid du sor phyed pa bcwa brgyad pa'o/ /de'i steng du rtsa ba'i myos pa srung ba bzhin du myos pa srung ba ste ring ba nyid du sor phyed pa bcu gnyis pa'o/ /de'i ste du rkang pas dman pa'i sor phyed kyi chas ka ba so so ste ka ba'i bar du sor phyed pa gsum gsum gyis lha'i gnas sam mtshan ma'i gnas gsum mo/ /phyi rol gyi ka ba dag gi g.yas dang g.yon du shA la b+hanya dzi kA bya'o/ /de dag gi mgo bo'i steng dang ka ba bzhi'i steng du slar yang sor phyed pa phyed kyi chas snam bu ste ring ba nyid du sor phyed pa bcwa lnga'o/ /de'i steng du snga ma bzhin du sor phyed kyis myos pa srung ba ste ring ba nyid du sor phyed brgyad pa'o/ /de'i steng du sor phyed phyed kyi chas ka ba so so bya'o/ /ka ba'i bar bar du rtsa ba'i rtseg ma'i lha'i gnas kyi phyed kyi chas gnas gsum mo/ / de la phyi rol gyi ka ba dag gi g.yas dang g.yon du slar yang shA la b+hanya dzi kA bya'o/ /de'i steng du cha phyed kyis snam bu sor phyed bcu gnyis pa'o/ /de'i steng du har mi ring ba nyid du sor phyed brgyad pa'o/ /de'i steng du gnyis kyis bum pa ste g.yas dang g.yon du rgyal mtshan gyi yu ba'i gnas so/ /de bzhin du snam bu so so'i rtse mor rnga yab dang me long 'phyang ba dang rgyal mtshan te rta babs kyi tshad dang mtshan nyid rtsa ba'i rgyud las gsungs pa'o/ / da ni gsung gi dkyil 'khor gsungs pa re mig drug gis rta babs 'og tu nor gyi pad ma dang ldan rnal 'byor ma rnams snam bu'o zhes pa ste 'dir gsung gi dkyil 'khor la phyogs bzhi rnams su sor phyed pa drug gi bdag nyid kyi cha bzhi po gang yin pa de dag las cha gnyis la snying po'i dkyil 'khor gyi ra ba dang stegs bu dang rin chen snam bu dang do shal dang do shal phyed pa dang ba ku lI dang kra ma shIRa Sha rnams bkod te lhag ma cha gnyis gnas so/ /de dag las cha gcig dor nas cha gzhan gyi re mig drug po rnams las steng dang 'og tu re mig re re dor la dbus su cha bzhis rnal 'byor ma rnams kyi pad ma brgyad kyi snam bu ste phyogs dang 'tshams rnams thams cad du pad ma'o/ /phyogs rnams su rta babs kyi 'og tu ste rtseg ma gnyis pa'i myos pa srung ba dang ka ba zung dag la sor mo phyed pa phyed tsam bkyed nas sor phyed bzhi bzhag pa la rnal 'byor ma rnams kyi pad ma bya'o/ /lha mo rnams med na slar yang sngar brjod pa'i mtshan nyid do/ /mtshan nyid de nyid kyis phyi rol du gsung gi dkyil 'khor la sgo nas brtsams te rta babs kyi mthar thug pa thams cad nyis 'gyur du 'gyur ro zhes pa ni nges pa'o/ /da ni de nas zhes pa la sogs pas sku'i dkyil 'khor gsungs pa 'dir sku'i dkyil 'khor la phyogs bzhi rnams su sor phyed pa bcu gnyis kyi bdag nyid kyi cha bzhi po gang yin pa de rnams las cha gnyis la gsung gi dkyil 'khor gyi ra ba dang stegs bu dang rin chen snam bu dang do shal dang do shal phyed pa dang ba ku lI dang kra ma shIRa Sha rnams bkod te lhag ma cha gnyis gnas so/ /de nas te gsung gi dkyil 'khor gyi mtha' nas ro yis bsgyur ba'i dus kyis zhes pa sor phyed pa nyi shu rtsa bzhis dpal ldan tshon gyi sar 'gyur zhing re khA lnga yi bar du'o zhes pa ni nges pa'o/ /dkyil 'khor de la phyogs zur rnams su nyi ma'i pad ma zhes pa ni pad ma bcu gnyis te nyis 'gyur ma nu'i 'dab ldan zhes pa 'dab ma nye shu rtsa brgyad pa'o/ /nyi ma'i re mig dag gis zhes pa ni sor phyed pa'i cha bcu gnyis kyis te sor phyed pa bcu gnyis po de rnams cha bdun du byas nas dbus kyi chas lte ba'o/ /g.yas dang g.yon gyi cha gnyis pas 'dab ma bzhi dang g.yas dang g.yon gyi gsum pas 'dab ma brgyad dang g.yas dang g.yon gyi bzhi pas 'dab ma bcu drug ste de ltar na 'dab ma nyi shu rtsa brgyad bya'o/ /de bzhin du snying po'i sgo ni mun pa'i yon tan gyi dbang gis te de las bar ma'i dkyil 'khor gyi sgo rdul gyi yon tan gyi dbang gis nyis 'gyur ro/ /de las snying stobs kyi yon tan gyi dbang gis sku'i dkyil 'khor gyi sgo bzhi 'gyur ro/ /ra ba la sogs pa dang rta babs la sogs pa yang de bzhin no/ /khor yug gsum bkod rnams te chu dang me dang rlung gi khor yug bkod pa rnams ni brgyad pa gsum gyis zhes pa nyi shu rtsa bzhis rab tu bya'o/ /khor yug gsum po de dag rnams kyi thog ma'i cha la nyi zla 'char ba'i 'khor yug de phyed re mig rnams kyis te bcu gnyis kyis bya'o/ /de rnams kyi mtha' la rdo rje phreng ba bcu gnyis kyis bya ste nyi shu rtsa bzhi rnams kyis rdo rje'i me lce'o/ /de la sgo'i mtha'i 'khor lo gang yin pa de ni so sor rtsibs brgyad pa ste rlung dang me'i khor yug gi dbus su cha bcu gnyis kyis so/ /phyi rol gyi dkyil 'khor gyi ka ba'i 'og tu stegs bu la bcu gnyis kyis gdengs can rnams kyi gdan rlung la sogs pa'i dkyil 'khor ro/ /shing rta ni bcu gnyis kyis sgo'i dbus su ste de nyid la gsung gi dkyil 'khor gyi rta babs sor phyed pa bcu gnyis spangs nas sgo'i phyed gnyis pa la dbang po la sogs pa'i lha'i snam bu dang mtshungs pa'i shing rta bya'o/ /shar dang nub tu sku'i dkyil 'khor gyi rta babs kyi bum pa spangs nas nam mkha' dang sa 'og gi shing rta blta bar bya'o/ /dkyil 'khor gyi thig gdab pa'i nges pa'o/ /da ni rdo rje zhes pa la sogs pas rdul tshon gdab pa'i cho ga gsungs pa 'dir thig btab cing lha'i gnas thams cad sbyangs par gyur pa ni de nas dri dang me tog la sogs pa dang gtor ma byin te phyi nas rdul tshon dgyi ba brtsam par bya'o/ /da la 'byor ba dang rjes su mthun pas tshon lnga bya ste 'khor lo sgyur ba'i 'byor pa la rdo rje la sogs pa 'am/ rin po che lngas phye ma bya'o/ /de la ma ra ka ta'i phye mas ljang khu dang in+d+ra nI las nag po dang pad ma rA gas dmar po dang zla ba chu shel gyis dkar po dang kaRa ke ta nas ser po dang 'thon ka chen pos sngon po'o/ /de bzhin du thun mong ba'i 'khor los sgyur ba rnams kyi gser gyi phye mas ni ser po dang mu tig gi phye mas dkar po dang byi ru'i phye mas dmar po dang mu men gyi phye mas nag po dang tshon bzhi bsres pas ni ljang khu'o/ /dbye ba lnga yi 'bru 'am zhes pa ni mung ga la sogs pa 'am 'bras ma nyams pa rnams sam rnam mang nor bu'i phye ma'i tshon rnams sam btags pa'i tshon thun mong ba rnams kyis ni sems can thams cad kyi ste rdo rje rnams kyis ji lta ba de bzhin du ma nyams pa'i 'bru rnams kyis so/ /ma ra ka ta la sogs pa'i phye ma rnams kyis ji lta ba de bzhin du btags pa'i tshon rnams kyis te/ ji ltar 'byor pa las 'di rnams kyis phyogs kyi char sa la rdul tshon gdab par 'gyur ro/ / kye mi yi bdag po de nyid ni sangs rgyas dbye ba 'chad par 'gyur ba rnams kyis te dkyil 'khor la'o/ /phyi rol du yang sa'i khor yug la ser po dang chu la dkar po dang me la dmar po dang rlung gi khor yug la nag pos te rim pas so/ /da ni shar du zhes pa la sogs pas mtshon gyi sa'i kha dog gsungs pa 'dir bdag po'i mtshan ma dang zhal gyi dbang gis dkyil 'khor gyi sa la phyogs kyi char 'gyur te zhal nag po la sogs pas so/ /des na thugs rnam par dag pas shar du dpal ldan nag po'i sar 'gyur ro/ /gsung rnam par dag pas lho ru nyi ma dang mtshungs pa'o/ /ye shes kyi zhal rnam par dag pas nub tu gser mdog ste ser po'o/ /sku'i zhal rnam par dag pas byang du yang gzhan te dkar po'o/ /de ltar rdo rje can gyi zhal gyi dbye bas phyogs rnams su rdul tshon dgye bar bya'o/ /de yang dbang ldan gyi phyogs nas brtsams nas tshon dkar po la sogs pa las kyi rjes su 'brangs pas phyogs rnams su btab ste de nas zhal gyi dbye bas dgye bar bya'o zhes pa ni nges pa'o/ /da ni dkar dang zhes pa la sogs pas stegs bu la sogs pa rnams kyi rdul tshon gyi kha dog gsungs pa 'dir stegs bu ni dkar po ste de yang gzungs kyi snam bu'o/ /de'i steng du rin chen snam bu'i sa dmar po ste de la rin po che'i 'ching ba rnam par bkra zhing sgo khyud dang ka ba'i 'tshams su rin po ches spras pa'o/ /de bzhin du do shal gyi sa nag po ste de la do shal dang / do shal phyed pa dang me long dang rnga yab rnams so/ /ba ku lI dkar po dang ka ba ser po dang / kra ma shIRa Sha dkar po dang / lha'i pad ma rnams ni zla ba'i kha dog dang / nyi ma'i kha dog go/ /de bzhin du snying po'i dkyil 'khor la thams cad du sku dang / gsung dang thugs dag pas ra ba rnams ni dkar po dang dmar po dang nag po'i re khar 'gyur ro/ /dbus su zhes pa la sogs pas snying po'i pad ma la sogs pa'i kha dog gsungs te 'dir thugs kyi dkyil 'khor gyi dbus su gtso bo'i pad ma 'dab brgyad ljang khu'o/ /zhi ba la sogs pa rnams la dkar po la sogs par 'gyur te thun mongs gis ljang khu'o/ /bung ba dang mtshungs ka ba rdo rje phreng bar 'gyur zhes pa pad ma'i phyi rol du ka ba bcu drug ni shar la sogs pa rnams su ste ral gri dang rin po che dang 'khor lo dang pad ma'i phreng ba dang ldan pa bzhi bzhi nyid do/ /'dir snying po'i pad ma'i zur bzhi rnams su grangs bzhin du dbang ldan du dung zla ba'i kha dog can dang bden bral du chos kyi gaN Di nyi ma'i kha dog can dang me'i zur du yid bzhin gyi nor bu kha dog nag po dang rlung gi zur du dpag bsam gyi shing ser po'o/ /de bzhin du phyogs bzhi'i ka ba bcu drug gi bar sangs rgyas dang lha mo rnams dang bum pa dkar po rnam+sa te phyogs brgyad du pad ma'i steng na gnas shing pad ma'i kha dang ldan pa'o/ /'dir pad ma dmar po'i steng du lha mo rnams kyi zla ba'i gdan du 'gyur zhing pad ma dkar po'i steng du lha rnams kyi nyi ma'i gdan du 'gyur te/ 'dab ma brgyad po rnams spangs nas pad ma'i sum cha'i lte ba la'o/ /lha mo rnams kyi zla ba'i gdan yang zur rnams su ste lha rnams kyi ni phyogs su'o/ /thams cad kyi phyi rol du ni rdo rje phreng bar 'gyur te gtso bo'i pad ma'i kha dog gi dbang gis bya zhing rta babs ni kha dog sna tshogs su bya'o/ /rtsa ba'i dkyil 'khor la rdul tshon dgye ba dang kha dog gi nges pa'o/ /da ni gsung dang sku'i dkyil 'khor gyi lha'i snam bu'i kha dog gsungs pa dkar po'i mdog ces pa la sogs pa ste 'dir gsung gi dkyil 'khor la rnal 'byor ma rnams dang 'dod ma rnams dang sku'i dkyil 'khor la phyir 'dod ma la sogs pa rnams kyi snam bu ni dkar po'i mdog tu 'gyur zhing nor gyi pad ma ste pad ma brgyad kyi gzhi'i snam bu dag kyang phyogs dang phyogs bral kun du'o/ /de la phyogs kyi char ni pad ma rnams kha dog dmar por 'gyur ro/ /rgyal ba'i dbang gis te sangs rgyas kyi dbang gis pad ma dkar po zur du'o/ /pad ma de rnams ni nyi ma dang zla ba'i gdan gyis rnam par dman pa 'dab ma brgyad pa dang de bzhin nyid du 'chi med rnams kyi nyis 'gyur ma nu'i 'dab ldan te 'dab ma nyi shu rtsa brgyad pa ni zla ba dang nyi mas rnam par dman pa'o/ /gsung gi dkyil 'khor la mkha' sogs re khA lnga po gang yin de rnams rang bzhin yon tan dbang gis sum cha bar du gnas zhes pa ni 'dir gsung gi dkyil 'khor la rang bzhin ni nam mkha' la sogs pa'i dkyil 'khor rab tu 'bab pa ste des na zhi ba la sogs pa dang dbang la sogs pa'i las la g.yon pa'i rgyu ba'i dbang gis spro pa'i sbyor bas nam mkha' dang rlung dang me dang chu dang / sa rnams ljang khu dang nag po dang dmar po dang dkar po dang ser po'i kha dog ste/ rim pa bzhin du snying po nas brtsams nas stegs bu'i bar du'o/ /de bzhin du bsad pa la sogs pa dang rengs pa la sogs pa rnams las la sogs pa rnams kyis bya'o/ /zhes pa ni rang bzhin yon tan dbang gis 'gyur ba'o/ /cha gcig dor nas cha gnyis kyis re khA so sor 'gyur ba gang yin pa de'i phyir ra ba'i sa ni cha bcwa lnga par shes par bya'o/ /de bzhin du snying po'i dkyil 'khor gyi ra ba'i sa ni cha dgu pa'o/ /de bzhin du sku'i dkyil 'khor gyi rang bzhin brjod par bya ste 'dir sku la mthe chung la sogs pa'i sor mo lnga po rnams ni nam mkha' la sogs pa'i rang bzhin no/ /des na zhi ba la sogs pa'i dkyil 'khor la spro ba'i dbye bas kha dog ljang khu la sogs pa'i re khA'o/ /bsad pa la sogs pa la sdud pa'i rim pas sa la sogs pa'i dbye bas so zhes pa ni ra ba'i re khA nges pa'o/ /da ni ka ba'i 'og ces pa la sogs pas klu'i rgyal bo rnams kyi gdan gsungs pa 'dir phyi rol sku'i dkyil 'khor la rta babs kyi ka ba rnams kyi 'og gi stegs bu'i gnas la sgo yi 'tshams su gdengs can rnams kyi gdan rlung la sogs par rab tu 'gyur ba ni shar gyi sgo'i g.yas dang g.yon du rlung gi dkyil 'khor zlum por 'gyur te snying po'i pad ma'i tshad kyis so/ /sogs pa'i sgras lho ru me'i dkyil 'khor zur gsum dang nub du sa'i dkyil 'khor gru bzhir byang du chu'i dkyil 'khor zla ba phyed pa'i rnam pa ni nag po dang dmar po dang ser po dang dkar po ste rim pa bzhin du thig le dang bkra shis dang rdo rje dang pad mas mtshan pa'o/ /de bzhin du nag po dang dmar po dang ser po dang dkar po dang ljang khu dang sngon po ni sgo la sogs pa'i shing rta rnams so/ /dur khrod kyi 'khor lo rnams ni zla ba dang nyi ma'i kha dog ste gang zhig 'chad par 'gyur ba'i 'khor lo dkar dang dmar po zhes pa'o/ /de bzhin gshegs pa'i kha dog gi dbye ba thams cad du rdul tshon gyi sa'o/ /da ni nyi ma dang zla ba 'char ba'i gnas gsungs te 'dir sku'i dkyil 'khor gyi rta babs kyi gnas la sa'i khor yug kha dog ser po sor phyed pa bcu gnyis kyis bkod pa gang yin pa de la dbang ldan du mtshan mo'i dbang gis zla ba nya ba 'char ba blta bar bya'o/ /de bzhin du lha min zur zhes pa bden bral du nyi ma nub pa blta bar bya'o/ / de ltar na sa yi dkyil 'khor la gnas zla nyi dag go kye mi yi dbang po zhes pa'o/ /de nas sku'i dkyil 'khor gyi phyi rol sgo yi steng gi char rta babs kyi rtseg ma dang po'i dbus ma'i gnas sor phyed bcu drug gi bdag nyid la thugs kyi zhal rnam par dag pas ri dgas dang bcas chos kyi 'khor lo sprin gyi mdog tu 'gyur te 'khor lo'i g.yas dang g.yon du ri dgas dang ri dgas mo'o/ /de las gzhan pa'i gnas su mchod pa'i lha mo ste ji ltar brjod pa las so/ /de bzhin du g.yas su zhes pa lho'i rta babs la gsung rnam par dag pas bum pa bzang po kha dog dmar po ste de'i g.yas dang g.yon du dung dang pad ma'o/ /nor sbyin dang bcas ni zhes pa nor sbyin du rnga bo che dkar po ste g.yas dang g.yon du dbyug pa dang tho ba'o/ /nub tu byang chub kyi shing ser po ste g.yas dang g.yon du mi 'am ci dang mi 'am ci mo'o zhes pa ni nges pa'o/ /de bzhin du dril bu me long ba dan ri bong 'dzin pa ltar dkar rta babs rnams las 'phyang bar gyur pa dang / /do shal phyed pa kha dog dkar por 'gyur te rigs kyi dbang gis shing rta sgo'i dbus su'o/ /'khor lo dkar dang dmar po rang gi rgyal ba'i rigs kyi dbang gis rlung la sgo yi phyi rol du/ /rdo rje 'bar ba 'phro ba dag gis mi yi bdag po phyi rol rdo rje phreng ba rnams su 'ang 'gyur zhes pa ni 'dir rdo rje phreng ba'i dang po dang tha mar zlum skor bkod nas/ de'i phyi rol du 'od zer lnga'i rang bzhin 'bar ba blta bar bya ste des dkyil 'khor grub bo/ /sa'i 'khor yug dang kra ma shIRa Sha dag gi bar du mchod pa'i rdzas rnams ji ltar mdzes par bya'o/ /dkyil 'khor gyi rdul tshon gyi kha dog nges pa'o/ / da ni ra ba'i re khA rnams kyi mtshan nyid dang bral ba'i skyon gsungs pa sbom pas zhes pa la sogs pa ste 'dir zhi ba dang rgyas pa la gang gi tshe re khA mtshan nyid dang bral bar gyur pa de'i tshe las phyin ci log tu 'gyur ro/ /de la sboms pas ni sbyin bdag gam slob dpon la nad dag byed cing phra dang re khA ngan pas rdzas ni nyams pa rab tu gsal bar byed do/ /chad pas 'chi ba yang rab tu gsal bar byed te 'khyog pos mi yi bdag po dang bcas grong rdal de bzhin nyid du bskyod par byed do/ /mtshan ma 'am nyi ma dang zla ba'i gdan chad par gyur na sngags pa rnams la srid pa'i 'jigs pa 'joms pa'i dngos grub gang yin pa de med do/ /phan tshun rdul tshon rnam par 'dres pas sbyin bdag gi rgyud dang slob dpon gyi rgyud kyi rigs rgyud 'chad par 'gyur ro/ /des na rgyal ba'i rigs kyis dkyil 'khor dag la rig par bya ste rab tu 'bad pas rdul tshon thams cad bsgrub bo zhes pa ni nges pa'o/ /da ni mtshan ma mtshan nyid dang bral ba gsungs pa 'dir 'khor lo ni rnam pa gnyis te gcig ni lha mo rnams kyi tshogs pa dang gzhan ni rtsibs brgyad pa ste rten gyi rang bzhin no/ /de la rtsibs brgyad pa ni zur du dkar po dang phyogs rnams su dmar po'o/ /tshogs pa'i rang bzhin yang rang gi rgyal ba'i rigs kyi dbang gis te rang gi rgyal ba'i kha dog gis lha mo rnams kyi kha dog go zhes pa'i don to/ /gang zhig ces pa na 'dir sngags kyi tshul la gang du rgyud las rgyal bas te de bzhin gshegs pas mtshan ma gsal bar ma gsungs pa'i mtshan ma de ni mdzes pa'i don du dkyil 'khor la dgod par mi bya'o/ /ci'i phyir zhe na gang gi phyir mtshan ma de ni bdud kyi mtshan mar 'gyur te phyin ci log lhag pa'i phyir ro/ /rgyal ba skyed mdzad rigs la ste rdo rje sems dpa'i rigs la rdo rje slob dpon gyis so/ /de phyir rgyud las gsungs pa'i cho ga'i mtshan mar 'gyur te rigs kyi dbang gis sgo yi 'tshams nas dkyil 'khor la'o/ /do shal phyed pa'i mthar ni rab tu bya zhes pa ni do shal phyed pas nye bar mtshon nas ba ku lI dang kra ma shIRa Sha'i mthar ro/ /sku'i dkyil 'khor gyi mthar sa yi dkyil 'khor gyi gzhi la pad ma bum sogs mdzes pa bya'o zhes pa ni nges pa'o/ /da ni nag po la sogs zhes pa la sogs pas rdul tshon gyi dpangs gsungs pa 'dir snying po'i dkyil 'khor la rlung la sogs pa'i yon tan gyi dbye bas rkang pa la sogs pa 'phel bas rdul tshon dgye bar 'gyur te shar du reg bya'i yon tan rnam par dag pas rdul tshon nag po ni nas kyi rkang pa gcig gi dpangs so/ /lhor reg bya dang ro'i yon tan gnyis rnam par dag pas dmar po ni rkang pa gnyis so/ /byang du reg bya dang ro dang gzugs kyi yon tan rnam par dag pas dkar po ni rkang pa gsum mo/ /nub tu reg bya dang ro dang gzugs dang dri'i yon tan bzhi rnam par dag pas ser po ni rkang pa bzhi'i dpangs so/ /de bzhin du gsung gi dkyil 'khor la nyis 'gyur dang sku'i dkyil 'khor la bzhi 'gyur gyi dpangs so zhes pa ni nges pa'o/ /nas kyang rang rang gi dkyil 'khor gyi drug bcu rtsa brgyad lhag pa'i bdun brgya'i cha shas su rig par bya'o/ /de bzhin du ra ba rnams kyi dpangs ni rdul tshon ser po'i dpangs sum 'gyur te gzhan re khA thun mong ba ni rdul tshon ser po'i nyis 'gyur du 'gyur ro/ /pad ma rnams kyi 'dab ma'i phyi rol du pad ma'i gdan gyi snam bu dang / nyin mor byed pa ri bong can dang chu skyes re khA nyis 'gyur ni nges pa'o/ /snying po dag las phyi rol bar ma'i dkyil 'khor la nyis 'gyur te de nyis 'gyur ni sku'i dkyil 'khor 'di la'o/ / do shal phyed pa'i mthar ni nas gcig ste kra ma shIRa Sha'i mthar phyi rol gyi mchod pa'i sa la'o/ /de bzhin du sa chu bsreg za rlung gi khor yug rnams dang rdo rje phreng ba rnams la ste zlum skor gnyis la sku'i dkyil 'khor gyir ba'i tshad kyis so zhes pa ni khams kyi yon tan gyi dbye bas rdul tshon gyi dpangs nges pa'o/ /dgye ba gzhan ni thams cad du yon tan gsum gyi dbye bas sa thams cad la tshad mtshungs pa ste ra ba rnams ni dkyil 'khor gsum gyi tshad las sum 'gyur ro zhes pa ste rdul tshon rnam par dag pa'o/ /da ni snying po zhes pa la sogs pas 'jig rten gyi khams dag pas rdul tshon gyi dkyil 'khor gyi dag pa gsungs te 'dir ji ltar phyi rol du de bzhin lus/ /ji ltar lus la de bzhin gzhan/ /rdul tshon gyi ni dkyil 'khor la'o/ /des na 'jig rten gyi khams la tshad dpag tshad 'bum phrag bzhi gang yin pa de ni lus la khru bzhi ste de bzhin du dkyil 'khor la yang ngo / /khru gcig nas brtsams te ji srid khru stong gi bar thams cad du rang gi khru yis khru bzhi pa'i dkyil 'khor te sor phyed pa dgu bcu rtsa drug nyis 'gyur gyi bdag nyid kyi cha yin pa'i phyir ro/ /de'i phyir dkyil 'khor thams cad khru bzhi'i bdag nyid du 'gyur ro/ /des na snying po nas ni sgo'i dang po'i 'tshams kyis nor ldan mar 'gyur zhes pa tshangs pa'i thig nas phyogs thams cad du sgo'i mthar thug pa sor phyed pa nyi shu rtsa bzhis nor ldan mar 'gyur te de la snying po'i pad ma sor phyed pa bcu gnyis pa ni dpag tshad stong phrag lnga bcu'i phyed kyi tshad kyis so/ /de bzhin gshegs pa'i 'phar ma ni phyogs thams cad du gling drug dang rgya mtsho drug dang ri drug gi mthar 'og dang steng du lhun po'i tshad kyis te dpag tshad stong phrag lnga bcu'o/ /de nas sa'i dkyil 'khor thams cad du dpag tshad stong phrag nyi shu rtsa lnga ste dkyil 'khor la rdul tshon gyis sgo'i mthar thug pa'o/ /de ltar snying po'i dkyil 'khor mtha' dag ni dpag tshad 'bum ste sor phyed pa bzhi bcu rtsa brgyad kyi cha dang ldan pa'o zhes pa ni nges pa'o/ /de ltar na snying po nas ni sgo yi dang po'i 'tshams ni nor ldan mar mar 'gyur 'jig rten khams kyi dkyil 'khor la zhes pa'o/ /de bzhin du sgo bzhi nas phyogs bzhi rnams su tsar tsi kA mthar sum 'gyur gdengs can re mig rnams kyis te phyogs bzhi rnams su sor phyed nyi shu rtsa bzhis lan tshwa'i rin chen gnas zhes pa lan tshwa'i chu'i dkyil 'khor ro/ /de ltar na gsung gi dkyil 'khor ni 'bum phrag gnyis su 'gyur te shar nas nub kyi phyed kyi bar du'o zhes pa ni nges pa'o/ /gsung gi dkyil 'khor gyi sgo de nas rgyal ba'i dbang po'i re mig gis zhes pa phyogs thams cad du sor phyed nyi shu rtsa bzhi rnams kyis kyang gsung gi dkyil 'khor gyi kra ma shIRa Sha'i mthar thug pa ni me'i dkyil 'khor te gnas de nas shar dang nub tu 'jig rten gyi khams la dpag tshad 'bum phrag gsum mo zhes pa ni nges pa'o/ /de nas de bzhin rlung du 'gyur zhes pa kra ma shIRa Sha de nas rgyal ba'i dbang po'i re mig gis te sor phyed pa nyi shu rtsa bzhi rnams kyis phyogs thams cad du sku'i dkyil 'khor gyi sgo'i mthar thug pa ni 'jig rten khams kyi rlung gi dkyil 'khor ro/ /de ltar phyi rol du 'jig rten khams kyi dkyil 'khor 'bum phrag bzhi ste dgu bcu rtsa drug nyis 'gyur gyi cha dang ldan pa'o zhes pa ni sku'i dkyil 'khor nges pa'o/ /slar yang de'i phyi rol du sku'i dkyil 'khor gyi rta babs kyi gnas la de dag rnam par dag pa'o/ /sa la sogs pa'i khor yug rnam par dag pa ni lhun po spangs nas sa'i khor yug sor phyed pa bcu gnyis dang lhag ma rnams so sor sor phyed pa nyi shu rtsa bzhis blta bar bya'o/ /de nas phyi rol du sor phyed pa bcu gnyis kyis rdo rje phreng ba ste g.yas dang g.yon du cha gsum byas nas dbus su cha drug gis rdo rje'i phreng ba bya'o/ /de'i phyi rol du nyi shu rtsa bzhis rdo rje'i me lce ste 'jig rten gyi khams rnam par dag pa'i nges pa'o/ /da ni gtsug tor zhes pa la sogs par steng 'og rnam par dag pa gsungs pa 'dir phyi rol du lhun po'i gtsug tor stong phrag nyi shu rtsa lnga ste sor phyed pa bcu gnyis kyi cha dang ldan pa ni dbus su snying po'i pad ma de'i cha dang ldan pa'o/ /de nas gdong 'bum phrag phyed dang mgrin pa stong phrag nyi shu rtsa lnga'o/ /de rnams las gdong gi phyed stong phrag nyi shu rtsa lnga'i cha dang po la sangs rgyas kyi 'khor lo ste gnyis pa la 'khor lo gzhan no/ /lhag ma cha gnyis la rdul tshon gyis ste sgo'i mthar ro/ /de ltar steng 'og tu mgrin pa'i mthar 'jig rten gyi khams dpag tshad 'bum ste dkyil 'khor la kun nas khru gcig go/ /snying po'i dkyil 'khor gyi nges pa ste de ltar na gtsug tor gdong dang mgrin pa sum 'gyur gdeng can re mig rnams kyis dkyil 'khor la ni g.yas dang g.yon du sbyang bar bya zhes pa ni nges pa'o/ /de nas te mgrin pa nas lhun po mtha' dag dpyi'i mthar steng 'og tu dpag tshad 'bum ni sum 'gyur gdengs can re mig rnams kyis zhes pa sor phyed pa nyi shu rtsa bzhis gsung gi mtshan nyid kyi dkyil 'khor la g.yas dang g.yon du sbyar bar bya steng 'og tu sa ni ji srid nyid du'o/ /de nas re mig drug drug dag gis rim pa ste dpag tshad stong phrag nyi shu rtsa lnga'i bdag nyid can cha drug dang ldan pa dag gis 'bum phrag gnyis cha brgyad du byas nas gsal bar klu'i srid pa dang ni sa 'og bdun po ste dmyal ba'i srid pa rnams so sor sbyang bar bya'o/ /lus la dpyi nas brtsams te rkang pa'i 'thil gyi mthar cha brgyad du byas nas/ rdul tshon gyi dkyil 'khor la sbyang bar bya ste tshangs pa'i gnas nas phyogs thams cad du sku'i dkyil 'khor gyi mthar ste sgo bzhi'i mthar thug pa'o zhes pa ni nges pa'o/ /de bzhin sa la sogs pa thams cad slar yang de bzhin du mi la sogs pa sems can thams cad kyi rang gi lus la sbyang bar bya zhes pa ni dkyil 'khor gyi rnam pa nges pa'o/ /de bzhin du rtsa ba'i rgyud las gsungs pa'i rnam par dag pa gzhan brjod par bya ste/ 'dir sems can thams cad kyi snying gi nang na gnas pa ni ye shes so/ /de yang gzhom du med pa'i sgra ste rtag tu nA da'i mtshan nyid do/ /de'i phyir snying kha'i 'khor lo'i dkyil 'khor de dbus su byas te de la mgrin pa dang lte ba dag gi dbus su tshad phyed bzung nas tshad phyed dang bcas pa'i bcu gnyis kyi bdag nyid ni bcom ldan 'das kyi thugs kyi dkyil 'khor du bya'o/ /mgrin pa nas lte ba'i mthar thug pa tshad nyi shu rtsa lnga'i bdag nyid ni gsung gi dkyil 'khor du bya'o/ /mdzod spu'i gnas nas chu so'i mthar tshad lnga bcu'i bdag nyid ni sku'i dkyil 'khor du bya'o/ /de la sku'i sgo bzhi ni bshang ba dang gci ba dang khu ba dang gtsug tor gyi bug pa rnams so/ /gsung gi dkyil 'khor gyi sgo ni la la nA dang ra sa nA dang a ba d+hU tI dang dung can ma rnams te mgrin pa nas lte ba'i 'tshams su'o/ /thugs kyi dkyil 'khor gyi sgo rnams ni sad pa dang rmi lam dang shin du gnyid log pa dang bzhi pa'i mtshan nyid rnams so/ /de ltar sgo bcu gnyis kyi bdag nyid can sku dang gsung dang thugs kyi dkyil 'khor mchog gi dang po'i sangs rgyas zla ba'i cha bcu drug gi cha dang ldan pa ni phyi rol la ji lta ba de bzhin du lus dang de bzhin du gzhan la ste dkyil 'khor rnam pa gsum shes nas slob dpon gyis dkyil 'khor bri bar bya'o zhes pa ni thams cad du nges pa'o/ /gnyis dang chu gter gcig la sogs pa'i tshigs su bcad pa gnyis ni sngar thig gdab pa dang lhan cig brjod zin to/ /da ni oM yig ces pa la sogs pas dkyil 'khor gyi lha rnams kyi sngags dang phyag rgya'i mtshan ma gsungs te 'dir rgyud kyi rgyal po thams cad las rdul tshon gyi dkyil 'khor la oM yig sku rdo rje dang des dkyil 'khor rdzogs par byas pa ni oM yig ye shes las skyes pa zhes gsungs so/ /de'i phyir oM yig las skyes pa'i dkyil 'khor gyi rgyal ba mchog gi pad ma zhes pa pad ma nyi shu rtsa bzhi rnams su zla ba dang nyi ma dag gi gdan rnams ni lo'i dbye bas ste nya bcu gnyis kyi dbye bas zla ba'i gdan rnams dang gnam stong bcu gnyis kyi dbye bas nyi ma'i gdan rnams ni thabs dang shes rab rnam par dag pas so/ /steng du ste lte ba'i steng na gnas pa zla ba dang nyi ma'i gdan de rnams la a sogs zhes pa a yig la sogs pa'i dbyangs rnams dang ka sogs zhes pa ka yig la sogs pa'i gsal byed rnams so/ /stong par bcas pa rnams dang zhes pa thig le dang rnam par bcad pa dang bcas pa dag dang lhan cig tu srid gsum skyed par mdzad ma stong pa nyid rnam pa thams cad pa nA da'i rang bzhin can ni thig le'i steng du ste yum khams gsum skyed par mdzad ma gzhom du med pa'i sgra zhes pa shes rab kyi pha rol du phyin ma sangs rgyas skyed par mdzad ma ni don dam pa'i bden pa la brten nas/ a yig la sogs pa dang ka yig la sogs pa stong pa dang bcas pa'i sngags thams cad kyi mgor gzhag par bya'o/ /des na de ni de rnams dang lhan cig brjod par bya ste/ /de bzhin du bcom ldan 'das kyang bde ba chen po'i rang bzhin can de'i nang du gnas so/ /da ni stong pa zhes pa la sogs pas stong pa lnga las sku la sogs pa'i sngags rab tu brjod pa'i chos can rnams 'byung ba gsungs te/ stong pa ni le'u dang por brjod pa'i sngags kyi g.yon gyi yan lag tu rjes su nga ro dang / shar dang nub tu a yig gnyis dang / lho'i yan lag tu rnam par bcad pa thig le gnyis dang / dbyangs dang bral ba mchog ces pa gzhom du med pa'i ha yig dbyangs med pa las sku dang gsung dang thugs dang / ye shes rdo rje rnams yang dag par 'byung ngo / /de rnams las dang por re shig sku 'byung ba brjod par bya ste/ 'dir dang por rjes su nga ro dang / de nas a yig dang gnyi ga'i dbus su rnam par bcad pa dang rjes su nga ro'i mthar A yig ring po'o/ /de ltar dbyangs ring por pha rol du phyung bas sngon ma'i rjes su nga ro ma nyid thob par 'gyur ro/ /ma yig pha rol du byung bas kyang / a yig las pha rol gyi rnam par bcad pa ni/ u yig tu 'gyur te phyi nas a yig gis yon tan du gyur pa ni o yig go/ /de nas nges pa'i tshig gis mtshan nyid las/ yi ge nyams pa yod ces pas ma yig rnam par phral nas A yig dbyi bar bya'o/ /de ltar na yon tan gsum gyi bdag nyid oM yig sku rdo rje ste/ a u ma zhes rang dang gzhan gyi grub pa'i mtha' las brjod do/ /da ni gsung rdo rje brjod par bya ste/ 'dir sngon dang phyi ma'i a yig gnyis ring por byas nas/ mthar rnam par bcad pa sbyin par bya'o/ /de nas AH yig yon tan gsum gyi bdag nyid du 'gyur te/ a AH zhes brjod do/ /da ni thugs rdo rje brjod par bya ste/ 'dir sngon du ha yig dbyangs med pa dang / de nas a yig thung ngu dang de nas rnam par bcad pa dang / de nas thig le dang de nas AH yig ring po'o/ /de ltar snga ma bzhin du rnam par bcad pa u yig ste/ thog ma dang tha ma'i a yig dag dbyi'o/ /de las hu~M yig yon tan gsum gyi bdag nyid te ha u ma zhes brjod do/ / de ltar sku gsung thugs kyi sngags yang dag par 'byung ba ste/ sngags rnams kyi skye gnas ni skyed par byed pa'o zhes pa'i don to/ /da ni ye shes rdo rje brjod par bya ste/ 'dir sngon du ha yig dbyangs med pa dang / de nas a yig thung ngu dang / de nas rnam par bcad pa dang / de nas rjes su nga ro dang / de nas AH yig ring po'o/ /de ltar snga ma bzhin du rnam par bcad pa las/ u yig dang snga ma'i dbyangs kyi yon tan te/ ha yig dang yang dag par sbyar zhing phyi ma'i a yig dang ma yig dag dbyi'o/ /de ltar na yon tan gsum gyi bdag nyid ho yig ste/ ha a u zhes brjod do/ / de ltar ye shes rdo rje la yon tan gsum ni ma rig pa dang / 'du byed dang rnam par shes pa'o/ /sku rdo rje la ming dang gzugs dang / skye mched drug dang reg pa'o/ /gsung rdo rje la tshor ba dang / sred pa dang len pa'o/ /thugs rdo rje la srid pa dang / skye ba dang rga shi ste/ thig le'i gzugs kyi dbang gis so/ /de ltar ma rig pa la sogs pa skyed par byed pa mchog gi bde byed ye shes rdo rje dag ni bzhi pa'o/ /zhes pa ni sngags rnams kyi skye gnas te/ thams cad du rnam pa bcu gnyis pa sku dang / gsung dang / thugs dang / ye shes rdo rje'o zhes pa ni/ bcom ldan 'das kyi nges pa'o/ /da ni sngags kyi mtshan ma dgod pa gsungs pa 'dir thams cad du/ rdul tshon gyi dkyil 'khor gyi nyi ma dang / zla ba'i gdan rnams la rags pa dang phra ba dang / gzhan gyi dbye bas dgod pa rnam pa gsum ste/ de la gzhan gyi dbye ba ni sngags kyi sa bon dgod pa'o/ /phra ba'i dbye ba ni sngags kyi sa bon yongs su gyur pa rdo rje la sogs pa'i mtshan ma dgod pa'o/ /rags pa'i dbye ba ni rdo rje la sogs pa'i mtshan ma yongs su gyur pa'i lha'i gzugs dgod pa'o/ /de ltar go rim ji lta bas sngags kyi sa bon dgod par byas pas/ mtshan ma dgod pa la sogs pa rig par bya'o/ /zhes pa ni nges pa ste/ des na 'dir gtso bo nyid kyis sngags kyi sa bon dgod pa gsungs so/ /rgyal ba'i bdag po'i pad ma sna tshogs mdog la zhes pa ljang khu'i mdog la zla ba nyi ma me yi steng du hU~M yig ste zhes pa ni/ 'dir gnam stong gi mthar 'dzin pa'i dus su zla ba dang nyi ma dang / sgra gcan rnams sbyor ba ste/ zla ba dang nyi ma dang me yang dag par ldan pa de nyid dkyil 'khor gyi gdan no/ / nang du ni la la nA da ra sa nA dang a ba d+hU tI dang / yang dag par ldan pa snying kha'i pad ma ste/ de'i lte bar zla ba nyi ma sgra gcan gyi steng du/ hU~M yig gi sa bon rdul tshon sngon pos bri bar bya'o/ / yang na de yongs su gyur pa'i rdo rje sngon po rtse gsum pa bri bar bya'o/ /gsang ba'i rgyud kyi rdul tshon gyi dkyil 'khor la 'jig rten gyi smod pa yongs su spang ba'i slad du lha'i gzugs ni bri bar mi bya'o/ /bdag po'i sa bon dgod pa'o/ /de nas pad ma'i 'dab ma la sbyin pa la sogs pa'i pha rol tu phyin pa rnams dgod par bya ste/ phyogs 'dab rnams la a sogs stong pa zhes pa ni/ shar kyi 'dab ma la a lho'i 'dab ma la AHbyang du a~M nub tu A zhes pa'o/ /yang na mtshan ma rnams te/ shar gyi 'dab ma la spos kyi snod dang / lhor mar me dang / byang du lha bshos dang nub tu dung ngo / /'dir 'chad par 'gyur ba las mtshan ma gang zhig gang gi g.yas pa'i phyag 'thil du 'gyur phyag rgya de ni chu skyes dag gis dman zhes gsungs pa'i phyir 'chad par 'gyur ba'i nges pas phyag rgya dgod do/ /de bzhin du phyogs bral 'dab ma la yang ha sogs stong pa rnam pa bzhi zhes pa ni/ 'dir me ru ha bden bral du haH dbang ldan du ha~M rlung du ha'o/ /yang na nag po dang dmar po dang dkar po dang ser po'i rnga yab rnams bri bar bya'o/ /de nas phyogs bral 'di la phyi rol gyi zur bzhi rnams su grangs bzhin du dbang ldan du sku rdo rje oM yig gam chos kyi dung ngo / /bden bral gyi zur du gsung rdo rje AH 'am chos kyi gaN DI'o/ /rtse mo can du thugs rdo rje hU~M ngam/ yid bzhin gyi nor bu'o/ /rlung du chags pa ste/ ye shes rdo rje ho 'am dpag bsam gyi shing bri bar bya'o/ / snying po'i pad ma la dgod pa'o/ /da ni 'phar ma gnyis pa la dgod pa gsungs pa 'dir 'phar ma gnyis pa la shar la sogs pa'i le tshe'i gnas brgyad po rnams su ste/ shar gyi lha'i pad ma'i gnas kyi byang dang lho ru hi hI 'am bum pa gnyis so/ /lho'i lha'i shar dang nub tu hr-i h+R-I 'am bum pa dag go/ /nub kyi lha'i lho dang byang du h+r+l-i h+r+l-I 'am bum pa dag go/ /byang gi lha'i nub dang shar du hu hU 'am bum pa dag go/ /haM haHni shar dang nub kyi sgor 'byung ba la ste/ khro bo'i steng du steng 'og dag pas so/ /hi yig la sogs bcu ru 'gyur te zhes pa ni/ bum pa'i sa bon dgod pa'o/ / de nas lha'i sa bon dgod pa ste/ 'dir shar gyi chu skyes steng du nyi ma'i gshal 'du byed kyi i yig gam ral gri'o/ /rtse mo can du pad ma la gnas te/ zla ba'i dkyil 'khor la gnas pa rlung gi khams kyi i yig ring po 'am ral gri 'am ud pa la'o/ /de bzhin du gshin rjer tshor ba'i r-i yig gam rin po che'o/ /bden bral du zla ba la me'i khams kyi r-I 'am pad ma dmar po'o/ /de bzhin du nor sbyin du 'du shes kyi u yig gam pad ma dkar po'o/ /dbang ldan du chu'i khams kyi U 'am ud pa la dkar po'o/ /de bzhin du chu ru yang gzugs kyi l-i yig gam 'khor lo'o/ /rlung gi zur du sa'i khams kyi l-I 'am 'khor lo'o zhes pa ni/ phung po dang khams dgod pa ste/ nam mkha'i khams dang rnam par shes pa dag gcig pa nyid kyis mtshan ma ni lte ba la rdo rje'o/ /shar dang dmer nag po dang lho dang lha min du dmar po dang byang dang dbang ldan du dkar po dang / nub dang rlung du ser po ste/ rgyal ba'i zhal gyi dbye ba dag gis dgod par bya zhes pa nges pa'o/ /da ni 'phar ma gsum pa la dbang po drug dang / yul drug rnam par dag pa lha dang lha mo rnams kyi sa bon gsungs te/ 'dir shar gyi sgo'i lhor pad ma'i steng du gnas pa'i nyi ma'i dkyil 'khor la sna'i e yig go/ /me yi pad ma la gnas te me'i zur du/ zla ba'i dkyil 'khor la reg bya rdo rje ma'i ai yig go/ /de bzhin du lho'i sgo'i nub tu mig gi ar yig go/ /de bzhin du bden bral du ro rdo rje ma'i ar yig go zhes pa ste zung ngo / / de bzhin du nub tu lus kyi dbang po'i al yig dang / rlung du dri rdo rje ma'i Al yig dang gnod sbyin du lce'i o dang drag por gzugs rdo rje ma'i au'o/ /lha chu gshin rje'i gnod sbyin dang bcas sgo yi g.yon du ni zhes pa la/ 'dir shar gyi sgo'i byang du nyi ma'i steng du yid kyi dbang po'i aM ngo / /chu'i sgo'i lhor zla ba la chos kyi khams kyi A yig go/ /gshin rje zhes pa lho'i sgo'i shar du nyi ma la rna ba'i dbang po'i a yig go/ /thams cad du bcom ldan 'das kyi zhal bzhi'i dbye bas g.yon du'o/ /gnod sbyin du byang gi sgo'i nub tu sgra rdo rje ma'i aH yig go/ skye mched bcu gnyis kyi sa bon dgod pa'o/ /da ni sgo skyong gi sa bon dgod pa gsungs pa/ rim pa yis ni slar yang ya ra wa la lha sogs sgo yi pad ma la ste/ 'dir shar gyi sgor nyi ma 'am zla ba'i dkyil 'khor la ngag gi dbang po'i/ ya yig dang lhor nyi ma la lag pa'i dbang po'i ra yig dang byang du rkang pa'i dbang po'i/ wa yig dang nub tu bshang lam gyi dbang po'i la yig go/ zhes pa ste dgod pa'o/ /da ni zla ba dang nyi ma'i gdan gyi nges pa gsungs te/ 'dir shar gyi sgo dang byang gi sgor ni ri bong 'dzin pa dag kyang khro bo dag gi gdan du 'gyur ba ste/ zhes pa ni kyang yig gis yang na nyi ma'o/ /lho dang nub tu yang nyi mar 'gyur te/ shes rab dang thabs kyi yan lag gi dbye bas so/ /yang na rang rang gi pad ma rnams la thabs kyi gdan nyi ma dang shes rab kyi gdan zla ba'o/ de nas shar dang me'i lha rnams kyi ral gri dang / lho dang bden bral gyi rnams kyi rin po che dang byang dang dbang ldan gyi rnams kyi/ pad ma dang nub dang rlung gi rnams kyi 'khor lo dang / steng dang 'og gi lha rnams kyi rdo rje'o/ /yang na yul gyi dbye bas te/ sgra'i rgyud mangs dang reg bya'i gos dang gzugs kyi me long dang ro'i snod dang / dri'i dung dang chos kyi khams kyi chos 'byung ngo / /de bzhin du ngag gi dbang po'i ral gri dang / lag pa'i dbang po'i dbyug pa dang / rkang pa'i dbang po'i pad ma dang bshang lam gyi dbang po'i tho ba ste/ snying po'i dkyil 'khor la mtshan ma dgod pa'o/ /da ni thig le'i rnam pa dag gis zhes pa la sogs pas pad ma'i sa bon rnams gsungs pa 'dir pad ma nyi shu rtsa bzhi po rnams kyi rtsa ba la sogs pa/ rnams la ka la sogs pa'i sde pa'i yi ge rnams thig le la sogs pas phye ba ni aM aH a AH zhes pa 'di dag gis phye ba lha'i rigs kyi dbang gis sbyin par bya ste/ rna ba'i pad ma'i rtsa ba la kaM sdong bu la khaM 'dab ma la gaM ge sar la g+haM lte ba la ngaM zhes pa'o/ /chos kyi khams kyi kA khA gA g+hA ngA zhes pa'o/ /yid kyi dbang po'i sa~M k+paM ShaM shaM u0f88u0f90u0f7e zhes pa'o/ / sgra'i saHny+paHShaHshaHu0f88u0f90u0f7fzhes pa ste/ yi ge lnga po 'di rnams yongs su gyur pa las pad ma'o/ /'du byed kyi pad ma la tsa tsha dza dz+ha nya zhes pa'o/ /de bzhin du sna'i tsaM tshaM dzaM dz+nyaM nyaM zhes pa'o/ /de bzhin du rlung gi khams ky i tsA tshA dzA dz+hA nyA zhes pa'o/ /reg bya'i tsaHtshaHdzaHdz+haHnyaHzhes pa'o/ /tshor ba'i Ta Tha Da D+ha Na zhes pa'o/ /mig gi Ta~M Tha~M Da~M D+ha~M Na~M zhes pa'o/ /me'i khams kyi TA ThA DA D+hA NA zhes pa'o/ /ro rdo rje ma'i TAHThAHDAHD+hAHNAHzhes pa'o/ /'du shes kyi pa pha ba b+ha ma zhes pa'o/ /lce'i paM phaM baM b+haM maM zhes pa'o/ /chu'i khams kyi pA phA bA b+hA mA zhes pa'o/ /gzugs rdo rje ma'i paHphaHbaHb+haHmaHzhes pa'o/ /gzugs kyi ta tha da d+ha na zhes pa'o/ /lus kyi dbang po'i taM thaM daM d+haM naM zhes pa'o/ /sa'i khams kyi tA thA dA d+hA nA zhes pa'o/ /dri'i taHthaHdaHd+haHnaHzhes pa'o/ /de bzhin du tsa tsha dza dz+ha nya ngag gi dbang po dang / Ta Tha Da D+ha Na lag / pa'i dbang po dang pa pha ba b+ha ma rkang pa'i dbang po dang / ta tha da d+ha na bshang lam gyi dbang po'i pad ma la rnam par shes par bya'o/ /pad ma'i sa bon dgod pa ste/ thung ngu ring po rang gi sa la'o zhes pa ni nges pa'o/ / de bzhin du thig le 'am a yig gam/ ha yig gis zla ba'i gdan rnams dang / rnam par bcad pa 'am ra yig gam k+Sha yig gis nyi ma'i gdan rnams te lte ba'i steng du'o/ /bdag po'i pad ma la sA~M ny+pa~M ShA~M shA~M u0f88u0f90u0f71u0f83 zhe s pa'o/ /lte ba'i steng du oM aH a ste zla ba dang nyi ma dang sgra gcan gyi gdan rnams so/ /zhes pa ni dgod pa'o/ /da ni sde drug ces pa la sogs pas mchod pa'i lha mo rnams kyi sa bon gsungs te/ 'dir thugs kyi dkyil 'khor gyi shar gyi stegs bu la rta babs kyi ka ba'i byang du dri ma'i ts+tsh+dz+dz+h+nya dang lhor phreng ba ma'i ts+tsh+dz+dz+h+nyA'o/ /de bzhin du lhor spos ma'i T+Th+D+D+h+Na dang mar me ma'i T+Th+D+D+h+NA'o/ /nub tu sgeg mo'i t+th+d+d+h+na dang bzhad ma'i t+th+d+d+h+nA'o/ / byang du bdud rtsi ma'i p+ph+b+b+h+ma dang 'bras bu ma nyams ma'i p+ph+b+b+h+mA'o/ /shar gyi sgo'i rta babs kyi steng du gar ma'i k+kh+g+g+h+nga dang nub kyi sgo'i rta babs kyi steng du sil snyan ma'i k+kh+g+g+h+ngA'o/ /byang gi sgo'i rta babs kyi steng du glu ma'i sany+paSha shau0f88u0f90 dang lho'i sgo'i rta babs kyi steng du sany+paSha shau0f88u0f90u0f71'o/ / yang na mtshan ma rnams te/ dung dang phreng ba dang spos snod dang mar me dang dbu rgyan dang do shal dang 'bras bu dang snod dang gos dang rnga dang rdo rje dang pad ma rnams shar gyi cha la sogs par sbyar bar bya'o zhes pa ni nges pa'o/ /da ni phyi rol du zhes pa la sogs pas 'dod ma sum bcu rtsa drug rnams kyi sa bon gsungs pa 'dir phyi rol du gsung gi dkyil 'khor gyi stegs bu la ste shar gyi sgo'i lho'i stegs bu la tsaHtshaHdzaHdz+haHnyaH/ lho ru TaHThaHDaHD+haHNaH/ nub tu taHthaHdaHd+haHnaH/ byang du paHphaHbaHb+haHmaH/ shar gyi sgo'i byang du saHny+paHShaHshaHu0f88u0f90u0f7f/ byang gi sgo'i nub tu laHwaHraHyaHhaH/ lho'i sgo'i shar gy i stegs bu la kaHkhaHgaHg+haHngaH/ nub kyi sgo'i lhor k+ShaHzhes pa ste gsung gi dkyil 'khor la'o/ /sku'i dkyil 'khor la yi ge 'di rnams thig le dang bcas pa ste tsa yig la sogs pa'i yi ge rnams kyis phyir 'dod ma rnams kyi sa bon nam mtshan ma'am gzugs bri bar bya'o/ /snying po'i stegs bu la mchod pa'i lha mo du ma ste gzungs ma mtha' dag bri bar bya'o/ /gzungs ma dang 'dod ma'i sa bon dgod pa'o/ /de ltar 'dod ma thams cad kun nas rang rig phyogs su gnas te rgyal ba rnams kyi kha dog dbye bas kha dog rig par bya ste kha dog lnga'i rdul tshon gyis zhes pa ni thams cad du nges pa'o/ /da ni thung zhes pa la sogs pas gsung gi dkyil 'khor la tsaRa tsi kA la sogs pa rnams kyi sa bon gsungs te 'dir 'chad par 'gyur ba'i sgrub thabs kyi le'u las tsaRa tsi kA'i gdan yi dags ni pad ma de'i steng du'o/ /pad ma 'dab ma brgyad pa de nyid rdul tshon gyis bri bar bya ste pad ma yang kha dog dmar po'o/ /de nas thung ring ha yig dag ni zhes pa ni lhar pad ma'i lte ba la tsaRa tsi kA'i ha'o/ /nor sbyin du pad ma'i lte ba la khyu mchog gi steng du drag mo'i haM ngo / /lhor ma he'i steng du phag mo'i haH'o/ /nub tu glang po che'i steng du dbang mo'i hA'o zhes pa ste phyogs su tsaRa tsi kA sogs rnams kyi'o/ / khyab 'jug ma sogs rnams kyi k+Sha yig ni de bzhin du me'i zur du pad ma'i lte ba la mkha' lding gi steng du k+Sha'o/ /de bzhin du 'phrog byed du seng ge'i steng du dpal chen mo'i k+ShaM ngo / /rlung du ngang pa'i steng du tshangs ma'i k+ShA'o/ /bden bral du pad ma'i lte ba la rma bya'i steng du gzhon nu ma'i k+ShaH'o/ /'di rnams la zla ba dang nyi ma'i gdan med pa ste tsaRa tsi kA la sogs pa'i dbye bas lha min du'o zhes pa ni nges pa'o/ /da ni hi la sogs pa zhes pa la sogs pas pad ma'i 'dab ma rnams la 'jigs ma la sogs pa rnal 'byor ma drug bcu rtsa bzhi rnams kyi sa bon gsungs te 'dir hi la sogs pas grangs brgyad do/ /de la tsaRa tsi kA'i mdun gyi pad ma'i 'dab ma la 'jigs ma'i hi'o/ /rgyab tu rlung shugs ma'i hI'o/ /rang phyogs de rnams su ste shar gyi phyogs su ya sogs thung ba drug rnams so/ /'jigs ma la sogs pa g.yas bskor gyis te de bzhin du 'jigs ma'i 'dab ma gnyis pa la drag mo'i ya'o/ /gsum pa la dus kyi mche ba ma'i yi'o/ /bzhi pa la me 'bar gdong ma'i y+R-i'o/ /de nas 'dab ma lnga pa la rlung gi shugs ma'i brjod zin to/ /drug pa la rab gtum ma'i yu'o/ /bdun pa la drag mig ma'i y+l-i'o/ /brgyad pa la sna chen ma'i yaM ngo / yang na lte ba la sogs pa la thams cad du tsar tsi kA la sogs pa rnams kyi gri gug gi mtshan ma'o/ /lha yi pad ma la ste shar gyi pad ma la dgod pa'o/ /'dir me'i pad ma la sogs pa rnams la k+Shi la sogs pa grangs brgyad po ste de la khyab 'jug ma'i mdun du dpal mo'i k+Shi'o/ /rgyab tu mchog tu rnam par rgyal ma'i k+ShI'o/ /de bzhin du yA la sogs pa ste sgyu 'phrul ma'i yA'o/ /grags ma'i yI'o/ /dpal mo'i y+R-I'o/ /'dab ma drug pa la rgyal ma'i yU'o/ / rgyal ldan ma'i y+l-I'o/ /'dab ma brgyad pa la 'khor lo can ma'i yaH'o/ /yang na thams cad du 'khor lo'i mtshan ma ste me yi pad ma dag la rim pa yis zhes pa nges pa'o/ /de bzhin gshin rjer ra la sogs zhes pa ste 'dir lho ru phag mo'i mdun du keng rus ma'i h+R-i'o/ /rgyab du 'dab ma lnga par mche ba gtsigs ma'i h+R-I'o/ /de nas ra sogs te dus mtshan ma'i ra'o/ /rab khros gdong ma'i ri'o/ /dus kyi lce'i R+R-i'o/ /nag mo'i ru'o/ / 'jigs rung ma'i rl-i'o/ /gzugs na ma'i ra~M mo/ /de bzhin du lha min te bden bral gyi pad ma'i 'dab ma la gzhon nu ma'i mdun du pad ma'i k+Sh+R-i'o/ /rgyab tu rin chen phreng ba ma'i k+Sh+R-I'o/ /de nas rim pa ji lta bas yan lag med ma'i rA'o/ /gzhon nu ma'i rI'o/ /ri dgas bdag 'gro ma'i R+R-I'o/ /mig bzang ma'i rU'o/ /rul ba ma'i R+l-I'o/ /bzang mo'i raH'o/ zhes pa ni lha min pad ma'i 'dab ma dag la thung ngu ring po'i rab tu dbye bas so/ / gnod sbyin drag por wa la sogs zhes pa ni 'dir gnod sbyin du drag mo'i mdun du gau rI'i hu'o/ /rgyab tu 'dab ma lnga pa la to ta la'i hU'o/ /de nas wa la sogs pa rim pas te ga~M gA ma'i wa'o/ /rtag ma'i wi'o/ /mchog tu mgyogs ma'i w+R-i'o/ /mtshan nyid ma'i wu'o/ /ser skye ma'i w+l-i'o/ /nag mo'i waM zhes pa ste gnod sbyin du'o/ /drag por dpal chen mo'i mdun du dpal dkar mo'i k+Shu'o/ /rgyab tu 'dzin ma'i k+ShU'o/ /de nas wa la sogs pa ste zla ba'i ri mo'i wA'o/ /ri bong 'dzin zhal ma'i wI'o/ /ngang pa'i mdog ma'i w+R-I'o/ /pad ma'i dbang mo'i wU'o/ /skar mig ma'i w+l-I'o/ /dri med ri bong 'dzin ma'i waH'o zhes pa ni 'phrog byed du'o/ /chu gter dang bcas rlung gi pad 'dab rnams la la la sogs zhes pa ni 'dir chu ru dbang mo'i mdun du rdo rje 'od ma'i h+l-i'o/ /rgyab tu sna tshogs ri mo'i h+l-I'o/ /de nas la la sogs pa ste rdo rje lus ma'i la'o/ /mchog gi gser ldan ma'i li'o/ /ur ba shI'i l+R-i'o/ /ram b+hA'i lu'o/ /zug rngu med ma'i l+l-i'o/ /sgrol ma'i lam mo zhes pa'o/ /rlung du tshangs ma'i mdun du sA bid t+r+yI'i k+Sh+li'o/ /rgyab tu ngag gi dbang phyug ma'i k+sh+l-I'o/ /de nas lA la sogs pa ring po rnams te 'dir 'dab ma gnyis pa la pad ma'i mig ma'i lA'o/ / chu skyes can ma'i lI'o/ /blo gros ma'i l+R-I'o/ /gA yang trI'i lU'o/ /glog 'od ma'i l+l-I'o/ /dran ma'i laH'o zhes pa ni pad ma'i 'dab ma rnams la sa bon dgod pa'o/ /yang na thams cad du phag mo la sogs pa rnams la dbyug pa'i mtshan ma'o/ /gzhon nu ma la sogs pa rnams la shaka ti'o/ /drag mo la sogs pa rnams la rtse gsum mo/ /dpal mo la sogs pa rnams la pad ma 'am ral gri'o/ /dbang mo la sogs pa rnams la rdo rje'o/ /tshangs ma la sogs pa rnams la khab bam snod do/ /gsung gi dkyil 'khor la tsaRa tsi kA la sogs pa rnams kyi sa bon dang mtshan ma dgod pa ste bri bar bya'o/ zhes pa ni bcom ldan 'das kyi nges pa'o/ /da ni shar gyi sgo'i zhes pa la sogs pas sku'i dkyil 'khor la bden bral la sogs pa rnams kyi sa bon gsungs pa 'dir sku'i dkyil 'khor la bden bral la sogs pa lha bcu gnyis po rnams kyi pad ma 'dab ma nyi shu rtsa brgyad pa rnams ni nag pa'i zla ba la sogs pa ste tshes sum brgya drug bcu rnams ni lhag pa'i lha'o/ /de rnams la nya dang gnam stong gi sa bon rnams ni lte ba la ste lhag ma ni pad ma'i 'dab ma rnams la'o/ /'dir nag pa'i zla ba dang sa ga'i zla ba dag ni rlung rnam par dag pas dpyid do/ /des na tsa yi sde thung ngu lha min gyi ste dbyangs ring pos phye ba ni me yi zur na gnas pa'i rlung gi'o/ /'dir shar gyi sgo'i lho'i 'dab ma dang po la nya rdo rje ma'i nya'o/ /ji ltar dkar po'i tshes gcig nya rdo rje ma yin pa de bzhin du thams cad du'o/ /de bzhin du 'dab ma gnyis pa la nyi rdo rje ma'i nyi'o/ /de bzhin du tshes thams cad la rdo rje ming gi mthar rig par bya'o/ /nya ni shes rab ste gnam stong ni thabs so/ /de bzhin du 'dab ma gsum pa la ny+R-i ste slar yang rim pa ji lta bas/ nyu ny+l-i nyaM dz+ha dz+haM dz+h+R-i dz+hu dz+h+l-i dz+haM dza dzi zhes pa 'dab ma bcu bzhi pa la'o/ /de nas nya ni lte ba la dz+R-i rdo rje ma'i dz+R-i'o/ /de nas 'dab ma bcwa lnga pa la dzu ste de bzhin du rim pas dz+laM dzaM tsha tshi tsh+R-i tshu tsh+laM tshaM tsa tsi ts+R-i tsu ts+l-i zhes pa 'dab ma nyi shu rtsa brgyad pa la'o/ /de nas lte ba la gnam stong gi sa bon tsaM mo/ /sa ga'i zla ba'i dkar po'i tshes gcig gi dang po la tsA rdo rje ma'i tsA'o/ /de bzhin du tshes thams cad la rdo rje ma mtha'i ming ngo / /de bzhin du 'dab ma gnyis pa la gnyis pa tsI rdo rje ma'i tsI'o/ /de bzhin du rim pas ts+R-I tsU ts+l-I tsaHtshA tshI tsh+R-I tshU tsh+l-I tshaHdzA dzI zhes pa 'dab ma bcu bzhi pa la'o/ /de nas sa ga'i nya'i sa bon ni lte ba la dz+R-I rdo rje ma'i dz+R-I'o/ /de nas 'dab ma bcwa lnga lnga pa la nag po'i tshes gcig ste dzU dz+l-I dzaHdz+hA dz+hI dz+h+R-I dz+hU dz+h+l-I dz+haHnyA nyI ny+R-I nyU ny+l-I zhes pa 'dab ma nyi shu rtsa brgyad pa la'o/ /de nas gnam stong gi rlung gi sa bon ni lte ba la nyaH'o/ /tsA sde ring po ste rlung gi'o zhes pa ni nges pa'o/ /de bzhin gshin rjer te lho'i sgo'i nub tu snon gyi zla ba'i tshes rnams la Ta sde thung ngu rnams Na la sogs pas so/ /lte ba la D+R-i TaM ste me yi'o/ /ro yi gdong pa dag gi zhes pa gdong drug gi ni ring po ste chu stod kyi zla ba'i tshes rnams la tsa sde ring po bzhin no/ /lte ba la D+R-I NaHzhes pa ste thung ngu ring po'i rab dbye yis so/ /de bzhin du g.yon du zhes pa byang du rgya mtsho'i pa sde thung ngu ste gro bzhin gyi zla ba'i nya dang gnam stong dag gi b+R-i baM mo/ /dbang ldan du ring po'i dbye bas tshogs kyi zhes pa log 'dren gyi ste lte ba la khrums kyi zla ba'i nya dang gnam stong dag gi b+R-I maH'o/ / de bzhin du chur brgya byin gyi ta ste thung ngu na la sogs pa ste lte ba la tha skar gyi zla ba'i nya dang gnam stong dag gi D+R-i taM mo/ /de bzhin du rlung du tshangs pa'i tA la sogs pa ste lte ba la smin drug gi zla ba'i nya dang gnam stong dag gi DanaH'o/ /de bzhin du shar gyi sgo'i g.yon du pad ma'i 'dab ma la lha min dgra yi zhes pa khyab 'jug gi ka sde thung ngu nga la sogs pa ste lte ba la mchu yi zla ba'i nya dang gnam stong dag gi g+R-i kaM mo/ /lho ru zhes pa lho'i sgo'i shar du gshin rje dag gi ring po kA la sogs pa ste lte ba la dbo'i zla ba'i nya dang gnam stong dag gi g+R-I ngaH'o/ /de nas byang du zhes pa byang gi sgo'i nub tu phyugs bdag gis sde thung ngu u0f88u0f90 la sogs pa ste lte ba la mgo'i zla ba'i nya dang gnam stong dag gi Sh+R-i saM mo/ /de bzhin du nub kyi sgo'i lhor p ad ma'i 'dab ma rnams la gnod sbyin gyi ring po sA la sogs pa ste lte ba la rgyal gyi zla ba'i nya dang gnam stong dag gi Sh+R-I u0f88u0f90u0f7fzhes pa'o/ /de ltar dpyid dang so ka dang dbyar dang ston dang dgun smad dang dgu stod kyi kyi dus kyi dbye bas rlung dang me dang chu dang sa dang nam mkha' dang ye shes kyi khams rnams so/ /tshes kyi dbye bas dkyil 'khor lnga la drug drug gi dbye bas sku'i dkyil 'khor la sa bon dgod pa'o/ /yang na gtso bo'i mtshan ma'i rab tu dbye bas 'dab ma thams cad la mtshan ma rnams te 'dir lte ba la bden bral la sogs pa rnams kyi mtshan ma ni rim pas ral gri dang ljon shing dang shag ti dang mdung dang zhags pa dang dgra sta dang rdo rje dang khab dang 'khor lo dang dbyug pa dang rtse gsum dang be con no zhes pa mtshan ma dgod pa'i nges pa'o/ /'di lta ste lha min sogs kyi rang gi sa bon du 'gyur 'dab ma la min rang rang sde ba'i mtha' dang dbus/ /'dab bzang nyi shu rtsa brgyad la yang nyin zhags dbang gis rang rang sde ba dag gi yi ge rnams zhes pa sde sku'i dkyil 'khor la rdo rje'i tshes sum brgya drug bcu dgod pa'i nges pa'o/ /da ni yA rA zhes pa la sogs pas sgo skyong shing rta la gnas pa'i lha mo rnams dang khro bo'i rgyal po rnams kyi sa bon gsungs te 'dir shar gyi sgor 'od zer can gyi lAH'o/ /dbyug pa sngon po'i yaM ngo / /lho'i sgor tsun DA'i wAHdang 'dod pa'i rgyal po'i raM mo/ /byang gi sgor khro gnyer can gyi rAHdang mi g.yo ba'i waM ngo / / nub tu rdo rje lcags sgrogs ma'i yAHdang stobs po che'i laM ngo / /nam mkha' dag pas shar gyi sgo'i mdun du sngon mo'i hAHdang gtsug tor gyi haM ngo / /sa 'og dag pas nub kyi sgo'i mdun du drag spyan ma'i hA dang gnod mdzes rgyal po'i ha'o/ /yang na mtshan ma rnams te dbyug pa dang mda' dang gtun shing dang be con dang rdo rje dang rtse gsum pa'o/ /phag pa dang rta dang seng ge dang glang po che dang a ni la dang rkang pa brgyad pa'i shing rta'o/ / zhes pa ni nges pa'o/ /da ni klu'i sa bon rnams gsungs pa 'dir shar la sogs pa'i sgo las g.yas dang g.yon du stegs bu la gdengs can pad ma la sogs pa rnams kyi rim pa bzhin du ya sogs la gnas ha yig ste 'dir shar gyi sgo'i byang du rlung gi dkyil 'khor la stobs kyi rgyu'i h+Ya dang lho ru pad ma'i h+YA'o/ /yang na rgyal mtshan gyi mtshan ma'o/ /de bzhin du lho sgo'i shar dang nub tu me'i dkyil 'khor la nor rgyas dang dung skyong dag gi h+Ra h+RA'am bkra shis so/ /byang gi sgo'i nub dang shar du chu'i dkyil 'khor la rigs ldan dang mtha' yas dag gi h+Wa h+WA'am pad ma'o/ /nub kyi sgo'i lho dang byang du sa'i dkyil 'khor la 'jog po dang pad ma chen po dag gi h+la h+lA'am rdo rje'o zhes pa ni mtshan ma dgod pa'o/ /da ni sde drug la ces pa la sogs pas dur khrod kyi lha mo rnams kyi sa bon gsungs te 'dir shar la sogs pa'i dur khrod chen po brgyad po rnams su grangs bzhin du phyogs kyi 'khor lor ka sogs sde rnams zhes pa ni shar gyi 'khor lo'i steng du k+kh+g+g+h+nga zhes pa'am gri gug go/ /nub tu sau0f89u0fa4Shashau0f88u0f90 zhes pa'o/ /byang du l+W+R+Y+ha zhes pa'o/ /lho ru k+Sha sogs ldan pa l+W+R+Y+k+Sha zhe s pa'o/ /'di rnams ni g.yo ba dang me'i khor yug gi dbus su 'khor lo rtsibs brgyad pa byas nas de'i steng du'o/ /tsa sogs gzhan ni rim pas phyogs bral rnams su ste mer ts+tsh+dz+dz+h+nya 'o/ /bden bral du T+Th+D+D+h+Na'o/ / rlung du t+th+d+d+h+na'o/ /dbang ldan du p+ph+b+b+h+ma'o/ /yang na thams cad du gri gug gi mtshan ma ni nges pa ste shar dang gshin rje byang dang chu dang me dang lha min dang ni dbang ldan rlung gi zur du'o zhes pa'o/ /'dir sa'i dkyil 'khor la zla ba'i aM dang nyi ma'i aHni sa bon no/ /dur khrod sa gzhi la gnas 'byung po'i tshogs kyi zhes pa phyed dang bcas pa'i bye ba phrag gsum gyi tshogs kyi 'byung po'i tshogs mtha' yas pa'i sngags rnams te de'i grangs rnams so/ /yang na rlung gi khor yug la mtshan ma sna tshogs pa bya ste nges pa'o/ /da ni chos kyi 'khor lo la sogs pa'i sa bon ni shar gyi rta babs la chos kyi 'khor lo'i huM ngo / / lhor bum pa bzang po'i AH'o/ /byang du rnga bo che'i oM mo/ /nub tu byang chub shing gi ho'o/ /zhes pa de ltar dbyangs ldan rnams ni rigs kyi dbang gis dkyil 'khor dag la sngags kyi dbye bar 'gyur/ /phyag rgya mtshan ma rnams kyi kha dog mtha' dag rdo rje can gyi zhal gyi dbye ba dag gis 'gyur/ /thab tu sbyin sreg dag kyang de bzhin nyid du 'gyur te slar yang 'jug ngogs pa rnams spyan drangs dang / /dpal ldan sa la bsang ba dang ni mchod yon cho ga de bzhin bdud ni gzhom pa dag kyang ngo zhes pa'i tshigs su bcad pa 'dir yang dag par bsdus pa thams cad 'chad par 'gyur ba'i rim pas rig par bya'o zhes pa ni thams cad du nges pa'o/ / da ni sgo zhes pa la sogs pas dkyil 'khor gyi sgo bsrung ba'i slad du slob ma rnams gsungs te 'dir shar la sogs pa'i sgo rnams bsrung ba'i don du brtul zhugs nges pa dang ldan zhes pa la brtul zhugs ni 'chad par 'gyur ba nyi shu rtsa lnga po rnams so/ /de rnams la nges pa ni sangs rgyas kyis rjes su gnang ba ste de dang ldan pa ni brtul zhugs ngan pa dang ldan pa'o/ /dag pa'i slob ma ni rtsa ba'i ltung ba bcu bzhi dang bral ba ste lag na rdo rje dang rdo rje dril bu thogs pa mngon par dbang bskur zhing rjes su gnang ba de rnams sgo rnams su rab tu dgod par bya'o/ /dpal ldan bum pa'i rnal 'byor ma rnams me dang lha min rlung dang dbang ldan zur du rim pas so/ /zhes pa ni sngar gyi brtul zhugs la sogs pa yongs su dag pa dgod par bya'o/ /de nas rdo rje slob dpon dpal ldan tshogs kyi dbang por 'gyur te mi bdag las kyi rdo rje can ni rab byas nas zhes pa ni 'dir lnga pa slob ma bzang po las thams cad la mkhas shing de nyid bcu yongs su shes pa de sbyin sreg las sogs pa'i las kyi tshogs la las kyi rdo rje can du byas nas bla mas dkyil 'khor la rab tu gnas par bya'o/ /de ltar gyur pa'i slob ma med na tshogs kyi dbang po rang gis kyang ni sbyin sreg la sogs pa'i las bya ste kyang yig gis 'chad par 'gyur ba gzhan yang ngo / bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri med pa'i 'od las dkyil 'khor bri ba zhes bya ba'i mdor bsdus chen po ste gsum pa'o// // phung po sogs kyi yam shing sogs/ /bsregs pa thams cad gsol ba gang / /ye shes me de la btud nas/ /de yi thabs kyi mtshan nyid bshad/ /zhi ba la sogs rab dbye las/ /so so'i phyogs kyi cha yis ni/ /thab khung rnam brgyad rab gsungs dang / /dgu pa las ni thams cad pa/ /'jam pa'i rdo rjes rtsa rgyud las/ /phyung ste mdor bsdus bstan pa gang / /de rnams rtsa rgyud rjes su ni/ /'jug pas rnam par rgyas par bya/ /'dir tshigs su bcad pa bdun bcu rtsa gcig pa la sogs pas gsungs pa las thams cad pa la sogs pa'i thab rnams kyi mtshan nyid zlum po'am zhes pa la sogs pas gsungs te 'dir thams cad du khru bzhi pa'i dkyil 'khor la las thams cad pa'i thab ni zhi ba la zlum po dkyil 'khor gyi phyed do/ /rgyas pa la gru bzhi dkyil 'khor dang mnyam pa'o/ /de la re shig rigs kyi dbang gis ye shes kyi 'khor lo ni thams cad du snying por te rdo rje phreng ba dang ka ba'i mthar dkyil 'khor las phyed kyi char 'gyur te phyi rol 'khor lo'i phyed kyi tshad kyis zhes pa'i nges pa las so/ /de'i phyed kyis rtsa ba'i pad ma ste de'i phyir snying po'i pad ma'i nyis 'gyur ro/ /rgyas pa la khru gnyis pa gru bzhi'o/ /zlum po dang snying po'i pad ma'i tshad ni khru gcig go/ /thams cad du grong la sogs pa'i dbus su bsod nams kyi don du'o/ /yang na las kyi rjes su mthun pas byang dang drag po'i zur ram gzhan yang dkar po'i sa la rdul mtshon gyi dkyil 'khor rdo rje 'bar ba'i phyi rol khru gnyis kyi bar du'o/ /de la thab gru bzhi ni khru gnyis pa ste rgyar phyi rol gyi 'khor lo'i phyed kyi tshad kyis so/ /zabs ni pad ma'i tshad ces pa ni 'dir rgyas pa'i thabs la zabs ni pad ma'i tshad de mtho gnyis su 'gyur zhing zlum po la mtho'i tshad du 'gyur ro/ /de'i nang du snying por pad ma ste khru bzhi pa'i dkyil 'khor la ji lta ba de bzhin du thab gru bzhi dang khru gnyis pa'i dkyil 'khor la ji lta ba de bzhin du thab zlum po'i snying po la mtshan ma dang bcas par 'gyur ro/ /de ltar na dkyil 'khor la pad ma phyed dang pad ma'i phyi ru phyogs dang phyogs bral rnams su bum pa dang bcas ral gri la sogs pa'i mtshan ma ji lta ba de bzhin du thab khung gi snying por rtsa ba'i pad ma la sogs pa bya'o/ /rdul tshon dkar po la sogs pa'am 'jim pas te thab khung thams cad la phyi nas las kyi rjes su mthun pas kha dog bya ba ni rgyas pa'i dkyil 'khor la 'bras btags pa la sogs pas so/ /mtshan ma rnams ni dkyil 'khor gyi mtshan ma ji lta ba bzhin no/ / de ltar thab khung gi gzhi la tshangs pa'i gnas nas thad ka'i cha khru gcig ste gru bzhi'i phyed kyi cha'o/ /de bzhin du thab kyi rtsig pa la'o/ /de ltar cha gnyis dang gnyis ni shar dang nub dag dang de bzhin du lho dang byang la yang ngo / /de ltar na thab khru bzhi ni ra ba'i mtshams su ste mig la sogs pa'i gnas kyi mthar thug par ro zhes pa ni nges pa'o/ /khru bzhi pa ni gru bzhi'o/ /de'i phyed ni zlum po ste khru gnyis pa'i dkyil 'khor ro/ /de yi phyed kyis kyang ni mchu ste zhes pa ni pad ma'i phyed te de bzhin gshegs pa'i gnas de'i phyed kyis thad ka dang dpangs su ster ba'i tshad kyi thad ka'i cha yis nges pa'o/ /tshad de nyid kyis dkyil 'khor gyi stegs bu'i phyed ji srid pa'o/ /de'i steng du de'i phyed kyis 'byung ba dang dpangs te mchu'i phyi rol kyi steng du re khA'i dkyil 'khor ro/ /de bzhin du dkyil 'khor gyi stegs bu'i mthar yongs su dag pa'o/ /de las nyis 'gyur dag kyang kha khyer dag gi rgya yi cha zhes pa ni snying po'i mchu'i tshad de las nyis 'gyur thad ka'i char bkyed pa ni kha khyer te de bzhin du rin po che'i snam bu dang do shal dang do shal phyed pa'i sa dang ba ku lI'i mthar thug par thams cad du kha khyer bya'o/ /de nas ba ku lI dang kra ma shIRa Sha'i cha tshad phyed thad ka'i char bkyed pa'o/ /kha khyer gyi steng gi dbus kyi cha de la kha khyer cha lngar byas nas dbus kyi cha gsum gyi kha khyer gyi steng du rdo rje phreng ba ste las thams cad pa'i thab la'o/ /mchu'i tshad phyed kyis dpangs te gang gi tshe 'jim pa'i rang bzhin yin pa de'i tshe dbus ma'i rwa ni mchu'i phyed kyis dpangs so/ /gang gi tshe rdul tshon gyi sa yin pa de'i tshe dpangs nges pa med do/ /phyi rol 'og tu ste 'og tu rtse mo yod pa'i 'dab ma rnams sa'i mthar thug par kha khyer gyi phyed kyi tshad kyis bya'o/ /de nas phyi rol gyi phyogs rnams kun tu sa la ku sha dgod par bya'o/ /ku sha bkram pa de yi phyi rol du ri mo gsum dang nub kyi phyogs kyi char nges par sgo gcig tu ni rab tu 'gyur zhes pa ni 'dir thab kyi phyi rol du khru gnyis dor nas phyi rol du dkar po dang dmar po dang nag po'i rdul tshon gyis ra ba gsum bya ste de nas nub tu ra ba ring ba'i tshad kyi brgyad cha'i sgo ni dkyil 'khor gyi sgo bzhin du rta babs dang bcas pa'o/ /de ltar thab che ba dang chung ba thams cad la khru gnyis dor nas ra ba gsum ni nges pa'o/ /slob dpon dag gi gdan ni nges par mnyam pa gru bzhir 'gyur te thab kyi snying po'i pad ma dag las nyis 'gyur ro zhes pa ni khru gnyis pa gru bzhi'o/ /de bzhin du thab thams cad la khru gang gi khyon no/ /de bzhin du g.yon du mchod yon gyi gdan khru gang du 'gyur ro/ /de bzhin du g.yas su sbyin sreg snod dag gi gdan yang khru gang ste rgyas pa la khru gnyis so/ /gdan rnams kun la dbus su pad ma'i 'dab ma rnams bkod pa'o/ /gdan gyi dbus su sna tshogs rdo rje'i mtshan ma dgod par bya ste rgyal ba'i bdag po rdo rje sems dpa'i 'o/ /yang na mkha' yi pad ma yum gyi'o zhes pa chos 'byung dgod par bya ste las thams cad pa la'o/ /'bru la sogs pa rnams bsreg pa'i don du zhal thab khung ngo / /mar la sogs pa bdud rtsi'i bsreg blugs sbyin pa'i slad du gsang ba thab khung ngo / /de ltar phyi dang lus la thab khung rnam pa gnyis su 'gyur te rgyal po zhes pa ni bod pa'o/ /de ltar na las thams cad pa'i thab kyi mtshan nyid nges pa'o/ /da ni sngar mdor bstan pa'i zhi ba la sogs pa rnams kyi mtshan nyid rgyas par bshad par bya ste 'dir zlum po'i thab khru'i tshad la snying po'i pad ma dkar po khru'i tshad de lte ba la pad ma dang 'dab ma rnams la rdo rje la sogs pa'i mtshan ma'o/ /pad ma'i phyed kyi zabs so/ /pad ma'i bcu gnyis cha ni mchu'i thad kar zhal bkyed pa ste steng du de'i phyed kyis so/ /thad kar 'byung ba'i kha khyer gyi dpangs la yang ste pad ma'i drug cha ni kha khyer ro/ /kha khyer cha lnga rnams las mdun dang rgyab kyi cha gnyis dor nas cha gsum gyis pad ma'i phreng ba'o/ /kha khyer gyi 'og gi phyi rol du pad ma'i 'dab ma rnams dang dUr ba dgram par bya ste ra ba gsum dang sgo dang rta babs ni byang du 'gyur ro/ /slob dpon gyi gdan te mchod yon gyi gdan dang sbyin sreg gi gdan ni slob dpon gyi gdan gyi g.yon dang g.yas su bya'o/ /rgyas pa la pad ma khru gnyis pa ste thams cad du mchu la sogs pa ni bcu gnyis la sogs pa'i cha'o/ /lte ba la 'khor lo dang 'dab ma la rdo rje la sogs pa'i mtshan ma'o/ /zur du spyan ma la sogs pa'i mtshan ma'o/ /kha khyer la 'khor lo'i phreng ba'o/ /lhag ma ni sngar gyi las bzhin no/ /de bzhin du gzhu'i rnam pa ni zhi ba'i thab dbus nas bcad pa ste dbus su pad ma sor bcu gnyis pa'o/ /de'i phyed kyis zabs so/ /mchu la sogs pa thams cad sngar bzhin du bcu gnyis la sogs pa'i cha'o/ /pad ma'i 'dab ma'i gnas su mtshan ma ni lag mthil gyi sor mo'i phreng ba'o/ /'og gi phyi rol du ro'i skras spras pa'o/ /lte ba la gri gug dang kha khyer gyi steng du gri gug gi phreng ba'o/ /slob dpon gyi gdan ni gzhu'i rnam pa gri gug gis mtshan pa ste zhi ba la pad mas mtshan pa dang rgyas pa la 'khor los mtshan pa ji lta ba bzhin no/ /zur lnga pa ni zhi ba'i thab kyi tshad te zur lnga'i steng du kha khyer la ral gri'i phreng ba dang snying po'i mtshan ma yang ral gri'o/ /phyi rol gyi 'og tu bya rog gi mjug ma'i phreng ba sa'i rang bzhin kha dog nag po bya ste phyi rol du 'byung po'i shing gi 'dab ma dgod do/ /zur gsum pa ni rna ba nas rna bar khru gang dang rna ba nas dbus ma'i char sor mo nyi shu ni snying po'i pad ma'o/ /tshad de nyid kyis pad ma'i phyed sor mo bcu ni zabs so/ /lhag ma mchu la sogs pa ni bcu gnyis kyi cha la sogs pas snga ma bzhin no/ /kha khyer la mda'i phreng ba dang 'og tu pad ma dmar po rnams so/ /phyi rol du me tog dmar pos spras pa'o/ /zur bdun pa ni 'di'i nyis 'gyur te kha khyer la rdo rje lcags kyu'i phreng ba'o/ /lhag ma ni zur gsum pa bzhin no/ /snying po'i mtshan ma ni zur gsum pa la mda' ste dgug pa la rdo rje lcags kyu'o/ / zur drug pa ni sor sum bcu ste zur drug pa'i steng du kha khyer la sbrul gyi zhags pa'i phreng ba'o/ /snying po'i mtshan ma ni sbrul gyi zhags pa'o/ /a Ra ka ser po'i 'dab ma rnams dang phyi rol du me tog ser pos spras pa'o/ /zur brgyad pa ni snga ma nyis 'gyur te snying po'i mtshan ma ni rdo rje lcags sgrog go/ /kha khyer la rdo rje lcags sgrog gi phreng ba'o/ /'og tu zur drug pa bzhin no/ /ra ba gsum ni thams cad du khru gnyis dor nas so/ /slob dpon gyi gdan dang mchod yon gyi gdan dang sbyin sreg gi gdan ni thams cad du thab kyi rnam pas so/ /thabs rnams kyi rna ba nas rna ba'i tshad kyis thad ka'i cha nges pa'o/ /da ni thab rnams kyi rang bzhin brjod par bya ste 'dir zhi ba'i thab ni zla ba'i rang bzhin nyi ma'i mtshan mas mtshan pa'o/ /rgyas pa'i thab ni nyi ma'i chos can nyis 'gyur nyid kyi phyir zla ba nyis 'gyur te zla bas mtshan pa'o/ /bsad pa'i thab ni sgra gcan gyi mtshan nyid te dus me'i mtshan mas mtshan pa'o/ /bskrad pa'i thab ni rlung gi mtshan nyid me'i rang bzhin dang 'dres pa ste rang gi mtshan mas mtshan pa'o/ /zur gsum pa'i thab ni dus me'i mtshan nyid te rang gi mtshan mas mtshan pa'o/ /dgug pa'i thab ni sa dang me'i yon tan gyi bdag nyid de lcags kyu'i mtshan mas mtshan pa'o/ /zur drug pa ni sgra gcan dang sa'i bdag nyid de sbrul gyi mtshan mas mtshan pa'o/ /rmongs pa la sgra gcan gyi'o/ /rengs pa'i thab ni lhun po dang sa gnyi ga kha sbyar ba gnyi ga'i mtshan mas mtshan pa'o zhes pa ni thab kyi mtshan nyid nges pa'o/ /sngar gsungs pa'i 'dug stangs dang sbyin sreg gi rdzas la sogs pa'i nges pa sngags pas rig par bya'o zhes pa ni rnal 'byor dang rnal 'byor ma'i rgyud la sogs pa thams cad la bcom ldan 'das kyi nges pa'o/ /da ni thab ces pa la sogs pas sbyin sreg gi cho ga gsungs pa 'dir dang por thab kyi phyogs bcu rnams su khro bo'i rgyal pho lha mor bcas pas zhes pa khro bo rnams kyi lha mo rnams dang thabs gcig tu bsrung ba byas nas sngar brjod pa'i sngags kyi tshig rnams kyis phur ba btab ste de nas dpal ldan rdo rje rnams kyis bsang ba sogs dang oM AHhu~M hraHphaT ces pa 'dis thab kyi phyogs bcu rnams su ku shas mchod yon gyi snod nas dri'i chu blangs te dang por bsang bar bya'o/ /de nas de'i rnal 'byor dmigs par bya ste rang gi snying kha dang thab tu me lha rab tu bzhag cing de nas chur bcas me tog rnams kyis me la mchod yon nyid/ de yi rnal 'byor ldan pas sbyin par bya ste rang snying pad mar zla ba'i steng du bsgoms nas so/ /las thams cad pa la zhal gcig pa kha dog ljang gu phyag bzhi pa zhabs gnyis pa'o/ /'dir las thams cad pa la g.yas pa'i phyag dang po na rdo rje dang gnyis pa na bgrang phreng ngo / /g.yon na dril bu dang pad ma'o/ /ral pa shin tu ser skya dang mig dmar ser dang gos dmar ser te las thams cad pa la mi bskyod pa spyi bor 'dzin pa'o/ /dam tshig sems dpa' rdzogs par byas te de nas de'i snying khar zla ba'i dkyil 'khor ro/ /de'i steng du dzaHyig gi sa bon yongs su gyur pa las rdo rje lcags kyu dri med 'phro byed bsgom par bya'o/ /de yis kun 'gro ye shes sems dpa' bkug nas dam tshig sems dpa' dang lhan cig ro mnyam par mdzod cig /de ltar thab la yang ni yang dag 'gyur te rang gi snying kha las phyir 'byung ba'i dbugs dang 'chad par 'gyur ba'i rdo rje lcags kyu'i phyag rgyas spyan drang ba byas nas rdo rje khu tshur steng du mthe bos pad ma'i lte ba la gzhag par bya'o/ /zhi ba la kha dog dkar po gos dang bcas pa snang ba mtha' yas kyis dbu brgyan pa ste g.yas pa na pad ma dang shel gyi bgrang phreng 'dzin zhing g.yon pa na ril ba dang dung 'dzin pa'o/ /rgyas pa la g.yas na 'khor lo dang mu tig gi bgrang phreng 'dzin zhing g.yon na pad ma dang spyi blugs 'dzin pa'o/ /bsad pa la kha dog nag po gos dang bcas pa don yod grub pas dbu brgyan pa ste phyag g.yas pa na gri gug dang rtse gsum pa phyag g.yon pa na thod pa dang kha T+wA~M ga'o/ /bskrad pa dang dbye ba la yang phyag g.yas pa na ral gri dang rtse gsum pa dang phyag g.yon pa na thod pa dang kha T+wA~M ga'o/ /dbang la gur gum gyi mdog can gos dang bcas pa phyag g.yas pa na mda' dang rin po che dang phyag g.yon pa na gzhu dang me long ste rin chen dbang phyug gis dbu brgyan pa'o/ /dgug pa la g.yas na rdo rje lcags kyu dang rin po che 'dzin zhing g.yon na rdo rje zhags pa dang me long 'dzin pa'o/ /rmongs pa la g.yas na sbrul dang dbyug pa 'dzin zhing phyag g.yon pa na 'khor lo dang tho ba'o/ /rengs pa dang phur bus gdab pa la g.yas na lcags sgrog dang tho ba 'dzin zhing phyag g.yon na 'khor lo dang rdo rje phur bu ste kha dog ser po gos dang bcas pa rnam par snang mdzad kyis dbu brgyan pa'o/ /'dir dang por las thams cad pa la lha khang nas me blangs nas tsan dan kyi shing gis rab tu sbar bar bya'o/ /zhi ba dang rgyas pa la bram ze'i khyim nas so/ /bsad pa la sogs pa lang dmangs rigs kyi khyim nas so/ /dbang la sogs pa la rgyal rigs kyi khyim nas so/ /rengs pa la sogs pa la rje'u rigs kyi khyim nas so/ /bsad pa la ni gdol pa'i khyim nas blangs te tsher ma can gyi shing gis rab tu sbar bar bya'o/ /rengs pa la ska ba'i shing gis so/ /dbang la seng ldeng la sogs pa dmar po'i shing gis so/ /zhi ba la 'o ma can gyi shing gis so/ /las thams cad la tsan dan dang a ga ru dang thang shing la sogs pa dri bzang po'i shing rnams sam shing 'o ma can rnams kyis so/ /de nas sngags kyi tshig 'di rnams kyis me lha spyan drang bar bya ste oM e ti e ti ma hA b+hU ta de ba r-i Shi dwi dza sa ta ta ma gr-i hI twA yu d+haM ma hA rasmi asmin saM ni hi to b+ha ba badzra d+ha ra A dz+nyA pa ya ti swA hA zhes pa brjod cing lcags kyu'i phyag rgyas dgug par bya ste rdo rje'i phyag rgyas gzhug par bya zhing zhags pa'i phyag rgyas bcing bar bya ste dril bu'i phyag rgya 'chad par 'gyur bas mnyes par bya'o/ /'di rnams la so sor sa bon gyi yi ge dzaHhU~M ba~M hoHzhes pa brjod par bya'o/ /de nas rdo rje dril bu dkrol nas dbang du bya'o/ /'dir mchod yon dbul bar bya ste oM pra wa ra sata kA raM ma hA rasmI na pra tIts+tsha swA hA zhes pa ni mchod yon dbul ba'i sngags so/ /de nas mchod pa ni de bzhin du badzra gan d+haM pra tIts+tsha swA hA/ badzra puSh+pi pra tIts+tsha swA hA/ badzra d+hU baM pra tIts+tsha swA hA/ badzra pra dI paM pra tI ts+tsha swA hA/ badzra ak+Sha taM pra tI ts+tsha swA hA/ badzra nai be t+yaM pra tIts+tsha swA hA/ badzra lA s+yi pra tIts+tsha swA hA/ badzra hA s+yaM pra tIts+tsha swA hA badzra pA d+yaM pra tAM ts+tsha swA hA badzra nr-i d+yaM pra tIts+tsha swA hA/ badzra gI taM pra tI ts+tsha swA hA/ badzra kA maM pra tI ts+tsha swA hA/ de bzhin du sngar gsungs pa'i rdzas las kyi rjes su mthun pas me mchod pa'i yul la sngags kyi tshig 'di rnams swA hA'i mtha' can gyis mchod par bya ste dkyil 'khor mchod pa la na maH'i mtha' can gyis so zhes pa ni thams cad du nges pa'o/ /de nas sngar gsungs pa'i yam shing la sogs pa dang sngar gsungs pa'i 'dug stangs kyi cho ga dang sngar gsungs pa'i sbyin sreg gi rdzas rnams kyis las kyi rjes su mthun pas ting nge 'dzin la gnas pa'i rdo rje slob dpon gyis sbyin sreg bya'o/ /lag pas yam shing bsregs te de nas blugs gzar gyis sbyin bsreg gi rdzas thams cad dang dgang gzar gyis bsreg blugs dbul bar bya zhing de med na rang gi lag pa mchog sbyin gyi mthe bong gis me'i zhal du thams cad sbyin bsreg bya'o/ /'dir me lha'i rnam par dag pa brjod par bya ste 'dir me rnam pa gsum ni lho'i me dang khyim bdag gi me dang mchod sbyin gyi me'o/ /lho'i me ni 'dir glog go/ / khyim bdag gi me ni nyi ma'o/ /mchod sbyin gyi me ni mi bzad pa'o/ /bzhi pa'i shes kyi me ni bden pa ste kun du dga' ba'i chos so/ /de'i phyir de'i don du thams cad nyid sbyin sreg byed do/ /de bzhin du rig byed kyi mtha' las smras pa/ mi bzad me ni ring du bdag spong ste/ /ri ka rab 'dzin gshin rje'i rgyal srid 'gro/ /'di nyid du ni gzhan skyes rig byed 'di/ /lha dang skye dgu sogs las bsreg bya 'dzin/ /zhes pa rig byed kyi don de 'dir yang don de nyid mi bzad pa'i me'o/ /sngags kyi tshig 'dis 'dod pa'i me spyan drang bar bya ste/ oM sarba pA pa da ha na badzrA ga ni badzra satwa sarba pA paM da ha da ha swA hA zhes pa'i nges pa las so/ /de bzhin du nyi ma'i yang 'dir bsreg bya 'dzin pa'i sngags kyi dam tshig ni oM badzrA na la sarba b+hU tA na dz+wA la ya sarbA na b+hasmI ku ru sarba dzA na duSh+TA na hu~M phaT swA hA zhes pa'i nges pa las nyi ma de nyid gza' bdun gyi bdag po rta bdun pa'i shing rta can gza'i dbye bas lce bdun pa ste zhi ba la zla ba'i lce'o/ / rgyas pa la nyi ma'i lce'o/ /bsad pa dang bskrad pa dang dbye ba la spen pa'i lce'o/ /dbang la pa sangs kyi lce'o/ /dgug pa la phur bu'i lce'o/ /rmongs pa la gza' lag gi lce'o/ /rengs pa la bkra shis kyi lce'o/ /de bzhin du res gza' so so rnam par dag pas las so so re re la zhal gcig pa'o/ /nyin mo dang mtshan mo rnam par dag pas zhabs gnyis pa'o/ /thun 'tshams bzhi rnam par dag pas phyag bzhi pa'o zhes pa ni nges pa ste zhi ba la sogs pa'i las la'o/ /bsad pa la mjug rings rnam par dag pas phyag gnyis pa ste phyag na gri gug dang thod pa'o/ /dbye ba la spen pa rnam par dag pas phyag na ral gri dang thod pa zhes pa phyogs gzhan gyi nges pa ste gza' spen pa la snga ma phyed dang phyi ma phyed kyi dbye bas so/ /las thams cad pa la sgra gcan rnam par dag pa dang dus me rnam par dag pa ste skye ba dang 'jig pa'i chos nyid kyi phyir ro/ /'dod pa'i me dang mchod sbyin gyi me ni rang gi lha'o/ /ye shes kyi me ni gza' thams cad la khyab par byed pa nyid kyi phyir rdo rje slob dpon gyis sngar gyi cho gas mchod par bya ba'o/ / me lha spyan drang ba'i nges pa'o/ /da ni mchog sbyin zhes pa la sogs pas sbyin sreg gi phyag rgya la sogs pa gsungs te 'dir gang gi tshe blugs gzar med pa na de'i tshe rdo rje slob dpon sngar brjod pa'i 'dug stangs kyis gnas pas lag pa g.yon pa gan rkyal du byas nas g.yas pa mchog sbyin gyi phyag gi mthe bos sbyin sreg gi rdzas bskyod cing zhal phye ba'i me yi zhal du sbyin bsreg bya ste de yang gsol bar bsam par bya'o/ /rdo rje yis zhes pa ni oM AHhu~M hoHhaM k+ShaHswA hA 'di rnams kyis yam shing lnga brgya po de rnams las brgya rtsa brgyad bsreg par bya'o/ /de nas yan lag gis zhes pa ni h+r+l-I hUM h+r+R-I hrIM hrI hraHswA tA zhes pa'i yan lag gis brgya rtsa brgyad do/ /kyang yig gis phung po drug dang khams rnams kyis te a A i I r-i r-I u U l-i l-I aM aHswA hA 'di rnams kyis brgya rtsa brgyad do/ /de bzhin du skye mched rnams kyis kyang ste a A e ai ar Ar o au al Al aM aHswA hA zhes pa skye mched bcu gnyis kyis brgya rtsa brgyad do/ /de nas las kyi dbang po yul dang bcas pa rnams kyis kyang ste ha hA ya yA ra rA wa wA la lA haM haH 'di rnams kyis brgya rtsa brgyad do/ /de ltar bzhi bcu lhag pa'i lnga brgya rnams kyis lnga brgya'i grangs su gzung bar bya'o/ /so sor sngags brgya rtsa brgyad bzlas par bya ste mtshan sum bcu rtsa gnyis dang dpe byad brgyad bcu ni brgya rtsa bcu gnyis so/ /de rnams la sku dang gsung dang thugs dang ye shes kyi gnas rnams spangs nas lhag ma brgya rtsa brgyad po rnams ni bgrang phreng la ste lhun po la zhal bzhi'o/ /des na thams cad du las thams cad pa'i sbyin sreg la bsod nams kyi tshogs kyi don du brgya rtsa brgyad kyi tshad do/ / de nas 'bru la sogs pa'i sbyin sreg gi rdzas kyang cho ga 'di nyid kyis te 'bru dang dur ba mar dang 'o ma yis zhes pa rdo rje la sogs pa 'di rnams kyis brgya rtsa brgyad kyi dbye bas sbyin sreg bya zhing yam shing dang 'bru rnams mar gyis sbags pa dang dUr ba 'o mas sbags pa rnams bsreg par bya'o/ /de nas snying po'i sngags kyis gang ba'i bsreg blugs te dgang gzar mar gyis bkang nas dkyil dkrung du gnas rab tu zhi zhing g.yo ba med pa'i sems ldan gsang sngags rig pa sngags kyi sku/ slob dpon las kyi rdo rje can gyis slar yang me la bsreg blugs dag ni nges par dbul bar bya ste oM h+k+Sh+m+l+w+r+ya~M zhes pa'i sngags 'dis mar gyi bsreg blug dbul lo/ /de nas zan dang chu bzung nas bkra shis brjod par bya ste/ oM b+hUr b+hu baHswA hA/ na mo de be b+h+yaH swa ste pra dzA b+h+yaH swA hA rA dza b+h+yaH swA d+hA bi tri b+h+yaH a laM b+hU te b+h+yaH ba Sha Ti na drA ya zhes brjod cing thab kyi phyi rol du rnam par phyin te chu dang zan de phyi rol du rab tu gtor nas der bsang gtor byas la slar yang dkyil 'khor gyi khang par rab tu zhugs na me la yang ku sha'i chus bsang gtor bya ste oM AHhuM kA ya bA ka tsita swa b+hA ba shud d+ha swA hA sngags 'dis so/ /'dir thab rab tu 'bar bar byed pa'i dus su me yang dag par 'bar ba'i don du kha'i rlung mi bya ste rlung yab kyi rlung la sogs pas bya'o/ /de ltar rim pa yis ni sbyin bsreg byas nas bsang gtor dag kyang de bzhin me dang bdag nyid dag la yang / dri la sogs dang spos dag sngar brjod pa'i rim pas slar yang phul nas rang snying pad mar dbugs 'jug pas ye shes me ni gshegs su gsol bar bya ste oM dzaHgats+tsha gats+tsha ma hA rasmi swas+thA naM saM tr-i ba to hoHpu na rA ga mi Sh+ya si de bA s+ya ya da A hwA na yA mi swA hA zhes pas ye shes kyi me gshegs su gsol lo/ /phyi nas slob ma la ni dbang bskur bla ma mtha' dag yon tan gter gyis 'chad par 'gyur ba'i rim pas sbyin no/ /dbang gi don du dang por bdud rtsi lnga ni rgyal ba mchog gi rdo rjes byin gyis brlabs pa zhes pa ni oM AHhuM hoH haM k+Sha zhes pas bdud rtsi lnga lan bdun mngon par bsngags pa byas nas nya phyis kyi snod dam dung chos kyi snod du gzhag go/ /de bzhin du sgron ma lnga'i ri lu rnams snod de nyid du'o/ /dag pa'i slad du'o zhes pa ni sngar bsgrub par bya ba ste dbang bdun gyi don du'o/ /sbyin sreg gi cho ga rgyud thams cad las bcom ldan 'das kyi nges pa'o/ /da ni rang gi zhes pa la sogs pas rdul tshon gyi dkyil 'khor rab tu gnas pa'i slad du ting nge 'dzin gsungs te 'dir rang gi sngags kyis sbyin bsreg grub par gyur cing zhes pa ni bya ba dang rnal 'byor dang rnal 'byor rjes su rig pa dang rnal 'byor ma'i rgyud du ma las gsungs pa rnams ni rang gi rgyud las gsungs pa'i sngags te rang gi sngags de rnams kyis rang gi rgyud las gsungs pa'i chos gas sbyin sreg grub par gyur cing sbyin sreg gi dang por rang gi dkyil 'khor de la rdul tshon btab pa'i rjes la lha'i tshogs kyi snying po'i mtshan ma rang rang gi rgyud las gsungs pa'i chos gas bkod par gyur pa na zur du shel gyi bum pa dkar po skud pa lnga yis dkris pa rnams ni yang dag gzhag par bya zhes pa ste zhi ba la'o/ /lhag ma rnams la gsungs pa'i cho gas skud pa lngas dkris shing mgrin pa gos kyis bcings pa rnams so/ /bum pa lnga'i bya ba la dkyil 'khor gyi phyi rol du shar gyi sa la rgyal ba'i bum pa ste de'i steng du drug pa rnam par rgyal ba dung ngo / /bum pa bcu'i bya ba la yang phyogs brgyad po rnams su bum pa brgyad do/ /rgyal ba dang rnam par rgyal ba'i bum pa ni shar dang nub kyi bum pa'i phyi rol du sor gnyis kyis ma reg par te de la shar gyi rgyal ba'i bum pa'i steng du bcu gcig pa rnam par rgyal ba chen po'i bum pa ni dung ngo zhes pa bum pa'i nges pa'o/ /de ltar bum pa brgya stong la yang rnam par rgyal ba chen po'i bum pa ni dung ste zhi ba dang rgyas pa dang las thams cad pa la'o/ /drag po'i las la ni thod pa'o/ /dbang la sogs pa la zangs dang gser gyi snod do/ /rengs pa dang rmongs pa la sogs pa la yang kham phor ro/ /der gzhag cing las kyi rjes su mthun pa'i skud pas bcings te gos mgrin par byas nas kha yal 'dab dang bcas pa rnams slob dpon gyis gzhag par bya'o/ /de nas slob dpon shar gyi zhal du 'dug ste 'chad par 'gyur ba'i sgrub thabs kyi cho gas sdig pa bshags pa la sogs pa byas nas dkyil 'khor rgyal mchog dang las rgyal mchog dang thig le'i rnal 'byor dang phra mo'i rnal 'byor bya'o/ /de nas shes rab dang thabs las byung ba rdo rje pad ma las skyes rab bgrod khro bo'i rgyal po rnams dag gis zhes pa sgrubs thabs kyi thabs dang ldan pa'i tshogs dzaHhU~M ba~M hoH sngags kyi tshig 'di rnams kyis te dzaH yig gis dgug pa dang hU~M yig gis gzhug pa dang ba~M yig gis bcing ba dang hoH yig gis mnyes par byas nas ye shes kyi 'khor lo ni rdul tshon gyi dkyil 'khor la dam tshig gi dkyil 'khor du bsgoms shing de la ro mnyam du bya ste dbang gi don du'o/ /de nas rab tu gnas pa byas te sngar brjod pa'i cho gas mchod yon phul nas oM AHhu~M hoHtrai d+hA tu ke shwa kA la tsakra ar+g+haM pra tIts+tsha sa pa ri wAHtwaM b+ha ga wan me ba ra do b+ha wa shiSh+yA NAM tsa zhes pas gsol ba 'debs pa'i mchod yon ni rdul tshon gyi dkyil 'khor gyi phyi rol du maN Dal byas nas dbul bar bya'o/ / de nas rnam par rgyal ba'i bum pa'i mdun du gzhan khru gang ba'i maN Dal byas te der sngar gsungs pa'i dri la sogs pa dang zhabs bsil rab tu dbul bar bya'o/ /de bzhin du phyogs dang phyogs bral thams cad du lha so so rnams la yang lha bshos la sogs pa dbul bar bya ste phyogs thams cad du rdul tshon gyi dkyil 'khor gyi phyi rol du'o/ /rdul tshon gyi sa la ni me tog la sogs pa dbul bar mi bya ste phyul na rdul tshon bsubs par 'gyur ro/ /rab tu gnas pa byas pa'i dkyil 'khor gyi rdul tshon bsubs pa las mchod rten 'jig pa'o/ /de na rigs yongs su brtag pa'i don du dkyil 'khor gyi phyi rol shar gyi sgor rnam par rgyal ba'i bum pa'i steng du me tog dor bar bya'o/ /rnam pa gzhan du na khru stong pa'i dkyil 'khor la slob mas dor ba'i me tog shar gyi rdo rje 'bar ba spangs nas gang du ltung bar 'gyur de la rdo rje 'bar ba yang rkang pa dang bcas pa'i khru brgyar 'gyur te lhas byin gyis brlabs pa ma gtogs pa de rgal nas rigs kyi phyogs rnams su ji ltar me tog ltung bar 'gyur/ de'i phyir rnam par rgyal ba'i bum pa la mtshan ma lnga byas nas de la 'chad par 'gyur ba'i me tog dor bar bya'o/ /des na dri la sogs pa rnams rdul tshon gyi dkyil 'khor gyi phyi rol du ste rdul tshon gyi sa la ni ma yin no/ / rdul tshon gyi dkyil 'khor ni bcom ldan 'das gyo skur rig par bya'o zhes pa ni nges pa'o/ /da ni lha dang zhes pa la sogs pas spags kyi nges pa gsungs pa 'dir dkyil 'khor gyi gtso bo dang gtso bo'i rjes su mthun pa rnams thams cad gyi ming gi sngags kyi sngon du oM du 'gyur te oM yig go zhes pa'i don to/ /ma gsungs pa'i sngags rnams la yang thams cad du oM yig dang por ro zhes rnam par shes par bya'o/ /sbyin sreg la ni swA hA'i mtha' can gyi sngags te thams cad kyi ming gi sngags ni snying por brjod do/ /de nyid sbyin sreg gi bya ba la swA hA'i mtha' can du 'gyur ro/ /las thams cad pa'i mchod pa dag la na maH'i mtha' can du 'gyur te de nyid do zhes pa ni nges pa'o/ /dzaHhU~M ba~M hoHlcags kyu la sogs zhes pa ni 'dir lha rnams spyan drang ba la dzaH yig gis lcags kyu bya'o/ /gzhug pa la hU~M yig gis rdo rje'o/ /bcing ba la ba~M yig gis zhags pa'o/ /mnyes pa la hoH yig gis rdo rje dril bu ste rim pa ji lta bar yongs su bkod pa rdo rje lcags kyu la sogs pa rnams so/ /de nas mchod yon sbyin pa la yang ming gi sngags kyi mthar 'gyur te che ge mo i daM gr-ih+na gr-ih+na ar+g+haM kaM me pu naH zhes pa ni nges pa'o/ /da ni rgyas pa la zhes pa la sogs pas rgyas pa la sogs pa'i las kyi dbye bas sngags kyi cho ga gsungs te 'dir rgyas pa la thams cad du sngags bzlas pa 'am sbyin sreg la oM yig dang po dang swA hA'i mtha' can sngags su 'gyur ro/ /mi bdag ces pa ni bod pa'o/ /zhi ba la sngags 'di na maH'i mtha' can no/ /dgug pa la de nyid bau Sha Ta mthar 'gyur ro/ /de nyid ba ShaT mtha' ni dbang la'o/ / de bzhin nyid du hU~M yig mtha' can mngon spyod la ste dbye ba dang bskrad pa dang gsad pa la'o/ /rang bzhin yon tan dbang gis phur bus gdab pa dang rmongs pa dang rengs pa la phaT yi gi mtha' can du 'gyur ro/ /'dir rang bzhin ni rgyas pa la rlan dang bcas pa'i sa'i rang bzhin te des na swA hA'o/ /zhi ba la chu'i rang bzhin na maH'o/ /dgug pa la me dang sa'i rang bzhin bau Sha Ta'o/ /dbang la me'i rang bzhin ba Sha Ta'o/ /bsad pa dang bskrad pa dang dbye ba la rlung dang me'i rang bzhin hU~M yig go/ phur bus gdab pa dang rengs pa la lhun po dang sa'i rang bzhin phaT yig go/ rmongs pa la yang rlung dang sa'i rang bzhin no/ /yang na thams cad du gsad pa la sogs pa dang rmongs pa la sogs pa'i las gsum po rnams la yi ge hu~M phaT kyi mtha' ste sngags bzlas pa dang sbyin sreg dang mchod pa la sogs pa yang sngags pas bya'o zhes pa ni nges pa'o/ /lha'i kha dog ni zhi ba dang rgyas pa la dkar po dang dbang la sogs pa la dmar po dang bsad pa la sogs pa la nag po dang rmongs pa la sogs pa la ser po ste las kyi dbye ba rnams kyis sngags su 'gyur ro zhes pa ni nges pa'o/ /da ni dkyil 'khor gyi sa rnam par dag pa'i sa bon rnams gsungs te 'dir shar du rlung rnam par dag pas thugs rdo rje kha dog nag po sa'i cha la khyab par byed pa'o/ /byang du chu dag pas sku rdo rje dkar po dang lho ru me dag pas gsung rdo rje dmar po dang nub tu rang gi rigs sa'i phyogs su gnas pa ye shes rdo rje ser po'o/ /de bzhin du sgra gcan dang zla ba dang nyi ma dang dus me dag pas zhal bzhi'i dbye bas sa'i cha'o/ /de'i phyir grangs bzhin du rlung gi skye gnas i dang me'i skye gnas r-i dang chu'i skye gnas u dang sa'i skye gnas ni l-i'o/ /de bzhin du rlung la sogs pa'i lha rnams kyi skye gnas ni i yig la sogs pa rang rang gi sa bon te 'du byed dang tshor ba dang 'du shes dang gzugs kyi rang bzhin rnams so/ /a yig ni ma brjod kyang nam mkha'i skye gnas te rnam par shes pa'i phung po'i mtshan nyid do zhes pa thams cad du nges pa ste a i r-i u l-i ka ces pa so sor bsdu ba'i tshig las spro ba'i rim pas te skyed pa'i rim pas so zhes pa ni nges pa'o/ /da ni phyag rgyas gdab pa'i don du phyag rgya'i sa bon rnams gsungs te 'dir dpral bar sku'i phyag rgya oM yig dkar po dang mgrin par gsung gi phyag rgya AHyig dmar po dang snying khar thugs kyi phyag rgya huM yig nag po'o zhes pa ni thabs kyi phyag rgya'o/ /shes rab kyi lte bar swA dang gsang bar hA'o 'di dag dang bcas pa lnga ste gang gi phyir zla ba'i rkang pa la bcu gsum zla ba'i rkang par lnga gsungs pa'o/ /nyi mar dus zhes gsungs pa'i phyir nyi ma'i rkang pa gsum gsungs so/ / ring po'i dbye ba las zhes pa ni sdeb sbyor gyi ngor rtsa bar swa ha thung ngu'o/ /de bzhin du oM sku'i zhal dang AH gsung gi zhal dang huM thugs kyi zhal dang ho ye shes kyi zhal lo/ /gzhan pa dag kyang de bzhin gzhom du med pa lnga pa ste gang gis gtso bo rgyas btab pa de nyid ni stong pa chen po 'gyur med lnga'o zhes pa ste nges pa'o/ /de bzhin du A sogs dang bcas zhes pa ni A la sogs pa dbyangs drug dang lhan cig tu hraM yig drug ni ro rkang drug dang lhan cig na maH sogs kyis yan lag drug tu 'gyur te oM h+r+l-IMn maH/ oM hrU~M swA hA/ oM h+r+R-I~M bau ShaT/ oM hrIM hUM/ oM hrAM ba ShaT/ oM hraHphaT ces pa grangs bzhin du snying kha dang mgo bo dang gtsug tor dang go cha dang mig dang mtshon cha ste sa dang chu dang me dang rlung dang stong pa dang ye shes kyi dbyangs dang bcas pa hraM yig gi sngags nyid de de ltar yan lag drug go/ / de bzhin du phroM gi yi ge ni sna tshogs yum gyi sa bon no/ /rgyal ba dus kyi 'khor lo shes rab dang bcas pa dag gi sngags ni h+k+Sh+m+l+W+R+Ya~M zhes pa'o/ /bcom ldan 'das de nyid tha dad par bskyed pa'i slad du huM yig ye shes kyi sa bon te shes rab dang thabs so sor bskyed pa'i slad du'o/ /snying po dag kyang de bzhin du rgyal ba'i brtsegs pa'i sngags sngar gsungs pa oM AHhuM ho zhes pa zhal bzhi dang bcas pa'o/ /hrAM yig la sogs yan lag drug po oM yig dang por gyur pa dang ldan pa ni bzlas pa'i don du bcom ldan 'das kyi nye ba'i snying po ste/ oM hrAM hrIM h+r+R-IM hrUM h+r+l-iM hraHzhes pa skyed pa'i rim pas las thams cad sgrub pa la ste drag po la sdud pa'i rim pas h+r+l-I nas bzlas so/ /lha dang lha mo rnams kyi phreng ba'i sngags ni de bzhin gzhan du 'gyur ro/ /de yang las kyi dbye ba du ma yis rnam pa mang po tshig du ma dang ldan par shes par bya'o/ /dus kyi 'khor lo'i dkyil 'khor 'dir ni sa la sogs pa'i rang bzhin te de'i yon tan dbang gis so zhes pa 'chad par 'gyur ba las brjod par bya'o/ /de ltar rgyud gzhan thams cad la nges pa'o/ /da ni rin chen zhes pa la sogs pas lha rnams mchod pa gsungs pa 'dir sngar brjod pa'i cho gas lha rnams dmigs pa byas te de nas ye shes kyi 'khor lo dam tshig gi 'khor lo dang lhan cig gcig tu byas nas sngar gyi sngags kyi tshig rnams kyis mchod yon la sogs pa 'bul lo/ /de nas mchod pa'i don du dang por tsan dan la sogs pa'i dri bzung nas mthe bo dang ming med dag gis phyi rol du maN Dal byas la gtso bo la sogs pa rnams mchod par bya'o/ /thams cad kyi ming gi dang por oM yig sbyin par bya ste las thams cad kyi mchod pa la ming gi mthar na maH zhes par 'gyur zhing las so so la ni rgyas pa la sogs pa la swA hA mthar rig par bya'o/ /'dir las thams cad la mchod pa'i slad du lha rnams kyi sngags kyi tshig rnams ni rtsa ba'i rgyud las 'di lta ste/ oM bud d+hA ya na maH/ oM d+har+m+mA ya na maH/ oM saM g+hA ya na maH/ oM badzra satwA ya na maH/ oM pradz+nyA pA ra mi tA yai na maH/ oM swa b+hA bi ka kA yA ya na maH/ oM d+har+m+mA kA yA ya na maH/ oM saM b+ho ga kA yA ya na maH/ oM nir mA Na kA yA ya na maH/ oM dzrA na badzrA ya na maH/ oM tsi ta ta badzrA ya na maH/ oM bA ka badzrA ya na maH/ oM kA ya badzrA ya na maH/ oM tsa tur bi mok+She b+h+yo na maH/ oM tsa tur brah+mA pi hA re b+h+yo na maH/ oM sapa ta triM shad bo d+hi pAk+Shi ka d+har+m+me b+h+yo na maH/ oM tsa tur shI ti sa hA sra d+har+m+ma skan d+he b+h+yo na maH/ oM sarba r+m+ma de sha ke b+h+yo na maH/ oM rad na tra yA ya na maH/ oM shAkya mu na ye na maH/ oM kA la tsakrA ya na maH/ oM dA na pA ra mi tA yai na maH/ oM shI la pA ra mi tA yai na maH/ oM k+ShAn ti pA ra mi tA yai na maH/ oM bIR+Ya pA ra mi tA yai na maH/ oM d+h+yA na pA ra mi tA yai na maH/ oM pradz+nyA pA ra mi tA yai na maH/ oM u pA ya pA ra mi tA yai na maH/ oM pra Ni d+hA na pA ra mi tA yai na maH/ oM pa la pA ra mi ta yai na maH/ oM dz+nyA na pA ra mi tA yai na maH/ oM dza ya g+ha Te b+h+yo na maH/ oM bi dza ya g+ha Te b+h+yo na maH/ oM sarba tsih+ne b+h+yo na maH/ oM sarba mu srA b+h+yo na maH/ oM tsin tA ma Na ye na maH/ oM d+har+m+ma gaN D+yai na maH/ oM d+har+m+ma shaM khA ya na maH/ oM kal pa br-ik+ShA ya na maH/ oM ak+Sho ya na maH/ oM a mo g+ha sid d+ha ye na maH/ oM rad na saM bA bA ya na maH/ oM a mi tA b+hA ya na maH/ oM bai ro tsa nA ya na maH/ oM lo tsa nA yai na maH/ oM mA ma kyai na maH/ oM pAN Da rA yai na maH/ oM tA rA yai na maH/ oM badzra d+hA twI shwaR+Yai na maH/ oM badzra pA Na ye na maH/ oM kha gar+b+hA ya na maH/ oM k+Shi ti gar+b+hA ya na maH/ oM lo ke shwa rA ya na maH/ oM sarba ni ba ra Na bi rkam b+hi ne na maH/ oM sa man ta b+ha drA ya na maH/ oM gan d+ha badzrA yai na maH/ oM rU pa badzrA yai na maH/ oM ra sa badzrA yai na maH/ oM spar sha badzrA yai na maH/ oM shab+da badzrA yai na maH/ oM d+har+m+ma d+hA tu badzrA ye na maH/ oM uSh+NI ShA ya na maH/ oM big+h+nAn ta kA ya na maH/ oM pra dz+nyA na ta kA ya na maH/ oM pad mA na ta kA ya na maH/ oM ya mAn ta kA ya na maH/ oM stam b+hi n+yai na maH/ oM mA ni n+yai na maH/ oM sto b+hi n+yai na maH/ oM a ti bIR+YA yai na maH/ oM a ti nI lA yai na maH/ oM sarba d+hA ri NI b+h+yo na maH/ oM Sha DAM gA ya na maH/ zhes pa ni thugs kyi dkyil 'khor la mchod pa'i cho ga'o/ /de nas gsung gi dkyil 'khor la 'di lta ste/ oM badzra tsar tsi kA yai na maH/ oM badzra bA rA h+yai na maH/ oM badzra ma he shwa R+Yai na maH/ oM badzra ain drI yai na maH/ oM badzra brah+ma n+yai na maH/ oM badzra ma hA lak+sh+m+yai na maH/ oM badzra kau mAR+Yai na maH/ oM badzra baiSh+Na byai na maH/ oM aSh+Ta aSh+Ta ke na tsa tuH/ Sha Sh+Thi badzra yo gi nI b+h+yo na maH/ oM ShaT triM shata its+tshA b+h+yo na maHzhes pa ni gsung gi dkyil 'khor la mchod pa'i cho ga'o/ / de nas sku'i dkyil 'khor la 'di lta ste/ oM badzra baiSh+Na be na maH/ oM badzra naiR+R-i t+yA ya na maH/ oM badzra ag na ye na maH/ oM badzrod d+ha ye na maH/ oM badzren drA ya na maH/ oM badzre shwa rA ya na maH/ oM badzra brah+ma Ne ma maH/ oM badzra bi nA ya kA ya na maH/ oM badzra kAr ti ke yA ya na maH/ oM badzra bA ya be na maH/ oM badzra ya mA ya na maH/ oM badzra yak+She b+h+yo na maH/ oM bA ru N+yai na maH/ oM bA ya byai na maH/ oM yA mi n+yai na maH/ oM yak+Shi N+yai na maH/ oM ma hA ba lA ya na maH/ oM a tsa lA ya na maH/ oM Taka ki rA dzA ya na maH/ oM nI la daN Da ya na maH/ oM sum b+ha rA dzA ya na maH/ oM rau drA k+Sh+yai na maH/ oM badzra shra~M kha lA yai na maH/ oM tsun dA yai na maH/ oM b+h+r-i ku T+yai na maH/ oM mA rI ts+yai na maH/ oM pra t+ye ka mA sa b+he de na ShaSh+Thi ud ta ra tri sha ta badzra ti thi de bI b+h+yo na maH/ oM ShaT triM shata pra tIts+tsha b+h+yo na maH/ oM badzra dza yA ya na maH/ oM badzra kar ko Ta kA ya na maH/ oM badzra bA su ka ye na maH/ oM badzrA nan tA ya na maH/ oM badzra tak+Sha kA ya na maH/ oM badzra ma hA pad mA ya na maH/ oM badzra ku li kA ya na maH/ oM badzra shaM kha pA lA ya na maH/ oM badzra pad mA ya na maH/ oM badzra bi dza yA ya na maHzhes pa ni sku'i dkyil 'khor la'o/ /de nas dur khrod rnams su 'di lta ste oM shwA nA s+yA yai na maH/ oM sU ka rA s+yA yai na maH/ oM byA g+h+rA s+yA yai na maH/ oM dzaM bu kA s+yA yai na maH/ oM ga ru DA s+yA yai na maH/ oM u lU kA s+yA yai na maH/ oM gr-i d+h+rA s+yA yai na maH/ oM kA kA s+yA yai na maH/ oM sarba b+hU te b+h+yo na maHzhes pa pa ni dur khrod brgyad po rnams la'o/ /de nas phyi rol du 'jig rten pa'i lha rnams kyi/ oM badzra tsan hrA ya na maH/ oM badzra sUr+ya ya na maH/ oM badzra maM ga lA ya na maH/ oM badzra bu d+hA ya na maH/ oM badzra pr-i haspa ta ye na maH/ oM badzra shu krA ya na maH/ oM badzra sha nai sh+tsa rA ya na maH/ oM badzra ke ta be na maH/ oM badzra rA ha be na maH/ oM badzra kA lA ka na ye na maH/ oM badzra d+h+ru be na maH/ oM badzrA gas+t+yA na maH/ oM sarba nak+Sha tre b+h+yo na maH/ oM dwa da sha rA si b+h+yo na maH/ oM Sho Ta sha ka lA b+h+yo na maH/ oM da sha di ka pA le b+h+yo na maH/ oM badzra nan di ke shwa rA ya na maH/ oM badzra ma hA kA lA ya na maH/ oM badzra gaN TA ka r+N+Na ya na maH/ oM badzra b+h+r-iM gi Ne na maH/ oM sarba k+She tra pA le b+h+yo na maH/ oM sarba dU tI b+h+yo na maH/ oM hA ri t+yai na maH/ oM sarba sid d+hi b+h+yo na maH/ oM d+har+m+ma~M tsakrA ya na maH/ oM b+ha tra g+ha TA ya na maH/ oM badzra dun du b+h+yai na maH/ oM bo d+hi brik+ShA ya na maH/ oM gu ru bud d+ha bo d+hi sa twe b+h+yo na mo na maH/ zhes pa ni mchod pa'i cho ga'o/ /de nas rin chen in tra nI la la sogs pa rnams dang gser gyi me tog dang rnam pa mad po'i gos te kha dog lnga'i gos rnams dang dri dang spos dang mar me dang dril bu dang me long dang bla re dang rnam mang 'bras bu dang kha dog lnga'i ba dan rnams dang gar dang rol mo yis rnam bkra mchod pa byas te gzhan pa rnam bcu zhes pa ni 'chad par 'gyur ba las brjod par bya'o/ /de ltar slob ma bdag nyid kyi nus pas ji ltar gsungs pa bzhin mchod pa byas te de nas slob dpon dag gi zhabs kyi drung du maN Dal byas nas mchog gi bu yis yon ni dag pa'i slad du dbul bya ste/ /dag pa gsum gyis zhes pa lus dang ngag dang sems dag pas rdzas dang bdag nyid bu dang bu mo dang bcas te gal te rang la med na rigs las skyes pa'i gzhon nu ma dbul bar bya'o/ /de ltar yon phul te de nas gsol ba gdab pa dang smon lam gdab par bya'o/ /bdag ni de ring nyid nas rgyal ba rnams la skyabs su lhag par mchi ste byang chub kyi bar du'o/ /khyod kyi zhabs kyi chu skyes nges par srid pa'i 'jigs 'phrog dag la lus dag sems ni dag pas so/ /zhes pa gser bcas me tog dag gis maN+Dal byas nas bla ma la ni gsol ba gdab par 'gyur/ /de nas smon lam gdab par bya ste 'dod pa'i rdo rje la ni rdo rje dril bu phyag rgya bla ma dag kyang spyi bos gzung bar bgyi zhes pa rdo rje'i rigs la gnas pas dam tshig 'di thams cad gzung bar bgyi'o/ /rin chen la ni sbyin pa sbyin bgyi ste rin chen gyi rigs la gnas pas bsod nams kyi tshogs kyi slad du sbyin pa rnam pa bcu sbyin par bgyi'o/ /rin chen lcags zas ba lang rta/ /glang chen bu mo nor 'dzin dang / /'dod pa'i chung ma rang gi sha /sbyin pa rnam pa bcu ru 'dod ces pa ste yid bzhin gyi nor bu bsgrubs nas sbyin pa sbyin par bgyi'o zhes pa smon lam mo/ /'khor lo 'di la rgyal ba mchog gi dam tshig bskyang bar bgyi zhes pa 'khor lo'i rigs la gnas pas bdud rtsi lnga la sogs pa dang go ku da ha na dang phung po dang dbang po'i tshogs pa bsrung bar bgyi'o zhes pa ste smon lam mo/ /ral gri la ni mchod pa bgyi se zhes pa ral gri'i rigs la gnas par gyur pas bla ma dam pa dang sangs rgyas dang byang chub sems dpa' rnams dang gzhan rnams la yang yo byad thams cad kyis mchod par bgyi'o/ /zhes pa smon lam mo/ /gsal bar chu skyes rigs la ste pad ma'i rigs la gnas par gyur pas rigs dang rigs ma yin pa la mngon par 'gro bas gsal bar pad ma la reg pa las tshul khrims kyi sdom pa'i slad du tshangs par spyod pa'i sdom pa rnams ni bskyang bar bgyi zhes pa'i smon lam gdab par bya'o/ /sems can rnams ni thar ba'i slad du rgyal ba skyed mdzad rigs la ste rdo rje rtse gcig pa'i rigs la gnas par gyur pas stong pa nyid dang snying rje'i bdag nyid phyag rgya chen po'i dngos grub byang chub bdag gis bskyed par bgyi'o zhes smon lam gdab par bgyi'o/ /de ltar smon lam gdab pa byas pa'i tshe dbang bskur ba'i slad du gsol ba btab pa'i bla ma dgyes shing mnyes par gyur pas slob ma dam pa khrus byas dri yis rjes byugs brtul zhugs nges pa dang ldan shar gyi sar ni dkyil 'khor gyi phyi rol du gzhag par bya zhing dngos grub don du so shing sngar brjod pa'i cho gas rgyal ba mchog gi rdo rje dag gis zhes pa oM AH hu~M 'di dag gis lan bdun mngon par bsngags pa byas te de nas gsor nas maN Dal du dor bar bya'o/ /phyogs kyi cha gang du lhung ba der de'i las rab 'byam 'grub par 'gyur te phyogs brgyad rnams su zhi ba la sogs pa'i las sngar gsungs so/ /de nas khar chu khyor ba gsum blud te dag par byas nas dkyil 'khor la yol ba bkod cing shar gyi sar slob ma khrid la de nas de'i lce la bdud rtsi lnga sbyin par bya'o/ /rgyal ba mchog gi dam tshig dag gis te bdud rtsi lnga dang sgron ma lnga po dag gis sngar spos bsgrubs nas spos de nyid lha dbab pa'i don du'o/ /de la sngags ni hU~M gi yi ge gcig ste a ra la dang bcas pa zhes pa oM a ra ra ra ra la la la la badzrA be sha ya hu~M zhes pa'i sngags 'dis khro bo'i gtso bo bskul ba byas nas khro bo dbab po zhes pa'i don to/ /'di la bzlas pa bye ba dang sbyin sreg 'bum phrag bcus sngon du bsnyen pa bya'o/ /des 'grub par 'gyur te dran pa tsam gyis khro bo 'bebs par byed do/ /de la mtshan nyid ni tshigs su bcad pa brgyad bcu rtsa brgyad pas gsungs pa 'dir 'gyur te khro bo'i rgyal po phebs na mtshon chas mdzes pa'i lag pa dag gis bdud kyi tshogs la sdigs byed cing zhes pa ni 'dir slob ma la khro bo'i rgyal po babs par gyur na mtshon chas mdzes par byas pa'i lag pa dag gis brtan pa dang g.yo ba gang la bsnun pa de phye ma brgyar byed do/ /bdud kyi tshogs chos la 'tshe bar byed pa gang la sdigs mdzub kyis bsdigs pa de sa la 'gyel bar byed cing sems med par byed do/ /de bzhin du g.yon brkyang la sogs stabs rnams dang ni rnam mang byed pa rnams kyis rdo rje'i sar gyis gar byed de/ 'dir slob ma gang zhig sngar gar gyi mtshan nyid cung zad kyang mi shes pa de nyid khro bo phebs par gyur pa na rdo rje'i gar byed do/ /bar snang la yang rnam mang byed pa rnams kyis zhes pa gar byed do/ /ci ste bzhad par byed na de'i tshe hu~M gi yi ge 'dres pas dgra ste bdud kyi tshogs la 'jigs pa ster ba dang ni de bzhin du slob ma gang zhig sngar mi shes pa de khro bo phabs pa na mi la sogs pa rnams kyis rtogs par bya ba ma yin pa'i sgras rgyud gzhan du ma las gang gsungs pa'i glu byed do/ /de'i phyir khro bo'i rgyal po phebs pa ni ngo tsha med cing dogs pa med par 'gyur te yon tan dbang gis zhes pa khro bo'i rang bzhin gyis so/ /lha gzhan rnams kyang zhi ba'o zhes pa ni ci ste spyan ma la sogs pa'i lha yin na zhi ba'o zhes pa ste khro bo dbab pa'i nges pa'o/ /'dir yang rgya cher gzhan khro bo bcu po rnams kyi rang bzhin bcu po rnams ni phyag rgya bcing bas rig par bya'o/ /mtshan ma gang gis gang bskyed pa de yang de'i phyag gi phyag rgyar 'gyur te de ni des shes par bya'o zhes pa nges pa'o/ /da ni sku zhes pa la sogs pas khro bo'i rgyal po 'am byang chub sems dpa'i sku la sogs pa'i byin gyis brlab pa gsungs pa 'dir sku phebs pa ni rnal 'byor ldan pa zhes pa lha'i sku rdo rjes byin gyis brlabs par gyur na rang bzhin yon tan dbang gis drag po dang zhi ba'i rang bzhin gyis slob ma sku'i bya ba byed pa ste ji ltar khro bo dang byang chub sems dpa' ni nam mkha' la 'gro ba dang sa 'og tu 'gro bar mdzad pa de bzhin du slob mas byed cing dkyil 'khor la sogs pa ma mthong ba skyed par byed de mchog gi lha'i sku rdo rjes byin gyis brlabs par gyur pas ri bo 'byin pa la sogs pa sku'i bya ba byed do/ /de bzhin du gsung phebs pas ni srid gsum lha dang klu dang lha min rnams las rnam par rgyal ba'i smra ba por 'gyur te lha'i gsung rdo rjes byin gyis brlabs pa'i slob ma rmongs pa yang 'jam dpal ji lta ba de bzhin du 'gyur ro zhes pa nges pa'o/ /de bzhin du mchog gi lha'i thugs phebs pas ni gzhan gyi snying la gnas pa thams cad dang 'das pa dang ma 'ongs pa dang da ltar byung ba ma mthong ba thams cad slob mas shes par 'gyur zhes pa thugs phebs pa'i nges pa'o/ /ci ste skye ba snga ma'i bag chags kyi stobs kyis kha cig la ye shes phebs par 'gyur te de'i tshe dkyil 'khor la 'grub par 'gyur zhing sangs rgyas su 'gyur ro/ /bla ma yi yang bla ma zhes pa mngon par shes pa lnga thob pa dang sa bcu'i dbang phyug tu 'gyur ro/ /sangs rgyas zhes pa ni nye bar btags pa'i tshig ste rdzu 'phrul ldan pa'i ston pa gcig pu zhes pa yang de bzhin no/ /sku dang gsung dang thugs dang ye shes kyis byin gyis brlabs pa'i mtshan nyid nges pa'o/ /da ni sa zhes pa la sogs pas spyan ma la sogs pa rnams kyi byin gyis brlabs pa gsungs pa 'dir gang gi tshe sa phebs pas ni rnal 'byor pa ste slob ma byin gyis brlabs par gyur na ri dang mtshungs par 'gyur te mi brgya phrag du mas kyang bskyod par mi nus so/ /chus kyang bsil bar rab tu 'gyur te 'dir mA ma kIs byin gyis brlabs pa'i rnal 'byor pas gang zhig sreg pa'i rims kyis bzung ba la 'khyud na yang de rims dang bral bar 'gyur ro/ /me phebs pas ni sreg par 'gyur te 'dir gang gi tshe gos dkar mos byin gyis brlabs par gyur na de'i tshe gang la reg pa de sreg par byed do/ /ci ste rlung phebs pas byin gyis brlabs na de bzhin skam pa dag tu rab tu 'gyur te gang la 'khyud pa de dpag tshad du ma rnams su skrod par byed do/ /de bzhin du stong pa phebs pas mi snang bar 'gyur te gang la reg pa de nyid mi snang bar 'gyur zhing sa steng du ni mkha' la spyod pa nyid du rab tu 'gyur zhes pa nges pa'o/ /de bzhin thams cad rang bzhin yon tan dbang gis rig par bya ste 'dir gang gi tshe lha'i mig phebs par gyur na de'i tshe lha'i mchog gi gzugs dang mi mthong ba'i rdzas kyang mthong bar 'gyur ro/ / gang gi tshe lha'i rna ba phebs par gyur na de'i tshe sems can rnams kyi sgra gang mi thos pa de thos par 'gyur ro/ /gang gi tshe lha'i yid phebs par gyur na de'i tshe gzhan gyi sems shes par 'gyur ro/ /gang gi tshe lha'i lus kyi dbang po phebs par gyur na de'i tshe lha'i reg bya 'dzin par 'gyur zhing sngon gyi gnas shes par 'gyur ro/ /gang gi tshe lha'i lce phebs par gyur na de'i tshe lha'i ro myong bar 'gyur zhing des nam mkha'i rdzu 'phrul du 'gyur ro/ /gang gi tshe lha'i sna phebs par gyur na de'i tshe lha'i dri 'dzin par 'gyur te des sangs rgyas thams cad kyis byin gyis rlob par 'gyur ro zhes pa ni nges pa'o/ /da ni dbab pa zhes pa la sogs pas lha dbab pa bskyed pa'i mtshan nyid gsungs pa 'dir lha dbab pa gang yin pa de ni nges par zhes pa mtha' gcig tu 'gyur te sngags pa slob dpon rnams kyi sgom pa'i stobs dang sngon du bsnyen pa'i dbye ba dang ni zhes pa cho ga sna tshogs pa dang rnam mang dam tshig ste byang chub kyi sems kyi thig le la sogs pa bsrungs pa dang de bzhin du sngags kyi bzlas pa la sogs pa rnams kyis kyang phebs par 'gyur gyi rnam pa gzhan du na mi 'gyur ro/ /'ga' zhig dag gi tshe bla ma brgyud pa'i rim pas rnam par dag pa'i slob ma la ste sangs rgyas ro myang byed pas bdud rtsi'i dbang las dkyil 'khor 'ga' zhig tu ni mchog gi bu la 'gyur ro/ /mi yi bdag po zhes pa ni bod pa'o/ /rang byin brlab pas dman pa rnam mang srid pa rnams kyis sngags pa rnams la dngos grub yod ma yin ji srid 'og min gyi srid pa'i mthar thug pa'i bar du de bzhin gshegs pas 'jig rten pa zhes gsungs pa'o/ /'dir mchog rnams kyi dbab pa'o/ / gzhan du 'byung po dang srin po'i 'khor la sogs pa rnams kyi dbab pa ni mtha' yas pa ste de rnams kyi mtshan nyid dang bla ma'i bka'i mtshan nyid kyang le'u lnga pa'i ye shes grub pa las brjod par bya ste des na 'dir dkyil 'khor du 'jug pa la de rnams ma gsungs so zhes pa ni bcom ldan 'das kyi nges pa'o/ /da ni phebs pa btang zhes pa la sogs pas phebs pa nye bar zhi ba la sogs pa gsungs te 'dir gang gi tshe slob ma khro bo'i lha la sogs pas byin gyis brlabs pa de'i tshe slob dpon gyis gang cung zad mngon par 'dod pa'i bya ba dri bar bya'o/ /de nas oM AH hu~M yi ge gsum gyis me tog mngon par bsngags te mgo bor sbyin par bya'o/ /des phebs pa gtong zhing rang gi gnas su 'gro bar 'gyur ro/ /de ltar phebs pa gtong bar 'gyur te de nas phebs pa btang ba'i phyi nas mgo bor rgyal bas bsrung ba zhes gsungs pa'i phyir mgo bor oM yig gis so/ /snying bar huM yig gis so/ /spyi gtsug ste gtsug tor du haM yig gis so zhes pa ni thabs kyi ste rang gi rdo rje gsum gyis zhes pa sku dang gsung dang thugs kyis so/ /de bzhin du lte bar hoHyig gis so/ /mgrin par AHyig gis so/ /gsang bar k+ShaHyig gis so zhes pa ni shes rab kyi ste rang gi rdo rje gsum gyis zhes pa sku dang gsung dang thugs kyis so/ /'dir ni gnyi ga'i sku dang gsung dang thugs rdo rje'i yul la'o/ /gzhan du ni hU~M yig ring po gsung rdo rje dang thung ngu thugs rdo rje ste gang na yod pa la'o/ /de nas bsrung ba bya zhing lus la ser po'i gos dag byin te mig ni bsgribs par gyur pa'i slob ma dkyil 'khor 'dir ni gzhug pa bsgrub par bya'o/ /dang por kun rdzob don du brtul zhugs byang chub kyi mthar thug pa'i bar du ste kun rdzob ni bsod nams la sogs pa'i tshogs so/ /de'i don ni de'i don no/ /rab mchog bgrod pa rnams la bgrod pa de rnams zhes pa la rab mchog ni rnam par gzigs la sogs pa dang skal ba bzang po la shAkya thub pa'i mthar thug pa de bzhin gshegs pa bdun po rnams so/ /de rnams kyi bgrod pa ni bsod nams dang tshul khrims dang ye shes kyi tshogs kyi bdag nyid do/ /de la bgrod pa ni rab mchog bgrod pa rnams la bgrod pa ste de nyid slob dpon gyis slob ma la sbyin par bya'o zhes pa ni de bzhin gshegs pa'i nges pa'o/ /de la brtul zhugs rnams ni byang chub kyi mthar thug pa'i bar du bcom ldan 'das kyis gsungs pa 'tshe dang mi bden gzhan gyi bud med spang bya gzhan gyi nor dang chang gi btung ba de bzhin nyid ces pa ste brtul zhugs lnga'i nges pa'o zhes pa'i don to/ /gang las ci'i phyir zhe na 'khor bar rdo rje'i zhags pa dag ste rang gi dge ba 'joms byed sdig pa'i las lnga po 'di rnams so de'i phyir mi bya'o zhes pa ste nges pa'o/ /sna tshogs gtso bo su zhig gi zhe na gang zhig gang gi dus su byung ba'i de bzhin gshegs pa lha dang mi yi bla ma de yi mtshan gyis rab sbyin bya/ sna tshogs gtso bo'i bka' 'di srid pa'i 'jigs pa 'joms pa dag ste khyod kyis kyang ni bskyang bar bya zhes pa ni rigs kyi bu dang rigs kyi bu mo rnams kyis bsod nams kyi tshogs kyi slad du bskyangs pa ji lta ba de bzhin du'o zhes pa ste de bzhin gshegs pa'i nges pas bslab pa'i gnas lnga dang ldan pa'o/ /de nas gal te 'dod na de'i tshe gzhan rnams sbyin par bya'o/ /de la cho lo dang kha na ma tho bcas pa'i zas sngar brjod pa dang tshig ngan klog pa dang 'byung po'i chos pha mes kyi bya ba dang mchod sbyin gyi bya ba rig byed las brjod pa dang lha min gyi chos ni kla klo'i chos te mi bya'o zhes pa nye ba'i sdig pa lnga dang de bzhin du snga ma dang phyi ma bcu po rnams kyi dang po gsod pa lnga dus thams cad du mi bya ste ba lang gsod pa dang byis pa gsod pa dang bud med gsod pa dang skyes pa gsod pa dang lha mi'i bla ma zhes pa ni sku gzugs dang mchod rten la sogs pa ste rnam par bshig pa ni gsod pa gzhan no/ /de bzhin du grogs po la 'khu ba dang rje bo la 'khu ba dang sangs rgyas la 'khu ba dang dge 'dun la 'khu ba dang yid brtan la 'khu ba zhes pa lnga mi bya'o/ /de bzhin du dbang po rnams ni kun nas chags pa dag ste zhes pa ni gzugs la kun nas chags pa dang sgra la kun nas chags pa dang dri la kun nas chags pa dang ro la kun nas chags pa dang reg la kun nas chags pa dang lnga'o/ /srid pa'i bdag po rdo rje sems dpa'i nges pa'i brtul zhugs nyi shu lnga ste slob ma rnams kyis bskyang bar bya zhing rdo rje slob dpon gyis dbang gi dus su slob ma la sbyin par bya'o/ /brtul zhugs sbyin pa'i nges pa'o/ /da ni dpal ldan sngags zhes pa la sogs pas dkyil 'khor du 'jug pa gsungs te 'dir dang por brtul zhugs byin pa'i de ma thag tu las thams cad pa la gos ser po 'am gos dmar pos gdong bcing bar bya zhing zhi ba la sogs pa la lha'i kha dog gi mdog can gyi gos srab mos te oM dwA da shAM ga ni ro d+ha kA ri Ne hu~M phaT ces 'dis bsngags nas so/ /de nas dang por mig bkab nas dge ba'i grogs la sogs pas dkyil 'khor la lan gsum bskor te/ de nas shar gyi sgor slob dpon gtso bo'i gzugs su gnas pas te gal te dkyil 'khor la lha g.yon brkyang la sogs pa'i stabs kyis bzhengs pa yin na de'i tshe slob dpon bzhengs pas slob ma la dbang bskur sbyin par bya'o/ /ci ste bzhugs pa yin na de'i tshe bzhugs pas sbyin par bya'o/ /de nas dge ba'i grogs kyis gtad pa'i slob ma'i mgo bo la dung gi chus bsang gtor byas te u0f00 AH hu~M zhes pa yi ge gsum gyis lan bdun mngon par bsngags pa'i me tog gcig de'i lag pa'i pad ma sbyar bar kun du sbyin par bya ste me tog gi snyim pa rnam par dag pas so/ /de nas lag pa'i pad ma sbyar ba dag las dkyil 'khor gyi phyi rol du rgyal ba'i bum pa'i steng du sngar brjod pa'i nges pas me tog dor ba dang dus gcig tu mig gi dar dgrol bar bya'o/ /yang na sngar me tog dor ba byas la phyi nas dgrol bar bya ste oM di byen tri yA Nu Ta g+hA Ta ya swA hA zhes pa'i sngags 'dis so/ /mig dbye ba byas nas gang gi gnas su me tog bzang po yi ge gsum gyis mngon par bsngags pa lhung ba der gnas pa'i lha ni de'i rigs kyi lhar 'gyur te de'i las kyi phyag rgyas 'grub bo zhes pa ni nges pa'o/ /de nas de'i rigs kyi lha bstan te phyi nas chu la sogs pa dbang bdun po rnams dang rnam gsum 'dir ni ji bzhin du bum pa la sogs pa ste der las kyi phyag rgya mchod nas so/ /bla med 'chad par 'gyur ba yang dag rab sbyin bya zhes pa slob dpon gyis te de bzhin gshegs pa'i nges pa'o/ /da ni klu zhes pa la sogs pas dbang bdun gyi cho ga gsungs te 'dir klu zhes pa brgyad dang bzhi'i rgyal dang rnam rgyal bum pa dag gis zhes pa ni bum pa brgyad kyi phyogs la rgyal ba'i bum pa lnga dang rnam par rgyal ba'i bum pa lngas so/ /bum pa bzhi'i phyogs la rgyal ba'i bum pa gsum dang rnam par rgyal ba'i bum pa gsum gyis te nor bu gser gyi rang bzhin nam de med na sa yi rang bzhin rin chen dang bcas pa sman dang dri dang ldan pa zhes pa'o/ /de la sman ni sngar gsungs pa'i dri'i le tshe sbyar ba las mig ces pa la sogs pa'i cha shas kyis gzung bar bya ste slob dpon gyis rtsa ba'i rgyud las gsungs pa'i cho gas nyi shu rtsa lnga po rnams kyi nang nas ji ltar rnyed pa lnga gzung bar bya'o/ /de la bcom ldan 'das kyis bka' stsal pa/ dri yi le tshe sbyar ba la/ /rgyal po tshangs ma la sogs sman/ /mig zla me sogs cha shas dang / /lnga lnga yis ni rim pas dgod/ /tshangs ma sred med drag mo dang / /dbang phyug mchog gi dbang phyug ma/ /dbang mo dpal mo phag mo dang / /gzhon nu tsar tsa kA de bzhin/ /sa mo chu mo me mo dang / /rlung mo mkha' spyod ma de bzhin/ /ma dang sring mo bu mo dang / /tsha mo rang skyes ma de bzhin/ /bram ze rgyal rigs rje rigs mo/ /dmangs mo g.yung mo de bzhin bshad/ /ces pa'i sman ni dngos grub che/ /zos pas rtag tu rdzu 'phrul ster zhes pa'o/ /da ni 'di rnams kyi rab tu gsal ba'i ming brjod par bya ste 'dir tshangs ma zhes pa ni brah+ma daN+Di ste cha gnyis dang sred med ma ni biSh+Nu kAn+tA ste cha gcig dang drag mo zhes pa ru TA dza TA ste cha gsum dang dbang phyug ma ni rab tu grags pa ste cha bzhi dang mchog gi dbang phyug ma ni de ba dA li ste cha lnga'o zhes pa dang po'i dgod pa'o/ /de nas gnyis pa brjod par bya ste dbang mo zhes pa ni in+t+ra bA ru Ni ste cha gsum dang dpal mo ni lak+Sha Na ste cha bzhi dang phag mo zhes pa ni ba rA ha kar+N+Na ste cha lnga dang gzhon nu ma zhes pa ni kar Ni ka ste cha gnyis dang tsi kA zhes pa ni a d+ho puSh+pi ka ste cha gcig go zhes pa ni gnyis pa lnga dgod pa'o/ /de nas gsum pa brjod par bya ste sa mo zhes pa ni mu Sha lI ste cha lnga dang chu mo zhes pa ni ru dan+tI ste cha gnyis dang me mo zhes pa ni dz+yo tiSh+ma tI ste cha gcig dang rlung mo ni ladz+dzA lu ste cha gsum dang mkha' spyod ma ni ar ka ste cha bzhi'o zhes pa ni gsum pa lnga'o/ /de nas bzhi pa dgod pa brjod par bya ste ma zhes pa ni bu traM dzA ri ste cha gcig dang sring mo zhes pa ni sa ha da ba ste cha gsum dang bu mo ni kr-i tAny+dza li ste cha bzhi dang tsha mo ni a dza kar+N+NA ste cha lnga dang rang skyes ma ni mo ha nI ba Ta ba tri kA ste cha gnyis so zhes pa ni bzhi pa lnga'o/ /de nas lnga pa dgod pa brjod par bya ste bram ze mo zhes pa ni bri ha tI ste cha bzhi dang rgyal rigs mo zhes pa ni b+h+r-ing ga rA dzA ste cha lnga dang rje rigs mo ni shing dngar te cha gnyis dang dmangs rigs mo ni kaN Da kA ri ste cha gcig dang g.yung mo ni ma yu ri shi khA ste/ cha gsum mo zhes pa lnga pa dgod pa'o/ /de bzhin du grangs ji lta bas so ba la sogs pa 'bru'i tshogs rnams te so ba dang so ba chen po dang mon sran dang tsa na ka dkar po dang til nag po ni dang po lnga'o/ /gnyis pa ni ko Ta bA dang mud ga dang sran ma dang til dkar po dang gro'o/ /gsum pa ni mauSh+Tha dang tri bu Ta dang yungs nag dang nas dang mon sran no/ /bzhi pa ni sran chung dang nyungs dkar dang kaM gu dang tu ba ri ka dang bar ba Ti kA'o/ /lnga pa ni zar ma dang ba ra TI dang bar+N+NA dang ku lan tha dang tsa na ka nag po ste le tshe sbyar ba'i chas 'bru lnga ji ltar rnyed pa gzung bar bya'o/ /'dir cha rnams ni ri lu'i grangs so/ /de nas rin po che rnams ni bram ze dang rgyal rigs dang rje rigs dang dmangs rigs dang mthar skyes kyi rigs las skyes pa'i rdo rje rnams dang de bzhin du in tra nI la dang pad ma rA ga dang zla ba chu shel dang kar ke ta ka dang ma ra ka ta ni gtso bo'o/ /de bzhin du lcags rnams ni gser dang dngul dang zangs dang lcags rnon po dang khab len gyi lcags so/ /de bzhin du rin po che 'bring po ni mu tig dang byi ru dang mu men dang shU la ma Ni dang thig le drug pa'o/ /de bzhin du tha ma rnams ni shel dang dzI ba dzA ti dang Dau ha ri dang mching bu dang nor bu ljang khu rnams so/ /'di rnams las ji ltar 'byor pa gzung bar bya'o/ /ci ste bka'i 'khor los sgyur ba rin po che chen po'i dbang bskur ba la ni lha dang klu rnams kyi rin po che kha dog lngar 'gyur ro/ /de med na kha dog lnga'i me tog dri bzang po rnams so zhes pa nges pa ste dbul po rnams kyi'o/ /de bzhin du sa'i rang bzhin rin chen bcas zhes so/ /'dir rin po che ljang khu ni rnam par rgyal ba'i dung la'o/ /rin po che sngon po ni shar dang nub kyi rgyal ba dang rnam par rgyal ba'i bum pa la'o/ /nag po ni shar dang me'i bum pa la'o/ /dmar po ni lho dang bden bral gyi bum pa la'o/ /dkar po ni byang dang dbang ldan gyi bum pa la'o/ /ser po ni nub dang rlung gi bum pa la'o/ /de bzhin du khab len gyi lcags dang lcags rnon po dang zangs dang dngul dang gser ro/ /de bzhin du sman rnams te cha gcig pa ni rgyal ba dang rnam par rgyal ba'i bum pa la'o/ /cha gnyis pa ni shar dang mer ro/ /cha gsum pa ni gshin rje dang lha min du'o/ /cha bzhi pa ni byang dang 'phrog byed du'o/ /cha lnga pa ni nub dang rlung du'o/ /de bzhin du ri lu'i dbye bas 'bru rnams dang de bzhin du sngar gsungs pa'i sman gyi le tshe sbyar ba'i dri lnga ste de ltar lcags dang rin po che dang nags kyi sman dang 'bru dang dri'i rdzas rnams bum pa rnams su blugs nas slar yang nyi shu rtsa lnga po de dag thum por bcings te rnam par rgyal ba'i dung chus gang bar gzhug par bya'o/ /des skye ba'i gnas lngar dbang bskur bar bya ste gtsug tor dang phrag pa dang dpung pa'i tshigs g.yas pa dang g.yon pa dang de bzhin du dpyi dang brla'i mtshams dag la'o/ /de nas rigs kyi lha rnam par sbyang ba'i don du me tog 'dor ba'i sngags ni oM sarba ta thA ga ta ku la bi sho d+ha ni swA hA sngags 'dis slob dpon gyis slob ma me tog 'dor du gzhug par bya'o/ /sngags 'dis mig dbye bar bya ste oM di bya na ya na mud g+hA Ta yA mi swA hA de nas rigs kyi lha dang dkyil 'khor gyi gtso bo dang por byas pa'i dkyil 'khor mtha' dag bstan par bya'o/ /shar gyi sgor rigs dag par byas te de nas slob dpon gyis slob ma lag pa g.yon pa nas bskyod cing las kyi rdo rje can dang lhan cig bskor ba byas nas byang gi sgor khrid de der lus rnam par dag pa'i don du sgrol ma la sogs pa lha mo rnams kyi sngags kyis bum pa thams cad nas chu blangs la rnam par rgyal ba'i dung du blugs nas slar yang skye ba'i gnas lngar sngags 'dis chu'i dbang gis dbang bskur bar bya ste oM A I r-I U l-I panya tsa d+hA tu bi sho d+ha ni swA hA zhes pas so/ /de nas cod pan gyi dbang la skye ba'i gnas lngar sngags 'dis dbang bskur bar bya ste oM a i r-i u l-i pany+tsa ta thA ga ta pa ri shud d+ha swA hA zhes pas so/ /de nas rin po che dang gser gyi cod pan nam gos kyi cod pan bcing bar bya'o/ /de ltar dbang bskur gnyis kyis khams dang phung po yongs su dag pas sku rnam par dag par 'gyur ro/ /sku'i zhal gyi sa la sku dag par byas te de nas g.yas skor gyis slar yang lho'i sgor slob ma khrid nas gsung rnam par dag pa'i don du dar dpyangs kyi dbang la skye ba'i gnas lngar sngags 'dis dbang bskur bar bya ste/ u0f00 a A aM aHha hA haM haHhoHphreM da sha pA ra mi tA pa ri pU ra Ne swA hA zhes pas so/ /de nas rin po che'i paT+Ta dang gser gyi paT+Ta'am ma rnyed na me tog gi phreng ba dpral bar bcing bar bya'o/ /de nas rdo rje dril bu'i dbang la skye ba'i gnas lngar sngags 'dis dbang bskur bar bya ste oM huM hoHsUR+Ya tsan dra bi sho d+ha ka swA hA zhes pas so/ /de nas rdo rje dang rdo rje dril bu spyi bor bzhag nas dung gi chus dbang bskur bar bya'o/ / dbang bskur gnyis kyis gsung rdo rje sbyangs te rdo rje'i mthe bo byin nas slar yang g.yas bskor gyis bskor ba byas shing shar gyi sgor thugs rdo rje sbyang ba'i don du rdo rje brtul zhugs kyi dbang la skye ba'i gnas lngar sngags 'dis dbang bskur bar bya ste/ oM a A e ai ar Ar o au al Al a~M aHbi Sha ye na dri ya bi sho d+ha ni swA hA zhes pas so/ /de nas rna ba la sogs pa la me tog bkod nas slar yang ming gi dbang la skye ba'i gnas lngar sngags 'dis dbang bskur bar bya ste/ oM ha hA ya yA ra rA wa wA la lA tsa tur brah+ma bi hA ra bi shud d+ha swA hA zhes pas so/ /de nas lag pa dang rkang pa dag la gdu bu dang rkang gdub la sogs pa 'am de dag med na me tog gi phreng ba bcings la de nas dbang bskur bar bya ste khyod ni rdo rje che ge mo zhes byas nas lung bstan par bya'o/ /dbang bskur gnyis kyis thugs rdo rje sbyangs te de nas slar yang g.yas bskor gyis slob ma nub kyi sgor khrid cing ye shes rnam par dag pa'i don du rjes su gnang ba'i dbang la skye ba'i gnas lngar sngags 'dis dbang bskur bar bya ste/ oM haM k+ShaHd+har+m+ma tsakra pra bar ta ka swA hA zhes pas so/ / dbang bskur byin pas sku dang gsung dang thugs dang ye shes kyi rdo rje rnams dbang bdun gyis rnam par sbyangs te de nas slob ma la lag par rdo rje dang rdo rje dril bu byin nas rdo rje che ge mo zhes slob dpon gyis brjod cing rdo rje dril bu rab tu byin nas rab mchog snying rje dag gis dag pa'i chos ni bstan par bya'o/ /'di lta ste nges par rdo rje'i rigs dag la ni srog gcod bya ste zhes pa la sogs pa nas dkyil 'khor du ni yang dag rab sbyin bya zhes pa'i mthar thug pa phyed dang bcas pa'i tshigs su bcad pa gnyis po 'dis so/ /dkyil 'khor la dbang bdun gyi cho ga byas te de nas slob ma la sangs rgyas kyis byin gyis brlabs par bsam par bya'o/ /rdo rje slob dpon gyis rgan pa dang gzhon pa'i don du lo la sogs pa rab tu bsgrag par bya ste 'dir lo che ge mo dang rigs ldan gyi rgyal po che ge mo chos ston pa dang zla ba che ge mo dang nya che ge mo dang gza' che ge mo dang tshes che ge mo dang skar ma che ge mo dang sbyor ba che ge mo dang byed pa che ge mo la rdo rje slob dpon che ge mo bdag gis slob ma che ge mo mchog gi dang po'i sangs rgyas sam dkyil 'khor gzhan du dbang bdun gyis dbang bskur te 'og min gyi srid pa'i mthar thug pa 'jig rten pa'i dngos grub bsgrub pa dang sems can thams cad kyi 'dren pa nyid kyis bsod nams dang ye shes kyi 'bras bu thob pa'i slad du bdag gis lung bstan zhing rjes su gnang ngo zhes pa ste dbang bdun gyi nges pa'o/ / 'dir rgyud gzhan dang gzhan las byis pa'i skye bo gzhug pa'i slad du de bzhin gshegs pa lnga dag pas dbang lnga ste mi bskyod pas chu'i dbang dang rin chen 'byung ldan gyis cod pan no zhes gang gsungs pa de la snga ma dang phyi ma 'gal te rgyud thams cad las dkyil 'khor du me tog dor bas slob ma'i rigs kyi lha gang yin pa des cod pan dang de'i rigs kyi phyag rgyas de'i dngos grub bo zhes pa ni bcom ldan 'das kyi nges pa'o/ / des na mtshan yang dag par brjod pa las/ sangs rgyas lnga bdag cod pan can zhes gsungs pa'i phyir gang du me tog lhung ba'i de bzhin gshegs pa de cod pan du 'gyur gyi thams cad du rin chen 'byung ldan nyid ni ma yin no/ / de bzhin du bsdus pa'i rgyud las chu la sogs pa'i dag pa med de cho ga gzhan stobs dang ldan pa'i phyir ro/ /da ni nges par rdo rje zhes pa la sogs pas rnam par dag pa'i chos bstan pa gsungs pa 'dir srog gcod pa la sogs pa'i dam tshig ni rnam pa gnyis te drang ba'i don dang nges pa'i don gyis phyi rol dang nang gi bdag nyid do/ /de la phyi rol du bcom ldan 'das kyis srog gcod pa bya ba gang yin pa de ni mtshams med pa lnga byed pa rnams dang sangs rgyas kyi bstan pa la gnod pa byed pa rnams dang dam tshig 'dral ba rnams so zhes pa nges pa ste mtshams med pa lnga po de nyid sngon dang phyi mar shes nas so/ /'dir 'ga' zhig sngar mtshams med pa lnga byed pa po phyis bsod nams byed pa por 'gyur te gtum po mya ngan med pa dang chos rgyal mya ngan med pa bzhin no/ /de'i phyir de la gnod pa byas na dmyal bar 'gyur te sngags pas dge ba dang mi dge ba'i las yongs su ma shes pa'i phyir ro/ / des na ji srid du mngon par shes pa lnga dang ldan par ma gyur pa de srid du sngags pas zhi ba dang rgyas pa dang dbang dang dgug pa ma gtogs pa drag po'i las mi bya'o/ /de bzhin du brdzun du smra ba dang ma byin par len pa dang gzhan gyi bud med 'phrog pa dang dam tshig bsten pa dang rigs dang rigs ma yin pa la mngon par 'gro ba dang rang gi lus kyi mthar thug pa sbyin pa yang gzhan la phan pa'i phyir te rang gi don du ni ma yin no zhes pa nges pa'o/ /'dir gang gi tshe 'chi ba'i mtha'i bar du mtshams med pa lnga byed pa de'i tshe khro bo'i rigs las sngar bsgrubs pa'i sngags dang mi bskyod pa'i ting nge 'dzin gyis gsad par bya'o zhes pa ni bcom ldan 'das kyi drang ba'i don to/ /de bzhin du lam ma yin par ltung ba rnams mngon par gdon pa'i slad du brdzun gyi tshig smra bar bya ste rang gi don du ni ma yin no/ /de bzhin du ma byin par len pa ni yi dags kyi 'gro bar 'gro ba bzlog pa'i don du ste rang gi don du ni ma yin no/ / de bzhin du gzhan gyi bud med 'phrog pa ni dud 'gro'i skye gnas su 'gro ba bzlog pa'i don du ste rang gi don du ni ma yin no/ /rigs su 'dzin pa rnam par gzhig pa'i slad du bdud rtsi lnga la sogs pa'i dam tshig rnams bsten par bya'o/ /de bzhin du las kyi phyag rgya'i dngos grub kyi don du g.yung mo la sogs pa'i bud med rnams la smad par me bya'o/ /bsod nams kyi tshogs kyi slad du sbyin pa chen po sbyin par bya'o/ /de ltar ral gri'i rigs dang rin po che'i rigs dang pad ma'i rigs dang 'khor lo'i rigs dang gri gug gi rigs la sngags rnams bsgrubs nas nus pa dang ldan par gyur pa na rnal 'byor pas thams cad bya ste ji ltar 'jig rten pa'i bzhad gad du mi 'gyur ba'o zhes pa ni drang ba'i don to/ / da ni nges pa'i don brjod par bya ste 'dir rang gi lus la srog bkag pa ni srog gcod pa ste rdo rje'i rigs dag la ni zhes pa gtsug tor du dgag par bya'o/ /srog gcod pa des rnal 'byor pa'i khu ba steng du 'gyur ro zhes pa'o/ / ral gri la yang bden pa min pa'i tshig ni 'dir bden pa min pa zhes bya ba rab tu mi gnas pa'i tshig ste drang ba'i don dang nges pa'i don gyis sems can thams cad kyi skad kyi tshig tu cig car sems can rnams la chos ston pa dang de nyid snying khar gzhom du med pa'i sgra'o zhes pa ni nges pa'o/ /rin chen la ni gzhan nor dbrog bya zhes pa la 'dir gzhan ni rdo rje sems dpa'o/ /de'i nor ni rin po che ste yid bzhin gyi nor bu'o/ /de 'phrog pa ni rin chen rigs la ste mgrin par sa brgyad pa'i gnas su'o zhes pa nges pa'o/ /mchog gi pad ma'i rigs nyid la yang gzhan gyi bud med dbrog ces pa la gzhan gyi bud med ni phyag rgya chen mo ste de 'phrog pa ni gzhan gyi bud med 'phrog pa'o/ /dbrog pa de ni mchog gi pad ma'i rigs la ste dpral bar sa bcu pa'i gnas su steng du khu ba'o zhes pa'o/ /chang dang sgron ma sangs rgyas rnams dang bzang po'i yul rnams mtha' dag 'khor lo la ri bsten par bya zhes pa la 'dir chang ni lhan cig skyes pa'i dga' ba'o/ /sgron ma ni go ku la sogs pa ste nang du dbang po lnga'o/ /sangs rgyas rnams ni bdud rtsi lnga'o/ /'khor lo la ni ste lte ba'i pad mar bsten par bya ba ni bza' bar bya ba'o/ /bshang ba dang gci ba dang khu ba phyi rol du mi 'dzag par bya'o zhes pa ni nges pa'i don to/ /g.yung mo la sogs pa'i bud med rnams ni gri gug la ste gsang ba'i pad mar smad par mi bya'o/ / mkha' yi pad mar te skye gnas su bsrubs pa la phyi rol du khu ba mi 'pho ba'i tshangs par spyod pa nges pa'o/ /sems can don gyi slad du sbyin par bya ste nor dang bcas pa bu dang chung ma la sogs pa dang lhan cig tu rang gi lus bsod nams kyi tshogs kyi don du rab tu sbyin par bya'o/ /de bzhin du tshul khrims kyi tshogs kyi don du bud med rnams kyi mkha' yi pad mar smad par mi bya'o/ /de'i phyir bsod nams dang tshul khrims kyi tshogs dag las ye shes kyi tshogs so/ /de ltar tshogs gsum gyis kye rigs kyi bu khyod yang dag par rdzogs pa'i sangs rgyas nyid du 'gyur ro/ /gzhan du mtha' yas bskal pas min par gang rgyal bas gsungs pa'o zhes pa ste rgyud thams cad las rnam par dag pa'i chos bstan pa'i nges pa'o/ /da ni chu ni sgrol ma la sogs lha mo zhes pa la sogs pas dbang gi rnam par dag pa gsungs te 'dir chu'i dbang gang yin pa de ni rlung la sogs pa'i khams lnga rnam par dag cing sgrib pa med pa nyid do/ /de bzhin du cod pan gyi dbang ni rnam par shes pa la sogs pa'i phung po lnga rnam par dag pa'o/ /dpa' bo'i dar dpyangs kyi dbang ni pha rol du phyin pa rnams yongs su rdzogs pa'i don du sbyin pa la sogs pa'i nus ma bcu'o/ /rdo rje dang rdo rje dril bu'i dbang ni la la nA dang ra sa nA rnam par dag pa ste zla ba dang nyi ma sgrib pa med pa nyid do/ /brtul zhugs kyi dbang ni gzugs la sogs pa'i yul dang mig la sogs pa'i dbang po rnam par dag pa ste lha'i mig la sogs pa la 'jug pa'o/ /ming gi dbang ni byams pa la sogs pa'i sbyor ba tshangs pa'i gnas bzhis gnas pa la dus thams cad du 'dod chags dang zhe sdang la sogs pa rnam par dag pa ste sgrib pa med pa nyid do/ /rjes gnang gi dbang ni rdzogs pa'i byang chub dpal mo chos kyi 'khor lo skor zhing chos ston pa'o/ /de yang srid pa'i 'jigs 'joms te gzhan la phan pa byed pa'i phyir ro/ /dus kyi 'khor lo rjes su rig pa ni mi 'pho ba'i bde ba rjes su rig pa ste stong pa nyid ston pa'o zhes pa nges pa'o/ /de ltar sdig pa'i dri ma 'phrog pa'i dbang bskur bdun po 'di rnams dkyil 'khor du ni yang dag rab sbyin bya ste slob dpon gyis slob ma rnams la'o zhes pa ni rdo rje slob dpon rnams kyi dbang bskur bdun sbyin pa la de bzhin gshegs pa'i nges pa'o/ /da ni dbang zhes pa la sogs pas dbang bskur ba'i 'bras bu gsungs te 'dir dbang bdun rnams kyis dkyil 'khor chen por mngon par dbang bskur bar gyur pa na dge ba'i dbang gis sa bdun gyi ni dbang phyug nyid du 'gyur/ gal te dkyil 'khor gyi 'khor lo mngon sum du byed na de'i tshe lus 'di nyid kyis sa bdun gyi dbang phyug nyid du 'gyur ro/ /ci ste mi dge ba bcu dang bral te shi bar gyur na de'i tshe de nas dge ba'i dbang gis sa bdun gyi dbang phyug nyid du 'gyur ro zhes pa nges pa ste bsod nams kyi tshogs kyis so/ /bum pa gsang bas mngon par dbang bskur slar yang phyir mi ldog pa sogs su nges par rab tu 'jug ces pa ni 'dir bum pa dang gsang ba dag gis mngon par dbang bskur ba ni tshul khrims kyi dbang gis phyir mi ldog pa mi g.yo bar 'gyur te sogs pa'i sgras legs pa'i blo gros su 'gyur ro/ /mi g.yo ba na skye gnas su bsrubs pa la byang chub kyi sems mi g.yo ba ste legs pa'i blo gros zhes pa ni bde ba chen po'i sems so/ /'dir shes rab ye shes dag gis mngon par dbang bskur na tshul khrims kyi tshogs kyi stobs kyis srid pa'i 'jigs pa 'joms pa 'jam dbyangs nyid du 'gyur zhes pa ni chos kyi sprin du 'gyur ba ste chos kyi sprin ni bde ba chen po'i char gyis rang dang gzhan gyi don byed pa'o zhes pa nges pa'o/ /de ltar bsod nams dang tshul khrims kyi tshogs sngon du 'gro ba ni ye shes kyi tshogs so/ /de las sa bcu gnyis pa la rnal 'byor pa rnams sangs rgyas nyid do zhes pa ni de bzhin gshegs pa'i nges pa'o/ /gal te g.yo sgyu'i dbang gis zhes pa mi dge ba bcu la zhugs pa'i dbang gis 'chad par 'gyur ba'i rtsa ba'i ltung ba byung na 'di rnams mtha' dag dmyal bar sdug bsngal du 'gyur te de'i dbang la sogs pa phyin ci log gi dbang gis so zhes pa ni nges pa'o/ /da ni rtsa ba'i ltung ba zhes pa la sogs pas rtsa ba'i ltung ba rnam par dag pa gsungs te 'dir gang gi tshe 'chad par 'gyur ba'i rtsa ba'i ltung ba byung bar gyur na de'i tshe dbang bdun la gnas pa dag gis sngags bzlas pa stong phrag sum bcu rtsa drug gis dag par 'gyur te yon tan ldan pa zhes pa phyis mi byed pa'i sdom pa la gnas pa yi'o/ /bum pa gsang ba'i dbang bskur ba la gnas pa la gang gi tshe rtsa ba'i ltung ba byung bar gyur na de'i tshe gal te na brtul zhugs nges pa'i dbang gis zhes pa bsod nams dang tshul khrims kyi tshogs kyi dbang gis rnam par dag par 'gyur te de nyid la slob dpon gyis brtul zhugs kyi nges pas chad pa sbyin par bya'o/ /gong ma la ni dag pa med ces pa ni shes rab ye shes kyi dbang bskur ba la gang gi tshe rtsa ba'i ltung ba byung bar gyur na de'i tshe dag pa med do/ /don ci zhe na/ de la slob dpon gyis 'di'i chad pa sbyin par mi bya ste rang gi bsod nams dang tshul khrims kyi stobs kyis bdag nyid kyis sdig pa bshags pa la sogs pa byas nas sangs rgyas dang byang chub sems dpa' rnams kyi byin brlabs dang bcas pa'i gnas su song ste bdag nyid dag pa 'thob bo zhes pa ni sangs rgyas rnams kyi bzhed pa'o/ /rtsa ba'i ltung ba byung ba gang zhig dag pa'i slad du slar yang dkyil 'khor 'dir ni 'jug bya ste zhes pa ni 'dir gang gi tshe dbang bdun la gnas pa 'am bum pa dang gsang ba'i dbang la gnas pa la rtsa ba'i ltung ba byung bar gyur na de'i tshe de dag pa'i slad du dkyil 'khor 'di bris nas slar mi byed pa'i don du slar yang dkyil 'khor du 'jug pa la sogs pa bya'o/ / de nas rjes su gnang ba thob nas slar yang tshogs kyi 'dus par zhes pa rigs kyi dbus su sngar thu bo'i ming gang yin pa de ni chung ba nyid du 'gyur te gzhon pa nyid du 'gyur ro zhes pa slar mi byed pa'i sdom pa'i slad du de bzhin gshegs pa'i nges pa ste slob ma rnams kyis gdon mi za bar bya'o/ /da ni dpal ldan zhes pa la sogs pas rtsa ba'i ltung ba rnams gsungs te 'dir rgyud thams cad las rtsa ba'i ltung ba bcu bzhi'o/ /de rnams las ji ltar so sor 'gyur ba de bzhin du gsungs pa bu rnams te dbang bskur ba'i slob ma rnams kyi rtsa ba'i ltung ba ri bong 'dzin pa zhes pa dang por 'gyur te dpal ldan bla ma'i thugs dkrugs pa las zhes pa la 'dir bla ma rnam pa gnyis te bla ma dam pa dang bla ma dam pa ma yin pa'o/ /de dag gi thugs dkrugs pa yang rnam pa gnyis te gzhan gyi don dang rang gi don las so/ /de la gzhan gyi don las gang gi thugs 'khrug pa de ni dpal ldan bla ma'o/ /rang gi don las gang gi thugs 'khrug pa de ni bla ma dam pa ma yin pa'o/ /'dir slob ma mi dge ba bcu la zhugs pas dpal ldan bla ma'i thugs dkrugs par 'gyur te thugs dkrugs pa de las rtsa ba'i ltung bar 'gyur ro/ /rang gi don la zhugs pa'i bla ma ni mi dge ba bcu la zhugs pa las ma yin no zhes pa ste nges pa'o/ /de yi bka' la 'gongs pas gzhan rtsa ba'i ltung ba gnyis par 'gyur te bla ma'i lkog tu gyur par mi dge ba bcu byed pa'i phyir ro/ /de bzhin du spun la khros pas gsum par 'gyur te gang gi tshe rdo rje'i spun rgan po 'am gzhon nu bslab pa dang ldan pa la rab tu khro bar byad na'o/ /byams pa btang bas bzhi par 'gyur te zhes pa la 'dir byams pa btang ba ni rnam pa bzhi ste chung ngu dang 'bring po dang chen po dang shin tu chen po'i dbye bas so/ /de la chung ngu ni skad cig tsam byams pa btang zhing de nas ldog par 'gyur ba ste chu la dbyug pa'i ri mo lta bu'o/ /'bring po ni bye ma'i ri mo slar yang rlung gis mnyam pa nyid du 'gyur ba lta bu'o/ /chen po'i bdag nyid ni sa gas pa slar yang dbyar gyi chus mnyam pa nyid du 'gyur ba lta bu'o/ /de bzhin du byams pa med pa'i sems shin tu chen po'i bdag nyid ni yongs su smin pa ste dper na rdo tha dad pa slar yang 'ga' zhig tu yongs su rdzogs par ro mnyam par mi 'gyur ba 'am dper na 'bras bu smin pa shing la mi gnas pa de bzhin du sems can rnams la byams pa yongs su gtong ba ste des rtsa ba'i ltung ba bzhi par 'gyur ro zhes pa ni nges pa'o/ /mda' zhes pa lnga par 'gyur te byang chub sems ni rab tu nyams pa las zhes pa la 'dir byang chub kyi sems ni khu ba ste de nyams pa las 'pho ba med pa'i bde bar mi 'gyur ro/ /de'i phyir de kho na nyid med pa dbang po gnyis kyi bde bas sangs rgyas nyid 'dod pa rnams la rtsa ba'i ltung ba lnga par 'gyur ro/ /drug pa grub pa'i mtha' la smod pa ste grub pa'i mtha' ni shes rab kyi pha rol tu phyin pa dang sngags kyi tshul la de kho na nyid kyi le'u 'o/ /de la smod pa gang yin pa de ni drug pa'o/ /ri bo zhes pa bdun par 'gyur te ma smin pa'i mi nyan thos kyi lam la gnas pa la gsang ba byin las zhes pa bde ba chen po byin pa las slob dpon rnams la ltung ba'o/ /phung po nyon mongs pa las klu zhes pa brgyad pa ste phung po nyon mongs pa la sogs pa ni bsnyung bar gnas pa la bkod pa la sogs pa dang lus gcod pa la sogs par brjod de de las brgyad par 'gyur ro/ /slar yang dgu pa ni dag pa'i chos te stong pa nyid kyi chos la ma dad par gyur pa gang yin pa'o/ /sgyu yi byams pa ni kha nas tshig gzhan 'don zhing snying la gzhan sems pa ste sgyu yi byams pa gang yin pa de ni phyogs zhes pa bcu pa'o/ /ming sogs bral ba bde ba ster la zhes pa de bzhin gshegs pa'i de kho na nyid la rtog pa gang yin pa de ni drag po zhes pa ste bcu gcig pa'o/ /dag pa'i sems can dag la ste rnal 'byor pa la skyon brjod pa las nyi ma zhes pa bcu gnyis par 'gyur ro/ / tshogs kyi 'khor lor dam tshig thob par gyur pa gtong ba las gzhan te bcu gsum par 'gyur ro/ /bud med thams cad la smod pa gang yin pa de ni nges par te gdon mi za bar ma nu zhes pa bcu bzhi par 'gyur ro zhes pa nges pa'o/ / gang dag rdo rje'i theg par gnas pa rnams la ste dbang bskur ba rnams la'o zhes pa rdo rje 'dzin pa'i nges pa'o/ /ltung ba sbom po rnams ni du ma ste de rnams la chad pa shin tu chung bar 'gyur ro zhes pa ni nges pa'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las dkyil 'khor du dbang bskur ba'i mdor bsdus chen po ste bzhi pa'o// // rab gnas byas nas lhar bcas lha min dbang po dang / /klu dang mi dbang tshogs kyis gang la phyag byas pa/ /dus kyi 'khor lo de la spyi bos rab btud nas/ /sku gzugs la sogs rnams kyi rab gnas brjod par bya/ /'dir dpal mchog gi dang po'i sangs rgyas las rab tu gnas pa'i cho ga 'jam dpal gyis tshigs su bcad pa bzhi lhag pa'i brgya pa la sogs pas phyung ba ni rgyas 'grel gyis dgrol bar bya'o/ /klu dang zhes pa la sogs pa ni 'dir dang por 'chad par 'gyur ba'i bum pa la sogs pa'i dbang bskur ba rnams kyis mngon par dbang bskur te de nas rgyud thams cad shes shing dam bca' ba la gnas pa'i slob ma ni rdo rje slob dpon bdag po'i slad du bla mas dbang bskur bar bya'o/ /kye dpal ldan bla ma khyod kyi bka' drin las da ni bdag gis bde bar gshegs pa'i lam thams cad shes so zhes bla ma la zhus nas dam bca' ba bya ste dus 'di nas brtsams te khyod dang sangs rgyas dang byang chub sems dpa' rnams spangs nas bla ma gzhan bsten par mi bgyi'o/ / yon tan thams cad dang ldan pa'i slob ma dam bca' ba la gnas pa gzigs te de nas sngar brjod pa'i rgyal ba dang rnam par rgyal ba'i bum pa rnams te de rnams klu zhes pa brgyad dang bzhi dang bum pa gcig gis bdag po rnam pa gsum la sbyin par bya ste klu rnams kyis dge slong rdo rje 'dzin pa la'o/ /bzhi yis dge tshul la'o/ /gcig gis khyim pa la ste de ltar sngar gsungs pa'i cho gas sman la sogs pa dang ldan pa'i bum pa rnams kyis bkru ste/ 'dir dkyil 'khor gyi khang pa'i phyi rol du mnyam pa'i sa'i char khru bzhi pa la ra ba lnga'i re khA byas nas dbus su khru gnyis pa'i pad ma 'dab ma brgyad pa mtshan ma lnga dang bral ba kha dog sna tshogs pa'o/ /'di nyid ni gdan gyi pad ma ste shing stan gyi steng du tshon sna lngas bri bar bya'o/ /pad ma de'i dbus kyi steng du dge slong bkod nas bum pa brgyad rgyal ba dang rnam par rgyal ba dang bcas pa bcus khrus bya ste bu mo gzugs mdzes shing rgyan thams cad dang ldan pa bu ma skyes pa brgyad dang gzhon nu ma skye gnas ma nyams pa gnyis kyis mgo bor cod pan dar dpyangs dang phyag rgya drug dang bcas pa bcings te khrus bya'o/ /gdug pa sdigs par byad pa'i mchog /gang gi ngur smrig mthong ba yis/ /lha min sa yi 'og tu 'gro/ /dge slong rdo rje 'dzin pa bya zhes pa ste de ltar na klu rnams kyis ni dpal ldan cod pan bcing ste nor 'dab pad mar zhes bya'o/ /dge tshul la yang dar dpyangs bcing bar bya ste bu mo bzhi dang gzhon nu ma gnyis kyis dar dpyangs phyag rgya dang bcas pa bcings te rdul tshon gyi pad ma spangs shing re khA lnga byas pa'i dbus su shing stan byin nas khrus bya'o/ /de ltar slob dpon 'bring po'o/ /de nas phyag rgya la ni zhes pa mthe bo'i rdo rje byin nas bum pa gcig dang rnam par rgyal bas bu mo gcig dang gzhon nu ma gcig gis khrus bya'o/ /re khA lnga spangs shing spyi'i byug pas re khA gsum byas nas thun mong gi gdan byin la khrus bya ste slob dpon tha ma'o/ /de ltar rim pa ji lta ba bzhin du khru bzhi pa dang khru gnyis pa dang khru gcig pa'i gdan byas nas dge slong dang dge tshul dang khyim pa rnams la rdo rje slob dpon gyis dbang bskur ba dang rgyud bstan pa'i don du gsung ngam rjes su gnang ba sbyin par bya'o zhes pa ni nges pa'o/ /de nas dang por zhes pa la sogs pas dbang gi rnam par dag pa gsungs pa 'dir dang por dbang bdun po chu'i ming can dag la mngon par dbang bskur bar gyur pa ni sa bdun par lung bstan pa'i phyir dge bsnyen du brjod de des na dge bsnyen du 'gyur ro zhes pa ni nges pa'o/ /bum pa la yang dge tshul dag tu 'gyur te mi g.yo bar lung bstan pa'i phyir sangs rgyas kyi sras po ste gzhon nu zhes pa'i don to/ /de nas gsang ba'i dbang la dge slong du 'gyur te legs pa'i blo gros su lung bstan pa'i phyir sangs rgyas kyi rgyal tshab bo/ /de nas gong ma gsum pa'i byed pa ste shes rab ye shes kyi dbang la mngon par dbang bskur ba ni gnas brtan zhes pa chos ston par byed pa dang slob ma sdud pa por 'gyur te chos kyi sprin la lung bstan pa'i phyir sangs rgyas gnyis pa nyid do/ /de bzhin du mtshan yang dag par brjod pa las bcom ldan 'das kyis gsungs pa/ 'jig rten gsum gcig gzhon nu'i sku/ /gnas brtan rgan po skye dgu'i bdag /sum bcu rtsa gnyis mtshan 'chang ba/ /sdug gu 'jig rten gsum mdzes pa zhes dang / de bzhin du/ phyir mi ldog pa phyir mi 'ong / /'dren pa rang rgyal bse ru'i tshul/ /nges 'byung sna tshogs las byung ba/ /'byung ba chen po rgyu gcig po/ /dge slong dgra bcom zag pa zad/ /'dod chags bral ba dbang po thul/ /bde ba rnyed pa 'jigs med thob/ /bsil bar gyur pa rnyog pa med ces pa dang / de bzhin du/ mgo zlum brtul zhugs chen po 'chang / /tshangs par spyod pa brtul zhugs mchog /dka' thub mthar phyin dka' thub che/ /gtsang gnas dam pa gau ta ma/ /bram ze tshangs pa tshangs pa'i rig /mya ngan 'das pa tshangs pa thob/ /grol ba thar pa rnam grol sku/ / rnam grol zhi ba zhi ba nyid ces pa ste slob dpon gyi dbang ngo / /de nas sku dang gsung dang thugs rdo rje byed pa'i slad du rdo rje sku'i phyag rgya sbyin par bya'o/ /dar dpyangs cod pan sbyin pa bya ba ni khyab 'jug byed pa'i slad du ste thugs rdo rje byed pa'i slad du'o zhes pa'i don to/ /rdo rje mchod phyir thogs gser gyi rang bzhin nam skud pa'i rang bzhin ni tshangs pa byed pa'i slad du ste sku rdo rje byed pa'i slad du sbyin par bya'o/ /rgan po dang gzhon nu de rnams la slob dpon slad du rang gi rgyal ba'i rigs kyi dbang gis zhes pa me tog lhung ba'i dbang gis phyag rgya rnam par dag pa dbang bskur ba nyid sbyin par bya ba ni gsung gi rdo rje rnam par dag pa byed pa'i slad du ste dbang phyug chen po byed pa'i slad du'o/ /de ltar/ tshangs pa sku yi rdo rje 'dzin/ /gsung gi rdo rje dbang phyug che/ /rgyal po thugs kyi rdo rje 'dzin/ /de yang khyab 'jug rdzu 'phrul che/ /rdo rje slob dpon zhes dang / de bzhin du mtshan yang dag par brjod pa las bcom ldan 'das kyis gsungs pa/ gtsug pud phud bu lcang lo can/ /ral pa mun dza cod pan thogs/ /gdong lnga zur phud lnga dang ldan/ /zur phud lnga pa me tog thod ces pa ste rgyud gzhan thams cad la bcom ldan 'das kyi nges pa'o/ /'dir ston pa po'i dbang la mngon par dbang bskur ba'i dge slong ngam dge tshul lam khyim pas g.yog la sogs pa'i chos dang khyim pa'i chos mi bya'o/ /gal te ral gri dang snag tsha dang tshong la sogs pa byed na de'i bka' bcag par 'gyur zhing bka' bcag pa las mnar med par 'gro bar 'gyur te slob dpon gyi chos rnam par bshig pa'i phyir ro/ /rdo rje slob dpon bdag po'i dbang gi cho ga'i rab tu gnas pa'i nges pa'o/ / 'dir sku gzugs la sogs pa rnams kyi rab tu gnas pa ni steng du bla re bkod cing sa yi mthil gyi gnas dag tu yang ri mo gsum ni kun nas so zhes pa la sogs pa'i tshigs su bcad pa nas brtsams pa tshigs su bcad pa bcu gnyis ni go sla ste/ ji srid slob mas smon lam gdab pa dang yongs su sngo ba byed pa bsod nams 'di yis sems can rnams ni rnam gsum srid par gnas pa'i bla med byang chub thob par shog ces pa'i mthar thug pa rab tu gnas pa'i cho ga ni go sla'o/ /des na rgyas 'grel ma byas so/ /da ni ji srid phyogs kyi lo zhes pa la sogs pas dbang gong ma'i cho ga gsungs te 'dir bum pa la sogs pa'i dbang gi don du phyag rgya ni ji srid phyogs kyi lo zhes pa lo bcu'i bar ni spang bar bya ste gzhon nu ma'i phyir ro/ /shes rab kyi pha rol tu phyin pa gcig pu rnam pa bcur 'gyur te lo so sor sbyin pa la sogs pa rnam par dag pas so/ /de la yang ji srid so lhung bar ma gyur pa de srid du ye shes kyi khams te mi zad pa nyid kyi phyir ro/ /de nas so lhung nas nam mkha'i khams so/ /de ltar khams gnyis kyis gzhon nu ma skye gnas ma nyams pa'o/ /des na de ni blta bar bya ba dang reg par bya ba dang mchod par bya'o/ /lo bcu po de nas lo bcu gcig pa dang por byas nas ji srid lo nyi shu'i mthar 'khyud par bya ste ro dang bcas pa'i chu gter zhes pa ni drug dang bcas pa'i bzhi'o/ /g.yo ba la sogs te rlung la sogs pa rnams ni bsten par bya'o/ /de'i phyir lo bcu gcig ma la rlung gi khams so/ /bcu gnyis ma la me dang bcu gsum ma la chu dang bcu bzhi ma la sa'o zhes pa ste bzhi'o/ /bcwa lnga ma la sgra dang bcu drug ma la reg bya dang bcu bdun ma la ro dang bcwa brgyad ma la gzugs dang bcu dgu ma la dri dang nyi shu ma la chos kyi khams so/ /de nas lo ni nyi shu yan chad phyag rgya mchog tu 'jigs byed ma ste khro bo 'byung po lha min cha ni 'dir lo nyi shu'i phyi nas nyi shu rtsa gcig nas brtsams te lo so so rnams ni grangs bzhin du shin tu sngon mo dang shin tu stobs ldan ma dang rmugs byed ma dang khengs ldan ma dang rengs byed ma dang 'od zer can ma dang tsun dA dang khro gnyer can ma dang rdo rje lcags sgrog ma dang drag spyan ma ste khro bo bcu'i lha mo rnams so/ /de nas lo sum bcu rtsa gcig nas brgyad ni 'byung po'i cha ste tsar tsi kA dang phag mo dang drag mo dang dbang mo dang tshangs ma dang dpal chen mo dang gzhon nu ma dang khyab 'jug ma'o/ /de nas lo sum bcu rtsa dgu nas brgyad ni lha min gyi cha ste khyi gdong ma dang phag gdong ma dang stag gdong ma dang lce spyang gdong ma dang mkha' lding gdong ma dang 'ug gdong ma dang bya rgod gdong ma dang bya rog gdong ma ste ji srid lo bzhi bcu rtsa drug gi bar du ni phyag rgya bsgom pa'i don du'o/ /dbang gi don du ni slar yang drug dang gsum ste bde mnyam 'bras bu ster ba zhes pa me'i khams nas brtsams te ji srid chos kyi khams kyi bar du'o/ / rlung gi khams ni rdul med pa nyid kyi phyir gzung bar mi bya'o zhes pa nges pa'o/ /'dir dbang gong ma ni rnam pa gnyis te gcig ni sems can gzhug pa'i don dang lam yongs su shes pa'i don dang rgyud nyan pa la dbang ba'i don du'o/ / gzhan ni slob dpon chen po'i gnas sbyin pa dang ston pa po byed pa'i slad du'o/ /dang por dbang 'di la re shig skrag pa dang 'khrul pa'i sems la sogs pa'i skyon dang bral ba lo bcu gnyis ma la sogs pa yongs su smin pa ni slob mas bla ma la dbul bar bya'o/ /de nas gsol ba gdab pa la sogs pa byas nas slob mas bla ma la 'chad par 'gyur ba'i bstod pas gsol ba gdab par bya'o/ /de nas bla ma mnyes pas 'jig rten kun rdzob kyis rang gi phyag rgya'i nu ma la reg par byed du gzhug ste des na bum pa'i dbang ni de nyid do/ /de nas gsang ba'i mchod pa byas nas slob ma la bdud rtsi sbyin zhing phyag rgya'i b+ha ga yang gsal bar byed du gzhug go/ des na ri bong 'dzin pa myang ba dang lta ba dag gis gsang ba'i dbang du 'gyur ro/ /de nas shes rab ye shes dbang la oM yig la sogs pa'i sa bon rnams kyis rigs lnga'i cha dang ldan par bya zhing de nas bla mas rgyal ba ste rdo rje sems dpa' dbang du byas nas lag bcangs dang gnyis gnyis 'khyud pa byed pa'i ched du phyag rgya de slob ma la sbyin par bya'o/ /ji ltar skal ba ngan pa'i sems can 'di ni sgom pa la sogs pa la dbang ba dang rgyud mnyan pa'i ched du ste sems can rnams la rgyud bstan pa dang dkyil 'khor bri ba'i ched du ni ma yin no zhes pa dang por slob ma gzhug pa la dbang bskur ba'i nges pa'o/ /de bzhin du slob dpon ni rgod pa yon tan gnyis kyi bdag nyid khu ba'i bde ba rnam par dag pas so/ /gsang ba zhes pa ni lta ba yon tan gsum gyi bdag nyid rnam par dag pas so/ / lag bcangs zhes pa ni yon tan bzhi'i bdag nyid rnam par dag pas so/ /gnyis gnyis zhes pa ni yon tan lnga'i bdag nyid khu ba'i bde ba rnam par dag pas so zhes pa la sogs pa ni 'chad par 'gyur ba'i le'u lnga pa'i mchog tu mi 'gyur ba'i ye shes grub pa las brjod par bya'o/ /sems can gzhug pa'i slad du 'jig rten kun rdzob kyi dbang rnam pa bzhi'i nges pa'o/ /de nas rgyas 'grel dang bcas pa'i rgyud thams cad thos shing shes par gyur pa na bdag po chen po nyid kyi ched du go rims ji lta ba bzhin gsungs pa'i rig ma bcu po rnams khyim na gnas pa'i slob mas bla ma la dbul bar bya'o/ /'dir rtsa ba'i rgyud las bcom ldan 'das kyis gsungs pa/ sring mo'i bu mo bu mo dang / /sring mo de bzhin skyed byed ma/ /de bzhin chung ma'i ma dang ni/ /de bzhin zhang po'i bud med dang / /pha yi spun zla'i chung ma dang / /de bzhin pha yi sring mo dang / /rang gi ma yi spun zla nyid/ /rang gi chung ma mchog gzugs can/ /sgrol ma la sogs chos khams mthar/ /rang rigs las skyes rig ma bcu/ /thar pa 'dod pa'i khyim pa yis/ /dbang gi dus su rab sbyin bya/ /rig ma 'di rnams rigs bsrung phyir/ /gal te bla mar mi 'bul na/ /de tshe khyim na gnas rnams la/ /gzhan gyis dbang bskur sbyin mi bya/ /dkyil 'khor du ni dbang bskur ba'i/ /dmangs rigs skyes sogs gzhan rnams kyis/ /dge slong dge tshul rnams la ni/ /bla mas sbyin bya mi yi bdag /rlung sogs rim pas dmangs rigs mo/ /rgyal rigs de bzhin bram ze mo/ /rje mo g.yung mo nya pa mo/ /gar ma de bzhin tshos mkhan mo/ /ko lpags byed ma gtum mo ni/ /mthar skyes chos khams ma ste bcu/ /rig ma chen mor yang dag brjod/ /longs spyod grol 'bras rab tu ster zhes pa ste de ltar gsungs pa'i rim pas pha rol tu phyin pa bcu dang dbang bcu dang sa bcu dang stobs bcu rnams rnam par dag par 'gyur ro/ /de bzhin du mtshan yang dag par brjod pa'i chos kyi dbyings kyi bstod pa las bcom ldan 'das kyis gsungs pa/ sangs rgyas rnam par snang mdzad che/ /thub pa chen po thub chen ldan/ /gsang sngags tshul chen las byung ba/ /gsang sngags tshul chen bdag nyid can/ /pha rol phyin bcu thob pa ste/ /pha rol phyin pa bcu la gnas/ /pha rol phyin bcu dag pa ste/ /pha rol phyin pa bcu yi tshul/ /mgon po sa bcu'i dbang phyug ste/ /sa bcu la ni gnas pa po/ /shes bcu rnam dag bdag nyid can/ /shes bcu rnam dag 'chang ba po/ /rnam pa bcu po don bcu'i don/ /thub dbang stobs bcu khyab pa'i bdag / kun gyi don ni ma lus byed/ /rnam bcu dbang ldan che ba po zhes pa ste bdag po nyid byed pa'i slad du dkyil 'khor chen po'i slob dpon gyi go 'phang mngon par 'dod pas phyag rgya bcu dbul bar bya'o zhes pa ni de bzhin gshegs pa'i nges pa'o/ /de ltar slob mas bla ma la phyag rgya bcu phul te de nas bka' stsal don du gnyer bar bya'o/ /kye bcom ldan 'das pha rol tu phyin pa thams cad thob ba da ni bdag gis ci zhig bgyi de nas slob dpon gyis gsungs pa bcu'i nang nas rang gi chung ma 'di bzung nas de dang lhan cig tu bdag la gsol ba gdab pa byos shig dge slong dang dge tshul rnams la ni gtum mo rang gi chung mar bya'o/ /de nas bla ma'i nges pas de bzung nas gnyis kyis gser la sogs pa'i me tog rnams kyis maN Dal byas te de nas gsol ba gdab par bya'o/ /sgrib pa thams cad bcom pa yi/ /dus kyi 'khor lo khyod la 'dud/ /mchog tu mi 'gyur bdes gang ba/ /ye shes sku khyod la phyag 'tshal/ /stong nyid snying rje dbyer med pa/ /byang chub sems ni 'gyur med gang / /dbang bskur de yis bdag la ni/ /mgon po de ni bka' drin mdzod/ /bu dang chung ma sogs bcas pa/ /bdag ni dus kun khyod kyi 'bangs/ /ji srid byang chub snying po'i mthar/ /bdag la skyabs gzhan yod ma yin zhes pas gsol ba btab par gyur pa'i slob ma chung ma dang bcas pa gzigs nas slob dpon gyis sgra rdo rje ma rgyan thams cad bkrol zhing gcer bur byas pa la 'khyud du gzhug par bya'o/ /khyim pa rnams ni chung ma'i ma la'o/ /de nas shar du sgrol ma dang lhor gos dkar mo dang byang du mA ma kI dang nub tu spyan ma dang mer reg bya rdo rje ma dang bden bral du ro rdo rje ma dang dbang ldan du gzugs rdo rje ma dang rlung du dri rdo rje ma ste rnal 'byor ma'i 'khor lo gcer mo skra grol ma phyag na gri gug dang thod pa can rnams dgod par bya ste rig ma dgu po rnams kyis rim pa bzhin du'o/ /de ltar sngar dbang bskur ba ni chu la sogs pas rnam pa bdun no/ /de nas gong ma'i dbang ni spyi'i las kyi phyag rgyas so/ /gong ma'i yang gong ma'i dbang ni dmangs rigs las skyes pa la sogs pa'i phyag rgya dbul ba'i don du sngar gsungs pa bcu po rnams kyis so/ /klu ste bum pa brgyad dang rgyal ba dang rnam par rgyal ba'i bum pa dag gis dge slong la khrus bya'o/ /dge tshul la de rnams kyi nang nas phyag rgya drug gis bum pa bzhi dang rgyal ba dang rnam par rgyal ba'i bum pa dag gis khrus bya'o/ /khyim na gnas pa la dgu po de rnams kyi nang nas gcig dang rang gi chung mas bum pa gcig dang rnam par rgyal ba'i bum pas mngon par dbang bskur bar bya ste sngar gsungs pa'i cho gas so/ / de nas phyag rgya gtang bya ste/ bum dbang sbyin pa'i don du'o zhes pa 'dir ni rgyan rnams thams cad dang ldan zhun ma'i gser dang mtshungs shing bcu gnyis lo lon mdzes ma'i bu mo lo nyi shu'i mthar thug pa khrag ldan te rdul dang ldan pa la shes rab thabs kyi bdag nyid dag gis zhes pa 'chad par 'gyur ba'i lha'i rnal 'byor gyis rang gi rdo rje nor bus 'dod spyad nas/ sa bon dang bcas rdo rje dag kyang gong ma'i gong ma'i dbang la slob ma dag par shes nas kha ru 'phang ba byas nas ni/ phyi nas rang gi phyag rgya sbyin bya ste slob dpon gyis gang la 'khyud pa'o/ /yang na bu'i chung ma la slob dpon rang gis mngon par bgrod de de nas dbang gi dus la bab pa na slob ma la slar yang rang gi chung ma gtad par bya'o/ /'dir bum pa'i dbang la shes rab kyi nu ma la thabs kyis reg par bya zhing bla mas slob ma'i chung ma'i nu ma la reg par bya'o/ /gsang ba'i dbang la slob ma dang chung ma'i khar rdo rje gzhug par bya ste slob ma'i mig bcings nas bla mas shes rab kyi na ra nA si ka gzhib par bya'o/ /de nas shes rab ye shes gyi dbang gi ched du slob dpon gyis rang gi chung ma phyag rgyar gtad par bya'o zhes pa ni thams cad du bdag po chen po'i dbang gi cho ga'o/ /gal te phyag rgya bcu yod na de'i tshe gang dang gang la 'dod pa spyod par nus pa'i slob ma la de dang de gtad par bya ste mtshan mo phyed nas chu tshod gnyis kyi rjes la nyi ma 'char ba ji srid par ro/ /de nas tshogs kyi 'khor lo gshegs su gsol bar bya ste gshegs su gsol nas slob ma la sdom pa sbyin par bya'o/ /khyad par dga' ba'i mthar lhan cig skyes pa'i skad cig bdag gis brjod pa gang yin pa 'di ni kun rdzob ste thig le gsum gyi mthar gang yin pa de ni don dam par mi 'gyur ro/ /don dam par rnal 'byor pa rnams kyi bde ba ni 'pho ba med pa'o/ /des na bde ba chen po 'di ni khyod kyis bsrung bar bya'o/ /de bzhin du dang po'i sangs rgyas las bcom ldan 'das kyis gsungs pa/ las kyi phyag rgya'i rab sbyor dang / /ye shes phyag rgya'i rjes chags la'ang / /bde ba chen po byang chub sems/ /brtul zhugs brtan pos bsrung bar bya/ /b+ha gar ling ga rab bzhag nas/ /byang chub sems ni spro mi bya/ khams gsum po ni ma lus pa'i/ /sangs rgyas gzugs ni bsgom par bya/ /bsrungs pa 'di nyid kho na yis/ /skye ba 'di la sangs rgyas nyid/ / tshul khrims tshogs ni yang dag rdzogs/ /bsod nams ye shes yang dag ldan/ /pha rol phyin bcu thob pa yi/ /rdzogs pa'i sangs rgyas dus gsum 'jug /'di yis rdzogs sangs rgyas kun gyis/ /chos kyi 'khor lo rab tu skor/ /rang dang gzhan don bsgrub pa'i slad/ /stong nyid snying rje dbyer med pa/ khams gsum dbang phyug ye shes ni/ /'di las gzhan pa yod ma yin/ /skyob pa kun gyi sdom pa ni/ /gal te khyod srung bdag gi bu/ /de tshe sangs rgyas thams cad kyis/ /byin brlabs rdzogs byang chub 'thob 'gyur/ /ci ste chags pas zil mnan bdag /gtso bo'i mdun du blangs nas ni/ /sdom pa skyong bar mi byed na/ /de tshe ngu 'bod du 'gro 'gyur/ /dman pa'i sems las skye gnas su/ /gang tshe byang chub sems lhung gyur/ /de tshe phyag rgyar shes nas ni/ /pad ma'i phyi rol rang lces blang zhes so/ /skrag dang zhes pa la sogs pa ni go sla'o/ /slob dpon gyis slob ma la sdom pa byin nas slob mas kyang bla ma la yon dbul lo/ /slar yang maN Dal byas nas gsol ba gdab par bya ste bcom ldan 'das bdag la dbang bskur ba'i rab tu byed pa'i bka' drin mdzad du gsol/ /de nas bla mas slob ma bos te bu khyod nyon cig kun rdzob ji lta ba bzhin du sems can thams cad kyi thun mong gi bde ba dga' ba bcu drug gi mtshan nyid ni tshigs su bcad pa nyi shu rtsa gnyis lhag pa'i brgya pa la sogs pa rnams kyis mchog gi dang po'i sangs rgyas las 'jam pa'i rdo rjes phyung ba 'dod pa skyod par zhes pa la sogs pa ste 'dir 'gro ba thams cad kyi yid la 'dod pa skyod par byed pa ni dang po dga' ba'o/ /de nas gang ba'i gnas skabs ni shes rab la 'khyud pa la sogs pas dpral bar byang chub kyi sems rdzogs pa nyid kyi phyir gang ba nyid du 'gyur ba ste gnyis pa mchog dga'o/ /gang ba yan lag mchog las ri bong 'dzin pa khu bar byas nas thig le 'dzag pa ni 'khrig pa la 'bar ba'i gnas skabs te gsum pa khyad par dga' bar byed do/ / de nas oD+Da'i gnas skabs ni thig le 'pho ba'i dus su sku dang gsung dang thugs kyi thig le rnams kyi mthar thig le bzhi pa 'byung ba'i dus na lhan cig skyes pa'i dga' ba byed do/ /de ltar tshes gcig la sogs pa'i cha lnga lnga po nam mkha' dang rlung dang me dang chu dang sa'i rang bzhin dga' ba dang bzang po dang rgyal ba dang stong pa dang rdzogs pa'i ming can a i r-i u l-i ka /a e ar o al tsa/ /ha ya ra wa la Ta ces pa'i dbyangs 'di dag gi chos can rnams kyis te de ltar lnga pa ni dga' ba rdzogs pa'o/ /bcu pa ni mchog dga' rdzogs pa'o/ /nya ni khyad par gyi dga' ba rdzogs pa'o/ /lhan cig skyes pa'i dga' ba zhes pa ni cha bcu drug pa ste khams thams cad bsdus pa dang tshogs pa dang 'dus pa dang sdom pa'o/ /de ltar byang chub kyi sems kyi chags pa ni dkar po'i phyogs te chags bral ni nag po'i phyogs so/ /de bzhin du mtshan yang dag par brjod pa las bcom ldan 'das kyis gsungs pa/ chags bral dang po chags pa che/ / kha dog sna tshogs 'bar ba'i 'od/ /rdo rje rdzogs sangs rgyas pa'i gnas/ /sangs rgyas brjod pa'i chos 'dzin pa zhes pa dang de bzhin du/ rnam pa kun ldan rnam pa med/ /bcu drug phyed phyed thig le 'chang / /cha med cha las 'das pa po/ /bsam gtan bzhi pa'i rtse mo 'chang zhes pa ni bcom ldan 'das kyi nges pa'o/ /de ltar don dam pas le'u lnga pa las phyag rgya chen po'i ye shes rgya cher brjod par bya ste des na 'dir rgyas par ma byas so/ /da ni 'dod pa zhes pa la sogs pas dga' ba bcu drug po rnams kyi sbyor ba bzhi gsungs pa 'dir sems can thams cad kyi sad pa dang rmi lam dang shin tu gnyid log pa dang bzhi pa'i dbye bas sku dang gsung dang thugs dang ye shes kyi sbyor ba ste de dag kyang dga' ba la sogs pa'i dbye bas bcu drug go/ de la 'dod pa zhes pa ni sku'i dga' ba'o/ /dga' ba zhes pa ni gsung gi dga' ba'o/ /'dar ba zhes pa ni thugs kyi dga' ba'o/ /'gyur med ces pa'i ming gis ye shes kyi dga' ba'o/ /de ltar bzhi po yis dga' ba'i sbyor ba gcig go/ de bzhin du gang ba zhes pa ni sku'i mchog dga'o/ /'dir mchog gi dga' ba la sogs pa gsum po rnams mtha' ma dang por byas nas gsung dang thugs dang ye shes rdo rje rnams te sdeb sbyor gyi dbang gis so/ /de'i phyir mchog gi dga' ba ni zhes pa gsung gi mchog dga'o/ /skye ba zhes pa ni thugs kyi mchog dga'o/ / nus pa zhes pa ni ye shes kyi mchog dga' ste gnyis pa'i sbyor ba'o/ /'bar ba zhes pa ni sku'i khyad par dga' ba'o/ /khyad par dga' ba zhes pa ni gsung gi khyad par dga' ba'o/ /gnyid yur zhes pa ni thugs kyi khyad par dga' ba'o/ /thig le zhes pa ni ye shes kyi khyad par dga' ba ste gsum pa'i sbyor ba'o/ /de bzhin du oD+Da zhes pa ni sku'i lhan cig skyes pa'i dga' ba'o/ /lhan cig skyes pa'i dga' ba zhes pa ni gsung gi lhan cig skyes pa'i dga' ba'o/ / gnyid ces pa ni thugs kyi lhan cig skyes pa'i dga' ba'o/ /nA da zhes pa ni ye shes kyi lhan cig skyes pa'i dga' ba'o/ /de bzhin du sprul pa dang longs spyod rdzogs pa dang chos dang ngo bo nyid kyi dbye bas sku rnam pa bzhi dang de bzhin du gsung rnam pa bzhi dang thugs rnam pa bzhi dang ye shes rnam pa bzhi'o/ /de bzhin du dga' ba bcu drug gi dbye ba ni 'chad par 'gyur ba las rgya cher brjod par bya'o/ /bcu drug gi mthar lhan cig skyes pa'o zhes pa ni nges pa'o/ /da ni sems kyi zhes pa la sogs pas las kyi phyag rgya'i rnam par dag pa gsungs pa 'dir rgyud thams cad las ma la sogs pa'i phyag rgya rnams thun mong gis gsungs te rnal 'byor pa rnams rjes su chags pa byed pa'i slad du'o/ /de yang byang chub kyi sems brtan par byas pa rnams kyi yin gyi gzhan rnams kyi ni ma yin no/ /gzhan rnams kyi 'jig rten gyi tha snyad dang ldan pa'i bud med gnas skabs kyi dbye bas ma la sogs par 'gyur ro/ /'dir gang gi tshe rnal 'byor pa bud med la sems par byed na de'i tshe sems kyi bsam pa byas pas mar 'gyur ro/ /reg pas ni sring mo'o/ /rdo rje zhugs pas bu mor 'gyur ro/ /byed pa dang bcas shin tu dga' bas sring mo'i bu mo nyid du 'gyur ro/ /thig le lhung bar gyur na chung ma'o/ /gzhan gyi rigs la gnas pa gtum mo'i rnal 'byor mar ni 'dod chags nyams par gyur pa las te chags bral las 'gyur ro/ /'di rnams rnal 'byor phyag rgya drug ste rnal 'byor pa rnams kyi sa la sogs pa rnams so/ /'dir dang por sa'i khams 'khrug go/ de bzhin du chu dang me dang rlung dang nam mkha'i khams rnams 'khrug ste 'khrug pa rnams 'dzag go/ de'i phyir sa chu bsreg za rlung dang mkha' dang chad pa'i dngos rnams te gnas skabs drug go/ de bzhin du g.yas dang g.yon gyi dkyil 'khor lnga zad pa yang 'pho ba'i dus su rig par bya ste ma la sogs pa rnam par dag pas so/ /'khor lo dang rna cha dang mgul rgyan dang lag gdub dang ske rags dang thal ba rnam par dag pas rnal 'byor pa rnams kyi phyag rgya rnams te de bzhin du sbyin pa la sogs pa'i pha rol tu phyin pa drug rnam par dag pas so zhes pa ni nges pa'o/ /da ni chu skyes zhes pa la sogs pas sku la sogs pa'i phyag rgya gsum gsungs te 'dir rgyud thams cad las phyi rol du drang ba'i don gyis dpral bar sku'i phyag rgya dang mgrin par gsung gi phyag rgya dang snying khar thugs kyi phyag rgya'o/ /nges pa'i don gyis kyang chu skyes la ni rdo rje rab zhugs te rdo rje rtag tu langs pa ni sku'i phyag rgya'o/ /rtse mo can la rlung dang zhes pa rtsa dbu ma la srog gi rlung rab tu zhugs pa gsung gi phyag rgya'o/ /thig le mi ltung ba ni thugs kyi phyag rgya'o/ /'di rnams rnal 'byor gsum gyi ste dbu ma la rten pa'i sku dang gsung dang thugs kyi phyag rgya rnams su grangs bzhin du 'gyur ro/ /de'i steng du chags dang chags bral mthar gyur dang po zhes pa la chags pa ni dkar po'i phyogs te de'i mthar gyur pa'o/ /chags bral ni nag po'i phyogs te de'i dang po'o/ /de ltar chags dang chags bral mthar gyur dang po ni cha bcu drug par gnas pa ste ji srid mi 'dzag pa de srid du de ni mtha' dag yon tan gyi gter 'gyur ba med pa'i bde ba sbyin pa po rnal 'byor rnams kyis rtogs bya bzhi pa'o zhes pa ni rnal 'byor pa rnams kyi yan lag drug gi sbyor ba kho nas rtogs par bya ba ste gzhan rnams kyis ni ma yin no/ /phyag rgya rnams las te snga ma dang phyi ma dgu po rnams las de ni legs pa'i ma skyed byed mar mngal nas skyes pa'i dus nas brtsams te 'chi ba'i mthar 'gyur ro/ /rnam bcu ni de du ba la sogs pa'i dbye bas sbyin pa la sogs pa'i pha rol tu phyin pa ste dpal ldan bla ma rdo rje sems dpa'i zhal 'di'o zhes pa ni ye shes kyi zhal bzhi pa'o zhes pa'i don to/ /de ni ngo bo nyid kyi sku'i chos can no zhes pa nges pa'o/ /de ltar slob ma dbang bskur ba'i don du phyag rgya'i mtshan nyid rab tu bstan nas tshogs kyi 'khor lo'i slad du bla mas nges pa sbyin par bya'o/ /de la rigs sum bcu rtsa drug gi lha mo rnams spyan drang bar bya ste/ de nas nyin mo'i dus su gzhon nu dang gzhon nu ma bcu la 'o thug la sogs pa dngar ba'i zas kyis ston mo byas te yon phul nas gshegs su gsol bar bya'o/ /de nas chu tshod bdun pa la dge slong dang dge slong ma'i dge 'dun dngar ba'i kha zas sha dang bral ba rnams kyis yang dag par mchod cing sangs rgyas gtso bor byas nas dge 'dun la yon phul te 'phags pa'i dge 'dun chen po gtsug lag khang du gzhug par bya'o/ /de nas skye bo dang bral ba'i khyim bug pa med par tshogs kyi 'khor lo'i tshogs dpa' bo dang dpa' bo'i dbang phyug ma rnams kyi gnas rnams bsam par bya'o/ /'dir 'byor pa dang rjes su mthun pas gtso bo bla ma shes rab dang thabs kyi bdag nyid ni dbus dang phyogs bzhi'i char rnal 'byor ma bzhi rnams te dbus su g.yung mo dang shar du dmangs rigs mo dang lhor rgyal rigs mo dang byang du bram ze mo dang nub tu rje rigs ma ste tshogs kyi gtso bo lnga'i bdag nyid kyi'o/ / 'di rnams kyi gdan ni mi'i lpags pa dang khyi'i lpags pa dang rta'i lpags pa dang ba lang gi lpags pa dang glang po che'i lpags pa'o/ /de nas gnyis pa ni phyogs bral rnams su ste dbang ldan du gci ba'i snod dang rlung du bshang ba'i snod dang bden bral du khrag gi snod dang mer rkang gi snod do/ /de nas zlum skor gnyis pa thugs kyi 'khor lo'i gnas la shar du 'khar ba mkhan mo dang lhor 'od ma'i gar mkhan mo dang byang du nor bu mkhan ma dang nub tu khron pa mkhan ma dang mer thags mkhan ma dang bden bral du chang 'tshong ma dang dbang ldan du gser mkhan ma dang rlung du phreng ba mkhan ma ste rnal 'byor ma brgyad do/ /'di rnams kyi gdan rnams ni grangs bzhin du lug gi lpags pa dang 'brog dgon pa'i khyi'i lpags pa dang rnga mo'i lpags pa dang 'dam seng gi lpags pa dang ra'i lpags pa dang ri dgas kyi lpags pa dang bong bu'i lpags pa dang phag gi lpags pa rnams so/ /de nas zlum skor gsum pa gsung gi 'khor lo'i gnas la shar du sha 'tshong ma dang mer rdza mkhan ma dang lhor 'khur ba mkhan ma dang bden bral du smad 'tshong ma dang nub tu tshem bu ma dang rlung du nya pa mo dang byang du gar mkhan ma dang dbang ldan du btso bslag mkhan ma ste rnal 'byor ma brgyad do/ /'di rnams kyi gdan rnams ni kum b+hI ra'i lpags pa dang 'gron bu'i phung po dang kar ka Ta'i rus pa'i phung po dang nya skam po dang ma ka ra'i lpags pa dang sbal ba'i lpags pa dang rus sbal gyi khog pa dang dung rnams grangs bzhin no/ /de nas zlum skor bzhi pa sku'i 'khor lo'i gnas la shar du lcags mkhan ma dang lhor rgya skyegs mkhan ma dang nub tu srin bal mkhan ma dang byang du til mar mkhan ma dang mer smyug ma mkhan ma dang bden bral du shing mkhan ma dang rlung du ko lpags mkhan ma dang dbang ldan du 'dreg mkhan ma ste brgyad do/ /'di rnams kyi gdan rnams ni bse'i lpags pa dang stag gi lpags pa dang dom gyi lpags pa dang ne'u le'i lpags pa dang 'bri'i lpags pa dang ce spyang gi lpags pa dang sram gyi lpags pa dang byi la'i lpags pa rnams so/ /de nas zlum skor lnga pa dur khrod kyi gnas la shar du kla klo ma dang lho ru 'phyag pa mo dang nub tu gtum mo dang byang du stag gzig ma dang mer bsnyon thabs ma dang bden bral du ro sreg ma dang rlung du b+hil+lI dang dbang ldan du ri khrod ma ste rab gtum ma brgyad do/ /'di rnams kyi gdan rnams ni go d+hA'i lpags pa dang byi ba'i lpags pa dang sA la dzA ta ka'i lpags pa dang spre'u'i lpags pa dang ri bong gi lpags pa dang gzungs mo byi dur gyi lpags pa dang I shu ka pa shu'i lpags pa dang rtsangs pa'i lpags pa rnams so/ /lpags pa 'di rnams med na shar dang mer khyi'i lpags pa dang lho dang bden bral du rta'i lpags pa dang nub dang rlung du glang po'i lpags pa dang byang dang dbang ldan du ba lang gi lpags pa ste dbus su mi'i lpags pa'o/ /de ltar gdan rnams bkod nas rnal 'byor ma rnams bzhugs su gsol bar bya'o/ /lpags pa 'di rnams kyi sder sbyin par bya ste de bzhin du skyogs rnams ni shar du nya phyis kyi snod te me ru yang de bzhin no/ /lho dang bden bral du nA ri ke la'i skyogs dang nub dang rlung du kham phor dang byang dang dbang ldan du mi'i thod pa dang dbus su shing gi snod do/ /de nas chang la sogs pa phul nas bza' ba dang bca' ba la sogs pa sgron ma dang bcas pa 'chang bar 'gyur ba chu dang mchod yon la sogs pa rnam pa bcu po phul te maN Dal byas nas slob mas las kyi rdo rje can dang lhan cig tu mchod pa'i rdzas dbul bar bya'o/ /de ltar na tshogs kyi 'khor lo la gnas dang rigs nges pa'o/ /de nas le'u lnga pa las gsungs pa'i cho gas kun du spyod pa dang 'khrig pa yang bya'o/ /kun du spyod pa de la shes rab yum gyi nang nas tshogs kyi gtso mo de ni mchog gi yum zhes pa ste g.yung mo dang gtum mo'o/ /tshogs kyi 'khor lo la thams cad du gnas pa'i rnal 'byor ma rnams kyi spyan ma la sogs pa bzhi ni sring mo'o/ /sgra rdo rje ma la sogs pa drug dang sngon mo dang drag spyan ma gnyis ni sring mo'i bu mo rnams so/ /phyugs kyi skye bo 'jigs ster tsar tsi kA sogs brgyad ni yang tsha mo'o/ /'di rnams ni 'khor lo la gnas pa dus kun tu ni kun tu spyod pas gnas pa rang rigs sa la gnas pa rnams te rnal 'byor pa yis bsten par bya'o/ /gnas dang zhing dang 'dus pa dang dur khrod de sa bcu gnyis la gnas pa rnams bsten par bya zhing skye bo dang bcas pa grong gi dbus dang tshogs kyi 'khor lo dang phyi rol skye bo med par nam yang dor bar mi bya'o zhes pa ni nges pa'o/ /gcer bu gos dang bral zhing skra grol ba lag na gri gug dang thod pa can de rnams thams cad yang dag par rgyu'o/ /de bzhin du dpal ldan rdo rje can ni slob dpon te g.yung po'o/ /dpal ldan yab de nyid ni gtum po ste gtso bo nyid kyi phyir dang g.yung mo dang gtum mo'i lhag ma za ba dang de dang 'khrig pa byed pa'i phyir ro/ /de ltar rigs rnam par dag pas rnal 'byor pa rnams kyi rang gi ma la sogs pa dang rigs las skyes pa rang gi sar 'ongs pa rnams dor bar mi bya zhing de la ngo tsha bar mi bya'o/ /de bzhin du rnal 'byor ma rnams kyis dpal ldan rdo rje can ni dpal ldan yab ste srid gsum skyed mdzad rdo rje sems dpa' bzhin du blta bar bya'o/ /sangs rgyas thams cad ming po ste dmangs rigs la sogs pa dang 'phyag pa la sogs pa rnams so/ /mig la sogs pa rnams ni tsha bo ste 'khar ba mkhan la sogs pa rnams so/ /yang tsha rnams ni brgyad de shen pa la sogs pa'o/ /yang tsha'i bu ni lcags mkhan la sogs pa rnams te skye bo dang bcas pa dang skye bo med par rnal 'byor ma rnams kyis dor bar mi bya'o/ /phan tshun sems rnam par dag pa'i nges pa'o/ / tshogs kyi 'khor lo de la bud med zla ba'i bzhin dang uta pa la mig can mchog gi dri yis rjes su byugs pa gang su dag /bsod nams dag gi rgyu ru dag pa gsum gyis slob dpon dpa' bo dang bcas pa la rdo rje'i mchod par 'bul byed na/ /sa gzhi sbyin dang glang po rta dang shing rta du ma'i bu mo rab tu sbyin las bsod nams gang zhig 'gyur ba'i bsod nams de rnams thams cad rnal 'byor ma de la 'gyur ro/ /mi bdag ces pa ni bod pa'o/ /mkhar gnas zla ba nyi ma'i mtshams su ste mi zad par zhes pa'i don to/ /da ni sgrol ma zhes pa la sogs pas dmangs rigs la sogs pa'i rigs rnams sgrol ma la sogs pa'i rigs rnams su gsungs te/ mi'i 'jig rten 'dir las kyi rjes su mthun pas rigs so/ /de la dmangs rigs rnam pa bzhi ste sa gzhi rmo ba dang ba lang skyong ba dang 'jim pa'i las byed pa dang khyim la sogs pa'i gnas byed pa ste de ltar na sgrol ma dmangs mo rnam pa bzhi ru sa yi steng du 'gyur ro/ /gos dkar mo ni rgyal rigs rnam pa bzhi ste rgyal rigs kyi chos kyis rkang thang dang rta la zhon pa dang glang po che la zhon pa dang shing rta la zhon pa'o/ /sa ste spyan ma ni rje rigs ma rnams te rje rigs kyi chos las rnam pa gsum ni tshong pa dang yig mkhan dang sman pa'o/ /mA ma kI ni gnyis skyes skye bo'i rigs skyes bram ze mo ste gnyis skyes kyi chos las rnam pa bdun ni nges brjod kyi yal ga dang mchod sbyin gyi yal ga dang snyan ngag gi yal ga dang srid srung gi yal ga dang nags na rab tu gnas pa'i chung ma dang bdag po'i chung ma dang grol ba'i chung ma ste rnam pa bdun no/ /de bzhin du sgra rdo rje ma ni 'khar ba mkhan ma dang ro rdo rje ma ni chang 'tshong ma dang gzugs rdo rje ma ni gser mkhan ma dang dri rdo rje ma ni/ phreng ba mkhan ma dang reg bya rdo rje ma ni thags mkhan ma dang chos kyi khams kyi rdo rje ma ni nor bu mkhan ma dang drag spyan ma ni khron pa mkhan ma dang shin tu sngon mo ni 'od ma'i gar mkhan ma sta g.yung mo'i gar mkhan ma'o/ /de bzhin du tsA muN DA ni sha 'tshong ma dang khyab 'jug ma ni rdza mkhan ma dang phag mo ni 'khur ba mkhan ma dang gzhon nu ma ni smad 'tshong ma dang dbang mo ni tshem bu ma dang / tshangs ma ni nya pa ma dang drag mo ni gar mkhan ma dang dpal mo ni btso bslag mkhan ma ste brgyad do/ /de bzhin du rmugs byed ma ni rgya skyegs mkhan ma dang rengs byed ma ni srin bal mkhan ma dang khengs ma ni til mar mkhan ma dang shin tu stobs ma ni lcags mkhan ma dang / 'od zer can ni ko lpags mkhan ma dang khro gnyer can ni shing mkhan ma dang tsun dA ni 'dregs mkhan ma dang rdo rje lcags sgrog ma ma ni smyug ma mkhan ma ste brgyad ni khro bo'i rigs can rnams so/ /khyi gdong ma ni kla klo ma dang phag gdong ma ni 'phyag pa mo dang lce spyang gdong ma ni gtum mo dang stag gdong ma ni stag gzig ma dang bya rog gdong ma ni bsnyon thabs ma dang bya rgod gdong ma ni ro sreg ma dang mkha' lding gdong ma ni b+hil+lI dang 'ug gdong ma ni ri khrod ma ste brgyad ni rab gtum ma'o/ /de ltar na sum bcu rtsa drug rigs kyi dbye bas sa gzhi'i gnas su rnal 'byor ma rnams dag gi rigs rnams te/ zhing dang gnas dang nye ba'i gnas dang yul dang grong mchog dpal ldan nags su yang dag gnas rnams kyis/ /rmongs pa rnams ni 'ching bar byed cing rab mchog sa yi steng du rnal 'byor rnams la dngos grub ster zhes pa'o/ /slar yang 'di rnams kyi dbye ba ni bzhi ni dmangs rigs mo la sogs pa'o/ /drug ni sgra rdo rje ma la sogs pa'o/ /de bzhin brgyad ni tsa kA la sogs pa'o/ /bcu ni khro bo'i dbye ba rnams te de dag las gnyis ni sgra la sogs pa rnams la rab tu zhugs so/ /nor ni brgyad kyi dbye ba ste khyi gdong ma la sogs pa rnams so/ / de bzhin du bzhi ni sangs rgyas kyi dbye ba rnams so/ /drug ni byang chub sems dpa'i rab tu dbye ba rnams so/ /yi dags rnams ni brgyad kyi dbye ba'o/ /khro bo rnams ni bcu'o/ /lha min rnams ni brgyad kyi dbye ba ste gdengs can srid par gnas rnams zhes pa ni rnal 'byor pa rnams kyi dbye ba sum bcu rtsa drug ste rnal 'byor pa yis rig par bya'o/ /gcig pu gcig ni sna tshogs gtso bo ste srid gsum gnas su dpal ldan rigs rnams dag gi khyab byed de sum bcu rtsa bdun pa'o/ /de bzhin du sa 'og rnams su gtum mo brgyad de khyi gdong ma la sogs pa rnams so/ /mi yi 'jig rten phyogs bcu'i dkyil 'khor la ni khro skyes rnams so/ /yi dags zhes bya brgyad ni yi dags 'jig rten du ste lha mchog gnas su sgra yi rdo rje la sogs drug ces pa ni 'dod pa na spyod pa drug go/ tshangs pa'i yul sar dpal ldan bzhi ste tshangs ris la sogs pa'i gzugs can zad par sa la sogs pa bsgoms pa rnams so/ /gzugs med pa rnams ni stong pa'i khams so/ /rab mchog zhi ba'i grong du yum gcig ma ni ye shes kyi khams te shes rab kyi pha rol tu phyin ma'o/ /'di rnams rab tu khros pa'i zhal rnams kyis sna tshogs te lus yang dag sdud byed dgyes pa rnams kyis ni skyong bar byed pa nyid do zhes pa ni rnal 'byor ma'i rigs nges pa'o/ / da ni bu mo zhes pa la sogs pas rnal 'byor pa rnams kyi las kyi phyag rgya'i dngos grub kyi don du rdo rje mchod pa'i nges pa gsungs te 'dir dben par tshogs kyi 'khor lo 'am skye bo med par bsgom pa'i dus su bu mo rgan mo dar ma rnams sam lus ni dri ma dang bcas pa 'am bram ze mo 'am rgyal rigs mo 'am rje mo 'am dmangs mo 'am mthar skyes ma 'am mig dang lag pa dang bral ba 'am rna ba chad pa 'am sna chad pa 'am mchu chad pa 'am zhes pa la sogs pa yan lag ma tshang ba rnams te/ mtha' dag ni byang chub rgyu ru mchog gi snying rjes shes rab dang thabs kyi bdag nyid kyi rnal 'byor gyis bsten par bya ste slob dpon nam rnal 'byor pa dri ma dag dang rnam par bral te khengs pa la sogs pa'i skyon las grol zhing byang chub spyod la rjes su gnas pa chags pa dang phyi rol dang khyim gyi 'ching ba thams cad las grol ba rnams kyis so zhes pa ni bcom ldan 'das kyi nges pa'o/ /da ni dang por zhes pa la sogs pas rdo rje'i mchod pa la phyag rgya bzhi'i ming gsungs te 'dir dam tshig 'dus pa la ming rnam pa bzhi ni dang por shes rab bud med gang yin pa de ni gsang ba'i phyag rgyar brjod do/ /dam tshig dpal ldan skyes pa ste rnal 'byor pa thabs ni mchog gi phyag rgyar 'gyur ro/ /de dag 'dus pa'i rtsed mo la tsum ba na la sogs pa ni las kyi phyag rgya zhes brjod do/ // /dbang po gnyis kyi sbyor ba'i bde mnyam chos kyi phyag rgyar brjod de dam tshig gi skad rnam pa bzhi po 'di ni rdo rje'i mchod pa la gsungs so/ /da ni pho nya mo rnams zhes pa la sogs pas pho nya mo rnams kyi lus sam skye gnas la dri'i mtshan nyid gsungs pa 'dir pho nya mo rnams dag gi dri lnga lus la gnas pa 'am pad ma gnas par 'gyur te de bzhin du de rnams kyi rigs rnam pa lnga ru 'gyur ro/ /de la rang bzhin ni nam mkha' la sogs pa ste de'i yon tan gyi dbang gis gla rtsi'i dri dang pad ma'i dri dang gci ba'i dri dang nya'i dri dang rnag gi dri'o/ /grangs bzhin du dpal ldan bzang mo dang pad ma can ma dang dung can ma dang sna tshogs ma dang glang chen ma ste 'di rnams gla rtsi la sogs pa'i drir rim pa bzhin du 'gyur ro/ /dpal ldan zhes pa ni rdo rje dbyings kyi dbang phyug ma ste dpal ldan shin tu bzang mo'o/ /sgrol ma ni pad ma can ma dang gos dkar mo ni dung can ma dang mA ma kI ni sna tshogs ma dang spyan ma ni glang chen ma'o/ /de bzhin du rnal 'byor pa yang rnam pa lnga ste seng ge dang ri dgas dang rta dang khyu mchog dang glang po che ste rigs kyi dbye ba las so/ /mi bskyod pa ni seng ge dang don yod grub pa ni ri dgas dang rin chen 'byung ldan ni rta dang snang ba mtha' yas ni khyu mchog dang rnam par snang mdzad ni glang po che'o/ /de'i phyir snga ma bzhin du dri'i nges pa dang rigs kyi nges pa'o/ /da ni yan lag phra zhes pa la sogs pas lus kyi mtshan nyid gsungs pa 'dir shin tu bzang mo ni yan lag phra ldan skra rnams phra zhing rkang lag 'jam la sems can la mnyes gshin zhes pa ste rdo rje dbyings kyi dbang phyug ma'o/ /de bzhin cung zad phra ba dang ldan la cung zad ring zhing mig ni g.yo ba med la skra ni 'khyog pa pad ma can zhes pa ste sgrol ma'o/ /de bzhin du ngo tsha med cing 'dod pa drag la rtsod mang la dga' skra ni shin tu chung ba dung can ma zhes pa ste gos dkar mo'o/ /ring zhing yan lag thams cad rdzogs la nges par yang ba'i yul dang skra ni ring ba sna tshogs ma zhes pa ste mA ma kI'o/ /de bzhin du sbom zhing thung la yan lag brtan ldan shin tu sra ba'i yul dang skra ni sbom pa glang chen ma zhes pa ste spyan ma'o/ /de ltar pho nya ma rnams dag pa'i rigs ni 'ga' zhig dag tu 'dir 'gyur dus kun du ni 'dres pa'i rigs so/ /pho nya mo sum bcu rtsa drug gi rigs nges pa'o/ /da ni rnal 'byor pa rnams kyi mtshan nyid gsungs te seng ge dag kyang 'brog na gnas shing yul dang rnam bral 'jigs pa med la gtong ba'i ngang tshul can zhes pa ni mi bskyod pa'o/ /ri dgas mgyogs 'gro dang ldan 'gyur byed yang ba'i yul dang skrags pa'i sems te shin tu 'jigs pa'o zhes pa ni don yod grub pa'o/ /rta ni nges par 'dod la sred par 'gyur te gzhan dbang gci ba'i dri dang gzhan don gnyer ba'o zhes pa ni rin chen 'byung ldan no/ /khyu mchog rengs pa'i mig dang dman par 'gro ldan rang bzhin yon tan blun po nya yi dri ru 'gyur zhes pa ni snang ba mtha' yas so/ /glang chen 'dod ldan nges par dal bar 'gro bar 'gyur te rnag gi dri dang shin tu rmongs pa'o zhes pa ni rnam par snang mdzad do/ /de ltar 'ga' zhig tu rnal 'byor pa rnams kyis dag pa'i rigs te thams cad du ni 'dres pa'i rigs so/ /de ltar sum bcu rtsa drug dbye bas phye ba sa yi steng gi gnas su rigs kyi dri yi rang bzhin te phan tshun 'dres pa las skyes par gyur pa'o/ /de'i phyir pho nya mo de rnams mchod pa'i don du 'dod pa'i bstan bcos yon tan mang po'i gnas ni rnal 'byor pa yis rig par bya'o/ / gang las ci'i phyir zhe na shin tu chags par 'gyur bas tshim pa med na rnal 'byor ma rnams rnal 'byor pa la dngos grub ster bar mi 'gyur ro/ /de'i phyir 'jig rten pa'i dngos grub kyi don du 'dod pa'i bstan bcos shes par bya'o zhes pa ni nges pa'o/ /da ni bzang mo zhes pa la sogs pas pho nya mo rnams kyi chos kyi khams la sogs pa'i rigs gsungs te 'dir bzang mo ni chos kyi khams ma'o/ /lha mo ni sgra rdo rje ma dang / sha za mo ni dri rdo rje ma dang / mi mo ni gzugs rdo rje ma dang srin mo ni ro rdo rje ma dang klu mo ni reg bya rdo rje ma'o/ /de la bzang mo sems can phan pa byed ma brtul zhugs nges pa la dga' sdom dang bsam gtan dang tshul can/ lha mo longs spyod la ni rjes chags 'gyur te dri ma ldan zhing lhag ma la chags sha za mo/ /mi mo 'dod la rjes su chags ma srin mo mi yi khrag la dga' zhing gsod pa'i sems ma ste/ klu mo dag kyang 'o ma'i zas can rab mchog sa yi steng du rnal 'byor pa yis mchod par bya ste thams cad du gnas dang nye ba'i gnas la sogs pa rnams su'o zhes pa ni nges pa'o/ /de bzhin gzhan pa 'dres pa'i rang bzhin rnams ni rang bzhin yon tan dbang gis rnal 'byor pa yis rigs par bya ste tsa kA la sogs pa rnams dang 'dod ma dang phyir 'dod ma la sogs pa'i rang bzhin gyis sgrub thabs kyi le'u las 'chad par 'gyur ba'i cho gas so/ /de ltar sa yi steng gi gnas su mkha' spyod sa spyod rnams ni sum bcu rtsa drug dbye bas phye ba'o/ /da ni chang zhes pa la sogs pas ston pa po'i btung ba'i nges pa gsungs pa 'dir chang thams cad shes rab kyi rang bzhin te sbrang rtsi las skyes pa dang bu ram las skyes pa dang 'bras las skyes pa 'am shing las skyes pa 'am gzhan pa'o/ /phyag rgya dang bral slob dpon gang zhig 'thung byed de ni yul can du 'gyur te myos par 'gyur ro zhes pa'i don te bdud kyi tshogs kyis bskor bar 'gyur ro/ /de phyir shes rab lhag ldan sdig pa'i dri ma 'phrog cing sngags pa rnams la dngos grub sbyin par 'gyur zhes pa'o/ /phyag rgya gang su rung ba chang 'thung ba'i dus 'dir ni dkyil 'khor dang tshogs kyi 'khor lo med cing dam tshig gi rdzas dang rnam par bral yang btung ba'i slad du rab tu bya ste rdo rje mchod pa'i don du'o zhes pa ni nges pa'o/ /gang gis rnal 'byor pa rnams kyi dam tshig bzhi po bsten par gyur pa de'i yon tan gsungs te rgyal po ri bong mtshan ma gcig pu 'chi ba'i 'jigs 'phrog byed pa thams cad dus su bsten par bya zhes pa mi 'pho ba'i bde ba'o/ /shes rab chos 'byung la gnas nyin mor byed pa dang bcas pa'i byang chub sems kyi khams phyi rol du shor ba zos pas kyang 'chi ba'i 'jigs pa 'phrog na rnal 'byor ldan pa dag ni smos ci dgos te mi 'pho bar byas pas so zhes pa'i don to/ /mi bskyod pa ni gci ba dang don yod grub pa ni rkang dang rgyal ba mchog ni rnam par snang mdzad de de dang ldan pa ni 'chi ba'i 'jigs pa 'phrog par 'gyur ro/ /de bzhin du khyi dang rta dang ba lang dang glang po che dang ldan pa dang gzhan yang brgyad pa shin tu drag po ni sha chen te dam tshig rnams ni nyon mongs pa rnams kyi rdo rje dbyug pa dang skye bo phyugs la 'jigs pa ster ba'o/ /de ltar bshang ba dang gci ba dang rkang dang sgrol ma lnga ni dam tshig brgyad de gnyis ni nyi ma dang zla ba dag go/ de ltar bdud rtsi lnga dang sgrol ma lngas tshogs kyi 'khor lo la mchod pa rnam pa bcur 'gyur ro/ /chang dang sha dang 'khrig pa dang bdud rtsi za ba zhes pa dam tshig bzhi ni slob dpon gyis bya ste rnam pa gzhan du na bdud kyi phyogs kyis 'dzin pa'i phyir ro zhes pa ni de bzhin gshegs pa'i nges pa'o/ /da ni khyi rta zhes la sogs pas rnal 'byor ma rnams kyi gzugs yongs su bsgyur bas dam tshig sum bcu rtsa drug gsungs te 'dir khyi mo ni sgrol ma dang rta mo ni gos dkar mo dang ba lang mo ni mA ma kI dang glang chen mo ni spyan ma dang rdo rje dbyings kyi dbang phyug ma ni gzugs thams cad 'dzin pa'o/ /lug mo ni sgra rdo rje ma dang ra mo ni reg bya rdo rje ma dang ri dgas mo ni ro rdo rje ma dang bong mo ni gzugs rdo rje ma dag 'phag mo ni dri rdo rje ma dang rnga mo ni chos kyi khams kyi rdo rje ma ste sangs rgyas dang byang chub sems dpa'i rigs kyi dbye bas 'di rnams phyogs zhes pa ste bcu'o/ /de bzhin du kum b+hI ra mo ni tsar tsi kA dang 'gron bu mo ni khyab 'jug ma dang ku lI ra mo ni phag mo dang nya mo ni gzhon nu ma dang ma ka ra mo ni dbang mo dang sbal mo ni tshangs ma dang rus sbal mo ni dbang phyug ma dang dung mo ni dpal chen mo ste 'byung po las skyes pa brgyad do/ /bse ru mo ni shin tu stobs ma dang stag mo ni rmugs byed ma dang dom mo ni rengs byed ma dang ne le mo ni nga rgyal ma dang 'bri mo ni rdo rje lcags sgrog ma dang ce spyang mo ni khro gnyer can ma dang / sram mo ni 'od zer can ma dang byi la mo ni tsun dA dang 'brog dgon pa'i khyi mo ni shin tu sngon mo dang 'brog dgon pa'i seng ge mo ni drag spyan ma ste khro bo las skyes pa bcu'o/ /de bzhin go d+hA ni khyi gdong ma dang byi ba mo ni phag gdong ma dang shA li dzra ta ka ni lce spyang gdong ma dang spre'u mo ni stag gdong ma dang ri bong mo ni bya rog gdong ma dang gzugs mo ni bya rgod gdong ma dang i Shu ka ni mkha' lding gdong ma dang rtsangs pa mo ni 'ug gdong ma ste brgyad ni lha min las skyes pa rnams kyi dam tshig dang gzugs yongs su bsgyur ba'o/ /de ltar sa la spyod pa dang chu la spyod pa'i dam tshig nges pa'o/ /da ni khengs ldan zhes pa la sogs pas mkha' la spyod pa rnams kyi dam tshig gsungs pa 'dir khyi la sogs pa bzhi po ji lta ba de bzhin du khengs ldan 'dab chags te khug rta dang ne tsho dang khu byug dang ri skegs te gsal bar chu yi gter zhes pa dam tshig bzhi ste sgrol ma la sogs pa rnams so/ /de bzhin du sgra rdo rje ma la sogs pa drug ni lA ba dang phug ron dang bya dkar dang mchil pa dang ngur pa dang ngang pa'o zhes pa ni nges pa'o/ /de bzhin du 'byung po las skyes pa'i dam tshig brgyad ni khrung khrung dang khu byug mig dang srin bya dag dang b+ha ga ba tI zhes pa skyung ga dang sreg pa dang bzhad dang / chu la 'jug pa zhes pa chu'i bya rog dang chu skyar te nor rnams zhes pa brgyad ni tsA muN Da la sogs pa rnams kyi ste rim pas rig par bya'o/ /de bzhin du khro bo las skyes pa rnams kyi dam tshig bcu ni bya rog dang bya rgod dang 'ug pa dang ri dgas dgra zhes pa hor pa chen po dang gtsug pud can dang bya gag dang b+he dra zhes pa san tsa ka dang g+hA ra zhes pa 'ol ba dang hor pa dang ljon shing dgra ste khro bo las skyes khro bo'i rigs rmugs byed la sogs pa rim pa ji lta bas so/ /de bzhin du khyi gdong ma la sogs pa lha min rnams kyi dam tshig brgyad ni mig sngon dang tsa ko ra dang a ni la dang gu da mu kha zhes pa pha bang dang bug ki zhes pa dA da pU ha dang rkang ste nya la zhes pa lcog dang / b+he ruN Da dang a ma pa ri ka ste mi yi bdag po bya rog gdong ma la sogs pa lha min mo rnams kyi mchog gi 'dab chags brgyad du 'gyur ro/ /de ltar sum cu rtsa drug rigs kyi dbye bas sa yi srid pa la gnas sa spyod mkha' la spyod rnams kyi rigs su gyur pa'i dam tshig ste dam tshig bdun cu rtsa gnyis po mtha' dag rnams ni mchod pa'i dus su rnal 'byor pas bza' bar bya'o/ /de rnams kyang rnal 'byor ma rnams kyis byin te rmongs pas gti mug dag las gal te tshogs kyi 'khor lo la dam tshig byin pa rnams spangs na de'i tshe myur du nyams par rab tu 'gyur te smad pa'i sems kyis so/ /da ni so dang zhes pa la sogs pas lus kyi cha shas kyi dam tshig gsungs te so dang skra dang pags pa dang sha dang chu rgyus dang rus pa dang snying dang pad+ma zhes pa skye gnas dang shig dang ba spu dang srin bu dang glo ba dang rgyu ma dang chu so dang bad kan dang mkhris pa dang chu dang rnag dang khrag dang rdul dang tshil dang mchi ma dang mchil ma dang snabs dang dri chu dang chu ser dang zhag dang bshang ba rnams te/ sna tshogs lus la gnas pa zhes pa sems can rnams kyi lus la gnas pa'i kha dog sna tshogs dang dri sna tshogs dang / lce dang mig dang rna ba dang sna dang ri bong can zhes pa khu ba dang nyin byed ces pa rdul te dam tshig gi rdzas 'di rnams kyis lha rnams mchod par bya ste/ tshogs kyi 'khor lo la rnal 'byor pa rnams kyis so zhes pa ni nges pa'o/ /sum cu rtsa drug yi ge rnams ni de dag gi rang gi rang bzhin yon tan dbang gis zhes pa nam mkha' la sogs pa'i khams kyi dbang gis te/ nga g+ha ga kha ka /nya dz+ha dza tsha tsa/ Na D+ha Da Tha Ta/ ma b+ha ba pha pa/ na d+ha da tha ta/ th+ka sha Sha sa/ ha ya ra wa la k+Sha zhes pa'o/ /'di rnams ni byang chub kyi phyogs kyi chos rnams kyang ste bcom ldan 'das ma dang bcas pa sum bcu rtsa bdun no/ /de bzhin du sum bcu rtsa drug khams kyi dbye ba ste a A i I r-i r-I u U l-i l-I a~M aH a A e A+ai ar Ar o au al Al a~M aH ha hA ya yA ra rA wa wA la lA haM haH zhes pa sum bcu rtsa drug ste/ 'di rnams ni mtha' dag srid pa la gnas rigs rnams dang mtshan ma sum bcu rtsa drug dang phyag rgya sum bcu rtsa drug go/ de bzhin du dbyangs dang bcas pa'i yi ge so sos bskyed pa rnams ni rnal 'byor gyi rgyud sum bcu rtsa drug go/ de bzhin du rnal 'byor ma'i rigs kyi rgyud rnams te/ bcom ldan 'das ma dang bcas pa thams cad sum bcu rtsa bdun gyi bdag nyid du rig par bya'o/ /zhes pa ni sa gzhi dag la gnas pa rnams zhes pa ste nges pa'o/ /lhag ma rnams ni dag pa'i rigs su mi 'gyur te/ gsal byed sna tshogs kyi chos can nyid kyi phyir ro/ /de ltar rigs sum bcu rtsa drug gi dkyil 'khor bri ba dang rnal 'byor ma rnams mchod pa ni nya so so la bya'o zhes pa de bzhin gshegs pa'i nges pa'o/ /da ni chu dang zhes pa la sogs pas 'khor lo 'dus pa la mchod yon la sogs pa gsungs te/ chu'i snod dang mchod yon gyi snod dang dri'i snod dang spos kyi snod dang me tog gi snod dang 'bras bu'i snod dang 'bru ma nyams pa'i snod dang mar me'i snod dang lha bshos kyi snod dang gos kyi snod te de ltar mchod pa'i rdzas rnam pa bcu ni tshogs kyi 'khor lo la 'dus pa dang dkyil 'khor gyi 'khor lo la mchod pa'i don du'o/ / de bzhin du nang gi rdzas rnam pa bcur 'gyur te khu ba dang gci ba dang rkang dang bshang ba dang sha dang mchin pa dang mkhris pa dang khrag dang rgyu ma dang lpags pa ste rnam pa bcu ni 'khor lo 'dus pa la lha mo rnams mchod pa'i don du 'gyur ro/ / rgyal po zhes pa ni bod pa'o/ /da ni sgrol ma la sogs pa'i rigs las skyes pa rnams kyi mtshan ma sum bcu rtsa drug gsungs te 'dir tshogs kyi 'khor lo la zhugs pa rnams sam/ grong ngam grong khyer du gnas pa'i rnal 'byor ma rnams kyi dpral ba 'am phrag pa gnyi ga 'am g.yon pa dang g.yas pa'i dpyi'i phyogs la gang gi tshe lus kyi kha dog las gang zhig kha dog gzhan dang gzhan du rtogs par 'gyur ba'i mtshan ma de ni kha dog las rig par bya ste/ gang yang lag pa dang rkang pa'i mthil du 'gyur ba de ni ri mo rnams kyis rig par bya'o/ /des na rnal 'byor ma rnams kyi lag pa gzung ba'i slad du bud med dang skyes pa'i mtshan nyid bslab par bya'o/ /gang gis gzhan gyi bud med kyis rang gi lag pa yang mtshan nyid kyi don du gtong du 'jug par byed na des zol gyis de rnams kyi lus la gnas pa dang lag pa dang rkang pa'i mthil na gnas pa dang khyim du bris pa'i mtshan ma rig par bya'o zhes pa ni thabs so/ /de la gang gi skye ba'i gnas lnga rnams su kha dog las rdo rje mthong na de ni rdo rje dbyings kyi dbang phyug ma ste/ lag pa'i mthil lam rkang pa'i dag la ni ri mo rnams kyis so/ / de bas na de ni nam mkha'i khams kyi rigs can ma'o/ /de bzhin du sgrol ma'i ral gri dang gos dkar mo'i mda'am rin po che dang mA ma kI'i pad ma 'dab ma brgya pa dang spyan ma'i lnga pa 'khor lo'i mtshan ma ste de ltar rlung dang me dang chu dang sa'i rigs las skyes pa rnams kyi mtshan ma rnams so/ /de bzhin du sgra rdo rje ma'i rgyud mangs dang gzugs rdo rje ma'i me long dang ro rdo rje ma'i snod dang dri rdo rje ma'i me tog phreng ba dang reg bya rdo rje ma'i gos dang chos khams rdo rje ma'i chos 'byung ste yul gyi rigs las skyes pa rnams kyi skye ba'i gnas lnga rnams sam lag pa dang rkang pa rnams la mthong bar 'gyur ro zhes pa ni sgra rdo rje ma la sogs pa'i mtshan ma'o/ /de bzhin du nges par gri gug la sro pa rnam pa brgyad te de la tsar tsi kA'i gri gug dang khyab 'jug ma'i bum pa dang phag mo'i bcu gzar dang gzhon nu ma'i gos ser po dang / dbang mo'i khab bam tho ba dang tshangs ma'i nya rgya dang drag mo'i rtse gsum dang dpal mo'i rdo gru bzhi ste mtshan ma brgyad po 'di ni 'byung po las skyes rnams kyi zhes pa 'chi med la sogs pa'i rigs las skyes pa rnams kyi'o/ /de bzhin du khro bo las skyes pa rnams kyi bcu ste de la rmugs byed ma'i smug rtsi'i snod de nyin mor byed pa dang mtshungs pa zlum po dang rengs byed ma'i dar gyi srin bu dang nga rgyal can ma'i ku sha dang shin tu stobs ma'i chu gri dang 'od zer can ma'i 'thil lham dang tsun dA'i spu gri dang khro gnyer can ma'i shing lham dang rdo rje'i lcags sgrog ma'i gdugs dang drag spyan ma'i stog tse dang shin tu sngon mo'i 'od ma'i dbyug pa ste/ de ltar bcu ni khro bo las skyes pa rnams kyi rang gi mtshan ma rnam pa bcur 'gyur zhing rnam gnyis las kyi dbang po rnams kyi'o/ /de bzhin du lha min rnams kyi mtshan ma ni khyi gdong ma'i ba lang gi rwa dang phag gdong ma'i kham phor zhes pa sa'i phor pa dang ce spyang gdong ma'i rgyud ldan dang stag gdong ma'i 'phang dang bya rog gdong ma'i sha yi gsal shing dang bya rgod gdong ma'i rgyud mangs nye ba'i yan lag ste mi 'am ci mo dang mkha' lding gdong ma'i mda' dang 'ug gdong ma'i rma bya'i mjug ma ste mtshan ma brgyad po 'di ni kha la sogs pa sgo brgyad rnam par dag pas rigs brgyad po rnams la mthong bar 'gyur ro/ /de ltar mtshan ma sum bcu rtsa drug gang la mthong ba de rnams ni de'i rigs can te mtshan ma des shes nas mchod par bya'o zhes pa nges pa'o/ /slar yang ste yang sgrol ma la sogs pa rnams kyi dmangs rigs la sogs pa'i mtshan ma gsungs te 'dir dmangs rigs kyi yon tan gyi dbang gis sgrol ma'i rigs las skyes pa rnams kyi ud pa la 'am thong gshol mthong bar 'gyur ro/ /rgyal rigs ma ste gos dkar mo'i rigs las skyes pa'i rin chen paT+Ta'o/ /rje rigs ma ste spyan ma'i rigs las skyes pa'i smyu gu dang rin chen phreng ba'o/ /gnyis skyes ma ste mA ma kI'i rigs las skyes pa'i chu na rgyu ba dung dang zangs snod do/ /de bzhin du snga ma dang phyi mar yum gyi mtshan ma rnam pa bzhi ste g.yung mo rdo rje dbyings kyi dbang phyug ma'i rigs las skyes pa'i Da ma ru dang rnga chen no/ /de bzhin du gtum mo shes rab kyi pha rol tu phyin ma'i rigs las skyes pa'i cod pan dang bgrang phreng ngo / /de ltar rang gi dpral ba 'am phrag pa 'am dpyi dang lag pa 'am rkang pa rnams la mtshan ma gang zhig mthong ba 'am khyim du bris shing mchod pa byed pa de ni de'i rigs can du rnal 'byor pas rig par bya'o/ /des gang byin pa'i dam tshig gi rdzas de bza' bar bya zhing ji srid lan bdun du 'khor ba'i mthar thug pa de bsten par bya ste dam tshig gi rdzas des mkha' la spyod pa nyid du 'gyur ro zhes pa ni nges pa'o/ /da ni bshang ba la sogs pa dam tshig gi rdzas rnams las la sogs pa'i lha'i rnam par dag pa gsungs te 'dir bshang ba dang gci ba dang khrag dang bcas pa dang sha dang bcas pa ni grangs bzhin du sa dang chu dang me dang rlung gi lha rnams kyi bzhir 'gyur ro/ /ma smos kyang khu ba ni rdo rje dbyings kyi dbang phyug ma zhes pa nam mkha'i khams so/ / de bzhin du rna ba dang sna dang mig dang lce dang bshang lam dang b+ha ga ni sgra dang dri dang gzugs dang ro dang reg bya dang chos kyi khams kyi lha mo rnams kyi dam tshig drug ste sgra yi rdo rje la sogs drug ces so/ /de bzhin du rnag dang bad kan dang / shig dang srin bu dang chu ser dang zhag dang ba spu rnams dang skra rnams zhes pa dam tshig brgyad ni grangs bzhin du tsar tsi kA dang khyab 'jug ma dang phag mo dang gzhon nu ma dang dbang mo dang tshangs ma dang drag mo dang dpal chen mo ste/ rnal 'byor ma 'byung po las skyes pa rnams kyi'o/ /de bzhin du rgyu ma dang mkhris pa dang rus pa dang rkang dang sna tshogs lus la gnas pa zhes pa sems can thams cad kyi lus la gnas pa ste mchin pa dang glo ba dang rtsa dang lpags pa dang snying dang tshil bu ste de ltar bcur 'gyur ro/ /rgyu ma la sogs pa tshil bu'i mthar thug pa ni grangs bzhin du rmugs byed ma dang rengs byed ma dang nga rgyal can ma dang shin tu stobs ma dang rdo rje lcags sgrog ma dang khro gnyer can dang tsun dA dang 'od zer can dang drag spyan ma dang shin tu sngon mo ste khro bo'i lha mo 'di rnams kyi dam tshig bcu'o/ /de bzhin du rna ba'i dri ma dang sna'i dri ma dang mig gi dri ma dang lce'i dri ma dang bshang lam gyi dri ma dang b+ha ga'i dri ma dang rtags kyi dri ma dang mchan khung gi dri ma ste lus thams cad kyi dri ma rnams so/ /dam tshig brgyad ni lha min mo rnams kyi grangs bzhin du ste khyi gdong ma dang phag gdong ma dang ce spyang gdong ma dang stag gdong ma dang bya rog gdong ma dang bya rgod gdong ma dang mkha' lding gdong ma dang 'ug gdong ma ste 'di rnams kyi dam tshig brgyad do/ /de bzhin du rnal 'byor ma rnams ni 'jigs ma la sogs pa ste gang zhig brgyad pa brgyad de drug bcu rtsa bzhi po de rnams kyi dam tshig ni sen mo nyi shu dang so sum bcu rtsa gnyis dang rtsa rgyu ba'i dbye bas thod pa dum bu bcu gnyis rnams te dam tshig drug cu rtsa bzhi'o/ /de bzhin du rigs brgya'i dbye bas dam tshig brgya ste/ rigs gsum dang ni rigs lnga nyid/ /rang bzhin gcig ste rigs brgya'o zhes gsungs pa'i phyir ro/ /rnal 'byor ma rnams kyi rigs sum bcu rtsa drug dang rigs drug cu rtsa bzhi gcig nyid rigs brgyar rig par bya'o zhes pa nges pa'o/ /da ni gnas la sogs pa rnams kyi dam tshig gi rnam par dag pa gsungs te bshang ba dang gci ba dang khrag dang sha zhes pa sna tshogs mtha' dag sems can rnams kyi lus la gnas pa rnams ni gnas kyi dbye ba dag la bzhi'o/ /rna ba dang sna dang mig dang lce dang bshang lam dang b+ha ga zhes pa drug ni zhing gi dbye ba la 'gyur ro/ /de bzhin du rnag dang bad kan dang shig dang srin bu dang / chu ser dang zhag dang ba spu dang skra ste brgyad ni tshan do ha yi dbye ba rnams so/ /de bzhin du rgyu ma dang mkhris pa dang rus pa dang rkang dang mchin pa dang glo ba dang rtsa dang pags pa dang snying dang tshil bu ste bcu ni 'dus pa'i dbye ba rnams so/ /de bzhin du rna ba'i dri ma dang sna'i dri ma dang mig gi dri ma dang lce'i dri ma dang b+ha ga'i dri ma dang bshang lam gyi dri ma dang rtags kyi dri ma dang mchan khung gi dri ma ste yan lag brgyad kyi dri ma 'di brgyad ni dur khrod kyi rab tu dbye ba rnams so/ /de bzhin du phyi rol du 'jig rten gyi khams la gnas la sogs pa'i rnam par dag pas dam tshig rnams gsungs te 'dir dus me dang zla ba dang nyi ma dang sgra gcan ni gnas kyi dbye bas spyan ma la sogs pa rnams kyi dam tshig bzhi'o/ /sa skyes dang zla skyes dang sngags pa dang pa sangs dang spen pa dang gdengs can zhes pa mjug rings te 'di rnams ni zhing gi dbye bas gzugs rdo rje ma la sogs pa'i dam tshig rnams so/ /de bzhin du sa dang chu dang me dang rlung dang sa las skyes pa dang chu las skyes pa dang me las skyes pa dang rlung las skyes pa ste brtan pa dang g.yo ba'i 'byung ba brgyad po rnams ni tshan do ha yi dbye ba rnams te/ 'byung po las skyes pa rnams kyi dam tshig go/ slar yang de nas ro drug po rnams dang dri dang kha dog dang sgra dang reg bya ste bcu ni 'dus pa'i dbye ba rnams te khro bo las skyes pa rnams kyi'o/ /sa la sogs pa rnams dang kha dog la sogs pa bzhi po rnams dbugs 'byung ba dang 'jug pa dag gis zad pa ni dur khrod kyi rab tu dbye ba rnams te lha min mo rnams kyi dam tshig brgyad do/ /gnas la sogs pa phyi nang gi dam tshig rnam par dag pa'i nges pa'o/ /da ni gnas zhes pa la sogs pas nye ba'i gnas la sogs pa'i gnas rnams gsungs te 'dir thun mong gis byis pa rnams yul du 'khyam pa'i don du dzA la d+ha ra la sogs pa rnams gnas la sogs par gsungs so/ /de nyid ni thams cad du khyab par byed par mi 'gyur te rnal 'byor ma rnams kyi rigs sum bcu rtsa drug ni grong khyer gcig tu'ang gnas so/ /gang gis na 'dir sa gzhi thams cad du khyab par dam pa dang po'i rgyud du gsungs pa'i phyir ro/ /mchog gi dang po'i sangs rgyas sa thams cad la khyab par byed pa nyid yin pa'i phyir te/ bod la sogs pa dang rgya nag la sogs pa'i yul rnams na yang gnas la sogs pa yod do/ /de nyid ni bsdus pa'i rgyud gzhan du ma bstan to/ /yul thams cad dang grong thams cad du gnas la sogs pa gsungs pa ni gnas ni sgrol ma la sogs khyim ste rnam pa bzhi'o/ / de bzhin du sgra rdo rje ma la sogs pa'i khyim ni zhing rnam pa drug go/ tsar tsi kA la sogs pa'i khyim ni tshan do ha rnam pa brgyad do/ /rmugs byed ma la sogs pa'i khyim ni 'dus pa rnam pa bcu'o/ /khyi gdong ma la sogs pa'i khyim ni dur khrod rnam pa brgyad do/ /mchog gi sar gnas rtsa ba'i gnas dang gsad par bcas pa ni yum gyi khyim rnam pa gnyis te de dag rab tu gsal bar sa la mthar skyes ma dang mthar skyes ma zhes pa g.yung mo dang gtum mo'i khyim ste de ltar dmangs rigs la sogs pa'i khyim ni gnas la sogs pa'i ming gis rnal 'byor pas rig par bya'o zhes pa ni thams cad du nges pa'o/ /da ni gnas zhes pa la sogs pas nang du gnas la sogs pa'i ming gsungs te 'dir dam tshig 'dus pa la gnas ni thams cad du bud med kyi pad ma'o/ /nye ba'i gnas kyi sgras skyes pa'i rdo rjer 'gyur ro/ /de bzhin du bud med rnams kyi skye mched drug ni zhing ngo / /skyes pa rnams kyi ni nye ba'i zhing ngo / /de bzhin du bud med rnams kyi mnyam gnas la sogs pa'i rlung brgyad ni tshan do ha'o/ /skyes pa rnams kyi ni nye ba'i tshan do ha'o/ /de bzhin du bud med rnams kyi lce dang lce chung dang lag pa gnyis dang rkang pa pa gnyis dang bshang lam gyi g.yas dang g.yon gyi rtsa gnyis dang gci ba dang khu ba'i rtsa gnyis te las kyi dbang po bcu po 'di rnams ni 'dus pa'o/ /skyes pa rnams kyi ni nye ba'i 'dus pa'o/ /sna gnyis dang rna ba gnyis dang mig gnyis dang kha dang bshang lam las dri ma 'byung ba ste de ltar bud med rnams kyi dur khrod brgyad do/ /skyes pa rnams kyi ni nye ba'i dur khrod do zhes pa ste mtha' dag go/ de bzhin du gnyi ga'i lus la so sor gnas ni g.yon gyi yan lag dang mdun no/ /nye ba'i gnas ni rgyab dang g.yas kyi yan lag ste de ltar gnas rnam pa gnyis so/ /de bzhin du g.yon gyi dbang po'i tshogs ni zhing ngo / /g.yas kyi dbang po'i tshogs ni nye ba'i zhing ngo / /de bzhin du rus sbal dang rtsangs pa dang lha sbyin dang nor las rgyal ba ste bzhi ni tshan do ha'o/ /mnyam gnas dang gyen rgyu dang khyab byed dang klu'i tshogs ni nye ba'i tshan do ha'o/ /de bzhin du g.yon gyi las kyi dbang po'i tshogs ni 'dus pa'o/ /g.yas kyi ni nye ba'i 'dus pa'o/ /g.yon gyi rna ba la sogs pa'i bug pa dri ma 'byung ba ni dur khrod do/ /g.yas kyi ni nye ba'i dur khrod do/ /de bzhin du lag pa dang rkang pa la sogs par gtogs pa'i rnam par dag pa gzhan gyis te mdun dang g.yon gyi yan lag ni gnas so/ /rgyab dang g.yas kyi ni nye ba'i gnas so/ /de bzhin du g.yon gyi dpung pa'i tshigs dang g.yon gyi brla dang dpyi'i tshigs ni zhing ngo / /g.yas kyi ni nye ba'i zhing ngo / /g.yon gyi nye ba'i dpung pa'i tshigs dang byin pa dang brla'i tshigs ni tshan do ha'o/ /g.yas kyi ni nye ba'i tshan do ha'o/ /de bzhin du g.yon gyi lag pa dang rkang pa'i tshigs gnyis ni 'dus pa'o/ /g.yas kyi ni nye ba'i 'dus pa'o/ /de bzhin du g.yon gyi sor mo dang sen mo rnams ni dur khrod do/ /g.yas kyi ni nye ba'i dur khrod do/ /yang na gnyi ga'i dpung pa'i tshigs gnyis ni zhing ngo / /brla'i tshigs gnyis ni nye ba'i zhing ngo / /de bzhin du tshan do ha la sogs pa yang ste/ lag pa dang rkang pa la gnas pa yang sor mo'i mtha'i 'tshams su'o zhes pa dam tshig 'dus pa la gnas la sogs pa'i ming rnal 'byor pas rig par bya'o/ /da ni dran pa zhes pa la sogs pas byang chub kyi phyogs kyi chos sum bcu rtsa bdun rnams kyis rnal 'byor ma rnams kyi rnam par dag pa gsungs pa 'dir lha mo bzhi ni rim pa bzhin du ste/ lus dran pa nye bar gzhag pa ni spyan ma dang tshor ba dran pa nye bar gzhag pa ni gos dkar mo'o zhes pa rgyab dang g.yas so/ /sems nye bar bzhag pa ni mA ma kI dang chos dran pa nye bar gzhag pa ni sgrol ma'o zhes pa g.yon dang mdun te lus kyi dbye bas gnas dang nye ba'i gnas gnyis so/ /dus kyi 'khor lor rab tu grags zhes pa rgyud gzhan du rab tu ma grags te bcom ldan 'das kyis sbas so zhes pa'i don to/ /de bzhin du byang chub kyi yan lag bdun gyi nang nas byang chub kyi yan lag gcig ni yum rdo rje dbyings kyi dbang phyug ma ste rigs kyi gnas btang snyoms yang dag byang chub kyi yan lag go/ gzhan pa rnams kyang sgra yi rdo rje ma la sogs pa drug ces pa ste dran pa yang dag byang chub kyi yan lag ni sgra rdo rje ma dang chos rab tu rnam par 'byed pa yang dag byang chub kyi yan lag ni reg bya rdo rje ma dang brtson 'grus yang dag byang chub kyi yan lag ni gzugs rdo rje ma ste lus kyi dbye bas nye ba'i zhing ngo / /de bzhin du dga' ba yang dag byang chub kyi yan lag ni dri rdo rje ma dang shin tu sbyangs pa yang dag byang chub kyi yan lag ni ro rdo rje ma dang ting nge 'dzin yang dag byang chub kyi yan lag ni chos kyi khams kyi rdo rje ma ste zhing rnam pa gnyis so/ /de bzhin du chu gter yang dag spong ba rnams dang zhes pa ste sdig pa ma skyes pa rnams mi bskyed pa'i phyir spong ba ni tsar tsi kA dang sdig pa skyes pa rnams spong ba'i dge ba'i rtsa ba ni khyab 'jug ma dang mi dge ba ma skyes pa rnams spong ba'i dge ba bskyed pa ni dbang phyug ma dang dge ba skyes pa rnams sangs rgyas nyid du yongs su bsngo bas spong ba ni dpal chen mo ste nye ba'i tshan do ha bzhi'o/ /gzhan pa chu gter lha mo bzhi ni rdzu 'phrul gyi rkang par 'gyur te de la 'dun pa'i rdzu 'phrul gyi rkang pa ni tshangs ma dang brtson 'grus kyi rdzu 'phrul gyi rkang pa ni dbang mo dang sems kyi rdzu 'phrul gyi rkang pa ni phag mo dang spyod pa'i rdzu 'phrul gyi rkang pa ni gzhon nu ma'o zhes pa tshan do ha'i dbye ba ste de ltar brgyad du 'gyur ro/ /de bzhin du khro mo lnga ni stobs rnams dag ste 'dir dad pa'i stobs ni shin tu sngon mo dang brtson 'grus kyi stobs ni shin tu stobs ma dang dran pa'i stobs ni rdo rje lcags sgrog ma dang ting nge 'dzin gyi stobs ni nga rgyal ma dang shes rab kyi stobs ni tsun dA ste nye ba'i 'dus pa'o/ /de bzhin du rab tu gsal zhing nges par dbang po rnams ni lnga nyid do zhes pa ste de bzhin du dad pa'i dbang po ni rengs byed ma dang brtson 'grus kyi dbang po ni rmugs byed ma dang dran pa'i dbang po ni 'od zer can dang ting nge 'dzin gyi dbang po ni khro gnyer can dang shes rab kyi dbang po ni drag spyan ma'o zhes pa 'dus pa ste de ltar bcu'o/ /yang dag yan lag brgyad kyi lam ni mi yi bdag po lha min dag las skyes pa brgyad du 'gyur zhes pa la 'dir yang dag pa'i lta ba ni khyi gdong ma dang yang dag pa'i rtog pa ni bya rog gdong ma dang yang dag pa'i ngag ni stag gdong ma dang yang dag pa'i las kyi mtha' ni 'ug gdong ma dang yang dag pa'i 'tsho ba ni lte spyang gdong ma dang yang dag pa'i rtsol ba ni mkha' lding gdong ma dang yang dag pa'i dran pa ni phag gdong ma dang yang dag pa'i ting nge 'dzin ni bya rgod gdong ma ste de ltar na sum bcu rtsa bdun rab tu dbye bas srid pa gsum gyi gnas su byang chub phyogs kyi chos gang yin pa de rnams mtha' dag rnal 'byor ma rnams sa yi steng gi gnas su rnal 'byor pa yis rig par bya ste g.yung mo la sogs pa'o/ /de ltar byang chub kyi phyogs kyi chos sum bcu rtsa bdun gyis rnam par sbyangs pa'i gnas la sogs pa ni chos kyi sku'i mtshan nyid du 'gyur te/ mi yi bdag po phyi dang lus la yang de bzhin zhes pa thams cad du nges pa'o/ /da ni sangs rgyas pa zhes pa la sogs pas 'di rnams bsten pa'i slad du rnal 'byor pa rnams kyi spyod pa'i cho ga gsungs pa 'dir rgyud kyi rgyal po dus kyi 'khor lo'i dkyil 'khor du dbang bskur ba ni dkyil 'khor thams cad du dbang bskur ba ste mu stegs pa rnams kyi lha dang lha mo khyab 'jug dang drag po la sogs pa rnams dang tsar tsi kA la sogs pa rnam par sbyangs pa rnams kyi dkyil 'khor la yang sgrub pa po'o/ /des na rnal 'byor pa de nyid thob pa ste dbang bskur ba ni ye shes sam/ 'jig rten pa'i las rab 'byam bsgrub pa'i don du sangs rgyas par gyur kyang rung zhi ba pa 'am gcer bu pa dad pa mchog tu gyur pa 'am skal ldan nam gtsang gnas sam de bzhin du bram ze 'am thod pa can nam skra 'bal zhes pa zad byed par gyur kyang rung gos dkar ba 'am zhing skyong du gyur kyang rung ste dag pa'o/ /thub pa 'am bsnyon pa'i gzugs can nam rigs pa can nam sdig pa med pa'i sems ldan mkhas pa'am slob gnyer pa yang rung ste rnal 'byor pa ni dngos grub don slad mtha' dag yon tan gter te mi yi dbang yid la gang 'dod pa'i spyod pa de ji srid grub par gyur gyi bar du sbas te bya zhing de nas nus pa las 'jig rten las 'das pa mngon du bya'o zhes pa ni de bzhin gshegs pa'i nges pa'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las rab tu gnas pa dang tshogs kyi 'khor lo'i cho ga dang rnal 'byor spyod pa'i mdor bsdus chen po ste lnga pa'o// // phyag gi phyag rgya lta stangs kyis/ /gang gis lha min dbang skrag mdzad/ /dus kyi 'khor lo der btud nas/ /phyag rgya la sogs mtshan nyid bshad/ / smra mkhas kyis ni mi bsdus rgyud kyis/ /ji ltar rgyud chen las phyung ba/ /phyag rgya lta stangs yan lag brda/ /thams cad 'grel pas rgyas par bya/ 'dir phyag rgya bcing ba'i don du rgan po mthe bo la sogs pa sor mo rnams kyi ming ste rgan po ni mthe bo dang de nas gnyis pa ni 'dzub mo dang gsum pa ni gung mo dang bzhi pa ni ming med do/ /ming med de'i mthar mthe chung ni mtha' dag yon tan gter te nam mkha'i khams nyid kyi phyir ro/ / rnal 'byor pa yis slob dpon gyi man ngag gis rig par bya'o/ /de ltar phyag rgya bcing ba'i don du ming gi dbye bar 'gyur te yon tan dbang gis zhes pa ni dri dang gzugs dang ro dang reg bya dang sgra'i yon tan gyi dbang gis de rims pas so/ /de bzhin du bcing ba brjod par gyur na rdo rje bcing ba zhes par 'gyur zhing nges pa las khu tshur bcing ba byas par gyur na rdo rje'i khu tshur bcing ba zhes pa nges pa ste de bzhin du zhes gsungs pa'i phyir ro/ /da ni rgyal ba'i bdag po'i phyag rgya gsungs te 'dir lag pa gnyi gas rdo rje khu tshur bcings nas khu tshur gyis mthe bo bsdams pa dag brla g.yas pa dang g.yon pa'i steng du rdo rje'i 'dug stangs la gnas pa ni rdo rje'i phyag rgyar 'gyur ro/ /da ni mi bskyod pa'i phyag rgya gsungs te sngar dkyil dkrung byas nas dkyil dkrung de la lag pa g.yon pa gan rgyal du 'gyur te g.yas pa pus mo g.yas pa'i phyogs nas ji srid sa la reg pa'i bar du sa la son par gyur pa ste de ltar sa la reg pa mi bskyod pa'i phyag rgya'o/ /slar yang rim pa de nyid kyis te 'on kyang lag pa g.yas pa gan rgyal ni phyag na rin chen gyi mchog sbyin gyi phyag rgya'o/ /de bzhin du dkyil dkrung la lag pa g.yon pa'i steng du lag pa g.yas pa gan rkyal mnyam par gnas pa ni phyag na pad ma ste snang ba mtha' yas kyi ting nge 'dzin gyi phyag rgya'o/ /de bzhin du lag pa g.yon pa'i 'thil gan rgyal du dkyil dkrung gi steng du ste gzhan pa lag pa g.yas pa'i 'thil pus mo g.yas pa'i steng du 'jigs pa med pa rab tu sbyin pa ni phyag na ral gri zhes pa don yod grub pa yi mi 'jigs pa'i phyag rgya'o/ /de bzhin du g.yas pa'i khu tshur g.yas min gyi khu tshur la ste 'dzub mo g.yon pa gang yin pa de slar yang gzhan steng du khu tshur bcings pa la 'dzub mo rab tu zhugs pa 'di ni rnam par snang mdzad kyi byang chub mchog gi phyag rgya ste 'di ni gsal bar snying khar son pa'o/ /de bzhin du gzhan pa chos kyi 'khor lo'i phyag rgya ni lag pa g.yon pa dang g.yas pa'i 'dzub mo mthe bo sbyar ba gdu bu bzhin du gyur cing zlum po g.yon pa'i sen mo 'dus pa la g.yas pa'i sen mo 'dus pa ston pa'i sbyor bas gung mo la sogs pa brkyang ba ming med dang mthe chung cung zad steng du'o zhes pa snying kha'i phyogs su chos kyi 'khor lo'i phyag rgya ste de ltar/ de bzhin gshegs pa drug gi nges pa'o/ /da ni mchog gi phyag rgya gsungs pa 'dir rang gi lus la go cha chen po'i don du lag pa g.yon la shin du gang ba'i dri med ri bong 'dzin pa zhes pa ni 'dir/ a yi la sogs pa dbyangs bcwa lnga'i bdag nyid zla ba'i dkyil 'khor te lag pa g.yon la shin tu gang ba'i dri med ri bong 'dzin pa cha bcwa lnga yongs su rdzogs pa'o/ /a i r-i u l-i/ a e ar o al ha ya ra wa la zhes pa ni dbyangs rnams so/ /de bzhin du lag pa g.yas la rdo rje nyi ma dbyangs bcwa lnga'i bdag nyid te lA wA rA yA hA Al au Ar ai A l-I U r-I I A zhes pa ni yang dag par gang ba'i nyi ma'o/ /nyi ma dang zla ba 'di dag yang dag sbyar ba rdo rje 'jigs byed te drag po'i rdo rje khro bo las skyes zhes pa/ hu~M yig las skyes pa'i rtse mo lnga pa bsgoms nas rdo rje de dang 'chad par 'gyur ba'i rdo rje'i phyag rgyas yan lag thams cad la reg par bya ste cod pan dang bcas zhes pa gtsug tor dang bcas pa'i mgo nas brtsams te rkang pa'i mthar zhes pa rkang pa'i sen mo'i mthar thug pa nyid du'o/ /'di ni rgyal po dus kyi 'khor lo'i dpal ldan mchog gi phyag rgya ste thams cad srung zhing sdig pa'i dri ma 'phrog pa'o/ /de bzhin du phyag rgya 'dis gang zhig cung zad gzung bar bya ba'i dngos po sa skyes chu skyes kyi dam tshig dang mngal skyes sam/ drod gsher las skyes pa'am sogs pa'i sgras rul pa las skyes pa'i dam tshig gam/ de bzhin du bza' ba dang btung ba dang dpa' bo dang bcas ste sha dang bcas pa ni 'chad par 'gyur ba'i rim pas sbyang ba dang rgyas pa dang rab tu 'bar bar bya'o/ /de bzhin du bla ma dang ni zhabs dag la yang ste lha'i sku la rang gi rkang pa bgrod pa'i don du'o/ /gang gang bya ba nye bar sbyor bar 'gyur ba'i dngos po gang yin pa ste yon tan dbang gis zhes pa snying stobs dang rdul dang mun pa dang dri la sogs pa'i yul gyi dbang gis bya ba de la phyag rgya des reg nas sbyar bar bya'o/ /sa la sogs la dkyil 'khor gyi don dang rkang pa bgrod pa'i don du rnal 'byor pas phyag rgya 'di yis bsnun par bya ste mchog gi phyag rgya'o/ /da ni khro bo'i mgon po'i phyag rgya gsungs te 'dir lag pa dag gis rdo rje bcings pa zhes pa la 'dir lag pa g.yas pa dang lag pa g.yon pa'i khrig ma steng dang 'og tu rab tu zhugs shing dpung pa dang nye ba'i dpung pa'i tshigs kyi steng du rdo rje khu tshur gyis gnas pa'o/ /de bzhin du lag pa g.yon pa yang rdo rje bcings pas te nges par khro bo'i mgon po chen po'i phyag rgyar 'gyur zhes pa rdo rje shugs kyi'o/ /de bzhin du 'dzub mo thog mtha' bcings shing zhes pa ni 'dir 'dzub mo dag phan tshun du lcags kyu bcings shing mtha' zhes pa mthe chung gnyis po dag bcings te lag pa'i rgyab sbyar bas khu tshur bcings la mthe bo dag khu tshur gyi nang du'o/ /de ltar gtso bo srid pa gsum las rnam par rgyal ba'i zhes pa 'jig rten gsum las rnam par rgyal ba'i ste snying khar gnas pa'o/ /mtshan ma'i rnam pa dag kyang lhag ma rnams te rab gsal nges par lha dang lha mo rnams kyi'o/ /de bzhin du klu rnams kyi phyag rgya ni lag pa dag gis rdo rje bcings pa zhes pa ste 'dir g.yon pa'i dpung pa dang nye ba'i dpung pa'i tshigs kyi steng du g.yas pa'i dpung pa dang nye ba'i dpung pa'i tshigs bcings pa dang lag pa g.yon pa'i nye ba'i dpung pa'i tshigs lag pa g.yas pa'i nye ba'i dpung pa'i tshigs kyi steng du ste lag pa g.yon pa dang g.yas pa g.yo ba'i gdengs ka'i rnam pa dag go/ de ltar g.yo ba'i gdengs ka'i rnam pa gdengs can rnams kyi phyag rgya ste de ltar g.yas su bskor bas kyang rig par bya'o/ /da ni mthe bo zhes pa la sogs pas mtshan ma'i phyag rgya gsungs pa 'dir rdo rje rtse lnga pa'i phyag rgya la lag pa sbyar ba byas nas mthe bo dag sbyar zhing mthe chung gnyis sbyar la de dag pad ma'i 'dab ma dang mtshungs la gung mo gnyis mnyam par dbus su brkyang ste 'dzub mo gnyis gung mo dag gi rgyab kyi char phyed 'khyog pa zla ba phyed pa'i rnam pa dang ming med 'og tu bskum pa rang gi lag mthil son gyur pa de ltar phyag rgya 'di ni rdo rje can gyi rdo rje rtse mo lnga par 'gyur te bstan par bya ba'o zhes pa ste sngar gsungs pa'i mchog gi phyag rgya yang 'di'o/ /de bzhin du rtsibs kyi rnam pa sor mo rnams te lag pa gnyi ga la gnas mthe bo la sogs mtha' dag rnams zhes pa ni rdo rje'i phyag rgya gzhan te shes rab la 'khyud pa'i don du'o/ /de bzhin du lag pa gnyis ni rdo rje bcings pa snga ma bzhin du rdo rje'i khu tshur gyis rdo rjer 'gyur te g.yas pa steng du byas shing g.yon pa gang yin pa 'og tu khu tshur gyis dril bur 'gyur ro/ /de bzhin du khu tshur phyed pa ming med dang mthe chung gi khu tshur gyi nang du mthe bo'o/ /de ltar khu tshur phyed par 'dzub mo dang ni gung mo sbyar ba mda' dang mtshungs pa dag kyang ral gri rnon por 'gyur zhes pa steng du ral gri'i phyag rgya'o/ /de bzhin du mthe bo khu tshur phyed pa dang 'dzub mo la sogs zhes pa 'dzub mo dang gung mo dang ming med rtse gsum gyi rnam pa slar yang bkram pa dag ste khu tshur phyed pa yis ni rtse gsum gyi phyag rgya ste thams cad du yul gyi don la bdun pa'o/ /de bzhin du dpal ldan gri gug khu tshur bcings shing mthe chung zla ba phyed pa'i rnam pa gdul dka' rnams 'jigs par byed par 'gyur zhes pa gri gug gi phyag rgya'o/ /de bzhin du rna ba'i steng du khu tshur bcings shing gung mo'i steng du mthe bo dang 'og tu 'dzub mo ste mda' yi mchog gi phyag rgya la zhes pa ni mda'i phyag rgya'o/ / lcags kyu la rdo rje khu tshur bcings shing 'dzub mo khu tshur gyi steng du lcags kyu'i rnam par shin tu 'khyog po ni lcags kyu'i phyag rgya'o/ /de bzhin du mthe chung dang mthe bo dag gis khu tshur dang 'dzub mo dang ming med 'og tu mda' dang mtshungs par sbyar zhing de dag gi steng du gung mo ni mdung la ste de ltar mdung gi phyag rgya'o/ /de bzhin du thad kar khu tshur dang dpung pa rab tu brkyang ba dbyug pa la ste de ltar dbyug pa'i phyag rgyar 'gyur ro/ /de bzhin du lag mthil shin tu mnyam la steng du mthe bo rab tu brkyang zhing thad ka'i char 'dzub mo la sogs pa bzhi sbyar ba ste de ltar dgra sta'i phyag rgyar 'gyur ro/ /de bzhin du steng du khu tshur gnyis dang khu tshur gnyis kyi steng du yang 'dzub mor 'gyur te lha min bdag po glang chen ni log 'dren te de'i lpags pa dag la'o zhes pa glang po che'i lpags pa'i phyag rgya'o/ /de bzhin du mche ba la ni lag pa gnyi ga'i 'thil du khu tshur bcings shing mthe chung zla ba phyed pa'i rnam pa g.yas dang g.yas min ni kha la bstan par bya ste de ltar mche ba'i phyag rgya'o/ /lag pa g.yas kyi mtshan ma'i phyag rgya dang glang po che'i lpags pas mche ba'i phyag rgya'i nges pa'o/ /da ni lag pa g.yon pa'i mtshan ma'i phyag rgya gsungs pa de bzhin du khe Ta ka la ste phub la dpung pa g.yon pa rab tu brkyang zhing lag pa'i mthil ni steng du son pa mi 'jigs pa'i lag 'thil lta bur 'gyur te de ltar phub kyi phyag rgya'o/ / de bzhin du kha T+wA~M ga la khu tshur bug pa ste 'dzub mo dang gung mo dang ming med dang mthe bo rnams sbyar zhing phrag pa'i gnas su mthe chung steng du rab tu brkyang ba ste de ltar kha T+ra~M ga'i phyag rgya'o/ /de bzhin du thod pa la sor mo bug pa med pa'i lag pa pad 'dab lta bu gan rkyal ni thod pa'i phyag rgya'o/ /de bzhin du gzhu la rab tu brkyang ba'i lag pa gan rkyal khu tshur te de ltar gzhu'i phyag rgya'o/ /de bzhin du g.yon pa'i khu tshur gyi steng du gung mo dag ni 'dzub mo 'khyog po rten pa ste gnyis kyis dbus su bug pa'o/ /de ltar rdo rje zhags pa ste 'di ni lag pa gcig gi phyag rgya'o/ /gzhan ni lag pa gnyis kyis cig car gyis te chu lha la sogs pa'i g.yas pa gang du rdo rje lcags kyu ma mthong ba'o de ltar zhags pa'i phyag rgya'o/ /de bzhin du sbyar ba ste 'dus pa'i sor mo lnga po rnams kyi dbus su gung mo byas nas steng du brkyang ba'i phyag ces pa ni rin po che'i phyag rgya'o/ /lag pa g.yon pa'i pad ma'i phyag rgya la mthe bo dang mthe chung sbyar te 'dzub mo la sogs pa ni phyogs rnams su'o/ /de ltar sor mo rnams rnam par phye ba pad ma 'dab ma bzhi pa lta bu ste lag pa gnyi ga dag gis pad ma 'dab ma brgyad par 'gyur ro de ltar pad ma'i phyag rgya'o/ /de bzhin du Da ma ru la gung mo dang ming med dag gis khu tshur bcings shing 'dzub mo lcags kyu'i rnam pa dang mthe bo'i sen mo'i steng du mthe chung phyed 'khyog pa'o/ /de bzhin du tho ba la khu tshur bcings pa'o/ /'khor lo la sor mo thams cad rtsibs kyi rnam par rab tu brkyang ba lag pa gcig la ste lag pa gnyi ka'i 'thil sbyar ba'o/ /de bzhin du 'dzub mo dang mthe bo dag sbyar te mthe bo'i 'og tu mthe chung la sogs pa khu tshur dang mthe bo dang 'dzub mo rab tu brkyang ba dag dung gi phyag rgya'o/ /me long ni mngon du phyogs shing shin tu mnyam pa'i lag 'thil g.yon pa ste me long gi phyag rgya la sor mo rnams bug pa med pa'o/ /de bzhin du 'dzub mo dang por byas nas mthe chung gi mthar thug pa ste mthe bo'i steng du 'dzub mo 'khyog po zlum po'i rnam pa'o/ /de'i steng du gung mo'o/ /gung mo'i steng du ming med do/ /ming med kyi steng du mthe chung ngo / /de ltar lcags sgrog gi phyag rgya'o/ /de bzhin du tshangs pa'i mgo bo la mthe bo la sogs bzhi po phan tshun sbyar bas gdong dang mtshungs shing 'og tu gdong rnams te mthe chung bkum pa ni mgo bo'i phyag rgya'o/ / de bzhin du lag pa dag gis dung gi phyag rgya sbyar ba cod pan du 'gyur te steng du 'dzub mo gnyis sbyar ba'o/ /lag pa gnyi ga'i 'thil gyi phyi phyogs sbyar te rgyab tu sor mo lnga po rnams ni rna rgyan la ni rna rgyan gyi phyag rgya'o/ / de bzhin du lag pa'i rgyab tu sor mo rnams ni rim par yongs su bkod cing phan tshun bcings pa mgul pa'i rgyan la ste de ltar mgul rgyan gyi phyag rgya'o/ /de bzhin du ske rags la g.yon pa dang g.yas pa dag gi sor mo gsum ni ming med dang gung mo dang 'dzub mo dag ste sor mo rtse mo sbyar zhing mthe chung dang mthe bos khu tshur bcings pa ni ske rags kyi phyag rgya'o/ /de bzhin du lag pa gnyi ga'i mthe bo gnyis dang gung mo gnyis sbyar te de dag gis zlum skor lta bur byas shing sor mo lhag ma rnams kyis khu tshur bcings pa ni rkang gdub la ste rkang gdub kyi phyag rgya'o/ /de bzhin du dpung rgyan nam gdu bu la mthe bo sbyar ba dang 'dzub mo sbyar ba zlum skor lta bur 'gyur zhes ste bcom ldan 'das kyi mtshan ma'i phyag rgya'o/ /da ni mthe bo zhes pa la sogs pas rigs kyi phyag rgya gsungs te 'dir rdo rje khu tshur gyi steng du mthe bo bstan pa ni mkha' 'gro ma thams cad kyi thun mong du rigs kyi phyag rgyar 'gyur ro/ /de bzhin du rdo rje khu tshur gyi steng du 'dzub mo rab tu brkyang ba ni gsang ba pa ste gnod sbyin rnams kyi rigs kyi phyag rgya'o/ /de bzhin du khu tshur bcings pa las gung mo rab tu brkyang ste bstan pa ni dri za rnams kyi rigs su 'gyur ro/ /de bzhin du ming med ni gdengs can rnams kyi rigs su 'gyur te mthe chung bstan pa ni 'byung po rnams kyi rigs su 'gyur ro/ /de bzhin nyid du steng du sor mo bzhi po rnams kyis khu tshur bcings te lag pa'i 'thil rab tu gsal bar bstan pa ni srin po rnams kyi rigs su 'gyur ro/ /khu tshur bcings te bstan pa ni grub pa rnams kyi rigs su 'gyur ro/ /de bzhin du dpung pa dang nye ba'i dpung pa'i tshigs ni lha rnams kyi rigs so/ /de bzhin du lag pa'i rgyab kyi 'thil ni tshangs pa'i srin po'i 'o/ /de bzhin du nye ba'i dpung pa dang lag pa'i tshigs bstan pa ni ro langs rnams kyi rigs su 'gyur te de ltar phyag rgya rnam pa brgyad ni rigs brgyad las skyes pa rnams la lag pa g.yon pas bstan par bya'o/ /da ni lag pa zhes pa la sogs pas dud 'gro'i gdong can rnams kyi rigs kyi phyag rgya gsungs te 'dir lag pa gcig gam gnyi ga'i 'thil du sor mo lnga po rnams phyed 'khyog pa seng ge'i sder mo'i rnam pas sder mo can rnams kyi rigs kyi phyag rgya'o/ /de bzhin du khu tshur bcings pa las lag pa gnyi ga'i khu tshur gyi steng du 'dzub mo gnyis po phyed 'khyog pa zla ba phyed pa'i rnam pas mgo bor bstan pa ni rwa can rnams kyi'o zhes pa rwa can rnams kyi phyag rgya'o/ /de bzhin du lag pa'i 'thil gyi rgyab sbyar nas mthe chung gnyis phan tshun bcings shing 'dzub mo dang gung mo dang srin lag gshibs te brkyang nas mthe bo dag gi gdong sbyar ba ni de ltar bya khyung gi phyag rgya'o/ /de bzhin du sor mo lnga po rtse mo'i tshigs 'khyog pa bstan pa gdengs can rnams kyi rigs kyi phyag rgyar 'gyur ro/ /de bzhin du 'bar ba'i phyag rgya la gung mo dang ming med dang mthe chung brkyang ste lag pa gnyis ga'i 'dzub mo gnyis po phan tshun mdud de mgo bo'i steng du kha 'og tu bstan nas mthe bo dag sbyar ba'o/ /mchog gi lag 'thil dag gi rnam pa de nyid kyis te 'on kyang 'dzub mo brkyang ba ni gzhan pa ste 'bar ba'i phyag rgya gnyis pa'o/ /rigs kyi phyag rgya dud 'gro'i gdong can rnams la bstan par bya'o/ /da ni 'dzub mo zhes pa la sogs pas dpa' bo dang dpa' bo'i dbang phyug ma rnams phan tshun du phebs par smra ba'i phyag rgya gsungs pa 'dir gang dang gang du phrad pa tsam gyis khu tshur bcings nas steng du phyogs pa'i 'dzub mo mthe bo la mngon par phyogs shing sbyar ba bstan par bya ste de bstan na legs par 'ongs sam du 'gyur ro/ /rnal 'byor pa la rnal 'byor mas sam rnal 'byor ma la rnal 'byor pas so/ /gnyis kyis te 'dzub mo dang gung mo rgyab tu yang dag par ldan pa dag gis shin tu legs par 'ongs pa brjod par 'gyur ro/ /de bzhin du g.yon pa'i mthe bo khu tshur bcings pas skal bzang dge ba rab tu brjod par 'gyur ro/ /de bzhin du sor mo'i se gol rdebs pa mthe bo dang 'dzub mo dag gis khyod ni 'di ru sngags pa mchog tu nges par brjod par 'gyur ro/ /mthe bo dang ni ming med dag gis se gol byas na dam tshig bcas pa'i chang gis khyod ni tshim par byed pa'o zhes brjod par 'gyur ro/ /de bzhin du phyag 'tshal ba'i sbyor bas sor mo thams cad rtse mo brkyang bas skal bzang legs par 'ongs pa brjod 'gyur rnal 'byor pa la yang / /de bzhin du g.yon gyi yan lag reg pas rtag tu khyod ni bdag gi gnyen gcig pu dag rab tu gsal bar byed do/ /de bzhin du skye gnas la reg pas khyo bo ste de bzhin du mchu dang nu ma 'am sen mo 'debs pas kyang khyo bor brjod pa'o/ /sor mo phan tshun bcings pa zhes pa ni lag pa dag sbyar ba byas nas mthe chung la sogs pa sor mo phan tshun bcings te bcings pa de las 'dzub mo dang ming med bcings shing mthe bo dang gung mo rab tu brkyang bas dam tshig la 'dus pa rjod par byed do/ /phebs par smra ba'i phyag rgya'o/ /da ni mchu dang zhes pa la sogs pas smod pa'i phyag rgya gsungs te 'dir gang gi tshe gang dang gang du pho nya mos mthong bar gyur na sgrub pa po mthong nas mchu la sogs pa yo ba ston par byed do/ / der mchu yo ba dang smin ma yo ba dang mig yo ba dang de bzhin du mgo bo la 'phrug par byed na khyod shin du cher rmongs pa rjod par byed te gang gi tshe phyag rgya'i brda mi shes pa'i phyir ro/ /de bzhin du gal te des mche ba'i dbus su mthe chung bkod na de'i tshe mthe chung des 'jigs pa rab tu bsal bar byed do/ /yang na mdzub mo snying kha'am/ khar bkod na 'jigs pa rjod par byed do/ /de bzhin du mthe bo khu tshur bcings pa byas te/ khu tshur bcings pa de las de nyid kyis sa la rdebs pa'am/ lag pa dang / rkang pa rdebs par gyur na nga yis bza' bar bya'o zhes rjod pa ste/ phyag rgya'i brda mngon par mi shes pa nyid kyi phyir ro zhes pa smod pa'i phyag rgya'o/ /de bzhin du zas kyi don du ming med kyis lce la reg na zos pa dang / de bzhin du lag pa g.yon pas lto dang so la bsnun pa dag gis ma zos pa'o/ /de bzhin du lag pa'i rgyab ston par gyur na song zhig ces nges par rab tu brjod pa ste/ mngon du phyogs pa ston par gyur na 'dug cig ces brjod pa'o/ /de bzhin du byin pa nyed pa dang / brla nyed par gyur na skal bzang khyod de ring ngal so zhig brjod par byed do/ /de bzhin du rkang pa rab tu skyod pas gnyid log cig ces pa'i nges pa sbyin pa'o/ /de bzhin du pus mo zung dag skyong bas bdag la shin tu dga' ba gyis zhes pa nges pa'o/ /de bzhin du rang gi yan lag kun la lag pa g.yon pas reg pa'am khar lag pa g.yon pa bkab ste de ltar byed na khyod dang lhan cig bdag la 'dus pa med do zhes brjod pa ste/ rje bo la sogs pas bsrungs pa nyid kyi phyir ro zhes pa'o/ /de bzhin du rang gi lag pa phan tshun bcings te mthe bo dang mdzub mo dbus nas rnam par phyung na de'i tshe phyag rgyas de ring bdag gi khyim du 'khor lo 'dus pa 'byung bar 'gyur ro zhes brjod pa ste/ khyod kyang 'dug cig ces pa'i don to/ /mthe bo ming med rtse mo ston pa dag gis rnam mang dam tshig rnams kyis khyod la ji ltar 'dod par mchod par bya ste zhes brjod pa'o/ /de bzhin du rkang pa la ni 'phrug par byed par gyur na/ phyi rol gyi 'khor lo 'dus pa rnams la 'gro ba yang brjod pa ste/ khyod kyang shog cig ces pa dgongs pa'o/ /de bzhin du 'dzub mo lcags kyu'i rnam pas phan tshun bcings par gyur na rdo rje'i grogs po khyod ni de ring 'jigs pa 'phrog par byed ces pa ste de ltar dam tshig 'dus pa'i phyag rgya nges pa'o/ /da ni skra zhes pa la sogs pas shin tu khros pa rnams kyi phyag rgya gsungs pa 'dir gang gi tshe sgrub pa po log pa'i nga rgyal gyis brnyas pa byed dam nus pa dang ldan pa ma gtogs par phyag rgya'i lan ston par byed na de'i tshe nus pa dang ldan pa rang gi skra rnams rang gi sos gcod par byed te de ltar skra ni rang gi so yir gcod par byed par gyur na phyag rgyas kye mi yi phyugs khyod bdag gis 'dir ni ltung bar bya zhes pa 'di brjod pa'o/ /de bzhin du so la sos phan tshun 'dar bar byed ste de 'dar bar gyur na kye mi yi phyugs khyod kyi sha ni 'di dag de ring bdag gis bza' bar bya zhes pa 'di brjod pa'o/ /de bzhin du lce mchu g.yo bar byed par gyur na khyod kyi lus las khrag ni btung bar bya'o zhes rjod par byed do/ /de bzhin du mchu la so yis 'debs par byed na khyod kyi rgyu ma lto bar gnas 'di bdag gis bza' bar bya kye mi yi phyugs khyod gang du 'gro zhes brjod par byed pa ste khros par gyur pa phyag rgya ston par byed na nus pa dang phral ba des phyag rgya'i lan bstan par mi bya zhing de rnams la phyag byas nas snying khar lag pa g.yon pa'i 'thil bzhag la rang gi lus g.yon skor gyis yongs su bskor zhing de nas lag pa g.yon pas steng du phyag byas nas 'gro bar bya ste de rnams dang lhan cig rtsod par mi bya'o/ /byis pa'i rnal 'byor pa rnams la nges pa gang byin pa de des bya'o rnam pa gzhan du na 'chi ba 'thob ste khros pa'i pho nya mo nus pa dang ldan pa'o zhes pa ni bcom ldan 'das kyi nges pa'o/ /ra ni phan tshun phyag rgya bstan pa la lan gyi mtshan nyid gsungs te 'dir bcom ldan 'das dus kyi 'khor lo'i g.yon pa dang g.yas pa'i phyag gi mtshan ma gang yin pa de'i rang bzhin ni phyag rgya rnams so/ /de las kyang phan tshun du phyag rgya dang phyag rgya'i lan te rdo rje dang rdo rje dril bu dag dang ral gri dang phub dag dang rtse gsum dang kha T+wA~M ga dag dang gri gug dang thod pa dag dang mda' dang gzhu dag dang lcags kyu dang zhags pa dag dang Da ma ru dang rin po che dag dang tho ba dang pad ma dag dang 'khor lo dang dung dag dang mdung dang me long dag dang dbyug pa dang lcags sgrog dag dang dgra sta dang tshangs pa'i mgo dag dang glang po che'i lpags pa dang sdigs 'dzub dag dang dbu rgyan dang rna rgyan dag dang mgul rgyan dang lag gdub dag dang ske rags dang rkang gdub dag dang rwa can dang sen mo can dag dang klu dang mkha' lding dag dang lag pa dang rkang pa dag dang kha dang bshang lam dag dang b+ha ga dang rtags dag dang nu ma dang mchu dag dang mig dang smin ma dag dang thig le dang mig sman dag dang rab tu khro ba dang gtsug pud dgrol ba dag dang pus mo dang brla dag dang mgrin pa dang dpral ba dag dang lte ba dang snying kha dag dang skra 'tshams dang sin d+'u ra dag dang mche ba dang mthe chung dag dang mthe bo dang ming med dag dang 'dzub mo dang gung mo dag go/ de ltar phyag rgya du ma bstan pa na phyag rgya'i lan du mar 'gyur te shes rab dang thabs kyi chos dang sa la sogs pa'i de nyid kyi dbye bas thams cad du rnal 'byor pas rig par bya'o zhes pa ni nges pa'o/ ! /da ni sgeg pa la sogs pa'i phyag rgya mtha' yas pa rnams te de rnams kyi rang bzhin shes nas de rnams thams cad rig par bya'o/ /'di lta ste/ sgeg pa'i sbyor ba yis ni sgeg par 'gyur ste mi yi bdag po bzhad pa'i sbyor bas bzhad pa'o/ /gar gyi sbyor ba yis ni gar du 'gyur te rnam pa mang po'i rol mo'i sbyor bas rol mo'o/ /glu yi sbyor ba yis ni glu ste mchog gi yon tan rnam mang dri yi sbyor ba dag gis dri/ /phreng ba'i sbyor ba yis ni phreng bar 'gyur te yon tan dbang gis spos kyi sbyor ba dag gis spos/ /mar me'i rnam pas mar me nges par mun pa bcom pa dang ni snod kyi phyag rgya bdud rtsir 'gyur/ /zhes pa de ltar phyag rgya thams cad slar yang de nas lnga yi dbye bas rnam par phye ba ste/ /gzhan pa phyag rgya mtha' yas rnams kyang mtha' dag lus la gnas pa rnal 'byor pa yis rig par bya/ /gang gang dngos po'i rang bzhin du 'gyur sa yi steng du de yi rang bzhin dag kyang phyag rgya rnams zhes pa de'i phyir/ ji snyed mig ni rnam g.yeng ba/ /de snyed phyag rgya rab tu grags/ /phyag rgya phyag rgya'i lan la ni/ /nges pa 'dzin par su yis nus/ /rnal 'byor rnams kyi ting 'dzin gyis/ /ji srid mngon shes ma bskyed pa/ /de srid 'jig rten rtsod don du/ /phyag rgya'i lan ni bstan mi bya zhes pa ni phyag rgya'i brda'i nges pa'o/ /da ni pho nya mo zhes pa la sogs pas lta stangs kyi brda gsungs te 'dir gang gi tshe rnal 'byor pa mthong ba na pho nya mo zhes pa rnal 'byor ma 'phred la mig lta bar byed na lta stangs des khyod ni gnas gang zhig nas 'ongs zhes pa'i dri ba skal ba bzang la zhes pa rnal 'byor pa la rjod par byed do/ /de nas mgo bor lag pa g.yon pa bzhag ste phyogs su nges par bltas pa rnal 'byor pa yis gnas nas 'ongs pa brjod pa ste lan smras par 'gyur ro/ /steng du lta bas khyod ni dge 'am rjod par byed do/ /sa yi steng du gnas pas khyod ni 'dug la ngal so zhig ces pa rjod par byed do/ /yon por lta bas khyod song zhig ces pa'o/ /chags pa'i lta bas pho nya mo ni shin tu dga' ba gyis shig ces rjod par byed do/ /zhi ba'i lta bas khyod ni bdag gi grogs po zhes rjod par byed te phebs par smra ba'i lta stangs kyi nges pa'o/ /da ni 'jigs pa'i lta stangs rnams gsungs te 'dir gang gi tshe khro gnyer byas nas khro bo'i lta ba ston par byed na de'i tshe khro gnyer khro bo'i lta ba des rnal 'byor pa la 'jigs pa rab tu gsal bar byed de mi shes pa'i phyir ro/ /de bzhin du skra la lta bas bdag ni ma rungs pa zhes brjod pa ste skal bzang la ni zhes pa rnal 'byor pa la rang gi rang bzhin zur 'di dag gis so/ /de bzhin du mdzod spur lta bas bdag ni mchog go zhes rab tu gsal bar byed do/ /de bzhin du sna la lta bas yon tan rab tu gsal bar byed do/ /mchu la lta bas rang gi skal ba bzang po rab tu gsal bar byed do/ /de bzhin du rang gi nu ma zung la lta na bdag ni phyag rgya bzang mo zhes brjod do/ /snying khar lta bas bsgoms pa'i bdag nyid do zhes brjod do/ /de bzhin du lag pa zung la lta na bdag ni rab tu gtum mo zhes brjod do/ /de bzhin du phrag par lta bas bdag ni nus ma zhes brjod do/ / de bzhin du sen mo dang bcas pa'i lag 'thil la lta na bdag ni srin mo zhes brjod do/ /de bzhin du rgyab tu lta bas bdag ni klu mo zhes brjod do/ /de bzhin du lte bar lta bas bdag ni dam tshig can zhes brjod te mi yi dbang po zhes pa ni bod pa'o/ /de bzhin du gsang bar lta bas bdag ni dag pa zhes brjod do/ /de bzhin du brla la lta bas bdag ni shin tu dga' la gdul bar dka' zhes brjod do/ /de bzhin du pus mor lta bas bdag ni grub pa zhes brjod do/ /de bzhin du rkang pa la lta bas bdag ni rdzu 'phrul sbyin pa mo zhes brjod do/ /de bzhin du rkang pa'i mthe bor nges par lta bar byed na lta stangs des bdag ni srid par rdo rje'i sku ste dpa' mo gcig pu'o zhes brjod do/ /de bzhin du rkang pa dag gi sor mo kun gyi rtse mor lta bas srid pa gsum gyi gnas su bdag ni kun tu 'gro ma sna tshogs yum mo zhes brjod do/ /de bzhin du rnal 'byor pa nus pa dang ldan pa yang bdag nyid kyi yon tan rnams pho nya mo rnams la rab tu gsal bar byed do/ /de ltar gsungs pa'i rim pas pho nya mo rnams kho na'i lta stangs te slar yang rang bzhin rnams kyis rnam pa mang por rig par bya'o zhes pa ni lta stangs kyi brda'i nges pa'o/ /de bzhin du brda dngos po gang gi ming gang yin pa de'i yi ge dang pos de gzung bar rig par bya ste gnas skabs kyi dbang gis so/ /dper na sen d+ha pa khyer la shog ces brjod pa na khrus la gos dang zas la lan tshwa dang 'gro ba la rta dang g.yul la ral gri'o zhes pa'i rigs pas dang po'i yi ge'i brda yis dngos po'i chos thams cad rig par bya'o/ /tshogs kyi 'khor lo la sogs pa la dam tshig dang mi ldan pa'i sems can gyi nang du rnal 'byor pa 'am rnal 'byor mas dgongs pa'i skad gzhan nam brdas brjod par bya'o zhes pa ni thams cad du nges pa'o/ /da ni slob ma rnams kyi sbyin pa'i don du rang gi lus la sogs pa'i cha'i nges pa gsungs pa drug cha zhes pa la sogs pa ste 'dir gang gi tshe rdo rje slob dpon gyis khyim pa'am dge tshul lam dge slong la dbang bskur ba na des dam bca' ba 'di bya ste bdag gis dus thams cad du dngos po thams cad kyi drug cha sbyin par dbul bar bya'o zhes pa nges pa'o/ /de la dang por re shig drug cha lus kyi nang nas lag pa rkang pa lus dag las zhes pa lag pa gnyis dang rkang pa gnyis dang lus te lnga po 'di rnams kyi nang nas drug pa yan lag mchog ni slob dpon la phyag btsal ba'i don du sbyin par rab tu dbul bar bya'o/ /sangs rgyas dang byang chub sems dpa' dang ldan pa'i bla ma la de phul na mchog gi phyag rgya rjes su rig pas 'bul ba po ni bde ba'i go 'phang thob par 'gyur ro/ /de bzhin du las kyi dbang po rnams kyi nang nas ngag dbul bar bya ste lag pa dang rkang pa dang bshang lam dang b+ha ga la sogs pa'i dbang po rnams las drug pa ngag gi dbang po ni bden par smra ba'i don du ngag dbul bar bya'o zhes pa bcom ldan 'das kyi nges pa'o/ /de bzhin du mig dang rna ba dang sna dang lce dang lus kyi dbang po rnams kyi nang nas drug pa yid te yon tan dang bcas g.yo sgyu'i spros pa dang bral ba sems can gyi don du dbul bar bya ste sbyin pa'i nges pa'o/ /de bzhin du khams kyi cha shas zhes pa ni gser dang rin po che dang 'bru la sogs pa sems med pa'i rdzas rnams ni khams te yun rings kyi dang glo bur du byung ba'i khams de rnams las drug gi cha shas ni rnal 'byor ma la sogs pa mchod pa'i don du dbul bar bya'o/ /de bzhin du sems dang bcas pa rkang gnyis pa dang rkang bzhi pa rnams kyi drug gi cha shas dbul bar bya ste cha shas lnga ni bdag nyid dang rtsa lag nye bar longs spyod pa'i don du gzhag par bya'o/ /de bzhin du de nyid cha yis gzhan zhes pa gzugs bzang chung ma la sogs pa zla ba'i nang du lan lnga 'dod pa'i sbyin pa dbul bar bya'o zhes pa ni de bzhin gshegs pa'i nges pa'o/ /rnam pa gzhan du sngags kyi tshul la 'dod pa sbyin pa ma gtog par skal pa mtha' yas pa dag gis phyag rgya chen po'i dngos grub tu mi 'gyur zhing las kyi phyag rgya dang ye shes kyi phyag rgya'i dngos grub tu yang mi 'gyur te chags pas zil gyis mnan pa rigs la zhon pa'i phyir ro/ /de ltar drug cha dbul ba'i nges pa'o/ /da ni sems can gang dag ces pa la sogs pas snying rje'i dbang bskur ba gsungs pa 'dir 'jig rten gyi khams te 'gro ba drug po rnams las sems can gang dag dbang ma bskur ba rnam gsum srid par gnas rnams thams cad mkhyen pa'i ye shes rdo rje lcags kyus bkug nas bsgoms pa tsam de rnams la mchog gi snying rjes dkyil 'khor du ni sangs rgyas rnams te bshang ba dang gci ba dang khrag dang rkang rnams dang de bzhin du rdo rje'i bdud rtsi ste khu bas mngon par dbang bskur ba dri med ri bong can gyi lus dang de nas rdo rje can gyi lam thob par 'gyur ba zhes rnam par bsgoms shing de nas rdo rje slob dpon gyis dri ma rnam par bral zhing byang chub spyod la rjes su gnas pa de rnams thams cad rang gi gnas su gtang bar bya'o zhes pa ni snying rje'i dbang gi nges pa'o/ /da ni rdzas rnams mid pa'i zhes pa la sogs pas kun spangs kyi slob ma la dbang bskur ba'i nges pa gsungs pa 'dir gang gi tshe kun spangs gyi slob ma la rdzas med na de'i tshe bla mas rdzas rnams med pa'i mngon par dbang bskur rgyal ba'i bdag po'i bka' yis kun spangs la ni sbyin par bya ste rim pa ji lta bas dbang bdun dang de nas bum pa la sogs pa rnam pa gsum sbyin par bya'o/ /de bzhin du bzhi pa du ba la sogs pa'i lam sbyin par bya zhes pa ste tshig gis brjod par bya'o/ / de bzhin du mtha' dag yon tan gter ni rtsa yi rnal 'byor ldan pa ste mi 'gyur ba'i bde ba chen po'i ska cig tshig gis brjod par bya'o/ /de la bsten pa'i don du las kyi phyag rgya med par gyur na lag pa'i phyag rgya sbyin par bya ste rang gi snying gi dbang son lag pa'i phyag rgya ni skyon rnams kun las rnam par grol ba ste byang chub kyi sems brtan par byed pa'i ched du'o zhes pa nges pa'o/ /gzhan rnams la ni ste khyim pa rnams la ni rgyal ba mchog gi snying po zhes pa rdo rje'i tshig yum gyi mchod pas rnam par dman par sbyin pa nyid du mi bya zhes pa ni de bzhin gshegs pa'i dbang gi nges pa'o/ /da ni dbang gi mthar zhes pa la sogs pas dkyil 'khor gshegs su gsol ba gsungs te 'dir dbang gi mjug tu stod kor dang bcas pa'i gos zung bum pa'i steng du byin pa gang yin pa de rnal 'byor ma bum pa srung zhing skyong ba rnams la sbyin par bya'o/ /gzhan yang de bzhin stod kor dang ni gos zung dag so so'i sgo na gnas pa srung zhing skyong ba rnams la rab tu sbyin par bya ste sngon du ji ltar 'byor pas cod pan la sogs pa sbyin par bya'o zhes pa ni nges pa'o/ /de bzhin du mtha' dag tshogs kyi rigs la bdag nyid nus pas de bzhin gzhan tshogs kyi 'khor lor dpa' bo dang dpa' mo'i dbang phyug ma rnams la'o/ /de nas tshogs kyi 'khor lo gshegs su gsol te mthar ni sbyin sreg byas nas slob dpon gyis sngar bzhin du mchod pa byas ste shar gyi sgor bcom ldan 'das la mngon du phyogs pas rdo rje dang rdo rje dril bu bzung nas rdo rje bcings pas rang gi snying kha'i pad mar ye shes sems dpa' rab tu gzhug par bya ste/ dbang po la sogs pa 'jig rten pa rnams ni rang gi gnas su'o/ /de nas a shwad tha'i 'dab ma 'am rang gi lag pa 'am rdo rjes tshangs pa'i thig gi lam nas bde ba chen po'i 'khor lo'i rdo rje ji srid pa dbye bar bya'o/ /de nas rang gi mgor rdul tshon cung zad bkod nas pad ma la sogs pa dbyi bar bya'o/ /dkyil 'khor gshegs su gsol ba'i nges pa'o/ /de nas mtha' dag rdul tshon glang po che'i steng du gdugs dang rnga yab dang rgyal mtshan dang mchod pa dang bcas pas khyer nas rgya mtshor 'gro ba'i dag pa'i chu klung ba la'o/ /bum pa gang du khyer ba'i bum pa de chus gang bar byas nas slar yang glang po che'i phrag par bzhag ste dkyil 'khor gyi khang par khyer la 'ong ngo / /glang po med na bde ba'i gdan la khyogs byas nas dgyer bar bya'o/ /rdul tshon gshegs su gsol ba'o/ /de nas dkyil 'khor gyi khang par 'ongs te ba'i lci bas nye bar byug pa'i dkyil 'khor gyi khang par lo lnga nas brtsams te lo bcu'i bar gyi gzhon nu ma bcu la 'o ma dang mar dang 'o thug dang khaN Da dang la du la sogs pa dngar ba'i zas rnams kyis snga dro yang dag par mchod cing de nas tAm b+'u la dang dri dang spos dang me tog dang 'bras bur bcas pa dang bum pa'i mgrin pa bcings pa'i ras yug dag ni gzhon nu ma rnams la zhes pa bu mo rnams la byin nas/ slob dpon slob mar bcas pa mtha' dag tshogs kyi rigs ni dpa' bo'i ston mos ji ltar 'dod par mchod par bya'o/ /de la 'di ni dpa' bo'i ston mo'i cho ga ste 'dir slob dpon yongs su brtag pa las rdo rje slob dpon rnam pa gsum ste mchog dang 'bring dang tha ma'o/ /'di lta ste/ de nyid bcu ni yongs shes pa/ /gsum las dge slong mchog yin zhing / /'bring po dge tshul zhes bya ste/ / khyim gnas de las tha ma'o/ /zhes pa rgyud kyi nges pa las dge slong dang dge tshul dang khyim pa de rnams kyi dbang bskur bas rgan pa 'am gzhon pa nyid thun mong gis gcig tu 'dus pa de'i phyir dge slong rdo rje 'dzin pa'i gral ni shar du mngon par phyogs par gyur par bya'o/ /dge tshul gyi gral ni byang du mngon par phyogs pa'o/ /khyim pa'i slob dpon gyi gral ni lhor mngon par phyogs pa'o/ /de bzhin du dge slong ma'i gral dang dge tshul ma'i gral dang dge bsnyen ma'i gral ni so sor ro/ /de rnams la rgan pa dang gzhon pa la sogs pas gdan rnams sbyin par bya'o/ /de la dge slong rnams las gang zhig dbang gis rgan pa ste 'on kyang rmongs pa dang gzhon pa ni slob dpon chen po rgyud ston pa po yin na de dag las rgyud ston pa po gang yin pa de dpa' bo'i ston mo la tshogs kyi gtso bo ste rgan po ni khyim gzhan du so sor yang dag par mnyes par bya'o/ /de bzhin du rgan po chos cho ston pa po ma yin pa'i man ngag dang ldan pa gzhan yang ste sems can gyi don byed mi nus pa'i phyir ro/ /gzhan yang dge tshul dang khyim pa sngon du dbang bskur ba rnams ni ji srid mngon par shes pa ma bskyed kyi bar du dge slong rdo rje 'dzin pa las rgan por mi 'gyur ro/ /ci ste 'ga' zhig rtsod pa byed na yang de'i tshe nus pa dri bar bya'o/ /gal te mngon shes la sogs pa ston par byed na de'i tshe tshogs kyi gtso bo'o/ /ci ste yang dag pa'i spyod pa btang nas brdzun gyi dbang bskur gyis mngon pa'i nga rgyal dang rtsod pa byed na de'i tshe rang gi gnas su bskrad par bya'o/ /ci ste phyung bas chad pa khas len na de'i tshe chad pa'i bdag pos bza' ba dang btung ba la sogs pa'i chad pa sbyin par bya'o/ /de ltar dge slong dang dge tshul dang khyim pa rnams la go rim bzhin bza' ba dang btung ba la sogs pa sbyin par bya ste de rnams thams cad nyid ni shar du sngar gzhag par bya'o/ /de rnams kyi dbus su dkyil 'khor byas nas bcom ldan 'das dus kyi 'khor lo la dang por bza' ba dang btung ba la sogs pa phul te de nas dge slong la sogs pa'i slob dpon rnams dang dbang bskur ba gzhan rnams dang de rnams kyi drung na gnas pa rnams la sbyin par bya'o/ /de ltar mtha' dag tshogs kyi rigs ni ji ltar 'dod par mchod byas te de nas slob dpon gyis slob ma la ni gnang ba rab tu byin nas tshogs kyi sbyin pa'i don du de'i tshe bdag nyid kyi nus pas tshogs la yon phul nas rab mchog tshogs kyi rigs kun tu dga' bar byas pa ni rang rang gnas su gshegs su gsol bar bya'o zhes pa ni dpa' bo'i ston mo'i nges pa'o/ /da ni dgra zhes pa la sogs pas 'jigs pa dang nye bar 'tshe ba thams cad zhi bar byed pa gsungs te/ 'dir rigs kyi bu gang la la zhig gis dkyil 'khor bris nas dbang bskur blangs te rnal 'byor ma sngar gsungs pa rnams kyi zhabs dang nang du a ba d+hU tI la sogs pa rnams kyi zhabs nyin zhag so sor dran par byed na de la 'jigs pa thams cad rab tu nyams par 'gyur te/ dgras 'jigs pa dang seng ges 'jigs pa dang glang po ches 'jigs pa dang mes 'jigs pa dang lto 'phyes 'jigs pa dang chom rkun gyis 'jigs pa dang / zhags pas 'ching bas 'jigs pa dang rgya mtsho 'khrugs pas 'jigs pa dang sha zas 'jigs pa dang nad kyis 'jigs pa dang dbang po'i nye bar 'tshe bas 'jigs pa dang dbul ba'i sdug bsngal gyis 'jigs pa dang / bud med dang bral ba'i sdug bsngal gyis 'jigs pa dang mi'i bdag po 'khrugs pas 'jigs pa dang rdo rje ltung bas 'jigs pa dang don nyams pas 'jigs pa ste de ltar 'jigs pa bcu drug po rnams dang gzhan rnams kyang rab tu nyams par 'gyur ro/ /'di rnams ni rgya cher le'u dang por bstod pa'i sgo nas brjod zin to des na 'dir gsal bar ma byas so/ / de ltar dus kyi 'khor lo'i dkyil 'khor du dbang bskur ba ni rnal 'byor ma dang rnal 'byor gyi rgyu thams cad du dbang bskur bar 'gyur zhing rgyu thams cad kyi ston pa po dang sngags thams cad kyi rjes su gnang ba sbyin pa po dang dngos grub thams cad kyi sgrub pa po ste dus kyi 'khor lo'i rgyud ston pa po rdo rje slob dpon ni bcom ldan 'das 'jam dpal ji lta ba dang dus kyi 'khor lo dang po'i sangs rgyas ji lta ba/ de bzhin du thar pa don du gnyer ba rnams kyis blta bar bya'o/ /mchog gi dang po'i sangs rgyas kyi rjes su 'brang nas dbang gi le'u yi rgyas 'grel bris pa'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las phyag rgya dang lta stangs dang dkyil 'khor gshegs su gsol ba dang dpa' bo'i ston mo'i mdor bsdus chen po ste drug pa'o/ /dbang gi le'u yi rgyas 'grel rdzogs s+ho// // mad+ga la~M b+han+tu/ phyi mo ltar zhus dag byas so/ / (l-I) @#/ /dus 'khor 'grel chen dri med 'od bzhugs so/ / (黃) 秘密經時輪註五品一部 dpal dus kyi 'khor lo la phyag 'tshal lo/ /shAkya thub pa gang gis yid las byung rnams shes rab ye shes stobs kyis rang nyid kyi/ /rdo rje nas bkug rang gi dpral ba dang ni rdo rje gtsug tor chen por drangs gyur pa/ /gang gis dmigs bcas rdul med stong pa nyid dang dmigs pa med pa'i snying rje bzang po yis/ /lha mi lha min klu yi bla ma kun gyi ston pa gcig pu de la phyag 'tshal lo/ /gang la rgyu dang mtshan nyid med/ /g.yo dang de bzhin rim med pas/ /kA la tsakra mngon brjod pa/ /gnyis med de la btud byas shing / /gang zhig kA sog yi ge rnams kyis sprul pa dang / /longs spyod rdzogs dang bzang po'i chos dang dag pa yi/ /sku bzhi gsung ba dang po'i sangs rgyas ris med pa/ /de bzhin gshegs pa de la spyi bos rab btud nas/ /bde bar gshegs pas lung bstan cing / /'jam dpal gyis ni bskul gyur pas/ /drang srong rnams dang 'gro kun gyis/ /bsod nams ye shes 'bras thob slad/ /dpal ldan ye shes le'u yi/ /rgyas 'grel 'jig rten dbang po ni/ /chu skyes 'dzin pa'i sprul pa'i sku/ /pad ma dkar po bdag gis bri/ /'dir dpal ldan ka lA pa'i grong gi lho ma la ya'i skyed mos tshal gyi dpal dus kyi 'khor lo'i dkyil 'khor gyi khang pa'i shar sgo'i mthar/ rin po che'i sgo khyams na nor bu rin po che chen po'i seng ge'i khri la bzhugs pa 'jam dpal gyi sprul pa'i sku mi'i dbang po grags pa tshangs pa'i drang srong nyi ma'i shing rtas gsol ba btab par gyur pas mchog gi dang po'i sangs rgyas las ye shes kyi le'u la zla ba bzang pos gsol ba btab pa dang de bzhin gshegs pa'i lan gyi gsung tshigs su bcad pa dang pos gsungs pa/ gtso bo'i sgrub thabs rgyal ba mchog dang bcas pa gang zhig khyod kyis gsungs pa dag ni cung zad shes/ /slar yang bdag ni nyan par 'tshal lo lha mi'i bla ma khams kyi dbye ba rnams kyis dkyil 'khor dang / /sangs rgyas rnams dang rnal 'byor ma rnams dag gi rigs drugs a li ka li dag la gnas pa nyid/ /zla ba bzang po'i tshig gsan nas ni rgyal ba'i bdag pos khams kyi dbye bas dkyil 'khor la sogs gsungs zhes pa'o/ /'dir tshigs su bcad pa dang pos dang po'i sangs rgyas las zla ba bzang pos gsol ba btab pa dang de bzhin gshegs pas lan gsungs pa 'jam dpal gyis don la rton pa nyid kyis yang dag par bsdus pa de nyid rgyas 'grel gyis dgrol bar bya ste gtso bo'i zhes pa la sogs pa la 'dir sgrub thabs kyi le'u las gang zhig gtso bo dus kyi 'khor lo'i sgrub thabs de bzhin gshegs pa dang bcas pa gang zhig khyod kyis gsungs pa de ni bdag gis cung zad shes te de'i phyir slar yang bdag ni nyan par 'tshal lo kye lha mi'i bla ma shAkya thub pa lus la khams kyi dbye ba rnams kyis zhes pa rus pa la sogs pa'i khams rnam par dag pa rnams kyis dus kyi 'khor lo'i dkyil 'khor dang gzhan yang sangs rgyas rnams kyi rigs drug nyan par 'tshal te gang zhig a li ka li dag la gnas pa zhes pa ni a yig la sogs pa'i dbyangs la gnas pa dang ka yig la sogs pa'i gsal byed la gnas pa 'chad par 'gyur ba rnams so/ /de bzhin du rnal 'byor ma rnams dag gi de dag ste phung po drug po rnams kyi rigs drug ji lta ba de bzhin du khams drug po rnams kyi yang a la sogs pa dang ka la sogs pa la gnas pa'o/ /zla ba bzang po'i tshig 'di gsan nas te de nas rgyal ba'i bdag po zhes pa lhan cig skyes pa la sogs pa sku bzhi'i bdag nyid sgrib pa med pa'i phung po la sogs pa'o/ /de rnams kyi bdag po ni skyed par byed pa rdzogs pa'i sangs rgyas te dang po'i sangs rgyas so/ /khams kyi dbye bas dkyil 'khor la sogs zhes pa rigs drug la sogs pa 'chad par 'gyur ba rnams gsungs te ston pa po dang gsol ba 'debs pa po'i 'brel pa'o/ /tshigs su bcad pa 'di la rkang pa gsum gyis bzad pos gsol ba btab pa'o/ /rkang pa bzhi pa nas brtsams te ji srid le'u yongs su rdzogs pa de srid ni de bzhin gshegs pa'i lan gyi gsung ste rgyud 'di la slar yang gsol ba gdab pa med do zhes pa ni nges pa'o/ /de ni khams rnam par dag pas dkyil 'khor gyi rnam par dag pa gsungs pa ka ba rnams zhes pa la sogs pa ste 'dir lus kyi rus pa rnams kyis lus la sku'i dkyil 'khor la ka ba rnams mdzod cig ces pa brtags pas so/ /de bzhin du rdo rje phreng ba dang sa'i khor yug dang rtsig pa yang rus pa rnams kyis te mdzod ces pa tshigs su bcad pa gsum du 'brel lo/ /rnam par dag pa 'dis rus pa'i phye ma la sogs pa rdul tshon gyi nang du blugs par bya'o/ /sha khrag chu dang bshang ba rnams kyis zhes pa ni sha rnam par dag pas lha ste shar du rdul tshon gdab pa'o/ /khrag rnam par dag pas gshin rje ste lhor rdul tshon gdab pa'o/ /chu rnam par dag pas nor sbyin te byang du rdul tshon gdab pa'o/ /bshang ba rnam par dag pas gzhan te nub tu rdul tshon gdab pa'o/ /dbus su khu ba rnam par dag pas rdul tshon gdab pa'o/ /gang du rdul tshon drug pa yin pa der ni rdul rnam par dag pas rdul tshon gdab pa'o/ /de ltar de bzhin gshegs pa sha la sogs pa rnam par dag pas rim pa bzhin du don yod grub pa dang / rin chen dbang po dang 'od dpag med dang rnam par snang mdzad dang mi bskyod pa dang rdo rje sems dpa' ste drug go/ 'khris pa zhes pa 'khris pa'i khams kyis nyi ma'i gdan rnams dang bad kan gyi khams kyis zla ba'i gdan rnams te nyi ma'i ri bong can yang zhes so/ /chu rgyus rnams kyis chu skyes rnams te zla ba dang nyi ma'i gdan gyi 'og tu'o/ /ra ba lnga yi re khA zhes pa la re khA dang po ni sa las skyes pa'i mthe bo rnam par dag pas so/ /gnyis pa ni chu las skyes pa'i 'dzub mo rnam par dag pas so/ /gsum pa ni me las skyes pa'i gung mo rnam par dag pas so/ /bzhi pa ni rlung las skyes pa'i ming med rnam par dag pas so/ /lnga pa ni nam mkha' las skyes pa'i mthe chung rnam par dag pas so/ /de ltar rdul tshon gyi dkyil 'khor la ra ba lnga'i re khA mdzod ces pa'o/ /dus kyi tsa yis gtso bo'i chu skyes zhes pa ni a ba d+hU tI rnam par dag pas gtso bo'i pad ma'o/ /lhag ma rnams ni la la nA la sogs pa rnams kyis zhes pa tsa stong phrag bdun bcu tsa gnyis kyi mthar thug pa rnams kyis te chu rgyus rnams kyis zhes pa nges pa'o/ /g.yo ba me yi khor yug la sogs lpags pa la sogs kyis zhes pa 'dir rlung gi khor yug ni lpags pas so/ /me'i khor yug ni khrag dang drod kyi khams kyis so/ /chu'i khor yug ni rdul gyis so/ /nyi ma'i sgo rnams zhes pa sgo bcu gnyis po rnams bug pa bcu gnyis po rnams kyis te rna ba la gnyis dang sna la gnyis dang mig la gnyis dang kha la gcig dang gci ba dang bshang ba dang khu ba'i bug pa gsum dang nu ma gnyis la gnyis so/ /de ltar bug pa bcu gnyis te bug pa bcu gnyis rnam par dag pas rdul tshon gyi dkyil 'khor la mdzod cig ces pa'o/ /dkyil 'khor la nor bu'i rang bzhin bkod pa do shal la sogs pa gang yin yin pa de so yi phreng bas mdzod cig dur khrod brgyad du 'khor lo gang yin pa de rnams ni sor mo rnams kyi sen mo yis zhes pa lag pa dang rkang pa'i sen mo rnam par dag pas mdzod cig ba spu rnams kyis rdo rje me lce zhes pa ni phyi rol gyi rdo rje phreng ba dang rdo rje 'bar ba ba spu rnams kyis mdzod cig ste dkyil 'khor gyi ni mtha' ru phyogs dang phyogs bral dag la gnas pa'i rdo rje me lce ba spu rnams kyis so/ /de ltar nges par sku yi rdo rje khams drug gi bdag nyid sa la sogs pa'i dbye bas mchog gi yon tan rnam mang dkyil 'khor gyi ni rnam par gsungs zhes pa ni dkyil 'khor gyi nges pa'o/ /da ni lha'i tshogs kyi rnam par dag pa gsungs pa gsung gi rdo rje zhes pa la sogs pa ste 'dir a sogs ka sogs dbyangs dang gsal byed kyi bdag nyid ni gsung rdo rje ste dbyangs dang gsal byed yongasu gyur pa'i lha'i tshogs mtha' dag rgyal ba'i rigs dang bcas pa'o/ /des na gsung gi rdo rje ni lha yi rnam pa nyid du gsungs te de nyid rdul tshon gyi dkyil 'khor la lha'i rnam par mdzod cig ces pa'o/ /stong pa drug gis thugs kyi rdo rje zhes pa ni mig gi rnam par shes pa dang rna ba'i rnam par shes pa dang sna'i rnam par shes pa dang lce'i rnam par shes pa dang lus kyi rnam par shes pa dang yid kyi rnam par shes pa/ rnam par dag pas rnam pa drug ste stong pa drug dang gzugs la sogs pa'i yul rnams sgrib pa med pa thugs rdo rjer 'gyur ro/ /rnam gsum srid par gnas pas kun la khyab pa gtso bo'i rnam pa gcig spur mdzod cig ces pa'o/ / de bzhin du ni ye shes rdo rje gzung bar bya ba'i sems rnam pa gsum gyi srid pa la gnas pa sna tshogs yum gyi rang bzhin stong pa nyid kyi gzugs srid pa'i 'jigs 'joms rtog pa thams cad las rnam par grol ba'i shes rab gtso mor dkyil 'khor la mdzod cig ces pa'o/ /de ltar lus la sku dang gsung dang thugs dang ye shes kyi khams rnams ni phyi rol du dkyil 'khor dang lha'i tshogs dang gtso bo dang gtso mo'o/ /zhes pa ni kun rdzob du ste don dam pas ni sprul pa dang longs spyod rdzogs pa dang chos dang lhan cig skyes pa'o zhes grub bo/ /da ni sngags drug gi rigs rnams gsungs pa sde pa zhes pa la sogs pa ste 'dir ka la sogs pa'i sde pa drug ni ka tsa Ta ta pa sa zhes pa'o/ /sde pa ka la sogs pa rim par yongs su bkod pa de rnams kyi rigs drug ni rgyal ba rnams kyi rdo rje la sogs pa'i mtshan ma rnams te de la rdo rje ni ka sde'i rigs dang ral gri ni tsa sde'i rigs dang rin chen ni Ta sde'i rigs dang 'khor lo ni ta sde'i rigs dang chu skyes ni pa sde'i rigs so/ /de bzhin du gri gug ni sa sde'i rigs te nyid ces pa mtha' gcig tu'o/ /sde pa'i rigs nges pa'o/ /slar yang sde pa re re la yang mtha' dag rgyal ba mchog gi dbye ba lnga rnams dag gis dbye zhes pa ni 'dir gang du gcig yin pa der kun 'byung gi bden pas rigs lnga rnams su 'gyur te des na 'jig rten pa'i dngos grub kyi slad du de rnams kyi tha snyad do/ /de'i phyir sde pa re re la yang so sor yi ge'i dbye ba sa'i dngos po dang chu'i dngos po dang me'i dngos po dang rlung gi dngos po dang nam mkha'i dngos po las so sor sde pa rnam pa lngar dbye ste ka kha ga g+ha nga zhes pa dang de bzhin du tsa la sogs pa ste bsdu ba'i rim pas klog pa'o/ /so sor sdud pa'i rim pas klog pas ni slar yang nga la sogs pa rnams nam mkha' la sogs bskyed pa'i rim pas bklags pa ste de rnams kyang gsungs pa dang por zhes pa la sogs pa ste 'dir dang por re shig stong pa ni nga nya Na ma na dang de bzhin du u0f88u0f90 dang dang po'i d byangs zhes pa a yig dang de'i dbus su lhung ba ni de smos pas bzung ba'i phyir ro zhes pa'i brda skad kyis ha yig kyang nam mkha'i dbye ba'o zhes grub bo/ /de bzhin du rlung gi dbye ba i yig dang g+ha dz+ha D+ha b+ha d+ha sha rnams dang ya yig go/ me yi r-i dang ga dza Da ba da Sha rnams dang ra'o/ /chu yi u dang kha tsha Tha pha tha wa rnams dang wa'o/ /sa yi l-i dang ka tsa Ta pa ta sa rnams dang la'o/ /de ltar mchog gi rgyal ba'i rigs ni rnam pa lnga yis ka la sogs pa'i sde rnams rnam par phye zhes pa ste rdo rje dang ral gri dang rin po che dang pad ma dang 'khor lo'i rigs rnams kyis gsungs pa'i yi ge nga la sogs pa rnams rigs par bya'o zhes pa ni nges pa'o/ /da ni gtsug tor gyi rigs rnams gsungs pa gtsug tor zhes pa la sogs pa ste 'dir gtsug tor chen po'i rigs chen gang yin pa de ni stong pa lnga ste 'jig rten khams kyi le'ur brjod zin to/ /rigs gsum ni sku dang gsung dang thugs kyi rdo rje ste oM A hU~M zhes pa'o/ /a sogs zhes pa ni a i r-i u l-i ste lha'i tshogs rgyas gdab pa'i slad du phyag rgya'i rigs mi bskyod pa la sogs pa'o/ /'jig rten snang byed rigs chen dang zhes pa ni ha ya ra wa la k+Sha dang ldan pa'i ka sogs sde pa mtha' dag rnams te gsal byed sum bcu rtsa drug go/ ha ya ra wa la ra ldan dbyangs dang bcas pa'i sde pa rnams te ha la sogs pa dbyangs dang bcas pa drug bcu sngar gsungs pa rnams dang / ka la sogs pa dbyangs dang bcas pa sum brgya drug bcu dang slar yang yon tan dang 'phel ba dang ya Nar bsgyur bas phye ba stong brgyad bcu ni 'jig rten 'jig rten 'das pa'i rigs su 'gyur ro/ /gsal byed brtsegs pa ni rig sngags 'chang gi dbang por 'gyur te ka sogs mtha' dag brtsegs par gnas pa'i sde pa brgyad rnams zhes pa ni k+kh+g+g+h+nga ts+tsh+dz+dz+h+nya T+Th+D+D+h+Na p+ph+p+p+h+ma t+th+ng+ng+h+na s+ny+p+Sh+sh+th+ka l+W+R+Y+ha l+W+R+Y+k+Sha zhes pa'o/ /da ni ka la sogs pa'i yi ge so so re re la rgyud so so re re gsungs pa ka sogs zhes pa la sogs pa ste 'dir ka la sogs pa'i gsal byed sum bcu ha ya ra wa la k+Sha dang bcas pa ni sum bcu rtsa drug nyid te de rnams ni yi ge zhes bya'o/ /yi ge de rnams dbyangs kyi rnam par 'gyur bsu phye ba zhes pa la dbyangs ni a yig la sogs pa thung ngu dang ring po bcu gnyis dang yon tan dang 'phel bar bzhag par bya ba bcu gnyis dang / ya Nar bsgyur ba thung ngu dang ring po bcu gnyis te dbyangs kyi rnam par 'gyur ba 'di rnams kyis drug drug gis phye bar gyur pa na ro yis bsgyur ba'i ro zhes pa sum bcu rtsa drug ni 'khor lo'i mgon po rnams su 'gyur ro/ /yi ge so so re re la sum bcu rtsa drug gi dbye bas ba phye bar 'gyur te de ltar na thams cad la sum bcu rtsa drug go/ rgyud sum bcu rtsa drug po rnams la gsal byed sum bcu rtsa drug gi rang bzhin gyis 'khor lo'i mgon por yang 'gyur ro/ /dang por gsal byed ka gtso bos ka rdo rje'i rgyud gsungs te de la dkyil 'khor du gtso bo sku ni gcig pa dbyangs gcig gis phye ba ste dpa' bo gcig pa ni a yig dang bcas pa'i gsal byed ka'o/ /'khor dang bcas pa gnyis zhes pa a yig gnyis dang ldan pa ni gtso bo shes rab ma yis 'khyud par 'gyur te kA'o/ /lnga yi bdag nyid lnga yis 'gyur te zhes pa ni kA ki k+R-i ku kl-i zhes pa'o/ /'khor dang bcas pa dgu ni 'khor lo'i mgon po dgu bdag nyid ces pa ni kA kI kI k+R-i k+R-I ku kU kl-i kl-I zhes pa'o/ /dbyangs kyi grangs kyi bdag nyid bcu gsum dgu dang phyogs rnams kyis kyang zhes pa ni bcu gsum gyis bcu gsum gyi bdag nyid de sngar brjod pa rnams k+Ya k+Ra k+Wa kla ya Nad bsgyur ba 'di rnams dang ldan pa ni sgo skyong rnams dang bcas pa bcu gsum gyi bdag nyid do/ /'di yang yon tan rnams kyis phye ba bcu dgu'i bdag nyid du 'gyur te ka ke kar ko kal ka~M zhes pa 'di rnams dang bcas pa'o/ /de nas nyi shu rtsa lnga'i bdag nyid ni yon tan dang 'phel ba rnams dang bcas pa ste kA kai kAr kau kAl kaHzhes pa'o/ /de nas sum bcu rtsa gnyis kyi bdag nyid ni k+ngA k+YA k+RA k+WA klA k+tA zhes pa ste snying po'i shes rab ma dang bcas pa'o/ /de nas sum rtsa bcu rtsa bzhi'i bdag nyid ni ka~M kaHdang bcas pa'o/ /de bzhin du sum bcu rtsa drug gi bdag nyid ni k+taM k+taHdang bcas pa ste thams cad du sum bcu rtsa bdun gyi bdag nyid ni dbus su huM yig gtso bo dang sum bcu rtsa drug gi dkyil 'khor ba rnams so/ /ka kA ki kI k+R-i k+R-i ku kU kl-i kl-I kaM kaHzhes pa ni thung ngu dang ring po'i dbyangs kyis phye ba'i yi ge'o de bzhin du ka kA ke kai kar kAr ko kau kal kAl kaM kaHzhes pa ni yon tan dang 'phel ba rnams kyis phye ba'i yi ge'o/ /k+ta k+tA k+Ya k+YA k+Ra k+RA k+Wa k+WA kla klA k+taM k+taHzhes pa ni thung ngu dang ring po'i ya Nar bsgyur bas phye ba'i yi ge ste ka yig go/ kha la sogs pa rnams kyang so sor sum bcu rtsa drug go/ de ltar na kha rdo rje la sogs pa'i rgyud gsungs te gcig gi bdag nyid sum bcu rtsa drug gis phye ba'o/ /de ltar sum bcu rtsa drug gi bdag nyid ni dkyil 'khor gyi dbang po'o/ /ya la sogs pa rnams kyis sgo skyong zhes pa ni ya Nar bsgyur ba dang bcas pa'i gsal byed k+Ya k+Ra k+Wa kla zhes pa 'di rnams kyis sgo skyong rnams so/ /mtha' dag tshogs kyi rigs phung po dang khams dang skye mched kyi mtshan nyid ni lhag ma'i dbyangs thung ngu dang ring po dang yon tan dang 'phel bar gzhag par bya ba rnams kyis te lhag ma'i dbyangs rnams nyid kyis so/ /khro bo drug tu ha sogs kyis 'gyur zhes pa ni gang du phyogs bcu rnams su khro bo bcur 'gyur ba der gzhan khro bo drug po de rnams su ha la sogs pa ya Nar bsgyur ba'i ring po rnams kyis 'gyur te k+ha k+tA k+YA k+RA k+WA klA zhes pa'o/ /gang du khro bo'i dbang po yin pa de k+taM k+taHzhes pa khro bo bcu gnyis ni rigs drug gi rgyud te rigs gcig gi rgyud la yang dbyangs drug rigs kyi dbye ba rnams kyis so/ / zhes pa ni nges pa'o/ /rang rigs phyogs su gnas pa ni nam mkha'i khams steng dang ye shes kyi khams 'og tu gnas pa ste lha gzhan rnams ni rlung gi dbyangs la sogs pa'i dbye ba yis shar dang lho dang byang dang nub tu gnas so/ /de ltar so sor ka yig la sogs pa'i gsal byed ni yi ge'i dbye ba rnams kyis te dbyangs kyi dbye ba rnams kyis ro yis bsgyur ba'i ro zhes pa sum bcu rtsa drug gi dbye bas phye ba ni rnal 'byor ma dang rnal 'byor rgyud ces pa ste kun rdzob kyis gang du rnal 'byor ma rnams yang dag par rgyu zhing gtso bo mi g.yo ba de ni rnal 'byor ma'i rgyud do/ /gang du thabs yang dag par rgyu zhing shes rab mi g.yo ba de ni thabs kyi rgyud do/ /rang gi ngo bos ni thams cad shes rab dang thabs kyi bdag nyid sbyor ba'i rgyud nyid te de skad du kye'i rdo rje las gsungs pa/ he yig gis ni snying rje che/ /badzra shes rab ces brjod de/ /thabs dang shes rab bdag nyid rgyud/ /de ni nga yis bshad kyis nyon zhes gsungs pa'i phyir kye'i rdo rje ni shes rab kyi rgyud te rgyud du mi 'gyur te shes rab kyi rgyud nyon zhes gsungs pa med pa'i phyir ro/ /de bzhin du 'dus pa las/ thabs dang shes rab snyom 'jug pa/ /rnal 'byor zhes par mngon par brjod/ /'dus pa sbyor bar rab gsungs te/ /sangs rgyas thams cad mngon rjod byed ces gsungs pa'i phyir 'di ni thabs kyi rgyud du mi 'gyur ro/ /de bzhin du dang po'i sangs rgyas las/ thabs kyi lus kyis rnal 'byor min/ /shes rab gcig pus 'gyur ma yin/ /thabs dang shes rab snyom 'jug pa/ /de bzhin gshegs pas rnal 'byor gsungs zhes so/ /de bzhin yi ge so so ni ro yis bsgyur ba'i ro zhes pa rnal 'byor ma dang rnal 'byor gyi rgyud sum bcu rtsa drug gi dkyil 'khor la ni dkyil 'khor gyi dbang po'o/ /rigs gcig gi rgyud du grub pa gang yin pa de nyid rigs gsum dang rigs lnga dang stong dang 'bum dang bye ba'i dbye bas tha dad pa ni 'dus pa la sogs pa dang kye'i rdo rje la sogs pa'i rgyud rnams la grangs med te sems can mtha' yas pa'i bsam pa'i dbang gis so zhes pa ni rgyud kyi nges pa'o/ /da ni sngags kyi lha rnams kyi nang gi dag pa gsungs pa phung po zhes pa la sogs pa ste 'dir phung po lngas lnga'i bdag nyid dag par 'gyur ro/ /phung po lnga dang 'byung ba rnams dgu'i bdag nyid dag par 'gyur ro/ /las kyi dbang po bzhi dang bcas pas bcu gsum gyi bdag nyid dag par 'gyur ro/ /yul drug dang bcas pas bcu dgu'i bdag nyid dag par 'gyur ro/ /dbang po drug dang bcas pas nyi shu rtsa lnga'i bdag nyid dag par 'gyur ro/ las kyi dbang po'i bya ba lnga dang / /bcas shing las kyi dbang po lnga po rab tu zhugs pa na rang 'od kyi shes rab dang bcas pa sum bcu rtsa gnyis kyi bdag nyid do/ /las kyi dbang po drug pa dang las kyi dbang po'i bya ba drug pa dang ldan pa ni sum bcu rtsa bzhi'i bdag nyid do/ /phung po dang khams drug pa dag dang ldan pa ni sum bcu rtsa drug gi bdag nyid do/ /de ltar phung po drug dang khams drug dang dbang po drug dang yul drug dang las kyi dbang po drug dang / las kyi dbang po'i bya ba drug ste khams rnams ni dkyil 'khor pa rnams so/ /de rnams la khyab par byed pa thugs dang ye shes ni thams cad du gtso bo ste de ltar dbyangs kyi dbye bas mtha' dag tshogs kyi rigs ni sbyang bar bya zhes so/ /stong pa gzhom med la sogs zhes pa ni 'dir ye shes la sogs pa stong pa drug ste mtha' dag rgyal ba'i rigs phung po drug rnam par dag pa rnams kyis lha rnams rgya yis gdab pa ste/ gtsug tor nas ni chu skyes mtha' ru mi mnyam mnyam pa'i rigs la 'khor lo'i dbus kyi gdan la'o zhes pa ni 'dir gtsug tor gyi 'khor lor thig le la mi bskyod pa a'o/ /de bzhin du snying gar sgra gcan gyi dkyil 'khor la don yod grub pa i'o/ dpral bar zla ba'i dkyil 'khor la snang ba mtha' yas u ste mi mnyam pa'i 'khor lo la mi mnyam pa'i rigs so/ /de bzhin du lte bar dus kyi me la rnam par snang mdzad l-i'o/ /mgrin par nyi ma la rin chen dbang mo'i r-i 'o gsang bar ye shes kyi dkyil 'khor la rdo rje sems dpa' a~M zhes pa ste sku'i rgyas gdab pa la lha rnams kyi rgyas gdab pa'o zhes pa nges pa'o/ /srog gis rgyas gdab pa la ni lte bar l-i dang snying khar u dang mgrin par r-i dang dpral bar i dang gtsug tor du a ste sa la sogs pa'i dkyil 'khor la dgod par bya'o/ /de bzhin du thugs kyi thig le'i rgyas gdab pa la ni dpral bar zla ba'i dkyil 'khor la oM dang mgrin par nyi ma'i dkyil 'khor la AHdang snying khar sgra gcan gyi dkyil 'khor la dang lte bar dus me'i dkyil 'khor la ho'o/ /de bzhin du ye shes kyi rgyas gdab pa la a yig ni gdod ma nas ma skyes pa'i phyir chos thams cad kyi sgo'o zhes pas rdo rje nor bu la a zhes pa grub pa'o/ /sku dang gsung dang thugs dang ye shes rnams kyis rgyas gdab pa'o/ /da ni zhal gyi dbye ba gsungs pa rdo rje rnams kyis zhes pa la sogs pa ste 'dir rigs gcigs dang rigs gsum dang rigs lnga dang rigs drug gis rdo rjer gsungs shing rdo rje de rnams kyis zhal gyi dbye bar 'gyur te rigs gcig gis zhal gcig dang rigs gsum gyis dag pa zhal gsum dang rigs lngas dag pa zhal lngar 'gyur ro/ /rigs drug gis dag pa zhal drug tu 'gyur te 'jigs zhes so/ /de bzhin du zhal brgyad pa la sogs pa nas ha lA ha la gdong brgya pa'i bar du khams rnams kyi dag pa gtso bor 'gyur ro zhes pa rgyud gzhan du nges pa ste rgyal ba'i bdag po'i'o/ / de bzhin du dus kyi 'khor lo la dkyil 'khor gyi bdag po yang gcig la sogs pa mtha' yas zhal dang phyag dang zhabs mang du ma'i kha dog dang ni mun pa'i mthar zhes pa la sogs pa sgrub thabs kyi le'u las gsungs so/ /'dir phyag nyi shu rtsa bzhi pa'i phyag rnams kyi dbye ba ni dbyangs kyi dbye ba yis zhes pa la ha hA hi hI h+R-i h+R-I hu hU zhes pa ni nag po brgyad de mun pa'i yon tan las so/ /ha hA hi hI har hAr ho hau zhes pa ni dmar po brgyad te rdul gyi yon tan las so/ /ha hA h+Ya h+YA h+Ra h+RA h+Wa h+WA zhes pa ni dkar po brgyad de snying stobs kyi yon tan las so zhes pa dus kyi 'khor lo'i'o/ /de bzhin du sna tshogs yum gyi ni yon tan thams cad las haM haHh+l-i h+l-I h+l-i h+l-I hal hAl h+la h+lA zhes pa ser po brgyad de ye shes kyi sa la gyi rang bzhin las so zhes pa nges pa'o/ /de nyid rnams kyis phyag rgya'i rab tu dbye ba zhes pa ni A I rI U l-I aHzhes pa namakha' dang rlung dang me dang chu dang sa dang ye shes kyi dbye ba ste lha'i tshogs thams cad kyi rgyas gdab pa'o/ /gzhan yang de bzhin du sku'i rgyas gdab pa oM dang gsung gi rgyas gdab pa A dang thugs kyi rgyas gdab pa huM dang ye shes kyi rgyas gdab pa ho'o/ /rigs gcig gi rgyas gdab pa gzhom du med pa'i a yig go zhes pa ste de ltar rigs drug dang rigs lnga dang rigs bzhi dang rigs gsum dang rigs gcig gis rgyas gdab pa ni sum bcu rtsa drug sbyor ba'i rgyud rnams la'o/ /dpag med yon tan yi ge du ma'i rab tu dbye ba can te rgyud sna tshogs pa yi ge so so'i ming can zhes pa ka rdo rje dang kha rdo rje dang ga rdo rje dang g+ha rdo rje dang nga rdo rje'o/ /de bzhin du yi ge sum bcu rtsa drug gi bar du tsa yig la sogs pa'i ming can mnyam pa'i rigs zhes pa shes rab kyi rgyud dang mi mnyam pa'i rigs zhes pa thabs kyi rgyud la lha dang lha mo rnams kyis rgyas gdab pa'i nges pa ste phyi rol du lag gdub la sogs pa dang nang du sangs rgyas kyi bdag nyid do/ /da ni sngags kyi lha rnams kyi skyed pa'i rim pa la skye ba'i rnam par dag pa gsungs pa sa bon zhes pa la sogs pa ste/ 'dir ji ltar mngal 'dzin pa na byang chub sems kyi rten dang bcas pa kun gzhi'i rnam par shes pa gcig pu yul chos kyi khams dang gcig tu 'dres par gyur pa ni dpa' bo gcig par gsungs te rang 'od kyi shes rab ni skye ba po'i khongs su gtogs so/ /de bzhin du lha ni ka yig gcig pus dpa' bo gcig par grub bo/ /phyi nas sa bon de rdul la ro mnyam pa ni shes rab ma yis 'khyud par 'gyur zhes pa ni de'i bag chags las rnam par shes pa'i phung po shes rab kyis 'khyud pa kA zhes par 'gyur te bzhi pa'i sbyor ba las so zhes pa nges pa'o/ /de bzhin du phung po lnga rdzogs pa ni mngal du lnga yi bdag nyid te de bzhin du lha yang lnga'i bdag nyid can kA ki k+R-i ku kl-i zhes pa'o/ /de bzhin du rus pa dang gsher ba dang dro ba dang g.yo ba'i chos skyes pa na phung po dang khams kyis byin gyis brlabs pa mngal du dgu'i bdag nyid ji lta ba de bzhin du lha yang kA ki kI k+R-i k+R-I ku kU kli klI zhes pa grub po/ /de bzhin du ngag dang lag pa dang rkang pa dang bshang lam rdzogs pa na sngar gyi phung po dang khams dang bcas pa bcu gsum gyi bdag nyid te las kyi dbang po rdzogs pa na byis pa ji lta ba de bzhin du lha yang kA ki k+'i k+'-i k+R-I ku kU kli klI k+Ya k+Ra k+Wa kla zhes pa'o/ /nang du yul skyes pa na sngar gyi phung po la sogs pa dang lhan cig mngal du bcu dgu'i bdag nyid ji lta ba de bzhin du lha yang kA ki kI k+R-i k+R-I ku kU kl-i kl-I k+Ya k+Ra k+Wa kla kA kai kAr kau kAl kaHzhes pa'o/ /de nas mig la sogs pa skyes pa na byis pa skyes pa nyi shu rtsa lnga'i bdag nyid ji lta ba de bzhin du lha yang kA ki kI k+R-i k+R-I ku kU kl-i kl-I k+Ya k+Ra k+Wa kla kA kai kAr kau kAl kiHki ke kar ko kal kaM zhes pa'o/ /de nas las kyi dbang po lnga'i sbyor bas brjod pa dang len pa dang 'gro ba dang bshang ba dang gci ba'i bya ba skyes pa na byis pa sum bcu rtsa gnyis kyi bdag nyid te de bzhin du lha yang kA ki kI k+R-i k+R-I ku kU kl-i kl-I k+ta k+tA k+Ya k+YA k+Ra k+RA k+Wa k+WA kla klA ka kA ke kai kar kAr ko kau kal kAl kaM kaHzhes pa ste lo bcu gnyis kyi 'tshams rdzogs pa'o/ /de nas lo bcu drug gi 'tshams su ji ltar byis pa'i khu ba 'pho ba na bzhi pa'i gnas skabs su 'gyur zhing bzhi pa de nyid sku bzhi pa dang phung po drug pa dang khams drug pa dang dbang po drug pa dang yul drug pa dang las kyi dbang po drug pa dang las kyi dbang po'i bya ba drug par 'gyur te de ltar phung po/ /drug dang khams drug dang skye mched bcu gnyis dang las kyi dbang po drug dang las kyi dbang po'i bya ba drug ste de ltar khams sum bcu rtsa drug ni sum bcu rtsa bdun pa ye shes dang thugs kyi rten du gyur pa'o/ /de bzhin du lha rdzogs pa la ka kA ki kI k+R-i k+R-I ku kU kl-i kl-I kaM kaHzhes pa ni phung po dang khams bcu gnyis so/ /k+ta k+tA k+Ya k+YA k+Ra k+RA k+Wa k+WA kla klA k+taM k+taHzhes pa ni las kyi dbang po dang las kyi dbang po'i bya ba bcu gnyis so/ /de bzhin du ka kA ke kai kar kAr ko kau kal kAl kaM kaH zhes pa ni skye mched gcu gnyis grub pa'o/ /khams 'di rnams kyi gtso bo ni thabs stong pa chen po 'gyur med lnga dang shes rab thig le stong pa 'gyur med drug ste/ wa~M yig dang e yig go/ e wa~M gi yi ge ni gtso bo bde ba chen po ste dkyil 'khor gyi bdag po'o/ /ka rdo rje'i rgyud la ji lta ba de bzhin du kha rdo rje la sogs pa la grub bo/ /de ltar snying po'i 'phar ma la phung po dang khams rnams so/ /phyi'i 'phar ma la skye mched bcu gnyis dang sgo skyong rnams dang las kyi dbang po yul dang bcas pa rnams so/ /'dir gzhon nu lo bcu drug gi rjes la bu dang bu mo'i phung po rnams skyed par byed pa nyid kyi phyir dbang phyug mtha' yas 'khor lo can zhes pa ji lta ba de bzhin du de bzhin gshegs pa lnga la sogs pa'i bkod pa spro ba'i phyir lha'i tshogs kyi gtso bo ni dbang phyug mtha' yas 'khor lo can du 'gyur ro zhes pa nges pa'o/ /'dir mngal kyi lus skyed pa ji lta ba de bzhin nu lha skyed pa la dkyil 'khor rgyal mchog dang bsnyen pa'i yan lag go/ ngag skyed pa ji lta ba de bzhin du las rgyal mchog dang nye ba'i sgrub pa'o/ /byang chub sems kyi thig le skyed pa ji lta ba de bzhin du thig le'i rnal 'byor dang sgrub pa'o/ /khu ba 'pho ba na bde ba skyed pa ji lta ba de bzhin du phra mo'i rnal 'byor dang sgrub pa chen po ste de ltar yan lag bzhi'i sgrub pa nang gi le'u las sngar gsungs pa de rgya cher sbyang bar bya'o zhes pa ni nges pa'o/ /da ni 'khor lo drug po rnams su khams drug las rigs kyi lha rnams spro ba gsungs pa dag par zhes pa la sogs pa ste 'dir mi rnams kyi lo bcu drug gi rjes la khams drug gi rang bzhin gyi sems kyis sna tshogs pa spro bar byed pa ji lta ba de bzhin du gtso bo'i yang khams drug gi dbye ba'o/ /dag par zhes pa dpral ba'i 'khor lor yang dag dag pa'i chu las zhes pa sgrib pa med pa chu'i khams dang 'du shes kyi phung po las lha'i tshogs ri bong 'dzin pa ltar dkar pad ma'i mtshan ma can spro ba ni 'di lta ste 'od dpag med dang mA ma kI dang pad ma mthar byed dang mi g.yo ba dang nga rgyal ma dang tsun dAs 'jig rten dbang phyug dang gzugs rdo rje ma dang drag mo dang dpal mo dang rgya mtsho dang tshogs kyi dbang po dang klu mtha' yas dang rigs ldan dang stag gdong ma dang 'ug gdong ma ste de ltar lha 'di rnams g.yon gyi zhal nas zhes pa sku'i zhal dkar po nas mchog gi snying rje yis ni spros pa'o/ /zhes pa ni bcom ldan 'das dus kyi 'khor lo'i nges pa'o/ /'dir snang ba mtha' yas la rnam par shes pa dang lha'i tshogs la snang ba mtha' yas kyis rgyas btab pa pad ma'i mtshan ma can zhi ba dang rgyas pa'i las kyi dngos grub ster ba chu'i kha dog las dkar po ste de ltar snang ba mtha' yas kyi rigs kyi lha spro ba dang bsdu ba ni so sor rtog pa las so/ /da ni don yod grub pa'i rigs spro ba gsungs pa chos la zhes pa la sogs pa ste 'dir snying kha chos kyi 'khor lor yang dag dag pa'i rlung gi khams dang dag pa'i 'du byed las ral gri'i mtshan ma can lha'i tshogs kha dog nag po ni 'di lta ste don yod grub pa dang sgrol ma dang bgegs mthar byed dang dbyug sngon can dang shin du stobs ma dang rdo rje lcags sgrog ma dang nam mkha'i snying po dang reg bya rdo rje ma dang tsar tsi kA dang khyab 'jug ma dang rlung lha dang bden bral dang pad ma dang stobs kyi rgyu dang bya rog gdong ma dang khyi gdong ma ste 'di rnams ni byams pa'i thugs kyis srid pa gsum gyi bdag pos shar gyi zhal nas zhes pa thugs kyi zhal nas spros pa'o/ /'dir don yod grub pa la rnam par shes pa dang lha'i tshogs la don yod grub pas rgyas btab pa ral gri'i mtshan ma can bskrad pa dang dbye ba'i las kyi dngos grub bdag rlung gi kha dog las nag po ste de ltar don yod grub pa'i rigs kyi lha rnams spro ba dang bsdu ba ni bya ba nan tan las so/ /da ni rin chen 'byung ldan gyi rigs spro ba gsungs pa longs spyod rdzogs par dag pa'i me las zhes pa ste 'dir mgrin pa'i 'khor lor dag pa'i me dang dag pa'i tshor ba las nyi ma 'char ka dang mtshungs zhes pa kha dog dmar po ste rin chen 'dzin zhes pa rin chen 'byung ldan dang de bzhin du gos dkar mo dang shes rab mthar byed dang 'dod pa'i rgyal po dang rmug byed ma dang khro gnyer can dang sa mi snying po dang ro yi rdo rje ma dang phag mo dang gzhon nu ma dang me lha dang smin drug gi bu dang phag gdong ma dang bya rgod gdong ma dang nor rgyas kyi bu dang dung skyong ste 'di rnams dpal ldan g.yas kyi zhal nas mchog gi dga' ba yi ni sna tshogs gtso bos spros pa'o zhes pa gsung gi zhal gyi rang bzhin las thams cad kha dog dmar po rin chen 'byung ldan gyis rgyas btab pa dbang dang dgug pa'i dngos grub ster ba'o/ /de ltar rin chen 'byung ldan gyi rigs kyi lha rnams spro ba la sogs pa ni mnyam pa nyid kyi ye shes las te 'dir yang rin chen 'byung ldan ni rnam par shes pas rgyas btab pa'o/ / da ni rnam par snang mdzad kyi rigs kyi lha spro ba gsungs pa lte bar yang dag dag pa'i sa las zhes pa la sogs pa ste 'dir lte bar zhes pa sprul pa'i 'khor lor dag pa'i gzugs kyi phung po dang dag pa'i sa'i khams las mchog gi gser dang mtshungs pa kha dog ser po'i thub pa phyag na 'khor lo zhes pa rnam par snang mdzad te de bzhin du spyan ma dang gshin rje mthar byed dang stobs po che dang rengs byed ma dang 'od zer can dang rnam par sel ba dang dri rdo rje ma dang dbang mo dang tshangs ma dang brgya byin dang tshangs pa dang 'jog po dang pad ma chen po dang lce spyang gdong ma dang mkha' lding gdong ma ste 'di rnams gtso bo yis ni btang snyoms dag gis nub kyi zhal nas zhes pa ye shes kyi zhal nas skye bo kun la phan rnams spros pa ste/ kha dog ser po rengs pa dang rmongs pa la sogs pa'i las kyi dngos grub ster ba rnam par snang mdzad kyis rgyas btab cing / rnam par snang mdzad la yang rnam par shes pas rgyas btab pa'o/ /de ltar rnam par snang mdzad kyi rigs spro ba la sogs pa ni me long lta bu'i ye shes las so/ /da ni mi bskyod pa'i rigs spro ba gsungs pa gtsug tor dag pa'i stong pa las ni zhes pa ste/ /gtsug tor gyi 'khor lor dag pa'i rnam par shes pa'i phung po dang dag pa'i nam mkha'i khams las mchog gi rdo rje 'dzin pa mi bskyod pa ye shes kyis rgyas btab pa/ kha dog ljang khu dang / de bzhin du rdo rje dbyings kyi dbang phyug ma dang gtsug tor dang rdo rje hU~M mdzad dang drag spyan ma dang / khro mo'i rgyal mo dang phyag na rdo rje dang chos kyi khams kyi rdo rje ma dang khyab 'jug dang gshin rje dang klu rgyal ba ste 'di rnams steng gi zhal nas stong pa las spros pa yon tan mang po'i gnas te/ las thams cad kyi dngos grub ster ba rdo rje'i mtshan ma can mi bskyod pas rgyas btab pa nam mkha'i kha dog las ljang khu'o/ /de ltar mi bskyod pa'i rigs kyi lha spro ba la sogs pa ni shin du rnam par dag pa'i chos kyi dbyings kyi ye shes las so/ /da ni rdo rje sems dpa'i rigs spro ba gsungs pa gsang bar dag pa las ni zhes pa la sogs pa ste/ 'dir gsang ba'i 'khor lor dag pa'i ye shes kyi phung po dang dag pa'i ye shes kyi khams las rdo rje sems dpa' sngon po rdo rje rtse gsum pa'i mtshan ma can rnam par shes pas rgyas btab pa dang / de bzhin du ye shes kyi khams shes rab sngon mo dang gnod mdzes rgyal po dang rdo rje shug dang / shin tu sngon mo dang khro bo'i dbang phyug ma dang drag po dang dzam b+ha la dang kun tu bzang po dang sgra rdo rje ma dang / klu rnam par rgyal ba ste skye bo kun la phan pa 'di rnams ni srog chags rnams kyi thar pa'i rgyur ni 'og gi zhal ye shes kyi chos las spros pa shin tu rnam par dag pa'i chos kyi dbyings kyi ye shes las kha dog sngon po ste mi bskyod pa sngon po'i cha byed can gyi rdo rje sems dpas rgyas btab pa ni las thams cad sgrub par byed pa'o/ /de ltar 'khor lo drug tu rigs drug gi lha rnams spro ba dang / 'gro ba'i don byed pa ste lo bcu drug gi rjes la dus kyi 'khor lo skyed par byed pa nyid kyis grub pa'o/ /zhes pa nges pa'o/ /'dir rnam par shes pa'i phung po mi bskyod pa ljang khu la mi bskyod pa'i gzugs sngon po dang ye shes kyi phung po sngon po la mi bskyod pa ljang khus rgyas btab pa'o/ /yang na sku dang gsung dang thugs dang ye shes kyi rigs bzhi'i dbye bas gang du rgyas gdab pa/ der zla ba'i chos las rnam par snang mdzad dkar po dang nyi ma'i chos las snang ba mtha' yas dmar po dang / sgra gcan gyi chos las mi bskyod pa nag po dang / dus me'i chos las rdo rje sems dpa' ser po'o/ /yang na sgrub thabs kyi le'u las gsungs pa'i cho gas rten dang brten pa'i 'brel pas rgyas btab ste/ de ltar na mi bskyod pas rnam par snang mdzad la rgyas gdab po/ /rnam par snang mdzad kyis snang ba mtha' yas la'o/ /snang ba mtha' yas kyis rin chen 'byung ldan la'o/ /rin chen 'byung ldan gyis don yod grub pa la'o/ /zhes pa rgyas gdab pa'i nges pa'o/ /de ltar khams gsum pa'i dbang phyug chen po mtha' yas 'khor lo can ni rgyud gzhan thams cad la rig par bya ste/ rigs gsum dang rigs lnga la yang ngo / /da ni shes rab kyi rgyud spro ba gsungs pa phyogs kyi 'dab mar zhes pa la sogs pa ste/ 'dir rdo rje mkha' 'gro ma la sogs pa bzhi ni spyan ma la sogs pa dang sa la sogs pa'i/ rang bzhin zhi ba la sogs pa'i dngos grub ster bar 'khor lo sdom pa las grags mod kyi de rnams kyang bden par sa la sogs pa'i las kyi dngos grub ster bar mi 'gyur te/ thugs kyi zhal la sogs pa kha dog nag po la sogs pa'i dbye bas so/ /de skad du gsungs pa/ ser pos rengs pa'i bya ba dang / /dkar pos sa la zhi ba'o/ /dmar pos dbang dang dgug pa ste/ /nag pos bskrad pa la sogs so zhes so/ /de'i phyir kha dog nag po'i dbang gis rdo rje mkha' 'gro ma ni rlung gi khams dang kha dog dmar po las lA mA ni me'i khams dang / kha dog ser po las dum skyes ma ni sa'i khams dang zhal gyi kha dog dkar po las gzugs can ma ni chu'i khams so/ de ltar thugs dang gsung dang ye shes dang sku'i zhal rnams rim pa bzhin du nag po dang dmar po dang ser po dang dkar po'i kha dog yin pa ji lta ba de bzhin du de'i phyogs kyi char gnas pa/ rab gtum mo la sogs pa lha mo dgu dgu po rnams kyi kha dog kyang reg par bya ste mngon brjod 'bum pa chen po las so/ /zhes pa bcom ldan 'das kyi nges pa'o/ /de na brtson 'grus chung ba dang ldan pa rnams la 'jam dpal gyis dus kyi 'khor lo bsdus pa/ 'dir de nyid man ngag gis spros nas rab tu bstan no/ /phyogs kyi 'dab mar spyan ma la sogs zhes pa ni/ nub kyi 'dab mar spyan ma'i kha dog las du ma skyes ma ser mo'o/ /dus kyi 'khor lo he ru ka'i ye shes kyi zhal nub ma ser po ste sa'i kha dog dang bshang ba'i rtsa'i rang bzhin las so/ /byang gi 'dab mar chu'i kha dog las gzugs can ma dkar mo dang / byang gi sku'i zhal dkar po ste la la nA'i rang bzhin las so/ /lhor me'i kha dog las lA mA dmar mo dang / gsung gi zhal dmar po ste ra sa nA'i rang bzhin las so/ /shar gyi 'dab mar rlung gi kha dog las rdo rje mkha' 'gro ma nag mo dang / thugs kyi zhal nag po ste/ gci ba'i rtsa'i rang bzhin las so/ / de bzhin du a ba d+hU tI'i rang bzhin gyis rdo rje phag mo ljang khu'o/ /dung can ma'i rang bzhin las bcom ldan 'das dus kyi 'khor lo he ru ka kha dog sngon po'o/ /de bzhin du thugs dang gsung dang sku'i 'khor lo'i rtsibs rnams la shar dang mar mkha' 'gro ma nag mo rnams dang lho dang bden bral du dmar mo rnams dang / nub dang rlung du ser mo rnams dang / byang dang dbang ldan du dkar mo rnams te/ de bzhin du dur khrod brgyad kyi lha mo rnams rig par bya'o/ /'di rnams kyi las rab 'byam la sogs pa rgya cher rgyud las gsungs pa ni/ phyag na rdo rjes mdzad pa'i rgyas 'grel stong phrag drug bcu pa las rtogs par bya ste/ des na bsdus pa'i rgyud 'dir ma bris so/ /phyogs bral 'dab ma la gnas zhes pa la sogs pa ni go sla'o/ /de bzhin du 'dus pa dang sgyu 'phrul dra ba yang rab tu grags pas go sla ste/ des na 'dir ma bris so/ / thugs dang gsung dang sku'i rdo rje spro ba tsam zhes pa la/ 'dir rtsa ba'i rgyud las thig gi mtshan nyid ni/ /gnyis dang gcig dang gsum phyed bcas/ /phyed dang gcig dus ri bong can/ /dus dang gcig dang dus dang gcig /cha ni sum bcu gnyis sogs la zhes pa ste/ lhag ma ra ba la sogs pa ni dus kyi 'khor lo'i dkyil 'khor bzhin no/ /da ni sdom pa chen po'i dkyil 'khor gsungs pa thig ni zhes pa la sogs pa ste/ 'dir nu kyi zhal ye shes kyi zhal nas 'khor lo sdom pa chen po ni 'khor lo gsum gyi sdom pa nyis 'gyur te/ gang gi phyir 'khor lo drug dang dur khrod bcu drug po rnams kyis so/ /des na sgo brgyad rnam par sbyang ba'i slad du 'di'i dkyil 'khor ni zlum po'o/ /de'i phyir dkyil 'khor 'di'i mtshan nyid gsungs pa/ thig ni drug dang bug pa'i cha shas zhes pa ni dgu bcu rtsa drug gi cha shas so/ /g.yo ba'i dkyil 'khor la gnas rnams kyis zhes pa/ 'jig rten gyi khams la rlung gi dkyil 'khor gyi mtha' dpag tshad 'bum phrag bzhir gnas pa dang / lus la khru bzhir gnas pa rnams kyis te thig dgu bcu rtsa drug rnams kyis dkyil 'khor la thig btab nas de rnams kyi dbus su drug drug cha rnams kyis so sor 'khor lo bya ste de ltar 'khor lo ni cha drug drug rnams kyis so/ /pad ma'i 'dab ma lte bar ldan pa'i/ phyed la yang drug gi cha rnams kyis te de ltar bdun po rnams la shar du cha bzhi bcu rtsa gnyis so/ /de bzhin du nub dang lho dang byang du ste/ thams cad gcig tu bsdus pa cha brgyad bcu rtsa bzhi song ste/ dgu bcu rtsa drug las so/ lhag ma cha bcu gnyis po rnams la cha drug gis shar gyi sa'o/ /nub tu yang de bzhin te byang dang lho ru yang de bzhin no/ /phyogs thams cad du thig rnams dag pa'o/ /de la sngar gsungs pa'i dbus kyi cha drug rnams kyi bzhis pad ma'i 'dab ma dang gnyis kyis lte ba phyed do/ /de bzhin du bzhis 'khor lo'i rtsibs dang gnyis kyis gri gug la sogs pa rnams kyi mtshan ma'i phreng ba'o/ /dbus su pad ma 'dab ma bcu drug pa'o/ /pad ma'i 'dab ma'i phyi rol du gri gug gi phreng ba sngon po ste de'i 'og tu sa ljang khu'o/ /de bzhin du ye shes kyi khams kyi 'khor lo la 'khor lo'i rtsibs kyang sngon po'o/ /de nas sa'i khams kyi 'khor lo la 'khor lo'i phreng ba ser po dang de bzhin du 'khor lo'i rtsibs te/ 'og tu sa nag po'o/ /chu'i khams kyi 'khor lo la pad ma'i phreng ba dang 'khor lo'i rtsibs dkar po ste/ 'og tu sa dmar po'o/ /me'i khams kyi 'khor lo la rin po che'i phreng ba dang / 'khor lo'i rtsibs dmar po ste/ 'og tu sa dkar po'o/ /rlung gi khams kyi 'khor lo la ral gri'i phreng ba dang / 'khor lo'i rtsibs nag po ste 'og tu sa ser po'o/ /nam mkha'i khams kyi 'khor lo la rdo rje phreng ba dang 'khor lo'i rtsibs ljang khu ste/ 'og tu sa sngon po'o/ /de nas cha drug gis ni tshon gyi sa ste skyed byed zhal gyi dbang gis zhes pa ni shar dang mer nag po dang lho dang bden bral du dmar po dang nub dang rlung du ser po dang byang dang dbang ldan du dkar po'o/ /sgo'i 'khor lo de bzhin no zhes pa/ sgo brgyad kyi mthar dur khrod chen po brgyad kyi 'khor lo rnams dang sgo brgyad kyi bar rnams su dur khrod brgyad kyi 'khor lo rnams te de ltar na dur khrod kyi 'khor lo rtsibs brgyad pa bcu drug go/ snying po'i pad ma'i 'dab ma brgyad la/ /lha mo brgyad dang lha mo brgyad kyi bar bar gyi 'dab ma rnams la thod pa bdud rtsis gang ba brgyad do/ /'khor lo drug gi rtsibs brgyad po rnams la gnas dang nye ba'i gnas la sogs pa'i lha mo bzhi bcu rtsa brgyad dang de bzhin du dpa' bo rnams kyang rig par bya'o/ /phyi rol du stegs bu la rta babs kyi ka ba'i rtsa bar klu rgyal chen po brgyad dang / sgo'i rta babs la sgeg mo la sogs pa'o/ /lhag ma sgo la sogs pa'i mtshan nyid ni dus kyi 'khor lo'i dkyil 'khor bzhin du rig par bya'o/ /da ni 'khor lo drug gi rtsibs la sogs pa rnams la lha mo'i sa bon rnams gsungs pa/ ring po zhes pa la sogs pa ste/ ring po'i dbyangs lnga l-I U r-I I A zhes pa dang / thung ngu a i rI u l-i zhes pa 'di rnams kyis phye bas ta pa Ta tsa ka'i sde pa drug po rnams kyi sa sogs stong sogs yi ge rnams so/ /rlung sogs rtsibs rnams la ring po zhes pa ni/ 'dir ye shes kyi 'khor lo la sa'i sde pa lhag pa'i lha ste de'i slI rlung gi rtsibs la'o/ /dbang ldan du k+pU dang bden bral du Sh+R-I dang mer shI dang sa 'og tu u0f88u0f90u0f71 u0f88u0f90u0f71 te rlung dang / byang gi dur khrod kyi 'khor lo'i dbus su'o/ /mkha' 'gro ma lnga po 'di rnams ni sdig pa'i dus sbyor gyi dkyil 'khor lnga'i gtso mo ste/ sems can thams cad kyi snaM bug g.yas pa las sdud pa'i/ rim pas srog 'bab pa'i phyir ro/ /de nas gzhu'i dus sbyor la steng du u0f88u0f90 ste rlung dang nub kyi dur khrod kyi 'khor lo'i dbus su'o/ /ye shes kyi 'khor lo'i shar gyi rtsibs la shi dang lhor Sh+R-i dang / byang du k+pu dang nub tu sl-i sl-i'o zhes pa ni/ gzhu'i dus sbyor la g.yon pa'i rtsa nas srog 'bab pa'o/ /de nas sa'i 'khor lo la ta'i sde pa lhag pa'i lha ste de'i t+l-I rlung du'o/ /dbang ldan du thU dang bden bral du d+R-i dang mer d+hI dang / sa 'og tu nA ste rlung gi sgo'i dur khrod kyi 'khor lo'i dbus su'o/ /zhes pa ni bu mo'i dus sbyor la'o/ /de bzhin du srang la steng du na ste nub kyi sgor ro/ /shar du d+hi dang lhor d+R-i dang byang du thu dang nub tu t+l-i'o/ /de nas chu'i khams kyi 'khor lo la pa'i sde pa lhag pa'i lha ste de'i p+l-I rlung du'o/ /dbang ldan du phU dang bden bral du b+R-I dang mer b+hI dang sa 'og tu mA ste dbang ldan gyi sgo ru'o/ /de ltar kar ka Ta'i dus sbyor la lhag pa'i lha rnams so/ /de bzhin du seng ge'i dus sbyor la nam mkhar ma ste byang gi sgo ru'o/ /shar gyi rtsibs la b+hi dang lhor b+R-i dang byang du phu dang nub tu bl-i'o/ /de nas me'i 'khor lo la Ta'i sde pa/ lhag pa'i lha ste de'i T+l-I rlung gi rtsibs la'o/ /dbang ldan du ThU dang bden bral du T+R-I dang mer T+h-I dang D+D-I sa 'og tu NA ste/ bden bral gyi sgo ru zhes pa glang gi dus sbyor la'o/ /de nas 'khrig pa la steng du Na ste/ lho'i sgo'i dur khrod du'o/ /shar gyi rtsibs la D+hi dang / lhor T+R-i dang byang du Thu dang nub tu T+l-i 'o/ /de nas rlung gi 'khor lo la tsa'i sde pa lhag pa'i lha ste/ de'i ts+lA rlung gi rtsibs la'o/ /dbang ldan du tshU dang bden bral du dz+R-I dang / mer dz+hI dang sa 'og tu nyA ste me'i sgo ru'o zhes pa nya'i dus sbyor la'o/ /de nas lug gi dus sbyor la steng du nya ste shar gyi sgo'i dur khrod kyi 'khor lo la'o/ /shar gyi rtsibs la dz+hi dang / lhor dz+R-i dang / byang du tshu dang / nub tu ts+l-i'o/ /de nas nam mkha'i khams kyi 'khor lo la ka'i sde pa lhag pa'i lha ste/ de'i kl-I rlung gi rtsibs la'o/ /dbang ldan du khU dang bden bral du g+R-I dang mer g+h-I dang 'og tu dA ste me dang lho'i sgo'i dbus kyi dur khrod kyi 'khor lo'i steng du'o zhes pa chu srin gyi dus sbyor la'o/ /de nas bum pa'i dus sbyor la steng du nga ste me dang shar gyi sgo'i dbus su'o/ /shar gyi rtsibs la g+hi dang lho'i rtsibs la g+R-i dang byang gi rtsibs la khu dang nub kyi rtsibs la kl-i'o/ /sgo dang sgo'i bar du ha k+Sha dang ldan nam mkha'i 'thil na gnas pa'i sde par bcas pa rnams zhes pa ni 'dir sde pa drug po rnams kyi stong pa'i dkyil 'khor 'bab par byed pa'i yi ge ring po dang thung ngu bcu gnyis po rnams te u0f88u0f90 u0f88u0f90u0f71 nA na mA ma NA Na nyA nya ngA nga zhes pa ni dur khrod bcu gnyis kyi lha mo rnams kyi'o/ /gzhan ni thun 'tshams bzhi'i dbye bas dus sbyor gsum gsum gyi mthar ha hA k+Sha k+ShA zhes pa yi ge bzhi ste byang dang dbang ldan dang lho dang bden bral gyi dur khrod bzhi rnams su'o/ /de ltar dur khrod bcu drug po rnams la lha mo bcu drug dang 'khor lo drug po rnams la bzhi bcu rtsa brgyad do/ /snying po'i pad ma'i 'dab ma la lha mo brgyad de de rnams kyi sa bon ni shar gyi 'dab ma la a dang lho'i 'dab ma la aHdang byang gi 'dab ma la aM dang nub kyi 'dab ma la A dang me'i 'dab ma la ha dang bden bral gyi 'dab ma la haHdang dbang ldan gyi 'dab ma la haM dang rlung gi 'dab ma la hA'o/ /de rnams kyi bar bar gyi 'dab ma brgyad po rnams la thod pa brgyad do/ /dbus su rdo rje mkha' 'gro ma dang bcom ldan 'das dus kyi 'khor lo he ru ka gtso bo ste huM phreM mo/ /mkha' 'gro ma dang mkha' 'gro 'di rnams kyi sa bon gyi mthar rdo rje ste de dang bcas pa'i ming sl-I rdo rje ma dang k+pU rdo rje ma zhes pa la sogs pa kl-I rdo rje ma'i mthar thug pa rnams so/ /'di rnams kyi mkha' 'gro bzhi bcu rtsa brgyad ni bsam pa'i dbye bas shi rdo rje dang Sh+R-i rdo rje'o/ /gang du mkha' 'gro ma'i sa bon ring po yin pa der mkha' 'gro'i sa bon thung ngu dang gang du+e thungo ngu yon pe der ring po ste slI rdo rje ma daMng shi rdo rje zhes pa ni shes rab dang thabs so/ /k+pu rdo rje ma dang Sh+R-I rdo rje zhas pa ste de bzhin du 'chad par 'gyur ba thams cad la'o/ /de ltar na dkyil 'khor la mkha' 'gro ma'i dra ba sdom pa nyis 'gyur mchod par bya'o zhes pa nges pa'o/ /'dir sdig pa dang gzhu la sogs pa lugs las bzlog pas dgod pa gang yin pa de spros pas gsungs te 'dir yan lag bcu gnyis 'gags pa kun rdzob ma yin pas don dam pa'i bden par gzhu dang sdig pa la sogs pa lugs las bzlog pas gnas dang nye ba'i gnas la sogs pa dgod pa'o/ /kun rdzob kyis chu srin dang bum pa la sogs pa rim pas nye ba'i 'thung gcod la sogs pa dgod pa ste rten 'brel yan lag bcu gnyis las so/ /ji ltar 'khor lo gsum gyi sdom pa las gcig ni rab gtum ma dang gtum pa'i mig can ma la sogs pa lugs las bzlog pas gnas la sogs pa dgod pa ste gnyis pa ni brtson 'grus chen mo la sogs pa rim pas nye ba'i dur khrod la sogs pas so/ /'dir ni 'jig rten pa'i tha snyad la kun rdzob gang yin pa de don dam pa zhes pa las shes par bya'o/ /de ltar rlung la sogs rtsibs rnams la ni nyi ma'i rgyu ba'i dbang gis zhes pa g.yas kyi rtsa la srog rgyu ba'i dbang gis ring po rnams so/ /steng sogs rtsibs la zla ba'i rgyu ba'i dbang gis zhes pa g.yon gyi rtsa la srog rgyu ba'i dbang gis thung ngu rnams so zhes pa ni dgod pa gsungs pa ste rim pa yis kyang kun rdzob kyis nye ba'i 'thung gcod la sogs pas chu srin la sogs pa'i dkyil 'khor rnams la ka tsa Ta pa ta sa'i sde pa rnams kyi yi ge ka yig la sogs pa rnams lI yig la sogs pa'i dbyangs kyis phye ba ring po dang thung ngu rnams dgod par bya'o/ /don dam pas u0f88u0f90 la sogs pa thung ngu'i a yig la sogs pa'i dbyangs kyis phye ba rnams gzhu dang sdig pa la sogs pa'i dbye bas so/ / de ltar rlung 'tshams la sogs pa'i rtsibs rnams la sa la sogs pa ste g.yas kyi dkyil 'khor 'bab pa las so/ /steng la sogs pa'i rtsibs rnams la nam mkha' la sogs pa ste g.yon gyi dkyil 'khor rab tu 'bab pa las so zhes pa ni nang gi nges pa'o/ /'dir lhag ma tshigs su bcad pa lnga ni go sla'o/ /de ni lha mo rnams kyi gnas la sogs pa'i gnas gsungs pa lhun po zhes pa la sogs pa ste 'dir lhun po'i phyogs brgyad rnams la steng du rnal 'byor ma'i 'khor lo rlung gi dkyil 'khor gyi mthar thug pa ste 'og tu sa la sems can gyi don gyi slad du yang dag par rgyu'o/ /de bzhin du rgya mtsho'i dkyil 'khor dang me'i dkyil 'khor dang rlung gi dkyil 'khor dang nam mkha'i mthar ro zhes pa ste 'jig rten khams kyi dkyil 'khor la dpag tshad 'bum phrag lnga ji srid par ro/ /sems can rnams kyi lus la skra'i mthar thug par khyab par byed pa nyid de bcom ldan 'das dang rnal 'byor ma yang dag par rgyu ba las so/ / 'dir lhun po'i steng la dpag tshad stong phrag lnga bcu ni bcom ldan 'das kyi snying po'i pad ma 'dab ma bcu drug pa'o/ /de'i sum cha ni lte ba ste lte ba'i steng du nyi ma'i dkyil 'khor ro/ /nyi ma'i steng du dus kyi 'khor lo'i zhabs g.yas pa'i 'og tu bdud dang zhabs g.yon pa'i 'og tu nyon mongs pa ste de yang drag po'o/ /'dab ma brgyad la du ba ma la sogs pa'i rdo rje mkha' 'gro ma brgyad dang de rnams kyi bar bar gyi 'dab ma rnams la bdud rtsis gang ba'i thod pa brgyad do/ /de ltar 'dab ma bcu drug ni dga' ba'i 'khor lo ste dga' ba bcu drug gi dbye bas lha mo rnams dang thod pa rnams so/ /bcom ldan 'das ni thig le bzhi 'dzin pa'i phyir zhal bzhi pa ste phyogs nyi shu rtsa bzhi 'gags pa'i phyir phyag nyi shu rtsa bzhi pa'o/ /lhag pa'i zla ba'i phyogs gnyis 'gags pa'i phyir gnyis lhag rgyal ba'i phyag ste sngar gsungs pa'i rdo rje shugs so/ /bcom ldan 'das ma'i zhal gcig ni stong pa nyid te phyag gnyis ni mtshan ma med pa dang smon pa med pa dag go/ gri gug dang phyag rgya dang thod pa la sogs pa ni mngon par 'dus ma byas pa'o/ /de nas pad ma'i phyi rol du lhun po'i phyogs brgyad rnams su thad ka'i char sa'i dkyil 'khor gyi tshad kyis dpag tshad stong phrag nyi shu rtsa lnga ni ye shes kyi khams kyi 'khor lo ste de'i sum cha'i sa la gri gug gi phreng ba'o/ /cha gnyis kyis rtsibs brgyad do/ /de bzhin du rgya mtsho'i phyed la sa'i 'khor lo ste phyed phyi ma la chu'i 'khor lo'o/ /de bzhin du me'i dkyil 'khor gyi phyed la me'i 'khor lo ste phyed phyi ma la rlung gi 'khor lo'o/ /de bzhin du rlung gi dkyil 'khor gyi phyed la nam mkha'i 'khor lo ste phyed phyi ma la rdul tshon gyi sa'o/ /nam mkha'i dkyil 'khor la dur khrod bcu drug rnams so zhes pa ni nges pa'o/ /'dir skra'i mthar khru lnga ni lus so/ /des na nam mkha'i dkyil 'khor la phyi rol gyi dur khrod rnams te de'i rnam par dag pas 'jig rten gyi khams kyang dpag tshad 'bum phrag lnga'o zhes pa 'khor lo sdom pa chen po la'o/ /de ltar rim pa bzhin du lhun po'i phyogs brgyad rnams su ye shes kyi khams kyi 'khor lo'i phyogs kyi rtsibs rnams la gnas rnams te gzhu 'gags pas rga shi 'gag pa'i phyir ro/ /phyogs bral gyi rtsibs rnams la nye ba'i gnas rnams te sdig pa 'gags pas skye ba 'gag pa'i phyir ro/ /de bzhin du dur khrod gnyis so/ /de nas sa'i khams kyi 'khor lo'i phyogs kyi rtsibs rnams la zhing bzhi ste srang 'gags pas srid pa 'gag pa'i phyir ro/ /phyogs bral gyi rtsibs rnams la nye ba'i zhing rnams te bu mo 'gags pas len pa 'gag pa'i phyir ro/ /de bzhin du dur khrod gnyis so/ /de nas chu'i khams kyi 'khor lo'i phyogs kyi rtsibs rnams la tshan do ha bzhi ste seng ge 'gags pas sred pa 'gag pa'i phyir ro/ /phyogs bral gyi rtsibs rnams la nye ba'i tshan do ha rnams te kar ka Ta 'gags pas tshor ba 'gag pa'i phyir ro/ /de bzhin du dur khrod gnyis so/ /de nas me'i khams kyi 'khor lo'i phyogs kyi rtsibs rnams la 'dus pa bzhi ste 'khrig pa 'gags pas reg pa 'gag pa'i phyir ro/ /phyogs bral gyi rtsibs rnams la nye ba'i 'dus pa rnams te glang 'gags pas skye mched drug 'gag pa'i phyir ro/ /de bzhin du dur khrod gnyis so/ /de nas rlung gi khams kyi 'khor lo'i phyogs kyi rtsibs rnams la dur khrod bzhi ste lug 'gags pas ming dang gzugs 'gag pa'i phyir ro/ /phyogs bral gyi rtsibs rnams la nye ba'i dur khrod rnams te nya 'gags pas rnam par shes pa 'gag pa'i phyir ro/ /de bzhin du dur khrod gnyis so/ /de nas nam mkha'i khams kyi 'khor lo'i phyogs kyi rtsibs rnams la 'thung gcod dam khyim bzhi ste bum pa 'gags pas 'du byed 'gag pa'i phyir ro/ /phyogs bral gyi rtsibs rnams la nye ba'i 'thung gcod rnams te chu srin 'gags pas ma rig pa 'gag pa'i phyir ro/ /de bzhin du dur khrod gnyis so/ /dus sbyor gyi thun 'tshams bzhi 'gags pas gzhan dur khrod bzhi'o/ /yang na zla ba'i cha bcu drug 'gags pas dur khrod bcu drug rnams te de skad du/ bden don rnam pa bcu gnyis ldan/ / de nyid rnam pa bcu drug rig ces so/ /thun tshod brgyad 'gags pas lha mo brgyad te yang na gza' rnams 'gag pa'i phyir ro/ /don dam pa'i rten la sgrib pa med pa'i lha mo rnams rten pa'i rang bzhin no zhes pa don dam pa'i bden par ro/ /'jig rten kun rdzob kyis kyang gnas la sogs par sngags kyi lha rnams skye ba bcom ldan 'das kyis rtsa ba'i rgyud las gsungs pa 'di lta ste/ kA ma rU pa dzA lar grags/ /pUr Na gi ri de bzhin gnas/ / o Di yA Na bzhi par 'gyur/ /shi Sh+R-i ny+pu sl-i der gtso mo/ /go dA pa rI rA me sha /de bi ko Ta mA la ba/ /nye ba'i gnas bzhi 'di rnams su/ /sl-I sl-I ny+pU Sh+R-I shI gtso mo'o/ /ar bu da mum+mu ni zhing / /o draM kA ra N+ya paT/ /d+hi d+R-i thu t+l-i zhes lha mo/ / rnams rten nor 'dzin gzhi la'o/ /tri sha ku ni nye ba'i zhing / /de bzhin ka ra mA ra pA tra/ /ko sha la dang lA Da'i yul/ /t+l-I thU d+R-I d+tI der gtso mo/ /ka ling ga ha ri ke la/ /tsan dra dwi pa lam pa kaM/ tshan do ha ni rnam pa bzhi/ /b+hi b+R-i phu p+l-i der gtso mo/ /kAn tsi kong ka Na ka dang / /hi mA la ya nye ba yi/ /tshan do bzhi pa nai pA la nyid/ /p+l-I p+l-I phU b+R-I b+hA+e der gtso mo/ /mA tri gri ha pra yA gaM/ ko p+la gi ri gri ha'i lha/ /'dus pa rnam pa bzhir 'gyur te/ /D+hi D+R-i Thu T+l-i der gtso mo/ /sau rA Sh+T+Ra dang kAsmI ra/ /su war Na gling sing ha la/ /nye ba'i 'dus pa 'di rnams su/ /T+l-I T+l-I ThU D+R-I D+h-I gtso mo'o/ /na ga ra ma hen dra ri/ /sin d+hu'i yul ki rA ta ka /dur khrod rnam pa bzhir 'gyur te/ /dz+hi dz+R-i tshu ts+l-i der gtso mo/ /ma ru'i yul dang ga hwar nyid/ /ku la tA dang sa ma la/ /de bzhin nye ba'i dur khrod gsungs/ /ts+l-I tshU dz+R-I dz+h-I der gtso mo/ /tsa ra tri ke ra na nyid/ /bin d+h+ya gau mA ri ka'i grong / /rnam bzhi 'thung gcod zhes par grags/ /g+hi g+R-i khu kl-i der gtso mo/ /nye khyim bi ra dzAHkong ga /tri pu rI shrI haT+Ta ka /rnam pa 'di bzhir grags pa ste/ kl-I khU g+R-I g+hI der gtso mo/ /u0f88u0f90 sogs bcu gnyis pho nya mo/ /stong pa'i dkyil 'khor gtso mo ste/ /ha sogs bzhi ni phyi rol gyi/ /dur khrod la ste bcu drug a/ /A aM aHha hA haM hAH /pho nya mo de pad 'dab la/ /brgyad nyid la ni thod pa rnams l te ba'i rtse mor gtso bo ste/ /yan lag bcu gnyis 'gags pa yis/ /dus sbyor rnams ni mi 'bab phyir/ /sa rnams bcu gnyis zhes grags pa/ /gnas la sogs pa don dam mo/ /ma rig la sogs lugs mthun gyis/ /chu srin sogs pa kun rdzob tu'o/ /gzhu la sogs pa lugs bzlog gis/ /rga shi la sogs de dag rnams/ /sgrib pa med pa'i chos kyis ni/ /dag pa'i chos kyi rab dbye las/ /mkha' 'gro ma rnams lus kyi khams/ /rnam pa bdun bcu gnyis rab gsungs/ /kun rdzob sngags grub gang de dag /khyim sogs rnams su gtso mo ste/ /de nas de rnams sa bon yig /gnas sogs dang por gyur pa'o zhes pa ni 'di lta ste kA dzA pU o zhes pa ni gnas rnams la'o/ / go rA de mA zhes pa ni nye ba'i gnas rnams la'o/ /a mu o kA zhes pa ni zhing rnams la'o/ /tri ka ko lA zhes pa ni nye ba'i zhing rnams la'o/ /ka ha tsa la zhes pa ni tshan do ha rnams la'o/ /kA ko hi ne zhes pa ni nye ba'i tshan do ha rnams la'o/ /mA pra ko gri zhes pa ni 'dus pa rnams la'o/ /sau ka su siM zhes pa ni nye ba'i 'dus pa rnams la'o/ /na ma si ki zhes pa ni dur khrod rnams la'o/ /ma ga ku sa zhes pa ni nye ba'i dur khrod rnams la'o/ /tsa ke biM ko zhes pa ni 'thung gcod rnams la'o/ /bi ko tri shrI zhes pa ni nye ba'i 'thung gcod rnams la'o/ /de bzhin du dur khrod bcu drug rnams la ste rlung gi sgo'i g.yon dang g.yas dag tu/ kaM ka la la kaM dang ko la ha la la ko ste yang na u0f88u0f90 u0f88u0f90u0f71'o/ / de bzhin du nub dang rlung gi sgor pU te gan d+ha la pU dang saR+ba daM sha las ste yang na na nA'o/ /byang gi sgor kl-I na la kl-I dang dbang ldan du bA la mr-i t+yu la bA ste yang na ma mA'o/ /lho dang bden bral gyi sgor sha ba da ha na la sha dang g+hor yud d+ha la g+ho ste yang na Na NA'o/ /shar dang me'i sgor shU la b+he da la shU la dang u ts+tshiSh+Ta b+ha k+Sha la u ste yang na nya nyA'o/ /me'i sgo'i g.yon dang g.yas dag tu b+hI ma la b+hI dang b+ha yaM ka ra la b+ha ste/ yang na nga ngA'o/ /dbang ldan gyi sgo'i g.yon dang g.yas dag tu/ ha hA kA ra la ha dang aT+TaT+Ta hA sa la A ste yang na ha hA'o/ /bden bral gyi sgo'i g.yon dang g.yas dag tu/ rau dra nA da la rau dang pheT kA ra la phe ste yang na k+Sha k+ShA'o zhes pa ni dur khrod bcu drug gi lha mo rnams kyi sa bon no/ /de ltar mkha' 'gro ma'i dra ba sdom pa nyis 'gyur ni 'jig rten pa'i yul gyi tha snyad kyis byis pa'i skye bo rnams bsgral ba'i slad du gsungs so/ /rnam par dpyad na kA ma rU pa dang dzA la d+ha ra la sogs pa gnas la sogs pa yin pa ni brdzun te grong bye ba'i lhag pa'i lha dang ldan pa'i yul gcig la yang gnas la sogs pa rnams gsungs pa'i phyir dang de bzhin du bod dang rgya nag dang rgya nag chen po la sogs pa'i yul rnams dang grong bye ba'i lhag pa'i lha dang ldan pa'i yul dgu bcu rtsa drug rnams su ma gsungs pa nyid kyi phyir pho nya mo rnams khyab par byed pa ma yin pa nyid du 'gyur ro/ /des na rtsa ba'i rgyud las bcom ldan 'das kyis gsungs pa 'di lta ste gnas ni shar du lus 'phags dang / /lho ru 'dzam bu'i gling dang ni/ /nub tu nub kyi ba lang spyod/ /byang du byang gi sgra mi snyan/ /phyogs bral nye ba'i gling rnams ni/ /nye ba'i gnas 'gyur sa gzhi la'o/ /de bzhin zhing la sogs pa kun/ /rgya mtsho'i dkyil 'khor sogs rnams la zhes so/ /de'i phyir 'khor lo gsum gyi sdom pa dang kye'i rdo rje las bcom ldan 'das kyis snga ma dang phyi ma'i gsung 'gal ba gang yin pa de ni dbang po rnon po'i sems can rnams kyi 'dzin pa dgrol ba'i slad du ste 'dir 'khor lo sdom pa las gnas dang nye ba'i gnas la sogs pa gsungs pa gang yin pa de dag ni kye'i rdo rje las zhing dang nye ba'i zhing la sogs pa 'khrags 'khrugs su gsungs so/ / rnal 'byor pa rnams kyis 'jig rten pa'i dngos grub rnams kyang phyi rol gyi gnas la sogs pa ji lta ba bzhin du mi 'gyur ro/ /nang du ma rig pa la sogs pa yan lag bcu gnyis 'gags pa'i dus sbyor bcu gnyis rnams te rga shi la sogs pa 'gags pa'i gzhu la sogs pas gnas la sogs pa rnams rtogs par bya'o/ /gnas la sogs pa de rnams su de bzhin gshegs pa'i rnam par dag pa'i phung po dang khams dang skye mched la sogs pa'i dbyings rnams lha'i gzugs kyis byon pa 'am gshegs pa 'das pa'i dus na byung bar gyur pa dang da ltar byung ba na yod pa dang ma 'ongs pa na 'byung bar 'gyur te dbang byed pa dang longs spyod pa dang thim pa'i dbye bas so/ /kun rdzob tu ni 'khor lo gsum gyi sdom pa las longs spyod pa dang thim pa dang dbang byed pa dang bdag po nyid du thun 'tshams dang thun tshod dang dus sbyor phyed kyi dbye bas lha mo bzhi dang brgyad dang nyi shu rtsa bzhi rnams gsungs so/ / 'dir 'khor lo drug gi sdom pa chen po las dus sbyong gyi dkyil 'khor rab tu 'bab pas dbang byed pa dang thim pa'o zhes pa ste 'dir dbang byed pa zhes bya ba ni srog gis byin gyis brlabs pa'o/ /de nyid ni longs spyod pa ste bdag po nyid do/ /thim pa zhes bya ba ni 'gro bar bya ba'i gnas so/ /des na rgyab tu lha mo dbang byed thim pa zhes pa 'dir ni mdun du de nyid lnga yi rang bzhin rnams kyis te zhes pa la sogs pa rgyas par mdzad te 'dir g.yas kyi rtsal chu srin gyi dus sbyor chu tshod lnga'i bdag nyid kyi chu tshod dang po la sa'i dkyil 'khor ro/ /lte bar 'dab ma bcu gnyis las chu srin gyi 'dab ma'i nub phyogs kyi cha la srog rab tu 'bab ste rlung gi rtsibs la zhes pa ni brtags pa'o/ /'dir gang gi tshe srog gi nus pa'i lha mo sa'i dkyil 'khor la dbang byed pas gnas pa de'i tshe 'gro bar bya ba chu'i dkyil 'khor la thim pa'o/ /slar yang skye ba 'dzin pa ni snga ma 'gags shing phyi ma skye ba ste kha thon dang mar me la sogs pa'i dpe bzhin du 'dir yang 'chi ba'i tha ma dang skye ba'i cha can gyi chos dag la'o/ /des na sa'i dkyil 'khor la dbang byed pa dang chu'i dkyil 'khor la thim pa'o/ /chu'i dkyil 'khor la dbang byed pa dang me'i dkyil 'khor la thim pa'o/ /me'i dkyil 'khor la dbang byed pa dang rlung gi dkyil 'khor la thim pa'o/ /rlung gi dkyil 'khor la dbang byed pa dang stong pa'i dkyil 'khor la thim pa'o/ /stong pa'i dkyil 'khor la dbang byed pa dang ye shes kyi dkyil 'khor la thim pa'o zhes pa ni chu srin la'o/ /de nas bum pa'i 'dab ma la dbu mar yang dag par rgyu ba gang yin pa de ni 'khor lo'i steng du gsungs te 'dir gang gi tshe a ba d+hU tIr ye shes kyi 'khor lo la dbang byed pa de'i tshe g.yon gyi rtsar nam mkha'i dkyil 'khor la thim pa'o/ /kha gang gi tshe nam mkha'i dkyil 'khor la dbang byed pa de'i tshe rlung la thim pa'o/ /de bzhin du rlung la dbang byed pa dang me la thim pa'o/ /me la dbang byed pa dang chu la thim pa'o/ /chu la dbang byed pa dang sa la thim pa'o/ /sa la dbang byed pa dang a ba d+hU tIr ye shes kyi dkyil 'khor la thim pa'o/ /de bzhin du nya dang lug gi dkyil 'khor rnams la ste de bzhin du khyu mchog dang 'khrig pa dag dang kar ka Ta dang seng ge dag dang bu mo dang srang dag dang sdig pa dang gzhu dag la'o/ /dkyil 'khor drug bcu po rnams la longs spyod pa dang thim pa dang dbang byed pa rnams te dus sbyor gsum gyi mthar bzhi ni dbu ma la rig par bya'o/ /rlung dang dbang ldan lha min me dang 'og dang mkha' dang lha dang gshin rje gnod sbyin nub tu dkyil 'khor bcu po rnams la ste yang yig gis ye shes kyi dkyil 'khor la yang ngo / /chu srin dang bum pa la ste de bzhin du gzhan la yang ngo / /da ni chu srin la sogs pa rnams kyi rten gyi 'khor lo'i rtsa rnams gsungs pa gtsug tor zhes pa la sogs pa ste 'dir gtsug tor gyi 'khor lo'i zlum skor dang po la rtsa bzhi dang dbus su gcig go/ de bzhin du snying kha la sogs pa'i 'khor lo rnams la'o/ /des na chu srin dang bum pa dag la gtsug tor gyi 'khor lor rlung gi rtsibs la sogs pa yang dag par rgyu ste nam mkha' dag pas 'khor lo'i dang po la rdo rje'i mtshan ma'o/ /des na dkyil 'khor du nam mkha'i 'khor lo la rdo rje'i phreng ba'o/ /de bzhin du nya dang lug dag la snying kha'i rang bzhin las rlung gi 'khor lo la ral gri'i phreng ba'o/ /de bzhin du glang dang 'khrig pa dag la mgrin par gnas pa la ste me'i rang bzhin las me'i 'khor lo la rin po che'i phreng ba'o/ /kar ka Ta dang seng ge dag la mgo bo la gnas pa la ste chu'i rang bzhin las chu'i 'khor lo la pad ma'i phreng ba'o/ /bu mo dang srang dag la lte ba'i 'khor lo la ste sa'i rang bzhin las 'khor lo'i phreng ba'o/ /sdig pa dang gzhu dag la gsang ba'i 'khor lor te ye shes kyi rang bzhin las gri gug gi phreng ba'o/ /'khor lo rtsibs brgyad brgyad pa 'di rnams la 'og dang steng du nyin zhag so sor chu srin gyi dus sbyor nas brtsams te srog gi yang dag par rgyu ba 'di rnal 'byor pas rig par bya'o/ /'dir gang dang gang du srog dbang byed pa de dang der dkyil 'khor gyi gtso mo'i ming dang lhan cig bcom ldan 'das kyi rkang pa bzhi bcu rtsa brgyad pa'i rkang pa gcig bzung nas srog rab tu 'bab pas bzlas par bya ste bgrang phreng gis ni ma yin no/ /de bzhin du rkang pa bcu drug gi rkang pa re re bzung nas dur khrod kyi lha mo'i ming dang bcas pa bzlas par bya'o/ /rkang pa brgyad ni pad ma'i 'dab ma'i lha mo brgyad dang lhan cig tu zhes pa 'chad par 'gyur ro/ /de ltar chu srin la sogs pa dus sbyor gnyis gnyis kyi bar du dbyu gu bcu bcu rnams la pho nya mo rnams kyi 'khor lo yang dag par rgyu'o/ /de ltar nyin zhag gi dbyugu drug bcu po rnams kyi dkyil 'khor drug bcu po rnams la srog yang dag par rgyu ba'o/ /de ltar lus las skyes pa'i phra mo dang mi dang 'byung po dang lha dang lha ma yin rnams kyi rang rang gi nyin zhag dang rang rang gi dkyil 'khor rnams la rnal 'byor ma yang dag par rgyu ba ni skye ba dang 'jig pa'i rgyur gyur pa ste/ sgyu 'phrul chen mo drag chen mo/ /ji ltar 'byung dang sdud byed pas rang nyid byed po 'phrog po ltar/ /rdo rje 'chang dang sangs rgyas dang / /shes rab pha rol phyin ma rnams/ /lus can rnams kyi byed po min/ /sangs rgyas pa la bden gsung gis/ /byed po 'phrog po bstan pa med/ /lus dang ngag dang yid kyi las/ /dge dang mi dge gang byed pa/ /de yi 'bras bu sems can spyod/ /byed po gzhan ni 'ga' yang med ces pa ni bcom ldan 'das kyi nges pa'o/ /da ni gtso bo'i gdan gsungs pa gtso bo'i zhes pa la sogs pa ste 'dir gtsug tor la sogs pa'i 'khor lo drug po rnams la ka yig la sogs pa'i yi ge rnams kyis rnal 'byor ma rnams kyi yang dag par rgyu ba'o/ /des na gtso bo'i chu skyes te dkyil 'khor gyi dbus su pad ma gang yin pa de rdo rje kun gyis zhes pa ni thig le bzhi po rnams 'gyur med ces pa mi 'pho ba'i rdo rje nor bur gnas pa rnams kyis rdo rje nor bur gnas pa ni pad ma ste kun nas dga' ba thams cad pa bde ba mnyam pa'i gnas 'pho ba med pa nyid kyi phyir ro/ /rdo rje can ni dus thams cad pa ste rnal 'byor ma rnams kyis dga' ba skyed pa'o/ /de'i phyir zla ba zhu ba mi 'pho ba'i bde ba bla ma'i zhal te ye shes kyi zhal de la ni gang zhig zhugs pa dus kyi 'khor lo de nyid te rnal 'byor par 'gyur ro zhes pa nges pa'o/ /de ltar 'di'i 'khor lo ni dus su gsungs zhes pa ma rig pa la sogs pa'i chos su brjod pa phung po'i bdud la sogs pa bzhi po rnams gsod pa dang 'jigs par byed pa mkha' 'gro ma yi 'khor lo 'di dag go zhes pa ni sgrib pa thams cad las nges par grol ba ste lha'i tshogs brtags pa gzhan ni ma yin no/ /da ni 'jig rten pa'i dngos grub sgrub pa'i slad du sngags kyi bzlas pa gsungs pa shes rab thabs zhes pa la sogs pa ste 'dir dus kyi 'khor lo la shes rab thabs kyi yi ge dag gis zhes pa ni 'dir gang du shes rab kyi sa bon thung ngu yin pa de'i thabs kyi ni mngon du phyogs pa'i rigs kyi dbang gis ring por 'gyur ro/ /gang gi tshe shes rab kyi ring po yin pa de'i tshe thabs kyi thung ngu'o/ /de ltar gnyi ga'i rigs kyi dbang las mkha' 'gro ma dang mkha' 'gro'i ming zhes pa ni shi rdo rje ma dang sl-I rdo rje zhes pa la sogs pa dang de bzhin du sl-I rdo rje ma dang shi rdo rje ste sa dang rlung phan tshun du shes rab dang thabs kyi dbye ba las so/ /de bzhin du chu dang me dag gi Sh+R-i rdo rje ma dang ny+p+'u rdo rje zhes pa dang de bzhin du ny+p+'u rdo rje ma dang Sh+R-i rdo rje zhes pa mkha' 'gro ma dang mkha' 'gro thams cad kyi ming rdo rje gsum po rkang pa gzhan dang bcas pas thog ma dbus dang tha mar phye ba 'di ni bzlas bya ste zhes pa ni thog mar oM yig go/ dbus su phreng ba'i sngags kyi rkang pa dang po la sogs pa dang de nas rdo rje pho nya mo'i sa bon rdo rje mkha' 'gro dang bcas pa dang de nas thugs rdo rje hu~M yig thung ngu dang gsung rdo rje ring po ste mthar phaT yig go/ de la phreng ba'i sngags ni rkang pa bdun bcu rtsa gnyis pa ste rkang pa bdun bcu rtsa gnyis po de rnams las dang po rkang pa brgyad ni pad ma'i 'dab ma'i lha mo rnams dang lhan cig go/ rkang pa bcu drug ni dur khrod kyi lha mo rnams dang lhan cig go/ rkang pa bzhi bcu rtsa brgyad ni 'khor lo drug gi dpa' bo dang dpa' mo'i dbang phyug ma'i ming dang lhan cig tu bzlas par bya'o/ / 'dir rkang pa brgyad dang dur khrod bzhi'i rkang pa srog gis byin gyis brlabs pa rnams ni chu srin la sogs pa la 'pho ba'i dus su dbu mar rab tu zhugs pa bcu gnyis rnams la bzlas par bya'o/ /lhag ma rkang pa drug bcu rnams ni dkyil 'khor lnga'i byin gyis brlabs kyis srog byin gyis brlabs pa gang gi dkyil 'khor yin pa de'i lhag pa'i lha dang bcas pa'i phreng ba'i sngags rnal 'byor pa rnams kyis 'grub par 'gyur te rgyu ba'i dbye bas so/ /myur du dngos grub tu ni 'gyur te ro yi 'gro ba rnams la gnas pa zhes pa 'gro ba rigs drug la gnas pa ni rdo rje mkha' 'gro dang rdo rje mkha' 'gro ma thams cad do zhes pa bcom ldan 'das kyi nges pa'o/ /'dir kun rdzob tu lha mo'i phreng ba'i sngags la chu srin la sogs pa dang ka'i sde pa la sogs pas nye ba'i 'thung gcod la sogs pa dgod pa ste de la 'pho ba bcu gnyis kyi rkang pa rnams ni 'di lta ste oM AH huM huM hoHhaM k+ShaHh+k+Sh+m+l+W+R+YoM kA la tsakra hA badzre hu~M hU~M phaT ces pa chu srin gyi 'pho ba la rkang pa dang bcas pa'i dbugs lnga bcu rtsa drug bzlas so/ /de bzhin du oM dur dAn ta da ma kaHdzA ti dza rA ma ra NA na ta ka ha badzre hu~M hU~M phaT ces pa bum pa'i 'pho ba la'o/ /oM trai lo kya bi dza ya A badzre hu~M hU~M phaT ces pa nya la'o/ /oM ma hA bI re shwa ra a badzre hu~M hU~M phaT ces pa lug la'o/ /oM badzra b+hai ra ba haH badzre hu~M hU~M phaT ces pa seng ge la'o/ /oM badzra kA ya aH badzre hu~M hU~M phaT ces pa 'khrig pa la'o/ /oM badzra gA tra haM badzre hu~M hU~M phaT ces pa kar ka Ta la'o/ /oM badzra ne tra aM badzre hu~M hU~M phaT ces pa seng ge la'o/ /oM badzra shro tra hA badzre hu~M hUM phaT ces pa bu mo'i 'pho ba la'o/ /oM badzra g+h+rA Na ha badzre hu~M hU~M phaT ces pa srang la'o/ /oM badzra dzi hwa k+ShA badzre hu~M hU~M phaT ces pa sdig pa la'o/ /oM badzra dan ta k+Sha badzre hu~M hU~M phaT ces pa gzhu'i 'pho ba la dbugs dang lhan cig bzlas par bya'o zhes pa ste 'pho ba bcu gnyis la ye shes kyi dkyil 'khor gyi bzlas pa'o/ /oM badzra na kha kl-I badzre g+hi badzra hu~M hU~M phaT ces pa chu srin gyi sa'i dkyil 'khor la rkang pa dang bcas pa'i bcu gcig gis dman pa'i sum brgya drug bcu bzlas te de ltar thams cad du dkyil 'khor drug bcu po rnams la'o/ /oM badzra ke sha khU badzre g+R-i badzra hu~M hU~M phaT ces pa chu la'o/ /oM badzra lo ma g+R-I badzre khu badzra hu~M hU~M phaT ces pa me la'o/ /oM badzrA b+ha ra Na g+hI badzre kl-i badzra hu~M hU~M phaT ces pa rlung la'o/ /oM badzra hA sa dA badzre hu~M hU~M phaT ces pa nam mkha'i dkyil 'khor la dur khrod du'o/ /thabs ni bcom ldan 'das te des na sa bon gnyis pa med do/ /de ltar nam mkha'i dkyil 'khor la thams cad shes par bya'o/ /oM badzra g+'i ta nga badzre hu~M hU~M phaT ces pa bum pa'i nam mkha'i dkyil 'khor la dbugs kyi bzlas pa'o/ /oM badzra nr-i t+ya g+hi badzre kl-I badzra hu~M hU~M phaT ces pa rlung la'o/ / oM badzrA yu d+ha ka ra g+R-i badzre khu badzra hu~M hU~M phaT ces pa me la'o/ /oM badzre kro d+hA d+hi pa ti khu badzre gr-I badzra hu~M hU~M phaT ces pa chu la'o/ /oM badzra DA ka kl-i badzre g+hI badzra hu~M hU~M phaT ces pa sa'i dkyil 'khor la dbugs kyi bzlas pa'o/ /de ltar ka sde la gnas pa rnams so/ /de nas nya la oM badzra DA ki nI dzA la pa ri pr-i ta ts+l-I badzre dz+hi badzra hu~M hU~M phaT ces pa sa'i dkyil 'khor la dbugs kyi bzlas pa'o/ /oM shI g+h+ra mA gats+tshA gats+tsha tshU badzre dzr-i badzra hu~M hU~M phaT ces pa chu la'o/ /oM badzra sa twA dz+nyA yA sarba mA ra big+h+na bi nA ya ka kin na ra kiM pu ru Sha ga ru Da gan d+harba yak+Sha rAk+Sha sa b+hU ta ma hA pre ta kum b+hAN DA pasmA rak+She Ta pA la be tA Da pU ta na duSh+Ta nA ga gra hA da yo ye sarba dz+wa ra sarba byA d+hi b+hiHk+Shu dro pa dra ba kA ri NaHsarba satwA pa kA ra ra tAH tA na sarbA na dzaH shI g+h+raM badzrAM ku she nA kr-i Sh+yA kr-i Sh+ya dzr-I badzre tshu badzra hu~M hU~M phaT ces pa me'i dkyil 'khor la'o/ /oM Ur d+ha di shi ga tA nA kr-i Sh+yA kr-i Sh+ya dz+hI badzre ts+l-i badzra hu~M hU~M phaT ces pa rlung la'o/ /oM pUrba di shi ga tA nA kr-i Sh+yA kr-i Sh+ya nyA badzre hu~M hU~M phaT ces pa nam mkha'i dkyil 'khor la dur khrod du'o/ /de nas lug la oM dak+Shi Na di shi ga tA nA kr-i Sh+yA kr-i Shu nya badzre hu~M hU~M phaT ces pa nam mkha'i dkyil 'khor la dur khrod dU'o/ /oM ud ta ra di shig tA nA kr-i Sh+yA kr-i Sh+ya dz+hi badzre ts+l-I badzra hu~M hU~M phaT ces pa rlung la'o/ /oM pash+tsi ma di shi ga tA nA kr-i Sh+yA kr-i Sh+ya dzr-i badzre tshU badzra hu~M hUM phaT ces pa me la'o/ / oM bA ya bya di shi ga tA nA kr-i Sh+yA kr-i Sh+ya tshu badzre dzr-I badzra hu~M hU~M phaT ces pa chu la'o/ /oM oM I sha na di shi ga tA nA kr-i Sh+yA kr-i Sh+ya ts+l-i badzre dz+hI badzra hu~M hUM phaT ces pa sa'i dkyil 'khor la dbugs kyi bzlas pa'o/ /de nas glang gi dus sbyor la oM nai r+R-i t+ya di shi ga tA nA kr-i Sh+yA kr-i Sh+ya T+l-I badzre D+hi badzra hu~M hU~M phaT ces pa sa'i dkyil 'khor la dbugs kyi bzlas pa'o/ /oM Ag ne ya di shi ga tA nA kr-i Sh+yA kr-i Sh+ya ThU badzre D+R-i badzra hu~M hU~M phaT ces pa chu la'o/ /oM a d+ho di shi ga tA nA kr-i Sh+yA kr-i Sh+ya D+R-I badzre Thu badzra hu~M hUM phaT ces pa me la'o/ /oM A kA sha maN Da la ga tA nA kr-i Sh+yA kr-i Sh+ya d+hi badzre T+li badzra hu~M hU~M phaT ces pa rlung la'o/ /oM bA yu maN Da la ga tA nA kr-i Sh+yA kr-i Sh+ya NA badzre hu~M hU~M phaT ces pa nam mkha'i dkyil 'khor la dur khrod du dbugs kyi bzlas pa'o/ /de nas 'khrig pa la oM te dzo maN Da la ga tA nA kr-i Sh+yA kr-i Sh+ya Na badzre hu~M hU~M phaT ces pa nam mkha'i dkyil 'khor la dur khrod du dbugs kyi bzlas pa'o/ /oM u da ka maN Da la ga tA nA kr-i Sh+yA kr-i Sh+ya d+d+hi badzre T+l-I badzra hu~M hU~M phaT ces pa rlung la'o/ / oM pri th+wI maN Da la ga tA nA kr-i Sh+yA kr-i Sh+ya D+h-i badzre thU badzra hu~M hU~M phaT ces pa me la'o/ /oM kA ma d+hA tu ga tA nA kr-i Sh+yA kr-i Sh+ya Thu badzre D+R-I badzra hu~M hU~M phaT ces pa chu la'o/ /oM rU pa d+hA tu ga tA nA kr-i Sh+yA kr-i Sh+ya T+l-i badzre D+h-I badzra hu~M hU~M phaT ces pa sa'i dkyil 'khor la dbugs kyi bzlas pa'o/ /de nas kar ka Ta'i dus sbyor la oM a rU pa d+hA tu ga tA nA kr-i Sh+yA kr-i Sh+ya p+l-I badzre b+hi badzra hu~M hU~M phaT ces pa sa'i dkyil 'khor la dbugs kyi bzlas pa'o/ / oM kA ya d+hA tu ga tA nA kr-i Sh+yA kr-i Sh+ya phU badzra b+R-i badzra hu~M hU~M phaT ces pa chu la'o/ /oM bAka d+hA tu ga tA nA kr-i Sh+yA kr-i Sh+ya b+R-i badzre phu badzra hu~M hU~M phaT ces pa me la'o/ /oM tsita ta d+hA tu ga tA nA kr-i Sh+yA kr-i Sh+ya b+hI badzre p+l-i badzra hu~M hU~M phaT ces pa rlung la'o/ /oM pany+tsa skan d+ha ga tA nA kr-i Sh+yA kr-i Sh+ya mA badzre hu~M hU~M phaT ces pa nam mkha'i dkyil 'khor la dur khrod du dbugs kyi bzlas pa'o/ /seng ge la oM pany+tsa d+hA tu ga tA nA kr-i Sh+yA kr-i Sh+ya ma badzre hu~M hU~M phaT ces pa nam mkha'i dkyil 'khor la dur khrod du dbugs kyi bzlas pa'o/ /oM pany+tsa na tri ya ga tA nA kr-i Sh+yA kr-i Sh+ya b+hi badzre bl-I badzra hu~M hU~M phaT ces pa rlung la'o/ /oM pany+tsa bi Sha ya ga tA nA kr-i Sh+yA kr-i Sh+ya b+Ra badzre phU badzra hu~M hU~M phaT ces ba me la'o/ /oM pany+tsa karmen dri ya ga tA nA kr-i Sh+yA kr-i Sh+ya phu badzre b+R-I badzra hu~M hU~M phaT ces pa me la'o/ /oM pany+tsa kar mi na tri ya bi Sha ya ga tA nA kr-i Sh+yA kr-i Sh+ya bli badzre b+hI badzra hu~M hU~M phaT ces pa sa'i dkyil 'khor la dbugs kyi zlas pa'o/ /de nas bu mo'i dus sbyor la oM sarba tra ya tra ku tra tsita ga tA nA kr-i Sh+yA kr-i Sh+ya t+lI badzre d+hi badzra hu~M hU~M phaT ces pa sa'i dkyil 'khor la dbugs kyi bzlas pa'o/ /oM ma hA sh+ma shA ne badzra ga ni dz+wa li ta b+hU myAM ni pA ta ya ni bA ta ya thU badzre d+R-i badzra hu~M hUM phaT ces pa chu la'o/ /oM badzra pA she na sarba b+hu dze Shu ban d+ha ya ban d+ha ya d+R-I badzre thu badzra hu~M hU~M phaT ces pa me la'o/ /oM badzra shri kha la ya sarbA pA de Shu ni ro d+ha ya ni ro d+ha ya d+hI badzre t+l-i badzra hu~M hU~M phaT ces pa rlung la'o/ /oM sarba satwa kA ya bA ka tsita ta k+Shu dro pa dra pa kAr ra ta na ma hA kro d+ha badzre Na tsU raN+Na ya tsUr N+Na ya nA badzre hu~M hU~M phaT ces pa nam mkha'i dkyil 'khor la dur khrod du'o/ /de nas srang gi dus sbyor la oM badzra kha Da ge na ni krin ta ya ni kr-in ta ya na badzre hu~M hU~M phaT ces pa nam mkha'i dkyil 'khor la dur khrod du dbugs kyi bzlas pa'o/ /oM badzra tri shU le na b+he da ya b+hi da ya d+hi badzre t+l-i badzra hu~M hU~M phaT ces pa rlung la'o/ /oM badzra kar t+ti ka yA ha na ha na d+R-i badzre thU badzra hu~M hU~M phaT ces pa me la'o/ /oM badzra pA Ne na bin d+ha bin d+ha thu badzre d+R-i badzra hu~M hU~M phaT ces pa chu la'o/ /oM badzra kI la kaiHkI la ya kI la ya t+l-i badzre R+hI badzra hu~M hU~M phaT ces pa sa'i dkyil 'khor la dbugs kyi bzlas pa'o/ /de nas sdig pa'i dus sbyor la oM badzra mung ga re NA ko Ta yA ko Ta ya sl-I badzre shi badzra hu~M hU~M phaT/ ces pa sa'i dkyil 'khor la dbugs kyi bzlas pa'o/ /oM badzra tsakre Na ts+tshe da ya ts+tshe da ya k+pU badzre Sh+R-i badzra hu~M hU~M phaT ces pa chu la'o/ /oM badzra kun te na b+hin d+ha b+hin d+ha Sh+R-I badzre ny+pa badzra hu~M hU~M phaT ces pa me la'o/ /oM badzra daN De na tA Da ya tA Da ya shI badzre sli badzra hu~M hU~M phaT ces pa rlung la'o/ /oM badzra par shu nA ts+tshin da ts+tshin da u0f88u0f90u0f71 badzre hu~M hU~M phaT ces pa nam mkha'i dkyil 'khor la dur khrod du dbugs kyi bzlas pa'o/ /de nas gzhu'i dus sbyor la oM sAr d+ha tri ko Ti khaN DA ni kri trA sh+ma sh A na b+hU myAM sarba b+hU te byo ba liM ku ru ku ru u0f88u0f90 badzre hu~M hU~M phaT ces pa nam mkha'i dkyil 'khor la dur khrod du dbugs kyi bzlas pa'o/ /oM badzra Da ma ru ke Na badzra DA ki nI rA bA ha yA bA ha ya shi badzre slI badzra hu~M hU~M phaT ces pa rlung la'o/ /oM badzra DA ki nI b+h+yo mA ra ki ya kA nAM ru d+hi raM ni be da ya ni be da ya Sh+R-i badzre u0f89u0fa4u0f71u0f74 badzra hu~M hU~M phaT ces pa me la'o/ /oM pany+tsA mr-i ta hA ri nI b+h+yaHpany+tsA mri taM ni be da ya ni be da ya u0f89u0fa4u0f74 badzra badzre Sh+R-I hu~M hU~M phaT ces pa chu la'o/ /oM sarba badzra DA ki nI sa hi taHsarba sa twa nA~M sh An ta kaM bauSh+Ti kaM rak+ShA ba ra Na gu pa tiM ku ru ku ru sli badzre shI badzra hu~M hU~M phaT ces pa sa'i dkyil 'khor la dbugs kyi bzlas pa'o/ /de ltar phreng ba'i sngags nyin zhag so sor dbugs kyi 'khor lo'i grangs bzlas par bya'o/ /'dir bgrang phreng med cing sngags brjod pa med de dbugs 'jug pa dang 'byung ba dag dang lhan cig sngags kyi yi ge rnams rab tu 'jug pa dang 'byung ba me tog gi phreng ba bzhin du zla ba dang nyi ma'i rang bzhin lugs dang mthun pa dang lugs dang mi mthun pas blta bar bya'o/ /de ltar nang du nyin zhag lngas stong phrag brgyad lhag pa'i 'bum phrag gi bzlas pa rnal 'byor pas bya'o/ /nyin zhag lnga brgya rnams kyis dbugs 'bum phrag brgyad lhag pa'i bye ba bzlas pa'o/ /de nas lus dag pa ste de bzhin du ngag dag pa dang de bzhin du sems rnam par dag pa'o/ /de ltar nyin zhag brgya phrag bcwa lnga rnams kyis dbugs g.yo ba med par 'gyur te srog gis bum pa can gyi gnas skabs thob par 'gyur ro/ /de nas rnal 'byor pa rnams la mngon par shes pa lnga skye bar 'gyur te g.yon dang g.yas dang dbu ma'i srog yang dag par rgyu bas rdo rje'i bzlas pa'i rim pa dang ma ning gi bzlas pa'i rim pa'o zhes pa ni bcom ldan 'das kyi nges pa'o/ /da ni a ba d+hU tI'i dbugs rnams dang sku dang gsung dang thugs dang ye shes dang 'khor lo lnga po rnams kyis sangs rgyas thams cad kyi sdom pa gsungs pa dbugs rnams gang dag ces pa la sogs pa ste 'dir byis pa skye ba'i dus su dbu ma la ni dbugs rnams gang dag rkang pa dang bcas pa'i lnga bcu rtsa drug ste rkang pa dang bcas ro dang mngar gyur pa de brgyad rnams kyis 'khor lor 'gyur te 'og dang mkha' yi dbang gis sgo yi dbus gnas lha mo rnams zhes pa ni dbugs 'di rnams kyi nang nas sku dang gsung dang thugs dang ye shes kyi chos can gyi dbugs brgyad te shes rab dang thabs kyi dbye ba las so/ /de rnams ni snying po'i pad ma'i 'dab ma la lha mo brgyad do/ /'dir thod pa rnams su ni mi 'gyur te dpa' bo rnams kyang ngo / /brgyad ni gzugs rnam par dag pas sa'i 'khor lo la'o/ /brgyad ni 'du shes rnam par dag pas chu'i 'khor lo la'o/ /brgyad ni tshor ba rnam par dag pas me'i 'khor lo la'o/ / brgyad ni 'du byed rnam par dag pas rlung gi 'khor lo la'o/ /brgyad ni rnam par shes pa rnam par dag pas nam mkha'i 'khor lo la'o/ /brgyad ni ye shes rnam par dag pas dur khrod brgyad po rnams la'o/ /de ltar gsang ba dang lte ba dang snying kha dang mgrin pa dang dpral ba dang gtsug tor gyi 'khor lo drug po rnams la bzhi bcu rtsa brgyad do/ /de bzhin du sna'i bug pa dag la gnyis dang mig gi bug pa dag la gnyis dang rna ba'i bug pa dag la gnyis dang lce'i sgo dang gtsug tor gyi bug pa dag la gnyis so zhes pa ni lha mo'i tshogs te de ltar lnga bcu rtsa drug go/ lhag ma rkang pa gcig gis bskyed pa srid pa gsum gyi yum sna tshogs yum ste phyag na gri gu dang thod pa can no/ /g.yon brkyang bdud rtsi'i cha de yis 'khyud pa nyi ma zla ba'i steng du ste bdud dang nyon mongs pa'i steng du g.yas brkyang gis gnas pa bcom ldan 'das dus kyi 'khor lo mchog tu mi 'gyur ba'i bde ba'o/ /dbugs 'di rnams kyi sa bon rnams ni 'chad par 'gyur ba las l-i sogs dbyangs brgyad gang dag ces pa la sogs pas brjod par bya ste des na 'dir ma bris so/ /'dir nges pa'i don ni dus thams cad du brtan par gyur pa dang bum pa can gyi gnas skabs su gyur pa ji srid par dus thams cad du rnal 'byor pas 'jug pa dang 'byung ba nyid kyis srog dbu mar bsgom par bya'o/ /de nas rnal 'byor pas mngon par shes pa lnga thob par 'gyur te srog gi bzlas pa las so zhes pa ni bcom ldan 'das kyi nges pa'o/ /de ltar mi phyed pa'i yan lag srog dang ldan pa'i yid kyis sngags bzlas par bya'o zhes pa ni rgyud thams cad las rdo rje'i tshig ste sngar brjod zin to/ /gang yang srog gi bzlas pa sngags brjod pa dang bgrang phreng dang bral ba de lta na yang bzlas pa zhes brjod par bya ste srog 'byung ba dang 'jug pa'i phyir ro/ /da ni phyi dang nang du lha'i gdan gyi dag pa gsungs pa lnga zhes pa la sogs pa ste 'dir dpa' bo gcig pa'i gdan ni zla ba khu ba 'am nyi ma rdul lo/ /khams lnga po rnams shes rab kyi chos can nyid kyi phyir zla ba'i yon tan yul lnga po de rnams ni 'dir spyan ma la sogs pa rnams kyi zla ba'i gdan rnams te nam mkha'i khams kyi mthar thug par ro/ /yon tan gsum gyi dbang gis rin chen 'byung ldan dang snang ba mtha' yas dang don yod grub pa rnams kyi nyi ma'i gdan gsum mo/ /'byung ba bzhi'i bdag nyid ni gzugs chen po zhes pa khams bzhi'i chos can nyid kyi phyir rnam par snang mdzad kyi zla ba'i gdan no/ /ye shes kyi 'od zer gyi chos can nyid kyi phyir nyi ma'i gdan ni tshor ba la sogs pa lhag ma rnams kyi ste gzugs can min pa zhes pa'i gsung las so/ /de ltar zla ba'i dkyil 'khor lnga dang snying stobs dang rdul dang mun pa dang mnyam pa nyid kyi dbye bas nyi ma'i dkyil 'khor bzhi'o/ /de ltar phung po dang khams rnams kyi yon tan dang yul gyi rten la dgu'i bdag nyid kyi 'dus pa ste mngal du skyes pa'i rnam par shes pa la sogs pa rnams kyi ji lta ba de bzhin du lha la yang ngo / /slar yang gzhan khro bo'i gdan bzhi ste chu gter rkang pa zhes pa nyi ma'i rkang pa'i nor dang bu lon 'phel ba dang 'grib pa'i dbang gis khro bo rnams kyi nyi ma'i gdan rnams so/ / de ltar khro bo rnams kyi rkang pa zhes pa ste bcu gsum gyi bdag nyid kyi 'dus pa'o/ /de bzhin du gza' bdun po nyi ma'i gdan rnams dang rdzogs pa bcu gnyis zla ba'i dkyil 'khor rnams te gsum pa bcu dgu'i bdag nyid kyi 'dus pa'o/ /lo so sor nag po'i rdzogs pa gnam stong bcu gnyis dang dkar po'i rdzogs pa nya bcu gnyis te de ltar nyi shu rtsa bzhi nyi ma dang zla ba'i gdan rnams dang gtso bo'i rigs kyi dbang gis zla ba 'am nyi ma'i gdan de de ltar lha rnams kyi rten gyi dbye ba las nyi shu rtsa lnga'i bdag nyid kyi 'dus pa'o/ /slar yang de rnams kyi nang du gzhan gza' bdun gyi gdan rnams bsreg pa ni phung po lnga dang khams bzhi dang skye mched bcu gnyis dang khro bo bcu cig rnams kyi gdan sum bcu rtsa gnyis su 'gyur te sum bcu rtsa gnyis kyi bdag nyid kyi 'dus pa'o/ /slar yang mnyam dang mi mnyam gnas la srog 'gro ba nyi ma'i gdan dang 'ong ba zla ba'i gdan te des na sum bcu rtsa bzhi'i bdag nyid kyi 'dus pa'o/ /de ltar rnam pa drug ste mngal du byis pa'i khams kyi rten dang brten pa 'dus pa ji lta ba de bzhin du lha rnams kyi 'dus pa'o zhes pa'i rigs pas 'dus pa drug go/ da ni zla ba zhes pa la sogs pas 'khor lo gsum gyi sdom pa la gdan gyi dag pa gsungs te 'dir 'khor lo gsum la rtsibs nyi shu rtsa bzhi'o/ /de rnams kyang 'byung dang 'byung ba mda' dang rig byed yon tan lag pa ri bong can zhes pa sngar gsungs pa'i zla ba'i rkang pa nyi shu rtsa lnga ste de rnams las nyi shu rtsa bzhi ni 'khor lo gsum gyi rtsibs su 'gyur zhing nyi shu rtsa lnga pa gcig pu ni pad ma'i 'dab ma'i lha mo'i ro'i gdan no/ /nyi ma'i rkang pa ni ro dang dus dang ri bong can zhes pa bcu gcig ste de rnams las gsum ni snying po'i pad ma'i 'dab ma gsum la'o/ /lhag ma brgyad ni dur khrod brgyad la ro'i gzugs kyis gnas pa rnams te rtsibs zhes pa ni rten no/ /ro zhes pa ni lha mo rnams kyi bzhon pa'i ro rnams so/ /de ltar 'khor lo gsum gyi sdom pa'o/ /slar yang snga ma dang phyi ma'i dbye bas rkang pa nyis 'gyur ni sdom pa chen po la lha mo rnams kyi gdan bdun bcu rtsa gnyis su 'gyur te de ltar 'khor lo drug gi sdom pa'o/ /sgyu 'phrul dra ba la rdzogs pa nyi shu rtsa bzhi ste dkar po dang nag po rnams zla ba dang nyi ma'i gdan rnams so/ /de bzhin du gza' bdun te nyi ma'i gdan bdun no/ /nyi ma'i rkang pa rnams ni nyi ma'i gdan bcu gcig go / yang na bsam pa'i dbye bas zla ba'i gdan rnams te de ltar gdan bzhi bcu rtsa gsum ni gcig la'o/ /mnyam dang mi mnyam rkang pas sngar bzhin du zla ba dang nyi ma'i gdan te gdan bzhi bcu rtsa lnga ni gnyis pa la'o/ /chu gter rkang pa zhes pa nyi ma'i rkang pa'i dbye bas nyi ma'i gdan nam zla ba'i gdan bzhir 'gyur te lus dang bsam pa'i dbye bas so/ /de ltar lha rnams kyi gdan bzhi bcu rtsa dgu ni sgyu 'phrul dra ba gsum pa la ste mngal du byis pa'i srog gi rten du gyur pa'i khams rnams ji lta ba de bzhin du phyi rol dang gzhan la yang grub bo/ /de ltar 'dus pa dang sgyu 'phrul dra ba dang 'khor lo gsum dang 'khor lo drug gi sdom pa yongs su dag pa'i nges pa'o/ /rgyud de rnams la gtso bo ni gzugs med pa'i phung po'i chos can nyid kyi phyir nyi ma 'am gzugs kyi chos can nyid kyi phyir shes rab kyi chos las zla ba la 'gyur zhing rnam par snang mdzad ni snying rje'i chos kyis zla ba'i dkyil 'khor la 'gyur te rigs kyi dbang gis zhes pa shes rab dang snying rje'i dbang gis so/ /gtso bo'i yang na kha sbyor la zhes pa ni dus kyi 'khor lo la shes rab dang snying rje gnyis la'o zhes pa ste dang po'i sangs rgyas ris med pa nyid kyi phyir ro zhes grub bo/ /da ni rlung la sogs pa'i lha rnams kyi zhal gyi dag pa gsungs pa rlung zhes pa la sogs pa ste 'dir rlung la sogs pa'i lha rnams kyi zhal ni rnam pa gnyis te gcig ni yul dag pas so/ /gnyis pa ni yon tan gsum dag pas so/ / de la rlung gi khams la reg bya'i yon tan gyi bdag nyid zhal gcig tu 'gyur zhing gnyis pa ni sgra'i yon tan gyi bdag nyid rgyas gdab pa ste des na 'du byed kyi phung po la rnam par shes pa'i phung pos rgyas gdab bo/ /de ltar rlung la reg bya'i zhal gcig dang ni yon tan gzhan gyi dbang gis rgyas gdab zhal ni gnyis pa zhes pa spyi bor te zhal gyi gnas su ni ma yin no/ /de bzhin du me la ro dang reg bya'i yul gyi chos kyis zhal gnyis dang yon tan gyis rgyas gdab pa'i zhal ni gsum pa ste des na tshor ba la yang rnam par shes pas rgyas gdab bo/ /de bzhin du chu la gzugs dang ro dang reg bya yi ni zhal te zhal gsum dang rgyas gdab zhal ni bzhi pa nam mkha'i mtshan nyid sgra'o/ /des na 'du shes la rnam par shes pas rgyas gdab bo/ /sa la dri la sogs pa zhes pa la sogs pa dri dang gzugs dang ro dang reg bya'i yul gyi chos kyis zhal bzhir 'gyur te des na gzugs kyi phung po la yang rnam par shes pa'i phung pos rgyas gdab bo zhes grub bo/ /nam mkha'i khams dang rnam par shes pa'i phung po la ni stong pa chen po 'gyur med lnga zhes gsungs pa'i phyir stong pa rnam pa lnga zhal lnga ste rgya yis gdab pa'i zhal ni drug pa ye shes kyi phung po'o/ / de bzhin du ni ye shes khams la 'gyur te yon tan dbang las zhes pa zhal drug pa la stong pa drug gi zhal te de la yang rnam par shes pa'i khams kyis rgyas gdab po zhes pa phyag rgya'i nges pa ste khams dang yul gyi yon tan gyi dbang gis dag pa'o/ /de nas gcig ni bzhi la bsres pa bde mnyam 'bras bu ster ba dag ste gnyis dang gsum ni bsres pa lnga zhes pa ni 'dir gang gi tshe rlung gi khams reg bya gcig pu'i yon tan gyi bdag nyid nam mkha'i khams kyis rgyas btab pa ni sa'i khams dri la sogs pa yon tan bzhi'i bdag nyid nam mkha'i khams kyis rgyas btab pa la bsres par gyur pa de'i tshe bde mnyam 'bras bu ster ba shes rab dang thabs kyi bdag nyid sbyor bar 'gyur ro/ /de bzhin du me reg bya dang ro'i yon tan gnyis kyi bdag nyid nam mkha'i yon tan gyis rgyas btab pa dang chu'i khams yon tan gsum gyi bdag nyid nam mkha'i yon tan gyis rgyas btab pa phan tshun 'dus pa ni lngar 'gyur ro/ /de bzhin du sa dang rlung dag la lnga'o/ /de bzhin du shar dang nub dang byang dang lho phan tshun 'dus pa ni shes rab dang thabs zhal bcu ste 'di'i spros pa ni nang gi le'u las shes rab thabs ni rus pa sha dang chu dang bcas pa'i khrag dang smin byed dang ni gci ba nyid ces pa la sogs pas gsungs so zhes pa nges pa'o/ /gzhan yang yon tan rnam pa gsum zhes pa la sogs pas yon tan gsum gyi dbye ba gsungs te 'dir khams thams cad la snying stobs dang rdul dang mun pa'i yon tan rnams yod de de rnams kyi khams thams cad zhal gsum pa'o/ /khams rnams la dri la sogs pa nas chos kyi khams kyi mthar thug pa yul drug ste de rnams kyis phyag drug pa'o/ /de ltar yon tan rnam pa gsum gyi dbang gis bzhi la zhal ni bcu gnyis te shar dang nub dang byang dang lho dang 'og dang steng gi shes rab dang thabs so zhes pa nges pa'o/ /'dus pa las thams cad kyi mtshan ma ni khu ba dang rtsa dang rus pa rnam par dag pa rdo rje dang pad ma dang 'khor lo ste mi bskyod pa'i g.yas na'o/ /rdul dang khrag dang sha ni rdo rje dril bu dang nor bu dang ral gri ste g.yon na'o/ /'dir lha gang gi g.yas kyi phyag dang po'i 'thil du rang gi mtshan ma song ba de'i gnas su rdo rje'i mtshan ma 'gro ba de ltar 'dus pa'i nges pa ste 'dus pa la sangs rgyas gang dbus su bzhugs pa de'i gnas su mi bskyod pa 'gro ba ji lta ba de bzhin du mtshan ma la yang nges pa'o/ /de bzhin du zhal lnga pa dang zhal drug pa dag la zhal bcu gcig pa ste rnam par shes pa dang ye shes kyi khams rnams zhal lnga pa dang zhal drug pa stong pa chen po 'gyur med lnga dang thig le stong pa 'gyur med drug dag la'o/ /slar yang de dag phan tshun ltos pa dang bcas pa nyid kyis 'dus pa ni zhal nyi shu rtsa gnyis pa'o zhes pa nges pa'o/ /da ni dus kyi dbye bas zhal la sogs pa'i dag pa gsungs pa thun 'tshams zhes pa ste 'dir/ nyin mo bcom ldan rdo rje can/ /mtshan mo shes rab rab tu grags zhes pa'i nges pa las nam phyed nas nyi ma phyed kyi bar la thun 'tshams dbye bas ni thun tshod kyi dbye bas bcom ldan 'das zhal bzhi pa ste thun tshod phyed kyi dbye bas phyag brgyad pa'o/ /de bzhin du nyi ma phyed nas nam phyed kyi bar la shes rab kyang zhal bzhi phyag brgyad ma'o/ /mnyam pa 'khyud pa ni nyin mo dang mtshan mo dag gi gung gi cha shas la'o/ /mi mnyam pa ni snga dro'i thun 'tshams dang phyi dro'i thun 'tshams dag la'o/ /de la nyin mo dang mtshan mo dag dman pa dang lhag pa'i dbang gis 'ga' zhig tu ni nyin mo 'phel ba las bcom ldan 'das zhal lnga phyag bcu pa dang bcom ldan 'das ma zhal gsum phyag drug ma'o/ /mtshan mo 'phel ba las bcom ldan 'das ma zhal lnga dang bcom ldan 'das zhal gsum pa'o zhes pa la sogs pa grub po zhes pa ni dus kyi 'khor lo'i rnam par dag pa gcig go/ de bzhin du gnyis pa gsungs pa rnam pa gsum zhes pa la sogs pa ste 'dir chu srin la sogs pa khyim bcu gnyis po de rnams kyi nang nas chu srin dang bum pa dang nya'i khyim rnams ni thugs rdo rje'i zhal rnams te mun pa dang rdul dang snying stobs kyi dbye bas nag po dang dmar po dang dkar po ste dus sbyor dbye bas kha dog gsum zhes so/ /de bzhin du lug dang glang dang 'khrig pa rnams ni gsung rdo rje'i zhal rnams te rdul dang snying stobs dang mun pa'i dbye bas dmar po dang dkar po dang nag po'i kha dog rnams so/ /kar ka Ta dang seng ge dang bu mo rnams ni sku rdo rje'i zhal te snying stobs dang mun pa dang rdul gyi dbye bas dkar po dang nag po dang dmar po rnams so/ /srang dang sdig pa dang gzhu'i dus sbyor rnams ni ye shes rdo rje'i zhal te mun pa dang rdul dang snying stobs kyi dbye bas ser po dang dmar po dang dkar po'i kha dog rnamaso/ / dus sbyor phyed kyis phyag gi dbye bar 'gyur te drug po rnams kyi gnyis gnyis la rtsa ba'i zhal la sogs pas grangs bzhin du g.yon dang g.yas pa dag la kha dog gsum mo/ /de ltar zhal bcu gnyis dang phyag nyi shu rtsa bzhi pa ni bcom ldan 'das dus kyi 'khor lo gcig go/ 'dir sngar gsungs pa'i lha zhal gcig pa dang zhal bzhi pa la sogs pa rnams kyi mi mnyam pa dang mnyam pa 'khyud pa gang yin pa de ni thun 'tshams cha shas snga phyi la ste snga dro'i thun 'tshams dang phyi dro'i thun 'tshams la 'dus pa'o/ /zhal gsum phyag drug pa rnams kyi phan tshun 'khyud pa gang yin pa de ni gung gi cha shas la ste nyi ma gung gi thun 'tshams dang mtshan mo phyed kyi thun 'tshams la'o/ /de ltar lus dang sems la zhes pa ni lnga pa'i don la bdun pa ste lus dang bsam pa'i dbye ba las zhes pa'o/ /de bzhin du snga dro dang phyi dro'i thun 'tshams ni rnal 'byor ma'i rgyud kyi 'khyud pa ste zhal gcig dang zhal bzhi pa dag gam zhal gcig pa la sogs pa dang zhal brgyad pa la sogs pa dag gi mi mnyam pa dang mnyam pa snyoms par zhugs pa las so/ /rnal 'byor gyi rgyud la zhal dang phyag mnyam pa dag gis 'khyud pa ni nyin mo dang mtshan mo mnyam pa'i dus la'o zhes pa dus kyi khyud par gyis nges pa'o/ /de skad du bzang ngan shes shing dus shes la/ /khyab bdag dam shes dam tshig ldan/ /dus shes sems can dbang po shes/ /rnam grol gsum la mkhas pa po zhes pa mtshan yang dag par brjod pa las te bcom ldan 'das kyi nges pa'o/ /da ni bya ba'i rgyud rnams gsungs pa shes rab ces pa la sogs pa ste 'dir rnal 'byor ma'i rgyud la shes rab sbyor ba dang rnal 'byor gyi rgyud la snyoms par zhugs pa ste snga dro dang phyi dro'i thun 'tshams kyi sbyor ba dang nyi ma gung nas mtshan phyed kyi thun 'tshams kyi yang dag par sbyor ba zhes pa rgyud gnyis la grub po/ /rgod pa la sogs rnams ni thun gyi mngon 'tshams la'o zhes pa ni 'dir thun dang po'i mngon 'tshams la rgod pa'i rgyud dang thun gsum pa'i mngon 'tshams la lta ba'i rgyud dang thun lnga pa'i mngon 'tshams la nu ma la reg pa'i rgyud dang thun bdun pa'i mngon 'tshams la lag pa 'dzin pa'i rgyud te de ltar rgyud rnam pa bzhi'o/ /de ci'i phyir zhe na 'dir rlung gi zad par rnams ni shes rab la rgod pa tsam gyis 'dzag pa'i bde bar 'gyur ro/ /me'i zad par rnams ni bltas pas bde bar 'gyur ro/ /chu'i zad par rnams ni nu ma la reg pas bde bar 'gyur ro/ /sa'i zad par rnams ni lag pa 'dzin pas bde bar 'gyur ro/ /de ltar 'og min la sogs pa nas tshangs ris kyi mthar thug pa gzugs na spyod pa bcu drug ste 'di rnams kyi rgyas pa ni 'chad par 'gyur ba mchog tu mi 'gyur ba'i ye shes grub pa las brjod par bya'o/ /'dod pa na spyod pa rnams kyi snyoms par zhugs pa ni gnyis gnyis sbyor ba'o zhes pa grub pa'i mtha'o/ /thams cad du gzugs med pa la ni 'dod chags dang bral ba rnams gnas so/ /da ni lus la bsam pa rab tu 'jug pa gsungs pa shes rab ces pa la sogs pa ste 'dir shes rab kyi yan lag dmar po me'i khams dang ser po sa'i khams la nges par dus kyi 'khor lo'i bsam pa rab tu 'jug go/ shes rab dang thabs ni gzung bar bya ba ste gang gi phyir snyoms par zhugs pa la shes rab gang yin pa de ni thabs kyi bsam pa 'dzin pa mo dang thabs gang yin pa de yang shes rab kyi bsam pa 'dzin pa po ste bsam pa 'dzin pa des na bde ba skye'o/ / des na dus kyi 'khor lo'i chu'i khams dkar po ni dmar po'i yan lag me'i yan lag la rab tu 'jug cing ro mnyam par 'gyur te de bzhin du rlung nag po ni ser po'i yan lag sa la ro mnyam par 'gyur ro/ /de ltar na lho dang nub tu lha rnams kyi'o/ /de bzhin du rdo rje can dang lha rnams kyi g.yon gyi yan lag ste chu'i khams dkar po'i yan lag la shes rab bsam pa zhes pa dmar po'i bsam pa rab tu 'jug go/ mdun du kha dog nag po rlung gi khams la ser po sa'i bsam pa 'jug go/ de bzhin du steng dang 'og tu ljang khu dang sngon po dag phan tshun du yang dag par sbyor ba'o/ /de ltar sems can thams cad kyi yang mchog gi lus la shes rab bsam pas phye ba g.yon dang dang mdun ni zhi bar 'gyur ro/ /drag po g.yas dang rgyab kyi yan lag mchog gi rgyal ba'i bdag po'i bsam pas phye ba de bzhin nyid ces pa ste steng zhi ba dang 'og drag por grub bo/ /de ltar shes rab kyis phye rgyal ba dag gi rab mchog tshogs kyi rigs te khu ba'i khams las byung ba lus kyi dbye bas chu dang rlung dang nam mkha'i mtshan nyid gang yin pa de nyid bsam pa'i dbye bas rdul gyi khams rnams kyis phye ba sa dang me dang ye shes kyi rang bzhin du 'gyur ba'i phyir rab mchog tshogs kyi rigs ni gnyis kyi rang bzhin zhes pa byang dang lhor lha'i tshogs dmar po dang dkar por 'gyur zhing shar dang nub tu ser po dang nag por 'gyur la steng dang 'og tu sngon po dang ljang khur 'gyur ro/ /de bzhin du shes rab kyi ni tshogs kyi rigs gtso bo'i bsam pas phye ba nges par phyogs bral du yang gnyis kyi rang bzhin nyid du 'gyur te bden bral dang dbang ldan du dkar po dang dmar por 'gyur ro/ /rlung dang mer nag po dang ser por 'gyur ro/ /gnyis kyi rang bzhin zhes pa nges pa'o/ /de ltar thabs kyi tshogs ni phyogs su gnas pa ste rnal 'byor ma yi tshogs zhes pa shes rab kyi tshogs spyan ma la sogs pa dang sgrol ma la sogs pa ni phyogs bral du gnas pa'o/ /de ltar g.yas dang g.yas min nyi ma ri bong can gyi sku dag gzung ste shar dang nub nyid kyang / /nag po ser po dag ste sngon po ljang khu dag kyang de bzhin mkha' dang sa 'og yang dag gnas pa lha'i tshogs zhes pa nges pa'o/ /gzhan gyi rigs las 'khyud pa de'i phyir thabs dkar po rnams kyi shes rab dmar mo rnams su 'gyur ro/ /thabs dmar po rnams kyi shes rab ri bong 'dzin pa ltar dkar mo rnams dang de bzhin nyid du thabs ser po rnams kyi shes rab kha dog nag mo rnams dang thabs dkar min zhes pa nag po'i rigs rnams kyi shes rab mchog gi gser dang mtshungs pa ser mo rnams dang sngon po rnams kyi shes rab kha dog sna tshogs zhes pa ljang khu rnams so/ /slar yang thabs ljang khu rnams kyi shes rab sngon mo rnams so/ /de bzhin gsungs zhes pa ni rigs pa ste gzhan gyi rigs la 'khyud pa las bya ba 'grub par 'gyur ro/ /rang gi rigs la 'khyud pas ni bya ba grub pa med te rang gi bdag nyid la bya ba 'gal ba'i phyir ro/ / b+ha ga'i sems kyis b+ha ga'i rigs kyi khams can rnams kyi bde ba skye ba dang de bzhin du rtags kyi sems kyis skyes pa'i rtags kyi rigs can rnams kyi bde ba skye ba ni med do/ /de'i phyir dus kyi 'khor lo la rang 'od kyi shes rab rnams su mi 'gyur te rang gi bdag nyid la bya ba 'gal ba'i phyir ro/ /ci ste me long gi gzugs brnyan gyi chos kyis sems kyis sems kyi dngos po 'dzin par byed do zhe na/ de nyid rnam par dpyad par bya ste 'dir me long la skyes bu'i gzugs brnyan ni nu ma dang skra dang ldan pa dang mtshungs pa ma yin zhing bud med kyi gzugs kyang nu ma dang skye gnas dang bral ba ma yin te des na re shig rang 'od ni med do/ /de bzhin du 'gal ba gzhan yang 'dir gzugs kyi g.yon pa'i lag pa rnams na mtshan ma gang yod pa de dag ni me long gi gzugs brnyan gyi lag pa g.yas pa rnams na gnas pa'o/ /de bzhin du g.yon gyi gdong pa gang yin pa de ni g.yas kyi ste de'i kha dog nyid kyang rang 'od ces par mi 'gyur ro/ /des na gzhan gyi rigs la 'khyud pas dkyil 'khor gyi sgom pa ste dus kyi 'khor lo'i rigs pa las so/ /rgyud gzhan dang gzhan las ni/ dngos po gang dang gang gis ni/ /mi rnams yid la yang dag sbyor/ /des de'i rang bzhin nyid 'gyur te/ /sna tshogs gzugs kyis nor bu bzhin/ /des na 'khrags 'khrugs byed pa yi/ /tshig ni rnam par dpyad mi bzod ces so/ /don dam par ni stong pa nyid kyi gzugs sgom pa la gzugs dang sku'i rtog pa med de des na rang 'od dang rang 'od ma yin pa zhes pa med do/ /rnam pa thams cad pa dang kha dog thams cad pa'i phyir shes pa dang shes bya rdul phra rab kyi rdzas dang rnam par rtog pa dang bral ba dag la rang bzhin med do/ /de'i phyir rang bzhin med pa'i srid pa sgom pa ni bum pa dang snam bu dang shing rta dang dpung la sogs pa rnams kyi bya ba nyi tshe ba ma yin pa 'jig rten pa'i tha snyad mtha' dag dang bral ba'o zhes pa dbu ma pa yi grub pa'i mtha' ste sngags kyi tshul la de kho na nyid kyi skabs su rigs pa las so/ /'dir tshigs su bcad pa bzhi bcu rtsa brgyad pa nas brtsams te tshigs su bcad pa drug bcu rtsa gsum pa'i bar tshigs su bcad pa bcu drug ni go sla'o/ /da ni lus la rnam pa bcu'i dag pa gsungs pa spu zhes pa la sogs pa ste 'dir ba spu dang skra ni nam mkha'i khams dang lpags pa dang sha ni rlung gi khams dang khrag rnam pa gnyis ni me'i khams dang rdul dang gci ba ni chu'i khams dang rus pa dang rkang ni sa'i khams dang rtsa dang srog la sogs pa ni ye shes kyi khams so/ /sgra gcan gyi mjug ma ni ye shes rdo rje dang sgra gcan ni thugs rdo rje dang nyi ma ni gsung rdo rje dang zla ba ni sku rdo rje ste bzhi po 'di rnams kyi dbus su kun nas srog rgyu ba'o/ /zla ba'i dbus su ste khu ba'i dbus su dri med nor bu bzhin du zhes pa nye bar bzhag pa dang 'brel pa'i shel bzhin du dngos po kun gyis 'khyud pa'i rnam par shes pa ste de ni dngos po dang dngos po med pa dag gnyis su med pa nyid sgyu ma lta bu stong pa nyid kyi gzugs tsam 'gyur ba med pa'i bde ba mchog gi bdud rtsi'i go 'phang khyab byed gzhom du med pa'o zhes pa nges pa ste lus la rnam pa bcu dag pa'o/ /da ni sa bcu rnams kyis khams de rnams dag pa gsungs pa spu la sogs pa zhes pa ste 'dir ba spu dang skra ni rab tu dga' ba'o/ /lpags pa dang sha ni dri ma med pa dang khrag rnam pa gnyis ni 'od byed pa dang ro dang chu ni 'od 'phro ba dang rus pa dang rkang ni sbyang dka' ba dang rtsa dang srog ni mngon du gyur pa dang dus kyi me dang chags pa'i khams ni ring du song ba dang sgra gcan ni mi g.yo ba dang nyi ma ni legs pa'i blo gros dang zla ba ni chos kyi sprin te chags pa dang mun pa dang rdul dang snying stobs kyi chos kyis kun rdzob la 'jug pa'o/ /de ltar spu la sogs pa zla ba'i mtha' ni mtha' dag lus la gnas pa de rnams kyi sgrib pa med pa las sa bcu po de rnams so/ /gang zhig sa bcur gsungs pa de rnams kyang sde pa drug dang la sogs gzhan dbyangs dang ldan pa rnams su gsungs so/ /de la ka'i sde pa ni rab tu dga' ba ste de bzhin du grangs ji lta bar tsa Ta pa ta sa zhes pa sde pa drug po rnams dang / la wa ra ya ha al o ar e a/ l-i u r-i i a/ haHi zhes pa'o/ /de bzhin du lugs las bzlog pas kyang ring po la sogs pa'i sde pa rnams shes rab kyis rnams so/ /'di dag dus kun rnal 'byor rnams la bde mnyam 'bras bu ster/ /de phyir bla ma'i zhabs la gnas pa zhes pa a ba d+hU tI'i zhabs la gnas pa'i rnal 'byor pa rnams kyis ni thar pa'i slad du btsal bar bya zhes pa bcom ldan 'das kyi nges pa'o/ /lus las ma gtogs gang zhig khyab byed thar pa ster ba'i sangs rgyas gzhan ni 'ga' yang yod pa min te 'dir lus kyi khams sgrib pa med pa rnams sangs rgyas nyid ster bar byed pa dang thar pa ster ba'o/ /tshigs su bcad pa drug bcu rtsa lnga pa 'di nas bdun bcu rtsa bzhi pa'i mthar thug pa gzhan tshigs su bcad pa dgu ni go sla'o/ /da ni stong pa nyid kyi gzugs mthong ba'i rjes la srog 'gog pas rnal 'byor pa rnams kyi ska cig thob pa gsungs pa rlung zhes pa la sogs pa ste sngar gzugs mthong ba'i rjes la srog rtsol gyis rlung bcu po rnams phrad par 'gyur ro/ /srog dang thur sel la sogs pa bcu po yang dag par phrad pa de rnams kyis lte ba'i lte ba la gtum mo glog gi me'o/ /de yi rtse mo ni 'od zer yin zhing rtse mo des spyi bo ste dpral bar zla ba zhu bar byed ces pa ni byang chub kyi sems skye ba'i gnas so/ /byang chub sems kyi thig le gang gang dpral ba 'di nas mgrin pa dang snying kha dang lte ba dang gsang ba rnams la son sa ni srog rtsol gyi stobs kyis 'gog par 'gyur te gnasang bar sku'i thig le 'gog cing de bzhin du gsung dang thugs dang ye shes kyi thig le ni lte ba dang snying kha dang mgrin pa la 'gog go/ thig le 'di las g.yo ba'i khu ba gang zhes pa ni 'dir gsang ba la gnas pa sku'i thig le ska ba'i rang bzhin las gzhan sla ba'i khu ba gang yin pa de ni g.yo ba'i khu bar gsungs shing de ni rdo rje nor bu la gnas rgyal mtshan rtse la ste rtags kyi sgo la yang dag par 'gog pa'o/ /g.yo ba de ni shes rab ye shes skad cig gal te thig le'i phreng ba 'pho ba med pa'i rgyus bde ba ster na'o/ /de'i tshe las kyi phyag rgya'i ye shes ma yin te shes rab ye shes so zhes grub po/ /mi 'pho ba'i rgyu de'i phyir g.yo med bde ba'i ska cig gang yin pa 'dir ni chos kyi dbyings te shes rab kyi pha rol tu phyin mas ster bar byed do/ /des na phyag rgya chen po'i bde ba ni mchog tu mi 'gyur ba'o/ /las dang ye shes kyi phyag rgya'i bde ba ni bde ba 'dzag pa dang g.yo ba'i thabs te byis pa dang lang tsho'o/ /ji ltar dngul chu byis pa dang lang tsho dang rgan po dang bcings pa de bzhin du khu ba yang byis pa dang lang tsho dang rgan po dang 'gog pa ste sgrib pa thams cad zad pa las so/ /sgrib pa ni dri ma'o/ /byang chub kyi sems de nyid gang gi tshe dpral bar steng du 'gro ba de'i tshe sems de ji ltar byon pa de bzhin gshegs par 'gyur ro/ /ro yi 'gro ba rnams la gnas pa stengs la sogs pa'i dkyil 'khor drug po rnams la gnas pa'o/ /srog rnams thams cad bkug cing / /zhes pa ni nyi khri chig stong drug brgya po'o/ /de ltar nyon mongs bdud rnams bcom byas nas rdzu 'phrul dang kun mkhyen gyi sa bcu gnyis 'chang bar 'gyur ba rnams dang srid gsum bla ma nyid ces pa thams cad mkhyen pa nyid dang rnam pa thams cad mkhyen pa nyid dang lam mkhyen pa nyid dang lam gyi rnam pa mkhyen pa nyid la sogs pa'i 'byor pa ni rnal 'byor pa ni rtson 'grus dang ldan pa rnams kyi skye ba 'di la ster bar byed do/ /ci ste gang gi tshe lam du rab tu zhugs par gyur pa rnal 'byor ma thob par shi bar gyur na de'i tshe de yi 'dzin pa ste bag chags kyi stobs kyis slar yang mi'i skye ba gzhan la thams cad thob par 'gyur te brtson 'grus dang mi ldan par gyur cing ye shes ma bsgoms kyang skye ba bdun gyi mthar thug pas so zhes pa nges pa'o/ /da ni byang chub sems dpa'i byin gyis brlabs pa skye ba gsungs pa gang zhig yon tan med ces pa la sogs pa ste 'dir gzhon nu ma gang zhig yon tan med pa ni mi 'dzag pa'i phyir chos kyi khams kyi yon tan dang bral ba'o/ /de ni dngos po chung ba lus kyi khams ma rdzogs shing so ma brjes pa ste lo brgyad kyi bar du gcig go/ de nas gnyis pa ni so brjes nas lo bcu'i bar ro/ / de ltar sku'i phyag rgya ni skye gnas ma nyams pa'o/ /de'i 'tshams nas lo bcu gcig nas brtsams nas lo bcwa lnga'i bar du gcig ste chags pa rjes chags so/ /yon tan gter gzhan ni lo lnga'i bar du ste gsung gi phyag rgya rnams pa gnyis su 'gyur ro/ /de ltar lo brgyad dang lo gnyis dang de bzhin du lo lnga dang lnga'o/ /de nas lo nyi shu'i rjes la gzhan pa mkha' dus zhes pa lo bzhi bcu ni de bzhin du thugs kyi phyag rgya gcig ste nag po'i dngos po la rjes su chags pa'o/ /de ltar lo drug bcu ma'i bud med do/ /slar yang gzhan ma stong pa rig byed ces pa lo bzhi bcu'i bar du dkar po'i dngos po la rjes su chags pa ste rgan mo rgas pa skra dkar dang ldan pa lo brgya'i mthar thug pa'o/ /de ltar thugs kyi phyag rgya yang rnam pa gnyis so/ /gsum po 'di rnams kyi nang nas sku'i phyag rgya ni shin tu bu mo'o/ / thugs kyi phyag rgya ni shin tu lang tsho dang rgan mo ste gsum po 'di rnams spangs nas lo bcu gcig ma mtshan nyid thams cad yang dag par rdzogs pa rnams ni rgyal po'i bla ma 'am rgyal po dbang bskur ba 'am dbang phyug dbang bskur ba gzhan rnams kyis bsrung bar bya'o/ /rin chen dbang po mi 'byung bar du ste mi 'byung zhes pa rdul mi 'byung gi bar du bsrung bar bya'o/ /rin chen dbang po rab tu 'byung ba'i dus su mtha' dag yon tan gter gyi dkyil 'khor dus kyi 'khor lo bzhengs nas dang por legs par bslab par byas shing der de la dbang bskur nas sangs rgyas byin brlabs sngags rnams kyis zhes pa rdo rje drug po rnams dang 'jam dpal gyi ting nge 'dzin gyis shes rab de yang rdzogs par byas te g.yas kyi rtsa la rab tu 'bab pa'i dus su de'i gsang ba'i pad mar bde mnyam byang chub kyi sems sngags dang bcas pa zhes pa sku dang gsungs dang thugs dang ye shes kyi sngags dang bcas pa spro bar bya'o/ /de nas gsang ba de la yan lag drug gis bsrung ba rab tu bya ste de nas rang gi rdo rje nor bu la gnas byang chub sems ni myang bar bya'o/ /de nas rnal 'byor pas de la yang sbyin no/ / de'i pad ma'i phyi rol gyi gang yin pa de ni ming med dang mthe bo dag gis blangs nas myang bar bya ste thams cad bsrung ba'i don du'o/ /cho ga 'dis mngal bzung ba de la gang zhig bu ru gyur pa de ni 'jam dpal nyid do/ / shes rab lhag pa las zhes pa ni rdul lhag pa las gal te bu mor gyur na de'i tshe sna tshogs yum gyis byin gyis brlabs par 'gyur ro/ /des na nges par sangs rgyas yum du 'gyur zhes pa ste 'jam dpal dang sna tshogs yum gyis byin gyis brlabs pa'i cho ga'o/ /de nas gzhan ma me tog gsum gyis zhes pa ni 'dir gal te rdul dang po la mngal ma skyes na de'i tshe yang dang yang du rdul mthong ba so so la dkyil 'khor bzhengs nas ting nge 'dzin gzhan rnams kyis byang chub kyi sems spro bar bya'o/ /de ltar gnyis pa la pad ma dkar 'dzin zhes pa 'jig rten dbang phyug gi sprul par 'gyur ro/ /gsum pa la ja~M b+ha la'i sprul pa dang bzhi pa la phyag na rdo rje ste bu'i yul la'o/ /bu mo'i yul la gos dkar mo dang nor rgyun ma dang sgra rdo rje mas byin gyis brlabs par 'gyur ro/ /de nas me tog brgyad kyis gzhan phyogs dang phyogs bral du gnas rdzu 'phrul che ldan khro bo'i rgyal po rnams zhes pa ni 'dir sngar dzaM lha las byin gyis brlabs pa las gtsug tor gyi ting nge 'dzin gyis gtsug tor ram shin tu sngon mos byin gyis brlabs par 'gyur ro/ /phyag na rdo rje'i gnas su gnod mdzes rgyal po 'am drag spyan mar 'gyur ro/ /de nas rdul lnga pa la bgegs mthar byed dang brtson 'grus mtha' yas ma'o/ /drug pa la shes rab mthar byed dang rmugs byed ma'o/ /bdun pa la pad ma mthar byed dang nga rgyal ma'o/ /brgyad pa la gshin rje mthar byed dang rengs byed ma'o/ /de nas dgu pa la stobs po che dang 'od zer spyan ma'o/ /bcu pa la mi g.yo ba dang tsun dA'o/ /bcu gcig pa la 'dod pa dang khro gnyer can no/ /bcu gnyis pa la dbyug pa/ /sngon po dang rdo rje lcags sgrog ma'o zhes pa ste phyogs bral rnams su'o/ /de ltar khro bo'i ting nge 'dzin gyis mngal ni khro bos byin gyis brlabs par 'gyur ro/ /de nas zla mtshan bcu gsum pa ni slar yang dang po ste ma rig pa la sogs pa'i yan lag ji lta ba bzhin no/ /des na zla ba de la rdul gang rab tu byung ba'i rdul de ni slar yang 'jam dbyangs rab tu skyed pa ste/ de bzhin du de'i rjes la rnal 'byor pas ting nge 'dzin gyi dmigs pa byas nas byang chub kyi sems rnam par spro bar bya ste mngal ni des byin gyis brlabs par 'gyur ro/ /yum gyi lo nyi shu dag gi bar du so so'i rdul la gang gi tshe byang chub sems dpa' gcig gam gnyis la sogs par gyur pa ni snying stobs chen po can du 'gyur ro/ /yum gyi lo bzhi bcu'i bar du cung zad snying stobs cha shas dman par 'gyur ro/ /slar yang lo ni nyi shu'i bar du de mas kyang ni snying stobs chung zhing brtson 'grus chung ba'o/ /de ltar yum gyi lo brgyad bcu ste snying stobs dang rdul dang mun pa'i dbye bas mngal byin gyis brlab pa'o/ /de nas skye gnas la ni rdul med cing mngal gyi yul ni rab bcom ste de nyams pa las shes rab la dbang bskur ma yin no/ /thabs la yang sa bon med na ste/ sa bon zhes pa ni gang rab tu skye ba'o/ /'on kyang sa bon nyams pa'i rgan po la ni shes rab dbang bskur rgyal ba'i bdag po'i gsung gis sbyin par bya ste dge slong la ji lta ba bzhin no/ /de bzhin du shes rab la yang dge slong ma la ji lta ba bzhin no/ /de ltar lo nyi shu ma rnams dbang gi don dang byin gyis brlab pa'i don du bzang ngo / /lo nyi shu nyi shu rnams kyis sa'i khams dang de bzhin nyid du chu dang me dang rlung dang nam mkha'i yon tan rnams lo brgya'i bar du ste rgyal ba'i yan lag don du btsal bar bya'o/ /byang chub sems kyi bsnyen pa 'di ni sems can don gyi byed pa mo ste 'bras bu mang por 'gyur zhes pa byang chub sems dpa' skyed pa'i phyir ro/ /da ni bdud rtsi btung ba gsungs pa gang zhig khrag ni zhes pa la sogs pa ste 'dir phyi rol du drang ba'i don gyis gang zhig khrag 'thung bar byed pa ni sha sbrang ngo / / nges pa'i don gyis ni gang zhig a ba d+hU tIr 'pho ba'i dus su rdul gyi khams 'thung ba rab mchog lha mi rnams kyi sha sbrang de ni bdud rtsi gcig pu ste a ba d+hU tIr 'gog pa'o zhes pa'i don to/ /phyi rol du skyugs pa za ba gang yin pa de ni nges pa'i don gyis byang chub kyi sems gsang ba la sogs pa'i kha nas rdo rje nor bur song ba ni skyugs pa yin gyi shes rab kyi nang du rab tu zhugs pa ni ma yin no/ /de bzhin du 'pho ba med pa'i bshang ba dang gci ba dang khrag dang sha ni mchog tu ro mnyam ste mi zag pa'o/ /skyugs pa nang du rab tu zhugs pa zhes pa 'gags pa ste sgrib pa med par 'gyur ba'o/ /'di dag rnams ni ye shes bdud rtsir 'gyur zhing 'pho ba med pa'i bdud rtsi lnga ni srid pa gsum gyi bla ma yis kyang rgyud rnams kun du bstan te phyi rol gyi bshang ba la sogs pa dngos grub kyi slad du bstan pa ni ma yin no zhes pa bdud rtsi'i nges pa'o/ /da ni phyi rol du dam tshig bsrung ba dang bza' ba gsungs pa shes rab ces pa la sogs pa ste 'dir snyoms par zhugs pa la sgom par byed pa'i rnal 'byor pa'i byang chub kyi sems ma bsdams pa gal te shes rab kyi chos 'byung du lhung na de'i tshe shes rab chos 'byung la ni gang zhig ltung ba'i bde ba dag kyang rab tu 'bad pas bsrung bar bya'o/ /de ci'i phyir zhe na/ ting nge 'dzin gyis spros pa'i byang chub kyi sems de yis gang su zhig byung ba de ni rgyal ba'i rigs la byang chub sems dpa' nyid de/ /gang gi phyir bde bar gshegs pa'i rigs rab tu 'phel bar byed pa de'i phyir bde bar gshegs pa pa mnyam par ma bzhag pa rnams kyi byang chub kyi sems bsrung ba dang bral ba de ni nyin zhag so so'i dus su bdud kyi pho nya dang srin po khu ba 'phrog par byed pa rnams dang mi rnams kyis kyang rnal 'byor pa'i cha byad kyis za ru 'jug par byed cing shes rab me tog dang ldan zos pa zhi ba bde ba'i 'bras bu ster bar ston du 'jug par byed de byis pa'i skye bo gzhan rnams dmyal bar gtang ba'i slad du'o/ /de'i phyir sangs rgyas pa'i sngags pas rdo rje 'khums par ma gyur gyi bar du chu skyes las ni dbyung bar mi bya'o gang tshe 'dod pa grub pa de'i tshe na 'di ni sangs rgyas byin gyis brlabs par rab tu 'gyur la rdo rje'i lam nas thabs kyi snying khar gzhug par bya zhing pad ma'i lam nas shes rab kyi snying khar gzhug par bya ste rang rang rdo rje'i snying khar lha yi 'khor lo rab tu bcug pa 'di yi 'od zer rnams kyis gnyi ga'i lus ni gang bar byas nas 'khor lo'i rnam par byed do/ /gal te 'di ni grub par ma gyur na de'i tshe rdo rje nor bu la ni yang dag gnas pa'i byang chub kyi sems ming med dang mthe bo dag gis blangs nas bza' bar bya'o/ /de bzhin du shes rab kyi pad ma'i phyi rol du 'ongs pa de nyid kyang gnyis po dag gis bza' bar bya'o/ /shes rab kyi ni chos 'byung na gnas pa la mtha' dag rgyal ba'i rigs ni bsrung ba'i don du dgod par bya ste dpral ba la sogs pa rnams su rdo rje drug po rnams dang snying kha la sogs pa rnams su yan lag drug go/ shes rab ldan pa la'o zhes pa ni rdul dang ldan pa la'o/ /de nas byang chub kyi sems gcig pu bsrungs ba la bsod nams chen por 'gyur te slar yang gsung ni rab tu gsungs pa byang chub kyi sems 'di ni sangs rgyas kyi sku'o/ /bdud kyi rigs gang su zhig 'di ni nyams la mngon par dga' byed g.yon can de ni rdo rje can te he ru kas gsod par byed do/ /byang chub sems kyi dam tshig bsrung ba dang bza' ba'i nges pa'o/ /'dir sngags kyi tshul las srid pa gsum gyi bdag pos drag po'i las kyi rang bzhin du ma'i sngags rnams rab tu gsungs pa gang / de rnams thams cad bdud kyi phyogs nyams 'jigs pa skyed byed srog chags rnams la nam yang ma yin no/ /'dir bdud rnams ni gang zhig dran pa rnams dang byed po g.yul gyi yul la dga' zhing gsod byed gzhan yang mu stegs pa de rnams la ni mchog gi rgyal sras rnams kyis srog chags bsrung ba'i don du de rnams sbyar bar bya/ de rnams kyi phyogs zhes pa ni rig byed kyi chos la sogs pa ste chos de chos nyams pa dang 'jigs pa'i slad du yin gyi de rnams kyi srog gzhom pa'i slad du ni ma yin no/ /'dir rnal 'byor ma'i rgyud las rdo rje mkha' 'gro ma gang yin pa de rnams la phyugs kyi skye bo ste mi shes pa rnams bsad pa'i don du mkhas pa ste sangs rgyas pa rnams kyis gsol ba gdab par mi bya'o/ /gang las ci'i phyir zhe na sems can rnams ni bsrung ba'i don du srid pa gsum gyi bla mas de rnams 'jig rten khams su spros pa ste de'i phyir mchog gi snying rje dang ldan pa de rnams ni 'jig rten rnams srung bar byed cing 'jig rten slu bar byed pa'i sgrub pa po la sdang bar byed do/ /ci ste bsad pa la sogs pa'i las byas par gyur pa na sgrub bya dag ni las kyi mthu yis shi bar gyur na de'i tshe 'di ni sgrub pa po yi bdud yin te bdag gis bsad do zhes pa'i nga rgyal las dman pa'i las kyis sgrub pa po dmyal bar 'gro'o/ /nga rgyal med cing nga yir 'dzin pa med pa ni dman pa'i las mi byed te bdag nyid la ji lta ba de bzhin du sems can rnams la lta'o/ /'dir 'khor ba pa'i skyes bu rnams kyi sems ni kun nas mi dge'i 'bras bu'i dbang gis phran tshegs rig pa la rjes chags/ rig pa 'di yis srid pa gsum po mtha' dag skad cig gis ni bdag gi dbang du byed pa'o/ / zhes pa'i bsam pa brkam chags sems kyis sbyin dang ye shes rnam par spangs nas shi bar gyur pa dmyal bar rab tu 'jug /phyis ni ste shi bar gyur pa'i rjes la rdzas gzhan gyi dbang dang rang gi chung ma gzhan gyi dbang du 'gyur te kye ma 'khor ba pa rnams kyi gzhan la chags pa ni ngan pa'i chos la rab tu 'jug go zhes pa'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od kyi ye shes kyi le'u las rnal 'byor ma'i rgyud la sogs pa spro ba'i mdor bsdus chen po ste dang po'o// // yod min med min yod med min/ /gnyi ga'i bdag nyid min pa 'ang min/ /mtha' bzhi las ni rnam grol ba/ /bde chen sku la phyag 'tshal nas/ /dang po'i sangs rgyas ris med las/ /'jam pa'i rdo rjes rab phyung ba/ /sangs rgyas rnams kyi sku bzhi yi/ /mtshan nyid de ni dgrol bar bya/ /shes rab ma yin pa zhes pa la sogs pa ste 'dir shes rab ni cha bcwa lnga'i bdag nyid de dkar po'i phyogs so/ /thabs ni nag po'i phyogs te zla ba'i cha nyams pa'i phyir ro/ /de bzhin du dkar po ni mtshan mo dang nag po ni nyin mo'o/ /de'i phyir lhan cig skyes pa'i sku ni shes rab ma yin thabs kyang min pa 'di ni sangs rgyas rnams kyi lhan cig skyes pa'i sku ste de ltar yod pa dkar po'i phyogs ma yin no/ /med pa ste cha'i dngos po med pa nag po'i phyogs ma yin no/ /yod med min te 'di dag phan tshun 'gal ba'i phyir tshogs pa med do/ /gnyi ga'i bdag nyid min pa 'ang min zhes pa ni dkar po dang nag po'i phyogs 'di dag ma gtogs pa yang lhan cig skyes pa'i bde ba de ma yin no/ /de ltar mtha' bzhi yongs su dag pas cha bcu drug pa stong pa nyid kyi chos can ni lhan cig skyes pa'i skur gsungs te rnal 'byor ma rnams kyi bzhi pa zad pa las rgyu mthun pa'i mtshan nyid do/ /de ltar na ma ni ngo zhes grub bo/ /'dir lhan cig skyes pa'i sku ni rang gi don phun sum tshogs pa'o/ /gzhan gyi don phun sum tshogs pa la shin tu gnyid log pa zad pa las chos kyi skur gyur pa ste de yang shes rab thabs kyi rang bzhin nges par mun pa dang bral ye shes dang ni rnam shes dbye ba las zhes pa la 'dir ye shes ni rnal 'byor pa'i 'dzin par byed pa'i sems so/ /rnam shes ni sems gzhan shes pa ste gzung bar bya ba shes bya'i mtshan nyid do/ /de ltar rnal 'byor pa rnams kyi 'dzin par byed pa'i sems ni shes rab ste btags pa dang bral ba nyid kyi phyir ro/ /thabs gzung bar bya ba'i sems ni brtags pa gzhan te snying rje'i mtshan nyid do/ / 'dzin par byed pa dang gzung bar bya ba'i dbye ba des shes rab dang thabs kyi rang bzhin gyi gzhan gyi don byed pa po ni chos kyi sku ste de yang lhan cig skyes pa las byung bar gyur pa'o/ /de ltar lte bar lhan skyes pa rgyu mthun pa dang snying kha chos kyi 'khor lor rnam par smin pa'o/ /chos kyi sku 'di ni gzhan gyi don phun sum tshogs pa la longs spyod rdzogs pa'i sku ste sgra brnyan lta bu sems can du ma'i don ni byed pa po zhes pa 'dir lha'i dmig gis 'das pa dang ma 'ongs pa'i gzugs gang zhig mthong ba ni gzugs brnyan gyi rnam pa dang ba ste de la sgra gang zhig rgyu ba de ni sgra brnyan no/ /longs spyod rdzogs pa'i sku ni shes rab dang thabs kyi rang bzhin lha'i rna ba'i rnam par shes pa ni 'dzin par byed pa ste sgra brnyan ni gzung bar bya'o/ /des na 'das pa dang ma 'ongs pa'i dus kyi grangs shes te bskal pa che ge mo dang dus che ge mo dang lo che ge mo dang zla ba che ge mo dang phyogs che ge mo dang nyin zhag che ge mo la sogs pa la che ge mo byung bar gyur to/ /che ge mo 'byung bar 'gyur ro zhes pa'o/ /des sems can rnams 'dul bar byed pa ste steng du khu ba rnams kyis rmi lam gyi gnas skabs zad pa las mgrin par longs spyod rdzogs pa'i sku skyes bu byed pa'o/ /sems can rnams ni smin pa'i slad du yang longs spyod rdzogs pa'i sku 'di ni sprul pa'i skur 'gyur te shes rab dang thabs kyi bdag nyid can gcig kyang sems can rnams la sprul pa sna tshogs ston par byed pa'i phyir du ma'o/ /de ltar gcig du ma dag ni don dam par sbyor ba ste shes rab dang thabs so/ /kun rdzob tu ni gcig dang du ma 'gal lo/ /de yang sad pa'i gnas skabs zad pa las dpral bar sprul pa'i sku dri ma dang bral ba ste/ gzugs rnams ma lus kun tu ston/ /nor bu chen po rin chen tog ces pa'o/ /de ltar lhan cig skyes pa'i sku gcig pu ste de nyid chos dang longs spyod rdzogs pa 'ang sprul pa'o zhes pa rnam pa bzhi'o/ /sngar gsungs pa'i rdo rje sems dpa' de nyid gcig pu 'di ni dus mtha'i sprin dang mtshungs pa nag po'i he ru kar ni byung bar gyur te 'pho ba med pa'i chos kyis rnam par shes pa gzhan de ni he ru ka'o/ /de yang gdug pa rnams ni smin pa'i don du rdo rje sems dpa' spros pa'o/ /rdo rje sems dpa' de yang rmongs pa rnams smin pa'i don du gzugs gzhan de ni dam tshig rgyal ba ste rnam par snang mdzad du byung bar gyur to/ / de yang rin chen dbang po ni sdug bsngal ldan pa rnams la sbyin pa'i don te 'pho ba med pa'i chos kyis tshor ba gzhan de ni sdug bsngal thams cad 'phrog par byed pa rin chen 'byung ldan du byung bar gyur to/ / de yang pad 'dzin chags can rnams kyi chags pa'i slad du ste 'pho ba med pa'i chos kyis 'du shes gzhan gang yin pa de ni 'pho ba med pa'i bde ba ster bar byed pa po snang ba mtha' yas su byung bar gyur to/ /de yang bgegs rnams rnam par gzhom pa'i don du phyag gi pad ma ral gri ste 'pho ba med pa'i chos kyis 'du byed gzhan gang yin pa de ni sems sgrib pa med par byed pas bdud la sogs pa'i sgrib pa rnam par 'joms par byed pa don yod grub par byung bar gyur to zhes pa ste sangs rgyas lnga rnam par dag pa'o/ /da ni khams lnga rnams gsungs pa zhe sdang zhes pa la sogs pa ste 'dir tha mal pa'i zhe sdang zad pa'i zhe sdang chen po las shes rab kyi pha rol tu phyin ma stong pa nyid rnam pa thams cad pa sna tshogs yum gang yin pa de ni rdo rje dbyings kyi dbang phyug ma rdo rje mkha' 'gro mar byung bar gyur to/ / de bzhin du gti mug zad pa'i gti mug chen po las spyan ma'o/ /mchog gi snying rje mA ma kI ni nga rgyal zad pa'i nga rgyal chen po'i rgyu las byung bar gyur to/ /chags pa zad pa'i chags pa chen po las de ni gos dkar mo'o/ /phrag dog zad pa'i phrag dog chen po las de ni mtha' dag yon tan gter sgrol mar byung bar gyur to/ /de ltar nam mkha'i khams gzhan dang sa'i khams gzhan dang chu'i khams gzhan dang me'i khams gzhan dang rlung gi khams gzhan no zhes pa khams kyi mtshan nyid te sgrib pa med pa'i gzugs dang mi 'pho ba'i bden pa las so zhes grub bo/ /dus kyi 'khor lo dang sna tshogs yum thabs dang shes rab gcig tu 'dres par gyur pa sna tshogs gzugs can gnyis po 'di dag ni yul dang yul can gzhan rnams thams cad du yang byung bar gyur te/ dri gzhan la sogs pa'i yul de rnams dang rna gzhan la sogs pa'i yul can de rnams dang ngag dang lag pa gzhan la sogs pa rnams dang las kyi dbang po'i bya ba gzhan la sogs pa rnams so/ /de skad du thams cad nas ni phyag dang zhabs/ /kun nas spyan dang dbu dang zhal/ /kun nas gsan ldan 'jig rten mtha'/ /thams cad khyab par bzhugs pa ni/ /rdo rje sems dpa' zhes dang / de bzhin du bdag rig gzhan rig thams cad pa/ /kun la phan pa'i gang zag mchog /'jig rten dpe las 'das pa ste/ /shes dang shes bya'i bdag po mchog /ces pa dang / de bzhin du don grub bsam pa grub pa ste/ /kun du rtog pa thams cad spangs/ /rnam par mi rtog khams mi zad/ /chos dbyings dam pa zad mi shes zhes pa ni mtshan yang dag par brjod pa las ye shes kyi sku'i mtshan nyid do/ /da ni sems can gyi bsam pa'i dbang gis sangs rgyas rnams kyi bzhugs pa sna tshogs pa gsungs pa phung po lnga zhes pa la sogs pa ste 'dir nyon mongs pa la sogs pa'i sgrib pa dang bral ba rnams kyi mngal du 'jug pa dang phung po lnga 'dzin pa dang rdo rje btsun mo'i b+ha ga rnams la bzhugs pa ste bud med kyi mngal du skye ba gang yin pa de ni brtse ba yis tha mal pa'i skye bo nges pa rnam par ma bsgrubs shing bsod nams bsags pa min pa rnams smin pa'i slad du ste/ de skad du gsungs pa/ gang phyir rdo rje'i sku yi lus/ /sangs rgyas rnams ni mi rtag na/ /chu shing snying po dang mtshungs pa'i/ / skye bo gzhan la ci zhig sems zhes pa la sogs pa rtag par smra ba rnams smin par bya ba'i slad du'o/ /slar yang gtsang ma'i gnas la sogs par skye ba gang yin pa de ni lha nyid du gyur pa'i nyan thos rnams kyi nga rgyal nyams par bya ba'i slad du ste lha nyid 'di ni ltung ba'i dus su sdug bsngal chen po'o zhes bstan pas de rnams smin par byed do/ /gang zhig e wa~M yi ge ste stong pa nyid la gnas pa de ni mchog gi nges pa can rab 'byor la sogs pa rnams dang byams pa la sogs pa rnams sku bzhi pa bstan pas mchog yang dag par rdzogs pa'i sangs rgyas nyid la dgod pa'i slad du'o/ /stong pa'i dngos po ni stong pa nyid de 'dir 'das pa dang ma 'ongs pa'i shes bya ni stong pa'o/ /de mthong ba ni dngos po stong pa nyid zab pa dang rgya che ba ste 'das pa dang ma 'ongs pa'i dngos po med pa'i phyir zab pa'o/ /'das pa dang ma 'ongs pa mthong ba'i phyir rgya che ba'o/ /de skad du gsungs pa/ stong nyid smra ba'i khyu mchog ste/ /zab cing rgya che sgra sgrogs pa/ /chos kyi dung ste sgra chen ldan/ /chos kyi gaN Di sgra bo che/ /mi gnas mya ngan 'das pa po/ /phyogs bcu'i chos kyi rnga bo che/ /gzugs med gzugs bzang dam pa ste/ /sna tshogs gzugs can yid las skyes/ /gzugs rnams thams cad snang ba'i dpal/ /gzugs brnyan ma lus 'chang ba po zhes pa ni mtshan yang dag par brjod pa las bcom ldan 'das kyi nges pa'o/ /'dir tshigs su bcad pa dgu bcu rtsa gnyis kyi rjes la tshigs su bcad pa bcwa lnga ni go sla'o/ /de nas ye shes zhes pa la sogs pa tshigs su bcad pa gcig ni sbas pa ste de nyid dgrol bar bya'o/ /'dir dkyil 'khor gyi 'khor lo bsgom pa la dam tshig sems dpa' rdzogs par byas te de nas ye shes kyi 'khor lo dgug pa dang gzhug pa dang bcing ba dang mnyes pa dang ro mnyam pa sngags pas bya ba ni dzaHhU~M ba~M hoH zhes pas rdo rje lcags kyus dgug pa dang rdo rjes gzhug pa dang rdo rje zhags pas bcing ba dang dril bus mnyes pa ste shar dang lho dang nub dang byang gi sgo rnams su gnas pa'i khro bo'i rgyal po rnams kyis so/ / rnal 'byor ma'i rgyud la ni rdo rje mkha' 'gro ma rnams kyis te thams cad du grags so/ /de nyid nang du gsungs pa ye shes dgug pa byed pa 'dir ni lus la slar yang shin du stobs zhes pa ni na chung dang rab tu 'grogs pa la ye shes sems dpa' ni khu ba ste dgongs pa'i skad kyis gzhan no/ /de'i dgug pa ni srog la sogs pa'i rlung gi tshogs kyis dbye ba te steng du spyi bor byang chub kyi sems yongs su gang bar byed do zhes pa'i don to/ /de ni gzhug pa rmugs byed kyis zhes pa ni mes de zhu bar byas nas zhu ba thig le'i gzugs mgrin pa dang snying kha dang lte ba dang gsang ba'i pad ma la rab tu gzhug pa byed do/ / rengs byed ces pa sa'i khams ni thig le'i gzugs de'i bcing ba byed te mchog gi bde ba'i dbang gis shin tu mgyogs pas 'ongs pa ni 'gror mi ster ro/ /khengs byed ni chu'i khams te thig le'i khu ba dang ba gsang ba'i pad ma dang rdo rje nor bu la gnas pa ni g.yo ba zhes brjod cing de mi 'pho ba'i bde ba'i dbang las chu'i khams kyis mnyes pa ste lus la bsil ba nyid du byed do zhes pa'i don to/ / slar yang gnas de nas steng du 'gro ba'i don du rgyu mthun pa'i bde ba de nyid spyan ma la sogs pa rnams kyis sngar brjod pa'i rdo rje'i glu rnams kyis rab tu sad par byed do/ /de nas lte bar rgyu mthun pa nyid kyi don du spyan mas skul bar byed do/ /snying khar rnam par smin pa'i don du mA ma kI dang mgrin par skyes bu byed pa'i don du gos dkar mo dang spyi bor dri ma dang bral ba'i don du sgrol mas so/ /de lta bu la sogs pa rnams kyis bslang ba bde ba chen po dri dang bral bar gyur pas phung po dang khams dang skye mched la sogs pa thams cad sgrib pa med par byed do/ /de las rnal 'byor pa rnams kyis thams cad mkhyen pa'i gnas su 'gyur te brtags pa'i dkyil 'khor la rnal 'byor ma'i glus bslang bas ni ma yin no zhes pa ni nges pa'i don to/ /rgyud thams cad la kun rdzob dang don dam pas kyang ngo / /de nas dbyug pa sngon po la sogs pa las kyi dbang po dang bya ba rnams kyis bdud la sogs pa rnams la bsnun pa la sogs pa byas nas nam mkha' la 'gro ba dang 'ong ba la sogs pa byed de mi 'jigs pa bzhi'i stobs kyis bdud kyi ris thams cad pham par byas nas sngar brjod pa'i mtshan nyid kyis de bzhin gshegs pas chos kyi 'khor lo rab tu bskor bar byed do zhes pa nges pa'o/ /de bzhin du sgrib pa med pa'i bde ba las gzhan gang cung zad spros pa yod pa dag kyang khyab bdag gi dkyil 'khor la ni 'byung po las skyes mthar zhes pa phyed dang bcas pa'i bye ba phrag gsum gyi mthar thug pa'i ste nang du ba spu'i mthar thug pa sgrib pa med pa'i khams kyi tshogs so/ /sems can kun gyi don du mchog gi yon tan rnam mang 'di rnams rang gi lus la rig par bya/ de bzhin rgyud dang sngags ni rnam mang rigs la gnas rnams rnal 'byor ma dang rnal 'byor dbye bas te 'jig rten pa'i dngos grub kyi slad du'o/ /dus kyi 'khor lo 'dir ni dbang bskur rnam pa gnyis kyang bu yi yon tan dbang gis 'jig rten pa dang bla na med pa'i lam 'dod pa rnams kyi yon tan dbang gis bla na med pa'o zhes pa nges pa'o/ /da ni gang zhig shes rab ces pa la sogs pas 'jig rten dang 'jig rten las 'das pa'i dbang gi don gsungs te 'dir gang zhig rgod pa dang lta ba dang lag pa bcangs pa dang gnyis gnyis mkhyud pa zhes pa ni dbang rnam pa bzhi ste slob dpon bas dang gsang ba dang shes rab ye shes dang slar yang de bzhin gyi sgras gsungs pa bzhi pa'o/ /de bzhin du 'dus pa la sogs pa las bum pa la sogs pa'i dbang de ni kun rdzob tu slob dpon byed pa'i slad du mtshon pa tsam ste de kho na nyid ni ma yin no/ /dbang bskur nas ni de nyid bshad ces gsungs pa'i phyir rgod pa dang lta ba dang lag pa bcangs pa dang gnyis gnyis sbyor ba zhes pa dbang rnam pa bzhi ni de kho na nyid du mi 'gyur ro/ /'dir de kho na nyid ni gnyis gnyis 'khyud pa med pa ste las kyi phyag rgya'i rgyu las skyes pa ni rnam par dpyad na gnyis su med pa'i ye shes su mi 'gyur ro/ /'dir gal te shes rab kyi rgyu las skyes pa'i bde ba thabs kyi shes rab ye shes yin na de'i tshe thabs kyi rgyu las skyes pa ni shes rab kyi thabs ye shes su 'gyur te dngos grub kyi slad du'o/ /gal te gnyi ga'i ye shes kyi dbye ba las de ltar ye shes gnyis su 'gyur ro zhe na de'i phyir gnyis su med par mi 'gyur te gnyis su med pa med pa'i phyir sangs rgyas nyid med do/ /ci ste shes rab kyi ye shes rab shes rab ye shes yin pa de lta na yang skyon te thabs kyi ye shes ni thabs ye shes so zhes grub bo/ /de'i phyir thabs kyi 'gyur ba'i bde ba byis pa dang dar la bab pa rnam pa gnyis dang shes rab kyi g.yo ba'i bde ba rgan po ste gnyis po de dag gang gi tshe phyag rgya chen po'i sgo nas mi g.yo bar gyur pa de'i tshe dbang po gnyis dang bral ba gnyis su med pa'o/ / de'i phyir shes kyi nu ma la reg pa la sogs pa ni lam la gzhug pa'i don du 'jig rten par bstan to/ /'jig rten 'das pa'i dbang gang mchog gi rgyal ba'i bdag po'i phyag rgya'i mchog la rjes su sbyor ba'o/ / de nyid gsungs pa sems kyi snang ba tsam zhes pa la sogs pa'i tshigs su bcad pa ste go sla'o/ /shes rab ye shes zhes pa la sogs pa dgrol bar bya ste 'dir shes rab dang ye shes ni grangs bzhin du 'dzin par byed pa'i par pa'i sems de yi gzung bar bya ba du ba la sogs pa rnam pa bcu po gang yin pa me long la pra phab pa'i snang ba lta bu de nyid ni ye shes te gzung bar bya ba'i sems so zhes pa'o don to/ /de ltar me long la rang gi mig gi gzugs brnyan ni rang gi mig gi gzung bar bya ba yin pa de bzhin du shes rab ye shes kyang ngo / /dbang bskur 'di la zhugs pa gang yin pa zhes pa ni 'dir 'dzin par byed pa'i sems kyi gzung bar bya ba'i sems de la rab tu zhugs pa ni phyi rol gyi yul rnams la rab tu mi 'jug pa gang yin pa'o/ /yan lag drug las so sor sdud pa dang bsam gtan dang srog rtsol dang 'dzin pa ni zhugs pa zhes brjod cing zhugs pa de las mya ngan las 'das pa'i bde ba 'pho med lhan cig skyes pa 'gyur med nyid ni bzhi pa ste zhes pa bde ba byis pa dang dar la bab pa dang g.yo ba rnams kyi mchog 'jig rten pa'i dpe las 'das pa 'jig rten gsum gyi spyod pa las grol ba zhes pa'i don te rgod pa dang lta ba dang reg pa dang 'khyud pa dang lag pa bcangs pas 'khrig pa dang bral ba las kyi rgya ye kyi phyag rgya dang ye shes kyi phyag rgya'i rgyu dang bral ba stong pa nyid rnam pa thams cad pa rab tu gsal ba'i mtshan nyid do/ /sangs rgyas zhal te ye shes zhal 'di slob dpon gang gi thugs la gnas pa zhes pa bsgoms pa ste rang gis nyams su myong ba dang slob ma rnams la bstan pa'i slad du dus thams cad du zhal la gnas par gyur pa de ni dpal ldan bla ma ste rdo rje 'dzin pa'o zhes pa'i don to/ /gzhan dbang po gnyis kyi bde ba rtogs par byed pa po rnams ni ma yin no/ /da ni nam mkhar zhes pa la sogs pas rang gi sems 'di'i snang ba la rab tu gzhug pa gsungs te 'dir sngags kyi theg pa dang pha rol tu phyin pa'i theg pa la rnal 'byor goms pa rnam pa gnyis te nam mkha' dang bla khab med pa la rnal 'byor goms pa'o/ /gang zhig nam mkha' la rnal 'byor goms par byed pa des mtshan mo bug pa med pa'i khyim du mun pa la nam mkhar kun nas zhen pa'i sems dang mig mi 'dzums shing rdo rje'i lam du rab tu zhugs pa zhes pa 'dir dbu mar srog rab tu zhugs pas stong pa kho na las du ba la sogs pa'i mtshan ma mthong ste nam mkhar kun nas zhen pa'i sems dang mig ni mi 'dzums rdo rje'i lam du rab tu zhugs pas stong pa las ni du ba smig rgyu rab gsal dri ma med pa'i mkha' snang nyid dang mar me dang zhes pa ni mtshan mo'i rnal 'byor gyis mthong ngo / /de nas sprin med pa'i nam mkha' la blta ste nam mkha' de las kyang nyin mo'i rnal 'byor gyis nam mkha' las byung rang byung ba/ shes rab ye shes me bo che zhes pa 'bar ba mthong ste sprin med pa'i nam mkha' la'o/ /de bzhin du/ 'od chen rnam par snang bar byed/ /ye shes snang ba lam me ba ni zla ba snang ba'o/ /'gro ba'i mar me ni nyi ma'o/ /ye shes sgron ni rdo rje ste sgra gcan no/ /gzi brjid chen po 'od gsal ba ni glog ste mchog gi cha'o/ /sngags mchog mnga' bdag rig sngags rgyal ni thig le'o/ /de ltar mtshan ma rnam pa bcu ste 'dus pa la sogs pa las mtshan mo'i rnal 'byor dang mtshan yang dag par brjod pa las nyin mo'i rnal 'byor kyis bcom ldan 'das kyis gsungs so/ /de nas gsang sngags rgyal po don chen byed ces pa ni bum pa dang snam bu la sogs pa rnam pa thams cad pa'i gzugs mthong ba'o/ /de'i dbus su ste thig le'i dbus su sangs rgyas gzugs ni rdzas med pa'i phyir dang brtags pa med pa'i phyir yul dang rnam par bral ba du ma longs spyod rdzogs pa'i sku'o/ /de nas gzugs kyi rnal 'byor gyis gzhom du med pa'i sgra gang yin pa de nyid thos te de ltar gzugs snang ba las sprul pa'i sku dang sgra snang ba las longs spyod rdzogs pa'i sku'o zhes pa'i don to/ /'dir nyin mo'i rnal 'byor ni nam mkha' chu 'dzin bral ba dag la rnal 'byor pa yis/ bgrad pa'i mig gis blta bar bya ba ste snga dro dang phyi dro nyi ma la rgyab bstan nas so/ /rnam pa gzhan du na nyi ma'i 'od zer gyis rab rib tu 'gyur te de yis zhes pa ni gnod pa las so/ /nyi ma so sor blta bar bya ste thig le'i dbus su re khA nag po skra'i tshad rtsam dri med 'od zer 'phro ba dus kyi rtsa zhes pa a ba d+hU tI la mthong bar gyur gyi bar du'o/ /nang du 'dus pa kun mkhyen gzugs ni khams gsum po ma lus pa chu la nyi ma lta bu gos pa med pa kha dog sna tshogs te/ rnam pa kun ldan rang sems yul dang rnam par bral ba dag go gzhan gyi sems ni min pa nyid ces pa gzhan gyi sems ni ma yin te gzhan gyi sems shes pas med pa'i phyir ro/ /'dir de bzhin gshegs pa'i sha'i spyin gyis rang ba dang por rang gi sems kyi snang ba mthong zhing lha la sogs pa'i spyan gyis gzhan gyi sems kyi shes pa mthong ste des na chos yang dag par sdud pa las bcom ldan 'das kyi spyan lnga zhes gsungs so/ /de ltar rim pas sha'i spyan dang lha'i spyan dang sangs rgyas kyi spyan dang shes rab kyi spyan dang ye shes kyi spyan ni bsgoms pa'i stobs kyis 'byung bar 'gyur ro/ /de'i phyir thams cad mkhyen pas ma gzigs pa cung zad kyang med do/ /de nas gzugs ni mthong bar gyur na nyin zhag so so'i dus su srog gi rlung ni 'gog pa zhes pa bum pa can rab tu bya ste 'od zer 'khor lo rang gi lus la yongs su bskor zhing 'khor bar byed pa mthong gi bar du'o zhes pa sngar brjod pa'i gzugs las nang du'o/ /de nas zla ba drug gis sdom brtson te las dang po pa'i tshangs par spyod pa rnams la rig byas dman pa zhes pa dbang po gnyis kyi 'khrig pa dang bral ba'i bde ba mnyam pa ste mi 'gyur ba'i bde ba lam gyi sems zhes pa stong pa nyid kyi gzugs kyi sems su 'gyur ro/ /de nas skad cig cig gis mngon par rdzogs par byang chub pa'i mtshan nyid ni chags dang chags bral mtha' thog la gnas skad cig ma zhes pa la chags pa zhes pa ni dkar po'i phyogs te de'i mthar gnas pa ni cha bcu drug pa'i mtshan nyid do/ /chags bral ni nag po'o/ /de'i dang po la gnas pa ni nag po'i phyogs la ma zhugs pa ste mngon par rdzogs par byang chub pa'i dus kyi mtshan nyid do/ /skad cig ma de nyid kyang dgus dbugs kyi grangs zhes pa nyi khri chig stong drug brgya'i grangs 'phel lo/ /gsang bar rdo rje nor bu'i rtse mo las skad cig ma brgya phrag sum bcu rtsa drug gis 'phel to de'i grangs kyi srog rnams gsad nas gsang ba'i pad mar phyin pa des sa gnyis su 'gyur ro/ /de bzhin du lte ba dang snying kha dang mgrin pa dang dpral bar bzhi dang drug dang brgyad dang sa bcu rnams su 'gyur zhing gtsug tor du srog thams cad zad pas sa bcu gnyis so/ /de'i phyir od+hA 'bar ba'i bar te gsang bar 'ongs pa dang khyad par dga' ba lhan skyes dag gi dbus lte ba dang gnyid dang gnyid yur gyi 'tshams snying kha dang ye shes rnam shes dag gi dbus mgrin par gnyis gnyis sbyor ba la sku dang gsung dang thugs dang ye shes kyi thig le'i gzugs kyis dpral ba nas 'ongs pa'i bde ba gang yin pa khu ba'i bde ba de yi 'phel ba ste steng du 'gro bar rab tu bya'o/ /bla ma'i nges pa'i dbang gis zhes pa sngar gsungs pa'i srog 'gog pa las dpral ba'i bar du 'phel bar 'gyur te 'di la ngo mtshar med do/ /de ltar nyon mongs bdud rnams bcom nas rgyal ba'i bdag por 'jug ste zhes pa g.yon dang g.yas par song ba'i srog rnams bsad nas rgyal ba'i bdag po stong pa nyid kyi gzugs la 'jug ste lo yi sbyor bas rnal 'byor pa bzang po a ba d+hU tI la gnas pa'o/ /de'i phyir bum pa can gyis bde ba chen po'i skad cig bskyed nas bde ba 'phel bar bya'o zhes pa ni nges pa'o/ /da ni sa zhes pa la sogs pas gzugs kyi mtshan nyid gsungs te 'dir stong pa rab tu snang ba rdzas med pa sa yi rnam par mthong ste sra ba ma yin no/ /zhu ba chu'i rnam pa ni smig rgyu'i chu bzhin du chu yang ma yin te gsher ba nyid med pa'i phyir ro/ /de bzhin du me yi rnam pa ni me min no/ /g.yo ba rlung gi lus ni rdzas med pa'i phyir gang zhig g.yo ba med pa'i de ni rlung ma yin no/ /rdzas med pa'i phyir stong pa'i rnam pa yin pa de lta na yang mthong ngo / /sgyu ma'i grong khyer bzhin du dkar po la sogs pa'i kha dog dang ldan yang rdzas med pa'i phyir kha dog ma yin no/ /rnam pa kun ldan yin yang dus thams cad du byis pa rnams kyis mthong ba yin no/ /de ci'i phyir zhe na nyon mongs bdud kyi mthu las te g.yon pa dang g.yas pa'i rtsa la srog rab tu rgyu ba las so zhes pa nges pa'o/ /da ni nA da zhes pa la sogs pas rtsa'i bgrod pa'i slad du gnas gsungs te 'dir nA da ni snying khar thugs kyi thig le shin du gnyid log pa'i gnas skabs skyed par byed pa'o/ /thig le zhes pa ni dpral bar sku'i thig le sad pa'i gnas skabs skyed par byed pa'o/ /cha zhes pa ni mgrin par gsung gi thig le rmi lam skyed par byed pa'o/ /ye shes zhes pa ni lte bar ye shes kyi thig le bzhi pa'i gnas skabs skyed par byed pa'o/ /bdud rtsi'i gnas su son pa lu gu rgyud du bcings pa'i rtsa zhes pa la bdud rtsi'i gnas ni dpral ba'o/ /der son pa ni bdud rtsi'i gnas su son pa ste la la nA dang ra sa nA dang a ba d+hU tI'o/ /de rnams kyang lu gu rgyud du bcings pas lte ba dang snying kha'i bar du lam gsum byas nas slar yang a ba d+hU tI ni dbus su snying ga'i lte ba phug nas 'gro'o/ /la la nA dang ra sa na ni g.yon dang g.yas kyi 'dab mar rab tu rgyu bas so/ /de nas snying kha'i dang mgrin pa'i bar du slar yang lam gsum byas nas 'gro'o/ /de bzhin du mgrin pa dang dpral ba'i bar du lam gsum dang dpral ba dang gtsug tor gyi bar du lam gsum ste de ltar lam gsum bzhi byas nas la la nA ni sno g.yan pa'i bu ga nas gzhan gyi gnas su bcu gnyis mtha' dang cha'i mthar 'gro ste nang gi le'u las gsungs so/ /ra sa nA ni g.yas nas so/ /a ba d+hU tI ni gcig car sna bug gnyis nas 'gro'o/ / de bzhin du 'og tu lte ba dang gsang ba'i bar du lam gsum byas nas bshang ba dang gci ba'i rtsa ni g.yon dang g.yas nas song ste gsang ba'i pad ma la dbus su dung can ma'o/ /gsang ba'i pad ma'i 'og tu dri chen gyi rtsa dbus nas 'gro ste rtags bsam b+ha ga la g.yon nas gci ba'i rtsa 'gro zhing g.yas nas khu ba'i rtsa 'gro'o/ /rtsa'i kun du spyod pa ni nang gi le'u las sngar gsungs so/ / de ltar srog dang mthur sel lam gsum zhes pa rnams zhes pa ste steng du srog gi g.yon dang g.yas dang dbu ma'i lam rnams dang 'og tu thur sel gyi bshang ba dang gci ba dang khu ba'i lam rnams so/ /rdo rje dang bcas pad ma ni bud med rnams kyi skye gnas te g.yo ba nyid kyi phyir ro/ /nor bu dang bcas pa'i rdo rje ni 'gyur ba'i phyir te chu skyes ldan pa nyid ni kha 'byed pa'i phyir ro/ /rlung gnyis yang dag phrad pa'i dbus su zhes pa lte bar srog dang thur sel gyi rlung yang dag par phrad pa'i dbus su yul zhes pa rnam dbye med pa'i tshig ste yul rnams la yul can mig la sogs pa rnams 'byung ba dang rab tu 'jug pa ni lte bar te de nyid ni sngar brjod zin to/ /du ba la sogs rnams kyi mtshan ma 'dzin pa ni a ba d+hU tI'i sgo nas te kyang gi sgras lte ba de nyid la'o/ /'di rnams thams cad gsang bar bya ste byis pa'i skye bo rnams la sba bar bya'o zhes pa nges pa'o/ /da ni dbu mar srog ces pa la sogs pas rnal 'byor nye bar bsdu ba gsungs te 'dir dang por rnal 'byor pas dbu mar srog ni rab tu gzhug par bya ste gang gis mtshan ma mthong bar 'gyur ba a ba d+hU tIr ro/ /'di ni dpal ldan bla ma zhes pa sangs rgyas kyi sku rdo rje ste zhal gcig tu brjod do/ /de nas nyi ma dang bcas te g.yas pa'i bgrod pa dang lhan cig tu ri bong can gyi bgrod pa zhes pa g.yon gyi rtsa'i bgrod pa la srog bcings pa'o zhes pa nges pa ste srog rtsol ni gnyis pa gsungs rdo rje'o/ /phyag rgya rab tu 'grogs la sems zhes pa gzugs la rjes su chags pa byang chub kyi sems zhu ba dang mchog gi bde ba la gnas rdo rje yang dag bslang ba yang gsum pa thugs kyi zhal lo/ /ci ste gzugs kyi sgo nas dga' bar ma gyur na de'i tshe pad mar rdo rje'i sgra 'am zhes pa dal bu dag gis bya'o/ /ci ste bud med ma rnyed na de'i tshe rang gi lag pa'i pad mas gsor bar bya'o/ /bde ba 'phel ba'i slad du ste ltung ba'i slad du ni ma yin no/ /de ltar sa bon gtong ba min pa'i bde ba de ni 'chi ba'i 'jigs 'phrog tu 'gyur zhing 'di ni dpal ldan bla ma'i zhal bzhi pa ste ye shes rdo rje'o zhes pa rnal 'byor goms pa'i nges pa'o/ /da ni sa zhes pa la sogs pas dkyil 'khor lnga zad pa gsungs te 'dir gang gi tshe khro bo'i lta bas stong pa la sems bkod pa'i rnal 'byor pa mig mi 'dzums par gyur pa de'i tshe g.yon nam g.yas sus zhes pa ni nye bar mtshon pa ste gang gi tshe g.yas su sa rab tu 'bab pa'i dus su rnal 'byor pa sgom par byed na de'i tshe cho ga 'di'o/ /g.yon pa'i rtsa la rab tu 'bab pa'i dus su ni ma yin te nam mkha'i dkyil 'khor la sogs pa'i rim pa las so/ /des na g.yon nam g.yas su dkyil 'khor gang 'bab pa de'i srog gi chos can nyid kyi phyir de nyid dkyil 'khor du gsungs so/ /des na g.yas kyi rtsa la sa'i dkyil 'khor las srog chu'i dkyil 'khor la 'jug ste de bzhin du ye shes kyi dkyil 'khor gyi bar du 'o/ /g.yon gyi rtsa la ni nam mkha' la sogs pa 'jug go/ de bzhin du stong pa nges par ngu ba la sogs pa'i mtshan ma rnam pa bcu ru 'gyur zhing mtshan ma ni rnam pa thams cad pa'i gzugs su 'gyur ro/ /gzugs las 'gyur ba med pa'i bde bar 'gyur te de nyid ni shes rab kyi pha rol tu phyin pa'i ye shes so/ /ye shes las ni rdzu 'phrul nam mkha' la 'gro ba la sogs pa dang dngos grub khams gsum gyi dbang phyug sangs rgyas nyid du 'gyur te mi bdag skyes bu rnams kyi skye ba 'di nyid la'o zhes pa lam la rab tu zhugs pa'i nges pa'o/ /da ni sku bzhi rnams kyi rab tu dbye ba bcu drug gsungs pa 'dod pa zhes pa la sogs pa ste 'dir kun 'byung gi bden pa las gang na sku gcig yod pa de na gzhan gsung dang thugs la sogs pa rnams kyang ngo / /'dod pa zhes pa lus kyi dga' ba 'gags pa las sangs rgyas kyi sprul pa'i skur nges par 'gyur ro/ /rdzogs pa ste/ /ngag gi dga' ba zad pa gang yin pa de ni sprul pa de yi gsung nyid do/ /'bar ba sprul pa'i thugs te 'bar ba zhes pa ni sems kyi dga' ba 'gags pa'o/ /sprul pa'i mchog gi bde ba byed pa'i ye shes rdo rje ni i d+hA ste ye shes kyi dga' ba 'gags pa'o/ /de ltar sprul pa bzhi'o/ /de bzhin du longs spyod rdzogs pa bzhi ni dga' ba longs spyod rdzogs pa'i sku ste lus kyi mchog dga' 'gags pa'o/ /mchog dga' dang bcas khyad par dga' ba rim pas 'di yi ni zhes pa mchog dga' ni longs spyod rdzogs pa'i gsung ste dag gi mchog dga' zad pa'o/ /khyad par dga' ba ni longs spyod rdzogs pa'i thugs te sems kyi mchog dga' 'gags pa'o/ /de ltar gsung dang thugs so/ /lhan cig skyes pa'i dga' ba ni longs spyod rdzogs pa'i ye shes rdo rje ste ye shes kyi mchog 'ga' 'gags pa'o zhes pa longs spyod rdzogs pa'o/ /de nas chos kyi bzhi ni 'dar ba nyid ces pa lus kyi khyad par dga' ba ste de 'gags pa ni srid pa gsum gyis btud pa chos kyi sku'o/ /'byung ba chos de yi gsung du 'gyur zhes pa ste ngag gi khyad par dga' ba 'gags pa'o/ /gnyid yur ni sems kyi khyad par dga' ba 'gags pa ste chos kyi thugs so/ /gnyid te ye shes kyi khyad par dga' ba 'gags pa ni chos 'di yi srid pa'i 'jigs 'joms ye shes so/ /yi ge nyid ces pa ni lus kyi lhan cig skyes pa'i dga' ba ste de 'gags pa ni dag pa'i sku'o/ /dbyangs dang bral ba'i cha dang thig le nA da rim pa yis zhes pa la cha zhes pa ni ngag gi lhan cig skyes pa'i dga' ba 'gags pa ste dag pa'i gsung ngo / /thig le zhes pa ni sems kyi lhan cig skyes pa'i dga' ba 'gags pa ste dag pa'i thugs so/ /nA da zhes pa ye shes kyi lhan cig skyes pa'i dga' ba 'gags pa ste dag pa'i ye shes so/ /de ltar bde 'byung dag pa'i sku rdo rje sems dpa'i ye shes rdo rje rnam gsum srid par gnas pa ste dga' ba bcu drug gi dbye bas phye ba'o/ /de nyid rnam pa bcu drug rig ces gsungs pa'i phyir de nyid rnam pa bcu drug ni mi 'gyur ba'i bde ba chen po dang rnam pa bcu gnyis ni don dam pa dang kun rdzob ste sangs rgyas rnams dang 'khor ba pa rnams kyi'o/ /des na yan lag bcu gnyis 'gags shing srog zad pas rdo rje nyi ma snang ba che/ bden don rnam pa bcu gnyis ldan zhes pa ste rngul 'gags pa'i phyir ro/ /cha bcu drug gi khu ba 'gags pas rdo rje zla ba dri med 'od/ /de nyid rnam pa bcu drug rig ces pa ste bcom ldan 'das dus kyi 'khor lo grub bo/ /da ni sad pa la sogs pa 'gags pa gsungs pa sad pa zhes pa la sogs pa ste 'dir 'khor ba pa rnams kyi lus la gnas pa zhes pa spyi bor gnas pa'i byang chub kyi sems ni sad pa'i mtshan nyid du 'gyur zhing dbugs la zhen pa zhes pa mgrin par gnas pa ni rmi lam gyi rang bzhin du 'gyur te gnas skabs gnyis ga la yul rnams rnam par dpyod do/ /g.yo med sems la zhen pa zhes pa snying khar gnas pa ni slar yang gzhan pa'i 'di ni sems gsum pa ste shin tu gnyid log pa'i rang bzhin no/ /ye shes la gnas zhes pa ni lte bar gnas pa bzhi pa'i rang bzhin te bud med dang rab tu 'grogs pa las byang chub sems ni zhu bar gyur pa na 'pho ba'i skad cig gi mtshan nyid do/ /sems rnam pa bzhi po de nyid 'gags pa ni sangs rgyas rnams kyi sprul pa dang longs spyod rdzogs pa dang chos dang lhan cig skyes pa'i sku'i mtshan nyid du 'gyur ro/ /des na sprul pa la sogs dag gi sems kyi rdo rje rnam pa bzhir ni rim pas nges par rab tu 'gyur zhes pa'o/ /de ltar 'khor ba pa rnams kyi sad pa la sogs pa'i mtshan nyid kyi sems rnam pa bzhi ni srid pa rnam pa gsum la gnas pa rnams kyi thig le'i dbus su ste byang chub kyi sems kyi rten la byang chub kyi sems de nyid do/ /rnal 'byor dbang po rnams kyis bde mnyams 'bras ster zhes pa mi 'gyur ba'i bde ba'i 'bras bu ster ba khyab byed dag ni thar pa'i slad du bsrung bar bya'o/ /thig le btang ste rten lhung bar gyur na rnal 'byor pa rnams kyi mchog gi bde ba skye ba'i sa bon rten song ba la rten pa byang chub kyi sems kyi thar pa gang na yod/ de'i phyir 'khor ba'i bde ba'i skad cig 'di ni sdom brtson rnams kyis thams cad dus su spang bar bya zhes pa ste 'gyur ba dang 'dzag pa dang g.yo ba spang bar bya'o zhes pa ni bcom ldan 'das kyi nges pa'o/ /rnal 'byor pas rgyu mthun pa la sogs pa dri ma dang bral bar gyur gyi bar du steng du bya ste ji ltar byon pa de bzhin gshegs pa'o zhes pa mi 'gyur ba'i bde ba skyed pa'i nges pa'o/ /gang phyir a sogs zhes pa la sogs pa tshigs su bcad pa gzhan ni mchog tu mi 'gyur ba'i ye shes grub pa las rgyas par brjod par bya ste des na 'dir yongs su bcad pa'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las sku bzhi la sogs pa'i rnam par dag pa nges pa'i mdor bsdus chen po ste gnyis pa'o// // dpal rdo rje sems dpa' la phyag 'tshal lo/ /phyag rgya chen mo la phyag 'tshal lo/ /mchog tu mi 'gyur ba'i bde ba la phyag 'tshal lo/ /bla ma dang sangs rgyas dang byang chub sems dpa' rnams la phyag 'tshal lo/ /khro bo'i rgyal po dang rdo rje mkha' 'gro dang rdo rje mkha' 'gro ma rnams la phyag 'tshal lo/ /gang phyir gcig nyid a sogs ka sogs ri bong can dang nyin byed rdo rje can gyi gdan min zhing / /hU~M yig nyid kyis mtshan ma dang ni yongs su gyur pa gzhon pa kha dog gzugs dag mi 'dod de/ /'gyur med dag gis bskyed cing 'gyur ba nyams par gyur pa mchog gi dbang po dag dang ldan pa ni/ /rnam pa kun ldan thig le mtha' dag rgyal ba'i bdag po sna tshogs sgyu ma 'dzin pa 'di la'o zhes pa la 'dir gang phyir te gang gi phyir 'gyur ba med pa las byung ba lhan cig skyes pa'i sku la A li kA li dang pad ma dang zla ba dang nyi ma'i gdan dang hU~M yig yongs su gyur pa'i mtshan ma las skyes pa'i gzugs dang kha dog dang phyag dang dbyibs yongs su brtags pa'i chos bkag pa de'i phyir gang phyir zhes pa la sogs pas bcom ldan 'das kyis mchog tu mi 'gyur ba'i ye shes grub pa gsungs te gcig nyid a sogs ka sogs zhes pa la a sogs ni a yig la sogs pa dbyangs kyi tshogs pa ha yig zla ba ste dbyangs so so yang ngo / /ka yig la sogs pa gsal byed kyi tshogs pa k+Sha yig nyi ma ste gsal byed so so yang ngo / /a sogs ka sogs dag las ri bong can dang nyin byed de yang na ha yig dang k+Sha yig dag gis so/ /gcig nyid ces pa a yig dang pa yig dag gcig tu byas pa ni pa yig gsal byed kyi bdag nyid can pad ma'o/ /a yig gi bdag nyid can nam ha yig gi bdag nyid can zla ba'i dkyil 'khor dang rang yig gi bdag nyid can nam k+Sha yig gi bdag nyid can nyi ma'i dkyil 'khor ro/ /rton pa rdo rje can gyi ste rdo rje ni gcad du med pa mchog tu mi 'gyur ba'i bde ba'i ye shes mi 'pho ba'o/ /de 'di la yod pa'i phyir rdo rje can te rten pa rdo rje can 'di'i gdan ni rten no/ /min zhes pa ni rten gdan sel ba/ de bzhin du hU~M yig yongs su gyur pa las rdo rje'i mtshan ma dang rdo rje'i mtshan ma yongs su gyur pa las lha'i sku kha dog dang phyag dang dbyibs yongs su brtags pa'i chos rten pa'i mtshan nyid mi 'dod te ci'i phyir zhe na mngon par zhen pa'i mtshan nyid kyi phyir dang 'gyur ba'i rang bzhin gyi phyir ro/ /'dir a yig la sogs pa dbyangs rnams dang ka yig la sogs pa gsal byed rnams te 'gyur bar gyur pa rten cing 'bres par 'byung ba rnams ni bstan bcos rig pa rnams kyis mi 'gyur bar brjod te de skad du yang smras pa/ mi 'gyur zhing mi g.yo ste gzhan gyi gnas su mi 'gro'o zhes pa mi 'gyur ba'i sgras dbyangs brjod do/ /des sngags pa ngan pa 'khrul pas mi 'gyur ba nyid kyis dbyangs kyi tshogs sam gsal byed kyi tshogs 'dzin no/ / don dam par dbyangs dang gsal byed kyi tshogs ni mi 'gyur ba ma yin te mi 'gyur ba'i sgras ni mchog tu mi 'gyur ba'i bde ba'i ye shes rdo rje sems dpa'o/ /de bzhin du yid skyob par gyur pa nyid kyi phyir sngags kyang mchog tu mi 'gyur ba'i ye shes su brjod do/ /de bzhin du gzhan nang gi rig pa shes rab kyi pha rol tu phyin ma rang bzhin gyis 'od gsal ba phyag rgya chen mo lhan cig skyes pa'i dga' ba'i gzugs can ma chos kyi dbyings kyi rgyu mthun par rdzogs pa'i gnas skabs te rdo rje sems dpa' dang sangs rgyas kyi yum rten cing 'brel par 'byung ba'i dbang po rnams kyi spyod yul ma yin pa mchog gi dbang po'i spyod yul mchog tu mi 'gyur ba'i bde ba'i rang bzhin rdul phra rab kyi chos las 'das pa me longs gi pra phab pa dang rmi lam dang mtshungs pa de ni rgyal ba rnams kyi lhan cig skyes pa'i skur gsungs te mchog tu mi 'gyur ba'i rang bzhin gyi phyir ro/ /'dir 'gyur med rnams ni gzugs dang tshor ba dang 'du shes dang 'du byed dang rnam par shes pa sgrib pa med pa rnams 'gyur med lnga ste stong pa chen por gsungs so/ /de bzhin du sa dang chu dang me dang rlung dang nam mkha'i khams sgrib pa med pa rnams 'gyur med lngar gsungs so/ /'gyur med drug ni mig dang rna ba dang sna dang lce dang lus dang yid sgrib pa med pa rnams te so so rang rang gi yul 'dzin pa spangs pa rnams so/ /de bzhin du gzugs dang sgra dang dri dang ro dang reg bya dang chos kyi khams sgrib pa med pa rnams kyang 'gyur med drug tu gsungs te phung po dang khams dang skye mched 'di rnams gcig tu ro mnyam par gyur pa ni thag le stong par 'gyur ro/ /thig le de yang mi 'pho bar gyur na mchog tu mi 'gyur bar brjod do/ /mchog tu mi 'gyur ba yang a yig ste a yig las byung ba ni yang dag par rdzogs pa'i sangs rgyas shes rab dang thabs kyi bdag nyid rdo rje sems dpa' ma ning gi go 'phang lhan cig skyes pa'i sku zhes brjod te shes pa dang shes bya'i bdag nyid rgyu dang 'bras bu dbyer med pa'i phyir ro/ /de yang bcom ldan 'das dus kyi 'khor lo ste mchog tu mi 'gyur ba'i bde ba'i go 'phang ngo / /bcom ldan 'das kyis mtshan yang dag par brjod pa'i rdo rje dbyings kyi dkyil 'khor chen po'i bstod pa las tshigs su bcad pa dang pos gsungs pa yang / 'di ltar sangs rgyas bcom ldan 'das/ /rdzogs pa'i sangs rgyas a las byung / /a ni yig 'bru kun gyi mchog /don chen 'gyur med dam pa yin zhes pa'o/ /de bzhin du bya ba nan tan gyi ye shes kyi bstod pa las tshigs su bcad pa gnyis pas gsungs pa 'di lta ste/ gsang sngags don kun skyed pa po/ /thig le chen po yi ge med/ /stong pa chen po 'gyur med lnga/ /thig le stong pa 'gyur med drug ces pa'o/ /de bzhin du rtsa ba'i rgyud las gsungs pa 'di lta ste/ a sogs ka sogs mnyam sbyor ba/ /rdo rje sems dpa'i gdan du dang / /'gyur med las byung sku la ni/ /hU~M yig la sogs mi 'dod do zhes so/ /'gyur med 'dis bskyed cing 'gyur ba nyams par gyur pa mchog gi dbang po dag dang ldan pa ni zhes pa la 'gyur ba ni skye ba dang 'gags pa'i gnas skabs kyi mtshan nyid te 'pho ba'i skad cig go/ de gang la 'gags par gyur pa de ni mchog tu mi 'gyur ba 'pho ba med pa'i skad cig ste dus zhes brjod cing de nyid rdo rje ste shes pa'o/ /dus de'i sgrib pa med pa'i phung po dang khams dang skye mched ni 'khor lo zhes brjod cing srid pa gsum gcig pa nyid de sgrib pa med pa'i shes bya'o/ /de nyid ni rdo rje dbyings kyi dkyil 'khor chen po zhes brjod te rnam pa kun ldan dbang po thams cad pa thig le'i rang bzhin sna tshogs sgyu ma 'dzin pa ste bcom ldan 'das kyi sku shes rab dang thabs kyi bdag nyid can no/ /bcom ldan 'das kyis rgyud kyi rgyal po'i le'u lnga pa'i rnam pa lnga'i bstod pa las tshigs su bcad pa gnyis pas gsungs pa 'di lta ste/ dus dang sna tshogs la sogs rdo rje dang ni skyes bu dpe med kun 'gro spros pa med pa ste/ /ther zug tu gnas snyan dang shangs dang zhal dang spyan dang dbu dang phyag dang zhabs ni thams cad pa/ /'byung po'i mtha' ste 'byung po'i mgon po mchog gi srid pa gsum 'dzin rgyu rnams dag gi rgyur gyur pa/ /rig pa la sogs rnal 'byor dag gis rtogs bya mchog bde'i go 'phang dus kyi 'khor lo la phyag 'tshal zhes so/ / de bzhin du gzhan nang gi rig pa yang bcom ldan 'das kyis nang gi le'u las tshigs su bcad pa dgu bcu rtsa lnga pas gsungs pa/ yan lag dang bcas rig byed dran pa'i gzhung dang bcas dang rtog ge grub pa'i mthar ldan 'jig rten du/ /snyan ngag mkhan po rgyas pa me la sogs pa rnams kyis byas pa'i bstan bcos gzhan yang rig pa min/ rig pa zhes pa nang rig 'gyur med kyang ste 'jig rten 'dir ni thub pa rnams kyis rab gsungs nyid/ /gang las 'jig rten gsum po mtha' dag tu 'gyur mi yi bdag po slar yang gang la thim pa'o zhes pa ste slar yang bcom ldan 'das dus kyi 'khor lo thabs dang shes rab kyi bdag nyid de nyid shes pa dang shes bya'i 'brel pas gsungs te 'dir mchog tu mi 'gyur ba'i shes pa sgrib pa thams cad zad pa'i rgyur gyur pa ni dus zhes brjod de thabs so/ /khams gsum pa'i shes bya dngos po mtha' yas pa'i mtshan nyid ni 'khor lo ste de nyid ni shes rab bo/ /shes pa dang shes bya 'di dag gcig pa nyid ni dus kyi 'khor lo zhes pa ste bcom ldan 'das kyis rgyud kyi rgyal po'i le'u lnga pa las tshigs su bcad pa drug bcu rtsa gsum pas dus kyi 'khor lo gsungs pa 'di lta ste/ mtha' yas sangs rgyas zhing rnams dang ni dpag med yon tan rnams dang nam mkha' la sogs khams rnams dang / /gnas dang skye dang nyams pa rnam gsum zhes pa'i srid pa dang ni 'gro ba drug gi sems can kun/ /sangs rgyas khro bo lha tshogs rnams dang snying rje'i thugs ldan byang chub sems dpa' btsun mor bcas rnams te/ /'di dag rnams ni srid pa gsum gyis phyag byas rgyal ba'i bde 'byung gcig pu'i 'khor lo gcig yin no zhes so/ /shes pa'i rang bzhin ni dus dang shes bya'i mtshan nyid ni 'khor lo ste shes pa dang shes bya 'di dag gcig pa nyid ni dus kyi 'khor lo'o/ /brjod pa'i rim pa 'dis bcom ldan 'das dus kyi 'khor lo de nyid e wa~M gi yi ge rdo rje sems dpa' ste rgyal ba rnams kyis rgyud thams cad las yang dag par brjod pa'o/ /bcom ldan 'das kyis rtsa ba'i rgyud kyi le'u lnga pa las gsungs pa yang / ye shes kun nas gcad du med/ /rdo rje zhes ni mngon par brjod/ /srid gsum gcig nyid sems dpa' ste/ / rdo rje sems dpa' zhes par bshad ces so/ /de'i phyir 'gyur ba med pa las skyes pa rnam pa thams cad pa'i thig le lhan cig skyes pa'i sku mtha' dag rgyal ba'i bdag po sna tshogs sgyu ma 'dzin pa 'di la phyag rgya chen po'i dngos grub kyi don du rten dang rten pa'i 'brel pa mi 'dod te/ ji ltar 'jig rten pa'i dngos grub sgrub pa'i don du rten dang rten pa'i 'brel pa 'dod pa de bzhin du rnal 'byor pa mchog tu mi 'gyur ba'i bde ba sgrub pa la mngon par dga' ba bla ma dam pa'i man ngag thob pa/ gdug pa'i grogs yongs su spangs pa/ du ba la sogs pa'i mtshan ma bsgoms pa/ las dang po pa dbu ma rnam par sbyangs pa/ sems can thams cad la bu gcig pa lta bur mchog tu brtse ba'i sems rjes su bcings pa/ 'jig rten dang 'jig rten las 'das pa'i bden pa la rten pa/ bu dang chung ma la sogs pa dang rang gi lus la ltos pa med pa/ tshogs khang dang gtsug lag khang dang bla ma'i rdzas nye bar longs spyod pa las phyi rol du gyur pa/ sangs rgyas dang byang chub sems dpa'i lam la rten pa/ byams pa dang snying rje dang dga' ba dang btang snyoms dad te tshangs pa'i gnas bzhis rnam par gnas pa/ zhi ba'i las la sogs pa 'jig rten pa'i dngos grub sgrub pa la mngon par dga' ba spangs pa/ thams cad mkhyen pa'i go 'phang la 'dzeg par 'dod pa/ dkyil 'khor gyi 'khor lo la sogs pa rnam par rtog pa'i sgom pa yongs su spangs pa/ nam mkha'i khams la rnam pa thams cad pa'i stong pa nyid me long gi pra phab pa bzhin du skye ba med pa'i chos nges par mthong ba rang gi sems kyis spros pa'i rab tu snang ba rmi lam dang mtshungs pa'i don du sems pa/ rdul phra rab tshogs pa'i bdag nyid kyi chos rnam par dpyad pa'i stong pa chad pa'i stong pa nyid las ring du byas pa/ nang gi bde ba rang rig par bya ba'i chos la rjes su chags pa/ phyi rol gyi dbang pos rang rig par bya ba'i bde ba'i chos yongs su spangs pa/ shes rab dang thabs kyi bdag nyid can/ byang chub kyi sems brtan par byed pa la gcig tu mkhas pa/ mchog tu mi 'gyur ba'i bde ba chen po'i shes rab ye shes kyi lam gyi man ngag thob pas rten dang rten pa mtshan ma dang kha dog dang phyag dang dbyibs dang dkyil 'khor gyi lha yongs su brtags pa'i chos mi 'dod do/ /gzhan yang rnam par rtog pa'i sems la dkyil 'khor kyi 'khor lo gnas pa med te gang gi phyir skye ba dang 'gag pa'i chos can nyid kyi phyir ro/ /'dir skad cig gi gang la rnal 'byor pas gtso bo sgom par byed pa'i skad cig de la shar la sogs pa'i lha rnams med cing skad cig gang la shar gyi lha bsgom par byed pa'i skad cig de la gtso bo la sogs pa rnams med te de ltar rim pas lha rnams thams cad med do/ /gang gi tshe sngon po'i zhal sgom par byed pa de'i tshe dmar po la sogs pa'i zhal rnams med cing gang gi tshe dmar po'i zhal sgom par byed pa de'i tshe sngon po la sogs pa rnams med te de ltar rim pas zhal thams cad med do/ /gang gi dus na rdo rje'i mtshan ma sgom par byed pa de'i dus na ral gri la sogs pa'i mtshan ma rnams med cing gang gi dus na ral gri'i mtshan ma sgom par byed pa re'i dus na rdo rje la sogs pa'i mtshan ma rnams med te de ltar rim pas mtshan ma thams cad med par 'gyur ba'i phyir ci ltar yod/ bum pa'i shes pa 'gags par gyur pa na snam bu'i shes pa skye bar 'gyur ba ji lta ba de bzhin du dkyil 'khor gyi gtso bo'i shes pa 'gags pa na shar gyi lha'i shes pa skye bar 'gyur ba de ltar skyes pa rnams ni skyes pa 'gags pa'i phyir med cing ma skyes rnams ni ma skyes pa'i phyir med te skyes pa dang ma skyes pa dag med pa'i phyir thams cad med do/ /de'i phyir rnal 'byor pas phyag rgya chen po'i dngos grub kyi don du rnam par rtog pa'i bsgom pa mi bya'o/ /bcom ldan 'das kyis mtshan yang dag par brjod pa'i shin tu rnam par dag pa'i chos kyi dbyings kyi ye shes la bstod pa las tshigs su bcad pa bcwa lnga pas gsungs pa 'di lta ste/ don grub bsam pa grub pa ste/ / kun du rtog pa thams cad spangs/ /rnam par mi rtog khams mi zad/ /chos dbyings dam pa zad mi shes zhes so/ /rdo rje sems dpa'i nga rgyal yang mi bya ste bstod pa las de nyid las tshigs su bcad pa bcu gsum pas bcom ldan 'das kyis gsungs pa/ rig pa dang ni zhabs su ldan/ /bde gshegs 'jig rten rig pa'i mchog /bdag gir mi 'dzin ngar mi 'dzin/ /bden pa gnyis kyi tshul la gnas zhes pa ste de bzhin gshegs pa'i gsung 'di'i phyir rnam par rtog pa'i sgom pa dang rdo rje sems dpa'i nga rgyal yang don dam pa'i bden pa la rten pa'i rnal 'byor pas mi bya'o/ /'o na bcom ldan 'das de bzhin gshegs pa de kho na nyid rig pas rgyud kyi rgyal po thams cad las dang por bsrung ba'i 'khor lo sgom par bya'o/ /de nas rang gi snying khar zla ba'i dkyil 'khor la lha'i sa bon gyi yi ge bsam zhing rnam par thar pa'i sgo la sogs pa dag par byas nas/ nam mkha'i 'thil du ye shes kyi sa bon gyi 'od zer rnams kyis de bzhin gshegs pa rnams sad par byas te de rnams la sngags pas mchod pa byas nas sdig pa bshags pa dang bsod nams la rjes su yid rang ba dang gsum la skyabs su 'gro ba dang bdag nyid kyi dngos po dbul ba dang byang chub kyi sems bskyed pa dang lam la rten pa dang stong pa nyid la dmigs par bya'o/ / de nas chos 'byung nam mkha'i khams kyi rang bzhin bsgom par bya ste de'i dbus su hU~M yig yongs su gyur pa las rdo rje'i sa gzhi'o/ /yang na shes rab kyi rgyud kyi dgongs pa rlung la sogs pa'i dkyil 'khor rnams dang lhun po'i steng du khang pa brtsegs pa 'am rdo rje'i gur ro/ /de nas sku rdo rje yongs su gyur pa las dkyil 'khor mtshan nyid thams cad yang dag par rdzogs pa zla ba dang nyi ma'i gdan dang ldan pa'o/ / yang na pa~M yig yongs su gyur pa las pad ma dang a yig yongs su gyur pa las zla ba'i dkyil 'khor ram ra yig yongs su gyur pa las nyi ma'i dkyil 'khor ro/ /de'i steng du A li dang kA li las zla ba dang nyi ma dang ye shes kyi sa bon gyi yi ge rnams kyis me long lta bu dang mnyam pa nyid dang so sor rtog pa dang bya ba grub pa dang shin du rnam par dag pa'i chos kyi dbyings te ye shes lnga'i bdag nyid kyi lha'i gzugs bsgom par bya'o/ / de nas sku dang gsung dang thugs kyi rdo rje shes rab kyi chags pas zhu ba la lha mo rnams kyis rdo rje'i glu rnams kyis rab tu bskul te slar yang sku dang gsung dang thugs byin gyis brlabs pa rang gi mtshan ma las rdzogs pa'o/ /de nas dkyil 'khor la lha'i tshogs spro ba dang ye shes kyi 'khor lo dgug pa dang gzhug pa dang bcing ba dang mnyes pa dang dam tshig gi dkyil 'khor la ro mnyam par byed pa dang de bzhin gshegs pa thams cad dang lha mo rnams kyis dbang bskur ba dang rdo rje'i cod pan dang rgyan dang ldan pa dang rdo rje sems dpa'i nga rgyal dang gzugs su sngags pas bdag nyid bsgom par bya'o zhes gsungs pa ma yin nam/ 'dir ci ltar dkyil 'khor gyi 'khor lo sgom pa ni rnam par rtog pa'i sgom pa'o zhes de bzhin gshegs pa'i gsung la dgag pa brjod ces 'ga' zhig mngon par sems pa 'byung bar 'gyur te/ de'i phyir brjod par bya'o/ /'dir 'di ni bden te bcom ldan 'das de kho na nyid rig pas kun rdzob kyi bden pa la rten nas sems can gyi bsam pa'i dbang gis byis pa'i blo can brtson 'grus dman pa don dam pa'i de kho na nyid la yongs su rtog par mi byed pa zab pa dang rgya che ba'i ye shes la sems skrag pa zhi ba la sogs pa'i las sgrub pa la mngon par dga' ba dbang po yul la nye bar longs spyod pa la chags pa ral gri dang ri lu dang mig sman dang bcud dang bcud len dang 'jig rten pa'i dngos grub sgrub pa la mngon par dga' ba rnams la rten cing 'brel par 'byung ba'i shes pa rten cing 'brel par 'byung ba'i dbang po'i spyod yul nyi tshe ba nyi tshe ba'i don byed nus pa gsungs so/ / nyi tshe ba'i don byed nus pa de nyid kyi phyir de bzhin gshegs pa'i gsung 'di ni don dam pa'i bden pa la rten pa ma yin no/ /'on kyang nyi tshe ba'i don byed nus pa rnam par rtog pa'i bsam gtan dang sngags dang nor bu dang rdo ba dang ral gri dang ri lu dang bcud dang bcud len la sogs pa rdzas nyi tshe ba rnams kyi mthu yang brtag par bya ba ma yin par de bzhin gshegs pas gsungs pa de ji lta ba de bzhin du de yang blta bar bya'o/ / 'dir dkar po'i bsam gtan zhi ba'i gzugs ni zhi ba'i las byed kyi bsad pa la sogs pa mi byed do/ /de bzhin du nag po'i bsam gtan drag po'i gzugs ni bsad pa byed kyi dbang du bya ba la sogs pa mi byed do/ /de bzhin du dmar po'i bsam gtan chags pa'i gzugs ni dbang du bya ba byed kyi rengs pa la sogs pa mi byed do/ /de bzhin du ser po'i bsam gtan rengs pa'i gzugs ni rengs pa byed kyi zhi ba la sogs pa mi byed do/ /de bzhin du dug la yang shes par bya ste dpral bar thig le dkar po'i gzugs kyi bsam gtan ni dug med par byed do/ /dmar po'i bsam gtan ni dug bskyod par byed do/ / nag po'i bsam gtan ni dug 'jug par byed do/ /ser po'i bsam gtan ni dug rengs par byed te rnam par rdog pa'i bsam gtan nyi tshe ba ni nyi tshe ba'i don bya ba byed do/ /de bzhin du nor bu dang sngags dang sman rnams la yang rig par bya'o/ /'dir sngags kyang bsgrubs par gyur na gang zhig zhi ba byed pa de ni bsad pa la sogs pa'i las mi byed do/ /gang zhig bsad pa byed pa de ni dbang la sogs pa mi byed do/ / gang zhig dbang du bya ba byed pa de ni rengs pa la sogs pa mi byed do/ /gang zhig rengs pa byed pa de ni zhi ba la sogs pa mi byed do/ /de'i phyir 'jig rten pa'i shes pa ni 'jig rten las 'das pa thams cad mkhyen pa nyid kyi bya ba nus par mi 'gyur te de bzhin du ral gri la sogs pa'i grub pa yang ngo / /'o na sngags gcig kyang bsgrubs par gyur na las thams cad byed par bcom ldan 'das kyis gsungs pa ma yin nam ci ltar nyi tshe bar 'gyur zhes 'dir 'ga' zhig gi sems 'byung bar 'gyur te de'i phyir brjod par bya'o/ /'dir sngags gcig kyang bsgrubs par gyur na las thams cad byed pa 'di ni de ltar tshad ma ma yin te gang gi phyir bya ba'i dbye ba las so/ /'dir sngags gcig la yang bya ba'i dbye bas dbye ba yod te de yang de bzhin gshegs pas gsungs pa 'di ltar zhi ba la sngags kyi bzlas pa na maHka'i mtha' can dang rgyas pa la swA hA'i mtha' can dang dgug pa la bau ShaT kyi mtha' can dang dbye ba la hU~M yig gi mtha' can dang dbang du bya ba la ba ShaT kyi mtha' can dang bsad pa la phaT kyi mtha' can no/ /de bzhin du sbyin sreg gi bya ba la yang thab kyi dbye bas dbye ba gsungs pa/ 'dir zlum po'i thab tu u dum bar la sogs pa 'o ma can gyi shing gi yam shing dang dUr ba dang 'o ma rnams kyis sbyin sreg byas pa'i sngags ni zhi ba byed kyi rgyas pa la sogs pa'i las mi byed do/ /gru bzhi'i thab tu sngar brjod pa'i yam shing dang 'bru dang mar rnams kyis sbyin sreg byas pa ni rgyas pa byed kyi bsad pa la sogs pa mi byed do/ /gzhu'i rnam pa'i thab tu rus pa'i yam shing dang mi'i sha dang dug dang khrag rnams kyis sbyin sreg byas pa ni bsad pa byed kyi bskrad pa la sogs pa mi byed do/ /zur lnga pa'i thab tu bya rog gi mjug ma dang mi'i zhag dang skye tshe rnams kyis sbyin sreg byas pa ni bskrad pa byed kyi dbang du bya ba la la sogs pa mi byed do/ /zur bdun pa'i thab tu kiM shu ga'i yam shing dang me tog dmar po dang rdo rje'i chus sbyin sreg byas pa ni dgug pa byed kyi dbang du bya ba la sogs pa mi byed do/ /zur gsum pa'i thab tu seng ldeng gi yam shing dang rdul dang bil ba'i me tog rnams kyis sbyin sreg byas pa ni dbang du bya ba byed kyi rengs pa la sogs pa mi byed do/ /zur brgyad pa'i thab tu bil ba'i yam shing dang me tog rnying pa dang mchil ma rnams kyis sbyin sreg byas pa ni rengs pa byed kyi rmongs pa la sogs pa mi byed do/ /zur drug pa'i thab tu arka'i yam shing dang gser shing gi me tog dang chang rnams kyis sbyin sreg byed pa ni rmongs pa byed kyi zhi ba la sogs pa mi byed do/ /de bzhin du rdul tshon gyi dbye bas dbye ba gsungs te zhi ba dang rgyas pa la rdul tshon dkar ba dang bsad pa dang bskrad pa la rdul tshon nag po dang dbang dang dgug pa la rdul tshon dmar po dang rengs pa dang rmongs pa la rdul tshon ser po dang slar gso ba la rdul tshon ljang khu'o/ /de bzhin du bgrang phreng gi dbye bas dbye ba gsungs te zhi ba la sngags kyi bzlas pa shel gyi bgrang phreng gis so/ /rgyas pa la mu tig gi rtog po'i bgrang phreng dang bsad pa la mi'i so'i bgrang phreng dang bskad pa la rnga mo'i so'i bgrang phreng ngam bong bu'i so'i bgrang phreng dang dbang la bo de tse'i bgrang phreng dang dgug pa la pad ma'i sa bon gyi bgrang phreng ngam tsan dan dmar po'i bgrang phreng dang rengs pa la ru rag sha'i bgrang phreng dang rmongs pa la lung tang gi bgrang phreng dang slar gso ba la sngags bzlas pa mar ka ta'i bgrang phreng gis so/ /de ltar sngags dang sman dang nor bu dang ral gri dang bcud dang bcud len la sogs pa grub pa'i rdzas bsgrubs pa rnams la yang nyi tshe ba'i yon tan yod kyi mchog tu mi 'gyur ba'i yon tan med do/ /'dir stong gsum gyi stong chen po'i 'jig rten gyi khams kyi sangs rgyas kyi zhing du ji ltar bcom ldan 'das kyis sprul pa'i sku du ma dang sna tshogs pa'i skad rnams kyis cig car sems can gyi don byed pa de ltar nyi tshe ba bsgrubs pa 'di rnams kyis ni rnal 'byor pas sems can gyi don byed par mi nus te nyi tshe ba nyid kyi phyir ro/ /bcom ldan 'das kyis mtshan yang dag par brjod pa'i so sor rtog pa'i ye shes kyi bstod pa las tshigs su bcad pa dang po gsum gyis gsungs pa 'di lta ste/ yang dag bdag med de bzhin nyid/ /yang dag mtha' ste yi ge med/ /stong nyid smra ba'i khyu mchog ste/ /zab cing rgya che sgra sgrogs pa/ /chos kyi dung ste sgra chen ldan/ /chos kyi gaN DI sgra bo che/ /mi gnas mya ngan 'das pa po/ /phyogs bcu'i chos kyi rnga bo che/ /gzugs med gzugs bzang dam pa ste/ /sna tshogs gzugs can yid las skyes/ / gzugs rnams thams cad snang ba'i dpal/ /gzugs brnyan ma lus 'chang ba po zhes so/ /de bzhin du rgyud kyi rgyal po'i lnga pa ye shes kyi le'u las tshigs su bcad pa dgu bcu rtsa bdun pas thams cad mkhyen pa'i gsung bcom ldan 'das kyis gsungs pa 'di lta ste/ dud 'gro yi dags lha min rnams dang lto 'phye lha dang mi ni 'phags pa bod la sogs rnams la/ /byung dang 'byung 'gyur da ltar byung ba rnam pa gsum dang rtag tu bden pa'i chos ni gsung byed cing / /rang rang skad gzhan dag gis srid pa gsum po ma tshangs med pa lam la yang dag 'god byed pa/ /'di ni bde mnyam 'bras bu ster ba thams cad mkhyen pa'i gsung ste lha yi skad kyang ma yin no/ /slar yang le'u de nyid las de'i gong gi tshigs su bcad pas thams cad mkhyen pa'i sku dang gsung gi bya ba gsungs pa 'di lta ste/ skye ba sngar mar rang gi snying gis bskyed pa'i zhi dang chags pa la sogs dngos po rnams kyis ni/ /bag chags stobs kyis 'khor lor gnas pa gcig ni du mar mthong ste smon lam yon tan dbang gis so/ /don gcig du ma'i skad ni rang rang dngos po rnams kyis srog chags rnams kyi snying la rab tu 'jug /gnas can rnams kyi bsod nams slad du 'khor lo la gnas bsod snyoms la ni rnam par rgyu ru gshegs zhes so/ /'dir ji ltar thams cad mkhyen pa'i sku dang gsung dang thugs dang ye shes rnam pa thams cad pa rnam par rtog pa med pa don bya ba thams cad nus par gyur pa de bzhin du rnal 'byor pa rnams kyi rnam par rtog pa'i bsam gtan dang sngags la sogs pa bsgrubs pa ni thams cad mkhyen pa'i don bya ba nus par mi 'gyur ro/ /don de bzhin du 'dod chags dang bral ba rnams kyis zad par sa la sogs pa mngon sum du byas pa yang nyi tshe bar 'gyur te gang gi phyir nyi tshe ba'i rdzu 'phrul spro bar byed pa'i phyir ro/ /'dir 'dod chags dang bral ba gang zhig sa'i zad par mngon sum du byed pa ni sa'i zad par spro bar byed kyi chu la sogs pa'i zad par spro bar mi nus so/ /de bzhin du stong pa'i zad par ji srid par zad par so so la yang rig par bya'o/ /'dir dkyil 'khor gyi 'khor lo can gang zhig 'dus pa'i dkyil 'khor spro bar byed pa des ni 'khor lo sdom pa'i dkyil 'khor la sogs pa spro bar mi nus so/ /gang zhig 'khor lo sdom pa spro bar byed pa des ni 'dus pa la sogs pa spro bar mi nus te nyi tshe ba nyid kyi phyir ro/ /ci ste dkyil 'khor gyi 'khor lo gcig mngon sum du byas par gyur na dkyil 'khor gyi 'khor lo thams cad dang khams gsum po yang mngon sum du byas par 'gyur te gzhan khams gsum pa dang phung po dang khams dang skye mched kyi dkyil 'khor gyi 'khor lo las phyi rol na yod pa ma yin no zhes pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir gal te zad par gyi khams sam dkyil 'khor gyi 'khor lo gcig mngon sum du byas par gyur na khams gsum po mngon sum du byas par 'gyur zhing thams cad mkhyen pa nyid la sogs par yang 'gyur na de'i tshe thams cad mkhyen pa'i go 'phang thob pa'i slad du thams cad mkhyen pa nyid dang lam mkhyen pa'i nyid dang lam gyi rnam pa mkhyen pa nyid dang rnam pa thams cad mkhyen pa nyid mngon sum du byed pa zhes bya bar mi 'gyur te zad par sa la sogs pa'am dkyil 'khor gyi 'khor lo gcig mngon masum du byas na yang dag par rdzogs pa'i sangs rgyas nyid du 'gyur zhing nyan thos dang rang sangs rgyas nyid dang grub pa nyid ces bya bar mi 'gyur ba'i phyir ro/ /'dir theg pa gsum las bcom ldan 'das kyi gsung thos pa sangs rgyas kyi zhing che ge mo dang 'jig rten gyi khams che ge mos skal pa che ge mo la che ge mo'i rigs las che ge mo'i sras skyes bu chen po'i mtshan sum bcu rtsa gnyis dang dpe byad bzang po brgyad bcus brgyan pa mngon par shes pa drug dang ldan pa'i de bzhin gshegs pa byung bar 'gyur te gnas che ge mor mngon par rdzogs par sangs rgyas so/ /gnas pa che ge mor bzhugs so/ /chos kyi 'khor lo bskor ba mdzad do/ /mos pa sna tshogs pa'i sems can rnams la skad sna tshogs rnams kyis chos che ge mo bstan to/ /gnas che ge mor sku gdung chen po yang dag par bstan pa mdzad nas yongs su mya ngan las 'das te sku gdung de rnams kyi cho 'phrul chen po phul du byung ba mthong nas lha dang lha ma yin dang mi rnams kyis sku gdung de rnams la mchod pa byed pa ste de bzhin du sangs rgyas kyi zhing che ge mo dang 'jig rten gyi khams che ge mor bskal pa che ge mo la skyes bu chen po'i mtshan sum bcu rtsa gnyis dang dpe byad bzang po brgyad bcu dang mngon par shes pa drug dang ldan pa'i rnal 'byor pa byung ste gnas che ge mor mngon par rdzogs par sangs rgyas so/ /yul che ge mor bzhugs so/ /gnas che ge mor chos kyi 'khor lo bskor ba mdzad do/ /mos pa sna tshogs pa'i sems can rnams la sna tshogs pa'i skad rnams kyis chos che ge mo bstan to/ /stong gsum gyi stong chen po'i 'jig rten gyi khams rnams su cig car sku'i rdzu 'phrul bstan to/ /gnas che ge mor sku gdung chen po yang dag par bstan pa mdzad nas yongs su mya ngan las 'das te sku gdung de rnams kyi 'phro ba chen po phul du byung ba mthong nas lha dang lha ma yin dang mi rnams kyis sku gdung rnams mchod par byed pa ni ma yin no/ /de'i phyir dkyil 'khor lo gcig mngon sum du byas par gyur pa na rnal 'byor pa yang dag par rdzogs pa'i sangs rgyas su mi 'gyur te gang gi phyir chos kyi 'khor lo bskor ba med pa'i phyir dang de bzhin gshegs pas lung bstan pa med pa'i phyir ro/ /'dir ji ltar mgon po byams pa de bzhin gshegs pa nyid du de bzhin gshegs pas lung bstan pa dang ma 'ongs pa'i dus su 'byung bar 'gyur ba thal ba'i dbang po la sogs pa gzhan rnams kyang yang dag par rdzogs pa'i sangs rgyas 'byung bar 'gyur ro zhes de bzhin gshegs pas lung bstan pa de bzhin du dkyil 'khor gyi 'khor lo gcig mngon sum du byas pa'i rnal 'byor pa yang dag par rdzogs pa'i sangs rgyas bcom ldan 'das 'byung bar 'gyur ro zhes pa ni 'ga' yang med do/ /'on kyang sems can gyi bsam pa'i dbang gis ral gri ri dang ri lu dang mig sman dang bcud dang bcud len la sogs pa 'jig rten pa'i dngos grub sgrub pa'i don du dkyil 'khor gyi 'khor lo sgom pa bcom ldan 'das kyis gsungs te de'i phyir dkyil 'khor gyi 'khor lo'i lha mngon sum du byas pa las ral gri la sogs pa'i dngos grub rnams 'grub par 'gyur gyi sgrub pa po thams cad mkhyen pa nyid du ni 'grub par mi 'gyur ro/ /gal te dkyil 'khor gyi 'khor lo sgom pa'i stobs kyis sgrub pa po thams cad mkhyen pa nyid du 'grub par 'gyur na de'i tshe ci'i don du grub pa rnams 'dir bcom ldan 'das kyi gsung rang gi gzhung la ston par byed de'i phyir 'jig rten pa'i dngos grub rnams thams cad mkhyen pa'i yon tan ster bar byed pa por mi 'gyur te nyi tshe ba nyid kyi phyir dang thams cad mkhyen pa'i gsung med pa'i phyir ro/ /sgrib pa dang bcas pa'i lus kyi rdzu 'phrul yang dag par ston pa'i phyir sgrib pa dang bcas pa'i chos mngon sum du byas pa na rnal 'byor pa thams cad mkhyen par mi 'gyur ro/ /de'i phyir sgrib pa med pa'i chos mngon sum du byas par gyur na rnal 'byor pa thams cad mkhyen par 'gyur te sgrib pa med pa'i chos kyi mtshan nyid las thams cad mkhyen pa'i lha'i mig dang lha'i rna ba dang gzhan gyi sems shes pa dang sngon gyi gnas rjes su dran pa dang thams cad du 'gro ba'i rdzu 'phrul dang zag pa thams cad zad pa dang gnas dang gnas ma yin pa mkhyen pa'i stobs dang las kyi rnam par smin pa mkhyen pa'i stobs dang khams gcig dang du ma mkhyen pa'i stobs dang dbang po'i mchog dang mchog ma yin pa mkhyen pa'i stobs dang mos pa sna tshogs mkhyen pa'i stobs dang sdug bsngal 'gog par 'gyur ba'i laM mkhyen pa'i stobs dang kun nas nyon mongs pa pa dang rnam par bya ba mkhyen pa'i stobs dang skye ba du ma'i rtogs pa brjod pa mkhyen pa'i stobs dang mngon par shes pa thams cad mkhyen pa'i stobs dang zag pa zad pa mkhyen pa'i stobs su 'gyur ro/ /de bzhin du kun du 'od nyi ma'i dkyil 'khor chen po mdzes pa'i sa dang bdud rtsi'i 'od zla ba chen po 'od gsal ba'i sa dang nam mkha'i 'od nam mkha' ltar rab tu gnas pa'i sa dang rdo rje'i 'od yid dga' ba'i sa dang rin chen 'od mngon par dbang bskur ba la gnas pa'i sa dang pad ma'i 'od rang bzhin gyis dag pa'i chos dri ma med pa yongs su 'dzin pa'i sa dang sangs rgyas kyi las byed pa'i sa dang dpe med pa'i sa dang dpe thams cad kyi dpe rab tu rtogs par byed pa'i sa dang shes rab kyi 'od bla na med pa'i sa dang thams cad mkhyen pa nyid 'od gsal ba chen po'i sa dang so so'i bdag nyid rig pa rnal 'byor pa'i ye shes rdzogs par byed pa'i sa'o/ / de bzhin du de bzhin gshegs pa la 'phrul pa mi mnga' ba dang ca co mi mnga' ba dang dran pa nyams pa mi mnga' ba dang thugs mnyam par ma bzhag pa mi mnga' ba dang tha dad pa nyid kyi 'du shes mi mnga' ba dang so sor ma brtags pa'i btang snyoms mi mnga' ba dang / 'dun pa yongs su nyams pa mi mnga' ba dang brtson 'grus yongs su nyams pa mi mnga' ba dang dran pa yongs su nyams pa mi mnga' ba dang ting nge 'dzin yongs su nyams pa mi mnga' ba dang shes rab yongs su nyams pa mi mnga' ba dang rnam par grol ba'i ye shes gzigs pa yongs su nyams pa mi mnga' ba dang / 'das pa'i dus la ma thogs ma chags shing smon pa med pa'i ye shes gzigs pa rab tu 'jug pa dang ma 'ongs pa'i dus la ma thogs ma chags shing smon pa med pa'i ye shes gzigs pa rab tu 'jug pa dang da ltar byung ba'i dus la ma thogs ma chags shing smon pa med pa'i ye shes gzigs pa rab tu 'jug pa dang / sku'i phrin las thams cad ye shes sngon du 'gro zhing ye shes rjes su 'brang ba dang gsung gi phrin las thams cad ye shes sngon du 'gro zhing ye shes rjes su 'brang ba dang thugs kyi phrin las thams cad ye shes sngon du 'gro zhing ye shes rjes su 'brang ba'o/ /de'i phyir thams cad du dus thams cad kyi tshe mnyam pa nyid la legs par rab tu gnas pa ste stong pa nyid la yang dag par rjes su gnas pa nyid kyi phyir ro/ /shes rab yongs su dag pa ni de bzhin gshegs par 'gyur te sgrib pa med pa'i mtshan nyid kyi phyir ro/ /dkyil 'khor gyi 'khor lo gcig la gzugs kyi lha dang grangs dang kha dog dang phyag dang dbyibs dang rnam par rtog pa'i rdzu 'phrul spro ba'i phyir rdo rje sems dpa' stobs bcu par 'gyur ba sgrib pa dang bcas pa shes rab yongs su dag pa ni 'ga' yang med do/ /'on kyang thams cad mkhyen pa'i lam nyams pa de ni log pa'i nga rgyal gyis zil gyis mnan par gyur na pa na bdag kyang rdo rje sems dpa' stobs bcu pa'o zhes de ltar rlom par byed do/ /'di ni stobs bcu pa ma yin te stobs bcu pa'i 'gal zla nyi tshe ba rmongs pa chen po'o/ /'dir rnal 'byor pa 'di'i sangs rgyas nyid ni sngon med pa shin tu rmad du byung ba chen po ste sgrib pa thams cad dang ldan pa'i phyir ro/ /bcom ldan 'das kyis mtshan yang dag par brjod pa'i so sor rtog pa'i ye shes kyi bstod pa las tshigs su bcad pa dgu pas gsungs pa 'di lta ste/ sdug bsngal gsum gyi sdug bsngal zhing / /gsum sel mtha' yas grol gsum thob/ sgrib pa kun las nges par grol/ /mkha' ltar mnyam pa nyid la gnas zhes so/ /bcom ldan 'das kyi gsung 'di'i phyir rnam par rtog pa'i gzugs sgom pa'i stobs kyis rnal 'byor pa thams cad mkhyen par mi 'gyur ro/ /'o na de bzhin gshegs pas rgyud kyi rgyal po thams cad las phung po rnams ni rnam par snang mdzad la sogs pa'i sangs rgyas rnams dang khams rnams ni spyan ma la sogs pa'i lha mo rnams dang dbang po drug ni sa'i snying po la sogs pa'i byang chub sems dpa' rnams dang yul rnams ni gzugs rdo rje ma la sogs pa'i lha mo rnams dang gti mug la sogs pa ni gshin rje mthar byed la sogs pa'i khro bo'i rgyal po rnams su gsungs pa ma yin nam de'i phyir sems can rnams kyi lus ni sangs rgyas kyi sprul pa'i sku'o zhes pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir rmongs pa rnams kyis sems can rnams kyi lus ni sangs rgyas kyi sprul pa'i sku'o zhes brjod par bya ba gang yin pa gang zhig yongs su brtags na mi 'grig pa 'di ni de bzhin gshegs pa'i gsung ma yin no/ /gal te don dam pa'i bden par sems can rnams kyi lus sangs rgyas kyi sprul pa'i sku yin na de'i tshe khams gsum na gnas pa'i sems can thams cad sngon du yang dag par rdzogs pa'i sangs rgyas su grub par gyur te sngon du rdzogs pa'i sangs rgyas nyid yin pa'i phyir sangs rgyas nyid kyi slad du thos pa dang bsam pa dang sgom pa dang sbyin pa la sogs pa'i bya ba don med par 'gyur ro/ /sems can thams cad la skye ba dang 'gag pa med par 'gyur ro/ /'khor bar bde ba dang sdug bsngal dang bkres pa dang skom pa la sogs pa'i gnod pa med par 'gyur ro/ /mngon par shes pa drug la sogs pa sangs rgyas kyi yon tan gyi 'byor pa rnams dang ldan par 'gyur ro/ /'di ni mthong ba dang thos pa dang rjes su dpag pa dang de bzhin gshegs pas lung bstan pa yang med do/ /de'i phyir sems can rnams ni sangs rgyas su mi 'gyur te sangs rgyas kyi yon tan med pa'i phyir dang 'khor bar rnam par gnas pa nyid kyi phyir ro/ /bcom ldan 'das kyis mtshan yang dag par brjod pa'i shin tu rnam par dag pa'i chos kyi dbyings gyi bstod pa las tshigs su gcad pa bcu gsum pas gsungs pa 'di lta ste/ 'khor ba'i pha rol mthar son pa/ /bya ba byas pa skam sar gnas/ /shes pa 'ba' zhig nges bsal ba/ /shes rab mtshon chas rnam 'joms pa zhes pa ste de bzhin gshegs pa'i gsung 'di'i phyir sems can rnams kyi lus ni sangs rgyas kyi sprul pa'i skur mi 'gyur ro/ /'on te sgom pa goms pa'i dbang gis phung po dang khams dang skye mched la sogs pa dkyil 'khor gyi 'khor lo'i rnam par 'gyur te de nyid kyis na sangs rgyas nyid du yang de bzhin gshegs pas gsungs pa ma yin nam zhes pa 'ga' zhig gi bsam pa 'byung bar 'gyur te/ / de'i phyir brjod par bya'o/ /'dir byis pa'i skye bo rnams kyis brjod par bya ba gang yin pa goms pa'i dbang gis phung po dang khams dang skye mched la sogs pa dkyil 'khor gyi 'khor lo'i rnam par 'gyur la de nyid kyis na sangs rgyas nyid du yang de bzhin gshegs pas gsungs pa de ni ma yin pa te gang gi phyir bsod nams dang ye shes kyi tshogs med pa'i phyir ro/ /'dir gal te rnal 'byor pa rnams kyi bsod nams dang ye shes kyi tshogs ma gtogs par sgom pa goms pa'i dbang gis phung po dang khams dang skye mched la sogs pa dkyil 'khor gyi 'khor lo'i rnam par 'gyur zhing rnam par rtog pa'i sgom pa'i dbang gis sangs rgyas nyid du yang 'gyur na de'i tshe bsod nams dman pa gzhan zhig nga ni rgyal po zhes sems par byed pa de yang goms pa las bsod nams kyi tshogs ma gtogs par rgyal por 'gyur te 'di ni mthong ba yang med do/ /ji ltar log pa'i rnam par rtog pas bsod nams kyi tshogs dang bral ba rnam par rtog pa'i rang bzhin sgom pa goms pa'i dbang gis rgyal por mi 'gyur ba de bzhin du bsod nams dang ye shes kyis dman pa'i rnal 'byor pa rnam par rtog pa goms pa'i dbang gis skal pa du ma rnams kyis kyang yang dag par rdzogs pa'i sangs rgyas su mi 'gyur te bsod nams dang ye shes med pa'i phyir ro/ /bcom ldan 'das kyis shin tu rnam par dag pa'i chos kyi dbyings kyi bstod pa las tshigs su bcad pa bcu drug pas gsungs pa 'di lta ste/ bsod nams ldan pa bsod nams tshogs/ /ye shes ye shes 'byung gnas che/ / ye shes ldan pa yod med shes/ /tshogs gnyis tshogs ni bsags pa po zhes pa ste bcom ldan 'das kyi gsung 'di'i phyir bsod nams dang ye shes kyis dman pa ni rnam par rtog pa'i gzugs sgom pa goms pa'i dbang gis sangs rgyas su mi 'gyur ro/ /'o na gal te gzugs kyi sgom pa rnam par rtog pa yin zhing rnam par rtog pa las rnal 'byor pa sangs rgyas su mi 'gyur na de'i tshe lus 'di dkyil 'khor gyi 'khor lo'i lha tshogs rnams kyis rnam par sbyang bar bya'o zhes de bzhin gshegs pas gsungs pa ci'i don du yin zhes pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir ni 'di ni bden te de bzhin gshegs pas dam tshig gi skad kyis so sor rnam par snang mdzad la sogs pa de rnams rab tu bstan gyi bum pa dang snam bu'i sgra bzhin du brjod bya rjod byed kyi dngos po las ni ma yin no/ /'on kyang bud med kyi dbang po pad ma dang skyes pa'i dbang po rdo rje dang bshang ba rnam par snang mdzad dang gci ba mi bskyod pa dang khrag rin chen 'byung ldan dang khu ba snang ba mtha' yas dang sha don yod grub pa ste 'di rnams kyis de bzhin gshegs pa lnga po rnams bdud rtsi lnga po rnams kyi ming du gsungs te don dam pa'i rigs pas ni lha ma yin no/ /de'i phyir rul pa'i lus 'di ni lha'i skur brjod par mi nus te snying po med pa nyid kyi phyir ro/ /bcom ldan 'das kyis mtshan yang dag par brjod pa'i chos kyi dbyings shin tu rnam par dag pa'i ye shes kyi bstod pa las tshigs su bcad pa nyi shu pa la sogs pa gsum gyis gsungs pa 'di lta ste/ /gcig pu sra mkhregs rdo rje'i bdag /skyes ma thag pa 'gro ba'i bdag /nam mkha' las byung rang byung ba/ /shes rab ye shes me bo che/ /'od chen rnam par snang bar byed/ /ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba/ /sngags mchog mnga' bdag rig sngags rgyal/ /gsang sngags rgyal po don chen byed/ / gtsug tor chen po rmad byung gtsug /nam mkha'i bdag po sna tshogs ston zhes pa ste bcom ldan 'das kyi gsungs 'di'i phyir nyi tshe ba'i lus ni sangs rgyas kyi skur mi 'gyur ro/ /gal te de bzhin gshegs pa gzugs can du mi 'gyur na 'o na de'i tshe lhums su 'jug pa dang gzhon nu rol rtsed mdzad pa dang bzo thams cad yang dag par ston pa dang khab nas nges par 'byung ba dang byang chub kyi snying po la bzhugs pa dang bdud kyi dpung 'joms pa dang lha las babs pa dang chos kyi 'khor lo rab tu bskor ba dang skyes bu chen po'i mtshan sum bcu rtsa gnyis dang dpe byad bzang po brgyad bcu dang 'od kyi dkyil 'khor 'dom gang ba dang spyod lam bzhi la sogs pa'i bya ba dang nam mkha' la gshegs pa dang byon pa dang de'i sems can gyi don gyi bya ba rnams su mi 'gyur ro/ / de bzhin du bcom ldan 'das kyis bskyed pa nyan thos kyi dge 'dun yang med par 'gyur zhing yongs su mya ngan las 'das pa chen po dang cho 'phrul chen po phul du byung ba yang dag par ston pa med par 'gyur ro/ /srid pa gsum na gnas pa rnams kyis mchod par bya ba'i dbu skra dang tshems dang sha dang rus pa ngal sogs pa dang sku gdung spro ba med par 'gyur ro/ /gzhan yang de bzhin gshegs pa'i rnams 'phrul shin du rmad du byung ba ni bcom ldan 'das gzugs dang ldan pa las 'gyur gyi gzugs dang mi ldan pa las ni ma yin no/ /de'i phyir bcom ldan 'das kyi gzugs kyi sku sgrub pa ni log par mi 'gyur ro/ /zhes pa 'dir 'ga' zhig gi bsam pa 'byung bar 'gyur te/ de'i phyir brjod par bya'o/ /'dir bcom ldan 'das kyi gzugs kyi sku sgrub pa ni log par mi 'gyur ro zhes byis pa'i skye bo rnams kyis brjod par bya ba gang yin pa 'di ni de ltar bden pa ma yin te gang gi phyir skye ba dang 'jig pa'i chos can nyid kyi phyir ro/ /'dir gal te don dam par bcom ldan 'das lhums nas 'byung ba dang sems can thams cad kyi don gyi slad du gshegs pa dang byon pa'i bya ba dang yongs su mya ngan las 'das pa chen po dang sku gdung yang dag par ston pa yod na de'i tshe de bzhin gshegs pa'i sgrub pa 'bras bu med par 'gyur te gang gi phyir sku gdung yang dag par ston pa'i phyir dang yongs su mya ngan las 'das pa chen po'i phyir ro/ /bcom ldan 'das kyi gzugs kyi sku ni bsgrubs kyang ma bsgrubs pa kho na ste skyes pa'i sku rnam par nyams pa gang yin pa de bsgrubs pas ci ltar sgrub pa po'i lus nyams par med par byed par 'gyur rang nyid ma grub pas gzhan sgrub par byed pa 'di ni phyin ci log go/ ci ste sku gdung yang dag par ston pa phul du byung ba'i mtshan nyid chen po yod na 'dir sku gdung rnams yang dag par bstan par gyur pa nad ni sku gdung gi phung por gyur pa'i sku'i skyes bu chen po'i mtshan sum bcu rtsa gnyis dang dpe byad bzang po brgyad bcu dang 'od kyi dkyil 'khor 'dom gang ba rnams rnam par nyams so/ /sngar gyi sku med pa'i phyir sku gdung gi phung po ni rdo rje'i skur mi 'gyur ro/ /sku med na rdo rje sems dpa' gzhan gyi sgrub pa med do/ /'dir phan tshun 'gal ba'i phyir de kho na nyid dang mi ldan pa ni nyams te skye ba dang 'jig pa'i chos bcan nyid kyi phyir ro/ /skye ba dang 'jig pa'i chos can gyi rdo rje sems dpa' sgrub pa yin na shes rab kyi pha rol tu phyin pa dang stong pa nyid dang dran pa nye bar gzhag pa dang yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang lam dang bden pa dang bsam gtan dang tshad med pa dang gzugs med pa'i snyoms par 'jug pa dang rnam par thar pa'i sgo dang mngon par shes pa dang ting nge 'dzin dang gzungs dang stobs dang mi 'jigs pa dang so so yang dag par rig pa dang sangs rgyas kyi chos ma 'dres pa rnams don med par 'gyur ro/ / gsum la skyabs su 'gro ba dang sdig pa bshags pa dang bsod nams la rjes su yi rang ba dang byang chub kyi sems bskyed pa dang bsod nams dang ye shes kyi tshogs dang byang chub sems dpa'i spyod pa du ma rnams don med par 'gyur ro/ /thos pa dang bsam pa'i rang bzhin gyi shes rab khyad par can rnams khyad par can ma yin par 'gyur ro/ /shes rab dang thabs kyi rang bzhin gyi sgrub pa rnams ngan pa'i sgrub par 'gyur ro/ /don dam pa'i bden pa zab pa dang rgya che ba'i chos rtogs pa yang ngan pa rtogs par 'gyur ro/ /'jig rten kun rdzob kyi bden pa 'jig rten pa'i dngos grub sgrub pa'i slad du rdo rje phur bu dang rdo rje ra ba dang rdo rje gur dang bsrung ba'i 'khor lo la sogs pas bskor ba dang phung po dang khams dang skye mched dang sku dang gsung dang thugs byin gyis brlab pa dang sgo skyong dgod pa dang ye shes sems dpa' gzhug pa dang mngon par dbang bskur ba la sogs pa rdzogs pa dang ra ba lnga'i 'od kyi tshogs kyi dkyil 'khor gyi sprul pa 'jig rten gyi khams rnams su des gdul bar bya ba'i sems can rnams kyi sems can gyi don gyi tshogs dang mchod pa rab 'byam bsags pa thams cad thams cad kyi tshe don med par 'gyur te de ltar yang ma yin no/ /de'i phyir skye ba dang 'gag pa'i chos can gyi rdo rje sems dpa' la stobs bcu dang mi 'jigs pa la sogs pa'i yon tan rnams mi srid do/ /gzhan yang ci gal te bcom ldan 'das gzugs can yin na de'i tshe phyogs gcig tu gnas pas gaM gA klung gi bye ma snyed kyi 'jig rten gyi khams rnams su ri bo du ma'i rdul dang mnyam pa'i sems can gyi rigs rnams kyi don bya ba byed nus par mi 'gyur te gzugs kyi sku yin pa'i phyir ro/ /ci ste byis pa'i blo can rnams kyi tshig gzugs kyi skus kyang 'jig rten gyi khams gcig tu gshegs te de na gnas pa'i sems can rnams kyi don bya ba mdzad nas de nas kyang 'jig rten gyi khams gzhan du gshegs shing de nas kyang gzhan du gshegs pa mdzad do zhe na/ 'di nyid ni rigs pas mi 'thad te gang gi phyir phyogs kyi cha gcig kho na la 'jig rten gyi khams rnams tshad dang bral ba nyid kyi phyir phyogs bcu'i char yang dag par gnas pa'i 'jig rten gyi khams rnams dang mtha' yas mtha' pa mtha' yas pa'i sems can rnams lta ci smos gzugs kyi skus gshegs nas sems can gyi don mdzad par ni skal pa du ma rnams kyis kyang mi nus so/ /ci ste bsam gtan dang sngags kyi stobs kyis sangs rgyas kyi zhing 'jig rten gyi khams du ma na gnas pa'i sems can rnams bkug nas mdun du bzhag ste de rnams la chos bstan pa mdzad do/ /de rnams lam la bkod nas rang rang gi 'jig rten gyi khams su gtong ngo zhe na/ de nyid shin du phyin ci log pa ste nam mkha'i khongs thams cad du 'jig rten gyi khams du ma na gnas pa grangs med pa'i sems can gzugs can rnams rdul phra rab kyi gzugs kyis kyang mdun du gnas par bya bar mi nus so/ /ci ste byis pa'i blo can rnams kyi tshig gzugs kyi sku 'dis kyang sangs rgyas kyi zhing gcig la stong gsum gyi stong chen po'i 'jig rten gyi khams rnams su gnas pa'i sems can rnams kyi don bya ba mdzad do zhe zhe na/ tshig 'di ni don dam pa'i rigs pas rnam par dpyad na don med pa ste ji ltar dbang phyug gi tshig bka' yis grub cing rigs pa'i tshad ma dang bral ba bzhin no/ /'dir yid ches pa'i lung las dbang phyug ni cha shas med pa kun gyi byed pa po ste de yang bya ba la ltos pa med pa 'dod pas rtsed mo'i don du sna tshogs byed pa 'am sdud par byed pa'o/ /de bzhin du de'i chos mi mthun pa las bcom ldan 'das gzugs kyi sku sems can thams cad kyi don byed pa po bka' yis grub pa ste de ltar sangs rgyas pa rnams dang mu stegs pa rnams kyi mkhas pa rnams la yang shes rab dman pa nyid kyi phyir bye brag med do/ /de'i phyir yongs su brtag pa dang bral ba 'di ni bcom ldan 'das kyi gsung du mi 'gyur te bcom ldan 'das kyi gsung ni thog mar dge ba bar du dge ba tha mar dge ba'o/ /de bzhin du bcom ldan 'das kyis gsungs pa/ bsregs bcad brdar bas gser bzhin du/ /mkhas pa rnams kyis yongs brtags nas/ /bdag gsung blang bya dge slong dag /gus pa'i phyir ni ma yin no/ /zhes pa ste bcom ldan 'das kyi gsung 'di'i phyir mtshan yang dag par brjod pas yongs su brtags na sangs rgyas bcom ldan 'das gzugs kyi skur mi 'gyur te gang gi phyir nam mkha' las byung ba'i phyir dang rang byung ba'i phyir dang rnam pa kun ldan rnam pa med pa'i phyir dang thig le bzhi 'dzin pa'i phyir dang cha med cha las 'das pa'i phyir dang dga' ba bzhi pa'i rtse mo 'dzin pa'i phyir dang chags bral dang po chags pa che ba'i phyir dang bdag gir mi 'dzin pa'i phyir dang ngar mi 'dzin pa'i phyir dang khams thams cad mi zad pa'i phyir dang gsang sngags don kun skyed pa po'i phyir dang thig le chen po yi ge med pa'i phyir dang stong pa chen po 'gyur med lnga'i phyir dang thig le stong pa 'gyur med drug gi phyir dang mkha' ltar mnyam pa nyid la gnas pa'i phyir ro/ /de ltar 'di ni sangs rgyas bcom ldan 'das kyis mtshan yang dag par brjod pa las/ de nas dpal ldan rdo rje 'chang zhes pa la sogs pa nas ye shes sku nyid khyod la 'dud ces pa'i mthar thug pa tshigs su bcad pa drug bcu rtsa gnyis lhag pa'i brgyas rdo rje 'dzin pa'i sku phyag na rdo rje la bden pa gnyi gas rab tu bstan to/ /bcom ldan 'das kyis rgyud kyi rgyal po'i le'u lnga pa las kyang tshigs su bcad pa dgu bcu rtsa brgyad pas sangs rgyas kyi sprul pa sgyu ma 'byung ba gsungs pa sangs rgyas rnams kyi'ang rtogs bya min pa dpag med yon tan dang ldan sangs rgyas sprul pa sgyu ma ni/ /srid pa gsum gyi gnas su bdag nyid ston par byed de brgya byin dra ba ji bzhin nyid du'o/ /sna tshogs dngos rnams kyis phyi rgyal ba dang bcas lha mi rnams kyi rang rang sems la rab zhugs pa/ /'di ni ma skyes chos te chu la nam mkha' bzhin du 'dir ni skye bar 'khrul pa ster ba'o/ /bcom ldan 'das kyi gsung 'di'i phyir bcom ldan 'das ni gzugs kyi skur mi 'gyur te sangs rgyas thams cad 'dus pa'i phyir ro/ /gal te sangs rgyas gzugs kyi sku yin na de'i tshe rdul phra rab kyi gzugs kyis kyang 'dus par mi 'gyur ro/ /de ltar brjod pa'i rim pas bcom ldan 'das kyi gsung thos te de lta na'ang sems can rnams ni bcom ldan 'das kyis gsungs pa zab cing rgya che ba'i chos yongs su brtags nas mi 'dzin cing sangs rgyas nyid kyi slad du bla ma yang yongs su brtags nas mi sten te rmongs pa chen po chags pas zil gyis mnan par gyur pa skye ba 'di nyid la bdag cag rnams kyi rul pa'i lus sangs rgyas kyi skur 'gyur ro zhes pa'i bsam pa brkam chags can rnams mi dge ba'i bshes gnyen dang phrad pa dang bla ma dam pa ma yin pa'i man ngag las 'dir rnam par snang mdzad la sogs pa'i bdud rtsi lnga dang go gu da ha na la sogs pa'i sha rnams ni bza' ba rang bzhin gyis dag par de bzhin gshegs pas gsungs pa ste 'di rnams zos pas rga ba dang 'chi ba med pa'i lus su 'gyur zhing rdo rje sems dpa' yang mchog sbyin par 'gyur ro zhes pa dang gzhan yang rdo rje'i rigs la khro bo'i rgyal po'i ting nge 'dzin gyis srog chags rnams bsad par bya'o/ /ral gri'i rigs la don yod grub pa'i ting nge 'dzin gyis mi bden par smra bar bya'o/ /rin po che'i rigs la rin chen 'byung ldan gyi ting nge 'dzin gyis gzhan gyi nor dbrog par bya'o/ / pad ma'i rigs la snang ba mtha' yas kyi ting nge 'dzin gyis gzhan gyi bud med dbrog par bya'o/ /'khor lo'i rigs la rnam par snang mdzad kyi ting nge 'dzin gyis bdud rtsi lnga dang sha rnams bza' bar bya'o zhes pa dang gzhan mi dge ba bcu'i las kyi lam rnams rnal 'byor pas lha'i rnal 'byor gyis bya'o zhes pa ste de ltar gdug pa'i slob dpon gyi tshig tshad mar byas nas mi dge ba bcu'i las kyi lam rnams byed do/ /sbyang ba ma byas pa dang rgyas pa ma byas pa sbar ma dang sbar ba ma byas pa dang bdud rtsir ma byas pa'i rnam par snang mdzad la sogs pa rnams za bar byed do/ /bdud rtsi lnga po de rnams ni za ba po de rnams la sangs rgyas kyi yon tan ster bar byed pa por mi 'gyur te sangs rgyas kyi gsung ma rtogs pa'i phyir ro/ /'o na de bzhin gshegs pas rgyud kyi rgyal po thams cad las bdud rtsi lnga rnams rnal 'byor pas bza' bar bya bar gsungs pa ma yin nam 'dir ci ltar 'di rnams bkag ces 'ga' zhig gi bsam pa 'byung bar 'gyur te/ de'i phyir brjod par bya'o/ /'dir byis pa'i skye bo rnams kyis brjod par bya ba gang yin pa de bzhin gshegs pas rgyud kyi rgyal po thams cad las bdud rtsi lnga la sogs pa rnams bza' bar gsungs pa de ni bden te 'on kyang rnal 'byor pa rnams kyi yin gyi tha mal pa'i sems can rnams kyi ni ma yin no/ /gang dag gi sngags kyi stobs sam bsam gtan gyi stobs kyis sbyang ba byas pa dang / rgyas pa byas pa dang / rab tu 'bar ba byas pa dang / bdud rtsir byas pa'i dug rnams ni dug med par 'gyur ba dang chang rnams ni 'o mar 'gyur ba dang dug gi chu la sogs pa'i gdug pa rnams dang sems can rnams la 'chi ba ster bar byed pa la sogs pa rnams ni bcud len du 'gyur ba dang rus pa rnams ni me tog tu 'gyur ba dang so rnams ni mu tig gi rdog por 'gyur ba dang thod pa ni pad mar 'gyur ba dang sha ni pu tra ke shar 'gyur ba dang khrag ni sih+la kar 'gyur ba dang gci ba ni gla rtsir 'gyur ba dang khu ba ni ga pur du 'gyur ba dang bshang ba ni bzhi mnyam du 'gyur ba dang ba spu rnams ni gur gum gyi ge sar du 'gyur ba ste de ltar gdug pa'i rdzas du ma rnams ni gdug pa'i rang bzhin yongs su dor ba'i phyir sbyang ba byas pa dang rgyas pa byas pa dang rab tu 'bar ba byas pa dang bdud rtsir byas pa rnams dag pa'i rang bzhin du de bzhin gshegs pas rgyud kyi rgyal po thams cad las gsungs pa de ni bden no/ /dug la sogs pa dag pa'i rang bzhin can bdud rtsir byas pa de rnams rnal 'byor pa rnams kyis bros pa yang lus la stobs chen po rgyas par byed par 'gyur ro/ /bshang ba la sogs pa dag pa'i rang bzhin rnams lus la byugs pa ni mchog gi dri rab tu ldang bar byed do/ /de'i phyir de bzhin gshegs pas gsungs pa rnams ni rnal 'byor pa rnams kyi yin no/ /gzhan lha dang sngags ma bsgrubs pa bklags pa'i rmongs pa mkhas pa'i mngon pa'i nga rgyal dang ldan pa chu skyar gyi sgyu 'dzin pa tshogs khang dang gtsug lag khang gi rdzas la mngon par chags pa dang ldan pa yi dags dang dmyal ba'i skye bar skye ba 'byung ba nges par bcings pa rang gi don dang gzhan gyi don nyams pa rgyud las gsungs pa'i don las phyin ci log gi don ston pa po yongs su brtag pa mi byed pa'i skye bo bdud kyi ris chen po rnams kyi bza' ba ni bcom ldan 'das kyis gsungs pa rnams su mi 'gyur ro/ /gdug pa'i sems dang ldan pa de rnams kyis dug la sogs pa gdug pa'i rdzas rnams dang bdud rtsi lnga po de rnams sbyang ba byas pa dang rgyas pa byas pa dang 'bar ba byas pa dang bdud rtsir byas kyang bskal pa du ma rnams kyis kyang gdug pa'i rang bzhin yongs su 'dor bar mi 'gyur zhing gdug pa'i rang bzhin yongs su ma dor ba'i phyir dag pa'i rang bzhin du mi 'gyur ro/ /de'i phyir bsam gtan gyi stobs sam sngags kyi stobs kyis gdug pa'i rdzas de rnams kyi gdug pa'i rang bzhin dbrog par mi nus kyi bar du rigs kyi bu 'am rigs kyi bu mo 'am dge slong ngam dge slong ma 'am dge bsnyen nam dge bsnyen ma yang rung ste las dang po pa rdo rje theg pa la dga' ba de la rdo rje slob dpon bla ma dam pa las dang po pa 'am sngags kyi nus pa dang ldan pas dug la sogs pa dang bdud rtsi lnga la sogs pa bza' ba dang byug pa'i nges pa sbyin par mi bya ste ma dag pa'i dug la sogs pa zos pas 'chi bar 'gyur zhing ma dag pa'i dam tshig byugs pas 'jig rten pas smad par 'gyur ro/ /rang gis bsad pas shi ba dang 'jig rten pas smad pa las dmyal bar 'gro bar 'gyur te sngags pa ngan pa rnams kyis sems can gyi bsam pa yongs su spangs pa'i phyir ro/ /mtshan yang dag par brjod pa'i gsol ba 'debs pa las tshigs su bcad pa bcwa lnga pas gsungs pa nyon mongs ma lus bsal ba dang / /mi shes ma lus spang ba'i phyir/ /bsam pa'i khyad par ji bzhin du/ /sems can rnams la bshad par 'tshal zhes pa'o/ /bcom ldan 'das kyi gsung 'di'i phyir sems can gyi bsam pa'i dbang gis slob ma rnams la rdo rje slob dpon gyis nges pa sbyin par bya ste ji ltar las dang po pa rnams rang gis bsad pas 'chi ba dang 'jig rten pas smad par mi 'gyur bar ro/ /'dir gal te 'jig rten pas smad pas dmyal bar 'gro bar 'gyur na 'o na de'i tshe lta ba pa thams cad ni phan tshun smod par byed de phan tshun smad pa las lta ba pa thams cad dmyal bar 'gro bar 'gyur ro/ /gal te de ltar na tshad ma'i bstan bcos rnams dang grub pa'i mtha' thams cad dang 'gal zhing brtul zhugs dang tshul khrims la sogs pa thams cad don med par 'gyur ro zhes pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir byis pa'i skye bo rnams kyis brjod par bya ba gang yin pa tshad ma'i bstan bcos la sogs pa thams cad dang 'gal ba de ni ma yin te gang gi phyir de kho na nyid yongs su brtag par sems pa'i phyir ro/ /lta ba po phan tshun smra ba po de rnams kyi lta ba la skyon yod pa ma yin te de kho na nyid yongs su brtag pa la rten pa'i sems kyi phyir dang sems can thams cad la gnod pa byed pa'i sems med pa'i phyir dang sems can thams cad la phan pa byed pa'i sems kyi phyir ro/ / 'dir ni dug la sogs pa dang bdud rtsi lnga la sogs pa bza' ba dang byug pa ni 'jig rten gyi tha snyad te don dam pa yongs su brtag pa ma yin no/ /gang zhig yongs su brtag pa dang 'jig rten pas smad pa las kyang skyon du mi 'gyur ba dug la sogs pa dang bdud rtsi lnga la sogs pa ni de kho na nyid ma yin no/ /de'i phyir sems can gyi bsam pa'i dbang gis sangs rgyas pa rnams kyi chos bstan pa ste sems can gyi bsam pa dang bral bas ni ma yin no/ / sems can rnams kyi bsam pa yang yul dang rigs kyi tha snyad kyis 'gyur te de'i phyir de rnams kyi yul dang rigs kyi tha snyad kyis 'jig rten kun rdzob kyi bden pas rdo rje slob dpon gyis 'jig rten pa'i chos bstan par bya'o/ / 'jig rten las 'das pa'i ye shes ni bden pa gnyis ka thun mong ba ste de nyid ni bza' bar bya ba dang bza' bar bya ba ma yin pa'i 'dzin pas mi 'gyur ro/ /bza' bar bya ba dang bza' bar bya ba ma yin pa ni lto ba 'gengs pa tsam yin gyi stong pa nyid dang mtshan ma med pa dang smon pa med pa dang mngon par 'dus ma byas pa ste rnam par thar pa'i sgo bzhi rnam par dag pa ni ma yin no/ /de'i phyir las dang po pas yul gyi tha snyad kyis bza' bar bya ba dang bza' bar bya ba ma yin pa dang rigs dang rigs ma yin pa la mngon par bgrod pa yang bya ste yul la la na thod pa can gyi thod pa'i chus rnam par dag par 'gyur ro/ /yul la la na ba lang gi sha ni bza' bar bya ba'o/ /yul la la na khyi'i sha dang yul la la na rta'i sha dang yul la la na glang po che'i sha'o/ /yul la la na mi'i sha ni bza' bar bya ba'o/ /de bzhin du sha gzhan yang yul gyi tha snyad kyis rigs dang rigs ma yin pa thams cad kyis rnam pa thams cad du bza' bar bya ba'o/ /yul la la na bram ze rnams chang gi btung ba sgrub bo/ /yul la la na dmangs rigs zas sgrub bo/ /yul la la na rigs can rnams kyi zas rigs can ma yin pas sgrub bo/ /yul la la na khyi'i lhag ma bza' bar bya ba'o/ /yul la la na zas zos pa'i rjes la kha mi 'khrud do/ /yul la la na phag pa'i sha ni bza' bar bya ba'o/ /yul la la na ma he'i sha dang yul la la na ra'i sha'o/ /de bzhin du sha gzhan yang yul dang rigs kyi tha snyad kyis rigs dang rigs ma yin pa rnams kyis bza' bar bya ba'o/ /yul la la na gtum po rnams ni nyan thos so/ /yul la la na rigs bzhi'i 'jug pa'o/ /yul la la na thams cad rigs gcig gi 'jug pa'o/ /yul la la na pha shi bar gyur pa na ma bu'i chung mar 'gyur ro/ /yul la la na ming pos sring mo bag mar len no/ /yul la la na zhang po dang 'brel pa'o/ /yul la la ni rigs dang rigs ma yin pa rnams phan tshun mngon par 'gro'o/ /yul la la na bram ze mo rnams smad 'tshong ma'i tha snyad byed do/ /de ltar rnal 'byor pas yul du ma'i tha snyad kyis bza' bar bya ba dang bza' bar bya ba ma yin pa dang rigs dang rigs ma yin pa la mngon par bgrod par bya'o/ /de bzhin du rigs kyi lha ni la la'i rigs la klu lha'o/ /la la'i rigs la ra dang la la'i rigs la phag pa dang la la'i rigs la ma he dang la la'i rigs la 'ug pa'o/ /de bzhin du dud 'gro gzhan rnams kyang gzhan rnams kyi rigs kyi lha ste gsad par bya ba ma yin pa dang bza' bar bya ba ma yin pa'o/ /de bzhin du la la'i rigs la shing pA la sha lha'o/ /la la'i arka dang la la'i a shwad tha'o/ /de bzhin du shing gzhan rnams kyang gzhan rnams kyi lha ste gcad par bya ba ma yin pa dang dbye bar bya ba ma yin pa'o/ /'dir 'jig rten pas kyang yid ches par mthong ste gang gi phyir rang gi rigs la nye bar 'tshe ba'i phyir dang rang gi rigs la phan par byed pa'i phyir te 'dir gang gi lha gang yin pa de bston pa ni phan pa byed do/ /ma bsten pa ni nye bar 'tshe ba chen po byed do/ /de'i phyir las dang po pa sngags dang bsam gtan sgrub pa la mngon par dga' bas sngags grub pa 'am ye shes grub par gyur gyi bar du yul dang rigs kyi tha snyad kyis tha snyad bya'o/ /de nas rang gi 'dod pas bza' bar bya ba dang bza' bar bya ba ma yin pa dang bgrod par bya ba dang bgrod par bya ba ma yin pa dang btung bar bya ba dang btung bar bya ba ma yin pa bya ste de la sus kyang gnod pa bya bar mi nus so/ /de ltar las dang po pa ni sngags grub par gyur na rnal 'byor par 'gyur ro/ /dkyil 'khor gyi 'khor lo spro ba dang nam mkha' la 'gro ba'i phyir grub pa'o/ /bdud dang nyon mongs pa dang snyoms par 'jug pa dang shes bya'i sgrib pa zad pa dang rnam pa thams cad pa spro ba'i rdzu 'phrul ston pa dang chos kyi 'khor lo rab tu skor ba dang thams cad mkhyen pa'i gsung gis chos kyi phung po'i tshogs mtha' dag ston par byed pa'i dbang gis thams cad mkhyen par 'gyur ro/ /bcom ldan 'das kyis mtshan yang dag par brjod pa'i so sor kun du rtog pa'i ye shes kyi bstod pa las tshigs su bcad pa bzhi bcu pa la sogs pa gsum gyis gnyis su med pa'i ye shes kyi rnal 'byor gsungs pa 'di lta ste/ brtson chen sgyu 'phrul dra ba ste/ /rgyud kun gyi ni bdag po mchog /rdo rje gdan ni ma lus ldan/ /ye shes sku rnams ma lus 'chang / /kun du bzang po blo gros bzang / /sa yi snying po 'gro ba 'dzin/ /sangs rgyas kun gyi chags pa che/ /sangs rgyas sprul pa'i 'khor lo 'chang / /dngos po kun gyi rang bzhin mchog /dngos po kun gyi rang bzhin 'dzin/ /skye med chos te sna tshogs don/ /chos kun ngo bo nyid 'chang ba zhes pa'o/ /de bzhin du rgyud kyi rgyal po'i le'u lnga pa las kyang tshigs su bcad pa drug bcu pa la sogs pa gnyis kyis gsungs pa/ de dag rnams kyis dus kyi 'khor lo rdzu 'phrul rab tu gsal byed chen po du ma sprul pa'i sku/ /rdo rje 'bar ba 'phro ba rnams kyis 'dod pa'i khams na gnas pa lha min dang ni mi rnams dang / /longs spyod rdzogs pas gzugs can rnams dang mkha' la rgyal ba'i sras sogs dgra bcom rnams la chos sku yis/ /stong pa'i cha yis srid gsum mtha' dag stong pa'i zad par rlung rnams kyis ni rlung gi zad par te/ /me yi cha shas rnams kyis me yi zad par chu yang 'gro la spros pa'i chu yi cha rnams kyis/ /'dzin ma'i cha shas rnams kyis sa yi zad par tshogs pa'i yul rnams kyis ni dngos po'i rang bzhin kun/ /kun nas nam mkha' dag dang mtshungs pa gcig gi bdag nyid 'di ni dag pa'i sa la ston par byed/ /de ltar sangs rgyas skur gyur bde ba gcig pu'i rang bzhin phyir na 'chi bar yang ni mi 'gyur ro zhes pa'o/ /bcom ldan 'das kyi gsung 'di'i phyir bdud rtsi lnga bza' ba dang sngags bzlas pa dang dkyil 'khor gyi 'khor lo rnam par rtog pa'i sgom pa'i stobs kyis rnal 'byor pa yang dag par rdzogs pa'i sangs rgyas su mi 'gyur ro/ /'o na dkyil 'khor gyi 'khor lo mngon sum du byas par gyur pa na rnal 'byor pa rnams kyi phyag rgya chen po'i dngos grub tu 'gyur bar bcom ldan 'das kyis gsungs pa ma yin nam de'i phyir 'dir ci ltar dkyil 'khor gyi 'khor lo mngon sum du byas kyang rnal 'byor pa thams cad mkhyen par mi 'gyur zhes pa 'dir 'ga' zhig gi bsam pa 'byung bar 'gyur te/ de'i phyir brjod par bya'o/ / 'dir dkyil 'khor gyi 'khor lo rnam par rtog pa'i dra ba dang nyi tshe ba dang nyi tshe ba'i dngos grub kyi 'bras bu ster ba ni sngon nyid du brjod zin to/ /gzhan yang las kyi phyag rgya bzung nas che ge mo grub pa 'di ni rmongs pa rnams kyi 'khrul pa ste/ 'dir ri lu'i stobs sam skye ba bdun pa'i stobs sam ral gri la sogs pa'i stobs sam sngags kyi stobs sam bsam gtan gyi stobs sam dkyil 'khor gyi 'khor lo sgrub pa'i stobs kyis mi snang bar 'gyur gyi sgrib pa thams cad las rnam par grol ba'i thams cad mkhyen pa bcom ldan 'das rdo rje sems dpar 'gyur ba ni ma yin no/ /bcom ldan 'das kyis mtshan yang dag par brjod pa'i rdo rje dbyings kyi dkyil 'khor chen po'i bstod pa las phyag rgya chen po 'dzin pa gsungs pa 'di lta ste/ bsam gtan chen po'i ting 'dzin gnas/ /shes rab chen po'i lus 'chang ba/ /stobs po che la thabs che ba/ /smon lam ye shes rgya mtsho ste zhes so/ /bcom ldan 'das kyi gsung 'di'i phyir 'di ni phyag rgya chen po'i dngos grub ma yin te phyag rgya chen po ni chos thams cad kyi rang bzhin med pa'i mtshan nyid can rnam pa thams cad kyi mchog dang ldan pa shes rab kyi pha rol tu phyin ma sangs rgyas skyed par mdzad ma'o/ /chos 'byung gi sgras kyang de brjod te chos 'byung gang las rang bzhin med pa'i chos thams cad 'byung bar 'gyur ba'o/ /rang bzhin med pa'i chos rnams ni stobs bcu dang mi 'jigs pa la sogs pa chos kyi phung po brgyad khri bzhi stong rnams so/ / de rnams 'byung bar gyur pa ni chos 'byung ste sangs rgyas kyi zhing ngo / /sangs rgyas dang byang chub sems dpa' rnams kyi gnas te bde ba'i gnas dang skye ba'i gnas so/ /gang las khrag dang gci ba dang khu ba rnams 'byung ba de ni chos 'byung ma yin no/ /'dir 'khor ba pa rnams kyi chags pa dang chags bral gyi zhing ni de bzhin gshegs pa rnams kyi ma yin no/ /de'i phyir chos 'byung ni chos kyi dbyings kyi rang bzhin can sna tshogs yum bcom ldan 'das dus kyi 'khor los 'khyud pa dus thams cad du sgrib pa thams cad dang bral ba'o/ /'dir chags pa ni skye ba'i dus dang 'pho ba ni 'gog pa'i dus te de dag snyoms par zhugs pa ni mi 'gyur ba'i dus so/ /de'i 'khor lo ni rdo rje dbyings kyi dkyil 'khor chen po ste phung po dang khams dang skye mched sgrib pa med pa ni rdo rje dbyings kyi dkyil 'khor chen po zhes brjod do/ /mi 'gyur ba las skyes pa 'dis ma skyes pa'i phyag rgya chen po la 'khyud pa'o/ /gang la la zhig skye ba gzhan gyi bag chags kyi dbang dang bla ma dam pa'i man ngag gis dus du mar nyin dang mtshan mor phyag rgya chen po brtags pa'i chos thams cad dang bral ba rang gi sems kyi snang ba tsam rnam pa thams cad kyi mchog dang ldan pa chen po stong pa nyid lhan cig skyes pa'i dga' ba skyed par byed pa 'di mngon sum du byas nas 'khyud par byed pa de ni phyag rgya chen po'i dngos grub thob pas thams cad mkhyen pa bcom ldan 'das zhes gsungs so/ /de'i phyir las dang po pas rnal 'byor pa'i bya ba mi bya'o/ /rnal 'byor pas grub pa'i bya ba mi bya'o/ /grub pas thams cad mkhyen pa'i bya ba mi bya'o/ /de ltar na las dang po pas sngar brjod pa'i rnam pas bza' bar bya ba dang bza' bar bya ba ma yin pa la sogs pa bya'o/ /ci ste sdig pa'i blo can lha min gyi bza' bar bya ba bla ma dam pa ma yin pas chos nye bar bstan pa rnams kyi tshig ni 'dir rgyud kyi rgyal po rnams las dam tshig thams cad rnam par rtog pa med pa'i sems kyis bza' bar bya bar de bzhin gshegs pas gsungs so/ /de'i phyir dang por re zhig bdud rtsi lnga la sogs pa rnams bdag cag rnams kyis bza' bar bya'o/ /phyi nas de goms pa'i dbang gis dam tshig gi dngos grub 'byung bar 'gyur te dam tshig gi dngos grub kyi dbang gis dug la sogs pa bza' bar bya ba ma yin pa rnams bza' bar bya bar 'gyur zhing bshang ba la sogs pa dri nga ba rnams dri zhim por 'gyur ro zhe na/ tshig 'di ni mchog tu 'gal te dang por re zhig me la rab tu 'jug par bya zhing phyi nas goms pa'i dbang gis me rengs par byed par 'gyur ram ci de ltar yang ma yin no/ /'dir gal te gdug pa chen po pha rol slu bar byed pa thams cad mkhyen pa'i bstan pa la co 'dri ba dam tshig chen po 'dral bar byed pa mnar med pa'i dmyal bar 'gro ba ma dag pa'i sems dang ldan pa rnams kyi sems rnam par dag pa yin na de'i tshe de rnams rnal 'byor pa'i bya ba ci'i phyir mi byed/ 'dir rnam par dag pa'i sems kyis rnal 'byor pa ni me la rab tu 'jug ste mes 'tshig par mi 'gyur ro/ /glang po che'i dbang po myos pa rengs par byed de glang po che'i dbang po myos pas gsod par mi 'gyur ro/ /seng ge dang stag la sogs pa la zhon par byed te seng ge dang stag la sogs pas rnam par 'joms par mi 'gyur ro/ /bya rog gis btung bar bya ba'i klung du rab tu 'jug ste klung gi rgyun gyis 'khyer bar mi 'gyur ro/ /dug za bar byed te dug gis brgyal bar mi 'gyur ro/ /ral gri la sogs pa'i mtshon cha rnams bza' bar byed te mtshon cha rnams kyis kha la gcod par mi 'gyur ro/ /de bzhin du bza' bar bya ba dang bza' bar bya ba ma yin pa byed cing rang dang gzhan gyi gzugs yongs su sgyur bar byed do/ /rnal 'byor pa'i bya ba de lta bu rnam pa du ma rnams te las dang po pas byed pa ni ma yin no/ /bcom ldan 'das kyis rnal 'byor pa rnams kyi rnam par gzhag pa rnam pa bcu gsungs te sems dang po bskyed pa'i rnal 'byor pa dang phyi nas byis par gyur pa dang gzhon nur gyur pa dang las dang po pa dang rnal 'byor spyod pa'i skye bar skyes pa dang sbyor ba phun sum tshogs pa dang bsam pa phun sum tshogs pa dang phyir mi ldog pa dang dbang bskur ba thob pa dang skye ba gcig gis thogs pa'o/ /de nas byang chub sems dpa'i dbang bcur 'gyur te tshe la dbang ba dang las la dbang ba dang yo byad la dbang ba dang mos pa la dbang ba dang smon lam la dbang ba dang chos la dbang ba dang sems la dbang ba dang skye ba la dbang ba dang rdzu 'phrul la dbang ba dang ye shes la dbang ba'o/ /de bzhin du sa bcu rnams te rab tu dga' ba dang dri ma med pa dang 'od byed pa dang 'od 'phro ba dang sbyang dka' ba dang mngon du gyur pa dang ring du song ba dang mi g.yo ba dang legs pa'i blo gros dang chos kyi sprin no/ /de bzhin du pha rol tu phyin pa bcu yongs su rdzogs par 'gyur te/ sbyin pa dang tshul khrims dang bzod pa dang brtson 'grus dang bsam gtan dang shes rab dang thabs dang smon lam dang stobs dang ye shes kyi pha rol tu phyin pa'o/ /de ltar rnal 'byor pa byang chub sems dpar 'gyur ro/ /bcom ldan 'das kyis mtshan yang dag par brjod pa'i chos kyi dbyings shin du rnam par dag pa'i bstod pa las tshigs su bcad pa gsum pa dang bzhi pa dag gis gsungs pa 'di lta ste/ pha rol phyin bcu thob pa ste/ /pha rol phyin pa bcu la gnas/ /pha rol phyin bcu dag pa ste/ /pha rol phyin pa bcu yi tshul/ /mgon po sa bcu'i dbang phyug ste/ /sa bcu la ni gnas pa po/ /shes bcu rnam dag bdag nyid can/ /shes bcu rnam dag 'chang ba po zhes pa ste/ /de'i phyir rnal 'byor pa sems rnam par dag pa ni byang chub sems dpar bcom ldan 'das kyis gsungs so/ /'dir sngags kyi theg pa la 'ga' zhig gis dpa' bo'i rim pa'am rang byin gyis brlab pa'i rim pas mtshan mo dur khrod chen po'i sa la rab tu zhugs te lo gcig gam lo gnyis sam lo bcu gnyis kyi mthar thug par sngags bzlas pa dang sbyin sreg dang bsam gtan gyi stobs kyis bcom ldan 'das he ru ka dang de bzhin du ri bo dang skyed mos tshal dang chu klung gi mdo dang rgya mtsho'i 'gram la sogs pa skye bo med pa'i gnas rnams su rang dang gzhan gyi don gyi slad du kun du du bzang po la sogs pa'i lha mngon sum du bya bar ma nus pa brtson 'grus dman par gyur pa rnams dang las sgrub pa'i yul la rang gi khyim du sngags kyi bzlas pa dang sbyin sreg dang gtor ma dang bsam gtan dang dkyil 'khor gyi 'khor lo la sogs pa bsgom pa byas nas gnas dang dus ma yin pa'i dbang gis sngags kyi lha ma grub cing sems chags pa dang bral ba rnams dang de bzhin du rnam par dag pa'i phyag rgya chen po sgom pa'i lam nyams pa rnams te bla ma dam pa'i man ngag dang bral zhing chad pa chen por lhung bar gyur pa'i gdug pa'i bla ma rnams kyis byis pa'i blo can zab cing rgya che ba'i chos yongs su brtag pa mi byed pa rnams la shes rab kyi pha rol tu phyin pa ston par 'gyur ba 'di lta ste/ bcom ldan 'das de bzhin gshegs pas shes rab kyi pha rol tu phyin pa las gsungs pa chos thams cad rnam par rtog pa med pa dang chos thams cad stong pa dang chos thams cad mtshan ma med pa dang chos thams cad smon pa med pa dang chos thams cad 'dus byas pa dang bral ba dang chos thams cad skye ba dang bral ba dang chos thams cad 'gyur ba med pa dang chos thams cad rgyus stong pa dang chos thams cad bsam gyis mi khyab pa'o/ /de'i phyir thams cad mkhyen pa'i 'bras bu thob pa'i slad du byang chub sems dpa' sems dpa' chen pos chos thams cad la ltos pa med par bsgom par bya ste gzugs la gnas par mi bya'o/ /tshor ba la ma yin 'du shes la ma yin 'du byed rnams la ma yin rnam par shes pa la ma yin no/ /sa'i khams la gnas par mi bya'o chu'i khams la gnas par mi bya'o me'i khams la ma yin rlung gi khams la ma yin stong pa'i khams la ma yin no/ /mig gi khams la gnas par mi bya'o/ /gzugs kyi khams la ma yin mig gi rnam par shes pa'i khams la ma yin rna ba'i khams la ma yin sgra'i khams la ma yin rna ba'i rnam par shes pa'i khams la ma yin sna'i khams la ma yin dri'i khams la ma yin sna'i rnam par shes pa'i khams la ma yin lce'i khams la ma yin ro'i khams la ma yin lce'i rnam par shes pa'i khams la ma yin lus kyi khams la ma yin reg bya'i khams la ma yin lus kyi rnam par shes pa'i khams la ma yin yid kyi khams la ma yin chos kyi khams la ma yin no yid kyi rnam par shes pa'i khams la gnas par mi bya'o zhes pa ste de ltar shes rab kyi pha rol tu phyin pa las de bzhin gshegs pa'i ye shes rnam par bsam pa med pa ni yang dag par rdzogs pa'i sangs rgyas nyid thob pa'i slad du bcom ldan 'das kyis gsungs so/ /bsam pa ni ma yin te gang gi phyir chags pa dang chags bral gyi rang bzhin gyi phyir ro/ /'dir gang gi tshe sems can rnams kyi bsam pa rab tu 'jug pa de'i tshe mchog tu 'dod pa'i dngos po rnams la chags pa dang mi 'dod pa'i dngos po rnams la chags pa dang bral bar 'gyur te de dag gis 'khor ba'o/ /gang gi tshe bsam pa med pa rab tu 'jug pa de'i tshe ni 'dod pa'i dngos po rnams la chags pa med cing mi 'dod pa'i dngos po rnams la chags pa dang bral ba med te de ltar chags pa dang chags bral med do/ /de dag med pa'i phyir 'khor ba med pa nyid do/ /'khor ba med pa'i phyir yang dag par rdzogs pa'i sangs rgyas nyid du 'gyur ro/ /de'i phyir sangs rgyas nyid sgrub pa la bsam pa med pa ni de bzhin gshegs pa'i ye shes yin gyi gzhan rnam par rtog pa'i ting nge 'dzin ni ma yin no/ /de ltar rab tu mi mkhas pa bsam pa med pa ye shes su 'dod pa chad pa chen por lhung ba 'ga' zhig smra bar 'gyur te/ de'i phyir brjod par bya'o/ /'dir gal te bsam pa'i shes pa med pas sangs rgyas nyid ster bar byed pa yin na de'i tshe sems can thams cad sangs rgyas su ci'i phyir ma gyur 'di rnams kyi yang gnyid 'thug po la bsam pa'i shes pa med pa rab tu 'jug cing 'dod pa'i dngos po rnams la chags pa med la mi 'dod pa'i dngos po rnams la chags pa dang bral ba med te de'i phyir shin du gnyid log pa'i gnas skabs de la chags pa dang chags bral dag tu mi 'gyur ba de bas na bsam pa'i shes pa med pa des sems can thams cad yang dag par rdzogs pa'i sangs rgyas su 'gyur ba yang ma yin no/ /de'i phyir bsam pa'i shes pa med pa ni de bzhin gshegs pa'i ye shes su mi 'gyur te gang gi phyir shes rab kyi pha rol du phyin pa'i ting nge 'dzin gyi le'u las ting nge 'dzin rnams bcom ldan 'das kyis gsungs te/ de la rin chen sgron ma zhes bya ba'i ting nge 'dzin to zhes so/ /'dir gal te rin chen sgron ma bsam pa'am rab tu snang ba med pa yin na de'i tshe rin chen sgron ma zhes bya ba'i ting nge 'dzin du ci ltar 'gyur de bzhin du ting nge 'dzin gzhan rnams kyang bsam pa med par mi 'gyur te rang rig pa'i mtshan nyid kyi phyir dang bems po'i stong pa nyid ma yin pa'i phyir ro/ /ci ste byis pa rnams kyi tshig 'di ni gal te de bzhin gshegs pa'i ye shes rang rig pa yin na de'i tshe ci ltar chos thams cad rang bzhin med par de bzhin gshegs pas gsungs she na/ 'di la brjod par bya ste 'dir de bzhin gshegs pa'i ye shes ni chos thams cad kyi rang bzhin med pa nyid rtogs par byed pa zhes bya ba ste dngos po thams cad med pa'i mtshan nyid shin tu gnyid log pa'i sems ni ma yin no/ /shes rab kyi pha rol tu phyin pa las gsungs pa yang sems gang zhig yod pa'i sems de ni sems ma yin no zhes pa ste sems ni rang bzhin gyis 'od gsal ba zhes bya ba'o/ /gal te de bzhin gshegs pa'i ye shes rang rig par mi 'gyur na de'i tshe sems can gyi bsam pa'i dbang gis de bzhin gshegs pa chos ston par mi 'gyur te/ chos thams cad rab tu rtogs pa dang yang dag par rig pa nyid kyi phyir ro/ /ci ste dbang po'i sgo nas rang rig pa yin na de'i tshe cha med pa dang kun du 'gro ba dang thams cad la khyab par mi 'gyur te thams cad sgrib pa dang ldan pa'i phyir ro/ / de'i phyir de bzhin gshegs pa'i ye shes ni rang rig pa chos thams cad kyi rang bzhin mkhyen pa rnam par mi rtog cing dbang po med pa ste/ bcom ldan 'das kyis mtshan yang dag par brjod pa'i so sor kun du rtog pa'i ye shes kyi bstod pa las tshigs su bcad pa nyi shu pa la sogs pa gsum gyis gsungs pa 'di lta ste/ mya ngan 'das zhi legs par ni/ /myang 'das mya ngan 'das mthar son/ /bde sdug sel ba mthar gyur pa/ /chags bral lus las 'das pa po/ /thub pa med pa dpe med pa/ /mi mngon mi snang gsal byed min/ /cha med kun 'gro khyab pa po/ /phra zhing zag med sa bon bral/ /rdul med rdul bral dri ma med/ /nyes pa spangs pa skyon med pa/ /shin tu sad pa sad pa'i bdag /kun shes kun rig dam pa po zhes pa dang de bzhin du bya ba nan tan gyi ye shes kyi bstod pa las tshigs su bcad pa bcu gsum pas gsungs pa 'di lta ste/ bdag rig gzhan rig thams cad pa/ /kun la phan pa'i gang zag mchog /dper bya kun las 'das pa ste/ /shes dang shes bya'i bdag po mchog zhes pa dang / rgyud kyi rgyal po'i le'u lnga pa las kyang tshigs su bcad pa dgu bcu rtsa dgu pas gsungs pa 'di lta ste/ rgyal ba'i sku yi rdo rje yul dang yul can rnams kyi bgrod bya min pa rnam pa thams cad pa/ /gsung gi rdo rje sems can thams cad rang snying skad rnams dag gis chos ni go bar byed pa'o/ /rdo rje can gyi thugs kyi rdo rje sems can rnams kyi sems kyi rang bzhin mtha' dag sa la gnas/ /dri med nor bu lta bu dngos po rnams kyi 'dzin byed gang yin de nyid ye shes rdo rje'o zhes pa ste de'i phyir de bzhin gshegs pa'i ye shes ni dbang po med cing rang rig pa'o/ /gal te de bzhin gshegs pa'i ye shes rang rig pa yin na 'o na de'i tshe phung po dang khams dang skye mched med pa las srid pa ma yin te bcom ldan 'das kyis rgyud kyi rgyal po rnams las gsungs pa phung po med pa las shes rab ye shes nye bar dmigs par mi 'gyur te dbang po gnyis kyi sbyor ba las byang chub kyi sems 'byung ba'i dus su khyad par dga' ba dang lhan cig skyes pa dag gi dbus su thig le gsum gyi mthar ska cig gcig tsam du kun du bzang po bde ba chen po'i ye shes te 'di nyid ni rang rig par gsungs so/ /'dir byang chub kyi sems kyi thig le 'byung ba mya ngan 'das pa dang bral ba dbang po med pa kun du bzang po bde ba chen po'i ye shes su ci ltar 'gyur nam mkha'i me tog la mo sham gyi bu yis dri bsnams pa bzhin du rnam par dpyad na don med pa can no zhes pa 'dir 'ga' zhig dag gi bsam pa 'byung bar 'gyur te/ de'i phyir brjod par bya'o/ /byang chub sems kyi thig le 'gyur ba'i bde ba kun du bzang po'i bde ba chen po shes rab ye shes su de bzhin gshegs pas gsungs pa 'di ni de ltar ma yin te gang gi phyir bzhi pa de yang de bzhin no zhes pa'i dgag pa gsungs pa'i phyir ro/ /'dir gal te gsum pa 'gyur ba'i bde ba shes rab ye shes kun du bzang po bde ba chen po bzhi pa yin na de'i tshe mngon par brjod zin pa mngon par brjod par 'gyur ro/ /de ltar yang rigs pa ma yin te gang gi phyir zlos pa'i skyon du thal bar 'gyur ba'i phyir ro/ /ji ltar lag pa zhes brjod pa'i rjes la slar yang lag pa zhes pa dang de bzhin du slar yang zho zhes pa bzhin no/ /'di ni byis pa dang smyon pa'i tshig ste mkhas pa rnams kyi ni ma yin no/ /de'i phyir bzhi pa zhes gsungs pa'i phyir gsum par mi 'gyur ro/ /de yang de bzhin no zhes gsungs pa'i phyir de nyid shes rab ye shes so/ /bcom ldan 'das kyi gsung 'di'i phyir ma rtogs pa nyams pa rnams ni bzhi pa de yang de bzhin no zhes pa'i sgras bcom ldan 'das kyis gsum pa gsungs te bzhi pa zhes bya bar mi 'gyur ro zhes smra ba 'di ni byis pa'i blo can dbang po gnyis las byung ba'i 'gyur ba'i bde ba la mngon par chags pa mi 'gyur ba'i bde ba chen po'i ye shes las nyams pa rnams kyi chos ma yin pa'i rab tu 'jug pa'o/ /de'i phyir byang chub kyi sems 'pho ba'i bde ba ni kun du bzang po'i bde ba chen po'i ye shes bzhi par mi 'gyur ro/ /bcom ldan 'das kyis mtshan yang dag par brjod pa'i bya ba nan tan gyi ye shes kyi bstod pa las tshigs su bcad pa gsum pas gsungs pa/ rnam pa kun ldan rnam pa med/ /bcu drug phyed phyed thig le 'chang / /cha med cha las 'das pa ste/ /bsam gtan bzhi yi rtse mo 'chang zhes pa dang / rgyud kyi rgyal po'i le'u lnga pa las kyang tshigs su bcad pa brgya nyi shu rtsa drug pas gsungs pa 'di lta ste de ltar sems ni rnam bzhi srid pa gsum la gnas pa'i srog chags rnams kyi thig le'i dbus su ste/ /rnal 'byor dbang po rnams kyis bde mnyam 'bras ster khyab byed dag ni thar pa'i slad du bsrung bar bya/ /thig le btang na rnal 'byor rnams kyi mchog gi bde ba skye ba'i sa bon song la thar pa gang / /de phyir 'khor ba'i bde ba'i skad cig 'di ni sdom brtson rnams kyis thams cad dus su spang bar bya zhes pa'o/ /de'i phyir bzhi pa ni gsum par mi 'gyur ro/ /'dir gal te thig le 'dor ba'i gsum pa shes rab ye shes de nyid bzhi pa yin na de'i tshe bcom ldan 'das bcu drug phyed phyed thig le 'chang bar mi 'gyur zhing gal te bzhi pa khyad par dga' ba yin na de'i tshe dga' ba dang mchog dga' dang khyad par dga' ba dang lhan cig skyes pa bsam gtan bzhi pa'i rtse mo 'chang bar mi 'gyur ro/ /de'i phyir de bzhin gshegs pa'i ye shes ni dbang po med cing rang rig pa'o/ /de'i phyir rnal 'byor pas byang chub kyi sems shin tu brtan par bsrung bar bya ste spang bar mi bya'o/ /thig le gzhan byang chub kyi sems kyi thig le dang bral ba gci ba dang chu la sogs pa gang dag lus sam phyi rol la yod kyang sangs rgyas nyid kyi 'bras bu ster bar byed par mi 'gyur ro/ /gal te bzhi pa shes rab ye shes gsum par mi 'gyur zhing bcom ldan 'das thig le 'chang ba yin na 'o na de'i tshe de yang de bzhin no zhes gsungs pa'i phyir shes rab ye shes ci zhig 'byung bar 'gyur zhes 'dir 'ga' zhig smra bar 'gyur te de'i phyir brjod par bya'o/ /'dir rdo rje theg pa la 'jig rten dang 'jig rten las 'das pa'i bden pa la brten nas bcom ldan 'das kyis shes rab rnam pa gsum rab tu gsungs te las kyi phyag rgya dang ye shes kyi phyag rgya dang phyag rgya chen mo zhes pa ste mngon par brjod pa gcig las so/ /de rnams las rnal 'byor pa'i las kyi phyag rgya dang ye shes kyi phyag rgya'i bde ba ni g.yo ba'i mtshan nyid can dang phyag rgya chen mo'i bde ba ni mi g.yo ba'i mtshan nyid can du 'gyur ro/ /'dir gal te shes rab kyi ye shes ni shes rab ye shes te 'pho ba'i mtshan nyid can shes rab kyi rgyu las skyes pa'i 'bras bu thabs kyi shes rab ye shes yin na de'i tshe thabs kyi rgyu las skyes pa'i 'bras bu ni shes rab kyi thabs ye shes su 'gyur te phyag rgya chen po'i dngos grub kyi don du'o/ /de ltar na phan tshun ltos pa nyid kyi phyir ye shes gnyis su 'gyur ro/ /de ltar gnyis ga'i ye shes so sor gyur na gnyis su med pa'i ye shes med do/ /gnyis su med pa'i ye shes med pa'i phyir sangs rgyas nyid kyang med par 'gyur te rnam par dag pa mchog tu mi 'gyur ba'i ye shes dang bral ba nyid kyi phyir ro/ /gal te shes rab kyi ye shes ni shes rab ye shes yin na de'i tshe thabs kyi ye shes ni thabs kyi ye shes so zhes pa ste de ltar na skyon snga ma bzhin no/ /bcom ldan 'das kyis mtshan yang dag par brjod pa'i so sor kun tu rtog pa'i ye shes kyi bstod pa las tshigs su bcad pa sum bcu rtsa drug pa la sogs pa gnyis kyis rnam par dag pa mchog tu mi 'gyur ba'i ye shes gsungs pa 'di lta ste/ rdo rje rdzogs sangs rgyas pa'i gdan/ /sangs rgyas brjod pa'i chos 'dzin pa/ /dpal ldan sangs rgyas pad ma skyes/ /kun mkhyen ye shes mdzod 'dzin pa/ /sgyu 'phrul sna tshogs 'chang ba'i rgyal/ / sangs rgyas rig sngags chen po 'dzin/ /rdo rje rnon po ral gri che/ /rnam dag 'gyur ba med pa mchog ces pa dang / rgyud kyi rgyal po las kyang sgrub thabs kyi le'u las nyis brgyar gcig gis ma tshang ba'i tshigs su bcad pa dag gis phyag rgya chen po'i mtshan nyid gsungs pa/ sems ni rnyog pa dang bcas las kyi phyag rgya 'di dang brtags pa'i ye shes phyag rgya spang bya ste/ /yang dag rdzogs pa'i byang chub ched du rgyal ba mchog gi bskyed ma mchog gi phyag rgya gos pa med/ /rnam par 'gyur ba med cing mkha' mnyam mun bcom khyab byed rnal 'byor dag gis bgrod bya ther zug gnas/ /ye shes gzi brjid srid pa'i dri ma 'phrog cing dus kyi 'khor los rjes su rig pa bsgom par bya/ /phyag rgya sgyu ma'i rjes su mthun pa yid dang nam mkha' la ni me long dag la gzugs bzhin te/ /'jig rten gsum po snang bar byed cing dri med glog dang mtshungs pa'i 'od zer du ma 'phro bar byed/ /phyi dang lus la dbyer med yul dang rnam par bral ba snang ba tsam ni mkha' la gnas pa yi/ /sems la sems kyi rang bzhin 'khyud pa gang zhig 'gro ba du ma'i gzugs can de ni gcig pu'o zhes pa dang / rtsa ba'i rgyud las kyang / las kyi phyag rgya brtags pa yi/ /ye shes phyag rgya yongs spangs nas/ /mchog tu mi 'gyur sbyor ba yis/ /phyag rgya chen mo rnam par bsgom zhes pa ste bcom ldan 'das kyi nges pa 'di'i phyir las kyi phyag rgya'i bde ba ni kun du bzang po mchog tu mi 'gyur ba'i bde bar mi 'gyur ro/ /de bzhin du dkyil 'khor gyi 'khor lo sgom pa rnam par brtags pa'i shes rab kyi bde ba ni kun du bzang po mi 'gyur ba'i bde ba chen por mi 'gyur te rnam par rtog pa yongs su ma spangs pa'i phyir ro/ /des na bla ma dam pa ma yin pa'i man ngag las phyag rgya chen po'i ye shes nyams pa rnams phyugs nyid du byed cing sangs rgyas nyid med te phyag rgya chen po'i ye shes med pa'i phyir ro/ /phyag rgya chen po'i ye shes rab tu mi gnas pa ni rnal 'byor pa rnams la bla ma dam pa ma yin pa lam dang bral bas rab tu rtogs par bya bar mi nus so/ /lam yang bzhi pa de yang de bzhin no zhes pa ste de ltar dbang bzhi pa ma rtogs pa'i phyir dbang thams cad don med par 'gyur ro/ /gal te kun du bzang po mchog tu mi 'gyur ba'i bde ba de nyid bzhi pa phyag rgya chen po'i ye shes yin zhing phyag rgya chen po dang bral bar mi 'gyur ba de lta na 'o na dbang po gnyis kyi snyoms par 'jug pas bde ba chen po sgom pa bcom ldan 'das kyis gsungs pa dang sgom pa 'dis skye ba 'di nyid la sangs rgyas nyid dang rdo rje 'dzin pa nyid du yang gsungs pa 'di ci'i don du yin zhes pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir bcom ldan 'das kyis dbang po gnyis kyi snyoms par 'jug pas bde ba chen po bsgom par gsungs pa gang yin pa de ni bden te bcom ldan 'das kyis rgyud kyi rgyal po'i le'u lnga pa las tshigs su bcad pa brgya dgu bcu rtsa dgu pas gsungs pa/ chags pa gang gis sems can rnams ni nyams par gyur pa de yis skyob pa rnams ni grol ba ste/ /sems can rnams kyis nyin zhag so so'i dus su gang zhig srung byed de ni skyob rnams ster bar mdzad/ /sems can rnams kyis rang snying la gnas bde ba gang zhig gtong byed de ni rgyal rnams srung bar mdzad/ /des na rgyal ba mchog gi spyod pa 'di ni lha klu lha min rnams kyis bya ba dka' bar gyur zhes pa ste 'dir 'pho ba'i chags pa gang gis sems can rnams ni nyams pa ste 'chi bar 'gyur ba de nyid 'pho ba med pa mchog tu mi 'gyur bar gyur pas skyob pa sangs rgyas rnams ni grol bar 'gyur ro/ / sems can rnams ni bu dang chung ma la sogs pa gang zhig srung bar byed pa de ni skyob pa rnams kyis ster bar mdzad do/ /sems can rnams kyis bde ba chen po gang zhig gtong bar byed pa de ni sangs rgyas rnams kyis srung bar mdzad te rgyu des na de bzhin gshegs pa rnams kyi rnam 'phrul gyi mdzad pa ni lha dang lha ma yin dang mi dang klu rnams kyis bya ba dka' 'o/ /des na rnal 'byor pas byang chub kyi sems de nyid mi 'pho bar byas te rim pa ji lta bas mchog tu mi 'gyur ba bsgrub pa'i don du dbang po gnyis sgoms par 'jug pa'i bde ba bsgom par gsungs kyi byang chub kyi sems 'pho ba'i gnas skabs ni ma yin no/ /'pho ba'i bag chags 'di ni sems can rnams kyi thog ma med pa'i dus nas glo bur gyi dri ma'i rang bzhin te des 'khor ba'o/ /phyag rgya'i sbyor ba gang gis 'pho ba'i bag chags der 'gyur ba'i sbyor ba de nyid kyis mi 'pho ba'i bag chags su 'gyur te dngul chu dang me bzhin no/ /bcom ldan 'das kyis rgyud kyi rgyal po'i sgrub thabs kyi le'u las tshigs su bcad pa nyis brgya nyi shu rtsa bzhi pas gsungs pa/ me ni dngul chu'i dgra nyid yin te me dang rnam par bral na nam yang dngul chu 'ching ba med/ /ma bcings na ni gser byed med de gser dang bral na smra bo rnams la longs spyod med pa nyid/ /de bzhin bud med sbyor ba bral na rtag tu rnal 'byor pa rnams dag gi sems ni 'ching mi 'gyur/ /bcings pa med na lus 'bigs med te ma phug lus kyis 'dir ni lhan skyes bde ba ster ba min zhes pa ste 'dir ji ltar me la reg pas dngul chu 'bros par 'gyur te thabs dang bcas pa'i me de nyid kyis 'ching bar byed do/ /de bzhin du chos 'byung la reg pas byang chub kyi sems 'bros par byed te de nyid thabs dang bcas pa nyid yin na 'ching bar byed do/ /ji ltar mes dngul chu bcings pas lcags thams cad gser du byed do/ /de bzhin du chos 'byung gi sbyor bas byang chub kyi sems bcings pas phung po dang khams dang skye mched la sogs pa sgrib pa med par byed do/ /de'i phyir dngul chu dang byang chub kyi sems dag gi mthu ni brtag par bya ba ma yin te rmongs pa rnams kyis rnam par dpyad par bya bar mi nus so/ /de'i phyir byang chub kyi sems brtan par byed pa'i don du las kyi phyag rgya'i sbyor ba la yang lha'i dmigs pa rab tu gsungs pa ni dngul chu'i bdug pa dang bskol ba la sogs pa lta bu ste phyugs kyi las pad mar rab tu zhugs pa'i byang chub kyi sems bza' ba ni de bzhin gshegs pas gsungs pa ma yin no/ /bcom ldan 'das kyis rgyud kyi rgyal po'i le'u lnga pa las tshigs su bcad pa bdun bcu rtsa gsum pas las kyi phyag rgya la sogs pa sgrub pa gsungs pa 'di lta ste/ rgyal ba'i lhan skyes bde ba 'di ni 'phel ba'i don slad dang por las kyi phyag rgya bsten par bya/ /de nas nyi ma'i gzugs ni lus dang gdong dang rkang pa gtsug tor yan lag thams cad rdzogs pa ste/ /glog gi dbyug pa'i rjes mthun 'pho med bde ba skyed par byed ma mtshan nyid yan lag rab tu rdzogs/ /rdo rje rnams kyis rab tu snang bar byed ma srid gsum gnas lus chos kyi dbyings ni de nas 'gyur zhes pa dang / slar yang le'u de nyid las tshigs su bcad pa brgya bcu gsum pas gsungs pa sems kyi snang ba tsam ste rang gi yid la skyes pa me long gi ni gzugs brnyan lta bu nyid/ /gang zhig mtha' dag rgyal ba'i sras dang sangs rgyas rnams kyis bsten pa rnal 'byor dbang pos bsten bya ste/ /ye shes me lce rab tu rgyas pa de ni bdud dpung yul dang bcas pa mtha' dag sreg byed cing / /lus la chags pa la sogs kyang ste rnal 'byor rnams la lo yi sbyor bas bde mnyam ster bar byed ces pa ste bcom ldan 'das kyi nges pa 'di'i phyir dbang po gnyis kyi snyoms par 'jug pas kyang phyi rol gyi dbang po las skyes pa 'gyur bde ba rnam par spangs nas byang chub kyi mthar thug pa'i bar du phyag rgya chen po rang gi sems kyi snang ba tsam 'di rnal 'byor pas bsgom par bya'o/ /'o na de bzhin gshegs pas phung po dang khams dang skye mched med na dbang po gnyis kyi sbyor ba dang bral ba ni shes rab ye shes rang rig par mi 'gyur te 'pho ba med pa nyid kyi phyir ro zhes gsungs pa ma yin nam ci ltar rnal 'byor pas rang gi sems kyi snang ba la rang gi sems rjes su chags par byas nas rang gi sems sgrib pa med par byed cing mi 'gyur ba'i bde ba chen po'i ye shes kyang longs spyod par byed de rdul phra rab tshogs pa'i lus med pa'i phyir ro/ /'di nyid ni phyin ci log pa ste lha sbyin bdag nyid kyi phrag par zhon nas grong du 'gro'o zhes pa'i ngag bzhin no zhes pa 'dir 'ga' zhig gi bsam pa 'byung bar 'gyur te/ de'i phyir brjod par bya'o/ /'dir rmongs pa rnams kyis brjod par bya ba gang yin pa rdul phra rab tshogs pa'i bdag nyid kyi phung po dang khams dang skye mched rnams ma gtogs pa sems tsam gyis shes rab ye shes rang rig par mi 'gyur ba de ni ma yin te gang gi phyir glo bur ba'i sems kyi bag chags kyi dbang gis so/ /'dir phung po dang khams dang skye mched ces bya ba ni glo bur ba'i sems kyi bag chags so/ / de'i drin gyis sems la bde ba dang sdug bsngal gyi tshor ba rab tu 'jug ste don dam par rnam par dpyad na lus 'di la nye bar 'tshe ba phra mo yod pa ma yin no/ /'dir rdul phra rab tshogs pa'i bdag nyid kyi lus ni rmi lam gyi gnas skabs na rab tu lhung ste gnas shing gang gi sems la sdug bsngal rab tu 'jug pa 'di la nye bar 'tshe ba phra mo 'ga' yang yod pa ma yin no/ /'di ni 'jig rten thams cad du rab tu grags pa ste gnas skabs de nyid la sems kyi bag chags kyi bdag nyid kyi lus gzhan rdul phra rab tshogs pa dang bral ba yul gzhan du 'gro bar rab tu snang ste yul gzhan du song ba de'i lus la chom rkun la sogs pa rnams kyis nye bar 'tshe ba byas par gyur na nye bar 'tshe ba des sems la sdug bsngal rab tu 'jug cing sdug bsngal des ngu bar byed te lus med cing chom rkum la sogs pa med par sems kyi sdug bsngal gyi shes pa rang rig pa rab tu 'jug pa 'di ni rmad du byung ba chen po'o/ /de bzhin du rmi lam du 'dod pa chen po nye bar longs spyod pa rnams kyis sems la bde ba rab tu 'jug ste lus med cing 'dod pa chen po nye bar longs spyod pa rnams med par sems can rnams kyi sems kyi bde ba'i shes pa rang rig pa rab tu 'jug pa de nyid ni ngo mtshar ro/ / nyi tshe ba'i shes pa 'di nyid kyang mkhas pa rnams kyis rnam par dpyad par mi nus na 'khor ba'i bag chags las 'das shing mya ngan las 'das pa'i bag chags las byung ba rnal 'byor pa'i rang rig pa kun tu bzang po mi 'gyur ba'i bde ba chen po'i ye shes rmongs pa rnams kyis rnam par brtag par nus pa lta ci smos/ /ci ste mu stegs pa sdig pa'i blo can srog gi rlung gi de kho na nyid la dga' ba rnams 'dir rmi lam gyi gnas skabs na rdul phra rab 'dus pa'i bdag nyid kyi lus la dbugs 'byung ba dang 'jug pa yod cing dbugs 'byung ba dang 'jug pa de dag gi mthu las gnas skabs gsum du 'gyur gyi dbugs 'byung ba dang 'jug pa med pa las ni ma yin no zhes pa 'di smra na/ 'di nyid rnam par dpyad par bya ste 'dir gal te dbugs 'byung ba dang 'jug pa dag med par sems la rmi lam gyi gnas skabs med na de'i tshe 'chi ba brgyal ba'i gnas skabs su dbugs 'byung ba dang 'jug pa dag med par thun tshod gcig gi bar du sems rab tu snang bar ci ltar 'gyur gshin rje'i rgyal po'i bkas gshin rje'i pho nya rnams kyis lus khyer bar byed pa dang gshin rje'i grong khyer rab tu snang bar 'gyur zhing gshin rje'i grong khyer der gshin rje'i rgyal po yang rab tu snang bar 'gyur te gshin rje des khyer ba'i lus de'i bsod nams dang sdig pa la rnam par dpyod par byed do/ /rnam par dpyad nas 'di smra ste ji ltar da dung 'di'i tshe zad par ma gyur to/ /de'i phyir ji srid 'di'i lus 'jig par mi 'gyur gyi bar du yang sems can 'di mi'i 'jig rten du myur du khyer cig ces gshin rje'i pho nya rnams la bsgo bar 'gyur te bsgo ba des gshin rje'i pho nya de rnams kyis de nas lus mi'i 'jig rten du 'dor bar byed do/ /dor bar gyur pa na sems kyi bag chags kyi dbang gis slar yang shi ba'i lus de la dbugs 'byung ba dang 'jug pa dag tu 'gyur te de'i tshe bag chags gzhan gyi dbang gis sad pa'i gnas skabs su 'gyur ro/ /gnas skabs de la sems rab tu sad pa'i phyir gnyen gyi sde la gshin rje'i rgyal po'i gtam brjod par byed do/ /de'i phyir lus med cing dbugs 'byung ba dang 'jug pa dag kyang med par thog ma med pa'i sems kyi bag chags glo bur ba ni yang dang yang du skye ba'i dbang gis 'gyur te sems can rnams kyi rang bzhin ni ma yin no/ /gal te 'khor ba'i bag chags 'di rang bzhin du gyur pa yin na sems can rnams sangs rgyas nyid ces bya bar mi 'gyur ro/ /rgyu gang gis glo bur ba yin pa'i rgyu des 'di zad par 'gyur te de zad pa las sangs rgyas nyid du de bzhin gshegs pas gsungs so/ /de ltar rnam pa du mas rnam par dpyad na 'khor ba 'di ni rang gi sems kyi bag chags tsam ste gzhan 'ga' yang ma yin no/ /'khor ba'i bag chags kyang 'pho ba'i mtshan nyid kyi skad cig yin gyi mi 'gyur ba ma yin no/ /mya ngan las 'das pa'i bag chags ni mi 'pho ba'i mtshan nyid kyi ska cig yin gyi 'gyur ba ma yin no/ /bcom ldan 'das kyis rgyud kyi rgyal po'i nang gi le'u las tshigs su bcad pa brgya rtsa gnyis pas gsungs pa 'di lta ste/ gang zhig gang gi dbus su rab zhugs brtul zhugs nges pa la dga' las kyi zhags pas nges bcings pa/ /de yi dbus su rang rang bsam pas mi bdag de yi rigs su de yi 'dzin pa dag gis 'gyur/ /ji srid sems kyi rang bzhin dag ni rnam gsum srid pa'i dbang gis tshor ba bde dang sdug bsngal ba/ /de srid 'jigs rung 'khor ba 'dir 'khyam mi yi bdag po mtho ris mi yul dag dang 'og tu yang zhes pa dang slar yang le'u de nyid las tshigs su bcad pa dgu bcu rtsa bdun pas rnal 'byor gyi bag chags gsungs pa/ rnal 'byor dbang po rnal 'byor ma thob rab tu g.yo ba'i yid kyis gal te shi bar gyur pa na/ /dpal ldan mi yi 'jig rten du ni rab mchog thub pa'i rigs su rnal 'byor ldan par skye bar 'gyur/ /sngon gyi goms pa de yis slar yang ye shes rnal 'byor yangs pa dag ni kun du 'dzin par 'gyur/ /ye shes thob nas mi zad mchog gi gnas su rab 'gro slar yang gang du 'ang skye ba ldan pa min zhes pa ste de'i phyir sems kyi bag chags kyi dbang gis rang rig pa shes rab ye shes su 'gyur gyi rdul phra rab kyi lus kyi nye bar longs spyod pa las ni ma yin no/ /ci ste rmi lam gyi gnas skabs su 'khrig pa byas par gyur pa na gnyid log pa'i lus las 'dzag par 'gyur gyi rmi lam gyi sems kyi bag chags kyi lus las ni ma yin no/ /de'i phyir lus 'di'i mthu las bde ba chen po rang rig par 'gyur gyi sems kyi bag chags kyi lus las ni ma yin no zhes pa dbang po gnyis kyi bde ba la mngon par chags pa 'ga' zhig gi tshig 'byung bar 'gyur te/ de'i phyir brjod par bya'o/ /'dir rdul phra rab tshogs pa'i bdag nyid kyi lus las 'dzag par 'gyur gyi sems kyi bag chags kyi lus kyi dbang gis ni ma yin no zhes rmongs pa rnams kyis brjod par bya ba gang yin pa 'di ni de ltar tshad ma ma yin te gang gi phyir gzugs med pa'i srid pa la 'dzag pa'i phyir ro/ /'dir gal te rdul phra rab tshogs pa'i bdag nyid kyi lus med par 'pho bar mi 'gyur zhing 'pho ba med par 'khor bar mi 'gyur la 'khor ba med par bde ba chen po la nye bar dmigs par yang mi 'gyur na de'i tshe/ gzugs med pa'i ris rnams 'pho ba med par sangs rgyas nyid kyi slad du slar skye ba 'byung bar ci ltar 'gyur te rdul phra rab tshogs pa'i bdag nyid kyi lus med pa'i phyir gzugs med pa rnams kyi lus ni kha zas can ma yin no/ / rdul phra rab tshogs pa'i bdag nyid kyi lus med pa'i phyir khu ba 'pho ba med na khu ba 'pho ba med pa'i phyir de rnams la bde ba med cing 'khor ba med par 'gyur te de ltar yang ma yin no/ /bcom ldan 'das kyis gnyis pa nang gi le'u las/ tshigs su bcad pa gsum pas rdul phra rab tshogs pa'i bdag nyid kyi lus dang mi 'gyur ba'i ye shes gsungs pa 'di lta ste/ lus 'di la ni khams kyi tshogs su mtha' dag ro drug zos shing 'thungs pa dag las 'gyur ba ste/ / ro drug rnams kyang 'byung ba las te rab gsal nges par 'byung ba'i tshogs kyang nam mkha'i khams las so/ /stong pa la ni ye shes rnam par bsres pa ro mnyam 'gyur med rtag par yang ni 'gyur ba ste/ /de ltar 'byung ba la gnas zhi ba rnam gsum srid par gnas pa rang gi lus la rig par bya zhes pa la lus 'di la ni zhes pa dud 'gro dang mi'i lus gang la ro drug gi bza' ba dang btung ba yod pa ste lus 'di ni ro drug gi bza' ba dang btung ba can no/ /'di la khams kyi tshogs su zhes pa spu dang lpags pa dang khrag dang sha dang rus pa dang rkang dang khu ba'i khams rnams kyi 'dus pa ni khams kyi tshogs su 'gyur ro/ /gang las zhe na ro drug zos shing 'thungs pa dag las zhes pa ro yang yin la de rnams drug kyang yod pa'i phyir ro drug ste kha ba dang skyur ba dang lan tshwa dang tsha ba dang dngar ba dang ska ba rnams spu la sogs pa'i khams kyi rang bzhin du 'gyur ro zhes pa dgongs pa'o/ /ro drug rnams kyang 'byung ba las te zhes pa la 'byung ba ni sa dang chu dang me dang rlung dang nam mkha'i khams rnams te sra ba dang gsher ba dang dro ba dang g.yo ba dang ro'i rdul phra rab kyi rang bzhin rnams so/ /de'i sa bon dang ldan pa de rnams las kha ba la sogs pa ro drug tu 'gyur te khams rnams su ro'i rang bzhin du 'gyur ro zhes pa dgongs pa'o/ /'byung ba las 'gyur ro zhes pa ni sems can gyi bsam pa'i dbang gis gsungs pa ste don dam par rnam par dpyad na khams rnams ror 'gyur ro zhes pa bskyed bya skyed byed kyi 'brel pa las ni ma yin no/ /'byung ba'i tshogs kyang nam mkha'i khams las so zhes pa ni nam mkha'i khams stong pa'i chos las 'byung ba'i tshogs su 'gyur te sa bon las myu gu bzhin no/ /ji ltar sa bon ma nyams pa las myu gur mi 'gyur zhing sa bon nyams pa las mi 'gyur ba de bzhin du rang bzhin yongs su spangs pa las ma yin zhing bems po'i khams las ma yin la chad pa'i stong pa las ma yin la chad pa'i stong pa las ma yin te de ltar stong pa las chos thams cad du 'gyur ro/ /stong pa la ni ye shes rnam par bsres pa zhes pa la stong pa ni chos rnams la skye ba dang 'gag pa med pa rang gi sems kyi snang ba'o/ /ye shes ni de rab tu rtogs pa mi 'gyur ba'i bde ba'o/ /skye ba dang 'jig pa med pa'i rang gi sems kyi snang ba de la ye shes rnam par bsres pa'o/ /rang gi sems kyi snang ba la ro mnyam pa ni gcig tu gyur pa ste shes pa dang shes bya'i 'brel pas ni ma yin no/ / 'di nyid ni 'gyur med rtag pa ste mchog tu mi 'gyur ba'o zhes pa'i don to/ /de ltar 'byung ba la gnas zhi ba zhes pa ni de ltar rim pa 'dis lus kyi khams la gnas pa ni mi 'gyur ba'o/ /rnam gsum srid par gnas zhes pa 'dod pa dang gzugs dang gzugs med par gnas pa ni rang gi lus la rnal 'byor pas rig par bya ste shes par bya'o/ /des na dud 'gro dang mi rnams kyi khu ba ni sa bon te 'khor ba skyed pa'i rgyu'o/ /de nyid ro drug po rnams kyi lus la khams nyid du gyur pa rnams ni sa dang chu dang me dang rlung dang nam mkha'i rdul phra rab 'dus pa'i bdag nyid can dri dang gzugs dang ro dang reg bya dang sgra'i bdag nyid sems can gyi khams te sa bon gyi rang bzhin 'di las las las skyes pa'i lus skye bar 'gyur ro/ /'gag par yang 'gyur te 'chi ba'i dus su lnga'i bdag nyid kyi sa bon de nyid nges par 'byung ngo / / slar yang rmi lam gyi lus bzhin du bag chags kyi lus stong pa rdul phra rab kyi tshogs spangs pa ma 'gags pa ste las kyi bag chags las byung ba'i bag chags kyi lus ma 'gags pa de nyid kyis slar yang rdul phra rab tshogs pa'i bdag nyid kyi lus 'dzin no/ /slar yang rdul phra rab tshogs pa'i bdag nyid kyi lus bzung ba'i phyir sngar gyi lus kyi bag chags yongs su dor nas sems la da ltar gyi lus kyi bag chags skye bar 'gyur ro/ / rgyu des na sems kyi bag chags kyi phung po stong pa rnams las glo bur ba'i phung po'i chos rnams su 'gyur zhing glo bur ba'i phung po'i chos rnams las sems kyi bag chags kyi phung po stong pa rnams su 'gyur ro/ / 'jig rten pha rol du ni rdul phra rab tsam yang mi 'gro ste gang gi phyir phung po snga ma yongs su dor nas yang phung po gzhan 'dzin pa'i phyir ro/ /de ltar brjod pa'i rim pas 'byung ba lnga'i bdag nyid ro drug gi kha zas can rnams kyi lus la 'pho ba'i dus su las las skyes pa'i sa bon 'byung ba lnga'i bdag nyid can 'byung ste ro drug gi kha zas can rnams kyi sems kyi bag chags kyang 'byung ba lnga'i bdag nyid can du 'gyur ro/ / lha rnams kyi lus ni ro drug gi kha zas can dang 'byung ba lnga'i bdag nyid du mi 'gyur te ro drug gi kha zas med pa'i phyir ro/ /zla ba dang nyi ma la sogs pa 'dod pa na spyod pa drug po de rnams kyi lus ni chu dang me dang rlung dang nam mkha' tshogs pa'i bdag nyid can gzugs dang ro dang reg bya dang sgra ste yon tan bzhi'i bdag nyid can no/ /sa dang dri'i yon tan dang bral ba ste yang ba nyid kyi phyir ro/ /'pho ba'i dus su khu ba yang de'i rang bzhin gyi bdag nyid te sems kyi bag chags kyang de'i bdag nyid can no/ /gzugs kyi ris rnams kyi lus ni me dang rlung dang ro'i rdul phra rab tshogs pa'i bdag nyid can ro dang reg bya dang sgra'i yon tan gsum gyi bdag nyid sa dang chu dang dri dang gzugs kyi yon tan dang bral ba ste 'pho ba'i dus su bcu drug po rnams kyi khu ba yang yon tan gsum gyi bdag nyid can dang sems kyi bag chags kyang de'i bdag nyid can no/ /gzugs med pa'i ris rnams kyi lus ni stong pa'i khams kyi bdag nyid can sems kyi bag chags tsam ste sgra'i yon tan gyi bdag nyid can no/ /khu ba yang sa dang chu dang me dang rlung dang dri dang gzugs dang ro dang reg bya'i yon tan spangs pa'o/ /sa la sogs pa bzhi po 'di rnams kyi gtso bo'i yon tan 'di la phal pa tsam gyi yon tan yod te rnam pa gzhan du na tshogs pa'i yon tan rnams med par yon tan gcig las 'khor ba'i bag chags su mi 'gyur ro/ /srid pa gsum po 'di rnams la dmyal ba dang yi dags dang dud 'gro dang mi dang lha ma yin dang rgyal po chen po bzhi'i ris dang sum bcu rtsa gsum dang 'thab bral dang dga' ldan dang 'phrul dga' dang gzhan 'phrul dbang byed de 'dod pa bcu gcig go/ tshangs ris dang tshangs pa mdun na 'don dang tshangs chen dang 'od chung dang tshad med 'od dang 'od gsal dang dge chung dang tshad med dge dang dge rgyas dang sprin med dang bsod nams skyes dang 'bras bu che ba dang mi che ba dang mi gdung ba dang gya nom snang ba dang 'og min te gzugs bcu drug go / nam mkha' mtha' yas skye mched dang rnam shes mtha' yas skye mched dang ci yang med pa'i skye mched dang 'du shes med 'du shes med min skye mched de gzugs med pa bzhi'o/ / de ltar 'dod pa dang gzugs dang gzugs med pa ste bzhi po rnams la 'pho ba'i dus su go rim ji lta bas yon tan lnga dang bzhi dang gsum dang gcig gi bdag nyid can gyi khu ba 'byung ste sems kyi bag chags kyi dbang gis so/ /rnam pa gzhan du na 'khor bar 'khyam par mi 'gyur ro/ /rgyu 'di'i phyir bcom ldan 'das kyis rgyud kyi rgyal po'i le'u lnga pa las tshigs su bcad pa lnga bcu rtsa brgyad pas gsungs pa 'di lta ste/ sa dang chu dang me dang rlung dang ro dang mchog gi ro ste phra rab rnams ni rnam pa drug /dri la sogs pa re res dman zhing mtha' ma yul dang rnam par bral ba ye shes blta bya rnams/ /'dod pa gzugs dang gzugs med rnams ni zung dang zung dang ri bong can te mtha' ma chos kyi dbyings/ /rnam pa kun ldan de rnams kun nas rtag tu 'pho med bde ba lhan skyes rten du gyur pa'o zhes pa'o/ /rgyu des na sems can gyi bsam pa'i dbang gis de bzhin gshegs pas chos bstan pa ni bye brag tu smra ba dang mdo sde pa dang rnal 'byor spyod pa pa dang dbu ma pa'o/ /de rnams las bye brag tu smra ba ni skye ba'i cha shas can gyi sems can rab tu gsal bar byed pa'i bstan bcos so/ /mdo sde pa ni don rab tu gsal bar byed pa'i bstan bcos so/ /rnal 'byor spyod pa pa ni rnam par shes pa tsam rab tu gsal bar byed pa'i bstan bcos so/ /dbu ma pa ni don dam pa'i de kho na nyid rab tu gsal bar byed pa'i bstan bcos te ring ba'i skal ba dang ldan pa dang nye ba'i skal ba dang ldan pa'i sems kyi phyir sems can gyi bsam pa'i dbang gis bcom ldan 'das kyis gsungs so/ /'dir sems can rnams ni thog ma med pa'i dus nas mu stegs pa lha dang 'byung po dang lha ma yin gyi chos la dga' ba thams cad mkhyen pa'i lam nyams pa rigs bzhi dang gcig la rten pa mtho ris kyi 'bras bu'i longs spyod mngon par 'dod pa byed pa po dang bdag tu smra ba po rnams so/ /de rnams las sgra smra ba po rnams ni lha dang yi dags kyi chos la rten pa rnams te dbang phyug smra ba po rnams dang bdag smra ba po rnams dang rigs smra ba po rnams kyang ngo / /kla klo ni lha min gyi chos la rten pa rnams dang / byed pa por smra ba po rnams dang srog smra ba po rnams te rigs smra ba dang bral ba rnams so/ /kla klo 'di rnams kyi 'dzin pa gnyi ga ste rdul phra rab tshogs pa'i 'dzin pa dang skye ba'i cha shas can gyi gang zag gi 'dzin pa'o/ /'di rnams kyi bsam pa ni gal te rdul phra rab tshogs pa'i bdag nyid can gyi lus la nang du 'jug pa po skye ba'i cha shas can gyi gang zag med na rdul phra rab tshogs pa'i bdag nyid kyi lus rnam par nyams pa'i rjes la lus gzhan su zhig gis 'dzin par byed par 'gyur de'i phyir brdzus te byung ba'i gang zag yod do/ / des bsgrubs pas mtho ris kyi 'bras bu ni mya ngan las 'das pa'i 'bras bur 'gyur te mtho ris kyi 'bras bu las gzhan mya ngan las 'das pa zhes bya ba med do zhes pa de kho na nyid 'dri ba'i dus su de rnams kyi rang gi sems kyi bsam pa mngon par mkhyen nas de kho na nyid gsung ba po bcom ldan 'das kyis gsungs pa khur khur ba'i gang zag yod de rtag pa dang mi rtag par bdag mi smra'o zhes pa'o/ /de nyid bden te bcom ldan 'das kyis gsungs pa'i phyir ro/ /rmi lam gyi gnas skabs su sems kyi bag chags kyi gang zag ni rtag pa dang mi rtag par brjod par mi nus so/ /de bzhin gshegs pa'i gsung 'dis kla klo'i chos spangs nas sangs rgyas pa'i bye brag tu smra ba rnams byung bar gyur to/ /de nas byang chub sems dpa' rnams la 'jig rten las 'das pa'i chos bsten pa thos te 'dir gang zag tu 'dzin pa yongs su spangs nas 'ga' zhig yang dag par rdzogs pa'i sangs rgyas kyi lam la rten to/ /mdo sde pa rnams la yang rdul phra rab tshogs pa'i bdag nyid kyi 'dzin pa yod te don du smra ba po 'di rnams kyi bsam pa ni gal te nam mkha'i khongs su chud pa rgyu ba dang bcas pa dang rgyu ba med pa'i dngos po med na de'i tshe 'jig rten gsum zhes bya ba med par 'gyur zhing 'khor ba med na bde 'gro dang ngan 'gro med par 'gyur ro/ /de bzhin du sangs rgyas dang byang chub sems dpa' rnams kyang med par 'gyur zhing mchog gi mya ngan las 'das pa yang med par 'gyur la bcom ldan 'das kyis kyang sku gdung yang dag par ston pa med par 'gyur te rdzas kyi nang du 'jug pa'i don med pa'i phyir ro zhes pa ste de ltar de kho na nyid 'dri ba'i dus su de rnams kyi sems kyi bsam pa mkhyen nas bcom ldan 'das kyis gsungs pa rdul phra rab tshogs pa'i bdag nyid skyes bu chen po'i mtshan sum bcu rtsa gnyis dang ldan pa tha ma'i lus yod te gang gi drin gyis yang dag par rdzogs pa'i sangs rgyas nyid dang mchog gi mya ngan las 'das pa chen por 'gyur ba'o zhes pa de nyid bden te bcom ldan 'das kyis sku gdung yang dag par bstan pa'i phyir ro/ /de ltar rdul phra rab tshogs pa'i bdag nyid kyi lus kyi mthu thos nas rigs su smra ba dang sgrar smra ba dang dbang phyug tu smra ba dang byed pa por smra ba spangs nas sangs rgyas pa'i mdo sde pa rnams byung bar gyur to/ /slar yang byang chub sems dpa' rnams la 'jig rten las 'das pa'i chos bstan pa thos nas don gyi 'dzin pa de nyid spangs te 'ga' zhig yang dag par rdzogs pa'i sangs rgyas kyi lam la rten pa byung bar gyur to/ /rnal 'byor spyod pa pa rnams la yang rnam par shes pa'i 'dzin pa yod te rnam par shes par smra ba po de rnams kyi bsam pa ni khams gsum po mtha' dag ni rnam par shes pa tsam mo/ /cha drug gi cha shas can gyi cha yin pa'i phyir rdul phra rab ces bya ba ni med do/ /ji ltar rmi lam gyi gnas skabs na rdul phra rab kyi rdzas med kyang sems kyi snang ba tsam gyi don gyis don bya ba la rab tu 'jug pa de bzhin du sad pa'i gnas skabs su yod pa ma yin pa'i don gyis don rab tu snang bar 'gyur te rab rib kyi dri mas nye bar bcom pa'i mig gis skra shad 'dzag pa dang gser gyi dung bzhin no/ /de ltar de kho na nyid 'dri ba'i dus su de rnams kyi sems kyi bsam pa mkhyen nas bcom ldan 'das kyis gsungs pa khams gsum po 'di ni rnam par shes pa tsam ste rnam par shes pa la gzhan 'khor ba med do/ /'jig rten pa'i rnam par shes pa 'gags pa las srid pa'i sa bon 'gag pa nyid te de'i phyir mya ngan las 'das pa'o/ /'di nyid bden te bem po ma yin pa las bde ba dang sdug bsngal 'byung bar 'gyur gyi bems po las ni ma yin no/ /bde ba dang sdug bsngal zhes bya ba ni 'khor ba ste de med pa zhes bya ba ni mya ngan las 'das pa'o zhes pa ste de ltar bcom ldan 'das kyi gsung thos nas byed pa po dang bdag tu smra ba yongs su spangs te sangs rgyas pa'i rnal 'byor spyod pa pa rnams byung bar gyur to/ /slar yang byang chub sems dpa' rnams la 'jig rten las 'das pa'i chos bstan pa thos nas rnam par shes par smra ba yongs su spangs te 'ga' zhig yang dag par rdzogs pa'i sangs rgyas kyi lam la rten pa byung bar gyur to/ /de bzhin du rnal 'byor ma'i rgyud rnams las/ sgyu 'phrul chen mo drag chen mo/ /'byung dang sdud par byed pa mo zhes pa ste/ de ltar sems can gyi bsam pa'i dbang gis bcom ldan 'das kyi chos bstan pa de ni bcom ldan 'das kyi mgrin pa dang rkan dang spyi bo dang so dang mchu las skyes pa nyi tshe ba'i sgras ma yin te gang gi phyir mtha' yas pa mtha' yas pa'i sems can gyi skad nyid kyi phyir ro/ /'dir nyi tshe ba'i ngag gis yin na cig car mtha' yas pa mtha' yas pa'i sems can rnams la rang rang gi skad gzhan gyis chos bstan par bya bar skal pa mtha' yas pas kyang mi nus so/ /de'i phyir sems can gyi bsam pa'i dbang gis bcom ldan 'das kyi gsung du mi 'gyur zhing sems can gyi bsam pa'i dbang gis bcom ldan 'das kyang 'dzin pa dang bcas par 'gyur te 'dzin pa 'dzin pa'i phyir 'khor ba par 'gyur ro/ /de'i phyir sems can rnams kyi skye ba gzhan gyi bag chags kyi stobs kyis rmi lam du ma skyes pa'i lus bzhin du bcom ldan 'das kyi sku'i snang ba dang gsung gi snang bar 'gyur ro/ /ji ltar rmi lam du slob ma rnams kyis mkhan po mthong nas the tshom gyi don 'dri bar byed cing mkhan pos kyang slob ma rnams kyi the tshom gyi don the tshom med par byed kyang de na mkhan po med te slob ma rnams kyi sems kyi bag chags kyi snang ba'o/ / de bzhin du sems can bsod nams dang ldan pa rnams kyi rang gi sems kyi snang ba ste bcom ldan 'das ni skyes pa ma yin zhing 'gags pa ma yin no/ /rgyu 'dis sangs rgyas pa bzhi po rnams kyi bag chags kyi stobs kyis bcom ldan 'das kyis gang zag tu smra ba rnams la gang zag mi rtag par bsgom pa gsungs so/ /don du smra ba rnams la sa la sogs pa'i zad par bsgom pa dang rnam par shes par smra ba rnams la rnam par rig pa tsam gyi ting nge 'dzin dang dbu ma pa rnams la rmi lam lta bur 'gyur ba med cing gnyis su med pa'i ye shes bsgom pa ste de ltar gang zag la bdag med pa dang chos la bdag med pa'o/ /bye brag tu smra ba dang mdo sde pa dang rnal 'byor spyod pa pa rnams kyi lhag ma dang bcas pa'i mya ngan las 'das pa'o/ /dbu ma pa rnams kyi lhag ma dang bral ba rab tu mi gnas pa'i mya ngan las 'das pa ste rgyu dang 'bras bu 'gags pa'i phyir shin du gnyid log pa dang sad pa'i gnas skabs dang bral ba rmi lam dang bzhi pa lta bu'o/ /bcom ldan 'das kyis so sor rtogs pa'i ye shes kyi bstod pa las tshigs su bcad pa bcu pas gsungs pa 'di lta ste/ lhag ma kun las rnam grol zhing / /nam mkha'i lo ma li rab gnas pa/ /yid bzhin nor bu chen po 'chang / /khyab bdag rin chen kun gyi mchog /ces pa ste de'i phyir phyogs su 'dzin pa dang bral zhing lhag ma lus pa med pa'i mya ngan las 'das pa ni yang dag par rdzogs pa'i sangs rgyas kyi'o/ /ci ste rmi lam gyi gnas skabs su bems po'i chos med par bems po ma yin pa'i snang ba mthong bar 'gyur te sems kyi bag chags kyi dbang gis so/ /sad pa'i gnas skabs su ni bems po'i chos med par bems po ma yin pa'i snang ba mthong bar mi 'gyur te me long la gzugs brnyan bzhin no/ /gnas skabs 'di la rnal 'byor pa'i bsgom pa'i snang ba yang rnam pa gnyis su snang bar 'gyur te chu'i zla ba bzhin du chos can yod na chos rnams so/ /gnas skabs de la rnal 'byor pas bems po'i chosu med par rmi lam dang mtshungs pa bems po'i chos ma yin pa brtags pa ma yin pa skyes pa ma yin pa stong pa ma yin pa sems ma yin pa nam mkha' la mthong bar 'gyur ba 'di nyid ni rab tu ma grags te gang gi phyir chos can yod na chos rnam par dpyod pa'i phyir ro/ /sgyu ma lta bur de bzhin gshegs pas gsungs pa rnams bems po'i chos med par bems po ma yin pa'i snang ba ting nge 'dzin gyis mthong bar mi 'gyur ro zhes pa 'dir 'ga' zhig gi bsam pa 'byung bar 'gyur te/ de'i phyir brjod par bya'o/ /'dir bems po'i sems kyi bag chags la mngon par dga' ba rnams kyis brjod par bya ba gang yin pa sad pa'i gnas skabs su bems po'i chos med par bems po ma yin pa'i snang ba mthong bar mi 'gyur ba de ni ma yin te gang gi phyir pra phab pa re me long la bems po'i chos med par bems po ma yin pa'i snang ba yang dag par mthong ba'i phyir ro/ /ji ltar gzhon nu mis pra phab pa'i me long la sngags dang lha'i byin brlabs kyi stobs kyis 'das pa dang ma 'ongs pa dang da ltar byung ba'i chos rnams kyi bems po ma yin pa snang bar 'gyur te 'das pa dang ma 'ongs pa dang da ltar byung ba'i bems po'i chos de rnams me long la mngon par phyogs par 'gyur ba yang ma yin la bems po'i chos de rnams med par me long la bems po ma yin pa'i snang ba med pa yang ma yin zhing chos de rnams gzhon nu mas bsams pa yang ma yin no/ /de bzhin du rnal 'byor pas rang gi sems kyi byin brlabs kyi stobs kyis nam mkha'i khams la bems po khams gsum pa med par bems po ma yin pa'i snang ba mthong bar 'gyur ro/ /bcom ldan 'das kyis sgrub thabs kyi le'u las tshigs su bcad pa brgya dgu bcu rtsa brgyad pas gsungs pa/ phyag rgya sgyu ma'i rjes su mthun pa yid dang nam mkha' la ni me long dag la gzugs bzhin te/ /'jig rten gsum po snang bar byed cing dri med glog dang mtshungs pa'i 'od zer du ma 'phro bar byed/ /phyi dang lus la dbyer med yul dang rnam par bral ba snang ba tsam ni mkha' la gnas pa yi/ /sems la sems gyi rang bzhin 'khyud pa gang zhig 'gro ba du ma'i gzugs can de ni gcig pu'o zhes pa ste bcom ldan 'das kyi gsung 'di'i phyir bems po'i chos med par bems po ma yin pa'i chos snang ba rnal 'byor pas mthong bar 'gyur ro/ /ci ste gzhon nu mas pra phab pa'i me long la snang ba mthong ba gang yin pa de ni slob dpon gyi drin gyis yin te gang gi phyir gzhon nu ma la slob dpon gyis sngags dang lha'i byin gyis brlab pa byas pa'i phyir ro/ /'dir gzhon nu ma la slob dpon gyis sngags dang lha'i byin gyis brlab pa byas so/ /des na byin gyis brlab pa'i dbang gis gzhon nu mas pra phab pa'i me long la snang ba mthong bar 'gyur gyi sngags dang lha'i byin brlabs dang bral bas ni ma yin no/ /de'i phyir bla ma'i bka'i drin gyis rnal 'byor pas khams gsum par snang ba tsam nam mkha'i khams la mthong bar 'gyur ro zhes pa 'dir bka' la chags pa 'ga' zhig gis bsam pa 'byung bar 'gyur te/ de'i phyir brjod par bya'o/ / 'dir rmongs pa rnams kyis brjod par bya ba gang yin pa bla ma'i bka' drin gyis gzhon nu ma la sngags dang lha'i byin brlabs su 'gyur ba de ni ma yin te gang gi phyir slob dpon la pra phab pa'i me long la snang ba med pa'i phyir ro/ /'dir gal te slob dpon gyi bka' drin gyis gzhon nu ma la sngags dang lha'i byin gyis brlabs par 'gyur na de'i tshe slob dpon la yang byin gyis brlabs pa de nyid ci ste mi 'gyur gang gis na gzhon nu ma la byin gyis brlab pa byas nas 'das pa dang ma 'ongs pa dang da ltar byung ba'i lkog tu gyur pa'i shes pa 'dri bar byed gal te de nyid la byin gyis brlabs pa yod na de nyid kyis pra phab pa'i me long la de'i snang ba mthong nas rang nyid kho nas rjod par byed te de ltar yang ma yin no/ /de'i phyir slob dpon gyi bka' drin gyis gzhon nu ma la snang ngo brjod par mi nus te de bzhin du rnal 'byor pa la yang ngo / /'on kyang gzhon nu ma la sngags dang lha'i byin gyis brlabs par 'gyur ba de la rgyu yod de rgyu gang gis gzhon nu ma la dbang po gnyis yang dag par phrad pa las 'pho ba'i bde ba nye bar thob pa med pa'i rgyu des byin gyis brlabs par 'gyur ro/ /'jig rten du yang rab tu grags te gzhon nu ma'i bde ba bzhin zhes so/ /rgyu des na gzhon nu mas sngags dang lha'i byin gyis brlabs pa'i stobs kyis pra phab pa'i me long la snang ba mthong bar 'gyur gyi dbang po gnyis kyi bde ba nye bar thob pa'i na chung gzhan gyis ni ma yin no/ /gzhon nu lhas byin gyis brlabs pa dang lhas byin gyis brlabs pa'i dar ma dang na chung dar la bab pas kyang mthong bar 'gyur ro/ /de bzhin du rnal 'byor pa yang mchog tu mi 'gyur ba'i bde ba goms pa'i dbang gis phyi rol gyi 'pho ba'i bde ba spangs pa'i phyir gzhon nu ma'i gnas skabs gzhan du gyur pas rang gi sems kyis byin gyis brlabs pa'i stobs kyis 'das pa dang ma 'ongs pa dang da ltar byung ba mthong bar 'gyur gyi bla ma'i bka'i drin gyis ni ma yin no/ /ci ste mchog tu mi 'gyur ba'i bde ba goms pa med cing tshangs par spyod pa med kyang ltas du ma ston par byed pa ma yin nam de'i phyir tshangs par spyod pa med kyang sngags dang lhas byin gyis brlabs par 'gyur te rnam pa gzhan du na de dag ci ltar ltas ston par byed ces pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir byis pa rnams kyis gang brjod pa tshangs par spyod pa med pa rnams la sngags dang lha'i byin gyis brlabs par 'gyur ba de ni ma yin te gang gi phyir skar rtsis goms pa'i dbang gis don yang dag par mthong ba'i phyir ro/ /'dir ltas shes pa gang yin pa de nyid ni skar rtsis kyi yan lag sems can thams cad kyi thun mong ba ste man ngag gi dbang dang rtsis kyi dbang gis skye ba dang nyams pa la sogs pa ji lta ba bzhin du shes so/ /gzhan dag gis rna ba'i sha za mo bsgrubs te des rjod par byed do/ /gzhan dag gis zhing skyong rnams bsgrubs te de rnams kyis de rnams kyi sems la gang cung zad 'phro ba rjod par byed do/ /gzhan dag gis ma mo rnams bsgrubs shing phab te gzhan gyi lus la rab tu zhugs nas rjod par byed do/ /gzhan dag gis klu'i rgyal po rnams bsgrubs te de rnams kyis dus kyis zin pa'i lus la rab tu zhugs nas rjod par byed do/ /gzhan dag gis bran po bsgrubs te de ni sgrub pa po rnams kyi tshig gis sems can gyi lus la zhugs nas sems can rnams la co 'dri bar byed do/ /gzhan dag gis mkha' 'gro ma dang srin po la sogs pa rnams bsgrubs te de rnams kyis sems can rnams kyi khrag 'thung bar byed do/ /gzhan dag gis 'byung po rnams bsgrubs te de dag sems can rnams kyi lus la zhugs nas 'dar ba dang g.yo ba la sogs pa byas te 'gro'o/ /gzhan dag gis bgegs dang log 'dren rnams bsgrubs te de rnams kyis sems can rnams la bgegs byed do/ /gzhan dag gis zhi ba'i lha rnams bsgrubs te de rnams kyis sems can rnams la srung bar byed do/ /gzhan dag gis 'dod pa'i lha rnams bsgrubs te de rnams kyis sems can rnams 'dod pas myos pa dang khu ba 'pho bar bya'o/ /gzhan dag gis gdug pa'i lha gzhan rnams bsgrubs te 'ga' zhig gis rengs par byed do/ / 'ga' zhig gis rmongs pa dang 'ga' zhig gis bskrad pa dang 'ga' zhig gis dbye ba dang 'ga' zhig gis bsad pa'o/ /'ga' zhig gis shing dang mtshan ma rtsad nas 'byin par byed te de lta bu la sogs pa nye bar 'tshe ba'i las phra mo du ma rnams mi snang ba'i gzugs kyis byed do/ /gang dag gis gdug pa'i lha bdud kyi ris rnams bsgrubs pa de rnams 'phral du yid ches par byed pa'i yongs su shes pa phra mo 'di rnams kyis rmongs pa rnams kyi bla mar 'gyur zhing chos ston par byed de 'dod pa dang dug dang mig sman med pa rnams kyi ye shes yid ches pa ni snying po'o/ /gang la 'dod pa'i bka' med pa dang dug dang mig sman med pa'i bka' med pa la mig sman med pa ni phra mo dang bde 'byung dang nus pa can te mngon sum dang lkog tu gyur pa shes pa'i bka' med pa de ni mkhas pa yin yang phyugs so/ /sems can thams cad la phan par byed pa la dga' ba bsod snyoms la rgyu zhing gcig pu grogs med par gnas pa ni rang gi don nyams pa ste rang don nyams pa rmongs pa nyid ces 'jig rten du yang rab tu grags so/ /de'i phyir mchog gi dbang phyug gi bka' longs spyod dang grol ba'i 'bras bu rab tu ster ba 'di ni brgyud pa'i rim pas 'ongs pa ste bla ma'i drin gyis thob bo/ / mchog gi dbang phyug gam thams cad mkhyen pas gsungs pa/ /bla ma lta bu'i ma med cing / /bla ma lta bu'i pha med te/ /'khor ba'i rgya mtsho rgal dka' ba/ /'jigs pa che las gang gis bsgral zhes pa dang / bla ma gang gis slob ma la/ /dpag tshad brgya nas bslab pa sbyin/ /longs spyod grol ster bslab pa gang / /de ni thar pa ster byed do zhes pa'o/ /de ltar rnam pa du ma rnams kyis chags pa chen pos zil gyis mnan pa'i rmongs pa de rnams yongs su shes pa phran tshegs kyis sad par byas nas de rnams rjes su 'dzin par byed de bka' de yang ster bar byed do/ /de rnams kyang mgu ba chen por 'gyur te bdag cag rnams bla ma'i drin gyis grol lo/ /da ni bdag cag gis thams cad byas te mi gtsang ba bza' bar bya'o/ /rigs ma yin pa la mngon par bgrod par bya'o/ /srog gcod pa dang brdzun du smra ba dang ma byin par len pa dang chang btung ba la sogs pa bya'o/ /de ltar bdud kyi las rnam pa du ma rnams 'dir dngos grub kyi don du byed te mchog gi dbang phyug gi bka' drin gyis de rnams kyi lus 'grub par 'gyur ba yang ma yin zhing 'das pa dang ma 'ongs pa dang da ltar byung ba rig par 'gyur ba yang ma yin no/ /mthar 'chi bar 'gyur te lus mes sreg par 'gyur ba 'am khyi dang bya la sogs pa rnams kyis za bar 'gyur ro/ /srog ni zhi ba 'am rnam par shes pa ni rdo rje can du 'gyur ba med do/ /de ltar bdud rnams kyis sngags dang lha'i byin gyis brlab pa'i rim pa phra mo thams cad mchog tu mi 'gyur ba'i ye shes la mngon par dga' ba'i rnal 'byor pa rnams kyis rnam par dpyad par bya ste sngags kyis byin gyis brlab pa phra mo 'di rnams kyis rdo rje 'bebs par mi 'gyur ro/ /bcom ldan 'das kyis mtshan yang dag par brjod pa'i me long lta bu'i ye shes kyi bstod pa las tshigs su bcad pa bdun pas gsungs pa 'di lta ste/ rdo rje 'bar ba mig mi bzad/ /skra yang rdo rje 'bar ba ste/ /rdo rje 'bebs pa 'bebs pa che/ / mig brgya pa ste rdo rje'i mig ces pa dang de bzhin du rgyud kyi rgyal po'i dbang gi le'u las kyang tshigs su bcad pa brgyad bcu rtsa dgu pas sku'i 'bebs pa la sogs pa gsungs pa 'di lta ste/ sku phebs pas ni rnal 'byor ldan pa rang bzhin yon tan dbang gis sku yi bya ba byed pa ste/ /gsung phebs pas ni lha dang 'byung po lha min rnams las rnam par rgyal ba'i smra ba po ru 'gyur/ /thugs phebs pas na gzhan gyi snying la gnas pa dag dang byung dang 'byung ba thams cad shes par 'gyur/ /ye shes phebs pas sangs rgyas lha dang mi yi bla ma rdzu 'phrul ldan pa'i ston pa gcig pur 'gyur zhes pa ste rdo rje 'bebs pa med pa de'i phyir lha phra mo'i 'bebs pa rnams ni sangs rgyas nyid kyi 'bras bu ster bar byed pa por mi 'gyur ro/ /re shig sangs rgyas nyid dang 'jig rten gsum gyi bdag po nyid ces bya ba lta zhog gi nyi tshe ba'i 'bebs pa 'di rnams kyis ni ral gri dang bcud dang bcud len la sogs pa rnams kyang 'grub par mi 'gyur te gang gi phyir mchog gi dbang phyug gi bka' ster bar byed pa po'i bla ma pha rol gyi rdzas 'phrog par byed pa nyid kyi phyir ro/ /'dir gal te bla ma'i bka' drin gyis rmongs pa chen po rnams kyis skye ba 'di la 'jig rten gsum gyi rgyal srid dang thams cad mkhyen pa'i go 'phang du 'gyur na de'i tshe ci'i phyir bla ma la dbul ba'i sdug bsngal yod cing bcud grub pa'i go 'phang yang yod pa ma yin/ de ltar rnam pa du ma rnams kyis rnam par dpyad na skye ba gzhan gyi bsod nams dang ye shes kyi tshogs gnyis dang bral ba la ni thams cad mkhyen pa'i go 'phang yod pa ma yin no/ /de'i phyir bsod nams dang ye shes kyi tshogs kyi don du sems can la phan par bya'o/ /bcom ldan 'das kyis le'u lnga pa las tshigs su bcad pa drug bcu rtsa drug pas gsungs pa/ sems can rnams ni sangs rgyas yin te sangs rgyas chen po gzhan 'dir 'jig rten khams na yod ma yin/ /de rnams mnyes par byas pas dpag med srid pa gcod par byed de rnam par mi rtog pa las so/ /rnal 'byor pa ni 'khu bar byed na dmyal ba ngu 'bod la sogs chen po'i mtha' ru 'gro bar 'gyur/ /de phyir sems ni dag pa na yang mkhas dang mi mkhas skye bo rnams la 'gal bar mi bya'o zhes pa ste de'i phyir bsod nams kyi tshogs kyi don du sems can la phan par bya'o/ /ye shes kyi tshogs kyi don du mchog tu mi 'gyur ba'i ye shes bsgom par bya'o/ /sems can gyi don ma gtogs par bsod nams kyi tshogs dang mchog tu mi 'gyur ba'i ye shes sgom pa ma gtogs par ye shes kyi tshogs su 'gyur ba ma yin no zhes pa de bzhin gshegs pa'i thugs so/ /bcom ldan 'das kyis rgyud kyi rgyal po'i le'u lnga pa las tshigs su bcad pa bdun bcu rtsa gnyis pas gsungs pa 'di lta ste/ sems can rnams kyi sdig pa'i sems ni mi yi bdag po bdud kyi tshogs kyis byin gyis brlabs par 'gyur/ /bsod nams ye shes rjes chags bde ster dag kyang rtag tu byang chub sems dpa' rnams kyis byin brlabs pa'o/ /gang phyir bde ba'i dam tshig dbang gis bdud dang nyon mongs bcom nas mya ngan 'das par 'gro byed pa/ /de phyir bdud rnams nyi ma so so'i dus su de dag rnams la du ma yi ni bgegs rnams byed ces pa ste bcom ldan 'das kyi gsung 'di'i phyir rnal 'byor pas thar pa'i don du mchog tu mi 'gyur ba phyag rgya chen po'i rnal 'byor gyis rang gi sems bsgrub par bya'o/ /rnam pa gzhan du bla ma'i bkas thar par mi 'gyur te gang gi phyir bcom ldan 'das lam nye bar ston par byed pa nyid kyi phyir ro/ / bka' yis kun spyod chos rnams ni/ /'gar yang srog chags thar ster min/ /lam nyer ston byed gang gis na/ /rgyal ba bka' yis thar ster min/ /gal te bla ma'i bka' drin gyis/ /lus can rnams ni grol 'gyur na/ / de tshe thar pa snying rje can/ /ting nge 'dzin gyis ston mi 'gyur/ /de'i phyir thar pa'i don dang 'jig rten pa'i dngos grub bsgrub pa'i don du rnal 'byor pas phyi rol gyi lha'i sngags bsgrub par mi bya'o/ /'dir phyi rol gyi lha nye bar 'tshe ba phra mo byed pa rnams ni bsgrubs kyang sgrub pa po la glags tshol bar byed do/ /de rnams kyi stobs kyis sgrub pa po la rab tu gtum pa'i lha gzhan rnams kyang nye bar 'tshe ba phra mo byed te de rnams kyis bzung ba na sgrub pa po la gdug pa'i lha bsgrubs pa de rnams dgra bor 'gyur zhing 'chi ba'i dus su cung zad kyang rjod par mi byed do/ /ting nge 'dzin med pas shi ba'i sgrub pa po yang dmyal bar 'gro'o/ /gzhan yang de rnams bsgrubs pas ci zhig ster bar 'gyur te mi dbul po bzhin no/ / bsgrubs pa rnams kyis smras pa kye sgrub pa po khyod kyis bsgo ba thams cad bdag gis bya'o/ /gal te sgrub pa pos khyed rnams kyis rgyal po chings la 'dir khyer la shog cig ces brjod na de'i tshe yongs su zlog par byed te yul 'di la bdag cag rnams nus pa med do zhes so/ /de ltar lha phra mo bsgrubs par gyur pa rnams ni thams cad mkhyen pa'i yul la yongs su zlog par byed te de'i phyir thams cad mkhyen pa'i go 'phang mngon par 'dod pa rnams la gdug pa'i lha sgrub pa dang bla ma'i bka' 'khor ba'i chos kyi rang bzhin can rnams kyis dgos pa ci zhig yod/ bcom ldan 'das kyis rtsa ba'i rgyud las gsungs pa/ zhi ba'i de nyid 'dod de nyid/ /dug gi de nyid de bzhin bkas/ /kun spyod 'gyur te skyes bu ni/ /sangs rgyas nyid du de bzhin min/ /chags sogs dri ma ldan pa'i sems/ /'gyur ba 'khor ba'i rgyu yin te/ /de dang bral bas rnam par dag /rang bzhin dri med dag pa'o/ /de phyir bka' yis bsal bya ni/ /ci yang gzhag bya ci yang med/ /dag pa'i de nyid 'gyur med che/ /sbyin bya ma yin dbrog bya min/ /kun nas dag pa'i de nyid la/ /sbyin byed 'phrog byed bla ma med/ /bsod nams tshogs ni dman rnams la/ /kun mkhyen gtso bo rang nyid kyang / /skyes bu rnams kyi gzhan phan las/ /bsod nams tshogs ni mchog yin zhing / /ye shes tshogs mchog de dag gis/ /sangs rgyas nyid ni mchog yin no/ /mi la byed po bla ma'i bkas/ /zhi ba'i de nyid 'dod de nyid/ /dug gi de nyid rnam gsum 'gyur/ /mchog tu mi 'gyur bde ba min/ /sems dag lus kyi dbye ba yis/ /gnyid dang rmi lam sad pa la/ /phra mo bde 'byung nus can yang / /byed po'i bka' yis 'gyur ba ni/ / rmongs pa rnams la bla ma'i bkas/ /zhi ba'i de nyid ces par rjod/ /bla ma'i bka' yi drin gyis ni/ /sems dang ngag lus kun bskyod cing / /lus can rnams kyi khu ba 'pho/ /'dod pa'i de nyid ces par bshad/ / bla ma'i bka' yi drin las ni/ /brtan pa g.yo ba byas pa yi/ /dug ni dug med ces brjod cing / /dug med pa ni dug nyid kyang / /dug gi de nyid ces par brjod/ /'phral du yid ches byed pa ni/ /de nyid gsum ste 'gyur med bde/ /bla ma'i bka' yi drin gyis ni/ /lus can kun la 'byung mi 'gyur/ /de phyir bsgom bya brtul zhugs can zhes pa ste bcom ldan 'das kyi gsung 'di'i phyir thar pa don du gnyer ba rnams kyis mchog tu mi 'gyur ba'i ye shes phyag rgya chen po bsgom par bya'o/ /gal te mi 'pho ba'i tshul khrims med par mngon par shes pa lngar mi 'gyur na 'o na de'i tshe chos 'phags la sogs pa'i byang chub sems dpa' rnams dang bA shiSh+Tha la sogs pa'i drang srong chen po rnams la ci ltar mngon par shes pa lngar 'gyur zhes pa 'ga' zhig dag gi bsam pa 'byung bar 'gyur te/ de'i phyir brjod par bya'o/ /'dir byis pa'i skye bo rnams kyis brjod par bya ba gang yin pa byang chub sems dpa' sems dpa' chen po rnams la tshangs par spyod pa med pa de ni ma yin te gang gi phyir byang chub kyi sems 'pho ba rnam pa gnyis kyi phyir ro/ /'dir sems can rnams kyi byang chub kyi sems 'pho ba rnam pa gnyis te gcig ni dge ba dang mi dge ba'i las kyi dbang gis so/ / gnyis pa ni sems la dbang ba'i dbang gis so/ /de la las kyi dbang gis 'pho ba gang yin pa de ni 'khor bar 'khyam pa'i don du'o/ /sems la dbang ba las 'pho ba gang yin pa de ni 'khor ba'i 'khor lor las kyis 'khyam pa rnams la lam bstan pa'i don du'o/ /ji ltar 'bigs byed kyi nags thibs por rab tu lhung ba lam nyams pa rnams la lam ston pa po med par lam mthong bar mi 'gyur te de bzhin du 'khor bar rab tu lhung ba rnams la lam ston pa po med par lam mthong bar mi 'gyur ro/ /gal te lam ston pa po dang lhan cig tu yang dag par mthong ba med pa de lta na yang lam med do/ /ci ste lam ston pa po sngar rnam par dag pa'i lam nas ma 'ongs pa de lta na yang lam med do/ /ci ste lam nyams pa rnams kyis skad mi shes pa de lta na yang lam med do/ /lam nyams pa 'di rnams skrag par gyur pa mthong nas lam nyams pa ma yin pa ni skrag par 'gyur ba ma yin no/ /de ltar byang chub sems dpa' rnams sems can la phan gdags pa'i don du 'khor bar rab tu 'jug ste las kyi rnam par smin pa las ni ma yin no/ /gal te byang chub sems dpa' sa bcu'i dbang phyug pha rol tu phyin pa bcus nges par byung ba dbang bcu thob pa rnams las kyi rnam par smin pas 'khor bar 'khyam na de'i tshe sems can rnams la thar pa med do/ /lam mi shes pas lam mi shes pa rnams la lam nye bar bstan par brjod par bya ba ma yin te long bas long ba la bzhin no/ / de'i phyir byang chub sems dpa' rnams skye ba 'dzin pa ni sems can gyi don du'o/ /'jig rten mgon po bdag la sems can gyi don gyi slad du dmyal bar rab tu zhugs pa'i dus su bdud kyi ris rnams kyis brjod pa/ gang zhig srid pa'i 'ching ba rnams las grol yang sems can don du srid pa 'dzin/ /de ni stong pa'i don dag ston mdzad dus las las kyi 'bras bu gtong ma lags/ /sems kyi dri ma yang dag ye shes mes bsregs rtag tu yang dag brtse bas brlan/ / mdzad spyod brtag min sems can don la dgyes pa'i sangs rgyas de la bdag cag 'dud ces pa ste/ de ltar yon tan du ma dang ldan zhing nyon mongs pa'i sgrib pa bsregs pa rnams kyi sems can gyi don bya ba'i bdag nyid nyon mongs pa'i sgrib pa cha shas tsam ni skye ba 'dzin pa'i don du'o/ /rnam pa gzhan du na sems can rnams la lam ston pa med par 'gyur ro/ /lam med par thog ma med pa'i 'khor ba las sems can rnams nges par 'byung bar mi 'gyur te byang chub sems dpa' dang phrad pa med pa'i phyir ro/ /'dir byang chub sems dpa' rnams kyis sngon du byang chub kyi sems shin tu brtan par byas so/ /byang chub kyi sems 'di la bcing ba rnam pa gnyis te shes rab kyi chags pa dang bral ba dang shes rab kyi chags pas so/ /ji ltar dngul chu bcing ba bzhin te gcig ni bdug pa dang dgod pa'i sbyor bas te gnyis pa ni lcags la sogs pa bskol ba dang mes bsreg pa'i sbyor bas so/ /de dag las bdug pa dang dgod pa'i sbyor bas bcings pa'i dngul chu gang yin pa de ni me drag pos bzhu bar gyur na cung zad gnas te 'bros par byed do/ /lcags thams cad bskol ba las me drag pos bcings pa gang yin pa de ni me drag pos bzhu bar gyur pa na nam yang mi 'bros so/ / de nyid ni zas dang bskol ba gzhan gyi dbang gis gnas skabs gzhan du 'gyur ba 'di lta ste/ du ba dang ni tseg tseg nyid/ /sbal pa mchong ba nyid dang ni/ /'dar dang mi 'dar ba nyid de/ /dngul chu yi ni gnas skabs lnga/ /de bzhin du sgom pa goms pa'i dbang gis byang chub sems kyi gnas skabs gzhan du 'gyur te dman pa dang 'bring dang mchog dang ches mchog gi rab tu dbye ba las so/ /bdug pa dang dgod pa'i sbyor bas bcings pa gang yin pa de ni byang chub sems kyi bcing ba ste de ni gang zag mi rtag pa bsgom pa'i stobs dang sa la sogs pa'i zad par mngon sum du byed pa dang shes rab kyi chags pa dang bral ba yis so/ /ji ltar dngul chu'i bdug pa dang dgod pa'i sbyor ba la yang dus gzhan gyi dbang gis lcags kyi zas za ba yod te zas zos pa des gnas skabs gzhan du 'gyur ro/ /de bzhin du gang zag mi rtag par sgom pa dang sa la sogs pa'i zad par sgom pas bems po'i phung po dang khams dang skye mched zad pa las gnas skabs gzhan du 'gyur te gnas skabs gzhan zhes bya ba ni sa thob pa'o/ /'dir sa ni rnam pa gnyis te 'dod chags dang bral ba'i sa dang yang dag par rdzogs pa'i sangs rgyas kyi sa'o/ /sa'i dbang gis rdzu 'phrul te rnam pa gcig pa'i rdzu 'phrul dang rnam pa thams cad pa'i rdzu 'phrul lo/ /de bzhin du mngon par shes pa lnga dang mngon par shes pa drug go/ de bzhin du don gyi grangs mthong ba dang don thams cad kyi grangs mthong ba'o/ /de bzhin du skad ni sems can gyi grangs kyi bdag nyid can dang sems can thams cad kyi grangs kyi bdag nyid can no/ /de bzhin du chos ston pa ni sems can gyi grangs kyi mtshan nyid dang sems can thams cad kyi grangs kyi skad kyi mtshan nyid do/ /de bzhin du mya ngan las 'das pa ni phung po'i lhag ma dang bcas pa dang phung po'i lhag ma med pa'o/ /de bzhin du gang zag la bdag med pa dang chos la bdag med pa'o/ /de bzhin du 'phags pa'i bden pa bzhi sgom pa dang chos thams cad rang bzhin med pa stong pa nyid kyi ting nge 'dzin no/ / de ltar sa'i khyed par gyis sems can gyi don bya ba rnam pa gnyis su 'gyur ro/ /'dir sa dang po thob pa las 'jig rten gyi khams gcig gi mthar thug par ma mthong ba'i don yang dag par mthong ngo / /sa gnyis pa thob pa las phyogs bcu'i 'jig rten gyi khams gnyis kyi mthar thug par ro/ /sa gsum pa thob pa las phyogs bcu'i 'jig rten gyi khams bzhi'i mthar thug par ro/ /sa bzhi pa thob pa las phyogs bcu'i 'jig rten gyi khams brgyad kyi mthar thug par ro/ / sa lnga pa thob pa las phyogs bcu'i 'jig rten gyi khams bcu drug gi mthar thug par ro/ /sa drug pa thob pa las phyogs bcu'i 'jig rten gyi khams sum bcu rtsa gnyis kyi mthar thug par ro/ /sa bdun pa thob pa las phyogs bcu'i 'jig rten gyi khams drug bcu rtsa bzhi'i mthar thug par ro/ /sa brgyad pa thob pa las phyogs bcu'i 'jig rten gyi khams brgya nyi shu rtsa brgyad kyi mthar thug par ro/ /sa dgu pa thob pa las phyogs bcu'i 'jig rten gyi khams nyis brgya lnga bcu rtsa drug gi mthar thug par ro/ /sa bcu pa thob pa las phyogs bcu'i 'jig rten gyi khams lnga brgya bcu gnyis kyi mthar thug par ro/ /sa bcu gcig pa thob pa las phyogs bcu'i 'jig rten gyi khams nyi shu rtsa bzhi lhag pa'i stong phrag gcig gi mthar thug par lkog tu gyur pa'i don yang dag par mthong ngo / /de bzhin du stong gnyis dang stong gsum gyi 'jig rten gyi khams rnams kyi grangs kyi mtshan nyid do/ /stong gcig ces bya ba ni mi mjed kyi 'jig rten gyi khams kyi dbus nas steng dang 'og tu stong phrag re re ste 'og dang steng bzhin du shar dang nub dang byang dang lho dang bden bral dang dbang ldan dang rlung dang mer ro/ /de bzhin du stong phrag gnyis dang gsum mo/ /de nas stong chen po zhes bya ba grangs med pa chen po'i 'jig rten gyi khams rnams te de rnams su ma mthong ba'i don yang dag par mthong bar yang dag par rdzogs pa'i sangs rgyas kyis bcu gnyis pa thob pa las 'gyur gyi 'dod chags dang bral ba rnams kyis ni ma yin no/ /shes rab kyi chags pa las byung ba mi 'gyur ba'i bde ba chen po'i skad cig rnams kyis de bzhin gshegs pa'i sa 'di rnams thob ste mi 'pho ba'i skad cig brgya phrag bcwa brgyad thob pas sa dang po thob bo/ /grangs 'dis sa bcu gnyis kyi mthar thug par ro/ /mi 'gyur ba'i skad cig nyi khri chig stong drug brgya rnams kyis sa bcu gnyis thob ste yan lag bcu gnyis 'gags pa ji srid par ro/ /dus sbyor bcu gnyis 'gags pas zla ba bcu gnyis 'gag go/ zla ba bcu gnyis 'gags pas nyin zhag sum brgya drug bcu 'gag go/ nyin zhag sum brgya drug bcu 'gags pas chu tshod nyi khri chig stong drug brgya rnams 'gags te de ltar phyi rol la ji lta ba de bzhin du lus la chu tshod kyi grangs kyi dbugs rnams 'gag go/ dbugs rnams 'gags pas lus 'gag ste byang chub kyi sems 'gyur ba med pa'i skad cig rnams kyis so/ /ji ltar dngul chu bskol ba dang rin po che rnams kyis lcags zos pa ni de rnams kyi tshon chen po bzung nas gnas kyi phal pa'i khams nyid du ni ma yin no/ / tshon chen po des lcags gang la reg par byed pa'i lcags de rnams ni dri ma dang bral bar 'gyur zhing rdo rnams ni rin po cher 'gyur ro/ /de bzhin du byang chub kyi sems bsgoms pa ni phung po dang khams dang skye mched srog dang bcas pa rnams zos shing de rnams kyi tshon chen po bzung nas gnas kyi phal pa nyid ni ma yin no/ /tshon des bsod nams kyi dbang las sems can gang dag la byin gyis brlab pa byed pa de rnams mngon par shes pa can du 'gyur gyi yang dag par rdzogs pa'i sangs rgyas nyid ni ma yin te gang gi tshe lcags bskol ba rnams dngul chu dang lhan cig gcig nyid du 'gyur ba de'i tshe dngul chus phug pa'i lcags rnams dri ma med par 'gyur gyi bems po'i khams nyid med pa ni ma yin pa bzhin no/ /phan tshun yang dag par ldan pa de'i phyir khams rnams ni khams nyid du med cing dngul chu'ang dngul chu nyid du med te sngar gyi rang bzhin yongs su btang ba'i phyir ro/ /de bzhin du sems dang lhan cig gcig tu gyur pa'i lus kyi khams rnams la khams nyid med cing sems la sems nyid med te sngar gyi 'khor ba'i bag chags med pa'i phyir ro/ /de'i phyir bcom ldan 'das kyis sems gang yod pa'i sems de ni sems ma yin no zhes gsungs so/ /de ltar brjod pa'i rim pa 'dis sa brgyad kyi dbang phyug dang dbang phyug la sogs pa'i lha rnams dang byang chub sems dpa' rnams la yang mngon par shes pa lnga rig par bya'o/ /bA shiSh+Tha la sogs pa'i drang srong rnams la ni mngon par shes pa lnga med de gang gi phyir rA mA ya Na dang b+hA ra ta tshad ma yin pa'i phyir ro/ /'dir grog mkhar gyi tshig rA mA ya Na las thos pa bA shiSh+Thas byin pa'i dus sbyor la lha rA mas lha mo sI ta'i lag pa bzung ba byas so/ /bA shiSh+Thas byin pa'i dus sbyor gyi drin des rA ma ni rgyal srid las nyams te nags su zhugs shing sI ta yang rtag tu sdug bsngal dang ldan no/ /de skad du gsungs pa/ sngon gyi las 'bras longs spyod la/ /gza' dang rgyu skar don med te/ /bA shiSh+Thas byin dus sbyor gyis/ /skyed byed ma ni sdug bsngal sten zhes so/ /de bzhin du rgyas pa'i tshig b+hA ra ta las thos pa sgra ngan pa dang skya bseng gi bu rnams las gang dag gnam stong la ku ru'i zhing du 'jug par byed pa de rnams rnam par rgyal bar 'gyur ro zhes pa'i tshig 'di thos nas skya bseng gi bu rnams bcu gsum la rab tu zhugs shing sgra ngan pa rnams gnam stong la rab tu zhugs te de rnams las gang dag bcu gsum la rab tu zhugs pa de rnams rnam par rgyal bar gyur cing gang dag gnam stong la rab tu zhugs pa de rnams bsad par gyur to/ /ci ste drang srong gdug pas smras pa 'dir bram ze'i tshig gis bcu gsum ni gnam stong du 'gyur te zla ba dang nyi ma gcig tu sbyor ba'i phyir ro zhe na/ de nyid ni mi 'thad de gang gi phyir zla ba'i cha bcwa lnga zad pa med pa'i phyir ro/ /'dir bcu gsum la cha bcwa lnga zad par mi 'gyur te gza' gang dang skar ma gang gis bcu gsum par gyur pa'i gza' de dang skar ma des gang du yang gnam stong du mi 'gyur ro/ /rgyu de'i phyir de rnams kyi skar rtsis kyi mngon par 'dod pa ste mngon par shes pa lnga po rnams kyis don yang dag par mthong ba ni ma yin no/ /de bzhin du sdig pa'i blo can rnams kyis lo rgyus kyi chos brdzun pa smras pa 'di lta ste/ rgyal po stobs ldan gyi dus su 'o ma'i rgya mtsho bsrub pa las rta mthor thos dang glang po che sa srungs dang nor bu kaustu b+ha dang shing yongs 'du dang lha mo a pa sa ra dang dpal mo dang zla ba dang bdud rtsi dang nag po brtsegs pa rnams byung bar gyur to zhes pa lo rgyus kyi chos kyi tshig tu grag go/ gal te de ltar yin ra an+d+ha ka nyid kyi rgyal srid la tshes dang gza' dang zla ba dang skar ma dang dus rnams med par 'gyur te zla ba dang nyi ma 'char ba dang nub pa med pa'i phyir ro/ /rgya mtshor gnas pa'i zla ba rgyu skar la longs spyod pa med pa'i phyir tshes gcig la sogs pa'i cha 'dzin pa med par 'gyur zhing nyi ma dang bkra shis la sogs pa'i gza' rnams kyi 'char ba dang nub pa dang gza' bdun yongs su longs spyod pa yang med par 'gyur ro/ /de bzhin du hi ra N+ya kA sh+ya pa'i rgyal srid la gza' la sogs pa med par 'gyur te de'i rigs la dus kyi dbang gis stobs ldan skyes shing de nas lha dang lha ma yin rnams kyis rgya mtsho bsrubs pas so/ /ci ste zla ba 'di ma yin gyi de ni dbang phyug gi spyi bo'i zla ba'o zhe na tshig de nyid mi 'thad te zla ba de nyid mngon par 'dod pas an+d+ha ka bsad par gyur to/ /nag po brtsegs pa byung ba de nyid ni bden pa ma yin te rgyal po stobs ldan gyi dus su nag po brtsegs pa'i dug zos pa'i phyir sngar dbang phyug mgrin sngon ma yin par 'gyur ro/ / de bzhin du sa srung dang mthor thos dang dpal mo dang kaustu b+ha dang bdud rtsi rnams byung ba de nyid ni bden pa ma yin te gang gis na an+d+ha ka'i g.yul la lha thams cad rang rang gi mtshan ma dang rang rang gi bzhon pa la gnas zhes pa'o/ /ci ste drang srong gdug pa rnams kyis smras pa dur bA sa yis dmod pa btab pas dbang po'i 'byor pa rgya mtshor zhugs so zhe na/ de nyid ni bden pa ma yin te dbang po'i dmod pas lha gzhan rnams kyi 'byor pa nyams par mi 'gyur ro/ /de ltar brjod pa'i rim pas lo rgyus kyi chos thams cad brdzun par 'gyur ro/ /bcom ldan 'das kyis le'u lnga pa las tshigs su bcad pa brgya brgyad bcu rtsa gnyis pas lo rgyus kyi chos rnams brdzun par gsungs pa 'di lta ste/ dpal mo mthor thos lha yi ljon pa glang po'i bdag dang lha mo kaustu b+ha dang zla ba dang / bdud rtsi stobs ldan rgyal srid dus su chu gter bsrub las lha yul mkha' la gal te byung gyur na/ /an d+ha ka nyid rgyal srid la ni zla ba med pas gza' tshes dus kyi tshogs kyang med par 'gyur/ /de yang dbang phyug zla phyed la chags pa sad par gyur te stobs ldan de ni de yi phyi nas so zhes pa ste rigs pa 'dis rnam par dpyad na 'jig rten gyi lo rgyus rnams ni mi bden no/ /ci ste tshangs pa'i drang srong gdug pa rnams kyis smras pa 'dir sngon du rig byed kyi chos ni lhan cig skyes pa ste phyi nas thams cad mkhyen pas bstan pa'i chos ni bcos ma'o/ /de'i phyir rig byed kyi chos ni phu bo'o zhe na/ de nyid brjod par bya ste rig byed kyi chos phu bo dang phyi nas thams cad mkhyen pa'i chos yin du chug mod 'di la 'gal ba ci zhig yod/ sngon du mun pa chen po lhan cig skyes pa lam thams cad gsal bar byed pa ma yin pa dang phyi nas de gzhom pa'i don du 'od stong pa'i snang ba lam thams cad rab tu gsal bar byed par gyur na mun pa chen po dang snang ba 'di dag las mun pa lhan cig skyes pa phu bo ni mig dang ldan pa rnams kyi dga' ba ma yin no/ /de bzhin du sngon du rig byed kyi chos lhan cig skyes pa phu bo mya ngan las 'das pa'i lam gsal bar byed pa ma yin pa dang phyi nas de gzhom pa'i don du thams cad mkhyen pa'i chos nu bo mya ngan las 'das pa'i lam gsal bar byed par gyur ni/ rig byed kyi chos dang thams cad mkhyen pa'i chos 'di dag las rig byed kyi chos lhan cig skyes pa phu bo ni shes ldan rnams kyi dga' ba ma yin te mig dang ldan pa rnams kyi mun pa chen po bzhin no/ /de'i phyir phu bo dang nu bo dag las nu bo mchog go/ de'i phyir mchog tu mi 'gyur ba'i ye shes kyi sgrub pas mya ngan las 'das par 'gyur gyi 'pho ba'i bag chags can rig byed kyi chos rnams kyis ni ma yin no/ /de bzhin du nya la sogs pa'i lo rgyus rigs ldan gyi mthar thug pa rnams kyang rnam par dpyad na don med pa'o/ /sangs rgyas bcom ldan 'das 'di ni nor lha'i 'jug pa dgu pa ste rigs ldan ni bcu pa'o zhes so/ /sangs rgyas ni rtsod ldan gyi dus su sgyu ma chen po'i g.yo thabs kyis mchod sbyin gyi chos sun 'byin par 'gyur zhing g.yul gyi chos dang pha mes kyi bya ba dang rigs su smra ba dang srog gcod pa dang ma byin par len pa dang 'dod pa log par g.yem pa dang brdzun du smra ba dang tshig rtsub pa dang phra ma dang ngag 'khyal dang brnab sems dang gnod sems dang log par lta ba dang sems can thams cad la gnod pa dang rang gi rigs zad par byed cing rgyal rigs kyi chos mtho ris kyi 'bras bu ster bar byed pa dang drang srong chen po rgyas pa'i tshig b+hA ra ta dang glu'i tshig dang rig byed kyi tshig rnams sun 'byin par 'gyur ro/ /de rnams sun phyung ste de nas dmangs rigs la sogs pa rnams la phyin ci log gi chos ston par 'gyur ba ni 'di lta ste sbyin pa'i pha rol du phyin pa dang tshul khrims kyi pha rol du phyin pa dang bzod pa'i pha rol du phyin pa dang brtson 'grus kyi pha rol du phyin pa dang bsam gtan gyi pha rol du phyin pa dang shes rab kyi pha rol du phyin pa dang thabs kyi pha rol du phyin pa dang smon lam gyi pha rol du phyin pa dang stobs kyi pha rol du phyin pa dang ye shes kyi pha rol du phyin pa ste pha rol du phyin pa bcu po 'di rnams byang chub sems dpa' rnams kyis yongs su rdzogs par bya'o/ /sems can thams cad la byams pa'i sems dang snying rje'i sems su bya'o/ / sems can thams cad la phan gdags par bya'o/ /srog gcod pa dang ma byin par len pa dang 'dod pa log par g.yem pa dang brdzun du smra ba dang tshig rtsub pa dang phra ma dang ngag 'khyal dang brnab sems dang gnod sems dang log par lta ba ste mi dge ba bcu'i las kyi lam rnams mi bya'o zhes pa phyin ci log gi chos kyi rnam grangs 'di rnams kyis dmangs rigs la sogs pa rnams sad par byas nas skra bregs te ngur smrig 'dzin pa'i dge slong rnams su byed par 'gyur ba ni gang dag sngon lha ma yin gyi phyogs na gnas pa nor lhas g.yul du ma bsnun pa rnams te bram ze rnams la sun 'byin pa byas na dmyal bar 'gro ba gang yin pa des na dmangs rigs la sogs pa sngar lha ma yin gyi phyogs na gnas pa rnams dmyal bar 'gro ba'i don du khyab 'jug gis sangs rgyas kyi sgyu 'di byas te de ltar sangs rgyas kyi 'jug pa zhes dang / rigs ldan ni sham b+ha la'i yul du nor lha bram ze'i bu grags par gyur nas rdo'i rta la zhon te ku sha'i rang bzhin can gyi mdun rnams kyis kla klo thams cad bsad nas gser mang po'i me d+ha'i mchod sbyin byas te slar yang sa gzhi bram ze'i rang bzhin du byed par 'gyur ro zhe'o/ /de ltar mi 'thad pa'i tshig du ma rnams ni gdug pa'i bram ze rnams kyi sangs rgyas byung ba'i dus su bkod pa ste sngon gyi rig byed klag pa la med do/ /'dir dang po'i sangs rgyas ston pa'i dus su 'jig rten khams kyi le'u yi skar rtsis kyi skabs las kla klo'i chos byung bar gyur pa na sa la grub pa'i mtha' rnams rnam par nyams par 'gyur zhing nyung ngu'i byed pa rnams 'byung bar 'gyur te 'jam pa'i dbyangs kyang lo drug brgya na sham b+ha la'i yul du shAkya'i rigs la lha mo sna tshogs yum gyi mngal nas lha dbang ldan gyi sras rigs ldan grags pa zhes bya bar 'byung bar 'gyur ro zhes de bzhin gshegs pas gsungs pa 'di lta ste/ lo 'di nas ni drug brgya'i lo yis gsal bar mi bdag grags pa sham b+ha la zhes bya bar 'byung / /de nas klu'i lo brgya rnams kyis nges par mkha'i yul du kla klo'i chos dag rab tu 'jug /de'i dus su 'dzin ma la ni nyung ngu'i byed pa gsal bar mi rnams dag gis rig par bya/ mtha' dag sa gzhi la ni grub pa'i mtha' rnams rnam par nyams pa dus kyi sbyor ba la 'byung 'gyur zhes pa de bzhin gshegs pas 'jam pa'i dbyangs lung bstan pa ste de yang nyi ma'i shing rta la sogs pa tshangs pa'i drang srong bye ba phrag phyed dang bcas pa'i gsum rnams rdo rje theg pa'i bsam pas rigs gcig tu byed par 'gyur ro/ /des na 'jam pa'i dbyangs la rigs ldan gyi mtshan 'byung bar 'gyur gyi bram ze'i rigs 'jog par byed pas ni ma yin no/ /gal te grags pa bram ze'i bu rigs ldan yin na de'i tshe gang gis na 'dir rigs ldan yin nor med par ni nor ldan ma yin no/ /rigs zhes bya ba ni rigs dang rigs ma yin pa rnams gcig tu byed pa'o/ / rigs de gang la yod pa de ni rigs ldan te rigs ldan de nyid ni rigs med par ma yin no/ /slar yang dus bzhi'i mthar kla klo rnams kyi shin du chos ma yin pa gzigs nas ri bo bzhin du 'dar ba med par 'gyur te rta mchog gi ting nge 'dzin gyis rta mchog mtha' yas pa spros nas de rnams kyi kla klo rnams kyi sems zhum par byas te rang gi chos la 'god par 'gyur zhing de rnams kyi chos 'joms par 'gyur gyi srog gtong ba ni ma yin no/ /bcom ldan 'das kyis nang gi le'u las tshigs su bcad pa bzhi bcu rtsa brgyad pas gsungs pa/ 'khor lo can ni rang gi lus la rdo rje can te lha mchog bdag rnams yan lag bcu gnyis 'gog /rigs ldan dag ni yang dag ye shes glang po rta dang shing rta mngag bzhug 'phags pa'i tshad med rnams/ /drag po rang rgyal ming can du 'gyur ha nu mAn ni nyan thos dag go gdug pa kla klo'i dbang / /srog chags rnams kyi sdig pa dag ste gang zhig byed pa'i blo gros sdug bsngal sbyin byed mi dge'i lam zhes pa la sogs pa'o/ /kla klo'i 'khrug pa de bzhin gshegs pas lung bstan pa le'u dang po las gsungs pa gang yin pa rigs ldan gyis rdo'i rta rnams kyis kla klo rnams 'joms par 'gyur ba de ni gdug pa'i drang srong de rnams kyi sems zhum par byed pa'i don du ste rnam pa gzhan du dang por the tshom gyi sems skyes par gyur na rtogs par bya bar mi nus so/ /de'i phyir bcom ldan 'das kyis byang chub sems dpa' thabs la mkhas par rig par bya'o zhes gsungs so/ /de ltar lo rgyus kyi chos rnams ni rnam par dpyad na don med pa'o/ /ci ste drang srong gdug pa rnams kyis smras pa/ lo rgyus dang ni shed bu'i chos/ /rig byad yan lag bcas dang gso/ /bka' yis grub pa bzhi po ni/ /gtan tshigs rnams kyis gzhom mi bya/ /shed bu rgyas pa bA shiSh+Tha'i/ /tshig ni rig byed dang bcas pa/ /tshad ma med par smra ba gang / /de ni tshangs pa gsod byed 'gyur zhes pa'o zhe na/ gdug pa'i drang srong rnams kyi brdzun gyi tshig 'di nyid ni rang gi rigs rab tu gzhag pa'i don du byis pa rnams kun du rmongs pa skyed par byed pa ste rnam par dpyad pas stong pa'o/ /gal te sems can rnams kyi 'dod chags kyi 'pho ba'i bag chags thog ma med pa yin zhing de'i mthus 'khor ba yin na 'o na de'i tshe ci'i don du bcom ldan 'das kyis rten cing 'brel par 'byung ba yan lag bcu gnyis bstan te nyon mongs pa dang las dang sdug bsngal zhes pa gsum po rnams su rim pa bzhin ma rig pa la sogs pa'i yan lag rnams yang dag par bsdus so/ /de'i phyir nyon mongs pa las las su 'gyur zhing las las sdug bsngal du 'gyur te sdug bsngal las slar yang nyon mongs par 'gyur ro/ /'di nyid ni srid pa'i 'khor lo ste 'gro ba thams cad rgyu dang 'bras bu'o/ /sems can gzhan ni 'ga' yang med do/ /stong pa rnams las chos rnams su 'gyur zhing chos rnams kyang las stong pa rnams su 'gyur te kha thon la sogs pa'i dpe rnams kyis de rnams shes par bya'o/ /de'i phyir 'pho ba'i bag chags 'di ni 'khor ba'i 'khor lor mi 'gyur ro zhes pa 'dir 'ga' zhig gi bsam pa 'byung bar 'gyur te/ de'i phyir brjod par bya'o/ /'dir byis pa rnams kyis ma rig pa la sogs pa rten cing 'brel par 'byung ba'i yan lag bcu gnyis ni nyon mongs pa dang las dang sdug bsngal gyi bdag nyid de de nyid 'khor ba'i 'khor lor brjod pa gang yin pa de ni ma yin te gang gi phyir bcom ldan 'das mchog tu mi 'gyur ba'i rig pa 'dzin pa nyid kyi phyir ro/ /'dir bcom ldan 'das rdo rje sems dpa' mchog tu mi 'gyur ba'i rig pa 'dzin pa 'khor ba'i bag chags las 'das pa ste de'i chos mi mthun pas 'khor ba pa rnams 'gyur ba'i rig pa 'dzin pa 'khor ba'i bag chags kyis bzung ba'o/ /de'i phyir mchog tu mi 'gyur ba'i 'dod chags chen po ni rig pa ste ma rig pa ni 'dir sems can rnams kyi thog ma med pa'i 'dod chags kyi bag chags so/ / des 'dod chags la rab tu 'jug ste 'dod chags kyang 'gyur ba'o/ /'gyur ba las chags pa dang bral ba ste chags pa dang bral ba zhes bya ba ni zhe sdang ngo / /zhe sdang gi bdag nyid ni brgyal ba ste brgyal ba zhes bya ba ni gti mug go / de ltar 'dod chags dang zhe sdang dang gti mug gi bdag nyid ni ma rig pa ste nam mkha'i me tog gi phreng ba ni ma yin no/ /ma rig pa zhes bya ba ni nyon mongs pa'o/ /ma rigs pa las 'du byed te las so/ /'du byed las rnam par shes pa ste sdug bsngal lo zhes pa ni dang po chung ngu'i gnas skabs kyi lus dang ngag dang sems so/ /de nas rnam par shes pa las ming dang gzugs te nyon mongs pa'o/ /ming dang gzugs las skye mched drug ste las so/ /skye mched drug las reg pa ste sdug bsngal lo zhes pa ni gnyis pa 'bring po'i gnas skabs kyi lus dang ngag dang sems so/ /de nas reg pa las tshor ba ste nyon mongs pa'o/ /tshor ba las sred pa ste las so/ /sred pa las len pa ste sdug bsngal lo zhes pa ni gsum pa chen po'i gnas skabs kyi lus dang ngag dang sems so/ /de nas len pa las srid pa ste nyon mongs pa'o/ /srid pa las skye ba ste las so/ /skye ba las rga shi ste sdug bsngal lo zhes pa ni bzhi pa chen po'i chen po'i gnas skabs kyi lus dang ngag dang sems so/ /de ltar lus dang ngag dang sems dang ye shes kyi bdag nyid bzhi po rnams ni chu srin la sogs pa'i dus sbyor gsum gsum la ste mngal dang sgo dang phyi'i dbye ba rnams la'o/ /de la mi rnams kyi mngal 'dzin pa'i zla ba ni chu srin dang ma rig pa ste mngal lo/ /zla ba gnyis pa ni bum pa dang 'du byed te sgo'o/ /zla ba gsum pa ni nya dang rnam par shes pa ste phyi rol lo zhes pa zla ba gsum gyi bdag nyid ni mngal nas skyes pa rnams kyi chung ngu'i gnas skabs so/ /de nas bzhi pa ni lug dang ming dang gzugs te mngal lo/ /lnga pa ni glang dang skye mched drug ste sgo'o/ /drug pa ni 'khrig pa dang reg pa ste phyi rol lo zhes pa zla ba gsum gyi bdag nyid ni 'bring po'i gnas skabs so/ /de nas zla ba bdun pa ni kar ka Ta dang tshor ba ste mngal lo/ /brgyad pa ni seng ge dang sred pa ste sgo'o/ /dgu pa ni bu mo dang len pa ste phyi rol lo zhes pa zla ba gsum gyi bdag nyid ni gsum pa chen po'i gnas skabs so/ /de nas zla ba bcu pa ni srang dang srid pa ste mngal lo/ /bcu gcig pa ni sdig pa dang skye ba ste sgo'o/ /bcu gnyis pa ni gzhu dang rga shi ste phyi rol lo zhes pa zla ba gsum gyi bdag nyid ni chen po'i chen po'i gnas skabs so/ /de ltar lus dang ngag dang sems dang ye shes kyi dbye ba ste ye shes kyi dang po chung ngu'i gnas skabs dang lus kyi bzhi par rig par bya'o/ / bcom ldan 'das kyis rgyud kyi rgyal po'i lnga pa ye shes kyi le'u las tshigs su bcad pa brgya bdun bcu pas gsungs pa 'di lta ste/ las ni nyon mongs las te de las sdug bsngal du 'gyur nyon mongs nyid ni rang gi sdug bsngal las/ /'di ni 'khor ba'i 'khor lor 'khyam pa rgyu dang 'bras bu mnyam pa dag ste sems can gzhan pa med/ /stong pa rnams las phung po'i chos rnams 'dir ni 'chi ba'i mtha' ru de rnams las kyang stong pa rnams/ / kha thon mar me chu dang me tog sgra dang me shel skyur ba sa bon rnams kyis shes par bya zhes pa ste kha thon la sogs pa'i dpe 'di rnams kyis phung po rnams kyi skye ba dang 'gag pa rig par bya'o/ /ji ltar kha thon la mkhan po'i rig pa zad pa ma yin zhing slob mas thob pa med pa ma yin no/ /de bzhin du mar me las mar me 'byung ngo / /chu la yang zla ba las zla ba dang me tog las gos la dri dang nyi ma las me shel la me dang sgra las sgra brnyan dang skyur ba las lce 'dzag pa dang sa bon las myu gu'o/ /de bzhin du phung po rnams kyi 'tshams sbyor ba ni 'gyur ba'i 'dod chags kyi bag chags kyi dbang gis so/ /bcom ldan 'das kyi gsungs 'di'i phyir 'khor ba'i 'khor lo ni 'gyur ba'i 'dod chags te ma rig pa'o/ /'dir gang gi tshe 'gyur ba'i 'dod chags nyams pa de'i tshe mchog tu mi 'gyur bar 'gyur te mchog tu mi 'gyur ba ni 'dod chags chen po'o/ /'dod chags chen po las chags bral nyams pa ste chags bral zhes bya ba ni zhe sdang ngo / /zhe sdang zad pa las zhe sdang chen por 'gyur ro/ /zhe sdang chen po las brgyal ba zhes bya ba gti mug nyams pa'o/ /gti mug nyams pa las gti mug chen por 'gyur ro/ /'dod chags chen po dang zhe sdang chen po dang gti mug chen po las 'dod chags dang zhe sdang dang gti mug gi bdag nyid ma rig pa nyams pa'o/ /ma rig pa zad pa las ma rig pa chen por 'gyur ro/ /de ltar ma rig pa 'gags pas 'du byed 'gag go/ 'du byed 'gags pas rnam par shes pa 'gag go/ rnam par shes pa 'gags pas ming dang gzugs 'gag go/ ming dang gzugs 'gags pas skye mched drug 'gag go/ skye mched drug 'gags pas reg pa 'gag go/ reg pa 'gags pas tshor ba 'gag go/ tshor ba 'gags pas sred pa 'gag go/ sred pa 'gags pas len pa 'gag go/ len pa 'gags pas srid pa 'gag go/ srid pa 'gags pas skye ba 'gag go/ skye ba 'gags pas rga shi 'gag ste de ltar yan lag bcu gnyis 'gags pa las chos mi mthun pas bcom ldan 'das kyi yan lag rnams ni sgrib pa med par rig par bya'o/ /gal te 'gyur ba'i 'dod chags bcom pas rnal 'byor pa rnams sangs rgyas nyid du 'gyur na 'o na de'i tshe 'chi bdag dang phung po dang nyon mongs pa dang lha'i bu ste bzhi po rnams gzhom pa de bzhin gshegs pas ci'i don du mdzad de'i phyir 'gyur ba'i 'dod chags bcom pas sangs rgyas nyid du mi 'gyur ro zhes pa 'dir 'ga' zhig gi bsam pa 'byung bar 'gyur te/ de'i phyir brjod par bya'o/ /'dir rmongs pa rnams kyis brjod pa gang yin pa phyi rol gyi bdud rnams de bzhin gshegs pas bcom pa de ni ma yin te gang gi phyir snga ma dang phyi ma 'gal ba'i phyir ro/ /'dir gal te sngon du sangs rgyas nyid dang phyi nas bdud bcom pa yin na de'i tshe sangs rgyas la sgrib pa med pa nyid med te bdud kyis nye bar 'tshe ba'i phyir ro/ /ci ste sngon du bdud bcom pa dang phyi nas sangs rgyas nyid yin na de'i tshe 'khor ba pa gzhan rnams kyang sangs rgyas nyid med par bdud bcom pa ci'i phyir mi byed/ ci ste cig car bdud bcom par 'gyur ro zhe na de bzhin du cig car yang bdud bcom pa ma mdzad te skad cig gang la bdud yod pa'i skad cig de la sangs rgyas nyid du mi 'gyur te sems sgrib pa dang bcas pa'i phyir ro/ /skad cig gang la sangs rgyas nyid yin pa'i ska cig de la bdud med te sgrib pa thams cad zad pa'i phyir ro/ /de'i phyir sems can rnams kyi lus dang ngag dang sems dang ma rig pa'i bag chags kyi bdag nyid ni bdud bzhi ste de rnams las lus kyi sgrib pa ni phung po'i bdud dang ngag gi sgrib pa ni nyon mongs pa'i bdud dang sems kyi sgrib pa ni 'chi bdag gi bdud do/ /phyi rol gyi ma rig pa'i 'jug pa ni lha'i bu'i bdud te dge ba dang mi dge ba'i las kyi 'bras bu nye bar longs spyod pa yongs su ma brtags pa byis pa'i blo can 'khor ba'i longs spyod mngon par 'dod pa rnams kyi phyi rol gyi ma rig pa'i 'jug pa 'di ni lha'i bu'i bdud kyi tshig gis 'gyur ro/ /'dir lha'i bu rnams kyi tshig ni zla ba'i stobs kyis sems can rnams kyi sems dge ba dang mi dge bar 'gyur te nyi ma'i stobs dang bkra shis kyi stobs dang gza' lag gi stobs dang phur bu'i stobs dang pa wa sangs kyi stobs dang spen pa'i stobs dang sgra gcan gyi stobs dang mjug rings kyi stobs dang gza'i stobs dang tshes kyi stobs dang skar ma'i stobs dang sbyor ba'i stobs dang byed pa'i stobs dang dus sbyor gyi stobs kyis dge ba dang mi dge bar 'gyur ro/ /de bzhin du dbyangs 'char ba'i stobs la mngon par dga' ba gzhan rnams kyi tshig ni g.yul du dbyangs 'char ba'i stobs kyis rnam par rgyal bar 'gyur te rnal 'byor ma'i stobs dang skar ma'i stobs dang sgra gcan gyi stobs dang drag po'i stobs la sogs pas g.yul gyi sar rnam par rgyal bar 'gyur ro/ /de bzhin du sangs rgyas pa'i nyan thos rnams kyi yang phyi rol gyi ma rig pa'i 'jug pa ni rten cing 'brel bar 'byung ba'i bsam pas sems can rnams kyi dge ba dang mi dge bar 'gyur ro/ /de bzhin du lha'i bu gzhan rnams kyi tshig ni lha'i drin gyis thams cad dge bar 'gyur ro zhes pa ste sems can rnams kyi de lta bu la sogs pa'i ma rig pa'i 'jug pa ni lha'i bu'i bdud kyi tshig gis so/ /'dir gal te skye ba gzhan gyi bsod nams dang sdig pa dag ma gtogs par lha'i bu'i bdud kyi tshig rnams kyis sems can rnams kyi dge ba dang mi dge bar 'gyur na de'i tshe sngar bsags pa'i dge ba dang mi dge ba thams cad don med par 'gyur te gza' la sogs pa'i stobs dang stobs ma yin pa nye bar longs spyod pa'i phyir ro/ /de ltar yang ma yin no/ /de bzhin du 'khrul pa yang mthong ste/ dus sbyor las ni sI ta bde/ /ldan min gnam stong drin gyis ni/ /'thab dka' rnam par rgyal min te/ /'jigs sde yis ni phye mar brlags/ /'thab mo'i sar ni dpung gnas gang / /srid bsgrub la ni bsnun 'dod pa/ /de rnams srid sgrub mda' yis phug /phyogs rnams kun du brlag par gyur/ /de'i phyir sngon gyi dge ba dang mi dge ba'i las kyi 'bras bu sems can rnams kyis longs spyad par bya'o/ /de bzhin du bcom ldan 'das kyis gsungs pa/ lus dang ngag dang yid kyi las/ /dge dang mi dge gang byed pa/ /de 'bras sems can longs spyod te/ /lha gzhan 'bras bu ster ba min zhes so/ /ci ste gang zhig lha'i drin du mthong ba yang sems can rnams kyi sngon gyi bsod nams kyi stobs kyis yin gyi sdig pa'i stobs kyis ni ma yin no/ /bsod nams kyang sems can la phan btags pa las 'gyur gyi lha dang pha mes kyi bya ba la srog bcad pa las ni ma yin no/ / bcom ldan 'das kyis nang gi le'u las tshigs su bcad pa brgyad bcu rtsa dgu pas las kyi 'bras bu gsungs pa 'di lta ste/ de phyir byed po 'ga' yang srog chags rnams kyi bde dang sdug bsngal dag ni mi sbyin mi 'phrog ste/ / 'khor ba dag tu rnam pa gsum po gang byas sngon gyi las ni 'bras bu rab tu sbyin par 'gyur/ /skyed dang sdud pa'i byed pa po 'di ster zhing de ni 'phrog pa rmongs pa rnams kyi blo yin te/ /lus la dpag med dge ba 'phrog par byed pa'i bug pa rang gi dbang po rnams kyis mthong ma yin zhes pa'o/ /de bzhin du lha'i bu'i bdud kyang le'u lnga pa'i tshigs su bcad pa brgyad bcu rtsa drug pas gsungs pa/ srid pa gsum gyi bdag pos drag po'i las kyis rang bzhin du ma'i sngags rnams rab tu gsungs pa gang / /de rnams thams cad bdud kyi phyogs nyams 'jigs pa skyed byed yin gyi srog chags rnams la nam yang min/ /gang zhig dran pa rnams dang byed po g.yul gyi yul la dga' zhing gsod byed gzhan yang mu steg pa/ /de rnams la ni mchog gi rgyal sras rnams kyis srog chags bsrung ba'i don du de rnams sbyar bar bya zhes pa ste bcom ldan 'das kyi gsung 'di'i phyir bdud kyi tshig rnams kyis ma rig pa'i 'jug pa ni rnal 'byor pas mi bya'o/ /de bzhin du sems can rnams kyi rang gi sems kyi bag chags la so sor snang ba ni bcom ldan 'das rdo rje sems dpa' ste 'di ltar sems can rnams kyi so so'i snang ba la bcom ldan 'das nyid bsod nams kyi phung po dang sdig pa'i phung por ro/ /bcom ldan 'das kyis ye shes kyi le'u yi rnam pa lnga'i bstod pa las tshigs su bcad pa bzhi pas gsungs pa 'di lta ste/ sems tsam sngags kyi ngo lha bo lha yis yongs su bskor ba sdug bsngal dang ni bde ba'i rang bzhin te/ /dam pa rnams la zhi ba'i gzugs ni rang gis byas pa'i nyams myong mi bzad rnams la mi bzad pa/ /gang gis las gang rab byas rang gi sems la cho ga bzhin du de yi 'bras bu de skyed pa/ /'jig rten dbang po sna tshogs gzugs can srid gsum skyed mdzad rdo rje sems dpa' la yang phyag 'tshal lo zhes pa'o/ /de'i phyir sems can rnams kyi rang gi sems kyi bag chags kyi snang ba ni rdo rje sems dpa' dang bdud te bcom ldan 'das la bdud med do/ /lus dang ngag dang sems dang ma rig pa'i bdud sngar brjod pa 'di rnams kyi skyed par byed pa ni 'gyur ba'i skad cig ste 'dod pa'i lhar mngon par brjod do/ /de ni de bzhin gshegs pas mchog tu mi 'gyur ba'i skad cig gi rnam par bcom mo/ /de bcom pa ni bdud kyi dpung bcom pa ste 'dod chags dang zhe sdang dang gti mug dang khong khro ma rig pa'i rang bzhin can rnams zad pa'o/ / 'dir 'gyur ba'i bag chags 'gags pas 'dod chags dang zhe sdang dang gti mug dang khong khro 'gag go/ de rnams 'gags pas ma rig pa 'gag ste de bzhin du rim pas yan lag bcu gnyis rnams 'gag go/ yan lag bcu gnyis 'gags pas srid pa'i 'khor lo 'gag go/ srid pa'i 'khor lo 'gags pas sgrib pa med pa'i sangs rgyas nyid du 'gyur ro/ /nyan thos dang pha rol tu phyin pa dang sngags kyi tshul 'di rnams kyi mchog tu mi 'gyur ba'i snying po bcom ldan 'das rdo rje 'dzin pa ni mtshan yang dag par brjod pa las de bzhin gshegs pas bstan to/ /'di'i don mi shes pa bla ma dam pa ma yin pa nyams pa mchog tu mi 'gyur ba'i ye shes nyams pa rnams ma 'ongs pa'i dus su 'byung bar 'gyur te rnam par nyams pa de rnams kyis sems can rnams nyams par byed do/ /des na rtsa ba'i rgyud kyi ye shes rnam pa lnga'i bstod pa las tshigs su bcad pa lngas rnam pa lnga'i bsgom pa bcom ldan 'das kyis gsungs pa 'di lta ste/ stong pa la ni dngos po'i tshogs/ /brtags pa'i gzugs spangs bems po min/ /'di ni mthong ste me long la/ /pra phab gzhon nu ma yis bzhin zhes pa ni 'jig rten las 'das pa'i bden pa la gzugs kyi phung po me long lta bu'i ye shes so/ /dngos kun mnyam pa nyid gyur nas/ /dngos po gcig tu mi 'gyur gnas/ /mi 'gyur ye shes las byung ba/ /chad pa ma yin rtag pa'ang min zhes pa ni tshor ba'i phung po mnyam pa nyid kyi ye shes so/ /ming gi bdag nyid yi ge kun/ /a yig rigs las yang dag byung / /mi 'gyur chen po'i gnas thob pa/ /ming med ming can dag kyang med ces pa ni 'du shes kyi phung po so sor kun du rtog pa'i ye shes so/ /skyes pa ma yin pa yi chos/ /'du byed bral ba rnams la yang / /sangs rgyas nyid med byang chub med/ /sems can med cing srog nyid med ces pa ni 'du byed kyi phung po bya ba nan tan gyi ye shes so/ /rnam par shes pa'i chos nyid 'das/ /ye shes dag pa gos pa med/ /rang bzhin 'od gsal chos rnams ni/ /chos kyi dbyings kyi bgrod par gnas zhes pa ni rnam par shes pa'i phung po chos kyi dbyings shin du rnam par dag pa'i ye shes so/ /de bzhin du bsdus pa'i rgyud las kyang le'u lnga pa'i tshigs su bcad pa brgya rtsa gcig pa la sogs pa gsum gyis 'khor lo'i mtshan ma la sogs pa dang de bzhin gshegs pa'i phung po'i mtshan nyid gsungs pa 'di lta ste/ 'khor lo srid gsum kun nas dang ba zhes pa'o bde ba rin chen 'di yi chags pa nyid dag ni/ /pad ma'o nyon mongs zad pa ral gri rdo rje dag kyang ye shes sku chen rnam par mi phyed pa'o/ /mi shes gcod pa gri gug mchog gi rigs drug rnams te 'di dag rnams kyis bskyed pa gang yin pa/ /phung po khams dang dbang po la sogs mkha' bzhin ro mnyam de dag rnams kyang de bzhin rig par bya/ /gang du nges par rigs kyi gzugs ni nyams pa nyid du gyur pa de ni chen po'i gzugs su gsungs/ /gang du 'khor ba'i sdug bsngal nyams pa nyid du gyur pa de ni tshor ba chen por gsungs pa ste/ /gang du 'khor ba'i 'du shes nyams pa nyid du gyur pa de ni rdo rje'i 'du shes chen po'o/ /gang du 'khor ba 'phel ba nyams pa nyid du gyur pa de ni rdo rje'i 'du byed kho na'o/ /gang du gnyid la sogs pa'i gnas skabs nyams pa nyid du gyur pa de yang rnam par shes par gsungs/ /gang du shes pa min pa'i dngos po nyams pa nyid du gyur pa de ni thub pa'i ye shes nyid/ /'di rnams rnam par snang mdzad la sogs dam pa'i rgyal ba mchog ni rnam pa drug ste rigs drug rnams/ /gzhan ni khams drug dbye ba rnams te sa dang chu dang me dang rlung dang nam mkha' zhi ba rnams zhes pa'o/ /de bzhin du mtshan yang dag par brjod pa las bcom ldan 'das rdo rje 'dzin pa'i mchog tu mi 'gyur ba'i ye shes sangs rgyas dang byang chub sems dpa' rnams kyi snying por gyur pa gsol ba 'debs pa dang bcas pa'i tshigs su bcad pa brgya drug bcu rtsa gnyis kyis de bzhin gshegs pas rab tu bstan to/ /de la de nas dpal ldan rdo rje 'chang zhes pa la sogs pa nas lus btud nas ni spyan sngar 'dug ces pa'i mthar thug pa ni gsol ba 'debs pa'i tshigs su bcad pa bcu drug go/ de nas bcom ldan shAkya thub ces pa la sogs pa nas bcom ldan de ni legs zhes gsol zhes pa'i mthar thug pa ni lan gsungs pa'i tshigs su bcad pa drug go/ slar yang de nas zhes pa la sogs pa nas rigs chen gtsug tor cher gzigs nas zhes pa'i mthar thug pa ni rigs drug la gzigs pa'i tshigs su bcad pa gnyis so/ /gsang sngags rgyal po drug ldan zhing zhes pa la sogs pa nas a ra pa tsa nA ya te na maHzhes pa'i mthar thug pa ni sgyu 'phrul dra bas mngon par rdzogs par byang chub pa'i rim pa tshigs su bcad pa gsum mo/ /'di ltar sangs rgyas bcom ldan 'das zhes pa la sogs pa nas theg pa chen po'i tshul gyi mchog ces pa'i mthar thug pa ni rdo rje dbyings kyi dkyil 'khor chen po'i bstod pa tshigs su bcad pa bcu bzhi'o/ /sangs rgyas rnam par snang mdzad che zhes pa la sogs pa nas rdo rje lcags kyu zhags pa che zhes pa'i mthar thug pa ni chos kyi dbyings shin tu rnam par dag pa'i ye shes la bstod pa rkang pas dman pa'i tshigs su bcad pa nyi shu rtsa lnga'o/ /rdo rje 'jigs byed 'jigs par byed ces pa la sogs pa nas sgra dang ldan pa rnams kyi mchog ces pa'i mthar thug pa ni me long lta bu'i ye shes kyi bstod pa rkang pas lhag pa'i tshigs su bcad pa bcu'o/ /yang dag bdag med de bzhin nyid ces pa la sogs pa nas ye shes me lce 'od rab gsal zhes pa'i mthar thug pa ni so sor rtog pa'i ye shes kyi bstod pa tshigs su bcad pa bzhi bcu rtsa gnyis so/ /'dod pa'i don grub dam pa ste zhes pa la sogs pa nas nor bu chen po rin chen tog ces pa'i mthar thug pa ni mnyam pa nyid kyi ye shes kyi bstod pa tshigs su bcad pa nyi shu rtsa bzhi'o/ /sangs rgyas kun gyi rtogs bya ba zhes pa la sogs pa nas 'jam dpal dpal dang ldan pa'i mchog ces pa'i mthar thug pa ni bya ba grub pa'i ye shes kyi bstod pa tshigs su bcad pa bcwa lnga'o/ /mchog sbyin rdo rje mchog khyod 'dud ces pa la sogs pa nas ye shes sku nyid khyod la 'dud ces pa'i mthar thug pa ni/ de bzhin gshegs pa lnga'i ye shes kyi bstod pa tshigs su bcad pa lnga ste/ tshigs su bcad pa brgya drug bcu rtsa gnyis po 'di rnams kyi theg pa thams cad las phyung nas bcom ldan 'das kyi rdo rje 'dzin pa'i snying po kun du bzang po mchog tu mi 'gyur ba'i bde ba chen po nam mkha'i khams kyi mthar thug pa kun nas snang bar byed pa rnam par dag pa'i ye shes kyi tshogs bsags pa zab cing rgya che ba'i gzugs 'chang ba rang bzhin gyis 'od gsal ba thog ma dang tha ma med pa bdag dang bdag gi ba'i gzung ba dang 'dzin pa la sogs pa'i rnam par rtog pa'i dri ma dang bral ba dus thams cad pa kun nas nyon mongs pa med pa chos thams cad kyi rang bzhin mkhyen pa 'khor ba'i bag chags las rnam par grol ba 'gro ba dang 'ong ba dang bral ba spros pa med pa'i ngo bo rang gi ngang gis 'jug cing 'phel ba'i ting nge 'dzin dang gzungs sna tshogs pa rnams kyi rten bum pa bzang po dang dpag bsam gyi shing dang yid bzhin gyi nor bu bzhin du sems can thams cad kyi bsam pa yongs su rdzogs par byed pa thub pa chen po rnams kyi yang spyod yul ma yin pa sems can gyi phung po chen po mchog tu zhi bar mdzad pa sgyu ma lta bu rmi lam lta bu gzugs brnyan lta bu sgra brnyan lta bu ste/ srid pa gsum gyis mchod par bya ba rnal 'byor pa'i ye shes rang gi rig pa mchog tu mi 'gyur ba'i bde ba 'di nyid ni rnal 'byor pas dor bar mi bya'o zhes pa de bzhin gshegs pa'i nges pa'o/ /'di bsgom pa ni rtsa ba'i rgyud kyi rgyal po'i ye shes kyi le'u las de bzhin gshegs pas gsungs pa 'di lta ste/ du ba la sogs bsgom byas shing / /sems ni g.yo ba med byas te/ /dbu ma sbyang ba byas nas ni/ /mchog tu mi 'gyur bsgom par bya/ /pad mar rdo rje rab bkod nas/ /srog ni thig ler gzhug par bya/ /'khor lo thig le thig le yi/ /g.yo ba rdo rjer dgag par bya/ /rtag tu rtag rengs rnal 'byor pas/ /rtag tu steng du khu bar 'gyur/ /phyag rgya chen po'i sbyor ba yis/ /rdo rje 'bebs pas byin gyis brlabs/ /mchog tu mi 'gyur ska cig ni/ /stong phrag nyi shu rtsa gcig dang / /drug brgya rdzogs pas rgyal po che/ /rdo rje sems dpar rang nyid 'gyur/ /zhes pa dang / bcom ldan 'das kyis rgyud kyi rgyal po'i ye shes kyi le'u yi rnam pa lnga'i bstod pa las tshigs su bcad pa dang pos mya ngan las 'das pa mtshan ma med par gsungs pa 'di lta ste/ /gang la thog mtha'/ dbus med gnas dang 'chi dang srid pa dang ni sgra dang dri dang ro dag dang / /reg bya gzugs dang sems med rang bzhin dang ni skyes bu med cing 'ching dang grol dang byed po med/ /sa bon dang ni gsal bar dus med mtha' dag srid pa'i sdug bsngal bde ba nyid kyi rang bzhin med/ /mya ngan 'das pa mtshan ma med cing byed pa rnam bral yon tan med pa de la phyag 'tshal lo zhes pa ni rdo rje ste thabs so/ /de nyid las tshigs su bcad pa lnga pas shes rab mtshan ma med par gsungs pa/ gcig dang du ma dag kyang gcig cing mnyam dang mi mnyam pa yang mnyam pa g.yas g.yon mdun rgyab dang / /steng 'og kun nas dkar ljang sna tshogs kha dog chen po gcig gi gzugs te thung ngu ring po dang / /shin tu ring po yon tan med ces yon tan dang bcas bud med skyes pa'ang skyes pa bud med min/ /gang zhig kun gyi rten gcig b+ha ga bzang mo mchog gi b+ha ga khyod la 'dud te khyod la 'dud ces pa/ /sems dpa' ni pad ma dang shes rab ste de ltar rdo rje sems dpa'o/ / bcom ldan 'das kyis rtsa ba'i rgyud kyi rgyal po'i ye shes kyi le'u las gsungs pa/ chu skyes rdo rje shes rab thabs/ /rten dang rten par brjod pa ste/ /de dag gnyis ni snyoms zhugs pa/ /gnyis med mi 'gyur rdo rje'i sbyor/ /rdo rje rnal 'byor rnam bzhi pa dus 'khor de la phyag 'tshal bdag / /ka lA par ni sprul pa'i rgyal/ /pad dkar chu skyes 'dzin rang nyid ces pa'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las mchog tu mi 'gyur ba'i ye shes grub pa zhes bya ba'i mdor bsdus chen po ste gsum pa'o// / // stong pa chen po 'gyur med lnga dang / /thig le stong pa 'gyur med drug la/ /btud nas a sogs ka sogs rnams kyi/ /dbugs kyi grangs ni dgrol bar bya'o/ /l-i sogs zhes pa la sogs pa la 'dir l-i yig la sogs pa dbyangs brgyad po gang dag dbyangs phyed kyis ni rnam par dman pa rnams yul dang yon tan du gyur pa ste/ l-i ni dri'i yon tan du gyur pa dang u ni gzugs kyi yon tan du gyur pa dang r-i ni ro'i yon tan du gyur pa dang i ni reg bya'i yon tan du gyur pa dang a ni sgra'i yon tan du gyur pa dang a~M ni snying stobs kyi yon tan du gyur pa dang aHni rdul gyi yon tan du gyur pa dang AM ni mun pa'i yon tan du gyur pa ste shin tu ring po'o/ /gzhom du med pa phyed kyi dbyangs ni ha zhes pa ste 'dis dman pa rnams ni phyed dang bcas pa bdun no/ / de ltar dbyangs phyed kyis ni rnam par dman pa de rnams phan tshun dbye bas phye ba zhes pa ni so sor phyed dang bcas pa bdun gyi dbye bas phye ba ste kun 'byung gi bden pas bsgyur ba de rnams thams cad rkang pa dang bcas pa lnga bcu rtsa drug tu 'gyur te rkang pa dang bcas ro dang mda' rnams zhes so/ /thung ngu de rnams kyang lug la sogs pa'i dus sbyor las skyes pa'i byis pa'i dbu ma'i dbugs 'bab pa rnams su 'gyur te de nas g.yon pa'i rtsa'i dkyil 'khor la yang dag par rgyu'o/ /ring po rnams kyang de bzhin du dus sbyor gnyis pa glang la sogs pa mnyam pa la dang po skyes pa'i dbu ma'i dbugs 'bab pa rnams so/ /'dir gal te l-i la sogs pa gsungs pa de lta na yang / sna bug g.yon par nam mkha' la sogs pa'i dkyil 'khor la srog gi bgrod pa'o/ /'dir yang lte ba la sogs pa yon tan lnga la sogs pa'i nges pas srog ni nam mkha' la sogs pa dang sa la sogs pa'i chos mthun pas gzung bar bya ste thung ngu dang ring po'i dbye bas mi mnyam pa dang mnyam pa'i dus sbyor dag la'o/ /slar yang thun 'tshams gsum pa la ni shin tu ring po yul dang yon tan dbu ma'i dbugs rnams 'bab ces pa ni 'dir gal te 'pho ba'i dus su byis pa skyes par gyur na de'i tshe dbu ma la srog shin du ring por gyur nas g.yon dang g.yas la yang dag par rgyu ste 'di rnams sngar brjod pa'i yi ge thams cad kyi yang dag par rgyu bar rig par bya'o/ /'dir l-i yig gi dbye ba ni 'di lta ste/ l-i lu l-ir li la la~M laH/ lA~M la zhes pa'o/ /de bzhin du a w+l-i w+R-i wi wa waM w+raH w+'a~M w+Ra zhes pa dang de bzhin du r-i rl-i ru ri ra raM ra zhes pa dang / de bzhin du i y+l-i yu y+R-i ya ya~M yaH yA~M y+nga zhes pa dang / de bzhin du a al o ar e aM aH A~M ha zhes pa dang de bzhin du aM m+l-i mu m+R-i mi ma maHmA~M mra zhes pa dang / de bzhin du a rl-i ru R+R-i ra ri ra raM rAM r+ra zhes pa dang / de bzhin du ha h+l-i hu h+R-i hi ha haM haH hA~M ha zhes pa ste rkang pa dang bcas pa'i lnga bcu rtsa drug go/ de bzhin du ring po dang shin tu ring po rnams kyang rig par bya ste phan tshun dbye ba rnams kyis so/ /da ni nyin mo dang mtshan mo'i dbugs kyi dbyangs rnams gsungs pa ka la sogs pa'i yi ge zhes pa ste ka tsa Ta pa ta sa drug po rnams kyi ka yig la sogs pa'i yi ge sum bcu po rnams ni sum bcu'i rab tu dbye bas rab tu gsal bar dgu brgya nyid du 'gyur te yi ge re re la yang phan tshun yang dag par sbyar ba'i dbye bas sum bcur 'gyur ro/ /'di lta ste/ k+ka k+kha k+ga k+g+ha k+nga/ k+tsa k+tsha k+dza k+dz+ha k+nya/ k+Ta k+Tha k+Da k+D+ha k+Na/ k+pa k+pha k+ba k+b+ha k+ma/ k+ta k+tha k+pa k+b+ha k+na/ k+ma k+k+pa k+Sha k+sha k+th+ka zhes pa'o/ /de bzhin du kha la sogs pa rnams rig par bya ste rab tu gsal bar dgu brgya nyid du 'gyur ro/ /slar yang dgu brgya po de rnams dbyangs drug gi ni dbye ba zhes pa ni a i r-i u l-i aM zhes pa 'di rnams kyis phye ba mkha' mkha' dus dang mda' rnams zhes pa brgya phrag lnga bcu rtsa bzhir 'gyur te dus sbyor gsum gyi rtsa gsum la mtshan mo phyed nas nyi ma 'char ba ji srid par ro/ /de nas dbyangs ring po drug gis dbye ba rnams ni nyi ma shar ba nas nyi ma gung ji srid par gzhan dus sbyor gsum gyi rtsa gsum la dbugs kyi dbyangs snga ma'i grangs rnams su 'gyur ro/ /slar yang thung ngu'i dbyangs drug dag gis phye ba rnams ni nyi ma gung nas mtshan mo'i dus te de la nyi ma nub pa'i mthar thug par dus sbyor gsum gyi rtsa gsum la grangs sngar bzhin no/ /de bzhin du mtshan mo'i phyi ma'i cha la mtshan mo phyed ji srid par dus sbyor gsum gyi rtsa gsum la dbyangs dang bcas pa snga ma'i grangs rnams so/ /de ltar nyin zhag so so'i dus su dbugs ni 'byung dang 'jug pa mkha' mkha' drug dang zla ba mig rnams 'bab ces pa ni drug brgya lhag pa'i stong phrag nyi shu rtsa gcig go/ 'di rnams kyi dbus nas snga ma stong pa rnams bsdus nas ni mnyam dang mi mnyam bgrod par dbu ma dag la sgyur bar bya zhes pa ni/ 'dir sngar brjod pa'i dkyil 'khor so so la rkang pa dang bcas pa'i bcu gcig ste de rnams kyang chu srin la sogs pa'i dbye bas dkyil 'khor so so'i mthar nga yig la sogs pa'i dbye bas dbu ma dag la sbyar bar bya'o zhes pa'i spros pa chen po 'di ni mang ba nyid kyi phyir ma bris te mchog gi dang po'i sangs rgyas kyi rgyas 'grel zla ba bzang pos mdzad pa'i stong phrag drug bcu pa las shes par bya'o/ /gang gis rab tu 'bad par bya ba 'dis 'jig rten las 'das par byed pa ni cung zad kyang yod pa ma yin te a sogs ka sogs 'di ni ba spu dang skra'i grangs ji snyed par 'byung ngo / /da ni phyed dang bcas pa'i bdun po rnams kyi phyi ma brgyad pa'i phyed gang yin pa de gsungs pa/ phyi rol zhes pa la sogs pa ste 'dir phyi rol du ni zhes pa 'jig rten gyi khams su gang zhig chu tshod brgyad pa'i phyed kyi dbyangs su gyur pa sgra gcan longs spyod dag las gzhan du gnas zhes pa ste 'dir sgra gcan gyis zla ba so so'i dus la yul lnga'i mtshan nyid chu tshod lnga dang de bzhin du snying stobs dang rdul dang mun pa'i mtshan nyid gsum ste khyim gyi 'khor lo'i dbus nas de rnams longs spyod cing de rnams las phyed dang bcas pa'i bdun ni longs spyod do/ /chu tshod phyed ni longs spyod par mi nus te de ni sgra gcan longs spyod dag las gzhan du gnas pa'o/ /de ni rang gi lus la dbugs byed te ma skyes pa'i byis pa'i lte ba dang dpral ba dag gi dbus su dbyug pa'i rnam pa'o/ /phyi rol du 'byung ba med pa'i phyir dbugs phyed du brjod do/ /sngags kyi dbye bas ni dbyangs phyed do/ /de ni nges par mun pa dang bral 'jig rten thams cad snang ba ste mngal gyi zla ba drug la mngon par shes pa lnga'i phyir ro/ /snga ma phyed ni mun pa dang bcas srid pa gsum po mtha' dag stong pa gang du thim pa'o/ /shi ba'i mthar bzhi pa bor nas shin tu gnyid log pa la zla ba drug gi bar du 'jug par byed do/ / de nas rmi lam gyi gnas skabs thob pa'i mngal ni phyi ma'i dbyangs phyed la 'jug go/ de'i phyir de mun pa'i gnas skabs phye nas snying por 'jug la mun pa bral ba lte ba'i 'khor lo la gnas pa ni dus kyi 'khor lo'i rnal 'byor ldan pa gcig pu ste srog gi rlung bkag pa'i phyir snying po'i gnas skabs su song ba zhes pa ni rnal 'byor pa rnams kyi rnal 'byor rdzogs pa'o/ /da ni skyes pa'i byis pa rnams kyi cha nyams pa la sogs pa gsungs pa zla ba dman zhes pa la sogs pa ste 'dir phyi rol la ji lta ba de bzhin du nang la'o/ /nyin zhag so sor zla ba'i tshes ni chu tshod drug bcur mi 'gyur te chu tshod gcig gis dman zhing de yang nang du khu ba'i'o/ /nyi mar lhag gang zhes pa ni nyi ma'i longs spyod la ste nang gi le'u las sngar brjod pa'i chu tshod gnyis so/ /khyab bdag ces pa ni byang chub kyi sems te de'i mchog gi cha ye shes kyi chos can ma ni zla ba'i cha nyams pa'o/ /rnam par shes pa'i chos can ma ni nyi ma'i longs spyod nyams pa'o/ /de 'dir ni thun 'tshams bzhi la ste thun dang thun la nyin dang mtshan mo'i dbang gis bgrod cing dus sbyor phyed pa'i rab tu dbye ba yis/ sum bcu rtsa drug dus kyi pho nya zhes pa ni 'khor lo gsum gyi sdom pa'i mkha' 'gro ma rnams te de rnams rigs ldan ma'i sbyor ba la thun 'tshams kyi dbye ba dang thun tshod kyi dbye ba dang dus sbyor byed pa'i dbye bas yang dag par rgyu'o/ /phyi rol du longs spyod dang thim pa dang dbang byed pa dang bdag po nyid ji lta ba de bzhin du nang du ste nyi ma 'char ba'i dbye ba dang srog 'byung ba'i dbye bas so/ /'dir phyi rol du gling bzhi rnams las gang du nyi ma 'char ba der longs spyod pa dang gang du mtshan mo phyed pa der thim pa dang gang du nyin mo phyed pa der dbang byed pa dang gang du nyi ma nub pa der bdag po'o/ /rigs ldan ma mtshan mo rab tu zhugs pa nas mtshan phyed kyi bar ni rnal 'byor pa'i longs spyod do/ / nyi ma shar nas nyi ma gung gi bar ni dge slong rnams kyi longs spyod de nyin mo'i dus su'o/ /des na nyin mo bcom ldan rdo rje can/ /mtshan mo shes rab longs spyod slad ces pa nges pa'o/ /des na nyi ma shar nas nyi ma gung gis bar du dge slong rnams kyi sha dang bral ba'i zas bza' bar bya'o/ /nyi ma nub nas nam phyed kyi bar du rnal 'byor pa dang rnal 'byor ma rnams kyis dam tshig gi mchod ston bya'o/ /de las 'das na nyan thos dang sngags pa'i sdom pa nyams pa ste de nyams pa'i phyir rdzu 'phrul dang dngos grub nyams so/ /de ltar thun 'tshams kyi dbye bas rnal 'byor ma bzhi po rnams kyi longs spyod pa dang thim pa la sogs pa ji lta ba de bzhin du thun tshod kyi dbye bas dur khrod kyi rnal 'byor ma brgyad po rnams kyi ste mtshan mo phyed nas nyi ma gung gi bar du lugs dang mthun pas shar dang lho dang nub dang byang rnams su thun tshod bzhi'i dbye ba rnams la yang dag par rgyu'o/ /nyi ma gung nas mtshan mo phyed kyi mthar thug par lugs dang mi mthun pas dbang ldan dang rlung dang bden bral dang me'i phyogs rnams su'o/ /de bzhin du dus sbyor phyed pa'i dbye ba ste thugs kyi 'khor lo la sdig pa dang gzhu'i dus sbyor phyed pa'i dbye bas bzhi po rnams g.yas bskor gyis yang dag par rgyu zhing chu srin dang bum pa g.yon skor gyis so/ /de bzhin du gsung gi 'khor lo la nya dang lugs dang glang dang 'khrig pa'i phyed kyi dbye bas so/ /de bzhin du sku'i 'khor lo la kar ka Ta dang seng ge dang bu mo dang srang gi dbye bas yang dag par rgyu'o/ /srog gi dbye bas pho nya mo sum bcu rtsa drug gi yang dag par rgyu ba ste de rnams kyang dus kyi pho nya mo'o/ /de bzhin du 'khor lo sdom pa las gsungs pa/ dbu ma mchog gi dbugs dang ni/ /dri dang chu dang ldan pa yis/ /rigs ldan ma ni rtag mchod bya/ /khyad par dus la pho nya mo zhes pa la 'dir bshang ba dang gci ba dang zla ba dang nyi ma'i rtsa 'gog pa dang mchog tu mi 'gyur ba'i bde bas rigs ldan ma ste rdo rje phag mo mchod par bya zhing brjod pa'i khyad par gyi dus kyi pho nya mo sum bcu rtsa drug rnams mchod par bya ste srog yang dag par rgyu bas phyi rol dang nang du'o/ /'dir lte ba'i 'khor lo'i zlum skor dang po la 'dab ma bzhi ste de rnams las shar gyi 'dab ma ni bdag gi gdan dang lho ni gzhan gyi gdan dang nub ni sngags kyi gdan dang byang ni de kho na nyid kyi gdan no/ /de bzhin du kha'i sgo ni rtse mos 'bigs pa'i dur khrod te shar du'o/ /sna bug g.yas pa ni ro sreg pa ste lhor ro/ /thur sel gyi sgo ni rnag gi dri ste nub tu'o/ /sna bug g.yon pa ni rul pa ste byang du'o/ /de bzhin du rna ba g.yon pa ni byis pa shi ba ste dbang ldan du'o/ /rna ba g.yas pa ni drag po'i g.yul te bden bral du'o/ /mig g.yas pa ni sbrul gyis zos pa ste rlung du'o/ /mig g.yon pa ni lhag ma can te mer ro/ /de bzhin du snying kha'i 'khor lor rtsa brgyad po rnams kyi ming ste shar gyi rtsa snar ma ni pUr+N+Na gi ri dang / lho'i rtsa dmar ser ni dzA lAn d+ha ra dang nub kyi rtsa rgyal ba ni o T+Ti ya na dang byang gi rtsa i DA ni ar bu da ste phyogs rnams su'o/ /de bzhin du phyogs bral rnams su ste dbang ldan du ku hA ni go d+hA wa ri dang rlung du a lam bu ShA ni rA me shwa ri dang bden bral du pU ShA ni de wI ko Ta dang mer glang po che'i lce ni mA la wa ka'o/ /de bzhin du mgrin pa'i 'khor lo'i zlum skor dang po la rtsa brgyad po rnams ni zhing dang nye ba'i zhing dang tshan do ha dang nye ba'i tshan do ha'i mi rnams kyi shes par bya'o/ /de bzhin du dpral ba'i zlum skor dang po la yang rtsa brgyad po rnams ni 'dus pa dang nye ba'i 'dus pa dang dur khrod dang nye ba'i dur khrod kyi ming rnams kyis rig par bya'o zhes pa ni 'khor lo sdom pa'i nges pa'o 'di rnams kyi sa bon ni mthar gnas ya ra la wa rnams sku'i 'khor lo'i shar la sogs pa'i phyogs rnams su'o/ /de bzhin du wA lA rA yA zhes pa ni dbang ldan la sogs pa phyogs bral rnams su'o ha hA haM haHni me dang rlung dang dbang ldan dang bden bral gyi dur khrod rnams su'o/ / de bzhin du e ar al o ni gsung gi 'khor lo'i phyogs rnams su'o/ /au Al ar ai ni phyogs bral rnams su'o/ /a A aM aHni shar dang nub dang byang dang lho'i dur khrod rnams su'o/ /a r-i l-i u ni thugs kyi 'khor lo'i phyogs rna~M su'o/ /U l-I r-I I zhes pa ni phyogs bral rnams su'o/ / snying po'i pad ma'i 'dab ma la a A ni shar dang nub tu'o/ /aM aHni byang dang lho ru ste phyag bcu gnyis pa la'o/ /de bzhin du rtsa ba'i rgyud las bcom ldan 'das kyis gsungs pa ye shes rnam shes sbyor ba las lte ba'i dbus na gnas pa'i sems/ /srog gi yon tan brgyad kyis bcings/ /bdag skyes rnams kyis dar srin bzhin/ /sad dang rmi lam gnyid log skabs/ /rnam gsum ye shes dbye ba las/ /srog chags rnams kyi zhal gsum sems/ /bzhi pa'i dus las zhal bzhi'o/ /de bzhin rnam shes sbyor ba yis/ /lnga drug yul gyi bdag nyid can/ /sems ni zhal lnga zhal drug pa/ /sems min sems su gzung bya ste/ / lte ba'i dbus gnas thig le dang / /tsheg drag de dag kha sbyor la/ /ye shes rnam shes sbyor ba yis/ /byang chub sems ni rnam par gnas/ /srog rgyu'i dbye bas thun 'tshams dang / /thun dang dus sbyor phyed rnams la/ /sum bcu rtsa drug pho nya mo/ /byis pa rnams ni gzhug phyir gsungs zhes pa ste re shig rtsa sum bcu rtsa drug po 'di rnams la srog 'bab pa las dus kyi pho nya mo ste lus zad par byed pa rnams so/ /de'i phyir de rnams su 'gro ba'i srog dgag par bya'o zhes pa ni nges pa'i don to/ /da ni gsang ba'i rtsa byang chub kyi sems 'bab pa sum bcu rtsa gnyis gsungs pa nyis 'gyur mi bdag ces pa la sogs pa ste 'dir nyis 'gyur mi bdag ces pa ni sum bcu rtsa gnyis te gsang ba'i 'khor lo la ye shes kyi dbye bas gnas pa rnams so/ /de rnams las bcu drug ni chags pa'i phyogs dkar po la cha'i dbye bas gnas so/ /bcu drug ni chags bral gyi dbye bas nag po'i phyogs la ste zla ba'i cha nyams pa'i dbye bas sngar brjod do/ /de bzhin du kye'i rdo rje las/ mi phyed ma dang phra gzugs ma/ /mdzes ma g.yon pa thung ngu ma/ /zhes pa la sogs pa rtsa sum bcu rtsa gnyis ni rten du gyur pa'o/ /'di nyid kyi mkha' 'gro ma rnams rten pa'i chos can ma ste thur sel gyi rlung dang yang dag par sbyor ba las so/ /'di rnams kyi sum bcu rtsa gsum gyi bdag nyid he ru ka 'am 'dus par 'gyur te gsang ba'i rgyud kyi phyir ro/ /de'i nyis 'gyur ni sprul pa'i 'khor lo la rnal 'byor ma drug bcu rtsa bzhi'i bdag nyid kyi 'khor lo ste dkyil 'khor lnga 'bab par byed pa'o/ /gza' rnams kyi yang brgyad kyi dbye ba la ste slar yang snying kha'i pad mar gza'i rtsa gau rI la sogs pa brgyad do/ /dpral bar bdag med ma la sogs pa bcu drug go/ de bzhin du du ma'i tshigs kyi phyogs la zhes pa sum brgya drug bcu'i tshigs kyi phyogs la lo'i nyin zhag gi grangs kyi rtsa rnams te de rnams kyi rten par gyur pa'i rnal 'byor ma rnams so/ /de ltar rnal 'byor ma stong phrag bdun bcu rtsa gnyis po rnams kyi rten dang rten pa'i dbye bas rtsa rnams ji snyed pa de snyed kyi mkha' 'gro ma rnams te srog dang thur sel rab tu rgyu ba'i phyir ro zhes pa ni bcom ldan 'das kyi gsung spros pa med pa'o/ /da ni bcom ldan 'das kyi phyag rgya gsungs pa rig byed dus zhes pa la sogs pa ste 'dir rig byed dus zhes pa ni drug bcu rtsa bzhi'o/ /de'i mthar 'khor ba pa rnams kyi zla ba'i cha nyams pa gang yin pa de'i chos mi mthun pas zla ba'i cha ma nyams pa ni dbugs kyi lhag ma ste dbugs drug bcu rtsa bzhi rnams kyi mtha' ma dbugs kyi chos can ma srid gsum skyed par mdzad ma mkha' 'gro ma ni sna tshogs gzugs so/ /zla ba'i dbus su dman pa gang de mchog gi rgyal ba'i bdag po'i zhes pa byang chub sems kyi rang gi phyag rgya rnam gnyis 'gyur te gcig ni kun rdzob kyi chos can ma sgyu 'phrul chen mo drag chen mo/ /'byung dang sdud par byed pa mo'o/ /gnyis pa ni byang chub sems kyi shes rab chen mo sangs rgyas rnams kyi shes rab kyi pha rol du phyin ma skye ba dang 'jigs pa dang bral ba sangs rgyas sgyu 'phrul zhi ba chen mo spro ba dang sdud pa nyams par byed ma ste de ni zag pa med pa'i dbye bas thur sel la gnas pa'o/ /gang zhig nyi ma la gnas de ni brgyad dbye zhes pa ni srog la gnas pa rdul gyi chos can ma'o/ /de ni brgyad kyi dbye bas te sad pa dang rmi lam dang shin du gnyid log pa'i yon tan gsum dang yul lnga'i dbye bas yon tan brgyad kyi bdag nyid can no/ /de yang dkyil 'khor du pad ma'i 'dab ma brgyad po rnams la gnas so zhes pa ni brtags pa'o/ /lhag ma sngar brjod pa'i 'khor lo'i lha mo yongs su brtags pa mchog tu 'jigs par byed pa gzhan de rnams mtha' dag phyi dang lus la'o zhes pa ni rtsa la yang dag par rgyu ba'i nges pa'o/ /da ni gza' rgyu ba'i longs spyod kyi mkha' 'gro ma rnams gsungs pa spen pa zhes pa la sogs pa ste 'dir phyi rol du nyi ma'i rab tu rgyu bas zla ba gnyis kyis nyi ma'i dus so/ / du nang du dus sbyor gnyis kyis srog gi dus so/ /de yang g.yon dang g.yas kyi dkyil 'khor bcu 'bab pas 'gyur te skyed pa dang sdud pa'i dbye bas so/ /des na dus la spen par zhes pa spen pa'i longs spyod pa bug pa zhes pa chu tshod dgu khyim gyi 'khor lo la longs spyod te de rnams kyang mkha' 'gro ma'o/ /de bzhin du sgra gcan gyi longs spyod la nyin zhag ces bya zhes pa bcwo lnga'o/ /lha yi bla ma'i phyed bcas mig dang mig gi grangs zhes pa phyed dang bcas pa'i nyi shu rtsa gnyis so/ /gcig tu gyur pa ni phyed bcas drug dang rig byed du 'gyur zhes pa ste phyed dang bcas pa'i bzhi bcu rtsa drug go/ de rnams mchog gi rgyal bdag thugs kyi rdo rje las ni skyes zhes pa ni thugs kyi thig le las skyes pa'o/ /zhes pa'i don to/ /sa skyes stong pa klu zla zhes pa ni spros pa ste de'i dkyil 'khor gyis thob pa gang yin pa drug bcu'i cha yis de snyed kyi chu tshod rnams so zhes pa ni nges pa'o/ /thun mong gi brgya brgyad bcu'o/ /'dir gang du bkra shis kyi longs spyod dman pa der nyi ma'i rkang pa'i longs spyod la zla ba'i longs spyod zla ba gcig bsnan pas dbrog par mi bya'o/ /'dir zla ba nyi shu rtsa gsum ni bkra shis kyi rang gi nyin zhag go/ zla ba bcwa brgyad ni 'jig rten gyi grags pa ste de ni mi 'thad do/ /des na 'dir gza' rnams kyi dkyil 'khor gyi nyin zhag rnams kyis ji ltar gyur pa lo brgyar 'gyur te zla ba brgyad dang nyin zhag nyi shu rtsa gcig lhag pa'o zhes pa ni nges pa'o/ /de ltar sa skyes stong pa chu zla nyi ma gza' lag pa sangs mjug rings la yang stong pa klu mkha' gcig ces pa stong brgyad bcu ste gza' lnga po 'di rnams kyi longs spyod gcig tu gyur pa las mkha' mig mig dang gcig tu gyur pa zhes pa nyi shu lhag pa'i nyis brgya dang stong phrag gcig go/ de rnams mchog gi khyab bdag gi ni dag pa'i gsung las byung zhes pa gsung gi thig le las skyes pa'o zhes pa'i don to/ /gang zhig zla ba'i dus kyi longs spyod mkha' mkha' ro me zhes pa drug brgya lhag pa'i stong phrag gsum gyis chu tshod kyi longs spyod do/ /de rnams sku yi rdo rje dag las phyung zhes pa ni sku'i thig le las byung zhes pa'o/ /dgu po rnams kyi mtha' dag gcig tu gyur pa ro drug klu dang dus rnams dag ste zhes pa brgyad brgya drug bcu rtsa drug lhag pa'i stong phrag bzhi dang phyed kyi chu tshod de bzhin nyid ces pa ni dus gcig la mkha' 'gro ma rnams kyi grangs so/ /de rnams ni mkha' 'gro dus kyi gzugs can mtha' dag lus la gnas shing lha la sogs pa srog chags rnams kyi srog ni phrog byed ma ste dus gcig la'o/ /dus drug po rnams la ni brgya phrag gcig dang dgu bcu rtsa drug lhag pa'i nyi khri dgu stong ngo zhes pa mkha' 'gro ma'i grangs te sems can rnams kyi gza' rgyu ba'i nang du 'dus pa'o zhes pa nges pa'o/ /de phyir nyin zhag so so'i dus su rang gi lam ni dgag pa byas nas de rnams bsgrub par bya ste de rnams kyi srog dang thur sel 'gags pas thig le bzhi 'gag go zhes pa ni nges pa'o/ /ji srid ces pa la sogs pa tshigs su bcad pa gnyis pas gsungs pa ni go sla'o/ /da ni zla ba'i rkang pa la sgra gcan 'jug pa gsungs pa nyi ma zhes pa la sogs pa ste 'dir nyi ma'i rkang pa ni ro dang dus dang ri bong can zhes pa sngar brjod pa bcu gcig po rnams so/ /zla ba'i rkang pa ni 'byung dang 'byung ba mda' zhes pa la sogs pa nyi shu rtsa lnga ste 'di rnams gcig tu brdos pa ni sum bcu rtsa drug tu 'gyur ro/ /de rnams yon tan brgyad kyis bsgyur ba ni nyis brgya brgyad bcu rtsa brgyad du 'gyur te de ltar sred pas bsnun pa rnams zhes pa ni brgyad kyis so/ /yan lag rnams kyis zhes pa dus sbyor bcu gnyis kyis bgos pas thob pa nyi shu rtsa bzhi ni zla ba'i rkang pa rnams su 'gyur ro/ /lhag ma'i rkang pa nyi shu rtsa lnga pa ni sgra gcan 'jug pa la yang mjug rings za zhes pa ni nang du yid kyi dbang po dang khu ba'i khams kyi rkang pa stong pa'i yan lag gang yin pa'o/ /thun 'tshams bzhi po kun dang thun brgyad po rnams dang nyin zhag so so'i dus su srog chags rnams kyi yan lag bcu gnyis rnams zhes pa ni de rnams dus sbyor bcu gnyis so zhes pa'i don to/ /dus sbyor re re la ni dbugs rnams dag kyang nyis 'gyur dgu brgya zhes pa brgya phrag bcwa brgyad kyi srog rnams 'bab pa de rnams yan lag gcig tu gsungs so/ /de ltar phyi rol du zla ba gcig dang dbyugu brgya phrag bcwa brgyad kyis yan lag gcig go/ zla ba gnyis dang brgya phrag sum bcu rtsa drug gis dus so/ /de ltar yan lag gnyis gnyis kyis dus drug rnams so/ /dus gsum gyi 'dzin pa ste zla ba dang nyi ma dang sgra gcan gyi longs spyod kyi dbang gis so/ /de ltar yan lag gnyis gnyis rnams la nyin zhag dang po la ma rig pa dang nyin zhag gnyis pa la 'du byed ste de bzhin du rga shi'i bar du'o/ /slar yang nyin zhag bcu gsum pa la ma rig pa dang bcu bzhi pa la 'du byed te de bzhin du nag po'i dgu pa la rga shi'o/ /slar yang bcu pa la ma rig pa dang bcu gcig pa la 'du byed te de bzhin du rim pas dkar po'i drug pa la rga shi'o/ /slar yang bdun pa la ma rig pa dang brgyad pa la 'du byed te nag po'i gsum pa la rga shi'o/ /slar yang bzhi pa la ma rig pa dang lnga pa la 'du byed te de bzhin du rim pas gnam stong la rga shi'o/ /sa dang chu dang me dang rlung dang nam mkha'i rang bzhin gyis dus la yongs su bskor ba lngar 'dod do/ /de ltar phyogs gcig ni thung ngu dang zla ba ni ring po ste dus ni shin du ring po'o/ /phyogs ni snying stobs kyi chos can dang zla ba ni rdul gyi chos can te dus ni mun pa'i chos can no/ /de ltar rnam pa lnga po rnams kyi dus su yang ni kun nas zla ba gnyis gnyis dag la 'gyur/ zla ba gang du zla ba'i cha gcig nyams pa nyid du gyur pa de ni zla ba gnyis po dag las zla ba gsum pa'i dang po kho na la'o zhes pa ste nyin zhag drug bcu rtsa bzhi rnams kyis cha zad pa'i phyir ro/ /zla ba drug dang dus gsum gyis ni 'dzin par 'gyur te rten cing 'brel pa yan lag bcu gnyis kyis zhes pa ni 'dir dang po'i dus ni snying stobs kyi chos can dang gnyis pa ni rdul gyi chos can dang gsum pa ni mun pa'i chos can te des na mun pa 'jug go/ de bzhin du zla ba la yang khams drug gi dbye bas ye shes kyi khams kyi mthar thug par zla ba drug pa'o/ /de ltar nyi ma'i dus kyi dbye ba rkang pa'i bgrod pa'i dbang gis zla ba'i dbus su rab tu zhugs zhes pa gnam stong la'o/ /reg pa'i yan lag dbus der sgra gcan rgyu ba de yis zla ba nyi ma dag ni 'dzin par 'gyur/ nyin dang mtshan mo'i dus su zhes pa nyi ma 'dzin pa las nyin mo'i dus dang zla ba 'dzin pa la mtshan mo'i dus su te 'chad par 'gyur ro/ /sgra gcan dag gis bltas pa'i sman rnams gang yin de rnams grub pa ster zhes pa 'dzin pa'i dus su shing la sogs pa mtshon gyis bsnun pa rnams 'bras bu smin par 'gyur ro/ /'dir man ngag ni zla ba so sor nyi ma'i longs spyod la skar ma gnyis dang chu tshod bcu gcig byin pas zla ba drug la skar ma bcu gnyis dang chu tshod drug bcu rtsa drug tu 'gyur ro/ /zla ba'i cha nyin zhag gsum gyi chu tshod bcu gsum phri ba nyid kyis lhag ma lnga bcu rtsa gsum mo/ /'dzin pa'i gnam stong gi longs spyod la nyi ma'i rkang pa sbyin pa 'am dor bar bya'o/ /de nas sgra gcan gyi longs spyod la chu tshod bzhi bcu rtsa lnga dman par byas nas lhag mas skar ma'i longs spyod la sbyang bar bya'o/ /gang gi tshe snga mar gdong gis nyi ma bzung ba de'i tshe phyi mar mjug ma'i longs spyod kyis 'gyur ro/ /de bzhin du zla ba yang nya la'o zhes pa 'dzin pa'i mtshan nyid grub pa'o/ /phyi rol la ji lta ba de bzhin du nang du nyin zhag so sor dus sbyor drug pa la rig par bya'o zhes pa rnal 'byor pa rnams kyis so/ /'di ni byis pa rnams kyis rtogs par bya ba ma yin te bstan bcos kyi sgo nas ni brjod par mi nus so/ /da ni bkra shis la sogs pa rnams kyi zhing rnams gsungs pa sa skyes zhes pa la sogs pa'o/ /'dir sa skyes la sogs pa'i gza' rnams ni lug la sogs pa'i khyim la zhing can te lug la sa skyes dang glang la pa sangs dang 'khrig pa la gza' lag dang kar ka Ta la zla ba dang seng ge la nyi ma dang bu mo la slar yang gza' lag dang srang la pa sangs dang sdig pa la sa skyes dang gzhu la sngags pa zhes pa phur bu dang chu srin la nyi skyes zhes pa spen pa dang bum pa la yang spen pa zhes pa slar yang spen pa dang nya la sngags pa ste nyin zhag so so'i dus su dus sbyor bcu gnyis 'char ba la zhing can rnams ni dus kun du longs spyod par byed pa po rnams so zhes pa'i don to/ /'dir zhi ba'i las la zla nyi'i khyim ste zhes pa zhi ba la kar ka Ta dang seng ge'i khyim gnyis so/ /rgyas pa la gza' lag gi khyim 'khrig pa dang bu mo gnyis so/ /dbang la pa sangs kyi khyim glang dang srang gnyis so/ /dgug pa la sa skyes kyi khyim lug dang sdig pa gnyis so/ /bsgrad pa la sngags pa'i khyim gzhu dang nya gnyis so/ /bsad pa la spen pa'i khyim chu srin dang bum pa gnyis so gal te rang gi zhing 'dir ni zhing can du skar ma'i longs spyod kyi dbang gis gal te gyur na de'i tshe'o/ /gzhan gyi dus su gza' gzhan gyis byin gyis brlabs pa'i khyim ni sngar brjod pa'i las rnams la de'i 'bras bu ster bar mi 'gyur ro zhes pa nges pa'o/ /da ni bcom ldan 'das kyi zhal gyi dbye bas zhi ba la sogs pa gsungs pa zhi ba zhes pa la sogs pa ste 'dir zhi ba la bcom ldan 'das kyi zhal dkar po nyi ma shar ba nas thun 'tshams yang dag par rgyu ba'i dbang gi dang por zhes pa thun dang po la sngon du gtso bor 'gyur ro/ /des na zhi ba la zhes pa zhi ba'i yul la sngags dang bsam gtan la sogs pa rnams kyis sngar bsgrubs pa'i 'bras bu thun tshod gcig gis bsgrub par bya'o/ /dkar dang gser mtshungs thun tshod lag pa la zhes pa ni 'khor ba'i dbang gis thun tshod gnyis pa la nub dang byang gi phyed phyed ni sngon du gtso bor 'gyur te/ bsres pa des rgyas pa bsgrub par bya'o/ nub kyi zhal ser po ni nyi ma gung nas thun tshod gcig la gtso bo ste/ des me yi thun la zhes pa thun tshod gsum pa la rengs pa'i yul la dngos grub ster ro/ /thun tshod bzhi pa la gser dang nyi mtshungs zhes pa ser po dang dmar po bsres pa gtso bo ste des rmongs par bya'o/ /de bzhin du thun lnga pa la zhal dmar po gtso bor 'gyur te dgug pa la'o/ /drug pa la dmar po dang nag po bsres pa gtso bo ste des dbang du bya ba bsgrub par bya'o/ /de bzhin du bsad pa la nag po'i zhal te ri bo la'o zhes pa mtshan mo phyed nas thun tshod bdun pa la'o/ /bskrad la nag dang dkar 'dir klu la zhes pa thun tshod brgyad pa la mtshan mo'i mtha' nas nyi ma 'char ba'i mthar thug pa'o/ /de ltar gang gi tshe bcom ldan 'das dus kyi 'khor lo thun tshod 'khor ba'i dbye bas zhal brgyad pa yin pa de'i tshe thun 'tshams bzhi'i dbye bas zhabs bzhi dang thun phyed kyi dbye bas phyag bcu drug tu 'gyur ro zhes grub bo/ /de ltar phyag gi dbye bas nyin mo la las brgyad po rnams dang mtshan mo la yang ste thun phyed kyi dbye bas so zhes pa ni nges pa'o/ /thun 'tshams bzhi'i dbye bas las bzhi ste snga dro'i thun 'tshams la zhi ba'o/ / nyi ma gung la rengs pa dang nyi ma nub pa la dgug pa dang mtshan mo phyed la bsad pa'o/ /'dir yang zhal brgyad pa'i shes rab ni phyag gnyis ma ste snga dro dang phyi dro'i thun 'tshams ni zhabs gnyis so/ /nyi ma gung dang mtshan mo phyed ni phyag gnyis so/ /nyin mtshan mtha' dag ni zhal lo zhes pa las bsgrub pa la sgom pa'i nges pa'o/ / /tshigs su bcad pa 'di nas tshigs su bcad pa gnyis pa gang yin pa ni go sla'o/ / da ni byis pa skyes pa'i dbugs kyi mtshan nyid gsungs pa dang po zhes pa la sogs pa ste 'dir byis pa skyes pa'i dang po'i dbugs thog ma gang yin pa de ni yon tan med pa'i bdag nyid ces pa snying stobs la sogs pa dang dri la sogs pa'i yon tan dang bral ba ste de'i chos la ma zhugs pa'i phyir ro/ /de nas rnam gsum yon tan dbang gis zhes pa snying stobs kyi dbang gis dbugs gnyis pa 'byung ngo / /rdu pa gyi dbang gis gsum pa ste mun pa'i dbang gis bzhi pa'o/ /de rnams las snga ma yon tan med pa gzung bar mi bya'o/ /de dang lhan cig gsum gyi grangs su bgrang bar bya ste khyab par byed pa yin pa'i phyir ro/ /slar yang snying stobs dang rdul dang mun pa'i rang bzhin de rnams so sor yul lnga'i yon tan gyi dbye bas re re la rnam pa lngar 'gyur te des na tshes zhes bya ba zhes pa bcwa lnga'o/ /de rnams slar yang lus dang ngag dang sems kyi dbye bas sum 'gyur ni 'byung ba chu gter grangs 'gyur zhes pa bzhi bcu rtsa lnga'o/ /slar yang de nas rgyu ba'i dbye ba rnams kyis bsnun pa de dag rnams zhes pa ni zla ba dang nyi ma'i rgyu ba rnam pa bzhi ste myur ba dang dal ba dang 'khyog po dang 'byung ba'i rkang pa rnams kyi nor 'phel ba dang 'grib pa dang bu lon 'phel ba dang 'grib pa'i dbye bas so/ /bzhi po rnams kyis bsnun pa rnams ni chu tshod phyed kyi dbugs kyi grangs zhes pa brgya brgyad bcu'i grangs so/ /slar yang nyis 'gyur rnams ni dbugs kyi grangs te chu tshod kyi dbugs kyi grangs sum brgya drug bcu rnams su 'gyur te shes rab dang thabs kyi rang bzhin las so/ /chu tshod gcig po de ni byis pa'i g.yon nam g.yas nas dkyil 'khor gcig 'bab par byed pa'o/ /de nas gnyis pa dang gsum pa ste gnyis gsum chu gter mda' zhes pa la sogs pa bcu rnams kyis dus kyi rtsa dbu ma 'phel bar 'gyur te dkyil 'khor bcu 'bab pa ni g.yon dang g.yas su 'phel bas zhag gcig la dkyil 'khor drug bcu'i bar du'o/ /'tshams de nas sde yi rab dbye rnams kyis zhes pa ka yig la sogs pa'i sde pa rnams dang chu srin la sogs pa'i dus sbyor sngar brjod pa rnams kyis rnam gnyis lam la gnas pa dus kyi rtsa ni 'jig rten gsum zhes pa lus na kun nas gang bar byed de rtsa stong phrag bdun bcu rtsa gnyis po gang bar byed do/ /bde mnyam 'bras bu ster ba gang yin pa de ni zla ba nyi ma'i rab tu rgyu ba las zhes pa la la nA dang ra sa nA'i rab tu rgyu ba las te dkyil 'khor lnga 'bab pa las so/ /dbugs 'byung ba las dus kyi rtsa'i dbye ba'o/ /gnyis pa'i dbye ba ni mngal bzung ba nas dus kyi rtsa sde tshan gyi dbye bas bskyed pa'i ched du 'phel ba'o/ /de la gcig gi sde ni gcig ste 'khor lo drug po rnams su dbu ma a ba d+hU tI'o gnyis kyi sde ni bzhi ste gtsug tor gyi pad ma'i rtsa rnams dang lte bar zlum skor dang po'o/ /gsum gyi sde ni dgu'o/ /de rnams ni snying kha'i rtsa brgyad dang lte ba'i zlum skor gnyis pa ste dgu pa ni zla ba'i skye gnas so/ / bzhi'i sde ni bcu drug ste de rnams ni dpral ba dang lte ba'i 'khor lo'i khyim gyi zlum skor gyi phyi rol du'o/ /lnga'i sde ni nyi shu rtsa lnga ste de rnams ni dpral bar zla ba'i rkang pa rnams so/ /drug gi sde ni sum bcu rtsa drug ste de rnams kyi nang nas sum bcu rtsa gnyis ni mgrin par ro/ /bzhi ni bkra shis dang gza' lag dang phur bu dang pa sangs rnams kyi skye gnas te lte ba'i zlum skor gyi zla ba'i cha'i phyi rol du'o/ /bdun gyi sde ni bzhi bcu rtsa dgu ste/ mgrin par zlum skor gnyis pa la khyim gyi rkang pa bzhi bcu rtsa brgyad do/ /gcig ni nyi ma'i skye gnas te lte bar yang ngo / /brgyad kyi sde ni drug bcu rtsa bzhi ste lte ba'i 'khor lor dkyil 'khor drug bcu 'bab par byed pa drug bcu dang stong pa'i rtsa bzhi'o/ /dgu'i sde ni brgyad bcu rtsa gcig dang bcu'i sde ni brgya ste 'di rnams las gcig ni dal ba'i skye gnas so/ /brgya brgyad bcu ni phyi rol gyi dbye bas rdul gyi chos can nyid kyi phyir nyis 'gyur sum brgya drug bcu ste tshigs kyi phyogs rnams su shes par bya'o/ /de bzhin du mgrin par ji lta ba de bzhin du gsang ba'i 'khor lo la'o/ /dpral ba la ji lta ba de bzhin du rdo rje la'o/ /gtsug tor la ji lta ba de bzhin du rdo rje nor bu'i rtse mo la bzhi ste lus la khyab pa'o/ /ji srid rig byed klu dang me ste zhes pa ni phyogs nyi shu rtsa bzhi dang nyin zhag sum brgya drug bcu'o/ /de ltar dus kyi 'khor lo lo dang 'grod pa dang dus dang dus dang dus dang dus sbyor dang phyogs dang nyin zhag dgi dbye bas rtsa'i dbye ba grub ste gnyis pa ni thun 'tshams dang thun tshod dang thun phyed kyi dbye bas so zhes pa nges pa'o/ /de bzhin du bcom ldan 'das ma ni de'i sbyor ba las nges par phyag na gri gug thod pa can du rab tu 'gyur zhes pa 'dir bcom ldan 'das ni lo'i dag pas so/ /bcom ldan 'das ma ni nyin zhag so so'i dag pas te nyin mo gri gug dang mtshan mo thod pa'o zhes pa'i don to/ /da ni ka sde'i 'khor lo rnams gsungs pa 'khor lo zhes pa la sogs pa ste 'dir ka yig la sogs pa gsal byed sum bcu rnams dang ya a yig la sogs pa dbyangs lnga bcu ste 'di rnams ni bzhi bcu rtsa lnga'o/ /yul lnga dang yon tan gsum ste de'i dbang gis zhes pa dbyangs lnga thung ngu dang ring po dang ldan pa'i nga la sogs pa rnams dang bdag nyid dang thig le dang rnam par bcad pa dang ldan pa bcwa lnga ste de ltar sa yig gi mthar thug pa 'khor lo rtsibs bcu pa sum bcu phan tshun rjes su 'jug pa'o/ /la yig la sogs pa a yig gi mthar thug pa rtsibs drug pa rnams so 'khor lo mda' dang chu gter grangs ni yul dang yon tan dbang gis sku gsung thugs kyi rab tu dbye ba yis/ gtso bo dus kyi 'khor lo bde ba chen po srung bar byed de bde mnyam 'bras bu ster ba du ba la sogs lha mo brgyad rnams so/ /'dir nga yig gi 'khor lo brjod par bya ste 'khor lo thams cad kyi phyi rol dang nang du ba spu'i rtse mo la'o/ /steng du nga dang shar du ngi dang lhor d+R-i dang byang du ngu dang nub kyi rtsibs la d+l-i dang rlung du d+l-I dang dbang ldan du ngU dang bden bral du d+R-I dang mer ngI dang sa 'og tu ngA'o/ /de bzhin du g+ha ga kha ka ste ba spu'i khams la'o/ /lpags pa dang sha la tsa sde dang khrag la Ta sde dang chu ser la pa sde dang rus pa la ta sde dang rkang la sa sde ste lugs las bzlog pas so/ /de ltar rkang gi mthar rtsibs bcu pa'i 'khor lo sum bcu rnams so/ /de nas rtsibs drug pa rnams te shar gyi rtsibs la la dang lhor laHdang byang du laM dang nub tu lA dang 'og tu lAHdang steng du lAM ste srog la sogs pa'i rtsa rnams la'o/ /de bzhin du wa ra ya ha'o/ /de bzhin du rdul la shar du al dang lhor alaHdang byang du a laM dang nub tu Al dang 'og tu AlaHdang steng du A laM ngo / /de bzhin du o ar e a'o/ /khu ba'i khams la bsrung ba ni shar du l-i dang lhor l-iHdang byang du l-iM dang nub tu l-i dang 'og tu l-IHdang steng du l-iM ste de bzhin du u r-i i a'o/ /ba spu la sogs pa khu ba'i mthar thug pa khams dgu rnams so/ /de nas zla ba'i dbus su rnam par shes pa'i khams te du ba la sogs pa stong pa rnams kyis bskor ba'o zhes pa'i don to/ /de la yul lnga'i stong pa dang yon tan gsum gyi stong pa ni du ba la sogs pa ste de nas cha dang thig le mthong ba dang de nas gzugs mthong ba'o zhes pa'i don to/ /de ltar nyi ma la gnas gtso bo mchog gi ri bong can gyi cha ni bcu drug pa ste de yis 'khyud par gyur pa dus thams cad du sna tshogs gzugs ni rnam pa thams cad pa nyid kyi phyir ro/ /lha mo zhes pa ni khams rnams te sangs rgyas zhes pa ni phung po rnams so/ /de rnams cis khyad par du 'phags zhe na 'chi med rnams te skye ba dang rga ba dang 'chi ba dang bral ba rnams dang yul dang yul can rnams dang sgra gcan dang zla ba dang nyi ma rnams kyis phyag 'os pa ste mi 'gyur ba'i bde ba chen po bcom ldan 'das dus kyi 'khor lo'o/ /'di'i rjes la tshigs su bcad pa bzhi ni go sla'o/ / da ni rdo rje'i dbugs la gza'i rgyu ba 'jug pa gsungs pa gtso bo'i zhes pa la sogs pa ste 'dir phyi rol la ji lta ba de bzhin du nang la'o zhes pa'i rigs pas phyi rol du nus pa'i dbugs ni lo'i chos so/ / lo de rnams kyis gang gi tshe dus kyi mthar gyur pa ni mkha' mkha' nam mkha' mkha' mig me dang chu gter zhes pa nus pa'i dbugs dang lo nyi khri lhag pa'i 'bum phrag bzhi bcu rtsa gsum mo/ /de bzhin du sems can thams cad kyi'o/ /dbugs rnams kyi mthar dbugs gcig ni phyi rol du 'jig rten gyi khams la lo dang dbu ma la dbugs gcig ste lo gang la rtsod dus las 'byung zhing rdzogs ldan gyi dus la 'jug pa'o/ /de ltar dus bzhi rnams kyis nus pa'i dkyil 'khor bcu'i rtsar rab tu 'bab ste dkyil 'khor re re ni lo stong phrag sum bcu rtsa gnyis lhag pa'i 'bum phrag bzhi'o/ /de ltar rdzogs ldan la dkyil 'khor bzhi ste g.yon gyi rtsa la nam mkha' dang rlung dang me dang chu'o/ /gsum ldan la g.yon gyi rtsa de nyid la dkyil 'khor gcig ste sa'i mtshan nyid do/ /de nas dbu ma la 'jug ste dkyil 'khor lnga po rnams la stong phrag sum bcu rtsa lnga lhag pa'i 'bum phrag gcig bzung nas dbu ma'i dus so/ /de nas g.yas la yang dag par rgyu ba ste sa'i dkyil 'khor dang chu'i dkyil 'khor ni gsum ldan la'o/ /de nas gnyis ldan la me dang rlung gi dkyil 'khor ro/ /rtsod ldan la nam mkha'i dkyil 'khor te de la dus rdzogs par 'gyur ro/ /de nas dbu ma'i dbugs rnams kyi mthar dbugs gcig lhag pas thams cad snang bar byed do/ /gal te dbugs kyi tshad des sad pa'i gnas skabs la gnas na dbugs de ni sems can thams cad kyi gnyid kyi gnas skabs su 'gyur ro/ /de ltar dbugs nyi khri lhag pa'i dbum phrag bzhi bcu rtsa gsum gyis nang du gza' rnams kyi dus gcig tu 'gyur ro/ /stong pa'i dkyil 'khor gyi mthar dbu mar ye shes kyi dkyil 'khor la 'jug par 'gyur te de bas na de gzung bar bya'o/ / de ltar rang rang tshad kyis rgyal ba'i bdag po'i rgyu ba dbugs kyi dbus su 'gro dang gnas pa shes par bya zhes pa ni nges pa'o/ /'di'i rjes la tshigs su bcad pa bcu bzhi ni go sla'o/ /da ni 'jig rten gyi khams nye bar sdud pa gsungs pa sa las zhes pa la sogs pa'o/ /'dir sangs rgyas bcom ldan 'das kyis chos bstan pa ni rnam pa gnyis te gcig ni 'jig rten kun rdzob dang gnyis pa ni don dam pa'o/ /de la 'jig rten kun rdzob tu gsungs pa/ dbang skyes blo ni rnam med kyis/ /phra rab bsags pa dngos su rig /kha che'i gzhung gi chu gter gyi/ /bye brag smra ba'i gzhung 'dod 'gyur zhes pa dang / de bzhin du mu stegs pa thams cad kyang rdul phra rab bsags pa 'dzin pa ste des na phyi rol du sangs rgyas kyi zhing rnams dang 'jig rten gyi khams rnams kyi yang skye ba dang 'jig pa rig par bya'o/ /de yang sems can rnams kyi dge ba dang mi dge ba'i 'bras bu longs spyod pa'i rgyu las 'gyur te sems can gyi phung po ji srid pa de srid du'o zhes pa ni nges pa'o/ /des na 'jig rten gyi khams nye bar sdud pa'i dus su las kyi rlung 'di ni gang gis sngon 'jig rten gyi khams dang sangs rgyas kyi zhing bskyed pa'o/ /de'i rang bzhin rnam pa gnyis te gcig ni nam mkha' la brten pa'i skar ma bzhin du g.yo ba med pa ste 'jig rten gyi khams dang sangs rgyas kyi zhing gi phyogs gang du yang 'gro bar mi byed do/ /gnyis pa ni nam mkha' la khyim gyi 'khor lo bzhin du 'khor ba'i rang bzhin no/ /de bzhin du 'jig rten gyi khams kyi nang du 'dus pa'i brtan pa rnams ni mi g.yo ba'i rang bzhin no/ /srog chags rnams ni g.yo ba'i rang bzhin te las kyi rlung zhes pa ni rnam par shes pa'i chos nyid do/ /de bzhin du rdul phra rab las grub pa'i lus rnams nye bar srung pa'o/ /des na 'chags pa dang 'jig pa'i mtshan nyid can skye ba dang 'jig pa'i chos can las sangs rgyas kyi zhing nye bar sdud pa dang 'jig rten gyi khams nye bar sdud pa'i dus su'o/ /'jig rten gyi khams 'jig pa'i dus der sa las zhes pa ni sa las chu la sogs pa'i khams kyi rdul phra rab gang dag yang dag par sbyor bas gnas pa de rnams sa'i rdul phra rab kyi tshogs las phye ste sa'i rdul phra rab rnams tha dad du byas nas chu'i khams la ste chu'i rdul phra rab kyi tshogs las 'jug par byed do/ /de bzhin du chu'i khams las phye nas me la 'jug par byed cing me las phye nas rlung la 'jug par byed de rlung las phye nas nam mkha' la so so so sor kun tu spyod do/ /de ltar 'jig rten gyi khams nye bar sdud pa yin gyi sa 'og nang dus kyi me zhes bya ba'i lha 'ga' zhig yod pa des 'jig rten gyi khams sreg par byed pa dang thal bar byed pa ni ma yin no/ / dus kyi me rdul phra rab bsags pa gang yin pa de nyid kyis chos gzhan za bar byed pa'i phyir rdul phra rab dang bral ba gang yin pa des ni cung zad kyang sreg par mi byed cing za bar mi byed do/ /de ltar brtan pa rnams zhig par gyur pa'i rjes la rnam par shes pa'i chos can gyi srog gang yin pa de rnams gang zhig las kyi rlung gis bskyed pa'i zhing gzhan gyi 'jig rten gyi khams su 'gro ste de rnams la nye bar longs spyod pa'i slad du'o/ /de ltar las kyi rlung mtha' yas pa rnams 'jig rten gyi khams skye bar byed pa dang sangs rgyas kyi zhing skyed par byed pa ste dper na/ srog chags rnams kyi srog rnams so so so so'i lus skyed par byed pa bzhin no/ /brtan pa rnams kyi 'phel ba skyed par byed pa'o zhes pa ni kun rdzog tu grub pa'i mtha'o/ /da ni las kyi rlung las grol ba rnams kyi bzhugs pa gsungs pa sangs rgyas zhing zhes pa la sogs pa ste 'dir bzang por spyod pa bsgrags pa las bcom ldan 'das kyis gsungs pa 'di lta ste/ rdul gcig steng na rdul snyed sangs rgyas rnams/ /sangs rgyas sras kyi dbus na bzhugs pa rnams zhes gsungs pa'i phyir kun rdzob tu sangs rgyas rnams kyi bzhugs pa gang yin pa te ni rten spangs pa dang rten med pa ma yin no/ /sgrib pa med pa'i chos kyi don dam par ni bzhugs pa med te shes rab kyi pha rol du phyin pa'i chos 'phags kyi le'u las sangs rgyas rnams la gang du 'ang gshegs pa 'am byon pa ma byung ngo 'byung bar mi 'gyur ro mi 'byung ngo zhes gsungs so/ /des na dag pa'i rdul phra rab grub pa'i bcud khams thams cad 'bigs par byed pa rdul gcig gi rtse mo'i rten la sangs rgyas thams cad te gang dag stong pa'i mtshan nyid sgrib pa med pa rnams mtha' dag go/ de ltar sangs rgyas zhing ni ma lus las can min pa ste las kyi rlung dang bral ba'o/ /srid gsum skyed par mdzad pa ye shes kyi skus rnam par gzigs nas ni dag pa'i rdul la sangs rgyas thams cad te de rnams dang thabs gcig tu bzhugs so/ /gnyi ga ro mnyam dag pa'i rdul la zhes pa ni phal pa'i bcud grub pa'i bcud du byas pa dang 'khor ba pa'i byang chub kyi sems mi 'gyur bar byas pa la'o zhes pa'i don to/ /byang chub sems dpa' rnams kyis bskor ba ste zhes pa ni smon pa'i sems kyis sgrib pa'i cha shas cung zad tsam dang ldan pa'o/ /rdo rje'i sras po rnams zhes pa ni so sor re re'i ro'i rdul la zhes pa shes rab dang thabs gnyi ga'i chos la gnas pa rnams te mi g.yo ba la sogs pa la gnas pa rnams so zhes pa'i don to/ /de bzhin du sa la sogs pa'i rdul la 'dod chags dang bral ba la sogs pa'i zad par mngon sum du byas pa mtha' yas pa rnams te mi g.yo ba la sogs pa la rab tu zhugs pa rnams so zhes pa'i don to/ /'dir rdul gyi sgras mi g.yo ba la sogs pa'i sa rnams gsungs kyi rdul phra rab rnams ni ma yin no/ /dag pa'i rdul gyi sgras rten du gyur pa'i sa bcu gnyis po rnams te sgrib pa thams cad zad pa'i phyir ro zhes pa'i don to/ /de dag rnams dang thabs cig rdo rje sems dpa' 'chags pa'i dus kyi bar du mkha' la rnam par bzhugs zhes pa ni 'dir ji srid sems can rnams kyi bsod nams dang ye shes tshogs par ma gyur pa de srid du de rnams kyis sangs rgyas 'byung ba mthong bar mi 'gyur ro/ /des na nam mkha' la rnam par bzhugs te chos kyi sku la gnas so zhes pa'i don to/ /da ni 'jig rten gyi khams 'byung ba gsungs te saM brta'i dus zhes pa la saM bar ta ni 'jig par bshad ces grag go/ 'dir tshig 'di ni ma yin te yang dag pa'i rnam pas chos dang chos ma yin pa la 'jug pa'i phyir 'chags pa'o/ /de'i rgyu las las kyi rlung rnam pa gsum du 'gyur te yang dag par 'dzin par byed pa dang srub par byed pa dang dbyibs byed pa'o/ /de rnams la yang dag par 'dzin par byed pas sa la sogs pa'i rdul phran gyi tshogs 'dzin te dper na sprin gyi rlung gis chu'i rdul phra rab kyi tshogs 'dzin pa bzhin no/ /de nas srub par byed pas sa la sogs pa ro'i mthar thug pa'i rdul phran gyi tshogs srub par byed de lan tshwa bzhin du khams rnams sra ba nyid du gyur gyi bar du'o/ /de bzhin du de dag rnams phan tshun sbyor bar 'gyur te gtso bo'i dngos la phal pa'i dngos po'o/ /des na sra ba'i chos la sa'i rdul phra rab gtso bo ste lhag ma rnams ni phal pa'o/ /de bzhin du chu la chu dang me la me dang g.yo ba nyid la rlung dang ro la thams cad mnyam pa ste rang rang gi yon tan dang phral ba'o/ /de nas dbyibs kyi rlung ni chen po thams cad dag gis sangs rgyas zhing rnams mtha' dag rnam par 'god par byed ces pa ni srog dang thur sel la sogs pa bcu yis so zhes pa'i don te/ phyi rol la rten pa rnams kyi 'jig pa dang 'phel ba'i rgyu rnams ji lta ba de bzhin du lus la yang srog la sogs pa rnams so/ /'jig rten khams ni so so dag la slar yang 'khor yug ri bo chen po dag ni kun nas so zhes pa ni sems can rnams kyi lus so so dag la ba spu dang lpags pa ji lta ba bzhin no/ /sangs rgyas kyi zhing de yi dbus su las kyi rang bzhin 'jig rten gyi khams gcig tu 'gyur te rtsa thams cad kyi a ba d+hU ti gcig ji lta ba bzhin no/ /'jig rten gyi khams lhag ma longs spyod rang bzhin rnams ni rtsa gzhan rnams bzhin no/ /'jig rten gyi khams de rnams yul gyi bde ba byed pa ste lus kyi rtsa rnams bzhin no/ /rin chen kun gyis rab tu gang ba rnams zhes pa ni khrag gis gang ba'i rtsa rnams ci lta ba bzhin no/ /'jig rten gyi khams dang bcas pa'i sangs rgyas kyi zhing 'byung ste rtsa stong phrag bdun bcu rtsa gnyis dang bcas pa'i lus skye ba ji lta ba de bzhin no/ /da ni 'jig rten gyi khams la lhun po la sogs pa rnams kyi mtshan nyid gsungs pa mtha' dag ces pa la sogs pa ste ri mtha' dag gi bdag po'o zhes pa'i don to/ /'dir shar ni zhes pa shar lus 'phags po la mngon par phyogs pa ni dag pa'i in dra nI la ste rlung gi chos can nyid kyi phyir ro/ /mthar gnas ni ya ra la wa rnams te shar du ya'o/ /lhor ni pad ma rA ga ste ra yig gi chos can nyid kyi phyir ro/ /nub ni kar ke ta na ser po ste la yig gi chos can nyid kyi phyir ro/ /byang ni ri bong 'dzin pa ltar dkar zla ba chu shel te wa yig gi chos can nyid kyi phyir ro/ /de bzhin du ya ra la wa zhes pa ni gling bzhi po rnams la shes par bya'o/ /dbus ni ljang khu ste stong pa ha yig gi chos can nyid kyi phyir ro/ /de yi nang du chud pa 'dir ni dkyil 'khor chen po de yi snying po ste/ zhes pa ni sngar brjod zin to/ /dang por zhes pa dbus su thugs kyi dkyil 'khor te thugs kyi rang bzhin no/ /de yi nyis 'gyur ni gsung dang sku'i dkyil 'khor ro/ /lhun po'i lte ba'i gnas su ye shes kyi 'khor lo dang snying kha'i gnas su thugs kyi dkyil 'khor dang mgrin pa'i gnas su gsung gi dkyil 'khor dang dpral bar sku'i dkyil 'khor ro de'i phyi rol du dkyil 'khor thams cad 'jig rten khams kyi rang bzhin gyis gnas pa'o/ /mda' la bcu yis bsgyur bar gyur pa'i dpag tshad stong phrag go zhes pa lhun po'i steng du dpag tshad stong phrag lnga bcu ni sku dang gsung dang thugs kyi dkyil 'khor ro/ /snying por dus kyi 'khor lo dang phyag rgya'i mtshan nyid do/ /de yi phyi rol du stong phrag lnga bcu nas 'khor lo drug gi sdom pa ste dus rnams dag gis zhes pa dus drug po rnams kyi rnam par dag pas 'jig rten khams kyi rang bzhin dang dus drug gi rang bzhin no/ /'khor lo drug dang rig drug gis zhes pa ni sngar brjod zin to/ /dpag tshad rig byed 'bum gyis rlung gi dkyil 'khor la gnas zhes pa rlung gi dkyil 'khor gyi mthar thug pa dkyil 'khor ro/ /snying por brgyad gnyis ka ba rnams kyis khang pa brtsegs pa cha bcu drug gis dag pa ste ka ba de rnams kyis snying po la yongs su bskor ba ni ye shes kyi 'khor lo'o/ / skye gnas kyi rang bzhin ni dngos grub thams cad skyed par byed pa'o zhes pa ste lhun po rdzogs pa'o/ /da ni bcom ldan 'das kyi sku'i tshad kyis phyi rol gyi dkyil 'khor gyi mtshan nyid gsungs pa rgyal ba'i zhes pa la sogs pa ste 'dir rgyal ba'i bdag po bcom ldan 'das kyi gtsug tor gyi steng nas mdzod spu'i dbus zhes pa smin ma'i dbus su phyed dang bcas pa nyi ma'i sor du 'gyur te phyed dang bcas pa'i sor bcu gnyis kyi tshad do/ / de nas mgrin pa'i chu skyes de bzhin te phyed dang bcas pa'i sor bcu gnyis kyi tshad do/ /snying kha yang phyed dang bcas pa'i sor bcu gnyis so/ /de nas lte gsang chu skyes de bzhin no zhes pa ni lte ba'i chu skyes phyed dang bcas pa'i sor bcu gnyis so/ /de bzhin du gsang ba'i chu skyes phyed dang bcas pa'i sor bcu gnyis so/ /de ltar gtsug tor nas gsang ba'i pad ma'i mthar phyed dang bcas pa'i sor drug bcu rtsa gnyis kyi tshad ni sku'i tshad do/ / zhabs kyi mthil ni ma nu zhes pa sor bcu bzhi rnams kyis 'gyur ro/ /rje ngar de nyid ces pa nyi shu rtsa lnga ste brla yang de bzhin no/ /zhabs kyi dpangs ni rig byed ces pa ste phyed dang bcas pa'i sor bzhis so/ /de bzhin du pus mo'i tshigs dang dpyi yang sor bzhis so/ /de ltar phyed dang bcas pa'i sor drug bcu rtsa gnyis kyis dpyi nas zhabs kyi mthil gyi mthar ro/ /de ltar sor nyi shu rtsa lnga lhag pa'i brgya ni sangs rgyas kyi sku'o/ /brang phyed phyed bcas nyi mas zhes pa ni phyed dang bcas pa'i bcu gnyis kyi tshad kyis so/ /rang dpung dpung lag rnams ni mkha' mig rgyal po nyi ma'i tshad kyis so zhes pa ni nyi shus dpung pa dang bcu drug gis nye ba'i dpung pa dang bcu gnyis kyis lag pa gung mo'i sor mo'i mthar thug pa'o/ /gcig gis lag pa dang nye ba'i dpung pa'i 'tshams dang dpung ba dang nye ba'i dpung ba'i 'tshams so/ /de ltar phyed dang bcas pa'i sor drug bcu rtsa gnyis te g.yon la ji lta ba de bzhin du g.yas pa la yang ngo / /thams cad du nyi shu rtsa lnga lhag pa'i brgya phrag gcig ni sku'i tshad te gru bzhi'o/ /de nyid sems can rnams kyi ni khru bzhi ste mi rnams kyi sor dgu bcu rtsa drug go/ steng dang 'og tu ni brgyad bcu rtsa bzhi ste de ltar mi rnams ni mtshan nyid dang mi ldan pa'o zhes grub po/ /rig byed ces pa bzhis gtsug tor gyi tshad do/ /phyed dang bcas pa'i bzhis mgo bo'i dpangs dang bzhis dpral ba dang / dang yig las bzhis shangs dang phyed dang bcas pa'i bzhis shangs kyi 'og ko sgo'i mthar te bzhis mgrin pa'o/ /de nas snying kha lte ba gsang bar mi yi bdag po phyed bcas nyi ma rnams kyis rim par 'gyur/ /gsang ba'i chu skyes lte ba'i rtsa bar rdo rje dag kyang thub pa yi ni steng gi gtsug tor nyid/ /mdzod spu gsang ba'i chu skyes dbus su khu ba'i thig le mi 'gyur bde ba skyed byed gnas pa gang / /dpal ldan rdo rje'i sa 'di gnyi ga'i rigs kyi dbang gis sku'i 'khor lo dpral ba dang lte ba dang gsung gi 'khor lo mgrin pa dang snying kha dang thugs kyi 'khor lo gsang ba dang gtsug tor dag pa'o/ /da ni sku la dkyil 'khor dag pa gsungs pa phyed bcas nyi ma zhes pa la sogs pa ste 'dir lus la gsang ba dang mdzod spu'i dbus su thugs kha'o/ /de nyid ni thugs kyi 'khor lo ste lte ba dang mgrin pa'i dbus nas phyed dang bcas pa'i sor bcu gnyis so/ /lte ba dang mgrin pa'i 'tshams su sor nyi shu rtsa lnga ni gsung gi 'khor lo'o/ /gsang ba'i pad ma dang mdzod spu'i mthar sor lnga bcu ni sku'i 'khor lo ste rdo rje'i sa gzhi la'o/ /thugs kyi phyed ces pa ni thugs kyi 'khor lo'i nang du gnas pa ste rkang pa dang bcas pa'i sor drug gi ye shes kyi 'khor lo sbyang bar bya'o/ /gsum po dag las zhes pa ni bdun pa'i don la lnga pa'o/ /dkyil 'khor gsum po dag la sgo rnams bya zhes pa la thugs kyi sgo rnams ni sad pa la sogs pa'i gnas skabs bzhi dang gsung gi sgo rnams ni kha dang bshang lam dang sna'i bu ga rnams dang sku'i sgo rnams ni mig dang rna ba'i bu ga rnams te de ltar sgo bcu gnyis so/ /lhag ma ni sngar brjod zin to/ /de ltar byang chub sems kyi 'gro ba dang 'ong ba'i dbye bas steng dang 'og tu sku dang gsung dang thugs kyi 'khor lo nyis 'gyur dag tu 'gyur te sor brgya'o zhes pa'i don to/ /de bzhin du lhun por gnas pa la yang ste dkyil 'khor la rgyal ba'i bdag po'i sor mo phyed gang yin pa de ni mi yul du dpag tshad stong phrag dag tu 'gyur te de ltar na khru bzhi po rnams la rlung gi khor yug gi mthar thug pa dpag tshad 'bum phrag bzhir 'gyur ro/ /de bzhin lha yi ri bo dag ni lus kyi tshad du 'gyur te rgyar ni phyed kyi tshad yin no zhes pa ni sngar brjod zin to/ /de yi steng du rdo rje'i rnam pa brtsegs pa cha gsum pa ste de yi yang ni phyed du 'gyur zhing lhun po'i phyi rol du 'og gi char 'dzin ma'i khor yug dang chu'i khor yug dang me'i khor yug dang rlung gi khor yug go/ de'i phyi rol gyi cha la 'bar ba dang bcas pa'i rdo rje'i phreng ba ni rdo rje'i khor yug go/ phyed bcas zhes pa la sogs pa tshigs su bcad pa gcig ni go sla'o/ /steng dang 'og tu sangs rgyas sku ni mnyam pa gru bzhi par 'gyur te sku dang gsung dang thugs kyi 'khor lo gru bzhi pa'o/ /kun nas rlung gi bgrod pa'i dbang gis thad ka'i tshad kyis zhes pa ni phyi rol du rlung gi dkyil 'khor gyi bgrod pa'i dbang gis nang du lag pa g.yon gyi sen mo nas lag pa g.yas kyi sen mo'i mthar mnyam gnas la sogs pa'i rlung bgrod pa'o/ /des na lus kyi dkyil 'khor gru bzhi pa ste gru bzhi'o zhes pa nges pa'o/ /'khor lo gsum rnams kyis sdom pa 'am yang na 'khor lo drug rnams kyis sdom pa'i dkyil 'khor zlum po sgo brgyad pa ste 'khor lo so so'i tshad rgyal ba'i bdag po'i rkang pa dang bcas pa'i sor drug rnams kyis 'gyur ro/ /sgo brgyad rnams kyis bskor ba ni sngar brjod zin to/ /rang gi lag 'thil sen mo rnams kyis dpal ldan dur khrod brtag par bya ste de la dkyil 'khor gyi thad ka dang 'og dang steng du yang kha la sogs pa sgo brgyad po rnams dang dur khrod rnams so zhes pa nges pa'o/ /da ni bcom ldan 'das ma'i sku'i dag pas dkyil 'khor gsungs te steng 'og zhal dang gsang bar gnyis dang chu gter tshad kyis bcom ldan 'das ma'i dkyil 'khor dag tu 'gyur zhes pa ni sor bzhi bcu rtsa gnyis kyis 'gyur te mdzod spu dang gsang ba'i pad ma dag las sor brgyad dor nas sor bzhi bcu rtsa gnyis kyis rdul gyi khams so/ /des bcom ldan 'das ma'i dkyil 'khor du 'gyur te pad ma'i phyed dang 'khor lo drug ni mtshungs pa'i cha rnams kyis so/ /'dir sgo ni mi mtshungs te 'khor lo las lnga cha'o/ /'khor lo las lnga cha gang yin pa de ni gdan bzhi la sogs par ro/ /de ci'i phyir zhe na 'dir skye ba'i dus su ma'i skye gnas sor bcu gnyis su 'gyur te cha dgu bcu rtsa drug las brgyad cha'o/ /des na gling bzhi rnams su bud med rnams kyi skye gnas ni sgo bzhi rnams te mngal gyi gnas ni dkyil 'khor gyi khang pa dang byis pa'i lus ni lha'i tshogs so zhes byis pa rnams kyi skye ba lha'i rnam par bstan pa ni bcom ldan 'das kyi spros pas so/ /'on kyang gsong ba nas gtsug tor gyi cha las sgo ni lnga cha'o zhes pas te rigs pa las so/ /de ltar sems can rnams kyi lus ni dkyil 'khor gyi mtshan nyid kyi rang bzhin no/ /mchod rten ni shes rab ma yin zhing thabs kyang ma yin te ma ning ngo zhes pa ni nges pa'o/ / lhun po'i phyi rol du ni 'og gi sa gzhi'i gnas la grub pa brgyad po yang dag gnas pa ste shar du ral gri dang drag po'i zur du ro yi dbang po dang byang du bdud rtsi'i 'bras bu dang rlung du ri lu dang nub tu mig sman dang bden bral du ro rtsa na dang lho ru rkang mgyogs dang me yi zur du mi zad pa'i gter dang dkyil 'khor gyi dbus su mchod phyir thogs pa'o/ /lha dang mi yi bla ma dus kyi 'khor lo'i tshangs pa'i dbyangs ni de nyid do zhes pa ni gzhom du med pa'i sgra ste lha la sogs pa rnams rab tu sad par byed pa'o zhes pa nges pa'o/ /da ni rdo rje rnam par dag pa'i mtshan nyid gsungs pa nor bu zhes pa la sogs pa ste 'dir rdo rje nor bu rnam par dag pas rdo rje sor gcig par 'gyur ro gtsug tor gyi 'khor lo rnam par dag pas sor gnyis pa dang dpral ba rnam par dag pas sor bzhi pa dang mgrin pa rnam par dag pas sor lnga pa dang snying kha rnam par dag pas sor brgyad pa dang lte ba rnam par dag pas sor dgu pa dang gsang ba rnam par dag pas sor bcu gnyis pa ste zad par rlung dang me dang chu dang sa dang 'dod pa na spyod pa'i lha dang lha ma yin dang mi rnams kyi grangs ji lta ba bzhin no/ /des na rna ba'i phyag rgya rnams sor gcig pa dang mthe bo'i rdo rje ni sor gnyis pa dang dpral bar rdo rje phreng ba'i don du sor bzhi pa dang mgrin par yang sor lnga pa dang phrag par rdo rje phreng ba'i don du sor brgyad pa dang snying khar 'dogs pa'i rdo rje ni sor dgu pa ste rnal 'byor pa rnams kyis rdo rje'i rgyan gyi ched du bya'o/ /gsor ba'i rdo rje ni sor bcu gnyis pa'o/ /de rnams kyi mtshan nyid ni steng dang dbus dang 'og tu gsum gyi cha ste mnyam pa'i cha'o/ /gsor ba'i rdo rje de nyid zum pa ni zhi ba ste zhi ba'i las la'o/ /rnam par rgyas pa ste rtse mo rnam par bye ba ni drag po la zhes pa drag po'i las la'o/ /dril bu dag kyang de bzhin cha gsum ste dbus dang steng du rdo rje dang zhal yang mtshungs pa'o/ /ba lang gi gdong ni zhi ba la'o/ /pad ma rnam par rgyas pa'i kha ni drag po la ste gyes pa'i rdo rje dang bcas pa'o/ /'dir rdo rje'i rwa rnams kyi khyon ni rdo rje'i tshad las sum cha'o/ /rdo rje'i dbus su lte ba zhal bzhi pa ste sum cha de yi sum cha'o/ /de bzhin du lte ba'i 'og dang steng du lte ba'i tshad kyis 'dab ma brgyad rnams so/ / rwa ni rdo rje'i khyon dang mtshungs pa zhes pa phyogs sam phyogs bral gyi dbus su sum cha ste phyogs bzhi po rnams sam phyogs bral rnams su'o/ /rwa yi zlum po ni rdo rje'i sum cha'i bzhi cha'o/ /phyi rol gyi rwa rnams kyi sum cha ni 'og go/ steng du cha gnyis pa ni rgya shug gi tsher ma lta bu ste steng dbus la bsres pas sbyor ba'o zhes pa ni zum pa'o/ /rnam par gyes pa la rtse mo rnam par bye ba bya'o/ /dril bu'i zhal rnams de bzhin zhes pa ni sku dang gsung dang thugs dang ye shes kyi thig le rnam par dag pa byams pa la sogs pa'i gnas kyis rdo rje la zhal bzhi ji lta ba de bzhin du shes rab kyi rdul gyi thig le'i chos dang stong pa nyid la sogs pa rnam par thar pa'i sgo bzhi rnam par dag pas zhal bzhi bya'o zhes pa ni rigs pa ste gcig go/ gnyis pa ni nyin mo bcom ldan rdo rje can zhes pa kA li gsal byed kyi chos brjod du med pa ste dbyangs med pa'i phyir ro/ /des na rdo rje'i lte ba la zhal med do/ /mtshan mo shes rab rab tu grags zhes pa ni A li dbyangs kyi chos te des na brjod pa'i rang bzhin gyi phyir bcom ldan 'das ma'i zhal gcig go zhes pa ni rdo rje dril bu la grub pa'o/ /da ni mchod rten gyi mtshan nyid gsungs pa gsang ba'i zhes pa la sogs pa ste gsang ba'i chu skyes mdzod spu'i mtha' yi cha yis zhes pa sor lnga bcu rnams kyis mchog gi rgyal ba'i bdag po'i mchod rten dpangs kyi tshad do/ /de yi phyed kyis zhes pa nyi shu rtsa lngas gdan gyi rgya ste sa bzhin du gru bzhi pa shin tu mnyam pa ste thad ka'i chas so/ /de yi sum chas phyogs cha rnams zhes pa ni sor sum cha dang bcas pa'i sor brgyad rnams te sor phyed dang gnyis phyir 'bur ba'o/ /gdan de'i steng gi pad ma'i phyir 'bur ba dang thugs khar gnas pa'i khor yug gi phyir 'bur ba yang tshad de nyid kyis so/ /thugs khar gnas pa'i khor yug tu gyur pa de bzhin du zlum po'i pad ma yang ste gdan gyi tshad kyis so/ /gzhi dang mnyam pa'i pad ma'i mtha' yi chas dman pa ste sor phyed dang gnyis bcum pa'i khog pa zlum po'o/ /de yi phyogs cha yis kyang mgrin pa'o zhes pa ni thad ka'i tshad kyis sor brgyad dang sum cha'o/ /dpangs kyi tshad ni sor bzhi'o/ /gdan gyi phyed kyi cha yis gdong ste zhes pa ni thad ka'i char phyed dang bcas pa'i sor bcu gnyis kyis so/ /de nyid ni gru bzhi'o/ /de bzhin du mgrin pa ste sa bzhin shin tu mnyam pa zhes pa'o/ /gdong dang mgrin pa de yi sum cha ni phyogs bzhi'i cha'o/ /mgrin pa'i phyogs kyi cha rnams ni sor phyed phyir 'bur ba ste gdong gi ni rkang pas dman pa'i sor gcig phyir 'bur ba'o/ /de ltar gsang ba'i pad ma'i dag las phyed bcas nyi mas zhes pa phyed dang bcas pa'i sor bcu gnyis kyis dpangs kyi tshad de shin du mnyam par yang ni 'gyur zhes pa gru bzhi pa'o/ /gdan gyi pad ma'i sngon 'tshams zhes pa gdan gyi 'thil nas lte ba'i pad ma'i mthar thug pa ste a ba d+hU tI'i gnas ji srid par phyed dang bcas pa'i bcu gnyis kyi tshad do/ /de nas thugs kar gnas pa'i khor yug gi mthar yang phyed dang bcas pa'i bcu gnyis kyi tshad do/ /de nas mgrin pa'i rtsa ba ni phyed dang bcas pa'i bcu gnyis kyi tshad do/ /longs spyod rdzogs pa'i 'khor lo'i gnas de nas gdong gi mthar ni de bzhin zhes pa gdugs kyi phreng ba'i gnas kyi mthar thug pa de bzhin te mgrin pa sor bzhi dang ko sko nas zhal gyi gnas kyi mthar thug pa phyed dang bcas pa'i sor bzhi dang de bzhin du sna bzang po'i gnas la sor bzhi'o/ /de bzhin du spyi bo'i gnas su gdugs kyi phreng ba'o/ /de ltar na chu gter phyed bcas dus dang rig byed rnams kyis dum bu gsum zhes pa mgrin pa'i dang po nas gdong ngo / /gdan las zhes pa gdan gyi steng du pad ma'i gdan gyi dpangs ni rig byed dag gis zhes pa sor bzhis pad ma'o/ / de bzhin du thugs khar gnas pa'i khor yug sor bzhi'o/ /mgrin pa'i tshad kyang de bzhin te sor bzhi rnams kyis so/ /phyed bcas brgyad kyis gdong pa'i tshad ces pa ni phyed dang bcas pa bzhis ko sko nas zhal gyi mtha' dang bzhi bshal gyi mthar te de nas mdzod spu'i gnas smin ma'i dbus su'o/ /de'i steng du dpral ba nas brtsams nas de yi steng du gdugs kyi phreng bar 'gyur ro mi yi dbang mdzod spu'i 'tshams nas gdugs kyi phreng ba dang dpral bdag dang spyi bo la ste de nas 'dir ni gtsug tor dag gi mthar thug 'di phyed dang bcas pa'i sor bcu gnyis so zhes pa nges pa'o/ /de ltar lhun po dang 'jig rten gyi khams ni mtha' dag rgyal ba'i sku ste mchod rten gyi dngos po ni lhun po'o/ /gzugs kyi rang bzhin ni sangs rgyas kyi sku gzugs sprul pa'i sku ste skyes bu chen po'i mtshan sum bcu rtsa gnyis dang ldan pa'o/ /'dir skyes bu chen po'i mtshan rnams ni 'di lta ste de bzhin gshegs pa'i sku'i phyag dang zhabs kyi mthil 'khor los mtshan pa ste 'khor lo rtsibs stong yongs su rdzogs pa lte ba dang bcas pa dang / zhabs 'thil shin du gnas pa ni zhabs kyi 'thil thams cad kyis sa la reg pa ste de yang zhabs kyi mthil bteg na 'phar bar byed cing mnan na nem par byed pa dang / phyag dang zhabs dra bas 'brel pa ste ngang pa'i rgyal po ltar dra ba dang ldan pa dang / phyag dang zhabs dag byis pa skyes ma thag gi bzhin du shin tu 'jam pa dang / bdun mtho ba zhes pa zhabs dang / phrag pa gnyis po dag dang ltag pa yang mtho ba dang / phyag dang zhabs kyi sor mo ring ba ste mthe bo la sogs pa rnams zlum zhing yangs la byin gyis phra ba dang / zhabs kyi rting pa yangs pa dang / sku che zhing drang ba dang / zhabs kyi long bu mi mngon pa dang / ba spu'i rtse mo gyen du phyogs shing g.yas su 'khyil ba dang / byin pa ri dgas e ne ya'i lta bu dang / mdoms kyi sba ba sbubs su nub pa ste glang po che'i bzhin du 'doms kyi sba ba sbubs su rab tu nub pa dang / gser la sogs pa ltar snum pa'i mdog dang / gser gyi lpags pa dri ma dang rdul gyis ma gos pa dang / ba spu'i bu ga nas spu re re skyes pa dang / smin ma'i dbus su mdzod spu yongs su zlum po ste ras bal gyi skud pa ltar dkar zhing shin tu phra ba sum bcu rtsa gnyis kyi bdag nyid g.yas su 'khyil pas bskor ba dang / ro stod seng ge'i lta bu ste ro stod yangs pa dang / phrag pa shin du che ba dang / mgrin pa yongs su zlum pa dang / yan lag dang nying lag rnams la ro bro ba'i mchog rnams kyis ro bro bar byed pa ste ro bro ba'i mchog de rnams kyang kha zas dang ldan pa'i rtsa'i mchog kha rnams las te rlung dang mkhris pa dang bad kan gyis mnyams pa'i phyir ro zhes pa dang / n+ya gro d+ha ltar chu zheng gab pa'i skyes bu chen po ste chu dang zheng kun nas mnyam pa dang / dbu gtsug tor dang ldan pa ste gtsug tor gdugs ltar yongs su gyur cing mtho ba dang / dbu skra dang snyan dag gi bar du ljags kyi rtse mos reg pa ste dbu skra'i mthar thug pa dpral ba yang ljags kyis khebs pa dang / tshangs pa'i dbyangs 'khor mtha' yas pa la nang du ji lta ba de bzhin du phyi rol du yang sems can thams cad kyis thos pa dang / 'gram pa seng ge'i ltar che ba dang / tshems mnyam pa dang / bzhi bcu tshang ba dang / dkar ba dang / skyon thams cad bral ba dang / spyan shin du sngo ba la sogs pa ste spyan dag gi sngon po gang yin pa de ni shin du sngon po dang dmar po gang yin pa de ni shin du dmar po dang dkar po gang yin pa de ni shin du dkar po dang / ba glang gi rdzi ma ste khyu mchog gi ltar spyan gyi rdzi ma rnams steng dang 'og nas byung ba dang / sems can rnams kyi rigs sna tshogs la gzigs pa'i phyir sku'i kha dog sna tshogs so/ /de ltar zhabs kyi 'thil nas brtsams nas gtsug tor gyi mthar thug pa skyes bu chen po'i mtshan sum bcu rtsa gnyis ni chos yang dag par sdud pa las gsungs te des na tshigs su bcad pa rnams kyis ma brjod do/ /de ltar 'jig rten gyi khams 'byung ba ni sangs rgyas kyi sprul pa'i sku dang mtshungs so/ /de bzhin du sems can rnams kyis bsod nams thob pa'i slad du rdul tshon gyi dkyil 'khor ro/ / nyi ma la sogs pa rnams g.yas skor du 'khor ba dang mchod rten la phyag 'tshal ba'i slad du lhun po ji lta ba de bzhin du mchod rten mi yi yul du bstan to/ /mchod pa la sogs pa bya ba'i slad du sangs rgyas ji lta ba de bzhin du sangs rgyas kyi gzugs brnyan gyi sku'o/ /de ltar bsod nams thob pa'i slad du kun rdzob kyi bden pa bstan to/ /'dir dpe byad bzang po brgyad bcu ni gzhung mangs pas 'jigs pa'i phyir ma brjod te gang gis na thams cad las gsungs pas so/ /da ni 'jig rten gyi khams su khams sna tshogs kyi rang bzhin gsungs pa gser zhes pa la sogs pa ste 'dir gser ni sa yi khams su 'gyur zhes pa gser ni sa'i rang bzhin ser po dang dngul ni chu'i rang bzhin dkar po dang zangs ni me'i rang bzhin dmar po dang lcags ni rlung gi rang bzhin nag po dang zha nye dkar nag 'dres pa zhes pa ni ro dang lcags nam mkha'i mtshan nyid dang ye shes kyi khams kyi mtshan nyid te de ltar gser la sogs pa'i lcags drug go/ de bzhin du nor bu rin chen rnams te rin chen ser po ni sa'i rang bzhin no/ /dkar po ni chu'i rang bzhin dang dmar po ni me'i rang bzhin dang nag po ni rlung gi rang bzhin dang ljang khu ni nam mkha'i rang bzhin dang sngon po ni ye shes kyi khams kyi rang bzhin te khams de rnams las byung ba'i phyir ro/ /de bzhin du ro drug po rnams te lan tshwa'i ro ni sa'i rang bzhin dang dngar ba ni chu'i rang bzhin dang tsha ba ni me'i rang bzhin dang kha ba ni rlung gi rang bzhin dang ska ba ni nam mkha'i rang bzhin dang skyur ba ni ye shes kyi rang bzhin no/ /de bzhin du zhing gi rdo rnams dag gi skye gnas ni sa la sogs pa'o/ /de bzhin du sman rnams rnam pa drug gi ro rnams dang mchog gi ro zhes pa grub pa'i ro rnams dang khams rnams gzhan pa nor bu'i dbang po rnams zhes pa drug go/ de bzhin du sa la sna tshogs reg pa rnams dang mtha' dag nad ni 'phrog pa nyid kyi chu rnams zhes pa rdo chu la sogs pa rnams ni rnam pa drug go zhes yang dag par ro/ /da ni nor bu dang rin po che'i yon tan gsungs pa sa zhes pa la sogs pa ste 'dir sa yi rigs kyi nor bu 'am rin po ches zug gzer 'phrog par byed par 'gyur ro/ /chu yi rigs ni dug 'phrog par byed pa dang me yi rigs ni 'byung po zhugs pa 'phrog par byed pa dang rlung gi rigs ni rengs pa 'phrog par byed pa dang stong pa'i rigs ni gdug pa'i lta ba lhung ba rab tu 'phrog par byed pa dang ye shes kyi rigs ni skyon thams cad 'phrog par byed pa'o/ /rin po che dang nor bu ji lta ba de bzhin du thun mong pa sbal pa la sogs pa rnams kyi mgo la skyes pa dang mi bdag rnams kyi lus la gnas pa'i nor bu yang skyon 'phrog par byed pa'o/ /de ltar sa la sogs pa'i chos can gang dag brjod pa thams cad bsam gyis mi khyab pa'i rang bzhin no/ /de ltar sangs rgyas kyi zhing rdzogs pa'o/ /'di nas tshigs su bcad pa gnyis ni go sla'o/ /da ni chu srin la sogs pa'i khyim rnams kyi rang bzhin gsungs pa 'dir ni zhes pa la sogs pa ste 'dir chu srin ni rnam par shes pa dang stong pa'i khams kyi rang bzhin dang bum pa ni 'du byed dang rlung gi khams kyi rang bzhin dang nya ni tshor ba dang me'i khams kyi rang bzhin dang lug ni 'du shes dang chu'i khams kyi rang bzhin dang glang ni gzugs dang sa'i khams kyi rang bzhin te 'khrig pa ni ye shes kyi phung po dang ye shes kyi khams kyi rang bzhin no/ /de bzhin du kar ka Ta la sogs pa'i khyim rnams ni mtha'i lhan cig skyes pa la sogs pa'i rang bzhin rnams te lugs las bzlog pas so/ / chu srin la sogs pa 'di rnams kyi mtshan ma ni rdo rje la sogs pa ste rdo rje dang ral gri dang rin po che dang pad ma dang 'khor lo dang gri gug go/ kar ka Ta la sogs pa rnams kyi skyed pa'i rim pas lugs las bzlog pa rnams so/ /ka'i sde pa la sogs pa rnams ni chu srin la sogs pa rnams kyi ka tsa Ta pa ta sa rnams dang kar ka Ta la sogs pa rnams kyi u0f88u0f90 na ma Na nya nga la sogs pa 'jig rten khams kyi le'u las gsungs pa rnams so/ /ring po thung ngu lhag pa'i lha zhes pa ni dbyangs ring pos phye ba ka yig la sogs pa'i gsal byed brgya brgyad bcu ste de bzhin du dbyangs thung ngus phye ba rnams so/ /da ni gza' rnams kyi skye ba'i khyim gsungs pa lug ces pa la sogs pa ste 'dir grangs bzhin du lug dang 'khrig pa dang kar ka Tar ni ri bong can dang pa sangs dang nyi ma byung bar gyur to/ /seng ger sa skyes dang bu mor phur bu dang srang du sgra gcan dang sdig par gza' lag dang gzhu yi thog mar spen pa dang de'i mtha' mar mjug rings so/ /de bzhin du bum par ri byi ste glang du brtan pa'o/ /de ltar sngar brjod pa'i rim pas sa la sogs pa'i khams zhes pa rdul phra rab kyi tshogs kyi gtso bo'i dngos po la phal pa'i dngos po kun nas phan tshun sbyor ba ste kun 'byung gi chos kyi phyir ro/ / 'gro ba 'di ni sems can rnams kyi las kyi rang bzhin du 'gyur te gang zhig rin chen kun gyis rab tu gang ba ni sangs rgyas dang byang chub sems dpa' rnams kyi'o/ /da ni sems can rnams kyi las kyi mthu gsungs pa 'di lta ste/ gang dag sa la dpag bsam shing dang ro dang mchog gi ro dang sman dang lha yi ro yi dbang po gzhan/ mtha' dag nad 'phrog rdul phran rnams kyis rab tu skyed pa de rnams sems can rnams kyis bsod nams ma yin pa'i dbang gis mi mthong ste gang zhig phal pa'i rtswa dang shing dang chu dang rngul bang rdo ba dang ni lcags rnams mthong bar 'gyur ro/ /yi dags rnams kyis chu bo la sogs pa rnams su chu ni me 'bar ba'i rang bzhin du mthong ngo / /dmyal bar song ba'i mi rnams kyi sdig pa'i dbang gis gcod pa dang 'bigs pa'i mdung la sogs par mthong ngo / /da ni sangs rgyas kyi sprul pa gsungs pa 'di rnams zhes pa la sogs pa ste sems can 'di rnams dgrol ba'i slad du bsod nams 'byung ba'i dus su sras dang bcas pa rgyal ba'i bdag po zhes pa byang chub sems dpa' rnams dang bcas pa'i sangs rgyas bcom ldan 'das las kyi sar ni rab zhugs te/ sems can gdul ba'i slad du mngal ni rab tu gzung ba mdzad cing mchog gi thugs rje dag gis byang chub bskyed pa mdzad nas ni/ /nyon mongs dang ni bdud rnams bcom nas sa yi steng gi gnas su chos kyi 'khor lo rab bskor te/ /sprul pa sgyu ma mdzad nas slar yang bcom ldan 'das ni dag pa'i sku can de nyid kho na ji ltar byon pa de bzhin gshegs pa ste/ de ltar sangs rgyas kyi sprul pa sgyu ma dang mya ngan las 'das pa'i rang bzhin ni sems can rnams kyi bsod nams kyi dbang dang bsod nams ma yin pa'i dbang gis rab tu snang bar 'gyur ro zhes pa nges pa'o/ /tshigs su bcad pa 'di nas gzhan tshigs su bcad pa bdun ni go sla'o/ /da ni ro chen po la sogs pa'i mtshan nyid gsungs pa bsreg bya zhes pa la sogs pa'o/ /'dir mA k+Shi ka ni ro chen po dang sa'i rang bzhin te dang yig gis ro chen po'o/ /dri ma med pa ni chu'i rang bzhin dang tud tha ka ni me'i rang bzhin dang g.yo ba ni rlung gi rang bzhin dang ra sa ka ni stong pa'i rang bzhin dang ri bong can dang mtshal ni ye shes kyi khams kyi rang bzhin te ro chen po bdun no/ /de nas nye ba'i ro rnams te kA k+Shi ni mnyam pa zhes pa ye shes kyi khams kyi rang bzhin dang kA shi sa ni nam mkha'i khams kyi rang bzhin dang mu zi ni rlung gi khams kyi rang bzhin dang lto ros ni me'i rang bzhin dang ba bla ni chu'i rang bzhin dang btsag ni sa'i rang bzhin te nye ba'i ro drug go/ de nas lan tshwa lnga ste ze tshwa dang rgya mtsho las byung ba dang rgyam tshwa dang kha ru tshwa dang thab tshwa rnams rim pa bzhin du sa la sogs pa'i rang bzhin no/ /de nas 'gyur byed lnga ste/ na ba sA ra dang ya bak+ShAr dang sad dzi kak+ShA ra dang tsha la dang kA tsa'i lan tshwa'i 'gyur byed rnams grangs bzhin du nam mkha' la sogs pa'i rang bzhin no/ /de nas chu lnga ste rdo'i chu ni sa'i rang bzhin dang zla ba'i chu ni chu'i rang bzhin dang tsha ba'i chu ni me'i rang bzhin dang dug gi chu ni rlung gi rang bzhin dang gri gug gi chu ni nam mkha'i rang bzhin no/ /de yang rnam pa gsum ste/ reg pa'i gri gug dang grib ma'i gri gug dang sgra'i gri gug ste sgrub pa po gcod par byed pa'i phyir ro/ /de nas dug lnga ste gla sgang ser po ni sa'i khams kyi rang bzhin dang shag tu ka ni chu'i rang bzhin dang rwa can ni me'i rang bzhin dang dug nag po ni rlung gi rang bzhin dang nag po brtsegs pa ni stong pa'i rang bzhin no/ / gzhan pa nye ba'i dug ni rnam pa lnga po rig par bya zhes pa la rdo rje can ni sa'i rang bzhin dang ar ka ni chu'i rang bzhin dang d+ha du ra ni me'i rang bzhin dang lang ga lI ni rlung gi rang bzhin te ka ra bI ra ni stong pa'i rang bzhin no/ /'dir sa la zhing gi rdo ba dang srog gi ngo bo sna tshogs pa dang 'bras bu'i dbyibs sna tshogs pa dang dung la sogs pa'i gzugs sna tshogs de rnams kyang rnam pa drug ste gang gis na khams de rnams las lcags rnam pa drug tu 'gyur ba'o/ /'ga' zhig las gser du 'gyur zhing de bzhin du gzhan rnams las dngul la sogs par 'gyur ro/ /lhang tsher skyes ni rnam pa bzhi zhes pa ste lhang tsher ser po'i lcags ni sa'i rang bzhin dang dkar po'i ni chu'i rang bzhin dang dmar po'i ni me'i rang bzhin dang nag po'i ni rlung gi rang bzhin te de bzhin du lha'i lcags kyang ngo / /de bzhin du rdo khab len gyi lcags te 'khor byed kyi ni rlung gi rang bzhin dang sbyor byed kyi ni sa'i rang bzhin dang 'dren byed kyi ni me'i rang bzhin dang 'ju byed kyi ni chu'i rang bzhin no/ /'ju byed de rnams kyi rang bzhin sna tshogs pa ste 'ga' zhig ni rdo rje rnam par gnon pa zhes pa rdo rje 'ju bar byed pa dang lhang tsher 'ju bar byed pa'o/ /de bzhin du 'ga' zhig ni gser 'ju bar byed pa dang de bzhin du dngul dang zangs dang lcags rnams 'ju bar byed pa'o de rnams kyis nye bar sbyar bar bya ste de rnams las lcags blang bar mi bya'o/ /de la ro rnam pa gnyis te grub pa dang grub pa ma yin par 'gyur ro/ /lcags la sogs pa rnams 'bugs pa ni grub pa ste sa 'og la sogs pa'i khung bu rnams na gnas pa'o/ /gang zhig 'bugs byed min pa'i pA ra dang dngul chu'i ro de ni lcags la sogs pa rnams bskol ba dang sa bon gyi sgyur bar gyur pa zhes pa so sor bsgyur ba dang rjes su bsgyur ba ni lcags la 'bugs shing rjes su 'bugs par 'gyur zhing zos pas mtha' dag nad 'phrog par 'gyur te/ rul pa'i lcags ni rnam par spangs nas so zhes pa ni zha nye dang gsha' tshe ma gtogs par gser la sogs pa zhu bar gyur pa'o zhes pa ste de ltar ro dang nye ba'i ro la sogs pa'i nges pa'o/ / mAk+Shi ka la sogs pa 'di rnams thams cad ro brjod pa'i gzhung la sogs pa'i cho gas sbyang bar bya ste de nas gsungs pa'i las la sbyin par bya'o/ /gzhan du na ma dag pa'i ro dang nye ba'i ro rnams kyis ni rdzas nyams par byed do/ /de bzhin du gser dang dngul gyi nang du gser dang dngul gyi dgra rnams kyang sbyin par mi bya ste gser dang dngul gyi bya ba la grogs po sbyin par bya'o/ /lcags bsad pa la ni bstan bcos nas gsungs pa'i rnam pas dgra bo rnams sbyin par bya'o/ /de bzhin du zangs dang rnon po ma dag pa yang gser dang dngul la sbyin par mi bya'o/ /zha nye dang gsha' tshe ma bsad pa ni gang du yang sbyin par mi bya'o/ /bsad pa'i lcags gdul ba la ni ma langs pa'i lcags bsad par bya'o/ /zangs la sogs pa srog dang bcas pa gdul ba la ni dgra bo ro chen po dang nye ba'i ro byin nas gdul bar bya'o/ /dngul dang gser la grogs po'o zhes pa ni sa bon gyi bya ba la'o/ /da ni ro'i rang bzhin gsungs pa dang por zhes pa la sogs pa ste 'dir dang por du ba'i rang bzhin dag gis 'gro ste me la gnas shing bskol ba gang yin pa de ni rim pa yis sgra byas nas 'gro ba ni byis pa dang 'phar bas 'gro ba ni gzhon nu dang rab tu 'dar bas 'gro ba ni dar la bab pa dang 'dar ba med pa ni rgan po ste gang gi tshe 'bugs pa dang rjes su 'bugs par 'gyur ba'o/ /'dir sgra ldan byis pa ni lcags 'bugs par byad pa ma yin te/ 'phar ldan yang ma yin no/ /'on kyang gzhon nu ni 'dab ma la byugs pa dang me 'jam pos cung zad 'jug par byed do/ /de ltar byis pa ni 'dab ma la byugs pas so/ /gzhon nu yang kong bu kha bcad kyis so/ /lang tsho ni mdung gis 'bugs pas so/ /rgan po ni ji ltar 'dod pas 'bugs pas so/ /de ltar sgra ldan 'phar ldan yang 'bugs par byed pa yin te de yang dang po gang zhig ngu ba'i 'gro ba can ni 'dab ma 'bugs par byed pa'o/ /'dar ba dang bcas pa ni mdung gis 'bugs par byed pa'o/ /de yang rnam gsum 'chad par 'gyur ba'i sgyur byed rnams kyis bsgyur bar gyur pa ni rgan por 'gyur te de ni ji ltar 'dod par lcags 'bugs par 'gyur ro zhes pa ro'i yon tan gyi nges pa'o/ /da ni sman gyi yon tan gsungs pa mchog gis zhes pa la sogs pa ste 'dir ro'i bstan bcos thams cad las rdo rje rnam par gnon pa reg pa dang mchog gi sman gyi sbyor ba las ro dang lhang tsher kha med par rgyu'o zhes pa'o/ /des na rdo rje dang lhang tsher 'ju bar byed pa'i rdo rnams te de rnams kyi rig pa dang bi Da yis so/ /mchog gi sman ni ro'i sman 'chad par 'gyur ba rnams so/ /de rnams kyi stobs dang ldan par rab tu 'gyur te lhang tsher la sogs pa'i lcags rnams thams cad bzhu ba'o/ /su zhig ces pa ste mchog gi sman de rnams med na sa yi steng gi gnas su dngul chu 'di yi bcing ba dbul ba dang nad 'phrog par byed pa dag ni gang zhig byed bcings na mkha' la spyod pa nyid du 'gyur zhing de bzhin zos na mi rnams kyi 'chi ba dag kyang nyams par 'gyur te gang gi mthu las so/ /de phyir ye shes med na nad 'phrog par byed pa'i don du sa bdag rnams kyis ro yi dbang po 'di ni bsgrub par bya'o zhes pa ro'i dbang po'i nges pa ste/ /go sla pa'i tshigs su bcad pa gzhan gyis kyang ngo / /da ni mchog gi sman gyi mtshan nyid gsungs pa gang zhig byugs pas zhes pa la sogs pa ste 'dir gang zhig byug pa tsam gyis 'phral la zangs kyi 'dab ma mer bcug pa'i dri ma 'phrog par byed pa ste mchog gi sman ro chen po dang mtshungs pa zos pas mtha' dag nad 'phrog cing ro bcing ba'i slad du lcags kyi rigs 'ju bar byed pa de ni sa la skal ldan rnams kyis mthong bar 'gyur ro/ /sman gzhan dag rnams kyis dngul chu 'di yi bcing bar rab tu 'gyur ba gang yin pa ni nges par lo dus par zhes pa lo bcu gnyis 'dug pa dang bcas pa dang dgang ba dang bcas pa'i sbyor ba rnams kyis so/ /de ni bcings pa lhag par mi 'gyur te stong phrag gcig 'bugs pa las lhag pa 'bugs par mi 'gyur ro zhes pa nges pa'o/ /tshigs su bcad pa 'di las gzhan tshigs su bcad pa bzhi ni go sla'o/ /da ni ro bsrung ba'i don du dzam b+ha la'i mchod pa gsungs pa khru phyed ces pa la sogs pa ste 'dir khru phyed ces pa mtho gang tsam gyi gser gyi pad ma 'dab brgyad pa la lte bar snying po'i dbus su rdo rje dag pa gser gyi bcing bar bya'o/ /shar gyi 'dab ma la in dra nI la dang lho'i 'dab ma la pad ma rA ga dang nub tu rin chen kar ke ta ser po ste byang du rin chen zla ba chu shel lo/ /de bzhin du mer rnon po bcing bar bya ste bden bral du zangs dang rlung du gser dang dbang ldan du dngul dang lte bar rdo rje'i steng du gser gyi lhang tsher gyi gdan gzhag par bya'o/ /gdan de'i steng du gser las byas pa'i dza~M b+ha la phyag gnyis pa g.yon pa na ne le dang g.yas pa mchog sbyin pa ste gtsug tor gyi tshad kyis sor bzhi pa'o/ /de bzhin du 'dab ma rnams la gser las skyes pa 'am dngul las skyes pa'i gnod sbyin mo brgyad rnams te pad ma dang mchog sbyin gyi phyag go/ 'dir gal te dza~M b+ha la dngul las skyes pa yin na de'i tshe gnod sbyin mo rnams gser las skyes pa'o/ /gang gi tshe dza~M b+ha la gser las skyes pa yin na de'i tshe gnod sbyin mo rnams dngul las skyes pa'o/ /de bzhin du gang gi tshe gser gyi pad ma yin pa de'i tshe dngul gyi snod do/ /gang gi tshe snying por dngul gyi pad ma yin pa de'i tshe chu sbyin pa'i slad du gser gyi snod du 'gyur ro/ /cod pan sangs rgyas rin chen dbang po nor bu mchog sbyin phyag ste gnod sbyin mo rnams de bzhin nyid do/ /de bzhin du shes rab dang bcas pa ste dza~M b+ha la nor rgyun ma dang bcas pa ha lA ha la lta bu'o/ /lte ba la dza~M b+ha la dang nor rgyun ma dag gi sa bon ha~M hAH'o/ /de bzhin du shar gyi lha mo'i hIMHdang mer hIHdang lhor hraM dang bden bral du h+R-IHdang byang du hu~M dang dbang ldan du hUH dang nub tu h+l-iM dang rlung du h+l-I'o/ /sgrol ma dang reg bya rdo rje ma dang gos dkar mo dang ro rdo rje ma dang mA ma kI dang gzugs rdo rje ma dang spyan ma dang dri rdo rje ma ste rdo rje dbyings kyi dbang phyug ma ni nor rgyun ma'o/ /rdzas kyi don du khams thams cad rin po che chen pos rgyas btab pa gtso bo dang bcas pa bya'o zhes pa ni nges pa'o/ /de nas dri dang spos dang me tog la sogs pa rnams kyis nyin zhag so sor thun 'tshams gsum la dngul gyi snod du mchod par bya'o/ /de nas oM dzo~M b+ha la dza len drA ya swA hA zhes pa'i sngags 'dis chu khyor ba brgyad sbyin par bya'o/ /rab dga'i yid kyis gser 'gyur mkhan rnams dag gi ro ni bsrung ba'i don du chu sbyin par bya ste bsrung ba'i cho ga 'di yis 'byung po'i mgon po dang klu yi mgon po ste klu'i rgyal pos ro ni 'phrog par mi 'gyur ro/ /de bzhin du gang dag ro 'phrog par byed pa'i lha min gzhan rnams kyis kyang ro 'phrog par mi 'gyur te rdo rje 'dzin pa'i bkas dza~M b+ha la'i srung bas so/ /da ni ro bzhu ba gsungs pa so phag ces pa la sogs pa ste 'dir dang por so phag gi phye ma dang lan tshwa byin nas bI dza pUr la sogs pa'i skyur pos nyi ma bcu'i bar du ro mnye bar bya zhing bdug par bya'o/ /de bkrus shing ro bzung nas lhag ma bskams te snyigs ma dag la gnas pa'i ro ni phyi nas slar yang ro de nyid la bsre bar bya'o/ /thams cad dus su'o zhes pa ni dngul chu mnyes pa'i snyigs mar gyur pa gang yin pa de mtha' dag dngul chu gzung ba'i slad du dbye bar bya'o/ /slar yang zhes pa ro phye bar gyur pa la gal te ro ma phyed na de'i tshe snyigs ma de nyid las ro shi ba yang dag par bsregs nas gzung bar bya ste lcags gzhan dang lhan cig de yang bzhu bar bya'o/ /de la sbyangs pa'i dngul chu rang gi skye gnas za bar gyur na de ni slar yang gzhan lcags thams cad kyi skye gnas za'o/ /da ni lcags thams cad bsres pa'i bzhu ba gsungs pa zha nye zhes pa la sogs pa ste 'dir lcags rnams nyid kyis phan tshun 'ju bar byed do/ /des na bsres pa bya'o/ /zha nye rnon po dang ra gan dang zangs dang lhang tsher skyes zhes pa lhang tsher gyi lcags sam zhing las skyes pa rdo sna tshogs kyi lcags te rnon po la sogs pa'i gnas su rnam par dag pa'o/ /lcags lnga po 'di rnams cha mnyam pa gcig tu bsregs pa ni bsres pa'i lcags su 'gyur te gser gyi bya ba la'o/ /bcud len gyi bya ba la ni zha nye sbyin par mi bya ste lcags bzhi bsres pa bya'o/ /dngul gyi bya ba la lhang tsher dkar po'i lcags dang gsha' tshe ste dngul gyi bya ba la gnyis po dag dang lhan cig dngul bzhu bar bya'o/ /de ltar bsres pa byas shing dngul chu yang dag par sbyang ba byas nas sna tshogs 'ju bar byed pa'i 'khrul 'khor rnams la gru'i 'khrul 'khor mchog ste des na gru'i 'khrul 'khor du ro blug par bya'o/ /de nas dngul chu las sum bcu'i cha shas bzung nas rdo skyongs su bsres pa btag par bya ste rtsa ba'i dngul chu'i drug bcu'i cha'i lcags kyis so/ /de ltar sa las byas pa'i gru'i 'khrul 'khor du dang por drug bcu'i cha shas kyi zas byin te/ de nas ro'i steng du ras srab mo byin nas steng du sngar brjod pa'i bslang ba'i rtsab mo byin te gru ni phub ma dang ba lang gi lci ba'i phye ma'i me la gzhag par bya'o/ /rtsab mo skam pa na bar chad med par slar rtsab mo sbyin par bya'o/ /de ltar nyi ma gcig gam gnyis kyis zas 'ju bar 'gyur te de nas zhu ba'i rjes la gzhan nyis 'gyur ni rim pa de nyid kyis sbyin par bya'o/ /slar yang zhu bar shes nas te ras la blugs pa'i btags pa gal te/ ras la mi snang na de'i tshe zhu bar brjod do/ /de ltar zas 'phel bar bya ste ji srid rkang pa'i cha shas zas za bar 'gyur gyi bar du'o/ /de'i steng du 'phel bar mi bya ste lhag par rab tu sbyin mi bya zhes pa dgag pa'o/ /de'i steng du rnam pa 'dis sngar gsungs pa'i sa bon no/ /phyogs gcig gis ni nyis 'gyur 'ju bar 'gyur te slar yang dngul chu 'di ni de bzhin sa bon rnam par dag de ltar sa bon gnyis sum brgyad 'gyur 'ju bar 'gyur te slar yang zhu ba 'di ni sngar brjod pa'i bi Da mchog rnams kyis so/ /ci ste ma zhu bar gyur na de'i tshe ma zhu ba la 'khor lo'i dugs bya ste ba lang gi nu ma'i rnam pa'i kong bur dngul chu blugs nas sor mo gsum gyi bar du mi snang bar sa la gzhug par bya'o/ /de nas phyi rol du 'khor lo'i rnam pa'i 'o bso byas nas phub ma dang ba lang gi lci ba'i phye ma rnams kyis bkang ste me sbyin par bya'o/ /'khor lo'i dugs de na ni zhag brgyad kyis bi Da dang bcas pa'i ro'i kong bur ma zhu ba'i skyon 'dor bar 'gyur ro/ /de nas slar yang gru'i 'khrul 'khor du blugs par bya ste de ltar 'bugs pa dang rjes su 'bugs par bya ba'i slad du lo gcig dang por byas nas lo bcu gnyis kyi mthar thug par lcags thams cad bzhu bar bya'o/ /ci ste bsod nams kyi dbang gis reg rdo dang mchog gi sman 'ju bar byed pa ste/ /zhu bar byed pa dag rnyed na de'i tshe reg rdo dang 'ju byed kyi phye ma'i bi Da dang mchog gi sman sngar brjod pa rnams kyis me la gnas kyang lhang tsher gyi lcags rnams kha med par 'ju bar 'gyur te de'i stobs lhag pa'i ror 'gyur ro/ /lhang tsher las lhang tsher gyi lcags zhu na stobs brgyad 'gyur du 'gyur ro/ /de ni zhu ba ste zos par gyur pa na de yi yang brgyad 'gyur gyi stobs so/ /sa bon zhu ba la yang de'i brgyad 'gyur gyi stobs su 'gyur ro/ /slar yang rdo rje rin chen dang in dra nI la la sogs pa zhu bar gyur na de'i yang brgyad 'gyur ro zhes pa nges pa'o/ /de ltar lcags la sogs rnams ji srid khol bar gyur gyi bar du me yi nang du bskol bar bya ste de nas de ni 'bum phrag du ma 'bugs par rab tu 'gyur ro/ /de la sgyur bar byed pa la sogs pa ni mi bya'o/ /reg rdo sman dag med na sngar brjod pa'i mchog gi bi Da mnye ba dag dang dugs rnams kyis kyang 'ju bar 'gyur/ /'dir ba med pa ji srid nyid te de nas sgyur byed gser ni mnyam pa dag tu rab tu 'gyur zhes pa ni 'dir zhu bar gyur pa'i ro 'bar ba'i sol ba la byin pa na gal te 'dar ba byas nas mi 'gro na de'i tshe 'dar ba med pa gang yin pa de ba lang gi nu ma'i rnam pa'i kong bur blug la nas ji srid ro nub par gyur gyi bar du e raN Da'i 'bru mar steng du sbyin par bya'o/ / de nas gser ro dang mnyam pa bzhu nas rdzas kyi don du zha nye brgyad cha byin te ro'i steng du blugs par bya'o/ /des bsgyur bar 'gyur zhing slar yang rim pa de nyid kyis nyis 'gyur gyi gser gyis rab tu bsgyur bar 'gyur te sum 'gyur gyis rjes su bsgyur bar 'gyur ro/ /de ltar bsgyur ba rnam pa gsum ni 'bugs par 'gyur te lcags kyi stobs kyi rjes su mthun pas stong gi mthar thug par 'gyur ro/ /de nas zangs bzhu ste ro phye mar byas shing spra tshil gyis yang dag par dkris nas bsad pa'i zha nye dang gsha' tshe dag dang lhan cig de la blugs par bya'o/ /des dngul lam gser la 'jug pa dang 'bugs par 'gyur ro zhes pa bzhu ba'i nges pa'o/ /da ni dgod pa dang bcas pa'i bcing ba gsungs pa gser zhes pa la sogs pa ste 'dir gser gyi bya ba la gser gyi zha nye rab tu btab pas bsad par bya'o/ /rnon po mtshal gyis te kha sbyor gyi sbyor bas so/ /sprul zhes pa zha nye ni ldong ros kyis bsad par bya'o/ / zangs ni mu zis bsad par bya'o/ /dngul gyi bya ba la gsha' tshe ni ba blas bsad par bya'o/ /dngul ni mAk+Shi k+Sha dkar pos bsad par bya'o/ /lhang tsher skyes zhes pa lhang tsher dkar po'i lcags ni mAk+Shi kas bsad par bya'o/ / de nas shi ba'i lcags mnyam pa'i 'gyur byed bzhi po rnams te de rnams tshogs pa med na gsum mam gnyis so/ /mnyam pa'i bi Da dang mnyam pa'i lan tshwa rnams dang nye ba'i ro dgra'i chos can rnams dang lcags dang mnyam pa'i dngul chu ste thams cad gcig tu byas nas nya la sogs pa rnams kyi mkhris pa dang bI dza pU ra la sogs pa rnams kyi skyur po dag gis nyin zhag bcu ru mnyes nas de thams cad ni rdo skyong kha sbyar du rab tu blugs te de nas sa la bcug nas zla ba drug gi bar ji srid par dus thams cad du steng du mes bdugs par gyur na des bcings par 'gyur ro/ /de nas bcu drug gi cha yis g+ho Shas drangs pa ste zangs 'bugs par byed par 'gyur ro/ /slar yang phug pa'i zangs de nyid dngul dang gser dang cha mnyam par byas nas kha sbyor gyis bsgrub par bya'o/ /dge ba'i gser 'di ni gser 'gyur mkhan rnam dag gi sdug bsngal 'joms par 'gyur ro/ /ci ste dngul la sogs pa dgod pa dang bcas pas 'ching na de'i tshe dngul brgyad kyi cha shas byin par gyur pa na dag pa'i zangs phug pa dngul chu 'gyur te dgod pa dang bcas pa'i bcing ba'i nges pa'o/ /de nas dang po'i sangs rgyas las gsungs pa'i gong bu'i bcing ba brjod par bya ste 'dir gser gyi bya ba la lhang tsher ser po la sogs pa'i lhang tsher cung zad bzhu bar bya ste mnyam pa 'am phyed do/ /dngul gyi bya ba la lhang tsher dkar po ste de nas gser gyi bya ba la zha nyes btag par bya'o/ /dngul la gsha' tshes so/ /de nas de la gser gyi 'dab mas dkri bar bya ste dngul gyi bya ba la dngul gyi 'dab mas so/ /de nas ba glang gi gci bas ldong ros btags nas des gser gyi 'dab ma'i steng du byug pa sbyin par bya'o/ /de nas phyi rol du mtshal gyis so/ /de nas rdza mkhan gyi 'jim pas dkri bar bya'o/ /de nas skams pa na slar yang ba lang gi ci bas dkri bar bya'o/ /slar yang nyi ma'i 'od drag pos skam por byas nas ba lang gi lci ba'i me 'jam po kha sbyor la sbyin par bya'o/ /de nas thal ba rnams bsal te sa'i gong bu ni ji srid ro chen po dang nye ba'i ro dang gser dang zha nye btags pa ro mnyam par gyur gyi bar du bzhus thab tu gsol ba drag po rnams kyis bsreg par bya'o/ /de nas grang mor gyur pa na gong bu bcag nas dbus su gang zhig gser dang lhan cig btags pa'i tshogs ni gang gi sbyor bas gong bu'i bcing ba ste de nyid zangs la drug bcu rtsa bzhi'i cha shas blugs pa ni snga ma bzhin du gser ram dngul du 'gyur ro zhes pa rtsa ba'i rgyud las gong bu'i bcing ba'o/ /da ni zhing gi lcags rnams kyi bcing ba bi gsungs pa 'dzin ma zhes pa la sogs pa ste 'dir sa la rdo ba gang dag 'tsho ba'i rnam pa sna tshogs pa dang 'bras bu la sogs pa'i rnam pa sna tshogs pa ste de nyid kyi skye gnas de rnams la byin nas zhes pa 'tsho ba rnams la 'tsho ba'i sha dang 'bras bu rnams la 'bras bu'i phye ma dang dung la sogs pa rnams la dung la sogs pa'i phye ma byin nas phye ma de dang de rnams kyi phye ma lhan cig tu mar dang sbrang rtsi dang tshal dang bcas pa gong bu bya ste ji srid lcags phyed par gyur gyi bar du lcags 'byed pa'i 'khrul 'khor gyis drag por bzhu bar bya'o/ /slar yang btag pa ni mar la ste slar yang tsha la byin nas ji srid rnam par dag par gyur gyi bar du sbyang bar bya'o/ /de ltar dag par byas te skye gnas de ni shes nas rnon po 'am zangs gser dang lhan cig gnyis sbyar ba byas nas de nyid ni gser 'gyur mkhan gyis nyis 'gyur du bzhu bar bya'o/ /dang po lhang tsher mngon du phyogs pa 'am phyir phyogs par bzhu ste de nas lcags la sogs pa gzhan rnams bzhu bar bya'o/ /de bzhin du mAk+Shi ka dang zangs dang gser ram tud tha ka dang zangs dang gser ram mu min dang zangs dang gser ram ri bong can dang zangs dang gser bzhu bar bya'o/ /'dir zhing gi rdo ba rnams kyis lcags 'byed par byed pa ji lta ba de bzhin du mAk+Shi ka la sogs pa dang dri ma med pa la sogs rnams sbyang bar bya ste de nas snga ma'i las byed par 'gyur ro/ /gzhan du na rdzas rnam par nyams par 'gyur ro/ /de nas gang gis zan tsam nyon mongs pa med par 'gyur ba dang por gser 'gyur mkhan rnams kyi 'tsho ba'i thabs brjod par bya ste 'dir zhu ba'i ro ma bsgyur ba gzhon nu'am byis pas 'dab ma la byugs pas gser phyed can du 'gyur ro/ /'di la yang 'dab ma gcig dang gser gnyis kyis sum cha can du brjod do/ /'dir dang por zangs la 'dab ma byas nas lan tshwa dang rtsab mo dag gis ji srid phye mar gyur gyi bar du btag par bya'o/ /de nas chu byin nas lan tshwa'i skyon bsal te de nas bskam par bya'o/ /de nas rgyam tsha bcu drug gi cha shas byin te bI dza pU ra la sogs pa'i skyur pos mnyes nas kha sbyor du btso bar bya'o/ /de bzhin du yang nas yang du rgyam tsha byin nas lan bdun brgyad kyi bar du kha sbyor du btso bar bya ste so phag gi rdul dang mtshungs pa cung zad ljang bar 'gyur ro/ /de nas sbrang rtsi dang mar dang tsha las gong bu byas nas snga ma bzhin du lcags dbye bar bya'o/ /de nas dri ma dang bral ba phyed tsam thob par 'gyur ro/ /slar yang de nyid 'dab mar bya ste mtshal rkang pa'i cha shas byin nas mu zis kha sbyor dag gis gsad par bya'o/ /de nyid la slar yang dngul chu brgyad cha dang lhan cig dngul chu'i nyis 'gyur gyi mu zi dang dngul chu'i phyed kyi mtshal byin nas gyo mor skyur pos mnye bar bya ste slar yang bdug par bya'o/ /slar yang mnye bar bya ste nyi ma bdun du'o/ /de nyid rdza mkhan gyis bsregs pa'i snod dog mor blugs par bya'o/ /de nas snod kyi kha la rdza mkhan gyi 'jim pas rgyas gdab par bya'o/ /snod kyi phyi rol du yang byug pa sbyin par bya ste sor gcig gi dpangs nA ri ke la'i tshad do/ /che ba la lhag pa sbyin par mi bya'o/ /de nas nyi ma la bskam par bya'o/ /slar yang steng du ba lang gi lci bas byug par bya ste slar yang ji srid ba lang gi lci ba skams par gyur gyi bar du bskams par bya'o/ /de nas kha sbyor gyis btso bar bya'o/ /de ltar zangs kyi phye ma la 'khyud nas dngul chu 'chi bar 'gyur zhing zangs kyang skyon med par 'gyur te phan tshun yang dag par sbyor ba las so/ /de nas dngul gyi rkang pa'i cha shas kyi gser byin zhing gser gyi nyis 'gyur gyi zangs byin nas ji srid thams cad ro mnyam par gyur gyi bar du kong bu kha bsdams su bsreg par bya'o/ /de nas grangs bar gyur pa dang snod bsal te slar yang rkang pa'i cha shas kyi gser dang / gser gyi nyis 'gyur gyi zangs byin nas snga ma bzhin du bsreg par bya'o/ /de nas grangs bar gyur pa dang snod bsal nas gser phyed kyi gser du gyur te kha sbyor gnyis kyis rnam par dag pa'o/ /de nas sbyor ba gzhan brjod par bya ste phye ma 'di gser la nyis 'gyur ram sum 'gyur bzhu bar bya'o/ /de rkang pa'i cha shas kyi dngul chu la sbyar ba byas nas so phag gi khung bur blugs te steng du mu zi'i phye ma byin zhing de'i steng du kha chod byas nas de'i steng du sol bas ska cig tsam bsreg par bya'o/ /de nas grangs bar gyur pa dang yang dang yang du sbyar ba dang mnyam pa'i mu zi byin nas lan brgyad du bsreg par bya'o/ /de nas dngul chus gser la 'khyud de mi gtong ngo / /de nas dngul gyi rkang pa'i cha shas kyi sa bon byin zhing de nyid la dngul dang mnyam pa'i zangs byin nas kong bu kha bsdams su bsreg par bya'o/ /de nas grangs bar gyur pa dang snod bsal nas 'dab ma de 'dab mar byas te sbyar ba des 'dab ma la byug par bya'o/ /'ju bar byed pa'i don du tAM bU la'i 'dab ma'i khu bas steng du byug par bya'o/ /de nas thab kyi 'og tu gzhug par bya ste steng du sa sor gcig byin nas steng du mes khyim gyi g.yos la sogs pa nyi ma gsum gyi bar du bya'o/ / de nas phyung ste slar yang rkang pa'i cha shas kyi sa bon byin nas dbyung bar bya'o/ /'dab ma de ni de'i tshe 'dab mar 'gyur te phyed dang bcas pas khyad par du 'phags pa'i gser du 'gyur ro zhes pa dang po'i sangs rgyas las bcom ldan 'das kyis gsungs pa ste gzhan rgya chen po ni ma bris so/ /da ni lus don du gnyer ba rnams la bcud len gsungs pa nyin zhag bdun zhes pa la sogs pa ste 'dir gang la la zhag bcings pa'i bcud za bar byed na de'i tshe de'i dang por snod dag par byas te de yang 'bras bu gsum po cha mnyam pa bskal ba'i chus bshal bar bya'o/ /lan tshwa dang skyur ba dang bral ba sA li'i zan dang 'o mas kha zas bya'o/ /de nas sman gyis bsad pa'i lcags kyi phye ma zhes pa ni gu Na Dis bsad pa'i rnon pa'i phye ma mar dang sbrang rtsi dag dang bcas pa dngul chu dang bcas zhes pa legs par shi ba'i dngul chu dang mnyam pa ste de nyid cung zad re nyin zhag so sor bza' bar bya'o/ /kha zas ni sar pa dang rnyings pa zhes pa dang po be'u btsas pa'i ba'i 'o ma dang rnying pa zhes pa 'bras rnying pa'i zan no/ /de ltar sA li la sogs pa lo ma skyur pos dman zhing lan tshwa dang rnam par bral ba nya dang 'bru mar la sogs pa las grol ba zos pa dag gis phyogs kyi nang du snod dag par 'gyur ro/ /de nas bcud bza' bar bya ste stong phrag 'bugs pa dang brgya yis bsgyur ba'i brgya zhes pa 'bum phrag 'bugs pa dang bye ba 'bugs pa ji srid par yang shes nas bza' bar bya'o/ /stong phrag 'bugs pa ni nyin zhag so sor nas tsam bza' bar bya'o/ /'bum phrag 'bugs pa ni yungs dkar tsam dang bye ba 'bugs pa ni skye tshe tsam ste de ltar mtha' ma skye tshe'i cha shas so/ / 'dir bcud bza' ba'i slad du khang bzang ma sa yi khang pa grang ba dang rlung dang tshad pa dang bral ba shes so/ /de ltar bcud 'bring po stong phrag 'bugs pa ni zla ba drug gis lha yi lus po skra dkar gnyer ma dag dang bral bar byed te grub pa'i bcud gzhan ni 'chad par 'gyur ba'i nyin zhag gcig gis byed do/ /da ni bcud ma zhu ba'i sman gsungs pa kar ko TI zhes pa la sogs pa ste 'dir gang gi tshe bcud ma zhu bar gyur pa na de'i tshe ban d+ha kar ko TI dang de ba dA li dang tsha ba gsum dang bri ha tI dang nim pa'i 'dab ma dang ki rA ta tig ta ste 'di rnams chu brgyad cha'i lhag mar bskol ba ni bskol zhes brjod do/ /de nyid btung ste ma zhu ba la nyin zhag gsum du bsnyung bar gnas pa ni ji srid shin du bkres par gyur gyi bar du'o/ /de nas kha zas bya'o/ /de bzhin du zla ba'i chu 'thungs te nyin zhag gsum bsnyung bar gnas pa dang de nas kha zas so/ /me'i chu la de nyid kyis khrus dang de nyid kyis zan btso ba dang de nyid btung ba ste zla ba drug dang lo gcig gi bar du 'o ma dang zan bza' bar bya'o/ /dug gi chu dang rdo'i chu dang b+hal+lA ta yi chu la de bzhin te 'di rnams ni cung zad btung bar bya'o/ /lhag pa ni ma yin te 'chi bar byed do/ /de bzhin du ngan pa'i dri bza' ba dang sa dang rdo ba bza' ba dang dug gis byugs pa'i sha dang gzhan tsha la'i yal 'dab la sogs pa'i brtag pa la zas la sogs pa cho ga 'di'o/ /da ni bcud len gyi sman rnams kyi mtshan nyid gsungs pa gang zhig zos na zhes pa la sogs pa ste 'dir tsha la'i yal 'dab la sogs pa dang 'khri shing la sogs pa rnams las gang zhig zos na shin du drag por brgyal ba ster byed dug dang mtshungs pa ste sman de'i yan lag lnga bzung nas phye ma zhib mor bya'o/ /phye ma de nyid cung zad re mar dang sbrang rtsi dang bcas pa nyin zhag so sor bza' bar bya ste de bzhin nyid ces pa lhag ma ni cho ga snga ma'o/ /'dir sems can rnams kyis gang zhig za bar byed cing brgyal ba mi ster ba de ni grub pa ster ba'i sman ma yin no/ /sems can de dag rnams la 'chi ster mchog tu 'jigs byed gang yin pa de ni rnal 'byor pa rnams la grub pa ster ba ste sngags dang bsam gtan gyi stobs kyis so/ /da ni bcud len gzhan gsungs pa daN Do da pa la zhes pa la sogs pa ste 'dir daN Do da pa la'i khu ba dang sA li par Ni'i khu ba dang ud pa la sA rI'i khu ba yis ro dang mu zi mnyam pa rdo khab len gyi lcags kyi snod du lcags kyi gtun bus nyin zhag gsum mnye bar bya ste de ltar mnyes nas bza' bar bya'o/ /gang zhig Ta~M ka'i rkang pa'i tshad ces pa mA sha ka re za bar byed pa de ni mdze la sogs pa'i nad las grol zhing rgas pa skra dkar la sogs pa dang bral ba lo bcu drug lon pa lta bur 'gyur ro/ /da ni ro bsad pa la grub pa'i sman rnams gsungs pa bok+kA Na zhes pa la sogs pa ste 'dir gang zhig dngul chu bsdu ba dang gsad par 'dod pa des sman 'di rnams btsal bar bya'o/ /bok+kA Na zhes pa ni shing kun te gang gis srad bu sngon po la byugs na dkar por 'gyur ba'o/ /des kong bu la byugs pas dngul chu 'chi bar 'gyur ro/ /bar snang zhes pa ni nam mkha' ste be ruN Da'i bshad pa'o/ /de yang rnam pa gnyis te gdugs kyi nam mkha' dang gtsug phud kyi nam mkha'o/ /me'i nang du bcug pa'i steng du gos bkab pa na gal te gtsug phud kyi rnam pas gos phug nas du ba 'byung ba de ni mchog go/ ma yin par gdugs kyi rnam pas du ba gnas na de ni 'bring po ste des kyang bsdus te bcing ba'o/ /de bzhin du shag tu ka'i dug go/ de bzhin du kI ra'i mchu zhes pa ni ne tso'i mchu khrag zag pa can te 'jig rten du khrag skrod par grags pa'o/ /de bzhin du kaM gi pad ma can ni gang gi steng du rkang pa bzhag par gyur pa na nyin mo nam mkha' la skar ma rnams mthong bar 'gyur te 'di rnams med na sman gzhan rnams kyis zol gyis bsad pa'i dngul chu la dmar reng ste zangs dang lhang tsher kyis zhes pa lhang tsher gyi lcags dang gser dang khab len gyi lcags mnyam par byas nas bsreg par bya'o/ /dngul chu srang bzhi la de phyed kyis te srang gnyis kyis sbyar ba srang drug tu bya'o/ /lhag ma ni nang gi le'u las brjod pa'i cho ga'o/ /da ni stong phrag 'bugs pa la sogs pa'i bcud rnams kyi rang bzhin gsungs pa zla ba drug ces pa la sogs pa ste 'dir sngar brjod pa'i cho gas zos na stong phrag 'bugs pa ni zla ba drug gis lus mchog tu byed do/ /des na zla ba drug gis 'di yi mthu lus la dngos grub tu 'gyur ro/ /zla ba gnyis kyis stong phrag bcu 'bugs pa'i mthu las so/ /zla ba gcig gis 'bum phrag 'bugs pa'i mthu las so/ /nyin zhag bcu drug gis 'bum phrag nyi shu 'bugs pa'i mthu las so/ /nyin zhag bcus 'bum phrag sum bcu rtsa bzhi 'bugs pa'i mthu las so/ / zhag bdun gyis 'bum phrag drug bcu 'bugs pa'i mthu las so/ /zhag gsum gyis 'bum phrag brgyad bcu 'bugs pa'i mthu las so/ /zhag gcig gis bye ba 'bugs pa'i mthu las so/ /skad cig gcig gis zhes pa ni yud tsam gcig gis grub pa'o/ /bcud la sogs pa'i dngos grub 'di ni thun mong pa ste ral gri la sogs pa'i dngos grub dang rig pa 'dzin pa'i dngos grub kyang ngo / /las kyi phyag rgya dang ye shes kyi phyag rgya'i dngos grub ni 'bring po'o/ /'di dag las mchog ni rang dang gzhan la phan pa'i mchog ye shes kyi dngos grub ste shes rab kyi gzugs bsgoms pas so/ /de yang gang gis gang zhig sgrub par 'gyur ba skyes bu rnams kyi snga ma'i legs byas kyi dbang gis de la bag chags su 'gyur te skye ba snga ma'i rjes su 'bugs pa las so/ / da ni rdzas don du gnyer ba rnams la gter brtag pa gsungs pa gang na zhes pa la sogs pa ste 'dir sa gzhi la gang na 'khri shing rnams dang ljon shing rnams mi 'dra ba'i rang bzhin du snang ba de na rdzas yod par 'gyur ro/ /gzhan yang gang na rtag tu dud 'gro rnams par brtsod par snang ba ste rang gi gnas kyi don du 'thab pa de na rdzas yod do/ /der lcags bzang po'i ral gri'i steng ngam chu gri'i steng du pad+ma dmar po'i skud pa la sdong bu byas nas mi yi snum gyis sbar te 'byung po'i bdag po'i sngags sgrub thabs kyi le'u las brjod pas mngon par bsngags nas sa la blta bar bya'o/ /gal te me lce kha thur du bltas par gyur na de'i tshe rdzas yod do/ /gal te ma lhung na de'i tshe med do/ /de ltar gal te lhung na de'i tshe gnas der thun gsum du 'byung po'i bdag po'i sngags bzlas par bya ste ji srid snang bar gyur gyi bar du'o/ /de nas sngags pa rnams la brko bar bya ba'i dngos grub bo/ /gzhan du na nyon mongs par 'gyur te lha min rnams kyis bsrungs pa'i rdzas ni sus kyang gdon par nus pa ma yin no/ /tshigs su bcad pa 'di'i rjes la tshigs su bcad pa gsum ni go sla'o/ /da ni rigs kyi lung las brjod pa'i rigs kyi dbye ba gsungs pa sgra gcan zhes pa la sogs pa ste 'dir rigs kyi lung nub kyi khang pa las bzhi po dang lnga po dang drug po dang bzhi po dang lnga po dang gsum po zhes pa ni phyi rol dang lus la rnam par sbyang bar bya ste de nas lha rnams kyi mchod pa'o zhes so/ /des na phyi rol du sgra gcan dang dus kyi me dang zla ba dang nyi ma'o/ /'di rnams kyi sbyor ba ni bzhi po ste gdan bzhi po'o zhes pa'i don to/ /de nas 'jig rten gyi khams rdzogs pa'i don du lnga po ste sa la sogs pa ro'i mthar thug pa'o/ /de nas gza' yi tshogs pa cig shos dag ces pa ni bzhi po spangs pa bkra shis dang gza' lag dang phur bu dang pa sangs dang spen pa dang mjug rings te 'di rnams kyi tshogs pa ni drug po'o/ /de nas lhun po'i phyogs bzhi rnams su gling bzhi rnams ni bzhi po'o/ /dri la sogs pa rnams kyi yul lnga rnams ni lnga po'o/ /snying stobs la sogs pa'i yon tan gsum ni gsum po'o/ /de ltar phyi rol du snying stobs la sogs pa'i yon tan rnams ni gsum po dang gdan la sogs pa ji lta ba de bzhin du lus kyi dbus su yang shes par bya ste 'dir lus bskyed pa'i don du ma'i pad mar kun gzhi'i rnam par shes pa ni sgra gcan dang dga' ba ni dus kyi me dang khrag ces pa me'i rdul ni nyi ma dang bdud rtsi zhes pa khu ba ni zla ba ste 'di rnams ni dang por lus kyi rigs skyed pa'i rgyu bzhi'o/ /bzhi po de las rus pa la sogs pa ni lnga po ste rus pa ni sa dang chu ser ni chu dang khrag ni me dang sha dang lpags pa ni rlung dang rkang ni nam mkha' ste mtha' dag rnams kyang lnga po'o/ /de nas mig la sogs pa drug po ste zhes pa ni bkra shis dang rna ba ni gza' lag dang lce ni phur bu dang sna ni pa ba sangs dang lus kyi dbang po ni spen pa dang yid kyi dbang po ni mjug rings so zhes pa drug po'o/ /de bzhin du lag pa rkang pa dag ni bzhi po zhes pa la lag pa g.yon pa ni shar gyi gling dang lag pa g.yas pa ni lho'i gling dang rkang pa g.yas pa ni nub kyi gling dang rkang pa g.yon pa ni byang gi gling ngo zhes pa bzhi po'o/ /lag pa rkang pa la gnas sor mo rnams ni lnga po'o zhes pa la 'dir mthe bo ni dri dang 'dzub mo ni ro dang gung mo ni gzugs dang ming med ni reg bya dang mthe chung ni sgra ste sa la sogs pa'i yon tan gyi sgo nas so/ /sor mo lnga po de rnams kyi tshigs gsum pa ni gsum por brjod te dang po'i tshigs ni snying stobs kyi yon tan dang dbus ma'i tshigs ni rdul gyi yon tan dang mtha'i tshigs ni mun pa'i yon tan no/ /mun pa'i mthar sen mo'i tshigs ni gtso bo ste 'dir ni rim pa mtha' dag rigs 'di la ni rig par bya zhes pa rigs pa'o/ /da ni gdan la sogs pa rnams kyi dbye ba gsungs pa sa 'dzin zhes pa la sogs pa ste 'dir rkang pa bzhi'i dbang gis dbye ba bzhi'o/ /de ltar gdan gyi dbye ba sa 'dzin zhes pa bcu drug go/ de nyid rab dbye rnams ni nyi shu rtsa lnga ste kun 'byung gi phyir gang na gcig yod pa de na lnga ga'o/ /ro yis bsgyur ba'i ro zhes pa drug gis bsgyur ba'i drug ni sum bcu rtsa drug 'gyur te rkang pa drug gi dbang gis bkra shis la sogs pa rnams kyi dbye ba'o/ /bzhi po la nyi ma zhes pa dbye ba bcu gnyis te lag pa dang rkang pa'i tshigs kyi dbye ba bcu gnyis dang phyi rol du zla ba dang khyim bcu gnyis kyi dbye ba las so/ /lnga po la nyi shu ste sor mo'i grangs so/ /de bzhin du sor mo'i tshigs rnams la dbye ba drug bcu ste dbye ba 'di rnams mi rnams dang lha rnams dag gi mtha' dag lus la gnas pa ste dri ma med pa'i lus la gnas pa ni ma yin no zhes pa'i don to/ /thams cad bsdus pa ni bug pa drug dang zla ba'i grangs zhes pa brgya drug bcu rtsa dgur 'gyur ro/ /de dag thams cad bsdus pa zhes pa de rnams bsdus pa las sum 'gyur dgu ru 'gyur te zhes pa nyi shu rtsa bdun no/ /slar yang zhi ba dang nus ma'i dbye ba rten dang rten pa'i chos kyis lnga bcu rtsa bzhi'o zhes par rig par bya'o/ /rigs 'di la gang zhig srog gi rtsa la yang dag par rgyu ba dang gza' rnams kyi rgyu skar la yang dag par rgyu ba ste 'di rnams kyi yang dag par rgyu ba gang yin pa de ni gcig shos phyi rol gyi bka' la dga' ba rnams kyis rnal 'byor ma'i yang dag par rgyu bar brjod do/ /de skad du rtsa ba'i mdo las bshad pa/ gang zhig nus ma b+ha ga zhes bya de ni rnam gsum bgrod ldan yi ge gsum dang rang bzhin gsum/ /de la dpal ldan o Di yA Na mchog gi cha dang bcas pa dbus su gnas shing shin du 'bar/ de yi g.yas zur nyid du rab tu gsal byas gnas la dpal ldan dzA lAM d+ha ra zhes bya ste/ g.yon du dpal ldan gang ba'i gnas te phyugs kyi skye bo 'jigs byed kA ma rU pa de yi rtser/ /de ltar kun nas khyab byed gnas dang 'jigs dang skyed ma khyab byed ma ni drag po'i nus ma ste/ /de yi dbus na rtags ni mchog gi bde byed thig le nA da khong na gnas shing rtag tu dga'/ /shin du zhi ba yod te de yi steng na srub pa rnam pa drug gis rnam par phye ba'o/ /'dod pa gsum po 'di rnams byed cing mchog gi lus bskyod kub dzi ka zhes bya ba la phyag 'tshal zhes pa rigs pa ste sems can thams cad la lhan cig skyes pa 'bebs par byed ma b+ha ga zhes bya'o zhes pa rang bzhin no/ /de nas rigs kyi mdo lus rdzogs pa'i rgyu ni 'di lta ste/ kA ma rU par kU yig bu li la gnas pu li ka rnams dzA la'i gnas su me lce nyid/ /dpal ldan dbus kyi gnas su oD+DA rnam pa gsum gyi lam bgrod lha yi rwa co Ta yig rnams/ /de yi grub pa rnams kyang lnga ste Da ra la ka dang bcas de rnams lha mo bzhi dang lnga/ /de phyir nus ma gsum mam rigs kyi ljon shing skyed ma sgur 'khyog ma zhes bya ba la phyag 'tshal zhes pa ste de ltar mchog tu gsang ba ni lha min dang bdud kyi ris kyi bza' bar bya ba'i rigs las byung ba rnams kyis mi shes so zhes pa rigs kyi mdo'i nges pa'o/ /da ni sangs rgyas kyi chos yang dag par sdud pa gsungs pa ye shes zhes pa la sogs pa ste 'dir dus kyi 'khor lo la rnal 'byor pas chos yang dag par sdud pa shes nas de nas rgyud bstan par bya'o/ /gzhan du na chos yang dag par sdud pa med na lam ngan pa ston par 'gyur ro/ /des na chos yang dag par sdud pa bri bar bya ste 'dir ye shes nam mkha' gnyis zhes pa ye shes ni 'dzin par byed pa'i sems dang gzung bar bya ba stong pa'i gzugs so/ /gnyis po ni shes rab dang thabs te b+ha ga dang rtags yang dag par sbyor ba ni ma yin no/ /'dis sems can gyi don byas pas theg pa gsum ston pa por 'gyur zhing chos yang dag par rig pa por 'gyur ro/ /'dir theg pa gsum ni nyan thos kyi theg pa dang rang sangs rgyas kyi theg pa dang yang dag par rdzogs pa'i sangs rgyas kyi theg pa ste 'dis 'gro ba'i phyir theg pa'o/ /dkon mchog gsum ni sangs rgyas dkon mchog dang chos dkon mchog dang dge 'dun dkon mchog ste ston pa po dang bstan pa dang zhu ba po'o/ /de bzhin du rtsa ba gsum ni 'di lta ste/ byang chub tu sems bskyed pa dang bsam pa rnam par dag pa dang bdag tu 'dzin pa dang bdag gir 'dzin pa yongs su spangs pa'o/ de bzhin du sangs rgyas la skyabs pa dang chos la skyabs pa dang dge 'dun la skyabs pa ste de ltar skyabasu 'gro ba gsum mo/ /sems can thams cad kyi nyon mongs pa bzhi ni 'dod chags dang zhe sdang dang gti mug dang nga rgyal lo/ /bdud bzhi ni phung po dang nyon mongs pa dang 'chi bdag dang lha'i bu'o/ /'di rnams rnam par nyams par byed pa sangs rgyas rnams kyi tshangs pa'i gnas bzhi ni byams pa dang snying rje dang dga' ba dang btang snyoms so/ /de bzhin du rnam par thar pa bzhi ni stong pa nyid dang mtshan ma ma med pa dang smon pa med pa dang mngon par 'dus ma byas pa'o/ /rdzu 'phrul gyi rkang pa bzhi ni 'dun pa dang brtson 'grus dang sems dang dpyod pa'o/ /sems can rnams kyi zag pa bzhi ni 'di lta ste 'dod pa'i zag pa dang srid pa'i zag pa dang ma rig pa'i zag pa dang lta ba'i zag pa'o sangs rgyas rnams kyi mi 'jigs pa bzhi ni 'di lta ste chos thams cad mkhyen pa la mi 'jigs pa dang chos thams cad ston pa la mi 'jigs pa dang sgrib pa med pa'i lam du 'jug pa la mi 'jigs pa dang zag pa zad pa'i ye shes la gnas pa la mi 'jigs pa'o/ /bden pa bzhi ni 'di lta ste sdug bsngal gyi bden pa dang kun 'byung gi bden pa dang lam gyi bden pa dang 'gog pa'i bden pa'o rton pa bzhi ni 'di lta ste don la rton par bya'i tshig la rton par mi bya ba dang ye shes la rton par bya'i rnam shes la rton par mi bya ba dang nges pa'i don la rton par bya'i drang ba'i don la rton par mi bya ba dang chos la rton par bya'i gang zag la rton par mi bya ba'o/ /dran pa nye bar gzhag pa bzhi ni lus dran pa nye bar gzhag pa dang tshor ba dran pa nye bar gzhag pa dang sems dran pa nye bar gzhag pa dang chos dran pa nye bar gzhag pa'o/ /bsdu ba'i dngos po bzhi ni sbyin pa dang snyan par smra ba dang don spyod pa dang don mthun pa'o/ /'dir ni don chen po mchog tu mi 'gyur ba ste de'i don spyod pa dang don 'thun pa'o/ /chos sbyin pa ni sbyin pa'i mchog ste chos kyi sbyin pa bzhi ni 'du byed thams cad mi rtag pa dang 'du byed thams cad sdug bsngal ba dang chos thams cad bdag med pa dang mya ngan las 'das pa zhi ba'o/ /yang dag par spong ba bzhi ni sdig pa ma skyes pa rnams mi skyed pa'i phyir 'dun pa skyed pa dang sdig pa skyes pa rnams kyi gnyen po dge ba'i rtsa ba skyed pa dang dge ba ma skyes pa rnams yang dag par skyed pa dang dge ba'i rtsa ba skyes pa rnams sangs rgyas nyid du yongs su bsngo ba'o bzhi po 'di dag ni rnam pa bzhi ste rgyal ba mchog gi rdo rje rnams kyis zhes pa sku dang gsung dang thugs dang ye shes rnam par dag pa dang / sprul pa dang chos dang longs spyod rdzogs pa dang ngo bo nyid kyi sku rnam par dag pa bsgom par bya ba ste 'jig rten pa'i dngos grub gyi slad du lha'i rnam pa'o/ /de bzhin du byang chub sems dpa' rnams kyi mngon par shes pa lnga ni lha'i mig dang lha'i rna ba dang gzhan gyi sems shes pa dang sngon gyi gnas rjes su dran pa dang nam mkha'i rdzu 'phrul lo/ /stobs lnga ni dad pa'i stobs dang brtson 'grus kyi stobs dang dran pa'i stobs dang ting nge 'dzin gyi stobs dang shes rab kyi stobs te de bzhin du dbang po lnga'o/ /sems can rnams kyi lta ba lnga ni 'jig tshogs la lta ba dang mthar 'dzin pa'i lta ba dang log par lta ba dang lta ba mchog tu 'dzin pa dang tshul khrims dang brtul zhugs mchog tu 'dzin pa'o/ /sangs rgyas rnams kyi spyan lnga ni sha'i spyan dang lha'i spyan dang sangs rgyas kyi spyan dang shes rab kyi spyan dang ye shes kyi spyan no/ /sangs rgyas rnams kyi 'jig rten las 'das pa'i phung po lnga ni tshul khrims kyi phung po dang ting nge 'dzin gyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs pa'i phung po'o/ /'jig rten pa yi ni gzugs la sogs pa rnams so/ /khams rnams ni sa la sogs pa rnams dang dbang po rnams ni mig la sogs pa rnams dang yul rnams ni dri la sogs pa rnams dang las kyi dbang po rnams ni bshang lam la sogs pa rnams dang las kyi dbang po'i bya ba rnams ni rjod pa la sogs pa rnams so/ / de ltar lnga ste chos kyi khams dang lhan cig thams cad drug go/ rjes su dran pa drug ni sangs rgyas rjes su dran pa dang chos rjes su dran pa dang dge 'dun rjes su dran pa dang gtong ba rjes su dran pa dang tshul khrims rjes su dran pa dang lha rjes su dran pa'o/ /byang chub kyi yan lag bdun ni dran pa yang dag byang chub kyi yan lag dang chos rab tu rnam par 'byed pa yang dag byang chub kyi yan lag dang brtson 'grus yang dag byang chub kyi yan lag dang dga' ba yang dag byang chub kyi yan lag dang shin du sbyangs pa yang dag byang chub kyi yan lag dang ting nge 'dzin yang dag byang chub kyi yan lag dang btang snyoms yang dag byang chub kyi yan lag go/ mchod pa rnam pa bdun ni phyag 'tshal ba dang mchod pa dang bshags pa dang rjes su yi rang ba dang bskul ba dang gsol ba gdab pa dang yongs su bsngo ba'o/ /lam yan lag brgyad pa ni yang dag pa'i lta ba dang yang dag pa'i rtog pa dang yang dag pa'i ngag dang yang dag pa'i las kyi mtha' dang yang dag pa'i 'tsho ba dang yang dag pa'i rtsol ba dang yang dag pa'i dran pa dang yang dag pa'i ting nge 'dzin no/ /bsam gtan gyi rnam par thar pa brgyad ni gzugs stong par lta ba dang nang gi gzugs dang phyi'i gzugs stong par lta ba ste stong pa zhes pa ni rnam pa thams cad pa'i gzugs so/ /sdug pa dang mi sdug par lta bas byas pa stong par lta ba dang nam mkha' mtha' yas skye mched stong par lta ba dang rnam shes mtha' yas skye mched stong par lta ba ste rnam pa thams cad pa'i gzugs la'o/ /ci yang med pa'i skye mched stong par lta ba dang 'du shes med 'du shes med min skye mched stong par lta ba dang 'du shes dang tshor ba 'gog pa stong par lta ba ste stong pa nyid sgom pa la'o/ /gzugs can brgyad ni 'byung ba chen po bzhi dang gzugs dang dri dang ro dang reg bya'o/ /yang dag par bsdu ba mdzad pa rnams kyi gsung rab yan lag dgu ni mdo'i sde dang dbyangs kyis bsnyad pa dang lung bstan pa dang tshigs su bcad pa dang ched du brjod pa dang gleng gzhi dang de lta bu byung ba dang skyes pa'i rabs dang shin du rgyas pa rmad du byung ba ste chos yang dag par bsdu ba'i slad du'o/ /pha rol du phyin pa bcu la sogs pa bcu po rnams ni mchog tu mi 'gyur ba'i ye shes grub pa las brjod te sangs rgyas kyi chos ma 'dres pa bcwa brgyad po rnams kyang brjod zin to/ /'dir dge slong rnams kyi sbyangs pa'i yon tan bcu gnyis ni bsod snyoms pa dang chos gos gsum pa dang zas phyis mi len pa dang cog pu ba dang gzhi ji bzhin pa dang gdan gcig pa dang bla gab med pa dang shing drung pa dang dgon pa pa dang dur khrod pa dang phyag dar khrod pa dang phying pa pa'o/ /de ltar dang por chos thams cad yang dag par bsdu ba shes nas de nas rang gi lus la khyab bdag mchog gi go 'phang ma ning ni sngags pas bsgom par bya ste slob dpon dang bcas pa yis so zhes pa'i don to/ /'di'i rjes la rtsis kyi grangs gcig la sogs pa la zla ba la sogs pa'i mi rab tu gsal bar byed pa'i tshigs su bcad pa gnyis ni go sla'o/ /de ni rgyud kyi yon tan gsungs pa rgyud kyi rgyal po zhes pa la sogs pa ste rnal 'byor ma dang rnal 'byor gyi rgyud kyi rgyal po thams cad dag tu nges par rdo rje'i tshig mchog tu mi 'gyur ba'i bde ba ni rdo rje can shAkya thub pas sbas pa ste/ rdo rje zhes pa ni mi phyed pa'i ye shes bsam du med pa'i thugs rdo rje'o/ /de gang la yod pa de ni rdo rje can te rdo rje can nges so/ /de ci'i phyir zhe na 'phags pa'i yul du sangs rgyas pa rnams kyi mkhas pa'i mngon pa'i nga rgyal gyi phyir te gang gis sangs rgyas pa'i mkhas pa rnams bla ma'i sri zhu byas pa med par glegs baM mthong nas bdag cag rnams kyis rdo rje'i tshig shes so zhes brjod par 'gyur ba'i nga rgyal des dmyal bar 'gro ste dbang yang dag par sbyin pa med pa'i phyir ro/ /de bas na sbas so/ /des na dang po'i sangs rgyas su ni shaM b+ha la'i yul du skyes pa nga rgyal med pa'i sems dang ldan pa'i srog chags rnams kyi thar pa'i slad du ma lus pa yang mngon sum du gsungs so/ /de'i phyir mtha' dag ma tshang ba med pa rgyud kyi rgyal po ni 'jig rten las 'das pa ste 'jig rten gyi rgyud bya ba'i rgyud dang 'jig rten las 'das pa rnal 'byor gyi rgyud te de dag las 'das pa ni 'jig rten las 'das pa'o/ /dpal ldan rgyud ni dang po'i sangs rgyas te mchog gi rgyal ba'i bdag po ye shes kyi sku lhan cig skyes pa'i mngon par brjod pa'i rjod byed do/ /da ni bcom ldan 'das kyi rnam pa lnga'i bstod pa gsungs pa gang la zhes pa la sogs pa ste 'dir stong pa chen po 'gyur med lnga ni rdo rje'o/ /de'i stong pa dang po ni rnam par shes pa 'gags pa ste gang la thog mtha' dbus med ces pa la sogs pa nas yon tan med pa de la phyag 'tshal lo zhes pa'i mthar thug pa rnam par shes pa'i chos nyid 'das/ gnyis med ye shes tshul 'chang ba zhes pa ste rnam par shes pa'i chos nyid las 'das pa'i phyir de'i rigs las byung ba nam mkha' la sogs pa'i khams dang dbang po la sogs pa rnams las kyang 'das pa nyid do/ /de nas stong pa gnyis pa ni 'du byed 'gags pa ste dus dang sna tshogs la sogs rdo rje zhes pa la sogs pa nas dus kyi 'khor lo la phyag 'tshal zhes pa'i mthar thug pa go sla'o/ / de bzhin du 'du byed gzhan de rnams zhes gsungs pa'i phyir rlung gi khams dang dbang po la sogs pa rnams sgrib pa med pa nyid stong pa gnyis pas rig par bya'o/ /de nas stong pa gsum pa ni tshor ba 'gags pa ste spro byed ces pa la sogs nas rnam par bcad pa de la phyag 'tshal lo zhes pa'i mthar thug pa ste tshor ba gzhan de ni zhes gsungs pa'i phyir me'i khams dang dbang po la sogs pa rnams sgrib pa med pa nyid ni stong pa gsum pa'o/ /de nas stong pa bzhi pa ni 'du shes 'gags pa ste dkar po zhes pa la sogs pa nas thig le'i gzugs la phyag 'tshal lo zhes pa'i mthar thug pa ste 'du shes gzhan de ni zhes gsungs pa'i phyir chu'i khams dang dbang po la sogs pa rnams sgrib pa med pa nyid ni stong pa bzhi pa'o/ /de nas stong pa lnga pa ni gzugs 'gags pa ste sems tsam zhes pa la sogs pa nas rdo rje sems dpa' la yang phyag 'tshal lo zhes pa'i mthar thug pa ste/ gzugs gzhan de ni zhes gsungs pa'i phyir de'i rigs can sa'i khams dang dbang po la sogs pa rnams sgrib pa med pa nyid do/ /'di'i rgyas pa ni dang po 'jig rten khams kyi le'u las brjod zin te des na 'dir ma bkrol lo/ /'di ni stong pa chen po 'gyur med lnga'o/ /de nas thig le stong pa 'gyur med drug ces pa ni 'di'i rten du gyur pa'i chos 'byung sangs rgyas kyi gzugs kyi mtshan nyid khams gsum dang dus gsum po thams cad du 'jug pa'o/ /'di'i 'gog pa'i phung po la sogs pa drug dang khams sum bcu rtsa drug dang 'gyur ba'i ye shes sum bcu rtsa bdun pa ste 'di rnams sgrib pa med pa nyid ni chos kyi sku chos 'byung du brjod cing rdo rje bzhi ni 'gyur med lnga ste 'di dag gi sprul pa ni sprul pa'i sku rdzu 'phrul sna tshogs ston par byed pa'o/ /chos ston pa po'i sgra ni longs spyod rdzogs pa'o/ /de'i phyir gcig dang du ma dag kyang gcig cing mnyam dang mi mnyam pa yang mnyam pa zhes pa la sogs pas dbu ma pa'i grub pa'i mtha'o/ /gang zhig kun gyi rten gcig ces pa la kun ni mi 'gyur ba'i bde ba chen po'o/ /de'i rten gcig ni nam mkha'i mtshan nyid do/ /b+ha ga bzang mo zhes pa ni dbang phyug la sogs pa'i yon tan gyi bdag nyid do/ /mchog gi b+ha ga ni khams gsum gyi mchog go/ rgyud des na khyod la 'dud twe spyi bo yis so/ /khyod la zhes pa ni khyod la 'jam dpal gyis so/ /'dud ces pa ni phyag 'tshal bar gyur cig pa'o/ /da ni dus kyi 'khor lo'i ston pa dang yon tan la sogs pa ni gang zhig ces pa la sogs pa ste go sla'o/ /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las thabs sna tshogs kyis 'dul ba'i mdor bsdus chen po ste bzhi pa'o// // //ye shes kyi le'u yi rgyas 'grel rdzogs so// //rdzogs pa'i sangs rgyas kyis ni lung bstan dpal ldan rigs ldan rgyal po 'jam pa'i rdo rje gang gis ni/ /mchog gi thugs rjes rab mchog thub pa'i tshogs ni sangs rgyas lam la bkod cing shes rab dbang bskur ba/ /byin nas dang po'i sangs rgyas las phyung rgyud ni mda' yi le'u dus kyi 'khor lo 'di bstan te/ /'dir ni dpal ldan ka lA pa ru mi yi bdag po grags pa'i sras po pad ma dkar po bdag /rdzogs pa'i sangs rgyas kyis ni lung bstan rab tu dga' ba'i yid can dpal ldan grags pas bskul ba yis/ dpal ldan rtsa ba'i rgyud gsal rgyud kyi rgyal po la ni rdo rje'i tshig rnams tshol bar byed pa yi/ /rgyas 'grel byas nas byin pa las ni bsod nams yangs shing shin tu dkar ba gang zhig thob gyur pa/ /de yis 'jig rten mtha' dag rdo rje can gyi lam thob sangs rgyas rab tu thob par shog /bsdus pa'i rgyud kyi rgyal po dus kyi 'khor lo'i rgyas 'grel rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba rdzogs so/ /kha che'i paN Di ta chen po so ma nA tha dang / bod kyi lo tsa ba chen po 'bro dge slong shes rab grags kyis bsgyur cing zhus te gtan la phab pa las/ dus phyis yon tan phul du byung ba dpag tu med pas spras pa'i bla ma dam pa chos kyi rgyal po'i bka' lung dang // dpon chen shAkya bzang po'i gsung bzhin du mkhas pa chen po zhang ston mdo sde dpal dang / dus kyi 'khor lo'i tshul khong du chud pa'i dge slong tshul khrims dar gyis don gyi cha la dpyad cing legs par bskul te legs par sbyar ba'i skad kyis brda sprod pa'i bstan bcos rig pa'i lo tsa ba dge slong shong ston gyis/ dpal sa skya'i gtsug lag khang chen por yul dbus kyi rgya dpe gnyis la gtugs shing legs par bcos te gtan la phab pa'o/ /gang gi thugs dgongs rnam par dag pa yis/ /'di la bskul zhing mthun rkyen sgrubs pa dang / /bdag gis 'bad las bsod nams gang thob des/ /kun gyis 'di rtogs sangs rgyas sar gnas shog /slar yang dpal ldan bla ma dam pa chos kyi rje thams cad mkhyen pa dang / dpal ldan dus kyi 'khor lo pa chen po d+harma kIrti shrI b+ha dras/ 'di'i don rnams legs par dgongs shing bka' yis bskul nas de dag gi gsung bzhin du/ paN Di ta chen po s+thir ma ti'i bka' drin las legs par sbyar ba'i tshul rig pa lo tsA ba shAkya'i dge slong blo gros rgyal mtshan dang / blo gros dpal bzang pos/ rgyud dang 'grel pa'i rgya dpe mang po la gtugs nas dag pa rnams dang mthun par bsgyur cing zhus te gtan la phab pa'o/ /de ltar gsung rab rgya mtsho'i nges don stong nyid snying rje'i snying po ni/ /rnam kun mchog ldan stong pa nyid dang 'gyur med mchog gi bde chen du/ /legs ston dus kyi 'khor lor 'bad pa'i dge ba gang des 'gro ba kun/ / gzhung 'di rtogs shing lam der zhugs nas 'bras bu de nyid myur thob shog / // //maM ga laM b+ha btu//