བོད་ཡིག |
391a1 a R+Ya many+dzu shrI bi ku rbA Na pa ri brta nA ma ma hA mAn su tra/ bod skad du/ 'phags pa 'jam dpal rnam par 'phrul pa'i le'u
391a2 zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan
391a3 yod na rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ byang
391a4 chub sems dpa'i dge 'dun chen po dang / 'dod pa na spyod pa dang / gzugs na spyod pa dang / gnas gtsang ma'i ris kyi lha'i bu du ma dag dang yang thabs cig go /de na bcom ldan
391a5 'das 'khor brgya stong du mas yongs su bskor cing mdun gyis bltas nas chos ston to/ /de'i tshe lha'i bu 'od mang po zhes bya ba 'khor de nyid du 'dus par gyur te 'dug go /'jam dpal
391a6 gzhon nur gyur pa'ang 'khor de nyid du 'dus par gyur te 'dug go/ de nas lha'i bu 'od mang pos 'jam dpal gzhon nur gyur pa la 'di skad ces smras so/ /'jam dpal/ byang chub
391a7 sems dpa' rnams kyi bla na med pa yang dag par rdzogs pa'i byang chub la bdud bar chad byed na/ 'jam dpal/ byang chub sems dpa' rnams kyi bdud kyi las gang yin/ de skad
391b1 ces smras pa dang / 'jam dpal gzhon nur gyur pas lha'i bu 'od mang po la 'di skad ces smras so/ /lha'i bu ji tsam du las rnams 'byung ba de tsam du bdud kyi las so/ /ji tsam du smon pa dang /
391b2 ji tsam du log par 'dzin pa dang / ji tsam du mchog tu 'dzin pa de tsam du bdud kyi smras so/ /ji tsam du 'dod pa dang / ji tsam du 'du shes pa dang / ji tsam du rlom sems pa dang / ji tsam
391b3 du yongs su rtog pa de tsam du bdud kyi las so/ /lha'i bu/ gzhan yang byang chub kyi sems la mngon par zhen pa'ang bdud kyi las so/ /sbyin pa'i sems la mngon par zhen pa'ang bdud kyi
391b4 las so| |tshul khrims dang / bzod pa dang / brtson 'grus dang / bsam gtan dang / shes rab kyi sems la mngon par zhen pa'ang bdud kyi las so/ /sbyin pa rlom sems su byed pa dang /
391b5 tshul khrims mchog tu 'dzin pa dang / bzod pa 'dzin pa dang / brtson 'grus len pa dang / bsam gtan la mtshan ma dang / shes rab rgyu ba'ang bdud kyi las so/ /dgon pa la dga' zhing mos
391b6 pa'i sems dang / btang snyoms su lhung ba'ang bdud kyi las so/ /'dod pa nyung ba dang / chog shes pa dang / sbyangs pa'i yon tan dang / yo byad bsnyungs pa la rlom sems su byed pa'ang bdud
391b7 kyi las so/ /bdag ni stong pa nyid la gnas pa/ bdag ni mtshan ma med pa la gnas pa/ bdag ni smon pa med pa la gnas pa/ bdag ni spros pa med pa la gnas pa/ bdag ni/ de
392a1 bzhin gshegs pa'i bka' sgrub cing gnas pa'o snyam du rlom sems su byed cing rnam par rtog pa'ang bdud kyi las so/ /lha'i bu/ rtog pa dang / rnams par rtog pa
392a2 dang / yongs su rtog pa dang / mthong ba dang / thos pa dang / bye brag phyed pa dang / rnam par shes pa'i gnas ji tsam pa de tsam du bdud kyi las so/ /lha'i bus smras pa/ 'jam dpal/ bdud kyi
392a3 las ga las 'byung / 'jam dpal gyis smras pa/ lha'i bu/ bdud kyi las ni brtson pa las 'byung po/ /de ci'i phyir zhe na/ lha'i bu/ brtson pa la bdud kyis glags tshol gyi/ mi brtson pa
392a4 la bdud kyis ci zhig bya bar 'gyur de/ de nyid bdud kyi las yin no/ /lha'i bus smras pa/ 'jam dpal/ byang chub sems dpa' ji ltar na brtson pa yin/ ji ltar na mi brtson pa yin/
392a5 'jam dpal gyis smras pa/ lha'i bu/ ji tsam du gnyis la sbyor ba de tsam du brtson pa ma yin no/ /de ci'i phyir zhe na/ 'jig rten gnas pa ni gnyis la sbyor ba dang ldan pa'o/ /lha'i
392a6 bu brjod pa zhes pa ba 'di ni sbyor ba yang dag pa'i tshig bla dgas so/ /sbyor ba yang dag pa zhes bya ba 'di ni sbyor ba med pa'i tshig bla dwags so/ /sbyor ba med pa zhes bya ba 'di ni spros pa
392a7 med pa'i tshig bla dgas so/ /spros pa med pa zhes bya ba 'di ni sbyor ba yang dag pa'i tshig bla dgas so/ /lha'i bu/ gang na mig la mi sbyor ba dang / gzugs la mi sbyor ba 'di ni byang chub sems
392b1 dpa'i sbyor ba yang dag pa zhes bya'o/ /gang na rna ba la mi sbyor ba dang / sgra la mi sbyor ba dang / sna la mi sbyor ba dang / dri la mi sbyor ba dang / lce la mi sbyor ba dang / ro la mi sbyor ba dang / lus la mi sbyor ba
392b2 dang / reg bya la mi sbyor ba dang / yid la mi sbyor ba dang / chos la mi sbyor ba 'di ni byang chub sems dpa'i sbyor ba yang dag pa zhes bya'o/ /lha'i bu/ gzhan yang nyon mongs pa thams cad la'ang mi sbyor
392b3 la| sems can thams cad kyi nyon mongs pa spang ba'i phyir yang brtson pa 'di ni byang chub sems dpa'i sbyor ba yang dag pa zhes bya'o/ /lha'i bu/ gzhan yang khams gsum pa thams cad
392b4 la'ang mi sbyor la/ khams gsum du gtogs pa'i sems can rnams kyang 'byung bar sbyor ba 'di ni byang chub sems dpa'i sbyor ba yang dag pa zhes bya'o/ /gzhan yang sbyin pa la rlom sems
392b5 med par yang sbyor la/ sems can ser sna can sdud par yang sbyor ba dang / tshul khrims la rlom sems med par yang sbyor la/ sems can tshul khrims 'chal ba sdud par sbyor ba dang /
392b6 bzod pa la rlom sems med par yang sbyor la/ sems can gnod sems can sdud par yang sbyor ba dang / brtson 'grus la rlom sems med par yang sbyor la/ sems can le lo can sdud
392b7 par yang sbyor ba dang / bsam gtan la rlom sems med par yang sbyor la/ sems can sems rnam par g.yeng ba sdud par yang sbyor ba dang / shes rab la rlom sems med par yang sbyor la/
393a1 sems can shes rab 'chal pa can sdud par yang sbyor ba 'di'ang byang chub sems dpa'i sbyor ba yang dag pa zhes bya'o/ /gzhan yang stong pa nyid la rlom sems med
393a2 par yang sbyor la/ lta bar song ba thams cad dang yang bral zhing lta bar song ba las rnam par grol ba'ang ma yin pa ni stong pa nyid la sbyor ba ste/ stong pa nyid gang gis stong pa nyid stong pa'i stong
393a3 pa nyid des lta bar gyur pa rnams stong pa dang / stong pa nyid gang gis lta bar gyur pa rnams stong pa'i stong pa nyid des chos thams cad stong par 'di shes shing shes pa la lhag pa'i nga rgyal
393a4 yang med pa gang yin pa 'di'ang byang chub sems dpa'i sbyor ba yang dag pa'o/ /lha'i bu/ gzhan yang mtshan ma med pa la rlom sems med par yang sbyor la rnam par rtog pa thams cad
393a5 dang bral zhing rnam par rtog pa las grol ba'ang ma yin pa ni mtshan ma med pa la sbyor ba ste/ rnam par rtog pa gang gis mtshan ma med pa la rnam par rtog pa'i rnam par rtog pa de'ang mtshan
393a6 ma med pa dang mnyam zhing / rnam par rtog pa de dang mtshan ma med pa'ang mtshan ma med par rnam par rtog pas mnyam par shes te/ 'di shes shing shes pa la lhag pa'i nga rgyal yang med pa gang
393a7 yin pa 'di'ang byang chub sems dpa'i sbyor ba yang dag pa'o/ /gzhan yang smon pa med pa la rlom sems med par yang sbyor la/ bsam bzhin du skye ba yongs su 'dzin par yang sbyor te/ de
393b1 smon lam 'debs kyang sems kyi bag la nyal bar mi byed cing / smon lam 'debs kyang smon lam gyis rgyu ba'ang med la/ skye'ang skye zhing mtha' gnyis kar lta ba dang bral ba 'di lta ste/ ngar
393b2 'dzin pa dang / nga yir 'dzin pa'i lta ba dang bral bar gyur cing / skye'ang skye la 'chi 'pho dang skye pa dang yang bral ba yin te/ 'di shes shing shes pa la lhag pa'i nga rgyal yang med pa gang
393b3 yin pa 'di'ang byang chub sems dpa'i sbyor ba yang dag pa'o/ /lha'i bu/ gzhan yang byang chub sems dpa' rnams kyi sbyor ba yang dag pa yang dag phul ni gang shes rab kyi shes pas brtson pa'ang
393b4 med la/ thabs kyi shes pas dge ba'i chos thams cad sdud par yang sbyor ba dang / shes rab kyi shes pas bdag med pa dang / sems can med pa dang / srog med pa dang / gso ba med
393b5 pa dang / gang zag med par yang sbyor la/ thabs kyi shes pas sems can thams cad yongs su smin par byed par yang sbyor ba dang / shes rab kyi shes pas chos thams cad blang ba
393b6 med pa dang / dor ba med par yang sbyor la/ thabs kyi shes pas chos thams cad yongs su 'dzin par yang sbyor ba dang / shes rab kyi shes pas sangs rgyas thams cad dang chos kyi dbyangs
393b7 dbyer med par yang sbyor la/ thabs kyi shes pas sangs rgyas thams cad la bla mar bya ba dang / gus par bya ba dang / mchod pa dang / rim gro byed par yang sbyor ba dang / shes rab kyi
394a1 shes pas sangs rgyas kyi zhing thams cad nam mkha'i zhing du'ang sbyor la/ thabs kyi shes pas sangs rgyas kyi zhing gi yon tan bkod pa yongs su sbyong ba'i rgyan la
394a2 sbyor ba dang / shes rab kyi shes pas 'phags pa thams cad 'dus ma byas kyis rab tu phye bar yang sbyor la/ thabs kyi shes pas 'phags pa thams cad la bla ma dang / gus pa dang /
394a3 rim gro byed par yang sbyor ba dang / shes rab kyi shes pas sangs rgyas kyi sku zag pa med par so sor rtog par yang sbyor la/ thabs kyi shes pas mtshan dang dpe byad bzang po dang / rgyan la'ang
394a4 sbyor ba dang / shes rab kyi shes pas 'du byed thams cad ma skyes pa dang / ma byung bar so sor rtog par yang sbyor la/ thabs kyi shes pas bsam bzhin du srid par skye ba yongs su 'dzin par
394a5 yang sbyor ba dang / shes rab kyi shes pas stong pa nyid dang / mtshan ma med pa dang / smon pa med par yang sbyor la/ thabs kyi shes pas lta ba dang / rnam par rtog pa dang / smon lam
394a6 spang ba ston pa yang sbyor ba dang / shes rab kyi shes pas mngon par shes pa skye ba med par yang sbyor la/ thabs kyi shes pas mngon par shes pa thams cad kyis rnam par
394a7 'phrul par yang sbyor ba dang / shes rab kyi shes pas phung po dang / khams dang / skye mched ma skyes pa dang mi gsog par yang sbyor la/ thabs kyi shes pas phung po dang / khams
394b1 dang / skye mched yongs su 'dor bar yang sbyor ba dang / shes rab kyi shes pas srid pa mya ngan las 'das pa'i rang bzhin du rtog par byed par yang sbyor la/ thabs kyi shes pas 'khor ba na
394b2 sems can yongs su smin par byed par yang sbyor ba dang / shes rab kyi shes pas shes rab kyi mig la'ang sbyor la/ thabs kyi shes pas lha'i mig la mngon par sgrub pa la'ang sbyor
394b3 ba dang / shes rab kyi shes pas chos brjod du med par khong du chud par yang sbyor la/ thabs kyi shes pas yi ge dang nges pa'i tshig gis chos ston par yang sbyor ba dang / shes rab kyi shes
394b4 pas don dang chos so so yang dag par rig pa la yang sbyor la/ thabs kyi shes pas nges pa'i tshig dang spobs pa so so yang dag par rig pa la'ang sbyor ba dang / shes rab kyi shes pas
394b5 sems can gyi dbang po mchog dang / mchog ma yin pa thams cad shes pa la'ang sbyor la/ thabs kyi shes pas so so ci rigs par chos ston par yang sbyor ba dang / shes rab kyi shes pas
394b6 sems can gyi spyod pa brgyad khri bzhi stong khong du chud par byed par yang sbyor la/ thabs kyi shes pas chos kyi phung po brgyad khri bzhi stong yang dag par ston par yang sbyor ba 'di ni lha'i bu
394b7 byang chub sems dpa' rnams kyi sbyor ba yang dag pa yang dag phul lo/ /'jam dpal gzhon nur gyur pas sbyor ba yang dag pa 'di bstan pa na 'khor de las lha'i bu brgyad stong ni bla na
395a1 med pa yang dag par rdzogs pa'i byang chub tu sems bskyed do/ /byang chub sems dpa' lnga stong ni mi skye ba'i chos la bzod pa skyes so/ /bcom ldan 'das kyis kyang 'jam dpal
395a2 gzhon nur gyur pa la 'jam dpal/ khyod kyis byang chub sems dpa' rnams kyi sbyor ba yang dag pa 'di legs par bshad pa lags so/ /legs so/ /zhes bya ba byin no/ /de nas lha'i bu 'ong mang pos
395a3 'jam dpal gzhon nur gyur pa la 'di skad ces smras so/ /'jam dpal/ khyod la de bzhin gshegs pas gang gi phyir legs so/ /zhes bya ba byin pas ci khyod dga' bar 'gyur ram/ 'jam dpal
395a4 gyis smras pa/ lha'i bu/ 'di ji snyam du sems/ gang sprul pa'i sprul pa la legs so/ /zhes bya ba byin na/ sprul pa de la ci dga' bar 'gyur ba lta yod dam/ lha'i bus smras pa/ 'jam dpal/ sprul pa la rjes su chags
395a5 pa'ang med/ khong khro ba'ang med na/ de la dga' bar 'gyur ba ci zhig yod/ 'jam dpal gyis smras pa/ lha'i bu/ de bzhin du chos thams cad kyang sprul pa'i ngo bo nyid kyi mtshan nyid de/ de bzhin gshegs pa'ang
395a6 de'i mtshan nyid la/ 'jam dpal yang de'i mtshan nyid yin na/ de la legs so/ /zhes bya bas kho bo dga' bar 'gyur du ci zhig yod/ lha'i bu/ 'di lta ste/ dper na/ brag ca ni sgra snyan pa dang / mi snyan pa
395a7 rnams la rjes su chags par yang mi 'gyur/ khong khro bar yang mi 'gyur ro/ /lha'i bu/ de bzhin du chos thams cad ni brag ca'i ngo bo nyid kyi rang bzhin te/ de bzhin gshegs pa'ang de'i rang bzhin/
395b1 'jam dpal yang de'i rang bzhin yin na/ de la legs so zhes bya bas kho bo dga' bar 'gyur du ci yod/ lha'i bus smras pa/ 'jam dpal/ de bzhin gshegs pas su la legs so zhes bya ba
395b2 gnang / 'jam dpal gyis smras pa/ lha'i bu/ rnam par shes pa mi gnas par ston pa dang / bstan pa thams cad la su'i blo thogs par mi 'gyur ba dang / su sems can thams cad la
395b3 sems can du 'du shes mi 'jug pa dang / su chos thams cad la chos su 'du shes mi 'jug pa dang / su bsam pa mya ngan las 'das pa la'ang gnas la/ sbyor ba 'khor ba la'ang gnas pa dang / su
395b4 bdud kyi las khong du chud nas bdud kyi las kyang sangs rgyas kyi 'phrin las su shes shing sangs rgyas kyi 'phrin las la mngon par zhen na/ sangs rgyas kyi 'phrin las kyang bdud kyi las su shes pa
395b5 de lta bu'i chos dang ldan pa'i byang chub sems dpa' la/ lha'i bu/ de bzhin gshegs pas legs so zhes bya ba gnang ngo / /lha'i bus smras pa/ 'jam dpal/ ci de lta bu'i chos dang ldan pas de bzhin
395b6 gshegs pas khyod la legs so zhes bya ba gnang ngam/ 'jam dpal gyis smras pa/ lha'i bu/ 'di ji snyam du sems/ gang mnyam pa nyid de la mi mnyam pa gang yang yod dam/ lha'i bus smras pa/
395b7 'jam dpal/ mnyam pa nyid la mi mnyam pa gang yang med do/ /'jam dpal gyis smras pa/ lha'i bu/ mnyam pa nyid gang dang mnyam pa de dang mtshams med pa mnyam mo/ /mtshams med pa gang dang mnyam
396a1 pa de dang kho bo mnyam mo/ /mnyam pa nyid gang dang mnyam pa de dang lta bar gyur pa rnams mnyam mo/ /lta bar gyur pa rnams gang dang mnyam pa de dang kho bo mnyam mo/ /mnyam pa nyid gang dang
396a2 mnyam pa de dang phyin ci log rnams mnyam mo/ /phyin ci log rnams gang dang mnyam pa de dang kho bo mnyam mo/ /mnyam pa nyid gang dang mnyam pa de dang dmigs pa mnyam mo/ /dmigs pa gang dang mnyam pa
396a3 de dang kho bo mnyam mo/ /mnyam pa nyid gang dang mnyam pa de dang 'khor ba'i mtha' mnyam mo/ /'khor ba'i mtha' gang dang mnyam pa de dang mya ngan las 'das pa'i mtha' mnyam mo/ /mya ngan las 'das pa'i mtha'
396a4 gang dang mnyam pa de dang bdag gi mtha' mnyam mo/ /bdag gi mtha' gang dang mnyam pa de dang yang dag pa'i mtha' mnyam mo/ /yang dag pa'i mtha' gang dang mnyam pa de dang ma rig pa dang / srid pa dang / sred pa'i mtha'
396a5 mnyam mo/ /ma rig pa dang / srid pa dang / sred pa'i mtha' gang dang mnyam pa de dang rig pa dang / rnam par grol ba'i mtha' mnyam mo/ /rig pa dang / rnam par grol ba'i mtha' gang dang mnyam pa de dang 'dod chags dang / zhe
396a6 sdang dang / gti mug gi mtha' mnyam mo/ /'dod chags dang / zhe sdang dang / gti mug gi mtha' gang dang mnyam pa de dang stong pa nyid dang / mtshan ma med pa dang / smon pa med pa'i mtha' mnyam mo/ /stong pa nyid dang /
396a7 mtshan ma med pa dang / smon pa med pa'i mtha' gang dang mnyam pa de dang 'dus byas kyi mtha' mnyam mo/ /'dus byas kyi mtha' gang dang mnyam pa de dang 'dus ma byas kyi mtha' mnyam mo/ /'dus ma byas kyi
396b1 mtha' gang dang mnyam pa de dang 'jam dpal gzhon nur gyur pa mnyam ste/ lha'i bu/ mnyam pa nyid des chos thams cad mnyam mo/ /de la su 'chad pa dang / gang bshad pa dang / gang la
396b2 bshad pa dang / su la legs so zhes bya ba sbyin pa'i chos de dag thams cad nam mkha' dang mnyam pa nyid kyis mnyam ste/ nam mkha' yang 'dus ma byas yin pas nam mkha' ni mnyam
396b3 pa'ang med/ mi mnyam pa'ang med de/ su rjes su mi 'gro ba'i tshul gyis mnyam pa nyid 'di dag gi rjes su song ba de la de bzhin gshegs pas legs so zhes bya ba gnang ngo / /lha'i bus
396b4 smras pa| 'jam dpal/ khyod legs so/ /zhes bya ba dang / legs so zhes bya ba ma yin pa las brtsams te chos bstan pa la spobs par gyis shig /'jam dpal gyis smras pa/
396b5 lha'i bu| lhag pa'i bsam pas byang chub kyi phyir 'jug pa ni legs pa'o/ /g.yo dang sgyus nye bar spyod pa ni legs pa ma yin pa'o/ /snying rje chen pos sems can thams cad mi gtong ba ni
396b6 legs pa'o/ /sems can rnams la rnam par 'tshe ba ni legs pa ma yin pa'o/ /sems can thams cad la zhe 'gras pa med pa'i sems ni legs pa'o/ /gnod sems kyi bsam pa
396b7 ni legs pa ma yin pa'o/ /nyes pa byung ba mi 'chab cing 'chags te rnam par 'byed la kun nas bskor ba med par gnas pa ni legs pa'o/ /nyes pa byung ba 'chab pa ni legs pa ma
397a1 yin pa'o/ /bdag gi 'khrul pa la so sor rtog pa ni legs pa'o/ /gzhan gyi 'khrul pa'i skyon tshol ba ni legs pa ma yin pa'o/ /byas pa gzo ba dang /
397a2 byas pa shes pa dang / byas pa chud mi gzon pa dang / byas pa la lan du phan 'dogs pa ni legs pa'o/ /byas pa mi gzo ba dang / byas pa mi shes pa dang / byas pa chud
397a3 gzon pa dang / byas pa lan du phan mi 'dogs pa ni legs pa ma yin pa'o/ /thos pa yang dag par sgrub pa ni legs pa'o/ /thos pa log par sgrub pa ni legs pa ma
397a4 yin pa'o/ /bslab pa yang dag par blangs nas ma nyams pa ni legs pa'o/ /bslab pa yang dag par blangs pa las 'da' ba ni legs pa ma yin pa'o/ /dben pa la sems
397a5 gzhol zhing dben pa la dga' ba ni legs pa'o/ /'du 'dzi la dga' ba ni legs pa ma yin pa'o/ /dgon pa la gnas par lus dang srog 'dor ba ni legs pa'o/ /
397a6 lus dang srog la lta ba ni legs pa ma yin pa'o/ /'phags pa'i rigs la yang dag par dga' ba dang / rung ba rnams la tshod rig pa ni legs pa'o/ /chog mi shes
397a7 shing 'dod pa che la sdig pa 'dod pa ni legs pa ma yin pa'o/ /nyam chung ba rnams la bzod cing dang du len pa ni legs pa'o/ /sems can rnams la sma 'bebs pa ni
397b1 legs pa ma yin pa'o/ /'tsho ba dag pa ni legs pa'o/ /snyom las can ni legs pa ma yin pa'o/ /skyabs su sod pa rnams mi gtong ba ni legs pa'o/ /skyabs su song ba
397b2 rnams la 'khu ba ni legs pa ma yin pa'o/ /dam bcas pa las mi nyams pa'i tshig bden pa dang / ji skad smras pa de bzhin byed pa ni legs pa'o/ /'jig rten thams cad
397b3 la bslu ba ni legs pa ma yin pa'o/ /dam pa'i chos yongs su 'dzin pa ni legs pa'o/ /dam pa'i chos yongs su spong ba ni legs pa ma yin pa'o/ /thos pa la ser sna
397b4 med cing chos la slob dpon gyis dpe mkhyud med de zang zing med par chos ston pa ni legs pa'o/ /chos la ser sna byed cing chos la slob dpon gyi dpe mkhyud byed de zang zing dang
397b5 'brel ba'i sems kyis chos ston pa ni legs pa ma yin pa'o/ /sems can yongs su smin par byed pa'i thabs dang ldan pa'i bsdu ba ni legs pa'o/ /sems can la mi lta zhing
397b6 thabs dang mi ldan par bsdu ba'i dngos po ston pa ni legs pa ma yin pa'o/ /pha rol tu phyin pa drug tshol ba ni legs pa'o/ /pha rol tu phyin pa drug gi mi mthun pa'i phyogs ni legs
397b7 pa ma yin pa'o/ /shes pas byas pa'i las rnams ni legs pa'o/ /nga rgyal gyis byas pa'i las rnams ni legs pa ma yin pa'o/ /mdza' ba brtan pa ni legs pa'o/ /ngan pa dang
398a1 bshes pa ni legs pa ma yin pa'o/ /dge ba bcu'i las kyi lam la brtan pa ni legs pa'o/ /mi dge ba bcu'i las kyi lam du zhugs pa ni legs pa
398a2 ma yin pa'o/ /sdig pa'i las thams cad mi spyod pa ni legs pa'o/ /sdig pa'i las thams cad la zhugs pa ni legs pa ma yin pa'o/ /lha'i bu/ dmigs pa can gyi rab
398a3 tu 'byung ba ni legs pa ma yin pa'o/ /stong pa nyid smra ba'i mngon par 'byung ba ni legs pa'o/ /'jig rten rgyang phan pa'i gtam smra ba'i seng+ge'i khri ni legs pa ma yin pa'o//
398a4 byang chub sems dpa'i sde snod rab tu thob pa'i dam pa'i chos kyi gtam smra ba'i seng+ge'i khri ni legs pa'o/ /tshul khrims 'chal pas dad pas byin pa spyad pa ni legs pa
398a5 ma yin pa'o/ /tshul khrims dang ldan pa'i thob pa dang / bkur sti dang / tshigs su bcad pa thams cad ni legs pa'o/ /lhag pa'i nga rgyal can gyi byang chub ni legs pa
398a6 ma yin pa'o/ /lhag pa'i nga rgyal med par shes pa'i brda sprod pa ni legs pa'o/ /byang chub sems dpa' rnams la gnod par sems pa ni legs pa ma yin pa'o/ /byang chub
398a7 sems dpa' rnams la ston pa tsam du phangs par 'dzin pa ni legs pa'o/ /byang chub sems dpa'i ming gis rnyed pas 'tsho ba ni legs pa ma yin pa'o/ /byang chub sems
398b1 dpa' chos smra ba yang dag par sgrub pa la gnas pa'i rnyed pa ni legs pa'o/ /lha'i bu/ de ltar na ji tsam du de bzhin gshegs pa'i bka' dang 'gal ba de tsam du thams cad
398b2 legs pa ma yin pa'o/ /ji tsam du de bzhin gshegs pa'i bka' dang mthun pa de tsam du thams cad legs pa'o/ /lha'i bus smras pa/ 'jam dpal/ khyod ci legs so zhes bya ba'i
398b3 chos la brtson nam/ 'on te legs pa ma yin zhes bya ba'i chos la brtson/ 'jam dpal gyis smras pa/ lha'i bu/ kho bo ni legs so zhes bya ba'i chos la brtson pa'ang ma yin/
398b4 legs pa ma yin pa zhes bya ba'i chos la brtson pa'ang ma yin no/ /de ci'i phyir zhe na/ lha'i bu/ kho bo ni chos thams cad la brtson pa ma yin no/ /lha'i bus smras pa/ 'jam dpal/
398b5 khyod ci dge ba'i chos la mi brtson nam/ 'jam dpal gyis smras pa/ lha'i bu/ kho bo ni dge ba'i chos la brtson pa'ang ma yin/ mi dge ba'i chos la brtson pa'ang ma yin no/ /de ci'i
398b6 phyir zhe na/ lha'i bu/ dge ba zhes bya ba 'di'ang 'dus byas so/ /mi dge ba zhes bya ba 'di'ang 'dus byas so/ /mi g.yo ba zhes bya ba 'di'ang 'dus byas so/ /lha'i bus smras pa/ 'jam
398b7 dpal| khyod ci 'dus ma byas pa'am/ 'jam dpal gyis smras pa/ lha'i bu/ gal te 'dus byas kyis skrag pa lta na ni kho bo 'dus ma byas su 'gyur ro/ /lha'i bus smras pa/
399a1 'jam dpal/ khyod ci 'dus byas kyis mi skrag gam/ 'jam dpal gyis smras pa/ lha'i bu/ gal te yang dag par 'dus byas kyis yongs su grub pa
399a2 zhig mthong na ni kho bo 'dus byas kyis skrag par 'gyur ro/ /lha'i bus smras pa/ 'jam dpal/ ci khyod kyis yang dag par 'dus byas kyis yongs su grub pa ma mthong ngam/
399a3 'jam dpal gyis smras pa/ lha'i bu/ kho bos ni yang dag par 'dus byas kyis yongs su grub pa ma mthong ste/ 'dus ma byas kyi'ang ma yin no/ /lha'i bus smras pa/ 'jam
399a4 dpal| khyod ci 'dus byas su gtogs sam/ 'on te 'dus ma byas su gtogs/ 'jam dpal gyis smras pa/ lha'i bu/ kho bo ni 'dus byas su gtogs pa'ang ma yin/
399a5 'dus ma byas su gtogs pa'ang ma yin no/ /de ci'i phyir zhe na/ gal te 'dus byas su gtogs par gyur na ni byis pa so so'i skye bo thams cad dang 'dra bar 'gyur ro/ /gal
399a6 te 'dus ma byas su gtogs par gyur na ni nyan thos dang rang sangs rgyas thams cad dang 'dra bar 'gyur ro/ /lha'i bus smras pa/ 'jam dpal/ gal te khyod 'dus byas
399a7 su gtogs pa'ang ma yin/ 'dus ma byas su gtogs pa'ang ma yin/ khyod ji ltar shes par bya/ 'jam dpal gyis smras pa/ lha'i bu/ 'di ji snyam du sems/ gang de
399b1 bzhin gshegs pas sprul pa 'dus byas su gtogs sam/ 'on te 'dus ma byas su gtogs/ lha'i bus smras pa/ 'jam dpal/ de bzhin gshegs pas sprul pa ni 'dus
399b2 byas su gtogs pa'ang ma yin/ 'dus ma byas su gtogs pa'ang ma yin no/ /'jam dpal gyis smras pa/ lha'i bu/ de bzhin gshegs pas sprul pa'i chos kyi de bzhin nyid ci
399b3 'dra ba de 'dra ba kho bo shes par gyis shig /lha'i bu/ de ji snyam du sems/ de bzhin gshegs pa'i rnam par shes pa gang la gnas/ gzugs la gnas sam/ smras pa/ ma yin
399b4 no| |smras pa/ de ci tshor ba dang / 'du shes dang / 'du byed rnams la gnas sam/ smras pa/ ma yin no/ /smras pa/ de ci 'dus byas la gnas sam/ smras pa/ ma yin no/ /smras pa/
399b5 de ci 'dus ma byas la gnas sam/ smras pa/ ma yin no/ /smras pa/ de bzhin gshegs pa'i rnam par shes pa gang la gnas/ smras pa/ 'jam dpal/ de bzhin gshegs pa'i
399b6 rnam par shes pa ni gang la'ang mi gnas so/ /'jam dpal gyis smras pa/ lha'i bu/ de bzhin gshegs pa'i rnam par shes pa gang la gnas pa de la kho bo gnas par shes
399b7 par bya'o/ /lha'i bus smras pa/ 'jam dpal/ khyod ci de bzhin gshegs pa yin nam/ 'jam dpal gyis smras pa/ lha'i bu/ de bzhin nyid kyi 'ong ba med pa dang / 'gro ba med
400a1 pa gang yin pa de nyid kho bo'i 'gro ba de nyid de bzhin gshegs pa'i 'gro ba ste/ des na kho bo de bzhin gshegs pa'o/ /de bzhin nyid ji lta bar kho
400a2 bo'ang de ltar 'ong bas des na kho bo de bzhin gshegs pa'o/ /de bzhin nyid ji lta bar kho bo'ang de ltar gnas te/ des na kho bo de bzhin gshegs pa'o/ /lha'i bu/ 'jam
400a3 dpal zhes bya ba 'di ni de bzhin nyid ci 'dra ba de 'dra ste/ des na kho bo de bzhin gshegs pa'o/ /de bzhin nyid sems med cing zhi ba'i phyir 'jam dpal yang sems med cing
400a4 zhi ba ste/ des na kho bo de bzhin gshegs pa'o/ /lha'i bus smras pa/ 'jam dpal/ de bzhin nyid gang du btsal bar bya/ 'jam dpal gyis smras pa/ lha'i bu/ de bzhin nyid
400a5 ni lta bar song ba drug cu rtsa gnyis rnams su btsal bar bya'o/ /lha'i bus smras pa/ lta bar song ba drug cu rtsa gnyis po rnams gang du btsal bar bya/ 'jam dpal gyis smras
400a6 pa| lha'i bu/ lta bar song ba drug cu rtsa gnyis po dag ni de bzhin gshegs pa mi 'khrugs pa'i chos can gyi rnam par grol ba las btsal bar bya'o/ /lha'i bus smras pa/
400a7 'jam dpal/ de bzhin gshegs pa'i rnam par grol ba gang du btsal bar bya/ 'jam dpal gyis smras pa/ lha'i bu/ de bzhin gshegs pa'i rnam par grol ba ni sems
400b1 can thams cad kyi sems kyi spyod pa dang / bsam pa rnams su btsal bar bya'o/ /lha'i bus smras pa/ 'jam dpal/ sems can thams cad kyi sems kyi spyod pa dang / bsam pa
400b2 gang du btsal bar bya/ 'jam dpal gyis smras pa/ lha'i bu/ sangs rgyas kyi spyod yul du'o/ /lha'i bus smras pa/ 'jam dpal/ sangs rgyas kyi spyod yul gang du btsal bar bya
400b3 'jam dpal gyis smras pa/ lha'i bu/ sems can gyi dbang po mchog dang / mchog ma yin pa thams cad shes pa las btsal bar bya'o/ /lha'i bus smras pa/ 'jam dpal/ khyod ji
400b4 ltar 'dir shes pa nyung bar 'gyur ba de lta bur ston tam/ 'jam dpal gyis smras pa/ lha'i bu/ sangs rgyas kyi ye shes ni sus kyang kun shes pa'am/ rnam par shes par ma
400b5 nus so| |de ci'i phyir zhe na/ lha'i bu/ sangs rgyas kyi ye shes ni chags pa med pa/ rnam par rtog pa med pa/ brjod du med pa/ bsnyad du med pa/ sbyor ba med pa/ tshig med pa/
400b6 sems dang / yid dang / rnam par shes pa dang bral ba ste/ de sus kyang kun shes par ram/ rnam par shes par mi nus pa'i phyir ro/ /lha'i bus smras pa/ 'jam dpal/ gal te
400b7 sangs rgyas kyi ye shes kun shes par bya ba ma yin na/ nyan thos 'di dag gis kun shes par ga la 'gyur/ byang chub sems dpa' rnams kyang phyir mi ldog pa la gnas par ga
401a1 la 'gyur/ 'jam dpal gyis smras pa/ lha'i bu/ gang yi ge rnams kyi ye shes de bstan pa 'di ni de bzhin gshegs pa rnams kyi thabs te/ ye shes
401a2 de ni yi ge med pa'o/ /lha'i bu/ 'di lta ste/ dper na/ me gtsubs pa las me mi 'byung gi /gtsub shing gtsubs pa las me 'byung ba de bzhin du/ lha'i bu/ de bzhin gshegs
401a3 pas gal te thog ma kho nar sangs rgyas kyi ye shes rgya cher yang dag par rab tu bstan na/ sems can gang gis kyang de bzhin gshegs pa'i ye shes de kun shes par mi
401a4 'gyur bas/ de bzhin gshegs pas gtsubs shing gi gtam gyis ye shes de bstan te/ ye shes de ni yi ge med pa'o/ /lha'i bus smras pa/ 'jam dpal/ gtsub
401a5 shing gi gtam gang / 'jam dpal gyis smras pa/ lha'i bu/ gang ci'ang rung ste/ sdom pa dang yo byad bsnyungs pa'i gtam dang / pha rol tu phyin pa la sbyor ba'i gtam dang /
401a6 byang chub kyi phyogs kyi chos la 'jug pa'i gtam 'di ni gtsub shing gi gtam zhes bya'o/ /lha'i bus smras pa/ 'jam dpal/ gtsub shing gi gtam ma yin pa'i gtam
401a7 gang / 'jam dpal gyis smras pa/ lha'i bu/ gtam gang skye ba dang / 'jig pa dang / gnas pa'i gtam ma yin pa dang / 'dren pa dang / sel ba'i gtam ma yin pa dang /
401b1 gtam gang kun nas nyon mongs pa yongs su brjod pa'i gtam ma yin pa dang / rnam par byang ba'i phan yon gyi gtam ma yin pa dang / gtam gang 'khor ba la yid 'byung bar
401b2 bya ba'i gtam ma yin pa dang / mya ngan las 'das pa la mngon par dga' bar bya ba ma yin pa'i gtam dang / gtam gang yongs su shes par bya ba'i phyir ma yin/ spang par
401b3 bya ba'i phyir ma yin/ bsgom par bya ba'i phyir ma yin/ mngon sum du bya ba'i phyir ma yin pa dang / gtam gang thob par bya ba'i phyir ma yin/ mngon par rtogs par bya ba'i phyir
401b4 ma yin pa 'di ni lha'i bu dag /snying po yod pa'i gtam mo/ /lha'i bus smras pa/ 'jam dpal/ gtam 'di lta bu rjod pa'i tshe mig gis mi rtsol bar bya ba'i phyir bdud sdig can
401b5 'dir mi 'ong ba ni ngo mtshar to/ /tshig de smras nas ring por ma lon par de'i mod la bdud sdig can steng gi bar snang la sprin chen po 'khrugs par mngon par sprul nas sgra chen
401b6 po'i nga ro phyung ba dang / des thams cad dang ldan pa'i 'khor de dngangs skrag nas sgra skad kyi nga ro 'di lta bu su zhig gi snyam mo/ /de nas bcom ldan 'das kyis 'jam dpal
401b7 gzhon nur gyur pa la bka' stsal pa/ 'jam dpal/ khyod kyis bdud sdig can gyi 'gyur ba mthong ngam/ 'jam dpal gyis gsol pa/ bcom ldan 'das/ mthong lags so/ /
402a1 bde bar gshegs pa/ mthong lags so/ /de nas 'jam dpal gzhon nur gyur pas de'i tshe bdud sdig can bcing ba dam pos bcings te sa'i steng du
402a2 lhung ba de lta bu'i bsam pa bsams pa dang / bdag ni bcing ba dam pos bcings so/ /bdag ni bcing ba dam pos bcings so zhes sgra byin to/ /'jam dpal gyis smras
402a3 pa| sdig can/ bcing ba 'di bas ches dam pa'i 'ching ba gzhan yod de/ des khyod rtag tu bcings kyang khyod kyis khong du ma chud do/ /de'ang gang zhe na/ 'di lta ste/ nga'o snyam
402a4 pa'i nga rgyal gyi 'ching ba dang / phyin ci log gi 'ching ba dang / sred pa dang lta ba'i 'ching ba ste/ sdig can/ 'di ni 'ching ba 'di bas ches dam pa'i 'ching ba dam po gzhan
402a5 yin te| des khyod rtag tu bcings kyang khong du ma chud do/ /bdud kyis smras pa/ 'jam dpal/ thong zhig dang bdag gi gnas su 'gro'o/ /yang bdud kyi las mi bya'o/ /'jam
402a6 dpal gyis smras pa/ sdig can/ sangs rgyas kyi mdzad pa khyod kyis bya dgos na/ khyod ci'i phyir gtang / bdud kyis smras pa/ 'jam dpal/ bdag ni sangs rgyas kyi chos
402a7 rnams la bar chad bya ba'i phyir zhugs pa yin na/ bdag gis sangs rgyas kyi mdzad pa ji ltar bya/ 'jam dpal gyis smras pa/ sdig can/ gang sangs rgyas kyi mdzad pa bdud
402b1 byed du gzhug pa 'di ni byang chub sems dpa' rnams kyi thabs dang / shes rab kyi shes pa rnam par sprul pa'o/ /gang sangs rgyas kyis sangs rgyas kyi mdzad pa mdzad pa 'di ni
402b2 ngo mtshar ma yin te/ gang bdud sangs rgyas kyi mdzad pa byed pa 'di rab tu ngo mtshar to/ /de nas 'jam dpal gzhon nur gyur pas de'i tshe gang sdig can sangs rgyas kyi gzugs
402b3 dang ldan pa dang / sangs rgyas kyi seng+ge'i khri la 'dug pa dang / sangs rgyas kyi spobs pa dang ldan par 'gyur ba'i byin gyi rlabs de lta bu'i byin gyis brlabs so/ /de nas bdud
402b4 sdig can gyis tshe dang ldan pa dag /ci dang ci 'dod pa kho bo la dris shig dang / kho bos dris pa lung bstan pas khyed kyi sems rangs par bya'o zhes tshig de skad smras so/ /de nas
402b5 gnas brtan 'od srung chen pos bdud sdig can la 'di skad ces smras so/ /sdig can/ dge slong rnal 'byor spyod pa'i 'ching ba gang yin/ bdud kyis smras pa/ btsun pa 'od
402b6 srung chen po/ bsam gtan gyi ro myang bar byed pa ni dge slong rnal 'byor spyod pa'i 'ching ba'o/ /zhi gnas de la chags pa dang / 'du shes med 'du shes med min skye mched
402b7 la snyoms par 'jug pa dang / stong pa nyid la snying por 'du shes pa dang / lta bar song ba rnams bsal bar 'du shes pa dang / mtshan ma med pa la snying por 'du shes pa dang /
403a1 mtshan ma rnams la bsal bar 'du shes pa dang / smon pa med pa la snying por 'du shes pa dang / smon lam la bsal bar 'du shes pa dang / mya ngan
403a2 las 'das pa la snying por 'du shes pa dang / 'khor ba la bsal bar 'du shes pa 'di dag ni btsun pa 'od srung chen po/ dge slong rnal 'byor spyod pa'i 'ching ba'o/ /de
403a3 ci'i phyir zhe na/ btsun pa 'od srung chen po/ lta bar song ba bsal nas stong pa nyid bsgom par bya ba ma yin gyi/ lta bar song ba nyid stong pa nyid do/ /mtshan ma bsal nas
403a4 mtshan ma med pa bsgom par bya ba ma yin gyi/ mtshan ma'i ngo bo nyid mtshan ma med pa'o/ /smon lam bsal nas smon pa med pa bsgom par bya ba ma yin gyi/ smon lam gyi
403a5 ngo bo nyid smon pa med pa'o/ /'khor ba bsal nas mya ngan las 'das pa bsgom par bya ba ma yin gyi/ 'khor bar dmigs pa nyid mya ngan las 'das pa'o/ /btsun pa 'od srung
403a6 chen po| mya ngan las 'das pa zhes bya ba ni 'du shes pa dang / rlom sems dang / mtshan ma la dmigs pa thams cad la mi spyod pa ste/ mya ngan las 'das pa ni skye
403a7 ba dang / 'jig pa dang / zad pa las ma yin gyi/ rang bzhin gyis skye ba med pa nyid mya ngan las 'das pa'o/ /bstan pa 'di bshad pa na dge slong lnga brgya nye bar len pa med
403b1 par zag pa rnams las sems rnam par grol lo/ /de nas gnas brtan rab 'byor gyis dge slong de dag la 'di skad ces smras so/ /tshe dang ldan pa dag sus btul/ dge slong de
403b2 dag gis smras pa/ gang thob pa'ang med la/ mngon par rdzogs par sangs rgyas pa'ang med pas so/ /rab 'byor gyis smras pa/ btul ba de ji lta bu/ smras pa/ ji ltar gnas pa nyid
403b3 kyi phyir cung zad kyang khrid pa'ang med/ ma khrid pa'ang med de/ ji ltar gnas pa bzhin du shes pa dang / bskyed pa'ang med/ bkag pa'ang med de/ mnyan pa nyid du shes pa de ltar
403b4 bdag cag btul to/ /dge slong de dag gis bstan pa 'di bshad pa na lha'i bu stong nyis brgya chos rnams la chos kyi mig rdul med cing dri ma dang bral ba rnam par dag go /gnas
403b5 brtan rab 'byor gyis gzhan yang bdud sdig can la 'di skad ces smras so/ /sdig can/ ji ltar na dge slong sbyin gnas yin/ bdud kyis smras pa/ btsun pa rab 'byor/ nam
403b6 dge slong len pa'ang med/ nod pa'ang med la dad cing dang ba thams cad las kyang yongs su spyod pa na'o/ /btsun pa rab 'byor/ gang dge slong gang la byin pa de la sgyu ma'i blo
403b7 dang / gang len pa de la mig yor gyi blo dang / nye bar len pa'i sems dang / nye bar len pa med pa'i sems kyis kyang yongs su mi spyod pa'i dge slong de lta bu ni sbyin pa'i
404a1 gnas yin no/ /shA ra dwa ti'i bus smras pa/ sdig can/ bcom ldan 'das kyis ting nge 'dzin 'khrugs pa med par gsungs pa gang yin/ bdud
404a2 kyis smras pa/ byang chub sems dpa' ting nge 'dzin gang la brten nas shin tu zad pa'i phyir zad pa'ang zad par mi byed/ rang bzhin gyis ma skyes pa'i phyir ma skyes pa'ang
404a3 mi skyed| myong ba med pa'ang myong bar mi byed de/ chos thams cad kyang rang bzhin gyis snyoms par zhugs par shes la/ shes nas kyang tshor ba thams cad 'gog pa'i
404a4 snyoms par 'jug pa la snyoms par 'jug cing mnyam par yang mthong la/ cung zad kyang mthong ba'ang med/ mi mthong ba'ang med pa 'di ni bcom ldan 'das kyis ting nge
404a5 'dzin 'khrugs pa med par gsungs pa'o/ /maud+gal gyi bus smras pa/ sdig can/ ji ltar na dge slong sems thams cad la dbang thob pa yin/ bdud kyis smras pa/ btsun
404a6 pa maud+gal gyi bu chen po/ nam dge slong chos thams cad la sems rnam par grol ba'i mtshan nyid du shes la/ rnam par grol ba'i mtshan nyid la mngon par zhen pa'ang
404a7 med cing sems gzod ma nas rnam par grol ba'i sems la 'ching bar yang mi byed/ grol bar yang mi byed/ sems gzugs med pas chos thams cad gzugs med
404b1 par shes/ sems gnas pa med pas chos thams cad gnas pa med par mthong / sems 'dzin pa med pas chos thams cad 'dzin pa med par shes kyang sems kyis sems
404b2 shes pa'ang med la/ sems kyis ngo bo nyid kyi rang bzhin gyis chos thams cad kyi chos kyi dbyings kyi ngo bo nyid kyi rang bzhin yang shes shing / chos kyi dbyings kyi ngo bo nyid
404b3 kyi rang bzhin gyis gzhan gyi dring la mi 'jog par dbang thob pa ni mos pa'i rdzu 'phrul dang ldan pa yin te/ btsun pa maud+gal gyi bu chen po/ dge slong de lta bu ni sems thams
404b4 cad la dbang thob pa yin no/ /gang pos smras pa/ sdig can/ ji ltar na dge slong yongs su dag par chos ston pa yin/ bdud kyis smras pa/ btsun pa gang po/ nam dge slong
404b5 gis gzhan las chos thams cad shes kyang gzhan dang gzhan ma yin pa'i sems la mngon par zhen pa'ang med/ chos thams cad kyang sgro btags par ston/ yi ge dang /
404b6 skad dang / dbyangs dang / tshig gi lam thams cad kyang brag ca lta bur shes/ chos nyan pa thams cad kyang sgyu ma'i skyes bu ltar mthong / gang gi lus kyi rnam par rig byed
404b7 kyang chu zla dang 'dra bar mthong / nyon mongs pa thams cad kyang yongs su rtog pa las byung bar shes/ chos 'ga' zhig gzung ba'i phyir ram/ dor ba'i phyir ram/ shin tu
405a1 bzla ba'i phyir ram/ thob par bya ba'i phyir yang chos mi ston/ so so yang dag par rig pa bzhi po rnams la'ang dbang thob cing legs so zhes bya ba la'ang
405a2 re ba med la/ zang zing med par chos ston cing rang gi sems rang bzhin gyis yongs su dag pas sems can thams cad kyi sems rang bzhin gyis yongs su dag bar shes te/
405a3 sems rang bzhin gyis yongs su dag par shes nas phung po'i bdud la dben par mthong ba dang / nyon mongs pa'i bdud la bcos mar 'du shes pa dang / 'chi bdag gi bdud la
405a4 ma skyes pa dang mi skye bar gnas pa dang / lha'i bu'i bdud la g.yo ba dang rlom sems thams cad dang bral bar gyur pa yin te/ dge slong de lta bu ni yongs su dag par chos
405a5 ston pa yin no/ /nye bar 'khor gyis smras pa/ sdig can/ ji ltar na dge slong 'dul ba 'dzin pa yin/ bdud kyis smras pa/ btsun pa nye bar 'khor/ dge slong gis nam chos
405a6 thams cad shin tu dul bar shes te/ nyes pa rnams kyi thog ma'i sngon gyi mtha' yang dben pa'i mthar shes la/ nyes pa byung ba rnams kyi 'gyod pa'ang sel cing dam por
405a7 mi byed de/ de dag gang gis mtshams med pa rnams kyang rnam par gnon na/ cho ga dang tshul khrims la log par zhugs pa phran tshegs lta smos kyang ci dgos pa de lta
405b1 bu'i chos kyi tshul gyi rnam pa'ang nye bar sgrub/ nyon mongs pa 'dul ba la'ang mkhas/ glo bur gyi nyon mongs pa rnams la'ang kun nas nyon mongs par gyur pa ma yin pa dang / 'byung
405b2 bar 'du shes/ nyon mongs pa nang du'ang mi ston/ phyi rol du'ang ma yin/ gnyis ka med par yang ma yin te/ nyon mongs pa khong du chud pa nyid nyon mongs pa med par shes shing
405b3 nyon mongs pa'ang mi sel/ nyon mongs pa med pa'ang mi sgrub/ nyon mongs pa thams cad kyang sprin 'dra bar shes te/ ye shes dang lhag mthong gi rlung gis gtor nas phyogs dang yul
405b4 du 'gro ba'ang med/ gnas pa'ang med pa dang / nyon mongs pa rnams ni chu zla dang 'dra ste/ yongs su rtog pa'i gzugs brnyan gyis bzhin nye bar ston pa dang / nyon mongs pa rnams
405b5 na| mun pa'i spyod yul te/ shes rab kyi sgron mas mi snang ba snang bar byed pa dang / nyon mongs pa rnams ni chom rkun dang / mkha' 'gro ma dang / gnod sbyin dang / srin po dang
405b6 'dra ste| tshul bzhin yid la byed pas brtags na gnas pa ma yin pa dang / nyon mongs pa rnams ni glags tshol ba ste/ tshul bzhin ma yin pa yid la byed pas 'phel ba
405b7 dang / stong pa nyid dang / mtshan ma med pa dang / smon pa med pa'i shes pas yid la 'jug par mi byed pas sus nyon mongs pa rnams 'di 'dra bar shes te/ sems can nyon
406a1 mongs pas kun nas nyon mongs par gyur pa rnams la snying rje zhing bdag med pa dang / sems can med pa mngon sum du gyur pa na 'dul ba 'dzin pa yang
406a2 dag pa zhes bya'o/ /de ltar nyan thos chen po de dag thams cad kyis rang rang gi 'dod pa bdud sdig can de la kun dris nas bdud sdig can gyis kyang de dag thams cad kyi
406a3 don gtan la bab par bstan pas sems rangs par gyur to/ /de nas lha'i bu mtshams bzang 'khor de nyid du 'dus par gyur te 'dug pa des bdud sdig can la 'di skad
406a4 ces smras so/ /sdig can/ 'jam dpal gzhon nur gyur pas ni byang chub sems dpa' rnams kyi bdud kyi las bshad zin gyi/ khyod kyang spobs par gyis shig /sdig can/
406a5 byang chub sems dpa' rnams kyi bdud kyi las gang / de skad ces smras pa dang / sdig can gyis lha'i bu mtshams bzang la 'di skad ces smras so/ /lha'i bu/ nyi shu po 'di
406a6 dag ni byang chub sems dpa' rnams kyi bdud kyi las yang dag phul yin no/ /nyi shu gang zhe na/ 'di lta ste/ rnal 'byor spyod pa rnam par grol ba 'dod cing 'khor bas
406a7 skrag pa rnams la bsnyen pa dang / bsten pa dang / bsnyen bkur byed pa ni bdud kyi las so/ /stong pa nyid la so sor rtog cing sems can yal bar 'dor ba'ang bdud
406b1 kyi las so/ /'dus ma byas la so sor rtog cing 'dus byas kyi dge ba'i rtsa bas yongs su skyo ba'ang bdud kyi las so/ /bsam gtan skyed cing bsam gtan las rnam par ldog
406b2 pa tshol ba'ang bdud kyi las so/ /chos ston kyang chos nyan pa rnams la snying rje chen po mi skyed pa'ang bdud kyi las so/ /yon tan dang ldan pa dang / sbyin gnas tshol zhing tshul khrims
406b3 'chal pa rnams la khro ba'ang bdud kyi las so/ /nyan thos dang / rang sangs rgyas kyi gtam ston cing theg pa chen po'i gtam 'chab pa'ang bdud kyi las so/ /zab mo'i gtam 'chab
406b4 cing gtam sna tshogs ston pa'ang bdud kyi las so/ /byang chub sems dpa'i lam shes kyang pha rol tu phyin pa'i lam yongs su mi tshol ba'ang bdud kyi las so/ /rab tu brtson pa'i
406b5 bsngags pa brjod kyang sems can mi brtson pa rnams mngon par mi sbyor ba'ang bdud kyi las so/ /dge ba'i rtsa ba gsog kyang byang chub kyi sems mngon du mi byed pa'ang bdud kyi
406b6 las so| |lhag mthong gi rnal 'byor dang ldan par gnas kyang sems can rnams lhag mthong yang dag par 'dzin du mi 'jug pa'ang bdud kyi las so/ /nyon mongs pa ma lus par
406b7 zad par tshol zhing 'khor ba'i rgyun gyi nyon mongs pa rnams la smon pa'ang bdud kyi las so/ /shes rab kyis rnam par dpyod cing snying rje chen po la dmigs pa mi 'dzin pa'ang bdud
407a1 kyi las so/ /thabs dang mi ldan par dge ba spyod pa thams cad kyang bdud kyi las so/ /byang chub sems dpa'i sde snod mi tshol gyi/ 'jig rten rgyang phan
407a2 pa'i gsang tshig 'dzin pa'ang bdud kyi las so/ /mang du thos kyang gzhan gyis shes kyis dogs te chos la slob dpon gyi dpe mkhyud byed pa'ang bdud kyi las so/ /'jig
407a3 rten pa'i dgos pa'i zhal ta byed cing mang du thos pa mi tshol ba'ang bdud kyi las so/ /byang chub sems dpa' chos smra ba theg pa chen po la yang dag par zhugs pa skal pa
407a4 mnyam pa rnams la mi bsten/ mi bsnyen/ bsnyen bkur mi byed/ nyan thos dang / rang sangs rgyas kyi theg pa la yang dag par zhugs pa skal ba mi mnyam par dga'
407a5 ba'ang bdud kyi las so/ /gang gi tshe brgya byin nam/ tshangs pa'am/ 'jig rten skyong ba'am/ rgyal po'am/ tshong dpon nam/ khyim bdag gi longs spyod dang / nor dang / rin
407a6 po che dang / dbang phyug gi che ba nyid du gyur pa de'i tshe chos kyi che ba nyid dang ldan pa rnams la mi bsten/ mi bsnyen/ bsnyen bkur mi byed pa 'di dag ni lha'i bu byang chub sems
407a7 dpa' rnams kyi bdud kyi las yang dag phul nyi shu'o/ /de nas bcom ldan 'das kyis bdud sdig can la sdig can/ khyod kyis byang chub sems dpa' rnams kyi bdud kyi
407b1 las 'di dag legs par bshad pa ni legs so/ /legs so zhes bya ba byin no/ /byang chub sems dpa' gang dag bdud kyi las 'di rnams thos shing thos nas kyang rnam
407b2 par spong ba de dag byang chub yongs su smin par byed pa'i chos nyi shu thob par 'gyur ro/ /nyi shu gang zhe na/ 'di lta ste/ byams pa chen po dang / snying rje chen po dang / 'khor ba na yongs
407b3 su mi skyo ba dang / dge ba'i bshes gnyen gyis yongs su zin pa dang / sangs rgyas 'byung ba mnyes par byed pa dang / pha rol tu phyin pa rnams nyan pa dang / byang chub sems dpa'i
407b4 khor dang skal ba mnyam pa dang / gzungs rab tu thob pa dang / spobs pa phun sum tshogs pa dang / mngon par shes pa shes pa dang / chos ma thos pa nyan pa dang / tshe rabs tshe
407b5 rabs su byang chub kyi sems mngon du 'gyur ba dang / rtag tu rgyun mi chad par rab tu 'byung ba rnyed pa dang / dal ba phun sum tshogs pa dang / ji ltar thos pa'i chos rnams sgrub pa
407b6 dang / thabs dang shes rab kyi shes pas sems can sdud cing yongs su 'dzin pa dang / dam pa'i chos yongs su 'dzin pa dang / g.yo med cing sgyu med pa dang / phangs pa'i dngos po
407b7 thams cad yongs su gtong ba dang / sems can thams cad la khong khro ba med pa ste/ byang chub yongs su smin par byed pa'i chos nyi shu po 'di dag thob par 'gyur ro/ /de nas lha'i
408a1 bu mtshams bzang gis bdud sdig can la 'di skad ces smras so/ /sdig can/ khyod la bcom ldan 'das kyis legs so zhes bya ba gnang ba ni sdig
408a2 can| khyod kyis rnyed pa legs par rnyed do/ /bdud kyis smras pa/ lha'i bu/ 'di la kho bos rnyed pa ci zhig legs par rnyed/ de ci'i phyir zhe na/ lha'i bu/ 'di lta ste/ dper na/
408a3 mi gang 'byung po babs pa de ni mi de'i 'gyur ba ma yin gyi/ de ni 'byung po de'i 'gyur bar blta'o/ /lha'i bu/ de bzhin du kho bo'ang 'jam dpal gyis byin gyis brlabs
408a4 nas ston gyi/ 'di kho bo'i skyes bu'i rtsal du ni mi blta'o/ /lha'i bus smras pa/ sdig can/ khyod sangs rgyas kyi gzugs kyi mtshan dang ldan zhing sangs rgyas kyi seng+ge'i khri la
408a5 'dug ste/ sangs rgyas kyi spobs pa dang ldan zhing chos ston pas dga' bar ma gyur tam/ bdud kyis smras pa/ khyod kyis ni kho bo brgyan par mthong ba lta na/ kho bos ni
408a6 bcing ba dam pos bdag bcings par shes so/ /lha'i bus smras pa/ sdig can/ 'jam dpal gzhon nur gyur pa la bzod par gsol cig dang / de nas gtong bar
408a7 'gyur ro/ /de nas 'jam dpal gyi byin gyi rlabs kyis bdud kyis lha'i bu mtshams bzang la 'di skad ces smras so/ /lha'i bu/ byang chub sems dpa' sems dpa' chen
408b1 po theg pa chen po la yang dag par zhugs pa rnams la bzod pa gsol mi dgos so/ /de ci'i phyir zhe na/ de dag la 'khrug pa med cing khro ba med pa'i phyir ro/ /gang dag 'khrug cing
408b2 khro ba de dag la ni bzod pa gsol dgos so/ /lha'i bus smras pa/ sdig can/ byang chub sems dpa' rnams kyi bzod pa ci 'dra/ bdud kyis smras pa/ lha'i bu/ byang chub
408b3 sems dpa' rnams kyi bzod pa ni rnam pa bcu gnyis te/ rnam pa bcu gnyis gang zhe na/ 'di lta ste/ bcos ma ma yin pas bsam pa'i bzod pa dang / khong khro ba med
408b4 pa'i sems kyis lhag pa'i bsam pa'i bzod pa dang / sems can thams cad la mi slu bas g.yo med pa'i bzod pa dang / dbul zhing phongs pa yongs su skyob pas snying brtse
408b5 zhing snying rje ba'i bzod pa dang / ldog pa med pas ji skad smra ba de bzhin du byed pa'i bzod pa dang / lta bar song ba dang bral bas stong pa nyid kyi bzod pa dang / chos nyid la rton
408b6 pas chos nges par sems pa'i bzod pa dang / bdag med pas zab mo'i bzod pa dang / 'phags pa'i skye bo'i rjes su 'jug pas mthun pa'i bzod pa dang / rten cing 'brel
408b7 bar 'byung ba dang mthun pas yang dag pa'i bzod pa dang / sems can thams cad rjes su srung bas ngo byed pa'ang med la mi mthun pa'ang med pa'i bzod pa dang / mi skye ba'i
409a1 chos la bzod pa rab tu thob pa'i phyir skye ba med cing 'byung ba med pa'i bzod pa ste/ lha'i bu/ 'di dag ni byang chub sems dpa' rnams kyi bzod pa
409a2 rnam pa bcu gnyis so/ /lha'i bus smras pa/ sdig can/ khyod gal te bkrol na/ dga' bar 'gyur ram/ bdud kyis smras pa/ lha'i bu/ kho bo dga' ste/ mchog tu dga'o//
409a3 de nas lha'i bu mtshams bzang gis 'jam dpal gzhon nur gyur pa la 'di skad ces smras so/ /'jam dpal/ bdud sdig can thong zhig dang / rang gi gnas su 'gro'o//
409a4 de nas 'jam dpal gzhon nur gyur pas bdud sdig can la 'di skad ces smras so/ /sdig can/ khyod su zhig gis bcings/ gang las dgrol/ bdud kyis smras pa/
409a5 'jam dpal/ bdag ni sus bcings mi shes so/ /'jam dpal gyis smras pa/ sdig can/ khyod ji ltar bcings pa med pa la bcings par 'du shes pa de bzhin du
409a6 byis pa so so'i skye bo thams cad kyang mi rtag pa la rtag par 'du shes/ sdug bsngal ba la bde bar 'du shes/ bdag med pa la bdag tu 'du shes/ mi sdug pa la
409a7 sdug par 'du shes/ gzugs med pa la gzugs su 'du shes/ tshor ba med pa dang / 'du shes med pa dang / 'du byed rnams med pa dang / rnam par shes pa med pa
409b1 la tshor ba dang / 'du shes dang / 'du byed rnams dang / rnam par shes par 'du shes so/ /sdig can/ khyod dgrol na/ gang nas dgrol/ bdud kyis smras pa/ bdag ni gang
409b2 las kyang mi dgrol lo/ /smras pa/ sdig can/ de bzhin du gang dag rnam par dgrol ba'ang yang dag pa ma yin pa'i 'du shes yongs su shes pa me gtogs par gang las kyang
409b3 rnam par grol bar 'gyur ba med de/ de dag yongs su shes pas rnam par grol ba zhes bya'o/ /de nas 'jam dpal gzhon nur gyur pas byin gyi rlabs de bsdus pa dang / sdig can
409b4 de'ang rang gi gzugs dang ldan par bdag gis shes so/ /de nas gnas brtan 'od srung chen pos bdud sdig can la 'di skad ces smras so/ /sdig can/ khyod kyis sangs rgyas
409b5 kyi mdzad pa byas pa legs so/ /legs so/ /bdud kyis smras pa/ btsun pa 'od srung chen po/ 'di ni kho bo'i yul ma yin gyi/ 'di ni 'jam dpal gzhon nur gyur pa'i
409b6 yul du blta'o/ /de nas lha'i bu mtshams bzang gis 'jam dpal gzhon nur gyur pa la 'di skad ces smras so/ /'jam dpal/ sangs rgyas kyi mdzad pa gang du btsal bar bya/
409b7 'jam dpal gyis smras pa/ lha'i bu sangs rgyas kyi mdzad pa ni sems can thams cad kyi nyon mongs pa rnams su btsal bar bya'o/ /de ci'i phyir zhe na/ gal te sems can
410a1 rnams nyon mongs pas gzir ba med na/ sangs rgyas kyis kyang mdzad par mi 'gyur ba'i phyir ro/ /lha'i bu/ 'di lta ste/ dper na/ gal te sems can rnams
410a2 na bar ma gyur na/ sman pas kyang bya bar mi 'gyur ba de bzhin du/ lha'i bu/ gal te sems can rnams nyon mongs pas gzir bar ma gyur na/ sangs rgyas kyis kyang mdzad par
410a3 mi 'gyur ro/ /lha'i bus smras pa/ 'jam dpal/ gang byung na/ sangs rgyas 'byung / 'jam dpal gyis smras pa/ lha'i bu/ skye ba dang / rga ba dang / na ba dang / 'chi ba byung na /
410a4 sangs rgyas 'byung ngo / /de ci'i phyir zhe na/ chos de dag spang ba'i don du sangs rgyas bcom ldan 'das rnams 'byung ba'i phyir ro/ /lha'i bus smras pa/ 'jam dpal/ gang de
410a5 bzhin gshegs pas byang chub brnyes nas chos bskyed pa de gang / chos bkag pa gang / 'jam dpal gyis smras pa/ lha'i bu/ de bzhin gshegs pas byang chub brnyes
410a6 nas chos gang yang bskyed pa'ang med/ bkag pa'ang med do/ /de ci'i phyir zhe na/ lha'i bu/ chos thams cad ni skye ba ma yin/ 'gag pa ma yin pa'i phyir ro/ /lha'i bu/ sangs
410a7 rgyas 'byung ba sangs rgyas 'byung ba zhes bya ba 'di ni rang bzhin gyi ngo bo nyid kyis skye ba med pa'i tshig bla dwags so/ /lha'i bus smras pa/ 'jam dpal/ ji ltar na/ byang chub
410b1 sems dpa' bsam pa phun sum tshogs pa yin/ 'jam dpal gyis smras pa/ gang dmigs pa'i lta bas chos gang la'ang kun tu mi spyod pa'o/ /lha'i bus smras pa/ ji ltar na
410b2 lhag pa'i bsam pa phun sum tshogs pa yin/ 'jam dpal gyis smras pa/ gang nang dang phyi'i chos rnams la chags pa med pa'o/ /lha'i bus smras pa/ ji ltar na/ byang chub sems
410b3 dpa' sbyin pa phun sum tshogs pa yin/ 'jam dpal gyis smras pa/ gang nyon mongs pa thams cad kyang 'dor la sems can thams cad kyang yongs su mi gtong ba'o/ /lha'i
410b4 bus smras pa/ ji ltar na/ byang chub sems dpa' tshul khrims phun sum tshogs pa yin/ 'jam dpal gyis smras pa/ ji ltar ston pas bstan pa bzhin du sgrub cing sems
410b5 can thams cad kyang tshul khrims la 'god la/ lhag pa'i bsam pas byang chub kyi sems kyang mi 'dor ba'o/ /lha'i bus smras pa/ ji ltar na/ byang chub sems dpa' bzod
410b6 pa phun sum tshogs pa yin/ 'jam dpal gyis smras pa/ gang chos thams cad shin tu zad pa'i mtshan nyid du shes nas sems can thams cad kyi gnod sems dang / khro
410b7 ba dang / tha ba spang ba'i phyir thams cad mkhyen pa nyid kyi cho ga mi 'dor ba'o/ /lha'i bus smras pa/ ji ltar na/ byang chub sems dpa' brtson 'grus phun sum tshogs pa yin/
411a1 'jam dpal gyis smras pa/ nam byang chub sems dpa' chos gang gi phyir brtson 'grus brtsams pa'i chos de ni 'di lta ste/ bla na med pa yang dag par
411a2 rdzogs pa'i byang chub ste/ de nyid shin tu yang dag par rjes su mi mthong la/ sems can thams cad kyi le lo spang ba'i phyir brtson 'grus gces pa'ang mi 'dor ba na'o/ /
411a3 lha'i bus smras pa/ ji ltar na/ byang chub sems dpa' bsam gtan phun sum tshogs pa yin/ 'jam dpal gyis smras pa/ nam chos thams cad rang bzhin gyis snyoms
411a4 par zhugs par shes kyang sems can thams cad kyi nyon mongs pa 'dul ba'i phyir yang bsam gtan byed pa na'o/ /lha'i bus smras pa/ ji ltar na/ byang chub sems dpa'
411a5 shes rab phun sum tshogs pa yin/ 'jam dpal gyis smras pa/ nam rgyu ba med pa thob par gyur te/ spros pa thams cad dang bral zhing sems can thams cad kyi lta ba spang
411a6 ba'i phyir shes rab kyi rnam par dpyod pa na ste/ de ltar na/ byang chub sems dpa' shes rab phun sum tshogs pa yin no/ /lha'i bus smras pa/ ji ltar na/ byang chub sems
411a7 dpa' byams pa la gnas pa yin/ 'jam dpal gyis smras pa/ nam chos thams cad rang bzhin gyis yongs su mya ngan las 'das par mthong ba na'o/ /lha'i bus smras pa/
411b1 ji ltar na/ byang chub sems dpa' snying rje la gnas pa yin/ 'jam dpal gyis smras pa/ nam chos thams cad la las kyi rnam par smin pa med par shes pa na'o/ /lha'i bus
411b2 smras pa/ ji ltar na/ byang chub sems dpa' dga' ba la gnas pa yin/ 'jam dpal gyis smras pa/ nam chos thams cad la dga' ba'ang mi skyed la/ mi dga' ba'ang ma
411b3 yin pa na'o/ /lha'i bus smras pa/ ji ltar na/ byang chub sems dpa' btang snyoms la gnas pa yin/ 'jam dpal gyis smras pa/ nam chos thams cad la gnyis dang bral bar
411b4 gyur pa na'o/ /lha'i bus smras pa/ ji ltar na/ byang chub sems dpa' la byang chub sems dpa' yang dag pa zhes bya/ 'jam dpal gyis smras pa/ nam chos thams cad sgyu
411b5 ma lta bur byung ba med par shes pa na'o/ /lha'i bus smras pa/ ji ltar na/ byang chub sems dpa' sems dpa' chen po yin/ 'jam dpal gyis smras pa/ nam byang chub sems
411b6 dpas chos thams cad bdag med par mthong ba na'o/ /lha'i bus smras pa/ ji ltar na/ byang chub sems dpa' sems can gyi mchog yin/ 'jam dpal gyis smras pa/ nam
411b7 chos thams cad gzung ba med pa dang / gzhi med par shes pa na'o/ /lha'i bus smras pa/ ji ltar na/ byang chub sems dpa' go cha chen po bgos pa yin/ 'jam dpal gyis smras
412a1 pa| nam byang chub sems dpas chos thams cad nam mkha' dang mnyam par thos na mi dngangs/ mi skrag /skrag par mi 'gyur zhing go cha chen po mi
412a2 'dor ba na'o/ /lha'i bus smras pa/ ji ltar na/ byang chub sems dpa' des pa yin/ 'jam dpal gyis smras pa/ nam snying rje chen pos sems can thams cad ring du
412a3 bsrings pa'ang ma yin la sred pa'i bag la nyal gyis nye bar bsnyen pa'ang ma yin pa na'o/ /lha'i bus smras pa/ ji ltar na/ byang chub sems dpa' 'grogs na bde ba
412a4 yin| 'jam dpal gyis smras pa/ nam bdag dang gzhan mi dmigs pas lus dang / ngag dang / yid kyis gzhan la gnod pa mi byed pa na'o/ /lha'i bus smras pa/
412a5 ji ltar na/ byang chub sems dpa' bka' blo bde ba yin/ 'jam dpal gyis smras pa/ nam ji ltar thos pa'i chos rnams sgrub cing tshig ji skad smras pa de bzhin byed pa
412a6 na'o| |lha'i bus smras pa/ ji ltar na/ byang chub sems dpa' mthun par 'dzin pa yin/ 'jam dpal gyis smras pa/ nam rang gi sems dang mthun pa'i phyir sems can
412a7 thams cad kyis bsgo ba las mi 'gyur zhing / sems can thams cad dang mthun par gnas pa na'o/ /lha'i bus smras pa/ ji ltar na/ byang chub sems dpa' ngo tsha shes
412b1 shing khrel yod pa phun sum tshogs pa yin/ 'jam dpal gyis smras pa/ nam sems can thams cad yongs su smin par bya ba'i phyir nang yang nye bar zhi la phyi rol tu rgyu ba la'ang
412b2 rgyu ba na'o/ /lha'i bus smras pa/ ji ltar na/ byang chub sems dpa' dad pa dang ldan pa yin/ 'jam dpal gyis smras pa/ nam chags pa thams cad la'ang spyod la/ chags pa thams
412b3 cad la zhen pa'ang med pa na'o/ /lha'i bus smras pa/ ji ltar na/ byang chub sems dpa' mdza' ba bsten pa yin/ 'jam dpal gyis smras pa/ nam sangs rgyas kyi rigs mi gcod
412b4 pa na'o| |lha'i bus smras pa/ ji ltar na/ byang chub sems dpa' byas pa gzo ba yin/ 'jam dpal gyis smras pa/ nam ji ltar byas pa'i dge ba'i rtsa ba chud mi gzan pa na'o/ /
412b5 lha'i bus smras pa/ ji ltar na/ byang chub sems dpa' byas pa shes pa yin/ 'jam dpal gyis smras pa/ nam theg pa gzhan la 'dod pa mi byed pa na'o/ /lha'i bus smras pa/ ji
412b6 ltar na| byang chub sems dpa' 'dod pa nyung ba yin/ 'jam dpal gyis smras pa/ nam rang gi nyon mongs pa rnams kyang mi 'dod la sems can thams cad kyi nyon mongs pa
412b7 rnams spang bar yang 'dod pa na'o/ /lha'i bus smras pa/ ji ltar na/ byang chub sems dpa' chog shes pa yin/ 'jam dpal gyis smras pa/ nam 'phags pa'i shes rab kyi shes
413a1 pas chos gang yang mi len pa na'o/ /lha'i bus smras pa/ ji ltar na/ byang chub sems dpa' ngoms pa yin/ 'jam dpal gyis smras pa/ nam 'jig
413a2 rten las 'das pa'i shes rab la'ang gnas la/ 'jig rten pa'i rgyu bas kyang sems can rnams yongs su smin par byed pa na'o/ /lha'i bus smras pa/ ji ltar na/ byang chub
413a3 sems dpa' rab tu dben pa yin/ 'jam dpal gyis smras pa/ nam nyon mongs pa thams cad kyis kyang kun nas nyon mongs par mi 'gyur la sems can thams cad kyi
413a4 nyon mongs pa spang ba'i phyir brtson par yang snang ba na'o/ /lha'i bus smras pa/ ji ltar na/ byang chub sems dpa' rang dgar rang dbang can yin/ 'jam dpal gyis smras pa/
413a5 nam zag pa med pa'i lus kyis sangs rgyas kyi zhing thams cad du snang ste/ ye shes kyis dbang byed kyi/ nyon mongs pas dbang byed pa ma yin pa na'o/ /lha'i bus smras pa/ ji
413a6 ltar na/ byang chub sems dpa' mang du thos pa yin/ 'jam dpal gyis smras pa/ nam bdag nyid kyang ma thos pa'i chos nyan cing gzhan la'ang ma thos pa'i chos thos par
413a7 byed pa na'o/ /lha'i bus smras pa/ ji ltar na/ byang chub sems dpa' tshul bzhin la brtson pa yin/ 'jam dpal gyis smras pa/ nam dmigs pa thams cad las 'byung
413b1 ba rab tu shes kyang chos thams cad 'phro bar yang mi byed/ mi 'phro bar yang mi byed pa na'o/ /lha'i bus smras pa/ ji ltar na/ byang chub sems dpa' sgrub pa snying por byed pa
413b2 yin| 'jam dpal gyis smras pa/ nam gzhan dang 'brel ba'i rnam par rig pa mi skyed cing sems can thams cad kyi sems kyi spyod pa dben par yang rtog la/ rang gi sems
413b3 kyi spyod pa la'ang mi lta zhing / bdag dang gzhan du 'du shes pas sgrub pa snying por byed pa ma yin pa na'o/ /lha'i bus smras pa/ 'jam dpal/ ji ltar na/ byang chub sems
413b4 dpa' gzungs dang spobs pa phun sum tshogs pa yin/ 'jam dpal gyis smras pa/ lha'i bu/ nam byang chub sems dpa' thos pa thams cad kyang 'dzin la sems can thams
413b5 cad kyi dbang po rnams la'ang mtshungs par rab tu 'byed cing / sgra skad brag ca dang mtshungs par yang shes nas mngon par zhen pa med pa na ste/ de ltar na/ byang chub sems dpa'
413b6 gzungs dang spobs pa phun sum tshogs pa yin no/ /de nas lha'i bu 'od mang pos 'jam dpal gzhon nur gyur pa la 'di skad ces smras so/ /'jam dpal/ khyod kyis bshad
413b7 pa'i don 'di sus kun shes par 'gyur/ 'jam dpal gyi smras pa/ lha'i bu/ gang dag dge ba'i bshes gnyen gyis yongs su zin par gyur pa/ sngon gyi sbyor pa phun sum tshogs
414a1 pa| dge ba'i rtsa ba bskyed pa/ dmigs pa med par spyod pa de dag gis kho bos bshad pa'i don 'di kun shes par 'gyur ro/ /lha'i bus smras pa/ de dag ci
414a2 la mos par 'gyur/ bsam pa ni gang / 'jam dpal gyis smras pa/ de dag zab mo la mos par 'gyur te/ lhag pa'i nga rgyal med pa ni bsam pa'o/ /lha'i bus smras pa/
414a3 'jam dpal/ ji ltar na/ dge slong lhag pa'i nga rgyal med pa yin/ 'jam dpal gyis smras pa/ lha'i bu/ nam dge slong 'jig tshogs la lta ba ngo bo nyid kyis bgrod pa
414a4 gcig pu'i lam du sgom ste/ gnyis su med pas 'jig tshogs la lta ba'i ngo bo nyid gang yin pa de bgrod pa gcig pu'i lam gyi ngo bo nyid du mnyam par shes shing / ma
414a5 rig pa dang / srid pa dang / sred pa las 'byung ba'ang tshol la/ ma rig pa dang / srid pa dang / sred pa las 'byung ba la so sor rtog pa ni ma rig pa dang / srid pa dang / sred
414a6 pa'i ngo bo nyid kyang rig pa dang / rnam par grol bar shes pa na ste/ de ltar na/ dge slong lhag pa'i nga rgyal med pa yin no/ /lha'i bu/ gzhan yang nam dge slong 'dod chags
414a7 kyi mtha' la 'dod chags dang bral ba'i mthar shes shing / 'dod chags dang bral ba'i mtha'i rang bzhin yang 'dod chags su shes pa dang / zhe sdang gi mtha' la zhe
414b1 sdang dang bral ba'i mthar shes shing / zhe sdang dang bral ba'i mtha'i rang bzhin yang zhe sdang du shes pa dang / gti mug gi mtha' la gti mug dang bral ba'i mthar shes shing / gti
414b2 mug dang bral ba'i mtha'i rang bzhin yang gti mug tu shes pa na ste/ de ltar na/ dge slong lhag pa'i nga rgyal med pa yin no/ /lha'i bu/ gzhan yang nam dge slong sdug bsngal yongs
414b3 su shes par mi byed/ kun 'byung ba spong bar mi byed/ 'gog pa mngon sum du mi byed/ lam sgom par yang mi byed la/ sdug bsngal mi skye ba shes pas 'phags pa'i bden
414b4 pa bzhi rjes su rtogs te/ sdug bsngal mi skye ba shes pa gang yin pa de la kun 'byung ba gang yang med/ sdug bsngal mi skye ba shes pa gang yin pa de la 'gog pa gang yang med/
414b5 sdug bsngal mi skye ba shes pa gang yin pa de la lam gang yang med pa de ltar dge slong tshul bzhin la brtson pa ni chos gang yang skyed par mi byed/ 'gag par mi byed/ gnas
414b6 par mi byed do/ /gang la skye ba med pa dang / 'gag pa med pa dang / gnas pa med pa de 'dus ma byas pa'o/ /'dus ma byas kyi rang bzhin yang 'phags pa rnams kyi bden pa
414b7 sgom pa ste/ lha'i bu/ de ltar na/ dge slong lhag pa'i nga rgyal med pa yin no/ /de nas bdud sdig can sdug bsngal zhing yid mi bde ste/ gdong mchi mas gang zhing mchi mas
415a1 brnangs bzhin du tshig 'di skad ces smras so/ /gang na chos kyi rnam grangs 'di spyod pa de na bdud rnams kyi skabs med do/ /gang dag chos kyi rnam grangs
415a2 'di 'dzin par 'gyur ba de dag gi bdud kyi las thams cad bkag par 'gyur ro zhes de skad smras nas bdud sdig can sdug bsngal zhing yid mi bde ste/ yid la gcags
415a3 bzhin de nyid du mi snang bar gyur to/ /de nas lha'i bu 'od mang pos 'jam dpal gzhon nur gyur pa la 'di skad ces smras so/ /'jam dpal/ khyod kyis bshad pa'i don ji ltar
415a4 bdag gis shes pa ltar na/ gang dag lhag pa'i nga rgyal med pa'i tshul zab mo 'di thos nas spong ba'i dge slong de dag gi rab tu byung ba med do/ /bsnyen par rdzogs pa med
415a5 do| |lhag pa'i nga rgyal med pa'i tshul mchog tu zab pa 'dis skrag par 'gyur ba'i khyim de dag gi ston pa de bzhin gshegs pa ma yin no/ /dge slong ngam/ dge slong
415a6 ma'am/ dge bsnyen nam/ dge bsnyen ma gang dag lhag pa'i nga rgyal med pa'i tshul mchog tu zab pa 'di thos nas mi skrag mi dngang la dngang bar mi 'gyur zhing mos par
415a7 'gyur ba de dag rnam par grol ba nyid du rig par bya'o/ /de nas bcom ldan 'das kyis lha'i bu 'od mang po la 'di skad ces bka' stsal to/ /lha'i bu/ de de bzhin no/ /ji
415b1 skad smras pa bzhin te/ dge slong ngam/ dge slong ma'am/ dge bsnyen nam/ dge bsnyen ma gang dag lhag pa'i nga rgyal med pa'i tshul mchog tu zab pa 'di thos nas mi skrag mi
415b2 dngang la dngang bar mi 'gyur zhing mos par 'gyur ba de dag rnam par grol ba nyid du rig par bya'o/ /de ci'i phyir zhe na/ bzod pa 'dis byang chub sems dpa' rnams bla na med
415b3 pa yang dag par rdzogs pa'i byang chub tu lung ston pa dang / bzod pa 'dis nyan thos dang / rang sangs rgyas thams cad nges par 'byung ba'i phyir ro/ /lha'i bu 'od mang pos gsol pa
415b4 bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ /lha'i bu/ de'i phyir khyod kyis chos kyi rnam
415b5 grangs 'di 'jam dpal rnam par 'phrul pa'i le'u zhes bya bar zungs shig /bdud 'dul ba'i le'u zhes bya bar yang zungs shig /bcom ldan 'das kyis de skad ces bka' stsal
415b6 nas 'jam dpal gzhon nur gyur pa dang / lha'i bu 'od mang po dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten
415b7 yi rang ste bcom ldan 'das kyis gsungs pa la mngon par bstod do/ /'phags pa 'jam dpal rnam par 'phrul pa'i le'u zhes bya ba theg pa chen po'i mdo rdzogs so// //
416a1 rgya gar gyi mkhan po shI len+d+ra bo d+hi dang / dzi na mi tra dang / zhu chen gyi lo tsA ba ban+d+he ye shes sdes bsgyur cing zhus te/ skad gsar bcad kyis bcos nas gtan
la phab pa/
CLOSE WINDOW