བོད་ཡིག |
352a6 zhu chen gyi lo tsA ba ban+d+he ye shes sdes bsgyur cing zhus te/ skad gsar bcad kyis kyang bcos nas gtan la phab pa/ /rgya gar skad du/ AR+Ya many+dzu shrI bi krI DI ta
352a7 nA ma ma hA yA na sU tra/ bod skad du/ 'phags pa 'jam dpal rnam par rol pa zhes bya ba theg pa chen po'i mdo/ bam po dang po/ sangs rgyas dang byang chub sems dpa'
352b1 thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong lnga brgya tsam gyi dge slong gi
352b2 dge 'dun chen po dang / byang chub sems dpa' brgya stong dang thabs cig tu bzhugs te/ de'i tshe rgyal po'i khab kyi grong khyer chen po na smad tshong ma'i bu mo gser mchog 'od dpal zhes bya
352b3 ba gzugs bzang zhing mdzes la blta na sdug pa/ kha dog bzang po rgyas pa mchog dang ldan pa zhig 'dug ste/ bu mo de'ang sngon gyi dge ba'i rtsa ba'i rgyus lus kyi mdog gser gyi kha
352b4 dog lta bur mngon par grub par gyur cing / sa'i phyogs gang du 'greng ba dang / 'dug pa dang / 'gro ba'i sa phyogs de dag kyang gser gyi kha dog lta bu'i 'od kyis snang bar gyur te/
352b5 des gos dmar po'am/ dkar po'am/ gang dag gyon par gyur pa'i gos de dag thams cad kyang gser gyi kha dog lta bu nyid du kun tu snang ngo / /bu mo de'ang skye bo'i tshogs thams
352b6 cad la dga' zhing yid gcugs pa dang / blta bas mi ngoms shing bka' blo bde la des pa dang / 'jam pa dang / snyan pa dang / dga' bar smra zhing bzhin 'dzum pa dang / shin tu mthun
352b7 par 'dzin pa dang / khro gnyer med pa dang / mi rtsub pa dang / mi brlang bar gyur pas rgyal po'i khab kyi grong khyer chen po de na rgyal bu gzhon nu rnams dang / blon po'i bu gzhon nu
353a1 rnams dang / tshong dpon gyi bu gzhon nu rnams dang / khyim bdag gi bu gang ji snyed pa de dag kyang de la shin tu chags shing yid 'brang bar gyur te blta bas
353a2 chog mi shes so/ /smad tshong ma'i bu mo gser mchog 'od dpal de skyed mos tshal lam/ 'bab chu'am/ rdzing bu'am/ khyim mam/ lam po che'am/ grong bar ram/ gang
353a3 dang gang du 'gro ba de dang de dag tu skyes pa dang / bud med dang / khye'u dang / bu mo mang po rnams kyang shin tu ltad mor gyur nas kun 'dus te de'i phyi bzhin 'brang zhing 'gro'o//
353a4 de nas smad tshong ma'i bu mo gser mchog 'od dpal de tshong dpon gyi bu 'jigs byin zhes bya bas nor gyis glas te skyed mos tshal gyi sar byung nas rta bzhi dang ldan pa'i
353a5 shing rta dang / nor bu dang / mu tig dang / bai DUR+Ya dang / gser gyis legs par brgyan pa/ gdugs dang / rgyal mtshan dang / ba dan bsgreng zhing me tog dang / bdug
353a6 pa dang / spos dang / phye ma dang / me tog phreng gis mdzes par byas pa/ me tog tsam+pa ka'i phreng bas skar khung byas pa'i nang du stan bzang po bshams pa la 'dug nas
353a7 'di ltar rtse zhing dga' ba'i bsam pas shing rta de'i mdun du ni sil snyan dang / phag rdob pa dang / glu dbyangs len pa dag gis drangs/ shing rta de'i phyi bzhin du ni nye bar spyad
353b1 pa dang / yongs su spyad pa thogs pa thams cad rjes su 'brang la/ skye bo'i tshogs chen po ltad mo lta ba'i bsam pa can dag kyang phyi bzhin 'brang bar gyur cing skyed mos tshal gyi
353b2 sar dong ngo / /de nas 'jam dpal gzhon nur gyur pa nang du yang dag 'jog las langs te sems can thams cad la snying rje chen po skyes nas 'di snyam du sems te/ su zhig
353b3 rdzu 'phrul gyi cho 'phrul lam/ kun brjod pa'i cho 'phrul lam/ rjes su bstan pa'i cho 'phrul gyis 'dul bar 'gyur ba'i sems can gang theg pa chen po la yongs su smin par bya
353b4 snyam pa dang / 'jam dpal gzhon nur gyur pas smad tshong ma'i bu mo gser mchog 'od dpal tshong dpon gyi bu 'jigs byin dang lhan cig tu shing rta la zhon te skyed mos tshal
353b5 gyi sar 'gro ba mthong ngo / /mthong nas kyang gdul ba'i phyir de'i dbang po dang / stobs dang / brtson 'grus kyi bye brag la rnams par bltas na/ de sngon gyi dge ba'i rtsa ba dang ldan
353b6 zhing chos kun shes par bya ba'i nus pa dang / mthu dang / skal pa yod par rig nas de'i tshe 'jam dpal gzhon nur gyur pas 'di lta bu rdzu 'phrul mngon par 'du bya ba mngon par
353b7 byas te| ji lta bu'i rdzu 'phrul mngon par byas pas/ 'di ltar rang gi lus bstan ma thag tu nyi ma dang / zla ba'i 'od kyang zil du rlag par byed na/ sems can gzhan dag gi lta
354a1 smos kyang ci dgos pa de lta bur rang gi lus mngon par sprul nas gos gang gi 'od kyis dpag tshad gcig tsam gyi khor yug snang bas snang bar byed
354a2 pa'i gos de lta bu'ang lus la gyon par kun tu bstan to/ /rang gi lus rgyan thams cad kyis rnam par brgyan par yang bstan to/ /de nas 'jam dpal gzhon nur gyur pas lus
354a3 la gos dang rgyan thams cad kyis legs par brgyan nas lam gang nas smad tshong ma'i bu mo gser mchog 'od dpal 'ong ba'i lam de'i mdun logs su bsdad do/ /'jam
354a4 dpal gzhon nur gyur pas der bsdad ma thag tu de nas tshong dpon gyi bu de'i shing rta'ang mog mog por gyur/ smad tshong ma'i bu mo gser mchog 'od dpal gyi lus thams cad
354a5 kyang mog mog por gyur to/ /'di lta ste/ dper na/ dzam+bu chu bo'i gser gyi drung du snag tsha'i yug bzhag na lam mer mi 'dug /lhan ner mi 'dug /lhang nger mi 'dug go /de
354a6 bzhin du 'jam dpal gzhon nur gyur pa'i lus kyi 'od kyis reg pa na bu mo de'i lus kyang lam mer mi 'dug /lhan ner mi 'dug /lhang nger mi 'dug go /smad tshong ma'i bu
354a7 mo gser mchog 'od dpal gyis 'jam dpal gzhon nur gyur pa lha'i bu gzhon nu ltar 'dug la/ lus la rgyan gyis brgyan cing gsal ba'i gos legs par gyon la/
354b1 gos de las kyang 'od 'byung bar mthong ste/ mthong ma thag tu de bdag gi lus la brnyas pa'i 'du shes dang / dman pa'i 'du shes skyes shing gos de la'ang mngon par 'dod pa dang / gzung
354b2 pa'i 'du shes skyes nas de 'di snyam du sems te/ tshong dpon gyi bu 'dis chog gi bdag shing rta 'di las babs la 'di dang lhan cig tu dga' ba dang / rtse ba dang / dga' mgur
354b3 spyad la gos 'di'ang bslang bar bya'o snyam mo/ /bu mo des de lta bu'i sems bskyed ma thag tu de nas 'jam dpal gzhon nur gyur pa'i byin gyis rlabs kyis rgyal po chen po rnam thos kyi
354b4 bus bdag nyid mi'i gzugs su mngon par sprul nas bu mo de la 'di skad ces smras so/ /bu mo/ khyod skyes bu dam pa 'di la kun tu chags pa'i sems ma skyed cig /de ci'i phyir zhe
354b5 na| 'di ni 'dod pa don du gnyer ba ma yin pa'i phyir ro/ /bu mos smras pa/ 'di su zhig yin/ 'di'i ming ci/ rnam thos kyi bus smras pa/ 'di ni byang chub sems dpa' ste/
354b6 'jam dpal gzhon nur gyur pa zhes bya'o/ /bu mos smras pa/ byang chub sems dpa' zhes bya ba de ci zhig yin/ ci de lha'am/ 'on te klu'am/ gnod sbyin nam/ dri za'am/ lha ma
354b7 yin nam/ nam mkha' lding ngam/ mi'am ci'am/ lto 'phye chen po'am/ brgya byin nam/ tshangs pa'am/ 'jig rten skyong ba'am/ rgyal po chen po'am/ byang chub sems dpa'
355a1 zhes bya ba de ci zhig yin/ rnam thos kyi bus smras pa/ bu mo/ byang chub sems dpa' zhes bya ba de ni/ lha'ang ma yin/ klu'ang ma yin/ gnod sbyin
355a2 yang ma yin/ dri za'ang ma yin/ lha ma yin yang ma yin/ nam mkha' lding yang ma yin/ mi'am ci'ang ma yin/ lto 'phye chen po'ang ma yin/ brgya byin yang ma yin/ tshangs
355a3 pa'ang ma yin/ 'jig rten skyong ba'ang ma yin/ rgyal po chen po'ang ma yin te/ bu mo/ de ni sems can thams cad kyi bsam pa kun yongs su rdzogs par byed pa ste/ de'i
355a4 phyir byang chub sems dpa' zhes bya'o/ /'di ni bslang ba thams cad sbyin par byed de/ yongs su mi gtong ba ci'ang med pas de'i phyir byang chub sems dpa' zhes bya'o/ /de nas bu mo
355a5 de 'di snyam du sems te/ de skad grags pa las na/ 'dis bdag la gos 'di sbyin par 'gyur ro snyam nas de nas smad tshong ma'i bu mo gser mchog 'od dpal shing rta de
355a6 las babs nas 'jam dpal gzhon nur gyur pa la 'di skad ces smras so/ /'jam dpal/ gang khyod kyi sku la gsol ba'i na bza' 'di bdag la stsal du gsol/ de'i tshe
355a7 tshigs su bcad pa 'di'ang smras so/ /gal te khyod ni byang chub la yang zhugs gyur na/ /'jam dbyangs na bza' 'di ni bdag la stsal du gsol/ /ser sna can gyi byang chub
355b1 sems dpa' mi mdzes te/ /dper na chab dang bral zhing bskams pa'i klung dang mtshungs/ /'jam dpal gyis smras pa/ gal te bu mo khyod ni byang chub zhugs gyur na/ /kho bos
355b2 de ring gos 'di khyod la sbyin par bya/ /gang dag g.yo ba med par byang chub sems la gnas/ /de dag 'di na lhar bcas 'jig rten mchod 'os yin/ /bu mos smras pa/ byang chub
355b3 ces bgyi tshig gi don ni gang zhig lags/ /de ni gang las 'thob cing su zhig stsal bar bgyid/ /tshogs rnams gang dag la ni nges par bstan bgyis na/ /mkhas pa ma lags
355b4 ma rtogs rnams kyis rtogs par 'gyur/ /'jam dpal gyis smras pa/ sring mo/ brjod pa med pa dang / yi ge med pa dang / phung po dang / khams dang / skye mched dag las
355b5 rnam par grol ba dang / stong pa dang / mtshan ma dag dang bral ba dang / nyon mongs pa med pa dang / zhi ba dang / rab tu zhi ba dang / nye bar zhi ba ni byang chub ces bya'o/ /de skad ces
355b6 smras nas yang 'jam dpal gzhon nur gyur pas bu mo de la 'di skad ces smras so/ /sring mo/ khyod byang chub tu sems skyed cig dang / ngas khyod la gos 'di sbyin no/ /bu mos
355b7 smras pa| 'jam dpal/ byang chub ces bgyi ba de gang lags/ 'jam dpal gyis smras pa/ sring mo/ khyod nyid byang chub yin no/ /bu mos smras pa/ 'jam dpal/ khyod kyis
356a1 gsungs ba'i don de bdag gis ma 'tshal na/ ji ltar bdag byang chub lags/ 'jam dpal gyis smras pa/ sring mo/ de bzhin gshegs pa dgra bcom
356a2 pa yang dag par rdzogs pa'i sangs rgyas shAkya thub pa zhes bya ba zhig bzhugs pa de 'di skad du/ 'di ltar lus mnyam pa nyid kyis byang chub mnyam pa nyid do/ /byang chub
356a3 mnyam pa nyid kyis lus mnyam pa nyid do zhes chos ston te/ sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/ 'di ji snyam du sems/
356a4 khyod kyi lus 'di la phung po dang / khams dang / skye mched mngon par grub pa yod dam/ de nas bu mo des bstan pa 'di thos nas de sngon gyi dge ba'i rtsa ba'i rgyu mthun pas chos la
356a5 snang ba skyes par gyur te/ des snang ba thob nas 'jam dpal gzhon nur gyur pa la 'di skad ces smras so/ /'jam dpal/ de ni de lta lags te/ bdag gi lus 'di la phung
356a6 po dang / khams dang / skye mched dag mngon par grub lags so/ /'jam dpal gyis smras pa/ sring mo/ 'di ji snyam du sems/ gzugs la sems pa'am/ rnam par
356a7 shes pa yod dam/ bu mos smras pa/ 'jam dpal/ de ni ma mchis so/ /'jam dpal gyis smras pa/ sring mo/ byang chub kyang mi sems shing rnam par shes pa med de/
356b1 sring mo| de'i phyir gzugs mnyam pa nyid kyis byang chub mnyam pa nyid do/ /byang chub mnyam pa nyid kyis gzugs mnyam pa nyid do/ /sring mo/ de'i phyir ngas khyod la 'di skad du
356b2 khyod nyid byang chub bo zhes smras so/ /sring mo/ 'di ji snyam du sems/ tshor ba dang / 'du shes dang / 'du byed rnams dang / rnam par shes pa la sems pa'am/ rnam
356b3 par shes pa yod dam/ bu mos smras pa/ 'jam dpal/ de ni/ ma mchis so/ /'jam dpal gyis smras pa/ sring mo/ byang chub kyang mi sems shing rnam par shes pa
356b4 mi sems so/ /sring mo/ de'i phyir rnam par shes pa mnyam pa nyid kyis byang chub mnyam pa nyid do/ /byang chub mnyam pa nyid kyis rnam par shes pa mnyam pa nyid de/ sring
356b5 mo| de'i phyir ngas khyod la 'di skad du khyod nyid byang chub bo zhes smras so/ /sring mo/ gzhan yang gzugs nang ngam/ phyi rol lam/ gnyi ga med par ram/ gzugs 'di
356b6 sngon po 'am/ ser po'am/ dmar po'am/ dkar po'am/ le rgan nam/ shel dang dngul gyi kha dog gam/ yul na gnas pa'am/ phyogs na gnas pa zhes bstan par
356b7 nus sam/ bu mos smras pa/ 'jam dpal/ de ni ma lags so/ /'jam dpal gyis smras pa/ sring mo/ byang chub kyang nang ngam/ phyi rol lam/ gnyi ga med par
357a1 ram| byang chub de sngon po'am/ ser po'am/ dmar po'am/ dkar po'am/ le brgan nam/ shel dang dngul gyi kha dog gam/ yul na gnas
357a2 pa'am| phyogs na gnas pa zhes bstan par mi nus te/ sring mo/ de'i phyir gzugs mnyam pa nyid kyis byang chub mnyam pa nyid do/ /byang chub mnyam pa nyid kyis gzugs
357a3 mnyam pa nyid de/ sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/ de bzhin du tshor ba dang / 'du shes dang / 'du byed rnams dang / rnam
357a4 par shes pa nang ngam/ phyi rol lam/ gnyi ga med par ram/ rnam par shes pa 'di sngon po'am/ ser po'am/ dmar po'am/ dkar po'am/ le brgan nam/ shel dang /
357a5 dngul gyi kha dog gam/ yul na gnas pa'am/ phyogs na gnas pa zhes bstan par nus sam/ bu mos smras pa/ 'jam dpal/ de ni ma lags so/ /'jam dpal
357a6 gyis smras pa/ sring mo/ byang chub kyang nang ngam/ phyi rol lam/ gnyi ga med par ram/ byang chub de sngon po'am/ ser po'am/ dmar po'am/ dkar po'am/ le brgan
357a7 nam| shel dang dngul gyi kha dog gam/ yul na gnas pa'am/ phyogs na gnas pa zhes bstan par mi nus te/ sring mo/ de'i phyir rnam par shes pa mnyam pa nyid kyis
357b1 byang chub mnyam pa nyid do/ /byang chub mnyam pa nyid kyis rnam par shas pa mnyam pa nyid de/ sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/
357b2 gzhan yang phung po lnga ni sgyu ma lta bu ste/ yod pa ma yin pa/ phyin ci log nas skyes shing yod pa ma yin pa/ phyin ci log gis tha snyad btags pa'o/ /sring mo/ byang chub kyang sgyu ma
357b3 lta bu ste| yod pa ma yin pa phyin ci log gis tha snyad btags pa ste/ sring mo/ de'i phyir sgyu ma mnyam pa nyid kyis phung po mnyam pa nyid do/ /phung po mnyam pa nyid kyis sgyu ma
357b4 mnyam pa nyid do/ /sgyu ma mnyam pa nyid kyis byang chub mnyam pa nyid do/ /byang chub mnyam pa nyid kyis sgyu ma mnyam pa nyid de/ sring mo/ de'i phyir ngas khyod la 'di skad du khyod nyid
357b5 byang chub bo zhes smras so/ /sring mo/ gzhan yang phung po lnga ni/ rmi lam lta bu ste/ shin tu mngon par ma grub pa'o/ /sring mo/ byang chub kyang rmi lam gyi rang bzhin yin pas shin
357b6 tu mngon par ma grub pa ste/ sring mo/ de'i phyir rmi lam mnyam pa nyid kyis phung po mnyam pa nyid do/ /phung po mnyam pa nyid kyis rmi lam mnyam pa nyid do/ /rmi lam mnyam pa nyid
357b7 kyis byang chub mnyam pa nyid do/ /byang chub mnyam pa nyid kyis rmi lam mnyam pa nyid de/ sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/
358a1 gzhan yang phung po lnga ni smig rgyu lta bu ste/ 'khrul pa'i las kyis bskyed pa'o/ /sring mo/ byang chub kyang smig rgyu'i rang bzhin te/ las kyi rnam par smin
358a2 pa med pa'o/ /sring mo/ de'i phyir smig rgyu mnyam pa nyid kyis phung po mnyam pa nyid do/ /phung po mnyam pa nyid kyis smig rgyu mnyam pa nyid do/ /smig rgyu mnyam pa nyid kyis byang chub
358a3 mnyam pa nyid do/ /byang chub mnyam pa nyid kyis smig rgyu mnyam pa nyid de/ sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/ gzhan yang
358a4 phung po lnga ni gzugs brnyan lta bu ste/ 'pho ba med pa'o/ /sring mo/ byang chub kyang gzugs brnyan gyi rang bzhin te/ 'pho ba med pa'o/ /sring mo/ de'i phyir gzugs brnyan mnyam
358a5 pa nyid kyis phung po mnyam pa nyid do/ /phung po mnyam pa nyid kyis gzugs brnyan mnyam pa nyid do/ /gzugs brnyan mnyam pa nyid kyis byang chub mnyam pa nyid do/ /byang chub mnyam
358a6 pa nyid kyis gzugs brnyan mnyam pa nyid de/ sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/ gzhan yang phung po lnga ni ming tsam ste/
358a7 ming de'ang g.yo ba med pa'o/ /sring mo/ byang chub kyang ming tsam ste/ ming de'ang g.yo ba med pa'o/ /sring mo/ de'i phyir g.yo ba med pa mnyam pa nyid kyis phung po mnyam pa nyid do//
358b1 phung po mnyam pa nyid kyis g.yo ba med pa mnyam pa nyid do/ /g.yo ba med pa mnyam pa nyid kyis byang chub mnyam pa nyid do/ /byang chub mnyam pa nyid kyis g.yo ba med pa mnyam pa nyid de/
358b2 sring mo| de'i phyir ngas khyod la 'di skad du khyod nyid byang chub bo zhes smras so/ /sring mo/ gzhan yang phung po rnams la byed pa po med de/ ma byas pa'i don ni byang chub bo/ /phung po rnams
358b3 la ngo bo nyid med de/ ngo bo nyid med pa'i don ni byang chub bo/ /phung po rnams la 'byung ba med de/ ma byung ba'i don ni byang chub bo/ /phung po rnams la rtag pa nyid med de/ mi rtag pa'i don
358b4 ni byang chub bo/ /phung po rnams la bde ba nyid med de/ sdug bsngal ba'i don ni byang chub bo/ /phung po rnams la sdug pa med de/ mi sdug pa'i don ni byang chub bo/ /phung po rnams
358b5 la bdag med de/ bdag med pa'i don ni byang chub bo/ /sring mo/ gzhan yang phung po rnams la mngon par grub pa med de/ mngon par ma grub pa'i don ni byang chub bo/ /phung po rnams
358b6 ni dben pa ste/ dben pa'i don ni byang chub bo/ /phung po rnams la gzung ba med de/ gzung ba med pa'i don ni byang chub bo/ /phung po rnams la gzhi med de/ gzhi med pa'i don ni
358b7 byang chub bo/ /phung po rnams la 'ong ba dang 'gro ba med de/ 'ong ba dang 'gro ba med pa'i don ni byang chub bo/ /phung po rnams ni da ltar byung ba la mi gnas pa ste/ da ltar byung ba la
359a1 mi gnas pa'i don ni byang chub bo/ /sring mo/ gzhan yang phung po rnams ni 'phags pa rnams kyi tha snyad yin pas byang chub kyang 'phags pa rnams kyi
359a2 tha snyad do/ /phung po rnams ni tha snyad med pa'i rang bzhin can te/ byang chub kyang tha snyad med pa'o/ /phung po lnga'i rang bzhin gang yin pa de ni de bzhin gshegs pas thugs su chud
359a3 pa'i chos thams cad kyi rang bzhin te/ de ni byang chub ces bya'o/ /sring mo/ de ltar na/ phung po lnga'i rang bzhin ni byang chub kyi rang bzhin no/ /byang chub kyi rang bzhin ni chos thams
359a4 cad kyi rang bzhin te/ sring mo/ phung po lnga'i rang bzhin gang yin pa dang / byang chub kyi rang bzhin gang yin pa de ni sems can thams cad kyi rang bzhin yin te/ sring mo/ de'i phyir
359a5 ngas khyod la 'di skad du khyod nyid byang chub bo zhes smras so/ /sring mo/ gzhan yang phung po rtogs pa gang yin pa de nyid byang chub yin te/ phung po ma gtogs par rtogs pa'ang med
359a6 la| byang chub ma gtogs par yang rtogs pa med pas de ltar rtogs pa gang yin pa de byang chub ces bya ste/ sring mo/ de'i phyir ngas khyod la 'di skad du khyod nyid byang chub bo zhes
359a7 smras so| |sring mo rnam grangs 'dis khyod kyis 'di ltar rig par bya ste/ ji ltar sems can thams cad byang chub tu gtogs pa ltar de gtogs pa med par bstan pa ni byang
359b1 chub ste| sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/ gzhan yang khyod kyi lus 'di la sa'i khams dang / chu'i khams dang / me'i khams
359b2 dang / rlung gi khams dang khams bzhi po dag mngon par grub pa de la sring mo/ sa'i khams ni bdag ma yin/ sems can ma yin/ srog ma yin/ skyes bu ma yin/ gang zag ma
359b3 yin no| |byang chub kyang bdag ma yin/ sems can ma yin/ srog ma yin/ skyes bu ma yin/ gang zag ma yin no/ /de bzhin du chu'i khams dang / me'i khams dang / rlung gi
359b4 khams kyang bdag ma yin/ sems can ma yin/ srog ma yin/ skyes bu ma yin/ gang zag ma yin no/ /byang chub kyang bdag ma yin/ sems can ma yin/ srog ma yin/ skyes bu ma
359b5 yin| gang zag ma yin no/ /shin tu nam mkha' dang mtshungs pa'i phyir sa'i khams dang byang chub mnyam mo/ /shin tu med pa'i phyir chu'i khams dang byang chub mnyam mo/ /shin
359b6 tu mi g.yo ba'i phyir me'i khams dang byang chub mnyam mo/ /shin tu bstan du med pa'i phyir rlung gi khams dang byang chub mnyam mo/ /sring mo/ sa'i khams gang yin pa'i khams de
359b7 ni de bzhin gshegs pas mkhyen te/ mngon par rdzogs par thugs su chud do/ /sring mo/ chu'i khams gang yin pa'i khams de ni de bzhin gshegs pas mkhyen te/ mngon
360a1 par rdzogs par thugs su chud do/ /sring mo/ me'i khams gang yin pa'i khams de ni de bzhin gshegs pas mkhyen te/ mngon par rdzogs par
360a2 thugs su chud do/ /sring mo/ rlung gi khams gang yin pa'i khams de ni de bzhin gshegs pas mkhyen te/ mngon par rdzogs par thugs su chud do/ /sring mo/ sa'i khams rtogs
360a3 pa ni byang chub bo/ /sring mo/ de bzhin du chu'i khams dang / me'i khams dang / rlung gi khams rtogs pa ni byang chub ste/ sring mo/ de'i phyir ngas khyod la 'di skad du khyod nyid byang chub bo
360a4 zhes smras so/ /sring mo/ sa'i khams kyis chu'i khams yang dag par mi shes so/ /chu'i khams kyis me'i khams yang dag par mi shes so/ /me'i khams kyis rlung gi khams yang
360a5 dag par mi shes so/ /sring mo/ de ltar na/ khams kyi ming yongs su shes pa gang yin pa de ni byang chub ces bya ste/ sring mo/ de'i phyir ngas khyod la 'di skad du khyod nyid byang
360a6 chub bo zhes smras so/ /sring mo/ gzhan yang gang khyod kyi lus 'di la mig mngon par grub pa dang / de bzhin du rna ba dang / sna dang / lce dang / lus dang / yid mngon par grub pa
360a7 de la sring mo/ mig ni stong pa ste/ mig stong pa nyid kyi rang bzhin ni byang chub bo/ /rna ba ni stong pa ste/ rna ba stong pa nyid kyi rang bzhin ni byang chub bo/ /sna ni stong pa ste/ sna stong
360b1 pa nyid kyi rang bzhin ni byang chub bo/ /lce ni stong pa ste/ lce stong pa nyid kyi rang bzhin ni byang chub bo/ /lus ni stong pa ste/ lus stong pa nyid kyi rang bzhin ni byang chub bo/ /yid ni stong
360b2 pa ste| yid stong pa nyid kyi rang bzhin ni byang chub bo/ /sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/ gzhan yang mig stong pa nyid gang yin pa de ni
360b3 gzugs su 'dogs par mi byed do/ /gzugs stong pa'i gzugs kyi ngo bo nyid ni byang chub bo/ /rna ba dang / sna dang / lce dang / lus dang / yid stong pa nyid gang yin pa de ni chos su 'dogs
360b4 par mi byed do/ /chos stong pa'i chos kyi ngo bo nyid ni byang chub ste/ sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/ mig ni gzugs mi len
360b5 te| byang chub kyang gzugs mi len to/ /rna ba ni sgra mi len te/ byang chub kyang sgra mi len to/ /sna ni dri mi len te/ byang chub kyang dri mi len to/ /lce ni ro mi len te/ byang chub kyang ro mi len
360b6 te| |lus ni reg bya mi len te/ byang chub kyang reg bya mi len to/ /yid ni chos mi len te/ byang chub kyang chos mi len to/ /sring mo/ de ci'i phyir zhe na/ mig gzugs dang bral ba ni byang
360b7 chub bo| |yid chos dang bral ba'i bar du'ang byang chub yin pa'i phyir ro/ /sring mo/ de ltar na/ mig gi rnam par shes pa'i khams gang yin pa de ni gzugs kyi khams dang mtshams
361a1 sbyor ba med de/ mig gi rnam par shes pa'i khams dang / gzugs kyi khams su bral ba ni byang chub bo/ /rna ba'i rnam par shes pa'i khams gang
361a2 yin pa de ni sgra'i khams dang mtshams sbyor ba med de/ rna ba'i rnam par shes pa'i khams dang / sgra'i khams su bral ba ni byang chub bo/ /sna'i rnam par shes pa'i khams
361a3 gang yin pa de ni dri'i khams dang mtshams sbyor ba med de/ sna'i rnam par shes pa'i khams dang / dri'i khams su bral ba ni byang chub bo/ /lce'i rnam par shes pa'i khams
361a4 gang yin pa de ni ro'i khams dang mtshams sbyor ba med de/ lce'i rnam par shes pa'i khams dang / ro'i khams su bral ba ni byang chub bo/ /lus kyi rnam par shes pa'i khams
361a5 gang yin pa de ni reg bya'i khams dang mtshams sbyor ba med de/ lus kyi rnam par shes pa'i khams dang / reg bya'i khams su bral ba ni byang chub bo/ /yid kyi rnam par
361a6 shes pa'i khams gang yin pa de ni/ chos kyi khams dang mtshams sbyor ba med de/ yid kyi rnam par shes pa'i khams dang / chos kyi khams su bral ba ni byang chub ste/ sring
361a7 mo| de'i phyir ngas khyod la 'di skad du khyod nyid byang chub bo zhes smras so/ /sring mo/ de ltar na/ byang chub dang / mig gi rnam par shes pa'i khams de ni gnyis su med de gnyis
361b1 su dbyer med do/ /byang chub dang / gzugs kyi khams de ni gnyis su med de gnyis su dbyer med do/ /byang chub dang / mig gi rnam par shes pa'i khams de ni gnyis su med de
361b2 gnyis su dbyer med do/ /byang chub dang / yid kyi khams kyi bar de ni gnyis su med de gnyis su dbyer med do/ /byang chub dang / chos kyi khams de ni gnyis su med de gnyis su
361b3 dbyer med do/ /byang chub dang / yid kyi rnam par shes pa'i khams de ni gnyis su med de gnyis su dbyer med do/ /sring mo/ de'i phyir ngas khyod la 'di skad du khyod nyid byang chub bo zhes
361b4 smras so| |sring mo/ gzhan yang mig rtogs pa ni byang chub bo/ /de bzhin du rna ba dang / sna dang / lce dang / lus dang / yid rtogs pa ni byang chub bo/ /mig gi rang bzhin ni stong pa
361b5 pa ste| rang bzhin stong pa de ni byang chub bo/ /de bzhin du rna ba dang / sna dang / lce dang / lus dang / yid kyi rang bzhin ni stong pa ste/ rang bzhin stong pa de ni byang chub bo/ /sring mo//
361b6 mig gi rang bzhin ni ma chags/ mi sdang / ma rmongs pa ste/ 'dod chags dang / zhe sdang dang / gti mug dang bral ba ni byang chub bo/ /rna ba dang / sna dang / lce dang / lus dang / yid
361b7 kyi rang bzhin ni ma chags pa/ mi sdang ba/ ma rmongs pa ste/ 'dod chags dang / zhe sdang dang / gti mug dang bral ba ni byang chub bo/ /sring mo/ mig ni bdag po med pa/ bdag
362a1 gi med pa/ yongs su 'dzin pa med pa ste/ byang chub kyang bdag po med pa/ bdag gi med pa/ yongs su 'dzin pa med pa'o/ /de bzhin du rna ba dang / sna
362a2 dang / lce dang / lus dang / yid kyang bdag po med pa/ bdag gi med pa/ yongs su 'dzin pa med pa ste/ byang chub kyang bdag po med pa/ bdag gi med pa/ yongs su 'dzin pa
362a3 med pa'o/ /sring mo/ mig ni skyes pa'i chos dang mtshungs par ldan pa'ang ma yin/ bud med kyi chos dang mtshungs par ldan pa'ang ma yin no/ /sring mo/ byang chub kyang skyes pa'i
362a4 chos dang mtshungs par ldan pa'ang ma yin/ bud med kyi chos dang mtshungs par ldan pa'ang ma yin no/ /sring mo/ de bzhin du rna ba dang / sna dang / lce dang / lus dang / yid kyang
362a5 skyes pa'i chos dang mtshungs par ldan pa'ang ma yin/ bud med kyi chos dang mtshungs par ldan pa'ang ma yin no/ /sring mo/ byang chub kyang skyes pa'i chos dang mtshungs par ldan pa'ang
362a6 ma yin| bud med kyi chos dang mtshungs par ldan pa'ang ma yin no/ /sring mo/ mig ni skyes pa'ang ma yin/ bud med kyang ma yin no/ /sring mo/ byang chub kyang skyes pa'ang ma yin/
362a7 bud med kyang ma yin no/ /sring mo/ yid kyi bar du'ang skyes pa'ang ma yin/ bud med kyang ma yin no/ /sring mo/ byang chub kyang skyes pa'ang ma yin/ bud med kyang ma yin no/ /sring mo/
362b1 de ltar mig gi de bzhin nyid ni de bzhin gshegs pas thugs su chud de/ de bzhin nyid rtogs pa ni byang chub bo/ /yid kyi de bzhin nyid kyi bar du'ang de bzhin gshegs pas thugs su
362b2 chud de| de bzhin nyid rtogs pa ni byang chub bo/ /sring mo/ de'i phyir ngas khyod la 'di skad du khyod nyid byang chub bo zhes smras so/ /sring mo/ gzhan yang khyod kyi lus 'di ni bdag ma
362b3 yin| sems can ma yin/ srog ma yin/ skyes bu ma yin/ gang zag ma yin/ shed las skyes pa ma yin/ shed bu ma yin/ byed pa po ma yin/ tshor ba po ma yin/ shes pa po
362b4 ma yin| mthong ba po ma yin/ nyan pa po ma yin/ snom pa bo ma yin/ za ba po ma yin/ reg pa po ma yin/ rnam par shes pa po ma yin no/ /sring mo/ byang chub kyang bdag ma yin
362b5 sems can ma yin/ srog ma yin/ gso ba ma yin/ gang zag ma yin/ bdag gi ma yin/ yongs su 'dzin pa ma yin/ byas pa ma yin/ tshor ba ma yin/ gzugs ma yin/ sgra
362b6 ma yin| dri ma yin/ ro ma yin/ reg ma yin/ rnam par reg pa ma yin te/ sring mo/ de lta bas na/ chos thams cad mnyam pa nyid ni byang chub ces bya'o/ /sring mo/ gang yang khyod
362b7 kyi lus ni g.yo ba med pa/ byed pa med pa/ rtag pa med pa ste/ rtswa dang / shing dang / shing ljon pa dang / rtsig pa'i tshogs rnams dang khyad par med cing tha dad du dbyer med do/ /sring
363a1 mo| gang yang nang gi sa'i khams dang / phyi rol gyi sa'i khams ni gnyis su med cing gnyis su dbyer med de/ 'di ltar mtshan nyid med par mtshan
363a2 nyid gcig par de bzhin gshegs pas shes rab dang / ye shes kyis mngon par rdzogs par thugs su chud de/ sring mo/ de'i phyir ngas khyod la 'di skad du khyod nyid byang chub bo
363a3 zhes smras so/ /sring mo/ gzhan yang sems dang / yid dang / rnam par shes pa'i rnam par rig pa gang gis sems pa dang / rnam par shes pa'i sems dang / yid dang / rnam
363a4 par shes pa'i rnam par rig pa de ni skra la gnas pa ma yin/ spu la gnas pa ma yin/ sha mdog la gnas pa ma yin/ pags pa la gnas pa ma yin/ sha la gnas pa ma yin/
363a5 khrag la gnas pa ma yin/ rus pa la gnas pa ma yin/ chu ba la gnas pa ma yin/ rkang la gnas pa ma yin/ nang la gnas pa ma yin/ phyi rol la gnas pa ma yin/ gnyis ka med
363a6 pa la gnas pa ma yin/ mig la gnas pa ma yin/ rna ba la gnas pa ma yin/ sna la gnas pa ma yin/ lce la gnas pa ma yin/ lus la gnas pa ma yin/ yid la gnas pa ma
363a7 yin te| gnas pa ma yin/ mi gnas pa ma yin/ rgyun chad pa ma yin/ yul na gnas pa ma yin/ phyogs na gnas pa ma yin/ gzugs med pa/ bstan du med pa/ rnam par rig
363b1 pa med pa/ gzung ba med pa/ 'dre ba med pa/ gzhi med pa/ dag pa/ gtsang ba/ 'od gsal ba ste/ sems dang / yid kyi rnam par rig pa de ni kun nas nyon mongs pa med pa/ rnam
363b2 par byang ba med pa ste/ de ni rang bzhin gyis rnam par dag cing 'od gsal la lus med pa'i phyir kun nas nyon mongs pa med cing rnam par byang ba med do/ /sring mo/ de ltar na/ phung
363b3 po dang / khams dang / skye mched kyi rang bzhin ni byang chub bo/ /byang chub kyi rang bzhin yang phung po dang / khams dang / skye mched rnams so/ /sring mo/ khyed kyi lus 'di la phung po
363b4 dang / khams dang / skye mched gang dag mngon par grub pa de dag ni byang chub ste/ byang chub gzhan ma yin no/ /de ci'i phyir zhe na/ byang chub ni phung po dang / khams dang / skye mched
363b5 rnams las gzhan pa ma yin te/ de dag nyid byang chub yin pas chos thams cad mnyam pa nyid du rtogs pas ni byang chub yin pa'i phyir ro/ /sring mo/ de'i phyir ngas khyod la 'di skad
363b6 du khyod nyid byang chub bo zhes smras so/ /'jam dpal gzhon nur gyur pas bstan pa 'di bshad pa na nam mkha'i dkyil na gnas pa'i lha'i bu lnga 'bum gyis bla na med pa yang dag
363b7 par rdzogs pa'i byang chub tu sems bskyed do/ /gang dag smad tshong ma'i bu mo gser mchog 'od dpal gyi phyi bzhin 'brang ba'i skyes pa dang / bud med dang / khye'u dang / bu mo rnams
364a1 las srog chags nyis brgyas kyang bla na med pa yang dag par rdzogs pa'i byang chub tu sems bskyed do/ /lha dang mi drug cu ni chos rnams la chos kyi
364a2 mig rdul med cing dri ma dang bral ba rnam par dag go /smad tshong ma'i bu mo gser mchog 'od dpal yang tshim zhing mgu la yid rangs te rab tu dga' nas dga' ba dang / yid bde
364a3 ba skyes te yan lag lngas phyag 'tshal nas 'jam dpal gzhon nur gyur pa'i rkang pa gnyis la gtugs te sangs rgyas dang / chos dang / dge 'dun la skyabs su song nas tshangs
364a4 par spyad pa dang / bslab pa'i gzhi rnams yang dag par blangs te/ lhag pa'i bsam pas bla na med pa yang dag par rdzogs pa'i byang chub tu sems bskyed nas 'di skad ces smras
364a5 so| |'jam dpal/ bdag kyang khyod kyis rjes su bstan pa dang / sems can thams cad la snying brtse ba dang / snying rjes sangs rgyas kyi gdung mi gcad pa dang / chos kyi gdung mi
364a6 gcad pa dang / dge 'dun gyi gdung mi gcad pa'i slad du khyod kyis bstan pa bla na med pa yang dag par rdzogs pa'i byang chub der sems bskyed par bgyi'o/ /de bzhin du chos rtogs par
364a7 bgyi ba'i slad du sems can thams cad la chos bstan par yang bgyi'o/ /nyes par bgyis pa'i las kyi sgrib pa yongs su sbyang ba'i slad du nongs pa la nongs par bshags par bgyi'o/ /
364b1 gang na chos thams cad zhi zhing nye bar zhi bar ma rtogs nas tshul bzhin ma lags pa yid la bgyid pa sngon du 'gro ba dang / phyin ci log gi dbang du mchis pa dang / rang gi lus la mngon
364b2 par zhen pas 'dod chags kyi sbyor ba dang ldan pa'i sems can rnams kyis ni chos rnams kyi rang bzhin nyid ma gtogs so/ /'jam dpal/ de lta lags mod kyi 'on kyang gang dag
364b3 'dod chags kyi sbyor ba dang ldan pa'i sems can de dag kyang chos rnams kyi chos nyid 'di ci 'dra ba de nyid dang ldan no/ /byang chub sems dpa' rnams ni ldan pa'i chos 'di la slob cing /
364b4 bla na med pa yang dag par rdzogs pa'i byang chub tu sems bskyed do/ /de ci'i slad du zhe na/ 'jam dpal/ nyon mongs pa rnams ni ji ltar mchis pa ma lags pa la kun btags pa las
364b5 'byung bar de ltar kun btags pa yongs su rtogs na 'gag par 'gyur bas gsog dang 'dra ba'i slad du'o/ /'jam dpal/ ji ltar khyod kyis gsungs pa'i don bdag gis 'tshal ba ltar
364b6 na| nyon mongs pa rnams ni rang bzhin ma mchis shing byung ba ma mchis pas sprin gyi tshogs dang 'dra'o/ /nyon mongs pa rnams ni skad cig la 'jig cing 'ju ste/ chu'i chu bur dang 'dra'o//
364b7 nyon mongs pa rnams ni shin tu mngon par grub pa ma mchis pa ste/ rlung dang 'dra'o/ /nyon mongs pa rnams ni yul thams cad las yang dag par 'das pa ste/ nam mkha'i ri mo dang
365a1 'dra'o| |nyon mongs pa rnams ni ring du mi gnas pas chu'i ri mo dang 'dra'o/ /nyon mongs pa rnams ni tshul bzhin ma lags pa yid la bgyid pa'i 'jug
365a2 pa las 'byung ba ste/ gnod sbyin dang 'byung po 'dra'o/ /nyon mongs pa rnams ni ma mchis pa la phyin ci log tu mthong ba las byung ba ste/ sprin mar dang 'dra'o/ /nyon mongs pa
365a3 rnams ni kun btags pa las byung ba ste/ yang dag pa ma lags pa'o/ /nyon mongs pa rnams ni bar 'dzin pas lhag par chags pa dang 'brel ba'o/ /nyon mongs pa rnams
365a4 ni bdag gir 'dzin pas dngos po yongs su 'dzin pa'o/ /nyon mongs pa rnams ni log par bskyed pas glo bur du byung ba'o/ /nyon mongs pa rnams ni rnam par rtog pa las byung
365a5 bas mtshan ma'i rjes su 'brang ba dang 'dra'o/ /nyon mongs pa rnams ni khams sna tshogs la mi dpyod pa'i tshul gyis bskyed pa ste/ so sor mi rtog pa'o/ /nyon mongs pa rnams ni
365a6 sems dang rjes su mthun pas bskyed pa ste/ nges par mi sems pa'o/ /nyon mongs pa rnams ni bdag dang gzhan la mngon par zhen pa las byung ba ste/ yid ches par mi bgyi ba'o/ /
365a7 nyon mongs pa rnams ni phung po dag len pa'o/ /nyon mongs pa rnams ni khams rnams la ril por 'dzin pa'o/ /nyon mongs pa rnams ni skye mched rnams gsog pa'o/ /nyon mongs
365b1 pa rnams ni ming dang gzugs la rnam par 'byed pa'o/ /nyon mongs pa rnams ni tshul bzhin ma lags pa yid la bgyid pa dag mi rtogs pa'o/ /'jam dpal/ de lta lags mod kyi/ 'on
365b2 kyang nyon mongs pa rnams ni byang chub kyi phur bu'i gzhi lags so/ /de ci'i slad du zhe na/ byang chub ni g.yo ba ma mchis pa'i slad du'o/ /nyon mongs pa rnams ni byang chub kyi sa bon te/ nyon
365b3 mongs pa rtogs pa nyid byang chub lags so/ /nyon mongs pa rnams ni byang chub rdo rje'i gzhi lags so/ /de ci'i slad du zhe na/ chos kyi dbyings dbyer ma mchis pa'i tshul gyis byang chub ni nyon
365b4 mongs pa rnams kyis mi phyed pa'i slad du'o/ /'jam dpal/ nyon mongs pa rnams mthong ba ni byang chub ste/ byang chub ni yul thams cad kyi rjes su song ba'o/ /'jam dpal/ ji ltar byang
365b5 chub rnam par gnas pa ma mchis pa de ltar nyon mongs pa rnams kyang rnam par gnas pa ma mchis pa ste/ skyes nas 'jig cing 'dzubs mi gnas pa'o/ /'jam dpal/ nyon mongs pa
365b6 rnams ni sems kyi rang bzhin lags so/ /de ci'i slad du zhe na 'jam dpal/ sems 'di ni chags pa'am/ sdang ba'am/ rmongs pa zhes sems kyi rang bzhin bstan par mi nus
365b7 te| 'jam dpal/ ji ltar sems bstan par mi nus pa de bzhin du nyon mongs pa rnams kyang yul na gnas pa'am/ phyogs na gnas pa zhes nyon mongs pa'i rang bzhin bstan par mi
366a1 nus pa'i slad du'o/ /'jam dpal/ byang chub sems dpa' sems dpa' chen pos ji lta ji ltar nyon mongs pa de dag rab tu rtogs pa de lta de ltar de 'dod chags
366a2 la spyod pa'i sems can rnams yongs su smin par bgyi ba la skyo bar mi 'gyur ro/ /zhe sdang la spyod pa rnams la ma lags/ gti mug la spyod pa rnams la ma lags te/ cha mnyam pa la
366a3 spyod pa'i sems can rnams yongs su smin par bgyi ba la skyo bar mi 'gyur ro/ /'jam dpal/ da ltar bdag gi 'dod chags ji lta ba de bzhin du 'dod chags la spyod pa thams cad kyi
366a4 'dod chags la blta bar bgyi'o/ /'jam dpal/ da ltar bdag gi zhe sdang ji lta ba de bzhin du zhe sdang la spyod pa thams cad kyi zhe sdang la blta bar bgyi'o/ /'jam dpal/ da ltar
366a5 bdag gi gti mug ji lta ba de bzhin du gti mug la spyod pa thams cad kyi gti mug la blta bar bgyi'o/ /'jam dpal/ da ltar bdag gi nyon mongs pa thams cad ji lta ba de bzhin du
366a6 nyon mongs pa thams cad la spyod pa'i sems can thams cad kyi nyon mongs pa la blta bar bgyi'o/ /'jam dpal/ 'di lta ste/ dper na/ me ni rtswa dang / shing thams cad kyis
366a7 'jigs pa ma mchis pa'o/ /'jam dpal/ de bzhin du 'phags pa'i shes rab kyi me'ang nyon mongs pa'i rtswa dang / shing thams cad kyis 'jigs pa ma mchis pa'o/ /'jam dpal
366b1 'di lta ste/ dper na/ nyi ma'i dkyil 'khor ni mun pa mun nag thams cad dang lhan cig mi gnas so/ /'jam dpal/ de bzhin du 'phags pa'i shes rab kyang nyon mongs pa thams cad
366b2 dang lhan cig mi gnas so/ /'jam dpal/ 'di lta ste/ dper na/ rlung dmar ni shing ljon pa dang / ri thams cad la mi chags so/ /'jam dpal/ de bzhin du 'phags pa'i shes
366b3 rab la spyod pa'i byang chub sems dpa' yang nyon mongs pa'i yul thams cad la mi chags so/ /'jam dpal/ 'di lta ste/ dper na/ nam mkha'i khams ni sreg pa'i bskal pa
366b4 thams cad kyis tshig par mi 'gyur ro/ /'jam dpal/ de bzhin du 'phags pa'i shes rab la spyod pa'i byang chub sems dpa' yang nyon mongs pa'i sreg pa'i bskal pa thams
366b5 cad kyis tshig par mi 'gyur ro/ /'jam dpal/ 'di lta ste/ dper na/ nam mkha' ni/ rdul dang / na bun dang / sprin thams cad dang lhan cig mi gnas so/ /'jam dpal/ de
366b6 bzhin du 'phags pa'i shes rab la spyod pa'i byang chub sems dpa' yang nyon mongs pa thams cad dang lhan cig mi gnas so/ /'jam dpal/ 'di lta ste/ dper na/ nam mkha'
366b7 ni| sa dang lhan cig mi gnas so/ /'jam dpal/ de bzhin du 'phags pa'i shes rab la spyod pa'i byang chub sems dpa' yang nyon mongs pa thams cad dang lhan cig mi gnas so/ /
367a1 'jam dpal/ 'di lta ste/ dper na/ khab long ni lcags dang lhan cig mi gnas so/ /'jam dpal/ de bzhin du 'phags pa'i shes rab la spyod
367a2 pa'i byang chub sems dpa' yang nyon mongs pa thams cad dang lhan cig mi gnas so/ /'jam dpal/ 'di lta ste/ dper na/ ri khor yug ni rlung thams cad kyis bskyod par
367a3 mi nus so/ /'jam dpal/ de bzhin du 'phags pa'i shes rab la spyod pa'i byang chub sems dpa' yang nyon mongs pa thams cad kyis bskyod par mi nus so/ /'jam dpal/
367a4 'di lta ste/ dper na/ dud 'gro'i skye gnas su song ba bya ngang pa zhes bgyi ba ni 'o ma dang / chab bsres pa las 'o ma nyid ni 'tshal gyi/ chab ni ma lags so/ /'jam
367a5 dpal| de bzhin du 'phags pa'i shes rab la spyod pa'i byang chub sems dpa' yang 'phags pa'i shes rab dang / nyon mongs pa'i 'dres pa dag las shes rab nyid ni len
367a6 gyi| nyon mongs pa ni ma lags so/ /'jam dpal/ 'di lta ste/ dper na/ byang gi sgra mi snyan gyi gling na nye dur 'brel ba'i bud med rnams la shing gi yal ga 'dud par mi bgyid
367a7 do| |'jam dpal/ de bzhin du dbang po yongs su ma smin pa'i sems can rnams la byang chub sems dpa'i spyod pa dang / 'phags pa'i shes rab dang / ye shes 'dud par mi
367b1 bgyid do/ /'jam dpal/ da ltar bdag ni nyon mongs pa rnams kyis 'jigs pa'am/ skrag pa ci'ang ma mchis so/ /de ci'i slad du zhe na/ 'jam dpal/ bdag gis chos thams cad kyi rang
367b2 bzhin dben par rtogs pa'i slad du'o/ /'jam dpal/ byang chub sems dpa' rnams ni 'jigs pa ma mchis pa'i go cha bgos pa ste/ 'jam dpal/ 'di lta ste/ dper na/ gang
367b3 dgras 'jigs pa de ni dpa' bo zhes mi bgyi'o/ /'jam dpal/ de bzhin du gang nyon mongs pa rnams kyis 'jigs pa de'ang byang chub sems dpa' zhes mi bgyi'o/ /'jam dpal/
367b4 'di lta ste/ dper na/ gang dgras bcom pa de ni dpa' bo zhes mi bgyi'o/ /'jam dpal/ de bzhin du gang nyon mongs pa rnams kyis bcom pa de'ang byang chub sems dpa' zhes
367b5 mi bgyi'o/ /'jam dpal/ 'di lta ste/ dper na/ nor bu rin po che chu 'dang zhes bgyi ba chab kyi nang du stsal na/ gsher bar yang mi 'gyur zhing chab kyi dri mas kyang mi gos la/ chab
367b6 kyi rnyog pa thams cad kyang rab tu dang bar bgyid do/ /'jam dpal/ de bzhin du 'phags pa'i shes rab la spyod pa'i byang chub sems dpa' yang nyon mongs pa'i nang na gnas kyang nyon
367b7 mongs pas gsher bar yang mi 'gyur zhing nyon mongs pa'i dri mas kyang mi gsol/ nyon mongs pa'i rnyog pa thams cad kyang rab tu zhi bar bgyid do/ /de nas smad tshong ma'i bu mo gser
368a1 mchog 'od dpal gyis bstan pa 'di bshad nas yang 'jam dpal gzhon nur gyur pa la 'di skad ces smras so/ /'jam dpal/ ji ltar na/ byang chub sems
368a2 dpa' nyon mongs pa ma mchis pa lags/ 'jam dpal gyis smras pa/ sring mo/ byang chub sems dpa' gang gis nyon mongs pa skye ba'am/ 'gag par mthong na/ byang chub sems
368a3 dpa' de ni nyon mongs pa med pa zhes mi bya'o/ /sring mo/ 'di lta ste/ dper na/ 'bru mar gyi sgron ma la mun pa mun nag snang na/ 'bru mar gyi sgron ma zhes mi bya'o/ /sring mo/ de bzhin
368a4 du byang chub sems dpa' gang gis nyon mongs pa skye ba'am/ 'gag par mthong na/ byang chub sems dpa' de ni nyon mongs pa med pa zhes mi bya'o/ /sring mo/ nyon mongs pa med pa zhes bya
368a5 ba ni su gang du kun nas nyon mongs pa'ang mi mthong / rnam par byang ba'ang mi mthong ste/ mthong ba dang / mi mthong ba dang / sems dang / yid dang / rnam par rig pa dang bral ba ni nyon
368a6 mongs pa med pa'o/ /sring mo/ gang dang gang du sems dang / yid dang / rnam par rig pa 'jug na/ tha na mya ngan las 'das par sems pa'ang rung ste/ de thams cad ni/ nyon mongs
368a7 pa'o| |de ci'i phyir zhe na/ nyon mongs pa med pa la ni sems sam/ sems pa 'jug pa med pa'i phyir te/ gang gis dge ba'am mi dge ba'i dmigs pa la sems 'jug pa de dag
368b1 thams cad ni mngon par 'du byed pa'o/ /gang mngon par 'du byed pa de ni 'khor ba'o/ /gang 'khor ba de ni 'du byed do/ /'du byed thams cad ni 'khor ba ste/ sring mo/ de dag ni nyon
368b2 mongs pa yin no/ /sring mo/ nyon mongs pa zhes bya ba de ni sbyor ba ste/ mig dang gzugs su sbyor ba ni nyon mongs pa'o/ /de bzhin du rna ba dang / sgra dang / sna dang / dri dang / lce dang / ro
368b3 dang / lus dang / reg bya dang / yid dang / chos su sbyor ba ni nyon mongs pa'o/ /tshul khrims la sbyor ba ni nyon mongs pa'o/ /ting nge 'dzin la sbyor ba ni nyon mongs pa'o/ /shes rab
368b4 dang / rnam par grol ba'i ye shes mthong ba la sbyor ba ni nyon mongs pa'o/ /rab tu dben pa la sbyor bar sems pa ni nyon mongs pa'o/ /sring mo/ nyon mongs pa med pa zhes bya ba de ni rgyu ba
368b5 med pa zhes bya ba'i tshig bla dwags so/ /de ni spros pa med pa zhes bya ba'i tshig bla dwags so/ /de ni rtsol ba med pa zhes bya ba'i tshig bla dwags so/ /kun tu 'byung ba med pa zhes bya ba'i tshig
368b6 bla dwags te/ sring mo/ grangs dang grangs med pa dang bral ba ni nyon mongs pa med pa nyid do/ /sring mo/ gzhan yang byang chub sems dpa' gang bdag la'ang nyon mongs pa med la/ gzhan
368b7 dag nyon mongs pa las rab tu thar pa la'ang shin tu brtson pa de ni nyon mongs pa med pa'o zhes de bzhin gshegs pas gsungs te/ gzhan dag nyon mongs pa las rab tu thar
369a1 par byed pa ni byang chub sems dpa'i brtson 'grus yang dag phul lo/ /bu mos smras pa/ 'jam dpal/ byang chub sems dpa'i brtson 'grus yang dag
369a2 phul gang lags/ 'jam dpal gyis smras pa/ stong pa nyid la so sor rtog pa'i rjes su 'jug cing lta ba la spyod pa'i sems can rnams la snying rje ba dang / mtshan ma med pa la
369a3 so sor rtog pa'i rjes su 'jug cing mtshan ma la spyod pa'i sems can rnams la snying rje ba dang / smon pa med pa la so sor rtog pa'i rjes su 'jug cing smon pa la spyod pa'i sems
369a4 can rnams la snying rje ba dang / mngon par 'du byed pa med pa la so sor rtog pa'i rjes su 'jug cing mngon par 'du byed pa la spyod pa'i sems can rnams la snying rje ba dang / skye ba
369a5 med cing 'chi 'pho ba med pa la so sor rtog pa'i rjes su 'jug cing rga ba dang shi bar 'du shes pa'i sems can rnams la snying rje ba dang / skye ba med pa la so sor rtog pa'i rjes su
369a6 'jug cing skye ba dang / 'jig par 'du shes pa'i sems can rnams la snying rje ba dang / nyan thos su nges pa la so sor rtog pa'i rjes su 'jug cing nyan thos kyi 'bras bu thob pa las
369a7 ldog pa dang / rang sangs rgyas su nges pa la so sor rtog pa'i rjes su 'jug cing rang sangs rgyas kyi 'bras bu thob pa las ldog pa dang / byang chub sems dpa'i skyon med pa la
369b1 'jug pa so sor rtog pa'i rjes su 'jug cing sems can thams cad la'ang snying rje ba ste/ sring mo/ 'di ni byang chub sems dpa'i brtson 'grus yang dag phul lo/ /sring mo/ 'di
369b2 lta ste| dper na/ rgya mtsho chen por 'jug pa ni sla'i/ rin po che chen po dag thogs te ldog par ni dka'o/ /sring mo/ de bzhin du stong pa nyid la so sor brtag pa ni sla'i/ thabs la
369b3 mkhas pa dang bral bas ldog par ni dka'o/ /mtshan ma med pa dang / smon pa med pa dang / mngon pa 'du byed pa med pa dang / skye ba med pa dang / 'byung ba med pa dang / nyan thos kyi
369b4 skyon med pa dang / rang sangs rgyas kyi skyon med pa la'ang so sor brtag pa ni sla'i/ /thabs la mkhas pa dang bral ba ldog par ni dka'o/ /sring mo/ 'di lta ste/ dper na/ g.yul ngo
369b5 chen por 'jug pa ni sla'i/ /ma rmas ma nyams par rgal ba ni dka'o/ /sring mo/ de bzhin du rnam par thar pa'i sgo gsum du'ang 'jug pa ni sla'i/ /thabs la mkhas pa dang bral bas
369b6 ldog par ni dka'o/ /bu mos smras pa/ 'jam dpal/ thabs zhes bgyi ba ji lta bu lags/ 'jam dpal gyis smras pa/ sring mo/ thabs zhes bya ba ni gang phyogs gnyis mi spong ba ste/
369b7 'di ltar 'khor ba'i phyogs dang / mya ngan las 'das pa'i phyogs so/ /sring mo/ thabs zhes bya ba ni gang sgo gnyis ston par byed pa ste/ 'khor ba'i sgo dang / mya ngan las 'das pa'i sgo
370a1 dang / stong pa nyid kyi sgo dang / lta ba las rab tu thar pa'i sgo dang / mtshan ma med pa'i sgo dang / mtshan ma las rnam par thar pa'i sgo dang / smon pa med pa'i sgo dang /
370a2 bsam bzhin du skye ba'i sgo dang / mngon par 'du byed pa med pa'i sgo dang / dge ba mngon par 'du bya ba'i sgo dang / skye ba med pa'i sgo dang / skye ba kun tu ston pa'i sgo dang / 'byung ba med pa'i
370a3 sgo dang / phung po dang / khams dang / skye mched kyi sgo dang / skye ba med cing 'gag pa med pa'i sgo dang / skye ba dang 'byung ba'i sgo dang / dben pa'i sgo dang / sems can yongs su smin par bya
370a4 ba'i sgo dang / chos kyi dbyings kyi sgo dang / chos thams cad so sor srung ba'i sgo dang / nyan thos kyi theg pa'i sgo dang / byang chub sems dpa'i lhag pa'i bsam pa'i sgo dang / rang byang chub kyi
370a5 sgo dang / sangs rgyas kyi chos mi brjed pa'i sgo ste/ sring mo/ byang chub sems dpa' gang sgo gnyis nye bar ston kyang sgo thams cad la'ang chags pa med pa de ni thabs la mkhas pa
370a6 zhes bya'o/ /de bzhin du 'dod chags kyi sgo dang / 'dod chags dang bral ba'i sgo dang / zhe sdang gi sgo dang / zhe sdang dang bral ba'i sgo dang / gti mug gi sgo dang / gti mug dang bral ba'i sgo
370a7 dang / nyon mongs pa'i sgo dang / nyon mongs pa dang bral ba'i sgo dang / 'gro ba thams cad kyi sgo dang / 'gro ba med pa'i sgo ste/ sring mo/ 'di ni byang chub sems dpa'i thabs la mkhas pa'o//
370b1 byis pa so so'i skye bo thams cad kyi spyod pa'i sgo dang / slob pa dang / mi slob pa dang / nyan thos dang / rang sangs rgyas dang / byang chub sems dpa'i spyod pa'i sgo gang yin pa de gnyis shes pa
370b2 gang yin pa 'di ni/ byang chub sems dpa'i thabs la mkhas pa zhes bya'o/ /bam po gnyis pa ste/ tha ma/ yang de'i tshe na bcom ldan 'das bya rgod kyi phung po'i ri'i ngos kyi sman ljongs shig na
370b3 zhabs 'bring byed pa'i dag sbyong tshe dang ldan pa kun dga' bo dang thabs cig tu ring du 'chag pas 'chag cing bzhugs so/ /der bzhugs nas bcom ldan 'das kyis 'jam dpal gzhon nur
370b4 gyur pa la 'jam dpal/ khyod kyis byang chub sems dpa'i brtson 'grus yang dag phul dang / thabs la mkhas pa ji skad bstan pa de ni de bzhin te/ legs so/ /legs so zhes bya ba byin pa
370b5 dang / legs so zhes bya ba'i sgra des stong gsum gyi stong chen po'i 'jig rten gyi khams 'di dbyangs kyis go bar gyur cing / legs so/ /zhes bya ba'i sgra de nyid kyis stong gsum gyi stong chen
370b6 po'i 'jig rten gyi khams 'di rnam pa drug tu rab tu g.yos par yang gyur nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye
370b7 chen po dang / mi dang / mi ma yin pa rnams dang / brgya byin dang / tshangs pa dang / 'jig rten skyong ba mang po dag legs so zhes bya ba'i sgra des bskul nas bcom ldan 'das ga la ba der dong
371a1 ste phyin nas bcom ldan 'das kyi zhabs la mgo bos phyag 'tshal te phyogs gcig tu 'khod do/ /phyogs gcig tu 'khod nas lha dang / klu dang / gnod sbyin dang
371a2 dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa dang / brgya byin dang / tshangs pa dang / 'jig rten skyong ba de dag gis bcom
371a3 ldan 'das la 'di skad ces gsol to/ /bcom ldan 'das/ legs so zhes bgyi ba'i sgra gang gis stong gsum gyis stong chen po'i 'jig rten gyi khams dbyangs kyis go bar mdzad
371a4 pa de bcom ldan 'das kyis su la stsal/ bcom ldan 'das kyis bka' stsal pa/ lha'i bu dag /de ni 'jam dpal gzhon nur gyur pa la'o/ /lha'i bu rnams kyis gsol pa/ bcom
371a5 ldan 'das/ 'jam dpal gzhon nur gyur pa de da ltar gang na mchis/ bcom ldan 'das kyis bka' stsal pa/ lha'i bu dag /'jam dpal gzhon nur gyur pa ni rgyal po'i khab kyi grong khyer
371a6 chen po'i shar phyogs kyi sgo na smad tshong ma'i bu mo gser mchog 'od dpal zhes bya ba dang lhan cig tu chos dang ldan pa'i gtam zer zhing 'dug gi /lha'i bu dag /gang dag chos nyan par
371a7 'dod pa dag kyang der dengs shig /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma
371b1 yin pa dang / brgya byin dang / tshangs pa dang / 'jig rten skyong ba de dag thams cad lhan cig tu 'dus nas 'jam dpal gzhon nur gyur pa ga la ba der dong ste phyin pa dang / lus rags par
371b2 sprul nas me tog gi char rab tu phab ste/ me tog gi char des rgyal po'i khab kyi kho ra khor yug tu me tog chal bar bkram par gyur to/ /de na lha rnams kyis kyang mi rnams mthong zhing /
371b3 mi rnams kyis kyang lha rnams kyang mthong ste/ phan tshun smra bar ni mi byed do/ /de ltar rgyal po'i khab kyi grong khyer chen po nas srog chags brgya stong phrag mang po dag me tog de dag gis kyang
371b4 bskul/ lha'i lus rags pa de dag gis kyang bskul nas 'jam dpal gzhon nur gyur ba ga la ba der dong ngo / /rgyal po ma skyes dgra'ang bud med kyi tshogs rnams kyis bskor te dpung gi tshogs
371b5 yan lag bzhi pa dang lhan cig tu rgyal po'i 'byor ba chen po dang / rgyal po'i mthu chen pos 'jam dpal gzhon nur gyur pa ga la ba der song nas 'khor de dang / rgyal po ma skyes dgra dang /
371b6 rgyal po dang / blon po'i bu rnams dang / tshong dpon dang / khyim bdag gi bu rnams kyis smad tshong ma'i bu mo gser mchog 'od dpal de 'dod chags kyis nyon mongs pa'i kun nas ldang ba
371b7 dang bral te/ dbang po dang spyod lam rab tu zhi zhing dbang po mi g.yeng la ngo tsha shes pa dang / dpal gyis legs par brgyan par mthong ngo / /mthong nas kyang de la phyin chad su'ang 'dod pa'i
372a1 rnam par rtog pa mi skye bar gyur to/ /de nas 'jam dpal gzhon nur gyur pas skye bo'i tshogs chen po de 'dus par rig nas smad tshong ma'i bu mo gser
372a2 mchog 'od dpal la 'di skad ces smras so/ /bu mo/ skye bo'i tshogs chen po thams cad kyis khyod mthong yang phyir zhing chags pa med na/ khyod kyis nyon mongs pa de dag gang du
372a3 bzhag /bu mos smras pa/ 'jam dpal/ sems can thams cad kyi nyon mongs pa rnams ni ye shes dang rnam par grol ba la gnas pa dang / chos kyi dbyings la gnas pa ste/
372a4 de dag kyang ma skyed pa dang / ma bkag pa dang / ma bsgyur bar de ltar bdag gis rtogs so/ /nyon mongs pa'i rang bzhin gang lags pa de'ang bdag gis rtogs lags so/ /'jam
372a5 dpal gyis smras pa/ bu mo/ nyon mongs pa'i rang bzhin de gang yin/ bu mos smras pa/ 'jam dpal/ rtog pa ma mchis shing rnam par rtog pa ma mchis pa'i rang bzhin ni
372a6 nyon mongs pa'i rang bzhin lags so/ /tshul bzhin ma lags pa ma skyes pa'i rang bzhin ni nyon mongs pa'i rang bzhin lags so/ /nyon mongs pa rnams ni glo bur te/ stong pa nyid
372a7 rtogs pa dang lhan cig mi gnas so/ /mtshan ma med pa dang / smon pa med pa shes pa dang lhan cig mi gnas so/ /rang bzhin gyis 'od gsal ba dang lhan cig mi gnas so/ /'jam
372b1 dpal| 'di lta ste/ dper na/ dug drag po'i sbrul gdug pas bltas ba tsam gyis skye bo 'gum par 'gyur ba las der mi zhig gis dug thams cad 'jil ba dang / dug thams cad rab tu
372b2 zhi bar bgyid pa'i sman gnod sel zhes bgyi ba 'tshal te mchis nas de nas sman de bstan ma thag tu sbrul gdug pa'i dug de ma mchis par bgyis nas de la khye'u dang / bu mo rnams rtse
372b3 bas rtse zhing / khye'u dang / bu mo de dag sprul gdug pa de dang lhan cig tu rtse bar bgyid de/ phang par len cing glo la se ral phreng du btags te rgyan du bgyis kyang tshig par mi bgyid/ za
372b4 bar mi bgyid/ sdug bsngal du mi bgyid do/ /'jam dpal/ de bzhin du bdag kyang sngon chos 'dul ba ma thos pas tshul bzhin ma lags pa yid la bgyid pa phyin ci log la nye bar
372b5 gnas pa'i nyon mongs pas yongs su bsregs pa na 'dod chags kyi rang gi lus la chags shing rang gi gzugs la mngon par zhen te/ gzugs dbu ba lta bur so sor rtog par mi bgyid
372b6 lus sgyu ma'i chos nyid du ma 'tshal/ dga' ba'i rtsed mo rmi lam lta bur ma 'tshal/ 'dod pa'i dga' ba'i ro myang ba sbrang rtsi'i thigs pa lta bur ma 'tshal/ srog gi dbang po zil pa'i thigs
372b7 pa lta bur ma 'tshal/ 'du byed thams cad mi rtag par ma 'tshal/ lus mi sdug par ma 'tshal/ 'du byed thams cad shin tu sdug bsngal bar ma 'tshal zhing / chos thams cad bdag
373a1 ma mchis par so sor rtog par mi bgyid de/ bdag kyang mun pa mun nag gis bsgribs shing / gzhan la'ang mun par bgyid/ bdag kyang bcings shing
373a2 gzhan la'ang 'ching bar bgyid pa las/ 'jam dpal/ gang gi tshe bdag gis khyod las chos dang ldan pa'i bka' mchid thos te/ thos nas kyang mos shing mos nas kyang rnam
373a3 par grol te/ de'i slad du bdag da ltar dang / slan chad chags pa'i mig gis su la'ang lta bar mi bgyid do/ /de ci'i slad du zhe na/ 'jam dpal/ snang ba ni mun pa dang lhan cig mi
373a4 gnas so/ /'jam dpal/ de bzhin du 'dod chags dang bral ba ni su'ang nyon mongs pa rnams la chags pa ma mchis pa'i slad du'o/ /de nas yang 'jam dpal gzhon nur gyur
373a5 pa la smad tshong ma'i bu mo gser mchog 'od dpal gyis 'di skad ces smras so/ /kye ma 'jam dpal/ lha'i 'khor dang / mi'i 'khor chen po 'di 'dus kyi/ gang gis lha dang mi
373a6 'di dag gis nyon mongs pa'i rang bzhin de dag rtogs nas sems can rnams la snying rje bas bla na med pa yang dag par rdzogs pa'i byang chub tu sems bskyed par 'gyur ba de lta bu'i
373a7 chos kyi bka' mchid bgyi bar khyod spo bas par mdzod cig /'jam dpal gyis smras pa/ sring mo/ nyon mongs pa'i rang bzhin la ni mos par dka'o/ /de ci'i phyir zhe na/ sring
373b1 mo| |nyon mongs pa'i rang bzhin ni byang chub yin pa'i phyir ro/ /sring mo/ 'di lta ste/ dper na/ me ma sbar ba ni sreg pa'i bdag nyid ma yin no/ /sring mo/ de bzhin du nyon mongs pa'ang yongs
373b2 su ma brtags na/ 'khor ba'i bdag nyid ma yin no/ /sring mo/ 'di lta ste/ dper na/ me sbar ba ni sreg pa'i bdag nyid yin no/ /sring mo/ de bzhin du nyon mongs pa'ang yongs su brtags
373b3 na| 'khor ba'i bdag nyid yin no/ /sring mo/ 'di lta ste/ dper na/ me ni rgyu yod na/ 'bar ro/ /sring mo/ /de bzhin du nyon mongs pa rnams kyang lta ba'i kun nas ldang ba'i rgyu yod na/
373b4 khams gsum du 'bar ro/ /sring mo/ 'di lta ste/ dper na/ me ni rgyu med na/ mi 'bar ro/ /sring mo/ de bzhin du nyon mongs pa rnams kyang lta ba'i kun nas ldang ba'i rgyu med na/ khams
373b5 gsum du mi 'bar ro/ /sring mo/ 'di lta ste/ dper na/ lo stong du 'bar ba'i me la ni skye ba dang / 'bri ba med do/ /sring mo/ de bzhin du bskal pa brgya stong du rgyu ba'i nyon mongs pa la'ang skye pa
373b6 dang / 'bri ba med do/ /sring mo/ /'di lta ste/ dper na/ me shi ba la ni me zhes mi gdags so/ /sring mo/ de bzhin du nyon mongs pa zhi ba la'ang nyon mongs pa zhes mi gdags so/ /sring mo/ 'di
373b7 lta ste| dper na/ nam mkha' gang la me 'bar yang nam mkha' ni me des tshig par mi nus so/ /sring mo/ de bzhin du gang rang bzhin gyis 'od gsal ba la glo bur gyi nyon mongs pa byung yang
374a1 rang bzhin gyis 'od gsal ba de ni glo bur gyi nyon mongs pa des kun nas nyon mongs par byed mi nus so/ /sring mo/ 'di ltar yang gzugs kyi lus la ji ltar
374a2 blta bar bya/ bu mos smras pa/ 'jam dpal/ dper na/ mtsho bran gyi chab kyi nang gi chu zla bzhin du'o/ /'jam dpal gyis smras pa/ bu mo/ phung po rnams ji ltar blta bar bya/ bu
374a3 mos smras pa/ 'jam dpal/ dper na/ de bzhin gshegs pa'i sprul pa bzhin du'o/ /'jam dpal gyis smras pa/ bu mo/ khams rnams ji ltar blta bar bya/ bu mos smras pa/
374a4 'jam dpal/ dper na/ khams gsum bskal pa'i mes bsregs par gyur pa de bzhin du'o/ /'jam dpal gyis smras pa/ bu mo/ skye mched rnams ji ltar blta bar bya/ bu mos
374a5 smras pa| 'jam dpal/ dper na/ mngon par 'du bya ba'i las mngon par 'dus ma bgyis pa bzhin du'o/ /'jam dpal gyis smras pa/ bu mo/ 'khor 'di ji ltar blta bar bya/ bu
374a6 mos smras pa/ 'jam dpal/ dper na/ 'khor 'di ni steng gi nam mkha'i mtshams bzhin du'o/ /'jam dpal gyis smras pa/ bu mo/ khyod ji ltar blta bar bya/ bu mos smras pa/
374a7 'jam dpal/ dper na/ bdag gi pha dang ma gnyis kyi gnyis phrad pa ma mchis pa bzhin du'o/ /'jam dpal gyis smras pa/ bu mo/ nga ji ltar blta bar bya/ bu mos smras pa/ 'jam
374b1 dpal/ dper na/ long ba gzugs la blta ba bzhin du'o/ /'jam dpal gyis smras pa/ bu mo/ khyod kyis chos 'di dag thos sam/ bu mos smras pa/ 'jam dpal/ dper na/ sgyu ma sprul
374b2 pa'i rna ba'i rnam par rig pa lta bus thos lags so/ /'jam dpal gyis smras pa/ bu mo/ khyod bla na med pa yang dag par rdzogs pa'i byang chub 'dod dam/ bu mos smras pa/ 'jam
374b3 dpal| bdag nyid byang chub lags te/ yang 'dod par mi bgyid do/ /'jam dpal gyis smras pa/ bu mo/ khyod kyis sbyin pa'i pha rol tu phyin pa spyad dam/ bu mos smras pa/ 'jam
374b4 dpal| bdag gis nyon mongs pa thams cad gtan du yongs su btang bas spyad lags so/ /'jam dpal gyis smras pa/ bu mo/ khyod kyis tshul khrims kyi pha rol tu phyin pa yongs
374b5 su rdzogs par byas sam/ bu mos smras pa/ 'jam dpal/ nam mkha' yongs su rdzogs pas yongs su rdzogs par bgyis lags so/ /'jam dpal gyis smras pa/ bu mo/ /
374b6 khyod kyis bzod pa'i pha rol tu phyin pa bsgoms sam/ bu mos smras pa/ 'jam dpal/ sems can thams cad skye ba ma mchis pa dang / 'byung ba ma mchis pas bsgoms lags
374b7 so| |'jam dpal gyis smras pa/ bu mo/ khyod kyis brtson 'grus kyi pha rol tu phyin pa brtsams sam/ bu mos smras pa/ 'jam dpal/ chos thams cad thob par bgyi ba ma mchis
375a1 pa'i tshul gyis brtsams lags so/ /'jam dpal gyis smras pa/ bu mo/ khyod kyis bsam gtan gyi pha rol tu phyin pa la gnas sam/ bu mos smras
375a2 pa| 'jam dpal/ chos kyi dbyings gnas pa ma mchis pa'i tshul gyis bdag gnas lags so/ /'jam dpal gyis smras pa/ bu mo/ khyod kyis shes rab kyi pha rol tu phyin pa
375a3 yongs su rdzogs par byas sam/ bu mos smras pa/ 'jam dpal/ lhag chad ma mchis par yongs su rdzogs par bgyis lags so/ /'jam dpal gyis smras pa/ bu mo /
375a4 khyod kyis byams pa bsgoms sam/ bu mos smras pa/ 'jam dpal/ sems can thams cad mi srid pa'i tshul gyis bsgoms lags so/ /'jam dpal gyis smras pa/ bu mo/ byang
375a5 chub sems dpas snying rje chen po gang nas btsal bar bya/ bu mos smras pa/ 'jam dpal/ byang chub sems dpas snying rje chen po ni sems can thams cad kyi nyon mongs pa
375a6 rnams las btsal bar bgyi'o/ /de ci'i slad du zhe na/ gal te sems can rnams kyi nyon mongs pa ma mchis par gyur na/ byang chub sems dpa' yang bla na med pa yang dag
375a7 par rdzogs pa'i byang chub tu sems skye bar mi 'gyur ba'i slad du'o/ /'jam dpal gyis smras pa/ bu mo/ byang chub sems dpas dga' ba ga las btsal bar bya/ bu mos smras
375b1 pa| lhag pa'i bsam pa dang ldan pa'i byang chub kyi sems las so/ /'jam dpal gyis smras pa/ bu mo/ byang chub sems dpa'i btang snyoms ci zhig byed/ bu mos smras pa/ 'jam dpal/
375b2 byang chub sems dpa'i btang snyoms ni sems can thams cad la mi slu ba yongs su rdzogs par bgyid pa dang / chos thams cad la 'gal ba ma mchis par nye bar mchi bar
375b3 bgyid pa'o/ /'jam dpal gyis smras pa/ bu mo/ 'gal ba zhes bya ba ji lta bu yin/ bu mos smras pa/ gang dag ma mchis pa'i nyon mongs pa rnams spang ba'i slad du byang chub la rab tu
375b4 zhugs pa dag go /'jam dpal gyis smras pa/ de dag gang dang 'gal/ bu mos smras pa/ phas kyi rgol ba thams cad dang ngo / /'jam dpal gyis smras pa/ bu mo/ phas kyi rgol
375b5 ba gang dag yin/ bu mos smras pa/ gang dag bzod pa'i rlom sems kyis gzhan la rgol ba dag lags so/ /'jam dpal gyis smras pa/ bu mo/ bzod pa zhes bya ba ga las 'ong / bu
375b6 mos smras pa/ 'jam dpal/ sems can thams cad kyis mtho btsams pa las mchi'o/ /de ci'i slad du zhe na/ mtho btsams pa ma mchis na/ bzod pa ci'ang ma mchis pa'i slad du
375b7 ste| 'jam dpal/ gang la sems can thams cad kyis mtho btsams pa na 'khrug pa ma mchis shing gnod pa mi bgyid pa de bzod pa bsgoms pa lags so/ /'jam dpal gyis smras
376a1 pa| bu mo/ khong khro ba zhes bya ba ji lta bu yin/ bu mos smras pa/ 'jam dpal/ gang gis bskal pa brgyar bsags pa'i dge ba'i rtsa ba rnams la gnod par
376a2 bgyid pa 'di ni/ khong khro ba zhes bgyi'o/ /'jam dpal gyis smras pa/ bu mo| khong khro ba med pa zhes bya ba ji lta bu yin/ bu mos smras pa/ 'jam dpal/ gang gis sems la
376a3 zhe 'gras pa ma mchis shing yul thams cad la gnod pa mi bgyid pa ste/ de ni bzod pa lags par rig par bgyi'o/ /'jam dpal gyis smras pa/ bu mo/ ji ltar na/ byang chub
376a4 sems dpa' g.yul las rnam par rgyal ba yin/ bu mos smras pa/ 'jam dpal/ gang chos thams cad la rnam par 'byed kyang mi dmigs pa lags so/ /'jam dpal gyis smras
376a5 pa| bu mo/ ji ltar na byang chub sems dpa' bdud phyir rgol ba bcom pa yin/ bu mos smras pa/ gang bdud thams cad 'dul bar bgyid kyang nyon mongs pa ma mchis pa ste/ de ci'i
376a6 slad du zhe na/ 'jam dpal/ byang chub sems dpa' ni phung po rnams ston kyang phung po'i nyon mongs pa rnams dang lhan cig mi gnas pa dang / 'jam dpal/ byang chub sems
376a7 dpa' ni nyon mongs pa rnams ston kyang rang bzhin chos nyid kyis chags pa ma mchis pa dang / 'jam dpal/ byang chub sems dpa' sems can yongs su smin par bgyi ba'i slad
376b1 du rga ba dang / 'chi ba ston kyang chos thams cad la 'chi 'pho ba dang / 'gro ba ma mchis par rab tu rtogs pa dang / 'jam dpal/ byang chub sems dpa' ni lha'i bu dag ston kyang phrag
376b2 dog dang / rlom sems thams cad dang bral ba'i slad du'o/ /'jam dpal gyis smras pa/ bu mo/ byang chub sems dpa' ji ltar sems can yongs su smin par byed/ bu mos smras pa/
376b3 'jam dpal/ byang chub sems dpas shes rab dang thabs yongs su sgom pas sems can yongs su smin par bgyid do/ /'jam dpal gyis smras pa/ bu mo /byang chub sems dpas
376b4 ji ltar sems can thams cad kyi drung du gnas par bya/ bu mos smras pa/ 'jam dpal/ rang gi sems dang shes pa yongs su sgom pas byang chub sems dpas sems can thams
376b5 cad kyi drung du gnas par bgyi'o/ /'jam dpal gyis smras pa/ bu mo/ 'khor 'di ni khyod la chos nyan par 'dod do/ /bu mos smras pa/ 'jam dpal/ gang du bdag dang gzhan gyi
376b6 'du shes 'jug pa de ni nyan par 'tshal ba ma lags la/ gang la rna ba'i rnam par rig pas rnam par shes pa 'jug pa'am nyan par 'tshal ba ma lags so/ /'jam dpal gyis
376b7 smras pa| bu mo/ chos nyan par 'dod pa zhes bya ba ji lta bu yin/ bu mos smras pa/ 'jam dpal/ gang gi tshe rang gi lus la rmi lam gyi mi lta bur mos pa dang / chos ston pa la sgyu ma'i
377a1 mi lta bur mos pa dang / bstan pa'i chos de la'ang brag ca'i sgra skad lta bur mos shing / mos pa dang / rnam par grol ba la'ang gnyis su mi bgyid pa de tsam
377a2 gyis na| chos nyan par 'tshal pa lags so/ /'jam dpal gyis smras pa/ bu mo/ chos ji ltar mnyan par bya/ bu mos smras pa/ chos la rton pa la nan tan bgyid pas chos
377a3 mnyan par bgyi'o/ /de nas 'jam dpal gzhon nur gyur pa'i byin gyi rlabs dang / rang gi dge ba'i rtsa ba bsags pa'i shes rab kyis smad tshong ma'i bu mo gser mchog 'od
377a4 dpal gyis de lta de ltar chos bstan pa na 'khor de las srog chags khri nyis ston gis bla na med pa yang dag par rdzogs pa'i byang chub tu sems bskyed par gyur to/ /byang chub sems
377a5 dpa'i theg pa ma sngon dge ba'i rtsa ba bsags pa'i lha dang mi lnga brgyas ni mi skye ba'i chos la bzod pa thob par gyur to/ /srog chags sum khri nyis stong ni chos rnams la chos kyi
377a6 mig rdul med cing dri ma dang bral ba rnam par dag go /bu mo de'ang chos nyan pa'i dga' ba dang / mchog tu dga' bas chos rnams la rjes su mthun pa'i bzod pa thob par gyur to/ /
377a7 des bzod pa thob nas 'jam dpal gzhon nur gyur pa'i rkang pa la gtugs te 'jam dpal/ thugs brtse ba'i slad du bdag rab tu dbyung du gsol/ tshul bzhin ma lags par
377b1 bskyed pa/ 'phags pa ma lags pa/ 'phags pa'i chos las nyams par bgyid pa'i lus 'di las thar par mdzad du gsol zhes rab tu 'byung bar gsol ba btab bo/ /'jam
377b2 dpal gyis smras pa/ sring mo/ 'di lta ste/ mgo'i skra 'breg pa de ni byang chub sems dpa'i rab tu 'byung ba ma yin no/ /de ci'i phyir zhe na/ bu mo/ gang sems can thams cad kyi nyon
377b3 mongs pa gcad pa'i phyir brtson pa de ni byang chub sems dpa'i rab tu 'byung ba yin pa'i phyir ro/ /bu mo/ gang gos ngur smrig 'chang ba de ni byang chub sems dpa'i rab tu 'byung ba ma
377b4 yin gyi| bu mo/ gang bdag nyid kyang bslab pa dang / tshul khrims yang dag par blangs la/ tshul khrims 'chal pa'i sems can rnams kyang tshul khrims kyi sdom pa dang / brtul zhugs la
377b5 yang dag par sbyor bar byed pa de ni byang chub sems dpa'i rab tu 'byung ba yin no/ /bu mo/ gang bdag nyid dben par gnas pa de ni byang chub sems dpa'i rab tu 'byung ba ma yin gyi/
377b6 bu mo| |gang 'gro ba lnga'i 'khor ba na rnam par rgyug pa'i sems can rnams dben pa shes pa la 'god par byed pa de ni byang chub sems dpa'i rab tu 'byung ba yin no/ /kha dog dang /
377b7 gzugs kyi rtags dang / spyod lam gyi dbyibs ni byang chub sems dpa'i rab tu 'byung ba ma yin gyi/ sems can gzhan dang / gang zag gzhan dag la byams pa dang / snying rje'i sems
378a1 bskyed pa ni byang chub sems dpa'i rab tu 'byung ba yin no/ /bdag gi dge ba'i rtsa ba bskyed pa ni byang chub sems dpa'i rab tu 'byung ba ma yin gyi/
378a2 sems can gzhan gyi dge ba'i rtsa ba bskyed pa ni byang chub sems dpa'i rab tu 'byung ba yin no/ /bdag yongs su mya ngan las 'da' ba'i lhag pa'i bsam pa la gus pa ni byang
378a3 chub sems dpa'i rab tu 'byung ba ma yin gyi/ sems can gzhan yongs su mya ngan las bzla ba'i lhag pa'i bsam par gus pa ni byang chub sems dpa'i rab tu 'byung ba
378a4 yin no| |bdag gi nyon mongs pa zhi bar byed pa ni byang chub sems dpa'i rab tu 'byung ba ma yin gyi/ sems can thams cad kyi nyon mongs pa zhi bar byed pa ni byang chub sems
378a5 dpa'i rab tu 'byung ba yin no/ /bdag gi sems rjes su srung ba ni byang chub sems dpa'i rab tu 'byung ba ma yin gyi/ sems can thams cad kyi sems rjes su srung pa ni byang
378a6 chub sems dpa'i rab tu 'byung ba yin no/ /bdag thar par bya ba la brtson pa ni byang chub sems dpa'i rab tu 'byung ba ma yin gyi/ sems can thams cad thar par bya ba la
378a7 brtson pa ni byang chub sems dpa'i rab tu 'byung ba yin no/ /bu mo/ 'khor bas skyo ba ni byang chub sems dpa'i rab tu 'byung ba ma yin gyi/ sems can thams cad 'khor ba las
378b1 sgrol bar bya ba la dga' ba ni byang chub sems dpa'i rab tu 'byung ba yin no/ /bu mo/ mya ngan las 'da' ba la dga' ba ni byang chub sems dpa'i rab tu 'byung ba ma yin gyi/
378b2 sangs rgyas kyi chos thams cad yongs su rdzogs par byed pa ni byang chub sems dpa'i rab tu 'byung ba yin no/ /bu mo/ rab tu 'byung ba zhes bya ba de ni sems can gzhan
378b3 dag la snying rje che ba zhes bya ba'i tshig bla dwags so/ /bu mo/ rab tu 'byung ba zhes bya ba de ni gzhan gyi 'khrul pa la skyon du mi lta ba zhes bya ba'i tshig bla dwags so/ /bu mo/ rab tu
378b4 'byung ba zhes bya ba de ni gzhan gyi rnyed pa la phrag dog med pa zhes bya ba'i tshig bla dwags so/ /bu mo/ rab tu 'byung ba zhes bya ba de ni bdag dang gzhan la gdung pa med pa zhes bya ba'i
378b5 tshig bla dwags so/ /bu mo/ rab tu 'byung ba zhes bya ba de ni/ gzhan la mi smod pa zhes bya ba'i tshig bla dwags so/ /bu mo/ rab tu 'byung ba zhes bya ba de ni gzhan la bsten pa zhes bya
378b6 ba'i tshig bla dwags so/ /bu mo/ rab tu 'byung ba zhes bya ba de ni gzhan gyi ltung ba mi gleng ba zhes bya ba'i tshig bla dwags so/ /bu mo/ rab tu 'byung ba zhes bya ba de ni nyes pa thams cad
378b7 las 'byin pa zhes bya ba'i tshig bla dwags so/ /bu mo/ byang chub sems dpa'i rab tu 'byung ba ni gzhan la rag las pa yin te/ byang chub sems dpas gzhan la rag ma las par bya'o/
379a1 bu mos smras pa/ 'jam dpal/ ji ltar na/ byang chub sems dpa'i rab tu 'byung ba gzhan la rag las pa lags/ 'jam dpal gyis smras pa/ bu mo
379a2 rab tu 'byung ba tshul khrims la rag las pa yin te/ tshul khrims 'chal pa la ni rab tu 'byung ba ci'ang med do/ /bu mo/ rab tu 'byung ba ni ting nge 'dzin la rag las pa yin
379a3 te| brjed ngas pa la ni rab tu 'byung ba ci'ang med do/ /bu mo/ rab tu 'byung ba ni shes rab la rag las pa yin te/ shes rab 'chal pa la ni rab tu 'byung ba ci'ang med do/ /
379a4 bu mo| rab tu 'byung ba ni rnam par grol ba la rag las pa yin te/ sems rnam par ma grol ba la ni/ rab tu 'byung ba ci'ang med do/ /bu mo/ rab tu 'byung ba ni rnam par grol ba'i ye
379a5 shes mthong ba la rag las pa yin te/ rnam par grol ba'i ye shes mthong ba med pa la ni rab tu 'byung ba ci'ang med do/ /bu mos smras pa/ 'jam dpal/ ji ltar na/ byang chub
379a6 sems dpa'i rab tu 'byung ba gzhan la reg las pa ma mchis pa lags/ 'jam dpal gyis smras pa/ bu mo/ byang chub sems dpa' ni gzhan gyi dring mi 'jog pas na/ gzhan
379a7 la rag las pa med pa ste/ rang gi kun shes pa'i ye shes kyis 'dis gang ci shes pa de bdag gis kyang shes la/ 'di gang ci smra ba de bdag kyang smra'o zhes gzhan dag gi ngor
379b1 mi lta bas na/ gzhan la rag las pa med pa yin no/ /'jam dpal/ gzhon nur gyur pas rab tu 'byung ba'i le'u'i chos kyi rnam grangs 'di bshad pa na/ legs par bshad pa'i
379b2 phyir byang chub sems dpa' lnga brgyas rang rang gi gos dang rgyan thams cad lus las phud de/ 'jam dpal gzhon nur gyur pa la phul nas 'di skad ces smras so/ /'jam dpal/
379b3 khyed kyis byang chub sems dpa' rnams kyi rab tu 'byung ba legs par bshad de/ bdag cag rnams kyis kyang rab tu 'byung ba 'di bsgrub par bgyi'o/ /de nas 'jam dpal
379b4 gzhon nur gyur pas smad tshong ma'i bu mo gser mchog 'od dpal la 'di skad ces smras so/ /bu mo/ khyod rta'i shing rta 'di la zhon la/ tshong dpon gyi bu 'jigs byin la snying
379b5 brtse ba'i phyir yongs su smin par gyis shig dang / de nyid kyis khyod rab tu 'byung ba dang / bsnyen par rdzogs par 'gyur ro/ /de nas skye bo phal po che de dag 'di snyam du sems te/
379b6 'dod chags dang bral ba dang / 'dod chags dang ma bral ba gnyis lhan cig gnas su ji ltar rung snyam mo/ /de nas bu mo des skye bo phal po che de dag gi sems kyi yongs su rtog pa sems
379b7 kyis shes nas skye bo phal po che de dag la 'di skad ces smras so/ /grogs po dag /'dod chags dang bral ba'i byang chub sems dpa' ni 'dod chags dang bcas pa'i sems can
380a1 rnams dang lhan cig gnas kyang kha na ma tho ba med la/ 'dod chags dang bcas pa'i sems can rnams kyang 'dul bar byed do/ /grogs po dag /zhe sdang dang bral
380a2 ba'i byang chub sems dpa' ni zhe sdang dang bcas pa'i sems can rnams dang lhan cig gnas kyang kha na ma tho ba med la/ zhe sdang dang bcas pa'i sems can rnams kyang 'dul bar byed do/ /
380a3 grogs po dag /gti mug dang bral ba'i byang chub sems dpa' ni gti mug dang bcas pa'i sems can rnams dang lhan cig gnas kyang kha na ma tho ba med la/ gti mug dang bcas pa'i
380a4 sems can rnams kyang 'dul bar byed do/ /grogs po dag /nyon mongs pa dang bral ba'i byang chub sems dpa' ni nyon mongs pa dang bcas pa'i sems can rnams dang lhan cig gnas kyang
380a5 kha na ma tho ba med la/ nyon mongs pa dang bcas pa'i sems can rnams kyang 'dul bar byed do/ /grogs po dag /'di lta ste/ dper na/ ma ni bu dang lhan cig gnas kyang chags pa med
380a6 do| |grogs po dag /de bzhin du byang chub sems dpa' yang sems can thams cad dang lhan cig gnas kyang chags pa med do/ /grogs po dag /'di lta ste/ dper na/ bcings pa
380a7 las bkrol ba'i mi ni 'dod chags kyi kun tu spyad pa la mi spyod do/ /grogs po dag /de bzhin du byang chub sems dpa' yang khams gsum pa dag 'ching ba dang / 'obs lta bur
380b1 'du shes pas chags pa med do/ /de nas smad tshong ma'i bu mo gser mchog 'od dpal chos kyi 'bab stegs su ni zhugs/ gting ni rnyed/ thang la ni phyin/ ma rig pa'i mun pa dang ni
380b2 bral te srid pa'i skyon gyi nyon mongs pa 'jigs par lta ba ni legs par mthong nas 'jam dpal gzhon nur gyur pa'i rkang pa la mgo bos phyag 'tshal te lan gsum bskor ba byas
380b3 nas shing rta la zhon khar tshigs su bcad pa 'di dag smras so/ /rang bzhin rnam dag chags pas ma chags shing / /rtag tu byams sems snang bas sdang ba med/ /shes rab snang shar gti
380b4 mug rmongs bral ba/ /nyon mongs med par shing rta bzhon par bya/ /gang gis sngon chad bdag ni rgyal gyur cig /nor chags tshong dpon bu dang lhan cig tu/ /shing rtar zhugs nas skyed mos
380b5 tshal song ba/ /'dod pa'i rnam rtog de dag gang du song / /ji ltar sprin tshogs stug pos sa khebs na/ /nyi ma'i 'od zer lham me lhan ner min/ /'on kyang 'od zer de dag gar mi 'gro /sprin
380b6 gyis bsgribs pas snang ba med du zad/ /de bzhin nyon mongs bsgribs pas byis pa kun/ /shes rab snang la blo skye med pa yang / /shes rab yul gang na yang gnas pa med/ /nyon mongs
380b7 yongs su shes pas shes rab snang / /nyon mongs gang nas 'ong ba'ang ma yin zhing / /yul gyi phyogs dang char yang ma yin te/ /tshul bzhin ma yin pa las nyon mongs 'byung / /tshul
381a1 bzhin gyis ni de dag 'byung mi 'gyur/ /bor ba med cing blangs pa'ang yod ma yin/ /bskyed pa med cing bkag pa'ang yod ma yin/ /gzhan la ma byin 'phrog
381a2 pa'ang ma yin te/ /chos mnyam nyid kyis bdag kyang rnam par dag /'bru mar sgron ma mun par byung ba na/ /mun pa phyogs su 'dong ba med pa ltar/ /shes rab kyis ni mun pa med
381a3 gyur na| |nyon mongs zad gyur med cing 'byung ba'ang med/ /ji ltar sman pas nad pa gso ba na/ /de yi khams ni 'jigs par mi byed kyang / /de yi glo bur nad ni zhi bar 'gyur/ /
381a4 nad rnams gzhar yang 'byung ba med pa ltar/ /de bzhin sman pa'i dam pa 'jam dbyangs kyis/ /rigs pa'i tshul mkhyen sbyor ba sna tshogs kyi/ /sems can nyon mongs nye
381a5 bar zhi mdzad kyang / /chos rnams rnam par 'jig par mdzad pa med/ /phung po 'di dang khams rnams 'di dag dang / /skye mched 'di rnams gtan du 'gyur ba med/ /gang dag
381a6 sngon chad nyes ldan dug bcas pa/ /de dag de ni dug med 'gyur ba med/ /de nas smad tshong ma'i bu mo gser mchog 'od dpal gyis tshogs su bcad pa de dag smras nas yang
381a7 'jam dpal gzhon nur gyur pa'i rkang pa la mgo bos phyag byas te/ yang 'jam dpal gzhon nur gyur pa la bskor ba byas nas tshong dpon gyi bu 'jigs byin dang lhan cig tu
381b1 shing rta la zhon te/ de lta bu'i 'byor pa nyid kyis skyed mos tshal gyi sar song ngo / /'jam dpal gzhon nur gyur pas kyang thams cad dang ldan pa'i 'khor de la chos dang ldan pa'i
381b2 gtam gyis yang dag par bstan/ yang dag par 'dzin du bcug/ yang dag par gzengs bstod/ /yang dag par rab tu dga' bar byas so/ /yang dag par bstan/ yang dag par
381b3 'dzin du bcug /yang dag par gzengs bstod/ yang dag par rab tu dga' bar byas nas de dag la 'di skad ces smras so/ /grogs po dag /gang dag chos nyan par dga' ba rnams
381b4 de'ang phyi dro'i dus kyi tshe de bzhin gshegs pa'i spyan sngar dengs shig /de skad ces smras nas sa phyogs de nas langs te/ rang rang gi gnas ga la ba de logs su song ngo / /de nas smad
381b5 tshong ma'i bu mo gser mchog 'od dpal dang / tshong dpon gyi bu 'jigs byin gnyis lhan cig tu skyed mos tshal du phyin pa dang / der me tog chal bar bkram ste bdug pas bdugs /
381b6 bla bre bres nas gdugs dang / rgyal mtshan dang / ba dan sna tshogs kyis legs par brgyan te bza' btung 'byor pa dag kyang bshams nas dga' ba'i rtsed mo dang rjes su mthun pa'i
381b7 sil snyan dang / pheg rdob par glu dbyangs len par byed cing skyed mos tshal na gnas par gyur to/ /de dag gis zos shing 'thungs nas rab tu myos par gyur ba dang / smad tshong ma'i bu
382a1 mo gser mchog 'od dpal tshong dpon gyi bu 'jigs byin gyi phang bar sngas bcas te nyal lo/ /de nas bu mo des mngon par shes pa'i stobs kyis rang
382a2 gi lus rnyis par bstan nas des 'chi ba'i 'du shes bskyed de/ de'i lus thams cad mi sdug par gyur nas ro myags pa 'dra bar snang zhing / de'i rna ba'i bu ga gnyis dang / mig
382a3 gi dbang po dang / sna'i nang nas mi gtsang pa dri mi zhim pa dag 'byung zhing byung nas kyang lus thams cad la khyab par gyur to/ /de'i kha'i nang nas kyang dri mnam po dag byung ste/ dri
382a4 mnam po de dag gis skyed mos tshal de thams cad kyang khyab par gyur to/ /spu'i khung bu thams cad nas kyang khrag dang rang mnam po dag 'dzag go /lto ba dang lte ba'i dbus rdol
382a5 ba nas kyang mtsher ba dang rgyu ma thams cad byung ngo / /rkub dang 'doms nas kyang bshang gci dag 'byung zhing 'dzag go /de'i spyi bo nas kyang klad pa 'dzag go/ rkang lag gi sor
382a6 mo rnams la'ang sbrang ma sngon po dag rgyu bar gyur to/ /de nas tshong dpon gyi bu 'jigs byin gyis bu mo de'i lus la de lta bu'i gnas skabs su gyur pa dag mthong ngo / /mthong nas
382a7 kyang 'jigs skrag ste yi chad cing skyabs med rten med dpung gnyen med par gyur nas skyabs tshol zhing 'jigs pa chen pos skrag par gyur nas 'dar zhing cho nges 'debs par gyur to/ /
382b1 de 'jigs pa chen po skyes pa'i rgyu ni gnyis te/ so so'i skye bo nyid yin pa dang / 'jigs pa'i skyon de dag mthong ba'o/ /bdag re zhig na bu mo 'di'i le lan gyis rgyal po ma skyes
382b2 dgras gsad par 'ong ngo snyam nas des bu mo de phang pa nas dor ba dang 'bros par brtsams na'ang ma nus so/ /de'i 'khor thams cad kyis kyang 'jigs su rung ba'i 'jigs pa
382b3 chen po de mthong nas bros par gyur to/ /de nas de gcig pu grogs med par de na shin tu 'jigs shing skrag nas bdag 'jigs skrag chen po 'di las yongs su thar par byed pa
382b4 lha'am| klu'am/ gnod sbyin nam/ dri za'am/ lha ma yin nam/ nam mkha' lding ngam/ mi'am ci'am/ lto 'phye chen po'am/ mi'am/ mi ma yin pa'am/ dge slong ngam/
382b5 bram ze su yod snyam sems shing 'dug go /tshong dpon gyi bu de dang dge ba'i rtsa ba yongs su ma smin pas 'jam dpal gzhon nur gyur pas bu mo de la chos bshad pa dag kyang
382b6 ma thos mi shes so/ /de nas 'jam dpal gzhon nur gyur pa'i byin gyi rlabs kyis skyed mos tshal de'i shing ljon pa thams cad las tshigs su bcad pa 'di dag byung ngo / /'jig
382b7 rten thams cad yang dag min/ /ji ltar sgyu ma mthong ba bzhin/ /khye'us ji ltar mthong gyur pa/ /chos rnams rang bzhin de yin no/ /sha dang khrag gis bskus pa ni/ /byis pa rnams
383a1 kyi 'khrul ba ste/ /yang dag min der rnam brtags nas/ /mi mkhas byis pa chags par byed/ /ji ltar mi mkhas mi zhig ni/ /dri nga gla rtsi'i bum pa la/ /
383a2 phyi rol ri mo bris pa zhig /mgo la khyer te song pa las/ /'gro ba de yi de yang ni/ /de las lhung ste chag gyur nas/ /dri nga gla rtsi'i mthong gyur te/ /chags pa med cing 'bros pa ltar/ /de
383a3 bzhin byis pa mi mkhas pa/ /bud med rnams la yid zhen cing / /kha dog gzugs dang dbyibs rnams la/ /brtags nas de la chags par byed/ /lus kyi rang bzhin gang yin pa/ /de
383a4 la khye'u khyod rab rtogs shig /dur khrod rul pa'i dri la ni/ /mkhas pa su zhig chags par 'gyur/ /yang dag min la 'jigs med kyi/ /khyod ni 'jigs par ma byed par/ /gang la
383a5 khyod sngon brgya la gyur pa'i/ /chos rnams kyi ni rang bzhin ltos/ /chos kyi dam pa ston mdzad cing / /'jigs gyur 'jigs pa sel mdzad pa/ /shAkya seng+ge zhes bya ba'i/ /ston pa yang
383a6 dag byung ba yod/ /'dod pa mi rtag mi brtan pa/ /glog 'od snang ba ji bzhin te/ /snang yang yang dag ma yin pas/ /mkhas pa de la chags pa med/ /ji ltar chu ni 'khrugs pa las/ /
383a7 dbu brdos pa byung ba yang / /rgyu yi sbyor las skyes pa ste/ /de la byed pa po yang med/ /de bzhin ming dang gzugs rnams kyang / /las kyi sbyor las skyes pa ste/ /rgyu las byung ba yin pas
383b1 na| |byed pa po ni gang yang med/ /kha dog bzang po gar song zhing / /gang gis khyod 'dir skrag pa yi/ /mi gtsang ba yang ga las 'ongs/ /khye'u khyod de la mngon sum gyis/ /chos rnams yul na
383b2 mi gnas shing / /de dag phyogs nas 'ongs pa med/ /'ong ba med cing 'gro med kyang / /de dag rang bzhin ston par byed/ /'di la byed pa po med cing / /tshor ba po yang 'di la med/ /byed
383b3 med tshor ba po med pa'i/ /chos rnams sgyu 'dra dngos po med/ /rang gi lus la rtogs shig dang / /de yang 'di dang 'dra bas na/ /khye'u khyod gzhan gyi lus kyis ni/ /'dir yang skrag par
383b4 ma byed cig /ji ltar rmi lam rmis pa na/ /rtsed mo byed cing dga' bltar/ /de bzhin dga' ba'i rtsed mo kun/ /rmi lam rtsed mo byas dang 'dra/ /shAkya seng+ge'i spyan sngar ni/ /khye'u khyod 'gro bar gyis
383b5 shig dang / /des ni khye'u khyod 'jigs dang skrag /rtsa dang bcas te 'byin par 'gyur/ /pha ma khyod kyi skyabs ma yin/ /mdza' bshes rtsa lag rnams kyang min/ /de dag gis ni khyod por
383b6 nas| |ji ltar 'dod pa bzhin du 'gro /'jigs gyur 'jigs pa sel mdzad cing / /skyabs med skyob pa'i sangs rgyas dang / /chos dang tshogs mchog dge 'dun la/ /der ni skyabs su
383b7 'gro bar gyis/ /lha dang dri za mi rnams las/ /gang dag de la skyabs song ba/ /'jigs pa kun las thar par 'gyur/ /bde ba rnyed par dka' ba med/ /de nas tshong dpon gyi khye'u des
384a1 tshigs su bcad pa de dag thos nas dga' mgu zhing yid rangs te 'jigs skrag pa dang bral nas dga' ba dang / mchog tu dga' ba skyes te/ shi ba'i
384a2 ro myags pa de bor nas nags khrod de nas byung ngo / /de nas bcom ldan 'das kyis tshong dpon gyi bu de gdul ba'i dbang gi phyir sku las 'od rab tu phyung ste/ 'od des yul ma ga d+ha
384a3 thams cad snang bas khyab par gyur to/ /khye'u des de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor 'char ba dang 'dra ba/ gzi
384a4 brjid dang dpal gyis 'bar ba/ mdzes pa/ dga' bar bya ba/ dbang po zhi ba/ thugs zhi ba/ dul ba mchog /mtshungs pa med pa/ dam pa'i mchog brnyes pa/ gser gyi
384a5 mchod sdong ltar mngon du 'bar ba/ glang po che ltar dbang po thul cing bsrungs ba/ mtsho ltar dwangs shing gsal la rnyog pa med pa/ skyes bu chen po'i mtshan sum cu rtsa gnyis kyis
384a6 brgyan ba/ nyan thos kyi tshogs kyis yongs su bskor nas chos ston cing bzhugs par bya ba ring po nas mthong ngo / /de'i lam bkra ba/ blta na sdug pa/ rin po che'i lan kan bres pa/
384a7 me tog bkram pa zhig kyang byung bar gyur to/ /lha'i dbang po brgya byin yang khye'u de'i mdun du 'greng nas khye'u de la 'di skad ces smras so/ /khye'u/ khyod kyis de bzhin gshegs pa
384b1 mthong nas sems rab tu dang bar gyur pa ni/ rnyed pa legs par rnyed pa yin no/ /de bzhin gshegs pa'ang khyod nyid la dgongs kyi/ khye'u/ khyod lam 'dir zhugs la de bzhin gshegs
384b2 pa'i spyan sngar song zhig /de nas khye'u de lha'i dbang po brgya byin dang lhan cig tu bcom ldan 'das ga la ba der song ngo / /de nas lha'i dbang po brgya byin gyis khye'u de la khye'u/ khyod kyis me
384b3 tog 'di dag gis de bzhin gshegs pa la mngon par gtor cig ces me tog man+dA ra ba thu ba gang byin no/ /de nas khye'u des me tog de dag bcom ldan 'das la mngon par gtor to /gtor
384b4 nas bcom ldan 'das kyi zhabs la mgo bos phyag btsal te lan gsum bskor ba byas nas bcom ldan 'das kyi spyan sngar 'dug ste bcom ldan 'das la 'di skad ces gsol to/ /
384b5 bdag bcom ldan 'das dang / chos dang / dge slong gi dge 'dun la skyabs su mchi'o/ /bdag gi dge ba'i rtsa ba 'di'ang bla na med pa yang dag par rdzogs pa'i byang chub tu yongs su
384b6 bsngo bar bgyi'o/ /bcom ldan 'das/ bdag gis yul gyi bzang mo rgyal pos thugs su chud pa gser mchog 'od dpal zhes bgyi ba zhig dga' bar rtse ba'i slad du skyed mos tshal
384b7 du khrid pa las/ bcom ldan 'das/ de mdog yal zhing lus myags te nye du'i tshogs thams cad kyis kyang spangs nas bdag kyang 'jigs pa chen po skyes na/ bcom ldan 'das/
385a1 'di'i le lan gyis bdag rgyal pos bkum du mi mchi lags sam/ bcom ldan 'das kyis bka' stsal pa/ khye'u /ma dogs shig /sangs rgyas la skyabs su
385a2 song ba rnams la 'jigs pa phyis mi 'byung bas ngas khyod mi 'jigs pas mgron du gnyer gyi 'jigs pa ma skyed cig /khye'u/ de lta mod kyi gzhi gang las 'jigs pa dang / skrag
385a3 par gyur pa'i gzhi de yongs su spongs shig /gsol pa/ bcom ldan 'das/ 'jigs pa dang / skrag par 'gyur ba'i gzhi gang lags/ bcom ldan 'das kyis bka' stsal pa/
385a4 khye'u| 'dod chags dang / zhe sdang dang / gti mug ni 'jigs pa dang / skrag par 'gyur ba'i gzhi'o/ /nga'o snyam pa'i nga rgyal ni gzhi'o/ /lta ba'i kun nas ldang ba ni gzhi'o/ /
385a5 sred pas lhag par chags pa ni gzhi'o/ /ngar 'dzin pa dang / nga yir 'dzin pa ni gzhi'o/ /dngos po la mngon par zhen pa ni gzhi'o/ /yongs su 'dzin pa dang / rtsod pa ni gzhi'o/ /
385a6 'jig tshogs la lta ba'i 'ching ba ni gzhi'o/ /mi rtag pa la rtag par 'du shes pa ni gzhi'o/ /sdug bsngal ba la bde bar 'du shes pa ni gzhi'o/ /mi sdug pa la sdug par 'du
385a7 shes pa ni gzhi'o/ /bdag med pa la bdag tu 'du shes pa ni gzhi'o/ /phung po rnams la yongs su 'dzin pa'i 'du shes ni gzhi'o/ /khams la so sor mi rtog pa ni gzhi'o/ /
385b1 skye mched rnams yongs su mi shes pa ni gzhi'o/ /lus la skyon du mi lta ba ni gzhi'o/ /srog la mngon par dga' ba ni gzhi ste/ khye'u/ gzhi de dag las 'jigs pa dang / skrag pa
385b2 'byung bas de dag spang bar bya'o/ /khye'u/ khyod kyi bu mo de'i lus rnam par zhig pa mthong ngam/ gsol pa/ bcom ldan 'das/ bdag gis mthong lags so/ /bcom ldan 'das kyis
385b3 bka' stsal pa/ khye'u/ 'dus byas thams cad ni de ltar mi rtag pa/ sdug bsngal ba/ bdag med pa/ rnam par 'gyur ba'i chos can/ mi brtan pa/ ther zug ma yin pa/ byis pa
385b4 'drid pa| log pa las byung ba/ g.yo ba med pa/ rnam par bsgrubs pa ste/ med pa las snang bas sgyu ma lta bu'o/ /ro myang ba chung bas rmi lam lta bu'o/ /'khrul par snang bas smig rgyu lta
385b5 bu'o| |gzod ma nas ma skyes pas mig yor lta bu'o/ /las kyi rnam par smin pas chud mi za ba'i tshul gyis gzugs brnyan lta bu'o/ /'pho ba med pa'i tshul gyis chu zla lta bu'o/ /sgra
385b6 med pa las sgrar go bar byed pas brag ca lta bu'o/ /mngon par 'du byed pa med pa'i sgo yin pas grib ma'i gzugs lta bu'o/ /rang bzhin gyis ya ma brla yin pas chang ba stong pa lta bu'o//
385b7 gzung du med pa'o/ /rlung dang mtshungs pa'o/ /rdzun pa'o/ /gzhi med pa'o/ /gsog go /'grib pa med pa'o/ /rdzogs pa med pa'o/ /khye'u/ de ltar na/ chos thams cad bdag po med pa ste/
386a1 de la khyod mngon par zhen par mi bya'o/ /khye'u/ de ji snyam du sems/ khyod kyi 'dod pa dang ldan pa'i rtog pa dang / dpyod pa gang yin pa de dag ji ltar
386a2 mthong / khye'us gsol pa/ bcom ldan 'das/ byis pa so so'i skye bo rnams kyi 'dod chags ni kha dog dang dbyibs bzang po las yongs su brtags pas skye lags so/ /de
386a3 ni 'phags pa'i chos 'dul bas mi gtsang ba la sogs par so sor brtags pas mi 'byung ste/ bcom ldan 'das/ de las mi rtog na 'dod chags kyi kun 'byung ba kun tu
386a4 'byung bar mi 'gyur lags so/ /bcom ldan 'das kyis bka' stsal pa/ khye'u/ legs so lags so/ /'di lta ste/ mi rtog cing rnam par mi rtog pa 'di ni 'dod chags kyi
386a5 rang bzhin yin no/ /khye'u/ khyod kyis bdag tu lta ba med pa dang / gzhan du lta bar sgro 'dogs pa med par chos la tshul bzhin du sems par brtson par bya'o/ /khye'us gsol pa/
386a6 bcom ldan 'das/ ji ltar na/ byang chub sems dpa' chos la tshul bzhin du sems par brtson pa lags/ bcom ldan 'das kyis bka' stsal pa/ khye'u/ byang chub sems dpa' ni 'dod
386a7 chags kyi rang bzhin gyis byang chub yongs su tshol lo/ /khye'u/ de bzhin du byang chub sems dpa' ni zhe sdang gi rang bzhin dang / gti mug gi rang bzhin dang / nyon mongs pa thams
386b1 cad kyi rang bzhin gyis byang chub yongs su tshol lo/ /khye'u/ ji ltar 'dod chags dang / zhe sdang dang / gti mug dngos po med pa de ltar chos thams cad la byang chub sems dpa'i shes pa
386b2 'jug go /khye'u| 'dod chags dang / zhe sdang dang / gti mug rnams ni rtsa ba med pa/ gnas med pa/ gzhi med pa/ byed pa po med pa/ tshor ba po med pa/ nang dang phyi rol dben
386b3 pa| stong pa/ bdag dang / sems can dang / srog dang / gso ba dang / skyes bu dang / gang zag dang bral ba/ mtshan ma med pa ste/ mtshan mar rtog pa dang bral ba/ smon pa med pa/
386b4 mngon par dga' ba med pa/ dga' ba dang sred pa dang bral ba/ mngon par 'du byed pa med pa/ rang bzhin med pa'o/ /khye'u/ 'dod chags dang / zhe sdang dang / gti mug ji lta
386b5 ba de bzhin du chos thams cad la byang chub sems dpa'i shes pa 'jug go/ khye'u/ gzhan yang tshul bzhin la brtson pa'i byang chub sems dpa'i sems bskyed pa thams cad ni
386b6 byang chub yin no/ /de ci'i phyir zhe na/ sems rtogs pa gang yin pa de ni bstan du med pa dang / smon pa med pa dang / rnam par rig pa med pa dang / sgyu ma'i rang bzhin lta bu dang / nang ma
386b7 yin pa dang / phyi rol ma yin pa dang / gzhan dang ldan pa ma yin pas gzugs med pa ste/ khye'u/ de nyid byang chub sems dpa'i byang chub yin te/ khye'u/ byang chub sems dpas rang gi
387a1 sems rtogs pa ma gtogs par khong du chud par bya ba gzhan med do/ /rang gi sems rtogs pa gang yin pa de nyid sems can thams cad kyi sems
387a2 rtogs pa yin no/ /rang gi sems dben pas sems can thams cad kyi sems dben no/ /rang gi sems kyi rang bzhin gyis sems can thams cad kyi sems kyi rang bzhin
387a3 no| |rang gi sems rnam par dag pas sems can thams cad kyi sems rnam par dag go /rang gi sems 'dod chags dang bral bas sems can thams cad kyi sems
387a4 'dod chags dang bral lo/ /rang gi sems la zhe sdang med pas sems can thams cad kyi sems la zhe sdang med do/ /rang gi sems la gti mug med pas sems can
387a5 thams cad kyi sems la gti mug med do/ /rang gi sems la nyon mongs pa med pas sems can thams cad kyi sems la nyon mongs pa med do/ /de ltar rtogs pa gang
387a6 yin pa de thams cad mkhyen pa'i ye shes rtogs pa yin no/ /khye'u/ de ltar tshul bzhin la brtson pa'i byang chub sems dpa' ni sems can thams cad kyi sems la
387a7 rang bzhin gyis kun nas nyon mongs pa med par rab tu shes so/ /gang glo bur gyi nyon mongs pas nye bar nyon mongs kyang sems kyi rgyud la ni nyon mongs par 'gyur ba'ang
387b1 med la| chos kyi rigs pa'i lhag mthong gis de dag de la yongs su gdung ba'ang med de/ des byang chub sems dpa' de dag gis glo bur gyi nyon mongs pa rnams mthong bas na/ kun
387b2 nas nyon mongs par mi 'gyur ro/ /bstan pa 'di bshad pa na tshong dpon gyi bu 'jigs byin chos rnams la rjes su mthun pa'i bzod pa skyes par gyur to/ /de nas smad tshong ma'i
387b3 bu mo gser mchog 'od dpal gyis tshong dpon gyi bu de dul bar rig nas lha'i bu mo lnga brgya tsam gyis yongs su bskor te sil snyan dang / pheg rdob pa dang / glu dbyangs len pa
387b4 dag byed cing / bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te bcom ldan 'das la lan gsum bskor ba byas nas bcom
387b5 ldan 'das kyi spyan sngar 'dug go /de nas 'jam dpal gzhon nur gyur pas tshong dpon gyi bu 'jigs byin la 'di skad ces smras so/ /khye'u/ khyod kyis sring mo 'di shes sam/ smras
387b6 pa| 'jam dpal/ 'tshal lags so/ /'jam dpal gyis smras pa/ ji lta bur shes/ de nas khye'u des 'jam dpal gzhon nur gyur pa la tshigs su bcad de smras pa/ gzugs
387b7 ni dbu ba rdos pa 'dra/ /tshor ba chu yi chu bur bzhin/ /'du shes smig rgyu lta bu ste/ /'du byed rnams ni chu shing bzhin/ /rnam shes sgyu ma lta bu ste/ /yongs su rtogs pas kun tu bskyed//
388a1 byis pas yang dag min brtags pa/ /de ltar bdag gis yongs su 'tshal/ /'di lus mi g.yo bem po ste/ /rtswa dang rtsig pa lta bu lags/ /rnam shes bstan
388a2 du ma mchis te/ /de ltar bdag gis yongs su 'tshal/ /'di la sems can bdag ma mchis/ /srog dang gang zag ma mchis te/ /lus 'di bsags pa tsam lags par/ /de ltar
388a3 bdag gis yongs su 'tshal/ /'di la 'dod chags sdang ma mchis/ /gti mug 'byung ba'ang ma mchis te/ /nyon mongs ma mchis bdag ma mchis/ /de ltar bdag gis yongs su
388a4 'tshal| |tshul bzhin ma lags bslad pa 'di/ /byis pa rnams kyi 'khrul pa ste/ /mkhas pa de la mi chags par/ /de ltar bdag gis yongs su 'tshal/ /dper na 'dir ni nags
388a5 khrod na| |shi ba'i ro ni man ma pa bzhin/ /gzugs 'di rang bzhin de 'dra bar/ /de ltar bdag gis yongs su 'tshal/ /'di ni sngon mthar ma skyes te/ /phyi mthar 'chi 'phor 'gyur ma
388a6 mchis| |da ltar byung ba ma mchis par/ /de ltar bdag gis yongs su 'tshal/ /'di yis bdag ni rgyal ba las/ /mi gtsang ba yis bkrol bas na/ /'jam dbyangs rnam pa ji ltas kyang /
388a7 'di la lan glan rngo ma thogs/ /mi 'gum 'chi 'pho ma mchis kyang / /sems can yongs smin bgyi slad du/ /bdag ni 'chi bar ston bgyid pas/ /su zhig byang chub tshol mi bgyid/ /ji
388b1 ltar bdag gis chags sdang dang / /nyon mongs thams cad tshul bzhin min/ /sems can kun gyi mtshan de 'dra/ /'di ni chos rnams chos nyid lags/ /de nas de'i tshe bcom ldan
388b2 'das 'dzum pa mdzad do/ /'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe bcom ldan 'das kyi zhal gyi sgo nas 'od zer kha dog sna
388b3 tshogs| kha dog du ma 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ste/ de dag byung nas tshangs pa'i 'jig rten
388b4 gyi bar du song ste/ 'jig rten gyi khams mtha' yas mu med bdag snang bas khyab par byas nas slar log ste bcom ldan 'das kyi dbu'i gtsug tu nub bo/ /de nas tshe dang ldan pa kun
388b5 dga' bos bcom ldan 'das 'dzum pa mdzad pa mthong nas stan las langs te bla gos phrag pa gcig tu gzar nas pus mo g.yas pa'i lha ngas la btsugs te bcom ldan 'das
388b6 ga la ba de logs su thal mo sbyar ba btud nas bcom ldan 'das la 'di skad ces gsol to/ /de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu
388b7 dang rkyen ma mchis par 'dzum pa mi mdzad na/ bcom ldan 'das/ 'dzum pa mdzad pa'i rgyu ni gang lags/ rkyen ni gang lags/ de nas de'i tshe tshigs su bcad pa 'di dag kyang gsol
389a1 to| |rnam 'dren 'jig rten mkhyen la ya mtshan mi mnga' bas/ /ston pa rgyu ma mchis par 'dzum pa mi mdzad na/ /'di ltar khyod ni 'dzum pa mdzad par gyur pa
389a2 yi| |khyod kyi 'dzum pa'i rgyu ni bdag cag shin tu 'tshal/ /rgyal ba'i zhal 'dzum mdzad par gyur pa mthong nas ni/ /lhar bcas 'gro ba 'di dag the tshom skyes par gyur/ /the tshom gyur
389a3 pa rnams kyi som nyi bsal du gsol/ /mi dbang 'dzum pa mdzad pa'i rgyu ni bstan du gsol/ /gang gis de ring chos rnams la ni yid bzhag gam/ /chos nyid du ni rgyal ba la las mthong
389a4 gyur tam/ /sangs rgyas bsngags pa'i mchod pa gang gis deng bgyis sam/ /bdag cag de dag nyan par 'tshal lo mi yi gtso/ /gang gang de ring bdud rnams bzhon dang bcas bcom
389a5 mam| |gang gis ston pa'i thugs ni de ring dgyes bgyis sam/ /gang gis de ring 'dus byas rnams kyi gting rtogs sam/ /de dag nyan par 'tshal gyi the tshom bsal du gsol/ /
389a6 'dren pa 'dzum pa mdzad pa'i rgyu ni mnyan slad du/ /'gro ba thams cad thal mo sbyar ba bgyis te sdod/ /rkang gnyis rnams kyi gtso bo thugs rje bskyed mdzod la/ /the tshom gyur pa rnams
389a7 kyi yid gnyis bsal du gsol/ /bcom ldan 'das kyis bka' stsal pa/ kun dga' bo/ khyod kyis smad tshong ma'i bu mo gser mchog 'od dpal zhes bya ba 'di mthong ngam/
389b1 gsol pa/ bcom ldan 'das/ mthong lags so/ /bde bar gshegs pa/ mthong lags so/ /bcom ldan 'das kyis bka' stsal pa/ kun dga' bo/ smad tshong ma'i bu mo gser
389b2 mchog 'od dpal 'di ni sngon 'jam dpal gzhon nur gyur pas bla na med pa yang dag par rdzogs pa'i byang chub yang dag par 'dzin du bcug ste/ 'dis de las thos nas chos rnams
389b3 la rjes su mthun pa'i bzod pa thob par gyur to/ /kun dga' bo/ khyod kyis tshong dpon gyi bu 'jigs byin zhes bya ba 'di mthong ngam/ gsol pa/ bcom ldan 'das/ mthong lags so/ /
389b4 bde bar gshegs pa/ mthong lags so/ /bcom ldan 'das kyis bka' stsal pa/ kun dga' bo/ 'di ni ngas sngon bla na med pa yang dag par rdzogs pa'i byang chub yang dag par 'dzin
389b5 du bcug ste/ 'dis kyang nga las chos thos nas chos rnams la rjes su mthun pa'i bzod pa thob par gyur to/ /kun dga' bo/ smad tshong ma'i bu mo gser mchog 'od dpal 'di ni bskal
389b6 pa 'bum phrag dgu bcu rtsa gnyis 'das pa'i 'og tu bskal pa rin chen 'byung ba zhes bya ba la 'jig rten gyi khams rin chen can zhes bya bar mngon par rdzogs par 'tshang rgya ste/ de bzhin
389b7 gshegs pa dgra bcom pa yang dag par rdzogs pa'i sangs rgyas rin chen 'od ces bya bar 'gyur ro/ /kun dga' bo/ 'jig rten gyi khams de'i sems can rnams kyi longs spyod dang / nye bar
390a1 spyod pa ni sum cu rtsa gsum gyi lha rnams ci 'dra ba de 'dra bar 'gyur ro/ /de na byang chub sems dpa' rin po che dag ma gtogs par rin po che gzhan 'byung par
390a2 mi 'gyur ro/ /de bzhin gshegs pa de'i tshe'i tshad ni dpag tu med par 'gyur ro/ /de bla na med pa yang dag par rdzogs pa'i byang chub mngon par rdzogs par sangs rgyas pa dang /
390a3 tshong dpon gyi bu 'jigs byin 'di'ang byang chub sems dpa' yon tan rin chen 'od ces bya ba 'gyur te/ de bzhin gshegs pa de'i chos kyi mdzod 'dzin par byed do/ /gang gi tshe de
390a4 bzhin gshegs pa rin chen 'od yongs su mya ngan las 'da' bar 'gyur ba de'i tshe byang chub sems dpa' yon tan rin chen 'od de la byang chub sems dpa' yon tan rin chen 'od
390a5 'di ni de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas
390a6 rin chen 'od 'phro zhes bya bar 'gyur ro/ /de'i sangs rgyas kyi zhing bkod pa'ang nga'i ci 'dra ba de 'dra bar 'gyur ro zhes lung ston par 'gyur ro/ /smad tshong ma'i bu mo gser mchog 'od
390a7 dpal dang / tshong dpon gyi bu 'jigs byin gnyis lung bstan ma thag tu de'i mod la stong gsum gyi stong chen po'i 'jig rten gyi khams 'di rnam pa drug tu g.yos shing 'jig rten du
390b1 snang ba chen pos khyab par gyur to/ /lung bstan pa bshad pa 'di bstan pa na srog chags brgya stong gis bla na med pa yang dag par rdzogs pa'i byang chub tu sems bskyed par gyur to/ /de
390b2 nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan
390b3 'das kyis bka' stsal pa/ kun dga' bo/ de'i phyir khyod kyis chos kyi rnam grangs 'di bkod pa chen po'i sgo'i le'u zhes bya bar zungs shig /'jam dpal rnam par rol pa zhes bya bar
390b4 yang zungs shig /smad tshong ma'i bu mo gser mchog 'od dpal btul ba zhes bya bar yang zungs shig /bcom ldan 'das kyis de skad ces bka' stsal nas tshe dang ldan pa kun dga'
390b5 bo dang / /smad tshong ma'i bu mo gser mchog 'od dpal dang / tshong dpon gyi bu 'jigs byin dang / 'jam dpal gzhon nur gyur pa dang / byang chub sems dpa' sems dpa' chen po de dag
390b6 dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags
390b7 pa 'jam dpal rnam par rol pa zhes bya ba theg pa chen po'i mdo rdzogs so// //rgya gar gyi mkhan po su ren+d+ra bo d+hi dang / zhu chen gyi lo ts+tsha ba ban+d+he ye shes sdes zhus te gtan la
phab pa| rgya gar skad du/
CLOSE WINDOW