བོད་ཡིག |
1a1 @#/ /mdo kha pa bzhugs so//
1b1 @##/ /rgya gar skad du/ AR+Ya la li ta bistA ra nA ma ma hA yA na sU tra/ bod skad du/
1b2 'phags pa rgya cher rol pa zhes bya ba theg pa chen po'i mdo/ bam po dang po/ sangs rgyas
1b3 dang byang chub sems dpa' thams cad la phyag 'tshal lo/ /'di skad bdag gis thos pa dus
1b4 gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin
2a1 gyi kun dga' ra ba na dge slong khri nyis stong gi dge slong gi dge 'dun chen po la 'di lta ste/ tshe
2a2 dang ldan pa kun shes kauN+Di n+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming
2a3 chen dang / tshe dang ldan pa bzang po dang / tshe dang ldan pa grags sbyin dang / tshe dang ldan pa dri ma med dang / tshe dang
2a4 ldan pa lag bzang dang / tshe dang ldan pa gang po dang / tshe dang ldan pa ba lang bdag dang / tshe dang ldan pa lteng rgyas
2a5 'od srung dang / tshe dang ldan pa chu klung 'od srung dang / tshe dang ldan pa ga ya 'od srung dang / tshe dang ldan pa shA ri'i bu dang /
2b1 tshe dang ldan pa mau dgal gyi bu chen po dang / tshe dang ldan pa 'od srung chen po dang / tshe dang ldan pa kA t+yA'i bu chen po dang / tshe dang ldan
2b2 pa ka pi na chen po dang / tshe dang ldan pa gsus po che dang / tshe dang ldan pa skul byed dang / tshe dang ldan pa byams ma'i bu gang po dang /
2b3 tshe dang ldan pa ma 'gags pa dang / tshe dang ldan pa dga' byed dang / tshe dang ldan pa 'ug pa dang / tshe dang ldan pa rab 'byor dang /
2b4 tshe dang ldan pa nam gru dang / tshe dang ldan pa seng ldeng nags pa dang / tshe dang ldan pa don yod rgyal po dang / tshe dang ldan pa pha rol
2b5 tu 'gro ba chen po dang / tshe dang ldan pa ba ku la dang / tshe dang ldan pa dga' bo dang / tshe dang ldan pa sgra gcan zin dang / tshe dang ldan
2b6 pa legs 'ongs dang / tshe dang ldan pa kun dga' bo dang / de dag la sogs pa dge slong khri nyis stong dang thabs cig tu bzhugs so/ /
3a1 byang chub sems dpa' sum khri nyis stong thams cad kyang skye ba gcig gis thogs pa/ byang chub sems
3a2 dpa'i pha rol tu phyin pa thams cad las nges par skyes pa/ byang chub sems dpa'i mngon par shes pa thams cad kyis rnam par
3a3 rtse ba| byang chub sems dpa'i gzungs thams cad thob pa/ byang chub sems dpa'i spobs pa thams cad thob pa/ byang chub sems
3a4 dpa'i smon lam thams cad shin tu yongs su rdzogs pa/ byang chub sems dpa'i so so yang dag par rig pa thams cad rtogs
3a5 par khong du chud pa/ byang chub sems dpa'i ting nge 'dzin thams cad la dbang thob pa/ byang chub sems dpa'i dbang thams cad
3a6 thob pa| byang chub sems dpa'i bzod pa thams cad la zhugs pa/ byang chub sems dpa'i sa thams cad rab tu rdzogs pa sha stag
3b1 ste| 'di ltar byang chub sems dpa' sems dpa' chen po byams pa dang / byang chub sems dpa' sems dpa' chen po gzungs kyi dbang phyug rgyal po dang / byang
3b2 chub sems dpa' sems dpa' chen po seng+ge'i tog dang / byang chub sems dpa' sems dpa' chen po don grub blo gros dang / byang chub sems dpa' sems
3b3 dpa' chen po spyod pa rab tu zhi ba'i blo gros dang / byang chub sems dpa' sems dpa' chen po so so yang dag par rig pa thob pa dang / byang chub sems dpa'
3b4 sems dpa' chen po brtson 'grus rtag par sbyor dang / byang chub sems dpa' sems dpa' chen po snying rje cher sems dang / de dag la sogs pa byang chub sems
3b5 dpa' sum khri nyis stong dang yang thabs cig go/ de'i tshe bcom ldan 'das mnyan yod kyi grong khyer chen po na 'khor bzhi dang / rgyal po dang / rgyal po'i sras dang / rgyal
3b6 po'i blon po chen po dang / chags 'og gi rgyal phran dang / rgyal po'i zhabs 'bring ba dang / rgyal rigs dang / bram ze dang / tshong dpon dang / khyim bdag dang / blon
3b7 po dang / 'khor gyi mi dang / grong khyer pa dang / yul gyi mi dang / mu stegs can dang / dge sbyong dang / bram ze dang / dpyod pa pa dang / kun tu rgyu sna tshogs kyis rim
4a1 gror byas/ bla mar byas/ bsti stang du byas| mchod pa byas so/ /bcom ldan 'das ni| bza' ba dang / bca' ba dang / myang ba bsod cing
4a2 mang ba dang / na bza' dang / bsod snyoms dang / gzims cha dang / snyun gyi gsos sman dang / yo byad rung ba brnyes shing / bcom ldan 'das ni brnyes pa dam
4a3 pa dang / grags pa dam pa brnyes kyang pad+ma la chus mi gos pa ltar thams cad du ma chags ma gos par bzhugs so/ /bcom ldan 'das kyi grags pa dang /
4a4 sgra dang snyan pa ni 'di skad du/ bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan
4a5 pa| bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das
4a6 zhes bya bar 'jig rten du mngon par grags par gyur to/ /de ni spyan lnga dang ldan pa ste/ 'jig rten 'di dang / 'jig rten pha rol lha dang bcas pa/ bdud
4a7 dang bcas pa/ tshangs pa dang bcas pa/ dge sbyong dang bram zer bcas pa'i skye rgu lha dang mir bcas pa dag rang gis mngon par mkhyen pas mngon du mdzad
4b1 nas nye bar bsgrubs te rab tu ston to/ /de thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs
4b2 su dag pa/ yongs su dkar ba'i chos ston te/ tshangs pa'i spyod pa yang dag par ston to/ /de'i tshe bcom ldan 'das kyis nam gyi gung thun la sangs rgyas kyi rgyan bkod pa
4b3 zhes bya ba'i ting nge 'dzin la snyoms par zhugs par gyur to/ /bcom ldan 'das kyis sangs rgyas kyi rgyan bkod pa zhes bya ba'i ting nge 'dzin de la snyoms par zhugs ma
4b4 thag tu skad cig de nyid la bcom ldan 'das kyi dbu'i gtsug gi gtsug tor gyi gseb nas sngon gyi sangs rgyas rjes su dran par bya ba la chags pa med pa'i ye shes snang
4b5 ba zhes bya ba'i 'od zer byung ste/ des gnas gtsang ma'i lha'i gnas thams cad snang bar byas nas lha'i bu dbang phyug chen po la sogs pa lha'i bu tshad med pa dag yang dag
4b6 par bskul to/ /de bzhin gshegs pa'i 'od zer gyi tshogs de las skul ba'i tshigs su bcad pa 'di dag kyang byung ngo / /ye shes 'od ldan mun bcom 'od mdzad pa/ /'od
4b7 bzang gzi brjid dam pa dri med pa/ /sku lus rab zhi thugs dge zhi ba po/ /shAkya'i seng+ge thub dang phrad par gyis/ /ye shes rgya mtsho mthu chen dag pa ste/ /chos kyi mnga' bdag
5a1 kun mkhyen thub pa'i dbang / /mi dang lhas mchod lha yi lhar gyur pa/ /chos la rang byung mnga' dbang mdzad la rton/ /gang zhig gdul ka'i sems
5a2 la mnga' mdzad de/ /gang zhig bdud kyi rnyi las grol ba'i thugs/ /de 'dir mthong thos don med ma yin gyi/ /rnam grol mthar phyin zhi ba'i drung du dengs/ /mtshungs
5a3 med chos la snang bar gyur pa ste/ /mun sel tshul bzang ston par rab mdzad pa/ /sangs rgyas spyod zhi mkhyen pa dpag med pa/ /de yi drung du dad pa mchog gis dengs//
5a4 de ni sman pa'i rgyal po bdud rtsi gtong / /de ni smra ba dpa' bo tshogs ngan 'joms/ /de ni chos kyi rtsa lag don dam mkhas/ /de ni 'dren pa bla med lam ston pa'o/ /gnas
5a5 gtsang ma'i ris kyi lha'i bu de dag sngon gyi sangs rgyas rjes su dran par bya ba la chags pa med pa'i ye shes snang ba'i 'od zer des phog cing tshigs su bcad pa rnam pa
5a6 de lta bu de dag gis kyang bskul ma thag tu rab tu zhi ba'i ting nge 'dzin de las langs nas sangs rgyas kyi mthus bskal pa grangs med/ tshad med/ bgrang ba las shin
5a7 tu 'das pa dag las 'das pa'i sangs rgyas bcom ldan 'das rnams rjes su dran zhing / sangs rgyas bcom ldan 'das de dag gi sangs rgyas kyi zhing gi yon tan
5b1 bkod pa gang yin pa dag dang / 'khor gyi dkyil 'khor gang yin pa dag dang / chos bstan pa gang yin pa de dag thams cad kyang rjes su dran par gyur to/ /de nas de'i
5b2 nub mo mi nyal tsam na gnas gtsang ma'i ris kyi lha'i bu dbang phyug ces bya ba dang / dbang phyug chen po dang / dga' bo dang / shin tu dga' bo dang / tsan+dan dang / mchod byas
5b3 dang / rab zhi dang / dul ba rab zhi dbang phyug la sogs pa de dag dang / gnas gtsang ma'i ris kyi lha'i bu gzhan shin tu mang po kha dog 'phags shing shin tu 'phags
5b4 pa dang ldan pa dag gis lha'i snang bas rgyal bu rgyal byed kyi tshal thams cad snang bar byas te bcom ldan 'das ga la pa der dong nas phyin pa dang / bcom ldan 'das kyi
5b5 zhabs la mgo bos phyag 'tshal te phyogs gcig tu 'khod do/ /phyogs gcig tu 'khod nas kyang gnas gtsang ma'i ris kyi lha'i bu de dag gis bcom ldan 'das la
5b6 'di skad ces gsol to/ /bcom ldan 'das/ rgya cher rol pa zhes bgyi ba'i chos kyi rnam grangs mdo sde shin tu rgyas pa chen po bsdus pa/ byang chub sems dpa' rnams
5b7 kyi dge ba'i rtsa ba yang dag par bstan pa/ dga' ldan gyi pho brang dam pa nas 'bab pa dang / ched du dgongs te lhums su 'jug pa'i rnam par rol pa dang / mngal gyi
6a1 gnas kyi khyad par kun tu bstan pa/ rigs bzang por skye ba'i sa'i mthu kun tu bstan pa/ byis pa'i spyod pa thams cad las yon tan gyi khyad
6a2 par gyis shin tu 'da' ba bstan pa/ 'jig rten pa'i bzo'i gnas dang / las kyi gnas dang / yi ge dang / grangs dang / lag rtsis dang / rtsis dang / ral gri'i thabs
6a3 dang | 'phong dang / stobs dang / gyad kyi 'dzin stangs rnams sems can thams cad las khyad par du 'phags pa kun tu bstan pa/ btsun mo'i 'khor dang / yul gyi
6a4 longs spyod dang / yongs su spyod pa kun tu bstan pa/ byang chub sems dpa'i spyod pa thams cad kyi rgyu mthun pas yongs su grub pa'i 'bras bu brnyes pa yongs su
6a5 brjod pa/ byang chub sems dpa'i rnam par rol pa dang / bdud kyi dkyil 'khor thams cad rnam par 'jig pa bstan pa/ de bzhin gshegs pa'i stobs dang mi 'jigs
6a6 pa bsdus pa/ sangs rgyas kyi chos tshad ma mchis pa nges par bstan pa/ sngon gyi de bzhin gshegs pa rnams kyis sngon chad gsungs pa mchis te/ 'di lta ste/ bcom
6a7 ldan 'das pad+ma'i bla ma dang / chos kyi tog dang / mar me mdzad dang / yon tan gyi tog dang / yon tan 'byung gnas dang / 'od zer chen po dang / drang srong lha dang /
6b1 dpal gyi gzi brjid dang / bden pa'i tog dang / rdo rje mkhregs dang / thams cad zil gyis gnon dang / gser mdog dang / shin tu mthor gshegs dang / byi ru'i rgya
6b2 mtsho dang / me tog gi tog dang / gzugs bzang dang / spyan bzang dang / drang srong sbed dang / dmag tshogs las rgyal dang / mtho ba dang / me tog rgyas pa dang / mdzod
6b3 spu gzi brjid dang / shin tu rgyas dang / 'od zer bzang po dang / bkra shis ldan dang / blta na bzang dang / seng+ge'i gzi brjid chen po dang / blo gros brtan pas byin dang /
6b4 sos ka'i spos dri dang / bden pa'i phyogs grags rgya chen dang / 'od ldan dang / skar rgyal dang / 'jig rten mdzes dang / 'od rgya chen dang / rin chen grags dang / drag
6b5 shul gzi brjid dang / rin chen gzi brjid dang / tshangs pa'i gzi brjid dang / sgra snyan dang / me tog bzang po dang / ri rab me tog dang / rab tu yid 'ong dbyangs dang /
6b6 dge ba tshul bzang dang / rab tu 'dzum pa'i spyan dang / yon tan phung po dang / 'brug sgra dang / kha dog mdzes dang / tshe'i gzi brjid dang / ngom bag glang po'i 'gros dang /
6b7 'jig rten mngon par smon dang / dgra las rgyal dang / yang dag mchod dang / rnam par gzigs dang / gtsug tor can dang / thams cad skyob dang / 'khor ba 'jig dang /
7a1 gser thub dang / de bzhin gshegs pa dgra bcom pa yang dag par rdzogs pa'i sangs rgyas 'od srung gis kyang sngon chad gsungs pa lags
7a2 na| de bcom ldan 'das kyis kyang skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che'i don dang / lha
7a3 dang mi rnams kyi don du 'gyur ba dang / sman pa dang bde bar 'gyur ba dang / theg pa chen po'i 'di'ang brjod pa dang / phas kyi rgol ba thams cad tshar gcad pa dang /
7a4 bdud thams cad zil gyis mnan pa dang / byang chub sems dpa' thams cad la bstan pa dang / byang chub sems dpa'i theg pa pa'i gang zag thams cad kyi brtson
7a5 'grus brtsam pa bskyed pa dang / dam pa'i chos yongs su gzung ba dang / dkon mchog gsum gyi gdung mi gcad pa dang / sangs rgyas kyi mdzad pa yongs su rdzogs
7a6 pa'ang kun tu bstan pa'i slad du da bstan du gsol zhes gsol pa dang / bcom ldan 'das kyis lha'i bu de dag dang / lha dang bcas pa'i 'jig rten la thugs brtse
7a7 ba'i phyir cang mi gsung bas gnang ngo / /de nas lha'i bu de dag kyang bcom ldan 'das kyis cang mi gsung bas gnang bar rig nas tshim zhing mgu la yid rangs
7b1 shing rab tu dga' ste/ dga' ba dang yid bde ba skyes nas bcom ldan 'das kyi zhabs la mgo bos phyag 'tshal te bcom ldan 'das la lan gsum bskor ba byas nas
7b2 tsan+dan gyi phye ma dang / a ga ru'i phye ma dang / me tog man+dA ra ba dag gis kyang mngon par gtor te/ de nyid du mi snang bar gyur to/ /de nas bcom ldan 'das nub mo de'i
7b3 nam nangs pa dang / smyig ma'i ldum bu'i 'khor gyi khyams ga la ba der gshegs te byon nas bcom ldan 'das byang chub sems dpa'i tshogs kyis yongs su bskor
7b4 zhing nyan thos kyi dge 'dun gyis mdun gyis bltas te gdan bshams pa la bzhugs so/ /bzhugs nas kyang bcom ldan 'das kyis dge slong rnams la bka' stsal
7b5 pa| dge slong dag/ mdang 'dir nga'i drung du gnas gtsang ma'i ris kyi lha'i bu dbang phyug ces bya ba dang / dbang phyug chen po dang / dga' bo dang / shin tu dga' bo dang /
7b6 tsan+dan dang / mchod byas dang / rab zhi dang / dul ba rab zhi dbang phyug la sogs pa de dag dang / gnas gtsang ma'i ris kyi lha'i bu gzhan shin tu mang po zhes bya ba nas/
7b7 de nyid du mi snang bar gyur ces bya ba'i bar du snga ma bzhin du gsungs so/ /de nas byang chub sems dpa' de dag dang / nyan thos chen po de dag gis bcom ldan 'das
8a1 ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das/ rgya cher rol pa'i chos kyi rnam grangs
8a2 legs par bstan du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse bar mdzad pa dang / skye bo phal po che dang / lha
8a3 dang mi rnams dang / da ltar dang ma 'ongs pa'i byang chub sems dpa' sems dpa' chen po rnams kyi don dang / sman pa dang bde bar 'gyur ro/ zhes gsol pa dang /
8a4 bcom ldan 'das kyis byang chub sems dpa' sems dpa' chen po de dag dang / nyan thos chen po de dag dang / lha dang / mi dang / lha ma yin dang bcas pa'i 'jig rten
8a5 la thugs brtse ba'i phyir cang mi gsung bas gnang ngo / /de la 'di skad ces bya ste/ dge slong dag kye nga ni mdang sum 'dir/ /gnas pa bzang pos bde bar gnas gyur
8a6 cing / /nyon mongs med par rab tu gnas gyur la/ /rtse gcig sems su mnyam par bzhag drung du/ /rdzu 'phrul che zhing kha dog bzang ldan la/ /dri med dpal 'bar lha yi
8a7 bu lhags nas/ /dpal gyis rgyal byed tshal 'di snang byas te/ /dga' bas nga yi gan du mngon par lhags/ /dbang phyug dbang phyug chen po tsan+dan dang / /dga' bo rab tu sems
8b1 zhi mchod byas dang / /shin tu dga' bo zhi ba lha yi bu/ /bye ba lha mang de dang de dag rnams/ /nga yi zhabs la phyag 'tshal bskor byas te/ /nga yi mdun du 'dir ni 'khod par
8b2 gyur| |sor mo bcu yi thal sbyar gus bcas par/ /de dag 'dir ni nga la gsol ba btab/ /'jig rten kun la sman pa'i don slad du/ /rgyal ba kun gyis sngon chad gang
8b3 gsungs pa/ /shin tu rgyas mdo gleng gzhi chen po 'di/ /thub pa 'dod chags bsal bas de ring yang / /byang chub sems dpa'i tshogs kun bzung bzhed pas/ /phas kyi rgol
8b4 dang bdud rnams 'dul mdzad la/ /theg pa chen po mchog 'di rab gsung zhing / /thub pa de slad legs par bshad du gsol/ /lha yi tshogs kyis gsol ba de snang phyir/ /
8b5 mi gsung gyur pas gnang ba mdzad pas na/ /thams cad tshim zhing rab dga' mgu gyur nas/ /dga' ba thob pas me tog sil ma gtor/ /de phyir dge slong shin tu rgyas pa'i
8b6 mdo| |'jig rten kun la phan pa'i don gyi phyir/ /de bzhin gshegs pa kun gyis sngon bshad pa/ /gleng gzhi chen po khyed kun 'dir nyon cig /gleng gzhi'i le'u ste/ dang
8b7 po'o|| //dge slong dag /de la chos kyi rnam grangs shin tu rgyas pa chen po'i mdo rgya cher rol pa zhes bya ba de gang zhe na/ dge slong dag /'di la byang chub sems dpa'
9a1 dga' ldan gyi gnas mchog na gnas pa/ mchod par bya bas mchod pa/ dbang bskur ba thob pa/ lha brgya stong gis bstod cing bkur te
9a2 brjod cing bsngags pa/ bsam pa thob pa/ smon lam gyis yang dag par 'phags pa/ sangs rgyas kyi chos thams cad yang dag par thob pa'i blo dang ldan pa/ ye
9a3 shes kyi mig shin tu rgyas shing yongs su dag pa dang ldan pa/ dran pa dang / blo gros dang / rtogs pa dang / khrel yod pa dang / dga' ba 'bar ba'i blo rlabs po che dang
9a4 ldan pa| sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs la mkhas pa chen po'i dam pa'i pha rol
9a5 tu son pa/ tshangs pa'i lam byams pa chen po dang / snying rje chen po dang / dga' ba chen po dang / btang snyoms chen po la mkhas pa/ mngon par shes pa dang / rig
9a6 pa chen pos sgrib pa med cing chags pa med pa'i ye shes mthong ba mngon du gyur pa/ dran pa nye bar gzhag pa dang / yang dag par spong ba dang / rdzu 'phrul gyi rkang pa
9a7 dang | dbang po dang / stobs dang / byang chub kyi yan lag dang / lam dang / byang chub kyi phyogs kyi chos thams cad shin tu yongs su rdzogs pa'i mthar phyin pa/ bsod
9b1 nams dang ye shes kyi tshogs dpag tu med pa'i mtshan dang dpe byad bzang pos lus legs par brgyan pa/ yun ring por rjes su 'brang ba dang ldan pa/ ji skad du smras
9b2 pa de ltar byed pas log pa med pa'i tshig gi lam yang dag par smra ba/ drang zhing ma yo la gya gyu med pa'i yid thogs pa med pa dang ldan pa/ nga rgyal dang / rgyags pa dang /
9b3 dregs pa dang / 'jigs pa dang / zhum pa thams cad med pa dang / sems can thams cad la sems mnyam pa/ sangs rgyas bye ba khrag khrig brgya stong dpag tu med pa la
9b4 bsnyen bkur byas pa/ byang chub sems dpa' bye ba khrag khrig brgya stong mang pos ngor blta zhing blta ba'i bzhin dang ldan pa/ brgya byin dang / tshangs pa dang / dbang phyug
9b5 chen po dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / srin po rnams kyis mngon par dga' bar
9b6 bya ba'i grags pa dang ldan pa/ tshig thams cad rab tu phye ste ston pa la thogs pa med pa'i so so yang dag par rig pa la 'jug pa'i shes pa la mkhas pa/ sangs rgyas
9b7 thams cad kyis gsungs pa gzung ba la dran pa'i snod 'khrul pa med pa dang / gzungs mtha' yas su med pa rab tu thob pa/ dran pa nye bar gzhag pa dang / yang dag par
10a1 spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / shes rab kyi pha rol tu phyin pa dang / thabs mkhas
10a2 pa'i chos rin po che dang / bsod nams kyis yang dag par bsgrubs pa'i chos kyi gru chen po'i ded dpon chen po/ chu bo bzhi'i pha rol tu 'gro ba'i bsam pa can/ bdud dang phyir
10a3 rgol ba bcom pa/ phas kyi rgol ba thams cad shin tu tshar bcad pa/ g.yul ngo'i thog ma la rab tu 'dug pa/ nyon mongs pa'i dgra'i tshogs 'joms pa/ ye shes mchog
10a4 gi rdo rje'i mtshon sra ba dang ldan pa/ byang chub kyi sems kyi rtsa ba las snying rje chen po'i chu ba lhag pa'i bsam pas skyes pa zab cing brtan pa dang / brtson 'grus kyi chos kyi chus
10a5 mngon par brlan pa/ thabs mkhas pa'i snying po dang ldan pa/ byang chub kyi yan lag dang / bsam gtan gyi ze ba can/ ting nge 'dzin gyi ze'u 'bru dang ldan pa/ yon tan
10a6 gyi tshogs rgya chen po'i mtsho las skyes pa/ nga rgyal dang dregs pa'i gdung ba med pa'i zla bas dri ma med pa'i 'dab ma rgyas pa/ tshul khrims dang / thos pa dang / bag yod
10a7 pa'i gsung gi ngad phyogs bcur thogs pa med par ldang ba/ 'jig rten na shes pas thu bor gyur pa/ 'jig rten gyi chos brgyad kyis ma gos pa/ skyes bu chen po'i pad+ma/
10b1 bsod nams dang ye shes kyi tshogs kyi dri zhim po 'byung ba/ shes rab dang ye shes kyi nyi ma'i 'od zer gyis mig shin tu rnam par dag pa'i pad+ma 'dab ma brgya pa rgyas pa/ rdzu 'phrul
10b2 gyi rkang pa bzhi mchog tu mgyogs pa'i shugs dang ldan pa/ 'phags pa'i bden pa bzhi'i sder mo dang mche ba shin tu rno ba/ tshangs pa'i gnas pa bzhi'i so drang bsnyer ba/ bsdu
10b3 ba'i dngos po bzhis shin tu bsdus pa'i mgo dang ldan pa/ rten cing 'brel par 'byung ba yan lag bcu gnyis khong du chud pas rim gyis 'phags pa'i lus dang ldan pa/
10b4 byang chub kyi phyogs kyi chos sum cu rtsa bdun yang dag par yongs su rdzogs pas ral pa can du byas shing / rig pa dang / ye shes kyi ze ba can/ rnam par thar pa'i sgo gsum gyi
10b5 kha gdangs ba/ zhi gnas dang lhag mthong shin tu rnam par dag pa'i mig dang ldan pa/ bsam gtan dang / rnam par thar pa dang / ting nge 'dzin dang / snyoms par 'jug pa'i ri
10b6 sul gyi phug na gnas pa/ spyod lam bzhi dang / 'dul ba'i nags tshal dang / nags 'dab nas skyes pa'i lus dang ldan pa/ stobs bcu dang / mi 'jigs pa bzhi dang / nye
10b7 ba'i stobs dang ldan pa/ skye ba dang 'jig pa'i 'jigs pa dang spu g.yo ba med pa/ rtsal la zhum pa med pa/ mu stegs can gyi bong bu dang / ri dwags mang po'i tshogs rab tu
11a1 'joms pa/ bdag med par sgra brjod pa'i seng+ge'i nga ro chen po sgrog pa/ skyes bu seng+ge dang / rnam par grol ba dang / bsam gtan gyi dkyil 'khor las shes rab
11a2 kyi 'od dang / 'od zer gyis mu stegs byed srin bu me khyer gyi tshogs 'od med par byed pa/ ma rig pa'i mun pa mun nag gi ling tog dang rab rib med par byed pa/ stobs
11a3 dang brtson 'grus 'bar ba/ lha dang mi'i nang du bsod nams kyi gzi brjid kyi gzi dang ldan pa/ skyes bu chen po nyi ma/ nag po'i phyogs med pa/ dkar po'i phyogs yongs
11a4 su rdzogs pa/ blta na sdug cing yid du 'ong bas mig gi dbang po la thogs pa med pa/ lha brgya stong gi skar ma'i tshogs kyis shin tu brgyan pa/ bsam gtan dang / rnam
11a5 par thar pa dang / ye shes kyi dkyil 'khor can/ byang chub kyi yan lag gi bde bas zla ba'i 'od zer du gyur pa/ mi dang lha mkhas pa'i me tog ku mu da kha 'byed pa
11a6 skyes bu chen po zla ba/ 'khor gyi gling bzhir song ba/ byang chub kyi yan lag bdun gyi rin po che dang ldan pa/ sems can thams cad la sems mnyam par sbyor ba/
11a7 blo dpyad thogs pa med pa/ dge ba bcu'i las kyi lam gyi dka' thub dang brtul zhugs shin tu phun sum tshogs shing rab tu rdzogs pa'i khyad par du pogs dbyung
11b1 bar bya ba'i bsam pa can/ chos kyi rgyal po'i chos kyi 'khor lo rin po che mchog dam pa thogs pa med par bskor ba/ 'khor los bsgyur ba'i rigs kyi rgyud du byung ba/
11b2 chos kyi 'khor los bsgyur ba chen po/ rten cing 'brel par 'byung ba zab cing gting dpag dka' ba/ chos rin po che thams cad kyis rab tu gang ba/ thos pas mi ngoms pas
11b3 yangs shing rgya che la mtha' yas pa'i ye shes dang tshul khrims kyi tshod las mi 'da' ba/ blo rgya mtsho dang sa ltar rgya che ba'i mchog tu gyur pa/ sa dang chu dang me dang rlung dang mnyam
11b4 pa'i sems su gyur pa/ ri rab ltar brtan zhing mi g.yo la bskyod par mi nus pa'i yid dang ldan pa/ rjes su chags pa dang khong khro ba med pa/ nam mkha'i dkyil ltar dri ma
11b5 med cing yangs la 'dra ba med par rgya che ba'i blo dang ldan pa/ lhag pa'i bsam pa shin tu yongs su dag pa/ sbyin pa legs par byin pa/ sngon sbyor ba legs par byas pa/ lhag
11b6 pa'i bya ba legs par byas pa/ bden pa'i rgyan gyis legs par brgyan pa/ dge ba'i rtsa ba thams cad yongs su btsal ba/ gos par bya ba bsgos pa/ dge ba'i rtsa ba nges
11b7 par byas pa/ bskal pa grangs med pa bdun du dge ba'i rtsa ba thams cad yang dag par bsgrubs pa/ sbyin pa rnam pa bdun byin pa/ bsod nams bya ba'i dngos po lnga shin tu
12a1 bsten pa/ legs par spyad pa lus kyi rnam gsum/ ngag gi rnam bzhi/ yid kyi rnam gsum spyad par gyur pa/ dge ba bcu'i las kyi lam
12a2 bsten pa dang ldan pa/ yang dag pa'i sbyor ba yan lag bzhi bcu dang ldan pa bsten par gyur pa/ yang dag pa'i smon lam yan lag bzhi bcu dang ldan pa'i smon
12a3 lam btab pa/ lhag pa'i bsam pa yan lag bzhi bcu dang ldan pa la zhugs pa/ yang dag pa'i rnam par thar pa yan lag bzhi bcu dang ldan pa yongs su rdzogs par
12a4 byas pa| yang dag pa'i mos pa yan lag bzhi bcu dang ldan pa drang por byas pa/ sangs rgyas bye ba khrag khrig brgya stong phrag bzhi bcu'i rjes su rab tu byung ba/ sangs
12a5 rgyas bye ba khrag khrig brgya stong lnga bcu rtsa lnga la sbyin pa phul bar gyur pa/ rang sangs rgyas bye ba brgya phrag phyed dang bzhi la lhag par bya ba byas pa/ sems can tshad med
12a6 grangs med pa dag mtho ris dang thar pa'i lam du btsud par gyur pa/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa/ tshe
12a7 gcig gis thogs pa/ 'di nas shi 'phos nas dga' ldan gyi gnas dam pa na gnas pa lha'i bu dam pa tog dkar po zhes bya ba/ lha'i tshogs rnams kyis 'di ni
12b1 'di nas shi 'phos nas mi'i 'jig rten du skyes te ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes der
12b2 shin tu mchod pa/ gzhal med khang gnas sum khri nyis stong rab tu gnas pa/ stegs bu dang / ba gam dang / rta babs dang / skar khung dang / bsil khang dang / khang pa brtsegs
12b3 pa dang / khyams kyis legs par brgyan pa/ gdugs dang / rgyal mtshan dang / ba dan sgreng ba/ rin po che'i dril bu g.yer kha'i dra ba'i bla bre bres pa/ me tog man+dA ra ba dang / man+dA
12b4 ra ba chen po chal par bkram pa/ lha'i bu mo bye ba khrag khrig brgya stong glu dbyangs len pa/ me tog a ti muk+ta dang / tsam+pa ka dang / skya snar dang / sa brtol dang / btang
12b5 bzung dang / btang bzung chen po dang / mya ngan 'tshang dang / n+ya gro d+ha dang / tin+du ka dang / a sa na dang / dong ka'i me tog dang / shing ke sa ra dang / ta ma la dang / sA la dang /
12b6 rin po che'i shing ljon pa chen pos brgyan pa/ gser gyi dra bas g.yogs pa/ gzhi mnyam zhing bkod pas mdzes par byas pa/ me tog smad 'od dang / ma li ka dang / sna
12b7 ma'i me tog dang / paR+shi ka dang / ta ra ni dang / ba li dang / ko ta ra ni dang / mchog tu dri zhim dang / da nu ska ri dang / lha'i sna ma'i me tog dang / ut+pal dang / pad+ma dang / ku mu da
13a1 dang / pad+ma dkar po dang / dri rab tu zhim pa'i bla bre chen po phyogs phyogs su bres pa/ bya 'dab sbed dang / ne tso dang / ri skegs dang / khu byug dang /
13a2 ngang pa dang / rma bya dang / ngur ba dang / ku na la dang / ka la ping+ka dang / shang shang te'u la sogs pa bya sna tshogs sgra snyan pa 'byin pa/ lha bye ba khrag khrig brgya stong gis mig
13a3 mngon du phyogs te blta zhing ltad mor bya ba/ chos rgya che ba chen po yang dag par brjod pas 'dod pa la dga' ba'i shugs kyi nyon mongs pa thams cad gcod pa/ nga rgyal
13a4 dang | rgyags pa dang / dregs pa dang / khro ba dang / tha ba dang / khong khro ba med par gyur pa/ dga' ba dang / mgu ba dang / mchog tu dga' ba dang / dran pa rgya che zhing
13a5 gsal ba/ skye ba'i gzhal med khang chen po de na bde bar gnas shing chos kyi yang dag pa'i gtam byung ba dang / sil snyan dang / glu dbyangs brgyad khri bzhi stong po'i sgra de
13a6 dag las byang chub sems dpa'i sngon gyi las dge ba'i tshogs kyis yang dag par skul ba'i tshigs su bcad pa 'di dag byung ngo / /bsod nams rgya chen tshogs mnga'
13a7 dran rtogs dang / /blo gros mtha' yas shes rab 'od mdzad pa/ /mtshungs med stobs mnga' sgyu rtsal rgya che ba/ /mar me mdzad kyis lung bstan dgongs par mdzod/ /rgya chen
13b1 dri ma med pa'i thugs mnga' ba/ /dri ma gsum spangs rgyags dang skyon zhi ba/ /dge ba dri med rnam par dag pa'i thugs/ /sngon chad ji ltar sbyin spyad dgongs par mdzod/ /zhi gnas
13b2 tshul khrims brtul zhugs bzod pa dang / /dul dang brtson 'grus bsam gtan shes rab stobs/ /bskal pa bye ba khrag khrig rnams spyad pa/ /spyod rigs cher byung dgongs
13b3 mdzod dgongs par mdzod/ /sems can rnams la thugs brtse mdzad gyur cing / /sangs rgyas bye ba khrag khrig khyed kyis mchod/ /dgongs mdzod dgongs par mdzod cig
13b4 grags mtha' yas/ /de dus lags kyi btang snyoms ma mdzad cig /rga shi nyon mongs 'jigs mdzad rdul bral ba/ /lha dang klu dang gnod sbyin dri za dang / /lha min dbang po
13b5 dag kyang sdod lags kyi/ /'chi 'pho'i tshul mkhyen 'pho ba bstan par mdzod/ /bskal pa stong du dka' ba spyad gyur kyang / /rgya mtsho chu yis ji bzhin mi ngoms kyi/ /ngoms pa
13b6 khyod kyi thugs dam dge ba ste/ /yun ring skom nyen skye bo tshim par mdzod/ /smad pa med pa'i grags ba mnga' ba khyod/ /chos la dgyes par khyod dgyes 'dod mi dgyes/ /'on
13b7 kyang dri ma med pa'i spyan mnga' ba/ /lhar bcas 'jig rten dag la thugs brtse mdzod/ /lha rnams bye ba khyod las chos thos pas/ /ngoms par 'gyur ba ma lags 'on gyis
14a1 kyang / /dal dang mi ldan gyur pa'i ngan song du/ /gnas par gyur pa dag la gzigs su gsol/ /dri ma med pa'i spyan mnga' phyogs bcu yi/ /'jig rten
14a2 dag gi sangs rgyas gzigs gyur cing / /de dag rnams la chos gsan chos mchog de/ /'jig rten dag la rnam par dbye ba mdzod/ /dpal ldan khyod kyi bsod nams dpal
14a3 gyis ni| |dga' ldan pho brang shin tu mdzes mod kyi/ /'on kyang thugs rje thugs dang ldan pas na/ /dzam+bu'i rgyal mtshan du ni char pa phob/ /brtul zhugs grub pa byang chub reg
14a4 ces te| |'dod pa'i khams las rab tu 'das pa yi/ /gzugs kyi khams na lha rnams gang 'khod pa/ /du ma thams cad mngon par rab tu dga'/ /mgon po khyod kyis
14a5 bdud kyi las rnams bcom/ /khyod gzhan mu stegs can rnams pham mdzad de/ /khyod ni byang chub phyag mthil bzhag dang 'dra/ /de dus lags kyi btang snyoms ma
14a6 mdzad cig /nyon mongs rab tu 'bar ba'i 'jig rten la/ /dpa' bo khyod kyis sprin ltar khyab mdzad de/ /bdud rtsi'i char ba mngon par rab tu phob/ /lha mi rnams kyis nyon
14a7 mongs zhi bar mdzod/ /khyod ni sman pa khams pa mkhas pa ste/ /yun ring nad pa sman pas por ba yi/ /sems can rnam thar gsum gyi sbyar sman gyis/ /mya ngan 'das
14b1 pa'i bde la myur du khod/ /seng+ge'i nga ro thos par ma gyur pas/ /wa rnams 'jigs pa med par sgra sgrog gi /sangs rgyas seng+ge'i sgra ni rab bsgrags te/ /mu stegs can gzhan
14b2 wa rnams skrag par mdzod/ /sa yi dkyil na stobs dang brtson 'grus kyi/ /stobs ldan phyag na shes rab sgron me bsnams/ /phyag mthil dam pas sa la brdab mdzad de/ /'di rnams
14b3 khyod kyis rab tu pham par mdzod/ /gang dag khyod la lhung bzed 'bul ba yi/ /'jig rten skyong ba bzhi po sdod cing mchis/ /khyod bltams gang dag len par 'gyur ba yi/ /brgya
14b4 byin tshangs pa khrag khrig sdod cing mchis/ /blo gros bzang po rigs chen rigs ldan pa/ /gang la gnas nas byang chub sems dpa' yi/ /spyod pa ston 'gyur dam pa rigs
14b5 skyes pa| |rigs kyi nang na btsun pa'i rigs la gzigs/ /snod gyur gang du nor bu rin po che/ /bzhag na dpal dang ldan par 'gyur ba bzhin/ /nor bu rin chen lta bur dri med
14b6 thugs| |dzam+bu'i rgyal mtshan du ni char pa phob/ /glu dbyangs sgra las rnam pa 'di lta yi/ /tshigs su bcad pa mang po byung gyur nas/ /'di ni dus lags btang snyoms ma mdzad
14b7 ces| |snying rje'i yid dang ldan la skul bar byed/ /yang dag par spro bar bya ba'i le'u ste/ gnyis pa'o// //dge slong dag/ de ltar byang chub sems dpa' chos kyi dus
15a1 de lta bus yang dag par bskul ba dang / gzhal med khang chen po de nas byung ste chos kyis mtho ba zhes bya ba'i khang bzang chen po gang du byang chub
15a2 sems dpa' 'dug cing dga' ldan gyi lha rnams la chos ston pa der byang chub sems dpa' zhugs so/ /zhugs nas kyang seng+ge'i khri chos bzang po zhes bya ba la 'dug
15a3 go /de nas lha'i bu gang dag byang chub sems dpa' dang skal pa mnyam pa theg pa mtshungs pa la zhugs pa de dag kyang khang bzang de nyid du zhugs so/ /gang yang byang
15a4 chub sems dpa' phyogs bcu nas 'dus pa byang chub sems dpa' dang spyod pa 'dra ba dag dang / lha'i bu de dag kyang lha'i bu mo'i tshogs rnams bsal cing lha'i bu phal
15a5 rnams kyang bsal nas lha'i bsam pa mthun pa'i 'khor can du byas te/ 'khor bye ba phrag drug cu rtsa brgyad brgyad dang khang bzang der zhugs nas so so ci rigs par rang rang
15a6 gi seng+ge'i khri la 'khod par gyur to/ /dge slong dag /de ltar byang chub sems dpa' lo bcu gnyis na ma'i mngal du 'jug par 'gyur ro zhes bya ba de'i tshe gnas gtsang
15a7 ma'i ris kyi lha'i bu dag dzam+bu'i gling du lhags nas lha'i kha dog mi snang bar byas te bram ze'i cha byad du bsgyur nas bram ze rnams rig byed slob tu 'dzud de/ gang
15b1 zhig rnam pa 'di lta bur mngal du zhugs par gyur na/ de ni skyes bu chen po'i mtshan sum cu rtsa gnyis dang ldan par 'gyur te/ de dag dang ldan na/ rnam pa gnyis su 'gyur
15b2 gyi| gsum du 'gyur ba med do/ /de gal te khyim na gnas na ni 'khor los sgyur ba'i rgyal po mtha' bzhir rnam par rgyal ba/ chos dang ldan pa/ chos kyi rgyal po rin po
15b3 che sna bdun dang ldan par 'gyur te/ de'i rin po che sna bdun ni 'di lta ste/ 'khor lo rin po che dang / glang po rin po che dang / rta rin po che dang / bud med rin po che dang / nor
15b4 bu rin po che dang / khyim bdag rin po che dang / blon po rin po che dang bdun no/ /'khor los sgyur ba'i rgyal po 'khor lo rin po che rnam pa ji lta bu dang ldan par 'gyur zhe na
15b5 'di la rgyal po rgyal rigs spyi bo nas dbang bskur ba'i gso sbyong gi nyi ma tshes bco lnga la mgo khrus byas te dbu zungs su gnas shing steng gi khyams na bud med kyi tshogs
15b6 kyis kun nas bskor cing 'dug pa'i tshe shar phyogs nas lha'i 'khor lo rin po che rtsibs stong yod pa/ mu khyud dang ldan pa/ lte ba dang bcas pa/ thams cad gser las grub
15b7 pa| mgar bas ma byas pa/ 'phang du shing ta la bdun tsam nas 'byung ste/ rgyal po rgyal rigs spyi bo nas dbang bskur bas lha'i 'khor lo rin po che de mthong nas 'di snyam
16a1 du sems te/ bdag gis thos pa rgyal po rgyal rigs spyi bo nas dbang bskur ba gso sbyong gi nyi ma tshes bco lnga la mgo khrus byas te dbu zungs
16a2 su gnas shing steng gi khyams na bud med kyi tshogs kyis kun nas bskor cing 'dug pa'i tshe shar phyogs nas lha'i 'khor lo rin po che byung bar gyur na/ de na 'khor
16a3 los bsgyur ba'i rgyal por 'gyur ro zhes thos te/ bdag gi drung du lha'i 'khor lo rin po che 'ongs pa las na/ bdag kyang 'khor los sgyur ba'i rgyal po yin
16a4 du nges so snyam ste/ de nas rgyal po rgyal rigs spyi bo nas dbang bskur ba de bla gos phrag pa gcig tu gzar nas pus mo g.yas pa'i lha nga sa la btsugs te/ lag
16a5 pa g.yas bas lha'i 'khor lo rin po che de bskor zhing 'di skad du/ btsun pa/ lha'i 'khor lo rin po che chos kyis bskor cig /chos ma yin pas ni ma yin no zhes bya
16a6 ba'i tshig smras pa dang / de nas lha'i 'khor lo rin po che de rgyal po rgyal rigs spyi bo nas dbang bskur bas bskor bas rdzu 'phrul gyis nam mkha' las shar phyogs su legs
16a7 par 'gro ste/ rgyal po 'khor los sgyur ba'ang dpung gi tshogs yan lag bzhi ba dang lhan cig rjes su 'gro'o/ /sa'i phyogs gang du lha'i 'khor lo rin po che de gnas
16b1 par 'gyur ba der rgyal po rgyal rigs spyi bo nas dbang bskur ba de'ang dpung gi tshogs yan lag bzhi pa dang lhan cig tu gnas par 'gyur ro/ /de nas shar phyogs kyi khams
16b2 kyi rgyal po gang yin pa de dag dngul gyi snod ni gser phyes bkang ste thogs/ gser gyi snod ni dngul sil mas bkang ste thogs nas 'khor los sgyur ba'i rgyal po bsu
16b3 zhing 'di skad du/ lha 'dir legs par gshegs so/ /lha tshur gshegs su gsol/ /lha'i chab srid ni shin tu rgyas shing 'byor la bde ste/ lo legs shing nyams dgyes la
16b4 skye bo mang po dang / mis gtams pa lags te/ lha nyid kyi yul du byon nas bzhugs su gsol/ de skad ces smras pa dang / rgyal po rgyal rigs spyi bo nas dbang bskur bas
16b5 rims kyi rgyal po de dag la 'di skad du/ khyed rang rang gi rgyal srid dag chos kyis gyis shig /chos ma yin pas ni ma yin no/ /khyed srog chags ma gsod cig /ma byin
16b6 par ma len cig /'dod pa la log par g.yem par ma byed cig /brdzun du ma smra zhig /phra ma ma zer cig /ngag rtsub po ma smra zhig /tshig kyal pa ma smra zhig /brnab sems can
16b7 du ma gyur cig /gnod sems can du ma gyur cig /log par lta bar ma gyur cig /srog gcod pa la byams par ma gyur cig /log par lta ba can gyi bar la byams par ma
17a1 gyur cig /nga'i yul du chos ma yin pa byung nga re/ chos ma yin par spyod pa la byams par ma byed cig ces bsgos nas rgyal po rgyal rigs sbyi bo
17a2 nas dbang bskur bas de ltar shar phyogs su rnam par rgyal bar byed do/ /shar phyogs su rnam par rgyal bar byas nas shar phyogs kyi rgya mtsho la 'gro'o/ /shar phyogs
17a3 kyi rgya mtsho la song nas shar phyogs kyi rgya mtsho las rgal lo/ /rgal nas kyang lho phyogs su nam mkha' las rdzu 'phrul gyis legs par 'gro ste/ 'khor los bsgyur
17a4 ba'i rgyal po'ang dpung gi tshogs yan lag bzhi pa dang lhan cig tu 'gro'o/ /snga ma bzhin du lho phyogs su rnam par rgyal bar byed do/ /lho phyogs su ji lta ba de bzhin
17a5 du nub phyogs dang / byang phyogs su rnam par rgyal bar byed do/ /byang phyogs su rnam par rgyal bar byas nas byang phyogs kyi rgya mtsho la 'gro'o/ /byang phyogs kyi rgya mtsho
17a6 la song nas byang phyogs kyi rgya mtsho la rgal lo/ /rgal nas kyang nam mkha' las rdzu 'phrul gyis rgyal po'i pho brang du legs par 'ongs nas btsun mo'i 'khor gyi sgo'i
17a7 steng du nyams pa med par gnas te/ rgyal po rgyal rigs spyi bo nas dbang bskur ba ni 'khor lo rin po che rnam pa de lta bu dang ldan pa yin no/ /'khor los bsgyur ba'i
17b1 rgyal po glang po rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur bas glang po rin po che snga ma bzhin du 'byung ste/ thams cad thal
17b2 kar gyur pa/ yan lag bdun shin tu gnas pa/ gtsug gser gyis brgyan pa/ gser gyi rgyal mtshan dang ldan pa/ gser gyi rgyan gyis brgyan pa/ gser gyi dra bas g.yogs
17b3 pa| rdzu 'phrul dang ldan pa/ nam mkha' las 'gro ba/ rnam par 'phrul pa'i chos can te/ 'di ltar glang po'i rgyal po byang chub ces bya ba'o/ /gang gi tshe rgyal po rgyal rigs spyi
17b4 bo nas dbang bskur ba glang po rin po che de brtag par 'dod par gyur pa'i tshe nyi ma shar khar glang po rin po che de la zhon tes chen po 'di rgya mtsho'i mtha' skor dang bcas pa/ rgya mtsho'i
17b5 mur thug pa dang bcas pa kun tu bskor te rgyal po'i pho brang du 'ongs nas khye'u sus kyi dga' ba myong bar byed de/ 'khor los sgyur ba'i rgyal po glang po rin po che rnam pa
17b6 de lta bu dang ldan pa yin no/ /'khor los sgyur ba'i rgyal po rta rin po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i rta
17b7 rin po che snga ma bzhin du 'byung ste/ thams cad sngon por gyur ba/ mgo nag pa/ rngog ma lcang lor 'dug pa/ zhon na gus par byed pa/ gser gyi rgyal mtshan dang bcas
18a1 pa| gser gyi rgyan dang ldan pa/ gser gyi dra bas g.yogs pa/ rdzu 'phrul dang ldan pa/ nam mkha' las 'gro ba/ rnam par 'phrul pa'i chos can
18a2 te| 'di ltar rta'i rgyal po sprin gyi shugs can zhes bya ba'o/ /gang gi tshe rgyal po rgyal rigs spyi bo nas dbang bskur ba rta rin po che brtag par 'dod par gyur pa de'i tshe nyi ma
18a3 shar khar rta rin po che de la zhon nas sa chen po 'di rgya mtsho'i mtha' skor dang bcas pa/ rgya mtsho'i mur thug pa dang bcas pa kun tu bskor te phyir rgyal po'i pho brang du 'khor
18a4 nas khye'u sus kyi bde ba myong bar byed de/ 'khor los sgyur ba'i rgyal po ni rta rin po che rnam pa de lta bu dang ldan pa yin no/ /'khor los sgyur ba'i rgyal po nor bu rin
18a5 po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i nor bu rin po che snga ma bzhin du 'byung ste/ thams cad du sngo ba/ bai DUR+Ya'i
18a6 rang bzhin zur brgyad du 'dug pa/ shin tu sbyangs pa 'byung ste/ nor bu rin po che de'i 'od kyis btsun mo'i 'khor thams cad kyang snang bas khyab par 'gyur ro/ /gang
18a7 gi tshe rgyal po rgyal rigs spyi bo nas dbang bskur ba nor bu rin po che brtag par 'dod par gyur pa de'i tshe mtshan mo nam gyi gung la mun pa mun nag gi nang du nor bu rin
18b1 rin po che de rgyal mtshan gyi rtse mo la btags te skyed mos tshal gyi sa bzang po blta ba'i phyir song na/ nor bu rin po che de'i 'od kyis thams cad dang ldan pa'i dpung gi tshogs
18b2 yan lag bzhi pa thams cad dpag tshad kho ra 'khor yug tu snang bas gsal bar 'gyur ro/ /nor bu rin po che'i 'khor na gnas pa'i mi de dag kyang snang ba des gsal bar
18b3 gyur pa dang / gcig gis gcig mthong / gcig gis gcig shes nas gcig la gcig 'di skad smra ste/ bzhin bzang dag longs/ las kyi mtha' dag byos shig/
18b4 tshong 'dus dag khrom/ nyi ma shar te nyin mor shes so zhes zer te/ rgyal po rgyal rigs spyi bo nas dbang bskur pa de nor bu rin po che rnam pa de lta bu dang ldan pa yin no/ /
18b5 rgyal po rgyal rigs spyi bo nas dbang bskur ba bud med rin po che rnam pa ji lta bu dang ldan pa yin zhe na/ 'di la rgyal po rgyal rigs spyi po nas dbang bskur ba'i bud med rin
18b6 po che snga ma bzhin du 'byung ste/ tshul dang mthun pa/ rgyal rigs su skyes pa/ ha cang yang mi ring ba/ ha cang yang mi thung ba/ ha cang yang mi sbom pa/ ha cang yang mi skem pa/
18b7 ha cang yang mi dkar ba/ ha cang yang mi nag pa/ gzugs mdzes pa/ tshul du shis pa/ blta na sdug pa/ kha dog bzang po rgyas pa mchog dang ldan pa/ de'i spu'i khung
19a1 thams cad nas tsan+dan gyi dri 'byung ba/ kha nas ut+pa la'i ngad ldang ba/ ka tsa lin+da'i gos ltar reg na bde ba/ de grang ba'i dus na ni lus la
19a2 reg na dro ba/ dro ba'i dus na/ lus la reg na bsil ba ste/ de 'khor los sgyur ba'i rgyal po ma gtogs par gzhan la yid kyis kyang 'dod chags su mi byed na/
19a3 lus kyis lta ci smos te/ 'khor los sgyur ba'i rgyal po ni bud med rin po che rnam pa de lta bu dang ldan pa yin no/ /'khor los sgyur ba'i rgyal po khyim bdag rin
19a4 po che rnam pa ji lta bu dang ldan pa yin zhe na/ 'di la rgyal po rgyal rigs spyi bo nas dbang bskur ba'i khyim bdag rin po che snga ma bzhin du 'byung ste/ mkhas pa/ gsal
19a5 ba| yid gzhungs pa/ lha'i mig dang ldan pa 'byung ngo / /de lha'i mig des dpag tshad kho ra khor yug tu bdag po dang bcas pa'i gter dag kyang mthong / bdag po
19a6 med pa'i gter dag kyang mthong ste/ de bdag po med pa'i gter gang yin pa de dag gis 'khor los sgyur ba'i rgyal po'i nor gyi dgos pa byed de/ 'khor los sgyur
19a7 ba'i rgyal po ni khyim bdag rin po che rnam pa de lta bu dang ldan pa yin no/ /'khor los sgyur ba'i rgyal po blon po rin po che rnam pa ji lta bu dang ldan pa yin zhe na/
19b1 'di la 'khor los sgyur ba'i rgyal po'i blon po rin po che snga ma bzhin du 'byung ste/ mkhas shing gsal la yid gzhungs pa'o/ /de 'khor los bsgyur ba'i rgyal po des
19b2 bsam pa tsam gyis bsko bar bya ba'i dpung rnams sko'o/ /'khor los sgyur ba'i rgyal po ni blon po rin po che rnam pa de lta bu dang ldan pa yin te/ 'khor los bsgyur ba'i
19b3 rgyal po ni rin po che sna bdun de dag dang ldan pa yin no/ /de la bu stong 'byung ste/ dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab
19b4 tu 'joms pa sha stag ste/ des rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la
19b5 chos kyis legs par phab ste gnas so/ /gal te khyim nas khyim med par rab tu byung na/ sangs rgyas su 'gyur te/ 'dod pa'i 'dod chags spangs pa/ 'dren pa
19b6 gzhan gyi dring mi 'jog pa/ lha dang mi rnams kyi ston par 'gyur ro zhes rig byed 'don du 'dzud do/ /de bzhin du lha'i bu gzhan dag kyang dzam+bu'i gling du lhags shing
19b7 rang sangs rgyas dag la skul ma 'debs te/ 'phags pa dag /da ste lo bcu gnyis na byang chub sems dpa' yum gyi lhums su 'jug gi /sangs rgyas kyi zhing 'di 'or
20a1 cig ces zer ro/ /dge slong dag /de'i tshe rgyal po'i khab kyi grong khyer chen po na mjug ma sgyur ba zhes bya ba'i ri la rang sangs rgyas glang po zhes bya
20a2 ba 'dug pas sgra de thos nas rdo ba'i steng du 'jim pa la bya ba de bzhin du 'dug ste/ nam mkha' la shing ta la bdun srid du gyen du 'phags so/ /gyen du 'phags nas
20a3 kyang me'i khams la snyoms par zhugs te sgron ma bzhin du mya ngan las 'das so/ /de'i mkhris pa dang / bad kan dang / chu rgyus dang / rus pa dang / sha dang / khrag
20a4 tu gyur pa gang yin pa thams cad ni mes yongs su zad par gyur te/ ring bsrel 'ba' zhig sa la lhags nas rkang rjes de dag ni da dung yang drang srong gi rjes zhes
20a5 grag ste yod do/ /dge slong dag /de'i tshe yul wA ra NA si'i ri dwags kyi nags drang srong ltung ba na rang sangs rgyas lnga brgya 'khod pa de dag gis kyang sgra de thos nas nam
20a6 mkha' la shing ta la bdun srid du gyen du 'phags nas me'i khams la snyoms par zhugs te sgron ma bzhin du yongs su mya ngan las 'das so/ /de dag gi mkhris pa
20a7 dang / bad kan dang / chu rgyus dang / rus pa dang / sha dang / khrag tu gyur pa gang yin pa de thams cad ni mes yongs su zad par gyur te/ ring bsrel 'ba' zhig sa
20b1 la lhags so/ /de ltar 'dir drang srong rnams lhung ngo zhes de phyin chad drang srong lhung ba zhes bya ba'ang drang srong lhung pa drang srong pa zhes ming du chags par gyur to/ /mi 'jigs
20b2 pa byin pa'i ri dwags dag kyang de na gnas pas de phyin chad ri dwags kyi nags zhes bya ba'ang ri dwags kyi nags ri dwags kyi nags zhes ming du chags par gyur to/ /dge slong
20b3 dag /de ltar byang chub sems dpa' dga' ldan gyi gnas dam pa na 'dug pa ni rnam par blta pa chen po bzhi la rnam par lta ste/ bzhi gang zhe na/ 'di lta ste/ dus la rnam
20b4 par lta ba dang / gling la rnam par lta ba dang / yul la rnam par lta ba dang / rigs la rnam par lta ba'o/ /dge slong dag /ci'i phyir byang chub sems dpa' dus rnam par blta
20b5 ba la rnam par lta zhe na/ byang chub sems dpa' ni thog ma'i dus sems can 'du ba'i tshe ma'i mngal du mi 'jug gi /gang gi tshe 'jig rten gsal bar kun nas gnas
20b6 par gyur te/ skye ba snang bar gyur/ rga ba snang bar gyur/ na ba snang bar gyur/ 'chi ba snang bar gyur pa de'i tshe byang chub sems dpa' ma'i mngal du 'jug go /dge slong
20b7 dag /ci'i phyir byang chub sems dpa' gling rnam par blta ba la rnam par lta zhe na/ byang chub sems dpa' ni mtha' 'khob kyi gling du mi skye/ shar gyi lus 'phags
21a1 por mi skye/ nub kyi ba lang spyod du mi skye/ byang gi sgra mi snyan du mi skye'o/ /lho'i 'dzam+bu gling nyid du skye'o/ /dge slong dag /ci'i phyir byang chub sems
21a2 dpa' yul rnam par blta ba la rnam par lta zhe na/ byang chub sems dpa' ni mtha' 'khob kyi yul gang na mi rnams dbang po rtul zhing blun la lug ltar lkugs
21a3 pa'i rang bzhin can legs par bstan pa dang / nyes par bstan pa'i don shes par bya ba'i skal ba med pa dag yod pa dag tu mi skye'i/ byang chub sems dpa'
21a4 ni yul gyi dbus nyid du skye'o/ /dge slong dag /ci'i phyir byang chub sems dpa' rigs rnam par blta ba la rnam par lta zhe na/ byang chub sems dpa' ni rigs dma'
21a5 ba gdol ba'i rigs sam/ smyig ma mkhan gyi rigs sam/ shing rta mkhan gyi rigs sam/ g.yung rigs su mi skye'i/ bram ze'i rigs sam/ rgyal rigs kho na ste/
21a6 rigs gnyis su skye'o/ /de la gang gi tshe bram ze'i rigs btsun par bya ba de'i tshe bram ze'i rigs su skye'o/ /gang gi tshe rgyal rigs btsun par bya ba de'i tshe rgyal rigs
21a7 su skye ste/ dge slong dag /da ltar ni rgyal rigs btsun par bya bas/ de'i phyir byang chub sems dpa' rgyal rigs su skye ste/ dge slong dag /don gyi dbang de la brten
21b1 nas byang chub sems dpa' dga' ldan gyi gnas dam pa na gnas pa rnam par blta ba chen po bzhi la rnam par lta ste/ de ltar bltas nas cang mi zer bar gyur to/ /'phags
21b2 pa rgya cher rol pa zhes bya ba theg pa chen po'i mdo// //bam po gnyis pa/ dge slong dag /de ltar lha'i bu de dag dang / byang chub sems dpa' de dag gcig la gcig 'di
21b3 skad du/ byang chub sems dpa' rigs rin po che ni ji lta bu zhig tu skye bar 'gyur/ yum ni ji lta bu zhig gi lhums su 'jug par 'gyur zhes 'dri'o/ /de la la la na re/
21b4 yul ma ga d+ha na lus 'phags kyi rigs 'di 'byor cing rgyal la lo legs pa dang / bde ba dang ldan pa yin te/ de ni byang chub sems dpa' yum gyi lhums su 'jug pa'i gnas
21b5 su rung ngo zhes zer ro/ /la la na re/ de ni tshul dang mthun pa ma yin te/ de ci'i phyir zhe na/ 'di ltar de ni ma'i rgyud kyis dag pa'ang ma yin/ pha'i rgyud kyis dag pa'ang
21b6 ma yin la/ bsod nams chung dus byung gi /bsod nams rgya chen pos mngon par byung ba ma yin zhing / rgod la mi brtan te mi gnas pa yin la/ yul de'ang nye 'khor gseg
21b7 mas gang ba/ skyed mos tshal dang / mtsho dang / mtshe'u dag kyang mi mngal/ ri brag ltar mtha' 'khob kyi gnas su gyur pa ste/ de'i phyir de ni tshul dang mthun ba ma yin no/ /
22a1 zhes zer ro/ /la la na re/ ko sa la'i rigs 'di 'khor mang zhing bzhon pa mang la nor che ba ste/ de ni byang chub sems dpa' yul gyi lhungs su
22a2 'jug pa'i gnas su rung ngo zhes zer ro/ /la la na re/ de'ang tshul dang mthun par ma yin te/ de ci'i phyir zhe na/ 'di ltar ko sa la'i rigs ni gdol ba'i rigs
22a3 las shi 'phos nas skyes pa yin te/ pha dang mas dag pa'ang ma yin la/ dma' ba la mos pa ste/ rigs mtho bar yang mi bya/ nor dang rin po che'i gter yang
22a4 tshad med par phun sum tshogs pa ma yin te/ de'i phyir de ni tshul dang mthun pa ma yin no zhes zer ro/ /la la na re/ rgyal po bad sa'i rigs 'di 'byor cing rgyas la
22a5 lo legs pa dang / bde ba dang ldan pa yin te/ de ni byang chub sems dpa' yum gyi lhums su 'jug pa'i gnas su rung ngo / /zhes zer ro/ /la la na re/ de'ang de'i
22a6 tshul dang mthun pa ma yin te/ de ci'i phyir zhe na/ 'di ltar rgyal po bad sa'i rigs ni phal pa ste/ gtum la gzi brjid 'bar ba'ang ma yin zhing / skyes pa gzhan
22a7 las skye ba grub pa/ pha ma nyid kyi gzi brjid kyi las kyis grub pa ma yin la/ de'i rgyal po'ang chad par smra ba ste/ de'i phyir de'ang tshul dang mthun pa ma yin no zhe zer
22b1 ro| |la la na re/ grong khyer chen po yangs pa can 'di ni 'byor cing rgyas la lo legs pa dang / bde ba dang ldan pa yin te/ nyams dga' la skye bo mang po dang mis kun tu
22b2 gang ba| stegs bu dang / ba gam dang / rta babs dang / skar khung dang / bsil khang dang / khang pa brtsegs pa dang / khang bzang dag gis legs par brgyan pa ste/ me
22b3 tog gi ra ba dang / nags tshal gyi phreng ba me tog kun tu rgyas pa dang ldan pa yin la/ lha'i pho brang dang 'dra ba yin te/ de ni byang chub sems dpa' yum gyi lhums su
22b4 'jug pa'i gnas su rung ngo / /zhes zer ro/ /la la na re/ de'ang tshul dang mthun pa ma yin te/ de ci'i phyir zhe na/ 'di ltar de dag la ni phan tshun du rigs par smra ba med
22b5 do| |chos spyod pa med do/ /gong ma dang / bar ma dang / rgan pa dang / gtso bo dag la'ang rim gror bya ba med cing / re re zhing yang 'di snyam du bdag ni rgyal po'o/ /bdag
22b6 ni rgyal po'i snyam su sems pas slob mar khas len pa med cing / chos khams len pa med pa ste/ de'i phyir de'ang tshul dang mthun pa ma yin no zhes zer ro/ /la
22b7 la na re/ grong khyer 'phags rgyal na rab snang gi rigs 'di ni dpung che zhing bzhon pa mang ba/ pha rol gyi g.yul ngor rgyal ba thob pa yin te/ de ni byang chub sems
23a1 dpa' yum gyi lhums su 'jug pa'i gnas su rung ngo zhes zer ro/ /la la na re/ de'ang tshul dang mthun pa ma yin te/ de ci'i phyir zhe na/ 'di
23a2 ltar de dag ni khro zhing gtum la brlang zhing gzu lums can rgod pa ste/ las yod par lta ba'ang ma yin pas/ de'i phyir de'ang byang chub sems dpa' yum gyi lhums
23a3 su 'jug pa'i gnas kyi 'os ma yin no zhes zer ro/ /la la na re/ grong khyer bcom brlag 'di 'byor cing rgyas la lo legs pa dang / bde ba dang ldan pa/ skye bo
23a4 mang po dang mis kun tu gang ba yin pas/ rgyal po lag bzang sde dpa' ba'i bdag po'i rgyal po'i pho brang de ni byang chub sems dpa' yum gyi lhums su 'jug pa'i
23a5 gnas su rung ngo zhes zer ro/ /la la na re/ de'ang tshul dang mthun pa ma yin te/ de ci'i phyir zhe na/ 'di ltar rgyal po de ni log par lta ba'i rigs kyi rgyud du
23a6 skyes pa ste/ mi rgod dang 'dra ba'i rgyal po yin pas byang chub sems dpa' srid pa tha ma pa ni log par lta ba'i rigs su skye bar mi rigs te/ de'i phyir de'ang
23a7 tshul dang mthun pa ma yin no zhes zer ro/ /la la na re/ grong khyer ha sti na pu ra 'di'i rgyal po ni skya ba seng gi bu'i rigs kyi rgyud las skyes pa/ dpa' zhing rtul phod pa
23b1 dang ldan pa/ yan lag mchog gi gzugs phun sum tshogs pa gzhan gyi sde 'joms pa ste/ rigs de ni byang chub sems dpa' de yum gyi lhums su 'jug pa'i gnas
23b2 kyi 'os yin no zhes zer ro/ /la la na re/ de'ang tshul dang mthun pa ma yin te/ de ci'i phyir zhe na/ 'di ltar skya bseng gi bu'i rigs su skyes pa dag gis ni rigs kyi rgyud
23b3 rnam par 'khrugs par byas te/ g.yul ngor brtan pa la ni chos kyi bu zhes zer/ 'jigs sde la ni rlung gi bu zhes zer/ srid sgrub la ni dbang po'i bu zhes zer/
23b4 rigs med dang / lhar bcas la ni tha skar gyi bu zhes zer te/ de'i phyir rigs de'ang byang chub sems dpa' de lhums su 'jug pa'i gnas kyi 'os ma yin no zhes
23b5 zer ro| |la la na re/ grong khyer bcom brlag 'di ni shin tu'ang nyams dga' zhing phan tshun 'byor gyi snyed du rgyal po bzang po'i bshes gnyen bzhugs pa'i sa'ang
23b6 yin la| rgyal pod de'ang glang po dang / rta dang / shing rta dang / dpung bu chung dang / dpung gi tshogs mang po dang ldan pa/ gser dang / dngul dang / nor bu dang / mu tig dang /
23b7 bai DUR+Ya dang / dung dang / man shel dang / byi ru dang / sa le sbram dang / nor dang / yo byad shin tu mang ba/ rgyal po dang blon po thams cad kyis zil gyis mi non pa'i stobs
24a1 dang / pha rol gnon pa dang ldan pa/ mdza' ba dang ldan zhing chos la dga' ba ste/ rigs de ni byang chub sems dpa' de yum gyi lhums su 'jug pa'i
24a2 gnas su rung ngo zhes zer ro/ /la la na re/ de'ang tshul dang mthun pa ma yin te/ de ci'i phyir zhe na/ rgyal po bzang po'i bshes gnyen yon tan de lta bu dang ldan pa de yod
24a3 mod kyi| de ni shin tu rgas bas bu skyed pa'i mthu'ang med la/ bu'ang mang bas de'i phyir rigs de'ang byang chub sems dpa' de yum gyi lhums su 'jug pa'i gnas kyi 'os
24a4 ma yin no zhes zer ro/ /de ltar byang chub sems dpa' de dag dang / lha de dag gis dzam+bu'i gling gi yul chen po bcu drug po thams cad na rgyal po'i rigs mthon po mthon
24a5 po'i rigs gang ji snyed cig yod pa de dag thams cad la bltas na/ thams cad kyang nyes pa dang bcas par mthong ste/ de dag de ltar sems pa'i yid la byed pa'i tshe lha'i
24a6 bu ye shes tog gi rgyal mtshan zhes bya ba byang chub las phyir mi ldog pa/ theg pa chen po 'di la nges par gyur pa zhig yod pa des byang chub sems dpa'i 'khor dang /
24a7 lha'i 'khor chen po yod pa de dag la 'di skad ces smras so/ /grogs po dag tshur shog /byang chub sems dpa' de nyid kyi drung du dong ste/ rigs rin po che yon tan ji lta
24b1 bur phun sum tshogs pa zhig tu srid pa tha ma pa'i byang chub sems dpa' skye bar 'gyur ba dri'o zhes smras pa dang / legs so/ /zhes te/ de dag thams cad kyang thal mo
24b2 sbyar nas byang chub sems dpa'i drung du phyin te dris pa/ skyes bu dam pa/ rigs rin po che yon tan phun sum tshogs pa ji lta bu zhig tu byang chub sems dpa' srid pa tha ma pa
24b3 skye bar 'gyur/ de nas byang chub sems dpas byang chub sems dpa'i tshogs chen po dang / lha'i tshogs chen po de dag la rnam par bltas te 'di skad ces smras so/ /grogs
24b4 po dag /byang chub sems dpa' srid pa tha ma pa gang du skye bar 'gyur ba'i rigs de ni rnam pa drug cu rtsa bzhi phun sum tshogs pa yin te/ drug cu rtsa bzhi gang zhe na/ 'di
24b5 lta ste| rigs de ni/ btsun pa yin/ rigs de ni kun gyis mngon par shes pa yin/ rigs de ni phran tshegs med cing gnod par byed pa med pa yin/ rigs de ni
24b6 rgyud phun sum tshogs pa yin/ rigs de ni cho 'brang phun sum tshogs pa yin/ rigs de ni skyes bu zung phun sum tshogs pa yin/ rigs de ni sngon gyi skyes bu zung
24b7 phun sum tshogs pa yin/ rigs de ni btsun pa'i skyes bu zung phun sum tshogs pa yin/ rigs de ni kun gyis mngon par shes pa'i skyes bu zung phun sum tshogs pa yin/
25a1 rigs de ni dbang che bar grags pa'i skyes bu zung phun sum tshogs pa yin/ rigs de ni skyes pa mang ba yin/ rigs de ni bud med mang ba
25a2 yin| rigs de ni 'jigs pa med pa yin/ rigs de ni dman pa med cing zhum pa med pa yin/ rigs de ni brkam pa med pa yin/ rigs de ni tshul khrims dang
25a3 ldan ba yin/ rigs de ni shes rab dang ldan pa yin/ rigs de ni blon pos blta zhing longs spyod la spyod pa yin/ rigs de ni bzo don yod pas bshams shing
25a4 longs spyod la spyod pa yin/ rigs de ni mdza' ba brtan pa yin/ rigs de ni dud 'gro'i skye gnas su skyes pa'i srog chags kyi srog la lta ba yin/ rigs de
25a5 ni byas pa gzo ba dang ldan pa yin/ rigs de ni brtul zhugs shes pa yin/ rigs de ni 'dun pas mi 'gro ba yin/ rigs de ni zhe sdang gis mi 'gro ba yin/
25a6 rigs de ni gti mug gis mi 'gro ba yin/ rigs de ni 'jigs pas mi 'gro ba yin/ rigs de ni kha na ma tho bas 'jigs pa yin/ rigs de ni gti mug
25a7 la mi gnas pa yin/ rigs de ni lag sbabs che ba yin/ rigs de ni bya ba la mos pa yin/ rigs de ni gtong ba la mos pa yin/ rigs de ni sbyin pa la mos
25b1 ba yin| rigs de ni zho sha shes pa yin/ rigs de ni rtsal brtan pa yin/ rigs de ni mthu rtsal dang ldan pa yin/ rigs de ni rtsal mchog dang ldan pa yin/ rigs de
25b2 ni drang srong mchod pa yin/ rigs de ni lha mchod pa yin/ rigs de ni mchod rten mchod pa yin/ rigs de ni mtshun rjed pa yin/ rigs de ni 'khon du 'dzin pa
25b3 med pa yin/ rigs de ni phyogs bcur sgra grags pa yin/ rigs de ni 'khor chen po dang ldan pa yin/ rigs de ni 'khor mi phyed pa dang ldan pa yin/ rigs de ni
25b4 bla na med pa'i 'khor dang ldan pa yin/ rigs de ni rigs kyi nang na gtso bor bya ba yin/ rigs de ni rigs la dbang thob pa yin/ rigs de ni dbang che bar grags
25b5 pa yin| rigs de ni phar 'dzin pa yin/ rigs de ni mar 'dzin pa yin/ rigs de ni dge sbyong du 'dzin pa yin/ rigs de ni bram zer 'dzin pa yin/ rigs de ni
25b6 nor dang 'bru'i bang mdzod mang ba yin/ rigs de ni dbyig dang / gser dang / nor bu dang / mu tig dang / bai DUR+Ya dang / dung dang man shel dang / byi ru dang / sa le sbram
25b7 dang / dngul dang / rdzas dang / yo byad mang ba yin/ rigs de ni glang po che dang / rta dang / rnga mong dang / ba lang dang / lug shin tu mang ba yin/ rigs de ni bran pho dang /
26a1 bran mo dang / las byed pa dang / zho shas 'tsho ba shin tu mang ba yin/ rigs de ni thub par dka' ba yin/ rigs de ni don thams cad grub pa
26a2 yin| rigs de ni 'khor los sgyur ba'i rigs kyi rgyud du skyes pa yin/ rigs de ni sngon gyi dge ba'i rtsa ba'i grogs kyis bskyed pa yin/ rigs de ni byang chub
26a3 sems dpa'i rigs su rigs btsun par skyes pa yin/ rigs de ni 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram ze'i
26a4 skye rgu dang bcas pa'i nang na rigs las smos pa'i skyon gyi kha na ma tho ba thams cad dang bral ba ste/ grogs po dag /gang du byang chub sems dpa' srid pa tha ma pa 'byung
26a5 bar 'gyur ba'i rigs de ni| rnam pa drug cu rtsa bzhi po de dag dang ldan pa yin no/ /grogs po dag /srid pa tha ma pa'i byang chub sems dpa' bud med gang gi mngal du
26a6 'jug par 'gyur ba'i bud med de ni yon tan gyi rnam pa sum cu rtsa gnyis dang ldan pa yin te/ sum cu rtsa gnyis gang zhe na/ 'di lta ste/ byang chub sems dpa' srid pa
26a7 tha ma pa ni kun gyis mngon par shes pa'i bud med kyi mngal du 'jug go /kun gyis mngon par rig pa dang / spyod pa la glags mi thod pa dang / rigs phun sum tshogs pa
26b1 dang / cho 'brang phun sum tshogs pa dang / gzugs phun sum tshogs pa dang / ming phun sum tshogs pa dang / chu zheng phun sum tshogs pa dang / sngon chad ma btsas pa dang /
26b2 tshul khrims phun sum tshogs pa dang / gtong ba phun sum tshogs pa dang / bzhin 'dzum pa dang / mthun par 'dzin pa dang / gsal ba dang / dul ba dang / 'jigs pa med pa dang /
26b3 mang du thos pa dang / mkhas pa dang / sgyu med pa dang / g.yo med pa dang / mi khro ba dang / phrag dog med pa dang / ser sna med pa dang / mi rgod pa dang / mi g.yeng ba dang / ca co med
26b4 pa dang / bzod cing des pa dang ldan pa dang / ngo tsha shes shing khrel yod pa dang / 'dod chags dang / zhe sdang dang / gti mug gi shas chung ba dang / bud med kyi skyon dang bral ba dang /
26b5 khyim thab kyi brtul zhugs dang ldan pa dang / yon tan thams cad phun sum tshogs pa'i bud med kyi mngal du byang chub sems dpa' srid pa tha ma pa 'jug go /grogs po
26b6 dag /byang chub sems dpa' srid pa tha ma pa bud med gang gi mngal du 'jug pa'i bud med de ni yon tan gyi rnam pa sum cu rtsa gnyis po de dag dang ldan pa yin no/ /grogs po
26b7 dag /byang chub sems dpa' ni zla ba mar gyi ngo la ma'i mngal du mi 'jug gi /byang chub sems dpa' srid pa tha ma ba ni zla ba yar gyi tshes bco lnga'i zla ba nya ste rgyas pa la
27a1 skar ma rgyal dang ldan pa'i tshe/ ma gso sbyong blangs pa'i mngal du 'jug go /de nas byang chub sems dpa' de dag dang / lha'i bu de dag gis byang chub sems
27a2 dpa' las rigs yongs su dag pa dang / ma yongs su dag pa'i rnam pa de lta bu de dag thos nas 'di snyam du sems te/ skyes bu dam pa 'di rnam pa ji snyed du bstan pa de lta
27a3 bu'i yon tan dang ldan pa'i rigs de gang zhig la yod snyam du sems so/ /de ltar sems shing yid la byed pa la zhugs ba na/ de dag 'di snyam ste/ shAkya'i grong khyer 'di
27a4 'byor cing rgyas la bde zhing lo legs pa dang ldan te/ nyams dga' zhing skye bo mang po dang mis gang ba yin la/ rgyal po zas gtsang ma'ang ma'i rgyud kyis dag pa/ pha'i
27a5 rgyud kyis dag pa/ chung ma dag pa dang ldan pa/ las kyi mtha' la nyon mongs pa med pa/ dpe byad bzang pa/ shin tu mdzangs pa/ bsod nams kyi gzi brjid dang ldan pa/
27a6 grags pa chen po'i rigs su skyes ba/ 'khor los bsgyur ba'i rigs kyi rgyud du skyes pa/ nor dang / gter dang / rin po che dpag tu med pa dang ldan pa/ las yod par
27a7 lta ba| sdig pa'i lta ba med pa/ shAkya'i yul kun na'ang rgyal po de gcig pur zad de/ tshong dpon dang / khyim bdag dang / blon po dang / 'khor gyi mi thams cad kyis rim
27b1 gror bya zhing mchod pa/ mdzes pa/ blta na sdug pa/ ha cang yang mi rga na/ ha cang yang mi gzhon zhing gzugs mdzes la yon tan thams cad dang ldan pa/ bzo shes pa/ dus
27b2 shes pa| bdag shes pa/ chos shes pa/ sems shes pa/ 'jig rten shes pa/ mtshan shes pa/ chos kyi rgyal po chos kyis rjes su ston pa'o/ /ser skya'i gnas kyi grong
27b3 khyer chen po de ni sems can dge ba'i rtsa ba skyed pa rnams kyi gnas te/ gang dag der skyes par gyur pa de dag kyang de dang skal ba 'dra ba dag go /rgyal po zas gtsang ma de
27b4 la lha mo sgyu 'phrul zhes bya ba shAkya'i bdag po shin tu legs par rtogs pa zhes bya ba'i bu mo zhig yod pa'ang phyug cing gzhon zhing dar la bab pa'i gzugs phun sum tshogs
27b5 pa| sngon chad ma btsas pa/ bu dang bu mo med pa/ gzugs mdzes pa/ bu don la bris pa ltar blta na sdug pa/ lha'i bu mo ltar rgyan thams cad kyis brgyan pa/ bud med kyi skyon
27b6 rnams dang bral ba/ bden par smra ba/ mi drag pa/ mi brlang ba/ mi gcor ba/ kha na ma tho ba med pa/ gyo mo'i sgra lta bu med pa/ ca co med pa/ 'jam zhing snyan la yid du 'ong
27b7 bar smra ba/ mi des pa dang / khong khro ba dang / nga rgyal dang / dregs pa dang / rgyags pa dang / khro ba med pa/ phrag dog med pa/ dus su smra ba/ gtong ba phun sum tshogs pa/
28a1 tshul khrims dang ldan pa/ khyos chog par 'dzin pa/ khyim thab kyi brtul zhugs can/ skyes pa gzhan la bsam pa'i yid la bya ba dang bral ba/ mgo
28a2 dang / rna ba dang / sna gnas su phebs pa/ bung ba'i mchog gi kha dog lta bu'i skra dang ldan pa/ dpral ba legs pa/ smin tshugs legs pa/ khro gnyer med pa/ bzhin
28a3 'dzum pa/ gsod por smra ba/ 'jam zhing snyan pa'i tshig dang ldan pa/ mthun par 'dzin pa/ drang ba/ gya gyu med pa/ sgyu med pa/ g.yo med pa/ khrel yod cing ngo tsha shes
28a4 pa| mi rgod pa/ mi g.yeng ba/ kha ngan mi smra ba/ 'chal ba'i tshig med pa/ 'dod chags dang / zhe sdang dang / gti mug gi shas chung ba/ dang des shing bzod pa dang ldan pa/
28a5 rkang lag dang / mig dang / blo shin tu bsrungs pa/ rkang lag shin tu 'jam pa/ ka tsa lin+da'i gos ltar reg na bde ba/ pad+ma gzhon nu'i 'dab ma ltar mig shin tu rnam par
28a6 dag pa| sna dbyibs legs shing mdog sdug pa/ yan lag shin tu brtan pa/ 'ja'i dbyibs ltar shin tu 'dud pa/ yan lag dang / nying lag shin tu 'byes pa/ yan
28a7 lag la smad du med pa/ mchu bim pa ltar dmar ba/ blta na mdzes pa/ mgul rim bzhin du 'dug pa/ rgyan dam pa dang ldan pa/ sna ma'i me tog dang par+shi ka ltar so
28b1 shin tu rnam par dag pa/ phrag pa legs par byin gyis 'tsham pa/ rim gyis legs par grub pa'i dpung pa dang ldan pa/ rked pa gzhu'i 'chang bzung ltar phra ba/ gzhogs
28b2 nyams pa med pa/ lte ba khung zab pa/ sta zur 'jam zhing yangs la zlum zhing brtan par grub pa/ rdo rje ltar mkhregs shing mtshungs par med pa'i lus dang ldan pa/ glang po'i
28b3 sna ltar mnyam zhing legs pa'i brla dang ldan pa/ byin pa ri dwags e na ya'i lta bu/ lag pa dang rkang pa'i mthil rgya skyegs kyi khu ba ltar 'dug pa/ 'gro ba'i mig tu sdug
28b4 pa| mig gi dbang po nyams pa med pa/ yid du 'ong zhing blta na sdug pa/ bud med rin po che'i gzugs las kyang khyad par 'phags pa/ mtshungs pa med pa/ sgyu 'phrul
28b5 sprul pa lta bu'i gzugs su 'dug pas sgyu 'phrul zhes ming gi brdar btags pa/ sgyu rtsal la mkhas pa/ dga' tshal gyi lha'i bu mo lta bu zhig rgyal po zas gtsang ma'i
28b6 btsun mo'i 'khor gyi nang na 'dug pa de ni byang chub sems dpa'i yul du tshul dang mthun gyi/ gang byang chub sems dpas rigs dag pa bstan pa de ni shAkya'i rigs
28b7 nyid la snang gi/ gzhan la ni ma yin no/ /de la 'di skad ces bya ste/ dag pa'i sems can chos mtho khang bzang na/ /chos bzang seng+ge'i khri la rab tu 'dug /byang chub sems
29a1 dpa' grags chen ldan pa dang / /skal ba mnyam pa'i lha rnams drang srong 'khor/ /de na 'dug cing de ni 'di snyam sems/ /rigs gang rnam dag rab tu
29a2 shes dang ldan/ /byang chub sems dpa' skye dang tshul mthun gang / /pha ma gang zhig dag pa'i dngos dang ldan/ /dzam+bu'i gling 'di kun tu rnam bltas na/ /rgyal rigs rgyal
29a3 rgyud che ba gang yin pa/ /kun kyang skyon dang bcas par rjes bsam nas/ /shAkya'i rigs ni skyon dang bral bar mthong / /zas gtsang rgyal po'i rigs nang rigs dang ldan/ /
29a4 mi dbang rgyud na rnam dag cho rigs can/ /'byor cing rgyas la 'khrug pa med pa ste/ /skye bo dam pa chos ldan rim gro can/ /ser skyar brjod pa'i grong khyer sems can
29a5 gzhan| |kun kyang bsam pa rab dag chos dang ldan/ /skyed mos kun dga' gzhal med khang gis brgyan/ /skye ba'i sar ni ser skyar brjod pa mdzes/ /kun kyang tshan chen
29a6 stobs dang ldan pa ste/ /glang po gnyis sam gsum gyi stobs kyang bdog /'phong rtsal bslab pa'i pha rol mthar phyin kyang / /srog gi don du gzhan la gnod mi byed/ /zas
29a7 gtsang rgyal po'i bud med dben pa ste/ /bud med dam pa stong gi mchog tu phyin/ /yid du 'ong ba sgyu 'phrul sprul pa'i gzugs/ /de yi ming yang lha mo sgyu 'phrul te/ /
29b1 mdzes pa'i gzugs 'chang lha yi bu mo bzhin/ /'byes pa'i lus ldan yan lag dri med sdug /lha dang mi rnams gang yang rung ba dag /sgyu 'phrul mthong na gang ngoms de med kyang
29b2 'dod chags zhen med sdang bas zhe sdang med/ /de ni 'jam snyan drang ba'i ngag dang ldan/ /mi brlang mi rtsub shin tu des pa ste/ /de ni bzhin 'dzum khro gnyer rab tu spangs/ /ngo tsha khrel
29b3 yod chos spyod ldan pa ste/ /nga rgyal med cing ma khengs rgod pa med/ /phrag dog med cing sgyu dang g.yo med de/ /gtong la dga' zhing rtag tu byams sems ldan/ /las yod lta zhing
29b4 log pa'i sbyor ba spangs/ /bden la gnas shing lus dang yid rab bsdams/ /sa la gang yod bud med skyon mang tshogs/ /de dag thams cad de la yod ma yin/ /mi yi 'jig
29b5 rten dri za'i 'jig rten nam/ /lha yi 'jig rten dag na bud med bzhin/ /lha mo sgyu 'phrul mtshungs med ga la lhag /drang srong chen po'i mar ni de 'os te/ /tshe rabs lnga brgya kho
29b6 nar tshang bar yang / /de ni byang chub sems dpa'i mar gyur to/ /de dang der ni yab kyang zas gtsang ste/ /de phyir yon tan ldan pa'i ma yi 'os/ /dka' thub can ltar de ni brtul zhugs
29b7 gnas| |brtul zhugs rjes spyod rtag par chos kyang spyod/ /rgyal pos gnang ste mchog sbyin thob pas na/ /'dod pa ma spyad zla ba sum cu gnyis/ /gang gi phyogs na de 'dug
30a1 'greng ba'am/ /nyal zhing 'gro bar gyur ba'i gnas dag kyang / /de yi las dge gzhol ba'i 'od zer gyis/ /shin tu snang bar 'od kyis gsal bar
30a2 gyur| |lha dang lha min mi rnams gang yang rung / /'dod chags sems kyis blta bar nus pa med/ /spyod lam rnams su 'phags pa'i yon tan ldan/ /de la kun kyang ma
30a3 dang bu mor lta/ /sgyu 'phrul lha mo'i dge ba'i las kyi rgyus/ /rgyal po'i srid ni rab yangs rnam par 'phel/ /khams kyi rgyal po'ang 'jug par mi byed cing / /rgyal po'i grags
30a4 dang brjod pa rnam par 'phel/ /de ltar sgyu 'phrul snod du mthun gyur cing / /de ltar sems can dam pa mchog mdzes pas/ /de gnyis yon tan mchog dang ldan pas
30a5 na| |'di ni bur 'gyur de ni ma yi 'os/ /lha mo yon tan mchog dang ldan pa ste/ /glang po khri yi stobs bdog ma gtogs par/ /dzam+bu'i rgyal mtshan 'di na mi mchog
30a6 de| |'dzin par nus pa'i bud med gang yang med/ /de skad che ba'i lha yi bu rnams dang / /byang chub sems dpa' shes rab rgya chen dag /shAkya'i rigs rnams dga' bar
30a7 mdzad pa yi/ /yum du legs ldan sgyu 'phrul 'gyur zhes zer/ /rigs yongs su dag pa'i le'u ste/ gsum pa'o// //dge slong dag /de ltar byang chub
30b1 sems dpas skye ba'i rigs la rnam par bltas nas dga' ldan gyi gnas kyi gzhal med khang chen po chu dang rgyal dpag tshad drug cu rtsa bzhi yod pa gang du byang chub sems
30b2 dpa' 'dug ste/ dga' ldan gyi lha rnams la chos ston pa rgyal mtshan mthon po zhes bya ba yod de/ byang chub sems dpa' de gzhal med khang chen po der song nas phyin pa
30b3 dang / dga' ldan gyi ris kyi lha'i bu thams cad la smras pa/ khyed rnams 'dir 'du bar gyis shig /shi 'pho ba'i rnam par sbyor ba zhes bya ba'i chos rjes su dran pa rjes su
30b4 bstan pa tha ma'i chos mnyan pa byang chub sems dpa' las nyon cig /de skad kyi tshig thos nas dga' ldan gyi ris kyi lha'i bu thams cad lha'i bu mo'i tshogs dang bcas te
30b5 gzhal med khang chen po der 'dus so/ /der byang chub sems dpa' 'khor gyi khyams gling bzhi pa chen po'i 'jig rten gyi khams kyi tshad tsam du yangs par byin gyis
30b6 brlabs par gyur nas de de tsam du bzang zhing de tsam du blta na sdug la/ de tsam du rgyan gyis rgyas shing de tsam du yid du 'ong bar gyur pa des 'dod pa na spyod pa dang / gzugs
30b7 na spyod pa'i lha'i bu thams cad rang rang gi khyim gyi bkod pa la dur khrod lta bu'i 'du shes skyes par gyur to/ /de la byang chub sems dpa' rang gi bsod nams kyi rnam par
31a1 sman pa'i rgyu mthun pas yongs su brgyan pa'i seng+ge'i khri nor bu rin po che du mas rtsa ba spras pa/ lha'i ras bcos bu'i stan du ma bting ba/ lha'i spos
31a2 zhim po du mas bsgom pa/ bdug spos dam pa mchog tu bya ba du mas bdugs pa/ lha'i me tog kha dog du ma'i dgra ma pa bkram pa/ nor bu rin po che'i 'od brgya stong du ma
31a3 'bar ba'i gzi brjid can/ nor bu rin po che du ma'i dra bas g.yogs pa/ rin po che'i dril bu g.yer kha'i dra ba du ma'i sgra 'byung bas mngon par dga' ba dang ldan pa/ rin
31a4 po che'i dril bu brgya stong du ma mngon par dkrol ba'i sgra dang ldan pa/ rin po che'i dra ba brgya stong du mas yongs su gsal bar gyur pa/ rin po che'i gdugs brgya stong du mas
31a5 kun nas bkab pa/ dar brgya stong du mas rab tu dpyangs pa/ dar gyi phreng ba lnga ldi brgya stong du mas shin tu brgyan pa/ lha'i bu mo brgya stong du mas glu blangs gar byas/
31a6 rol mo byas pa/ yon tan brgya stong du ma kun tu brjod pa/ 'jig rten skyong ba brgya stong du mas rjes su bsrungs pa/ brgya byin brgya stong du mas phyag byas pa/ tshangs pa
31a7 brgya stong du mas rab tu btud pa/ byang chub sems dpa' bye ba khrag khrig brgya stong du mas yongs su bzung ba/ phyogs bcu'i sangs rgyas bye ba khrag khrig brgya stong du ma
31b1 mtha' yas pas dgongs pa/ bskal pa bye ba khrag khrig brgya stong dpag tu med par pha rol tu phyin pa tshogs su byas pa'i bsod nams kyi rnam par smin pa'i rgyu mthun pa las byung
31b2 ba de lta bu la 'dug go /dge slong dag /de ltar byang chub sems dpa' seng+ge'i khri chen po yon tan de lta bu dang ldan pa la 'dug nas lha'i 'khor chen po de dag la smras pa/ grogs
31b3 po dag /byang chub sems dpa'i lus bsod nams brgya'i mtshan gyis legs par brgyan pa la ltos/ shar dang / lho dang / nub dang / byang dang / 'og dang / steng dang / phyogs
31b4 bcu kun na byang chub sems dpa' dga' ldan gyi gnas dam pa na 'khod cing thams cad kyang srid pa tha ma la mngon du phyogs pa/ lha'i tshogs kyis yongs su bskor ba/
31b5 'chi 'pho'i rnam pas lha rnams dga' bar byed pa'i chos snang ba'i sgo yang dag par ston pa tshad med/ grangs med/ bgrang ba las 'das pa dag la ltos/ de nas lha'i 'khor
31b6 de thams cad kyis byang chub sems dpa'i byin gyi rlabs kyis byang chub sems dpa' de dag mthong bar gyur te/ mthong bar gyur nas kyang byang chub sems dpa' ga la ba de
31b7 legs su thal mo sbyar ba btud de yan lag lngas phyag 'tshal nas 'di skad du/ 'di ltar bdag cag gis bltas pa tsam gyis byang chub sems dpa' 'di snyed cig mthong
32a1 ba ni byang chub sems dpa'i byin gyi rlabs bsam gyis mi khyab ste/ legs so zhes ched du brjod pa ched du brjod do/ /de nas byang chub sems dpas
32a2 yang lha'i 'khor chen po de dag la bos nas 'di skad ces smras te/ grogs po dag /de bas na/ byang chub sems dpa' de dag lha'i bu de dag la gang ston pa 'chi 'pho'i
32a3 rnam par lha rnams dga' bar byed pa'i chos snang ba'i sgo nyon cig /grogs po dag /chos snang ba'i sgo brgya rtsa brgyad po 'di dag ni byang chub sems dpa' 'chi 'pho'i
32a4 dus la bab pa'i tshe lha'i 'khor la gdon mi za bar yang dag par bstan par bya ba ste/ brgya rtsa brgyad gang zhe na/ 'di lta ste/ grogs po dag /dad pa ni chos snang ba'i
32a5 sgo ste| bsam pa mi phyed par 'gyur ro/ /dang ba ni chos snang ba'i sgo ste/ sems rnyog pa can dang bar 'gyur ro/ /mchog tu dga' ba ni chos snang ba'i sgo ste/ lus
32a6 shin tu sbyangs par 'gyur ro/ /dga' ba ni chos snang ba'i sgo ste/ sems rnam par dag par 'gyur ro/ /lus kyi sdom pa ni chos snang ba'i sgo ste/ lus kyi nyes pa rnam
32a7 pa gsum yongs su dag par 'gyur ro/ /ngag gi sdom pa ni chos snang ba'i sgo ste/ ngag gi nyes pa bzhi yongs su spong bar 'gyur ro/ /yid kyi sdom pa ni chos snang
32b1 ba'i sgo ste/ yid kyi brnab sems dang / gnod sems dang / log par lta ba spong bar 'gyur ro/ /sangs rgyas rjes su dran pa ni chos snang ba'i sgo ste/ sangs rgyas mthong ba
32b2 rnam par dag par 'gyur ro/ /chos rjes su dran pa ni chos snang ba'i sgo ste/ chos bstan pa rnam par dag par 'gyur ro/ /dge 'dun rjes su dran pa ni chos snang ba'i sgo ste/
32b3 skyon med par 'jug par 'gyur ro/ /gtong ba rjes su dran pa ni chos snang ba'i sgo ste/ rdzas thams cad rab tu spong bar 'gyur ro/ /tshul khrims rjes su dran pa ni chos snang
32b4 ba'i sgo ste/ smon lam yongs su rdzogs par 'gyur ro/ /lha rjes su dran pa ni chos snang ba'i sgo ste/ sems rgya chen por 'gyur ro/ /byams pa ni chos snang ba'i sgo ste/ rdzas
32b5 las byung ba'i bsod nams bya ba'i dngos po thams cad zil gyis gnon par 'gyur ro/ /snying rje ni chos snang ba'i sgo ste/ rnam par 'tshe ba med pa lhur len par 'gyur ro/ /
32b6 dga' ba ni chos snang ba'i sgo ste/ mi dga' ba thams cad sel bar 'gyur ro/ /btang snyoms ni chos snang ba'i sgo ste/ 'dod pa la smod par 'gyur ro/ /mi rtag par so sor rtog
32b7 pa ni chos snang ba'i sgo ste/ 'dod pa dang / gzugs yod pa dang / gzugs med pa'i 'dod chags las yang dag par 'da' bar 'gyur ro/ /sdug bsngal du so sor rtog pa ni
33a1 chos snang ba'i sgo ste/ smon lam kun tu chad par 'gyur ro/ /bdag med par so sor rtog pa ni chos snang ba'i sgo ste/ bdag la mngon par zhen pa
33a2 med par 'gyur ro/ /zhi bar so sor rtog pa ni chos snang ba'i sgo ste/ rjes su chags pa 'bar ba med par 'gyur ro/ /ngo tsha shes pa ni chos snang ba'i sgo ste/ nang nye bar
33a3 zhi bar 'gyur ro/ /khrel yod pa ni chos snang ba'i sgo ste/ phyi rol nye bar zhi bar 'gyur ro/ /bden pa ni chos snang ba'i sgo ste/ lha dang mi rnams la mi slu bar 'gyur ro/ /
33a4 yang dag pa ni chos snang ba'i sgo ste/ bdag la slu ba med par 'gyur ro/ /chos spyad pa ni chos snang ba'i sgo ste/ chos la rten par 'gyur ro/ /gsum la skyabs su 'gro ba
33a5 ni chos snang ba'i sgo ste/ ngan song gsum las yang dag par 'da' bar 'gyur ro/ /byas pa gzo ba ni chos snang ba'i sgo ste/ dge ba'i rtsa ba byas pa rnams chud mi za bar
33a6 'gyur ro/ /byas pa rig pa ni chos snang ba'i sgo ste/ gzhan la brnyas pa med par 'gyur ro/ /bdag shes pa ni chos snang ba'i sgo ste/ bdag la bstod pa med par 'gyur ro/ /
33a7 sems can shes pa ni chos snang ba'i sgo ste/ gzhan la smod pa med par 'gyur ro/ /chos shes pa ni chos snang ba'i sgo ste/ chos kyi rjes su mthun pa'i chos la nan tan
33b1 byed par 'gyur ro/ /dus shes pa ni chos snang ba'i sgo ste/ mthong ba don yod par 'gyur ro/ /nga rgyal bcom pa ni chos snang ba'i sgo ste/ ye shes yongs su rdzogs par 'gyur ro/ /
33b2 zhe 'gras pa med pa'i sems ni chos snang ba'i sgo ste/ bdag dang gzhan rjes su srung bar 'gyur ro/ /'khon du mi 'dzin pa ni chos snang ba'i sgo ste/ 'gyod pa med par 'gyur
33b3 ro| |mos pa ni chos snang ba'i sgo ste/ the tshom med pa lhur len par 'gyur ro/ /mi sdug par so sor rtog pa ni chos snang ba'i sgo ste/ 'dod pa la rnam par rtog pa spong bar
33b4 'gyur ro/ /gnod sems med pa ni chos snang ba'i sgo ste/ gnod sems kyi rnam par rtog pa spong bar 'gyur ro/ /gti mug med pa ni chos snang ba'i sgo ste/ mi shes pa rnam par
33b5 sel bar 'gyur ro/ /chos don du gnyer ba ni chos snang ba'i sgo ste/ don la rton par 'gyur ro/ /chos 'dod pa ni chos snang ba'i sgo ste/ chos snang ba thob par 'gyur ro/ /thos pa
33b6 tshol ba ni chos snang ba'i sgo ste/ tshul bzhin du chos la so sor rtog par 'gyur ro/ /yang dag pa'i sbyor ba ni chos snang ba'i sgo ste/ yang dag par nan tan byed par 'gyur ro/ /
33b7 ming dang gzugs yongs su shes pa ni chos snang ba'i sgo ste/ chags pa thams cad las yang dag par 'da' bar 'gyur ro/ /rgyur lta ba yang dag par 'joms pa ni chos snang
34a1 pa'i sgo ste/ rig pa dang rnam par grol ba thob par 'gyur ro/ /rjes su chags pa dang khong khro ba spong ba ni chos snang ba'i sgo ste/ mtho bar sems pa med
34a2 cing dma' bar sems pa med par 'gyur ro/ /phung po la mkhas pa ni chos snang ba'i sgo ste/ sdug bsngal yongs su shes par 'gyur ro/ /khams mnyam pa nyid ni chos
34a3 snang ba'i sgo ste/ kun 'byung ba spong bar 'gyur ro/ /skye mched bsal ba ni chos snang ba'i sgo ste/ lam sgom par 'gyur ro/ /mi skye ba'i bzod pa ni chos snang ba'i sgo
34a4 ste| 'gog pa mngon du byed par 'gyur ro/ /lus la song ba'i dran pa ni chos snang ba'i sgo ste/ lus dben par 'gyur ro/ /tshor ba la song ba'i dran pa ni chos snang
34a5 ba'i sgo ste/ tshor ba thams cad rgyun chad par 'gyur ro/ /sems la song ba'i dran pa ni chos snang ba'i sgo ste/ sems la sgyu ma lta bur so sor rtog par 'gyur ro/ /chos la
34a6 song ba'i dran pa ni chos snang ba'i sgo ste/ rab rib dang bral ba'i ye shes su 'gyur ro/ /yang dag pa'i spong ba bzhi ni chos snang ba'i sgo ste/ mi dge ba'i chos thams
34a7 cad spong ba dang / dge ba'i chos thams cad yongs su rdzogs par 'gyur ro/ /rdzu 'phrul gyi rkang pa bzhi ni chos snang ba'i sgo ste/ lus dang sems yang bar 'gyur ro/ /dad
34b1 pa'i dbang po ni chos snang ba'i sgo ste/ gzhan gyi dring mi 'jog par 'gyur ro/ /brtson 'grus kyi dbang po ni chos snang ba'i sgo ste/ shin tu rtogs pa'i ye shes dang ldan par
34b2 'gyur ro/ /dran pa'i dbang po ni chos snang ba'i sgo ste/ las legs par byas par 'gyur ro/ /ting nge 'dzin gyi dbang po ni chos snang ba'i sgo ste/ sems rnam par grol bar
34b3 'gyur ro/ /shes rab kyi dbang po ni/ chos snang ba'i sgo ste/ mngon sum gyi ye shes su 'gyur ro/ /dad pa'i stobs ni chos snang ba'i sgo ste/ bdud kyi stobs las yang dag par
34b4 'da' bar 'gyur ro/ /brtson 'grus kyi stobs ni chos snang ba'i sgo ste/ phyir mi ldog par 'gyur ro/ /dran pa'i stobs ni chos snang ba'i sgo ste/ mi 'phrog par 'gyur ro/ /ting nge
34b5 'dzin gyi stobs ni chos snang ba'i sgo ste/ rnam par rtog pa thams cad spong bar 'gyur ro/ /shes rab kyi stobs ni chos snang ba'i sgo ste/ mi thul bar 'gyur ro/ /dran pa yang dag byang
34b6 chub kyi yan lag ni chos snang ba'i sgo ste/ chos ji lta ba bzhin du rab tu shes par 'gyur ro/ /chos rnam par 'byed pa yang dag byang chub kyi yan lag ni chos snang ba'i sgo ste/ chos thams
34b7 cad yongs su rdzogs par 'gyur ro/ /brtson 'grus yang dag byang chub kyi yan lag ni chos snang ba'i sgo ste/ shin tu rtogs pa'i blo dang ldan par 'gyur ro/ /dga' ba yang dag byang chub
35a1 kyi yan lag ni chos snang ba'i sgo ste/ ting nge 'dzin sgrub par 'gyur ro/ /shin tu sbyangs pa yang dag byang chub kyi yan lag ni chos snang ba'i sgo ste/
35a2 bya ba byas par 'gyur ro/ /ting nge 'dzin yang dag byang chub kyi yan lag ni chos snang ba'i sgo ste/ chos thams cad mnyam pa nyid du khong du chud par 'gyur ro/ /btang snyoms yang
35a3 dag byang chub kyi yan lag ni chos snang ba'i sgo ste/ skye bo thams cad la smod par 'gyur ro/ /yang dag pa'i lta ba ni chos snang ba'i sgo ste/ skyon med par 'jug par 'gyur
35a4 ro| |yang dag pa'i rtog pa ni chos snang ba'i sgo ste/ rtog pa dang / rnam par rtog pa dang / yongs su rtog pa thams cad spong bar 'gyur ro/ /yang dag pa'i dag ni chos snang
35a5 ba'i sgo ste/ yi ge dang / sgra dang / skad dang / tshig gi lam thams cad brag ca dang mnyam pa nyid du rtogs par 'gyur ro/ /yang dag pa'i las kyi mtha' ni chos snang ba'i
35a6 sgo ste/ las med cing rnam par smin pa med par 'gyur ro/ /yang dag pa'i 'tsho ba ni chos snang ba'i sgo ste/ tshol ba thams cad rgyun du chad par 'gyur ro/ /yang dag pa'i rtsol
35a7 ba ni chos snang ba'i sgo ste/ pha rol gyi ngogs su phyin par 'gyur ro/ /yang dag pa'i dran pa ni chos snang ba'i sgo ste/ dran pa med cing yid la byed pa med par 'gyur ro/ /
35b1 yang dag pa'i ting nge 'dzin ni chos snang ba'i sgo ste/ sems mi 'khrugs pa'i ting nge 'dzin thob par 'gyur ro/ /byang chub kyi sems ni chos snang ba'i sgo ste/ dkon mchog
35b2 gsum gyi rigs rgyun mi chad par 'gyur ro/ /bsam pa ni chos snang ba'i sgo ste/ theg pa dman pa la 'dod pa med par 'gyur ro/ /lhag pa'i bsam pa ni chos snang ba'i sgo ste/
35b3 sangs rgyas kyi chos rgya chen po la lhag par dmigs par 'gyur ro/ /sbyor ba ni chos snang ba'i sgo ste/ dge ba'i chos thams cad yongs su rdzogs par 'gyur ro/ /sbyin pa'i pha
35b4 rol tu phyin pa ni chos snang ba'i sgo ste/ mtshan dang / dpe byad bzang po dang / sangs rgyas kyi zhing yongs su dag par 'gyur zhing ser sna can gyi sems can yongs su smin par byed
35b5 par 'gyur ro/ /tshul khrims kyi pha rol tu phyin pa ni chos snang ba'i sgo ste/ mi khom pa dang / ngan 'gro thams cad las yang dag par 'da' zhing tshul khrims 'tshal ba'i sems
35b6 can yongs su smin par byed par 'gyur ro/ /bzod pa'i pha rol tu phyin pa ni chos snang ba'i sgo ste/ gnod sems dang / tha ba dang / zhe sdang dang / nga rgyal dang / dregs pa dang /
35b7 rgyags pa spong bar 'gyur zhing gnod sems can gyi sems can yongs su smin par byed par 'gyur ro/ /brtson 'grus kyi pha rol tu phyin pa ni chos snang ba'i sgo ste/ dge ba'i
36a1 chos brtsams pa thams cad nyams su lon par 'gyur zhing le lo can gyi sems can yongs su smin par byed par 'gyur ro/ /bsam gtan gyi pha rol
36a2 tu phyin pa ni chos snang ba'i sgo ste/ bsam gtan dang mngon par shes pa thams cad bskyed cing sems g.yeng pa can gyi sems can yongs su smin par byed par 'gyur ro/ /
36a3 shes rab kyi pha rol tu phyin pa ni chos snang ba'i sgo ste/ ma rig pa dang / gti mug gi mun pa mun nag dang / dmigs pa'i lta ba spong zhing shes rab kyi 'chal pa'i sems can
36a4 yongs su smin par byed par 'gyur ro/ /thabs mkhas pa ni chos snang ba'i sgo ste/ sems can ji ltar mos pa bzhin du spyod lam ston cing sangs rgyas kyi chos thams
36a5 cad sgrub par 'gyur ro/ /bsdu ba'i dngos po bzhi ni/ chos snang ba'i sgo ste/ sems can thams cad sdud cing byang chub brnyes pa las chos nod par 'gyur ro/ /sems can
36a6 yongs su smin par bya ba ni chos snang ba'i sgo ste/ bdag gi bde ba la mi chags shing yongs su skyo ba med par 'gyur ro/ /dam pa'i chos yongs su 'dzin pa ni chos snang
36a7 ba'i sgo ste/ sems can thams cad kyi kun nas nyon mongs pa spong bar 'gyur ro/ /bsod nams kyi tshogs ni chos snang ba'i sgo ste/ sems can thams cad nye bar 'tsho
36b1 bar 'gyur ro/ /ye shes kyi tshogs ni chos snang ba'i sgo ste/ stobs bcu yongs su rdzogs par 'gyur ro/ /zhi gnas kyi tshogs ni chos snang ba'i sgo ste/ de bzhin gshegs pa
36b2 ting nge 'dzin thob par 'gyur ro/ /lhag mthong gi tshogs ni chos snang ba'i sgo ste/ shes rab kyi mig thob par 'gyur ro/ /so so yang dag par rig pa la 'jug pa ni chos snang
36b3 ba'i sgo ste/ chos kyi mig thob par 'gyur ro/ /rton pa la 'jug pa ni chos snang ba'i sgo ste/ sangs rgyas kyi spyan yongs su dag par 'gyur ro/ /gzungs thob pa ni chos snang ba'i sgo
36b4 ste| sangs rgyas kyis gsungs pa thams cad 'dzin par 'gyur ro/ /spobs pa thob pa ni chos snang ba'i sgo ste/ sems can thams cad legs par bshad pas tshim par byed par
36b5 'gyur ro/ /rjes su mthun pa'i chos kyi bzod pa ni chos snang ba'i sgo ste/ sangs rgyas kyi chos thams cad dang mthun par 'gyur ro/ /mi skye ba'i chos la bzod pa ni chos snang
36b6 ba'i sgo ste/ lung bstan pa thob par 'gyur ro/ /phyir mi ldog pa'i sa ni chos snang ba'i sgo ste/ sangs rgyas kyi chos thams cad yongs su rdzogs par 'gyur ro/ /sa nas sar
36b7 'phar ba'i ye shes ni chos snang ba'i sgo ste/ thams cad mkhyen pa'i ye shes kyis dbang bskur bar 'gyur ro/ /dbang bskur ba'i sa ni chos snang ba'i sgo ste/ mngal du
37a1 'jug pa dang / btsas pa dang / mngon par 'byung ba dang / dka' ba spyad pa dang / byang chub kyi snying por 'gro ba dang / bdud gdul ba dang / byang chub
37a2 rnam par 'tshang rgya ba dang / chos kyi 'khor lo bskor ba dang / yongs su mya ngan las 'das pa chen po ston par 'gyur ro/ /grogs po dag /'di dag ni chos snang ba'i sgo
37a3 brgya rtsa brgyad ces bya ba ste/ byang chub sems dpa' 'chi 'pho ba'i dus kyi tshe lha'i 'khor du gdon mi za bar gang bstan par bya ba'o/ /dge slong dag /byang chub sems dpas
37a4 chos snang ba'i sgo'i le'u 'di bstan pa'i tshe lha'i 'khor de las lha'i bu brgyad khri bzhi stong bla na med pa yang dag par rdzogs pa'i byang chub tu sems bskyed par gyur to/ /
37a5 lha'i bu sngon yongs su sbyangs pa byas pa sum khri nyis stong ni mi skye ba'i chos la bzod pa thob par gyur to/ /lha'i bu bye ba sum cu rtsa drug ni chos rnam la chos kyi mig
37a6 rdul med cing dri ma dang bral ba rnam par dag go /dga' ldan gyi gnas thams cad kyang lha'i me tog gis bus mo nub tsam du yog par gyur to/ /dge slong dag /de ltar byang
37a7 chub sems dpas lha'i 'khor de dag rgya cher dga' bar bya ba'i phyir de'i tshe tshigs su bcad pa 'di dag smras so/ /gang gi tshe na dga' ldan gnas mchog nas/ 'dren pa
37b1 skyes bu seng+ge 'chi 'pho'i tshe/ /lha rnams dag la tshig tu smra ba ni/ /bag med mtha' dag rnam par spongs zhes smra/ /lha yi dga' ba rnam mang ji snyed pa/ /yid kyis bsam pas
37b2 'byung ba dpal ldan pa/ /thams cad las dge'i rgyu las byung ba ste/ /de ni dge ba'i las kyi 'bras bu yin/ /de lta bas na byas pa gzo bar gyis/ /sngon gyi dge bsags 'di
37b3 ni zad gyur te/ /gang du mi bde sdug bsngal myong 'gyur ba/ /ngan song dag tu song bar gyur ta re/ /nga la gus par bya ba bskyed nas ni/ /chos gang thos par gyur pa de dag la/ /
37b4 nan tan gyis ni rab tu sgrubs shig dang / /bde ba mtha' yas nges par thob par 'gyur/ /'dod pa thams cad mi rtag brtan pa min/ /ther zug ma yin rmi lam 'dra ba ste/ /smig
37b5 rgyu dang ni sgyu ma rnams dang 'dra/ /glog dang dbu ba 'dra zhing 'gyur ba yin/ /'dod pa'i yon tan dag gi dga' ba ni/ /lan tshwa'i chu 'thungs bzhin du ngoms mi 'gyur/ /gang dag
37b6 rdul med 'jig rten 'das pa yi/ /shes rab ldan pa de dag ngoms par 'gyur/ /lha mo dag dang 'grogs dang glu dbyangs ni/ /gar gyi ltad mo ba dang mtshungs shing 'dra/ /dper na
37b7 'dus pa dag ni khri las su/ /phan tshun 'gro bar sbyor bar byed dang mtshungs/ /dge ba'i las byas rjes su 'brang byed cing / /phyi bzhin 'gro bar byed pa ma gtogs par/ /
38a1 'dus byas dag la grogs yod ma yin te/ /mdza' bshes nye du med cing 'khor kyang med/ /de lta bas na lhan cig mthun byos la/ /phan tshun byams sems
38a2 phan pa'i sems byos te/ /chos kyi spyad pa dag ni spyad par gyis/ /spyad pa legs par spyad la gdung pa med/ /thos dang tshul khrims sbyin la dga' gyur cing / /bzod dang
38a3 des pa phun sum tshogs bgyis te/ /sangs rgyas dang ni chos dang dge 'dun dang / /de bzhin bag yod pa dag dran par gyis/ /rtag pa med cing sdug bsngal bdag med la/ /
38a4 rgyu dang rkyen rnams dang ni ldan gyur cing / /bdag po med la bem por gyur pa yi/ /chos 'di dag la tshul bzhin brtag par gyis/ /nga la rdzu 'phrul dag ni gang yod dang //
38a5 spobs pa ye shes dbang rnams gang mthong ba/ /kun kyang las dge'i rgyu las byung ba ste/ /thos dang tshul khrims bag yod rnams las byung / /sems can don dang phan
38a6 dang byams don du/ /nga yi tshul khrims dang ni thos pa dang / /bag yod pa dang sbyin dang dul ba dang / /yang dag sdom pa'i rjes su bslab par gyis/ /ngag dang skad dang sgra
38a7 rnams tsam gyis ni/ /dge ba'i chos rnams sgrub par mi nus kyi/ /nan tan snying por bya bas sgrub byos la/ /ji ltar smras pa de bzhin bya bar byos/ /gzhan gyis gleng
38b1 ba'i skabs ni ma dbye bar/ /bdag ni rtag tu sgrim pas 'bad par gyis/ /la las byas shing sbyin pa yod ma yin/ /ma byas par yang 'grub par 'gyur ba med/ /sngon chad 'khor
38b2 bar 'khor tshe sdug bsngal dag /myong par gang gyur de ni dran par gyis/ /khyed cag log pa nyid du nges pas na/ /mya ngan 'das dang 'dod chags bral ma thob/ /de lta bas na dal
38b3 dang bshes gnyen dang / /tshul dang mthun pa'i yul du gnas pa dang / /chos mnyan dam pa thob par byas nas ni/ /'dod chags la sogs nyon mongs zhi bar gyis/ /nga rgyal
38b4 dang ni rgyags dang dregs thongs la/ /rtag tu mnyen zhing drang la g.yo med cing / /mya ngan 'das par 'gro la gzhol byos te/ /lam rtogs bya ba'i phyir ni sbyor bar gyis/ /gti mug
38b5 rnyog pa'i mun pa thams cad kyang / /shes rab sgron mas rnam par bsal bar gyis/ /bag la nyal bcas skyon gyi dra ba rnams/ /ye shes rdo rje yis ni rnam par khrol/ /shin tu mang
38b6 por smra ba ci dgos te/ /don dang yang dag ldan pa'i chos de la/ /khyed cag gnas par byas par ma gyur na/ /de la chos kyis lan pa ma yin no/ /gang tshe ngas ni byang chub thob gyur
38b7 te| |'chi med 'gro ba'i chos char 'bebs pa'i tshe/ /rnam par dag pa'i sems dang ldan pa khyed/ /chos kyi dam pa mnyan pa'i phyir shog cig /chos snang ba'i sgo'i le'u ste/ bzhi
39a1 pa'o|| ||dge slong dag /de ltar byang chub sems dpa' lha'i 'khor chen po de dag la chos kyi gtam 'di yang dag par bstan/ yang dag
39a2 par 'dzin du bcug /yang dag par gzengs bstod/ yang dag par dga' bar byas/ bzod par byas nas lha'i 'khor bkra shis dang ldan pa rnams la smras pa/
39a3 grogs po dag /kho bo ni dzam+bu'i gling du 'gro'o/ /kho bo sngon byang chub sems dpa'i spyad pa spyod pa'i tshe sems can rnams bsdu ba'i dngos po sbyin pa dang / snyan par
39a4 smra ba dang / don spyad pa dang / don mthun par bya ba bzhi la mgron du bos la/ grogs po dag /da kho bo bla na med pa yang dag par rdzogs pa'i byang
39a5 chub mngon par rdzogs par 'tshang mi rgya bar 'dug pa de ni kho bos byas pa ma shes shing rigs pa ma yin par 'gyur ro/ /de dag dga' ldan gyi ris kyi lha'i
39a6 bu de dag du zhing byang chub sems dpa'i rkang pa gnyis la 'jus te 'di skad ces 'dzer to/ /skyes bu dam pa khyod mi bzhugs na/ dga' ldan gyi gnas 'di mdzes par
39a7 mi 'gyur ro/ /de nas byang chub sems dpas lha'i 'khor chen po de dag la 'di skad du/ byang chub sems dpa' byams pa 'di khyed la chos ston par 'gyur ro zhes
39b1 de skad smras te/ de nas byang chub sems dpa' rang gi mgo las thod dang cod pan phog ste byang chub sems dpa' byams pa'i mgo la bzhag nas 'di skad du/ skyes bu dam
39b2 pa khyod ni nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes de skad smras te/ de nas byang chub sems dpas byang
39b3 chub sems dpa' byams pa dga' ldan gyi gnas dam par dbang bskur nas yang lha'i 'khor chen po de dag la smras pa/ grogs po dag /kho bos ji lta bu'i gzugs kyis
39b4 ma'i mngal du 'gro bar bya/ de la kha cig na re/ bram ze'i khye'u'i gzugs su gshegs pa'i rigs so zhes zer ro/ /la la na re/ brgya byin gyi gzugs su/ la la na re/
39b5 tshangs pa'i gzugs su/ la la na re/ rgyal po chen po'i gzugs su/ la la na re/ rnam thos kyi bu'i gzugs su/ la la na re/ sgra gcan gyi gzugs su/ la la na re/ dri za'i
39b6 gzugs su/ la la na re/ mi'am ci'i gzugs su/ la la na re/ lto 'phye chen po'i gzugs su/ la la na re/ dbang phyug chen po'i gzugs su/ la la na re/ zla ba'i gzugs
39b7 su| la la na re/ nyi ma'i gzugs su/ la la na re/ nam mkha' lding gi dbang po'i gzugs su bzhud pa'i rigs so zhes zer ro/ /de nas tshangs ris kyi lha'i bu gzi brjid
40a1 dam pa zhes bya ba sngon dang srong las shi 'phos pa bla na med pa yang dag par rdzogs pa'i byang chub las phyir mi ldog pa zhig 'dug pa des 'di skad ces
40a2 smras so| |bram ze rnams kyi gsang sngags kyi rig byed kyi bstan bcos las ji skad 'byung ba de lta bu'i gzugs su byang chub sems dpa' yum gyi lhums su bzhud pa'i rigs
40a3 so| |de'ang ci 'dra zhe na/ glang po dam pa lus chen mchog gyur pa/ /mche ba drug can gser gyi dra bas g.yogs/ /mgo bo rab tu dmar zhing shin tu mdzes/ /'gram nas
40a4 zag cing gzugs ldan dpal ldan pa'o/ /rig byed bstan bcos yang dag mkhas pa yi/ /bram zes rnam pa de 'dra de shes nas/ /sum cu rtsa gnyis mtshan dang ldan 'gyur
40a5 zhes| |yang dag nyid du lung ni ston par 'gyur/ /dge slong dag /de ltar byang chub sems dpas skye ba'i dus la bltas nas dga' ldan gyi gnas dam pa na gnas bzhin du
40a6 rgyal po zas gtsang ma'i khyim dam pa der snga ltas brgyad bstan to/ /brgyad gang zhe na/ 'di lta ste/ khyim de rtswa dang / sdong dum dang / tsher ma dang / gseg ma dang / gyo mo med cing / dri
40a7 ma med la chag chag legs par btab pa dang / phyag dar legs par byas shing / rlung rdul can dang / mun pa dang / rdul dang bral ba dang / sbrang ma dang / sha sbrang dang / sbrang
40b1 bu dang / phye ma leb dang / sdeg sbrul med cing me tog gis kun tu gang ba/ lag mthil ltar mnyam par gnas par gyur te/ 'di ni snga ltas byung ba dang po'o/ /ri'i rgyal
40b2 po gangs ri la bya 'dab sbed dang / ne tso dang / ri skegs dang / khu byug dang / ngang pa dang / rma bya dang / ngur pa dang / kun la dang / ka la ping+ka dang / shang shang te'u la sogs pa
40b3 sgro gshog sna tshogs mdzes pa yid du 'ong zhing snyan pa'i sgra 'byin pa'i bya'i tshogs gang dag gnas pa de dag der 'ongs nas rgyal po zas gtsang ma'i khyim dam pa de'i stegs
40b4 bu dang / ba gam dang / rta babs dang / skar khung dang / bsil khang dang / khang pa brtsegs pa dang / khang bzang gi steng dag tu gnas shing dga' ba dang / mgu ba dang / yid bde
40b5 ba skyes nas rang rang gi sgra skad dag 'byin te/ 'di ni snga ltas byung ba gnyis pa'o/ /gang yang rgyal po zas gtsang ma de'i kun dga' rab nyams dga' ba dang / nags tshal
40b6 nyams dga' ba dang / skyed mos tshal nyams dga' ba dag na me tog dang / 'bras bu'i shing ldon pa sna tshogs dus tha dad par 'byung ba de thams cad kyang kha 'bus shing me
40b7 tog rgyas par gyur te/ 'di ni snga ltas byung ba gsum pa'o/ /rgyal po zas gtsang ma'i chu'i longs spyod kyi rkyen rdzing la sogs pa gang dag yod pa de dag thams cad kyang pad+ma
41a1 'dab ma bye ba khrag khrig brgya stong du ma dang ldan pa tshad shing rta'i 'phang lo tsam dag gis khebs par gyur te/ 'di ni snga ltas byung ba bzhi
41a2 pa'o| |rgyal po zas gtsang ma'i khyim dam pa de na mar dang / 'bru mar dang / sbrang rtsi dang / bu ram gyi dbu ba dang / sha kha ra la sogs pa bza' ba'i rnam pa gang dag
41a3 yod pa de dag kyang yongs su spyad pas zad par mi 'gyur zhing / yongs su gang bar snang ste/ 'di ni snga ltas byung ba lnga pa'o/ /rgyal po zas gtsang ma'i khyim mchog dam
41a4 pa dang / btsun mo'i 'khor chen po dag na rnga bo che dang / rdza rnga dang / 'khar rnga dang / rgyud gcig pa dang / pi wang dang / gling bu dang / rgyud gsum pa dang / 'khar ba'i sil
41a5 khrol dang / pheg rdob la sogs pa rol mo'i cha byad gang dag yod pa de dag thams cad kyang ma blangs ma dkrol bar yid du 'ong ba'i sgra rang sgrog par gyur te/ 'di ni snga
41a6 ltas byung ba drug pa'o/ /rgyal po zas gtsang ma'i khyim mchog dam pa na gser dang / dngul dang / nor bu dang / mu tig dang / bai DUR+Ya dang / dung dang / man shel dang / byi ru
41a7 la sogs pa rin po che sna tshogs kyi snod gang dag yod pa de dag thams cad kyang kha bye zhing dri ma med la rnam par dag cing rab tu gang bar snang ste/ 'di ni snga ltas byung ba
41b1 bdun pa'o/ /nyi zla'i 'od zil gyis rlag par byed cing / lus dang sems dga' bskyed pa'i 'od dag cing dri ma med pas snang bar gyur te/ 'di ni snga ltas byung ba brgyad pa'o/ /'phags
41b2 pa rgya cher rol pa zhes bya ba theg pa chen po'i mdo/ bam po gsum pa/ lha mo sgyu 'phrul yang khrus byas/ lus byug pas byugs/ rgyan sna tshogs kyis lag pa shin tu brgyan te/
41b3 gos shin tu 'jam pa mchog bgos shing btsun spu dang bcas la/ dga' ba dang / mchog tu dga' ba dang / rangs pa thob nas bud med stong phrag bcus bskor cing mdun du bdar
41b4 te lhan cig tu rgyal po zas gtsang ma rol mo bya ba'i khang bzang na bde bar gnas pa'i drung du phyin te/ g.yas rol na khri bzang po rin po che'i dra bas brgyan pa la 'dug nas 'dzum
41b5 pa'i bzhin khro gnyer med cing rab tu dang ba'i mdog gis rgyal po zas gtsang ma la tshigs su bcad pa 'di dag smras so/ /rgyal po sa bdag legs par bdag la gsan du
41b6 gsol/ /rgyal po khyod la gsol gyis bdag la da gnod zhig/ bdag gi bsam pa yid la ci mchis cir dga' ba/ /de dag bdag la gsan cing thugs dgyes rangs par
41b7 mdzod/ /lha bdag bsnyen gnas tshul khrims brtul zhugs len par gsol/ /bdag ni 'gro la byams pas yan lag brgyad len te/ /srog chags gnod pa spangs
42a1 shing bsam pa rtag dag pas/ /ji ltar bdag la byams pa de ltar gzhan la bgyi/ /rku sems rnam par spangs te 'dod dang dregs pa spangs/ /
42a2 rgyal po 'dod pa rnams la log par g.yem mi bgyid/ /bden la gnas shing phra ma mchis zhe gcod spang / /mi dge kyal pa'i tshig kyang yongs su mi spyod do/ /gnod
42a3 sems zhe sdang tha ba gti mug rgyas pa dang / /brnab sems kun spangs rang gi nor gyis 'tshal bar bgyi/ /yang dag sbyor bas kha gsag tshul 'chos phrag dog spang / /
42a4 dge bcu'i las lam 'di dag bdag gis spyad par bgyi/ /bdag ni tshul khrims brtul zhugs mngon dga' rab bsdams kyis/ /mi yi dbang po bdag la bzhed pas sred
42a5 ma mdzad/ /rgyal po khyod la yun ring mi dger 'gyur du mchi/ /bdag gi tshul khrims brtul zhugs nyer gnas dgyes par mdzod/ /rgyal po bdag gi 'tshal ba 'di lags
42a6 deng myur stsol/ /khang bzang bsil khang ldan pa dang skya ldan pa'i nang / /me tog bkram pa'i mchis mal 'jam zhing dri bda' bar/ /grogs mos rtag tu bskor cing bde
42a7 dgar gnas snyam bgyid/ /skyes pa nyug rum rnams dang de bzhin khye'u dag dang / /bud med pa la pa rnams kyang mdun na mchis mi 'tshal/ /snyan cing yid mchi sgra snyan
42b1 nyan pa ma gtogs par/ /gzugs dang sgra bsung yid du mi mchi bdag mi 'tshal/ /bcings dang btson rar stsal ba thams cad dgye bar gsol/ /nor gyis brel ba'i mi rnams
42b2 nor dang ldan par mdzod/ /zas skom rad pa shing rta khyogs dang bzhon pa rta/ /'grol bde ba'i slad du dgung bdun stsal ba mdzod/ /pho brang 'di na skyes pa khye'u dang bud med dag /
42b3 ji snyed mchis pa 'thab rtsod khro ba'i tshig bral zhing / /phan tshun byams pa'i yid ldan phan dang nges sems kyis/ /dga' tshal gnas pa'i lha ltar mthun zhing bde spyod
42b4 mdzod| |rgyal po'i chad pa che phra gnyer gyis bda' ba dang / /gnod pa bgyid dang rdeg btsog sdigs ru mi mdzad par/ /kun la'ang dang ba'i thugs kyis byams dang phan dgongs
42b5 te| |lha yis skye bo rnams la sras gcig bzhin du gzigs/ /rgyal pos de skad tshig thos rab tu dgar gyur nas/ /smras pa khyod ni ci 'dod de kun de bzhin bya/ /khyod kyi bsam
42b6 pa yid kyis gang rnams rjes bsam zhing / /khyod kyis mchog blangs gang yin de ni ngas sbyin no/ /rgyal po'i dam pas rang gi 'khor la bsgo ba ni/ /khang bzang dam pa'i steng
42b7 du phun sum tshogs pa shoms/ /me tog mdzes pa khrom la bdug spos mchog gis bdugs/ /gdugs dang ba dan ta la'i phreng ba'i rgyan kyang gyis/ /'thab phod stong phrag
43a1 nyi shu sna tshogs go cha can/ /mda' mdung lcags mda' mdud thung ral gri thogs pa dag/ yid 'ong sgra gcan ngang skya ldan pa bskor bgyis te/ /
43a2 lha mo 'jigs pa med pa bya phyir srung zhing gnas/ /khrus byas spos byugs gos mchog dag gis yan lag brgyan/ /bud med rnams kyis de bskor lha yi bu mo
43a3 'dra| |yid du 'ong ba'i sgra ldan sil snyan stong blangs te/ /lha mo der zhugs lha yi bu mo bzhin du gnas/ /lha yi rin chen rin thang chen pos rtsa spras pa/ /khri la gos
43a4 mchog mang pos yid 'ong ma la bshams te/ /mal phyin gtsug gi nor bu rin chen klong byas nas/ /'dres pa'i nags tshal lha yi bu mo bzhin du gnas/ /dge slong
43a5 dag /de nas rgyal po chen po bzhi dang / lha'i dbang po brgya byin dang / lha'i bu rab 'thab bral dang / yongs su dga' ldan dang / rab 'phrul dga' dang / gzhan 'phrul
43a6 dbang byed dang / bdud kyi bu ded dpon dang / mi mjed kyi bdag po tshangs pa dang / mdun na 'don tshangs mchog dang / mdun na 'don tshangs bzang dang / 'od bkod pa
43a7 dang / 'od gsal dang / gnas gtsang ma'i ris kyi dbang phyug chen po dang / mthar thug dang / 'og min pa dang / de dag la sogs pa dang / gzhan yang lha brgya stong
43b1 mang po 'dus te gcig la gcig 'di skad cas smras so/ /grogs po dag /bdag cag gis byang chub sems dpa' gcig bu gnyis su med par gshegs su gsol na/ bdag
43b2 cag gis byas pa ma shes par 'gyur te/ bdag cag la mi cha'i/ grogs po dag /khyed kyi nang nas byang chub sems dpa' thog ma yum gyi lhums su gshegs pa dang / lhums
43b3 na bzhugs pa dang / bltams pa dang / thor bu dang / byis pa'i nang na rol pa dang / btsun mo'i 'khor gyi nang na bzhugs pa dang / rol mo gzigs pa dang / mngon par 'byung ba
43b4 dang / dka' ba spyod pa dang / byang chub kyi snying por gshegs pa dang / bdud 'dul ba dang / byang chub mngon par rdzogs par 'tshang rgya ba dang / chos kyi 'khor lo bskor ba dang /
43b5 mya ngan las 'das pa chen po bstan gyi bar du phan pa'i sems dang / dga' ba'i sems dang / phangs pa'i sems dang / byams pa'i sems dang / mnyen pa'i sems kyis
43b6 rtag par rgyun du byang chub sems dpa'i zhabs 'bring na 'khod par su dag spro/ /de'i tshe tshigs su bcad pa 'di dag kyang smras so/ /khyed las su zhig rtag tu dga' yid kyis//
43b7 gzugs mchog mnga' ba'i zhabs 'bring byed par spro/ /su dag rang gi bsod nams gzi brjid dang / /stobs dang grags pa rnam par spel bar 'dod/ /gang zhig lha yi pho
44a1 brang 'di dag na/ /lha mo dag dang 'dod pa'i yon tan gyi/ /lha yi bde bas dga' bar 'dod pa dag /dri med zla ba'i zhal gyis zhabs 'bring gyis/ /de
44a2 bzhin 'dres pa'i nags tshal mdzes pa mchog /lha yi 'byung gnas lha yi pho brang na/ /gser mdog me tog rgyas par dga' 'dod na/ /dri med gzi brjid mnga' ba'i
44a3 zhabs 'bring gyis/ /gang gis sna tshogs shing rta de bzhin du/ /dga' tshal me tog man+dAr 'dab rgyas su/ /lha mo lhan cig rtse bar 'dod pa dag /skyes bu chen po 'di yi zhabs
44a4 'bring gyis/ /'thab bral bdag po'am dga' ldan bdag po'am/ /yang na dbang phyug 'gyur bar 'dod pa dang / /'gro ba kun gyi mchod 'os 'dod pa dag /grags pa mtha'
44a5 yas 'di yi zhabs 'bring gyis/ /gang zhig 'phrul dga'i khang pa mdzes pa dang / /dbang sgyur lha yi gnas su rtse 'dod cing / /yid kyi 'phrul gyis thams cad spyod 'dod pa/ /
44a6 yon tan mchog mnga' 'di yi zhabs 'bring gyis/ /bdud kyi dbang po zhe sdang yid med pa/ /rdzu 'phrul dbang phyug kun gyi mthar phyin pa'i/ /'dod pa'i dbang phyug dbang mthar
44a7 phyin 'dod na/ /phan pa mdzad pa 'di dang lhan cig dang / /de bzhin 'dod pa'i khams las 'da' byas te/ /tshangs pa'i gnas su gnas par su 'dod pa/ /de ni tshad med bzhi
44b1 yi gzi mnga' ba/ /skyes bu chen po'i zhabs 'bring deng nas gyis/ /'on tang gang zhig mi yi nang dag tu/ /'khor los bsgyur yul yangs par skye 'dod na/ /rin chen 'byung gnas
44b2 mi 'jigs bden sbyin pa/ /bsod nams yangs pa mnga' ba'i zhabs 'bring gyis/ /gang zhig sa bdag de bzhin tshong dpon bu/ /phyug cing skyid la nor mang tshogs chen dang / /dgra
44b3 yi dpung bcom 'khor dang ldan 'dod pa/ /de ni phan mdzad 'di dang lhan cig dengs/ /gzugs dang longs spyod de bzhin dbang phyug dang / /snyan pa grags dang spobs dang yon tan
44b4 dang / /gzung 'os tshig dang mnyan pa'i tshig 'dod pa/ /de ni tshangs dbyangs mkhas pa'i gan du song / /lha dang mi yi 'dod pa gang yin dang / /srid pa gsum gyi bde ba thams cad
44b5 dang / /bsam gtan bde dang dben pa'i bde 'dod pa/ /de ni chos kyi dbang phyug zhabs 'bring gyis/ /'dod chags dang ni zhe sdang spang ba dang / /nyon mongs mun pa sel bar su 'dod
44b6 cing / /zhi ba rab zhi nyer zhi yid ldan pa/ /de ni thugs dul zhabs 'bring myur du song / /gang zhig slob dang mi slob rang rgyal dang / /thams cad mkhyen pa'i ye shes thob 'dod cing / /
44b7 stobs bcus seng+ge'i sgra sgrog su 'dod pa/ /de ni yon tan rgya mtsho mkhas drung song / /gang zhig ngan song rnams kyi lam gcod cing / /bzang 'gro 'chi ba med pa'i lam dbye dang / /
45a1 yan lag brgyad lam 'gro bas 'gro 'dod na/ /'gro lam mthar 'byin 'di yi zhabs 'bring gyis/ /gang zhig bde gshegs yongs su mchod pa dang / /
45a2 thugs rje mnga' ba de las chos nyan dang / /dge 'dun yon tan thob par 'dod pa ni/ /yon tan rgya mtsho 'di yi zhabs 'bring gyis/ /skye rga na 'chi'i sdug bsngal zad pa dang / /
45a3 'khor ba'i bcings pa rnam par dgrol ba dang / /nam mkha'i mtha' mnyam rnam dag spyod 'dod pa/ /de ni sems can dag pa'i zhabs 'bring gyis/ /'gro ba kun na yid 'ong
45a4 sdug mdzes shing / /gzugs mchog mtshan dang yon tan rgyas pa dang / /bdag dang de bzhin gzhan yang 'grel 'dod pa/ /de ni blta sdug mkhas pa'i gan du song / /
45a5 tshul khrims ting 'dzin de bzhin shes rab dang / /zab cing blta dka' gting dpag dka' ba yi/ /rnam grol thob 'dod mkhas pa gang yin de/ /sman pa'i rgyal po'i gan du
45a6 myur du song / /yon tan 'di dang gzhan yang rnam mang dang / /srid pa'i bde dang de bzhin mya ngan 'das/ /yon tan thams cad rab tu rdzogs 'dod pa/ /de ni brtul zhugs
45a7 grub mkhas gan du song / /tshig de thos nas rgyal chen bzhi'i ris kyi lha 'bum phrag brgyad cu rtsa bzhi dang / sum cu rtsa gsum gyi lha 'bum dang / 'thab bral gyi lha 'bum
45b1 dang / dga' ldan gyi lha 'bum dang / 'phrul dga'i lha 'bum dang / bdud kyi ris kyi lha sngon gyi dge ba'i las kyis byung ba drug khri dang / tshangs ris kyi lha drug khri brgya stong dang /
45b2 'og min gyi bar gyi lha brgya stong mang po dag 'dus par gyur pa dang / gzhan yang shar phyogs dang / lho phyogs dang / nub phyogs dang / byang phyogs nas lha'i bu brgya stong mang
45b3 po 'dus par gyur pa de dag las gang dag mchog tu bya ba'i lha'i bu dag gis lha'i 'khor chen po de dag la tshigs su bcad pa 'di dag smras so/ /bdag cag rnams kyi bsam
45b4 pa yang dag ci 'dra yi/ /tshig 'di lha yi dbang po dag gis gsan du gsol/ /'dod pa'i dga' 'byor bsam gtan bde ba mchog spangs te/ /sems can dag pa dam pa 'di
45b5 yi zhabs 'bring bgyi/ /lhums su gshegs dang lhums na bzhugs dang bltams pa'i tshe/ /bdag nyid chen po mchod 'os shin tu mchod par bgyi/ /bsod nams dag gis
45b6 bsrungs pa'i drang srong yongs bsrungs na/ /zhe sdang sems kyis sus kyang glags rnyed 'gyur ma mchis/ /glu dbyangs sil snyan rol mo'i dbyangs sgra legs bsgrags pas/ /yon
45b7 tan rgya mtsho mnga' ba'i yon tan bsngags brjod de/ /gang thos skye bo byang chub mchog tu sems bskyed par/ /lha dang mi rnams thams cad rab tu dga' bar bgyi/ /rgyal po'i
46a1 pho brang me tog sil mas rgyas par dgang / /a ga ru mchog nag pos bdugs te dri zhim bgyi/ /de yi dri tshor lha mi rab tu dga' 'gyur zhing / /nad
46a2 med rims nad bral zhing bde bar 'gyur bar bgyi/ /me tog mnad ra dang kun nas 'du ba dang / /sim byad rab tu sim byed s+tha la rnam snang dang / /me tog bzang pos 'phrin
46a3 las dge las byung ba de/ /mchod pa'i slad du ser skya'i grong kun dgang bar bgyi/ /ji srid yum gyi lhums na dri gsum ma gos bzhugs/ /ji srid rga shi mthar 'byin
46a4 bltams par gyur gyi bar/ /de srid dus su dang ba'i yid kyis zhabs 'bring bgyi/ /blo gros che mnga' mchod par bgyi bar bdag cag sems/ /bltams nas gom pa
46a5 bdun gshegs brgya byin tshangs pa yis/ /lag tu blangs te spos chu dag gis sku bsil ba/ /sems can rnam par dag pa de ni mthong ba yi/ /lha mi de dag thob pa rgya chen
46a6 legs par thob/ /ji srid bar du 'jig rten rjes su mthun mdzad cing / /'dod pa'i nyon mongs 'joms mdzad btsun mo'i nang bzhugs la/ /ji srid cig na rgyal srid kun spangs
46a7 khab nas 'byung / /de srid dus su dang ba'i sems kyis zhabs 'bring bgyi/ /ji srid cig na rin bsnams byang chub snying por gshegs/ /ji srid cig na bdud bcom byang chub
46b1 reg 'gyur cing / /tshangs pa khrag khrig 'khor lo bskor bar gsol btab pa/ /de srid bde bar gshegs la mchod pa rgya chen bgyi/ /sems can bye ba khrag khrig 'chi med btul
46b2 gyur te| |stong gsum 'dir ni sangs rgyas 'phrin las nam lags nas/ /zhi zhing bsal ba'i mya ngan 'das par gshegs gyur pa/ /de srid kun gyis drang srong grags chen gtang mi
46b3 bgyi| |dge slong dag /de nas 'dod pa na spyod pa'i lha'i bu mo dag gis byang chub sems dpa'i lus gzugs phun sum tshogs pa mthong nas 'di snyam du sems te/ sems can
46b4 dag pa mchog dam pa 'di lta bu 'dzin par 'gyur ba'i na chung de ni ji lta bu zhig yod snyam nas de dag ngo mtshar du gyur te/ me tog dang / spos dang / phreng ba dang / byug pa mchog
46b5 tu bya ba dag khyer nas lha'i lus yid las grub pa thob cing bsod nams kyi rnam par smin pa'i rdzu 'phrul gyis byin gyis brlabs pa de dag skad cig de nyid la lha'i pho brang de nas
46b6 mi snang bar gyur te/ ser skya'i grong khyer chen po dam pa skyed mos tshal brgya stong gis brgyan pa/ rgyal po zas gtsang ma'i khyim mchog khang bzang chen po dang skya ldan zhes bya ba lha'i
46b7 dbang po'i pho brang lta bu der phyin nas lha'i bu mo gos lhug lhug po gyon pa/ dge ba dri ma med pa'i bsod nams kyi gzi brjid kyis rab tu brgyan pa/ lha'i rgyan gyis lag pa shin tu
47a1 brgyan pa de dag gis lha mo sgyu 'phrul mal mchog gi steng na 'dug pa mthong nas phan tshun mdzub mos ston cing / nam mkha'i dkyil na 'khod de
47a2 gcig la gcig tshigs su bcad de smras pa/ lha gnas 'khod pa'i lha yi bu mo rnams/ /yid 'ong byang chub sems dpa'i sku mthong nas/ /de tshe de dag 'di snyam
47a3 sems gyur te/ /byang chub sems dpa'i yum gyur ji 'dra snyam/ /lag na me tog phreng can de dag rnams/ /the tshom skyes nas rgyal po'i pho brang du/ /me tog de bzhin byug
47a4 pa thogs nas su/ /sor bcu thal mo sbyar te 'dud cing lhags/ /lhug lhug gos gyon 'jo bag gzugs 'chang bas/ /lha mo sgyu 'phrul mal steng gnas mthong nas/ /
47a5 lag pa g.yas pa'i sor mos phyag byas te/ /mi yi bud med gzugs la legs ltos 'dzer/ /bdag cag nga rgyal sems kyis mngon sems pa/ /lha yi bu mo gzugs
47a6 mchog yid 'ong snyam/ /rgyal po'i btsun mo 'di yi gzugs mthong na/ /lha yi lus kyang zil gyis non par mthong / /'di ni gang zag mchog gi yum 'gyur du/ /yon
47a7 tan ldan pas shin tu gsha' zhing 'os/ /nor bu rin chen snod bzang gnas pa ltar/ /lha mo 'di ni lha yi lha snod yin/ /rkang lag mthil dang spyi bo man chad du/ /yan lag
47b1 yid 'ong lha las lhag pa ste/ /mig gis blta na ngoms par 'gyur ma yin/ /yid dang sems ni phyir zhing dga' bar 'gyur/ /'di yi kha bzhin lus mdzes sdug pa ni/ /nam mkha'i
47b2 dkyil na zla ba mdzes pa 'dra/ /nyi ltar dri med me ltar 'bar ba ste/ /'di yi lus las 'od gsal bzang po 'byung / /gser sbram btso ma bzang po'i gser bzhin du/ /lha mo 'di
47b3 yi kha dog rnam par mdzes/ /'di yi skra ni 'jam gtsang dri zhim ste/ /bung ba mchog gi mdog 'dra lcang lor 'khyil/ /'di yi mig ni pad+ma'i 'dab ma 'dra/ /rnam dag so ni nam
47b4 mkha'i skar ma bzhin/ /rked pa gzhu ltar phra zhing sta zur yangs/ /phrag pa zlum zhing tshigs rnams mngon pa med/ /brla legs glang po mchog gi sna 'dra ste/ /byin pa shin tu
47b5 legs pa byin gyis phra/ /rkang lag mthil mnyam shin tu dmar ba ste/ /'di ni gzhan min lha yi bu mor nges/ /de ltar rnam mang du mar bltas byas nas/ /me tog gtor te
47b6 bskor ba byas nas ni/ /grags ldan rgyal ba'i yum la bstod byas te/ /skad cig gcig gis phyir yang lha gnas dong / /de nas phyogs bzhi skyong ba bzhi po dang / /'thab bral
47b7 rab dang brgya byin 'phrul ba dang / /lha tshogs lha min grul bum srin po dang / /mi 'am ci dang lto 'phye ches smras pa/ /skyes bu mchog gi mdun du khyed dengs la/ /skyes bu dam pa
48a1 de la srung ba gyis/ /'gro ba dag la yid kyis sdang ma byed/ /mi rnams la yang gtse ba ma byed cig /lha mo sgyu 'phrul khyim mchog gang gnas pa/ /der ni
48a2 mthun par 'khor dang lhan cig kun/ /mda' gzhu ral gri mdud thung mtshon thogs la/ /nam mkha'i dkyil na gnas te blta par gyis/ /de ltar shi 'pho'i dus shes lha'i
48a3 bu rnams/ /me tog de bzhin byug pa thogs nas ni/ /sor bcu thal mo sbyar te 'dud byos la/ /dga' ba'i sems kyis sgyu 'phrul drung du dengs/ /smra ba'i seng+ge dus ni deng
48a4 legs kyi/ /'jig rten kun la thugs rje brtse bskyed de/ /mi dbang sems can dag pa 'chi 'pho ston/ /mchod sbyin don du bdag cag gsol ba 'debs/ /dge slong dag /
48a5 de nas byang chub sems dpa' 'chi 'pho ba'i dus kyi tshe shar phyogs nas byang chub sems dpa' skye ba gcig gis thogs pa/ dga' ldan gyi gnas dam pa na gnas pa
48a6 brgya stong phrag mang po dag byang chub sems dpa' la mchod pa bya ba'i phyir byang chub sems dpa' ga la ba der lhags so/ /de bzhin du phyogs bcu'i phyogs re re nas
48a7 kyang byang chub sems dpa' skye ba gcig gis thogs pa/ dga' ldan gyi gnas dam pa na gnas pa brgya stong phrag mang po dag byang chub sems dpa' la mchod pa bya ba'i
48b1 phyir byang chub sems dpa' ga la ba der lhags so/ /rgyal chen bzhi'i ris kyi lha rnams kyi nang nas lha'i bu mo 'bum phrag brgyad cu rtsa bzhi sil snyan dang glu dbyangs sna
48b2 tshogs len cing byang chub sems dpa' la mchod pa bya ba'i phyir byang chub sems dpa' ga la ba der lhags so/ /de bzhin du sum cu rtsa gsum dang / 'thab bral dang / dga'
48b3 ldan dang / 'phrul dga' dang / gzhan 'phrul dbang byed kyi lha rnams kyi nang nas lha'i bu mo 'bum phrag brgyad cu rtsa bzhi sil snyan dang glu dbyangs sna tshogs len cing / byang
48b4 chub sems dpa' la mchod pa bya ba'i phyir byang chub sems dpa' ga la ba der lhags so/ /de nas byang chub sems dpa' khang pa brtsegs pa chen po bsod nams thams
48b5 cad kyis yang dag par byung ba dpal gyi snying po lha rnams kyis kun nas blta ba'i nang du 'dug ste byang chub sems dpa' de dag dang / lha bye ba khrag khrig brgya phrag stong gis
48b6 yongs su bskor cing mdun du bdar nas dga' ldan gyi gnas dam pa nas bskyod par brtsams so/ /dge slong dag /de ltar bskyod par brtsams pa'i tshe byang chub sems
48b7 dpas 'od gang gis stong gsum gyi stong chen po'i 'jig rten gyi khams 'di ltar rgya che zhing yangs la tha gru che ba 'dir sngon chad ma byung ba'i 'od snang ba lha'i 'od las
49a1 shin tu 'das pas yongs su gsal zhing snang bar gyur to/ /'jig rten gyi bar gang sdig pa sdig pas khebs nas mun pa mun nag smag tu gyur pa/
49a2 snang ba med pa gang du nyi ma dang zla ba 'di gnyis 'di ltar rdzu 'phrul che zhing 'di ltar mthu che la 'di ltar dbang che bar grags pas kyang 'od dang / kha dog dang / gzi brjid
49a3 kyis lam mer ma gyur/ thal ler ma gyur/ lhang nger ma gyur pa der sems can gang dag skyes ba de dag rang rang gis lag pa brkyang pa'ang mi mthong ba de dag tu'ang
49a4 de'i tshe snang ba chen pos rgyas par khyab par gyur cing / der skyes pa'i sems can de dag snang ba des khyab par gyur nas gcig gis gcig mthong zhing gcig gis
49a5 gcig shes te 'di skad du kye grogs po dag /sems can gzhan dag kyang 'dir skyes so/ /kye grogs po dag /sems can gzhan dag kyang 'dir skyes so zhes
49a6 zer bar gyur pa de lta bu'i 'od lus las bkye'o/ /stong gsum gyi stong chen po'i 'jig rten gyi khams 'di'ang rnam pa drug dang / ltas chen po bco brgyad du g.yos /
49a7 rab tu g.yos/ kun tu rab tu g.yos so/ /'gul/ rab tu 'gul/ kun tu rab tu 'gul to/ /ldeg /rab tu ldeg /kun tu rab tu ldeg go /'khrugs/ rab tu 'khrugs/ kun tu
49b1 rab tu 'khrugs so/ /'ur 'ur/ rab tu 'ur 'ur/ kun tu rab tu 'ur 'ur ro/ /chem chem/ rab tu chem chem/ kun tu rab tu chem chem mo/ /mtha' dma' na dbus mtho bar gyur
49b2 to| |dbus dma' na mtha' mtho bar gyur to/ /shar phyogs dma' na nub phyogs mtho bar gyur to/ /nub phyogs dma' na shar phyogs mtho bar gyur to/ /lho phyogs dma' na byang
49b3 phyogs mtho bar gyur to/ /byang phyogs dma' na lho phyogs mtho bar gyur to/ /de'i tshe sgra dga' bar 'gyur ba/ tshim par 'gyur ba/ mgu bar 'gyur ba/ dang bar 'gyur ba/
49b4 sim par 'gyur ba/ mnyan par 'os pa/ bsngags par 'os pa/ mtshungs pa med pa/ mnyan na btang mi bra ba/ mi mthun pa med pa/ sdang bar 'gyur ba med pa dag kyang grag
49b5 par gyur to/ /skad cig de la sems can gang la'ang gnod pa'am/ 'jigs pa'am/ sdang ba'am/ bag non pa med par gyur to/ /skad cig de la nyi zla dang / brgya byin dang /
49b6 tshangs pa dang / 'jig rten skyong ba dag gi 'od kyang mi snang bar gyur to/ /sems can dmyal ba dang / dud 'gro'i skye gnas dang / gshin rje'i 'jig rten du skyes pa'i sems can
49b7 thams cad kyang skad cig de la sdug bsngal dang bral zhing bde ba thams cad dang ldan par gyur te/ sems can gang la'ang 'dod chags kyis gnod par mi 'gyur/ zhe sdang gis
50a1 gnod par mi 'gyur/ gti mug gis gnod par mi 'gyur zhing / phrag dog gam/ ser sna'am/ nga rgyal lam/ 'chab pa'am/ rgyags pa'am/ khro
50a2 ba'am| gnod sems sam/ yongs su gdung bas gnod par 'gyur ba med par gyur te/ sems can thams cad kyang skad cig de la phan tshun pha ma tsam du sems pa'i 'du
50a3 shes su gyur nas byams pa'i sems dang / phan pa'i sems dang ldan par gyur to/ /lha dang mi'i rol mo sil snyan bye ba khrag khrig brgya stong dag kyang ma dkrol ma blangs par
50a4 yid du 'ong ba'i sgra 'byin par gyur to/ /lha bye ba khrag khrig brgya stong dag kyang lag pa dang / phrag pa dang / spyi bos gzhal med khang chen po de 'degs shing khyer bar gyur to/ /
50a5 lha'i bu mo brgya stong dag gis kyang rang rang gi glu dbyangs blangs te mdun dang / rgyab dang / g.yas g.yon dag nas byang chub sems dpa' la glu dbyangs kyi sgra skad kyis mngon
50a6 par bstod pa/ khyod kyis sngon chad dge las bsags pa dang / /yun ring dus kyi dge bas byung ba dang / /khyod kyis chos rnams kun gyi tshul sbyangs pas/ /de ring mchod pa rgya
50a7 chen byung bar gyur/ /bskal pa bye ba mang por khyod kyis sngon/ /sras mo sras sdug sbyin pa mdzad pas na/ /lha yi me tog char du bab pa 'di/ /sbyin pa spyad pa de yi 'bras
50b1 bu lags/ /gtso bo khyod kyis rang gi sha bcad de/ /srang la bcal nas thugs byon bya phyir btang / /sbyin pa de spyad pa yi 'bras bu des/ /yi dwags 'jig rten rnams kyang zas skom
50b2 thob| |bskal pa bye ba mang por khyod kyis sngon/ /tshul khrims ma zhig ma nyams bsrungs pas na/ /tshul khrims de spyad pa yi 'bras bu des/ /mi khom ngan song yongs su dag
50b3 bar gyur/ /bskal pa bye ba mang por khyod kyis sngon/ /byang chub bsgrub pa'i gzhir ni bzod pa bsgoms/ /bzod pa de spyad pa yi 'bras bu des/ /lha dang mi kun byams pa'i
50b4 sems su gyur/ /bskal pa bye ba mang por khyod kyis sngon/ /brtson 'grus ma god dam pa bsgoms pas na/ /brtson 'grus de spyad pa yi 'bras bu des/ /sku ni ri rab bzhin
50b5 du mdzes par grub/ /bskal pa bye ba mang por khyod kyis sngon/ /nyon mongs sbyang slad bsam gtan bsgoms mdzad pas/ /bsam gtan de spyad pa yi 'bras bu des/ /'gro
50b6 ba dag la nyon mongs gnod mi 'gyur/ /bskal pa bye ba mang por khyod kyis sngon/ /nyon mongs gcod pa'i shes rab bsgoms mdzad pa'i/ /shes rab de spyad pa yi 'bras
50b7 bu des| |'od gsal dam pa rnam par snang zhing mdzes/ /byams pa'i go man bas nyon mongs 'joms mdzad cing / /sems can kun la thugs rje ches byung ba/ /dgyes pa
51a1 mchog brnyes btang snyoms mchog ldan pa/ /bde gshegs tshangs gyur khyod la phyag 'tshal lo/ /shes rab sgron ma'i 'od dang gzis 'phags shing / /
51a2 gti mug skyon gyi mun pa kun sel pa/ /'dren pa stong gsum dag na mig gyur pa'i/ /thub pa lam ston khyod la phyag 'tshal lo/ /rdzu 'phrul rkang pa mngon shes mchog la
51a3 mkhas| |bden pa gzigs shing dam pa'i don bslab pa/ /rgal nas srog chags gzhan dag sgrol mdzad pa/ /bde gshegs sgrol gyur khyod la phyag 'tshal lo/ /thabs
51a4 dang mngon shes dam pa kun la mkhas/ /'chi 'pho 'chi 'pho med pa'i 'pho ba ston/ /'jig rten chos kyi rjes su mthun mdzad kyang / /'jig rten gang du'ang chags pa khyod mi
51a5 mnga'| |gang dag khyod ni nyan tam bltar lhags pa/ /de dag thob pa dam pa bsam mi khyab/ /khyod la chos nyid thos te gang dad cing / /dga' ba yangs pa skyes pa smos
51a6 ci 'tshal/ /dga' ldan gnas rnams kun ni mog mog gyur/ /dzam+bu'i gling du nyi ma mngon du shar/ /srog chags bye ba khrag khrig bsam mi khyab/ /nyon mongs gnyid
51a7 kyis log las sad par mdzad/ /deng ni pho brang 'byor cing rgyas gyur la/ /bye ba khrag khrig lha rnams lang long gyur/ /lha yi bu mos sil snyan sgra phyung bas/ /rgyal po'i
51b1 khab na sgra snyan grag par 'gyur/ /bsod nams gzi brjid rdzogs shing las dge ba/ /bud med gzugs kyi mchog dang ldan gyur pa/ /de yi sras gyur de ni de ltar 'byor/ /dpal gyis
51b2 'jig rten gsum ni zil gyis gnon/ /mi mchog 'byung ba de yi gzi brjid kyis/ /de phyi phyin chad pho brang dam pa 'dir/ /lus can rnams la 'dod sdang 'thab rtsod med/ /kun kyang
51b3 byams pa'i sems kyis sri zhur bcas/ /'khor los bsgyur ba'i rigs rgyal byung pas na/ /rgyal po'i rigs ni rab tu 'phel bar 'gyur/ /ser skya'i grong 'di shin tu phun sum
51b4 tshogs| |rin chen mdzod kyis rab tu gang bar 'gyur/ /gnod sbyin srin po grul bum gsang ba pa/ /lha dang lha min tshogs rnams dbang por bcan/ /mi mchog srung ba gang dag
51b5 gnas pa rnams/ /de dag ring por mi thogs thar pa 'thob/ /gus dang sri zhu la ni gnas nas su/ /'dren pa khyod bstod bsod nams gang bsags pa/ /kun kyang byang chub tu ni
51b6 yongs su bsngo/ /mi yi dam pa khyod ltar myur du shog /bskyod par brtsams pa'i le'u ste/ lnga pa'o// //dge slong dag/ de ltar dgun 'das te dpyid kyi dus la dpyid zla tha
51b7 chung gi tshe skar ma sa ga la bab pa dus kyi dam pa la shing rnams kyi lo ma rgyas shing me tog mchog tu rgyas nas grang dro dang / mun pa dang / rdul med cing sa'i gzhi sngo gzhon nu
52a1 skyes pas khebs par gnas pa'i tshe 'jig rten gsum gyi gtso bo 'jig rten gyis mchod pas dus la bab pa'i tshod la rnam par gzigs nas tshes
52a2 bco lnga'i zla ba nya la skar ma rgyal gyi dus su yum gso sbyong blangs pa'i rum du byang chub sems dpa' dga' ldan gyi gnas dam pa nas 'phos te dran zhing shes bzhin du
52a3 glang po'i phrug gu thal dkar mche ba drug dang ldan pa/ mgo'i kha dog srin bu lham bu chu gsher gyi mdog lta bu/ mche ba la gser 'tshig pa/ yan lag dang nying lag
52a4 thams cad dang ldan pa/ dbang po nyams pa med par byas te ma'i glo g.yas pa nas zhugs so/ /zhugs nas kyang glo g.yas pa logs su brten te gnas kyi/ glo g.yon pa
52a5 logs su nam yang ma brten to/ /lha mo sgyu 'phrul mal bde ba na nyal ba des kyang rmi lam 'di lta bu mthong ngo / /glang po kha ba dngul mdog mche ba drug /rkang lag rab mdzes
52a6 mgo bo dmar sdug pa/ /'gros bzang lus tshigs rdo rje bzhin brtan pa/ /glang po mchog cig khong du song snyam byed/ /des ni de 'dra'i bde ba brgya lam na'ang / /ma mthong
52a7 ma thos myong bar ma gyur te/ /lus kyang bde zhing sems kyang bder gyur nas/ /bsam gtan mnyam par bzhag pa bzhin du gyur/ /de nas lha mo sgyu 'phrul rgyan dang gos
52b1 lhug lhug por gyon cing thogs pa las lus dang / sems bde bar gyur te/ dga' ba dang / rangs pa dang / nyams bde ba thob nas mal dam pa de las langs te bud med kyi tshogs
52b2 kyis yongs su bskor cing mdun du bdar nas khang bzang de'i steng nas babs te/ shing mya ngan 'tshang gi nags tshal ga la ba der song nas de mya ngan 'tshang gi gnas tshal du bde
52b3 bar 'dug ste/ rgyal po zas gtsang ma'i drung du pho nya btang nas rgyal po gshegs su gsol/ lha mos khyod kyi zhal mthong bar bzhed do zhes byas pa dang / rgyal po zas
52b4 gtsang mas tshig de thos nas rab tu dga' bar gyur te lus g.yos nas khri bzang po las langs te blon po dang / grong rdal ba dang / 'khor dang / gnyen pa'i skye bo dag gis
52b5 yongs su bskor cing mdun du bdar te mya ngan 'tshang gi nags tshal ga la ba der song ngo / /song nas kyang bdag gi lus shin tu lci ba snyam byed nas mya ngan 'tshang gi nags tshal du
52b6 'gro ma nus te/ de mya ngan 'tshang gi nags tshal gyi sgor 'dug nas cung zad cig bsam ste/ de'i tshe tshigs su bcad pa 'di smras so/ /bdag ni g.yul du dpa' ba'i phul phyin
52b7 pa| |deng ltar lus lci bdag gis myong mi dran/ /bdag gi khyim du'ang 'gro bar deng ma nus/ /kye ma 'di ci su la dri bar bya/ /gnas gtsang ma'i ris kyi lha dag nam mkha'i dkyil
53a1 na 'khod nas lus phyed mngon par sprul te rgyal po zas gtsang ma la tshigs su bcad de smras pa/ dka' thub brtul zhugs yon tan ldan pa 'jig rten
53a2 gsum gyis mchod/ /byams dang snying rje thob pas bsod nams ye shes dbang bskur ba'i/ /byang chub sems dpa' che ba dga' ldan gnas nas 'phos gyur te/ /rgyal po
53a3 khyod kyi sras gyur lha mo sgyu 'phrul mngal du zhugs/ /de tshe rang gi mgo cog sor bcu thal mo sbyar byas te/ /rgyal po rim gror bya bar ldan gyur de yi nang du zhugs/ /nga rgyal
53a4 dregs pa med pas lha mo sgyu 'phrul ngor bltas te/ /ngas ni khyod la ci bya ci sbyar khyod kyis nga la smros/ /lha mos smras pa/ kha ba dngul gyi mdog 'dra nyi zla'i 'od las 'phags
53a5 pa ste| |rkang lag legs shing rab 'byes mtshe ba drug ldan che ba nyid/ /glang po'i dam pa rdo rje bzhin du tshigs brtan gzugs bzang ba/ /bdag gi rum du zhugs kyi de yi
53a6 lo rgyus gsan par gsol/ /stong gsum khams 'di mdzes bar rab rib ma mchis bdag gis mthong / /bdag ni nyal zhing mchis na lha rnams bye bas rab tu bstod//
53a7 'on kyang bdag la khro zhing 'tshig dang zhe sdang rmongs ma mchis/ /zhi ba'i sems su gyur cing bsam gtan bde dang ldan snyam bgyid/ /bdag gi rmi lam 'di ni rigs la
53b1 dge 'am dong 'am ci/ /bdag gi rmi lam 'di ni yang dag ldan par lung ston pa/ /rig byed rmi lam gzhung la mkhas shing gza' yi cho ga mkhan/ /rgyal po myur du bram ze 'dir
53b2 ni legs par dgug tu gsol/ /de skad tshig thos rgyal pos de yi dus kyi skad cig la/ /bram ze rig byed bstan bcos gzhung la shin tu mkhas pa gnyer/ /sgyu 'phrul bram ze
53b3 rnams kyi mdun du 'dug nas 'di skad smras/ /kho mos rmi lam 'di 'dra mthong na de yi lo rgyus gson/ /bram ze rnams kyis smras pa/ lha mo bka' stsal du gsol/ khyod kyis
53b4 rmi lam ci 'dra ba zhig gzigs/ thos nas kyang dpyad par bgyi'o/ /lha mos smras pa/ kha ba dngul gyi mdog 'dra nyi zla'i 'od las 'phags pa ste/ /rkang lag legs shing rab
53b5 'byes mche ba drug ldan che ba nyid/ /glang po dam pa rdo rje bzhin du tshigs brtan gzugs bzang ba/ /bdag gi rum du zhugs pa de yi lo rgyus mnyan par gyis/ /de skad tshig thos
53b6 nas ni bram ze rnams kyis 'di skad smras/ /rigs la dngo ba ma mchis dgyes pa rgya chen brnyes par gyur/ /khyod la sras mnga' mtshan gyis yan lag brgyan pa skye bar 'gyur/ /
53b7 rgyal po'i rigs su rigs ldan 'khor los bsgyur ba che ba nyid/ /gal te 'dod pa dag dang rgyal srid pho brang spangs gyur te/ /'jig rten kun la thugs brtse chags med rab tu byung
54a1 gyur na| |de ni 'jig rten gsum na sbyin gnas sangs rgyas 'gyur ba ste/ /bdud rtsi mchog gi ro yis 'jig rten thams cad tshim mdzad 'gyur/ /de skad tshig
54a2 snyan lung bstan te/ /rgyal po'i pho brang zan zos nas/ /bya dga' byin pa blangs nas su/ /bram ze de dag phyir dong ngo / /dge slong dag /de ltar rgyal po zas gtsang mas bram za mtshan
54a3 dang ltas shes shing rnam par 'byed pa dang / rmi lam gyi gzhung shes pa dag las de skad kyi tshig thos nas tshim zhing mgu ste yid rangs la rab tu dga' zhing dga' ba dang /
54a4 yid bde ba skyes nas bram ze de dag bza' ba dang / btung ba dang / myang ba mang po nyams su bsod pas tshim zhing ngoms par byas nas bya dga' byin te bkye'o/ /de nyid kyi tshe
54a5 grong khyer chen po ser skya'i gnas kyi grong khyer chen po de'i sgo bzhi na grong khyer gyi bzhi mdo dang / sum mdo thams cad du sbyin pa byin te/ ji tsam du byang chub sems dpa' la
54a6 mchod pa bya ba'i phyir zas 'dod pa rnams la ni zas/ skom 'dod pa rnams la ni skom/ gos 'dod pa rnams la ni gos/ bzhon pa 'dod pa rnams la ni/ bzhon pa/
54a7 spos 'dod pa rnams la ni spos| phreng ba 'dod pa rnams la ni phreng ba/ byug ba 'dod pa rnams la ni byug pa/ mal cha 'dod pa rnams la ni mal cha/ gnas 'dod pa
54b1 rnams la ni gnas/ 'tsho ba 'dod pa rnams la ni 'tsho ba byin no/ /dge slong dag /de nas rgyal po zas gtsang ma 'di snyam du sems te/ lha mo sgyu 'phrul 'di khyim gang na 'dug
54b2 na bde zhing nyon mongs pa med par 'dug par 'gyur snyam pa dang / de nas skad cig de nyid la rgyal po chen po bzhi rgyal po zas gtsang ma'i drung du 'ongs te 'di skad ces smras so/ /lha/
54b3 thugs las su ma mdzad par btang snyoms su bde bar bzhugs shig /bdag cag gis byang chub sems dpa'i pho brang bsham mo/ /de nas lha'i dbang po brgya byin rgyal po zas gtsang
54b4 ma'i gan du 'ongs te 'di skad ces smras so/ /skyong ba'i gzhal med khang rnams ngan/ /sum cu rtsa gsum pa yi bzang / /byang chub sems dpa'i pho brang ni/ /rnam par rgyal tsam bdag
54b5 gis dbul/ /de nas lha'i bu rab 'thab bral rgyal po zas gtsang ma'i gan du 'ongs te 'di skad ces smras so/ /kho bo'i khang khyim mthong gyur nas/ /brgya byin bye ba ngo mtshar gyur/ /
54b6 'thab bral rab kyi dpal ldan khang / /rgyal ba'i sras la bdag 'bul lo/ /de nas lha'i bu yongs su dga' ldan rgyal bo zas gtsang ma'i ga na du 'ongs te 'di skad ces smras so/ /
54b7 grags pa che mnga' sngon chad ni/ /dga' ldan gang du bzhugs gyur pa/ /pho brang dam pa dgyes pa de/ /rgyal ba'i sras la bdag 'bul lo/ /de nas lha'i bu rab 'phrul dga' rgyal po
55a1 zas gtsang ma'i gan du 'ongs te skad ces smras so/ /dpal ldan yid las grub ba'i khang / /de ni rin chen rang bzhin te/ /byang chub sems dpa'
55a2 mchod don du/ /rgyal po bdag gis dbul bar bgyi/ /de nas lha'i bu gzhan 'phrul dbang byed rgyal po zas gtsang ma'i gan du 'ongs te 'di skad ces smras so/ /'dod
55a3 pa'i khams gnas ji snyed pa/ /gzhal med khang mdzes gang yod pa/ /bdag gi gzhal med khang drung na/ /'od dang mdog kyang stor bar snang / /de bas dpal ldan bdag gis
55a4 dbul| |byang chub sems dpa' mchod pa'i phyir/ /rin chen rang bzhin pho brang bzang / /de ni rgyal po blang bar gyis/ /lha yi me tog rab bkang ste/ /lha yi spos kyi ngad ldang ba'i//
55a5 pho brang yangs pa bdag gis dbul/ /der ni lha mo bzhugs par gyis/ /dge slong dag /de ltar 'dod pa na spyod pa'i lha'i dbang po thams cad kyis byang chub sems dpa' la
55a6 mchod pa'i phyir ser skya'i gnas kyi grong khyer chen po dam pa der rang rang gi khyim phul bar gyur to/ /rgyal po zas gtsang mas kyang mi'i las ni 'das kyi/ lha yir ni ma
55a7 gyur pa bshams par gyur te/ de la byang chub sems dpas bkod pa chen po'i ting nge 'dzin gyi mthus khyim de dag thams cad du lha mo sgyu 'phrul mngon par bstan to/ /byang
55b1 chub sems dpa' lha mo sgyu 'phrul gyi rum na 'dug pa'i tshe glo g.yas phyogs logs su skyil mo krung bcas te gnas par gyur to/ /lha'i dbang po de dag thams cad kyang so so
55b2 nas bdag nyid kyi khyim na byang chub sems dpa'i ma 'dug gi /gzhan ma yin no zhes de ltar shes par gyur to/ /de la 'di skad ces bya ste/ ting 'dzin bkod pa che la gnas
55b3 gyur te| |sprul pa bsam gyis mi khyab sprul byas nas/ /lha rnams thams cad bsam pa rdzogs par byas/ /rgyal po'ang de ltar yid bzhin bsam pa grub/ /de nas 'khor de'i
55b4 nang nas lha'i bu kha cig 'di snyam du sems te/ rgyal chen bzhi'i ris kyi lha gang yin pa de dag kyang mi'i lus kyi dri bro na skyo zhing 'byol na/ de ma yin pa'i lha gzhan sum cu rtsa
55b5 gsum mam/ 'tha' bral lam/ dga' ldan gyi lha'i bu dag lta smos kyang ci dgos na/ ji ltar byang chub sems dpa' gtsang zhing dri nga ba dang bral ba/ 'jig rten thams cad
55b6 las mngon par 'phags pa/ sems can rin po che dga' ldan gyi lha'i ris nas 'phos te yum gyi lhums mi'i lus dri mi zhim par bzhugs par gyur snyam pa dang / de nas
55b7 sangs rgyas kyi mthus tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das/ ji tsam du bud med kyi lus ni smad pa lags pa dang /
56a1 'dod chags la spyod ces bgyi ba'i bar du de bzhin gshegs pas gsungs pa ngo mtshar che na/ bcom ldan 'das/ de bas kyang 'jig rten thams cad las
56a2 mngon par 'phags pa/ sngon byang chub sems dpar gyur pa 'di ltar dga' ldan gyi lha'i ris nas 'phos te yum gyi lhums mi'i lus su glo g.yas phyogs su brten te
56a3 bzhugs so/ /zhes bgyi ba 'di ni rab tu'ang ngo mtshar che ste/ bcom ldan 'das/ sngon bcom ldan 'das kyis de ltar mdzad do/ zhes de skad du smra bar ni bdag la spro ba
56a4 ma mchis so/ /bcom ldan 'das kyis bka' stsal pa/ kun dga' bo/ khyod byang chub sems dpa'i yongs su spyad pa rin po che bkod pa zhes bya ba gang byang chub sems
56a5 dpa' ma'i rum na gnas pa'i yongs su spyad par gyur pa mthong bar 'dod dam/ gsol pa/ bcom ldan 'das/ de'i dus ni da lags so/ /bde bar gshegs pa/ de'i
56a6 dus ni da lags te/ de bzhin gshegs pas byang chub sems dpa'i yongs su spyad pa de bstan te mthong na glo ba dga'o/ /de nas bcom ldan 'das kyis rnam pa de lta bu'i
56a7 mtshan ma mdzad de/ des mi mjed kyi bdag po tshangs pa tshangs pa 'bum phrag drug cu rtsa brgyad dang lhan cig tshangs pa'i 'jig rten nas mi snang bar gyur te bcom ldan 'das
56b1 kyi spyan sngar phyin nas des bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor bar byas nas thal mo sbyar te bcom ldan 'das la 'dud
56b2 cing phyogs gcig tu 'dug go /de nas bcom ldan 'das kyis mkhyen bzhin du mi mi mjed kyi bdag po tshangs pa la bka' stsal pa/ tshangs ba/ khyod kyis sngon nga byang chub sems
56b3 dpar gyur cing ma'i rum na zla ba bcur 'dug 'dug pa'i byang chub sems dpa'i yongs su spyad pa blangs sam/ gsol pa/ bcom ldan 'das/ de de lta lags so/ /bde bar gshegs
56b4 pa| de de lags so/ /bka' stsal pa/ tshangs pa/ da de ga la yod ston cig /gsol pa/ bcom ldan 'das/ de ni tshangs pa'i 'jig rten na mchis so/ /bka' stsal pa/ tshangs pa/
56b5 de'i phyir zla ba bcu pa'i byang chub sems dpa'i yongs su spyad pa de 'dir khyod kyis ston cig dang / ji tsam du 'dus byas pa shes par 'gyur ro/ /de nas mi mjed kyi bdag po tshangs
56b6 pas tshangs pa dag la 'di skad ces smras so/ /kho bos byang chub sems dpa'i yongs su spyad pa rin po che bkod pa de blang gi /de'i bar du khyed 'khod cig /de nas mi mjed kyi bdag
56b7 po tshangs pa bcom ldan 'das kyi zhabs la mgo bos phyag 'tshal te bcom ldan 'das kyi spyan snga nas mi snang bar gyur nas skad cig de nyid la tshangs pa'i 'jig rten du phyin to/ /de
57a1 nas mi mjed kyi bdag po tshangs pas lha'i bu tshangs pa bzang po la 'di skad ces smras so/ /grogs po/ khyod song la tshangs pa'i 'jig rten 'di man chad sum
57a2 cu rtsa gsum gyi gnas yan chad du sgra bsgrags te byang chub sems dpa'i yongs su spyad pa rin po che bkod pa bdag cag gis de bzhin gshegs pa'i spyan sngar bkur na/ khyed kyi nang nas mthong bar su dga' ba myur du shog cig ces sgras go bar gyis shig /
57a3 de nas mi mjed kyi bdag po tshangs pas lha bye ba khrag khrig brgya stong phrag brgyad cu
57a4 rtsa bzhi dang lhan cig tu byang chub sems dpa'i yongs su spyad pa rin po che bkod pa blangs te tshangs pa'i gzhal med khang chen po dpag tshad sum brgya pa'i steng du bzhag
57a5 nas lha bye ba khrag khrig brgya stong du mas kun nas bskor te dzam+bu'i gling du phab bo/ /de'i tshe bcom ldan 'das kyi zhabs 'bring du 'dod pa na spyod pa'i lha'i bu 'dus pa chen por gyur
57a6 te| byang chub sems dpa'i yongs su spyad pa rin po che bkod pa de'ang lha'i gos dang / lha'i phreng ba dang / lha'i spos dang / lha'i me tog dang / lha'i rol mo'i dbyangs sgra dang /
57a7 lha'i longs spyod rnams kyis mngon par 'dus byas par gyur cing lha dbang che bar grags pa dag gis yongs su bskor bar gyur pa ni 'di tsam ste/ lha'i dbang po brgya
57b1 byin rgya mtsho chen po'i dbus su 'dug nas rgyang ring po nas gdong thal mos bskyabs te mgo byol nas bltas kyang mthong bar mi nus so/ /de ci'i phyir zhe na/ lha'i nang na tshangs pa
57b2 dag ni mthu che ba ste/ sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha dag kyang de dag gi drung na dma' ba
57b3 yin na| lha'i dbang po brgya byin lta smos kyang ci dgos/ de nas bcom ldan 'das kyis de'i tshe lha'i rol mo'i dbyangs sgra'i sgra de dag zhi bar mdzad do/ /de ci'i phyir zhe na/ de thos
57b4 pa tsam gyis dzam+bu'i gling gi mi rnams myo myo bor 'gyur du 'ong ba'i phyir ro/ /de nas rgyal po chen po bzhi lha'i dbang po brgya byin gyi drung du lhags nas 'di skad ces smras so/ /lha'i
57b5 dbang po/ byang chub sems dpa'i yongs su spyad pa rin po che bkod pa 'di bdag cag gis mthong bar mi nus na/ ji ltar bgyi/ des de dag la smras pa/ grogs po dag /kho bos
57b6 kyang ji ltar bya/ kho bo nyid kyis kyang mthong bar ma nus so/ /grogs po dag /'on kyang de ni nam bcom ldan 'das kyi spyan sngar phul ba de'i tshe mthong grang ngo / /de dag gis smras
57b7 pa/ lha'i dbang po/ de bas na/ ci nas kyang myur du mthong bar 'gyur ba de ltar mdzad du gsol/ smras pa/ grogs po dag /lha'i bu mngon par 'phags pa mngon par 'phags
58a1 pa de dag bcom ldan 'das kyi spyan sngar phyin te dga' bar bya ba'i tshig brjod par gyur gyi bar du sdod cig /de nas de dag phyogs gcig tu 'khod de
58a2 mgo byol nas bcom ldan 'das logs su lta zhing 'khod par gyur to/ /de nas mi mjed kyi bdag po tshangs pa lha bye ba khrag khrig brgya stong phrag brgyad cu rtsa bzhi po de dag
58a3 dang lhan cig tu byang chub sems dpa'i yongs su spyad par bya ba rin po che bkod pa de khyer te/ de bzhin gshegs pa ga la ba der phul lo/ /byang chub sems dpa'i yongs
58a4 su spyad pa rin po che bkod pa de ni gzugs bzang ba/ mdzes pa/ blta na sdug pa/ gru bzhi lham pa/ ka ba bzhi zug pa/ steng khong pa brtsegs pas legs par brgyan
58a5 pa ste| de'i tshad ni 'phang du 'di lta ste/ dper na/ byis pa btsas nas zla ba drug lon pa tsam mo/ /khang pa brtsegs pa de'i nang du khri bshams pa ni 'di lta ste/ dper na/
58a6 byis pa btsas nas zla ba drug lon pa 'dug pa'i stegs bu tsam mo/ /byang chub sems dpa'i yongs su spyad par bya ba rin po che bkod pa de'i kha dog dang / dbyibs ni 'di
58a7 lta bu ste/ lha dang bcas pa'i 'jig rten na de'i dbyibs dang kha dog 'dra ba gang yang med do/ /lha rnams kyis de mthong na'ang mig 'khrugs shing ngo mtshar du 'gyur ro/ /de de
58b1 bzhin gshegs pa'i spyan sngar bzhag na lham me/ lhan ne/ lhang nge ste/ dper na/ mgar ba mkhas pas shin tu bzhus te legs par sbyangs nas dri ma'i skyon med par byas pa'i gseng
58b2 bzhin du khang pa brtsegs pa de rnam par mdzes so/ /byang chub sems dpa'i yongs su spyad pa de'i nang du khri bshams pa ni byang chub sems dpa'i dung mgrin ma gtogs pa lha
58b3 dang bcas pa'i 'jig rten na de'i dbyibs dang / kha dog 'dra ba gang yang med do/ /tshangs pa chen pos gos bgos pa de'ang byang chub sems dpa'i khri de'i drung na mdzes par mi snang
58b4 ste| 'di lta ste/ dper na/ rlung dang / char gyis btab pa'i lwa ba nag po bzhin no/ /khang pa brtsegs pa de ni tsan+dan sprul gyi snying po las byas pa ste/ de'i phye ma zho gcig la'ang
58b5 stong gi 'jig rten gyi khams kyis rin du mi chog go/ /khang pa brtsegs pa de ni tsan+dan sprul gyi snying po de lta bus kun nas bskor ba ste/ khang pa brtsegs pa de dang 'dra ba gnyis
58b6 pa zhig kyang khang pa brtsegs pa dang po de'i nang na ma chags ma reg par 'dug go/ /khang pa brtsegs pa de kho na dang 'dra ba gsum pa zhig kyang khang pa brtsegs pa gnyis pa
58b7 de'i nang na ma reg ma chags par 'dug go /spos kyi khang pa brtsegs pa gsum pa de'i nang du khri de bzhag ste gdan bting ngo / /tsan+dan sprul gyi snying po de'i kha dog ni rnam pa
59a1 'di lta bu ste/ dper na/ bai DUR+Ya sngon po rigs dam pa dang ldan pa bzhin no/ /spos kyi khang pa brtsegs pa de'i 'khor na me tog lha'i las 'das pa gang
59a2 ji snyed cig yod pa de dag thams cad kyang ma bskyed par byang chub sems dpa'i sngon gyi dge ba'i rtsa ba'i rnam par smin pas khang pa brtsegs pa der skye'o/ /byang chub sems
59a3 dpa'i yongs su spyad pa rin po che bkod pa de ni rdo rje'i rang bzhin te/ sra zhing brtan la mi shigs pa ste/ ka tsa linada'i gos ltar reg na bde ba'o/ /'dod pa na spyod pa'i lha rnams
59a4 kyi gnas bkod pa gang ji snyed yod pa de dag thams cad kyang byang chub sems dpa'i yongs su spyad pa rin po che bkod pa der kun tu snang ngo / /gang gi nub mo byang chub sems dpa'
59a5 ma'i rum du 'jug pa de'i nub mo 'og gi chu'i phung po nas bzung ste sa chen po'i rngams dpag tshad 'bum phrag drug cu rtsa brgyad brtol te pad+ma byung bas tshangs pa'i 'jig rten gyi
59a6 bar du mngon par 'phags so/ /pad+ma de ni kha lo sgyur ba skyes bu'i dam pa dang / tshangs pa chen po brgya phrag bcu'i stobs la dbang bas mthong du zad kyi/ gzhan sus kyang
59a7 mthong ba med do/ /stong gsum gyi stong chen po'i 'jig rten gyi khams 'di na nying khu dang / snying po dang / bcud ji snyed yod pa de dag thams cad pad+ma chen po de la zil dngar gyi
59b1 thigs par chags te 'dug nas de tshangs pa chen pos bai DUR+Ya'i snod bzang pos blangs shing byang chub sems dpa' la phul nas byang chub sems dpas kyang de blangs te tshangs pa
59b2 chen po la snying brtse ba'i phyir 'thungs par gyur to/ /nying khu'i thigs pa de 'thungs na byang chub sems dpa' srid pa tha ma pa byang chub sems dpa'i sa thams cad yongs su rdzogs
59b3 pa ma gtogs par de yang dag par bde bar zhu nus pa sems can gyi khams na sems can de lta bu de gang yang med do/ /las gang gi rnam par smin pas snying khu'i thigs pa
59b4 de lta bu byang chub sems dpa' la yod par gyur ce na/ byang chub sems dpas sngon yun ring por byang chub sems dpa'i spyod pa spyad pa'i tshe sems can nad pa dag la sman byin pa
59b5 dang | sems can bsam pa la brten pa rnams kyi bsam pa yongs su bskang ba dang / skyabs su 'ongs pa rnams yongs su ma btang ba dang / rtag par me tog gi phud dang / 'bras
59b6 bu'i phud dang / ro'i phud de bzhin gshegs pa rnams dang / de bzhin gshegs pa'i mchod rten rnams dang / de bzhin gshegs pa'i nyan thos kyi dge 'dun rnams dang / pha
59b7 dang ma la phul zhing phyis bdag nyid yongs su spyod spyod pas las de'i rnam par smin pas tshangs pa chen po zil dngar gyi thigs pa de byang chub sems dpa' la 'bul lo/ /khang pa
60a1 brtsegs pa der gnas kyi khyad par dga' ba dang / rtsed mo dang / phreng ba brgyus pa dang ldan pa 'phags pa 'phags pa ji snyed cig yod pa de dag thams
60a2 cad kyang byang chub sems dpa'i sngon gyi las kyi rnam par smin pas der byung bar snang ngo / /byang chub sems dpa'i yongs su spyad pa rin po che bkod pa der gos stong phrag
60a3 brgya'i rgyan ces bya ba phrugs shig byung ste/ de'i byung ba ni byang chub sems dpa'i srid pa tha ma pa ma gtogs par sems can gyi ris na sems can de lta bu de gang yang
60a4 med do| |gzugs dang / sgra dang / dri dang / ro dang / reg mchog tu bya ba dam pa gang ji snyed cig yod pa de dag thams cad kyang khang pa brtsegs pa de na med pa gang yang med do//
60a5 'phags pa rgya cher rol pa zhes bya ba'i mdo/ bam po bzhi pa/ yongs su spyad par bya ba khang pa brtsegs pa de ni 'di ltar phyi nang shin tu grub pa/ 'di ltar shin tu yongs
60a6 su rdzogs pa ste/ 'di lta ste/ dper na/ yul ka ling+ka nas byung ba'i dar ltar reg na bde ba'o/ /de'ang 'ol spyir bstan par zad kyi/ de la dpe med do/ /byang chub sems dpa'i
60a7 sngon gyi smon lam gyis 'di ni bsam pas 'grub ste/ gdon mi za bar byang chub sems dpa' sems dpa' chen po mi'i 'jig rten du skye ba dang / mngon par byung nas bla
60b1 na med pa yang dag par rdzogs pa'i byang chub mngon par rdzogs par sangs rgyas te chos kyi 'khor lo bskor ba dang / ma gang gi rum du skye bar 'gyur ba de'i rum g.yas par khang
60b2 pa brtsegs pa rin po che bkod pa dam pa sngar mngon par 'grub cing / phyis byang chub sems dpa' dga' ldan nas 'phos te khang pa brtsegs pa der skyil krung bcas nas 'dug
60b3 par 'byung ba dang / byang chub sems dpa' srid pa tha ma pa'i lus nur nur po dang / mer mer po dang / ltar ltar po dang / reng reng por 'gyur ba med cing / yan lag dang / nying
60b4 lag dang / mtshan thams cad phun sum tshogs par 'dug bzhin du 'byung la/ lha mo sgyu 'phrul gyi rmi lam du glang po chen po 'ongs par mthong ba 'di ni chos nyid do/ /de de ltar
60b5 'dug pa la lha'i dbang po brgya byin dang / rgyal po chen po bzhi dang / gnod sbyin gyi sde dpon chen po nyi shu rtsa brgyad dang / gang las lag na rdo rje skyes pa'i gnod sbyin gyi rigs gsang
60b6 ba pa zhes bya ba de dag byang chub sems dpa' ma'i rum du zhugs par shes nas rtag tu rgyun mi 'chad par phyi bzhin 'brang bar gyur to/ /byang chub sems dpa' la rim gro byed pa'i
60b7 lha mo bzhi yod de/ u khu li zhes bya ba dang / mu khu li zhes bya ba dang / rgyal mtshan ldan pa zhes bya ba dang / 'od dang ldan pa zhes bya ba ste/ bzhi po de dag kyang byang chub sems
61a1 dpa' ma'i rum du zhugs par shes nas rtag tu rgyun mi 'chad par srung ngo / /lha'i dbang po brgya byin yang lha'i bu lnga brgya tsam dang lhan cig byang chub sems
61a2 dpa' ma'i rum du zhugs pa shes nas rtag tu rgyun mi 'chad par phyi bzhin 'brang par gyur to/ /byang chub sems dpa' ma'i rum du zhugs pa'i lus ni rnam pa 'di lta bur
61a3 gyur te| dper na/ mtshan mo mun pa shin tu gnag pa'i nang na ri'i spo la me'i phung po chen po 'dug pa ni dpag tshad gcig nas kyang snang ngo / /dpag tshad lnga'i bar nas
61a4 kyang snang ngo / /de bzhin du byang chub sems dpa' ma'i rum du zhugs pa'i lus mngon par grub pa'ang de lta bur gyur te/ 'od gsal zhing gzugs bzang la mdzes shing
61a5 blta na sdug par gyur pa de/ khang pa brtsegs pa de'i nang du skyil mo krung du 'dug na gser gyi sa le sbram rigs dang ldan pa rin po che bai DUR+Ya sa brgyan pa ltar shin tu mdzes
61a6 par gyur to/ /byang chub sems dpa'i mas kyang byang chub sems dpa' rum na 'dug pa mthong bar gyur to/ /'di lta ste/ dper na/ sprin gyi tshogs chen po'i nang nas glog
61a7 byung ba ni snang ba chen po bskyed do/ /de bzhin du byang chub sems dpa' ma'i rum na 'dug pa'ang dpal dang / gzi brjid dang / kha dog gis rin po che'i khang pa brtsegs pa
61b1 dang po de snang bar byed do/ /snang bar byas nas spos kyi khang pa brtsegs pa gnyis pa snang bar byed do/ /spos kyi khang pa brtsegs pa gnyis pa snang bar byas nas spos kyi khang ba
61b2 brtsegs pa gsum pa snang bar byed do/ /spos kyi khang pa brtsegs pa gsum pa snang bar byas nas ma'i lus thams cad snang bar byed do/ /de snang bar byas nas de stan gang
61b3 la 'dug pa de snang bar byed do/ /de snang bar byas nas khyim thams cad snang bar byed do/ /khyim thams cad snang bar byas nas 'od 'phro ba khyim gyi steng du byung ste shar phyogs
61b4 snang bar byed do/ /de bzhin du lho phyogs dang / nub phyogs dang / byang phyogs dang / 'og dang / steng dang / phyogs bcu kun tu rgyang grags tsam du phyogs re rer yang byang chub
61b5 sems dpa' ma'i rum na 'dug pa'i dpal dang / gzi brjid dang / kha dog gis snang bar byas par gyur to/ /dge slong dag /de ltar byang chub sems dpa' de blta ba dang / de la
61b6 phyag bya ba dang / bsnyen bkur bya ba dang / chos mnyan pa'i phyir rgyal po chen po bzhi dang / gnod sbyin gyi sde dpon chen po nyi shu rtsa brgyad gnod sbyin lnga brgya tsam dag dang lhan
61b7 cig tu snga dro'i dus kyi tshe 'ongs te/ de'i tshe byang chub sems dpas de dag 'ongs par rig nas lag pa g.yas pa brkyang ste mdzub mo bsgrengs nas stan ston to/ /'jig rten skyong
62a1 ba la sogs pa de dag kyang ji ltar bting ba'i stan la 'khod par gyur te/ de dag gis byang chub sems dpa' ma'i rum na 'dug bzhin du skyes zin pa'i
62a2 gzugs dang 'dra bar lag pa bskyod cing 'deg la/ rnam par bskyod cing gzhog pa mthong nas de dag dga' mgu zhing nyams bde ba thob ste byang chub sems dpa' la
62a3 phyag 'tshal bar gyur to/ /byang chub sems dpas kyang de dag de ltar 'khod pa mthong nas chos kyi gtam gyis yang dag par ston/ yang dag par 'dzin du 'jug/ yang
62a4 dag par gzengs bstod/ yang dag par dga' par byed do/ /gang gi tshe de dag 'dong bar 'dod bar gyur pa de'i tshe'ang byang chub sems dpas de dag gi sems sems kyis
62a5 rnam par shes nas lag pa g.yas pa brkyangs te/ de dag 'dod pa'i brda ston te/ /de ltar lag pa brkyangs te 'dong ba'i brda bstan nas phyir bskum par byed de/ mal gnod
62a6 pa med do/ /de'i tshe rgyal po chen po bzhi dag kyang 'di snyam du bdag cag ni byang chub sems dpas kyang 'dong bar gnang ngo snyam sems shing / de dag byang chub sems
62a7 dpa' dang / byang chub sems dpa'i ma la lan gsum bskor ba byas nas dong bar gyur to/ /de ltar byang chub sems dpa' nub mo mi nyal nas lag pa g.yas pa brkyang
62b1 zhing brkyangs nas kyang bskum pa dang / bskums nas kyang dran zhing shes bzhin du lag ba de 'jog pa'i rgyu ni de yin no/ /rkyen ni de yin no/ /gzhan yang gang gi tshe skyes pa'am/ bud
62b2 med dam/ khye'u 'am/ bu mo su'ang rung ste/ byang chub sems dpa' blta ba'i phyir 'ongs pa de'i tshe thog mar ni byang chub sems dpa' dga' bar bya ba smra'o/ /de'i 'og tu byang chub
62b3 sems dpa'i ma dga' bar bya ba smra'o/ /dge slong dag/ de ltar byang chub sems dpa' ma'i rum na 'dug pa'i tshe sngar dga' bar bya ba smra ba la mkhas par gyur te/ lha'am/ klu'am/
62b4 gnod sbyin nam/ mi'am/ mi ma yin pa su'ang rung byang chub sems dpa' la sngon du dga' bar bya ba'i tshig smra bar nus pa med do/ /byang chub sems dpa' nyid thog mar dga' bar
62b5 bya ba smra zhing de'i 'og tu byang chub sems dpa'i ma dga' bar bya ba smra'o/ /de nas snga dro'i dus zad de nyi ma gung la babs nas lha'i dbang po brgya byin dang / sum cu rtsa gsum pa'i lha'i bu
62b6 mngon par 'phags pa/ mngon par 'phags pa dag byang chub sems dpa' blta ba dang / de la bsnyen bkur bya ba dang / chos mnyan pa'i phyir 'ong ba dang / byang chub sems dpas
62b7 de dag rgyang ring po nas 'ong ba mthong nas gser gyi mdog tu 'dug pa'i lag pa g.yas pa brkyangs te lha'i dbang po brgya byin dang / sum cu rtsa gsum pa'i lha dag
63a1 dga' bar byed cing mdzub mo brkyangs te stan ston to/ /dge slong dag/ de'i tshe'ang lha'i dbang po brgya byin gyis byang chub sems dpa' la phyir bzlog ma nus
63a2 nas ji ltar bting ba'i stan de dag la lha'i dbang po brgya byin dang / de ma yin pa'i lha'i bu gzhan dag kyang 'khod par gyur to/ /byang chub sems dpas de ltar 'khod par rig
63a3 nas chos kyi gtam gyis yang dag par ston/ yang dag par 'dzin du 'jug /yang dag par gzengs bstod/ yang dag par dga' bar byed do/ /byang chub sems dpas lag
63a4 pa gang du brkyangs pa de logs su byang chub sems dpa'i ma'ang lta bar gyur to/ /des na lha de dag kyang 'di snyam du bdag cag ni byang chub sems dpa' dang dga' bar bya
63a5 ba smra'o snyam mo/ /de dag re re zhing yang 'di snyam du byang chub sems dpa' ni bdag 'ba' zhig la smra ste/ bdag 'ba' zhig la dga' bar bya ba smra'o snyam mo/ /khang
63a6 pa brtsegs pa der lha'i dbang po brgya byin dang / sum cu rtsa gsum pa'i lha de dag gi gzugs brnyan snang bar gyur to/ /ji ltar byang chub sems dpa' ma'i rum na gnas
63a7 pa'i longs spyod yongs su dag par gyur pa de lta bu ni gzhan dag na med do/ /dge slong dag /gang gi tshe lha'i dbang po brgya byin dang / de ma yin pa'i lha'i bu gzhan dag 'dong
63b1 par 'dod par gyur pa de'i tshe'ang byang chub sems dpas de dag gi sems kyi rtog pa sems kyis yongs su shes nas lag pa g.yas pa brkyangs te de dag 'dong ba'i brda ston
63b2 to| |brda bstan nas phyir bskum pa byas te dran zhing shes bzhin du lag pa bzhag kyang ma la gnod pa med do/ /de'i tshe lha'i dbang po brgya byin dang / de ma yin pa'i lha'i bu
63b3 sum cu rtsa gsum pa dag kyang 'di snyam du bdag cag ni byang chub sems dpas kyang 'dod bar gnang ngo snyam du sems shing / de dag kyang byang chub sems dpa' dang /
63b4 byang chub sems dpa'i ma la lan gsum bskor ba byas nas dong bar gyur to/ /dge slong dag/ nyi ma phyed kyi dus 'das nas phyi dro'i dus la babs pa dang / mi mjed kyi bdag po tshangs
63b5 pa lha'i bu brgya stong du mas yongs su bskor cing mdun du bdar te lha yul pa'i snying khu'i thigs pa de khyer nas byang chub sems dpa' ga la ba der byang chub sems dpa' de blta ba
63b6 dang / de la phyag bya ba dang / bsnyen bkur bya ba dang / chos mnyan pa'i phyir 'ong bar gyur to/ /dge slong dag /byang chub sems dpas mi mjed kyi bdag po tshangs pa 'khor dang bcas
63b7 te 'ongs par shes nas byang chub sems dpas yang gser gyi mdog tu 'dug pa'i lag pa g.yas pa brkyangs te mi mjed kyi bdag po tshangs pa dang / tshangs ris kyi lha'i bu de dag
64a1 la dga' bar bya ba smras te mdzub mo brkyangs nas stan ston to/ /dge slong dag /mi mjed kyi bdag po tshangs pa des kyang byang chub sems dpa'i bka' las
64a2 bzlog par ma nus nas ji ltar bting ba'i stan de dag la mi mjed kyi bdag po tshangs pa dang / tshangs ris kyi lha'i bu gzhan dag kyang 'khod par gyur to/ /byang chub sems dpas
64a3 de ltar 'khod par ri gnas chos kyi gtam gyis yang dag par ston/ yang dag par 'dzin du 'jug/ yang dag par gzengs bstod/ yang dag par dga' bar byed do/ /byang
64a4 chub sems dpas lag pa gang du brkyangs pa de logs su lha mo sgyu 'phrul yang lta bar gyur to/ /de ltar na lha de dag kyang bdag cag ni byang chub sems dpa' dang dga' bar
64a5 bya ba'i gtam byed do snyam ste/ lha'i bu de dag re re zhing yang 'di snyam du byang chub sems dpa' ni bdag 'ba' zhig la smras te/ bdag 'ba' zhig la dga' ba'i
64a6 gtam byed do snyam mo/ /dge slong dag /gang gi tshe mi mjed kyi bdag po tshangs pa dang / tshangs ris kyi lha'i bu de dag 'dong bar 'dod par gyur pa de'i tshe'ang byang chub
64a7 sems dpas de dag gi sems kyi rtog pa sems kyis yongs su shes nas lag pa g.yas pa brkyangs te de dag 'dong ba'i brda ston to/ /de ltar 'dong ba'i brda bstan nas
64b1 phyir bskum pa byas te dran zhing shes bzhin du lag pa bzhag kyang ma la gnod pa med de/ /de'i tshe mi mjed kyi bdag po tshangs pa dang / tshangs ris kyi lha de dag kyang 'di snyam du bdag
64b2 cag ni byang chub sems dpas kyang 'dong bar gnang ngo snyam du sems shing de dag byang chub sems dpa' dang / byang chub sems dpa'i ma la lan gsum bskor ba byas nas
64b3 dong bar gyur to/ /byang chub sems dpa' yang dran zhing shes bzhin du lag pa 'jog go/ dge slong dag/ shar phyogs dang / lho phyogs dang / nub phyogs dang / byang phyogs dang /
64b4 'og dang / steng dang / phyogs bcu kun nas kyang byang chub sems dpa' brgya stong mang po byang chub sems dpa' de blta ba dang / de la phyag bya ba dang / bsnyen bkur bya ba dang /
64b5 chos mnyan pa dang / chos yang dag par brjod par bya ba'i phyir 'ong bar gyur te/ de dag de ltar 'ongs pa dang / byang chub sems dpas lus las 'od bkye ste/ 'od kyi bkod pa de
64b6 dag seng+ge'i khrir sprul nas de ltar sprul pa'i khri de dag la byang chub sems dpa' de dag 'khod du bcug ste/ de dag de ltar 'khod par shes nas 'di lta ste/ theg pa chen po 'di
64b7 nyid rgya cher rnam par dbye ba'i don du dris te brtags kyang skal pa mnyam pa'i lha rnams ma gtogs par gzhan sus kyang de dag ma mthong ste/ dge slong dag/ de ltar byang chub
65a1 sems dpas nub mo mi nyal nas lus las 'od bkye ba'i rgyu ni de yin no/ /rkyen ni de yin no/ /dge slong dag /lha mo sgyu 'phrul gyis kyang byang chub
65a2 sems dpa' ma'i rum na 'dug pa'i tshe lus lci bar ma tshor te/ gzhan du na yang ba dang / 'jam pa dang / bde bar tshor zhing lto mi bde ba'i sdug bsngal gang yang myong bar
65a3 ma gyur to/ /'dod chags kyis yongs su gdung ba'am/ zhes sdang gis yongs su gdung ba'am/ gti mug gis yongs su gdung bas kyang yongs su gdungs par ma gyur/
65a4 'dod pa'i rnam par rtog pa'am/ gnod sems kyi rnam par rtog pa'am/ gtse ba'i rnam par rtog pa dag la'ang rnam par rtog par ma gyur te/ grang ba'am/ tsha ba'am/ bkres
65a5 pa'am/ skom pa'am/ mun pa'am/ rdul lam/ ngal ba tshor ba'am/ mthong bar ma gyur te/ de la gzugs dang / sgra dang / dri dang / ro dang / reg yid du mi 'ong ba snang bar ma
65a6 gyur to| |rmi lam ngan pa'ang mthong bar ma gyur to/ /de la bud med kyi sgyu'am/ g.yo'am/ phrag dog gam/ bud med kyi nyon mongs pa dag kyang nyams su gnod par byed par ma
65a7 gyur to| |de'i tshe byang chub sems dpa'i ma ni bslab pa'i gzhi lnga yang dag par blangs te tshul khrims dang ldan zhing dge ba bcu'i las kyi lam la gnas par gyur to/ /byang chub
65b1 sems dpa'i ma'ang skyes pa gang la'ang 'dod chags kyi sems skye bar ma gyur la/ skyes pa gang yang byang chub sems dpa'i ma la 'dod chags kyi sems mi skye'o/ /ser
65b2 skya'i grong khyer chen po de dang / yul gzhan dag na skyes pa dang / bud med dang / khye'u dang / bu mo su gang lha dang / klu dang / gnod sbyin dang / dri za dang / 'byung pos non pa ji snyed
65b3 cig yod pa de dag thams cad kyang byang chub sems dpa'i ma mthong ma thag tu sos shing dran pa thob par gyur to/ /mi ma yin pa de dag kyang myur du gnas gzhan du dong bar gyur
65b4 to| |sems can gang la la zhig nad sna tshogs kyis thebs par gyur te/ rlung dang / mkhris pa dang / bad kan dang / 'dus pa las byung ba'i nad kyis gnod par gyur pa dang /
65b5 mig gi nad dam/ rna ba'i nad dam/ sna'i nad dam/ lce'i nad dam/ mchu'i nad dam/ so'i nad dam/ lkog ma'i nad dam/ shu ba'am/ 'bras sam/ mdze'am/ sha bkra'am/
65b6 skem pa'am/ brjed byed dam/ rims sam/ lba ba'am/ phol mig gam/ me dpal lam/ rkang shu la sogs pa'i nad kyis btab par gyur pa de dag la byang chub sems
65b7 dpa'i mas lag pa g.yas pa spyi bor bzhag pa tsam gyis nad dang bral par gyur cing / rang rang gi gnas su dong bar gyur to/ /tha na lha mo sgyu 'phrul gyis rtswa nyag ma 'ga' zhig
66a1 sa las blangs te sems can nad pa dag la byin yang de dag de blangs ma thag tu nad med cing nyams pa med par gyur to/ /gang gi tshe lha mo sgyu 'phrul des bdag
66a2 gi lto g.yas par bltas pa de'i tshe byang chub sems dpa' ma'i rum na 'dug pa de 'di lta ste/ dper na/ me long gi dkyil 'khor shin tu dag pa la gdong gi dkyil 'khor
66a3 snang ba bzhin te/ de ltar de mthong nas tshim zhing mgu la yid rangs te rab tu dga' zhing / dga' ba dang / yid bde ba skyes par gyur to/ /dge slong dag/ byang chub sems
66a4 dpa' ma'i rum na gnas pa'i byin gyi rlabs kyis nyin mtshan rtag tu rgyun mi 'chad par lha'i rol mo sil snyan gyi sgra 'byung zhing lha'i me tog gi char bab par gyur to/ /char
66a5 ni dus bzhin du 'bab/ rlung ni dus bzhin du ldang / dus dang / skar ma dag kyang dus bzhin du 'gyur zhing 'pho bar gyur to/ /rgyal srid kyang bde zhing lo legs la 'khrug
66a6 pa med cing dgra med par gyur to/ /ser skya'i grong khyer chen po de na shAkya'i rigs dang / sems can gzhan dag 'khod pa thams cad kyang za zhing 'thung / dga' zhing rtse la
66a7 dga' mgur spyod do/ /sbyin pa dag kyang gtong / bsod nams dag kyang byed de/ zla ba bzhi 'das pa'i dus ston bzhin du thams cad kyang dga' ba'i mchog gis rtse zhing
66b1 bde bar gnas pas gnas par gyur to/ /rgyal po zas gtsang ma'ang tshangs pa'i spyod pa yang dag par blangs te/ rgyal po'i las btang nas dka' thub kyi nags tshal yongs
66b2 su dag pa na gnas pa bzhin du thams cad kyang dga' ba'i mchog gis chos kyi rjes su 'brang bar gyur to/ /dge slong dag/ byang chub sems dpa' ma'i rum na gnas pa ni
66b3 rnam pa de lta bu'i rdzu 'phrul gyi tsho 'phrul dang ldan pas gnas par gyur to/ /de'i tshe bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis
66b4 byang chub sems dpa'i yongs su spyad pa rin po che bkod pa sngon byang chub sems dpa' ma'i rum na gnas pa'i tshe gnas gnas pa mthong ngam/ gsol pa/ bcom ldan 'das/ mthong
66b5 lags so/ /bde bar gshegs pa/ mthong lags so/ /de bzhin gshegs pas tshe dang ldan pa kun dga' bo dang / lha'i dbang po brgya byin dang / 'jig rten skyong ba bzhi dang / de
66b6 ma yin pa'i lha dang / mi gzhan dag kyang bstan te mthong nas de dag tshim zhing mgu la yid rangs te rab tu dga' zhing dga' ba dang / yid bde ba skyes so/ /mi mjed kyi bdag po
66b7 tshangs pas de phyir yang tshangs pa'i 'jig rten du mchod par bya ba'i phyir bteg ste khyer nas bzhag par gyur to/ /de'i tshe bcom ldan 'das kyis yang dge slong dag la bka'
67a1 stsal pa| dge slong dag /de ltar byang chub sems dpa' ma'i rum na 'dug pas lha dang mi khrag khrig phrag sum cu rtsa drug theg pa gsum la yongs
67a2 su smin par byas par gyur to/ /de la 'di skad ces bya ste/ gang tshe rgyal sras sems can dam pa ma yi rum gnas pa/ /de tshe sa 'di tshal dang bcas par rnam pa drug tu
67a3 g.yos| |gser mdog 'od bkye ngan song thams cad rnam par sbyangs par gyur/ /chos kyi rgyal por 'gyur zhes lha yi tshogs rnams rab tu dga'/ /gzhal med khang chen
67a4 dbyibs legs rin chen du mas rnam par spras/ /der ni dpa' bo rnam par 'dren pa zhugs par gyur nas 'dug /tsan+dan dri zhim mchog gis rab tu gang zhing rnam par
67a5 mdzes| |stong gsum rin chen yongs bkad de yi srang byed rin mi chog /stong chen 'jig rten khams kyang 'og nas brtol ba byas nas ni/ /yon tan 'byung ba'i gnas kyi
67a6 pad+ma'i nyid khu'i thigs pa byung / /de bzhin zhag bdun bsod nams gzi brjid tshangs pa'i 'jig rten 'phags/ /de las nyid khu'i thigs blangs tshangs pa rgyal ba'i sras la
67a7 'bul| |byang chub sems dpa' dpa' bo tshangs pa 'dra ba ma gtogs par/ /sems can gang gis de zos 'jur 'gyur sems can ris na med/ /bskal pa du ma'i bsod
67b1 nams gzi brjid nyid khu'i thigs gnas pa/ /de zos lus dang sems dang shes pa rnam par dag par gyur/ /'dren pa mchod phyir brgya byin tshangs pa 'jig rten skyong pa rnams/ /
67b2 byang chub sems dpa'i drung du rtag par dus gsum rgyun du 'ong / /phyag byas mchod byas chos kyi dam pa de dag thos gyur nas/ /bskor ba byas te kun kyang gang nas 'ongs pa'i gnas
67b3 su 'dong / /'jig rten khams rnams kun nas chos 'dod byang chub sems dpa' 'ong / /'od bkod khrir gyur rnams la de dag gnas par phan tshun snang / /mchog tu bya ba'i theg
67b4 pa dam pa'i chos ni thos gyur nas/ /kun kyang dga' ba'i sems gyur bstod pa'i phreng ba brjod cing 'dong / /bud med byis pa gang dag sdug bsngal ldan par gyur pa dang / /'byung
67b5 pos nod dang sems 'khrugs gos med rdul gyis yog pa rnams/ /de kun lha mo sgyu 'phrul mthong nas sems ni rnyed gyur te/ /blo gros rtogs dang dran pa ldan zhing so so'i khyim khyim
67b6 'dong / /rlung dang bad kan mkhris pa'i nad dang 'dus pa'i nad thebs dang / /mig nad rna nad dag gis lus sems mi bder gyur pa dag/ rnam mang tha dad nad kyi rnam pas gang dag
67b7 gnod gyur pa/ /de dag sgyu 'phrul lag pa mgo la bzhag pas nad med gyur/ /yang na rtswa yi nyag ma 'ga' zhig sa las blangs byas te/ /sgyu 'phrul nad par byin na thams cad rims nad
68a1 med par gyur/ /bde ba thob cing da rod ma nyams so so'i khyim du 'dong / /de ni sman gyur sman pa'i rgyal po rum na 'dug phyir ro/ /gang tshe lha mo sgyu 'phrul bdag
68a2 gi lus la brtags byas pa/ /de tshe byang chub sems dpa' rum na 'dug pa mthong ba ni/ /ji ltar bar snang gnas kyi zla ba skar mas bskor gnas pa/ /de bzhin byang chub
68a3 sems dpa' mtshan gyis kun nas brgyan pa snang / /de la 'dod chags zhe sdang gti mug gnod par 'gyur ba med/ /'dod la 'dod pa de med de la phrag dog 'tshe ba med/
68a4 dga' ba'i sems dang mgu ba'i sems dang dga' dang yid bder gnas/ /de la bkres dang skom dang tsha dang grang ba'i gnod pa med/ /lha yi rol mo sil snyan dbyangs
68a5 sgra ma byas rtag tu 'byung / /lha yi spos dri me tog dam pa mchog mdzes char yang 'bab/ /lha dang mi rnams de la lta zhing lha mi thams cad kyang / /de dag phan tshun gnod
68a6 pa med cing 'tshe ba gang yang med/ /sems can dga' bder rtse zhing zas dang skom gyi sbyin pa byed/ /dga' ba'i sgra sgrog de dag dga' zhing mgu ba'i yid dang ldan/ /rgyal
68a7 po'i srid bde 'khrug pa med cing char pa dus bzhin 'bab/ /rtswa dang sman dang me tog rnam kyang de yi dus su skye/ /rgyal po'i khab tu zhag bdun rin chen char ba bab gyur
68b1 bas| |sems can dbul po de las len cing spyin byed bde bar spyod/ /sems can dbul zhing sdug bsngal gyur pa de tshe gang yang med/ /ri rab zom gyi dga' tshal sems can
68b2 bzhin du dga' dang ldan/ /shAkya'i rgyal po de yang gso sbyong rab la nyer gnas shing / /de ni rgyal po'i bya ba mi byed chos la rtag par spyod/ /de ni dka' thub nag 'tshal song nas
68b3 lha mo sgyu 'phrul la/ /sems can mchog srel khyod kyi lus la bde ba ci 'dra rmed/ /lhums su 'jug pa'i le'u ste/ drug pa'o// //dge slong dag /de ltar zla ba bcu
68b4 'das te byang chub sems dpa' btsa' ba'i dus la bab pa dang / rgyal po zas gtsang ma'i skyed mos tshal du snga ltas sum cu rtsa gnyis byung ngo / /sum cu rtsa gnyis gang zhe na/ me
68b5 tog thams cad kha 'bus nas rgyas par gyur pa dang / rdzing dag na me tog ut+pa la dang / pad+ma dang / ku mu da dang / pad+ma dkar po yod pa dag kyang kha 'bus nas rgyas par gyur
68b6 pa dang / me tog dang 'bras bu'i shing ljon pa gsar pa dag kyang las thon te kha 'bus nas rgyus par ma gyur pa dang / rin po che'i shing ljon pa brgyad byung ba dang / gter chen po
68b7 nyi khri 'bus te byung nas gnas par snang ba dang / khyim gyi nang du'ang rin po che'i myu gu thon pa dang / spos chu'i dpal gyi wa 'bru mar dri zhim pos spags pa rnams kyang zag par gyur
69a1 pa dang / gangs kyi ri'i ngos las seng+ge'i phrug gu dag 'ongs te dga' bar rtse zhing ser skya'i grong khyer dam pa la bskor ba byas nas sgo na gnas par
69a2 gyur kyang sems can kun la'ang 'tshe ba med par gyur pa dang / glang po'i phrug gu thal gar lnga brgya lhags te rgyal po zas gtsang ma'i rkang pa la sna'i rtse mos nyug cing
69a3 gnas par gyur pa dang / lha'i byis pa rogs pa ska rags bcings pa dag kyang rgyal po zas gtsang ma'i btsun mo'i 'khor gyis pang pa nas pang pa dag tu 'gre ldog par snang
69a4 bar gyur pa dang / klu'i bu mo mchod pa sna tshogs kyi yo byad thogs pa dag kyang lus phye phyung zhing nam mkha' la rgyu bar snang ba dang / lha'i bu mo khri'ang rma bya'i mdongs lag
69a5 na thogs shing nam mkha' la 'khod par snang ba dang / bum pa gang ba khri'ang ser skya'i gnas kyi grong khyer chen po la bskor ba byed par snang ba dang / lha'i bu mo khri'ang spos
69a6 chu'i ril ba b+h+ring ga ra klad la thogs shing 'khod par snang ba dang / lha'i bu mo khri'ang gdugs dang / rgyal mtshan dang / ba dan thogs shing 'khod par snang ba dang / lha'i bu mo
69a7 brgya stong mang po dag kyang dung dang / rnga dang / rdza rnga dang / 'khar rnga mgul nas da ltar te sdod cing 'khod par snang ba dang / rlung thams cad kyang mi ldang bar gnas par gyur pa
69b1 dang / chu klung dang chu bran thams cad kyang mi 'gul zhing mi 'bab par gyur pa dang / nyi zla dang / gzhal med khang dang / rgyu skar dang / skar ma'i tshogs rnams kyang mi rgyu bar gyur pa
69b2 dang / skar ma rgyal dang yang ldan par gyur pa dang / rgyal po zas gtsang ma'i khyim yang rin po che'i dra ba sa yog par gyur pa dang / me'ang mi 'bar bar gyur pa dang / khang pa
69b3 brtsegs pa dang / khang bzang dang / yang thog dang / rta babs dag la'ang nor bu dang / rin po che dag 'phyang bar snang bar gyur pa dang / ras bcos bu'i mdzod dang / rin po che sna
69b4 tshogs kyi mdzod rnams kyang sgo bye bar snang ba dang / bya rog dang / 'ug pa dang / bya rgod dang / spyang ki dang / wa'i sgra dag kyang med par gyur pa dang / sgra skar snyan pa'i sgra dag kyang
69b5 byung bar gyur pa dang / skye bo thams cad kyi las kyi mtha' yang rgyun chad par gyur pa dang / sa'i phyogs mthon dman du 'dug pa rnams kyang mnyam par gnas par gyur pa dang /
69b6 lam gyi bzhi mdo dang / sum mdo dang / srang dang / tshong 'dus kyi 'khor kyang lag mthil ltar bzhi mnyam zhing 'jam la me tog sil mas gang ste mdzes par snang pa dang / sbrum
69b7 pa thams cad kyang bde ba dang / legs par btsa' bar gyur pa dang / shing sA la'i nags tshal gyi lha thams cad kyang shing gi lo ma'i nang nas lus phyed phyung ste phyag 'tshal zhing
70a1 gnas par snang ste/ snga ltas sum cu rtsa gnyis po de dag byung bar gyur to/ /de nas lha mo sgyu 'phrul byang chub sems dpa' nyid kyi gzi brjid par
70a2 mthus byang chub sems dpa' btsa' ba'i dus la bab par shes te nam gyi srod la rgyal po zas gtsang ma'i drung du 'ongs nas tshigs su bcad de smras pa/ bdag gi bsam
70a3 pa gang lags gsol gyi lha ni gsan du gsol/ /yun ring ring po 'das nas skyed mos tshal gyi blo skyes te/ /gal te khyod mi bkyon cing zhe sdang phrag dog mi mnga' na/ /
70a4 bdag ni rtse na sa skyed mos tshal du myur du mchi bar bgyi/ /chos dgongs brtson pa dka' thub spyod pa khyod kyang skyo mkhyen grang / /bdag kyang sems can dag la bsrel nas
70a5 yun ni ring lags la/ /sA la'i shing ljon sdong po mchog kyang me tog kha 'bus te/ /skyed mos tshal gyi dogs sar nga ni mchi ba'i rigs so lha/ /sos ka'i dus mchog
70a6 bud med rnams kyi rgyan du gyur lags te/ /nags rgyu khyu byug dang ni rma bya sgra rab snyan pa 'byin/ /gtsang zhing mdzes la sna tshogs me tog rdul gyi ngad kyang ldang / /nga ni
70a7 mchi na ma thogs legs par bka' lung stsal du gsol/ /rgyal po'i dbang pos lha mo las ni de skad tshig thos nas/ /dga' zhing rab tu mgu ba'i sems kyis 'khor
70b1 la smras pa ni/ /bzhon pa bzhon che mgyogs pa'i shugs ldan dag kyang bstad par gyis/ /yon tan phun sum tshogs ldan lum+bi ni tshal brgyan par gyis/ /ri sngo'i mdog
70b2 ldan sprin gyi kha dog mthun par gyur pa yi/ /glang po stong phrag nyi shu snyes cig myur du bstad par gyis/ /glang po'i dbang po mche ba drug ldan dril mdzes glo la brgyus/ /gser
70b3 dang nor bus rnam par spras shing gser gyi dra bas spud/ /rgyal po'i bcibs pa rlung ltar mgyogs pa'i shugs dang ldan pa ste/ /dngul dang kha ba'i mdog 'dra rnga rngo ga lcang
70b4 lo bzang 'khril ba'i/ /rta mchog stong phrag nyi shu bgrangs pa myur du stong gyis te/ /gser dril g.yer ka'i dra ba glo nas dbyangs pa gyis/ /skyes bu rtul phod g.yul la mos
70b5 shing 'thab 'dod dpa' bo dag /mda' gzhu ral gri mdung thung zhags pa mtshon cha rno thogs pa/ /stong phrag nyi shu bgrangs pa myur du bcos te bshams gyis la/ /sgyu 'phrul
70b6 'khor dang bcas pa bag yod par ni srung bar gyis/ /lum+bi ni der gser dang nor bu'i rgyan khroms brgyan par gyis/ /gos dmar rnam pa mang pos shing rnams thams cad
70b7 brgyan par gyis/ /lha yi dga' tshal bzhin du me tog sna tshogs chal bar khroms/ /de ltar thams cad bshams zin myur du nga la sbran par gyis/ /'khor rnams kyis ni de skad
71a1 tshig thos skad cig tu/ /bzhon pa kun bshams de bzhin lum+bi ni yang brgyan byas te/ /rgyal gyur rgyal gyur sku tshe ring skyongs rgyal po gshegs su gsol/
71a2 ji skad bka' stsal pa de bzhin kun bgyis dus bab lha gzigs shig /mi yi bdag po dam pa de yang dga' ba'i sems gyur tam/ /khyim gyi dam par zhugs te bud med
71a3 rnams la 'di skad smras/ gang zhig nga la snying nye nga la dga' bar 'dod pa dag /nga yi bka' bzhin bgyis te bdag gi lus kun brgyan par gyis/ /spos mchog ngad kyi dri
71a4 zhim kha dog sna tshogs sdug pa'i gos/ /'jam zhing yid 'ong dga' ba'i sems kyis legs par bgo bar gyis/ /brang na 'phyang ba'i mu tig se mo do yis brgyan par
71a5 gyis| |rgyan gyi khyad par thams cad de ring kun gyis bstan par gyis/ /'khar rnga rgyud gcig gling bu'i pi wang rdza rnga dum dum pheg/ sil snyan yid du 'ong ba brgya stong dag kyang
71a6 bsham par gyis/ /sgra snyan thos nas lha rnams rab tu dga' ba skye 'gyur zhing / /lha mo rnams kyang de bzhin dga' bar 'gyur ba khyed kyis gyis/ /shing rta'i mchog 'dir lha mo
71a7 sgyu 'phrul gcig pu 'dug par gyis/ /bud med skyes pa gzhan dag su yang shing rta der ma 'khod/ /na chung sna tshogs go can rnams kyis shing rta de drongs te/ /gang du'ang yid
71b1 du mi 'ong mi mthun sgra rnams mi grags gyis/ /lha mo sgyu 'phrul khyim nas byung ste sgo drung phyin pa'i tshe/ /rta dang glang po shing rta rkang thang dpal ldan sna tshogs dpung / /rgyal po'i sgo
71b2 drung lhags tshe sgra chen mang po grag par gyur/ /rgya mtsho chen po 'khrugs pa'i sgra ltar de dag yongs su grag /de tshe bkra shig don du dril bu brgya stong bkrol bar byas/ /shing rta
71b3 de yang de ltar rgyal pos sna tshogs brgyan pa la/ /lha rnams stong gis lha yi khri yang legs par bshams pa byas/ /rin chen shing ljon me tog lo ma ldan bzhin ldan par byas/ /
71b4 rma bya khrung khrung ngang pa yid du 'ong ba'i sgra yang 'byin/ /gdugs dang rgyal mtshan ba dan che phra kun nas 'khor bar bsgrengs/ /lha yi gos dang dril bu g.yer ka'i dra ba mchog gis
71b5 bkab| |lha yi bu mo nam mkha' las ni shing rta de la lta/ /lha yi sgra dbyangs snyan pa sgrog cing bstod pa'i tshig brjod de/ /gang tshe lha mo sgyu 'phrul seng+ge'i khri la 'dug gyur pa/ /
71b6 de tshe stong gsum sa 'di rnam pa dag tu rab tu g.yos/ /lha rnams gos kyi g.yab mo 'byin cing me tog sna tshogs 'thor/ /de ring lum+bi ni 'dir 'gro ba'i dam pa bltams gyur
71b7 te| |'jig rten gyi skyong ba bzhi ni shing rta'i mchog de 'dren par byed/ /gsum cu rtsa gsum bdag po dbang po'ang lam gyi byi dor byed/ /tshangs pa skye bo mi srun sel cing sngon du 'gro
72a1 bar gyur/ /lha rnams brgya phrag stong yang thal mo sbyar bas phyag 'tshal 'dud/ /rgyal po rab tu dga' ba'i sems kyis bkod pa de la lta/ /de ni 'di
72a2 snyam 'di ni lha yi lha zhig yin snyam byed/ /gang la skyong ba bzhi dang tshangs pa dbang por bcas pa'i lha/ /mchod pa rgya chen byed pa 'di ni nges par sangs rgyas 'gyur/ /
72a3 srid pa gsum na lha klu brgya byin tshangs pa 'jig rten skyong / /gang yang mchod pa 'di 'dra bzod pa'i sems can de med de/ /yang na mgo 'gas yang na de dag srog dang
72a4 bral bar 'gyur/ /'di ni lha yi dam pa yin pas mchod pa thams cad bzod/ /dge slong dag /de nas lha mo sgyu 'phrul rta'i shing rta rgyan thams cad kyis brgyan pa brgyad khri
72a5 bzhi stong gis ni kun nas bskor/ glang po che'i shing rta rgyan thams cad kyis brgyan pa brgyad khri bzhi stong dang / rkang thang dpa' zhing rtul phod pa yan lag dam pa dang
72a6 ldan pa| go cha legs par bgos pa/ sra ba'i go gyon pa brgyad khri bzhi stong gis ni yongs su bsrungs/ shAkya'i bu mo stong phrag drug khris ni mdun du bdar/ rgyal
72a7 po zas gtsang ma'i phu nu'i rigs su skyes pa'i shAkya rgan pa dang / gzhon pa dang / bar ma bzhi khris ni yongs su bsrungs/ rgyal po zas gtsang ma'i slas glu dang rol ma'i
72b1 dbyangs sgra ni byed/ 'khar ba'i sil khrol dang / pheg rdob sil snyan dang / glu dbyangs len pa drug khris ni kun nas bskor/ lha'i bu mo brgyad khri bzhi stong dang / klu'i bu mo
72b2 brgyad khri bzhi stong dang / dri za'i bu mo brgyad khri bzhi stong dang / mi'am ci'i bu mo brgyad khri bzhi stong dang / lha ma yin gyi bu mo brgyad khri bzhi stong bkod pa'i rgyan sna tshogs kyis
72b3 brgyan pa sha stag glu dang rol mo'i dbyangs sgra sna tshogs kyis bsngags pa brjod pa rjes su 'brang bas 'gro'o/ /lum+bi ni'i nags tshal de thams cad kyang spos chu'i chag chag gis
72b4 btab cing lha'i me tog gis gtong bar gyur to/ /nags tshal dam pa de'i nang na shing ljon pa ji snyed cig yod pa de dag thams cad kyang dus la ma bab par lo ma dang / me tog dang /
72b5 'bras bu bskyed par gyur to/ /nags tshal de ni lha rnams kyis kyang legs par brgyan par gyur te/ 'di lta ste/ dper na/ 'dres pa'i tshal lha rnams kyis legs par brgyan pa
72b6 bzhin no/ /de nas lha mo sgyu 'phrul du lum+bi ni'i nags tshal du phyin nas shing rta dam pa de las babs te/ mi dang lha'i bu mo dge gis yongs su bskor cing shing drung nas ni shing drung
72b7 dag tu 'gro/ nags tshal nas ni nags tshal dag tu 'chag /ljon pa nas ni ljon pa dag la lta zhing de rim gyis shing rin po che chen po mchog dang phul du bya ba/ yal ga shin tu
73a1 rnam par 'byes pa/ lo ma dang / dog pa bzang po dang ldan pa/ mi dang lha'i me tog sna tshogs rab tu rgyas pa/ spos mchog dang phul du bya ba'i dri'i ngad
73a2 dang ldan pa'i gos kha dog sna tshogs dpyangs pa/ nor bu dang rin po che sna tshogs lta bu'i 'od rnam pa tha dad pa 'bar ba/ rtsa ba dang / sdong po dang / yal ga dang / lo ma rnams
73a3 rin po che thams cad kyis legs par brgyan pa/ yal ga ring zhing shin tu rnam par 'byes pa/ blag sha zhes bya ba sa'i phyogs lag mthil ltar mnyam zhing shin tu bzang
73a4 la yangs pa/ rtswa sngon po rma bya'i mgrin pa lta bu skyes pa/ ka tsa linada'i gos ltar reg na bde ba'i sa la 'dug pa/ sngon gyi rgyal ba'i yum gyis brten pa/ lha'i glu dbyangs blangs
73a5 pa| gnas gtsang ma'i lha bzang zhing dri ma med la rnam par dag pa rab tu zhi ba'i sems dang ldan pa rnams kyis thor tshugs dang cod phan mngon par btud pa'i spyi bos mngon
73a6 par phyag bya ba'i shing ljon pa blag sha de'i drung du phyin to/ /de nas byang chub sems dpa'i gzi brjid dang mthus shing blag sha des mngon par btud de phyag byas so/ /de nas lha
73a7 mo sgyu 'phrul ma nam mkha'i dkyil du snang ba'i glog gi phreng ba lta bu'i lag pa g.yas pa brkyangs nas blag sha'i yal ga las bzung ste tshul du shis par nam mkha'i dkyil
73b1 du bltas nas bya smyang byed cing 'dug par gyur to/ /de nas de'i tshe 'dod pa na spyod pa'i lha'i nang nas lha'i bu mo drug khri lhags te/ lha mo sgyu 'phrul la rim gro dang bkur sti byed par gyur
73b2 to| |byang chub sems dpa' ma'i rum na 'dug pa'i tshe rnam par de lta bu'i rdzu 'phrul gyi cho 'phrul dang ldan par gnas so/ /de zla ba bcu tshang nas ma'i glo g.yas pa nas dran zhing shes
73b3 bzhin du mngal gyi dri mas ma gos par byung ste/ gzhan ltar ma yin zhing gzhan dag la mngal gyi dri ma zhes bya ba brjod pa de lta bu med par gyur to/ /dge slong dag /de'i tshe lha'i
73b4 dbang po brgya byin dang / mi mjed kyi bdag po tshangs pa gnyis mdun na 'khod de/ de gnyis kyis rim gro dam pa chen pos lha'i gos ka shi ba'i lheb mos lus dang yan lag
73b5 thams cad kyis dran zhing shes bzhin du byang chub sems dpa' blangs so/ /byang chub sems dpa' khang pa brtsegs pa gang gi nang na 'dug cing ma'i rum na gnas gnas pa
73b6 de'ang mi mjed kyi bdag po tshangs pa dang / tshangs ris kyi lha rnams kyis tshangs pa'i 'jig rten du gyen du bteg ste mchod rten du bya ba dang / mchod pa bya ba'i phyir khyer ro/ /de
73b7 ltar byang chub sems dpa' de ni mir gyur pa gang gis kyang ma blangs kyi/ byang chub sems dpa' de ni lha rnams kyis blangs so/ /de nas byang chub sems dpa' btsas
74a1 ma thag tu sa la 'bab ste/ byang chub sems dpa' de sa la babs par gyur ma thag tu pad+ma chen po zhig gis sa 'di'ang brtol te byung ngo / /klu'i rgyal po
74a2 chen po dga' bo dang / nye dga' bo gnyis kyang nam mkha'i dkyil na lus phyed phyung ste 'khod nas bsil ba dang / dro ba'i chu'i rgyun gnyis mngon par sprul nas byang chub
74a3 sems dpa'i lus bkrus so/ /brgya byin dang / tshangs pa dang / 'jig rten skyong ba la sogs pa gzhan yang lha'i bu brgya stong mang po dag byang chub sems dpa' btsas ma
74a4 thag tu spos chu sna tshogs dang / me tog sil mas lus 'khru zhing mngon par 'thor ro/ /bar snang las kyang rdul yab kyi rnga ma gnyis dang / rin po che'i gdugs byung bar gyur
74a5 te| |de pad+ma chen po de la 'dug nas phyogs bzhir rnam par lta ste/ seng+ge'i lta stangs dang / skyes bu chen po'i lta stangs kyis rnam par lta'o/ /de'i tshe byang chub sems dpas
74a6 sngon gyi dge ba'i rtsa ba'i rnam par smin pa las byung ba lha'i mig thogs pa med pas stong gsum gyi stong chen po'i 'jig rten gyi khams thams cad grong khyer dang / grong
74a7 rdal dang / yul 'khor dang / pho brang 'khor dang ljongs su bcas/ yul du bcas/ mi dang lhar bcas pa rnams mthong bar gyur to/ /sems can thams cad kyi sems kyi
74b1 spyod pa'ang rab tu shes te/ shes nas kyang sems can gang tshul khrims sam/ ting nge 'dzin nam/ shes rab bam/ dge ba'i spyod pas bdag dang 'dra ba de lta bu gang la la
74b2 zhig yod dam zhes rnam par lta'o/ /de'i tshe byang chub sems dpas stong gsum gyi stong chen po'i 'jig rten gyi khams na bdag dang mtshungs pa'i sems can gang yang ma
74b3 mthong nas de'i tshe byang chub sems dpa' seng+ge ltar 'jigs pa med cing bag tsha ba med de/ zhum pa dang bag 'chums pa med pas legs par bsam pa dran par byas te/
74b4 bsams brtags nas sems can thams cad kyi sems kyi spyod pa shes par bya ste/ sus kyang bstan pa med par byang chub sems dpa' dge ba'i rtsa ba'i chos thams cad
74b5 kyi sngon du 'gro bar bya'o zhes shar phyogs logs su gom pa bdun bor ro/ /de ltar byang chub sems dpa' gang dang gang du gom pa bor ba de dang de dag tu pad+ma dag kyang
74b6 skyes par gyur to/ /lha dang mi rnams kyi sbyin pa'i gnas su 'gyur bar bya'o zhes lho phyogs logs su gom pa bdun bor ro/ /nub phyogs logs su gom pa bdun bor
74b7 nas gom pa bdun pa la gnas te nga ni 'jig rten na phul du phyin pa'o/ /'di ni nga'i skye ba tha ma ste/ skye ba dang / rga ba dang / na ba dang / 'chi ba mthar dbyung ngo zhes seng+ge ltar
75a1 tshim par gyur pa'i sgra bsgrags so/ /sems can thams cad kyi nang na bla na med par bya'o zhes byang phyogs logs su gom pa bdun bor ro/ /bdud
75a2 dang bdud kyi sde ni gzhom par bya'o/ /sems can dmyal ba pa thams cad kyi sems can dmyal ba'i me gsad pa'i phyir chos kyi char sprin chen po'i char phab ste/ de dag
75a3 bde bas tshim par bya'o zhes 'og gi phyogs logs su gom pa bdun bor ro/ /sems can thams cad kyi gyen du blta bar 'gyur bar bya'o zhes steng gi phyogs logs
75a4 su gom pa bdun bor nas steng du lta'o/ /byang chub sems dpas tshig de brjod ma thag tu de nas de'i tshe stong gsum gyi stong chen po'i 'jig rten gyi khams 'dir sgras
75a5 mngon par go bar gyur te/ de ni byang chub sems dpa'i las kyi rnam par smin pa las byung ba'i mngon par shes pa'i chos nyid do/ /gang gi tshe byang chub sems dpa'
75a6 srid pa tha ma pa btsa' bar 'gyur ba dang / gang gi tshe bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe rdzu 'phrul gyi cho
75a7 'phrul gyi rnam pa de lta bu de dag 'byung ngo / /dge slong dag /de'i tshe sems can thams cad kyang rab tu dga' zhing spu g.yos par gyur to/ /'jig rten du sa g.yo ba chen po
75b1 shin tu 'jigs shing spu g.yo bar 'gyur ba'ang byung bar gyur to/ /mi dang lha'i sil snyan dang / rol mo'i dbyangs sgrar bya ba thams cad kyang ma blangs par sgra 'byin par gyur to/ /
75b2 de'i tshe stong gsum gyi stong chen po'i 'jig rten gyi khams thams cad du dus dang dus mtshams so so'i shing thams cad kyang me tog rgyas shing 'bras bu chags pa dang / rnam par
75b3 dag par gyur to/ /nam mkha'i dkyil nas kyang sprin gyi sgra grags te/ sprin med pa'i nam mkha' las kyang dal bu dal bus phra ba'i char lha yul ba'i kha dog dang ldan pa'i me tog
75b4 dang / gos dang / rgyan dang / spos kyi phye ma dang 'dres pa babs par gyur to/ /rlung reg na mchog tu bde ba/ 'jam pa/ dri zhim po dag kyang ldang bar gyur to/ /phyogs thams cad
75b5 kyang mun pa dang / rdul dang / du ba dang / khug rna med cing / rab tu dang bas rnam par mdzes par gyur to/ /steng gi bar snang las kyang tshangs pa'i sgra chen po mi snang zhing zab pa grag
75b6 par gyur to/ /nyi zla dang / brgya byin dang / tshangs pa dang / 'jig rten skyong ba'i 'od thams cad kyang zil gyis mnan te/ 'od kha dog brgya stong dang ldan pa/ reg na mchog tu bde ba/
75b7 sems can thams cad kyi lus dang sems la bde ba skyed pa/ 'jig rten las 'das pa stong gsum gyi stong chen po'i 'jig rten gyi khams thams cad rgyas par gang bar gyur
76a1 to| |byang chub sems dpa' btsas ma thag tu sems can thams cad kyang bde bas shin tu tshim par gyur te/ 'dod chags dang / zhe sdang dang / gti
76a2 mug dang / dregs pa dang / mi dga' ba dang / zhum pa dang / 'jigs pa dang / chags pa dang / phrag dog dang / ser sna thams cad dang bral zhing mi dge ba'i bya ba thams
76a3 cad spangs par gyur to/ /sems can nad pa rnams kyi nad kyang zhi bar gyur to/ /bkres shing skom pa'i sems can rnams kyang bkres pa dang skom pa med par gyur to/ /
76a4 chang gis ra ro zhing myos pa rnams kyang myos pa med par gyur to/ /smyos pa rnams kyang dran pa thob par gyur to/ /mig med pa rnams kyis kyang mig thob par gyur to/ /
76a5 rna ba 'on pa rnams kyis kyang sgra thos par gyur to/ /yan lag dang nyid lag nyams pa rnams kyang dbang po nyams pa med par gyur to/ /dbul po rnams kyis kyang nor thob
76a6 par gyur to/ /btson ra na 'khod pa rnams kyang btson ra nas thar par gyur to/ /mnar med pa la sogs pa'i sems can dmyal ba pa'i sems can thams cad kyi nad
76a7 du bya ba dang sdug bsngal thams cad de'i tshe rgyun chad par gyur to/ /dud 'gro'i skye gnas pa rnams kyis gcig la gcig za ba la sogs pa'i sdug bsngal yang zhi bar
76b1 gyur to| |gshin rje'i 'jig rten pa'i sems can rnams kyi bkres pa dang skom pa la sogs pa'i sdug bsngal yang zhi bar gyur to/ /gang gi tshe byang chub sems dpa'
76b2 bskal pa bye ba khrag khrig brgya stong grangs med par spyad pa shin tu spyad pa/ brtson 'grus chen po dang ldan pa/ mthu chen po dang ldan pa/ btsas ma thag tu gom pa bdun
76b3 'dor ba'i tshe chos nyid thob pas de'i tshe phyogs bcu'i 'jig rten gyi khams na bzhugs pa'i sangs rgyas bcom ldan 'das rnams sa'i phyogs der de'i tshe zhig par mi
76b4 'gyur bar bya ba'i phyir rdo rje'i rang bzhin du byin gyis rlob pa mdzad de/ dge slong dag /de tsam du stobs kyi shugs drag po dang ldan pas byang chub sems dpa' btsas ma thag
76b5 pa gom pa bdun 'dor bar gyur to/ /'jig rten gyi bar thams cad kyang de'i tshe snang ba chen pos rgyas par gang bar gyur to/ /de'i tshe glu'i sgra chen po'ang byung bar gyur te/ gar
76b6 gyi sgra chen po'ang byung bar gyur to/ /de'i tshe me tog dang / phye ma dang / spos dang / phreng ba dang / rin po che dang / rgyan dang / gos kyi sprin dpag tu med pa dag kyang char du mngon par
76b7 bab par gyur to/ /sems can thams cad kyang bde ba'i mchog dang ldan par gyur te/ mdor na byang chub sems dpa' 'jig rten thams cad las mngon par 'phags pa
77a1 'jig rten du byung ba'i che bya ba bsam gyis mi khyab pa byung bar gyur to/ /de nas tshe dang ldan pa kun dga' bo stan las langs te bla gos phrag pa
77a2 gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud de bcom ldan 'das la 'di skad
77a3 ces gsol to/ /bcom ldan 'das/ de bzhin gshegs pa ni sems can thams cad las ngo mtshar du gyur pa ste/ byang chub sems dpa' nyid kyang rmad du byung ba'i
77a4 chos dang ldan par gyur na/ nga bla na med pa yang dag par rdzogs pa'i byang chub mngon par rdzogs par sangs rgyas pa lta smos kyang ci 'tshal te/ bcom ldan 'das/ 'di
77a5 ltar bdag ni lan bzhi'am/ lan lngar yang / lan bcur yang / lan lnga bcu'i bar du yang / lan brgya'i bar du yang / lan brgya stong du ma'i bar du'ang sangs rgyas
77a6 bcom ldan 'das la skyabs su mchi'o/ /de skad ces gsol pa dang / bcom ldan 'das kyis tshe dang ldan pa kun dga' po la 'di skad ces bka' stsal to/ /kun dga' bo/
77a7 ma 'ongs pa'i dus na dge slong la la lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa/ byis pa/ mi mkhas pa/ lhag
77b1 pa'i nga rgyal can/ rgod pa/ khengs pa/ ma bsdams pa/ sems g.yengs pa/ nem nur gyis 'khor ba/ the tshom mang ba/ dad pa med pa/ dge sbyong gi dri mar gyur pa/ dge sbyong gi tshul
77b2 dang mi 'dra ba dag 'byung ste/ de dag ni byang chub sems dpa' rum du 'gro ba yongs su dag pa 'di lta bu thos nas yid mi ches shing de dag phyogs gcig tu tshogs nas gcig
77b3 la gcig 'di skad du/ kye khyed cag 'di lta bu'i mi rigs pa la ltos/ byang chub sems dpa' ma'i mngal na 'dug pa btsog pa'i khu shugs dang 'dres pa la'ang 'di lta bu'i
77b4 longs spyod yod ces bya ba dang / de 'byung ba'i tshe ma'i glo g.yas pa nas mngal gyi dri mas ma gos par 'byung zhes bya ba 'di rigs par ji ltar 'gyur zhes zer bar 'gyur te/
77b5 skyes bu glen pa de dag ni sems can legs par byas pa'i las dang ldan pa rnams kyi lus mi gtsang ba'i khu ba'i nang du mi 'byung ngo zhes bya bar mi shes so/ /dge slong
77b6 dag /sems can dam pa de lta bu dag gi mngal du 'gro ba dang / mngal na gnas pa ni shin tu'ang bzang ba yin no/ /byang chub sems dpa' rnams ni sems can rnams la
77b7 snying brtse bas mi'i 'jig rten du skye ste/ lhar gyur pa nyid kyis chos kyi 'khor lo mi bskor ro/ /de ci'i phyir zhe na/ kun dga' bo/ sems can rnams zhum par 'gyur zhing /
78a1 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de ni lhar gyur pa yin gyi/ bdag cag ni mi tsam
78a2 du zad pas na/ bdag cag gis gnas de lta bu yongs su rdzogs par bya bar mi nus so zhes zhum par 'gyur du 'ong ba'i phyir te/ skyes bu glen pa chos kyi rkun por gyur pa
78a3 de dag 'di snyam du sems can de ni bsam gyis mi khyab pa ste/ de ni bdag cag gis tshod gzung bar bya ba ma yin no snyam du mi sems so/ /kun dga' bo/ /de dag ni/
78a4 de'i tshe sangs rgyas kyi cho 'phrul la'ang yid mi ches par 'gyur na/ de bzhin gshegs pa byang chub sems dpar gyur pa'i byang chub sems dpa'i cho 'phrul lta smos kyang ci
78a5 dgos te/ kun dga' bo/ de ltar skyes bu glen pa rnyed pa dang / bkur sti dang / tshigs su bcad pa'i zil gyis non pa/ mi gtsang bar bying ba/ rim gro'i zil gyis non pa/
78a6 ma rabs kyi ngang tshul can de dag sangs rgyas kyi chos spong zhing bsod nams ma yin pa'i mngon par 'du bya ba mang po ji snyed cig mngon par 'du byed pa la ltos// //
78a7 'phags pa rgya cher rol pa zhes bya ba theg pa chen po'i mdo/ bam po lnga pa/ kun dga' bos gsol pa/ bcom ldan 'das/ ma byung ba'i dus na 'di lta bu'i mdo sde
78b1 bzang po la'ang spong zhing mi snyan par brjod pa de lta bu'i dge slong dag kyang 'byung lags pa lta/ bcom ldan 'das kyis bka' stsal pa/ kun dga' bo/ de dag ni mdo sde 'di
78b2 lta bu spong zhing mi snyan pa brjod par yang ma zad de/ sdig pa rnam pa du ma mngon par 'du bya ba mngon par 'du byed cing dge sbyong gi dngos po don du mi gnyer ba dag kyang 'byung bar
78b3 'gyur ro/ /gsol pa/ bcom ldan 'das/ 'o na skyes bu dam pa ma lags pa de 'dra ba de dag gi 'gro ba ni ci 'dra ba zhig tu 'gyur/ tshe rabs 'phos nas ni ci lta bu zhig tu
78b4 mchi| bcom ldan 'das kyis bka' stsal pa/ de dag ni sangs rgyas kyi byang chub med par byas te/ 'das pa dang / ma byon pa dang / da ltar byung ba'i sangs rgyas bcom ldan
78b5 'das rnams la mi snyan pas skur pa btab pa'i 'gro ba gang yin pa'i 'gro ba der 'gro bar 'gyur ro/ /de nas tshe dang ldan pa kun dga' bo spu g.yos nas sangs rgyas la phyag
78b6 'tshal lo zhes brjod de/ bcom ldan 'das la 'di skad ces gsol to/ /bcom ldan 'das/ skyes bu dam pa ma lags pa de dag gi spyod pa 'di thos nas bdag ni brgyal
78b7 ba dang 'dra bar gyur to/ /bcom ldan 'das kyis bka' stsal pa/ kun dga' bo/ de dag gi spyod pa ni mnyam par mi 'gyur zhing / sems can de dag ni mi mnyam pa'i spyod
79a1 pa can du 'gyur ro/ /kun dga' bo/ de dag tshul dang mi 'dra ba'i spyod pa des mnar med pa'i sems can dmyal ba chen por ltung bar 'gyur ro/ /de
79a2 ci'i phyir zhe na/ kun dga' bo/ dge slong ngam/ dge slong ma'am/ dge bsnyen nam/ dge bsnyen ma gang la la zhig mdo sde 'di lta bu 'di dag thos nas ma mos shing yid mi
79a3 ches pa dang / spong ba de dag ni shi 'phos ma thag tu mnar med pa'i sems can dmyal ba chen por ltung bar 'gyur ro/ /kun dga' bo/ de bzhin gshegs pa la ni tshad
79a4 du ma byed cig /de ci'i phyir zhe na/ kun dga' po/ de bzhin gshegs pa ni tshad med cing zab la rgya che zhing gting dpag dka' ba'o/ /kun dga' bo/ la la zhig gis
79a5 mdo sde 'di lta bu 'di dag thos nas dga' ba dang / mchog tu dga' ba dang / dad pa skye ba'i sems can de dag gis ni thob pa legs par thob pa yin te/ de dag gis
79a6 'tsho ba ni don yod pa'o/ /de dag gi mi'i dngos po ni don yod pa'o/ /de dag gi spyod pa ni legs par spyad pa'o/ /de dag gis ni snying po blangs so/ /de dag ni ngan
79a7 song gsum las grol ba'o/ /de dag ni de bzhin gshegs pa'i sras su 'gyur ro/ /de dag gis ni dgos pa thams cad yongs su thob bo/ /de dag gis dad pa
79b1 thob pa ni don yod do/ /de dag gis ni yul 'khor gyi zas legs par zos so/ /de dag gis ni sems can dam pa rnams la legs par mos pa yin no/ /de dag ni/
79b2 bdud kyi zhags pa gtubs pa yin no/ /de dag ni 'khor ba'i 'brog dgon pa las brgal to/ /de dag gis ni mya ngan gyi zug rngu byung ngo / /de dag gis ni mchog tu dga'
79b3 ba'i dngos po rjes su thob bo/ /de dag gis ni skyabs su 'gro ba legs par blangs so/ /de dag ni sbyin pa'i gnas yin te/ mchod par 'os pa'o/ /de dag ni 'jig rten
79b4 na 'byung bar dkon pa'o/ /de dag ni 'jig rten na sbyin pa'i gnas su bzung ba'o/ /de ci'i phyir zhe na/ de bzhin gshegs pa'i chos 'jig rten thams cad dang mi mthun
79b5 pa rnam pa 'di lta bu 'di la dad pa'i phyir ro/ /kun dga' bo/ sems can de dag ni dge ba'i rtsa ba ngan ngon dang ldan pa ma yin te/ kun dga' bo/ sems can de dag ni/
79b6 nga dang tshe rabs 'ga' zhig tu 'grogs par gyur pa'i grogs po yin no/ /de ci'i phyir zhe na/ kun dga' bo/ la la ni thos pa tsam gyis dga' zhing yid du 'ong ba yod
79b7 kyi| mthong na ma yin no/ /kun dga' bo/ la la ni mthong bas dga' zhing yid du 'ong ba yod kyi/ thos pas ma yin no/ /kun dga' bo/ la la ni mthong na'ang dga'
80a1 zhing yid du 'ong la thos na'ang dga' zhing yid du 'ong ba yod do/ /kun dga' bo/ gang yang rung ste la la zhig mthong ngam/ thos nas dga' zhing yid du 'ong
80a2 bar gyur na/ khyod kyis de la 'di ltar de dag ni nga dang tshe rabs 'ga' zhig tu 'grogs pa'i grogs po yin par nges par rtogs par bya ste/ de dag ni de bzhin
80a3 gshegs pas gzigs so/ /de dag ni de bzhin gshegs pas dgrol bar bya ba'o/ /de dag ni de bzhin gshegs pa dang yon tan gyi cha mnyam pa'o/ /de dag ni de
80a4 bzhin gshegs pa la skyabs su dong ba'o/ /de dag ni de bzhin gshegs pas bzung ba'o/ /kun dga' bo/ nga sngon byang chub sems dpa'i spyad pa spyod pa nyid kyi tshe'ang
80a5 sems can su'ang rung ste/ 'jigs pas nyam thag cing 'ongs nas mi 'jigs pa slong na sems can de dag las nges mi 'jigs pa byin par gyur na/ nga bla na med pa yang
80a6 dag par rdzogs pa'i byang chub mngon par rdzogs par sangs rgyas pas lta smos kyang ci dgos/ kun dga' bo/ dad pa la brtson par gyis shig /'di ni de bzhin gshegs
80a7 pas bcol ba'o/ /kun dga' bo/ khyod kyis bya ba ci yod pa de dag ni de bzhin gshegs pas byas so/ /nga rgyal gyi zug rngu ni de bzhin gshegs pas bsal to/ /kun
80b1 dga' bo/ grogs po'i gtam thos pa tsam gyis kyang dpag tshad brgya'i lam du'ang 'gro ste/ thos pas kyang dga' bar 'gyur ba yin na/ sngar ma mthong ba las mdza' bo mthong bar
80b2 gyur na smos kyang ci dgos te/ gang nga la brten cing dge ba'i rtsa ba bskyed par byed pa de dag ni ma byon pa'i de bzhin gshegs pa dgra bcom pa yang dag par rdzogs pa'i sangs
80b3 rgyas rnams kyis mkhyen cing / sems can de dag ni de bzhin gshegs pa rnams kyi sngon gyi mdza' po ste/ de dag ni bdag cag gi'ang mdza' bo yin no snyam du dgongs
80b4 so| |de ci'i phyir zhe na/ kun dga' bo/ mdza' bo gang yin pa de ni mdza' bo la sdug cing yid du 'ong ba yin no/ /mdza' bo de'i gang sdug pa'i grogs po de'ang de la sdug cing yid du
80b5 'ong ba yin no/ /kun dga' bo/ de lta bas na/ khyod mos par bya zhing khong du chud par bya'i/ dad pa tsam yang skyed par gyis shig /ngas ma byon pa'i de bzhin gshegs pa dgra
80b6 bcom pa yang dag par rdzogs pa'i sangs rgyas rnams la'ang gtad de/ de dag kyang 'di dag ni bdag cag gi'ang mdza' bo yin no zhes bya bar mkhyen cing / bsam pa rdzogs
80b7 par mdzad par 'gyur ro/ /kun dga' bo/ 'di lta ste/ dper na/ skyes bu la la zhig la bu ngag nyan cing mthun par 'dzin pa gcig pu zhig bdog par gyur la/ skyes bu de'ang
81a1 mdza' bo mang ba zhig yin na/ pha de shir zin kyang pha'i mdza' bos yongs su bzung ba'i bu de ni phongs par mi 'gyur ro/ /kun dga' bo de bzhin du
81a2 gang su'ang rung ste pa la dad na/ de dag ngas bzung ba yin te/ de dag ni nga'i mdza' bo'o/ /de dag ni pa la skyabs su dong ba'o/ /de bzhin gshegs pa ni mdza' bo mang
81a3 po mnga' ba ste/ de bzhin gshegs pa'i mdza' bo de dag kyang yang dag par gsung zhing brdzun du mi gsung bas de bzhin gshegs pa'i mdza' bo yang dag par gsung ba ma
81a4 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams la de dag rjes su gtad kyi/ kun dga' bo/ dad pa la brtson par gyis shig /
81a5 'di ni ngas khyod la bcol ba'o/ /dge slong dag /de ltar byang chub sems dpa' btsas pa'i tshe lha'i bu mo bye ba khrag khrig brgya stong mang po ngag nam mkha'i dkyil na gnas shing
81a6 lha mo sgyu 'phrul la lha'i me tog dang / spos dang / phreng ba dang / byug pa dang / gos dang / rgyan gyis mngon par 'thor bar gyur to/ /de la 'di skad ces bya ste/ dge ba dri med
81a7 rnam dag gser gyi 'od ldan nyi zla'i 'od ldan pa/ /lha yi bu mo sgra dbyangs snyan brjod stong phrag drug cu de yi tshe/ /skad cig de la lum+bi nir lhags lha mo sgyu 'phrul de la smra/
81b1 mi dgyes ma mdzad rab tu dgyes mdzad bdag cag khyod kyi phyag rjed lags/ /bdag cag rnams kyis bgyi ba ci mchi ci bgyi ci 'tshal bka' stsol cig /bdag cag khyod kyi phyag
81b2 rjed nus ldan nye ba'i sems dang ldan pa lags/ /khyod kyis dgyes shing bde ba'i nyams skyes mi dgyes thams cad spang bar gsol/ /rga shi sel ba'i sman pa dam pa de ring lha mo
81b3 myur skyed 'gyur/ /ji ltar zhugs shing 'di rnams kha 'bus sa la me tog rgyas gyur cing / /stong phrag bgrangs pa'i lha rnams drung na gnas shing lag pa 'dud pa dang / /ji ltar
81b4 dog sa rgya mtshor bcas te rnam pa drug tu g.yos las na/ /khyod las lha yul mi yul sgra grags 'jig rten 'das pa'i sras bltams 'gyur/ /ji ltar rnam dag 'od kyis rnam par
81b5 mdzes shing gser gyi kha dog bzang / /nam mkha'i dkyil las yid 'ong sil snyan brgya dag ma dkrol sgra 'byin dang / /ji ltar dag cing gtsang la 'dod chags bral ba'i lha rnams
81b6 brgya stong yang / /dga' sems phyag 'tshal ba las de ring 'jig rten kun phan bltams par 'gyur/ /brgya byin tshangs pa 'jig rten skyong dang de bzhin lha rnams gzhan dag kyang / /
81b7 dga' zhing brod pa'i sems kyis drung du gnas nas lag pa 'dud pa bgyid/ /skyes bu seng+ge brtul zhugs grub pa de yang rtsib logs g.yas nas byung / /gser gyi ri dang 'dra zhing
82a1 'od dang ldan pa'i 'dren pa bltams/ /brgya byin tshangs pa gnyis kyis lag pa dang te thub pa de yang blangs/ /zhing rnams brgya stong 'od bzang bkye bas
82a2 thams cad rab tu g.yos par gyur/ /ngan song gsum gyi sems can rnams kyang bde zhing sdug bsngal med gyur te/ /lha rnams brgya phrag stong gis me tog gtor te gos kyi
82a3 g.yab mo phyung / /de tshes 'di stobs mthu ldan zhing rdo rje'i dngos gnas pad+ma mdzes/ /sna tshogs mngon thon dge la 'dren pa 'khor lo'i mtshan ris zhabs bzhag ste/ /gom
82a4 pa bdun du bzhud nas tshangs pa'i sgra dbyangs dam pa gsungs pa ni/ /rga shi sel ba'i sman pa dam pa sems can mchog tu bdag 'gyur ro/ /tshangs pa'i mchog dang brgya byin
82a5 lha mchog nam mkha'i dkyil na'i khod gyur te/ /gtsang zhing dang la mdzes pa'i spos chu dag gis 'dren pa'i sku yang bsil/ /klu yi rgyal gnyis bar snang gnas nas grang
82a6 dro'i chu yi rgyun kyang gtong / /lha rnams brgya stong dag kyang spos chu dag gis 'dren pa'i sku bsil byed/ /'jig rten skyong ba rnams kyang rim gro dam par lag pa bzang pos
82a7 len| |stong gsum 'di'ang rgyu dang mi rgyu bcas par rab tu g.yos par gyur/ /mdzes pa'i 'od rnams bkye bas ngan song rnams kyang rab tu zhi bar gyur/ /'jig rten rnam
82b1 par 'dren pa bltams pas nyon mongs sdug bsngal de dag zhi/ /mi yi 'dren pa rgyal ba la/ /lha rnams me tog sil ma 'thor/ /stobs dang brtson 'grus ldan pa yi/ /brtan pa gom
82b2 pa bdun du bzhud/ /sa phyogs gang du zhabs bzhag pa/ /der ni pad+ma bzang ba'i mchog /rin chen kun gyis brgyan pa dag /sa las mngon du thon par gyur/ /de ltar gom pa bdun
82b3 bzhud nas/ /rga dang 'chi bsel ba yi/ /sman pa dam pa 'dir byung zhes/ /tshangs pa'i dbyangs kyis gsung brjod do/ /'jigs med phyogs su rnam gzigs te/ /de nas don ldan
82b4 gsung phyung ba/ /nga ni 'jig rten kun gyi gtso/ /'jig rten phul phyin rnam par 'dren/ /nga yi skye mtha' 'di yin zhes/ /mi yi 'dren pas 'dzum pa mdzad/ /lha dbang bcas dang 'jig
82b5 rten skyong dag rab tu dad sems skyes/ /spos chu mchog gis 'jig rten phan pa'i don mdzad sku yang bsil/ /klu yi dbang po rnams kyang lhan cig mthun par byas nas ni/ /dri zhim
82b6 spos chu dag gis rgyun gyis sku yang bsil ba byas/ /lha gzhan khrag khrig dag kyang bar snang bla ni gnas nas su/ /dri zhim spos chu mchog gi rgyun gyis rang byung sku yang bsil/ /
82b7 gdugs dkar yangs dang rnga yab bzang po dam pa thogs nas ni/ /bar snang 'khod de lha rnams mi yi khyu mchog sku bsil byed/ /skyes bu gcig cig rings par 'ongs nas zas
83a1 gtsang de la dgar smras pa/ /lha gcig 'byor pa rgyas gyur khyod kyi sras ni mtshan gyis brgyan pa bltams/ /de ni nges par 'khor los bsgyur ba'i dbang
83a2 phyug gdung rabs rin chen 'tsho ba/ /dzam+bu'i gling 'di gdugs mang gcig 'gyur phas kyi dgra yang ma mchis 'gyur/ /de nas skyes bu gnyis 'ongs zas gtsang rgyal po'i
83a3 mdun du de song ste/ /lha gcig 'byor ba rgyas gyur shAkya'i rigs su rgyal bu skyes gyur na/ /shAkya rnams kyi grong du rogs pa 'bum phrag lnga ni btsas pa skyes par gyur/ /
83a4 kun kyang gzhan gyis mi thub stobs dang ldan zhing tshan po che dang 'dra/ /skyes bu gzhan 'ongs smras pa bdag las dgyes pa'i sgra gson lha/ /'dun pa can la sogs pa 'bangs
83a5 kyi byis pa brgyad brgya btsas par gyur/ /bsngags ldan gyis ni zla bo chibs rta stong phrag bcu dag 'brangs gyur te/ /chibs mchog dam pa gser gyi 'od ldan rnga rngog lcang
83a6 lor 'khril ba lags/ /mtha' 'khob khams kyi rgyal po stong phrag nyi shu dag kyang de bzhin du/ /rgyal po khyod kyi zhabs kyi drung du mchis kyi legs par rgyal gyur lha/ /da
83a7 ni bdag mchis sug las ci bgyi rgyal pos bdag la bka' stsal gsol/ /rgyal po khyod 'dir mnga' brnyes bdag 'bangs jo bo lha gcig rgyal bar spyon/ /gser gyi dra bas
83b1 mdzes pa'i glang po dam pa stong phrag nyi shu dag /nam mkha' las ni sgra dag 'byin cing rgyal po'i khab tu mgyogs su mchis/ /sbrum ma la sogs nag gu zal lu dag dang
83b2 be'u ni drug stong 'brangs/ /lhan cig lha mchog bltams shing de dag btsas pas rgyal khab phun sum tshogs/ /rje gcig rgyal por gshegs te bsod nams gzi 'od ldan pa
83b3 bltams pa yi/ /yon tan dag ni mthong bar gyur nas lha dang mi rnams stong bgrangs pa/ /rab tu dga' bar gyur dang kun la nyid kyis legs par gzigs su gsol/ /myur
83b4 du rgyal gyur cig ces byang chub dam pa mya ngan med par zhugs/ /dge slong dag /de ltar byang chub sems dpa' btsas pa dang / skad cig de la sbyin pa'i gtong ba'ang de bas rgya cher
83b5 gyur to| |ya rabs kyi rigs lnga brgya'ang btsas par gyur to/ /grags ldan la sogs pa bu mo khri dang / bran mo brgyad brgya dang / 'dun pa la sogs pa bran lnga brgya dang / rte'u
83b6 mo khri dang / bsngags ldan la sogs pa rte'u pho khri dang / ba lang gi phrug gu mo lnga brgya dang / ba lang gi phrug gu pho lnga brgya po dag kyang btsas shing 'brangs par gyur nas de dag
83b7 thams cad rgyal po zas gtsang mas sna grangs yi ger bris te sras phu gzhon nu rtsen pa'i phyir byin par gyur te/ /byang chub sems dpa'i longs spyod kyi don du byang chub sems
84a1 dpa' nyid kyi mthus gling bye ba brgya phrag bzhi'i dbus kyis phyogs nas a shwad+tha'i sdong po skyes par gyur to/ /gling phra mo rnams su'ang tsan+dan gyi nags tshal skyes
84a2 par gyur to/ /byang chub sems dpa'i longs spyod kyi don du grong khyer gyi khor yug tu'ang skyed mos tshal lnga brgya dag byung bar gyur to/ /gter lnga stong yang sa'i 'og nas gyen du
84a3 'bus te sgo ston par gyur to/ /de ltar rgyal po zas gtsang ma de'i don bsam pa gang yin pa de dag thams cad phun sum tshogs par gyur nas rgyal po zas gtsang ma 'di snyam
84a4 du bdag gi bu gzhon nu de'i ming ji skad cig gdags par bya snyam pa dang / de 'di snyam du sems te/ bu 'di skyes ma thag tu bdag gi don thams cad yang dag par grub
84a5 par gyur gyi/ 'di'i ming ni don thams cad grub par gdags so snyam ste/ de nas rgyal po zas gtsang mas byang chub sems dpa' la rim gro cher byas nas bu 'di'i ming
84a6 don thams cad grub pa zhes bya'o zhes ming du btags so/ /dge slong dag /de ltar byang chub sems dpa' btsas nas ma'i glo g.yas pa'ang ma ral ma nyams shing sngon
84a7 bzhin du gyur to/ /der khron pa lan gsum ldud pa dag kyang byung bar gyur/ spos kyi 'bru mar gyi rdzid bu dag kyang byung bar gyur to/ /de nas lha'i bu mo lnga stong dag lha'i spos
84b1 kyis bsgos pa'i 'bru mar dri zhim po khyer te byang chub sems dpa'i ma'i drung du lhags nas bltam pa legs par bltams sam/ sku la mi bde ba ma mchis sam zhes dri bar
84b2 gyur to| |lha'i bu mo lnga stong dag kyang lha'i byug pa dang / rnam par byug pa thogs te/ byang chub sems dpa'i ma'i drung du lhags nas bltam pa legs par bltams sam/ sku
84b3 la mi bde ba ma mchis sam zhes dri bar gyur to/ /lha'i bu mo lnga stong dag kyang lha'i spos chus bkang ba'i bum pa thogs te byang chub sems dpa'i ma'i drung du lhags nas bltam pa
84b4 legs par bltams sam/ sku la mi bde ba ma mchis sam zhes dri bar gyur to/ /lha'i bu mo lnga stong dag kyang lha'i byis pa'i gos thogs te byang chub sems dpa'i ma'i drung du
84b5 lhags nas bltam pa legs par bltams sam/ sku la mi bde ba ma mchis sam zhes dri bar gyur to/ /lha'i bu mo lnga stong dag kyang lha'i byis pa'i rgyan thogs te byang chub sems dpa'
84b6 ma'i drung du lhags te bltam pa legs par bltams sam/ sku la mi bde ba ma mchis sam zhes dri bar gyur to/ /lha'i bu mo lnga stong dag kyang glu dbyangs len cing byang chub sems
84b7 dpa'i ma'i drung du lhags te bltams pa legs par bltams sam/ sku la mi bde ba ma mchis sam zhes dri bar gyur to/ /dzam+bu'i gling 'di na phyi rol gyi drang srong mngon par shes pa lnga
85a1 dang ldan pa ji snyed cig 'khod pa de dag thams cad nam mkha' las 'ongs te rgyal po zas gtsang ma'i mdun du 'khod nas rgyal po 'phel bar gyur cig
85a2 ces bya ba'i sgra sgrog par gyur to/ /dge slong dag /de ltar byang chub sems dpa' btsas nas zhag bdun du lum+bi ni'i nags tshal du lha dang mi'i sil snyan dang / pheg rdob pas
85a3 rim gror byas so/ /bkur stir byas so/ /bsti stang du byas so/ /mchod par byas so/ /bza' ba dang / bca' ba dang / myang ba dag kyang drangs par gyur to/ /shAkya'i tshogs thams
85a4 cad kyang 'dus nas kun dga' ba'i sgra brjod par gyur to/ /sbyin pa dag kyang byin no/ /bsod nams dag kyang byed do/ /bram ze sum khri nyis stong yang nyin gcig bzhin du tshim
85a5 par byas so/ /su dag ci 'dod pa de dag la'ang de byin par gyur to/ /brgya byin dang tshangs pa'ang bram ze'i 'khor der bram ze'i khye'u'i gzugs su sprul te gral gyi thog ma la
85a6 'khod nas bkra shis kyi tshigs su bcad pa 'di dag brjod par gyur to/ /ji ltar ngan song rnams zhi zhing / /ji ltar 'gro kun bde las na/ 'gro la bde ba 'god pa yi/ /bde ba
85a7 mdzad cig bltams par mngon/ /ji ltar rab rib med 'od kyis/ /lha dang nyi zla'i 'od rnams kyang / /mi snang zil du brlag pa las/ /bsod nams 'od cig byung bar mngon/ /
85b1 mig med rnams kyang mthong gyur cing / /rna ba 'on pas sgra thos la/ /smyon pa rnams kyang dran ldan las/ /'jig rten mchod rten 'gyur bar mngon/ /ji ltar nyon mongs mi gnod cing / /
85b2 'gro ba byams pa'i yid gyur pas/ /tshangs pa bye bas mchod 'os su/ /gdon mi za bar 'gyur bar mngon/ /sa la me tog rgyas gyur cing / /sa yang mnyam par gnas pa las/ /
85b3 'gro ba kun gyis mchod pa yi/ /thams cad mkhyen du 'gyur bar mngon/ /ji ltar 'jig rten 'khrug med cing / /pad+ma chen po thon pa las/ /nges par gzi brjid chen po 'di/ /
85b4 'jig rten mgon du byon par 'gyur/ /lha yi spos kyis spags gyur la/ /'jam pa'i rlung gi ngad ldang zhing / /sems can nad rnams zhi gyur las/ /'di ni sman pa'i rgyal por byon/ /
85b5 gzugs khams gnas pa'i lha brgya po/ /'dod chags bral ba 'di dag kyang / /thal mo sbyar zhing 'dud pa las/ /'di ni sbyin pa'i gnas su byon/ /mi rnams kyis ni lha mthong zhing / /lha
85b6 rnams kyis ni mi mthong yang / /phan tshun 'tshe ba med pa las/ /'di ni ded dpon chen por byon/ /me rnams zhi bar gnas gyur cing / /chu klung thams cad mi g.yo la/ /sa yang dal bus
85b7 g.yo ba las/ /'di ni yang dag gzigs par 'gyur/ /dge slong dag /de ltar byang chub sems dpa' btsas nas zhag bdun lon pa dang / lha mo sgyu 'phrul shi ba'i dus byas par
86a1 gyur te/ de shi ba'i dus byas nas sum cu rtsa gsum gyi lha'i nang du skyes so/ /dge slong dag /khyed 'di snyam du byang chub sems dpa'i lan bon gyis lha mo sgyu
86a2 'phrul 'chi ba'i dus byas so snyam na/ de ltar mi blta'o/ /de ci'i phyir zhe na/ de'i tshe'i tshad ni mthar thug pa'i phyir ro/ /dge slong dag /'das pa'i byang chub sems dpa'
86a3 rnams kyang btsas te zhag bdun lon nas ma 'chi ba'i dus byas par gyur to/ /de ci'i phyir zhe na/ byang chub sems dpa' skyes te dbang po yongs su rdzogs nas mngon par byung
86a4 nam snying 'gas su 'ong ba'i phyir ro/ /dge slong dag /de ltar zhag bdun lon nas thog ma ser skya'i gnas kyi grong khyer chen po nas lha mo sgyu 'phrul bkod pa ji lta bus skyed mos
86a5 tshal gyi sar zhugs par gyur pa de dag las bye ba brgya stong 'gyur bas kyang lhag pa'i bkod pa chen pos byang chub sems dpa' grong khyer chen po ser skya'i gnas su zhugs
86a6 so| |de zhugs pa dang / bum pa spos chus gang ba lnga stong gis mdun du drangs par gyur to/ /de bzhin du bu mo lnga stong ni rma bya'i mdongs lag na thogs te mdun du 'dong bar
86a7 gyur to| |bu mo lnga stong ni shing ta la'i yal ga thogs shing mdun du 'dong bar gyur to/ /bu mo lnga stong ni spos chu'i ril ba b+h+ring gar thogs te lam chag chag gis 'debs
86b1 shing mdun du 'dong bar gyur to/ /bu mo lnga stong ni nags tshal gyi me tog gi phreng ba 'phyang ba khye'u tshang sna tshogs thogs te mdun du 'dong bar gyur to/ /bu mo lnga stong ni bzang
86b2 por sgyur ba'i rin po che thogs te lam gyi byi dor byed cing mdun du 'dong bar gyur to/ /bu mo lnga stong ni stan bzang po thogs shing mdun du 'dong bar gyur to/ /bram ze lnga stong ni
86b3 dril bu thogs te bkra shis kyi sgra 'byin cing mdun du 'dong bar gyur to/ /glang po lnga stong ni rgyan thams cad kyis brgyan te mdun du 'dong bar gyur to/ /rta nyi khri ni gser gyi
86b4 rgyan gyis bkab cing rgyan thams cad kyis brgyan te mdun du 'dong bar gyur to/ /shing rta brgyad khri ni gdugs dang / rgyal mtshan dang / ba dan bsgreng zhing dril bu g.yer ka'i dra
86b5 bas legs par brgyan te byang chub sems dpa'i phyi bzhin 'dong bar gyur to/ /rkang thang dpa' zhing rtul phod pa/ yan lag dam pa'i gzugs dang ldan pa/ go cha sra ba bgos pa
86b6 bzhi khri ni/ byang chub sems dpa' 'gro ba'i phyi bzhin 'dong bar gyur to/ /'dod pa na spyod pa dang / gzugs na spyod pa'i lha grags pa grags pa che ba bye ba khrag khrig brgya stong
86b7 tshad med grangs med pa dag ni nam mkha'i dkyil nas bkod pa rnam pa sna tshogs du mas byang chub sems dpa' la mchod pa byed cing phyi bzhin 'dong bar gyur to/ /shing rta gang la
87a1 byang chub sems dpa' 'dug par gyur pa de yang 'dod pa na spyod pa'i lha rnams kyis bkod pa chen po du mas legs par brgyan par gyur to/ /lha'i bu mo rgyan thams
87a2 cad kyis chas pa rin po che'i phreng ba thogs pa nyi khris shing rta de drangs te lha'i bu mo gnyis kyi bar du ni mi'i bu mo gcig 'dug /mi'i bu mo gnyis kyi bar du ni lha'i bu mo gcig
87a3 'dug kyang byang chub sems dpa'i mthus lha'i bu mos kyang mi'i bu mo'i dri mi zhim pa mi tshor/ mi'i bu mos kyang lha'i bu mo'i gzugs mthong na bag med par ma gyur to/ /dge
87a4 slong dag /ser skya'i gnas kyi grong khyer chen por shAkya lnga brgya tsam gyis byang chub sems dpa'i ched du khyim lnga brgya phub ste/ de dag byang chub sems dpa' grong khyer der
87a5 'jug pa'i tshe rang rang gis byas pa'i khyim gyi sgor 'khod de/ thal mo sbyar nas lus gus par btud de rim gro dang bcas pas 'di skad du/ kye don thams cad grub pa 'dir
87a6 gshegs su gsol/ kye lha'i lha 'dir gshegs su gsol/ kye sems can dag pa 'dir gshegs su gsol/ kye kha lo sgyur pa dam pa 'dir gshegs su gsol/
87a7 kye dga' zhing bde ba dang mchog tu dga' ba mdzad pa 'dir gshegs su gsol/ kye smad pa med pa'i grags pa mnga' ba 'dir gshegs su gsol/ kye kun nas spyan
87b1 mnga' ba 'dir gshegs su gsol/ kye mi mnyam pa dang mnyam zhing 'dra ba med pa'i yon tan dang gzi brjid mnga' ba/ mtshan dang dpe byad bzang pos yang dag par brgyan pa'i
87b2 sku mnga' ba 'dir gshegs su gsol zhes de skad 'dzer to/ /de nas rgyal po zas gtsang mas de dag thams cad dang mthun par bya ba'i phyir byang chub sems dpa' khyim de kun tu'ang
87b3 zhugs par byas te zla ba bzhi lon pa nas byang chub sems dpa' nyid kyi khyim du zhugs te rin po che sna tshogs bkod pa zhes bya ba'i khang bzang chen po der byang chub sems dpa' zhugs
87b4 par gyur to/ /de na shAkya rgan rabs rgan rabs rnams 'dus te bgros pa/ phan pa'i sems dang / byams pa'i sems kyis yon tan dang ldan pa dang / 'jam pa dang ldan par byang chub
87b5 sems dpa' btsa' ba dang / byi dor bya ba dang / nyams su blang bar sus nus zhes byas pa dang / de na shAkya'i bu mo lnga brgya tsam so so nas 'di skad du bdag gis gzhon nu'i rim gro bgyi'o/ /
87b6 bdag gis gzhon nu'i rim gro bgyi'o zhes zer ro/ /de na shAkya ches bgres ches bgres pa de dag na re/ bu mo 'di dag thams cad ni byis pa gzhon nu/ thor bu gzhon nu la gzugs
87b7 dang dar la bab pas rgyags shing dregs pa yin pas 'di dag gis byang chub sems dpa' la dus dus su rim gro bya ba mi nus so/ /skye rgu'i bdag mo chen mo gau ta mI ni gzhon nu'i
88a1 sru mo ste/ 'dis ni gzhon nu bde ba dang lags par bskyed par nus so/ /rgyal po zas gtsang ma'ang mnyes par nus so zhes thams cad gros gcig
88a2 tu 'dus te/ skye rgu'i bdag mo chen mo gau ta mI dad par byas nas skye rgu'i bdag mo chen mo gau ta mI sa gzhon nu de legs par bskyed do/ /de'i tshe byang chub sems dpa'i rim gror
88a3 ma ma sum cu rtsa gnyis bkod par gyur te/ de la brgyad ni pang na 'tsho ba'i ma ma'o/ /brgyad ni nu ma snun pa'i ma ma'o/ /brgyad ni rtsen grogs kyi ma ma'o/ /brgyad ni dri
88a4 ma 'phyi ba'i ma ma'o/ /de nas rgyal po zas gtsang mas shAkya'i tshogs thams cad bsags te dpyad pa/ ji ltar gzhon nu 'di 'khor los bsgyur ba'i rgyal po zhig tu 'gyur
88a5 ram| 'on te ma yin gyi/ rab tu 'byung ba'i phyir mngon par 'byung zhes dpyad pa dang / de'i tshe ri'i rgyal po gangs ri'i ngos la drang srong chen po nag po zhes bya ba mngon par
88a6 shes pa lnga dang ldan pa zhig snag gi tsha bo mis byin zhes bya ba dang lhan cig tu 'dug 'dug pa las/ des byang chub sems dpa' btsas pa'i tshe ngo mtshar rmad du byung ba'i
88a7 cho 'phrul mang du mthong ste/ nam mkha'i dkyil na'ang lha'i bu mo mang po sangs rgyas kyi sgra sgrog cing gos kyi g.yab mo g.yob pa dang / dga' zhing phan tshun 'dong ba mthong nas
88b1 des bsam pa/ ma la bdag gis rnam par blta ba zhig tu bya'am snyam nas/ des lha'i mig gis dzam+bu'i gling thams cad du bltas na ser skya'i grong khyer chen po de na rgyal po zas
88b2 gtsang ma'i khyim du gzhon nu bsod nams kyi gzi brjid kyis gzi dang ldan par byas pa/ 'jig rten thams cad kyis mchod pa/ skyes bu chen po'i mtshan sum cu rtsa gnyis kyis
88b3 lus legs par brgyan pa zhig btsas par mthong nas bram ze'i khye'u mis byin la smras pa/ bram ze'i khye'u shes par gyis shig /dzam+bu'i gling du rin po che chen po byung ste/ ser skya'i
88b4 gnas kyi grong khyer chen po na rgyal po zas gtsang ma'i khyim du gzhon nu bsod nams kyi gzi brjid kyis gzi dang ldan par byas pa/ 'jig rten thams cad kyis mchod pa/ skyes bu
88b5 chen po'i mtshan sum cu rtsa gnyis dang ldan pa btsas so/ /de gal te khyim na gnas na ni mtha' bzhi la dbang ba'i 'khor los bsgyur ba'i rgyal por 'gyur te/ rnam par rgyal ba
88b6 dang ldan pa/ chos dang ldan pa/ chos kyi rgyal po srid kyi mthu stobs thob pa/ rin po che sna bdun dang ldan par 'gyur te/ de'i rin po che sna bdun ni/ 'di lta ste/ 'khor lo rin po che dang /
88b7 glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che dang bdun 'byung bar 'gyur ro/ /de la bu stong
89a1 yod par 'gyur te/ dpa' ba/ rtul phod pa/ yan lag mchog gi gzugs dang ldan pa/ pha rol gyi sde 'joms pa sha stag 'byung bar 'gyur ro/ /de ni
89a2 sa chen po'i dkyil 'khor 'di rgya mtsho'i mtha' skor dang bcas pa chad pa med cing mtshon gyis bda' ba med pa dang / chos dang mthun par rang gi mthus zil gyis mnan cing
89a3 mngon par phab ste/ dbang phyug gi dbang gis rgyal srid byed par 'gyur ro/ /de gal te khyim nas khyim med par rab tu byung na'ang de bzhin gshegs pa dgra bcom pa yang
89a4 dag par rdzogs pa'i sangs rgyas su 'gyur te/ ston pa 'dren pa gzhan gyi dring mi 'jog pa 'jig rten du sgra rnam par grags par 'gyur ro/ /de lta bas na/ tshur shog de
89a5 bltar 'dong ngo / /de nas drang srong chen po nag po snag gi tsha bo mis byin dang 'grogs te ngang pa'i rgyal po ltar nam mkha'i dkyil nas lding ste ser skya'i gnas kyi grong khyer
89a6 chen po ga la ba der song nas phyin pa dang / rdzu 'phrul brtul nas rkang gis ser skya'i gnas kyi grong khyer chen por dong ste rgyal po zas gtsang ma'i khyim ga la ba der phyin
89a7 nas rgyal po zas gtsang ma'i khyim gyi sgor bsdad do/ /dge slong dag /de ltar drang srong nag po des rgyal po zas gtsang ma'i khyim gyi sgo drung du srog chags brgya stong mang
89b1 po 'dus pa mthong ngo / /de nas drang srong nag po sgo ba'i drung du song ste 'di skad ces smras so/ /kye/ mi khyod song la rgyal po zas gtsang ma la chab sgo na drang srong zhig mchis so zhes gsol
89b2 cig /de nas sgo ba des de ltar bgyi'o zhes drang srong nag po'i ltar mnyan te/ rgyal po zas gtsang ma ga la ba der song nas phyin pa dang thal mo sbyar te rgyal po zas gtsang ma la 'di
89b3 skad ces smras so/ /lha mkhyen par mdzad du gsol/ chab sgo na drang srong rgan po 'khogs pa nas/ gzer ba zhig mchis te/ 'di skad du bdag ni/ rgyal po'i zhal mthong bar 'tshal
89b4 lo zhes mchi'o/ /de nas rgyal po zas gtsang mas drang srong nag po'i stan 'ding du bcug ste/ mi de la 'di skad ces smras so/ /drang srong de nang du 'ong bar gyis shig /de nas mi de
89b5 rgyal po'i pho brang nas byung nas drang srong nag po la 'di skad ces smras te/ nang du bzhud cig /de nas drang srong nag po rgyal po zas gtsang ma ga la ba der song ste phyin pa dang /
89b6 mdun du 'dug ste rgyal po zas gtsang ma la 'di skad ces smras so/ /rgyal po chen po/ rgyal bar spyon cig /rgyal bar spyon cig /sku tshe ring bar srungs shig /chos bzhin du rgyal po
89b7 mdzod cig /de nas rgyal po zas gtsang mas drang srong nag po la yon chu dang rkang pa la gtor ba'i chus mchod pa byas te shin tu legs par yongs su bkur nas stan la bdar te/ de
90a1 stan la bde bar 'dug par shes nas zhe sa dang bcas/ gus pa dang bcas par 'di skad ces smras so/ /drang srong / sngon mthong bar mi dran na 'dir ci la
90a2 byon ci zhig bzhed/ de skad ces smras pa dang / drang srong nag pos rgyal po zas gtsang ma la 'di skad ces smras so/ /rgyal po chen po/ khyod kyi sras shig pa bltams par gyur pa
90a3 de lta zhing bdag 'dir mchis so/ /rgyal pos smras pa/ drang srong chen po/ gzhon nu nyal zhing mchis kyi/ langs kyi bar du cung zad cig zhes shig /drang srong gis smras pa/
90a4 rgyal po chen po/ skyes bu chen po de lta bu ni ring por mi nyal te/ skyes bu dam pa de lta bu dag ni sad par gnas pa'i ngang tshul can no/ /dge slong dag /de nas byang chub
90a5 sems dpas drang srong nag po de la snying brtse ba nye bar bzung ste sad pa'i brda byas so/ /de nas rgyal po zas gtsang mas gzhon nu don thams cad grub pa lag pa gnyis
90a6 kyis shin tu legs par blangs te drang srong nag po'i drung du khyer ro/ /de nas drang srong nag pos byang chub sems dpa' bltas na/ skyes bu chen po'i mtshan sum cu rtsa gnyis
90a7 dang ldan zhing dpe byad bzang po brgyad cus legs par rnam par spras pa'i lus dang ldan pa/ brgya byin dang / tshangs pa dang / 'jig rten skyong pa las 'phags pa'i lus
90b1 can/ nyi ma brgya phrag stong las kyang lhag pa'i gzi brjid dang ldan pa/ yan lag thams cad du mdzes pa mthong nas kye ma 'jig rten du ngo mtshar gyi gang zag 'di byung ngo / /kye ma
90b2 'jig rten du ngo mtshar chen po dang ldan pa'i gang zag 'di byung ngo zhes ched du brjod pa ched du brjod nas stan las langs te thal mo sbyar nas byang chub sems dpa'i rkang pa gnyis
90b3 la phyag 'tshal te bskor ba byas nas byang chub sems dpa' pang du blangs te sems shing 'dug par gyur to/ /de nas des byang chub sems dpa'i lus la skyes bu chen po'i
90b4 mtshan sum cu rtsa gnyis yod pa mthong ste/ de dag dang ldan pa'i skyes bu gang zag de rnam pa gnyis su 'gyur gyi/ gzhan du mi 'gyur ro/ /gal te khyim na gnas na ni mtha'
90b5 bzhi la dbang ba'i 'khor los bsgyur ba'i rgyal por 'gyur te zhes bya ba nas snga ma bzhin du dbang phyug gi dbang gis rgyal srid byed do zhes bya ba'i bar du 'gyur ba dang / gal
90b6 te khyim nas khyim med par rab tu byung na ni de bzhin gshegs par 'gyur te/ yang dag par rdzogs pa'i sangs rgyas su grags pa 'dren pa gzhan gyi dring mi 'jog par 'gyur
90b7 ba mthong nas des de lta bu mthong ba dang / mchi ma blags te dus nas shugs ring phyung ba dang / rgyal po zas gtsang mas drang srong de mchi ma blags te dus nas shugs ring 'byin
91a1 par mthong nas dngangs te mi dga' zhing rings par rings pa drang srong chen po de la smras pa/ drang srong / de ltar bshums mo blags te bshums pa dang /
91a2 shugs ring 'byin pa ci zhig nongs/ gzhon nu 'di la mi dge ba'am zhig mi gda' 'am/ de skad ces smras pa dang / drang srong chen po nag pos rgyal po zas gtsang ma la
91a3 'di skad ces smras so/ /rgyal po chen po/ bdag ni gzhon nu'i slad du du ba'ang ma lags/ 'di la mi dge ba'ang gang yang ma mchis te/ bdag nyid du bar bas so/ /de ci'i
91a4 slad du zhe na/ rgyal po chen po/ bdag ni rgas shing 'khogs te nas gzer la/ gzhon nu don thams cad 'grub pa 'di ni gdon mi 'tshal bar bla na med pa yang dag par
91a5 rdzogs pa'i byang chub mngon par rdzogs par 'tshang rgya ste/ bla na med pa'i chos kyi 'khor lo dag sbyong ngam/ bram ze'am/ lha'am/ bdud dam/ tshangs pa'am/ gzhan sus
91a6 kyang rung ste/ 'jig rten du chos dang mthun par bskor bar mi nus pa bskor bar 'gyur ro/ /lha dang bcas pa'i 'jig rten la sman pa dang bde ba'i slad du chos ston par 'gyur
91a7 te| tshangs par spyod pa/ thog mar dge ba/ bar du dge ba/ tha mar dge ba'i chos/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/
91b1 yongs su byang ba'i mthar phyin pa'i chos yang dag par ston par 'gyur ro/ /sems can skye ba'i chos can dag 'di las chos de thos nas skye ba las yongs su ma grol ba rnams
91b2 grol bar 'gyur ro/ /de bzhin du sems can rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i
91b3 chos can rnams ni rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol
91b4 bar 'gyur/ sems can 'dod chags dang / zhe sdang dang / gti mug gi mes gdungs pa rnams la ni dam pa'i chos kyi char pas sim par mdzad par 'gyur/ sems can lta
91b5 ba ngan pa sna tshogs kyi thibs pos khebs pa lam gol bar zhugs pa rnams ni lam drang pos mya ngan las 'das par 'dren par 'gyur/ sems can 'khor ba'i dra ba dang
91b6 btson rar 'khor zhing nyon mongs pa'i 'ching bas bcings pa rnams ni bcings pa las yongs su grol bar mdzad par 'gyur/ sems can mi shes pa'i mun pa dang / rab rib dang /
91b7 ling tog gis mig ldongs ba rnams la ni shes rab kyi mig skyed par 'gyur/ sems can nyon mongs pa'i zug rngus zug pa rnams la ni zug rngu 'byin par 'gyur te/ rgyal po chen
92a1 po| 'di lta ste/ dper na/ u dum wa ra'i me tog ni brgya la brgya lam na 'jig rten du 'byung ngo / /rgyal po chen po/ de bzhin du bskal pa bye ba khrag khrig
92a2 mang por brgya la brgya lam na sangs rgyas bcom ldan 'das rnams 'jig rten du 'byung ste/ de ltar gzhon nu 'di ni nges par bla na med pa yang dag par rdzogs pa'i byang chub
92a3 mngon par rdzogs par 'tshang rgya bar 'gyur te/ mngon par rdzogs par sangs rgyas nas kyang sems can bye ba khrag khrig brgya stong 'khor ba'i rgya mtsho'i pha rol tu sgrol
92a4 bar 'gyur zhing 'chi ba med pa la rab tu gzhog par 'gyur la/ bdag gis ni sangs rgyas dkon mchog de mi mthong ba dang / bdag gi nad ma mchis pa 'di la'ang
92a5 'dod chags dang bral bar 'gyur te/ rgyal po chen po/ bdag ni de'i slad du du zhing mi dga' bas shugs ring 'byin pa lags so/ /rgyal po chen po/ bdag cag
92a6 gi bstan bcos las 'byung ba ltar na ni gzhon nu don thams cad grub pa'ang khab na bzhugs par mi 'gyur ro/ /de ci'i slad du zhe na/ 'di ltar rgyal po chen po/
92a7 gzhon nu don thams cad grub pa 'di ni skyes bu chen po'i mtshan sum cu rtsa gnyis dang ldan pa ste/ sum cu rtsa gnyis gang zhe na/ rgyal po chen po/ /'di lta ste/ gzhon
92b1 nu don thams cad grub pa ni dbu gtsug tor dang ldan pa ste/ rgyal po chen po/ /gzhon nu don thams cad grub pa ni skyes bu chen po'i mtshan dang po 'di dang ldan no/ /rgyal po chen
92b2 po| gzhon nu don thams cad grub pa ni dbu stang zil bcag pa'i 'phro dang rma bya'i mgrin pa ltar mthon mthing du grub cing lcang lor 'khril la g.yas su 'khyil ba dang / dpral
92b3 ba'i dbyes mnyam pa lags so/ /rgyal po chen po/ gzhon nu don thams cad grub pa'i smin mtshams su mdzod spu skyes pa ni kha ba dang dngul gyi mdog ltar mchis pa lags
92b4 so| |rgyal po chen po/ gzhon nu don thams cad grub pa ni spyan gyi rdzi ma ba'i rdzi ma lta bu dang / spyan dkar nag 'byes pa dang / tshems bzhi bcu mnyam pa dang / tshems thags
92b5 bzang ba dang / tshems shin tu dkar ba dang ldan pa lags so/ /rgyal po chen po/ gzhon nu don thams cad grub pa ni tshangs pa'i dbyangs dang / ro bro ba'i mchog dang ldan pa dang /
92b6 ljags shin tu ring zhing srab pa dang / 'gram pa seng+ge'i 'dra ba dang / dpung mgo shin tu zlum pa dang / mdun mtho ba dang / thal gong rgyas pa dang / pags pa srab cing mdog gser
92b7 'dra ba dang / bzhengs bzhin du ma btud par phyag bus mor sleb pa dang / ro stod seng+ge'i lta bu dang ldan pa lags so/ /rgyal po chen po/ gzhon nu don thams cad grub pa ni shing
93a1 n+ya gro d+ha ltar chu zheng gab pa dang / spu re re nas skyes pa dang / yan lag gi spu g.yas phyogs nas gyen du 'khyil ba dang / 'doms kyi sba ba sbubs su
93a2 nub pa dang / bral legs par zlum pa dang / byin pa ri dwags kyi rgyal po e na ya'i lta bu dang / sor mo ring ba dang / zhabs kyi rting pa yangs pa dang / zhabs kyi gong mtho
93a3 ba dang / phyag dang zhabs kyi mthil 'jam pa dang / phyag dang zhabs kyi sor mo dra bas 'brel ba dang ldan pa lags so/ /rgyal po chen po/ gzhon nu don thams cad grub
93a4 pa'i zhabs kyi 'og gi mthil gnyis la 'khor lo re re skyes pa ni bzang zhing rtsibs stong dang ldan la/ mu khyud dang bcas/ lte ba dang bcas pa lags so/ /rgyal po chen
93a5 po| gzhon nu don thams cad grub pa ni zhabs mnyam zhing shin tu gnas pa dang ldan pa lags so/ /rgyal po chen po/ gzhon nu don thams cad grub pa ni skyes
93a6 bu chen po'i mtshan sum cu rtsa gnyis po 'di dag dang ldan no/ /rgyal po chen po/ mtshan gyi rnam pa de lta bu dag ni/ 'khor los bsgyur ba'i rgyal po la mi 'byung ste/ mtshan
93a7 de lta bu dag ni byang chub sems dpa' rnams la 'byung ngo / /rgyal po chen po/ gzhon nu don thams cad grub pa'i sku la dpe byad bzang po brgyad cu mchis te/ de dag dang
93b1 ldan pas gzhon nu don thams cad grub pa ni khab na bzhugs par mi 'gyur gyi/ gdon mi 'tshal bar rab tu 'byung ba'i don du mngon par 'byung bar 'gyur ro/ /rgyal po chen
93b2 po| dpe byad bzang po brgyad cu po de dag gang zhe na/ 'di lta ste/ rgyal po chen po/ gzhon nu don thams cad grub pa ni sen mo mtho ba dang / sen mo zangs kyi mdog lta bu dang /
93b3 sen mo mdog snum pa dang / sor mo rnams zlum pa dang / sor mo rnams rgyas pa dang / sor mo byin gyis phra ba dang / rtsa mi mngon pa dang / long bu mi mngon pa dang / tshigs mi
93b4 mngon pa dang / zhabs mnyam zhing mi mnyam pa ma mchis pa dang / zhabs kyi rting pa yangs pa dang ldan pa lags so/ /rgyal po chen po/ gzhon nu don thams cad grub pa ni phyag
93b5 gi ri mo mtshungs pa dang ldan zhing phyag gi ri mo mdangs yod pa dang / phyag gi ri mo zab pa dang / phyag gi ri mo ya yor ma gyur pa dang / phyag gi ri mo rim par 'tsham pa dang / sgros
93b6 bim pa ltar dmar pa dang / sgra mi drag pa'i tshig dang / ljags mnyen zhing 'jam la zangs kyi mdog ltar 'dug pa dang / glang po che'i nga ro dang / 'brug gi sgra dang ldan pa dang /
93b7 snyan zhing 'jam pa dang ldan pa lags so/ /rgyal po chen po/ gzhon nu don thams cad grub pa ni dpe byad bzang po yongs su rdzogs pa ste/ phyag ring ba dang / sku'i na bza' gtsang
94a1 ma phun sum tshogs pa dang / sku 'jam pa dang / bsnyengs ba mi mnga' ba'i sku dang / zhum pa mi mnga' ba'i sku dang / rim par 'tsham pa'i sku dang / shin tu
94a2 dpa' bar mdzes pa'i sku dang / rnam par legs par grub pa'i sku dang / pus mo'i lha nga yangs shing rgya che la shin tu gang ba dang ldan pa lags so/ /rgyal po chen po/ gzhon
94a3 nu don thams cad grub pa ni sku zlum pa dang ldan pa ste/ sku shin tu 'jam pa dang / sku ya yo ma mchis pa dang / sku rim gyis legs par grub pa dang / lte ba zab pa dang /
94a4 lte ba ma yo ba dang / lte ba rim gyis gzhol ba dang / drang srong ltar gtsang sbras spyod pa dang / kun nas mdzes pa dang / snang ba dam pa shin tu rnam par dag cing rab rib ma
94a5 mchis pa'i 'od kun nas 'byung ba dang ldan pa lags so/ /rgyal po chen po/ gzhon nu don thams cad grub pa ni glang po ltar dal ba'i 'gros dang / seng+ge'i stabs lta
94a6 bu'i 'gros dang / khyu mchog gi stabs lta bu'i 'gros dang / ngang pa'i stabs lta bu'i 'gros dang / g.yas phyogs su mdzes par 'khor ba'i 'gros dang / dku zlum pa dang /
94a7 dku skabs phyin pa dang / dku ma rnyongs pa dang / rked pa gzhu'i 'chang bzung ltar phra ba dang / mdog gi snyes pa sngo ba'am/ nag pa'i skyon dang bral ba'i sku dang ldan pa
94b1 lags so/ /rgyal po chen po/ gzhon nu don thams cad grub pa ni mche ba zlum pa dang / mche ba rno ba dang / mche ba byin gyis phra ba dang / shangs legs par mtho ba dang / spyan
94b2 gsal ba dang / spyan dri ma med pa dang / 'dzum pa'i spyan dang ldan pa dang / spyan ring ba dang / spyan yangs pa dang / ut+pa la sngon po lta bu'i spyan dang ldan pa lags so/ /rgyal po
94b3 chen po| gzhon nu don thams cad grub pa ni smin ma'i spu mnyam pa dang / smin ma stug pa dang / smin ma nag pa dang / smin ma rgyun chags pa dang / smin ma rim gyis gzhol
94b4 ba dang / mkhur ba rgyas pa dang / mkhur ba mi mnyam pa med pa dang / mkhur ba skyon dang bral ba dang / sdang ba dang khro ba'i mdog med pa dang / shin tu rig pa'i dbang po dang ldan
94b5 pa lags so/ /rgyal po chen po/ gzhon nu don thams cad grub pa de ni mdzod spu yongs su rdzogs pa dang ldan pa dang / gdong dang dpral ba rkyen du 'bab pa dang / dbu yongs su
94b6 rgyas pa dang / dbu skra nag pa dang / dbu skra mnyam pa dang / dbu skra dri zhim pa dang / dbu skra mi gshor ba dang / dbu skra mi 'dzing pa dang / dbu skra byin gyis phra ba dang / dbu skra lcang
94b7 lor 'khril ba dang ldan pa lags so/ /rgyal po chen po/ gzhon nu don thams cad grub pa de ni dbu skra dpal gyi be'u dang / bkra shis dang / g.yung drung 'khyil ba dang / sdong
95a1 ris kyi dbyibs lta bu'i dbu skra dang ldan pa'o/ /rgyal po chen po/ 'di dag ni gzhon nu don thams cad grub pa'i dpe byad bzang po brgyad cu ste/ de dag dang
95a2 ldan pas gzhon nu don thams cad grub pa ni khab na bzhugs par mi 'gyur gyi/ gdon mi 'tshal bar rab tu 'byung ba'i slad du mngon par 'byung bar 'gyur ro/ /de nas rgyal
95a3 po zas gtsang mas drang srong chen po nag po las gzhon nu'i lung bstan pa de thos nas tshim zhing mgu la yid rangs te rab tu dga' zhing dga' ba dang / yid bde ba skyes nas stan
95a4 las langs te byang chub sems dpa'i rkang pa gnyis la phyag 'tshal nas tshigs su bcad pa 'di smras so/ /khyod la lha kun phyag 'tshal zhing / /drang srong rnams kyis mchod
95a5 gyur te| |'jig rten kun gyi mchod rten pas/ /bdag kyang khyod la phyag 'tshal lo/ /dge slong dag /de ltar rgyal po zas gtsang mas drang srong chen po nag po dang / snag gi tsha bo
95a6 mis byin dang bcas te kha zas tshul dang 'dra bas tshim par byas nas gos bskon te bskor ba byas so/ /de nas drang srong chen po nag po gnas de nyid nas rdzu 'phrul gyis nam
95a7 mkha' las rang gi gnas ga la ba der song ngo / /de nas drang srong chen po nag pos bram ze'i khye'u mis byin la 'di skad ces smras so/ /mis byin/ khyod kyis nam sangs rgyas
95b1 'jig rten du byung ngo zhes thos pa de'i tshe khyod song ste de'i bstan pa la rab tu byung zhig dang / de ni khyod kyi yun ring po'i don dang / phan pa dang bde bar 'gyur ro/ /de la 'di skad
95b2 ces bya ste/ lha yi tshogs rnams nam mkha'i ngos la gnas te sangs rgyas sgra sgrog pa/ /lha yi drang srong nag po ri sul gnas pas mthong nas dga' mchog thob/ /'di na srog
95b3 chags rnams kyi dga' skyed sangs rgyas zhes bya'i tshig 'di ci/ /bdag gi lus kyang rab sim gyur cing sems bde mchog tu zhi bar gyur/ /lha 'am 'on te lha mi na yang na nam
95b4 mkha' lding ngam mi 'am ci/ /sangs rgyas zhes bya dga' dang mos byed tshig 'di sngon chad mthos ci/ /lha yi mig gi phyogs bcur ri dang sa dang rgya mtsho rnams la bltas/ /phyis
95b5 yangs ri mtsho la rmad du byung ba rnam pa sna tshogs mthong / /'od gsal mdzes pa lus la sim byed 'di ni rab tu bzang snang zhing / /ji ltar ri yi rtse mo rnams su byi ru'i myu gu thon gyur
95b6 la| |shing ljon rnams kyang me tog bzang rgyas sna tshogs 'bras bus brgyan gyur las/ /srid pa gsum du dkon mchog dam pa myur du 'byung bar shin tu gsal/ /sa 'di thams cad
95b7 mnyam shing dri med lag mthil bzhin du snang ba dang / /lha rnams dga' zhing nam mkha'i dkyil na gos kyi g.yab mo 'byin gyur la/ /klu rgyal rgya mtsho'i gnas kyi steng na rin chen rmad
96a1 byung 'phyo ba las/ /dzam+bu'i gling du rgyal ba'i dkon mchog chos kyi 'byung gnas nges par 'byung / /ngan song zhi zhing sdug bsngal bral te sems can rnams
96a2 ni bder ldan la/ /lha yi tshogs rnams nam mkha'i dkyil la dga' dang ldan par rgyu ba dang / /ji ltar lha yi glu dbyangs sgra snyan yid du 'ong ba grags pa las/ /srid pa gsum
96a3 'dir dkon mchog 'byung 'gyur de yi ltas su gdon mi za/ /dzam+bu'i gling 'dir drang srong nag pos lha yi mig gis rnam bltas na/ /ser skya'i grong na rgyal po zas gtsang grong
96a4 khyer dam pa yod pa der/ /mthu chen mthu ldan mtshan dang bsod nams gzi brjid rgyas pa btsas pa mthong / /mthong nas dga' mgu rangs shing bde ba'i yid skyes mthu yang
96a5 skyes par gyur/ /de nas ngo mtshar rnyed de rang gi slob ma lhan cig rings su dong / /phyin nas ser skyar brjod pa'i rgyal po'i grong khyer mchog gi sgor 'dug ste/ /zhabs 'bring
96a6 srog chags bye ba khrag khrig mang po drang srong des mthong nas/ /sgo ba de la smras pa chab sgor drang srong phyin ces myur du gsol/ /de mnyan myur du pho brang nang phyin rgyal po la
96a7 ni de bsnyad pa/ /lha gcig drang srong rgas 'khogs dka' thub chen po can zhig chab sgor mchis/ /drang srong mchog de rgyal po'i pho brang nang du mchi bar dga' zhes mchi/ /
96b1 rgyal po chen po nang du gtang ngam mi gtang bdag la bka' stsal gsol/ /de nas de yi stan bting rgyal pos khyod song nang du bos zhes bsgo/ /drang srod nag pos sgo ba'i tshig
96b2 thos dga' mgu bde dang ldan par gyur/ /skom pa bsil ba'i chu 'dod bkres pas gdungs pa zas la mos pa ltar/ /drang srong dam pa de yang sems can mchog de mthong du
96b3 mngon par dga'/ /rgyal po rgyal gyur sku tshe ring srung gsol zhes dga' bas de skad smras/ /snyan par brjod nas yid dul dbang po zhi zhing des pa stan la 'dug/ rgyal pos gus
96b4 par smra byas drang srong thub pa de la tshig brjod pa/ /rgyal po'i pho brang 'dir byon rgyu ci thub pas bdag la myur du gsungs/ /khyod kyi sras bltams gzugs mchog pha rol phyin
96b5 cing gzi brjid che dang ldan/ /mthu chen mtshan rab sum cu gnyis kyis kun nas brgyan mnga' ba/ /rgyal po khyod sras thams cad don grub de ni mthong bar bdag dga' ste/ /de
96b6 slad 'dir mchis rgyal po bdag la 'tshal ba gzhan ni yong ma mchis/ /legs so legs par byon te mnyel tam ma mnyel khyod mthong bdag dga' 'o/ /mchog sbyin gzhon
96b7 nu de nyal de ltar blta ba'i skabs ni ma mchis kyi/ /re zhig yud tsam gzhes dang 'di ni zla ba nya ba dri med pa/ /skar ma'i tshogs kyis brgyan pa 'dra ba'i dri med gzigs bar
97a1 'gyur| |gang tshe kha lo sgyur mchog zla ba rgyas pa'i 'od mnga' de sad ba/ /de tshe rgyal pos 'od 'bar gzugs 'chang nyi las 'phags 'od pang blangs te/ /
97a2 'di ltar drang srong lha mis mchod pa gser mchog gzugs ldan de gzugs shig /drang srong nag pos de yi rkang pa mdzes pa 'khor lo'i mtshan can mthong / /de nas langs te
97a3 thal mo sbyar nas rkang pa gnyis la phyag 'tshal te/ /bdag nyid chen po bstan bcos mkhas pas pang du blangs nas bsam zhing bltas/ /des ni mthu chen mthu ldan mtshan gyi
97a4 mchog gis brgyan pa mthong gyur nas/ /mgo lcogs rig byed bstan bcos mkhas pa des ni de la rnam gnyis mthong / /stobs ldan 'khor los bsgyur ba'i rgyal po'am
97a5 sangs rgyas 'jig rten gtso bor 'gyur/ /shin tu mi dga' lus dang sems kyi mchi ma blags te shugs ring phyung / /rgyal po mchog kyang dngangs par gyur nas bram ze ci slad
97a6 bshums zhes smra/ /drang srong nag pos bdag gi don grub ba gegs shig ma gzigs sam/ /drang srong ci slad bshums mdzad dge sdig gang gzigs bdag la med par
97a7 gsungs/ /khyod sras don kun grub la bar chad sdig tu 'gyur ba ma mchis te/ /bdag la bdag nyid rgas shing 'di ltar 'khogs par gyur ces mya ngan bgyid/ /'di ni sangs
97b1 rgyas 'jig rten mchog 'gyur chos kyang yang dag ston par 'gyur/ /bdag gis dga' ba thob pas yid kyis mi mthong ngo zhes de slad du/ /'di yi sku la mtshan rab sum cu rtsa
97b2 gnyis dri med mnga' ba las/ /rnam pa gnyis su 'gyur te gsum du ma mchis rgyal po mkhyen par mdzod/ /'khor los bsgyur ba'i rgyal 'gyur yang na sangs rgyas 'jig rten gtso
97b3 por byon/ /'di ni 'dod pa'i yon tan bzhed par mi 'gyur nges par sangs rgyas 'gyur/ /drang srong lung bstan de thos rgyal po dga' zhing bde ba thob par gyur/ /de nas langs te thal
97b4 mo sbyar nas rkang pa gnyis la phyag kyang byas/ /stobs mchog ldan pa khyod ni lhas mchod drang srong rnams kyis bsngags pa ste/ /srid gsum kun gyi 'gro ba'i ded dpon mchog
97b5 gyur khyod la phyag 'tshal lo/ /drang srong dga' bas tsha bo de la smras pa nga yi gdams ngag nyon/ /gang tshe 'di ni byang chub sangs rgyas 'gro la 'khor lo bskor thos pa/ /de tshe myur du
97b6 thub pa'i bstan la rab byung mya ngan 'das pa 'thob/ /dang srong dam pa de yi rkang la phyag 'tshal bskor ba byas nas ni/ /'di 'dra'i sras mnga' khyod kyi thob pa rgya chen legs par
97b7 thob ces smras/ /'di ni 'jig rten lha dang mir bcas chos kyis tshim par mdzad par 'gyur/ /drang srong mchog de ser skya'i gnas nas byung nas bdag gnas dgon par phyin// //
98a1 'phags pa rgya cher rol pa zhes bya ba theg pa chen po'i mdo/ /bam po drug pa/ dge slong dag /de ltar byang chub sems dpa' btsas ma thag tu lha'i bu
98a2 dbang phyug chen pos gnas gtsang ma'i ris kyi lha'i bu rnams la bos te 'di skad ces smras so/ /grogs po dag /byang chub sems dpa' sems dpa' chen po gang bskal
98a3 pa bye ba khrag khrig brgya stong grangs med par yongs su sbyang ba byas pa/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab
98a4 dang / thabs dang / thos pa dang / spyod pa dang / brtul zhugs dang / dka' thub can/ spyad pa legs par spyad pa/ byams pa chen po dang / snying rje chen po dang / dga' ba
98a5 chen po dang ldan pa/ btang snyoms kyis yang dag par 'phags pa'i blo can/ sems can thams cad la phan par brtson pa/ brtson 'grus brtan pa'i go cha legs par
98a6 bgos pa/ sngon gyi rgyal ba la dge ba'i rtsa ba skyed pas byung ba/ bsod nams brgya pa'i mtshan gyis yang dag par brgyan pa/ rtul ba nges par byas pa dang ldan pa/ pha rol gyi
98a7 dmag tshogs rab tu 'joms pa/ dga' ba'i bsam pa shin tu dri ma med pa phun sum tshogs pa/ ye shes chen po'i tog gi rgyal mtshan can/ bdud kyi stobs mthar
98b1 'byin pa/ stong gsum gyi ded dpon chen po/ /lha dang mis mchod pa/ mchod sbyin chen po'i mchod sbyin byas pa/ bsod nams kyi tshogs shin tu phun sum tshogs pa dang ldan pa/
98b2 'byung ba'i bsam pa can/ skye ba dang / rga ba dang / 'chi ba mthar 'byin pa/ legs par skye bas skyes pa/ 'gro ba rnam par byang chub par byed pa/ bu ram shing pa'i rgyal po'i rigs
98b3 su skyes nas mi'i 'jig rten du byung ste/ de myur du bla na med pa yang dag par rdzogs pa'i byang chub mngon par rdzogs par 'tshang rgya'i/ tshur shog /bdag cag de la phyag 'tshal zhing rim
98b4 gror bya ba dang / bkur stir bya ba dang / mngon par bstod par bya ba'i phyir 'dong ngo / /lha'i bu nga rgyal gyi zil gyis non pa gzhan dag kyang bdag cag byang chub sems dpa' la phyag
98b5 'tshal ba mthong ba dang / de dag kyang nga rgyal dang / dregs pa dang / rgyags pa gtong bar 'gyur te/ byang chub sems dpa' la phyag 'tshal zhing rim gro dang bkur sti byed par bya
98b6 ba'i phyir 'dong ngo / /de ni lha'i bu de dag la yun ring po'i don dang / phan pa dang / bde ba dang / 'chi ba med pa 'thob pa'i bar du 'gyur ro/ /rgyal po zas gtsang ma rgyal ba 'phel
98b7 ba'ang rjes su bsgrags par 'gyur ro/ /byang chub sems dpa' yang de kho na'i lung bstan pas lung bstan te bdag cag phyir 'ong bar bya'o/ /de skad ces bsgo nas lha'i bu dbang
99a1 phyug chen po lha'i bu brgya stong phrag bcu gnyis kyis yongs su bskor cing mdun du bdar nas ser skya'i gnas kyi grong khyer chen po thams cad 'od kyis
99a2 rgyas par bkang ste rgyal po zas gtsang ma'i pho brang ga la ba der song nas phyin pa dang / sgo bas rgyal po la gsol te/ rgyal pos gnang nas rgyal po'i pho brang du phyin te byang
99a3 chub sems dpa'i rkang pa la mgo bos phyag 'tshal nas bla gos phrag pa gcig tu gzar te lan brgya stong phrag du mar bskor ba byas nas byang chub sems dpa' pang du blangs
99a4 te rgyal po zas gtsang ma la dga' bar bya ba'i phyir 'di skad ces smras so/ /rgyal po chen po/ dgyes pa'i dam par dgyes par mdzod cig /de ci'i slad du zhe na/ rgyal po chen
99a5 po| byang chub sems dpa'i sku mtshan dang dpe byad bzang pos legs par brgyan pa dang / gzhon nus lha dang / mi dang / lha ma yin du bcas pa'i 'jig rten kha dog dang /
99a6 gzi brjid dang / grags pa dang / dpal gyis zil gyis non pa las na/ rgyal po chen po/ byang chub sems dpa' ni gdon mi 'tshal bar bla na med pa yang dag par rdzogs
99a7 pa'i byang chub mngon par rdzogs par 'tshang rgya bar 'gyur ro/ /dge slong dag /de ltar lha'i bu dbang phyug chen po gnas gtsang ma'i ris kyi lha'i bu mang po dang lhan cig tu
99b1 byang chub sems dpa' la mchod pa dang / rim gro chen po byas te/ de kho na'i lung bstan pas byang chub sems dpa' lung bstan nas phyir bdag gi gnas su song ngo / /de la 'di skad
99b2 ces bya ste/ yon tan rgya mtsho'i pha rol phyin pa de bltams pa/ /lha yi dbang pos shes nas dga' ste lha la smras/ /de thos 'gyur ba'ang bskal pa bye mang shin tu dka'/ /tshur shog
99b3 mi yi dbang po de la mchod du 'deng / /rin chen nor bus gtsug ni legs brgyan spyod lam ldan/ /gtsug phud mdzes pa 'phyang ba rnam par dag pa'i lha/ /stong phrag bcu gnyis tshang
99b4 ba ser skya'i gnas mchog tu/ /myur du lhags nas rgyal po'i sgo yi drung na sdod/ /de dag rnams kyis sgo ba la ni yid 'ong smras/ /rgyal po'i pho brang song ste thugs su chud par gsol/ /
99b5 chab sgo bas kyang chig de mnyan nas nang du song / /thal mo sbyar nas rgyal po de la 'di skad smras/ /lha gcig rtag tu rgyal gyur sku tshe ring du srungs/ /bsod nams yangs pa rnam dag
99b6 'od can chab sgor mchis/ /rin chen nor bus gtsug ni legs brgyan spyod lam ldan/ /zla ba nya ltar bzhin bzang zla ltar dri med 'od/ /rgyal po da dag gang du mchi yang grib mi
99b7 gda'| |sug pa 'dor yang gom pa'i sgra dag thos mi 'gyur/ /dog sar rgyu ba bgyid kyang rdul ni yong mi ldang / /skye bo rnams kyang de dag mthong na ngoms mi 'gyur/ /de dag lus
100a1 kyi 'od ni shin tu rgya chen gsol/ /tshig kyang yid du mchis te mi la dpe ma mchis/ /zab cing 'jam mnyen snyan pa 'byung ba'i gnas las na/ /de dag
100a2 mi ma lags kyi lha tshogs lags snyam bgyid/ /me tog mchog phreng phyug pa dar gyi lda ldi dag /kun gyi lag na thogs nas gus dang bcas par sdod/ /rgyal po lha rnams
100a3 de dag gzhon nu lha yi lha/ /blta bar 'tshal zhing mchod pa'i slad du mchis su nges/ /rgyal pos de skad tshig thos rab tu dgar gyur nas/ /song ste kun kyang pho brang nang du
100a4 gshegs zhes gyis/ /de dag yon tan spyod lam khyod kyis smras ltar na/ /rdzu 'phrul de 'dra ba ni mi la gang yang med/ /sgo bas thal mo sbyar te lha la 'di skad smras/ /rgyal
100a5 pos gnang gi khyed cag nang du bzhud du gsol/ /lag na phreng thogs de dag dga' mgu yid rangs te/ /lha yi gnas dang 'dra ba'i rgyal po'i khyim du zhugs/ /lha mchog de
100a6 dag khyim du phyin par mthong nas ni/ /rgyal po stan las langs te thal mo sbyar byas nas/ /rin chen rtsa ba can gyi khri gdan bshams pa 'dir/ /thugs brtse mdzad pa'i thugs
100a7 kyis khyed cag bzhugs su gsol/ /nga rgyal dregs med de dag stan la 'khod par gyur/ /bdag cag ci slad 'dir mchis rgyal po gsan du gsol/ /khyod sras rnam dag sku
100b1 mnga' bsod nams chen po bltams/ /shin tu legs pa'i zhabs ldan bdag cag mthong bar 'tshal/ /gang gi 'gro ba gang dang sbyor ba gang cir 'gyur/ /mtshan bzang mtshan gyi cho
100b2 ga dag ni bdag cag 'tshal/ /de bas rgyal po'i dam pa mi dgyes spang bar mdzod/ /sna tshogs mtshan gyi yan lag brgyan pa blta bar 'tshal/ /rgyal po bud med tshogs kyis bskor
100b3 ba de rab dga'/ /gzhon nu me yi 'od ltar 'bar ba pang du blangs/ /lha mchog gtsug phud 'phyang ba dag ni nye bar bsnyen/ /thog ma sgor byung stong gsum 'di dag kun tu g.yos/ /
100b4 lha mchog de dag 'dren pa'i zhabs dang sen mo ni/ /zangs mdog dri med rnam dag gzi brjid ldan mthong nas/ /gtsug phud 'phyang ba de dag myur du langs par gyur/ /dri ma med pa'i
100b5 'od kyi zhabs la mgos phyag 'tshal/ /'di 'dra'i mtshan dang 'di 'drar lta ba dpal can dang / /'di 'dra'i bsod nams gzi brjid spyi gtsug mi mthong dang / /mdzod spu nas ni rgya
100b6 chen 'od 'byung 'di 'dra las/ /bdud rnams pham mdzad byang chub brnyes 'gyur gdon mi 'tshal/ /mun sel nyon mongs bral ba'i yon tan brtags nas su/ /yang dag yon tan
100b7 ji ltar don mthong de la bstod/ /skye dang rga dang 'chi dang nyon mongs dgra bsal ba'i/ /sems can rin chen 'di ni ring por mi thogs 'byung / /yongs rtog 'dod chags yul gyi
101a1 gtsub mas bskyed pa yi/ /rnam gsum mes ni srid gsum kun 'bar yongs gdungs par/ /dpa' khyod chos kyi sprin gyis stong gsum bkad nas ni/ /'chi
101a2 med char gyis nyon mongs gdung ba zhi mdzad 'gyur/ /byams pa'i gsung mnga' thugs rje ldan pa 'jam pa'i gsung / /tshangs pa'i sgra dbyangs yid 'ong gsung du sgrog mdzad pa/ /
101a3 stong gsum kun tu go zhing 'gro ba gor 'gyur ba/ /bcom ldan khyod kyis sangs rgyas gsung chen myur du sgrog /srid pa'i 'dod chags bcings bying srid pa'i rtser gnas
101a4 pa| |mu stegs can gyi tshogs dan log par lta ba bcom/ /khyod kyi rgyu la brten dang stong pa'i chos thos nas/ /seng+ges wa tshogs bzhin du de dag 'byer bar 'gyur/ /nyon mongs
101a5 chen po'i du ba ma rig bsgribs bsal te/ /kun tu byung ba skye bo nges par snang byed pa'i/ /ye shes 'od 'phro shes rab 'od rig gzigs pa yis/ /'gro ba kun gyi mun pa chen po
101a6 bsal bar gsol/ /gang du sems can dag pa rmad byung 'di 'dra byung / /lha dang mi rnams kyis ni rnyed pa rgya chen thob/ /rnam par rtogs par mdzad pa'i sems can rin chen
101a7 'dis| |ngan song lam bcad lha yi lam ni gtod par 'gyur/ /ser skya'i gnas su lha yi me tog char phab nas/ /bskor ba byas te gus par bstod pa byas nas ni/ /sangs rgyas
101b1 sangs rgyas legs zhes de dag tshig brjod cing / /lha tshogs de dag tshul du shis par mkha' las dong / /bltams pa'i le'u ste/ bdun pa'o// //dge slong dag /de ltar
101b2 byang chub sems dpa' gang gi nub mo btsas pa de nyid kyi nub mo rgyal rigs dang / bram ze dang / khyim bdag gi rigs shing sA la chen po lta bu rnams su bu mo nyi khri btsas par
101b3 gyur te| de dag thams cad kyang de dag gi pha ma rnams kyis byang chub sems dpa' la rim gro bya ba dang / bsnyen bkur bya ba'i phyir phul lo/ /rgyal po zas gtsang mas kyang bu mo
101b4 nyi khri byang chub sems dpa' la rim gro bya ba dang / bsnyen bkur bya ba'i phyir phul lo/ /mdza' bshes dang / blon po dang / nye du dang / snag gi gnyen mtshams dag gis kyang
101b5 byang chub sems dpa' la rim gro bya ba dang / bsnyen bkur bya ba'i phyir bu mo nyi khri phul lo/ /blon po'i 'khor rnams kyis kyang byang chub sems dpa' la rim gro dang /
101b6 bsnyen bkur bya ba'i phyir bu mo nyi khri phul lo/ /dge slong dag /de'i tshe shAkya rgan rabs rgan rabs rnams 'dus nas rgyal po zas gtsang ma la 'di skad ces smras so/ /lha mkhyen
101b7 par mdzad du gsol/ gzhon nu 'di ni lha khang du bkur bar bgyi'o/ /rgyal pos smras pa/ gzhon nu de ltar bkur ba legs kyi/ de bas na grong khyer ni brgyan par gyis shig /
102a1 srang dang / lam gyi bzhi mdo dang / sum mdo dang / tshong dus dag ni mdzes par gyis shig /bkra mi shis pa sgur po dang / zhar ba dang / 'on pa
102a2 dang / lkugs pa dang / dbyibs mi mdzes pa dang / gzugs mi mdzes pa dang / dbang po ma tshang ba rnams ni sol cig /bkra shis pa rnams kyang sogs shig /bsod
102a3 nams kyi rnga ni rdungs shig /bkra shis kyi dril ni dkrol cig /grong khyer dam pa'i sgo ni rgyan gyis legs par spud cig /rol mo sil snyan dang pheg rdob pa shin tu
102a4 yid du 'ong ba dag ni len zhing rdobs shig /khams kyi rgyal po thams cad ni sogs shig /tshong dpon dang / khyim bdag dang / blon po dang / sgo ba dang / 'khor gyi mi
102a5 dag ni gcig tu sdud shig /bu mo'i shing rta ni shoms shig /bum pa gang ba rnams ni snyen cig /bram ze kha ton pa rnams ni sdus shig /lha khang rnams ni
102a6 shin tu brgyan par gyis shig /dge slong dag /de nas rgyal pos ji skad bsgo ba de bzhin du thams cad sbyar ba dang / de nas rgyal po zas gtsang ma rang gi khyim du song nas skye
102a7 rgu'i bdag mo chen mo go'u ta mI la bos te 'di skad ces smras so/ /gzhon nu lha khang du bkur gyi/ rgyan gyis legs par brgyan par gyis shig /legs so zhes skye
102b1 rgu'i bdag mo chen mo go'u ta mIs de ltar mnyan te gzhon nu rgyan gyis brgyan to/ /de nas gzhon nu de rgyan gyis brgyan pa'i tshe bzhin 'dzum zhing khro gnyer med pas shin tu
102b2 yid du 'ong ba'i tshig gis sru mo la smras pa/ ma/ bdag gang du bkur/ smras pa/ bu/ lha khang du bkur ro/ /de nas gzhon nus bzhin 'dzum ste bgad nas sru mo la tshigs
102b3 su bcad de smras pa/ bdag btsas de tshe stong gsum 'di ni g.yos par gyur/ /brgya byin tshangs pa lha min lto 'phye chen po dang / /nyi zla de bzhin rnam thos bu dang gzhon nu
102b4 yang / /spyi bo rkang pa gnyis la gtugs te phyag 'tshal na/ /de ring ma yis gang du bdag bkur bgyi ba yi/ /lha gzhan bdag gi gong na 'phags pa gang zhig mchis/ /lha
102b5 rnams kun las bdag 'phags lha yi lha lags te/ /bdag 'dra'i lha yang ma mchis gong ma ga la mchis/ /'on kyang 'jig rten rjes bsnyegs tsam du bdag mchi'o/ /bdag
102b6 gi rnam 'phrul skye bos mthong na dgar 'gyur zhing / /rim gro bkur sti shin tu che bar bgyid 'gyur la/ /lha mis 'di ni lha yi lha zhes rig par 'gyur/ /dge slong dag /de ltar
102b7 grong khyer du gzhon nu'i shing rta bshams te rgyan gyis brgyan nas bkra shis thams cad bshams te rgyal po zas gtsang mas gzhon nu pang du blangs nas bram ze dang / grong
103a1 rdal ba dang / tshong dpon dang / khyim bdag dang / blon po dang / khams kyi rgyal po dang / sgo ba dang / 'khor gyi mi dang / mdza' bshes dang / nye dus
103a2 bskor te srang dang / lam gyi bzhi mdo dang / sum mdo dang / tshong dus rgyan tshad med pas brgyan pa dag nas bdug spos dri zhim pos ni bdugs/ me tog sil ma ni/
103a3 gtor/ rta dang / glang po che dang / shing rta dang / rkang thang gi bun long ni cher gyur/ gdugs dang / rgyal mtshan dang / ba dan ni bsgreng / sil snyan sna tshogs kyi sgra
103a4 ni phyung ste song bar gyur to/ /de'i tshe lha brgya stong dag gis byang chub sems dpa'i shing rta drangs te lha'i bu mo bye ba khrag khrig brgya stong du mas nam mkha'i dkyil nas
103a5 me tog gi char phab ste/ sil snyan sgra 'byin par gyur to/ /dge slong dag /de ltar rgyal po zas gtsang mas rgyal po'i bkod pa chen po dang / rgyal po'i phun sum tshogs
103a6 pa chen po dang / rgyal po'i byin chen pos gzhon nu de khyer te lha khang du phyin to/ /de nas byang chub sems dpas lha khang der rkang pa g.yas pa'i mthil bzhag pa dang /
103a7 de nas lha'i gzugs sems med pa de dag 'di lta ste/ gu lang dang / skem byed dang / lus ngan dang / zla ba dang / nyi ma dang / rnam thos kyi bu dang / brgya byin dang / tshangs
103b1 pa dang / 'jig rten skyong ba la sogs pa'i gzugs thams cad kyang rang rang gi gnas nas langs te byang chub sems dpa'i rkang pa la phyag 'tshal bar gyur to/ /de'i tshe lha dang mi
103b2 brgya stong ni kye ma a la la zhes bya ba dang / ca co dang / ga zha'i sgra brgya stong mang po 'byin par gyur to/ /ser skya'i gnas kyi grong khyer chen po dam pa de thams cad kyang rnam pa
103b3 drug tu g.yos so/ /lha'i me tog gi char yang mngon par bab bo/ /lha'i sil snyan brgya stong dum dag kyang ma dkrol bar sgra 'byin par gyur to/ /lha gang dag gi gzugs gang
103b4 yin pa de dag thams cad kyang rang rang gi gzugs bstan nas tshigs su bcang pa 'di dag smra bar gyur to/ /ri rgyal ri mchog ri rab nam yang yungs kar 'bru la phyag mi 'tshal/
103b5 rgya mtsho klu rje gnas ni nam yang ba rjes chu la phyag mi 'tshal/ /nyi zla 'od byed srin bu me khyer 'od byed de la phyag mi 'tshal/ /bsod nams shes rab rigs byung legs ldan lha
103b6 rnams gang la'ang phyag mi bzhes/ /yungs 'bru ba rjes chu dang srin bu me khyer 'dra bar gyur pa ni/ /stong gsum 'di na lha mi gang yang rung ste nga rgyal gnas pa lags/ /ri rab rgya
103b7 mtsho nyi zla 'dra ba 'jig rten rang byung dam pa ste/ /de la 'jig rten phyag 'tshal ba ni mtho ris mya ngan 'das pa 'thob/ /byang chub sems dpa' lha khang du zhugs pa de bstan pa'i tshe
104a1 lha'i bu brgya stong phrag sum cu rtsa gnyis kyis bla na med pa yang dag par rdzogs pa'i byang chub tu sems bskyed par gyur to/ /dge slong dag /byang chub sems
104a2 dpa' lha khang du khyer ba'i tshe btang snyoms su bzhag pa'i rkyen ni/ de yin/ rgyu ni de yin no/ /lha khang du khyer pa'i le'u ste/ brgyad pa'o// //dge slong dag /de nas bram ze
104a3 mdun na 'don 'char po zhes bya ba 'char 'gro'i pha bram ze lnga brgya tsam gyis bskor te skar ma me bzhi 'das nas nag pa la bab pa'i tshe rgyal po zas gtsang ma'i drung du phyin
104a4 nas 'di skad ces smras so/ /lha mkhyen par mdzad du gsol/ da ni gzhon nu'i rgyan mdzad pa'i rigs so/ /rgyal pos smras pa/ legs kyis byed du chug cig /de'i tshe rgyal po
104a5 zas gtsang ma dang / shAkya lnga brgya tsam gyis rgyan gyi rnam pa lnga brgya tsam byed du bcug ste/ 'di ltar lag pa'i rgyan dag dang / rkang pa'i rgyan dag dang / mgo'i rgyan dag dang /
104a6 mgul gyi rgyan dag dang / sor gdub dag dang / rna rgyan dag dang / dpung rgyan dag dang / gser gyi ska rags dag dang / gser skud dag dang / dril bu g.yer ka'i dra ba dag
104a7 dang / rin po che'i dra ba dag dang / lham rin po ches spras pa dag dang / do shal rin po che sna tshogs kyis brgyan pa dag dang / gdu bu rgyan can dag dang / mgul gdub dag
104b1 dang / cod pan dag kyang byed du bcug ste zin nas skar ma rgyal dang ldan pa'i tshe shA kya de dag rgyal po zas gtsang mas drung du dong nas 'di skad ces smras so/ /lha/ gzhon nu brgyan du gsol
104b2 rgyal pos smras pa/ khyed kyis gzhon nu la brgyan pa dang / mchod pa byas pas chog gi /ngas gzhon nu'i rgyan thams cad byed du bcug go /smras pa/ bdag cag gi rgyan 'di dag
104b3 gzhon nu'i sku la gdugs mtshan bdun zhig gdags su gsol/ de ltar gnang na bdag cag gis sug las bgyis pa'ang don mchis par 'gyur ro/ /de'i tshe nam langs te nyi ma
104b4 shar ba dang / byang chub sems dpa' skyed mos tshal bkod pa dri ma med pa zhes bya ba der zhugs so/ /de'i tshe skye rgu'i bdag mo chen mo gau ta mIs byang chub sems dpa' pang du
104b5 blangs so/ /bud med brgyad khris kyang byang chub sems dpa' bsu ste gdong du lta zhing 'khod par gyur to/ /bu mo stong phrag bcus byang chub sems dpa' bsu ste gdong du lta zhing
104b6 'khod par gyur to/ /shAkya stong phrag bcus byang chub sems dpa' bsu ste gdong du lta zhing 'khod par gyur to/ /bram ze lnga stong yang lhags nas byang chub sems dpa'i gdong du
104b7 lta zhing 'khod par gyur to/ /de nas shAkya'i rgyal po bzang po zhes bya bas rgyan ji snyed cig byas pa de dag byang chub sems dpa'i lus la btags te/ de dag lus la btags ma
105a1 thag tu byang chub sems dpa'i lus kyi 'od kyis mog mog por gyur nas lham mer ma gyur/ lhan ner ma gyur/ lhang nger ma gyur te/ 'di lta ste/ dper
105a2 na/ dzam+bu'i chu bo'i gser gyi gan du snag tsha'i yug gzhag na lham mer mi rung / lhan ner mi rung / lhang nger mi rung ngo / /de bzhin du rgyan de dag kyang byang chub sems dpa'i
105a3 lus kyi 'od kyis phog na lham mer mi rung / lhan ner mi rung / lhang nger mi rung ngo / /de bzhin du rgyan gyi rnam pa gang dang gang byang chub sems dpa'i lus la btags pa de
105a4 dang de dag mog mog por gyur te/ 'di lta ste/ dper na/ dzam+bu'i chu bo'i gser gyi gan du snag tsha'i yug bzhag pa bzhin no/ /de'i tshe skyed mos tshal gyi lha mo dri ma med
105a5 pa zhes bya ba 'dug pa des lus chen po bstan nas mdun du 'dug ste rgyal po zas gtsang ma dang / shAkya'i tshogs de dag la tshigs su bcad de smras pa/ stong gsum sa 'di
105a6 grong khyer grong rdal bcas pa kun/ /gal te gser gyis gang khyab dri med mdzes gyur kyang / /dzam+bu'i chu bo'i gser zegs gcig gis zil brlag ste/ /gser gzhan dag
105a7 ni dpal dang bral zhing gsal mi 'gyur/ /sa 'di mtha' dag dzam+bu'i klung gi gser khebs kyang / /'dren pa dpal rgyas spu khung 'od phyung zil gyis non/ /mi snang mi gsal
105b1 mi mdzes 'od kyang nyams gyur cing / /bde gshegs skyob pa'i drung na snag tsha bzhin du 'gyur/ /yon tan brgyas gang 'di ni rang gi gzi yis brgyan/ /de ni rgyan gyis mdzes min
105b2 shin tu dri med sku/ /nyi zla'i 'od dang skar ma nor bu ma dag dang / /brgya byin tshangs pa'i 'od kyang dpa' stug mdun mi gsal/ /gang sku sngon gyi dge ba'i 'bras bus mtshan spras
105b3 pa| |de la gzhan gyis byas pa'i rgyan phal ci zhig dgos/ /rgyan rnams phrol 'or mi mkhas mkhas mdzad ma gtse zhig /blo gros mchog mdzad 'di ni bcos ma'i rgyan mi bzhed/ /
105b4 'dun pa de ni rgyal khab sras dang lhan cig btsas/ /dri med rab tu mdzes pa'i rgyan rnams 'bungs de stsol/ /shAkya'i rigs ni rgya chen mchog tu 'gyur snyam nas/ /shAkya dag ni yid
105b5 dga' mgu zhing ngo mtshar gyur/ /lha mo des de skad ces smras nas lha'i me tog dag gis byang chub sems dpa' de la mngon par gtor te de nyid du mi snang bar gyur to/ /rgyan gyi le'u
105b6 ste| dgu pa'o// //dge slong dag /de ltar gzhon nu de ya zad skyes pa dang / bkra shis brgya stong byas nas khye'u stong phrag bcu dang / bu mo stong phrag bcus yongs su
105b7 bskor cing mdun du bdar te yi ge'i grar 'jug par byas so/ /bza' ba dang / bca' ba dang / myang bas gang ba'i shing rta stong phrag bcu dang / gser dngul dang dbyig gis gang
106a1 ba'i shing rta stong phrag bcu drangs te/ ser skya'i gnas kyi grong khyer chen po'i srang dang / grong bar dang / tshong dus kyi phyogs gang yin pa dag tu gtor
106a2 to| |mngon par byin no/ /sil snyan 'bum phrag brgyad kyi sgra'ang phyung zhing me tog gi char chen po'ang bab bo/ /stegs bu dang / sgo gang dang / rta babs dang / skar khung dang / bsil
106a3 khang dang / khang pa brtsegs pa dang / khang bzang dag gi steng nas bu mo brgya stong rgyan thams cad kyis brgyan pa dag byang chub sems dpa' la lta zhing me tog dag 'thor bar
106a4 gyur to| |lha'i bu mo stong phrag brgyad ni rgyan rnams kyis lhug lhug por brgyan te/ rin po che bzang byed thogs nas lam 'phyag cing byang chub sems dpa'i mdun nas 'dod
106a5 bar gyur to/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyang lus phyed phyung zhing nam mkha'i
106a6 dkyil nas me tog dang / dar gyi lda ldi bre bar gyur to/ /shAkya'i tshogs thams cad kyang rgyal po zas gtsang ma'i mdun du bdar nas byang chub sems dpa'i mdun nas 'dong bar
106a7 gyur te| bkod pa'i rnam pa 'di lta bu 'dis byang chub sems dpa' yi ge'i grwar zhugs par gyur to/ /byang chub sems dpa' yi ge'i grwar zhugs ma thag tu de nas byis
106b1 pa'i slob dpon kun gyi bshes gnyen zhes bya bas byang chub sems dpa'i dpal dang gzi brjid ma bzod de khas bub tu 'gyel to/ /de ltar 'gyel ba dang / dga' ldan gyi ris
106b2 kyi lha'i bu yan lag bzang po zhes bya bas mthong nas lag pa g.yas pas bteg ste bslang ngo / /bslebs nas kyang de nam mkha'i dkyil na 'dug ste/ rgyal po zas gtsang ma dang
106b3 skye bo phal po che de dag la tshigs su bcad de smras pa/ mi yi 'jig rten 'di na bstan bcos gang yod pa/ /grangs dang yi ge rtsis dang khams kyi rgyud dag dang / /'jig rten bzo
106b4 yi sbyor ba tshad med mang ba dag /bskal pa bye mang sngon chad 'dis ni de dag bslab/ /'on kyang skye bo'i rjes su mthun pa tsam mdzad de/ /byis pa mang po theg pa mchog la smin
106b5 mdzad dang / /sems can khrag khrig gzhan yang 'chi med dgod pa'i phyir/ /shin tu lobs pa'ang bslab phyir yi ge'i grwar zhugs so/ /'jig rten 'das pa'i bden bzhi lam
106b6 gyi tshul mkhyen cing / /rgyu la brten nas ji ltar 'byung ba de la'ang mkhas/ /ji ltar 'dus byas 'gags zad bsil 'gyur de tshul yang / /mkhyen na yi ge'i bstan bcos tsam
106b7 lta cis mi mkhyen/ /'jig rten gsum na 'di yi slob dpon gang na med/ /lha dang mir bcas nang na 'di nyid gtso bo ste/ /bskal pa bye mang sngon chad gang la 'dis bslab pa'i/ /
107a1 yi ge de dag ming yang khyed kyis shes mi 'gyur/ /'gro ba rnams kyi sems rgyud sna tshogs gang 'byung ba/ /skad cig gcig gis sems can dag pa
107a2 'dis mkhyen te/ /gzugs med bltar mi snang ba'i tshul yang rab mkhas na/ /yi ge gzugs yod bltar snang dag lta smos ci dgos/ /de skad ces smras pa dang / lha'i bu
107a3 des byang chub sems dpa' la lha'i me tog mang pos gtor te de nyid du mi snang bar gyur to/ /de nas ma ma dang bran mo'i 'khor bkod de rgyal po zas gtsang ma la sogs
107a4 pa shAkya gzhan ni phyir dong ngo / /de nas byang chub sems dpa' tsan+dan sbrul gyi snying po las byas pa'i yi ge shing lha'i tshon gyis byug pa/ gser gyi yang mig gis btags
107a5 pa| mtha' ma nor bu rin po ches kun nas brgyan pa thogs te slob dpon kun gyi bshes gnyen la 'di skad ces smras so/ /kye mkhan pos bdag la yi ge gang zhig bslab/
107a6 tshangs pa'i yi ge'am/ kha ro sti'i yi ge'am/ pad+ma'i snying po'i yi ge'am/ ang+ga'i yi ge'am/ mang+ga'i yi ge'am/ yul ma ga d+ha'i yi ge'am/ bkra shis pa'i yi ge'am/
107a7 sor mo pa'i yi ge'am/ sha ka ni'i yi ge'am/ ya ba na'i yi ge'am/ bag le ba'i yi ge'am/ pa ru sha'i yi ge'am/ 'gro lding ba'i yi ge'am/ ki ra ta'i yi ge'am/ lho
107b1 phyogs pa'i yi ge'am/ drag shul can gyi yi ge'am/ grangs kyi yi ge'am/ spyi'u tshugs pa'i yi ge'am/ rjes su mthun pa'i yi ge'am/ bru sha'i yi ge'am/ ka sha'i yi ge'am/
107b2 rgya'i yi ge'am/ phu na'i yi ge'am/ hu na'i yi ge'am/ yi ge 'bring dang rgyas par bri ba'i yi ge'am/ rgyal gyi yi ge'am/ lha'i yi ge'am/ klu'i yi ge'am/ gnod sbyin gyi yi
107b3 ge'am/ dri za'i yi ge'am/ mi 'am ci'i yi ge'am/ lto 'phye chen po'i yi ge'am/ lha ma yin gyi yi ge'am/ nam mkha' lding gi yi ge'am/ ri dwags kyi 'khor lo pa'i yi
107b4 ge'am| khwa skad shes pa'i yi ge'am/ sa bla'i lha'i yi ge'am/ bar snang gi lha'i yi ge'am/ nub kyi ba glang spyod kyi yi ge'am/ byang gi sgra mi snyan gyi yi ge'am/ shar gyi lus
107b5 'phags po'i yi ge'am/ gdeg pa'i yi ge'am/ gzhag pa'i yi ge'am/ bsnan pa'i yi ge'am/ rgya mtsho'i yi ge'am/ rdo rje'i yi ge'am/ spring yig dang / lan gyi yi
107b6 ge'am| rnam 'thor gyi yi ge'am/ rings med kyi yi ge'am/ bstan bcos bskor ba'i yi ge'am/ rtsis bskor ba'i yi ge'am/ gdeg pa bskor ba'i yi ge'am/ gzhag
107b7 pa bskor ba'i yi ge'am/ rkang pas bskor ba'i yi ge'am/ tshig lan lan gnyis su gdab pa'i tshig gi mtshams kyi yi ge'am/ tshig gi mtshams bcur brgyud pa'i bar
108a1 gyi yi ge'am/ bla thabs su bsnan pa'i yi ge'am/ sgra thams cad kun tu sdud pa'i yi ge'am/ rig pa dang mthun pa'i yi ge'am/ rnam par 'dres pa'i
108a2 yi ge'am/ drang srong gi dka' thub spyad pa'i yi ge'am/ lha nges pa'i yi ge'am/ sa blta ba'i yi ge'am/ nam mkha' blta ba'i yi ge'am/ sman thams cad kyi rgyu mthun
108a3 pa'i yi ge'am/ snying po thams cad kun tu sdud pa'i yi ge'am/ 'byung po thams cad kyi sgra sdud pa'i yi ge'am/ kye slob dpon/ yi ge drug cu rtsa bzhi po de dag gi nang nas
108a4 bdag la gang bslab/ de nas byis pa'i slob dpon kun gyi bshes gnyen ngo mtshar du gyur nas bzhin gyi 'dzum phyung ste nga rgyal dang / dregs pa dang / rgyags pa med par
108a5 byas nas tshigs su bcad pa 'di dag smras so/ /sems can dag pa ngo mtshar che/ /bstan bcos kun la bslab gyur kyang / /'jig rten 'jig rten rjes bsnyeg phyir/ /yi
108a6 ge'i grwar ni byon par gyur/ /yi ge gang gi ming dag kyang / /bdag gis shes par ma gyur pa/ /de la 'di lta byang gyur kyang / /yi ge slob pa'i grwar byon to/ /'di yi zhal ni
108a7 mthong mod kyi/ /spyi gtsug 'phags pa bltar mi snang / /yi ge'i shes rab mthar phyin na/ /bdag gis 'di ko ji ltar bslab/ /lha yi lha chen lha 'di ni/ /lha rnams kun gyi
108b1 mchog mkhas pa/ /khyad par 'phags shing mnyam pa med/ /'jig rten gang zag do zla med/ /bdag kyang 'di nyid mthu yis na/ /shes rab thabs kyi khyad par gyis/ /'jig rten kun
108b2 gyi dpung gnyen po/ /lobs pa 'di ni bslab par bya/ /dge slong dag /de ltar byis pa stong phrag bcu po de dag byang chub sems dpa' dang lhan cig tu yi ge slob pa'i tshe byang chub
108b3 sems dpa'i byin gyi rlabs kyis byis pa de dag yi ge'i phyi mo slob cing gang gi tshe a zhes brjod pa de'i tshe 'du byed thams cad mi rtag pa'i sgra byung ngo / /A zhes brjod pa dang
108b4 bdag med pa'i sgra byung ngo / /i zhes brjod pa dang dbang po shin tu yangs pa'i sgra byung ngo / /I zhes brjod pa dang 'gro ba ni yams kyi nad mang ba zhes bya ba'i sgra byung ngo / /u
108b5 zhes brjod pa dang 'gro ba ni 'tshe ba mang ngo zhes bya ba'i sgra byung ngo / /U zhes brjod pa dang 'gro ba ni dma' ba'o zhes bya ba'i sgra byung ngo / /e zhes brjod pa dang nyes pa ni
108b6 btsal ba las byung ngo zhes bya ba'i sgra byung ngo / /ai zhes brjod pa dang 'phags pa'i lam ni dge'o zhes bya ba'i sgra byung ngo / /o zhes brjod pa dang chu bo las rgal ba'i sgra byung
108b7 ngo / /au zhes brjod pa dang rdzub pa'i sgra byung ngo / /aM zhes brjod pa dang bdag gi ba mi 'byung zhes bya ba'i sgra byung ngo / /aHzhes brjod pa dang nub pa zhes bya ba'i sgra byung ngo / /ka
109a1 zhes brjod pa dang las kyi rnam par smrin pa la 'jug pa zhes bya ba'i sgra byung ngo / /kha zhes brjod pa dang chos thams cad nam mkha' dang mnyam zhes bya
109a2 ba'i sgra byung ngo / /ga zhes brjod pa dang chos zab ces bya ba'i sgra byung ngo / /g+ha zhes brjod pa dang ma rig pa dang / gti mug gi mun pa dang / ling tog stug po bsal zhes bya ba'i
109a3 sgra byung ngo / /nga zhes brjod pa dang yan lag rnam par dag pa zhes bya ba'i sgra byung ngo / /tsa zhes brjod pa dang 'phags pa'i bden pa bzhi'i sgra byung ngo / /tsha zhes brjod pa dang
109a4 'dod pa'i 'dod chags spangs pa'i sgra byung ngo / /dza zhes brjod pa dang rga shi las yang dag par 'das pa'i sgra byung ngo / /dz+ha zhes brjod pa dang 'chi byed kyi rgyal mtshan can gyi
109a5 dpung tshar bcad pa'i sgra byung ngo / /nya zhes brjod pa dang shes par byed pa'i sgra byung ngo / /Ta zhes brjod pa dang lam shin tu chad pa'i sgra byung ngo / /Tha zhes brjod pa dang dri ba
109a6 bzhag pa'i sgra byung ngo / /nga zhes brjod pa dang dkrugs ma dang bdud tshar gcad pa'i sgra byung ngo / /D+ha zhes brjod pa dang yul mi gtsang ba'i sgra byung ngo / /Na zhes brjod pa dang
109a7 nyon mongs pa ni phra ba zhes bya ba'i sgra byung ngo / /ta zhes brjod pa dang de bzhin nyid ni 'dres pa med ces bya ba'i sgra byung ngo / /tha zhes brjod pa dang mthu stobs dang / shugs
109b1 dang / mi 'jigs pa'i sgra byung ngo / /de zhes brjod pa dang sbyin pa dang / dul ba dang / yang dag par sdom pa dang / des pa'i sgra byung ngo / /d+ha zhes brjod pa dang 'phags pa rnams kyi
109b2 nor ni rnam pa bdun no zhes bya ba'i sgra byung ngo / /na zhes brjod pa dang ming dang gzugs yongs su shes par bya ba'i sgra byung ngo / /pa zhes brjod pa dang don dam pa'i sgra byung ngo / /pha zhes
109b3 brjod pa dang 'bras bu rnyed pa mngon du bya ba'i sgra byung ngo / /ba zhes brjod pa dang bcings pa las rnam par thar pa'i sgra byung ngo / /b+ha zhes brjod pa dang srid pa 'jigs pa'i sgra byung ngo
109b4 ma zhes brjod pa dang nga rgyal dang rgyags pa zhi bar bya ba'i sgra byung ngo / /ya zhes brjod pa dang chos ji lta ba bzhin du rtogs par bya ba'i sgra byung ngo / /ra zhes brjod pa dang dga' ba la
109b5 dga' ba med pa ni/ don dam par dga' ba zhes bya ba'i sgra byung ngo / /la zhes brjod pa dang 'khri shing chad pa'i sgra byung ngo / /wa zhes brjod pa dang theg pa mchog gi sgra byung ngo / /sha
109b6 zhes brjod pa dang zhi gnas dang lhag mthong gi sgra byung ngo / /Sha zhes brjod pa dang skye mched drug gzhom zhing mngon par shes pa drug dang ye shes thob pa'i sgra byung ngo / /sa zhes brjod
109b7 pa dang thams cad mkhyen pa'i ye shes mngon par rdzogs par byang chub par bya ba'i sgra byung ngo / /ha zhes brjod pa dang nyon mongs pa bcom zhing 'dod chags dang bral ba'i sgra byung ngo / /
110a1 k+Sha zhes brjod pa dang yi ge'i mthar phyin te/ chos thams cad brjod du med pa'o zhes bya ba'i sgra byung ngo / /de ltar byis pa de dag yi ge'i phyi mo slob pa'i tshe
110a2 byang chub sems dpa'i mthus de dag la sogs pa chos kyi sgo brgya stong grangs med pa byung bar gyur te/ byang chub sems dpa' yi ge'i grwa na 'dug pa'i tshe byis pa sum khri
110a3 nyis stong rim gyis bla na med pa yang dag par rdzogs pa'i byang chub tu yongs su smin par byas so/ /byang chub sems dpa' lobs par gyur kyang yi ge'i grwar 'jug pa'i
110a4 rgyu ni de yin no/ /rkyen ni de yin no/ /yi ge bstan pa'i le'u ste/ bcu pa'o// //dge slong dag /gzhon nu de de bas kyang ya zad skyes nas dus gzhan zhig na gzhon
110a5 nu de gzhon nu gzhan dag dang / zhang blon gyi bu dag dang lhan cig tu zhing pa'i grong lta zhing dong ste/ grong bltas nas zhing blas kyi mtha'i skyed mos tshal zhig tu phyin to/ /de na byang
110a6 chub sems dpa' gcig pu gnyis su med par pha zad 'khyam zhing song song ba dang / dzam+bu'i shing ljon pa mdzes pa blta na sdug pa zhig mthong nas byang chub sems dpa'
110a7 de'i grib ma la skyil mo krung bcas te 'dug go/ 'dug nas byang chub sems dpas sems rtse gcig pa rnyed de rnyed nas kyang sdig pa mi dge ba'i chos rnams las dben pa/
110b1 rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas so/ /de rtog pa dang dpyod pa dang bral
110b2 zhing nang yongs su dang ste sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang / bde ba can bsam gtan gnyis pa
110b3 bsgrubs te gnas so/ /de dga' ba'i 'dod chags dang bral ba'i btang snyoms la gnas shing dran pa dang shes bzhin can yin te/ bde ba lus kyis myong la 'phags pa rnams
110b4 kyis gang de dran pa dang ldan pa/ bde ba la gnas pa btang snyoms pa'o zhes brjod pa ste/ dga' ba med pa'i bsam gtan gsum pa bsgrubs te gnas so/ /de bde ba'ang spangs
110b5 te snga nas sdug bsngal yang spangs shing yid bde ba dang / yid mi bde ba'ang nub pas bde ba'ang ma yin/ sdug bsngal ba'ang ma yin pa btang snyoms dang dran pa yongs su dag
110b6 pa bsam gtan bzhi pa bsgrubs te gnas so/ /de'i tshe phyir rol gyi drang srong mngon par shes pa lnga yod pa/ rdzu 'phrul dang ldan pa nam mkha' las dong ba lnga zhig lho phyogs nas byang
110b7 phyogs logs su dong dong pa las de dag tshal stug po de'i steng du phyin pa dang / phyir phul ba ltar 'dong ma nus nas de dag mi dga' zhing ba spu g.yos te tshigs su bcad pa 'di
111a1 smras so| |bdag cag 'di na ri rab nor bu rdo rje brtsegs ri shin tu rngams stug pa yang thal phyung ste/ /glang po a mra'i shing rlon yal gas gzings pa
111a2 mang po bcom nas 'gro bzhin dong dong la/ /bdag cag 'di na lha yi khyim la'ang thogs med gnod sbyin dri za'i khyim steng nam mkhar gnas gnas na/ /tshal stug 'dir phyin
111a3 nas ni sgyid lug gyur pa su yi mthu zhig gis na rdzu 'phrul stobs bzlog gyur/ /de nas tshal stug po de na lha mo zhig gnas pa des drang srong de dag la tshigs su bcad de smras pa
111a4 rgyal po'i gtso bo'i rigs byung shAkya'i rgyal sras nyi ma shar ba lta bur rab tu snang ba'i 'ong / /'jig rten gtso bo mkhas pa zla zhal pad+ma rgyas pa'i snying po'i kha dog lta bur rab
111a5 mdzes pa/ /lha dang klu dbang gnod sbyin dri zas mchod pa de ni bsam gtan dgongs shing tshal stug 'di na bzhugs/ /srid pa bye ba brgya dag tu ni bsod nams spel ba de yi
111a6 mthu yis rdzu 'phrul stobs bzlog go /de nas de dag gis 'og logs su bltas pa dang / gzhon nu zhig dpal dang gzi brjid kyis 'bar ba mthong nas 'di dag 'di snyam
111a7 du su zhig 'di ltar gnas/ nor gyi bdag po rnam thos kyi bu'am zhig ma yin nam/ 'on te 'dod pa'i dbang po bdud lta'am/ yang na lto 'phye chen po'i dbang po'am/ 'on
111b1 te dbang po rdo rje 'chang ba'am/ yang na gu lang ngam/ grul bum gyi bdag po'am/ 'on te spro ba chen po dang ldan pa nag po'am/ 'on te lha'i bu zla ba'am/ 'on te 'od zer stong dang
111b2 ldan pa'i nyi ma'am/ 'on te 'khor los bsgyur ba'i rgyal po zhig yin nam/ su zhig snyam mo/ /de'i tshe tshigs su bcad pa 'di'ang smras so/ /gzhon nu 'di ni rnam thos bu yi gzugs
111b3 las 'phags par gsal bar snang bas na/ /'di ni sgra gcan yin nam 'on te rdo rje 'chang gi gzugs sam nyi zla'i gzugs/ /'dod mchog dbang po'i gzugs sam gu lang
111b4 gzugs sam 'on te nag po'i gzugs yin nam/ /yang na 'di ni dpal ldan yan lag mtshan sgras sdig med sangs rgyas 'gyur ba zhig /de nas tshal gyi lha mo des drang srong de
111b5 dag la tshigs su bcad de smras pa/ rnam thos bu dang mig stong bdog la dpal ni gang yod gyur pa dang / /'jig rten skyong ba bzhi dang lha min dbang la dpal ni gang yod dang / /mi
111b6 mjed bdag po tshangs dang gza' rnams la yang dpal ni gang yod pa/ /dpal de shAkya'i sras po 'di drung phyin na gang gi char mi phod/ /de nas drang srong de dag gis lha mo de'i tshig
111b7 thos nas sa la babs pa dang / de dag gis byang chub sems dpa' mi g.yo ba'i lus kyis bsam gtan byed cing / me'i phung po ltar 'bar ba mthong nas de dag byang chub sems
112a1 dpa' la sems shing tshigs su bcad pas bstod de/ de la gcig gis smras pa/ 'jig rten nyon mongs mes gdungs pa/ /mtsho 'di rab tu byung gyur
112a2 te| |gang gis 'jig rten sim 'gyur ba'i/ /chos de 'di yis brnyes par gyur/ /yang gcig gis smras pa/ mi shes rab rib 'jig rten du/ /sgron ma 'di ni rab tu byung / /gang gis
112a3 'gro ba snang 'gyur ba'i/ /chos de 'di yis brnyes par 'gyur/ /yang gcig gis smras pa/ mya ngan rgya mtsho 'dal ba la/ /gru yi dam pa 'di byung ste/ /gang gis 'gro ba sgrol 'gyur
112a4 pa'i| |chos de 'di yis brnyes par 'gyur/ /yang gcig gis smras pa/ /nyon mongs 'ching bas bcings pa la/ /'grol bar mdzad pa 'di byung ste/ /gang gis 'gro ba 'grol
112a5 'gyur ba'i/ /chos de 'di yis brnyes par 'gyur/ /yang gcig gis smras pa/ rga dang nad kyis gzir ba la/ /sman pa dam pa 'di byung ste/ /gang gis rga shi thar bya ba'i/ /chos de
112a6 'di yis brnyes par 'gyur/ /de nas drang srong de dag gis byang chub sems dpa' la tshigs su bcad pa de dag gis bstod de lan gsum bskor ba byas nas nam mkha' las
112a7 dong ngo / /rgyal po zas gtsang ma'ang byang chub sems dpa' mi mthong zhing byang chub sems dpa' med pas mi dga' ste/ des smras pa/ gzhon nu de mi snang na gar song / de'i tshe
112b1 skye bo phal po che gzhon nu tshol du dong dong ba dang / de'i tshe blon po gcig cig gis byang chub sems dpa' dzam+bu'i shing gi grib ma la skyil mo krung bcas te bsam gtan byed cing 'dug
112b2 pa mthong ngo / /des de'i tshe shing thams cad kyi grib ma yol na/ dzam+bu'i shing gi grib ma ni byang chub sems dpa'i lus mi gtong bar 'dug par mthong nas ngo mtshar du gyur te/
112b3 tshim zhing mgu la yid rangs nas rab tu dga' ste/ dga' ba dang yid bde ba skyes nas rings shing myur ba myur ba'i gzugs kyis rgyal po zas gtsang ma'i thad du phyin te tshigs
112b4 su bcad pa 'di dang / smras so/ /rgyal po gzhon nu de la gzigs/ /dzam+bu'i shing grib bsam gtan mdzad/ /brgya byin tshangs pa ji bzhin du/ /gzi brjid dpal gyis rab tu
112b5 mdzes| |zhugs shing gang gi grib ma la/ /mtshan rab mnga' ba de bzhugs pa'i/ /grib ma de ni des ma btang / /skyes mchog bsam gtan mdzad la sgrib/ /de nas rgyal po zas
112b6 gtsang ma dzam+bu'i shing ljon pa ga la ba der song ste phyin nas byang chub sems dpa' dpal dang gzi brjid kyis 'bar ba de mthong ba dang / tshigs su bcad pa 'di smras so/ /ri yi
112b7 spo la me 'bar 'dra ba ste/ /zla ba skar ma'i tshogs nang 'dug 'dra zhing / /gzi brjid sgron 'dra bsam gtan byed mthong na/ /nga yis lus 'di shin tu 'dar bar gyur/ /de skad ces
113a1 smras nas des byang chub sems dpa'i rkang pa la phyag byas te tshigs su bcad pa 'di smras so/ /thub pa gang tshe bltams pa dang / /gang tshe 'od ldan bsam
113a2 gtan mdzad/ /'dren pa 'di ltar lan gnyis su/ /mgon po khyod zhabs phyag 'tshal lo/ /de'i tshe byis pa khri'u thogs pa dag ca co'i sgra 'byin par gyur nas de dag la blon po dag
113a3 gis sgra ma che sgra ma che zhes byas pa dang / de dag ci zhig nongs zhes zer ro/ /blon po dag gis smras pa/ rgyal po'i sras don thams cad grub pa dge ba'i mtshan bzang po mchog
113a4 dam pa dang ldan zhing 'od 'dom gang pa mnga' ba 'di ri ltar mi g.yo zhing bsam gtan mdzad pa'i tshe nyi ma'i dkyil 'khor yol te song yang shing gi grib ma de ma yol zhing sgrib
113a5 par gnas so/ /de la 'di skad ces bya ste/ dpyid 'das dbyar gyi dus bab dbyar zla rab la/ /me tog rgyas shing me tog yal gas khebs gyur te/ /khrung khrung rma bya ne tso ri skegs
113a6 skad 'byin pa/ /shAkya'i bu dag phal cher mngon du 'dod bar gyur/ /'dun pa can gyis smras pa/ gzhon nu nags tshal dag ni gzigs pa mdzad slad du/ /byis pa rnams kyis
113a7 yongs su bskor te gshegs pa'i rigs/ /bram ze lta bur khyim na bzhugs pas ci zhig bgyi/ /bdag cag rnams ni bu mo'i tshogs rnams sbron du mchi/ /nyi ma'i gung la
113b1 sems can rnam par dag pa de/ /byis pa lnga brgya dag gis bskor nas lhan cig tu/ /yab la ma gsol yum la ma gsol ma tshor bar/ /de ni byung nas zhing pa rnams kyi grong du
113b2 song / /rgyal po dam pa'i zhing ba dag gi grong de na/ /dzam+bu'i sdong chen yal ga mang po rgyas yod pa/ /gzhon nus mthong na nyam thag sdug bsngal phag gyur te/ /'dus byas ci rung
113b3 sdug bsngal mang zhes snying rje byed/ /dul ba'i sems dang ldan pa dzam+bu'i grib mar song / /rtswa dag bsdus te bdag gis gding ba bting nas ni/ /skyil mo krung 'dug drang por lus
113b4 srang bsam gtan bzhi/ /dge ba dag la byang chub sems dpa' bsam gtan byed/ /drang srong lnga zhig nam mkha'i dkyil nas dong dong na/ /dzam+bu'i shing gi steng du phyin nas 'dong ma
113b5 nus| |de dag thogs nas nga rgyal dregs pa spang bya zhing / /de dag thams cad mthun par lhan cig lta bar byed/ /bdag cag ri mchog ri rab de bzhin khor yug dag/ thal phyung
113b6 thags thogs med par shugs kyis dong dong na/ /bdag cag de ring dzam+bu'i shing ljon 'di las ni/ /'da' bar ma nus 'di la rgyu rkyen ci zhig yod/ /babs te sa steng 'dug nas
113b7 dzam+bu'i shing drung na/ /shAkya'i bu pho byang chub sems dpa' gzi brjid can/ /'dzam klung gser gyi 'od 'phro 'dra ba 'od zer ldan/ /skyil mo krung bcas bsam gtan byed pa de tshe
114a1 mthong / /de dag rmad gyur spyi bor sor bcu thal sbyar te/ /thal mo sbyar ba rkang par gtugs nas phyag 'tshal to/ /'gro ba shin tu bde mdzad legs par
114a2 bltams pa legs/ /myur du rnam sangs rgyas te bdud rtsir sems can thul/ /sdong po mchog ni pad+ma 'dra ba'i spyan la 'dud/ /gdugs yol gyur kyang grib mas bde bar
114a3 gshegs mi gtong / /lha rnams stong phrag mang po gnas pa thal sbyar nas/ /nges par byas pa de yi rkang par phyag kyang 'tshal/ /zas gtsang rgyal po bdag gi khyim na yongs
114a4 tshol zhing / /nga'i bu gzhon nu de ni gang du song zhes rmed/ /sru mos smras pa bdag gis btsal kyang ma rnyed na/ /gzhon nu de ni gar bzhud rgyal pos rma bar gsol/ /zas gtsang
114a5 rgyal pos nyug rum dag la rings par rmas/ /nga yi gzhon nu 'di nas byung bar la las mthong ngam zhes/ /sgo ba rnams dang de bzhin nang mi kun la'ang rmas/ /lha gcig khyod
114a6 gson mchog de zhing pa'i grong du bzhud/ /de ni rings par shAkya rnams dang lhan cig tu/ /byung nas dpal zhugs gyur ba'i zhing ba'i grong du bltas/ /ji ltar nyi ma bye ba khrag
114a7 khrig shar ba ltar/ /de ltar dpal gyis 'bar zhing phan byed 'dug pa mthong / /cod pan ral gri lham dag pha zad phog phud de/ /mgo bor sor bcu thal mo sbyar nas phyag
114b1 kyang 'tshal/ /drang srong bdag nyid chen po legs par yang dag smra/ /gzhon nu byang chub don du mngon par 'byung du nges/ /rab tu dad lha brgya phrag bcu gnyis tshang ba dang / /de bzhin
114b2 shAkya lnga brgya nye bar 'ongs pa dang / /bde gshegs yon tan rgya mtsho ldan pa'i rdzu 'phrul mthong / /bsam pa brtan pas rdzogs pa'i byang chub sems kyang bskyed/ /des ni stong gsum ma
114b3 lus sa rnams rab bskyod nas/ /dran dang shes bzhin ting nge 'dzin las langs gyur te/ /mdog bzang ldan pas yab la tshangs pa'i tshig brjod pa/ /yab cig zhing blas thong la gzhan
114b4 las tshol ma mdzad/ /gal te gser zhig 'tshal na'ang bdag gis gser char dbab/ /de ste na bza' 'tshal na'ang bdag gis na bza' dbul/ /'on te 'bru zhig 'tshal na'ang
114b5 bdag gis 'bru char dbab/ /mi dbang khyod kyis 'gro ba kun la yang dag sbyor/ /yab dang de bzhin skye bo 'khor la bstan byas nas/ /skad cig de la de slar grong khyer mchog tu
114b6 zhugs| |'gro dang mthun pa tsam du grong khyer der gnas kyi/ /sems can rnam dag mngon par 'byung ba'i yid dang ldan/ /zhing pa'i grong gi le'u ste/ bcu gcig pa'o// //'phags pa rgya cher rol pa zhes bya ba theg pa chen po'i mdo/ bam po bdun pa/ dge slong dag /de ltar gzhon nu de de bas kyang ya zad skyes pa dang / dus gzhan zhig na rgyal po
115a1 zas gtsang ma shAkya'i tshogs dang lhan cig tu 'dun sa na 'dug 'dug pa de'i tshe shAkya rgan rabs rgan rabs kha cig gis rgyal po zas gtsang ma la
115a2 'di skad ces smras so/ /lha mkhyen par mdzad du gsol/ gzhon nu don thams cad grub pa 'di ni bram ze ltas mkhan rnams dang / blo nges pa dang ldan pa'i lha mang pos
115a3 'di skad du bstan te/ gzhon nu 'di gal te mngon par byung bar gyur na ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ /ci
115a4 ste mngon par ma byung na ni/ 'khor los bsgyur ba'i rgyal po mtha' bzhi las rnam par rgyal ba chos kyi rgyal po chos dang ldan zhing rin po che sna bdun dang ldan par 'gyur
115a5 ro| |de'i rin po che sna bdun ni/ 'di dag ste/ 'di ltar 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim
115a6 bdag rin po che dang / blon po rin po che dang bdun no/ /de la bu dpa' ba/ rtul phod pa/ yan lag mchog gi gzugs dang ldan pa/ gzhan gyi sde rab tu 'joms pa stong
115a7 tshang ba 'byung ngo / /de gnod par bya ba dang / mtshan cha med par chos dang mthun pas sa'i dkyil 'khor 'di las mngon par rgyal bar byas te gcig pu gnas par 'gyur
115b1 ro zhes mchin/ de'i slad du gzhon nu de'i btsun mo blang bar bgyi'o/ /de ltar mdzad dang bud med kyi tshogs kyis yongs su bskor te dges ba la longs spyod cing mngon par 'byung
115b2 bar yang mi 'gyur te/ de ltar gyur ba dang bdag cag gi 'khor los bsgyur ba'i gdung yang mi 'chad/ khams kyi rgyal po thams cad kyis kyang mi snyan par mi brjod cing rim gror bgyi
115b3 bar 'gyur ro/ /de nas rgyal po zas gtsang mas smras pa/ gal te de ltar bya na/ de'i phyir gzhon nu'i tshul dang mthun pa'i bu mo gang zhig yod khyed kyis ltos shig /de'i tshe shAkya lnga
115b4 brgya tsam so so nas 'di skad du bdag gi bu mo ni gzhon nu'i tshul dang mthun no/ /bdag gi bu mo ni gzhon nu'i tshul dang mthun no/ /zhes zer ro/ /rgyal pos smras pa/ gzhon nu
115b5 de ni shin tu phul che ba yin gyi/ gzhon nu nyid la khyod bu mo gang 'dod ces dri bar bya'o zhes de dag kun kyang 'dus te gzhon nu la dngos po de brjod do/ /gzhon nus smras pa/ da
115b6 ste dgung bdun na 'di'i lan gsan par gsol/ de nas byang chub sems dpa' 'di snyam du bsam ste/ 'dod pa'i skyon ni bdag gis mtha' yas rig /'thab mo 'khon ces mya
115b7 ngan sdug bsngal rtsa/ /'jigs byed dug gi lo ma 'dra ba ste/ /me dang 'dra zhing ral gri'i so dang 'dra/ /'dod pa'i yon tan bdag 'dod ma yin te/ /bdag ni bud med tshogs dang mdzes
116a1 ma yin| |bsam gtan ting 'dzin bde bas zhi sems su/ /bdag ni mi smra nags tshal gnas par bya/ /yang des brtags nas thabs mkhas pa mngon du byas
116a2 te sems can yongs su smin par bya ba la bltas nas snying rje chen po bskyed de/ de'i tshe tshigs su bcad pa 'di dag smras so/ /'dam dang lcag lcig khrod nas pad+ma rnam par 'phel//
116a3 mi rnams gang ba'i nang na rgyal po mchod pa 'thob/ /gang tshe byang chub sems dpa' 'khor mchog thob gyur pa/ /de tshe sems can bye ba khrag khrig 'chi med 'dul/ /sngon gyi byang
116a4 chub sems dpa' mkhas pa gang byung ba/ /de dag kun gyis btsun mo sras dang slas kyang bstan/ /'on kyang 'dod pas chags med bsam gtan bde ma nyams/ /bdag kyang de
116a5 dag yon tan rjes su bslab par bya/ /gang la spyod lam yon tan bden pa'i tshig med pa/ /bud med phal pa gang yang bdag gi tshul mthun min/ /gang zhig bdag gi sems
116a6 ni mngon par dga' byed cing / /bag yod gzugs dang na tshod rus rigs dag pa 'os/ /des ni yon tan tshigs su bcad de yi ger bris/ /'di 'dra'i bu mo mchis na bdag
116a7 la bka' stsol cig /skye po phal ba ma bsdams bdag la mkho ma lags/ /yon tan brjod pa 'di ldan mchis na bdag stsol cig /dar cing gzugs bzang ldan yang
116b1 gzugs kyi dregs dang bral/ /phu nu ma la byams ltar byams pa'i sems ldan zhing / /gtong la dga' ste dge sbyong bram ze sbyin tshul can/ /de 'dra'i bu mo mchis na yab kyis
116b2 bdag stsol cig /gang la nga rgyal khengs dang zhe sdang ma mchis shing / /g.yo dang phrag dog sgyu spangs drang ba'i dang tshul can/ /rmi lam na yang skyes pa gzhan la chags dang bral/ /
116b3 bdag gi khyos ni chog 'tshal rtag sdom bag mchis la/ /rgyags pa ma mchis mi g.yeng zung thub tshul 'chang zhing / /nga rgyal ma mchis 'gying dang bral bas bran mo bzhin/ /sgra
116b4 dri ro la ma chags chang la ma chags te/ /'dod bral brnab sems ma mchis rang gi nor gyis 'tshal/ /bden la gnas shing mi 'phyar g.yeng ba ma lags pa/ /ngo tsha'i gos 'tshal
116b5 rgod dang khengs pa ma mchis gnas/ /lha dang bkra shis ma chags rtag tu chos la brtson/ /lus dang dag dang yid kyi dngos po rab dag pa/ /gnyid dang rmugs pa mi mnga' nga rgyal
116b6 glen bral zhing / /rtog dang ldan la legs pa'i las rnams rtag spyod de/ /gyos sgyug gnyis la'ang ston pa bzhin gyi rim gror ldan/ /bran dang bran mo kun la'ang bdag bzhin byams
116b7 srel ba| |smad 'tshong bzhin du bstan bcos cho ga 'tshal cing mkhas/ /slad kyis nyal zhing sngon du ma la nas ldang bgyid pa/ /byams pas rjes snyegs ma bzhin tshul 'chos ma mchis
117a1 pa| |de 'dra'i bud med mchis na yab kyis bdag stsol cig /dge slong dag /de nas rgyal po zas gtsang mas tshigs su bcad pa 'di dag thos nas mdun na 'don
117a2 la smras pa/ bram ze chen po/ khyod ser skya'i gnas kyi grong khyer chen por song la khyim thams cad du'ang song ste/ bu mo dag ltos la gang la'ang rung ste yon tan de lta bu dag yod na/
117a3 rgyal rigs kyi bu mo'ang rung / bram ze'i bu mo'ang rung / rje'i rigs kyi bu mo'ang rung / dmangs rigs kyi bu mo'ang rung gi /bu mo de dag 'dir 'on cig /de ci'i phyir zhe na/ gzhon nu
117a4 'di ni rigs don du gnyer ba ma yin gyi/ gzhon nu 'di ni yon tan don du gnyer ba yin no/ /de'i tshe tshigs su bcad pa 'di dag kyang smras so/ /rgyal rigs bram ze'i bu mo dang //
117a5 rje'u rigs dmangs rigs de bzhin te/ /su la yon tan 'di yod pa'i/ /bu mo de ni 'dir 'on cig /nga yi bu 'di rigs dag dang / /rus la ngo mtshar 'dzin ma yin/ /yon tan bden pa
117a6 chos kyi rnams/ /de la 'di yi yid dga' 'o/ /dge slong dag /de nas bram ze mdun na 'don des tshigs su bcad pa yi ger bris pa de khyer te ser skya'i gnas kyi grong khyer
117a7 chen por song nas khyim nas khyim du yon tan de lta bu dang ldan pa'i bu mo lta zhing tshol du song song ba las/ yon tan de lta bu dang ldan pa'i bu mo ma mthong ste/ de nas rim gyis
117b1 shAkya lag na be con can gyi khyim du phyin nas der bltas na bu mo gzugs mdzes shing blta na sdug la yid du 'ong ba/ mdog bzang po rgyas pa mchog dang ldan pa/ ha cang yang mi ring
117b2 ba| ha cang yang mi thung ba/ ha cang yang mi sbom pa/ ha cang yang mi skem pa/ ha cang yang mi dkar ba/ ha cang yang mi nag pa/ bzod ma dar la bab pa/ bud med rin po che ltar snang ba
117b3 zhig mthong ba dang / bu mo des bram ze mdun na 'don de'i rkang pa gnyis nas bzung ste 'di skad ces smras so/ /bram ze chen po/ khyod la dgos ba ci zhig mchis/ bram ze mdun na
117b4 'don gyis tshigs su bcad de smras pa/ zas gtsang sras po gzugs ni mchog tu mdzes gyur cing / /sum cu rtsa gnyis mtshan ldan yon tan gzi brjid can/ /de yis bud med
117b5 rnams kyi yon tan yi ger bris/ /su la yon tan 'di yod de yi chung mar 'os/ /zhes smras te/ des de la yi ge de byin no/ /de nas bu mo des tshigs su bcad pa'i yi ge de bklags
117b6 nas bzhin 'dzum ba bstan te bram ze mdun na 'don de la tshigs su bcad de smras pa/ bram ze yon tan 'di dag bdag la kun tshang gi /des ba'i gzugs can de ni bdag gi khyim
117b7 thab bo| |gal te gzhon nu bzhed na phyi bshol ma mdzad gsungs/ /brgya la skye bo phal dang bzhugs par 'gyur yang gda'/ /de nas bram ze mdun na 'don de/ rgyal po zas gtsang ma'i
118a1 drung du song ste don de brjod pa/ rgyal po chen po/ bdag gis gzhon nu'i tshul dang mthun pa'i bu mo mthong ngo / /rgyal pos smras pa/ su la de lta bu zhig yod/
118a2 smras pa| lha/ shAkya lag na be con can la bu mo de lta bu zhig mchis so/ /de nas rgyal po zas gtsang ma 'di snyam du sems te/ gzhon nu de ni shin tu phul che zhing bzang ba la
118a3 mos pa yin la/ bud med dag ni phal cher yon tan med pa dag kyang bdag la yon tan yod par khas len gyi/ bdag gis yid du 'ong ba'i yo byad dag cig byas te gzhon
118a4 nu 'di bu mo thams cad la sbyin pa byed du gzhug go /bu mo de dag gi nang nas gang la gzhon nu mig mngon par chags par gyur pa de gzhon nu la sbyin par bya'o snyam mo/ /
118a5 de nas rgyal po zas gtsang mas yid du 'ong ba'i yo byad gser dang / dngul dang / rin po che sna tshogs las byed du bcug nas ser skya'i gnas kyi grong khyer chen por dril gyi sgra
118a6 bsgrags te/ deng nas zhag bdun na kun gyis kyang gzhon nu mthong bar 'gyur te/ yid du 'ong ba'i yo byad dag kyang bu mo dag la sbyin pa byed kyi/ bu mo thams cad kyang 'dun
118a7 khang du shog cig ces bsgo'o/ /dge slong dag /de nas zhag bdun lon pa dang / byang chub sems dpa' 'dun khang du song ste seng+ge'i khri la 'dug go /de'i tshe rgyal po zas gtsang
118b1 mas bya ra ba dag bkod nas gzhon nu 'di bu mo gang la mig chags pa de nga la gyis shig ces bsgo'o/ /dge slong dag /de nas ser skya'i gnas kyi grong khyer chen po de na bu mo
118b2 gang ji snyed cig yod pa de dag thams cad 'dun khang ga la ba de dang / byang chub sems dpa' ga la ba der byang chub sems dpa' blta ba dang / yid du 'ong ba'i yo byad blang ba'i
118b3 phyir der dong ngo / /dge slong dag /de nas byang chub sems dpas bu mo ji ltar 'ongs pa de dag la yid du 'ong ba'i yo byad rnams byin no/ /de nas bu mo de dag gis byang chub sems
118b4 dpa'i dpal dang gzi brjid ma bzod nas yid du 'ong ba'i yo byad de dag blangs shing myur ba myur bar phyir dong ngo / /de nas shAkya lag na be con can gyi bu mo sa 'tsho ma zhes bya ba/
118b5 bran mo'i tshogs kyis bskor cing mdun du bdar te 'dun khang ga la ba dang / byang chub sems dpa' ga la ba der song ste phyin pa dang / mig mi 'dzum par byang chub sems dpa'
118b6 la blta zhing phyogs gcig tu 'dug par gyur to/ /gang gi tshe byang chub sems dpas yid du 'ong ba'i yo byad de dag byin zin par gyur pa de'i tshe byang chub sems dpa'i drung du 'ongs
118b7 nas 'dzum dmul te byang chub sems dpa' la 'di skad ces smras so/ /gzhon nu/ bdag gis khyod la nongs pa ci zhig bgyis na/ bdag la de ltar dngan sdang mdzad/ smras pa/
119a1 ngas ni khyod la dngan sdang byas pa'ang med na/ khyod ni shin tu 'phyis te 'ongs so zhes smras nas des sor gdub srang brgya stong du ma ri ba phud de
119a2 de la byin no/ /bu mo des smras pa/ gzhon nu khyod la bdag gis 'di lta zhig 'tshal ba 'os sam/ smras pa/ 'o na rgyan gzhan dang gzhan dag yod pa 'di dag kyang khyod
119a3 khyer cig /des smras pa/ gzhon nu bdag ni rgyan ma mchis par bgyid pa ma lags kyi/ rgyan dang ldan par bgyid pa lags so zhes smras nas bu mo de song ngo / /de nas
119a4 bya ra bar bkod pa'i mi de dag rgyal po zas gtsang ma'i drung du song nas lo rgyus de dag smos te smras pa/ lha/ shAkya lag na be con can gyi bu mo sa 'tsho ma zhes bgyi ba de
119a5 la gzhon nu spyan chags par gyur la cung zad cig tu bka' mchid kyang bgyis so/ /de nas rgyal po zas gtsang mas tshig de thos nas shAkya lag na be con can gyi gan du
119a6 bram ze mdun na 'don pho nyar btang ste/ khyod kyi bu mo zhig yod pa de nga'i gzhon nu la byin cig ces spring ngo / /lag na be con can gyis smras pa/ 'phags pa gzhon nu de
119a7 ni pho brang na skyid de bar 'khrungs pa lags la/ bdag cag gi rigs kyi chos ni 'di lta bu lags te/ sgyu rtsal shes pa la bu mo gtong gi /sgyu rtsal mi shes pa la
119b1 mi gtong ba lags na/ gzhon nu de ni sgyu rtsal shes pa'ang ma lags la/ ral gri'i thabs dang / 'phongs dang / stobs dang gyad kyi 'dzin stangs kyi tshul shes pa'ang ma lags
119b2 na| bdag gis sgyu rtsal shes pa ma lags pa la bu mo ji ltar gtong / tshig de rgyal po la bzlas pa dang / de nas rgyal po 'di snyam du sems te/ nga la des 'di dang lan gnyis su
119b3 bsdos te/ gang gi tshe ngas shAkya gzhon nu dag gzhon nu'i rim gro byed du ci'i phyir mi 'ong zhes byas pa de'i tshe yang / ci nged lug gi rim gro byed du 'ong ngam zhes zer la/ de'ang 'di
119b4 skad zer ro snyam du sems shing 'dug par gyur to/ /byang chub sems dpas kyang gtam de thos nas rgyal po zas gtsang ma ga la ba der song ste phyin nas 'di skad ces smras so/ /
119b5 ci nongs te de ltar zhal zung gnag par bzhugs/ rgyal pos smras pa/ gzhon nu/ de dri bas ci zhig bya/ gzhon nus smras pa/ lha/ de ni bka' mi stsal du mi rung ngo zhes lan
119b6 gsum gyi bar du byang chub sems dpas rgyal po zas gtsang ma la dris pa dang / de nas rgyal po zas gtsang mas byang chub sems dpa' la dngos po de dag brjod do/ /byang chub
119b7 sems dpas smras pa/ lha/ grong khyer 'di na bdag dang sgyu rtsal gyis 'gran par nus pa 'ga' mchis sam/ de nas rgyal po zas gtsang mas bgad nas byang chub sems dpa' la
120a1 'di skad ces smras so/ /bu khyod kyis sgyu rtsal bstan par nus sam/ smras pa/ lha de ni/ bdag gis legs par rdo thogs so/ /de bas na/ sgyu rtsal 'tshal
120a2 ba rnams kun kyang gsog tu gsol/ de dag gi mdun du bdag gis sgyu rtsal bstan par bgyi'o/ /de nas rgyal po zas gtsang mas ser skya'i gnas kyi grong khyer chen por dril
120a3 gyi sgra bsgrags te/ deng nas zhag bdun na gzhon nu rang gi sgyu rtsal ston gyi/ der sgyu rtsal shes pa thams cad shog cig ces bsgo'o/ /de nas zhag bdun lon pa dang / shAkya
120a4 gzhon nu lnga brgya tsam tshogs par gyur to/ /de nas shAkya lag na be con can gyi bu mo sa 'tsho ma rgyal ba'i ru mtshon du bzhag ste/ 'dir ral gri'i thabs dang / 'phongs dang /
120a5 stobs dang / gyad kyi 'dzin stangs kyis su rgyal ba de ni 'di khyer cig ces dam bcas nas de'i tshe thams cad kyi thog ma la gzhon nu lha sbyin grong khyer nas byung ngo / /de'i
120a6 tshe byang chub sems dpa'i bzhon par glang po dkar po bong shin tu che ba zhig grong khyer du khrid pa gzhon nu lha sbyin gyis mthong nas phrag dog dang / shAkya'i nga rgyal dang /
120a7 stobs kyi nga rgyal gyis dregs nas des glang po de lag pa g.yon pas sna nas bzung ste lag pa g.yas pas thal mo lan gcig bsnun pas bsad par gyur to/ /de'i
120b1 'og tu gzhon nu mdzes dga' po byung ba dang / des glang po chen po de grong khyer gyi sgor bsad pa mthong nas sus bsad ces dris pa dang / smras pa/ lha sbyin gyis bsad do/ /smras pa/
120b2 lha sbyin gyis de ni ma legs pa zhig byas so zhes des glang po de'i mjug ma nas bzung ste grong khyer gyi sgo nas gud du bor ro/ /de'i 'og tu byang chub sems dpa' shing rta la
120b3 zhon te byung ba dang / byang chub sems dpas glang po de ltar bsad pa mthong ngo / /mthong nas kyang sus bsad ces dris pa dang / smras pa/ lha sbyin gyis bsad do/ /smras pa/ lha sbyin
120b4 gyis de ni ma legs pa zhig byas so/ /grong khyer 'di'i sgo nas sus bor zhes dris pa dang / smras pa/ mdzes dga' bos bor ro/ /smras pa/ mdzes dga' bos de ltar byas
120b5 pa'ang legs na/ sems can 'di ni lus chen po dang ldan pa ste/ rul na grong khyer thams cad dri mi zhim pas gang bar 'gyur ro zhes nas/ de nas byang chub sems dpas shing
120b6 rta la 'dug bzhin du rkang pa ya gcig sa la brkyang ste rkang pa'i mthe bos glang po de blangs te ra ba bdun rim dang / 'obs bdun rim 'das nas grong khyer gyi phyi rol rgyang grags
120b7 gcig tsam du 'phangs so/ /glang po de phyogs gang du lhung ba'i phyogs de gshong chen po zhig tu gyur nas da ltar glang po'i gshong zhes bya ba yin no/ /de'i tshe lha dang mi brgya
121a1 stong mang po e ma a la la zhes zer zhing ca co dang / ga zha'i sgra brgya stong 'byin la gos kyi g.yab mo 'byin bar gyur to/ /nam mkha'i dkyil nas lha'i bu
121a2 dag gis kyang tshigs su bcad pa 'di dag smras so/ /glang po'i dbang po bdo ba bzhin bzhud pa/ /zhabs kyi mthe bos glang po'i dbang po blangs/ /ra ba bdun dang 'obs bdun
121a3 yongs bzlas nas/ /grong khyer 'di yi phyi rol rgyang ring 'phangs/ /mkhyen pa mchog mnga' 'dis ni gdon mi zar/ /nga rgyal stobs kyis mtho ba'i lus can rnams/ /'khor ba'i
121a4 grong nas phyi rol rgyang ring du/ /shes rab stobs kyis 'dis ni 'phen par 'gyur/ /dge slong dag /de nas shAkya gzhon nu lnga brgya tsam grong khyer nas thon nas sa'i phyogs gang
121a5 du shAkya gzhon nu dag sgyu rtsal ston pa der dong ngo / /rgyal po zas gtsang ma dang / shAkya rgan rabs rgan rabs dag dang / skye bo phal po che dag kyang byang chub sems dpa'
121a6 dang / shAkya gzhon nu gzhan dag gi sgyu rtsal gyi khyad par mthong bar 'dod de sa'i phyogs der dong ngo / /de nas thog mar shAkya gzhon nu yi ge mkhas shing yi ge'i cho ga shes
121a7 pa de dag dang / byang chub sems dpar yi ge 'gran to/ /de'i tshe shAkya de dag gis slob dpon kun gyi bshes gnyen dpang du bzhag ste/ gzhon nu 'di dag gi nang nas yi
121b1 ge'i 'bru'am/ yi ge'i sna grangs kyi mthar phyin pas khyad par du 'phags pa gang yin khyod kyis bye brag phye zhig /de nas slob dpon kun gyi bshes gnyen byang chub sems dpa'
121b2 yi ge la mkhas pa mngon du mthong bas bzhin 'dzum pa bstan te tshigs su bcad pa 'di dag smras so/ /mi yi 'jig rten lha yi 'jig rten nam/ /lha min 'jig rten dri za'i 'jig
121b3 rten nam/ /'jig rten kun gyi yi ge ji snyed gang / /de la sems can dag pa 'dis mthar phyin/ /mi yi zla ba 'di yis gang mkhyen pa'i/ /yi ge dag dang yi ge'i sna grangs kyi/ /
121b4 ming yang khyed dang ngas ni yong mi shes/ /'di la mngon sum ngas shes 'di rgyal 'gyur/ /shAkya rnams kyis smras pa/ gzhon nu 'di yi ge'i shes pa la khyad par du 'phags pa lta'ang
121b5 'phags par chug ste/ gzhon nu 'di grangs kyis shes pa la khyad par ci yod 'gran par bya'o/ /de nas shAkya srid sgrub ces bya ba rtsis pa chen po byed pa/ bgrang pa dang rtsis kyi pha rol
121b6 tu phyin pa zhig yod pa de dpang du bzhag ste/ gzhon nu 'di dag gi nang nas grangs kyi shes pa la khyad par du gang 'phags khyod kyis ltos shig ces byas te/ de nas de'i tshe byang chub
121b7 sems dpas ni rtsis mgo phog /shAkya gzhon nu gcig gis ni brtsis pa dang / byang chub sems dpa' la sleb par ma nus so/ /de nas shAkya gzhon nu gnyis dang / gsum
122a1 dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu dang / brgya nas shAkya gzhon nu lnga brgya'i bar gyis dus gcig
122a2 tu brtsis kyang byang chub sems dpa' la ma sleb bo/ /de nas byang chub sems dpas smras pa/ khyed kyis ni rtsis mgo phog cig /kho bos ni brtsi'o/ /de'i tshe shAkya gzhon
122a3 nu gcig gis rtsis mgo phog na/ byang chub sems dpas rtsis kyis chod pa la ma sleb bo/ /de nas shAkya gzhon nu gnyis dang / gsum dang / bzhi dang / lnga dang / bcu dang /
122a4 nyi shu dang / sum cu dang / bzhi bcu dang / lnga bcu dang / brgya nas shAkya gzhon nu lnga brgya'i bar gyis dus gcig tu rtsis mgo phog kyang byang chub sems dpas rtsis kyis chod pa la ma
122a5 sleb bo| |byang chub sems dpas smras pa/ 'di la brtsad de'ang ci rung gi /khyed thams cad gcig tu 'dus te rtsis mgo phog cig dang / kho bos brtsi'o/ /de nas shAkya gzhon
122a6 nu lnga brgyas tshig gcig tu brjod pas snga phyi med par rtsis mgo phog na/ byang chub sems dpas rmongs pa med par brtsis te/ de ltar shAkya gzhon nu de dag thams cad ni
122a7 phug thug par gyur/ byang chub sems dpa' la ni thug pa'i mtha' med par gyur to/ /de nas rtsis pa chen po srid sgrub ngo mtshar du gyur te tshigs su bcad pa 'di dag smras
122b1 so| |legs pa'i blo mnga' 'di dris na/ /mkhyen pa shin tu myur ba ste/ /shAkya gzhon nu lnga brgya tsam/ /kun kyang rtsis kyi lam la thug /de yi shes rab 'di 'dra ste/ /ye shes blo gros dran
122b2 ldan yang / /rtsis kyi mkhyen pa rgya mtsho de/ /da dung sbyong zhing slob pa mdzad/ /de nas shAkya'i tshogs thams cad ngo mtshar du gyur te shin tu rmad du byung bar sems shing / de'i tshe thams cad
122b3 mgrin gcig tu tshig 'di skad ces smras so/ /kye don grub gzhon nu khyod ni rgyal lo rgyal lo/ /zhes thams cad stan las langs te/ thal mo sbyar nas byang chub sems dpa' la
122b4 phyag 'tshal te rgyal po zas gtsang ma la 'di skad ces smras so/ /rgyal po chen po/ khyod la sras de ltar dris pa la spobs pa myur zhing mgyogs la/ yang zhing shugs dang ldan pa
122b5 can mnga' ba ni brnyes pa legs par brnyes so/ /de nas rgyal po zas gtsang mas byang chub sems dpa' la 'di skad ces smras so/ /bu/ rtsis pa chen po srid sgrub grangs kyi shes pa
122b6 la mkhas pa dang / rtsis kyi lugs 'gran nus sam/ smras pa/ lha/ rdo thogs so/ /smras pa/ 'o na rtsis shig /de nas rtsis pa chen po srid sgrub kyis byang chub sems dpa' la 'di
122b7 skad ces smras so/ /gzhon nu khyod bye ba las brgyar gong du bsgres pa zhes bgyi ba'i rtsis kyi lugs mkhyen tam/ smras pa/ shes so/ /smras pa/ 'o na bye ba las brgyar gong du
123a1 bsgres pa'i rtsis kyi lugs la ji ltar rjes su 'jug par bgyi/ byang chub sems dpas smras pa/ bye ba phrag brgya na ther 'bum zhes bya'o/ /ther 'bum
123a2 phrag brgya na khrag khrig ces bya'o/ /khrag khrig phrag brgya na gtams pa zhes bya'o/ /gtams pa phrag brgya na dkrigs pa zhes bya'o/ /dkrigs pa phrag brgya na mi 'khrugs
123a3 zhes bya'o/ /mi 'khrugs phrag brgya na khyad phyin ces bya'o/ /khyad phyin phrag brgyan phang steng zhes bya'o/ /phang steng phrag brgya na mang 'dzin ces bya'o/ /mang 'dzin phrag brgya na
123a4 glang po'i stobs zhes bya'o/ /glang po'i stobs phrag brgya na ngogs thob ces bya'o/ /ngogs thob phrag brgya na rnam par bzhag pa gdags pa zhes bya'o/ /rnam par bzhag pa
123a5 gdags pa phrag brgya na rgyu rig ces bya'o/ /rgyu rig phrag brgya na lag sbyin zhes bya'o/ /lag sbyin phrag brgya na rgyu dbang zhes bya'o/ /rgyu dbang phrag brgya na rdzogs thob ces
123a6 bya'o| |rdzogs thob phrag brgya na bgrang rtogs zhes bya'o/ /bgrang rtogs phrag brgya na sgrib pa zhes bya'o/ /sgrib pa phrag brgya na stobs zhes bya'o/ /stobs phrag brgya na kun
123a7 stobs zhes bya'o/ /kun stobs phrag brgya na rnam par brda shes ldan zhes bya'o/ /rnam par brda shes ldan phrag brgya na brda shes kun zhes bya'o/ /brda shes kun phrag
123b1 brgya na rnam 'byung zhes bya'o/ /rnam 'byung phrag brgya na de'i mtshan nyid ces bya ste/ 'di ltar de'i mtshan nyid ces bya ba'i rtsis kyis ni ri'i rgyal po ri rab brtsi ba'i gzhir
123b2 byas kyang chod par rung ngo / /de'i yang gong na rgyal mtshan gyi rtse mo'i nor bu zhes bya ba'i grangs yod de/ grangs des ni gang+gA'i klung gi bye ma snyed brtsi ba'i gzhir byas kyang
123b3 chod par rung ngo / /de'i yang gong na rgyal mtshan gyi rtse mo nges par sgrog pa zhes bya ba'i grangs yod do/ /de'i yang gong na ded 'dren gdags pa zhes bya ba'i grangs yod do/ /de'i
123b4 yang gong na gtan la 'bebs pa zhes bya ba'i grangs yod do/ /de'i yang gong na gcod rtogs zhes bya ba'i grangs yod do/ /de'i yang gong na gcod rtogs ldan zhes bya ba'i grangs
123b5 yod do| |de'i yang gong na thams cad rnam par 'byed pa zhes bya ba'i grangs yod de/ grangs des ni gang+gA'i klung bcu'i bye ma brtsi ba'i gzhir byas kyang chod par rung ngo / /de'i
123b6 yang gong na snying po mchog ces bya ba'i grangs yod de/ grangs des ni gang+gA'i klung bye ba phrag brgya'i bye ma dang mnyam pa brtsi ba'i gzhir byas kyang chod par rung ngo / /de'i yang
123b7 gong na rdul phra rab la 'jug pa'i rjes su song ba zhes bya ba'i grangs yod de/ grangs de la ni de bzhin gshegs pa dang / byang chub kyi snying po mchog dam par gnas pa'i
124a1 byang chub sems dpa' dang / chos thams cad la dbang bskur ba mngon du gyur pa'i byang chub sems dpa' ma gtogs par sems can gyi ris na grangs
124a2 de shes pa ni nga dang / gzhan yang nga dang 'dra ba srid pa tha ma par gyur pa khyim gyi gnas nas mngon par ma byung ba'i byang chub sems dpa' ma gtogs par gang yang med do//
124a3 srid sgrub kyis smras pa/ gzhon nu/ rdul phra rab la 'jug pa'i rjes su song ba'i grangs la ji ltar rjes su 'jug par bgyi/ byang chub sems dpas smras pa/ rdul phra rab kyi
124a4 rdul bdun la ni rdul phra mo gcig go /rdul phra mo bdun la ni chung du gcig go /rdul chung ngu bdun la ni nyi zer gyi rdul gcig go /nyi zer gyi rdul bdun la ni ri bong rdul
124a5 gcig go /ri bong rdul bdun la ni lug rdul gcig go /lug rdul bdun la ni glang rdul gcig go /glang rdul bdun la ni sro ma gcig go /sro ma bdun la ni yungs
124a6 'bru gcig go /yungs 'bru bdun la ni nas gcig go /nas bdun la ni sor gcig go /sor bcu gnyis la ni mtho gang ngo / /mtho do la ni khru gang ngo / /khru bzhi la ni
124a7 gzhu gang ngo / /gzhu stong la ni yul ma ga d+ha'i rgyang grags gcig go /rgyang grags bzhi la ni dpag tshad gcig go /de la khyed kyi nang nas dpag tshad la rdul phra rab de lta
124b1 bu du yod sus shes/ srid sgrub kyis smras pa/ gzhon nu/ bdag nyid kyang de la mgo rmongs na/ gzhan blo chung ngu dang ldan pa lta smos kyang ci 'tshal/ de bas na/ gzhon nus dpag
124b2 tshad la rdul phra rab de lta bu du mchis bshad du gsol/ byang chub sems dpas smras pa/ de la dpag tshad la ni rdul phra rab mi 'khrugs khrag khrig gcig dang / bye ba khrag
124b3 khrig 'bum phrag sum cu dang / bye ba drug cu phrag brgya dang / bye ba phrag sum cu rtsa gnyis dang / 'bum phrag lnga dang / khri nyis stong yod de/ dpag tshad la ni rdul phra rab de snyed
124b4 cig yod do/ /de ltar 'jug pa des dzam+bu'i gling 'di la ni dpag tshad bdun stong yod do/ /nub kyi ba lang spyod la ni dpag tshad brgyad stong yod do/ /shar gyi lus 'phags la
124b5 ni dpag tshad dgu stong yod do/ /byang gi sgra mi snyan la ni dpag tshad khri yod de/ de ltar 'jug pa des gling bzhi pa'i 'jig rten gyi khams 'di la sogs pa gling bzhi pa
124b6 chen po'i 'jig rten gyi khams bye ba phrag brgya dang / rgya mtsho chen po bye ba phrag brgya dang / khor yug dang khor yug chen po bye ba phrag brgya dang / ri'i rgyal po ri rab bye ba phrag
124b7 brgya dang / rgyal chen bzhi'i ris kyi lha bye ba phrag brgya dang / sum cu rtsa gsum bye ba phrag brgya dang / 'thab bral bye ba phrag brgya dang / dga' ldan bye ba phrag brgya dang / 'phrul
125a1 dga' bye ba phrag brgya dang / gzhan 'phrul dbang byed bye ba phrag brgya dang / tshangs ris bye ba phrag brgya dang / tshangs pa'i mdun na 'don bye ba phrag brgya
125a2 dang / tshangs 'khor bye ba phrag brgya dang / tshangs chen bye ba phrag brgya dang / 'od chung bye ba phrag brgya dang / tshad med 'od bye ba phrag brgya dang / 'od gsal bye ba phrag brgya
125a3 dang / dge chung bye ba phrag brgya dang / tshad med dge bye ba phrag brgya dang / dge rgyas bye ba phrag brgya dang / sprin med bye ba phrag brgya dang / bsod nams skyes bye ba phrag brgya
125a4 dang / 'bras bu che ba bye ba phrag brgya dang / sems can 'du shes med pa bye ba phrag brgya dang / mi che ba bye ba phrag brgya dang / mi gdung ba bye ba phrag brgya dang / gya nom snang bye ba
125a5 phrag brgya dang / shin tu mthong bye ba phrag brgya dang / 'og min gyi lha'i ris bye ba phrag brgya la stong gsum gyi stong chen po'i 'jig rten gyi khams gcig ces bya ste/ yangs
125a6 shing rgya che ba'o/ /de la dpag tshad du yod pa dang / dpag tshad brgya phrag du yod pa dang / dpag tshad stong phrag du yod pa dang / dpag tshad bye ba phrag du yod pa dang / dpag tshad ther
125a7 'bum phrag du yod pa dang / dpag tshad khrag khrig phrag du yod pa dang / de bzhin du sbyar te dpag tshad snying po dam pa'i rtsis kyi bar du thug pa la rdul phra rab de lta bu du yod
125b1 ces bya ba'i rtsis de ni grangs dang bgrang ba las 'das pa ste/ de ni grangs med pa zhes bya'o/ /de bas kyang shin tu grangs med pa de snyed kyi rdul phra rab ni stong gsum gyi stong
125b2 chen po'i 'jig rten gyi khams na yod do/ /byang chub sems dpas rtsis kyi le'u 'di bstan pa'i tshe rtsis pa chen po srid sgrub dang / shAkya'i tshogs thams cad kyang tshim zhing mgu
125b3 la yid rangs te ngo mtshar rmad du byung ba thob nas de dag thams cad kyang gos re re zhig bzhag ste gos dang rgyan lhag ma gzhan byang chub sems dpa' la yon du phul lo/ /de nas
125b4 rtsis pa chen po srid sgrub kyis tshigs su bcad pa 'di dag smras so/ /bye ba brgya na ther 'bum ther 'bum de bzhin du/ /khrag khrig dang ni gtams pa'i rgyud dang de bzhin du/ /dkrigs
125b5 pa mi 'khrugs bdag gi shes thug de gong min/ /mtshungs pa med kyi mkhyen brtsis la de bas lhag/ yang kye shAkya dag /stong gsum dag gi rdul dang rtswa dang nags tshal dang / /sman
125b6 dang chu yi thigs pa ji snyed yod pa dang / /hu zhes bya ba gcig la 'di yis rtsi nus na/ /lnga brgya tsam dag gi lta ngo mtshar ci zhig che/ /de nas lha dang mi brgya stong dag e ma a la la
125b7 zhes zer zhing ca co dang / gzha'i sgra brgya stong 'byin par gyur to/ /nam mkha'i dkyil nas lha'i bu dag gis kyang tshigs su bcad pa 'di dag brjod do/ /dus gsum sems can ma
126a1 lus ji snyed gang yod pa'i/ /sems dang sems byung 'du shes rnam par rtog pa dag /mchog dang tha ma de bzhin rgya chung yangs pa dag /thams cad sems
126a2 kyi 'gyur ba gcig gis rab tu mkhyen/ /dge slong dag /de ltar shAkya gzhon nu de dag thams cad zil gyis non par gyur te byang chub sems dpa' 'ba' zhig khyad par du
126a3 'phags par gyur to/ /de'i rjes la mchod pa dang / rkyal dang / bang la sogs pa thams cad la'ang byang chub sems dpa' nyid khyad par du 'phags par gyur nas nam mkha'i
126a4 dkyil nas lha'i bu dag gis tshigs su bcad pa 'di dag smras so/ /brtul zhugs dka' thub sdom pa'i yon tan dang / /bskal pa bye bar bzod dul byams stobs
126a5 kyis| |lus dang sems ni ci nas yang mdzad pas/ /de yi shugs kyi khyad par mnyam par gyis/ /sems can mchog 'di grong khyer 'di na bzhugs pa khyed kyis mthong / /'on
126a6 kyang 'di ni phyogs bcu'i 'jig rten khams rnams thams cad du/ /skad cig gcig la rin chen gser dang mchod pa sna tshogs kyis/ /rgyal ba dpag tu med pa dag la mchod
126a7 pa mdzad du bzhud/ /'on kyang rdzu 'phrul de 'dra brnyes pa de/ /byon tam bzhud par khyed kyis yong mi shes/ /ji tsam zhugs shes de la ci zhig bskyed/ /'di ni mtshungs pa med
126b1 kyi rim gro skyed/ /de ltar byang chub sems dpa' de gcig pu khyad par du 'phags par gyur to/ /de nas shAkya de dag gis smras pa/ gzhon nu 'di la stobs kyi khyad par ci yod
126b2 pa'ang sad par bya'o/ /de nas byang chub sems dpa' phyogs gcig tu 'dug nas shAkya gzhon nu lnga brgya po de dag kyang dus gcig tu so so nas stobs 'gyed par gyur te/ shAkya
126b3 gzhon nu sum cu rtsa gnyis shig 'tshogs nas byang chub sems dpa' la rgol ba ltar chas te 'khod do/ /de'i nang nas dga' bo dang / kun dga' bo gnyis kyis byang chub
126b4 sems dpa' la stobs brgal ba'i phyir drung du phyin pa dang / byang chub sems dpa'i lag gis reg ma thag tu de gnyis kas kyang byang chub sems dpa'i mthu dang gzi brjid
126b5 ma bzod de sa la 'gyel to/ /de'i 'og tu shAkya gzhon nu lha sbyin nga rgyal can mthu snyems pa de stobs kyi nga rgyal dang / shAkya'i nga rgyal gyis snyems la/ byang chub sems
126b6 dpa' la bsngo zhing thams cad dang ldan pa'i ltad mo pa'i dkyil 'khor la bskor te bsgyings nas byang chub sems dpa' la stobs brgal to/ /de nas byang chub sems dpas ma
126b7 stabs shing mi rings par stangs bzang por gzhon nu lhas byin lag pa g.yas pas bteg ste gsad pa'i blos ma yin gyi/ nga rgyal bcag pa'i phyir byams pa'i sems kyis
127a1 nam mkha' las bskor bskor te sa'i steng du bor yang de'i lus la gnod par gyur pa med do/ /de nas byang chub sems dpas smras pa/ de lta bu gnod
127a2 par 'gyur bas chog gi /thams cad gcig tu 'dus te brgal bar gyis shig /de nas de dag thams cad nga rgyal gyis rlom zhing byang chub sems dpa' la rub par gyur
127a3 to| |de nas de dag byang chub sems dpa' la reg ma thag tu byang chub sems dpa'i dpal dang gzi brjid dang lus kyi mthu ma bzod de/ byang chub sems dpas reg pa tsam
127a4 gyis sa la 'gyel bar gyur to/ /de nas lha dang mi brgya stong de dag e ma a la la zhes zer zhing ca co dang / ga zha'i sgra brgya stong phyung ngo / /nam mkha'i dkyil na 'khod pa'i
127a5 lha'i bu dag gis kyang me tog gi char chen po mngon par phab ste dbyangs gcig tu tshigs su bcad pa 'di dag smras so/ /phyogs bcu'i sems can gang rnams ji snyed
127a6 pa| |de dag gyad chen stobs po che 'dra la/ /gcig car skyes bu'i mchog la rub gyur kyang / /reg pa tsam gyis sa la 'gyel bar 'gyur/ /lhun po ri rab rdo rje'i khor yug
127a7 dang / /phyogs bcu dag na ri gzhan gang yod pa/ /lag pas mnyes shing rmeg med phyir rlog na/ /mi lus snying po med pa mtshar ci che/ /'di ni shing dbang mchog drung sdang pa'i
127b1 gyad| |dpung bcas bdud rnams rgyal mtshan sder bcas pa/ /nag po'i rtsa lag byams pa'i stobs kyis 'joms/ /bla med byang chub zhi bar 'tshang yang rgya/ /de ltar byang chub
127b2 sems dpa' de gcig pu khyad par du 'phags par gyur to/ /de nas shAkya lag na be con can gyis shAkya gzhon nu de dag la 'di skad ces smras so/ /'di dag ni sad kyang zin/
127b3 mthong yang zin gyi/ /da ni 'phong zhig bstan par gyis shig /de'i tshe kun dga' bos rgyang grags gnyis kyi pha rol tu lcags kyi rnga gcig 'ben du btsugs so/ /de'i 'og tu
127b4 lha sbyin gyis rgyang grags bzhi'i pha rol tu lcags kyi rnga gcig 'ben du btsugs so/ /de'i 'og tu mdzes dga' bos rgyang grags drug gi pha rol tu lcags kyi rnga gcig 'ben du
127b5 btsugs so/ /de'i 'og tu shAkya lag na be con can gyis dpag tshad gnyis kyi pha rol tu lcags kyi rnga gcig 'ben du btsugs so/ /de nas byang chub sems dpas rgyang grags
127b6 bcu'i pha rol tu lcags kyi rnga gcig 'ben du btsugs te/ de'i drung du shing ta la bdun dngar nas de'i pha rol tu lcags kyi phag rgod kyi gzugs 'khrul 'khor du byas pa gcig
127b7 btsugs so/ /de nas kun dga' pos rgyang grags gnyis kyi pha rol na rnga'i 'ben 'dug pa la 'phangs na phog par gyur te/ de phan chod kyi la phog par ma nus so/ /lha sbyin gyis
128a1 rgyang grags bzhi'i pha rol na rnga'i 'ben 'dug pa la 'phangs na phog par gyur te/ de phan chad kyi la phog par ma nus so/ /mdzes dga' bos rgyang grags
128a2 drug gi pha rol na rnga'i 'ben 'dug pa la 'phangs na phog par gyur te/ de phan chad kyi la phog par ma nus so/ /lag na be con can gyis dpag tshad gnyis kyi pha rol na rnga'i
128a3 'ben 'dug pa la 'phangs na phog par gyur te/ thal byung du phyin nas de phan chad kyi la phog par ma nus so/ /de nas byang chub sems dpa' la gzhu gang dang gang byin pa de
128a4 dag la la ni gzhu rgyud chad/ la la ni chag nas byang chub sems dpas smras pa/ grong khyer 'di na gzhu gzhan la la bdag gis brdung bzod pa'am/ lus kyi stobs
128a5 dang mthu bzod pa mchis sam/ rgyal pos smras pa/ bu/ yod do/ /gzhon nus smras pa/ lha/ de lta bu gang na mchis/ rgyal pos smras pa/ bu/ khyod kyi mes seng+ge'i 'gram
128a6 zhes bya ba byung ste/ de'i gnam ru da ltar lha khang na spos dang phreng bas mchod de/ de ni sus kyang bdung bar yang mi nus na/ dgang par lta smos kyang ci dgos pa zhig yod
128a7 do| |byang chub sems dpas smras pa/ lha/ de blang du gsol/ sad par bgyi'o/ /de nas gzhu de blangs te 'ongs pa dang / shAkya gzhon nu thams cad kyis nan tan gyi mchog
128b1 gis bsgrims kyang gzhu de bdung bar yang ma nus na/ dgang par lta smos kyang ci dgos te ma nus so/ /de nas gzhu de shAkya lag na be con can gyis lus kyi mthu stobs thams
128b2 cad phyung ste gzhu de bdung bar brgal na ma bdungs so/ /de nas gzhu de byang chub sems dpa' la byin no/ /de nas byang chub sems dpas gzhu de blangs te stan las ma langs par
128b3 skyil mo krung phyed bcas te lag pa g.yon pas bzung nas lag pa g.yas pa'i sor mo gcig gis bdungs so/ /gzhu de de ltar bdungs pa'i tshe ser skya'i gnas kyi grong khyer chen
128b4 po thams cad du sgra mngon par grag par gyur to/ /grong khyer gyi mi thams cad kyang skrag skrag por gyur te/ gcig la gcig 'dri zhing 'di lta ci'i sgra zhig ces zer ro/ /de la la la
128b5 na re| gzhon nu don grub kyis mes kyi gnam ru bdungs nas de'i sgra byung ba 'di yin no/ /zhes zer ro/ /de nas lha dang mi brgya stong dag e ma a la la zhes zer zhing ca co dang / ga
128b6 zha'i sgra brgya stong 'byin par gyur to/ /nam mkha'i dkyil na 'khod pa'i lha'i bu dag gis kyang rgyal po zas gtsang ma dang / skye bo'i tshogs phal po che de dag la tshigs su bcad de
128b7 smras pa| gdan las ma bzhengs brtsal ba ma mchis su/ /thub pas gnam ru 'di 'dra ba dungs pa las/ /gdon mi 'tshal bar dgongs pa rdzogs gyur te/ /bdud kyi sde bcom myur
129a1 du thub par 'byon/ /dge slong dag /de ltar byang chub sems dpas mda' blangs nas gzhu de dang sbyar te bkang nas 'phags pa'i mthu stobs kyis kun
129a2 dga' bo'i 'ben du rnga btsugs pa dang / lha sbyin gyi 'ben du rnga btsugs pa dang / mdzes dga' bo'i 'ben du rnga btsugs pa dang / lag na be con can gyi 'ben du rnga btsugs
129a3 pa de dag thams cad las thal nas rgyang grags bcu'i pha rol tu bdag gi 'ben lcags kyi rnga btsugs pa dang / shing ta la bdun dngar ba dang / phag rgod kyi gzugs 'khrul
129a4 'khor du byas pa las kyang thal te mda' de sa la zug nas mi snang bar gyur to/ /sa phyogs gang du mda' de zug ste nub pa'i sa phyogs der khron pa lta bu'i khung zhig byung nas
129a5 da ltar yang mda'i khron pa zhes bya ba yin no/ /de'i tshe lha dang mi brgya stong dag e ma a la la zhes zer zhing ca co dang / ga zha'i sgra brgya stong 'byin par gyur to/ /shAkya'i tshogs
129a6 de dag thams cad kyang ngo mtshar rmad du byung ba thob ste/ kye ngo mtshar to/ /'dis ni bslab kyang ma bslab par rtsal gyi shes pa de lta bu dang ldan pa ni ngo mtshar che'o zhes zer
129a7 ro| |nam mkha'i dkyil na 'khod pa'i lha'i bu dag gis kyang rgyal po zas gtsang ma dang / skye bo'i tshogs phal po che de dag la 'di skad ces smras so/ /de ltar ngo mtshar yang
129b1 ci che ste/ de ci'i phyir zhe na/ 'di ni sa yi snying po sngon gyi sangs rgyas gdan la bzhugs/ /zhi gnas gnam ru thogs shing stong pa bdag med mda' rnams kyis/ /nyon mongs dgra
129b2 rnams bcom ste lta ba'i dra ba dral nas su/ /byang chub dam pa zhi ba rdul med mya ngan med pa 'thob/ /de skad ces smras nas lha'i bu de dag gis byang chub sems dpa' la lha'i me tog
129b3 dag gis mngon par gtor te dong ngo / /de bzhin du mchong pa dang / yi ge dang / lag rtsis dang / rtsis dang / grangs dang / gyad kyi 'dzin stangs dang / rgyang nas phog pa dang / bang dang /
129b4 tshar dang / rkyal dang / 'phong dpyad dang / glang po che'i gnyar zhon pa dang / rta rtsal dang / shing rta'i thabs dang / mda' gzhu'i thabs dang / brtan pa dang / mthu dang / dpa' ba dang /
129b5 'gyed stobs dang / lcags kyus sgyur thabs dang / zhags pa'i thabs dang / mdun du bsnur ba dang / phyir bsnur ba dang / bzur ba dang / 'dzin stangs dang / gom stobs dang /
129b6 thor tshugs dang / gcad pa dang / dral ba dang / dbug pa dang / gzhig pa dang / gshegs pa dang / mi tshor bar 'phog pa dang / gnad du 'phog pa dang / sgra grags par 'phog pa
129b7 dang / tshabs che ba dang / cho lo'i rtsad mo dang / snyan dngags sbyar ba dang / lam dang / ri mo dang / gzugs dang / gzugs kyi las dang / thabs kyi dpyad dang / me'i las dang /
130a1 rol mo'i dbyangs sgra dang / gar dang / glu dang / yi ge bklag pa'i mig 'or dang / gtam dang / bzhad gad dang / rtsed mo dang / bro dang / sgeg pa dang / phreng
130a2 ba brgyu ba dang / rlung yab g.yab pa dang / nor bu tshon gyis bsgyur ba dang / gos tshon gyis bsgyur ba dang / mig 'phrul gyi cho ga dang / rmi lam gyi dpyad dang / bya'i skad dang /
130a3 bud med kyi mtshan dang / skyes pa'i mtshan dang / glang po che'i mtshan dang / rta'i mtshan dang / ba lang gi mtshan dang / ra'i mtshan dang / lug gi mtshan dang / khyi'i mtshan dang /
130a4 shes gsal dang / sgra nges par sbyor ba dang / nga ro sgyur ba dang / sngon gyi rabs dang / sngon byung ba dang / rig byed dang / lung bstan pa dang / nges pa'i tshig dang / yi ge lci
130a5 yang dang / tshig sdeb pa dang / mchod sbyin gyi cho ga dang / skar ma'i lugs dang / grangs can gyi lugs dang / rnal 'byor gyi lugs dang / las kyi tshogs dang / bye brag pa'i
130a6 lugs dang / nor gyi rig pa dang / phur bu'i lugs dang / chu'i lugs dang / lha ma yin gyi lugs dang / bya dang ri dwags kyi skad dang / gtan tshigs kyi rig pa dang / rgya
130a7 skyegs kyi 'khrul 'khor dang / spra tshil gyi las dang / 'drub shur dang / brko gzhog dang / lo ma dra ba dang / spos sbyar ba la sogs pa'i sgyu rtsal 'jig rten pa dang lha'i
130b1 dang mi'i las 'das pa thams cad la'ang byang chub sems dpa' 'ba' zhig khyad par du 'phags par gyur to/ /de'i tshe shAkya lag na be con can gyis rang gi bu mo sa 'tsho ma byang chub
130b2 sems dpa' la phul lo/ /rgyal po zas gtsang mas kyang de rim gyis bag mar blangs te byang chub sems dpa' la phul lo/ /de na byang chub sems dpas 'jig rten dang mthun pa
130b3 tsam du bya ba'i phyir bud med brgyad khri bzhi stong gi nang du 'dug ste/ dga' zhing rtse la yongs su spyod pa ston to/ /bud med brgyad khri bzhi stong de dag thams cad kyi nang nas shAkya'i
130b4 bu mo sa 'tsho ma btsun mo'i mchog tu dbang bskur bar gyur to/ /de nas shAkya'i bu mo sa 'tsho ma gyos sgyug gam/ nang mi gang mthong yang rung ste/ gdong mi sbed do/ /de dag kyang de la
130b5 bag gsar mo ni zhum zhum por 'dug pa'i rigs na/ 'di ni rtag tu ma g.yogs so zhes 'phya smod cing mi snyan par zer ro/ /de'i tshe shAkya'i bu mo sa 'tsho mas gtam de
130b6 thos nas nang mi rnams kyi mdun du 'dug ste tshigs su bcad pa 'di dag smras so/ /'dug dang 'greng dang 'chag pa la/ /'phags pa dag ni ma g.yogs mdzes/ /nor bu rin chen
130b7 'od gsal ba/ /rgyal mtshan rtse mor gsal na mdzes/ /'phags pa 'gro na'ang mdzes pa ste/ /'od na'ang de bzhin mdzes pa yin/ /'greng ba'am de bzhin 'dug pa dang / /thams
131a1 cad du'ang 'phags pa mdzes/ /'phags pa smra na'ang mdzes pa ste/ /mi smrar 'dug kyang de bzhin mdzes/ /dper na ka la ping+ka ni/ /mthong dang sgra thos
131a2 de bzhin no/ /ku sha'i gos ni gyon pa dang / /gos ngan gyon dang lus rid pa/ /de ni rang gi gzi yis mdzes/ /yon tan ldan pa yon tan brgyan/ /gang la sdig pa med gyur
131a3 pa| |'phags pa kun tu dge ba yin/ /byis pa sdig pa byed pa ni/ /ji snyed brgyan kyang mdzes ma yin/ /gang dag snying la sdig pa yod cing tshig 'jam pa/ /de dag dug gi bum
131a4 par bdud rtsi blugs pa bzhin/ /brag gi ser ga rtsub pa lta bur nang yang rtsub/ /de 'dra de dag sprul gyi kha la nyug pa bzhin/ /des pa de dag gan du kun 'ong kun phyag
131a5 'tshal| |'bab stegs thams cad lta bur 'gro ba kun gyi gsos/ /'phags pa dag ni rtag tu 'o zhes bkang bum 'dra/ /bdag nyid dag pa de 'dra mthong na bkra shis
131a6 dge| gang dag sdig pa'i grogs po yun ring yongs spong zhing / /dge ba'i bshes gnyen rin po ches ni yongs bzung la/ /sdig pa rnam spong sangs rgyas chos la mngon
131a7 chags pa/ /de lta bu dag mthong ba bkra shis 'bras bu yod/ /gang dag lus bsdams lus kyi skyon rnams rab bsdams dang / /gang dag tshig bsdams rtag tu tshig
131b1 'chal med gyur la/ /dbang po sbas shing shin tu bsdams la yid dang ba/ /de lta bu dag gdong g.yogs des ni ci zhig bya/ /gal te lus la gos ni stong gis g.yogs gyur kyang / /
131b2 gang dag sems bshus ngo tsha med cing khrel med dang / /gang dag 'di 'dra'i yon tan med cing bden tshig med/ /de dag sgren mo bas kyang sgren mor 'jig rten rgyu/ /gang zhig sems
131b3 spas rtag tu dbang po bsdams gyur cing / /bdag gis khyos chog sems can gzhan la mi sems pa/ /de 'dra ba dag nyi zla bzhin du ma g.yogs snang / /de 'dra ba dag gdong
131b4 g.yogs des ni ci zhig bya/ /gzhan yang drang srong bdag nyid che dang gzhan sems blo mkhas dang / /de bzhin lha tshogs dag gis kho mo'i bsam pa dang / kho mo'i tshul khrims
131b5 yon tan sdom dang bag yod mkhyen/ /de lta bsan kho mos gdong bkab ci zhig dgos/ /dge slong dag/ rgyal po zas gtsang mas shAkya'i bu mo sa 'tsho ma'i spobs pa dang bstan
131b6 pa'i tshigs su bcad pa rnam pa 'di lta bu 'di thos so/ /thos nas kyang tshim zhing mgu la yid rangs te rab tu dga' zhing dga' ba dang yid bde ba skyes nas ras bcos bu bzang po
131b7 rin po che du mas spras pa zung gcig dang / mu tig gi do shal srang bye ba brgya stong ri ba dang / mu tig dmar po bzang pos spras pa'i gser gyi phreng bas shAkya'i bu mo sa
132a1 'tsho ma la bkab nas ched du brjod pa 'di ched du brjod do/ /kho bo'i bu ni yon tan ci 'dras brgyan pa dang / /mna' ma rang gi yon ji ltar rab smra
132a2 ba| |sems can dag pa de gnyis phrad par gyur pa ni/ /mar dang mar gyi nying khu ji ltar 'dra ba bzhin/ /sgyu rtsal bstan pa'i le'u ste/ bcu gnyis pa'o// //'phags pa rgya cher rol pa zhes bya ba theg pa chen po'i mdo/ bam po brgyad pa/ dge slong dag/ de ltar byang chub sems dpa' btsun mo'i 'khor gyi nang na 'dug
132a3 pa na gang dag byang chub sems dpa' la mchod pa'i las byed pa la spro bar gyur pa lha dang / klu dang / gnod sbyin dang / dri za dang / lha ma yin dang / nam mkha' lding
132a4 dang | mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba du ma de dag rang rang gi dga' ba'i sgra 'byin cing lhags par gyur
132a5 to| |de la dge slong dag /dus gzhan zhig na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto
132a6 'phye chen po dang / brgya byin dang / tshangs pa dang / 'jig rten skyong ba mang po dag 'di snyam du sems par gyur te/ ma la skyes bu dam pa 'di btsun mo'i 'khor
132b1 gyi nang du ha cang yun ring du thogs par gyur na/ sems can gang dag 'dis yun ring po nas bsdu ba'i dngos po bzhi po sbyin pa dang / snyan par smra ba dang / don spyad pa dang / don
132b2 mthun pas yongs su smin par byas pa dang / gang dag 'dis byang chub thob nas chos bstan pa shes par 'gyur ba chos kyi snod du gyur pa'i sems can de dag med par gyur nas
132b3 phyis byang chub sems dpa' mngon par byung ste/ bla na med pa yang dag par rdzogs pa'i byang chub mngon par 'tshang rgya ba'am gcig tu mi 'gyur grang snyam mo/ /de nas de dag
132b4 gus pa dang bcas/ zhe sa dang bcas par thal mo sbyar te byang chub sems dpa' la phyag 'tshal nas/ nam zhig na bdag cag gis byang chub sems dpa' dam pa mchog
132b5 rab dag pa 'di mngon par byung ba dang / mngon par byung nas kyang shing gi rgyal po chen po de'i drung du 'dug ste bdud dpung dang bcas pa btul nas bla na med pa yang dag par
132b6 rdzogs pa'i byang chub mngon par rdzogs par sangs rgyas te/ de bzhin gshegs pa'i stobs bcu dang ldan pa dang / de bzhin gshegs pa'i mi 'jigs pa bzhi dang ldan
132b7 pa dang / sangs rgyas kyi chos ma 'dres pa bco brgyad dang ldan pa dang / lan gsum du bzlas te rnam pa bcu gnyis su bskor ba'i chos kyi 'khor lo bla na med pa bskor zhing
133a1 sangs rgyas kyi rnam par rol pa chen pos lha dang / mi dang / lha ma yin du bcas pa'i 'jig rten mos pa ji lta ba bzhin du legs par
133a2 bshad pas tshim par byed pa mthong bar 'gyur snyam pa'i bsam pa de lta bus sdod cing 'khod par gyur to/ /dge slong dag /de la byang chub sems dpa' ni bskal
133a3 pa grangs med pa'i yang grangs med pa nas bzung ste yun ring por rtag par rgyun du 'jig rten pa dang / 'jig rten las 'das pa'i chos thams cad la gzhan gyi dring
133a4 mi 'jog par gyur cing / dge ba'i chos spyod pa thams cad la bdag nyid slob dpon du gyur pa yin la/ yun ring po nas dus shes pa dang / tshong shes pa
133a5 dang / ran pa shes par gyur pa dang / mngon par shes pa las ma nyams pa dang / mngon par shes pa lnga dang ldan pa dang / rdzu 'phrul gyi rkang pas rnam par
133a6 rtse ba dang / sems can gyi bsam pa dang dbang po la mkhas pa dang / dus dang dus ma yin pa shes pa dang / dus la lta zhing rgya mtsho chen po ltar dus ran
133a7 pa las mi yol bar gyur pa'o/ /de mngon par shes pa'i ye shes kyi stobs dang ldan pas 'di ni rab tu gzung ba'i dus so/ /'di ni tshar gcad pa'i dus so/ /
133b1 'di ni bsdu ba'i dus so/ /'di ni phan gdags pa'i dus so/ /'di ni btang snyoms su gzhag pa'i dus so/ /'di ni smra ba'i dus so/ /'di ni mi smra bar
133b2 bya ba'i dus so/ /'di ni khyim nas 'byung ba'i dus so/ /'di ni rab tu 'byung ba'i dus so/ /'di ni kha ton bya ba'i dus so/ /'di ni tshul bzhin yid la bya ba'i
133b3 dus so| |'di ni rab tu dben par bya ba'i dus so/ /'di ni rgyal rigs kyi 'khor gyi nang du 'gro ba'i dus so/ /zhes bya ba nas/ 'di ni bram ze dang khyim bdag gi
133b4 bar gyi 'khor gyi nang du 'gro ba'i dus so/ /'di ni lha dang / klu dang / gnod sbyin dang / dri za dang / lha ma yin dang / nam mkha' ldang dang / mi 'am ci dang /
133b5 lto 'phye chen po dang / brgya byin dang / tshangs pa dang / 'jig rten skyong ba dang / dge slong dang / dge slong ma dang / dge bsnyen dang / dge bsnyen ma'i 'khor gyi nang
133b6 du 'gro ba'i dus so/ /'di ni chos bstan pa'i dus so/ /'di ni nang du yang dag gzhag pa'i dus so zhes bya ba thams cad bdag nyid kyis shes so/ /byang chub
133b7 sems dpa' dus thams cad du rtag par dus shes par gyur cing / dus la blta ba yin yang dge slong dag /'di ni chos nyid kyis thob pa yin te/ srid pa tha ma pa'i
134a1 byang chub sems dpa' btsun mo'i 'khor gyi nang na 'khod pa rnams la phyogs bcu'i 'jig rten gyi khams na bzhugs pa'i sangs
134a2 rgyas bcom ldan 'das rnams glu dbyangs dang sil snyan gyi sgra las chos kyi sgo rnam pa 'di lta bu 'di dag gis yang dag par bskul ba mdzod do/ /de la 'di skad
134a3 ces bya ste/ sems can mchog gang phyogs bcu'i 'jig rten bzhugs/ /de dag mthu yis sil snyan sgra dag las/ /tshigs bcad sgra snyan 'di dag byung ba
134a4 yis| |mi mchog dam pa rnams la yang dag skul/ /sdug bsngal brgyas gang sems can mthong nas ni/ /'gro ba'i mgon dang skyabs dang gnas 'gyur zhing /
134a5 phan byed mchog dang dpung gnyen gyur cig ces/ /khyod kyis sngon ni smon lam de skad btab/ /dge ba dpa' bo sngon gyi spyod pa dang / /'gro phan bya zhes smon btab
134a6 dran par byos/ /'di ni khyod kyis dus man tshod yin gyi/ /drang srong mchog rab mngon par 'byung bar byos/ /sangs rgyas lha mi 'dul byed 'jig rten mchog /yon
134a7 tan brgyas gang bar ni gyur cig ces/ /de'i phyir khyod sngon mgo dang rkang lag dang / /nor gyi dam pa sna tshogs rnams kyang btang / /khyod ni khrims kyis brtul zhugs
134b1 dka' thub spyad/ /khyod ni bzod pas 'gro la phan pa byed/ /khyod ni brtson pas yon tan brgya yis gang / /bsam gtan shes rab srid gsum mnyam pa med/ /khro bas non cing tha
134b2 ba'i dri mang ba/ /de dag bde gshegs khyod kyi byams pas khyab/ /dge ba'i yon tan bral ba log nges pa/ /mi mkhas rnam mang dag la khyod snying rje/ /bsod nams
134b3 ye shes dge ba'i lus khyab cing / /rdul bral bsam gtan mngon shes lam mer 'dug /phyogs bcu 'di dag rnams su rab tu gsal/ /sprin med zla ba dri ma med pa
134b4 'dra| |'di dang gzhan yang snyan pa rnam mang gis/ /sil snyan dag las rgyal bas sgra bsgrags te/ /mngon par khyod 'byung dus ni 'di yin zhes/ /lha mis mchod
134b5 par 'os la skul ma 'debs/ /dge slong dag /byang chub sems dpa' khyim dam pa mchog yo byad phun sum tshogs pa thams cad dang ldan pa/ bsam pa ji lta ba
134b6 bzhin du bde bar gnas pa dang mthun pa/ lha'i khang khyim lta bu stegs bu dang / sgo gang dang / rta babs dang / skar khung dang / bsil khang dang / khang pa
134b7 brtsegs pa dang / khang bzang mchog dang / rin po che sna tshogs kyi rgyan rnam pa tha dad pa dbye ba shin tu rnam par phye ba/ gdugs dang / rgyal mtshan dang /
135a1 ba dan bsgreng ba/ rin po che'i dril bu g.yer ka'i dra ba du mas legs par brgyan pa/ dar gyi lnga ldi brgya stong du mas mngon par
135a2 dbyangs pa/ rin po che sna tshogs kyis spras pa'i mu tig gi rgyan phreng rab tu dpyangs pa/ rin po che sna tshogs kyi spang leb can gyi zam pas mdzes par byas pa/ me
135a3 tog gi phreng ba dang chun po mang po dpyangs pa/ pog snod nas spos kyis bdugs pa/ dar la'i bla bre bres pa/ dus thams cad pa'i me tog dri mchog tu zhim zhing
135a4 shin tu mdzes pa dag bkram pa/ rdzing me tog pad+ma dkar po dang / pad+ma dang ldan pa'i chu'i gnas yongs su spyad par bya ba mang ba/ bya 'dab skyob dang / ne tso dang /
135a5 ri skegs dang / khu byug dang / ngang pa dang / rma bya dang / ngur ba dang / ku na la dang / ka la ping+ka dang / shang shang te'u la sogs pa bya rnam pa tha dad pa'i
135a6 tshogs sgra snyan pa 'byin pa/ bai DUR+Ya sngon po'i sa gzhi gnas yongs su spyad par bya ba/ gzugs thams cad kyi gzugs brnyan kun tu ston pa/ blta bas
135a7 mi ngoms par nyams dga' ba/ dga' ba dang mchog tu dga' ba dam pa bskyed pa'i khyim dam pa mchog de na 'dug ste/ byang chub sems dpa' khang pa yangs
135b1 pa chen po mchog na gnas pa/ dri ma med pa/ dri ma dang bral ba/ yan lag dri ma med pa/ phreng ba dang rgyan ma bor ba/ dri mchog tu zhim pa dam pa'i byug pas
135b2 lus bskus pa/ dkar zhing bzang la dri ma med cing rnam par dag la dri ma dang bral ba'i gos gyon pa'i lus dang ldan pa/ mal cha lha'i ras bcos bu bzang po phra ba
135b3 du ma bting ba/ 'jam pa/ ka tsa linada'i gos ltar reg na bde ba/ yan lag dam pa'i spras pas mal bzang po'i steng na 'dug pa/ btsun mo'i 'khor dam pa/ lha'i bu mo
135b4 dang 'dra ba/ thams cad du kha na ma tho ba med pa/ lta ba dang mthun pa/ spyod pa bzang pos mdzes par byas pa/ gzugs bzang ba'i nang na 'dug pa/ dung dang / rnga
135b5 dang / rdza rnga dang / 'khar rnga dang / pi wang dang / rgyud gsum pa dang / 'khar ba'i sil khrol dang / pheg dang / kim+pa la dang / na ku la dang / sgra snyan dang /
135b6 gling bu snyan pa'i sgra 'byung ba'i sgra dbyangs dang / sil snyan dang / glu dbyangs sna tshogs dang ldan pas bslang ba la bud med kyi tshogs kyis kyang sgra mnyen zhing
135b7 'jam pa snyan la yid du 'ong ba dang / gling bu 'bud pa'i sgra dbyangs kyis byang chub sems dpa' slong ngo / /phyogs bcu na bzhugs pa'i sangs rgyas bcom ldan
136a1 'das de dag gi byin gyi rlabs kyis sil snyan sgra byung ba'i sgra skad de dag las byang chub sems dpa' la skul ba'i tshigs su bcad pa
136a2 'di dag byung ngo / /bud med gang dag rab tu yid dga' sems dang bas/ /sil snyan yid du 'ong zhing snyan pa'i sgra 'byin tshe/ /phyogs bcu'i rgyal ba dam pa dag gi
136a3 mthu yis na/ /tshigs bcad rnam pa sna tshogs rnam mang 'di dag byung / /rtag tu mgon med gyur pa'i 'gro ba 'di mthong nas/ /go 'phang mya ngan med mchog
136a4 rdul med sangs rgyas te/ /skye dang rga dang sdug bsngal dag las dgrol lo zhes/ /dpa' bo khyod sngon smon lam de skad btab par gyur/ /de phyir dge myur grong khyer
136a5 mchog 'di nas/ /byung la sngon gyi drang srong zhabs bcags pa/ /sa phyogs de ni rab tu mnan nas su/ /rgyal ba'i ye shes mtshungs med 'tshang rgyar gyis/ /khyod
136a6 kyis sngon chad sna tshogs rin chen nor/ /rkang lag phangs pa'i lus kyang btang bar gyur/ /drang srong chen po de ring khyod dus 'di/ /chos kyi chu bo mtha' yas 'gro la
136a7 phye| |khyod kyi tshul khrims ma nyams dri med dge/ /sngon chad khyod ni rtag tu mchog gis brgyan/ /drang srong chen po khyod khrims 'dra ba med/ /'gro ba nyon mongs rnam
136b1 pa mang las khrol/ /khyod kyis srid pa brgyar ni bzod pa spyad/ /khyod ni 'gro bas ngan brjod rnam mang bzod/ /bzod pas bzod cing dul bas des pa'i bdag /rkang gnyis dbang po
136b2 mngon par 'byung blo gyis/ /khyod brtson brtan zhing mi g.yo g.yo ba med/ /bde bar gshegs pa sngon mthar rgya chen gyur/ /g.yon can bdud ni sde dang bcas btul te/ /ngan song gsum
136b3 po mtha' dag skam par gyis/ /gang phyir khyod kyis brtul zhugs dka' thub spyad/ /dus ngan nyon mongs snyigs ma bsregs gyis la/ /khyod kyis bdud rtsi chu bo'i char phab ste/ /
136b4 mgon med ring nas skom pa tshim par gyis/ /'chi med mya ngan med gnas sangs rgyas te/ /skom pas nyam thag bdud rtsis tshim bya zhes/ /khyod kyis sngon smras tshig mchog dran byos te/ /
136b5 grong khyer dam pa 'di nas myur du byung / /khyod ni shes rab mchog gi spyod pa mkhas/ /khyod kyi ye shes mtha' yas dri med che/ /rmongs pa yid gnyis lam la gnas rnams la/ /shes
136b6 rab 'od dge dam pa mdzes pa gyis/ /khyod kyis srid pa brgyar ni byams pa spyad/ /snying rje dang ni dga' mchog btang snyoms dang / /khyod kyis spyod pa dam pa gang spyad pa/ /spyod pa de
136b7 nyid 'gro la rnam par phye/ /phyogs bcu'i rgyal ba dag gis gzi brjid kyis/ /yon tan me tog sna tshogs tshigs bcad 'di/ /sil snyan dag las rnam mang yid 'ong grag /mal na
137a1 'dug pa'i gzhon nu de la skul/ /gang gi tshe na dga' byed bud med rab tu dga' ba rnams/ /shin tu mdzes shing rab tu snyan pa'i sil snyan sgrog
137a2 pa'i tshe| |phyogs bcu dag gi rgyal ba lha mi 'dul ba mdzad rnams kyang / /sil snyan dag las gsung mchog ha cang mi che rjes su sgrog /'gro la phan byed yon tan mang po
137a3 ldan khyod 'gro rnams su/ /rnam par rgyu ba'i tshe na rgyal ba'i yon tan gnyug mar byas/ /sngon gyi brtul zhugs dka' thub spyad pa de dag dran gyis te/ /shing mchog
137a4 drung du myur song 'chi med go 'phang thob par gyis/ /lha mi dag ni shin tu skom zhing rgyal ba'i yon tan bral/ /khyod ni shin tu stobs ldan bdud rtsi'i ro bro rtag tu sbyin//
137a5 stobs bcu'i ro bro dam pa mkhas pa rnams kyis mchod byas pa/ /bdud rtsi de ni mi bdag khyod kyis myur du rnam par phye/ /rgyal ba'i yon tan 'gro la phan pa byed
137a6 la dga' ba bo/ /khyod kyis sngon gyi srid par nor dang nor bu gser rnams btang / /chung ma bu sdug dag dang grong khyer grong rdal bcas pa dang / /rang gi mgo dang
137a7 mig dang lag pa dag dang rkang pa'ang btang / /mi mchog khyod ni gna' sngon rgyal po dge bar gyur pa'i tshe/ /mi zhig khyod la mngon du phyogs nas 'di skad tshig
137b1 smras te| |grong khyer rdal bcas pa'i sa 'di kho bor byin zhes byas/ /de yi tshe na rab tu dga' zhing 'khrugs par gyur pa med/ /gna' sngon khyod ni rgyal po'i bram ze dge bar
137b2 gyur pa'i tshe/ /skye bo bla ma bsnyen bkur byed cing gzhan la 'khu mi byed/ /bram ze dam pa dag dang skye bo mang po dge la bkod/ /de nas shi 'phos srid pa'i 'gro ba lha yi gnas
137b3 su skyes| |sngon khyod rgyal po'i bu las drang srong dam par gyur pa'i tshe/ /rgyal po ngan pa khros pas khyod kyi yan lag bcad pa na/ /khyod ni yid 'khrugs gyur pa med par 'chi ba'i
137b4 dus byas te/ /de yi tshe na khyod kyi rkang lag dag las 'o ma zag /khyod sngon drang srong sngo sangs zhes byar gang tshe gyur pa na/ /ri mchog gnas na brtul zhugs dga' zhing bla
137b5 ma la yang dga'/ /mi yi bdag pos dug mda' dag gis khyod la bsnun pa na/ /khyod ni rgyal po de la yid 'khrugs med cing snying brtser gyur/ /khyod sngon ri dwags bdag
137b6 po yon tan can du gyur pa'i tshe/ /ri gzar 'bab chu chen pos mi zhig khyer bar gyur pa na/ /phan dang ldan pa khyod kyis mi de phyung ste thang la bzhag/ khyod kyi dgra bo khrid
137b7 de 'ongs pa na yang yid ma 'khrugs/ /mi mchog khyod sngon bram ze'i bur ni gang tshe gyur pa na/ /khyod kyi nor bu rgya mtsho chen po yangs par lhung ba'i tshe/ /khyod kyis rgya
138a1 mtsho chen po zad par bya bar brtsams pa dang / /stobs brtan khyu mchog khyod kyi nor bu de tshe phyir yang rnyed/ /skyes bu mchog khyod gna' sngon drang
138a2 srong dam par gyur pa'i tshe/ /bram ze zhig gis bdag gi skyabs gyur shog ces khyod gan 'ongs/ /smras pa bram ze dam pa kho bo dgra las byung zhes byas/ /khyod kyis
138a3 rang lus btang gi bram ze de ni ma btang ngo / /gna' sngon shing gi gnas su drang srong sngo bsangs drung 'ongs te/ /'dod pas smras pa shing 'di lo ma du yod grongs zhes
138a4 bya| |shing de lo ma ji snyed yod pa rab bgrangs rab mkhas pas/ /khyod kyis de bzhin nor pa med cing mthun par tshig tu brjod/ /khyod sngon ne tso yon tan ldan gyur shing
138a5 la gnas pa'i tshe/ /zad par gyur kyang sngon gyi drin la bsam ste de ma spangs/ /lha yi bdag pos khyod kyi yon tan dran nas rab tu dga'/ /snga mkho bzhin du shing
138a6 mchog de ni dpal dang ldan par byas/ /khyod kyi brtul zhugs dka' thub spyad pa de dag mtshungs med de/ /yon tan ldan pa yon tan lam la spyad pa yon tan
138a7 mang / /khyod kyi dus la da bab grong khyer bcas pa'i sa yang thong / /'gro ba dag ni rgyal ba'i yon tan spyod la myur du khod/ /gang gi tshe na bud med rin chen bzang
138b1 po'i gos kyis lus brgyan te/ /sil snyan dam pa mchog rab yid du 'ong ba'i sgra ni rab sgrog pa/ /de tshe phyogs bcu'i rgyal ba'i gzi yis tshigs su bcad pa sna tshogs
138b2 pa| |sgra dbyangs snyan pa 'di dag sil snyan dag gi sgra las rab tu byung / /rga dang shi bas zin pa'i 'jig rten dag la bdag ni skyabs gyur ces/ /'jig rten sgron ma khyod
138b3 kyis bskal mang snga rol smon lam de skad btab/ /mi yi seng+ge khyod kyis sngon gyi smon lam dag ni dran gyis shig /rkang gnyis dbang po khyod da mngon par 'byung ba'i dus
138b4 ni 'di yin no/ /khyod 'dir srid pa khrag khrig dag tu sbyin pa mang po du ma byin/ /nor dang rin po che dang gser dang gos bzang rin chen spras pa dang / /rkang lag dag dang
138b5 mig dang phangs pa'i bu dang rgyal srid 'byor ba dag /khyod kyis btang yang khyod ni slong ba rnams la tha ba zhe sdang med/ /khyod 'dir zla ba'i tog dang mtshe ba bzang dang rgyal
138b6 po zhi bar gyur/ /snying brtse snying rje'i yid dang zla ba'i sgron dang gtsug na nor bur gyur/ /rgyal po dpa' bo brtan dang mig bzang dang ni de la sogs pa byas/ /rgyal po khrag
138b7 khrig mang po sbyin dga' rnam par 'phrul pa de nyid khyod/ /bde bar gshegs pa khyod kyis bskal ba mang por tshul khrims spyod pa spyad/ /nor bu rin chen dri ma med pa
139a1 lta bur tshul khrims rnam dag gyur/ /khyod kyis 'bri yi rnga ma ci 'dra de 'drar tshul khrims bsrungs shing spyad/ /tshul khrims dga' bas khyod kyis
139a2 'dir ni 'gro la rgya cher don yang byas/ /'dir khyod glang po mchog tu gyur te rngon pa dgra yis mdas bsnun tshe/ /gtum po dgra la snying brtse snying rje bskyed nas de ni
139a3 khyod kyis bskyabs/ /bzang zhing mdzes pa'i mche ba yongs su btang ste tshul khrims yong ma btang / /khyod kyis de la sogs pa tshul khrims rnam par 'phrul pa mang po
139a4 byas| |bzod la dga' bas khyod kyis 'gro ba'i mi phan sdug bsngal stong mang dang / /tshig rtsub dag dang bsad pa dang ni bcing ba mang po bzod par byas/ /khyod
139a5 kyis gna' sngon mi gang dag la bde ba kun gyis rim gro byas/ /de dag phyi nas khyod kyi gshed mar gyur kyang khyod kyis de dag bzod/ /mgon po khyod ni ri mchog
139a6 gnas na gang tshe dred mor gyur pa'i tshe/ /kha ba bab cing chu phrugs pas ni 'jigs shing skrag pa'i mi bzung ste/ /rtsa ba 'bras bu rnam pa mang dang bde ba kun gyis rim
139a7 gro byas| |de yis myur du khyod la gsod pa khrid 'ongs khyod kyis de la bzod/ /byang chub btsal phyir brtul zhugs dka' thub yon tan rnam mang ye shes la/ /
139b1 khyod kyis brtson 'grus shin tu brtan par gnas shing mi g.yo g.yo ba med/ /dbang sgyur bdud kyang khyod kyis brtson 'grus stobs kyis stobs ni med par byas/ /mi yi
139b2 seng+ge khyod 'dir mngon par 'byung ba'i dus la da bab bo/ /khyod 'dir gna' sngon kha ba'i kha dog 'dra ba'i rta mchog gyur pa'i tshe/ /snying rje bskyed nas nam mkha' las ni
139b3 srin po'i gling du myur du song / /de tshe phongs shing 'dug pa'i mi de blangs te bde la rab tu bzhag/ khyod kyis 'di la sogs pa brtson 'grus rnam par 'phrul ba mang po
139b4 byas| |myur du 'gyur zhing g.yo la yul la dga' zhing rgod pa'i sems brtul te/ /bsam gtan par gyur rdul des zhi gnas rnams kyis nyon mongs gtso bo bcom/ /
139b5 khyod 'dir bsam gtan dga' bas rang gi yon tan dag gis 'gro don byas/ /da 'dir sems can mchog khyod bsam gtan rnams 'phrul bya ba'i dus la bab/ /
139b6 gna' sngon khyod ni drang srong bsam gtan dga' zhing rab tu gnas par gyur/ /rgyal po med pa'i mi dag gis ni khyod khrid rgyal srid dbang yang bskur/ /khyod kyis skye
139b7 bo dag ni dge ba bcu dang tshangs pa'i lam la bkod/ /de yi tshe na mi las shi 'phos thams cad tshangs pa'i gnas su dong / /phyogs dang phyogs mtshams 'gro ba rnam
140a1 mang shes pa'i cho ga khyod rab mkhas/ /gzhan gyi spyod dang 'gro ba'i skad shes pa dang dbang po shes pa dang / /tshul dang 'dul dang blo gros rnam
140a2 mang rgyu ba'i pha rol khyod phyin gyur/ /rgyal po'i sras khyod 'dir ni mngon par 'byung ba'i dus la da bab bo/ /khyod kyis gna' sngon skye bo lta ba log par zhugs par
140a3 gyur pa dag /rga shi sdug bsngal rnam pa mang pos nyam thag 'khod pa 'di mthong nas/ /srid pa rnam par gzhig pa'i drang lam nyid kyis khong du chud byas te/ /mun
140a4 pa bcom pa khyod kyis 'jig rten dag la don chen rab tu byas/ /tshigs bcad rnam pa mang po mdzes pa yon tan ldan pa sna tshogs 'dis/ /sil snyan sgra bsgrags
140a5 de las rgyal ba'i gzi yis dpa' po bskul bar gyur/ /blo mchog ldan pa khyod 'dir mngon par 'byung ba'i dus ni da bab kyi/ /sdug bsngal gang ba'i skye bo 'di
140a6 dag mthong nas btang snyoms ma byed cig /bud med gos dang rin po che dang do shal spos phreng sna tshogs kyis/ /brgyan pa dag kyang sems dang phangs pa skyes nas
140a7 rab tu dga' ba rnams/ /sems can mchog la sil snyan rab tu sgrog cing slong bar byed pa na/ /rgyal ba'i mthu yis sil snyan dag las tshigs su bcad pa 'di
140b1 'dra byung / /gang gi don du khyod kyis 'gro la phan phyir bskal pa du mar ni/ /gtang bar dka' ba btang zhing tshul khrims bzod pa brtson 'grus shin tu spyad/ /bsam
140b2 gtan shes rab shin tu bsgoms pa khyod kyi dus la da bab kyi/ /'dren pa mngon par 'byung ba'i blo la myur soms phyi bshol ma byed cig /sngon chad rin chen mdzod dang
140b3 gser dang dngul dang rgyan rnams rab tu btang / /skye bo de dang de dag tu ni mchod sbyin rnam pa mang po byas/ /khyod kyi chung ma bu pho bu mo lus dang rgyal srid srog btang ste/ /
140b4 byang chub don du gtang bar dka' ba dpag tu med pa khyod kyis btang / /khyod ni rgyal po mi dman bsod nams dpal gyis rnam par grags par gyur/ /mu khyud 'dzin
140b5 dang mu khyud nag po tshangs pas byin dang ral pa can/ /mchod sbyin stong ldan dang ni chos sems 'od 'phro can dang nor brtan dang / /shin tu don bsam gyur te sems can dman la
140b6 gtang bar dka' ba btang / /zla ba'i bu dang brtson 'grus 'bar dang bsod nams 'od zer can du gyur/ /gtong ba che dang ldan zhing mthu ldan khyod ni byas pa gzo bar gyur/ /
140b7 rgyal po drang srong zla ba gzugs ldan dpa' bo bden pa 'phel ba dang / /rgyal po legs par smra ba tshol dang blo gros bzang dang nges par gyur/ /zla ba'i 'od dang khyad par 'gro
141a1 dang rdul dang phyogs kyi bdag por gyur/ /rab sbyin dpa' bo ka shi'i rgyal po rin chen gtsug phung zhi ba bstod/ /mi dbang de dag rnams dang gzhan
141a2 du gyur te gtang bar dka' ba btang / /khyod kyis ji ltar gtong ba'i char phab de bzhin chos kyi char pa phob/ /khyod kyis sngon chad sems can snying po gang+gA'i bye ma snyed cig
141a3 mthong / /sems can thar par bya phyir byang chub dam pa'i mchog ni tshol ba na/ /khyod kyis mchod pa dpag med bsam mi khyab pas sangs rgyas de dag mchod/ /dpa' bo
141a4 grong khyer dam pa 'di nas 'byung ba'i dus la da bab bo/ /thog mar khyod kyis don yod mthong la sA la'i me tog gis ni mchod/ /rnam par snang mdzad la ni dang ba'i sems
141a5 kyis skad cig bar du bltas/ /rnga dbyangs ldan pa la ni khyod kyis a ru ra yi 'bru gcig phul/ /tsan+dan mthong nas khyod kyis rtswa yi me sgron blangs te khyim du bzung / /rtul po
141a6 grong khyer 'jug pa mthong nas phye ma spar gang rab tu gtor/ /chos kyi dbang phyug chos 'chad pa na legs zhes bya ba rab tu byin/ /kun tu gzigs pa mthong nas phyag 'tshal
141a7 phyag 'tshal lo zhes tshig tu brjod/ /'od 'phro chen po'i phung po la ni khyod kyis dga' bas gser phreng gtor/ /'od zer rgyal mtshan la ni kha tshar phul zhing gsal
141b1 la bal sran gtor/ /ye shes tog la mya ngan med pa'i me tog kha lo sgyur la 'jam/ /rin chen gtsug tor can la mar me pad+ma ldan la sman yang phul/ /thams cad zil gnon
141b2 mu tig do shal rgya mtsho la ni pad+ma phul/ /pad+ma'i snying po la ni bla bre seng+ge la ni char gding phul/ /sA la'i dbang po rgyal la mar phul me tog rgyas la 'o ma phul/ /grags sbyin
141b3 kunada'i me tog phul te bden pa gzigs la zhal zas phul/ /ye shes lhun la lus btud klus byin la ni na bza' dbul ba byas/ /rab 'thong gshegs dang tsan+dan mchog dang
141b4 'od ldan la ni tshwa spar re/ /bkod pa che la pad+ma dbul byas 'od zer rgyal la rin chen phul/ /shAkya thub la spar gang gser phul dbang po'i tog la bstod pa byas/ /nyi ma'i zhal
141b5 la me tog rna rgyan blo gros bzang la gser cod pa na/ /klu zil gnon la nor bu phul te rgyal la ras bcos gding ba phul/ /sman gyi rgyal la rin chen gdugs phul seng+ge'i tog
141b6 la khri gdan phul/ /yon tan mchog ldan rin chen dra ba 'od srung la ni glu dbyangs kun/ /spos mchog me tog phul zhing 'od 'phro'i tog la rtag tu me tog phul/ /mi 'khrugs
141b7 rgyal la khang brtsegs phul zhing 'jig rten mchod la phreng ba phul/ /rgya spos gtsug lag rgyal srid dbul byas rgyal bar dka' la spos kun phul/ /sgron ma che la bdag phul
142a1 pad+ma'i mchog la rgyan rnams dbul ba byas/ /chos kyi tog la me tog sna tshogs sgron ma mdzad la ut+pa la/ /mchod pa rnam pa sna tshogs tha dad gzhan dang
142a2 gzhan dag byed pa na/ /khyod kyis sems can snying po de dag rnams dang gzhan yang sngon chad mchod/ /'das pa'i sangs rgyas rnams dang ston pa de dag khyod mchod dran par
142a3 gyis| |sems can mgon med mya ngan gang ba yal bar ma dor mngon par phyung / /mar me mdzad pa mthong ba tsam gyis khyod kyis bzod pa mchog thob ste/ /rjes su mthun pa'i
142a4 mngon par shes pa lnga po nyams pa med pa thob/ /de nas rab tu dga' bas bskal pa grangs med 'jig rten khams kun tu/ /sangs rgyas dag ni re re la yang mchod pa bsam
142a5 gyis mi khyab byas/ /bskal pa dpag med de dag zad gyur sangs rgyas de dag mya ngan 'das/ /khyod kyi lus rnams thams cad dang ni de dag ming yang gang du song / /dngos po
142a6 thams cad tha mar zad pa'i chos te 'dus byas rtag pa med/ /'dod pa rgyal srid longs spyod rtag pa min gyi grong khyer mchog nas byung / /bskal ba zad par 'gyur tshe gzi
142a7 brjid drag po 'jigs pa'i me 'od ltar/ /rga dang na dang 'chi ba mi zad 'jigs pa chen po 'ong bar 'gyur/ /dngos po thams cad tha mar zad pa'i chos te 'dus byas rtag
142b1 pa med/ /shin tu sdug bsngal sems can ltos la yon tan ldan pa mngon par phyung / /rgyal po bde ba'i mal na nyal gyur cing / /gang tshe mo tshogs gling bu rgyud gcig dang / /sil snyan
142b2 sna tshogs sgra yis slong byed pa/ /de tshe sil snyan sgra las 'di dag byung / /srid gsum rga dang nad kyi sdug bsngal 'bar/ /'chi me rab 'bar 'di ni mgon med pa/ /srid las 'byung la
142b3 'gro ba rtag tu rmongs/ /bum par chud pas bung ba 'khor ba bzhin/ /srid gsum mi brtan ston ka'i sprin dang 'dra/ /'gro ba'i skye 'chi gar la lta dang mtshungs/ /'gro ba'i tshe 'gro nam
142b4 mkha'i glog 'dra ste/ /ri gzar 'bab chu lta bur myur mgyogs 'gro/ /srid sred ma rig dbang gis skye bo rnams/ /mi dang lha gnas ngan song lam gsum po/ /'gro ba lnga po dag tu mi
142b5 mkhas 'khor/ /dper na rdza mkhan phang lo bskor ba bzhin/ /rtag tu gzugs sdug mchog dang sgra snyan dang / /dri zhim ro mchog reg pa bde byed pa/ /dus ngan rnyi la 'gro ba 'di
142b6 dag thogs/ /dper na rngon pa'i rnyi la spre'u thogs bzhin/ /'dod pa'i yon tan mya ngan gnod pa mang / /'jigs bcas rtag tu dgra byed nyon mongs bcas/ /ral gri'i so
142b7 'dra dug sdong lo ma mtshungs/ /ngan skyug snod ltar 'phags pa'i skye bos spangs/ /'dod pa'i yon tan 'jigs bcas nyon mongs bcas/ /rtag tu brjed par
143a1 byed pa mun pa 'dra/ /rtag tu 'jigs pa'i rgyu byed sdug bsngal rtsa/ /srid pa'i sred pa'i 'khri shing 'phel bar byed/ /ji ltar me 'bar 'obs ni 'jigs
143a2 bcas pa/ /de ltar 'dod 'di 'phags pa'i skye bos rig /'dam rdzab che 'dra ral gri gshegs gnas 'dra/ /ral gri'i so la sbrang rtsis bskus dang mtshungs/ /ji ltar
143a3 sbrul gyi mgo dang ngan skyug snod/ /de ltar 'dod 'di mkhas pa rnams kyis rig /bya sha kham bu 'dra zhing gsal shing 'dra/ /ro la khyi ltar dgra dang bcas pa yin/ /
143a4 'dod pa'i yon tan 'di dag chu zla 'dra/ /gzugs brnyan mtshungs shing brag ca 'dra ba dang / /mig yor 'dra zhing gar la lta 'dra dang / /rmi lam mnyam pa 'phags
143a5 pas skye bos rig /'dod pa'i yon tan skad cig ya ma bral/ /sgyu ma smig sgyu 'dra zhing rdzun pa can/ /chu bur dbu ba lta bu yang dag min/ /yongs su brtags las byung bar
143a6 mkhas pas rtogs/ /na tshod thog mar gzugs mchog 'dzin pa'i tshe/ /phangs shing sdug 'dod 'di ni byis pa'i spyod/ /rga na sdug bsngal gzi brjid lus bcom nas/ /rnam
143a7 par spong ste ri dwags klung skam bzhin/ /nor 'bru dam pa rdzas mang stobs ldan tshe/ /phangs shing sdug 'dod 'di ni byis pa'i spyod/ /nor nyams sdug bsngal bar ni gyur
143b1 pa'i tshe| |rnam par spong ste mi yis 'brog stong bzhin/ /ji ltar me tog shing dang 'bras bcas shing / /de ltar sbyin 'dod mi la dga' bar byed/ /nor nyams rga bas nyen cing
143b2 sbrang ba na/ /de tshe dga' bar mi 'gyur bya rgod bzhin/ /rdzas ldan gzugs mchog ldan tshe dpon po bzhin/ /phrad na sdug cing dbang po dga' bar byed/ /rga na sdug bsngal
143b3 nyen cing nor zad na/ /de tshe 'dod par mi 'gyur 'chi bdag bzhin/ /rga bas rga byas na tshod yol gyur na/ /sdong po gnam lcags kyis ni bcom pa bzhin/ /rga bas khog na
143b4 'jigs bcas khang rul 'dra/ /rga las byung ba thub pa myur du smros/ /bud med skyes pa'i tshogs rnams rga bas skem/ /ma lu'i 'khri shing sA la'i nags stug bzhin/ /rga
143b5 bas brtson 'grus rtsal dang shugs 'phrog ste/ /dper na skyes bu 'dam du bying ba bzhin/ /rga bas gzugs sdug gzugs ni mi sdug byed/ /rga bas gzi brjid 'phrog cing
143b6 mthu stobs 'phrog /rga bas bde ba 'phrog cing brnyas par byed/ /rga bas 'chi byed rga bas mdangs kyang 'phrog /nad brgya mang dang nad thibs sdug bsngal gyis/ /'gro ba
143b7 gtses te mi yis ri dwags bzhin/ /rga dang na bas bcom pa'i 'gro ltos la/ /sdug bsngal las ni 'byung ba myur shod cig /dper na dgun smad rlung dang kha ba che/ /rtswa
144a1 shing gel pa nags sman mdangs kyang 'phrog/ de ltar nad 'di 'gro ba'i mdangs 'phrog cing / /dbang po gzugs dang stobs ni nyams par byed/ /nor 'bru nor
144a2 chen tha mar zad par byed/ /nad ni rtag tu 'gro ba brnyas par byed/ /gnod pa byed cing sdug la sdang par byed/ /yongs su gdung byed mkha' las nyi ma bzhin/ /'chi dang 'pho dang
144a3 'chi 'pho dus byed pa/ /phangs shing sdug pa'i skye bo rtag tu 'bral/ /phyir mi 'ong zhing 'phrad par 'gyur ma yin/ /shing las lo 'bru 'dra zhing klu yi rgyan dang mtshungs/ /'chi ba
144a4 dbang yod pa dag dbang med byed/ /'chi ba 'phrog byed chu bos shing ded bzhin/ /mi ni gnyis min grogs med gcig pur 'gro /rang las 'bras bu ldan pas dbang yang
144a5 med| |'chi bas srog chags brgya phrag mang 'dzin te/ /'byung po'i tshogs la rgya mtsho'i chu srin bzhin/ /klu la mkha' lding glang chen seng+ge 'dra/ /rtsa rtsi 'byung bo'i tshogs
144a6 la me dang mtshungs/ /skyon brgya mang po 'di 'dra 'di dag las/ /'gro ba dgrol zhes khyod kyis smon lam btab/ /sngon gyi smon lam spyod pa de dran byos/ /khyod ni mngon
144a7 par 'byung ba'i dus la bab/ /gang tshe bud med tshogs ni rab dga' zhing / /sil snyan dag gis thub chen slong byed pa/ /de tshe bde bar gshegs pa rnams kyi mthus/ /
144b1 tshigs bcad sna tshogs sil snyan sgra las byung / /'dus byas thams cad myur du 'jig pa ste/ /mkha' la glog rgyun ring du mi gnas bzhin/ /khyod kyi dus 'di nye bar gnas gyur
144b2 gyi| |brtul zhugs bzang po mngon 'byung dus la bab/ /'du byed mi rtag brtan pa ma yin te/ /rdza so ma btang lta bur 'jig pa'i bdag /gzhan gyi rdzas ni brnyan po byas dang
144b3 mtshungs/ /bye ma'i grong khyer lta bur ring mi thogs/ /'du byed 'di dag 'jig pa'i chos can te/ /dbyar gyi zhal zhal ji ltar 'gogs pa bzhin/ /chu ngogs bye ma yod pa 'dra
144b4 pa ste| |rkyen la rag las rang bzhin nyam chung ba/ /'du byed mar me'i 'od 'phro 'dra ba ste/ /myur du 'byung zhing 'gag pa'i chos can yin/ /rlung dang mtshungs par ring du mi
144b5 gnas la/ /dbu ba lta bur nyam chung snying po med/ /'du byed g.yo ba med cing stong pa ste/ /brtags na chu shing dag gi phung po 'dra/ /sgyu ma lta bur sems ni rmongs par byed/ /
144b6 lag bcangs stong pas byis ba brid dang mtshungs/ /'dus byas gyur pa thams cad rgyu dag dang / /rkyen rnams kyis ni rab tu 'byung ba ste/ /gcig gis gcig rgyu byas te brten
144b7 nas byung / /byis pa'i skye bos 'di 'dra 'di ma rtogs/ /dper na gres ma mun dza rten byas la/ /btsal ba'i stobs kyis thag par 'gyur ba dang / /zo chun rgyud mo 'khor lor
145a1 bcas pa yang / /de dag re res 'grub par 'gyur ba med/ /de ltar srid pa'i yan lag kun grub pa/ /gzhan dang gzhan tshogs pa la brten nas ni/ /de dag so
145a2 so re rer 'grub par 'gyur/ /sngon gyi mtha' dang phyi ma'i mtha' mi dmigs/ /sa bon yod na myu gu ji bzhin te/ /sa bon gang yin myu gu de nyid min/ /de las gzhan min de yang ma
145a3 yin te| |de ltar rtag min chad min chos nyid do/ /ma rig pa yi 'du byed rkyen yin te/ /'du byed de yang yang dag nyid du med/ /ma rig pa dang 'du byed de dag kyang / /rang bzhin
145a4 stong ste g.yo ba med pa yin/ /rgya las rgya yi 'bur ni snang mod kyi/ /rgya de 'phos par gyur pa'ang yod ma yin/ /de la de med gzhan las ma yin te/ /de ltar 'dus byas rtag med
145a5 chad pa med/ /mig dang gzugs la brten pa byas nas su/ /mig gi rnam par shes pa 'dir 'byung yang / /mig ni gzugs la brten pa ma yin la/ /gzugs kyang mig la
145a6 'pho ba yod ma yin/ /'di dag bdag med mi sdug chos can yang / /de dag bdag dang sdug par brtags pa ste/ /nor pa yang dag ma yin btags yin yang / /de las mig
145a7 gi rnam par shes pa 'byung / /rnam par shes pa 'gags nas 'byung 'gyur te/ /mkhas pas skye dang 'jig pa rnam par mthong / /gang du ma song gang nas 'ongs pa min/ /rnal
145b1 'byor pas ni stong pa sgyu ltar mthong / /dper na gtsub shing dang ni gtsub stan dang / /lag pas rtsol ba byas pa gsum tshogs pa/ /de la brten nas me ni 'byung 'gyur te/ /byung
145b2 nas ring por mi thogs 'gag par 'gyur/ /de nas mkhas pa la las brtags byas te/ /'di ni gang nas 'ongs la gar song zhes/ /phyogs dang phyogs mtshams kun tu brtags
145b3 byas nas/ /de yi 'ong ba'am 'gro ba mi dmigs so/ /phung po dag dang skye mched khams rnams kyi/ /rkyen ni ma rig pa dang sred dang las/ /de dag tshogs pa sems can zhes
145b4 brjod kyang / /de ni dam pa'i don du dmigs su med/ /mchu dang lkog ma rkan la brten nas ni/ /lce bsgyur ba las yi ge'i sgra 'byung yang / /lkog mar brten nas ma yin rkan
145b5 las min/ /re re la ni yi ge dmigs su med/ /tshogs pa de la brten nas ngag de ni/ /yid kyi blo yi dbang gis 'byung mod kyi/ /yid dang ngag ni mi snang gzugs med de/ /
145b6 nang dang phyi rol na yang dmigs su med/ /mkhas pas ngag skad sgra dang dbyangs rnams kyi/ skye dang 'jig la rnam par brtags byas na/ /de tshe ngag kun brag ca lta bu dang / /
145b7 skad cig pa dang snying po med par mthong / /dper na shing dang rgyud la brten byas la/ /lag pas rtsol ba byas pa gsum tshogs na/ /sgra snyan pi wang gling bu la sogs pa/ /
146a1 de dag las ni sgra yang 'byung bar 'gyur/ /de nas mkhas pa la las brtags byas te/ /'di ni gang nas 'ongs la gar song zhes/ /phyogs dang phyogs mtshams
146a2 kun tu brtags byas na/ /sgra yi 'ong ba 'am 'gro ba mi dmigs so/ /de ltar rgyu dag dang ni rkyen rnams las/ /'du byed gyur pa thams cad byung ba ste/ /yang dag mthong ba'i
146a3 rnal 'byor pa yis ni/ /'du byed stong pa g.yo ba med par mthong / /phung po dag dang skye mched khams rnams ni/ /nang yang stong la phyi rol stong pa ste/ /thams cad bdag
146a4 gis dben zhing gnas med la/ /chos kyi mtshan nyid nam mkha'i ngo bo nyid/ /chos kyi mtshan nyid 'di 'dra 'di dag ni/ /mar me mdzad pa mthong nas khyod kyis rtogs/ /ji
146a5 ltar nyid kyis rjes su rtogs pa ltar/ /de bzhin lha mir bcas pa rtogs par gyis/ /gnod pa yang dag ma yin btags pa yi/ /'dod chags zhe sdang dag gis 'gro ba
146a6 gdungs/ /snying rje'i sprin las zhi ba bsil ba'i chu/ /'dren pa bdud rtsi'i rgyun ni rab tu phob/ /byang chub dam pa yang dag thob nas ni/ /'phags pa'i nor gyis srog chags
146a7 bsdu 'o zhes/ /mkhas pa khyod kyis gang gi ched kyi phyir/ /bskal pa bye ba mang po sbyin pa byin/ /sngon gyi spyod de rjes su dran gyis te/ /'phags pa'i nor gyis dman dbul
146b1 sdug bsngal la/ /sems can kha lo sgyur ba ma g.yel bar/ /'phags pa'i nor gyis de dag bsdu ba gyis/ /ngan song sa yi lam ni gcad pa dang / mtho ris bdud rtsi'i sgo mo
146b2 mchog de ni/ /sems can bye ba mang la bstan zhes te/ /khyod kyis rtag tu tshul khrims shin tu bsrungs/ /tshul khrims ldan pas bsams pa 'grub 'gyur gyi/ /sngon gyi spyod
146b3 de rjes su dran gyis la/ /ngan song gsum po'i sa yi sgo bcad de/ /mtho ris bdud rtsi'i sgo ni dbye bar gyis/ /srog chags rnams kyi khong khro khro gzhil dang / /srid pa'i mtsho
146b4 las sems can bsgral byas te/ /zhi bde rims nad med la dgod do zhes/ /khyod kyis rtag tu bzod pa shin tu bsgoms/ /sngon gyi spyod de rjes su dran gyis te/ /dgra dang
146b5 gnod sems 'tshe bas dkrugs pa yi/ /'tshe ba spyod la yal bar ma dor bar/ /'gro ba 'di dag bzod pa'i sa la khod/ /chos kyi gru ni legs par sbyar byas la/ /srid pa'i
146b6 mtsho las 'gro ba rnams bsgral te/ /zhi bde rims nad med la dgod do zhes/ /gang gi don du khyod kyis brtson 'grus bsten/ /sngon gyi spyod de rjes su dran gyis la/ /'gro
146b7 ba chu bo bzhi yis khyer gyur pa/ /sems can mgon med pa dag brtson stobs dang / /brtul ba'i shugs kyis myur du 'di dag thon/ /dbang po 'khrul dang phal ba'i dbang po
147a1 dang / /spre'u 'dra'i sems las zhi gnas ngas dgod ces/ /'dren pa khyod kyis gang gi ched kyi phyir/ /nyon mongs gzhil ba'i bsam gtan bsgoms
147a2 gyur pa| |sngon gyi spyod de rjes su dran gyis te/ /nyon mongs dra bas dkrugs par gyur pa yi/ /'gro la ma g.yel nyon mongs gtses pa las/ /bsam gtan mchog la skye rgu
147a3 'di dag khod/ /gti mug ma rig mun pas bsgribs pa yi/ /'gro la chos brgya mang po mthong byed pa/ /yang dag mthong ba'i mig ni sbyin no zhes/ /khyod kyis sngon chad shes
147a4 rab shin tu bsgoms/ /sngon gyi spyod de rjes su dran gyis la/ /gti mug ma rig mun pas bsgribs pa yi/ /'gro la shes rab dam pa 'od bzang ba/ /chos mig dri med nyon
147a5 mongs med pa byin/ /bud med rnams kyi sil snyan glu dbyangs las/ /tshigs su bcad pa 'di 'dra 'di byung ste/ /de thos nas ni rgyags pa rnams spangs nas/ /byang chub dam pa
147a6 mchog tu sems btang ngo / /dge slong dag/ de ltar byang chub sems dpa' btsun mo'i 'khor gyi nang na 'dug pa'i tshe'ang chos mnyan pa dang bral bar ma gyur to/ /chos yid
147a7 la byed pa dang bral bar ma gyur to/ /de ci'i phyir zhe na/ dge slong dag /'di ltar byang chub sems dpa' ni yun ring po nas chos dang chos smra ba rnams la gus pa dang bcas
147b1 par gyur cing / bsam pa thag pa nas chos don du gnyer ba/ chos 'dod pa/ chos kyi kun dga' la dga' zhing mos par gyur pa/ chos tshol bas ngoms mi shes pa/ ji ltar thos pa'i
147b2 chos yang dag par ston pa/ bla na med pa'i chos chen po'i sbyin bdag tu gyur pa/ zang zing med par chos ston pa/ chos sbyin pa la ser sna med pa/ chos la slob dpon gyi dpe ma khyud
147b3 dang bral ba/ chos kyi rjes su mthun pa'i chos sgrub pa/ chos la nan tan byed pa la dpa' ba/ chos la gnas su 'dzin pa/ chos la skyabs su 'dzin pa/ chos la dpung gnyen du 'dzin
147b4 pa| chos la rton pa/ chos la nges par sems pa'i bzod pas nges par byung ba/ shes rab kyi pha rol tu phyin pa la spyad pa ste/ thabs la mkhas par rtogs par khong du chud pa yin
147b5 no| |dge slong dag /de la byang chub sems dpa' thabs mkhas pa chen pos rnam par rtse zhing btsun mo'i 'khor thams cad kyi mos pa ji lta ba bzhin du spyod lam ni bstan/
147b6 sngon gyi byang chub sems dpa' 'jig rten gyi yul thams cad las yang dag par 'das pa rnams kyi 'jig rten dang mthun par bya ba'i chos nyid dang mthun par ni byas/ yun
147b7 ring po nas 'dod pa'i skyon shin tu rtogs pa yin yang sems can yongs su smin par bya ba'i dbang gis 'dod pa'i longs spyod ni kun tu bstan/ dge ba'i rtsa ba dpag tu med
148a1 pa bsags pa'i bsod nams kyi stobs kyi tshogs kyi khyad par gyis 'jig rten gyi dbang du bya ba mtshungs pa med pa ni kun tu bstan/ lha'i dang mi'i las
148a2 shin tu 'das pa snying po dang ldan zhing rgya che la rnam pa tha dad pa rnam pa sna tshogs kyi gzugs dang / sgra dang / dri dang / ro dang / reg mchog tu dga' ba nyams dga' ba'i 'dod
148a3 pa'i dga' ba'i bde ba ni bstan/ 'dod pa'i dga' ba'i yul thams cad la 'dzin pa med par rang gi sems la dbang sgyur ba ni bstan/ sngon gyi smon lam gyi stobs kyis grogs
148a4 su gyur pa/ dge ba'i rtsa ba bsags pa'i sems can rnams ni mtshungs par gnas pas yongs su smin par byas nas 'jig rten gyi kun nas nyon mongs pa'i dri ma thams cad
148a5 kyis ni sems la kun nas nyon mongs pa med par btsun mo'i 'khor gyi nang na gnas te/ ji ltar mgron du gnyer ba'i sems can gyi khams yongs su smin par bya ba'i dus
148a6 la lta zhing / de'i tshe byang chub sems dpa' shin tu rgya cher sngon gyi dam bcas pa rjes su dran no/ /sangs rgyas dang chos kyang mngon du byed do/ /smon lam gyi stobs kyang mngon
148a7 par sgrub po/ /sems can rnams la'ang snying rje chen po gtong ngo / /sems can rab tu thar par bya bar yang sems so/ /'byor pa thams cad kyi mtha' ni rgud pa yin par
148b1 yang so sor rtog go/ 'khor ba la gnod pa dang / 'jigs pa mang po du ma yod par yang rtog go/ bdud dang nyes pa'i zhags pa yang dag par gcod do/ /'khor ba'i rgyud las
148b2 kyang bdag nyid 'da' bar byed do/ /mya ngan las 'das pa la'ang sems yang dag par gtong ngo // //'phags pa rgya cher rol pa zhes bya ba theg pa chen po'i mdo/ bam po dgu
148b3 pa| dge slong dag /de la byang chub sems dpa' ni sngon gyi mtha' nyid nas kyang 'khor ba'i skyon shin tu rig pa yin/ 'dus byas la bsam pa thag pa nas don du mi gnyer ba
148b4 yin| nye bar len pa yongs su 'dzin pa thams cad don du mi gnyer ba yin/ sangs rgyas kyi chos don du gnyer ba yin/ mya ngan las 'das pa la mngon du phyogs pa yin/ 'khor
148b5 ba la rgyab kyis bltas pa yin/ de bzhin gshegs pa'i spyod yul la mngon du dga' ba yin/ bdud kyi spyod yul dang ma 'dres pa yin/ srid pa la 'bar bar skyon du mthong ba
148b6 yin| khams gsum pa las byung ba'i bsam pa can yin/ 'khor ba'i skyon dang nyes dmigs dang 'byung ba la mkhas pa yin/ rab tu 'byung bar 'dod pa yin/ mngon par
148b7 'byung ba'i bsam pa can yin/ dben pa la gzhol ba yin/ dben pa la 'bab pa yin/ dben pa la bab pa yin/ dgon pa dang bas mthar mngon par dga' ba yin/ rab
149a1 tu dben pas rab tu zhi bar 'dod pa yin/ bdag dang gzhan la phan par zhugs pa yin/ bla na med pa'i nan tan la dpa' ba yin/ 'jig rten gyi don
149a2 du 'dod pa yin/ phan par 'dod pa yin bde bar 'dod pa yin/ grub pa dang bde bar 'dod pa yin/ 'jig rten la snying brtse ba can yin/ phan par 'dod pa can yin/
149a3 byams pa la gnas pa can yin/ snying rje chen po dang ldan pa yin/ bsdu ba'i dngos po la mkhas pa yin/ rtag tu yid yongs su mi skyo ba yin/ sems can yongs su smin
149a4 par bya ba dang 'dul ba la mkhas pa yin/ sems can thams cad la bu gcig pa dang 'dra bar sdug par sems pa yid la byed pa dang ldan pa yin/ dngos po thams cad
149a5 la mi lta bar yongs su btang ba yin/ sbyin pa bged pa la dga' ba yin/ lhug par gtong ba yin/ lag pa brkyang ba yin/ gtong ba la dpa' ba yin/ mchod sbyin
149a6 byas pa yin/ bsod nams shin tu phun sum tshogs pa yin/ bsod nams kyi yo byad shin tu bzung ba yin/ dri ma dang ser sna dang bral ba yin/ sems kun tu ma
149a7 bzung ba yin/ bla na med pa'i sbyin bdag chen po yin/ byin nas kyang rnam par smin pa la mi re ba yin/ sbyin pa la dpa' ba yin/ 'dod pa dang / 'dod pa che ba dang /
149b1 chags pa dang / zhe sdang dang / rgyags pa dang / nga rgyal dang / gti mug dang / ser sna la sogs pa nyon mongs pa'i dgra'i tshogs phyir rgol ba thams cad tshar gcad pa'i phyir
149b2 mngon par byung ba yin/ thams cad mkhyen pa'i sems bskyed pa'i rgyun las mi g.yo ba yin/ gtong ba chen po'i sems kyi go cha shin tu bgos pa yin/ 'jig rten la snying
149b3 brtse ba can yin/ phan par 'dod pa can yin/ ya lad bgos pa yin/ go cha bgos pa yin/ sems can rab tu thar par bya ba la dmigs pa yin/ snying rje chen po'i stobs
149b4 dang / rnam par gnon pa dang / pha rol gnon pa dang ldan pa yin/ phyir mi ldog pa yin/ sems can thams cad la sems mnyam pa yin/ gtong ba'i lag cha can yin/ sems
149b5 can gyi bsam pa dang re ba ji lta ba bzhin du tshim par byed pa yin/ byang chub kyi snod du gyur pa yin/ dus dang phyed par chos rtogs pa yin/ smon lam byang chub tu yongs su
149b6 bsngos pa yin/ rgyal mtshan ma bsnyal ba yin/ 'khor gsum yongs su dag pa'i sbyin pa yongs su gtong ba dang ldan pa yin/ ye shes mchog gi rdo rje'i mtshon cha sra ba dang
149b7 ldan pa yin/ nyon mongs pa'i phyir rgol ba shin tu tshar gcod pa yin/ tshul khrims dang / yon tan dang / spyod pa la zhugs pa yin/ lus dang / ngag dang / yid kyi las kyi
150a1 mtha' legs par bsrungs pa yin/ kha na ma tho ba phra rab tsam la'ang 'jigs par lta ba yin/ tshul khrims yongs su dag pa yin/ dri ma med
150a2 cing dri ma dang bral la dri ma spangs pa'i sems dang ldan pa yin/ ngan du smras pa dang / ngan du brjod pa'i tshig gi lam dang / brgyad pa dang / spyo ba dang / smad pa dang / bshung
150a3 ba dang / brdeg pa dang / bsdigs pa dang / bsad pa dang / bcing ba dang / gzung ba'i nyon mongs pa thams cad kyis sems ma brnyogs pa yin/ sems ma 'khrugs pa
150a4 yin| bzod pa dang des pa phun sum tshogs pa yin/ gnod par mi sems pa yin/ gnod pa mi byed pa yin/ gnod sems med pa'i sems dang ldan pa yin/ sems
150a5 can thams cad la phan par bya ba'i brtson 'grus 'bad pa brtsams pa yin/ yi dam la brtan pa yin/ dge ba'i chos thams cad yang dag par sgrub pa la phyir mi ldog
150a6 pa yin| dran pa dang ldan pa yin/ shes bzhin can yin/ shin tu mnyam par bzhag pa yin/ sems ma g.yengs pa yin/ bsam gtan la rtse gcig tu yid la byed
150a7 pa yin| chos rab tu rnam par 'byed pa la mkhas pa yin/ snang ba thob pa yin/ mun pa mun nag dang bral ba yin/ mi rtag pa dang / sdug bsngal ba dang / bdag med pa dang /
150b1 mi sdug pa'i rnam par sems yongs su bsgoms pa yin/ dran pa nye bar bzhag pa dang / yang dag pa'i spong ba dang / rdzu 'phrul gyi rkang pa dang / dbang po dang / stobs dang / byang
150b2 chub kyi yan lag dang / lam dang / byang chub kyi phyogs kyi chos thams cad shin tu yongs su sbyang ba byas pa'i yid la byed pa dang ldan pa yin/ zhi gnas dang lhag mthong gis
150b3 shin tu dkar bar byas pa'i blo dang ldan pa yin/ rten cing 'brel bar 'byung bar lta ba yin/ bden pa rjes su rtogs pas gzhan gyi dring mi 'jog pa yin/ rnam par thar pa'i sgo
150b4 gsum gyis rnam par rtse ba yin/ chos thams cad kyi tshul sgyu ma dang / smig rgyu dang / chu zla dang / brag ca dang / mig yor lta bur rtogs pa yin no/ /dge slong dag /byang chub
150b5 sems dpa' de ni de ltar rang bzhin gyis chos la gnas pa yin/ de ltar ye shes la gnas pa yin/ de ltar yon tan gyi che ba nyid la gnas pa yin/ de ltar sems can gyi
150b6 don la brtson par gnas pa yin te/ phyogs bcu'i sangs rgyas kyi byin gyi rlabs kyis byin gyis brlabs pas sil snyan dang glu dbyangs las byung ba'i tshigs su bcad pa de
150b7 dag gis rgya cher bskul ba dang / de'i tshe sngon gyi byang chub sems dpa' srid pa tha ma par gyur pa rnams kyi btsun mo'i 'khor yongs su smin par bya ba'i phyir chos kyi sgo bzhi
151a1 mngon du byed do/ /bzhi gang zhe na/ 'di lta ste/ sbyin pa dang / snyan par smra ba dang / don bya ba dang / don mthun pa bsdu ba'i dngos po bzhi la sbyong ba sgrub
151a2 pa rnam par dag pa zhes bya ba'i chos kyi sgo mngon du byed pa dang / dkon mchog gsum gyi rigs yang dag par 'dzin pa'i bsam pa chud mi za ba'i thams cad mkhyen pa'i
151a3 sems smon lam gyi stobs bskyed pa'i phyir mi ldog pa'i yul zhes bya ba'i chos kyi sgo mngon du byed pa dang / sems can thams cad yongs su mi gtang ba'i lhag pa'i
151a4 bsam pa snying rje chen po'i stobs la zhugs pa zhes bya ba'i chos kyi sgo mngon du byed pa dang / byang chub kyi phyogs kyi chos thams cad kyi tshig rab tu dbye ba dang / don la
151a5 rnam par nges pa'i ye shes kyi tshogs kyi stobs kyi khyad par yang dag par sgrub pa bkod pa chen po zhes bya ba'i chos kyi sgo mngon du byed pa'o/ /byang chub sems dpas
151a6 chos kyi sgo bzhi po de dag mngon du byas nas btsun mo'i 'khor thams cad yongs su smin par bya ba'i phyir de'i tshe rnam pa ji lta bu'i rdzu 'phrul mngon par 'du bya ba
151a7 mngon par 'dus byas pas byang chub sems dpa' mthus sil snyan dang glu dbyangs de dag las chos kyi sgo rnam pa 'di lta bu brgya stong 'byung ba de lta bu'i rdzu 'phrul
151b1 mngon par 'du bya ba mngon par byed do/ /mos pa rgya chen dang ni bsam pa dang / /lhag pa'i bsam dang srog chags snying rje bas/ /byang chub dam pa mchog tu sems skye zhes/ /
151b2 de 'dra'i sgra dag sil snyan rnams las byung / /dang zhing dad dang mos dang gus pa dang / /nga rgyal med cing bla la 'dud pa dang / /dri dang dge ba ci zhes tshol ba dang / /rjes su dran
151b3 pa bsgoms pa'i sgra byung ngo / /sbyin dang dul dang sdom dang tshul khrims sgra/ /bzod pa'i sgra dang de bzhin brtson 'grus sgra/ /bsam gtan mngon par sgrub dang ting 'dzin sgra/ /
151b4 shes rab dang ni thabs kyi sgra yang byung / /byams pa'i sgra dang de bzhin snying rje'i sgra/ /dga' dang btang snyoms mngon par shes pa'i sgra/ /bsdu ba'i dngos po bzhi po rnam nges pas//
151b5 sems can yongs su smin bya'i sgra yang byung / /dran pa nye bar gzhag pa rab dbye sgra/ /yang dag spong dang de bzhin rdzu 'phrul dang / /dbang po lnga dang stobs lnga rab dbye dang / /byang
151b6 chub yan lag sgra ni sil snyan byung / /yan lag brgyad pa'i 'phags lam mchog dbye dang / /zhi gnas sgra dang de bzhin lhag mthong dang / /mi rtag pa dang sdug bsngal bdag
151b7 med sgra| |mi sdug sgra yang sil snyan rnams las byung / /'dod chags bral sgra de bzhin dben pa'i sgra/ /zad pa shes pa'i sgra dang mi skye sgra/ /'gog pa'i sgra dang de bzhin
152a1 gnas med sgra/ /mya ngan 'das pa'i sgra yang sil snyan byung / /rdzogs pa'i byang chub sems dpa'i mthu yis ni/ /sil snyan dag las 'di 'dra'i sgra byung ste//
152a2 sgra de thos nas bud med thams cad kyis/ /sems can mchog rab rjes bslab byang chub smon/ /dge slong dag /de ltar byang chub sems dpa' btsun mo'i 'khor gyi nang na
152a3 'dug pas bud med brgyad khri bzhi stong dang / lha'i bu brgya stong mang po gang dag der 'dus par gyur pa dag kyang bla na med pa yang dag par rdzogs pa'i byang chub tu yongs
152a4 su smin par byas par gyur to/ /de nas byang chub sems dpa' mngon par 'byung ba'i dus la bab pa dang / dga' ldan gyi ris kyi lha'i bu khrel yod pa'i lha zhes bya ba bla
152a5 na med pa yang dag par rdzogs pa'i byang chub las phyir mi ldog pa des mtshan mo mi nyal tsam na lha'i bu 'bum phrag sum cu rtsa gnyis kyis bskor cing mdun du bdar
152a6 te byang chub sems dpa' la rim gro bya ba'i khang bzang ga la ba der song ste phyin nas nam mkha'i dkyil na 'dug ste byang chub sems dpa' la tshigs su bcad de smras pa/ shi 'pho ba ni shin tu bstan/
152a7 /skyes bu seng+ges tshe yang bstan/ /btsun mo'i 'khor yang bstan pa mdzad/ /khyod kyis 'jig rten rjes mthun mdzad/ /'jig rten chos ni
152b1 rjes thob pas/ /lha mi mang po yongs smin mdzad/ /mngon par 'byung ba'i blo dgongs pa'i/ /de yi dus la deng bab bo/ /ma grol bas ni dgrol mi nus/ /long bas lam yang ston mi
152b2 nus| |grol bas dgrol bar byed par nus/ /mig ldan long ba lam ston nus/ /sems can gang dag 'dod pas 'khol/ /khyim nor bu dang chung ma chags/ /de dag khyod kyi rjes slob
152b3 cing / /mngon par 'byung bar bzhed par mdzod/ /dbang phyug 'dod pas rtse ba dang / /gling bzhi rin chen bdun spangs te/ /khyod ni mngon par 'byung rig nas/ /lha mir bcas pa'i
152b4 'jig rten mos/ /khyod ni 'dod la mi dgyes te/ /bsam gtan bde bas gnas mdzad kyang / /lha mi brgya phrag mang po dag /gnyid kyis log las sad par mdzad/ /dar la bab
152b5 'di shin tu 'da'/ /ri gzar 'bab chu mgyogs 'gro bzhin/ /dar la bab pa yal gyur nas/ /mngon par 'byung ba mdzes ma lags/ /de slad thog mar gzhon pa'i tshe/ /dar
152b6 bab dam par mngon byung ste/ /thugs dam nyams 'og chud mdzod la/ /lha mi'i don ni mdzad pa'i rigs/ /'dod pa'i yon tan mi ngoms te/ /dper na lan tshwa'i chu dang mtshungs
152b7 'phags pa rdul med 'jig rten 'das/ /shes rab gang ldan de dag ngoms/ /khyod 'dir rgyal po zas gtsang dang / /yul 'khor rnams kyi yid 'ong sdug /'dab ma brgya
153a1 pa'i zhal 'dra ba/ /mngon par 'byung bar dgongs su gsol/ /nyon mongs gdung bas rab gdungs shing / /'byung med bcing bas dam bcings rnams/ /
153a2 dpa' bos myur du mtshungs med pa/ /thar lam zhi la dgod du gsol/ /khyod ni sman pa khams la mkhas/ /sems can yun ring na rnams la/ /chos kyi sman ni sbyor
153a3 mdzad de/ /mya ngan 'das bde myur du 'khod/ /mig med mun pa gti mug glags/ /lta ba'i dra bas dkris pa yi/ /lha rnams dang ni mi yi mig /shes rab sgron mas myur
153a4 du sbyongs/ /byang chub thob pa blta bya zhing / /bla na med pa'i chos mnyan ces/ /lha dang lha min klu dag dang / /gnod sbyin dri za mang po sdod/ /klu yi rgyal pos rang gi gnas//
153a5 khyod kyi dpal gyis snang bar mthong / /mchod pa dag ni mtha' yas bgyid/ /de yi brtul zhugs bsam pa skongs/ /byang chub shing drung yid rdzogs la/ /lhung bzed bzhi
153a6 ni dbul lo zhes/ /'jig rten skyong bzhi sder bcas pa/ /de dag khyod la sdod cing mchis/ /tshangs pa rab tu zhi spyod pa/ /byams ldan snying rje thob pa yang / /bla med 'khor
153a7 lo rab bskor bar/ /mi dbang gsol snyam sdod cing mchis/ /byang chub bsnyen bkur byed pa'i lha/ /byang chub snying por gnas rnams kyang / /byang chub rnam par 'tshang
153b1 rgya ba| |blta'o zhes te sdod cing mchis/ /byang chub sems dpa' btsun mo'i nang / /bye ba ston pa gzhan yang mchis/ /de dag thog mar khyod gyur mdzod/ /de dag 'og tu lus sa
153b2 re| |dbyangs snyan cing ni dbyangs 'jam pa/ /mar me mdzad kyis lung bstan dgongs/ /yang dag de bzhin ma nor ba/ /rgyal ba'i sgra dbyangs bsgrag tu gsol/ /bskul ba'i
153b3 le'u ste| bcu gsum pa'o// //dge slong dag /de ltar lha'i bu des byang chub sems dpa' bskul ma thag tu rgyal po zas gtsang ma la rmi lam 'di bstan to/ /rgyal
153b4 po zas gtsang ma gnyid kyis log pa'i rmi lam du rmis pa/ byang chub sems dpa' mtshan mo mi nyal tsam na lha'i tshogs kyis bskor te mngon par 'byung zhing mngon par byung
153b5 nas kyang rab tu byung ste gos ngur smrig gyon pa rmis so/ /de nas de sad pa dang / rings pa rings par nyug rum la dris pa/ gzhon nu btsun mo'i 'khor gyi nang na 'dug gam/ des
153b6 smras pa| lha/ bzhugs so/ /de nas rgyal po zas gtsang ma 'di snyam du/ gzhon nu ni gdon mi za bar mngon par 'byung bar 'gyur te/ snga ltas su snang ba ni/ 'di dag yin
153b7 snyam nas khong pa'i snying la mya ngan gyi zug rngus zug par gyur to/ /de'ang 'di snyam du sems te/ bdag gi gzhon nu ni skyed mos tshal gyi sar yang nam yang 'gro bar mi 'gyur
154a1 te| bud med kyi tshogs kyi nang na mngon par dga' bas 'di nyid du chags par 'gyur te/ mngon par 'byung bar ni mi 'gyur ro snyam mo/ /de nas
154a2 rgyal po zas gtsang ma gzhon nu'i longs spyod kyi phyir dpyid dang / dbyar dang / ston gyi dus ji lta ba bzhin du khang bzang gsum byed du bcug go/ de la dpyid sa gang yin pa
154a3 de ni grang dro ran pa'o/ /dbyar sa gang yin pa de ni shin tu bsil ba'o/ /dgun sa gang yin pa de ni rang bzhin gyis dro ba'o/ /khang bzang re re'i gru skas rnams kyang
154a4 mi lnga brgya lnga brgyas 'dzugs shing 'bebs pa'o/ /de dag de ltar 'dzugs shing 'bebs pa na gzhon nu sus kyang ma tshor bar mngon par byung bar 'gyur du 'ong ngo zhes
154a5 sgra dpag tshad phyed du grag pa byung ngo / /ltas pa dang mtshan mkhan kun gyis kyang gzhon nu ni chab sgo bkra shis pa nas mngon par 'byung bar 'gyur ro zhes lung bstan to/
154a6 de nas rgyal pos bkra shis kyi sgo'i sgo 'phar chen po byed du bcug ste/ sgo 'phar re re'ang mi lnga brgya lnga brgyas 'byed cing gcod do/ /de dag gi sgra'ang dpag tshad phyed du grag
154a7 go /de la 'dod pa'i yon tan mtshungs pa med pa'ang sbyor ro/ /glu dang rol mo'i sgra dbyangs len pa dang / gar byed pa'i na chung dag kyang rtag tu bzhag par gyur to/ /dge
154b1 slong dag /de nas byang chub sems dpas kha lo sgyur ba la smras pa/ deng skyed mos tshal gyi sar 'gro'i/ shing rta myur du sbyor cig /de nas kha lo sgyur ba rgyal po zas gtsang ma'i
154b2 gan du song ste 'di skad ces smras so/ /lha/ gzhon nu skyed mos tshal gyi sar 'byung ngo zhes gsung ngo / /de nas rgyal po zas gtsang ma 'di snyam du sems te/ bdag gis gzhon
154b3 nu skyed mos tshal gyi sar nam yang ma phyung bas sa bzang po blta bar bya ba'i phyir bdag gis gzhon nu skyed mos tshal gyi sar phyung na/ 'on tang gzhon nu bud med kyi tshogs kyis
154b4 bskor te dga' ba myong bar 'gyur bas mngon par mi 'byung ngo snyam mo/ /de nas rgyal po zas gtsang ma byang chub sems dpa' la byams pa dang / rim gro byed pas da ste
154b5 zhag bdun na gzhon nu sa bzang po blta ba'i phyir skyed mos tshal gyi sar 'byung gi /der khyed kyis gzhon nu'i mig tu mi 'ong ba mthong bar mi 'gyur bar yid du mi 'ong ba
154b6 thams cad ni sol cig/ yid du 'ong ba dang / yul nyams dga' ba thams cad ni sbyor cig ces grong khyer du dril bsgrags so/ /de nas zhag bdun gyi nyin par grong
154b7 khyer thams cad brgyan to/ /skyed mos tshal yang mdzes par byas te/ ras bcos bu kha dog tha dad pa'i bla bre ni bres/ gdugs dang / rgyal mtshan dang / ba dan gyis ni/
155a1 legs par brgyan to/ /byang chub sems dpa' lam gang nas 'gro ba'i lam de'ang chag chag btab ste phyags nas spos chu'i chag chag btab ste me tog
155a2 sil ma ni chal par bkram/ phog phor nas ni bdugs/ bum pa gang bas ni mdzes par byas/ chu shing ljon pa ni bsgreng / dar tha dad pa sna tshogs kyi bla bre ni bres/
155a3 rin po che'i dril bu g.yer ka'i dra ba dang / rgyan phreng dang / chun po ni dbyangs/ dpung bzhi'i bkod pa ni byas so/ /g.yog 'khor kyang gzhon nu'i btsun mo'i 'khor brgyan
155a4 pa'i phyir brtson par gyur to/ /de nas byang chub sems dpa' bkod pa chen pos grong khyer gyi shar phyogs kyi sgo nas skyed mos tshal gyi sar byung ngo / /de nas byang chub
155a5 sems dpa' nyid kyi mthus gnas gtsang ma'i ris kyi lha'i bu rnams kyis mi rgan po gtugs pa/ 'khogs pa/ lus las rtsa rgyus thon pa/ so rgal ba/ lus gnyer
155a6 mas gang ba/ skra byi ba/ sgur ba/ gdung rten ltar dgu ba/ zhom pa/ 'khar ba la brten pa/ mthu zad pa/ dar yal ba/ mid pa nas sgra ngar ngar po 'byung ba/ lus
155a7 dgu bas 'khar ba la brten nas yan lag dang nyid lag thams cad 'dar ba zhig lam gar bstan par gyur to/ /de nas byang chub sems dpas shes bzhin du kha
155b1 lo sgyur ba la 'di skad ces smras so/ /kha lo sgyur ba mi rid nyam chung zhing / /sha khrag bskams la rgyus lpags nyi chos dkris/ /mgo dkar so rgal lus ni rab skem la/ /'khar
155b2 ba brten cing mi bde 'khyor 'gros su/ /kha lo sgyur bas smras pa/ lha gcig mi 'di rga bas zil gyis non/ /dbang po nyams shing sdug bsngal brtson stobs nyams/ /gnyen gyi
155b3 skye bos brnyas shing mgon med gyur/ /don bgyid mi nus nags khrod shing ltar bor/ /byang chub sems dpas smras pa/ 'di yi chos 'di rigs kyi yin nam 'on tam ni/ /
155b4 'gro ba 'di kun la yang 'di srid de smros shig /tshig 'di yang dag ji bzhin myur du smros shig dang / /thos nas de bzhin don la 'dir ni tshul bzhin bsam/ /kha lo sgyur
155b5 bas smras pa/ lha 'di rigs chos ma lags yul 'khor chos ma lags/ /skye bo kun gyi dar la bab pa rga bas 'joms/ /khyod kyi yab dang yum dang nye du gnyen tshogs kyang /
155b6 rga las thar 'gro ba yi thabs ni gzhan ma mchis/ /byang chub sems dpas smras pa/ kha lo sgyur ba byis pa'i skye bo mi mkhas pa'i/ /blo ngan gzhon pas rgyags shing myos
155b7 pas rga ma mthong / /nga ni slar 'gro nga yi shing rta myur du sgyur/ /nga yang rga la gnas pas rtse dgas ci zhig bya/ /de nas byang chub sems dpa' shing rta'i mchog de slar
156a1 bsgyur te phyir grong khyer du zhugs so/ /dge slong dag/ de ltar byang chub sems dpa' 'dus gzhan zhig na bkod pa chen pos grong khyer gyi lho phyogs
156a2 kyi sgo nas skyed mos tshal gyi sar zhugs pa dang / des lam ga na mi nad kyis nyen pa/ dmu rdzing can/ lus nyam chung ba/ rang gi gcin skyag tu bying ba/ mgon med pa/
156a3 skyabs med pa/ shin tu sha thang par dbugs dbyung zhing rngub dgos pa zhig mthong ngo / /mthong nas kyang yang byang chub sems dpas shes bzhin du kha lo sgyur ba la 'di
156a4 skad ces smras so/ /kha lo sgyur ba mi rtsub lus kyi mdog ngan la/ /dbang po thams cad nyams shing dbugs dbyung rab tu dka'/ /yan lag kun bskams lto bas
156a5 dkrugs shing nyam thag gyur/ /rang gi gcin rtug smad pa'i gnas na 'dug 'di su/ /kha lo sgyur bas smras pa/ lha gcig mi 'di shin tu nad kyis btab pa ste/ nad kyi
156a6 'jigs pa nye bar ma mchis pas 'gum pa thug/ nad med gzi brjid ma mchis stobs kyang rnam par nyams/ /mgon dang skyabs dang gling dang dpung gnyen ma mchis
156a7 lags| |byang chub sems dpas smras pa/ nad med pa yang rmi lam na ni rtse dang mtshungs/ /nad kyi 'jigs pa 'di ltar shin tu mi bzad pa/ /skyes bu mkhas pas gnas
156b1 'di mthong nas ji lta bur/ /rtse la dga' dang sdug pa'i 'du shes skyed par 'gyur/ /dge slong dag /de nas byang chub sems dpa' shing rta mchog de slar bsgyur te phyir yang
156b2 grong khyer du zhugs so/ /dge slong dag/ de ltar byang chub sems dpa' dus gzhan zhig na bkod pa chen pos grong khyer gyi nub phyogs kyi sgo nas skyed mos tshal gyi sar zhugs
156b3 pa dang / des lam ga na mi shi bar gyur pa/ khyogs la bzhag pa/ ras kyi bla bre phub pa/ nye du'i tshegs kyis bskor te kun kyang ngu zhing skad phyung ste ngu la smre sngags 'don cing
156b4 skra bshig la mgo la sa 'thor zhing brang rdung la cho nge 'don cing phyi bzhin 'brang bar gyur ba mthong ngo / /mthong nas kyang yang byang chub sems dpas shes bzhin du kha lo sgyur
156b5 ba la 'di skad ces smras so/ /kha lo sgyur ba mi 'di khyogs la bzhag nas ni/ /mi dag skra bshig mgo la sa yis 'thor byed cing / /sna tshogs dag gi tshig ni brjod la brang rdung
156b6 bas| |kun nas bskor ba byas te khyer ba su zhig yin/ /kha lo sgyur bas smras pa/ lha gcig mi 'di dzam+bu'i gling du gum pa ste/ /slan chad pha ma mchis brang bu rnams mthong
156b7 mi 'gyur/ /longs spyod khyam dang mdza' gnyen tshogs rnams spangs nas ni/ /'jig rten pha rol mchis te slan chad gnyen mi mthong / /byang chub sems dpas smras pa/
157a1 rga bas gnod par 'gyur ba'i gzhon pa cir mi rung / /sna tshogs nad kyis gnod 'gyur nad med cing mi rung / /ring du mi gson gson pa mkhas
157a2 la cir mi rung / /rga la chags pa skyes bu mkhas la cir mi rung / /gal te rga med nad med 'chi ba med gyur kyang / /'on kyang phung po lnga 'dzin sdug bsngal che yin na/ /
157a3 rga na 'chi ba rtag tu 'brang ba smos ci dgos/ /legs par slar zlog rab tu thar par byas ba bsam/ /dge slong dag /de nas byang chub sems dpa' shing rta mchog de
157a4 slar bzlog ste phyir yang grong khyer du zhugs so/ /dge slong dag /de ltar byang chub sems dpa' dus gzhan zhig na grong khyer gyi byang phyogs kyi sgo nas skyed mos tshal
157a5 gyi sar zhugs pa dang / byang chub sems dpa'i mthus lha'i bu de dag nyid kyis lam ga der dge slong zhig mngon par sprul pa dang / byang chub sems dpa' dge slong
157a6 zhi ba/ dul ba/ yang dag par bsdams pa/ tshangs par spyod pa/ mig phab pa/ gnya' shing gang tsam du lta ba/ spyod lam mdzes pa phun sum tshogs pa/ 'gro ba
157a7 dang ldog pa mdzes pa phun sum tshogs pa/ mdun du lta ba dang / g.yas g.yon su lta ba mdzes pa/ bskum pa dang smyang ba mdzes pa/ chos gos snam sbyar dang lhung
157b1 bzed dang chos gos thogs pa mdzes pa zhig lam ga na 'dug pa de mthong ngo / /mthong nas kyang byang chub sems dpas shes bzhin du kha lo sgyur ba la 'di skad ces smras so/ /
157b2 kha lo sgyur ba skyes bu sems zhi rab zhi zhing / /mig phab 'gro la gnya' shing gang tsam lta byed cing / /dur smrig gos gyon shin tu rab tu zhi ba spyod/ /lhung bzed thogs nas mi
157b3 rgod ma khengs su zhig yin/ /kha lo sgyur bas smras pa/ lha gcig mi 'di dge slong zhes ni bgyi ba lags/ /'dod pa'i dga' ba spangs shing shin tu dul bar spyod/ /bdag nyid
157b4 zhi ba tshol zhing rab tu byung bar gyur/ /'dod chags zhe sdang bral bar bsod snyoms spyod cing rgyu/ /byang chub sems dpas smras pa/ /'di ni dge bar legs smras nga yang 'dod
157b5 pa ste| |rab tu byung ba mkhas pa rnams kyis rtag tu bsngags/ /de ni bdag la phan zhing sems can gzhan la'ang phan/ /'tsho ba bde zhing nyams mthun 'chi med 'bras bur
157b6 'gyur| |dge slong dag/ de nas byang chub sems dpas shing rta mchog de slar bsgyur te phyir yang grong khyer du zhugs so/ /dge slong dag/ de ltar byang chub sems dpa' la skul
157b7 ba rnam pa 'di lta bu 'di dag rgyal po zas gtsang mas mthong zhing thos nas byang chub sems dpa' yongs su bsrung ba'i phyir ra ba rgya chen po byed du bcug ste/ 'obs kyang rkor
158a1 bcug /sgo gtan dam po'ang 'dzugs su bcug /srung ma'ang bkod/ dpa' bo rnams kyang sbran/ bzhon pa'ang sta gon byas/ go cha'ang gyon
158a2 du bcug go/ byang chub sems dpa' bsrung ba'i phyir grong khyer chen po'i sgo bzhi'i lam gyi sum mdo rnams su dpung chen po'i bkod pa bzhag ste/ byang chub sems
158a3 dpa' mngon par 'byung nga re zhes de dag de srung du bcug go/ btsun mo'i 'khor la'ang res 'ga' tsam yang glu dbyangs kyi rgyun chad da re/ dga' ba dang rtse ba thams cad
158a4 kyang sbyor cig /ci nas kyang gzhon nu chags nas rab tu 'byung bar mi 'gyur ba dang / mgu bar 'gyur bar bud med kyi sgyu'ang ston cig ces bsgo'o/ /de la 'di skad
158a5 ces bya ste/ 'thab mor mos pa'i skyes bu lag na ral gri mtshon thogs sgo gar bkod/ /go bgos mi rta glang po shing rta mi bskyon glang po'i phreng ba'ang bkod/ /'obs
158a6 dang shing thags dag dang rta babs phyir thon po yang byed du bcug /sgo mo rgyang grags grag pa'i sgra 'byung bar yang gtan pa dam po bcug /shAkya'i tshogs rnams thams
158a7 cad yid mi dga' zhing nyin mtshan srung bar byed/ /dpung chen de dag rnams kyang sgra skad chen po shin tu grag par byed/ /des pa 'di nas 'byung du 'ong zhes grong khyer
158b1 'khrugs shing yid dngangs skrag /shAkya'i rigs skyes song na rigs 'di chad par mi 'gyur grang snyam byed/ /skye bo bud med dag la bsgo ba rtag tu glu dbyangs rgyun ma bcad/ /
158b2 brtse bas dga' ba rnams kyi bsnyen bkur bgyis shing yid kyang mgu bar gyis/ /bud med sgyu thabs spyod pa gang yin rnam pa du ma mang po ston/ /des pa 'gror mi 'gyur bar
158b3 srung bar byos la bgegs kyang rab tu byos/ /kha lo sgyur ba mchog de mngon par 'byung ba'i snga ltas 'di dag ste/ /ngang pa khrung khrung dag dang rma bya ri skegs dag dang ne tso
158b4 rnams| |khang bzang skar khung rta babs mchog dang yang thog khri la 'khod nas ni/ /dman zhing dman la mi dga' mi bde mgo smad sems shing sgra mi 'byin/ /rdzing dang
158b5 rdzing chen dag gis pad+ma dag kyang rnyis shing rnyis par gyur/ /shing ljon bskams shing yal ga me tog lhags la me tog slar mi 'chags/ /pi wang gling bu rgyud gsum
158b6 rgyud kyis brgyan pa de tshe glo bur chad/ /rnga dang rdza rnga dag kyang lag pas brdungs na 'chag cing sgra mi 'byung / /grong khyer de dag thams cad 'khrugs par gyur cing shin tu
158b7 gnyid kyis non/ /gang gi yid kyang gar byed pa dang glu len pa la dga' ba med/ /rgyal po'ang mchog tu rab tu yod dman gyur te sems khong chud cing 'dug /e ma
159a1 ma rungs shAka rigs rdzu 'phrul rgya chen mi tshig grang snyam byed/ /sa 'tsho ma dang rgyal bu mal gcig na ni nyal zhing 'khod pa'i tshe/ /nam phyed tsam
159a2 na sa 'tsho ma yi rmi lam du ni 'di dag rmis/ /sa 'di thams cad rtse mor ldan pa'i ri dang bcas te g.yos par gyur/ /shing ljon rnams kyang rlung gis bskyod nas rtsa nas
159a3 thon te sa la 'gyel/ /nyi ma zla ba skar ma'i rgyan dang bcas te mkha' las sa la lhung / /lag pa g.yon pas skra yang rab tu 'bal zhing cod pan lhung ba mthong / /lag
159a4 pa chad la de bzhin rkang pa'ang chad cing bdag ni sgren mor mthong / /bdag gi mu tig do shal nor bu gser gyi 'og dpag chad par mthong / /nyal khri de yi rkang pa
159a5 bzhi chag sa yi steng na nyal ba mthong / /rgyal po'i gdugs kyi yu ba spras pa dpal ldan mdzes pa chag par mthong / /rgyan rnams kun kyang rnam par 'thor cing chu
159a6 yis khyer bar gyur pa dang / /khyim thab rgyan yang gos dang cod pan bcas te mal steng 'thor bar mthong / /grong khyer dag nas me sgron phyir byung grong khyer mun pas non
159a7 pa dang / /rin po che las byas pa'i dra ba mdzes pa'ang chad par gyur pa rmis/ /mu tig do shal 'phyang ba lhung nas rgya mtsho chen pos dkrugs pa dang / /
159b1 de yi tshe ni ri yi rgyal po ri rab gnas nas g.yos pa rmis/ /shAkya'i bu mo'i rmi lam du ni 'di 'dra 'di dag rmis gyur nas/ /de sad mig nas mchi ma zag cing rang
159b2 gi khyo la 'di skad smras/ /lha gcig rmi lam 'di 'dra rmis pa cir 'gyur pa ni bka' stsol cig/ bdag ni dran pa 'khrul cing mig kyang 'khrul la yid ni mya ngan non//
159b3 de yis de thos ka la ping+ka rnga sgra tshangs dbyangs sgra snyan pas/ /sa 'tsho ma la smras pa khyod ni rab tu dgar 'gyur sdig pa med/ /sems can gang dag bsod nams sngon
159b4 spyad de dag rmi lam 'di 'dra rmi/ /sdug bsngal du mas nyen pa rmi lam 'di 'dra rmi ba ga la yod/ /khyod kyis sa ni rab tu g.yos pa dang / /ri rtser bcas te sa la lhung rmis
159b5 pa| |lha dang klu dang srin po 'byung po'i tshogs/ /kun gyis khyod mchod gtso mor byed par 'gyur/ /khyod kyis shing rnams rtsa nas thon rmis shing / /lag pa g.yon pas
159b6 skra 'bal rmis pa ni/ /sa 'tsho myur du nyon mongs dra ba bcad/ /'dus byas dag las lta ba'i dra ba 'byin/ /khyod kyis nyi zla sa la lhung rmis shing / /skar ma rnams kyang
159b7 lhung bar rmis pa ni/ /sa 'tsho myur du nyon mongs dgra bcom ste/ /khyod ni 'jig rten mchod pa bsngags par 'gyur/ /khyod kyis mu tig do shal 'thor rmis
160a1 shing / /lus kun chad dang sgren mo rmis pa ni/ /sa 'tsho myur du bud med lus spangs te/ /ring por mi thogs skyes pa'i lus su 'gyur/ /khyod
160a2 kyis khri rkang chag par rmis pa dang / /gdugs yu ring chen spras pa chag rmis pa/ /sa 'tsho myur du chu bo bzhi rgal cing / /nga ni 'jig rten gdugs gcig 'gyur
160a3 ba mthong / /khyod kyis rgyan rnams chu sa khyer rmis pa dang / /nga yi gos dang cod pan khri steng rmis/ /sa 'tsho myur du mtshan gyis brgyan nas ni/ /'jig rten kun
160a4 gyis nga la bstod pa mthong / /khyod kyis mar me brgya phrag bye ba dag /grong khyer byung nas mun nag gyur rmis pa/ /sa 'tsho myur du ma rig rmongs pa'i mun/ /'jig
160a5 rten kun la shes rab snang byed 'gyur/ /khyod kyis mu tig do shal chad pa dang / /gser gyi tshong tshong spras pa chad rmis pa/ /sa 'tsho myur du nyon mongs dra bcad de/ /
160a6 'dus byas dag las 'du shes skud pa 'byin/ /sa 'tsho gang phyir nga la gus par ni/ /rtag tu rim gro mchog gis mchod byed na/ /khyod la ngan 'gro med cing mya
160a7 ngan med/ /myur du dga' zhing mchog tu dga' ba 'thob/ /ngas ni sngon chad sbyin pa gya nom byin/ /tshul khrims bsrungs dang rtag tu bzod pa bsgoms/ /de bas
160b1 nga la dad pa gang rnyed pa/ /de dag thams cad dga' zhing rab dga' rnyed/ /'khor bar bskal pa bye ba mtha' yas su/ /ngas ni byang chub lam mchog rnam par sbyangs/ /
160b2 de bas nga la dad pa gang byed pa/ /de dag thams cad ngan song gsum po chad/ /dga' ba 'thob kyi mi dga' ma skyed cig /tshim pa thob par gyis la mgu skyed cig /
160b3 dga' dang mchog tu dga' ba myur 'thob ste/ /khyod kyi rmi ltas bzang gis 'tsho nyol/ /sngon chad dge ba'i las ni yang dag bsags gyur pa/ /mi mchog rnams ni mngon
160b4 par 'byung ba'i dus bab tshe/ /mtshan ma 'di dag bsod nams gzi brjid bsags pa dang / /dpal gyi gzi brjid snying po can des rmi bar 'gyur/ /de ni rkang pa dag
160b5 dang lag pa chen po yis/ /rgya mtsho chen po bzhi po dag gis chu dkrugs dang / /sa 'di thams cad sna tshogs mal char gyur pa dang / /ri bo lhun po mchog kyang sngas su
160b6 gyur pa rmi/ /rmi lam na ni 'od rab bkye bas 'jig rten na/ /mun pa mun nag chen po rnam par bsal ba dang / /sa las gdugs shig byung bas 'jig rten gsum khyab
160b7 dang / /'od kyis reg pas log lhung sdug bsngal rab zhi rmi/ /dkar nag srog chags bzhi zhig rkang pa ldag pa dang / /kha dog bzhi pa'i bya 'ongs kha dog gcig gyur dang
161a1 mchog tu ngan pa smad pa ngan skyug ri la yang / /'dzegs nas 'gro yang de na gos ba med ba rmi/ /rmi lam na ni chu bo chu yis rab gang nas/ /srog
161a2 chags bye ba khrag khrig mang po khyer ba las/ /der ni grur byas bsgral te gzhan dag bsgral nas ni/ /de yis 'jigs med mya ngan med mchog thang bkod rmi/ /rmi
161a3 lam la ni nad pa mang po nad btab pa/ /nad med gzi brjid bral zhing stobs kyang nyams rnams la/ /de ni sman par gyur nas rtsi sman mang byin pas/ /nad btab sems
161a4 can khrag khrig mang po thar byed rmi/ /ri rab ngos la seng+ge'i khri la 'dug nas ni/ /slob ma thal mo sbyar cing lha rnams phyag 'tshal la/ /bdag ni g.yul las rgyal zhing
161a5 lha rnams nam mkha' las/ /kun tu dga' ba'i sgra sgrog par ni rmi lam rmi/ /bkra shis brtul zhugs bzang po yongs su rdzogs par yang / /byang chub sems dpa'
161a6 rmi lam rnam pa de dag rmi/ /de thos nas ni 'di ni ring por mi thogs par/ /mi yi lha yi lhar 'gyur snyam ste lha mi dga'/ /rmi lam gyi le'u ste/ bcu bzhi pa'o// //dge slong dag/ de nas byang chub sems dpa' 'di snyam du sems te/ bdag gis rgyal po chen po zas gtsang ma la'ang ma byas shing / phas gnang ba med par mngon par
161b1 'byung ba 'di ni bdag la mi rigs te/ byas pa gzo ba ma yin par 'gyur ro snyam nas de mtshan mo mi nyal tsam na rang gi gnas kyi khang bzang nas byung ste rgyal po
161b2 zas gtsang ma'i khang bzang du phyin nas 'dug go /byang chub sems dpa' 'dug ma thag tu khang bzang thams cad 'od kyis gsal bar gyur to/ /de nas rgyal po sad
161b3 pa dang / 'od de mthong ste mthong nas kyang myur ba myur bar nyug rum la smras pa/ kye nyug rum/ ci nyi ma shar tam/ gang gis na 'di 'od kyis rnam par mdzes/ nyug rum
161b4 gyis smras pa/ lha/ da dung du dgung phyed kyang ma bas so/ /lha/ gzhan yang nyi ma'i 'od ni shing dang rtsig pa thal mi phyin/ /lus la gdung bar bgyid cing tsha bar rab
161b5 tu bgyid/ /nang par dus na ngang pa dag dang rma bya dang / /ne tso khu byug ngur pa dag kyang rang sgra 'byin/ /'od 'di lha mi'i yid du mchi zhing bde ba ste/ /rab tu sim bgyid
161b6 dge bgyid gdung bar bgyid ma lags/ /shing dang rtsig pa thal phyung sgrib pa yong ma mchis/ /yon tan ldan pa gcig cig deng ni 'di 'byon nges/ /rgyal po de ni mi
161b7 dga' phyogs bcur bltas pa dang / /sems can dag pa pad+ma'i mig can de mthong nas/ /de ni mal nas ldang bar 'dod na ma nus te/ /rnam dag blo can dam pa pha
162a1 la gus pa bskyed/ /de ni rgyal po'i mdun du 'dug nas 'di skad smras/ /lha gcig bdag ni mngon par 'byung ba'i dus bab rigs/ /bgegs kyang
162a2 ma mdzad mi dgyes pa yang ma mdzad cig /rgyal po gnyen bcas yul 'khor bcas te bzod par mdzod/ /rgyal po de ni mchi mas mig gang 'di skad smras/ /khyod ni
162a3 phyir ldog pa yi dgos pa ci zhig yod/ /bdag la dam pa ci slong smros shig thams cad sbyin/ /bdag dang pho brang 'khor dang yul 'khor 'dir phan thogs/ /de tshe byang
162a4 chub sems dpas snyan pa'i tshig smras pa/ /lha gcig dam pa bzhi 'tshal de ni bdag la stsol/ /gal te stsal bar spyod na mnga' ni khyod la mchis/ /'on tang
162a5 rtag tu khyim na gzims shing 'byung mi 'gyur/ /lha gcig bdag ni rga bas tshugs par mi 'gyur zhing / /rtag tu mdog bzang dar la bab par gnas pa dang / /nad
162a6 ma mchis pa thob cing nad kyis mi gdab dang / /tshe dpag ma mchis pa dang rgud par mi 'gyur 'tshal/ /rgyal pos tshig thos shin tu sdug bsngal nyam thag ste/ /gzhon
162a7 nu gnas min slong bas bdag la mthu med do/ /bskal par gnas pa'i drang srong rnams kyang na ma du yang / /rga na 'chi ba'i 'jigs dang rgud las ma thar to/ /rga na
162b1 'chi ba'i 'jigs dang rgud par mi 'gyur ba/ /lha gcig gal te mchog bzhi 'di dag mi stsol na/ /gzhan yang mchog cig gsol gyi rgyal po gsan du gsol/ /'di nas
162b2 shi 'phos nying mtshams sbyor bar mi 'gyur mdzod/ /mi yi dam pas tshig ni de skad thos pa dang / /sred pa bsrabs te bu la chags pa yongs su chod/ /phan byed 'gro ba thar
162b3 byed rjes su yi rang ngo / /khyod kyi bsam pa rnams ni yongs su rdzogs gyur cig /dge slong dag /de nas byang chub sems dpa' slar song ste rang gi khyim du phyin nas mal na
162b4 'dug pa dang / de song ba'am 'ongs par sus kyang ma tshor ro/ /dge slong dag /de'i nam nangs pa dang / rgyal po zas gtsang mas shAkya'i tshogs thams cad bsags te de'i
162b5 lo rgyus rnams smos nas gzhon nu ni mngon par 'byung na/ da ji ltar bya zhes smras so/ /shAkya rnams kyis smras pa/ lha/ bsrung bar bgyi'o/ /de ci'i slad du zhe na/ shAkya'i
162b6 tshogs 'di ni mang la/ de ni gcig pur gyur bas mthus mngon par 'byung ba'i nus pa de la ma mchis so/ /de nas shAkya de dag dang / rgyal po zas gtsang mas shAkya
162b7 gzhon nu 'thab chos sbyangs pa/ 'os su gyur pa/ 'phong bslab pa/ tshan po che chen po'i stobs dang ldan pa lnga brgya byang chub sems dpa' bsrung ba'i phyir grong khyer gyi shar
163a1 sgor bkod de/ byang chub sems dpa' bsrung ba'i phyir shAkya gzhon nu re re la'ang 'khor shing rta lnga brgya brgya dang / shing rta re re la'ang 'khor dpung
163a2 bu chung lnga brgya lnga brgya bkod do/ /byang chub sems dpa' bsrung ba'i phyir de bzhin du grong khyer gyi lho dang / nub dang / byang gi sgor yang shAkya gzhon nu 'thab chos sbyangs pa/
163a3 'os su gyur pa/ 'phong bslab pa/ tshan pa che chen po'i stobs dang ldan pa lnga brgya lnga brgya dang / shAkya gzhon nu re re la'ang 'khor shing rta lnga brgya lnga brgya dang / shing rta
163a4 re re la'ang 'khor dpung bu chung lnga brgya lnga brgya bkod do/ /byang chub sems dpa' bsrung ba'i phyir shAkya rgan rabs rgan rabs rnams kyang lam gyi bzhi mdo dang / sum
163a5 mdo dang / lam po che mang po thams cad na sdod cing 'khod do/ /rgyal po zas gtsang ma'ang shAkya gzhon nu lnga brgyas bskor cing mdun gyis bltas te rta dang / glang
163a6 po che dag la zhon nas rang gi khyim sgo na mel tshe byed do/ /skye rgu'i bdag mo chen mo gau ta mis kyang rang gi bran mo'i tshogs la smras pa/ mar me dri ma med pa bus la nor
163a7 du thams cad rgyal mtshan rtse mor thogs/ /mu tig rgyan phreng rnams kyang sbyangs la khyim 'di kun tu 'od kyis snang bar byos/ /glu dbyangs dag kyang sbyor la do mdo
163b1 g.yel pa med par mel tshe dam du gyis/ /gzhon nu ci nas ma tshor bar ni 'gro bar mi 'gyur tshul du srung bgyis/ /go bgos lag na lag cha ral gri dang / mdung thung mda'
163b2 dang mtshon cha rtse gnyis thogs/ /sdug pa'i bu ni bsrung bar bya ba'i phyir/ /kun kyang rab tu sgrim pa chen po gyis/ /sgo kun chod la gtan pa dam du chud/ /sgo 'phar sra ba rked
163b3 par gtan chug la/ /dus la ma bab par ni sgom dbye/ /sems can dam pa 'di ni shor ta re/ /nor bu do shal mu tig do shal thogs/ /me tog zla gam seng+ge shing lo res/ /
163b4 ska rags sor gdub sna rgyan chings shing thogs/ /rkang gdub dag kyang shin tu legs par thogs/ /lha mi phan pa glang po dregs bzhin 'gro /gal te glo bur mngon par byung
163b5 nga re| |ci nas mi bde rnyed par ma gyur par/ /de lta de ltar nan tan cher gyis shig /bud med gang dag mdung thung thogs pa dag/ dri ma med pa mal na 'dug pa bskor/ /ci
163b6 nas gnyid kyis log par ma gyur par/ /phye ma leb bzhin mig gis bsrung bar gyis/ /rgyal bu 'di ni bsrung bar bya ba'i phyir/ /khyim 'dir rin po che yi dra ba bros/ /gling bu
163b7 dag kyang rab tu bud cing longs/ /de mod rdul dang bral ba srung bar gyis/ /phan tshun gcig la gcig ni spron byos te/ /do mod ma nyal shin tu srung ba gyis/ /rgyal srid dang ni
164a1 yul 'khor spangs nas su/ /khyim nas mngon du 'byung bar gyur ta re/ /'di ni mngon par byung bar gyur na ko /rgyal po'i pho brang 'di kun nyams mi
164a2 dga'| |rgyal po'i rigs rgyud yun ring gnas pa yang / /rgyal po'i rigs dang rgyud ni chad par 'gyur/ /dge slong dag /de nas gnod sbyin gyi sde dpon lnga rtsen la sogs
164a3 pa gnod sbyin gyi sde dpon chen po nyi shu rtsa brgyad dang / 'phrog ma'i bu lnga brgya rnams gcig tu 'dus nas 'di skad ces smras te/ grogs po dag /do mod byang chub sems
164a4 dpa' mngon par 'byung gi /khyed cag de la mchod pa byed pa'i las la spro ba gyis shig /rgyal po chen po bzhi'ang lcang lo can gyi pho brang du zhugs nas gnod sbyin gyi
164a5 'khor chen po la smras pa/ grogs po dag/ do mod byang chub sems dpa' mngon par 'byung gi /khyed kyis bcibs pa'i rkang lag nas theg la 'byung bar gyis shig /
164a6 gnod sbyin gyi 'khor gyis smras pa/ sku ni sred med bu yi stobs ldan rdo rje lta bur mi phyed sra la lci/ /sems can kun gyi dam pa de ni brtson 'grus stobs ldan g.yo ba
164a7 mi mnga' ste/ /ri yi dam pa lhun po chen po rmang nas phyung ste nam mkhar gzung nus kyi/ /rgyal ba'i yon tan lhun po ri lci bsod nams ye shes gnas pa sus kyang gang
164b1 du bkur mi nus/ /rnam thos kyi bus smras pa/ mi gang nga rgyal 'gying ba de la ston pa lci/ /gang dag dga' gus gnas pa de dag yang bar tshor/ /bsam pa thag pas brtson par
164b2 byos la gus pa yis/ /bya yis sha kham bzhin du yang bar shes par gyis/ /kho bo mdun nas 'gro yid khyed cag rnams kyis bcibs pa theg /byang chub sems dpa' mngon
164b3 par 'byung tshe bsod nams mang po gsog /dge slong dag /de nas lha'i dbang po brgya byin gyis sum cu rtsa gsum gyi lha rnams la smras pa/ kye grogs po dag /do mod byang chub
164b4 sems dpa' mngon par 'byung gi /de la khyed thams cad mchod pa'i las la spro bar gyis shig /de na lha'i bu zhi ba'i blo gros zhes bya ba des 'di skad ces smras so/ /bdag
164b5 gis ni ser skya'i gnas kyi grong khyer chen po'i skyes pa dang / bud med dang / khye'u dang / bu mo thams cad gnyid kyis log par bgyi'o/ /lha'i bu rtse ba bkod pa zhes bya ba
164b6 des 'di skad ces smras so/ /bdag gis ni rta dang / glang po che dang / bong bu dang / rnga mo dang / ba lang dang / ma he dang / skyes pa dang / bud med dang / khye'u dang / bu mo rnams
164b7 kyi sgra mi grag par bgyi'o/ /lha'i bu bkod pa'i blo gros zhes bya ba des 'di skad ces smras so/ /bdag gis ni/ nam mkha'i dkyil du shing rta chen po bdun rin po che'i stegs
165a1 bus 'khor bar bskor ba/ nor bu rin po che me shel gyi 'od 'bar ba/ gdugs dang / rgyal mtshan dang / ba dan bsgreng ba/ me tog sna tshogs chal par
165a2 bkram pa/ pog por nas bdug spos sna tshogs kyis bdugs pa dag byang chub sems dpa' lam gang nas 'byung ba'i lam der bkod pa bgyi'o/ /klu'i rgyal po sa srung gi
165a3 bu zhes bya bas 'di skad ces smras so/ /bdag gis ni bdag nyid kyi sna la khang pa brtsegs pa dpag tshad sum cu rtsa gnyis pha bgyis te der lha'i bu mo dag bkod la sil
165a4 snyan dang / glu dbyangs len du stsal cing glu dang rol mo'i dbyangs sgra chen pos byang chub sems dpa' la rim gro dang bsnyen bkur bgyid cing mchi bar bgyi'o/ /lha'i dbang
165a5 po brgya byin nyid kyis 'di skad ces smras so/ /kho bos ni sgo dbye'o/ /lam mtshon par bya'o/ /lha'i bu chos spyod kyis 'di skad ces smras so/ /bdag gis ni btsun
165a6 mo'i 'khor rnams mi sdug par bstan par bgyi'o/ /lha'i bu yang dag skul pos smras pa/ bdag gis ni byang chub sems dpa' gzims mal nas bzhengs par
165a7 gsol bar bgyi'o/ /de na klu'i rgyal po chu lha dang / klu'i rgyal po gzi can dang / klu'i rgyal po rgya mtsho dang / klu'i rgyal po ma dros pa dang / klu'i rgyal po dga' bo dang
165b1 nye dga' bos 'di skad ces smras so/ /bdag cag gis ni byang chub sems dpa' la mchod pa'i las kyi phyir dus kyi rjes su 'brang ba'i tsan+dan gyi sprin mngon par sprul te tsan+dan
165b2 sbrul gyi snying po'i phye ma'i char dbab bo/ /dge slong dag /de ltar lha dang / klu dang / gnod sbyin dang / dri za rnams kyis rnam pa 'di lta bu'i bsam pa nges pa bsam ste brtsams
165b3 so| |byang chub sems dpa' chos sems pa la zhugs pa/ glu dbyangs len pa'i khang bzang na mal bde ba la 'dug pa/ btsun mo'i 'khor gyi nang na 'dug pa ni sngon gyi sangs
165b4 rgyas kyi spyod pa rnam par sems shing sems can la phan pa bya ba rjes su sems la sngon gyi smon lam gyi tshig bzhi mngon du byed do/ /bzhi gang zhe na/ sngon nga rang byung gi
165b5 bdag po 'dod cing thams cad mkhyen pa nyid don du gnyer ba na go cha 'di lta bu bgos par gyur te/ sems can sdug bsngal ba dag mthong nas kye ma'o/ /bdag gis 'jig
165b6 rten gnas pa bcings te 'khor ba'i btson ra chen por bcug pa la 'khor ba'i btson ra dral te bcings pa bkrol ba'i sgra bsgrag go/ sred pa'i zhags pa dang / sgrog dam
165b7 pos bcings pa'i sems can rnams kyang rab tu dgrol lo/ /zhes bya ba sngon gyi smon lam gyi tshig dang po 'di mngon du gyur to/ /kye ma'o bdag gis 'jig rten ma rig
166a1 pa'i mun pa mun nag thibs po chen por zhugs pa/ mi shes pa'i ling thog dang rab rib kyis mig bsgribs pa/ shes rab kyi mig dang bral ba/ ma rig pa
166a2 dang gti mug gis ldongs pa la chos kyi snang ba chen po bya zhing ye shes kyi sgron ma'ang nye bar bsgrubs la/ rnam par thar pa'i sgo gsum shes pa'i mig sman ri lu dang / sman
166a3 thabs dang shes rab dang / ye shes dang ldan pa btang ste/ ma rig pa'i mun pa mun nag dang / gti mug gi mun pa dang / rab rib dang / ling tog dang / rnyog pa thams
166a4 cad bsal nas shes rab kyi mig rnam par sbyang ngo zhes bya ba sngon gyi smon lam gyi tshig gnyis pa 'di mngon du gyur to/ /kye ma'o bdag gis 'jig rten nga rgyal gyi
166a5 rgyal mtshan bsgreng ba/ ngar 'dzin pa dang nga yir 'dzin pa la mngon par zhen pa/ bdag dang bdag gir 'dzin pa dang ldan pa'i yid can/ 'du shes dang / sems dang /
166a6 lta ba phyin ci log gis phyin ci log tu gyur pa/ bzung ba ngan pas zin pa la 'phags pa'i lam bstan te/ nga'o snyam pa'i nga rgyal bsnyil bar bya'o zhes bya ba sngon gyi
166a7 smon lam gyi tshig gsum pa 'di mngon du gyur to| |kye ma'o bdag gis 'jig rten rnam par ma zhi ba/ thags 'khrugs pa lta bur gyur pa/ dru gu 'dzings pa lta
166b1 bur gyur pa/ 'ong ba dang 'gro bar gyur pa/ 'jig rten 'di nas 'jig rten pha rol dang / 'jig rten pha rol nas 'jig rten 'dir kun tu rgyug cing 'khor la 'khor ba las
166b2 mi ldog pa mgal me'i 'khor lo lta bur gyur pa la nye bar zhi bar byed pa'i shes rab kyis chog par byed pa'i chos kyang bstan to zhes bya ba sngon gyi smon lam gyi tshig bzhi pa
166b3 'di mngon du gyur te/ sngon gyi smon lam gyi tshig bzhi po de dag mngon du gyur to/ /skad cig de la lha'i bu chos spyod dang / gnas gtsang ma'i ris kyi lha'i bu rnams kyis btsun
166b4 mo'i 'khor mi sdug par bsgyur te mi sdug par gnas pa dang / smad pa'i gzugs su bstan nas nam mkha' la 'khod de byang chub sems dpa' la tshigs su bcad de smras pa/
166b5 de nas lha'i bu rdzu 'phrul che rnams kyis/ /pad+ma rgyas pa yangs pa'i spyan la smras/ /dur khrod dbus 'dir bzhugs par gyur lags na/ /khyod ni ji ltar dgyes pa skye bar 'gyur/ /
166b6 lha yi dbang phyug rnams kyis de bskul nas/ /yud tsam btsun mo'i 'khor la lta zhing rtog /bltas nas smad par gyur pa de dag mthong / /dur khrod gnas par gyur pa bden
166b7 snyam byed/ /byang chub sems dpa' thams cad dang ldan pa'i bud med kyi tshogs la rnam par bltas pa dang / kha cig ni gos lhung bar gyur/ kha cig ni skra zhig /kha cig
167a1 ni rgyan brul/ kha cig ni cod pan lhung / kha cig ni phrag pa mi sdug par gyur/ kha cig ni lus rnam par 'khrugs/ kha cig ni bzhin mi sdug par
167a2 gnas| kha cig ni mig gyur/ kha cig ni kha chu zag /kha cig ni sdur/ kha cig ni lud pa lu/ kha cig ni god/ kha cig ni brdol/ kha cig ni so 'khrig /kha cig
167a3 ni bzhin mdog 'gyur/ kha cig ni gzugs mi sdug par gyur te lag pa ring por gyur/ kha cig ni rkang pa phral/ kha cig ni mgo phyung / kha cig ni mgo g.yogs/
167a4 kha cig ni bzhin gyi dbyibs gyur/ kha cig ni lus ma rung bar gyur/ kha cig ni lus sgren mor gyur/ kha cig ni lus bskums shing sdur/ kha cig ni rdza rnga la
167a5 'khyud nas lus gan rkyal du 'gyel/ kha cig ni pi wang dang rgyud gsum pa'i steng du lag pa brkyang / kha cig ni gling bu la sos 'debs/ kha cig ni rol mo'i
167a6 cha byed kim+pa la dang / na ku la dang / 'khar ba'i sil khrol dang / pheg la 'dzin/ kha cig ni mig 'dzum zhing 'byed la 'gyur/ kha cig ni kha gdangs par gyur
167a7 te| de ltar sa la mi sdug par gnas par gyur pa'i btsun mo'i 'khor la lta zhing byang chub sems dpa' dur khrod kyi 'du shes skyed do/ /de la 'di skad ces bya ste/
167b1 'jig rten mgon des de mthong yid byung ste/ /snying rjes shugs phyung nas ni 'di skad smras/ /e ma skye rgu dag ni sdug bsngal gyur/ /srin mo'i tshogs la dga' ba ji ltar
167b2 rnyed| |'dod pa'i yon tan yon min yon tan 'dzin/ /gti mug mun pas rab bsgribs blo gros ngan/ /dper na bya ni bya rgyar tshud pa bzhin/ /nam yang 'byung ba rnyed par
167b3 'gyur ma yin// //'phags pa rgya cher rol pa zhes bya ba theg pa chen po'i mdo/ bam po bcu pa/ de nas byang chub sems dpa' chos snang ba'i sgo 'dis yang btsun
167b4 mo'i 'khor lo rtog cing snying rje chen po'i smre bas sems can gyi phyir smre ste/ 'di ni byis pa de dag ni gsod pa ste/ gsad pa'i gnas su gsang par bya ba gsod pa dang
167b5 mtshungs so/ /'di na byis pa de dag ni chags pa ste/ ngan skyug gis gang ba'i snod ri mo can rnams la mi mkhas pa chags pa dang mtshungs so/ /'di na byis pa de dag ni
167b6 'bying ba ste/ glang po che chur bying pa dang mtshungs so/ /'di ni byis pa de dag ni btsas pa ste/ btson ra'i nang gi btson btsas pa dang mtshungs so/ /'di na byis pa de dag ni
167b7 mngon par dga' ba ste/ phag mi gtsang ba la dga' ba dang mtshungs so/ /'di na byis pa de dag ni chags pa ste/ khyi keng rus la chags pa dang mtshungs so/ /'di na byis
168a1 pa de dag ni rab tu lhung ba ste/ phye ma leb mar me'i me lcer lhung ba dang mtshungs so/ /'di na byis pa de dag ni thogs pa ste/ spre'u rnyong la thogs
168a2 pa dang mtshungs so/ /'di na byis pa de dag ni yongs su bzung ba ste/ nya rgyas zin pa dang mtshungs so/ /'di na byis pa de dag ni yongs su gtubs pa ste/ sha tshong gi
168a3 gnas kyi lug dang mtshungs so/ /'di na byis pa de dag ni btsugs pa ste/ sdig pa byed pa gsal shing gi rtse mo la btsugs pa dang mtshungs so/ /'di na byis pa de
168a4 dag ni 'dam du 'bying zhing thogs pa ste/ glang po che rgan po 'dam du song ba dang mtshungs so/ /'di na byis pa de dag ni phongs pa ste/ rgya mtsho chen por gru'i snam
168a5 bu zhig pa dang mtshungs so/ /'di na byis pa de dag ni rab tu lhung ba ste/ dmus long g.yang sa chen por lhung ba dang mtshungs so/ /'di na byis pa de dag ni yongs
168a6 su zad par 'gyur ba ste/ sa'i steng gi mtshams su song ba'i chu dang mtshungs so/ /'di na byis pa de dag ni ngu ba 'thul ba ste/ bskal pa zad pa'i sa chen po dang
168a7 mtshungs so/ /'di na byis pa de dag ni 'khor ba ste/ rdza mkhan gyi 'khor lo'i shugs dang mtshungs so/ /'di na byis pa de dag ni 'brog rtsol ba ste/ dmus
168b1 long ri la phyin pa dang mtshungs so/ /'di na byis pa de dag ni btags shing 'khor ba ste/ khyi ltong gis btags pa dang mtshungs so/ /'di na byis pa de dag ni rnyis pa ste/
168b2 dpyid kyi rtswa dang nags tshal dang mtshungs so/ /'di na byis pa de dag ni yongs su nyams pa ste/ mar gyi ngo'i zla ba dang mtshungs so/ /'di dag ni byis pa rnams la za ba
168b3 ste| klu la nam mkha' lding dang mtshungs so/ |'di dag ni byis pa rnams la 'cha' ba ste/ gru bo che la chu srin chen po dang mtshungs so/ /'di dag ni byis pa rnams la
168b4 'dzems pa ste/ mgron po la chom po mang po dang mtshungs so/ /'di dag ni byis pa rnams la 'jig pa ste/ shing sA la la rlung dmar chen po dang mtshungs so/ /'di dag
168b5 ni byis pa rnams la gsod pa ste/ skye bo la sbrul mig gdug pa dang mtshungs so/ /byis pa rnams ni ro myang ba'i 'du shes kyis chod pa ste/ ral gri'i so sbrang rtsis bskus
168b6 pas chod pa bzhin no/ /'di dag ni byis pa rnams khyer ba ste/ shing gi phung po chu bo'i chus khyer ba dang mtshungs so/ /'di dag ni byis pa rnams la rtsen pa ste/ byis pa chung
168b7 ngu rang gi gcin rtug la rtse ba dang mtshungs so/ /'di dag ni byis pa rnams kun tu sgyur ba ste/ glang po che la lcags kyu dang mtshungs so/ /'di dag ni byis pa rnams la
169a1 slu ba ste/ g.yon can gyis byis pa'i rang bzhin can dag brid pa bzhin no/ /'di dag ni byis pa de dag gi dge ba'i rtsa ba zad par byed pa ste/ rgyan po
169a2 la dga' ba'i nor dang mtshungs so/ /'di dag gis byis pa rnams la 'chos pa ste/ srin mo rnams kyis tshong pa 'chos pa dang mtshungs so/ /byang chub sems dpa' rnam pa
169a3 sum cu rtsa gnyis po 'di dag gis btsun mo'i 'khor la yongs su brtag pa byas nas lus la mi gtsang ba'i 'du shes rnam par sgom/ mi mthun pa'i 'du shes nye bar
169a4 sgrub/ smad pa'i 'du shes skyed/ rang gi lus la'ang de dang 'dra bar rnam par sgom/ lus kyi nyes dmigs yang dag par mthong / lus la lus su mngon par zhen pa
169a5 las skyod/ sdug pa'i 'du shes rnam par 'jig /mi sdug pa'i 'du shes 'jug par byed/ 'og gi rkang pa'i mthil nas steng gi klad pa man chad mi gtsang ba las byung ba
169a6 dang / mi gtsang ba las gyur pa dang / rtag tu mi gtsang ba zag par mthong ngo / /de'i tshe tshigs su bcad pa 'di dag kyang smras so/ /lus kyi zhing las skyes shing sred pa'i
169a7 chu las byung ba 'jig tshogs ming du btags/ /mchi ma rdul dang mchil mas brlan la gcin gyis bsgyur cing khrag gi thigs pas gang / /zhag dang rnag dang lgang
169b1 pa dang ni klad rgyas dag dang sdig pa rnams kyis gang / /rtag tu ngan skyug zag cing kun kyang dri ma rnam pa sna tshogs tha dad pa/ /pags dang so dang skra dang spu yis bsgyur cing
169b2 pags pas g.yogs la spu dang ldan/ /rgyu ma mchin pa mtsher pa chu ser kha chu 'di dag bsags pa nyam chung ba/ /rkang dang chu rgyus dag gis sbrel te 'khrul 'khor 'dra zhing
169b3 sha yis mdzes par byas/ /sna tshogs nad kyis gang zhing mya ngan khyab la bkres dang skom pas kun tu nyen/ /skye ba po dag lus ni bu ga mang zhing 'chi dang rga ba'i gnas gyur
169b4 pa| |mthong nas mkhas pa su zhig rang gi lus la dgra dang mtshungs par sems mi 'gyur/ /de ltar byang chub sems dpa' lus la lus su song ba'i dran pas gnas par gyur
169b5 to| |nam mkha'i dkyil na 'khod pa'i lha'i bu rnams kyis lha'i bu chos spyod la 'di skad ces smras so/ /grogs po don grub 'di ni btsun mo'i 'khor la rnam par lta zhing
169b6 'dzum yang ston/ /sems ni mi dga' mig ni phyir zhing lta na phyi bshol byed dam ci/ /yang na 'di ni rgya mtsho'i zabs dang mtshungs te 'di tshad gzung bar mi nus so/ /yang na
169b7 chags pa med pa 'di yul rnams la chags par mi 'gyur grang / /lha rnams kyis bskul ba yi yi dam brjed par ma gyur grang / /lha'i bu chos spyod kyis smras pa/ de skad
170a1 smra ci dgos/ 'di sngon byang chub kyi phyir spyod pa na'ang mngon par 'byung ba dang / gtong ba la rnam pa de lta bur chags pa med par gyur pa de khyed la
170a2 mngon sum du gyur pa yin na/ da srid pa tha ma pa la gnas pa chags par mi 'gyur ba lta smos kyang ci dgos/ dge slong dag /de nas byang chub sems dpa' nges par
170a3 byas pa| yid byung bar gyur pa/ blo brtul ba/ tshul du shis shing rings thabs med par skyil mo krung bshig ste glu dbyangs len pa'i khang bzang na shar phyogs su lta zhing
170a4 'dug nas lag pa g.yas pas rin po che'i dra ba smad de/ khang bzang gi steng du song nas sor mo bcu thal mo sbyar te sangs rgyas thams cad bsam nas sangs rgyas thams
170a5 cad la phyag 'tshal te nam mkha'i dkyil du bltas pa dang des mthong ba/ nam mkha'i dkyil na lha'i dbang po mig stong dang ldan pa lha brgya stong gis bskor cing / me
170a6 tog dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / me tog gi rna rgyan dang / rin po che'i do shal gyi
170a7 chun po thogs te lus btud nas byang chub sems dpa' la phyag 'tshal zhing 'dug pa mthong ngo / /'jig rten skyong ba bzhi'ang gnod sbyin dang / srin po dang / dri
170b1 za dang / klu'i tshogs kyis bskor cing go cha sra ba bgos/ ral gri dang / mda' gzhu dang / mdung thung dang / mtshon rtse gnyis pa dang / rtse gsum pa lag na thogs shing tshul du
170b2 shis par nor bu'i cod pan dang / gtsug phud 'phyang bar byang chub sems dpa' la phyag 'tshal zhing 'dug pa mthong ngo / /lha'i bu nyi ma dang zla ba gnyis kyang glo g.yas
170b3 g.yon na 'dug par mthong ngo / /skar ma'i bdag po rgyal yang nam phyed na shar bar mthong ngo / /mthong nas kyang byang chub sems dpas 'dun pa la smras pa/ nga yi bkra
170b4 shis 'di ni don kun grub/ /do mod gdon mi za bar don grub kyi/ /'dun pa phyi bshol ma byed la gor du/ /rta rgyal rgyan gyis brgyan pa nga la byin/ /de nas 'dun pas
170b5 tshig de thos nas yid mi dga' zhing 'di skad ces smras so/ /smin ma ring zhing pad+ma'i 'dab ma rgyas 'dra'i spyan mnga' mi yi seng+ge ston ka'i zla ba nya ba lta bu dang / /me tog ku
170b6 mu da dang zla ba dang ni dga' ba'i pad+ma'i rdzing bu gsar par 'jam pa'i pad+ma rgyas 'dra'i zhal/ /sbyangs pa'i gser dang nyi ma shar ma thag dang zla ba dri med gzi dang mar blugs
170b7 me yi 'od 'phro nor bu glog 'od 'bar ba'i gzi brjid can/ /glang po rgyags pa 'gying ba'i glang po'i stobs can ba lang khyu mchog ri dwags rgyal dang ngang pa'i stabs
171a1 can stabs mdzes shin tu zhabs legs gang du bzhud/ /byang chub sems dpas smras pa/ 'dun pa gang gi don du nga yis sngon chad lag pa
171a2 rkang pa mig dang de bzhin mgo dang lus btang zhing / /chung ma dang ni phangs pa'i rgyal srid nor gser gos dang rin chen gang ba'i shing rta glang po rlung mgyogs
171a3 shugs ldan rta pho rtsal mchog ldan pa btang / /bskal pa bye ba khrag khrig mang nas tshul khrims ngas bsrungs bzod pa yongs bsgoms brtson 'grus stobs dang
171a4 bsam gtan shes rab dag/ de lta mod kyi byang chub zhi ba shis pa thob nas rga shi'i rgya mor chud pa'i sems can nga yis yongs su dgrol ba'i dus la bab/ /'dun
171a5 pas smras pa/ jo jo khyod bltams ma thag tu blta ba'i phyir bram ze ltas mkhan rnams la bstan na/ de dag gis rgyal po zas gtsang ma'i spyan sngar lha khyod kyi
171a6 rgyal po'i pho brang 'phel bar 'gyur ro zhes lung bstan ces bdag gis thos so/ /smras pa/ ji lta bur 'gyur/ smras pa/ gzhon nu 'di ni bsod nams brgya mtshan
171a7 ldan| |khyod kyi bu btsas bsod nams gzi brjid can/ /de ni gling bzhi'i dbang phyug 'khor los bsgyur/ /nor bdun dang ni rab tu ldan par 'gyur/ /gal te
171b1 'jig rten sdug bsngal bltas nas ni/ /btsun mo'i 'khor spangs mngon par byung 'gyur na/ /byang chub rga shi med pa'i gnas thob ste/ /chos kyi chu yis skye rgu 'di tshim
171b2 byed| |jo jo lung bstan pa 'di ni mchis te/ 'di ma mchis pa ma lags mod kyi/ 'on kyang phan par 'tshal ba bdag gi tshig gsan par gsol/ smras pa/ ci zhig/
171b3 smras pa| lha gcig gang gi don du 'di na kha cig brtul zhugs dang dka' thub rnam pa du ma rtsom ste/ ri dwags kyi pags pa dang / ral pa'i thor tshugs dang / rtswa dang shing shun
171b4 gyon pa dang / sen mo dang / skra dang / ag tshom ring por 'jog pa dang / lus la gdung ba dang / yongs su gdung ba rnam pa du ma spro bar bgyid de/ bdag cag ji ltar lha
171b5 dang mi'i phun sum tshogs pa 'thob par 'gyur zhes brtul zhugs dang dka' thub drag po rtsom mo/ /jo jo phun sum tshogs pa de ni khyod kyis brnyes lags te/ rgyal
171b6 srid 'byor cing rgyas la bde zhing lo legs te/ nyams dga' zhing mi dang skye bo mang pos gang ba 'di dang / skyed mos tshal dam pa mchog me tog dang 'bras bu rnam
171b7 pa sna tshogs kyis brgyan pa/ bya'i tshogs sna tshogs sgra skad yid du 'ong ba 'byin pa 'di dag dang / rdzing me tog ut+pa la dang / pad+ma dang / ku mu da dang / pad+ma dkar
172a1 pos mdzes par 'gyur ba/ ngang pa dang / rma bya dang / khu byug dang / ngur pa dang / khrung khrung dang / ngang skya sgra skad 'byin pa/ shing a mra dang / mya
172a2 ngan 'tshang dang / tsam pa ka dang / ku ra ba ka dang / ke sa ra la sogs pa shing me tog chags pa sna tshogs kyis 'gram 'khor ba/ rin po che'i shing sna tshogs kyi phreng gis
172a3 legs par brgyan pa/ mig mang ris su bkod pa/ rin po che sna tshogs kyi stegs bus bskor ba/ rin po che'i dra ba bres pa/ dus ji lta ba bzhin du yongs su spyad
172a4 pa| dgun dang / dbyar dang / ston dang / dpyid gnas bde ba rnams dang / khang bzang chen po chos dang / chos bzang dang / bde ba dang / mya ngan 'bral la sogs pa rnam
172a5 par rgyal ba'i khang pa lta bu ston ka'i sprin 'dra ba/ gangs te se lta bu stegs bu dang / sgo gang dang / rta babs dang / skar khung dang / bsil khang dang / khang pa brtsegs
172a6 pa dang / khyams kyis legs par brgyan pa/ rin po che'i dril bu g.yer ka'i dra ba sgra 'byung ba 'di dag dang / btsun mo'i 'khor dang rol mo'i cha byad rgyud gcig
172a7 pa dang / pi wang dang / 'khar rnga dang / gling bu dang / 'khar ba'i sil khrol dang / pheg dang / ki m+pa la dang / na ku la dang / sgra snyan dang / rdza rnga dang / pa Ta ha dang /
172b1 glu dang / gar dang / rol mo'i dbyangs sgra dang / glu dbyangs sbyar ba legs par bslab pa dgod pa dang / 'jo pa dang / rtse ba dang / dga' ba dang / tshul du shis ba dang / spyod
172b2 pa mdzes pa 'di dang ni ldan la/ lha/ khyod kyang dar ni ma yol te/ gzhon pa thor bu dar la bab pa/ lus 'jam pa/ lang tsho la bab pa/ dbu skra nag pa/ 'dod pa la ma
172b3 rol ba lags kyi/ sum cu rtsa gsum pa'i bdag po mig stong dang ldan pa/ lha'i bdag po lta bur re zhig dgyes par rol la/ slad kyis bgres nas mngon par 'byung bar
172b4 mdzod cig /de'i tshe tshigs su bcad pa 'di'ang smras so/ /sum cu rtsa gsum 'jig rten lha dbang ltar/ /dgyes pa'i cho ga mkhyen pa dgyes par rol/ /slad kyis bgres
172b5 par gyur nas brtul zhugs dang / /dka' thub dag ni yang dag brtsam par mdzod/ /byang chub sems dpas smras pa/ 'dun pa mi dgos te/ 'dod pa 'di dag ni mi
172b6 rtag pa| mi brtan pa/ ther zug ma yin pa/ 'gyur ba'i chos can/ myur du 'gro ba/ g.yo ba/ ri gzar po'i chu'i shugs dang 'dra ba/ zil pa'i thigs pa ltar ring du
172b7 mi gnas pa/ lag pa bcangs pa stong pas byis pa brid pa ltar snying po med pa/ chu shing gi snying po ltar mthu med pa/ snod so ma btang ba ltar mthar 'jig pa/ ston
173a1 ka'i sprin ltar skad cig byung nas med par 'gyur ba/ nam mkha'i glog ltar ring du mi gnas pa/ dug dang bcas pa'i snod ltar 'gyur ba'i sdug bsngal
173a2 can| 'khri shing ma lu ta ltar mi bde ba 'byin pa/ byis pa'i blo can rnams kyis 'dod bar bya ba/ chu'i chu bur lta bur myur du 'gyur ba'i chos can/ smig rgyu ltar 'du shes
173a3 phyin ci log las byung ba/ sgyu ma ltar sems phyin ci log gis rnam par bsgrubs pa/ rmi lam ltar lta ba phyin ci log gis yongs su zin pa/ rgya mtsho dgang dka' ba ltar
173a4 ngo ma mi shes par byed pa/ tshwa chu ltar skom par byed pa/ sbrul gyi mgo ltar reg par dka' ba/ g.yang sa chen po ltar mkhas pa rnams kyis yongs su spangs pa/ shes
173a5 rab can rnams kyis 'jigs pa dang bcas pa dang / rtsod pa dang bcas pa dang / nyes pa dang bcas pa dang / skyon dang bcas par shes nas rnam par spangs pa/ rig
173a6 pa rnams kyis smad pa/ 'phags pa rnams kyis bshung pa/ mkhas pa rnams kyis ma bsngags pa/ mi mkhas pa rnams kyis yongs su bzung ba/ byis pa rnams
173a7 kyis bsten pa yin no/ /de'i tshe tshigs su bcad pa 'di 'ang smras so/ /mkhas pa rnams kyis sbrul gyi mgo bzhin spangs/ /ngan skyug snod bzhin mi gtsang rnam
173b1 par spangs/ /'dun pa dge ba thams cad 'jig byed par/ /'dod pa shes nas nga ni dga' mi skye/ /de'i tshe 'dun pa zug rdus zug pa bzhin du skad phyung ste ngu zhing de nas
173b2 mig nas mchi ma zag la/ sdug bsngal bzhin tshig 'di skad ces smras so/ /lha gcig gang gi don du 'di na kha cig brtul zhugs rnam pa mang po rtsom ste ri dwags
173b3 pags pa 'chang / /skra dang sen mo ag tshom ring du 'jog cing de bzhin shing shun gyon la yan lag bskams shing brtul zhugs gnas/ /sre da dang ni ldan ma ldum
173b4 dag dang ma drus 'bras za kha cig spyi'u tshugs 'dug dang ba lang brtul zhugs gnas/ /ji ltar bdag cag 'gro ba'i gtso bo khyad 'phags 'khor los bsgyur ba mchog
173b5 dang de bzhin 'jig rten skyong ba dang / /brgya byin rdo rje 'chang dang 'thab bral lha dbang 'phrul bar 'gyur snyam tshangs pa'i 'jig rten bsam gtan bde ba 'dod/ /mi
173b6 yi dam pa khyod kyi rgyal srid 'di ni shin tu 'byor cing rab tu rgyas la shin tu lo legs pa/ /de bzhin kun dga'i ra ba dag dang skyed mos tshal dang khang bzang mthon po
173b7 rnam par rgyal ba'i khang pa mtshungs/ /bud med 'di dag rnams kyang pi wang dang ni gling bu dag dang glu dang rol mo'i dbyangs sgra len cing mchis/ /dga' bar bgyid
174a1 dang gar dang glu dbyangs sbyar ba shin tu bslab pa 'di dag spyod cing des pa ma bzhud cig /byang chub sems dpas smras pa/ 'dun pa nyon cig
174a2 'dod pa'i rgyus ni sngon gyi tshe rabs dag na bcings dang btsas dang brdegs dang bsdigs pa sdug bsngal brgya dag ngas ni bzod byas 'dus byas rnams la nga yis
174a3 yid byung byas ma gyur/ /sngon chad bag med dbang du song zhing gti mug dkrugs la lta ba'i dra bas dkris shing mun gyur chos 'di mi shes pa las byung ste bdag tu
174a4 'du shes 'dzin dang tshor ba po las 'das/ /dngos po 'di dag thams cad g.yo zhing 'gyur la mi rtag sprin dang mtshungs shing glog dang 'dra ste zil pa'i thigs pa 'dra
174a5 zhing gsob gsog snying po med la bdag yod ma yin stong par gyur pa ste/ /nga yi yid ni yul la chags pa med kyi 'dun pa rta rgyal dam pa bsngags ldan da byin
174a6 ngas sngon bsam pa'i bkra shis rdzogs kyi thams cad zil gnon chos kun dbang phyug chos rgyal thub par 'gyur/ /'dun pas smras pa/ pad+ma 'dab ma rgyas pa
174a7 'dra ba'i mig ldan zhing / /do shal nor bu rin chen sna tshogs rnams kyis brgyan/ /mkha' la sprin tshogs dag las byung ba'i klog 'dra ba/ /mal na rnam par
174b1 mdzes pa 'di la mi gzigs sam/ /pi wang dang ni 'khar rnga dag dang sgra snyan dang / /rdza rnga dag dang gling bu glu dbyangs len pa dang / /bya bang rma bya ka la ping+ka sgra 'byin pa/ /
174b2 mi'am ci yi khyim 'dra 'di yang 'dor lags sam/ /su ma na dang ut+pa la dang paR+sha ka/ tsam+pa ka dang dri mchog phreng ba me tog brgyus/ /dus kyi a ga ru mchog bdug pas
174b3 rab bdugs dang / /byug pa dam pa de dag la yang mi gzigs sam/ /shin tu dri gda' dri ldan ro bro gya nom dang / /skyu rum dag dang bshos gtsang shin tu legs sbyar
174b4 dang | |skyems kyi ro yang kha ra bcas pa rab sbyar ba/ /'di la'ang mi gzigs par ni lha khyod gang du bzhud/ /grang ba'i dus na byug pa dro ba dam pa dang / /tsha ba'i dus na
174b5 tsan+dan sprul gyi snying po dang / /ka shi pa yi na bza' bzang po mang po dang / /de dag la yang mi gzigs lha khyod gang du bzhud/ /lha yul dag na lha rnams dag ni ci 'dra
174b6 bar| |'dod pa'i yon tan lnga po 'di dag rab 'byor pa/ /dga' zhing bde dang ldan la dgyes par rol mdzad de/ /de nas shAkya'i dam pa nags tshal bzhud par mdzod/ /
174b7 byang chub sems dpas smras pa/ 'dun pa ngas ni bskal pa mtha' yas dpag tu med par gzugs dang sgra dang dri dang ro dang reg dang mi dang lha yi 'dod pa rnam pa sna
175a1 tshogs spyad kyang ngoms par gyur pa med/ /rgyal po'i sras mchog gyur te dbang phyug byas shing gang tshe gling bzhi dag tu 'khor los bsgyur ba'i
175a2 rgyal por gyur nas rin chen sna bdun ldan zhing bud med nang na 'dug pa dang / /sum cu rtsa gsum dbang dang 'thab bral rab kyi lha dbang byas shing de dag nas ni shi
175a3 'phos 'di 'ongs sprul pa'i lha yi nang na yid 'ong dpal ldan dam pa nga yis sngon chad spyad/ /lha yi gnas su dbang sgyur bdud kyi dbang po byas shing 'dod pa 'byor pa
175a4 mchog la spyad kyang ngoms ma gyur na da ci dman pa 'di la bsten pas nga ngoms 'gyur ram de ni gnas min no/ /gzhan yang 'dun pa nga ni sdug bsngal mya ngan
175a5 dgon pa'i 'khor bar gnas pa nyon mongs gdug pas dkrugs shing nyam ngas rtag tu khyer te mgon med skyabs med cing / /gti mug ma rig mun pa dag na rga dang
175a6 na dang 'chi ba'i 'jigs pa dag gis nyen la skye ba'i sdug bsngal dgra yis kun tu gnod cing rnam par gnod pa'i 'gro ba 'di bltas nas/ /ngas 'dir chos kyi gru
175a7 bzang gtong dang tshul khrims brtul zhugs bzod pa brtson 'grus stobs can dag gi shing tshogs bsags te sbyar nas lhag pa'i bsam pa snying po ldan pa rdo rje
175b1 lta bus brtan por gzungs btab sbyar/ /gru der nga nyid zhugs nas bdag nyid rgal te bdag gis 'gro ba mtha' yas pa dag 'khor ba'i chu bo 'dal bar che ba khro ba'i dba' rlabs
175b2 ldan pa 'dod chags 'dzin khri klong 'khyil dgra yis rnam par dkrugs pa rgal bar dka' las bsgral lo snyam ste nga sems de 'dra'o/ /de phyir srid mtsho dgrar bcas lta ba'i
175b3 'dzin khri dang / /nyon mongs srin po yod pa 'di las bdag rgal te/ /bdag nyid rgal bar gyur nas 'gro ba mtha' yas pa/ /rga med shi med zhi ba'i thang la dgod
175b4 par bya| |de'i tshe 'dun pa de bas kyang rab tu ngu zhing 'di skad ces smras so/ /lha/ de ltar nges par mdzad dam/ byang chub sems dpas smras pa/ 'dun pa nga yis nges
175b5 par byas pa nyon/ /sems can dgrol phyir phan par bya phyir brtson/ /mi g.yo las kyang mi g.yo gnod pa med/ /ri rgyal lhun po lta bur brtan mi g.yo/ /'dun pas
175b6 smras pa/ jo jo'i nges pa ci 'dra ba zhig lags/ byang chub sems dpas smras pa/ rdo rje'i gnam lcags dgra sta mdung thung mda' char dang / /lcags bskol glog gi
175b7 tshogs ltar rab tu 'bar ba dang / /ri rtse kun tu 'bar ba mgo steng rab 'bab kyang / /nga ni khyim la 'dod pa phyir yang mi skyed do/ /de'i tshe lha'i bu nam mkha' la
176a1 'khod pa dag gis ca co dang / ga zha'i sgra brgya stong phyung ste me tog gi char yang phab nas tshigs su bcad pa 'di dag smras so/ /yul
176a2 rnams la ni yid kyang ma chags shing / /sems can dag pa snying rje snying brtser ldan/ /blo gros mchog ldan rgyal gyur rgyal gyur cig /mgon po 'gro la mi 'jigs
176a3 sbyin mdzad pa/ /mkha' la rdul nag du ba mjug ring dag /mi chags bzhin du skyes mchog thugs mi chags/ /dri med yul gyi bde bas mi gos te/ /chu las
176a4 pad+ma ji ltar 'phags pa bzhin/ /dge slong dag/ de nas lha'i bu zhi ba'i blo gros dang / lha'i bu rtse ba bkod pas byang chub sems dpa'i nges pa rig nas ser skya'i
176a5 gnas kyi grong khyer chen po'i skyes pa dang / bud med dang / khye'u dang / bu mo thams cad gnyid kyis log par byas so/ /sgra thams cad kyang mi grag par byas so/ /
176a6 dge slong dag /de nas byang chub sems dpas grong khyer gyi skye bo thams cad gnyid kyis log par rig /nam gyi dgung la bab par rig /skar ma'i bdag po rgyal
176a7 dang ldan par rig /da kho na mngon par 'byung ba'i dus la bab par rig nas 'dun pa la smras pa/ 'dun pa da nga skyo bar ma byed par rta bsngags ldan legs par
176b1 brgyan te ma thogs par nga la byin/ byang chub sems dpas tshig de skad smras ma thag tu de nas skad cig de nyid la rgyal po chen po bzhis byang chub sems dpa'i tshig thos
176b2 nas rang rang gi gnas nas byung ste byang chub sems dpa' la mchod pa'i las kyi phyir rang rang gi bkod pas rings pa rings par ser skya'i gnas kyi grong khyer chen por
176b3 'ongs so/ /de na dri za'i bdag po rgyal po chen po yul 'khor srung ni/ dri za bye ba khrag khrig brgya stong phrag du ma dag dang lhan cig tu sil snyan dang glu dbyangs sna tshogs
176b4 len cing shar phyogs nas 'ongs par gyur te/ 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i shar phyogs nyid du gnas nas
176b5 byang chub sems dpa' la phyag 'tshal zhing 'dug go /rgyal po chen po 'phags skyes po ni/ grul bum mu tig gi do shal sna tshogs lag na 'phyang ba/ nor bu rin po
176b6 che sna tshogs thogs pa/ spos chu sna tshogs kyis gang ba'i bum pa thogs pa bye ba khrag khrig brgya stong phrag du ma dag dang lhan cig tu lho phyogs nas 'ongs par gyur
176b7 te| 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i lho phyogs nyid du gnas nas byang chub sems dpa' la phyag 'tshal
177a1 zhing 'dug go /rgyal po chen po mig mi bzang ni/ klu mu tig gi do shal sna tshogs lag na 'phyang ba/ nor bu rin po che sna tshogs thogs pa/
177a2 spos kyi phye ma dang me tog gi char gyi sprin kun nas slong ba'i rlung dal zhing dri zhim pa sna tshogs gtong ba bye ba khrag khrig brgya stong phrag du ma dag dang lhan cig tu nub
177a3 phyogs nas 'ongs par gyur te/ 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i nub phyogs nyid du gnas nas byang
177a4 chub sems dpa' la phyag 'tshal zhing 'dug go /rgyal po chen po lus ngan ni/ gnod sbyin nor bu rin po che skar ma'i 'od zer thogs pa/ lag na mar me
177a5 thogs pa/ sgron ma 'bar ba lag na thogs pa/ mda' gzhung dang / ral gri dang / mdung thung dang / mtshon rtse gnyis pa dang / rtse gsum pa dang / 'khor lo dang /
177a6 mtshon rtse gcig pa dang / 'phang mdung la sogs pa mtshon cha sna tshogs thogs pa/ go cha dang ya lad sra ba bgos pa bye ba khrag khrig brgya stong phrag du ma dag
177a7 dang lhan cig tu byang phyogs nas 'ongs par gyur te/ 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i byang
177b1 phyogs nyid du gnas nas byang chub sems dpa' la phyag 'tshal zhing 'dug go /lha'i dbang po brgya byin yang sum cu rtsa gsum pa'i lha lha'i me tog dang / spos dang
177b2 phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / me tog rna rgyan dang / rgyan thogs pa rnams dang lhan cig tu 'ongs par
177b3 gyur te| 'ongs nas kyang ser skya'i gnas kyi grong khyer chen po la bskor ba byas te/ ji ltar 'ongs pa'i steng gi bar snang la 'khor dang bcas te byang chub sems dpa' la
177b4 phyag 'tshal zhing 'dug go /dge slong dag/ de ltar 'dun pas byang chub sems dpa'i tshig thos nas mig mchi mas gang zhing byang chub sems dpa' la 'di skad ces
177b5 smras so| |jo jo/ khyod ni dus mkhyen pa/ tshod mkhyen pa/ ran pa mkhyen pa lags na/ da ltar ni bzhud pa'i dus dang tshod ma lags na/ ci'i slad du bka' de
177b6 skad stsal/ byang chub sems dpas smras pa/ 'dun pa da ni dus la bab bo/ /smras pa/ jo jo/ gang gi dus la bab/ byang chub sems dpas smras pa/ sems can
177b7 rnams kyi don ni tshol ba na/ /byang chub rga shi med pa'i gnas thob nas/ /'gro ba dgrol zhes nga yis yun ring nas/ /smon lam btab pa de yi dus la bab/ /'di
178a1 la 'di ni chos nyid de/ /de la 'di skad ces bya'o/ /sa bla ba dang bar snang de bzhin skyong / /lha dbang brgya byin rang gi phyogs dang bcas/ /'thab
178a2 bral lha dang dga' ldan 'phrul dga' dang / /gzhan 'phrul dbang byed lha rnams brtson par gyur/ /klu rgyal chu lha dang ni gzi can dang / /ma dros pa dang de bzhin
178a3 rgya mtsho yang / /mi mchog mngon par byung ba'i dus bab pas/ /de dag rnams kyang mchod phyir brtson par gyur/ /gang dag gzugs na spyod pa'i lha rnams dang / /
178a4 rtag tu bsam gtan spyod yul rab zhi spyad/ /de dag rnams kyang 'jig rten gsum mchod pa/ /mi mchog de la mchod phyir mngon par brtson/ /sngon spyad
178a5 spyod tshe grogs por gyur pa yi/ /byang chub sems dpa' phyogs bcur lhags pa yang / /rgyal ba mngon par 'byung ba lta byed cing / /rjes su mthun pas mchod
178a6 pa bya snyam byed/ /gsang ba'i bdag po bdag nyid chen po de/ /rdo rje 'bar thogs nam mkha'i dkyil na gnas/ /lus la go bgos stobs brtson rtsal dang
178a7 ldan| |gsang ba lag na rdo rje 'bar ba thogs/ /lha'i bu nyi ma zla ba de gnyis kyang / /g.yas dang g.yon na rab tu gnas par gyur/ /sor mo bcu yi thal mo
178b1 sbyar byas te/ /mngon par 'byung la rjes su rtog par byed/ /skar ma rgyal de 'khor dang bcas pa yang / /rang gi lus ni rgya chen sbrul byas te/ /mi yi dam pa de yi mdun
178b2 'dug nas/ /yid du 'ong ba'i sgra ni rab 'byin te/ /skar ma rgyal ldan bzhud pa'i dus la bab/ /do mod khyod dge bkra shis thams cad grub/ /bdag kyang khyod dang
178b3 thabs cig mchi bar bgyi/ /'dod chags sel ba bar chad 'byung mi 'gyur/ /lha'i bu yang dag skul pos bskul byas pa/ /stobs dang brtson 'grus 'phags pa myur
178b4 du bzhengs/ /sdug bsngal nyen pa'i sems can thams cad sgrol/ /da ni mngon par 'byung ba'i dus la bab/ /lha rnams bye ba stong phrag mang po yang / /yid 'ong
178b5 me tog char pa 'bebs shing lhags/ /de ni skyil mo krung bcas mchog la 'dud/ /lha yis bskor cing mdzes la gzi brjid 'bar/ /grong khyer na ni skyes pa bud
178b6 med khye'u dang bu mo gang yod pa/ /de dag thams cad yid ngal gyur nas nyal te spyod lam rnams las nyams/ /rta dang glang po ba lang ne tso khrung khrung rma bya ri skegs
178b7 rnams| |de dag rnams kyang yid ngal myur du nyal te de dag gzugs mi mthong / /shAkya'i bu gang rdo rje sra ba mtshon cha rtse gnyis thogs bkod dang / /glang chen rta
179a1 dang shing rta rta babs mchog drung bkod pa de dag nyal/ /rgyal po rgyal bu rgyal po'i skye bo kun kyang gnyid kyis log par gyur/ /bud med
179a2 tshogs rnams gnyid log gos bral gcer bur gyur kyang yong ma tshor/ /de ni tshangs dbyangs yid du 'ong tshig ka la ping+ka'i sgra dbyangs kyis/ /nam phyed 'das te nam
179a3 gyi gung la bab nas 'dun pa de la smras/ /'dun pa rta pho bsngags ldan bzang po legs brgyan legs par nga la byin/ /gal te nga la byams par sems na bgegs
179a4 ma byed par myur du byin/ /'dun pas tshig thos mchi mas mig gang rang gi jo bo de la smras/ /sems can kha lo sgyur mchog gar bzhud bcibs pas khyod la ci
179a5 zhig bgyi/ /dus mkhyen cing ni tshod mkhyen chos spyod gang du'ang gshegs pa'i dus ma lags/ /khyod kyi sgo bkum gtan pa dam stsal su'ang chab sgo 'byed mi
179a6 'gyur| |brgya byin gyi ni yid kyi sems pa'i dbang gis sgo yang bye bar gyur/ /'dun pas de 'dra mthong nas dga' zhing sdug bsngal de ni mchi ma 'khor/ /kyi
179a7 hud bdag grogs su yod ji ltar bya zhing phyogs ni gar rgyug snyam/ /gzi brjid ldan pas drag shul can gyi tshig smras brgya byin 'ba' zhig thos/ /yan lag
179b1 bzhi ldan dpung dang bcas pa 'di yang 'di na ci zhig byed/ /rgyal po rgyal bu rgyal po'i skye bo de dag rnams kyis 'di ma tshor/ /bud med tshogs kyang gnyid log lha
179b2 rnams kyis ni grags ldan gnyid log byas/ /kyi hud 'di yis sngon chad bsam pa'i smon lam thams cad grub gyur cig /lha stong bye ba de dag dga' ba'i yid kyis
179b3 'dun pa de la smras/ /'dun pa rta mchog bsngags ldan legs par phul cig 'dren pa skyo ma bya/ /lha dang lha min dag gis rnga dung rdza rnga rol mo khrag khrig byas/ /
179b4 'on kyang lhas bsnyal ba yi grong khyer mchog 'di sad par yod ma gyur/ /'dun pa bar snang dri ma med la lha yi 'od rab mdzes la ltos/ /khyod kyis byang chub sems
179b5 dpa' bye ba mang po mchod phyir gang lhags ltos/ /bde sogs khyim thab brgya byin dpung bskor sgo na mdzes par 'dug pa dang / /lha dang lha min mi'am ci tshogs
179b6 gang dag mchod phyir lhags la ltos/ /'dun pa des kyang lha tshig de thos bsngags ldan rta pho de la smras/ /sems can kha los gyur mchog 'di bzhud khyod ni rta
179b7 skad sgrog cing shog /de yis dbyar gyi kha dog can de rmig pa gser gyis brgyan byas nas/ /yid mi dga' bzhin yon tan rgya mtsho mnga' ba'i bcibs par
180a1 dbul ba byas/ /mtshan mchog mnga' zhing phan mdzad khyod kyi chibs 'di rigs bzang dge ba lags/ /khyod kyis sngon chad gang dgongs smon lam
180a2 de grub gyur cig gshegs su gsol/ /gang dag bgegs bgyid zhi bar gyur cig dgongs pa'i brtul zhugs grub gyur cig /'gro ba kun la bde dang mtho ris
180a3 pa dang zhi ba sbyin gyur cig /de ni gang tshe mal nas langs tshe sa 'di thams cad rnam drug g.yos/ /rta rgyal dam pa zla ba nya ba'i dkyil 'khor 'dra ba de la zhon/ /
180a4 skyong ba'i lag pa rnam dag pad+ma dri med 'dra bas rta mchog bteg /brgya byin tshangs pa de gnyis de yi mdun na lam ni 'di zhes ston/ /de yis gsal ba dri ma
180a5 med pa'i 'od btang sa rnams snang bas gsal/ /de tshe ngan song kun zhi sems can bde ldan nyon mongs gnod pa med/ /me tog char bab sil snyan bye ba sgra byung
180a6 lha dang lha min bstod/ /thams cad dga' dang ldan nas grong khyer mchog la bskor ba byas te dong / /skyes bu chen po song bas grong khyer dam pa'i lha yang yid
180a7 ni dman par gyur nas 'ongs/ /mdun du 'dug nas snying rjer ngu ba'i yid ldan de yis pad+ma 'dra ba'i bzhin la smras/ /khyod bral sgren mor mi mdzes sa 'di
180b1 grong khyer thams cad mun pas kun tu dkrugs par gyur/ /do mod khyod kyis khab 'di spangs na bdag la dga' bde bgyid pa 'ga' ma mchis/ /slan chad bya tshogs
180b2 rnams kyi sgra dag dang / /grags pa mtha' yas khyod na sid bgyid pa'i/ /btsun mo'i 'khor gyi gling bu snyan pa dang / /bkra shis sgra dang glu sgra thos ma 'gyur/ /nyon
180b3 mongs bcom pa khyod ni gshegs gyur na/ /gdugs mtshan khyod la mchod pa bgyid pa yi/ /lha dang grub tshogs slan chad mthong mi 'gyur/ /lha yi dri yang slan chad
180b4 snom mi 'gyur/ /phreng ba btags nas zhag lon gyur pa ltar/ /khyod kyis do mod pho brang de bzhin spangs/ /khyod bzhud slan chad gzi brjid dpal ma mchis/ /gar
180b5 la lta ba bzhin du bdag la gda'/ /grong khyer kun gyi byin dang stobs 'phrog ste/ /'di ni dgon pa 'dra zhing mdzes ma lags/ /gang gis sa 'dir 'khor lo stobs
180b6 can du| |lung bstan drang srong tshig ni deng rdzun gyur/ /bsod nams sdong po chen po khyod byung na/ /sa 'dir shAkya'i stobs ni stobs ma mchis/ /rgyal po'i pho brang 'khor
180b7 'dir gdung yang 'chad/ /shAkya'i tshogs 'di bsam pa rab tu nyams/ /dri med dri bral khyod ni gar bzhud par/ /bdag kyang khyod dang lhan cig mchi bar bgyi/ /
181a1 'on kyang thugs brtse thugs rje bskyed nas ni/ /khyod kyis pho brang 'di la gzigs su gsol/ /blo gros ldan pa khyim la bltas nas ni/ /snyan
181a2 pa'i nga ros 'di skad tshig smras te/ /skye 'chi mthar 'byin ma thob bar du ni/ /nga yis ser skya'i grong khyer 'jug mi bya/ /rga shi med pa'i gnas mchog 'chi med pa/ /
181a3 byang chub dam pa nga yis ma thob par/ /nga ni ser skya'i gnas su mngon phyogs te/ /'greng 'dug nyal dang 'chag pa mi bya 'o/ /gang tshe 'gro ba'i gtso bo pa/ /byang
181a4 chub sems dpa' de byung zhing / /de ni mkha' la 'gro ba'i tshe/ /lha yi bu mo rnams kyis bstod/ /'di ni sbyin pa'i gnas chen yin/ /'di ni bsod nams zhing chen
181a5 yin| |'di ni bsod nams 'dod pa'i zhing / /'chi med 'bras bu sbyin mdzad pa/ /sems can rnams la thugs rje bas/ /'di yis bskal ba bye mang du/ /sbyin
181a6 dang dul dang sdom pa yis| |'dis ni byang chub yang dag bsgrubs/ /'di yi tshul khrims yongs su dag /brtul zhugs bzang zhing spyod ma nyams/ /'dod pa
181a7 dag dang longs spyod rnams/ /don du mi gnyer tshul khrims srung / /sems can yongs su bskyab pa'i phyir/ /'di ni rtag tu bzod pa gsung / /yan lag
181b1 nyid lag bcad gyur kyang / /khro ba mi mnga' sdang mi mnga'/ /'di ni rtag tu brtson 'grus ldan/ /bskal pa bye bar skyo mi mnga'/ /'di yis byang chub yang dag bsgrubs/ /
181b2 mchod sbyin dag ni bye ba mdzad/ /'di rtag bsam gtan bsam gtan pa/ /thugs ni zhi zhing rab tu zhi/ /nyon mongs thams cad bsregs nas ni/ /sems can bye ba
181b3 'grol bar 'gyur/ /'di ni shes rab chags mi mnga'/ /rtog dang rnam par rtog ldan las/ /grol zhing thugs ni rnam grol te/ /rang byung ba yi rgyal bar 'gyur/ /'di
181b4 ni rtag tu byams thugs ldan/ /thugs rje yi ni pha rol byon/ /dga' dang btang snyoms bsam gtan pa/ /tshangs pa'i lam gyi cho ga mkhyen/ /'di ni shin tu lha yi lha/ /lha
181b5 rnams kyis ni mchod pa'i 'os/ /thugs dge dag cing dri ma bral/ /yon tan khrag khrig pha rol byon/ /'jigs pas nyen pa rnams kyi skyabs/ /mig med rnams kyi
181b6 sgron ma ste/ /gnod pa rnams kyi skyabs kyang lags/ /ring nas na ba'i sman pa lags/ /rgyal po dam pa chos kyi rgyal/ /dbang po lta bur spyan stong mnga'/ /tshangs pa
181b7 lta bur rang byung gyur/ /lus dang sems ni rab sbyangs pa/ /brtan zhing shes rab rab tu mang / /dpa' zhing thugs ni 'dod chags bral/ /nyon mongs 'joms pas
182a1 dpa' bo ste/ /ma rgyal dgra las rgyal ba lags/ /seng+ge lta bur bsnyengs pa spangs/ /glang po lta bur rab dul thugs/ /khyu mchog lta bur
182a2 tshogs kyi gtso/ /bzod de 'khrug pa rab tu spangs/ /zla ba lta bur rab tu gsal/ /nyi ma lta bur snang ba mdzad/ /sgron ma lta bur gsal mdzad pa/ /skar ma lta bur
182a3 mun pa bral/ /pad+ma lta bur chags mi mnga'/ /me tog lta bur khrims dri dga'/ /ston pa lhun po ltar mi g.yo/ /dog sa lta bur gsos su gyur/ /rin chen
182a4 'byung gnas ltar mi 'khrugs/ /'di ni phung po'i bdud las rgyal/ /'di ni 'chi bdag bdud las rgyal/ /'dis ni lha yi bdud kyang bcom/ /'di ni ded dpon
182a5 chen po ste/ /lam ngan dag na gnas rnams la/ /yan lag brgyad pa lam gyi mchog /ring por mi thogs ston par 'gyur/ /rga shi nyon mongs 'joms pa po/
182a6 mun pa rab rib rnam par grol/ /sa dang lha yul grags pa yi/ /rang byung rgyal bar byon pa lags/ /skyes bu mchog gi gzugs mnga' ba/ /dpag tu med
182a7 la bstod pas bstod/ /khyod la bstod pa'i bsod nams des/ /smra ba'i seng+ge 'dra bar shog /dge slong dag /de ltar byang chub sems dpa' mngon par byung
182b1 nas shAkya'i yul dang / ke'u ta'i yul dang / gyad yul las 'das te me ne ya'i yul gyi grong rdal rjes su dpag pa zhes bya ba nas dpag tshad drug tu byang chub sems dpa'
182b2 phyin pa dang nam nangs par gyur to/ /de nas byang chub sems dpa' rta bsngags ldan las babs te sa la 'dug nas lha dang / klu dang / gnod sbyin dang / dri za dang /
182b3 lha ma yin dang / nam mkha' lding dang / mi'am ci dang / lto 'phye chen po'i tshogs chen po slar bkye'o/ /slar bkye nas kyang de 'di snyam du sems te/ rgyan 'di dag dang /
182b4 rta bsngags ldan yang 'dun pa'i lag tu gtad de slar gtang ngo snyam mo/ /de nas byang chub sems dpas 'dun pa la bos te 'di skad ces smras so/ /'dun pa/ khyod
182b5 song la rgyan 'di dag dang / rta bsngags ldan khyer te slar log cig /sa phyogs gang nas 'dun pa slar log pa der mchod rten brtsigs te/ deng sang du'ang mchod rten
182b6 de la 'dun pa slar log pa'i mchod rten zhes grags pa yin no/ /yang byang chub sems dpa' 'di snyam du sems te/ ji ltar na gtsug phud kyang yod la rab tu byung
182b7 ba zhes bya bar yang 'gyur snyam nas des ral gris gtsug phud bcad de bar snang la bor ba dang / de sum cu rtsa gsum pa'i lha rnams kyis mchod pa'i phyir blangs te/
183a1 deng sang du'ang sum cu rtsa gsum pa'i lha rnams gtsug phud kyi dus ston byed do/ /der mchod rten yang byas te/ deng sang du'ang mchod rten de la
183a2 gtsug phud blangs pa'i mchod rten zhes ming du chags so/ /yang byang chub sems dpa' 'di snyam du sems te/ rab tu byung yang gos ka shi pa gyon pa ji ltar
183a3 rung gi/ gal te ngas tshal gyi gnas nas tshul dang mthun pa'i gos shig rnyed na ni legs so snyam du bsam pa dang / de nas gnas gtsang ma'i ris kyi lha
183a4 rnams 'di snyam du sems te/ byang chub sems dpa' la ngur smrig dgos par gyur to snyam mo/ /de na lha'i bu gcig cig lha'i gzugs mi mngon par byas
183a5 te rngon pa'i gzugs lta bus gos ngur smrig bgos nas byang chub sems dpa'i mdun du phyin to/ /de nas byang chub sems dpas de la 'di skad ces smras so/ /gal
183a6 te grogs po khyod kyis gos ngur smrig rnams kho bo la byin na/ kho bo'i gos ka shi pa 'di rnams kyang khyod la sbyin no/ /des smras pa/ gos 'di dag kyang khyod la mdzes
183a7 la| 'o ni rnams kyang kho bo la mdzes so/ /byang chub sems dpas smras pa/ kho bos khyod la bslang ngo / /de nas lha'i bu rngon pa'i gzugs lta bu des gos ngur smrig
183b1 rnams byang chub sems dpa' la byin te gos ka shi pa rnams kyang blangs so/ /de nas lha'i bu des mos pa bskyed de lag pa gnyi gas gos de dag blangs nas spyi bo la
183b2 bzhag ste/ de dag la mchod pa dang bkur sti bya ba'i phyir de nyid nas lha'i 'jig rten du song ngo / /de'ang 'dun pas mthong bar gyur nas des mchod rten brtsigs
183b3 te| deng sang du'ang mchod rten de la ngur smrig blangs pa zhes ming du chags so/ /gang gi tshe byang chub sems dpas gtsug phud bcad nas gos ngur smrig rnams bgos
183b4 pa de'i tshe lha'i bu brgya stong dga' zhing mgu la tshim zhing yid rangs te mchog tu rab tu dga' nas dga' ba dang / yid bde ba skyes te/ kye grogs po dag /gzhon nu
183b5 don grub rab tu byung ngo / /de ni bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo bskor bar 'gyur te/
183b6 sems can skye ba'i chos can grangs med pa dag skye ba las yongs su 'grol bar 'gyur ba nas rga ba dang / 'chi ba dang / na ba dang / mya ngan dang / smre sngags 'don
183b7 ba dang / sdug bsngal ba dang / yid mi bde ba dang / 'khrug pa dag las sems can rnams yongs su bkol te 'khor ba'i rgya mtsho'i pha rol tu bsgral nas bde
184a1 ba| 'jigs pa med pa/ mya ngan med pa/ gnod pa med pa/ zhi ba/ rdul dang bral ba/ 'chi ba med pa'i chos kyi dbyings la 'god par 'gyur ro/ /
184a2 zhes nas a la la zhes bya ba dang / ca co dang ga zhi'i sgra skad phyung bar gyur to/ /sgra de'ang gcig nas gcig tu brgyud nas 'og min gyi gnas kyi bar du grags par
184a3 gyur to| |de nas btsun mo'i 'khor rnams kyis gzhon nu ma mthong nas dpyid dang / dgun dang / dbyar gnas pa'i khang bzang rnams dang / khri rnams dang / khyim
184a4 rnams su tshol zhing gang gi tshe ma rnyed pa de'i tshe gcig tu 'dus nas bya kur ra mo bzhin dud mo thon par gyur to/ /de na bud med kha cig ni shin tu mya ngan gyis
184a5 nyam thag nas kyi hud bu zhes 'dzer cing du'o/ /kha cig ni kyi hud ming po zhes 'dzer cing du'o/ /kha cig ni kyi hud khyim thab ces 'dzer to/ /kha cig ni jo bo zhes
184a6 'dzer to/ /kha cig ni sdug pa'i tshig sna tshogs smra'o/ /kha cig ni lus rdeb cing du'o/ /kha cig ni mgo 'bal lo/ /kha cig ni gcig gi gdong du gcig
184a7 lta zhing du'o/ /kha cig ni mig bsgyur cing du'o/ /kha cig ni lag pa brla la rdeb cing du'o/ /kha cig ni brang rdung zhing du'o/ /kha cig ni lag pa dpung par
184b1 rdeb cing du'o/ /kha cig ni mgor rdung zhing du'o/ /kha cig ni mgo la sa 'thor zhing du'o/ /kha cig ni skra 'jig cing du'o/ /kha cig ni skra 'bal zhing du'o/ /kha cig
184b2 ni lag pa bstod de bsgreng nas cho de 'don to/ /kha cig ni ri dwags mo dug mdas phog pa bzhin du glo bur du rgyug cing du'o/ /kha cig ni gdong gos kyis g.yogs
184b3 shing du'o/ /kha cig ni chu shing rlung dmar gyis bskyod pa bzhin du lus 'khyor zhing du'o/ /kha cig ni sa la 'gyel te ma shi tsam du gyur to/ /kha cig ni nya chu nas
184b4 bton pa bzhin du sa la 'gro ldog cing du'o/ /kha cig ni shing rtsa nas phyung ba bzhin du glo bur du sa la 'gyel nas du'o/ /sgra de'ang rgyal pos thos nas shAkya rnams
184b5 la smras sa/ ci'i phyir btsun mo'i 'khor na sgra chen po 'di grag /shAkya rnams kyis shes nas smras pa/ rgyal po chen po/ gzhon nu btsun mo'i 'khor na mi gda'
184b6 zhes gda'o/ /rgyal pos smras pa/ myur du grong khyer gyi sgo rnams chod la nang du gzhon nu tshol cig /de dag gis phyi nang du btsal kyang ma rnyed nas skye rgu'i bdag mo
184b7 chen mo gau ta mi'i smre sngags 'don te sa la 'gro ldog cing rgyal po zas gtsang ma la 'di skad ces smras so/ /rgyal po chen po/ bdag bu dang myur du sprad du gsol/ /de
185a1 nas rgyal pos phyogs bzhir pho nya rta pa bkye ste/ khyed deng la gzhon nu ma rnyed kyi bar du slar ma ldog cig/ mtshan mkhan dang ltas mkhan
185a2 rnams kyis kyang byang chub sems dpa' ni bkra shis kyi cha ba sgo nas mngon par 'byung ngo zhes lung bstan nas de dag bkra shis kyi sgor dong ba dang / lam gyi
185a3 bar zhig na me tog gi char 'bab par mthong ngo / /de nas de dag 'di snyam du sems te/ gzhon nu ni lam 'di nas byung ngo snyam nas de dag cung zad cig pha
185a4 zad du song ba dang / lha'i bu byang chub sems dpa'i gos ka shi pa rnams mgo la thogs te 'gro ba de mthong nas de dag 'di snyam du sems te/ 'di dag ni gzhon
185a5 nu'i gos ka shi pa rnams yin na/ gos 'di dag gi phyir 'dis gzhon nu bsad de 'di dag khyer bar ma gyur tam snyam mo/ /de nas yang de dag gis de'i phyi bzhin
185a6 du 'dun pa rta bsngags ldan dang / rgyan rnams thogs te 'ong ba mthong ngo / /de nas de dag phan tshun du smras pa/ kye 'dun pa rta bsngags ldan khrid de 'ong gi/
185a7 de lam dris kyi bar du hur 'dums ma byed cig ces smras nas de dag gis 'dun pa la dris pa/ kye 'dun pa/ gos ka shi pa 'di dag gi phyir mi 'dis gzhon
185b1 nu bkrongs par ma gyur grang / 'dun pas smras pa/ de lta ni ma yin te/ 'dis kyang gzhon nu la gos ngur smrig rnams phul lo/ /gzhon nus kyang na bza' ka shi pa 'di
185b2 rnams 'di la byin no/ /de nas lha'i bu des de dag mchod pa'i phyir gos de rnams lag pa gnyi gas spyi bo la thogs te/ de nyid nas lha'i 'jig rten du song ngo / /de dag
185b3 gis yang 'dun pa la dris pa/ 'di la ji snyam du sems/ kho bo cag shAkya gzhon nu zlog tu dong na nus sam/ des smras pa/ mi nus so/ /gzhon nu ni brtson 'grus dang
185b4 brtul ba brtan pa ste/ nga bla na med pa yang dag par rdzogs pa'i byang chub mngon par rdzogs par sangs ma rgyas kyi bar du ser skya'i gnas kyi grong khyer chen por mi
185b5 'jug go zhes de de skad gsung bas phyir mi ldog ste/ gzhon nus ji skad gsungs pa de de bzhin du 'gyur ro/ /de ci'i phyir zhe na/ gzhon nu ni brtson 'grus dang
185b6 brtul ba brtan pas slar mi ldog go/ de nas 'dun pa rta bsngags ldan dang / rgyan rnams khyer te btsun mo'i 'khor gyi nang du phyin to/ /de nas ring ba zhig lon pa
185b7 dang / rgyan de dag shAkya gzhon nu bzang po dang / ming chen dang / ma 'gags pas bteg pa dang / sred med kyi bu chen po ltar mkhregs pa dang / sred med kyi bu
186a1 byed ltar mkhregs pa'i rgyan de rnams de dag gis ma theg go /gang gi tshe de dag gang gis kyang theg par ma nus pa de'i tshe skye rgu'i bdag mo chen
186a2 mo gau ta mI 'di snyam du sems te/ bdag gis ji srid du rgyan 'di dag mthong ba de srid du bdag gis snying la mya ngan du 'gyur gyi/ bdag gis rgyan 'di dag rdzing
186a3 du 'dor ro snyam mo/ /de nas skye rgu'i bdag mo chen mo gau ta mIs rgyan de dag rdzing du bor te/ deng sang du'ang rgyan gyi rdzing zhes ming du chags so/ /de la 'di
186a4 skad ces bya ste/ gang tshe byang chub sems dpa' mkhas pa dpa'i bo byung / /de tshe ser skya'i grong khyer pa dag mtha' dag sad/ /kun gyi snying la gzhon nu mal na
186a5 nyal snyam sems/ /mgu zhing rab tu dga' nas phan tshun tshig kyang smra/ /sa 'tsho ma dang de bzhin btsun mo'i 'khor rnams sad/ /mal du bltas na byang chub
186a6 sems dpa' ma mthong nas/ /kyi hud bdag bslus byang chub sems dpa' gar bzhud ces/ /rgyal po'i khyim du dud mo'i sgra yang byung bar gyur/ /rgyal pos sgra de
186a7 thos nas sa la 'gyel gyur te/ /e ma nga yi bu gcig pa zhes dud mo phyung / /de nas de la bum pa'i chu blugs khrus byas nas/ /shAkya mang po dag gis de ni
186b1 dbugs kyang phyung / /sa 'tsho ma yang mal nas sa la lhung bar gyur/ /skra rnams 'bal zhing rgyan rnams dag kyang bkrol bar gyur/ /sdug pa kun dang bral ba ring por
186b2 mi thogs zhes/ /'dren pas bdag la sngon gsungs kyi ma legs par gsungs/ /gzugs ni gzugs bzang shin tu dri med yan lag spras/ /gsal zhing rnam dag
186b3 'gro ba rnams kyi yid 'ong sdug /dpal yon ldan pa bsngags pa lha mi mchod pa'i 'os/ /bdag ni mal du bor te khyod ni gang du bzhud/ /yon tan mnga' ba'i
186b4 byang chub sems dpa' ma mthong bar/ /skom yang mi 'tshal rgyags pa rnams kyis rgyags mi bgyi/ /sa la nyal zhing ral pa rnams kyang thogs par bgyi/ /khrus bgyi
186b5 spangs te brtul zhugs dka' thub spyad par bgyi/ /skyed mos tshal kun lo ma me tog 'bras ma mchis/ /rnam dag se mo do yang mun rdul phyag dar 'dra/ /mi mchog
186b6 dam pa khyod kyis spangs par gang gyur pa'i/ /grong khyer khyim rnams mdzes pa ma lags 'brog dang mtshungs/ /kyi hud glu dbyangs rab tu snyan pa'i sgra skad can/ /
186b7 kyi hud lhug lhug pa yi rgyan thogs btsun mo'i 'khor/ /kyi hud gser gyi dra bas khyab pa'i bar snang yang / /yon tan ldan dang bral bas phyin chad mi blta 'o/ /sru mo
187a1 de yang shin tu sdug bsngal thob gyur cing / /shAkya'i bu mo ma ngu zhig ces dbugs kyang 'byin/ /nga ni 'jig rten dag na rga shi mthar byed ces/ /
187a2 mi mchog dam pa des ni sngon yang smras pa yin/ /drang srong chen po dge ba stong dag spyad pa de/ /nam phyed nas ni dpag tshad drug tu song gyur nas/ /'dun pa de la
187a3 rta mchog dang ni rgyan rnams gtad/ /'dun pa 'di dag khyer la ser skya'i grong song zhig/ yab dang yum dag la yang nga yi tshig gis ni/ /gzhon nu song gi slar
187a4 zhing thugs ngan ma mdzad cig/ byang chub sangs rgyas nas ni slar 'dir mchi bar bgyi/ /chos rnams gsan nas thugs kyang zhi bar 'gyur zhes smros/ /'dun pa de
187a5 bzhin 'dren pa la ni slar smras pa/ /'dun pa legs ldan byang chub sems dpa' gar khrid ces/ /mi mchog gnyen gyi tshogs rnams bdag la rdeg 'gyur
187a6 gyi| |bdag la nus pa ma mchis stobs dang mthu ma mchis/ /byang chub sems dpas slar smras 'dun pa ma 'jigs shig/ nga yi gnyen gyi tshogs rnams dga'
187a7 bar gyur nas ni/ /khyod la ston pa'i 'du shes rtag tu bsgoms gyur te/ /nga la byams pa bzhin du khyod la'ang byams par 'gyur/ /'dun pa rta mchog dang ni
187b1 rgyan rnams khyer nas su/ /mi mchog dam pa de yi skyed mos tshal du phyin/ /skyed mos tshal gyi srung ma dga' ba'i shugs skyes nas/ /kun tu dga' ba'i sgra ni shAkya rnams
187b2 la smras| |gzhon nu 'di yi rta mchog dang ni 'dun pa yang / /skyed mos tshal du phyin gyi thugs ngan ma mdzad cig /rgyal pos de skad thos nas shAkyas bskor nas ni/ /
187b3 rab tu dga' ba'i shugs skyes skyed mos tshal du phyin/ /sa 'tshos byang chub sems dpa' blo gros brtan rig nas/ /tsheg de la ni yid ma ches te dgar ma gyur/ /gzhon
187b4 nu byang chub ma thob bar du phyir 'dir yang / /byon cing ldog par 'gyur ba de ni gnas ma yin/ /rgyal pos rta mchog dang ni 'dun pa de mthong nas/ /dud mo btab
187b5 ste sa yi steng du 'gyel bar gyur/ /kyi hud nga'i bu gling bu rol mo sgra dbyangs mkhas/ /rgyal srid thams cad bor te khyod ni gang du song / /'dun pa khyod kyis nga la
187b6 'dir ni legs par smros/ /byang chub sems dpa' gar song sbyor ba ci 'dra zhig/ sgo ni su yis phye zhing gang gis khrid par gyur/ /lha tshogs rnams kyis de la
187b7 mchod pa ji ltar byas/ /'dun pas smras pa rgyal po'i dbang po bdag la gson/ /dgung phyed grong khyer byis pa rgan po gnyid log nas/ /byang chub sems dpa'
188a1 'jam dbyangs bdag la 'di skad du/ /'dun pa rta rgyal nga la myur du byin zhes gsung / /bdag gis skyes pa'i tshogs dang bud med tshogs
188a2 kyang bslang / /de dag log cing rab tu log pas tshig ma thos/ /bdag ni ngu zhing bdag gis chibs kyi rgyal po phul/ /phan pa mdzad pa gang du dgyes par
188a3 gshegs zhes bgyis/ /brgya byin gyis ni 'khrul 'khor ldan pa'i chab sgo phye/ /'jig rten skyong ba bzhis ni chibs kyi rkang lag bteg /dpa' bo bcibs nas
188a4 stong gsum lam rnams rab tu g.yos/ /nam mkha' shin tu yangs pa 'di las gshegs gyur te/ /'od ni rab tu btang bas mun pa mun nag bsal/ /me tog
188a5 bab cing sil snyan brgya dag sgra yang byung / /lha dang de bzhin lha yi bu mo rnams kyis bstod/ /nam mkha' las ni lha tshogs rnams kyis bskor te gshegs/ /
188a6 'dun pa rta mchog dang ni rgyan rnams khyer nas su/ /de ni ngu zhing btsun mo'i 'khor du phyin pa dang / /sa 'tshos 'dun pa de dang rta mchog mthong gyur nas/ /rab tu
188a7 brgyal bar gyur te sa yi steng du 'gyel/ /bud med tshogs mang thams cad rab tu brtson par ni/ /chu dag blangs shing shAkya'i bu mo khru bar byed/ /mya ngan rnyed
188b1 pas 'chi ba'i dus byed gyur du 'ong / /phangs pa gnyis dang bral bar 'gyur du 'ong snyam byed/ /shAkya'i bu mo sdug bsngal gyur pa mthu bskyed nas/ /rta yi rgyal po rta mchog
188b2 de yi mgul nas 'jus/ /sngon chad dga' bas rtse ba dag kyang dran byas nas/ /mya ngan gyur cing sna tshogs tshig kyang rab tu smra/ /kyi hud bdag gi dga' skyed kyi hud bdag
188b3 gi mi mchog dri med zla ba'i zhal mnga' ba/ /kyi hud bdag gi gzugs mchog gzugs can gyi hud bdag gi mtshan mchog dri med gzi brjid ldan/ /kyi hud bdag gi
188b4 yan lag ma smad legs par 'khrungs pa rim gyis 'phags pa mnyam med pa/ /kyi hud bdag gi yon tan mchog ldan lha mis mchod pa thugs rje chen po mchog ldan
188b5 pa| |kyi hud bdag gi stobs ldan sred med bu yi mthu dang ldan pa dgra yi tshogs bcom pa/ /kyi hud bdag gi shin tu 'jam dbyangs ka la ping+ka'i sgra skad tshangs dbyangs
188b6 snyan ldan pa/ /kyi hud bdag gi grags pa mtha' yas bsod nams brgyas 'phags bsod nams rgya chen mnga' ba po/ /kyi hud bdag gi bsngags pa mtha' yas
188b7 yon tan tshogs brgyan drang srong tshogs rnams dga' mdzad pa/ /kyi hud bdag gi nags mchog bung ba sgra 'byin lum+bi ni der bltam pa legs bltams pa/ /kyi
189a1 hud bdag gi sgra grags lha mi rnams kyis mngon par mchod pa'i ye shes dong po che/ /kyi hud bdag gi ro bro dam pa bim+pa'i sgros can pad+ma'i spyan
189a2 mnga' gser mdog 'dra/ /kyi hud bdag gi shin tu rnam dag tshems ldan ba zho ba mo lta bu'i tshems ldan pa/ /kyi hud bdag gi shangs legs smin legs smin mtshams
189a3 bar na dri med mdzod spu gnas pa po/ /kyi hud bdag gi dpung mgo rab zlum gzhu 'dra'i rked pa e na'i byin pa rked pa zlum/ /kyi hud bdag gi glang po'i sna 'dra brla
189a4 ldan phyag zhabs rnam dag mdzes pa'i sen mo can/ /de yi rgyan rnams 'di dag bsod nams dag gis byas pa rgyal po rab tu dga' byed pa/ /kyi hud bdag gi
189a5 glu dang dbyangs sgra dam pa me tog byug pa bzang po dus bzang ba/ /kyi hud bdag gi me tog spos rnams glu len dag dang btsun mo'i 'khor ni dga' byed pa/ /kyi hud
189a6 bsngags ldan legs skyes nga yi khyim thab grogs po yin na khyod kyis gang du khrid/ /kyi hud 'dun ma snying rje med pa mi yi dam pa bzhud tshe sgron cing slong ma phod/ /
189a7 do mod grong khyer dam pa 'di nas mi yi kha lo sgyur ba thugs rje ldan gshegs te/ /phan pa mdzad pa 'di ni gshegs zhes skabs der tshig gcig tsam zhig
189b1 ci yi phyir ma smras/ /phan pa mdzad pa ji ltar gshegs shing rgyal po'i pho brang 'di nas su yis phyung ba byas/ /gang gis phyogs gshegs nags tshal gel ba'i lha mo de
189b2 yi grogs su gyur ba dpal yon ldan/ /'dun pa kho mo shin tu sdug bsngal gter bstan nas ni mig phyung 'dra bas mig byin cig /'dun pa rgyal ba kun gyis pha dang
189b3 ma dag mchod pa'i 'os zhes rtag tu bsngags mdzad na/ /de dag rnams kyang spangs te byung na bud med 'dod pa'i dga' ba 'di lta smos ci dgos/ /kyi hud sdug pa rnams
189b4 dang bral ba gar la lta ba'i rang bzhin 'dra ste rtag ma yin/ /byis pa 'du shes kyis bzung lta ba phyin ci log pas skye dang 'chi 'pho gnas par gyur/ /de yis sngon
189b5 yang rga shi ldan pa'i 'dus byas dag la grogs po 'ga' yang med ces bstan/ /khyod kyi dgongs pa yongs su rdzogs nas shing mchog drung du byang chub dam pa mchog
189b6 thob gyur/ /rdul med byang chub sangs rgyas nas ni grong khyer dam pa 'dir ni slar yang gshegs su gsol/ /'dun pa de yang mchog tu yid mi dga' zhing sa 'tsho
189b7 ma yi tshig ni thos gyur nas/ /de ni nga ro thon cing tshig tu smras pa sa 'tsho ma khyod bdag tshig legs par gson/ /nam gyi gung thun bud med tshogs rnams thams
190a1 cad rab tu gnyid kyis log ste dben gyur pa/ /de yi tshe na bsod nams brgyas 'phags de yis bdag la bsngags ldan nga la byin zhas
190a2 gsung / /de skad tshig thos nas ni de ma thag tu bdag gis khyod ni gzims mal gzims la bltas/ /de tshe khyod kyi sdug pa 'di ni gshegs kyi sa 'tsho bzhengs
190a3 zhes sgra skad chen po phyung / /lha yis tshig de bkag par gyur pas bud med rnams las 'ga' tsam zhig kyang sad ma gyur/ /bdag ni rab tu ngu zhing rta yi rgyal
190a4 po brgyan pa bgyis nas mi mchog de la phul/ /bsngags ldan drag shul can gyi gzi ldan sgra phyung de yi sgra ni rgyang grags tsam du grags/ /'on kyang lha yis
190a5 gnyid kyis log par bgyis pas grong khyer pa las 'ga' yang sad ma gyur/ /gser dang dngul dang nor bu rnams kyis g.yogs pa'i sa la bsngags ldan rkang
190a6 lag rab tu brdabs/ /de las snyan dang 'jigs dang mdzes pa'i sgra byung 'on kyang mi las 'ga' tsam sad ma gyur/ /de yi bar skabs skar ma rgyal dang ldan
190a7 gyur zla ba skar ma dag kyang mkha' la gnas/ /mkha' las lha rnams bye ba thal mo sbyar te btud nas phyag kyang rab tu 'tshal/ /gnod sbyin srin po tshogs
190b1 rnams nye bar gnas shing 'jig rten skyong ba rdzu 'phrul che ldan bzhis/ /pad+ma'i ze ba lta bur rnam dag dri med lag pas bsngags ldan gyi ni rkang lag bteg /bsod
190b2 nams gzi brjid brgyas 'phags de yang ku mu da dang bar sha lta bu de la bcibs/ /sa ni rnam pa drug tu rab tu g.yos shing sangs rgyas zhing rnams dri med 'od kyis khyab//
190b3 bde sogs khyim thabs brgya byin lha yi gtso bo nyid kyis de tshe chab sgo dbye ba bgyis/ /de ni bye ba khrag khrig lha yis mdun du bdar te lha dang klu yis mchod nas
190b4 gshegs/ /bsngags ldan gyis ni 'du shes tsam gyis de na 'jig rten mgon po mkha' las bkur bar shes/ /lha dang lha ma yin tshogs dbang por bcas pa
190b5 de dag bcibs te bde bar gshegs pa gshegs/ /lha yi bu mo glu dbyangs mkhas pa rnams kyang byang chub sems dpa'i yon tan rab brjod cing / /de dag
190b6 bsngags ldan la yang stobs mthud byed cing snyan la yid du 'ong ba'i sgra yang 'byin/ /bsngags ldan 'jig rten 'dren pa myur ba myur bar khyer la skyo ba mi
190b7 dga' ma skyed cig /'jig rten mgon po mnyes par byas na khyod la 'jigs dang ngan song ngan 'gro med par 'gyur/ /lha rnams re re zhing yang bdag la
191a1 'jig rten mgon po bcibs par mngon du dga' bar gyur/ /yul sa 'di na bye ba lha yi rkang pa dag gis non par ma gyur cung zad med/ /
191a2 bsngags ldan nam mkha'i skabs na sna tshogs spras shing mdzes pa'i lam gnas rin chen stegs bu ni/ /rnam pa sna tshogs dag gis brgyan cing lha yi bdug
191a3 pa snying po mchog bdugs 'di la ltos/ /bsngags ldan dge ba'i las 'dis sum cu rtsa gsum lha gnas shin tu legs par sprul pa der/ /lha yi bu mos
191a4 bskor cing mdun gyis bltas la lha yi 'dod pa'i dga' bas dga' bar gyis/ /legs pa sa 'tsho ma khyod phyir zhing ma bshums dgyes par mdzad cing mchog
191a5 tu dgyes par mdzod/ /mi mchog byang chub brnyes nas lha yi mdun du bdar ba ring por mi thogs gzigs par 'gyur/ /sa 'tsho mi rnams gang dag legs pa'i
191a6 las bgyis de dag rtag tu bshums par bgyi ma lags/ /de ni bsod nams gzi brjid brgyas 'phags lags kyi dgyes par mdzod la bshums mo ma
191a7 mdzad cig /rgyal po mngon par byung ba de na lha dang mis mchod pa yi bkod pa gang lags pa/ /bkod pa de ni sa 'tsho bdag gis dgung bdun par du brjod
191b1 kyang rdzogs par brjod mi nus/ /khyod kyis 'gro la phan mdzad pa la bsnyen bkur mdzad pas brnyes mchog bsam gyis mi khyab brnyes/ /bdag gis bsam na khyod kyang
191b2 mi yi dam pa de ni ci 'dra de 'drar 'gyur snyam bgyid/ /mngon par 'byung ba'i le'u ste/ bco lnga pa'o// //'phags pa rgya cher rol pa zhes bya ba theg
191b3 pa chen po'i mdo/ bam po bcu gcig pa/ dge slong dag /de ltar byang chub sems dpa'i byin gyi rlabs kyis 'dun pas rgyal po zas gtsang ma dang / shAkya'i bu mo
191b4 sa 'tsho ma dang / btsun mo'i 'khor thams cad dang / shAkya'i tshogs thams cad kyi mya ngan bsang ba'i gtam smras so/ /dge slong dag /de ltar byang chub sems
191b5 dpas lha'i bu rngon pa'i gzugs lta bu la gos ka shi pa rnams byin nas de la gos ngur smrig rnams blangs te 'jig rten dang mthun par bya ba dang / sems can la snying
191b6 brtse ba dang / sems can yongs su smin par bya ba'i phyir bdag nyid rab tu byung ngo / /de nas byang chub sems dpa' bram ze rigs ldan gyi gnas ga la ba der song ba
191b7 dang / des byang chub sems dpa' gnas par bya ba dang / zas la mgron du bos so/ /de nas byang chub sems dpa' bram ze pad+ma'i gnas su song ba dang / des kyang
192a1 byang chub sems dpa' gnas par bya ba dang / zas la mgron du bos so/ /de nas bram ze'i drang srong nam gru'i gnas su song ba dang / des
192a2 kyang de bzhin du byang chub sems dpa' mgron du bos so/ /de bzhin du gdul ba'i be con can gyi bu 'od ldan gyis kyang byang chub sems dpa' mgron du bos te/
192a3 dge slong dag /de ltar byang chub sems dpa' rim gyis grong khyer chen po yangs pa can du phyin to/ /de'i tshe sgyu rtsal shes kyi bu ring 'phur nyan thos kyi dge 'dun
192a4 chen po dang / slob ma sum brgya dang lhan cig tu grong khyer yangs pa can du gnas bcas shing gnas te/ de slob ma dag la ci'ang med pa'i skye mched kyi brtul
192a5 zhugs dang mthun pa'i chos ston pa des byang chub sems dpa' rgyang ring po nas 'ong ba mthong nas ngo mtshar du gyur te slob ma rnams la smras pa/ kye 'di'i
192a6 gzugs la ltos shig /de dag gis smras pa/ de bzhin du de la blta bar bgyis te 'di ni ya mtshan che'o/ /dge slong dag /de nas nga sgyu rtsal shes kyi
192a7 bu ring 'phur ga la ba der song ste sgyu rtsal shes kyi bu ring 'phur la 'di skad ces smras so/ /kye sgyu rtsal shes kyi bu ring 'phur/ khyod las bdag gis tshangs
192b1 par spyad pa spyod do/ /des smras pa/ kye gau ta ma/ dad pa'i rigs kyi bus gang la spyad na tshogs chung dus kun shes pa thob par 'gyur ba'i chos bstan pa de lta bu la spyod
192b2 cig /dge slong dag /ngas 'di snyam du sems te/ nga la mos pa'ang yod nga la brtson 'grus kyang yod/ dran pa'ang yod/ ting nge 'dzin kyang yod/ shes rab kyang
192b3 yod kyi| chos de nyid thob par bya ba dang / mngon du bya ba'i phyir bdag gcig pu bag yod pa dang / brtun pa dang / dben par gnas par bya'o snyam nas dge slong
192b4 dag /de nas nga gcig pu bag yod pa dang / brtun pa dang / dpen par gnas nas tshegs chung ngus chos de khong du chud cing mngon du gyur to/ /dge slong dag /de
192b5 nas nga sgyu rtsal shes kyi bu ring 'phur ga la ba der song ste 'di skad ces smras so/ /kye ring 'phur/ khyod kyis chos 'di tsam zhig khong du chud cing mngon du gyur tam/
192b6 des smras pa/ kye gau ta ma/ de de bzhin no/ /ngas smras pa/ kye kho bos kyang chos de mngon du byas shing khong du chud do/ /des smras pa/ kye gau ta ma/ de bas na/ chos gang
192b7 kho bos shes pa de khyod kyis shes la gang khyod kyis shes pa de'ang kho bos shes te/ de bas na/ bdag cag gnyi gas slob ma'i tshogs 'di la bstan to/ /dge
193a1 slong dag /de nas sgyu rtsal shes kyi bu ring 'phur gyis nga la mchod pa dam pas mchod de/ nga slob ma rnams la'ang don mthun par byed du bcug
193a2 go /dge slong dag /ngas 'di snyam du bsam ste/ ring 'phur gyi chos 'di ni nges par 'byung ba ma yin te/ de byed pa yang dag par sdug bsngal zad par nges
193a3 par 'byung ba ma yin gyi/ bdag gis de las lhag pa zhig btsal zhing spyad snyam mo/ /dge slong dag /de nas nga ji srid dga' ba'i bar du grong khyer yangs pa can
193a4 du gnas nas yul ma ga d+har yul rgyu zhing yul ma ga d+ha'i rgyal po'i khab kyi grong khyer chen po ga la ba der song ste/ ri'i rgyal po skya bo ga la ba der song nas
193a5 ri'i rgyal po skya bo de'i ngos la nga gcig pu gnyis su med cing grogs med par lha bye ba khrag khrig brgya stong phrag du mas bsrungs shing gnas so/ /de nas nga
193a6 nang par sha ma thabs dang chos gos bgos/ lhung bzed thogs te chu dron can gyi sgo nas rgyal po'i khab kyi grong khyer chen por 'gro ba dang / ldog pa dang / mdun
193a7 du lta ba dang / g.yas g.yon du lta ba dang / bskum pa dang brkyang ba mdzes pa dang / snam sbyar dang / thang ba dang / lhung bzed dang / chos gos 'dzin pa mdzes
193b1 pa dang / dbang po ma g.yengs pa dang / sprul pa bzhin du yid phyi rol tu ma byung ba dang / 'bru mar gyis gang ba'i snod thogs pa bzhin gnya' shing gang tsam du lta zhing
193b2 bsod snyoms kyi phyir zhugs so/ /de nas rgyal po'i khab kyi mi rnams kyis nga mthong nas ngo mtshar du gyur te/ ci 'di tshangs pa yin nam/ lha'i dbang po brgya byin
193b3 nam/ 'on te rnam thos kyi bu'am/ 'on te ri'i lha 'ga' zhig yin nam snyam mo/ /de la 'di skad ces bya ste/ de nas gzi brjid mtha' yas dri med ldan/ /byang
193b4 chub sems dpa' bdag nyid rab byung ste/ /sems ni zhi zhing spyod lam rab dul bar/ /ri yi rgyal po skya bo'i ngos la gnas/ /byang chub sems dpas nam nangs
193b5 shes nas ni/ /mchog tu blta na mdzes par sham thabs bgos/ /lhung bzed thogs te dma' ba'i yid kyis su/ /de ni rgyal po'i khab tu bsod snyoms zhugs/ /gser
193b6 gyis le sbram bzhin rab dul la/ /sum cu rtsa gnyis mtshan gyi go bgos pa/ /skyes pa'i tshogs dang bud med kyis mthong na/ /su yang lta bas ngoms par
193b7 mi 'gyur ro/ /srang dag rin chen gos dang 'brus kyang brgyan/ /gang gi mthus ni grong khyer kun mdzes pa'i/ /sngon chad ma mthong sems can 'di su zhes/ /
194a1 skye bo sel cing de yi phyi bzhin 'brang / /bud med stong dag khang pa'i steng 'dug cing / /de bzhin sgo dang de bzhin skar khung dang / /srang
194a2 dag bkang ste khyim ni stong byas nas/ /de dag las gzhan med par mi mchog lta/ /skyes bu mchog gi gzugs la lta ba'i tshe/ /nyod nga tshong ba dag kyang
194a3 mi byed cing / /chang dang can kyang chang ni mi 'thung la/ /khyim dang srang na 'dug par mi dga' 'o/ /rings par mi zhig rgyal po'i khab song ste/ /de dga' rgyal
194a4 po gzugs can snying po la/ /grong 'dir tshangs pa bdag nyid bsod snyoms spyod/ /lha khyod brnyes pa dam pa brnyes zhes zer/ /kha cig brgya byin lha yi rgyal
194a5 zhes zer/ /gzhan dag 'thab bral lha yi bu zhes zer/ /de bzhin yongs su dga' ldan 'phrul ba dang / /gzhan dag rab 'phrul lha yi bu zhes zer/ /kha cig
194a6 nyi ma zla ba de bzhin du/ /sgra gcan stobs ldan thags bzang ris zhes zer/ /kha cig dag ni tshig kyang 'di skad du/ /ri rgyal skya la 'dug pa 'di yin zer/ /
194a7 rgyal pos tshig ni de dag thos gyur nas/ /yid ni mchog tu dga' zhing skar khung 'dug/ shin tu sbyangs pa'i gser ltar dpal 'bar ba/ /byang chub sems
194b1 dpa' sems can mchog mthong ngo / /rgyal po gzugs can snying pos mi de la/ /bsod snyoms byin la gar song ltos zhes bsgo/ /ri yi mchog la de ni song mthong nas//
194b2 kha cig ri yi ngos la de mchis smras/ /gzugs can snying pos nam nangs shes nas ni/ /mi dbang skye bo mang pos yongs bskor te/ /ri yi rgyal po skya bo'i drung du song //
194b3 ri de dpal ni rab tu 'bar bar mthong / /bzhon pa las ni babs te rkang gis song / /ji ltar lhun po bzhin du mi g.yo zhing / /rtswa bting steng na skyil mo krung
194b4 'dug pa'i/ /byang chub sems dpa' mchog tu gus pas mthong / /rgyal pos rkang par mgo bos phyag byas te/ /rnam pa sna tshogs dag gi gtam byas nas/ /
194b5 khyod la rgyal srid kun gyi phyed sbyin gyi/ /'dod pa'i yon tan 'di spyod ma 'phyan smras/ /byang chub sems dpas 'jam po'i tshig smras pa/ /sa yi bdag po yun
194b6 ring tshe srungs shig /kho bos rgyal srid sdug pa bor nas su/ /re ba med par zhi phyir rab tu byung / /gzhon nu thor bu dar la bab dang ldan/ /lus kyi kha dog mdzes
194b7 shing shugs ldan na/ /nor mang dag dang bud med tshogs bzhes te/ /bdag gi rgyal srid 'dir bzhugs 'dod pa spyod/ /ma ga d+ha'i rgyal pos byang chub sems
195a1 dpa' la smras pa/ bdag ni khyod sku mthong bas mchog tu dga'/ /bdag gi rgyal srid kun gyi grogs mdzod cig /bdag ni khyod la mnga' 'bul
195a2 'dod pa spyod/ /nags tshal stong pa dag tu ma bzhugs shig /slan chad sa gnas rtswa steng ma bzhugs shig /khyod kyi sku ni mchog tu rab tu gzhon/ /bdag gi
195a3 rgyal srid 'dir bzhugs 'dod pa spyod/ /byang chub sems dpas 'jam zhing gya gyu med/ /dga' 'gyur phan zhing snying brtse'i tshig smras pa/ /rgyal po khyod ni
195a4 rtag tu bkra shis gyur/ /kho bo 'dod pa'i yon tan mi 'dod do/ /'dod pa dug 'dra nyes pa mtha' yas ldan/ /sems can dmyal dang yi dwags dud 'gror ltung / /
195a5 mkhas pas smad cing 'dod pa 'phags ma yin/ /kho bos ngar snabs rul pa bzhin du bor/ /'dod pa shing gi 'bras bu bzhin du ltung / /ji ltar sprin dang char
195a6 pa bzhin du 'gro/ mi brtan 'gyur la ji ltar rlung bzhin 'gro/ dge ba thams cad rnam par 'thor zhing slu/ /de bzhin 'dod pa mi rnyed phyir yang gdung / /rnyed
195a7 du zin kyang chog par 'dzin mi 'gyur/ /gang tshe dbang med ma rung rab gyur pa/ /de tshe 'dod pa sdug bsngal drag chen bskyed/ /rgyal po lha yi 'dod pa gang yin
195b1 dang / /mi yi 'dod pa bzang po gang yin pa'i/ /'dod pa thams cad mi gcig gis thob kyang / /de la chog pa med de yang tshol lo/ /rgyal po gang dag zhi zhing dul gyur pa/ /'phags
195b2 pa zag med chos kyis 'du shes gang / /shes rab mkhas pas chog pa de legs chog /'dod pa'i yon tan chog pa cung zad med/ /rgyal po 'dod pa dag la bsten byas
195b3 shing / /sngon chad 'dus byas pa yi mtha' ma med/ /ji ltar mi dag lan tshwa'i chu 'thungs bzhin/ /'dod pa bsten na phyir zhing sred pa 'phel/ /rgyal po lus la yang ltos
195b4 de mi brtan/ /snying po med de sdug bsngal 'khrul 'khor bzhin/ /bu ga dgu yi sgo nas rtag tu 'dzag /rgyal po kho bo 'dod pa'i 'dod chags med/ /kho bos 'dod
195b5 pa mang dang de bzhin du/ /blta na sdug pa'i bud med stong bor te/ /mchog zhi byang chub dam pa thob 'dod nas/ /kho bo srid la mi dga' nges par 'byung / /ma ga d+ha yi rgyal
195b6 bos der smras pa/ /dge slong phyogs ni gang dang gang nas byon/ /gang du khyod skyes yab yum gang na bzhugs/ /rgyal rigs lags sam bram ze'am rgyal po lags//
195b7 dge slong khur gyi 'du shes med na gsungs/ /byang chub sems dpas de la 'di skad smras/ /rgyal po shAkya rnams kyi ser skya'i grong / /mchog tu 'byor cing rgyas pa thos
196a1 gyur tam/ /kho bo'i pha yi ming ni zas gtsang yin/ /yon tan 'dod pas kho bo deng rab byung / /ma ga d+ha yi rgyal pos 'di skad gsol/ /khyod mthong
196a2 legs par mthong ste legs pa lags/ /gang las khyod skyes bdag kyang de'i slob ma/ /'dod chags bral ba 'dod par spyan drangs pa/ /thugs nas bdag la bzod
196a3 pa mdzad du gsol/ /gang tshe khyod kyis byang chub brnyes gyur tshe/ /chos rjes bdag la chos kyi bgo bsha' mdzod/ /rang byung bdag gi yul na bzhugs pa ni/ /
196a4 bdag gis mchog tu rnyed pa rab rnyed do/ /de nas kyang ni rkang par phyag byas te/ /rgyal pos shin tu gus par bskor byas nas/ /mi dbang rang gi skye bos yongs
196a5 bskor te/ /slar yang rgyal po'i khab tu zhugs par gyur/ /'jig rten mgon po ma ga d+ha yi grong zhugs te/ /ji srid 'dod par zhi ba'i yid kyis 'dug/ lha dang mi
196a6 rnams kyi ni don byas nas/ /mi dbang nai rany+dza na'i chu 'gram song / /gzugs can snying po 'ongs pa'i le'u zhes bya ba ste/ bcu drug pa'o// //dge slong dag /yang de'i tshe rangs byed kyi bu lhag spyod rgyal po'i khab kyi grong khyer chen por gnas bcas nas slob ma'i tshogs chen po slob ma bdun brgya dang lhan
196b1 cig tu gnas te/ de de dag la 'du shes med 'du shes med min gyi brtul zhugs dang mthun pa'i chos ston to/ /dge slong dag /byang chub sems dpa' rangs byed kyi bu
196b2 lhag spyod tshogs dang ldan pa/ tshogs can/ tshogs kyi slob dpon/ grags pa mngon par 'dod pa/ skye bo mang pos mchod pa/ mkhas pa kun gyis shes pa mthong ngo / /
196b3 mthong nas kyang de 'di snyam du sems te/ rangs byed kyi bu lhag spyod 'di tshogs dang ldan pa/ tshogs can/ tshogs kyi slob dpon/ grags pa mngon par 'dod pa/ skye bo mang
196b4 pos mchod pa/ mkhas pa kun gyis shes pa yin na/ gal te bdag de'i drung du song ste brtul zhugs dang dka' thub ma brtsams na ni/ 'di bdag la khyad par du 'phags
196b5 pa'i 'du shes kyang mi skyed la/ mngon sum gyi shes pas kyang shes par mi 'gyur ba dang / 'dus byas zag pa dang bcas pa/ nye bar len pa dang bcas pa'i bsam gtan
196b6 dang / ting nge 'dzin dang snyoms par 'jug pa dag kyang sun phyung bar ma gyur gyi/ gang gis na de la bsam gtan gyi spyod yul dag dang / snyoms par 'jug pa'i dmigs
196b7 pa dag mngon sum du 'gyur ba dang / 'jig rten pa'i ting nge 'dzin dag kyang 'byung ba ma yin par bstan par 'gyur ba de lta bu'i thabs shig bstan par bya'am/ bdag
197a1 rangs byed kyi bu lhag spyod kyi drung du song ste/ bdag gi ting nge 'dzin gyi yon tan gyi khyad par bstan pa'i phyir de'i slob mar khas blangs la/ 'dus
197a2 byas kyi ting nge 'dzin snying po med par bstan par bya'am snyam mo/ /dge slong dag /de nas byang chub sems dpas don de'i dbang du byas te rangs byed kyi bu lhag spyod
197a3 ga la ba der song nas phyin pa dang / rangs byed kyi bu lhag spyod la 'di skad ces smras so/ /grogs po/ khyod kyi ston pa ni su zhig /sus chos bstan pa kun shes/
197a4 de skad ces smras pa dang / rangs byed kyi bu lhag spyod kyis byang chub sems dpa' la 'di skad ces smras so/ /grogs po/ kho bo la ston pa gang yang med de/ 'on
197a5 kyang kho bo rang gis 'di yang dag par khong du chud do/ /byang chub sems dpas smras pa/ khyod kyis ci khong du chud/ smras pa/ 'du shes med 'du shes med min skye
197a6 mched kyi snyoms par 'jug pa'i lam mo/ /byang chub sems dpas smras pa/ bdag gis khyod las ting nge 'dzin gyi lam gyi gdams ngag dang / rjes su bstan pa
197a7 thob par 'tshal lo/ /smras pa/ de ltar bya'o zhes bya ba nas gdams ngag byin pa'i bar du'o/ /de nas byang chub sems dpa' phyogs gcig tu song ste skyil mo krung
197b1 bcas nas 'dug go /'dug ma thag tu byang chub sems dpa'i bsod nams kyi khyad par dang / ye shes kyi khyad par dang / sngon spyad pa legs par spyad pa'i 'bras bu'i khyad
197b2 par dang / ting nge 'dzin thams cad la 'dris pa'i khyad par dang / de sems la dbang bsgyur ba'i phyir bsam gtan la sogs pa'i 'jig rten pa'i snyoms par 'jug pa brgya
197b3 stong thams cad rnam pa dang bcas/ bye brag dang bcas par mngon sum du gyur to/ /de nas byang chub sems dpa' dran pa dang shes bzhin du stan las langs te rangs
197b4 byed kyi bu lhag spyod ga la ba der song nas phyin pa dang / rangs byed kyi bu lhag spyod la 'di skad ces smras so/ /grogs po/ 'du shes med 'du shes med min skye mched
197b5 kyi lam las gong na gzhan 'ga' zhig yod dam/ des smras pa/ med do/ /de nas byang chub sems dpa' 'di snyam du sems te/ lhag spyod 'ba' zhig la dad pa yod
197b6 pa dang / brtson 'grus dang / dran pa dang / ting nge 'dzin dang / shes rab yod pa ma yin gyi/ bdag la'ang dad pa dang / brtson 'grus dang / dran pa dang / ting nge 'dzin dang /
197b7 shes rab yod do snyam mo/ /de nas byang chub sems dpas rangs byed kyi bu lhag spyod la 'di skad ces smras so/ /grogs po/ khyod gang du nges par byung ba'i chos de kho
198a1 bos kyang khong du chud do/ /des smras pa/ de bas na/ 'dong khyod dang kho bos tshogs 'di dag rjes su bslab bo zhes byang chub sems dpa' don
198a2 mthun pa dang / slob dpon gyi gnas su bzhag go /byang chub sems dpas smras pa/ grogs po/ lam 'di ni yid 'byung par 'gyur ba ma yin/ 'dod chags
198a3 dang bral bar 'gyur ba ma yin/ 'gog par 'gyur ba ma yin/ nye bar zhi bar 'gyur ba ma yin/ mngon par shes par 'gyur ba ma yin/ rdzogs par byang chub par
198a4 'gyur ba ma yin/ dge sbyong nyid du 'gyur ba ma yin/ mya ngan las 'das par 'gyur ba ma yin no/ /dge slong dag /de ltar byang chub sems dpas lhag spyod slob ma
198a5 dang bcas pa 'dun par byas nas de tsam gyis chog go zhes bya ba nas chog par byas te song ba'i bar du'o/ /de'i tshe lnga sde bzang po rangs byed kyi bu lhag spyod las
198a6 tshangs par spyad pa spyod pa de dag 'di snyam du sems te/ bdag cag gis 'di'i phyir yun ring por btsal cing brtson par byas kyang mtha' dang mu khong du chud par ma
198a7 nus kyi| dge sbyong gau ta mas tshegs chung dus khong du chud cing mngon du byas la de de yang mi 'dod cing / de las gong du tshol ba las the tshom med par de ni 'jig
198b1 rten gyi ston par 'gyur ro/ /gang des mngon du byed par 'gyur ba de bdag cag la'ang bgod par 'gyur ro snyam mo/ /de ltar dpyad nas lnga sde bzang po rangs byed kyi bu
198b2 lhag spyod kyi drung nas dong ste byang chub sems dpa'i phyi bzhin 'brang ngo / /dge slong dag /de ltar byang chub sems dpa' ji srid dga' ba'i bar du rgyal po'i khab tu gnas
198b3 nas lnga sde bzang po dang lhan cig tu yul ma ga d+har yul rgyu zhing song song ngo / /yang de'i tshe rgyal po'i khab dang / ri ga ya'i bar na tshogs gzhan dag cig dus ston byed
198b4 de| tshogs de dag gis kyang byang chub sems dpa' lnga sde bzang po dang lhan cig tu gnas par bya ba dang / zas la mgron du bos so/ /dge slong dag/ de nas byang chub
198b5 sems dpa' yul ma ga d+har yul rgyu zhing yul ma ga d+ha'i ri ga ya ga la ba der song ste/ der phyin par gyur to/ /ri ga ya'i rtse mo der byang chub sems dpas spong ba'i phyir
198b6 gnas te/ de der gnas pa'i tshe sngon ma thos pa dang / sngon mi shes pa'i dpe gsum mngon du gyur to/ /gsum gang zhe na/ dge sbyong dang bram ze gang la la 'dod pa dag
198b7 las lus dben par mi gnas/ 'dod pa dag las sems dben par mi gnas shing / de dag gi 'dod pa la dga' ba dang / 'dod pa la chags pa dang / 'dod pa la
199a1 'dun pa dang / 'dod pa la skom pa dang / 'dod pa la yongs su gdung ba dang / 'dod pa la zhen pa gang yin pa de ni nye bar zhi ba ma yin la/ de
199a2 dag bdag nyid kyis gnod par byed cing lus la gdung bar byed pas sdug bsngal gyi tshor ba drag po mi bzad pa tsha ba myong ste/ 'on kyang de dag mi'i chos bla ma las
199a3 mchog tu gyur pa/ 'phags pa ye shes mthong ba'i khyad par mngon du byed mi nus so/ /'di lta ste/ dper na/ skyes bu zhig me 'dod la shing rlon pa'i gtsub stan
199a4 dang / shing rlon pa'i gtsub shing thogs la chur bcug ste gtsubs na/ des me 'byin par mi nus so/ /de bzhin du dge sbyong dang / bram ze de dag 'dod pa rnams las
199a5 lus dben par mi gnas/ 'dod pa rnams la sems dben par mi gnas te/ de dag gi 'dod pa la dga' ba dang / 'dod pa la sred pa dang / 'dod pa la 'dun pa
199a6 dang / 'dod pa la skom pa dang / 'dod pa la yongs su gdung ba dang / 'dod pa la brgyal ba dang / 'dod pa la zhen pa gang yin pa de ni nye bar zhi ba ma yin gyi/ de
199a7 dag bdag nyid kyis gnod par byed cing / lus la gdung bar byed pas sdug bsngal gyi tshor ba drag po mi bzad pa tsha ba myong mod kyi/ 'on kyang de dag mi'i chos bla ma
199b1 las mchog tu gyur pa/ 'phags pa ye shes mthong ba'i khyad par mngon du byed mi nus so snyam ste/ 'di ni byang chub sems dpa' la dpe mngon du gyur pa dang po'o/ /
199b2 yang de 'di snyam du sems te/ gang dge sbyong dang / bram ze 'di dag 'dod pa rnams las lus dang sems dben par gnas kyang de dag gi 'dod pa la dga' ba zhes bya
199b3 ba nas me tshol ba zhes bya ba'i bar du thams cad snga ma bzhin du sbyar te/ des shing rlon pa'i gtsub stan thogs la thang la bzhag ste shing rlon pa'i gtsub shing gis gtsubs
199b4 na| des me 'byin par mi nus so/ /de bzhin du gang dge sbyong dang bram ze 'di dag ces bya ba nas thams cad snga ma bzhin du sbyar te/ mi'i chos bla ma las mchog tu gyur pa/
199b5 'phags pa ye shes mthong ba'i khyad par mngon du bya bar mi nus so snyam ste/ 'di ni sngon ma thos shing mi shes pa'i dpe mngon du gyur pa gnyis pa'o/ /gzhan yang
199b6 gang dge sbyong dang / bram ze 'di dag 'dod pa rnams las lus dang sems dben par gnas shing / de dag gi 'dod pa la dga' ba zhes bya ba nas thams cad de bzhin
199b7 du sbyar te de dag gi de ni nye bar zhi ba yin te/ de dag bdag nyid kyis gnod pa byed cing lus la gdung bar byed pas sdug bsngal gyi tshor ba drag po mi bzad pa myong mod
200a1 kyi| 'on kyang de dag mi'i chos bla ma las mchog tu gyur pa/ 'phags pa ye shes mngon du mthong ba'i khyad par mngon du bya bar nus so/ /'di lta ste/
200a2 dper na/ skyes bu zhig me 'dod cing 'od 'dod pa dang / 'od tshol bar gyur la/ des shing skam po'i gtsub stan dang / gtsub shing thogs shing thang la bzhag ste gtsubs
200a3 na| des me dbyung ba dang 'od 'bar bar byed nus so/ /de bzhin du gang dge sbyong dang bram ze 'di dag ces bya ba nas tshor ba myong zhes bya ba'i bar du snga ma bzhin te/ 'on
200a4 kyang de dag mi'i chos bla ma las mchog tu gyur pa/ 'phags pa ye shes mthong ba'i khyad par mngon du bya bar nus so snyam ste/ 'di ni sngon ma thos shing sngon mi shes pa'i
200a5 dpe gsum pa'o/ /dge slong dag /de nas byang chub sems dpa' de 'di snyam du sems te/ bdag kyang da ltar 'dod pa rnams las lus dben par gnas/ 'dod pa
200a6 rnams las sems dben par gnas la/ bdag gi 'dod pa la dga' ba zhes bya ba nas thams cad snga ma bzhin du sbyar te/ bdag gi de'ang nye bar zhi ba yin la bdag
200a7 nyid kyis gnod par byas shing lus la gdung bar byed pas sdug bsngal zhes bya ba nas tshor ba myong zhes bya ba'i bar du snga ma bzhin du sbyar te/ 'on kyang bdag mi'i
200b1 chos bla ma las mchog tu gyur pa/ 'phags pa ye shes mthong ba'i khyad par mngon du bya bar nus so snyam mo/ /dge slong dag/ de ltar byang chub sems dpa' ji srid dga'
200b2 ba'i bar du ga ya'i rir ga ya'i rtse mo la gnas te/ rkang gis yul rgyu zhing sde dpon gyis grong lteng rgyas ga la ba der song ste phyin pa dang / de na klung ne rany+dza na chu gsal ba/
200b3 'bab stegs bde ba/ shing dang shing gel ba mdzes pa dag gis brgyan pa/ nye 'khor na spyod yul gyi grong yod pa mthong ste/ de la byang chub sems dpa' yid shin tu
200b4 dga' bar gyur nas 'di snyam du sems te/ e ma'o/ /sa phyogs 'di ni mnyam shing nyams dga' ba/ nang du yang dag 'jog dang mthun pa ste/ rigs kyi bu spong ba
200b5 don du gnyer ba la ni 'dis cho ga go /bdag kyang spong ba don du gnyer ba yin gyi/ bdag 'di nyid du gnas par bya'o snyam mo/ /dge slong dag /de ltar byang chub
200b6 sems dpa' 'di snyam du sems te/ bdag ni dzam+bu'i gling 'dir snyigs ma lnga'i dus la bab cing sems can rnams dman pa la mos pa dang / mu stegs can gyi sdes
200b7 gang pa dang / lta ba sna tshogs la zhugs pa dang / lus la ril por 'dzin pa la zhen pa'i tshe 'ongs te/ blun po dag gdung bas yongs su gdung ba rnam pa sna tshogs kyis
201a1 dag pa tshol zhing ston pa 'di lta ste/ sngags spyod pa dang / lag pa la ldag pa dang / mi slong ba dang / mi smra ba dang / rtsa ba du ma za ba dang / sha dang
201a2 nya mi za ba dang / dbyar mi 'byung ba dang / chang dang / phub ma dang / chu yongs su spangs pa dang / khyim gcig dang / gsum dang / lnga dang / bdun nas zas len pa dang /
201a3 rtsa ba dang / 'bras bu dang / nya lcibs dang / rtswa ku sha dang / lo ma dang / ba lang gi lci ba dang / ba'i gcin dang / 'o thug dang / zho dang / mar dang / bu ram dang / ma
201a4 brtags pa za zhing 'thung ba dang / bya ngang pa dang / phug ron gyis zos te bor ba bkrus te za ba dang / grong dang dgon pas 'tsho ba dang / ba lang gi brtul zhugs dang / ri dwags dang /
201a5 khyi dang / phag dang / spre'u dang / glang po che'i brtul zhugs dang / 'greng ba dang / mi smra ba dang / dpa' bo'i tshul du 'dug pa dang / kham gcig za ba dang / kham bdun
201a6 gyi bar du za ba dang / zas lan gcig za ba dang / nyin zhag gcig za ba dang / bzhi dang / lnga dang / drug gi skabs skabs su za ba dang / zla ba phyed dang / zla ba gcig za bar byed
201a7 pa dang / zla ba la lta ba dang / bya rgod dang / 'ug pa'i gsheg pa thogs pa dang / shing leb dang / rtswa muny+dza dang / zar ma'i shun pa dang / rtswa dar+b+ha dang / gres ma
201b1 dang / rnga bal gyi la ba dang / ra bal gyi la ba dang / skra'i la ba dang / ko lpags gyon pa dang / gos gsher ba dang / stegs bu'i steng dang / chu'i nang na nyal ba dang / thal ba dang
201b2 rdo dang / gyo mo dang / shing leb dang / tsher ma dang / rtswa dang / gtun shing gi steng du nyal ba dang / mgo thur du bstan pa dang / tsog tsog por 'dug pa dang / thang la nyal pa
201b3 dang / gos gcig dang / gos gnyis dang / gsum dang / bzhi dang / lnga dang / drug dang / bdun dang / gos mang po srel ba dang / gcer pur 'dug pa dang / 'khru ba dang /
201b4 mi 'khru ba'i cho ga can dang / skra dang / sen mo dang / ag tshom ring por 'jog pa dang / ral pa'i thor tshugs 'chang ba dang / rgya shug dang / til dang / 'bras 'bru gcig
201b5 za ba dang / thal ba dang / snag tsha dang / me tog spyad spyad pa dang / rdul 'thul ba dang / rdul nag po dang / phyag dar dang / rdzab kyis lus la skud pa dang / ba spu dang /
201b6 mi'i thod pa dang / skra dang / sen mo dang / tshal bu'i smad g.yogs dang / rdza ba dang / keng rus thogs pa dang / chu dron po dang / 'bras kyi khu ba dang / la bar btsags pa dang
201b7 khrud ma 'thung ba dang / 'dag ma dang / tshon rtsi dang / gos ngur smrig dang / khar ba gsum dang / mgo 'breg pa dang / ril ba dang / mi'i thod pa dang / khri'i zur shing
202a1 'chang bas blun po rnams dag par khong du chud do/ /du ba rngub pa dang / me rngub pa dang / nyi ma la lta ba dang / gdung ba lnga byed pa dang / rkang pa gcig
202a2 dang / lag pa gcig bstod pa dang / rkang pa gcig btsugs pa dang / gnas gcig na 'dug pas dka' thub la sogs pa dang / phub ma la sogs pa dang / 'dab ma
202a3 bsregs pa dang / bum pa bsregs pa dang / rdo bsregs pa dang / me 'bar bar 'jug pa dang / zas mi za ba dang / mya ngam dang / 'bab stegs su song ste shi bas sdug
202a4 pa'i 'gro ba tshol lo/ /rab bsngags zhes bya ba dang / gzhi mi 'grib pa zhes bya ba dang / gzhi srung zhes bya ba dang / gzhi tshugs zhes bya ba dang / smon lam dang / bstod
202a5 pa dang / sbyin sreg dang / dbab pa dang / sngags kyi bzlas brjod dang / bklag pa 'dzin cing byed pas dag par khong du chud do/ /bdag dag par sems shing de dag la
202a6 brten te/ 'di lta ste/ tshangs pa dang / dbang po dang / gu lang dang / khyab 'jug dang / lha mo dang / gzhon nu dang / ma mo dang / kA t+yA ya'i bu dang / zla ba dang / nyi ma dang /
202a7 rnam thos kyi bu dang / chu lha dang / nor can gyi bu dang / tha skar gyi bu dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang /
202b1 lto 'phye chen po dang / srin po dang / 'byung po dang / grul bum dang / yi dwags dang / 'khor dang / tshogs dang / mtshun dang / sha za dang / lha'i drang srong dang / rgyal po'i drang
202b2 srong dang / tshangs pa'i drang srong dag la phyag 'tshal zhing de dag la snying por 'du shes so/ /sa dang / chu dang / me dang / rlung dang / nam mkha' la'ang brten/ ri dang / ri sul dang
202b3 klung dang / chu mig dang / mtsho dang / mtshe'u dang / rdzing dang / rgya mtsho dang / lteng ka dang / khron pa dang / rdzing bu dang / shing dang / shing gel pa dang / 'khri shing dang / rtswa dang / sdong
202b4 dum dang / lhas dang / dur khrod dang / bzhi mdo dang / sum mdo dang / srang dag la'ang brten to/ /khang pa dang / ka ba dang / rdo dang / tho ba dang / ral gri dang / gzhu dang / dgra
202b5 sta dang / mda' dang / mdung thung dang / rtse gsum pa dag la'ang phyag 'tshal lo/ /zho dang / mar dang / yungs kar dang / nas dang / shing bal gyi phreng ba dang / rtswa 'dur ba dang /
202b6 nor bu dang / gser dang / dngul la sogs pa la bkra shis par 'dzin te/ gzhan mu stegs can 'di dag 'khor bas 'jigs skrag nas rnam pa de lta bu dag byed cing bsten
202b7 to| |'di na kha cig bdag cag gi mtho ris dang thar pa'ang 'di lta bu dag las 'grub bo/ /snyam du sems te/ de ltar log pa'i lam du song bas skyabs ma yin pa la
203a1 skyabs su 'du shes shing / bkra shis ma yin pa la bkra shis par 'du shes la/ dag ba ma yin pa la dag par sems kyi/ bdag gis ci nas kyang
203a2 phas kyi rgol ba thams cad tshar bcad par 'gyur ba dang / sems can las dang bya ba chud zos pa rnams kyi las dang bya ba chud mi za ba bstan par bya ba dang / gzugs
203a3 na spyod pa'i lha bsam gtan spyod yul ba rnams la bsam gtan gyi khyad par bstan pas 'dun par byed pa de lta bu'i brtul zhugs dang / dka' thub kyi khyad par brtsam
203a4 mo snyam mo/ /dge slong dag /de ltar byang chub sems dpas de snyam du bsam nas lo drug tu brtul zhugs dang / dka' thub shin tu drag po shin tu spyad par dka'
203a5 ba| shin tu bya bar dka' ba'i dka' ba spyad par brtsams so/ /ci'i phyir dka' ba spyad pa zhes bya zhe na/ de ni spyad par dka' ba ste/ de bas na/ dka' bar spyad pa zhes
203a6 bya ste| byang chub sems dpa' srid pa tha ma pa gang bsam gtan mkha' khyab la snyoms par zhugs pa ma gtogs par sems can gyi ris na mi'am mi ma yin pa
203a7 sus kyang dka' ba spyad pa de lta bu spyod par nus pa med do/ /ci'i phyir mkha' khyab ces bya zhe na/ de dang po nyid du bsam gtan bzhi pa la snyoms par 'jug
203b1 ba'i che dbugs phyi nang du rgyu ba nye bar 'gog /kun tu 'gog ste/ bsam gtan de ni rtog pa med/ rnam par rtog pa med/ g.yo ba med/ sems pa med/ 'gyur ba med
203b2 cing thams cad du rjes su song ba/ thams cad la mi brten pa ste/ bsam gtan de la sngon slob pa'am/ mi slob pa'am/ rang sangs rgyas sam/ spyod pa la zhugs pa'i byang
203b3 chub sems dpa' sus kyang snyoms par ma zhugs so/ /mkha' zhes bya ba ni nam mkha' ste/ khyab par mi byed pa med pa/ rnam par mi 'thor ba ste/ des thams cad
203b4 khyab par byed pas na/ bsam gtan de nam mkha' dang mnyam pa ste/ de bas na/ mkha' khyab ces bya'o/ /dge slong dag /de nas byang chub sems dpa' 'jig rten rnams
203b5 la ngo mtshar yang dag par bstan par bya ba dang / mu stegs can rnams kyi rgyags pa gzhil ba dang / phas kyi rgol ba rnams tshar gcad pa dang / lha rnams 'dun par bya ba
203b6 dang / sems can chad pa dang rtag par smra ba/ las dang bya ba chud zos pa rnams las dang bya ba la gzud pa dang / bsod nams kyi 'bras bu brjod pa dang / ye shes kyi 'bras
203b7 bu yang dag par bstan pa dang / bsam gtan gyi yan lag rnam par dbye ba dang / lus kyi stobs dang mthu yang dag par bstan pa dang / sems kyi dpa' ba yang dag par
204a1 bskyed pa'i phyir byi dor ma byas pa'i sa tha mal pa la skyil mo krung bcas te 'dug go /'dug nas rang gi lus sems kyis tshar bcad cing gzir
204a2 to| |dge slong dag /de nas nga dgun gyi tshes brgyad pa'i nub mo de ltar lus tshar bcad cing gzir bas mchan khung nas kyang rdul byung ste zags/ dpral ba nas kyang
204a3 rdul byung ste zags nas sa la lhung ste zil par chags nas dro zhing rlangs pa byung ngo / /'di lta ste/ dper na/ skyes bu stobs dang ldan pas skyes bu shin tu nyam chung ba zhig
204a4 mgrin pa nas bzung ste btsir ba de bzhin du dge slong dag /lus 'di sems kyis tshar bcad cing gzir na mchan khung nas kyang rdul byung zhing zags/ dpral ba nas
204a5 kyang rdul byung zhing zags nas sa la lhung ste zil par chags nas dro zhing rlangs pa 'byung ngo / /dge slong dag /de nas gnas 'di snyam du bsam ste/ bdag gis bsam
204a6 gtan mkha' khyab la bsam gtan du bya'o snyam nas dge slong dag/ de nas ngas bsam gtan mkha' khyab la bsam gtan du byas pa dang / kha dang sna nas dbugs
204a7 phyi nang du rgyu ba 'gags par gyur to/ /rna ba'i bu ga gnyis nas sgra drag po chen po byung ngo / /'di lta ste/ dper na/ sbud pa bus pa'i tshe sgra drag po dang / sgra chen po byung
204b1 ba de bzhin du dge slong dag /kha dang sna nas dbugs phyi nang du rgyu ba 'gags par gyur pa dang / rna ba'i bu ga gnyis nas sgra drag po dang / sgra chen po byung ngo / /dge slong dag/
204b2 de nas ngas 'di snyam du bsam ste yang bdag gis bsam gtan mkha' khyab la bsam gtan du bya'o snyam pa dang / de nas nga'i kha dang sna dang rna ba 'gags par gyur to/ /
204b3 de dag 'gags pa dang / rlung gong du mgo'i thod pa la gnod par gyur to/ /dge slong dag /'di lta ste/ dper na/ skyes bu zhig gis mdung thung rtul pos mgo'i thod pa la
204b4 btab pa de bzhin du dge slong dag /kha dang / sna dang / rna ba'i dbugs phyi nang du rgyu ba 'gags pa dang / gong du mgo'i thod pa la gnod par gyur to/ /der lha'i bu zhig gis
204b5 byang chub sems dpa' na ba de mthong nas 'di skad ces smras so/ /e ma'o kyi hud gzhon nu don grub pa 'di 'chi ba'i dus byas so/ /gzhan zhig gis 'di skad ces smras
204b6 so| |'di 'chi ba'i dus byas pa ma yin gyi/ dgra bcom pa bsam gtan la gnas pa rnams kyi tshul ni de lta bu'o zhes smras nas de'i tshe tshigs su bcad pa 'di dag
204b7 smras so| |mi yi dbang po shAkya'i sras po 'di/ /brnag pa ma rdzogs don kyang ma mdzad cing / /'jig rten gsum po sdug bsngal mgon med par/ /mdzad nas dgon
205a1 'dir grongs par mi 'gyur grang / /kyi hud sems can snying po thugs dam brtan/ /mgon pos sngon chad bdag cag dga' ldan du/ /dam chos mchod
205a2 sbyin la ni mgron du bos/ /sems can dag khyod dam bcas de ga re/ /de nas lha de sum cu rtsa gsum gyi lha'i nang du song ste lha mo sgyu 'phrul la gzhon nu ni 'chi ba'i dus
205a3 byas so zhes don de brjod do/ /de nas lha mo sgyu 'phrul lha'i bu mo'i tshogs kyis bskor nas nam phyed tsam na klung nai rany+dza na'i 'gram ga la ba dang / byang chub sems dpa'
205a4 ga la ba der song ba dang / des byang chub sems dpa' lus bskams shing 'chi ba'i dus byas pa dang 'dra ba mthong ngo / /mthong nas mchi mas brnangs shing dus nas de'i
205a5 tshe tshigs su bcad pa 'di dag smras so/ /lum+bi ni zhes bya ba'i tshal du nga bu btsas pa'i tshe/ /seng+ge bzhin du 'dzin pa med par gom bdun khyod nyid song / /phyogs bzhir
205a6 bltas shing 'di ni nga yi skye ba tha ma zhes/ /khyod kyis tshig snyan smras pa de yang khyod la yong ma rdzogs/ /'jig rten sangs rgyas 'gyur zhes drang srong nag pos bstan
205a7 pa yi| |de yi lung bstan pa yang nyams la mi rtag des ma mthong / /bus ni yid dga' 'khor los bsgyur ba'i dpal yang ma myong la/ /byang chub kyang ni rjes su ma thob
205b1 tshal du shi bar gyur/ /bu phyir su la bsgrub phyir sdug bsngal su yi gan du mdud/ /bdag gi bu gcig cung zad gson pa'i srog ni su yis sbyin/ /byang chub sems dpas
205b2 smras pa| shin tu snying rje bar ni du byed cing / /skra yang bshig la mdzes pa rnams bor ba/ /shin tu bu yi smre sngags 'don byed la/ /sa steng 'dug cing 'greng ba 'di su zhig/
205b3 lha mo sgyu 'phrul gyis smras pa/ bdag gis zla ba bcu bar du/ /rdo rje 'dra ba mngal du bcangs/ /bu de'i ma ni bdag yin te/ /rab tu sdug bsngal rnam par smra/ /de nas byang
205b4 chub sems dpa' ma'i dbugs 'byin cing smras pa/ bu la byams pa khyod kyi ngal ba 'bras bu yod par bya'i ma 'jigs shig /sangs rgyas par bya ba'i phyir yongs su
205b5 btang ba ni don yod pa ste/ drang srong nag pos bstan pa'ang mngon du gsal bar bya'o/ /mar me mdzad kyis lung bstan pa'ang mngon du gsal bar bya'o/ /sa ni rnam brgyar
205b6 'thor bar 'gyur yang srid/ /rin chen rtse mo lhun po chur 'phyo srid/ /nyi zla skar tshogs sa la lhung 'gyur srid/ /so so'i skye bo yin yang nga mi 'chi/ /de phyir 'di la mya ngan
205b7 khyod ma byed/ /ring por mi thogs byang chub sangs rgyas mthong / /lha mo sgyu 'phrul gyis thos ma thag tu dga' ste/ ba spu g.yos nas byang chub sems dpa' la me tog
206a1 man+dA ra bas gtor te lan gsum bskor ba byas nas lha'i sil stan dkrol zhing rang gi gnas ga la ba der song ngo / /dge slong dag /ngas 'di snyam
206a2 du bsam ste/ dge sbyong dang bram ze gang dag kha cig zas chung ngus dag par sems pa yod kyi/ ngas kyang zas chung ngu la nan tan bya'o snyam mo/ /dge slong dag /ngas
206a3 mngon par shes te/ zas su rgya shug 'bru gcig pu kho na ste/ gnyis su med pa zos so/ /dge slong dag /khyed kyi blo 'di snyam du de'i tshe rgya shug che ba snyam du sems
206a4 par gyur na/ de ltar mi blta ste/ de'i tshe rgya shugs 'di nyid tsam mo/ /dge slong dag /ngas bas su rgya shug 'bru gcig pu kho na ste/ gnyis su med pa zos pas
206a5 lus shin tu nyam chung zhing rid par gyur to/ /dge slong dag/ 'di lta ste/ dper na/ ldum bu a si ta ka'i tshigs pa dang / ka li ka'i tshigs pa ci 'dra bar nga'i
206a6 yan lag dang nying lag rnams kyang de 'dra bar gyur to/ /'di lta ste/ dper na/ srog chags ka ra ka ta'i rtse ba logs ci 'dra bar nga'i rtsi ba logs kyang de 'dra bar
206a7 gyur to| |'di lta ste/ dper na/ bzhon pa'i bres khang ngam/ glang po'i bres khang rnying pa ngos gnyis zhig pa ni gdung rten gyi bar snang zhing mngon no/ /de bzhin
206b1 du nga'i rtsi ba logs gnyis ka nas lus kyi nang snang zhing mngon no/ /'di lta ste/ dper na/ lan bur blas pa ni mthon dman dang / mnyam pa dang / mi mnyam par gyur to//
206b2 de bzhin du nga'i sgal tshigs kyang mthon dman dang / mnyam pa dang / mi mnyam par gyur to/ /'di lta ste/ dper na/ ku ba kha bo gzhon nur bcad pa ni rnyis pa dang / kun
206b3 tu rnyis pa dang / rtsum rtsum por 'gyur ro/ /de bzhin du nga'i mgo'ang rnyis pa dang / kun tu rnyis pa dang / rtsum rtsum por gyur to/ /'di lta ste/ dper na/ sos ka'i zla ba tham
206b4 la khron pa'i skar ma dma' bar song ste tshigs chen pos snang bar 'gyur ro/ /de bzhin du nga'i mig gi 'bras bu'ang khung du song ste tshegs chen pos snang bar gyur to/ /
206b5 'di lta ste/ dper na/ ra'i rkang pa'am/ rnga mo'i rkang pa ci 'dra bar nga'i mchan khung dang / lto dang / brang la sogs pa'ang de 'dra bar gyur to/ /dge slong dag /de nas nga
206b6 gang gi tshe lag pas lto la byug go snyam na sgal tshigs nyid la reg go /ldang ngo snyam nas langs na'ang de bzhin du sgur por gyur te 'gyel to/ /sha thang ste langs nas
206b7 rdul gyis lus yog pa lag pas phyis pa dang / ba spu rul pa thams cad lus las lhags so/ /gang sngon nga kha dog mdzes shing 'jam par gyur pa de'ang 'di ltar bdag
207a1 nyid spong ba rtsub por btang bas med par gyur to/ /nga'i spyod yul gyi grong na gnas pa'i skye bo nyen kor ba rnams kyang nga la 'di ltar/ e ma'o
207a2 dge sbyong gau ta ma ni nag go /e ma'o dge sbyong gau ta ma ni sngo bsangs so/ /e ma'o dge sbyong gau ta ma ni nya mang gu ra'i mdog 'dra'o/ /sngon 'di'i mdog mdzes
207a3 pa gsal bar gyur pa de'ang med par gyur to snyam du shes so/ /dge slong dag /ngas 'di snyam du bsam ste/ bdag gis de bas kyang zas chung ngu la nan tan bya'o snyam mo//
207a4 dge slong dag /ngas mngon par shes te/ ngas zas su 'bras 'bru gcig pu kho na ste/ gnyis su med pa zos so/ /dge slong dag/ khyod 'di snyam du de'i tshe'i 'bras
207a5 che ba snyam du sems par gyur na/ de ltar mi blta ste/ de'i tshe'i 'bras kyang 'di nyid tsam mo/ /dge slong dag /ngas zas su 'bras 'bru gcig zos pas lus myur du snga
207a6 ma bzhin du gyur te/ e ma'o dge sbyong gau ta ma nya mang gu ma'i mdog 'dra'o/ /sngon 'di'i mdog mdzes pa gsal bar gyur pa de'ang med par gyur to zhes bya ba'i
207a7 bar du'o/ /dge slong dag /ngas 'di snyam du bsam ste/ bdag gis de bas kyang zas chung du nyid la nan tan bya'o snyam mo/ /dge slong dag /ngas mngon par shes
207b1 te| ngas zas su til 'bru gcig pu kho na ste/ gnyis su med pa zos pa nas de'i kha dog 'jam po med par gyur to zhes bya ba'i bar du'o/ /dge slong dang / ngas 'di snyam du
207b2 bsam ste/ dge sbyong dang bram ze gang dag kha cig zas mi za bas dag par sems te/ bdag gis kyang thams cad kyi thams cad du zas mi za bar nan tan bya'o snyam nas
207b3 dge slong dag /de nas zas mi za bar 'dug go /dge slong dag/ ngas ma zos pas lus shin tu bskams shing nyam chung ba dang / rid par gyur to/ /'di lta ste/ dper na/
207b4 ldum bu a si ta ka'i tshigs pa dang / ka li ka'i tshigs pa bas kyang nyis 'gyur dang / sum 'gyur dang / bzhi 'gyur dang / lnga 'gyur dang / bcu 'gyur gyis nga'i yan lag
207b5 dang / nying lag skem par gyur te/ 'di lta ste/ rtsib logs ni srog chags kar ka ta ka'i rtsib logs dang / bzhon pa'i bres khang lta bur gyur to/ /sgal tshigs ni
207b6 lan bu blas pa lta bur gyur to/ /mgo'i thod pa ni/ ku ba kha bo lta bur gyur to/ /mig gi 'bras bu ni khron pa'i skar ma lta bur gyur to/ /dge slong dag /nga legs
207b7 par ldang ngo snyam nas lus kyis bskyod na/ sgur por gyur te 'gyel to/ /sha thang ste langs nas rdul gyis lus yog pa lag pas phyis pa dang / ba spu rul pa thams cad
208a1 lus las lhags so/ /gang sngon nga kha dog mdzes shing 'jam par gyur pa de'ang 'di ltar bdag nyid spong ba rtsub por btang ba'i phyir med par gyur
208a2 to| |nga'i spyod yul gyi grong na gnas pa'i skye bo nyen kor ba rnams kyang 'di ltar e ma'o dge sbyong gau ta ma ni nag go /e ma'o dge sbyong gau ta ma ni sngo bsangs so//
208a3 e ma'o dge sbyong gau ta ma ni nya mang gu ra'i mdog 'dra'o/ /sngon 'di'i kha dog mdzes pa gsal bar gyur pa de'ang med par gyur to snyam du shes so/ /de'i tshe rgyal
208a4 po zas gtsang ma'ang nyin re zhing byang chub sems dpa'i drung du pho nya gtong ngo / /dge slong dag /de ltar na/ byang chub sems dpa' snga ma bzhin du 'jig rten du
208a5 bya ba rmad du byung ba bstan pa dang / bya ba nyams pa'i sems can rnams las dang bya ba la gzud pa dang / bsod nams kyi tshogs rnams brjod pa dang / ye shes
208a6 chen po'i yon tan bstan pa dang / bsam gtan gyi yan lag rnams rnam par dbye ba'i phyir til 'bru gcig dang / rgya shug 'bru gcig dang / 'bras 'bru
208a7 gcig gis lo drug gi bar du dka' ba spyod pa bstan te yid dman pa med do/ /byang chub sems dpa' lo drug gi bar du skyil mo krung bcas nas ji ltar 'dug
208b1 pa bzhin du gnas te spyod lam nyams pa med do/ /nyi mas bab nas kyang grib ma la ma song ngo / /grib ma las kyang nyi ma la ma song ngo / /rlung dang nyi ma dang char pa'i skyabs
208b2 ma btsal to/ /sha sbrang dang / sbrang bu dang / sdig sbrul ma bskrad do/ /bshang ba dang / gci ba dang / mchil ma dang / snabs ma bor ro/ /bskum pa dang / smyang ba ma byas so/ /
208b3 glos phab pa'am/ khas bub bam/ gan rkyal ma yin par gnas pas gnas so/ /sprin chen po dang / yul ngan chen po dang / char pa dang / ser pa dang / ston dang / dpyid
208b4 dang / dgun gang yin pa de dag gis kyang byang chub sems dpa'i lus la ma phog go /tha na byang chub sems dpas lag pas kyang ma bskyabs so/ /dbang po'ang ma bkag
208b5 go /dbang po'i yul yang ma blangs so/ /gang dag der 'ong ba grong gi gzhon nu'am/ grong gi gzhon nu ma'am/ ba lang rdzi 'am/ phyugs rdzi 'am/ rtswa thun nam/ shing thun
208b6 nam| lci thun de dag kyang byang chub sems dpa' la rdul khrod kyi 'dre yin pa snyam du sems shing de la rtsen te/ de la sa skud do/ /der byang chub sems dpa' lo drug po
208b7 de dag gis lus ngan pa dang / god pa dang / rid par gyur te/ de'i rna ba gnyis su rtswa'am shing bal bcug nas sna'i bu ga gnyis su 'byin to/ /sna'i bu ga gnyis su
209a1 bcug nas rna ba'i bu ga gnyis su 'byin to/ /rna ba'i bu ga gnyis su bcug nas khar 'byin to/ /khar bcug nas rna ba dang sna'i bu gar 'byin
209a2 to| |snar bcug nas rna ba dang khar 'byin to/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen
209a3 po gang dag byang chub sems dpa'i yon tan mngon sum du gyur pa de dag nyin mtshan du gnas shing byang chub sems dpa' la mchod pa byed do/ /smon lam
209a4 yang 'debs so/ /de na byang chub sems dpa' lo drug gi bar du dka' ba spyod pa ston cing lha dang mi khrag khrig phrag bcu gnyis tshang ba dag theg pa gsum la yongs
209a5 su smin par byas so/ /de la 'di skad ces bya ste/ byang chub sems dpa' khyim byung ba/ /yon tan dag dang ldan pa de/ /sems can don dang phan pa'i phyir/ /thabs
209a6 dang ldan pa'i bsam pa skyes/ /snyig ma lnga yi dus kyi tshe/ /chos dman mos pa'i 'jig rten po/ /las dang bya bor 'jig rten du/ /dzam+bu'i gling 'dir skyes par gyur//
209a7 mu stegs tshogs kyis rab tu gang / /ltad mo dang ni ltas su lta/ /lus la gnod pa bya ba byed/ /byis pa de dag dag par sems/ /g.yang sa me dang mya ngam 'jug/
209b1 sgren mo sa dang lci bas skud/ /lus ni yongs su gdung ba'i phyir/ /gdung ba lnga la brtson dang ldan/ /lag pa brkyang ste rgyu ba dang / /mi mkhas kha cig lag pa ldag /
209b2 bum pa khar gzhong las mi len/ /sgo dang ka bas chod mi len/ /gang na khyi yod pa nas min/ /'dug ce'am tshur shog ces las min/ /khyim nas kha zas gcig
209b3 len pas/ /bdag ni dag par 'gyur snyam sems/ /mar dang 'bru mar bu ram zho/ /nya dang sha dang 'o ma spong / /ldam ldum sre da pad+ma'i rtsa/ /gzegs dang ba lang
209b4 lci ba za| |rtsa ba 'bras bu lo ma dang / /ku sha tshal bu la ba pags/ /srel byed kha cig sgren mor rgyu/ /glen pa 'di bden gzhan rdzun snyam/ /lag pa sgreng bar byed
209b5 pa dang / /skra bsgreng ral ba bsgreng ba dag /lam las rab tu rnam par nyams/ /las min gnas shing bde 'gro 'dod/ /rtswa dang gtun shing thal bar nyal/ /tsher
209b6 mar nyal zhing cog pur 'dug /kha cig rkang pa gcig pus 'greng / /gdong bstod nyid dang zla ba lta/ /chu mig mtsho dang lteng ka dang / /rgya mtsho chu bo nyi zla dang / /shing
209b7 dang ri yi rtse mo dang / /rdza dang sa la phyag kyang 'tshal/ /glen pa de dag gnod mang gis/ /lus ni yongs su skem par byed/ /log par lta dang ldan pa dag /myur du ngan
210a1 song rnams su ltung / /nga ni bka' thub brtul zhugs dang / /dka' spyad gang zhig lha dang mis/ /spyad par nus pa ma yin pa'i/ /dka' spyad
210a2 drag po rtsom snyam sems/ /bsam gtan gang zhig rang rgyal gyis/ /blta bar nus pa ma yin pa'i/ /rdo rje lta bur brtan gnas pa/ /mkha' khyab bsam gtan
210a3 bsam gtan byed/ /mu stegs brtul zhugs pa yis/ /dga' ba'i lha mi 'di na yod/ /de dag yongs su smin bya'i phyir/ /dka' spyad brtul zhugs drag po
210a4 brtsams/ /sa steng ci yang ma bting bar/ /skyil lo klung ni bcas te 'dug /rgya shug til dang 'bras 'bru gcig /za ba'i cho ga rnam par ston/ /dbugs dbyung
210a5 rngub pa rnam par spangs/ /stobs dang ldan pa gso ba med/ /lo drug bar du bsam gtan mchog /nam mkha' khyab la bsam gtan byed/ /rtog dang rnam par
210a6 rtog med pa/ /g.yo ba med cing sems rgyu med/ /nam mkha'i khams su khyab pa yi/ /mkha' khyab bsam gtan bsam gtan byed/ /de ni nyi las grib mar ram//
210a7 grib las nyi mar song ma byas/ /lhun po lta bur mi g.yo ba'i/ /mkha' khyab bsam gtan bsam gtan byed/ /rlung dang char dang sha sbrang dang / /sdig sbrul sbrang bu
210b1 skyo ba mi byed/ /rnam par ma 'khrugs spyod pa yis/ /mkha' khyab bsam gtan bsam gtan byed/ /bdag nyid gcig pu'i don gyi phyir/ /mkha' khyab bsam gtan byed
210b2 pa min| |gzhan du snying rje sems kyis ni/ /'jig rten don mang ched du sgom/ /grong gi byis pa ba lang rji/ /shing thun dag dang rtswa thun dag /de la rdul khrod 'dre snyam
210b3 sems/ |de las yis skud byed cing / /mi gtsang ba yang 'thor bar byed/ /de dag gnod pa mang byed kyang / /g.yo ba med cing 'khrug med par/ /mkha' khyab bsam
210b4 gtan bsam gtan byed/ /mtho ba med cing dma' pa med/ /lus ma bsrungs par chos mi reg /bshad ba mi byed gci mi byed/ /sgra yis mi 'jigs gzhan mi lta/ /
210b5 sha dang khrag rnams bskams gyur te/ /pags pa rtsa rgyus rus pa lus/ /sgal tshigs dag ni lto bar snang / /lan bu blas pa ji bzhin no/ /gang dag lhag par byas lha
210b6 dang / /lha min gnod sbyin dri za klu/ /yon tan ldan pa mngon sum pas/ /nyin dang mtshan du mchod pa byed/ /ji ltar mkha' 'dra'i sems ldan 'di/ /mkha' khyab bsam
210b7 gtan bsam gtan byed/ /de 'drar bdag cag myur gyur ces/ /smon lam dag kyang 'debs par byed/ /snying rje'i blo yis 'jig rten gyi/ /don mang phyir byed ma gtogs
211a1 par| |bdag phyir ma yin bde blos min/ /bsam gtan ro ni myang phyir min/ /phas kyi rgol ba rab tu bcom/ /mu stegs blo nyams zil gyis
211a2 mnan| |mgo reg byang chub ga la yod/ /byang chub bskal mang rnyed dka' zhes/ /'od srung la ni tshig smras pa'i/ /las dang bya ba rab tu bstan/ /skye bo dag ni dga'
211a3 bya'i phyir/ /mkha' khyab bsam gtan bsam gtan byed/ /lha mi khrag khrig bcu gnyis chod/ /theg pa gsum la rab tu btul/ /de yi ched du blo gros bzang / /mkha'
211a4 khyab bsam gtan bsam ma gtan byed/ /dka' ba spyad pa'i le'u zhes bya ba ste/ bcu bdun pa'o// //dge slong dag /bdud sdig can yang byang chub
211a5 sems dpa' lo drug gi bar du dka' ba spyad pa spyod pa'i tshe phyi bzhin 'brang ste glags ltas skabs btsal kyang nam yang glags cung zad kyang ma rnyed do/ /de glags
211a6 ma rnyed nas yid chad de yid la gcags bzhin du song ngo / /de la 'di skad ces bya ste/ /dgon pa nyams ni dga' ba dang / /nags tshal gel ba sgra med dang / /lteng
211a7 rgyas kyi ni shar phyogs na/ /chu klung nai rany+dza na der/ /spong ba'i phyir ni brtson pa byas/ /rtag tu mthu rtsal brtan pa po/ /grub dang bde ba thob bya'i phyir/ /brtson pas
211b1 rab tu brtul de la/ /bdud ni 'jam zhing snyan pa'i tshig/ smra bar byed cing 'ongs par gyur/ /kye srog gces kyi 'tsho bar gyis/ /gson na chos ni spyod par 'gyur/ /
211b2 gson tshe bya ba gang yod pa/ /de dag byas na mya ngan med/ /khyod ni mdog nyams dman par gyur/ /khyod ni shi la thug cing 'dug/ 'chi ba'i cha ni stong snyed tsam/ /cha
211b3 gcig tsam zhig gson par zad/ /sbyin pa dag ni rtag tu byin/ /me yi sbyin sreg sbyin sreg byos/ /'on kyang bsod nams chen por 'gyur/ /spong ba yis ni ci zhig
211b4 bya| |spong ba'i lam ni sdug bsngal te/ /sems dul pa ni bya dka' zhes/ /de tshe bdud kyis de skad tshig /byang chub sems dpa' de la smras/ /de skad smra ba'i bdud
211b5 de la| |byang chub sems dpas 'di skad smras/ /sdig can myos pa'i rtsa lag po/ /khod ni rang gi don phyir 'ongs/ /nga la bsod nams cung zad kyang / /don du gnyer
211b6 ba med do bdud/ /gang dag bsod nams don du gnyer/ /de la de skad smra ba'i rigs/ /'tsho ba'i mtha' ni 'chi yin pas/ /mi 'chi snyam du nga mi sems/ /tshangs
211b7 par spyod la gzhol gyur pas/ /phyir ldog par ni mi bya 'o/ /chu klung dag gi chu rgyun kyang / /rlung gis rnam par skem byed na/ /spangs pa nyid kyi khrag tsam lta/ /'di
212a1 yis ci phyir skam mi 'gyur/ /khrag ni bskams par gyur pa dang / /de yi 'og tu sha skam 'gyur/ /sha ni zad par gyur pa dang / /phyir zhing sems
212a2 ni dang bar 'gyur/ /phyir zhing 'dun dang brtson 'grus dang / /ting nge 'dzin kyang ngas par 'gyur/ /nga ni de ltar gnas pas na/ /tshor ba dam pa thob gyur kyang / /
212a3 lus dang srog la mi lta ste/ /sran thub dag par gyur la ltos/ /nga la 'dun pa yod gyur cing / /brtson 'grus dang ni shes rab yod/ /nga yi brtson 'grus bskyod
212a4 nus pa| |'jig rten de ni ngas ma mthong / /srog chad shi ba ches bla ste/ /'tsho ba ngan pa de lta min/ /g.yul ngor shi ba legs pa ste/ /pham nas gson pa de lta min//
212a5 sngar ma dpung las mi rgyal te/ /dpa' bo dpung las rgyal bar 'gyur/ /rgyal yang de ni rlom sems med/ /bdud khyod las ni myur rgyal bya/ /'dod pa khyod kyi dang
212a6 po'i dpung / /mi dga' ba ni gnyis pa yin/ /khyod kyi gsum pa bkres dang skom/ /sred pa dpung tshogs bzhi pa yin/ /rmugs dang gnyid ni lnga pa ste/ /'jigs
212a7 pa drug par brjod pa yin/ /khyod kyi the tshom bdun pa ste/ /khro dang 'chab pa brgyad pa yin/ /'thob dang tshigs bcad bkur sti dang / /log par grags pa gang
212b1 thob dang / /bdag la bstod par byed pa dang / /gzhan la smod par byed pa dang / /de dag nag po'i rtsa lag tu/ /lhung ba'i bdud kyi dpung yin no/ /dge sbyong bram ze kha cig
212b2 ni| |'di na glags lta 'khod par snang / /khyod dpung gang yin lhar bcas kyis/ /'jig rten 'di ni rab 'dul ba/ /so btang ma byas snod chus bzhin/ /shes rab kyis ni
212b3 de dag gzhig/ dran pa legs par nyer bzhag ste/ /shes rab legs par bsgoms byas nas/ /shes bzhin du ni spyod par bya/ /blo ngan khyod kyis ci byar yod/ /de skad
212b4 ces smras pa dang / bdud sdig can sdug bsngal zhing yid mi bde ste/ yid ma rangs nas yid la gcags bzhin du de nyid du mi snang bar gyur to// //'phags pa rgya
212b5 cher rol pa zhes bya ba theg pa chen po'i mdo/ bam po bcu gnyis pa/ dge slong dag /de nas byang chub sems dpa' 'di snyam du sems te/ dge sbyong dang bram ze gang
212b6 dag kha cig 'das pa dang / ma 'ongs pa dang / da ltar byung ba'i dus na bdag la gnod pa byed pa dang / lus la gdung ba byed de/ sdug bsngal drag po/ tsha ba/ mi bzad
212b7 pa| yid du mi 'ong ba'i tshor ba myong bar byed pas de dag shin tu sdug bsngal ba myong ngo snyam mo/ /dge slong dag/ ngas 'di snyam du bsam ste/ spyod pa 'di dang /
213a1 sgrub pa 'dis mi'i chos bla ma las mchog tu gyur pa/ 'phags pa ye shes mthong ba'i khyad par gang yang mngon du ma byas te/ 'di ni byang chub
213a2 lam ma yin/ lam 'di ni ma 'ongs pa'i skye ba dang / rga ba dang / 'chi ba 'byung ba nub par byed pa ma yin te/ byang chub kyi lam ma 'ongs pa'i skye ba dang / rga ba dang / 'chi
213a3 ba'i sdug bsngal 'byung ba nub par byed pa gzhan zhig yod do snyam mo/ /dge slong dag/ ngas 'di snyam du bsam ste/ ngas pha'i skyed mos tshal du shing dzam+bu'i grib ma
213a4 la 'dug ste 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga'
213a5 ba dang / bde ba can bsam gtan dang po nas bsam gtan bzhi pa'i bar bsgrubs te gnas pa de byang chub kyi lam yin te/ skye ba dang / rga ba dang / 'chi ba'i sdug
213a6 bsngal 'byung ba rnams nub par 'gyur ba yin snyam nas de byang chub kyi lam yin no snyam ste/ nga'i rnam par shes pa rjes su 'brang bar gyur to/ /ngas 'di snyam
213a7 du bsam ste/ 'di ltar nyam chung bar gyur pas ni lam de mngon par rdzogs par byang chub par bya mi nus so/ /gal te nga 'di ltar lus ngan zhing nyam chung bzhin
213b1 du mngon par shes pa dang / ye shes kyi stobs kyis byang chub kyi snying por song na ni/ ngas phyi ma'i skye bo la snying brtse bas byas par mi 'gyur te/ 'di'ang byang chub kyi lam ma yin gyi/
213b2 ngas kha zas rags pa bzos la lus kyi mthu stobs bskyed de/ de nas gdod byang chub kyi snying por 'gro'o snyam mo/ /dge slong dag/ de na lha'i phu gang dag nga la mos pa
213b3 de dag gis nga'i sems kyi yongs su rtog pa sems kyis shes nas nga ga la ba der 'ongs te nga la 'di skad ces smras so/ /skyes bu dam pa zhal zas rags pa ma gsol cig/
213b4 bdag cag gis ba spu'i khung bur mdangs stsal bar bgyi'o/ /dge slong dag /ngas 'di snyam du bsam ste/ bdag ni zas mi bza' bar bdag nyid kyis dam bcas la/ /
213b5 bdag gi spyod yul gyi grong na gnas pa'i skye bo nyen kor ba rnams kyis kyang 'di ltar dge sbyong gau ta ma ni zas mi za ba yin par shes te/ nga la mos pa'i lha'i
213b6 bu 'di dag gis nga'i ba spu'i khung bur mdangs bcug par gyur na/ nga shin tu rdzun smras par gyur to snyam ste/ de nas byang chub sems dpas rdzun smra ba spang ba'i
213b7 phyir lha'i bu de dag gi tshig ma mnyan par kha zas rags pa bza' bar sems btud do/ /dge slong dag/ de ltar byang chub sems dpas lo drug gi bar du brtul
214a1 zhugs dang / dka' thub nyams su blangs nas stan de las langs te kha zas rigs pa 'di lta ste/ bu ram gyi dbu ba dang / mon sran sde'u'i khu bcud kyi
214a2 dang / ha ra nu kha'i khu bcud dang / zan dang / 'bras chan dang / 'dren mar bza'o zhes tshig tu brjod do/ /dge slong dag/ de nas lnga sde bzang po dag 'di snyam
214a3 du sems te/ dge sbyong gau ta mas lam 'di dang / sgrub pa 'dis mi'i chos bla ma las mchog tu gyur pa/ 'phags pa ye shes mthong pa'i khyad par gang yang mngon du byed
214a4 ma nus na/ kha zas rags pa 'di zos te bsod snyoms la sbyor ba dang ldan par gnas pas ci nus te/ mi gsal ba byis pa yin no snyam du bsam nas byang chub
214a5 sems dpa'i gan nas song ste/ grong khyer wA ra NA sir song nas drang srong lhung ba ri dwags kyi nags su gnas so/ /de na byang chub sems dpa' thog ma nyid du dka'
214a6 ba spyad pa spyod pa na grong pa'i bu mo gzhon nu bcus blta ba dang phyag bya ba'i phyir bsnyen bkur byas so/ /lnga sde bzang po de dag gis kyang rim gro byas shing rgya shug
214a7 'bru gcig dang / 'bras 'bru gcig dang / til 'bru gcig dbul ba'ang phul lo/ /grong pa'i bu mo bcu ni bu mo stobs ldan ma zhes bya ba dang / stobs sbed ma
214b1 dang / shin tu sdug dang / sde las rnam par rgyal dang / a ti muk+ta ka'i phreng ba can dang / mdzes ma dang / rdza byed ma dang / skra lcang lo rgyas dang / ral bu can dang / legs
214b2 skyes dam zhes bya ba ste/ gzhon nu ma de dag gis byang chub sems dpa'i tshod ma'i rnam pa de dag thams cad byas te phul lo/ /byang chub sems dpas kyang de dag zos nas
214b3 rim gyis spyod yul gyi grong du bsod snyoms spyad pas mdog dang / gzugs dang / stobs dang ldan par gyur to/ /de tshun chad byang chub sems dpa' la dge sbyong mdzes pa/
214b4 dge sbyong chen po zhes 'dzer to/ /dge slong dag /de na byang chub sems dpa' dang po nyid du dka' ba spyad pa spyod pa na byang chub sems dpas brtul zhugs dang / dka' thub
214b5 nyams 'og tu chung bar bya ba dang / /ngas rtas par bya ba'i phyir grong pa'i bu mo legs skyes mas nyin gcig bzhin du bram ze brgyad brgya la zan byin zhing 'di skad du bdag
214b6 gi zas zos pas byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar shog cig ces smon lam yang btab bo/ /dge
214b7 slong dag /lo drug 'das nas ngas 'di snyam du bsam ste/ gal te bdag gis 'doms yog 'ga' zhig bsten na re stes snyam mo/ /dge slong dag /de'i
215a1 tshe grong pa'i bu mo legs skyes ma'i bran mo grub ma zhes bya ba zhig shi nas de sha na'i ras kyis dkris te dur khrod du bor bar gyur pa'i phyag dar khrod pa
215a2 de ngas mthong nas ngas phyag dar khrod pa de blang ba'i phyir rkang pa g.yon pas mnan te dgus nas lag pa g.yas pa brkyang ba dang / de nas sa bla'i lhas bar snang gi
215a3 lha rnams la sgra bsgrags pa/ grogs po dag/ 'di ltar rgyal po chen po'i rigs su skyes pa 'khor los bsgyur ba'i rgyal srid por te phyag dar khrod pa la sems
215a4 btud pa ngo mtshar te/ grogs po dag /'di ni rmad du byung ba'o/ /bar snang gi lha rnams kyis sa bla'i lha rnams kyi sgra thos nas rgyal chen bzhi'i ris kyi lha rnams
215a5 la sgra bsgrags so/ /rgyal chen bzhi'i ris pas kyang sum cu rtsa gsum pa la'o/ /sum cu rtsa gsum pas kyang 'thab bral ba la'o/ /'thab bral bas kyang dga' ldan
215a6 pa la'o| |dga' ldan pas kyang 'phrul dga' ba la'o/ /'phrul dga' bas kyang gzhan 'phrul dbang byed pa la'o/ /gzhan 'phrul dbang byed pas kyang tshangs ris
215a7 pa'i bar du'o/ /skad cig de dang / thang gcig de dang / yud tsam de la grogs po dag /'di ltar rgyal po chen po'i rigs su skyes pa 'khor los bsgyur ba'i
215b1 rgyal srid bor te phyag dar khrod pa la sems btud pa ngo mtshar te/ 'di ni rmad du byung ba'o zhes sgra gcig dang / brjod pa gcig 'og min gyi gnas kyi bar du grags
215b2 par gyur to/ /de nas byang chub sems dpa' yang 'di snyam du bsam ste/ bdag gis phyag dar khrod pa ni rnyed na/ gal te chu zhig rnyed na re stes snyam mo/ /de nas de nyid
215b3 du lhas lag pa sa la brdabs pa dang / der rdzing bu zhig byung bar gyur te/ deng sang du'ang lag pa brdabs pa'i rdzing zhes grags so/ /de nas yang byang chub sems dpas 'di
215b4 snyam du bsam ste/ bdag gis chu ni rnyed na/ gal te phyag dar khrod pa 'di bkru ba'i rdo le ba cig rnyed na re stes snyam pa dang / skad cig de nyid la brgya byin gyis der rdo leb
215b5 bzhag nas de la byang chub sems dpas phyag dar khrod pa de bkrus so/ /de nas lha'i rgyal po brgya byin gyis byang chub sems dpa' la 'di skad ces smras so/ /skyes bu dam
215b6 pa| 'di kho bo la stsol cig dang kho bos bkru'o/ /de nas byang chub sems dpas rab tu byung ba ni bdag nyid kyis bya bar bstan pa'i phyir brgya byin la ma byin par bdag nyid
215b7 kyis bkrus so/ /de lus ngal te chad nas rdzing nas 'byung snyam pa dang / bdud sdig can phrag dog gi chos dang ldan pas rdzing bu gad pa mthon po zhig sprul to/ /rdzing de'i
216a1 gram na shing sgrub byed ces bya ba chen po zhig yod do/ /byang chub sems dpa' 'jig rten dang mthun par bya ba dang / lha mo la phan gdags
216a2 pa'i phyir shang de'i lha mo la smras pa/ lha mo/ shing gi yal ga smod cig /des kyang shing gi yal ga smad nas byang chub sems dpa' de la 'jus te byung ngo / /byung nas kyang
216a3 shing sgrub byed pa'i drung du phyag dar khrod pa chos gos snam sbyar du byas nas drubs te/ deng sang du'ang de la phyag dar khrod pa drubs pa zhes ming du grags so/ /de
216a4 nas gnas gtsang ma'i ris kyi lha'i bu 'od dri ma med pa zhes bya ba des lha'i gos ngur smrig gi tshon btsos pa/ rung ba/ dge sbyong gi tshul dang mthun pa dag byang chub
216a5 sems dpa' la phul lo/ /byang chub sems dpas kyang de dag blangs te/ snga dro sham thabs dang chos gos bgos nas spyod yul gyi grong du phyogs pa dang / de na
216a6 lha rnams kyis lteng rgyas kyi sde dpon gyi grong na dga' byed ces bya ba'i grong mi zhig yod pa'i bu mo legs skyes ma la nam phyed tsam na smras pa/ khyod kyis gang
216a7 gi phyir mchod sbyin byas pa de brtul zhugs de nyams 'og tu chud nas de kha zas rags pa bzang po bza' bar sems kyi/ sngon khyod kyis bdag gi zas zos nas
216b1 byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar shog cig ces smon lam btab pa gang yin pa'i khyod kyi
216b2 bya ba de gyis shig /dge slong dag /de nas grong mi dga' byed kyi bu mo legs skyes mas lha de dag gi tshig de thos nas myur ba myur bar ba stong gi 'o ma lan bdun du nyid
216b3 khur byas pa/ bzang po mchog tu 'gyur ba/ snying po can blangs te/ blangs nas kyang 'o ma de 'bras gsang ba gsar ba dag dang / phru pa gsar bar blugs nas thab gsar
216b4 par btsugs te kha zas de sgrub bo/ /de sgrub pa na snga ltas 'di dag snang ste/ 'o ma de'i nang na dpal be'u dang / bkra shis pa dang / g.yu drung 'khyil pa dang / pad+ma dang /
216b5 sdong ris la sogs pa bkra shis rnams snang ngo / /de nas ngas 'di snyam du bsam ste/ ltas 'di lta bu 'di dag snang ba las na/ byang chub sems dpas zas zos nas
216b6 byang chub 'thob par 'gyur du the tshom med do snyam pa dang / rgya mtsho pa shes shing cho ga shes pa'i mtshan mkhan phyogs der phyin par gyur nas des kyang bdud rtsi 'thob
216b7 pa nyid du lung bstan to/ /de nas legs skyes mas thug pa de tshos pa dang / thang la bzhag ste me tog gis gtor/ spos chus gtor nas gus par stan bting ste bran
217a1 mo gong ma zhes bya ba la smras pa/ gong ma/ song la bram ze bos shig /ngas ni 'o thug sbrang rtsi can 'di blta'o/ /jo mo/ /legs so zhes de'i ltar
217a2 mnyan nas shar phyogs logs su song ba dang / des byang chub sems dpa' mthong ngo / /de bzhin du lho phyogs logs su song na yang byang chub sems dpa' mthong
217a3 ngo / /de bzhin du nub dang / byang phyogs logs su song na'ang de dang der des byang chub sems dpa' mthong ngo / /de'i tshe na gnas gtsang ma'i ris kyi lha'i bu rnams kyis
217a4 gzhan mu stegs can thams cad tshar bcad par gyur bas 'ga' tsam yang mi snang ngo / /de nas de slar log ste jo mo la 'di skad ces smras so/ /gang dang gang du
217a5 mchis kyang de dang de na dge sbyong mdzes pa dga' ba las/ dge sbyong ngam bram ze gzhan ni 'ga' yang mi gda'o/ /legs skyes mas smras pa/ de nyid bram ze
217a6 yin te| de'i phyir 'di brtsams kyis/ gong ma song la de nyid bos shig /jo mo/ /legs so zhes smras te/ gong ma song nas byang chub sems dpa'i rkang pa gnyis
217a7 la gtugs te legs skyes ma zhes bgyi bas spyan 'dren to zhes smras so/ /dge slong dag /de nas byang chub sems dpa' grong pa'i bu mo legs skyes ma'i
217b1 khyim du sang ste stan bting ba la 'dug go /dge slong dag /de nas grong pa'i bu mo legs skyes mas 'o thug sbrang rtsi can gyis gser gyi snod chen po bkang ste byang
217b2 chub sems dpa' la phul lo/ /de nas byang chub sems dpas 'di snyam du bsam ste/ legs skyes mas kha zas 'di lta bu byin pa 'di bdag gis deng zos te the tshom
217b3 med par bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam mo/ /de nas byang chub sems dpas zas de blangs nas grong pa'i
217b4 bu mo legs skyes ma la 'di skad ces smras so/ /che zhe/ gser gyi snod chen po 'di ji ltar bya/ des smras pa/ khyod snoms shig /byang chub sems dpas smras pa/ kho bo la
217b5 ni snod 'di lta bu mi dgos so/ /legs skyes mas smras pa/ ci dgyes su mdzod cig /bdag ni snod ma mchis par su la'ang zas mi stsol to/ /de nas byang chub sems
217b6 dpas zas de thogs te lteng rgyas nas byung nas dro la bab pa dang / klu'i klung chu bo nai rany+dza na'i ngogs su song ste/ zas dang chos gos rnams phyogs gcig tu bzhag nas byang
217b7 chub sems dpa' lus bsil bar phye ba'i phyir klung nai rany+dza na'i nang du zhugs so/ /dge slong dag /byang chub sems dpa' 'khrus byed pa'i tshe lha'i bu brgya stong du ma dag 'di
218a1 lta ste| byang chub sems dpa' la mchod pa'i las kyi phyir lha'i a ga ru dang / tsan+dan gyi phye ma dang / byug pa dag klung du ldugs shing lha'i me tog kha
218a2 dog sna tshogs dag kyang chu'i nang du 'thor ro/ /de'i tshe klung chen po nai rany+dza na lha'i spos rnams dang / me tog rnams kyis gang bar gyur te 'bab bo/ /byang chub sems
218a3 dpa' spos chu gang gis khrus byas par gyur pa de lha'i bu bye ba khrag khrig brgya stong dag gis blangs te mchod rten du bya ba dang / mchod par bya ba'i phyir rang rang gi
218a4 gnas su khyer ro/ /byang chub sems dpa'i skra dang ag tshom gang yin pa de dag kyang grong pa'i bu mo legs skyes mas bkra shis pa yin no snyam nas mchod
218a5 rten du bya ba dang / mchod par bya ba'i phyir khyer ro/ /byang chub sems dpa' klung nas 'dug par 'dod de gling la blta'o/ /de nas klung nai rany+dza na'i klu'i bu mo gang
218a6 yin pa de sa'i 'og nas byung ste/ yid las byung ba'i seng+ge'i khri byang chub sems dpa' la phul nas byang chub sems dpa' de la 'dug ste/ grong pa'i bu mo legs
218a7 skyes ma la snying brtse ba nye bar bzung nas ci tsam dgos par 'o thug sbrang rtsi can de 'thungs so/ /'thungs nas kyang gser gyi snod chen po de la ma chags par chur
218b1 bor ro| |bor ma thag tu klu'i rgyal po rgya mtshos mchod pa'i 'os yin no zhes dad pa dang gus pa bskyed de blangs nas rang gi gnas su song ngo / /de nas mig stong pa grong
218b2 khyer 'jig pa nam mkha' lding gi gzugs su sprul nas kha rdo rje'i mchur bsgyur te/ klu'i rgyal po rgya mtsho las gser gyi snod chen po de dbrog tu brgal na ma nus nas rang
218b3 gi gzugs kyis gus par byas te bslangs nas mchod rten du bya ba dang / mchod par bya ba'i phyir sum cu rtsa gsum gyi gnas su khyer ro/ /khyer nas kyang snod chen po'i
218b4 dge 'dun gyi dus ston byas te/ deng sang du'ang sum cu rtsa gsum pa'i lha rnams lo gcig bzhin du snod chen po'i dus ston byed do/ /seng+ge'i khri de'ang klu'i bu mo de nyid
218b5 kyis mchod rten du bya ba dang / mchod par bya ba'i phyir khyer ro/ /dge slong dag/ byang chub sems dpas zas rags pa zos ma thag tu byang chub sems dpa'i bsod nams
218b6 kyi stobs dang / shes rab kyi stobs kyis skad cig de nyid la lus la snga ma'i kha dog bzang po rgyas pa dang / skyes bu chen po'i mtshan sum cu rtsa gnyis dang / dpe byad bzang
218b7 po brgyad cu dang / 'od 'dom gang pa'ang byung bar gyur to/ /de la 'di skad ces bya ste/ lo drug bar du brtul zhugs nyams 'og chud byas bcom ldan blo gros 'di snyam
219a1 sems| |gal te bdag ni 'di ltar ring bzhin bsam gtan mngon shes ye shes stobs ldan pa/ /shing gi rgyal po'i drung du song ste thams cad
219a2 mkhyen nyid 'tshang rgyar bya na ni/ /de dag na yang bdag gis phyi ma'i skye bo dag la snying brtse ma byas 'gyur/ /bsod nams ngan don tsam dang ldan pa'i lha mi 'di dag
219a3 ngan pas ye shes tshol/ /de dag lus ni nyam chung gyur na bdud rtsi 'tshang rgya byed par mi nus pas/ /kha zas rags pa dam pa zos te lus kyi mthu stobs bskyed pa byas
219a4 nas ni| |shing gi rgyal po'i drung du song ste thams cad mkhyen nyid 'tshang rgyar bya bar bsam/ /grong pa'i bu mo sngon chad spyod pa spyad pa legs skyes ma zhes bya ba de/ /
219a5 'dren pa brtul zhugs grub par shog ces de lta'i yid kyis rtag tu mchod sbyin byed/ /de ni lha yis bskul ba thos nas de tshe 'o thug sbrang rtsi can blangs te/ /klung gi
219a6 'gram du song nas dga' ba'i yid kyis nai rany+dza na'i dogs na 'dug /bskal pa stong du spyod pa spyad cing dbang po zhi la rab tu zhi ba de/ /lha dang klu yi tshogs dang drang
219a7 srong dag gis bskor te nai rany+dza nar 'ongs/ /pha rol brgal nas sems can sgrol ba blo gros ldan pa khrus byar bsam nas ni/ /thub pa dag pa dri med 'jig rten snying
219b1 brtse phyir ni klung du zhugs te 'khru/ /bye ba phrag stong lha dag dga' ba'i yid kyis spos rnams dang ni phye ma dag /klung du 'thor zhing sems can dam pa bkru ba'i don du
219b2 chu la gang bar byed/ /byang chub sems dpa' dri med des pa bkrus te ngogs na 'dug par shes gyur nas/ /lha stong rab tu dga' ste sems can dag pa bkrus pa'i chu
219b3 de mchod phyir khyer/ /dur smrig bzang po dri ma med pa'i gos dag lha yi bu yis de la byin/ /rung ba dag dang sham thabs bgos nas bcom ldan 'das ni chu klung dogs
219b4 na 'dug /klu yi bu mo dga' zhing rab tu mgu ba'i yid kyis seng+ge'i khri yang bshams/ /de la 'jig rten dag gi mig byed yid kyang rab tu zhi ba de 'dug nas/ /blo gros
219b5 ldan pa legs skyes ma des gser gyi snod du kha zas blugs te byin/ /rkang par phyag 'tshal nas ni de dag kha lo sgyur ba bdag gis gsol zhes byas/ /blo gros ldan
219b6 pas ci tsam dgos par zas kyang zos nas snod ni tshur bor te/ /de ni grong khyer 'jig pa lha yi bla mas bdag gis mchod par bya zhes khyer/ /gang tshe rgyal bas kha zas
219b7 rags pa dam pa zos pa de yi skad cig la/ /de yi lus kyi stobs dang gzi brjid dag dang dpal yang snga mkho bzhin du gnas/ /legs skyes ma dang lha rnams dag
220a1 la chos gtam byas nas don kyang mang du byas/ /seng+ge ngang pa'i stabs dang glang po'i dbang po'i 'gros kyis byang chub shing drung chas/ /nai rany+dza na'i
220a2 le'u zhes bya ba ste/ bco brgyad pa'o// //dge slong dag /de ltar byang chub sems dpa' klung nai rany+dza nar khrus byas te zas zos nas lus kyi mthu stobs
220a3 bskyed de/ bdud las rnam par rgyal bar bya ba'i phyir rnam pa bcu drug dang ldan pa'i sa phyogs shing gi rgyal po byang chub chen po'i drung ga la ba der skyes bu chen
220a4 po'i stabs gang yin pa'i stabs des song ste/ mi bskyod pa'i stabs dang / dbang po'i mchod sdong lta bu'i stabs dang / ri'i rgyal po lhun po ltar shin tu brtan pa'i
220a5 stabs dang / mi dngom pa ma yin pa'i stabs dang / ya yo med pa'i stabs dang / 'che ba med pa'i stabs dang / rings pa ma yin pa'i stabs dang / sdod pa med
220a6 pa'i stabs dang / 'khrugs pa med pa'i stabs dang / 'khyor ba med pa'i stabs dang / 'drud pa med pa'i stabs dang / zhum pa med pa'i stabs dang / ha cang mi
220a7 sdod pa'i stabs dang / mi g.yos pa'i stabs dang / rtab rtab po med pa'i stabs dang / tshul du shis pa'i stabs dang / dri ma med pa'i stabs dang / dag ba'i stabs
220b1 dang / zhes sdang med pa'i stabs dang / gti mug med pa'i stabs dang / chags pa med pa'i stabs dang / seng+ge'i stabs dang / ngang pa'i rgyal po'i stabs dang / klu'i rgyal po'i
220b2 stabs dang / sred med kyi bu'i stabs dang / sa la mi reg pa'i stabs dang / rtsibs stong dang ldan pa'i 'khor lo'i ri mo sa la snang ba'i stabs dang / sor mo dra bas 'brel
220b3 cing sen mo zangs lta bu'i stabs dang / so sgra 'byin pa'i stabs dang / ri rdob pa'i stabs dang / mthon dman mnyam par byed pa'i rkang mthil gyi stabs dang / dra ba'i bar
220b4 nas 'od zer phyung nas sems can la reg na bde 'gror 'gro ba'i stabs dang / pad+ma dri ma med pa la gom pa 'dor ba'i stabs dang / sngon dag pa legs par spyad pa'i
220b5 'gros kyi stabs dang / sngon gyi sangs rgyas seng+ge'i khri la bzhud pa'i stabs dang / rdo rje ltar bsam pa brtan zhing mi phyed pa'i stabs dang / ngan song ngan 'gro thams cad
220b6 gcod pa'i stabs dang / bde ba thams cad bskyed pa'i stabs dang / thar pa'i lam ston pa'i stabs dang / bdud kyi stobs stobs med par byed pa'i stabs dang / ngan
220b7 pa'i tshogs can gyi tshogs phas kyi rgol ba chos dang mthun pas tshar gcad pa'i stabs dang / mun pa'i ling thog dang nyon mongs pa sel ba'i stabs dang / 'khor
221a1 ba'i phyogs phyogs med par byed pa'i stabs dang / brgya byin dang / tshangs pa dang / dbang phyug chen po dang / 'jig rten skyong pa rnams zil gyis
221a2 gnon pa'i stabs dang / stong gsum gyi stong chen po na dpa' bo gcig bu'i stabs dang / rang byung zil gyis non pa'i stabs dang / thams cad mkhyen pa'i ye shes
221a3 thob par byed pa'i stabs dang / dran pa dang blo gros kyi stabs dang / bde 'gror 'gro ba'i stabs dang / rga ba dang 'chi ba rab tu zhi bar byed pa'i stabs dang / zhib rdul med
221a4 pa| bdud kyi 'jigs pa med pa/ mya ngan las 'das pa'i grong khyer du 'gro ba'i stabs te/ de 'dra ba'i stabs kyis byang chub sems dpa' byang chub kyi snying por chas so/ /
221a5 dge slong dag /de ltar klung nai rany+dza na dang / byang chub kyi snying po'i bar der rlung gi sprin gyi lha'i bu rnams kyis lam phyag dar byas par gyur to/ /char sprin rnams kyis
221a6 spos chus chag chag btab bo/ /me tog kyang chal mar bkram mo/ /stong gsum gyi stong chen po'i 'jig rten gyi khams 'di na shing ji snyed yod pa de dag thams cad kyang
221a7 shing byang chub ga la ba de logs su rtse mo 'dud par gyur to/ /gang dag de'i nyin par btsas pa'i byis pa de dag kyang byang chub kyi snying po logs su mgo bstan te nyal
221b1 lo| |stong gsum gyi stong chen po'i 'jig rten gyi khams 'di na ri rab la sogs pa ri gang dag yod pa de dag thams cad kyang byang chub kyi snying po ga la ba de logs su 'dud par
221b2 gyur to| |klung nai rany+dza na nas bzung ste byang chub kyi snying po'i bar der 'dod pa na spyod pa'i lha'i bu rnams kyis kha tshon rgyang grags tsam tshun chad kyi lam mngon bar bkod par
221b3 gyur to| |lam de'i 'gram g.yas g.yon du'ang rin po che sna bdun gyi stegs bu 'phang du shing ta la bdun tsam du mtho ba/ steng du rin po che'i dra ba bres pa/ lha'i gdugs
221b4 dang / rgyal mtshan dang / de don gyis legs par brgyan pa sprul to/ /mda' rgyang gang tsam/ mda' rgyang gang tsam zhing rin po che sna bdun gyi shing ta la stegs bu de bas
221b5 mtho ba mngon par sprul te/ shing ta la thams cad rin po che brgyus las phan tshun 'brel bar 'dug go /shing ta la gnyis gnyis kyi bar du rdzing spos chus yongs su gang
221b6 ba| gser gyi bye ma bdal ba/ me tog ut+pa la dang / pad+ma dang / ku mu da dang / pad+ma dkar po la sogs pas gang ba/ rin po che'i stegs bus bskor ba/ nor bu rin po che
221b7 bai DUR+Yas them skas brgyan pa/ chu sreg dang / bya gar dang / ngang pa dang / ngur pa dang / khrung khrung dang / rma bya sgra 'byin pa'i rdzing dag byas so/ /lam de na lha'i bu mo brgyad
222a1 khri ni spos chus chag chag 'debs so/ /lha'i bu mo brgyad khri ni me tog sil ma lha'i dri bsung dang ldan pa 'thor ro/ /shing ta la thams cad kyi
222a2 mdun logs su rin po che'i mkha' rten bzhag go /rin po che'i mkha' rten thams cad la lha'i bu mo tsan+dan dang / a ga ru'i phye ma'i phur ma thogs pa dang / dus kyi rjes
222a3 su 'brang ba'i bdug pa'i pog phor thogs pa brgyad khri 'khod par gyur to/ /rin po che'i mkha' rten thams cad la lha'i bu mo lha'i glu dbyangs len pa lnga khri 'khod par
222a4 gyur to| |dge slong dag /de ltar byang chub sems dpa' zhing rnams ni rab tu skyod/ 'od zer bye ba khrag khrig brgya stong ni 'byin/ sil snyan brgya stong ni sgrog /me
222a5 tog mang po'i char chen po ni 'bebs/ gos brgya stong gi g.yab mo ni 'dor/ rnga bo che brgya stong ni rdung / rta dang / glang po che dang / glang khyu ba rnams ni sgra 'byin/ bya
222a6 ne tso dang / ri skegs dang / khu byug dang / ka la ping+ka dang / shang shang te'u dang / ngang pa dang / ngur pa dang / khrung khrung dang / rma bya brgya stong ni bskor ba byed/ bkra shis
222a7 brgya stong ni 'bul zhing lam gyi bkod pa rnam pa de lta bu des byang chub sems dpa' byang chub kyi snying por song ngo / /gang gi nub mo byang chub sems dpa' byang chub
222b1 mngon par rdzogs par byang chub par 'dod par gyur pa de nyid kyi nub mo stong gsum gyi stong chen po'i bdag po tshangs pa dbang sgyur zhes bya ba des tshangs pa'i 'khor chen po de
222b2 la bos te 'di skad ces smras so/ /grogs po dag /shes par gyis shig/ byang chub sems dpa' sems dpa' chen po go cha chen po mnabs pa/ dam bcas pa chen po ma
222b3 bor ba| go cha sra ba mnabs pa/ thugs yongs su mi skyo ba/ byang chub sems dpa'i spyod pa thams cad char phyin pa/ pha rol tu phyin pa thams cad kyi pha rol tu byon pa/ byang
222b4 chub sems dpa'i sa thams cad la mnga' dbang brnyes pa/ byang chub sems dpa'i bsam pa thams cad kyi bya ba shin tu mkhyen pa/ sems can thams cad kyi dbang po'i
222b5 rjes su zhugs pa/ de bzhin gshegs pa'i gsang ba thams cad la shin tu zhugs pa/ bdud kyi las kyi lam thams cad las yang dag par 'das pa/ dge ba'i rtsa ba thams
222b6 cad la gzhan gyi dring mi 'jog pa/ de bzhin gshegs pa thams cad kyis byin gyis brlabs pa/ sems can thams cad la rab tu thar pa'i lam ston pa/ ded dpon
222b7 chen por gyur pa/ bdud kyi dkyil 'khor thams cad 'joms par mdzad pa/ stong gsum na dpa' bo gcig pur gyur pa/ chos kyi sman thams cad yang dag par bsgrubs
223a1 pa| sman pa'i rgyal po chen po rnam par grol ba'i thabs thob pa/ chos kyi rgyal po chen po shes rab kyi 'od chen po gtong ba/ tog chen po'i rgyal po 'jig
223a2 rten gyi chos brgyad kyis ma gos pas pad+ma chen po lta bu/ chos thams cad kyi gzungs ma bsnyel ba/ rgya mtsho chen po dang 'dra ba/ rjes su chags pa dang khong khro ba dang bral
223a3 ba| mi g.yo ba/ mi bskyod pa/ ri rab chen po lta bu/ shin tu dri ma med pa/ shin tu yongs su dag pa/ shin tu dkar ba'i blo dang ldan pa/ nor bu rin po che chen po dang 'dra ba/
223a4 chos thams cad la dbang sgyur ba/ sems las su rung ba/ tshangs pa chen po lta bu'i byang chub sems dpa' de bdud kyi sde rab tu 'dul ba dang / bla na med pa yang dag par
223a5 rdzogs pa'i byang chub mngon par rdzogs par byang chub par bzhed pa dang / stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad yongs
223a6 su rdzogs par mdzad pa dang / chos kyi 'khor lo chen po bskor ba dang / seng+ge'i sgra chen po bsgrag pa dang / chos kyi sbyin pas sems can thams cad tshim par mdzad
223a7 pa dang | sems can thams cad kyi chos kyi mig rnam par sbyang ba dang / phas kyi rgol ba thams cad chos dang mthun pas tshar gcad pa dang / sngon dam bcas pa yongs
223b1 su rdzogs pa kun tu bstan pa dang / chos thams cad la dbang phyug gi mnga' dbang brnyes par mdzad pa'i phyir byang chub kyi snying por bzhud kyi/ de la grogs po dag /khyed byang
223b2 chub sems dpa' la mchod ba dang / rim gro bya ba'i las thams cad la spro bar gyis shig /de nas tshangs pa chen po dbang sgyur gyis de'i tshe tshigs su bcad pa 'di dag
223b3 smras so| |gang gi bsod nams dag dang gzi brjid dpal gyis byams dang snying rje dga' ba dang / /btang snyoms dang ni bsam gtan dag dang de bzhin mngon shes tshangs
223b4 pa'i lam snang ba/ /bskal pa stong du spyod pa spyad pa de ni byang chub shing drung chas par gyur/ /thub pa de la bsam pa'i brtul zhugs sgrub par byed pa'i mchod pa legs
223b5 par bya| |de la skyabs su song na ngan 'gro'i 'jigs dang mi phrad mi khom mi 'gyur te/ /lha yi nang du 'dod pa'i bde ba rnyed nas tshangs pa'i gnas yangs 'gro bar 'gyur/ /
223b6 lo drug bar du dka' ba spyad pa spyad nas 'di ni byang chub shing drung bzhud/ /kun kyang dga' zhing rab tu mgu ba'i yid kyis de la mchod pa legs par gyis/ /de ni stong
223b7 gsum rgyal po dbang phyug dam pa chos kyi dbang phyug rgyal po ste/ /brgya byin tshangs pa nyi zla'i grong khyer dag na de dang mnyam pa gang yang med/ /gang btsas tshe na zhing rnams
224a1 bye ba khrag khrig rnam pa drug tu g.yos gyur pa/ /de ni de ring bdud kyi dpung las rgyal bar mdzad phyir shing chen mchog drung bzhud/ /gang gi spyi
224a2 gtsug tshangs pa'i gnas 'dir gnas kyang blta bar nus pa ma yin zhing / /gang gi sku la mtshan rab dam pa ldan zhing sum cu rtsa gnyis legs brgyan la/ /gang gi
224a3 gsung 'dir yid du 'ong zhing snyan la rnar 'thad tshangs dbyangs sgra snyan cing / /gang gi thugs ni rab zhi khro dang bral ba de la mchod pa byed du 'dong / /gang dag blo gros
224a4 brgya byin tshangs pa'i gnas su bsam gtan bde bas 'da' bya dang / /nyon mongs 'ching ba'i 'khri shing kun dang dra ba de dag gcod par byed 'dod dang / /gzhan
224a5 las ma thos par ni rang rgyal byang chub zhi ba 'chi med thob 'dod dang / /gal te sa gsum dag na sangs rgyas nyid 'dod de dag 'dren pa mchod par gyis/ /gang
224a6 gis rgya mtshor bcas pa'i sa dang de bzhin rin po che rnams mtha' yas dang / /khang bzang skar khung bsil khang mang ldan pa dang zung du sbrel dang bzhon pa dang / /
224a7 me tog phreng ba shin tu mdzes pas brgyan pa skyed mos tshal gyis rab brgyan dang / /rkang lag mgo dang mig rnams yongs su btang ba de ni byang chub snying por zhugs//
224b1 dge slong dag /de ltar stong gsum gyi bdag po tshangs pa chen po de skad cig de la stong gsum gyi stong chen po'i 'jig rten gyi khams 'dir phyin te lag mthil ltar mnyam par gyur pa/
224b2 gyo mo dang rdo med pa dang / nor bu dang / mu tig dang / bai DUR+Ya dang / dung dang / man shel dang / byu ru dang / gser dang / dngul mang ba/ rtswa sngo zhing 'jam pa g.yas su 'khyil
224b3 cing g.yung drung 'khyil pa/ ka tsa linada'i gos ltar reg na bde ba dag gis stong gsum gyi stong chen po'i 'jig rten gyi khams khyab pa 'dir phyin to/ /de'i tshe rgya mtsho chen
224b4 po thams cad sa lta bur gyur kyang chu na rgyu ba'i sems can rnams la gnod pa cung zad kyang med do/ /'jig rten gyi khams de ltar brgyan pa 'di phyogs bcu'i brgya byin
224b5 dang / tshangs pa dang / 'jig rten skyong ba rnams kyis mthong nas byang chub sems dpa' la mchod pa'i las kyi phyir sangs rgyas kyi zhing brgya stong legs par brgyan to/ /byang
224b6 chub sems dpa' la mchod pa'i las kyi phyir byang chub sems dpa' rnams kyis kyang lha'i dang mi'i las shin tu 'das pa'i mchod pa bkod pa rnams kyis phyogs bcu'i sangs
224b7 rgyas kyi zhing dpag tu med pa brgyan par gyur to/ /sangs rgyas kyi zhing de dag thams cad kyang bkod pa'i rgyan sna tshogs kyis brgyan pas sangs rgyas kyi zhing gcig lta bur
225a1 snang bar gyur to/ /'jig rten gyi bar dag dang / ri nag po dang / khor yug dang / khor yug chen po dag kyang mi snang bar gyur to/ /sangs rgyas kyi
225a2 zhing de dag thams cad ni byang chub sems dpa'i 'od kyis gsal bar snang ngo / /byang chub kyi snying po yongs su skyong ba'i lha'i bu bcu drug yod de/ 'di lta ste/ lha'i
225a3 bu ut+ka li zhes bya ba dang / lha'i bu mut+ka li zhes bya ba dang / skye rgu'i bdag po dang / dpa' stobs dang / dpung rgyan stobs dang / rab brtan dang / sa 'dzin dang / snang
225a4 byed dang / dri ma med dang / chos kyi dbang phyug dang / chos kyi tog dang / 'gro grub dang / mig thogs pa med dang / bkod pa chen po dang / tshul khrims rnam dag dri ldan
225a5 dang | pad+ma'i 'od de/ lha'i bu bcu drug po de dag ni byang chub kyi snying po yongs su skyong ba dag ste/ thams cad kyang phyir mi ldog pa'i bzod pa thob pa sha stag go /de
225a6 dag gis kyang byang chub sems dpa' la mchod pa bya ba'i phyir byang chub kyi snying po brgyan te/ dpag tshad brgyad cu khor yug tu rin po che sna bdun gyi stegs bu rim
225a7 bdun gyis ni bskor/ shing ta la'i phreng ba rim bdun dang / rin po che'i dril bu g.yer ka'i dra ba rim bdun dang / rin po che brgyus pa rim bdun gyis ni bskor/
225b1 dzam+bu'i chu bo'i gser gyi glegs ma rin po che thams cad kyis spras pa dag dang / gser gyi tshong tshong dag dang / dzam+bu'i chu ba'i gser gyi pad+ma dag gis ni khebs par byas/
225b2 snying po mchog gi spos kyis ni bdugs/ rin po che'i dra ba ni bres so/ /phyogs bcu'i 'jig rten gyi khams tha dad pa dag na shing sna tshogs mngon par 'phags pa/ bzang
225b3 ba| mngon du mchod pa/ lha yul ba dang / mi yul ba gang dag na yod pa de dag thams cad kyang byang chub kyi snying po der snang bar gyur to/ /phyogs bcu dag na chu nas skye ba dang /
225b4 thang las skye ba'i me tog rnam pa sna tshogs gang dag yod pa de dag thams cad kyang byang chub kyi snying po der snang bar gyur to/ /phyogs bcu'i 'jig rten gyi khams tha dad pa dag
225b5 na byang chub sems dpa' gang dag bsod nams dang / ye shes kyi tshogs tshad med pa'i bkod pa dag gis byang chub kyi snying po brgyan par byed pa de dag kyang byang chub kyi snying
225b6 po der snang bar gyur to/ /de ltar lha'i bu byang chub kyi snying po yongs su skyong ba dag gis byang chub kyi snying por bkod pa de 'dra ba dag sprul bar gyur te/ de dag lha dang /
225b7 klu dang / gnod sbyin dang / dri za dang / lha ma yin dag gis mthong nas rang rang gi gnas la dur khrod tsam gyi 'du shes bskyed par gyur to/ /bkod pa de dag mthong nas
226a1 shin tu ngo mtshar cher 'dzin te/ e ma'o bsod nams kyi rnam par smin pa'i rgyu mthun pa bsam gyis mi khyab pa legs so zhes ched du brjod
226a2 pa ched du brjod do/ /byang chub kyi shing gi lha mo bzhi 'di lta ste/ 'od ma dang / snyan ldan dang / yid bzang dang / mdangs ldan ma ste/ byang chub kyi shing gi lha mo bzhi po
226a3 de dag gis kyang byang chub sems dpa' la mchod pa bya ba'i phyir byang chub kyi shing rtsa ba phun sum tshogs pa/ sdong po phun sum tshogs pa/ yal ga dang / lo ma dang / me
226a4 tog dang / 'bras bu sna tshogs phun sum tshogs pa/ khrun dang sbom phun sum tshogs pa/ mdzes pa/ blta na sdug pa/ shin tu 'gel ba/ 'phang du shing ta la bdun pa
226a5 srid tsam du mtho ba/ de dang 'tsham par 'gel ba/ bkra ba/ blta na sdug pa/ yid du 'ong ba/ rin po che sna bdun gyi stegs bu rim bdun gyis bskor ba/ rin po che'i
226a6 shing ta la'i phreng ba rim pa bdun dang / rin po che'i dril bu g.yer ka'i dra ba rim pa bdun dang / rin po che brgyus pa'i phreng ba rim pa bdun gyis kun nas bskor cing
226a7 phyi rim bskor ba/ shing yongs 'dus brtol dang 'dra ba/ mig gis blta bas mi ngoms pa bskyed do/ /gang du byang chub sems dpa' 'dug nas byang chub mngon
226b1 par rdzogs par byang chub par 'dod pa'i sa phyogs de ni stong gsum gyi stong chen po'i 'jig rten gyi khams kyi rdo rje'i dkyil te/ sra ba/ snying po yod pa/ mi phyed pa/ rdo
226b2 rje'i rang bzhin du gnas par gyur pa'o/ /dge slong dag /de ltar byang chub sems dpa' byang chub kyi snying por 'gro ba na lus las rnam pa 'di lta bu'i 'od 'gyed de/ 'od
226b3 des ngan song thams cad zhi bar gyur to/ /mi khom pa thams cad bcad par gyur to/ /ngan 'gro'i tshor ba thams cad bskams par gyur to/ /sems can gang dag dbang po
226b4 ma tshang ba de dag ni dbang po yongs su rdzogs pa thob par gyur to/ /nad kyis btab pa rnams ni nad sos par gyur to/ /mi bde ba thams cad ni bde ba thob par gyur to/ /
226b5 'jigs pas nyen pa rnams ni dbugs phyin pa thob par gyur to/ /bcing bas bcings pa rnams ni bcings pa las grol bar gyur to/ /sems can dbul po rnams
226b6 ni longs spyod dang ldan par gyur to/ /nyon mongs pas gdungs pa rnams ni yongs su gdung ba med par gyur to/ /bkres pa rnams ni lto 'grangs par gyur to/ /skom
226b7 pa rnams ni skom pa med par gyur to/ /sbrum ma rnams ni bde bar btsas par gyur to/ /zhum pa nyam chung ba rnams ni stobs phun sum tshogs par gyur to/ /de'i tshe
227a1 sems can gang la'ang 'dod chags dang / zhe sdang dang / gti mug dang / khro ba dang / chags pa dang / tha ba dang / gnod sems dang / phrag dog gi gnod pa
227a2 med par gyur to/ /de'i tshe sems can gang yang 'chi ba med/ 'pho ba med/ skye ba med do/ /de'i tshe sems can thams cad byams pa'i sems dang / phan pa'i sems dang
227a3 ldan zhing gcig la gcig pha mar 'du shes bskyed par gyur to/ /de la 'di skad ces bya ste/ mnar med pa la thug pa'i bar/ /dmyal ba mi bzad snang ba yi/ /sems
227a4 can rnams kyi sdug bsngal zhi/ /bde ba'i tshor ba thob par gyur/ /dud 'gro'i skye gnas sems can rnams/ /phan tshun gnod byed ji snyed pa/ /thub chen 'od kyis reg
227a5 pas na| |de dag byams pa'i sems kyang skyes/ /yi dwags 'jig rten yi dwags rnams/ /bkres skom nyen pa ji snyed pa/ /byang chub sems dpa'i gzi brjid kyis/ /
227a6 de dag zas skom rnyed par gyur/ /mi khom thams cad chad gyur cing / /ngan 'gro rnams kyang bskams par gyur/ /sems can thams cad bder gyur te/ /lha yi bde
227a7 bas rab tu tshim/ /mig dang rna ba med pa dang / /gzhan yang gang dag dbang po nyams/ /de dag dbang po kun rdzogs shing / /yan lag thams cad mdzes par gyur/ /
227b1 'dod chags zhe sdang la sogs pa'i/ /nyon mongs rnams kyis sems can gang / /gnod gyur de tshe nyon mongs kun/ /zhi bar gyur te bde dang ldan/ /smyos pa dag ni dran ldan
227b2 zhing / /dbul po dag kyang nor dang ldan/ /nad kyis btab pa nad sos shing / /bcing bas bcings pa grol bar gyur/ /ser sna med cing dgra med de/ /gnod sems dang ni rtsod
227b3 pa dag /phan tshun byed pa med gyur te/ /de tshe byams pa'i sems su gnas/ /pha dang ma dag bu gcig la/ /ji ltar phangs par sems pa ltar/ /de bzhin sems can phan tshun
227b4 du| |de tshe bu phangs bzhin du sems/ /byang chub sems dpa'i 'od dra yis/ /phyogs bcu'i phyogs ni kun tu yang / /gang+gA'i bye ma'i grangs snyed kyi/ /zhing rnams bsam gyis
227b5 mi khyab gsal/ /ri bo nag po rnams dang ni/ /khor yug dag kyang mi snang gyur/ /rgya chen zhing rnams de dag kun/ /gcig po ji bzhin de ltar snang / /lag mthil lta bur
227b6 gyur pa ste/ /byang chub sems dpa' mchod pa'i phyir/ /zhing rnams thams cad legs brgyan pas/ /thams cad rin chen nyid du snang / /byang chub snying po'i rim gro pa/ /lha
227b7 ni de ltar bcu drug yod/ /dpag tshad brgyad cu'i sa khyon nang / /byang chub snying po brgyan par gyur/ /zhing rnams bye ba mtha' yas na/ /bkod pa chen po gang yod pa/ /byang
228a1 chub sems dpa'i gzi brjid kyis/ /de dag thams cad der yang snang / /lha dang klu dang gnod sbyin dang / /mi'am ci dang lto 'phye che/ /rang rang
228a2 gzhal med khang rnams la/ /dur khrod tsam du shes par gyur/ /'dir ni bkod pa de mthong nas/ /lha dang mi rnams ngo mtshar gyur/ /bsod nams gang gi rgyu mthun 'dir//
228a3 phun sum 'di 'dra 'di legs 'dzer/ /lus dang ngag dang yid rnams kyis/ /brtson pa bya ba med par yang / /de yi yid la 'dod pa dang / /bsam pa thams cad rab tu 'grub//
228a4 ji ltar bsam pa gzhan dag kyang / /sngon spyod tshe na rdzogs gyur pa/ /las de'i rnam par smin pa yis/ /'di 'dra'i phun sum tshogs 'di byung / /byang chub shing gi lha mo
228a5 bzhis/ /lha yi shing ni yongs 'du ba/ /de bas khyad par 'phags pa yis/ /byang chub snying po brgyan pa byas/ /byang chub snying po'i bkod pa gang / /lha yis mngon par
228a6 'dus byas pa/ /yon tan de dag tshig gis ni/ /thams cad brjod par yong mi nus/ /dge slong dag /de ltar byang chub sems dpa'i lus las 'od phyung ba rnam par dag
228a7 pa| dri ma med pa/ lus dang sems tshim par byed cing dga' ba bskyed pa/ nyon mongs pa thams cad sel ba/ sems can la dga' ba dang / bde ba dang / dad pa dang / mchog
228b1 tu dga' pa thams cad bskyed pa des klu'i rgyal po nag po'i gnas snang bar byas par mthong nas de'i tshe klu'i rgyal po nag po rang gi 'khor gyi mdun du 'dug ste tshigs su bcad
228b2 pa 'di dag smras so/ /gang phyir bdag gi gnas 'di gser gyi 'od kyis brgyan par lhang nger gyur pa las/ /ji ltar 'khor ba 'jig gi 'od mdzes mthong zhing gser zhes bya ba mthong
228b3 ba dang / /ji ltar 'od srung chos kyi rgyal po skyon med pa yi dri med 'od mthong ltar/ /mtshan mchog ldan zhing phan mdzad ye shes 'od ldan pa zhig 'byung du the tshom med/ /
228b4 sngon chad nyes par byas pa'i las kyis bdag gi khyim ni shin tu mun pas gang / /khyim 'di na ni nyi ma zla ba dag gis rgya cher 'od kyang yong mi snang / /me dang nor bu dag dang
228b5 dri med glog dang skar ma rnams kyi 'od mi snang / /brgya byin 'od dang tshangs pa'i 'od dang lha min rnams kyi 'od kyang mi snang na/ /de ring khyim 'di'i nang du nyi ma'i 'od 'dra
228b6 ba yi dge bas mdzes gyur la/ /sems kyang dga' ba bskyed cing lus kyang bde bar gyur la lus ni bsil gyur to/ /lus kyi steng du bye tshan 'bab pa de yang bdag la
228b7 bsil bar gyur pa las/ /bskal pa bye ba mang por spyad pa byang chub shing drung bzhud par shin tu gsal/ /klu yi me tog mdzes dang bzang la dri zhim gos dang mu tig
229a1 do shal dang / /rgyan dang gdu bu dag dang phye ma rnams dang bdug pa mchog rnams myur thogs la/ /klu dbyangs dag dang rol mo'i dbyangs sgra sna
229a2 tshogs gyis shig rnga dang rdza rnga bzang / /brdung zhing 'gro bla kun gyis mchod 'os phan pa mdzad la mchod pa byed du 'deng / /de ni langs te klu yi bu mo rnams dang lhan cig
229a3 phyogs bzhir bltas pa dang / /de nas ri bo lhun po lta bur gzi brjid rnams kyis legs par brgyan pa zhig /lha dang lha min bye ba dag dang tshangs pa'i dbang dang gnod
229a4 sbyin rnams kyis bskor/ /dga' ba'i yid kyis de la mchod byed shul ni 'di zhes ston cing 'dong ba mthong / /klu yi rgyal de rab tu dga' zhing mgu nas 'jig rten mchog
229a5 la mchod byas te/ /gus dang bcas pas de yi rkang pa gnyis la phyag 'tshal thub pa'i mdun du 'dug /klu yi bu mo rnams kyang dga' zhing mgu ba'i yid kyis thub la
229a6 mchod pa byed/ /me tog rnams dang spos dang byug pa dag kyang 'thor zhing sil snyan rnams kyang byed/ /klu yi rgyal po rab tu dga' nas thal sbyar yang dag yon tan rnams
229a7 kyis bstod/ /'dren pa 'jig rten dam pa dgung zla nya ba'i zhal 'dra mthong bar gyur pa legs/ /bdag gis sngon chad drang srong rnams kyi mtshan ma mthong ba khyod kyang de
229b1 'dra ste/ /de ring khyod kyis bdud kyi dpung rnams bcom ste bzhed pa'i go 'phang brnyes par 'gyur/ /gang gi don du sngon chad dul dang sbyin dang bsdams shing bdog pa kun btang la/ /gang
229b2 gi don du dul dang tshul khrims byams dang snying rje ba dang bzod pa bsgoms/ /gang gi don du brtson 'grus brtan dang bsam gtan dgyes dang shes rab 'bar mdzad pa/ /khyod kyi smon
229b3 lam de dag thams cad rab tu rdzogs nas de ring rgyal bar 'gyur/ /ji ltar ljon shing lo ma me tog 'bras bur bcas pa byang chub shing la 'dud/ /ji ltar bum pa chab kyis gang ba
229b4 stong dag khyod la bskor ba rab bgyid cing / /ji ltar tsa sha'i tshogs rnams rab tu dga' ste snyan pa'i sgra skad 'byin pa dang / /ji ltar ngang pa khrung khrung tshogs kyang mkha' las mchi
229b5 zhing tshul du shis ldan par/ /dang ba'i yid kyis drang srong la ni bskor ba bgyid las de ring dgra bcom 'gyur/ /ji ltar gser gyi kha dog lta bur mdzes pa'i 'od rnams zhing ni brgyar
229b6 mchis te/ /ji ltar ngan song mtha' dag zhi bar bgyid cing skye rgu sdug bsngal thar bgyid dang / /ji ltar nyi ma zla ba'i gnas kyi rgyun tshad bser ma'ang dal bus ldang ba las/ /srid pa gsum
229b7 du skye dang rga ba thar mdzad pa yi ded dpon de ring 'gyur/ /ji ltar lha rnams 'dod pa'i dga' ba spangs te khyod la mchod du lhags pa dang / /tshangs dang tshangs pa'i mdun na 'don dang lha rnams
230a1 bsam gtan bde ba spangs pa dang / /gang yang srid pa gsum na dbang phyug dam pa mchis pa thams cad 'dir lhags las/ /srid pa gsum du skye rga
230a2 thar pa mdzad pa'i sman pa'i rgyal por de ring byon/ /ji ltar lha rnams dag gis phyag dar bgyis pa'i shul de nas ni khyod gshegs la/ /bcom ldan 'khor ba 'jig
230a3 dang gser zhes bgyi dang 'od srung dag kyang de nas gshegs/ /ji ltar pad+ma bzang po dri ma ma mchis rnam dag dogs brtol byung ste/ /de la stobs chen ldan pa zhabs kyi gom
230a4 pa 'dor las de ring dgra bcom 'gyur/ /bye ba khrag khrig stong phrag du ma gang+gA'i klung gi bye ma snyed kyi bdud/ /de dag rnams kyis byang chub shing drung nas ni khyod la bskyod
230a5 pa'am g.yos ma nus/ /mchod sbyin khrag khrig phrag stong rnam pa du ma gang+gA'i klung gi bye ma snyed/ /khyod kyis mdzad cing 'gro la phan phyir spyad pa des na 'dir ni rnam par
230a6 mdzes/ /rgyu skar zla bar bcas shing skar ma nyi mar bcas pa mkha' las sar ltung gda'/ /ri mchog chen po rang gi gnas nas g.yo zhing rgya mtsho skam par 'gyur yang
230a7 gda'/ /skyes bu mkhas pa la las khams bzhi po dag re re nas ni ston nus gda'/ /khyod ni shing gi rgyal po'i drung du gshegs nas byang chub ma thob bzhengs mi
230b1 gda'/ /gang gi slad du kha lo sgyur ba mthong zhing mchod bgyis yon tan brjod pa dang / /byang chub tu yang spro bas bdag gis rnyed pa 'phel brgya chen rnyed par gyur/ /bur bcas bdag
230b2 dang klu yi bu mo thams cad skye gnas 'di las thar gyur cing / /glang po dregs pa'i stabs su bzhud pa khyod kyi stabs des bdag cag mchi bar bgyi/ /dge slong dag /de ltar klu'i rgyal
230b3 po nag po'i chung ma dam pa gser 'od ces bya ba klu'i bu mo rin po che'i gdugs sna tshogs thogs pa dang / sil snyan sna tshogs thogs pa dang / mu tig gi do shal sna tshogs thogs
230b4 pa dang / nor bu rin po che sna tshogs thogs pa dang / lha'i dang mi'i phreng ba brgyus pa sna tshogs thogs pa dang / pog phor rna tshogs thogs pa dang / sil snyan dang glu dbyangs sna tshogs
230b5 len pa rab tu mang pos yongs su bskor cing mdun du bdar te byang chub sems dpa'i gan du 'dong zhing rin po che'i me tog sna tshogs mngon par gtor te tshigs su bcad pa 'di
230b6 dag gis kyang bstod do/ /'khrul pa mi mnga' mi bsnyengs mi 'dzem bag mi tsha/ /ma zhum mi dman rab tu dgyes pa gdul dka' ba/ /ma chags mi sdang ma rmongs brkam
230b7 pa mi mnga' ba/ /chags bral rnam grol drang srong khyod la phyag 'tshal lo/ /sman pa zug rngu bral ba gdul ba 'dul mdzad pa/ /'gro ba sdug bsngal rnams las thar mdzad
231a1 sman pa mchog /gnas dang skyabs ma mchis shing dman pa mkhyen nas ni/ /'jig rten gsum 'dir gnas dang skyabs su khyod byung ngo / /ji ltar lha
231a2 tshogs rab tu dad cing dgar gyur te/ /me tog char pa chen po mkha' las 'bebs pa dang / /'di dag ji ltar gos chen 'thor bar bgyid pa las/ /de ring rgyal bar 'gyur
231a3 gyi rab tu dgyes par mdzod/ /shing dbang drung du gshegs la bsnyengs pa mi mngar bzhugs/ /bdud kyi sde las rgyal mdzod nyon mongs dra ba drol/ /sngon gyi rgyal dbang
231a4 rnams kyis ji ltar sangs rgyas ltar/ /byang chub zhi ba dam pa mchog ni 'tshang rgyar mdzod/ /khyod kyis gang gi don du bskal ba bye mang du/ /'gro ba sgrol ba'i don du
231a5 dka' ba spyad pa mdzad/ /khyod kyi dgongs pa rdzogs te dus la da bab kyi/ /shing dbang drung du gshegs te byang chub mchog reg mdzod/ /dge slong dag /de nas byang
231a6 chub sems dpas 'di snyam du bsam ste/ sngon gyi de bzhin gshegs pa de dag ci zhig la bzhugs nas bla na med pa yang dag par rdzogs pa'i byang chub mngon par
231a7 rdzogs par sangs rgyas snyam mo/ /de nas des yang 'di snyam du bsam ste/ rtswa bting nas bzhugs so/ /snyam mo/ /de nas gnas gtsang ma'i ris kyi lha'i tshogs brgya
231b1 stong bar snang la 'khod pa dag gis byang chub sems dpa'i sems kyi yongs su rtog pa sems kyis shes nas tshig 'di skad ces smras so de de bzhin no/ /skyes bu dam pa/ de de
231b2 bzhin te/ sngon gyi de bzhin gshegs pa de dag rtswa bting ba la bzhugs nas bla na med pa yang dag par rdzogs pa'i byang chub mngon par rdzogs par sangs rgyas so/ /dge slong dag/
231b3 byang chub sems dpas lam gyi g.yas rol na rtswa tshong bkra shis pa zhes bya ba rtswa sngo ba/ 'jam pa/ shin tu gzhon pa/ nyams dga' ba/ /lcang lor 'khril bar 'dug pa/ g.yas
231b4 su 'khyil pa/ rma bya'i mgrin pa lta bu/ ka tsa linada'i gos ltar reg na bde ba/ dri rab tu zhim pa/ kha dog dang ldan pa/ yid du 'ong ba dag brnga zhing 'dug pa mthong ngo / /mthong nas
231b5 kyang byang chub sems dpas lam bor te rtswa tshong bkra shis pa ga la ba der song nas phyin pa dang / rtswa tshong bkra shis pa la snyan pa'i tshig gis smras te/ tshig de ni kun shes par
231b6 byed pa dang / rnam par shes par byed pa dang / rnam par gsal ba dang / mi chod pa dang / chags par byed pa dang / snyan cing 'jebs pa dang / mnyan par 'os pa dang / snum pa dang /
231b7 go bar byed pa dang / skul ba dang / tshim par byed pa dang / dga' bar byed pa dang / mi rtsub pa dang / sha sha bo ma yin pa dang / mi brlang ba dang / mi brkam pa dang / 'jam pa dang /
232a1 snyan pa dang / rnar bde ba dang / lus dang sems shin tu dga' bar byed pa dang / 'dod chags dang / zhe sdang dang / gti mug dang / 'thab pa dang / rnyog pa sel
232a2 ba dang / ka la ping+ka'i sgra skad lta bu dang / bya ku na la dang / shang shang te'u la sogs pa sgra 'byin pa'i nga ro lta bu dang / rnga bo che dang / glu dbyangs kyi sgra skad kyi nga ro dang ldan pa dang / gnod
232a3 pa med pa dang / bden pa dang / gsal ba dang / yang dag pa dang / tshangs pa'i sgra skad bsgrags pa'i gdangs lta bu dang / rgya mtsho'i sgra'i shugs lta bu dang / ri rdob pa'i sgra lta bu dang
232a4 ldan pa dang / lha'i dbang po dang / lha ma yin gyi dbang pos mngon par bstod pa dang / zab pa dang / gting dpag dka' ba dang / bdud kyi stobs stobs med par byed pa dang / phas
232a5 kyi rgol ba'i smra ba 'joms pa dang / seng+ge'i sgra'i shugs lta bu dang / rta dang glang po che'i sgra 'byin pa'i nga ro lta bu dang / klu sgra sgrog pa lta bu dang / 'brug zer ba'i sgra lta bu dang / phyogs
232a6 bcu'i sangs rgyas kyi zhing thams cad rgyas par 'gengs pa dang / 'dul ba'i sems can thams cad tshim par byed pa dang / rtab rtab po ma yin pa dang / 'tshe ba med pa dang /
232a7 mi bshol ba dang / 'tsham pa dang / rigs pa dang / dus su smra ba dang / dus las mi yol ba dang / chos brgya stong legs par brgyus pa dang / mnyen pa dang / thogs pa med pa
232b1 dang / rgyun chad pa med pa'i spobs pa dang ldan pa dang / skad cig gis skad thams cad sgrog pa dang / bsam pa thams cad shes par byed pa dang / bde ba thams cad skyed pa dang /
232b2 thar pa'i lam yang dag par ston pa dang / lam gyi tshogs smra ba dang / 'khor las mi 'da' ba dang / 'khor thams cad tshim par byed pa dang / sangs rgyas thams cad kyis gsungs
232b3 pa dang mthun pa ste/ byang chub sems dpas de lta bu'i tshig gis rtswa tshong bkra shis pa la tshigs su bcad de smras pa/ bkra shis rtswa dag nga la myur du byin/ /de ring nga la rtswas ni don chen
232b4 'gyur/ /dpung dang bcas pa'i bdud ni bcom nas su/ /byang chub dam pa zhi ba reg par 'gyur/ /gang gi ched du nga yis bskal stong du/ /sbyin dang dul dang sdom dang gtong byas dang //
232b5 tshul khrims brtul zhugs dka' thub rab spyad pa/ /de ni de ring nga yis thob par 'gyur/ /bzod pa'i stobs dang de bzhin brtson 'grus stobs/ /bsam gtan stobs dang
232b6 de bzhin shes rab stobs/ /bsod nams dang ni mngon shes rnam thar stobs/ /de ni de ring nga la grub par 'gyur/ /shes rab stobs dang thabs kyi stobs dag dang / /rdzu 'phrul
232b7 dang ni chags med byams pa'i stobs/ /so so yang dag rig dang bden pa'i stobs/ /de ni de ring nga la 'grub par 'gyur/ /de ring nga la rtswa sbyin byas na ni/ /khyod la bsod
233a1 nams stobs ni mtha' yas te/ /de ni khyod kyi ngan pa'i rgyur mi 'gyur/ /khyod kyang ston pa bla na med par 'gyur/ /bkra shis pas ni 'dren pa'i tshig snyan rab
233a2 tu mdzes thos nas/ /dga' zhing mgu la yi rang rab tu dga' ba'i yid kyis ni/ /rtswa 'jam gzhon zhing bzang la reg par ldan pa spar gang thogs/ /mdun du 'dug nas rab tu
233a3 dga' ba'i sems kyis 'di skad smras/ /gal te rtswa yis byang chub go 'phang dam pa 'chi med pa/ /mchog gyur zhi ba blta dka' sngon gyi rgyal ba'i lam 'thob na/ /yon tan chen
233a4 po'i rgya mtsho grags pa dpag med khyod bzhes shig /bdag gis go 'phang dam pa 'chi med thog mar 'tshang rgyar bgyi/ /byang chub sems dpas smras pa/ brtul zhugs dka' thub
233a5 rnam mang bya dka' bskal mang ma spyad par/ /bkra shis rtswa mchog bting bas byang chub 'di ni 'thob mi 'gyur/ /gang tshi blo gros ldan pa shes rab bsod nams thabs kyis 'phags/ /de nas rgyal
233a6 pa thub pas rdul med 'gyur zhes lung stan to/ /bkra shis gal te byang chub skye bo gzhan la sbyin nus na/ /srog chags bsdu ba byas te sbyin par yid gnyis khyod ma za/ /gang
233a7 tshe nga yis byang chub thob shes bdud rtsi rnam par dbyes/ /khyod 'ongs chos kyi dam pa nyon dang rdul dang bral bar 'gyur/ /'dren pas shin tu mchog tu 'jam pa'i rtswa ni spar
233b1 gang blangs/ /seng+ge ngang pa'i stabs kyis chas nas sa ni rab tu g.yos/ /lha klu tshogs rnams thal mo sbyar te rab tu dga' yid kyis/ /deng 'dis bdud dpung bcom nas bdud rtsi reg
233b2 par 'gyur snyam sems/ /dge slong dag /de ltar byang chub sems dpa' byang chub kyi shing drung du 'gro ba na lha'i bu rnams dang / byang chub sems dpa' rnams kyis byang chub sems
233b3 dpa' deng 'dir 'dug nas byang chub thob par 'gyur zhing mngon par rdzogs par 'tshang rgya bar 'gyur snyam ste/ byang chub kyi shing brgyad khri brgyan par gyur to/ /de na byang chub
233b4 kyi shing kha cig ni me tog gi rang bzhin can la 'phang du dpag tshad brgya pa'ang yod/ byang chub kyi shing kha cig ni spos kyi rang bzhin can la 'phang du dpag tshad stong pa'ang
233b5 yod| byang chub kyi shing kha cig ni tsan+dan gyi rang bzhin can la 'phang du dpag tshad 'bum pa'ang yod/ byang chub kyi shing kha cig ni gos kyi rang bzhin can la 'phang du dpag
233b6 tshad lnga 'bum pa'ang yod/ byang chub kyi shing kha cig ni rin po che'i rang bzhin can la 'phang du dpag tshad 'bum phrag bcu pa'ang yod/ byang chub kyi shing kha cig ni rin
233b7 po che thams cad kyi rang bzhin can la 'phang du dpag tshad bye ba khrag khrig brgya stong pa'ang yod do/ /byang chub kyi shing de dag thams cad kyi drung na'ang ji ltar 'dug pa'i seng+ge'i
234a1 khri lha'i ras bcos bu sna tshogs bting ba bshams par gyur to/ /byang chub kyi shing kha cig gi drung du ni pad+ma'i khri stan bshams par gyur to/ /kha cig gi
234a2 drung du ni spos kyi khri stan no/ /kha cig gi drung du ni rin po che rnam pa sna tshogs kyi khri stan no/ /byang chub sems dpa' ni rol pa bkod pa zhes bya ba'i ting nge 'dzin la snyoms par
234a3 zhugs te/ byang chub sems dpa'i ting nge 'dzin rol pa bkod pa 'di la byang chub sems dpa' snyoms par zhugs ma thag tu de nas skad cig de nyid la byang chub sems dpa'
234a4 mtshan dang dpe byad bzang pos legs par brgyan pa'i lus kyis byang chub kyi shing drung gi seng+ge'i khri de dag thams cad la 'dug par kun tu snang ste/ byang chub sems
234a5 dpa' dang / lha'i bu so so'i yid la'ang byang chub sems dpa' ni bdag nyid kyi seng+ge'i khri la snyoms par zhugs shing 'dug gi /gzhan gyi khri la ni ma yin par shes
234a6 so| |ji ltar de dag gis shes pa de bzhin du byang chub sems dpa'i ting nge 'dzin rol pa bkod pa 'di nyid kyi mthus sems can dmyal ba pa dang / dud 'gro'i skye gnas
234a7 pa dang / gshin rje'i 'jig rten pa thams cad dang / lha dang mi thams cad dang / 'gro ba thams cad du skyes pa'i sems can thams cad kyis kyang byang chub sems
234b1 dpa' byang chub kyi shing drung na seng+ge'i khri la 'dug par mthong ngo / /de lta mod kyi/ 'on kyang dman pa la mos pa'i sems can rnams kyi blo gros yongs su tshim par bya ba'i phyir byang
234b2 chub sems dpa' rtswa spar gang thogs te/ byang chub kyi shing ga la ba der song nas phyin pa dang / byang chub kyi shing la lan bdun bskor ba byas te bdag nyid kyis rtswa'i rtse mo ni
234b3 nang du bstan rtsa ba ni/ phyir bstan nas rtswa'i gding ba kun nas bzang po bting ste/ seng+ge lta bu dang / dpa' bo lta bu dang / stobs lta bu dang / brtan pa lta bu dang / brtson 'grus lta
234b4 bu dang / mthu lta bu dang / glang po lta bu dang / dbang phyug lta bu dang / rang byung lta bu dang / ye shes can lta bu dang / bla na med pa lta bu dang / khyad par lta bu dang / mngon par 'phags
234b5 pa lta bu dang / grags pa lta bu dang / brjod pa lta bu dang / sbyin pa lta bu dang / tshul khrims lta bu dang / bzod pa lta bu dang / brtson 'grus lta bu dang / bsam gtan lta bu dang /
234b6 shes rab lta bu dang / ye shes lta bu dang / bsod nams lta bu dang / bdud phyir rgol ba bcom pa lta bu dang / tshogs lta bur skyil mo krung bcas nas rtswa bting ba de la shar phyogs
234b7 su bltas te 'dug nas lus drang por bsrang ste dran pa mngon du bzhag nas 'di 'dra ba'i yi dam brtan po byas so/ /stan 'dir bdag gi lus ni bskams kyang rung / /pags
235a1 pa rus pa sha rnams zhig kyang rung / /bskal mang rnyed dka' byang chub ma thob par/ /stan 'di las ni lus bskyod mi bya 'o/ /byang chub kyi snying por bzhud pa'i
235a2 le'u zhes bya ba ste/ bcu dgu pa'o// //'phags pa rgya cher rol pa zhes bya ba theg pa chen po'i mdo/ bam po bcu gsum pa/ dge slong dag /de ltar byang chub sems
235a3 dpa' byang chub kyi snying po la 'dug pa dang / 'dod pa na spyod pa'i ris drug gi lha rnams byang chub sems dpa' la bar chad byed pa mi 'byung grang snyam ste/ shar phyogs logs su
235a4 gnas par gyur to/ /de bzhin du lho dang / nub dang / byang phyogs kyang lha rnams kyis yongs su nga bsrungs par gyur to/ /dge slong dag /de ltar byang chub sems dpa' byang
235a5 chub kyi snying po la 'dug pa de'i tshe byang chub sems dpa' skul ba zhes bya ba'i 'od byung nas 'od des phyogs bcu kun tu grangs med/ dpag tu med pa/ chos kyi dbyings kyis
235a6 klas pa| nam mkha'i mthas gtugs pa'i sangs rgyas kyi zhing thams cad snang bar gyur to/ /de nas shar phyogs na de bzhin gshegs pa dri ma med pa'i 'od kyi sangs
235a7 rgyas kyi zhing 'jig rten gyi khams dri ma med par byang chub sems dpa' sems dpa' chen po bde ba bkod pa zhes bya ba 'od des bskul bas byang chub sems dpa'
235b1 bgrang ba las 'das pa dag gis yongs su bskor cing mdun du bdar te byang chub kyi snying po ga la ba dang / byang chub sems dpa' ga la ba der song ste phyin nas byang chub sems dpa'
235b2 la mchod pa'i las kyi phyir de'i tshe rdzu 'phrul gyi mngon par 'du bya ba de lta bu byas te/ rdzu 'phrul mngon par 'du bya ba de byas pas phyogs bcur nam mkha'i mthas gtugs pa'i
235b3 sangs rgyas kyi zhing thams cad 'khor gyi khyams bai DUR+Ya sngon po dag las byas pa zhig tu bstan to/ /'gro ba lngar skyes pa'i sems can thams cad kyi mdun du'ang byang chub sems
235b4 dpa' byang chub kyi snying po la 'dug pa bstan to/ /sems can de dag kyang phan tshun du sor mo gcig gis byang chub sems dpa' ston cing sems can tshul du shis pa'i
235b5 gzugs 'di lta bu dang ldan pa 'di su zhig /'di ltar rnam par mdzes pa'i sems can 'di su zhig ces 'dzer to/ /sems can de dag gi mdun du byang chub sems dpa'
235b6 des byang chub sems dpa' rnams kyang sprul te/ de na byang chub sems dpa'i gzugs de dag gis tshigs su bcad pa 'di smras so/ /ci yang med pa'i 'dod chags zhe
235b7 sdang rnyog pa gang yin bag chags bcas bton pa/ /gang gis lus las 'od phyung phyogs bcu'i 'od rnams thams cad 'od ni med par byas/ /gang gis bsod nams
236a1 ting 'dzin ye shes tshogs ni bskal pa mang por kun spel ba/ /shAkya thub pa thub pa chen po dam pa 'di ni phyogs rnams kun tu mdzes/ /de nas lho phyogs
236a2 na de bzhin gshegs pa rin chen 'od 'phro'i sangs rgyas kyi zhing 'jig rten gyi khams rin po che bkod par byang chub sems dpa' sems dpa' chen po rin po che'i gdugs
236a3 brtsegs pa kun tu ston pa zhes bya ba 'od des bskul bas byang chub sems dpa' bgrang ba las 'das pa dag gis yongs su bskor cing mdun du bdar te byang chub kyi snying
236a4 po ga la ba dang / byang chub sems dpa' ga la ba der song ste phyin nas byang chub sems dpa' la mchod pa'i las kyi phyir rin po che'i gdugs gcig gis thams cad
236a5 dang ldan pa'i 'khor gyi khyams de bkab bo/ /de na brgya byin dang / tshangs pa dang / 'jig rten skyong ba dag phan tshun 'di skad 'dzer te/ gang gi phyir rin po che'i gdugs
236a6 bkod pa rnam pa 'di lta bu 'di snang bar gyur pa 'di su'i 'bras bu zhes 'dzer to/ /de nas rin po che'i gdugs de las tshigs su bcad pa 'di byung ngo / /gang gis
236a7 rin po che dang spos gdugs stong phrag bye ba khrag khrig dag /byams pa'i yid kyis do zla med pa bzhugs dang mya ngan 'das la phul/ /de yis mtshan mchog ldan pa
236b1 phan mdzad sred med bu yi mthu ldan pa/ /yon tan mnga' ba byang chub shing drung gshegs pa de la mchod pa byas/ /de nas nub phyogs na de bzhin gshegs pa me tog gi phreng ba nags
236b2 tshal gyi phreng ba me tog kun tu rgyas pa mngon par mkhyen pa'i sangs rgyas kyi zhing 'jig rten gyi khams me tog tsam pa ka'i kha dog tu byang chub sems dpa' sems dpa' chen po dbang
236b3 po'i dra ba can zhes bya ba 'od des bskul bas byang chub sems dpa' bgrang ba las 'das pa dag gis yongs su bskor cing mdun du bdar te byang chub kyi snying po ga la ba dang / b
236b4 yang chub sems dpa' ga la ba der song ste phyin nas byang chub sems dpa' la mchod pa'i las kyi phyir rin po che'i dra ba gcig gis thams cad dang ldan pa'i 'khor gyi khyams
236b5 de bkab bo/ /de nas phyogs bcu'i lha dang / klu dang / gnod sbyin dang / dri za dag phan tshun du 'di skad 'dzer te/ 'od kyi bkod pa rnam pa 'di lta bu 'di su'i yin zhes
236b6 'dzer to/ /de nas rin po che'i dra ba de las tshigs su bcad pa 'di byung ngo / /rin chen 'byung gnas 'jig rten gsum dga' rin chen tog /rin chen dam pa rin chen
236b7 grags pa de chos dgyes/ /dkon mchog gsum po rgyun mi 'chad pa'i brtson 'grus brnyes/ /byang chub mchog brnyes 'gyur te de yi mchod pa 'di/ /de nas byang phyogs
237a1 na de bzhin gshegs pa nyi zla zil du rlag par byed pa'i 'od dang ldan pa'i sangs rgyas kyi zhing 'jig rten gyi khams nyi ma 'khor bar byang chub sems
237a2 dpa' sems dpa' chen po bkod pa'i rgyal po zhes bya ba 'od des bskul bas byang chub sems dpa' bgrang ba las 'das pa dag gis yongs su bskor cing mdun
237a3 du bdar te byang chub kyi snying po ga la ba dang / byang chub sems dpa' ga la ba der song ste phyin nas byang chub sems dpa' la mchod pa'i las kyi phyir phyogs bcu'i
237a4 'jig rten gyi khams thams cad kyi sangs rgyas kyi zhing gi yon tan bkod pa ji snyed pa de snyed 'khor gyi khyams der kun tu bstan to/ /de na byang chub sems dpa'
237a5 kha cig 'di skad 'dzer te/ bkod pa rnam pa 'di lta bu 'di su'i yin zhes 'dzer to/ /de nas bkod pa de dag thams cad las tshigs su bcad pa 'di byung ngo / /
237a6 gang gis bsod nams ye shes shin tu mang pos lus ni rnam sbyangs shing / /gang gis brtul zhugs dka' thub dag dang bden pa'i chos kyis ngag sbyangs la/ /gang
237a7 gis khrel yod mos pa byams dang de bzhin snying rjes sems sbyangs pa/ /de ni shing rgyal drung gshegs shAkya khyu mchog de la mchod pa byed/ /de nas shar lho'i
237b1 phyogs mtshams na de bzhin gshegs pa yon tan gyi rgyal po snang ba'i sangs rgyas kyi zhing 'jig rten gyi khams yon tan gyi 'byung gnas su byang chub sems dpa' sems
237b2 dpa' chen po yon tan gyi blo gros zhes bya ba 'od des bskul bas byang chub sems dpa' bgrang ba las 'das pa dag gis yongs su bskor cing mdun du bdar te byang chub kyi
237b3 snying po ga la ba dang / byang chub sems dpa' ga la ba der song ste phyin nas byang chub sems dpa' la mchod pa'i las kyi phyir 'khor gyi khyams der yon tan gyi bkod pa thams
237b4 cad dang ldan pa'i khang pa brtsegs pa mngon par sprul te khang pa brtsegs pa de las tshigs su bcad pa 'di byung ngo / /gang gi yon tan dag gis lha dang lha min dang / /
237b5 gnod sbyin lto 'phye che dag rtag tu yon tan bgos/ /yon tan can de yon tan ldan pa'i rgyal rigs skyes/ /yon tan rgya mtsho byang chub shing gi drung na bzhugs/ /de nas
237b6 lho nub kyi phyogs mtshams na de bzhin gshegs pa rin chen srog shing gi sangs rgyas kyi zhing 'jig rten gyi khams rin po che 'byung bar byang chub sems dpa' sems
237b7 dpa' chen po rin po che 'byung ba zhes bya ba 'od des bskul bas byang chub sems dpa' bgrang ba las 'das pa dag gis yongs su bskor cing mdun du bdar te byang chub
238a1 kyi snying po ga la ba dang / byang chub sems dpa' ga la ba der song ste phyin nas byang chub sems dpa' la mchod pa'i las kyi phyir 'khor gyi khyams
238a2 der rin po che'i mkha' rten grangs med dpag tu med pa mngon par sprul te/ rin po che'i mkha' rten de dag las tshigs su bcad pa 'di byung ngo / /gang gis rgya mtshor
238a3 bcas pa'i sa dang de bzhin rin chen rnams dag dang / /khang bzang skar khung bsil khang mchog dang zung dang bzhon pa mkha' rten brgyan/ /me tog phreng ba mdzes
238a4 dang 'dun sa dag dang skyed mos tshal rnams dang / /rkang pa lag pa mgo dang mig btang ba de byang chub snying por 'dug /de nas nub byang gi phyogs mtshams na de
238a5 bzhin gshegs pa 'brug sgra rgyal po'i sangs rgyas kyi zhing 'jig rten gyi khams sprin dang ldan par byang chub sems dpa' sems dpa' chen po sprin brtsegs
238a6 'brug bsgrags dbyangs zhes bya ba 'od des bskul bas byang chub sems dpa' bgrang ba las 'das pa dag gis yongs su bskor cing mdun du bdar te byang chub
238a7 kyi snying po ga la ba dang / byang chub sems dpa' ga la ba der song ste phyin nas byang chub sems dpa' la mchod pa'i las kyi phyir dus kyi rjes su 'brang ba'i a ga
238b1 ru'i sprin mngon par sprul te 'khor gyi khyams der tsan+dan sprul gyi snying po'i phye ma'i char mngon par phab bo/ /dus kyi rjes su 'brang ba'i sprin gyi dkyil 'khor de las kyang tshigs su
238b2 bcad pa 'di byung ngo / /rig dang rnam par grol ba'i 'od kyi chos kyi sprin gyis srid gsum thams cad khyab/ /dam chos 'dod chags bral ba bdud rtsi mya ngan 'das pa thob byed
238b3 char pa 'bebs/ /'dod chags nyon mongs 'ching ba'i 'khri shing thams cad bag chags bcas te gcod par 'gyur/ /bsam gtan rdzu 'phrul stobs dang dbang po'i me tog
238b4 rgyas par dad par byed pa 'byin/ /de nas byang shar gyi phyogs mtshams na de bzhin gshegs pa rin po che'i gdugs mngon par 'phags pa snang ba'i sangs rgyas kyi zhing
238b5 'jig rten gyi khams gser gyi dra bas khebs pa na byang chub sems dpa' sems dpa' chen po gser gyi dra bas brgyan pa zhes bya ba 'od des bskul bas byang chub sems
238b6 dpa' bgrang ba las 'das pa dag gis yongs su bskor cing mdun du bdar te byang chub kyi snying po ga la ba dang / byang chub sems dpa' ga la ba der song ste phyin nas byang
238b7 chub sems dpa' la mchod pa'i las kyi phyir khang pa brtsegs pa de dag thams cad dang / rin po che'i mkha' rten rnams su byang chub sems dpa'i gzugs mtshan sum cu rtsa
239a1 gnyis kyis legs par brgyan pa dag mngon par sprul te/ byang chub sems dpa'i gzugs de dag thams cad kyang lha dang mi'i me tog gi phreng ba thog
239a2 shing byang chub sems dpa' ga la ba de logs su lus btud nas me tog gi phreng ba dbyangs te tshigs su bcad pa 'di smras so/ /gang gis sangs rgyas khrag khrig sngon bstod
239a3 cing / /gus dang bcas pas dad pa che bskyed la/ /tshangs pa'i sgra dbyangs snyan pa'i tshig smras pa/ /byang chub snying por byon la mgos phyag 'tshal/ /de nas 'og gi phyogs
239a4 na de bzhin gshegs pa kun tu gzigs kyi sangs rgyas kyi zhing 'jig rten gyi khams kun tu rnam par bltas par byang chub sems dpa' sems dpa' chen po rin po che'i
239a5 snying po zhes bya ba 'od des bskul bas byang chub sems dpa' bgrang ba las 'das pa dag gis yongs su bskor cing mdun du bdar te byang chub kyi snying po ga la ba dang / b
239a6 yang chub sems dpa' ga la ba der song ste phyin nas byang chub sems dpa' la mchod pa'i las kyi phyir bai DUR+Ya'i 'khor gyi khyams der dzam+bu'i gling gi gser gyi pad+ma rnams
239a7 mngon du byung bar bstan to/ /pad+ma de dag gi snying po la bud med lus phyed snang ba/ kha dog dang gzugs phun sum tshogs pa/ rgyan thams cad kyis brgyan pa bstan
239b1 te| lag pa g.yas g.yon na mgul gdub dang / gdu bu dang / dpung rgyan dang / gser skud dang / mu tig gi do shal la sogs pa rgyan rnam pa mang po thogs shing me tog dang dar gyi lnga
239b2 ldi dpyangs nas byang chub kyi snying po ga la ba dang / byang chub sems dpa' ga la ba de logs su lus btud de tshigs su bcad pa 'di smras so/ /gang zhig rtag tu sangs rgyas nyan
239b3 thos dang / /rang rgyal dag dang bla ma rnams la 'dud/ /khrims ldan rtag dran dga' la nga rgyal med/ /yon tan ldan pa de la 'dud pa byos/ /de nas steng gi phyogs na de
239b4 bzhin gshegs pa tshogs kyi dbang po'i sangs rgyas kyi zhing 'jig rten gyi khams tshogs kyi dam par byang chub sems dpa' sems dpa' chen po nam mkha' mdzod ces bya ba
239b5 'od des bskul bas byang chub sems dpa' bgrang ba las 'das pa dag gis yongs su bskor cing mdun du bdar te byang chub kyi snying po ga la ba dang / byang chub sems dpa'
239b6 ga la ba der song ste phyin nas byang chub sems dpa' la mchod pa'i las kyi phyir nam mkha'i dkyil na 'dug bzhin du phyogs bcu'i sangs rgyas kyi zhing thams cad na sngon ma
239b7 mthong ma thos pa'i me tog dang / bdug pa dang / spos dang / phreng ba dang / byug pa dang / phye ma dang / bdug spos dang / gos dang / rgyan dang / gdugs dang / rgyal mtshan dang / ba
240a1 dan dang / rnam par rgyal ba'i khang pa dang / rin po che dang / nor bu dang / gser dang / dngul dang / mu tig dang / rta dang / glang po che dang / shing rta dang / dpung bu
240a2 chung dang / bzhon pa dang / shing ljon pa dang / lo ma dang / me tog dang / 'bras bu dang / khye'u dang / bu mo dang / lha dang / klu dang / gnod sbyin dang / dri za dang / lha ma yin dang / nam
240a3 mkha' lding dang / mi'am ci dang / lto 'phye chen po dang / brgya phyin dang / tshangs pa dang / 'jig rten skyong ba dang / mi dang / mi ma yin pa ji snyed yod pa de dag thams cad nam
240a4 mkha'i dkyil nas char chen por mngon par phab ste/ thams cad dga' ba dang / bde bskyed kyi sems can gang la'ang 'jigs pa'am gnod par mi byed do/ /de bzhin du
240a5 sbyar te de la 'di skad ces bya'o/ /phyogs bcu de dag rnams nas rgyal ba'i sras po gang / /phan par byed pa mchod par byang chub lhags gyur pa/ /'gro la phan pa de dag rnams kyi
240a6 bkod rim dang / /rtsal dang rim pa mdzes pa dag gi dpe tsam nyon/ /kha cig do shal khrag khrig rab tu dpyangs byas te/ /nam mkha' las ni 'brug ltar shin tu sgrog cing
240a7 lhags| |kha cig mkha' las me tog gzhal med khang ston cing / /cod pan rin chen thogs la gtsug phud 'phyang zhing lhags/ /kha cig stong pa mtshan med smon med mchog
240b1 brjod cing / /sa las seng+ge lta bur shin tu sgrog cing lhags/ /kha cig sngon chad ma mthong me tog mdzes 'thor zhing / /khyu mchog ci 'dra de 'drar shin tu sgrog cing lhags/ /kha cig
240b2 rang gi lus kyi kha dog stong ston cing / /rma bya lta bur mkha' las shin tu sgrog cing lhags/ /kha cig bde gshegs sras kyi yon tan phreng brjod cing / /zla ba lta bur mkha' las
240b3 shin tu rgyas shing lhags/ /kha cig nyi ma lta bur 'od zer rab 'gyed de/ /bdud kyi gnas rnams thams cad mog mog byed cing lhags/ /bsod nams tshogs bsags kha
240b4 cig dbang po'i mchod sdong 'dra'i/ /dri med tog thogs byang chub snying po der yang lhags/ /kha cig mkha' las nor bu rin chen dra ba 'thor/ /zla ba zla bzang thang skyes rnam mdzes
240b5 man+dA ra| |paR+sha tsam+pa ka dang sna ma'i me tog phreng / /byang chub sems dpa' shing rgyal drung na bzhugs la 'thor/ /kha cig rkang pa gnyis kyis sa ni rab bskyod la/ /sa bskyod nas
240b6 kyang skye bo dga' bar byed cing lhags/ /kha cig ri bo lhun po lag na thogs byed la/ /bar snang gnas te me tog skon bu 'thor zhing lhags/ /kha cig rgya mtsho bzhi po mgo la thogs
240b7 nas ni| |sa la spos chu 'thor te chag chag 'debs shing lhags/ /kha cig rin chen mchod sdong sna tshogs thogs nas ni/ /rgyang ring 'dug ste byang chub sems dpa' ston cing
241a1 lhags| |kha cig tshangs pa lta bur zhi ba'i gzugs bsgyur te/ /yid zhi rab zhi gnas shing bsam gtan bsam gtan pa/ /de dag ba spu dag las byams dang snying rje
241a2 dang / /dga' dang btang snyoms tshad med yid 'ong sgra 'byung lhags/ /kha cig brgya byin lha ltar stong phrag khrag khrig gi /lha rnams dag gis mdun du bdar nas lhags gyur cing //
241a3 de dag byang chub shing drung phyin nas thal sbyar te/ /brgya byin thogs pa'i nor bu rin chen sna tshogs 'thor/ /kha cig phyogs bzhi dag gi skyong ba ji lta bar/ /dri za srin po mi 'am
241a4 ci yis yongs bskor te/ /glog ltar gsal ba'i me tog char pa 'bebs shing lhags/ /dri za mi 'am ci yi skad kyis brtan pa bstod/ /kha cig me tog rgyas pa'i ljon shing 'bras
241a5 bur bcas/ /me tog bcas shing mchog gi dri ni rab 'byin la/ /lo mar sangs rgyas sras po lus phyed gnas thogs lhags/ /btud nas sa yi snying por me tog rnams kyang 'thor//
241a6 kha cig pad+ma ut+pal pad+ma dkar po rgyas/ /pad+ma'i snying por sum cu rtsa gnyis mtshan ldan gnas/ /de 'drar me tog rgyas pa'i rdzing bu thogs te lhags/ /chags med yid ldan
241a7 byang chub sems dpa' mkhas la bstod/ /kha cig lhun po lta bur lus chen bsgyur te lhags/ /bar snang gnas nas rang gi lus kyang rab tu 'dor/ /bor ma thag tu me tog
241b1 phreng ba rnams su gyur/ /stong gsum dag gi rgyal ba'i zhing rnams khebs par byed/ /kha cig mig gnyis sreg pa'i bskal pa lta bu dang / /de bzhin chags pa dang ni 'jig par
241b2 ston cing lhags/ /de dag lus las chos kyi sgo mo mang grag ste/ /de dag thos pas sems can khrag khrig sred pa spong / /kha cig mchu ni bim+pa 'dra la bzhin mdzes shing / /kha
241b3 bzhin rdzogs la mi 'am ci 'dra'i sgra sgrog lhags/ /do shal sna tshogs legs brgyan bu mo chas pa 'dra/ /de la blta bas lha yi tshogs rnams ngoms mi 'gyur/ /kha cig rdo rje lta bur mi phyed
241b4 lus can de/ /rkang pas 'og gi chu yi phung po 'bog cing lhags/ /nyi ma 'dra zhing zla ltar bzhin rgyas snang byed la/ /'od byed nyon mongs skyon rnams bcom pa kha cig lhags/ /kha cig
241b5 rin po ches brgyan lag na rin chen thogs/ /zhing mang bye ba stong dag khebs par byed cing lhags/ /sems can mngal phan dang bde dang tshim bya'i phyir/ /rin chen me tog dam pa dri zhim char
241b6 pa 'bebs/ /kha cig gzungs chen rin po che yi mdzod gyur cing / /ba spu rnams nas mdo sde khrag khrig rab brjod la/ /spobs par ldan zhing blo gros ldan la blo mchog ldan/ /rgyags
241b7 shing rab dregs skye bo rtogs par byed cing lhags/ /kha cig ri bo lhun po rnga ltar thogs nas ni/ /rab tu rdung zhing mkha' las yid 'ong sgra 'byin lhags/ /de yi sgra ni phyogs
242a1 bcur bye ba'i zhing song ste/ /bdud rtsi ma thob ston pa do mod 'tshang rgyar sgrog /byang chub kyi snying por bkod pa'i le'u zhes bya ba ste/ nyi shu pa'o// //dge slong dag /de ltar byang chub sems dpa' la mchod pa'i las kyi phyir byang chub sems dpa' dag gis byang chub kyi snying por bkod pa rnam pa de lta bu de dag mngon par
242a2 byas par gyur to/ /byang chub sems dpa' nyid kyis kyang phyogs bcu dag gi sangs rgyas bcom ldan 'das 'das pa dang / ma byon pa dang / da ltar byung ba rnams kyi sangs
242a3 rgyas kyi zhing thams cad na byang chub kyi snying po'i rgyan bkod pa ji snyed cig yod pa de dag thams cad byang chub kyi snying po der kun tu bstan to/ /dge slong dag /de nas
242a4 byang chub sems dpa' byang chub kyi snying po la 'dug nas 'di snyam du sems te/ 'dod pa'i khams 'di'i bdag po dbang phyug dbang sgyur ba bdud sdig can de la
242a5 bdag gis ma sbran par bdag bla na med pa yang dag par rdzogs pa'i byang chub mngon par rdzogs par 'tshang rgya ba de na bdag gi mi cha'i/ bdag gis bdud
242a6 sdig can bskul bar bya'o/ /de las rnam par rgyal na 'dod pa na spyod pa'i lha la sogs pa thams cad char bcad par 'gyur ro/ /'on tang bdud kyi 'khor
242b1 na bdud kyi ris kyi lha'i bu sngon dge ba'i rtsa ba bskyed pa 'khod pa dag gis nga'i seng+ge rnam par rol pa mthong na/ bla na med pa yang dag par rdzogs pa'i byang chub tu sems
242b2 bskyed par 'gyur ro snyam mo/ /dge slong dag/ de nas byang chub sems dpas de ltar bsam nas de'i tshe smin mtshams kyi bar gyi mdzod spu nas bdud kyi dkyil
242b3 'khor thams cad 'joms par byed pa zhes bya ba'i 'od zer gcig phyung ste/ 'od zer des stong gsum gyi stong chen po'i 'jig rten gyi khams 'di thams cad kyi bdud
242b4 kyi gnas thams cad snang bar byas nas mog mog por byas te rab tu g.yos par byas par yang gyur to/ /stong gsum gyi stong chen po'i 'jig rten gyi khams 'di thams cad kyang
242b5 snang ba chen pos yongs su khyab par gyur to/ /bdud sdig can gyis 'od de las rnam pa 'di lta bu'i sgra 'di'ang thos so/ /sems can shin tu dag pa bskal mang spyod spyad
242b6 pa| |zas gtsang sras pos rgyal srid dag ni rab spangs te/ /phan byed de ni bdud rtsi mngon par 'dod pas byung / /byang chub shing drung 'ongs kyi de ring sgrim pa gyis/ /de ni bdag
242b7 kyang rgal la gzhan yang sgrol bar byed/ /de ni bdag nyid grol bas gzhan yang grol bar byed/ /de ni bdag kyang dbugs phyin gzhan dag dbugs kyang 'byin/ /yongs su
243a1 mya ngan 'das nas gzhan dag mya ngan zlo/ /ngan song gsum po ma lus stong par byed par 'gyur/ /lha mi rnams kyi grong khyer gang bar byed par 'gyur/ /phan pa
243a2 byed pa de ni bdud rtsi thob gyur nas/ /bsam gtan mngon shes bdud rtsi bde mchog sbyin par 'gyur/ /gang tshe rang byung nyid kyis chos char mngon phab tshe/ /nag po'i rtsa lag khyod
243a3 kyi grong khyer stongs byed 'gyur/ /stobs med pas kyang stobs med 'gyur te dpung nyams 'gyur/ /phyogs ni phyogs min ci bya gar 'gro shes mi 'gyur/ /dge slong dag /de ltar
243a4 bdud sdig can skul ba'i tshigs su bcad pa 'di dag gis bskul nas rmi lam rnam pa sum cu rtsa gnyis rmis so/ /rnam pa sum cu rtsa gnyis gang zhe na/ 'di lta ste/ bdag gi gnas
243a5 mun pas khyab par rmis pa dang / rang gi gnas rdul gyis gang zhing gyo mo dang gseg mas gang bar rmis pa dang / bdag nyid dngangs skrag nas phyogs phyogs su 'bros par rmis pa
243a6 dang / bdag cod pan dang bral zhing rna cha lhung bar rmis pa dang / bdag mchu dang / gre ba dang / rkan bskams par rmis pa dang / bdag snying kun tu gdungs par rmis pa dang / skyed
243a7 mos tshal gyi lo ma dang / me tog dang / 'bras bu rnams rnyis par rmis pa dang / rdzing rnams bskams te chu med par rmis pa dang / ngang pa dang / khrung khrung dang / rma bya dang / ka la
243b1 ping+ka dang / ku na la dang / shang shang te'u la sogs pa bya'i tshogs rnams 'dab gshog zegs par rmis pa dang / rnga dang / dung dang / rdza rnga dang / 'khar rnga dang / rgyud gcig pa dang / pi
243b2 wang dang / rgyud gsum pa dang / pheg dang / 'khar ba'i sil khrol la sogs pa rol mo'i cha byad rnams chag grugs te sa la lhung bar rmis pa dang / 'khor sdug pas kyang bdud spangs te ngo
243b3 'dzum gang cing phyogs gcig tu dong nas sems shing 'khod par rmis pa dang / chung ma'i dam pa phreng ba can yang mal nas sa la lhung ste lag pa gnyis mgo la rdeb par rmis pa dang
243b4 bdud kyi bu gang dag shin tu brtson 'grus dang ldan pa dang / shin tu stobs dang ldan pa dang / shin tu gzi brjid dang ldan pa dang / shin tu shes rab dang ldan pa de dag kyang byang chub
243b5 sems dpa' byang chub kyi snying po mchog dam pa la 'dug pa la phyag 'tshal bar rmis pa dang / bdag gi bu mo rnams kyang kyi hud yab/ kyi hud yab ces cho nga 'don par rmis pa dang /
243b6 bdag lus la gos dri ma can gyon par rmis pa dang / bdag mgo rdul gyis gang la skya bo bseng bseng po dang / nyam chung ba dang / mdangs nyams par rmis pa dang / bsil khang dang / khang pa
243b7 brtsegs pa dang / skar khung dang / rta babs rnams kyang rdul gyis gang nas rdib par rmis pa dang / de'i sde dpon gnod sbyin dang / srin po dang / grul bum dang / dri za'i bdag po gang yin pa de
244a1 dag thams cad kyang om tshugs bcas te ngu zhing tsho nges btab nas byer bar rmis pa dang / 'dod pa na spyod pa'i lha rnams kyi lha'i bdag po 'di lta ste/ yul
244a2 'khor srung dang / 'phags skyes po dang / mig mi bzang dang / rnam thos kyi bu dang / brgya byin dang / rab 'thab bral dang / yongs su dga' ldan dang / rab 'phrul dang / dbang sgyur la
244a3 sogs pa gang yin pa de dag thams cad kyang bdud la mi gus shing byang chub sems dpa' la phyogs par rmis pa dang / 'thab mo'i nang na de'i ral gri shubs nas ma phyin cing bdag mi
244a4 shis pa'i sgra 'byin par rmis pa dang / rang gi 'khor gyis bdag por bar rmis pa dang / bkra shis kyi bum pa sgor lhung bar rmis pa dang / bram ze mes byin gyi bu'ang bkra mi shis pa'i sgra
244a5 sgrog par rmis pa dang / sgo ba kun tu dga' byed kyang kun tu mi dga' ba'i sgra sgrog par rmis pa dang / nam mkha'i dkyil mun pas khebs par rmis pa dang / 'dod pa'i gnas na gnas
244a6 pa'i dpal yang ngu bar rmis pa dang / bdag gi dbang yang dbang med par gyur par rmis pa dang / rang gi phyogs kyang phyogs ma yin par rmis pa dang / nor bu dang mu tig gi dra ba rnams kyang
244a7 chad cing rnam par chad nas 'khrul bar rmis pa dang / bdud kyi gnas thams cad kyang rab tu g.yos par rmis pa dang / shing rnams kyang bcad cing pa gam yang lhung bar rmis pa dang /
244b1 bdud kyi sde bkod pa thams cad kyang kha sbub tu 'gyel bar rmis pa ste/ dge slong dag /de ltar bdud sdig can gyi rmi lam du rnam pa sum cu rtsa gnyis po 'di lta bu rmis so/ /de sad pa dang /
244b2 'jigs skrag dngangs nas nang mi thams cad bsags te/ dpung dang bcas pa dang / 'khor dang / sde dpon dang / sgo ba dang / de dag 'dus par rig nas tshigs su bcad pa 'di dag smras so/ /
244b3 bdud des rmi lam de dag mthong nas nyam thag ste/ /sde dpon bdud po seng+ge za 'gram zhes bya dang / /bu rnams dag dang 'khor rnams gang dag yin la smras/ /nag po'i rtsa lag de dag kun la
244b4 yongs su dris/ /shAkya'i nang du skyes pa mtshan mchog yan lag spras/ /lo drug bar du bya dka' brtul zhugs drag po spyad/ /byang chub shing drung 'ongs kyi rab tu sgrims shig ces/ /
244b5 mdang sum bar snang las ni tshigs bcad de skad grags/ /byang chub sems dpa' de nyid rnam par sangs rgyas nas/ /sems can bye ba khrag khrig mang po rnams rtogs byed/ /gang tshe bdud
244b6 rtsi thob ste bsil ba'i dngos reg tshe/ /des ni nga gnas ma lus stongs par byed par 'gyur/ /dpung chen rnams dang lhan cig der ni rab dong la/ /shing dbang drung 'dug dge sbyong gcig de
244b7 gzhom par bya/ /yan lag bzhi pa'i sde rnams myur du rab tu sgrims/ /gal te nga la sdug sems phyi ba shol ma byed cig /dgra bcom rang sangs rgyas kyis 'jig rten gang gyur kyang / /mya
245a1 ngan 'da' bas bdag dpung nyam chung yong mi 'gyur/ /de yang gcig pu rgyal ba chos rgyal gyur na ni/ /bgrang las 'das pa'i rgyal ba'i rigs ni gzhar mi 'chad/
245a2 dge slong dag /de nas bdud kyi bu ded dpon zhes bya bas bdud sdig can de la tshigs su bcad de smras pa/ yab cig ci nongs zhal gyur cing ni zhal mdog nyams/ /thugs kyang 'phar la
245a3 khyod kyi yan lag nying lag 'dar/ /khyod kyis ci gsan ci gzigs myur du bka' stsol cig /yang dag bsam nas de bzhin sbyar ba 'tshal bar bgyi/ /nga rgyal med bdud smras pa bu
245a4 gcig nga las nyon/ /ngas ni sdig pa'i rmi lam shin tu mi bzad rmis/ /de ring 'khor 'dir de kun ma lus smras na ni/ /khyed rnams brgyal te sa la rab tu 'gyel bar 'gyur/ /ded
245a5 dpon gyis smras pa/ gal te 'thab dus bab ste rgyal na nongs ma mchis/ /gal te de ring bcom par gyur na nongs dang bcas/ /gal te khyed kyi rmi lam de 'dra'i ltas lags na/ /bzhag
245a6 na dge ste g.yul ngor yongs su bstang mi 'gyur/ /bdud kyis smras pa/ brtsal ba grub pa'i skyes bu g.yul ngor grags par 'gyur/ /gal te brtan la brten te legs byas bdag
245a7 cag rgyal/ /kho bo 'khor dang bcas pa mthong nas langs nas su/ /kho bo'i rkang par mgos phyag mi 'tshal des mi nus/ /ded dpon gyis smras pa/ rgya chen dpung mdog kyang ni shin tu
245b1 mthu chung ste/ /stobs ldan dpa' bo gcig pu mchis na g.yul las rgyal/ /gal te srin bu me khyer stong gsum gang gyur kyang / /nyi ma gcig pus zil du brlag ste 'od mi bgyid/ /gzhan yang gang
245b2 la nga rgyal gti mug mchis la dpyod ma mchis/ /mkhas dang mi mthun bgyid pa de ni gso mi nus/ /dge slong dag /de ltar bdud sdig can gyis ded dpon gyi tshig ma mnyan nas yan lag bzhi
245b3 pa'i dpung chen po stobs che ba/ 'thab mo la dpa' ba/ 'jigs su rung ba/ spu zing zhes byed nus pa/ lha dang mi rnams kyis sngon ma mthong ma thos pa/ bzhin bsgyur ba rnam pa mang po bye ba
245b4 khrag khrig brgya stong du ma bsgyur ba'i rnam pa dang ldan pa/ rkang lag sprul brgya stong gis dkris pa dang ldan pa/ ral gri dang / mda' gzhu dang / mdung thung dang / mda' bo che dang / sta re
245b5 dang / rtse gsum kha gdeng dang / bong ba dang / gtun shing dang / be con dang / zhags pa dang / dbyug to dang / 'khor lo dang / rdo rje dang / rdo rje rtse gcig pa thogs pa/ lus la go cha bzang
245b6 po bgos pa/ mgo dang / rkang lag dang / mig log par 'dug pa/ mgo dang / mig dang / gdong 'bar ba/ lto dang rkang lag dbyibs mi sdug pa/ bzhin gzi brjid drag po dang ldan pa/ shin
245b7 tu bzhin bsgyur cing so gtsigs pa/ 'jigs su rung bar mche ba gtsigs pa/ lce stug cing zheng mche ba mang po 'phyang ba/ lce 'bar 'bur can re lde dang 'dra ba/ mig me dang sbrul nag po dug
246a1 gis rgyas pa'i mig ltar dmar ba dag khar bcug ste/ de la kha cig ni sbrul gdug skyug pa/ kha cig ni nam mkha' lding gis rgya mtsho nas phyung ba bzhin du
246a2 lag mthil du sbrul gdug pa bzhag ste za/ kha cig ni mi'i sha dang / khrag dang / rkang lag dang / mgo dang / mkhal ma dang / nang khrol dang / ngan skyug la sogs pa za/ kha cig ni gzugs
246a3 sngo bsangs dang / kham pa po dang / sngon po dang / dmar po dang / ser por 'dug ste/ 'jigs su rung ba'i gzugs sna tshogs can/ kha cig ni mig zhig pa dang / mig khron pa lta bu
246a4 dang / mig phyung ba lta bu dang / mig 'bar ba dang / mig bzur ba/ mi sdug pa/ kha cig ni mig log pa dang / 'bar ba dang / mi sdug pa/ kha cig ni ri 'bar ba thogs te 'gyid
246a5 zhing ri gzhan la zhon te 'ong / kha cig ni shing rtsa thon byas te byang chub sems dpa' logs su rgyug cing 'ong / kha cig gi rna ba ni phag rna lta bu dang / zhib ma lta bu dang / glang po'i rna
246a6 ba lta bu dang / 'phyang ba dang / phag rna lta bur 'dug pa/ kha cig ni rna ba med pa/ kha cig ni keng rus mang po sprul nas lus ring zhing gsus pa che la sna zhom pa/ gsus pa bum pa lta
246a7 bur 'dug pa/ rkang pa mgo'i thod pa ltar 'dug pa/ pags pa dang / sha dang khrag bskams pa/ rna ba dang / sna dang / rkang lag dang / mig dang / mgo bcad pa/ kha cig ni khrag
246b1 'thung 'dod pas gcig la gcig mgo gcod pa/ kha cig ni sgra sha sha po dang / sgra mi snyan pa dang / 'jigs su rung ba dang / sgra rtsub pa dang ldan pa/ hu hu zhes bya ba dang / ma tshi zhes bya ba dang /
246b2 hu lu hu lu zhes bya ba'i sgra 'byin pa dang / sbyug pa len pa dang / dge sbyong gau ta ma 'di shing dang bcas te 'on cig ces zer ba dang / 'or cig ces zer ba dang / rgyob cig ces zer ba dang / rab
246b3 tu rgyob cig ces zer ba dang / chings shig ces zer ba dang / zungs shig ces zer ba dang / chod cig ces zer ba dang / gtubs shig ces zer ba dang / gtogs shig ces zer ba dang /
246b4 bab bab tu 'or cig ces zer ba dag go /kha cig ni wa dang / ce spyang dang / phag dang / bong bu dang / ba lang dang / glang po che dang / rta dang / rnga mo dang / rkyang dang / ma he dang / ri bong dang /
246b5 g.yag dang / bse dang / ri dwags ldang sko ska la sogs pa'i kha gdong sna tshogs 'jigs su rung ba/ dngangs par byed pa/ mi sdug pa dang ldan pa dag go /kha cig ni seng+ge dang / stag dang / phag
246b6 rgod dang / dred dang / spre'u dang / gzig dang / byi la dang / ra dang / lug dang / sbrul dang / ne'u le dang / nya dang / chu srin dang / chu srin byis pa gsod dang / rus sbal dang / bya rog dang / bya rgod dang /
246b7 'ug pa dang / nam mkha' lding lta bu'i lus dang ldan pa dag go /kha cig ni gzugs mi sdug pa dag go /kha cig ni mgo gcig pa dang / mgo gnyis pa nas mgo brgya stong gi bar dang ldan
247a1 pa dag go /kha cig ni mgo med pa'o/ /kha cig ni lag pa gcig pa nas lag pa brgya stong gi bar dang ldan pa dag go /kha cig ni lag pa med pa dag go /kha cig
247a2 ni rkang pa gcig pa nas rkang pa brgya stong gi bar dang ldan pa dag go /kha cig ni rkang pa med pa dag go/ kha cig ni rna ba dang / kha dang / sna dang / mig dang / lte ba'i bung bu nas sbrul gdug
247a3 pa 'byin to/ /kha cig ni ral gri dang / mda' gzhu dang / mdung thung dang / rtse gsum kha gdeng dang / dgra sta dang / 'khor lo dang / mda' bo che dang / rdo rje rtse gcig pa dang / rdo rje dang / bong
247a4 ba dang / mtshon rtse gcig pa la sogs pa mtshon cha sna tshogs gser zhing gar byed la/ byang chub sems dpa' la sdigs mo byed do/ /kha cig ni mi'i sor mo bcad nas phreng bar brgyus te
247a5 thogs so/ /kha cig ni/ keng rus dang / thod pa dang / phreng ba lta bur brgyus te thogs so/ /kha cig ni lus sbrul gdug pas dkris so/ /kha cig ni mgo la zhugs ling me can thogs te
247a6 glang po dang / rta dang / rnga mo dang / ba lang dang / bong bu dang / ma he la zhon no/ /kha cig ni spyi'u tshugs su 'dug la khab lta bu'i spu can dag go /kha cig ni ba lang dang / bong bu dang / phag rgod
247a7 dang / ne'u le dang / ra dang / lug dang / byi la dang / spre'u dang / spyang gi dang / ce spyang gi spu lta bu dang ldan la/ sbrul gdug pa skyug cing lcags kyi thu lum mid pa dang / me 'byin pa dang /
247b1 lcags dang / zangs 'bar ba'i char 'bebs pa dang / lce 'bebs pa dang / rdo rje'i lce 'bebs pa dang / lcags kyi bye ma chen po'i char 'bebs pa dang / sprin nag po bsdus te rlung gi char
247b2 'bebs pa dang / mda'i sprin bsdus te char du 'bebs pa dang / mun nag ston pa dang / sgra 'byin cing byang chub sems dpa' logs su rgyug pa dag go/ kha cig ni zhags pa
247b3 bskor ba dang / ri chen po snyil bar byed pa dang / rgya mtsho chen po 'khrug par byed pa dang / ri chen po las mchong ba dang / ri'i rgyal po lhun po sgul ba dang / rgyug pa dang / 'bros pa
247b4 dang / yan lag dang / nying lag 'thor ba dang / lus bskor ba dang / gad mo cher rgod pa dang / brang rdung ba dang / brang la rdeb pa dang / mgo gsig pa dang / mgo 'bar zhing skra gyen du
247b5 'greng ba dang / phan tshun shugs phyung zhing rgyug cing wa'i mig lta bus byang chub sems dpa' la 'jigs par byed do/ /bud med rgan mo dag kyang du zhing byang chub sems dpa'i gan
247b6 du lhags te 'di skad du/ kyi hud bu/ kyi hud nga'i bu/ longs shig/ longs la myur du bros shig ces 'dzer to/ /srin mo'i gzugs dang / sha za mo'i gzugs dang / yi dwags long ba/
247b7 'theng bo/ rke ba/ bkres pas rid pa/ lag pa bsgreng ba/ kha gcus bdag kyang du zhing 'jigs pa ston te/ dngangs par byed cing byang chub sems dpa'i mdun na rgyug go/ bdud kyi dpung 'dus pa
248a1 pa rnam pa de lta bu des dpag tshad brgyad cu kho ra khor yug tu gang bar gyur to/ /bdud gcig gi ji lta ba de bzhin du stong gsum gyi stong chen po bye ba phrag brgyar
248a2 gtogs ba'i bdud sdig can rnams kyi dpung dag gis thad ka dang / steng gang bar gyur to/ /de la 'di skad ces bya ste/ gnod sbyin grul bum lto 'phye chen po'i gzugs/ /srin po yi
248a3 dwags sha za'i gzugs dang bcas/ /'jig rten mi sdug drag gzugs ji snyed pa/ /thams cad sgyu yis deng ni sprul pa byas/ /mgo gcig mgo gnyis mgo gsum ldan pa nas/ /mgo
248a4 stong bar du ldan bzhin gnod sbyin mang / /lag gcig lag gnyis lag gsum ldan pa nas/ /lag stong bar du ldan pa rab tu mang / /rkang gcig rkang gnyis rkang gsum ldan pa nas/ /rkang
248a5 stong bar du ldan pa gzhan yang mang / kha bzhin sngo la lus ni ser ba dang / /kha bzhin ser la lus ni sngo ba dang / /kha bzhin dkar la lus ni nag pa dang / kha bzhin nag la lus ni
248a6 dkar ba dang / /kha bzhin gzhan la lus kyang gzhan pa dang / /de 'dra'i phyag brnyan dag gi dpung rnams lhags/ /stag dang sbrul dang phag gi gdong can dang / /glang po rta dang bong bu rnga mo'i
248a7 gdong / /spre'u dang seng+ge dred kyi gdong can dang / /de 'dra'i kha gdong ldan pa'i dpung rnams lhags/ /ral pa brdzes la 'jigs pa'i gnod sbyin mang / /lug mgo rus pa 'bar 'bur
248b1 lba ba can/ /lus ni mi yi khrag gis rab tu sbags/ /gnod sbyin de 'dra ba dag der yang lhags/ /rkang pa dag ni dgo ba'i rkang pa 'dra/ /mig gi 'bras bu spre'u'i mig dang mtshungs/ /mche ba dag ni glang
248b2 po'i mche ba 'dra/ /kha gdong de 'dra'i dpung rnams der yang lhags/ /lus kyi dbyibs ni chu srin 'dra ba ste/ /mig gi 'bras bu gnyis ni rab tu 'bar/ /rna ba dag ni ra yi rna ba 'dra/ /kha gdong de
248b3 'dra'i dpung rnams der yang lhags/ /kha cig dag ni lag na dbyug pa thogs/ /thob mdung thung rtse gsum lag na thogs/ /kha cig ri bo lhun po lag na thogs/ /'jigs su rung ba'i gzugs can
248b4 gnod sbyin lhags/ /gshol thogs 'khor lo thogs shing mig bsgyur cing / /ri rtse chen po lag na thogs pa dang / /rlung dang rdo dang gnam lcags rab 'bebs shing / /gnod sbyin 'jigs su
248b5 rung ba der yang lhags/ /rlung ni rab tu gtong zhing char yang 'bebs/ /brgya phrag stong gi glog kyang rab tu 'byin/ /'brug gi sgra yang sgrog cing shing ljon sgyel/ /byang chub shing gi lo ma tsam mi
248b6 g.yo| |char pa rab tu 'bebs shing rlung yang gtong / /chu bo 'bebs shing chu yis sa yang gang / /de ltar 'jigs su rung ba mtshan mo byung / /de yi nub mo sems med shing yang sgyel/ /
248b7 thams cad dbyibs mi sdug cing gzugs mi sdug /'jigs pa'i gzugs ldan de dag mthong nas kyang / /yon tan mtshan dang gzi brjid ldan pa po/ /lhun po lta bur sems ni g.yo ba med/ /
249a1 sgyu ma 'dra zhing rmi lam mtshungs pa dang / /sprin dang 'dra bar chos rnams kun la rtog /de ltar chos kyi tshul la rtog pas na/ /legs gnas bsam gtan byed
249a2 cing chos la gnas/ /gang zhig nga dang nga yi snyam sems shing / /dngos dang lus la yang dag mngon zhen pa/ /mi mkhas 'dzin par gnas des mthong nas ni/ /'jigs par gyur
249a3 cing bdag kyang rab tu myos/ /shAkya'i sras pos chos rnams brten byung ba/ /dngos po med pa'i ngo bo nyid du rtogs/ /nam mkha' lta bu'i sems dang rab tu ldan/ /dpung bcas g.yo sgyu
249a4 mthong yang myos pa med/ /dge slong dag /de ltar bdud sdig can gyi bu stong po de dag gi nang nas ded dpon la sogs pa bdud kyi bu gang dag byang chub sems dpa' la mngon par dad
249a5 pa de dag ni bdud kyi g.yas rol tu 'khod par gyur to/ /gang dag bdud kyi phyogs byed pa de dag ni bdud sdig can gyi g.yon rol tu 'khod par gyur to/ /de nas bdud sdig can gyis
249a6 rang gi bu de dag la smras pa/ yu bu cag ci 'dra ba'i dpung gis byang chub sems dpa' gdul bar bya/ /de na g.yas rol nas bdud kyi bu ded dpon zhes bya bas pha la tshigs su bcad de
249a7 smras pa| klu yi dbang po gnyid log slong 'dod dang / /glang po'i dbang po gnyid log slong 'dod dang / /ri dwags rgyal po gnyid log slong 'dod pa/ /de ni mi dbang legs gnas slong
249b1 bar 'dod/ /g.yon rol nas bdud kyi bu blo gros ngan pa zhes bya ba des 'di skad ces smras so/ /bltas pa tsam gyis snying yang rab tu 'gas 'gyur la/ /'jig rten dag na snying po ldan
249b2 pa'i shing chen 'gas/ /bdag gis lta bas phog na 'gro ba 'chis phog ltar/ /'tsho bar 'gyur ba'i mthu ni de la ga la mchis/ /g.yas rol nas dbyangs snyan ces bya bas smras
249b3 pa| bltas pa tsam gyis shing yang 'gas na mi rnams la/ /bdag sgrim ci dgos zhes smras snying po ga la yod/ /gal te bltas pas ri bo lhun po 'jig 'gyur yang / /de yi mdun du
249b4 khyod ni mig 'byed yong mi nus/ /gzhan yang mi gang rgya mtsho lag pa gnyis kyis rgal 'dod cing / /de yi chu yi brngubs te 'thung bar nus 'gyur gyi/ /de yi kha bzhin dri ma med la
249b5 mngon sum du/ /lta ba de ni de bas sdug bsngal che zhes smras/ /g.yon rol nas lag brgya pa zhes bya bas smras pa/ bdag gi lus 'di lag pa brgya mchis pa/ /gcig gis kyang ni
249b6 mda' brgya 'phangs bgyis te/ /dge sbyong de yi lus ni dbug par bgyi/ /yab cig bder 'gyur ma bshol khyod gshegs shig /g.yas rol nas blo bzang po zhes bya bas smras pa/ ba
249b7 spu rnams kyang ci phyir lag pa min/ /lag pa brgya dang khyad par ci zhig yod/ /lag pa re rer de ltar mdung yod kyang / /de dag gis kyang de la ci mi nus/ /ci'i phyir zhe na/ des ni 'jig rten
250a1 'das pa'i byams pa bsgoms/ /byams ldan thub pa de yi sku la ni/ /dug dang tshon dang me yis mi tshugs te/ /mtshon cha 'phangs pa thams cad me tog 'gyur//
250a2 gzhan yang mkha' dang sa dang chu la stobs ldan gang / /mi'am gnod sbyin ral gri dgra sta thogs/ /mi dbang bzod pa'i stobs ldan de drung phyin/ /stobs chen stobs ldan de kun
250a3 stobs chung 'gyur/ /g.yon rol nas gzi brjid drag shul can zhes bya bas smras pa/ bdag ni de yi lus bzang gi /khong du zhugs te bsreg par bgyi/ /'brog gi me ltar chung du
250a4 yis| |rkang dang bcas pa'i shing yang bskam/ /g.yas rol nas mi bzang gis smras pa/ khyod ni ri rab sa yi nang zhugs te/ /thams cad ma lus sreg par nus gyur kyang / /khyod
250a5 dang 'dra ba gang+gA'i bye snyed kyis/ /rdo rje'i thugs ldan de ni sreg mi nus/ /gzhan yang | ri bo thams cad 'gul yang srid/ /rgya mtsho chen po zad kyang srid/ /nyi zla sa la lhung yang srid/ /sa
250a6 ni zhu bar 'gyur yang srid/ /'jig rten don du rtsom mdzad pa/ /thugs dam nges par mdzad pa po/ /byang chub dam pa ma thob par/ /shing chen drung nas bzhengs mi srid/ /g.yon rol
250a7 nas lag ring gis bsgyings te smras pa/ khyod kyi gnas 'dir mchis bzhin du/ /bdag gi sug pas nyi ma dang / /zla ba skar ma rnams kyi gnas/ /thams cad rab tu mnye bar bgyi/ /
250b1 rgya mtsho chen po bzhi po las/ /tshul du shis par chab kyang blang / /yab cig dge sbyong de bzung ste/ /rgya mtsho'i pha rol dor bar bgyi/ /yab cig dpung 'di gzhag tu gsol/ /khyod ni thugs
250b2 ngan che ma mdzad/ /byang chub shing de drungs phyung ste/ /sug pas phyogs phyogs gtor bar bgyid/ /g.yas rol nas dad ba thob bas smras pa/ gal te khyod ni dregs bsgyings te/ /lha dang
250b3 lha min dri zar bcas/ /sa dang ri dang rgya mtshor bcas/ /de dag lag pas phyer rlog kyang / /khyod dang 'dra ba stong phrag ni/ /gang+gA'i bye ma snyed rnams kyis/ /byang chub sems dpa' shes rab
250b4 can| |de yi ba spu g.yo mi nus/ /g.yon rol nas 'jigs byed kyis smras pa/ dpung gi nang na bzhugs bzhin du/ /yab khyod ci slad rab tu bsnyengs/ /de la dpung grogs ga la mchis
250b5 ci slad khyod 'dir de la bsnyengs/ /g.yas rol nas blo gros rtse gcig gis smras pa/ 'jig rten dag na nyi zla dpung ma mchis/ /'khor los bsgyur dang seng+ge dpung ma mchis/ /byang chub
250b6 sems dpa' 'di ni dpung ma mchis/ /'on kyang gcig pus bdud ni gzhom par spyod/ /g.yon rol nas glags ltas smras pa/ mdung thung rtse gsum dbyug to ral gri rta/ /glang
250b7 po shing rta rkang thang ma mchis pa/ /dge sbyong gcig pu mchis ba de bdag gis/ /do mod dgum gyi cung zad ma bsnyengs yab/ /g.yas rol nas bsod nams brgyan gyis smras
251a1 smras pa| sred med bu ltar mi phyed mi shigs sku dang ldan/ /bzod stobs go mnabs brtson 'grus brtan pa'i ral gri mda'/ /rnam par thar gsum bzhon pa
251a2 shes rab gzhu lags yab/ /bsod nams stobs kyis de ni bdud kyi dpung las rgyal/ /g.yon rol nas phyir mi ldog pas smras pa/ 'brog me rtswa la tshig pa phyir mi ldog /lobs
251a3 pas 'phangs pa'i mda' yang phyir mi ldog /mkha' las rdo rje 'bab par phyir mi ldog /shAkya'i bu las ma rgyal bdag gnas med/ /g.yas rol nas chos 'dod kyis smras pa/
251a4 gsher ba'i rtswa dang phrad na me yang ldog /brag gi rtse mor bab na mda' yang ldog /rdo rje sar bab de nas gang du 'gro/ zhi pa bdud rtsi ma thob de mi ldog /ci'i phyir zhe na/ yab cig bar
251a5 snang la ni ri mo bri bar nus kyang gda'/ /sems can ji snyed kun gyi sems ni gcig bsdur nus kyang gda'/ /yab cig nyi zla rlung ni zhags pas bcing du nus kyang gda'/ /byang
251a6 chub sems dpa' byang chub snying po las ni bskyod mi nus/ /g.yon rol nas nye bar ma zhi bas smras pa/ lta ba'i gdug pa chen pos lhun po bsreg par bgyi/ /rgya mtsho chen po
251a7 rnams kyi chab kyang thal bar bgyi/ /bdag gis do mod de gnyis thal bar brlag par bgyi/ /yab cig byang chub dang ni dge sbyong gzigs su gsol/ /g.yas rol nas don grub
251b1 kyis smras pa/ gal te dug gis 'di kun gang gyur la/ /stong gsum dam pa rab tu 'bar gyur kyang / /yon tan 'byung gnas kyis ni gzigs tsam gyis/ /dug ni dug ma yin par
251b2 rab tu 'gyur/ /srid pa gsum na gdug pa drag po ni/ /'dod chags zhe sdang de bzhin gti mug ste/ /de dag de yi sku dang thugs la med/ /mkha' la rdzab dang rdul ni med pa bzhin/ /
251b3 sku dang gsung dang thugs kyang rab tu dag /sems can kun la byams pa'i thugs dang ldan/ /de la mtshon dang dug gis yong mi tshugs/ /de bas yab cig thams cad bzlog tu
251b4 gsol| |g.yon rol nas dga' ba chags pas smras pa/ bdag gis sil snyan stong dag rab bgyis te/ /lha yi bu mo brgyan pa bye stong gis/ /chags par bgyis te grong khyer
251b5 mchog tu bkri/ /'dod la dga' bar khyod kyi dbang du bgyi/ /g.yas rol nas chos dgas smras pa/ de 'dir rtag tu chos la dgyes pas dgyes/ /bsam gtan dgyes shing bdud rtsi
251b6 don la dgyes/ /sems can thar par mdzad dang byams la dgyes/ /'dod chags dga' la de ni dgyes mi mdzad/ /g.yon rol nas rlung gi shugs zhes bya bas smras pa/ bdag gi
251b7 shugs kyis nyi zla mid bgyis la/ /nam mkha' las ni rlung yang rab btang zhing / /yab cig do mod dge sbyong bzung nas ni/ /rlung gis phub ma bzhin du gtor bar bgyi/ /g.yas rol nas
252a1 bdud kyi bu blo gros mi g.yo ba zhes bya ba des 'di skad ces smras so/ /ji ltar khyod kyi shugs mgyogs drag pa ltar/ /gal te lha dang mi rnams de 'drar 'gyur/ /
252a2 de dag thams cad gcig tu 'dus pas kyang / /zla med gang zag de la gnod mi nus/ /g.yon rol nas tshangs pa'i blo gros kyis smras pa/ de 'dra'i drag po phal cher gyur kyang ni/ /khyod
252a3 kyi nga rgyal cung zad 'joms mi nus/ /bgyi ba thams cad mang pos 'grub lags na/ /gcig pus khyod la ci bgyi smos ci 'tshal/ /g.yas rol nas seng+ge'i blo gros kyis smras pa/
252a4 sa la seng+ge khyus 'khod sngon ma byung / /lta ba'i gdug pa dag kyang khyus mi 'khod/ /gzi ldan bden pa pha rol gnon pa po/ /skyes bu khyu mchog rnams kyang khyus mi 'khod/ /g.yon
252a5 rol nas thams cad du gdol ba zhes bya bas smras pa/ ji ltar khyod kyi sras po brtson 'grus dang / /shugs dang stobs dang ldan pa sgra sgrog pa/ /tshig 'bar de 'dra yab kyis sngon
252a6 gsan tam/ /myur du dge sbyong de ni gzhom du bzhud/ /g.yas rol nas seng+ge sgra sgrog ces bya bas smras pa/ nags tshal dag gi khrod na wa mang pos/ /seng+ge med pa de na sgra yang sgrog /
252a7 seng+ges sgra bsgrags 'jigs pa thos pa dang / /skrag nas phyogs phyogs dag tu rab tu 'bros/ /de ltar bdud bu mi mkhas 'di dag kyang / /mi mchog gsung ni ma thos de bar du/ /
252b1 de dag spyi rtol byed cing byung rgyal smra/ /mi yi seng+ges gsung bsgrags 'bros par 'gyur/ /g.yon rol nas nyes par bsam pa sems pas smras pa/ bdag gis gang bsam myur du 'dir
252b2 'grub na/ /de ni ci slad dpung tshogs 'di mi lta/ /gang phyir langs te myur du mi 'bros pas/ /de ni glen pa cho ga ma 'tshal ba/ /g.yas rol nas don legs par bsam pa sems pa zhes
252b3 bya bas smras pa/ de ni mi glen pha rol gnon pa ste/ /khyed cag glen zhing shin tu ma bsdams pa/ /khyed kyis de yi mthu rtsal yong mi shes/ /de yi shes rab stobs kyis thams cad pham/ /
252b4 bdud kyi bu ni gang+gA'i bye ma snyed/ /khyed cag rnams kyis de 'dra'i mthu rtsal can/ /de yi ba spu gcig kyang g.yo mi nus/ /gsad par bsam pa mi 'grub smos ci dgos/ /khyod ni de la
252b5 yid kyis gnod me sems/ /gus dang bcas bar dad pa'i sems su gyis/ /'di ni srid gsum rgyal por gyur pas na/ /'thab mo ma byed par ni slar log cig /de bzhin du
252b6 sbyar te de ltar bdud kyi bu dkar po'i phyogs pa dang / nag po'i phyogs pa stong du tshang ba de dag thams cad kyis so so nas bdud sdig can la tshigs su bcad de smras so/ /de nas
252b7 bdud sdig can gyis sde dpon sde bzang po zhes bya ba des bdud sdig can la tshigs su bcad de smras pa/ gang dag khyod kyi rjes 'brang brgya byin dang / /skyong dang mi 'am ci yi tshogs
253a1 rnams dang / /lha min dbang dang mkha' lding dbang po rnams/ /thal mo sbyar te de la phyag 'tshal na/ /khyod kyi rjes su 'brang ba ma lags pa/ /tshangs pa 'od gsal
253a2 lha yi bu rnams dang / /gnas gtsang ris kyi lha rnams de dag kun/ /de la phyag 'tshal ba ni smos ci 'tshal/ /khyod kyi sras po shes rab can/ /stobs dang ldan zhing yid gzhungs pa/ /de
253a3 dag byang chub sems dpa' la/ /snying dang mthun gyur phyag 'tshal lo/ /dpag tshad brgyad cur khyab pa yi/ /gnod sbyin la sogs bdud dpung 'di/ /phal cher rab tu dang yid kyis/ /
253a4 kun kyang nyes pa med la lha/ /'jigs su rung zhing drag bsgyur ba/ /dpung tshogs mi bzad 'di gzigs nas/ /ngo mtshar ma gyur zhum mi mnga'/ /nges par do mod 'di rgyal 'gyur/ /
253a5 gang na dpung 'di gnas pa der/ /wa dang 'ug pa sgra 'byin la/ /bya rog bong bu sgra 'byin pas/ /myur du slar ni ldog pa'i rigs/ /byang chub snying por gzigs su gsol/ /pa ta kun
253a6 ta ngang pa dang / /khu byug rma bya mngon bskor bas/ /nges par do mod 'di rgyal 'gyur/ /gang na dpung 'di gnas pa der/ /rdul dang snag tsha'i char 'bab la/ /sa dkyil me tog char
253a7 'bab pas/ /bdag gi tshig bzhin ldog pa'i rigs/ /gang na dpung 'di gnas pa de/ /gshang gshang gyur cing tsher mas gang / /sa dkyil dri med gser gyur pas/ /shes rab can
253b1 dag ldog pa'i rigs/ /gal te mi 'dod sngar rmis pa'i/ /rmi lam de dag mngon sum 'gyur/ /drang srong rnams kyi yul brlag pa/ /de bzhin dpung 'di thal bar rlog /rgyal po 'gro ba drang
253b2 srong mchog /tshangs pas byin gyis khros byas pas/ /dan+da ka yi nags tshal tshig /lo mang zhig tu rtswa ma skyes/ /drang srong brtul zhugs spyod pa po/ /dka' thub ldan pa'i 'jig rten na//
253b3 ji snyed 'khod pa kun gyi mchog /'byung po kun la mi 'tshe 'di/ /gang gi lus la mtshan rab 'bar/ /khyim nas kyang ni byung ba der/ /nyon mongs pham byas 'tshang rgya zhes/ /khyod kyis
253b4 sngon chad ma gsan nam/ /rgyal sras rnams kyis mchod don du/ /'byor pa 'di 'dra 'di dag sprul/ /de bas nges par sems can mchog /sbyin sreg dam pa len par 'gyur/ /'di
253b5 yi mdzod spu dri med pa/ /bye ba khrag khrig zhing du mdzes/ /de yis bdag cag mog mog bgyis/ /bdud dpung des bcom gdon mi 'tshal/ /srid pa'i rtse gnas lha rnams kyis/ /de yi spyi gtsug
253b6 bltar mi nus/ /nges par gzhan gyis ma bstan par/ /thams cad mkhyen nyid thob par 'gyur/ /ji ltar lhun po khor yug dang / /nyi zla brgya byin tshangs pa dang / /shing ljon rnams dang
253b7 ri mchog kun/ /sa dkyil phyag 'tshal bgyid las na/ /bsod nams stobs can shes rab stobs/ /ye shes stobs can bzod pa'i stobs/ /brtson 'grus stobs dang ldan pa de//
254a1 bdud phyogs stobs med mdzad par nges/ /glang pos so ma btang snod dang / /seng+ges ji ltar wa bcom dang / /nyi mas srin bu me khyer ltar/ /bde bar gshegs
254a2 pas dpung bcom 'gyur/ /tshig de skad thos pa dang / bdud kyi bu gzhan zhig shin tu khros nas mig dmar por gyur te smras pa/ khyod ni gcig pu de yi bsngags pa dang / /shin tu
254a3 dpag tu med par rjod byed na/ /gcig pu des ni ci zhig bya bar nus/ /'jigs su rung ba'i dpung chen ma mthong ngam/ /de nas g.yas rol nas bdud kyi bu bdud rab tu 'joms pa zhes
254a4 bya bas smras pa/ 'jig rten nyi zla seng+ge dang / /'khor los sgyur la grogs byed med/ /byang chub bzhugs nas nges pa yi/ /byang chub sems dpa' grogs mi dgos/ /de nas byang
254a5 chub sems dpas bdud mthu chung bar bya ba'i phyir gang mthong bas bdag gi dpung byang chub sems dpa'i kha'i nang du zhugs so snyam du sems shing bdud bros par gyur pa dang / bros
254a6 nas kyang ci'ang ma yin no snyam nas yang slar log ste/ 'khor dang bcas pas mtshon cha rnam pa sna tshogs byang chub sems dpa'i steng du 'phen cing / ri rab tsam gyi ri de dag kyang byang
254a7 chub sems dpa'i steng du 'phangs pa dang / me tog gi bla bre dang / gzhal med khang du gyur te gnas pa dang / gang dag mig gdug pa dang / myur du gdug pa dang / dbugs gdug pa
254b1 rnams me lce gtor ba'i me'i dkyil 'khor de'ang byang chub sems dpa' la 'od kyi dkyil 'khor lta bur gnas par bya ba'i phyir pad+ma 'dab ma brgya pa rgyas pa lta bu'i bzhin bskyod do/ /de
254b2 nas yang byang chub sems dpas lag pa g.yas pas mgo la byugs pa dang / bdud kyis byang chub sems dpa'i lag na ral gri thogs par mthong nas lho phyogs su bros pa dang
254b3 ci'ang ma yin no snyam nas yang slar log go/ slar log nas kyang byang chub sems dpa'i steng du mtshon cha rnam pa sna tshogs ral gri dang / mda' gzhu dang / mdung thung dang / mda'
254b4 bo che dang / dgra sta dang / bong ba dang / gtun shing dang / rdo rje rtse gcig pa dang / dbyug to dang / 'khor lo dang / tho ba dang / shing drung phyung dang / pha bong dang / zhags pa dang / lcags
254b5 kyi thu lum shin tu 'jigs pa du ma 'phen te/ de dag kyang 'phangs ma thag tu me tog gi phreng ba dang / me tog gi bla brer gyur te gnas so/ /me tog sil mar yang gyur nas sa la 'thor
254b6 ba dang / phreng ba'i chun por yang 'phyang bas byang chub kyi shing brgyan par gyur to/ /byang chub sems dpa'i bkod pa 'byor ba de dag mthong nas bdud sdig can phrag dog dang / ser
254b7 snas sems la gnod de byang chub sems dpa' la smras pa/ kye rgyal bu gzhon nu/ bzhengs/ bzhengs/ rgyal srid la spyod cig /khyod kyi bsod nams de tsam gyis khyod kyis thar pa ga la 'thob
255a1 de nas byang chub sems dpas brtan la zab cing rgya che ba dang / 'jam zhing snyan pa'i tshig gis bdud sdig can la 'di skad ces smras so/ /sdig can khyod kyis
255a2 ni gtan pa med pa'i mchod sbyin gcig gis 'dod pa'i dbang phyug thob tu zad do/ /ngas ni mchod sbyin bye ba khrag khrig brgya stong phrag du mas gtan pa med pa'i mchod sbyin byas so/ /
255a3 lag pa dang / rkang pa dang / mig dang / mgo dag kyang bcad cing slong ba rnams la byin no/ /sems can rnams thar par bya ba'i phyir khyim dang / nor dang / 'bru dang / mal cha dang
255a4 gos dang / 'chag sa dang / skyed mos tshal rnam pa du ma dag kyang slong ba rnams la byin no/ /de nas bdud sdig can gyis tshigs su bcad de byang chub sems dpa' la slar smras
255a5 pa| sngon chad kho bos mchod sbyin kha na ma tho med/ /gtan pa med pa byas pa khyod 'dir dbang du yod/ /khyod la 'di na dpang po gang yang yod min pas/ /smras kyang phan pa ci
255a6 yod khyod ni pham par gyur/ /byang chub sems dpas smras pa/ sdig can/ sa 'di ni nga'i dpang yin no/ /de nas byang chub sems dpas bdud sdig can dang bdud kyi 'khor
255a7 la byams pa dang snying rje sngon du 'gro ba'i sems kyis khyab par byas nas seng+ge ltar mi 'jigs mi skrag la bag tsha ba med cing mi dman la ma khyab pa dang / ma 'khrugs pa dang /
255b1 ma brnyogs pa dang / 'jigs pa dang / spu zing zhes byed pa med par lag mthil na dung dang / rgyal mtshan dang / nya dang / bum pa dang / bkra shis ba dang / lcags kyu dang / 'khor lo'i
255b2 mtshan ma yod pa/ sor mo bar dra bas 'brel pa/ sen mo shin tu mdzes shing zangs kyi mdog ltar 'dug pas brgyan pa/ 'jam zhing mnyen la shin tu gzhon pa/ bskal pa dpag
255b3 tu med par dge ba'i rtsa ba'i tshogs bsags pas grub pa'i lag pa g.yas pas lus thams cad la byugs nas tshul du shis par sa la brdabs te de'i che tshigs su bcad pa
255b4 'di'ang smras so/ /sa 'di 'gro ba kun gyi gnas yin te/ /rgyu dang mi rgyu snyoms shing nye 'khon med/ /'di ni bdag gi dpang ste bdag rdzun med/ /'di la khyod ni bdag gi dpang
255b5 byos shig /byang chub sems dpas sa chen po 'di la reg ma thag tu rnam pa drug tu g.yos/ rab tu g.yos/ kun tu rab tu g.yos so/ /chem chem/ rab tu chem chem/ kun tu
255b6 rab tu chem chem mo/ /'di lta ste/ dper na/ yul ma ga d+ha'i brdab khar sgra 'byung zhing sgra rgyun ring ba de bzhin du sa chen po 'di'ang byang chub sems dpas lag pas bsnun ma
255b7 thag tu sgra byung zhing sgra rgyun ring du byung ngo / /'phags pa rgya tshar rol pa zhes bya ba theg pa chen po'i mdo/ bam po bcu bzhi pa/ de nas stong gsum gyi stong chen po'i 'jig rten gyi
256a1 khams 'di na sa'i lha mo brtan ma zhes bya ba sa'i lha mo'i 'khor bye ba phrag brgya dang ldan pa gang yin pa des sa chen po thams cad g.yos par byas nas byang
256a2 chub sems dpa' dang ha cang yang mi ring ba zhig tu sa brtol te te lus rgyan thams cad kyis brgyan pa phyed phyung nas byang chub sems dpa' ga la ba de logs su lus btud de thal
256a3 mo sbyar nas byang chub sems dpa' la 'di skad ces smras so/ /de de bzhin no/ /skyes bu chen po/ de de bzhin no/ /khyod kyis ji skad gsungs pa bzhin te/ 'di ni bdag la mngon
256a4 sum mo| |de lta lags mod kyi/ 'on gyis kyang bcom ldan 'das nyid lha dang bcas pa'i 'jig rten gyi dpang du gyur pa dang / tshad mar gyur pa dam pa lags so/ /sa'i
256a5 lha mo chen mo brtan mas de skad ces smras nas rnam pa du mar bdud sdig can gyi glags ni med par byas/ byang chub sems dpa' la ni bstod de/ rang gi mthu rnam pa
256a6 mang po brtan nas 'khor dang bcas te de nyid du mi snang bar gyur to/ /g.yon can dpung bcas sa sgra de thos nas/ /nags su seng+ges sgra bsgrags was thos dang / /bya rog rdo
256a7 'phangs mod la 'byer ba bzhin/ /dngangs skrag snying gas thams cad rab tu byer/ /de nas bdud sdig can sdug bsngal zhing yid mi bde ste/ yid ma rangs la skyengs bzhin
256b1 du brgyal gyi zil gyis non pas ma song la phyir yang ma log cing bros kyang ma bros te phyir bltas nas yang dpung rnams la smras pa/ khyed lhan cig 'dus te cung zad cig sdod cig /rnam
256b2 pa 'di lta bu'i sems can rin po che glo bur du chud mi gzan par kho bos rjes su 'chags pas 'di bslang bar nus sam mi nus sad par bya'o/ /de nas bdud sdig can gyis rang gi
256b3 bu mo rnams la smras pa/ bu mo/ khyed deng ste byang chub kyi snying por song la ci byang chub sems dpa' 'dod chags dang bcas pa'am/ 'on te 'dod chags med/ ci gti mug can nam/
256b4 'on te shes rab can/ ci ldongs pa zhig gam/ 'on te phyogs shes pa zhig gam/ 'on te dpung gnyen med pa zhig gam/ dman pa zhig gam/ brtan pa zhig yin pa bgoms shig /
256b5 tshig de thos nas lha'i bu mo da dag byang chub kyi snying po ga la ba dang / byang chub sems dpa' ga la ba der song ste phyin nas byang chub sems dpa'i mdun du 'khod de/ bud med kyi sgyu rnam
256b6 pa sum cu rtsa gnyis nye bar bstan to/ /rnam pa sum cu rtsa gnyis gang zhe na/ 'di lta ste/ de'i nang nas kha cig ni bzhin phyed 'gebs pa dang / kha cig ni nu ma mkhrang zhing 'bur ba ston pa
256b7 dang / kha cig ni cung zad 'dzum pas so'i phreng ba ston pa dang / kha cig ni lag pa brkyang ste bya smyang byed cing mtshan khung ston pa dang / kha cig ni bim pa ltar dmar ba'i mchu ston pa
257a1 dang / kha cig ni mig phyed btsum ste byang chub sems dpa' la lta zhing bltas nas myur ba myur bar 'dzum pa dang / kha cig ni nu ma phyed g.yogs
257a2 te ston pa dang / kha cig ni gos snyil bar byas te/ gser gyi phag ska dang bcas pa'i rked pa ston pa dang / kha cig ni gos dU ku la srab mo gyon te/ gser gyi phag ska dang
257a3 bcas pa'i rked pa ston pa dang / kha cig ni rkang gdub sgra sil sil 'byin pa dang / kha cig ni nu ma'i bar nas phreng ba gcig nye bar ston pa dang / kha cig ni brla phyed tsam
257a4 brdzes pa nye bar ston pa dang / kha cig ni mgo dang phrag pa dag la bya 'dab sped dang / ne tso dang / ri skegs 'dug par nye bar ston pa dang / kha cig ni byang chub sems dpa'
257a5 la mig zur gyis lta ba dang / kha cig ni gos legs par bgos kyang bgo ma legs pa lta bur bcos pa dang / kha cig ni rked pa dang / gser gyi phag ska bskyod pa dang / kha
257a6 cig ni 'khrul ba ltar 'chos shing sgeg ste phan tshun 'chag pa dang / kha cig ni gar byed pa dang / kha cig ni glu len pa dang / kha cig ni bsgegs shing ngo tsha ba ltar yang
257a7 'chos pa dang / kha cig ni chu shing rlung gis bskyod pa ltar brla sgul ba dang / kha cig ni brjid pa'i sgra 'byin pa dang / kha cig ni seng ras bgos te gser gyi phag ska dril bu
257b1 can bcings nas dgod cing 'chag pa dang / kha cig ni gos dang rgyan rnams sa la 'dor zhing ngo tsha ba ltar slar yang len pa dang / kha cig ni gsang ba dang / gsal ba'i rgyan thams cad nye bar ston
257b2 pa dang / kha cig ni lag pa spos kyis bskus par ston pa dang / kha cig ni mkhur ba bskus shing rna cha'ang ston pa dang / kha cig ni mgo'ang g.yogs shing bzhin yang g.yogs la
257b3 skad cig tsam gyis ston pa dang / kha cig ni ston rgod rgod pa dang / dga' dga' ba dang / rtse rtse ba phan tshun dran par byed cing yang ngo tshab ltar 'dug pa dang / kha cig ni gzhon nu'i gzugs
257b4 dang / bu ma btsas pa'i gzugs dang / na chung tshad la bab pa'i gzugs ston pa dang / kha cig ni 'dod pa dang ldan pas byang chub sems dpa' la sgugs pa dang / kha cig ni byang chub sems
257b5 dpa' la me tog sil mas 'thor ba dag ste/ byang chub sems dpa'i mdun du 'dug nas byang chub sems dpa'i bsam pa la rtog cing gdong du'ang lta ste/ 'di ci chags pa'i dbang pos lta'am/
257b6 'on te mig rgyang ring du lta'am/ g.yo'am mi g.yo zhes bltas na/ byang chub sems dpa'i bzhin dag cing dri ma med la sgra gcan las thar pa'i zla ba'i dkyil 'khor lta bur 'dug pa dang / nyi
257b7 ma thog ma shar ba lta bu dang / gser gyi mchod sdong lta bu dang / pad+ma 'dab ma stong pa rgyas pa lta bu dang / gtor bar bya ba gtor ba'i me lta bu dang / lhun po ltar mi g.yo ba dang / khor yug
258a1 ltar mngon par 'phags pa dang / dbang po shin tu bsrungs pa dang / glang po ltar sems shin tu dul bar mthong ngo / /de nas bdud kyi bu mo de dag gis byang
258a2 chub sems dpa' shin tu chags par bya ba'i phyir glu dang gar du sbyar ba'i tshigs su bcad pa 'di dag smras so/ /dus kyi dam pa sos ka bzang la bab/ /zhugs shing me tog rgyas kyi
258a3 dgyes par rol/ /khyod kyi gzugs ni gzugs bzang mdzes pa ste/ /mtshan gyis spras pa'i dbang du bdag cag 'gyur/ /bdag cag skyes pa legs skyes dbyibs legs te/ /lha
258a4 mi bde ba'i rkyen du bdag cag byung / /byang chub rnyed dkas thugs ni slar bsgyur la/ /myur du bzhengs te dar la bab pa spyod/ /khyod kyi ched du chas nas rab tu brgyan te lhags gyur pa//
258a5 lha yi bu mo legs par brgyan pa 'di dag rnams la gzigs/ /gzugs 'di bltas nas shing rul lta bur srog tsam lus pa yang / /chags par 'gyur na chags pas dga' ba su
258a6 zhig chags mi 'gyur/ /skra 'jam shin tu dri zhim dri dang ldan/ /cod pan rna cha 'dab ris bzhin rgyas la/ /dpral ba legs shing legs byugs bzhin dang ldan/ /pad+ma rgyas pa lta bur
258a7 mig yangs legs/ /kha bzhin zla ba nya ba lta bu ste/ /shing tog bim+pa smin 'dra'i mchu dang ldan/ /dung dang kund kha ba dkar so ldan/ /sdug pa dga' la chags pa rnams la gzigs /
258b1 nu ma shin tu mkhrang zhing rgyas la 'bur/ /lto ba'i rked na gnyer gsum shin tu mdzes/ /rked pa 'khor sa lta bur yangs shing mdzes/ /na chung shin tu mdzes la mgon po gzigs/ /glang
258b2 po'i sna 'dra ba yi brla ldan zhing / /lag pa gdu bus chal par gang ba can/ /rked pa gser gyi phag ska rab mdzes brgyan/ /khyod kyi bran mo 'di la mgon po gzigs/ /ngang pa'i stabs ldan
258b3 dal gyis mchi bgyid pa/ /'jam zhing yid 'ong 'dod ldan mdzes smra ba/ /rnam pa 'di ltar shin tu legs brgyan la/ /lha yi dga' ba rnams la shin tu mkhas/ /glu dang rol mo'i
258b4 dbyangs sgra gar rab bslab/ /dga' ba'i ched du mdzes pa'i gzugs can skyes/ /'dod la rab dga' gal te ma bzhed na/ /'jig rten dag na khyod ni shin tu bslus/ /mi glen nor gyi bde ba mi
258b5 shes 'ga'/ /gter mthong nas ni 'bros par bgyid pa ltar/ /khyod kyang 'dod chags mi mkhyen rang lhags pa/ /na chung rnams la mi spyod de dang 'dra/ /dge slong dag/ de nas byang chub sems
258b6 dpa' mig mi 'dzum par 'dzum dmul te bzhin gyi 'dzum phyung zhing / dbang po rnam par ma 'khrugs pa dang / lus ma bcos pa dang / brjid pa dang / ma chags pa dang / mi sdang ba dang / ma rmongs
258b7 pa dang / ri'i dbang po ltar mi g.yo ba dang / ma zhum pa dang / ma gyur pa dang / 'dzem pa med pa dang / blo shin tu legs par gnas pa dang / nyon mongs pa rnams shin tu spangs pa'i phyir rang
259a1 gi kha na las pa'i ye shes kyi sgo dang / 'jam zhing snyan pa'i tshig dang / tshangs pa las lhag pa'i nga ro dang / bya ka la ping+ka'i sgra dbyangs dang / snyan pa dang / yid
259a2 du 'ong bas bdud kyi bu mo de dag la tshigs su bcad pas slar smras pa/ 'dod pa sdug bsngal mang po gsog cing sdug bsngal rtsa ba ste/ /mi mkhas rnams la bsam gtan rdzu 'phrul
259a3 dka' thub nyams par byed/ /bud med 'dod pa'i yon tan chog pa med ces mkhas pas smras/ /nga ni mi mkhas rnams la shes rab chog par byed par 'gyur/ /'dod pa bsten
259a4 na sred pa phyir zhing rnam par 'phel 'gyur te/ /dper na mi 'ga' la la tshwa chu 'thungs par gyur pa bzhin/ /de la zhugs pa bdag gi don min gzhan gyi don kyang min/ /nga ni bdag
259a5 gi don dang gzhan gyi don la spro ba yin/ /khyod kyi gzugs ni chu bur dag dang dbu ba mtshungs shing 'dra/ /sgyu ma'i tshon ltar rang gi blo yis rnam par bsgrubs pa ste/ /rmi lam dag
259a6 na rtse ba lta bur mi brtan mi rtag kyang / /byis pa mi mkhas rnams kyi sems ni rtag tu rmongs par byed/ /mig ni chu yi chu bur mtshungs shing 'dra ste pags pas g.yogs/ /khrag
259a7 rlang mkhrang zhing 'bur ba dper na nad kyi 'bras dang mtshungs/ /lto ni gcin dang phyis bsags te shin tu mi gtsang ba/ /sdug bsngal 'khrul 'khor las dang nyon mongs pa las
259b1 yang dag byung / /byis pa'i blo can dag ni rmongs gyur phyin ci log pa yis/ /lus gang la ni sdug par rtog pa mkhas pa de lta min/ /sdug bsngal rtsa bar gyur pa'i 'khor bar yun
259b2 ring 'khor byed na/ /sems can dmyal ba rnams su sdug bsngal mi bzad mang po myong / /rked pa nas ni rab tu yid mi 'ong ba'i dri can 'dzag /brla dang byin pa rkang pa dag ni 'khrul
259b3 'khor lta bur gnas/ /nga yis khyed la yang dag brtags na sgyu ma ji bzhin te/ /phyin ci log gi rgyu dang rkyen las byung bar gyur pa yin/ /'phags pa'i ye shes lam las gol bar
259b4 phyin gyur pa/ /me dang dug gi lo ma 'dra zhing sprul chen khros 'dra ba/ /'dod pa'i yon tan yon tan min zhing yon tan nyams mthong na/ /de la byis pa bde ba'i 'du shes skyed cing
259b5 brgyal bar gyur/ /mi gang 'dod pas bud med rnams kyi khol por gyur pa dang / /gang zhig chos kyi dga' ba bor te 'dod pas dga' byed cing / /dga' la brkam pa de ni tshul khrims lam
259b6 las gol gyur cing / /bsam gtan lam gol blo nyams ye shes las ni rab ring gnas/ /nga ni 'dod chags zhe sdang lhan cig gnas pa ma yin te/ /rtag dang sdug dang bdag dang lhan cig gnas
259b7 par byed ma yin/ /mi dga' ba dang dga' dang lhan cig gnas pa ma yin la/ /nga yi sems ni rab tu grol te mkha' la rlung dang 'dra/ /gal te khyed 'dra'i 'gro ba kun gyis 'dir ni gang gyur la/ /
260a1 bskal par de dag rnams dang lhan cig 'dre zhing gnas kyang ni/ /nga la tha ba med cing chags med gti mug mi 'gyur te/ /rgyal ba rnams kyi thugs ni nam mkha'
260a2 mtshungs shing 'dra phyir ro/ /lha dang lha mo shin tu dri med la/ /khrag dang rus pa med cing rab bzang ba/ /de dag kun kyang 'jigs pa cher gnas te/ /rtag dngos bral zhing ther zug med
260a3 phyir ro| |de nas bdud kyi bu mo bud med kyi sgyu rnams shin tu bslab pa de dag de bas kyang cher 'dod chags dang / rgyags pa dang / dregs pa bskyed de/ steg pa bstan nas lus
260a4 rnams brgyan te bud med kyi g.yo nye bar bstan nas byang chub sems dpa' la rngod do/ /de la 'di skad ces bya ste/ bu mo'i nang na gces mchog sred dang dga' dang dga' can lhan cig tu//
260a5 bdud kyis btang ba shin tu tshul du shis par rings par lhags gyur te/ /shing gi lcug ma gzhon nu lo mar bcas pa rlung gis bskyod pa bzhin/ /gar byed cing ni rgyal po'i sras
260a6 po shing drung 'dug la rngod par byed/ /dus kyi nang na dam pa mchog tu bgyi ba sos ka'i dus 'di ste/ /skyes pa dag dang bud med dga' bar bgyid cing mun pa rdul yang bcom/ /khu
260a7 byug dang ni ngang pa rma bya sgra 'byin bya tshogs rnams kyis gang / /'dod pa'i yon tan dga' ba myong bar bgyi ba'i dus la da ba ba bo/ /bskal pa stong du tshul khrims dga' zhing brtul
260b1 zhugs dka' thub spyad gyur pa/ /ri yi rgyal po lta bur mi g.yo nyi ma shar ma thag pa'i gzugs/ /'brug bsgrags lta bur sgra snyan ri dwags dbang po sgra bsgrags 'dra ba po/ /'gro la phan
260b2 pa byed pa de yis don dang ldan pa'i tshig smras pa/ /'dod pa rtsod dang dgra dang 'thab dang nyon mongs bcas dang 'jigs byed pa/ /byis pa'i skye bos nye bar bsten gyi mkhas pa'i skye bos
260b3 rtag spangs pa/ /gang du bde gshegs rnams kyis bdud rtsi brnyes pa'i dus la bab gyur gyi/ /do mod bdud las rgyal te stobs bcu rnams dang ldan pa dgra bcom 'gyur/ /sgyu rnams
260b4 bsten nas smras pa zhal ras pad+ma 'dra ba gsan du gsol/ /khyod ni rgyal po dbang phyug dam pa sa bdag stobs dang ldan par 'gyur/ /bud med dam pa'i tshogs kyis sil snyan stong dag rab
260b5 tu bgyid 'gyur na/ /thub pa'i cha byad kyis ni ci bgyis spongs la dga' ba bsten du gsol/ /byang chub sems dpas smras pa/ nga ni srid pa gsum na dbang phyug lha dang mi rnams kyis
260b6 mchod la/ /chos kyi 'khor los 'gro zhing stobs bcu'i stobs dang ldan pa'i rgyal por 'gyur/ /slob dang mi slob bu rnams khrag khrig rtag tu 'dud pa mngon du byed/ /chos kyi dga' bas
260b7 dga' yi yul la nga yi yid ni dga' ma yin/ /de dag gis smras pa/ re zhig dar la bab pa ma yol dang po thor bur gyur pa dang / /khyod ni re zhig snyun gyis ma btab mi shis bgres par
261a1 ma gyur dang / /ji srid dar la bab cing bdag cag grogs kyang dar la bab gyur ba/ /de srid par du 'dzum pa'i zhal gyis 'dod pa'i dga' ba spyad du gsol/ /byang chub
261a2 sems dpas smras pa/ ji srid de mod dal ba dam pa 'chi med dkon pa rnyed pa dang / /ji srid lha dang lha min grong khyer mi khom sdug bsngal spangs pa dang / /ji srid rga dang na dang 'chi ba'i dgra
261a3 yis dkrugs par ma gyur pa/ /de srid nga ni 'jigs med grong khyer 'gro ba'i lam mchog bsgom par bya/ /de dag gis smras pa/ lha yi gnas na sum cu rtsa gsum bdag po lha mos
261a4 bskor ba dang / /'thab bral 'thab bral rab dang dga' ldan rab dang bdud kyi grong khyer na/ /lha mchog bstod pa bzhin du bud med dbang du gyur nas 'dod dga' la/ /rol cing spyod la
261a5 bdag cag rnams dang lhan cig dgyes pa rgya chen mdzod/ /byang chub sems dpas smras pa/ 'dod pa rtswa rtse'i zil thigs bzhin du myur la ston ka'i sprin dang mtshungs/ /klu yi bu mo
261a6 khro ba lta bur shin tu 'jigs par byed pa yin/ /brgya byin 'thab bral rab lha dga' ldan pa dag bdud kyi dbang du song / /'phags min rnams kyis 'dod pa sdug bsngal ldan pa 'di la
261a7 su zhig dga'/ /de dag gis smras pa/ shing mchog 'di dag lo ma gzhon dang ldan zhing me tog rgyas gyur la/ /shang shang te'u dang khu byug sgra 'byin bung ba sgra 'byin ldan pa gzigs//
261b1 sa las rtsa 'khrungs rab sngo 'jam zhing snum la lcang lo can mchis pa/ /nags mchog mi ci tshogs kyis bsten par na chung rnams dang dgyes par mdzod/ /byang chub sems dpas smras pa/
261b2 lo mar bcas pa'i shing rnams 'di dag dus kyi dbang gis me tog rgyas/ /bung ba dag kyang bkres dang skom pas nyen nas me tog rnams su lhags/ /gang zhig dus na sa las skyes pa rnams
261b3 kyang nyi mas skam par 'gyur/ /nga 'dir sngon gyi rgyal ba rnams kyis spyad pa bdud rtsi nges par spyad/ /bdud kyi bu mo rnams kyis smras pa/ zla 'dra'i zhal mnga' gzigs shig pad+ma gsar pa
261b4 'dra ba'i kha bzhin can/ /snyan cing yid du 'ong ba'i tshig ldan so ni dngul dang kha ba 'dra/ /'di 'dra lha yi gnas na dkon na mi yi gnas na ga la mchis/ /gang dag lha mchog rnams kyis rtag
261b5 tu 'dod par bgyi ba khyod kyis brnyes/ /byang chub sems dpas smras pa/ lus ni ngan skyug mi gtsang srin bu'i rigs kyis gang ba shig shig po/ /myur du 'gyes shing 'jig pa bde ba
261b6 ma yin rnams dang ldan par mthong / /rgyu bar bcas dang mi rgyu ba yi 'gro la bde ba mchog byed pa/ /go 'phang 'chi 'pho med pa skye bo mkhas pas mchod pa de thob bya/ /de dag 'dod pa'i
261b7 sgyu rtsal drug cu rtsa bzhi myong bar gyur ba ste/ /rkang gdub gser gyi phag ska 'khrol zhing gos kyang shig shig byas nas ni/ /'dod pa'i mda' yis phog pa rgyags pa 'dzum zhing 'di skad
262a1 smras| |jo jo khyod la nongs pa ci zhig bgyis na 'di dag bsten mi bgyi/ /srid pa kun gyis nyes pa rig nas rdul dang bral bas 'di skad smras/ /'dod pa ral gri
262a2 mdung thud rtse gsum sbrang rtsi can gyi spu gri 'dra/ /sbrul gyi mgo dang me mur 'dra bar ngas 'dir rab tu rig pas na/ /bud med yon tan 'phrog pas de phyir nga yis bud med tshogs rnams
262a3 spangs| |bud med yon tan rnam pa mang po khrag khrig byed pa de dag gis/ /gang gi tshe na glang po'i phrug gu'i stabs can de brjod ma nus tshe/ /ngo tsha skyengs nas thub pa'i rkang pa gnyis
262a4 la rab tu phyag 'tshal te/ /dga' zhing mgu pa bskyed nas phan pa byed pa de la bstod pa byas/ /pad+ma dri ma med pa'i snying po 'dra zhing ston zla lta bu'i zhal/ /mar gyis sbyin sreg bgyis pa'i
262a5 'od 'phro me 'dra gser gyi ri 'dra ba/ /srid pa brgya nas spyad cing dgongs dang smon lam btab pa grub gyur cig /bdag nyid brgal nas sdug bsngal dag dang ldan pa'i 'gro ba bsgral du
262a6 gsol| |de dag rnams kyis dong ka'i shing dang tsam+pa ka 'dra rnam mang bstod/ /mchog tu gyur ba'i ri ltar mi g.yo ba la bskor ba byas nas ni/ /song ste pha yi rkang la mgo bos phyag
262a7 'tshal 'di skad tshig kyang smras/ /yab cig lha dang mi yi bla ma de la khong khro spangs na legs/ /bzhin ni 'dzum par gyur nas pad+ma'i 'dab ma 'dra ba'i mig gis lta/ /de ni chags
262b1 pas skye bo mi lta de la khro gnyer mchis ma lags/ /lhun po g.yo zhing rgya mtsho bskams la nyi zla ltung bar 'gyur yang gda'/ /srid pa gsum gyi nyes mthong de ni bud med rnams kyi
262b2 dbang mi 'gyur/ /de nas bdud sdig can gyis tshig de skad thos nas de bas kyang cher sdug bsngal zhing yid mi bde la/ yid ma rangs shing tshig pa za ba'i yid kyis rang gi bu mo de dag la
262b3 smras pa/ kye mi shes shing glen te/ khyed kyi gzugs dang da rod ma mthong ngam/ ji ltar gyur na de byang chub kyi snying po las bslang bar ma nus/ de nas bdud kyi bu mo de dag gis rang gi pha la
262b4 tshigs su bcad pas slar smras pa/ snyan cing 'jam por smra yang chags pa ma mchis te/ /gsang ba chen po lta yang sdang ba mchis ma lags/ /spyod lam dag dang spyod pa lta yang rmongs ma
262b5 mchis| |lus rnams thams cad rtogs kyang bsam pa shin tu zab/ /bud med nongs pa rgya chen the tshom ma mchis rtogs/ /'dod las dben pa'i yid ldan 'dod chags chags ma mchis//
262b6 gang zhig de yi sems dang spyod pa yongs 'tshal ba/ /lha yul mi yul 'di na lha mi de ma mchis/ /de la bud med sgyu rnams gang lags bstan na yab/ /chags bcas gang lags de yi
262b7 snying zhu 'gyur rigs na/ /de dag mthong yang de yi sems ni gcig ma g.yos/ /ri dbang rgyal po bzhin du de ni mi g.yo g.yo ma mchis/ /bsod nams gzi brjid brgyas bltams yon
263a1 tan gzi brjid rdzogs/ /bskal pa bye ba mang por tshul khrims brtul zhugs spyad/ /lha dang tshangs pa sems can gzi brjid rnam dag dge /de dag de yi rkang
263a2 par mgos gtugs phyag kyang 'tshal/ /sde dang bcas pa'i bdud rnams bcom nas sngon chad kyi/ /rgyal bas bzhed pa byang chub dam pa 'thob 'gyur nges/ /yab cig bdag cag
263a3 g.yul ngor 'thab pa mi 'tshal te/ /stobs ldan dag dang 'thab par sbyor 'di tshegs rab che/ /yab cig mkha' la nor bu rin chen gtsug phud can/ /rdzogs pa'i byang chub sems
263a4 dpa' khrag khrig gus par gnas/ /rin chen 'byung gnas yan lag me tog phreng bas brgyan/ /stobs bcu mnga' bas mchod phyir 'dir btang rnams la gzigs/ /gang dag sems
263a5 pa ma mchis gang dag sems ma mchis/ /shing ri lha dbang gnod sbyin mkha' lding dbang po dag /yon tan ri bor mngon par 'dud cing phyogs pa las/ /yab cig do mod slar log na ni
263a6 lags pa 'dra/ /gzhan yang gang gi pha mthar mi phyin der ni rkyal mi bgyi/ /gang zhig rtsa nas mi phyin de ni brko mi bgyi/ /gang la bzod pa yang gsol de ni dkrug mi bgyi/ /gang gis
263a7 yid mi bde bar 'gyur ba de mi bgyi/ /dge slong dag/ de nas de'i tshe shing gi lha mo brgyad la 'di lta ste/ dpal ldan dang / 'phel mo dang / dka' thub dang / dge ma dang / mkhas
263b1 ma dang / mdangs stobs dang / bden smra dang / ldan ma ste/ de dag gis byang chub sems dpa' la yang dag par mchod nas dpal rnam pa bcu drug gis byang chub sems dpa' 'phel
263b2 bar byed/ mngon du bstod par byed de/ sems can dam pa khyod ni dgung zla yar gyi ngo ltar mdzes pa'o/ /blo rnam par dam pa khyod ni gdugs dang po shar ba ltar lhang nge ba'o/ /
263b3 sems can dam pa khyod ni chab kyi nang na pad+ma ltar rab tu rgyas pa'o/ /sems can dam pa khyod ni nags dang nags 'dabs na rgyu ba'i seng+ge ltar sgrog pa'o/ /sems can dam pa khyod
263b4 ni rgya mtsho'i dbus na ri'i rgyal po ltar mdzes pa'o/ /sems can dam pa khyod ni khor yug gi ri ltar mngon par 'phags pa'o/ /sems can dam pa khyod ni rgya mtsho ltar
263b5 rin po ches bltams shing gting dpag dka' ba'o/ /'jig rten gyi mgon po khyod ni nam mkha' ltar thug pa ma mchis shing thugs kyi rgya che ba'o/ /sems can rnam par dag
263b6 pa khyod ni dogs ltar sems can thams cad kyi 'tsho bar gyur cing thugs shin tu brtan pa'o/ /sems can dam pa khyod ni mtsho ma dros pa ltar rtag tu dang zhing thugs rnyog pa
263b7 mi mnga' ba'o/ /sems can dam pa khyod ni rlung dmar ltar 'jig rten gyi khams thams cad la rtag tu mi chags shing thugs gnas ma mchis pa'o/ /sems can dam pa khyod
264a1 ni gzi brjid kyi rgyal po ltar rlom sems thams cad spangs shing bsnyen par dka' ba'o/ /sems can dam pa khyod ni sred med kyi bu ltar thul bar
264a2 dka' zhing stobs dang ldan pa'o/ /'jig rten gyi mgon po khyod ni byang chub kyi snying po las mi bzhengs pas dam bcas pa brtan pa'o/ /sems can dam pa khyod ni dbang po'i
264a3 lag gis 'phangs pa'i rdo rje ltar slar mi ldog pa'o/ /sems can dam pa khyod ni ring por mi thogs par stobs bcu dang ldan par byon pas brnyes pa legs par brnyes pa'o/ /
264a4 dge slong dag /de ltar byang chub kyi shing gi lha mo rnams kyi dpal rnam pa bcu drug gis byang chub sems dpa' 'phel bar byed do/ /dge slong dag /de na gnas gtsang ma'i ris kyi
264a5 lha'i bu rnams kyis rnam pa bcu drug gis bdud nyams dmas par byed de/ rnam pa bcu drug gang zhe na/ 'di lta ste/ sdig can khyod ni khrung khrung rgan po ltar sems khong du chud cing
264a6 dmas pa'o/ /sdig can khyod ni glang po rgan po 'dam du byid ba ltar nyam chung ba'o/ /sdig can khyod ni dpa' bor khas 'ches pa pham pa ltar gcig pur gyur pa'o/ /sdig can
264a7 khyod ni nad kyis nyen pa 'brog tu bor ba ltar gnyis su med pa'o/ /sdig can khyod ni glang bu khal gyis nyon mongs pa ltar stobs med pa'o/ /sdig can khyod ni shing rlung gis
264b1 btab pa ltar sgyel ba'o/ /sdig can khyod ni 'gron pa lam stor ba ltar lam ngan par gnas pa'o/ /sdig can khyod ni mi dbul bo bu lon can ltar dman pa bas kyang dman pa'o/ /sdig
264b2 can khyod ni bya rog byung rgyal ba ltar mu cor smra ba'o/ /sdig can khyod ni ma dul ba byas pa mi gzo ba ltar nga rgyal gyis zil gyis non pa'o/ /sdig can khyod ni seng+ge'i sgras wa 'bros pa
264b3 ltar deng 'bros par 'gyur ba'o/ /sdig can khyod ni rnam par 'thor rlung gis gtor ba'i bya bzhin du deng 'dar bar 'gyur ba'o/ /sdig can khyod ni sprang po bsod nams zad pa ltar dus
264b4 mi shes pa'o/ /sdig can khyod ni snod chag pa rdul gyis gang ba ltar deng rnam par spang bar 'gyur ba'o/ /sdig can khyod ni sngags la dpa' ba sprul la bab pa ltar deng tshar chod par
264b5 'gyur ba'o/ /sdig can khyod ni mi rkang lag bcad pa ltar stobs thams cad dang bral ba'o zhes bya ba'o/ /dge slong dag /de ltar gnas gtsang ma'i ris kyi lha rnams kyis rnam pa bcu
264b6 drug gis bdud sdig can nyam dmas pa byas so/ /dge slong dag /de la byang chub kyi bsnyen bkur ba'i lha rnams kyis rnam pa bcu drug gis bdud sdig can zlog par byed de/ bcu drug
264b7 gang zhe na/ 'di lta ste/ sdig can khyod ni dpa' bos pha rol gyi sde bcom pa ltar byang chub sems dpas do mod pham par byas par 'gyur ro/ /sdig can khyod ni gyad stobs chung ngur
265a1 gyad stobs chen po bab pa ltar do mod byang chub sems dpas tshar bcad par 'gyur ro/ /sdig can khyod ni srin bu me khyer la nyi ma'i dkyil 'khor bab pa ltar do mod
265a2 byang chub sems dpas zil gyis non par 'gyur ro/ /sdig can khyod ni phub ma spar gang la rlung dmar btab pa ltar do mod byang chub sems dpas gtor bar 'gyur ro/ /sdig can khyod
265a3 ni wa la seng+ge bab pa ltar do mod byang chub sems dpas dngangs par byas par 'gyur ro/ /sdig can khyod ni/ shing sA la chen po rtsa ba nas bcad pa ltar do mod byang chub sems dpas
265a4 bsgyel bar 'gyur ro/ /sdig can khyod ni mi mdza' ba'i grong khyer la rgyal po chen po bab pa ltar do mod byang chub sems dpas brlag par 'gyur ro/ /sdig can khyod ni ba rjes kyi chu la
265a5 nyin tshan chen po bab pa ltar do mod byang chub sems dpas yongs su zad par byas par 'gyur ro/ /sdig can khyod ni mi g.yon can gsad par bya ba shor ba ltar do mod byang chub sems
265a6 dpas 'bros par byed par 'gyur ro/ /sdig can khyod ni me'i tsha bas bud pa'i khyu ltar do mod byang chub sems dpas mgo 'khor bar byed par 'gyur ro/ /sdig can khyod ni chos kyi
265a7 rgyal po rgyal srid nyams pa ltar de mod byang chub sems dpas mya ngan byed du bcug par 'gyur ro/ /sdig can khyod ni khrung khrung rgan po 'dab ma bregs pa ltar do mod byang chub sems
265b1 dpas sems khong du bcug par 'gyur ro/ /sdig can khyod ni 'brog dgon par lam rgyags chad pa ltar do mod byang chub sems dpas phongs par byas par 'gyur ro/ /sdig can khyod ni rgya
265b2 mtsho chen por gru zhig pa ltar do mod byang chub sems dpas smre sngags 'don du bcug par 'gyur ro/ /sdig can khyed ni sreg pa'i bskal pas rtswa dang nags tshal ltar da mod byang chub sems dpas
265b3 rnyis par byas par 'gyur ro/ /sdig can khyod ni ri'i rtse mo la rdo rje bab pa ltar do mod byang chub sems dpas brnyil bar 'gyur ro/ /zhes bya ba'o/ /dge slong dag /de ltar byang chub kyi bsnyen bkur
265b4 ba'i lha'i bu rnams kyis rnam pa bcu drug gis bdud sdig can zlog par byed kyang bdud sdig can phyir ma log go/ de la 'di skad ces bya ste/ lha yi tshogs kyis yang dag bskul ba thos kyang bdud ni
265b5 phyir log ma gyur te/ /slongs shig rgyob cig 'di ni brlag par gyis shig srog kyang sbyin par ma byed cig /'di ni rang nyid rgyal nas nga yi yul nas gzhan yang sgrol bar byed par 'gyur/ /
265b6 langs te bros pa ma gtogs dge sbyong 'di la thar gzhan cung zad med ces smras/ /byang chub sems dpas smras pa/ ri yi rgyal po lhun po gnas nas g.yo srid 'gro ba thams cad med 'gyur
265b7 srid| |skar ma'i tshogs rnams thams cad zla ba bcas par mkha' las sa la ltung yang srid/ /sems can kun gyi bsam pa gcig byed 'gyur srid rgya mtsho chen po skam srid kyi/ /nga
266a1 'dra shing gi rgyal po'i drung na 'dug pa la ni g.yo ba yong mi srid/ /bdud kyis smras pa/ kho bo 'dod pa'i dbang phyug 'jig rten 'di kun dbang / /lha dang lha min
266a2 tshogs bcas mi dang dud 'gro rnams/ /kho bos khyab ste thams cad kho bo'i dbang du 'gyur/ /kho bo'i yul na 'dug pa longs la tshig bzhin gyis/ /byang chub sems dpas smras pa/
266a3 gal te 'dod dbang khyod yin gsal bar khyod dbang min/ /yang dag nga ltos nga yang chos kyi dbang phyug yin/ /gal te ngan 'gror mi 'gro khyod ni 'dod dbang phyug /dbang med khyod na
266a4 lta bzhin byang chub ngas thob 'gyur/ /bdud kyis smras pa/ dge sbyong bdag nyid gcig pu dgon par ci zhig byed/ /khyod kyis gang btsal de dang 'phrad par sla ma yin/ /rab 'gro
266a5 shes ldan la sogs dka' thub rab bsgrims kyang / /go 'phang mchog de ma thob mir gyur khyod ci smos/ /byang chub sems dpas smras pa/ khro ba'i zil non blo dang lha yul
266a6 'dod pa dang / /bdag la rtag dang mi rtag snyam du gnas pa dang / /yul du 'gro bas gnas pa thar snyam gnas pa yi/ /drang srong mi shes sngon du 'gro bas dka' thub spyad/ /de dag
266a7 yang dag don dang bral zhing skyes bu smra/ /khyab dang phyogs gcig ces dang kha cig rtag ces smra/ /lus can lus min yon tan min dang yon tan can/ /byed pa po dang byed po min
266b1 zhes gzhan dag 'dzer/ /stan 'dir 'dug ste nga rgyal bcom pas sde dpung bcas/ /khyod pham byas te byang chub rdul med deng thob nas/ /'gro ba 'di la 'byung dang byung dang mya ngan 'das/ /
266b2 sdug bsngal zhi ba bsil ba'i dngos po bstan par bya/ /bdud ni khros shing 'khrugs te tshig pa zos nas mdun du rtsub pa'i tshig tu smras pa dge sbyong 'od zungs shig /gcig pu dgon
266b3 par bor bar gyur pa 'di ni nga yi mdun nas bzung la song ste myur du dbang du gyis/ /nga yi khyim du myur du song la shing sgrog dang ni lcags sgrog phrugs su chug ste sgo ba byed du chug /
266b4 sdug bsngal nyen nas ku co rnam pa mang po 'don cing lha yi khol po yin par bdag gis bdag mthong byas/ /byang chub sems dpas smras pa/ nam mkha' la ni ri mo rnam pa sna tshogs
266b5 cha cha ris ris phye ste so sor bri bar nus kyang srid/ /phyogs dang phyogs mtshams 'gro ba'i shugs can rlung ni mi yis rab tu bsgrims te zhags pas bcing du nus kyang srid/ /nyi ma
266b6 zla ba mun pa rab rib med byed mkha' las sa la ltung bar byed pa nus srid kyi/ /khyod dang 'dra ba rab tu mang po bgrang las 'das pa dag gis shing drung nas ni nga bskyod nus mi 'gyur/ /
266b7 bdud dpung stobs dang ldan pa langs te ha zhes zer/ /dung dang rnga dang rdza rnga mchog gi sgra 'byin langs/ /bdud dpung shin tu 'jigs pa 'di dag mthong nas ni/ /kyi hud bu sdug khyod cis ma
267a1 ma rung gyur ces zer/ /'dzam klung gser dang tsam pa'i snying po 'dra bar ser/ /shin tu gzhon nu lha mis bstod cing mchod pa'i 'os/ /khyod deng g.yul ngo chen po
267a2 rab tu brlag 'gyur te/ /dbang pos lha min lta bur bdud kyi dbang du 'gyur/ /tshangs pa'i dbyangs dang ka la ping+ka'i sgra skad kyis/ /bde bar gshegs pas gnod sbyin srin tshogs de la smras//
267a3 mi mkhas gang zhig nam mkha' skrag par byed 'dod pa/ /de ni shing mchog drung nas nga 'dra slong bar 'dod/ /gang zhig stong gsum chen po bshig nas rdul bgrang dang / /gang zhig ba spu yis ni rgya mtsho chu
267a4 'byin dang / /skad cig gis ni rdo rje'i rang bzhin ri 'thor ba/ /des kyang shing drung 'dug pa nga la 'tshe mi nus/ /bdud khros sems kyis gnya' shing gang gi bar tsam 'dug/ shubs nas phyung
267a5 ba'i ral gri rnon po lag na thogs/ /dge sbyong myur longs nga yis bsam pa bzhin du song / /'od ma'i myu gu sngo ltar do mod bcad da re/ /byang chub sems dpas smras pa/ gal te stong gsum sa
267a6 rnams 'di dag thams cad bdud kyis rab tu gang gyur la/ /kun gyi lag na ri bo lhun po mchog 'dra ba yi ral gri thogs gyur kyang / /de dag nga yi ba spu bskyod par mi nus nga la gnod byed smos
267a7 ci dgos/ /sun 'byin ma rings shig dang de'u ri btags te nga yis brtan por dran par bya/ /rnga mo ba lang glang chen mgo dang 'jigs mig dang / /myur gdug sbrul dang mig gdug mi bzad
267b1 'dra ba dang / /me 'bar kha dog rtse mor bcas pa'i ri 'phen cing / /rtsa bar bcas pa'i shing dang zangs dang lcags rnams 'phen/ /sprin ltar langs te phyogs bzhi dag tu sgra sgrog cing / /rdo rje'i lce dang
267b2 lcags kyi thu lum char pa 'bebs/ /ral gri mdung thung rno dang dgra sta dug can 'bebs/ /sa ni rtol bar byed cing shing dag rab tu 'joms/ /kha cig lag ba brgya dag gis ni mda' brgya
267b3 'phen| |kha nas myur du gdug pa'i sbrul dang me yang 'thor/ /chu skyes chu srin la sogs pa dag mtsho nas len/ /kha cig nam mkha' lding du bsgyur nas klu yang 'phen/ /kha cig khros nas
267b4 lcags kyi thu lum ri rab tsam/ /me 'bar kha dog rtse mor bcas pa rnams kyang 'phen/ /sa la lhags nas sa ni rab tu 'khrug par byed/ /'og gi chu yi phung po'i chu yang rnam par 'khrug /kha
267b5 cig de yi mdun dang de bzhin rgyab tu mchong / /kye ma bu zhes g.yas dang de bzhin g.yon du mchong / /rkang pa lag pa log par 'dug cing mgo 'bar la/ /glog ltar rab tu 'bar bar mig nas
267b6 mngon du 'byin/ /bdud kyi dpung ni bsgyur ba mi sdug byas mthong nas/ /sems can dag pa sgyu ma byas pa ji bzhin rtog /'di la bdud med stobs med 'gro med bdag kyang med/ /chu zla'i tshul
267b7 'dra ba yi 'jig rten gsum po 'khor/ /mig dang skyes ba bud med med cing bdag gi med/ /rna ba sna dang de bzhin lce dang de bzhin lus/ /chos 'di byed pa po dang tshor ba po dang bral/ /brten
268a1 nas skyes te nang yang stong zhing phyi yang stong / /bden tshig gang gis 'dir chos shin tu stong zhe na/ /'dul mthun gnod sbyin nges pa gang yin de dag gis/ /lag
268a2 ba'i mtshon cha me tog phreng bar mthong gyur ces/ /rtag tu bden smras de yis bden pa'i tshig byas te/ /de yis lag mthil g.yon pa dra ba mchog spras pa/ /sen mo zangs mdog rab
268a3 mdzes rtsibs stong 'khor lo can/ /'dzam klung gser 'bar dang 'dra bsod nams dges bsten pas/ /tshul du shis par mgo nas rkang pa'i bar du byugs/ /mkha' las glog 'dra bar ni
268a4 lag pa brkyangs byas nas/ /tshig tu smras pa sa 'di nga yi dbang yin te/ /ngas ni sngon chad mchod sbyin khrig khrig sna tshogs byas/ /slong la mi sbyin snyam ste don med gzhar ma byin/ /chu dang
268a5 me dang rlung ni nga yi dbang yin te/ /tshangs pa skye rgu bdag dang skar bcas nyi zla dang / /gang dag phyogs bcu dag na bzhugs pa'i sangs rgyas dang / /bdag khrims brtul zhugs byang chub
268a6 yan lag 'phags pa dpang / /sbyin dang tshul khrims de bzhin bzod pa nga yi dbang / /brtson 'grus de bzhin bsam gtan de ltar shes rab dang / /tshad med bzhi dang de bzhin mngon
268a7 shes nga yi dpang / /rim gyis byang chub spyod pa thams cad nga yi dbang / /phyogs bcu'i 'jig rten sems can mtha' dag ji snyed pa/ /de dag rnams kyi bsod nams tshul khrims
268b1 ye shes dang / /gtan pa med pa'i mchod sbyin byas pa bsdoms kyang ni/ /de dag nga yi ba spu'i brgya yi char mi phod/ /de yis tshul du shis par lag pa sa la brdabs/ /khar ba'i snod ltar sa
268b2 'di sgra yang byung bar gyur/ /bdud kyis sgra thos nas ni sa la sgyel gyur te/ /nag po'i rtsa lag rgyob cig zungs shig sgra yang thos/ /lus las rdul byung gzi brjid nyams shing bzhin mdog gyur//
268b3 rga bas bcom par bdud de nyid kyis mthong bar gyur/ /brang rdung cho de 'don cing 'jigs nyen mgon yang med/ /bdud kyi yid 'khrul gyur cing sems ni myos par gyur/ /glang po rta dang bzhon
268b4 pa shing rta sa la lhung / /srin po grul bum dag dang sha za dngangs shing rgyug /mgo rmongs lam mi rnyed cing gnas med skyabs kyang med/ /rlung btab nags mes bya ltar bltas nas song
268b5 bar gyur/ /pha ma bu dang sring mo de bzhin phu nu dag /gang na mthong zhing gang du dong zhes 'dri bar byed/ /de yi rkyen gyis de dag phan tshun 'thab cing rtsod/ /bdag ni sdug bsngal gyur te 'tsho ba'i
268b6 skabs kyang med/ /bdud dpung rgya che mang ba mi 'khrugs snying po de/ /thams cad rnam par 'thor cing tha rgur gyes gyur te/ /zhag bdun 'das kyi bar du phan tshun phrad ma gyur/ /mthong nas smras
268b7 pa ga la te gson na dga' zhes 'dzer/ /shing gi lha mos de tshe de la snying rje byas/ /chu yi bum pa thogs te nag po'i rtsa lag gtor/ /myur du longs la phyi bshol ma byed skyen du song / /bla ma'i
269a1 tsheg ma mnyan pas de ltar gyur pa yin/ /bdud kyis smras pa/ bdag gi bu yi snyan tshig phan pa ma mnyan te/ /sems can shin tu dag la nyes pa byas pas na/ /
269a2 sdug bsngal 'jigs phongs mya ngan brlag dang brnyas pa dang / /cir mi rung ba'i sgra dang dman nyid bdag gis thob/ /lha mos smras pa/ mi mkhas gang zhig nyes pa med la nyes byed pa/ /
269a3 de ni nyes dang sdug bsngal ba dang phongs pa dang / /cir mi rung zhes bya ba'i sgra dang dman nyid dang / /bsad dang bcing dang nyes pa du ma rnyed par 'gyur/ /lha dang lha min mkha' lding mi ci
269a4 srin po'i dbang / /tshangs pa brgya byin gzhan 'phrul 'og min bcas pa dag /'di ltar khyod kyis 'di 'dra'i bdud kyi dpung bcom pas/ /'jig rten dpa' bo rgyal zhes de yis
269a5 rgyal ba brjod/ /rgyan phreng chun po zla ba gdugs dang rgyal mtshan ba dan 'bul/ /me tog a ga ru dang rgya spos tsan+dan phye char 'bebs/ /sil snyan dag kyang rab tu dkrol ba byed
269a6 cing tshig brjod pa/ /dpa' bo dgra tshogs rgyal rnams khyod la dgab pa mdzad par 'gyur/ /rten mchog 'dir ni byams pas g.yon can bdud kyi phyogs/ /rgya chen pham mdzad
269a7 dpa' bo do mod byang chub brnyes/ /stobs bcu ma 'dres so so yang dag rig pa dang / /sangs rgyas yul rnams thams cad do mod brnyes par 'gyur/ /bdud gdul ched du
269b1 'dir ni g.yul ngor rab tu zhugs/ /rdzogs pa'i byang chub sems dpa'i stobs rtsal sus mthong ba/ /bye ba sum cu drug dang brag khrig nyi shu bzhi/ /de dag sangs rgyas byang chub mchog
269b2 tu yid kyis smon/ /bdud btul ba'i le'u zhes bya ba ste/ nyi shu rtsa gcig pa'o// //dge slong dag /de ltar byang chub sems dpa' bdud phyir rgol ba bcom
269b3 pa| dgra btul ba/ g.yul ngor g.yul las rnam par rgyal ba/ gdugs dang / rgyal mtshan dang / ba dan bsgreng bas 'dod pa rnams las dben pa/ sdig pa mi dge ba'i
269b4 chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas
269b5 so| |de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde
269b6 ba can bsam gtan gnyis pa rdzogs par byas te gnas so/ /de dga' ba'i 'dod chags dang bral bas btang snyoms la gnas shing / dran pa dang shes bzhin can yin te/ bde
269b7 ba lus kyis myong la/ 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste/ dga' ba med pa bsam gtan gsum pa rdzogs
270a1 par byas te gnas so/ /de bde ba'ang spangs te/ snga nas sdug bsngal yang spangs shing yid bde ba dang yid mi bde ba'ang nub pas bde ba'ang ma yin/ sdug
270a2 bsngal ba'ang ma yin pa btang snyoms dang dran pas yongs su dag pa bsam gtan bzhi ba rdzogs par byas te gnas so/ /de nas byang chub sems dpa' de lta bur snyoms par zhugs
270a3 pa'i sems yongs su dag pa/ yongs su byang ba/ 'od gsal ba/ nyon mongs pa med pa/ nye ba'i nyon mongs pa dang bral ba/ mnyen pa/ las su rung bar gnas pa/ mi g.yo bar gyur pas
270a4 nam gyi cha stod la lha'i mig las ye shes mthong ba'i rig pa mngon du bya ba'i phyir sems mngon par sgrub cing mngon par gtod do/ /de nas byang chub sems dpa' lha'i mig yongs su dag pa
270a5 mi'i las shin tu 'das pas sems can shi 'pho ba dang / skye ba dang / kha dog bzang po dang / kha dog ngan pa dang / bzang po dang / ngan pa rnams mthong ngo / /las ji lta ba bzhin du 'gro
270a6 ba'i sems can rnams kyang rab tu shes te/ kye ma sems can 'di dag ni lus kyis nyes par spyad pa dang ldan pa/ ngag dang yid kyis nyes par spyad pa dang ldan pa/ 'phags pa
270a7 rnams la skur ba 'debs pa/ log par lta ba dag ste/ de dag log par lta ba'i las yang dag par blangs pa'i rgyus lus zhig ste shi ba'i 'og tu ngan song ngan 'gro log par ltung ba
270b1 sems can dmyal ba rnams su skye bar 'gyur ba dag go /sems can 'di dag ni lus kyis legs par spyad pa dang ldan pa/ ngag dang yid kyis legs par spyad pa dang ldan pa/ 'phags
270b2 pa rnams la skur ba mi 'debs pa/ yang dag par lta ba dag ste/ de dag yang dag par lta ba'i las yang dag par blangs pa'i rgyus lus zhig nas bde 'gro mtho ris kyi 'jig rten du lha'i nang
270b3 du skye bar 'gyur ba dag go zhes bya bar rab tu shes so/ /de ltar lha'i mig rnam par dag pa mi'i las shin tu 'das pas sems can 'chi 'pho ba dang / skye ba dang / kha dog bzang po
270b4 dang / kha dog ngan pa dang / bde 'gror song ba dang / ngan 'gror song ba dang / ngan pa dang / bzang po dag dang / las ji lta ba bzhin du 'gro ba rnams mthong ngo / /dge slong dag /de ltar
270b5 byang chub sems dpa' nam gyi cha stod la rig pa mngon sum du byed do/ /mun pa sel to/ /snang ba bskyed do/ /de nas byang chub sems dpa' de lta bur snyoms par zhugs pa'i sems
270b6 yongs su dag pa/ yongs su byang ba/ 'od gsal ba/ nyon mongs pa med pa/ nye ba'i nyon mongs pa dang bral ba/ mnyen pa/ las su rung bar gnas pa/ mi g.yo bar gyur pas
270b7 nam gyi gung thun la sngon gyi gnas rjes su dran pa'i ye shes mthong ba'i rig pa mngon du bya ba'i phyir sems mngon par sgrub cing mngon par gtod do/ /de bdag dang sems can gzhan
271a1 dag gi sngon gyi gnas rnam pa du ma rjes su dran te/ 'di lta ste/ skye ba gcig dang / gnyis dang / gsum dang / bzhi dang / lnga dang / bcu dang / nyi shu dang /
271a2 sum cu dang / bzhi bcu dang / skye ba lnga bcu dang / skye ba brgya dang / skye ba stong dang / skye ba brgya stong dang / skye ba brgya stong phrag du ma dang / skye ba bye ba dang / skye ba bye ba phrag brgya
271a3 dang / skye ba bye ba phrag stong dang / skye ba bye ba brgya stong dang / skye ba bye ba khrag khrig brgya stong dang / skye ba bye ba brgya phrag du ma dang / skye ba bye ba stong phrag du ma dang / skye ba bye ba
271a4 brgya stong phrag du ma dang / skye ba bye ba khrag khrig brgya stong phrag du ma nas 'jig pa'i bskal ba dang / 'chags pa'i bskal pa dang / 'jig pa dang 'chags pa'i bskal pa dang /
271a5 'jig pa dang 'chags pa'i bskal pa du ma dag kyang rjes su dran no/ /bdag che ge mo zhes bya ba zhig tu gyur te/ ming 'di zhes bya bar gyur to/ /rus ni 'di zhes bya'o/ /rigs ni 'di
271a6 zhes bya'o/ /kha dog ni 'di lta bu'o/ /kha zas ni 'di lta bu zhig za za'o/ /tshe'i tshad ni 'di tsam zhig thub po/ /yun ni 'di srid cig gnas gnas so/ /bde ba dang sdug
271a7 bsngal ni 'di lta bu zhig myong ngo / /bdag de nas shi 'phos nas che ge mo zhes bya ba zhig tu skyes so/ /de nas shi 'phos nas kyang che ge mo zhes bya ba zhig tu skyes so/ /de nas shi 'phos
271b1 nas 'dir skyes so zhes rnam pa dang bcas/ yul phyogs dang bcas par bdag dang sems can thams cad kyi sngon gyi gnas rnam pa du ma rjes su dran no/ /de nas byang chub sems
271b2 dpa' de lta bur snyoms par zhugs pa'i sems yongs su dag pa/ yongs su byang ba/ 'od gsal ba/ nyon mongs pa med pa/ nye ba'i nyon mongs pa dang bral ba/ mnyen pa/
271b3 las su rung bar gnas pa/ mi g.yo bar gyur pas nam gyi cha smad skya rengs 'char ba'i dus kyi tshe rnga brdung ba'i nam tshod tsam na sdug bsngal dang / kun 'byung ba nub par bya ba
271b4 dang / zag pa zad pa shes pa mthong ba'i rig pa mngon du bya ba'i phyir sems mngon par sgrub cing mngon par gtod de/ de 'di snyam du sems te/ kye ma 'jig rten 'di ni 'di
271b5 lta ste/ skye ba dang / rga ba dang / na ba dang / 'chi ba dang / 'chi 'pho ba dang / skye bas sdug bsngal bar gyur pa yin na/ 'on kyang rga ba dang / na ba dang / 'chi ba la sogs pa'i sdug bsngal gyi phung
271b6 po chen po 'ba' zhig 'di las 'byung bar bya ba mi shes te/ e ma'o rga ba dang / na ba dang / 'chi ba la sogs pa sdug bsngal gyi phung po chen po 'ba' zhig 'di thams cad zad par bya bar
271b7 shes na ci ma rung snyam nas/ de nas byang chub sems dpa' 'di snyam du sems te/ gang yod pas rga ba dang 'chi ba byung / rga ba dang 'chi ba'i rkyen ni gang yin snyam nas des 'di
272a1 snyam du bsam ste/ skye ba yod pas rga shi byung ste/ rga shi'i rkyen ni skye ba yin no snyam mo/ /de nas yang byang chub sems dpa' 'di snyam du sems te/
272a2 gang yod pas skye ba byung / skye ba'i rkyen ni gang yin snyam nas des 'di snyam du bsam ste/ srid pa yod pas skye ba byung ste/ skye ba'i rkyen ni srid pa yin no snyam mo/ /de nas
272a3 yang byang chub sems dpa' 'di snyam du sems te/ gang yod pas srid pa byung / srid pa'i rkyen ni gang yin snyam nas nges 'di snyam du bsam ste/ len pa yod pas srid pa byung
272a4 ste| srid pa'i rkyen ni len pa yin no snyam mo/ /de nas byang chub sems dpa' 'di snyam du sems te/ gang yod pas len pa byung / len pa'i rkyen ni gang yin snyam nas des
272a5 'di snyam du bsam ste/ sred pa yod pas len pa byung ste/ len pa'i rkyen ni sred pa yin no snyam mo/ /de nas yang byang chub sems dpa' 'di snyam du sems te/ gang yod pas sred pa
272a6 byung / sred pa'i rkyen ni gang yin snyam nas des 'di snyam du bsam ste/ tshor ba yod pas sred pa byung ste/ sred pa'i rkyen ni tshor ba yin no snyam mo/ /de nas yang byang chub sems
272a7 dpa' 'di snyam du sems te/ gang yod pas tshor ba byung / tshor ba'i rkyen ni gang yin snyam nas nges 'di snyam du bsam ste/ reg pa yod pas tshor ba byung ste/ tshor ba'i rkyen ni reg pa
272b1 yin no snyam mo/ /de nas yang byang chub sems dpa' 'di snyam du sems te/ gang yod pas reg pa byung / reg pa'i rkyen ni gang yin snyam nas des 'di snyam du bsam ste/ skye mched
272b2 drug yod pas reg pa byung ste/ reg pa'i rkyen ni skye mched drug yin no snyam mo/ /de nas yang byang chub sems dpa' 'di snyam du sems te/ gang yod pas skye mched drug byung / skye
272b3 mched drug gi rkyen ni gang yin snyam nas nges 'di snyam du sems te/ ming dang gzugs yod pas skye mched drug byung ste/ skye mched drug gi rkyen ni ming dang gzugs yin no snyam
272b4 mo| |de nas yang byang chub sems dpa' 'di snyam du sems te/ gang yod pas ming dang gzugs byung / ming dang gzugs kyi rkyen ni/ gang yin snyam nas des 'di snyam du bsam ste/
272b5 rnam par shes pa yod pas ming dang gzugs byung ste/ ming dang gzugs kyi rkyen ni rnam par shes pa yin no snyam mo/ /de nas yang byang chub sems dpa' 'di snyam du sems te/ gang
272b6 yod pas rnam par shes pa byung / rnam par shes pa'i rkyen ni gang yin snyam nas des 'di snyam du bsam ste/ 'du byed yod pas rnam par shes pa byung ste/ rnam par shes pa'i rkyen
272b7 ni 'du byed yin no snyam mo/ /de nas yang byang chub sems dpa' 'di snyam du sems te/ gang yod pas 'du byed byung / 'du byed kyi rkyen ni gang yin snyam nas des 'di snyam du bsam
273a1 ste| ma rig pa yod pas 'du byed byung ste/ 'du byed kyi rkyen ni ma rig pa yin no snyam mo/ /de ltar byang chub sems dpa' 'di snyam du sems te/ ma
273a2 rig pa'i rkyen gyi 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /
273a3 skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye
273a4 ba| skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug
273a5 bsngal gyi phung po chen po 'ba' zhig 'di 'byung bar 'gyur ro snyam mo/ /dge slong dag /sngon ma thos pa'i chos rnams la kun 'byung kun 'byung zhes tshul bzhin yid la byed
273a6 cing mang du byed pas byang chub sems dpa'i ye shes skyes/ mig skyes/ rig pa skyes/ mang po shes pa skyes/ yid gzhungs pa skyes/ shes rab skyes so/ /snang ba byung ngo / /
273a7 de nas yang byang chub sems dpa' 'di snyam du sems te/ gang med pas rga shi med par 'gyur/ gang 'gags pas rga shi 'gag snyam nas des 'di snyam du bsam ste/ skye ba med
273b1 na rga shi med par 'gyur te/ skye ba 'gags pas rga shi 'gag go snyam mo/ /de nas yang byang chub sems dpa' 'di snyam du sems te/ gang med pas skye ba med par 'gyur/ gang 'gags
273b2 pas skye ba 'gag snyam nas des 'di snyam du bsam ste/ srid pa med na skye ba med par 'gyur te/ srid pa 'gags pas skye ba 'gag go snyam mo/ /de nas yang byang chub sems dpa' 'di
273b3 snyam du sems te/ gang med pas zhes bya ba nas rgyas par sbyar te 'du byed med par 'gyur/ gang 'gags pas 'du byed 'gag snyam pa'i bar du'o/ /des 'di snyam du bsam ste/ ma rig
273b4 pa med pas 'du byed med par 'gyur te/ ma rig pa 'gags pas 'du byed 'gag go /'du byed 'gags pas rnam par shes pa 'gag go zhes bya ba nas skye ba 'gags pas rga shi dang /
273b5 mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' zhig 'di 'gag par
273b6 'gyur ro snyam pa'i bar du'o/ /dge slong dag /de ltar sngon ma thos pa'i chos rnams la tshul bzhin yid la byed cing mang du byed pas byang chub sems dpa'i ye shes skyes/ mig skyes/
273b7 rig pa skyes/ mang po shes pa skyes/ yid gzhungs pa skyes/ shes rab skyes so/ /snang ba byung ngo / /dge slong dag /ngas de'i tshe 'di ni zag pa sdug bsngal lo zhes yang dag pa
274a1 ji lta ba bzhin du shes so/ /'di ni zag pa'i kun 'byung ba'o/ /'di ni zag pa 'gog pa'o/ /'di ni zag pa 'gog par 'gro ba'i lam mo/ /zhes
274a2 yang dag pa ji lta ba bzhin du shes so/ /'di ni 'dod pa'i zag pa'o/ /'di ni srid pa'i zag pa'o/ /'di ni ma rig pa'i zag pa'o/ /'di ni lta ba'i zag pa'o/ /'dir
274a3 zag pa ma lus par 'gag go /'dir zag pa ma lus par mi snang bar 'gyur zhing nub par 'gyur ro/ /'di ni ma rig pa'o/ /'di ni ma rig pa'i kun 'byung ba'o/ /'di ni
274a4 ma rig pa 'gog pa'o/ /'di ni ma rig pa 'gog par 'gro ba'i lam mo zhes yang dag pa ji lta ba bzhin du shes so/ /'dir ma rig pa ma lus par mi snang bar 'gyur te/ nub
274a5 par 'gyur ro/ /zhes bya bar de bzhin du sbyar ro/ /'di dag ni 'du byed rnams so/ /'di ni 'du byed kyi kun 'byung ba'o/ /'di ni 'du byed 'gog pa'o/ /'di ni 'du byed 'gog
274a6 par 'gro ba'i lam mo zhes yang dag pa ji lta ba bzhin du shes so/ /'di ni rnam par shes pa'o/ /'di ni rnam par shes pa'i kun 'byung ba'o/ /'di ni/ rnam par shes pa
274a7 'gog pa'o/ /'di ni rnam par shes pa 'gog par 'gro ba'i lam mo zhes yang dag pa ji lta ba bzhin du shes so/ /'di ni ming dang gzugs so/ /'di ni ming dang gzugs
274b1 kyi kun 'byung ba'o/ /'di ni ming dang gzugs 'gog pa'o/ /'di ni ming dang gzugs 'gog par 'gro ba'i lam mo/ /zhes yang dag pa ji lta ba bzhin du shes so/ /'di ni skye
274b2 mched drug go /'di ni skye mched drug gi kun 'byung ba'o/ /'di ni skye mched drug 'gog pa'o/ /'di ni skye mched drug 'gog par 'gro ba'i lam mo zhes yang dag pa ji lta
274b3 ba bzhin du shes so/ /'di ni reg pa'o/ /'di ni reg pa'i kun 'byung ba'o/ /'di ni reg pa 'gog pa'o/ /'di ni reg pa 'gog par 'gro ba'i lam mo zhes yang dag
274b4 pa ji lta ba bzhin du shes so/ /'di ni tshor ba'o/ /'di ni tshor ba'i kun 'byung ba'o/ /'di ni tshor ba'i 'gog pa'o/ /'di ni tshor ba 'gog par 'gro ba'i lam mo/ /'di
274b5 ni sred pa'o/ /'di ni sred pa'i kun 'byung ba'o/ /'di ni sred pa 'gog pa'o/ /'di ni sred pa 'gog par 'gro ba'i lam mo/ /'di ni len pa'o/ /'di ni len pa'i
274b6 kun 'byung ba'o/ /'di ni len pa 'gog pa'o/ /'di ni len pa 'gog par 'gro ba'i lam mo/ /'di ni srid pa'o/ /'di ni srid pa'i kun 'byung ba'o/ /'di ni srid pa 'gog
274b7 pa'o| |'di ni srid pa 'gog par 'gro ba'i lam mo/ /'di ni skye ba'o/ /'di ni skye ba'i kun 'byung ba'o/ /'di ni skye ba 'gog pa'o/ /'di ni skye ba 'gog par 'gro ba'i lam
275a1 mo| |'di ni rga ba'o/ /'di ni rga ba'i kun 'byung ba'o/ /'di ni rga ba 'gog pa'o/ /'di ni rga ba 'gog par 'gro ba'i lam mo/ /'di ni 'chi ba'o/ /
275a2 'di ni 'chi ba'i kun 'byung ba'o/ /'di ni 'chi ba 'gog pa'o/ /'di ni 'chi ba 'gog par 'gro ba'i lam mo zhes yang dag pa ji lta ba bzhin du shes so/ /'di dag ni mya
275a3 ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams te/ de ltar sdug bsngal gyi phung po chen po 'ba' zhig 'di 'byung bar 'gyur ba
275a4 nas/ 'gog par 'gyur ro zhes bya ba'i bar du yang dag pa ji lta ba bzhin du shes so/ /'di ni sdug bsngal lo/ /'di ni sdug bsngal gyi kun 'byung ba'o/ /'di ni sdug
275a5 bsngal 'gog pa'o/ /'di ni sdug bsngal 'gog par 'gro ba'i lam mo zhes yang dag pa ji lta ba bzhin du shes so/ /dge slong dag/ de ltar byang chub sems dpas nam gyi
275a6 cha smad skya rengs 'char ba'i dus kyi tshe rnga brdung ba'i nam tshod tsam na skyes bu dang / skyes bu dam pa dang / skyes bu mchog dang / skyes bu chen po dang / skyes bu khyu mchog dang /
275a7 skyes bu glang po dang / skyes bu seng+ge dang / skyes bu skyes mchog dang / skyes bu dpa' bo dang / skyes bu rtul phod dang / skyes bu cang shes dang / skyes bu pad+ma dang / skyes bu
275b1 pad+ma dkar po dang / skyes bu ljid khyer ba dang / skyes bu kha lo sgyur ba bla na med pas 'phags pa'i ye shes kyis shes par bya ba dang / khong du chud par bya ba dang / thob par bya ba dang / blta
275b2 bar bya ba dang / mngon du bya ba gang ci'ang rung ste/ de thams cad sems kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par
275b3 rdzogs par sangs rgyas nas rig pa gsum thob bo/ /dge slong dag /de nas lha'i bu rnams kyis smras pa/ grogs po dag /bcom ldan 'das mngon par rdzogs par sangs
275b4 rgyas kyi| me tog gtor cig ces byas so/ /de na lha'i bu gang dag sngon gyi sangs rgyas mthong ba de dag 'dus nas de dag gis de dag la smras pa/ grogs po dag /sngon gyi yang
275b5 dag par rdzogs pa'i sangs rgyas rnams kyang brda mdzad cing brda mngon par sprul pa mdzad kyi/ bcom ldan 'das kyis brda ma mdzad kyi bar du me tog ma gtor cig /dge slong dag /de
275b6 nas de bzhin gshegs pas lha'i bu de dag yid gnyis su gyur par mkhyen nas shing ta la bdun tsam du nam mkha' la mngon par 'phags te/ der bzhugs nas lam gyi rgyun ni chad
275b7 do| |rdul ni nye bar zhi'o/ /zag pa ni bskams te/ yang mi zag go/ lam ni chad de/ yang mi 'jug go /'di ni sdug bsngal gyi mtha' zhes bya'o zhes ched du brjod pa ched
276a1 du brjod do/ /de nas lha'i bu de dag gis de bzhin gshegs pa la lha'i me tog gis gtor te/ de nas lha'i me tog pus mo nub tsam du bkram par gyur to/ /
276a2 dge slong dag /de ltar de bzhin gshegs pas mngon par rdzogs par sangs rgyas te mun pa mun nag dang ni bral/ sred pa ni rnam par sbyangs/ lta ba ni bzlog/ nyon mongs
276a3 pa rnams ni rnam par dkrugs/ zug rngu ni phyung / mdud pa ni bkrol/ nga rgyal gyi rgyal mtshan ni bsnyal/ chos kyi rgyal mtshan ni bsgreng / bag la nyal rnams ni bton/
276a4 chos kyi de bzhin nyid ni mkhyen/ yang dag pa'i mtha' ni thugs su chud/ chos kyi dbyings ni yongs su mkhyen/ sems can gyi khams ni rnam par bkod/ yang dag
276a5 pa nyid du nges pa'i phung po ni bsngags/ log pa nyid du nges pa'i phung po ni smad/ ma nges pa'i phung po ni yongs su bzung / sems can gyi dbang po rnams la ni rnam par
276a6 gzigs/ sems can gyi spyod pa ni yongs su mkhyen/ sems can gyi nad gso ba ni thugs su chud/ bdud rtsi'i sman sbyar ba ni grub/ sman pa'i rgyal por ni byung / sdug
276a7 bsngal thams cad las rab tu thar par mdzad pa por ni gyur/ mya ngan las 'das pa'i bde ba la 'jog pa por ni gyur/ de bzhin gshegs pa'i snying po/ de bzhin gshegs
276b1 pa'i chos kyi rgyal po'i khri chen po la ni bzhugs/ rnam par grol ba'i thabs ni/ brnyes/ thams cad mkhyen pa nyid kyi grong khyer du ni zhugs/ sangs rgyas thams cad dang yang
276b2 dag par ni 'dres/ chos kyi dbyings thugs su chud pa las dbyer med par ni gyur to/ /dge slong dag /de bzhin gshegs pa ngas 'dir thog ma med pa'i skye ba dang / rga ba
276b3 dang / 'chi ba'i sdug bsngal mthar phyung ngo zhes zhag bdun pa dang po la byang chub kyi snying po de nyid na bzhugs so// //'phags pa rgya cher rol pa zhes bya ba theg pa chen po'i
276b4 mdo bam po bco lnga pa/ dge slong dag /byang chub sems dpas thams cad mkhyen pa nyid thob ma thag tu de nas skad cig de nyid la phyogs bcu'i 'jig rten gyi khams thams
276b5 cad kyi sems can thams cad skad cig de dang / thang gcig de dang / yud tsam de la mchog tu bde ba dang ldan par gyur to/ /'jig rten gyi khams thams cad kyang snang ba chen pos
276b6 snang bar byas nas 'jig rten gyi bar sdig pa sdig pas khyab pa mun nag ces bya ba snga ma bzhin no/ /phyogs bcu'i 'jig rten gyi khams thams cad rnam pa drug tu g.yos/ rab tu
276b7 g.yos| kun tu rab tu g.yos so/ /ldeg/ rab tu ldeg /kun tu rab tu ldeg go /'gul/ rab tu 'gul/ kun tu rab tu 'gul to/ /'khrugs/ rab tu 'khrugs/ kun tu rab tu
277a1 'khrugs so/ /chem chem/ rab tu chem chem/ kun tu rab tu chem chem mo/ /'ur 'ur/ rab tu 'ur 'ur/ kun tu rab tu 'ur 'ur ro/ /sangs rgyas thams
277a2 cad kyis kyang de bzhin gshegs pa mngon par rdzogs par sangs rgyas pa la legs so zhes bya ba byin te/ chos kyi dgab pa dag kyang bskur ro/ /chos kyi dgab pa de dag gis stong
277a3 gsum gyi stong chen po'i 'jig rten gyi khams 'dir rin po che'i gdugs gcig gis khebs par gyur te/ rin po che'i gdugs de las kyang rnam pa de lta bu'i 'od zer gyi dra ba byung
277a4 ste| de dag gis phyogs bcu'i 'jig rten gyi khams grangs med dpag tu med pa dag snang bar byas nas phyogs bcu'i byang chub sems dpa' rnams dang / lha'i bu rnams kyang
277a5 kun dga' ba'i sgra brjod par gyur te/ sems can mkhas pa'i pad+ma ye shes kyi mtsho las byung ba/ 'jig rten gyi chos rnams kyis ma gos pa byung ngo / /thugs rje chen po'i
277a6 sprin yang dag par 'phags te/ chos kyi dbyings kyi gnas khyab par mdzad nas 'dul ba'i skye bo'i sman gyi chos kyi char/ dge ba'i rtsa ba'i sa bon thams cad kyi myu gu skyed pa/
277a7 dad pa'i myu gu rnams rnam par 'phel bar byed pa/ rnam par grol ba'i 'bras bu rnams 'byin par byed pa'i char 'bebs par 'gyur ro zhes 'dzer to/ /de la 'di skad ces bya
277b1 ste| skyes bu seng+ge de yis dpung bcas bdud btul te/ /ston pas bsam gtan bde ba mngon du mdzad nas ni/ /gang tshe stobs bcu sa rig pa gsum po brnyes gyur tshe/ /phyogs
277b2 bcu'i sangs rgyas zhing mang bye ba g.yos par gyur/ /chos 'dod byang chub sems dpa' gang dag yongs lhags pa/ /zhabs la gtugs te 'di skad tshig smras ma mnyel tam|/
277b3 bdag cag mngon sum ci 'dra shin tu 'jigs dpung de/ /shes rab bsod nams stobs dang brtson 'grus stobs kyis bcom/ /khrag khrig zhing nas sangs rgyas rnams kyis
277b4 gdugs rnams bskur/ /des pa skyes bu chen po bdud kyi sde rnams btul/ /khyod kyis gnas mchog 'chi med mya ngan med pa brnyes/ /srid pa gsum du dam chos char pa
277b5 myur du phob/ /phyogs bcu'i sems can snying po rnams kyis phyag brkyangs te/ /ka la ping+ka'i sgra yi gsung du brjod pa na/ /bdag cag ji ltar byang chub thob ltar khyod sangs
277b6 rgyas| |dper na mar dang mar gyi nying khu mtshungs 'dra bzhin/ /dge slong dag /de nas 'dod pa na spyod pa'i lha'i bu mo dag gis de bzhin gshegs pa byang chub kyi snying po la bzhugs
277b7 pa mngon par shes pa brnyes pa dang / brnag pa yongs su rdzogs pa dang / g.yul las rnam par rgyal ba dang / bdud phyir rgol ba pham par mdzad pa dang / gdugs dang / rgyal
278a1 mtshan dang / ba dan bsgreng ba dang / dpa' ba dang / rgyal ba 'phags pa dang / skyes bu dang / skyes bu chen po dang / sman pa'i mchog dang / zug rngu 'byin
278a2 pa chen po dang / seng+ge ltar mi bsnyengs shing spu zing zhes byed pa mi mnga' ba dang / glang po ltar thugs shin tu dul ba dang / dri ma gsum spangs pas dri ma mi mnga' ba dang / rig
278a3 pa gsum brnyes pas mkhyen pa po dang / chu bo bzhi las brgal bas pha rol tu byon pa dang / rin po che'i gdugs gcig 'dzin pas rgyal rigs su gyur pa dang / sdig
278a4 pa'i chos spangs pas 'jig rten gsum gyi bram zer gyur pa dang / ma rig pa'i sgo nga'i sbubs bcom pas dge slong du gyur pa dang / chags pa thams cad las yang
278a5 dag par 'das pas dge sbyong du gyur pa dang / nyon mongs pa bsal bas gtsang spra can du gyur pa dang / rgyal mtshan ma bsnyal bas dpa' ba dang / stobs bcu mnga' ba'i shin
278a6 tu stobs dang ldan pa dang / rin po che'i 'byung gnas ltar chos rin po che thams cad yongs su rdzogs par rig nas byang chub kyi snying po logs su phyogs te tshigs su
278a7 bcad pa 'di dag gis mngon par bstod do/ /'di ni shing gi rgyal drung du/ /bdud sde mngon du pham mdzad nas/ /ri rab lta bur mi g.yo bzhugs/ /bsnyengs pa mi mnga'
278b1 'bros mi mdzad/ /'dis ni bskal pa bye mang du/ /sbyin dang dul dang sdom pa yis/ /byang chub dam pa yang dag bsgrubs/ /des na 'di ni do mod mdzes/ /byang chub dam pa tshol
278b2 pa na| |'di yis bskal pa bye mang du/ /tshul khrims brtul zhugs dka' thub kyis/ /brgya byin tshangs pa zil du brlag /'di yis bskal pa bye mang du/ /bzod pa'i stobs
278b3 kyi go mnabs te/ /sdug bsngal rnams ni dang du blangs/ /des ni gser mdog 'od dang ldan/ /'di yis bskal pa bya mang du/ /brtson 'grus stobs dang rtsal gyis ni/ /gzhan
278b4 dag phyir bsnyil mdzad mdzad de/ /des na bdud kyi sde las rgyal/ /'di yis bskal pa bye mang du/ /bsam gtan mngon shes ye shes kyis/ /thub pa'i dbang po yang dag
278b5 mchod| |des na do mod 'di la mchod/ /'di yis bskal pa bye mang du/ /shes rab dang ni gsan pa bsags/ /sems can bye bar phan yang btags/ /des na byang chub
278b6 myur du brnyes/ /'di ni phung pos bdud las rgyal/ /'chi bdag nyon mongs bdud las rgyal/ /'di ni lha yi bdud las rgyal/ /des 'di mya ngan mi 'da' 'o/ /'di ni shin tu lha yi lha//
278b7 lha rnams kyis kyang mchod pa'i tshe/ /'jig rten gsum na mchod pa'i 'os/ /bsod nams don du gnyer ba'i zhing / /'chi med 'bras bu sbyin mdzad pa/ /'di ni sbyin gnas dam
279a1 pa ste| |'di la sbyin pa btang na de/ /byang chub dam pa thob bar du/ /bar ma dor ni chud mi za/ /'di yi mdzod spu mdzes pa yis/ /zhing mang bye ba gsal
279a2 bar bgyid/ /nyi zla dag kyang zil du brlag /sems can rnams la snang bar gyur/ /'di yi gzugs ni gzugs mdzes te/ /gzugs kyi dam pa legs pa'i gzugs/ /
279a3 mtshan mchog mnga' zhing phan pa bzhed/ /'jig rten gsum na mchod pa'i 'os/ /'di spyan shin tu rnam dag ste/ /zhing rnams dang ni sems can tshogs/ /sems dang ldan
279a4 dang sems med pa/ /mang po dag la rang byung gzigs/ /'di snyan shin tu rnam dag ste/ /lha yi dag dang mi yi dang / /rgyal ba rnams kyi chos smra dang / /mtha' yas pa yi sgra
279a5 rnams gsan/ /'di yi ljags ni yangs pa ste/ /ka la ping+ka 'jam pa'i dbyangs/ /'chi med rab tu zhir 'gro ba'i/ /chos ni 'di las bdag cag mnyan/ /bdud kyi sde rnams
279a6 gzigs gyur kyang / /de yi thugs ni 'khrugs mi mnga'/ /lha yi tshogs rnams gzigs gyur kyang / /shin tu thugs gzhungs dgyes mi mnga'/ /'di yis mtshon dang mda'
279a7 rnams kyis/ /bdud kyi sde las rgyal ma lags/ /bden pa brtul zhugs dka' thub kyis/ /sdang ba'i gyad las 'di rgyal lo/ /gdan las ma bskyod bzhin du ni/ /de yi sku la gnod
279b1 ma byung / /de yi skabs su byams mi mnga'/ /zhe sdang gyur pa'ang ma lags so/ /gang dag khyod las chos thos nas/ /sgrub pa bgyid par 'tshal ba yi/ /lha dang mi rnams de dag ni/ /
279b2 rnyed pa legs par rnyed pa lags/ /rgyal ba bsod nams gzi mnga' ba/ /khyod la bstod pa'i bsod nams kyis/ /mi yi zla ba khyod 'dra bar/ /kun kyang myur du 'gyur bar shog /
279b3 skyes bu khyu mchog 'dren pas byang chub sangs rgyas nas/ /khrag khrig zhing rnams bskyod cing bdud kyang pha ma mdzad de/ /tshangs pa'i dbyangs dang ka la ping+ka'i sgra skad kyis/ /
279b4 'dren pas thog mar tshigs su bcad pa 'di gsungs so/ /bsod nams rnam smin bde sde sdug bsngal thams cad sel/ /bsod nams ldan pa'i mi yi bsam pa rnams kyang 'grub//
279b5 bdud bcom nas ni byang chub myur du reg par 'gyur/ /mya ngan 'das pa zhi ba bsil ba'i dngos po thob/ /de bas bsod nams bya bas chog par su zhig 'dzin/ /bdud rtsi
279b6 chos mnyan pas kyang chog bar su zhig 'dzin/ /skye bo med pa'i nags gnas chog par su zhig 'dzin/ /sems can don bya bas kyang chog par su zhig 'dzin/ /byang chub
279b7 sems dpas lag pa brkyangs te tshig brjod pa/ /mchod pa byas kyi rang rang dag gi zhing du dengs/ /kun gyis de bzhin gshegs pa'i zhabs la phyag 'tshal nas/ /sna tshogs bkod
280a1 pas rang rang dag gi zhing du dong / /dpung rnams phan tshun chen po byung ba de gzigs nas/ /bde bar gshegs pa tshul du shis par rnam par rol/ /
280a2 dpung bcas bdud las rgyal te bdud rtsi reg shog ces/ /sems can rnams kyis mtshungs med sems kyis byang chub smon/ /dge slong dag/ de bzhin gshegs pa byang
280a3 chub kyi shing drung na seng+ge'i gdan la bzhugs te mngon par rdzogs par sangs rgyas nas skad cig de la sangs rgyas kyi rnam par rol pa dpag tu med pa mdzad de/ de dag ni
280a4 bskal par yang bstan par sla ba ma yin no/ /de la 'di skad ces bya ste/ sa ni lag mthil lta bur mnyam par gnas par 'gyur/ /'dab ma brgya pa rgyas pa 'od dang
280a5 ldan pa byung / /lha rnams brgya stong byang chub snying por rab tu 'dud/ /seng+ge sgra yi mtshan ma dang po 'di 'dir mthong / /stong gsum shing brgya dag dang ri rnams du ma dang / /
280a6 ri yi rgyal po lhun po byang chub snying por 'dud/ /stobs bcu'i gan du song ste brgya byin tshangs pa 'dud/ /'di yang mi yi seng+ge byang chub snying por rol/ /sku las 'od zer
280a7 brgya stong dag ni rab bkye ste/ /rgyal ba'i zhing mchog khyab nas ngan song gsum po zhi/ /de nas skad cig yud tsam mi khom bskams par gyur/ /sems can gang la'ang tha
280b1 ba rgyags sdang gnod pa med/ /'di yang mi yi seng+ge gdan la bzhugs pa'i rol/ /nyi zla nor bu med dang glog dang lha yi 'od/ /'od dang ldan pa'i rlabs kyis zil mnan lam me
280b2 min| |'gro ba gang gis kyang ni ston pa'i gtsug mi mthong / /'di yang mi yi seng+ge gdan la bzhugs pa'i rol/ /phyag gi mthil gyis reg nas sa yang rnam drug g.yos/ /de
280b3 yi bdud kyi sde rnams shing bal bzhin du dkrugs/ /bdud ni mda' thogs sa la ri mo gang 'bri ba/ /'di yang mi yi seng+ge gdan la rol pa lags/ /mngon par rdzogs par byang
280b4 chub pa'i le'u zhes bya ba ste/ nyi shu rtsa gnyis pa'o// //de nas gnas gtsang ma'i ris kyi lha'i bu rnams kyis byang chub kyi snying po la bzhugs pa'i de bzhin
280b5 gshegs pa la bskor ba byas te/ lha'i tsan+dan gyi phye ma'i char mngon par phab nas tshul dang mthun pa'i tshigs su bcad pa 'di dag gis bstod do/ /'jig rten gsal bar
280b6 mdzad pa byung / /'jig rten mgon po 'od mdzad pa/ /'jig rten ldongs par gyur pa la/ /nyon mongs spangs pa mig sbyin pa/ /khyod ni g.yul las rnam par rgyal/ /bsod nams
280b7 dag gis dgongs pa rdzogs so/ /dkar po'i chos rnams kun tu rdzogs/ /khyod ni 'gro ba'i tshim mdzad 'gyur/ /sdig pa mi mnga' 'dam las rgal/ /gau ta ma ni thang la bzhugs//
281a1 sems can gzhan dag klung chen gyis/ /khyer ba rnams kyang sgrol bar 'gyur/ /shes rab chen po khyod 'phags te/ /'jig rten dag na zla ma mchis
281a2 'jig rten chos kyis khyod mi gos/ /chab na mchis pa'i pad+ma bzhin/ /'jig rten ring nas gnyid log 'di/ /mun pa'i phung pos gtibs pa la/ /khyod ni shes rab sgron ma
281a3 yis/ /rab tu sad par mdzad pa sbyong / /'tsho ba'i 'jig rten ring nas ni/ /nyon mongs nad kyis gzir ba la/ /nad rnams kun las thar mdzad pa/ /sman pa'i rgyal po yang dag
281a4 byung / /'jig rten mgon po khyod byung bas/ /mi khom rnams ni stong par 'gyur/ /lha rnams dang ni mi dag kyang / /bde ba rnams dang ldan par 'gyur/ /skyes bu khyu mchog des
281a5 pa khyod| |lta bar gang dag 'dong bgyid pa/ /de dag bskal pa stong rnams su/ /nam yang ngan 'gror mchi mi 'gyur/ /gang dag chos nyan 'gyur ba rnams/ /de dag mkhas shing
281a6 nad med dang / /zag dang phung po zad pa dang / /'jigs pa med pa rnams su 'gyur/ /nyon mongs bcings pa bcad nas ni/ /kun kyang len pa ma mchis par/ /myur du rab tu grol
281a7 'gyur te/ /dge ba mchog gi 'bras bu thob/ /de dag 'jig rten sbyin gnas te/ /sbyin pa rnams ni blang ba'i 'os/ /de dag yon phul mi chung ste/ /kun kyang mya ngan 'das rgyu
281b1 lags| |dge slong dag /de ltar gnas gtsang ma'i ris kyi lha'i bu rnams kyis de bzhin gshegs pa la mngon par bstod nas thal mo sbyar te/ de bzhin gshegs pa la phyag
281b2 'tshal zhing phyogs gcig tu 'khod do/ /de nas 'od gsal gyi lha'i bu rnams kyis de bzhin gshegs pa byang chub kyi snying po la bzhugs pa la me tog dang / bdug pa dang / spos
281b3 dang | phreng ba dang / phyug pa dang / gdugs dang / rgyal mtshan dang / ba dan rnam pa sna tshogs kyis cho ga bzhin du mchod nas lan gsum bskor ba byas te tshigs su bcad pa 'di dag
281b4 gis mngon par bstod do/ /thub pa thugs zab gsung ni shin tu snyan/ /thub mchog tshangs dbyangs glu ltar gsung snyan mchog /byang chub rab mchog shin tu dam pa brnyes/ /dbyangs
281b5 kun mthar phyin khyod la phyag 'tshal lo/ /khyod skyabs khyod gling khyod ni dpung gnyen te/ /khyod ni 'jig rten mgon po byams thugs mdzad/ /khyod ni sman pa'i dam pa zug rngu 'byin/ /
281b6 gso ba phan mdzad khyod ni dam pa mchog /mar me mdzad pa gzigs ma thag tu khyod/ /byams dang thugs rje'i sprin gyi dra ba bsgrubs/ /mgon po bdud rtsi'i rgyun gyi char phob la/ /lha
281b7 mi rnams kyi gdung bzhi bar mdzod/ /khyod ni srid gsum mi gos pad+ma 'dra/ /khyod ni mi g.yo mi bskyod lhun po 'dra/ /khyod ni thugs dam mi g.yo rdo rje bzhin/ /yon tan mchog kun
282a1 mnga' ste zla ba 'dra/ /dge slong dag/ de ltar 'od gsal gyi lha rnams kyis de bzhin gshegs pa la mngon par bstod nas thal mo sbyar te/ de
282a2 bzhin gshegs pa la phyag 'tshal zhing phyogs gcig tu 'khod do/ /de nas lha'i bu rab tshangs pa la sogs pa tshangs ris kyi lha rnams kyis de bzhin gshegs pa byang
282a3 chub kyi snying po la bzhugs pa la nor bu rin po che bye ba khrag khrig brgya stong du mas spras pa'i rin po che'i dra bas bkab ste lan gsum bskor ba byas nas tshul dang mthun pa'i
282a4 tshigs su bcad pa 'di dag gis mngon par bstod do/ /dge ba dri med shes rab 'od dang gzi brjid ldan/ /mtshan gyi dam pa sum cu rtsa gnyis mchog mnga' ba/ /dran dang ldan
282a5 zhing blo gros ldan pa ye shes mnga'/ /mnyel ba mi mnga' khyod la mgo bos phyag 'tshal lo/ /dri gsum dri mi mnga' ba dri med dri ma bral/ /'jig rten gsum du grags shing
282a6 rig pa gsum brnyes pa/ /rnam par thar pa dam pa gsum gyi mig sbyin pa/ /spyan gsum dri ma mi mnga' khyod la phyag 'tshal lo/ /dus ngan rnyog pa bsal ba rab tu zhi
282a7 thugs ldan/ /thugs brtse thugs rjes 'phags pa 'gro ba'i don mdzad pa/ /thub pa dgyes pas 'phags pa thugs ni rab zhi ba/ /khyod ni yid gnyis grol bar mdzad pa
282b1 btang snyoms dgyes/ /brtul zhugs dka' thub 'phags pa 'gro ba'i don mdzad pa/ /rang spyod rnam par dag cing spyod pa'i pha rol byon/ /bden pa bzhi po ston pa rnam thar dgyes
282b2 pa po| |grol bar gyur nas 'gro ba gzhan yang grol mdzad pa/ /stobs dang brtson 'grus ldan pa'i bdud po 'dir lhags pa/ /shes rab brtson 'grus de bzhin byams pas
282b3 pham mdzad nas/ /khyod kyis go 'phang dam pa 'chi ba med pa brnyes/ /g.yon can dpung rnams bcom pa khyod la phyag 'tshal lo/ /dge slong dag /de ltar lha'i bu rab tshangs pa la
282b4 sogs pa tshangs ris kyi lha rnams kyis de bzhin gshegs pa la tshigs su bcad pa 'di dag gis mngon par bstod nas thal mo sbyar te/ de bzhin gshegs pa la phyag 'tshal
282b5 zhing phyogs gcig tu 'khod do/ /de nas bdud kyi bu dkar po'i phyogs pa de de dag de bzhin gshegs pa ga la pa der song ste phyin pa dang / rin po che'i gdugs dang / bla bre
282b6 chen po rnams kyis de bzhin gshegs pa la mngon par bkab nas thal mo sbyar te/ de bzhin gshegs pa la tshul dang mthun pa'i tshigs su bcad pa 'di dag gis mngon
282b7 par bstod do/ /khyod stobs shin tu rgya che ba dang bdud dpung drag po bdag cag mngon sum ste/ /bdud dpung rab 'jigs chen po de yang khyod kyis skad cig gcig la pham
283a1 par mdzad/ /khyod ni bzhengs par ma gyur sku yang mi g.yo gsung yang brjod pa ma mdzad de/ /thub pa don kun 'grub pa 'jig rten gsum
283a2 gyis mchod pa khyod la bdag phyag 'tshal/ /bdud kyi bu mo bye ba khrag khrig stong phrag du ma gang+gA'i bye ma snyed/ /de dag rnams kyis byang chub shing mchog drung nas khyod ni bskyod cing
283a3 g.yo ma nus/ /mchod sbyin bye ba khrag khrig stong phrag du ma gang+gA'i bye ma snyed mdzad de/ /byang chub shing drung bzhugs pa des na de ring khyod ni rnam par mdzes pa lags/ /
283a4 byang chub spyad pa dam pa spyod mdzad tshe na shin tu sdug pa'i btsun mo dang / /phangs pa'i sras dang bran mo de bzhin skyed mos tshal dang grong khyer dang / /yul 'khor grong rdal dag dang
283a5 rgyal srid rnams dang btsun mo'i 'khor dang glang po dang / /dbu dang spyan dang ljags dang de bzhin zhabs btang des na de ring rnam par mdzes/ /nga ni sangs rgyas 'gyur te
283a6 bsam gtan rdzu 'phrul blo yi go bgos nas/ /sems can bya ba khrag khrig mang po sdug bsngal rgya mtshos khyer bar gyur pa rnams/ /dam chos gru yis nyid kyis bsgral
283a7 bar bya zhes khyod kyis lan mang gsung brjod pa/ /khyod kyis smon lam de ni grub lags srog chags rnams kyang sgrol bar mdzad par 'gyur/ /smra ba'i khyu mchog
283b1 'jig rten mig sbyin mdzad pa khyod la bstod pa'i bsod nams de/ /bdag cag thams cad dga' mgu yid gyur thams cad mkhyen pa nyid du smon lam 'debs/ /sangs rgyas
283b2 rnams kyis rab bsngags byang chub dam pa mtshungs med yang dag bsgrubs nas ni/ /de ltar bdud sde 'khor de bcom nas thams cad mkhyen nyid 'tshang rgyar 'gyur bar shog /
283b3 dge slong dag /de ltar bdud kyi bu rnams kyis de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs gcig tu
283b4 'khod do/ /de nas lha'i bu gzhan 'phrul dbang byed kyi lha'i bu brgya stong du mas yongs su bskor te/ mdun du bdar nas de bzhin gshegs pa la dzam+bu gling gi gser gyi pad+ma dag gis
283b5 mngon par gtor te spyan snga nas tshigs su bcad pa 'di dag gis mngon par bstod do/ /gsung ni dpyas ma mchis shing ma 'khrul rnam par ma 'khrugs pa/ /mun rdul bral zhing
283b6 'chi med rtogs par thugs su chud par gyur/ /lha yul mi yul pa yi dpal dang bgyi ba gzhal med 'os/ /rab tu 'bar ba'i blo gros ldan la mgo bos phyag 'tshal lo/ /dka' ba
283b7 mdzad pa nyon mongs spong ba rdul dang dri ma sel/ /shin tu dga' ba'i gsung gis lha dang mi rnams dga' bar mdzod/ /sku mchog 'od zer rgyas pa dri ma shin tu mnga' bas/ /lha
284a1 dang mi yi bdag po bzhin du 'gro ba 'di las rgyal/ /pha rol tshogs rnams rab tu 'joms pa gzhan gyi spyod mkhas pa/ /lha dang mi yi srid par
284a2 dga' ba gzhan gyi blo sel ba/ /shin tu mkhas pa blo ldan gzhan gyi spyod pa rnam par phyi/ /stobs bcu mnga' ba gshegs pa'i lam 'dir rnam par rgyu ba mdzod/ /srid
284a3 pa 'dzin dang sdug bsngal log 'dzin rgya chen 'dor sel te/ /lha mi blo gros 'dul ba ji lta bzhin du 'dul bar mdzod/ /zla ba bzhin du mkha' las phyogs bzhi dag tu rnam rgyu
284a4 ba| |srid pa gsum 'dir rmad byung mig dang dpung gnyen gyur par shog /lha dang mi yi srid pa dga' yang yul la 'khrul mi mnga'/ /'dod pa'i dga' dang bral zhing dge ba'i
284a5 dga' la dgyes pa po/ /'khor la sgrog pa 'jig rten gsum na khyod dang mtshungs ma mchis/ /khyod 'dir 'gro ba rnams kyi mgon dang skyabs dang dpung gnyen lags/ /dge
284a6 slong dag /de ltar lha'i bu dbang sgyur la sogs pa gzhan 'phrul dbang byed kyi lha'i bu rnams kyis de bzhin gshegs pa la mngon par bstod nas thal mo sbyar te/ de bzhin
284a7 gshegs pa la phyag 'tshal zhing phyogs gcig tu 'khod do/ /de nas lha'i bu rab 'phrul rab 'phrul gyi lha'i tshogs kyis yongs su bskor cing mdun du bdar te/ de bzhin
284b1 gshegs pa la dar gyi lnga ldis g.yogs nas spyan snga nas tshigs su bcad pa 'di dag gis mngon par bstod do/ /dri ma rnam gsum spangs pas khyod ni chos kyi snang ba yang dag
284b2 'phags/ /gti mug dang ni lta dang ma rig 'joms pa mdzes dang dpal gyis rgyas/ /log pa'i lam la dga' ba'i skye bo 'di dag 'chi med 'god mdzad pa/ /'jig rten 'dir byung
284b3 mchod rten lha yul pa dang mi yul bas mchod pa/ /khyod ni gso ba'i sman ba mkhas pa bdud rtsi bde ba sbyin pa po/ /lta dang nyon mongs pa dang ma rig bsags pa sngon gyi bag la nyal/ /
284b4 lus can rnams kyi nad kun sngon gyi rgyal ba'i lam gyis sel ba ste/ /de bas sman pa dam pa 'dren pa khyod ni sa la rnam par rgyu/ /nyi zla'i 'od dang skar ma rnams dang me dang de bzhin nor bu
284b5 dang | |brgya byin tshangs pa'i 'od rnams dpal stug spyan sngar lam me ma lags te/ /shes rab snang ba mdzad dang 'od mdzad 'od dang dpal gyis rab tu rgyas/ /khyod kyi ye shes
284b6 rmad byung mngon sum gyur bas mgo bos phyag 'tshal lo/ /rnam par 'dren pa snyan pa'i gsung ldan bden dang bden min gsung / /dul ba thugs zhing dbang po thul ba rab tu zhi ba'i thugs
284b7 ldan pa/ /ston pa lha dang mi yi 'khor la bstan par bgyi ba ston mdzad pa/ /shAkya thub pa mi yi khyu mchog lha mis mchod la phyag 'tshal lo/ /ye shes mnga' ba ye shes
285a1 bka' mchid mchog can srid gsum go mdzad pa/ /dri ma gsum bsal rig pa gsum dang rnam par thar gsum ston pa po/ /thub pa blo gros ji ltar
285a2 gdul ba skal dang skal med rab mkhyen pa/ /stong gsum rmad du byung ba lha mis mchod pa khyod la phyag 'tshal lo/ /dge slong dag/ de ltar lha'i bu rab 'phrul 'khor dang bcas
285a3 pas de bzhin gshegs pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs gcig tu 'dug go /de nas lha'i bu yongs su
285a4 dga' ldan dga' ldan kyi ris kyi lha'i bu dang lhan cig tu de bzhin gshegs pa ga la ba der song ste phyin nas lha'i gos kyi dra ba chen pos byang chub kyi snying po la bzhugs pa'i
285a5 de bzhin gshegs pa la mngon par bkab ste spyan snga nas tshigs su bcad pa 'di dag gis mngon par bstod do/ /khyod ni dga' ldan gnas nas bzhugs tshe der ni khyod kyis rgya
285a6 chen chos kyang bshad/ /khyod kyis bstan pa de ni da dung lha yi bu rnams chos spyod rgyun mi 'chad/ /khyod la blta bas ngoms par mi 'gyur chos mnyan pas kyang ngoms pa rnyed
285a7 mi 'gyur/ /yon tan rgya mtsho 'jig rten sgron ma khyod pa mgo dang yid kyis phyag 'tshal lo/ /khyod ni dga' ldan gnas nas 'phos te tshe khyod kyis mi khom thams cad sbyangs//
285b1 gang tshe byang chub shing drung bzhugs tshe 'gro ba kun gyi nyon mongs rab tu zhi/ /gang gi ched du rgya chen byang chub btsal ba brnyes te bdud kyang pham par mdzad/ /khyod kyi smon lam de ni
285b2 rab tu rdzogs kyi 'khor lo rgya chen myur du bskor/ /chos 'tshal ba dag chos mnyan bgyi zhes te/ /srog chags stong phrag mang po sdod cing mchis/ /'khor lo rgya chen myur du bskor
285b3 du gsol/ /srog chags stong rnams srid las bsgral du gsol/ /dge slong dag /de ltar lha'i bu yongs su dga' ldan 'khor dang bcas pas de bzhin gshegs pa la mngon par
285b4 bstod nas thal mo sbyar te/ de bzhin gshegs pa la phyag 'tshal zhing phyogs gcig tu 'dug go /de nas lha'i bu rab 'thab bral la sogs pa 'thab bral gyi lha rnams bcom
285b5 ldan 'das ga la ba der dong ste phyin nas me tog dang / spos dang / phreng ba dang / byug pa sna tshogs kyis byang chub kyi snying po la bzhugs ba'i de bzhin gshegs pa la mchod de
285b6 spyan snga nas tshul dang mthun pa'i tshigs su bcad pa 'di dag gis mngon par bstod do/ /tshul khrims ting nge 'dzin de bzhin shes rab kyis/ /khyod dang mtshungs pa ma mchis ga
285b7 la lhag/ /mos dang rnam par grol la mkhas pa po/ /de bzhin gshegs pa khyod la mgos phyag 'tshal/ /byang chub snying po lha yis gang bgyis pa/ /bkod pa mdzes pa de dag
286a1 mthong lags te/ /ji ltar khyod la lha dang mis mchod pa/ /de ni gzhan gang la yang 'os ma lags/ /khyod byung don ma mchis pa ma lags te/ /
286a2 gang gi don du dka' ba mang po spyad/ /shin tu g.yon can sde dang bcas las rgyal/ /khyod kyis bla na med pa'i byang chub brnyes/ /phyogs bcu dag tu snang ba mdzad par gyur//
286a3 shes rab sgron mes 'jig rten gsum po gsal/ /khyod ni rab rib sel bar 'gyur ba ste/ /'gro la bla na med pa'i mig sbyin pa/ /khyod la bstod pa bskal bar brjod kyang
286a4 ni| |khyod kyi ba spu'i khung bu mtha' ma mchis/ /yon tan rgya mtsho 'jig rten rnam par grags/ /de bzhin gshegs pa khyod la mgos phyag 'tshal/ /de ltar rab 'thab bral
286a5 la sogs pa 'thab bral gyi lha'i bu de dag gis de bzhin gshegs pa mngon par bstod nas thal mo sbyar te/ de bzhin gshegs pa la phyag 'tshal zhing phyogs gcig
286a6 tu 'khod do/ /de nas lha'i dbang po brgya byin sum cu rtsa gsum gyi ris kyi lha rnams dang lhan cig tu me tog dang / spos dang / phreng ba dang / byug pa dang / gdugs dang / rgyal
286a7 mtshan dang / ba dan bkod pa rnams kyis de bzhin gshegs pa la mchod nas tshigs su bcad pa 'di dag gis mngon par bstod do/ /thub pa ma 'khrul kha na mtho mi mnga' rtag
286b1 tu legs bzhugs lhun po 'dra/ /phyogs bcu dag tu ye shes 'od grags bsod nams dag dang gzi brjid ldan pa po/ /thub pa khyod kyi sngon chad sangs rgyas brgya phrag mtha' yas yang
286b2 dag mchod pa mdzad/ /de yi yul de yis ni byang chub shing drung bdud kyi sde las rgyal bar gyur/ /tshul khrims dang ni thos dang ting 'dzin shes rab 'byung gnas ye shes rgyal
286b3 mtshan tog /rga shi 'joms par mdzad pa sman pa dam pa 'jig rten dag mig sbyin pa/ /thub pa dri ma gsum dang tha ba spangs shing dbang po zhi la thugs zhi ba/ /shAkya khyu mchog
286b4 'gro bdag gi chos kyi rgyal po khyod la skyabs su mchi/ /khyod kyis brtson 'grus mthu yis 'phags pa'i byang chub spyod pa mtha' yas gyur lags te/ /shes rab stobs dang thabs
286b5 dang byams pa'i stobs dang bsod nams stobs rnams dang / /stobs rnams de dag bcom ldan 'das khyod byang chub bzhugs pa'i tshe na mtha' yas te/ /stobs dang ldan pa de ring byang chub
286b6 snying por bzhugs nas stobs bcu mnga' bar gyur/ /dpung tshogs mtha' yas mthong nas dge sbyong rgyal po byang chub snying por bzhugs pa de/ /nyams par mi 'gyur grang zhes lha
286b7 rnams thams cad rab tu dngangs shing skrag par gyur/ /khyod ni 'byung po rnams kyis bsnyengs par ma gyur sku yang g.yo ba mi mnga' ste/ /khur lci phyag gis brdabs nas kun tu g.yos
287a1 te bdud kyi sde las rgyal bar gyur/ /ji ltar snga ma rnams kyis seng+ge'i khri la byang chub dam pa brnyes gyur pa/ /de ltar khyod kyis rjes su sangs rgyas
287a2 mtshungs shing mnyam ste gzhan du gyur ma lags/ /yid kyang mnyam zhing sems kyang mnyam ste khyod bdag nyid kyis thams cad mkhyen nyid brnyes/ /des na khyod ni 'jig rten
287a3 dam pa rang byung 'gro ba rnams kyi bsod nams zhing / /dge slong dag /de ltar lha'i dbang po brgya byin sum cu rtsa gsum pa'i lha rnams dang lhan cig tu de bzhin gshegs pa la
287a4 mngon par bstod nas thal mo sbyar te/ de bzhin gshegs pa la phyag 'tshal zhing phyogs gcig tu 'dug go /de nas rgyal po chen po bzhi po dag rgyal chen bzhi'i ris kyi lha'i
287a5 bu rnams dang lhan cig tu de bzhin gshegs pa ga la ba der song ste phyin nas me tog a ti muk+ta ka dang / tsam pa ka dang / sna ma'i me tog dang / paR+shi ka dang / d+ha nu ka ri'i phreng ba dang /
287a6 chun po thogs te lha'i bu mo brgya stong gis bskor nas lha'i glu dbyangs len pas de bzhin gshegs pa la mchod pa byas te/ tshul dang mthun pa'i tshigs su bcad pa 'di dag
287a7 gis mngon par bstod do/ /shin tu gsung snyan dbyangs ni yid du mchi/ /zla ltar rab tu zhi mdzad thugs dang ba/ /'dzum pa'i zhal ldan ljags ni rab yangs pa/ /thub mchog
287b1 dga' mdzad khyod la phyag 'tshal lo/ /lha mi rnams kyi snyan cing dgar 'gyur ba/ /sgra skad gang dag 'jig rten mchis pa kun/ /khyod kyi 'jam pa'i gsung ni phyung bas na/ /mi yi sgra
287b2 skad thams cad zil gyis non/ /'dod chags zhe sdang gti mug nyon mongs zhi/ /mi min dga' ba rnam par dag pa skyed/ /rnyog pa ma mchis snying gis chos thos nas/ /de kun 'phags
287b3 pa'i rnam par grol ba thob/ /khyod ni mi mkhas rnams la brnyas mi mdzad/ /mkhas pa'i rgyags pas nam yang rgyags ma gyur/ /khyod ni 'gying ba mi mnga' zhum mi mnga'/ /rgya mtsho'i
287b4 dbus nas ri mchog 'phags pa bzhin/ /de 'dra'i sems can 'jig rten byung bas na/ /mi rnams 'dir ni rnyed pa legs par rnyed/ /pad+ma dpal ltar nor rnams sbyin pa po/ /de ltar
287b5 'jig rten kun la mchod sbyin mdzad/ /de ltar rgyal po chen po bzhi la sogs pa rgyal chen bzhi'i ris kyi lha rnams kyis byang chub kyi snying po la bzhugs pa'i de bzhin gshegs pa la
287b6 mngon par bstod nas thal mo sbyar te/ de bzhin gshegs pa la phyag 'tshal zhing phyogs gcig tu 'khod do/ /de nas bar snang gi lha rnams de bzhin gshegs pa'i drung du lhags te/
287b7 mngon par rdzogs par byang chub pa la mchod pa'i las kyi phyir bar snang thams cad rin po che'i dra ba dang / dril bu g.yer ka'i dra ba dang / rin po che'i gdugs rnams dang / rin po che'i
288a1 ba dan rnams dang / rin po che dang / dar gyi lnga ldi dang / rin po che'i me tog rna rgyan dang / mu tig gi chun khor dang / me tog gi lnga ldi sna tshogs rnams lus
288a2 phyed phyung ba'i lha rnams kyis bzung ba dang / zla gam rnams kyis legs par brgyan nas de bzhin gshegs pa la phul lo/ /phul nas kyang spyan snga nas tshigs su bcad pa 'di dag
288a3 gis mngon par bstod do/ /thub pa mkhas la bdag cag mchis nas ni/ /'gro ba'i spyod kun ji bzhin gsal bltas shing / /sems can dag pa khyod kyi spyod bltas na/ /de ltar
288a4 khyod kyi thugs gcig 'khrul ma mthong / /mchod phyir byang chub sems dpa' gang lhags pa/ /mi yi 'dren pa de dag nam mkha' khyab/ /'di ltar de dag nam mkha'i lus
288a5 lags pas/ /gzhal med khang rnams la yang gnod ma mchis/ /bar snang nas ni me tog char bab pa/ /stong chen byur bur rab tu gang gyur pa/ /de dag ma lus khyod kyi skur
288a6 bab kyang / /'bab chu rgya mtshor bab pa bzhin du gyur/ /gdugs dang me tog rna rgyan me tog phreng / /me tog tsam+pa ka yi lnga ldi dang / /rgyan phreng zla ba zla gam rnams kyang 'thor/ /lha
288a7 yis gtor kyang 'dres par gyur ma mchis/ /bar snang thams cad lha yis gang gyur te/ /'di la skra tsam gzhag pa'i gnas ma mchis/ /rkang gnyis mchog la mchod pa bgyid
288b1 kyang ni| |khyod la rgyags pa'am ngo mtshar 'gyur mi mnga'/ /de ltar bar snang gi lha rnams kyis byang chub kyi snying po la bzhugs pa'i de bzhin gshegs pa la mngon par bstod nas
288b2 thal mo sbyar te/ /de bzhin gshegs pa la phyag 'tshal zhing phyogs gcig tu 'khod do/ /de nas sa bla'i lha rnams kyis de bzhin gshegs pa la mchod pa'i las kyi phyir sa
288b3 gzhi thams cad legs par phyags te byugs nas spos chus chag chag btab ste/ me tog gis chal bar bkang nas ras bcos bu sna tshogs kyi bla bre bres te de bzhin gshegs
288b4 pa la phul nas tshigs su bcad pa 'di dag gis mngon par bstod do/ /stong gsum rdo rje lta bur mi shigs gnas par gyur/ /nga 'dir pags pa sha dang rus pa rkang bskams kyang /
288b5 byang chub ma reg nga ni 'di nas mi ldang zhes/ /rdo rje'i gnas kyis de ni byang chub snying por bzhugs/ /gal te mi yi seng+ge khyod kyis stong gsum kun/ /byin gyis ma brlabs na ni gang dag
288b6 rkang mthil gyis/ /bye ba'i zhing rnams bskyod pa de ltar shugs che ba/ /byang chub sems dpa' lhags tshe ma lus zhig par 'gyur/ /sa phyogs gang du sems can dam pa 'chag
288b7 pa ni| /sa yi lha yis rnyed pa rgya chen legs par rnyed/ /'jig rten rdul rnams ji snyed khyod kyis snang bar mdzad/ /stong gsum mchod rten gyur na khyod sku smos ci 'tshal/ /'og gi chu yi
289a1 phung po brgya stong ji snyed dang / sa yi steng na 'gro ba'i 'tsho ba ji snyed ba/ /stong gsum sa rnams thams cad bdag cag gzung bar bgyi/ /khyod la kun
289a2 'bul ji ltar bzhed bzhin spyad du gsol/ /gang du khyod ni bzhugs sam 'chag gam mnal ba dang / /gau ta ma bde bar gshegs pa'i sras bo nyan thos gang / /chos gtam
289a3 smra dad gang yang de dag nyan pa dang / /dge ba'i rtsa ba thams cad byang chub phyir bsngo'o/ /de ltar sa bla'i lha rnams kyis byang chub kyi snying po la bzhugs pa'i de bzhin gshegs
289a4 pa la mngon par bstod nas thal mo sbyar te/ de bzhin gshegs pa la phyag 'tshal zhing phyogs gcig tu 'khod do/ /mngon par bstod pa'i le'u zhes bya ste/ nyi shu rtsa
289a5 gsum pa'o// //dge slong dag /de ltar mngon par rdzogs par sangs rgyas pa'i de bzhin gshegs pa la lha rnams kyis bstod cing skyil mo krung ma
289a6 bshig /spyan mi 'dzum par shing gi rgyal po la gzigs shing bsam gtan dang dga' ba'i zas kyi bde ba myong bar byang chub kyi shing drung du zhag bdun 'das par gyur to/ /
289a7 de nas zhag bdun 'das pa dang / 'dod pa na spyod pa'i lha'i bu rnams spos chu'i bum pa khri thogs te/ de bzhin gshegs pa ga la ba der lhags so/ /gzugs na spyod pa'i
289b1 lha'i bu rnams kyang spos chu'i bum pa khri thogs te/ de bzhin gshegs pa ga la ba der dong ste lhags nas byang chub kyi shing dang / de bzhin gshegs pa spos chu'i bkrus so/ /lha dang
289b2 klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po bgrang ba las 'das pa dag gis de bzhin gshegs pa'i sku la phog
289b3 pa'i spos chu des rang rang gi lus la bskus so/ /bla na med pa yang dag par rdzogs pa'i byang chub tu'ang sems bskyed do/ /lha'i bu la sogs pa de dag rang rang gi gnas su phyin kyang
289b4 spos chu de dang ma bral bar gyur te/ spos gzhan la 'dod pa mi skyed do/ /de dag de bzhin gshegs pa la gus pa yid la byas pa las skyes pa'i dga' ba dang / mchog tu dga' ba des
289b5 bla na med pa yang dag par rdzogs pa'i byang chub las phyir mi ldog par gyur to/ /dge slong dag /de nas lha'i bu kun nas me tog ces bya ba 'khor de nyid du 'dus par gyur pa des de bzhin
289b6 gshegs pa'i zhabs gnyis la gtugs te thal mo sbyar nas de bzhin gshegs pa la 'di skad ces gsol to/ /bcom ldan 'das/ ting nge 'dzin gang dang ldan pas de bzhin gshegs
289b7 pa dgung bdun du skyil mo krung ma bshig par bzhugs pa'i ting nge 'dzin de'i ming ci zhes bgyi/ dge slong dag /de skad ces gsol ba dang / de bzhin gshegs pas lha'i bu de la 'di
290a1 skad ces bka' stsal to/ /lha'i bu/ ting nge 'dzin 'di'i ming ni dga' ba'i zas bkod pa zhes bya ste/ ting nge 'dzin 'di dang ldan pas de bzhin gshegs
290a2 pa zhag bdun du skyil mo krung ma bshig par bzhugs so/ /dge slong dag /de nas lha'i bu kun nas me tog gis de bzhin gshegs pa la tshigs su bcad pa 'di dag gis
290a3 mngon par bstod do/ /zhabs ni 'khor los khyab pa po/ /pad 'dab rdul med stong gzi ldan/ /lha yi cod pan zhabs gtugs pa/ /dpal stug zhabs la phyag 'tshal lo/ /bde
290a4 gshegs zhabs la phyag 'tshal nas/ /de tshe lha bu de sems dga'/ /lha min rab tu zhi byed pa/ /yid gnyis sel ba'i tshig 'di smras/ /shAkya'i rigs la dgyes skyed pa/ /
290a5 chags sdang gti mug mthar 'byin pa/ /zhus pa rnams kyang mthar 'byin pa/ /lha min dogs pa bsal du gsol/ /dpag med thams cad mkhyen pa nyid/ /sangs rgyas stobs
290a6 bcu ci slad du/ /rgyal ba dog sa'i snying por ni/ /dgung bdun skyil mo krung ma bshig /'dab brgya rgyas pa'i spyan mnga' ba/ /ci zhig gzigs na dgung bdun du/ /mi yi seng+ge rnam
290a7 dag spyan/ /spyan mi 'dzum par gzigs pa mdzad/ /gang gis shing rgyal drung du ni/ /skyil krung ma bshig dgung bdun bzhugs/ /smon lam 'di ni khyod kyi 'am/ /smra ba'i seng+ge
290b1 kun gyi lags/ /tshems ni mnyam zhing rnam dag pa/ /stobs bcu'i zhal ni dri rab gda'/ /ma nor legs par bka' stsal to/ /lha dang mi rnams dga' bar mdzod/ /zla 'dra'i zhal
290b2 gyis bka' stsal pa/ /ngas bshad lha yi bu nyon cig /ngas ni dris pa de yi lan/ /cung zad tsam zhig bshad par bya/ /dper na rgyal po phyogs gang du/ /gnyen gyi tshogs kyis dbang
290b3 bskur ba/ /zhag bdun par du sa phyogs de/ /mi 'dod rgyal po'i chos nyid do/ /de bzhin stobs bcu mnga' ba yang / /gang tshe smon rdzogs dbang bskur ba/ /sa yi snying por zhag bdun du
290b4 rgyal ba skyil mo krung mi 'jig /dper na dpa' bo dgra tshogs rnams/ /ma lus pham byas lta ba ltar/ /byang chub snying por sangs rgyas kyang / /nyon mongs bcom nas gzigs pa mdzad/ /
290b5 gti mug byung ba'i 'dod dang khro/ /de dag 'gro ba'i dgra 'dra ste/ /chom po chos ni bzang 'dra ba/ /de dag ma lus ngas 'dir bshig /nga 'dir nga rgyal rnam dgu dang / /gnas med
290b6 rlom sems rab tu bcom/ /zag pa thams cad rab tu spangs/ /nga yi ye shes dam pa skyes/ /ngas 'dir sred pa'i sred rgyu dang / /ma rig bya min byed pa de/ /bag nyal bcas rtsa dra
290b7 ba rnams/ /ye shes gsal ba'i me yis bsregs/ /ngas 'dir nga dang nga yi dang / /nyes zhags ring 'gro rtsa bu ga pa/ /sgrib pa'i mdud pa dam po de/ /ye shes mtshon gyis bcad par gyur/
291a1 ngas 'dir ring nas nga'i ldan pa/ /slu ba tha ma rnam 'jig pa/ /len par bcas pa'i phung po de/ /ye shes kyis ni yongs su shes/ /gnyis su rmongs
291a2 pa log 'dzin pa/ /tha mar dmyal 'gyur de dag rnams/ /ngas 'dir ma lus bsal bya ste/ /phyin chad nam yang skyer mi 'gyur/ /ngas 'dir dge ba'i rtsa ba yi/ /me yis sgrib
291a3 pa'i nags tshal bsregs/ /byin ci log ni rnam bzhi yang / /nga yis ma lus nges par bsregs/ /'du shes skud pas brgyus pa yi/ /rnam rtog phreng ba gnod byed pa/ /ngas
291a4 'dir byang chub yan lag gis/ /phreng ba sna tshogs rnams kyis bzlog /bgrod dka' drug cu rtsa lnga dang / /gti mug sum cu dri ma can/ /sdig pa dag ni bzhi bcu ngas/ /sa yi snying
291a5 po 'dir bsal to/ /sa yi snying por 'dug nas ngas/ /sdom pa ma yin bcu drug dang / /khams ni rnam pa bco brgyad dang / /khyab pa nyi shu rtsa lnga bsal/ /nyon mongs chu bo
291a6 nyi shu dang / /'gro ba 'jigs pa nyi shu brgyad/ /brtson 'grus mthu dang brtul ba yis/ /nga 'dir de dag shin tu 'das/ /de bzhin sangs rgyas bsgyings sgrog pa/ /lnga brgya ngas
291a7 'dir yang dag rtogs/ /brgya phrag stong du tshang ba yi/ /chos rnams nga yis yang dag rtogs/ /ngas 'dir bag nyal ma lus pa/ /dgu bcu rtsa brgyad rtsar bcas mtha'/ /kun
291b1 nas ldang ba'i lo ma rnams/ /ye shes me yis nges par bsregs/ /dogs dang yid gnyis kun 'byung ba/ /lta ba'i chu yis gang gyur pa/ /mi dge dogs can sred pa'i klung / /shugs
291b2 drag ye shes nyi mas bskams/ /tshul 'chos pa dang kha gsag spangs/ /sgyu dang ser sna phrag dog sdang / /nyon mongs dgon pa deng 'dir bcad/ /'dul ba'i me yis rab tu bsregs
291b3 'dir ni rtsod pa'i rtsa ba de/ /ngan 'gro nyam ngar 'dren byed pa/ /'phags la skur ba 'debs pa'i tshig/ ye shes mchog gi sman gyis skyugs/ /ngas 'dir ye shes yon tan dang /
291b4 ting 'dzin thob nas du ba dang / /cho de 'don dang mya ngan dang / /smre ba ma lus mtha' mar phyin/ /ngas 'dir bden tshul ting nge 'dzin/ /thob nas chu bo sbyor ba dang / /mdud pa mya ngan
291b5 zug rngu dang / /rgyags dang bag med kun las rgyal/ /ngas 'dir nyon mongs gzings pa yis/ /srid pa'i ljon shing rtog rtsa brtan/ /dran pa'i sta res ma lus par/ /bcad nas ye
291b6 shes me yis bsregs/ /nga 'dir nga snyam nga rgyal te/ /khams gsum dbang byed stobs che ba/ /g.yon can ye shes ral gris bcom/ /lha min dbang la dbang po bzhin/ /dra ba ma
291b7 lus sum cu drug/ 'jug pa sa yi snying po 'dir/ /shes rab ral gri stobs ldan pas/ /bcad nas ye shes me yis bsregs/ /nyon mongs rtsa ba bag nyal bcas/ /sdug bsngal mya
292a1 ngan 'byung de dag /ngas 'dir shes rab dam pa yi/ /thong lcags kyis ni ma lus bton/ /rang bzhin gyis dag sems can gyi/ /shes rab mig 'dir nga
292a2 yis sbyangs/ /ye shes mig sman chen po yis/ /gti mug ling tog rgya chen bsal/ /'byung khams bzhi po rgyags pa yi/ /chu srin gyis dkrugs sred yangs pa/ /srid pa'i rgya mtsho
292a3 dran pa dang / /zhi gnas nyi ma'i 'od kyis bskams/ /ngas 'dir yul gyi shing gi tshogs/ /rnam rtog du 'thul chags chen me/ /rab tu 'bar ba rnam thar chu/ /bsil ba'i khu bas
292a4 bsad par gyur/ /ngas 'dir bag la nyal ba'i sprin/ /ro myang glog 'dra rnam rtog 'brug /brtson 'grus stobs kyi rlung shugs kyis/ /'das te kun tu gtor bar gyur/ /ngas
292a5 'dir dran pa dri med pa'i/ /ting 'dzin thob nas sems spyod dgra /srid pa'i 'khon rgyud ma lus par/ /shes rab ral gri'i stobs kyis bcad/ /ngas 'dir rgyal mtshan mchog
292a6 'chang ba/ /shing rta glang po rtas mtho ba/ /gzugs bsgyur bdud dpung brtson pa'i sde/ /byams pa thob nas rnam par bcom/ /mi sdug ting nge 'dzin thob nas/ /ngas 'dir
292a7 dbang po drug gi rta| /'dod pa'i yon tan lngas brtan pa/ /rtag tu rgyags yan ma lus btags/ /smon med ting nge 'dzin thob nas/ /ngas 'dir rjes su chags pa dang / /khong
292b1 khro ba dang 'thab pa dang / /rtsod spang ma lus mtha' mar phyin/ /stong pa'i ting nge 'dzin thob nas/ /ngas 'dir phyi dang nang dag gi /rlom sems kun dang rtog pa dang / /rnam par rtog pa
292b2 yongs su zad/ /mtshan med ting nge 'dzin thob nas/ /lha mi srid pa'i rtser thug pa'i/ /bde ba thams cad ma lus par/ /nga yis 'dir ni yongs su btang / /ngas 'dir rnam thar
292b3 gsum thob nas/ /ngas 'dir shes rab stobs kyis ni/ /srid pa dag gi 'ching ba kun/ /ma lus kun las grol bar gyur/ /ngas 'dir rgyu mthong gyur nas ni/ /rtag dang mi rtag 'du shes
292b4 dang | /bdag dang bdag med bde sdug bsngal/ /rgya yi 'du shes gsum las rgyal/ /ngas 'dir las kyi rnam pa dag /skye mched drug rtsa kun 'byung las/ /byung ba thams cad shing
292b5 dbang drung / /mi rtag pa yis bsnun te bcad/ /ngas 'dir ye shes nyi ma yis/ /gti mug mun pa'i rnyog pa dang / /lta gyur rgyags dang khros gang ba/ /yun ring mun pa bsal snang
292b6 byas| |ngas 'dir brtson 'grus stobs kyi grus/ /'dod dang chags pa'i chu srin can/ /ngan 'dzin lta ngan sred rlabs chu/ /'khor ba'i rgya mtsho che las rgal/ /gang rtogs chags
292b7 dang gti mug dang / /sems kyi rnam par rtog bsregs te/ /phye leb nags mer lhung 'dra ba/ /ngas 'dir de ni rjes su rtogs/ /nga 'dir ring nas song ba yi/ /bskal pa dpag
293a1 med bye khrag khrig /'khor ba'i lam gyis nyon mongs pa/ /gdung ba med nas ngal yang sos/ /'jig rten phan phyir rga shi dang / /mya ngan sdug bsngal
293a2 mthar phyin pa/ /phas rgol kun gyis ma thob pa/ /bdud rtsi de ni ngas 'dir rtogs/ /sred las byung ba'i skye mched kyis/ /sdug bsngal phung pos sdug bsngal ba/ /phyis mi
293a3 'byung ba 'jigs med kyi/ /grong khyer 'dir ni ngas phyin to/ /ngas 'dir nang gi dgra chen po/ /khyab pa de dag rjes su rtogs/ /rtogs nas rab tu bsregs te ngas/ /de dag yang
293a4 byung gnas med byas/ /bdud rtsi'i don du bskal pa ni/ /bye ba khrag khrig rang gi sha /mig dang rin chen mang btang ba/ /de 'dir nga yis rjes su rtogs/ /sngon gyi rgyal ba dpag
293a5 med pas/ /gang sangs rgyas de ngas 'dir rtogs/ /gang gi snyan pa nyams dga' ba/ /sgra ni 'jig rten rnams su grags/ /rten nas byung ba'i 'gro ba stong / /sems kyi skad cig
293a6 gcig la 'jig /smig rgyu dri za'i grong khyer 'dra/ /de 'dir nga yis rjes su rtogs/ /gang gis lag pa'i mthil du ni/ /shing tog bzhag bzhin 'jig rten khams/ /thams
293a7 cad mthong ba'i mig mchog de/ /nga yis 'dir ni dag par byas/ /sngon gyi gnas ni ngas 'dir dran/ /rig pa gsum yang thob par gyur/ /bskal ba khrag khrig dpag med pa/ /
293b1 gnyid kyis log las sad bzhin dran/ /lha mi nor zhing 'du shes log /phyin ci log gyur gang 'bar ba/ /de yang de bzhin ma nor bar/ /ngas 'dir bdud rtsi'i nyid khu 'thungs/ /gang
293b2 gi don du stobs bcu po/ /sems can kun la byams pa bsgoms/ /byams pa'i stobs kyis rgyal gyur nas/ /ngas 'dir bdud rtsi'i nying khu 'thungs/ /gang gi don du stobs
293b3 bcu po| |sems can kun la snying rje bsgoms/ /snying rje'i stobs kyis rgyal gyur nas/ /ngas 'dir bdud rtsi'i nying khu 'thungs/ /gang gi don du stobs bcu po/ /sems
293b4 can kun la dga' ba bsgoms/ /dga' ba'i stobs kyis rgyal gyur nas/ /ngas 'dir bdud rtsi'i nying khu 'thungs/ /gang gi don stobs bcu po/ /bskal pa khrag khrig btang snyoms
293b5 bsgoms/ /btang snyoms 'di yi stobs kyis rgyal/ /ngas 'dir bdud rtsi'i nying khu 'thungs/ /stobs bcu gang+gA'i bye ma bas/ /rab tu mang bas gang gsol pa/ /sngon rgyal seng+ges
293b6 sngon gsol ba/ /bdud rtsi'i nyid khu ngas 'dir 'thungs/ /rga shi mtha' mar ma phyin par/ /skyil mo krung ni mi gzhig ces/ /sder bcas pa yi bdud mdun 'dir/ /nga yis tshig ni
293b7 gang smras pa/ /ye shes rdo rje brtan 'bar byas/ /nga yis ma rig pa yang bcom/ /stobs bcu nyid ni thob par gyur/ /de lta bas na skyil krung gzhig /nga yis dgra bcom nyid
294a1 thob ste| |nga yi zag pa ma lus zad/ /bdud kyi sde yang bcom par gyur/ /de lta bas na skyil krung gzhig /sgrib pa lnga yi sgo glegs rnams/ /nga yis
294a2 'dir ni thams cad bcag /sred pa'i 'khri shing rnams kyang bcad/ /nga 'dir skyil mo krung gzhig go /de nas mi yi zla ba de/ /dal gyis gdan las bzhengs nas su/ /dbang
294a3 bskur chen po bzhes nas ni/ /seng+ge'i gdan la bzhugs par gyur/ /lha tshogs rnams kyis rin chen snod/ /steng nas spos chu sna tshogs kyis/ /stobs bcu yon tan
294a4 mthar phyin pa/ /'jig rten rtsa lag sku yang bsil/ /bye ba khrag khrig lha rnams dge /lha mo khrag khrig lhan cig tu/ /kun nas rol mo stong dag gis/ /mchod pa gzhal
294a5 du med pa byed/ /de ltar lha yi bu dag ni/ /sa yi snying por zhag bdun du/ /rgyal ba'i skyil krung ma bshig pa/ /rgyur bcas rkyen bcas gzhi dang bcas/ /dge slong dag/ de
294a6 ltar byang chub mngon par rdzogs par sangs rgyas pa'i de bzhin gshegs pa ngas 'dir bla na med pa yang dag par rdzogs pa'i byang chub mngon par rdzogs par sangs rgyas
294a7 so| |ngas 'dir thog ma med pa'i skye ba dang / rga ba dang / 'chi ba'i sdug bsngal mthar phyung ngo zhes zhag bdun pa dang po la gdan de nyid la bzhugs so/ /zhag bdun pa
294b1 gnyis pa'i tshe ni de bzhin gshegs pa stong gsum gyi stong chen po'i 'jig rten gyi khams kyi bar du rgyang ring du 'chag pas 'chag go /zhag bdun pa gsum pa'i tshe ni de bzhin
294b2 gshegs pa ngas 'dir bla na med pa yang dag par rdzogs pa'i byang chub mngon par rdzogs par sangs rgyas nas thog ma med pa'i skye ba dang / rga ba dang / 'chi ba'i sdug bsngal
294b3 mthar phyung ngo| zhes byang chub kyi snying po la spyan mi 'dzum par gzigs so/ /zhag bdun pa bzhi pa'i tsha ni de bzhin gshegs pa shar gyi rgya mtsho nas nub kyi rgya mtsho'i bar du mi
294b4 ring ba'i 'chag pas 'chag go// /'phags pa rgya cher rol pa zhes bya ba theg pa chen po'i mdor/ /bam po bcu drug pa/ /de nas bdud sdig can de bzhin gshegs pa ga la ba der
294b5 song ste phyin nas de bzhin gshegs pa la 'di skad ces gsol to/ /bcom ldan 'das/ nga yongs su mya ngan las 'da' ba'i dus la bab lags kyi/ bcom ldan 'das/ yongs
294b6 su mya ngan las 'da' bar gsol/ /bde bar gshegs pa/ yongs su mya ngan las 'da' bar gsol/ dge slong dag/ de skad ces gsol ba dang / de bzhin gshegs pas
294b7 bdud sdig can la 'di skad ces bka' stsal to/ /sdig can/ nga'i dge slong gnas brtan gnas brtan/ dul ba/ gsal ba/ byang ba/ bag tsha ba med pa/ mang du thos pa/ chos
295a1 kyi rjes su mthun pa'i chos la zhugs pa/ bdag nyid slob dpon du sgrog pa dang / phas kyi rgol ba byung ba rnams chos dang mthun pas tshar bcad de
295a2 dad par byas nas cho 'phrul dang bcas pa'i chos ston par nus pa dag ma byung gi bar de srid du nga yongs su mya ngan las mi 'da'o/ /sdig can/ ngas 'jig rten du sangs rgyas dang /
295a3 chos dang / dge 'dun gyi sgra bzhag par ma gyur pa dang / byang chub sems dpa' dpag tu med pa dag bla na med pa yang dag par rdzogs pa'i byang chub tu lung bstan par ma gyur gyi
295a4 bar de srid du nga yongs su mya ngan las mi 'da'o/ /sdig can/ nga'i 'khor bzhi po dul ba/ gsal ba/ byang ba/ bag tsha ba med pa nas cho 'phrul dang bcas pa'i chos ston pa'i
295a5 bar du nus pa dag byung bar ma gyur gyi bar du/ de srid du nga yongs su mya ngan las mi 'da'o/ /de nas bdud sdig can gyis tshig de skad thos nas sdug bsngal zhing yid mi bde ste/
295a6 phyogs gcig tu song nas 'dug ste mgo smad nas mdas sa la ri mo 'bri zhing bdag gi yul las 'das so snyam du sems par gyur to/ /de nas bdud kyi bu mo dga' ba dang /
295a7 mi dga' ma dang / sred ma gsum gyis bdud sdig can la tshigs su bcad de smras pa/ yab cig ji ltar thugs mi dgyes/ /mi dgyes gang lags bka' stsol dang / /'dod chags
295b1 zhags pas de bcings nas/ /glang po bzhin du dgug par bgyi/ /bkug nas de ni myur du yang / /khyod kyi dbang du 'gyur bar bgyi/ /de ltar thugs ngan 'o brgyal 'or/ /dgyes pa rgya chen
295b2 brnyes par 'gyur/ /bdud kyis smras pa/ 'jig rten dgra bcom bde bar gshegs/ /'dod chags dbang du de mi 'gro/ nga yi yul las shin tu 'das/ /de bas nga ni mya ngan
295b3 che| |de nas de dag gis de bzhin gshegs pa'i mthu byang chub sems dpa' mdzad pa snga nas kyang shes mod kyi/ bud med kyi mi brtan pas pha'i tshig ma mnyan te/ bu gcig
295b4 btsas tsam gyi na tshod kyis dar la bab par bsgyur nas mig gis mi rtsol bar bya ba'i las kyi phyir de bzhin gshegs pa'i gan du dong ba dang / de bzhin gshegs pas de dag
295b5 yid la ma mdzad par de dag rga bas 'khogs par byin gyis brlabs so/ /de nas de dag pha'i gan du song ste 'di skad ces smras so/ /de ni chags pas mi bkri ste/ /nga yi yul las
295b6 shin tu 'das/ /de bas mya ngan nga che zhes/ /yab kyis bdag cag gsungs pa med/ /gau ta ma ni brlag pa'i phyir/ /bdag cag rnams kyis gang sprul pa/ /gzugs la gal te de lta
295b7 na| |de yis de snying 'gas par 'gyur/ /yab/ bdag cag gi lus rga bas 'khogs pa 'di ma mchis par mdzad du gsol/ /bdud kyis smras pa/ gang zhig sangs rgyas byin gyis
296a1 brlabs ni gzhan du sgyur bar byed nus pa/ /rgyu dang mi rgyu dag gi 'jig rten dag na mi de ngas ma mthong / /myur du song ste thub pa de las rang byas nyas pa shogs
296a2 shig dang / /de ni khyed kyi bsam pa bzhin du sngon gyi lus su bsgyur bar 'gyur/ /de nas de dag dong ste bdag cag gis bcom ldan 'das la sku brnyas bgyi bar bsam pas/ bcom
296a3 ldan 'das/ ji ltar byis pa rnams dang / ji ltar glen pa rnams dang / ji ltar mi gsal ba mi mkhas shing ma 'tshal ba rnams ltar bdag cag nongs pa can du gzung du gsol//
296a4 bde bar gshegs pa/ bdag cag nongs pa can du gzung du gsol/ zhes de bzhin gshegs pa la bzod par gsol to/ /de nas de bzhin gshegs pas de dag la tshigs su
296a5 bcad pas bka' stsal pa/ sen mos ri la bru ba dang / /so yis lcags ni bca' ba dang / /mgo yis ri ni dbug pa dang / /gting mi dpog la dpog par 'dod/ /de lta bas na/
296a6 bu mo khyed nyes pa can du ngas gzung ngo / /de ci'i phyir zhe na/ gang nyes pa la nyes par mthong nas 'chags shing phyin chad kyang sdom par byed pa de ni 'phags pa'i chos 'dul
296a7 ba la 'phel bar 'gyur ro/ /dge slong dag/ gzhag bdun pa lnga pa zhag bdun yul ngan chen po byung ba'i tshe na de bzhin gshegs pa klu'i rgyal po btang bzung gi gnas na
296b1 bzhugs so/ /de nas klu'i rgyal po btang bzung bcom ldan 'das kyi sku la grang ba dang / rlung gis phog tu 'ong ngo zhes rang gi gnas nas byung ste/ lus kyis de bzhin gshegs pa'i sku
296b2 la lan bdun du dkris nas mgo'i gdengs ka rnams kyis bkab bo/ /bcom ldan 'das kyi sku la grang ba dang / rlung gis phog tu 'ong ngo zhes shar phyogs nas kyang klu'i rgyal po gzhan
296b3 mang du lhags te/ de bzhin gshegs pa'i sku la lus rnams kyis lan bdun du dkris nas mgo'i gdengs ka rnams kyis bka' bo/ /shar phyogs nas ji lta ba bzhin du bcom ldan
296b4 'das kyi sku la grang ba dang / rlung gis phog tu 'ong ngo zhes lho dang / nub dang / byang phyogs nas kyang klu'i rgyal po rnams lhags nas de bzhin gshegs pa'i sku la lus rnams kyis
296b5 lan bdun du dkris te mgo'i gdengs ka rnams kyis bkab bo/ /klu'i rgyal po'i lus kyi phung po de ni ri'i dbang po lhun po ltar mthong por gnas par gyur to/ /klu'i rgyal po de
296b6 dag gis kyang ji ltar nyin bdun mtshan bdun du de bzhin gshegs pa'i sku la reg par gyur pa de lta bu'i bde ba de dag gis sngon nam yang ma rnyed do/ /de nas zhag bdun 'das nas
296b7 klu'i rgyal po de dag gi yul ngan med par shes te/ de bzhin gshegs pa'i sku las lus bkrol nas de bzhin gshegs pa'i zhabs la mgo bos phyag 'tshal te lan gsum
297a1 bskor ba byas nas rang rang gi gnas su dong ngo / /klu'i rgyal po btang bzung yang de bzhin gshegs pa'i zhabs la mgo bos phyag 'tshal te lan gsum
297a2 bskor ba byas nas rang gi gnas su zhugs so/ /zhag bdun pa drug pa'i tshe na de bzhin gshegs pa klu'i rgyal po btang bzung gi gnas nas shing n+ya gro d+ha skyong gi drung du
297a3 bzhud do/ /klu'i rgyal po btang bzung gi gnas dang / shing n+ya gro d+ha skyong gi bar du klung nai rany+dza na'i dogs su dpyod pa pa dang / kun tu rgyu dang / nyan thos rgan po dang / gau ta ma
297a4 dang / gcer bu pa dang / kun tu 'tsho ba pa la sogs pas de bzhin gshegs pa mthong nas bcom ldan 'das gau ra mas zhag bdun pa yul ngan chen po'i dus 'di bde bas
297a5 bde bar 'das par byas sam zhes 'dzer to/ /dge slong dag /de nas de bzhin gshegs pas de'i tshe ched du brjod pa 'di ched du brjod do/ /chos thos pa dang mthong ba dang / /dben
297a6 par dga' ba bde ba yin/ /srog chags 'byung po rnams la bsdams/ /gnod pa mi byed 'jig rten bde/ /sdig pa rnams las rab 'das pa/ /'dod chags bral ba 'jig
297a7 rten bde/ /nga snyam nga rgyal gang 'dul ba/ /de ni mchog tu bde ba yin/ /dge slong dag /de bzhin gshegs pas skye ba dang / rga ba dang / na ba dang / 'chi ba dang / mya ngan dang / smre
297b1 sngags 'don pa dang / sdug bsngal ba dang / yid mi bde ba dang / 'khrug pa rnams kyis 'jig rten kun tu 'bar zhing rab tu 'bar bar gzigs nas de'i tshe bcom ldan 'das kyis
297b2 ched du brjod pa 'di ched du brjod do/ /sgra reg ro dang gzugs dang dri rnams kyis/ /'jig rten 'di ni kun tu gdungs par gyur/ /srid pas 'jigs kyang srid pa'i sred pa yis/ /phyi
297b3 zhing srid pa tshol bar byed pa yin/ /zhag bdun pa bdun pa'i tshe ni de bzhin gshegs pa shing sgrol rgyu'i drung du bzhugs so/ /de'i tshe byang phyogs pa'i tshong pa ga gon dang bzang
297b4 po zhes bya ba mkhas pa gsal ba spun gnyis rnyed pa chen po rnyed nas zod rnam pa mang po thogs te 'gron pa phal po che dang / shing rta shin tu gang ba lnga brgya dang lhan cig tu lho
297b5 phyogs nas byang phyogs su dong ngo / /de gnyis la glang bu cang shes legs skyes dang / grags pa zhes bya ba gnyis yod do/ /de gnyis la thogs pa'i 'jigs pa med de/ gang du
297b6 glang bu gzhan mi thar pa der de gnyis gtong ngo / /gang du mdun rol na 'jigs pa yod pa der de gnyis phur pa la btags pa bzhin du 'dug go /de gnyis la lcag gis mi 'ju'i/ me
297b7 tog ut+pa la sbar gang ngam/ sna ma'i me tog gi phreng bas de gnyis 'ded do/ /shing sgrol rgyu dang nye ba zhig tu shing 'o ma can gyi nags na gnas pa'i lha mos byin gyi rlabs kyis byin gyis
298a1 brlabs pas de dag gi shing rta de dag thams cad mi 'gro ste/ 'breng ba la sogs pa shing rta'i cha rkyen thams cad kyang chad grugs so/ /shing rta'i
298a2 'phang lo rnams kyang lte ba la thug par sa'i nang du nub ste/ thams cad kyis rab tu bsgrims kyang shing rta de dag 'gro bar ma gyur nas kha cig ngo mtshar dang / skrag par gyur
298a3 te| shing rta 'di dag thang la'ang thogs par gyur pa 'di la rgyu ni ci zhig yod/ 'di'i 'gyur ba ni ci zhig yin snyam nas de dag gis glang bu legs skyes dang / grags
298a4 pa de gnyis 'dren du bcug ste/ me tog up+ta la sbar gang dang / sna ma'i me tog gi phreng bas bdas kyang 'gro bar ma gyur nas de dag 'di snyam du sems te/ gang gi phyir
298a5 'di gnyis kyang mi 'gro ba las mdun na 'jigs pa 'ga' zhig 'byung du gdon mi za'o snyam nas de dag gis sa 'khru ba rta pa dag sngar btang ngo / /sa 'khru ba rta pa rnams slar
298a6 log nas 'jigs pa ci'ang med ces smras so/ /lha mo des kyang rang gi gzugs bstan nas ma 'jigs shig ces dbugs phyung ngo / /glang bu de gnyis kyis kyang de bzhin gshegs
298a7 pa ga la ba de logs su shing rta drangs pa dang / de dag gis de bzhin gshegs pa me ltar rab tu 'bar ba skyes bu chen po'i mtshan sum cu rtsa gnyis kyi mtshan gyis legs par
298b1 brgyan pa/ nyi ma shar nas ring por ma lon pa lta bu dpal gyis 'bar ba mthong ngo / /mthong nas kyang de dag ngo mtshar du gyur te/ 'di ci zhig/ tshangs pa 'dir phyin tam/ 'o na te lha'i
298b2 dbang po brgya byin nam/ 'on te rnam thos kyi bu'am/ 'on te nyi ma dang zla ba'am/ 'on te ri'i lha 'ga' zhig gam/ rlung gi lha zhig snyam mo/ /de nas de bzhin gshegs pas na
298b3 bza' ngur smrig rnams bstan to/ /de nas de dag gis ngur smrig bgos pa 'di ni rab tu byung ba yin gyi/ bdag cag 'jigs pa med do zhes smras te/ de dag dad pa thob nas yang
298b4 phan tshun du smras pa/ rab tu byung ba 'di ni dus su za ba yin na/ cung zad ci yod/ smras pa/ sbrang rtsi dang / skyo ma dang / bu ram shing bshus pa yod do/ /de dag gis sbrang rtsi dang /
298b5 skyo ma dang / bu ram shing bshus pa khyer nas de bzhin gshegs pa ga la ba der dong ste phyin pa dang | de bzhin gshegs pa'i zhabs la mgo pos phyag 'tshal te lan gsum bskor ba
298b6 byas nas phyogs gcig tu 'khod do/ /phyogs gcig tu 'khod nas kyang de dag gis de bzhin gshegs pa la 'di skad ces gsol to/ /bcom ldan 'das/ bdag cag la thugs
298b7 brtse bar dgongs te spyan gzigs 'di bzhes su gsol/ /dge slong dag /de nas de bzhin gshegs pa 'di snyam du dgongs te/ bdag gis lag pas 'di blangs na ni ma legs na/
299a1 sngon gyi yang dag par rdzogs pa'i sangs rgyas rnams kyis snod ji lta bus bzhes snyam nas mkhyen pa 'jug par gyur to/ /dge slong dag /de ltar de bzhin
299a2 gshegs pa'i skabs kyi dus la bab par rig nas skad cig de nyid la phyogs bzhi nas rgyal po chen po bzhi gser gyi lhung bzed bzhi thogs te lhags nas de bzhin gshegs
299a3 pa la bcom ldan 'das/ bdag cag la thugs brtse bar dgongs te gser gyi lhung bzed bzhi po 'di dag bzhes su gsol zhes phul lo/ /de dag dge sbyong gi cha ma yin par dgongs
299a4 nas de bzhin gshegs pas ma bzhes so/ /de bzhin du dngul gyi bzhi dang / bai DUR+Ya dang / shel dang / sbug dang / rdo'i snying po las byas pa bzhi bzhi dang / rin po che thams cad
299a5 las byas pa'i lhung bzed bzhi thogs te de bzhin gshegs pa la phul na'ang dge sbyong gi cha ma yin par dgongs te/ de bzhin gshegs pas ma bzhes so/ /dge slong dag /
299a6 de nas de bzhin gshegs pas yang 'di snyam du dgongs te/ sngon gyi de bzhin gshegs pa rnams kyis lhung bzed rnam pa ci 'dra ba dag gis bzhes snyam dgongs na/ rdo'i
299a7 lhung bzed rnams kyis bzhes bar mkhyen nas de bzhin gshegs pas de lta bu'i thugs bskyed pa dang / de nas rgyal po chen po rnam thos kyi bus rgyal po chen po gzhan
299b1 gsum la smras pa/ grogs po dag /sngon po'i ris kyi lha'i bu rnams kyis bdag la rdo'i lhung bzed bzhi byin ba dang / de la bdag gis 'di snyam du bsam ste/ 'di spyad par bya'o/ /
299b2 snyam pa dang / de nas sngon po'i ris kyi lha'i bu rnam par snang byed ces bya ba des bdag la 'di skad ces smras so/ /kye snod 'di dag spyad par mi bya bar/ /'di dag chongs shig
299b3 mchod rten grags par gyur/ /shAkya thub ces bya ba'i rgyal ba 'byung / /de la lhung bzed 'di dag dbul ba gyis/ /grogs po dag gis shAkya thub pa la/ /snod dbul ba yi
299b4 dus dang tshod la bab/ /glu dbyangs dag dang sil snyan sgra phyung ste/ /mchod pa byas nas lhung bzed dbul bar bya/ /snod de chos kyi rang bzhin mi shigs pa/ /snod 'di rdo ba'i
299b5 rang bzhin bzhes su rung / /gzhan gyis blang bar bzod pa ma yin gyi/ /da ni bdag cag de dag len du dong / /de nas rgyal po chen po bzhis rang gi gnyen dang 'khor du bcas te me
299b6 tog dang / bdug pa dang / spos dang / phreng ba dang / byug pa dang / sil snyan dang / pheg rdob pa dang / glu dbyangs len cing rang rang gi lag tu lhung bzed de dag thogs nas de
299b7 bzhin gshegs pa ga la ba der song ste phyin nas de bzhin gshegs pa la mchod pa byas te/ lhung bzed de dag lha'i me tog gis bkang nas de bzhin gshegs pa la phul lo//
300a1 dge slong dag /de nas de bzhin gshegs pa 'di snyam du dgongs te/ rgyal po chen po dad pa dang ldan pa bzhi po 'di dag gis bdag la rdo'i lhung bzed
300a2 bzhi phul na/ bdag la ni bzhir mi rung la/ ci ste gcig gi blangs na ni gsum yang mi dga' bar 'gyur na/ bdag gis lhung bzed bzhi po 'di dag blangs te lhung
300a3 bzed gcig tu byin gyis brlab bo snyam mo/ /dge slong dag /de nas de bzhin gshegs pas phyag g.yas pa brkyangs te rgyal po chen po rnam thos kyi bu la tshigs su bcad
300a4 pas bka' stsal pa/ bde bar gshegs la lhung bzed phul cig dang / /khyod ni theg pa mchog gi snod du 'gyur/ /nga 'dra dag la lhung bzed phul ba ni/ /dran dang blo gros nam
300a5 yang nyams mi 'gyur/ /dge slong dag /de nas de bzhin gshegs pas thugs brtse bar dgongs te rgyal po chen po rnam thos kyi bu las lhung bzed bzhes so/ /bzhes nas
300a6 kyang rgyal po chen po yul 'khor srung la tshigs su bcad pas bka' stsal pa/ gang zhig de bzhin gshegs la lhung bzed 'bul/ /nam yang dran dang shes rab nyams mi
300a7 'gyur| |bsil dngos go 'phang sangs rgyas thob bar du/ /bde bas bde bar dus rnams zad par byed/ /dge slong dag /de nas de bzhin gshegs pas thugs brtse bar
300b1 dgongs te rgyal po chen po yul 'khor srung las lhung bzed bzhes so/ /bzhes nas kyang rgyal po chen po 'phags skyes po la tshigs su bcad pas bka' stsal pa/ rnam par dag sems
300b2 de bzhin gshegs pa la/ /khyod kyis yongs dag lhung bzed phul cig dang / /khyod kyi sems ni myur du dag par 'gyur/ /lha mi'i 'jig rten dag na bsngags par 'os/ /dge slong
300b3 dag /de nas de bzhin gshegs pas thugs brtse bar dgongs te rgyal po chen po 'phags skyes po las lhung bzed bzhes so/ /bzhes nas kyang rgyal po chen po mig mi bzang la tshigs su
300b4 bcad pas bka' stsal pa/ skyon med sems dang dad pas skyon med snod/ /de bzhin gshegs pa tshul khrims skyon med cing / /tshul skyon med la rab tu phul zhig dang / /khyod kyi sbyin
300b5 pa bsod nams skyon med 'gyur/ /dge slong dag/ de ltar de bzhin gshegs pas thugs brtse bar dgongs te rgyal po chen po mig mi bzang las lhung bzed bzhes so/ /bzhes
300b6 nas kyang mos pa'i stobs kyis lhung bzed gcig tu byin gyis brlabs te/ de'i tshe ched du brjod pa 'di ched du brjod do/ /nga yis sngon gyi srid par snod kyi rnams/ /bzang byas 'bras bus
300b7 rab tu bkang ste byin/ /de nas lhung bzed dbyibs legs bzhi po 'di/ /rdzu 'phrul chen po'i lha bzhi rnams kyis byin/ /de la 'di skad ces bya ste/ brtan pa dam pa'i don de dgongs pa de//
301a1 zhag bdun byang chub shing mchog gzigs nas ni/ /seng+ge'i stabs 'dra mi yi seng+ge de/ /sa ni rnam pa drug tu bskyod nas bzhengs/ /glang po'i dbang ltar
301a2 kun tu dal gyis gshegs/ /rim gyis sgrol rgyu'i shing gi drung byon nas/ /lhun po lta bur g.yo ba mi mnga' bzhugs/ /thub pa bsam gtan ting nge 'dzin rnams dgongs/ /
301a3 de yi tshe na ga gon bzang po sbun/ /gnyis dang tshong pa'i tshogs dang shing rta ni/ /nor gyi gang ba dag dang lhan cig tu/ /sA la'i me tog nags tshal rgyas par zhugs/ /drang
301a4 srong chen po'i gzi yis skad cig tu/ /srog shing thug par 'phang lo sa nang nub/ /de dag de 'dra ba yi gnas mthong nas/ /tshong pa'i tshogs ni 'jigs pa chen po skyes/ /de
301a5 dag ral gri mda' dang mdung thung thogs/ /nags na ri dwags bzhin du su zhes tshol/ /sprin med 'od zer stod ldan 'dra ba'i rgyal/ /zhal ras ston gyi zla ba 'dra ba mthong / /khro ba
301a6 spangs shing rgyags pa bsal nas su/ /mgo bos phyag 'tshal 'di ni su zhes dpyod/ /mkha' las lha yis 'di skad tshig smras te/ /'di ni sangs rgyas 'jig rten phan don mdzad/ /nyin
301a7 bdun mtshan bdun bza' dang btung ba dag /thugs rje'i bdag nyid 'di ni ma gsol to/ /gal te bdag gis nyon mongs zhi 'dod na/ /sku dang thugs bsgoms 'di la bshos gsol
301b1 cig /de dag gis ni sgra snyan de thos nas/ /rgyal la phyag 'tshal bskor ba byas nas ni/ /dga' nas de dag grogs dang lhan cig tu/ /rgyal la bshos gsol bar ni gros bcad do/ /dge
301b2 slong dang / /de'i tshe tshong pa ga gon dang / bzang po gnyis kyi ba'i khyu mtha' 'khob kyi 'or zhig na gnas so/ /de nas de'i tshe ba de dag bzhos nas mar gyi nying khu byung bar gyur to/ /de nas
301b3 ba lang rdzi de dag gis mar gyi nyid khu de khyer nas tshong pa ga gon dang / bzang po ga la ba der song ste phyin nas de dag gi tshul smos te/ btsun pa dag mkhyen par mdzad du gsol/ khyed
301b4 kyi ba thams cad ni bzhos na/ mar gyi nying khu byung na 'di ci dge ba zhig lags sam/ 'on te ma lags/ de na bram ze zas la brkam pa'i rang bzhin can dag 'di skad ces 'di ni
301b5 dge ba ma yin te/ bram ze rnams la mchod sbyin chen po bya dgos so/ zhes 'dzer to/ /dge slong dag /de'i tshe tshong pa ga gon dang / bzang po dag gi tshe rabs snga ma'i snag gi gnyen
301b6 mtshams bram ze rma bya zhes bya ba tshangs pa'i 'jig rten du skyes par gyur pa des bram ze'i gzugs su sprul nas tshong pa de dag la tshigs su bcad de smras pa/ khyod kyis sngon ni
301b7 smon btab pa/ /byang chub brnyes nas de bzhin gshegs/ /bdag cag rnams kyi bshos gsol te/ /chos kyi 'khor lo bskor bar shog /smon lam de ni rdzogs zin gyi/ /byang
302a1 chub brnyes pa de bzhin gshegs/ /de la zhal zas phul cig dang / /gsol nas 'khor lo bskor bar 'gyur/ /khyed kyi ba mar nying khu byung / /shin tu bkra
302a2 shis skar ma bzang / /drang srong chen po de yi ni/ /bsod nams las kyi mthu 'di'o/ /de ltar tshong pa bskul nas ni/ /rma bya rang gi gnas su song / /ga gon zhes ni bya la sogs//
302a3 thams cad yid ni mgu bar gyur/ /ba stong 'o ma ji snyed yod pa dag /de kun ma lus par ni bsdus nas su/ /de yi steng nas spris ma bzham byas te/ /de dag rab tu gus par
302a4 zhal zas sbyor/ /rin chen gzhong pa tshim byed ces bya ba/ /srang gcig la yang 'bum phrag gcig ri ba/ /gtsang mar rab bkrus dri ma med byas nas/ /zhal zas kyis ni kha
302a5 da chad du bkang / /sbrang rtsi dang ni rin chen gzhong thogs te/ /sgrol rgyu'i shing gi drung song ston pa la/ /btsun pa bzhes te bdag cag sman yang thogs/ /zhal zas gya nom pa
302a6 'di mnabs su gsol/ /spun gnyis po la thugs brtse mdzad pa dang / /byang chub zhugs pa'i sngon gyi bsam mkhyen nas/ /ston pa bzhes pa mdzad de zhal zas gsol/ /gsol
302a7 nas gzhong pa nam mkha'i dkyil du bor/ /lha yi bu pho rab tshangs zhes bya ba/ /de yis rin chen gzhong pa mchog de blangs/ /des de da dung tshangs pa'i 'jig rten na/ /lha gzhan grogs
302b1 dang lhan cig mchod pa phyed/ /de nas de'i tshe de bzhin gshegs pas tshong pa ga gon dang / bzang po de dag la 'di dag gis rab tu dga' bar mdzad do| /lha yi bkra shis don sgrub
302b2 cing / /phyogs rnams bkra shis byed pa des/ /khyed kyi don rnams 'grub gyur cig /thams cad myur du mthun par shog /phreng ba mgo la 'dug pa ltar/ /lag pa g.yas na
302b3 dpal yod shog /g.yon na'ang dpal ni gnas gyur cig /yan lag kun na'ang dpal yod shog /tshong pa dag ni nor tshol zhing / /phyogs bcu dag tu 'gro ba rnams/ /rnyed pa
302b4 chen po rnyed gyur cing / /de dag bde ba skyed par shog /dgos pa la la gang gi phyir/ /shar phyogs su ni 'gro ba na/ /gang dag phyogs der gnas pa yi/ /rgyu skar khyed la skyong gyur
302b5 cig /smin drug dang ni snar ma dang / /mgo dang lag dang nabs so dang / /rgyal dang skag ces bya ba ste/ /de dag rnams ni shar phyogs pa/ /rgyu skar bdun po de dag ni/ /'jig rten skyong
302b6 ba grags ldan pa/ /shar phyogs logs na yod ces bstan/ /de dag khyed la kun tu srungs/ /de dag bdag po rgyal po ni/ /yul 'khor srung zhes grags pa ste/ /de ni dri za kun gyi bdag /
302b7 nyi ma lhan cig srung bar shog /de la bu ni mang yod la/ /mkhas shing ming yang mthun pa ste/ /dgu bcu rtsa gcig zad par yang / /dbang po zhes bya stobs po che/ /de rnams khyed la
303a1 nad med cing / /shis par lhag par skyong gyur cig /shar phyogs logs kyi phyogs cha na/ /lha mo gzhon nu brgyad yod de/ /rgyal dang rnam par rgyal ma
303a2 dang / /don grub ma dang mi pham dang / /dga' mchog ma dang dga' sde dang / /dga' can ma dang dga' 'phel ma/ /de dag khyed la nad med cing / /shis par lhag par skyong bar
303a3 shog /shar phyogs logs kyi phyogs cha na/ /gzhi 'dzin zhes bya'i mchod rten yod/ /rgyal ba skyob pa dgra bcom pa/ /de rnams kyis ni bzhugs shing mkhyen/ /de yang khyed
303a4 la nad med cing / /shis par lhag par skyong gyur cig /phyogs na khyed cag bde bar shog /khyed cag sdig par ma gyur cig /lha rnams kun gyis rab bsrungs nas/ /nor rnams rnyed
303a5 de ldog par shog /dgos pa la la gang gi phyir/ /lho phyogs su ni 'gro ba na/ /gang dag phyogs der gnas pa yi/ /rgyu skar khyed la skyong gyur cig /mchu dang gre dang dbo dang ni/ /me
303a6 bzhi nag pa lnga pa yin/ /sa ri dang ni sa ga ste/ /de dag rnams ni lho phyogs pa/ /rgyu skar bdun po de dag ni/ /'jig rten skyong ba grags ldan pa/ /lho phyogs logs na yod ces bstan//
303a7 de dag khyed la kun tu srungs/ /de dag bdag po rgyal po ni/ /'phags skyes bo zhes bya bar brjod/ /de ni grul bum kun gyi bdag /gshin rje lhan cig srung bar shog /de la bu ni mang
303b1 yod la| |mkhas shing ming yang mthun pa ste/ /dgu bcu rtsa gcig zad par yang / /dbang po zhes bya stobs po che/ /de rnams khyed la nad med cing / /shis par lhag par skyong gyur cig /
303b2 lho phyogs logs kyi phyogs cha na/ /lha mo gzhon nu brgyad yod de/ /dpal ldan ma dang grags ldan ma/ /grags pa thob dang grags 'dzin dang / /legs par langs dang rab snga dang / /legs
303b3 par sad dang bde sgrub ma/ /de dag khyed la nad med cing / /shis par lhag par skyong bar shog /lho phyogs logs kyi phyogs cha na/ /pad+ma zhes bya'i mchod rten yod/ /rtag tu gzi brjid kyis
303b4 kyang 'bar/ /rtag tu thams cad gsal byed pa/ /de yang khyed la nad med cing / /shis par lhag par skyong gyur cig /phyogs na khyed cag bde bar shog /khyed cag sdig par ma gyur cig /
303b5 lha rnams kun gyis rab bsrungs nas/ /nor rnams rnyed de ldog par shog /dgos pa la la gang gi phyir/ /nub phyogs su ni 'gro ba na/ /gang dag phyogs der gnas pa yi/ /rgyu skar khyed la
303b6 skyong gyur cig /lha mtshams dang ni smon dang yang / /brtson 'grus brtan ldan snubs dang ni/ /chu stod chu smad byi bzhin dang / /gro bzhin de ni bdun pa yin/ /rgyu skar bdun po de dag ni/ /'jig
303b7 rten skyong ba grags ldan pa/ /nub phyogs logs na yod ces bstan/ /de dag khyed la kun tu srungs/ /de dag bdag po rgyal po ni/ /mig mi bzang zhes bya bar shes/ /de ni klu rnams kun gyi bdag
304a1 chu lha lhan cig srung bar shog /de la bu ni mang yod la/ /mkhas shing ming yang mthun pa ste/ /dgu bcu rtsa gcig zad par yang / /dbang po zhes bya stobs po
304a2 che| |de dag khyed la nad med cing / /shis par lhag par skyong gyur cig /nub phyogs logs kyi phyogs cha na/ /lha mo gzhon nu brgyad yod de/ /rna cha skra 'dres ma dang ni/ /pad+ma dkar dang
304a3 skya rengs dang / /cha med gcig dang dgu pa dang / /rol dang nag dang stobs myur srid/ /de dag khyed la nad med cing / /shis par lhag par skyong bar shog /nub phyogs logs kyi phyogs
304a4 cha na| |nub ces bya ba'i ri bo yod/ /nyi ma zla ba rnams kyang nub/ /nub pa'ang khyed la nor sbyin gyur/ /de yang khyed la nad med cing / /shis par lhag par skyong gyur cig /phyogs na khyed
304a5 cag bde bar shog /khyed cag sdig par ma gyur cig /lha rnams kun gyis rab bsrungs nas/ /nor rnams rnyed de ldog par shog /dgos pa la la gang gi phyir/ /byang phyogs su ni
304a6 'gro ba na/ /gang dag phyogs der gnas pa yi/ /rgyu skar khyed la skyong gyur cig /mon gru dang ni mon gre dang / /khrums stod dang yang khrums smad dang / /nam gru dang ni tha skar dang / /bra nye de
304a7 ni bdun pa yin/ /rgyu skar bdun po de dag ni/ /'jig rten skyong ba grags ldan pa/ /byang phyogs logs na yod ces bstan/ /de dag khyed la kun tu srungs/ /de dag bdag po rgyal po ni/ /mi
304b1 la zhon pa lus ngan po/ /gnod sbyin kun gyi bdag po ste/ /nor bzang lhan cig srung bar shog /de la bu ni mang yod la/ /mkhas shing ming yang mthun pa ste/ /dgu bcu rtsa gcig zad par yang //
304b2 dbang po zhes bya stobs po che/ /de dag khyed la nad med cing / /shis par lhag par skyong gyur cig /byang phyogs logs kyi phyogs cha na/ /lha mo gzhon nu brgyad yod de/ /rab chags lha mo stong
304b3 lha mo| |sa dang de bzhin pad+ma can/ /rgyal po che la nyer gnas dang / /re dang khrel yod dpal ldan ma/ /de dag khyed la nad med cing / /shis par lhag par skyong bar shog /byang phyogs logs
304b4 kyi phyogs cha na/ /spos ngad ldang ba'i ri po yod/ /gnod sbyin 'byung po rnams kyi gnas/ /rtse mo sna tshogs blta na sdug /de yang khyed la nad med cing / /shis par lhag par skyong gyur cig /
304b5 phyogs na khyed cag bde bar shog /khyed cag sdig par ma gyur cig /lha rnams kun gyis rab bsrungs nas/ /nor rnams rnyed de ldog par shog /rgyu skar nyi shu rtsa brgyad po/ /phyogs bzhi
304b6 dag na bdun bdun gnas/ /lha yi bu mo sum cu gnyis/ /phyogs bzhi dag na brgyad brgyad gnas/ /dge sbyong brgyad dang bram ze brgyad/ /yul rnams na ni grong rdal brgyad/ /dbang por
304b7 bcas pa'i lha brgyad rnams/ /de dag khyed la kun tu srungs/ /khyed cag 'gro na'ang bkra shis gyur/ /ldog pa na yang bkra shis shog /gnyen la blta ba bkra shis gyur/ /gnyen gyis
305a1 blta ba'ang bkra shis shog /dbang bcas gnod sbyin rgya chen dang / /dgra bcom pa dag snying brtse bas/ /thams cad du ni bkra shis dang / /bdud rtsi shis
305a2 pa thob par shog /tshangs pa dang ni de bzhin nor rgyas dang / /zag pa med pa rnams par grol rnams dang / /klu dang gnod sbyin rtag tu snying brtses srungs/ /ston brgyar mtshungs par tshe ni
305a3 skyong bar shog /rnam 'dren zla med 'jig rten mgon po yis/ /de dag mthun par sbyin pa'i bsngags pa gsungs/ /khyed rnams kyi ni dge ba'i las 'di yis/ /sbrang rtsi 'byung zhes
305a4 bya ba'i rgyal bar 'gyur/ /'jig rten rnam par 'dren pa rgyal ba yis/ /lung bstan chags med 'di ni dang po yin/ /phyin chad byang chub sems dpa' mtha' yas mang / /gang dag lung
305a5 bstan de dag phyir mi ldog /rgyal bas lung bstan pa ni 'di thos nas/ /sems ni mgu zhing mchog tu dga' gyur te/ /de dag spun dang grogs dang lhan cig tu/ /de dag sangs rgyas chos
305a6 la skyabs su dong / /ga gon dang / bzang po'i le'u zhes bya ba ste/ nyi shu rtsa bzhi pa'o// //dge slong dag /de ltar de bzhin gshegs pa shing sgrol rgyu'i drung na bzhugs pa
305a7 dang po mngon par rdzogs par sangs rgyas pa gcig pu dben par gshegs te nang du yang dag bzhag nas 'jig rten dang mthun par mdzad pa'i phyir 'di snyam du dgongs te/ kye ma ngas
305b1 thob cing mngon par rdzogs par sangs rgyas pa'i chos 'di ni/ zab pa/ zhi ba/ rab tu zhi ba/ nye bar zhi ba/ gya nom pa/ mthong bar dka' ba/ khong du chud par dka' ba/ brtag mi nus
305b2 pa| rtog ge'i spyod yul ma yin pa/ 'phags pa mkhas pa dang mdzangs pas rig pa ste/ 'di lta ste/ phung po thams cad bor pa/ kun tu rig pa/ nges par rig pa/ tshor ba thams
305b3 cad 'gog pa/ don dam pa/ kun gzhi med pa/ bsil ba'i dngos po/ len pa med pa/ nye bar len pa med pa/ rnam par rig pa ma yin pa/ rnam par rig par bya ba ma yin pa/ 'dus
305b4 ma byas pa/ yul drug las shin tu 'das pa/ mi rtog pa/ rnam par mi rtog pa/ brjod du med pa/ sgra med pa/ sgras brjod du med pa/ bstan du med pa/ thogs pa med pa/ dmigs
305b5 pa thams cad las yang dag par 'das pa/ zhi gnas kyi lam gyis chod pa/ stong pa nyid dmigs su med pa/ sred pa zad pa/ 'dod chags dang bral ba/ 'gog pa/ mya ngan las 'das
305b6 pa ste| gal te bdag gis chos 'di gzhan dag la bstan la/ gal te de dag gis ma shes na/ de ni bdag ngal ba dang / log par brtsal ba dang / chos bstan pa don med par 'gyur
305b7 gyi| bdag snying las chung khur kha rog par gnas par bya snyam mo/ /de'i tshe tshigs su bcad pa 'di dag gsungs so/ /zab zhi rdul bral 'od gsal 'dus ma byas/ /bdud rtsi'i chos ni
306a1 bdag gis thob par gyur/ /bdag gis bstan kyang gzhan gyis mi shes te/ /mi smra nags 'dabs gnas par bya ba snyam/ /tshig bral ngag gi lam gyis
306a2 mi gos pa/ /de bzhin nyid chos rang bzhin nam mkha' 'dra/ /sems dang yid kyi rgyu ba rab grol ba/ /mchog rab ngo mtshar che ba dam pa shes/ /don tshul 'di ni yi ge rnams kyis
306a3 su| |shes par mi nus mdzangs pas rig pa yin/ /sngon gyi rgyal la lhag byas sems can rnams/ /de dag chos 'di thos na yid ches 'gyur/ /'di na chos ni gang yang yod min te//
306a4 yod med gang yin de ni yod ma yin/ /gang gis rgyu dang bya ba brgyud shes pa/ /de la yod pa'am med pa yod ma yin/ /bskal pa brgya stong dpag tu med par ni/ /sngon gyi rgyal ba'i
306a5 gan nas bdag gis spyad/ /'on kyang gang na bdag dang sems can dang / /srog med bzod pa de ni bdag ma thob/ /gang tshe 'di na skye 'chi gang med pa/ /chos 'di thams cad rang bzhin bdag
306a6 med pa'i/ /bzod 'di bdag gis thob pa de yi tshe/ /sangs rgyas mar me mdzad kyis bdag lung bstan/ /'jig rten kun la snying rje mtha' yas nga / /gzhan gyis gsol ba btab la
306a7 nga mi sdod/ /skye bo 'di dag tshangs la dad pa ste/ /de yis gsol ba btab na 'khor lo bskor/ /gal te tshangs pas nga yi rkang par gtugs/ /rnam pa bzang po 'tshal 'gyur sems
306b1 can mchis/ /rdul phral gya nom chos shod gsol btab na/ /de ltas nga yi chos 'di gzung 'os 'gyur/ /dge slong dag/ de ltar de bzhin gshegs pas de'i tshe smin mtshams kyi mdzod
306b2 spu nas 'od gang gis stong gsum gyi stong chen po'i 'jig rten gyi khams 'di snang ba chen pos khyab par 'gyur ba'i 'od phyung ngo / /de nas stong gsum gyi stong chen po'i bdag po tshangs
306b3 pa chen po gtsug phud can sangs rgyas kyi mthus de bzhin gshegs pa'i thugs kyi rnam par rtog pa sems kyis shes te/ bcom ldan 'das thugs las chung ngu la thugs btud cing chos
306b4 mi ston par shes nas de 'di snyam du sems te/ bdag song la de bzhin gshegs pa la chos kyi 'khor lo bskor bar bskul gor ma chag snyam mo/ /de nas tshangs pa gtsug phud can
306b5 gyis de'i tshe de ma yin pa tshangs ris kyi lha'i bu gzhan dag la smras pa/ grogs po dag /de bzhin gshegs pas bla na med pa yang dag par rdzogs pa'i byang chub mngon par rdzogs par
306b6 sangs rgyas nas kyang 'di ltar chos mi ston par thugs las chung ngu la thugs btud pas/ kye ma 'jig rten 'di ni ma rung ngo / /grogs po dag /kye ma 'jig rten 'di ni rnam par ma
306b7 rung ngo / /bdag cag dong ste de bzhin gshegs pa dgra bcom pa yang dag par rdzogs pa'i sangs rgyas la chos kyi 'khor lo bskor bar bskul gor ma chag go/ /dge slong dag /de nas
307a1 tshangs pa chen po gtsug phud can tshangs pa 'bum phrag drug cu rtsa brgyad kyis bskor te mdun du bdar nas de bzhin gshegs pa ga la ba der song ste
307a2 phyin pa dang / de bzhin gshegs pa'i zhabs la mgo bos phyag 'tshal te thal mo sbyar nas de bzhin gshegs pa la 'di skad ces gsol to/ /'di ltar de bzhin gshegs
307a3 pas bla na med pa yang dag par rdzogs pa'i byang chub mngon par rdzogs par sangs rgyas nas kyang chos mi ston par thugs las chung du la thugs btud pas kye ma'o bcom ldan
307a4 'das| 'jig rten 'di ni ma rung ngo / /kye ma'o bcom ldan 'das/ 'jig rten 'di ni rab tu ma rung ngo / /sems can rnam pa bzang po go sla ba/ bcom ldan 'das kyis gsungs
307a5 pa'i don 'tshal bar rngo thogs pa/ skal ba dang ldan pa/ nus pa dang ldan pa dag mchis te/ de lta lags pas bcom ldan 'das/ chos legs par bstan du gsol/ bde
307a6 bar gshegs pa/ chos bstan du gsol/ de'i tshe tshigs su bcad pa 'di dag kyang smras so/ /ye shes chen po mchog gi dkyil 'khor bsgrubs nas ni/ /phyogs bcu dag tu 'od
307a7 zer rnam par 'gyed mdzad de/ /ye shes zer gyis mi yi pad+ma kha 'byed pa/ /smra ba'i nyi ma de ring ci slad btang snyoms bzhugs/ /'phags pa'i nor la sems can dag ni mgron
307b1 gnyer te/ /srog chags bye ba mang po dbugs phyung mdzad nas ni/ /gang slad mi gsung 'gro la btang snyoms mdzad pa 'di/ /'jig rten rtsa lag khyod la rigs pa ma lags so/ /chos
307b2 kyi dam pa'i rnga bo che ni brdung du gsol/ /dam pa'i chos kyi dung ni myur du 'bud du gsol/ /chos kyi mchod sdong chen po bsgreng bar mdzad du gsol/ /chos kyi mar me chen po 'bar
307b3 bar mdzad du gsol/ /chos chu mchog gi char pa rab tu dbab tu gsol/ /srid pa'i rgya mtshor gnas pa 'di dag bsgral du gsol/ /nad chen nyon mongs 'di dag thar par mdzad
307b4 du gsol/ /nyon mongs mes gdungs rab tu zhi bar mdzad du gsol/ /bde ba shis pa rims med mya ngan med gyur pa/ /zhi ba'i lam ni khyod kyis nges par bstan du gsol/ /mya ngan
307b5 'das pa'i lam du mi 'gro mgon med pa/ /log pa'i lam du gnas la mgon po thugs rje mdzod/ /rnam par thar pa'i sgo rnams rab tu dbye bar gsol/ /chos tshul 'khrug pa ma
307b6 mchis de ni gzung du gsol/ /skye bo dmus long du ni gyur pa de dag la/ /mgon po khyod kyis chos mig dam pa sbyang du gsol/ mi yi zla ba mgon po khyod ni ma gtogs par/ /
307b7 'jig rten dag gi skye dang rga ba sel bgyid pa/ /tshangs pa'i 'jig rten dang ni lha yi 'jig rten dang / /gnod sbyin dri za mi yi 'jig rten na ma mchis/ /lha rnams thams cad lhag par
308a1 spyad par bgyis nas ni/ /bdag ni chos rgyal khyod la gsol ba 'debs pa lags/ /bsod nams 'di yis bdag kyang rab tu myur bar ni/ /chos kyi 'khor
308a2 lo dam pa rab tu bskor gyur cig /dge slong dag /de bzhin gshegs pas lha dang / mi dang / lha ma yin du bcas pa'i 'jig rten rjes su gzung ba'i phyir thugs brtse bar dgongs
308a3 te| tshangs pa chen po gtsug phud can la cang mi gsung bas gnang ngo / /de nas tshangs pa chen po gtsug phud can gyis de bzhin gshegs pas cang mi gsung bas gnang bar rig
308a4 nas lha'i tsan+dan gyi phye ma dang / a ga ru'i phye mas de bzhin gshegs pa la gtor nas dga' ba dang mchog tu dga' ba skyes te/ de nyid du mi snang bar gyur to/ /dge slong dag /
308a5 de nas de bzhin gshegs pas chos la 'jig rten gus pa bskyed pa dang / tshangs pa chen po gtsug phud can yang de bzhin gshegs pa la yang dang yang du bskul bas dge ba'i
308a6 rtsa ba rnam par spel ba dang / chos kyang shin tu zab pa'i phyir yang gcig pu dben par gshegs te/ nang du yang dag bzhag nas thugs la 'di lta bur rnam par rtog par gyur te/
308a7 bdag gis chos zab pa/ phra ba/ gsal ba/ khong du chud par dka' ba/ brtag mi nus pa/ rtog ge'i spyod yul ma yin pa/ mkhas pa dang mdzangs pas rig pa/ 'jig rten
308b1 thams cad dang mi mthun pa/ mthong bar dka' ba/ phung po thams cad bor ba/ 'du byed thams cad nye bar zhi ba/ zhi gnas kyi la ma gyis chud pa/ stong pa nyid dmigs su med pa/ sred
308b2 pa zad pa/ 'dod chags dang bral ba/ 'gog pa/ mya ngan las 'das pa 'di mngon par rdzogs par sangs rgyas te/ gal te bdag gis chos 'di bstan pa/ gzhan gyis 'di khong du
308b3 ma chud na/ de ni bdag la shin tu mtho 'tsham par 'gyur gyi/ bdag snying las chung ngur gnas pas gnas par bya gor ma chag snyam mo/ /dge slong dag /de nas sangs rgyas kyi mthus
308b4 tshangs pa chen po gtsug phud can gyis yang de bzhin gshegs pa'i thugs kyi rnam par rtog pa de lta bu de sems kyis shes nas lha'i dbang po brgya byin ga la ba der song ste phyin nas lha'i dbang
308b5 po brgya byin la 'di skad ces smras so/ /kau shi ka /shes par gyis shig /de bzhin gshegs pa dgra bcom pa yang dag par rdzogs pa'i sangs rgyas ni chos mi ston par thugs las
308b6 chung du la thugs btud de/ 'di ltar de bzhin gshegs pa dgra bcom pa yang dag par rdzogs pa'i sangs rgyas chos mi ston par thugs las chung du la thugs btud pas/ kau shi
308b7 ka |kye ma'o 'jig rten 'di ni ma rung bar 'gyur ro/ /kau shi ka /kye ma'o 'jig rten 'di ni rnam par ma rung bar 'gyur ro/ /kye ma'o 'jig rten 'di ni ma rig pa'i mun pa chen por
309a1 bcug par 'gyur na/ bdag cag de bzhin gshegs pa dgra bcom pa yang dag par rdzogs pa'i sangs rgyas la chos kyi 'khor lo bskor bar bskul du ci'i
309a2 phyir mi 'dong / de ci'i phyir zhe na/ ma bskul bar de bzhin gshegs pa chos kyi 'khor lo mi bskor ba'i phyir ro/ /grogs po/ legs so zhes te/ brgya byin dang / tshangs pa dang / sa
309a3 bla'i lha rnams dang / bar snang ba rnams dang / rgyal chen bzhi'i ris dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul
309a4 dbang byed dang / tshangs ris dang / 'od gsal dang / 'bras bu che dang / dge rgyas dang / gnas gtsang ma'i ris kyi lha'i bu brgya stong rab tu mang po kha dog mngon par 'phags
309a5 pa dag nam sros pa dang / lha'i kha dog dang / lha'i snang bas shing sgrol rgyu'i drung nyi tshe snang bar byas nas de bzhin gshegs pa ga la ba der dong ste phyin pa dang / de bzhin gshegs
309a6 pa'i zhabs la mgo bos phyag 'tshal te bskor ba byas nas phyogs gcig tu 'khod do/ /de nas lha'i dbang po brgya byin gyis de bzhin gshegs pa ga la ba de logs su thal mo sbyar
309a7 ba btud de/ de bzhin gshegs pa la tshigs su bcad pas mngon par bstod do/ /zla ba nya ba gza' las thar pa ltar/ /khyod kyi thugs ni rnam par grol ba lags/ /g.yul
309b1 las rnam par rgyal ba bzhengs su gsol/ /'jig rten mun par shes rab 'od dbyung gsol/ /de skad ces gsol ba dang / de bzhin gshegs pa cang mi gsung bar bzhugs so/ /de nas
309b2 tshangs pa chen po gtsug phud can gyis lha'i dbang po brgya byin la 'di skad ces smras so/ /kau shi ka /ji ltar khyod kyis bskul ba de ltar de bzhin gshegs pa dgra bcom pa yang dag par
309b3 rdzogs pa'i sangs rgyas la chos kyi 'khor lo bskor bar gsol ba mi gdab bo/ /de nas tshangs pa chen po gtsug phud can gyis bla gos phrag pa gcig tu gzar te pus mo g.yas pa'i lha
309b4 nga sa la btsugs nas de bzhin gshegs pa ga la bde logs su thal mo sbyar ba btud de/ de bzhin gshegs pa la tshigs su bcad pas gsol pa/ g.yul las rnam par rgyal
309b5 ba bzhengs su gsol/ /'jig rten mun par shes rab 'od dbyung gsol/ /kun tu 'tshal bar 'gyur ba mchis lags kyi/ /thub pa khyod kyis chos ni bstan du gsol/ /dge slong
309b6 dag /de skad ces gsol pa dang / de bzhin gshegs pas tshangs pa chen po gtsug phud can la 'di skad ces bka' stsal to/ /tshangs pa/ ngas chos zab pa/ phra ba/ gsal ba
309b7 'di mngon par rdzogs par sangs rgyas zhes bya ba nas/ de ni bdag la shin tu mtho 'tsham par 'gyur ro zhes bya ba'i bar du sbyar ro/ /tshangs pa/ tshigs su bcad pa 'di dag nga la rgyun
310a1 du snang mod kyi/ nga'i lam rgyun las bzlog par 'gro ba/ zab pa/ mthong bar dka' ba de ni 'dod chags kyis ldongs pa dag gis mi mthong ste/ de lta
310a2 bas na| bstan kyang mi phan no/ /skye rgu 'dod pa rnams la bcings/ /rgyun gyis rab tu bdas pa yin/ /ngas 'di tshegs ni chen pos rnyed/ /de lta bas na bstan mi phan/ /dge slong dag /
310a3 de nas tshangs pa chen po gtsug phud can dang / lha'i dbang po brgya byin gyis de bzhin gshegs pa cang mi gsung bar gyur par rig nas lha'i bu de dag dang lhan cig tu sdug bsngal
310a4 zhing yid mi bde nas de nyid du mi snang bar gyur ro/ /lan gsum gyi bar du de bzhin gshegs pa thugs las chung ngu la thugs btud do/ /dge slong dag /de'i tshe yul ma ga
310a5 d+ha'i mi rnams la sdig pa mi dge ba'i lta bar gyur pa 'di lta bu dag byung bar gyur te/ 'di lta ste/ kha cig ni 'di skad du rlung ldang bar mi 'gyur ro zhes 'dzer ro/ /kha cig ni
310a6 'di skad du me 'bar bar mi 'gyur ro zhes 'dzer ro/ /kha cig ni 'di skad du char 'bab par mi 'gyur ro zhes 'dzer ro/ /kha cig ni chu 'bab par mi 'gyur ro zhes 'dzer ro/ /
310a7 kha cig ni lo tog skye bar mi 'gyur ro zhes 'dzer ro/ /kha cig ni bya rnams nam mkha' la 'phur bar mi 'gyur ro zhes 'dzer ro/ /kha cig ni sbrum ma rnams nad med par btsa'
310b1 bar mi 'gyur ro zhes 'dzer ro/ /dge slong dag /de nas tshangs pa chen po gtsug phud can gyis de bzhin gshegs pa'i thugs kyi rnam par rtog pa de lta bu de'ang shes/ yul ma ga d+ha'i mi
310b2 rnams kyi lta bar gyur pa de dag kyang rig nas nam sros pa dang / kha dog mngon par 'phags pa dang / lha'i snang bas shing sgrol rgyu'i drung thams cad snang bar byas nas de bzhin gshegs
310b3 pa ga la bder song ste phyin pa dang / de bzhin gshegs pa'i zhabs la mgo bos phyag 'tshal te bla gos phrag pa gcig tu gzar nas pus mo g.yas pa'i lha nga sa la btsugs te/ de
310b4 bzhin gshegs pa ga la ba de logs su thal mo sbyar ba btud na de bzhin gshegs pa la tshegs su bcad pa gsol ba/ ma ga d+har ni sngon chos ma dag pa/ /dri mar bcas par
310b5 sems pa'i smra ba byung / /de slad thub pa bdud rtsi'i sgo dbye gsol/ /dri med sangs rgyas chos ni nyan cing mchis/ /khyod ni rang gi dgos mdzad rang dbang gyur/ /sdug bsngal mngon
310b6 par 'du byed dri ma spangs/ /khyod kyi dge ba 'phal dang 'grib ma mchis/ /khyod 'di chos mchog pha rol byon par gyur/ /thub pa khyod 'dra 'jig rten 'dir ma mchis/ /drang srong che khyod
310b7 lhag pa ga la mchis/ /srid gsum 'di na rnam par lhang nge ste/ /lha min gnas na mchis ba'i ri bo 'dra/ /sdug bsngal skye bo thugs rje che bskyed gsol/ /khyod 'dra nam yang btang snyoms
311a1 mdzad mi rigs/ /khyod ni mi 'jigs stobs dang yang dag ldan/ /khyod ni skye bo rab tu sgrol bar spyod/ /lha dang dge spyong bram zer bcas pa kun/ /skye rgu 'di dag
311a2 ring na zug rngur bcas/ /nad rims ma mchis nad ma mchis gyur cig /'di na de dag skyabs ni gzhan ma mchis/ /chos de rgyal bas thugs su chung gyur te/ /ji lta bzhin du mi nyung
311a3 ston 'gyur zhes/ /dge ba'i sems kyis bdud rtsi don gnyer zhing / /lha dang mi rnams khyod phyir ring nas 'brang / /de slad mthu rtsal bzang po khyod la gsol/ /ring nas lam las
311a4 nyams pa'i sems can thul/ /ma thos don rnams rab tu thos par 'tshal/ /shin tu nyam chung rtas par 'tshal dang 'dra/ /rab tu skam pa'i sa la sprin lta bur/ /'dren pa chos kyi char pas
311a5 tshim par mdzod/ /ring nas nyams pa'i mi rnams srid pa na/ /lta ngan thibs po tsher mar bcas par rgyu/ /gang bsgoms na ni bdud rtsi thob 'gyur ba/ /tsher ma ma mchis drang lam de bstan
311a6 gsol| |long ba g.yang lhung 'dren pa ma mchis pa/ /'di na de dag gzhan gyis drang mi nus/ /blo ldan khyu mchog khyod ni mos bskyed de/ /g.yang sa chen por lhung ba gdon du gsol/ /thub pa
311a7 khyod dang ring nas rtag mi 'jal/ /u dum wa ra'i me tog brgya lam ltar/ /'dren pa rgyal ba dag ni sa la 'byung / /mgon po dal rnyed sems can dgrol du gsol/ /rang rgal nas ni bsgral
311b1 bar bya'o zhes/ /sngon srid khyod kyi dgongs pa 'di 'byung ngo / /da ltar khyod ni pha rol byon par nges/ /bden pa'i mthu rtsal thugs dam mang bar mdzod/ /thub pa chos kyi sgron mes mun ba sol
311b2 de bzhin gshegs pa'i rgyal mtshan khyod kyis bsgreng / /snyan pa'i gsung brjod pa yi dus la bab/ /rnga sgra ri dwags dbang ltar bsgrag tu gsol/ /dge slong dag /de nas de bzhin gshegs
311b3 pas sangs rgyas kyi spyan gyis thams cad dang ldan pa'i 'jig rten la gzigs na/ sems can dman pa dang / 'bring dang / gya nom dang / mtho ba dang / dma' ba dang / bar ma dang / rnam pa
311b4 bzang po dang / rnam par sbyang sla ba dang / rnam pa ngan pa dang / rnam par sbyang dka' ba dang / zur tsam gyis go ba dang / tshig lhur len pa dang / sems can gyi phung po gsum ste/ gcig ni
311b5 log pa nyid du nges pa dang / gcig ni yang dag pa nyid du nges pa dang / gcig ni ma nges pa gzigs so/ /dge slong dag /'di lta ste/ dper na/ mi zhig rdzing gi 'gram na 'dug pas pad+ma kha
311b6 cig ni chu'i nang nas ma 'thon/ /kha cig ni chu dang mnyam/ kha cig ni chu las 'phags pa dag mthong ngo / /dge slong dag /de bzhin du de bzhin gshegs pas sangs rgyas kyi spyan
311b7 gyis thams cad dang ldan pa'i 'jig rten na sems can phung po gsum du rnam par gnas pa dag gzigs so/ /dge slong dag /de nas de bzhin gshegs pa 'di snyam du dgongs te/ ngas
312a1 chos bstan kyang rung / ma bstan kyang rung ste/ gang log pa nyid du nges pa'i phung po 'di ni chos 'di shes par mi 'gyur ro/ /dam chos bstan kyang rung ma bstan
312a2 kyang rung ste/ gang yang dag pa nyid du nges pa'i phung po 'di ni chos 'di shes par 'gyur ro/ /ma nges pa'i phung po gang yin pa 'di ni gal te chos bstan na ni shes par 'gyur/
312a3 ci ste chos ma bstan na ni shes par mi 'gyur ro snyam mo/ /dge slong dag /de nas de bzhin gshegs pas ma nges pa'i phung por rnam par gnas pa'i sems can rnams las brtsams
312a4 te thugs rje chen po bskyed do/ /de nas de bzhin gshegs pas bdag nyid kyi yang dag pa'i ye shes 'di'i dbang du mdzad de/ tshangs pa chen po gtsug phud can gyis bskul ba'ang mkhyen
312a5 nas tshangs pa chen po gtsug phud can la tshigs su bcad pas bka' stsal pa/ tshangs pa ma ga d+ha yi sems can gang / /rna ba ldan zhing dad dang ldan gyur la/ /mi 'tshe 'du shes rtag tu chos
312a6 nyan pas/ /de dag la ni bdud rtsi'i sgo phye'o/ /de nas tshangs pa chen po gtsug phud can gyis de bzhin gshegs pas gnang bar rig nas tshim zhing mgu la yid rangs te/ rab tu dga'
312a7 nas dga' ba dang yid bde ba skyes te/ de bzhin gshegs pa'i zhabs la mgo bos phyag 'tshal nas de nyid du mi snang bar gyur to/ /dge slong dag /de nas de'i tshe sa bla'i lha rnams kyis
312b1 bar snang gi lha rnams la tshig tu brjod cing sgra bsgrags pa/ grogs po dag /do med de bzhin gshegs pa dgra bcom pa yang dag par rdzogs pa'i sangs rgyas kyis chos kyi 'khor lo bskor
312b2 bar gnang ste/ de ni skye bo mang po la phan pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / phan pa dang / bde
312b3 bar 'gyur ro/ /kye grogs po dag /lha ma yin gyi ris ni yongs su 'grib par 'gyur ro/ /lha'i ris ni yongs su rdzogs par 'gyur ro/ /'jig rten na sems can mang po yongs su mya
312b4 ngan las 'da' bar 'gyur ro/ /de ltar bar snang gi lha rnams kyis sa bla'i lha rnams las thos nas rgyal chen bzhi'i ris kyi lha rnams la sgrar brjod do/ /rgyal chen bzhi'i ris kyi lha rnams
312b5 kyis sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed rnams la'o/ /de dag gis kyang tshangs ris kyi lha rnams la tshig tu brjod cing sgra
312b6 bsgrags te/ grogs po dag /do mod de bzhin gshegs pa dgra bcom pa yang dag par rdzogs ba'i sangs rgyas kyis chos kyi 'khor lo bskor bar gnang ste/ de ni skye bo mang po la phan pa
312b7 dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / phan pa dang / bde bar 'gyur ro/ /kye grogs po dag /lha ma yin
313a1 gyi ris ni yongs su 'grib par 'gyur ro lha'i ris ni yongs su 'phel bar 'gyur ro/ /'jig rten na sems can mang po yongs su mya ngan las 'da' bar 'gyur ro/ /
313a2 dge slong dag /de ltar skad cig de dang / thang gcig de dang / yud tsam de la sa bla'i lha rnams nas bzung ste/ tshangs ris kyi lha'i bar man chad du grogs po dag /de bzhin gshegs pa
313a3 dgra bcom pa yang dag par rdzogs pa'i sangs rgyas kyis do mod chos kyi 'khor lo bskor bar gnang ste zhes bya ba nas snga ma bzhin du sgra skad cig mngon du byung bar gyur to/ /dge slong dag/
313a4 de nas byang chub kyi shing gi lha chos sred ces bya ba dang / chos 'dod dang / chos kyi blo gros dang / chos spyod dang / byang chub kyi shing gi lha bzhi po de dag gis de bzhin gshegs pa'i zhabs
313a5 gnyis la gtugs te 'di skad ces gsol to/ /bcom ldan 'das/ gang du chos kyi 'khor lo bskor bar mdzad/ dge slong dag /de skad ces gsol pa dang / de bzhin gshegs pas
313a6 lha de dag la 'di skad ces bka' stsal to/ /grong khyer wA ra NA sir drang srong lhung ba ri dwags kyi nags su'o/ /de dag gis gsol pa/ bcom ldan 'das/ grong khyer wA ra NA si ni skye bo'i
313a7 tshogs chung ba lags/ ri dwags kyi nags ni zhugs shing gi grib ma chung ba lags te/ bcom ldan 'das/ grong khyer chen po 'byor pa/ rgyas pa/ bde ba/ lo legs pa/ nyams
313b1 dgyes pa/ mi dang skye bo mang pos gang ba/ skyed mos tshal dang / nags dang / nags 'dabs kyis brgyan pa/ gzhan dag kyang mchis na/ bcom ldan 'das/ de dag cig tu chos kyi 'khor
313b2 lo bskor bar gsol/ de bzhin gshegs pas bka' stsal pa/ bzhin bzang dag /de skad ma zer cig /de ci'i phyir zhe na/ der ni nga yis mchod sbyin stong phrag bye ba khrag khrig drug cu
313b3 byas| |der ni sangs rgyas stong phrag bye ba khrag khrig drug cu de dag mchod/ /wA ra NA si dam pa de ni sngon gyi drang srong rnams kyi gnas/ /sa de lha dang klu yis mngon bstod rtag tu chos ni mngon
313b4 par gzhol/ /ngas ni sngon chad sangs rgyas bye ba stong phrag dgu bcu rtsa gcig dran/ /de dag drang srong zhes bya nags mchog der ni 'khor lo dam pa bskor/ /zhi zhing nyer zhi bsam gtan
313b5 mngon gyur rtag tu ri dwags rnams kyis bsten/ /de phyir drang srong zhes bya nags mchog der ni 'khor lo dam pa bskor/ /bskul ba'i le'u zhes bya ba ste/ nyi shu rtsa lnga pa'o// //'phags pa rgya cher rol pa zhes bya ba theg pa chen po'i mdo/ bam po bcu bdun pa/ dge slong dag /de nas de bzhin gshegs pa bya ba mdzad pa/ byed pa mdzad pa/ bcings pa thams
313b6 cad yang dag par chad pa/ nyon mongs pa thams cad bsal ba/ dri ma dang nyon mongs pa sbyangs ba/ bdud phyir rgol ba bcom pa/ sangs rgyas kyi chos thams cad kyi tshul gyi rjes su
314a1 zhugs pa/ thams cad mkhyen pa/ thams cad gzigs pa/ stobs bcu dang ldan pa/ mi 'jigs pa bzhi brnyes pa/ sangs rgyas kyi chos ma 'dres
314a2 pa bco brgyad rab tu rdzogs pa/ spyan lnga dang ldan pa/ sangs rgyas kyi spyan bsgribs pa mi mnga' bas 'jig rten thams cad la gzigs nas 'di snyam du dgongs te ngas thams
314a3 cad kyi thog mar gang la'ang chos bstan par bya/ sems can dag pa/ rnam pa bzang ba/ gdul sla ba/ go sla ba/ sbyang sla ba/ 'dod chags dang / zhe sdang dang / gti mug chung
314a4 ba| rnam par shes pa lkog tu ma gyur pa/ gang chos ma thos na yongs su nyams par 'gyur ba gang dag la bdag gis thog mar chos bstan par bya/ gang la chos 'di bstan
314a5 nas kyang shes par 'gyur zhing mtho 'tsham par mi 'gyur ba ni gang yin snyam mo/ /dge slong dag /de nas de bzhin gshegs pa 'di snyam du dgongs te/ rangs byed kyi bu lhag
314a6 spyod ni dag pa/ rnam pa bzang ba/ go sla ba/ sbyang sla ba/ 'dod chags dang / zhe sdang dang / gti mug chung ba/ rnam par shes pa lkog tu ma gyur pa ste/ de chos ma thos na/
314a7 yongs su nyams par 'gyur ba'o/ /de ni nyan thos rnams la 'du shes med 'du shes med min skye mched kyi brtul zhugs dang mthun par chos ston pa yin na/ de da ltar ga la
314b1 'dug snyam dgongs pa dang / de 'chi ba'i dus byas nas deng du zhag bdun lon bar mkhyen to/ /lha rnams kyis de bzhin gshegs pa'i zhabs la gtugs te 'di skad ces gsol to/ /
314b2 bcom ldan 'das/ de de lta lags so/ /bde bar gshegs pa/ de de lta lags te/ rangs byed kyi bu lhag spyod gum nas deng du dgung bdun lags so/ /dge slong dag /ngas 'di
314b3 snyam du bsam ste/ e ma rangs byed kyi bu lhag spyod de chos shin tu bzang po 'di lta bu 'di ma thos par shi ba'i dus byas pa ni cher nyams so/ /gal te des chos 'di thos na/ shes
314b4 par 'gyur te/ de la bdag gis thog mar chos bstan par bya zhing de'ang bdag la mtho 'tsham par mi 'gyur ro snyam mo/ /dge slong dag /de bzhin gshegs pas yang 'di snyam du
314b5 dgongs te/ sems can dag pa/ gdul sla ba zhes bya ba nas nga'i chos bstan pa mtho 'tsham par mi 'gyur ba zhes bya ba'i bar du snga ma bzhin te/ de lta bu gzhan su yod snyam mo /
314b6 dge slong dag /de nas de bzhin gshegs pa 'di snyam du dgongs te/ sgyu rtsal shes kyi bu ring 'phur ni dag pa zhes bya ba nas nga'i chos bstan pa mtho 'tsham par mi 'gyur
314b7 zhes bya ba'i bar du ste/ de da ltar ga la 'dug snyam dgongs na/ de'ang 'chi ba'i dus byas nas deng du zhag gsum lon par mkhyen to/ /gnas gtsang ma'i ris kyi lha rnams kyis
315a1 kyang don de de bzhin gshegs pa la gsol te/ bcom ldan 'das/ de de lta lags so/ /bde bar gshegs pa/ de de lta lags te/ sgyu rtsa la shes
315a2 kyi bu ring 'phur gum nas deng du dgung gsum lags so/ /de nas de bzhin gshegs pa 'di snyam du dgongs te/ e ma sgyu rtsal shes kyi bu ring 'phur de chos shin tu bzang
315a3 po 'di lta bu 'di ma thos par shi ba ni cher nyams so snyam mo/ /dge slong dag /de bzhin gshegs pas yang 'di snyam du dgongs te/ sems can dag pa/ rnam pa bzang
315a4 ba zhes bya ba nas nga'i chos bstan pa mtho 'tsham par mi 'gyur zhes bya ba'i bar du snga ma bzhin te/ de lta bu gzhan su yod snyam mo/ /dge slong dag /de nas de bzhin gshegs
315a5 pas 'di snyam du dgongs te/ lnga sde bzang po rnams ni dag pa/ rnam pa bzang ba/ gdul sla ba/ go sla ba/ rnam par sbyang sla ba/ 'dod chags dang / zhe sdang dang / gti mug
315a6 chung ba| rnam par shes pa lkog tu ma gyur pa ste/ de dag chos ma thos na/ yongs su nyams par 'gyur ba'o/ /nga dka' ba spyad pa spyod pa na'ang de dag gis bsnyen bkur byas
315a7 par gyur te/ de dag ngas chos bstan na/ shes par 'gyur zhing / nga la mtho 'tsham par mi 'gyur ro snyam mo/ /dge slong dag /de nas de bzhin gshegs pa 'di snyam du dgongs
315b1 te| bdag gis lnga sde bzang po rnams la thog mar chos bstan par bya gor ma chag snyam mo/ /dge slong dag /de nas yang de bzhin gshegs pa 'di snyam du dgongs te/ lnga sde bzang po
315b2 dag da ltar gang na 'khod snyam mo/ /de nas de bzhin gshegs pas sangs rgyas kyi spyan gyis thams cad dang ldan pa'i 'jig rten la rnam par gzigs na lnga sde bzang po dag grong khyer
315b3 wA ra NA si'i drang srong lhung ba ri dwags kyi nags na 'khod par gzigs so/ /gzigs nas kyang de bzhin gshegs pas 'di snyam du dgongs te/ bdag gis lnga sde bzang po rnams
315b4 la thams cad kyi thog mar chos bstan par bya gor ma chag go /de dag gis ngas thams cad kyis thog mar chos bstan pa kun shes par 'gyur ro snyam mo/ /dge slong dag /de ci'i
315b5 phyir zhe na/ de dag ni spyad pa dang ldan pa/ chos dkar po rnams shin tu yongs su bsdus pa/ thar pa'i lam la mngon du phyogs pa/ bgegs dang bral ba dag go /dge slong dag /de
315b6 nas de bzhin gshegs pas de snyam du dgongs nas byang chub kyi snying po las bzhengs te/ stong gsum gyi stong chen po'i 'jig rten gyi khams su gshegs nas mthar gyis yul ma ga
315b7 d+har rgyu zhing yul gsal ldan du gshegs so/ /de nas ri ga ya dang / byang chub kyi snying po'i bar du kun tu 'tsho ba pa gzhan zhig gis de bzhin gshegs pa rgyang ring po nas gshegs pa
316a1 mthong ngo / /mthong nas kyang de bzhin gshegs pa ga la ba der song ste phyin nas phyogs gcig tu 'dug go /dge slong dag /phyogs gcig tu 'dug nas
316a2 kyang kun tu 'tsho ba pa de de bzhin gshegs pa dang lhan cig tu yang dag par mgu bar bya ba'i gtam rnam pa mang po byas nas 'di skad ces gsol to/ /tshe dang ldan pa gau ta ma/
316a3 khyod kyi dbang bo rnams ni shin tu gsal lo/ /khyod kyi pags pa'i mdog ni ser por gda' zhing yongs su dag la yongs su byang ba ste/ 'di lta ste/ dper na/ ston ka rgya
316a4 shug kha dog rtsa ser zhing 'od gsal te/ ser por gda' ba de bzhin du gau ta ma khyod kyi dbang po rnams yongs su dag cing / zhal gyi dkyil 'khor yang yongs su dag la yongs
316a5 su byad pa'o/ /'di lta ste/ dper na/ shing ta la'i 'bras bu smin pa rtsa ba nas chad ma thag pa'i rtsa ba logs ser por gda' ba lags te/ yongs su dag cing yongs su byang ba de
316a6 bzhin du gau ta ma khyod kyi dbang po rnams ni yongs su dag la/ zhal gyi dkyil 'khor ni yongs su dag cing yongs su byad ba'o/ /'di lta ste/ dper na/ dzam+bu'i chu bo'i gser
316a7 gyi mgul rgyan thab nas phyung ste/ mgar ba'i bu mkhas pas legs par yongs su sbyangs par gyis pa/ la ba dur ka'i nang du stsal na/ kha dog dang ldan par 'gyur te/ yongs
316b1 su dag cing yongs su byang la ser por gda' zhing 'od gsal bar 'gyur ro/ /de bzhin du gau ta ma khyod kyi dbang po rnams ni shin tu gsal/ pags pa'i mdog ni yongs su
316b2 dag /zhal gyi dkyil 'khor ni yongs su byad ba lags so/ /tshe dang ldan pa gau ta ma su las tshangs par spyad pa spyod/ dge slong dag /de skad ces gsol pa dang / de bzhin gshegs
316b3 pas kun tu 'tsho ba pa de la tshigs su bcad pas slar bka' stsal pa/ nga la slob dpon gang yang med/ /nga dang 'dra ba yod ma yin/ /nga ni gcig pu rdzogs sangs rgyas/ /bsil gyur
316b4 zag pa med pa yin/ /des smras pa/ gau ta ma/ bdag nyid dgra bcom par zhal gyis 'tshe'am/ de bzhin gshegs pas bka' stsal pa/ nga nyid 'jig rten dgra bcom pa/ /nga ni ston
316b5 pa bla na med/ /lha dang lha min dri zar bcas/ /nga yi do zla gang yang med/ /des smras pa/ gau ta ma/ bdag nyid rgyal ba lags par zhal gyis 'che'am/ de bzhin gshegs pas bka'
316b6 stsal pa/ gang dag zag pa zad brnyes pa/ /nga 'dra rgyal par shes par bya/ /nga ni sdig pa'i chos las rgyal/ /de bas nye 'gro nga rgyal yin/ /des smras pa/ tshe dang ldan pa gau ta ma da gar
316b7 bzhud| de bzhin gshegs pas bka' stsal pa/ /nga ni wA ra NA sir 'gro /grong khyer gsal ldan song nas ni/ /long ba lta bu'i 'jig rten la/ /mtshungs pa med pa'i 'od bya'o/ /nga ni wA ra
317a1 NA sir 'gro /grong khyer gsal ldan song nas ni/ /'on ba lta bu'i 'jig rten la/ /bdud rtsi'i rnga chen brdung bar bya/ /nga ni wA ra NA sir 'gro /grong khyer
317a2 gsal ldan song nas ni/ /'jig rten du ni ma bskor ba'i/ /chos kyi 'khor lo bskor bar bya/ /kun tu 'tsho ba pa des gau ta ma/ de bzhin du 'gyur ro/ /de bzhin du 'gyur ro zhes smras
317a3 te| lho phyogs logs su song ngo / /de bzhin gshegs pa ni byang phyogs logs su bzhud do/ /dge slong dag /de ltar de bzhin gshegs pa rig ya'i klu'i rgyal po shin tu
317a4 blta mdzes kyis bzhugs su gsol ba dang / bshos gsol bar spyan drangs so/ /de nas de bzhin gshegs pa nye gnas su gshegs so/ /de nas kyang lteng rgyas lta bur
317a5 gshegs so/ /de nas kyang tsan+dan lar gshegs so/ /de nas grong khyer kha lo sgyur du gshegs so/ /dge slong dag /de dag tu'ang khyim bdag rnams kyis de bzhin gshegs pa
317a6 bzhugs su gsol ba dang / bshos gsol bar spyan drangs te mthar gyis klung chen po gang+gA'i 'gram du gshegs so/ /dge slong dag /de'i tshe klung chen po gang+gA shin tu brug ste
317a7 mu dang mnyam par 'bab bo/ /dge slong dag/ de nas de bzhin gshegs pa pha rol tu gshegs pa'i phyir mnyan pa'i gan du gshegs pa dang / des gsol pa/ gau ta ma/ gru
317b1 btsas stsal du gsol/ grogs po nga la gru btsas med do zhes bka' stsal nas de bzhin gshegs pa nam mkha' las tshu rol gyi 'gram nas pha rol gyi 'gram du gshegs so/ /
317b2 de nas mnyan pa des de mthong nas sbyin gnas rnam pa 'di lta bu 'di bdag gis ma bsgral to zhes shin tu 'gyod de/ kyi hud mtshar byas so zhes smras nas brgyal te sa la 'gyel
317b3 to| |de nas mnyan pas rgyal po gzugs can snying po la jo bo dge sbyong gau ta ma la gru btsas stsal bar gsol na/ gru btsas med do zhes gsungs te/ nam mkha' las tshu rol gyi
317b4 'gram nas pha rol gyi 'gram du gshegs so zhes de'i lo rgyus bsnyad do/ /de skad thos nas rgyal po gzugs can snying pos de phyin chad rab tu byung ba thams cad la gru btsas mi dbang
317b5 par byas so/ /dge slong dag /de ltar de bzhin gshegs pa mthar gyis yul rgyu ba rgyu zhing grong khyer chen po wA ra NA si ga la ba der gshegs so/ /gshegs nas nang par sham
317b6 thabs dang chos gos gsol te lhung bzed bsnams nas grong khyer chen po wA ra NA sir bsod snyoms kyi phyir gshegs te/ der bsod snyoms kyi phyir gshegs nas bsod snyoms
317b7 kyi zhal bras mjug tu gsol te zas kyi bya ba byas nas drang srong lhung ba ri dwags kyi nags ga la ba dang / lnga sde bzang po ga la ba der gshegs pa dang / lnga sde bzang po dag gis de
318a1 bzhin gshegs pa rgyang ring po nas gshegs pa mthong ngo / /mthong nas kyang 'di skad du tshe dang ldan pa dag /dge sbyong gau ta ma lhod pa/ mang du za ba/ spong
318a2 ba las nyams pa 'di 'ong ste/ 'dis sngon gyi dka' ba spyad pa des mi'i chos bla ma las mchog tu gyur pa/ 'phags pa'i ye shes mthong ba'i khyad par cung zad kyang mngon sum du
318a3 byed ma nus na/ da ltar kha zas rags pa za zhing bsod snyoms la sbyor ba dang ldan par gnas pa lta smos kyang ci dgos te/ lhod pa/ mang du za ba/ 'di la skal pa med kyi/ gang gis
318a4 kyang 'di bsu bar mi bya'o/ /ldang bar mi bya'o/ /chos gos dang / lhung bzed blang bar mi bya'o/ /stan dang / yongs su spyad par 'os pa'i btung ba dang / rkang pa gzhag pa'ang sbyin par
318a5 mi bya'o| |stan lhag pa gzhan ni ma gtogs te/ tshe dang ldan pa gau ta ma stan lhag pa gzhan 'di dag yod kyi/ ci ste 'dod na 'dug cig par brjod do zhes 'og khrims bcas
318a6 so| |tshe dang ldan pa kun shes kauN+Di n+yas sems la ni khas ma blangs te/ tshig gis ni mi rung zhes ma byas so/ /dge slong dag /de bzhin gshegs pa ji lta ji ltar lnga sde bzang
318a7 po ga la ba der gshegs pa de lta de ltar de dag rang rang gi stan la mi dga' zhing ldang 'dod par gyur te/ 'di lta ste/ dper na/ 'dab chags bya skon par bcug par gyur la/
318b1 skon pa de'i 'og nas mes bdugs na/ de mes gdungs pas myur ba myur bar 'phar bar 'dod cing 'phur 'dod pa de bzhin du de bzhin gshegs pa ji lta ji ltar lnga sde bzang po dag gi gan
318b2 du gshegs pa de lta de ltar lnga sde bzang po dag rang rang gi stan la mi dga' zhing ldang 'dod par gyur to/ /de ci'i phyir zhe na/ gang dag de bzhin gshegs pa mthong nas stan las mi ldang
318b3 ba'i sems can de ni sems can gyi ris na gang yang med do/ /de bzhin gshegs pa ji lta ji ltar lnga sde bzang po dag gi gan du gshegs pa de lta de ltar lnga sde bzang po dag gis de
318b4 bzhin gshegs pa'i dpal dang gzi brjid ma bzod nas stan gyi steng na 'dar zhing kun gyis 'og khrims bshig ste stan las langs nas la las ni rim gro byed/ la las ni bsu
318b5 te na bza' chos gos dang lhung bzed blangs/ la las ni gdan bting / la las ni zhabs gzhag pa bshams/ la las ni zhabs bkru ba'i chu bshams te/ 'di skad ces
318b6 kyang gsol to/ /tshe dang ldan pa gau ta ma/ khyod legs par byon te/ /gdan bting ba 'di la bzhugs su gsol/ dge slong dag /de bzhin gshegs pa gdan bting ba la bzhugs na
318b7 lnga sde bzang po dag de bzhin gshegs pa dang lhan cig tu yang dag par mgu bar bya ba dang / yang dag par chags par bya ba'i gtam rnam pa mang po byas nas phyogs gcig tu 'khod
319a1 do| |phyogs gcig tu 'khod nas kyang de bzhin gshegs pa la lnga sde bzang po dag gis 'di skad ces gsol to/ /tshe dang ldan pa gau ta ma'i dbang po
319a2 rnams ni rab tu gsal lo/ /pags pa'i mdog ni yongs su dag go zhes bya ba thams cad snga ma bzhin no/ /tshe dang ldan pa gau ta ma/ khyod la mi'i chos bla ma las mchog
319a3 tu gyur pa 'phags pa'i ye shes mthong ba'i khyad par cung zad mngon sum du mdzad pa lta mnga'am/ dge slong dag /de skad ces gsol pa dang / de bzhin gshegs pas lnga
319a4 sde bzang po rnams la 'di skad ces bka' stsal to/ /dge slong dag /khyed de bzhin gshegs pa la tshe dang ldan pa zhes ma rjod cig /khyed la yun ring por gnod pa dang / mi
319a5 phan pa dang / mi bde bar gyur ta re/ dge slong dag /ngas ni bdud rtsi dang / 'chi ba med par 'gro ba'i lam mngon du byas so/ /dge slong dag /nga ni sangs rgyas so/ /thams
319a6 cad mkhyen pa'o/ /thams cad gzigs pa'o/ /bsil bar gyur pa'o/ /zag pa zad pa'o/ /chos thams cad la dbang ba'o/ /dge slong dag /ngas khyed la chos bshad kyi/ tshur
319a7 shog /nyon cig /nan tan gyis shig /rna ba lhogs shig dang / ngas gdams shing rjes su bstan to/ /ngas ci nas yang dag par bshad cing yang dag par rjes su bstan na/
319b1 khyed kyang zag pa rnams zad nas zag pa zad pa'i sems rnam par grol ba dang / shes rab rnam par grol ba tshe 'di nyid la rang gi mngon par shes pas mngon du byas te nye bar bsgrubs
319b2 nas bdag gi skye ba zad do/ /tshangs par spyod pa bsnyen to/ /bya ba byas so/ /'di las srid pa gzhan mi shes so/ /zhes shes par 'gyur ro/ /dge slong dag /khyed tshe dang ldan pa dag
319b3 dge sbyong gau ta ma lhod pa/ mang du za ba/ spong ba las nyams pa 'di 'ongs te zhes bya ba nas ci ste 'dod na 'dug cig ces bya ba'i bar thams cad snga ma bzhin te/ de snyam du ma bsam
319b4 mam| dge slong dag /de skad ces ma zer cig ces bka' stsal pa dang / de dag mu stegs can gyi rtags dang / mu stegs can gyi rgyal mtshan gang ci yod pa de thams cad skad cig de
319b5 nyid la med par gyur te/ chos gos gsum dang lhung bzed dang ldan par gyur cing / skra'ang bregs par gyur te/ 'di lta ste/ dper na/ dge slong bsnyen par rdzogs nas lo brgya lon
319b6 pa'i spyod lam dang 'dra bar gyur to/ /de nyid kyis de dag rab tu byung zhing bsnyen par rdzogs te dge slong gi dngos por gyur to/ /dge slong dag /de nas de'i tshe dge slong lnga pos de bzhin
319b7 gshegs pa'i zhabs la gtugs te nyes pa bshags nas de bzhin gshegs pa la ston pa'i 'du shes dang phangs par bsam pa dang / dad pa dang / gus pa bskyed de/ gus pa
320a1 bskyed nas kyang rdzing khebs par de bzhin gshegs pa'i sku bsil zhing yongs su sbyar ba'i las byed do/ /dge slong dag /de bzhin gshegs pa sku
320a2 bsil te byung nas 'di snyam du dgongs te/ sngon gyi yang dag par rdzogs pa'i sangs rgyas rnams gang du bzhugs nas chos kyi 'khor lo bskor snyam pa dang / dge slong dag /sa
320a3 phyogs gang du sngon gyi de bzhin gshegs pa rnams kyis chos kyi 'khor lo bskor bar gyur ba'i sa phyogs der rin po che sna bdun gyi khri stong byung bar gyur to/ /de nas de bzhin gshegs
320a4 pas sngon gyi de bzhin gshegs pa rnams la gus par mdzad pa'i phyir khri gsum la bskor ba mdzad nas seng+ge ltar bag tsha ba mi mnga' bar khri bzhi pa la skyil mo krung bcas te bzhugs
320a5 so| |dge slong lnga pos kyang de bzhin gshegs pa'i zhabs la mgo bos phyag 'tshal te/ de bzhin gshegs pa'i spyan sngar 'khod do/ /dge slong dag /de nas de'i tshe de bzhin
320a6 gshegs pas sku las rnam pa 'di lta bu'i 'od phyung ste/ 'od des stong gsum gyi stong chen po'i 'jig rten gyi khams 'di snang ba chen pos khyab par gyur nas snang ba des 'jig
320a7 rten gyi khams kyi bar sdig pa sdig pas khyab pa/ mun pa mun nag tu gyur pa/ gang du nyi ma dang zla ba 'di ltar rdzu 'phrul che ba/ 'di ltar dbang che bar grags pa 'di
320b1 gnyis kyi 'od kyis 'od dang / kha dog gis kha dog dang / gzi brjid kyis gzi brjid lam mer ma gyur pa/ lhang nger ma gyur pa gang yin pa don sems can gang dag
320b2 skyes pa| rang rang gi lag brkyang ba'ang mi mthong ba der yang de'i tshe snang ba chen po rgya cher byung bar gyur to/ /der sems can gang dag skyes pa de dag kyang snang ba des gsal bar
320b3 gyur ma thag tu gcig gis gcig mthong zhing gcig gis gcig shes te/ 'di skad ces kye sems can gzhan dag kyang 'dir skyes so/ /kye sems can gzhan dag kyang 'dir
320b4 skyes so zhes 'dzer to/ /stong gsum gyi stong chen po'i 'jig rten gyi khams 'di'ang rnam pa drug dang / ltas chen po bco brgyad du g.yos/ rab tu g.yos/ kun tu rab tu
320b5 g.yos so/ /'gul rab tu 'gul/ kun tu rab tu 'gul to/ /ldeg /rab tu ldeg /kun tu rab tu ldeg go /'khrugs/ rab tu 'khrugs/ kun tu rab tu 'khrugs so/ /'ur
320b6 'ur| rab tu 'ur 'ur/ kun tu rab tu 'ur 'ur ro/ /chem chem/ rab tu chem chem/ kun tu rab tu chem chem mo/ /mtha' dma' na dbus mtho bar gyur to/ /dbus dma' na
320b7 mtha' mtho bar gyur to/ /shar phyogs dma' na nub phyogs mtho par gyur to/ /nub phyogs dma' na shar phyogs mtho bar gyur to/ /byang phyogs dma' na lho phyogs mtho bar gyur
321a1 to| |lho phyogs dma' na byang phyogs mtho bar gyur to/ /de'i tshe dga' bar 'gyur ba dang / tshim par 'gyur ba dang / mgu bar 'gyur ba dang /
321a2 dang bar 'gyur ba dang / brtag par bya ba dang / rab tu sim par 'gyur ba dang / bsngags par bya ba dang / bsngags pa zla med pa dang / ngoms par mi 'gyur ba dang / mi
321a3 mthun pa med pa dang / skrag par mi 'gyur ba'i sgra dag kyang grags te/ skad cig de la sems can gang la'ang rnam par 'tshe ba'am/ 'jigs pa'am/ dngang ba'am/ bag tsha
321a4 ba med par gyur to/ /skad cig de la nyi ma dang / zla ba dang / brgya byin dang / tshangs pa dang / 'jig rten skyong ba rnams kyi 'od kyang mi snang ngo / /sems can dmyal ba dang / dud
321a5 'gro'i skye gnas dang / gshin rje'i 'jig rten du skyes pa'i sems can thams cad kyang skad cig de la sdug bsngal rnams dang bral zhing bde ba thams cad dang ldan par gyur
321a6 to| |sems can gang la'ang 'dod chags dang / zhe sdang dang / gti mug dang / phrag dog dang / ser sna dang / nga rgyal dang / 'chab pa dang / rgyags pa dang / khro ba dang / gnod
321a7 sems dang / yongs su gdung ba'i gnod pa med de/ skad cig de la sems can thams cad gcig la gcig byams pa'i sems dang / phan pa'i sems dang / pha ma tsam
321b1 du 'du shes par gyur to/ /'od bkod pa de las tshigs su bcad pa 'di dag kyang byung ngo / /dga' ldan ris nas shi 'phos gang / /yum gyi lhums su zhugs par gyur/ /lum+bi
321b2 ni yi tshal bltams nas/ /bde ba sogs pa'i khyo yis blangs/ /gang zhig seng+ge'i rtsal stabs kyis/ /ma rmongs gom pa bdun bor nas/ /nga ni 'jig rten gtso bo zhes/ /tshangs pa'i
321b3 dbyangs kyis gsung phyung ngo / /sems can kun la phan pa'i phyir/ /gling bzhi btang ste rab tu phyung / /dka' thub dka' ba spyad nas ni/ /sa yi snying po ga lar gshegs/ /dpung dang
321b4 bcas pa'i bdud bcom nas/ /'jig rten phan phyir byang chub brnyes/ /wA ra NA sir gshegs nas ni/ /chos kyi 'khor lo bskor ba mdzad/ /de la tshangs pa lhar bcas pas/ /
321b5 mnyam pa'i 'khor lo bskor zhes bskul/ /'jig rten thugs rjes bskyed nas su/ /thub pa yis ni snang ba mdzad/ /de ni thugs dam brtan pa ste/ /wA ra NA sir ri dwags nags/
321b6 gshegs te 'khor lo bla med pa/ /shin tu rmad byung dpal ldan bskor/ /rgyal bas bskal pa khrag khrig bsgrubs/ /chos de nyan par gang 'dod pa/ /de ni rings par la gor du
321b7 chos nyan pa yi phyir shog cig /mi dang sangs rgyas 'byung rnyed dka'/ /dad pa'ang shin tu rnyed bar dka'/ /mi kho ma brgyad spangs rnyed par dka'/ /chos nyan pa ni gtso bo yin/ /
322a1 sangs rgyas 'byung dang dal ba dang / /dad dang chos mnyan dam pa dang / /de dag thams cad da rnyed kyi/ /bag med ma lus rnam par spongs/ /gal te bskal pa
322a2 khrag khrig tu/ /chos thos mi 'gyur srid pa de/ /khyod kyis de ring rnyed zin gyi/ /bag med ma lus rnam par spongs/ /'dren pa bdud rtsi'i 'khor lo ni/ /bskor ba mdzad kyi kun
322a3 myur shog /sa bla'i lha tshogs tshangs pa'i bar/ /de dag rnams la de skad skul/ /sgra chen gyis ni lha bskul nas/ /skad cig de la thams cad kyis/ /lha yi 'byor pa bor nas
322a4 ni| |de dag sangs rgyas gan du lhags/ /dge slong dag /de ltar sa bla'i lha rnams kyis grong khyer wA ra NA sir drang srong lhung ba ri dwags kyi nags su chos kyi 'khor lo bskor ba'i
322a5 phyir de bzhin gshegs pa'i 'khor gyi khyams chen po bkra ba/ blta na sdug pa/ yangs pa/ rgya che ba/ chu zheng du dpag tshad bdun brgya yod pa sprul te/ lha rnams kyis steng gi nam
322a6 mkha'i dkyil du gdugs dang / rgyal mtshan dang / ba dan dang / bla bres legs par brgyan par gyur to/ /'dod pa na spyod pa dang / gzugs na spyod pa'i lha'i bu rnams kyi seng+ge'i khri brgyad
322a7 khri bzhi stong de bzhin gshegs pa la phul te/ bdag cag la thugs brtse bar dgongs shing 'di la bzhugs nas do mod bcom ldan 'das kyis chos kyi 'khor lo bskor du
322b1 gsol zhes gsol to/ /dge slong dag /de nas de'i tshe shar dang / lho dang / nub dang / byang dang / steng dang / 'og dang / phyogs bcu kun nas byang chub sems dpa' sngon gyi smon lam dang
322b2 ldan pa bye ba phrag mang po lhags te/ de bzhin gshegs pa'i zhabs la gtugs nas chos kyi 'khor lo bskor bar bskul to/ /stong gsum gyi stong chen po'i 'jig rten gyi khams 'di
322b3 na gang dag yod pa'i brgya byin dang / tshangs pa dang / 'jig rten skyong ba dang / de dag ma yin pa gzhan dbang che ba/ dbang che bar grags pa'i lha'i bu de dag thams cad kyang de bzhin
322b4 gshegs pa'i zhabs la mgo bos phyag 'tshal nas de bzhin gshegs pa la skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po
322b5 che dang / lha dang mi rnams kyi don dang / sman pa dang / bde ba'i slad du bcom ldan 'das/ chos kyi 'khor lo bskor du gsol/ bde bar gshegs pa/ chos kyi 'khor lo bskor du gsol/
322b6 bcom ldan 'das/ chos kyi mchod sbyin mdzad du gsol/ chos kyi char chen po dbab tu gsol/ chos kyi rgyal mtshan chen po bsgreng du gsol/ chos kyi dung chen po 'bud du gsol/
322b7 chos kyi rnga chen po brdung du gsol zhes chos kyi 'khor lo bskor bar bskul to/ /de la 'di skad ces bya ste/ stong gsum 'di nas tshangs pa lha dbang skyong ba mang po dag /dong nas rgyal
323a1 ba'i zhabs la gtugs te tshig tu smras pa ni/ /nga ni gtso bo dam pa skye rgu'i sdug bsngal zad bya zhes/ /thub chen khyod kyis gsung brjod sngon gyi thugs dam
323a2 dgongs par mdzod/ /thub khyod shing dbang drung du gshegs nas sder bcas bdud btul te/ /byang chub dam pa zhi ba sangs rgyas nyon mongs sdong po bsgyel/ /bskal pa brgya nas dgongs
323a3 pa'i dgongs pa ma lus rdzogs lags kyi/ /mgon ma mchis pa'i skye bo gzigs te 'khor lo mchog bskor gsol/ /bde bar gshegs pa'i 'od kyis zhing stong phrag brgya snang
323a4 bar bgyis/ /sangs rgyas sras po brgya phrag mang po rdzu 'phrul stobs kyis mchis/ /bde bar gshegs la mchod pa chen po rnam pa mang bgyis nas/ /yang dag yon tan de bzhin
323a5 gshegs bstod thugs rje can la bskul/ /thugs rje sprin dang shes rab glog dang lhag mthong rlung dang 'dra/ /bskal pa stong du 'gro ba thams cad mgron gnyer 'brug bsgrags te/
323a6 yan lag brgyad lam char gyi rgyun gyis skom pa zhi bar mdzod/ /dbang po stobs dang bsam gtan rnam par thar lo tog nags 'phel mdzod/ /bskal pa stong mang stong pa legs bslab de
323a7 bzhin nyid la bzhugs/ /chos las byung ba'i sman bsgrubs sems can rnams kyi spyod pa mkhyen/ /nyon mongs tshogs kyi nad brgyas gces pa'i skye bo 'di dag la/ /rgyal ba sman pa 'khor
323b1 lo dam pa bskor te thar mdzad gsol/ /khyod kyi ring nas pha rol phyin pa drug gi mdzod 'phel mdzad/ /mtshungs med mi g.yo gya nom chos kyi nor ni legs par bsags/ /skye rgu mgon med
323b2 dbul po 'dren med 'di dag kun gzigs nas/ /nor bdun bgo bsha' mdzod cig 'dren pa 'khor lo bskor bar gsol/ /rgyal ba byang chub btsal phyir nor 'bru dbyig dang gser rnams
323b3 dang | |gos bzang me tog bdug pa byug pa phye ma dam pa dang / /pho brang mchog dang btsun mo'i 'khor dang rgyal srid phangs pa'i sras/ /dgyes bzhin btang bas de sangs rgyas kyi 'khor lo
323b4 mchog bskor gsol/ /de bzhin tshul khrims ma nyams ma 'dres bskal pa brgyar yang bsrungs/ /rtag tu bzod pa legs bsgoms khyod ni brtson 'grus ma zhum gyur/ /thub pa bsam
323b5 gtan mchog dang mngon shes rab lhag mthong ldan/ /dgongs pa yongs rdzogs rims nad ma mchis 'khor lo mchog bskor gsol/ /dge slong dag /de nas byang chub sems dpa'
323b6 sems dpa' chen pos sems skyed ma thag tu chos kyi 'khor lo bskor ba zhes bya bas de'i tshe chos kyi 'khor lo lha'i dzam+bu chu bo'i gser las byas pa/ rin po che thams cad kyis spras pa/ rin po che
323b7 thams cad kyis mdzes par byas pa/ rgyan sna tshogs kyis brgyan pa/ bkod pa rtsibs stong dang ldan pa/ 'od zer stong dang ldan pa/ lte ba dang bcas pa/ mu khyud dang bcas pa/ me tog
324a1 gi lnga ldi dang bcas pa/ gser gyi dra ba dang bcas pa/ dril bu g.yer ka dang bcas pa/ spos kyi lag ris dang bcas pa/ bum pa gang ba dang bcas pa/ g.yung
324a2 drung 'khyil ba dang bcas pa/ bkra shis kyis brgyan pa dang bcas pa/ lha'i gos tshon sna tshogs su bcos pas mdzes par byas pa/ lha'i me tog dang / spos dang / phreng ba dang / byug
324a3 pas byugs pa/ rnam pa'i mchog thams cad dang ldan pa/ sngon gyi smon lam gyis bsgrubs pa/ byang chub sems dpa'i bsam pas rnam par sbyangs pa/ de bzhin gshegs pa
324a4 la mchod pa'i 'os su gyur pa/ de bzhin gshegs pa thams cad kyis dgongs pa/ sangs rgyas thams cad kyi byin gyi rlabs kyis ma 'khrugs pa/ sngon gyi de bzhin
324a5 gshegs pa dgra bcom pa yang dag par rdzogs pa'i sangs rgyas rnams kyis bzhes shing sngon yang bskor ba chos kyi 'khor lo bskor ba'i phyir de bzhin gshegs pa la phul lo/ /
324a6 phul nas kyang thal mo sbyar te tshigs su bcad pa 'di dag gis de bzhin gshegs pa la mngon par bstod do/ /mi yi seng+ge seng+ge khyod ni sangs rgyas 'gyur ro zhes/ /gang tshe mar me
324a7 mdzad kyis sems can dag pa lung bstan pa/ /de tshe bdag gis smon lam rnam pa 'di 'dra 'di btab ste/ /rdzogs pa'i byang chub brnyes nas bdag gis chos bshad bskul zhes
324b1 bgyis| |phyogs bcu dag nas sems can dam pa gang dag 'dir lhags pa/ /de dag thams cad 'jug pas bgrang bar nus pa ma lags te/ /btud cing thal mo sbyar nas zhabs gnyis
324b2 la ni gtugs nas su/ /chos kyi 'khor lo bskor phyir shAkya'i rigs la dgyes la bskul/ /byang chub snying por lha rnams kyis ni bkod pa gang bgyis dang / /rgyal ba'i sras po kun gyis
324b3 bkod pa gang dag bgyis pa rnams/ /'byor pa de kun chos kyi 'khor lo bskor phyir 'dir bshams te/ /bskal pa yongs su rdzogs par brjod kyang bas par 'gyur ma lags/ /stong
324b4 gsum 'jig rten dag gi nam mkha' lha yi tshogs kyis gtams/ /dog sa'i steng yang lha min mi 'am ci dang mi yis gtams/ /yud tsam de la lung pa'i sgra yang grags par ma gyur
324b5 te| |thams cad rab tu dang ba'i yid kyis rgyal la mngon du blta/ /dge slong dag /de ltar de bzhin gshegs pa nam gyi cha stod kyi thun ni cang mi gsung bas zad par mdzad do/ /nam
324b6 gyi gung thun la ni yang dag par chags par 'gyur ba'i gtam gsung ngo / /nam gyi cha smad kyi thun la ni lnga sde bzang po rnams la bos te 'di skad ces bka' stsal to/ /dge slong dag /
324b7 mtha' gnyis po 'di dag ni rab tu byung ba'i 'jug par bya ba ma yin pa ste/ gang 'dod pa rnams la bsod snyoms su sbyor ba/ dman pa/ grong pa'i tshe so so'i skye bo pa/ 'phags pa la
325a1 mi mkho ba/ gnod pa dang ldan pa/ phyi ma la tshangs par spyod par mi 'gyur ba/ yid 'byung bar mi 'gyur ba/ 'dod chags dang bral bar mi 'gyur ba/
325a2 'gog par mi 'gyur ba/ mngon par shes par mi 'gyur ba/ rdzogs pa'i byang chub tu mi 'gyur ba/ mya ngan las 'da' bar mi 'gyur ba dang / gang yang dbu ma'i lam ma
325a3 yin pa| lus ngal bar sbyor ba/ sdug bsngal ba/ gnod pa dang ldan pa/ tshe 'di la'ang sdug bsngal la/ phyi ma la'ang sdug bsngal rnam par smin pa ste/ dge slong dag/ mtha'
325a4 gnyis po 'di dag spangs nas dbu ma'i lam nyid kyis de bzhin gshegs pa chos ston te/ 'di lta ste/ yang dag pa'i lta ba dang / yang dag pa'i rtogs pa dang / yang dag
325a5 pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /dge slong
325a6 dag /bzhi po 'di dag ni 'phags pa'i bden pa dag ste/ bzhi gang zhe na/ sdug bsngal ba dang / sdug bsngal kun 'byung ba dang / sdug bsngal 'gog pa dang / sdug bsngal
325a7 'gog par 'gro ba'i lam mo/ /de la sdug bsngal gang zhe na/ skye ba'i sdug bsngal dang / rga ba dang / na ba dang / 'chi ba dang / mi sdug pa dang phrad pa dang / sdug pa dang bral ba'i
325b1 sdug bsngal dang / gang yang 'dod pa btsal te ma rnyed pa de'ang sdug bsngal lo/ /mdor na nye bar len pa'i phung po dag ni sdug bsngal te/ 'di ni sdug bsngal zhes bya'o/ /de la sdug
325b2 bsngal kun 'byung ba gang zhe na/ gang 'di'ang 'byung ba'i sred pa dang / dga' ba'i 'dod chags dang ldan pa dang / de dang der mngon par dga' ba ste/ 'di ni sdug bsngal kun 'byung
325b3 ba zhes bya'o/ /de la sdug bsngal 'gog pa gang zhe na/ gang yang 'byung ba de'i sred pa dang / dga' ba'i 'dod chags dang ldan pa dang / de dang der mngon par dga' ba dang / skyed pa dang /
325b4 bsgrub pa 'di nyid la 'dod chags ma lus pa dang bral ba dang / 'gog pa 'di ni sdug bsngal 'gog pa'o/ /sdug bsngal 'gog par 'gro ba'i lam gang zhe na/ 'phags pa'i
325b5 lam yan lag brgyad pa 'di nyid de/ 'di lta ste/ yang dag pa'i lta ba nas yang dag pa'i ting nge 'dzin gyi bar du ste/ 'di ni sdug bsngal 'gog par 'gro ba'i lam 'phags pa'i bden
325b6 pa zhes bya'o/ /dge slong dag /bzhi po 'di dag ni 'phags pa'i bden pa dag ces bya'o/ /dge slong dag /ngas sngon ma thos pa'i chos rnams la 'di ni sdug bsngal lo zhes tshul
325b7 bzhin yid la byas shing mang du byas pas ye shes skyes/ mig skyes/ rig pa skyes/ mang po shes pa skyes/ yid gzhungs pa skyes/ shes rab skyes so/ /snang ba byung ngo / /dge
326a1 slong dag /ngas sngon ma thos pa'i chos rnams la 'di ni/ sdug bsngal kun 'byung ba'o zhes tshul bzhin yid la byas shing mang du byas pas ye shes skyes/
326a2 mig skyes/ rig pa skyes/ mang po shes pa skyes/ yid gzhungs pa skyes/ shes rab skyes so/ /snang ba byung ngo / /dge slong dag /ngas sngon ma thos pa'i chos rnams la 'di ni
326a3 sdug bsngal 'gog pa'i zhes tshul bzhin yid la byas shing mang du byas pas ye shes skyes/ mig skyes/ rig pa skyes/ mang po shes pa skyes/ yid gzhungs pa skyes/ shes
326a4 rab skyes so/ /snang ba byung ngo / /dge slong dag /ngas sngon ma thos pa'i chos rnams la 'di ni sdug bsngal 'gog par 'gro ba'i lam mo zhes bya ba nas snang ba byung ngo zhes bya ba'i
326a5 bar du snga ma bzhin du sbyar ro/ /dge slong dag /sdug bsngal yongs su shes par bya'o zhes bya ba nas snang ba byung ngo zhes bya ba'i bar du snga ma bzhin du sbyar ro/ /dge slong dag /
326a6 ngas sngon ma thos pa'i chos rnams la sdug bsngal kun 'byung ba 'di spang bar bya'o zhes bya ba nas snang ba'i bar du thams cad snga ma bzhin no/ /dge slong dag /sdug bsngal 'gog
326a7 pa 'di mngon du bya'o zhes bya ba nas snang ba'i bar du snga ma bzhin no/ /dge slong dag /sdug bsngal 'gog par 'gro ba'i lam 'di bsgom par bya'o zhes bya ba nas snang ba zhes bya
326b1 ba'i bar du snga ma bzhin no/ /dge slong dag /ngas sngon ma thos pa'i chos rnams la sdug bsngal 'di yongs su shes so zhes bya ba nas de bzhin du sbyar ro/ /dge slong dag /ngas sngon ma
326b2 thos pa'i chos rnams la sdug bsngal kun 'byung ba 'di spangs so zhes bya ba nas de bzhin du sbyar ro/ /dge slong dag /ngas sngon ma thos pa'i chos rnams la sdug bsngal 'gog
326b3 pa 'di mngon du byas so zhes bya ba nas de bzhin du sbyar ro/ /dge slong dag /ngas sngon ma thos pa'i chos rnams la sdug bsngal 'gog par 'gro ba'i lam 'di bsgoms so zhes
326b4 tshul bzhin yid la byas shing mang du byas pas ye shes skyes/ mig skyes/ rig pa skyes/ mang po shes pa skyes/ yid gzhungs pa skyes/ shes rab skyes so/ /snang ba byung
326b5 ngo / /dge slong dag /de ltar ngas 'phags pa'i bden pa bzhi po 'di dag la 'di ltar tshul bzhin yid la byed pa ni ji srid du lan gsum du bzlas te rnam pa bcu gnyis su bskor
326b6 ba'i ye shes mthong ba ma skyes pa de srid du dge slong dag /bdag bla na med pa yang dag par rdzogs pa'i byang chub mngon par rdzogs par sangs rgyas so zhes khas ma 'ches te/ nga la ye shes
326b7 mthong ba ma skyes so/ /dge slong dag /gang tshun chad ngas 'phags pa'i bden pa bzhi po 'di dag la de ltar lan gsum du bzlas te rnam pa bcu gnyis su bskor ba'i ye shes mthong ba
327a1 skyes nas sangs sems rnam par grol ba dang / shes rab rnam par grol ba mi 'khrugs pa mngon du byas pa de tshun chad dge slong dag /ngas bla na med pa yang
327a2 dag par rdzogs pa'i byang chub mngon par rdzogs par sangs rgyas so zhes khas 'ches te/ nga'i ye shes mthong ba'ang skyes so/ /nga'i skye bzod do/ /tshangs par spyad pa bsnyen to/ /
327a3 bya ba byas so/ /'di las srid pa gzhan mi shes so/ /de la 'di skad ces bya ste/ de ni tshangs dbyangs mi 'am ci yi skad kyis gsung / /yan lag khrag khrig stong 'phags bskal
327a4 pa bye mang du/ /rtag tu bden pa shin tu bsgoms pas rang byung ba/ /shAkya thub pas kauN+Di n+ya la bka' stsal pa/ /mig dang rna ba sna ni mi rtag mi brtan te/ /lce dang lus dang yid kyang
327a5 sdug bsngal bdag med stong / /bem po rang bzhin rtswa dang rtsig pa ltar mi g.yo/ /'di la bdag med ming dang srog kyang yod ma yin/ /chos 'di thams cad rgyu la brten nas byung ba ste/ /
327a6 mtha' dang mtha' med lta dang bral zhing nam mkha' 'dra/ /byed pa po med de bzhin tshor ba po'ang med/ /dge dang mi dge byas pa'i las ni chud mi za/ /phung po rnams la brten nas
327a7 'di ltar sdug bsngal 'byung / /sred pa chu yis rnam par 'phel nas 'byung bar 'gyur/ /lam gyis chos rnams mnyam pa nyid du rnam mthong nas/ /shin tu zad cing byang ba'i
327b1 chos nyid kyis ni 'gags/ /kun rtog rtog pas bskyed pa'i tshul bzhin ma yin pas/ /ma rig byung ste 'di la 'byung byed gang yang med/ /'du byed rgyu yang 'byin te 'pho ba yod ma yin/
327b2 'pho bar 'gyur la brten te rnam par shes pa 'byung / /rnam par shes las de ltar ming dang gzugs kyang 'byung / /ming dang gzugs las dbang po drug ni yang dag 'byung / /dbang
327b3 po de dag 'dus pa la ni reg ces brjod/ /reg pa las ni tshor ba rnam gsum 'byung bar 'gyur/ /cung zad tshor ba gang yin de kun sred par bshad/ /sred pa las ni sdug bsngal phung
327b4 po thams cad 'byung / /nye bar len pa las ni srid pa thams cad 'byung / /srid pa'i rkyen gyis de yi skye ba 'byung bar 'gyur/ /skye ba'i gzhi las rga dang na dang sdug bsngal 'gyur/ /srid
327b5 pa'i dra ba 'di ni skye ba'i rnam pa mang / /de ltar 'gro ba 'di rnams thams cad skyed 'byung nyid/ /bdag gam gang zag 'pho ba po ni gang yang med/ /gang na rtog dang rnam rtog med de
327b6 tshul bzhin brjod/ /tshul bzhin gang na yod der ma rig gang yang med/ /gang na ma rig pa ni 'gags par gyur de na/ /srid pa'i yan lag kun zad byung zhing zad nas 'gags/ /
327b7 de ltar rkyen 'di de bzhin gshegs pas thugs su chud/ /des na rang byung bdag nyid bdag la lung ston to/ /rgyu rnams rtogs pa sangs rgyas yin pa ma gtogs par/ /phung po skye
328a1 mched khams rnams sangs rgyas yin mi smra/ /'di la pha rol mu stegs can rten gnas med de/ /chos sbyor 'di 'dra 'di la rab tu rtsod pa stong / /yang
328a2 dag mngon sangs rgyas las spyad cing rab dag pa/ /sems can de dag chos 'di shes pa'i skal pa yod/ /de ltar rnam pa bcu gnyis kyis/ /chos kyi 'khor lo rab bskor ba/ /
328a3 kauN+Di n+ya sa ni kun shes te/ /dkon mchog gsum ni mngon du grub/ /sangs rgyas chos dang dge 'dun ni/ /de dag dkon mchog gsum yin te/ /tshangs pa'i grong khyer gnas kyi
328a4 bar| |gcig nas gcig tu sgra song ba/ /'jig rten mgon po skyob pa yis/ /rdul med 'khor lo rab tu bskor/ /gang dag 'jig rten rab dkon pa/ /dkon mchog gsum ni byung
328a5 bar gyur/ /kauN+Di n+ya la sogs pa dag/ /dge slong dag ni lnga po dang / /lha ni bye ba drug cu rnams/ /chos kyi mig ni rnam par sbyangs/ /chos kyi 'khor lo bskor ba na/ /gzugs kyi
328a6 khams na 'khod pa'i lha/ /gzhan yang bye ba brgyad cu po/ /de dag mig ni rnam par sbyangs/ /brgyad khri bzhi stong mi yi rnams/ /gang dag lhags pa de dag kyang / /mig ni rnam
328a7 par sbyangs gyur te/ /thams cad ngan par 'gro las grol/ /skad cig de la phyogs bcu mtha' yas par ni sangs rgyas gsung song ste/ /stobs bcu shAkya'i khyu mchog 'di ni
328b1 drang srong lhung bar gshegs nas su/ /wA ra NA sir chos kyi 'khor lo dam pa gzhan min bskor to zhes| |gsung snyan yid du 'ong zhing dge ba bar snang kun tu grags par gyur/ /phyogs
328b2 bcu dag na sangs rgyas gang dag ji snyed thams cad mi gsung gyur/ /thub pa de dag rnams kyi rim gro pa dag kun gyis rgyal ba la/ /sgra gsan nas ni ci slad stobs bcus chos kyi
328b3 bka' mching rgyun kyang bkum/ /ci yi slad du mi gsung bzhugs par gyur pa myur du legs par gsungs/ /sngon gyi srid pa brgyar ni brtson 'grus stobs kyis byang chub bsgrubs
328b4 nas su| |byang chub sems dpa' brgya stong phrag mang rnams kyang phyir ni bsnyil ba mdzad/ /des na phan pa mdzad pas shin tu sbyangs pas byang chub shis pa brnyes/ /'khor lo
328b5 gsum du bskor ba rab tu bskor bas des ni mi gsung gyur/ /thub pa de dag rnams kyi gsung 'di thos nas sems can bye ba brgya/ /byams pa'i stobs bskyed nas ni byang chub dam
328b6 pa shis par yang dag zhugs/ /bdag cag rnams kyang thub pa de las brtson 'grus mthus 'phags rjes bslab ste/ /'jig rten la ni 'jig rten mchog gi chos mig sbyin par
328b7 myur gyur cig /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das/ phyogs bcu'i 'jig rten gyi
329a1 khams nas 'dus pa'i byang chub sems dpa' sems dpa' chen po 'di dag ni bcom ldan 'das la chos kyi 'khor lo bskor ba'i rnam par 'phrul
329a2 pa'i phyogs nyan par 'tshal ba lags na/ de'i slad du bcom ldan 'das/ de bzhin gshegs pas chos kyi 'khor lo rnam pa ji lta bu zhig bskor ba de bzhin gshegs pa
329a3 dgra bcom pa yang dag par rdzogs pa'i sangs rgyas kyis legs par bshad du gsol/ /bcom ldan 'das kyis bka' stsal pa/ byams pa/ chos kyi 'khor lo de ni gting
329a4 mi dmigs pa'i phyir zab pa'o/ /'khor lo de ni gnyis dang bral ba'i phyir mthong bar dka' ba'o/ /'khor lo de ni yid la byed pas yid la bya ba ma yin pa'i phyir khong du
329a5 chud par dka' ba'o/ /'khor lo de ni/ ye shes dang rnam par shes pa mnyam pa nyid du rtogs pa'i phyir rnam par shes par dka' ba'o/ /'khor lo de ni sgrib pa med pa'i
329a6 rnam par thar pa thob pa'i phyir rnyog pa med pa'o/ /'khor lo de ni dpe gzhag pa dang bral ba'i phyir phra ba'o/ /'khor lo de ni rdo rje lta bu'i ye shes kyis thob pa'i phyir snying po'o/ /'khor
329a7 lo de ni sngon gyi mthar ma byung ba'i phyir mi phyed pa'o/ /'khor lo de ni spros pa'i skyon thams cad dang bral ba'i phyir spros pa med pa'o/ /'khor lo de ni shin tu mthar thug pa'i
329b1 phyir mi 'khrugs pa'o/ /'khor lo de ni nam mkha' dang mtshungs pa'i phyir thams cad kyi rjes su song ba'o/ /byams pa/ chos kyi 'khor lo de ni ches thams cad kyi rang bzhin
329b2 dang ngo bo nyid kun tu bstan pa 'jig pa'i 'khor lo'o/ /skye ba med pa dang / 'gag pa med pa dang / 'byung ba med pa'i 'khor lo'o/ /kun gzhi med pa'i 'khor lo'o/ /rtog pa med pa
329b3 dang / rnam par rtog pa med pa'i chos kyi tshul la rtog pa'i 'khor lo'o/ /stong pa nyid kyi 'khor lo'o/ /mtshan ma med pa'i 'khor lo'o/ /smon pa med pa'i 'khor lo'o/ /mngon par
329b4 'du bya ba med pa'i 'khor lo'o/ /dben pa'i 'khor lo'o/ /'dod chags dang bral ba'i 'khor lo'o/ /'gog pa'i 'khor lo'o/ /de bzhin gshegs pas thugs su chud pa'i 'khor
329b5 lo'o| |chos kyi dbyings 'dres pa med pa'i 'khor lo'o/ /yang dag pa'i mtha' rnam par mi 'khrugs pa'i 'khor lo'o/ /chags pa med cing sgrib pa med pa'i 'khor lo'o/ /rten pa la
329b6 'jug cing gnyis su lta ba las yang dag par 'da' ba'i 'khor lo'o/ /chos kyi dbyings mtha' dang dbus med par mi 'khrugs pa'i 'khor lo'o/ /sangs rgyas kyi mdzad pa lhun
329b7 gyis grub par rgyun mi gcod pa'i 'khor lo'o/ /'jug pa med cing mngon par grub pa med pa'i 'khor lo'o/ /shin tu dmigs su med pa'i 'khor lo'o/ /blang ba med pa dang dor ba
330a1 med pa'i 'khor lo'o/ /brjod du med pa'i 'khor lo'o/ /rang bzhin gyis ji lta ba bzhin gyi 'khor lo'o/ /yul gcig la chos thams cad mnyam pa
330a2 nyid du 'jug pa'i 'khor lo'o/ /sems can 'dul ba'i phyir byang bar byin gyis rlob cing ldog pa med pa'i 'khor lo'o/ /gnyis su med cing sgro btags pa med pa don dam pa'i
330a3 tshul la 'jug pa'i 'khor lo'o/ /chos kyi dbyings su yang dag par 'du ba'i 'khor lo'o/ /'khor lo de ni tshad thams cad las shin tu 'das pas dpag tu med pa'o/ /
330a4 'khor lo de ni grangs thams cad dang bral bas grangs med pa'o/ /'khor lo de ni sems kyi lam las yang dag par 'das pas bsam gyis mi khyab pa'o/ /'khor lo de ni
330a5 gzhal ba dang bral bas mtshungs pa med pa'o/ /'khor lo de ni sgra skad kyi tshig gi lam thams cad dang bral bas brjod du med pa ste/ tshad med pa/ dpe med pa/ dpe dang bral
330a6 ba| nam mkha' dang mtshungs shing / 'dra ba/ chad pa med pa/ rtag pa med pa/ rten pa la 'jug pa dang mi 'gal ba/ zhi ba/ shin tu nye bar zhi ba/ de kho na/ de bzhin nyid/ ma
330a7 nor ba de bzhin nyid/ gzhan ma yin pa/ gzhan du mi 'gyur ba/ sems can thams cad kyi sgra ra brjod pa/ bdud rnams tshar gcod pa/ mu stegs can rnams pham par byed
330b1 pa| 'khor ba'i yul las 'da' ba/ sangs rgyas kyi yul la 'jug pa/ 'phags pa'i gang zag rnams kyis yongs su shes pa/ rang sangs rgyas rnams kyis rtogs pa/ byang
330b2 chub sems dpa' rnams kyis yongs su bzung ba/ de bzhin gshegs pa thams cad dang dbyer med pa'o/ /'phags pa rgya cher rol pa zhes bya ba theg pa chen po'i mdo/ bam
330b3 po bco brgyad pa ste tha ma/ byams pa/ de bzhin gshegs pas chos kyi 'khor lo rnam pa 'di lta bu bskor te/ de bskor bas de bzhin gshegs pa la de bzhin gshegs pa'o//
330b4 zhes bya'o/ /yang dag par rdzogs pa'i sangs rgyas zhes bya'o/ /rang byung zhes bya'o/ /chos kyi rje zhes bya'o/ /'dren pa zhes bya'o/ /rnam par 'dren pa zhes bya'o/ /yongs su 'dren pa zhes bya'o/ /
330b5 ded dpon zhes bya'o/ /chos thams cad la dbang sgyur ba zhes bya'o/ /chos kyi dbang phyug ces bya'o/ /chos kyi 'khor lo bskor ba zhes bya'o/ /chos kyi sbyin bdag ces bya'o/ /mchod sbyin rje
330b6 zhes bya'o/ /mchod sbyin legs par mdzad pa zhes bya'o/ /brtul zhugs grub pa zhes bya'o/ /dgongs pa rdzogs pa zhes bya'o/ /'chad pa po zhes bya'o/ /dbugs 'byin pa zhes bya'o/ /
330b7 bde ba mdzad pa zhes bya'o/ /dpa' bo zhes bya'o/ /nyon mongs pa spong ba zhes bya'o/ /g.yul las rnam par rgyal ba zhes bya'o/ /gdugs dang rgyal mtshan dang ba dan bsgreng ba zhes bya'o//
331a1 snang ba mdzad pa zhes bya'o/ /'od mdzad pa zhes bya'o/ /mun pa sel ba zhes bya'o/ /sgron ma 'dzin pa zhes bya'o/ /sman pa'i rgyal po chen po zhes bya'o/ /
331a2 yang dag pa'i gso ba mdzad pa zhes bya'o/ /zug rngu 'byin pa chen po zhes bya'o/ /ye shes gzigs pa rab rib mi mnga' ba zhes bya'o/ /kun tu gzigs pa zhes bya'o/ /kun tu rnam
331a3 par gzigs pa zhes bya'o/ /kun nas spyan ces bya'o/ /kun nas 'od ces bya'o/ /kun tu snang ba zhes bya'o/ /kun nas sgo zhes bya'o/ /kun tu bzang po zhes bya'o/ /kun tu mdzes
331a4 pa zhes bya'o/ /gnas pa med la blang ba med cing dor ba med pa zhes bya'o/ /mtho bar sems pa dang / dma' bar sems pa med pa'i phyir sa dang mtshungs pa zhes bya'o/ /rab tu
331a5 mi g.yos pa'i phyir ri'i dbang po dang 'dra ba zhes bya'o/ /yon tan thams cad dang ldan pa'i phyir 'jig rten thams cad kyi dpal zhes bya'o/ /'jig rten thams cad las mngon
331a6 par 'phags pa'i phyir spyi gtsug bltar mi mthong ba zhes bya'o/ /zab cing gting dpag dka' ba'i phyir rgya mtsho dang mtshungs pa zhes bya'o/ /byang chub kyi phyogs kyi chos rin po
331a7 che thams cad rdzogs pa'i phyir chos rin po che'i 'byung gnas zhes bya'o/ /gnas med pa'i phyir rlung dang mtshungs pa zhes bya'o/ /chags pa med cing bcings pa med la grol ba
331b1 med pa'i sems dang ldan pa'i phyir blo chags pa med pa zhes bya'o/ /chos thams cad nges par rtogs pa'i phyir phyir mi ldog pa'i chos zhes bya'o/ /bsnyen par dka' zhing rlom sems
331b2 thams cad spangs te/ nyon mongs pa thams cad sreg par gnas pa'i phyir me dang mtshungs pa zhes bya'o/ /kun tu rtog pa rnyog pa med cing sku dang thugs dri ma med la sdig pa bsal
331b3 ba'i phyir chu dang mtshungs pa zhes bya'o/ /ye shes yul la chags pa med pa dang / chos kyi dbyings mtha' dang dbus med pa'i spyod yul gyi ye shes dang / mngon par shes
331b4 pa brnyes pa'i phyir nam mkha' dang mtshungs pa zhes bya'o/ /sgrib pa'i chos thams cad shin tu spangs pa'i phyir sgrib pa med pa'i ye shes dang rnam par thar pa la gnas pa zhes
331b5 bya'o| |nam mkha' dang mtshungs par mig gi lam las yang dag par 'das pa'i phyir chos kyi dbyings thams cad du song ba'i sku dang ldan pa zhes bya'o/ /'jig rten gyi yul
331b6 thams cad kyis nyon mongs pa med pa'i phyir sems can gyi mchog ces bya'o/ /sems can chags pa med pa zhes bya'o/ /blo tshad med pa zhes bya'o/ /'jig rten las 'das pa'i
331b7 chos ston pa zhes bya'o/ /'jig rten gyi slob dpon zhes bya'o/ /'jig rten gyi mchod rten zhes bya'o/ /'jig rten mngon par 'phags pa zhes bya'o/ /'jig rten gyi chos kyis mi gos
332a1 pa zhes bya'o/ /'jig rten gyi mgon po zhes bya'o/ /'jig rten gyi gtso bo zhes bya'o/ /'jig rten gyi phul zhes bya'o/ /'jig rten gyi dbang phyug ces bya'o//
332a2 'jig rten gyi mchod pa zhes bya'o/ /'jig rten gyi dpung gnyen zhes bya'o/ /'jig rten gyi pha rol tu byon pa zhes bya'o/ /'jig rten gyi sgron ma zhes bya'o/ /'jig rten las
332a3 'das pa zhes bya'o/ /'jig rten gyi bla ma zhes bya'o/ /'jig rten gyi don mdzad pa zhes bya'o/ /'jig rten dang mthun par mdzad pa zhes bya'o/ /'jig rten mkhyen pa zhes
332a4 bya'o| |'jig rten gyi bdag po brnyes pa zhes bya'o/ /sbyin gnas chen po zhes bya'o/ /mchod pa'i 'os zhes bya'o/ /bsod nams kyi zhing chen po zhes bya'o/ /sems can chen
332a5 pa zhes bya'o/ /sems can dam pa zhes bya'o/ /sems can mchog ces bya'o/ /sems can rab mchog ces bya'o/ /sems can bla ma zhes bya'o/ /sems can gong na
332a6 med pa zhes bya'o/ /sems can mnyam pa med pa zhes bya'o/ /sems can 'dra ba med pa zhes bya'o/ /rtag tu mnyam par bzhag pa zhes bya'o/ /chos thams cad kyi mnyam
332a7 pa nyid la gnas pa zhes bya'o/ /lam brnyes pa zhes bya'o/ /lam ston pa zhes bya'o/ /lam mtshon pa zhes bya'o/ /lam la shin tu gnas pa zhes bya'o/ /bdud kyi yul
332b1 las yang dag par 'das pa zhes bya'o/ /bdud kyi dkyil 'khor 'joms par mdzad pa zhes bya'o/ /rga shi mi mnga' bas bsil ba'i dngos po brnyes pa zhes bya'o/ /mun pa mun
332b2 nag dang bral ba zhes bya'o/ /the tshom dang bral ba zhes bya'o/ /dogs pa dang bral ba zhes bya'o/ /nyon mongs pa dang bral ba zhes bya'o/ /som nyi btul ba zhes bya'o/ /yid gnyis
332b3 yang dag par bcom pa zhes bya'o/ /chags pa dang bral bzhes bya'o/ /rnam par grol ba zhes bya'o/ /rnam par dag pa zhes bya'o/ /'dod chags dang bral ba zhes bya'o/ /zhe sdang dang
332b4 bral ba zhes bya'o/ /gti mug dang bral ba zhes bya'o/ /zag pa zad pa zhes bya'o/ /nyon mongs pa mi mnga' ba zhes bya'o/ /dbang dang ldan par gyur pa zhes bya'o/ /thugs shin tu
332b5 rnam par grol ba zhes bya'o/ /shes rab shin tu rnam par grol ba zhes bya'o/ /cang mkhyen pa zhes bya'o/ /glang po chen po zhes bya'o/ /bya ba mdzad pa zhes bya'o/ /byed pa mdzad pa
332b6 zhes bya'o/ /khur bor ba zhes bya'o/ /rang gi don rjes su brnyes pa zhes bya'o/ /srid par kun tu sbyor ba yongs su zad pa zhes bya'o/ /mnyam pa nyid kyi ye shes kyis rnam par
332b7 grol ba zhes bya'o/ /sems kyi dbang dam pa thams cad kyi pha rol tu byon pa zhes bya'o/ /sbyin pa'i pha rol tu byon pa zhes bya'o/ /tshul khrims kyis mngon par 'phags pa zhes
333a1 bya'o| |bzod pa'i pha rol tu byon pa zhes bya'o/ /brtson 'grus kyis mngon par 'phags pa zhes bya'o/ /bsam gtan dang mngon par shes pa brnyes
333a2 pa zhes bya'o/ /shes rab kyi pha rol tu byon pa zhes bya'o/ /smon lam grub pa zhes bya'o/ /byams pa chen po la gnas pa zhes bya'o/ /snying rje chen po la gnas pa zhes bya'o/ /
333a3 dga' ba chen po la gnas pa zhes bya'o/ /btang snyoms chen po la gnas pa zhes bya'o/ /sems can bsdu ba la brtson pa zhes bya'o/ /sgrib pa med pa'i so so yang dag par
333a4 rig pa brnyes pa zhes bya'o/ /rton par gyur pa zhes bya'o/ /bsod nams chen po zhes bya'o/ /ye shes chen po dang ldan pa zhes bya'o/ /dran pa dang / blo gros dang / rtogs pa
333a5 dang / blo phun sum tshogs pa zhes bya'o/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan
333a6 lag dang / lam dang / zhi gnas dang / lhag mthong gis snang ba brnyes pa zhes bya'o/ /'khor ba'i rgya mtsho las rgal ba zhes bya'o/ /pha rol tu byon pa zhes bya'o/ /thang la byon pa
333a7 zhes bya'o/ /bde ba brnyes pa zhes bya'o/ /mi bsnyengs pa brnyes pa zhes bya'o/ /nyon mongs pa'i tsher ma dkrugs pa zhes bya'o/ /skyes bu chen po zhes bya'o/ /skyes bu seng+ge zhes
333b1 bya'o| |'jigs pa dang spu zing zhes byed pa mi mnga' ba zhes bya'o/ /glang po zhes bya'o/ /dri ma med pa zhes bya'o/ /dri ma gsum spangs pa zhes bya'o/ /rig pa po zhes bya'o/ /rig pa gsum
333b2 brnyes pa zhes bya'o/ /chu bo bzhi las rgal ba zhes bya'o/ /rin po che'i gdugs 'dzin pa gcig pur gyur pa'i phyir rgyal rigs zhes bya'o/ /sdig pa'i chos spangs pa'i phyir bram ze
333b3 zhes bya'o/ /ma rig pa'i sgo nga'i sbubs bcom pa'i phyir dge slong zhes bya'o/ /chags pa thams cad las yang dag par 'das pa'i phyir dge sbyong zhes bya'o/ /nyon mongs pa gzigs
333b4 pa'i phyir gtsang sbra can zhes bya'o/ /stobs dang ldan pa zhes bya'o/ /stobs bcu mnga' ba zhes bya'o/ /bcom ldan 'das zhes bya'o/ /sku bsgoms pa zhes bya'o/ /rgyal po'i yang
333b5 rgyal po zhes bya'o/ /chos kyi rgyal po zhes bya'o/ /chos kyi 'khor lo mchog dam pa bskor zhing rjes su ston pa zhes bya'o/ /mi 'khrugs pa'i chos ston pa zhes bya'o/ /thams cad
333b6 mkhyen pa'i ye shes kyi dbang bskur ba zhes bya'o/ /chags pa med pa'i ye shes chen po dri ma med cing rnam par grol ba'i go 'phang gi thabs brnyes pa zhes bya'o/ /byang chub kyi
333b7 yan lag bdun gyi rin po che dang ldan pa zhes bya'o/ /chos rin po che thams cad kyi khyad par brnyes pa zhes bya'o/ /blon po 'phags pa'i nyan thos thams cad kyis zhal gyi dkyil
334a1 'khor du bltas pa zhes bya'o/ /sras byang chub sems dpa' sems dpa' chen po'i 'khor can zhes bya'o/ /gdul ba shin tu btul ba zhes bya'o/ /byang
334a2 chub sems dpa' legs par lung bstan pa zhes bya'o/ /rnam thos kyi bu dang 'dra ba zhes bya'o/ /'phags pa'i nor bdun gyi mdzod byin pa zhes bya'o/ /lhug par gtong ba
334a3 zhes bya'o/ /bde ba phun sum tshogs pa thams cad dang ldan pa zhes bya'o/ /re ba thams cad sbyin pa zhes bya'o/ /'jig rten thams cad la phan pa dang bde bas rjes su skyong ba zhes
334a4 bya'o| |dbang po dang mtshungs pa zhes bya'o/ /ye shes mchog gi rdo rje 'chang ba zhes bya'o/ /kun nas spyan zhes bya'o/ /chos thams cad la sgrib pa mi mnga' bar gzigs pa
334a5 zhes bya'o/ /ye shes kyis kun tu rnam par 'phrul pa zhes bya'o/ /chos kyi gar gyi rgyud rgya chen po ston pa la zhugs pa zhes bya'o/ /zla ba dang mtshungs pa zhes bya'o/ /'gro ba
334a6 thams cad kyis blta bas mi ngoms pa zhes bya'o/ /'od rnam par dag cing kun tu yongs pa zhes bya'o/ /dga' ba dang mchog tu dga' bar mdzad pa'i 'od ces bya'o/ /sems
334a7 can thams cad la mngon du phyogs shing gzigs par snang ba zhes bya'o/ /'gro ba thams cad kyi sems dang bsam pa'i snod ji lta ba bzhin du snang ba brnyes pa zhes bya'o/ /
334b1 bkod pa chen po zhes bya'o/ /slob pa dang mi slob pa'i skar ma'i tshogs kyi 'khor can zhes bya'o/ /nyi ma'i dkyil 'khor dang mtshungs pa zhes bya'o/ /mun pa mun nag bsal ba zhes bya'o/ /
334b2 tog chen po dang ldan pa'i rgyal po zhes bya'o/ /'od zer tshad med cing mtha' yas pa zhes bya'o/ /snang ba chen po kun tu ston pa zhes bya'o/ /dris pa thams cad lung bstan pa ston pa la
334b3 rmongs pa mi mda' ba zhes bya'o/ /ma rig pa'i mun pa chen po 'joms par mdzad pa zhes bya'o/ /ye shes kyi snang ba chen pos rnam par gzigs pa'i blo dang ldan pa zhes bya'o/ /rnam
334b4 par mi rtog pa zhes bya'o/ /byams pa dang snying brtse ba dang snying rje chen pos 'gro ba thams cad la 'od zer mnyam par gtong zhing yul tshad med pa zhes bya'o/ /shes rab kyi pha rol tu
334b5 phyin pa zab cing rnyed par dka' la blta dka' ba'i dkyil 'khor can zhes bya'o/ /tshangs pa dang mtshungs pa zhes bya'o/ /rab tu zhi ba'i spyod lam dang ldan pa zhes bya'o/ /spyod lam
334b6 dang spyod pa'i khyad par thams cad dang ldan pa zhes bya'o/ /gzugs dam pa mnga' ba zhes bya'o/ /blta bas mi ngoms pa zhes bya'o/ /dbang po zhi ba zhes bya'o/ /yid zhi ba zhes bya'o/ /zhi
334b7 gnas kyi tshogs yongs su rdzogs pa zhes bya'o/ /zhi gnas dam pa brnyes pa zhes bya'o/ /dul ba dang zhi gnas mchog brnyes pa zhes bya'o/ /zhi gnas dang lhag mthong gi tshogs yongs
335a1 su rdzogs pa zhes bya'o/ /sbas pa dang / dbang po thul ba dang / glang po ltar shin tu dul ba dang / mtsho ltar rnyog pa med cing dang ba zhes bya'o/ /nyon mongs
335a2 pa'i bag chags kyi sgrib pa thams cad legs par spangs pa zhes bya'o/ /skyes bu chen po'i mtshan sum cu rtsa gnyis dang ldan pa zhes bya'o/ /skyes bu mchog ces bya'o/ /dpe
335a3 byad bzang po brgyad cu'i 'khor sna tshogs kyis sku spras pa zhes bya'o/ /skyes bu khyu mchog ces bya'o/ /stobs bcu dang ldan pa zhes bya'o/ /mi 'jigs pa bzhi brnyes pa zhes bya'o/ /
335a4 skyes bu 'dul ba'i kha lo sgyur ba bla na med pa zhes bya'o/ /ston pa zhes bya'o/ /sangs rgyas kyi chos ma 'dres pa bco brgyad yongs su rdzogs pa zhes bya'o/ /sku dang gsung dang
335a5 thugs kyi 'phrin las kyi mtha' ma smad pa zhes bya'o/ /rnam pa thams cad kyi mchog dang ldan pa'i phyir shin tu yongs su spyangs pa'i ye shes kyi dkyil 'khor mnga' ba zhes
335a6 bya'o| |rten cing 'brel par 'byung ba mnyam pa nyid du mngon par thugs su chud pa'i phyir stong pa nyid la gnas pa zhes bya'o/ /don dam pa'i bden pa'i tshul rab tu rtogs pa'i
335a7 phyir mtshan ma med pa la gnas pa zhes bya'o/ /'jug pa thams cad kyis mi gos pa'i phyir smon pa med pa la gnas pa zhes bya'o/ /'du byed thams cad kyi rgyun bcad pa'i phyir
335b1 mngon par 'du mdzad pa mi mnga' ba zhes bya'o/ /yang dag pa'i mtha'i ye shes kyi yul rnam par mi 'khrugs pa'i phyir yang dag par gsung ba zhes bya'o/ /de bzhin nyid dang / chos kyi
335b2 dbyings dang / nam mkha'i mtshan nyid shes pa'i yul yin pa'i phyir ma nor ba de bzhin nyid dang / gzhan ma yin pa gsung ba zhes bya'o/ /chos thams cad sgyu ma dang / smig rgyu
335b3 dang / rmi lam dang / chu zla dang / brag ca dang / mig yor dang / mtshungs par gnas pa'i phyir nyon mongs pa med pa'i chos shin tu rtogs pa zhes bya'o/ /yongs su mya ngan las
335b4 'das pa'i rgyu skyed pa'i phyir mthong ba dang thos pa don yod pa zhes bya'o/ /sems can gdul bar brtul ba'i rtsal dang ldan pa'i phyir gom pa 'dor ba don yod pa zhes bya'o/ /ma
335b5 rig pa dang srid pa'i sred pa yang dag par bcad pa'i phyir 'obs las rgal ba zhes bya'o/ /nges par 'byin pa'i lam legs par bstan pa'i phyir zam pa btags pa zhes bya'o/ /
335b6 bdud kyi yul dang spyod pa thams cad kyis mi gos pa'i phyir bdud dang nyon mongs pa'i phyir rgol ba las rgyal ba zhes bya'o/ /'dod pa'i khams las yang dag par 'das pa'i
335b7 phyir 'dod pa'i 'dam las rgal ba zhes bya'o/ /gzugs kyi khams las yang dag par 'das pa'i phyir nga rgyal gyi rgyal mtshan bsnyal ba zhes bya'o/ /gzugs med pa'i khams
336a1 las yang dag par 'das pa'i phyir shes rab kyi rgyal mtshan bsgreng ba zhes bya'o/ /chos kyi sku dang ye shes kyi sku dang ldan pa'i phyir 'jig rten gyi
336a2 yul thams cad las yang dag par 'das pa zhes bya'o/ /yon tan rin po che'i ye shes kyi me tog mtha' yas pa shin tu rgyas shing rnam par grol ba'i 'bras bu shin
336a3 tu phun sum tshogs pa'i phyir sdong po chen po zhes bya'o/ /'byung ba dang mthong ba rnyed par dka' ba'i phyir u dum wa ra'i me tog dang mtshungs pa zhes bya'o/ /tshul ji lta ba
336a4 bzhin du nges par 'byung ba'i bsam pa shin tu yongs su rdzogs par mdzad pa'i phyir yid bzhin gyi nor bu rin po che'i rgyal po dang mtshungs pa zhes bya'o/ /yun ring po nas
336a5 gtong ba dang / tshul khrims dang / dka' thub dang / brtul zhugs dang / tshangs par spyod pa brtan por yang dag par blangs pas mi g.yo zhing mi skyod pa'i phyir zhabs
336a6 shin tu gnas pa zhes bya'o/ /yun ring po nas pha ma dang / dge sbyong dang / bram ze dang / bla ma dang / sbyin gnas rnams dang / chos dang ldan pa yongs su skyong ba dang / skyabs su
336a7 lhags pa rnams yongs su mi gtong ba'i phyir zhabs kyi mthil bkra shis dang / g.yung drung 'khyil pa dang / 'khor lo rtsibs stong dang ldan pa sna tshogs kyi mtshan dang ldan pa
336b1 zhes bya'o/ /yun ring po nas srog gcod pa spangs pa'i phyir zhabs kyi rting pa yangs pa zhes bya'o/ /yun ring po nas sems can gzhan srog gcod pa spong ba yang dag par 'dzin du
336b2 'jug pa'i phyir phyag gi sor mo ring ba zhes bya'o/ /yun ring po nas srog gcod pa spong ba'i yon tan gyi bsngags pa brjod pa mdzad pa dang / skye bo mang po'i skyabs mdzad pa'i phyir sku
336b3 che zhing drang ba zhes bya'o/ /yun ring po nas pha ma dang / dge sbyong dang / bram ze dang / bla ma dang / sbyin gnas la bsnyen bkur dang yongs su spyad pa byed cing bkru ba dang / byug pa dang /
336b4 mar dang / 'bru mar gyis skud cing lag dar te lus la sbyang ba byed pas yongs su mi skyo ba'i phyir phyag dang zhabs 'jam zhing mnyen pa zhes bya'o/ /bsdu ba'i dngos po bzhi po sbyin pa
336b5 dang / snyan par smra ba dang / don byed pa dang / don mthun pa'i dra bas sems can bsdu ba la mkhas pa legs par bslab pa'i phyir phyag dang zhabs dra bas 'brel ba zhes bya'o/ /
336b6 yun ring po nas gong nas gong du dge ba'i rtsa ba shin tu khyad par du 'phags pa la lhag par dmigs pa'i phyir zhabs mtho ba zhes bya'o/ /yun ring po nas pha ma dang / dge sbyong dang /
336b7 bram ze dang / bla ma dang / sbyin gnas dang / de bzhin gshegs pa'i mchod rten la bskor ba byed pa dang / lus kyi las dang / gus par chos nyan cing spu zing zhes byed pa dang / sems
337a1 can gzhan yang dag par dga' bar byed pa dang / chos ston pa la sbyor ba'i phyir yan lag gi spu gyen du g.yas su 'khyil bar mngon par grub pa zhes bya'o/ /
337a2 yun ring po nas bsti stang du byas te chos nyan pa dang / 'dzin pa dang / klog pa dang / shes par byed pa dang / don dang tshig rnam par nges par rtog pa la mkhas pas rga ba dang / na
337a3 ba dang / 'chi ba la mngon du phyogs pa'i sems can thams cad la skyabs su 'gro ba sbyin pa dang / bsti stang du byas te chos ston cing mi brnyas pa'i blo dang ldan pa'i phyir byin pa
337a4 ri dwags e na ya'i lta bu zhes bya'o/ /yun ring po nas dge sbyong dang / bram ze rnams dang / de las gzhan pa tshangs pa mtshungs par spyod pa rnams la tshangs par spyod pa'i rjes
337a5 su gzung ba'i yo byad thams cad sbyin pa dang / sgren mo rnams la gos sbyin pa dang / gzhan gyi chung ma la mi 'phyo ba dang / tshangs par spyod pa'i yon tan gyi bsngags pa brjod pa
337a6 dang / ngo tsha shes pa dang / khrel yod pa rjes su srung ba brtan por yang dag par blangs pa'i phyir 'doms kyi sba ba sbubs su nub pa zhes bya'o/ /yun ring po nas lag pa dang rkang pa
337a7 sdom pa dang / sems can la mi 'tshe bar sbyor ba dang / lus kyi las dang / ngag gi las dang / yid kyi las byams pa dang ldan pa'i phyir phyag ring ba zhes bya'o/ /yun ring po nas
337b1 zas kyi tshod shes pa dang / nyung du za ba dang / lto sdem pa dang / nad pa la sman sbyin pa dang / skye bo dman pa la mi brnyas pa dang / mgon med pa khyad du mi gsod pa dang / de bzhin
337b2 gshegs pa'i mchod rten zhig pa 'chos pa dang / mchod rten rtsig pa dang / 'jigs pas nyen pa'i sems can rnams la mi 'jigs pa sbyin pa'i phyir shing n+ya gro d+ha ltar chu zheng
337b3 gab pa zhes bya'o/ /yun ring po nas pha ma dang / bram ze dang / dge sbyong dang / bla ma dang / sbyin gnas rnams la bkru ba dang / bsku ba dang / mar dang / 'bru mar gyis skud pa dang /
337b4 grang ba'i dus na ni chu dron po dang / tsha ba'i dus na ni chu grang ba dang / bsil grib dang / dus kyi bde ba'i longs spyod sbyin pa dang / shing bal 'jam po ltar reg na bde zhing 'jam
337b5 pa'i ras legs par bting ba'i mal cha sbyin pa dang / de bzhin gshegs pa'i mchod rten la spos kyi 'bru mar 'thor ba dang / dar phra mo'i rgyal mtshan dang / ba dan dang / srad bu
337b6 'bul ba'i phyir sbu'i pags pa 'jam zhing mnyen la srab pa zhes bya'o/ /yun ring po nas sems can la khong khro ba med pa dang / byams pa bsgoms pa la sbyor ba dang / bzod pa dang
337b7 des pa la sems can gzhan dag 'jud pa dang / 'khon du 'dzin pa med cing gnod sems med pa'i yon tan gyi bsngags pa brjod pa dang / de bzhin gshegs pa'i mchod rten
338a1 dang / de bzhin gshegs pa'i sku gzugs rnams la gser gyi rgyan dang / gser gyi me tog dang / gser phye 'thor ba dang / gser gyi kha dog
338a2 lta bu'i dar gyi ba dan dang / rgyal mtshan dang / rgyan dang / gser gyi snod dang / gser gyi kha dog lta bu'i gos 'bul ba'i phyir pags pa'i mdog gser gyi kha dog lta bu
338a3 zhes bya'o/ /yun ring po nas mkhas pa'i gan du 'gro zhing dge pa dang mi dge ba gang yin zhes 'dri ba dang / kha na ma tho ba dang bcas pa dang / kha na ma tho ba med pa dang /
338a4 bsten par bya ba dang / bsten par bya ba ma yin pa dang / ngan pa dang / 'bring dang / gya nom pa'i chos yongs su 'dri ba dang / de'i don dpyad pa dang / yongs su 'jal ba la rmongs pa
338a5 med pa dang / de bzhin gshegs pa'i mchod rten la srin bu ki ta dang / lu ti'i tshang dang / ba rgya dang / me tog rnying pa dang / rtswa sna tshogs dang / phyag dar yod pa sel bar sbyor
338a6 ba'i phyir spu re re skyes pa zhes bya'o/ /yun ring po nas pha ma dang / gtso bo dang / dam pa dang / mchod pa'i 'os dang / dge sbyong dang / bram ze dang / phongs pa dang / slong ba la
338a7 sogs pa 'ongs pa dag la bsti stang du byas te bsam pa ji lta ba bzhin du zas dang / skom dang / mal cha dang / sman dang / gos dang / gnas dang / mar me dang / 'tsho ba'i yo
338b1 byad rung ba sbyor ba dang / khron pa dang / rdzing chu bsil bas gang ba dag skye bo mang po'i longs spyod du sbyin pa'i phyir bdun mtho ba zhes bya'o/ /yun ring po nas pha ma dang / dge sbyong
338b2 dang / bram ze dang / bla ma dang / sbyin gnas la 'dud pa dang / rab tu 'dud pa dang / gsong por smra ba dang / mi 'jigs pa sbyin pa dang / nyam chung ba la mi brnyas pa dang /
338b3 skyabs su song ba yongs su mi gtang ba brtan por yang dag par blangs pa yongs su mi gtong ba'i phyir ro stod seng+ge 'dra ba zhes bya'o/ /yun ring po nas rang gi nyes pa la yongs su
338b4 'jal ba dang / gzhan gyi 'khrul pa dang / gzhan gyi skyon la nyes par mi lta ba dang / rtsod pa'i rtsa ba dang / gzhan 'byed par byed pa'i brjod pa yongs su spang ba dang / gsang
338b5 tshig legs par 'dor ba dang / ngag gi las kyi mtha' legs par bsrungs pa'i phyir thal gong rgyas pa zhes bya'o/ /yun ring po nas pha ma dang / dge sbyong dang / bram ze dang /
338b6 bla ma dang / sbyin gnas rnams la ldang ba dang / bsu ba dang / gsod por smra ba dang / bstan bcos thams cad la 'jigs pa med pas rtsod par 'dod pa'i sems can tshar
338b7 gcod pa dang / rang gi chos 'dul ba dang mthun par yang dag par 'jug pa dang / rgyal po dang blon po la sogs pa dge ba'i las kyi lam la 'god pa dang / sgom du 'jug
339a1 pa dang / de bzhin gshegs pa'i bstan pa yongs su 'dzin pa dang / kun tu 'dzin pa dang / dge ba'i spyod pa thams cad yang dag par 'dzin du 'jug pa'i
339a2 sngon du 'gro ba'i phyir dpung mgo shin tu zlum pa zhes bya'o/ /yun ring po nas slong ba'i bsam pa ji lta ba bzhin du dngos po thams cad yongs su gtong ba dang / snyan par smra ba dang /
339a3 lhags pa rnams la'ang mi brnyas shing spa gong bar mi byed pa dang / mi skyod pa dang / thams cad kyi bsam pa ji lta ba bzhin du yongs su rdzogs par bya ba'i sbyin pa yongs su
339a4 gtong ba brtan por yang dag par blangs pa mi 'dor ba'i phyir 'gram pa seng+ge'i 'dra ba zhes bya'o/ /yun ring po nas phra ma'i tshig yongs su spong ba dang / dbyen gyi gsang tshig mi
339a5 'dzin pa dang / 'dum par bsdums byed 'dod pa dang / 'dum pa rnams dbye bar mi sems pa dang / phra ma'i tshig la smod pa dang / 'dum pa bsdums pa'i yon tan gyi
339a6 bsngags pa brjod par sbyor ba'i phyir tshems bzhi bcu mnyam pa zhes bya'o/ /yun ring po nas nag po'i phyogs yongs su spong ba dang / dkar po'i phyogs dge ba'i rtsa ba gsog
339a7 pa dang / las nag cing rnam par smin pa'ang nag pa yongs su spong ba dang / las dkar zhing rnam par smin pa'ang dkar ba bsngags pa dang / 'o ma dang sbyar ba'i zas
339b1 dang / gos dkar po sbyin pa dang / de bzhin gshegs pa'i mchod rten rnams la rdo thal 'o ma dang / bsres pa pir gyis skud pa dang / me tog su ma na dang / baR+sha ka ra dang / d+ha nu ska
339b2 ri'i phreng ba brgyus pa'i me tog gi chun po dang / me tog kha dog dkar po sbyin pa'i phyir tshems shin tu dkar ba zhes bya'o/ /yun ring po nas 'phya ba dang / 'thing ba rnam par spong
339b3 ba dang / kun dga' bar byed pa dang / tshig srung ba dang / kun dga' bar byed pa'i tshig brjod pa dang / gzhan gyi 'khrul pa dang / gzhan gyi skyon mi tshol ba dang / sems can
339b4 thams cad sems mthun par yang dag par 'dzin du 'jug pa dang / mnyam par sbyor ba dang / mnyam par chos ston pa brtan por yang dag par blangs pa yongs su mi 'dor ba'i phyir
339b5 tshems thags bzang ba zhes bya'o/ /yun ring po nas sems can thams cad la rnam par mi 'tshe ba dang / rnam par mtho mi 'tsham pa dang / nad sna tshogs kyis thebs pa la rim gro
339b6 byed pa dang / nad pa la sman byin pa dang / 'gron pa rnams la ro bro ba thams cad sbyin pas yongs su mi skyo ba'i phyir ro bro ba mchog dang ldan pa zhes bya'o/ /yun ring po nas rdzun dang /
339b7 tshig rtsub po dang / brlang po dang / g.yo dang / gzhan la gnod pa dang / gzhan 'khrug par byed pa dang / mi snyan pa dang / gzhan gyi mtshang 'dru ba'i tshig yongs su spong ba dang / byams
340a1 pa dang snying rje la sbyor ba dang / dga' ba dang / mchog tu dga' bar byed pa dang / 'jam ba dang / snyan pa dang / mnyen pa dang / snying du 'thad pa dang /
340a2 sems can gyi dbang po tshim par byed pa dang / yang dag pa'i ngag la yang dag par sbyor ba'i phyir tshangs pa'i dbyangs lta bu zhes bya'o/ /yun ring po nas pha ma la bya ba dang 'dra
340a3 bar sems can thams cad la khong khro ba med pa'i mig tu sbyor ba dang / bu gcig pa la bya ba bzhin du slong ba la byams pa dang / snying rje sngon du 'gro bas lta ba dang / spa gong
340a4 bar mi byed pa dang / dad pa'i dbang pos de bzhin gshegs pa'i mchod rten la mi 'dzum par lta ba dang / sems can gzhan de bzhin gshegs pa la lta ba yang dag par
340a5 'dzin du 'jug pa brtan por yang dag par blangs pa'i phyir spyan mthon mthing du 'dug pa zhes bya'o/ /yun ring po nas blo gros dman pa dang / sems pa dman pa rnam par spong ba
340a6 dang | rgya chen po dang / rlabs po che la mos pa yongs su rdzogs par byed pa dang / bla na med pa'i chos la mos pa la sems can yang dag par 'dzud pa dang / khro gnyer gyi bzhin
340a7 rnam par spong ba dang / 'dzum pa'i bzhin dang ldan pa dang / dge ba'i bshes gnyen thams cad kyi gan du 'gro zhing mngon du phyogs pa'i sngon du 'gro bas dge ba'i rtsa ba thams
340b1 cad gsog pa las phyir mi ldog pa'i phyir spyan gyi rdzi ma ba'i 'dra ba zhes bya'o/ /yun ring po nas tshig gi skyon thams cad rnam par spong ba dang / nyan thos dang / rang sangs rgyas dang /
340b2 chos smra ba thams cad kyi yon tan gyi bsngags pa tshad med par brjod pa dang / de bzhin gshegs pa'i mdo sde yi ger 'bri ba dang / klog pa dang / 'don pa dang / rnam par shes
340b3 par byed pa dang / chos de dag gi don dang / tshig rab tu dbye ba sems can gzhan la go bar byed pa la mkhas pa'i phyir ljags yangs pa zhes bya'o/ /yun ring po nas pha ma dang / dge
340b4 sbyong dang / bram ze dang / bla ma dang / sbyin gnas kyi rkang pa la mgo bos phyag 'tshal ba dang / rab tu byung ba la phyag 'tshal ba dang / gsong por smra ba dang / dbu skra sbed pa dang / steng
340b5 du spos kyi 'bru mar 'thor ba dang / slong pa thams cad la phye ma dang / phreng ba brgyus pa dang / mgo rgyan sbyin pa'i phyir dbu gtsug tor dang ldan zhing spyi gtsug bltar mi mthong ba zhes
340b6 bya'o| |yun ring po nas gtan pa med pa'i mchod sbyin thams cad byed pa dang / sems can thams cad dge ba yang dag par len du 'dzud pa dang / dge ba'i bshes gnyen gyis
340b7 rjes su bstan pa dang 'gal bar mi byed pa dang / chos smra ba rnams kyis mngags te phyogs rnams su 'gro ba dang 'ong bas yongs su m-i skyo ba dang / sangs rgyas dang / byang chub
341a1 sems dpa' dang / rang sangs rgyas dang / 'phags pa nyan thos dang / pha ma dang / bla ma dang / sbyin gnas thams cad la rim gro bya bar spos sna tshogs kyi
341a2 'bru mar dang / mar dang / sgron ma dang / mar me rnams kyis mun pa mun nag sel ba dang / de bzhin gshegs pa'i sku gzugs rnam pa'i mchog thams cad dang ldan pa
341a3 mdzes par byed du 'jug pa dang / 'o ma lta bu'i mdzod spus brgyan par byed pa dang / sems can gzhan byang chub kyi sems mngon du 'jug pas dge ba'i tshogs khyad par du gyur
341a4 pa'i phyir smin mtshams kyi mdzod sbu mdzes par skyes shing / g.yas su 'khyil la 'bar zhing kha dog rnam par dag pa snang ba dang ldan pa zhes bya'o/ /sred med kyi bu chen po'i
341a5 stobs dang ldan pa'i phyir mthu chen po brnyes pa zhes bya'o/ /bdud bye ba phrag brgya thul ba'i stobs dang ldan pa'i phyir sred med kyi bu chen po'i stobs dang ldan pa zhes bya'o/ /
341a6 de bzhin gshegs pa'i stobs bcu dang ldan pa'i phyir phas kyi rgol ba thams cad 'dul ba zhes bya'o/ /gnas dang gnas ma yin pa mkhyen pa la mkhas pa dang / dman pa
341a7 nyi tshe ba'i theg pa rnam par spong ba dang / theg pa chen po'i yon tan yang dag par sgrub pa'i stobs dang ldan pas stobs de la sbyor ba chog mi shes pa'i phyir de bzhin gshegs
341b1 pa'i stobs bcu dang ldan pa zhes bya'o/ /'das pa dang / ma 'ongs pa dang / da ltar byung ba'i las yang dag par blangs pa'i rgyu dang / rnam par smin pa mkhyen pa'i stobs dang ldan pa'i
341b2 phyir gnas dang gnas ma yin pa mkhyen pa la mkhas pa dang / dman pa nyi tshe ba'i theg pa rnam par spong ba dang / theg pa chen po'i yon tan yang dag par sgrub pa'i stobs dang ldan pas
341b3 stobs la sbyor bas chog mi shes pa zhes bya'o/ /sems can thams cad kyi dbang po dang / brtson 'grus kyi rim pa mkhyen pa'i stobs dang ldan pa'i phyir 'das pa dang / ma 'ongs
341b4 pa dang / da ltar byung ba'i las yang dag par blangs pa'i rgyu dang / rnam par smin pa mkhyen pa'i stobs dang ldan pa zhes bya'o/ /khams du ma dang / khams sna tshogs pa'i 'jig rten la
341b5 'jug pa mkhyen pa'i stobs dang ldan pa'i phyir sems can thams cad kyi dbang po dang / brtson 'grus kyi rim pa mkhyen pa'i stobs dang ldan pa zhes bya'o/ /mos pa du ma dang / mos pa
341b6 sna tshogs dang / mos pa ma lus pa dang / rnam par grol ba mkhyen pa'i stobs dang ldan pa'i phyir khams du ma dang / khams sna tshogs pa'i 'jig rten la 'jug pas khyen pa'i
341b7 stobs dang ldan pa zhes bya'o/ /thams cad du 'gro ba'i lam mkhyen pa'i stobs dang ldan pa'i phyir mos pa du ma dang / mos pa ma lus pa thams cad dang / rnam par grol ba mkhyen
342a1 pa'i stobs dang ldan pa zhes bya'o/ /bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang /
342a2 rnam par byang ba dang / rnam par gzhag pa thams cad mkhyen pa'i stobs dang ldan pa'i phyir thams cad du 'gro ba'i lam mkhyen pa'i stobs dang ldan pa zhes bya'o/ /sngon gyi
342a3 gnas rnam pa du ma mkhyen pa chags pa mi mnga' ba'i stobs dang ldan pa'i phyir bsam gtan dang / rnam par thar pa dang / ting nge 'dzin dang / snyoms par 'jug pa'i kun nas
342a4 nyon mongs pa dang / rnam par byang ba dang / rnam par gzhag pa thams cad mkhyen pa'i stobs dang ldan pa zhes bya'o/ /gzugs ma lus pa thams cad sgrib pa med par gzigs
342a5 pa'i lha'i spyan gyis mkhyen pa'i stobs dang ldan pa'i phyir sngon gyi gnas rnam pa du ma dran pa mkhyen pa chags pa mi mnga' ba'i stobs dang ldan pa zhes bya'o/ /bag chags kyi
342a6 mtshams sbyor bar gyur pa thams cad dang / zag pa thams cad ma lus par zad ba mkhyen pa'i stobs dang ldan pa'i phyir gzugs ma lus pa thams cad sgrib pa med par
342a7 gzigs pa'i lha'i spyan gyis mkhyen pa'i stobs dang ldan pa zhes bya'o/ /chos thams cad ma lus par mngon par rdzogs par sangs rgyas so zhes dam bcas pa la lha dang
342b1 bcas pa'i 'jig rten gyis zil gyis mi non pa'i dam bcas pa'i mi 'jigs pa brnyes ba'i phyir bag chags kyi mtshams sbyor bar gyur pa thams cad dang / zag pa thams cad
342b2 ma lus par zad pa mkhyen pa'i stobs dang ldan pa zhes bya'o/ /kun nas nyon mongs pa thams cad mya ngan las 'das pa'i bar du gcod pa'i chos su bstan to/ der dam
342b3 bcas pa la lha dang bcas pa'i 'jig rten gyis mi shigs pa'i dam bcas pa mi 'jigs pa brnyes pa'i phyir chos thams cad ma lus pa mngon par rdzogs par sangs rgyas
342b4 so zhes dam bcas pa la lha dang bcas pa'i 'jig rten gyis zil gyis mi non pa'i dam bcas pa'i mi 'jigs ba brnyes pa zhes bya'o/ /nges par 'byung ba'i lam sgrub na/ mya ngan
342b5 las 'das pa rnyed par 'gyur ro zhes dam bcas pa la lha dang bcas pa'i 'jig rten gyis brgal du med pa'i dam bcas pa'i mi 'jigs pa brnyes pa'i phyir kun nas nyon mongs
342b6 pa thams cad mya ngan las 'das pa'i bar du gcod pa'i chos su bstan te/ der dam bcas pa la lha dang bcas pa'i 'jig rten gyis mi shigs pa'i dam bcas pa'i mi
342b7 'jigs pa brnyes pa zhes bya'o/ /zag pa thams cad spangs pa mkhyen par dam bcas pa la lha dang bcas pa'i 'jig rten gyis mi bzlog pa'i dam bcas pa'i mi 'jigs pa'i
343a1 pa'i phyir nges par 'byung ba'i lam sgrub na/ mya ngan las 'das pa brnyes par 'gyur ro zhes dam bcas pa la lha dang bcas pa'i 'jig rten gyis
343a2 brgal du med pa'i dam bcas pa'i mi 'jigs pa brnyes pa zhes bya'o/ /tshig ma 'khrul bas chos ston pa'i phyir zag pa thams cad spangs pa mkhyen par dam bcas pa la lha
343a3 dang bcas pa'i 'jig rten gyis mi bzlog pa'i dam bcas pa'i mi 'jigs pa brnyes pa zhes bya'o/ /sgra med pa dang / brjod du med pa'i chos kyi ngo bo nyid thugs su chud pa'i
343a4 phyir tshig ma 'khrul pa'i chos ston pa zhes bya'o/ /bral ba med pa'i phyir sgra med pa dang / brjod du med pa'i chos kyi ngo bo nyid thugs su chud pa zhes bya'o/ /sems can thams
343a5 cad kyi sgra tshad med pa sangs rgyas kyi sgra skad du byin gyis rlob nus pa'i phyir bral ba med pa zhes bya'o/ /bsnyel ba mi mnga' ba'i phyir sems can thams cad kyi sgra tshad med pa
343a6 sangs rgyas kyi chos kyi sgra skad du byin gyis rlob nus pa zhes bya'o/ /sna tshogs kyi 'du shes dang bral ba'i phyir bsnyel ba mi mnga' ba zhes bya'o/ /sems can thams cad kyi
343a7 sems mnyam par bzhag pa bas shin tu mnyam par bzhag pa'i phyir sna tshogs kyi 'du shes dang bral ba zhes bya'o/ /so sor ma brtags pa'i btang snyoms can gyi phyir
343b1 sems can thams cad kyi sems mnyam par bzhag pa bas shin tu mnyam par bzhag pa zhes bya'o/ /mos pa'i 'du byed kyi ting nge 'dzin las yongs su ma nyams pa'i phyir so sor
343b2 ma brtags pa'i btang snyoms can zhes bya'o/ /brtson 'grus kyi 'du byed kyi ting nge 'dzin gyi rgyun mi 'chad cing brtson 'grus las yongs su ma nyams pa'i phyir mos pa'i 'du byed
343b3 kyi ting nge 'dzin las yongs su ma nyams pa zhes bya'o/ /dran pa las yongs su ma nyams pa'i phyir brtson 'grus las yongs su ma nyams pa zhes bya'o/ /shes rab las yongs
343b4 su ma nyams pa'i phyir dran pa las yongs su ma nyams pa zhes bya'o/ /rnam par grol ba las yongs su ma nyams pa'i phyir shes rab las yongs su ma nyams pa zhes bya'o/ /rnam
343b5 par grol ba'i ye shes mthong ba las yongs su ma nyams pa'i phyir rnam par grol ba las yongs su ma nyams pa zhes bya'o/ /lus kyi las dang ngag gi las dang yid kyi las
343b6 thams cad kyi sngon du ye shes 'gro zhing ye shes kyi rjes su 'brang ba'i ye shes dang ldan pa'i phyir rnam par grol ba'i ye shes mthong ba las yongs su ma nyams pa zhes bya'o//
343b7 'das pa dang / ma 'ongs pa dang / da ltar byung ba'i dus la ma chags ma tshogs pa'i ye shes mthong ba dang ldan pa'i phyir lus kyi las dang yid kyi las thams cad kyi sngon du
344a1 ye shes 'gro zhing ye shes kyi rjes su 'brang ba'i ye shes dang ldan pa zhes bya'o/ /sgrib pa med pa'i rnam par thar pa brnyes pa'i phyir dus gsum la ma
344a2 chags ma thogs pa'i ye shes mthong ba dang ldan pa zhes bya'o/ /sems can thams cad kyi spyod pa la mkhas pa rgyun mi 'chad pa'i phyir sgrib pa med pa'i rnam par thar pa brnyes pa
344a3 zhes bya'o/ /so so ci rigs par chos ston pa la mkhas pa'i phyir sems can thams cad kyi spyod pa la 'jug pa la mkhas pa rgyun mi 'chad pa zhes bya'o/ /dbyangs kyi yan lag thams
344a4 cad kyi dkyil 'khor dam pa'i pha rol tu phyin pa'i phyir so so ci rigs par chos ston pa la mkhas pa zhes bya'o/ /sgra thams cad kyi brag ca 'byin pa la mkhas pa brnyes pa'i
344a5 phyir dbyangs kyi yan lag thams cad kyi dkyil 'khor dam pa'i pha rol tu phyin pa zhes bya'o/ /lha dang / klu dang / gnod sbyin dang / dri za dang / lha ma yin dang / nam mkha'
344a6 lding dang / mi 'am ci dang / lto 'phye chen po'i skad dang ldan pa zhes bya'o/ /tshangs pa'i sgra dbyangs bsgrags pa'i dbyangs lta bu zhes bya'o/ /ka la ping+ka'i sgra skad lta bu zhes bya'o/ /
344a7 rnga bo che dang / glu dbyangs kyi sgra lta bu zhes bya'o/ /sa'i sgra'i nga ro'i sgra lta bu zhes bya'o/ /klu'i rgyal po rgya mtshos 'brug sgra bsgrags pa'i sgra skad lta bu zhes bya'o/ /seng+ge dang / khyu
344b1 mchog tu gyur pa bsgyings pa'i sgra skad lta bu zhes bya'o/ /sems can thams cad kyi sgra skad bsgrags pa dang mthun par sgrog pas tshim bar byed pa'i sgra dang ldan pa zhes bya'o/ /chags
344b2 pa med cing sgrib pa med par 'khor gyi dkyil 'khor dga' bar byed pa'i sgra dang ldan pa zhes bya'o/ /skad cig la skad thams cad go bar byed pa'i sgra dang ldan pa zhes bya'o/ /tshangs
344b3 pa'i dbang pos mchod pa zhes bya'o/ /lha'i dbang pos bsti stang byas pa zhes bya'o/ /klu'i dbang pos phyag byas pa zhes bya'o/ /gnod sbyin gyi dbang pos zhal du bltas pa zhes bya'o/ /dri
344b4 za'i dbang pos glu dbyangs blangs pa zhes bya'o/ /srin po'i dbang pos dbang po dang bas mig mi 'dzum par bltas pa zhes bya'o/ /lha ma yin gyi dbang pos mngon par btud pa zhes bya'o/ /nam
344b5 mkha' lding gi dbang pos rnam par ma gtses par bltas pa zhes bya'o/ /mi'am ci'i dbang pos mngon par bstod pa zhes bya'o/ /lta 'phye chen po'i dbang pos blta 'dod pa zhes bya'o/ /
344b6 mi'i dbang pos mngon du yang dag par mchod pa zhes bya'o/ /dgra bcom pa'i tshogs mang pos bsten pa zhes bya'o/ /byang chub sems dpa' thams cad yang dag par 'dzin du 'jug pa
344b7 dang / yang dag par gzengs bstod pa dang / yang dag par dga' bar mdzad pa zhes bya'o/ /zang zing med par chos ston pa zhes bya'o/ /tshig dang tshig 'bru nyams pa med par 'bras bu
345a1 yod pa'i chos ston pa zhes bya'o/ /dus las mi yol bar chos ston ba zhes bya'o/ /byams pa/ chos kyi 'khor lo bskor ba 'di ni de bzhin gshegs
345a2 pa'i yon tan bsngags pa'i phyogs la 'jug pa cung zad tsam zhig mdor bstan du zad de/ byams pa/ rgyas par bya ba ni de bzhin gshegs pas bskal pa'am/ bskal
345a3 pa las lhag par bstan kyang 'di'i mthar mi phyin to/ /de nas de'i tshe bcom ldan 'das kyis tshigs su bcad pa 'di dag bka' stsal to/ /zab cing blta dka' phra ba yi/ /chos kyi
345a4 'khor lo rab bskor te/ /de la pha rol tu mu stegs can/ /kun dang bdud kyis mi chud do/ /kun gzhi med cing spros med pa/ /skye ba med cing 'byung med la/ /dben zhing rang bzhin stong
345a5 pa yi| |chos kyi 'khor lo rab bskor to/ /blang ba med cing dor med la/ /mtshan ma med cing mtshan nyid med/ /mnyam pa nyid kyi chos bstan pa'i/ /'khor lo sangs rgyas kyis bskor
345a6 to| |ji ltar sgyu ma smig rgyu dang / /rmi lam brag ca chu zla dang / /de dag 'dra ba'i 'khor lo ni/ /'jig rten mgon pos rab bskor to/ /brten pa'i chos la 'jug byed pa/ /chad min
345a7 rtag pa ma yin pa/ /lta ba thams cad chad pa ni/ /chos kyi 'khor lo yin zhes brjod/ /rtag tu nam mkha' mtshungs 'dra zhing / /rnam par mi rtog 'od gsal ba/ /mtha' dang
345b1 dbus med bstan pa ni/ /chos kyi 'khor lor 'dir brjod do/ /yod dang med las rnam grol zhes/ /bdag dang bdag med rnam spangs la/ /rang bzhin ma skyes bstan pa ni/ /chos
345b2 kyi 'khor lor 'dir brjod do/ /yang dag mtha' ni mtha' min pa/ /de bzhin nyid la de bzhin nyid/ /gnyis su med pa'i chos bstan pa/ /chos kyi 'khor lor brjod pa yin/ /
345b3 mig ni ngo bo nyid kyis stong / /de bzhin sna dang rna ba dang / /lce dang lus dang sems kyang ni/ /stong pa'i bdag nyid g.yo ba med/ /'di lta bu yi 'khor lo 'di/ /chos kyi 'khor lo zhes
345b4 brjod de/ /sems can mi mkhas rtogs byed pas/ /des na sangs rgyas zhes brjod do/ /chos kyi mtshan nyid rang bzhin 'di/ /gzhan gyis bstan pa med par ni/ /nga bdag nyid kyis
345b5 sangs rgyas te/ /des na rang byung mig dang ldan/ /chos rnams kun la dbang brnyes pas/ /chos kyi rje zhes brjod pa yin/ /chos la tshul dang tshul min mkhyen/ /des na 'dren par
345b6 brjod pa yin/ /ji ltar 'dul bar 'gyur ba la/ /skye bo dang ga tu med 'dul te/ /'dul ba'i pha rol phyin par gyur/ /des na rnam par 'dren ces brjod/ /sems can gang dag lam
345b7 las nyams/ /de dag rnams la lam mchog bstan/ /pha rol gyi ni 'gram du bkri/ /de phyir nga ni rnam par 'dren/ /bsdu ba'i dngos po shes pa yis/ /skye bo dag ni ngas bsdus te/ /
346a1 'khor ba'i 'brog las rgal bas na/ /des na nga ni ded dpon yin/ /chos rnams kun la dbang sgyur te/ /des na rgyal ba chos la mnga'/ /chos kyi 'khor
346a2 lo rab bskor bas/ /chos kyi rgyal po brjod pa yin/ /chos kyi sbyin bdag ston pa yin/ /chos kyi bdag po bla na med/ /mchod sbyin legs mdzad don grub pa/ /dgongs pa
346a3 rdzogs pa bkra shis grub/ /dbugs 'byin mdzad pa de gzigs pa/ /dpa' bo nyon mongs chen po spong / /g.yul rnams kun las rgal gyur pa/ /grol ba skyes bu thar mdzad pa//
346a4 'jig rten gyi ni snang gyur pa/ /shes rab ye shes 'od mdzad pa/ /mi shes mun pa 'joms pa po/ /sgron ma 'dzin pa 'od chen ldan/ /ye shes che ldan sman pa che/ /nyon mongs pa
346a5 las gso mdzad pa/ /sems can nyon mongs zug rnams la/ /zug rngu 'byin pa bla na med/ /mtshan rnams thams cad phun sum tshogs/ /dpe byad bzang po kun gyis mdzes/ /
346a6 sku yis kun tu bzang ba ste/ /dman pa rnams dang mthun par mdzad/ /stobs bcus stobs dang shin tu ldan/ /bsnyengs pa mi mnga' mi bsnyengs pa/ /ma 'dres rnam pa bco
346a7 brgyad kyis/ /thub pa chen po theg pa mchog /chos kyi 'khor lo rab bskor ba/ /'di ni mdo tsam bshad pa yin/ /de bzhin gshegs pa'i yon tan bsngags/ /'di ni cung
346b1 zad brjod par zad/ /sangs rgyas ye shes mtha' yas te/ /nam mkha' rgya che mnyam pa bzhin/ /bskal pa zad par brjod kyang ni/ /sangs rgyas yon tan mi zad do/ /chos kyi
346b2 'khor lo bskor ba'i le'u zhes bya ste/ nyi shu rtsa drug pa'o// //de nas lha'i bu gang dag gis de bzhin gshegs pa la chos kyi rnam grangs 'di rab tu bshad par
346b3 gsol ba btab par gyur pa dbang phyug dang / dbang phyug chen po dang / dga' bo dang / rab dga' dang / tsan+dan dang / mchod pa dang / zhi ba dang / rab tu zhi ba dang / dul ba'i
346b4 dbang phyug la sogs pa gnas gtsang ma'i ris kyi lha'i bu khri brgyad stong dang / gang yang de bzhin gshegs pa chos kyi 'khor lo bskor ba'i tshe 'dus par gyur pa de la bcom
346b5 ldan 'das kyi lha'i bu dbang phyug chen po la sogs pa gnas gtsang ma'i ris kyi lha'i bu rnams la bka' stsal pa/ grogs po dag /rgya cher rol pa zhes bya ba'i mdo sde shin tu
346b6 rgyas pa chen po byang chub sems dpa'i rnam par rtsen pa/ sangs rgyas kyi yul la rol pa 'jug pa 'di ni bdag nyid kyi phyir de bzhin gshegs pas gsungs pa ste/ de khyed
346b7 kyis longs shig /zungs shig /lhogs shig /'khor la'ang rgya cher rab tu ston cig /de ltar na nga'i chos kyi tshul 'di rgyas par 'gyur te/ byang chub sems dpa'i theg pa
347a1 pa'i gang zag dag gis chos kyi rnam grangs 'di thos nas bla na med pa yang dag par rdzogs pa'i byang chub la brtson 'grus shin tu brtan ba rtsom par 'gyur
347a2 ro| |rgya chen po la mos pa'i sems can rnams ni chos chen po'i char ba'i shugs skyed par 'gyur ro/ /bdud kyi phyogs kyang tshar gcod par 'gyur ro/ /phas kyi rgol ba
347a3 thams cad kyis glags mi rnyed par 'gyur ro/ /khyed kyis chos bshad par bskul ba'i dge ba'i rtsa ba'ang don chen po dang / 'bras bu chen po dang / phan yon chen por 'gyur
347a4 ro| |grogs po dag /gang la la zhig rgya cher rol pa'i chos kyi rnam grangs 'di la thal mo sbyor bar 'gyur ba de mchog gi chos brgyad 'thob par 'gyur te/ brgyad gang zhe na/
347a5 'di lta ste/ gzugs mchog 'thob par 'gyur ba dang / stobs mchog 'thob par 'gyur ba dang / g.yog 'khor mchog 'thob par 'gyur ba dang / spobs pa mchog
347a6 'thob par 'gyur ba dang / 'byung ba mchog 'thob par 'gyur ba dang / sems yongs su dag pa mchog 'thob par 'gyur ba dang / ting nge 'dzin phun sum tshogs pa mchog
347a7 'thob par 'gyur ba dang / shes rab kyi snang ba mchog 'thob par 'gyur ba ste/ mchog gi chos brgyad po de dag 'thob par 'gyur ro/ /grogs po dag /gang la la zhig
347b1 rgya cher rol pa'i chos kyi rnam grangs 'di ston par 'dod pa'i chos smra ba la chos kyi stan 'ding na/ stan bting ma thag tu de stan brgyad 'thob par shes par bya ste/ brgyad gang zhe na/
347b2 'di lta ste/ tshong dpon gyi stan 'thob pa dang / khyim bdag gi stan 'thob pa dang / 'khor los bsgyur ba'i stan 'thob pa dang / brgya byin gyi stan 'thob pa dang / dbang sgyur
347b3 gyi stan 'thob pa dang / tshangs pa'i stan 'thob pa dang / byang chub kyi snying po mchog dam par song ba'i byang chub sems dpar gyur pa/ phyir mi ldog pa/ bdud phyir rgol
347b4 pa bcom pa'i seng+ge'i khri 'thob pa dang / bla na med pa yang dag par rdzogs pa'i byang chub mngon par rdzogs par sangs rgyas nas kyang bla na med pa'i chos kyi 'khor lo bskor ba'i
347b5 khri stan 'thob par shes par bya ste/ stan brgyad po de dag 'thob par shes par bya'o/ /grogs po dag /gang la la zhig rgya cher rol pa'i chos kyi rnam grangs 'di 'chad pa'i chos
347b6 smra ba la legs so zhes bya ba sbyin pa de dag gi las yongs su dag pa brgyad 'thob par 'gyur te/ brgyad gang zhe na/ 'di lta ste/ dben pa'i rjes su 'brang ba'i ngag gi las yongs su
347b7 dag pas ji skad smras pa de bzhin du byed pa dang / 'khor zil gyis gnon pas gzung bar 'os pa'i tshig dang 'gal bar mi byed pas blang bar 'os pa'i tshig dang / mi brlang bas snyan
348a1 cing 'jam pa'i tshig dang / lus dang sems tshim par byed pas ka la ping+ka'i sgra skad lta bu dang / sems can sdud pas tshig snyan pa dang / sgra thams cad
348a2 zil gyis gnon pas tshangs pa'i sgra lta bu dang / phas kyi rgol ba thams cad kyis zil gyis mi non pas seng+ge bsgyings pa'i sgra lta bu dang / sems can thams cad kyi dbang
348a3 po yongs su tshim par byed pas sangs rgyas kyi gsung ste/ ngag gi las yongs su dag pa brgyad po de dag 'thob par 'gyur ro/ /grogs po dag /gang la la zhig rgya cher rol pa'i
348a4 chos kyi rnam grangs 'di glegs bam du bris te 'chang ngam/ klog gam/ bsti stang du byed dam/ btsun par byed dam/ rim gro byed dam/ mchod pa byed dam/ ser sna med pa'i
348a5 sems kyis chos kyi rnam grangs 'di'i bsngags pa phyogs bzhir brjod pa dang / tshur shog chos kyi rnam grangs 'di yi ger bris shig /chongs shig /lhogs shig /
348a6 soms shig /kha ton gyis shig ces spyod par byed pa de gter chen po brgyad 'thob par 'gyur te/ brgyad gang zhe na/ brjed pa med pas dran pa'i gter dang / blos rab tu
348a7 'byed pas blo gros kyi gter dang / mdo sde thams cad kyi don gyi rnam pa khong du chud pas rtogs pa'i gter dang / thos pa thams cad kun tu 'dzin pas gzungs kyi gter dang /
348b1 legs par bshad pas sems can thams cad tshim par byed pas spobs pa'i gter dang / dam pa'i chos yongs su srung bas chos kyi gter dang / dkon mchog gsum gyi
348b2 rigs rgyun mi gcod pas byang chub kyi sems kyi gter dang / mi skye ba'i chos la bzod pa thob pas sgrub pa'i gter te/ gter chen po brgyad po de dag 'thob par 'gyur ro/ /grogs
348b3 po dag /gang la la zhig gis rgya cher rol pa'i chos kyi rnam grangs 'di legs par bstan te 'chang ba de tshogs brgyad yongs su rdzogs par 'gyur te/ brgyad gang zhe na/ 'di
348b4 lta ste| ser sna'i sems med pas sbyin pa'i tshogs yongs su rdzogs par 'gyur ba dang / dge ba'i bsam pa thams cad yongs su rdzogs par byed pas tshul khrims kyi
348b5 tshogs yongs su rdzogs par 'gyur pa dang / chags pa med pa'i shes rab yang dag par sgrub pa'i phyir thos pa'i tshogs yongs su rdzogs par 'gyur ba dang / ting nge 'dzin dang
348b6 snyoms par 'jug pa thams cad mngon du bya ba'i phyir zhi gnas kyi tshogs yongs su rdzogs par 'gyur ba dang / rig pa gsum gyis rig pa rab tu rdzogs par bya ba'i phyir lhag
348b7 mthong gi tshogs yongs su rdzogs par 'gyur ba dang / mtshan dang / dpe byad bzang po dang / sangs rgyas kyi zhing gi rgyan yongs su sbyang ba'i phyir bsod nams kyi tshogs yongs
349a1 su rdzogs par 'gyur ba dang / sems can thams cad ji ltar mos pa bzhin du tshim par bya ba'i phyir ye shes kyi tshogs yongs su rdzogs par 'gyur
349a2 ba dang / sems can thams cad yongs su smin par bya ba la yongs su mi skyo bar bya ba'i phyir snying rje chen po'i tshogs yongs su rdzogs par 'gyur ba ste/ tshogs brgyad
349a3 po de dag yongs su rdzogs par 'gyur ro/ /grogs po dag /gang la la zhig 'di lta bu'i sems dang ldan te/ 'di lta ste/ ji ltar sems can 'di dag rnam pa 'di lta bu'i chos
349a4 'di thob par 'gyur snyam nas rgya cher rol pa'i chos kyi rnam grangs 'di gzhan dag la rgya cher rab tu ston par byed na/ de dge ba'i rtsa ba 'dis bsod nams chen po brgyad 'thob
349a5 par 'gyur te/ brgyad gang zhe na/ 'di lta ste/ 'khor los bsgyur ba'i rgyal po 'thob par 'gyur ba 'di ni bsod nams chen po dang po'o/ /rgyal chen bzhi'i ris kyi lha
349a6 rnams kyi bdag po byed par 'gyur ba 'di ni bsod nams chen po gnyis pa'o/ /lha'i dbang po brgya byin du 'gyur pa 'di ni bsod nams chen po gsum pa'o/ /lha'i bu
349a7 rab 'thab bral du 'gyur ba 'di ni bsod nams chen po bzhi pa'o/ /yongs su dga' ldan du 'gyur ba 'di ni bsod nams chen po lnga pa'o/ /rab 'phrul du 'gyur ba 'di
349b1 ni bsod nams chen po drug pa'o/ /lha'i rgyal po dbang sgyur du 'gyur ba 'di ni bsod nams chen po bdun pa'o/ /tshangs pa chen po'i tshangs par 'gyur ba 'di ni bsod nams chen
349b2 po brgyad pa'o/ /tha mar de bzhin gshegs pa dgra bcom pa yang dag par rdzogs pa'i sangs rgyas mi dge ba'i chos thams cad spangs nas dge ba'i chos thams cad dang ldan par
349b3 yang 'gyur te/ bsod nams chen po brgyad po de dag 'thob par 'gyur ro/ /grogs po dag /gang la la zhig rgya cher rol pa'i chos kyi rnam grangs 'di 'chad pa na rna ba blags te
349b4 nyan par 'gyur ba de sems dri ma med pa brgyad 'thob par 'gyur te/ brgyad gang zhe na/ 'di lta ste/ zhe sdang thams cad gzhom pa'i phyir byams pa 'thob par 'gyur ba dang / rnam par
349b5 'tshe ba thams cad dor ba'i phyir snying rje 'thob par 'gyur ba dang / mi dga' ba thams cad bsal ba'i phyir dga' ba 'thob par 'gyur ba dang / rjes su chags pa dang / khong khro ba
349b6 dor ba'i phyir btang snyoms 'thob par 'gyur ba dang / 'dod pa'i khams thams cad la dbang bsgyur bar bya ba'i phyir bsam gtan bzhi 'thob par 'gyur ba dang / sems la dbang
349b7 bsgyur bar bya ba'i phyir gzugs med pa'i snyoms par 'jug pa bzhi 'thob par 'gyur ba dang / sangs rgyas kyi zhing gzhan du 'gro ba dang 'ong bar bya ba'i phyir mngon par shes pa lnga
350a1 'thob par 'gyur ba dang / dpa' bar 'gro ba'i ting nge 'dzin 'thob par bya ba'i phyir bag chags kyi mtshams sbyor ba thams cad yang dag par gzhom pa
350a2 thob par 'gyur ba ste/ sems dri ma med pa brgyad po de dag 'thob par 'gyur ro/ /grogs po dag /grong ngam/ grong khyer ram/ grong rdal lam/ ljongs sam/ ljongs kyi phyogs
350a3 sam| 'chags sa'am/ gtsug lag khang du rgya cher rol pa'i chos kyi rnam grangs 'di spyod par 'gyur ba der sngon gyi las kyi rnam par smin pa ma gtogs par 'jigs pa
350a4 brgyad 'byung bar mi 'gyur ro/ /brgyad gang zhe na/ 'di lta ste/ rgyal pos dkrugs pa'i 'jigs pa 'byung bar mi 'gyur ba dang / chom rkun gyis dkrugs pa'i 'jigs pa 'byung
350a5 bar mi 'gyur ba dang / sprul gyis dkrugs pa'i 'jigs pa 'byung bar mi 'gyur ba dang / mu ge'i dgon pas dkrugs pa'i 'jigs pa 'byung bar mi 'gyur ba dang / phan tshun
350a6 'thab pa dang / rtsod pa dang / 'gyed pa dang / mtshang 'dru bas dkrugs pa'i 'jigs pa 'byung bar mi 'gyur ba dang / lhas dkrugs pa'i 'jigs pa 'byung bar mi 'gyur ba dang /
350a7 klus dkrugs pa'i 'jigs pa 'byung bar mi 'gyur ba dang / gnod sbyin la sogs pas dkrugs pa'i 'jigs pa 'byung bar mi 'gyur ba dang / gtso ba thams cad kyis dkrugs
350b1 pa'i 'jigs pa 'byung bar mi 'gyur ba ste/ sngon gyi las kyi rnam par smin pa ma gtogs par grogs po dag /'jigs pa brgyad po de dag 'byung bar mi 'gyur ro/ /grogs po
350b2 dag/ mdor na gal te de bzhin gshegs pa sku tshe'i tshad bskal par bzhugs la nyin mtshan du rgyun mi 'chad par chos kyi rnam grangs 'di'i bsngags pa brjod kyang chos kyi rnam
350b3 grangs 'di'i bsngags pa mthar thug par yang mi 'gyur la de bzhin gshegs pa'i spobs pa'ang zad par mi 'gyur ro/ /grogs po dag /ji ltar de bzhin gshegs pa'i tshul
350b4 khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba tshad med cing thug pa med pa de bzhin du grogs po dag /gang chos rgya
350b5 chen po 'di lta bu 'di sems can 'di dag gis ji ltar thob par 'gyur snyam pa'i sems 'di sa chos kyi rnam grangs 'di 'dzin pa dang / 'chang ba dang / klog pa dang / yi ger 'bri
350b6 ba dang / yi ger 'brir 'jug pa dang / 'jug par byed pa dang / 'khor gyi nang du rgya cher yang dag par ston par 'gyur ba de dag gis bsod nams kyang thug pa med do/ /de nas
350b7 bcom ldan 'das kyis tshe dang ldan pa 'od srung chen po dang / tshe dang ldan pa kun dga' bo dang / byang chub sems dpa' sems dpa' chen po byams pa la bka' stsal pa/ grogs po dag /
351a1 bla na med pa yang dag par rdzogs pa'i byang chub ngas bskal pa grangs med pa bye ba khrag khrig brgya stong du yang dag par bsgrubs pa 'di khyed kyi lag tu gtad
351a2 de| yongs su gtang ba'i mchog gis gtad do/ /bdag nyid kyis kyang chos kyi rnam grangs 'di zungs shig /gzhan dag la'ang rgya cher yang dag par ston cig /de skad ces
351a3 bka' stsal nas de'i tshe bcom ldan 'das kyis chos kyi rnam grangs 'di rgya cher yongs su gtad pa'i phyir de'i tshe tshigs su bcad pa 'di dag bka' stsal to/ /sangs rgyas
351a4 gzigs pas sems can gang dag ngas mthong ba/ /de dag shA ri'i bu 'drar dgra bcom par gyur la/ /gal te la las gang+gA'i klung gi bye snyed kyi/ /bskal pa bye bar de dag rnams
351a5 la'ang mchod byed la/ /gang zhig nyin zhag gcig tu rab tu dga' ba yis/ /rang sangs rgyas rnams la ni phreng ba de bzhin du/ /gzhan yang rnam pa mchog rnams kyis ni
351a6 mchod byed na/ /de bas bsod nams byas pa 'di ni khyad par 'phags/ /gal te sems can thams cad rang rgyal thob gyur la/ /de dag rnams la gang zhig 'dir ni bag yod
351a7 par| |bskal pa du mar zas dang skom dang bgo ba dang / /me tog spos dang byug pa rnams kyis mchod byed la/ /gang zhig gis ni de bzhin gshegs pa gcig cig la/ /lan
351b1 gcig phyag 'tshal byed cing dad pa'i sems kyis ni/ /dgra bcom pa la phyag 'tshal lo zhes tshig brjod na/ /de bas bsod nams 'di ni shin tu ches mchog go /gal te sems can
351b2 thams cad sangs rgyas thob gyur la/ /de dag rnams la gang zhig sngar bzhin mchod byed cing / /lha yi me tog rnams dang mi yi mchog rnams dang / /rnam pa mang pos bskal pa du mar
351b3 mchod byed la/ /gang zhig dam pa'i chos ni rnam par 'jig pa'i tshe/ /rang gi lus dang de bzhin srog kyang btang nas ni/ /zhag gcig bar du mdo sde 'di ni 'dzin byed na/ /bsod
351b4 nams 'di ni de bas khyad par 'phags par 'gyur/ /gang zhig rnam par 'dren pa rnams dang rang rgyal dang / /de bzhin nyan thos rnams la mchod pa byed 'dod pa/ /de yis byang chub sems
351b5 ni brtan por bskyed byas te/ /mdo sde 'di ni rtag par rab tu gzung bar bya/ /de bzhin gshegs pa thams cad mngon byung gang yin pa/ /'di ni legs par bshad pa kun gyi rgyal
351b6 po yin| |mdo sde dkon mchog 'di ni gang na gnas 'gyur ba/ /de kyi khyim du de bzhin gshegs pa rtag tu gnas/ /gang gis mdo 'di pha rol dag la byin pa dang / /tshig gcig
351b7 brjod pa de yang bskal pa bye bar ni/ /tshig 'bru rnams las mi nyams don las nyams mi 'gyur/ /spobs pa dge ba mtha' yas pa dga' thob par 'gyur/ /gang zhig chos 'di
352a1 thos nas rab tu sgrub byed pa/ /de ni mi yi 'dren pa ma gtogs 'og tu ni/ /de 'dra ba yi sems can gang yang yod ma yin/ /de ni rgya mtsho lta bur zad mi
352a2 shes par 'gyur/ /bcom ldan 'das kyis de skad ces bka' stsal nas lha'i bu dbang phyug chen po la sogs pa gnas gtsang ma'i ris kyi lha'i bu de dag dang / byams pa la sogs
352a3 pa byang chub sems dpa' sems dpa' chen po thams cad dang / 'od srung chen po la sogs pa nyan thos chen po thams cad dang / tshe dang ldan pa kun dga' bo dang / lha dang / mi
352a4 dang / lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do/ /mjug sdud pa'i le'u zhes bya ba ste/ nyi shu
352a5 rtsa bdun pa'o// //'phags pa rgya cher rol pa zhes bya ba theg pa chen po'i mdo rdzogs so// /rgya gar gyi mkhan po dzi na mi tra dang / dA na shI la dang / mu
ne warma dang /
CLOSE WINDOW