བོད་ཡིག |
418a6 /rgya gar skad du/ AR+Ya shrI mA la de bI sing ha nA da nA ma mahA yA na sU tra/ bod skad du/ 'phags pa lha mo dpal phreng gi seng ge'i sgra zhes bya
418a7 ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom
418b1 ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas de'i tshe yul ko sa la'i rgyal po gsal rgyal dang / btsun mo dam
418b2 pa btsun mo phreng ldan mas lha mo dpal phreng chos rtogs nas ring po ma lon pa'i bar skabs su gtam glengs pa/ rgyal po chen po/ kye ma khyed kyi sras mo lha mo dpal phreng ni mdzangs
418b3 shing gsal la zab cing mkhas te/ gal te ngas bcom ldan 'das mthong ba lta na tshegs chung ngus chos rtogs la/ bcom ldan 'das kyis chos bstan pa la yang the tshom ma mchis
418b4 par 'gyur ro/ /de nas yul ko sa la'i rgyal po gsal rgyal gyis btsun mo phreng ldan ma la 'di skad ces smras so/ /phreng ldan ma/ 'u bu cag gis lha mo dpal phreng la pho nya nus pa
418b5 shig btang gor ma chag go /de skad ces smras pa dang / btsun mo phreng ldan mas rgyal po gsal rgyal gyi tshig de mnyan nas/ ko sa la'i rgyal po gsal rgyal dang / btsun mo phreng
418b6 ldan mas bcom ldan 'das kyi yon tan gyi bsngags pa rnam pa du ma bris te/ nang kor ma yid brtan pa zla ba lta bu zhes bya ba de'i lag tu 'phrin yig bskur nas de mthar gyis song ste/
418b7 grong khyer 'thab med du phyin nas btsun mo'i 'khor du song ste/ lha mo dpal phreng la phyag 'tshal nas phan tshun kun dga' ba'i gtam byas te/ lha mo dpal phreng gi lag tu 'phrin
419a1 yig byin no/ /de nas lha mo dpal phreng gis pha ma la gus pas 'phrin yig de lag pa gnyis kyis blangs nas mgo bo la gtugs te/ bdag nyid
419a2 kyis 'phrin yig bklags nas/ 'phrin yig gi don bzang po zhes nges par bzung ste/ don du nges par bzung nas/ mgo bo lcogs te ya mtshan du bzung nas lha mo dpal phreng
419a3 gi nang kor ma zla ba lta bu la tshigs su bcad pa 'di dag smras so/ /sangs rgyas zhes bya'i sgra 'di ni/ /'jig rten dag na shin tu dkon/ /gal te tshig 'di bden gyur na//
419a4 bdag gis khyod la bgo ba sbyin/ /gal te bcom ldan sangs rgyas de/ /'jig rten don du byung gyur na/ /de ni bdag la thugs rje yis/ /bstan pa'i ched du 'dir sbyon
419a5 cig /de nas de yi skad cig la/ /mgon po gshegs nas mkha' la bzhugs/ /bsam gyis mi khyab sangs rgyas sku/ /'od zer 'gyed cing bzhugs pa mthong / /de
419a6 nas de'i tshe lha mo ni/ /gus pas 'khor bcas langs nas kyang / /spyi bor thal mo sbyar byas nas/ /smra ba'i mchog la bstod pa ni/ /mgon po khyod kyi sku gzugs dang / /dpal
419a7 dpe gang na'ang yod ma mchis/ /bsam yas dpe zla ma mchis pa'i/ /'jig rten mgon la phyag 'tshal lo/ /mgon po khyod kyi sku gzugs dang / /ye shes la yang bas
419b1 ma mchis/ /khyod kyi sangs rgyas chos mi bas/ /de bas thub khyod skyabs kyang lags/ /bsam yas rtsal ldan khyod kyis ni/ /sku gsung thugs kyi skyon rnams bsal/ /nyams ma mchis
419b2 pa'i sa brnyes pa/ /chos rgyal khyod la phyag 'tshal lo/ /shes bya thams cad khyod kyis mkhyen/ /ye shes sku yi dbang phyug ste/ /sangs rgyas chos rnams thams cad kyi/ /mthar phyin khyod
419b3 la phyag 'tshal lo/ /gzhal yas khyod la phyag 'tshal lo/ /dpe las 'das la phyag 'tshal lo/ /bsam yas chos khyod phyag 'tshal lo/ /mtha' yas gzugs khyod phyag 'tshal
419b4 lo| |bdag ni da ltar mgon pos bskyabs/ /byang chub sa bon rnam par bskyed/ /slan chad srid pa gzhan dag dag tu/ /thub pas bdag la phan gdags mdzod/ /bcom ldan 'das kyis
419b5 bka' stsal pa/ /sngon tshe rnams su lha mo khyod/ /ngas ni byang chub sbyor bar byas/ /phyis kyang tshe rabs gzhan dag tu/ /ngas ni rjes su gzung bar bya/ /lha mo dpal phreng gis gsol pa//
419b6 bdag gis 'di dang gzhan dag tu/ /bsod nams gang dang gang bgyis pa/ /bsod nams de yis mgon po khyod/ /rtag tu bdag gis mthong bar shog /de nas lha mo dpal phreng dang
419b7 lhan cig tu btsun mo kun dang / thams cad dang ldan pa'i 'khor gyis bcom ldan 'das kyi zhabs la gtugs so/ /de nas bcom ldan 'das kyis 'khor 'dus pa'i nang du lha mo dpal
420a1 phreng bla na med pa yang dag par rdzogs pa'i byang chub tu lung bstan te/ lha mo khyod kyis de bzhin gshegs pa la yang dag pa'i yon tan dag gis mngon par bstod
420a2 pa'i bsod nams bsags pa gang yin pa'i dge ba'i rtsa ba 'dis/ lha mo khyod bskal pa tshad med grangs med par lha dang mi'i rgyal srid phun tshogs pa myong bar 'gyur te/ tshe rabs
420a3 thams cad du yang nga mthong ba dang 'bral bar mi 'gyur zhing / nga la mngon sum du 'di lta bu'i bstod pa bsngags pas bsngags par 'gyur ro/ /sangs rgyas bcom ldan 'das dpag
420a4 tu med grangs med pa rnams la yang mchod pa byed par 'gyur ro/ /da phyin chad bskal pa brgya stong grangs med pa nyi shu na/ khyod de bzhin gshegs pa dgra bcom pa yang dag par
420a5 rdzogs pa'i sangs rgyas kun tu bzang po zhes bya bar 'gyur te/ de'i tshe yang lha mo khyod kyi sangs rgyas kyi zhing der ngan song dag 'byung bar mi 'gyur ro/ /de'i tshe sems can rnams
420a6 kyang dge ba bcu'i las kyi lam la gnas par 'gyur te/ sems can de dag la nad kyang med/ rga ba yang med/ yid du mi 'ong ba'i gnod pa yang med de/ mi dge ba'i las kyi lam
420a7 rnams kyi ming yang mi grag par 'gyur ro/ /sangs rgyas kyi zhing der sems can gang dag 'byung ba de dag gis ni gzhan 'phrul dbang byed kyi lha rnams kyang 'di ltar bde ba dang /
420b1 gzugs dang / kha dog dang / dpal dang / gzi brjid dang / gzugs dang / sgra dang / dri dang / ro dang / reg bya dang / longs spyod thams cad kyis zil gyis gnon par 'gyur te/
420b2 sems can de dag shin tu bde ba dang ldan par 'gyur ro/ /lha mo/ sangs rgyas kyi zhing der sems can gang dag 'byung ba de dag thams cad kyang theg pa chen po la yang dag par
420b3 zhugs par 'gyur ro/ /lha mo/ de bzhin du dge ba'i rtsa ba dag byas pa'i sems can rnams de'i tshe sangs rgyas kyi zhing der 'du bar 'gyur ro/ /de nas lha mo dpal phreng gi lung
420b4 bstan pa phun sum tshogs pa thos nas lha dang mi dpag tu med pa dag gis sangs rgyas kyi zhing der skye bar smon lam btab bo/ /de dag thams cad kyang 'jig rten gyi khams der skye
420b5 bar bcom ldan 'das kyis lung bstan to/ /de nas lha mo dpal phreng gis bcom ldan 'das la mngon sum du bdag nyid lung bstan pa thos nas thal mo sbyar te/ yid dam
420b6 chen po bcu yang dag par blangs so/ /bcu gang zhe na/ 'di lta ste/ bcom ldan 'das/ da slan chad bdag gi tshul khrims kyi dus las 'da' ba'i sems bskyed par mi bgyi ste/
420b7 bcom ldan 'das/ yid dam dang po 'di ni byang chub kyi snying po'i mthar thug gi bar du bdag gis yang dag par blang ngo / /bcom ldan 'das/ da slan chad bdag gis bla ma
421a1 dag la ma gus pa'i sems bskyed par mi bgyi ste/ bcom ldan 'das/ yid dam gnyis pa 'di yang byang chub kyi snying po'i mthar thug gi bar du
421a2 bdag gis yang dag par blang ngo / /bcom ldan 'das/ da slan chad bdag gis gang du'ang sems can la khro ba dang gnod sems kyi sems bskyed par mi bgyi ste/ bcom
421a3 ldan 'das/ yid dam gsum pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das/ da slan chad bdag gis gzhan
421a4 gyi dpal dang / gzhan gyi phun sum tshogs pa dag la phrag dog gi sems bskyed par mi bgyi ste/ bcom ldan 'das/ yid dam bzhi pa 'di yang byang chub kyi snying po'i mthar
421a5 thug gi bar du bdag gis yang dag par blang ngo / /bcom ldan 'das/ da slan chad bdag gis tha na kham slad ma tsam la yang ser sna'i sems bskyed par mi bgyi ste/ bcom
421a6 ldan 'das/ yid dam lnga pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das/ da slan chad bdag gis bdag nyid kyis
421a7 longs spyod pa'i slad du nor yongs su bzung bar mi bgyi ste/ 'on kyang / bcom ldan 'das/ sems can dbul po sdug bsngal zhing mgon ma mchis pa yongs su smin par bgyi
421b1 ba'i slad du yongs su gzung bar 'tshal te/ bcom ldan 'das/ yid dam drug pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan
421b2 'das/ da slan chad bdag gis bsdu ba'i dngos po bzhis sems can rnams la phan 'dogs pa na bdag la sman du re ba'i slad du sems can bsdu bar mi bgyi ste/ 'on kyang / bcom ldan
421b3 'das/ zang zing ma mchis pa'i sems dang / chog par mi 'dzin pa dang / ldog pa ma mchis par sems can yang dag par bsdu bar 'tshal te/ bcom ldan 'das/ yid dam bdun
421b4 pa 'di yang byang chub kyi snying po'i mthar thug gi bar du bdag gis yang dag par blang ngo / /bcom ldan 'das/ da slan chad bdag gis sems can mgon ma mchis pa dang / go rar
421b5 stsal ba dang / bcings pa dang / nad kyis nyam thag pa dang / sdug bsngal ba dang / dbul po dang / phongs par gyur pa dang / tshigs chen pos 'tsho ba dag mthong na de dag la sman ma
421b6 btags par gom pa gcig kyang dor bar mi bgyi'i/ bcom ldan 'das/ bdag gis sems can sdug bsngal gyis nyam thag pa de dag mthong na sdug bsngal de dang de dag las yongs
421b7 su thar par bgyis la/ nor gyi bsdu bas bsgrubs nas slad kyis bdag mchi bar bgyis te/ bcom ldan 'das/ yid dam brgyad pa 'di yang byang chub kyi snying po'i mthar thug gi
422a1 bar du bdag gis yang dag par blang ngo / /bcom ldan 'das/ da slan chad bdag gis phag tshong dang / bya la sogs pa'i sdig pa'i las kyis 'tsho zhing
422a2 de bzhin gshegs pas bka' stsal pa'i chos 'dul ba las nyams pa'i tshul can dag mthong na yal bar mi 'dor gyi/ bcom ldan 'das/ grong dang / grong khyer dang / grong
422a3 brdal dang / yul 'khor dang / rgyal po'i pho brang 'khor gang dang gang dag na bdag gi mchid nyan pa de dang de dag tu tshar dgum pa'i rigs pa rnams ni tshar dgum/ sman gdags
422a4 pa'i rigs pa rnams ni sman gdags par 'tshal lo/ /de ci'i phyir zhe na/ bcom ldan 'das/ tshar dgum pa dang / sman gdags pas ni 'jig rten du dam pa'i chos yun ring du
422a5 gnas par 'gyur ba'i slad du ste/ dam pa'i chos yun ring du gnas na lha dang mi rnams kyi lus rnam par 'phel bar 'gyur zhing / ngan song rnams yongs su 'grib par 'gyur te/
422a6 bcom ldan 'das/ 'di ni bcom ldan 'das kyis chos kyi 'khor lo bskor ba'i rjes su bskor bar bgyid pa lags te/ bcom ldan 'das/ yid dam dgu pa 'di yang byang
422a7 chub kyi snying po'i mthar thug gi bar du bdag gis yang dag par blang ngo / /bcom ldan 'das/ da slan chad bdag gis dam pa'i chos yongs su bzung ba las bskyud par bgyi
422b1 ba'i sems gcig tsam yang bskyed par mi bgyi'o/ /de ci'i slad du zhe na/ bcom ldan 'das/ dam pa'i chos bzung ba las bskyud na theg pa chen po bskyud par 'gyur ro/ /bcom
422b2 ldan 'das/ theg pa chen po bskyud na/ pha rol tu phyin pa bskyud par 'gyur ro/ /bcom ldan 'das/ pha rol tu phyin pa bskyud na/ theg pa chen po la mi 'dun par 'gyur ro/ /bcom
422b3 ldan 'das/ byang chub sems dpa' sems dpa' chen po gang theg pa la ma nges pa de ni dam pa'i chos yongs su 'dzin pa la mi 'dun par 'gyur zhing / rang nyam du gnas par
422b4 'gyur te/ bcom ldan 'das/ de ni byis pa so so'i skye bo'i sar mchi ba'i skal ba can du 'gyur te/ bcom ldan 'das/ 'di ni bdag gis nyes dmigs dang / gnod pa chen
422b5 por mthong lags so/ /bcom ldan 'das/ dam pa'i chos yongs su 'dzin pa las ni/ bdag dang ma 'ongs pa'i byang chub sems dpa' rnams kyi phan yon dpag tu ma mchis
422b6 ba'i don yongs su grub par mthong ste/ bcom ldan 'das/ dam pa'i chos yongs su bzung ba'i yid dam bcu pa 'di yang byang chub kyi snying po'i mthar thug gi bar du bdag gis yang
422b7 dag par blang ngo / /bcom ldan 'das/ bdag gi yid dam chen po bcu po 'di dag ni/ bcom ldan 'das kyi spyan sngar blangs pa lags te/ 'di la chos kyi rje nyid bdag gi dpang du
423a1 gyur pa lags so/ /bcom ldan 'das/ ston pa mngon sum du gyur tu lags kyang sems can dge ba'i rtsab chung ngu la la dag /kye ma yid dam chen po bcu po
423a2 'di dag ni/ lcogs par dka'o snyam du bdag la the tshom za'am/ yid gnyis 'tshal ba de dag ni/ bcom ldan 'das de nyid kyis yun ring por gnod pa dang / sdug bsngal ba dang / phung
423a3 bar 'gyur te/ bcom ldan 'das/ de dag nyid la phan gdags pa'i slad du/ bcom ldan 'das kyi spyan sngar bden pa'i byin gyi rlabs 'di bgyi bar 'tshal te/ bcom ldan 'das/
423a4 bdag gis yid dam chen po bcu po gang dag blangs pa'i yid dam chen po bcu po 'di dag la/ bcom ldan 'das/ gal te bdag ji skad smras pa de bzhin du bgyid par 'gyur ba lta na/
423a5 bcom ldan 'das/ bdag gi bden pa'i tshig 'dis 'khor gyi dkyil 'khor 'dir lha'i me tog gi char 'bab par gyur cig /lha'i sgra grag par gyur cig /des kyang bdag gi bden
423a6 pa'i byin gyi rlabs 'di len par gyur cig /lha mo dpal phreng gis tshig de skad ces smras ma thag tu/ de'i tshe lha'i me tog gi char chen po bab nas/ bar snang las lha'i sgra grag par
423a7 gyur te/ des bden pa'i byin gyi rlabs de mnos nas/ lha mo/ de de bzhin no/ /ji ltar khyod kyis bden pa'i byin gyi rlabs byas pa de ni/ de bzhin du 'gyur te gzhan du ma yin no/ /
423b1 zhes byas so/ /de nas rmad du byung ba'i cho 'phrul de yang mthong / lha'i sgras mnos pa de yang thos nas/ thams cad dang ldan pa'i 'khor the tshom med cing mchog tu dga' bar gyur te/ lha mo
423b2 dpal phreng dang mi 'bral zhing 'grogs par smon lam btab bo/ /'khor de thams cad kyang de bzhin du 'bral bar mi 'gyur bar bcom ldan 'das kyis lung bstan to/ /de nas lha mo dpal
423b3 phreng gis bcom ldan 'das kyis spyan sngar smon lam chen po gsum btab bo/ /gsum gang zhe na/ bcom ldan 'das/ bdag gis bden pa'i byin gyi rlabs 'dis sems can dpag tu ma
423b4 mchis pa dag la sman btags pa gang lags pa'i bsod nams bsags pa'i dge ba'i rtsa ba des/ bcom ldan 'das/ bdag tshe rabs thams cad du dam pa'i chos rtogs pa thob par
423b5 gyur cig /bcom ldan 'das/ 'di ni bdag gi smon lam chen po dang po lags so/ /bcom ldan 'das/ bdag gis dam pa'i chos rtogs pa de thob nas kyang ngal ba dang yongs su skyo ba ma
423b6 mchis par sems can rnams la chos ston par gyur cig /bcom ldan 'das/ de ni bdag gi smon lam chen po gnyis pa lags so/ /bcom ldan 'das/ bdag gis dam pa'i chos bstan pa de yang
423b7 lus dang srog la mi lta bar dam pa'i chos bsrung ba dang / dam pa'i chos yongs su gzung bar 'tshal lo/ /bcom ldan 'das/ 'di ni bdag gi smon lam chen po gsum pa lags te/ bcom ldan
424a1 'das/ bdag ni smon lam chen po gsum po de dag 'debs so/ /de nas bcom ldan 'das kyis lha mo dpal phreng gi smon lam chen po yul che ba gsum pa 'di
424a2 dag lung ston pa mdzad de/ lha mo/ 'di lta ste/ dper na/ gzugs su gtogs pa thams cad ni nam mkha'i khams kyi khongs su 'dus shing khongs su gtogs la khongs su chud do/ /lha
424a3 mo| de bzhin du byang chub sems dpa'i smon lam gang+gA'i klung gi bye ma snyed dag kyang smon lam chen po 'di gsum gyi nang du 'dus shing khongs su gtogs la khongs su chud do/ smon lam
424a4 chen po gsum po de dag ni de ltar yul che'o/ /de nas bcom ldan 'das la lha mo dpal phreng gis 'di skad ces gsol to/ /bcom ldan 'das/ 'di la smon lam chen po'i yul
424a5 bstan pa gzhan yang de bzhin gshegs pa'i mthus bdag gis spobs lags so/ /bcom ldan 'das kyis bka' stsal pa/ lha mo/ khyod la de bzhin gshegs pas gnang gi /
424a6 khyod spobs par gyis shig /de nas bcom ldan 'das la lha mo dpal phreng gis 'di skad ces gsol to/ /bcom ldan 'das/ byang chub sems dpa'i smon lam gang+gA'i klung gi bye ma
424a7 snyed gang lags pa de dag thams cad kyang 'di ltar dam pa'i chos yongs su bzung ba'i smon lam chen po gcig gi khongs su 'dus shing khongs su chud de/ bcom ldan 'das/ dam pa'i
424b1 chos yongs su 'dzin pa ni de ltar yul che ba lags so/ /de nas bcom ldan 'das kyis lha mo dpal phreng la legs so zhes bya ba byin te/ legs so/ /legs so/ /lha mo khyod ni shes
424b2 rab zab ste/ thabs kyis yongs su bsgos pa'i shes rab dang ldan no/ /lha mo/ sems can gang dag khyod kyis chos bstan pa'i don rtogs pa de dag ni dkon pa yin te/ yun ring po nas
424b3 sangs rgyas du ma la dge ba'i rtsa ba bskyed bskyed pa yin no/ /lha mo khyod kyis dam pa'i chos yongs su bzung ba bstan pa ji skad bshad pa de bzhin du 'das pa dang / ma 'ongs pa dang / da
424b4 star byung ba'i de bzhin gshegs pa rnams kyis kyang dam pa'i chos yongs su bzung ba bstan pa de nyid bshad do/ /'chad do/ /'chad par 'gyur ro/ /lha mo/ nga yang da ltar mngon par rdzogs
424b5 pa'i byang chub mchog thob nas dam pa'i chos yongs su bzung ba bstan pa rnam pa du mar ston te/ lha mo/ da ltar dam pa'i chos yongs su bzung ba bstan pa ngas rnam pa du mar bshad kyang /
424b6 dam pa'i chos yongs su 'dzin pa'i yon tan rnams kyi mtha'am mu thug pa med do/ /de bzhin gshegs pa'i spobs pa la yang mtha'am mu thug pa med do/ /lha mo/ dam pa'i chos
424b7 yongs su 'dzin pa ni de ltar don che'o/ /lha mo/ dam pa'i chos yongs su 'dzin pa ni de ltar phan yon che'o/ /de nas bcom ldan 'das la lha mo dpal phreng gis 'di skad ces gsol
425a1 to| |bcom ldan 'das/ de bzhin gshegs pa'i mthus don chen po bstan pa gzhan yang bdag gis spobs so/ /bcom ldan 'das kyis bka' stsal
425a2 pa| lha mo/ da de'i dus la bab par shes na khyod spobs par gyis shig /de nas bcom ldan 'das kyis gnang nas bcom ldan 'das la lha mo dpal phreng gis 'di skad ces gsol
425a3 to| |bcom ldan 'das/ dam pa'i chos yongs su 'dzin pa ni/ sangs rgyas kyi chos dpag tu ma mchis pa thams cad yongs su rdzogs par 'gyur ba lags so/ /bcom ldan 'das/
425a4 dam pa'i chos yongs su 'dzin pa ni chos kyi sgo brgyad khri bzhi stong sdud pa lags so/ /bcom ldan 'das/ dper na/ 'chags pa'i dus kyi tshe sprin chen po ni kha dog mtha' yas
425a5 pa'i rgyun dang / rin po che mtha' yas pa'i rgyun dang ldan pa lags so/ /bcom ldan 'das/ de bzhin du dam pa'i chos yongs su 'dzin pa yang bsod nams kyi rnam par smin
425a6 pa'i chab kyi rgyun dpag tu ma mchis pa dang / ye shes rin po che'i rgyun dpag tu ma mchis pa dang ldan pa lags so/ /bcom ldan 'das/ dper na/ 'chags pa'i dus kyi tshe chab kyi
425a7 phung po chen po stong gsum gyi stong chen po'i 'jig rten gyi khams kyi skye gnas de las ni gling bzhi pa bye ba phrag brgya kha dog sna tshogs dang dbyibs sna tshogs pa 'byung zhing / 'khor gyi gling
425b1 phran bye ba brgya phrag brgyad cu rtsa bzhi chab kyi phung po chen po de las 'byung ngo / /bcom ldan 'das/ de bzhin du dam pa'i chos yongs su 'dzin pa theg pa chen po la yang dag par grub pa'i
425b2 'byung khungs dang / skye gnas su gyur pa de las byang chub sems dpa'i rnam par 'phrul pa thams cad dang / chos snang ba'i sgo rnam pa sna tshogs dang / 'jig rten gyi phun sum tshogs pa
425b3 thams cad dang / 'jig rten gyi dbang phyug thams cad dang / 'jig rten las 'das pa'i bde ba lha dang mi rnams kyi sngon ma myong ba gang lags pa thams cad 'byung bar 'gyur ro/ /bcom
425b4 ldan 'das/ dper na/ sa chen po ni khur chen po bzhi'i rten bgyid pa lags te/ bzhi po de dag gang zhe na/ 'di lta ste/ chab kyi phung po chen po rgya mtsho dang / ri mang po thams cad dang / gnas
425b5 pa dang / rtswa dang / shing gel ba dang / sman dang / lo tog dang / nags tshal thams cad dang / sems can gyi tshogs thams cad kyi rten bgyid de/ bcom ldan 'das/ ji ltar sa chen po khur chen po
425b6 bzhi po 'di dag gi rten bgyid pa de bzhin du/ bcom ldan 'das/ rigs kyi bu'am rigs kyi bu mo dam pa'i chos yongs su 'dzin pa ni sa chen po bas kyang ches khur chen po bzhi khyer ba lags
425b7 so| |bzhi gang zhe na/ 'di lta ste/ rigs kyi bu'am/ rigs kyi bu mo sems can dge ba'i bshes gnyen dang bral zhing thos pa dang mi ldan la/ chos can ma lags pa rnams lha dang mi'i phun
426a1 sum tshogs pa 'thob par bgyid pa'i dge ba'i rtsab dag la sbyor ba ni sa chen po bas kyang ches khur chen po khyer ba lags so/ /rigs kyi bu'am rigs kyi bu
426a2 mo sems can kha cig nyan thos kyi theg pa la sbyor bar bgyid pa ni sa chen po bas kyang ches khur chen po khyer ba lags so/ /rigs kyi bu'am rigs kyi bu mo sems can kha cig rang
426a3 sangs rgyas kyi theg pa la sbyor bar bgyid pa ni sa chen po bas kyang ches khur chen po khyer ba lags so/ /rigs kyi bu'am rigs kyi bu mo sems can kha cig theg pa chen po la sbyor bar
426a4 bgyid pa ni sa chen po bas kyang ches khur chen po khyer ba lags te/ bcom ldan 'das/ bzhi po de dag ni khur chen po lags so/ /bcom ldan 'das/ rigs kyi bu'am rigs kyi bu
426a5 mo dam pa'i chos yongs su 'dzin pa ni khur chen po 'di bzhi khyer ba lags te/ sa chen po bas kyang ches rten du gyur pa dang / sa chen po pas kyang ches khur chen po khyer ba dang / khur
426a6 mtha' yas pa khyer ba dang / sems can thams cad kyi gzhi rten du gyur pa dang / byams pa bgyis pa dang / snying rje can dang / sman par 'tshal ba dang / snying brtse ba dang / chos kyi 'jig
426a7 rten gyi ma zhes bgyi ba lags so/ /bcom ldan 'das/ dper na/ sa chen po ni rin po che sna bzhi'i 'byung gnas lags te/ sna bzhi po de dag gang zhe na/ rin po che rin thang ma
426b1 mchis pa dag gi 'byung gnas dang / rin po che rin thang mchis pa dag gi 'byung gnas dang / rin po che de bas chung ba dag gi 'byung gnas dang / rin po che de bas kyang chung ba dag gi 'byung
426b2 gnas lags te/ bcom ldan 'das/ ji ltar sa chen po rin po che sna bzhi po 'di dag gi 'byung gnas su gyur pa de bzhin du/ bcom ldan 'das/ rigs kyi bu'am rigs kyi bu mo dam
426b3 pa'i chos yongs su 'dzin pa la brten nas sems can rnams kyi rin po che'i mchog chen po/ rin po che thams cad kyi mchog dam par gyur pa bzhi'i khe rnyed par 'gyur ro/ /bzhi gang zhe
426b4 na| dge ba'i bshes gnyen rigs kyi bu'am rigs kyi bu mo de la brten nas sems can rnams kyi lha dang mi'i phun sum tshogs pa thob par bgyid pa'i bsod nams kyi tshogs kyi khe
426b5 rnyed par 'gyur ba dang / nyan thos kyi theg par nye bar 'gro ba'i dge ba'i rtsa ba thob par bgyi ba rnyed par 'gyur ba dang / rang sangs rgyas kyi theg par nye bar 'gro ba'i dge ba'i rtsa ba'i tshogs thob
426b6 par bgyi ba rnyed par 'gyur ba dang / yang dag par rdzogs pa'i sangs rgyas su nye bar 'gro ba'i bsod nams kyi tshogs ches mthon po thob par bgyi ba rnyed par 'gyur ba ste/ bcom ldan 'das/
426b7 rigs kyi bu'am rigs kyi bu mo dam pa'i chos yongs su 'dzin pa la brten nas sems can rnams kyis rin po che thams cad kyi mchog ngo mtshar rmad du byung ba'i rin po che chen po bzhi'i
427a1 khe rnyed par 'gyur ro/ /bcom ldan 'das/ gter chen po rin po che mtha' yas pa'i 'byung gnas zhes bgyi ba de ni/ dam pa'i chos yongs su 'dzin pa'i tshig bla
427a2 dwags lags so/ /bcom ldan 'das/ dam pa'i chos yongs su 'dzin pa/ dam pa'i chos yongs su 'dzin pa zhes bgyi ba ni/ bcom ldan 'das/ dam pa'i chos kyang gzhan ma
427a3 lags la/ dam pa'i chos yongs su 'dzin pa po yang gzhan ma lags te/ bcom ldan 'das/ dam pa'i chos yongs su 'dzin pa po nyid dam pa'i chos lags so/ /bcom
427a4 ldan 'das/ pha rol tu phyin pa rnams kyang gzhan ma lags la/ dam pa'i chos yongs su 'dzin pa po yang gzhan ma lags te/ bcom ldan 'das/ dam pa'i chos yongs su
427a5 'dzin pa po nyid pha rol tu phyin pa rnams lags so/ /bcom ldan 'das/ de ci'i slad du zhe na/ rigs kyi bu'am rigs kyi bu mo dam pa'i chos yongs su 'dzin pa ni sems can
427a6 gang sbyin pas yongs su smin par bgyi ba de dag ni sbyin pas yongs su smin par bgyid de/ tha na lus kyi yan lag dang / nying lag yongs su gtong bas kyang yongs su smin par bgyid
427a7 de/ de ltar yongs su smin par bgyis pa rnams dam pa'i chos la gnas par 'gyur ba 'di ni de'i sbyin pa'i pha rol tu phyin pa lags so/ /bcom ldan 'das/ sems can gang
427b1 dag tshul khrims kyis yongs su smin par bgyi ba'i sems can de dag ni/ dbang po drug bsdams pa dang / lus dang / ngag dang / yid kyi las yongs su dag pas
427b2 yongs su smin par bgyid de/ tha na spyod lam gyis kyang de dag gi sems bsrung zhing yongs su smin par bgyid de/ de dag de ltar yongs su smin par bgyis pas dam pa'i chos
427b3 la gnas par 'gyur ba 'di ni de'i tshul khrims kyi pha rol tu phyin pa lags so/ /bcom ldan 'das/ sems can gang dag bzod pas yongs su smin par bgyi ba'i sems
427b4 can de dag la ni/ de dag gis de la spyos/ brgyad de gtses pa bgyis kyang gnod sems ma mchis shing sman par 'tshal ba dang / bzod pa'i stobs dam pa dang ldan pas yongs
427b5 su smin par bgyid de/ tha na bzhin gyi mdangs kyis kyang de dag gi sems bsrung zhing yongs su smin par bgyid de/ de dag yongs su smin par bgyis pas dam pa'i chos la
427b6 gnas par 'gyur ba 'di ni de'i bzod pa'i pha rol tu phyin pa lags so/ /bcom ldan 'das/ sems can gang dag brtson 'grus kyis yongs su smin par bgyi ba'i sems
427b7 can de dag ni sems ma zhum zhing le lo ma mchis pa dang / 'dun pa chen po dang / brtson 'grus rtsom pa mchog dang ldan pas yongs su smin par bgyid de/ tha na rang gi spyod
428a1 lam bsgrims pas kyang de dag gi sems bsrung zhing yongs su smin par bgyid de/ de dag de ltar yongs su smin par bgyis pas dam pa'i chos la
428a2 gnas par 'gyur ba 'di ni de'i brtson 'grus kyi pha rol tu phyin pa lags so/ /bcom ldan 'das/ sems can gang dag bsam gtan gyis yongs su smin par bgyi ba'i sems can
428a3 de dag ni sems mi g.yeng ba dang / yid phyi rol du mi rgyu ba dang / dran pa 'khrul pa ma mchis pa mchog dang ldan pas yongs su smin par bgyid de/ tha na bgyis nas yun ring du lags pa dang /
428a4 smras nas yun ring du lags pa mi bskyud pas kyang de dag gi sems bsrung zhing yongs su smin par bgyid de/ de dag de ltar yongs su smin par bgyis pas dam pa'i chos la gnas
428a5 par 'gyur ba 'di ni de'i bsam gtan gyi pha rol tu phyin pa lags so/ /bcom ldan 'das/ sems can gang dag shes rab kyis yongs su smin par bgyi ba'i sems can de dag
428a6 ni sems can gyi don 'dri ba dag las le lo ma mchis par lung ston pa dang / bstan bcos thams cad dang / rig pa dang bzo'i gnas thams cad kyi mthar phyin pas yongs su
428a7 smin par bgyid de/ tha na bzo gra'i gnas chen po dag tu yang de dag gi sems bsrung zhing yongs su smin par bgyid de/ de dag de ltar yongs su smin par bgyis pas dam pa'i
428b1 chos la gnas par 'gyur ba 'di ni de'i shes rab kyi pha rol tu phyin pa lags so/ /bcom ldan 'das/ de lta lags pas pha rol tu phyin pa rnams kyang gzhan ma lags la/ dam pa'i
428b2 chos yongs su 'dzin pa po yang gzhan ma lags te/ bcom ldan 'das/ dam pa'i chos yongs su 'dzin pa po nyid pha rol tu phyin pa rnams lags so/ /bcom ldan 'das/ 'di la de
428b3 bzhin gshegs pa'i mthus don chen po bstan pa gzhan yang bdag gis spobs so/ /bcom ldan 'das kyis bka' stsal pa/ lha mo/ de bzhin gshegs pas gnang gi khyod kyis spobs
428b4 par gyis shig /de nas bcom ldan 'das la lha mo dpal phreng gis 'di skad ces gsol to/ /bcom ldan 'das/ dam pa'i chos yongs su 'dzin pa po/ dam pa'i chos yongs su 'dzin
428b5 pa po zhes bgyi ba ni/ bcom ldan 'das/ dam pa'i chos yongs su 'dzin pa po yang gzhan ma lags te/ bcom ldan 'das/ dam pa'i chos yongs su 'dzin pa po nyid dam pa'i chos yongs su
428b6 'dzin pa lags so/ /de ci'i slad du zhe na/ bcom ldan 'das/ rigs kyi bu'am rigs kyi bu mo gang dam pa'i chos yongs su 'dzin pa des ni/ bcom ldan 'das/ dam pa'i chos yongs su
428b7 gzung ba'i slad du yan lag gsum yongs su gtong bar 'gyur te/ gsum gang zhe na/ 'di ltar lus dang / srog dang / longs spyod rnams te/ bcom ldan 'das/ rigs kyi bu'am rigs
429a1 kyi bu mo lus yongs su gtong bas ni sangs rgyas kyi sku 'khor ba'i phyi ma'i mtha'i mu dang mnyam pa rga ba dang / na ba dang / 'chi ba dang bral ba/ mi shigs pa/ rtag
429a2 pa| brtan pa/ zhi ba/ ther zug pa/ 'chi 'pho dang bral ba/ mtha' yas pa/ yon tan bsam gyis mi khyab pa dang ldan pa thob par 'gyur ro/ /bcom ldan 'das/ rigs kyi bu'am rigs
429a3 kyi bu mo srog yongs su gtong bas ni sangs rgyas kyi chos rnam par 'phrul par gnas par 'khor ba'i phyi ma'i mtha'i mu dang mnyam pa 'chi 'pho dang bral ba/ mtha' yas pa/ rtag pa/
429a4 yon tan bsam gyis mi khyab pa dang ldan pa thams cad thob par 'gyur ro/ /bcom ldan 'das/ rigs kyi bu'am rigs kyi bu mo longs spyod yongs su gtong bas ni sems can thams
429a5 cad kyis mchod pa 'khor ba'i phyi ma'i mtha'i mu dang mnyam pa/ sems can thams cad dang thun mongs ma lags pa/ bas par mi 'gyur ba/ rnam par rtog pa ma mchis pa/ rtag
429a6 par rgyun mi 'chad cing rtag tu gnas pa/ yon tan bsam gyis mi khyab pa dang ldan pa thob par 'gyur ro/ /bcom ldan 'das/ de ltar rigs kyi bu'am rigs kyi bu mo dam pa'i chos
429a7 yongs su 'dzin pa yan lag gsum po 'di dag yongs su gtong bas ni yon tan shin tu rmad du byung ba gsum po de dag thob par 'gyur te/ sangs rgyas thams cad kyang lung ston par
429b1 mdzad do/ /bcom ldan 'das/ rigs kyi bu'am rigs kyi bu mo gang zhig dam pa'i chos rnam par 'jig pa'i tshe/ dge slong dang / dge slong ma dang / dge bsnyen dang / dge bsnyen ma rnams
429b2 bye zhing gnyis su gyur la/ sde sder chad de/ phyogs phyogs su gyes nas rtsod par gyur pa na/ g.yo ma mchis shing gya gyu ma mchis la/ sgyu ma mchis par chos la dga' zhing dam pa'i
429b3 chos yongs su gzung ba'i slad du chos can gyi phyogs la 'jug par bgyid na/ bcom ldan 'das/ rigs kyi bu'am rigs kyi bu mo de zhugs pa nyid kyis sangs rgyas thams cad las
429b4 lung bstan pa nges par thob par 'gyur ro/ /bcom ldan 'das/ dam pa'i chos yongs su 'dzin pa ni de ltar brtson 'grus chen po lags pa snyam bdag bgyid de/ 'di la bcom ldan
429b5 'das nyid spyan du gyur pa lags te/ ye shes su gyur pa lags/ bcom ldan 'das ni/ chos thams cad kyi rtsa ba lags/ bcom ldan 'das ni/ mnga' bdag lags/ bcom ldan
429b6 'das ni/ ston pa lags so/ /de nas bcom ldan 'das kyis lha mo dpal phreng gis dam pa'i chos yongs su 'dzin pa bstan pa la rjes su yi rang ba mdzad do/ /lha mo/ de de bzhin
429b7 te| lha mo/ dam pa'i chos yongs su 'dzin pa ni brtson 'grus chen po yin no/ /lha mo/ dper na/ mi stobs dang ldan pas gnad du mi grag par bsnun du zin kyang snad par 'gyur
430a1 zhing nad skyed par byed do/ /lha mo/ de bzhin du dam pa'i chos yongs su 'dzin pa ni chung du zin kyang bdud sdig can la gnod par 'gyur zhing mya ngan bskyed
430a2 la| smre sngags 'don par byed do/ /lha mo/ ngas ni bdud sdig can la dam pa'i chos yongs su 'dzin pa ji ltar gnod par 'gyur zhing mya ngan bskyed la/ smre sngags 'don par byed
430a3 pa de ltar gnod par 'gyur ba dang / de ltar mya ngan bskyed pa dang / de ltar smre sngags 'don par byed pa'i dge ba'i chos gzhan gcig kyang ma mthong ngo / /lha mo/ dper na/ ba glang gi
430a4 mchog khyu mchog gis ni/ 'di ltar 'phang mtho ba dang / chu zheng gis ba glang gi tshogs thams cad zil gyis mnan te/ mngon par brjid cing yang dag par mngon par brjid do/ /lha mo/
430a5 de bzhin du theg pa chen po'i dam pa'i chos yongs su 'dzin pa yang chung du zin kyang 'di ltar rgyas pa dang / rgya chen por gyur pas nyan thos dang / rang sangs rgyas kyi theg pa pa
430a6 rnams kyi dge ba'i chos thams cad zil gyis gnon to/ /lha mo/ dper na/ ri'i rgyal po ri rab kyis ni 'di ltar mtho ba dang / rgya che bas ri nag po thams cad zil gyis gnon cing
430a7 mngon par lhag ger 'dug go /lha mo/ de bzhin du theg pa chen po pa'i lus dang srog la mi lta zhing phan gdags pa'i sems dang ldan pa'i dam pa'i chos yongs su 'dzin pa
430b1 yang 'di ltar rgyas pa dang / rgya chen por gyur pas/ theg pa chen po pa theg pa la gsar du zhugs pa lus dang srog la lta ba rnams kyi dge ba'i chos thams cad zil gyis gnon na gzhan dag
430b2 gi lta ci smos te/ lha mo/ de bas na sems can rnams dam pa'i chos yongs su bzung ba nyid yang dag par 'dzin du gzhug par bya/ yang dag par bsten par bya/ yang dag par gzengs bstod
430b3 par bya/ yang dag par rab tu dga' bar bya/ gzud par bya/ dgod par bya'o/ /lha mo/ dam pa'i chos yongs su 'dzin pa ni don che'o/ /de ltar 'bras bu che'o/ /de ltar phan yon che'o/ /lha mo/
430b4 gal te bskal pa grangs med dpag tu med par dam pa'i chos yongs su 'dzin pa'i yon tan dang phan yon ngas bshad du zin kyang / lha mo/ dam pa'i chos yongs su 'dzin pa'i yon tan dang
430b5 phan yon bshad pa de dag gi mtha' ma mur thug par mi 'gyur ro/ /lha mo/ dam pa'i chos yongs su 'dzin pa ni de ltar yon tan mtha' yas pa dang ldan no/ /lha mo/ dam pa'i chos yongs su
430b6 bzung ba sangs rgyas thams cad kyi bzhed pa ngas bstan pa de khyod kyis bshad par spobs par gyis shig /de nas lha mo dpal phreng gis bcom ldan 'das la legs so zhes gsol nas bcom
430b7 ldan 'das kyis bskul ba mnos te/ bcom ldan 'das la 'di skad ces gsol to/ /bcom ldan 'das/ dam pa'i chos zhes bgyi ba de ni theg pa chen po'i tshig bla dwags lags so/ /de ci'i
431a1 slad du zhe na/ bcom ldan 'das/ nyan thos dang / rang sangs rgyas kyi theg pa thams cad dang / 'jig rten pa dang / 'jig rten las 'das pa'i dge ba'i chos thams
431a2 cad ni theg pa chen pos rab tu phye ba'i slad du'o/ /bcom ldan 'das/ 'di lta ste/ dper na/ klung chen po bzhi ni mtsho ma dros pa las 'byung ngo / /bcom ldan 'das/ de bzhin du nyan
431a3 thos dang / rang sangs rgyas kyi thag pa thams cad dang / 'jig rten pa dang / 'jig rten las 'das pa'i dge ba'i chos thams cad kyang theg pa chen po las 'byung ngo / /bcom ldan
431a4 'das/ dper na/ sa bon gyi rnam pa gang ci yang lags pa dag dang / rtswa dang / shing gel pa dang / sman dang / nags tshal de dag thams cad ni sa chen po la brten cing sa chen po la
431a5 gnas te/ skye zhing 'phel la rgyas par 'gyur ro/ /bcom ldan 'das/ de bzhin du nyan thos dang / rang sangs rgyas kyi theg pa gang lags pa dag dang / 'jig rten pa dang / 'jig
431a6 rten las 'das pa'i dge ba'i chos gang lags pa de dag thams cad ni theg pa chen po la brten cing theg pa chen po la gnas te/ skye shing 'phel la rgyas par 'gyur ro/ /bcom ldan 'das/
431a7 de ltar lags pas theg pa chen po la gnas shing theg pa chen po yongs su bzung na nyan thos dang / rang sangs rgyas kyi theg pa thams cad dang / 'jig rten pa dang / 'jig rten las
431b1 'das pa'i dge ba'i chos thams cad kyang brtan cing gnas te yongs su bzung bar 'gyur ro/ /bcom ldan 'das/ 'di lta ste/ dam pa'i chos gnas pa dang / dam pa'i chos nub pa
431b2 dang / so sor thar pa dang / 'dul ba dang / rab tu 'byung ba dang / bsnyen pa rdzogs pa gnas drug po 'di dag dang / bcom ldan 'das kyis bstan cing brtags pa gang lags pa'i gnas
431b3 drug po de dag kyang theg pa chen po'i dgongs pa las byung ba lags so/ /de ci'i slad du zhe na/ bcom ldan 'das/ dam pa'i chos gnas pa zhes bgyi ba'i btags pa 'di ni theg pa
431b4 chen po'i dgongs pa can lags te/ bcom ldan 'das/ theg pa chen po la gnas pa nyid ni dam pa'i chos gnas pa lags so/ /bcom ldan 'das/ dam pa'i chos nub par 'gyur
431b5 ba zhes bgyi ba'i btags pa de ni theg pa chen po'i dgongs pa can lags te/ bcom ldan 'das/ theg pa chen po nub pa nyid ni dam pa'i chos nub pa lags so/ /bcom ldan 'das/ so
431b6 sor thar pa dang / 'dul ba zhes bgyi ba'i chos 'di gnyis ni don gcig ste/ yig 'bru ni tha dad lags so/ /bcom ldan 'das/ 'dul ba zhes bgyi ba 'di ni theg pa chen po pa rnams kyi
431b7 bslab pa lags so/ /de ci'i slad du zhe na/ bcom ldan 'das/ 'di ltar de bzhin gshegs pa nyid kyi slad du rab tu byung ba dang / bsnyen pa rdzogs pa lags pa'i slad du ste/ bcom ldan 'das
432a1 de lta lags pas 'di ltar 'dul ba zhes bgyi ba dang / rab tu byung ba dang / bsnyen pa rdzogs pa zhes bgyi ba'i btags pa 'di ni theg pa chen po'i cho ga'i
432a2 tshul khrims kyi phung po lags so/ /bcom ldan 'das/ nyan thos dang / rang sangs rgyas kyi theg pa la rab tu byung ba dang / bsnyen pa rdzogs pa ma mchis so/ /de ci'i slad du zhe na/
432a3 nyan thos dang / rang sangs rgyas kyi slad du rab tu byung ba dang / bsnyen par rdzogs pa ni ma mchis kyi/ bcom ldan 'das/ de bzhin gshegs pa nyid kyi slad du nyan thos rnams dang /
432a4 rang sangs rgyas rnams rab tu 'byung zhing bsnyen par rdzogs pa lags pa'i slad du'o/ /bcom ldan 'das/ dgra bcom pa rnams dang / rang sangs rgyas rnams kyang de bzhin gshegs
432a5 pa nyid la skyabs su mchi ba lags te/ bcom ldan 'das/ dgra bcom pa rnams dang / rang sangs rgyas rnams kyang 'jigs pa dang bcas pa lags so/ /de ci'i slad du zhe na/ bcom
432a6 ldan 'das/ dgra bcom pa rnams dang / rang sangs rgyas rnams kyang 'du byed thams cad la mi bzad par 'jigs pa'i 'du shes nye bar gnas pa lags pa'i slad du'o/ /bcom
432a7 ldan 'das/ dper na/ bshed mas ral gri gzas pa bzhin te/ bcom ldan 'das/ de lta lags pas de dag kyang nges par 'byung ba shin tu bde ba thob pa ma lags so/ /bcom
432b1 ldan 'das/ de ci'i slad du zhe na/ skyabs su gyur pa ni skyabs gzhan tshol ba ma mchis pa'i slad du'o/ /bcom ldan 'das/ ji ltar sems can skyabs ma mchis pa rnams gang
432b2 dang gang gis 'jigs skrag pa'i 'jigs skrag pa de dang de las 'byung ba tshol ba de bzhin du/ bcom ldan 'das/ dgra bcom pa rnams dang / rang sangs rgyas rnams la yang 'jigs
432b3 pa de mchis te/ 'jigs pa des skrag pas dgra bcom pa rnams dang / rang sangs rgyas rnams kyang / bcom ldan 'das la skyabs su mchi bar khas len pa lags so/ /bcom ldan
432b4 'das/ dgra bcom pa rnams dang / rang sangs rgyas rnams kyang 'jigs pa dang bcas pa lags te/ bcom ldan 'das/ de lta lags pas dgra bcom pa rnams dang / rang sangs
432b5 rgyas rnams kyang skye ba'i chos kyi lhag ma dang bcas pa lags te/ bcom ldan 'das/ de dag gi skye ba bas pa yang ma mchis so/ /bcom ldan 'das/ de dag ni bsten par bgyi ba'i
432b6 lhag ma dang bcas pa lags te/ des na de dag ni dag pa ma lags/ las mthar phyin pa ma lags te/ de dag gi bgyis pa ma lags so/ /de dag gi spang bar bgyi ba'i chos gzhan yang
432b7 mang du mchis te/ de dag ma spangs pas dgra bcom pa rnams dang / rang sangs rgyas rnams kyang mya ngan las 'das pa'i dbyings dang ring ba lags so/ /bcom ldan 'das/ yongs su mya
433a1 ngan las 'das pa zhes bgyi ba 'di ni de bzhin gshegs pa rnams kyi thabs lags te/ de ci'i slad du zhe na/ bcom ldan 'das/ de bzhin gshegs pa
433a2 dgra bcom pa yang dag par rdzogs pa'i sangs rgyas rnams ni mya ngan las 'das pa rnyed pas yon tan thams cad dang ldan pa lags la/ bcom ldan 'das/ dgra bcom pa
433a3 rnams dang / rang sangs rgyas rnams ni yon tan thams cad dang ldan pa ma lags pa'i slad du'o/ /bcom ldan 'das/ yongs su mya ngan las 'das pa zhes bgyi ba 'di ni de
433a4 bzhin gshegs pa rnams kyi thabs lags te/ de ci'i slad du zhe na/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas rnams ni
433a5 mya ngan las 'das pa brnyes pas yon tan bsam gyis mi khyab pa dang ldan pa lags la/ bcom ldan 'das/ dgra bcom pa rnams dang / rang sangs rgyas rnams ni yon tan
433a6 bsam gyis mi khyab pa dang ldan pa ma lags pa'i slad du'o/ /bcom ldan 'das/ yongs su mya ngan las 'das pa zhes bgyi ba 'di ni de bzhin gshegs pa rnams kyi thabs
433a7 lags te/ de ci'i slad du zhe na/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa brnyes pas
433b1 spang bar bgyi ba'i skyon thams cad spangs shing mchog tu yongs su dag pa dang ldan pa lags la/ bcom ldan 'das/ dgra bcom pa rnams dang / rang sangs rgyas rnams ni skyon
433b2 gyi lhag ma rnams dang bcas pa yongs su ma dag pa'i chos can lags pa'i slad du'o/ /bcom ldan 'das/ yongs su mya ngan las 'das pa zhes bgyi ba 'di ni de bzhin gshegs pa
433b3 rnams kyi thabs lags te/ de ci'i slad du zhe na/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas rnams ni mya ngan las 'das pa
433b4 brnyes pa'i slad du ste/ bcom ldan 'das/ de lta lags pas dgra bcom pa rnams dang / rang sangs rgyas rnams kyang mya ngan las 'das pa'i dbyings dang ring ba lags so/ /bcom
433b5 ldan 'das/ dgra bcom pa rnams dang / rang sangs rgyas rnams kyi rnam par grol ba la so sor rtog pa'i ye shes kyi mtha' dbugs phyin pa rjes su dran pa bzhi bo gang lags pa
433b6 de dag kyang / bcom ldan 'das/ dgongs pa can dang / lhag ma dang bcas pa dang / drang ba'i don dang / rnam par phye ste lung bstan par bgyi ba lags so/ /de ci'i slad du zhe na/
433b7 bcom ldan 'das/ 'chi 'pho ni 'di nyid lags te/ gnyis gang zhe na/ rgyun chad pa'i 'chi 'pho ba dang / yongs su bsngos pa bsam gyis mi khyab pa'i 'chi 'pho ba lags so/ /
434a1 bcom ldan 'das/ de la rgyun chad pa'i 'chi 'pho ni nying mtshams sbyor ba dang bcas pa'i sems can rnams kyi lags so/ /bcom ldan 'das/ yongs
434a2 su bsngos pa bsam gyis mi khyab pa'i 'chi 'pho ni dgra bcom pa rnams dang / rang sangs rgyas rnams dang / byang chub sems dpa' sems dpa' chen po dbang thob pa
434a3 dang / yid kyi lus rnams lags te/ byang chub kyi snying po la thug gi bar du lags so/ /bcom ldan 'das/ de la 'chi 'pho 'di gnyis las rgyun chad pa'i 'chi 'pho'i
434a4 dbang du bgyis te/ bdag gi skye ba zad do snyam du dgra bcom pa rnams dang / rang sangs rgyas rnams kyi shes pa 'byung lags so/ /bcom ldan 'das/ de ltar lhag ma
434a5 dang bcas pa'i 'bras bu mngon sum du bgyis pa la brten nas bdag gis tshangs par spyad pa bsten to snyam du dgra bcom pa rnams dang / rang sangs rgyas rnams kyi
434a6 shes pa 'byung lags so/ /byis pa so so'i skye bo dang / lha dang mi bgyi ba dang bcas pa thams cad dang / slob pa bdun po dag gis nying mtshams sbyor ba dang bcas
434a7 pa'i nyon mongs pa rnams spang ba sngon ma bgyis pa de spangs pa la brten nas bya ba byas so snyam du dgra bcom pa rnams dang / rang sangs rgyas rnams kyi shes pa 'byung
434b1 lags so/ /bcom ldan 'das/ 'di lta bu nyid las gzhan mi shes so zhes bgyi ba ni dgra bcom pas spang bar bgyi ba'i nyon mongs pa rnams dang yang srid par nying mtshams
434b2 sbyor ba'i dbang du bgyis nas/ 'di lta bu nyid las gzhan mi shes so snyam du dgra bcom pa rnams dang / rang sangs rgyas rnams kyi shes pa 'byung lags so/ /bcom ldan
434b3 'das/ 'di lta bu nyid las gzhan du mi shes so snyam pa'i shes pa de yang nyon mongs pa thams cad spangs pa yang ma lags/ skye ba thams cad yongs su 'tshal ba las
434b4 byung ba yang ma lags so/ /de ci'i slad du zhe na/ bcom ldan 'das/ dgra bcom pa rnams dang / rang sangs rgyas rnams la yang nyon mongs pa rnams ma spangs pa dang / skye
434b5 ba'i nyon mongs pa rnams yongs su ma 'tshal ba yang ma mchis pa'i slad du'o/ /bcom ldan 'das/ nyon mongs pa dag ni rnam pa gnyis te/ gnas kyi sa'i nyon mongs pa
434b6 rnams dang / kun nas ldang ba'i nyon mongs pa rnams so/ /bcom ldan 'das/ gnas kyi sa yang rnam pa bzhi ste/ bzhi gang zhe na/ 'di ltar lta ba gcig la gnas pa'i
434b7 gnas kyi sa dang / 'dod pa'i 'dod chags la gnas pa'i gnas kyi sa dang / gzugs kyi 'dod chags la gnas pa'i gnas kyi sa dang / srid pa'i 'dod chags la gnas pa'i
435a1 gnas kyi sa ste/ bcom ldan 'das/ gnas kyi sa bzhi po de dag gis nyon mongs pa kun nas ldang ba thams cad bskyed lags so/ /bcom ldan
435a2 'das/ de dag kyang skad cig pa ste/ sems kyi skad cig pa dang mtshungs par ldan pa lags so/ /bcom ldan 'das/ ma rig pa'i gnas kyis thog ma ma mchis pa'i dus
435a3 nas mchis pa ni sems dang mi ldan pa lags so/ /bcom ldan 'das/ gnas kyi sa bzhi po de dag gi nang na stobs che ba gang lags pa de ni nye ba'i nyon mongs pa thams
435a4 cad kyi gzhir gyur pa/ ma rig pa'i gnas kyi sa stobs che ba'i grangs sam/ cha'am/ bgrang ba'am/ dpe'am/ rgyur yang mi bzod lags so/ /bcom ldan 'das/ de ltar
435a5 na ma rig pa'i gnas kyi sa ni stobs che ba lags te/ srid pa'i 'dod chags la gnas pa'i sa zhes kyang bgyi'o/ /bcom ldan 'das/ dper na/ bdud sdig can ni gzhan
435a6 'phrul dbang byed kyi lha'i nang du gtogs kyang 'di ltar gzugs dang / kha dog dang / gzi brjid dang / stobs dang / 'khor dang / dbang phyug gis gzhan 'phrul dbang byed kyi
435a7 lha rnams zil gyis gnon to/ /bcom ldan 'das/ de bzhin du ma rig pa'i gnas kyis srid pa'i 'dod chags la gnas pa'i gnas kyi sa zhes bgyi bas kyang gnas
435b1 kyi sa bzhi po 'di dag zil gyis gnon te/ nye ba'i nyon mongs pa gang+ga'i klung gi bye ma las 'das pa snyed kyi rten du gyur pa dang / nyon mongs pa bzhi dang yang yun ring po nas lhan cig
435b2 gnas pa dang / nyan thos dang / rang sangs rgyas kyi shes pas mi rdzi ba dang / de bzhin gshegs pa'i byang chub kyi ye shes kyis gzhom par bgyi ba lags te/ bcom ldan 'das/
435b3 ma rig pa'i gnas kyi sa ni stobs che ba lags so// //bam po gnyis pa ste tha ma'o/ /bcom ldan 'das/ dper na/ len pa'i rkyen gyis zag pa dang bcas pa'i las kyi
435b4 rgyu las byung ba'i srid pa gsum 'byung ba de bzhin du/ bcom ldan 'das/ ma rig pa'i gnas kyi sa'i rkyen gyis zag pa ma mchis pa'i las kyi rgyu las byung ba'i dgra bcom pa
435b5 rnams dang / rang sangs rgyas rnams dang / byang chub sems dpa' dbang thob pa rnams kyi yid kyi lus gsum 'byung ste/ bcom ldan 'das/ ma rig pa'i gnas kyi sa ni sa
435b6 gsum po 'di dag tu yid kyi lus gsum po 'di dag 'byung ba dang / zag pa ma mchis pa'i las mngon par bsgrub pa'i rten lags so/ /bcom ldan 'das/ rkyen mchis na
435b7 rkyen 'byung ste/ de lta lags pas ma rig pa'i gnas kyi sa ni yid kyi lus gsum po rnams dang / zag pa ma mchis pa'i las kyi rkyen lags pa'i slad du srid pa'i 'dod chags
436a1 la gnas pa'i gnas kyi sa dang mi 'dra ba lags so/ /de ltar lags kyang srid pa'i 'dod chags la gnas pa'i gnas kyi sa dang lus thun mong pa
436a2 ni ma lags te/ bcom ldan 'das/ ma rig pa'i gnas kyi sa ni gnas kyi sa bzhi po de dag las tha dad pa kho na lags te/ yongs su grol ba'i sa dang / sangs rgyas
436a3 kyi sas spang bar bgyi ba dang / de bzhin gshegs pa'i byang chub kyi ye shes kyis gzhom par bgyi ba lags so/ /de ci'i slad du zhe na/ bcom ldan 'das/ dgra bcom
436a4 pa rnams dang / rang sangs rgyas rnams kyis ni gnas kyi sa gzhi spangs kyang zag pa zad pa la dbang ba'i stobs kyang mi thob mngon sum du yang mi bgyid do/ /bcom
436a5 ldan 'das/ zag pa zad pa zhes bgyi ba 'di ni ma rig pa'i gnas kyi sa'i tshig bla dwags lags so/ /bcom ldan 'das/ de lta lags pas dgra bcom pa rnams
436a6 dang / rang sangs rgyas rnams dang / srid pa tha ma par gtogs pa'i byang chub sems dpa' rnams kyang ma rig pa'i gnas kyi sas bsgribs shing chod la yongs su
436a7 dkris te ldongs par bgyis pas/ chos de dang de dag rab tu ma 'tshal cing mi rtogs so/ /bcom ldan 'das/ chos de dang de dag ma 'tshal cing ma mthong bas spang bar
436b1 bgyi ba'i chos de dang de dag mi spong zhing byang bar mi bgyid do/ /bcom ldan 'das/ spang bar bgyi ba'i chos de dag ma spangs shing byang bar ma bgyis pas/ bcom ldan 'das/ de
436b2 dag skyon las rnam par grol ba lhag ma dang bcas pa lags kyi/ skyon thams cad las rnam par grol ba ni ma lags so/ /bcom ldan 'das/ de dag ni rnam par dag pa
436b3 lhag ma dang bcas pa'i chos can lags kyi/ thams cad rnam par dag pa'i chos can ni ma lags so/ /bcom ldan 'das/ de dag ni lhag ma dang bcas pa'i yon tan dang
436b4 ldan pa lags kyi/ yon tan thams cad dang ldan pa ni ma lags so/ /bcom ldan 'das/ gang dag skyon las rnam par grol ba lhag ma dang bcas pa lags kyi/ skyon thams cad las
436b5 rnam par grol ba ni ma lags pa dang / rnam par dag pa lhag ma dang bcas pa'i chos can lags kyi/ thams cad rnam par dag pa'i chos can ni ma lags pa dang / lhag ma dang bcas
436b6 pa'i yon tan dang ldan pa lags kyi/ yon tan thams cad dang ldan pa ni ma lags pa de dag ni/ bcom ldan 'das/ sdug bsngal yongs su 'tshal ba lhag ma dang bcas pa lags
436b7 so/ /kun 'byung ba spangs pa lhag ma dang bcas pa lags so/ /sdug bsngal 'gog pa mngon sum du bgyis pa lhag ma dang bcas pa lags so/ /sdug bsngal 'gog par 'gro
437a1 ba'i lam bsgoms pa lhag ma dang bcas pa lags so/ /bcom ldan 'das/ gang dag sdug bsngal yongs su 'tshal ba lhag ma dang bcas pa dang /
437a2 sdug bsngal kun 'byung ba spangs pa lhag ma dang bcas pa dang / sdug bsngal 'gog pa mngon sum du bgyis pa lhag ma dang bcas pa dang / sdug bsngal 'gog par 'gro ba'i lam
437a3 bsgoms pa lhag ma dang bcas pa de dag ni/ bcom ldan 'das/ de'i yan lag gi mya ngan las 'das pa dang / de'i yan lag gi mya ngan las 'das pa thob pa lags so/ /bcom
437a4 ldan 'das/ de dag ni mya ngan las 'das pa'i dbyings su zhugs pa zhes bgyi'o/ /bcom ldan 'das/ gang dag sdug bsngal thams cad yongs su 'tshal ba dang / sdug bsngal
437a5 kun 'byung ba thams cad spangs pa dang / sdug bsngal 'gog pa thams cad mngon sum du bgyis pa dang / sdug bsngal 'gog par 'gro ba'i lam thams cad bsgoms pa gang
437a6 lags pa de dag ni/ bcom ldan 'das/ mi rtag pas bcom zhing rtag tu na ba'i 'jig rten du rtag pa dang / zhi ba dang / bsil ba'i dngos po'i mya ngan las 'das pa thob ste/
437a7 bcom ldan 'das/ de dag ni skyob pa ma mchis pa dang / skyabs ma mchis pa'i 'jig rten na 'jig rten gyi skyob pa dang skyabs lags so/ /de ci'i slad du zhe na/ bcom ldan 'das/
437b1 bzang ngan du 'byed pa'i chos can dag ni mya ngan las 'das pa thob pa ma lags kyi/ bcom ldan 'das/ ye shes mnyam pa dag gis mya ngan las 'das pa thob/ bcom ldan 'das/
437b2 rnam par grol ba mnyam pa dag gis mya ngan las 'das pa thob/ bcom ldan 'das/ rnam par dag pa'i ye shes gzigs pa mnyam pa dag gis mya ngan las 'das pa thob pa'i
437b3 slad du'o/ /bcom ldan 'das/ de lta lags pas mya ngan las 'das pa'i dbyings ni ro gcig ste/ 'di ltar rig pa dang rnam par grol ba'i ror ro mtshungs pa lags so/ /bcom ldan
437b4 'das/ gang la la dag ma rig pa'i gnas kyi sa ma spangs shing byang bar ma bgyis pa de dag ni/ bcom ldan 'das/ mya ngan las 'das pa'i dbyings su ro gcig pa ma lags
437b5 te| 'di ltar rig pa dang rnam par grol bar ro mtshungs pa ma lags so/ /de ci'i slad du zhe na/ bcom ldan 'das/ ma rig pa'i gnas kyi sa ma spangs shing ma sbyangs pa ni spang
437b6 bar bgyi ba'i chos gang+gA'i klung gi bye ma las 'das pa snyed ma spangs shing ma sbyangs pa'i slad du ste/ bcom ldan 'das/ spang bar bgyi ba'i chos gang+gA'i klung gi bye ma las 'das
437b7 pa snyed de dag ma spangs shing ma sbyangs pas chos gang+gA'i klung gi bye ma las 'das pa snyed ma thob cing / mngon sum du ma bgyis par gyur pa'i slad du'o/ /bcom ldan 'das/ de
438a1 lta lags pas ma rig pa'i gnas kyi sa ni bsgom pas spang bar bgyi ba'i nyon mongs pa dang / nye ba'i nyon mongs pa thams cad 'byung ba'i 'byung gnas lags
438a2 te| bcom ldan 'das/ de las ni sems kyi nye ba'i nyon mongs pa dang / zhi gnas kyi nye ba'i nyon mongs pa dang / lhag mthong gi nye ba'i nyon mongs pa dang / bsam gtan gyi nye ba'i nyon
438a3 mongs pa dang / ting nge 'dzin gyi nye ba'i nyon mongs pa dang / snyoms par 'jug pa'i nye ba'i nyon mongs pa dang / rnal 'byor gyi nye ba'i nyon mongs pa dang / shes pa'i nye ba'i nyon mongs pa
438a4 dang / 'bras bu'i nye ba'i nyon mongs pa dang / rtogs pa'i nye ba'i nyon mongs pa dang / stobs kyi nye ba'i nyon mongs pa dang / mi 'jigs pa'i nye ba'i nyon mongs pa yang 'byung lags so/ /
438a5 bcom ldan 'das/ nye ba'i nyon mongs pa gang+gA'i klung gi bye ma las 'das pa snyed de bzhin gshegs pa'i byang chub kyi ye shes kyis gzhom par bgyi ba de dag thams cad kyang ma rig
438a6 pa'i gnas kyi sa las 'byung lags so/ /bcom ldan 'das/ ma rig pa'i gnas kyi sa ni nye ba'i nyon mongs pa dang / kun nas ldang ba thams cad kyi rgyu dang / gzhi dang rkyen lags so/ /
438a7 bcom ldan 'das/ kun nas ldang ba gang lags pa de dag ni skad cig pa ste/ sems kyi skad cig pa dang mtshungs par ldan pa lags so/ /bcom ldan 'das/ ma rig pa'i gnas
438b1 kyi sa thog ma ma mchis pa'i dus nas mchis pa ni sems dang mi ldan pa lags so/ /bcom ldan 'das/ spang bar bgyi ba'i chos gang+gA'i klung gi bye ma las 'das pa snyad gang dag de bzhin gshegs
438b2 pa'i byang chub kyi ye shes kyis gzhom zhing spang bar bgyi ba'i chos de dag thams cad kyi gzhi dang rten ni 'di ltar ma rig pa'i gnas kyi sa lags so/ /bcom ldan 'das/ dper na/ sa
438b3 bon gyi rnam pa gang ci lags pa dag dang / rtswa dang / shing gel pa dang / sman dang / nags tshal de dag thams cad ni/ bcom ldan 'das/ sa la brten cing sa la gnas te skye zhing 'phel
438b4 la rgyas par 'gyur lags so/ /bcom ldan 'das/ sa chen po tshig cing zhig la mi gda' bar gyur te ma mchis par gyur na ni/ sa bon gyi rnam pa gang ci lags pa dag dang / rtswa dang /
438b5 shing gel pa dang / sman dang / nags tshal de dag thams cad kyang tshig cing zhig la mi gda' bar 'gyur zhing ma mchis par 'gyur lags so/ /bcom ldan 'das/ de bzhin du spang bar
438b6 bgyi ba'i chos gang+gA'i klung gi bye ma las 'das pa snyed de bzhin gshegs pa'i byang chub kyi ye shes kyis gzhom par bgyi ba de dag thams cad kyang / ma rig pa'i gnas kyi sa la brten
438b7 cing ma rig pa'i gnas kyi sa la gnas te skye zhing 'phel la rgyas par 'gyur lags so/ /bcom ldan 'das ma rig pa'i gnas kyi sa spangs shing sbyangs te ma mchis par gyur na ni
439a1 spang bar bgyi ba'i chos gang+gA'i klung gi bye ma las 'das pa snyed gang dag de bzhin gshegs pa'i byang chub kyi ye shes kyis gzhom par bgyi ba de dag thams cad
439a2 spangs shing sbyangs te ma mchis par 'gyur lags so/ /bcom ldan 'das/ nyon mongs pa dang / nye ba'i nyon mongs pa de dag thams cad spangs shing sangs rgyas kyi chos bsam gyis
439a3 mi khyab pa gang+gA'i klung gi bye ma las 'das pa snyed brnyes pas de bzhin gshegs pa rnams kyis chos thams cad la sgrib pa ma mchis pa'i mngon par mkhyen pa brnyes te/ thams
439a4 cad mkhyen pa dang / thams cad gzigs pa dang / skyon thams cad spangs pa dang / yon tan thams cad dang ldan pa dang / chos kyi rgyal po chos kyi dbang phyug chos thams cad la
439a5 mnga' bsgyur ba'i sar gshegs nas nga'i skye ba zad do/ /tshangs par spyad pa bstan to/ /bya ba byas so/ /'di lta bu nyid las gzhan mi shes so zhes seng ge'i sgra sgrogs par mdzad do//
439a6 bcom ldan 'das/ de lta lags pas de bzhin gshegs pa rnams kyi seng+ge'i sgra 'di ni nges pa'i don lags te/ don 'di ni mgo gcig tu lung bstan par bgyi ba yang lags
439a7 so| |bcom ldan 'das/ 'di lta bu nyid las gzhan mi shes so zhes bgyi ba'i ye shes la yang rnam pa gnyis te/ bcom ldan 'das/ de bzhin gshegs pas sangs rgyas
439b1 kyi rnam par rgyal ba bla na ma mchis pa'i bdud bzhi bcom ste/ pham par mdzad nas chos kyi sku 'jig rten thams cad las mngon par 'phags pa sems can thams cad kyis
439b2 lta bar bgyi ba bsam gyis mi khyab pa brnyes te/ shes bya'i sa thams cad la thogs pa ma mchis pa'i chos kyi dbang phyug mdzad pa na/ 'di las lhag par bya ba'am rtogs par
439b3 bya ba'i sa med do zhes yang dag par gzigs te/ stobs bcu po dag gi stobs dang ldan zhing / mi 'jigs pa'i sa bla na med pa'i mchog tu yang dag par gshegs te/ shes bya
439b4 thams cad la bsgrib pa mi mnga' ba'i ye shes kyis rnam par gzigs nas 'di lta bu nyid las gzhan mi shes so zhes bgyi ba'i ye shes kyis seng+ge'i sgra sgrogs par mdzad do/ /bcom
439b5 ldan 'das/ dgra bcom pa dang / rang sangs rgyas 'khor ba'i 'jigs pa las brgal ba de ma thag tu rnam par grol ba dag gis bde ba nyams su myong ba rnams ni 'di ltar
439b6 bdag ni 'khor ba'i 'jigs pa rnams las yongs su grol gyi/ bdag gis ni phyin chad 'khor ba'i sdug bsngal myong bar mi 'gyur ro snyam du yang dag par mthong ste/ bcom
439b7 ldan 'das/ dgra bcom pa rnams dang / rang sangs rgyas rnams 'di lta bu nyid las gzhan mi shes so zhes bgyi bar rtogs nas dbugs phyin pa'i mchog mya ngan las 'das
440a1 pa'i sa la so sor rtog go /bcom ldan 'das/ de dag gis rtogs nas kyang sa de la rmongs pa ma mchis pa'i chos can du 'gyur te/ bcom ldan 'das/ de dag
440a2 gis kyang gzhan gyi dring mi 'jog par bdag gis ni 'di ltar lhag ma dang bcas pa'i sa thob ste/ bdag bla na med pa yang dag par rdzogs pa'i byang chub tu nges par gyur to snyam du 'tshal
440a3 lo| |de ci'i slad du zhe na/ bcom ldan 'das/ nyan thos dang / rang sangs rgyas kyi theg pa rnams ni theg pa chen po la yang dag par 'du ba'i slad du ste/ bcom ldan 'das/ theg pa
440a4 chen po zhes bgyi ba de ni sangs rgyas kyi theg pa'i tshig bla dwags so/ /bcom ldan 'das/ de ltar na theg pa gsum po 'di dag ni theg pa gcig kho na'i grangs su mchi'o/ /bcom ldan
440a5 'das/ theg pa gcig rtogs pas bla na med pa yang dag par rdzogs pa'i byang chub rtogs par 'gyur ro/ /bcom ldan 'das/ bla na med pa yang dag par rdzogs pa'i byang chub ces bgyi
440a6 ba de ni mya ngan las 'das pa'i dbyings kyi tshig bla dwags so/ /bcom ldan 'das/ mya ngan las 'das pa'i dbyings zhes bgyi ba de ni de bzhin gshegs pa'i chos kyi sku'i tshig bla dwags
440a7 lags so/ /bcom ldan 'das/ chos kyi sku rtogs pa'i mtha' ni theg pa gcig pa lags te/ bcom ldan 'das/ de bzhin gshegs pa yang gzhan ma lags/ chos kyi sku yang gzhan
440b1 ma lags kyi/ bcom ldan 'das/ de bzhin gshegs pa nyid chos kyi sku lags so/ /bcom ldan 'das/ chos kyi sku rtogs pa'i mtha' ni theg pa gcig gi mtha' lags so/ /bcom ldan
440b2 'das/ theg pa gcig gi mtha' zhes bgyi ba de ni theg pa gcig gi mthar sbyar ba'i tshig bla dwags lags so/ /de ci'i slad du zhe na/ bcom ldan 'das/ de bzhin gshegs pa rnams ni dus
440b3 kyi mtha' mchis pa la gnas pa ma lags te/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas rnams ni phyi ma'i mtha'i mur thug par
440b4 gnas pa'i slad du'o/ /bcom ldan 'das/ de bzhin gshegs pa rnams ni 'jig rten la sman pa'i slad du dus kyi mtha' mchis pa'i thugs rje can dang / dus kyi mtha' mchis pa'i thugs dam
440b5 mnga' ba ma lags te/ kye 'jig rten la phan pa'i phyir dus kyi mtha' med par snying rje dang ldan pa dang / dus kyi mtha' med par yi dam bcas pa'i sems can a la la zhes mchi ba dag
440b6 ni| bcom ldan 'das/ de bzhin gshegs pa nyid la yang dag par smra bas smra ba lags so/ /kye 'jig rten la phan pa'i phyir chos mi zad pa dang / chos rtag pa dang / chos brtan pa dang /
440b7 skyabs kyi sems can a la la zhes mchi ba dag kyang de bzhin gshegs pa nyid la yang dag par smra bas smra ba lags so/ /bcom ldan 'das/ de lta lags pas 'di ltar de bzhin
441a1 gshegs pa dgra bcom pa yang dag par rdzogs pa'i sangs rgyas rnams ni skyabs ma mchis pa dang / skyob pa ma mchis pa'i 'jig rten na phyi ma'i mthar
441a2 thug par skyabs mi zad pa dang / skyabs rtag pa dang / skyabs brtan pa lags so/ /bcom ldan 'das/ chos zhes bgyi ba de ni theg pa gcig gi lam bstan pa'i tshig bla dwags lags
441a3 so| |bcom ldan 'das/ dge 'dun zhes bgyi ba de ni theg pa gsum pa'i tshogs kyi tshig bla dwags lags so/ /bcom ldan 'das/ skyabs 'di gnyis ni de'i yan lag gi
441a4 skyabs zhes bgyi ste/ skyabs kyi rab ma lags so/ /de ci'i slad du zhe na/ bcom ldan 'das/ theg pa gcig gi lam bstan pa'i chos kyang chos kyi sku rtogs pa'i mtha' lags te/
441a5 bcom ldan 'das/ de'i pha rol na theg pa gcig gi lam bstan pa'i chos kyis ni bgyi ba ci yang ma mchis so/ /bcom ldan 'das/ theg pa gsum pa'i tshogs kyang 'jigs pa
441a6 dang bcas pas de bzhin gshegs pa la skyabs su mchi ba dang / 'byung ba'i thabs tshol ba dang / slob pa dang / bgyi ba dang bcas pa dang / bla na med pa yang dag par rdzogs
441a7 pa'i byang chub la zhugs pa lags so/ /bcom ldan 'das/ de ltar na skyabs 'di gnyis ni skyabs kyi rab ma lags te/ dus kyi mtha' mchis pa'i skyabs lags so/ /bcom
441b1 ldan 'das/ sems can gang dag de bzhin gshegs pas btul ba de dag ni de bzhin gshegs pa la skyabs su mchi ba na/ chos nyid kyi rgyu mthun pa la mngon par dad pas
441b2 chos dang dge slong gi dge 'dun la yang skyabs su mchi ste/ bcom ldan 'das/ chos nyid kyi rgyu mthun pa la mngon par dad pas skyabs su mchi ba ni gnyis la skyabs su mchi bar bgyi
441b3 ba lags so/ /bcom ldan 'das/ de bzhin gshegs pa la skyabs su mchi ba ni chos nyid kyi rgyu mthun pa la mngon par dad pas mchi bar bgyi ba ma lags te/ bcom ldan 'das/
441b4 de bzhin gshegs pa la skyabs su mchi ba ni skyabs su mchi ba yang dag pa lags so/ /bcom ldan 'das/ skyabs su mchi ba gnyis kyang yang dag par na de bzhin gshegs pa
441b5 la skyabs su mchi zhes bgyi ba'i mtha' lags par khong du chud par bgyi'o/ /de ci'i slad du zhe na/ bcom ldan 'das/ de bzhin gshegs pa yang gzhan ma lags/ skyabs gnyis
441b6 po yang gzhan ma lags te/ bcom ldan 'das/ de bzhin gshegs pa nyid skyabs gsum lags so/ /de ci'i slad du zhe na/ bcom ldan 'das/ theg pa gcig gi lam bstan pa'i
441b7 chos 'di yang de bzhin gshegs pa khyu mchog gi gsung dang / de bzhin gshegs pa seng ge'i sgra so sor yang dag par rig pa bzhi dang ldan pa lags pa'i slad du'o/ /bcom ldan
442a1 'das/ mos pa ji lta ba dag la de bzhin gshegs pas theg pa gnyis po thabs kyi bsgrub pas bsgrubs pa de dag kyang / theg pa chen po bdag nyid kyi slad du
442a2 lags so/ /bcom ldan 'das/ theg pa 'di gnyis kyi ming ni ma mchis te/ bcom ldan 'das/ yang dag par na 'di la theg pa gcig po ni theg pa yang dag pa lags te/ theg
442a3 pa gsum yang dag par 'du'o/ /bcom ldan 'das/ nyan thos dang / rang sangs rgyas rnams kyi 'phags pa'i bden pa thog mar mngon par rtogs pa'i shes pa gcig pus ni
442a4 gnas kyi sa de snyed cig spong bar 'gyur ro/ /bcom ldan 'das/ shes pa de gcig pus yongs su 'tshal ba la sogs pa'i yon tan bzhi po rnams mngon sum du bgyid par
442a5 'gyur zhing / don bzhi po bdag nyid chos nyid kyis shin tu so sor rtogs par 'gyur ro/ /bcom ldan 'das/ 'jig rten las 'das pa'i shes pa la shes pa bzhi 'pho ba dang /
442a6 dmigs pa bzhi 'pho ba ma mchis te/ bcom ldan 'das/ 'jig rten las 'das pa shes pa rdo rje lta bu ni mi 'pho ba'i chos can lags so/ /bcom ldan 'das/ de ltar 'di
442a7 la nyan thos dang / rang sangs rgyas thams cad kyi gnas kyi sa spong ba'i 'phags pa'i bden pa shes pa dang po ni yang dag pa'i shes pa lags te/ bcom ldan 'das/ de
442b1 dag la 'phags pa'i bden pa shes pa rnam pa gnyis kyi sa gnas kyi sa spong ba ni ma mchis so/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs
442b2 rgyas rnams ni nyan thos dang / rang sangs rgyas thams cad kyi spyod yul ma lags pa dang / bsam gyis mi khyab pa dang / stong pa nyid kyi ye shes kyi nyon mongs pa thams cad kyi sbubs spong lags
442b3 so| |bcom ldan 'das/ nyon mongs pa'i sbubs thams cad 'byed pa'i mthar phyin pa'i ye shes gang lags pa de ni yang dag pa'i ye shes zhes bgyi'o/ /bcom ldan 'das/ 'phags pa'i
442b4 bden pa 'tshal ba dang po ni mthar phyin pa'i shes pa ma lags te/ bla na med pa yang dag par rdzogs pa'i byang chub tu zhugs pa'i shes pa lags so/ /bcom ldan 'das/ 'phags pa'i don de
442b5 ni nyan thos dang / rang sangs rgyas thams cad kyi tshig bla dwags ma lags so/ /bcom ldan 'das/ nyan thos dang / rang sangs rgyas rnams ni yon tan tshad mchis pa lags te/ bcom
442b6 ldan 'das/ de'i yan lag gi yon tan dang ldan pa'i slad du nyan thos dang / rang sangs rgyas rnams la 'phags pa zhes bgyi'o/ /bcom ldan 'das/ 'phags pa'i bden pa rnams zhes
442b7 bgyi ba de dag ni nyan thos dang / rang sangs rgyas rnams kyi bden pa ma lags/ nyan thos dang sangs rgyas rnams kyi yon tan ma lags te/ bden pa 'di dag ni de bzhin gshegs pa
443a1 dgra bcom pa yang dag par rdzogs pa'i sangs rgyas rnams kyis thog mar mngon par rdzogs par sangs rgyas shing mngon par mkhyen la/ so sor rtogs nas
443a2 mngon par mkhyen pa'i 'og tu de bzhin gshegs pa rnams kyi ma rig pa'i sgo nga'i sbubs su bcug pa'i 'jig rten la bstan cing btags te/ de'i slad du 'phags pa'i bden pa rnams
443a3 zhes bgyi'o/ /bcom ldan 'das/ 'phags pa'i bden pa'i don bshad pa ni zab cing phra la brtag par dka' ste/ khong du chud par dka' zhing brtag mi nus la/ rtog ge'i spyod pa
443a4 ma lags te/ mkhas shing mdzangs pas rig pa dang / 'jig rten thams cad dang mi mthun pa lags so/ /de ci'i slad du zhe na/ bcom ldan 'das/ zab mo bstan pa bshad pa
443a5 'di ni de bzhin gshegs pa'i snying po lags pa'i slad du ste/ bcom ldan 'das/ de bzhin gshegs pa'i snying po ni de bzhin gshegs pa'i spyod yul lags te/ nyan thos dang
443a6 rang sangs rgyas thams cad kyi spyod yul ma lags so/ /bcom ldan 'das/ de bzhin gshegs pa'i snying po ni 'phags pa'i bden pa'i don bshad pa 'di'i gnas lags so/ /bcom
443a7 ldan 'das/ de bzhin gshegs pa'i snying po'i gnas zab pas na 'phags pa'i bden pa'i don yang zab cing phra la brtag par dka' ste/ rtogs par dka' zhing brtag mi nus la/ rtog
443b1 ge'i spyod yul pa ma lags te/ mkhas shing mdzangs pas rig pa dang / 'jig rten thams cad dang mi mthun pa zhes bgyi'o/ /bcom ldan 'das/ gang nyon mongs pa thams cad kyi sbubs
443b2 kyi mthas dkris pa de bzhin gshegs pa'i snying po la the tshom ma mchis pa de ni nyon mongs pa thams cad kyi sbubs nas rnam par grol ba'i de bzhin gshegs pa'i chos kyi sku la yang
443b3 the tshom ma mchis pa lags so/ /bcom ldan 'das/ gang gi yid de bzhin gshegs pa'i snying po dang / de bzhin gshegs pa'i chos kyi sku dang / sangs rgyas kyi yul bsam gyis mi
443b4 khyab pa'i dgongs pa'i mthar phyin pa de ni/ bcom ldan 'das/ 'phags pa'i bden pa'i don bshad pa rnam pa 'di gnyis la yid ches shing dad de mos pa lags so/ /bcom ldan
443b5 'das/ de ltar na 'phags pa'i bden pa'i don bshad pa rnam pa gnyis ni rig par dka' zhing rtogs par dka' ba lags so/ /bcom ldan 'das/ 'phags pa'i bden
443b6 pa'i don bshad pa rnam pa gnyis gang zhe na/ 'phags pa'i bden pa'i don bshad pa bgyi ba mchis pa dang / bgyi ba ma mchis pa lags so/ /bcom ldan 'das/ de la
443b7 'phags pa'i bden pa'i don bshad pa bgyi ba mchis pa ni/ 'phags pa'i bden pa bzhis bstan pa dang / btags pa tshad ma mchis pa lags so/ /de ci'i slad du zhe na/
444a1 bcom ldan 'das/ gzhan gyis bgyid du stsal kyang sdug bsngal thams cad yongs su 'tshal ba dang / sdug bsngal kun 'byung ba thams cad spang
444a2 ba dang / sdug bsngal 'gog pa thams cad mngon sum du bgyi ba dang / sdug bsngal 'gog par 'gro ba'i lam thams cad bsgom par mi nus te/ bcom ldan 'das/ de lta lags
444a3 pas 'khor ba la yang 'dus byas dang / 'dus ma byas pa mchis so/ /mya ngan las 'das pa la yang 'dus byas dang / 'dus ma byas pa mchis so/ /bcom ldan 'das/ 'phags
444a4 pa'i bden pa'i don bshad pa bgyi ba ma mchis pa gang lags pa ni/ bcom ldan 'das/ de la 'phags pa'i bden pa bzhi bstan pa dang / btags pa dag dpag tu ma mchis pa
444a5 lags so/ /de ci'i slad du zhe na/ bcom ldan 'das/ bdag nyid kyis bsal kyang zin pa'i sdug bsngal thams cad yongs su 'tshal ba dang / zin pa'i sdug bsngal kun 'byung ba
444a6 thams cad spang ba dang / zin pa'i sdug bsngal 'gog pa thams cad mngon sum du bgyi ba dang / zin pa'i sdug bsngal 'gog par 'gro ba'i lam bsgom par nus pa'i slad du ste/
444a7 bcom ldan 'das/ de ltar na de bzhin gshegs pas 'phags pa'i bden pa bzhi bstan pa bshad pa gang lags pa de dag ni 'phags pa'i bden pa rnam pa brgyad du 'gyur ro/ /
444b1 bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas rnams ni 'phags pa'i bden pa'i don bstan par bgyi ba ma mchis pa bzhi po dag
444b2 la rdzogs par mdzad pa lags so/ /nyan thos rnams dang / rang sangs rgyas rnams ni rdzogs par bgyid pa ma lags so/ /de ci'i slad du zhe na/ bcom ldan 'das/ rab 'bring tha
444b3 ma'i chos rtogs pas mya ngan las 'das pa'i dbyings su rtogs pa ma lags pa'i slad du'o/ /bcom ldan 'das/ ci'i slad du de bzhin gshegs pa dgra bcom pa yang dag par rdzogs
444b4 pa'i sangs rgyas rnams 'phags pa'i bden pa bzhi'i don bshad par bgyi ba ma mchis pa dag la rdzogs par mdzad pa lags she na/ bcom ldan 'das/ de bzhin gshegs pa
444b5 dgra bcom pa yang dag par rdzogs pa'i sangs rgyas thams cad kyis ma 'ongs pa'i sdug bsngal thams cad ni yongs su mkhyen/ bcom ldan 'das/ nyon mongs pa dang / nye ba'i nyon
444b6 mongs pa thams cad 'du ba'i sdug bsngal kun 'byung ba thams cad ni spangs/ bcom ldan 'das/ yid kyi phung po thams cad 'gog pa'i sdug bsngal thams cad 'gog pa ni mngon
444b7 sum du mdzad de/ bcom ldan 'das/ sdug bsngal 'gog pa ni chos chud gson pa ma lags so/ /de ci'i slad du zhe na/ bcom ldan 'das/ de bzhin gshegs pa'i chos kyi sku thog ma
445a1 ma mchis pa'i dus nas mchis pa/ ma bgyis pa/ ma skyes pa/ mi bas pa/ bas pa ma mchis pa/ rtag pa/ brtan pa/ rang bzhin gyis yongs su dag pa/
445a2 nyon mongs pa thams cad kyi sbubs nas nges par grol ba/ sangs rgyas kyi chos tha dad du mi gnas pa/ grol bar shes pa bsam gyis mi khyab pa gang+gA'i klung gi bye ma las 'das
445a3 pa snyed dang ldan pa ni sdug bsngal 'gog pa'i ming gis bstan pa'i slad du ste/ bcom ldan 'das/ de nyid la de bzhin gshegs pa'i snying po'i chos kyi sku nyon mongs pa'i sbubs
445a4 nas nges par grol ba zhes bgyi'o/ /bcom ldan 'das/ de bzhin gshegs pa'i snying po shes pa nyid ni de bzhin gshegs pa rnams kyi stong pa nyid kyi ye shes lags te/ de bzhin
445a5 gshegs pa'i snying po ni nyan thos dang / rang sangs rgyas thams cad kyi sngon ma mthong / ma rtogs lags so/ /bcom ldan 'das kyis ni thugs su chud cing mngon sum du mdzad do//
445a6 bcom ldan 'das/ de bzhin gshegs pa'i snying po stong pa nyid shes pa ni 'di gnyis lags te/ gnyis gang zhe na/ 'di lta ste/ bcom ldan 'das/ de bzhin gshegs pa'i
445a7 snying po nyon mongs pa thams cad kyi sbubs dang tha dad du gnas pa ma grol bas shes pa rnams kyis stong pa dang / bcom ldan 'das/ de bzhin gshegs pa'i snying po sangs
445b1 rgyas kyi chos tha dad du mi gnas shing grol bas shes pa bsam gyis mi khyab pa gang+gA'i klung gi bye ma las 'das pa snyed dag gi mi stong pa lags so/ /bcom ldan 'das/ de bzhin gshegs
445b2 pa'i snying po stong pa nyid shes pa rnam pa 'di gnyis la nyan thos chen po dag kyang bcom ldan 'das nyid la yid ches pas 'jug par bas te/ bcom ldan 'das/ nyan thos
445b3 dang / rang sangs rgyas thams cad kyi stong pa nyid shes pa ni/ phyin ci log gi dmigs pa bzhi po dag la 'jug lags so/ /bcom ldan 'das/ de lta lags pas nyan thos dang / rang
445b4 sangs rgyas thams cad kyi sdug bsngal 'gog pa thams cad sngon ma mthong / sngon ma rtogs te/ bcom ldan 'das kyis ni thugs su chud cing mngon sum du mdzad do/ /nyon mongs
445b5 pa'i sbubs thams cad 'joms pa sdug bsngal 'gog par 'gro ba'i lam thams cad kyang bsgoms so/ /bcom ldan 'das/ 'phags pa'i bden pa bzhi po 'di dag la bden pa
445b6 gsum ni mi rtag pa lags so/ /bden pa gcig ni rtag pa lags so/ /de ci'i slad du zhen/ bcom ldan 'das/ bden pa gsum ni 'dus byas kyi mtshan nyid du gtogs pa'i slad
445b7 du ste/ bcom ldan 'das/ gang 'dus byas kyi mtshan nyid du gtogs pa de ni mi rtag pa lags so/ /gang mi rtag pa de ni rdzun pa slu ba'i chos can lags so/ /bcom ldan 'das/ gang
446a1 rdzun pa slu ba'i chos can de ni mi bden pa dang / mi rtag pa lags te/ sbubs ma lags so/ /bcom ldan 'das/ de lta lags pas 'phags pa'i sdug
446a2 bsngal bden pa dang / sdug bsngal kun 'byung ba bden pa dang / sdug bsngal 'gog par 'gro ba'i lam 'phags pa'i bden pa yang / yang dag par na mi bden pa dang / mi rtag pa
446a3 lags te/ skyabs ma lags so/ /bcom ldan 'das/ 'di la bden pa gcig ni 'dus byas kyi mtshan nyid kyi yul las 'das pa lags te/ bcom ldan 'das/ gang 'dus
446a4 byas kyi mtshan nyid kyi yul las 'das pa de ni rtag pa lags so/ /gang rtag pa de ni mi slu ba'i chos can lags so/ /bcom ldan 'das/ gang mi slu ba'i chos can de ni bden pa dang /
446a5 rtag pa dang / skyabs lags so/ /bcom ldan 'das/ de lta lags pas 'di la sdug bsngal 'gog pa'i bden pa ni yang dag par na bden pa dang / rtag pa dang / skyabs lags
446a6 so| |bcom ldan 'das/ sems can thams cad kyi rnam par shes pa'i yul las 'das pa sdug bsngal 'gog pa'i bden pa ni bsam gyis mi khyab ste/ nyan thos dang / rang sangs
446a7 rgyas thams cad kyi shes pa'i spyod yul ma lags so/ /bcom ldan 'das/ dper na/ dmus long gzugs la lta mi nus pa dang / bu btsa' pa'i gnas na mchis pa'i byis pa
446b1 dgung bdun lags pa'i nyi ma'i dkyil 'khor la lta mi nus pa bzhin du/ bcom ldan 'das/ sdug bsngal 'gog pa'i bden pa yang byis pa so so'i skye bo thams cad kyi rnam par shes
446b2 pa'i yul yang ma lags/ nyan thos dang / rang sangs rgyas thams cad kyi shes pa'i yul yang ma lags so/ /bcom ldan 'das/ byis pa so so'i skye bo thams cad kyi rnam par shes
446b3 pa zhes bgyi ba de ni mtha' gnyis la lta ba'i phyin ci log pa rnams kyi tshig bla dwags lags so/ /bcom ldan 'das/ nyan thos dang / rang sangs rgyas thams cad kyi shes pa zhes bgyi
446b4 pa de ni shes pa dag pa'i tshig bla dwags lags so/ /bcom ldan 'das/ mtha' gnyis su lta ba zhes bgyi ba de ni nye bar len pa'i phung po dag la bdag tu mngon par zhen pa'i byis pa
446b5 so so'i skye bo rtog ge pa dag gi tshig bla dwags lags so/ /bcom ldan 'das/ 'di gnyis ni mthar lta ba zhes bgyi ste/ gnyis gang zhen/ chad par lta ba dang / rtag par lta ba lags
446b6 so| |bcom ldan 'das/ gal te 'du byed rnams la mi rtag par lta na de ni de'i chad par lta ba ma lags te/ de ni de'i yang dag pa'i lta ba lags so/ /bcom ldan 'das/ gal te
446b7 mya ngan las 'das pa la rtag par lta na/ de ni de'i rtag par lta ba ma lags te/ de ni de'i yang dag pa'i lta ba lags so/ /de ci'i slad du zhe na/ bcom ldan 'das/ rtog ge pa dag gi
447a1 lta ba ni 'di lta bu lags te/ lus dang / dbang po dang / tshor ba dang / sems pa rnams tshe 'di nyid la 'jig par mthong nas srid pa'i mtshams sbyor ba la
447a2 'jug par mi bgyid cing ma 'tshal bas ldongs par gyur pa skad de/ chad par lta bar 'gyur ro/ /bcom ldan 'das/ rtog ge pa dag gi lta ba ni sems kyi rgyud la rmongs shing sems
447a3 kyi skad cig 'jig pa la yang 'jug par mi bgyid la/ rnam par shes pa'i spyod yul du ma gyur pa skad de/ rtag par lta bar 'gyur ro/ /bcom ldan 'das/ de ltar rtog ge pa dag gi
447a4 lta ba ni de lta bu dag lags pa skad de/ de dag ni don de las thal ba'i lta ba dang / don de'i tha chad kyi lta ba dang / gzhan gyi mtshan nyid dang 'dres pa'i lta bas chad par rlom sems
447a5 bgyid pa dang / rtag par rlom sems bgyid pa lags so/ /bcom ldan 'das/ sems can rnams ni zin pa'i phung po lnga po dag la phyin ci log par gyur te/ bcom ldan 'das/
447a6 de dag ni mi rtag pa la rtag par 'du shes pa dang / sdug bsngal ba la bde bar 'du shes pa dang / bdag ma mchis pa la bdag tu 'du shes pa dang / mi gtsang ba la gtsang bar 'du
447a7 shes pa lags so/ /bcom ldan 'das/ thams cad mkhyen pa'i ye shes kyi yul dang / de bzhin gshegs pa'i chos kyi sku ni nyan thos dang / rang sangs rgyas thams cad kyi shes
447b1 pa dag pas kyang sngon ma mthong lags so/ /bcom ldan 'das/ sems can rnams de bzhin gshegs pa la dad pas rtag par 'du shes pa dang / bde bar 'du shes pa dang / bdag tu 'du
447b2 shes pa dang / gtsang bar 'du shes pa'i sems can de dag ni/ bcom ldan 'das/ phyin ci log tu 'gyur ba ma lags te/ bcom ldan 'das/ sems can de dag ni yang dag pa'i lta ba can
447b3 du 'gyur ba lags so/ /de ci'i slad du zhe na/ bcom ldan 'das/ de bzhin gshegs pa'i chos kyi sku nyid rtag pa'i pha rol tu phyin pa dang / bde ba'i pha rol tu phyin pa dang / bdag gi pha rol
447b4 tu phyin pa dang / gtsang ba'i pha rol tu phyin pa lags pa'i slad du'o/ /bcom ldan 'das/ sems can gang dag de bzhin gshegs pa'i chos kyi sku la de ltar mthong ba de dag ni yang dag par
447b5 mthong ba lags so/ /bcom ldan 'das/ yang dag par mthong ba gang lags pa de dag ni/ bcom ldan 'das kyi sras thugs las skyes pa dang / zhal nas skyes pa dang / chos las skyes
447b6 pa dang / chos kyi sprul pa dang / chos kyi bgo skal la spyod pa zhes bgyi'o/ /bcom ldan 'das/ shes pa dag pa zhes bgyi ba ni nyan thos dang / rang sangs rgyas thams cad kyi shes pa'i pha
447b7 rol tu phyin pa lags te/ 'di ltar shes pa dag pa lags so/ /bcom ldan 'das/ sdug bsngal 'gog pa'i bden pa ni shes pa dag pa de'i spyod yul yang ma lags/ yul yang ma lag
448a1 na| bcom ldan 'das/ sdug bsngal 'gog pa'i bden pa rton pa bzhi'i shes pa can dag gi spyod yul ma lags shing yul ma lags pa lta smos kyang ci
448a2 'tshal/ de ci'i slad du zhe na/ bcom ldan 'das/ theg pa gsum pa'i las dang po pa rmongs pa ma mchis pa'i chos can dag gis don de khong du chud par 'gyur zhing / don de rtogs
448a3 par 'gyur ba'i slad du bcom ldan 'das kyis rton pa bzhi bshad cing btags pa'i slad du'o/ /bcom ldan 'das/ rton pa bzhi po 'di dag ni 'jig rten pa lags so/ /bcom ldan
448a4 'das/ rton pa gcig pu 'di lta ste/ sdug bsngal 'gog pa'i bden pa ni rton pa thams cad kyi mchog 'jig rten las 'das pa lags te/ de ni yang dag par rton par bgyi ba dang /
448a5 skyabs lags so/ /bcom ldan 'das/ de bzhin gshegs pa'i snying po ni 'khor ba na rton pa lags te/ de bzhin gshegs pa'i snying po nyid kyi dbang du bgyis nas/ bcom ldan
448a6 'das kyis sngon gyi mtha' med do zhes bshad cing btags so/ /bcom ldan 'das/ de bzhin gshegs pa'i snying po mchis na 'khor ba zhes mchi na ni tshig de rigs pa lags
448a7 so| |bcom ldan 'das/ 'khor ba zhes bgyi ba ni zin pa dag gi dbang po rnams 'phos ma thag tu zin pa dag gi dbang po rnams len pa la 'khor ba zhes bgyi'o/ bcom ldan
448b1 'das/ 'chi 'pho ba dang skye ba zhes bgyi ba'i chos gnyis kyi ming de ni de bzhin gshegs pa'i snying po'i tshig bla dwags lags so/ /bcom ldan 'das/ gum zhes bgyi ba dang / skyes
448b2 zhes bgyi ba 'di ni 'jig rten tha snyad lags so/ /bcom ldan 'das/ gum zhes bgyi ba ni dbang po 'gags pa 'di lags so/ /bcom ldan 'das/ skyes zhes bgyi ba ni dbang
448b3 bo sar pa rnams byung ba 'di lags te/ bcom ldan 'das/ de bzhin gshegs pa'i snying po la ni skye ba'am/ 'gum pa'am/ 'pho ba'am/ 'byung ba yang ma mchis so/ /bcom ldan 'das/
448b4 de bzhin gshegs pa'i snying po ni 'dus byas kyi mtshan nyid kyi yul las 'das pa lags so/ /bcom ldan 'das/ de bzhin gshegs pa'i snying po ni rtag pa dang / brtan pa dang / ther
448b5 zug pa lags so/ /bcom ldan 'das/ de lta lags pas de bzhin gshegs pa'i snying po ni tha dad du mi gnas shing 'brel la sbubs nas grol ba'i shes pa can dag gi gzhi dang / rten dang /
448b6 gnas lags so/ /bcom ldan 'das/ 'di ltar de bzhin gshegs pa'i snying po ni 'brel pa ma mchis shing tha dad du gnas la shes pa grol ba ma lags pa phyi rol gyi 'dus byas kyi
448b7 chos rnams kyi gzhi dang / rten dang / gnas kyang lags so/ /bcom ldan 'das/ gal te de bzhin gshegs pa'i snying po ma mchis na ni sdug bsngal la skyo ba dang / mya ngan las
449a1 'das pa la 'dod cing don du gnyer ba dang / smon pa yang ma mchis par 'gyur ro/ /de ci'i slad du zhe na/ bcom ldan 'das/ rnam par shes pa drug po
449a2 gang lags pa 'di dag dang / rnam par shes pa gang lags pa 'di dang / bcom ldan 'das/ 'di ltar chos bdun po 'di dag ni mi gnas pa dang / skad cig pa dang / sdug bsngal
449a3 rnams myong ba ma lags pas/ chos de dag ni sdug bsngal la skyo ba dang / mya ngan las 'das pa la 'dod cing don du gnyer ba dang smon par mi rigs so/ /bcom ldan 'das/ de
449a4 bzhin gshegs pa'i snying po ni thog ma dang tha ma ma mchis pa'i mthar mchis pa dang / mi skye ba dang / mi 'gag pa'i chos can sdug bsngal myong ba ma lags pas/ bcom ldan
449a5 'das/ de bzhin gshegs pa'i snying po ni sdug bsngal la yang skyo ba dang / mya ngan las 'das pa yang 'dod cing don du gnyer ba dang smon par 'os so/ /bcom ldan 'das/ de
449a6 bzhin gshegs pa'i snying po yang bdag ma lags/ sems can ma lags/ srog ma lags/ gang zag ma lags te/ bcom ldan 'das/ de bzhin gshegs pa'i snying po ni
449a7 sems can 'jig tshogs la lta bar lhung ba dag dang / phyin ci log gis nyams par gyur pa dag dang / stong pa nyid las sems g.yeng ba rnams kyi spyod yul ma lags so/ /
449b1 bcom ldan 'das/ de bzhin gshegs pa'i snying po 'di ni dam pa'i chos kyi dbyings kyi snying po lags so/ /chos kyi sku'i snying po lags so/ /'jig rten las 'das pa'i chos kyi snying po
449b2 lags so/ /rang bzhin gyis yongs su dag pa'i chos kyi snying po lags so/ /bcom ldan 'das/ de bzhin gshegs pa'i snying por rang bzhin gyis yongs su dag pa glo bur gyi nye ba'i
449b3 nyon mongs pas nye bar nyon mongs pa 'di ni de bzhin gshegs pa'i yul te/ bsam gyis mi khyab bo snyam bdag bgyid do/ /de ci'i slad du zhe na/ bcom ldan 'das/ dge ba'i
449b4 sems ni skad cig pa ste/ nyon mongs pa rnams kyis kun nas nyon mongs pa ma lags/ bcom ldan 'das/ mi dge pa'i sems kyang skad cig pa ste/ sems de yang nyon mongs
449b5 pa rnams kyis kun nas nyon mongs pa ma lags pa'i slad du'o/ /bcom ldan 'das/ nyon mongs pa rnams ni sems la mi reg /sems kyang nyon mongs pa rnams la mi reg pa
449b6 lags na/ bcom ldan 'das/ 'di la ji ltar sems mi reg pa'i chos can nye bar nyon mongs par 'gyur/ bcom ldan 'das/ nye ba'i nyon mongs pa yang mchis la/ sems
449b7 nye bar nyon mongs pa yang mchis pas/ bcom ldan 'das/ sems rang bzhin kyis yongs su dag pa'i nye ba'i nyon mongs pa'i don ni khong du chud par dka' ba lags te/ bcom
450a1 ldan 'das/ 'di la bcom ldan 'das nyid spyan du gyur pa lags te/ ye shes su gyur pa lags/ bcom ldan 'das ni/ chos thams cad kyi rtsa ba lags
450a2 bcom ldan 'das ni/ mnga' bdag lags/ bcom ldan 'das ni/ ston pa lags so/ /de nas bcom ldan 'das kyis lha mo dpal phreng gis rtogs par dka' ba'i don
450a3 bshad pa gsan nas rjes su yi rang bar mdzad de/ lha mo/ de de bzhin no/ /lha mo/ de de bzhin te/ sems rang bzhin gyis yongs su dag pa rtogs par dka' ba dang / sems
450a4 de'i nye bar nyon mongs pa rtogs par dka' ba'o/ /lha mo/ chos 'di gnyis nyan nus pa ni khyod dam/ byang chub sems dpa'i chos chen po dang ldan pa gzhan dag yin no/ /lha
450a5 mo| nyan thos rnams ni chos 'di gnyis la de bzhin gshegs pa la dad pas 'gro bar zad de/ /lha mo/ nga'i nyan thos gang dag dad pa dang ldan zhing dad pa'i dbang du byed pa
450a6 de dag ni dad pa'i snang ba la brten nas/ chos dang mthun par sdud pa'i shes pas 'di la nges par 'gyur ro/ /lha mo/ chos dang mthun par sdud par shes pa zhes bya ba ni/
450a7 lha mo/ dbang po'i rnam par rig pa yid kyi spyod yul la rnam par lta ba dang / las kyi rnam par smin pa la rnam par lta ba dang / dgra bcom pa rnams kyi gnyid la rnam par
450b1 lta ba dang / sems la dbang du gyur pa rnams kyi bsam gtan la dga' ba dang bde ba la rnam par lta ba dang / nyan thos dang / rang sangs rgyas rnams kyi 'phags pa'i rdzu 'phrul la rnam
450b2 par lta ba ste/ lha mo/ rnam par lta ba'i rang bzhin rnam pa lnga la mkhas pa 'di dang ldan na/ lha mo/ da ltar dang / nga 'das pa'i 'og ma 'ongs pa'i dus na nga'i nyan thos dad pa dang ldan
450b3 zhing dad pa'i dbang du byed pa de dag dad pa'i snang ba la brten nas chos dang mthun par sdud pa'i shes pas rang bzhin gyis yongs su dag pa dang / sems kyis nye bar nyon mongs pa la
450b4 nges par 'gyur ro/ /lha mo/ de dag gi nges pa'i de nyid ni theg pa chen po'i lam du 'jug pa'i rgyur 'gyur te/ lha mo/ de ltar na 'di lta ste/ chos zab mo mi spong ba'i phyir de bzhin gshegs
450b5 pa la dad pas 'gro ba ni phan pa mang po yin no/ /de nas bcom ldan 'das la lha mo dpal phreng gis 'di skad ces gsol to/ /bcom ldan 'das/ 'di la sman pa mang ba'i don
450b6 bshad pa gzhan yang de bzhin gshegs pa'i mthus bdag spobs so/ /bcom ldan 'das kyis bka' stsal pa/ lha mo/ khyod spobs par gyis shig /de nas bcom ldan 'das
450b7 la lha mo dpal phreng gis 'di skad ces gsol to/ /bcom ldan 'das/ gsum po 'di dag ni rigs kyi bu'am rigs kyi bu mo chos zab mo dag la ma rmas ma nyams par bdag
451a1 nyid la bsrung ba dang / bsod nams kyang mang du bskyed ba dang / theg pa chen po'i lam du yang zhugs par gyur pa lags so/ /gsum gang zhe na/
451a2 bcom ldan 'das/ rigs kyi bu'am rigs kyi bu mo gang dag rang gis rig pa'i chos zab mo dang ldan pa dang / bcom ldan 'das/ rigs kyi bu'am rigs kyi bu mo gang dag
451a3 chos dang mthun par sdud pa'i shes pa dang ldan pa dang / bcom ldan 'das/ rigs kyi bu'am rigs kyi bu mo gang dag chos zab mo dag la bdag nyid kyi shes pa zhum par
451a4 'tshal nas 'di bdag gis mi shes te/ don 'di ni de bzhin gshegs pa nyid kyis mkhyen par zad do zhes bcom ldan 'das la sems rnam par gtod par bgyid de/
451a5 sems rnam par gtod pa de dang ldan pa lags so/ /bcom ldan 'das/ gsum po 'di dag ni rigs kyi bu'am rigs kyi bu mo chos zab mo dag la ma rmas ma nyams par
451a6 bdag nyid la bsrung ba dang / bsod nams kyang mang du bskyed pa dang / theg pa chen po'i lam du yang dag par zhugs par 'gyur ba lags so/ /bcom ldan 'das/ rigs
451a7 kyi bu'am rigs kyi bu mo gsum po 'di dag las gzhan pa'i sems can gang lags pa de dag ni chos zab mo dag la nan tan gyis mchog tu bzung nas go lob kyi sems
451b1 'dzin cing mngon par zhen te ston par bgyid/ kun tu smra bar bgyid do/ /bcom ldan 'das/ bdag ni de dag la dam pa'i chos la rgyab kyis phyogs pa dang / gzhan mu stegs can
451b2 dang / sa bon rul pa lags te/ rgyal po'i thad du'ang mchi la brlag par bgyi'o zhes mchi'o/ /bcom ldan 'das/ sa bon rul par gyur pa de dag ni lha dang / mi dang / lha ma yin
451b3 du bcas pa'i 'jig rten gyis legs par tshar bcad par bgyi ba lags so/ /de nas lha mo dpal phreng gis de skad ces gsol nas 'khor dang bcas pas bcom ldan 'das
451b4 kyi zhabs la gtugs so/ /de nas bcom ldan 'das kyis lha mo dpal phreng la legs so/ /zhes bya ba byin te/ lha mo khyod kyis dus dang skabs su chos zab mo dag la bdag nyid
451b5 yang dag par bsrung ba'i thabs kyis don bstan pa bshad pa dang / dam pa'i chos kyi dgra tshar bcad pa bshad pa legs so/ /legs so/ /lha mo/ khyod ni sangs rgyas 'bum
451b6 phrag bye ba mang po la bsnyen bkur byas pa yin pas khyod kyis don bshad pa 'di las ngo mtshar che ba med do/ /de nas bcom ldan 'das dpal 'bar bas 'khor gyi dkyil 'khor
451b7 thams cad kyi lus la 'od kyis khyab par mdzad nas ta la bdun srid tsam du nam mkha' la mngon par 'phags te/ zhabs kyi gom pa 'dor ba'i rdzu 'phrul gyis mnyan yod kyi grong
452a1 khyer ga la ba der gshegs so/ /de nas lha mo dpal phreng 'khor dang bcas pas spyi bor thal mo sbyar nas blta bas chog mi shes shing mig mi 'dzum
452a2 pas blta bas bcom ldan 'das la lta zhing 'khod par gyur to/ /gang gi tshe bcom ldan 'das de dag gi mig rgyang gis mi sleb par gyur pa de'i tshe lha mo dpal phreng 'khor
452a3 dang bcas pa mchog tu dga' zhing rab tu mgu ba'i bzhin dang ldan pas/ gcig gis gcig gi mdun du de bzhin gshegs pa'i yon tan rnams rnam pa du mar bsngags
452a4 shing sangs rgyas rjes su dran pa yid la byed pa ma brjed bzhin du grong khyer 'thab med du dong ngo / /de nas lha mo dpal phreng gis rang gi khyim thab rgyal po grags pa'i
452a5 bshes gnyen theg pa chen po la nges par bcug go /grong khyer chen po'i bud med kyi tshogs bu mo lo bdun lon pa yan chad thams cad theg pa chen po la btsud do/ /rgyal po
452a6 grags pa'i bshes gnyen gyis kyang grong khyer chen po'i skyes pa'i 'khor khye'u lo bdun lon pa yan chad thams cad theg pa chen po la btsud par gyur te/ de ltar grong khyer
452a7 thams cad theg pa chen po la mngon par phyogs par byas so/ /bcom ldan 'das kyang rgyal bu rgyal byed kyi tshal du byon te/ nang du gshegs nas tshe dang ldan pa kun dga' bo
452b1 la yang bka' stsal cing / lha'i dbang po brgya byin la yang dgongs so/ /de nas lha'i dbang po brgya byin skad cig thang cig yud tsam de nyid la lha'i tshogs kyis yongs su
452b2 bskor te/ bcom ldan 'das kyi spyan sngar 'dug par gyur to/ /de nas bcom ldan 'das kyis lha'i dbang po brgya byin dang / tshe dang ldan pa kun dga' bo la chos kyi rnam grangs
452b3 'di rgya cher yang dag par bstan te/ kau shi ka /chos kyi rnam grangs 'di khyod kyis gzung zhig /kau shi ka /chos kyi rnam grangs 'di khyod kyis sum cu rtsa gsum pa'i lha rnams la/
452b4 shod cig /kun dga' bo khyod kyis kyang chos kyi rnam grangs 'di gzung zhig /kun dga' bo khyod kyis chos kyi rnam grangs 'di 'khor bzhi po dge slong dang / dge slong ma dang /
452b5 dge bsnyen dang / dge bsnyen ma dag la shod cig /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ chos kyi rnam
452b6 grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kau shi ka /chos kyi rnam grangs 'di ni yon tan mtha' yas pa dang ldan te/
452b7 ko'u shi ka /nyan thos dang / rang sangs rgyas thams cad kyis kyang mdo sde 'di'i don thams cad ma lus par shes pa'am/ blta ba'am/ nye bar brtag par mi nus na sems
453a1 can gzhan dag gis lta ci smos/ ko'u shi ka /de ltar na chos kyi rnam grangs 'di ni zab la yon tan chen po'i 'byung gnas yin no/ /ko'u shi ka /de'i
453a2 phyir chos kyi rnam grangs 'di'i yon tan gyi ming yongs su brjod pa tsam zhig bshad kyi/ legs par rab tu nyon la yid la gzung zhig dang / ngas khyod la bshad do/ /lha'i
453a3 dbang po brgya byin dang / tshe dang ldan pa kun dga' bos bcom ldan 'das la legs so/ /zhes gsol te/ bcom ldan 'das kyis ltar mnyan pa dang / bcom ldan 'das kyis
453a4 'di skad ces bka' stsal to/ /ko'u shi ka/ 'di ni de bzhin gshegs pa'i yon tan mtha' yas pa yang dag par bstod pa zhes bya bar gzung zhig /ko'u shi ka /'di ni yid dam
453a5 chen po bsam gyis mi khyab pa zhes bya bar yang gzung zhig /smon lam thams cad sdud pa smon lam chen po zhes bya bar yang gzung zhig /dam pa'i chos yongs su 'dzin pa
453a6 bsam gyis mi khyab pa bstan pa zhes bya bar yang gzung zhig /theg pa gcig tu yang dag par 'du ba bstan pa zhes bya bar yang gzung zhig /'phags pa'i bden pa brgyad
453a7 bstan pa zhes bya bar yang gzung zhig /de bzhin gshegs pa'i snying po bstan pa zhes bya bar yang gzung zhig /chos kyi sku bstan pa zhes bya bar yang gzung zhig /stong pa nyid
453b1 kyi don gyi dgongs pa yang dag par bstan pa zhes bya bar yang gzung zhig /bden pa gcig bstan pa zhes bya bar yang gzung zhig /rtag pa dang / brtan pa dang / zhi ba dang / ther zug pa
453b2 dang | skyabs gcig tu gyur pa bstan pa zhes bya bar yang gzung zhig /phyin ci log gi sa bstan pa zhes bya bar yang gzung zhig /rang bzhin gyis yongs su dag pa'i sems la
453b3 dgongs pa bstan pa zhes bya bar yang gzung zhig /de bzhin gshegs pa'i sras kyi yang dag pa bstan pa zhes bya bar yang gzung zhig /ko'u shi ka /'di ni lha mo dpal phreng gi seng
453b4 ge'i sgra zhes bya bar yang gzung zhig /ko'u shi ka /mdo 'dir bstan pa gang dag bshad pa de dag thams cad ni rgyu ba bcad pa dang / nges pa'i don dang ston pa gcig pa zhes bya bar
453b5 yang gzung zhig /ko'u shi ka/ lha mo dpal phreng gi seng ge'i sgra bstan pa'i chos kyi rnam grangs 'di ni ngas khyod kyi lag tu gtad kyi/ 'jig rten na dam pa'i chos ji srid gnas pa de
453b6 srid du phyogs bcu'i 'jig rten thams cad du yang dag par sgrogs shig /ston cig /lha'i dbang po brgya byin gyis bcom ldan 'das la legs so/ /zhes gsol te/ bcom
453b7 ldan 'das kyi spyan sngar chos kyi rnam grangs 'di gzung zhing kun chub par byas nas/ lha'i dbang po brgya byin dang / tshe dang ldan pa kun dga' bo dang / gzhan yang gang der 'dus
454a1 par gyur pa dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la
454a2 mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ 'phags pa lha mo dpal phreng gis zhus pa'i
454a3 le'u zhes bya ste/ 'dus pa bzhi bcu rtsa brgyad pa rdzogs so// //rgya gar gyi mkhan po dzi na mi tra dang / su ren+d+ra bo d+hi dang / zhu chen gyi lots+tsha ba zhang ye shes sdes bsgyur
cing zhus te gtan la phab pa/
CLOSE WINDOW