བོད་ཡིག |
213a4 / //rgya gar skad du/ badzra satwa mA yA dza la gu h+ya sarba A daR+sha nA ma tan+t+ra /
213a5 bod skad du/ rdo rje sems dpa'i sgyu 'phrul dra ba gsang ba thams cad kyi me long zhes bya ba'i rgyud/ oM rnam par snang mdzad la phyag 'tshal lo/ /hUM mi
213a6 bskyod pa la phyag 'tshal lo/ /aM snang ba mtha' yas la phyag 'tshal lo/ /de nas dpal ldan rdo rje 'chang / /rgyal ba kun gyi gsang ba'i bdag /kun gyis
213a7 dbang bskur gter 'dzin pas/ /dgyes shing spyan gdangs gus bcas pas/ /rgyal ba kun la bstod bskor nas/ /spyan sngar gus 'dug 'di skad gsol/ /
213b1 e ma ho sangs rgyas kun gyi gsung / /rtog pa kun gyi rgyal po ste/ /cho ga rgyas par bstan pa'i rgyud/ /dri med zab mo brtag dka' ba/ /'dul ba mdo sde chos mngon dang / /dam
213b2 tshig sgrub dang grub pa dang / /sku gsung thugs kyi cho ga'i rgyud/ /ma lus gtan la 'bebs pa 'di/ /rdo rje sems dpa' ji ltar lags/ /sgyu 'phrul gang gis bstan pa de/ /
213b3 dra ba'i rgyud de gang phyir bstan/ /lung ni gang phyir brjod pa nyid/ /gang phyir spyi zhes bya bar bshad/ /gsang ba zhes ni ji lta bu/ /snying po'i don ni ci yi phyir/ /de kho nyid ces
213b4 ji ltar brjod/ /nges pa zhes pa ci yi phyir/ /mtshan 'di gang zag gang la gsungs/ /mtshan gyi dri ba dris pa'o/ /thun mong khyad par tshul nyid kyi/ /ston pa zhes ni ci yi
213b5 phyir| |gnas dang 'khor ni ji lta bu/ /dus dang sdud pa ji lta bu/ /mi bskyod pa ni ji ltar bya/ /rnam par snang mdzad ji ltar brjod/ /rin chen 'byung ldan gang gi
213b6 phyir| |snang ba mtha' yas gang gi phyir/ /don yod grub pa ji lta bu/ /spyan dang nam mkha'i dbyings ma dang / /gos dkar mo dang mA ma kI/ /sgrol ma zhes pa gang gi
213b7 phyir| |sa yi snying po ci yi phyir/ /nam snying spyan ras gzigs dbang dang / /phyag na rdo rje gang phyir brjod/ /sgeg mo phreng dang glu gar ci/ /byams dang sgrib sel kun
214a1 bzang dang / /'jam dpal zhes pa ci yi phyir/ /dus bzhi bdug spos me tog dang / /mar me dri chab gang phyir brjod/ /rnam rgyal
214a2 gshin rje gshed po dang / /rta mgrin bdud rtsi 'khyil ba ci/ /lcags kyu zhags pa lcags sgrog dang / /dril bu zhes pa gang phyir brjod/ /yid dang chos
214a3 bzang gnyis kyi phyir/ /gtso bos bdag la nges par gsungs/ /gang phyir thun mong ma yin pa'i/ /nang dang gsang ba'i gleng gzhi las/ /ston pa bstan pa
214a4 gnas dang 'khor/ /dus dang sdud pa ji ltar brjod/ /grags pa thun mong gleng gzhi las/ /ston pa 'khor gnas dus ji ltar/ /bstan pa sdud pa ji lta bu/ /
214a5 skyes bu chen pos bshad du gsol/ /'di ni gleng gzhi'i dri ba tshigs su bcad pa'o/ /thun mong thun mong ma yin pa'i/ /gleng bslang gnyis su ci phyir 'gyur/ /
214a6 gang gis gang la gleng bslang zhing / /thabs dang 'bras bu ci yin ston/ /thun mong thun mong ma yin pa'i/ /sems lnga ye shes lnga yi rim/ /gang dang 'brel
214a7 pa bshad du gsol/ /'di ni gleng bslang ba'i tshigs su bcad pa'o/ /skyes bu chen po ston pa'i gtso/ /sgyu 'phrul dra bar mnga' brnyes shing / /phun sum tshogs
214b1 pa chos kyi rje/ /gzi brjid phung po phun sum tshogs/ /blta bya gang la ci yi phyir/ /gang gis rtogs par ji ltar 'gyur/ /rtogs dang ma rtogs khyad par ci/ /rtogs
214b2 pa'i sgo ni de ru gsungs/ /gtan tshigs tshul dang 'bras bu ci/ /'di ni lta ba'i dra ba 'o/ /thun mong spyod pa ci yi phyir/ /shes rab tshogs dang thugs rje dang / /
214b3 rtogs dang phyogs gcig spyod pa dang / /'brel dang rig 'dzin spyod pa ci/ /gang gis gang la ji ltar spyad/ /de yi 'bras bu gang phyir 'gyur/ /gang du de dang mi
214b4 ldan pa'i/ /sbyar ba'i skyon nyid bdag la gsungs/ /'di ni spyod pa'i khyad par gyi dri ba'o/ /thun mong spyi dang khyad par gyi/ /rang bzhin nyid dang lhun grub gyi/ /dkyil
214b5 'khor zhes pa gang ci'i phyir/ /de nyid phyi nang gsang ba dang / /'dul thabs gnyis su ji ltar 'gyur/ /ting 'dzin dkyil 'khor rim gsum gang / /lhag pa ting
214b6 'dzin zhes bya ba/ /gnyis la sku gsung thugs sbyor dang / /phyi nang gsang ba'i rim pa ci/ /gzugs brnyan dkyil 'khor ji lta bu/ /gang phyir gzugs brnyan
214b7 zhes brjod cing / /gang gi gzugs brnyan gang la snang / /phyi nang gsang ba ji ltar 'gyur/ /lhag pa zhes pa gang phyir te/ /gzugs brnyan zhes pa ji lta bu/ /gnyis
215a1 dang gsum dang drug bstan cing / /don dam kun rdzob byang chub sems/ /phyi nang gsang ba ji ltar sbyor/ /tshogs kyi dkyil
215a2 'khor gnyis ci zhig /gang gis gang du gang tshogs nas/ /ji ltar spyad pas ci zhig 'grub/ /'di dag bstan pa'i dgongs pa ci/ /gnas skabs gang dang
215a3 'brel bar 'gyur/ /yan lag rtsa ba gang dang 'brel/ /dkyil dang 'khor du ji ltar brtag /gsungs shig skyes bu mchog chen po/ /gang dang nges pa ma rnyed
215a4 par| |kun gyi spyod par ma gyur pa/ /legs par gsungs shig rgyal mchog che/ /'di ni dkyil 'khor gyi dri ba dris pa'o/ /gang gis gang la gang dag tu/ /
215a5 ji ltar dbang bskur phun sum tshogs/ /bdag gis ji ltar shes par bgyi/ /gang dang gang du ji ltar 'brel/ /skyon dang yon tan ji lta bu/ /'bras bu rim
215a6 pa bshad du gsol/ /'di ni 'jug pa'i cho ga du/ /las kyi rim pa ji lta bu/ /rdo rje sems dpa' bde chen po/ /sgyu 'phrul dra ba mngon rdzogs pa'i/ /thabs
215a7 dang shes rab gnyis med pas/ /bdag gi the tshom bsal du gsol/ /'di ni/ dbang gi don mtha' dag la dri ba dris pa'o/ /gang la gang gis brten pa yi/ /
215b1 dam tshig ces pa ci yi phyir/ /rtsa ba dam tshig du zhig bstan/ /gang phyir rtsa bar brjod par bya/ /yan lag du zhig bstan pa gsungs/ /'di dag lam dang bsnyen sgrub
215b2 dang / /gang zag gang don ji ltar 'brel/ /bsrungs dang 'das pa'i skyon yon ci/ /phyi nang gsang ba'i ji ltar gsungs/ /lta dang spyod dang sgrub pa dang / /shes bya
215b3 ting 'dzin dam tshig tu/ /grub dang mi spong bsrung ci zhig /rgyal mchog skyes bus bshad du gsol/ /thun mong thun mong ma yin pa'i/ /mchod dang mchog gyur ma
215b4 yin pa'i/ /bsgrub pa'i khyad par ji lta bu/ /gang gis gang du ji ltar bsgrub/ /dgug dang bcing dang gso dang gsad/ /dbye dang bskrad dang pham rgyal ci/ /gter
215b5 dang mig rnon rkang mgyogs dang / /rig 'dzin go 'phang ji ltar bsgrub/ /rgyal ba mchog gis bshad du gsol/ /'di sgrub pa'i dri ba dris pa'o/ /'phrin las
215b6 rim pa gang ci zhig /gang gis gang du brtsam par bya/ /thab dang rdzas dang phur bu ci/ /ting 'dzin 'dug stangs ho ma khung ci/ /gdul bya rim pa gang ci zhig /khyad
215b7 par rim pa ji ltar bshad/ /'bras bu yon tan ji ltar 'gyur/ /gsungs shig gsungs shig rgyal mchog gtso/ /the tshom legs par chod par mdzod/ /'di
216a1 ni| 'phrin las kyi dri ba dris pa'o/ /rmad byung skyes bu gang zhig gis/ /dang po lam tshul ji lta bu/ /phyi nang gsang ba'i lam ci phyir/ /
216a2 stong pa'i rnal 'byor snying rje che/ /phyag rgya gcig dang spros bcas ci/ /rnam smin dbang sgyur phyag rgya dang / /lhun gyis grub pa'i mtshan nyid ci/ /mthar phyin rnam
216a3 pa du zhig gsungs/ /phyi nang gsang ba mthar phyin pa'i/ /'bras bu bdag gzhan don nyid ci/ /nyi shu rtsa lnga'i don ji ltar/ /gang dag rtog pa'i rgyal po de/ /sgyu
216a4 'phrul dra ba bla na med/ /kun las 'bras bu thugs chud pa/ /cho ga rgyas par bshad pa'i rgyud/ /skal ngan rnams kyis ma rtogs pa'i/ /gsang ba gsang chen
216a5 mdo sde dang / /'dul ba chos kyi phung po dag /nam mkha' mtha' thug bshad pa kun/ /gsang ba'i snying po las 'phros pas/ /ji snyed bskyed dang rdzogs pa'i
216a6 lam| |ma lus kun gyi snying po 'di/ /theg pa dman dang ma sbyangs dang / /rigs chad dbang dang man ngag bral/ /ji ltar bltas kyang mi snang ba/ /skyes bu mchog
216a7 gi spyod yul las/ /rdul snyed sbyangs pa'i gang zag la/ /gsang phyir gsang ba'i thabs dag gis/ /dngos grub mtha' yas grub phyir bstan/ /phyi nang snod
216b1 bcud ma lus pa'i/ /rten dang rten par bcas pa'i chos/ /ji ltar grags dang grags gyur pa'i/ /thams cad ma lus rgyu gcig kyang / /rkyen stobs nus pa so sor
216b2 snang | |khyad par rim par gang gnas pa/ /rang bzhin gdul bya bder gshegs dang / /'khrul pa'i dbang gis so sor snang / /ma bcos dang la tha dad med/ /rang snang
216b3 las kyis tha dad pa'i/ /bye brag rnam par bstan pa kun/ /de bzhin nyid la dgod bya'i phyir/ /rgyal mchog bde chen yongs gang bas/ /dri ba'i don 'di lung bstan
216b4 cing | |thabs dang shes rab 'brel gyur pa'i/ /gsang ba'i don la dgod du gsol/ /sgyu 'phrul dra ba rdo rje sems dpa' gsang ba me long gi rgyud las/ dri ba rtsa
216b5 ba'i rgyud ces bya ba bshad pa rtog pa'i rgyal po rdzogs so// // de nas/ gsang bdag phyag na rdo rje 'chang / /skyes bu mtshan dpe rab ldan
216b6 cing | |dpag med rgyal bas rab bskor zhing / /rang byung dag pa'i gzhal yas na/ /thabs dang shes rab 'khril sbyor zhing / /kun kyang de dang mthun pa ste/ /'dzum
216b7 zhing steg pas sos 'debs shing / /dgyes pa'i tshul gyis bka' stsal pa/ /dpag med rgyal bas gsungs pa dang / /gsung dang gsung 'gyur thugs kyi rgyud/ /
217a1 thog ma bar dang mthar dge ba/ /thabs dang shes rab dbyer med pa'i/ /cho ga rgyas par dris pa'i mchog /nyon cig de ni sems dpa'
217a2 bshad| |chos rnams ma lus gnyis med pa'i/ /rang rig byang chub sems nyid de/ /tha dad med pa'i rang bzhin nyid/ /rdo rje zhes ni bshad pa yin/ /rang
217a3 bzhin mtha' thug med pa'i chos/ /thabs dang shes rab 'brel pa yis/ /thugs su chud cing mngon rtogs pa/ /phyi nang gsang ba'i sems dpar bshad//
217a4 rang bzhin thabs dang 'bras bu'i don/ /nus pa'i rim pa stsal snang ba/ /thabs dang shes rab 'brel pa'i don/ /sgyu 'phrul zhes ni bzhir bshad do/ /
217a5 tha dad mi las tha dad pa'i/ /ngo bo thabs dang bstan nyid dang / /byin rlabs shugs kyis 'brel pa ni/ /drang ba'i don zhes bshad pa yin/ /ma brjod grags
217a6 pa'i bstan pa nyid/ /sgro skur med dang zhal nas gsungs/ /dri ma med pa'i lung nyid de/ /las dang ye shes spyi nyid dang / /rdzogs pas rdzogs phyir lung nyid
217a7 de| |bstan pa spyi yi bdag nyid ni/ /thams cad kun gyi bdag nyid pas/ /gcig dang dum mi gnas kyang / /so so'i bstan pa rgya mtsho'i rgyud/ /'di ston
217b1 'dis ston 'di phyir ston/ /don kun 'di la yongs rdzogs pas/ /lung gi spyi zhes bshad pa yin/ /gang phyir gsang ba zhes bya ba/ /sku dang gsung dang thugs nyid de//
217b2 rang bzhin ye nas ngo bo dang / /thabs dang 'bras bur gyur pa nyid/ /gsang ba'i don du 'di brjod do/ /ngang gis dman dang ma sbyangs dang / /dpang dab dam tshig
217b3 bral ba dang / /rang brtags bsgribs pa sa'i khyad par/ /de dang de yi dbang gis na/ /ro myong bral phyir gsang bar bshad/ /rang bzhin thabs dang 'bras bu yi/ /chos
217b4 rnams thig le chen po'i don/ /'jig rten 'das dang 'jig rten pa/ /ma lus ro gcig dbyer med pa/ /ji snyed theg pa'i khyad par dang / /bstan pa'i bye brag gnas
217b5 pa rnams/ /'dir 'dus thabs 'dis mtshon pa dang / /rtsa bar gyur pa kho na yin/ /thabs dang shes rab gnyis med pa'i/ /byang chub sems nyid bde ba che/ /rang
217b6 byung ye shes thog mtha' med/ /rdo rje sems dpa'i bdag nyid de/ /rgyal ba'i byin rlabs rab snang ba/ /bsam gyis mi khyab che ba rnams/ /'di las ston pas
217b7 snying po ste/ /snying po dang ni 'od bzhin no/ /rgyu dang 'bras bu bcud 'dus pas/ /snying po zhes ni bshad pa yin/ /gang phyir thams cad byang chub sems/ /mtha' dbus
218a1 yongs su ma chad pa/ /dngos po gsum gyis khyab gyur pa/ /yongs su rdzogs pa'i rgyu yin no/ /thabs dang shes rab dbyer med
218a2 pa'i| |de bzhin nyid du rdo rjes rig /bdag dang gzhan don nus ba rdzogs/ /'bras bu'i de kho na nyid do/ /gang phyir dngos gnyis tha dad par/ /log par
218a3 brtags pa'i snang ba rnams/ /mun la snang dang gser 'gyur ltar/ /ro gcig thabs kyis de kho na/ /de phyir de kho na zhes brjod/ /dngos po sna tshogs
218a4 dbyer med pa'i/ /tha dad don min don gcig min/ /de nyid gsang ba'i nges pa ni/ /gzhi dang lam dang ngo bo dang / /nges pas nges pa gsum du bstan/ /gang
218a5 du theg pa bzhi gsungs pa/ /'gro ba 'dren phyir ma nges pa/ /ro gcig theg par nges gnas pa/ /nges pa'i theg pa bla na med/ /rang bzhin ma bcos rang byung
218a6 las| |bya byed ngang gis bral ba yi/ /sna tshogs sgyu ma'i dkyil 'khor 'phrul/ /rang snang sgyu 'phrul dra ba'o/ /rang bzhin mtha' dbus med pa las/ /rgyu rkyen
218a7 las kyis so sor 'khrul/ /de nyid byang chub sems nyid de/ /mtha' dbus med par mnyam par gnas/ /de ltar so sor snang ba'i rgyud/ /nam mkha'
218b1 dang ris phye ba ltar/ /rgyud chen sgyu 'phrul dra ba yi/ /lam gnyis 'brel par mngon bsgoms pas/ /thabs dang shes rab dbyer med pa'i/ /bde chen thig le mngon
218b2 snang ba| |'jug dang grol ba'i lam nyid de/ /sgyu 'phrul dra ba'i lam du brjod/ /rang bzhin yongs kyis khyab pa yis/ /dngos dbang thabs kyis 'brel pa
218b3 yis| |rig pa ji bzhin stobs gyur pas/ /khyad par thabs kyi sgyu 'phrul yin/ /thog ma med pa'i rdo rje sems/ /chos kun rang gi ngo bo nyid/ /zab mo bstan pa
218b4 ci yi lung / /thabs dang shes rab dbyer med pa'i/ /rtog pa'i cho ga rgyas pa'i rgyud/ /bskal pa grangs med sngon rol nas/ /shes rab sbyangs dang snying rje ldan/ /dad
218b5 dang brtson 'grus dam tshig dang / /cho gas dag par sbyangs pa yis/ /dbang po rab kyi spyod yul yin/ /rdo rje gsang ba'i theg pa 'di/ /ngo bo nyid dang byin rlabs
218b6 dang | |mtshon dang rdo rjer grub pa ste/ /rdo rje theg pa bde ba che/ /rang bzhin ngan dang dman pa dang / /phyin ci log dang mi mos dang / /dbang dang dam tshig med pa la//
218b7 gsang phyir gsang ba'i theg par gsungs/ /thabs dang bral ba'i slob dpon gyis/ /snod dang bral ba'i slob ma la/ /gsang ba'i snying po bstan gyur na/ /bdag
219a1 dang gzhan kun sdug bsngal zhing / /sreg dang bsgribs par yun ring gnas/ /sgyu 'phrul dra ba rdo rje me long gi rgyud chen po
219a2 las| mtshan gyi don gyi bshad pa dang po'o// //de nas gzhan yang bshad bya ba/ /thun mong ma gyur gsang ba'i don/ /thun mong ma yin 'khor
219a3 dag la| |phyogs bcu rgyal ba rdo rje 'chang / /dkyil 'khor mngon du phyung ba yi/ /rdo rje pad+ma 'brel ba yis/ /byang chub sems kyis dbang bskur nas/ /thun
219a4 mong thun mong ma yin pa'i/ /nyon mongs lta dang shes bya rnams/ /skad cig yud la gsal byas te/ /thun mong khyad par gsal ba yi/ /lam gnyis nges
219a5 par ston pas na/ /ston pa zhes ni brjod pa yin/ /de yi gnas mchog bshad bya ba/ /'byung dang bzhugs dang rten pa dang / /mtshon pa byin gyis brlabs
219a6 phyir ro/ /thabs dang lam gyi khyad par gyis/ /kun bdag rdo rje 'chang chen nyid/ /gtsang ma rigs dag spangs pa yi/ /'og min gnas mchog chen po
219a7 der| |yang dag sangs rgyas der sangs rgyas/ /skal med skye bo gdul ba'i phyir/ /sprul pa po ni 'dir sangs rgyas/ /sangs rgyas kun gyi bzhugs pa'i
219b1 gnas| |gtsang ma rigs dag rnam spangs pa/ /'jig rten las kyis mthar gyur pa/ /'og min 'bar ba'i gzhal yas khang / /phyogs bcur rgya yongs ma chad
219b2 pa'i| |yon tan khyad par spags pa na/ /gsang ba yum gyi b+ha ga la/ /bcu gsum sa yi dbang phyug ldan/ /rdo rje 'chang chen dpag med dang / /til 'bru'i tshul
219b3 du rab tu bzhugs/ /chos rnams kun gyi de bzhin nyid/ /thog ma tha ma dbus med pa'i/ /rang bzhin don gyi 'og min ni/ /rgyal ba kun gyi pho brang phyir/ /'das
219b4 dang da ltar ma byon pa'i/ /rgyal ba kun gyi rten pa'i gnas/ /de dag nye bar mtshan pa yi/ /yid dang mtshan ma las gyur pa'i/ /bsgoms dang bris dang byas la
219b5 sogs| |de dang 'dra ba'i gzhal yas khang / /rgyal ba sngags dang byin rlabs kyis/ /der gnas don phyir mtshon pa'i gnas/ /thun mong thun mong ma yin pa'i//
219b6 bsod nams ye shes khyad par can/ /bsags pa sna tshogs las byung ba'i/ /rdzogs longs spyod pa chen po ni/ /gtsang ma rigs dag spangs pa yi/ /'og
219b7 min chen po'i gnas mchog na/ /rigs bdag phyag rgya lhun grub sku/ /gcig dang ma rnam spangs pa/ /sangs rgyas kun gyi spyi gzugs te/ /gdod nas theg
220a1 mchog mdzod nyid phyir/ /sgrib pa mtha' spangs gdul bya la/ /skad cig gcig gis spangs par mdzad/ /chos rnams sna tshogs
220a2 ji snyed pa/ /dngos po tha dad med phyir zlum/ /khyad par spags dang tshad med dang / /ye shes bzhi phyir 'khor lo bstan/ /chos dbyings 'du 'bral med
220a3 pa'i phyir/ /yu khyud zlum por kun nas bskor/ /sku gsung thugs dang byin rlabs dang / /thugs rjes ma khyab med pa'i phyir/ /yon tan rgyas pa'i dbyings
220a4 su bstan/ /rab byung ye shes mtha' bral bas/ /phyogs bcur 'gro 'ong mi gnas pa'i/ /tshad dang bral ba'i sems kyi phyir/ /gzhi rtsa tshad med 'khor
220a5 lor bstan/ /gdod nas byin brlabs ngo bo'i phyir/ /ma bsags lhun rdzogs mdzod nyid de/ /'gro ba re 'dod skong ba'i phyir/ /rin chen 'bar ba'i
220a6 gzhal yas khang / /sna tshogs dngos dang dngos med pa'i/ /chos kun ngo bor rang gnas te/ /bdag gzhan gzung 'dzin bral ba'i phyir/ /phyi dang nang
220a7 bral sgrib pa med/ /thun mong la brten thabs kyi 'bras/ /ye shes thabs kyis 'phags pa nyid/ /gdul bya'i blo la mngon snang bas/ /glo 'bur bzhi ni
220b1 lhag par mdzes/ /thun mong thun mong ma yin pa'i/ /gdul bya'i rim pa mtho dman kun/ /stong smon mtshan med 'od gsal 'jug /de phyir ye shes sgo bzhir
220b2 shar| |thabs mang bsam gyis mi khyab pas/ /lam brgyad rim par bgrod pa yis/ /'bras bu yon tan kun rdzogs pas/ /rta babs rgyu 'bras bcu drug bstan//
220b3 zhen dang spong ba'i lam bral bas/ /'dod yon ye shes lnga rol te/ /bdag mchod kun mnyes las byung bas/ /'dod yon lha mos 'khrigs par bstan//
220b4 thabs dang shes rab ldan pa yis/ /ma chags thabs dang ldan pa dang / /che ba'i yon tan lhun rdzogs pas/ /nyi zla pad+ma rin po che/ /las dang thugs rje smon lam
220b5 gyis| |byang chub sems dpa' mthu bo che/ /smon lam dbang gis de dag tu/ /thos pa rgya mtsho gsog phyir gnas/ /de tshe dus kyi tha bral yang / /ngo bo dus bzhi
220b6 mnyam pa'i dus/ /dus kyi mtha' la mngon rtogs pas/ /thun mong min pa'i dus su bstan/ /de tshe phyogs bcu rgyal ba yis/ /bskal pa bye bar lung bstan pa//
220b7 'dul ba'i dus bab gsang ba'i bdag /lag na rdo rjes bsdu ba mdzad/ /dus gsum rgyal bas byin brlabs phyir/ /'khor gyi nang na skal mchog ldan/ /gsang ba'i
221a1 rdo rje 'chang bsdus nas/ /'dul ba'i 'khor lo bstan par mdzad/ /'das dang ma byon da ltar gyi/ /sku gsum sku gsum thugs nges
221a2 pa'i| |de bzhin nyid du thabs gang gis/ /gshegs shing gshegs dang gshegs gyur pa'i/ /thar pa gsum dang ye shes dang / /pha rol phyin pa drug ldan pa/ /
221a3 zhing khams yon tan bsam mi khyab/ /bye brag brgyad cu kun 'dus pa'i/ /rgyal ba rgya mtsho kun gyi mtshan/ /gang phyir rdo rje thugs chud pas/ /las dang spyod
221a4 pa dka' thub dang / /srid pa'i ri bos mi bskyod pas/ /de ni mi bskyod mchog tu gsungs/ /thabs dang shes rab 'brel ba yis/ /ji snyed sku gsung thugs
221a5 snang ba| |mos dang thabs kyi khyad par gyis/ /sna bar snang phyir snang mdzad mchog /rgyal ba kun gyi yon tan ni/ /tshogs rnams 'dus pa'i ngo bo ste/ /yon
221a6 tan rin chen ltar 'byung bas/ /rin chen 'byung bar gsungs pa yin/ /dpag tu med pa'i gsung gi sgo/ /dbang po thabs kyi bye brag gis/ /don brtags
221a7 gsung dang yi ge'i sgo/ /mtha' yas snang phyir mtha' yas mchog /dpag med thugs rjes mdzad pa yi/ /'gro 'ong med pa'i thugs rje yis/ /'gro ba skyob
221b1 pa'i don mdzad pas/ /don grub ces ni rnam par bstan/ /rig pa'i rgyal po 'di dag kyang / /tha mal lnga nyid gnas dag cing / /de las thabs des mngon byas pas/ /
221b2 der dbang bsgyur de nyid snang ba/ /rgyal po nyid du brjod pa yin/ /steng 'og gnyis las mngon gyur pa'i/ /sbyor dang 'ju 'dul rlung gi rim/ /gang de thabs las
221b3 mngon gyur pa'i/ /bde ba'i gzugs dang tshor ba dang / 'du shes dang ni 'du byed dang / /rnam shes zag med bde ba'i ros/ /dbang sgyur ye shes rgyal por bshad/ /
221b4 gang phyir snang dang bsgoms dang bris/ /phyag rgya rtsa bcud thig le'i mdog /dkar dang dmar dang ser ba dang / /sngo dang ljang dang rim ldan pa'o/ /rgyal ba kun gyi
221b5 bde skyed cing / /spyod dang de las 'byung ba'i yum/ /thams cad de las skyed pa lnga/ /tha mal zhen pa dag pa dang / /dbang sgyur rgyal mo lnga rang bzhin/ /sra dang
221b6 gsher dang drod dang bskyod/ /nam mkha'i khams kyis gang phye ba/ /steng 'og thabs las mngon gyur pa/ /yul dang shes rab dbyer med cing / /thugs rjes
221b7 shes rab 'brel pa yis/ /'khor ba dang ni mya ngan 'das/ /gnyis med gzigs pa spyan gyi mchog /zag med stong pa'i klong chen gyis/ /skyed dang sdud dang gnas
222a1 pa'i phyir/ /mtha' dbus bral ba'i de bzhin nyid/ /nam mkha'i dbyings zhes gang brjod pa'o/ /thun mong thun mong ma yin pa'i//
222a2 las dang lta ba nyon mongs dang / /shes bya'i dri ma mtha' yas pa/ /rtogs pas sbyong zhing sreg pas na/ /gos dkar ma ru brjod pa yin/ /gang phyir las dang ting
222a3 'dzin dang / /ye shes thugs rje bar med chus/ /gang dag 'khrud dang tshim byed pas/ /chu ni mA ma kI ru bshad/ /gang phyir rtogs dang thabs dag dang / /ting 'dzin
222a4 thabs kyi rlung ngag gis/ /bgrod pa med pa'i zhing khams su/ /sgrol bas sgrol ma nyid du bshad/ /snying po rang byung ye shes nyid/ /kun brten gnas dang khyab pa'i phyir/ /
222a5 byang chub sems kyi rang bzhin la/ /sa yi snying por brjod pa yin/ /rang byung snying po byang chub sems/ /nam mkha' lta bur bsam brjod med/ /mtha' dbus sgro skur gang
222a6 'das pa/ /de ni nam mkha'i snying po nyid/ /gang phyir thugs rje dpag med pas/ /'gro ba chu bo rgal gyi bar/ /skyo ba med par gzigs pas na/ /spyan ras gzigs
222a7 dbang pad+ma'i gtso/ /rtogs dang dbyer med rdo rje yis/ /mtha' yi bdag rtogs mtshan ma dag /'joms pas phyag na rdo rje ste/ /thun mong nyid dang khyad par gyis/ /
222b1 gsang ba'i rnam par shes par ni/ /thun mong yul dang khyad par ni/ /thabs dang shes rab 'brel pa las/ /mtshon dang rtogs dang bsgoms pa yis/ /lha yi bzhir ni mngon
222b2 snang ba| |byang chub sems dang bde ba dang / /thabs kyi bde bas rab sgegs pas/ /lha mo 'di ni sgeg mor bshad/ /grol dang ma grol 'khor ba yi/ /phyi nang sgra yi bye brag
222b3 kun| |brag ca lta bur brjod mdzad pas/ /bar chad med pas phreng ba ma/ /tshim pa'i ngo bo gang bstan pa/ /dri dang ldan pa'i khyad par nyid/ /dbyangs nyid tshim zhing yid
222b4 bde bas/ /de nyid rdo rje gI rta ma/ /ro yis khyab cing gar sgyur ltar/ /bde ba chen po bzhi yi gar/ /khyab dang mdzes dang tshim pa dang / /mi gnas bgrol bas gar mkhan ma/ /
222b5 rgyan dang chags pa'i sgra dag dang / /yid kyi phreng ba bde ba'i phyir/ /lha mo bzhi yi rang bzhin no/ /ma rtogs 'gro ba mtha' yas la/ /rang bzhin thugs rje mdzad pa yis/ /yongs
222b6 la phan 'dogs skyob pa ni/ /'di ni byams pa zhes bya 'o/ /rtogs goms mthar phyin khyad par gyis/ /las dang nyon mongs lta ba'i rim/ /sel ba 'di ni sgrib sel lo/ /
222b7 thabs dang shes rab gnas rtogs na/ /gang phyir spong len mi gnas bas/ /phyi nang snod bcud ma lus pa/ /dbye ba med pas kun tu bzang / /bdag dang gzhan du 'dzin pa kun//
223a1 zag pa med pa'i shes rab kyis/ /lta ba'i dra ba gcod pas na/ /zag med shes rab 'jam dpal sku/ /dbang po yi ge thig ler bcas/ /gnas
223a2 dang rtogs dang bsgoms pa yis/ /mngon du snang phyir brjod pa yin/ /dus bzhi rim pa gnyis brgyad de/ /de nyid dgrol dang brod skyed dang / /spyod yul dag phyir brjod pa
223a3 ni| |dri dang bde bas ngam tshim zhing / /yid ldog med pas rdo rje dri/ /phyi nang khyab pa'i dkyil 'khor la/ /me tog thig ler bder bkod pas/ /rdo rje me tog bla na med//
223a4 phyi nang sems la gnas bcas pa'i/ /mun pa bsal phyir shes rab dang / /ye shes snang ba bla na med/ /rdo rje gsal ba'i mar me ma/ /phyi nang dkyil 'khor ma lus
223a5 la| |rang byung ting 'dzin bde ba yis/ /thams cad khyab par gnas pa'i phyir/ /khyab byed rdo rje dri chab ma/ /de bzhin nyid la dgongs pa yis/ /'khor ba'i chos rnams ma
223a6 lus pa| |byang chub snying po tshar bcad pas/ /rnam par rgyal ba zhes su brjod/ /gzung 'dzin bral ba'i ye shes 'di/ /gnyis 'dzin rtog pa'i gnyen po ste/ /
223a7 rtogs goms de yis 'joms pas na/ /ya mAn+ta krid gshin rje gshed/ /gang phyir 'khor ba'i rgya mtsho las/ /thabs dang bcas pa'i rdzu 'phrul las/ /'joms
223b1 dang sgrol bar mdzad pas na/ /rta mgrin rgyal po de bshad do/ /'khor ba'i bdud rtsi dug lnga la/ /ye shes lnga ru gsal goms pas/ /gnyis med rtsi ru gang 'khyil ba/ /sgrib zad
223b2 bdud rtsi 'khyil bar bshad/ /gang du lus dang bcas pa yi/ /dbang po yul dang rnam shes reg /rang rgyud gcad pa'i ye shes nyid/ /sgo ba rnam pa bzhi ru gsungs/ /rang rgyud rtag chad
223b3 zlog pa dang / /gzungs dang lha dang bde ba dang / /thig le rig par bcas pa nyid/ /gang phyir gnas nas dgug pa dang / /gang du'ang 'gro bar mi nus pa dang / /de las 'da' bar dka'
223b4 ba dang / /bstims nas bde bas dril bu ma/ /gzung dang 'khyud dang bsdams pa dang / /gnyis su med pas bde chen po/ /rang lus snang srid brtan g.yo la/ /rtogs dang goms
223b5 pa'i tshul gyis sbyar/ /de dag ma lus dran byed pa/ /rig pa'i rgyal po kun dbyer med/ /kun gzhi rdo rje mi phyed pa/ /kun tu bzang por de bshad do/ /ma lus 'dus byas ma
223b6 byas chos/ /ma lus zad med khyab pa'i dbyings/ /rtogs dang shes dang gang gyur pa/ /kun tu bzang mor de bshad do/ /mi shigs thig le bde chen po/ /ye shes lnga ldan
223b7 dwangs ma'i bcud/ /rang byung lus can kun gnas pa/ /ston pa po yi gsung can nyid/ /d+harma tsakra chos kyi gnas/ /'od bzhi e tshogs tshul du ni/ /lus sbas pa yi tshul
224a1 dag gis/ /lus can kun la khyab par gnas/ /rang byung thugs kyi bde ba nyid/ /rgyu ba bral ba'i snying po ste/ /bar ma ar+tha byang chub
224a2 sems| |nam mkha'i ye shes thugs kyi klong / /ma na ma ta dran rtog yid/ /rnam shes rgyu ba'i dran rtog rnams/ /ye shes nam mkhar gsal 'dod pa/ /dran rtog rig
224a3 pa 'khor du gnas/ /zag med rnam shes bsam mi khyab/ /ma lus nam mkha'i ye shes su/ /bde chen rig pa'i mi rtog par/ /bsdus te nyams la gnas par
224a4 mdzad| |bde ba chen po ma skyes pa/ /nam mkha' lta bur mi phyed pa/ /nam mkha'i ye shes dbyer med sku/ /dus gsum kun gyi ngo bor gnas/ /'di zhes nye bar bstan
224a5 pa ni| |e sogs bzhi yi tshul gnas te/ /phyi nang bar khyams gdong bar bcas/ /gsang ba'i 'og min rgyan rdzogs pa'o/ /thig le baM dbyibs spros pa med/ /brjod
224a6 med bstan pa gsung mdzad cing / /byin brlabs bde chen mi rtog pa/ /'khor la snang bar mdzad pa'o/ /ma ni ma nu ma ta ste/ /sdom byed dran rtog yid kyi dngos/ /las
224a7 can rnam shes de dag gis/ /gsal bar go bar 'khor du brjod/ /chos rnams kun gyi ngo bo nyid/ /thig le bcu drug sems lnga'i dngos/ /mi rtog lhan cig skyes pa'i
224b1 don| |byin brlabs mngon sum tshul gyis gsal/ /thabs dang shes rab gnyis med pa'i/ /thig le zag med skyes pa'i dus/ /bsam med lhan cig skyes pa'i tshe/ /bde ba
224b2 chen po'i dus su 'dod/ /shes pa rten dang brten par bcas/ /thabs kyi rim pa la brten nas/ /rlung gis bsdus pa'i don gyis ni/ /rang rig thabs kyi rgyal por gsal/ /
224b3 gang dang gang la gang du ni/ /gang gis gang tshe gang gsungs pa/ /brjod 'byung rtsa bar de gyur pas/ /gleng gzhi zhes ni bstan pa yin/ /de bzhin gshegs pa thams cad kyi/ /
224b4 dbyer med ye shes gcig gi dang / /rdo rje 'chang chen kun bzang las/ /sna tshogs sku ni rnam par 'phrul/ /de tshe rgyal ba thams cad kyang / /lha la rdo rje 'dzin pa nyid/ /lha
224b5 min ston pa phrag dog rje/ /mi la thub pa'i dbang po ste/ /byol song sgra yis 'dul mdzad pa/ /yi dwags drag pos gdung ba sel/ /dmyal ba sdug bsngal chos kyi rgyal/ /
224b6 gdul ba'i sprul sku ngo bor shar/ /la la lha las 'pho ba dang / /la lar lhums zhugs bltams pa dang / /dka' thub bdud btul sangs rgyas nas/ /'khor lo bskor te
224b7 mya ngan 'das/ /gnas la nges pa yod min te/ /dmyal ba yi dwags byol song dang / /mi dang lha dang lha min te/ /so so'i gnas te gang yin pa/ /'gro ba 'dul phyir ston
225a1 pa'i gnas/ /lha rnams dang ni mi rnams dang / /lha min yi dwags dud 'gro dang / /dmyal ba so so'i 'gro ris dag /rang rang mos dang las
225a2 dbang gis/ /'dul tshul tha dad dbang gis 'khod/ /rang rang mos pas phrad pa'i tshe/ /rang rang brda' skad tha dad pas/ /rtogs dang grol bar gang gyur pa/ /rang rang /
225a3 ji bzhin ston pa'i dus/ /bstan pa'i theg pa sna tshogs te/ /rang rang zhen pa mtha' yas phyir/ /tshul dang mos pa'i dbang gis na/ /theg pa sna tshogs tshul du
225a4 snang / /theg gcig mnyam pa nyid kyi tshul/ /gnyis dang gsum dang bzhi dang lnga/ /dgu dang brgyad khri la sogs pa/ /'gro ba 'dul ba'i tshul gyis snang / /sku dang
225a5 gsung thugs las dag gis/ /'dul dbang thabs ni sna tshogs kyis/ /chos kyi 'khor lo rab tu bskor/ /de tshe 'gro ba so so yang / /rang gi gzhi rtsa don rig nas//
225a6 rim pa lnga 'am thabs gcig gis/ /rig 'dzin sangs rgyas sa la gnas/ /rang rang cha 'dzin sprul pa'i lus/ /sar gnas 'khor gyi dang po yis/ /de dag
225a7 zhus pa'i rim gsungs pa/ /blo dang tshig dang yi ger bsdus/ /rgyud ces bya ba rgyun du grags/ /sku dang gsung dang thugs kyi rgyud/ /lta spyod dkyil 'khor dbang dam
225b1 dang / /sgrub pa 'phrin las lam rim ni/ /phyi dang nang dang sbas pa ste/ /rang bzhin gnas dang mngon byed pa/ /thabs kyi rgyud ni gsum du gsungs/ /phyogs bcu dus bzhi
225b2 mngon rdzogs pa'i/ /mdo sde 'dul ba mngon pa dang / /sku dang gsung dang thugs kyi rgyud/ /bskyed rdzogs thabs rim gang bstan pa/ /sgyu 'phrul dra bar 'dus pa ste/ /de
225b3 ltar grags pa'i chos rnams kun/ /rtog pa'i cho ga kun bshad pa'i/ /rgyud chen rgyu 'phrul dra ba ste/ /sangs rgyas kun gyi gsung gi mchog /thog ma bar dang mthar dge ba//
225b4 dus gsum rgyal ba kun gyis gsungs/ /rdo rje sems dpa' sgyu 'phrul dra ba gsang ba me long gi rgyud chen po las/ gleng gzhi rnam par bshad pa'i le'u ste gnyis
225b5 pa'o// //de nas gzhan yang bshad bya ba/ /gang zag thabs ni thun mong du/ /blo yi yul du gang gyur pa/ /de ni thun mong yul nyid de/ /gang zag
225b6 thabs dang ston pa nyid/ /de yi spyod yul ma gyur cing / /thabs chen gsang ba dang ldan pa/ /de ni thun mong ma yin pa'o/ /de nyid skye bo 'khor gnyis don/ /rnam gnyis tshul
225b7 du snang bar mdzad/ /phung po khams dang skye mched nyid/ /rgyal ba yab yum sems dpa' dang / /sems ma nyid du lhun gyis grub/ /gsang yul dbang po rnam shes
226a1 reg /ma lus 'joms phyir khro bo ste/ /rtags sogs mtshan ma las skyes phyir/ /yum ste las kyis mi gnas bshad/ /yid chos
226a2 bzang po bzang mo nyid/ /chags sogs nyon mongs drug po nyid/ /thub pa sprul pa drug tu bshad/ /de nyid phyogs bcu dus bzhi yi/ /phung po 'byung ba rnam shes
226a3 yul| |dbang po dus dang lus chos bzhi/ /mtshan ma nyon mongs yum nyid de/ /de nyid sems phyir ma skyes pas/ /lhag pa'i bden gnyis 'brel pa las/ /byang chub
226a4 sems lnga rnam par 'phrul/ /dngos po snang grags chos thams cad/ /skye ba med dang 'gag med dang / /gnas pa med dang dmigs med dang / /'gro 'ong med pa nyid du
226a5 snang / /bdag phyir ye shes gsal snang yang / /gzhan phyir de dag ma rtogs pas/ /rang bzhin ngo bo ye nas gsang / /shin tu gab sbas gsang ba'i don/ /de
226a6 nyid legs par bshad pa'i don/ /ye nas mnyam nyid gsang ba la/ /ma rig log rtog rkyen dbang gis/ /'khor ba'i sdug bsngal ngo bor snang / /de nyid bde
226a7 gshegs snying po de/ /dngos med dngos po'i snying po can/ /'gro ba rnams ni smin bya'i phyir/ /sku gsung thugs kyi rang bzhin las/ /sprul ba rnams ni rnam bar
226b1 'phrul| |sku dang gsung thugs sna tshogs kyi/ /chos kyi 'khor lo rnam par bskor/ /rgyal ba'i dkyil 'khor de dag kyang / /ston pa 'khor gyis gcig la gcig/
226b2 yab dang yum dang gnyis med dang / /gang la gang gis gleng bslang ba/ /brda dang dgongs pa'i tshig gis te/ /bstan pa'i tshogs ni snang bar 'gyur/ /'phen pa chung
226b3 gi sbyor ba yis/ /thabs des yum la gang bskul bas/ /gnyis med 'brel pa'i chags pa'i 'od/ /sa ya bcu gsum sku gsung thugs/ /bde chen lha ru gsal
226b4 byas shing / /nam mkha'i ye shes mngon phyung nas/ /bde ba'i ye shes gsal ba'i ro/ /skye dang dga' dang gnas pa dang / /'gro 'ong nyid las shes par 'gyur//
226b5 gang gis gang la gang bslangs pas/ /gang rkyen dbang gis de dag las/ /ye shes gsal bar gang snang bas/ /snang srid lus dang dngos por bcas/ /nam
226b6 mkha'i ye shes cir yang snang / /nang gi gleng bslang thabs chen yin/ /gang phyir thabs kyis shes rab la/ /chags pa'i glu dang sbyor bas bskul/ /shes rab
226b7 thabs la lan bskul ba'ang / /sha da pa yi glu gar dang / /sngags sbyor ba yi rim pa yis/ /phyag rgya bzhi yis mngon sbyar bas/ /thabs dang shes rab gnyis
227a1 med pa'i/ /rgyu ba rlung gi sbyor ba yis/ /dgug dang bkug pa'i thabs nyid de/ /dbab dang gzung dang bskyil ba dang / /zlog dang gzung dang
227a2 sbyar ba yis/ /bskyed dang rdzogs dang rdzogs chen po/ /thun mong thun mong ma yin pa'i/ /mthar thug rim pa las byung ba'i/ /kun kyang sems lngar snang ba ste/ /thabs
227a3 las byung ba'i thig le dang / /shes rab gsang ba'i thig le dang / /gnyis med bde ba las byung ba'i/ /sems lnga rim par snang bar 'gyur/ /thabs dang shes
227a4 rab mnyam sbyor zhing / /sku dang gsung thugs las byung ba/ /bye brag brgyad cu kun 'dus pa/ /dkyil 'khor bzhi bcu rtsa gnyis te/ /sku gsung thugs dang ye shes
227a5 lngas| |thabs dang rang bzhin 'brel ba yis/ /'gro ba kun la rgyas btab pa'o/ /snod bcud bde ba'i rang bzhin gyis/ /ma lus lhan cig skyes par gnas/ /g.yo
227a6 ldang smon 'jug gnas mthar phyin/ /skye ba'i gzhi dang thabs dag dang / /skyes nas mthar phyin ye shes lnga/ /sangs rgyas kun gyi rang bzhin nyid/ /ji lta ba
227a7 bzhin rnam par gnas/ /'gro ba mos pa'i khyad par gyis/ /gzugs dang kha dog sngags dang 'od/ /dkyil 'khor la sogs so sor gnas/ /gang zag blo dang
227b1 'tsham par bstan/ /rten dang brten can las byung ba'i/ /rang byung bde chen me rtog pa/ /lus med lus la gnas pa yi/ /khyab pa gnyis med gang ba'i tshul/ /gang
227b2 phyir zag med bde ba yi/ /ting 'dzin bde ba khyad par can/ /rang bzhin brtags dang snang ba dang / /byin rlob nus pa'i lha yis ni/ /phyi nang snod bcud sku gsung thugs/ /
227b3 ma lus sbyor ba gsum las byung / /rtsa dang rlung dang thig le dag /rim par bsten dang sbyor ba dang / /'phen dang sdud pa rlung gis te/ /dwangs mar ye shes rlung gis
227b4 'jug /steng dang 'og las byung ba yi/ /bde ba'i thig le rim pa dag /dwangs snyigs rlung gi khyad par gyis/ /ji ltar 'dod pa'i 'bras bu nyid/ /rkyen gyis nus pa
227b5 phrad pa ltar/ /rgyu gcig nus pa so sor snang / /'jig rten 'das dang 'jig rten pa'i/ /lam ni rtsa dang thig le dang / /rlung ni phyi nang dwangs snyigs dang / /lam dang rgyu ba'i tshul
227b6 las byung / /gang phyir med dang nus pa med/ /stongs dang log pa'i nus mthu yis/ /rang lus 'jig dang sdug bsngal zhing / /dbang po ma tshang dman par gyur/ /gang phyir
227b7 thun mong thun mong min/ /sems lnga ye shes lnga bstan pa/ /rang bzhin ting 'dzin gzugs brnyan du/ /gzungs ma rigs la rten bcas pa'i/ /sems lnga yun ring thung
228a1 bcas pas/ /bdag gzhan chos rnams ma lus pa/ /lhan cig skyes pa'i ye shes te/ /dngos bo ma yin dngos med min/ /bdag gzhan
228a2 gnyis ka gnyis med min/ /rang byung bde chen sgyu ma nyid/ /rdo rje brtan po rang snang ba/ /ye shes sgyu ma lhun gyis grub/ /rdo rje sems dpa' sgyu 'phrul dra ba gsang ba
228a3 me long gi rgyud chen po las/ gleng bslang ba bshad pa'i le'u ste gsum pa'o// //de nas gzhan yang bshad bya ba/ /kun gyi shes bya yul
228a4 bshad pa/ /chos rnams ma lus thams cad kun/ /gcig dang tha dad kun bral ba'i/ /mtha' dang dbus med de bzhin nyid/ /sgro skur kun bral mnyam pa
228a5 las| |rtogs dang ma rtogs khyad par las/ /sna tshogs chos ni rnam par 'phrul/ /gzhi dang rtsa ba las 'das pa'i/ /mtha' dang dbus med de bzhin nyid/ /dngos
228a6 med dngos po yul 'das la/ /'khor dang mya ngan 'das pa yi/ /ngo bo sna tshogs rang snang ba/ /gnyis med thabs chen rdo rje nyid/ /e ma'o gnyis med bde chen las/ /
228a7 sna tshogs gnas dang longs spyod dang / /rigs dang kha dog tshe tshad dang / /bde sdug dbang po bye brag dang / /rang bzhin sna tshogs rnam par 'phrul/ /sgyu ma chu zla 'ja'
228b1 tshon ltar/ /byang chub sems kyi ngo bor gnas/ /las dang rkyen gyis gang snang ba/ /rang rang zhen pa'i tha dad kyis/ /dbang po khyad par sna tshogs pa'i/ /rtog pa'i nus ba sna
228b2 tshogs mthong / /rang bzhin gzhi rtsa med pa'i dbyings/ /lhan cig skyes dang kun brtags pa'i/ /ma mthong log zhen brtas pa yis/ /'khrul 'khor log pa'i stobs su
228b3 snang / /'khor ba ma gsal dag pa yi/ /zhing dang spyod yul longs spyod dang / /ting 'dzin dbang stobs rdzu 'phrul dang / /mngon shes ye shes dpag med pa'i/ /sna tshogs
228b4 sku dang gsung thugs dang / /yon tan 'phrin las rang snang ba/ /bdag gzhan lhun gyis grub pa'i don/ /sna tshogs yid bzhin nor bu ltar/ /ma bsags lhun gyis grub
228b5 pa'i sku| |sna tshogs kun dang dbyer med pa'i/ /kun la yid bzhin mthun par snang / /kun kyang rang byung byang chub sems/ /bden pa dbyer med don du snang / /gang phyir
228b6 nam mkha'i rang bzhin ltar/ /gang la de ltar snang ba las/ /yang dag gcig tu gzung du med/ /ma bcos rang byung zhi ba nyid/ /rnam par dag pa'i snying po ste/ /'khor ba
228b7 nyid na mya ngan 'das/ /rnam par dag pa'i dbyings su mkhyen/ /sgro dang skur ba kun bral ba'i/ /thams cad rang snang snying po las/ /sna tshogs ma lus rnam par 'phrul//
229a1 dngos dang dngos po med min zhing / /gang la de nyid yul 'das pa/ /nam mkha' lta bur dpag med ba/ /phyogs ris mtha' dbus rgya
229a2 dpag med/ /gang gis gang la khyab pa ltar/ /mkha' sogs rdul bral 'byung ba'i bcud/ /zag pa med pa'i snying po nyid/ /lus can kun gyi dbang po dang / /dngas
229a3 mar 'brel bar gang snang yang / /mthong ba log pa'i stobs kyis sgyur/ /bdag gzhan med pa'i rang snang yin/ /ma lus thams cad dbyer med pa'i/ /thabs dang
229a4 shes rab bcud lnga'i rgyun/ /longs spyod thabs su bcas pa nyid/ /'gro ba kun la khyab par gnas/ /gang yang thabs dang shes rab kyi/ /sgyu 'phrul dra ba'i
229a5 rang bzhin nyid/ /rang bzhin dbyer med byang chub sems/ /bde ba chen po'i ngo bo nyid/ /'das dang da ltar ma byon gyi/ /rgyal ba rig 'dzin mtha' yas
229a6 dang / /ma lus kun gyis rtogs bya ba/ /phyogs med khyab pa'i ngo bor gnas/ /gang snang ma lus de bzhin nyid/ /ma bcos ma byas zhi ba ste/ /gcig
229a7 dang du ma las 'das pa/ /sangs rgyas kun gyi rang bzhin nyid/ /mtha' bral nam mkha'i rang bzhin ltar/ /ma lus gnas pa de dag kyang / /rtogs pa'i khyad
229b1 par dbang po yi/ /mthong tshul dag dang ma dag gis/ /rang bzhin yul dang ma gyur pas/ /phyi nang gsang ba la sogs pa'i/ /dbang dang man ngag 'brel ba yis/ /de nyid
229b2 mthong rtogs don phyir bshad/ /gang phyir rdo rje slob dpon nyid/ /yon tan yongs rdzogs nus pa can/ /dad ldan brtson 'grus brtul shugs can/ /shes rab khyad par
229b3 gang ldan la/ /dbang dang dam tshig man ngag dang / /rgyu rkyen 'brel ba'i nus pa yi/ /bde ba gsal ba mi rtog pa/ /thabs kyi phun sum tshogs par 'gyur/ /gsang ba'i
229b4 gsang chen snying po nyid/ /sku gsung thugs kyi dngos grub ste/ /phyi nang bdag gzhan ma lus pa/ /thams cad dbyer med de bzhin nyid/ /thabs bral kun la rgyas btab
229b5 pas| |mun pa'i tshogs su gyur pa yin/ /mun snang dug dang gser 'gyur rtsi/ /thabs mkhas rang bzhin nges 'gyur ltar/ /gang de'i lta spyod ting 'dzin gyis/ /de ma thag
229b6 tu de bzhin 'gyur/ /dbyer med nam mkha'i rang bzhin du/ /kha dog dbyibs dang rdzas la sogs/ /ma lus tha dad med pa ltar/ /thabs mkhas ma lus de bzhin 'gyur//
229b7 tha mal pa dang log pa dang / /dka' thub can dang rkyen rtogs dang / /phyi nang can dang tha dad can/ /gtsang sme can dang phyogs rtogs nyid/ /mnyam nyid lta las gang 'das
230a1 pa| |ngo bo nyid dang thabs dag dang / /dbang po la sogs log pa yis/ /de nyid gnod pa'i stobs su 'gyur/ /gang la gang gis zin pa'i
230a2 nad| |thabs dang brtson 'grus legs pa yis/ /de ltar brtson pa'i khyad par gyis/ /de nyid ma spangs rnam par dag /gang phyir de nyid nges pa las/ /rtogs dang ma rtogs
230a3 khyad par gyis/ /tha dad chos su gang snang ba/ /dngos la da ltar gnas pa min/ /rdo rje skye med shes rab ste/ /me long thabs nyid sna tshogs snang / /gnyis med 'brel
230a4 ba'i mnyam pa nyid/ /ma lus dbyer med dam par bshad/ /de nas rtogs sgo bshad bya ba/ /gang la gang gi don med pas/ /lta dang spyod dang lam 'bras dag /'di
230a5 nyid don gnyer gzhan med pa'o/ /gang gis de dag de don du/ /tshig dang sngags rdzas dka' thub kyis/ /gang bstan de yi byin rlabs kyis/ /bdag gzhan phan par
230a6 gang 'dod pa'o/ /gang las gyur pa de zhig pas/ /lus sems 'byung ba'i bag la gnas/ /phyin chad phan gnod chos med pas/ /dka' thub 'bad rtsol mi dgos
230a7 so/ /gang phyir byed pa'i rgyu bzhi dag /mnyes dang dag pas bde bya'i phyir/ /las dang dka' thub drag shul gyis/ /grol zhing thar bar 'dod par snang / /bde bzhi bcu drug
230b1 tha dad lam/ /khams gsum mthong sgom song tshul gyis/ /rang don zag pa kun bral nas/ /rang don thar pa mya ngan 'das/ /rkyen rtog bag chags sad pa yis/ /'byung
230b2 med bcu gnyis rang brtags nas/ /ma rig 'khrul 'khor rgyu 'bras zad/ /yid bzhin bde ba mchog gi sa/ /tha dad med pa'i rig pa'i sems/ /bden rdzun khyad par
230b3 cir bltas pas/ /gsal la mi rtog snying po nyid/ /bdag gzhan nus pa'i stobs su snang / /chos rnams sgyu ma mig yor dang / /brag ca chu zla 'dra ba yi/ /de nyid mtha'
230b4 dbus bral ba ni/ /bden gnyis 'brel pa dbu ma'i tshul/ /rdo rje dam pa gsum bkod de/ /dngos po sgyu ma las grol nas/ /dag pa'i brten 'brel la brten nas/ /ye
230b5 shes sgyu ma mngon sum shar/ /gang phyir las dang bya ba dang / /khrus dang gtsang sbra la brten nas/ /sngags dang phyag rgya'i mthu stobs kyis/ /sgo gsum rdo rje 'dzin pa'i
230b6 sa| |de dag las mthun khyad par nyid/ /de kho na nyid bzhi rtogs nas/ /las dang ting 'dzin 'brel goms pas/ /rdo rje 'chang ba'i sa la gnas/ /ting 'dzin rig pa
230b7 gtsor byas nas/ /sngags dang phyag rgya bsam pa yis/ /cha lugs ji bzhin mngon bsgyur te/ /goms pas bdag gzhan don grub pa'o/ /thabs dang grol ba'i khyad
231a1 par gyis/ /dbang po yul dang rnam shes dang / /snang srid phyi nang snod bcud kyi/ /spyod yul ji ltar 'gyur ba kun/ /thabs dang shes rab
231a2 dbyer med pa'i/ /gsang ba'i thabs kyis rgyas btab pas/ /ma lus rdo rje nyid du 'gyur/ /snang srid dpa' bo thabs chen de/ /rang bzhin dbyer med dag pa yi/ /sna
231a3 tshogs 'phrul pa rang snang bas/ /ma lus gnyis med ye shes yin/ /thabs dang shes rab gnyis med pa'i/ /thabs dang rig pa gang zin pa/ /gzhan gyis dor
231a4 ba'i 'khor ba'i chos/ /ye shes bdud rtsi'i ngo bor 'gyur/ /ma lus gcig dang tha bral ba'i/ /ji ltar mthun pa'i snying po la/ /so so'i don ltar mi gnas pas/ /
231a5 bskyed ba lta dang gzhal yas dang / /rdzogs pa nam mkha'i ye shes dang / /dngos po lhan cig skyes pa ru/ /snang ba rkyen gyis bsgyur ba ltar/ /ma lus de yi ngo bor
231a6 'gyur| |de dag bltas pa'i khyad par gyis/ /rang re'i mos dang bsam pa dang / /nus pa'i rim pa cir snang yang / /nam mkha' dang ba'i rang bzhin las/ /nyi zla gza'
231a7 skar sprin khu rlangs/ /rang byung rang dwangs 'gyur med ltar/ /ji ltar snang ba'i chos rnams kun/ /dngos dbang don las ma g.yos pas/ /de dag de ltar nyid gnang
231b1 bas| |de nyid nam mkha'i khongs su 'du/ /de nas bstan tshigs bshad par bya/ /ma lus 'gro ba thams cad la/ /byang chub snying pos kun khyab pas/ /kun gyis mthong
231b2 goms bya dgos pas/ /so so thun mong gtan tshigs dang / /thun mong ma yin la sogs pa/ /rgya mtsho klong dang chu bo ltar/ /ma lus 'dul shing 'byung ba yin/ /thun
231b3 mong bzhi sogs gang yin pa/ /log lta phyogs 'dzin dgag pa dang / /dngos dbang thabs dang 'brel mtshon phyir/ /thun mong gtan tshigs brjod pa yin/ /gang phyir
231b4 gtan tshigs thams cad kyis/ /rang las 'phrul phyir me long nyid/ /ma lus gcig dang tha dad min/ /gang gi mtha' las yongs grol te/ /dbus su gsung med
231b5 gtan la phebs/ /gcig dang du ma bral ba'o/ /rgyu dang rkyen dang 'bras bu ste/ /thabs de gdod nas dag pa gsum/ /ma lus rang snang rtogs pa nyid/ /mtshan nyid de
231b6 yi mtshan nyid do/ /rgyu gcig pa dang yig 'bru'i tshul/ /byin gyis brlabs dang mngon sum pa/ /ma lus rtogs pa bzhir shar te/ /de nyid rtogs pa bzhir snang ngo / /
231b7 ma skyes ngang las gang snang ba/ /chu dang rlabs bzhin gcig pas na/ /de dang der gcig dbyer med pas/ /dngos po lo rgyus nyid kyis shes/ /'khor dang mya ngan 'das
232a1 pa yi| |rtsa ba chags sdang lnga nyid de/ /gzhi rtsam bcos skad cig ma/ /de nyid rang spyir gang snang ba/ /rtogs pas spyi dang rang mtshan
232a2 shes/ /snod bcud rgyud rnams mtha' yas dang / /mnyam gnyis lhag pa'i mnyam gnyis kyis/ /dngos po snang grags chos rnams kun/ /ma bcos de bzhin
232a3 nyid du gnas/ /ma lus snying po thig le dang / /lnga bdag brgyad cu rtsa gnyis rgyu/ /sa ya bcu gsum rtsa yan lag /ro dang gnas skabs kun las grol/ /dang
232a4 po gnas dang gnyis pa gnyis/ /gsum pa ma lus khyab byed pa/ /nyams su myong byed gtan tshigs so/ /thig le gnas dang yig 'bru dang / /de yi
232a5 byin rlabs 'dres pa yis/ /bde ba chen po mngon du snang / /chu las chu bo tha dad de/ /rgya mtsho las ni chu thigs dang / /lam dang zhing sa'i 'bras bu ltar/ /
232a6 thabs kyi khyad par snang ba yin/ /dwangs ma lnga las gang byung ba/ /ji snyed lus sems rtsa thig le/ /khams lnga'i ro dang bcud snang ba/ /ye shes chen por
232a7 gtogs pa yin/ /gsum dngos brgyad sogs kha dog grangs/ /gnas pa gang yin de snod de/ /so so'i bcud kyi khyad par las/ /byang chub sems nyid
232b1 gsal bar snang / /don dam kun rdzob dbyer med pa'i/ /bden bzhi dbyer med drangs ma nyid/ /ma lus khyab pa'i tshul gyis snang / /thabs dang shes rab gnyis med
232b2 pa'i| |thig le gcig dang du ma nyid/ /bral ba'i ye shes chen po nyid/ /gcig dang du ma las grol ba'o/ /bcud 'dus thig le gnyis ro rgyu/ /rlung dang gdams ngag
232b3 rkyen ldan pas/ /'bras bu lhan cig skyes par snang / /rang la gnas pa thabs kyis gsal/ /thabs dang shes rab 'brel pa'i ro/ /rtsa yig bcas pa bcud 'dus
232b4 pas| |thabs dang rlung gi gdams pa yis/ /ma lus lhan skyes mngon sum gsal/ /bde dang stong nyid mi phyed pa'i/ /rang rig bde chen ma skyes gzugs/ /ma lus
232b5 'od dang rnam pa ltar/ /dbyer med tshul du rang snang ba'o/ /bde ba skyed pa'i rtog pa lnga/ /rtsa ba yan lag bcas pa nyid/ /ma lus ye shes chen po nyid/ /ye shes lnga
232b6 yis rgyas btab pa'o/ /dbang po snod bcud bcas pa yis/ /yab yum 'brel bar bcas pa'i bcud/ /sems lnga'i rgyud du rang snang ba/ /mnyam pa bzhi yi tshul
232b7 du gsal/ /de la sogs pa mtha' yas pa'i/ /phyi nang gsang ba mthar thug pa'i/ /gtan tshigs mtha' yas bshad pa ste/ /rdo rje me long bshad pa'i rgyud/ /gang
233a1 gis rtogs pa de nyid ni/ /ma lus rang snang sku gsung thugs/ /yon tan 'phrin las rang snang ba/ /zag med rang byung ngang las 'char/ /
233a2 chos rnams 'bras bur lhun rdzogs pa'i/ /bdag dang gzhan don lhun rdzogs pa/ /ma bcos ji bzhin ngang bzhag las/ /lhun gyis grub pa'i dkyil 'khor 'byung / /
233a3 gang dag gang la gang brten pas/ /lhun gyis grub pa'i 'bras bu nyid/ /ma bcos sgyu ma lhun grub nyid/ /dus bzhi phyogs bcu ma lus bar/ /lhun grub 'bras
233a4 bur rang snang ba'o/ /rdo rje sems dpa'i sgyu 'phrul dra ba gsang ba me long gi rgyud chen po las/ /lta ba ma lus ba bshad pa'i le'u ste bzhi pa'o// //
233a5 de nas gzhan yang bshad bya ba/ /sgyu 'phrul dra ba mngon rdzogs pa'i/ /spyod pa'i khyad par ma lus pa/ /'di dag bshad par bya ba ste/ /rang bzhin thabs dang
233a6 mngon gyur pas/ /spyod pa ma lus bstan pa yin/ /e ma'o rang rig snying po las/ /bde sdug gnas dang longs spyod dang / /tshe dang kha dog la sogs pa/ /la
233a7 lar mngon par chags pa ste/ /la lar drag shul zhe sdang spyod/ /la lar ri bos non pa nyid/ /la lar ldongs pa'i mun pa nyid/ /la lar phrag dog snang ba
233b1 yin| |la lar ser sna 'thab rtsod de/ /la lar 'chal dang bya ba btang / /rtsol dang mi rtsol la sogs pa/ /de la sogs pa mtha' yas rnyed/ /chos dbyings mtha'
233b2 yas mu med pa'i/ /nam mkha' dbyings ni mtha' yas par/ /spyod pa'i khyad par de nyid do/ /rang byung thabs kyi spyod pa nyid/ /ji ltar bsam zhing brtags pa
233b3 ltar| |rang bzhin dbye ba med pa'i phyir/ /sgo gsum byed spyod bsam mi khyab/ /thabs dang shes rab rang bzhin gyis/ /ma lus sangs rgyas gnas gyur kyang /
233b4 ma rtogs thabs dang bral ba'i phyir/ /bde sdug sna tshogs bsam mi khyab/ /thabs chen dag dang ldan pa la/ /'dod chags zhe sdang gti mug dang / /nga rgyal phrag
233b5 dog chen po dag /byang chub lam du bde bar bshad/ /thabs dang bya ba sna tshogs kyis/ /mdzad spyod dka' ba sna tshogs pa/ /mi dang lha las thar ba med/ /dper
233b6 na dug dang ldan pa la/ /thabs kyi khyad par ji bzhin du/ /rtogs pa'i khyad par ji bzhin du/ /bde dang sdug bsngal sna tshogs rgyun/ /rang bzhin gnyis med dag pa
233b7 las| |brtags pa'i bye brag khyad par gyis/ /mi mthun bde sdug sna tshogs myong / /ma bcos dbyings las g.yos pa med/ /gang dag thun mong ngo dag las/ /
234a1 las dang bya ba'i sgo nas ni/ /spyad dang spyod dang spyod 'gyur phyir/ /'di skad spyod pas spyod par gsungs/ /rang bzhin rgyal ba'i spyod pa yis/ /chu
234a2 dang rlabs ltar khyab gyur kyang / /spong len bya ba sna tshogs las/ /spyod ba thabs kyis zin pa med/ /gang phyir thabs dang shes rab dang / /sgra dang rtogs pa sna tshogs
234a3 kyis| |thun mong yul du ma gyur pa/ /thun mong ma yin thabs spyod de/ /la lar thun mong nyid du ste/ /thar pa dang ni ma thar pa/ /kun tu rgyu dang mu stegs dang / /bud
234a4 med dang ni ma rabs dang / /rgyal po dpa' bo dka' thub can/ /byis pa la sogs tha dad de/ /la lar dgod dang drag po dang / /gshe dang 'jigs dang zhi ba dang / /la
234a5 lar de bzhin chags chen po/ /g.yo sgyu spyod dang g.yem par ston/ /zhi dang sku dang phrag dog spyod/ /'dod dang longs spyod gzir ba dang / /glu bro gar dang 'jo sgeg
234a6 dang / /de bzhin 'jigs dang sdigs pa dang / /ma rungs pa dang rnam par 'tshe/ /zhing khams rdzu 'phrul spyod pa dang / /ngo mtshar che 'phrul du ma dag /gang dang gang
234a7 gis mdzad pa dag/ skye bo ma lus 'dul pa'i phyir/ /mdzad pa mtha' yas rnam par ston/ /zhi la tshangs dang khrol khro/ /thar ba na chung mdzed dang rol/ /gdung
234b1 dang rmongs dang sdug bsngal ba/ /rang rang ded dpon mtha' yas pa'i/ /sku yi rol pa mtha' yas ston/ /byin gyis brlabs dang rang snang dang / /brda dang rig pa ting 'dzin
234b2 dang / /tshig tu chags sdang rmongs pa dang / /shin tu rgyal dang phrag dog dang / /'jam dang dal dang snyan mi snyan/ /rtsub dang drag dang spom phra dang / /ring thung rol mo lha
234b3 klu dang / /mi dang mi min 'byung po'i sgra/ /khyim bdag dbang chen legs dpon dang / /chags can gtum po la sogs pa'i/ /sna tshogs rol pa mtha' yas pa/ /dag
234b4 dang ma dag tshul gyis ni/ /gsung gi rol pa mtha' yas snang / /la lar byams dang sdang ba dang / /g.yeng dang mi g.yeng rmongs dang ri/ /sdud dang mi sdud yal ba
234b5 dang / /grol dang ma grol rno rtul dang / /ma rig ye shes la sogs pa/ /thugs kyi rol ba mtha' yas pa/ /thams cad mkhyen pa'i tshul gyis snang / /mtha' yas
234b6 dbyer med dam pa nyid/ /lung dang rigs pa man ngag gis/ /tshad ma dag gis gang bcal ba/ /shes bya khong du chud par 'gyur/ /de nas chos rnams ma lus pa/ /bdag
234b7 gzhan phyi nang dbyer med pa'i/ /thams cad mkhyen pa'i tshul gyis snang / /mtha' yas dbyer med dam pa nyid/ da/ran dang shes bzhin brtan po yis/ /dus gsum rgya
235a1 mtsho gting lta bur/ /mi g.yo gsal ba'i ngang gyur nas/ /sgo gsum mnyam par sbyor ba yis/ /dang po rtogs pa'i spyod pa ste/ /de
235a2 bzhin nyid la gsal brtan te/ /stong pa shes rab spyod par bshad/ /de nas phyogs bcu ma lus pa/ /rang byung byang chub sems nyid phyir/ /gang snang rang rgyud
235a3 dngos med de/ /sgyu ma mig yor brag ca dang / /rmig rgyu chu bur la sogs pa/ /gong ma'i stobs dang 'di nyid stobs/ /mnyam par sbyor bas bsgom par bya/ /
235a4 gang la ma bltas mngon byas dang / /ting 'dzin rim pa gnyis med pas/ /kun la snying rje'i spyod pa dag /dam pa 'di ni spyad par bya/ /rang bzhin ched du
235a5 dmigs pa dang / /khyab dang shugs las gang byung ba'i/ /snying rje'i spyod par rnam par spyad/ /de nas sgyu ma lta bu nyid/ /rang nyid phyogs med snang ba yis/ /
235a6 cir yang bsgyur du rung ba'i phyir/ /rig pa dbu mar gang gsal ba/ /nyi zla brtsegs pa'i gdan du 'bar/ /sa bon gang las thabs cho gas/ /'phro 'du zhu
235a7 nas mngon gyur pa/ /rdo rje gsum gyi ngo bor snang / /de nyid gcig dang lnga gsum gyis/ /brtan 'bar mdzes par gsal gyur te/ /mdun dang gzhan du skabs
235b1 dag sbyor| |gcig dang nges med rim pa dang / /'khor lo zhes bya bzhi ru gyur/ /gang gis gang de ma brtan par/ /'phro 'du bsgoms pa don med de/ /skyon bral gsal
235b2 brtan 'dris pa yis/ /gang bsgoms gsal par mngon du 'gyur/ /tha mal zhen rtog zlog pa dang / /lam gyi 'drel bar bya ba dang / /dngos grub 'bras la myur
235b3 'jug pas/ /rtags kyi lha ni bsgom par bya/ /de ltar brtan 'gyur gsal ba la/ /bdag gzhan phyi nang ma lus pa'i/ /sgo gsum sku gsung thugs gsal
235b4 bas| |thun mong spyod pa rnam bcad la/ /sgo gsum mnyam gzhag rjes thob med/ /gang gis de ltar gsal bya'i phyir/ /phyogs gcig spyod pa brtsam par bya/ /
235b5 de nas rtsa ba goms pa dang / /bslab bya khyad par mthar phyin ltar/ /gang de rim par brtan 'phel phyir/ /yan lag spros pa rnam par bsgom/ /lhag pa bcu gcig
235b6 dgur ldan pa'i/ /gcig las rgyas bsdus phye ba yis/ /'khor lo'i rtsa ba lha dag kyang / /yab yum gnas dgod gsal bar bsgom/ /de dag lhag pa'i lha
235b7 dgu dag /yan lag tshul du spros te bsgom/ /'dul ba gnyis kyi rang bzhin gyis/ /mdzes pa'i tshul dang gdug pa 'dul/ /lha dang zhal phyag dbu grangs
236a1 kyang / /rtsa ba yan lag spros tshul gyis/ /dkyil 'khor grangs dang gang sbyar ba'i/ /rim bar spros shing bsgom par bya/ /grangs
236a2 dang grangs med tshul dag gis/ /dpag tshad rgyad grags mkha' dbyings su/ /zhi dang khro la sogs pa yi/ /sangs rgyas sprin tshogs sna tshogs bsgom/ /dang po'i
236a3 bar dang tha ma'i bar/ /rig pa'i ting 'dzin gsal brtan nas/ /sku gsung thugs dang ldan pa yi/ /tshom bu rim par bsgom par bya/ /dgon pa'i rim pa 'am
236a4 nags tshal dang / /chu 'gram ri rtse dur khrod dang / /skyon bral yon tan rdzogs pa ste/ /dgra dang phyogs mtshams skyon med pa'i/ /brtag pa'i rim pa ldan pa
236a5 yis| |shes dang 'thad pa'i sa phyogs su/ /gzhal yas rim brtsegs mdzes ldan pa/ /rgyan dang bcas pa ldan byas la/ /ting 'dzin mnyam pa'i shes
236a6 rab thabs/ /mi ldan gong ma'i 'od kyis sbyang / /bdag dang gzhan gyi nus pa yis/ /mnyam nas tshogs la 'jug par bya/ /yo byad lnga ldan thogs med
236a7 bar| |cho ga'i rim pa ji bzhin brtsam/ /bro glu gar dang ting 'dzin bcas/ /bar chad med par bsgrub par bya/ /gal te 'dod pa ma rdzogs par/ /sgyu ma'i lus
236b1 de ma brtan na/ /yid kyis rdo rje gsum gsal las/ /rnam par smin pa'i rig 'dzin de/ /phyin chad 'jigs bral khyung bzhin no/ /da bas 'brel ba'i spyod ldan na/ /dbang
236b2 sgyur zag med sa thob ste/ /brgya dang stong sogs 'jigs bral zhing / /gling dang 'jig rten brgya stong du/ /'dul ba'i cho 'phrul mtha' yas snang / /'jig pa med cing
236b3 mi ldog pa/ /dpa' bo rdzogs pa'i rnal 'byor pas/ /gzhan don spyod pa'i khyad par dag /'dul ba'i dbang ni sna tshogs kyis/ /rnam par brtse ba sna tshogs spro/ /'di
236b4 ni rgyal ba thams cad kyi/ /shes rab phyi yi spyod pa ste/ /cho ga rgyas par bstan pa yin/ /de nas gzhan yang bshad bya ba/ /nang du 'jug pa'i rim pa yi/ /spyod pa'i
236b5 khyad par cho ga dag /de nas rim pa 'di dag bshad/ /lus can 'gro ba thams cad la/ /tsa kra bzhi dang sku gsung thugs/ /spor dang 'bar ma 'khyil ba dang / /'brel
236b6 dang ma 'brel khug pa dang / /'dzin dang 'dzag dang gnas pa dang / /de bzhin khyab dang 'khrul ba'i rtsa/ /gang du rgyu dang gnas 'dzin pas/ /rtsa zhes de la mngon bshad
236b7 de/ /de dag rgyu dang lam 'bras dang / /thabs dang shes rab gnyis med pas/ /bde ba chen po skyed par byed/ /gong dang 'og gi rang bzhin las/ /spyi dang khyad par kha sbyor
237a1 'byung / /sa bon khyab byed 'khor lo yis/ /thams cad khyab cing 'dzag pa'i rtsa/ /dwangs snyigs rlung dang 'brel ba yis/ /gang de
237a2 pho mo'i bcud rkyen gyis/ /zag dang zag med bde ba skyed/ /lus kun khyab par gnas pa nyid/ /dwangs ma thur gyi rlung dang 'grogs/ /gang na sgra sbyor 'khor lo can/ /
237a3 des kyang kun khyab rgyu ba can/ /'khrul la la 'khor bas 'khor lo ste/ /gsung gi 'khor lo ngag gi rten/ /rdzogs dang ma rdzogs gang mi gsal/ /sgra sbyor dag
237a4 dang ma dag gyur/ /bde dang snyan dang mi snyan ngang / /bya dang dri za bung ba dang / /chags pa'i sgra ni sna tshogs byed/ /mdog dmar lus khyab klu la sogs/ /u
237a5 tha'i rlung dang 'grogs te gnas/ /d+harma tsakra srog gi rten/ /ma lus bzhi rtsa kun gyi srog /rtsa bzhi yan lag brgyad dang ldan/ /dwangs ma lnga 'dus kun gyi gtso/ /
237a6 phyi rim rin chen sul mang 'dra/ /mi shigs thig le bde chen po/ /rin chen phung po zam tog /sna tshogs ye shes lnga yi bdag /thung ngu a yi rang bzhin can/ /
237a7 srog gi rlung dang 'grogs te gnas/ /phyi rim pad+ma 'dab brgyad da/ /chos nyid ye shes yon tan dang / /rang rgyud bzhi la yan lag brgyad/ /thun mong phyi yi rim
237b1 pa yin| |'di la rtsa gsum rim pa ste/ /zag pa'i rtsa dang mngon shes rtsa/ /chos nyid rim pa gsum du gnas/ /rlung yang gcig gam gnyis yin te/ /de las bye brag
237b2 dpag med pa'o/ /gnas pa dang ni rgyu ba'i rlung / /gnas pa srog dang ye shes te/ /rgyu ba bzhi ni mngon par brjod/ /phyi nang can dang gyen thur can/ /re re'ang dwangs
237b3 snyigs khyad par gyis/ /rim pa brgyad du mngon snang yin/ /gnyid dang 'gro ba'i sa bon gyis/ /chags sdang dran rtog kun gyi gzhi/ /gang du gnas dang gnas ma
237b4 yin| |rgyu zhing 'pho ba rlung gis te/ /bde dang sdug bsngal ji snyed pa/ /myong zhing skyed par byed pa yin/ /'di ni gnas dang mi gnas kyis/ /srog dbang dran pa dbang
237b5 bsgyur bas/ /gnas dang 'pho ba pha rol dag /gnas pa srog gi rlung can no/ /gang du 'khrul pa mdzad pa ni/ /ma lus 'gyed cing spro ba yi/ /gyen thur 'dzeg cing
237b6 'gengs 'byung ba'i/ /sgo gnyis lus kun khyab pa'i rtsa/ /drug cu rtsa bzhi snying po can/ /phyi rim bzhi yi rgyun du 'khyil/ /dbus nas 'khyil ba thig le'i rtsa/ /
237b7 'phen pa bde ba'i rlung dang 'grogs/ /gang du'ang 'khrul cing sprul pa'i phyir/ /sprul pa'i 'khor lo shes rab nyid/ /de 'og gru gsum 'bar ba'i rtsa/ /gyen du
238a1 'bar dang thur du 'phro/ /'od kyis 'bar ba'i sa bon can/ /rtse mo'i 'og nas reg pa'i khams/ /gtum mo lte 'og 'bar ba'i rtsa/ /
238a2 skyes bu chags pa slong ba ltar/ /'di dag bde ba skyed pa ste/ /gnas sa tshad dang bcas par gnas/ /de 'og g.yo ba rlung gi rten/ /'gyed dang 'jum pa'i
238a3 las can nyid/ /de dang de gnyis gang ldan pas/ /lus kyi dwangs snyigs 'dis 'byed pa/ /bye brag brgyad cu rtsa gnyis rtsa/ /'dus pas sku gsung thugs
238a4 yin te| |lte ba thur du 'dzag pa'i rtsa/ /rtsa gsum 'dom pa'i bde ba'i gnad/ /rgyu ba rlung ni thig le'i rten/ /'gyed cing 'dud pa g.yas g.yon te/ /bcu
238a5 drug 'dus pa'i srog rtse gong / /rtsa gsum mgrin par 'dus pa ni/ /sgra sbyor 'khor lo ngag gi gnad/ /de nas dwangs pa'i thig le la/ /ma lus 'dus
238a6 pa'i tshul du gnas/ /rig pa'i rtsa la bcud 'dus pa'i/ /thogs med gsal ba'i mngon shes 'byung / /phyi rol zag pa'i rtsa nyid la/ /bde ba chen po'i
238a7 bcud 'dus pa/ /bde chen nyams nyid skye bar 'gyur/ /chos nyid thig le mi g.yo ba/ /dwangs ma 'dus pa'i bcud thim pas/ /ye shes lnga dang ldan pa
238b1 yi| |zag med ye shes bde ba che/ /nam mkha'i dbyings ni rgya che ba/ /thog mtha' med par khyab par 'gyur/ /'di nyid rtogs dang ma rtogs las/ /'khor dang mya ngan
238b2 'das pa yi/ /spyod pa sna tshogs 'byung bar 'gyur/ /thabs kyi khyad par phyag rgya lnga/ /bskyod pa rlung dang 'bar ba me/ /thig le chu dang 'dzin pas/ /bde chen
238b3 nam mkha'i phyag rgyar gsal/ /bde bas bde ba'i don mthong bas/ /rtsa dang thig le rlung dag dang / /bde ba rang rig ma skyes pa/ /de nyid bde chen mi rtog pa/ /rang rgyud
238b4 bral bas zag pa med/ /rang rgyud med pa'i bde ba nyid/ /dwangs ma'i thig les kun khyab pas/ /phyi nang dbang por bcas pa yis/ /bde ba sgyu ma'i rang bzhin 'char/ /
238b5 ma lus bde ba chen po nyid/ /de la de yis rgyas btab pas/ /bde ba mi rtog lhan cig skyes/ /phyag rgya gcig tu gsal bar gnas/ /gang du 'khor lo rtsa bcud
238b6 ldan| |sa bon yi ge bde ba dang / /khams lnga ye shes ro ldan zhing / /stong dang bde ba'i thig le 'dres/ /rtag tu dran par gnas pa nyid/ /re re'ang de ltar gnas
238b7 pa'i phyir/ /'khor lo rtsa bcud thig ler bcas/ /lha dang ye shes sku gsung thugs/ /rang lus snang ba snod bcud kun/ /spros bcas phyag rgya'i grangs su
239a1 gsal| |bcud lnga ye shes kho na'i phyir/ /dwangs snyigs dbyer med thig le'i don/ /so so'i kha dog dbyibs tshul dang / /spas
239a2 pa'i sku gsung thugs dag la/ /dbyer med gsal ba'i rig pa yis/ /ma lus bde chen mngon sum gsal/ /de nas bde ba chen po nyid/ /gar thabs rlung gis
239a3 dbang bsgyur nas/ /ma lus bde ba'i rig pa 'char/ /gtsang dang 'dzin pa bral gyur nas/ /bshung ba lnga dang 'dod pa lnga/ /thig le bcud dang dwangs mar bcas/ /
239a4 thig le chen por 'dres pas na/ /mi 'gyur 'chi med tshe la gnas/ /rang rig bde ba chen po nyid/ /thog ma tha ma med par gnas/ /thig le rgyu ba rlung dang bcas/ /
239a5 zag med dwangs ma'i snying por thim/ /mngon shes lnga ldan zag pa med/ /dwangs ma'i snying por lam mthar phyin/ /de nas gsang ba bshad bya ba/ /'khor dang mya ngan
239a6 'das pa dag /thabs dang shes rab kha sbyor ba'i/ /bden gnyis nyi zla'i khyad par las/ /ma lus thams cad gsal bar gnas/ /gang du thabs dang bral ba
239a7 yi| |gnas dang bde sdug btang snyoms dang / /longs spyod che dang kha dog dang / /bdag dang bdag gir zhen byas pa'i/ /gzugs dang sgra dang dri dang ro/ /reg dang dran
239b1 pa sna tshogs kyis/ /zhen dang bcings pa'i rang bzhin gyis/ /rang bzhin bzhi ni gsal bar 'gyur/ /de las tha mal 'khor ba'i lam/ /thog ma med pas lus gnas
239b2 pa'i| |bde chen nam mkha'i snying po nyid/ /lus gnyis rtsa bcud ma lus pa/ pas dang shes rab sku gsung thugs/ /srin bu 'khyug pa'i yi ge ltar/ /dbang po
239b3 gnyis dang 'brel te gnas/ /thabs dang man ngag ldan pa yis/ /rgyal rigs rje'u dang bram ze dang / /dmangs rigs tshogs ma gar mkhan ma/ /rdol ma nyo
239b4 tshong ma nyid dang / /ma dang sgyug mo sring mo dang / /mthar sgeg lus 'tshong ma la sogs/ /dngos grub skye ba'i zhing du bshad/ /bcu gnyis bcu bzhi bcu drug dang / /
239b5 bco brgyad bcud ldan rab yin te/ /nyi shu la sogs 'bring du bshad/ /rtsa lnga tha ma'i tshad yin te/ /gzhan la dngos grub med par gsungs/ /las dang bya ba ma
239b6 lus pa| |cho ga'i sbyor ba rab tu brtsam/ /gnas pa 'byung ba'i bcud bzhi la/ /'byung bzhi gsal rkyen gang phrad pas/ /nyi zla 'dres pa'i gar thabs las/ /
239b7 lhan cig skyes pa gsum gcig las/ /nyams su ye shes lnga shar ba/ /ma lus bde ba chen por 'gyur/ /gnas bzhi rtsa bcud thig le las/ /thabs dang
240a1 shes rab gnyis med pa'i/ /phyag rgya bzhir ldan mnyam sbyor bas/ /dwangs snyigs rlung gis ngos bzung nas/ /dngos po lhan cig
240a2 skyes pa dag /bdag po gdung can sbyar ba yi/ /'phro 'du btang dang bzung ba dang / /bzlog pas nyi zla dbyer med myong / /dang po 'jug pa la sogs nas/ /rdo rje
240a3 'chang chen gsang bdag par/ /lam lnga sems lnga mthar phyin pas/ /stobs kyi khyad par gsal bar 'gyur/ /thabs dang shes rab gnyis med pa'i/ /
240a4 'og min nam mkha'i shar sgo nas/ /nyi zla dus gcig shar ba la/ /dus tshod gza' yis gang bzung ba/ /nyin mtshan med pa'i ye shes nyid/ /'phen pa rlung
240a5 gi sbyor bas 'byung / /rnal 'byor rig pas snang ba yi/ /khyab pa nam mkha'i 'jig rten na/ /bde chen mdzes pa'i me tog la/ /bcud kyis khyad par gang
240a6 gnas pa| |thabs dang shes rab 'brel ba yi/ /shel dang byi ru'i bung bsdus nas/ /rnal 'byor bcud kyis rgyas gyur nas/ /bcu gsum sa la lhun gyis
240a7 grub| |'khyud pa'i gar thabs las byung ba'i/ /bde ba chen po mi rtog pa/ /skad cig cha las byung ba yi/ /zag med ye shes snying po ste/ /ma lus dwangs ma'i
240b1 blo snang ba/ /zhen bral stong rtog mi gnas pa/ /dngos po lhan cig skyes pa ste/ /ma lus khyab par gnas pa yin/ /'du shes zad pa'i rang bzhin te/ /skye dang 'grib
240b2 pa'i thig le nyid/ /bco lnga rdzogs pa'i tha ma nyid/ /sbyor ba kun zad stong pa'i ngang / /de nyid byin brlabs las gyur pa/ /phyogs dus snod bcud ngo bo nyid/ /thig
240b3 le rdul bral zhen pa med/ /sgyu ma gzugs brnyan brag ca sogs/ /ma lus bde chen rang bzhin du/ /thun mong dran rtog rang 'gags nas/ /bde chen sgyu ma mngon
240b4 sum snang / /bde ba chen po'i sku gsung thugs/ /bcud lnga zhu ba'i ye shes ro/ /thams cad rtse gcig dran pa nyid/ /dbyer med thabs dang shes rab ste/ /dran pa
240b5 gcig tu myong ba nyid/ /thabs dang shes rab 'brel ba yis/ /sa ya bcu gsum grangs med pa'i/ /thig le bde ba nyid snang ba/ /rang rang ma 'dres thig le la/ /
240b6 sku gsung thugs dang dran pa dang / /ye shes lnga yis rgyas btab ste/ /ma lus thig le'i tshogs su snang / /rang byung bde chen rig pa'i lha/ /gcig dang grangs
240b7 las 'das pa yang / /nyi zla gnyis kyi gdan la bzhugs/ /khyab pa thig le'i gur nang na/ /bzhugs nas bdag po rten bdag can/ /rtsa bcud 'brel ba'i rgyan dang
241a1 bcas| |dka' ba gsum dang pho brang bzhi/ /lde mig gnyis la 'byed pa bzhi/ /sgo bzhi phye bas gzhal yas khang / /lha dang bcas
241a2 pa mngon du 'gyur/ /dgon pa dur khrod ldan pa yi/ /gsang ba'i 'og min 'bar ba nyid/ /rim pa phyi nad bar ldan par/ /nyi zla pad+ma'i gdan steng nas/ /dus gsum
241a3 thig ler ro gcig pa'o/ /bde chen gnyis su med par bzhugs/ /thabs dang shes rab dbyer med pa'i/ /tshom bu'i tshogs kyang de bzhin te/ /thun mong dam
241a4 tshig ting 'dzin dang / /byang chub shes rab snying rje lnga/ /gzhan du thabs dang shes rab dang / /spyad dang glu gar rgyan dang bcas/ /ma spangs rol par longs
241a5 spyad pas/ /ye shes nyi zla rgyun 'char ba/ /rlung sems ye shes bcas pa nyid/ /rgyu ba med pa'i zag pa bral/ /nam mkha'i mthar thug par nyid du/ /zag med
241a6 bde ba rgyun mi 'chad/ /de nyid tshad med dkyil 'khor te/ /bde chen mngon du gang bar snang / /de dag lam la zhugs pa yi/ /phyi nang gsang ba ma lus pa'i//
241a7 spyod pa'i khyad par thams cad kun/ /'dir ni rgyas par bstan pa yin/ /thabs dang shes rab ldan gyur pas/ /phyi nang gsang ba la sogs pa/ /skabs la bab
241b1 pa'i rnal 'byor pa/ /gang yang rung bas spyod par bya/ /dang po rtogs nas mthar thug pa'i/ /phyi nang gsang ba'i lam spyod la/ /spyad bya yul zhes gang 'dod de/ /thams
241b2 cad blang dor med par spyad/ /thabs kyi lta spyod ting 'dzin gyis/ /pad+ma la ni 'dam bzhin nam/ /mun snang gser 'gyur thabs bzhin du/ /thabs la mkhas pas spyad
241b3 par bya| |skyes mchog thabs dang ldan pa yis/ /zhing dang spyod yul dag pa la/ /chags bral bde bar gang spyod pas/ /nam mkha'i dbyings kyi longs spyod la/ /
241b4 bde ba chen por longs spyod cing / /lhun gyis grub pa'i bdag por 'gyur/ /gang dag thabs dang mi ldan zhing / /don med lam la ma 'brel bar/ /sgra dang tshig
241b5 la brten pa yis/ /gsang ba'i spyod pa gang brtsams pa/ /gang bsgrubs snang bar mi 'gyur gyi/ /nus med g.yul du zhugs pa ltar/ /bdag gzhan gnyis
241b6 ka brlag pa dang / /mthong ba'i chos la sdug bsngal zhing / /ngan 'gro log pa'i gnas su 'gyur/ /rdo rje sems dpa' sgyu 'phrul dra ba gsang ba me long gi
241b7 rgyud chen po las/ spyod pa rgyas par bshad pa'i le'u ste lnga ba'o// //de nas gzhan yang bshad bya ba/ /rang bzhin ting 'dzin gzugs brnyan dang //
242a1 lhag gnyis ting 'dzin gzugs brnyan dang / /byang chub sems dang tshogs nyid kyi/ /dkyil 'khor don ni bshad par bya/ /gang phyir
242a2 dbang yul rnam shes kun/ /gzhan snang tha dad ma yin pa'i/ /ma lus rang rig byang chub sems/ /ma bcos rang bzhin 'od gsal ba/ /ma lus kun gyi snying po
242a3 ste| |phyogs bcu 'das dang ma byon pa'i/ /rgyal ba rnams kyi rang bzhin yin/ /'khor dang mya ngan 'das pa yi/ /chos rnams ma lus thams cad kun/ /sna tshogs
242a4 rang bzhin dbyer med pa/ /de nyid rang bzhin chos sku yin/ /de nyid 'jig rten brtan g.yo ste/ /ji ltar snang grags thams cad kun/ /nges pa'i rang bzhin bzhi
242a5 bcu gnyis/ /rang bzhin longs spyod rdzogs skur bshad/ /de nyid phyag rgya sna tshogs te/ /kun tu sku dang gsung dang thugs/ /yon tan 'phrin las bsam
242a6 yas mchog /rang bzhin sprul sku bsam mi khyab/ /ji snyed 'gro ba ma lus kyi/ /lus can snying la gang gnas pa'i/ /rang byung zag med ye shes gzugs/ /
242a7 mi shigs thig le bde chen po/ /nam mkha' lta bur kun khyab pa/ /mi gnas chos sku'i rang bzhin yin/ /de nyid rtsa ba'i rang bzhin las/ /ma lus snod
242b1 bcud rang bzhin can/ /rtog pa ma lus dkyil 'khor te/ /longs spyod rdzogs pa'i rang bzhin nyid/ /de nyid thig le phra rags par/ /snang ba'i mdzad pa bsam mi
242b2 khyab| |de yis de 'dul snang ba'i rgyu/ /sprul pa rang bzhin zhes bshad do/ /gang 'dir phung po 'byung ba dang / /rnam shes dbang po yul dus dang / /nyon mongs rtag
242b3 chad yid chos bcas/ /gang la mngon par mi snang yang / /rang bzhin ma bcos dkyil 'khor te/ /kun la khyab par snang ba yin/ /rang snying dwangs ma lngar ldan
242b4 pas| |dwangs ma'i phung po 'byung ba dang / /dbang po yul du bcas pa yi/ /rtsa bcud thig ler bcas pa nyid/ /sku gsung thugs su rang snang ba/ /ma lus kun
242b5 la rgyas btab bo/ /bcud 'dus thig le chen po nyid/ /nyi zla 'dres pa'i rang bzhin nyid/ /bde ba'i thig le rang snang ba/ /ma lus 'dus pa'i tshul dag gis/ /
242b6 thabs kyis mngon du gyur na yang / /gnyis med thig le bde pa'i ro/ /'gro ba kun la rang bzhin snang / /de dag yab yum sku gsung thugs/ /rtsa bcud thig ler
242b7 bcas pa nyid/ /'du 'bral med par ye gnas pa'o/ /gang phyir rgyal ba thams cad kyi/ /zag med ye shes rang snang ba/ /dpag med yon tan rgya mtsho nyid/ /ye shes
243a1 'og min pho brang ste/ /zag med yon tan rgyan ldan pa'i/ /'khor lo 'bar ba'i pho brang dbus/ /mi 'jigs phung po'i gdan steng na/ /
243a2 bdag po kun bzang 'khor lo bskor/ /bka' sdod skyes bu mdun na gnas/ /gzhan yang rgyal ba rgya mtsho'i tshogs/ /sku gsung thugs dang yon tan las//
243a3 rang rang rigs lnga gang gyur pa'i/ /rnam par dbu dang ye shes phyag /so so'i bzhugs tshul ldan pa yis/ /mdun rgyab phyogs bcur 'khod pa nyid/ /yab
243a4 yum 'brel pa'i tshul gyis gnas/ /rang byung ma bsgribs ye shes phyir/ /zag med tshogs gnyis las byung ba'i/ /nam mkha'i khams dang rgya mnyam
243a5 pa'i| |'jig rten grangs med rdul dang bcas/ /bkod pa phun sum tshogs par gnas/ /gad de zag med ye shes kyi/ /phyag dang zhal dang thabs ldan pas//
243a6 zhal mthong rigs la dbang bsgyur bas/ /rdo rje 'dzin pa chen por gyur/ /rgyal ba de dag ma lus pa'i/ /gsung mchog brjod du med pa nyid/ /nam mkha'i
243a7 dbyings kyis mthar thug pa/ /brda dang don dang byin rlabs dang / /gsang ba la sogs ci rigs par/ /dam pa'i chos sgra rgya mtsho sgrog /zag med ye shes
243b1 rgya mtsho yi/ /byin rlabs cho 'phrul mngon shar ba/ /a A/ i I/ u U/ e ai/ i au/ r-i r-I/ l-i l-I/ aM aHka kha ga g+ha nga / tsa cha dza dz+ha nya/ ta
243b2 tha da d+ha na/ Ta Tha Da D+ha Na/ pa pha ba b+ha ma/ ya ra la wa/ sha Sha sa ha k+Sha /'di dag rab tu phyung ba yis/ /phyogs bcu 'jig rten khams bcas pa'i/ /nam mkha'i
243b3 dbyings dang rgya mtsho dang / /'khor ra yug dang lhun po dang / /'bab chu lteng ka mtshe'u bcas/ /de na gnas pa'i 'gro ba rnams/ /rang rang longs spyod bde sdug bcas//
243b4 phyi nang snod bcud bcas pa rnams/ /ma lus g.yo zhing ldeg par byed/ /sgra bo che yang sgrog par byed/ /de dag sbyangs nas me gnas par/ /gsung gi ngo bor
243b5 byin brlabs te/ /de dag stong nyid la thim pas/ /ma lus stong pa nyid du 'gyur/ /a ni stong dang mi stong gi /dbu ma dmigs su'ang yod ma yin/ /ji snyed
243b6 snang grags chos rnams kun/ /yi ge phreng ba nyid la gnas/ /gang phyir de yi rang bzhin yang / /rang bzhin cho 'phrul ting 'dzin dang / /gsang ba bris bar gang
243b7 snang ba| |rig pa'i khyad par snang ba yin/ /rtsa ba dang ni rgyan zhes dang / /lha yi yi ge mngon snang ba/ /rang bzhin sku gsung thugs nyid de/ /khyab pa'i tshul gyis
244a1 ma lus snang / /gang du thugs rje byin rlabs dang / /ting 'dzin rig pa'i cho 'phrul te/ /rang rang khyad par mngon snang yin/ /'di
244a2 dag rang bzhin sna tshogs pa/ /gang du ji ltar gnas pa kun/ /yi ger ma gyur med par gnas/ /rgyal ba sangs rgyas thams cad kyi/ /ye shes rgya mtsho'i
244a3 gsang ba'i thugs/ /mthar thug med pa'i nam mkha' bzhin/ /zag med rgyas pas kun khyab can/ /shes bya'i dkyil 'khor mtha' yas pa/ /gcig dang du
244a4 ma med tshul gyis/ /ye shes ma bsgribs gsal ba yis/ /nam mkha'i dbyings ltar gsal mkhyen pa/ /dus gsum chos dang 'gro ba dang / /zhing khams
244a5 rgyal ba dpag med dang / /ri dang rgya mtsho rdul bcas pa/ /snga phyi ma bsgribs da lta nyid/ /me long lta bu'i mngon du snang / /dpal ldan nam mkha'i dkyil
244a6 'khor du/ /ye shes lnga yis kun khyab can/ /kun mkhyen stobs bcu mtha' thug med/ /nam mkha'i dbang phyug bde chen po/ /mngon shes rgya mtsho
244a7 pha rol byon/ /shes bya'i dkyil 'khor thams cad kun/ /sad dang sangs pa'i bdag nyid can/ /thog ma tha ma med pa'i bdag /bde ba chen po sgyu ma
244b1 nyid| |rang byung thugs las gzhan pa min/ /'di ni rgyal ba thams cad kyi/ /sku gsung thugs kyi rang bzhin te/ /gdul bya gang gi don dag tu/ /sna tshogs mngon
244b2 bar 'phrul ba yin/ /gang du khro gtum gdug ldan pa'i/ /srid gsum dregs pa'i bdag po dag /thugs rjes khros pas gdul ba'i phyir/ /khro bo'i de bzhin
244b3 gshegs par mdzad/ /sku ni ri rab lta bu nyid/ /zhabs dang phyag ni rdul snyed de/ /gang de gdul ba'i khyad par gyis/ /zhal gsum phyag drug zhabs bzhi
244b4 dang / /dbu dgu bco brgyad phyag la sogs/ /nyi shu rtsa gcig dbu la sogs/ /de bzhin g.yo rdul mi g.yo ba'i/ /phyag zhabs zhal yang de bskyed de/ /mtshon
244b5 cha sna tshogs 'dzin pa des/ /ji snyed phyogs bcu 'jig rten du/ /cho 'phrul bzhi la sogs pa yi/ /mdzad pa'i gar thabs sna tshogs kyis/ /dregs pa che
244b6 dang dbang phyug dang / /tshangs pa khyab 'jug brgya byin dang / /dri za gshin rje gnod sbyin bcas/ /gdug pa'i nga rgyal rgyu 'bras can/ /rgyu 'bras rtsad nas bcad
244b7 pa'i phyir/ /ma lus pa dag ma btang bar/ /nga rgyal khro gtum zhum pa yis/ /ji skad smras kyang rang rang gi /nyon mongs rgya mtsho ma bskams par/ /thugs rje
245a1 zhe la mnan tshul gyis/ /de dag mngon du brdul bar mdzad/ /la lar dpal chen khrag 'thung nyid/ /la lar rdo rje khrag 'thung
245a2 nyid| |la lar rin chen khrag 'thung ste/ /la lar pad+ma de bzhin gshegs/ /la lar sna tshogs las su bcas/ /rang rang btsun mo'i tshogs dang 'khril/ /
245a3 rigs kyi mtshon cha sna tshogs 'dzin/ /mdog dang cha lugs de bzhin te/ /de bzhin sras dang bka' nyan dang / /pho nya yang sprul la sogs pa/ /rdo rje ba spu
245a4 bu ga nas/ /pho nya bye ba drug cu dag /phyogs bcu kun tu rgyas bkye ste/ /nam mkha'i khams dang mnyam pa yi/ /gdug pa'i tshogs ni de dag kun/ /ma
245a5 lus dus gcig btul nas ni/ /phyir mi ldog pa'i sa la bkod/ /de dag gsung yang sna tshogs te/ /sprul pa 'gyed pas gsung gcig tu/ /khams
245a6 gsum sgra yis gang bar mdzad/ /hUM hUM hUM bi shwa kro d+ha dz+wa la maN+Da la phaT phaT phaT/ ha la ha la ha la hUM phaT/ phaT phaT phaT/ trata trata trata/ kro Ta kro Ta kro Ta/
245a7 ha la ha la ha la/ hu lu hu lu hu lu/ tiSh+Thi tiSh+Thi tiSh+Thi/ ban+d+ha ban+d+ha ban+d+ha/ da ha da ha da ha/ gri h+Na gri h+Na gri h+Na/ pa tsa pa tsa pa tsa/ ts+tshin+da ts+tshin+da ts+tshin+da/ gardza gardza gardza/
245b1 hUM hUM hUM| b+h+yo b+h+yo b+h+yo/ phaT dz+wa la raM/ zhes ba'i sgra yis thams cad gang / /ji srid nam mkha'i mthar thug par/ /ri dang gling dang rgya mtshor bcas/ /'khor yug stong
245b2 gsum 'jig rten bcas/ /ma lus g.yo zhing sgras bkang ste/ /gdug pa'i tshogs de 'khor bcas pa/ /gang gi dbang du ma btang bar/ /gdug pa dus gcig btul
245b3 bar mdzad/ /de tshe de yi 'khor g.yog kyang / /zhum pas smras shing gsol btab nas/ /rang snying phul nas dam mnos te/ /smod btsugs
245b4 rang gi lam la bzhag /'bar ba'i dkyil 'khor de dag kyang / /la lar gti mug rmugs par mdzad/ /la lar chags la chags chen po/ /
245b5 la lar g.yem la g.yem par ston/ /sdang la drag shul spyod pa ste/ /nga rgyal can la ri bos gnon/ /zhi las slong dang zhi ba nyid/ /gsal
245b6 dang zhe la gnon pa dang / /chags khro dang ni sdang khro dang / /rmongs khro gnon khro la sogs pas/ /bskal pa zhing gi rdul snyed du/ /rang gi mkhyen pa'i
245b7 ye shes kyis/ /gdul ba'i thabs ni sna tshogs su/ /sgyu 'phrul dra ba mngon rdzogs pa'i/ /thugs kyi sprul pa snang bar mdzad/ /gang phyir spros
246a1 med goms pa nyid/ /de nyid ting 'dzin dkyil 'khor te/ /phyi nang snod bcud ma lus pa/ /ji snyed phyogs bcur gnas pa
246a2 kun| |rang rig rgyal por gnas pa nyid/ /'di nyid pho mo ma ning dang / /mtshan med la sogs gang yang min/ /dngos dang dngos med
246a3 las 'das pa'i/ /de bzhin nyid dbyings ye shes te/ /rig pa skye ba med pa'i ngang / /'di nyid gsal bar bsgom par bya/ /oM
246a4 d+harma d+hA tu swa b+hA ba At+ma ko u0f85haM/ skyes dang ma skyes la sogs pa'i/ /tha snyad ming la mi gnas shing / /blo yi sbyor ba las 'das pas/ /'di ni de
246a5 bzhin nyid ces bshad/ /'di la rim pa med pa ste/ /skyes bu mchog gi yul du gsungs/ /ma lus rang rig rdo rje nyid/ /khyab pa'i tshul
246a6 gyis nam mkha' ste/ /rnam dag rang bzhin 'od gsal ba/ /dam pa'i ting 'dzin chen po nyid/ /gang gis ma lus mngon gsal nas/ /
246a7 phyi nang chos rnams thams cad kun/ /goms nas spos med de bzhin nyid/ /de dag ting 'dzin thun mong nyid/ /mi shigs thig le dwangs
246b1 ma'i bdag /bzhi 'dus lnga bdag gnyis su med/ /rtsa bcud thig ler bcas pa nyid/ /thabs dang bcas pa'i ting 'dzin gyis/ /ye shes
246b2 lnga yi ri dang bcas/ /bde chen skye ba med pa'i don/ /zag med khyab pa mngon du smin/ /ye shes nas mkha'i gzugs can nyid/ /phyi nang
246b3 med pa'i rang byung ste/ /gsal dang bde ba'i rang bzhin can/ /thabs dang thig les dbang bsgyur nas/ /lus can kun la gsal bar
246b4 skye| |gnas bzhi 'byung ba'i dwangs ma nyid/ /rten can brten par bcas pa nyid/ /rang byung thig le bde ba nyid/ /phyogs cha med par gsal
246b5 khyab pas/ /bde ba chen po'i lus su 'gyur/ /rang byung snying po dwangs ma'i lus/ /'byung ba zag med snying por thim/ /thig le spros pa med pa
246b6 ste| /thams cad ma lus khyab par snang / /rang lus rtsa bcud phyi nang kun/ /snyigs ma dwangs mar smin byas te/ /dwangs ma ye shes
246b7 snying por gsal/ /de nyid rgyu ba med pa yi/ /rang byung thig le spros pa med/ /dwangs ma zag med stobs las snang / /gang phyir skyes dang
247a1 sprul pa dang / /brtags pa'i gzungs ma las byung ba/ /dbang po gnyis ni bsrubs pa las/ /skad cig
247a2 bcu drug mtha' yi tshe/ /nyi zla 'dres pa'i gar thabs las/ /dngos po lhan cig skyes pa gsal/ /sems lnga rdzogs pa'i snying po
247a3 nyid| |brjod med rang snang bstan pa nyid/ /ma lus sku gsung thugs gnas pa/ /'khyud pa'i gar gsum bsdam pa yis/ /gnas
247a4 dang 'byung ba ma lus pa/ /rang rig ye shes gzugs su snang / /thabs dang shes rab dbyer med pa'i/ /byang chub sems kyi thig
247a5 le ste| |rten dang brten par bcas pa nyid/ /rang nyid gsal bar byin brlabs nas/ /ji ltar snang srid chos thams cad/ /lhan
247a6 cig skyes pa'i ngo bor gsal/ /ma lus bde ba chen po'i rigs/ /dam pa'i sbyor ba snang bar 'gyur/ /'di ni phyi nang gsang
247a7 ba yi| |ting 'dzin dkyil 'khor nyid du bshad/ /gang phyir mtshan ma'i rnal 'byor bas/ /dngos dang dngos med rnam spangs pa'i/ /
247b1 rang rig skye med de bzhin nyid/ /ma bcos rang rig 'od gsal ba/ /de bzhin nyid de dang por bsgom/ /de nas snying rje nam mkha' ltar/ /
247b2 gsal la stong pa'i rnal 'byor bsgom/ /yang na sgyu ma brag ca dang / /chu zla'i tshul du bsgom par bya/ /de nas rang nyid yi ge nyid/ /
247b3 gsal la brtan zhing goms pa yis/ /ma dag pa ni sbyangs byas te/ /dag pa'i mkha' lnga bsam par bya/ /e yaM baM su laM/ sa chu
247b4 me rlung nam mkha' dag /rig pa rang snang tshul du bsgom/ /de dbus rin chen khang ba dag /mdzes pa'i tshul dang ldan pa ste/ /rtsibs
247b5 bzhi 'khor lo lte bar bcas/ /mu khyud zlum po thog mtha' med/ /gru chad glo 'bur bar khyams dang / /sgo bzhi rta babs them skas dang / /
247b6 lnga brtsegs pha gu dra phyed dang / /'dod yon ka ba za ra tshags/ /mi sgrib gsal ba'i rgyan dang ldan/ /mi 'jigs la sogs lnga dbus gdan/ /
247b7 nyi zla pad+ma la sogs pa/ /lnga dang gsum dang bzhi gcig go /rim pa 'tsham pa'i gdan steng du/ /sa bon cho ga las byung ba/ /gtso gzungs
248a1 mthing ga rdo rje 'dzin/ /'khril sbyor 'dzum pa'i byin rlabs te/ /dbang bskur cho ga lnga ldan pas/ /
248a2 sbyor bskul sras bskyed so sor dgod/ /chos dbyings dkar po 'khor lo 'dzin/ /mnyam nyid rin chen ser po lho/ /sor
248a3 rtog pad+ma dmar po nub/ /bya grub ral gri ljang khu byang / /btsun mo rigs mthun dril 'dzin 'khyil/ /'khor lo'i rtsibs mtshan
248a4 shar lho nas/ /sa snying dkar po myu gu 'dzin/ /sgeg mo dung mdog me long 'khril/ /nam snying sngon po ral gri 'dzin/ /phreng
248a5 'dzin mA le nam mkha'i mdog /spyan ras le brgan pad+ma dkar/ /gI ti pi wang dmar mo mdog /rdor 'dzin ljang khu
248a6 las kyi rigs/ /phyag gnyis brkyang nas gar mdzad ljang / /gru chad bzhi la rim pa bzhin/ /byams pa dkar ser klu shing
248a7 'dzin| |sgrib sel dmar ser glegs bam bsnams/ /kun bzang dmar ljang rin chen snye/ /'jam dpal dkar ljang ut+pal bsnams//
248b1 btsun mo rigs dang mthun pa ste/ /spos dang mar me me tog dri/ /'khril zhing 'dud pa tshul bzhin bzhugs/ /sgo bzhir rim pa ji bzhin du/ /stobs chen
248b2 gshin rje gshed po dang / /rta mgrin bdud rtsi 'khyil pa bzhi/ /lcags kyu zhags pa lcag sgrog dril/ /mthing nag ser nag dmar nag dang / /ljang nag rdo rje
248b3 thod dbyug dang / /thod sprul rdo rje rgya gram dang / /yum yang so so'i phyag mtshan bcas/ /sgo bzhir rngam tshul 'khril sbyor bzhugs/ /khyams kyi mdun dang rgyab
248b4 tu ni| |kun bzang yab yum nam mkha'i mdog /phyag rgya ma nges sna tshogs te/ /mnyam bzhag ye shes 'phro ba'i steng / /rdo rje dril bu mtshan pa 'o/ /thub drug
248b5 dkar ser mthing ga dang / /dmar nag ser nag dud ka ste/ /phyogs bzhi steng 'og shar nub tshul/ /pi wang go cha seg par bsgom/ /po ti me chur shes par bya/ /
248b6 mi bskyod byed po la sogs pa/ /rdo rje 'chang bas rnam par brgyan/ /gzhan dag rang rang gis yin te/ /ya mAn+ta krita rtag pa'o/ /thub drug kun bzang brgyan pa nyid/ /
248b7 sku gsung thugs 'bar byin rlabs ldan/ /rdo rje 'phro 'du snying por ldan/ /cho ga'i rim pa shes par bya/ /dwangs ma bcud ldan ye shes nyid/ /ma bcos de bzhin
249a1 nyid yin te/ /ye shes nam mkha'i ngang dang 'brel/ /kun la khyab pa'i snying rje yis/ /khyab byed bde ba'i snying po nyid/ /tha mal
249a2 rtog pa gang dag nas/ /bde ba chen por byin gyis rlobs/ /'byung lnga dwangs ma'i snying po nyid/ /thams cad 'byung ba'i rgyu yin te/ /d+harma tsakra chos kyi dbyings//
249a3 mi shigs thig le kun gyi gnas/ /nus pa'i khyad par phra rags bzhi/ /thig le'i gzugs dang tshor ba dang / /'du shes 'du byed rnam shes nyid/ /ye
249a4 shes lnga yi rang bzhin nyid/ /rgyal po lnga ru bshad pa yin/ /'byung lnga dwangs mar bcas pa ni/ /dgyes pa bskyed phyir btsun mo ste/ /mig sogs bde
249a5 ba'i rnam shes dang / /de yi ngo bo yul bcas ni/ /gnas pa rtsa bcud thig ler bcas/ /nang gi sems dpa' yab yum nyid/ /so so'i rtsa bcud
249a6 gnas pa'i rten/ /dbang po dus bzhir bcas pa nyid/ /phyi yi sems dpar bshad pa ni/ /gnas dang dus kyis phye phyir ro/ /gang de dwangs mas bskyed
249a7 pa yis| |lus kyi chos bzhi rtag chad bcas/ /sgo bzhi yab yum shes par bya/ /bde chen yid chos rang rig nyid/ /kun bzang ro yi bde ba nyid/ /nyon
249b1 mongs drug gi yul rnams su/ /sprul pa'i thig ler rang shar pa'o/ /'dul ba bzhi yis don mdzad pa/ /sprul pa'i mdzad pa bsam mi khyab/ /kun kyang dwangs
249b2 ma'i rang bzhin las/ /ye shes lnga yi ro ldan pa/ /gnas dang ngo bo lngas brgyan pa/ /ye shes lnga yis rgyas btab pa'o/ /sa bon sku ste yi ge gsung / /bde thugs
249b3 sku gsung dkyil 'khor ldan/ /'phro 'du rtsa ba'i thig ler bcas/ /ma lus kun la 'di gnas pas/ /yan lag nyid du 'di shes bya/ /stong nyid rdo rje la sogs
249b4 pa| |sngon byas rang rgyud med pa yi/ /rigs rtags gzungs ma blang bar bya/ /rang rgyud sgo gsum dag byas pa/ /lha yi rnal 'byor lus su bya/ /rdo rje snying po ge
249b5 sar nyid/ /sra ba sa dang gsher ba chu/ /drod me bskyod pa rlung nyid de/ /bde ba'i dwangs ma nam mkha' nyid/ /bruM dbyings b+ha ga bde ba'i gnas/ /sna tshogs 'dus
249b6 pa'i gzhal yas khang / /nyi zla pad+ma nus pa'i gdan/ /che ba'i yon tan rdzogs par ldan/ /thabs dang shes rab 'brel ba'i ro/ /lnga phung 'byung lnga dag pa yi/ /
249b7 rang bzhin de dang mnyam sbyar bas/ /ye shes phra rags gnyis su med/ /thabs dang shes rab 'brel ba yi/ /dbang po yul dus rnam shes bcas/ /rang rang
250a1 bde bar skyes pa'i lha/ /lhan cig skyes pa'i ye shes nyid/ /thabs dang shes rab gnyis med pa'i/ /rgyu ba'i rlung la dbang thob nas/ /
250a2 thabs lam bde ba'i gnyer dag gis/ /brtags pa rang gi rtog pa zlog /dngos po rnams kyi ngo bo la/ /bzlog bya ngas kyang ma dmigs so/ /bde ba'i thig
250a3 le sa bon la/ /thabs bzhi rlung gi gar thabs kyis/ /dga' ba'i tshad ldan nus pa bcas/ /dngos 'di lhan cig skyes par brtan/ /bde ba'i phyag rgya chen
250a4 po ni| |phyi nang snod bcud ma lus pa/ /bde ba chen por ro gcig phyir/ /ma lus lhan cig skyes par gnas/ /bcud 'dus bde ba'i thig le ni/ /yon
250a5 tan kun gyi ngo bo bas/ /che ba'i yon tan kun rdzogs pas/ /sangs rgyas kun gyi ngo bor gnas/ /de nas rgyal pa rdo rje 'chang / /rgyal ba kun gyi rgyal po yis/ /
250a6 ma lus lhag pa'i lhar brlab phyir/ /gsung gi snying po brjod par mdzad/ /bruM bi shwa bi shud+d+he/ hUM badzra d+h+r-i ka /oM dzi na dzika /swaM rat+na d+h+r-i ka /oM A ro l-ika/
250a7 haM pra dz+nyA d+h+rika /muM d+hA ti shwa ri/ laM dwe Sha ra ti/ maM mo ha ra ti/ byaM rA ga ra ti/ taM badzra ra ti/ k+ShaM ha rA dza ya/ traM a gar+b+ha ya/ hrI ha hUM pad+ma ba da ya/ dz+hiM ku ru pa na
250b1 hri| hUM lA s+yai sa ma ya s+t+waM/ /traM mA lai sa ma ya ho/ hrI gI ti ra go haM/ a nri t+yai rA ga ya mi/ me d+ha ra na swAhA/ th+l+hiM ni sa raM b+ha ya swAhA/ hUM swa ra dza ya swAhA/ muM shrI a raM
250b2 ga ya swAhA/ dza d+hu pe pra be sha /hUM puSh+pe a be sha /baM dwi pa su ki ni/ ho gan+d+ha tsit+ta/ hUM ya mAn+ta krita dza phaT/ hUM beg+ha nAn+ta krita hUM phaT/ hUM pad+mA na ta krita baM phaT/ hUM
250b3 pra dz+nyA n+ti krata ho phaT/ oM mahA badzra d+ha ra mahA kro d+hi shwa ri dz+wa la ni phaT/ oM mahA rat+na d+ha ra mahA kro d+hi shwa ri dz+wa la ni phaT/ oM mahA pad+ma d+hA ra ma hA kro d+hi shwa ri dz+wa la
250b4 ni phaT/ oM ma hA karma d+ha ra mahA kro d+hi shwa ri dz+wa la ni phaT/ hUM hUM hUM badzra tsit+ta hUM/ a a a badzra b+ha dra sa man+ta oM/ oM mu ne kriM swAhA/ oM mu ne hUM druM swAhA/ oM mu ne sruM
250b5 swAhA| oM mu ne praM swAhA/ oM mu ne shaM swAhA/ oM mu ne ye swAhA/ oM e ha hi b+ha ga wA na/ mahA ka ru NI ka tri sha ho/ /sa ma ya s+t+waM/ dzaHhUM baM hoH/ oM AHhUM swAhA/
250b6 ba ba ba ba ba/ dzra dzra dzra dzra dzra/ sa sa sa sa sa/ ma ma ma ma ma/ ya ya ya ya ya/ oM AHhUM swAhA/ oM sgyu 'phrul dra ba gnyis med pa'i/ /gsang ba zab mo sku
250b7 gsung thugs/ /gdod nas bdag dang dbyer med pa'i/ /da ltar nyid du dbyer med shog /oM badzras ma ya hUM/ oM badzra sa ma ya s+t+waM/ oM badzra sa ma ya ho/ /dzaHhUM
251a1 baM hoH/ /zhes brjod pas/ sna tshogs dkyil 'khor mdzes pa dag /gnyis med ro gcig 'dres nas kyang / /stong gsum
251a2 dkyil 'khor gsal bar 'gyur/ /oM AHhUM swAhA/ muM maM laM paM taM/ hUM hUM hUM hUM/ trAM trAM trAM trAM/ d+h+ri d+h+ri d+h+ri d+h+ri/ AHAHAHAH/ hUM hUM hUM hUM hUM hUM hUM hUM hUM hUM/
251a3 hUM hUM hUM hUM hUM hUM hUM hUM hUM hUM/ dzaHhUM baM hoHrab ldan pas/ /gtso bo lnga dang gtso mo lnga/ /'brel pa sum cu rtsa gnyis dang / /rdo rje khro bo khro mo dang / /sgo bzhi
251a4 rab 'jam la sogs pa/ /dkyil 'khor rgyas par snang bar mdzad/ /'khor lo nyis brtsegs rtsibs su bcas/ /khyams dang sgor bcas lha yi rim//
251a5 rang rang phyag mtshan gdan dang bcas/ /bzhugs thabs tshul bzhin gnas pa'o/ /de nas rgyal ba de dag gis/ /dkyil 'khor chen po de dag la/ /dbang
251a6 bskur byin brlab bya ba'i phyir/ /gsang ba'i sngags ni gsung bar mdzad/ /oM mahA shU n+ya tA dz+nyA na badzra swA b+hA ba at+ma ko u0f85haM/ oM mahA a daR+sha dz+nyA na badzra
251a7 swA b+hA ba at+ma ko u0f85haM/ oM mahA pra t+yA be k+Sha NA dz+nyA na badzra swa b+hA ba At+ma ko u0f85haM/ oM mahA sa man+ta dz+nyA na badzra swa b+hA ba at+ma ko u0f85haM/ oM mahA kri ta a nu Sh+ThA na badzra s
251b1 wa b+hA ba at+ma ko u0f85haM/ oM sarba ta thA ga ta mahA kA ya badzra swa b+hA ba At+ma ko u0f85haM/ oM sarba ta thA ga ta mahA wA ka badzra swa b+hA ba at+ma ko u0f85haM/ oM sarba ta thA ga ta m
251b2 ahA tsit+ta badzra swa b+hA ba At+ma ko u0f85haM/ oM sarba ta thA ga ta mahA a nu rA ga badzra swa b+hA ba at+ma ko u0f85haM/ oM sarba ta thA ga ta mahA pU dza badzra swa b+hA ba at+ma ko u0f85haM/
251b3 zhes brjod ye shes sku gsung thugs/ /rtse gcig thim par gsal bar 'gyur/ /tsit+ta 'og min 'bar ba'i gnas/ /rin chen 'bar ba rdzogs pa'i mdzod/ /
251b4 mi shigs thig le za ma tog /rgyal ba kun gyi bzhugs pa'i gnas/ /tsit+ta'i khams lnga'i snying po la/ /bde ba'i thig le phra rags nyid/ /ye shes lnga yi
251b5 bdag nyid du/ /gsang ba 'dzin pa'i rgyal por brjod/ /gang de dwangs ma ye shes lnga/ /gang du mi phyed rdo rje gsal/ /dug lnga ye shes bskyed pa dang / /
251b6 btsun mo dga' bde'i ngo bor brjod/ /khams lnga 'dus pa'i ye shes nyid/ /rang byung ye shes bde ba'i thugs/ /rnam shes bzhir bcas thig le nyid/ /
251b7 thugs kyi sems dpa' nyid du bshad/ /de yis gang la dbang bsgyur ba'i/ /yul bzhi thig le bde ba'i bcud/ /sgyu ma'i bde bar gang 'char ba/ /
252a1 yul bzhi rim par bshad pa ste/ /dbang bsgyur gnyis med gang yin pas/ /yab yum 'brel ba'i ngo bor bshad/ /rtsa
252a2 bcud thig ler bcas pa'i rten/ /so so'i nus par bcas pa nyid/ /gang la de dbang de yi phyir/ /'di ni phyi yi rim par bshad/ /gang la khams
252a3 lnga'i bde ba yis/ /mnyes dang thig le bkod pa dang / /nam mkha'i ye shes gsal ba dang / /de nyid khyab pa'i rang bzhin te/ /zag med bde
252a4 ba'i rang bzhin gyis/ /phyogs bcu'i zhing khams mnyes par mdzad/ /dgug dang bcing dang mnyes dang gsal/ /thabs lam bcud du 'brel
252a5 bar gsungs/ /gang de thabs chen gsal byas pas/ /lus kyi chos bzhi rtag chad spangs/ /bde ba'i thig le rang snang ba/ /ma lus 'joms la
252a6 khro bo'o| |bcud las 'das pa'i hUM gsum nyid/ /byed pa bral ba'i ngo bo nyid/ /yul gsum bral bas chos kyi dbyings/ /ma lus rnam dag kun
252a7 tu bzang / /dwangs snyigs snying por 'brel pa yis/ /nyon mongs sa bon drug bcas pas/ /thig le btul nas bstan pa 'chang / /sprul pa'i sku ru bshad
252b1 pa yin| |kun kyang ye shes lnga yi ro/ /khyab par gnas pas rgyas btab cing / /snang srid bde chen sku gsung thugs/ /dran pa rtag tu gsal bzung ba'o/ /
252b2 de nas gzhan yang bshad par bya/ /gsang rtse sna tshogs 'dus pa'i dbus/ /phyi nang rim pa'i dbu rtse can/ /ngo bo byin rlabs 'phags pa ste/ /yon tan byin
252b3 rlabs kun gyi gnas/ /gsang ba'i pad+ma'i rang bzhin du/ /rdo rje gnyis med thig ler blta/ /nyi zla zil ba'i thig le nyid/ /phan tshun 'dres pa rlung gis
252b4 phye| |gsang ba'i khams lngas ye shes rol/ /snyigs ma'i phung po lnga dag nas/ /dwangs ma lnga yi rang bzhin gsal/ /rgyal po de bzhin gshegs par
252b5 gsal| |gsang ba'i 'byung ba lngar bstan pa/ /dbang yul phrad pa'i skabs las shes/ /rigs mchog yum gyi phyag rgya lnga/ /snyigs ma bral ba'i dus
252b6 na blta| |thig le thugs kyi bde ba rnams/ /rang rang thig le bde bar gsal/ /ye shes rnam shes dwangs ma rnams/ /bde ba chen po gsal bar shes/ /dam
252b7 tshig bde ba'i chas kyis sgeg /sgo gsum 'brel cing thig ler chags/ /gang du bde ba'i sgra bsgrags te/ /bskyod cing 'phro ba'i gar gyis mnyes/ /thugs
253a1 gang thig le brten pa'i gnas/ /gang yul bde bar dbang byed pa'i/ /rten dang bcas pa'i bde ba yis/ /rang rang thig le
253a2 skyed par byed/ /thabs dang shes rab gnyis med pa'i/ /thugs dang thig ler bcas pa nyid/ /dgug 'dzin 'khyud cing gnas pa dang / /thig le
253a3 rlung dang bstod smad bsdams/ /bskyod dang 'bebs pa'i thabs yin te/ /tshim dang thig le dor ba dang / /ye shes gsal bas bde sems rgyas/ /rim
253a4 pa ji bzhin gsal bar brtags/ /gsang yul dbang po reg pa dang / /rnam shes gang yin ta krid de/ /bde ba'i rang bzhin ma skyes pas/ /rtag chad
253a5 mtshan ma bdag med pa/ /sgo ma'i rang bzhin gsang ba'i sngags/ /shes skyob don phyir gsang ba'i sngags/ /shes pa gsum 'das sgrib zad pa/ /rang
253a6 rig byed pa yid ces bya/ /rgyun gsum zad pa'i chos dbyings nyid/ /rtogs bya kun tu bzang mor bshad/ /'khor ba'i sa bon nyon mongs bcas/ /
253a7 zil pa'i thig sngon lam bzhin du/ /thabs sbyor thig le'i 'phro 'du yis/ /gsang ba'i mdzad pa bcu gnyis ston/ /sa bon thig le ma skyes gzugs
253b1 bstan pa rim pa gsum du bstan/ /'dod pa'i yan lag sum brgya dang / /drug cu rtsa bzhi la sogs pas/ /tha mal zhen pa rang grol nas/ /rdo rje ze'u 'bru
253b2 'brel bskyod pas/ /rang 'bar thig le gzugs su chags/ /yab yum lnga phyi thabs kyis gzung / /nyi ma zla ba shar ba'i 'od/ /rtse nas rtse ru phyin pa yis//
253b3 'khor ba'i mun pa kun bsal nas/ /ma lus lhan cig skyes par gsal/ /de nyid gsang bar shes par bya/ /rgyal ba'i dkyil 'khor ma lus pa/ /bzhi
253b4 bcu rtsa lngar gnas pa yi/ /thugs kyi rang bzhin snying po nyid/ /rang rang mtshon pa'i rtags yin te/ /rgyas dang bsdus pa'ang de bzhin du/ /rdo rje 'khor lo ral
253b5 gri 'bar/ /dril bu pad+ma rin po che/ /rdo rje 'dzin pa'i rim bshad pa'o/ /gzhan gang gnas su rdo rje shes/ /dang po thugs dang g.yon 'khyud pa'o/ /rin chen myu
253b6 gu ral gri 'bar/ /pad+ma dkar po rdo rje che/ /ut+pal klu shing po ti ste/ /gzugs mdzes rin chen phreng ba dang / /pi wang gar sgyur pog me dang / /byug ba so so rim
253b7 shes bya| |nri mgo rdo rje thod rgya gram/ /lcags kyu zhags pa s+pho Ta ho/ /'od 'phro mnyam bzhag rdo rje thal/ /ye shes rtse lnga chos khams dril/ /thugs la brtan
254a1 pa nyid du gsungs/ /thub chen nges par phyag gnyis shes/ /seg par go mtshon pi wang brdab/ /sgrom stob po ti chos 'chad
254a2 tshul| |me dpung bum par shes par bya/ /gzhan yang mthun pa skabs kyis brtag /mi mthun khyad par rgyas par bstan/ /rdo rje rin chen pad+ma dang / /rgya
254a3 gram dril bu brgyad shes bya/ /rdo rje lcags kyu mda' se gol/ /rin chen nyi ma rgyal mtshan so/ /pad+ma 'khor lo ral gri lce/ /rgya gram khu tshur go cha mche/ /
254a4 gzhan yang skabs dang mthun pa ste/ /rang rang don nyid rtse gcig pa'i/ /thugs kyi rtags su shes par bya/ /dwangs ma'i ye shes lnga 'bar bas/ /gcod
254a5 dang ma phyed dga' ba dang / /ma gos bde ba bskyed pa nyid/ /rnam par mi rtog rim par shes/ /yon tan bskyed dang tha mal gcod/ /de bzhin ma
254a6 gos ye shes nyid/ /so so yon tan cha las byung / /rang rang rtsa bcud thig le'i dbyibs/ /so so nyid ltar rang gnas te/ /bde ba'i thig le nyid
254a7 du shes| |rang byung dwangs ma'i thig le nyid/ /'brel ba'i tshul gyis kun snang ba/ /khu ba rtsa yi dbyibs gzugs nyid/ /rang rang las dang rtog pa
254b1 dang / /snying po phyag mtshan dbyibs bzhin pas/ /bde chen thugs su gsal brtan pa/ /thugs kyi dus su shes par bya/ /thabs dang shes rab gnyis med
254b2 pa'i| |thig le gsal ba'i rang bzhin las/ /thugs mtshan che ba'i ye shes nyid/ /dpag tu med par rang snang ba/ /bde ba chen po'i thig le'i 'od/ /ma
254b3 lus de der snang ba nyid/ /ma lus gnyis med thig le yi/ /bde ba chen po'i ye shes lnga/ /de las phye bas mtshon pa'i sgo/ /thugs kyi rang rtags bsam
254b4 mi khyab| |bde ba thugs las gzhan ma yin/ /gang phyir dkyil 'khor 'di dag kyang / /thun mong gnas su bsgoms pa dang / /mi shigs thig le'i snying po
254b5 las| |sku gsung thugs nyid gsal bar bya/ /don dam thig le pad rtse la/ /rim pa ji bzhin gsal bar bya/ /de nas gdug pa gdul ba'i phyir/ /'bar
254b6 ba'i dkyil 'khor gsal bar bshad/ /cho ga'i rim pa ji bzhin gyis/ /rang snying rgyu yi sa bon hUM/ /dag pas rim pas gsal ba la/ /rang rgyud 'byung lnga
254b7 nyon mongs lnga/ /rang byung lnga ru snang ba'i phyir/ /'byung ba lnga nyid bsgom par bya/ /e yaMHraM suM keM raM/ so so las rnams byas nas ni/ /nam mkha' gru gsum
255a1 zla gam rlung / /khrag gi dpa' klong 'khrug pa dang / /gti mug ro dang nga rgyal ri/ /zhe sdang me nyid bsgom par bya/ /mdog kyang
255a2 rim par shes bya ste/ /las dang rang bzhin shes bzhin brtag /bruM las dur khrod gzhal yas khang / /'khor lo rtsibs bzhi thod phreng dang / /bar khyams
255a3 gnyis ni sgo dang bcas/ /thod phreng sbrul gyi za ra tshags/ /zhing gi gdul dang ka ba ste/ /sprin nag dur khrod rgyan dang bcas/ /khro mo bdud rtsi lha mo dang //
255a4 thod pa lnga gsum rtsig pa can/ /nyi zla'i rgyan can bsam byas la/ /dregs pa gnod sbyin srin po dang / /dri za gshin rje bzhon par bcas/ /de bzhin
255a5 gsal bar bsgom par bya/ /sku gsung thugs kyi rdo rje yi/ /cho ga las byung rim pa yis/ /gnyis med gsal bas de brtan phyir/ /dbang bskur byin
255a6 brlab rim bzhin bya/ /sbyor ba'i thig le 'phros pa yis/ /gdug pa ma lus btul nas ni/ /rang rang rim pa gsal gyur nas/ /hUM gis phyogs phyogs
255a7 gdan la bzhugs/ /ha brgyad sa bon las byung ba/ /dkar mo'i tshogs dang rkun mo'i tshogs/ /rmongs mo dang ni thal byed ma/ /spos mo dang ni gtum
255b1 mo dang / /sme sha can dang ma tshogs ma'i/ /so so'i cha lugs rngam thon nas/ /sprul pa bzhi po la thim zhing / /rang rang las mdzad snying po sgrog /'dus te phyogs
255b2 phyogs gnas par bya/ /he brgyad sa bon las byung ba/ /stag dang seng+ge wa dang khyi/ /bya rgod kang+ka 'ug pa dang / /pho rog la sogs phra men rnams/ /'phro 'du
255b3 las dang phyogs mdog mtshan/ /rim pa ji bzhin de bzhin bsam/ /phaT bzhis rta dang phag gdong dang / /sbrul dang spre'u gdong rim pa bzhin/ /las dang
255b4 sku mdog phyag mtshan yang / /rim pa bzhin du gnas pa yin/ /de dag 'khor lo dbus dang lnga/ /yab yum phyag rgya 'brel bar gnas/ /rtsibs mtshan
255b5 gru chad bzhi dag la/ /gnas kyi ma mo dgod par bya/ /bar khyams dang por phra men brgyad/ /phyogs mtshams rim par dgod par bya/ /sgo bzhir sgo ba
255b6 rngam tshul gnas/ /bar khyams tha ma dag la ni/ /slas dang byi mo bran mo'i tshogs/ /sku mdog phyag mtshan bzhugs tshul nyid/ /rim pa bzhin du 'god
255b7 par bya| |rin chen thod pa'i dbu rgyan dag /gnas skabs dag tu 'tsham par bya/ /sku gsung thugs kyang de bzhin te/ /yan lag dkyil 'khor nyid du
256a1 bshad| |gang phyir nam mkha'i ye shes nyid/ /spros med dam pa nyid du 'dod/ /bde ba'i thig les kun khyab la/ /chos nyid snying
256a2 rje kun tu snang / /thig le rang snying sa bon rgyu/ /zag pa med pa'i snying po yin/ /ma lus 'dus pa'i snying po can/ /thig le gong 'og kun dang 'brel/ /
256a3 gnas pa khong stong tshul dag gis/ /ma lus kun la khyab pa yin/ /dz+haM sgo g.yo ba'i sa sgo can/ /bskyod dang las kyis khyab byed pa/ /lus khyab gnas
256a4 dang las dag ni/ /khyad par so sor snang ba yin/ /de steng ti la ka'i rang bzhin/ /'bar ma brgyad dang ldan pa nyid/ /zhu dang 'bar ba'i las byed pa/ /drag
256a5 mo zhes kyang 'dod pa yin/ /thig le sgo nas 'dzag pa'i bcud/ /gsher dang 'dzag pa'i baM snying can/ /sdang dang 'bebs pa'i rang bzhin can/ /lus
256a6 can gnas pa gsal bar bya/ /gang la gang brten de yi rten/ /thig le rtsar bcas bde ba'i rten/ /de nyid bskyed dang gnas gyur pa/ /brten pas
256a7 sa yid dkyil 'khor nyid/ /'khor lo gzhal las rang bzhin te/ /rim pa gong 'og 'brel pa can/ /lus la gnas pas dur khrod de/ /kha dog rtsa
256b1 dang bcud bsdus pa'i/ /rgyan dang gdan du ldan pa yin/ /gang la brten pa'i thig le nyid/ /gnyis med bde ba chen po'i lha/ /sa bon yi ge bde ba yis//
256b2 sku gsung thugs dang ldan pa nyid/ /gcig kyang khams lnga'i bde ba'i ngos/ /ma lus khyab pa'i tshul gyis gnas/ /lus la thig le chen po gnas/ /
256b3 gnas dang bcud dang bde ba nyid/ /thabs chen thabs las byung ba yi/ /nam mkha'i ye shes dpag tu med/ /'jug pa bzhi dang rim pa brgyad/ /thig le
256b4 gcig gis khyad par 'phags/ /nyon mongs zad pas zad byed de/ /dwangs ma'i ye shes lnga 'bar nyid/ /yul dang bcas pa'i rang bzhin las/ /'bar
256b5 ba'i dkyil 'khor gsal bar snang / /gnas kyi thig le bde ba can/ /dur khrod ma brgyad gsang ba ste/ /gnyis med phra men nyid du bshad/ /thig le thabs
256b6 dang bcas pa nyid/ /dkyil 'khor 'jug pa'i sgo dang 'brel/ /snying po thig le nyid du sbyor/ /gang dang lhan cig skyes pa las/ /bde ba chen po skye ba
256b7 med| |ma lus bde ba chen po nyid/ /khyab pa rgya yongs ma chad pa'o/ /ma lus 'dus pa'i bde ba'i ro/ /sa yang bcu gsum 'dus pa'i mkha'/ /rang byung
257a1 khyab pa chen po'i gzugs/ /kun 'dus thig le chen por gsal/ /rnam thar gsum ldan e yi gzugs/ /bde ba bskyod dang thig le
257a2 bskul| |'phro dang sdud dang bsdams pa'i rlung / /rdo rje pad+ma 'dus pa'i sa/ /rten dang bral ba bde ba'i sa/ /shu kra'i thig le gang gsher ba/ /gsang ba chu yi rang bzhin
257a3 yin| |de dag phyag rgyas gang sbyar bas/ /bde ba'i drod ni rang 'bar skye/ /bruM las gsang ba'i gzhal yas khang / /sangs rgyas rin chen za ma rtog /sna tshogs
257a4 'dus pa'i snying po can/ /khyad par 'phags pa'i 'og min te/ /yon tan rdzogs pa'i dngos gzhi can/ /dga' bzhi 'jug pa'i sgo dang ldan/ /'bab 'dzeg thig
257a5 le'i skas dang ldan/ /bde ba nyi zla rgyal la bzhugs/ /thig le 'dres pa bde ba'i ro/ /nyi zla 'brel ba bde ba'i lha/ /mthung dang rngubs pa'i thabs chen gyis/ /'khor
257a6 ba'i sa bon zad ces pas/ /za byed khro bor de bshad pa'o/ /dpag med thig le'i rang bzhin gang / /sa ya bcu gsum pho brang na/ /bde ba chen po ye shes
257a7 gzugs/ /sku gsung thugs dang lhan cig bzhugs/ /'du shes gsum ldan byin brlabs te/ /gsang ba'i ye shes lnga ldan pas/ /dbang thob rnams la rgyas
257b1 btab bo/ /gsang ba thig le chen po ni/ /rang byung bde ba chen po nyid/ /rnam rtog rgyu ba chad pa yi/ /rdo rje pad+ma'i bar na gnas/ /'og sgo snying po pad+ma ni/ /rgyal ba kun gyi
257b2 dkyil 'khor te/ /gsang ba sku gsung thugs nyid du/ /thabs dang shes rab gnyis med gnas/ /ma lus 'dus pa'i thig le nyid/ /gnyis med bcud du gyur pa ni/ /
257b3 de yi bde ba chen po nyid/ /khyab pa'i tshul gyis gang bar bzhugs/ /ye shes rgya mtsho lhan cig skyes/ /gsang ba'i thig le bde ba'i ro/ /nyi zla 'dres pa'i tshul gyis
257b4 snang / /gsang ba'i dkyil 'khor chen por bshad/ /de nas rgyal ba thams cad kun/ /gdul bya bsam pa'i khyad par gyis/ /nam mkha'i dbyings kyi mthas gtugs
257b5 par| |rdo rje khro bor snang gyur te/ /bskyed cing gdug pa 'dul ba yi/ /drag po lha yi sngags dag dang / /de yi gzhal yas snang bar mdzad/ /bruM bi shwa bi shud+d+he/ dz+nyA na
257b6 kA pa la rat+na pany+tsa hUM| mahA de ba s+thi ra baM/ sUr+ya tsan+d+ra maN+Da la hUM/ de steng so so'i sku nyid dag /gsal ba'i rim pa dgod par bya/ /oM bud+d+ha mahA shrI he ru ka mahA tsaN+Da
257b7 sarba duSh+Tan ta ka ha na da ha pa tsa hUM hUM hUM phaT/ oM badzra mahA shrI he ru ka mahA tsaN+Da sarba duSh+Tan ta ka ha na da hA pa tsa hUM hUM hUM phaT/ oM rat+na mahA shrI he ru ka mahA tsaN+Da sarba duSh+Tan
258a1 ta ka ha na da ha pa tsa hUM hUM hUM phaT/ oM pad+ma mahA shrI he ru ka mahA tsaN+Da sarba duSh+Tan ta kaha na da ha pa tsa hUM hUM hUM phaT/ oM karma mahA shrI he ru ka ma hA
258a2 tsaN+Da sarba duSh+Tan ta ka ha na da ha ba tsa hUM hUM hUM phaT/ oM sarba ta thA ga ta mahA kro d+hi shwa ri sarba duSh+Tan hUM phaT/ oM mahA badzra d+ha ra kro d+hi shwa ri dza la ni hUM phaT /
258a3 oM mahA sUR+Ya rat+na mahA kro d+hi shwa ri bi da ma hUM phaT/ oM shrI sha ta sa men pad+ma mahA kro d+hi shwa ri kha hi hUM phaT/ oM sarba a mo g+ha mahA kro d+hi shwa ri bi shwa hUM phaT/ oM badzra
258a4 gau ri ha/ badzra tsau ri ha/ badzra pra mo hA ha/ badzra be ta li ha/ badzra puk+ka si ha/ badzra g+hasma ri ha/ badzra sme sha ni ha/ badzra tsaN+Da li ha/ badzra si ha mu khI he/ badzra bya g+h+ra mu khI he/ badzra sring+gA
258a5 la mu khI he/ badzra sho na mu khI he/ badzra gr-i D+ha mu khI he/ badzra kaM ka mu khI he/ badzra kA ka mu khI he/ badzra u lu ka mu khI he/ badzra AR+YA ta dza teng dza/ badzra a mo khA hUM/ badzra lo ka baM/
258a6 badzra b+ha smi sa ma ya ba to hoH/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ badzra ma nu rak+Sha si/ badzra h+ma Ni/ badzra rau tri/ badzra bai Sh+Na be/
258a7 badzra kau mA rI/ badzra in+d+ra ya/ badzra sU ra ye/ badzra ping+gi le/ badzra sau me/ badzra a mr-i tA/ badzra daN+Da nI/ badzra rAk+Sha si/ badzra bak+Sha si/ badzra ra ti haM/ badzra ru d+hi ro ma t+yaM/ badzra
258b1 e ka dza raM/ badzra na mo ha raM/ badzra sid+d+ha kaM /badzra bA ya be/ badzra ma hA mA ra Ni/ badzra ag+ma ye/ badzra bA rA hi/ badzra tsa muN+DI/ badzra pU ta nA/ badzra bA ru Ni/ badzra mahA ka la/ badzra
258b2 tsa ka lA/ badzra kum+b+ha kar+NA/ badzra lam+bo d+ha ra/ ru lu ru lu hUM/ e h+ye hi A na ya/ dza hUM baM hoHraM/ oM badzra kro d+ha sa ma ya hUM/ oM khro la khros pas zhi mdzad pa/ /thugs
258b3 rje khro dpal rngam pa'i tshogs/ /'bar ba'i byin rlabs rmad po che/ /de nyid du ni bdag la stsol/ /oM badzra kro d+ha sa ma ya s+t+waM/ oM badzra kro d+ha sa ma ya phaT/ oM badzra kro d+ha
258b4 sa ma ya hoH/ /i li u li tA li ta pA li/ daMSh+TA g+ho na rau tri/ kha raM yo gi ni khA hi hoH/ /hUM ha he phaT b+h+yo raM/ gsang sngags drag po mthu yis ni/ /phyogs bcu tshig cing
258b5 rab tu tshig /kun tu rab tu tshig par 'gyur/ /'bar ba rab 'byams kun tu 'bar/ /'bar ba'i dkyil 'khor khro tshogs kyis/ /gang zhig rab gang kun tu gang //
258b6 'khrugs dang rab 'khrugs kun tu 'khrugs/ /'thor zhing rab 'thor kun tu 'thor/ /'gul zhing ldeg pa de bzhin te/ /phyogs bcu dus bzhi gang la yi/ /sgra
258b7 bo che yang sgrog par byed/ /phyogs bcu'i gdug pa ma lus pa/ /thul zhing brgyal nas myos gyur te/ /de dag bde bas bslangs byas te/ /bde ba chen po dgyes pa'i
259a1 gar| |phyogs bcu nam mkha'i mtha' thug par/ /rnam par 'phrul pa'i gzugs kyis byed/ /rdo rje gsang ba'i rang bzhin las//
259a2 thig le chen po'i dkyil 'khor bsgyur/ /gdod nas thig le'i rang bzhin nyid/ /ma bcos thig ler gnas pa nyid/ /ma lus thig ler rgyas btab pa/ /nam
259a3 mkha'i gzugs can de bzhin nyid/ /ma lus bde ba'i thig le nyid/ /khyab pa chen po'i rang bzhin te/ /mtha' dbus bral ba bde ba che/ /snying rje chen por brjod
259a4 pa yin| |kun gyi rgyu ni thig le ste/ /ma lus sa bon rtsa ba nyid/ /mi shigs snying ga'i pho brang nyid/ /ye shes rdzogs pa'i gzhal yas khang / /nam mkha' lta
259a5 bu'i mtshan nyid de/ /rgyal ba kun gyi bzhugs gnas so/ /nyon mongs gdug pa'i gdan khri nyid/ /gdul bya thub pa nyid du bstan/ /phung po nyon mongs lnga
259a6 dag pa| |rgyal po lnga yi rang bzhin te/ /rang snying dwangs mar bcas pa nyid/ /dbang phyug lnga ru brjod pa nyid/ /rnam shes yul du bcas pa nyid/ /rten dang brten
259a7 par bcas pa yi/ /bde ba phra men bcu drug nyid/ /phyi lta nang lta dkyil 'khor nyid/ /dgug dang 'dzin dang thig les bsdams/ /thig le'i rang bzhin gnyis
259b1 su med| |dbu ma'i thig le bcas pa'i lam/ /dbang phyug nam mkha'i dbang mo tshogs/ /dbab pa nye ba'i tshul bzung nas/ /thig le dbab pa'i thabs bzhi yis/ /phab
259b2 pas rang rgyud dngos po sreg /dran 'byung rig pa'i 'phro 'du tshogs/ /bde ba chen po'i don la 'jug /gnyis med thim pas dkyil 'khor 'bar/ /sku gsung thugs
259b3 su kun gsal bas/ /gnyis med thim pas shes par mdzad/ /rang bzhin bde ba'i dkyil 'khor kun/ /rig pa nyams myong dbyings la thim/ /dran rtog 'byung
259b4 ba nyon mongs kun/ /tshig pa gsum du shes par bya/ /ye shes bde ba chen po nyid/ /'bar ba gsum du shes par bya/ /byang chub sems kyi bde ba yis/ /ma lus
259b5 gang zhig khyab par gyur/ /thig le gong 'og steng 'og nyid/ /thig le gong ma nyid 'og tu/ /'og ma nyid ni steng du 'bar/ /gcig gnyis lus kun khyab par
259b6 'thor| |lus dang rtsar bcas 'gul ba dang / /ldeg cing 'bar ba'i bde bas gang / /bde bsad dbang bsgyur tshim pa'i sgra/ /ma lus khyab par sgrog par
259b7 byed| |sku gsung thugs kyi b+ha ga nyid/ /bde ba chen po'i nam mkha'i dbyings/ /'byung bzhi rdo rje pad+ma nyid/ /reg pa 'dus pa'i bde ba nyid/ /re dogs rgyu ba chad pa
260a1 nyid| |de bzhin nyid du blta bar bya/ /thig le 'dres pa'i bde ba yis/ /sa yang bcu gsum khyab pa'i yid/ /ma lus mkha'
260a2 ltar dri med pa'i/ /rang byung phyogs med kun tu snang / /thabs dang shes rab bde ba yis/ /'byung bzhi rim pa'i dwangs ma ste/ /sa bon bde ba'i rgyu zhes grags/
260a3 b+ha ga pad+ma'i snying po nyid/ /sku gsung thugs kyi dkyil 'khor gyi/ /bzhugs gnas bde ba chen po'i rten/ /sangs rgyas rin po che yi snod/ /phung po lnga dang nyon
260a4 mongs lnga/ /ye shes lnga yis zil gyis mnan/ /nyi zla pad+ma'i gdan la bzhugs/ /sangs rgyas kun gyi snying po ni/ /bde ba chen po'i rang bzhin nyid/ /thig le
260a5 phrad pa'i dus nyid na/ /ye shes lnga yi ro dang ldan/ /gdul bya 'joms pa'i khro bo lnga/ /'byung lnga dbang phyug rnam par bstan/ /myong dang yul bcas rnam shes
260a6 yul| |phra men nyid du shes par bya/ /phyag rgyar bcas pa'i sbyor ba bzhi/ /sgor bcas nyid du shes par bya/ /sgal tshigs 'jug pa'i thig le nyid/ /dbang phyug
260a7 bde bar shes par bya/ /gnyis ka phyogs pa'i rang bzhin nyid/ /bde ba chen po spyan drangs pas/ /rtog pa bde ba'i dkyil 'khor 'jug /rim pa gnyis
260b1 med brda 'jal mchog /sku gsung thugs kyi thig le nyid/ /gnyis su med par thim par mdzad/ /rnal 'byor dbang phyug pho mo kun/ /bde ba chen po mnyes par gyur/ /
260b2 sangs rgyas gang tshe snying po la/ /ma lus bde ba'i rang bzhin ldan/ /thig le gnyis med bde ba'i ro/ /ye shes lnga ldan zag pa med/ /phyi nang gang ba'i dkyil 'khor nyid/ /
260b3 ma lus 'dus pa'i rang bzhin te/ /nyi zla 'dres pa'i gar thabs las/ /lhan cig skyes pa gsal bar 'gyur/ /sa ya bcu gsum gnyis 'dus pa'i/ /thig le rdo rje'i
260b4 rang bzhin nyid/ /gnyis med 'khril ba zhes bya ste/ /rang rig bde ba chen por thim/ /sangs rgyas rin chen de yi dbyig /kha sbyor snying po za ma tog /sku gsung thugs
260b5 kyi pho brang las/ /ma lus thig le gnas par mdzad/ /sku gsung thugs kyi pho brang ni/ /bde ba chen po'i gnas nyid de/ /rdo rje snying po rtsa dang 'brel/ /gnyis med
260b6 bde ba'i thig ler gnas/ /gsang ba'i thig le chen po ni/ /ma lus 'dus pa'i bcud yid de/ /gsang ba yon tan rdzogs pa'i mdzod/ /snying po'i lam la gnas
260b7 par bya/ /rdo rje nyi ma'i snying po la/ /rdo rje zla ba'i 'od kyis brgyan/ /gnyis med thig les gang ba yi/ /bde ba chen po'i rang bzhin 'char/ /brten nas 'byung ba'i rten
261a1 can nyid/ /gang la gang gis mnyam sbyor bas/ /thabs chen thabs las byung ba yi/ /bde ba chen po 'bar bar 'gyur/ /de nas rdo
261a2 rje khrag 'thung nyid/ /rang rang thugs kyi dkyil 'khor nyid/ /gdul bya'i ngo la dgongs mdzad de/ /thugs kyi dkyil 'khor snang bar mdzad/ /rdo rje rdo rje dril bu
261a3 dang / /'jig rten 'khor yug bcas pa 'degs/ /de bzhin 'khor yug bcas pa 'degs/ /de bzhin 'khor lo dgra sta dang / /kha T+wAM rab tu 'khrol ba
261a4 'o| |nor bu rin chen rgyu zhags dang / /rdo rje dgra sta rab tu rdeb/ /chags mchog pad+ma chen po dang / /dril bu rnga yi sgra sgrog pa'o/ /las ni ral gri gshol chen
261a5 dang / /'jig rten rgyang mar 'phen pa ste/ /bar ma rdo rje dung mar 'khrug /sti ra chen po rab rdeb pa'o/ /btsun mo khrag 'thung chen mo yang / /'khril bas pad+ma
261a6 rak+ta stob/ /gnas dang yul gyi phyag rgya ni/ /byis dbyug mda' gzhu rgyal mtshan dang / /byis snying rdo rje za rdeg tshul/ /byis snying dung dmar byis rgyu dang / /mgo
261a7 lus 'brel ba'i tshul du gnas/ /steng 'og phyi nang bsnol ba dang / /byis ldag khog pa dral zhing lta/ /rgyu mgo zhing khur rgyu gri dang / /rdo rje lcags kyu 'dzin pa 'o/ /
261b1 lcags kyu zhags pa lcags sgrog dang / /dril bu 'khrol bas slong bar byed/ /slas dang byi mo bran mo'i tshogs/ /bcu gnyis dang ni brgyad kyis mdzes/ /rang gi stan
261b2 dang lag cha dang / /ci bgyi zhes ni chas te gnas/ /kun kyang mdzes pa'i rgyan dang bcas/ /zhal 'dzum steg mig 'khril tshul can/ /dbu skra ral pa lcang lo bcings//
261b3 sha da ba yi glu len cing / /dmar la rdul ldem chags pa'i tshul/ /snam zheng che la rked pa phra/ /nu 'bur stod smad bye zhing 'gying / /dmar la klan zhing 'dud tshul can//
261b4 gus dang steg pa'i ngang tshul 'chang / /so so'i gdan la 'khod pa ni/ /srin mo smug nag thod rlon 'chang / /tshangs ma dmar ser pad+ma bsnams/ /lha chen dkar ljang
261b5 tri shU la| |gtogs 'dod sngon mo 'khor lo 'chang / /gzhon nu dmar mo mdung thung 'phel/ /brgya byin dkar mo in+d+ra gdengs/ /rdo rje ser mo tsan+dan 'thung / /bdud rtsi
261b6 dmar mo pad+ma bsnams/ /zla ba dkar mo puN+Da rI/ /be con ljang nag dbyug tho 'phyar/ /srin mo dmar mo dung khrag 'thung / /za ba ljang nag ba su 'dren/ /dga' ba dmar mo
261b7 ka tar 'chang / /stobs chen dkar mo gshol 'dzin ma/ /rdo rje ser mo spu gri gcod/ /'dod pa dmar mo mda' gzhu 'gengs/ /nor srung dkar mo bum pa 'dzin/ /
262a1 rlung lha sngon mo ba dan 'phyar/ /gsod byed dkar mo ral gri so/ /me mo dmar mo gsal shing 'chang / /phag mo nag mo che zhags
262a2 can| |rgan byad dmar mo zhing chung za/ /sna tshogs dkar mo thod khrag 'thung / /chu lha dmar ser sbrul zhags 'dzin/ /rdo rje nag mo lcags kyu 'dzin/ /rdo rje ser
262a3 mo ra mgo zhags/ /rdo rje dmar mo lcags sgrog sdom/ /rdo rje ljang nag dril 'khrol 'gying / /so so brjid pa'i stabs ldan pa'o/ /de nas gzhan yang bshad
262a4 bya ste| |rnam par spro ba'i rgyas pa'i phyir/ /sku dang gsung dang thugs nyid dang / /yon tan 'phrin las khro bo'i phyir/ /lnga bcu brgyad ldan bye brag lnga/ /sngags
262a5 dang phyag rgya ting 'dzin dang / /sku mdog bzhugs tshul rim pa dag /rigs rnams ji ltar 'gyur ba brtag/ de ltar bsam dang dres pa dang / /brjod dang mos
262a6 pa'i sbyor ba yis/ /ji ltar 'tsham par bsgom par bya/ /de nas bcom ldan 'das dgyes chen pos/ /rngam pa'i zhal gdams spyan zlog cing / /mche gtsigs
262a7 phyogs bcur gom pa yis/ /'jigs pa'i stang stabs gar mdzad sa/ /'jigs byed bcu ni rnam par 'phrul/ /oM oM oM oM oM oM oM oM oM oM/ ba ba ba ba ba ba
262b1 ba ba ba ba/ dzra dzra dzra dzra dzra dzra dzra dzra dzra dzra/ kro kro kro kro kro kro kro kro kro kro/ d+ha d+ha d+ha d+ha d+ha d+ha d+ha d+ha d+ha d+ha/ hUM kA ra bi dza ya/ nI la daN+Da/ ya mAn+ta ka /Ar+ya a tsa la/ ha ya grI ba/ a
262b2 ba rI dzi ta/ a mr-i ta kuN+Da li/ trai lokya pi dza ya/ ma hA ba la/ hUM hUM hUM hUM hUM hUM hUM hUM hUM hUM/ phaT phaT phaT phaT phaT phaT phaT phaT phaT phaT/ 'di dag sngon du phyung ba yis
262b3 ri bo sa gzhi 'gul byed cing / /rgya mtsho ma lus 'khrug pa dang / /sngags kyi sgra chen grags par 'gyur/ /hUM mdzad rnam rgyal dbyug sngon can/ /gshed po gzhan
262b4 'joms rta mgrin dang / /mi g.yo bdud rtsi khams gsum rgyal/ /stobs chen khro bo 'di dag gis/ /rang rang bgegs kun rnam par gzir/ /ma lus 'jigs shing
262b5 'joms par mdzad/ /gardza gardza/ ha na ha na/ da ha da ha/ pa tsa pa tsa/ ban+d+ha ban+d+ha/ hu lu hu lu/ tiSh+Tha tiSh+Tha/ tshin+d+ha tshin+d+ha/ bin+d+ha bin+d+ha/ s+pho Ta s+pho Ta/ hUM hUM hUM hUM hUM hUM hUM hUM hUM
262b6 hUM/ phaT phaT phaT phaT phaT phaT phaT phaT phaT phaT/ khro bo'i rgyal po 'di dag kyang / /blo dang ldan pa'i rnal 'byor gyis/ /bskal pa'i me ri nang rol du/ /bri 'am
262b7 bsam mam dmigs bya ba/ /mthing ga dkar po mthing nag dang / /ljang sngon dmar nag dud ka ljang / /dkar ljang dud dmar mdog tu snang / /khro mo lus dang gri
263a1 mar gnas/ /'khor lo ni mgo rdo rje stir/ /drang srong 'bar bar bcas pa dang / /gshin rje'i rkang bzung zhing dbyug 'phyar/ /ral gri
263a2 gdan brel stir dbyug gshog /ba dan brgyad thogs be ra nyid/ /rin chen nri mgo gsum gyi dbyug /rdo rje rtse gsum nri mgo dang / /thong gshol gtun shing
263a3 g.yas g.yon thogs/ /yang na zhal gsum phyag drug ste/ /blo ldan rnam par bsams nas ni/ /bgegs dang gdug pa rnam par 'jig /pho brang 'khor dang rnam
263a4 par bsgom/ /de nas gzhan yang bshad bya ba/ /rang lus rten dang brten pa yi/ /dkyil 'khor nyid du gsal bar brtag /lte ba snying ste sku gsung thugs/ /thig
263a5 gis cha chen cha chung bcas/ /gnas bzhi dngas ma 'byung ba ste/ /khog pa dur khrod gzhal yas khang / /ka ba gdung dang rta babs dang / /bla bre rdo rje ra ba dang / /
263a6 'khor lo dra ba dra phyed dang / /nyi zla skar khung rdzing bu dang / /skyed shing g.yas g.yon 'khor lo brtsegs/ /cod pan nyi zla pad+mar bcas/ /rgyal ba bzhugs pa'i
263a7 gzhal yas khang / /rang byung tsit+ta'i 'khor lo na/ /thig le ye shes lnga bdag nyid/ /ma lus thig le 'dus pa'i ros/ /cho 'phrul bstan pa'i gdug pa
263b1 'dul| |so sor 'khor lo dgod pa yi/ /ting 'dzin rdzogs pa'i tshul du bsgom/ /'byung bzhi dwangs ma yum nyid de/ /bde ba'i dwangs ma nam mkha'i khams/ /thabs dang
263b2 shes rab gnyis med pa'i/ /rang bzhin khams lnga'i rang bzhin bcud/ /zla ba nyi ma gnas pa yi/ /shrA ri tsit+ta'i thig le la/ /nang gi gdug pa 'joms pa dang / /
263b3 spyod yul bde bar bsgyur ba dang / /thig le so sor dgod par nus/ /phye bas rim pa'i 'khor lo ste/ /bsdus pas thig le chen po nyid/ /thig le ye shes lngar ldan
263b4 pa| |thabs nyid dwangs ma yum du bshad/ /rnam shes thig le nyams myong nyid/ /tha mal 'joms pas khro mor snang / /gnas kyi thig le rtsar bcas pa/ /phra
263b5 men nyid du shes par bya/ /gnas bzhi 'jug pa'i sgo nyid de/ /sgal tshigs la brten bde ba'i bcud/ /'phro zhing sdud pa dbang phyug ma/ /gnas brten bcu yi thig
263b6 le la| |'joms pa'i rang bzhin gsal bar byed/ /nyams myong skye dang rnam pa med/ /spyod yul dag pas mang du bshad/ /zla ba nyi ma la brten te/ /sku gsung
263b7 thugs kyi lam brgyud de/ /thig le g.yo dang 'bar ba dang / /re dogs med par rnam par dran/ /bde ba'i yan lag bzhi ru 'gyur/ /'khyud pa gar gyi phyag rgya
264a1 bzhis| |rdo rje snying po'i pad+mar 'brel/ /bskyod pa rlung dang mnyam sbyor bas/ /nyi ma zla ba dus gcig 'char/ /de nyid kun tu khyab pa
264a2 las| |ma lus lhan cig skyes par 'gyur/ /bde ba chen po gnyis med pa/ /kha sbyar srub po'i thabs las skyes/ /thabs las byung ba'i gsang thig le//
264a3 ma lus 'dus pa'i bcud kyi ro/ /rten las rten can nyams myong ba/ /lhag pa'i ye shes thabs las skyes/ /chos dbyings la sogs ye shes lnga/ /thugs
264a4 nyid mtshon phyir mtshan ma ste/ /gang la rten dang 'bar dang 'dzag /bde ba'i rlung dang nam mkha'i khams/ /de bzhin btsun mo dgyes skyed pa/ /mi phyed gnyis
264a5 med lhan cig pa/ /gang de thabs las byung ba yi/ /dngos gnyis yum dang dbang po'i tshogs/ /lhan cig skyes pa'i thig le nyid/ /ma lus bde bar rang
264a6 snang ba| |gnyis med 'dus pa'i stobs las byung / /gnas yul phyag rgya'i thig ler bstan/ /dgug dang 'khyud dang bsdams dang 'bebs/ /ye shes 'jug
264a7 pa'i sgo yin te/ /sgal tshigs brgyud pa'i thig le'i rgyun/ /dbang phyug mar ni shes par bya/ /ba spu thig le 'brel ba nyid/ /phra mo bsam mi khyab snang ba/ /grangs
264b1 las 'das pa'i phyag rgya ste/ /bsam byas nam mkha'i zhing du sbyar/ /sku bzhi las byung gsang thig le/ /khams gsum bcud 'bus bde chen po/ /yungs kar lhun
264b2 med brten pa las/ /ma lus khyab pa'i tshul gyis snang / /thig le bde chen thabs sbyor ba/ /thob dang goms pa'i rang bzhin las/ /zhen pa'i 'du shes bral 'gyur
264b3 bas/ /rang dbang med pa'i rtags 'byung ste/ /sbar zhing mnan pa'i cho ga bya/ /snang dang rig pa sna tshogs chos/ /bde ba chen po'i thig ler brtan/ /nyi ma'i snying po
264b4 lta ba ltar/ /bltas pas mthong ba med pa'i don/ /ma lus bde chen rgyan du snang / /de nas gzugs brnyan dkyil 'khor bshad/ /'khor dang mya ngan 'das pa yi/ /
264b5 ji snyed ma lus chos bstan pa/ /rang byung ye shes chen po ste/ /de nyid dngos po sna tshogs mchog /ji snyed brtan g.yo snang ba'i chos/ /chen po rags pa gnas pa'i
264b6 chos/ /ma lus kun la mthun snang ba/ /rang byung thabs kyi ngo bo nyid/ /de dag gnod rnam ma skyes pa'i/ /rdo rje shes rab stong nyid de/ /gang yang dngos min ngo bo nyid/ /
264b7 shes rab yum gyi rang bzhin no/ /ji snyed nam mkha'i mthar thug pa/ /rang byung byang chub sems kyi gzugs/ /ma lus kun gyi rang bzhin nyid/ /dpag med mthun par
265a1 snang ba ste/ /me long dang ba'i rang bzhin nyid/ /sna tshogs gzugs dang 'brel ba bzhin/ /ma lus rigs pa'i thig le las/ /
265a2 ma lus sku yi dkyil 'khor snang / /ji snyed rab 'byams ma lus pa'i/ /'khor dang mya ngan 'das pa dang / /zin dang ma zin gnyis ka'i sgra/ /nges pa dang ni ma
265a3 nges pa'i/ /'khrul dang ma 'khrul sna tshogs pa/ /brjod dang bsam dang 'phrul pa dang / /byin rlabs mtha' yas rang snang ba/ /byang chub sems kyi gsung mchog ste//
265a4 nam mkha'i sgra dang brag ca ltar/ /rang rgyud med pa'i rig pa nyid/ /bsam pa mtha' yas ji snyed pa/ /ma lus gsung gi dkyil 'khor nyid/ /rang rgyud brtan po min
265a5 par gnas/ /gang du nam mkha' mtha' klas par/ /bskal pa mtha' thug med pa'i bar/ /nam mkha'i char dang chu bur dang / /sprin dang chu rlabs phung po ltar/ /
265a6 ye shes bde dang sdug bsngal dang / /nges dang ma nges dam pa dang / /dman dang chags dang chags bral dang / /zin dang zhen dang ma zhen dang / /rnam pa rnam
265a7 med brtags pa'i chos/ /dran rtog rig pa gang yang rung / /ma lus rig pa rang snang ba/ /snga ma dran pa'i rnam pa 'am/ /rmi lam sgyu ma'i nyams myong ltar/ /sna
265b1 tshogs snang yang rang rgyud min/ /gang yang rang rgyud kun bral ba'i/ /ma lus dkyil 'khor bshad pa rnams/ /rang rgyud med pas gzugs brnyan te/ /thabs dang shes
265b2 rab gnyis med pa'i/ /gzugs brnyan dkyil 'khor lhun gyis grub/ /rang byung ye shes skye 'gag med/ /ma lus mi phyed rdo rje'i gzugs/ /rnam pa mthar thug med
265b3 pa nyid/ |yon tan lhun grub rang snang bas/ /de yi brnyan pa rang bzhin 'char/ /mtha' bral rang byung dkyil 'khor ni/ /cir yang snang la mi dmigs phyir/ /yang
265b4 dag brtag par mi gnas pas/ /ma lus gzugs brnyan dkyil 'khor shar/ /bde chen rang byung lhun grub nyid/ /yon tan rdzogs pa'i nor bu ltar/ /dpag med
265b5 chos su snang ba'i phyir/ /bde ba chen po'i gzugs brnyan te/ /skye bo dag dang ma dag pa'i/ /gdul bya mtho dman rig pa la/ /rig spyad spro ba bskyed pa'i phyir/ /dang
265b6 po nas bzung mthar thug par/ /rang rang bsam bde bzhin du/ /de dag ngo la de ltar snang / /gzugs brnyan phyi yi rim pa ste/ /thun mong yul du gyur phyir ro/ /ma
265b7 lus tha dad med pa yi/ /phyi nang snod bcud rdzogs pa'i lus/ /bcud ldan bde ba mdzad pa'i gnas/ /mi shigs thig le kun gyi dngos/ /rang nyid bde ba chen po'i
266a1 gzugs/ /dwangs snyigs 'brel ba'i nus mthu las/ /zag pa yod dang med pa yi/ /dngos po gnyis kyi chos su snang / /rgyu yi thig
266a2 le'i rang bzhin la/ /nus pa'i khyad par so so yis/ /'byung ba dang ni yum nyid dang / /bde ba chen po la sogs pa/ /thig le nus pa'i stobs las snang / /ma lus
266a3 'khor lo'i snying po nyid/ /thig le 'bar ba bde ba'i gzugs/ /rtsa yig bye brag bcas pa ni/ /bcud 'dus thig le ros gang ba/ /ma lus rten can dkyil
266a4 'khor nyid/ /ma lus snod bcud kun tu snang / /thabs chen gsang ba'i rim pa nyid/ /khams bzhi la brten thig le nyid/ /g.yo dang 'dzag cing gnas dang
266a5 thim/ /bye brag gsum las brgyud pa yis/ /gru dang sgyu ma'i 'khrul chu la/ /zhugs dang 'thung ba'i spyod yul lam/ /me long dang ba'i ri bo yi/ /rtser phyin ma
266a6 lus bltas pa ltar/ /bde chen gzugs brnyan nyid du snang / /rim pa bzhi yi thig le nyid/ /bde ba'i 'du byed gang bskul ba/ /gnas bzhi'i thig le'i bye
266a7 brag gsal/ /mu tig phreng ba brgyus pa ltar/ /'dzag dang 'bar ba'i thig le nyid/ /til 'bru 'bras bu smin pa ltar/ /ma lus til gyi phung po ltar/ /thig
266b1 le'i lus su gnas pa yin/ /nyams myong gsal bar 'bar ba'i tshe/ /'dar dang rdul dang pa spu ldang / /'phar dang sgra 'byin dpa' bo'i gar/ /rnam par rol ba'i
266b2 chogs su snang / /snang srid bde ba chen po nyid/ /tha mal nub cing brtan gyur na/ /thig le nam mkha'i stobs kyis sbyang / /rtse gcig nam mkha'i mthong stobs kyis/ /
266b3 thig le stong par thim pa na/ /ye shes nam mkha'i gzungs su nges/ /snang srid snod bcud ma lus kun/ /bde chen rig pa'i gzugs brnyan du/ /rgya mtsho mjings
266b4 nas bltas pa ltar/ /ma lus de ltar snang ba yin/ /rig pas nyams su myong ba dang / /spyod yul dag pas nang du bshad/ /rang byung bde ba chen po nyid/ /gsang
266b5 ba'i gang zag gdul ba dang / /gsang ba'i nyams myong mngon bstan phyir/ /thabs dang shes rab 'dus pa yi/ /cho ga'i bya ba kun ldan cing / /dbang bskur byin
266b6 brlabs sbyangs pa dang / /brgya phrag gsum dang drug cu dang / /drug cu rtsa bzhi rdzogs pa yis/ /chu skyes snying po rdo rje can/ /nyi ma me shel 'od 'byung ba/ /rang byung
266b7 rlung gi phyag rgyas bskyod/ /nor bu chu 'dzag rang dbang med/ /ma lus rig pa'i thig ler bsdus/ /rgyu ba'i rlung ni chad pa na/ /rig pa stong pa'i thig ler thim/ /a ta
267a1 la rten thig le'i rim/ /rgyu dang mi rgyu'i rang bzhin las/ /'khor dang mya ngan 'das par snang / /gsang ba'i thig le la brten pas//
267a2 ma lus bde chen 'khor los bsgyur/ /lus kyi thig le dang por te/ /de nas rig pa'i thig le yin/ /de nas ye shes thig le nyid/ /tha ma chos nyid thig
267a3 ler thim/ /de nas dus gsum 'du 'bral med/ /bde chen nam mkha'i khams nyid de/ /zab cing rgyu ba med pa yi/ /rang rgyud zhen chags kun bral ba'i/ /bde
267a4 ba chen po'i gzugs brnyan shar/ /ma rtogs khyab pa'i gzugs brnyan te/ /rtog par nyams myong gzugs brnyan nyid/ /mthar phyin ye shes gzugs brnyan
267a5 'di| |dman dang yan lag ma tshang dang / /dbang dang man ngag med pa dang / /dka' thub can dang ma smen dang / /skal med yal ba'i yul min pas/ /gsang
267a6 ba'i gsang chen dam pa nyid/ /de nas gzhan yang bshad bya ba/ /lhag pa gzugs brnyan dkyil 'khor nyid/ /tha mal brod pa bskyed pa'i phyir/ /cho ga rgyas
267a7 par bshad par bya/ /dkyil 'khor chen po rtogs 'dod kyang / /ji bzhin mngon du ma gyur la/ /lhag par 'di yis rtogs gyur pas/ /lhag pa zhes ni bstan
267b1 pa yin/ /gang gis gang la gang mtshon pas/ /lhag par mtshon pa nye ba dang / /gang la brten te gang bsgrubs pa/ /lhag par myur du 'grub pa'i phyir/ /'dis ni
267b2 lhag pa nyid du brjod/ /gang las gang de thabs 'di yis/ /mngon par lhag pas lhag pa'o/ /rgyal ba kun gyi sku gsung thugs/ /thabs dang gang gis mngon ston
267b3 cing | |dngos gzhi nyi ma yin pa'i phyir/ /gzugs brnyan nyid du bstan pa yin/ /gang la brten pa'i thabs nyid kyis/ /de nyid 'dra bar snang ba ltar/ /ma mthong
267b4 mos pa'i gdul bya la/ /de dang 'dra ba'i thabs nyid de/ /dngos min 'dra phyir gzugs brnyan no/ /rgyal ba kun gyi rang bzhin no/ /dpag med ye shes lhun rdzogs
267b5 pa'i| |ye shes rang byung lnga yi gzugs/ /zag med gdul bya'i ngo la snang / /de yi yon tan gzugs brnyan gyis/ /zag bcas mos pa'i gang zag la/ /sku gsung
267b6 thugs kyi rnam pa nyid/ /'dra bar mtshon phyir gzugs brnyan no/ /gang phyir chos dbyings ngo bo la/ /tha dad dbye ba mi gnas kyang / /mos dang drag po'i dbang gyur te//
267b7 gang gis gang de mi 'dul bas/ /thugs rjes kun la khyab pa'i phyir/ /longs spyod sprul pa'i dkyil 'khor bstan/ /zhen pa can dang nga rgyal can/ /thabs dang drag
268a1 pos tshar gcad phyir/ /de ltar so sor 'tsham pa ste/ /lhag pa gzugs brnyan gnyis su bshad/ /gang du bkra shis yid 'ong ba'i//
268a2 steng 'og phyogs bzhi bar mtshams dag /legs pas yid 'od bar chad med/ /phyi nang ri bo dgon pa'i mchog /rang gis gzhi legs brtags la/ /pra dang
268a3 nyams kyi ltas brtags la/ /ma dag mtshan ngan spangs byas la/ /dag cing nyams dga' blang bar bya/ /sa gzhi byin brlabs bkra shis pa/ /gal te rtsod pa zhi
268a4 bya'i phyir/ /snang dang mi snang bdag po la/ /mgu bas bar chad med par bslang / /gang de dbang du bya ba'i phyir/ /cho ga'i yan lag kun brtsams te/ /mchod dang
268a5 mnyes pas tshim byas la/ /sa gzhi bdag gi dbang du bya/ /thun mod skyon bsal dag byas nas/ /mi dmigs chos la blo sbyangs shing / /dngos grub myur zhing
268a6 nyams dga' ba'i/ /phyi nang dag pa chen por sbyang / /rang bzhin byin brlabs kun gyi dngos/ /gdod nas ma bcos gnas pa la/ /lhag pa'i bden pa dbyer med
268a7 pas| |lha dang gzhal yas ngo bor brlag /gang de'i bar chad bsrung ba'i phyir/ /sprul ba'i dkyil 'khor gsal btab la/ /rdo rje khro bo'i 'khor lo spro/ /hUM
268b1 bzhi sngags dang bcas pas bsrung / /de dag legs par gzung ba'i phyir/ /ma dag pa ni mtshams bcad de/ /las kyi bya ba kun rdzogs nas/ /rgyal ba kun la
268b2 gsol btab la/ /'dod pa'i don rnams grub pa'i bang / /dngos grub gter du ming gis gzung / /gang phyir bshad pa'i cho ga yis/ /ma dag pa dang ngan pa dag/
268b3 rtogs dang ting 'dzin cho ga yis/ /mnyam pas re dogs med par gnas/ /dkyil 'khor phyi nang bshad pa bzhin/ /tshad ni rjes su mthun pa ste/ /thugs kyi dkyil
268b4 'khor dam pa ste/ /yang na sor bzhi tshad du ste/ /yang na mdzub gang tshad du bya/ /yang na lus gang tshad du ste/ /yang na lus ni gsum bzhi nyid/ /yang na bco brgyad
268b5 nyid du'am/ /nyi shu lnga yi tshad du bya/ /yang na rgyang grags dpag tshad de/ /rang gi rig pa rjes mthun par/ /nam mkha'i dbyings dang mnyam pa'i tshad/ /tshad dang
268b6 ldan pa'i dkyil 'khor te/ /yid 'ong byug bdug nyi shu lngas/ /mdzes shing legs par byas nas ni/ /gang dang 'brel ba'i cho ga brtsam/ /gzhan du longs spyod
268b7 ma byas pa'i/ /ras bal dur khrod rgyu las byas/ /gsar zhing grims la 'jur mdud med/ /byin rlabs lnga dang sku gsung thugs/ /thim pas ye shes thig skud de/ /rig
269a1 pas thig ni gdab par bya/ /thabs dang shes rab gnyis med pa'i/ /gsang ba'i 'phro 'du de bzhin no/ /dkyil 'khor yid 'ong po
269a2 brang sa| |ma nor gsal bas thig tu bshad/ /gang gis gang mtshon de bzhin te/ /kha dog lnga dang phung po dang / /khams dang skye mched rnam shes sogs/ /ye
269a3 shes dkyil 'khor mtshon phyir ro/ /rtogs pas 'khor ba'i rgya dral phyir/ /tshon zhes kyang ni brjod pa nyid/ /ma mthong rmongs la ston phyir tshon/ /kha dog
269a4 nyi shu rtsa lnga 'am/ /lnga yi tshon gyis bri bar bya/ /gser dang dngul dang bai DUr+ya/ /pad+ma in+d+ra nI la nyid/ /rin chen lnga dang ldan pa yis/ /mkhas pas 'byor
269a5 ldan ci bder bri/ /yang na 'bras dang sA lu la/ /kha dog bsgyur bas de bzhin no/ /dman dang 'byor pa chung ba yis/ /'byung khungs lnga yis bri bar bya/ /thabs
269a6 dang shes rab gnyis med pa'i/ /rgyal ba bcu nyid thim pa yis/ /ye shes rin chen phyi nang med/ /dag pa'i ngo bor blta bar bya/ /oM AHhUM swAhA/ sarba pany+tsa
269a7 rat+na sa ma ye hUM/ 'bru bcu spung zhing 'bun pa yi/ /sngags dang phyag rgyas byin gyis brlabs/ /zhi pa'i dkyil 'khor ma lus la/ /ye shes rin chen rtsig pa
269b1 ste| |dra ba dra phyed rta babs dang / /rdo rje zla phyed 'dod yon dang / /rin chen sa gzhi skyed shing dang / /rdzing bu dril bu g.yer kas spras/ /rtag tu bri zhing bsgom par bya/ /
269b2 gdug pa 'dul ba'i dkyil 'khor la/ /thod pa sna lnga sna gsum dang / /thod skam rtsig pa'i rim pa bzhin/ /tshangs dang lha dbang la brten pa/ /mchog chen brgyad
269b3 ni yin par 'dod/ /lhag ma rnams kyis thog phub ste/ /gza' brgyad nyi zla'i glo skar ldan/ /sbrul dang thod pa'i phreng ba nyid/ /dra ba dra phyed rnam par spras/ /phyi nang
269b4 rgyu 'bras gdug pa dag /gdul bya'i rta babs bzhir bshad de/ /sor phreng thod pa'i phreng ba dang / /dbang po nyi zla'i phreng bas spras/ /khro mo sha lnga bdud rtsi dang / /dur khrod
269b5 'dod yon ldan pa 'o/ /dur khrod sa gzhi khrag dang bcas/ /skyes bu gsal shing phyogs mtshams brgyad/ /rak+ta'i mtsho brgyad rab rlabs 'khyil/ /thod tshal brgyus
269b6 pa dur khrod rlung / /'jigs pa'i sgra dang me 'od ldan/ /zhing 'phen phyogs mtshams brgyad dang bcas/ /lha chen thod pa spubs steng na/ /tsit+ta'i tog las 'od
269b7 zer 'phro/ /he ru ka yi dkyil 'khor nyid/ /ma lus bri zhing bsgom par bya/ /ma lus 'gro ba'i re skong bas/ /rin chen phreng dang rgyan du ldan/ /mi 'jigs stobs sogs
270a1 kun ldan pas/ /stobs ldan theg par gnas pa yin/ /spyod pa skyon gyis ma gos pas/ /pad+ma 'bar bar mdzes par snang / /thabs
270a2 dang shes rab gnyis med pas/ /nyi zla mdzes pa'i gdan la bzhugs/ /bde chen don las mi 'da' bas/ /'khril sbyor dgyes pa'i tshul du bzhugs/ /sku
270a3 gsung yon tan 'phrin las thugs/ /yongs rdzogs sku yi rgyan du gnas/ /lam dang byang chub yan lag rnams/ /rdzogs phyir phreng ba la sogs tshul/ /
270a4 thugs rje 'khor ba mi gtong bas/ /chu srin klu phrug bzung ba bzhin/ /thugs rje bar chad mi mnga' bas/ /'brel ba bar chad med par gnas/ /brtson 'grus 'khor
270a5 pa spong ba'i phyir/ /ri dwags dag ni mnyan par gnas/ /zag med spyan gyis kun gzigs pas/ /dge sdig spyan gyis gzigs par bstan/ /ma lus zil
270a6 gnon stobs rdzogs phyir/ /bya khyung dag ni gnas par bstan/ /chos kyi 'khor lo bskor byas shing / /nyon mongs tshad pa'i gdung sel bas/ /thugs rje
270a7 gdugs kyi 'khor lo bstan/ /ma lus gcig tu 'dus pas na/ /tog stong 'od zer 'bar ba ste/ /gdul bya'i bsam pa'i don phyir bstan/ /lha rnams so
270b1 so'i rnam pa ni/ /sku mdog sna tshogs bzhugs tshul dang / /gdan dang phyag mtshan rgyan du bcas/ /pho mo'i tshul dang bcas pa rnams/ /de bzhin nyid la dmigs pa
270b2 dang / /gdul bya gzigs pa'i tshul nyid kyis/ /gtso 'khor phyi nang lta tshul gyis/ /bzhugs thabs rim pa so sor bstan/ /rang rang snying po gang yin pa/ /kha dog
270b3 so sor phye nas ni/ /gsung gi dkyil 'khor bstan pa yi/ /rim pa bzhin du gsal bar bya/ /rang rang thugs mtshan gang yin pa/ /kha dog dbyibs dang
270b4 bcas pa nyid/ /thugs kyi dkyil 'khor bstan pa'i phyir/ /rim pa ji bzhin dgod par bya/ /gdug pa 'dul ba'i dkyil 'khor yang / /dung chen ras chen la
270b5 sogs pa/ /sku gsung thugs kyi 'khor lo nyid/ /rim pa bzhin du gsal bar dgod/ /de bzhin nyid la dmigs med de/ /stong zhing mi dmigs rig pa nyid/ /
270b6 gang la rtog dpyod mi gnas pa/ /chos dbyings de bzhin nyid du bsgom/ /bden gnyis dbyer med mnyam pa nyid/ /ye nas khyab kyang ma rtogs pas/ /phyogs med
270b7 snying rje nam mkha' ltar/ /rnal 'byor pas ni bsgom par bya/ /rang byung ye shes rnam pas ni/ /yig 'bru rnam pa gsal ba las/ /zhen 'dzin sbyangs nas
271a1 yig 'bru yi/ /'phro 'dus 'byung lnga rim gyis bskyed/ /bruM gyis gnyis med 'od sbyangs nas/ /gzhal yas khang ltar yin par bsgom//
271a2 rnam pa'i gang yin de dag dang / /rang rig sa bon gnyis med las/ /'dres pas gang yin gtso bo nyid/ /bskyed cing dbang bskur byin brlabs nas/ /'khor
271a3 yang mi phyed 'dres par bsgom/ /yongs rdzogs smin cing brtas pa la/ /dzaHhUM baM hos gnyis med de/ /'dod pa mthar thug bar du bsam/ /las kyi bya ba kun
271a4 zin nas/ /thun mong mchod pa sna tshogs dang / /kun bzang mchod pa la sogs pa/ /lha mo brgyad dang bcu drug gis/ /mchod pa'i rim pa brtsam par bya/ /rin
271a5 chen rnam lnga rta glang dang / /'bru dang bang mdzod khang khyim dang / /bu dang chung ma bran khol dang / /gnas ngang zhing dang na bza' dang / /rgyan phreng bza' btung longs
271a6 spyod dang / /rdzing dang chu mig 'bab chu dang / /mtshe'u dang khron pa lu ma dang / /ri dang de'u dang skyed mos tshal/ /khor yug dang lhun po dang / /skye bo mang bo bro
271a7 glu dang / /nam mkha'i dbyings dang mnyam pa yi/ /mchod pa sna tshogs rgyas par mchod/ /dpa' bo sha lnga bdud rtsi lnga/ /bcud dang rol mo snang ba dang / /sna tshogs
271b1 dri dang byug pa mchog /dag cing legs par 'bul bar bya/ /thar pa la sogs zhing gi mchog /dngos dang lta spyod ting 'dzin gyis/ /bsgrub bya ma lus kun bsgral te/ /
271b2 rdo rje zhing du bskyed par bya/ /lha mo mi mo rig pa mo/ /cho ga'i sbyor ba rang rtog bzhin/ /dngos dang ting 'dzin sbyor ba yis/ /bde ba chen po rol mo yis/ /phyi nang nam mkha'i
271b3 khams bkang ste/ /rin chen lha mo yo byad dang / /reg pa nyams myong bde ba yis/ /rgyal sras zhing gi rdul snyed la/ /gnyis med dag pa'i tshul gyis mchod/ /rol
271b4 mo glu dbyangs bcas pa yis/ /dkyil 'khor rim pa bstod par bya/ /rdo rje gsum gyi bzlas pa yis/ /mtshan ma legs par snang ba na/ /sbyang dang byin brlabs
271b5 dbang bskur dang / /mchod dang bstan pa'i cho ga dag /rtog pa'i cho ga rgyas par bya/ /dkyil 'khor de yi phyogs bzhi ru/ /rnam bzhi las kyi me thab la/ /dus
271b6 bzhir rang rang rdzas dag gis/ /lha bzhi tshul gyis mchod par bya/ /de nas gnang thob dbang phyug nyid/ /dkyil 'khor zhugs shing nus ldan nas/ /thugs rjes
271b7 'khor ba bsgral ba'i phyir/ /skal ldan slob ma gzhug par bya/ /dpal ldan rdo rje sems dpa' yis/ /sku gsung thugs kyi 'khor lo che/ /mngon du mthong zhugs
272a1 bsod nams gang / /'dir zhugs pa nyid de bzhin no/ /gang du sku gsung thugs ldan pa/ /gang du mos pas spro bskyed phyir/ /rgyal ba kun
272a2 kyang 'phrul mdzad de/ /sgo gsum byin gyis rlob par mdzad/ /rnal 'byor cho ga rdzogs pas kyang / /gdul bya zhi dang bro ba la/ /so so'i mtshan ma nyid bstan phyir//
272a3 sku gsung thugs kyi rnam pa dag /bris dang brdung dang blugs pa dag /so so'i gnas su legs par dgram/ /ma lus sku gsung thugs dkyil 'khor/ /'di
272a4 las ma gtogs lha gzhan med/ /gang du dbang dang 'brel ba ni/ /bco lnga'i rim pas byin brlabs phyir/ /bzhi dang brgyad kyi dkyil 'khor la/ /yab yum
272a5 bco brgyad gnas par bya/ /bcu gnyis bcu drug dkyil 'khor la/ /bzhi bcu gnyis dang ldan par bya/ /nyi shu'am nyi shu rtsa lnga la/ /rgyas pa'i cho ga rim
272a6 par dgod/ /'di dag lugs dang 'bur dang bzo/ /bri dang bsgom pa dag kyang rung / /'di ni phyi yi dkyil 'khor ro/ /zab mo'i dbang gi dkyil 'khor ni//
272a7 thun mong thun mong ma yin pa'i/ /sor bzhi mdzub gang la brten te/ /phyi rol rnam pa'i rjes 'brang min/ /mthong dang brtan dang goms pa ni/ /rim pa bzhin
272b1 du gsal bas 'byung / /brgyud pa lam gyi rim pa yis/ /mthar phyin nyams su myong bar 'gyur/ /dbang bskur thabs kyi rim pa yis/ /byin brlabs man ngag
272b2 yid ches bya/ /'di ni dbang gi dkyil 'khor te/ /de bzhin gnas skabs gzhan du yang / /thun mong tshogs la sbyar ba'i phyir/ /'byung lnga rgyu dang bdag nyid dang / /
272b3 mkha' dag byin brlabs so sor gdon/ /rang gi cho ga'i sbyor ba yis/ /ji ltar brtsams pa 'grub par 'gyur/ /bsod nams tshogs zhes bya bar bshad/ /gzhan
272b4 yang stobs ldan rnal 'byor pas/ /gang 'dod mngon du bsgrub pa'i phyir/ /'chi med tshe yi dkyil 'khor dang / /mtshan ma pra yi dkyil 'khor dang / /dug 'joms
272b5 bdud rtsi'i dkyil 'khor dang / /cho 'phrul ro langs la sogs pa/ /gang bsgrub don phyir gang bshad pa/ /de nyid bsgrub pa'i dkyil 'khor ro/ /las bzhi lha yi rnal
272b6 'byor gyis/ /rigs dang mthun pa'i sa gzhi la/ /thab khung so so'i mtshan ma can/ /'phrin las dkyil 'khor nyid du bshad/ /slob dpon nus pa stobs ldan
272b7 pas| |rdo rje lus su brtan bya'i phyir/ /rgyang grags dpag tshad la sogs pa/ /sku gsung thugs su mngon gsal ba/ /rnal 'byor skal ldan spyod yul te/ /tshogs
273a1 kyi dkyil 'khor nyid du bshad/ /de nas gzhan yang bshad bya ba/ /mtshan ma rtogs pa'i rang bzhin gyis/ /mthong bya don la sgrib pas
273a2 na| |de dag sbyang ba'i cho ga bshad/ /tha mal zhen pas brtags pa'i don/ /lhag pa'i bden gnyis rtogs bsgoms pas/ /phyi nang snod bcud ma lus pa/ /sku
273a3 gsung thugs kyi ngang du bsreg dkyil 'khor lha yi mtshan ma dag /rnam pa ji snyed gnas pa dag /rang rig rnam par 'phrul pa nyid/ /mtshan ma thig le'i ngang du sbyang / /thig le rim pa'i
273a4 snang tshul te/ /phyi nang med pa'i byang chub sems/ /dngos dang dngos med kun sbyangs te/ /rang rig byang chub sems kyi me/ /phyogs bcur 'bar zhing dbyings la
273a5 sdud| |rnal 'byor las rung goms pa yis/ /gzhan don rtsom pa'i don byed na/ /dang por nyes byas gsum sbyang phyir/ /rnam gsum khrus kyi rim pa brtsam/
273a6 gdug pa 'dul ba'i dkyil 'khor gyis/ /bar chad bgegs dang dbral byas la/ /bkug bcings bstim la rnal du gzhag /bsrung dang byug bdug rgyan
273a7 gyis brgyan/ /'khor ba'i sa bon kun bkod de/ /las kyi cho ga thim pa dang / /dkyil 'khor 'phro 'du rim pa yis/ /'khor ba'i sa bon sbyang bar bya/ /de tshe
273b1 sdong bu gnas bkod de/ /sdong bu re la lha rnams kyi/ /snying po tshang par gdags pa dang / /gsol btab gnang byin sras su bskyed/ /'jug dang dbang bskur las
273b2 rdzogs nas/ /khro bo'i dkyil 'khor de bzhin te/ /las bzhi me yi las byas nas/ /rtog tshogs lha gsum dbyer med pa'i/ /rang rang gnas su dag pa la/ /sbyin
273b3 sreg glu bro gar gyis mchod/ /las kyi bya ba kun zin nas/ /thig le chen po'i ngang la bsdu/ /de nas gzhan yang bshad bya ba/ /byang chub sems kyi dkyil 'khor te/ /
273b4 ma lus byang chub sems nyid de/ /de rtogs bya phyir bshad par bya/ /chos rnams ma lus thams cad dang / /dkyil 'khor ma lus thams cad kun/ /tha dad dbye ba mi
273b5 gnas te/ /byang chub sems kyi dkyil 'khor nyid/ /rang byung mtho dman med pa yi/ /sku gsung thugs dang lus ngag yid/ /ma lus gzhi rtsa snying po ste/ /rang
273b6 byung byang chub sems la 'dus/ /de nyid rang rig 'od gsal ba/ /dngos po ma yin dngos med min/ /gnyis ka ma yin gnyis med min/ /mtha' dbus cha shas
273b7 kun bral ba'i/ /zab cing yangs la rgya che ba/ /de bzhin gshegs pa'i spyod yul te/ /rtog ge rnams kyi yul min pas/ /gsang ba'i gsang ba byang chub sems/ /
274a1 e ma'o ngo mtshar rmad kyi chos/ /rdzogs pa'i sangs rgyas kun gyi gsang / /skye ba med las thams cad skyes/ /skyes pa nyid las
274a2 skye ba med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /'gag pa med las thams cad 'gag /'gag pa nyid ni 'gag
274a3 pa med| |e ma'o ngo mtshar rmad kyi chos/ /rdzogs pa'i sangs rgyas kun gyi gsang / /gnas pa med las thams cad gnas/ /gnas pa nyid la gnas pa
274a4 med| |e ma'o ngo mtshar rmad kyi chos/ /rdzogs pa'i sangs rgyas kun gyi gsang / /dmigs pa med las thams cad dmigs/ /dmigs pa nyid na
274a5 dmigs pa med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /'gro 'ong med las 'gro dang 'ong / /'gro 'ong nyid la 'gro
274a6 'ong med/ /ma skyes rig pa'i byang chub sems/ /dngos med dngos po'i rang bzhin du/ /rdo rje sems dpa'i ngo bo nyid/ /g.yo dang mi g.yor bcas pa yis/ /phyi
274a7 nang snod bcud ma lus pa/ /rang byung sems kyi dkyil 'khor nyid/ /rang bzhin gnas dang rtogs pa dang / /bsam dang dmigs dang goms pa yi/ /sku
274b1 gsung thugs kyi mtshan ma dang / /lha dang lha min gsang ba dang / /sha za 'byung po mi 'am ci/ /grul bum yi dwags klu rnams dang / /rgyu ba'i srog chags ma
274b2 lus dang / /rtsi shing gel pa 'bras bu dang / /phun sum tshogs pa ma lus pa/ /ma bcos don gyi lha nyid de/ /byang chub sems su khyad par med/ /lha zhes gzhan
274b3 du bstan pa yang / /tshig gi tha snyad tsam du zab/ /byang chub sems la gnyis med par/ /rtogs pa'i don la gcig tu bstan/ /snying rje chen po'i rang bzhin
274b4 gang / /gnas pa'i don dang ma phrad pas/ /ma lus snying rje'i gnas gyur pa/ /snying rje byang chub sems yin te/ /mi 'gal don du rab sbyor ba/ /kun rdzob byang
274b5 chub sems su rjod/ /ji snyed rnam par bcas pa'i chos/ /ma lus mtha' yas bstan pa kun/ /byang chub sems kyi rnam 'phrul te/ /nam mkha'i cho 'phrul ji
274b6 bzhin du/ /sna tshogs snang bzhin dngos po med/ /de dag ji ltar gnas kyang rung / /byang chub sems las gzhan min yang / /thun mong yul phyir phyi ru bshad//
274b7 rang lus phyag rgya'i dkyil 'khor la/ /rang byung 'khor la drug gnas pa/ /g.yo ba yang gis bskyod byed pa/ /'gro ba kun gyi lus la gnas/ /'phen dang
275a1 sdud pa'i rang bzhin can/ /snyigs ma'i dus su'ang bde ba 'char/ /smin pa gru gsum smad na gnas/ /rnam thar sku gsum rtsa
275a2 mdud can/ /'bar zhing thig le 'bebs dang gnas/ /rang lus bde chen smin byed pa/ /de la gang rten bde ba'i gnas/ /sangs rgyas rin chen gab tshe la//
275a3 thung du a snying lte bar gnas/ /'khrul zhing 'dzag dang gnas pa'i rtsa/ /rdo rje dbu ma'i lam dang 'brel/ /khyab cing rgyas pa'i snying po can/ /sum cu gnyis
275a4 gnyis rtsa yig ldan/ /d+harmA tsakra snying po'i gnas/ /rtsa bzhi yan lag brgyad kyi dngos/ /dwangs snyigs shes pa brgyad kyi rten/ /rgyu ba bzhi yis shes
275a5 par bya| |dwangs ma 'dus pa'i thig le nyid/ /a la brten pa'i hUM gis sdud/ /ye shes lnga yi rang bzhin can/ /bde ba mngon shes chos nyid la/ /rim
275a6 pas mthar phyin 'byung bar 'gyur/ /bcu drug sgra sbyor thig le can/ /'dab ma A li ldan pa yis/ /ma lus sgra skad bdag nyid can/ /khyab pa gsung gi bdag
275a7 nyid can/ /sde tshan bcu dang ldan pa nyid/ /'byung 'jug gnas pa'i lam yin te/ /thabs dang shes rab bskul ba yis/ /bde ba 'byung 'gyur the tshom med//
275b1 sum cu rtsa gnyis dkyil 'khor na/ /thig le de yi mnyam pa'i dbyings/ /ma lus 'byung ba'i rgyur gyur cing / /lus can kun la khyab par gnas/ /kun gyi dngos
275b2 yin kun gyi gtso/ /ma lus kun 'dus gnyis su med/ /spyi gtsug 'dus pa'i snying po nas/ /rkang mthil gsang ba'i gnas yan chad/ /sku gsung thugs kyi
275b3 ka bas gzung / /snod bcud rgyud rnams rang bzhin bcud/ /dwangs snyigs 'dres pa thabs kyis 'byed/ /g.yo ldang smon 'jug gnas mthar phyin/ /skad cig rim
275b4 pa skye 'gyur ba/ /khams lnga 'dus pa'i ri yi stobs/ /sems lnga rim pas shes par 'gyur/ /'di nyid gsum du bshad pa ste/ /skabs kyi rim pas sbyar ba nyid/ /
275b5 rtsa dang thig le bde ba yis/ /phyi nang gsang ba'i tshul du bshad/ /de nas rgyal rigs rje rigs dang / /bram ze gdol pa gar mkhan ma/ /yid 'ong na tshod dar la
275b6 bab| |nus dang chags pa che ba dang / /bka' blo bde zhing yid mi 'khrug /lus ran sha mdangs dkar dmar phyed/ /skad snyan dran pas yid 'phrog ma/ /bco brgyad
275b7 bcu drug bcu bzhi dang / /bcu gnyis ldan pa'i bu mo la/ /sbyor ba tshang zhing rtags byung nas/ /tha mal spangs pa'i sbyor ba yis/ /sa ya bcu gsum gnyis ldan pa'i/ /
276a1 gsang dbang 'dus pa'i khams lnga las/ /gser 'gyur sman dang mun sel ltar/ /thabs dang shes rab gnyis med pa'i/ /nyi ma
276a2 zla ba rtse phrad pa'i/ /ma lus 'dus pa'i rtse 'khor lo/ /'byung 'jug gnas pa rlung dang 'grogs/ /ldang bas tha mal shes pa 'gag /g.yo bas nyams nyid
276a3 rtsa gcig pa/ /smon pas yid gcig 'dres pa ste/ /'jug pa dzaHhUM baM hoHste/ /shes pa bde bar 'jug pa nyid/ /gnas pas yun ring gnas pa ste/ /mthar
276a4 phyin 'dres pa'i gar thabs kyis/ /brjod bral thig le'i bstan pa 'char/ /tha mal zhen pa nub gyur nas/ /zhen pa ldog cing rig pa thim/ /rnam shes brgyal
276a5 ba la sogs 'byung / /yid 'ong gzi ldan phyag rgya ma/ /mthong bas lus sems bde ba dang / /phrad pas sdug bsngal nyams par 'gyur/ /'dres pas bde
276a6 ba brtan po 'byung / /thabs dang ldan pas spyad gyur na/ /skal bar sbyangs pas mi 'byongs pa'i/ /rnam rtog zhen pa log gyur nas/ /da lta bde ba chen por smin//
276a7 thob pa brtan 'dod rnal 'byor pas/ /mthong dang thos dang lhan cig gnas/ /'khyud dang 'phrad dang spyad pa yis/ /lhan cig skyes pa'i ye shes skye/ /dbang
276b1 dang mi ldan skal ngan dang / /dman pas mi rtogs yul min pas/ /gsang ba zhes ni bshad pa yin/ /de nas gzhan yang bshad bya ba/ /rim pa'i ting 'dzin
276b2 mthar phyin nas/ /sku dang gsung dang thugs ldan pa'i/ /tshom bu gsum par ldan pa yi/ /sum cu'i dkyil 'khor bsgom par bya/ /gang du rgyas pa'i dbang gyur la//
276b3 rigs lnga ye shes lngar ldan cing / /sku gsung thugs dang yon tan las/ /bdun cu'i rim pa bsgom par bya/ /mos chung gsang bar spyod 'dod pas/ /tshom bu
276b4 gcig pa'i dkyil 'khor te/ /bcu 'am yang na bco brgyad pa'i/ /tshom bu tha ma bsgom par bya/ /'dir ni dkyil 'khor kun 'dus pa'i/ /tshogs kyi 'khor lo
276b5 bsgom par bya/ /gang du gdug pa 'dul ba yi/ /dkyil 'khor rim pa de bzhin te/ /rim pa bsgyur ba'i khro bo ni/ /rim pa ma 'dres tsam du bsgom/ /rnal 'byor
276b6 yo byad tshogs pa yis/ /dkyil 'khor ting 'dzin spyod tshogs pa/ /ma lus tshogs pas tshogs zhes bya/ /dang por dad dang brtson 'grus dang / /dam tshig
276b7 lta sogs sngon song zhing / /rim bzhin ting 'dzin mthar phyin pas/ /nus pa yod pa'i rnal 'byor pa/ /skal ldan drod tshad mnyam pa'am/ /mi ldan 'phro 'du
277a1 sbyangs pas 'grub/ /rab tu dben zhing yid 'ong ba/ /ri rtse gsang 'dabs chu gling ngam/ /dur khrod ri bor nags 'dabs te/ /skye bo
277a2 'dus dang rnam bral zhing / /bar chad bral ba'i sa phyogs der/ /rnal 'byor rgyal po lta bu'i phyir/ /rin chen yid 'ong mdzes brgyan pa'i/ /'khor khang phyi
277a3 nang bar ldan pa/ /'chags sar bcas par brtsam par bya/ /rnal 'byor pho mo grangs mnyam pa/ /lta spyod ting 'dzin dam tshig tshang / /bro gar 'dus 'phro yo
277a4 byad dang / /glu tshig sgra yi yo byad dang / /bza' dang btung ba'i yo byad dang / /rgyan dang bgo ba'i yo byad dang / /A li kA li mnyam sbyar zhing / /nyi zla brtsegs
277a5 pa'i ngo bor bzhugs/ /lha dang mi dang yo byad dang / /gnas dang spyod pa kun tshogs pas/ /de dag tshogs su bshad pa yin/ /thabs dang shes rab 'brel
277a6 gyur nas/ /yab yum gsal ba'i ting 'dzin la/ /mtha' thug med pa'i rgyal ba rnams/ /nam mkha'i char bzhin kun bkug la/ /yab yum gnyis med
277a7 'dres pa la/ /dbang bskur byin brlabs rgyan btags te/ /bdud rtsi lnga dang sha lnga dang / /bza' btung lnga la lnga rol zhing / /'od kyis ma lus tshim pa dang / /
277b1 'gro mang bde ba thob par bya/ /bro lnga gar lnga stabs tshig lnga/ /bro gar rtse 'jo brjod pa yis/ /rigs kyi 'od zer 'phro 'dur gsal/ /'gro ba'i phyi nang mun bsal te/ /
277b2 rig 'dzin sa nas sa ru sbyang / /glu lnga chig lnga rigs lnga yis/ /phyogs phyogs bltas te brjod pa ni/ /'gro ba kun gyis bde thob cing / /chos kyi dung chen sgra
277b3 yang sgrog /phyi nang rgyan gyi yo byad ni/ /rin chen ze'u prog rna cha dang / gdub rkang gdub mgul to dang / /na bza' rgyan gyis gang brgyan pas/ /yid 'ong ting
277b4 'dzin gsal ba dang / /'gro bas blta ba'i 'os su 'gyur/ /rlung dang nus pa'i stobs ldan zhing / /sgo gsum bag chags zad 'gyur te/ /byin rlabs rlung la
277b5 dbang thob pas/ /A li kA li mnyam sbyar ba/ /bcu drug rdzogs pa'i dus sbyar bas/ /bdag po gdung can phrang pa'i tshe/ /nyi zla dus gcig shar ba'i tshe/ /thun mong
277b6 thun mong ma yin pa'i/ /spyod yul nus pa kun bzlog nas/ /mthong lam rang gi mtshan nyid skye/ /zla ba'am zla phyed dus mtshams sogs/ /bde chen nyams myong
277b7 rgyun mi 'chad/ /mthong ba'i don la mnyam bzhag pas/ /brtan zhing nges pas gdeng du gyur/ /sku ni phyag rgya chen po ste/ /bde chen zag med ting nge 'dzin/ /bskal
278a1 pa brgya phrag stong du yang / /bde ba chen po rgyun mi 'chad/ /sprul pa'i longs spyod mdzad pa yis/ /'jig rten khams mang 'gro ba dang //
278a2 de tshe 'gro ba'i dbyings su sbyor/ /rdo rje lus thob de phyin chad/ /skye shi med pa'i g.yung drung yin/ /bcu gnyis bcu bzhi bcu drug gis/ /dbang sgyur rigs kyi
278a3 dam pa 'grub/ /de tshe bcu drug tshun chad kyis/ /ye shes thig le de nyid la/ /ye shes thig le nyid snang ba/ /bsam gyis mi khyab mtha' yas mchog /gang
278a4 zag rim par 'jug pa rnams/ /dang por dngos don mthong ba yis/ /tshe 'dis sa la bgrod bya zhing / /bsam byas lhun grub nyid thob phyir/ /lta spyod ting 'dzin
278a5 rim 'brel bas/ /bar chad med pa'i lam la 'bad/ /gnas skabs rim pa ji snyed kyang / /tha mal pa dang log spyod dang / /mos pa la sogs yul min te//
278a6 nus dang grub pa thob pa yis/ /gsang ba lam dang 'brel par bya/ /rnal 'byor chen po lnga la gnas/ /rim nas rim par brtan gyur te/ /gsal ldan me
278a7 g.yo thob pa la/ /nyam pa med pa'i stobs ldan pas/ /pad+ma la ni 'dam bzhin te/ /spyod pa so so gnas pa yis/ /rtsa ba spros bcas rnal 'byor te/ /sgrub
278b1 pa dus kyi tshogs la gnas/ /yan lag tshogs kyi spyod par gsungs/ /gang phyir dkyil 'khor nges bstan pa/ /rang rig mtha' dbus med pa dkyil/ /ye shes
278b2 bzhi 'phros 'khor lo'i tshul/ /'jig rten 'das pa dkyil nyid de/ /'jig rten sna tshogs 'khor du bshad/ /rig pa'i don nyid dkyil nyid de/ /cho 'phrul rang byung
278b3 'khor du gsungs/ /rdo rje sems dpa' dkyil nyid de/ /rigs bzhi lha dang lha mo dang / /khro bo khro mo 'khor du bshad/ /lha yi ting 'dzin dkyil nyid de/ /spyod pa
278b4 yo byad 'khor du bshad/ /gang la gang gis rgyas btab pa/ /goms dang rtas pa'i dbang gis na/ /ji ltar snang grags chos thams cad/ /de dang de yi ngo bor
278b5 'gyur| |rdo rje sems dpa'i rgyu 'phrul dra ba gsang ba me long gi rgyud las/ dkyil 'khor ma lus par bshad pa'i le'u ste drug pa'o// //de nas
278b6 gzhan yang bshad bya ba/ /dbang bskur cho ga phun sum tshogs/ /thabs kyi sa la sbyor byed pa'i/ /rtog pa'i cho ga bshad par bya/ /rgyal ba kun gyi gsang chen po//
278b7 ma lus pa yi rgya mtsho nyid/ /rgyal ba kun gyi spyi gzugs te/ /'khor tshogs ye shes rgya mtsho la/ /rang bzhin dkyil 'khor lhan cig tu/ /ye shes lha mo la
279a1 brten nas/ /ye shes chen po'i dbang bskur bas/ /gsang bdag rdo rje 'chang chen 'gyur/ /ye shes rgya mtsho dbang phyug gis/ /dang po
279a2 nas bzung bcu pa'i bar/ /ting 'dzin 'bar ba'i dkyil 'khor du/ /rig pa'i lha mo la brten nas/ /ting 'dzin chu bos dbang bskur bas/ /sa dang ye shes
279a3 zhing khams dang / /rdzu 'phrul mdzad pa'i rim par 'phel/ /mthong lam rdo rje sku thob pas/ /nges 'byed nyams ldan rnal 'byor la/ /rig pa nyams kyi dkyil
279a4 'khor du/ /rig pa rtsal gyis gzungs brten nas/ /zag med rdo rje sku la sbyor/ /rig pa brtan thob rnal 'byor pas/ /las dang skal ldan rnal 'byor la/ /
279a5 lhag pa gzugs brnyan dkyil 'khor du/ /rig ma'i phyag rgya mdzes ma la/ /dbang bskur byin brlabs brten byas nas/ /cho ga thabs kyi dbang bskur zhing //
279a6 brgyud pa dbang gi man ngag gis/ /sbyor ba nyams len rnal 'byor thob/ /ye shes rgya mtsho blo ldan zhing / /thugs rje rgya mtshos 'gro ba skyob/ /dam tshig
279a7 dbang dang rig pa drod/ /rim par brgyud pa'i dbang thob cing / /dgongs zab don la mkhas pa dang / /rkyen thub sa bon gzi brjid che/ /las dang bya ba ma rmongs
279b1 shing / /ma yengs brtson 'grus bar chad med/ /ri dwags rgyal po seng+ge ltar/ /gzi chen gzhan gyi nyam nga med/ /byin brlabs 'dus pa'i nus pa can/ /tshig
279b2 dang bden pa'i byin rlabs 'grub/ /de yis dbang bskur cho ga brtsam/ /dad dang dam tshig ldan pa dang / /snying rje che la slob la brtson/ /brtson 'grus shes rab phun
279b3 sum tshogs/ /bskal pa zhing gi rdul snyed du/ /thos bsam sgom la rab gnas pa'i/ /'gyur med brtan pa'i bsam pa yis/ /tha mal bsam pa spangs byas
279b4 te| |bla ma la ni de bzhin gshegs/ /'dul dbang thabs mkhas bsam par bya/ /bla ma sangs rgyas nges kyang ni/ /snying rjes nad pa bzhin bsam zhing / /skyon dang
279b5 mnar dang slu sems spang / /rang rang nus pa ldan pa dang / /bdag gzhan don nus brtson 'grus ldan/ /brtul zhugs gsum dang rab ldan zhing / /dngos grub
279b6 don du gnyer ba yi/ /gsang chen rigs su nges pa dang / /gzhan gyi dbang du mi 'gyur na/ /dbang dang man ngag sbyin par bya/ /ri bo'i phyogs sogs 'byor pa
279b7 mod| |ljon shing me tog rgyas pa'i tshul/ /tsan+dan dri bsung ldan pa'i ri/ /bdag dbang bar chad med pa'i gnas/ /phyi dang nang dang gsang ba yi/ /ri bo dgon pa
280a1 yon tan gnas/ /ma lus 'dus pa'i dgon pa der/ /rnyed dang der ni gnas par bya/ /sa bcu mthar phyin gang zag la/ /zhing khams
280a2 mtha' thug med gnas su/ /rgyal ba rdo rje 'chang chen pos/ /ye shes lha mo la brten te/ /skad cig ye shes dbang bskur bas/ /bco brgyad yon tan lhun
280a3 grub pa| |skad cig nyid la lhun rdzogs te/ /pad+ma spyan gyi sa la gnas/ /yi ge 'khor lo sa la smin/ /bdag gzhan 'byed pa med pa yi/ /bde chen phyogs ris
280a4 med par dgongs/ /'phel 'grib med pa'i rang bzhin pas/ /gzhan don yid bzhin nor bu bzhin/ /sa thob goms brtan skyes bu la/ /ting 'dzin rig pa'i pho
280a5 brang du| |rgyal tshab skyes bu mtha' dag gis/ /rig pa'i lha mo na so med/ /rig bral ting 'dzin stobs las grub/ /de la slob mas nges bstan nas/ /ji
280a6 ltar chu la ji bzhin du/ /ting 'dzin byin rlabs dbang bskur bas/ /rnam pa dang bral dbang rnams ni/ /nyams myong dbang du rang shar te/ /thob dang brtan dang goms
280a7 pa yis/ /'jig rten brgya dang stong phrag bcu/ /'bum sogs bdag gzhan don rdzogs te/ /skad cig nyid la rag las pas/ /rgyal tshab chos kyi rgyal
280b1 por bshad/ /lam zhugs rigs phyed rtags thob la/ /slob dpon mthar nye lam gnas pas/ /rgyang grags dpag tshad la sogs par/ /rdo rje thig tshad sbyor brjod
280b2 pas| |phyag rgya dkyil 'khor gsal ldan pa/ /sna tshogs dkyil 'khor mchog tu gsungs/ /sna tshogs rig pas dbang bsgyur ba'i/ /sangs rgyas stong gi dkyil
280b3 'khor du/ /stobs ldan bu mo la brten te/ /thabs dang ting 'dzin dbang bskur bas/ /rdo rje tshe la dbang thob cing / /cho 'phrul mngon shes ldan par 'gyur/ /dang po yon
280b4 tan kun ldan pa'i/ /rigs su nges pa'i bu mchog ste/ /dad brtson brtul zhugs ldan pa yi/ /mi 'gyur brtan pa'i rigs can la/ /drod ldan gnang zhing dbang thob
280b5 pa| |rgyal po lta bu bla ma yis/ /lhag pa gzugs brnyan byin ldan du/ /dad mos brtson 'grus 'jug pa yi/ /mi ldog dang brtan tshul gyis bzhugs/ /dbu rgyan
280b6 cod pan phreng ba dang / /gdugs dang bum pa bza' btung dang / /go cha phyag rgya rgyal mtshan dang / /snying po lnga yis dbang bskur ba/ /rang bzhin ngo bos gnas tshul
280b7 na| |rdzas thabs ting 'dzin dbang bskur bas/ /nus pa'i byin rlabs mngon shar nas/ /theg chen rdo rje rigs su 'gyur/ /de nas skal ldan slob ma des/ /tha mal 'du
281a1 shes kun bzlog ste/ /rang rang lhar bcas gsal ba la/ /nus pa'i tshad dang nyams sbyar nas/ /nyan pa'i dbang dang sgom pa dang / /'chang
281a2 dang 'phrin las byed pa dang / /rdo rje rgyal po slob dpon dbang / /rang bzhin ngo bos gnas pa la/ /ji ltar chu la chu bzhag dang / /'bras dang ting 'dzin dbang bskur
281a3 bas| |mi nus pa thob pa'i tshad/ /mi nus pa la bskur ba min/ /tshad ldan rnams la rim par bskur/ /rig ma las kyi phyag rgya mo/ /bcu drug bco brgyad
281a4 ldan pa yi/ /dri zhim yon tan ldan pa la/ /thabs dang shes rab gnyis med pa'i/ /rgyal ba kun gyi bcud 'dus pa'i/ /rdo rje pad+ma'i rtsa 'khor lo/ /ye shes
281a5 lnga yi ro ldan pa/ /thabs dang shes rab snod kyi mchog /thabs gsum tshul gyis rtser bstims pas/ /dus gsum rgyal ba thams cad kun/ /yungs kar
281a6 tshad tsam rdo rje sems/ /rtse nas rtse ru thim pa las/ /gnas ngan len pa gsum sbyangs te/ /rtsa bcud thig le'i ngo bo nyid/ /mar me 'od ltar gsal gyur
281a7 pas| |bde chen nyams dang rtags thob pa/ /de ltar nyid 'byung the tshom med/ /rdo rje'i nyi ma rab ldan pa'i/ /bcu bzhi bcu drug rab lon pa/ /phyi nang gsang ba'i
281b1 yon tan nyid/ /byin rlabs rig ma lha mor byas/ /chags pa skyed pa'i thabs rnams nyid/ /blo dang ldan pas mngon sum bya/ /de nas cho ga kun rdzogs nas/ /bla mas
281b2 gnyis med gtad bya'i phyir/ /byin rlabs sbyor ba byas nas yang / /gnyis ka'i srin lag bzung nas ni/ /slob ma 'di la legs gtad la/ /gsang ba'i gnang ba
281b3 sbyin par bya/ /skyes bu 'di bzung bzang ba yin/ /de ring phan chad bu mchog khyod/ /sgo gsum lha ru mnyam sbyor bas/ /tha mal dman pa'i lta ba spang / /bde ba
281b4 chen po nyams myong bas/ /dka' thub theg pa'i lta ba spang / /thabs dang shes rab gnyis med pa/ /bde ba'i nyams myong brtan par byos/ /brtan pa bar chad med pa
281b5 bsgom| |rdo rje 'chang gis la 'gro/ /de bas skal ldan rigs bzang kye/ /gtan du 'bar bar ma byed cig /sbyor ba'i thabs dang ting 'dzin dang / /rgyu ba'i rlung la dbang
281b6 thob pas/ /thig le'i las la thogs pa med/ /rgyal ba'i dkyil 'khor rdul phran snyed/ /ma lus 'dus pa'i thig le nyid/ /sa yang bcu gsum gnyis
281b7 ldan pa| |nyams myong brten cing gnyis med sbyar/ /rlung gis brten pa'i thig le nyid/ /ro gcig dus mnyam tshul byung ba/ /drag pa ma yin dal ba min/ /dgongs
282a1 pa nyams dang zhen chags min/ /A li kA li zhu ba'i sems/ /sangs rgyas phreng ba gnyis su med/ /rdo rje pad+ma rab bskyod cing / /'khyud pa gar gyi phyag rgya
282a2 las| |nyi zla rtse phrad 'byor pa na/ /byed pa rlung gi thig le gzung / /rgyu ba gcad cing thig le mnan/ /shes pa nam mkha'i ngang la gtad/ /dbang po shes rab che chung gis/ /lan
282a3 gsum brtan par gyur pa'am/ /ma thob bar du sbyin par bya/ /rdo rje zla 'od mdzes ldan ma/ /dman dang rigs ngan rnam par spangs/ /rdo rje dbang pos ma phog cing / /gzhan dbang
282a4 longs spyod ma byas pa/ /bcu gnyis bcu bzhi bco lnga'ang rung / /thabs dang zas dang spyod lam gyis/ /bsnyen pa'i cho ga gzhung bzhin bya/ /rdo rje lce dang srin lag dang / /srin lag bcos
282a5 ma la sogs pa/ /thabs dang byug pa'i yan lag gis/ /gsang ba'i pho brang rgyas par bya/ /'khor ba zil gnon rtsa rnyed nas/ /bdag po dung can rnam par sbyar/ /thig le myur bul rtags
282a6 byung nas/ /rgyu ba rlung gi tshad du zung / /nyi zla dus gcig shar ba la/ /'khor ba zil gnon thabs chen po/ /myong bas chu rgyun ting 'dzin thob/ /gal te rtsa dang bral pa na/ /phaT
282a7 dang ldan na 'phro bar 'gyur/ /dwangs rlung mnyam pas zin par 'gyur/ /bzlog pa 'dren pa'i hUM gis shes/ /sdud pa'i hUM gis bsdams gnas pa/ /thig
282b1 les lus la khyab par byed/ /dang por sa bon 'jog pa ste/ /gnyis pas nus pa skyed pa yin/ /gsum pas nyams myong skyed pa yin/ /bzhi pas de nyid brtan
282b2 par byed/ /lnga pas brtan pas nyams blangs pas/ /mchog gi dngos grub tshe 'dis 'grub/ /rdo rje slob dpon gnang thob ba/ /nus ldan rab gnas cho ga brtsam/ /
282b3 de nas slob ma tshul bzhin gzhug /sgo gsum nyes pa kun bral ba'i/ /sdom pa'i dam tshig phog byas la/ /dbang bskur rim pa sbyin par bya/ /dbang gi nyams
282b4 myong brtan bya'i phyir/ /gdams ngag rjes mthun sbyin par bya/ /gdams ngag nyams brtan lam rim ste/ /lam mthar phyin pa 'bras bu nyid/ /drod mthar phyin dang
282b5 sa brgyad dang / /grags chen sangs rgyas sa dag la/ /rang rig rtags dang thugs rje yis/ /'dren stobs mkha' 'gro gsum du snang / /mkha' dang sgra dang gzugs
282b6 can gyi| |pad+ma can zhes grags pa yi/ /sbyor dang glu dbyangs snang ba dang / /gzugs tsam brtan pas grol bar 'gyur/ /dbang bskur rtsa ba'i dkyil 'khor ni/ /ma bcos
282b7 rdo rje dbyings dkyil 'khor/ /khro bo'i dkyil 'khor yan lag ste/ /sgrub dang gdug pa gdul phyir yin/ /dang la rtsa ba'i dbang thob nas/ /phyi ma'i dkyil 'khor
283a1 dbang thob bya/ /gdul bya mos pa'i dbang brtsan la/ /thun mong tsam du nges pa med/ /dang po gnyis pa gsum pa dag /rdo rje sems
283a2 dpa'i dbang bskur yin/ /bzhi pa dang ni lnga pa nyid/ /he ru ka yi dkyil 'khor ro/ /dus gsum rgyal bas byin brlabs pa'i/ /ma nor lam ston slob dpon
283a3 la| |mnyes dang bkur bar mi byed cing / /rang rang nus shing 'jug pa la/ /dbang bskur gnang ba ma byin par/ /gsang ba bshad dang nyan pa dang / /sgom
283a4 dang sgrub pa la sogs pas/ /bskal pa bye ba dpag med du/ /'bras bu thob par mi 'gyur gyi/ /dmyal ba'i gnas su skye bar 'gyur/ /de ni dam pa kun
283a5 brnyas pas/ /nad dang sdug sngal mang po dang / /mkha' 'gro ma dang gdon gyis 'tshe/ /de nas nges par 'chi bar 'gyur/ /byin rlabs ldan pa'i bla ma
283a6 yis| |dad brtson brtul zhugs rab ldan pa'i/ /rigs nges skyes bu mchog nyid la/ /thabs kyis dbang bskur byin brlabs na/ /rgyal ba dang ni mkha'
283a7 'gro dang / /rig 'dzin grub pa pho mo yis/ /tshe 'dir bsam pa kun skong zhing / /byin rlabs dbang dang dngos grub kyi/ /phun sum tshogs pa'i bdag por
283b1 'gyur| |gang gis gang la dbang bskur bas/ /tha mal zhen pa dag pa dang / /bde chen lam la mngon zhugs pas/ /dngos grub gang la thogs med de/ /las rnams
283b2 gang brtsam 'grub pa dang / /'dod pa'i don la rol pa yis/ /sa bcu rim pa mthar phyin nas/ /pad+ma spyan gyi sa thob ste/ /yi ge 'khor los la gnas/ /sku gsung
283b3 thugs dang yon tan las/ /nyi shu rtsa lnga lhun grub pa/ /dbang gi 'bras bu rang las shar/ /thabs chen 'di dang gang bral na/ /bskal pa gang+gA'i bye snyed du/ /brtson
283b4 pas 'bras bu tshol byed pa/ /'dod pa'i 'bras bu stong par 'gyur/ /gang phyir slob dpon slob ma dang / /dkyil 'khor rim pa ji bzhin du/ /las dang ting 'dzin byin
283b5 rlabs kyis/ /'jug pa'i cho ga gsum du bshad/ /dus gsum sangs rgyas thams cad kyi/ /sku gsung thugs kyi gsang chen po/ /sgyu 'phrul dra ba'i lam chen po/ /
283b6 ma lus cho ga rgya chen po/ /dpal ldan rdo rje me long gi /'jug pa'i rim pa ji bzhin du/ /gsang ba kun la shes par bya/ /rdo rje bla ma de nyid kyis/ /cha byad gus ldan
283b7 mdzes pa yis/ /me tog ldan pas 'khor lo nyid/ /mngon byas sku gsung bskul pa yis/ /dam tshig dran te dgongs par 'gyur/ /rdo rje sems dpa'i dkyil 'khor
284a1 du| |gsal dang rig pa'i stobs kyis ni/ /rdo rje slob ma byin brlab phyir/ /slob dpon dag kyang 'jug par bya/ /de nas slob ma 'jug
284a2 bya ste| |khrus byas dri zhim gos bzang gon/ /dad dang gus ldan rin chen bcas/ /gus bcas snyan pa'i tshig gis ni/ /lus dbul dag pa'i sems kyis
284a3 gnas| |bdud rtsi 'khyil ba'i sbyor ba yis/ /bar chad sbyor bsal srung ba bya/ /cho ga gang yin lhar bskyed la/ /mtshan ma rdzogs par nan tan bya/ /rgyal ba kun
284a4 gyi dam tshig lnga/ /'bru gsum sku gsung thugs ldan sbyin/ /snying gar rdo rje brtan byas la/ /dam tshig legs par dbog par bya/ /tsan+dan dkar dmar byin
284a5 brlabs chu/ /lan gsum blud la snod dor ro/ /de nas rang gis dam bsgrags te/ /gsang ba'i don la nges par bya/ /rang rang 'brel pa'i lha nyid la/ /rin chen dor
284a6 te brtag par bya/ /sngags dang phyag rgyas de bkug la/ /bstims la dbyer med gnas pa la/ /rtag tu byin brlabs gnas pa'i phyir/ /legs par
284a7 brtan pa'i cho ga bya/ /mi shes rab rib bsal byas la/ /'khor lo mngon pa'i nga rgyal bya/ /de nas lha dang dkyil 'khor gyi/ /dag pa rim gyis brtan par bya/ /
284b1 de nas bla ma sangs rgyas la/ /ma lus ci yod dbul bar bya/ /byin brlabs cho ga dag pa yi/ /dkyil 'khor mchod dang bsgom pa dang / /zhugs pa'i yon tan bsam
284b2 mi khyab| |rdo rje 'dzin pa nyid du 'gyur/ /des na rigs su nges pa yis/ /dang por 'jug pa'i rim pa bstan/ /rtsa ba yan lag kun thob nas/ /rim pa bzhin du dbang bskur
284b3 ro| |de nas bla ma'i bka' mnos la/ /'dod pa'i dngos grub bsgrub par bya/ /rdo rje sems dpa'i sgyu 'phrul dra ba gsang ba'i me long gi rgyud las/ dbang bskur ba ma lus
284b4 pa bshad pa'i le'u ste bdun pa'o// //de nas gzhan yang bshad bya ba/ /rdo rje dam tshig bla na med/ /sdom pa brtan po dam bcas pa/ /'di dag legs par
284b5 bshad par bya/ /dus gsum sangs rgyas thams cad kyis/ /'das dang ma byon dus gsum du/ /rgyal khrims tha tshig bkas bcad ltar/ /rim pas dmod bor bkas
284b6 bcad pa'i/ /byin brlabs rang bzhin 'da' dka' ba/ /kun gyis bsrung bya yin par bshad/ /gang phyir dam pas byin brlabs pa'i/ /dam tshig chen po 'di nyid la/ /
284b7 'das dang da ltar ma byon pa'i/ /rgyal ba sras dang bcas pa dang / /rig 'dzin rnams dang mkha' 'gro dang / /lha rnams dang ni mi rnams dang / /klu dang mi min 'byung
285a1 po'i tshogs/ /rdzu 'phrul ldan pa'i lha chen kyang / /dam pa 'das pas 'tshig par 'gyur/ /dam pa nyid kyi rang bzhin 'di/ /rgyal
285a2 ba kun gyi dgongs pa la/ /sgra bzhin spyod pa'i gang zag rnams/ /log par spyad pas tshig par 'gyur/ /dam pa rnams kyis bkas bcad cing / /byin brlabs
285a3 dmod por rang bzhin 'grub/ /dam pa 'di las gang 'da' ba/ /rdo rje can yang 'tshig par 'gyur/ /dam pa rnams kyi dgongs pa la/ /dbang dang byin
285a4 rlabs thob pa yis/ /dam pa'i tshul bzhin nges spyad na/ /mi mthun phyogs rnams 'tshig par 'gyur/ /de phyir dus gsum sangs rgyas kyis/ /dam tshig ces
285a5 ni rnam par bsgrags/ /bla na med pa'i dam tshig ni/ /ma lus rang rig byang chub sems/ /mtha' dbus 'gro 'ong las grol ba/ /gzhi rtsa med pa'i sems nyid
285a6 de| |gang gis don rtogs gnas gyur pa/ /don dam byang chub sems su brjod/ /ma skyes byang chub sems nyid ni/ /skye ba'i rang bzhin nyid snang ba/ /rang lus
285a7 rgyal ba'i phyag rgya ste/ /ma lus der snang ngo bo gcig /rang lhar sgo gsum gsal rtogs pa/ /kun rdzob byang chub sems su bshad/ /gsang ba bshad
285b1 dang dbang bskur dang / /man ngag lung dang nyams chag skong / /mchog dang thun mong la sogs pa/ /dngos grub ster zhing grog byed pa/ /'di ni sangs rgyas mnyam pa'i
285b2 phyir| |skad cig gdung ba nyams mi bya/ /rang gi lha dang gnyis med nas/ /phyag rgya bzhir gsal rnal 'byor pas/ /rang gi sgo gsum ma nyams par/ /chu bo lta bur bar
285b3 chad med/ /sangs rgyas kun gyi gsang ba ni/ /theg chen gsang ba nyid yin pas/ /snod med dman sogs log pa la/ /gsang bcu la sogs brjod mi bya/ /dang por
285b4 gsang bar sgrog gcig pas/ /byang chub snying por mi 'bral bas/ /rang srog rang gis gcod kyang bla/ /brtse gdung dam tshig bral mi bya/ /lam dang sgrub pa'i rtsa ba dang / /
285b5 dngos grub kun gyi rtsa ba dang / /'di dag nyams na kun nyams pas/ /rtsa ba zhes su bstan pa yin/ /yan lag thun mong dam tshig dang / /thun mong min par bshad par
285b6 bya| |dang por gsang ba'i lung thob nas/ /nus pa mngon du snang bar du/ /bdag dang gzhan gyir thun mong gi /'gal dang sgro skur kun 'das shing / /kun dang bsam pa
285b7 dga' byed pa/ /thun mong dam las mi dag la ba/ /thun mong dam tshig yin par bshad/ /thun mong ma yin gang zag gis/ /thabs chen thun mong ma yin pa/ /nyon mongs lnga
286a1 dang spyod pa lnga/ /bdud rtsi lnga dang shes pa lnga/ /grub pa lnga yi chos rnams nyid/ /skyes bu rigs phyed spyod yul te/ /thun mong rnal 'byor
286a2 yun min pas/ /thun mong ma yin zhes su bshad/ /dang po nas bzung rtags thob bar/ /rtsa ba yan lag bcas pa yi/ /lus sems ma yengs rtse gcig pas/ /
286a3 rnam pa dang bcas dang du blang / /sa thob goms dang mthar phyin par/ /ting 'dzin don la gnas pa'i tshe/ /'gal ba'i sgo gsum mi 'byung bas/ /ting 'dzin rgyun
286a4 gyi dam tshig la/ /rnam pa'i dam tshig ma lus 'dus/ /don las langs tshe snying rje dang / /rtsa ba yan lag shugs ldan yin/ /sangs rgyas sa la gnas pa na/ /
286a5 'da' ba med pa'i dam tshig ste/ /rgya mtsho rlan bzhin thob spangs med/ /srung byed ye shes dam tshig ste/ /dam tshig 'di ni rmad po che/ /bsnyen pa rtags dang ldan bar
286a6 du| |spyi yi dam tshig bsrung bya zhing / /sgrub pa gang yin 'grub pa na/ /khyad par rang rang rtog pa yi/ /dam tshig med par 'grub mi 'gyur/ /gang zag gang la dga'
286a7 pa la| |dam tshig dka' thub sgo nas ni/ /gsang ba'i don la dgod bya'i phyir/ /dam tshig rnam pa mtha' yas bstan/ /dang po las can rnal 'byor la/ /rtsa ba thun mong
286b1 dam tshig bstan/ /bstan nas nyams ldan gang zag la/ /thun mong min pa'i dam tshig bstan/ /rtogs pa'i 'jigs med gang zag la/ /'da' nyams med pa'i
286b2 dam tshig bstan/ /sa thob goms mthar phyin pa la/ /ting 'dzin rgyun gyi dam tshig bstan/ /dngos grub rtogs pa kun dang 'brel/ /dam tshig 'di ni rdo rje che/ /sangs
286b3 rgyas kun gyis byin brlabs pa'i/ /rtsa ba yan lag bcas pa 'di/ /thob nas dam par gang bsrungs pa/ /yon tan chung yang 'grub par bshad/ /mchog dang thun
286b4 mong la sogs pa/ /dngos grub rtog pa ma lus pa/ /cho ga gang dang ting 'dzin gang / /sgrub pa gang dang gang yang rung / /ma nyams tshul du rab brtson pas/ /myur du
286b5 'grub pa nyid du 'gyur/ /gal te byin gyis ma brlabs na/ /rdo rje 'chang nyid brlag par 'gyur/ /rgyal ba kun gyi yon tan nyid/ /dam tshig rdo rje las byung bas/ /
286b6 dam pa 'di la gang bstan pas/ /yid bzhin nor bu lta bur gyur/ /dus gsum rgyal ba thams cad kyi/ /sku gsung thugs dang yan lag gi /bsrung bya dka' thub
286b7 dam pa 'di/ /kun gyis 'da' ba ma yin zhing / /gnas pa dam pa nyid yin te/ /las dang skal pa dman pa dang / /rigs dman le lo che ba dang / /rang bzhin
287a1 ngan pa'i gang zag gis/ /blun po gang zhig 'da' byed cing / /dngos grub gnyis la rgyab phyogs nas/ /dam pa rnams la smod byed pa/ /sangs
287a2 rgyas kun la nyes byas pas/ /rdo rje 'dzin rgyal khros nas ni/ /bdun rgyud tshun chad brlag par mdzad/ /mkha' 'gro ma dang rig 'dzin dang / /kha 'bar gtum 'khrug
287a3 rngam pa'i chogs/ /de ma thag tu srog bcad nas/ /dmyal ba'i gnas su skye bar 'gyur/ /gal te 'jig par gyur na ni/ /'jig rten gang du skye 'gyur zhing / /ji srid
287a4 nam mkha' 'jig pa 'am/ /phyi yi rgya mtsho zad pa'i tshe/ /thar te gzhan du nam yang min/ /dam pa'i bla ma spong ba dang / /rdo rje mched la 'khu ba dang / /byang chub sems nyid
287a5 mi dran zhing / /sngags dang phyag rgya yal ba dang / /snod min gsang ba bshad pa dang / /gsang ba'i don la skur ba ni/ /'dir yang sdug bsngal myong 'gyur zhing / /skad
287a6 cig 'gags pas de ma thag /bar ma'i lus dang bral gyur pa'i/ /rdo rje dmyal bar skye bar 'gyur/ /gang du rtsa ba yan lag bcas/ /bsrung dang dbog par bya ba'i
287a7 chos| |thun mong dbang dang 'brel bcas pa'i/ /thun mong spyi yi yul gyur pa/ /de ni thun mong bsrung bya ste/ /'di ni phyi yi dam tshig go /thabs dang shes rab sbyar ba'i
287b1 sems| |thig le'i sems lnga'i lam gyi rim/ /rig pa ma lus gsal ba'i tshe/ /thig le gnyis med nyams su byung / /bde ba'i thig le'i bcud bsgyur bas/ /tshogs
287b2 drug rang snang thig le'i grogs/ /ma lus thig les byin brlabs pas/ /thams cad bde chen phyag rgyar gsal/ /thig le rig pa khar dbyung min/ /'khor lo kha
287b3 sbyor bde ba yis/ /tha mal bde bar dbang por bsgyur/ /rgyal ba'i dgongs spyod thabs kyis myong / /tha mal zhen pa rnam par bzlog /thabs ldan don la gsang ba'i don/ /
287b4 rang snying 'od kyi dkyil 'khor lnga/ /'char dang nub pa'i rim pa yis/ /thabs chen gsang ba'i thig le ltar/ /shes nas spang du med par gnas/ /rang byung gnas pa'i
287b5 bcud lnga ni/ /rang lus rten pa'i don snang ba/ /khyab par rgyu ba'i tshul dag gis/ /dwangs snyigs gnyis kyi tshul du gnas/ /rang lus rtogs dwangs snyigs dang / /kha
287b6 dog yan lag nyid lag gis/ /bde ba'i ye shes lngar shes dang / /bde ba chen po nyid du gsungs/ /khams lnga bcud las skyes pa yi/ /ma lus thig le'i rang
287b7 bzhin te/ /ye shes lnga yi ro ldan pas/ /rgyal ba lnga ru yang dag gsungs/ /thabs dang shes rab rdo rje dril/ /nyi zla rim pa'i 'od gsal ba/ /sems lngas mkha' la
288a1 gsal ba'i tshe/ /rten can rten dang gnyis med pa/ /lhan cig skyes pa'i ye shes snang / /ma zin rdo rje lce yis blang / /gnyis kyi rtog pa
288a2 ma lus pa/ /bde chen ro gcig byin gyis brlabs/ /skad cig 'bral med bde ba'i sems/ /dus gsum mi 'bral brtan par gnas/ /rlung dang thig le'i bzlas
288a3 pa yis/ /thams cad bde chen phyag rgyar gsal/ /bde chen thabs dang nyams kyis te/ /brjod dang tshig gis phebs pa min/ /gnyis sbyor prad pa'i bde ba
288a4 yis| |tha mal zad dang bde chen sbyor/ /gang gis sbyin par mi nus pa/ /da ltar nus pa rang gis myong / /gzhan gyi brdzun pa'i don 'di ni/ /thabs kyis bde bar
288a5 mngon du bstan/ /tha mal zhen pa spang ba'i phyir/ /kha na ma tho bag tsha bral/ /skyes dang nus dang gnas pa'i tshe/ /rang bzhin lnga ni shugs kyis grub/ /rang gi rtsa bcud so
288a6 so las/ /bdud rtsi bral ba med par gnas/ /'byung lnga dbang po gzugs sogs bcas/ /thabs ldan sbyor ba'i byin rlabs kyis/ /bde chen lhan cig skyes bar
288a7 shes| |nyi zla rlung gis zin pa yi/ /mtshan ma bral ba ngo bo las/ /zhen pa med pa'i thabs chen pos/ /lhan cig skyes pa'i rang bzhin las/ /ye shes lnga yi ros
288b1 gang bas/ /ma lus rgyal ba lnga ru grub/ /'di ni phyi nang gsang ba yi/ /rang bzhin dam tshig chen po yin/ /dam tshig rnam pa mtha' yas pa/ /shin tu bsdus pa rnam pa
288b2 gnyis| |'bring du rtsa ba lnga nyid dang / /yan lag bcu ru shes par bya/ /shin tu rgyas pa'i dam tshig ni/ /spyir ni sum brgya drug cu ste/ /rang bzhin 'od gsal ba nyid dang / /
288b3 nyid kyi dkyil 'khor snang ba dang / /dus bzhi rgyal mchog nyid dang ni/ /sgrub med mnyam par rdzogs pa nyid/ /lhun grub bde gnas dam tshig dang / /rnam dag byang chub
288b4 gzung 'dzin bral/ /rtogs nas don 'dzin dam tshig dang / /sems la gnas bcas dam tshig dang / /ye nas ma bcos dam tshig dang / /'dus byas rnam dag dam
288b5 tshig dang / /chos rnams dbyer med dam tshig dang / /thams cad 'jigs med dam tshig dang / /g.yung drung tshe 'phel dam tshig dang / /thams cad bsrung du med pa ste/ /'di
288b6 dag lta ba'i dam tshig yin/ /thams cad sbyor ba'i dam tshig dang / /ma lus bsgral ba'i dam tshig dang / /ma byin len pa'i dam tshig dang / /brdzun du smra ba'i dam
288b7 tshig dang / /thams cad spyod pa'i dam tshig dang / /dam rdzas spyod pa'i dam tshig ste/ /'di dag spyod pa'i dam tshig yin/ /bsgrub pa'i dam tshig rnam gsum ni/ /rdo rje
289a1 skye gnas dam tshig dang / /'dren byed gnas stobs dam tshig dang / /lam la ston byed dam tshig dang / /rab tu rtogs byed dam tshig
289a2 dang / /sgyur byed byang chub dam tshig dang / /thams cad dbang sgyur dam tshig dang / /rig 'dzin gnas stobs dam tshig dang / /bsgrub bya rtogs pa'i dam tshig yin/ /
289a3 yum gyur dbyings phyug dam tshig dang / /thabs nyid shes rab sbyor dam tshig /shes rab thabs su sbyor de bzhin/ /glang po brjid gnon dam tshig dang / /thams
289a4 cad mi chung dam tshig dang / /thams cad srung ba'i dam tshig dang / /ting 'dzin phyag rgya'i dam tshig ste/ /sgrub pa thabs kyi dam tshig yin/ /tshogs kyi mchod pa'i
289a5 dam tshig dang / /tshogs kyi dkyil 'khor dam tshig dang / /tshogs kyi 'phrin las dam tshig dang / /phra men tshim byed dam tshig ste/ /sgrub pa'i 'phrin las dam tshig
289a6 yin/ /yang dag don ston dam tshig dang / /gsung mchog mtha' yas dam tshig dang / /thams cad skad 'jal dam tshig dang / /yi ge med 'jal dam tshig
289a7 dang / /stong gsum kun grags dam tshig dang / /ye shes gsung mchog dam tshig dang / /bsam yas rdo rje gsung dam tshig /mi 'gyur rdo rje'i dam tshig ste/ /
289b1 bdag gis shes bya'i dam tshig yin/ /shes bya ting 'dzin dam tshig bzhi/ /nam mkha' snang byed dam tshig dang / /rten byed sa yi dam tshig dang / /sreg byed me yi
289b2 dam tshig dang / /'khru byed chu yi dam tshig dang / /g.yeng byed chen po'i dam tshig ste/ /shes rab lnga yi dam tshig dang / /phung po lnga yi dam tshig ni/ /thabs mchog
289b3 lnga yi dam tshig yin/ /chos rnams gzugs brnyan dam tshig dang / /sgra ltar shes pa'i dam tshig dang / /dri ltar shes pa'i dam tshig dang / /ro ltar shes pa'i dam tshig
289b4 dang / /reg ltar shes pa'i dam tshig ni/ /gnyis su med pa'i dam tshig yin/ /kha dog lnga yi dam tshig dang / /phyogs lnga yi ni dam tshig dang / /dbang lnga yi ni
289b5 dam tshig ste/ /gsum po spyir khyab dam tshig yin/ /bde ba'i ngang nyid dam tshig dang / /lhun grub ye shes dam tshig dang / /mi 'jigs rgyal mchog dam tshig dang //
289b6 mnyam rdzogs lhun grub dam tshig dang / /phyogs dus dbyer med dam tshig dang / /nyid kyi dkyil 'khor dam tshig dang / /chos la skyon med dam tshig dang / /brjod
289b7 med spros med dam tshig dang / /phyogs dus gnyis med dam tshig dang / /gnyis med byang chub sems dam tshig /'dus ma byas pa'i dam tshig dang / /thams cad rgyas
290a1 'debs dam tshig dang / /thams cad mi 'gog dam tshig ste/ /ngo bo nyid 'dzin dam tshig yin/ /grub par bya ba lnga bstan pa/ /chas
290a2 kyi 'khor lo'i dam tshig dang / /rin chen 'byung ba'i dam tshig dang / /pad+ma chags med dam tshig dang / /don rnams grub pa'i dam tshig dang / /'jigs byed rdo rje dam
290a3 tshig dang / /de bzhin sku nyid dam tshig dang / /thams cad 'byor ldan dam tshig ste/ /sku yi dam tshig bdun du bshad/ /yang dag don ston la sogs pa/ /gsung
290a4 gi dam tshig brgyad po nyid/ /rang la rdzogs par shes bya ste/ /'bras bu'i srung bas bsgrub bya yin/ /rang rig dbang sgyur dam tshig dang / /tshe mchog rnam dag dam
290a5 tshig dang / /rang bzhin 'od gsal dam tshig dang / /byang chub sdom byed dam tshig dang / /thams cad dbang sgyur dam tshig drug /thugs kyi dam tshig nyid du bshad/ /
290a6 byang chub zhing bkod dam tshig dang / /ye shes bzhugs gnas dam tshig dang / /gzhal yas khang bstan dam tshig dang / /sna tshogs kun sgyur dam tshig dang / /zad
290a7 med gter ldan dam tshig dang / /sgrub pa zad med dam tshig dang / /zad med gter chen dam tshig ni/ /yon tan dam tshig bdun du bshad/ /thams cad byin rlob
290b1 dam tshig dang / /bdud sde tshar gcod dam tshig dang / /sems can don byed dam tshig ni/ /'phrin las dam tshig gsum du bshad/ /spong ba rdo rje dam tshig dang / /chags
290b2 pa'i ye shes dam tshig dang / /gti mug chen po'i dam tshig dang / /phrag dog chen po'i dam tshig dang / /nga rgyal bde mchog dam tshig dang / /nyon mongs lnga yi dam tshig
290b3 ste| |mi spong ba yi dam tshig yin/ /gtan du ma yengs srung ba ni/ /mnyam pa lnga yi dam tshig dang / /bden pa dbyer med dam tshig dang / /sku gsung thugs sbyor dam
290b4 tshig dang / /lam lnga rdzogs pa'i dam tshig dang / /thams cad bde sbyor dam tshig dang / /rdo rje log 'joms dam tshig dang / /'khor ba zil gnon dam tshig dang / /ma
290b5 bcos lhun grub dam tshig dang / /thig le bde sbyor dam tshig ni/ /lta ba rgyun srung dam tshig yin/ /ting 'dzin rgyun sgom dam tshig dang / /bcing ba phyag rgya'i dam
290b6 tshig dang / /bzlas pa sgra snyan dam tshig dang / /sgo gsum mnyam pa'i dam tshig dang / /shes rab bde sbyor dam tshig ni/ /ting 'dzin rgyun gyi dam tshig yin/ /tha snyad
290b7 zil gnon dam tshig dang / /spyod lam bde 'byor dam tshig dang / /rig pa thod rgal dam tshig dang / /ma bcos gnas dag dam tshig dang / /rang byung gnas bral dang
291a1 tshig ste/ /gcig car gnas pa'i srung thabs yin/ /thams cad skyed byed dam tshig dang / /rgyud drug sbyor byed dam tshig dang / /rtogs
291a2 pas tshim byed dam tshig dang / /khyab pa nam mkha'i dam tshig dang / /gzhan don shugs grub dam tshig ni/ /dam tshig che ba bstan pa yin/ /dmyal chen dmyal
291a3 ba phal pa dang / /yid dwags byol song srin po dang / /gnod sbyin mngal srin kha 'bar lce/ /lha dang lha min ru tra dang / /rtsangs pa la sogs 'khor ba ste/ /chad
291a4 pa'i skye gnas bstan pa yin/ /bsrung ba'i dam tshig chen po yin/ /gal te stong pa'i don rtogs na/ /bskang dang nyams pa'i tshul med de/ /chad pa'i yul
291a5 las 'das pa yin/ /gang zag 'ga' zhig spyod yul yin/ /gal te rtsa ba'i dam nyams na/ /bla ma grogs po brgya dag la/ /bshags pha stong phrag brgya ru bya/ /
291a6 bzlas pa bye ba phrag bdun bya/ /gtor ma 'bum phrag bdun du bya/ /sbyin sreg 'bum phrag bcu gcig bya/ /de nas slar yang blang ba 'am/ /bla mas gnang nas
291a7 gnas par bya/ /gal te yul de mi gnas sam/ /lo gsum phan chad 'das pa 'am/ /gal te bshags pa'i tshul mthong bas/ /ma dad 'dod pa'i sems
291b1 skyes nas/ /bskang ba'i tshang las 'das pa skye/ /bskal pa chen po brgyad khri'i bar/ /bshags kyang dag par mi 'gyur te/ /rdo rje dmyal ba zhes bya bar/ /mi bzad sdug
291b2 bsngal myong nas ni/ /ji srid nam mkha' gnas pa'i bar/ /mtshon cha'i 'khor lo bzhin du 'khor/ /yan lag dam tshig nyams gyur na/ /zla ba bdun du smra bcad
291b3 bya| |sbyin sreg stong rtsa brgyad du bya/ /bzlas pa bye ba tshad 'bum gcig /gtor ma khri phrag gcig tu gtong / /de nas slar yang blang ba dang / /dag dang tshangs par
291b4 bsgrags par bya/ /dag pa'i snod dang mi ldan par/ /gsang ba ston cing 'chad pa dang / /dbang ma thob par bka' 'gom dang / /bder gshegs bka' las 'das
291b5 pa dang / /tshad dang ldan pa'i snod min la/ /gsang ba tshad du sgrog pa dang / /gsang ba nyams su mi len par/ /'phyar bas kun la spel ba ni/ /tshad las 'das
291b6 pa'i gang zag ste/ /sangs rgyas kun la brnyas byed pas/ /dus gsum sangs rgyas khros pa yin/ /bdun rgyud tshun chad brlag par mdzad/ /bla ma dang ni grogs rnams
291b7 dang / /pha ma gnyen bshes rgyal blon dang / /rgyal 'bangs nyes med sdang ba ni/ /dam tshig nyams pa'i rtags su bshad/ /zab mo dag la gegs 'byung dang / /bsgrub
292a1 pas 'dod pa mi 'byung zhing / /srung ba'i lha rnams g.yel ba dang / /ma nyes yal ga 'byung ba dag /dam tshig nyams pa'i rtags
292a2 su bshad/ /dang por bla ma'i lung thob nas/ /rang gis nyams pa ma tshor zhing / /bde legs bsam pa 'grub 'gyur zhing / /bdag gzhan bsam pa'i khyad
292a3 par dag /sngon du yid bzhin nor bu bzhin/ /'grub cing sngags pas thob pa ni/ /ma nyams don dang ldan pa'i rtags/ /rnal 'byor dbang phyug rgyal po yin//
292a4 gal te ma nyams rtags byung na/ /bskang gso'i cho ga myur du brtsam/ /gal te nyams la rtags med cing / /legs par snang na mi rung ste/ /bdag gi sa
292a5 bon tshig pa ste/ /bde ba zad byas gtan du sdug /ma nyams rtags byung myur bskangs na/ /sngon gyi bag chags zad par 'gyur/ /rdo rje sems dpa' rgyu 'phrul
292a6 dra ba gsang ba me long gi rgyud las/ /dam tshig ma lus pa bshad pa'i le'u ste brgyad pa'o// //de nas yang dag bshad bya ba/ /mchog dang
292a7 thun mong la sogs pa/ /sgrub pa'i khyad par ji snyed pa'i/ /rtog pa'i cho ga mdor bsdus bshad/ /rgyud kyi rgyal po ma lus las/ /thun mong dag la mos
292b1 zhugs pas/ /thun mong yo byad ting 'dzin dang / /sngags dang phyag rgya bral goms pas/ /rtags dang nus pa mthar phyin pas/ /gang ltar dmigs pa 'grub 'gyur
292b2 te| |zag bcas thun mong dngos grub yin/ /de las gzhan pa bshad par bya/ /gang du mchog gi rnal 'byor pa/ /dbang dang dam tshig ting 'dzin dag /phyi nang gsang
292b3 ba'i rim thob nas/ /mi ldog brtan pa'i rnal 'byor thob/ /mthong nas sgom lam ma nges rigs/ /ting 'dzin gang sgom par chad med/ /tshe 'dis dbang bsgyur
292b4 'jigs bral te/ /de nas sku mnga'i bdag nyid thob/ /mchog ldan mchog gi mchog thob pas/ /mchog gi dngos grub thun mong min/ /dang dang dam tshig shes
292b5 rab dang / /brtson 'grus brtul zhugs bzod pa thob/ /brtan cing snying brtse dbang rdzogs shing / /sgrub dang lam gyi sbyor ba shes/ /yig thub mi ldog brtan pa can/ /
292b6 nyams thob dang du len pa ni/ /gcig dang lnga gsum gang zag gis/ /ri bo ri sul gsang bar dang / /chu gling ngam grog brag rdzong dang / /dur khrod ri phug chu mdo
292b7 dang / /yid 'ong bkra shis nyams dga' bar/ /cho ga byin rlabs rdzogs pa nyid/ /las kyi cho ga gang yin pa/ /bdag gam gzhan gyis byas pa ni/ /bdag dbang
293a1 bkra shis phun sum tshogs/ /dam tshig dbang dang lta ba dag /sngon du bya ba rdzogs pa yis/ /sngon du rnal 'byor gsum thob bam/ /
293a2 dang po yid brtan gang yin kyang / /gang la yid kyis dmigs pa de/ /cho ga ting 'dzin 'brel ba nyid/ /rang rang rtogs pa ji bzhin du/ /tha mal ba dang le
293a3 lo dang / /the tshom dang pa'i stobs kyis te/ /gal te de dag mi ldan na/ /sa thob kyis kyang ma yin na/ /gang zag skye bos smos ci dgos/ /gal te dgug pa'i
293a4 las bya na/ /bdag nyid dbang drag khro bo'i ste/ /dmar thag dud ka'i mdog 'dra ba'i/ /gang ltar gnas pa'i 'phro 'du ni/ /zhags pa lcags kyu sha stag ste/ /
293a5 dmigs pa brtan cing rtags thob nas/ /mngon du gyur gyi bar du ni/ /rang sngags brjod pa de yi mthar/ /che ge mo zhig dzaHhUM zhes/ /dgra dang bgegs dang lha
293a6 dang gzungs/ /mthu dang rdzu 'phrul ldan yang rung / /tha ma la dbang med bzhin du dgug /gal te de yi dgos pa dag /myur du grub par ma gyur na/ /de dag legs
293a7 par grub kyi bar/ /gang yin mkhas pas bcing bar bya/ /dag dang thabs dang ting 'dzin gyis/ /'grub par 'gyur par gdon mi za/ /bdag nyid dbang drag
293b1 gsal ba yis/ /lce la dbang gi 'khor lo bsam/ /yi ge gsum ldan dgu bkod nas/ /'od kyis nam mkha'i khams bkang zhing / /pad+ma rA ga zhu 'dra bas/ /gang
293b2 thim bdag gi dbang 'gyur zhing / /bden pa bdar zhing dag gis bcing / /yang na gang la gang chags pa'i/ /rdzas la ring du 'dod pa ltar/ /'dod pa grub na dam
293b3 bcas shing / /yid 'ong 'dul ba'i ting 'dzin gyis/ /dga' ba'i thabs kyis brten byas na/ /gal te 'gro zhing 'phro 'dod na/ /dbang drag phyag rgyas bsdigs
293b4 bcing gzir/ /dga' ba'i thabs kyis yid 'phrog nas/ /rol mo sgyu mkhan dag de yis/ /'dus pa'i gang zag chags pa can/ /bya ba thabs kyis bral ba
293b5 ltar| |bral ba med par gnas par 'gyur/ /ting 'dzin brtan pa'i nus pa yis/ /gang yang rung ba'i sems can de/ /sna tshogs khro bo khro mo yis/ /'od dang
293b6 phyag rgya 'bar ba yis/ /bcings nas mdun du gnas par blta/ /dga' dang bsdigs pa rdzas kyi mtha'/ /ting 'dzin brtan pas nges par 'grub/ /med las
293b7 dngos por nges grub cing / /mi mthun brgyad sogs nges 'grub na/ /yod dang snang ba'i 'gro ba dag /dbang pos bsgyur ba smos ci dgos/ /gal te gso ba'i
294a1 las byas na/ /las ni gnyis te brtsams pas 'grub/ /bdag nyid rtag par skyes nas ni/ /dbang bskur byin rlabs kun bstims
294a2 nas| |mdun du shel gyi bum pa ru/ /thugs las chu yi lha mo bskyed/ /phyogs bcu'i rgyal pa der gyur nas/ /bum par lha mo 'od du zhu/ /nad dang sdug bsngal
294a3 byang bar bsam/ /dmar ser ba yi 'o ma dang / /sman dang rin chen spos dang 'bru/ /bdud rtsi snying po cha rkyen la/ /mA ma kI yi sngags kyis gdab/ /oM mA ma kI
294a4 sarba pA pa du ru du ru swAhA/ nad dang sdug bsngal ldan pa'i lus/ /bkrus pas 'tsho bar the tshom med/ /bdag nyid brtul zhugs bde ldan pas/ /sngon du bya
294a5 ba sngon song bas/ /dgon pa bas mtha' rab dben par/ /ma smas ma rul tshad ldan pa'i/ /dur khrod zhing chen mtshon ldan la/ /khrus dang byug bdug kun
294a6 byas nas/ /pho mo la sogs yin pa yi/ /las de nges par 'grub par 'gyur/ /de dag maN+Dal gtsang ma yi/ /dbus su legs par bzhag nas ni/ /bdag
294a7 nyid khro bo gang yang rung / /gsal bar tshangs ba brgya byin rung / /rang sngags srog snying dza yis dgug /phyag rgya bzhi yis dbab par bya/ /gal te 'dar dang
294b1 rgod pa dang / /du dang 'jigs pa'i sgra byung na/ /dam tshig phyag rgya bstan par bya/ /dam chu byin la mnas bsgrags te/ /gang 'dod las la mngag par bya/ /gal te
294b2 'jig rten the tshom zos/ /de yis zos dang brgyal ba dang / /'phral du bdag nyid 'chi bar 'gyur/ /gang zhig ting 'dzin brtan pa yis/ /bar chad med par bsgrubs
294b3 pa'i tshe| |mdangs ldan yid 'ong dang po ste/ /dri zhim 'od chags gnyis pa yin/ /dga' ba'i sgra sgrog gsum pa yin/ /bkrag dang gzi mdangs nyams sod
294b4 yin| |zhing chen kha nas hri byung na/ /ting 'dzin rdo rje so yis bcad/ /ro langs brdabs na gser du 'gyur/ /lce yi ral gris de bcad na/ /cis kyang mi tshugs go
294b5 mtshon te/ /lha min g.yul yang pham byed na/ /dpa' bo stobs ldan smos ci dgos/ /de yi dbang po lnga dag la/ /mngon shes lnga yi dngos grub yod/ /rang
294b6 gi rtog pa ji bzhin du/ /mkhas pas bsgrubs na 'grub par 'gyur/ /gal te bcu bdun bco brgyad ma'i/ /zhing mdzes bkru zhing byugs byas te/ /rgyan dang
294b7 gos kyis legs par gdags/ /dri zhing dbang po dag pa la/ /bdag nyid dbang drag rnal 'byor gyis/ /ye shes 'jig rten gang rung pa'i/ /lha mo yid 'ong 'od
295a1 'bar ma/ /sngags dang phyag rgyas bkug bcings nas/ /rtags byung bar du bstim par bya/ /dri dang sgra dang 'od dag dang / /'dar dang 'gul
295a2 dang rgod pa dag /dang po'i rtags ni yin par bshad/ /lho dang gtam dang gnyis pa ste/ /dngos su langs pa tshad yin pas/ /dam bdar mnas bsgags dbang
295a3 du sdu| |gal te sbyar du sad pa na/ /cho 'phral chen zhing log ston na/ /dbang drag nga rgyal chen po yis/ /dbang du bsdu dang zil gyis mnan/ /de dag chags pas rol
295a4 spyad na| |skad cig cho 'phrul bzhi thob ste/ /skye shi med par gnas pa dang / /ma lus bde chen 'bar ba dang / /zhing khams kun tu bgrod pa dag /thogs pa med par
295a5 'grub par 'gyur/ /gtsang ma byis pa rma med pa/ /yid 'ong legs pa btsal blangs nas/ /dag cing bdud rtsis dri byugs la/ /'da' hUM ma tas legs byugs la/ /
295a6 kha dog lnga yi gzungs kyis gdags/ /tshangs pa dang ni brgya byin dang / /lha mo gang rung snying pos dgug /rtag tu phyag rgya bzhis bstim zhing / /bdag nyid ha ya
295a7 g+hi ba 'am/ /ya mAn+ta ka la sogs pa/ /gang rung khro bor gsal bsgoms la/ /drag tu dgug cing bstim par bya/ /rtags byung mthar thug mngon gyur nas/ /legs
295b1 nyes de yis smra bar 'gyur/ /gal te 'dar zhing mi brjod na/ /oM gyi 'od dang a mr-i tas/ /lce la thabs kyis dbang bskur zhing / /ha ya g+h+ri bas gad mos bsdigs/ /
295b2 legs par smra bar the tshom med/ /gal te gsad pa'i las byed na/ /gsal la brtan thob rnal 'byor bas/ /dur khrod shing gcig bzhi mdo 'am/ /lha 'dres
295b3 mngon du gnas pa'i sar/ /bdag nyid zhe sdang rdo rje ste/ /dud kha nag po 'od 'bar ba/ /spyan zlog mtshon cha me ltar 'bar/ /sprul pa'i char ltar 'khrug par bsam
295b4 bdun du hom khung khru gang tshad/ /gru gsum dur sol khrag chen byug /nang du ling ga bdud rtsi lnga/ /chags pa'i rgyu dang tsha ba dang / /shes pa chags pa'i rten la byas/ /
295b5 pho nyas ming rus bcas bkug la/ /bstims la phyag rgyas bcing bar bya/ /lcags sam nag po'i shing las byas/ /drag po'i phur bas gnas gsum gdab/ /hrIH
295b6 Sh+TIHdrag pos g.yas g.yon nas/ /khros pa'i sems kyis bsregs byas nas/ /de nang drag po tsher ma can/ /nam phyed gcer bus bsregs byas na/ /lha yang rung
295b7 ste brlag par 'gyur/ /gal te phye ba'i las byed na/ /bdag nyid ya mAn+ta ka ste/ /rngam zhing gdug gtum nga rgyal can/ /shin tu 'jigs shing bsdigs pa
296a1 bsgom| |nyi mas 'jigs pa'i dang rung dang / /mun pas 'jigs pa'i gung ru la/ /gang yin de nyid bris la blan/ /lha dang lha min
296a2 gnyis la gtad/ /rlung gi phyogs su de yis bskyod/ /sprul pa pho nyas g.yul 'gyed cing / /'thab cing rtsod par rnam par bsam/ /bar du khra dang bya rog
296a3 'thab| |me chu rlung gis 'bud bsams na/ /de ni gang yin su yang rung / /'bral zhing 'thab pa nyid du 'gyur/ /rgyal po bram ze blon po dag /gdug pa gnod
296a4 pa can gyi rigs/ /mi gnas bskrad par bya ba'i phyir/ /bdag nyid a par tsi ta ste/ /drag po khros pa'i tshul du bsgom/ /dgra bgegs gang yang rung ba yi/ /
296a5 'og tu rlung snying bcas pa bri/ /steng du ming rus bcas bskyon la/ /mdun na gnas pa'i gdul bya de/ /rlung lha rnga mo'i steng du zhon/ /pho nya sprul pa mtha' yas
296a6 kyis| |'khrig cing tshogs par rab bsams la/ /gshin rje'i drung du khrid par bsam/ /'dis ni dbugs med brgyal ba'ang / /gzhan du drag pos phyin 'gyur
296a7 na| |srog dang ldan pas smos ci dgos/ /gal te dgra dpung pham 'dod na/ /bdag nyid mi g.yo mgon po ste/ /ji ltar gnas par rab tu bsgom/ /de yi gzugs
296b1 brnyan bris nas kyang / /cho gas de ru byin brlabs la/ /sngags ni bdun 'bum la sogs pa/ /lcags sna bdun las bcu gnyis tshad/ /ral gri snying por bcas
296b2 pa la| |gsal bar de dag rtags byung bzlas/ /'od dang sgra dang sa g.yos dang / /ral gri skad ni 'don pa na/ /phyung bas g.yul las ldog par dang / /bskor bas
296b3 dmag dpung 'bros par 'gyur/ /bdag nyid rgyal zhing che 'dod na/ /bdag nyid gsal zhing brtan gyur nas/ /zhe sdang rdo rjer gsal byas la/ /dur khrod ras la
296b4 ming rus bri/ /sngags dang phyag rgyas bkug bstims la/ /nges par bstan pa'i ltas byung nas/ /he ru ka yi zhabs kyis mnan/ /rta mgrin gad mo drag pos
296b5 bsdigs/ /khyung gshog phyag rgya zil gyis mnan/ /bdag dang khyi yi sgroms nas gdon/ /bdag nyid them pa'i 'og tu mnan/ /yang na bdag gi 'og tu mnan//
296b6 rdo rje rgya gram phyag rgya yis/ /steng nas mnan cing bden pa bdar/ /bdag nyid de yi rgyal por 'gyur/ /dbul po gter dang phrad 'dod na/ /bdag nyid las la
296b7 goms pa yis/ /rigs lnga lhag pa'i lhags la nas/ /so so'i phyag mtshan yungs 'bru tsam/ /dbang por mthong gi bar du ni/ /bsam zhing sngags bzlas
297a1 bden pa bdar/ /mtshan ma brtan po gsal ba na/ /gang na yod pa'i phyogs der dong / /bden pa ting 'dzin sngags bcas
297a2 mthus| |'dug gam smra'am mthong ba 'am/ /phra mo der ni ltung bar 'gyur/ /de nas gter dang phrad gyur nas/ /dbul ba kun las thar bar 'gyur/ /de nas rdo
297a3 rje rnal 'byor pas/ /mngon shes mig dang ldan 'dod na/ /bdag nyid lha yi rnal 'byor pa/ /rab tu dben pa'i sa phyogs su/ /mig sna lnga dang bdun pa'i zhags/
297a4 de yi zhun mar 'dud par bcas/ /'phrul gyi 'o ma dag gis sbyar/ /rdo rje pra yis zhag bdun bsgrubs/ /nyams dang drod rtags thob pa na/ /mig la legs
297a5 par sngags kyis byugs/ /skad cig stong gsum bcas pa yi/ /phyogs bcu mngon par shes pas mthong / /gang zag rgyun ni brtag pa dang / /sdug bsngal
297a6 drag pos zhen bzlog cing / /so so dag pa'i zhing khams kyis/ /yid bde grub par bya ba'i phyir/ /mngon shes mtshan mas legs par bsgrub/ /rkang mgyogs
297a7 thob par 'dod pa yis/ /bdag nyid lhag pa'i lhar bsgoms nas/ /brtan zhing bar chad med thob nas/ /zla ba'i dkyil 'khor la 'dug ste/ /yaM las
297b1 rlung gi dkyil 'khor ste/ /skad cig dpag tshad brgyar 'gro ba/ /de la gnas bsam ma yengs pas/ /rlung gis khyab pa ji lta bar/ /dpag tshad brgya phrag du ma yang / /skad
297b2 cig tsam gyis bgrod par 'gyur/ /gal te rdzu 'phrul bzhi dag gis/ /rig 'dzin go 'phang 'gro 'dod na/ /sngon du dag pa'i don thob nas/ /phyag rgya gsal
297b3 bar gyur pa'i tshe/ /nam mkha'i ling ga zla ba la/ /hUM las rdo rje cho ga gsum/ /rim par bstan pa'i dbang thob nas/ /dwangs ma'i phyag rgya la brten pas/ /rdo rje zlar
297b4 bcas rlung brten pas/ /gang 'thad zhing du bskyod pa'i sa/ /rdo rje rig pa 'dzin pa yi/ /zhing khams dag pa'i bya ba 'grub/ /mdun gyi nam mkhar zla ba la/ /oM
297b5 la cho ga'i tshul gyis bsgyur/ /brtan pa'i 'khor lo zla rlung gis/ /dwangs ma'i stobs kyis lus gnas pas/ /de bzhin gshegs pa'i rig 'dzin pa/ /zhing
297b6 khams so sor bskyod byas nas/ /rang gi bsam pa bsgrub par bya/ /nam mkha'i dbyings kyi zla ba la/ /traM las skyes pa'i cho ga yis/ /rin chen rlung zlar bcas pa
297b7 yis| |ting 'dzin drag po bskyod pa'i shugs/ /dwangs ma lus yid bcas pa yis/ /dag pa'i zhing khams kun bskyod de/ /lhag pa'i bsam pa 'grub par
298a1 'gyur| |nam mkha'i dkyil 'khor dbus gnas par/ /pad+mar bcas pa'i zla ba bsgom/ /hrIHlas sna tshogs chos mchog sems/ /
298a2 gsal brtan rlung gis stobs bstan pas/ /dwangs ma'i lus yid gang yin pa/ /zhing bskyod bsam pa grub par 'gyur/ /nam mkha'i dbyings kyi dbus
298a3 gnas par/ /gsal byed sna tshogs bcas pa bsgom/ /a 'am ha las rang nyid kyi/ /las kyi phyag rgyar goms par bya/ /brtan nas dwangs ma rlung stobs
298a4 kyis| |zhing khams gang du mngon bsam pa'i/ /'dod pa'i bsam pa 'grub par 'gyur/ /'dis ni 'byung zhing dbang med cing / /'chi med rlung la dbang thob
298a5 nas| |cho 'phrul bzhi yis zil mnan nas/ /mngon shes gdug pa 'dul ba yis/ /las rnams mi 'grub gcig kyang med/ /de nas gzhan yang chags ldan
298a6 rim| |skal ldan dman dang sbyor bas zad/ /bde ba'i don 'dod dka' thub can/ /'di dag don la thabs kyis dgod/ /thabs ldan lus kyi gong bu la/ /rang
298a7 rang cho ga'i thabs ldan na/ /bde chen gar thabs sna tshogs pa/ /rnam par 'phrul pa'i ro yis phyed/ /bde chen longs spyod chos kyi gnas/ /sprul pa'i thig le
298b1 bde ba'i ro/ /ma lus mkha' lnga'i rang bzhin gyis/ /rang lus ma bcos gnas nyid bde/ /brtul zhugs thig le gsum thob nas/ /sgrol ma dang ni thig le
298b2 dang / /gnas dang thabs dang ting 'dzin gyis/ /bye brag brgyad cu kun 'dus pa'i/ /thabs kyis mtshon pa las byung bas/ /dngos grub cho ga sna tshogs
298b3 'grub| |rang rten thig ler bcas pa yis/ /dwangs ma'i rang bzhin khyab gnas pa/ /skul ba thabs kyi sbyor ba yis/ /ma lus bskyod cing 'gugs par
298b4 byed| |dwangs snyigs rgyu dang mi rgyu ba'i/ /rlung gi thig les dbang bsgyur nas/ /'phro zhing 'dzag pa'i thig le nyid/ /rlung gis 'ching ba nyid yin te/ /thig le
298b5 snyigs mar nyams gyur pa/ /thabs dang rlung bcud stobs ldan pas/ /pad+ma la ni chu bzhin no/ /rang byung thig le'i rang bzhin las/ /rten dang zag pa snyigs
298b6 ma dang / /'khor ba'i rtsa dang sa bon dang / /lo tog thig le zhen bcas pa/ /rang byung nam mkha'i thig les 'jigs/ /rang lus bde chen snying po la/ /nam
298b7 mkha' sprin ltar mi phyed cing / /dwangs snyigs bde ba'i rang bzhin nyid/ /thig le chu dang 'o ma dang / /gnas pa rlung dang rten stobs kyis/ /dwangs snyigs phye la
299a1 dwangs ma bstim/ /rang snying lus la 'od snang ba'i/ /phyi nang dngos rtogs ma lus pa/ /rlung sogs 'khor lo'i 'phen stobs
299a2 kyis| |der mi gnas par goms par bya/ /gang dus bon snyigs bcas pa/ /nam mkha'i ye shes lnga 'bar bas/ /gang du rgyu bar bcas pa'i yid/ /
299a3 de ma thag par rnam par brlag /rlung dang rtsa dang thig ler bcas/ /thabs kyis bskul ba'i ro ldan pas/ /ma lus thig le'i rang bzhin pas/ /mi mthun
299a4 zhen pas rnam grol bas/ /rang sems rten bcas thig le ni/ /dwangs ma'i ye shes blo ldan pa/ /kun khyab bde 'byung snying po can/ /gsang ba'i rig pa'i
299a5 gter kha 'byed/ /phyi nang rgyu ba thig ler bcas/ /snying nang bde bar 'bar gyur nas/ /rang lus rtags su bde chen 'bar/ /mngon shes rin chen rtsal
299a6 phog /rig pa'i mngon shes lnga ru 'char/ /de nas mi 'gyur stong pa'i rtsa/ /'gyur med kun snang rlung la thim/ /dman pas mi 'grub khyad par thabs//
299a7 gsang ba'i thig le 'bab bzhon gyis/ /rtsa bcud ting 'dzin 'bral pa'i stobs/ /bskal ba du ma'i stobs 'gags te/ /dwangs ma'i ye shes rlung du
299b1 'grub| |phyin pa med par mthar song ba/ /bde chen goms pa'i stobs las gyur/ /bcud lnga 'dus pa'i thig le ni/ /ro lnga 'dres pa'i bde chen de/ /sgrom dang
299b2 mthar phyin khyad par gyis/ /bde ba chen po rigs mchog gnas/ pa'i rten can 'di nyid can/ /dbang po dar zhing
299b3 smin pa yi/ /chags can nyi zla 'dzin nus pas/ /spyi gtsug thig le'i 'khor lo dang / /gsang ba'i 'og min nus ldan pa/ /'byor pa'i rten can 'di nyid
299b4 gnas| |thabs dang rol pa'i khyad par dang / /ting 'dzin rlung gi dbang thob ste/ /'byung bzhi snyigs phye dwangs dus su/ /nyi zla 'dres pa'i gar thabs kyis/ /lha mo
299b5 rnams dang lhan cig tu/ /rol pa'i thabs kyis gang rtsen pa/ /bye brag brgyad bcu gnyis 'dus pa'i/ /pad+ma'i snying po kun bkug ste/ /thig le dpa' bo lnga yi
299b6 stobs| |mi sdod 'phro ba'i rang bzhin nyid/ /thabs dang ldan pa'i rnal 'byor gyis/ /bcings la bzung zhing gnas par bya/ /de dang rtse phrad gnyis bzlog pas//
299b7 bde ba'i myu gu gso byas pas/ /tha ma la zhen pa kun bral nas/ /rtog dang lhan cig gang skyes pa/ /dwangs snyigs bye ma'i nyams dag gis/ /snyigs ma bag
300a1 chags zhen bcas pa/ /de yi stobs kyis gnas mi 'gyur/ /gsang ba'i thig le stobs ldan pas/ /rigs ngan tha mal zhen chags
300a2 dang / /dran rtog ma lus pham byas te/ /phyi nad snod bcud ma lus pa/ /lhan cig skyes pa'i rang bzhin du/ /ma lus dpung btsugs rgyal bar mdzad/ /rdo rje
300a3 pad+ma'i snying po la/ /dga' ba'i rol pa'i bdag nyid kyis/ /thabs dang shes rab gsang ba'i ro/ /phyogs bcu'i rgyal ba 'dus pa'i ro/ /zag med yon
300a4 tan gter chen po/ /gsang ba thabs kyi stobs las grub/ /bde chen snying po thig le'i ro/ /dbab dang gzung bzlog 'byongs pa yis/ /rtsa gsum gang zhig
300a5 thim pa'i tshe/ /bar chad med pa'i bde ba dang / /thams cad mkhyen pa'i mngon shes dang / /skye shi med pa'i tshe thob cing / /mi 'gyur chos sku thig le la/ /rgyu ba
300a6 spangs pa'i tshul gyis gnas/ /bde chen cho 'phrul dpag med pas/ /gsang ba'i zhing khams dag byed cing / /gsang ba chos kyi 'khor lo bskor/ /bde
300a7 chen nyams dang dga' ba'i gar/ /chags pa'i sgra ni sna tshogs pas/ /ji srid nam mkha'i mthar thug par/ /glu ni sna tshogs len byed cing / /mdzes dang ngo tsha
300b1 spangs pa'i tshul/ /mdog dmar rlan dang ldan pa yis/ /rol pa'i tshul ni sna tshogs kyis/ /rdo rje bcud chen zlar bcas pas/ /nyi ma chags pa dang bcas pa'i/ /
300b2 pad+ma'i snying po'i spong mdzad cing / /dga' ba'i 'od dang 'khyud pa'i gar/ /rlung gi snying po rjod byed cing / /srid pa'i myu gu 'gog par mdzad/ /rdo rje sems dpa'
300b3 sgyu 'phrul dra ba gsang ba'i me long gi rgyud chen po las/ /sgrub pa ma lus pa bshad pa'i le'u ste dgu pa'o// //de nas gzhan yang bshad
300b4 bya ba| |rtog pa'i rgyal po ma lus pa/ /bya ba las kyi rim pa dag /bzhir ni gsal bar gsungs pa yin/ /dang por zhi ba'i rang bzhin te/ /de 'og rgyas pas
300b5 rgyas phyir ro/ /rgyas pas dbang du bya ba dang / /dbang mi 'du ba bsgral phyir te/ /thun mong khyad par yon tan rdzogs/ /bya ba'i las la ma rmongs shing / /nus
300b6 pa brtan pa'i rang bzhin gyis/ /rim pa ji bzhin brtsam par bya/ /gangs dkar 'dabs dang yid 'brang ba/ /zhi ba'i ljon shing me tog tshal/ /'bras ldan rgyas
300b7 pa'i rang bzhin no/ /sum mdo ngam grog gting zab pa/ /dbang du bsdu ba'i gnas su bshad/ /dur khrod mtshan gcig rgya gram gnas/ /'byung po 'du sar
301a1 drag po shis/ /zhi las gzhi dkar ldan pa/ /zlum po sum rim oM dang bcas/ /'khor lo 'od dkar dang bcas pa/ /zhi ba'i thab
301a2 kyi rang bzhin no/ /rgyas la ser po tsan+dan bcas/ /gru bzhi rim gsum traM dang bcas/ /rin chen 'od zer 'phro bcas pa/ /thab ni rgyas bar gsungs pa
301a3 yin| |dbang las dmar chags 'od can/ /zla gam gzhu 'dra pad+mas mtshan/ /rim gsum hrI dang bcas pa ni/ /dbang du bya ba'i thab yin no/ /drag po sa
301a4 nag dur sol can/ /gru gsum rdo rje rtse gsum gdeng / /thod phreng 'od nag rim gsum hUM/ /drag po'i thab kyi rim pa yin/ /'o ma can dang gser can dang //
301a5 chags pa can dang tsher ma can/ /'phrin las bzhi ni so so yi/ /yam shing bsreg shing nyid du bshad/ /ling ga kha dog so so ste/ /gnas kyang thab khung bzhi
301a6 dang mtshungs/ /mar dkar 'bras dkar til dkar dang / /nas dkar chan dang 'o ma zho/ /dngul phye gtor ma dkar por bcas/ /zhi ba'i bsreg gtor rdzas su
301a7 bshad| |mar snying bu ram sbrang rtsi dang / /'bras dang chan rnams ldong ros dang / /me tog gser dang tsan+dan bcas/ /gser phye gtor ma ser phor bcas/ /'di
301b1 dag rgyas pa'i rdzas nyid de/ /dpal dang gzi byin rgyas par 'gyur/ /tsha ba'i mar dang chang skyur dang / /ram bu pad+ma rak+ta dang / /'bras dmar tsan+dan zangs phye dang / /gtor
301b2 ma dmar po dbang rdzas yin/ /tshil chen mar dang tsha ba gsum/ /klung chen sha khrag sran chan dang / /dug gsum thal chen tsha ba'i mar/ /ske tshe phye gsum mi khrag dang //
301b3 ming rus sbel mar bcas gtor mas/ /bsgral ba drag po'i rdzas su bshad/ /dngul lam dkar po'i shing rnams la/ /mgo bo rgya mdud rtse zlum po/ /logs la
301b4 zhi ba'i lha bkod la/ /de bzhin gshegs par gsal bas gdab/ /gser ram ser po'i shing rnams la/ /mgo rtse rgya mdud gru bzhi bcas/ /logs la rgyas
301b5 pa'i lha bsgoms te/ /rin chen nga rgyal bcas pas gdab/ /zangs sam byi ru dmar shing rnams/ /mgo bo rgya mdud rtse zla gam/ /logs la dbang gi lha bkod la//
301b6 chags pa rdo rjer gsal bas gdab/ /lcags sam nag po'i shing rnams la/ /mgo bo rgya mdud rtse zur gsum/ /logs la drag po'i lha bkod de/ /zhe sdang rdo
301b7 rjer gsal bas gdab/ /oM dang traM hrI hUM nyid las/ /'byung lnga'i rim pa gsal steng du/ /e baM ma ya bruM las bskyed/ /gzhal yas zlum po gru bzhi dang / /zla
302a1 gam gru gsum ji bzhin dbyibs/ /kha dog rang gi tshul bzhin bskyed/ /rang rang sa bon gdan steng la/ /'od bzhi 'phro 'du'i cho ga
302a2 yis| |las bzhi gtso bo'i las bzhin bskyed/ /'khor yang gtso bo'i cha 'dra ba/ /phyag mtshan rang rang thugs rtags la/ /las bzhi rtags kyi mtshan ma
302a3 ste| |kha dog las kyis dbye bar bshad/ /dbang bskur las bzhi rigs kyis brgyan/ /lus bzhi 'od kyi 'phro 'du can/ /cho gas gsal bar bskyed
302a4 byas la| |spyan drangs bstim sogs las rdzogs bya/ /las dang ting 'dzin bzhi nyid kyis/ /las bzhi rtse gcig ting 'dzin bya/ /gang du dmigs pa
302a5 rtse gcig pas/ /las bzhi bya ba'i cho ga dag /ma lus pa dag 'grub 'gyur na/ /phra mo'i las rnams smos ci dgongs/ /shar phyogs su ni kha bltas te//
302a6 dang ba'i yid ni mi g.yo bas/ /rdzogs pa'i skyil krung la gnas te/ /ma rungs gdug pa zhi bar byed/ /lho phyogs su ni kha bltas te/ /dga' ba'i 'du shes
302a7 rtse gcig pas/ /rin chen skyil krung la gnas pas/ /dpal dang gzi byin 'phel bar bya/ /nub kyi phyogs su kha bltas te/ /chags dang zhen pa rtse gcig pa//
302b1 pad+ma'i skyil krung la gnas te/ /ma lus dbang du bsdu bar bya/ /byang phyogs nyid du kha bltas te/ /khros pa'i sems kyis so bca' zhing / /rus sbal dang ni gyad
302b2 stabs kyis/ /gdug pa bsgral te lam du gzhug /so so'i sngags kyi rim pa dag /snga dro zhi ba'i las byas te/ /gung la rgyas pa nyid du bya/ /dgong ga dbang gi
302b3 dus nyid de/ /drag po nam gyi gung la bya/ /nam zla dus bzhir bsgrubs pas na/ /nges par las bzhi 'grub par 'gyur/ /oM che ge mo shin+taM ku ru swAhA/ swA che ge mo
302b4 puSh+Ti ku ru swAhA/ hrI che ge mo ba shaM ku ru swAhA/ hUM che ge mo mA ra ya phaT/ ling ga'i gnas kyang las bzhi'i dbyibs/ /dgug dang phur bu bzhi btab la/ /ri lu'am
302b5 lhag ma gtubs pa ni/ /so so lha yi zhal du bstab/ /rtse mo zhi byed yal ga rgyas/ /sdong po dbang la rtsa ba drag /kha dang mngar skyur tsha ba'i shing / /ro yi mchod
302b6 pa de bzhin te/ /rgyud bzang rgyal po smad 'tshong ma/ /bshan pa'i khyim nas me blangs te/ /las dang mthun pa'i ra skyes mnan/ /sa bon bzhi las rim pa bzhin//
302b7 pa pa ka dang dbang chen dang / /gzi byin can dang 'joms byed bzhi/ /sku mdog las bzhis phye ba ste/ /guN+De sgrom dang zhags pa dang / /rtse gsum g.yon pa
303a1 bgrang phreng nyid/ /rigs bzhis las bzhi byin brlabs dbu/ /spyan drang mchod bstod las rdzogs nas/ /lto bar bruM las
303a2 gzhal yas su/ /las dang mthun pa'i lha bskyed la/ /rang rang rtog pa'i cho ga bzhin/ /sreg dang bro gar las byas pas/ /gang yang 'grub par the tshom
303a3 med| |zhe sdang can dang nga rgyal can/ /sdug bsngal gdug sems nad gzir ba/ /de 'dra zhi bar bya ba'i phyir/ /zhi ba'i las ni rtsom pa yin/ /tshe thung nad
303a4 mang dpal longs spyod/ /phongs dang nyam nga 'jigs pa dang / /dwangs snyigs zad nas snying por thim/ /thig le mi shigs bcud 'dus pa/ /stong nyid thig
303a5 le'i ngang du 'gag /rgyu ba'i rlung la dbang thob cing / /mngon shes skye 'jig thob bral bas/ /bde chen nam mkha'i ye shes nyid/ /rdo rje thig le 'gyur 'jig
303a6 med| |steng dang 'og las gang sbyar bas/ /sku gsung thugs kyi pho brang dag /bde chen til 'bru bcud bzhin du/ /nyi zla gnas pa'i bar du 'bar/ /'bab pa
303a7 thig le zla ba'i gzugs/ /kha bcad rlung gis gzung bya zhing / /'og gis phul zhing steng gis drang / /ma lus bde chen khyab par gnas/ /mi rtog gsal
303b1 bar mthar phyin pa/ /seng phrug zla ba rdzogs pa ltar/ /thabs dang ting 'dzin sbyor ba yis/ /bde ba'i ye shes chen po la/ /ma lus yon tan rdzogs par gnas//
303b2 chags can brtul zhugs bral ba yi/ /lus dang dran rtog bag chags bcas/ /rigs dang rigs min gang yang rung / /sgo gsum ma lus bcas pa
303b3 dag /steng sgo'i gdul bya des 'dul yin/ /dang por gsang ba'i rim thob pas/ /rlung dang thig le'i las goms nas/ /bde chen byang chub sems kyi ro/ /sems
303b4 lnga'i tshul gyis gang snang ba/ /g.yo thob brtan pa'i nyams nyid kyis/ /lus dang phyi nang dran rtog bcas/ /nam mkha'i gzugs can nyid du skye/ /lus dang snang
303b5 bar bcas pa yi/ /nam mkha'i mtha' ltar mi phyed pa/ /bde chen thig le a dang gnas/ /thig le stong pa'i ri mo can/ /gsal bar shes pa rgyu bas mngon/ /
303b6 'og nas bskul zhing steng nas mnan/ /dwangs snyigs bsre ba'i thabs la 'jug /bde ba'i rlung can yaM gyi sgo/ /bskyod pa'i sbyor bas gyen du phul/ /rgyu ba rlung gi
303b7 snying po can/ /dpa' bo lam nas thur du 'then/ /rig pa'i ye shes gnas pa'i rlung / /stong nyid nam mkha'i dbyings su thim/ /phyi nang rgyu ba chad pa dang / /rig pa thig
304a1 le'i ngang la gnas/ /bde ba'i rtags ni 'byung 'gyur te/ /'dar dang rdul dang ba spu ldang / /sgra dang lus bde rgyug pa dang / /rgod dang
304a2 brgyal sogs gang byung ba/ /brtan dang sbyang ba'i cho ga bya/ /mi mthun log pa'i chos brtags na/ /thabs kyi rim pa'i cho ga yis/ /gdon dang spos dang
304a3 gnon pa dag /ji ltar rigs par brtag par bya/ /rang lus thig le'i nyams myong la/ /bar chad med par gsal 'jug pa'i/ /tha mal zhen pa bsgyur ba
304a4 dang / /bde ba'i dbang phyug smin pa dang / /dran rtog rgyud sogs zhi ba dang / /bde chen rgyas pas khyab pa dang / /rlung dang bde ba'i rnal 'byor gyis/ /thams
304a5 cad dbang du sdud pa dang / /dran rtog a yi ngang du gnas/ /'di ni nang gi rim pa yin/ /de nas gsang ba bshad bya ba/ /thabs dang shes rab 'brel ba las//
304a6 gsang ba'i 'phrin las bzhir 'byung ba/ /dka' thub can dang tha mal dang / /thun mong lam las zlog phyir ro/ /'dod chags zhen cing dbang po smin/ /tshad
304a7 ldan yum dang bcas pa yi/ /bde chen dgon pa thig le'i gnas/ /yon tan khyad par kun tu rdzogs/ /gnyis med 'khril pa'i ngo bo ni/ /bde ba chen po
304b1 'byung ba'i gnas/ /gsang ba'i b+ha ga rgyas pa dang / /zhi rgyas dbang drag tshul bzhin dang / /nus pa byin brlabs gang ldan pa/ /gsang ba'i thig le'i tshul la gnas//
304b2 pad+ma gsang ba'i thab khung du/ /gsang ba'i sbyin sreg gang phul ba/ /lo dang zla ba ma yin par/ /myur du bde chen lus su gyur/ /thabs dang shes rab las byung
304b3 ba'i| |dwangs snyigs bcud dang bag chags dang / /nyi zla khu bar bcas pa ni/ /bde chen gsang ba mchod pa'i rdzas/ /gdung dang bde ba bral ba dang / /zhen rtog de
304b4 nyid chags pa yi/ /rang gi ling ga de nyid la/ /gsang ba'i phur pa bzhi rdzogs pa/ /gsang ba'i yul la btab pa yis/ /lhan cig skyes pa'i ting 'dzin la//
304b5 las bzhi ma btsal rdzogs par ldan/ /rol pa'i tshul dang thig le gnyis/ /pad+ma rdo rje snying po'i rtsa/ /nyams dang sbyor tshul gang yin pa/ /gsang ba'i sbyor
304b6 ba'i dus su blta/ /gnas pa rtsa yi tshul dag ni/ /kha dog dbyibs sogs tha dad pas/ /mchod rdzas nyi zlar bcas kun la/ /gzar bu gnyis bcas thabs
304b7 phul bas/ /thig le chen por 'bab par 'gyur/ /gsang ba'i don la dga' ba dang / /rig pa'i brtul zhugs spyod pa dang / /dbang po dar cing smin pa dang / /
305a1 thig le'i don la mos pa dang / /rlung dang bcud la goms pa yi/ /rnal 'byor pho mor bcas pa kun/ /dran rtog phyi ma bcas
305a2 pa'i yid/ /gdul bya'i don du de bshad do/ /gang dag thabs la mkhas pa dang / /dbang dang dam tshig ldan pa yis/ /thabs dang sbyor ba la brtson zhing / /
305a3 nyi zla rtse sbyor dbang thob nas/ /gzung zlog 'byangs ba'i gar thabs kyis/ /dngos po lhan cig skyes pa'i don/ /sems lnga'i tshul gyis gsal bar skye/ /nyi
305a4 zla zhon pa'i rdzu 'phrul dang / /rgyu ba'i rlung la dbang thob pas/ /khams bzhi 'dus pa'i snying po las/ /bde chen thig le mi rtog pa/ /thabs kyis da ltar mngon
305a5 du snang / /thabs dang bral ba'i slob dpon gyis/ /skal med las kyis dman pa la/ /dbang dang rgyud pa bral ba yis/ /tshig dang rigs pas ci bstan kyang //
305a6 rigs ngan rgyal sar bzhag pa ltar/ /bdag phung gzhan brlag 'jig par 'gyur/ /gang du gsang ba'i thig le nyid/ /gsang ba'i lam lngar nyams skyes
305a7 pas| |zag med bde ba'i dkyil 'khor du/ /mkha' 'gro gsum la gang brten pas/ /ye shes thig le rgya dpag med/ /rim par mthar thug gnas su 'gyur//
305b1 gang zhig 'di la 'dres goms pas/ /rgyu ba thig ler thim pa dang / /dran rtog nam mkha' gsal ba dang / /bde chen sngon du smin pa yis/ /'chi med
305b2 sangs rgyas sa la sbyor/ /'jigs pa kun las grol ba dang / /lha mo tshogs kyis byin brlabs nas/ /rol rtsed sna tshogs sgyur byed cing / /thabs dang
305b3 shes rab gnyis med cing / /longs spyod rdzogs pa'i zhal mthong zhing / /rdo rje dbang gis mtshams sbyar nas/ /yi ge 'khor lo tshogs mchog mnyes/ /nam
305b4 mkha'i mthar thug bar du ni/ /bde chen ye shes zag pa med/ /ye shes rgya mtsho byin brlabs can/ /nam mkha' lta bur dpag med pa/ /rgyal ba kun gyi ngo bor
305b5 'gyur| |rdo rje sems dpa' sgyu 'phrul dra ba gsang ba me long gi rgyud las/ 'phrin las mtha' yas pa bshad pa'i le'u ste bcu pa'o// //
305b6 de nas gzhan yang bshad bya ba/ /gsang ba'i lam la gang dga' bas/ /thun mong ma gyur gsang ba'i lam/ /rim pa nyid du bshad par bya/ /dad dang brtul
305b7 zhugs che ba dang / /theg pa chen por rig nges shing / /snying rtse dbang dang dam tshig ldan/ /sgrub la brtson pa'i gang zag gis/ /lus dang longs spyod 'tsho
306a1 ba dang / /bu dang chung ma rgyal srid kyis/ /dang por bla ma mnyes byas la/ /thabs la mkhas pas 'dod pa blang / /phyi nang snod bcud
306a2 ma lus pa/ /rang byung ye shes rang snang ba/ /gcig dang du ma med tshul gyis/ /bden pa gnyis med 'brel pa nyid/ /byin brlabs sgra dang gtan tshigs
306a3 kyi| |rang byung ye shes mngon du snang / /rang gnas 'khor lo bsam mi khyab/ /rtog ge'i spyod yul ma gyur pa/ /thabs chen thabs las byung ba yi/ /'phel dang
306a4 dga' bde longs spyod phyir/ /rgyas pa'i las la 'bad par bya/ /dbang chen gzi byin che ba dang / /rgyal rigs blon po bram ze dang / /gdug pa dbang du
306a5 bsdu ba'i phyir/ /rjes dgug dbang gi las brtsam mo/ /dgra dang bgegs sogs ma rungs pa/ /gang gis 'dul bar mi nus pa/ /gzir zhing 'du shes
306a6 bsgyur ba'i phyir/ /drag po bsgral ba'i 'phrin las brtsam/ /gang yang rung ba'i dngos po la/ /dang po mi mthun zhi bar bya/ /de nas yon tan rgyas par bya/ /de
306a7 nyid dbang bsdu las la sbyar/ /gal te dbang du ma gyur na/ /drag pos gzir te bsgral bar bya/ /gal te log par lhung srid pas/ /'og min gnas su phaT gyis
306b1 'phangs| |nges par 'grub 'gyur gdon mi za/ /dang por sngon bya'i las kyis ni/ /nus dang mi nus khyad par brtag /de nas nus pa thob pa ste/ /de nas bde ba'i rtsal thob nas//
306b2 thogs pa med pa'i 'phrin las 'grub/ /zag med lam la sogs sbyangs pas/ /cho 'phrul bzhi dang 'phrin las bzhi/ /gdul bya zhing dang nus mthu dang / /byin brlabs
306b3 rtsal gis khyad par 'phags/ /mthar phyin sku lnga'i zhing thob pas/ /ma rtsal chu dang rlabs bzhin du/ /dpag med yon tan ngo bo'i phyir/ /lhun gyis grub pa'i 'phrin las
306b4 yin| |las dang nyon mongs gdug pa dang / /sdug bsngal rtog pa ji snyed pa/ /cho ga thabs dang ting 'dzin gyis/ /lhan ne lhang nger zhi bar 'gyur/ /nga rgyal rin chen gzi
306b5 brjid kyis/ /dpal dang longs spyod 'phel ba dang / /tshe dang lang tsho stobs ldan zhing / /yon tan nam mkha'i mtha' dang mnyam/ /'dod chags rdo rje ting 'dzin gyis//
306b6 bdud dang gdug pa rgyal po dang / /lha dbang srin po mkha' 'gro ma/ /phyag na rdo rje'ang dbang du 'gyur/ /zhe sdang rdo rje ting 'dzin gyis/ /cho ga rdzas dang sngags ldan pas/ /
306b7 chos sku rdo rje 'ang 'jig 'gyur na/ /gzhan lta smos kyang ci zhig dgos/ /rang lus bde chen kun gyi dbyings/ /rang lus thig le'i thabs mkhas pas/ /sbyor ba rlung gi
307a1 goms stobs can/ /dkyil 'khor nang la gnas gyur pas/ /nyams kyis las bzhi gsal gyur te/ /rim pa ji bzhin 'gyur ba
307a2 dang / /rang gi mngon par gsal gyur pa/ /nus pa bstan pas mngon du 'gyur/ /gzhan min 'khor lo pho brang nyid/ /gnas dang 'jug dang gzung ba dang //
307a3 bstim zhing gnas pa gang yin pa/ /de dag nyid du bshad pa yin/ /d+harma tsakra gzhal yas khang / /rtsa bzhi yan lag brgyad dkyil na/ /e baM ma ya las
307a4 bzhi dbyibs/ /kha dog las kyis gtsor gyur pa/ /bag chags sa bon snyigs ma dang / /rtog dang tha mal zhen pa'i rdzas/ /nyams myong 'gyur med bzhir
307a5 gnas te/ /thig les de nyid zhi ba dang / /rang lus phyi nang thig les rgyas/ /rlung dang thig le rtog par bcas/ /nus pas dbang du 'dus pa dang / /thig les
307a6 ma bcos nam mkha'i ngang / /srog dang thig ler bcas bsdus pa/ /a yi ngang du thim 'gyur te/ /rgyu ba dwangs shing 'phar ba gnon/ /mi 'gyur dbyings la
307a7 gnas par bya/ /rang lus thabs kyi ngo bo las/ /'khor lo bzhi dang me rlung dang / /bskyod pa rlung gis las rung pas/ /nam mkha'i ye shes cir yang gsal//
307b1 thig les rgyud dang lus rgyas pas/ /bde chen dbang thob zhen chags bral/ /ting 'dzin sbyor bas gang bskul na/ /rim pa'i rtags dang nus pa 'byung / /kha dog grangs
307b2 dang snying po dang / /dbyibs dang tshad dang thig le yi/ /khyab pa la sogs mtha' yas pa/ /bzhugs tshul de nyid de bzhin no/ /'khor lo bzhi yi thab khung du/ /gtum
307b3 mo byin za'i las bskul bas/ /dwangs snyigs rtog pa'i bag chags dag /mi shigs thig ler mchod pa phul/ /phyi nang rgyu ba ma lus pa/ /rang byung 'khor lo thig
307b4 le mchog /spyod yul thun mong ma lus pa/ /phyi yi rnam pa lam byed pas/ /thun mong phyi yi lam du bshad/ /de nyid nang du rtsa 'khor lo/ /thig les nang du nyams
307b5 bskyed pa/ /rim pa 'di ni nang du bshad/ /dbang thob sbyangs pa ma rtogs pa/ /skal ngan rigs chad yul min pa/ /gsang bas gsang ba zhes bshad do/ /dang por
307b6 blo ldan gang zag ni/ /ma lus bden pa dbyer med la/ /rang bzhin rig pa'i gtan tshigs kyis/ /phung po khams dang skye mched la/ /thabs dang shes gnyis med
307b7 pa'i don/ /ye nas sangs rgyas rdzogs pa nyid/ /de nyid dus gsum ma skyes pa/ /gang la brten nas rtogs pa la/ /lam gyi yan lag kun rdzogs te/ /sa bcu
308a1 rim par ma bkod rdzogs/ /ma lus yon tan rang shar bas/ /thams cad ma lus ma 'da' la/ /tshogs gnyis rdzogs pa'i 'bras
308a2 bu nyid| |dbang po gcig car spyod yul yin/ /gang su blo dang mos pa dang / /rtogs chung mtshan ma dga' ba la/ /thun mong sgo mthun khyad par can/ /rim pa'i rnal
308a3 'byor brlab par bya/ /dang por phyi nang snod bcud kun/ /rangs nyid na mi dmigs pa/ /ma bcos ma bsal mi gnas pa/ /dngos po ci yang mi brtag cing / /de nyid
308a4 la yang mi rtog pa/ /'dzin rtog zhen pa mi gnas par/ /bsam dang bsam bya med tshul gyis/ /bdag gzhan phyi nang ma lus pa/ /gang gi ngo bor ma grub pa/ /ci
308a5 la'ang mi gnas sbyor ba yis/ /rang sar mi rtog ngo bo nyid/ /bcos pa med pa'i tshul du bsgom/ /gal te mtshan ma'i rgyu ba dag /chu las rnyog pa'i tshul byung
308a6 na| |ma bcos rang bzhin bzhag pa yis/ /ma lus rtog med de bzhin nyid/ /rang bzhin bzhag pas dag par 'gyur/ /nam mkha' dag par 'gyur ba'i tshe/ /
308a7 sprin kyang rang byung dag pa ltar/ /byung tshor dran rtog ma lus pa/ /chos nyid stong pa'i rang bzhin no/ /gang du snang srid ma lus pa/ /phyi nang med pa'i sems nyid de//
308b1 da nyid stong pa'i rang bzhin du/ /goms shing nus pa brtan pa'i tshe/ /de nyid rnal 'byor de nyid ni/ /stong pa chen po rnal 'byor yin/ /sgo gsum byed spyod ma bcos pa//
308b2 ma brtags mi rtog cir mi gnas/ /'di ni rnal 'byor rtse gcig pas/ /bya ba spangs pa'i spyod pa yin/ /de nas de las langs pa'i tshe/ /sgyu ma chu zla smig rgyu dang //
308b3 'ja' tshon lbu ba chu bur ltar/ /snang yang dngos por gnas ma yin/ /rig pa phyi nang ma lus par/ /stong pa'i chu 'phrul snang du zad/ /ma lus rig pa'i ngo bo ste/ /de yang
308b4 sgyu ma'i rang bzhin ltar/ /zhen chags med pa'i tshul du bsgom/ /ye shes sgyu ma'i cho 'phrul ni/ /dpag med ngo bor rang snang yang / /byin rlabs cho 'phrul rang snang ba//
308b5 de ltar ma rtogs dman pa la/ /rang byung snying rje 'char ba'i phyir/ /snying rje chen po rnal 'byor yin/ /'gro ba gang dang gang dag las/ /snying rje chen po gang gzigs
308b6 pas| |sna tshogs mdzad pa'i tshul nyid kyis/ /de snyed spyod la mtha' yas te/ /don dang mthun pa 'ba' zhig ston/ /tha mal pa dang thabs nyid dang / /lus ngag yid
308b7 kyis ci 'tsham par/ /don 'gyur spyod pa bsam mi khyab/ /gang du byams dang snying rje yis/ /mi khyab ming gi rnal 'byor te/ /theg pa chen po'i rigs chad cing / /dman
309a1 pa'i rigs su gyur pa yin/ /rtsa ba med pa'i sems nyid ni/ /chos rnams kun gyi rtsa ba ste/ /nam mkha'i ris dang dbyer med ltar/ /ma
309a2 lus rang rgyud bral ba yis/ ngo bo de min rdzun pa min/ /chos rnams ming tsam dngos po med/ /sgo gsum 'di ltar brtan pa ni/ /thugs rje chen po spyod pa yin/ /de
309a3 nas sgyu ma'i rang bzhin nyid/ /rang bzhin gnyis med rig pa yi/ /yi ge hUM du gsal bar bsgom/ /phyi nang snod bcud ma lus pa/ /'phro 'dus hUM du gsal bar
309a4 bya| |rdul phran de snyed 'dus pa las/ /thig le mi dmigs stong par blta/ /ma dang a las nyi zla'i gdan/ /gang bsgril hUM bcas gsal bar bya/ /rang rang
309a5 gsung yang 'gal ba med/ /sgril ma'i snying po phyag mtshan te/ /'phro 'du phra mo'i rang bzhin sku/ /gsal la skyon dang bral bar bsgom/ /de nas rang rang tshad gyur
309a6 pa'i| |rigs pa'i phyag rgya chen po nyid/ /zhi dang khro bo skabs dag tu/ /ji ltar 'thad par bsgom par bya/ /yang na zhal gcig phyag gnyis te/ /yang na zhal gsum
309a7 phyag drug bsgom/ /gnas gcig gnas gsum gnas lngar yang / /yan lag lha ni tshang bar bsgom/ /goms nas bstims te spyod yul kun/ /de ltar gsal
309b1 bar brtag par bya/ /rtsa ba gcig pa'i lha bsgom pa/ /phyag rgya gcig pa'i rnal 'byor yin/ /sgo gsum bsgom la rab 'byor pas/ /rnam par g.yeng ba'i chos
309b2 spyod 'das/ /ma lus rtsa ba'i spyod pa ste/ /phyogs gcig pa yi spyod par gsungs/ /de nas rtog pa'i yan lag dag /gnyis ka thabs dang shes rab tu/ /brtags
309b3 te de ltar bsgom par bya/ /'od zer 'phro ba 'bru gsum nyid/ /yang na ye shes lnga nyid de/ /gnas gcig snying por gnas par bya/ /de bzhin gtso bo gtso mo dang / /
309b4 sems dpa' dang ni sems ma dang / /khro bo khro mo sprul pa dang / /yid chos dag la'ang shes par bya/ /zhal dang phyag dang lha grangs dang / /tshom bu spros pas spros
309b5 bcas yin/ /sku gsung thugs dang yon tan las/ /tshom bu lnga la khros bcas bsgom/ /yang na sku gsung thugs ldan pa'i/ /tshom bu gsum dang bcas pa yi/ /khro
309b6 bo khro mo 'khor du bsgom/ /rigs kyi gtso ste thugs kyi mchog /khro bo tshogs dang bcas pa yi/ /mos pa'i tshul dang sbyor ba yis/ /tshom bu gcig pa'i lha rnams
309b7 bsgom| |slob dpon mthar nye'i lam gnas pa'i/ /rgyang grags dpag tshad la sogs pa/ /rdo rje thig tshad bor tsam gyis/ /phyag rgya'i dkyil 'khor gsal ldan pa/ /sna
310a1 tshogs dkyil 'khor mchog tu gsungs/ /dang po rgyang grags dkyil 'khor te/ /de nas dpag tshad dkyil 'khor nyid/ /nam
310a2 mkha'i dbyings ni bsam yas par/ /sangs rgyas dkyil 'khor sna tshogs bsgom/ /de nas yo byad lnga ldan pas/ /ting 'dzin mos pa spyod mthun pa'i/ /skye bo
310a3 tsam du grangs mthun pas/ /tshom bus 'dod pa'i don bsgrub bya/ /thabs dang shes rab 'brel pa yi/ /pho mo 'dus pa'i grangs mnyam par/ /yo byad 'dus
310a4 pa'i tshogs ldan pas/ /dgon par 'khor khang bar brtsigs te/ /rang rang thabs dang shes rab tu/ /brtags te yo byad longs spyod cing / /rdo rje glu bro
310a5 gar thabs kyis/ /zhag ni sum cu phrag drug gam/ /bcu gnyis bcu bzhi bcu drug gis/ /tshe la dbang bsgyur zag med thob/ /de nas brgya phrag bcu drug
310a6 gis| |sku lnga lhun gyis grub par 'gyur/ /skye bo mdza' ba kun tshogs pa/ /rnal 'byor 'dus pa'i tshogs zhes bya/ /'byor pa'i longs spyod tshor ba ni/ /bde
310a7 ba'i longs spyod tshogs su bshad/ /lha dang dam can kun 'dus pa'i/ /'dus pa chen po'i tshogs su gsungs/ /thams cad spyod pa mi 'dzin pas/ /tshogs
310b1 gnyis rgyun du rdzogs byed pas/ /tshogs chen po ru nges par bshad/ /bar chad med pa'i lam rdzogs pas/ /rig pa'i skyes bu thub pa med/ /lha mi cha byad 'dzin
310b2 mod kyi| |'byung lnga cho 'phrul dbang sgyur thob/ /zhing dang longs spyod dag pa yis/ /gong nas gong du mnyam par sbyor/ /rdo rje rig pa 'dzin gyi sku/ /zhing khams
310b3 kun la gnas par byed/ /gal te mtshan mar zhen dbang gis/ /rtogs pa'i stobs ni chung gyur na/ /byang chub phyag rgya rdo rje sku/ /mtshan dang dpa byad la sogs pa/ /
310b4 cha lugs mngon du byung ba yang / /zhi ba de nyid mthong ba min/ /gang du sbyar ba'i yum rnams kyang / /thun mong lam dang skabs gnyis su/ /nus pa'i khyad par che
310b5 chung gis/ /'phrin las bzhi ru bshad pa ni/ /dkar mo bong chung skad che la/ /bzhin lus gtsug phud g.yas su 'khyil/ /yan lag phra 'jam skad gsal zhing //
310b6 rlung khar ci bas zhi ba bya/ /zla dang yan lag mang ba dang / /phra zhing bshad la bzangs su ring / /bzhin lus ser zhing gru bzhir gnas/ /rnam 'phyang sha dang nu ma
310b7 rgyas| |'phel ba'i dus su 'di dag gzung / /bzhin mdog pad 'dra sogs ka la/ /smin dkyus ring la stod smad phyed/ /lus dang chu rlung dri zhim zhing / /bde ba
311a1 ldan zhing yan lag med/ /'di ni sdud pa'i mchog tu 'gyur/ /'di ni sdud pa'i mchog tu 'gyur/ /nag mo gru gsum rtsid mgo ma/ /khro gnyer byis pa'i lus ldan
311a2 zhing / /gtum zhing brlang tshig 'dzem pa med/ /gtsang sma'i rtog bral gsod par bshad/ /gang du nus pa brtan thob pa/ /de dag sa nas sar sbyong ba/ /rig
311a3 pa'i skyes bu dam pa nyid/ /rnal 'byor rim pa'i lung ldan pa/ /ma skyes mnyam la dbang bsgyur zhing / /ma lus gsal bar mthar phyin pa'o/ /rang rig ye
311a4 shes rgyud don phyir/ /rang snang rig pa mngon byas pa/ /rig 'dzin mchog ste lhun grub pa'o/ /ting 'dzin nus pa'i mthu med kyang / /sa sbyong sems dpa'i
311a5 bskyed du med/ /bde gshegs nyid dang spyod yul gcig /rig pa'i skyes bu'i lung thob pa'i/ /gal te 'byung ba'i lus 'jig na/ /bdag nyid sgo gsum
311a6 lhar lta zhing / /'byung ba bsags pa'i lus las grol/ /ting 'dzin phyag rgya chen por smin/ /khyung phrug sbubs dang bral ba ltar/ /ma lus phyag rgya sgyu ma'i
311a7 mchog /rnam par smin ces de la brjod/ /zag pa zad pa rdo rje lus/ /phyin chad 'gyur 'jig chos dang bral/ /bde ba chen po'i lung thob pas/ /zag bcas
311b1 bslab pa'i chos dang bral/ /zhing la dbang sgyur sprul pa'i lus/ /ting 'dzin longs spyod dpag tu med/ /sgrub pa'i nus pa gang brtan pa/ /rdo rje lus gyur 'jig
311b2 pa med| |'jigs pa lnga bral zag pa zad/ /dbang sgyur gsum la dbang thob pas/ /bde ba longs spyod dpag tu med/ /grangs med bskal par don byed cing / /mthong
311b3 bas de bzhin gnyis med rigs/ /rgyal tshab skyes bu sa skyong ba/ /phyi nang snod bcud ma lus pa/ /nam mkha' lta bur dpag med cing / /mtha' dbus bsam
311b4 pa'i rgyun las 'das/ /'jigs bral dbugs phyin mya ngan 'das/ /rang snang dpag med zhal mthong bas/ /gzhan du blta ba'i yul dang bral/ /ting 'dzin rig
311b5 pa goms pa'i mthu/ /mtshan ma sdug po yul las 'das/ /'jig rten stong phrag dbang sgyur zhing / /gnyis med phyag rgya chen po'i rigs/ /nam mkha' mtha' thug
311b6 med pa ltar/ /bsgoms dang nus pa'i rtsal stobs kyis/ /bag chags mtshan ma'i tshang tshing la/ /ting 'dzin rig pa'i me 'byung bas/ /zhing khams rgya bral dpag
311b7 med du| |ting 'dzin rig pas gang sbyangs pa/ /bsgoms dang ting 'dzin rig pa yis/ /rdo rje 'dzin pa'i lung thob pa/ /phyag rgya chen po'i rig 'dzin yin/ /de
312a1 nas rig pa'i rtsal rdzogs shing / /ye shes lha mo rol dbang gis/ /mthar phyin rig pa'i skyes bu ste/ /zhing khams bye ba'i dbang
312a2 thob cing / /rdo rje 'dzin pa nyid kyi sras/ /dbang dang cho 'phrul kun thob pa/ /nam mkha'i mtha' ltar dgongs pas khyab/ /mnyam gzhag rjes thob khyad par
312a3 gyis| |rgyal ba'i lung gnod bka' la gnas/ /zhing khams dag par kun spyod kyang / /rmad byung gsang ba'i rang bzhin la/ /spyod kyang lta ba'i rang bzhin
312a4 gyis| |phyogs bral nam mkha' mi mthong bas/ /dbang dang dgongs pas mthar phyin 'gyur/ /dbang dang dam tshig brtul zhugs te/ /dang po bslab pa
312a5 mthar phyin cing / /thig le rdzogs par 'dod pa yis/ /gsang ba nang gi don la sbyor/ /thun mong bya ba mthar phyin nas/ /lus dang spyod yul bcas pa
312a6 dang / /lha yi rnal 'byor ma lus pa/ /bde chen thig le nyid du blta/ /lha dang bde bar mnyam sbyor bas/ /thig le bde bar snang ba nub/ /sku bzhi dkyil
312a7 'khor khams thig le/ /dwangs ma lnga ru mnyam sbyor ba/ /ngo bo dang ni rkyen dag gis/ /thabs kyi rim pa bskul las shes/ /bde ba'i thig le nyams myong
312b1 ba| |mi rtog bde ba cha shas med/ /mi shigs thig le kun gyi bdag /stong nyid 'brel ba'i ri mo can/ /tha mal bya ba kun bral ba/ /spyod pa nyid du bstan pa yin/ /
312b2 thig le bzhu ba'i rang bzhin gyis/ /'dzag 'bar thim gang bde ba ni/ /sa yang bcu gsum bde bas brgyan/ /lus kun khyab pa'i thig le shum/ /til 'bru
312b3 bcud kyis khyab pa ltar/ /ma lus khyab pa'i ros gang ba/ /ma lus 'od dang snying po ltar/ /snang srid thig le chen po nyid/ /bde ba chen pos khyab par gsal/ /
312b4 ma lus 'dus pa'i thig le ni/ /khams lnga 'dres pa'i snying po ste/ /mi shi shigs thig le bde ba'i bcud/ /ma lus bde ba'i rgyas btab pas/ /nam mkha'i ye shes
312b5 cir yang gsal/ /dus gsum rgyal pa'i dgongs pa ste/ /thig le gcig gis kun khyab pas/ /bde chen snying rjes gcig tu 'khyil/ /de nyid bde chen phyag rgya
312b6 ste| |nang gi phyag rgya gcig par bshad/ /de nyid nges par las rung bas/ /thig le bde chen dang bcas pa'i/ /bye brag brgyad cu ma lus par/ /so so'i thig ler
312b7 su 'phros shing / /khams lnga ye shes ro dang bcas/ /sa bon thig le bde bas brgyan/ /mi rtog thig le thugs mchog sgra/ /rang lus smin nas snang bar spro/ /
313a1 gang nas gang la spros gyur pa/ /de srid thig le'i phyag rgya ste/ /bde ba'i thig le grangs las 'das/ /ye shes lnga dang sku gsung
313a2 thugs| |mi phyed ro yis gang khyab pas/ /grangs 'das bde chen tshogs rdzogs nas/ /ma lus bde ba'i phyag rgyar snang / /gang de de yes rgyas btab pas/ /
313a3 de nyid bde chen thig ler smin/ /rnam pa phyi nang snyigs mar bcas/ /bde chen thig le'i ngo bor smin/ /snyigs ma 'byung ba'i lus las 'das/ /snying po
313a4 bar chad med pa'i lus/ /thig les tha mal snod gang bas/ /ma lus bde ba chen por smin/ /de nas thabs dang ting 'dzin dang / /rlung gi 'dres pa'i stobs
313a5 ldan pa| |rin chen lung gi thig ler zhugs/ /skad cig mngon shes gsum smin cing / /'gro ba ris dang thar par 'gyur/ /mi shig a la thig la thim/ /'byung
313a6 'jug med pa'i rlung 'thob cing / /'gyur 'jig med pa'i lus la gnas/ /'phel 'grib med pa'i bde ba nyid/ /snang ba thig le nyid du ste/ /thig le thung du a
313a7 ru thim| |gnyis med bde ba cha shas bral/ /'di ni zag med rang byung ba/ /rkyen dang bral ba'i bde chen nyid/ /dper na me dang tsha ba 'am/ /rgya mtsho dang ni rlan
313b1 bzhin no/ /rlung dang thig le rig pa dang / /tshe dang longs spyod 'byung ba dang / /'dod lnga kun la dbang sgyur thob/ /bde ba'i phyag rgya chen po ni/ /ma lus zag
313b2 med thig le ste/ /rgya bral rig pa'i thig le nyid/ /snyigs ma'i zag pa rlung zad pas/ /ting 'dzin bde chen thig ler gsal/ /rig pa bde chen por gsal
313b3 bas| |ci mthong bde chen phyag rgya nyid/ /'du bas sgyur ba'i spyod yul lam/ /mun gyur dug rtsi ji bzhin du/ /rgya dang bral ba'i zhing khams dag /bde chen phyag
313b4 rgya chen por 'gyur/ /gang dag sgom pa'i skyes bu ni/ /tha mal pa dang brkam chags pa/ /rnam pa'i spros pa ma lus pa/ /bsgoms dang tshad du ma byas par/ /bde
313b5 chen thig ler lhun gyi grub/ /dper na chu dang rlabs bzhin nam/ /rgya mtshor phyin pa'i 'du shes ltar/ /goms pas bde chen gsal mthar phyin/ /rkyen dang
313b6 gnod pa ma lus pa/ /reg dang mthong thos dran pas kyang / /bde chen thig le nyams su 'bar/ /bskal pa du mar gnas gyur cing / /'byung ba lnga dang spyod yul
313b7 kun| |rang lus bde bar bsre ba 'grub/ /gsang ba'i lam la goms byed na/ /mtshon byed rig pa'i bde ba yis/ /lhan cig skyes pa'i dga' ba rtogs/ /mthar
314a1 phyin lam gyi rim pa 'grub/ /dbang po dar zhing chags pa dang / /bde chen mos pa'i rnal 'byor pas/ /e dang bam la gnas pa
314a2 yi| |byang chub rdo rje dril las 'byung / /dngos po lhan cig skyes pa yis/ /ma lus bde bar rtogs byas la/ /phyi nang sbyor ba'i cho ga yis/ /gang zhig rtags
314a3 dang ldan pa'i tshe/ /gsang ba'i phyag rgya bzhi ldan pas/ /bde chen mchog la rol par bya/ /ye shes nyi zla mnyam ldan pas/ /re dogs chad pa'i thig le 'byung / /
314a4 lhung med gnas dang thim pa dang / /bdag po gdung can phrad pa las/ /nyin mtshan bral ba'i snang ba ltar/ /dus gcig nyi zla shar ba'i tshe/ /ma lus bde
314a5 bas khyab gyur na/ /g.yo ba med pa'i thig le 'char/ /gal te nyams pa'i ltas byung na/ /thabs dang nyams dang rol pa yis/ /rim pa bzhin du bslab par bya//
314a6 thabs dang shes rab gnyis med pa'i/ /nyi zla 'dres pa'i thig le nyid/ /dngos bral lhan cig skyes pa nyid/ /rgyal ba kun gyi phyag rgya yin/ /lhan cig skyes
314a7 la gnas pa'i tshe/ /ma lus bde chen ro gcig pas/ /bde chen phyag rgya gcig tu gnas/ /rdo rje pad+ma'i thig le nyid/ /sa ya bcu gsum phrag gnyis rtsa//
314b1 nyi zla 'dres pa'i gar thabs kyis/ /so so bde ba'i pho brang du/ /thig les gang bar spros pa'i tshe/ /sku gsung thugs dang ye shes lnga/ /nyams myong ro yis rgyas
314b2 btab bo/ /lus kyi bde ba mthar phyin nas/ /rgyu rkyen rten 'brel las 'das pa'i/ /rig pa'i bde ba la gnas bya/ /gal te nyams na bsam pa 'am/ /blta dang
314b3 mnyan pa la sogs pas/ /bar chad med par bsgom par bya/ /rig pa bde bar gang smin pas/ /sgo gsum bde ba chen por smin/ /spyod yul rlung dang thig ler
314b4 bcas| |goms pa'i thabs la dbang bsgyur bas/ /rten dang brten par bcas pa yi/ /thig le rlung la dbang bsgyur zhing / /lha mo mi mo gnod sbyin mo/ /mkha'
314b5 'gro rnams la dbang byed nus/ /thig le dbab dang 'jig pa dang / /zlog dang sbyor la dbang bsgyur te/ /gal te mkha' la 'phros pa'i tshe/ /dngos grub lam dang
314b6 bral ba yin/ /phyin chad mchod dang nus pa sbyin/ /rang gi skabs ni ma gtogs pa/ /gzhan du thig le mi ltung zhing / /dbang sgyur lam la goms par bya/ /nyi zla
314b7 'dres pa'i bde ba nyid/ /zag med snying por thim pa'i tshe/ /sems kyi bde bar rang snang zhing / /sems kyi bde ba bar chad med/ /gsal byed stobs dang bral ba'i
315a1 tshe/ /ma lus bde chen phyag rgya ste/ /lus sems mnyam du gnas pa nyid/ /tshad dang rgya dbyings ro las 'das/ /dpag med bde ba'i
315a2 rol mo ni/ /sangs rgyas kun gyi dgyes chen te/ /thig le sa bon zag pa bral/ /bde chen nyams myong rgyun mi chad/ /rang nyid thig ler nyams myong bas/ /
315a3 snying po'i thig le bral ba med/ /phra zhing rdul bral dri ma med/ /rdo rje thig le dril bu nyid/ /'bad rtsol med par rang snang ba/ /bral thob med pa'i ngo bor gnas/ /
315a4 gang du yon tan tshogs kyis rab rgyas pa/ /bde chen chu rgyun lta bu'i rgyan las byung / /tshogs gnyis yongs rdzogs bdag gzhan lhun gyis grub/ /gzhan
315a5 na med de rang nyid snang bar zad/ /rang bzhin gnas phyir gzhan nas 'ong ba med/ /zhen pa bzlog pas bdag zhal bdag gis mthong / /rdo rje sems dpa'
315a6 sgyu 'phrul dra ba gsang ba me long gi rgyud chen po las/ lam gyi khyad par ma lus pa bshad pa'i le'u ste bcu gcig pa'o// //de nas gzhan
315a7 yang bshad bya ba/ /ma lus kun gyi bsgrub bya nyid/ /phyogs bcu ma lus rdul snyed kyi/ /che ba'i yon tan bshad par bya/ /mthar phyin lnga yi rang bzhin no/ /
315b1 rtogs dang 'bras bur gnas mod kyi/ /mthong dang goms dang grub pa nyid/ /thun mong 'bras bur yang dag bshad/ /yang dag mthar phyin 'bras bur ni/ /thabs chen
315b2 thabs las byung ba yi/ /yid bzhin nor bu rin po che/ /dpag med yon tan lhun rdzogs pa/ /tshad dang dmigs pa las 'das pa/ /bsam yas lhun gyis grub pa
315b3 ste| |nam mkha'i mtha' ltar dpag med pa/ /thams cad mkhyen pa'i ye shes ni/ /ma lus mchog gi gter gyur pa/ /zad 'phel med pa'i nor bu ste/ /ma lus
315b4 kun la mnyam du gnas/ /sangs rgyas kun gyi rang bzhin ni/ /rgya dbyings tshod las 'das pa yi/ /dag dang ma dag ci snang yang / /blang dor phyogs ri sa yongs
315b5 kyis med/ /rang byung 'od gsal maN+Dal la/ /ma lus gcig gi rang bzhin te/ /thugs rje'i byin brlabs tshad med pas/ /ma lus bsam pa skong bar mdzad/ /
315b6 rang byung ye shes lhun grub ni/ /chos rnams kun gyi ngo bo bas/ /ma lus phyogs med rang snang yang / /zhen dang ched du byas pa med/ /sa dang lam la sogs pa
315b7 yi| |theg pa kun gyi 'bras bu ni/ /rang rang ltos pa'i mthar thug kyang / /che mchog lhun grub mnyam dang bral/ /skad cig nyid la lhun rdzogs pa'i/ /sangs rgyas
316a1 dpag med yon tan rnams/ /rigs bdag rdo rje 'chang chen gyis/ /ye shes lha mo rol dbang gis/ /nyi zla'i bde ba sngon thob ste/ /rdo rje
316a2 'chang gis la bkod/ /dpag med rgyal ba thams cad kyi/ /'gro ba'i gdul bya mtha' yas pas/ /sku gsung thugs kyang de bzhin te/ /bzhugs tshul dpag
316a3 med rnam par snang / /che ba'i yon tan lhun rdzogs pa'i/ /sangs rgyas drug pa'i rang bzhin te/ /nam mkha'i mthas gtugs mtshan pa yi/ /bde chen yi shes
316a4 rgyas par gnas/ /bcu drug zhag gis rdzogs pa ltar/ /ma lus rdzogs pa'i ye shes nyid/ /sa mtha'i nyes pa kun bral ba/ /kun gyi yon tan bdag nyid gnas//
316a5 sangs rgyas zhing khams mtha' yas pa'i/ /nam mkha'i mtha' thug bar du ni/ /gdul bya'i rdul snyed gnas kyi bar/ /skad cig 'du 'bral med par gnas/ /bcud
316a6 'dus thig le chen po ni/ /bde ba'i zag med thig le ste/ /a dang bde bar 'brel pa yis/ /ma lus khyab pa'i tshul du bzhugs/ /thig le'i bye brag brgyad cu'i
316a7 rtsa| |bcud 'dus gsang ba'i thig le'i ro/ /ma skyes mnyam la gnas 'gyur zhing / /ma lus gang ba'i tshul gyis ni/ /zhing khams phyogs bcu mtha' yas
316b1 pa| |zag med thig ler ro gcig pas/ /nam mkha'i gzugs can de bzhin nyid/ /sku bzhi 'dus pa'i khams thig le/ /dwangs ma lnga 'dus snying po can/ /gsum
316b2 'dus mi 'gyur snying po ste/ /bdes gang bzhi bcu rtsa gnyis po/ /thig le ro yis gang phye ba/ /dpag med sku gsung yon tan thugs/ /bsam gyis mi khyab
316b3 yang snang ba/ /thig le phyag rgya bsam mi khyab/ /phyi nang dwangs snyigs ma lus pa/ /rang byung dwangs ma'i thig le nyid/ /gzhan med phyogs med rang snang ba/ /phyogs
316b4 med bde ba chen po nyid/ /gsang ba'i thig le chen po ni/ /yon tan rdzogs pa'i ngo bo ste/ /bde ba chen po'i snying po las/ /dpag med yon tan rnam par 'phrul//
316b5 bde ba chen po'i thig le ni/ /'du 'phro brel bas zag pa med/ /phyogs ris 'das pas ma khyab med/ /thog mtha' med par mnyam pa yin/ /rgyal ba kun gyi rang
316b6 bzhin te/ /thig le ro la mnyam bzhugs pas/ /nam mkha'i mthas gtugs chos thams cad/ /bde ba chen por gsal bar myong / /mtshan dang dpe byad
316b7 tshad 'das pa/ /rang la rdzogs pa'i thig le nyid/ /ji snyed bde ba'i rol ba kun/ /rang la rdzogs pa nyid du gnas/ /sangs rgyas kun gyi bde ba ni/ /rang byung
317a1 thig le chen po ste/ /A li kA li zhu ba las/ /rnam mkha' khyab pa'i bde ba 'byung / /gsang ba'i thig le kun gyi rgyu/ /nam mkha'i
317a2 thig le gsang ba'i ngang / /khyab pa chen po phyogs cha med/ /lus gnas rang bzhin ma skyes pa/ /bde ba'i dbang phyug sku gsung thugs/ /nam mkha'
317a3 lta bur dpag tu med/ /thabs dang shes rab dbyer med pa'i/ /gsang ba'i thig le bzhugs pa'i gnas/ /dpag med til 'bru rdul snyed kyi/ /rgyal ba
317a4 kun dang ldan cig tu/ /ma lus bde ba chen po'i ro/ /lhan cig skyes pa'i rang bzhin gyis/ /ma gsungs rig pas nyams btang bas/ /mi 'dzin longs
317a5 spyod chen po'i gnas/ /rang byung nyi zla rten gyi ro/ /ma spangs 'dus pas 'du 'bral med/ /gsang ba'i thig le bcud 'dus pa/ /nam mkha' gang ba bde ba'i
317a6 ro| |gnyis med 'khril pa'i stobs las byung / /mkha' dbyings byang chub 'byor pa'i sems/ /ma btang ma spros thig le che/ /nam mkha' rgyas pa'i mtha'
317a7 bzhin du/ /bde ba'i tshad kyang dpag tu med/ /yab yum gnas pa'i grangs chad kyang / /nam mkha'i khams kyi rdul snyed de/ /re re'ang bde ba'i dkyil 'khor ni/ /
317b1 rdul snyed nam mkha'i mtha' dang mnyam/ /yab yum gnyis med 'brel ba yi/ /thabs dang shes rab bcud 'dus pa/ /gang yang mi sgrib thig le'i ro/ /snang
317b2 gsum mtshan ma las 'das pa/ /sangs rgyas rin chen kun gyi bcud/ /bye ba rdul snyed grangs 'das pa'i/ /ma lus kun dang lhan cig tu/ /mos dang chags pa'i
317b3 khyad par gyis/ /cha lugs mtha' yas snang ba ni/ /la lar chags par lta ba'i tshul/ /de bzhin 'jam par smra ba dang / /la lar 'khyud cing lta ba ste/ /la
317b4 lar sen thabs zhal sbyor zhing / /la lar mnye dang rdeb dang 'dung / /'gyed dang 'dung dang 'gyed pa yi/ /dkar 'dzin ston dang lte ba ston/ /'o dang 'tshir dang
317b5 rgod pa dag /sna tshogs rol pa 'di dag gis/ /ma chags pa dag chags byed cing / /chags pa myur du nyams par byed/ /tha skam myur du bengs byed cing / /bde
317b6 chen lo thog skyed par byed/ /bye ba rdul snyed bcas pa yi/ /lha dang lha mo 'khor bcas pas/ /steg cing 'dzum pas lhan cig tu/ /rol cing glu ni len par
317b7 byed| |e ma ho sangs rgyas kun gyi rang bzhin bde ba che/ /lhan cig skyes pa mkha' ltar rdul dang bral ba ste/ /rdo rje pad+mar bcug bskyod pas ni brtags pa'i
318a1 snang ba nub/ /ma lus khyab pas mkha' ltar dga' bar byas kyang dbang po rlung gi rlabs/ /bde ba'i sa bon zag pa rnams ni slar yang ldang
318a2 bar byed/ /rgyu ba rnam par chad pa'i kha sbyor bde chen ni/ /nam mkha'i rgya mnyam yun yang de srid bar du gnas pa ste/ /'dod pa'i yon tan lnga ni lha mo khyod la tshang ba
318a3 ste| |bdag ni khyod la bsten cing dga' bas mig bteg ma lus rgyal ba'i zhing du blta/ /gang tshe 'gro ba'i tha mal bder spyod yul la chags par zhugs pa na//
318a4 dga' dang bde dang rtse gcig yid 'ong 'dod par rab zhugs pas/ /dbang po gnyis rol nyi zla phrad cing bde chen mchog skyes che/ /skye rga na 'chi'i re dogs ngo tsha mi
318a5 tsha grags pa'i chos brgyad tshod kyang byis pas mi shes so/ /gang zhig thabs dang shes rab bral bas gsang ba'i don 'jug pa/ /rgya mtsho la ni sa bon btab bzhin
318a6 'dod pa'i 'bras bu mi 'byung ste/ /nyan thos rang rgyal byang chub sems dpa' tha skabs te/ /rgyal ba nyid kyang thabs dang shes rab bral bas byang chub myu gu gtan
318a7 nas bskams ho/ /'di ni glu ru blangs pa yis/ /rdul snyed bcas pa'i 'khor tshogs rnams/ /rang rang rgyan dang gos dor te/ /dpa' bo sgeg mo'i tshul 'dzin cing / /
318b1 dkyil 'khor phyogs bcu'i rdul snyed du/ /glu dang gar ni sna tshogs kyis/ /tha mal yid rtog bcad nas ni/ /bde chen yid ni 'phrog par mdzad/ /de bzhin dkyil 'khor
318b2 bsam yas dang / /zhing thabs bde ba rmad byung ba/ /'dul ba'i thabs ni sna tshogs pa/ /dpag med mtha' yas cir snang yang / /rang byung ye shes byang chub sems/ /
318b3 thig le gcig gi ngo bo las/ /mdzad pa'i gar thabs sna tshogs kyis/ /'dul ba'i dbang du ci yang spro/ /thabs la thabs kyis dbang bsgyur bas/ /thabs chen thabs
318b4 las byung ba yi/ /ngo mtshar ya mtshan rmad po che/ /sangs rgyas kun gyi rang bzhin te/ /thabs chen sgyu ma rmad du byung / /sgyu ma skya 'gag med pa'i dbyings/ /sku gsung yon
318b5 tan 'phrin las thugs/ /ma lus kun 'dus rnam par dag /thams cad rang rig byang chub sems/ /kun nas 'khyil ba'i dkyil 'khor ste/ /kun gyi rang bzhin 'byung
318b6 gnas nyid/ /bya ba byed la byas pa med/ /zad dang 'phel ba med pa yi/ /dngos grub gter chen bsam mi khyab/ /ye shes thig le rang snang ba/ /bsam gyis mi khyab
318b7 mtha' yas mchog /mtha' dbus med pa'i ye shes ni/ /gcig ces 'di zhes brjod du med/ /nam mkha' rang byung rtag pa ltar/ /'pho 'gyur med pas de bzhin
319a1 no| |nam mkha' mtha' dbus med pa bzhin/ /rang byung ye shes thog mtha' med/ /ma byung ma skyes byang chub sems/ /ye shes nyi ma'i
319a2 'od ltar gsal/ /sangs rgyas sems can grol thar kun/ /ma lus rang rig 'od gsal bas/ /rang byung ye shes rang snang phyir/ /mkhyen dang sgrib pa cung
319a3 zad med/ /mkhyen pa'i ye shes nyag gcig la/ /rang gi cha shas chos bral bas/ /nam mkha'i mtha' thug chos rnams kun/ /skad cig ma 'dres tshul du
319a4 mkhyen| |rang rig byang chub sems nyid las/ /mthon dman blang dor ma dmigs pas/ /'khor ba'i ngo bor rang snang yang / /ma chags skyon med pad+ma 'dra/ /
319a5 dpag med yon tan ngo bo rnams/ /rang byung rig pa rang snang bas/ /ma lus ngo mtshar rgya mtsho rnams/ /rang snang gzhan las thob bya med/ /byin rlabs cho
319a6 'phrul rmad kyi chos/ /rang byung nyid las rnam par spro/ /tshul ni rnam pa sna tshogs te/ /dag dang ma dag khyad par gyis/ /ngo bo gcig las ma g.yos kyang / /
319a7 mos pas mthong tshul de bzhin no/ /gsung ni nam mkhas khyab par ni/ /phyogs bcu khyab par sgra sgrog pa/ /mos pa bzhin du sna tshogs pa'i/ /bsam yas/ /
319b1 'dul thabs sna tshogs snang / /thugs ni ma lus mkhyen pa'i thugs/ /phan pa dang bcas brtser ldan pa'i/ /mngon shes mkhyen pa'i ye shes spro/ /ye shes thugs
319b2 la khyad par med/ /yon tan tshad khyad bral ba ste/ /nam mkha'i nor bu gter 'chang ba/ /dpag med bsam pa bskang ba'i phyir/ /byin rlabs yid bzhin nor bu'i tshul//
319b3 'phrin las byin rlabs rang snang ba/ /'gro 'ong med pa'i don tshul gyis/ /dpag bsam bum dang rin chen gyi/ /bya byed med par don rnams rdzogs/ /ma lus spros pa
319b4 rnam dag cing / /rang byung rig pa mtha' dbus med/ /ma lus kun gyi 'byung gnas te/ /bde ba chen po chos kyi sku/ /'dod pa'i longs spyod thams cad ni/ /gnyis
319b5 med dang la kun rdzogs pas/ /de nyid tshad bral mnga' brnyes pas/ /longs spyod yongs su rdzogs pa'i sku/ /sku gcig thig le'i ngo bo las/ /'jig rten khams
319b6 ni thams cad du/ /ji ltar 'dul ba'i tshul bzhin du/ /rnam par 'phrul pa sprul pa'i sku/ /ma byung ma skyes don rtogs pas/ /ma lus dbyer med rdo rje nyid/ /mi 'jigs
319b7 gnyis po kun bral ba/ /rdo rje sku zhes rnam par bstan/ /gang du mngon par byang chub pa'i/ /'od gsal nam mkha' mtha' dbus med/ /sku bzhi mtha' yis ma reg pa/ /
320a1 dang po mngon par byang chub pa'o/ /ma lus dbye ba mtha' spangs shing / /de ltar kun dang mnyam par gnas/ /don gyis ma lus khyab 'gyur
320a2 ba| |brjod med don gyi gsung nyid do/ /sku dang phyag rgya gzigs tshul gyis/ /ting 'dzin dgongs pas 'dul ba la/ /brjod med tshul gyis gang ston pa/ /brda yi gsung
320a3 du rnam par bstan/ /gang yang rung ba mthong thos tshe/ /dpa' bos bltas pas g.yul sel ltar/ /dngos pos byang chub nam mkhar rtogs/ /byin rlabs rtogs
320a4 pa'i gsung zhes bya/ /gang gi don du gang snang ba/ /gnyen po bar chad mi gnas shing / /gzhan dag pham byed mi thub pa/ /zil gyis gnon pa'i gsung du
320a5 brjod| |tshig gcig brjod pas tshig mtha' yas/ /mos pa de snyed rnam grol cing / /yon tan rgya mtsho phun sum tshogs/ /'di ni brjod pa tshig gi gsung / /
320a6 ji snyed mang por rnam spros kyang / /chos kyi dbyings la khyad par med/ /rtog la rnam rtog mtshan ma yang / /mi rtog ye shes grol ba'i thugs/ /gnyis med bde
320a7 ba chen po yis/ /'dod pa'i longs spyod lnga la rol/ /ma lus bde bar snang ba'i tshe/ /'di ni bde ba chen po'i thugs/ /bdag gzhan phyi nang mi mnga' yang //
320b1 rang byung gnyis kyi phyogs bral bas/ /gdul bya'i bsam pa kun mkhyen pas/ /'gro ba ma lus bsgral ba'i thugs/ /ji snyed rig pa'i don snang zhing / /ma lus
320b2 kun gyi ngo bo la/ /skye 'jig gnyen po gdod nas stong / /mi 'gyur rdo rje thugs rjes bya/ /dpag med nam mkha' zhing khams dang / /che ba'i khyad par bstan pa'i
320b3 gdan| |zag pa med pa'i rgyan rnams dang / /ye shes 'bar ba'i gzhal yas khang / /mtha' dbus med par khyab pa yi/ /'od zer tshogs ni rnam par snang / /gzhan
320b4 yang yon tan chen po ni/ /mtha' dbus med pa'i nam mkha' ltar/ /dpag cing gzhal bar mi nus te/ /zag med che ba'i yon tan snang / /gzhan yang mdzad pa'i
320b5 'phrin las ni/ /gdul bya'i yul ni ji snyed pa/ /mdzad pa'i sgo ni bsam yas te/ /mtha' thug med par rnam par snang / /'di dag bsdus pas bshad bya na/ /zhi rgyas
320b6 dbang drag la sogs pas/ /mtha' yas bzhis ni rnam par bsdus/ /lhun gyis grub par kun kyang 'grub/ /mdor na 'bras bu'i rnam grangs ni/ /bsdus las nyi shu rtsa
320b7 lngar gnas/ /rdo rje sems dpa' sgyu 'phrul dra ba gsang ba me long gi rgyud chen po las/ /lhun gyis grub pa ma lus pa'i bshad pa'i le'u ste bcu gnyis pa'o// //
321a1 de nas gsang bdag rdo rje 'dzin/ /dpag med rgyal bas dbang bskur ba/ /gsang ba'i bdag po sngags kyi mdzod/ /gter 'dzin
321a2 rgyal po stobs po che/ /rang gi lag gi rdo rje nyid/ /dga' zhing mgu bas gsor byas te/ /bye ba rdul snyed bcas pa yis/ /rab tu bskor ba byas pa yis//
321a3 'jig rten drug tu bcas pa dag /'khrugs shing rnam par g.yo mdzad de/ /kun tu rab g.yo rnam par g.yo/ /stong gsum 'jig rten 'khor yug
321a4 bcas| |'od dang sgra yis gang mdzad de/ /rmad byung sku gsung thugs rnams kyi/ /ngo mtshar cho 'phrul rnam par snang / /ngo mtshar cho 'phrul rmad byung gi /phyi nang
321a5 gsang ba'i mchod pa dang / /'dod yon lnga yis khyab mdzad de/ /rgyal ba'i tshogs kun mnyes par byas/ /kun kyang dga' zhing mos pa yis/ /zhing
321a6 khams rdul dang mnyam pa yi/ /'khor tshogs rnams ni bstod pa 'di/ /sna tshogs sgras ni glu ru blangs/ /oM AHhUM a la la ho/ /sgyu 'phrul dra ba'i
321a7 thugs ni mi skye ye shes bde ba'i thugs/ /mi rtog gsal ba'i thugs ni kun la khyab par gnas/ /gang yang dbyer med 'dus byas ma yin 'dus ma
321b1 byas min skye 'jig med/ /dam pa'i thugs la byung tshor g.yo 'gog ci yang med pas bde ho/ /sgyu 'phrul dra ba'i sku ni sna tshogs 'od 'bar bde ba'i sku/ /sna
321b2 tshogs mtha' yas ji ltar snang ba ngo bos dben/ /de nyid 'du ba'i thabs kyis de ltar yid 'phrog tshim pa'i sku/ /mtha' yas sna tshogs bye ba ji ltar gsal
321b3 yang nam mkha'i ngang du bye brag med ho/ /sgyu 'phrul dra ba'i yon tan yid bzhin nor bu rin po che/ /mi zad par ldan rgyan gyi 'khor lo dpag med rgyas par snang / /'gro
321b4 ba rnams kyi yid 'phrog bltas pas chog shes med par mdzes/ /rgyal ba ma lus yon tan rdzogs par snang la de dag mtha' thug med ho/ /sgyu 'phrul dra ba'i
321b5 gsung ni zab cing rgya cher nam mkha' 'dra/ /ma lus go zhing tshim mdzad rdo rje'i sgra 'byin snyan sgrog pa/ /rdo rje sgra chen mtha' yas mes dang 'thad pa de bzhin rnam par
321b6 snang ho/ /sgyu 'phrul dra ba'i 'phrin las sna tshogs bya ba lhun gyis grub/ /bskal pa zhing gi rdul snyed 'gro ba ma lus kun 'dul ba/ /thabs dang shes rab 'du
321b7 'bral med pa'i rdzu 'phrul sna tshogs 'di ni rnam par rol ho/ /de nas rgyal mchog skyes bu yis/ /rdo rje 'dzin pa la sogs pa/ /bye ba rdul snyed bcas pa la/ /
322a1 gsang ba 'di ni gtad par mdzad/ /nga yi gsang ba'i snying po 'di/ /dus gsum sangs rgyas thams cad kyi/ /bstan pa kun gyi rang bzhin
322a2 te| |ma lus kun gyi thabs su snang / /gsang sngags rdo rje theg pa ste/ /dpal ldan sgyu 'phrul thugs kyi rgyud/ /chos rnams ma lus kun snang ba/ /gsang ba'i me
322a3 long thabs kyi rgyud/ /rgyal ba rdul snyed kun 'dus nas/ /dam pa 'di la bsngags par mdzad/ /sgyu 'phrul dra ba'i rgyud chen po/ /zab mo'i lung gi nges don 'di//
322a4 rigs chad dman pa'i gang zag gis/ /thams cad la ni me long ltar/ /bltas kyang gzugs brnyan mi snang bas/ /ston pa gnyis la rgyab phyogs shing //
322a5 brtags pas phyi rol chos la zhen/ /slob dpon la ni brnyas byed dang / /rdo rje spun la sdang sems che/ /zab mo'i don la skur byed cing / /gsang rgyud don la
322a6 'phya ba dang / /ser sna rang phyogs chags pa che/ /dad dang dam tshig mi ldan zhing / /rgyal srid rin chen mi gtong ba'i/ /phyi nang gnyis lta'i gang zag la/ /bskal pa zhing gi rdul snyed du/ /
322a7 lus sems bral bar byed gyur kyang / /gsang ba'i glegs bam mi bstan na/ /dbang dang dngos grub nam yang min/ /rmongs pas gal te byin na ni/ /de nyid
322b1 mnar med dmyal bar ltung / /dad dang dam tshig ldan pa yis/ /phun sum tshogs pa kun gtong zhing / /dam pa'i yo byad ldan gyur pas/ /lus dang srog la'ang
322b2 mi lta na/ /dman pa'i longs spyod nam yang min/ /theg pa che la mos pa dang / /brtul zhugs snying brtser gus par ldan/ /rdo rje slob dpon bsnyen bskur zhing / /skyon
322b3 dang spyo ba yongs su bzod/ /bskal par 'grogs kyang yid mi 'khrug /nyes dang legs pa ci la yang / /ngo mtshar skyo ba'i 'du shes med/ /rang bzhin bzang
322b4 dang tshul shis dang / /'grogs pas dug nang mi sdang ba'i/ /dam pa 'di la gsang ba gtad/ /slob dpon man ngag mi ldan cing / /gsang ba'i don la ma
322b5 goms pas/ /rang rtags log pa'i tshad ma yis/ /gsang ba'i sbas don gtan la 'bebs/ /blun po mun pas chod pa rnams/ /log par zhen pa'i rjes 'brangs
322b6 nas| |mthong ba'i chos la dmyal bar smin/ /de bzhin gshegs pa thams cad kyi/ /phyag rgya gsang chen snying po 'di/ /ma lus kun gyi gsang yin pas/ /
322b7 rtogs nas gsal bar gang byed pa/ /dbang dang dkyil 'khor rdzogs pa ste/ /bdag dang gzhan don lhun gyis grub/ /rdul snyed zhing la bsnyen bkur zhing / /
323a1 tshogs kyi bla ma bsten byas pa'i/ /'bras bu gsang chen 'di yin te/ /de bas rgyal sras gcig gi yul/ /rnyed dang bkur stis 'tsho
323a2 ba yis/ grags pa'i stobs ldan rnam par spangs/ /a ho rdo rje gsang ba'i tshig tu'o/ /rdo rje sems dpa'i sgyu 'phrul dra ba gsang ba me long gi rgyud las/ mthar
323a3 phyin pa'i le'u ste bcu gsum pa'o// //rdo rje sems dpa'i sgyu 'phrul dra ba rdo rje sems dpa' gsang ba me long gi rgyud chen po rdzogs
323a4 so|| ||rgya gar gyi mkhan po bi ma la mi tra dang / /ban+d+he dz+nyA na ku mA ras bsgyur cing zhus te gtan la phab pa'o/ /slad nas ba mi la mi tra nyid la
ze mo dge slong mas yang dang yang du nan du zhus pa 'di gzhan la spel na dam tshig nyams so/
CLOSE WINDOW