བོད་ཡིག |
176a7 / //rgyud kyi rgyal po chen po rdo rje bkod pa kun 'dus rig pa'i mdo rdzogs so// //rgya gar skad du/
176b1 shrI gu h+ya gar+b+ha ta twa bi ni sh+tsa ya/ bod skad du/ dpal gsang ba'i snying po de kho na nyid rnam par nges pa/ bcom ldan 'das dpal kun tu bzang po la phyag
176b2 'tshal lo/ /'di skad bshad pa'i dus na/ de bzhin gshegs pa yang dag par rdzogs pa'i sangs rgyas bcom ldan 'das longs spyod chen po phyogs bcu dus
176b3 bzhi'i de bzhin gshegs pa thams cad kyi sku dang / gsung dang / thugs rdo rje'i bdag nyid/ ma lus mi lus lus pa med pa thams cad dang so so ma yin tha
176b4 mi dad dbyer med pa'i rang bzhin te/ 'og min gyi gnas mtha' dang dbus med pa na gzhi tshad med pa'i ye shes kyi 'khor lo gsal ba la ye shes rin po che
176b5 'bar ba'i gzhal yas khang / rgya phyogs bcur yongs su ma chad pa/ yon tan dpag tu med par rgyas pa'i phyir gru bzhir gyur pa/ lhag pa'i ye shes
176b6 rin po che'i glo 'bur gyis mdzes pa/ rtse mo phyogs bcu dus bzhi'i sangs rgyas kyi dkyil 'khor ma lus pa thams cad dang so so ma yin ngo bo nyid gcig
176b7 pa'i ye shes kun tu 'khyil ba/ ye shes bsam gyis mi khyab pa'i ye shes rin po che'i dbyibs dang kha dog la sogs pa rnam pa tha dad pa'i bye brag dang khyad
177a1 par du gyur pa/ spags pa/ tshad dpag tu med pa/ ye shes rin po che sna tshogs pa'i phreng ba dang / chun 'phyang dang / shar bu'i
177a2 rgyan dang / gzugs sna tshogs dang / sgra sna tshogs dang / dri sna tshogs dang / ro sna tshogs dang / reg bya sna tshogs kyi phyogs bcur 'khrigs par rang byung
177a3 la mi sgrib par gsal ba'i rgyan bsam gyis mi khyab par klubs pa/ rnam par thar pa bzhi'i sgo nas 'jug pa'i sgo khyud can/ rnam par thar pa brgyad kyi
177a4 rta babs dang ldan pa/ phyi dang nang med pa/ kun tu yang nang du gyur pa na mi 'jigs pa seng+ge'i khri dang / stobs glang po che'i khri dang / rdzu 'phrul rta'i khri
177a5 dang / dbang rma bya'i khri dang / thogs pa med pa'i nam mkha' lding gi khri dang / rang bzhin gyis 'od gsal ba nyi zla'i dkyil 'khor dang / gos pa
177a6 med pa pad+ma rin po che'i gdan la sku mdun dang rgyab med pa thams cad du zhal thal le bar gsal zhing mtshan dang dpe byad du ldan pa/ bsam
177a7 gyis mi khyab pa/ thams cad du sku gsung thugs sna tshogs par kun tu snang ba/ thabs dang shes rab kyi zhabs gnyis mnyam pa'i brtul zhugs
177b1 kyis skyil mo krung du bzhugs pa/ ye shes drug gi phyag ye shes rin po che'i phyag rgya 'bar ba can/ sku gsung thugs bsam gyis mi khyab pa'i dbu gsum
177b2 dang ldan pa/ bcom ldan 'das de bzhin gshegs pa rnam par shes pa'i rgyal po dang / de bzhin gshegs pa gzugs kyi rgyal po dang / de bzhin
177b3 gshegs pa tshor ba'i rgyal po dang / de bzhin gshegs pa 'du shes kyi rgyal po dang / de bzhin gshegs pa 'du byed kyi rgyal po dang / de dag kun
177b4 kyang mthing ga dang / dkar po dang / ser po dang / le brgan dang / ljang khu'i mdog tu 'tsher ba/ btsun mo dam pa snang ba'i dbyings dang / sra ba'i dbyings
177b5 dang / mnyen pa'i dbyings dang / dro ba'i dbyings dang / bskyod pa'i dbyings la sogs pa btsun mo'i tshogs dang gnyis su med par chos kyi dbyings kun tu
177b6 mtha' yas par khyab pa ni/ 'di lta ste/ dper na/ til gyi gang bu bzhin du gang nas khyab par bzhugs so/ /de nas byang chub chen po rdo rje mthong dang /
177b7 byang chub chen po'i rdo rje thos pa dang / byang chub chen po rdo rje snom pa dang / byang chub chen po rdo rje myong ba dang / btsun mo mthong bar bya ba dang / mnyan par
178a1 bya ba dang / bsnam par bya ba dang / myong bar bya ba'i tshogs dang / byang chub chen po rdo rje mthong byed dang / byang chub chen po rdo rje
178a2 thos byed dang / byang chub chen po rdo rje snom byed dang / byang chub chen po rdo rje myong byed dang / btsun mo 'das pa dang / da ltar dang / 'byung ba dang / ma byon
178a3 pa'i tshogs dang / 'joms pa chen po reg pa dang / 'joms pa chen po reg byed dang / 'joms pa chen po reg bya dang / 'joms pa chen po reg shes
178a4 dang / btsun mo rtag par ma yin pa dang / chad par ma yin pa dang / bdag tu ma yin pa dang / mtshan mar ma yin pa la sogs pa de lta bu'i tshogs
178a5 brjod kyis mi lang ba dang gnyis su med par bzhugs so/ /de nas de bzhin gshegs pa btsun mo'i tshogs dang gnyis su med pa'i gsang ba'i dkyil
178a6 'khor de dag nyid kyis gsang ba 'di nyid sku dang / gsung dang / thugs dang / yon tan dang / 'phrin las rdo rje las phyung ngo / /e e e ma'o/ /de
178a7 bzhin nyid dbyings nyid dbang sgyur/ /ye shes dkyil 'khor thugs rje'i ngang / /rang snang ba nyid ting nge 'dzin/ /gzugs brnyan sgyu ma rnam par dag /gsal ba ni
178b1 sku gsung thugs yon tan 'phrin las sel med pa'i yon tan yid bzhin rin po che mi zad par ldan pa rgyan gyi 'khor lo rdo rje mchog gi gnas nyid do/ /zhes
178b2 gsang ba'i tshig tu'o/ /gsang ba'i snying po de kho na nyid nges pa las/ gleng gzhi'i le'u ste dang po'o// //de nas bcom ldan 'das byed pa
178b3 po rdo rje yid kun tu bzang po thams cad ma lus pa'i rang bzhin gyi tshul rdo rje btsun mo bya ba mo chos kun tu bzang mo la 'jug par gyur to/ /zhugs pas
178b4 phyogs bcu dus bzhi'i de bzhin gshegs pa ma lus pa thams cad gcig gi rang bzhin dbyer med pas de bzhin gshegs pa nyid de bzhin gshegs
178b5 pa nyid la ched du brjod pa 'di brjod do/ /e ma'o rdo rje phung po yan lag ni/ /rdzogs pa'i sangs rgyas lnga ru grags/ /skye mched khams rnams mang po
178b6 kun| |byang chub sems dpa'i dkyil 'khor nyid/ /sa chu spyan dang mA ma kI/ /me rlung gos dkar sgrol ma ste/ /nam mkha' dbyings kyi dbang phyug ma/ /
178b7 srid gsum ye nas sangs rgyas zhing / /thams cad ma lus chos so cog /sangs rgyas nyid las gzhan ma yin/ /sangs rgyas nyid las gzhan pa'i
179a1 chos| |sangs rgyas nyid kyis mi mnyes so/ /zhes brjod pas/ de bzhin gshegs pa thams cad mnyes par gyur to/ /de nas
179a2 btsun mo bya ba mo chos kun tu bzang mos/ bcom ldan 'das yid kun tu bzang po dang gnyis su med par gyur nas ched du brjod pa 'di brjod do/ /kye ma phyogs bcu'i stong khams
179a3 ye nas dben/ /srid pa gsum nyid dag pa'i zhing / /snyigs ma lnga yid bde ldan gnas/ /phung po lnga nyid rdzogs sangs rgyas/ /thams cad mchog gi snying po
179a4 bas| |gzhan du rgyal ba'i chos mi btsal/ /nyid las gzhan zhes bya ba'i chos/ /btsal kyang rgyal bas mi rnyed do/ /zhes brjod pas/ thams cad ye nas
179a5 sangs rgyas par de bzhin gshegs pa nyid kyis mkhyen to/ /de nas gnyis su med pa'i bdag nyid chen pos ye nas sangs rgyas pa'i sems ye shes su
179a6 bskyed pa 'di gsungs so/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /skye ba med las thams cad skye/ /skyes pa nyid na skye
179a7 ba med| |e ma ngo mtshar rmad kyi chos/ /rdzogs pa'i sangs rgyas kun gyi gsang / /'gag pa med las thams cad 'gag /'gag pa nyid na 'gag pa med//
179b1 e ma ngo mtshar rmad kyi chos/ /rdzogs pa'i sangs rgyas kun gyi gsang / /gnas pa med las thams cad gnas/ /gnas pa nyid la gnas pa med/ /e ma ngo
179b2 mtshar rmad kyi chos/ /rdzogs pa'i sangs rgyas kun gyi gsang / /dmigs pa med las thams cad dmigs/ /dmigs pa nyid na dmigs pa med/ /e ma
179b3 ngo mtshar rmad kyi chos/ /rdzogs pa'i sangs rgyas kun gyi gsang / /'gro 'ong med las 'gro dang 'ong / /'gro 'ong nyid na 'gro 'ong med/ /ces brjod pas/
179b4 de bzhin gshegs pa thams cad dang / /btsun mo'i tshogs thams cad kyang mnyes pas khyab par gyur to/ /de nas de bzhin gshegs pa thams cad btsun
179b5 mo'i tshogs dang bcas pas ched du brjod pa 'di brjod do/ /e ma'o ye nas gsang ba'i chos/ /sna tshogs snang la rang bzhin gsang / /ngo bo nyid kyis rab tu
179b6 gsang / /gzhan du min la shin tu gsang / /zhes brjod pas/ de bzhin gshegs pa thams cad dang / chos thams cad ye nas sangs rgyas pa'i ngo bo
179b7 nyid du gcig pa'i mtshan nyid yin pas dbyer med na/ 'gro ba'i rnam par rtog pa ma rig pa las 'gro ba lnga'i ris bsam gyis mi khyab par smin pa la
180a1 thugs rje chen po sangs rgyas kyi ye shes chen po skyes nas ched du brjod pa 'di brjod do/ /e ma bder gshegs snying po las/ /
180a2 rang gi rnam rtog las kyis sprul/ /sna tshogs lus dang longs spyod dang / /gnas dang sdug bsngal la sogs pa/ /bdag dang bdag gir so sor 'dzin/ /sus
180a3 kyang ma bcings bcings med de/ /bcing bar bya ba yod ma yin/ /rnam rtog bdag tu 'dzin pa yis/ /nan gyis mkha' la mdud pa dor/ /bcings med rnam
180a4 par grol med pa'i/ /ye nas lhun rdzogs sangs rgyas chos/ /bstan phyir spro ba sna tshogs mdzad/ /ces de bzhin gshegs pa nyid de bzhin gshegs pa
180a5 nyid la ched du gleng ngo / /gsang ba'i snying po de kho na nyid nges pa las/ don dam pa dang / kun rdzob kyi byang chub kyi sems ye shes su bskyed pa'i le'u
180a6 ste gnyis pa'o// //de nas de bzhin gshegs pa thams cad las thugs rje chen po'i byin rlabs zhes bya ba'i rig pa'i skyes bu thub
180a7 pa drug de bzhin gshegs pa'i sku dang / gsung dang / thugs rdo rje las thon to/ /thon nas kyang las kyi dbang gis snrel zhi dang / yan man gyi 'jig rten
180b1 drug gi phyogs bcu mtha' yas mu med pa'i stong gsum gyi stong chen po re re thub pa bcom ldan 'das re res 'dul ba rnam bzhis 'gro ba lnga'i don mdzad de/ /
180b2 bltams pa dang / rab tu byung ba dang / dka' thub mdzad pa dang / bltams pa dang / rab tu byung ba dang / dka' ba byung ba dang / bskor ba dang / cho 'phrul
180b3 chen po ston pa dang / mya ngan las 'das pa la sogs par ston pa'i thub pa dus bzhi kun tu mkhyen pa dang / thams cad kyi sems kyi rgyud kun tu mkhyen pa
180b4 dang / rdzu 'phrul gyi spyan gyis thams cad du gzigs pa dang / rdzu 'phrul gyi snyan gyis kun tu gsan pa dang / rdzu 'phrul gyi cho gas kun tu don spyod pa dang /
180b5 zag pa med pas kun tu bzang po'i spyod pa rdzogs pa'i mngon par shes pa chen po drug dang / kun tu sku bsam gyis mi khyab pa dang / kun tu thugs bsam
180b6 gyis mi khyab pa dang / kun tu zhal bsam gyis mi khyab pa dang / kun tu gsung bsam gyis mi khyab pa dang ldan pa/ bsam gyis mi khyab pa'i grangs med
180b7 pa phyogs bcur snang bar gyur to/ /thams cad kyang 'di lta ste/ 'dul ba'i dbang gis lha dang mi'i theg pa dang / nyan thos kyi theg pa dang / rang sangs rgyas
181a1 kyi theg pa dang / byang chub sems dpa'i theg pa dang / bla na med pa'i theg pas ma rig pa'i rnam par rtog pa nyon mongs pa stong phrag
181a2 brgyad cu rtsa bzhi'i gnyen por chos stong phrag brgyad cu rtsa bzhi gsungs so/ /gsung ngo / /gsung bar 'gyur ro/ /de dag thams cad kyang gzung ba dang / 'dzin
181a3 pa'i phyi nang gi rten cing 'brel bar 'byung ba dang / 'dzin pa 'khrul pa las 'dogs pa dang / las dang las kyi 'bras bu chud mi za ba dang / las dang las
181a4 kyi 'bras bus mi gos/ gos par mi 'gyur/ gos su med par ston pa'i mthar thug go /de nas de bzhin gshegs pa thams cad kyis ched du brjod pa
181a5 'di brjod do/ /ji snyed 'jig rten 'khrul pa'i chos/ /ma rig rtog pa'i gzung 'dzin gyis/ /phyi nang rten 'brel gnyis su 'khor/ /mi mthun bde sdug
181a6 myong bar 'gyur/ /rang bzhin nyid las nyams pa med/ /yang dag sgyu ma'i tshul gnyis su/ /bdag dang bdag gi gzhan med de/ /rnam dag dbyings nyid
181a7 tshul gcig go /bdag dang bdag gi gzhan rnams ni/ /log par rtog pa tsam nyid las/ /phra zhing zab pa'ang yod ma yin/ /log rtog nyid la nyid spyod de//
181b1 gzhan du g.yo ba ci yang med/ /log rtog rgyu 'bras rgyu nyid kyang / /gzhi rtsa med dbyings skad cig ma/ /rnam par dag pa'i dbyings nyid tshul/ /nyid la dbang sgyur/
181b2 nyid spyod phyir/ /bdag dang gzhan dang rtog pa'i rgyun/ /rnam dag bla med theg pa'i mchog /theg pa bzhi yis nges 'byung la/ /theg pa gcig gi 'bras bur gnas//
181b3 yang dag rtogs pas rab brtags na/ /rang bzhin med las cir yang 'grub/ /sangs rgyas mya ngan yongs mi 'da'/ /chos kyang nub par mi 'gyur te/ /ma rig
181b4 smin mdzad 'dul ba'i phyir/ /byung nas mya ngan 'da' bar ston/ /'dul ba mdo sde chos mngon dang / /dam tshig sgrub dang grub pa dang / /sku dang gsung dang
181b5 thugs kyi rgyud/ /phyogs bcu rnams su rab grags pa/ /gsang ba'i snying po las 'phros te/ /rang bzhin gsang ba'i snying po 'di/ /sde snod kun dang rgyud kun gyi//
181b6 'byung gnas gtan la nges par 'bebs/ /chos rnams ming du btags pa tsam/ /ston pas don dang mthun phyogs su/ /ming dang tshig tu btags nas bstan//
181b7 ston min tshig la dngos po med/ /ces ched du brjod do/ /de nas de bzhin gshegs pa gnyis su med pa'i dkyil 'khor de dag nyid kyi gsang ba 'di nyid sku
182a1 dang / gsung dang / thugs dang / yon tan dang / 'phrin las rdo rje las phyung ngo / /a ho/ /srid rtsa nyes dmigs bdag tu rtog
182a2 las 'phros/ /rgyud drug skye 'gag lus dang longs spyod dang / /gnas dang sdug bsngal 'khrul 'khor la sogs pa/ /log rtog nyid las gzhan du g.yo
182a3 ba ci yang med/ /stong nyid bdag med ye mkhyen rang rig thugs/ /dmigs bya dmigs byed med par dran dbang sgyur/ /ngo mtshar sku gsung thugs dang
182a4 yon tan 'phrin las zhing khams las/ /gzhan na med de de nyid de ltar yin/ /zhes rdo rje gsang ba'i tshig tu'o zhes brjod pas/ thub pa drug gi sprul
182a5 pa grangs med pa dang / de bzhin gshegs pa thams cad kyis gsungs pa yang de dag tu 'dus par de bzhin gshegs pa nyid kyis mkhyen to/
182a6 gsang ba'i snying po de kho na nyid nges pa las/ chos thams cad gtan la phab pa'i le'u ste gsum pa'o// //de nas de bzhin gshegs
182a7 pa thams cad dgongs pa gcig tu gyur nas mnyam pa chen po'i tshul rdo rje'i dbyings su chos thams cad ye nas sangs rgyas pa'i ting nge 'dzin las mi
182b1 g.yo bar chos thams cad ming tsam du gnas pa'i yi ge phreng ba'i 'khor lo zhes bya ba 'di sku dang / gsung dang / thugs rdo rje las phyung ngo / /a/ rab tu
182b2 brtan gyur a dkar las/ /shin tu phra ba'i a rnams spro/ /phyogs bcu gang bar gsal gyur nas/ /bsdus kyang 'phel 'grib med par bstan/ /de las
182b3 ming tshogs gsal 'bar kun/ /spro zhing bsdu ba'ang de bzhin no/ /'di ni rdo rje dngos grub kyi/ /brtan byung ye shes rgyu yin no/ /a A/ ka kha ga g+ha nga / tsa tsha
182b4 dza dz+ha nya| Ta Tha Ta D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ k+ShaH/ i I/ u U/ e A+ai/ o au/ /'di dag phyung bas 'jig rten
182b5 drug gi phyogs bcu mtha' yas pa rnam pa drug tu g.yos/ /rab tu g.yos/ /kun tu rab tu g.yos nas chos thams cad ming gi mtshan nyid tsam du gyur to/ /
182b6 hoH/ de nas de bzhin gshegs pa thams cad kyis ched du brjod pa 'di brjod do/ /a ni stong dang mi stong gi /dbu ma'ang dmigs su yod ma yin/ /thams
182b7 cad ming tsam sangs rgyas kun/ /yi ge phreng ba nyid la gnas/ /a nyid sna tshogs par snang ba'i/ /ka la sogs pa bzhi bcu gnyis/ /sgra yi ming gis thams cad
183a1 bsdus| |mngon rdzogs rgyal por de nyid nges/ /e ma ngo mtshar ya mtshan gyi/ /'phrul chen bzhi bcu rtsa lnga'i ming / /ming rnams
183a2 ma lus 'dzin pa'i gnas/ /sna tshogs don chen smra zhing ston/ /dngos med yi ge'i rang bzhin sems/ /bdag med mtha' bral mi dmigs kyang / /dbyibs
183a3 dang kha dog ming tshogs kyis/ /rol pa cir yang sprul cing ston/ /phyogs bcu dus bzhir gshegs pa yi/ /ye shes sems dpa' sku gsung thugs/ /
183a4 dkyil 'khor bzhi bcu rtsa lnga nyid/ /yi ge mgo nas k+ShaHla rdzogs/ /sems kyi rang bzhin yi ge ste/ /yi ge'i dngos po yod ma yin/ /dmigs med de nyid
183a5 sna tshogs pa'i/ /sku gsung thugs kyi 'khor lo che/ /sku gsung thugs ni ngo mtshar gyi/ /ngo mtshar 'phrul chen rab 'gugs pa/ /dbyings la dbyings kyis
183a6 bris pa ste/ /yi ge zhes ni de phyir brjod/ /mgo ni ma nor lam yin te/ /tsheg ni shes rab ming du smra/ /shad ni thabs chen tshigs su gcod/ /a ni skye
183a7 med de bzhin nyid/ /A ni thog mtha' stong pa nyid/ /Tha ni sgyu 'phrul rdo rje nyid/ /Ta ni snang ba'i sgyu 'phrul nyid/ /Da ni sgyu 'phrul yid bzhin nyid/ /D+ha ni sgyu
183b1 'phrul snang bdag nyid/ /Na ni sgyu 'phrul kun du nyid/ /tha ni dra bas mngon rdzogs nyid/ /ta ni dra bas bstan pa nyid/ /da ni dra bas lhan ni nyid/ /d+ha ni dra bas
183b2 'khril ba nyid/ /na ni dra bas kun tu 'gyur/ /ka ni spyan gyis thugs kyi mchog /kha ni snyan gyi thugs kyi mchog /ga ni shangs kyi thugs kyi mchog /g+ha ni ljags
183b3 kyi thugs kyi mchog /nga ni thugs gyi 'jigs byed pa'o/ /tsa ni spyan gyi sku yi mchog /tsha ni snyan gyi sku yi mchog /dza ni shangs kyi sku yi mchog /dz+ha ni ljags
183b4 kyi sku yi mchog /nya ni sku yang 'jigs byed pa'o/ /pa ni spyan gyi gsung gi mchog /pha ni snyan gyi gsung gi mchog /ba ni shangs kyi gsung gi mchog /b+ha ni
183b5 ljags kyi gsung gyi mchog /ma ni gsung yang 'jig par byed/ /ya ni skye ba rnam par dag /wa ni gnas pa dag pa yin/ /ra ni 'jigs pa dag pa ste/ /la
183b6 ni stong pa dag pa'o/ /sha ni rtag pa med pa ste/ /Sha ni ched pa'ang yod ma yin/ /sa ni mtha' bral bdag med pa/ /ha ni mtshan ma med pa nyid/ /k+Sha ni ye shes thugs
183b7 kyi thugs/ /i ni rdul snyed lha rnams su/ /I ni rdul snyed lha ma yin/ /u ni rdul snyed mi rnams su/ /U ni rdul snyed byol song rnams/ /e ni rdul snyed yi
184a1 dwags su/ /ai ni rdul snyed dmyal ba rnams/ /oM ni thams cad 'jig par byed/ /au ni thams cad zhig pa yin/ /yi ge
184a2 'khor lo tshogs chen 'di/ /sku gsung thugs kyi phreng bas bsdus/ /zhes brjod do/ /a hoHde nas de bzhin gshegs pa btsun mo'i tshogs dang
184a3 gnyis su med pa'i dkyil 'khor de dag nyid kyis gsang ba 'di nyid sku dang / gsung dang / thugs dang / yon tan 'phrin las rdo rje las phyung ngo /
184a4 a hoHthabs dang shes rab dgyes sprin byang chub sems tshogs rgyu 'khor lo/ /'bras bu rgyal ba smin grub ngo mtshar ming tshogs bzhi bcu gnyis//
184a5 'dus ma byas nyid 'dus byas rdo rje dkyil 'khor 'byin pa'i dam/ /'da' bar mi mdzad dbang med rgyu rkyen tshogs pa'i mthu chen yin/ /hoHrdo rje
184a6 gsang ba'i tshig tu'o/ /zhes brjod pas de bzhin gshegs pa thams cad yi ge'i 'khor lor gyur to/ /gsang ba'i snying po de kho na nyid nges pa
184a7 las| yi ge phreng ba'i 'khor lo bskor ba'i le'u ste bzhi pa'o// //de nas yi ge 'khor lo sprin bkod pa las sgyu 'phrul rnam
184b1 par 'phro ba 'di ched du brjod do/ /rtsa ba med pa'i sems nyid ni/ /chos rnams kun gyi rtsa ba yin/ /sems nyid yi ge'i rang bzhin te/ /yi ge yid bzhin rin
184b2 chen sprin/ /sgyu 'phrul dkyil 'khor bzhi bcu gnyis/ /dra ba'i dkyil 'khor mngon rdzogs pas/ /phyogs bcu dus bzhi rdzogs pa yi/ /dkyil 'khor
184b3 thams cad 'grub par 'gyur/ /bdud rtsi 'gyur zhing 'byung ba dang / /bzhi brgya rtsa bzhi'i nad sel cing / /longs spyod 'byung pa ngan song sbyong / /cir yang
184b4 gzhan du 'gyur ba 'grub/ /nam mkha' rdo rje sra 'byung zhing / /'bar nas me yang 'tshig pa dang / /chur 'gyur 'bab pa'ang de bzhin te/ /'jig rten khams
184b5 'di 'dor ba dang / /thams cad stongs shing ltung bar 'gyur/ /dgug dang btang dang bcing dang grol/ /gso dang bsad dang pham ngang rgyal/ /ting 'dzin 'di
184b6 yis byed par 'gyur/ /de nyid ye shes rang snang ba'i/ /ming tshig gzugs sogs yid bzhin gyis/ /mun la snang 'byung ji bzhin du/ /'gyur bas
184b7 gser 'gyur sman gyi tshul/ /ston pa mchod brtson rtogs pa gsal/ /dam tshig sngags dang phyag rgya rnams/ /ma nyams shes shing yo byad ldan/ /'grub
185a1 'gyur mi ldan med cing brlag /dus gsum rgyal bas thugs chud pa'i/ /dngos grub mchog gi snying po ni/ /zad pa'i dus
185a2 med yid bzhin mdzod/ /'phel 'grib med par 'byung ba ste/ /dngos po med las dngos po sprin/ /sna tshogs rnam par 'byung zhing 'gyur/ /dngos
185a3 rnams nyid na dngos med par/ /rtog pa'i dbang sgyu ting 'dzin yin/ /gang gis dmigs med mi shes pa/ /de yis chos kyi dbyings mi shes/ /de phyir dngos
185a4 dang dngos med pa/ /'jigs bas dmigs med shes par gyis/ /gzhi rtsa med pa'i sems nyid ni/ /pho mo ma yin ma ning min/ /mtshan med ma yin rigs rgyud min/ /kha dog ma yin dbyings
185a5 ma yin| |gnas su ma yin gang yang min/ /de bzhin nyid dbyings ye shes te/ /thabs kyi phyag rgya kun gyi rgyu/ /thabs las thabs byung thabs bsam
185a6 yas| |tha dad med la tha dad pa'i/ /nang dang nang gi phyi rol gyi/ /dkyil 'khor bsam yas ye shes rol/ /'jig med kun bzang phyag rgya'i mchog /
185a7 gang gis glang chen myos 'dra'i sems/ /mnyam par bzhag pas gtul nas su/ /sngags dang phyag rgyas rab bstan na/ /dngos grub ya mtshan chen
185b1 por 'gyur/ /zhes brjod pas/ de bzhin gshegs pa nyid gzigs mos mnyes par gyur to/ /gsang ba'i snying po de kho na nyid nges pa las/ sgyu 'phrul sgrub
185b2 pa'i le'u ste lnga pa'o// //de nas de bzhin gshegs pa thams cad kyi rang bzhin gcig dang du ma med pa'i bdag nyid chen po thams
185b3 cad kyis 'jig rten drug gi phyogs bcu thams cad la nyid kyi che ba'i dkyil 'khor 'byung bar bzhed nas ched du brjod pa 'di brjod do/ /ye shes phyogs
185b4 bzhi dbus brtags te/ /dkyil 'khor bsam yas lhun gyis grub/ /rdzogs chen rtogs pa'i rnal 'byor pas/ /kun 'byung dkyil 'khor chen por
185b5 spyod/ /'khor lo rtsibs bzhi myu khyud bcas/ /gru chad bzhis brgyan bar khyams ldan/ /kun du gru bzhi sgo khyud ldan/ /rol mo sna tshogs sprin phung bzhin/ /
185b6 dkyil 'khor bzhi bcu gnyis kyis brgyan/ /seng ge glang chen rta dang khyung / /nam mkha' lding gi khri chen la/ /nyi zla pad+ma rin po che/ /gdan la rdzogs
185b7 dang sems dpa'i tshul/ /'khor lo rgyal po rgyal mo dang / /g.yas na mthong thos snom pa dang / /myong dang btsun mo'i tshogs su bcas/ /gru chad la ni
186a1 mthong byed dang / /thos byed snom byed myong byed rnams/ /btsun mo'i tshogs dang bcas par gnas/ /bar khyams la ni thub
186a2 drug dang / /mdun dang rgyab na byed pa dang / /bya ba dag ni gnas par bstan/ /sgo khyud bzhi la 'joms pa ni/ /btsun mo'i tshogs dang ldan par gnas/ /rdo
186a3 rje 'khor lo rin po che/ /pad+ma ral gri dril bu 'bar/ /ut+pal klu shing la sogs mtshan/ /mdzes tshul mnyes pa'i yo byad 'dzin/ /mthing ga dkar
186a4 po ser le brgan/ /ljang khu la sogs sna tshogs pa'i/ /mnyen lcug 'khril ldem gzhon tshul can/ /gsal 'tsher lhun stug gzi byin 'bar/ /'od
186a5 zer 'phro ba'i tshogs chen po/ /'bar ba'i phreng bas 'khrigs pa ste/ /mtha' dbus med par khyab pa yi/ /dkyil 'khor bsam yas lhun gyis grub//
186a6 sku yi phyag rgya che mchog ni/ /de bzhin dbyings las ma g.yos kyang / /yang dag thar pa'i gzugs sku dang / /'gro ba ma lus 'dul ba'i phyir/ /mthun
186a7 byas sku ni sna tshogs ston/ /stong nyid sgyu ma mig yor tshul/ /tshul nyid dbyings las g.yos pa med/ /ma g.yos bzhin du sna tshogs pa'i/ /de tshe
186b1 ma mthun sna tshogs la/ /so so 'dra bar snang ba ni/ /de bzhin nyid kyis ma bcos kyang / /las 'phro'i dbang gis so sor snang / /dper na me long chu zla bzhin/ /de tshe
186b2 'gro drug thams cad las/ /sdig sbong gzugs su rnam par bstan/ /dge tshul rnams la dgra bcom gzugs/ /rang rgyal rnams la bse ru'i gzugs/ /
186b3 gzhan yang theg mchog rim pa bzhin/ /'og min bla med gnas mchog tu/ /sku ni rnam par snang mdzad tshul/ /byang chub sems dpa'i 'khor rnams la/ /de
186b4 bzhin gsung mchog mi smra ste/ /sku yis chos rnams mjal bar ston/ /me long bstan pa'i tshul bzhin du/ /dngos kyi mdog ngan thams cad sel/ /'khor
186b5 gyis de bzhin sku bltas na/ /byang chub sgrib pa gting dpag med/ /ma long bzhin du sku la snang / /de nas sa bcu rim gyis 'byang / /bla med byang chub yang
186b6 dag 'thob/ /chos sku dpag med brjod du med/ /longs spyod zad med rin chen gter/ /sprul pa bye ba bsam mi khyab/ /mtshan dang dpe byad thams cad
186b7 rdzogs| |spyod yul kun tu maN+Da la/ /tshogs chen gnyis kyang rdzogs par rol/ /thabs dang shes rab sa yi mchog /de la sogs te bsam yas mchog /
187a1 skye shi med pa g.yung drung sku/ /nyon mongs kun gyi zhing du gnas/ /zad mi shes pa'i gter du 'gyur/ /rdo rje 'dzin pa rig pa'i sku//
187a2 thams cad dbyer med mnyam pa'i sku/ /thams cad mkhyen pa'i ye shes sku/ /de tshe sku lnga kun kyang rdzogs/ /zhes brjod pas/ 'jig rten drug gi phyogs
187a3 bcu mtha' yas mu med pa thams cad du dkyil 'khor brjod kyis mi lang ba zhing gi rdul snyed cig gsal bar gyur to/ /de nas de bzhin gshegs pa
187a4 btsun mo'i tshogs dang gnyis su med pa'i dkyil 'khor de dag nyid kyi gsang ba 'di nyid sku dang / gsung dang / thugs yon tan 'phrin las rdo rje
187a5 las phyung ngo / /a ho/ /dmigs bya dmigs byed mi dmigs dpag med bsam mi khyab/ /ye shes rang rig dkyil 'khor sna tshogs brjod mi lang //
187a6 mnyam dang mi mnyam kun khyab khyab med khyab pa'i dbyings/ /ye nas kun gsal dkyil 'khor rnam 'phro spros pa med/ /ho/ /rdo rje gsang ba'i tshig
187a7 tu'o// ||gsang ba'i snying po de kho na nyid nges pa las/ dkyil 'khor sbros pa'i le'u ste drug pa'o// //de nas de bzhin
187b1 gshegs pa btsun mo'i tshogs dang bcas pa thams cad kyi sku dang / gsung dang / thugs rdo rje las 'di phyung ngo / /bruM bi swa bi shud+d+he/ hUM badzra
187b2 d+h+rika /oM dzi na dzika /swAM rat+na d+h+rika /AM A ro lika /haM pradz+nyA d+h+rika /ma d+hA te shwa ri/ lAM de Sha ra ti/ mAM mo ha ra ti/ pAM rA ga ra ti/ tAM badzra ra ti/ k+ShIM hi rA dza ya/
187b3 traM a gar+b+ha ya/ hriM ha hUM pad+ma ba dA ma/ dz+hiM ku ru pa Ni hri/ hUM lA s+ye sa ma ya s+t+waM/ traM ma l+ye sa ma ya hoH/ hrI gI ti rA gau u0f85haM/ aM na rte rA ga yA mye/ mai d+hA ra Ne swA hA/ thi
187b4 li sa raM b+ha ya swA hA/ hUM swa rA dzA ya swA hA/ muM shri aM raM ga ya swA hA/ dzeHd+hu pa pra bi sa/ hUM puSh+pa a bi sa/ baM dI pa su khI ni/ hoHgan+d+ha tsit+taM/ hUM ya mAn+ta krita phaT/
187b5 hUM pad+mAn+ta krita phaT/ hUM pra dz+nyAn+ta krita phaT/ hUM bi g+ha nAn+ta krita/ oM mahA badzra d+ha raM ma hA kro d+he shwa rI dz+wa lA nI hUM phaT/ oM ma hA rat+na d+ha raM ma hA kro d+he shwa rI dz+wa lA nI hUM
187b6 phaT| oM mahA pad+ma d+ha ra mahA kro d+he shwa rI dz+wa la ni hUM phaT/ oM mahA kar+m+ma d+ha ra mahA kro d+he shwa rI dz+wa la ni hUM phaT/ hUM hUM hUM badzra tsit+ta oM a a a badzra b+ha dra sa man+ta
187b7 AHoM mu ne hrIM swA hA/ oM mu ne hUM swAhA/ oM mu ne sruM swAhA/ oM mu ne graM swA hA/ oM mu ne k+ShaM swA hA/ oM mu ne ya swAhA/ oM e h+ye hi b+ha ga wan mahA kA ru Ni ka dri sh+ya hoHsa ma ya s+t+waM/
188a1 dzaHhUM baM hoH/ /oM AMHhUM swAhA/ ba ba ba ba ba/ pa pa pa pa pa/ dza dza dza dza dza/ pa pa pa pa pa/ sa sa sa sa sa/ pa pa pa pa pa/ ma
188a2 ma ma ma ma/ pa pa pa pa pa/ ya ya ya ya ya/ pa pa pa pa pa/ oM AMHhUM swAhA/ ye shes rgyal po sku gsung thugs/ /yon tan 'phrin las rmad po che/ /de nyid
188a3 du ni mnyam sbyor ba'i/ /phyag rgya chen por bdag sbyor cig /oM badzra sa ma ya hUM/ oM badzra sa ma ya s+t+waM/ oM badzra sa ma ya hoH/ /dzaHhUM baM hoH/ /zhes brjod pas
188a4 gsung gi dkyil 'khor 'di dag gis 'jig rten drug gi phyogs bcu thams cad du khyab par grags so/ /rab tu grags so/ /kun tu grags so/ /de nas
188a5 bcom ldan 'das byed pa po rdo rje dang / bya ba mo rdo rje gnyis su med pa'i dkyil 'khor la thim par mdzad do/ /de nas phyogs bcu dus bzhi'i de bzhin
188a6 gshegs pa thams cad kyi bdag nyid chen pos bdag nyid chen po'i ye shes dang / byin bsdu ba zhes bya ba 'di sku dang / gsung dang / thugs rdo rje sgyu
188a7 'phrul dra ba las phyung ngo / /oM ma hA shU n+ya tA dz+nyA na badzra swa b+hA ba At+ma ko u0f85haM/ oM mahA A daR+sha dz+nyA na badzra swa b+hA ba At+ma ko u0f85haM/ oM mahA pra t+yA bek+Sha NA dz+nyA na badzra s
188b1 wa b+hA ba at+ma ko u0f85haM/ oM mahA sa ma tA dz+nyA na badzra swa b+hA ba At+ma ko u0f85haM/ oM mahA kri t+ya a nuSh+ThA na badz+nyA na badzra swa b+hA ba At+ma ko u0f85haM/ oM sarba ta thA ga ta mahA kA ya badzra swa b+hA p
188b2 a at+ma ko u0f85haM/ oM sarba ta thA ga ta ma hA wA ka badzra swa b+hA ba At+ma ko u0f85haM/ oM sarba ta thA ga ta ma hA tsit+ta badzra swa b+hA ba At+ma ko u0f85haM/ oM sarba ta thA ga ta ma hA a nu rA g
188b3 a Na badzra swa b+hA ga at+ma ko u0f85haM/ oM sarba ta thA ga ta ma hA pU dza badzra swa b+hA ba at+ma ko u0f85haM/ zhes brjod pas tham par 'gyur/ /gsal bar 'gyur/ 'bar bar gyur
188b4 to| |e ma ngo mtshar rmad kyi chos/ /rdzogs pa'i sangs rgyas kun gyi gsung / /sgra dang ming tshig kun las 'das/ /sna tshogs sgra rnams gsal bar 'byung / /
188b5 gsung gcig dkyil 'khor yan lag ni/ /bsam gyis mi khyab kun tu khyab/ /sgra dang ming tshig so sor grags/ /thams cad gsung gi phyag rgya'i mchog /
188b6 rgyud mchog sgyu 'phrul dra ba las/ /bde ldan gsung gi don 'byung ba/ /thams cad pad+ma'i ngang gyur na/ /grol thar lam dang 'khor ba'i sgra/ /ji skad brjod kyang
188b7 gsung mchog yin/ /theg pa mtho dman thams cad dang / /log 'gro ma lus thams cad skad/ /byang chub rdo rje'i gsung du bsdus/ /bsdus nyid phyogs bcur
189a1 rnam par grags/ /grags nyid ma chags ngang du gsungs/ /gsung ba nyid na brjod du med/ /brjod med de nyid sna tshogs sgra/ /
189a2 kun la grags shing so sor 'jal/ /dper na de bzhin sbrid sangs bzhin/ /gsung gcig sgra yis thams cad go /'di ni gsung mchog rgyal po
189a3 yin| |theg pa mthon man thams cad kyang / /de bzhin nyid las ma gsungs te/ /gdul bya'i thabs su so sor thos/ /ji ltar gsung rab kun brjod
189a4 kyang / /de bzhin nyid las gsung ba med/ /yi ge med dang rig ba'i gsung / /ljags kyi rtse mor ma phyung yang / /thugs rje gsung gi byin rlabs kyis//
189a5 'gro kun sna tshogs so sor gsal/ /gsal nyid gsung gi rdo rje mchog /de bzhin gsung gis 'gro don rnams/ /de bzhin ngang las ma g.yos kyang / /
189a6 dper na brag ca'i sgra bzhin no/ /gsang ba'i snying po de kho na nyid nges pa las/ /dkyil 'khor bsdus pa dang / gsang sngags kyi le'u ste bdun
189a7 pa'o|| //de nas de bzhin gshegs pa thams cad kyis yan lag thams cad kyi dkyil 'khor du lhun gyis grub par byin gyis
189b1 rlob pa zhes bya ba 'di ched du brjod do/ /sgyu 'phrul dra bas mngon rdzogs pa'i/ /thams cad byang chub mchog gi rgyu/ /gsang ba de nyid nges pa yi/ /snying po phyag
189b2 rgya 'da' dka'o/ /mi bskyod nyi ma'i dkyil yi ge /rin chen zla ba'i dkyil yi ge /lnga gnyis zung du sbrad pa las/ /sbyar pas phyag rgya 'byung ba'i rgyu/ /oM
189b3 dang muM gnyis rtse sbyar te/ /'bru brgyad bsnol nas rtse sprad pa/ /rgyal ba kun dang mnyam sbyor ba'i/ /bde ba chen po sbyin pa'i rgya/ /'bru bzhi sbas nas thugs kar
189b4 bkan| |hUM bsgreng rtse mor rdo rje 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas thugs kar bkan/
189b5 muM bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /'bru bzhi spas nas thugs kar dkan/ /oM
189b6 bsgreng rtse mor 'khor lo 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas thugs kar bkan/ /lam
189b7 bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /'bru bzhi sbas nas thugs kar bkan/ /swa bsgreng
190a1 rtse mor rin chen 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas
190a2 thugs kar bkan/ /maM bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /'bru bzhi sbas nas
190a3 thugs kar bkan/ /aM bsgreng rtse mor pad+ma 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas
190a4 thugs kar bkan/ /phyAM bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /'bru bzhi sbas nas
190a5 thugs kar bkan/ /hA bsgreng rtse mor ra la gri 'bar/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru bzhi sbas nas
190a6 thugs kar bkan/ /taM bsgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /ut+pal klu shing la
190a7 sogs mtshan/ /rin chen myu gu ral gri 'bar/ /pad+ma dkar po rdo rje 'bar/ /chos kyi 'khor lo rin chen snye/ /gzugs mdzes rin chen phreng ba dang / /pi wang
190b1 gar mkhan mchog nyid de/ /me tog phreng dang spos mchog dang / /mar me byug pa la sogs pa'i/ /las la 'khril zhing chos la brtan/ /dbu rnams 'byor zhing
190b2 'dud pa'i tshul/ /gong gi phyag rgya chen po bzhin/ /gnyis med dbyings kyi ngang du 'khril/ /sgo bzhi khro bo'i phyag rgya ni/ /nre mgo gdengs dang rdo rje gnon/ /thod
190b3 sprul chen pos gnod pa dang / /rdo rje rgya gram las kyis gnon/ /lcags kyu zhags pa spo Ta ho/ /sgo bzhir gnas pa de dag kyang / /'dud tshul 'khril ba gong
190b4 ma bzhin/ /thub drug phyag rgya sna tshogs te/ /mdor bsdus phyag rgya drug yin no/ /sreg par dang ni pi wang dang / /go cha po ti rin chen sgrom/ /me dang chu ni rab tu
190b5 bstan| |yum ni gnyis med chos kyi dbyings/ /kun bzang mnyam gzhag ye shes 'phro/ /yum 'gyur mnyam rdzogs pad+mo'i dkyil/ /gzhan yang phyag rgya sna
190b6 tshogs te/ /yang na de bzhin gshegs nyid dam/ /yang na rdo rje thal mo nyid/ /phyag rgya chen po'i tshogs mchog ni/ /thabs dang shes rab ldan 'byor na/ /ma
190b7 bskyod ma bsgul thams cad kun/ /phyag rgya chen po'i ngang du gnas/ /yan lag bzhi bcu rtsa gnyis ldan/ /de nyid yan lag spros bdag ste/ /bzhi bcu rtsa gnyis
191a1 gsum 'phror 'gyur/ /de ltar ldan pa'i gtso mchog gi /rgyal ba rgyal mchog de bzhin du/ /bcu gnyis drug gi 'od 'phro 'bar//
191a2 de la sogs te bsam mi khyab/ /phyogs bcu dus bzhi bsam yas su/ /'dul ba'i don rnams so sor ston/ /theg pa mtho dman thams cad dang / /phyin
191a3 ci log rnams thams cad dang / /zhi khro tshogs chen thams cad la/ /so sor mthun par kun tu ston/ /dper na gar mkhan nyid dra ba/ /lus las ma
191a4 bkod sna tshogs ston/ /mdor na phyag rgya thams cad ni/ /'di zhes gcig ces brjod du med/ /gnyis dang gsum du rnam par 'phro/ /bskyed dang spro
191a5 ba'ang de bzhin nyid/ /mdor na bsgul bskyod thams cad kun/ /phyag rgya chen po'i ngang du gnas/ /gnas gnyis mi gnas gnas ma yin/ /de skad dag
191a6 mchog nyid kyis bshad/ /gsang ba'i snying po de kho na nyid nges pa las/ yan lag dkyil 'khor du byin gyis brlabs nas phyag rgya spros pa'i le'u ste brgyad pa'o// //de
191a7 nas de bzhin gshegs pa dgyes pa chen po rdo rje gsang ba'i dam tshig bkod pa la snyoms par zhugs nas ched du brjod pa 'di brjod do/ /shin tu phra ba'i
191b1 dam tshig mchog /phyag rgya chen po'i phyag mthil du/ /thugs kyi dkyil 'khor dam pa ste/ /sor ni bzhi yi tshad du bya/ /'bru lnga spos lnga rin chen lnga/ /snying po
191b2 lnga dang sman lnga dang / /bdud rtsi lnga ni rab bsnyams la/ /rig pas thig ni gdab par bya/ /lte ba rtsibs dang ldan pa yi/ /rtsibs bzhi 'khor lo mu khyud bcas//
191b3 gru chad bzhi dang gru bzhi yi/ /bar khyams sgo khyud ldan par bya/ /sen zlum tsam gyi nyi zla la/ /tsa na'i 'bru tsam pad+ma'i gdan/ /yungs 'bru tsam gyi yi ge la//
191b4 phyag rgya til 'bru tsam du bri/ /bcos bu ras ni sna tshogs dang / /rgyan phreng bro ba'i btung bas bskor/ /glu tshig bro gar rol mo yi/ /sprin dpung tshogs kyis
191b5 rab tu mchod/ /yum dang 'jom sems ma yis/ /ji ltar 'dod pa'i las bzhin mchod/ /dbyibs dang kha dog mtshan ldan par/ /zhal du gyur pa'i ma
191b6 bos la| |bza' btung bro ba'i tshogs rnams kyis/ /las bzhi'i mchod pa rab tu sbyin/ /khro bo'i dkyil 'khor de bzhin te/ /shin tu phra ba sbyangs pa yis/ /
191b7 bsam yas dag la'ang de bzhin bya/ /rig pas dpag pa tsam du'o/ /mchod pa'i phyag rgya chen po ni/ /sems kyi yid bzhin sprin tshogs kyis/ /phyogs
192a1 bcu thams cad sangs rgyas zhing / /mnyen 'jam reg na bde ba yi/ /sna tshogs rin po che yi gzhi/ /mdzes pas bris shing spras
192a2 pa dang / kun 'byung rin chen phung por 'bar/ /dbyibs legs rdzing bu bro mchog bsil/ /rin chen khang pa sna tshogs dang / /rgyan dang dpag bsam ljon
192a3 pa'i tshal/ /glu dbyangs tshigs su bcad pa'i sgra/ /bla re rgyal mtshan na bza' gdugs/ /do shal dpung rgyan se mo do/ /bza' dang btung ba'i mchog
192a4 rnams dang / /rang la mdzes par brgyan pa yi/ /lha dang lha mo rdul snyed kyis/ /bro gar la sogs bsam yas kyis/ /phyogs bcu nam mkha'i khams
192a5 bkang nas/ /dkyil 'khor kun la rgyas par dbul/ /skal ldan gsal ba'i khyad par gyis/ /rim gyis yang na gcig car du/ /chos kyi dbyings
192a6 dang mnyam sbyor ba'i/ /mchod pa'i phyag rgya chen por bsgom/ /gsal ldan ma'am byin brlabs la/ /stong gsum yungs 'brur 'jug tshul du/ /
192a7 dbyings nas dkyil 'khor spyan drang mchod/ /mnyes nas grub pa'i dam tshig mchog /bdag nyid chen po mchod pa yis/ /sangs rgyas dkyil 'khor
192b1 ma lus mnyes/ /srid gsum 'gro ba thams cad la/ /dga' ba chen pos khyab par 'gyur/ /sgyu 'phrul dra ba brtan pa yis/ /phyogs bcu dus bzhir gshegs
192b2 pa yi| |sangs rgyas dkyil 'khor ma lus dang / /khams gsum 'gro rnams mngon du 'gyur/ /lus ngag sems dang chos thams cad/ /gang na'ang mi
192b3 gnas mi dmigs pa/ /mig yor tshul du sbyor ba yis/ /nam mkha' la ni nam mkha' bsgom/ /kun byas dbang phyug rig pas 'jug /de nas slob ma
192b4 gzhug par bya/ /de nas rigs kyi bu mchog des/ /rgyal srid dang ni rang gi lus/ /bu dang chung ma nor gyi dbyig /rab tu gces dang yid 'thad dbul/ /
192b5 dbang phyug longs spyod lngas mchod na/ /dkyil 'khor thams cad mchod pa yin/ /nye ba'i dkyil 'khor smos ci dgos/ /nyes pa thams cad dag par
192b6 'gyur| |dad brtson brtul zhugs rab rtogs nas/ /phan pa'i dbang sbyin nus pa'i dbang / /rim pa bzhin du sbyin par bya/ /snying rjes chud ma zos par gzung //
192b7 yang na thal mor rab bsnol nas/ /phyag rgya chen po'i 'phang du ni/ /dkyil 'khor mdzub gang tshad du bya/ /mkhas pas cho ga bzhin du bya/ /yang na sa gzhi
193a1 rab bsnyams la/ /dkyil 'khor khru gang tshad du bya/ /yang na lus gang tshad du ste/ /yang na lus ni gsum gyi tshad/ /phur bu
193a2 srad bu tshon phye dang / /gos rgyan mdzes pa'i yid 'ong grogs/ /thig gdab cho ga phun sum tshogs/ /mkhas ldan chen pos bsgrims te bya/ /yang na khru ni
193a3 bcu drug dang / /nyi shu'am nyi shu rtsa lnga bya/ /rigs kyi dkyil 'khor lnga rnams bsgom/ /sku gsung thugs ldan gzugs kyang dgod/ /yang na rgyang grags
193a4 dpag tshad tsam/ /nam mkha'i dbyings ni bsam yas par/ /sangs rgyas dkyil 'khor sna tshogs bsgom/ /ma mthong rmongs pa brtan phyir tshon/ /kha
193a5 dog nyi shu rtsa lnga yang / /lnga yi tshon gyis bri bar bya/ /'dul ba'i cho ga bzhin du dgye/ /ting 'dzin rol mo mtha' yas mchog /yi ge'am brda 'am
193a6 snying po'am/ /phyag rgya'am sku gsung thugs ldan par/ /byin brlabs ya mtshan rmad po che/ /'grub 'gyur sangs rgyas kun gyi dam/ /sa la sogs
193a7 la phyag rgya byas/ /rnam grol rim pa thob par 'gyur/ /dag pa'i ye shes kyis sbyangs nas/ /smos ci dgos te de nyid yin/ /phyogs dus dkyil
193b1 'khor bdag nyid che/ /mi dmigs thugs kyi dkyil 'khor nas/ /dkyil 'khor thams cad spyan drangs nas/ /rang snang dbyer med dkyil 'khor la/ /'jug
193b2 pa'i mtshan nyid mnyam sbyor bas/ /phyogs dus kun nas gshegs pa yi/ /bsnyen pa'i dkyil 'khor rab tu rdzogs/ /nye bar gyur ba'i dam tshig mchog /
193b3 dpag bsam shing dang yid bzhin gyi/ /rin po che dang 'byung ba kun/ /de dag rdzas yod ma yin te/ /rang sems bsod nams brtan pa yin/ /ngo mtshar cho
193b4 'phrul rmad po che/ /gzhan nas yod 'ongs ma yin te/ /thabs la brtan pa'i shes rab nyid/ /de lta bu yi ngag du byung / /shes rab dbyings kyi de bzhin nyid//
193b5 thabs kyi phyag rgyar gyur pa'i phyir/ /ye shes la ni ye shes rol/ /ye shes rol pa nyid kyang gsog /rgyal ba mngon byung skyob pa dang / /byin rlabs ston
193b6 pa'ang de bzhin te/ /bya byed nus pa'i gzi byin gyis/ /sgyu ma rdo rje btsan po mchog /cho ga lnga ni rdzogs byas shing / /yo byad lnga ni rdzogs par ldan/ /sngags kyi
193b7 yan lag lnga rdzogs pas/ /ma nyams 'dug la rab brtson pas/ /zhag ni sum cu phrag drug gam/ /bcu gnyis bcu bzhi bcu drug gis/ /dbang bsgyur rigs
194a1 kyi dam pa 'grub/ /de tshe bcu drug tshun chad kyis/ /sku lnga lhun gyis rdzogs pa ni/ /ye shes thig le nyid snang ba/ /bsam gyis
194a2 mi khyab mtha' yas mchog /phyogs bcu dus bzhi mngon rdzogs pa'i/ /zhing khams rnam dag bsam yas pa'i/ /rgya dang bral ba'i gzhal yas khang //
194a3 'khor lo'i rgyan dang rol mo'i tshogs/ /dkyil 'khor ma lus bsam yas kun/ /mthong nas nye bar mnyes pa dang / /rgya chen gsung las don
194a4 'byung ba/ /mthun pa'i shes rab snang ba 'o/ /gcig dang du mar bral ba yi/ /mtha' dang dbus med de bzhin nyid/ /sangs rgyas kyis kyang mi gzigs te//
194a5 rang byung ye shes gnas med snang / /log par rtog brtags rnam dag cing / /ye shes dbyings las mi gzhan phyir/ /thugs rje chen pos 'brel bas
194a6 na| |'gro drug dus gnas ma lus snang / /bde ba chen po'i dkyil 'khor na/ /stangs dbyal gnyis sam yang na lnga/ /byas te dad ldan rab bzhugs na/ /'dod
194a7 pa'i yid 'ong mnyam par 'gyur/ /skal ba mnyam pa'i ye shes de/ /gnyer na nye bar 'byung ba yin/ /ya mtshan chen po 'byung bar nges/ /dad med nyams na
194b1 phung bar 'gyur/ /zhes ched du brjod do/ /gsang ba'i snying po de kho na nyid nges pa las/ /rdo rje bkod pa gsang ba dam tshig gi le'u ste dgu pa'o// //de nas
194b2 bcom ldan 'das dgyes pa chen pos rgyal po sbyin pa zhes bya ba'i ting nge 'dzin la snyoms par zhugs nas ched du brjod pa 'di brjod do/ /shes rab thabs kyi phyag rgya
194b3 las| |bde ba'i 'bru tshogs gsal ba'i rgyun/ /rdo rje'i lam nas pad+mor bsgyil/ /rtsa nas bstim zhing dkyil 'khor bsgyur/ /nyan byed 'khor lo'i gzhal yas
194b4 su| |gsal ba thig le'i ngo bo nyid/ /traM gi phyag rgya'i tshogs mchog las/ /rin chen dkyil 'khor gsal spro thim/ /gsang ba gsang chen gsang mchog las/ /
194b5 gsang ba kun la mnyan par bya/ /gsang ba'i don nyid rtag pa las/ /gzhan du smra bar bya ba yin/ /gsal ba'i 'khor lo gzhal yas su/ /gsal ba'i thig le
194b6 ngo bo nyid/ /yi ge phreng ba'i tshogs mchog las/ /rigs kyi dkyil 'khor gsal spro bstim/ /oM dus gsum rgyal ba'i sras chen po/ /sku gsung thugs kyi rdo rje sku/
194b7 rgyal ba thams cad mnyes mchod la/ /rgyal ba kun dang mnyam par 'gyur/ /lag pa'i 'khor lo gzhal yas su/ /gsal ba'i thig le ngo bo nyid/ /hUM gi phyag
195a1 rgya'i tshogs mchog las/ /las kyi dkyil 'khor gsal spro thim/ /oM khyod ni rdo rje las yin gyi/ /las rnams ma lus
195a2 kun gyis shig /pho nya mang po'i 'du 'phro kun/ /khyod kyi dgos pa byed pa yin/ /smra byed 'khor lo'i gzhal yas su/ /gsal ba'i thig le'i ngo bo nyid/ /
195a3 hrI yi phyag rgya'i tshogs mchog las/ /tshogs kyi dkyil 'khor gsal spro thim/ /oM chos kyi bdud rtsi bla med kyis/ /dad ldan skyes bu ngoms par byas/ /rab
195a4 'bring tha ma'i blo can la/ /mthun pa'i gsang bsgrags gzhan du min/ /bskyod chen 'khor lo'i gzhal yas su/ /gsal ba'i thig le'i ngo bo nyid/ /
195a5 hUM oM swa aM ha rnams las/ /dkyil 'khor lnga dang khro phreng bsgom/ /oM phyogs bcu dus bzhi thams cad kyi/ /sku gsung thugs kyi rdo rje che/ /dkyil
195a6 'khor kun gyi byed pa po/ /dkyil 'khor kun gyi sbyin pa spyod/ /slob dpon mnyes par ma byas shing / /dbang rnams thob par ma byas par/ /nyan pa
195a7 la sogs pa brtson pa rnams/ /'bras bu med cing brlag par 'gyur/ /dbu rgyan cod pan phreng ba dang / go cha rgyal mtshan phyag rgya dang / /gdugs dang bum
195b1 pa bza' btung dang / /snying po lnga yis dbang bskur na/ /dus 'di phyin chad rgyal ba'i sras/ /ngan song thams cad med pa dang / /tshe ring bde skyid phun sum tshogs//
195b2 mtho ris thar pa'i bdag por 'gyur/ /zhes brjod do/ /gsang ba'i snying po de kho na nyid nges pa las/ /dbang sbyin pa'i le'u ste bcu pa'o// //de nas
195b3 de bzhin gshegs pa dgyes pa chen pos sgyu 'phrul dra ba'i rgyal po sgyur ba zhes bya ba'i ting nge 'dzin la snyoms par zhugs nas ched du brjod pa 'di brjod
195b4 do| |rgyu gcig pa dang yig 'bru'i tshul/ /byin gyis brlabs dang mngon sum par/ /rab tu rtogs pa rnam bzhi yis/ /thams cad mngon rdzogs rgyal po che//
195b5 yan lag dbang po rnam shes kun/ /rnam smin oM du shes par bya/ /rdzogs pa'i dkyil 'khor nyid du bsgom/ /yang na khros pa'i dkyil 'khor bsgom/ /
195b6 gzugs sgra dri ro reg la sogs/ /rnam smin muM du shes par bya/ /yum gyi dkyil 'khor nyid du bsgom/ /yang na khro mo'i dkyil 'khor bsgom/ /gos rgyan
195b7 bza' btung glu dang tshig /bro gar tshogs kyi sprin phung gis/ /hUM du shes pas rab spyad na/ /ngo mtshar 'byung ba'i dkyil 'khor mnyes/ /lha mo klu mo rigs
196a1 ngan mo| |dbye 'am yang na mi dbye bar/ /bsnyen pa dang ni nye bsnyen po/ /sgrub pa dang ni sgrub chen po/ /yum gyi pad+ma'i dkyil
196a2 'khor du/ /bde ba thugs kyi dkyil 'khor spro/ /sangs rgyas sprin tshogs ma lus la/ /dgyes mnyam tshogs kyi sbyin pas bstim/ /sgrub pa nyi zla'i dkyil
196a3 'khor de/ /dkyil 'khor rdo rje lce yis blangs/ /mkha' 'gro gsal 'bar tshe la sogs/ /yid bzhin sprin gyi bdag por 'gyur/ /zhing 'gyur mchog
196a4 dang mchog phran rnams/ /nyi zla'i steng du mkhas pas gzhag /rang rgyal lag gi 'du byed bsgom/ /hUM du gyur pas rnam par dag /dbyings su thim nas phyag
196a5 rgyar 'bar/ /skur 'gyur 'od zer 'phros pas brjid/ /gtsug tu rnam par rgyal ba bsgom/ /ngo mtshar ngan 'gro thar pa'i thabs/ /ye shes skye med de bzhin
196a6 nyid| |sgyu mar snang ba mi g.yor tshul/ /sbyor sgrol bya ba kun byas kyang / /rdul cha tsam yang gos pa med/ /snod bcud rgyu rnams dag rtogs shing / /mnyam
196a7 gnyis lhag pa'i mnyam gnyis kyis/ /dkyil 'khor kun tu bzang po'i zhing / /byed spyod tshogs chen gnyis gyur nas/ /yan lag ma nyams yo byad
196b1 ldan| |cho ga rdzogs par shes pa yis/ /rnal 'byor tshogs pa'i dkyil 'khor gyis/ /nges par legs pa'i dgos pa 'grub/ /lnga dang lnga yi sbyor ba yis//
196b2 tshom bu lnga yi lha bkod la/ /khro bo bcu dang khro mo bcu/ /'khor lo'i tshul du rnam par bsgom/ /de bzhin rigs dang rdo rje'i rigs/ /pad+ma'i rigs te sku
196b3 gsung thugs/ /khro bo'i tshogs dang ldan pa yi/ /tshom bu gsum gyi lha rnams bsgom/ /rigs kyi rigs te rigs kyi gtso/ /thugs kyi thugs te thugs kyi
196b4 mchog /khro bo'i tshogs dang ldan pa yi/ /tshom bu gcig dang lha rnams bsgoms/ /khro bo khro mo'i tshogs chen dang / /pho nya phyag nyan bka' nyan tshogs/ /ci bgyi
196b5 la sogs tshogs rnams kyis/ /dngos grub las rnams rdzogs par byed/ /rnal 'byor sngags 'chang dngos grub ni/ /mnyam rdzogs lhun grub dang gnas
196b6 shing / /spyod pa ci la'ang thogs med pa/ /thams cad ye nas dbyer med pa'o/ /rdo rje rigs su thams cad dkyil/ /'od 'phro 'bar bar rab tu bsgom/ /
196b7 chags med tshul du bstim par bya/ /gnyis med gyur nas phyag rgya che/ /yang na sku gsung thugs nyid de/ /thams cad ma lus sku gsung thugs/ /ting
197a1 'dzin gsal bar 'od zer 'phro/ /gnyis med dbyings kyi ngang du thim/ /rig 'dzin dngos grub mchog thob 'gyur/ /dkyil
197a2 'khor ma lus 'bar bar 'grub/ /nyon mongs sdug bsngal sel bar byed/ /rdo rje rigs su skye ba'i gnas/ /sngags 'chang dngos grub yang dag ni/ /
197a3 thabs dang shes rab thams cad kyis/ /dkyil 'khor lnga dang khro phreng bsgom/ /chags pa med pa'i tshul gyis su/ /'od zer rnam pa mang po 'phro/ /gnyis
197a4 su med par bstim par bya/ /dngos grub mchog gi snying po 'grub/ /rnal 'byor thabs dang shes rab kyis/ /de bzhin gshegs dang yum du bsgom/ /
197a5 sems dpa' sems ma nyid du bsgom/ /so so'i sngags dang phyag rgya dang / /ting 'dzin yang dag so sor gsal/ /gnas dang longs spyod ci bde dang / /
197a6 ma nyams blo ni rab ldan pas/ /dang po dam mnos bzhin du bya/ /le lo sgyid snyoms med pa yis/ /the tshom med par bsgrubs byas na/ /dkyil 'khor
197a7 thams cad 'grub par 'gyur/ /rdo rje gsang mchog dam pa thob/ /sgrub pa'i zhag dang chos grangs ni/ /rgyud las smos pa bzhin du bshad/ /rdo rje gsang ba'i
197b1 tshig tu 'o/ /zhes de bzhin gshegs pa nyid de bzhin gshegs pa nyid la ched du gleng ngo / /gsang ba'i snying po de kho na nyid nges pa las/ /tshogs kyi dkyil 'khor
197b2 gyi le'u ste bcu gcig pa'o// //de nas de bzhin gshegs pa dgyes pa chen pos rol mo'i sprin rnam par spros te rgyan bkong pa'i ting nge
197b3 'dzin la snyoms par zhugs nas ched du brjod pa 'di brjod do/ /sgyu 'phrul dra ba mngon rdzogs pa'i/ /dkyil 'khor brtan pa'i ting nge 'dzin/ /bro gar phyag
197b4 rgya'i 'du 'phro yis/ /'dzum lam nam mkhar 'gro bar 'gyur/ /glu tshig sgra yi phyag rgya yis/ /chos kyi dngos grub thob par 'gyur/ /rgyan dang bgo ba'i phyag rgya
197b5 yis| |'bar ba'i rgyal po thub med 'grub/ /bza' dang btung ba'i phyag rgya yis/ /yid bzhin sku dang bdud rtsi 'grub/ /A li kA li'i phyag rgya yis/ /thams
197b6 cad thams cad 'grub par 'gyur/ /shes 'jug mtshan nyid 'byor pa'i gzugs/ /'bras bu smin byed rgyu dang rkyen/ /nus mthu can du gang gyur pa/ /rig 'dzin
197b7 rgyal ba'i zhing du grags/ /mi dang lha dang tshangs pa yi/ /skye ba rnam dag 'dzin mod kyang / /khyad par sa la gnas 'gyur yin/ /pha rol phyin pa kun tu rdzogs/
198a1 thabs dang shes rab thabs kyi mchog /shes rab mchog gi mchog gyur pa/ /sa yi khyad par bcu dang gsum/ /rgyu 'bras khyad par
198a2 lhun gyis rdzogs/ /mkha' dkyil dag pa'i dbyings nyi zla/ /ye shes rgyal po stangs dbyal bsgom/ /rgyal ba'i dkyil 'khor mtha' yas kun/ /ma
198a3 lus par ni sgom par 'gyur/ /dus bzhi'i phyogs bcu gang nas kyang / /rdzogs pa'i sangs rgyas rnyed mi 'gyur/ /sems nyid rdzogs pa'i sangs rgyas te/ /
198a4 sangs rgyas gzhan nas ma tshol cig /dkyil 'khor kun tu rab sbyor bas/ /dkyil 'khor thams cad 'grub bar 'gyur/ /cho ga lhag gam ma tshang yang / /
198a5 skyon nyid dag ste nyes pa med/ /ces ched du brjod pas rol mo'i sprin gyis mnyes par gyur to/ /gsang ba'i snying po de kho na nyid nges pa las/ tshogs
198a6 sgrub pa'i le'u ste bcu gnyis pa'o// //de nas de bzhin gshegs pa phyogs bcu dus bzhi'i de bzhin gshegs pa'i sku gsung
198a7 thugs rdo rje'i dkyil 'khor thams cad gcig tu 'dus nas dgyes pa chen pos chos thams cad ye nas rdzogs pa chen por lhun gyis grub pa'i dam
198b1 tshig shin tu gsang ba'i snying po sprin bkod pa'i ting nge 'dzin la snyoms par zhugs nas ched du brjod pa 'di brjod do/ /tsa/ ma rtogs pa dang log par rtog /
198b2 phyogs rtogs yang dag nyid ma rtogs/ /tsha/ 'dul ba dgongs pa gsang ba dang / /wa/ rang bzhin gsang ba'i don rnams ni/ /yi ge sgra rtags ming tshogs
198b3 las| |brten pa'i tshig gis rab mtshon te/ /khong nas gab sbas don 'byin pa/ /ston pa rdo rje'i thugs la gnas/ /dkyil 'khor ldan pa'i dkyil 'khor
198b4 gyi| |dkyil 'khor la ni dkyil 'khor bsgom/ /dkyil 'khor dkyil 'khor las byung ba/ /thugs kyi dkyil 'khor dkyil 'khor mchog /gsang
198b5 ba'i thig le dkyil 'khor dbyings/ /'byung ba shes rab rigs kyi yum/ /chen po rigs kyi de bzhin te/ /byang chub sems ni rdo rje'i tshogs/ /dbang po yul
198b6 dus rig pa rnams/ /kun tu bzang po'i dkyil 'khor la/ /bdag nyid chen po lhag pa yis/ /thugs kyi ye shes lngas bltas shing / /snying po thig le mnyam
198b7 sbyor ba| |bde ba'i ye shes rol mo yis/ /ye shes dgyes la mchod par 'bul/ /zag pa med pa'i bsod nams kyis/ /ye shes sgyu mar rang snang ba'i/ /rol
199a1 mo dkyil 'khor mtha' yas mchog /gsang ba'i thig le nyid kyi dbyings/ /de ni sangs rgyas kun gyi dngos/ /phyogs bcu dus
199a2 bzhi mngon rdzogs pa'i/ /sku gsung yon tan 'phrin las thugs/ /ma lus bdag nyid zhal mthong ba'i/ /dbang sgyur mchog nyid dam pa yin/ /dkyil
199a3 'khor la gnas dkyil 'khor nyid/ /rdzogs pa'i dkyil 'khor lhun gyis grub/ /rgyan du dkyil 'khor ma lus thogs/ /rdzogs pa'i dkyil 'khor
199a4 mnyam sbyor las/ /thugs rje'i dkyil 'khor yongs kyis 'byung / /phyogs dus dkyil 'khor 'dul ba'i mchog /sgyu ma'i dkyil 'khor sgrol
199a5 ba yis| |bya byed med par dkyil 'khor spyod/ /ye shes rdzogs pa'i dkyil 'khor la/ /thos bsam sgom pa mnyam sbyor gyis/ /rang byung kun
199a6 ngom lhun gyis grub/ /'di ni sangs rgyas thams cad kyis/ /'da' bar mi mdzad dam tshig mchog /gang zhig 'di la mos 'gyur ba/ /sangs rgyas
199a7 dkyil 'khor thams cad kyis/ /phyogs dus kun nas thams cad du/ /dkyil 'khor ma lus bsnyen pa yi/ /nye ba'i sras su dgongs par 'gyur/ /
199b1 bskal pa zhing gi rdul snyed du/ /shin tu sbyangs la rab gnas pa'i/ /dkyil 'khor ma lus bsnyen pa yi/ /'bras bu gsang chen 'di yin te/ /'jig rten drug
199b2 gi phyogs bcu na/ /'das dang da ltar byung ba yi/ /rgyal ba'i dkyil 'khor ma lus pa/ /brnyes nas sku lnga lhun gyis rdzogs/ /'byung dang ma 'ongs thams
199b3 cad kun/ /'di yis lhun gyis grub par 'gyur/ /'di ni gsang chen nges pa yi/ /'bras bu lam du gyur pa yin/ /rgyal ba'i dkyil 'khor ma lus la/ /
199b4 'di las gsang ba'i nges don med/ /btsal kyang rgyal bas mi brnyes so/ /kun gyi phyag rgya chen po'i mchog /thos bsam sgom la rab sbyangs pa'i/ /shes
199b5 rab mig ldan rnams kyis gzung / /snod ldan ngang tshul bzang la brtan/ /lus dang longs spyod gtong la sbyin/ /gzhan du nam yang sbyin mi bya/ /rmongs la
199b6 'phyar bas gal te sbyin/ /dus min par ni srog zad nas/ /bsregs dang sgrebs par yun ring gnas/ /zhes de bzhin gshegs pa nyid de bzhin gshegs
199b7 pa nyid la ched du brjod do/ /gsang ba'i snying po de kho na nyid nges pa las/ /shin tu gsang ba man ngag gi le'u ste bcu gsum pa'o// //de nas
200a1 de bzhin gshegs pa thams cad nyid kyi dkyil 'khor la dgyes pa chen po'i glu 'di blangs so/ /oM phyogs bcu dus bzhi rdzogs
200a2 pa yi| |ye shes dkyil 'khor thig le che/ /bsod nams dkyil 'khor sku yi tshogs/ /snang stong thig le kun tu rdzogs hoHoM rdo rje bsod nams thig
200a3 le che| |rdo rje ye shes dkyil 'khor ldan/ /rdo rje sgra chen mtha' yas pa/ /rdo rje rgyal po thig le che hoHoM sku gsung thugs kyi rdzogs pa che/ /yon tan
200a4 'phrin las kun tu rdzogs/ /ye nas lhun rdzogs kun tu bzang / /'dus pa'i tshogs chen thig le che hoHoM mi dmigs sgyu 'phrul mnyam pa'i dbyings//
200a5 mtha' yas kun nas sna tshogs 'phro/ /mtha' yas kun nas lhun gyis thim/ /sna tshogs sku gsung thugs chen po hoHoM phyogs bcur 'jig rten rdul
200a6 snyed du| |rgyal ba'i don rnams rdul phran snyed/ /sprul pa rdul phran bsam yas kyis/ /skad cig yud la lhun gyis grub hoHoM thams cad ma lus
200a7 sku gsung thugs/ /sku gsung thugs kyi bdag nyid che/ /sku gsung thugs kyis kun tu khyab/ /sku gsung thugs kyi thig le che hoHzhes ched du bsgrags so/ /gsang
200b1 ba pa'i snying po de kho na nyid nges pa las/ mnyes pa'i le'u ste bcu bzhi pa'o// //de nas de bzhin gshegs pa thams cad kyi bdag po sangs
200b2 rgyas thams cad kyi ngo bo nyid kyi khro bo'i dkyil 'khor du mngon par 'du mdzad de/ /de ci'i phyir zhe na/ bdag tu rmongs pa'i rtog pa dang / brtags pa la mngon
200b3 par zhen pas yang dag pa'i lam dang bral ba dag gab pa'i gsang ba ma gtogs par sbas pa'i gsang ba la mngon par 'chel nas rgyu dang 'bras bu la rmongs
200b4 pas srid pa'i sa bon rtsub mos 'phangs nas mtshams med pa'i rab tu tsha ba'i dmyal bar skyes so/ /de rab tu tsha ba'i sdug bsngal drag pos gdungs pa dang /
200b5 'di bas shin tu grang yang ci ma rung snyam pa'i mod la rab tu sbrebs pa dang / pad+ma ltar gas pa'i sdug bsngal drag po dag gis rab tu nyen pa de lta bu'i sdug
200b6 bsngal rab tu tsha ba la sogs pa brgyad dang / shin tu grang ba la sogs pa brgyad du 'jig rten gyi khams brgyud cing bskal pa chen po stong phrag bcu gnyis
200b7 su nyams su myong ngo / /de nas rnam par smin pa de zad pa dang / yi dwags ltogs pa dang skom pa'i sdug bsngal gyis nyen pa dang / 'dod pa'i dngos po
201a1 rnams yid du mi 'ong ba dang / gdug cing rtsub pa'i dngos po sna tshogs su gyur pa dang / /yod med par yang gyur cing shin
201a2 tu ring cing bskams pa dang / lus dang / yan lag dang / dbang po mi 'tsham par gyur pa bskal pa chen po drug tu skyes so/ /de nas las kyi sgrib
201a3 pa rtsub mo'i rnam par smin pa de khad kyis bsrabs pa dang sngon gyi srid pas mtshams sbyar nas yi dwags srin po rab tu gdug pa gtum po lus
201a4 gcig la mgo brgya pa dang / mgo sna tshogs pa dang / lus brgya la mgo gcig pa dang / lus sna tshogs pa dang / yan lag mang po dang /
201a5 yan lag sna tshogs pa dang / gdug pa'i lag cha sna tshogs thogs pa dang / 'khor rab tu mang po dang / 'jigs pa'i gzugs sna tshogs dang /
201a6 'jigs pa'i nga ro sgra skad sna tshogs pa sgrog pa dang / gzugs dang / sgra dang / dri dang / kha rlangs kyis thams cad skye bung zhes byed pa dang / rab
201a7 tu 'jigs pa'i rlung nag dang / grang ba dang / tsha ba'i dbugs kyis phyogs bcu kun tu khams 'khrug par byed pa/ nad bzhi brgya rtsa bzhis 'debs
201b1 par byed pa/ myos shing nyams par byed pa'i mthus klu'i rigs dang / lha ma yin gyi ris dang / lha'i ris dang / tshangs pa'i ris dang / 'od gsal dang /
201b2 dge rgyas dang / 'bras bu che ba man chad dbang du bsdus so/ /de sngon brten pa'i stobs kyis thams cad mkhyen pas gzigs nas thugs rjes 'dul bar gyur to/ /
201b3 de nas de bzhin gshegs pa'i rdo rje bkod pa sgyu 'phrul dra bas 'jig rten drug gis phyogs bcu'i srid pa gsum gyi bdag po 'dul ba'i nga rgyal chen po gzi brjid
201b4 chen po bstan pa'i phyir de bzhin gshegs pa thams cad kyi sku dang / gsung dang / thugs rdo rje'i bdag po bcom ldan 'das dgyes pa chen po khro bo'i
201b5 rgyal po'i dkyil 'khor gyi sprin 'byung ba chen po rnam par spros pa'i sgyu 'phrul dra ba'i rgyal po ting nge 'dzin la snyoms par zhugs te/ de bzhin nyid kyi
201b6 dbyings las khro mo dbang phyug ma chen mo mngon du phyung ste/ hi hi dgyes pa'i gzi mdangs kyis/ /pad+ma rgyas par mdzad nas ni/ /gnyis su med par dgyes
201b7 pa'i 'khril bas thim nas byang chub sems kyi sprin las/ hUM hUM hUM bi shwa badzra kro d+ha dz+wa la maN+Da la phaT phaT phaT ha la ha la ha la hUM hUM phaT ces brjod pas/ 'jig rten
202a1 drug gi phyogs bcu mtha' yas khyab par gyur to/ /khro bo'i dkyil 'khor gyi tshogs stong gsum gyi 'jig rten tsam/ /phyogs bcu'i
202a2 rdul phra mo snyed thon bar gyur pas 'jig rten drug gi phyogs bcu thams cad g.yos/ rab tu g.yos so/ /'ur 'ur/ rab tu 'ur 'ur/ kun tu rab tu 'ur
202a3 'ur ro| |chem chem/ rab tu chem chem/ kun tu rab tu chem chem mo/ /shig shig /rab tu shig shig /kun tu rab tu shig shig go /gtor gtor/
202a4 rab tu gtor gtor/ kun tu rab tu gtor gtor ro/ /'jig rten drug gi phyogs bcu'i stong khams na gnas pa'i dbang che ba dang / gzi brjid che ba
202a5 dang / mthu che ba'i dbang phyug chen po la sogs pa rgyal rab tu brgyal bar gyur to/ /de nas bcom ldan 'das dgyes pa chen po shin tu rngam pas kyi bung
202a6 zhes byed pa 'bar ba chen po'i khrag 'thung / sku smug nag cir yang 'gyur pa/ dbu dang phyag dang zhabs stong khams kyi rdul snyed mtshon cha sna tshogs
202a7 'dzin pa de dbu gsum phyag drug zhabs bzhir gyur te/ dur khrod chen por dgyes nas khrag gi rgya mtsho'i dkyil na keng rus chen po'i ri rab kyi steng / 'bar
202b1 ba chen po'i 'khor lo'i dkyil na dbang phyug chen po dang dur khrod kyi bdag po dregs pa khyo shug gi gdan la brkyang bskum du bzhugs so/ /khro bo'i dkyil 'khor sprin phung gi
202b2 tshogs thams cad de dag kyang la la ni/ dpal khrag 'thung chen por gyur te shar phyogs su bzhugs so/ /la la ni dpal khrag 'thung chen po rin po cher gyur te lho phyogs su bzhugs/
202b3 la la ni dpal khrag 'thung chen po pad+mar gyur te nub phyogs su bzhugs so/ /la la ni dpal khrag 'thung chen po kun tu las su gyur te byang phyogs su bzhugs so/ /de dag
202b4 kun kyang 'jigs byed chen po'i cha lugs dang / rngam pa'i nga ro dang / 'bar ba'i klong na dbu gsum phyag drug zhabs bzhis dri za dang / gnod sbyin dang / srin po dang /
202b5 gshin rje la sogs pa khyo shug gis gdan byas pa la bzhugs so/ /btsun mo khrag 'thung chen mo rnams kyang so sor sku la 'khril ba'i tshul gyis bzhugs so/ /rigs lnga'i he ru ka las
202b6 gcig tu bstim ste bsdus nas/ gcig gis mang po 'dul ba'i ngo mtshar bstan te/ de nas dregs pa chen po la sogs pa gtum po'i sems kyis gdug pa'i rdzu 'phrul chen po
202b7 sna tshogs pa bstan nas mgrin gcig tu gdug pa'i nga ros glang po'i gtum tshig tu smras pa/ thong thong snying rje'i bdag po ci de ltar byed dam zhes 'dzer cing shin
203a1 tu gdug pa'i sems kyis khros nas rngam mo/ /de nas bcom ldan 'das dgyes pa chen po dbu dgu phyag bco brgyad zhabs brgyad du gnas nas
203a2 thugs rjes 'dul ba'i thabs kyis shin tu khros nas rngam pa'i skad kyis/ hUM hUM hUM/ ha ha ha/ khA hi khA hi khA hi zhes brjod pas/ dbang phyug chen po la sogs
203a3 pa gdug pa chen po'i tshogs chen po de dag gi snying dang dbang po kun phyung / nang khrol kun drangs/ yan lag kun bcang gtubs nas khrag kun 'thungs
203a4 nas rus pa kun 'chos so/ /de nas hUM hUM hUM b+h+yo e a ra li dza dza zhes brjod pas/ phyogs bcu 'jig rten gyi khams nam mkha' dang bcas par yungs
203a5 'bru gcig tsam gyi nang du chud par bsdus so/ /de nas 'byung po ma lus pa'i rgyal po'i yang rgyal po/ /dregs pa chen po la sogs pa'i chung ma 'byung mo
203a6 thams cad kyi rje mo'i yang rje mo/ /srin mo chen mo mi'i srin mo dang / tshangs ma dang / 'khrug mo dang / dbang mo dang / 'jug sred mo dang / gzhon
203a7 nu ma dang / dmar mo dang / bdud rtsi mo dang / zhi ba mo dang / be con mo dang / srin mo dang / za ba mo dang / dga' mo dang / ra ro khrag 'thung
203b1 myos pa dang / gcig pu spyod ma dang / yid 'phrog mo dang / grub mo dang / rlung mo dang / gsod byed ma dang / me mo dang / phag mo dang / rgan byad mo dang /
203b2 sna chad mo dang / chu lha mo dang / nag mo chen mo dang / ra mgo dmar ser chen mo dang / bum sna sngo nag mo dang / gsus 'dzin ser nag chen mo la sogs pa bran
203b3 dang yang bran dang / g.yog dang yang g.yog dang / 'khor zhing gi rdul rnyed bsdus so/ /de nas bcom ldan 'das dgyes pa chen po dpal khrag 'thung chen
203b4 pos 'dul ba'i thabs kyis yang rigs lnga'i 'jigs byed chen por snang bar byas nas de dag kun dgyes par rol pa'i dkyil 'khor sprin 'byung ba zhes bya ba'i
203b5 ting nge 'dzin la snyoms par zhugs nas sku dang / gsung dang / thugs rdo rje las 'di dag phyung ngo / /oM AMHhUM badzra pra be sha a la la hoHzhes brjod pas
203b6 'byung mo'i rgyal mo rnams shin tu chags pa'i yid g.yos nas pad+ma'i dkyil 'khor sdud cing rgyas par gyur nas dper na khab len la lcags 'du ba'i tshul du
203b7 bcom ldan 'das dgyes pa chen po dpal khrag 'thung chen po rdo rje'i sku la srin mo chen mo mi'i srin mo dang / dmar mo dang / dga' ba mo dang / gsod byed mo
204a1 dang / nag mo chen mo dang / dmar ser chen mo dang / sngo nag chen mo dang / ser nag chen mo rnams 'khril lo/ /bcom ldan 'das
204a2 dpal khrag 'thung chen po rdo rje'i sku la tshangs ma dang / 'khrug mo dang / dmar mo dang / 'jug sred mo dang / gzhon nu mo rnams 'khril lo/ /bcom ldan
204a3 'das dpal khrag 'thung chen po rin po che'i sku la bdud rtsi mo dang / zhi ba mo dang / be con mo dang / za ba mo dang / srin mo rnams 'khril lo/ /bcom
204a4 ldan 'das dpal khrag 'thung chen po pad+ma chen po'i sku la khrag gis myos ma dang / gcig pu spyod ma dang / yid 'phrog ma dang / grub mo dang / rlung
204a5 mo rnams 'khril lo/ /bcom ldan 'das dpal khrag 'thung chen po kun tu las kyi sku la me mo dang / phag mo dang / rgan byad mo dang / sna chad mo
204a6 dang / chu lha mo rnams 'khril lo/ /de nas bcom ldan 'das dgyes pa chen po'i khro bo'i dkyil 'khor de dag gis hUM zhes brjod pas pad+ma'i dkyil
204a7 'khor gyi tshogs bsdus nas shin tu bcum par gyur to/ /de nas dgyes te ha ha zhes pas byang chub sems kyis sprin dag las dkar mo'i tshogs dang / rkun
204b1 mo'i tshogs dang / rmongs mo'i tshogs dang / thal bed ma'i tshogs dang / sbos mo'i tshogs dang / gtum mo'i tshogs dang / rme sha can gyi tshogs dang / ma
204b2 tshogs ma'i sogs rnams rang rang gi lag cha dang ngo mtshar du bcas nas thon to/ /thon nas kyang 'bar ba chen po'i 'khor lo'i mtshan shar phyogs nas 'khor
204b3 bar 'jigs pa'i gzugs kyis rang rang gi lag cha dang bcas nas 'khod do/ /de nas shin tu dgyes te he he zhes brjod pas seng gdong chen po'i tshogs dang / stag
204b4 gdong chen mo'i tshogs dang / wa gdong chen mo'i tshogs dang / khyi gdong chen mo'i tshogs dang / bzhad gdong chen mo'i tshogs dang / kang+ka'i gdong chen mo'i
204b5 tshogs dang / dur bya'i gdong chen mo'i tshogs dang / 'ug pa'i gdong chen mo'i tshogs rnams rang rang gi lag cha dang ngo mtshar du byas nas thon par
204b6 gyur to| |thon nas kyang 'bar ba chen po'i 'khor lo'i phyi rol shar gyi phyogs nas 'khor bar rngam pa'i mdangs kyis 'khod do/ /de nas shin tu dgyes pas
204b7 phyogs bcu'i zhing khams ma lus pa khyab par byas nas phaT ces brjod pas/ rdo rje srid 'gro ma'i tshogs dang / rdo rje gdong ma'i tshogs dang / rdo rje 'jig
205a1 rten ma'i tshogs dang / rdo rje ro langs ma'i tshogs rnams rang rang gi lag cha dang ngo mtshar du chas nas thon par gyur to/ /thon nas
205a2 kyang 'bar ba chen po'i dkyil 'khor gyi sgor shin tu rngam pa'i gzugs kyis gnas so/ /de nas dgyes pa'i sprin las phyogs bcu nas phaT ces bsgrags
205a3 pas thams cad khros nas ma mo thams cad khong rang rang gi gnas ga la ba der yud tsam gyis phyin par bkye'o/ /de nas bcom ldan 'das dgyes pa chen
205a4 po dpal khrag 'thung chen po de dag kun thugs rje chen po bdud rtsi chen po 'byung ba zhes bya ba'i ting nge 'dzin la snyoms par zhugs nas sku dang gsung dang / thugs rdo rje las 'di phyung ngo /
205a5 /oM badzra mahA a mr-i ta mahA kro d+ha aM aM aM zhes brjod pas/ dbang phyug chen po la sogs pa thams cad bcom ldan
205a6 'das khro bo chen po de dag gi snam nas bton nas mi gtsang ba'i 'dam gyi rgya mtsho chen por chung pa las/ snam nas khro bo u tsusma kro d+ha phyung nas
205a7 'dam khu kun 'thungs pas dran pa slar rnyed de/ khro bo'i dkyil 'khor gyi tshogs de dag thams cad kyang dbu dgu brgya/ phyag stong brgyad brgya/ zhabs brgyad
205b1 brgya| sku 'bar ba chen po'i dkyil na bzhugs par mthong ngo / /de'i dus su 'jig rten drug gi phyogs bcu'i srid pa gsum gyi bdag po dregs pa'i dbang phyug
205b2 thams cad 'dul ba'i thabs sna tshogs bsam gyis mi khyab par so sor snang bas dus gcig tu btul lo/ /de nas de dag shin tu 'dar zhing rab tu bred cing
205b3 zhus pa'i nga ros smras pa'i tshig /'bangs su mchi/ 'bangs su mchi/ 'bangs su nan tan ma bgyis na/ /mgo dang lus ni brgyar 'gas shing / /snying
205b4 yang 'gas shing gtubs gyur cing / /rul myags tshig nas brlag pa dang / /dmyal bar lhung nas 'bod par shog /ces 'bangs su mchi bar mnas bor
205b5 nas dkyil 'khor gyi gdan du bzhag go/ /thams cad kyis mgrin gcig tu smras pa/ bdag cag rnams kyi mchis brang dang / ma dang sring mo bu mo rnams/
205b6 dkyil 'khor chen por bzhes su gsol/ /dpa' bo lha rjes bzhes su gsol/ /bdag cag so so'i 'khor bcas kyis/ /tshogs kyi dkyil 'khor dam pa
205b7 'di| |ming tsam 'dzin par byed pa yang / /gtsug gi nor bu 'bar ba ltar/ /g.yo sgyu med cing gus ldan pa'i/ /sems kyis blangs te spyi bo yi/ /gtsug tu
206a1 bzhag ste bkur bar bya/ /de yi dgos pa ci yang rung / /ma lus rdzogs par bdag cag sgrub/ /gal te dpa' bo'i spyan snga
206a2 'dir| |smras pa bzhin du ma bgyis na/ /bdag cag rnams kyi mgo lus snying / /bkas gtubs dum bur rul bar 'chi/ /zhes smras so/ /de nas de dag
206a3 gi chung ma'i tshogs dang / sring mo dang / ma dang / bu mo'i tshogs thams cad dkyil 'khor du yud tsam gyis 'ongs nas thams cad kyis mgrin gcig
206a4 tu smras pa/ bdag cag 'khor bcas thams cad kun/ /dpa' bo chen po'i 'bangs su mchi/ /dpa' bo chen po bdag cag rnams/ /las kyi dngos grub
206a5 stsal du gsol/ /zhes smras so/ /de nas bcom ldan 'das dgyes pa chen pos lag tu rdo rje byin nas ming gis dbang bskur nas dkyil 'khor gyi phyi
206a6 rol du bkod do/ /gsang ba'i snying po de kho na nyid nges pa las/ khro bo rang bzhin gyi dkyil 'khor sprin rnam par spros pa'i le'u ste bco lnga pa'o// //
206a7 de nas bcom ldan 'das dgyes pa chen pos dkyil 'khor gyi tshogs chen po 'di dag dam tshig gis grub par bya ba'i phyir de bzhin gshegs pa khro bo
206b1 khrag 'thung chen po btsun mo'i tshogs dang bcas pa de dag gis sku dang gsung dang thugs rdo rje ye shes rngam pa las gsung gi dkyil 'khor 'di dag phyung ngo / /oM sarba
206b2 ta thA ga ta mahA shrI he ru ka mahA tsaN+Da sarba duSh+TAM ta ka ha na da ha pa tsa hUM hUM hUM phaT/ oM badzra mahA shrI he ru ka mahA tsaN+Da sarba duSh+TAM ta ka ha na da ha pa tsa hUM hUM hUM phaT/ oM rat+na mahA shrI he ru
206b3 ka mahA tsaN+Da sarba duSh+TAM ta ka ha na da ha pa tsa hUM hUM hUM phaT/ oM pad+mo mahA shrI he ru ka ma hA tsaN+Da sarba duSh+TAM ta ka ha na da ha pa tsa hUM hUM hUM phaT/ oM karma mahA shrI he ru ka mahA
206b4 tsaN+Da sarba duSh+TAM ta ka ha na da ha pa tsa hUM hUM hUM phaT/ oM ta thA ga ta mahA kro d+hi shwa ri sarba duSh+TAM hUM phaT/ oM mahA badzra d+ha ra mahA kwo d+hi shwa rI dz+wa li ni hUM phaT/ oM mahA sur+ya
206b5 rat+na mahA kro d+hi shwa rI bi d+ha ma hUM phaT/ oM hri sha ta sa ma ta pad+ma oM mahA sA ra swa ta mahA pad+ma mahA kro d+hi shwa rI khaM hUM hUM phaT/ oM sarba a mo g+ha karma mahA kro d+hi shwa rI bi sha hUM phaT/ oM badzra gI
206b6 rI ya go rI ha/ badzra tsau ri ha/ badzra bra mo ha ha/ badzra be ta lI ha/ badzra tsaN+Da li ha/ badzra puk+ki si ha/ badzra g+hasma re ha/ badzra sma sha ni ha/ badzra srad+hi mu khI he/ badzra byA
206b7 g+h+ra mu khA hi/ badzra sr-ig la mu khI he/ badzra shwa na mu khI he/ badzra grid+d+ha mu khI he/ badzra kang+ka mu khI he/ badzra ka ka mu khI he/ badzra u lu ka mu khI he/ badzra Ar+ya te dza
207a1 te ra dzaHbadzra a mu ka hUM/ badzra lo ke paM/ badzra b+hasmi sa ma la ba to hoH b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo
207a2 b+h+yo b+h+yo b+h+yo b+h+yo b+h+yo b+h+yo/ oM ru lu ru lu ru lu hUM/ e ha hi a na ya/ dzaHhUM baM ho/ /oM badzra kro d+ha sa ma ya hUM/ oM khro la khros pas zhi mdzad pa/ /thugs rje khro
207a3 dpal rngam pa'i tshogs/ /'bar ba'i byin rlabs rmad po che/ /de nyid du ni bdag la stsol/ /oM badzra kro d+ha sa ma ya s+t+waM/ /badzra kro d+ha sa ma ya ho/ /badzra kro d+ha sa
207a4 ma ya phaT/ a li u li ta li ta ba li daM Sh+taM/ gau na rau tri kha raM yo gi nI khA hi hoH/ /hUM ha he phaT b+h+yo/ /zhes brjod pas 'jig rten khams phyogs bcu thams
207a5 cad kun tshig /rab tu tshig /kun tu rab tu tshig go /'bar/ rab tu 'bar/ kun tu rab tu 'bar/ thams cad du 'bar ba'i dkyil 'khor gyi tshogs
207a6 kyis gang / rab tu gang / kun tu rab tu gang bar gyur to/ /gsang ba'i snying po de kho na nyid nges pa las/ khro bo'i tshogs chen po gsung gi dkyil 'khor
207a7 spros pa'i le'u ste bcu drug pa'o// //de nas bcom ldan 'das dgyes pa chen pos de dag gi dkyil 'khor bstan pa'i phyir ched du brjod
207b1 pa 'di brjod do/ /'bar ba'i 'khor lo rtsi bas bzhi pa/ /gru chad bzhi yis rnam par brgyan/ /gru bzhi sgo khyud bzhi dang ldan/ /'bar ba'i bar khyams gnyis
207b2 kyis mdzes/ /thod sbrul la sogs nyi mas brjid/ /'bar ba'i 'phro ba mang pos 'khrug /khyu mchog ma he gzigs dang stag /gtum pa dom gyi sbar ba
207b3 yis| |dbang phyug lha chen la sogs gzung / /smug nag sngo nag ser nag dang / /dmar nag ljang nag 'jigs pa'i sku/ /dbu gsum phyag drug zhabs bzhir
207b4 bgrad| |ko rlon gos ni sna tshogs gyon/ /rngam pa'i sgra skad 'jigs par sgrog /sbrul dang thod phreng nyi zlar bcas/ /stong gi 'jig rten khor yug bcas/ /
207b5 rdo rje dung chen gang ba dang / /ral gri sgra sta gshol la sogs/ /rang gi lag cha sna tshogs bsnams/ /btsun mo 'jigs pa'i tshogs dang 'khril/ /gnas
207b6 dang yul gyi phyag rgya dang / /sgo bzhi phyag rgya rab mdzes shing / /slas dang byi mo bran mo'i tshogs/ /bcu gnyis dang ni brgyad kyis mdzes/ /rang gi stan dang lag
207b7 cha dang / /ci bgyi zhes ni chas te gnas/ /zhes brjod pas/ 'jig rten drug gi phyogs bcu thams cad du 'bar ba'i dkyil 'khor kun du gsal bar gyur to/ /
208a1 gsang ba'i snying po de kho na nyid nges pa las/ khro bo'i dkyil 'khor bstan pa'i le'u ste bcu bdun pa'o// //de
208a2 nas bcom ldan 'das dgyes pa chen pos mnyes pa'i mchod pa chen po 'di ched du brjod do/ /de la mchod sbyin dam pa 'di/ /thog mar bdag nyid rtogs
208a3 goms bsgral/ /de nas gnyis med blo yis ni/ /blo ngan 'jig rten snying re rje/ /gnyis su med par bsgral bar bya/ /'khril ba'i mchod chen mnyam sbyor
208a4 bas| |bdag nyid mnyes pas mnyes par bya/ /mnyam pa'i grub rdzas chen po dag /bdag dang mnyam pa'i tshogs la dbul/ /bza' 'du bca' dang btung
208a5 dang bgo/ /longs spyod lnga ldan thams cad ni/ /dkyil 'khor la ni dkyil 'khor thim/ /phyogs bcu dus bzhir gshegs pa yi/ /bde gshegs yon
208a6 tan rmad po che/ /gzhan nas yod 'ongs ma yin te/ /lha srin la sogs smos ci dgos/ /rnal 'byor las su rung rnams kyis/ /phyag rgya chen par rdzogs
208a7 gyur cig /gsal ba yid gnyis med pa na/ /dkyil 'khor chen po 'bar bar 'gyur/ /zhes brjod pas mnyes pa chen pos 'jig rten drug gi phyogs bcu
208b1 thams cad khyab par gyur to/ /gsang ba'i snying po de kho na nyid nges pa las/ mchod sbyin dam pa bstan pa'i le'u ste bco brgyad pa'o// //de nas bcom ldan
208b2 'das dgyes pa chen pos sngag 'chang rnams don yod par bya ba'i phyir dam tshig chen po 'di brjod do/ /bla med theg pa rab nges na/ /nyen mongs 'dod lnga kun spyad kyang / /byas la mi sogs
208b3 tshogs 'gyur te/ /tshul khrims sdom pa phun sum tshogs/ /bla med mchog gi dam tshig tu/ /'dul ba'i dbang gis tshul khrims dang / /ji snyed sdom pa bsam
208b4 yas pa| |ma lus kun 'dus rnam par dag /yod med dbu ma'ang mi dmigs shing / /sgyu ma mig yor lta bu'i tshul/ /srog med srog gcod gcad du med/ /srog
208b5 kyang skyes bu'i log rtog tsam/ /bden pa gnyis kar dbyer med pas/ /'phrul dga' tshul te tha dad med/ /gzhan dang ma byin med pa'i phyir/ /blang med thams cad
208b6 nyid kyi dbyings/ /chos rnams sgyu ma lta bu la/ /ming dang tshig tu brtags pa rdzun/ /rdzun nyid la ni rdzun spyod pa/ /rdzun zhas brtags tsam yod ma yin/ /ma chags pa
208b7 la chags pa dang / /chags pa nyid la chags pa med/ /de ni tshangs mchog rgyal po yin/ /shin tu chags pa chen po yin/ /bla med mi spang bla ma bkur/ /sngags dang
209a1 phyag rgya rgyun mi gcad/ /yang dag lam du zhugs la byams/ /gsang ba'i don phyir smra mi bya/ /'di ni rtsa ba lnga rnams te/ /bsgrub
209a2 dang bsrung ba'i dam tshig mchog /gti mug chags dang zhe sdang dang / /nga rgyal phrag dog mi spang ngo / /dkar rtsi dmar rtsi dri sha chen/ /dag pa'i snod bcud mi dor
209a3 ro| |yan lag bcu yi dam tshig ste/ /ye nas dag mnyam rtogs pas spyad/ /bsrung zhing bsgrub pa'i dam tshig lnga/ /rtsa ba yin te rigs med 'gyur/ /mi
209a4 spang mi dor lnga gnyis ni/ /yan lag dam tshig 'da' dka' 'o/ /mnyam la mnyam par sbyor ba yin/ /mnyam pa'i dam tshig la gnas na/ /mnyam rdzogs
209a5 chen po thob 'gyur bas/ /'das nas sangs rgyas ma yin no/ /rtsa ba nyams pa'i phyal ba dag /gso la nye bar mi brtson dang / /skad cig yud tsam smra mi
209a6 byed| |nyams gyur nyes pa brjod mi lang / /rtsa ba'i dam tshig nyams gyur na/ /sgrub pa thams cad log par 'gyur/ /yid du mi 'ong sna tshogs pa'i/ /'bras
209a7 bu mi 'dod bzhin du 'du/ /yan lag dam tshig nyams gyur na/ /'bras bu med cing ngan song ltung / /dam tshig rnams ni rdo rje che/ /sangs rgyas kun gyi bdag
209b1 nyid yin/ /rtsa ba'i dam tshig lnga la ni/ /gcig la'ang gnyis dang bcu phrag gsum/ /yan lag dam tshig lnga gnyis la/ /gcig la'ang bcu phrag gnyis su dbye//
209b2 dam tshig 'di ni rmad po che/ /'jig rten drug gi phyogs bcu na/ /srid gsum 'gro ba ji snyed pa/ /rtog 'dul dam tshig de snyid sgo/ /gzhan yang rgyal mchog kun
209b3 bzang gi /thams cad ma lus phyag rgya yi/ /sgrub byed dam pa ma lus 'grub/ /de la sogs pa mtha' yas mchog /rgyal ba'i rigs mchog 'dzin pa de/ /'jig
209b4 rten gtso dang 'khor gyis bkur/ /dam pa mchog dang dam pa yis/ /sras dang sbun dgongs byin gyis rlob/ /bder gshegs nyid kyi yul la bzhugs/ /'jigs
209b5 med kun tu bzang por sbyor/ /ji bzhin nyid dang 'dul ba'i thabs/ /ji snyed sdom pa bsam yas pa/ /ma lus rnam dag lhun gyis grub/ /nyams na bskangs pas
209b6 rdzogs pa dang / /de la sogs te mtha' yas mchog /ces brjod pas de bzhin gshegs pa nyid de bzhin gshegs pa nyid la 'dul bar gyur to/ /gsang ba'i
209b7 snying po de kho na nyid nges pa las/ dam tshig gi le'u ste bcu dgu pa'o// //de nas bcom ldan 'das de bzhin gshegs pa dgyes pa chen pos
210a1 lhun gyis grub pa'i dam tshig byin gyis rlob ces bya ba'i ting nge 'dzin la snyoms par zhugs nas ched du brjod pa 'di brjod
210a2 do| |e ma tshogs kyi dkyil 'khor mchog /'bar ba gtum chen rngam pa la/ /khros pa'i yid kyis mchod sbyin bya/ /sangs rgyas bsod nams sku yang
210a3 'jig /bdud rtsi lnga 'am zas lnga la/ /mtshan ma ming du bcas pa bya/ /bkug nas rdo rje phur pas gdab/ /rdul du byas nas tshogs la dbul/ /e yi tshog
210a4 kyi dkyil 'khor du/ /lug gu rgyud du sprel bsdams nas/ /bcings 'gyur bskyod na phyogs bcur g.yo/ /myos nas gal te 'tshig par 'gyur/ /baM gyi tshogs
210a5 kyi dkyil 'khor mchog /'bar ba'i gzi chen lhun chen la/ /chags pa'i yid kyis mchod sbyin bya/ /rdo rje gsung yang dbang du 'gyur/ /bdud rtsi lnga 'am
210a6 zas lnga la/ /mtshan ma ming du bcas pa byas/ /rdo rje chags pa'i phur pas gdab/ /chags pa'i tshogs la thim par 'bul/ /baM gyi tshogs kyi dkyil
210a7 'khor du/ /lu gu rgyud du sbrel bsdams nas/ /'gugs 'gyur rdo rje'ang phyi bzhin 'brang / /ci 'dod de bzhin 'ong bar 'gyur/ /ma yi tshogs kyi dkyil
210b1 'khor mchog /'bar ba'i 'du 'phro gzi byin la/ /dga' ba'i yid kyis mchod sbyin bya/ /yon tan nam mkha'i mtha' dang mnyam/ /bdud rtsi lnga 'am zas lnga
210b2 la| |mtshan ma'i ming du bcas par bya/ /yon tan yid bzhin gter tu brtag /nga rgyal dga' 'phro'i phur pas gdab/ /rdo rje gzi byin 'bar bar 'gyur/ /mi
210b3 yi tshogs kyi dkyil 'khor du/ /lu gu rgyud du sbrel bsdams nas/ /gzi byin 'bar ba'i 'phrul chen 'phro/ /yid bzhin nam mkha' gang bar 'gyur/ /ya yi
210b4 tshogs kyi dkyil 'khor mchog /gsal ba'i gzi brjid 'tsher ba la/ /dang ba'i yid kyis mchod sbyin bya/ /gtum po rngam po lhan ner 'gyur/ /bdud rtsi lnga 'am zas
210b5 lnga la| |gtum rngam 'khrug pa'i ngo bor brtag /lhan ner gsal ba'i phur bas gdab/ /'bar ba lhan ne'i tshogs su dbul/ /ya yi tshogs kyi dkyil 'khor du
210b6 lu gu rgyud du sbrel nas bsdams/ /'bar ba lhan ne'i byin gyis khyab/ /thams cad g.yo ba med par byed/ /slas dang byi mo bran mo'i tshogs/ /lhag ma'i mchod
210b7 sbyin 'dod pa sbyin/ /rang gi dam tshig rang bsgrags na/ /gang 'dod las de byed par bsgo/ /sngon tshe dpal chen he ru ka/ /shin tu gdug cing gtum dgab can/ /thams
211a1 cad ma lus 'dul mdzad pa'i/ /dbang dang byin rlabs rmad po che/ /lha chen la sogs dbang bsdus nas/ /'khor rnams dbang
211a2 phyug slas su byas/ /so so'i las rnams bskos pa de/ /ji ltar khas blangs dam bcas pa/ /ma thogs myur du mngon par phyung / /dam bcas bzhin du ma
211a3 byas na| |ji ltar rang gi mnas bor ba'i/ /sdom byas de las 'da' ma byed/ /sdom byas de las 'das gyur na/ /mgo lus snying yang tshal pa bdun/ /yak+Sha
211a4 khro bos gtubs par 'gyur/ /de bas rnal 'byor sngags 'chang gi /ji ltar bcol ba bzhin du byos/ /las de sngon du ma byas na/ /rang gis khas blangs
211a5 mnas bor bzhin/ /rul myags tshig nas dmyal bar 'gro/ /rnal 'byor dam la gnas gyur pa'i/ /las rnams yongs su bya ba dang / /'khor rnams
211a6 bu gcig bzhin du skyong / /phra men ma yang dngos grub thob/ /bcol ba'i las rnams mngon du byos/ /zhes bsgo'o/ /khro bo sgrub pa'i las kyi gtso bo
211a7 'di yin no/ /khrag 'thung chen po la sogs pa'i/ /bro gar glu tshig chen po yis/ /thams cad thams cad ci 'dod par/ /thams cad thams cad byed
211b1 pa yin| |mdzod lha chen po la sogs pa'i/ /bro gar glu tshig chen pos ni/ /thams cad kun la za bar byed/ /rdul cha tsam yang med par byed/ /'du bar 'dod na
211b2 'du bar byed/ /'phel bar 'dod na 'phel bar byed/ /sbos mo chen mo la sogs pa'i/ /bro gar glu tshig chen pos ni/ /lhan ner 'dod na lhan ner byed/ /rmugs
211b3 par 'dod na rmugs par byed/ /seng gdong chen mo la sogs pa'i/ /bro gar glu tshig chen mos ni/ /thams cad kun la za bar byed/ /rdul cha tsam yang med par
211b4 byed| |bzhad gdong chen po la sogs pa'i/ /bro gar glu tshig chen mos ni/ /thams cad kun la 'byin par byed/ /kun la rab tu nyams par byed/ /slas
211b5 dang byi mo bran mo yis/ /bro gar glu tshig chen mos ni/ /rbad cing gtang bar bya ba ste/ /thams cad thams cad byed pa yin/ /ljon pa dang ni lcug phran tshal/ /
211b6 gdong gcig ma dang me reg drug /dang ba'i dga' bas chags pa dang / /khros pas ka li rab tu bya/ /zhes brjod pas/ /de bzhin gshegs pa nyid de bzhin
211b7 gshegs pa nyid kyis spyod bar gyur to/ /gsang ba'i snying po de kho na nyid nges pa las/ lhun gyis grub pa'i 'phrin las byin gyis brlabs pa'i le'u ste
212a1 nyi shu pa'o// //de nas bcom ldan 'das dgyes pa chen po'i tshogs kyi dkyil 'khor gyis shin tu
212a2 rngam pa'i gdangs kyis glu 'di blangs so/ /hUM gtum chen dus mtha'i me ltar 'bar/ /'od zer nyi ma 'bum gyi gzi/ /khro gnyer glog stong 'gyu ba
212a3 bzhin| |mche ba zangs yag za byed che hoH/ hUM rngam pa'i nga ro 'brug stong ldir/ /gtum chem ri rab 'bum bsnyil skad/ /a a ha la'i gad rgyangs
212a4 che| |dbyug pa'i 'thor rlung g.yeng ba che hoH/ hUM khor bo shes rab 'od po che/ /ye shes dkyil 'khor kun tu gsal/ /'bar ba'i ye shes kun tu
212a5 'joms/ /sna tshogs ye shes thig le che hoH/ hUM khro bo'i rgyal po srin chen po/ /khros pa'i dkyil 'khor char chen 'bebs/ /dkyil 'khor yid
212a6 bzhin 'byung ba'i gter/ /sna tshogs khros pa'i thig le hoHhUM bdud kun gyi ni bdud chen po/ /bdud kyi bdud de bdud rnams 'joms/ /'jigs
212a7 pa'i tshogs kyang 'jigs byed pa/ /'jigs byed chen po thig le che hoH/ rdo rje brag ste sra pa po/ /rdo rje chu ste sdud pa po/ /rdo rje me ste kun 'bar che/ /
212b1 rdo rje rlung ste 'thor rlung che hoHzhes ched du glu 'di blangs so/ /gsang ba'i snying po de kho na nyid nges pa las/ khro bo la bstod pa'i le'u ste nyi shu rtsa gcig pa'o// //
212b2 de nas bcom ldan 'das dgyes pa chen pos de bzhin gshegs pa nyid la sngags kyi rgyal po brtan par gzung ba 'di ched du brjod do/ /kye kye phyogs bcu dus bzhi'i rang
212b3 bzhin 'di/ /de bzhin gshegs pa'i ngo bo nyid/ /gzung 'dzin spros la 'chel ba yi/ /rnam rtog zhags pas so sor zin/ /sa rnams khyad par bkod pa yang / /
212b4 gsang ba'i snying por 'gro ba'i lam/ /ye shes ngo mtshar rab 'byams kun/ /don du mi 'gyur yongs ma gsungs/ /de bzhin gshegs pa thams cad kyi/ /phyag
212b5 rgya gsang chen nges pa 'di/ /rtogs nas smra bar gang byed pa/ /de nyid nga yin dbang yang rdzogs/ /de bzhin gshegs pa thams cad la/ /gsang ba 'di las gzhan
212b6 mi mnga'/ /sgro dang skur ba zhi ba yi/ /gsang ba'i snying po de kho na/ /nyid de nges pa'i dbyings nas phyung / /de ni nges par lung bstan te/ /sras ni thugs las skyes pa
212b7 yin| |sa rab rig pa 'dzin la gnas/ /zhes brjod pas/ de bzhin gshegs pa thams cad dbyer med par dgyes nas dus bzhi mnyam pa nyid kyi dbyings
213a1 sku gsung thugs kyi lhun stug po bkod pa'i rgyan nyid du bzhugs so/ /'phags pa rtog pa'i rgyal po sgyu 'phrul dra ba'i le'u ste/
213a2 stong phrag brgya pa las mtshan nyid dang rgyud thams cad kyi lung gi spyi/ de bzhin gshegs pa thams cad kyi gsang ba/ gsang ba'i snying po de kho na nyid nges pa'i
213a3 le'u las thams cad ma lus par spros te 'khor lo bskor ba de dag gi 'bras bu'i mchog go /gsang ba'i snying po de kho na nyid nges pa las/ mnyes pa
dang yongs su gzung ba'i le'u ste nyi shu rtsa gnyis pa rdzogs so/
CLOSE WINDOW