བོད་ཡིག |
1a1 @#/ /rgyud wa pa bzhugs so/ /
1b1 @##/ /rgya gar skad du/ sarba ta thA ga ta tsit+ta gu h+ya dz+nyA na ar+tha gar+b+ha badzra kro
1b2 d+ha ku la tan+t+ra piN+Da thAr+tha bid+yA yo ga sid+d+ha nA ma ma hA ya na sU tra/ bod skad du/ de bzhin
1b3 gshegs pa thams cad kyi thugs gsang ba'i ye shes don gyi snying po khro bo rdo rje'i rigs
1b4 kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo/ /
2a1 bcom ldan 'das dpal sgrol byed thugs rje'i rgyal po la phyag 'tshal lo/ /
2a2 'di skad bdag gis thos pa dus gcig na/ de bzhin gshegs pa thams cad kyi bcom ldan
2a3 'das dpal kun tu bzang po rdo rje sa nga he ru ka gsang ba mchog gi bdag po byin gyi rlabs kyi dbang
2a4 phyug /mi zad mdzod kyi bkod pa/ che ba'i don la dam pa'i spyod pas bskyod pa de/ rmad du byung ba'i
2a5 don 'di nyid bshad pa'i gnas gsang ba'i yang gsang ba kun gzhi chos kyi dbyings kyi pho brang
2b1 thig le bdal ba'i klong / ye 'byams rmad du grags pa'i gzhal yas rgya phyogs su yongs su ma chad pa/ chos nyid kyi
2b2 nam mkha' las cho 'phrul gyi sprin kun tu 'thibs pa/ byang chub kyi char mngon par 'bab pa/ nyon mongs pa'i
2b3 gdung ba bangs par gyur pa/ ye shes kyi myu gu mngon par bskyed pa/ mtha' dang dbus med pa/ rtse mo kun tu rgya
2b4 mnyam pa/ rin po che'i rgyal pos rnam par brgyan pa/ mu tig gi lcang lo dang / chun 'phyang dang / lnga ldis
2b5 mdzes pa/ nyi ma chen pos gsal btab pa/ zla ba chen pos phra bkod pa/ skar ma dang shin tu skar ma dag
2b6 gis gzer spras pa/ rdo rje rin po che'i 'od snang bas kun tu mdangs phyung ba'i mkha' la rlung nag gi phung po rgya
3a1 yongs su ma chad par mnyam pa/ khrag gi phung po dpa' klong du 'khrug pa/ rgya phyogs
3a2 su yongs su ma chad pa/ ma tang gi gnas dang / bris ma 'bur 'phang bar chags pa/ rus pa phung po rgya
3a3 kun tu mnyam pa'i gzhi la 'bar ba'i gzhal yas khang 'od zer kun tu 'phro ba/ ga bu cung brtsegs
3a4 pa'i rtsig pa la gnam lcags kyi gzer ta le bar btab pa/ rtsibs kun tu nyi ma dang zla ba rangs par 'phyo
3a5 ba| |nya chen po'i ka gdung la nya phran dral drab gtams pa/ zla ba'i ka rten dang / nyi ma'i ka lo dang / sbrul
3a6 chun gyi ka rgyan la sogs pa las hUM gi thog dang / me'i char mngon par 'bab pa/ chos nyid kyi bla res
3b1 rnam par brgyan pa/ ye shes kyi lnga ldis mngon par bres pa/ rdo rje'i rgyan dang 'phan gyis klubs pa/ sprul nag gi za ra tshags dang / sprin nag gi grib so
3b2 lta bus gzhol ba'i bar bar thams cad na rin po che dang / mu tig dang / me tog gis mdzes pa/ 'khor ba'i maN+Dal yo bkram la bam ril che chung dang / khog skam
3b3 stod smad dang / yan lag ring thung dang / dbang po'i phreng ba dang / rdo rjes kun tu spras pa/ sgo dgus kun tu gsal bar gyur pa'i gnas na rdo rje rgyal tshab ces
3b4 bya ba'i zhe sdang rdo rje dang / rdo rje go phur zhes bya ba'i nga rgyal rin chen dang / rdo rje ging zhes bya ba'i 'dod chags pad+mo dang / rdo rje karma zhes bya ba'i phrag dog
3b5 sna tshogs dang / rdo rje bya rog ces bya ba'i drod kyi rtags 'dzin dang / rdo rje dus mtshams zhes bya ba'i mthun 'jug gi bka' sdod dang / rdo rje spun thams cad
3b6 dang / rdo rje ming thams cad dang / rdo rje rig 'dzin thams cad dang / rdo rje lus thams cad dang / rdo rje rnal 'byor thams cad dang / rdo rje ngag thams cad dang / rdo rje
3b7 las thams cad dang / rdo rje yid thams cad dang / rdo rje ma thams cad dang / rdo rje ging thams cad dang / rdo rje mkha' 'gro thams cad dang / rdo rje shugs kyis 'gro ba
4a1 thams cad dang / rdo rje phra men ma thams cad dang / rdo rje kun tu 'bar ma thams cad dang / rdo rje gnod sbyin thams cad dang / rdo rje
4a2 srin mo thams cad dang / rdo rjes las dang / byi mo dang / bran mo la sogs pa bud med thams cad dang / rdo rje mngag pa la sogs pa'i rdo rje khro bo thams cad
4a3 'du bar gyur pa/ rdo rje rigs kyi sangs rgyas thams cad dang / 'gying bag gi tshul gyis bsnyengs pa mi mnga' bar rdo rje'i gdan la 'khor mang po dang thabs
4a4 cig tu bzhugs pa ni/ 'di lta ste/ cho 'phrul chen po nam mkha'i dbang phyug ces bya ba'i sangs rgyas dang / cho 'phrul chen po rnam grol sbyin pa zhes bya ba'i
4a5 sangs rgyas dang / cho 'phrul chen po rnam grol sgrog pa zhes bya ba'i sangs rgyas dang / cho 'phrul chen po thams cad grub pa zhes bya ba'i sangs rgyas dang / nam
4a6 mkha'i bu mo dbang mo zhes bya ba'i rnal 'byor ma chen mo dang / nam mkha'i bu mo dga' sdud ma zhes bya ba'i rnal 'byor ma chen mo dang / nam mkha'i bu mo rnam
4a7 par gdung ma zhes bya'i rnal 'byor ma chen mo dang / nam mkha'i bu mo sgrol ma zhes bya ba'i rnal 'byor ma chen mo la sogs te/ shin tu gsang ba chen
4b1 po'i 'khor dang / gzhan yang dam tshig chen po'i 'khor 'di lta ste/ dam tshig chen po rdo rje'i snying po zhes bya ba'i sangs rgyas dang / dam tshig chen po nor bu'i
4b2 snying po zhes bya ba'i sangs rgyas dang / dam tshig chen po pad+ma'i snying po zhes bya ba'i sangs rgyas dang / dam tshig chen po bkod pa'i snying po zhes bya ba'i sangs rgyas
4b3 dang / dam tshig chen mo rdo rje dbang phyug ma zhes bya ba'i rnal 'byor ma chen po dang / dam tshig chen mo nor bu'i dbang phyug ma zhes bya ba'i rnal 'byor ma chen mo dang /
4b4 dam tshig chen mo pad+ma'i dbang phyug ma zhes bya ba'i rnal 'byor ma chen mo dang / dam tshig chen mo rgyan gyi dbang phyug ma zhes bya ba'i rnal 'byor ma chen mo la
4b5 sogs te/ shin tu mi 'da' ba chen po'i 'khor dang / gzhan yang tshad med pa'i 'khor 'di lta ste/ gsang ba chen po byams pa'i snying po zhes bya ba'i sangs rgyas
4b6 dang / gsang ba chen po snying rje'i snying po zhes bya ba'i sangs rgyas dang / gsang ba chen po dga' ba'i snying po zhes bya ba'i sangs rgyas dang / gsang ba chen po btang
4b7 snyoms kyi snying po zhes bya ba'i sangs rgyas dang / gsang ba chen po bde ba'i dbang phyug ma zhes bya ba'i rnal 'byor ma chen mo dang / gsang ba chen mo 'joms
5a1 byed dbang phyug ma zhes bya ba'i rnal 'byor ma chen mo dang / gsang ba chen mo dga' ba'i dbang phyug ma zhes bya ba'i rnal 'byor ma chen
5a2 mo dang / gsang ba chen mo khyab pa'i dbang phyug ma zhes bya ba'i rnal 'byor ma chen mo dang / shin tu tshad med pa'i 'khor dang / gzhan yang rol pa chen po'i
5a3 'khor 'di lta ste/ rol pa chen po'i sangs rgyas yak+Sha he ru ka zhes bya ba dang / rol pa chen po'i sangs rgyas rak+Sha he ru ka zhes bya ba dang / rol pa chen po'i sangs
5a4 rgyas b+hig sha he ru ka zhes bya ba dang / rol pa chen po'i sangs rgyas bi shwa he ru ka zhes bya ba dang / rol pa chen mo'i rnal 'byor ma yak+Sha sho ri ka zhes bya ba dang /
5a5 rol pa chen mo'i rnal 'byor ma rak+Sha sho ri ka zhes bya ba dang / rol pa chen mo'i rnal 'byor ma b+hig sha sho ri ka zhes bya ba dang / rol pa chen mo'i rnal 'byor ma bi
5a6 shwa sho ri ka zhes bya ba dang / shin tu rol pa chen po'i 'khor dang / gzhan yang 'jigs byed chen po'i 'khor 'di lta ste/ 'jigs byed chen po'i sangs rgyas te sha
5a7 he ru ka zhes bya ba dang / 'jigs byed chen po'i sangs rgyas ke sha he ru ka zhes bya ba dang / 'jigs byed chen po'i sangs rgyas pa sha he ru ka zhes bya ba dang / 'jigs
5b1 byed chen po'i sangs rgyas bi shwa he ru ka zhes bya ba dang / 'jigs byed chen mo'i rnal 'byor ma te sha sho ri ka zhes bya ba dang / 'jigs byed chen mo'i rnal 'byor ma ke sha
5b2 sho ri ka zhes bya ba dang / 'jigs byed chen mo'i rnal 'byor ma pe shwa sho ri ka zhes bya ba dang / 'jigs byed chen mo'i rnal 'byor ma bi shwa sho ri ka zhes bya ba la sogs
5b3 pa shin tu 'jigs byed chen po'i 'khor dang / gzhan yang 'joms byed chen po'i 'khor 'di lta ste/ 'joms byed chen po'i sangs rgyas trag sha he ru ka zhes bya ba
5b4 dang / 'joms byed chen po'i sangs rgyas hri sha he ru ka zhes bya ba dang / 'joms byed chen po'i sangs rgyas ka sha he ru ka zhes bya ba dang / 'joms byed chen po'i sangs
5b5 rgyas pag+sha he ru ka zhes bya ba dang / /'joms byed chen mo'i rnal 'byor ma trag sha sho ri ka zhes bya ba dang / 'joms byed chen mo'i rnal 'byor ma tri sha sho ri ka zhes bya ba dang /
5b6 'joms byed chen mo'i rnal 'byor ma ka sha sho ri ka zhes bya ba dang / 'joms byed chen mo'i rnal 'byor ma bka sha sho ri ka la sogs te/ shin tu 'joms byed chen po'i 'khor
5b7 dang / gzhan yang za byed chen po'i 'khor 'di lta ste/ za byed chen po'i sangs rgyas ru ti he ru ka zhes bya ba dang / za byed chen po'i sangs rgyas rak+ti he ru ka zhes bya ba dang / zas
6a1 byed chen po'i sangs rgyas kha hi he ru ka zhes bya ba dang / za byed chen po'i sangs rgyas sa ha he ru ka zhes bya ba dang / za byed chen mo'i rnal
6a2 'byor ma ru ti sho ri ka zhes bya ba dang / za byed chen mo'i rnal 'byor ma tag+ti sho ri ka zhes bya ba dang / za byed chen mo'i rnal 'byor ma kha hi sho ri ka zhes bya ba dang / za
6a3 byed chen mo'i rnal 'byor ma sa ha sho ri ka zhes bya ba la sogs pa rnal 'byor ma'i 'khor rab tu mang zhing bsam gyis mi khyab pa'i he ru ka mtha' yas pa sha
6a4 stag rnams dang / gzhan yang gsang ba'i bu mo'i 'khor 'di lta ste/ gsang ba'i bu mo dkar mo zhes bya ba dang / gsang ba'i bu mo rkun mo zhes bya ba dang / gsang
6a5 ba'i bu mo rmongs mo zhes bya ba dang / gsang ba'i yum ro langs ma zhes bya ba dang / gsang ba'i bu mo lbos mo zhes bya ba dang / gsang ba'i bu mo gtum mo zhes
6a6 bya ba dang / gsang ba'i bu mo sme sha can zhes bya ba dang / gsang ba'i bu mo ma tshogs ma zhes bya ba la sogs pa shin tu gsang ba'i bu mo'i 'khor bsam gyis mi
6a7 khyab pa dang / gzhan yang dga' ba'i bu mo'i 'khor 'di lta ste/ dga' ba'i bu mo seng gdong ma zhes bya ba dang / dga' ba'i bu mo bya rgod gdong ma zhes bya ba dang /
6b1 dga' ba'i bu mo stag gdong ma zhes bya ba dang / dga' ba'i bu mo wa gdong ma zhes bya ba dang / dga' ba'i bu mo khyi gdong ma zhes bya ba dang / dga' ba'i bu mo dur bya
6b2 gdong ma zhes bya ba dang / dga' ba'i bu mo khwa gdong ma zhes bya ba dang / dga' ba'i bu mo mun gdong ma zhes bya ba la sogs pa shin tu dga' ba'i bu mo'i 'khor
6b3 bsam gyis mi khyab pa dang / gzhan yang shin tu gus pa'i bu mo'i 'khor 'di lta ste/ shin tu gus pa'i bu mo rta gdong ma zhes bya ba dang / shin tu gus pa'i
6b4 bu mo phag gdong ma zhes bya ba dang / shin tu gus pa'i bu mo spre'u gdong ma zhes bya ba dang / shin tu gus pa'i bu mo thal byed ma la sogs pa shin tu gus pa'i bu mo'i
6b5 'khor dang / gzhan yang shin tu gsod pa chen po'i sras kyi 'khor la 'di lta ste/ shin tu gsod pa chen po dpal stag gi mgrin zhes bya ba dang / shin tu gsod
6b6 pa chen po dpal g.yag gi mgrin zhes bya ba dang / shin tu gsod pa chen po dpal sha ba'i mgrin zhes bya ba dang / shin tu gsod pa chen po dpal gzig gi mgrin
6b7 zhes bya ba dang / shin tu gsod pa chen po dpal rta mgrin zhes bya ba dang / shin tu gsod pa chen po dpal spyang ki'i mgrin zhes bya ba dang / shin tu gsod pa chen po
7a1 dpal seng+ge'i mgrin zhes bya ba dang / shin tu gsod pa chen po dpal dom gyi mgrin zhes bya ba dang / shin tu gsod pa chen po dpal
7a2 phag gi mgrin zhes bya ba dang / shin tu gsod pa chen po dpal dred mo'i mgrin zhes bya ba dang / shin tu gsod ma chen mo rdo rje gsod ma zhes bya ba dang / shin tu
7a3 gsod ma chen mo rdo rje dur khrod ces bya ba dang / shin tu gsod ma chen mo rdo rje gtun khung zhes bya ba dang / shin tu gsod ma chen mo rdo rje gtum mo zhes bya ba
7a4 dang / shin tu gsod ma chen mo rdo rje mda' snyems ma zhes bya ba dang / shin tu gsod ma chen mo rdo rje sgra 'byin ma zhes bya ba dang / shin tu gsod ma chen mo rdo rje
7a5 za byed ma zhes bya ba dang / shin tu gsod ma chen mo rdo rje 'dren ma zhes bya ba dang / shin tu gsod ma chen mo rdo rje sbor ma zhes bya ba dang / shin tu gsod ma chen
7a6 mo'i 'khor rab tu mang po rnams dang / de dag la sogs te rdul phra rab snyed dang thabs cig go /yum rdo rje kun tu bzang mo sa nga sho ri kas kyang nyid kyi sku la rnam
7a7 par 'khril te mdun gyis bltas nas thabs cig go /de nas bcom ldan 'das gsang ba mchog gi bdag po des chos thams cad dgongs pa mnyam pa nyid la
7b1 shar bar mkhyen nas sku mnyam pa nyid mi dmigs pa zhes bya ba'i ngang la snyoms par zhugs so/ /gsung mnyam pa nyid mi dmigs pa zhes bya ba'i ngang la rnam par
7b2 zhugs so/ /thugs mnyam pa nyid mi dmigs pa zhes bya ba'i ngang la rnam par bzhugs te 'jug pa'am/ ldog pa'am/ rnam par ldog pa mi dmigs so/ /de nas
7b3 bcom ldan 'das gsang ba mchog gi bdag po des dbyings kyi ngang la mi g.yo bar mnal bzhin du yum rdo rje kun tu bzang mos stong pa nyid kyi glu 'di blangs te
7b4 rnam par bskul lo/ /yod med stong pa shin tu rnal 'byor mthus/ /nam mkha' bzhin las dam tshig nye bar gshegs/ /ye shes rgya mtsho rnam par grol ba'i
7b5 klong / /mi gnas mi dmigs nam mkha'i dbyings nas bzhengs/ /zhes bskul nas bcom ldan 'das gsang ba mchog gi bdag po des chos thams cad byang
7b6 chub sems la shar bar mkhyen nas stong pa nyid kyi ngang las rdo rje'i sku mngon du phyung ste/ dper na/ nam mkha' dwangs pa las zla ba dri ma med par shar ba lta
7b7 bu'o| |de nas yum sa nga sho ri ka la gzigs te 'dzum pa rnam par mdzad do/ /dper na/ nyi ma stong las 'od kyi zer bkye ba lta bu'o/ /de nas 'od kyi zer de dag las
8a1 byang chub kyi sprin mngon par 'khrigs te rol pa'i char mngon par phab pas rol pa sna tshogs kyi 'brug dang / rol pa sna tshogs kyi glog
8a2 dang / rol pa sna tshogs kyi mchod pa dang / rol pa sna tshogs kyi glu dang / rol pa sna tshogs kyi gar dang / rol pa sna tshogs kyi rnga dang / dung dang / ker kor dang /
8a3 gling bu dang / rol pa sna tshogs kyi rgyan dang / rol pa sna tshogs kyi sgeg pa dang / steg pa dang / 'khyud pa dang / steng pa dang / sbyor ba dang / bstim pa dang /
8a4 mnyes pa dang / rol pa sna tshogs kyis gsol pa dang / myang ba dang / 'cha' ba dang / bde ba dang / spro ba dang / 'jo ba dang / 'jug pa dang / rol pa sna
8a5 tshogs kyis dga' ba chen po la 'jug pa rnam par mdzad do/ /de nas yum kun tu bzang mo des spyan zim bag gis rnam par 'dud pa'i tshul du bcom ldan
8a6 'das gsang ba mchog gi bdag po la rnam par bltas te rnal 'byor sbyor ba'i phyag lus kun tu sa la brdabs nas rol pa chen po'i glu 'dis gsol pa
8a7 btab bo/ /tshogs chen gnyis rdzogs thugs dam dbyings kyi lha/ /longs spyod rdzogs mdzad rol pa chen po'i sku/ /rdo rje sems dpa' skal bzang dpal khyod
8b1 bdag /thabs kyis rol pa bde chen dbyings nas bzhengs/ /de nas bcom ldan 'das gsang ba mchog gi bdag po des glu des bskul bar thugs su chud nas bde ba
8b2 chen po'i ngang de las cho 'phrul chen por rnam par bzhengs te rnam par 'gying ba dang / rnam par brjid pa dang / gar gyi phyag rgya chen po dang / rnam par bshad pa sna
8b3 tshogs dang / zhabs kyi brkyang bskum dang / sku'i 'gyur bag dang / smin ris kyi 'bri ku ta bsgyur ba dang / sprul pa'i 'od zer gyis nam mkha' thams cad kun
8b4 tu khyab par mdzad do/ /de nas thams cad dang / thams cad la mtshan ma dang / rnam pa dang / yod pa dang / med pa thams cad la gsang ba mchog gi bdag
8b5 po des kun la khyab par mdzad do/ /de dag gi rang bzhin du rnam par gnas so/ /de nas rdo rje kun tu bzang mo de ngo mtshar du gyur te/ yang rnal 'byor pa'i phyag
8b6 lus kun tu sa la brdabs te cho 'phrul 'byung ba'i glu 'dis gsol ba btab bo/ /ye shes sgyu ma rnam par rol pa'i sku/ /thabs dang shes rab che la mnga' brnyes
8b7 pa'i| |'phags rje sprul pa mang po 'byung ba'i gnas/ /bde gshegs bde bar gshegs mdzad bzhes su gsol/ /de nas bcom ldan 'das gsang ba mchog gi
9a1 bdag po des rdo rje rol pa'i de kho na nyid ces bya ba'i ting nge 'dzin la snyoms par zhugs nas cang mi gsung bar bzhugs so/ /de nas
9a2 yum rdo rje kun tu bzang mo dang / dam tshig chen po rdo rje sems dpa' la sogs pa la 'khor shin tu mang po rnams ngo mtshar du gyur te/ de dag thams cad
9a3 mgrin gcig tu rdo rje rol pa'i de kho na'i glu 'dis bskul te gsol ba btab bo/ /e ma ho/ /yid bzhin sku mchog nam mkha' lta bu las/ /khyab pa'i byin
9a4 rlabs rdo rje gar mdzad cing / /gzi brjid sprin dpung rol pas bsgyings pa'i sku/ /thogs med rdo rje rol pa'i cho 'phrul ston/ /e ma ho/ /yid bzhin gsung
9a5 mchog sgra brnyan lta bu las/ /snyan pa'i byin rlabs rdo rje brjod mdzad cing / yan lag rgya mtsho mi zad bkod pa'i gsung / /seng+ge sgra yis gsang sngags rgya mtsho
9a6 ston| |e ma ho/ /ye shes snying po nyi ma lta bu las/ /ye shes byin rlabs rdo rje bde mdzad cing / /thig le spros bral rnam par mi rtog thugs/ /rnam grol de nyid
9a7 nges pa'i cho 'phrul ston/ /mi shes blun rmongs 'dam bying 'gro ba rnams/ /sdug bsngal rgya mtshos bcings pa thabs kyis grol/ /ma rig mun pas ldongs
9b1 pa'i don gyi phyir/ /'khor ba'i rgya mtsho rol pa'i gru yis sgrol/ /de bzhin gshegs pa kun gyi thugs chen po/ /ye shes don gyi snying po mchog dang ldan/ /rnal 'byor
9b2 theg chen rdo rje kun 'dus rgyud/ /'dus pa'i tshogs la rgya cher bshad du gsol/ /a la la ho/ /zhes nges par btud de gsol ba btab bo/ /de nas bcom ldan 'das
9b3 gsang ba mchog gi bdag po des rdo rje rol pa de kho na nyid kyi glu des gsol ba btab pa mkhyen nas 'khor thams cad la rnam par gzigs te 'dzum pa mdzad do/ /'dzum
9b4 pa mdzad pas thugs rnam par dag pa'i klong nas rig pa'i nyi ma brjod kyis mi lang ba'i 'od zer dang bcas pa 'byams klas pa khyab par shar bar mdzad do/ /'od zer
9b5 de dag re re las rdo rje he ru ka rab tu mang po'i tshogs shar bar mdzad do/ /de dag re re las kyang sangs rgyas 'bum phrag 'khor so so'i zham 'bring bcas pa lhun gyis
9b6 grub par mdzad do/ /de dag las rig pa'i nyi ma'i char mngon par phab pas mun pa'i klong thams cad gsal bar mdzad do/ /rig pa'i chos kyi 'brug sgra dang / rig
9b7 pa'i chos kyi char dang / rig pa'i chos kyi glu sna tshogs dang / gar sna tshogs dang / rig pa'i chos kyi mchod pa sna tshogs byung ste 'byams klas pa'i nam mkha'
10a1 la sgra sna tshogs phan tshun dang / yan man dang / snrel zhi la sogs pa thams cad du khyab par ling long chad par byung ngo / /mchod
10a2 pa'i char yang mngon par phab/ rmad du byung ba'i sku bsam gyis mi khyab pa yang ling long chad/ rmad du byung ba'i thugs kyang lhang nge'o/ /rmad du byung ba'i gsung
10a3 bsam gyis mi khyab pa yang a la la ho/ /zhes sgra sgrog /sangs rgyas 'bum phrag kyang gsung dbyangs bsam gyis mi khyab pa'i sgra gcig tu/ e ma ho/ /rmad byung
10a4 rol pa'i chos kyi don byung ngo zhes sgrog /'khor 'bum phrag dang gdul bya sna tshogs spro ba'i ngo mtshar bskyed/ rig pa'i rtsal sbyangs/ don gyi che ba phyung /
10a5 ngam zhing ngo mtshar bar gyur te thams cad nye bar gnas so/ /de nas yang bcom ldan 'das gsang ba mchog gi bdag po des 'khor rnam par sbyor ba'i rdo
10a6 rje rgyan zhes bya ba'i ting nge 'dzin la snyoms par zhugs so/ /snyoms par zhugs nas rdo rje sngags kyi tshig 'di gsungs so/ /hUM hUM hUM/ rdo rje 'du bar bsdus
10a7 pa yi| |dam tshig chen po'i rig 'dzin rnams/ /bla 'og rim pa ji bzhin du/ /rdo rje gsang ba'i gral 'khod de/ /rigs ma yin pa rigs min 'gyur/ /skal
10b1 pa bzang po'i dam tshig 'di/ /skal pa ngan la 'bab mi 'gyur/ /de las 'das na de rlag byed/ /hUM kro d+ha dz+wa la sa ma ya/ rak+Sha dz+wa la sa ma ya/ yak+Sha dz+wa la sa ma
10b2 ya| tsit+ta dz+wa la sa ma ya/ zhes gsungs pa tsam gyis zhal ljags kyi dbang po 'od me dpung chen po las khro bo 'od kyi phreng ba 'bar ba dang / srin po 'od kyi phreng ba 'bar ba dang /
10b3 gnod sbyin 'od kyi phreng ba 'khrug pa dang / za byed 'od kyi phreng ba 'bar ba brgyud mar byung bas ru tra can dang / bdud dang / srin mo dang / gnod sbyin dang / srin po dang / 'jug sred
10b4 dang / sred med dang / dbang phyug dang / stobs ldan dang / spre'u dang / ra dang / lu 'de dang / sbrang ma dang / bya rog dang / me khyer dang / 'khor ba dang / chu
10b5 dang / sa dang / nam mkha' dang / me dang / sgra dang / bsam ngan la sogs pa brlags te mi gnas par gyur cing / rmad du byung ba nyid du mdzad do/ /de nas
10b6 'od zer de dag mkha' la 'khyil ba dang / 'khor mang po dag shin tu skrag ste gsol ba btab pa/ e ma ho/ /e ma bdag cag bcom ldan 'das kyis byin
10b7 gyis brlab tu gsol zhes gsol ba btab pa las/ bcom ldan 'das gsang ba mchog gi bdag po des zhal gyi mdangs phyung ste 'od zer de dag ye shes kyi
11a1 'od zhi zhing 'khyil ba dang / mdzes shing bde ba dang ldan pas thams cad rangs par byas pas snod du rung bar rnam par sbyangs nas
11a2 'od de dag 'od kyi gnas su thim par gyur to/ /de nas bcom ldan 'das gsang ba mchog gi bdag po de mi gnas pa'i ye shes chen po'i klong nas nges par bzhengs
11a3 nas seng+ge rnam par rgyal ba'i sgra lta bus don gyi bkod pa/ gsang ba'i nges pa rgyud mi 'grel pa/ rtags kyi rol pa/ rdo rje rnam par bsgyings pa'i gzhung chen po
11a4 sgra 'dis bshad do/ /a o oM/ /sa ma ya/ a d+hi/ gu h+ya/ pu ti a ho ku la ma tong byid ta ba dra a mo g+ha I shwa ra sa ya na/ gu ti a la la ho zhes cang mi gsung
11a5 ngo / /kun tu mi gsung / rab tu mi gsung / gsungs pa mi 'gog /'gog pa ma yin/ ma gsungs pa nyid na rgya cher bshad pa'i ngo bor bzhugs so/ /rnam par
11a6 bzhugs nas dam tshig chen po rdo rje sems dpa' la zhal gzigs te 'dzum pas bskul ba rnam par mdzad do/ /de nas dam tshig chen po rdo rje sems des bskul bar
11a7 rnam par rig nas rang gi stan las langs nas rang gi mchan ma gnas ldar reg par byas na lce pad+mo'i steng du bzhag nas lus sa la brdabs pa'i phyag rnal 'byor
11b1 gyi lugs su seng+ge'i lta stangs kyis byas nas stong pa'i zhal du bltas te rdo rje rgyal po tshogs bdag dgongs su gsol/ chos kyi rgyal po mi g.yo rgyal tshul mdzad/ /rgyal
11b2 mchog rgyal po chos kyi rgyal po'i mthus/ /'dus pa'i tshogs la rgya cher bshad du gsol/ /a la la ho/ /zhes gsol ba btab pa las/ bcom ldan 'das gsang ba
11b3 mchog gi bdag po des rdo rje las kyi bka' ba de byin gyis brlab pa'i phyir rdo rje rnam par spro ba zhes bya ba'i ting nge 'dzin la snyoms par zhugs nas 'di skad ces bka'
11b4 stsal to| |badzra karma tsakra satwa raM/ zhes gsungs te/ rdo rje rgya gram gyi 'khor lo gcig sems dpa' rdo rje'i lag tu babs par gyur nas las kyi rdo rje'i dbang thob par gyur
11b5 te| rnam par rol pa chen po shin tu bla brkyal ba'i spobs pa can du gyur to/ /byin gyis brlabs nas kun tu mi bzo bar rab tu bag dang ldan pa chen por gyur to/ /de nas
11b6 sems dpa' rdo rje des las kyi mtshan ma de lag tu glangs te stobs sna tshogs dang / gar dang / glu sna tshogs rdo rje tshig tu len cing rdo rje rgya gram las kyi 'khor lo de
11b7 lan rnam pa bcu gnyis su bskor nas grangs gnyis dang lnga bsgyur bas zhing khams mtha' dag rnam par g.yos te/ g.yos/ rab tu g.yos/ kun tu rab tu
12a1 g.yos| 'gul/ rab tu 'gul/ /kun tu rab tu 'gul/ ldeg/ rab tu ldeg /kun tu rab tu ldeg /'khrugs/ rab tu
12a2 'khrugs/ /kun tu rab tu 'khrugs/ 'ur/ rab tu 'ur/ kun tu rab tu 'ur/ chem/ rab tu chem/ kun tu rab tu chem par gyur te/ zhing khams thams
12a3 cad ni/ gsang ba'i dkyil 'khor sha stag tu gyur/ bcud yul thams cad ni/ phyag rgya chen por gyur/ /rnam par rngam pa'i tshul gyis ston pa'i
12a4 mdun logs su seng+ge rdo rjes mtshan pa'i gdan la 'gying bag gi tshul gyis rnam par gnas so/ /de nas 'dus pa'i 'khor tshogs phal mo che rnams kyis
12a5 bcom ldan 'das la 'di skad ces gsol to/ /e ma bcom ldan 'das/ sems dpa' rdo rje 'di ni/ 'di ltar mthu che ba/ 'di ltar byin rlabs che ba/ 'di
12a6 ltar rgya che ba/ 'di ltar mkhas pa/ 'di ltar gsal zhing zab pa ni/ bcom ldan 'das kyi thugs las skyes pa lags so/ /zhes gsol ba dang / bcom
12a7 ldan 'das kyis bka' stsal ba/ 'dus pa chen po'i tshogs/ sems dpa' rdo rje 'di ni/ byang chub kyi sems thams cad kyi phyi mo/ /snying rje thams cad kyi bdag
12b1 po| |sangs rgyas thams cad kyi rje btsun/ byang chub sems dpa' rig pa 'dzin pa thams cad kyi yab/ rnal 'byor pa thams cad kyi mes chen po/ /mya ngan las 'das
12b2 pa thams cad kyi dad dpon/ /bdud thams cad kyi yang bdud chen po/ /chos thams cad kyi mdzod/ ye shes thams cad kyi 'byung gnas chen por gyur pa yin no/ /de ci'i
12b3 phyir zhe na/ thog ma dang tha ma med pa mnyam pa'i dus/ pha mtha' las kyang pha mtha'/ dpag tu med cing bsam du med pa/ 'byams klas pa'i dus nas bya ba byas
12b4 shing byed pa byas pa/ mngon par rdzogs par sangs rgyas pa yin te/ chos thams cad kyi rang bzhin du sbyor zhing gnas pas na/ rgyal ba thams cad kyi thugs las skyes shing thams cad/
12b5 kyi yab tu gyur pa yin te/ de 'dra'o zhes bka' stsal pa las 'dus pa'i 'khor thams cad ngo mtshar du 'gyur te/ bcom ldan 'das/ 'dis ni/ 'di ltar ngo mtshar lags so//
12b6 bde bar gshegs pa/ 'di ngo mtshar lags so/ /sems dpa' rdo rje dam pa la logs su btud de lus sa la brdabs pa'i phyag rnal 'byor lugs su byas te rmad
12b7 du byung ba'i me tog dang / tshogs kyi mchod pa sna tshogs byas te/ 'di ltar rmad byung ngo mtshar khyod/ /sangs rgyas thugs las rgyal skyes pa/ /ji ltar zhing 'dir
13a1 snang zhig gu/ /rnal 'byor yab gyur rgyal ba'i sras/ /ngo mtshar khyod kyis spyod pas na/ /bka' yi 'khor lo rab bskor ba/ sgrub
13a2 pa'i lam mchog dam pa dag /tshig gis mtshon te gsal bar mdzod/ /a la la ho zhes gsol ba btab bo/ /de nas dam pa rdo rjes rdo rje bskor te bsgyur
13a3 nas brjid bag tu tshig tu mtshon te smras pa/ oM AM hUM/ a la la ho/ /rgyal ba'i sras pos cang mi gsung / /mi gsung bas ni rgya cher bshad/ /bshad du med
13a4 pa'i chos 'di ni/ /rgyal ba rnams kyis ma bshad de/ /de ltar ston pa rgyal mchog kyang / /rnam par brjod par mi bzhed de/ /rgya cher bshad par dgongs pa 'o/ /skye ba
13a5 med pa'i chos rnams ni/ /ma skyes par yang snying por bzhed/ /snying po'i don du gang gyur pa/ /tshig tu smra ba legs ma yin/ /spros pa nyid na gol ba zhes/ /rgyal
13a6 ba rnams kyis yang dag bshad/ /de bas rdo rje rgyal po nyid/ /bka' mi stsal bar dgongs pa'o/ /dgongs pa'i don rnams gang 'byin pa/ /ji ltar me long gzugs
13a7 brnyan ltar/ /dgongs don rig la snang gyur pa/ /ma skyes snying po'i don gyis na/ /tshig tu spro ba ma yin na'ang / /mtshan ma tshig gi rnal 'byor pa/ /tshig la
13b1 zhib cing don la rtsing / tshig phyir blo 'brang rtsal zhan rnams/ /dkri phyir bsam pa rangs bya ba/ /ma dmigs pa las dmigs pa yi/ /cho 'phrul tshig gis mtshon
13b2 pa ni| |bder gshegs rgyal ba kun gyi thugs/ /gsang ba de nyid snying po'i don/ /mnyam nyid byang chub theg chen po/ /gsal bar bkod de nges brjod kyis/ /rgya
13b3 chen 'dus pa'i tshogs rnams nyon/ /nga ni dus gsum bzhugs pa yi/ rgyal ba kun gyi snying po ste/ /stong par sbas pa'i don 'di la/ /dpes mtshon tshig gi lde mig
13b4 gis| |mnyam nyid rig pa'i sgo dbye byas/ /sbas pa'i don 'byin gsal byed pa/ /sA lu phub khros snang me bzhin/ /gsal bteg snang rnyed la ler 'dug /zab mor
13b5 spyod pa la mos pas/ /gang zhig don la 'dris pa yi/ /gsang sngags spyod pa'i rang bzhin ni/ /mthun pa'i dmigs bcu dper bzhag ste/ /rnal 'byor can gyis
13b6 shes par bya/ /sgyu ma smig rgyu rmi lam dang / /gzugs brnyan dri za grong khyer dang / brag ca chu zla mig yor dang / /chu bur 'khrul dang mgal mer snang / /sgrub dang gsang
13b7 sngags spyod pa dang / grub pa dang ni gnas dag dang / /bzlas pa'i sgra dang phyag rgyar rtog/ ting 'dzin lta ba cho 'phrul brtag /ji ltar sgyu ma'i mtshan nyid ni/ /skyes bu
14a1 dag gi rtsol ba dang / /sman dang sngags kyi sbyor ba las/ /dbang po yid 'phrog cir snang yang / /de la 'gro 'ong ga la yod/ /de ltar sgrub
14a2 pa'i mtshan nyid kyang / /yig 'bru rdzas kyi sbyor pa las/ /grub par snang yang rang bzhin med/ /ji ltar smig rgyu'i mtshan nyid ni/ /zhing pa'i dus kyi zla ba la/ /drod
14a3 dang nyi ma'i sbyor ba las/ /byis pa gdungs pa'i rang bzhin gyis/ /chu yis 'du shes ci bskyed kyang / /tshim pa'i rgyud ni ga la 'gyur/ /gsang sngags ming gi
14a4 khyad par yang / /rang bzhin mi dmigs stong pa la/ /mtshan ma'i tha snyad ming du btags/ /de nyid stong pas ming mi dmigs/ /dper na rmi lam rang bzhin ni/ /skyes
14a5 bu gnyid kyi dbang gyur na/ /thang gcig skad cig yud tsam dang / /lo la sogs pa de bzhin du/ /bde dang sdug bsngal de bzhin myong / /sangs nas ci yang mi dmigs
14a6 ltar| |de bzhin sngags kyi spyod pa dag /stong pa nyid kyi rang bzhin la/ /spyod pa'i rnam pa cir snang yang / /brtags na dmigs pa kun dang bral/ /gzugs
14a7 brnyan snang ba'i mtshan nyid ni/ /dper na gdong dang me long la/ /brten nas bzhin gyi gzugs byung yang / /red par gyur pa ga la yod/ /de bzhin sngags kyi
14b1 dngos grub kyang / /sgrub dang ting 'dzin yo byad la/ /brten nas dngos grub tshul byung yang / /gsol thob dmigs pa ga la yod/ /dri za gnas pa'i rang bzhin ni/ /
14b2 mkha' 'am yid kyi mkha' ngos la/ /dri za'i gsungs ni gar byung yang / /grong khyer de yang de nas byung / /byung nas de yang mi rtag ltar/ /gsang sngags grub pa'i gnas
14b3 dag kyang / /chos sam yid kyi mkha' ngos la/ /rnal 'byor gsang bdag gar bskyed pa/ /de nyid gnas pa'i gzhal med khang / /byung yang de la gnas mi 'gyur//
14b4 brag ca grags pa'i mtshan ma ni/ /dper na ngos la sgras rkyen pas/ /ji bzhin sgra ltar brag ca 'byung / /byung yang sgrar thos dmigs pa med/ /de bzhin sngags tshig
14b5 bzlas pa'i sgra/ /dper na med las yod btags pa'i/ /mtshan ma la brten stong pa'i sgra/ /brjod pa tsam du bstan par zad/ /ji ltar chu yi zla ba ni/ /sgrib med
14b6 mkha' las zla shar ba/ /gzugs brnyan dwangs pa'i chu nang snang / /snang yang gzung pa'i rtog med pa/ /de bzhin gzugs snang phyag rgya yang / /sems kyi mkha'
14b7 las skur gsal ba/ /phyag rgya'i rigs 'dzin ngo la snang / /de ltar snang yang 'dzin rtog bral/ /ji ltar char gyi rgyun bzhin du/ /chu las chu bur rnam par 'byung //
15a1 de yang gcig gi rnam pa las/ /mang pa'i rnam grangs du ma 'byung / /sdud cing phyir yang dum bur 'chad/ /de bzhin rnal 'byor sgrub
15a2 pa yi| |ting 'dzin rnam pa mang por 'dod/ /'khrul pa snang ba'i rang bzhin ni/ /spros bral dngos po stong pa las/ /srog dang shed can byed pa po/ /sems
15a3 can pa la sogs par snang / /mig nad ngo la rdzas ltar snang / /'khrul pa kho na snang bar zad/ /de bzhin sngags kyi lta ba yang / /cho 'phrul mang po cir 'phrul
15a4 pa| |snang ba med pa'i rang bzhin la/ /'khrul pa sna tshogs snang bar zad/ /rnal 'byor can gyis de ltar blta/ /ji ltar mgal me'i rang bzhin ni/ /gang dag lag
15a5 na mgal me thogs/ /bskor na 'khor lo'i rgyun ltar snang / /de la 'khor lo'i rang bzhin med/ /de bzhin sngags kyi cho 'phrul yang / /mi mnyam mnyam
15a6 pa'i rang bzhin las/ /ji ltar dmigs pa'i don 'byung ste/ /cho 'phrul sna tshogs rgyun mi 'chad/ /de phyir mtshan ma'i chos thams cad/ /mtshan med ngang
15a7 du gcig pas na/ /rtog pa'i bag chags ci byung yang / /chos kun dbyings su gcig pa'i phyir/ /rtog 'jug spros pa'i mtshan ma kun/ /ma byung ma skyes
15b1 dbyings nyid la/ /g.yos pa med cing cho 'phrul 'byung / /yon tan sna tshogs cher 'byung ba'i/ /gter gyi dbyig 'di gang mthong ba/ /sangs rgyas kun gyi yon tan
15b2 yang / /skad cig gcig la de la 'dus/ /de bas yid bzhin rin chen 'di/ /ldog pa med pas dang du blang / /don dam yang dag gter gyi mchog /rnal 'byor kun gyi
15b3 nor mchog ste/ /gang rtogs de 'thob gcig pu nyid/ /'brel med gzhan gyis thob par dka'/ /bdag med gnyis bral bde chen klong / /sangs rgyas kun gyi bde ba
15b4 che| |ye nas lhun grub 'dus ma byas/ /thig le chos nyid ye 'byams pas/ /kun khyab brdal bas snying por 'dus/ /mi dmigs spros bral byang chub sems/ /
15b5 zab mor snang ba'i nges don 'di/ /mkha' la mdud pa gting dpag dka'/ /rnal 'byor dmigs ldan blo chung zhing / /gang zhig rtsal zhan de rtog pa/ /g.yor mo'i
15b6 tshul du bdag brtag pa/ /brtags kyang rtogs par mi 'gyur ro/ /dper na nyi ma'i snying po la/ /mig gi dbang pos rab brtags na/ /de brtags don de mi rtogs kyi/ /
15b7 'od kyi zer gyis mig rdzir 'gyur/ /de 'drar byis pa'i rang bzhin gyis/ /zab mo'i don la cir brtags kyang / /yang dag don de mi mthong gi /blo zhan byis pa ga chad brgyal/
16a1 brtag tu med pa'i chos rnams ni/ /rtog pa can gyis mi rtogs te/ /gang zhig de don mi rtogs phyir/ /g.yang sar ltung ba ci cha yod/ /
16a2 gdod nas ma thos shin tu dge /bsam dang bral bas de bzhin gzhag /mi rtag bzhag pa'i chos 'di gang / /byis pa rnams la ngas ma bstan/ /bstan kyang
16a3 go bar mi 'gyur te/ /bstan du med cing go bar dka'/ /tshig gis brjod pa kun dang bral/ /'di zhes bstan du ga la yod/ /med pas bstan pa'i dmigs mi phyed/
16a4 mi dmigs chos la blo sbyangs shing / /yid kyi me long gsal byas na/ /nam mkha' dag la rab brtags na/ /snang ba med pa'i rang bzhin ni/ /nam mkha' lta bur de
16a5 nyid 'gyur/ /chos nyid nam mkha' lta bu ste/ /nam mkha' la yang mtshan nyid med/ /nam mkha' gang min rjod byed pa/ /brjod pa de nyid dngos po ste/ /dngos po de
16a6 yi ming brjod kyang / /nam mkha' de la 'gag mi 'gyur/ /de bzhin mi rtog rjod byed pa/ /rjod pa de nyid rnam rtog lta/ /rnam rtog de yi ming brjod kyang / /mi rtog de
16a7 la 'gag mi 'gyur/ /de 'drar sems kyang de ltar blta/ /sems nyid gzhan du ma grub ste/ /de bzhin chos kyang grub ma yin/ /sems dang chos nyid gnyis
16b1 med de| |sems nyid gang yin chos nyid de/ /chos nyid kyang ni de bzhin no/ /chos sems gnyis med ldan gyur pa/ /bla med byang chub chen por bshad/ /sems ni nam
16b2 mkha' lta bu ste/ /rnam par rtog bral gang mi rtogs/ /de bzhin sa gzhi chen po ltar/ /bla med byang chub myu gu skyed/ /me yi rang bzhin ltar snang bas/ /rmongs pa'i
16b3 bud shing sreg par byed/ /rlung gi rang bzhin yin pas na/ /mi shes pa yi rdul kun sel/ /chu yi rang bzhin yin pas na/ /nyon mongs gdung ba kun sim byed/ /sman
16b4 gyi rang bzhin yin pas na/ /'khor ba'i gcong rnying rnam par 'byin/ /de ltar rtsi yi rang bzhin pas/ /'tsho ba rnams kyi gsos su 'bab/ /de bzhin rno dbal rang bzhin
16b5 pas| |sdug bsngal rgya mtsho rnam par gcod/ /nyi ma lta bur snang ba yis/ /mun khang snang ston sel bar byed/ /ri rab lta bu'i rang bzhin pas/ /brtan po mi 'gyur
16b6 g.yo ba med/ /rgya mtsho lta bu'i rang bzhin pas/ /mi g.yo ba la byin rlabs che/ /sems ni 'di ltar cho 'phrul pas/ /de phyir 'khor dang mya ngan 'das/ /gnyis su
16b7 snang ba ma yin te/ /sems kyi rang bzhin bzang ngan las/ /gnyis kyi 'du shes phye ste bstan/ /sems las yang dag ye shes 'byung / /de bzhin bde dang sdug bsngal
17a1 'byung / /chos dang sangs rgyas ye shes 'byung / /dge 'dun yang ni de bzhin no/ /'di las pha rol phyin tshogs dang / byang chub dang ni
17a2 pad+mo 'byung / /'di las rdo rje sems dpa' dang / /dri med rin chen dpa' sbyin 'byung / /de bzhin rdo rje dpag med dang / /sna tshogs rgyal ba 'di las 'byung / /'di las phyag
17a3 rgya sna tshogs dang / rig pa'i snying po thams cad 'byung / /'di las 'dod chags zhe sdang dang / /sdug bsngal nga rgyal phrag dog 'byung / /gti mug dag kyang de bzhin
17a4 te| |'di las khams gsum thams cad dang / /skyes pa bud med ma ning 'byung / /'di las 'dod dang 'dod gzir dang / /nyon mongs gdung 'dod chags pa 'byung / /
17a5 ri dang skye bo de bzhin du/ /nam mkha' dang ni rlung dag dang / /sreg pa'i me ni rab tu 'byung / /'di las sa dang chu dang ni/ /rdo dang sa bon myu gu 'byung / /de bzhin glog
17a6 dang skar ma dang / /nyi ma zla ba sprin rnams 'byung / /de bzhin spyod dang mi spyod kun/ /thams cad thams cad 'byung bar 'gyur/ /dper na nam mkha'i rang bzhin las//
17a7 sprin dang na bun khug rlangs dang / /zla ba nyi ma skar tshogs dang / /snang yang nam mkha' bzhin du gnas/ /de bzhin sems kyi nam mkha' las/ /mtshan ma'i cho 'phrul
17b1 ci byung yang / /chos nyid nam mkha' bzhin gnas par/ /rnal 'byor can gyis blta bar bya/ /de lta bu yi sems nyid ni/ /rtogs dang ma rtogs rang bzhin la/ /lta ba'i
17b2 khyad par so sor blta/ /rtog pa can gyi ngo ga la/ /rtog pa 'khrul pa'i ngo bor snang / /kun tu nyer 'jog lam tshor la/ /kun tu rdul gyi phung por snang / /tshogs spyod snying
17b3 rje nyer 'jog la/ /thams cad sgyu ma'i rang bzhin ltar/ /de nyid mnyam par shes gnas na/ /nam mkha'i rang bzhin mthong bar gnas/ /ye shes rang snang nam mkha'
17b4 la| |nam mkha' nyid du snang bar zad/ /brjod bral mthong med dmigs dang bral/ /mthong ba med pa'i don 'di ni/ /sngon gyi rgyal ba rnams kyis bshad/ /bde gshegs
17b5 snying po byang chub la/ /dgongs pa 'di las gang mi mnga'/ /lta ba de dang ldan bzhin du/ /dam tshig nam mkha' lta bu la/ /bsrung dang mi bsrung phyogs dang bral/ /'di 'o
17b6 zhes ni bsrung du med/ /srung ba'i rnam grangs ji snyed cig /dus gsum rgyal bas gsungs mod kyang / /srung ba'i mdo ni gcig tu 'dus/ /nam mkha' lta bu'i rnal
17b7 'byor pas/ /nam mkha' 'dra ba'i dam tshig bsrung / /de yang bsrung du med na bde/ /gzhan pa theg pa chung ba rnams/ /bsrung ba'i mtshams dag bsrungs nas ni/ /skyon
18a1 yon chos la blang dor byed/ /bsrung dang bral ba'i chos rnams ni/ /bsrung du med pas de bzhin gzhag /de bzhin pa yi dam tshig la/ /ji
18a2 bzhin pa yi blo gzhag ste/ /brjed pa med pa'i sems nyid kyis/ /bsrung ba med pa'i ngang du bsdam/ /bsrung med nam mkha'i dam tshig 'di/ /ji ltar grags pa'i rang
18a3 bzhin la/ /sdom dang tshul khrims so sor snang / /byis pa rnams ni tha tshig sdom/ /bden gnyis rgyu la ston par grags/ /bla med mchog la dam tshig spyod/ /gcig
18a4 gi don las ma g.yos kyang / /'dul dbang ngo la so sor grags/ /kho na nyid ldan dam tshig mchog /de dang gang ldan dam pa ste/ /de las 'das na tshig par 'gyur//
18a5 de phyir dam tshig chen po ni/ /nam mkha' 'dra bar dpa' bos bshad/ /rgyal ba dpa' bo thams cad la/ /dam chig 'di las yong mi mnga'/ /spyod pa dag gi khyad par
18a6 yang / /chos nyid bya rtsol kun bral la/ /sgrub dang bsgrub pa'i dmigs pa med/ /'khrul pa gcod pa'i skye bo dag /dmigs med byang chub bde chen la/ /sdug
18a7 bsngal rtsol sems bcug pas nor/ /bya ba med pa'i chos nyid las/ /nyon mongs bya med spyad pas 'khrul/ /rang byung lhun grub gnas gzhan du/ /byis pa'i spyod
18b1 pas ci btsal dgos/ /gang zhig 'dod de ci zhig sgrub/ /ci spyad ci bsgrubs ci btsal yang / /sdug bsngal nyid de byang chub med/ /dmyal ba sangs rgyas chen po la/ /
18b2 sdug bsngal byang chub lam nyid de/ /nyan thos rang rgyal sa gnyis ngang / /theg pa'i khyad par ci bstan pa/ /byed rtsol bcas pa thams cad 'khrul/ /bla med byang
18b3 chub gegs su che/ /gang zhig btsal med bde chen don/ /sems kyi klong 'dis ma mthong na/ /sgrub dang rtsol ba ci spyad kyang / /byis pa don med gyis na 'khyams/ /
18b4 btsal du med pa'i rang bzhin la/ /rtsol ba'i spyod pas ci zhig bya/ /'dzin pa med pa'i chos nyid la/ /tshig 'dzin nor pa'i rtsol byar med/ /bgrod du med pa'i chos
18b5 nyid la| |bgrod pa'i dkyil 'khor ming dang bral/ /bsam du med pa'i chos nyid la/ /rtog sems bsam pa'i dmigs dang bral/ /btsal med pa yi chos nyid
18b6 la| |btsal med ye nas lhun gyis grub/ /mtha' dbus med pas brdal pa che/ /phyi nang med pas ye gsal khyab/ /skyon yon med pa lhun gyis rdzogs/ /bsgrub tu
18b7 med pas btsal sems bral/ /gzung du med pas dmigs dang bral/ /thams cad mkhyen pas byin rlabs che/ /gdod nas byang chub snying por gnas/ /spyod pa'i khyad
19a1 par 'di lta bu/ /des na gcig las med bzhin du/ /spyod mthun rtsol ba'i rang bzhin la/ /rnam rtog spyad pa so sor snang / /'khrul pa
19a2 thams cad 'khor bar spyod/ /rgyu 'bras mi slu bden don spyod/ /mi dmigs pa la nam mkhar spyod/ /de ltar spyod pa kun spyod kyang / /dam pa'i don de spyod mchog
19a3 nyid| |dam par gyur pa thams cad la/ /dam pa'i spyod pa de las med/ /skyes bu mchog gis de skad bshad/ /the tshom med par shes par gyis/ /ma spyod byang chub
19a4 de bzhin nyid/ /bsgom du med pa'i chos nyid la/ /bsgom pa dmigs su med pa ste/ /ting 'dzin zhes ni gdags su med/ /bsgoms kyang rnyed pa ma yin la/ /de
19a5 bzhin ma bsgoms stor ba med/ /bsgom chos sna tshogs cir snang yang / /bsgoms nas de yi ngang mi gnas/ /de bas byis pa'i spyod yul yin/ /dper na byis
19a6 pa'i rang bzhin gyis/ /sa la sogs pa gzugs sna tshogs/ /mdzes par byas nas skad cig mthong / /mthong ba nyid na ma grub ste/ /skad cig kho nas zhig gyur
19a7 nas/ /sa la sogs pa'i rdul du snang / /de bzhin rnal 'byor byis pa yis/ /gzugs la sogs pa sna tshogs bsgoms/ /sems kyi bye brag skad cig la/ /yid
19b1 kyi rgyu ba sna tshogs 'byung / /byung ba bzhin du de ma grub/ /sems kyi skad cig dran pa la/ /yid kyis dmigs pa rgyun chad nas/ /byung chor chad pa'i mtha' spangs te/ /chos
19b2 rnams nam mkha' lta bur ni/ /brjod med rgyun mi 'chad par dmigs/ /de don phyin ci ma log par/ /rjed med ting 'dzin sgom pa'i mchog /ci phyir chos kyi dbyings
19b3 nyid ni| |nam mkha' lta bur 'dus ma byas/ /bsam du med pas nam mkha' 'dra/ /brjod du med pas gzugs dang bral/ /kun gzhi kun tu nam mkha' la/ /yid
19b4 ni mkha' la nyi shar 'dra/ /rnam shes nyon mongs sprin gyis khebs/ /'du byed rlung gis kun bskyod de/ /gsal dang byung 'jug sangs dang 'gag /rnam shes
19b5 mtshan ma'i rtog pa yis/ /kun gzhi nam mkha' mthong mi ster/ /kun gzhi mthong nyid chos sku ste/ /'di don nam mkha' ma brjed pa/ /ting 'dzin chen po rgyun mi 'chad//
19b6 gang zhig 'di don yid 'chang ba/ /gzugs kyi dngos po cir snang yang / /sems ni ye nas mya ngan 'das/ /bde chen sangs rgyas thams cad la/ /dgongs pa 'di
19b7 las yong mi mnga'/ /snang ba med pa'i nam mkha' 'di/ /ting 'dzin chen por gnas bzhin du/ /'di las glags te ci zhig tshol/ /rgyal bas btsal kyang yong mi
20a1 rnyed| |'di las gzhan du gang tshol ba/ /btsal ba nyid na tshe chad 'gyur/ /gzhan nam dman pa'i sgo rnams ni/ /ting 'dzin med
20a2 pa'i chos nyid la/ /'dzin pa'i ting 'dzin bcug pas nor/ /de dag la ni gang spyod rnams/ /then tsher mig ni nam mkha' la/ /phra rab then thag 'dzud pa
20a3 ltar| |byis pa las gang byed pa de/ /shed can dag gis byar mi rung / /shed can spyod pa'i nam mkha' de/ /then tsher nam mkhar shong mi 'gyur/ /de bas
20a4 gzhan la bstan pa min/ /bstan na byis pa ga chad 'gyur/ /chos nyid nam mkha' lta bu'i dngos/ /gsal bar 'od stong nyi mas 'grub/ /byin rlabs 'od kyi zer
20a5 phreng tsam/ /sgyu ma ltar snang mtshan mar thob/ /mi g.yo mtshan med rang bzhin dngos/ /skye med sems kyis ma mthong ba/ /byis pa 'drid pa'i rtsed mor snang / /dngos
20a6 grub chen po'i sems nyid de/ /yid bzhin 'byung ba rin po che/ /ji ltar dmigs shing bsgyur bar 'gyur/ /grub pa'i don chen thams cad rdzogs/ /sems kyis
20a7 sems kyi tshul mthong na/ /dngos grub ces de dag las 'ong / /gang gis stsol te su yis blang / /stsal dang stsol bar byed mi dmigs/ /dper na chu dang me long
20b1 dang / /mkha' dang ral gri shel la sogs/ /gsal bar byed pa'i rang bzhin la/ /rnyog med la sogs bltas gsal ba/ /chu la sogs pa'i rang bzhin yin/ /de la
20b2 ngo mtshar che mi 'byung / /sems kyi chu gsal nam mkha' la/ /nyon mongs sprin gyis rnyog med na/ /dngos grub nyi zla skar tshogs bkram/ /sgrib med byin rlabs ngang
20b3 gis 'char/ /kun gzhi nam mkha'i snying po de/ /nyon mongs sprin gyis gting spungs pa/ /shes rab rlung gis ma gtor bar/ /ga zha mkhan gyi spyo 'dri yis/ /sgrib gsal
20b4 chos nyid gsal 'dod pa/ /ji ltar chus gsher byis pa dag /nyi ma sprin ldan grib ma yis/ /shin tu bsgribs par gyur pa na/ /sprin chen 'dus pa'i phung po la/ /kha
20b5 yi dbugs kyis bus byas na/ /sprin gsal nyid 'od gsal 'dod 'dra'o/ /de phyir rnal 'byor dbang phyug gis/ /sems nyid don la rnam brtags te/ /kun gzhi
20b6 rtsa ba shes par bya/ /sems nyid de la bltas gsal ba/ /rtsa ba dang ni gang ldan pa/ /dus dang tshig dang log gyur kyang / /yal ga lo 'dab 'bras bur bskrun/ /rtsa ba'i
20b7 sa bon med mi 'gyur/ /ji ltar sbyor ba'i rnal 'byor rnams/ /nan gyis mtshan pa'i dngos grub dag /byis pa'i sems kyis blang 'dod na/ /de yang mtshan mas de rangs
21a1 'gyur/ /dper na me yi rang bzhin dag /sa dang nags tshal sreg byed pa/ /rgyu rnams tshogs pa'i bden pa las/ /med las yod pa'i
21a2 bden par snang / /de ltar mtshan ma'i rnal 'byor yang / /mtshan ma'i cho 'phrul thob 'dod pa/ /mtshan ma'i rgyu rnams tshogs pa las/ /mtshan ma rangs pa'i
21a3 mtshan mar snang / /shin tu skar ma rgyal rnams la/ /byang chub spyod pa cher spyod pa'i/ /dam pa'i don la cher dmigs pas/ /gsang mchog rig pa'i dngos
21a4 grub myur/ /mtshan mar mi rtog rang bzhin gyis/ /zab mo'i don chen go ba ni/ /nges pa'i don gyis thag bcad de/ /mnyam pa'i don la yid ches bya/ /ji ltar
21a5 mkha' la tshig tsam du/ /ngang du brjod pas rjod byed kyi/ /brjod pa'i tha snyad dang bral bas/ /ji ltar 'khrigs kyi smig rgyu dag /snang ba nyid na med pa ltar/ /chos so
21a6 cog gi rang bzhin gsal/ /gsal ba nyid na de mi dmigs/ /thabs chen gting zab shes rab lam/ /spros bral mtshan ma'i 'phrang las 'das/ /gtos ches yangs
21a7 pas lam gnyis bral/ /dbus mtha' mi dmigs mnyam pa'i lam/ /gcig tu mnyam par chud nas ni/ /yul med tshol ba'i sems bral de/ /blang dor gnyis kyi
21b1 mtha' spangs nas/ /gnas pa med pa'i tshul gyis gnas/ /chos nyid dbyings su ro gcig phyir/ /shes dang shes bya gnyis med de/ /ye nas shes nyid chos shes na/ /chos
21b2 nyid gzhan nas bcol ci dgos/ /dper na sgyu ma'i bde sdug kyang / /bsal nas gnyi ga ma dmigs ltar/ /'khor ba 'gyur ba'i bde sdug kyang / /mnyam par rang bzhin
21b3 don gyis mnyam/ /ji ltar dus rnams thams cad dag /mnyam pa nyid du rtogs nas ni/ /sgros tshig rjes su ma 'brangs na/ /mnyam 'gyur dus rnams ga la dmigs /
21b4 mkha' la ngang gis gzugs med phyir/ /dmigs su zin par mi 'gyur bzhin/ /sems kyis ma skyes don mi dpogs/ /skyon dang yon tan gnyis 'byed pa/ /rtogs
21b5 nas gnyis kyi don spangs te/ /rang bzhin mnyam par don bzhag na/ /bsgom zhes ming du brjod par zad/ /gnyis su lta ba ma skyes phyir/ /gnyis kyi 'du shes ci byung
21b6 yang / /rang byung zhi ba ma bkag chos/ /ye nas ma bcos don gyis gsal/ /ma skyes rnam dag byang chub sems/ /mi gnas ye shes thugs dang mnyam/ /rig dang
21b7 ma rig khyad par las/ /'khor 'das rten dang 'brel par snang / /rnam rtog med phyir zhi ba med/ /'dzin par ma yin spros bral min/ /drang ba'i don bstan ma gtogs
22a1 par| |don la tshig gis brjod du med/ /snang yang med pa'i rang bzhin la/ /shes blo yod pa'i sems mi 'byung / /mnyam nyid stong
22a2 pa'i don 'di la/ /don ldan stong pa'i sgro mi 'dogs/ /ma bcos rang bzhin zhi ba yi/ /mtshan ma'i rtog bral shes ldan pas/ /mdo tsam du'ang mi dmigs
22a3 na| |byung tshor 'dzin par ga la 'gyur/ /thams cad mi gnas byang chub pas/ /btsal nas grub pa ma yin yang / /sgyu ma sangs nas 'khrul bral bzhin/ /
22a4 spros bral ye shes snying por gnas/ /'khor bar rtogs pa dug yin te/ /'khor ba'i sdug bsngal mi shes na/ /dug 'thungs bde ba ga las 'ong / /sbyar
22a5 legs dug nyid sman du 'gyur/ /'khor ba'i las rnams de ltar snang / /'khrul snang dug gzer bzod dka' ltar/ /ma rig 'khor ba'i sdug bsngal snang //
22a6 rmi lam sgyu 'phrul mi zad pas/ /shin tu nyam thag gdungs pa'i tshe/ /'chi bdag bdud kyis zin 'dra la/ /mgon btsun gzhan gyis mi phan te/ /bdud sel rtsi dang
22a7 'dra bar ni/ /yang dag lam mchog rtogs par bya/ /dug nad smyo sangs 'byang ba la/ /skad cig ma la mi bzod cing / /sman dang sman pa'i rtsol bsgrubs pa/ /sangs
22b1 nas de dag mi dmigs ltar/ /'khor ba mi dmigs 'khrul pa la/ /rmi lam nad sel rtsol sgrub ltar/ /sgrub dang ting 'dzin rtsol byed kyang / /'khor ba stong rtogs nyid
22b2 byang chub/ /sgyu ma rgyu 'bras mi slu bzhin/ /blun rmongs ngo la de ltar snang / /mnyam nyid rig pa'i rtsal can dag /'khor ba 'khrul pa'i tshig tsam du/ /ma nor lam rig
22b3 blo la gsal/ /de la rtsol thob rlom sems med/ /sems nyid don dang ma mnyam na/ /tshig gis mnyam pas don mi dpog /'khrul 'khor mnyam las ma g.yos
22b4 kyang / /log rtog sgyu ma'i tshul tsam snang / /sems nyid ye sangs rgyas rig nas/ /rig pa'i don la brtson sbyor zhing / /rang byung yon tan rtsal sdung ba/ /'khrul par 'brel
22b5 pa ga la yin/ /byang chub sems ldan bsam rdzogs na/ /ye shes mchog ldan mnyam nyid sku/ /ting 'dzin mchog ldan bla ma'i dbang / /dge bsags mchog ldan
22b6 lus spyod pa'i/ /bsod nams mchog ldan gzugs kyi sku/ /rnam smin tshul gyis 'grub mi lta/ /btsal nas thob par mi byed de/ /rgyu yi dus nyid 'bras bu'i mchog /dpyod pa'i
22b7 sems nyid ting 'dzin ni/ /sems can dus na don la sbyor/ /lhun grub sa la bgrod mi byed/ /'khor ba'i sa shes bde ldan gnas/ /mi gnas 'khor ba'i sdug bsngal yang //
23a1 byang chub 'khor ba'i lam dang 'bral/ /sgyu ma'i mtshan nyid ma bkag tshul/ /rang byung rtogs bral gcig tu mnyam/ /mnyam pa
23a2 nyid kyi don brtson par/ /chos nyid la yang chos nyid gsal/ /mnyam pas mnyam zhes tshig brjod kyang / /mnyam pa'i don dang mthun mi 'gyur/ /byang chub de
23a3 yang mi dmigs te/ /mi gnas zhes ni gang brjod cing / /gnas dang dmigs pa'i gnas 'dzin pa/ /gzung 'dzin zhes ni de la bya/ /rgyu 'drar byang chub sems
23a4 med na| |dngos bral yul med stong pa dag /mkha' la rang bzhin mi gnas zhes/ /bstan pa de ni yod ma yin/ /bsam gtan lus ni gtsor byed dang //
23a5 gnas de lus kyi phyag rgya kun/ /mtshan mar mngon par zhen las byung / /mtshan med sems la bya rtsol med/ /smig rgyu bzhin du lus red na/ /gnas dang
23a6 phyag rgyar dmigs pa med/ /byed spyod ched du ston byed cing / /bya med bya ba'i dmigs pa'ang med/ /de nyid ma skyes gzhi med pas/ /gnas ba der lus bcos
23a7 kha na med/ /zhen par 'chos lam spyod byed pa/ /de nyid gzung 'dzin rnam rtog ste/ /bsam gtan lus dben dben ma yin/ /mkha' la sems dben dben pa'i
23b1 mchog /sems nyid dben pa'i gnas yin te/ /'di ni rnal 'byor spyod mchog gnas/ /bla gab ri phug gzhal med min/ /sems nyid dpag yas gzhal med mchog
23b2 'di ni rmad byung nor bu'i gzhal/ /phyi dang nang med kun tu yang / /'du bar 'dus pa tshogs ma yin/ /sems la ye shes tshogs 'dus mchog /chos kun 'dus pas
23b3 lus pa med/ /dpag med rgyal ba mnyes pa'i tshogs/ /kun rdzob 'byor ba yo byad min/ /sems nyid 'byor pa rdzas dang ldan/ /lhag pa'i rdzas mchog 'di shes
23b4 na| |sgrub 'grub 'di la the tshom med/ /sgom par byed pa bsgom pa min/ /bsam bya dmigs su med pa ste/ /'di ltar sems kyi gsang sgom pa/ /don la sems
23b5 sgom ting 'dzin mchog /bsrung zhes bsrung bar bya mi dmigs/ /stong par sbas pa'i sems nyid de/ /mtshan mar 'das nas tshig shes na/ /bsrung ba'i gsang ba
23b6 dam pa'o/ /tshig tu mnyam brjod mnyam mi dmigs/ /sems nyid rang dag mnyam pa las/ /mnyam pa'i don nyid lhag par med/ /'di don mnyam shes mnyam pa'i
23b7 don| |brtul zhugs spyod pa spyod min te/ /sems la sems gzhol rol spyod pa/ /thabs che yangs pa spyod pa'i mchog /byang chub don gyi phyi mo ru/ /sems kyi phyi mor
24a1 ye gnas pas/ /gsol thob mtshan ma'i ming mi dmigs/ /dngos grub chen po rgyun mi 'chad/ /de ltar sems kyis sems mthong na/ /
24a2 ye shes kyis ni chos nyid mthong / /dus kun tu ni skye 'gag med/ /sngon ma mthong ba'i don mthong 'gyur/ /de yang dngos po cang mi mthong / /thams cad rang
24a3 bzhin med pa zhig /blo la 'gyus pa kho nar zad/ /de lta bu yi don mthong na/ /mtshan mar mthong ba ci yang med/ /sgyu ma tsam du tshul shes nas/ /nam
24a4 mkha' mnyam pa'i don snang 'gyur/ /kha cig dag ni de don la/ /mthong ba ci yang med 'gyur na/ /snang ba zhes ni ci'i phyir gdags/ /med pa'i don dang 'gal
24a5 'gyur zhes/ /the tshom za 'gyur de dag la/ /mthong ba med pa'i don de nyid/ /yid kyi ngo la snang 'gyur na/ /snang zhes de phyir brjod par bya/ /de bas 'khrul pa ma
24a6 zad par/ /nam mkha' mthong ba med pa de/ /de nyid yid la snang 'gyur yang / /gzugs la snang bar 'gyur ba min/ /sems nyid bden par ma mthong na/ /yid la
24a7 mtshan med don gsal dang / /mtshan ma 'khrul par rgyu ba gnyis/ /'dren mar rgyu byed 'bral 'gyur min/ /de nyid bden par mthong gyur na/ /de nas de ma thag tu
24b1 yang / /yid kyi rgyu ba rgyun chad nas/ /sngar 'khrul mtshan ma'i chos bral te/ /des ni bden pa mthong ba yin/ /de bas 'dus pa chen po'i tshogs/ /sems ni yang dag
24b2 lam nyid de/ /mkha' la bya lam rjes med bzhin/ /gol med lam zhes 'dren pas bshad/ /de ltar bshad pa'i lam de yang / /kun gyi rtogs par bya ba'i phyir/ /tshig
24b3 tu mtshon te bshad mod kyang / /dmigs med tshig gi yul bral ba/ /de yi rang bzhin de yin na/ /rang bzhin gzhi las mtshan mar g.yos/ /de la ming med ming btags
24b4 rgyud/ /yin dang ma yin the tshom skyes/ /de nas rtsod pa'i gzhir gyur te/ /de bsal don phyir mtshan ma yi/ /tshig gi tshogs kyi rnam grangs las/ /sgo mo dpag tu med par
24b5 bshad| |de yis nges don rjes bcad pa/ /thugs kyi klong nas bton pa yi/ /tshig gi sgron mes don btsal ba/ /lam nyid ji ltar yin zhe na/ /dran byung rjes su 'brangs
24b6 na ni| |'khor ba'i gnas su 'khor bar 'gyur/ /dran 'byung g.yo ba ci bkag pa/ /de dag 'gog pa nyid du 'gyur/ /dran byung med par blun pa ni/ /mu stegs can lam
24b7 mun par 'gyur/ /'di zhes sems su gcig gzung na/ /mtshan ma rtog pa'i ri bo yin/ /snga phyi med ces phyang bcad na/ /med de chad pa'i mu can yin/ /gzhi yi don la
25a1 yud tsam zhig /cir g.yos skye 'gag byung ba de/ /rnam grangs lam de 'phel 'gyur gyi/ /lam gyi chos nyid ga la 'gyur/ /dper na
25a2 'gro gang byis pa dag /grib ma spangs nas rnam dag tshol/ /rang las byung ba'i rang bzhin gyis/ /btsal na grib med dag mi rnyed/ /don nyid ye nas gnas bzhin
25a3 du| |sems nyid sdug bsngal sna tshogs kyis/ /sha thang par ni don tshol ba/ /don med bdud kyi las yin no/ /don dam tshig tu brjod pa ni/ /nam mkha' dag la rtsod pa 'dra/ /tshig tu sman dang
25a4 dpyad bshad kyang / /nad pa'i tshogs la mi phan no/ /sems nyid don du ma shes na/ /tshig tu don brjod don mi rtogs/ /'khor ba spangs nas 'das tshol ba/ /gzugs
25a5 btang nas ni grib tshol 'dra/ /lam nyid ji ltar yin zhe na/ /ma rig ye shes tha dad min/ /ma rtogs rtogs pa lam du gcig /sems 'di sna tshogs par snang
25a6 bas| |sna tshogs sems su gcig pa yin/ /dper na gser du gcig pa las/ /dbyibs dang gzugs ni tha dad par/ /byis pas so so'i ming du grags/ /grags
25a7 kyang gser gyi ngo bor gcig /de bzhin sems kyi rang bzhin la/ /'khrul dang ma 'khrul khyad par gyis/ /ji ltar bltas rgyu der snang yang / /snang yang sems las
25b1 gzhan mi dmigs/ /sgron mar 'bar ba'i rin chen ni/ /gal te ngan khung sbas gyur kyang / /de nyid yon tan rang snang bas/ /'od ni mkha' la gsal bar 'gyur/ /
25b2 de bzhin sems nyid rin chen sgron/ /lus ngan 'khor bar bying gyur kyang / /rang byung rang zhi rang snang bas/ /shes rab chos nyid mkha' la gsal/ /sems nyid nam
25b3 mkhar 'drar mtshungs te/ /kun khyab stong gsal sna tshogs 'byung / /byung tshor g.yo 'gog thams cad kyang / /rang bzhin gyis 'byung ngang gis zhi/ /mdor na ji
25b4 ltar brtags bsams bzhin/ /'gyur bas thams cad ngo bor snang / /ma bcos g.yo ba med nyid la/ /sna sogs rgyu 'byung mi skyon zhing / /cho 'phrul mi 'gag nyam
25b5 nga med| |ji bzhin nam mkha'i ring bzhin la/ /blo bzhag ma g.yengs kho nar zad/ /de ni skyes mchog don po che/ /de sems dus gsum thams cad kyi/ /sangs rgyas
25b6 'byung ba'i ngo bo yin/ /de lta'i don la ring zhig nas/ /shes shing 'dris par gyur pa na/ /nges don mthong ba'i nyams drod ni/ /don dang mjal ba'i rtags chen yang //
25b7 man ngag lung gis brgyan 'char te/ /nges par don gsum myong bar 'gyur/ /de dag thog tu phebs pa yi/ /drod chen rtags su bstan pa yin/ /de yi zhar las byung
26a1 ba'i drod/ /'khor ba'i chos la snying rje yi/ /byang chub sems kyang skye bar 'gyur/ /mtshan ma rtog pa'i chos rnams la/ /yid mi ches
26a2 pa'i 'du shes skye/ /chos rnams 'di ltar yin pa las/ /'di ltar 'khrul pa ngo mtshar che/ /ya mtshan dpyod pa'i 'du shes 'byung / /'di don ma shes 'gro ba
26a3 rnams| |rtsol sgrub dka' ba'i thabs chen gyis/ /yang dag don tshol lam re ring / /bsags pa'i 'bras bu yod 'gyur yang / /don de mthong bar yong mi nus/ /de
26a4 'dra'i 'du shes 'byung bar 'gyur/ /de ltar shes pa'i nyams drod ni/ /skal dang ldan pa'i skyes bu gang / /rgyus 'gros tshig gis ma bkrol bar/ /sems las
26a5 chos byung 'bum phrag yas/ /smra ba'i sgo mor thams cad gsal/ /don la nges pa'i gtan tshigs dag /tshig tu mtshon te 'byin par nus/ /de ni chos sku mnyam
26a6 nyid dang / /dbyer med gnyis su med pa yin/ /rten pa'i gsung thugs sku brnyan dang / /de ni mtshungs pa yod min no/ /zhi lus mthar 'gog skyon gnyis dang / /de ni
26a7 mtshungs pa yod ma yin/ /sa la slob pa'i sems dpa' dang / /de yang mi mtshungs rgyal bas gsungs/ /rigs dang drang srong don dpyod dang / /lus 'dra sems ni
26b1 yong mi mtshungs/ /de phyir rnam dag lam che ni/ /sems kyi gsang 'di yin pas na/ /skal ldan 'dus pa chen po'i tshogs/ /lam 'di shes par bya ba las/ /btsal
26b2 bar bya ba'i sems med de/ /lam 'di shes pa de nyid kyis/ /dka' ba'i rtsol sgrub ma byas par/ /thams cad thams cad 'grub par 'gyur/ /'dus pa chen po'i tshogs/
26b3 de bas na| sems 'di ni/ lam zhes bya'o/ /'khor ba zhes bya'o/ /sems zhes bya'o/ /gru zhes bya'o/ /bgrod pa zhes bya'o/ /byang chub ces bya'o/ /sems zhes
26b4 bya'o| |shes rab ces bya'o/ /ting nge 'dzin ces bya'o/ /gnas zhes bya'o/ /rab ces bya'o/ /mchog ces bya'o/ /phul zhes bya'o/ /bla na med pa zhes bya'o/ /zab pa zhes
26b5 bya'o| |gsang ba zhes bya'o/ /gting dpag dka' ba zhes bya'o/ /chos shes bya'o/ /byang chub sems dpa' zhes bya'o/ /sangs rgyas zhes bya'o/ /de ci'i phyir zhe na/
26b6 'jug pa'i phyir ni/ lam mo/ /'khrul pa'i phyir ni/ 'khor ba'o/ /ma shes pa'i phyir ni/ sems can no/ /sgrol ba'i phyir ni/ gru'o/ /bskyod pa'i phyir ni/ bgrod pa'o//
26b7 bde ba'i phyir ni/ byang chub bo/ /dran pa nges pa'i phyir ni/ sems so/ /mkhas pa'i phyir ni/ shes rab bo/ /gsal ba'i phyir ni/ ting 'dzin no/ /phyin pa'i phyir ni/
27a1 gnas so/ /zla med pa'i phyir ni/ rab bo/ /ngo mtshar ba'i phyir ni/ mchog go /'phags pa'i phyir ni/ 'phags pa'i phyir ni/ phul lo/ /dbang byed pa med
27a2 pa'i phyir ni/ bla na med pa'o/ /gting ring pa'i phyir ni/ zab pa'o/ /gab pa'i phyir ni/ gsang ba'o/ /phra ba'i phyir ni/ gting dpag dka' ba'o/ /kun 'byung ba'i phyir
27a3 ni| chos so/ /sa non pa'i phyir ni/ /byang chub sems dpa'o/ /mthar phyin pa'i phyir ni/ sangs rgyas te/ sems dpa' chen po/ /de'i phyir na rnal 'byor gyi lam
27a4 'di shes par bya ste/ lam 'di ni/ chos thams cad kyi gzhi'o/ /sangs rgyas thams cad kyi yum mo/ /de ci'i phyir zhe na/ chos thams cad 'di las byung
27a5 ba'i phyir na gzhi'o/ /mthar phyin pa'i sangs rgyas kyi lam 'di nas gshegs par gyur to/ /da ltar ston pa nyid kyang lam 'di nas gshegs pa ste/ de'i phyir lam
27a6 'di shes par bya'o/ /de ltar na/ de'i phyir lam 'di ni/ de bzhin gshegs pa thams cad kyi yab ces kyang bya'o/ /de bzhin du yum zhes kyang bya ba dang / sras zhes
27a7 bya ba dang / bdag po zhes bya ba dang / gdung zhes bya ba dang / srog ces bya ba dang / bran zhes bya ba dang / sku zhes bya ba dang / gsung zhes bya ba dang / thugs zhes bya
27b1 dang / yon tan zhes bya ba dang / 'phrin las chen po zhes bya'o/ /de ci'i phyir zhe na/ thabs chen po dang / shes rab chen po dang / byang chub chen po dang / dbang chen po
27b2 dang / de bzhin nyid dang / 'da' bar dka' ba dang / chos nyid la zad mi shes pa dang / snying rje chen po dang / rnam par brjid pa dang / sna tshogs su ston pa dang / thams
27b3 cad du mkhyen pa dang / cir yang 'byung ba dang / mdzad pa sna tshogs pa'i phyir de dag ni/ de ltar yin par shes par bya'o/ /de'i phyir yang lam 'di yongs su shes par
27b4 bya'o| |de bzhin du 'dod pa chen po zhes kyang bya'o/ /'tsho ba chen po zhes bya ba dang / longs spyod chen po zhes bya ba dang / yo byad chen po zhes bya ba dang / rgyu zhes bya ba dang /
27b5 rkyen zhes bya ba dang / 'bras bu zhes bya ba dang / spyod pa zhes bya ba dang / cho 'phrul zhes bya ba dang / phyag rgya zhes bya ba dang / bsnyen pa zhes bya ba dang / nye ba'i bsnyen
27b6 pa zhes bya ba dang / sgrub pa zhes bya ba dang / sgrub pa chen po zhes bya ba dang / tshogs chen po zhes bya ba dang / kun tu rdzogs pa zhes bya'o/ /de ci'i phyir zhe na/ yul la
27b7 'dod pa sna tshogs pa dang / dmigs pas 'tsho ba dang / 'jol nyog tu spyod pa dang / dgos pa sgrub pa dang / /'bras bur byed pa dang / kun tu log pa dang / don grub
28a1 ba dang / smin par bsags pa dang / rang bzhin du gyur pa dang / bya ba byed pa dang / sna tshogs su 'byung ba dang / mtshan mar bstan pa dang /
28a2 rnam par 'dud pa dang / shin tu mdzed pa dang / 'dod pa byed pa dang / lhag par 'dod pa dang / kun tu 'byor ba dang / lhun gyis grub pa'i phyir yongs su
28a3 shes par bya'o/ /gzhan yang 'dus pa chen po'i tshogs/ /'di la ni/ thams cad yod de/ chos thams cad ni/ rnal 'byor rnam pa gsum du 'dus par
28a4 shes par bya'o/ /gsum gang zhe na/ rgyu'i rnal 'byor dang / rkyen gyi rnal 'byor dang / 'bras bu'i rnal 'byor rnam pa gsum yang 'di nyid yin zhing 'di
28a5 las 'byung bar shes par bya ste/ de yang ji ltar zhe na/ rgyu ni/ 'khrul pa gcig shes te chub par 'dod pas kyang lam 'di nyid shes par bya'o/ /de bzhin
28a6 du mtshan ma gnyis dang / rtog pa gsum dang / log pa bzhi dang / nyon mongs pa lnga dang / phung po lnga dang / dbang po lnga dang / rgyu drug dang / rkyen bcu gnyis
28a7 dang / skye ba bcu gnyis dang / rang bzhin bco brgyad dang / spyod pa bcu gcig dang / smon pa bzhi dang / lam lnga dang / gnas drug dang / mu gsum shes te
28b1 chub par 'dod pas kyang lam 'di nyid shes par bya'o/ /de ci'i phyir zhe na/ 'dod pa'i 'bras bu'i gzhir gyur pa'i phyir te/ lam de nyid ma rig pa'i phyir 'khrul
28b2 pa zhes bya'o/ /yul dang gnyis su gyur pa'i phyir na/ mtshan ma zhes bya'o/ /dus gsum dngos por rtog pa'i phyir rtog pa zhes bya'o/ /nges pa las log pa'i
28b3 phyir don las gol ba dang / mnyam pa las gol ba dang / phyogs las gol ba dang / gzhi las gol ba'i phyir log pa zhes bya'o/ /rgyu 'bras kun nas nyon
28b4 mongs pa'i phyir mun pas 'thibs pa dang / sred pas gdungs pa dang / sdong pos non pa dang / mi phyed pas 'thas pa dang / kun nas 'khrugs pa'i phyir nyon
28b5 mongs pa zhes bya'o/ /kun nas 'dus pa'i phyir rgyu 'dus pa dang / rkyen du tshor ba dang / mtshan mar shes pa dang / thams cad nas byed pa dang / rnam par rig pa'i
28b6 phyir phung po zhes bya'o/ /sgor gsal zhing yul la dbang byed pa'i phyir mthong bar dbang ba dang / thos par dbang ba dang / tshor bar dbang ba dang / myong bar dbang ba
28b7 dang / reg par dbang ba'i phyir dbang po zhes bya'o/ /'bras bur byed pa'i phyir 'dzin par dbang ba dang / mnyen par byed pa dang / chags par byed pa dang / g.yo bar
29a1 'bud pa dang / skyed par gsal ba dang / dus su red pa'i phyir rgyu zhes bya'o/ /rkyen du 'brel pa'i phyir sa bon dang / rtsa ba dang / myu
29a2 gu dang / ldum bu dang / yal ga dang / sdong po dang / 'dab ma dang / me tog dang / 'bras bu dang / snying po dang / bskams pa'i phyir rkyen zhes bya'o/ /
29a3 mtshan ma skye ba'i phyir mthong ba skye ba dang / snang ba dang / thos pa dang / sgra brnyan dang / tshor ba dang / dri dang / myong ba dang / ro dang / reg pa dang / shes pa dang /
29a4 chos skye ba'i phyir skye ba zhes bya'o/ /mtshan ma'i chos nyid can gyi phyir mthong ba'i chos nyid dang / snang ba'i chos dang / lhang nge ba'i chos dang / thos pa'i chos
29a5 dang / grags pa'i chos dang / gsal ba'i chos dang / tshor ba'i chos dang / dri'i chos dang / tshim pa'i chos dang / myong ba'i chos dang / ro'i chos dang / bro ba'i
29a6 chos dang / reg pa'i chos dang / reg bya'i chos dang / nges pa'i chos dang / shes pa'i chos dang / chos kyi chos dang / rtogs pa'i chos nyid 'dzin pa'i phyir chos nyid
29a7 ces bya'o/ /mtshan mar spyod pa'i phyir 'du shes sgyur ba'i spyod pa dang / dbang du spyod pa'i spyod pa dang / rnam par g.yo ba'i spyod pa dang / sgros su 'dogs pa'i spyod
29b1 pa dang / zla las gal ba'i spyod pa dang / kun tu 'tshig pa'i spyod pa dang / bla bkyal 'tshal ba'i spyod pa dang / chags pa 'dzin pa'i spyod pa dang / kun tu bdud kyi spyod pa dang / phyin
29b2 ci log pa'i spyod pa dang / gnyis la brten pa'i spyod pa'i phyir spyod pa zhes bya'o/ /'bras bur smin pa'i phyir rdzogs par smin pa dang / rim par smin pa dang / glo bur du smin
29b3 pa dang / bsgyur te smin pa'i phyir smin pa zhes bya'o/ /bgrod par byed pa'i phyir gdung ba'i lam dang / 'gog pa'i lam dang / mun pa'i lam dang / 'dam gyi lam dang /
29b4 yang ba'i phyir lam zhes bya'o/ /rten par byed pa'i phyir bzod ldan gyi gnas dang / yid ldan gyi gnas dang / mnyam ldan gyi gnas dang / 'dod ldan gyi gnas dang /
29b5 rtsod ldan gyi gnas dang / dga' ldan la gnas pa'i phyir gnas zhes bya'o/ /bde ba'i mu bzung ba'i phyir ngo bo nyid kyi mu dang / byed pa dang / dbang phyug gi mu bzung
29b6 ba'i phyir mu zhes bya'o/ /'dus pa chen po'i tshogs/ rkyen gyi rnal 'byor ni/ 'di lta ste/ shes pa gcig shes te chub par 'dod pas kyang lam 'di shes par bya'o//
29b7 de bzhin du don gnyis dang / tshul gsum dang / thabs bzhi dang / chos lnga dang / rigs drug dang / mdzad pa chen po bcu gnyis dang / chos 'phrul chen po bcu gnyis
30a1 dang / ye shes bco brgyad dang / sa'i khyad par bcu gcig dang / sku bzhi dang / lam lnga dang / 'bras bu chen po drug dang / byang chub chen po gcig shes te chub par 'dod pas
30a2 kyang lam 'di nyid shes par bya'o/ /de ci'i phyir zhe na/ rang rkyen tsam du spyod cing 'bras bu'i rkyen du 'gyur ba'i phyir te/ lam de nyid ma nor bar shes pa'i phyir de shes pa gcig
30a3 ces bya'o/ /bden pa gnyis su snang ba'i phyir don gnyis pa zhes bya'o/ /mtshan nyid gsum gyis sbyor ba'i phyir kun brtags mthun pa la yod pa'i tshul dang / gzhan dbang mi
30a4 mthun pa la med pa'i tshul dang / rjes su dpag pa gnyi ga ma yin pa'i phyir tshul zhes bya'o/ /mkhas pas zin pa'i phyir khyad kyis 'jug pa'i thabs dang / rkyen la sbyor ba'i thabs dang /
30a5 mngon par 'jug pa'i thabs dang / thams cad rdzogs pa'i phyir thabs zhes bya'o/ /rang bzhin la gnas pa'i phyir rgyu'i chos dang / lam gyi chos dang / rtogs pa'i chos dang / 'bras bu'i chos la gnas
30a6 pa'i phyir chos zhes bya'o/ /phyis 'byung bar shes pa'i phyir rgyu'i dran pa dang / 'bras bu'i dran pa dang / sgra'i dran pa dang / sbyor ba'i dran pa dang / gnas kyi dran pa dang / mngon sum pa'i dran pa
30a7 dang / rig pa'i phyir rig pa drug ces bya'o/ /gzhan gyi don du mdzad cing 'gro ba'i don la 'jug pa'i phyir ngo bo'i tshul dang / bltams pa'i tshul dang / rol pa'i tshul dang /
30b1 mnga' dbang chen po'i tshul dang / thar par gyur pa'i tshul dang / dka' thub chen po'i tshul dang / sangs rgyas pa dang / bdud btul ba'i chul dang / 'khor lo bskor ba
30b2 dang / bdud btul ba'i tshul dang / cho 'phrul ston pa'i tshul dang / mya ngan las 'das pa'i tshul gyi phyir mdzad pa chen po zhes bya'o/ /sna tshogs su 'phrul
30b3 pa'i phyir ting nge 'dzin gyi cho 'phrul dang / snang ba'i cho 'phrul dang / rdzu 'phrul gyi cho 'phrul dang / kun brjod pa'i cho 'phrul dang / rjes su bstan pa'i cho 'phrul
30b4 dang / bsam gtan gyi cho 'phrul dang / byin rlabs kyi cho 'phrul dang / skye ba'i cho 'phrul dang / stobs kyi cho 'phrul dang / yon tan gyi cho 'phrul dang / 'bras bu'i cho
30b5 'phrul dang / de'i phyir cho 'phrul zhes bya'o/ /phyi nang gi chos thams cad shes pa'i phyir nang gi chos thams cad shes pa dang / phyi'i chos thams cad shes pa'i ye
30b6 shes dang / phyi nang gi chos thams cad shes pa'i ye shes dang / stong pa'i chos thams cad shes pa'i ye shes dang / don dam pa'i chos nyid shes pa'i ye shes dang /
30b7 'dus byas kyi chos thams cad shes pa'i ye shes dang / mtha' mi dmigs pa'i chos thams cad shes pa'i ye shes dang / dus gsum gyi chos thams cad shes pa'i
31a1 ye shes dang / blang dor mi dmigs pa'i chos thams cad shes pa'i ye shes dang / rang bzhin gyi chos thams cad shes pa'i ye shes dang /
31a2 chos can gyi chos thams cad shes pa'i ye shes dang / mtshan nyid 'dzin pa'i chos thams cad shes pa'i ye shes dang / dmigs pa med pa'i chos thams cad shes pa'i ye
31a3 shes dang / mtshan mar mi rtog pa'i chos thams cad shes pa'i ye shes dang / ngo bo nyid kyi chos thams cad shes pa'i ye shes dang / dngos po mi dmigs pa'i
31a4 chos thams cad shes pa'i ye shes dang / brten te gnas pa'i phyir mi gos pa'i rig pa dang / mi nyams par rig pa dang / mi sgrib par rig pa dang / rdzogs par
31a5 rig pa dang / ma g.yos par rig pa dang / mnyam pa nyid du rig pa dang / gnyis su med par rig pa dang / yongs su dag par rig pa dang / kun tu legs par rig
31a6 pa dang / de ma thag par rig pa dang / rdzogs par chub pa'i rig pa la brten pa'i phyir sa zhes bya'o/ /kun tu brjod cing ngo bo nyid du gnas pa'i phyir ngo bo nyid dang / chos
31a7 nyid dang / rdzogs longs spyod pa dang / 'dren par sprul pa'i phyir sku zhes bya'o/ /bgrod cing 'jug pa'i phyir tshogs dang / sbyor ba dang / mthong ba dang / sgom pa
31b1 dang / mtha' zad du phyin pa'i phyir lam zhes bya'o/ /rgyu la don yod pa'i phyir gcig tu rdzogs pa dang / thams cad du mkhyen pa dang / yongs su khyab pa dang / tshogs su
31b2 'byung ba dang / kun tu dbang ba dang / dgos pa tshang ba'i phyir 'bras bu zhes bya'o/ /mngon par rdzogs pa'i phyir byang chub chen po zhes bya'o/ /'dus pa chen po'i tshogs/
31b3 'bras bu'i rnal 'byor ni/ 'di lta ste/ ma nor ba gcig shes te chub par 'dod pas kyang lam 'di shes par bya'o/ /de bzhin du nges pa gnyis dang / yon tan gsum
31b4 dang / dgongs pa bzhi dang / chen po lnga dang / tshogs pa drug dang / 'byung tshul bcu gnyis dang / ting nge 'dzin bcu gnyis dang / ye shes chen po bco brgyad dang /
31b5 rnal 'byor chen po bcu gcig dang / sgrub pa chen po bzhi dang / sbyor ba lnga dang / dngos grub chen po drug dang / rdzogs pa chen po gcig shes te chub par 'dod
31b6 pas kyang lam 'di shes par bya'o/ /de ci'i phyir zhe na/ rgyu nyid 'bras bur grub pa'i phyir gtan la phebs pas na/ ma nor ba zhes bya'o/ /the tshom mi za ba'i phyir thabs
31b7 kyis nges pa dang / shes rab kyis nges pas nges pa zhes bya ba'o/ /'dod pa 'byung ba'i phyir yang yongs su khyab pa dang / rlabs su che ba'i yon tan dang / rtsis las 'das
32a1 pa'i phyir yon tan zhes bya'o/ /thabs kyis ldem por dgongs pa'i phyir mnyam pa nyid la dgongs pa dang / mtshan nyid kyi phyir dus gzhan
32a2 la dgongs pa dang / gnyen po'i phyir grangs gzhan la dgongs pa dang / bsgyur ba'i phyir don gzhan la dgongs pas na/ dgongs pa zhes bya'o/ /lhag par 'phags
32a3 pa'i phyir mngon pa dang / bdag nyid chen po dang / de yin pa dang / thams cad du che ba dang / kun tu rdzogs pa'i phyir chen po zhes bya'o/ /kun nas tshang ba'i phyir
32a4 mnyam pa chen po dang / 'byor pa chen po dang / 'dus pa chen po dang / rig pa chen po dang / dbang chen po dang / 'dres pa chen po'i phyir tshogs zhes bya'o/ /gzhan
32a5 gyi don du 'byung zhing 'gro ba'i tshul dang mthun pa'i phyir gnas su bskyod pa dang / mnyam par gyur pa dang / mdzes par gshegs pa dang / spro bar spyod pa dang /
32a6 gsang bar sbyor ba dang / mtshan ma bcom pa dang / 'dzad pa med pa dang / seng+ge'i gsung sgra dang / nges par rdzogs pa dang / tsham ngam chen po sprul pa mdzad pa dang /
32a7 yongs su dag pa'i phyir 'byung tshul chen po zhes bya'o/ /gsal zhing mi gtong ba'i phyir sems kyi spyod pa ste/ rnam dag dbyings kyi ting nge 'dzin dang / snang gsal
32b1 yol 'phyo'i ting nge 'dzin dang / mi zad mdzod kyi ting nge 'dzin dang / mngon par rtog pa'i ting nge 'dzin dang / thams cad rdzogs pa'i ting nge 'dzin dang / 'byung chen sprul
32b2 pa'i ting nge 'dzin dang / dbang sgyur thabs kyi ting nge 'dzin dang / rtse gcig 'phros pa'i ting nge 'dzin dang / tshogs chen rdzogs pa'i ting nge 'dzin dang / rin chen myu gu'i
32b3 ting nge 'dzin dang / dug 'joms sman pa'i ting nge 'dzin dang / bya ba byed pa'i ting nge 'dzin gyi phyir ting nge 'dzin ces bya'o/ /stong pa nyid kyi ye shes dang / rgyu'i ye shes
32b4 dang / thams cad 'byung ba'i ye shes dang / yi ge'i ye shes dang / phyag rgya'i ye shes dang / sprul pa'i ye shes dang / cir yang mdzad pa'i ye shes dang / me long
32b5 lta bu'i ye shes dang / nam mkha' lta bu'i ye shes dang / sgyu ma lta bu'i ye shes dang / rin po che lta bu'i ye shes dang / nyi ma lta bu'i ye shes dang / snang stong gsal ba'i
32b6 ye shes dang / mnyam pa nyid kyi ye shes dang / so sor rtog pa'i ye shes dang / bya ba nan tan gyi ye shes dang / chos kyi dbyings kyi ye shes su gsal ba'i phyir ye shes
32b7 chen po zhes bya'o/ /'dun pa sems pa'i rnal 'byor dang / bka' sdod las kyi rnal 'byor dang / rigs chen byed pa'i rnal 'byor dang / rtags kyi rnal 'byor dang / gsang
33a1 sgo lung gi rnal 'byor dang / spyod pa rgyun gyi rnal 'byor dang / mtshan ma rtags kyi rnal 'byor dang / lung chen thob pa'i rnal 'byor
33a2 dang / rig pa 'dzin pa'i rnal 'byor dang / rtsal chen sbyong ba'i rnal 'byor dang / yongs su rdzogs pa'i rnal 'byor dang / lhun gyis grub pa'i rnal 'byor du
33a3 gnas pa'i phyir rnal 'byor zhes bya'o/ /mnyam pa nyid du grub pa dang / bde ba chen por grub pa dang / yongs su rdzogs par grub pa dang / thams cad lhun gyis
33a4 grub pa'i phyir grub pa chen po zhes bya'o/ /rgyu dang 'bras bur sbyor ba dang / thabs dang shes rab tu sbyor ba dang / dbyings dang ye shes su sbyor ba dang / sems dang chos
33a5 su sbyor ba dang / las dang thugs rjer sbyor bas sbyor ba chen po zhes bya'o/ /srid pa rgya mtsho dbyings su tshim par grub pa dang / 'khor ba rgya mtsho bdag gir grub par
33a6 gyur pa dang / bdag nyid chen po lhun gyis grub par gyur pa dang / dmigs pa gang yin pa de bzhin grub par gyur pa dang / cho 'phrul rdzu 'phrul thogs pa med
33a7 par grub pa dang / don dam bcud kyis rnam shes rgyas par grub pa'i phyir dngos grub chen po zhes bya'o/ /rnam grangs thams cad byang chub kyi sems bde ba chen
33b1 por rdzogs par grub pa'i phyir rdzogs pa chen po gcig ces bya'o/ /gzhan yang 'dus pa chen po'i tshogs sa'i khyad par chen po bcu gcig non par 'dod pas kyang lam 'di la bslab par bya
33b2 ste| gang zhe na/ 'gyur dbang ma nges pa'i sa dang / brten pa gzhi'i sa dang / gal chen sbyor ba'i sa dang / mi ldog gnas pa'i sa dang / bslab pa rgyun gyi sa dang / cho 'phrul sprul pa'i sa
33b3 dang / brten pas khyad par du 'gro ba'i sa dang / dmigs pas 'bras bu skye ba'i sa dang / gnas pas mi 'gyur ba'i sa dang / bdal ba chos nyid kyi sa dang / rdzogs pa spyir chib kyi sa ste/ sa
33b4 'di dag non par 'dod pas kyang lam 'di la bslab par bya'o/ /gzhan yang 'dus pa chen po'i tshogs/ 'di lta ste/ rnal 'byor bslab pa'i mtha' bcu chib par 'dod pas kyang lam 'di
33b5 la bslab par bya ste/ gang zhe na/ gzhi dam tshig 'dis gzung bar bslab pa dang / rgyud thos pas dgrol bar bslab pa dang / phul du mkhas par dbyung bar bslab pa dang / sgo kun nas
33b6 sdud par bslab pa dang / rim pa dbang gis bgrod par bslab pa dang / la spyod pas dor bar bslab pa dang / thag lta bas gcad par bslab pa dang / nyams su ting nge 'dzin gyis blang
33b7 bar bslab pa dang / don man ngag gis bsgrub par bslab pa dang / mdo gcig tu bsdu bar bslab pa'o/ /'dus pa chen po'i tshogs/ gzhan yang 'di lta ste/ yon tan
34a1 gyi che ba sbom par 'dod pas kyang lam 'di la bslab par bya ste/ gang zhe na/ che ba nyi shu dang / rol pa nyi shu dang / cho 'phrul nyi shu dang /
34a2 rngom pa nyi shu dang / brjid pa chen po nyi shu dang / tog chen po'i nor bu'o/ /gzhan yang 'dus pa chen po'i tshogs/ 'di lta ste/ rmad du byung ba'i mthu chen po nyi shu thob
34a3 par 'dod pas kyang lam 'di la bslab par bya ste/ de yang gang zhe na/ 'jig rten chen po drug 'phang bar 'dod pa dang / chu'i phung po chen po brdubs te bstan par
34a4 'dod pa dang / rlung gi bskal pa bcing bar 'dod pa dang / nyi ma'i dkyil 'khor 'bum dgye bar 'dod pa dang / sreg pa'i bskal pa chen po gsum gzhil bar 'dod
34a5 pa dang / nam mkha' thams cad ba spu gcig gis dgang bar 'dod pa dang / ba spu gcig las sangs rgyas bye ba dgye bar 'dod pa dang / sangs rgyas bye ba ba spu
34a6 gcig gi nang du shong bar 'dod pa dang / 'khor ba thams cad ba spu gcig tu rdub par 'dod pa dang / ba spu gcig gis 'khor ba thams cad la khyab par 'dod
34a7 pa dang / bskal pa'i 'khor lo chen po ring du srub par 'dod pa dang / thung du srub par 'dod pa dang / dus kyi 'khor lo chen po mnyam par bskor bar 'dod pa
34b1 dang / 'khrul par bskor bar 'dod pa dang / las kyi 'khor lo chen po rgyun du bskor bar 'dod pa dang / rgyun gcad par 'dod pa dang / srid pa'i 'khor lo ldog par 'dod
34b2 pa dang / lugs su bskor bar 'dod pa dang / sdug bsngal gyi 'khor lo chen po rgyun gcad par 'dod pa dang / dmyal ba'i 'khor lo chen po dong sprugs par 'dod
34b3 pas kyang lam 'di la bslab par bya'o/ /'dus pa chen po'i tshogs/ gzhan yang 'di lta ste/ rnal 'byor rtog pa'i ri bo brgyad cu rtsa gcig gzhil bar 'dod pas
34b4 kyang lam 'di la bslab par bya ste/ dngos gzhi'i rtog pa dgu dang / mtshan ma'i rtog pa dgu dang / rtags kyi rtog pa dgu dang / rkyen gyi rtog pa dgu dang / las kyi rtog
34b5 pa dgu dang / spyod pa'i rtog pa dgu dang / bskyod pa'i rtog pa dgu dang / zhen pa'i rtog pa dgu dang / mngon par rtog pa dgu'o/ /'dus pa chen po'i tshogs/ gzhan
34b6 yang 'di lta ste/ ltung ba'i sgo dgu shes pas kyang lam 'di la bslab par bya ste/ de yang gang zhe na/ bdud chen po'i ris su ltung ba'i sgo dang / mu stegs kyi khams
34b7 su ltang ba'i sgo dang / srin po'i khams su ltung ba'i sgo dang / gnod sbyin gyi ris su ltung ba'i sgo dang / ru tra chen por ltung ba'i sgo dang / bgegs chen por ltung ba'i sgo
35a1 dang / lha chen po'i ris su ltung ba'i sgo dang / sho gam gcan chen gyi ris su ltung ba'i sgo dang / dmyal ba chen por ltung ba'i sgo'o/ /
35a2 'dus pa chen po'i tshogs/ gzhan yang 'di lta ste/ lam 'di shes par 'dod na/ sangs rgyas kyi chos shes par bya'o/ /ji lta ji ltar sangs rgyas kyi chos rnams
35a3 ni| rtag par yang blta'o/ /chad par yang blta'o/ /skye bar snang ngo / /dmigs par yod do/ /sangs rgyas kyi chos 'di ni/ 'dod chags dang bcas pa'o/ /zhe sdang
35a4 dang bcas pa'o/ /gti mug dang bcas pa'o/ /nga rgyal dang bcas pa'o/ /phrag dog dang bcas pa'o/ /mtshams med pa lnga dang bcas pa'o/ /de dang nye ba lnga dang bcas pa'o//
35a5 lci ba bzhi dang bcas pa'o// //log pa brgyad dang yang bcas pa'o/ /gzhan yang 'dus pa chen po'i tshogs/ 'di lta ste/ srog gcod pa
35a6 dang bcas pa'o/ /ma byin par len pa dang bcas pa'o/ /'dod pas log par g.yem pa dang bcas pa'o/ /rdzun dang bcas pa'o/ /phra ma dang bcas pa'o/ /ngag rtsub mo
35a7 dang bcas pa'o/ /tshig khyal pa dang bcas pa'o/ /brnab sems dang bcas pa'o/ /gnod sems dang bcas pa'o/ /log par lta ba dang bcas pa'o/ /'dus pa chen
35b1 po'i tshogs/ de bas na/ sangs rgyas kyi chos de rnams la spyod par 'dod pas lam 'di la bslab par bya'o/ /shes par bya'o/ /goms par bya'o/ /glong du gyur par gyis
35b2 shig ces sems dpa' rdo rje dam pas gsungs so/ /rgyud pa'i rgyal po chen po rdo rje bkod pa kun 'dus rig pa'i mdo las/ rnal 'byor rang bzhin gyi le'u ste dang
35b3 po'o|| //de nas 'khor der 'dus par gyur pa'i 'dus pa phal mo che'i tshogs kyis rmad byung gi phyag rnal 'byor lugs su byas nas sems dpa'
35b4 rdo rje dam pa la 'di skad ces gsol to/ /sems dpa' chen po smra ba'i seng+ge khyod la bdag cag shin tu zhu bar spobs na/ snang ba'i skabs dbye bar gsol/ de skad ces
35b5 gsol pa dang / smra ba'i seng+ge des 'di skad ces bka' stsal to/ /'dus pa chen po'i tshogs/ ji ltar zhu ba'i don snang gi/ kun tu spobs pa skyed la zhu ba'i don gsol cig/
35b6 de skad ces bka' stsal pa dang / 'dus pa chen po'i tshogs kyis a la la ho/ /zhes gsol to/ /smra ba'i seng+ge chen po/ khyod kyis rgya cher bshad pa'i rnal 'byor rang bzhin
35b7 chen po'i don gyi rjes su bdag cag 'jug par 'tshal na/ 'di la 'jug pa'i sge du mchis/ thabs ji ltar lags/ lam gang ltar bde/ sems dpa' chen po/ /
36a1 'di'i don rgya cher bshad du gsol/ /de skad ces gsol pa dang / smra ba'i seng+ges bka' stsal pa/ grogs po dag /legs so/ /shin
36a2 tu legs so/ /nges par legs so/ /khyod kyis zhus pa'i don 'di rnams ngo mtshar che ste/ chos thams cad la 'jug pa'i sgo gsal zhing rgya cher byed de/ rna lhogs
36a3 la gus par nyon cig /gsal bar bshad par bya'o/ /de nas 'khor gyi nang du seng+ge'i gsung sgras chos rnams kyi sgo 'byed pa 'od gsal bar bshad par bya'o/ /
36a4 sangs rgyas chos kyi sgo mo 'di/ /grangs mang bsam gyis mi khyab kyang / /mdo ru bsdus na gsum du gsal/ /rtsol bas 'jug pa'i sgo mo dang / /grub pa thabs kyi sgo
36a5 mo dang / mthar phyin 'bras bu'i sgo mo'o/ /dang po la yang gsum yod de/ /mtshan nyid thabs kyi sgo mo dang / /thub pa rigs kyi 'jug sgo dang / /grub pa lung gi
36a6 gsang sgo'o/ /de dag sgo mo re re la'ang / /gsum gsum yod par 'dren pas bshad/ /gnyis pa'i sgo la'ang gsum yod de/ /shes rab rtogs pa'i sgo mo dang / /ting
36a7 'dzin goms pa'i sgo mo dang / /smon lam grub pa'i sgo mor gsal/ /tha ma mthar phyin sgo mo la/ /rnam thar gsum gyi sgo des bshad/ /'jug pa'i lam la'ang 'di
36b1 lta ste| |dam pa gsum du gsal bar bshad/ /'dren pa chen po'i sde snod dang / /thub pa chen po'i 'jug sgo dang / /dam pa chen po'i mdzod gsum mo/ /'jug pa'i thabs
36b2 kyang 'di lta ste/ /thabs las thabs byung thabs gsum ste/ /don dang yi ge ting 'dzin gyis/ /rjes su gang gis brtags byas na/ /'jug pa'i thabs kyi dam
36b3 pa'o| |don gyi rjes su 'jug pa yang / /don ni chos nyid snying po la/ /rjes su 'jug pa'i sems yin te/ /sems nyid chos la sbyor ba'i skabs/ /rnam pa bcu zhes
36b4 'dren pas bshad/ /bcu nyid gang dang gang zhe na/ /'dun pa skye ba'i gnas skabs dang / /rtsol ba sbyor ba'i gnas skabs dang / /bslab pa 'jug pa'i gnas skabs
36b5 dang / /'du shes 'gyur ba'i gnas skabs dang / /sbyor chen la 'jug gnas skabs dang / /yul la 'jug pa'i gnas skabs dang / /rtog chen nyid la phebs skabs
36b6 dang / /de nyid gdeng du gyur pa'i skabs/ /las su rung ba'i skabs dang bcu/ /bcu po de dag re re yi/ /skabs su sems dang chos phrad pas/ /rig pa byang chub sems re
36b7 'byung / /byang chub sems ni gang zhe na/ /'di yi grangs kyang rnam pa bcu/ /g.yo ba byang chub sems nyid dang / /de bzhin smon pa byang chub sems/ /ldang ba byang chub chen
37a1 po'i sems/ /de bzhin sbyor ba byang chub sems/ /'jug pa'i sems dang dge ba'i sems/ /mi 'gyur ba dang rig pa dang / /gnas pa dang ni
37a2 rdzogs pa'o/ /byang chub sems zhes grags pas na/ /sems bcu dag tu rgyal bas bshad/ /byang chub sems kyi rang bzhin de/ /skabs bcu dag tu sbyor bas na/ /
37a3 gzugs brnyan rang bzhin ji ltar snang / /phra mo tsam gyi skar ma dang / /de bzhin skar ma tha mal pa/ /skar ma chen po dag dang ni/ /zla ba tshes gcig rnam pa dang / /
37a4 gnyis dang gsum dang bzhi dang lnga/ /brgyad dang bcu drug rnam pa yi/ /gzugs brnyan dag tu snang ba ste/ /dngos por snang ba cang ma yin/ /chu zla lta bur gzung
37a5 du med| |sems kyi gzugs brnyan snang ba dang / /chos nyid gsal ba'i nyi ma gnyis/ /yul dang dbang po'i tshul lta bur/ /dbyings dang ye shes rang bzhin
37a6 gsal| |'di ni rnal 'byor sbyor ba'i lam/ /bgrod par byed pa'i thabs chen yin/ /lam 'di goms par bslab bya na/ /rnal 'byor bslab par bya ba'i
37a7 mtha'| |gnas bcu dag kyang 'di lta ste/ /ji ltar sa gzhi gshin pa la/ /brten nas sa bon btab pa las/ /'bras bur smin par gyur pa yis/ /
37b1 'tsho bar byed pa'i srog 'dzin ltar/ /chos nyid kun gyi gzhir gyur pa'i/ /dam tshig 'di la brten nas ni/ /dngos grub lo tog smin pa yis/ /dge ba'i srog 'dzin dam pa'o/ /bslab pa
37b2 'di yi dam tshig ste/ /bslab pa kun gyi gzhi 'dzin du/ /goms par bya ba rab tu gces/ /ji ltar cang shes gyi ling dag /sdom byed sgrog gis bcings gyur pa/ /bkrol byas bde blag
37b3 byang 'gyur na/ /ci la'ang thogs med 'gro ba ltar/ /sems kyi cang shes dbang po 'di/ /mi shes bcing bas bcings gyur pa/ /rnam grol thos pa'i sgo mo yis/ /shes rgyud
37b4 kun grol thogs med 'gro/ /'di ni mi shes rgyud 'grol ba'i/ /bcing bar bya ba 'gro ba ste/ /rgyud nas dgrol ba'i bslab pa ru/ /goms par bya ba rab tu gces/ /ji ltar
37b5 mi thon rtse mo la/ /sgyid mi lug par brtson 'dzegs na/ /mtho sar phyin cing rtse non pas/ /yul khams rtogs shing lam la mkhas/ /de bzhin shes rab mthon ri
37b6 la| |sgyid mi lug par mnyan bsams na/ /kun gyi phul du shes rab phyin/ /mkhas pa'i ye shes tshad med do/ /don la mkhas par bya ba de/ /phul du dbyung
37b7 ba'i bslab pa ste/ /shes rab chen po 'di dag la/ /goms par bya ba rab tu gces/ /dper na bung ba khung tshol ba/ /kun tu 'jug cing byung nas ni/ /rang gi 'dzul
38a1 khung gang yin par/ /nges par 'jug cing gnas pa ltar/ /rnal 'byor don gyi rjes tshol ba/ /spyod sgo ci yod bstun te bsdu/ /lta sgor 'jug
38a2 cing rtags bsdur na/ /ma nor nges pa'i dbu ma la/ /chos nyid don gyi rjes gcang phyir/ /sgo mo kun nas bsdur ba yi/ /bslab par bya ba'i mtha' yin te/ /goms par
38a3 bya ba rab tu gces/ /ji ltar rgyal rigs rgyud byung ba/ /mang po'i dbang por dpon bstabs te/ /'khor lo la sogs rin chen gyis/ /kun la dbang bsgyur thob pa ltar//
38a4 de bzhin rnal 'byor rgyud byung ba/ /chos kyi dbang por dpon bstabs te/ /phyag rgya la sogs rtags chen gyis/ /rim par kun gyi thog mar 'gro/ /'di ni dbang gi
38a5 khyad par te/ /sa la rim par 'byung ba yis/ /rtsal gyis bgrod cing bslab pa'i mtha'/ /goms par bya ba rab tu gces/ /ji ltar glang po chur 'jug pa/ /tsham
38a6 tshom chags thogs yong med par/ /dga' ba'i longs spyod brod tshul gyis/ /mi ldog pa rol phyin pa ltar/ /rnal 'byor nges par spyod pa'i blo/ /brtul zhugs
38a7 rgya mtsho'i chur 'jug pa/ /rtsal chen spyod pa'i brod tshul gyis/ /chags thogs med par la dor ba'o/ /bslab par bya ba'i mtha' yin no/ /spyod pa'i bslab pa
38b1 dam pa ni/ /goms par bya ba rab tu gces/ /ji ltar khyung chen mkha' lding pa/ /gshog pa'i rtsal gyis nam 'phang gcod/ /ngam grog chu klung mtha' yas kyang / /gshog rlabs
38b2 'og tu kun chud ltar/ /rnal 'byor mnyam nyid mkhar lding pa/ /theg pa'i spyod sgo mtha' yas kyang / /mnyam pa chen po'i don gyis ni/ /lta 'phang rlabs kyis thag bcad pa'o//
38b3 'di ni re dang dogs pa yi/ /the tshom gcod pa'i lta ba ste/ /don la sems kyi lta ba ste/ /bslab pa 'di dag goms pa gces/ /dper na rgya mtshor nor len mi/ /sprul dang chu srin
38b4 sbrang ma la/ /sogs pa gdug pa'i sdug bsngal kun/ /dka' ba nyams su blangs nas 'grub/ /de bzhin rnal 'byor bde tshol ba/ /rnam rtog bying rmugs phyir yang dgra/ /gzhom
38b5 par dka' ba'i las 'di dag /nyams su blangs na bde thob rnyed/ /'di ni ting 'dzin dam pa yi/ /nyams su blangs pa'i bslab pa ste/ /sems kyis goms par bya ba'i las/ /'dris
38b6 par bya ba rab tu gces/ /ji ltar mun pa dug dang rdzas/ /sman snang gser du bsgyur bas na/ /'gyur rtsi man ngag med pa'i mis/ /dka' ba'i las chen sna tshogs pas/ /sdug
38b7 bsngal spyad kyang mi 'grub ste/ /su zhig man ngag ldan pa'i mis/ /tshegs med gyi na'i tshul gyis ni/ /bsgyur bas sman snang gser 'gyur ltar/ /rnal 'byor chen po'i don
39a1 sgrub pa| |kun gzhi gnas 'gyur man ngag dang / /gang dag mi ldan pas kyang ni/ /dka' ba spyad kyang 'grub pa min/ /sems kyi gsang 'di sus
39a2 mthong ba/ /de dag man ngag ldan pa ste/ /'dod pa'i don mchog gang yin pa/ /de dag tshegs med kyi nas 'grub/ /don rnams sgrub par gang byed pa/ /man ngag can
39a3 gyis 'grub pa'i phyir/ /don rnams 'grub par 'gyur ba yi/ /bslab pa 'di dag rab tu gces/ /dper na kun tu rgyu ba'i mi/ /'dod pa'i yul du 'gro byed na/ /yul
39a4 gyi rnam pa mtha' yas kyang / /bgrod pa'i lam gnas gcig las med/ /de bzhin bsam gyis mi khyab pa'i/ /brgyad khri bzhi stong chos bstan kyang / /bkri
39a5 zhing drang ba'i tshig yin te/ /bsam pa'i yul ni gcig pa'o/ /don rnams gcig tu sdud pa yi/ /bslab par bya ba dam pa ste/ /nges par gcig las
39a6 med pa'i phyir/ /'di dag goms par bya ba yin/ /bslab pa 'di la goms gyur na/ /lobs pa'i yon tan mtha' yas te/ /lobs pas lam la mkhas
39a7 par 'gyur/ /sngags kyi yon tan chen po yang / /rmad du byung ba thob par 'gyur/ /gsang sngags chen po'i khyad par ni/ /thams cad thams cad bya'o cog /
39b1 byin gyi rlabs kyi spyod pa'am/ /dbang sgyur thabs kyi spyod pa ste/ /dper na nam mkhar rgya mtsho 'am/ /ji ltar me dpung rgyal po 'dra/ /de yang de yul che chung gis/ /khyad
39b2 par nyid kyis brlabs pa yi/ /rgyal po de yang khyad par gyis/ /dbang sgyur bya ba'i khams rnams la/ /che chung rim pa yod pa yin/ /rnal 'byor sngags tshul de ltar
39b3 snang / /thabs chen spyod la 'jug pa yang / /bab chod thad du 'jug pa ste/ /dper na glang chen chur 'jug pa/ /rab dang glang chen bab mi bab/ /de yang rtsal sgying
39b4 drag zhan gyis/ /la la thad du gcod pa la/ /la la bsegs su 'gro ba yin/ /la la chung zhig bshan thabs 'gro/ /de ltar rnal 'byor rgyu nyid na/ /'bras bu'i
39b5 don la bab chod kyang / /rtsal 'phang mtho dman khyad par gyis/ /ji ltar nus tshad der snang phyir/ /sa dang gnas skabs ye shes dang / /sgrib dang gol sa rtog pa
39b6 dang / /spyod dang dam tshig ting 'dzin dang / /dus dang dngos grub mthar phyin dang / /lta ba'i khyad par gnas gyur rnams/ /thams cad gcig las med na yang / /
39b7 grangs dang dbye ba'i bye brag rnams/ /snod kyi rtsal dang sbyar nas ni/ /chos rnams kun gzhir gcig pa la/ /kun gzhi gnas 'gyur rnam pa lngas/ /bye brag lam gyi
40a1 chos su snang / /gzhi nyid rgyu yi kun gzhi dang / /sbyor ba 'dun pa'i kun gzhi dang / /snang ba don gyi kun gzhi dang / /'gyur ba med pa'i kun
40a2 gzhi dang / /btsal med gnas pa'i kun gzhi lnga/ /skabs lnga dag tu gnas 'gyur bas/ /sa yi khyad par bgrod pa yin/ /de yang gnyis kyi chos 'di dag /kun
40a3 kyang yongs kyi rnal 'byor dang / /'gro don gsum gyis 'gro ba ste/ /dag don dang ni sgrub pa po/ /rig 'dzin zhes ni rdzogs pa yin/ /des na rtsal gyis khyad par
40a4 gyis| |dang po las kyi rnal 'byor la/ /sogs pa'i rnal 'byor chung ngu rnams/ /rang rang rtsa ba bor nas ni/ /rtsal chen rdzogs pa'i rnal 'byor la/ /sogs pa'i rnal
40a5 'byor chen po'i tshul/ /spyod par byed dang don 'dod pa/ /sbal bus mkha' lding las spyad kyang / /btsal ba'i yul ni chad pa yin/ /nor bu las kyi 'phang dmas
40a6 pa| |rang skal 'tsho ba'i ched bor nas/ /rgyal po thabs kyis 'phang mtho ba'i/ /longs spyod che la dmigs bcas kyang / /de dag mi 'thob 'tsho bral bzhin/ /skal
40a7 ldan can gyi don 'di dag /skal zhan dag gis 'grub par dka'/ /sna tshogs gter gyi khang pa dag /rgyal po'i mdzod du gyur pas na/ /spyod sgo 'jug pa thams cad
40b1 kyang / /dka' thub phyi nang khyad par gyis/ /rin chen sna rgu'i rim pa dag /so so'i las thabs mthong man gyis/ /yul de gcig las med na yang / /yig tshang sgo rgu so sor spyod//
40b2 rgyal por gyur na de kun la/ /dbang sgyur byed pa'i bdag po yin/ /mi gnas chos kyi dbyings nyid dag /blta ba'i yul du gyur pa na/ /rig pa rtsal gyi khyad par gyis/ /blta
40b3 yul gcig las med na yang / /so sor 'jug sgo kun nas spyod/ /dbyings kyi rang bzhin gcig pa la/ /rtsal 'phang mthong man khyad par gyis/ /skas kyi gdang bu rtsib ltar//
40b4 sa dang theg pa'i khyad par du/ /mtho dman rim par snang ba yin/ /mnyam par gyur ba'i gzhi gcig la/ /mthun dang mi mthun don gyis ni/ /dper na khang pa sgo mang bzhin//
40b5 sa dang theg pa so so'i sgo/ /mi mthun so sor snang ba yin/ /so so'i theg pa'i sgo rnams la/ /'jug pa la sogs ma sbyangs kyang / /kun gyi rtsa ba 'dir bcad pas/ /gcig ste
40b6 tha dad yongs kyis med/ /de ni ri dang lhun po 'am/ /kun tu rgyu dang gzhon nu ltar/ /mthong thos ston pa'i khyad par ni/ /don gyis de ltar yod pa yin/ /des na chos rnams thams cad
40b7 kyi| |rtsa ba'i sems 'di yin pas na/ /nam mkha' lta bu'i dpes mtshon te/ /kun gyi rtsa ba shes par bya/ /'di ltar shes pa'i rnal 'byor pa/ /lam gyi thabs la mkhas pa
41a1 ste| |lam stor lam btsal lam rnyed pas/ /nye lam bde rnyed grub pa 'o/ /rnyed pa'i lam nyid gang zhe na/ /rnal 'byor spyod pa'i sa yin
41a2 te| |sa bcu rim gyis bgrod pa'i phyir/ /sa yi khyad par bshad par bya/ /'di yi gnas 'dzin spyod pa'i sa/ /rnam pa bcu phrag gcig gis rdzogs/ /'gyur dbang ma
41a3 nges sa 'di la/ /bcos ma phra men spyod pa dang / /tshul rtags 'dzin dang mos pa dang / /dge la 'dun pa'i rnal 'byor lnga/ /'jug ldog ltung dang bcas pa yis/ /kun
41a4 tu 'khor zhing ma nges pa'o/ /'dun pa sems pa'i rnal 'byor pa/ /gnas shing spyod pa'i sa zhes bya/ /bsten pa gzhi yis 'di la/ /dang po'i las can rnal 'byor dang //
41a5 bslab ba sbyong dang nges pa la/ /dag dang ma dag gis sbyong pa'o/ /bka' sdod las kyi dang po pa/ /gnas shing spyod pa'i sa zhes bshad/ /gal chen sbyong ba'i sa 'di la//
41a6 gnas shing spyod pa'i sa yin te/ /rigs chen 'byed pa'i rnal 'byor nyid/ /dge dang mi dge'i las rnams kun/ /gcod sbyong sbyor ba'i tshul nyid kyis/ /legs nyes
41a7 stobs chen byed pa 'o/ /bslab pa rgyun gyis 'di la/ /g.yo dang thob dang brtan pa'i drod/ /de bzhin rtags chen g.yo ba dang / /thob pa nyid dang brtan pa yi/ /rnal 'byor
41b1 rnam pa drug po dag /bslab pa'i gnas bcu mthar 'byin cing / /ji ltar zla ba yang gsal bzhin/ /bslab pa'i ye shes 'phel 'gyur te/ /don la mi skrag ngo mtshar skye//
41b2 dpyod sems 'jug pa'i shes pa des/ /ngan song mi log dgon par 'jug /bar chad dag kyang de la byung / /gsang sgo lung gi rnal 'byor dang / /spyod pa rgyun gyi rnal
41b3 'byor dang / /mtshan ma rtags kyi rnal 'byor gsum/ /gnas shing spyod pa'i sa zhes bshad/ /bsod nams gter gyis 'di la/ /spyod pa rgyun gyi rnal 'byor nyid/ /mos
41b4 pa dag cing 'dun pa'i gnas/ /rtsal can blo yi bsti gnas sa/ /bslab pa'i mtha' bcu spyir chib pa'o/ /bsten pas khyad par 'gro 'di la/ /dbugs chen phyin pa'i rnal
41b5 'byor dang / /rigs chen 'dzin dang mnyam rdzogs me/ /nges par spyod dang rtsal chen sbyong / /yul la 'jug dang rig par sbyor/ /bdun nyid rdzogs par 'gro ba ste/ /bslab
41b6 pa'i rgyu 'bras 'di bcu la/ /goms par byed pa'i tshul du sbyor/ /ngal bso ba la thams cad mthong / /mi ldogs la goms char med/ /'di dag sbyor ba gzhi gcig kyang / /
41b7 so so thun mong ma yin pa'i/ /sgrib la sa zhes rtsi byed cing / /ye shes re re 'char ba 'o/ /des na bslab pa'i mtha' gcig la/ /mi ldog la sogs rdzogs chen rnams/ /mnyam
42a1 pa la bzhag re re la/ /ye shes re re 'char ba ste/ /tha ma rang byung nyid kyis rdzogs/ /mthar phyin pa dang thob pa dang / /mi ldog rnams la
42a2 rim pa bzhin/ /rmi lam dag dang sgra brnyan dang / /mngon sum nges pa ci rigs par/ /rnal 'byor rdo rje gral sko ba/ /rdo rje rdo rje che ge mo/ /zhes ni nyid dang sa khams dang / /
42a3 zhing khams kun tu bsgrags byas nas/ /rnal 'byor lung rab ston pa 'o/ /dmigs pas 'bras bu skye 'di la/ /grub pa'i rnal 'byor rnal 'byor che/ /nges par 'byung
42a4 ba'i rnal 'byor gsum/ /rgyal ba'i thugs las rgyal skyes shing / /rgyal ba'i sras po gdung 'tshob pa/ /khyad par rtsal 'phang kun rdzogs shing / /ting nge 'dzin gyi
42a5 sbyor ba 'o/ /gnas pas mi 'gyur sa 'di la/ /tshogs chen 'dus dang rtsal chen rdzogs/ /gsum du rdzogs par shes bya ste/ /phyag rgya chen po sgyu ma yin/ /'khor los
42a6 sgyur ba'i rgyal chen po/ /mthong ba'i gnas nas bcu drug pa/ /rdzogs pa'i gnas na longs pa 'o/ /bdal ba chos nyid sa 'di la/ /rol pa rgyan gyi rnal 'byor dang / /
42a7 bde ba che dang thig ler rdzogs/ /gsum nyid du ni rdzogs pa la/ /yul don ye shes de sbyar ba/ /shes par byas pas thams cad rdzogs/ /sgyu ma'ang sgyu ma yin spyod
42b1 la| |rdzogs pa spyir chibs 'di ni/ /bcu yi tha ma dang po las/ /mthar rdzogs kun gyi thog yin te/ /klong yangs nam mkha'i snying po la/ /sprin med nyi ma'i 'bum gyi bdal//
42b2 cir snang ci yang ma yin pa/ /mi skye mi 'gag ngo bo la/ /ji ltar bltas rgya der snang ba/ /theg mchog spyi rgya'i rlabs kyis bcad/ /de yang lta ba'i khyad par gyis/ /bdag nyid
42b3 chen po'i rnal 'byor dang / /lhun gyis grub dang klong yangs chub/ /gsum rdzogs rang byung bdal bya 'o/ /'di ni rnal 'byor spyod pa'i lam/ /rnal 'byor can gyis bgrod
42b4 par bya| |gzhan yang 'dus pa'i rnal 'byor rnams/ /don gyi rjes ni tshol 'dod na/ /tshig 'ga' thos pa tsam gyis ni/ /chog pa'i 'du shes ma skyed cig /khyed kun rnal
42b5 'byor yin mod kyi/ /yang dag don la rnal mi 'byor/ /spyod par 'gyur bar byed mod kyi/ /yang dag don du yong ma gyur/ /chags sdang las la zhen mod kyi/ /dam pa'i
42b6 don la yong ma zhen/ /longs spyod rgya cher byed mod kyi/ /chos nyid don gyi ro mtshor/ /bdag med phyogs bral zer mod kyi/ /nyon mongs lnga dang yong ma bral/ /brtul
42b7 zhugs rtog pa chom mod kyang / /gzung 'dzin rtog pa yong ma chom/ /de bas 'dus pa'i rnal 'byor rnams/ /thos pa tshig gi sgron ma yis/ /yang dag don gyi gser btsal
43a1 na| |rtog 'dod spre'u 'di bzung nas kyang / /rkun mo byi la btags byas te/ /gse khung skar khung kun dgag cing / /khang stong phang phung
43a2 bshig nas ni/ /rgyal po'i dkor mdzod kha phye na/ /de dag rtag tu sangs rgyas yin/ /yang dag don gyi lam tshol na/ /rtog pa'i skyon lnga spang bar bya/ /rtog pa rags
43a3 pa'i ri bo dang / /mtshan ma rgyu ba tshor ba dang / /byung tshor skyon lnga bsal bar bya/ /rtog pa la yang gnyis yod de/ /rags dang phra bar snang ba yin/ /de bzhin mtshan ma che
43a4 chung gnyis/ /rgyu ba ring po thung du gnyis/ /de bzhin tshor ba gsal mi gsal/ /byung tshor gnyis su snang ba yang / /myur ba dang ni bul ba 'o/ /'di ni don la sgrib pa yi//
43a5 rtog pa chen po'i gegs chen yin/ /ci phyir don de mi mthong phyir/ /mun pa dang ni 'khrigs pa dang / /kun tu 'thibs dang sprin phung dang / /na bun lta bur bsgribs pa yis/ /
43a6 yang dag mi gsal mthong mi 'gyur/ /'di yang bye brag gnyis gnyis te/ /mun pa mun nag chen po dang / /kun nas 'thibs pa lta bu dang / /kun tu 'khrigs dang bsgribs
43a7 pa dang / /'thibs pa chen po chung ngu gnyis/ /sprin chen 'thibs dang 'al 'ol dang / /na bun gtams dang ban bun gyis/ /gnas ngan gsum dang mi'i gnas dang / /
43b1 'dod khams bzhi yi lha gnas dang / /gzugs kyi khams dang gzugs med khams/ /nyan thos rang rgyal gnas su ltung / /ltung bar 'gyur ba'i skyon chen ni/ /mtshan
43b2 ma'i g.yeng ba rnam drug yin/ /rang bzhin yul la g.yeng ba dang / /de bzhin phyi rol g.yeng ba dang / /nang mtshan ma yi g.yeng ba dang / /yid la byed dang gnas ngan
43b3 len| |'di dag rab tu bsal bar bya/ /bsal nas don la mnyam bzhag tshe/ /mnyam pa'i don la sgrib pa'i skyon/ /rnam pa lnga 'byung 'di lta ste/ /byung tshor dbang gis
43b4 g.yeng ba dang / /bying rmugs dbang gis 'thibs pa dang / /'dzin chags dbang gis 'gog pa dang / /ther zug dbang gis rtog pa dang / /phyal pa'i dbang gis med pa ste//
43b5 'di ni mnyam pa'i skyon yin no/ /skyon chen de dag glan pa'i chos/ /sems kyi lon 'di rgyal bas bshad/ /'dus pa chen po'i rnal 'byor pa/ /rnam par mi rtog don tshol
43b6 na| |gcig pu dben pa'i sa bzung ste/ /tshad ma gsum dang ldan pa'i blos/ /rnam par rtog pa'i rjes bcad pa/ /yod med sngon thog ga las byung / /brtags pas rtog pa
43b7 rtas las byung / /rtog pa sgyu mar rab shes na/ /rtog pa'i ri bo zhi bar 'gyur/ /des ni gnas ngan gsum mi ltung / /rtog pa gang las byung zhe na/ /mtshan ma'i chos las byung
44a1 ba yin| |mtshan ma sgyu mar rab shes na/ /mtshan ma'i chos rnams zhi bar 'gyur/ /des ni 'dod khams tha mar min/ /mtshan ma gang
44a2 las byung zhe na/ /dran pa rgyu ba dag las byung / /dran pa skyon du shes gyur na/ /rgyu ba'i skyon rnams sel bar byed/ /mthu des 'dod khams gnyis par min/ /rgyu ba gang
44a3 las byung zhe na/ /tshor ba dag las byung ba yin/ /dag cing skye bar bya ba med/ /tshor ba sgyu mar shes gyur na/ /skyon gyi tshor ba sel bar byed/ /'dod khams gsum
44a4 par ltung mi 'gyur/ /tshor ba gang las byung zhe na/ /byung tshor phyi nang dag las byung / /dag cing skye bar bya ba med/ /de nyid skyon du shes gyur na/ /de ltar shes pa'i mthu
44a5 yis ni| |'dod khams bzhi par mi ltung ngo / /byung tshor gang las byung zhe na/ /sems kyi chos las byung ba ste/ /sems nyid sgyu mar rab shes na/ /sems kyi chos
44a6 rnams zhi bar 'gyur/ /phung po gzugs brnyan 'dra ba la/ /sems nyid smig rgyu lta bu yin/ /yod med gnyis kyi mtha' las 'das/ /de ltar shes pa'i rnal
44a7 'byor pa/ /'dod khams lnga par ltung mi 'gyur/ /sems nyid yod pa'i dngos po 'am/ /med ces bya bar mi lta bar/ /mu stegs can du ltung mi 'gyur/ /bying
44b1 rmugs can du ma gyur pas/ /'du shes med par ltung mi 'gyur/ /'du shes rjes su ma 'brangs par/ /sems can gnas su de mi 'khor/ /kun gzhi'i don la goms
44b2 pas ni| |nyan thos gnas su de mi ltung / /stong zhing zhi bar mi byed pas/ /rang rgyal lta bar de mi ltung / /rnam dag stong par mi byed pas/ /byang chub spyod par ltung ma yin//
44b3 mnyam nyid stong pa'i don dag la/ /so so tha dad mi 'byed pas/ /sa yi rim par mi ltung zhing / /rim gyis spyang zhing 'phar ba med/ /yang dag don gyi rang bzhin ni/ /ci
44b4 la mi gnas mi len cing / /ci yang mi mthong thos pa med/ /cir yang mi byed byed dang bral/ /ci yang thos pa rdul tsam med/ /cir yang snang ba med pa de/ /de ni snang ba
44b5 dam pa yin/ /bsam du med pa'i chos nyid ni/ /bsam du med pas de bzhin gzhag /rang bzhin med pa'i chos nyid la/ /sems kyi gyin da skad cig mas/ /mi g.yo rgyun
44b6 du dran par bya/ /de ltar don la mnyam bzhag na/ /rtags kyi tshor ba 'di ltar 'byung / /drod dang rtags dang cho 'phrul dang / /mngon shes dang ni ye shes 'byung / /drod ni
44b7 g.yo dang thob pa dang / /rtags ni byung dang brtan pa dang / /cho 'phrul byung dang rdzogs pa dang / /rig pa phra mo thams cad gsal/ /des ni don rnams rdzogs pa yin/ /
45a1 dper na mun pa sangs pa dang / /snang ba byung dang nam mkha' dang / /kun tu mthong dang thams cad gsal/ /de ltar shes pa'i mthu yis ni/ /
45a2 bag chags mun pa kun bsal te/ /ji ltar rlung gis sprin phyags ltar/ /skad cig tsam gyi ting 'dzin gyis/ /sgrib pa'i phung po 'phyag par 'gyur/ /ji ltar mar mes
45a3 mun bsal na/ /mun nyid snang bar 'gyur ba bzhin/ /skad cig ma yi don rig pas/ /sngon nas bsags pa'i mun pa sel/ /de ltar rig pa'i skyes bu ni/ /don la
45a4 rig pa'i sgo bye zhing / /chos kyi mig dang de ldan pas/ /mthong thos tshig le'u tshig bzhir bsdebs/ /sa pa yin pas don la spyod/ /chos kyi mig dang mi ldan na/ /mu
45a5 mtha' yas pa'i tshig rnams kyis/ /don gyi tha snyad ci brjod kyang / /nor ma nor gyi don mi dpog /tshig phyir blo 'brangs dmu rgod de/ /bslab pa'i sa dang lam pa yin//
45a6 tshig don 'bum phrag ci brjod kyang / /gzhan la ston par ma byed cig /bstan na rdo rje bka' rkun de/ /dmyal ba rdo rjer de ltung 'gyur/ /gang dag tshul 'chos mkhan
45a7 dag gi /don la blo shed ma bye bar/ /tshig dang yi ges khrid nas ni/ /mi shes bzhin du chos bstan na/ /sems can thams cad srog 'phrog pas/ /mi shes chos
45b1 ston de bas lci/ /de bas mnyam pa'i don 'di la/ /bstun te gcig car 'jug shes na/ /bsgom pa'i yun ni ring thung dang / /las 'phro yod dang med pa dang / /nam grub snyam
45b2 pa'i khar ma lus/ /mnyam pa'i don la mnyam bzhag na/ /de ma thag tu rig pa 'char/ /mnyam pa'i don las ma g.yos na/ /gzugs khams gnas su de mi ltung / /mnyam
45b3 pa nyid la ma chags na/ /gzugs med khams su ltung mi 'gyur/ /mnyam nyid mngon du gyur pas na/ /nyan thos gnas su de mi ltung / /ci yang med pa'i don mthong na/ /sangs rgyas
45b4 zhes ni de la bya/ /des na ting 'dzin khyad par 'di/ /rnal 'byor can gyis 'dris par bsgom/ /thams cad mi rtog skye med cing / /rtog pa'i mtha' spangs nam mkha'i dbyings/ /
45b5 ji bzhin mi g.yo mnyam pa nyid/ /mtshan ma'i rtog pa yul las 'das/ /yul med nam mkha'i rang bzhin las/ /snying rje chen po'i byang chub sems/ /nyi ma stong gi dkyil
45b6 'khor shar/ /mtshan ma'i chos rnams kun la khyab/ /nyi ma 'bar ba snying po las/ /'od zer yig 'bru'i mchog tu gsal/ /thams cad 'byung ba'i yi ge a/ /ci yang
45b7 'gyur ba'i rang bzhin las/ /sprul pa'i cho 'phrul thams cad 'byung / /de yang rtsal gyi khyad par las/ /dbugs kyi yul dang tshor ba dang / /thos dang mthong ba la sogs te//
46a1 sems kyi yul dang nam mkha'i dbyings/ /chos kyi dbyings kyi mthas klas par/ /rang bzhin yi ge bsgyur yi ge /yan lag yi ge so so yi/ /
46a2 rtsa ba la sogs gzhi gcig bcas/ /'phro 'du tshad kyang phyag rgya yi/ /tshom bu'i grangs kyang de bzhin no/ /'di ni dang po'i 'jug rim ste/ /mthar gyis 'dris shing goms byed
46a3 pa'o| |yi ge'i ye shes las bskrun te/ /don byed pa dang phyag rgyar bskyed/ /rgya mtsho gnon dang nam mkha'i skas/ /rlung bcing ba dang rgyun bzlog dang / /sreg pa'i bskal pa
46a4 gzhi la ba dang / /nyi zla zhon dang 'jig rten 'phang / /sa la 'dzul dang ri rab 'degs/ /stong gsum yungs 'brur 'jug tshul dang / /gzhig dang spar ba la sogs
46a5 te| |bsam bya bsam gyis mi khyab pa/ /goms pa las su rung ba yi/ /rnal 'byor rtsal chen sbyong bar zad/ /bzlas pa'i mthar phyin grub pa dang / /bcing pa yongs su
46a6 rdzogs pa dang / /bsam pa las su rung ba dang / /don mthong ba dang tshig grub pa/ /bya ba yongs su dag pa dang / /don gcig yul la so sor snang / /des na ting 'dzin khyad
46a7 par yang / /dbyings nyid gcig la sgom mod kyi/ /rnal 'byor rtsal gyi khyad par gyis/ /bsam pa'i yul ni sna tshogs te/ /dang po'i sa la gnas pa yi/ /brtsam pa las
46b1 kyi rnal 'byor pa/ /'dun pa sems pa'i rnal 'byor la/ /sogs pa'i rnal 'byor rnam drug pa/ /shes rab rtsal gyi 'phang dmas pas/ /ting 'dzin rtsal yang chung ba ste/ /don
46b2 la mthong bar mi 'gyur te/ /rang gis mos pa'i lha bsgoms na/ /lha yi sa bon gang yin pa/ /kha dog tshon gyis phyi nas ni/ /sna yi dbugs la rgyu byas te/ /dbugs kyi
46b3 yul du gyur tshod du/ /zung bsgril phar 'phrog gsal ba las/ /'phro 'du'i gnas su bskyed par bya/ /rang gi chag tshad dang sbyar ba'i/ /sku yi khyon yang de tsam mo/ /
46b4 gnyis pa'i sa la gnas pa yi/ /bka' sdod las kyi rnal 'byor la/ /sogs pa'i rnal 'byor rnam bzhi po/ /ting 'dzin rtsal gyi khyad par ni/ /sa bon rang bzhin yi
46b5 ge la| |'od zer 'bar bar bcas pa de/ /dri byung yul ni tshun chad du/ /'phro 'du gsal bar bskyed pa las/ /rang gi chag tshad gnyis bsgyur ba'i/ /sku yi khyon yang de
46b6 tsam mo| |gsum pa'i sa la gnas pa yi/ /rnal 'byor lung gi bka' bsgo la/ /sogs pa'i rnal 'byor rnam gsum pa/ /dmigs pa'i ting 'dzin 'di ltar 'dod/ /lha
46b7 yis bon gang yin pa/ /rang bzhin yi ger bsgyur byas te/ /'od zer 'bar dang bcas pa yi/ /thos pa'i yul ni tshun chad du/ /'phro 'du gsal bar byas pa las/ /rang
47a1 gi chag tshad bzhi bsgyur tsam/ /sku yi khyon yang de tsam mo/ /de bzhin rnal 'byor rim pa bzhin/ /lha yi khyad par gang yin pa/ /yi ge'i
47a2 rim pa bzhin byas nas/ /'phro 'du'i tshad kyang de bzhin te/ /rim pa bzhin du sbyar nas kyang / /'phro 'du gsal bar gyur pa dang / /sems kyis lcogs tshad tshun chad du//
47a3 sku yi khyon gyi khyad par yang / /chos kyi dbyings kyi mtha' klas pas/ /sku yi khyon gyis gang bar bsgom/ /gzhan yang 'dus pa'i rnal 'byor rnams/ /yi ge'i rjes su
47a4 don dpags na/ /yi ges don rnams ston par 'gyur/ /ci phyir don nyid yi ger snang / /dbyings las a byung a las ni/ /yi ge'i tshogs byung sna tshogs 'phros/ /sa ni
47a5 rang bzhin yi ge ste/ /rten dang bral bas rgyu rkyen med/ /kun la khyab pas nam mkha' 'dra/ /ya ni chos nyid cho 'phrul te/ /chos nyid zab mo'i ngang las ni/ /cho 'phrul yi
47a6 ge a byung bas/ /as ni chos nyid mtshon par byed/ /a las yig 'bru'i tshogs 'phros te/ /tshig tshogs bstan pa rgya mtshor grags/ /yi ge'i sgra skad kun bzung
47a7 ste| |sna tshogs yi ge'i skad du bsgyur/ /yig 'bru'i yan lag mang po rnams/ /rang bzhin a yi ngang du 'dus/ /thugs kyi klong nas a byung bas/ /a yi 'od zer 'phro
47b1 'du las/ /mgur gyi gsang bar shar ba las/ /gsung sgra yi ge lngar 'phros pa/ /a ka kha ga g+ha nga / de nas a yi 'od zer de/ /ljags kyi zla gam pad+mor 'phros/ /ljags kyi
47b2 mthil du 'khyil ba las/ /'od zer yig 'bru lngar shar ba/ /tsa tsha dza dz+ha nya/ de nas a yi 'od zer de/ /ljags kyi rtse la 'phros pa las/ /'od zer yig 'bru bcur shar ba/ /
47b3 Ta Tha Da D+ha Na/ ta tha da d+ha na/ de nas a yi 'od zer de/ /zhal gyi sgo nas 'phros pa las/ /cho 'phrul yi ge lngar shar ba/ /pa pha ba b+ha ma/ de nas a yi 'od zer de/ /phyi rol
47b4 yul du 'phros pa las/ /cho 'phrul yi ge sna tshogs 'phros/ /ya war la/ sha Sha sa ha k+Sha/ i I u U ai ai o au aM aH/ a las cho 'phrul 'od 'phros pas/ /yi
47b5 ge'i phreng ba tshogs byung ste/ /yi ge'i yan lag ye shes la/ /sangs rgyas sku yi sa bon byung / /dpag tu med pa'i rgyal ba rnams/ /sku dang gsung thugs sprul pa'i tshogs/
47b6 phyag rgya sna tshogs mdzes par snang / /des na yi ge'i rang bzhin ni/ /rgyal ba'i sku nyid yin par bshad/ /a ni thugs kyi sa bon te/ /ka la sogs pa dang po lnga/ /mgur gyi gsang
47b7 ba'i rang bzhin yin/ /gnyis pa tsa la sogs pa lnga/ /zla gam ljags kyi rang bzhin yin/ /gsum pa Ta la sogs pa bcu/ /ljags kyi rtse mo'i rang bzhin yin/ /bzhi pa
48a1 pa la sogs pa lnga/ /zhal gyi sgros las byung bar bshad/ /lnga pa ya la sogs pa yi/ /bcu tshan gnyis kyi yi ge dag /sku las 'phros
48a2 par rab tu bshad/ /zhabs kyi 'khor lo'i 'od zer las/ /sgrib pa sreg pa'i yig 'bru hwa/ /gsang ba'i mkha' yi 'od zer las/ /cho 'phrul 'byung ba'i yig 'bru
48a3 k+Sha| |sku yi khrun tshad lte ba las/ /'dod pa 'byung ba'i yig 'bru hwa/ /thugs kar 'khyil ba'i dpal be'u las/ /mtshan ma dag pa'i yig 'bru sha /phyag gi 'khor lo'i
48a4 'od zer las/ /cho 'phrul ston pa'i yig 'bru shu/ /skyes bu chen po'i dpung pa las/ /rtog pa 'joms pa'i yig 'bru la/ /skyes bu chen po'i sta zur las/ /'dod chags
48a5 sreg pa'i yi ge ra/ /skyes bu chen po'i dku skabs las/ /gti mug sel ba'i yi ge wa/ /skyes bu chen po'i byin pa las/ /'khor ba gnon pa'i yig 'brum/ /skyes bu
48a6 chen po'i spyan gnyis las/ /rang bzhin yi ge i gnyis shar/ /skyes bu chen po'i snyan gnyis las/ /rang bzhin yi ge u gnyis shar/ /skyes bu chen po'i shangs
48a7 gnyis las/ /rang bzhin yi ge e gnyis shar/ /skyes bu chen po'i tshems gnyis las/ /rang bzhin yi ge o gnyis shar/ /skyes bu chen po'i spyi gtsug nas/ /rgyal
48b1 ba'i sa bon aM du shar/ /des na yig 'bru'i yan lag kun/ /rgyal ba rgya mtsho'i sku gsung thugs/ /oM ni sku yi rang bzhin te/ /AHni thugs kyi mtshan nyid do/ /yi ge'i
48b2 phreng ba mang po kun/ /gsung brjod gsung gi rang bzhin no/ /AHni chos sku'i rang bzhin te/ /oM ni longs spyod rdzogs pa'i sku/ /yig 'bru 'bar ba'i phreng ba rnams/ /sprul pa
48b3 'dren pa'i sku zhes bshad/ /a ni chos kyi dbyings yin te/ /oM ni rig pa'i ye shes yin/ /yig 'bru 'bar ba'i phreng ba rnams/ /chos dang chos nyid rang bzhin yin/ /a ni
48b4 brjod pa'i rgyu yin te/ /oM ni tshig tshogs 'byung ba'i rgyu/ /tshig gi tshogs nyid yi ge yin/ /yi ge ring ba'i tshig gi mdzod/ /yi ge 'od zer 'bar 'phros pas/ /chos dang chos
48b5 ma yin pa rnams/ /ngag gi dbang po kha phye ste/ /don dang tshig tu rgyas par 'gyur/ /sgra skad kun gyis bsdus pa'i tshogs/ /yig 'bru phreng ba'i ngang du rdzogs/ /tshig dang yig
48b6 'bru thams cad kun/ /oM gyi rang bzhin ngang du rdzogs/ /oM gyi cho 'phrul thams cad kun/ /a yi rang bzhin dbyings su zhu/ /a ni yig 'bru kun gyi gter/ /a ni chos kyi dbyings
48b7 su thim| |des na rgyal ba sangs rgyas rnams/ /sku dang gsung thugs rdo rje de/ /'dul ba'i dbang gis khyad par gyis/ /cir yang 'gyur zhing cir yang snang / /sa dang nam mkha' me dang
49a1 rlung / /chu la sogs pa'i rdzas rnams kyis/ /'dul ba'i 'gro ba de rnams la/ /sa dang nam mkha' la sogs pa'i/ /chu dang rlung gi ngo bor
49a2 snang / /gang dag sku yis 'dul ba'i tshe/ /sku dang gzugs brnyan ring bsrel dang / /rten la sogs pa tha dad par/ /'jig rten kun tu ston par 'gyur/ /gsung gis
49a3 'dul ba'i dus byung na/ /dbyangs kyi yan lag drug cu la/ /sogs pa'i sgra skad sna tshogs dang / /yi ge'i gzugs su bstan nas ni/ /'khor ba'i khams su snang
49a4 bar byed/ /ci'i phyir zhen yi ge ni/ /de bzhin gshegs pa nyid yin te/ /de bzhin gshegs pa'i rang bzhin te/ /thugs rje'i rang bzhin yin pas na/ /thabs kyi bye
49a5 brag sna tshogs kyis/ /thams cad grol bar mdzad pa 'o/ /de bzhin yi ge'i tshogs 'di yang / /yan lag sbyor sdud sna tshogs kyis/ /thams cad tshig tu go bar byed//
49a6 yi ge rang bzhin ye shes ni/ /so so'i don rnams bshad par bya/ /a ni ma skyes ye shes yin/ /rang bzhin thams cad stong par ston/ /ka ni bya ba'i ye shes de/ /lam
49a7 gyis thams cad grol bar ston/ /kha ni khyab par byed pa'i sgo/ /mi dmigs thams cad grol bar ston/ /ga ni don du gyur ba'i sgo/ /yul med thams cad grol bar ston//
49b1 g+ha ni gnas pa'i sgo yin te/ /gcig tu ma nges grol bar ston/ /nga ni 'dzin pa med pa'i sgo/ /'dzin bral thams cad grol bar ston/ /tsa ni 'gag pa med pa'i sgo/ /cir yang
49b2 snang bas thams cad 'grol/ /tsha ni 'da' ba med pa'i sgo/ /'bral ba med pas thams cad 'grol/ /dza ni ma byung ba yi sgo/ /mi gnas pas ni thams cad grol/ /dz+ha ni rnyog
49b3 ma bral ba'i sgo/ /dri ma dag pas thams cad grol/ /nya ni spyod dang bral ba'i sgo/ /bya ba med pas thams cad grol/ /Ta ni nga rgyal med pa'i sgo/ /ri bo med pas thams
49b4 cad grol/ /Tha ni sgyu rtsal med pa'i sgo/ /byed pa med pas thams cad grol/ /Da ni 'dres pa med pa'i sgo/ /rtsod pa med pas thams cad grol/ /D+ha ni slu ba med pa'i sgo/ /sgyu
49b5 ma thams cad grol bar byed/ /Na ni yul dang bral ba'i sgo/ /'dzin pa med pas thams cad grol/ /ta ni tha snyad med pa'i sgo/ /brjod pa med pas thams cad grol/ /
49b6 tha ni rten dang bral ba'i sgo/ /gnas pa med pas thams cad grol/ /da ni stong dang bral ba'i sgo/ /len pa med pas thams cad grol/ /d+ha ni rang bzhin med pa'i sgo/ /mtshan
49b7 nyid med pas thams cad grol/ /na ni yul dang bral ba'i sgo/ /'dzin pa med pas thams cad grol/ /pa ni nges par 'byung ba'i sgo/ /'gag pa med pas thams cad
50a1 grol| |pha ni dngos po med pa'i sgo/ /ci yang med pas thams cad grol/ /ba ni brjod pa med pa'i sgo/ /brjod pa med pas thams cad
50a2 grol| |b+ha ni rdul dang bral ba'i sgo/ /rtog pa med pas thams cad grol/ /ma ni chags pa med pa'i sgo/ /rtog pa med pas thams cad grol/ /ya ni chags pa med
50a3 pa'i sgo| |gos pa med pas thams cad grol/ /wa ni rgyu rkyen med pa'i sgo/ /'bras bu med pas thams cad grol/ /ra ni rkyen dang bral ba'i sgo/ /dor ba med pas thams
50a4 cad grol/ /la ni blang ba med pa'i sgo/ /yon tan med pas thams cad grol/ /sha ni spros pa med pa'i sgo/ /zhi bas thams cad grol bar byed/ /Sha ni khur dang bral
50a5 ba'i sgo| |lci ba med pas thams cad grol/ /sa ni yang dag gsang ba'i sgo/ /nges pas thams cad grol ba dang / /ha ni rgyu dang bral ba'i sgo/ /rkyen dang bral bas grol
50a6 bar byed/ /a ni khams dang bral ba'i sgo/ /mtshan nyid med pas grol bar byed/ /i ni mthong ba med pa'i sgo/ /gzugs dang bral bas thams cad grol/ /u ni
50a7 thos pa med pa'i sgo/ /sgra dang bral bas thams cad grol/ /e ni tshor ba med pa'i sgo/ /dri dang bral bas grol bar byed/ /o ni tshor ba med pa'i sgo/ /rig dang bral
50b1 bas thams cad grol/ /aM ni cho 'phrul 'byung ba'i sgo/ /cir yang snang bas thams cad grol/ /mya ngan 'das dang 'khor ba'i chos/ /yod
50b2 mthong snang grags chos thams cad/ /yi ge'i tshogs su mngon sangs rgyas/ /yi ger ma gyur gang yang med/ /chos nyid snying po'i
50b3 nyi ma la| |'od zer yig 'bru'i tshogs su 'bar/ /chos nyid nam mkha' lta bu la/ /yig 'bru sna tshogs phra bkod pa/ /dus gsum
50b4 rgyal ba'i dkyil 'khor rdzogs/ /nyi ma 'bar ba'i 'od zer las/ /'od kyis 'bar ba'i rdo rje 'bar/ /yi ge hUM gi 'od 'phros pas/ /
50b5 rdo rje snying po'i sa bon zhes/ /rdo rje rigs kyi zhing du grags/ /nyi ma'i 'od zer rin chen las/ /yig 'bru 'od kyi swa 'phros pas/ /rin chen
50b6 snying po'i sa bon zhes/ /rin chen rigs kyi zhing du grags/ /nyi ma pad+mo 'bar 'phros pas/ /cho 'phrul yi ge'i aM du 'bar/ /pad+ma rigs kyi
50b7 zhing du grags/ /sna tshogs nyi ma'i 'od 'phros pas/ /cho 'phrul yi ge har gsal bas/ /sna tshogs snying po'i sa bon te/ /las kyi rigs kyi zhing du grags/ /dus gsum rgyal
51a1 ba thams cad kyi/ /thugs ni rdo rje ye shes yin/ /ye shes dam pas sprul pa yi/ /rgyal ba dpag tu med pa la/ /rdo rje rigs zhes bya bar
51a2 bshad| |yon tan ye shes rin chen yin/ /rin chen de las sprul pa yi/ /rgyal ba dpag tu med pa la/ /drin chen rigs zhes bya bar bshad/ /gsung gi ye shes
51a3 pad+ma ste| |pad+mo ye shes las sprul pa'i/ /rgyal ba dpag tu med pa la/ /pad+ma rigs kyi zhing du grags/ /'phrin las bya ba sna tshogs te/ /sna tshogs ye shes sprul pa
51a4 yi| |rgyal ba dpag tu med pa la/ /las kyi rigs zhes bya bar bshad/ /sku ni ma bcos de bzhin nyid/ /de bzhin nyid kyi ye shes la/ /sprul pa rgyal ba dpag med
51a5 la| |de bzhin rigs zhes bya bar bshad/ /de bas rigs kyi gtan tshigs ni/ /ma bcos sku ni de bzhin nyid/ /mi 'gyur rigs ni rdo rje'i rigs/ /yon tan kun
51a6 'byung rin chen rigs/ /chags med gsung gi pad+mo'i rigs/ /bya ba byed pa las kyi rigs/ /sku yi sprul pa thams cad ni/ /de bzhin rigs kyi gdung rgyud 'dzin/ /
51a7 thugs las sprul pa'i sangs rgyas ni/ /rdo rje rigs kyi gdung rgyud 'dzin/ /yon tan yul gyi sangs rgyas rnams/ /rin chen rigs kyi gdung rgyud 'dzin/ /gsung
51b1 las sprul pa'i sangs rgyas rnams/ /pad+ma rigs kyi gdung rgyud 'dzin/ /mdzad pa sprul pa'i sangs rgyas rnams/ /'phrin las rigs kyi gdung rgyud 'dzin/ /ci phyir rigs zhes
51b2 bya zhen| |dang po de las byung ba dang / /bar du de yi bya ba byed/ /tha mar de yi rgyu 'dzin phyir/ /de phyir rigs zhes grags pa yin/ /dper na me dang chu dag dang / /nam mkha'
51b3 dang ni sa dag la/ /gnas pa'i sems can mtha' dag kun/ /gnas rgyud nyid kyi ming 'dzin te/ /me la gnas pa'i sems can la/ /me yi yi dwags ma zhes zer/ /chu la
51b4 gnas pa'i sems can la/ /chu srin twa ra na zhes zer/ /ci'i phyir lnga zhes bya zhe na/ /rgyal ba sangs rgyas thams cad la/ /sku dang gsung thugs yon tan dang / /mdzad pa 'phrin
51b5 las nyid dang lnga/ /rig pa lnga dang lnga nyid du/ /thams cad kun tu gsal bar snang / /des na lnga zhes nges par bshad/ /ci'i phyir zhe na sangs rgyas kun/ /lnga po de las ma
51b6 gtogs pa/ /gzhan las byung zhing gzhan na med/ /sangs rgyas mtshan gyi khyad par yang / /mtshan med pa las mtshan btags pa/ /thams cad lnga po nyid las btags/
51b7 mtshan gyi bye brag thams cad kun/ /tha snyad tsam du gdags par zad/ /rigs med pa las rigs smos pa/ /'dul ba'i dbang du lngar snang yang / /dran pa'i don de dngos gzhi
52a1 med| |ci yang med las ci snang ba/ /mkha' la 'ja' tshon byung ba 'dra/ /chos kun nam mkha' 'dra ba zhes/ /gsang ba mchog
52a2 gi bdag por bshad/ /mnyam dang mi mnyam mnyam pa yin/ /sangs rgyas med cing sems can med/ /'khor ba med cing chos nyid med/ /dmigs pa med
52a3 de mi dmigs med/ /de ltar shes pa mkhas pa yin/ /rig dang ma rig tshul gcig ste/ /de ltar shes pa rgyal ba yin/ /sems can rang bzhin sangs
52a4 rgyas nyid/ /sangs rgyas rang bzhin sems can de/ /sems can sangs rgyas gcig pa yin/ /de ltar shes pa'i rgyal ba'i sras/ /byang chub phyir ni gang ma
52a5 brnyes| |ma brnyes gang yang de ma brnyes/ /brnyes pa med pa'i don mthong na/ /de ni brnyes pa'i mchog yin no/ /gzhan yang 'dus pa'i rnal 'byor rnams/ /
52a6 lam gyi ngo bo tshol 'dod na/ /lam gyi rtags nyid dpes mtshon te/ /lam gyi don la goms par bya/ /mi gnas mig ldan sgron ma yis/ /lam gyi rgyu la mkhas
52a7 par bya| |bag chags rtogs pa'i mtshan ma rnams/ /sna tshogs dngos por snang mod kyang / /nam mkha' dag la smig rgyu 'dra/ /de yang gtan tshigs nges pa
52b1 yi| |dpe yis mtshon te rtogs bya na/ /mkha' la sprin phung 'ja' tshon dang / /char la sogs pa'i rgyun snang yang / /nam mkha'i cho 'phrul gcig tu zad/ /rtag tu de ltar
52b2 snang ba min/ /dper na sgyu ma'i rang bzhin yang / /slu zhing 'drid pa cir snang yang / /sgyu ma'i 'phrul pa snang bar zad/ /rtag tu de ltar snang ba bzhin/ /dper na rdo yi
52b3 dngos po yang / /sra zhing mkhregs pa'i dngos po yang / /btags sam phye mar byas nas kyang / /rlung gi mthu yis gtor byas na/ /de la rang bzhin ga la yod/ /dper
52b4 na me yi rang bzhin dag /tshang tshing sbar sbur kun bsreg cing / /'bar 'phro snang gsal mched byed na/ /chu yi mthu yis brlag 'gyur na/ /de la rang bzhin ga la yod/ /
52b5 dper na rdzas kyi dngos po yang / /me yi mthu yis bsreg 'gyur na/ /de la rang bzhin ga la yod/ /shes pas zin pa'i sems can rnams/ /gzugs dang dran pa sna tshogs
52b6 kyi| |dbang po la sogs mdzes gyur kyang / /phung po mi rtag shi 'phos na/ /dngos po brtan par mi 'gyur te/ /gzugs rnams so sor zhig nas ni/ /rus pa dag kyang mi snang
52b7 ste| |zhig dang rul la sogs pa yis/ /tha mar ci yang mi snang 'gyur/ /ri bo chen po la sogs pa/ /dngos po brtan g.yo'i 'jig rten rnams/ /bsreg pa'i bskal pa
53a1 la sogs pa/ /bskal pa gsum gyis brlags byas na/ /de la rang bzhin ga la yod/ /des na dngos po'i chos rnams kun/ /dngos
53a2 por brtags pa ma yin pas/ /chos rnams rang bzhin med par shes/ /'di ni rnal 'byor lam gyi mchog /'dus pa'i tshogs rnams goms par gyis/ /zhes sems
53a3 dpa'i rdo rje smra ba'i seng+ges rnal 'byor mchog gi lam gsungs pa'o/ /rgyud kyi rgyal po rdo rje bkod pa kun 'dus rig pa'i mdo las/ rnal 'byor rjes su 'jug
53a4 pa'i le'u ste gnyis pa'o// //de nas smra ba'i seng+ge sems dpa'i rdo rje de cho 'phrul chen po sna tshogs ston pa zhes bya ba'i ting nge 'dzin la snyoms
53a5 par zhugs so/ /ting nge 'dzin de'i byin gyis rlabs las zhing khams thams cad g.yos par gyur te/ don yongs su rdzogs pa'i snga ltas byung bar gyur to/ /'khor
53a6 der 'dus par gyur pa rnams la la ni/ nyi zla'i steng na gnas shing chos nyid kyi nam mkha' la lding bar gyur to/ /la la ni/ ri rab rgyang mar 'phen/ la la ni/
53a7 stong gsum chen po'i khams 'phen par gyur to/ /la la ni/ chos nyid bden pa'i don mthong bar gyur to/ /la la ni/ seng+ge'i khri la 'dug par gyur to/ /de nas
53b1 sems dpa'i rdo rje cho 'phrul gyi ting 'dzin de las bzhengs te 'dus pa chen po'i rnal 'byor gyis shin tu ngo mtshar che bar gyur nas sems dpa'i rdo rje de la rnal 'byor gyis phyag
53b2 lus kun tu sa la brdabs nas 'di skad ces gsol to/ /sems dpa' chen po/ cho 'phrul rgya cher gda' ba 'di don ji lta bu lags/ rtags ci lta bu lags/ bdag
53b3 cag rnams la rgya cher bshad du gsol zhes zhus pa las/ smra ba'i seng+ge chen pos bka' stsal pa/ 'dus pa'i rnal 'byor rnams/ 'di dag ni/ don yongs su
53b4 rdzogs pa'i ltas chen po yin te/ snga ltas kyi mtshan ma 'di dang sbyar na/ 'dus pa chen po rnams sa nas sar shin tu 'phar zhing yang dag nges pa'i don mthong ba'i
53b5 snga ltas yin no/ /zhes gsungs pa las/ rnal 'byor gyi tshogs kyis gsol pa/ sems dpa' chen po/ sa non pa'i snga ltas ni/ ji lta bu lags/ don mthong
53b6 ba'i snga ltas ni/ /ji lta bu lags/ bdag cag rnams la bshad du gsol zhes zhus pa las/ sems dpa' rdo rjes bka' stsal pa/ 'dus pa chen po'i
53b7 tshogs| legs so/ /khyod kyis zhus pa'i don rgya cher bshad par bya'o/ /rna ba lhogs la gus par nyon cig /sgrub pa don gyi rnal 'byor pa/ /rnal 'byor don
54a1 la sbyor ba'i tshe/ /spyad pa'i las kyi khyad par gyis/ /khams dang sa ni gar 'gro ba/ /mdo don tshul lngas lung bstan no/ /nges
54a2 ba'i snga ltas byung ba yi/ /'bras bu don gyi khyad par yang / /cho 'phrul sna tshogs ston par nus/ /de nas yang dag bden pa 'thob/ /nges pa'i snga ltas rnam pa
54a3 lnga| |rgyu yi dus na 'byung ba ni/ /tshig gi brjod pa 'di lta ste/ /blo rtsal las kyi khyad par yang / /snang ba lus kyi snga ltas dang / /ngo mtshar rdzas rnyed tshul rtags
54a4 dang / /mtshan ma pra yi rmi ltas dang / /'dun pa mang po'i snga ltas kyis/ /'bras bu gang dang gang 'grub pa/ /mtshan ma gsal bar rgyud las 'byung / /dper na
54a5 me yi snga ltas ni/ /du ba'i mtshan ma rgyas par 'byung / /du ba gar byung gnas de na/ /me nyid yod par nges pa yin/ /de bzhin chu yi snga ltas kyang / /rlangs
54a6 dang sngabs dang srog chags 'byung / /de na chu nyid yod par nges/ /rlung gi ltas kyang 'di lta ste/ /sprin rnams rgyug cing dum bur 'chad/ /des na rlung chen 'byung
54a7 bar nges/ /rtsi ma tshal lo ma gang byung ba/ /de na gser khung yod pa ltar/ /snga ltas mtshan ma 'di dag gis/ /'bras bu mthon dman gar 'gyur pa/ /rgyu la
54b1 mkhas par byas nas ni/ /mtshan ma ci byung de la sbyar/ /bar chad med pa'i brtson 'grus kyi/ /srog la bab kyang mi lta bar/ /rnal 'byor yul la 'jug pa dang / /ting
54b2 'dzin rig pa'i rtsal sprugs pa/ /gnyen po kun bsten sa sbyangs nas/ /rnal 'byor sa la brtson par bya/ /'dis ni gdon mi za ba dang / /la la the tshom mi skye zhing / /ma
54b3 nges la zhugs the tshom med/ /dper na 'jig rten byis pa dag /yun ring ma la skyo ba ltar/ /snga ltas byung ba'i sgra thos na/ /shin tu brod pas mdun bsu ltar/ /ltas
54b4 chen byung ba'i brod tshul gyi/ /shin tu brtson pas bde thob 'gyur/ /de bas snga ltas mtshan ma rnams/ /shes nas brtson par 'bad pa'i rigs/ /blo rtsal las kyi
54b5 khyad par gyis/ /ting 'dzin drod kyi snga ltas 'byung / /yang dag bden pa'i don bstan na/ /mi skrag mi dang dga' ba skye/ /yang dag don la nges bltas na/ /'khor ba'i
54b6 chos la skyo ba skye/ /yang dag don la 'dris pa dang / /rnam grangs chos la dad mi 'gyur/ /yang dag don nyid mthong ba dang / /tshig la dga' ba mi skye zhing / /don nyid
54b7 nye bar 'dzin par byed/ /don mthong ba dang ye shes skye/ /ye shes skyes par gyur pa dang / /dngos por snang ba thams cad kun/ /sgyu ma bzhin du shes par 'gyur/ /
55a1 sgyu ma tsam du shes pa la/ /brten nas chos nyid don bltas na/ /snang ba med pa'i don nyid ni/ /snang ba med par mthong bar 'gyur/ /
55a2 snang med srid pa mthong ba'i tshe/ /cho 'phrul rgyu ba thams cad 'byung / /de nyid bden pa'i snga ltas so/ /de nas nyi ma'i 'od zer gyis/ /rdul phran 'dra ba'i mtshan
55a3 ma 'byung / /de ni g.yo ba'i snga ltas so/ /de nas smig rgyu lta bur 'byung / /dang po'i drod ces bya bar bshad/ /de nas mtsho yi rlabs ltar 'byung / /bar gyi drod
55a4 ces bya bar bshad/ /de nas rlung chen lta bur yang / /thogs pa med par 'byung bar 'gyur/ /tha ma'i drod ces bya bar bshad/ /de nas yig 'bru'i drod
55a5 spros pas/ /char chen 'bab pa lta bur 'byung / /de ni thob pa'i drod ces bya/ /de nas mkha' la sprin lding bzhin/ /ting 'dzin rtsa 'phang mtho bar 'gyur/ /de ni
55a6 shin tu brtan pa'i drod/ /de nas ta la gcig tsam du/ /bdag gi lus ni dbang med par/ /mkha' la 'phar zhing 'phags par rtsol/ /'di ni shin tu gsal
55a7 ba'i drod/ /de nas sa chen g.yo ba ltar/ /shin tu yam yom mar mer 'byung / /'di ni dang po'i rtags zhes bya/ /de nas ting 'dzin rtsal sbyangs na/ /ji ltar
55b1 dmigs pa der 'grub ste/ /me yi skye mched der bsgoms na/ /me yi rang bzhin nyid du 'gyur/ /chu yi skye mched der bsgoms na/ /chu yi skye mched nyid du 'gyur/ /
55b2 rlung gi skye mched der bsgoms na/ /rlung gi skye mched nyid du 'gyur/ /yig 'bru'i skye mched der bsgoms na/ /yig 'bru gang ltar gsal bar 'gyur/ /de ltar rdzas
55b3 kyi skye mched du/ /gang ltar bsgoms pa de ltar 'gyur/ /de ni rtags chen thob pa yin/ /blo yi ting 'dzin rtsal rdzogs na/ /ngag gi bden pa'i rtsal 'byung ste/ /sreg
55b4 pa'i me chen mthong ba na/ /zhi bar gyur cig byas pa yis/ /de nyid du ni zhi bar 'gyur/ /chu rlung gnod pa'i rgyun byung na/ /chad par gyur cig brjod pa yis/ /de nyid du
55b5 ni 'chad par 'gyur/ /rlung chen gnod pa'i rgyun byung na/ /zhi bar gyur cig brjod pa yis/ /de nyid du ni chad par 'gyur/ /nad pa'i tshogs ni mthong ba na/ /gang nan
55b6 ba'i dmigs der ni/ /sel gol gtogs pa tsam gyis kyang / /nad rnams zhi bar gyur ces brjod/ /nad kyi tshogs rnams zhi bar 'gyur/ /de bzhin ngag gis
55b7 brjod byas pa/ /thams cad ma lus grub par 'gyur/ /ngag gi bden pa'i rtsal rdzogs na/ /lus kyi drod la rtsal 'byung ste/ /gnyid kyi rtog pa choms pa dang / /lus
56a1 kyi bzod pa thob pa ni/ /'di ni dang po'i drod yin no/ /kham gyi zas dang bral ba dang / /mdangs dang dbang po gsal gyur pa/ /'di
56a2 ni gnyis pa'i drod ces bya/ /shing bal lta bur yang ba dang / /khams bde mi bde mi 'byung zhing / /nad kyi tshogs dang bral gyur pa/ /'di ni drod chen bstan pa
56a3 yin| |kham kyi zas la ma bsten yang / /dbang po gzi mdangs shin tu gsal/ /'di ni ting 'dzin ro tshor rtags/ /gzhan yang lus kyi snga ltas ni/ /mnyam
56a4 pa'i skyil krung bcas nas ni/ /khru gang tsam du 'phar ba dang / /ta la gang tsam bar du 'gro/ /'di yang ltas chen rtags yin no/ /gzhan yang snang ba'i nam
56a5 mkha' la/ /gom pas bgrod de 'gro ba dang / /chu la mi 'bying sa la 'dzul/ /me yis mi 'tshig rlung bcings pa/ /'di yang snga ltas chen po yin/ /lus kyi bden
56a6 pa'i rtsal rdzogs na/ /mthu yi rtsal yang 'byung ba ste/ /mthu yi byin rlabs bsam mi khyab/ /gal te dgos sam 'dod pa na/ /sa 'am rdo 'am bye ma dag /gser
56a7 dang dngul la sogs par bsgyur/ /skams dag la chu 'byin cing / /sol ba dag la ljon shing 'byung / /de la sogs pa'i dgos pa rnams/ /ji ltar 'dod pa de
56b1 ltar 'grub/ /spyod pa'i mthu dang rtsal rdzogs na/ /'byor ba'i yon tan rdzogs 'gyur te/ /yid du 'ong ba'i nor 'byung zhing / /'dod pas bsam pa thams cad 'grub/ /
56b2 rdzas kyi mchog tu gyur pa yi/ /ngo mtshar can du rnyed par 'gyur/ /de dag rung ba'i snga ltas so/ /'gro gang 'du ba'i snga ltas kyang / /kun gyis bkur zhing dga' ba dang //
56b3 kun gyi yid du 'ong bar 'gyur/ /thams cad 'dul zhing thams cad la/ /dbang sgyur byed pa'i mchog tu 'gyur/ /de dag snga ltas chen po yin/ /mtshan ma pra yi
56b4 rmi ltas kyang / /shing tu rgya cher 'byung ba ste/ /rnal 'byor can gyis shes par gyis/ /bag chags byang ba'i snga ltas kyang / /rtag par gcer bur 'byung ba dang / /khrus
56b5 chen rtag tu byed pa dang / /dri ma'i tshogs rnams dag pa dang / /chu bo dag la rgal ba dang / /mtsho chu dag la brkyal ba dang / /char gyi rgyun gyis 'khru ba dang / /gzhan
56b6 gyis bum pa gang ba'i chus/ /bdag gis lus la ldugs pa dang / /me dpung chen pos bsreg pa dang / /shin tu mthon po'i rtse dag las/ /rlung gis shin tu g.yeng
56b7 zhing 'thor/ /'di dag bag chags byang ba'i ltas/ /'jigs dang bral ba'i snga ltas ni/ /g.yul 'gyed pa las slar log dang / /nad las thar te sos pa dang //
57a1 btson ra dag las thar pa dang / /gshed ma'i lag nas shor ba dang / /gcan gzan nang nas bros pa dang / /dug nad dag las sos
57a2 pa dang / /bcings pa dag las grol ba dang / /thag pa bcad par gyur pa rnams/ /mtshan ma bzang po'i snga ltas yin/ /sa rnams thob pa'i snga ltas ni/ /khri rkang
57a3 dag la 'dzeg pa dang / /phal pa'i skas la 'dzeg pa dang / /ljon shing dag la 'dzeg pa dang / /gyen du shin tu 'gro ba dang / /ri bo'i rtse la 'dzeg pa dang / /rin
57a4 chen skas la 'dzeg pa dang / /mchod rten dag la 'dzeg pa dang / /nam mkha'i skas la 'dzeg pa rnams/ /'di dag don gyi snga ltas yin/ /sa rnams non
57a5 pa'i snga ltas kyang / /khri mthon steng na 'dug pa dang / /glang po che la zhon pa dang / /seng+ge dag la zhon pa dang / /khyung chen lding la zhon pa dang / /mchod rten kha la
57a6 phyin pa dang / /ri bo'i rtse la 'dug pa dang / /nam mkha'i dbyings na 'dug pa dang / /lus la sprin phung 'byung ba dang / /zla ba'i steng na 'dug pa dang / /nyi ma'i
57a7 steng na 'dug pa rnams/ /rnal 'byor sa la gnas pa'i rtags/ /sangs rgyas sras kyi snga ltas ni/ /rgyal po'i bka' la btags pa dang / /bka' yi dbang
57b1 por bskos pa dang / /gzhan la dbang sgyur byed pa dang / /'jig rten skos la 'bebs pa dang / /gzhan gyi sde pa dbang sdud dang / /g.yul chen dag las rgyal ba dang //
57b2 bdag nyid rgyal por gyur pa dang / /mgo la me tog skyes pa rnams/ /rgyal po'i sras su gyur pa'i ltas/ /chos la dbang thob snga ltas ni/ /glegs bam zab mo rnyed pa dang //
57b3 de bzhin 'dri ba mang po dang / /de dag la ni dpyod pa dang / /gzhan la 'chad cing ston pa dang / /don nyid gtan la 'bebs pa dang / /me long dag la lta ba dang / /
57b4 shel gyi bum pa gang ba la/ /blta zhing brtags te 'thung ba dang / /rin che nor bu thu ba dang / /'khor lo lag tu babs pa dang / /nyi zla lag pas zin pa dang / /ri rab
57b5 klad la bskor ba rnams/ /chos la dbang thob snga ltas so/ /bden pa mthong ba'i snga ltas kyang / /sngon ma mthong gi yul mthong dang / /stong gsum rgya cher mthong ba
57b6 dang / /gling rnams gzhan du phyin pa dang / /ri rab kha la phyin pa dang / /nam mkha' rgya cher mthong ba dang / /rgya mtsho'i gting du phyin pa dang / /lag na sgron me thogs
57b7 ba dang / /nyi ma'i snying po lta ba dang / /snang srid dpyod pa byed pa rnams/ /chos la dbang thob ltas chen yin/ /lung bstan thob pa'i snga ltas ni/ /rol mo'i sgra rnams
58a1 thos pa dang / /'brug gi sgra ni grags pa dang / /seng+ge'i nga ro grags pa dang / /chos kyi sgra yi gtam thos dang / /gzugs brnyan zhal
58a2 ni 'dzum pa dang / /sangs rgyas gsung thos sku mi mthong / /lha mo glu dbyangs sgrog pa dang / /gzhal yas dag la sgra 'byung dang / /grogs po grogs po zhes brjod
58a3 cing / /chos kyi bgro ba byed pa rnams/ /lung bstan 'byung ba'i snga ltas so/ /de la sogs pa'i mtshan ma rnams/ /ltas chen kun tu snang ba dang / /gang zag las
58a4 kyi dang po rnams/ /rig 'dzin so so'i sa pa ni/ /'gyur ba'i snga ltas bshad pa yin/ /rnal 'byor las kyi dang po la/ /ltas chen 'di dag gang byung yang / /'khor
58a5 ba'i 'du 'dzi kun bsal nas/ /don la rtog cing sa rnams sbyong / /des ni don la reg par 'gyur/ /don la reg pa'i byin rlabs kyis/ /rig 'dzin rdo rjer
58a6 lhun gyis grub/ /rig 'dzin sa la gnas pa dang / /sa la rtsal chen sbyong ba'i tshe/ /rtsal gyi cho 'phrul sna tshogs 'byung / /nyi zla zhon nas 'gro ba dang / /ri rab
58a7 rked nas gsor ba dang / /'jig rten rgyang mar 'phangs pa dang / /sreg pa'i bskal pa gzhil ba la/ /sogs pa'i cho 'phrul thams cad kun/ /khyad par rtsal gyis
58b1 ston par nus/ /de la sogs pa'i rdzu 'phrul rnams/ /rdzu 'phrul gyi na cho 'phrul yin/ /rjes su bstan pa'i cho 'phrul ni/ /'dul ba'i 'gro ba thams cad la/ /so so'i
58b2 skad dang chos mthun par/ /'dul ba'i sgo ni sna tshogs su/ /so so'i skad du ston par nus/ /de dag rjes su bstan pa yin/ /chos kyi sgo rnams snang ba yi/ /nges
58b3 pa'i cho 'phrul bstan pa ni/ /ting 'dzin rtsal gyi khyad par gyis/ /'jig rten khams rnams g.yos nas kyang / /thams cad ngo mtshar skye 'gyur te/ /sems kyi
58b4 bsam pa rangs byas nas/ /so so dga' ba'i ro myong 'gyur/ /chos rnams snang ba'i cho 'phrul yin/ /kun nas kun tu brjod pa ni/ /gsang ba'i yi ge'i phreng ba las//
58b5 rdzu 'phrul chos kyi sgra sgrog pas/ /mthong yod snang grags chos rnams kun/ /kun kyang sngags kyi sgrar grags pas/ /sngags su ma gyur gang yang med/ /des na
58b6 rtsal gyi khyad par la/ /sogs pa'i yon tan thams cad 'byung / /zhes smra ba'i seng+ge chen po sems dpa'i rdo rjes gsungs so/ /rgyud kyi rgyal po chen po rdo rje bkod pa
58b7 kun 'dus rig pa'i mdo las/ cho 'phrul bstan pa'i le'u ste gsum pa'o// //de nas smra ba'i seng+ge sems dpa'i rdo rje mi 'da' ba'i dam tshig
59a1 gsang ba mchog gi ting nge 'dzin la snyoms par zhugs so/ /de nas ting nge 'dzin de las bzhengs par gyur pa dang / 'dus pa'i rnal
59a2 'byor chen po rnams kyis 'di skad ces gsol to/ /smra ba'i seng+ge sems dpa' chen po/ khyod nyid ni/ dam tshig chen po'i bdag nyid du bdag cag rnams
59a3 kyis mthong ngo / /de skad ces gsol pa dang / sems dpa' chen po des bka' stsal pa/ 'dus pa'i rnal 'byor rnams/ chos thams cad kyi srog ni/ dam
59a4 tshig yin par shes par gyis shig /de nas 'dus pa chen po'i tshogs kyis sems dpa' chen po la 'di skad ces gsol to/ /sems dpa' chen po/ dam
59a5 tshig mchog gi gsang ba rnams bdag cag rnams thos par 'tshal/ thos nas kyang rtogs par 'tshal/ rtogs nas kyang de la gnas par 'tshal na/ sems
59a6 dpa' chen pos rgya cher bshad du gsol/ de skad ces gsol pa dang / sems dpa' chen pos bka' stsal pa/ 'dus pa chen po'i tshogs/ dam tshig
59a7 rnams 'di lta ste/ shin tu gsal ba'i dam tshig ni/ /snod ma yin par gyur pa las/ /phyi nang gsang ba gsum dag tu/ /spa ba'i thabs su spyad nas kyang / /gsang
59b1 ba'i chos rnams gsang bar bya/ /bstan pa'i gnas min snod ngan dag /rnam pa bzhis bsdus bye brag rnams/ /ma 'ongs rnal 'byor bcud can gyis/ /shes nas
59b2 spang bar bya phyir bshad/ /'jig rten pa dang theg dman dang / /mu stegs log lta'i lta la dga'/ /dad med blo zhan g.yeng rmugs shing / /bslab nyan mi brtson byol
59b3 song mtshungs/ /dad log dam nyams don las gol/ /byang chub thag pa gting nas chad/ /sems kyi myu gu'i rtsa tshig pa/ /ngan 'gro'i 'dam du kha sbub yin/ /snod
59b4 med kha sbub de dag la/ /gsang ba smra bar bya ba min/ /smras na de nyid kha sbub 'gyur/ /gsang ba'i tshig rnams khar smra yang / /gab pa gsang ba'i don mi shes/ /skyon
59b5 can spa lo sgrog rnams la/ /gsang ba'i don rnams lhag par smra/ /bsnyen sgrub gsang ba'i tshigs rnams la/ /sgra la nyan kyang don mi gnyer/ /snying po'i don
59b6 gsang mi thub pa/ /bcud med 'khor bar zag pa yin/ /gsang don mi thub snod ngan la/ /gsang ba smra bar gang byed pa/ /de dang snod med snod ngan gnyis/ /'khor
59b7 ba'i khams su zag par mnyam/ /lta dang dam tshig sgrub pa yi/ /dam pa'i mdzod gsum smra shes kyang / /goms pa'i mthu med gnas ma gyur/ /ngan rgyu phrag dog
60a1 ser snas gdungs/ /bya med chos la blo gtod cing / /spyod rtsing dmar la gdeng med par/ /rnal 'byor spyod la lta dman zhes/ /zer ba
60a2 pham 'gyur 'khor bar 'pho/ /snod ngan 'khor bar 'bo ba la/ /gsang ba'i don rnams smra byed pa/ /gsang ba nyams pa'i dbang gis ni/ /nyams pa de dang de
60a3 'drar 'gyur/ /zla ngan nyams sod can lan 'dren/ /kha gsag lce gnyis sgyur byed cing / /sems la nyon mongs lnga bcangs te/ /rku dang sgyu spyod rdzun la dga'/ /tshe
60a4 gcig grags pa ched phyir du/ /gang zag phyir 'brang tshig 'ga' la/ /mnyan te brjod 'dod tshul 'chos pa/ /log smra dug can tha ram ltung / /dug can ltung
60a5 ba'i snod de la/ /gsang ba'i dmigs rnams smra ba ni/ /rnal 'byor nyams pa chen po ste/ /'khor ba'i tha mar de ltung 'gyur/ /'di ltar pham 'gyur snod ngan
60a6 la| |gsang ba gsang chen la sogs pa'i/ /don dang rang bzhin gang yin pa/ /bstan kyang pham ltung gegs su 'gyur/ /de bas bstan par bya ba min/ /gal te
60a7 bstan par gyur na ni/ /ston smra nyan byed de dag rnams/ /mthong yun phung byed gnyis skrag 'gyur/ /rnal 'byor mkhas gsal don ldan la/ /rnal 'byor
60b1 mi shes gang dag gis/ /dregs pa'i dbang gis phrag dog gi /sems kyi rnam grangs ci skyed pa/ /de snyed bskal pa'i grangs mnyam par/ /'bras bu mi bzad myong bar
60b2 'gyur/ /gal te las kyi 'phro len na/ /de snyed bskal par bzod 'jug dgos/ /mkhas gsal don ldan gyis kyang ni/ /gong ma bzhin du ngan bsams na/ /de yang
60b3 gnas ngan len pa ste/ /mkhas pa de la skyo mi nus/ /rnal 'byor don ldan tshul mthun la/ /ngan pa'i tshig gis sems dkrugs shing / /sgro skur rku dang brlang btab na/ /
60b4 dmyal ba rdo rjer de ltung 'gyur/ /zhar las byung ba'i rnam smin yang / /ji ltar rgyu mthun de 'drar 'gyur/ /skal pa dman pa'i rnal 'byor pa/ /rtsa nyams skyo can rang
60b5 bzhin ni/ /ngan sems khro gtum ldan pa dang / /mi zad phra men las spyod byed/ /gang dag mi shes ngang tshul can/ /byis pa'i rang bzhin blo zhan pas/ /shin tu dman
60b6 pa'i lta sems kyis/ /tshul bcos mkhan la bkur bar byed/ /gang dag dam tshig yon tan ldan/ /byams la gnas shing rtag tu bzod/ /tshul shes don gyi
60b7 gzhung rnams srong / /de dag la ni 'dun pa med/ /dam tshig spre'u ltar spyod bzhin du/ /byang chub snying po thob pa yi/ /sangs rgyas rnams kyang mi 'byung ngo / /
61a1 'byung bar yang dag ngas ma mthong / /rgyal po 'bras gyur rnal 'byor pa/ /lam ston skyon sel mkhas pa la/ /kha cig dregs dang
61a2 phrag dog gis/ /khro spong thabs kyis smod par byed/ /de ni 'khor ba'i gting rdo ste/ /nam yang thar pa'i khar mi 'byung / /mi shes pa yi rnal 'byor pa/ /yang dag
61a3 don dang ldan pa'i mi/ /rjes su 'gro bar mi byed cing / /longs spyod 'du 'dzi gang ldan pa'i/ /rjes su 'gro zhing de la 'dud/ /de ni log pa'i lam pa yin/ /rnal 'byor
61a4 ltang dang byang chub khe/ /'ban thag chad par blo mi 'byung / /zang zing nor dang g.yo sprul khe/ /chung yang ci 'grub srog dang bsngo/ /rnal 'byor mkhas pa'i rang bzhin
61a5 can| |bum snod nang gi gsal ba ltar/ /shes rab mdzod kyi gter ldan yang / /srog chags rkun mo'i sder mo ltar/ /khong nas gab sbas don ston la/ /blun po
61a6 rnams kyis cir mi mthong / /dper na 'di 'drar tshul gcig ste/ /lus la gter 'chang mi dang ni/ /blun por gyur pa'i mi dag gnas/ /'grogs kyang gnyis
61a7 mtshungs khyad med 'dra/ /ting 'dzin bsngags pa rjod byed cing / /ting 'dzin don du gnyer ba med/ /yang dag bsngags pa rjod byed cing / /yang dag don du gnyer ba
61b1 med| |dam tshig bsngags pa rjod byed cing / /dam tshig don du gnyer ba med/ /ji ltar 'gro gang la la dag /nor bu rin chen 'di 'dra ste/ /'dod pa'i yon tan kun 'byung
61b2 zhes| |rin chen dag gi yon tan brjod/ /de la 'gro gang gzhan dag gis/ /de ltar 'dod pa 'byung gyur na/ /de ltar cung zad yod dam zhes/ /dris kyang med pas slar smras
61b3 pa| |gang zhig dgos pa skong ba yi/ /yon tan cung zad smos par zad/ /de nyid bdag la med ces smra/ /de bzhin rnal 'byor mi brtson pas/ /bslab par bya ba'i chos bral
61b4 la| |chos nyid bsngags pa rjod byed kyang / /de dag la ni chos nyid med/ /de las spyod pa'i log spyod rnams/ /dam tshig can gyis spang bar bya/ /rnal 'byor chos 'dzin
61b5 gang dag gis/ /rnal 'byor nyams 'gyur log sred can/ /gsang ba 'jigs pa'i dgrar mthong nas/ /de dag sdig pa mthong ba ltar/ /skrod cing chad pas gcod byed
61b6 pa| |skyes bu de ni rgyal ba'i sras/ /dper na blon po gang dag gis/ /nyes byas khrims dang 'gal gyur na/ /'gal bar mi gtong khrims dang sbyor/ /bka' yi yo srong
61b7 blon po de/ /rgyal po'i thugs 'dzin dam pa zhes/ /kun tu rgya cher grags par 'gyur/ /ldum rar dug gi sdong skyes na/ /bdag pos dug tu shes ma thag /rtsad nas phyung
62a1 ste med par byed/ /ci phyir ldum zas de dag las/ /dug 'phel gyur na 'chi phyir ro/ /de bzhin nyams 'gyur dug can de/ /brtul
62a2 zhugs can gyi rnal 'byor des/ /gnas sam lo yis spyugs te spang / /gang dag mi spong mgon byed pa/ /de dag gsang ba'i dam sri yin/ /don la rnal 'byor gang zhig gis/ /
62a3 tha tshig zab mor bcas rnams las/ /srung ba'i bsam pa mi g.yo bzhin/ /rtsa ba yan lag bcas rnams la/ /gal te ma tshor zhig gyur nas/ /rnam smin
62a4 yod kyang rtsa mi nyams/ /ji ltar glang po e ne ya/ /shi nas ro ru gyur mod kyang / /gi'u waM rtsis ni don byed ltar/ /rnal 'byor nyams de ror gyur yang / /gzhan
62a5 gyis bkur ba'i gnas yin zhing / /de yi don byed nus pa yin/ /de ltar mod kyang 'di kun rnams/ /rmi lam du yang mthong mi bya/ /ci phyir 'o ma nyung ngu zhig /rul
62a6 bas 'o ma kun rul bzhin/ /rnal 'byor nyams gyur gcig gis ni/ /rnal 'byor can kun ma rungs 'gyur/ /'khor ba'i g.yul rgyal byed pa yi/ /log pa'i
62a7 rnal 'byor thams cad kun/ /don la mkhas pa'i rnal 'byor pas/ /thams cad bsgrims te spang bar bya/ /gal te ma spangs log spyad na/ /'khor ba'i
62b1 g.yul ni rgyal 'gyur te/ /bden pa'i byin rlabs mthu chung 'gyur/ /kun kyang dge sbyong don chung zhes/ /yang dag don las yid byung zhing / /log pa'i chos
62b2 la spro bar byed/ /kun kyang log pa'i las spyad pas/ /yid du mi 'ong sna tshogs 'byung / /des ni sgro skur gnyis su 'gyur/ /bka' yi chad pa gang yin pa/ /
62b3 ye shes can lta rang bzhin gyis/ /nam yang gnod pa yong mi mdzad/ /de yi 'khor na gnas pa yi/ /gang dag ma rungs mthu chen rnams/ /rnal 'byor log
62b4 par spyod rnams kyi/ /skyon mthong tsam na chad pas gcod/ /thams cad ngan 'gror spyi'u tshugs ltung / /sgrub pa'i snod mchog gcig yod de/ /'di dang mi
62b5 mthun kun rdzogs pa'i/ /rgyud mnyen don ldan ngang tshul bzang / /ci la chags med gtong ldan sems/ /shes rab rnam grol lde mig gis/ /gti mug tha ram blo
62b6 phye nas| |chos kyi snying po'i mig ldan pas/ /rtag chad phrad mthong dbu ma'i yul/ /ma nor lam du 'jug shes pas/ /sdong po stong chen rab dul ba'o/ /tha tshig
62b7 lung las byung ba bzhin/ /gzhung srong thub par byed pa de/ /rgyal ba'i sras po yin pas na/ /de la gsang sgo dbye bar bya/ /ji ltar dam tshig thub pa ltar/ /de
63a1 bzhin yid bzhin nor bu ste/ /yid 'ong 'dod dang bde pa 'byung / /rig 'dzin rgyal ba kun yum mo/ /de bzhin dam tshig thub pa
63a2 ltar| |gnas par byed pa'i rten yang yin/ /dam tshig kun gyi srog yid nye/ /dam tshig kun gyi nor mchog go /dam tshig 'di ni 'jigs pa'i
63a3 skyabs/ /dam tshig bgrod pa lam gyi mchog /dam tshig chu bo sgrol ba'i gru/ /dam tshig dngos grub dam pa yin/ /dam tshig grogs kyi mchog yin te/ /
63a4 dam tshig long ba'i mig bu yin/ /ji ltar dam tshig thub pa ltar/ /gzhan gyi sde pa 'joms pa yin/ /'khor ba'i g.yul las rgyal bar byed/ /des
63a5 na dam tshig rgyun bzhin bsrung / /mdor na bdag gi sgo gsum po/ /dag pa gsum gyi mtha' bzung nas/ /lha dang grogs dang slob dpon dang / /bdag nyid
63a6 dag pa ma khrel ba'i/ /tshul gsum mi gnod dam bcas gsum/ /yongs su ma nyams mdo bzhi po/ /mthar phyin rgya rtags rnam bzhir bcas/ /mdo
63a7 don dran pa la bgrang bsngo/ /brtul zhugs spyod pa'i dam tshig ni/ /dam tshig kun gyi thog mar 'gro/ /wa dang cang shes gyi ling dang / /blang dor mi 'bral
63b1 khro chen bdag /shin tu glang chen smyos 'dra'i sems/ /dpa' rtul stag mchog rngam zhing gtum/ /mkha' lding khyung chen lhag mi lta/ /gtum thung don chen sdong
63b2 gcig pa/ /yid thub mi ldog rgya mtsho'i gser/ /gti mug lkug pa'i blo tshol ldan/ /ri bo mi 'gyur brtan pa che/ /mkha' ltar yangs dog kun dang bral/ /gnam
63b3 lcags lce yi drag shul can/ /phyag na rdo rje'i brtul zhugs bdag /zon bag khu 'phrig kha rog sems/ /nges pa'i nga rgyal glang tshul ldan/ /zla bral seng+ge ri dwags
63b4 rgyal| |ra 'jam bya ltar chags 'grogs blo/ /g.yo ldan lcag chen sgyu ma'i rgya/ /gtsang sme med par kun spyod cing / /thogs med gsod spyod ce spyang kha/ /che ba'i nga
63b5 rgyal stag mchog blo/ /kun 'dzem blo ldan nam mkha' lding / /sa thub bag len rgyal 'khor skyong / /rnal 'byor brtul zhugs chen po ni/ /bcu gnyis dang ni
63b6 gsum blor ldan/ /goms nas nyams su len byed pa/ /rnal 'byor gsang ba'i bka' ba yin/ /dal ba'i rgyud ldan tha tshig can/ /sku dang gsung thugs
63b7 rdo rje yi| |srung dang brjod dang gsang ba dang / /yan lag spyad pa'i dam tshig dang / /yid 'ong dang du blang ba dang / /brtul zhugs zab mor spyod pa dang / /rnal 'byor
64a1 rnal 'byor thams cad kyi/ /mi 'dor mi spong sbyar ba yi/ /rig ldan shes par bya ba dang / /thob cing grub par bya ba yin/ /re re la
64a2 yang lnga lnga ste/ /rtsa ba dang ni yan lag las/ /bcu gnyis dang ni brgyad ldan pa/ /spyad par bya ba'i nor mchog yin/ /rnal 'byor byang chub sems rgyud
64a3 la| |nges par brtags te spyod pa'i bu/ /zab mor rdzogs mchog bde ba yi/ /blo la nges pa'i lung 'di bstan/ /'di ni sngar 'gro tha tshig ste/ /zab mo sgrub
64a4 pa'i sngon logs su/ /rdo rje tha tshig drag po 'o/ /gcan 'phrang lam rnams bsrung ba'i phyir/ /spyi dang khyad par dam tshig rnams/ /nges pa'i don gyis bsrungs
64a5 byas nas/ /de ni dbyig gi snod chen yin/ /de ltar spyi yi sdom pa la/ /gnas nas dus kyi skabs 'di ru/ /bsrung bya thub par bya ba ni/ mi shigs pa ni seng+ge
64a6 ste| |gcan gzan rgyal po yin pas so/ /za ma tog ni 'dod pa'i gter/ /dug spyo ba ni der mi rigs/ /rin chen myu gu'i lcug phran dag /de ni 'breg pa'i
64a7 rigs ma yin/ /gangs kyi zhun chu khol ma dag /mkhas pas btung bar bya ba min/ /pad+ma'i ze'u 'bru kha ma bye/ /zla zer ma yin kha mi dbye/ /ma brtags bu ga rdol can gyi snod/ /kha
64b1 mi dbye zhing bcud mi blug /don dang mi ldan bcos ma'i rtags/ /bsrel zhing spyad par bya ba min/ /shel dkar rin chen sgo nga dag /'dam rdzab khung du bsrub mi
64b2 bya| |seng+ge dkar mo'i 'o ma dag /dug can snod du blug pa min/ /yid bzhin nor bu rin po che/ /bsreg par bya ba yong ma yin/ /khyung chen gshog pa mkhar brkyang
64b3 ba| |de dag gcag par bya ba min/ /gnam lcags me yi dur mo dag /brdab par bya ba ma yin no/ /stag gzig 'drol bas las byas pa'i/ /las kyi lhag ma
64b4 bsdu mi bya/ /rdo rje brag chen gtams pa'i gzhi/ /de dag gzhig par bya ba min/ /rdo rje ra ba'i go tshags ni/ /bsdam bya bral bar bya ba min/ /bud shing sreg pa'i
64b5 sgron ma dag /g.yeng ba'i rlung gis bskyod mi bya/ /rdo rje tshig gi chu rgyun dag /'ol dkar gcad par bya ba min/ /rgyal po bka' rtags phyag rgya dag /nam zhar dbyi
64b6 bar mi bya 'o/ /rdo rje pha lam gtams pa'i mkhar/ /rmang nas bzlog par mi bya 'o/ /gtsug gi nor bu 'bar ba dag /rgyal mtshan rtse las dpog mi bya/ /rnal 'byor
64b7 las kyi khyad par can/ /skal can rnams kyi dam tshig ste/ /skal par ldan pa'i nor mchog yin/ /rgyun du spyad pa'i nor mchog ni/ /rdo rje las ni thun tshags dag /
65a1 rdo rje go phur trom chen gyis/ /srog la bar chad byed pa'i dgra/ /nyon mongs 'thibs pa de gzhom bya/ /snyom las le lo'i dpung
65a2 bskyed pa/ /thug thub ra chod nga rgyal gzhi/ /dregs byed dbang po myos pa'i bcud/ /dpa' byed rkyen yang bsdam par bya/ /rdo rje gsang tshig ma gtogs pa/ /'dres
65a3 pa gang zag byis pa'i tshig /zur yang brjod par mi bya zhing / /thams cad rdo rje gsang bas bya'o/ /ji ltar gsod pa'i mi rnams dag /gshed ma'i mis ni gsod
65a4 pa'i tshe/ /thar pa'i thabs la brtson pa bzhin/ /le lo'i dgra bcom brtson par 'bad/ /rnal 'byor sgrib pa'i gegs bsal ba/ /dka' thub sdom pa'i
65a5 mdud pa can/ /'dod dang longs spyod mi mthun dang / /spyi mthun nang du mi gcig pa/ /phyi nang can dang gnod byed dang / 'dod myos bying rmugs brkam pa
65a6 dang / /dad med rtsa nyams 'phyar g.yeng can/ /mkhas pas bsgrims te spang bar bya'o/ /de ni rnal 'byor gegs yin te/ /dngos grub chu bo gcod par byed//
65a7 rnal 'byor nges par spyod pa la/ /bar du gnod pa'i bdud lnga 'byung / /rnam rtog 'phrig pa'i bdud nyid dang / /de bzhin btang snyoms le lo'i bdud/ /longs
65b1 spyod 'du 'dzi g.yeng ba'i bdud/ /tshig rtsub mtshon cha rnon po'i bdud/ /khro gtum ngan thung 'khrug pa'i bdud/ /rnal 'byor spyod pa'i bdud lnga po/ /yang dag don la
65b2 sgrib pa ste/ /gnyen po byang chub sems mchog gis/ /zhi ba chen po'i ngang du bzlog /rnal 'byor spyod pa'i dgra bzhi po/ /thabs la mkhas pas gdul bar bya/ /rdo rje
65b3 brnag pa gsang 'phel bas/ /ngag gi dbang po nyams gyur te/ /kha na ma thos phog par 'gyur/ /de dag bcas dkar 'gyur ba'i dgra/ /lta dman spyod rtsing 'chol
65b4 pa yis/ /bka' yi gzhung por log par spyad/ /nor bas bar chad 'byung ba'i dgra/ /dam gtsor spyod pa'i las rnams yin/ /'da' dka' rdo rje mchog gsum
65b5 po| |btang snyoms phyal bar shor ba ni/ /rtsa ba rul ba'i ljon shing bzhin/ /bka' chad chen po 'bab pa'i gnas/ /brtsams pa las la sbyor ba'i tshe/ /'bad pa'i rtsa
65b6 shugs chung ba yis/ /don rnams grub pa ma yin te/ /'bras bur mi 'gyur 'phrog pa'i dgra/ /rnal 'byor chen por spyod pa la/ /'dod pa'i nor mchog 'phrog pa'i
65b7 dgra| |thabs la mkhas pa'i skyes bu yis/ /skyon gyi dgra bzhi spang bar bya/ /srid gsum bsgral ba'i zhing 'di dag /sangs rgyas zhing du rtogs pa ni/ /sa rnam
66a1 gcig car sbyangs pa ste/ /zhing rnams dag pa'i mchog yin no/ /khams gsum mchod pa'i rgyu 'di dag /yo byad chen po'i mchog
66a2 yin te| |rgyal ba thams cad mnyes pa'i rgyu/ /rmad du byung ba'i mchod pa 'o/ /'khor ba dur khrod gnas 'di dag /bde ba chen po'i gnas yin te/ /ma nor ma
66a3 bcos chos kyi dbyings/ /btsal med lhun gyis grub pa la/ /dug lnga rgyu ba'i rtsa ba dag /ye shes lnga yi rtsa ba ste/ /kun shes kun rig gsal ba 'o/ /rang rig
66a4 ye shes rang las byung / /rnal 'byor chos mig ldan pa yis/ /nges pa'i don du 'di ltar blta'o/ /'di ni rgyun gyi dam tshig ste/ /brjod du med pa srung ba 'o/ /
66a5 srung ba thub par bya ba la/ /dam tshig rtsal gyi khyad par ni/ /gang dag rig pa 'dzin pa yi/ /blo la nges pa'i lung du bstan/ /'dod pas chags dang 'joms
66a6 pa dang / /gti mug nga rgyal phrag dog rnams/ /rnal 'byor chen po'i dam tshig ste/ /don dang ldan pa'i skyes pus spyad/ /sbyor dang sgrol bar byed pa dang / /ma byin
66a7 len dang ngag sprul byed/ /rnal 'byor dam tshig spyod pa'i mchog /spyad par bya ba'i las yin no/ /rgyal ba sems can thams cad dang / /dngos por brtags
66b1 pa thams cad kyang / /don gyi ngang du gcig pa ste/ /de nyid sku gsung thugs kyi bdag /mtshan ma'i chos rnams thams cad ni/ /mnyam pa chen po'i ngang du gsal/ /
66b2 theg pa 'og ma'i khyad par rnams/ /kun kyang rang rig blo la gsal/ /yon tan ci 'byung mi brjod cing / /'og ma rnams la mi smod cing / /thams cad mnyam
66b3 pa'i dam tshig ste/ /'di ltar shes na tshogs mchog rdzogs/ /gzugs rnams rnam par snang ba mdzad/ /tshig rnams brjod pa snang mtha' yas/ /rnam rtog
66b4 kun tu sems rdo rje/ /rig dang tshor ba rin chen 'byung / /yid g.yo byed pa don kun rdzogs/ /stan 'gan rang bzhin sbyor ba'i gnas/ /zhing bcu dag dang
66b5 ldan pa na/ /bde ba chen po'i longs spyod de/ /thogs med 'phrin las rnam bzhir rdzogs/ /phyi yi yul dang nang gi sems/ /thams cad mnyam pa nyid du gnas/ /de
66b6 la sgrib dang mi sgrib ces/ /mnyam pa'i rgyal pos yong ma gsungs/ /thams cad mnyam nyid dbyings gyur pas/ /phung po lnga don ye shes lnga/ /sku gsung thugs kyi
66b7 dbang phyug ni/ /phyag rgya chen po'i rig 'dzin yin/ /yul dang ye shes rang bzhin las/ /gzhan gyi rang bzhin med pas na/ /mtshan ma'i rnam pa cir snang yang / /
67a1 de la chad pa'i gnas med do/ /dam tshig dam pa gang zhe na/ /rtogs pa dam pa dam tshig ste/ /rtogs par byed pa gang yin pa/ /de ni
67a2 dam tshig chen po 'o/ /thams cad mnyam pa'i ngang la gnas/ /ting nge 'dzin gyi cho 'phrul las/ /dngos su spyad pa thams cad bya/ /de ni dam tshig chen po yin//
67a3 snod du gyur pa yum gyi dbyings/ /bcud rnams rgyal ba yab kyi mkha'/ /'byung 'jug rig pas longs spyod de/ /'di ni rdo rje'i tha tshig yin/ /srid pa'i sems
67a4 can thams cad dang / /thar pa chos kyi rnam grangs kun/ /so sor thams cad snang ba ste/ /kun kyang mnyam pa'i ngang du gsal/ /spyod pa'i las dang rtog pa dang / /
67a5 mtshan mar gyur pa thams cad kyang / /sems kyi phyi nang spyod yul de/ /brtags na longs spyod tshogs su 'gyur/ /ma skyes stong pa sku yi rgya/ /rang bzhin smon med
67a6 gsung gi don/ /mtshan med yid las 'das pa'i thugs/ /rnam gsum bde chen sangs rgyas so/ /mnyam pa'i lta bas dbang bsgyur na/ /'khor ba thams cad
67a7 dbyings la snang / /las kun rdzogs pa'i mchog yin te/ /gzhan du 'phrin las lus pa med/ /sdug bsngal byang chub chen po ste/ /'khor ba ye nas mya
67b1 ngan 'das/ /sgrib pa rnam dag chos kyi dbyings/ /nyon mongs kun kyang byang chub don/ /snang ba med pa'i don mthong dang / /sa dang sa yi rim par ni/ /'di dang 'di
67b2 zhes gzung du med/ /'di ni snang med thob pa'i gnas/ /sku dang gsung thugs mi g.yo ba'i/ /ji bzhin nyid kyi ngang la gnas/ /ji ltar bsgyur yang chos nyid
67b3 pas| |chad pa'i gnas zhes brjod dang bral/ /med dang phyal ba gcig pa dang / /lhun gyis rdzogs pa'i dam tshig che/ /'di zhes ris su chad med pa/ /'di ni
67b4 srung ba'i dam tshig go /spyad dang spyod par bya med pas/ /srid dang mu stegs 'jig rten pa'i/ /spyod par snang ba thams cad kun/ /lhun gyis grub pa'i mdzad
67b5 spyod do| |ma spangs lhun grub dbyer med pas/ /dbyings las gzhan na blta yul med/ /'di ni lta ba'i dam tshig go /sa chu me rlung snod bcud bcas/ /kun kyang rang
67b6 bzhin chos nyid do/ /chos nyid don la gzhan med pa/ /rang byung ye shes gsal ba 'o/ /yid bzhin nor bu rin po che/ /ma btsal rang la yod pa yin/ /'dod
67b7 pa 'byung ba'i longs spyod de/ /bde chen longs spyod tshogs yin no/ /ngan song mtho ris thams cad dang / /'phags lam 'khor ba'i chos rnams kun/ /
68a1 rang bzhin so sor mi dmigs te/ /sangs rgyas kyi ni rang bzhin yin/ /spyod dang gzugs rigs thams cad kun/ /phyag rgya chen
68a2 po'i rang bzhin te/ /sku gsung thugs tshig rgya cher ston/ /don rig thugs kyi rang bzhin no/ /ma skyes pa dang ma byung ba/ /mi gnas pa la chags pa med/ /don
68a3 gyi khyad par rtogs chud na/ /kun tu bzang po'i mchog gi sa'o/ /mtshan dang dpe byad kun rdzogs te/ /thams cad sku gsung thugs kyi don/ /bdag nyid chen
68a4 por thams cad rdzogs/ /lhun rdzogs bde ba chen po yi/ /khyab pa chen por kun bdal bas/ /sgrib pa kun byang tshogs kun rdzogs/ /rnam grol bcings pa
68a5 kun dang bral/ /lhun grub bde ba'i gnas chen yin/ /zhes smra ba'i seng+ge chen pos gsungs so/ /rgyud kyi rgyal po chen po rdo rje bkod pa kun 'dus rig pa'i mdo
68a6 las| dam tshig gsang ba mchog gi le'u zhes bya ste bzhi pa'o// //de nas yang sems dpa'i rdo rje de chos thams cad brdas mtshon pa zhes bya
68a7 ba'i ting nge 'dzin la snyoms par zhugs so/ /de nas ting nge 'dzin de las bzhengs pa dang / 'dus pa chen po'i 'khor rnams kyis gsol pa/ sems dpa'
68b1 chen po/ chos thams cad ni/ bdag cag rnams kyis brda rig pa tsam gyi ngo bor mthong ngo / /de nas sems dpa' chen pos bka' stsal pa/ 'dus pa chen po'i
68b2 tshogs/ chos thams cad ni/ brda dang / tha snyad dang / btags pa tsam du shes par gyis shig /btags pa'i chos thams cad ni/ phyi nang gang du yang mi gnas
68b3 te| |chos thams cad la ming gi gzhi med cing btags pa'i tha snyad dang bral ba yin no/ /brda zhes bya ba ni/ sbas pa btags pa'i tha snyad yin no/ sbas pa'i
68b4 chos rnams gsang ba'i phyir/ /thams cad sba zhing brgyud par bya/ /'di ltar brda yi sbyor ba la/ /rnal 'byor can gyis shes par gyis/ /de nas 'dus pa'i rnal 'byor
68b5 rnams kyis gsol pa/ sems dpa' chen pos brda'i chos rnams rgya cher bshad du gsol/ bdag cag gis kyang chos thams cad/ /brda yi don gyi brgyud
68b6 par bgyi/ /brda zhes bgyi ba ji lta bu/ /sbas pa'i chos ni gang dang gang / /mi bstan gsang ba gang gang lags/ /de skad gsol pa dang / smra ba'i seng+ges bka'
68b7 stsal pa| |nyon cig 'dus pa chen po'i tshogs/ /brda zhes bya ba sbas pa'i tshig /sbas te gsang ba'i chos rnams ni/ /rnal 'byor chen po'i spyod pa yin/ /mi bstan
69a1 gzhan la gsang ba ni/ /mu stegs la sogs sde pa rnams/ /rnal 'byor spyod pa 'phya ba las/ /shin tu blan zhing sba ba'i phyir/ /sbas
69a2 pa'i brda yis bstan par bya/ /brda yi yon tan chen po ni/ /grangs kyang bsam gyis mi khyab na/ /mdor bsdus rnam pa bzhi yod de/ /gzhan gyi spyod yul ma yin
69a3 dang / /rnal 'byor rig pa'i spyod yul dang / /sbas bas grub thag nye ba dang / /gsang ba'i dam tshig mi nyams shing / /brda la dga' ba'i ma srid rnams/ /nye zhing
69a4 gdung pa'i thabs su 'gyur/ /de bas sbas pa'i brda rnams ni/ /tshig gis mtshon te brjod par bya/ /a la la hoH/a ti pu hoHpra ti pu hoH/mahA go ru sang kra
69a5 ma| gu ya de bi sa ma ya/ ma hA tsan+d+ra/ ma hA pur sha /gu ya/ b+ha ga /mahA badzra/ sa ma ya hoH/ sa ma ya s+t+waM/ ra ho ya haM/ ra ga ya me/ sa ma ya dzaHlhan/ oM AMHhUM/ sa
69a6 ma ya| sa ma ya/ e h+ye hi/ e h+ye hi/ ha he ha/ ha he ha/ ma taM kha/ ma taM kha/ ka ru k+Sha/ ka ru k+Sha/ k+ShaM pa ri/ k+ShaM pa ri/ ra ho haM/ ra ho haM/ sa ma ya hi/ a la
69a7 stoM| a la stoM/ kha kha le/ kha kha le/ sha da pa/ sha da pa/ kha raM khA ri/ kha raM khA ri/ kha le b+h+yo/ khe le ha b+h+yo/ kha ka kha/ kha ka kha/ kha h+yi ha he/ rak+Sha khA hi/ rak+Sha khA hi/
69b1 ha ha he raM/ gu h+ya/ gu h+ya/ sa ma/ sa ma/ ma le mu le/ ta le du le/ ma tsa me tsa/ gu h+ya sid ti/ pa ra ma/ pa ra ma/ shi ri ho/ shi ri ho/ ma ma kha ka traM/ e
69b2 e e e| hriM hriM/ b+h+yo b+h+yo/ /kha kha le le/ karma ma ti b+h+yo/ rak+Sha kra ma b+h+yo/ /rak+Sha kra ma b+h+yo/ /kar+m+ma le/ kar+m+ma le/ k+Shu ti sha ne/ k+Shu ti sha ne/ rak+Sha karma/ rak+Sha karma/ kro d+ha
69b3 k+ShaM| khA hi b+h+yo/ khA hi b+h+yo/ tsa le yaM/ tsa le yaM/ pra tsa le/ pra tsa le/ gur pa yaM/ gur pa yaM/ bi gur ti/ bi gur ti/ ma mo u0f85 haM/ ma mo u0f85 haM/ dag brda dam tshig g
69b4 i phyag rgya'o/ /bya g+h+ri tsarma/ byA g+h+ri tsarma/ ba yaM k+ShaM ga ri/ ba yaM k+ShaM ga ri/ ba bya dz+nyo ba ba ti/ na ra ha sa/ na ra ha sa/ ban+d+ha ka pA la/ ban+d+ha ka pA la/ tsarma na ga truM/ tsarma na ga truM//
69b5 rA ga ra gta tsa/ rA ga ra k+ta tsa/ ru d+hi ra ma ta/ ru d+hi ra ma ta/ ka ru ga tsa/ ka ru ga tsa/ ba bya ba ti/ ba bya ba ti/ gaM gro Na/ gaM gro Na/ thar pa ta/ thar pa ta/ dpa'
69b6 byed kha| dpa' byed kha/ zla ba rgyas dang rdzogs pa dang / /zla ba dkar dang zla phrom mchog /tshe 'dzin kun gyi gtso mo dang / /'jam po thar pa chen po dang / /gal
69b7 zhes bya ba'i ro mchog dang / /gzi brjid chen po'i dri zhim dang / /bran mo dang ni g.yog 'chang ma/ /'jam dpal rnon po'i ka tar dang / /mA tha ya/ mA tha ya/
70a1 par pa ti/ par pa ti/ rwa tha ma/ rwa tha ma/ kha tam nya/ kha tam nya/ rwa ti hUM/ rwa ti hUM/ shi nyam tha/ shi nyam tha/ ka ram
70a2 tha| ka ram tha/ shag ti kha/ shag ti kha/ yo ga tsarbA na/ sgra brda dam tshig phyag gi rgya'o/ /lag gi phyag rgya chen po ni/ /gar thabs g.yas g.yon bskor
70a3 nas kyang / /se gol brdabs pa 'dren pa'i brda/ /bskor nas thal sbyar phyag rgya'i brda/ /shin tu bskor nas spyi bor dgrol/ /'di ni mchod pa bzhes
70a4 pa'i brda/ /bskor nas snying gar bcangs pa ni/ /ting 'dzin rdo rje bstan pa'i brda/ /gar bskor shin tu gnyis bstab pa/ /mchod pa stob par byed pa'i brda/ /
70a5 gar bskor dbang mo'i spyi bor gzhag /sbyor ba'i don la 'jug pa'i brda/ /thabs kyis spyi bor gzhag pa dang / /shes rab dbang mos snying gar ro/ /thabs kyis
70a6 gsang ba g.yas bcug na/ /shes rab thos byed gsang ba yin/ /thabs kyis na sa g.yas bteg na/ /shes rab na sa g.yon bteg pa'o/ /thabs kyis rdo
70a7 rje phyag rgya bstan/ /shes rab pad+mo'i phyag rgya bstan/ /thabs kyis smin ma g.yas bskyod na/ /shes rab smin ma g.yon bteg bya/ /thabs kyis phyag g.yon
70b1 brkyang ba dang / /shes rab g.yas kyis 'khyud tshul bstan/ /phyag rgya gar bskor thal brdabs shing / /dbang mo lce la reg pa ni/ /tshogs mchod dus la bab pa'i
70b2 brda| |lag gnyis bskor nas dbang mo 'thor/ /de nas dbang mo lce la reg /dza gad 'brim pa'i brda thabs so/ /ma hA ging chen karma dang / /rdo rje drod kyi rtags 'dzin
70b3 la| |sogs pa'i brda yi dam tshig rnams/ /rnal 'byor can gyis spyad na 'grub/ /lus brda dam tshig phyag rgya 'o/ /zhes smra ba'i seng+ges gsungs so/ /rgyud kyi rgyal
70b4 po rdo rje bkod pa kun 'dus rig pa'i mdo las/ rnal 'byor brda'i le'u ste lnga pa'o// // de nas yang smra ba'i seng+ge sems dpa'i rdo rje de rnal 'byor
70b5 rol pa'i tshogs zhes bya ba'i ting nge 'dzin la snyoms par zhugs so/ /de nas ting 'dzin de las bzhengs par gyur pa dang / 'dus pa chen po'i tshogs kyis gsol
70b6 pa| smra ba'i seng+ge chen po/ /chos thams cad ni/ rdo rje tshogs kyi dkyil 'khor du bdag cag rnams kyis mthong ngo / /zhes gsol pa dang / smra ba'i seng+ges bka'
70b7 stsal pa/ 'dus pa chen po'i tshogs/ chos thams cad kyi rang bzhin ni/ rdo rje tshogs yin par shes par gyis shig ces bka' stsal pa dang / 'dus pa'i
71a1 tshogs kyis gsol pa/ sems dpa' chen po/ chos thams cad kyi rang bzhin ni/ rdo rje lta bu'i dkyil 'khor gyi don bdag cag rnams la
71a2 rgya cher bshad du gsol/ sems dpa' chen pos bka' stsal pa/ nyon cig 'dus pa chen po'i tshogs/ /rdo rje tshogs kyi dkyil 'khor 'di/ /rgyal ba rnams kyi
71a3 thugs dam ste/ /rnal 'byor kun gyis spyod pa'i lam/ /sa mchog bgrod pa'i lam 'di dag /'dus pa'i tshogs la bshad par bya/ /brtsam pa las kyi dang po
71a4 pa| |rdo rje tshogs la 'jug pa na/ /khyad par rim pa ji bzhin du/ /las mchog 'di yi rang bzhin gyis/ /ji bzhin rim par sbyangs nas kyang / /sa rab mchog tu
71a5 bgrod pa la/ /thabs mchog lnga yis bgrod bya ste/ /rdo rje tshogs dang bsnyen pa dang / /nye ba dang ni sgrub pa dang / /sgrub pa chen por sbyar bar bya/ /ji ltar grangs
71a6 dang dus chen dang / /mtshan ma byung bar bcas rnams las/ /gab pa'i sba thabs de sbyar nas/ /sus mi rig pa'i thabs chen bya/ /de dag gsang ba'i bdag po
71a7 yin| |gnas 'dir 'jug pa'i byis pa dag /'jig rten rdul las grangs nas kyang / /'gyur dbang ma nges sar bzhag ste/ /ci phyir dang bo yin pas na/ /byis pa
71b1 blo shed ma bye bas/ /bzang ngan bde sdug mi shes shing / /bstan dang gsang ba'i dmigs mi phyed/ /rnal 'byor spyod pa'i bka' sgo 'dir/ /gsang sgo mi dbye skrag par
71b2 'gyur| |rang bzhin ngang tshul ma rtogs pa'i/ /so so'i skye bo byis pa las/ /snod med snod byas bdud nyid kyis/ /rnal 'byor 'tsho ba'i srog gcod cing / /ma nges ldog
71b3 'jug bcas pa yis/ /gsang ni bcas dkar 'gyur phyir ro/ /des na 'di yi spyod pa yang / /ji ltar 'tsham par bde thabs sbyar/ /de nas smra ba'i seng+ge de thabs kyi
71b4 rdo rje tshogs kyi ting nge 'dzin la snyoms par zhugs te rnal 'byor ma chen mo rnams mi snang bar gyur to/ /de nas 'dus pa'i tshogs kyis gsol pa dang / smra ba'i seng+ge
71b5 chen po| chos thams cad kyi rang bzhin ni/ thabs kyi phyag rgya'i rang bzhin du bdag cag rnams kyis mthong ngo / /sems dpas bka' stsal pa/ 'dus pa chen po'i
71b6 tshogs| 'di dag ni/ brgyud de sbas pa'i tshogs yin par shes par bya'o/ /rdo rje rnal 'byor tshogs ldan lha/ /thabs chen phyag rgya sbas tshogs lnga/ /rdo rje 'dzin sogs
71b7 bcu drug dang / /bcas pa'i dkyil 'khor rdo rje can/ /bri bya yang na bsam pa 'am/ /brjod dam bsngos sam mtshan ma la/ /'jig rten dbang po'i chos lugs kyis/ /
72a1 mos pa la bskyed dran bya ste/ /rang bzhin yul nas phab nas ni/ /phyag bya la sogs mchod pa yis/ /rdo rje sman dang rtsir sbyar
72a2 ba'i| |yo byad chen po la sogs pas/ /rdo rje thabs kyis tshogs la dbul/ /rdo rje rnal 'byor glu blangs te/ /mnyes byas las grub grangs rdzogs nas/ /mchod
72a3 dang dam skong 'dod pa bya/ /snod du rung ba'i slob ma dag /dpa' mkhyen la sogs bya ba yis/ /'jug tshul dbang dang dngos grub stsol/ /rdo rje tha tshig rnam lnga
72a4 yis| |bslab pa'i gnyer rnams ci rigs par/ /rtsal gyi rim par byin nas ni/ /rdo rje gal chen mna' 'dor ro/ /de nas sgrub pa che chud rnams/ /ji ltar
72a5 'dod pas nan tan gyis/ /rdo rje rnal 'byor bkar bya'o/ /mi nus la sogs mi gnang ba'i/ /dam tshig dag gis nan chags bya/ /rmongs pa gsang phyir sems
72a6 bskyed de/ /ngo mtshar tshig gi 'du shes bsgyur/ /shes nas mig la shes bya'i yul/ /thams cad rim gyis bstan par bya/ /drod can 'khyil ba'i blo ldan
72a7 la| |rnal 'byor na spar mdzod sgo dbye/ /rtsing po 'gros kyis dmu rgod la/ /gcan 'phrang 'khor ba'i g.yeng rnams bstan/ /rdo rje lung gi tshad can la/ /ji ltar
72b1 nus pa de dbang bskur/ /btsal med mi nus yul can la/ /phan pa 'ba' zhig bsngags pa yin/ /gnas 'dir yod dang med pa dang / /'od mi bsub cing ljid
72b2 mi dbab/ /rdo rje blo yi yul can la/ /rtsal chen sbyongs zhes gdams par bya/ /rdo rje 'dus pa'i dbang gral du/ /rdo rje don gyi ltang chen bsher/ /rtsal dang rim
72b3 pa khyad par dbye/ /so so rigs kyi phyag rgya dag /spyi 'am yang na re re 'o/ /de nas smra ba'i seng+ge de shes rab gzungs kyi tshogs zhes bya ba'i ting nge 'dzin la snyoms
72b4 par zhugs so/ /ting nge 'dzin de las bzhengs pa dang / 'dus pa'i tshogs rnams kyis 'di skad ces gsol to/ /chos thams cad kyi rang bzhin ni/ shes rab
72b5 tshogs kyi dkyil 'khor du gda' bar bdag cag rnams kyis mthong ngo / /de skad ces gsol ba dang / sems dpa' chen pos bka' stsal pa/ 'dus pa chen
72b6 po'i tshogs/ chos thams cad ni/ shes rab tshogs kyi dkyil 'khor du sangs rgyas par shes par gyis shig /de ci'i phyir zhe na/ chos thams cad shes rab
72b7 gyi rang bzhin las byung zhing / shes rab kyi rang bzhin du gsal lo/ /de nas 'dus pa'i tshogs kyis gsol pa/ sems dpa' chen po/ shes rab gzungs kyi
73a1 rang bzhin bdag cag rnams la rgya cher bshad du gsol/ de skad ces gsol pa dang / sems dpa' chen pos bka' stsal
73a2 pa| 'dus pa'i rnal 'byor chen po'i tshogs/ /shes rab gzungs kyi rang bzhin ni/ /rgya cher bshad kyi shes par gyis/ /ji ltar thabs kyis tshogs sbyar ltar/ /
73a3 gang dag rnal 'byor mar ldan rnams/ /rdo rje 'dzin ma la sogs pa/ /lha mo'i tshogs su sbyar nas kyang / /gnas 'dir 'jug dga' la sogs pa/ /thabs kyi
73a4 phyag rgya mtshan mar sbas/ /rdo rje mnyam pa'i gzungs rnams la/ /mnyam pa'i mchod pas mnyes par bya/ /bro gar glu tshig la sogs pas/ /rig 'dzin rnal 'byor
73a5 ma rnams bsgrub/ /ces bka' stsal to/ /de nas yang sems dpa'i rdo rje de chos thams cad thabs dang shes rab phan tshun dra bar 'brel ba'i ting nge 'dzin la
73a6 snyoms par zhugs so/ /de nas ting nge 'dzin de las bzhengs pa dang / 'khor rnams kyis gsol pa/ bcom ldan 'das/ chos thams cad kyi rang bzhin
73a7 ni| thabs dang shes rab tu 'brel ba'i rang bzhin can du bdag cag rnams kyis mthong ngo / /zhes gsol to/ /de skad ces gsol pa dang / bcom ldan
73b1 'das kyis bka' stsal pa/ 'dus pa chen po'i rnal 'byor pa/ chos thams cad ni/ thabs dang shes rab tu 'brel ba ste/ gnyis su med par shes par
73b2 gyis shig /de nas 'dus pa'i rnal 'byor pa rnams kyis gsol pa/ sems dpa' chen po/ chos thams cad dra bar 'brel ba'i don bshad du gsol/
73b3 sems dpa' chen po bka' stsal pa/ 'brel ba'i don ni 'di lta ste/ /chos rnams kun gyi mtshan nyid ni/ /phan tshun 'brel ba'i tshul du snang / /chos
73b4 kun nam mkha'i mtshan nyid las/ /sprul pa bye ba cir yang snang / /gnyis med dra ba'i tshul du 'brel/ /rnal 'byor gsang ba'i mchog yin te/ /rtsal dang ldan
73b5 pa'i gsang sgo ba/ /'di la gsang sgo dbye bar bya/ /gsang 'di chud pa'i bu rnams la/ /rdo rje gsang ba'i bka' 'di bsgrag /gsang ba'i dkyil 'khor dam pa
73b6 'di| |rdo rje rgyal po rgyal mor bcas/ /lnga nyid zung du 'khril ba ni/ /g.yas nas g.yon du 'khril 'khyud sbyar/ /g.yas nyid byang chub rdo rje dang / /rang rang
73b7 mtshan ma 'bar ba 'o/ /g.yon gyi sgra snyan dril bu dang / /rtags kyis mdzes par gsal ba la/ /'byo zhing 'dud pa'i mdangs ldan pas/ /chags shing
74a1 g.yo ba'i tshul gyis ni/ /seng chen khyu mchog la sogs pa/ /rdzogs pa'i tshul gyis bsgyings bcas te/ kha dog lnga yi 'od 'bar
74a2 bas| |bcu drug chas ni sgeg pa rnams/ /rim gyis bskyed dang gcig car bskyed/ /dbang po'i rim par sbyar bar bya/ /gsang nyid tshogs kyi 'khor rnams kyang / /
74a3 gnas nas gyur pa'i rang bzhin gyis/ /phyag rgya rgyal po rgyal mor bcas/ /brgyad gnyis zung sgril 'khril 'khyud sbyor/ /sa dang nam mkha'i spyan rdo rje/ /byams dang rdo rje
74a4 kun bzang dpal/ /nang dang phyi yi yo byad ni/ /gzhi gnyis dag gis mnyes sbyor ba/ /bsam bya la sogs de bzhin no/ /rdo rje sgo dang bcas pa ni/ /rdo rje 'khril 'khyud
74a5 gsang ba'i tshogs/ /rnal 'byor longs spyod che sbyar bas/ /mnyes nas skong phyir rim bzhin dbul/ /gsang ba'i 'jug tshul la sogs kyis/ /gsang ba'i don
74a6 rnams sgrub par byed/ /ces bka' stsal to/ /de nas bcom ldan 'das sems dpa' rdo rje kun tu 'brel ba'i dbyings zhes bya ba'i ting nge 'dzin la snyoms par zhugs
74a7 so| |de nas bcom ldan 'das la 'dus pa'i 'khor gyis 'di skad ces gsol to/ /chos thams cad kyi rang bzhin ni/ rdo rje dra ba'i dbyings su bdag cag rnams
74b1 kyis mthong ngo / /bcom ldan 'das kyis bka' stsal pa/ 'dus pa chen po'i tshogs/ dra ba'i dbyings su shes par gyis shig /chos thams cad ni/ thugs kyi rig pa
74b2 las byung la/ thugs kyi rang bzhin ni/ rdo rje kho na yin pa'i phyir ro/ /'dus pa'i tshogs kyis gsol pa/ bcom ldan 'das/ rdo rje dra ba chen po'i tshogs bdag
74b3 cag rnams la rgya cher bshad du gsol/ bcom ldan 'das kyis bka' stsal pa/ 'dus pa chen po'i rnal 'byor pa/ /rdo rje chen po rig pa'i don/ /dra ba 'brel ba'i
74b4 dbyings nyid ni/ /nges par bshad kyi rtse gcig nyon/ /thugs kyi gsang chen rig pa 'di/ /nges pa'i rdo rje yin pas na/ /rdo rje dbang yul 'brel pa'i don/ /thams cad
74b5 'byung bas dbyings zhes bya'o/ /rdo rje 'dzin ma 'dzin sogs bcas/ /'khril mnyam pa yang de bzhin te/ /gzugs brnyan ting 'dzin rang bzhin gnas/ /rim pa'i
74b6 tshul bzhin sbyar byas nas/ /ji ltar 'dod pa de ltar ro/ /zhes bka' stsal to/ /de nas yang bcom ldan 'das sems dpa'i rdo rje de thams cad dus bzhi mnyam pa zhes
74b7 bya ba'i ting nge 'dzin la snyoms par zhugs so/ /de nas ting nge 'dzin de las bzhengs par gyur ba dang / 'dus pa chen po'i tshogs kyis 'di skad ces gsol to/ /bcom
75a1 ldan 'das/ bdag cag rnams kyis chos thams cad ni/ dus bzhi mnyam pa nyid du gcig par mthong ngo zhes gsol ba dang /
75a2 bcom ldan 'das kyis bka' stsal pa/ 'dus pa chen po'i tshogs/ chos thams cad ni/ dus bzhi mnyam pa nyid rdzogs pa yin te/ chos thams
75a3 cad ni| dus bzhi'i ngang du rdzogs par shes par gyis shig /de ci'i phyir zhe na/ mnyam pa nyid kyi ngang la dus snga phyir snang ba med do/ /de nas 'dus pa'i tshogs
75a4 rnams kyis gsol pa/ bcom ldan 'das/ mnyam pa chen po dus nyid cag rnams la rgya cher bshad du gsol/ de skad ces gsol pa dang / bcom
75a5 ldan 'das kyis bka' stsal pa| 'dus pa chen po yi ni tshogs/ /mnyam pa nyid kyi dus rig na/ /dus zhes bya ba'i ming yang med/ /dus bzhi mnyam par
75a6 rab shes na/ /chos nyid mnyam pa'i rang bzhin no/ /rdo rje dus kyi lha mo'i tshogs/ /'das dang da ltar byung ba dang / /mi 'byung ba yi cha rnams la/ /dbang sgyur
75a7 mnyam pa'i rgyal mo rnams/ /'jig dang skye dang smin pa dang / /'gag par gyur pa de dag tu/ /rdo rje rnam thar tshad med dang / /sems dang de bzhin mnyam pa yi/ /
75b1 shes rab 'khor dang dpal gyi dkyil/ /de bzhin rim par rdo rje yi/ /glu gar la sogs yo byad kyis/ /mchod dang 'jug tshul gong ma bzhin/ /cha rnams dus las
75b2 mi 'da' bar/ /lha yi nyi ma rnams la 'o/ /bde ba chen po la sogs pa/ /tshom bu'am yang na phyag rgya rnams/ /spyir ram re rer sbyar bar bya/ /'das la rnam thar
75b3 tshogs bskul te/ /da ltar byung dang mi 'byung la/ /tshad med sems dang mnyam par bskrun/ /mnyam pa'i rgyal por de 'gyur te/ /bde gshegs dus kyi rgyal
75b4 por 'gyur/ /zhes bka' stsal to/ /de nas yang bcom ldan 'das sems dpa'i rdo rje de nyi zla'i tshogs zhes bya ba'i ting nge 'dzin la snyoms par zhugs so/ /
75b5 de nas yang ting nge 'dzin de las bzhengs par gyur pa dang / 'dus pa chen po'i tshogs kyis 'di skad ces gsol to/ /bcom ldan 'das/ chos thams
75b6 cad ni| nyi zla'i tshogs su mthong ngo / /de skad ces gsol pa dang / bcom ldan 'das kyis bka' stsal pa/ 'dus pa chen po'i tshogs/ chos thams
75b7 cad kyi rang bzhin ni/ byang chub sems dang / snying rje chen po'i rang bzhin yin par shes par gyis shig /chos thams cad ni/ byang chub sems las
76a1 byung zhing snying rje'i rang bzhin can yin no/ /de nas 'dus pa'i tshogs kyis gsol pa/ bcom ldan 'das/ snying rje dang /
76a2 byang chub sems kyi don bdag cag la bshad du gsol/ bcom ldan 'das kyis bka' stsal pa/ chos rnams kun gyi yo byad ni/ /snying rje byang
76a3 chub sems yin te/ /yo byad de dang ma ldan na/ /don rnams 'grub par mi 'gyur ro/ /rnal 'byor byang chub sems rdzogs par/ /byang chub rdzogs pa'i
76a4 zla rgyas tshul/ /snying rje ye shes shar ba ni/ /mkha' la nyi gsal shar ba'i tshul/ /don gnyis rdzogs pa'i rnal 'byor pa/ /rnal 'byor nges pa'i sa pa
76a5 yin| |nges pa'i sa la bgrod pa ni/ /rdo rje dus kyi rgyun tshogs kyis/ /tshogs chen rnam gnyis bskrun par bya/ /skar tshogs dbus na zla nya ba/ /bcu drug zhag
76a6 gis rdzogs pa bzhin/ /bcu gsum rtsal chen rdzogs pa'i sa/ /bcu drug tshogs kyis rdzogs pas ni/ /mdzes pa'i nyi ma bcu drug gis/ /zla dkyil
76a7 'od kyi phyag rgya la/ /mdzes par spras pa'i bde ba de/ /bcu drug tshogs kyis bsod nams bskrun/ /phyed rdzogs tshogs 'phel de phan chad/ /mi dmigs
76b1 chos la blo sbyangs yin/ /je zhi je zhi mi dmigs par/ /mtshan ma zhes bya bsrabs pa ste/ /bsod nams tshogs kyang mi dmigs pa/ /mnyam pas stong par
76b2 gyur pa na/ /thams cad chos skur rdzogs pa ste/ /sdug bsngal byang chub gnyis med de/ /'di la rmad byung sems bskyed de/ /zla ba bdun gyis mtshan ma dang / /
76b3 gsang ba gnyis kyis mchod pa bya/ /phra mo'i drod du byung ba dang / /smyur te rang las byung rnams la/ /rtsa ba gcad phyir yongs rdzogs pas/ /the tshom med par
76b4 dang blangs nas/ /dus de nyid du nyi ma 'char/ /dus 'di rgyun gyi bar chad na/ /bsnyen pa dag gis bzlog par dka'/ /bar chad byung na gso zhing bskang / /mkha'
76b5 la zla gsal grwa rgyas na/ /sa la rnal 'byor grwar rgyas pas/ /bsod nams spel ba chen po dang / /bsngo ba chen po'i las rnams bya/ /de ni 'bras bu chen po yang / /
76b6 nyi zla zhon nas 'gro ba yi/ /rig 'dzin sa la sleb phan chad/ /dpal chen bcu drug sa la 'grub/ /ces bka' stsal to/ /de nas yang sems dpa'i rdo rje de rgyun du gnas
76b7 pa zhes bya ba'i ting nge 'dzin la snyoms par zhugs nas bzhengs pa dang / /'dus pa'i tshogs kyis gsol pa/ bcom ldan 'das/ chos thams cad ni/ yi ge rgyun
77a1 gyi dkyil 'khor du gnas par mthong ngo / /bcom ldan 'das kyis bka' stsal pa/ chos thams cad ni/ rgyal ba'i dkyil
77a2 'khor gyi rang bzhin yin la/ rgyal ba thams cad ni/ yi ge'i dkyil 'khor gyi rang bzhin du shes par gyis shig /gsol pa/ yi ge'i phyag rgya'i don gang
77a3 lags pa bdag cag rnams la rgya cher bshad du gsol zhes zhus pa la/ bcom ldan 'das kyis bka' stsal pa/ chos kun rgyal ba'i rang bzhin te/ /
77a4 rgyal ba sku gsung thugs su gsal/ /sku gsung thugs dang phyag rgya dag /yi ge'i phreng ba nyid la rdzogs/ /yi ge'i phyag rgya'i dkyil 'khor rnams/ /rgyun du
77a5 bsgrub par bya ba yin/ /des ni rgyun gyi ting 'dzin 'thob/ /rgyun gyi rgyun du mi gcad pa/ /rdo rje nam dang nyi tshod la/ /yi ge'i tshogs bskyed tshogs sbyar la/ /phud
77a6 lhag bcas sbyar de bzhin no/ /'di ni don la nye ba'i lam/ /bsod nams bskrun par de myur ro/ /kun rdzogs tshogs kyi rgyu des ni/ /yang dag tshogs chen ci
77a7 'dra ba| |mchog gi bde ba dam pa dang / /de nyid chen por de nyid 'gyur/ /'jug sgo spyod dang lta ba mthun/ /thams cad gcig par gyur pa yi/ /rgyu dang rkyen ldan
77b1 phun sum tshogs/ /mdza' 'phrod sman dang dgyes sbyor ldan/ /lha dang rig 'dzin rnal 'byor ril/ /ma lus tshogs pas chos 'di spyod/ /skad cig yud dam thang
77b2 gcig gam/ /yud tsam nyin zhag zla re 'am/ /lha yi nyi ma bkra shis kyi/ /tshogs la babs pa'i dus 'di dag /byin gyis brlabs pa'i dus chen yin/ /ji ltar
77b3 'byor pa'i yo byad rnams/ /phyi dang nang gi khyad par gyis/ /gtsang ma'i kha zas 'byung po la/ /rnam rtog rtog bral rgyal ba la/ /ji ltar 'byor bzhin nan tan bya/ /
77b4 bdag dang gzhan dang gnyi ga dang / /chos kyi don du mi 'gyur ba'i/ /skyon bzhi po dag spangs nas ni/ /de las bzlog pa'i tshul ldan pas/ /rnal 'byor snying dang mig
77b5 lta bur| |gdung ba'i 'du shes nyer bzhag ste/ /ji bzhin 'dod pa nye bar sbyar/ /lha rnams nye bar bya ba dang / /bgegs rnams zhi bar bya ba dang / /don grub shi ba
77b6 gso ba'i phyir/ /las 'dir spyad par shin tu gces/ /tshogs 'di blo chung gsar zhugs pa'i/ /mdun du brjod par bya mi rigs/ /rdzas dang yo byad thams cad
77b7 kyang / /cis 'dul de ltar stobs kyis sbyar/ /des na las 'di khyad par yang / /tshogs la tshogs bskyed sgrib sbyangs te/ /bsnyen pa dag la goms byas nas/ /
78a1 bsgrubs pas 'bras bu mthar phyin pa'o/ /zhes bka' stsal to/ /rgyud kyi rgyal po chen po rdo rje bkod pa kun 'dus rig pa'i mdo
78a2 las| rnal 'byor bde ba'i tshogs kyi le'u ste drug pa'o// //de nas yang smra ba'i seng+ge sems dpa'i rdo rje des 'das pa brjod pa zhes bya ba'i
78a3 ting nge 'dzin la snyoms par zhugs so/ /de nas ting nge 'dzin de las bzhengs par gyur pa dang / 'dus pa chen po'i tshogs rnams kyis 'di skad ces gsol
78a4 to| |bcom ldan 'das/ sngags zab mo spyod pa'i skyon dang / yon tan ci lags pa bdag cag gi rig pa la snang bar gyur to/ /de nas yang bcom ldan
78a5 'das kyis bka' stsal pa/ 'dus pa chen po'i tshogs/ gsang sngags chen po'i don 'di rab tu spyad par dka' bar shes par gyis shig /de ci'i phyir zhe
78a6 na| gsang sngags kyi tshogs ni/ shin tu me dang 'dra ste/ me ni/ rgyun du bcangs shing spyad legs na/ ji ltar 'dod pa bzhin du rgyun du spyad du yod do/ /me
78a7 nyid ji lta ba bzhin du spyad na/ me'i phung por 'gyur te/ spyod par byed pa nyid kyang bsregs/ /khyim nas khyim yang bsregs/ rdzas kyi dngos po thams cad kyang
78b1 bsregs par 'gyur ro/ /de bzhin du gsang sngags 'di ni/ chu dang 'dra ste/ chu thabs kyis zin cing spyad legs na/ ji ltar 'dod pa bzhin du dga' bder spyad du yod
78b2 de| chu la dga' ba der thar chu chen po la 'bogs par nus so/ /chu'i rang bzhin dang thabs la ma goms pas ni/ spyod par byed pa de g.yeng zhing 'chi bar byed
78b3 do| |gzhan yang gsang sngags chen po 'di ni/ gcan gzan gdug pa can dang 'dra ste/ gcan gzan gyis sems can gzhan gyi srog gcod par byed pa
78b4 yang thabs la mkhas pas ji ltar dga' ba bzhin du dbang du 'du'o/ /thabs kyis ma zin na/ srog gcod par byed do/ /gzhan yang gsang sngags chen
78b5 po 'di ni/ sprul gyi mgo la 'dug pa'i nor bu rin po che dang 'dra ste/ sbrul gyi mgo la 'dug pa'i nor bu thabs kyis yongs su zin na ni/ dbang du 'du
78b6 zhing spyad du yod la/ thabs kyis ma zin na ni/ 'tsho ba'i srog dang 'bral bar byed do/ /de bas na/ gsang ba chen po 'di ni/ spyad par dka' bas sngon gyi
78b7 dus kyi tshen yang spyad nyes po'i log pa'i lam pa can mang por byung ngo / /don dang lam la mkhas pa'i skyes bus thabs kyis zin cing spyad legs na/ ma nor
79a1 ba'i lam du zhugs pa yang mang por byung bas 'dus pa chen po'i tshogs spyad pa'i thabs la yongs su mkhas par gyis shig /de
79a2 skad ces bka' stsal pa dang / 'dus pa chen po'i tshogs kyis 'di skad ces gsol to/ /bcom ldan 'das/ gsang sngags log pa'i lam las byung
79a3 ba ni| gang gang lags/ spyad legs pa'i thabs las byung ba ni/ gang gang lags/ bdag cag la rgya cher bshad du gsol/ de skad ces gsol
79a4 pa dang / bcom ldan 'das kyis 'dus pa chen po'i tshogs la bka' stsal pa/ 'dus pa chen po'i tshogs/ nyes legs kyi rim pa bshad par bya
79a5 yi| nyon cig ces bka' stsal pa dang / nga ni dran pa thog ma'i tshe/ /gsang ba spyod pa'i don 'di dag /nges don phal cher nub par gyur/ /tshul 'dra tsam
79a6 zhig gnas pa la/ /kun kyang phal cher spyod mod kyang / /don dang phrad pa ngas ma mthong / /kun kyang log pa'i lam spyad do/ /log pa can nyid gang zhe na/ /
79a7 'di la mi gnas 'di nyams dang / /'di las log dang log tshul spyod/ /'di tshul ma yin 'dir ma nges/ /g.yo sgyus bden bcos 'gal pa'i lam/ /
79b1 de yang ji lta bu zhe na/ bskal pa kun bkod bya ba'i tshe/ /sangs rgyas mngon byung rgyal po de/ /mya ngan 'das par gyur 'og tu/ /byung ba'i rnal 'byor bzang rgyan
79b2 te| |ma shes byis pa'i 'khor rnams la/ /tshul 'chos log pa'i tshogs bskyangs pas/ /tshom bu lnga brgyar bcas pa zhig /don las gol zhing 'khor
79b3 bar log /de 'dra'i tshul du ma spyod cig /rmad byung gsang ba'i bstan pa 'di/ /rnal 'byor dbang phyug tshad ma rnams/ /phal cher mi gnas skabs dag
79b4 tu| |mi shes ngan rtog can rnams kyis/ /dkrugs 'gyur bka' bslad gzhung bor te/ /nor bas bdag nyid sun 'byin cing / /bdag yin gzhan 'di ma
79b5 yin zhes/ /bdag bstod gzhan la smod pa log /de yang ji lta bu zhe na/ /bskal pa de nyid dus dag la/ /rnal 'byor dpa' sbyin bya ba zhig /don la blo shed
79b6 ma bye zhing / /lam gyi thabs la mi mkhas pas/ /nges don bka' yi gzhung bor nas/ /chos ma yin pa'i chos spyod cing / /gzhan dag nges don spyod pa la/ /
79b7 khyod kyi de ni don ma yin/ /don mchog bdud rtsi gang yin pa/ /de ni nga yi chos 'di yin/ /zhes ni bdag bstod gzhan la smod/ /'di yang srid pa log pa'i
80a1 lam| |de 'dra'i tshul du ma spyod cig /sngar byung rgyud kyi rjes gnas pas/ /gdeng med bzhin du dpon bstabs na/ /tshig gnyer
80a2 dregs pa'i dbang des ni/ /mi shes bzhin du ras gcod pa'i/ /tshul 'chos sems kyi gya gyu can/ /smon thabs blun pa'i sdig can yin/ /de yang ji lta bu
80a3 zhe na| |dge slong dri med spyod pa zhes/ /bya ba'i rnal 'byor tshul 'dra zhing / /don la mkhas pa'i rjes su byung / /tshom bu 'bum gyi 'khor rnams kyis/ /rgyud
80a4 kyi rjes su byung ba yis/ /don med dge slong de nyid la/ /tshig gi gnyer chen ljid phab pas/ /gdung 'tshob ces ni dpon bstabs te/ /che ba chen po'i dregs
80a5 pa skyes/ /mi shes bzhin du tshul bcos te/ /'dra tshul log pa'i chos spyad pas/ /tshom bu 'bum dang bcas pa zhig /dregs pa chen po'i ru trar ltung / /
80a6 de 'dra'i tshul du ma spyod cig /mdza' 'drin bslad ster zhing rnams dang / /rnyed dang bkur stis 'tsho ba'i 'khor/ /gzhan gyi dbang du gyur dogs nas/ /sgo ris
80a7 rkyang tshan so sor gcod/ /'khor 'di bdag gis smin bya ba'i/ /gdul bar bya ba'i zhing yin gyi/ /gang dag 'di dang ma 'brel zhes/ /nyon mongs tshig gis
80b1 bsgo byed nor/ /de yang ji lta bu zhe na/ /rnal 'byor na zhi gnas pa zhes/ /bya ba'i tshom bu lnga brgya zhig /shin tu gsang sngags spyad do zhes/ /dgon pa'i gnas su
80b2 'dug nas ni/ /yul khams chen po de dag gis/ /gnas par gyur pa'i mi rnams kun/ /gdul bar bya ba'i zhing du spyod/ /gzhan gyi sde par gyur pa yi/ /dge
80b3 slong don dang ldan pa zhig /yul der ched du 'ongs nas ni/ /rnal 'byor nges pa'i lam mchog cig /rgya cher bstan par bsams pa las/ /dge slong dgon
80b4 par gnas pa des/ /nyon mongs tshig gis bsgo ba byas/ /'khor 'di bdag gi zhing yin gyi/ /khyod ni 'di la ma gtogs zhes/ /bsgo dang tshad dang ris bcas
80b5 pas| |nyon mongs 'khor ba'i lam du lhung / /de 'dra'i tshul du ma spyod cig /rnal 'byor chen por bsngos gyur la/ /sna 'gas ci rgyal gsog 'jog byed/ /
80b6 gcig yid gcig gis 'byin byed pa/ /nam zhar longs spyod thob pa min/ /de yang ji lta bu zhe na/ /rnal 'byor bde ldan shes pa zhes/ /bya ba'i tshom bur
80b7 bcas pa zhig /gsang ba'i rgya cher spyod pa las/ /'khor na gnas pa'i rnal 'byor ma/ /bud med bzang ldan bya ba zhig /tshogs sbyor ging du bskos pa las//
81a1 'byor pa'i yo byad de dag la/ /ser sna'i sems kyis gsog 'jog byas/ /las kyi rnam smin de yis ni/ /yi dwags khyi yi lus
81a2 su skyes| |de 'dra'i tshul du ma spyod cig /gzhan yang rnal 'byor chen po'i tshogs/ /log par spyod pa'i rnal 'byor ni/ /log lta spyi rtol gtum khro che/ /sdig
81a3 spyod don dang mi ldan yang / /bdag ni yang dag yin no zhes/ /bab col bka' rku slu byed bslad/ /de yang ji lta bu zhe na/ /chos skyong pa yi rnal 'byor pas/ /
81a4 bram de zhes bya ba zhig /don dang lam la mi mkhas par/ /bdag ni mkhan po yin no zhes/ /kun la rgya cher sgra bsgags nas/ /rgyal ba'i bka' brkus 'gro
81a5 ba rnams/ /bslus par gyur pa'i rnam smin gyis/ /log pa can gyi 'jig rten pa/ /mu stegs spyod pa'i khams su lhung / /de 'dra'i tshul du ma spyod cig /tha
81a6 tshig nyams shing don la rmugs/ /dregs pas don la khas 'ches phyir/ /rdo rje rgyal dbang thob 'dod pa/ /khrel med spyi rtol mun sbrul 'chal/ /de yang
81a7 ji lta bu zhe na/ /rnal 'byor sngags kyi tshul spyod pa/ /pe na ya zhes bya ba zhig /tshom bu brgya dang bcas pa byung / /rtsa ba nyams shing don la rmugs/ /dregs pa
81b1 chen po'i nga rgyal gyis/ /don la mkhas pa'i tshul bcos phyir/ /rdo rje rgyal po'i dbang mnos pas/ /ri bos srog chags mnan pa bzhin/ /nga rgyal dregs pa'i ri bo
81b2 yi| |'khor ba'i las spyod las ngan pa'i/ /srog chags phag gi rigs su lhung / /de 'dra'i tshul du ma spyod cig /mnyam pa'i don nyid ma rtogs par/ /tshig tu
81b3 mnyam zhes rjod byed cing / /chags sdang gnyis la mngon 'phel ba/ /rnal 'byor las kyis 'khor ba'i lam/ /de yang ji lta bu zhe na/ /dge slong bde sbyin bya ba
81b4 zhig /tshom bu stong dang bcas pa de/ /rnal 'byor gsang ba'i las la spyod/ /la la chags la mngon bar 'chel/ /la las sdang chen gsod par spyod/ /chags
81b5 sdang las kyi rnam smin gyis/ /rak+Sha srin po'i khams su lhung / /de 'dra'i tshul du ma spyod cig /gang dag rnal 'byor blo chung rnams/ /rdo rje gral tshogs don gleng na/ /de la
81b6 'jigs shing skrag 'gyur te/ /dpa' zhu mi dga' 'byol byed blun/ /de yang ji lta bu zhe na/ /dge slong lha sbyin bya ba zhig /rnal 'byor dang po'i sar slob tshe/ /rnal
81b7 'byor don ldan mang po rnams/ /phal cher tshogs par gyur pa la/ /nges don gsang ba'i don gleng na/ /lha sbyin 'khor bcas de las byol/ /don gleng ba la mi dga'
82a1 zhing / /ngan pa'i sems kyis phrag dog skyes/ /rang gi gnas su song nas ni/ /mkhas pa de la mi snyan brjod/ /las kyi rnam smin de yis
82a2 ni| |bskal pa dpag tu med pa ru/ /yang dag don las gol bar 'gyur/ /'khor ba don med gnas su 'khyams/ /de 'dra'i tshul du ma spyod cig /rnal 'byor
82a3 nyid kyis rnal 'byor la/ /shin tu gdug pa'i dug mdas gtor/ /tha tshig btsan po rdzong lta bu/ /'joms byed rnal 'byor rang bgegs so/ /de yang ji lta bu
82a4 zhe na| |rnal 'byor rnam dag blo gros zhes/ /bya ba'i don ldan mkhas pa zhig /mi 'jigs blo gros zhes bya ba'i/ /thabs dang don la mi mkhas pa/ /sde
82a5 pa mang po skyong ba'i sar/ /rnam dag blo gros 'khor bcas 'ongs/ /mkhas pa don ldan bzod thob la/ /ngan sems phyar ka'i sgro skur btab/ /las kyi rnam
82a6 smin de yis ni/ /mi 'jigs blo gros mnar med ltung / /de 'dra'i tshul du ma spyod cig /lta ba dmigs bu dang bral bas/ /yang dag dbu ma'i lam mi
82a7 gsal| |spyi yul tsam la ltos spyod pa/ /de ni rnal 'byor long ba'i tshogs/ /de yang ji lta bu zhe na/ /rgyal po rab gsal 'dzin pa zhes/ /bya ba'i rnal 'byor
82b1 can zhig byung / /shes rab lta ba'i mig med par/ /rnal 'byor ming tsam tshul bzung nas/ /sgra thos tsam gyis gzhung spyad pas/ /mig med 'khor ba'i khams su
82b2 lhung / /de 'dra'i tshul du ma spyod cig /de la sogs pa'i rnal 'byor pas/ /log pa'i tshogs su spyad pas ni/ /'khor ba log pa'i tshogs su 'gyur/ /des na 'dus pa'i rnal 'byor rnams/ /shin tu
82b3 gsang ba'i chos 'di rnams/ /gol sa che bar rgyas par bshad/ /thabs la mkhas pa'i spyod pa yis/ /don dang ldan par bya ba gces/ /thabs la mkhas par
82b4 spyad pa yis/ /legs pa'i lam gyi rnal 'byor pa/ /sngon 'das dus na byung ba yi/ /rtsal can rnams kyi don bshad pa/ /skyes bu mchog gi spyod pa 'di/ /yon
82b5 tan sgra bsgrags sus thos pa/ /ming tsam gyis kyang de thob cing / /dran pas ngan 'gro las skyob yin/ /de yang ji lta bu zhe na/ /shin tu gsang ba'i spyod pa 'di/ /lha
82b6 gnas gsum du grags pa las/ /lha yi bu ni 'od ldan te/ /mi rtag 'chi ba'i dus bab nas/ /'chi ga'i snga stas byung ba'i tshe/ /mi dga' bar ni 'du shes gyur/ /
82b7 phyi ma'i 'du shes bskyed pa las/ /mi gtsang zas su za ba yi/ /blun pa'i srog chags lus len par/ /rang gi mngon par shes pas mthong / /shin tu 'jigs pa'i
83a1 'du shes kyis/ /skyabs kyi yul rnams yid la byas/ /gzhan gyi dran pa mi gsal bar/ /gsang ba chen po'i tshogs chen gyis/ /
83a2 mtshan ni rna ba'i dbang pos thos/ /thos pa yid la dran byas pas/ /ngan 'gro'i lam las slar log ste/ /tshogs chen spyod pa'i skal ldan pas/ /gsang ba
83a3 'dzin pa'i gnas su skyes/ /de bzhin thos pa dag par spyod/ /rgyal ba mnyes pa'i tshogs 'di la/ /gang zhig dga' zhing 'dun skyed pa/ /gzhan gyi bar chad mi
83a4 'byung bar/ /ji ltar mos pa de myur 'thob/ /de yang ji lta bu zhe na/ /bram ze'i bu ni byams ldan te/ /gsang ba chen po'i tshogs 'di dag /spyod par mos nas
83a5 kun tu btsal/ /btsal bas rnyed par ma gyur te/ /sa phyogs shig tu 'dug nas ni/ /shin tu dus nas smras pa ni/ /e ma ho bdag gi las re pham/ /skyes
83a6 nas rgas par gyur bar du/ /tshogs chen zab mo'i don btsal na/ /don dang ma phrad las re ngan/ /da 'ong ji ltar btsal na rnyed/ /btsal byas rnyed par yong
83a7 mi 'gyur/ /thugs rjes bdag la skyabs su mchi/ /gdung ba sgra cher phyung ba las/ /nam mkha'i khams las sgra phyung ste/ /skal dang ldan pa'i bram ze
83b1 khyod| |de ltar yid dam la brten pa/ /khyod ni don gyi skal pa can/ /dus gsum rgyal ba thams cad kyis/ /khyod la byin gyis rlob par mdzad/ /de bas lta ba ma
83b2 g.yel bar/ /sgrib pa sbyang ba'i thabs dag la/ /mkhas shing brtson par bya dgos te/ /rang gi rtsa rnams bkros nas ni/ /khrag chen dag gis mchod pa de/ /
83b3 'dod chags dag pa tsan+dan chus/ /dmigs nas rgyal ba kun mchod nas/ /de ma thag tu don thob gyur/ /de skad lung bstan thob nas ni/ /dga' ba'i bsam
83b4 pa cher g.yos te/ /lung bstan pa ltar de spyad pas/ /rig 'dzin rgyal ba'i sras su gyur/ /de bzhin mos pa dag par spyod/ /mthong la skal ldan 'dir zhugs
83b5 pa| |thams cad du yang de bzhin te/ /tog ni rtse mor gyur pa bzhin/ /yongs kyi nub pa ma yin no/ /de yang ji lta bu zhe na/ /lha yi bu zhes bya ba ni/ /dge ba'i rgyal
83b6 po bya ba de/ /tshom bu 'bum dang bcas pa zhig /gsang ba rgya cher spyad pa las/ /lha'i bu rin chen 'od ldan de/ /shin tu dad pa cher g.yos te/ /lha rdzas yo
83b7 byad mang po dang / /bcas nas gsang ba'i gnas der phyin/ /dga' zhing 'dun pa'i tshul gyis ni/ /gus par gyur te der gnas pas/ /cho 'phrul chen po bzhi thob
84a1 ste| |lha gnas kun tu bgrod pa dang / /'byung chen lus la sprul pa dang / /ri bo 'degs dang 'phang ba dang / /mi 'chi tshe la gnas
84a2 pa thob| |rgyal mtshan rtse mo'i tog bzhin du/ /mthong ba dag pa'i chos de nyid/ /bskal par nub par ma gyur to/ /de bzhin 'jug pa dag par gyis/ /mthong
84a3 bas chos 'di yongs dag pas/ /ye shes sgron ma'i mig rnyed nas/ /bla med snying po can rnams kyis/ /lam rnyed lam du zhugs pa bzhin/ /de yang ji
84a4 lta bu zhe na/ /bram ze kun ri bya ba zhig /chos kyi mig ldan don mthong nas/ /gsang chen gzhung bzhin spyod pa la/ /bram ze ke ni bya ba zhig /dad pas don gyi
84a5 rjes su 'brangs/ /gsang chen 'dus pa'i tshogs mthong ba/ /chos kyi mig dang ldan gyur te/ /don gyi snying po mthong bar gyur/ /lhun grub rtsal chen rdzogs
84a6 pa ni| |rig 'dzin chen po'i sa nyid thob/ /de bzhin mthong bas dag par gyis/ /gzhan dag 'dir ni mngon spyod la/ /dga' ba'i yid kyis phyogs
84a7 byed pa| |de ni dngos dang 'dra ba de/ /'bras bu la yang mtho dman med/ /de yang ji lta bu zhe na/ /rgyal po dbang phyug 'od ldan zhes/ /bya ba'i rnal 'byor can
84b1 zhig la| |tshom bu bcu dang bcas pa'i 'khor/ /rig 'dzin spyod pa'i don la zhugs/ /sngags spyod 'bras bu cher thob ste/ /ngo mtshar cho 'phrul mang po dag /thob
84b2 pa kun tu grags par gyur/ /de la gzhan gyi sde pa yi/ /bram ze dge slob bya ba zhig/ shin tu dag pa'i sems bskyed nas/ /'jug cing bslab bar zhugs pa las//
84b3 rgyal pos ma gnang gsang sgo bsdams/ /bram ze dad pa ma log par/ /'byor ba'i yo byad ci yod rnams/ /rgyal bo'i 'khor du phul nas kyang / /rgyal po gnas
84b4 pa'i yul phyogs su/ /yid kyis phyogs te smon lam btab/ /rtse gcig par ni smon lam btab/ /rjes su yi rang dam pa ni/ /yid la byas ba'i bsod nams
84b5 kyis| |sgrub par byed pa'i rgyal po dang / /sgrub dang mi ldan bram ze gnyis/ /'bras bu mthon dman med par thob/ /'di ni tshegs med don po che/ /thabs la
84b6 mkhas pa'i rig 'dzin yin/ /de bzhin spyod pa gzhan dag la/ /dga' bas rjes su yi rang gis/ /dge ba spyad dang ma spyad gnyis/ /'bras bu mnyam par thob
84b7 par gyur/ /bsam yas bsam gyis mi khyab pa/ /rgyal rnams 'dir bslabs 'dir mkhyen pas/ /srid gsum 'gro ba'i bshes gnyen du/ /kun gyi bdag por
85a1 gyur pa yin/ /de yang ji lta bu zhe na/ /sngon gyi bram ze gsal byin gyis/ /gsang chen 'di yi don bslabs nas/ /rang gi sems
85a2 la goms byas nas/ /sems nyid bden pa'i don mthong ste/ /chos rnams kun la mkhas par gyur/ /kun gyi rtsa ba sems yin pas/ /sems las chos
85a3 byung 'bum phrag yas/ /chos kyi rgyal por de gyur nas/ /sangs rgyas smra ba'i seng+ge zhes/ /zhing khams kun tu grags par 'gyur/ /de bzhin bslab pa dag
85a4 par gyis/ /tshogs chen gcig gi bsod nams ni/ /skyes la nyan thos bsam yas la/ /sbyin pa'i tshogs chen spel bas ni/ /'bum gyi char yang mi phod
85a5 do| |ci phyir zhe na gcig mnyes pas/ /rgyal ba thams cad mnyes pa yin/ /nam mkha' khyab pa'i rgyal ba dang / /nyag gcig snang ba'i rgyal ba gnyis/ /
85a6 so so ma yin tha mi dang / /sku dang gsung thugs gcig las med/ /'dul ba'i ngo gang khyad par las/ /bsam gyis mi khyab bstan par zad/ /des na khyad
85a7 par de ltar snang / /de yang ji lta bu zhe na/ /las rnams dag pa'i bram ze ni/ /dge ldan gsal ldan bya ba gnyis/ /dga' ba'i dad pas so sor skyes/ /gcig la
85b1 gcig ni tha tshig byas/ /gcig gis nyan thos bsam yas la/ /mchod sbyin bya ba rgya cher byas/ /gcig gis tshogs mchod rgya cher byas/ /tshogs la spyod pa'i
85b2 gsal ldan ni/ /'di tshe gcig la mngon sangs rgyas/ /sbyin pa spel ba'i dge ldan ni/ /bskal pa grangs med gsum gyis grub/ /de bas gnas 'dir spyod pa
85b3 dag /rnal 'byor gsal ldan tshul bzhin spyod/ /'di dag rtag tu su 'chang ba/ /rdo rje sems dpa' la sogs pa'i/ /che yon rtag tu ci 'dra bar/ /don gyi
85b4 gzugs dang bcas par 'thob/ /de yang ji lta bu zhe na/ /khyim bdag mes byin bya ba de/ /tshom bu brgya dang bcas pa zhig /rgyun gyis rtag par 'di spyad pas/ /
85b5 sangs rgyas rdo rje sems dpa' ni/ /'khor dang bcas pa ci 'dra bar/ /skye ba de yis nges par thob/ /sku dang gsung thugs rdo rje yi/ /don du nges par sgrub pa'i tshogs//
85b6 rtogs nas smra bar gang byed pa/ /goms dang brjod dang smos pa yis/ /chos kyi rgyal por de 'gyur zhes/ /yon tan spyi gtsug nyid du 'gyur/ /de yang ji lta bu
85b7 zhe na| |drang srong rnal 'byor kal ya nas/ /drang srong rnam pa mang po la/ /tshogs 'di yon tan rgya cher bsgrags/ /don rnams nges par bshad pa las/ /drang srong
86a1 mang pos rig 'dzin thob/ /ston par byed pa'i kal yan/ /gsang bdag chos kyi rgyal por 'gyur 'on kyang gsang ba'i don 'di dag /
86a2 snod dang ldan pa'i 'gro ba la/ /bstan tam bshad dam brjod par gyis/ /des ni yon tan chen po dang / /nga yi spobs pa 'thob par 'gyur/ /des na 'dus pa chen
86a3 po'i tshogs/ /rgyal ba kun gyi thugs dam ni/ /rnal 'byor gsang ba'i tshogs 'di yin/ /rnal 'byor gang zhig blo ldan pas/ /skad cig tsam mam thang
86a4 gcig la/ /rgyal ba'i tshogs 'di rab bskrun na/ /rgyal ba sangs rgyas thams cad dang / /rig 'dzin rnal 'byor mtha' dag dang / /tha tshig zab mo bskangs
86a5 nas kyang / /chos kyi mig ni thob par 'gyur/ /des ni tshogs spyad yon tan dang / /log par spyad pa'i skyon rnams ni/ /sngon byung gleng gzhi bshad pa yin/ /
86a6 zhes sems dpa'i rdo rjes gsungs so/ /rgyud kyi rgyal po rdo rje bkod pa kun 'dus rig pa'i mdo las/ 'das pa sngon byung gi le'u zhes bya ste bdun
86a7 pa'o|| // de nas bcom ldan 'das sems dpa'i rdo rje de bcom ldan 'das gsang ba mchog gi bdag po de'i zhal du shin tu re zhing
86b1 bka' sdod pa'i tshul gyis lta zhing kun tu brjod par 'khor gyis bskul ba'i sa la sta gon du gnas shing cang mi smra bar gyur to/ /de nas 'khor phal mo ches rnam
86b2 par bskul bar rig nas rnal 'byor gyi phyag lus kun sa la brdabs nas a la la ho zhes bya ba'i sgra byung nas mgrin gcig tu gsol ba btab pa/ e ma rdo rje sems
86b3 chen po| |rang rig mkhyen pa'i ye shes 'bar/ /mgon po yon tan bsam las 'das/ /rgyal thob khyod la phyag 'tshal lo/ /e ma rang snang dbyer med sku/ /rnam
86b4 dag bsod nams mtshan gyis brgyan/ /dpe byad 'bru bkod blta mi ngoms/ /sku lnga'i mchog la phyag 'tshal lo/ /e ma rnam dag nam mkha'i dbyings/ /gcig
86b5 gsung sna tshogs sgrar rig mkhyen/ /bsam 'das brjod med rdo rje'i gsung / /gsung lnga'i mchog la phyag 'tshal lo/ /e ma gsang ba nam mkha'i thugs/ /
86b6 mnyam nyid mi g.yo so sor gsal/ /kun rig snying po ye shes mchog /thugs lnga'i mchog la phyag 'tshal lo/ /e ma mi mdzad mdzad pa che/ /ma chags
86b7 chags bral 'dod chags mdzod/ /thams cad sgrol ba'i las chen po/ /'phrin las mchog la phyag 'tshal lo/ /rgyal tshab khyod la gsol ba ni/ /byams
87a1 mgon thugs rje'i byin rlabs kyis/ /sprul pa'i go tshags ru bsnyams te/ /'khor ba'i skyas lings chen po la/ /sdug bsngal shin
87a2 tu gsad pa'i phyir/ /thams cad dur khrod chen po ru/ /byin gyis brlabs pa'i las chen mdzod/ /e ho zhes gsol ba btab pa las/ sems dpa' rdo rje
87a3 chen po des rnal 'byor pa'i phyag byas te bcom ldan 'das gsang ba mchog gi bdag po la zhus pa/ a la la ho bde ba chen po'i mchog /gsang ba kun
87a4 gyi rgyal po/ /yang gsang bla na med pa'i bdag nyid/ 'dus pa chen po'i tshogs rmad du byung ba'i tshogs shin tu rtul phod pa gsol pa 'tshal ba 'di shin
87a5 tu ngo mtshar lags so/ /'di dag 'dul ba'i dbang du dgongs te/ ji ltar 'tshal ba'i bsam pa rangs par mdzad du gsol zhes gsol ba btab pa las /
87a6 bcom ldan 'das gsang ba mchog gi bdag po des kun tu 'dul ba'i dus mkhyen nas bka' gsang rmad du byung ba'i 'khor gyis bskor ba/ dur khrod rgyan gyi
87a7 rol pa las rmad du byung ba'i ting nge 'dzin la snyoms par zhugs so/ /snyoms par zhugs nas 'khor byin gyis brlab pa'i tshig 'di gsungs so/ /hUM he he phaT/
87b1 hUM hUM bi shwa badzra kro d+ha dz+wa la maN+Da la a ra li a li u li ta pa li traM s+t+waM/ kha li ho/ /na sha stam+b+ha ya hUM/ bruM phu tsa khA hi phaT phaT ha la hUM/ zhes gsungs so/ /'jig rten
87b2 drug gi phyogs bcu mtha' yas pa thams cad dur khrod kyi dkyil 'khor du gyur nas g.yos/ rab tu g.yos/ shin tu rnam par 'thor ro/ /de nas bcom ldan 'das
87b3 gsang ba mchog gi bdag po des sems dpa' rdo rje'i snying po la 'khor gzhan gyis yid tshod du mi 'gyur ba'i sku'i chos bstan pa ni/ sku kun tu dur khrod kyi bdag po
87b4 chen por bsgyur nas dur khrod kyi gnas brgyad dang / he ru ka'i gnas bcu dang / dpal gyi chas brgyad dang / dur khrod kyi rgyan chen po dgu dang / don gyi rtags
87b5 chen po bco brgyad dang / dur khrod kyi longs spyod sna tshogs pa bstan pas zhal 'dzum pa'i mdangs kyis gzigs pa las sems dpa' rdo rje des mkhyen te/ bka'
87b6 gsang dbang chen 'dis don du ni/ bshad/ tshig tu bsgrags par rig nas 'dus pa'i tshogs la shin tu ldem dgongs kyi tshig tu smras pa/ bka' gsang rmad
87b7 byung chen po 'di/ /sbas pas zab cing rtogs dka' ba/ /mtshon pas don 'byin mi shes pas/ /nyon mongs rang dga' spyod mnyam pa'i/ /shin tu byis pa'i blo
88a1 zhan pa'i/ /nges pa'i shes rab mig ldongs te/ /don gyi rtsal shugs chung ba yis/ /dga' bde'i longs spyod bskrun snyam nas//
88a2 mtshan ma rang dgar spyad bsgrubs kyang / /rang bzhin 'grub par mi 'gyur te/ /rgyud phung 'bras bu tshig gyur nas/ /myu gu brlab ste ga la 'byung / /gtan tshigs
88a3 de bas 'di don dag /rtsal zhan dag la bstan min zhes/ /gsang bdag rgyal po kun gsungs na/ /ci khyod rnams kyis mi shes sam/ /zhes rnam par smras
88a4 pa las| 'dus pa'i tshogs kyis slar gsol pa/ e ma ho sems dpa' chen po/ /de lta bu'i rgyu tshig chen po dag 'khor gyi dkyil 'khor gyi nang dam pa
88a5 'dir gsung ngam/ 'on te mi spyod dam/ cang ma lags grang / ci blang dor mdzad dam/ e ma snod du ma gyur pa ni/ gang mchis/ thams cad byang chub
88a6 kyi snying po can lags na/ thong / kun tu rab tu thong / rnam par rab tu gsungs/ 'gag pa mi mnga' mi 'gog gsungs/ /ci phyir mi gsung thogs med
88a7 sras| |rgyal ba'i sras po dus 'di lags/ /gsang ba'i snying po snang 'di lags/ /bka' gsang dkyil 'khor gnas 'di lags/ /gsang ba'i dur khrod
88b1 tshul 'di lags/ /snying rje zher sems khyod la 'dud/ /gsang ba yang gsang khyod la 'dud/ /gsang ba ye gsang khyod la 'dud/ /dkyil 'khor rgyal po khyod la
88b2 'dud| |'khor lo snying po khyod la 'dud/ /gsang chen snying po tshul ci lags/ /bka' gsang dkyil 'khor thabs ci lags/ /'bras bu bde ba'i don ci lags//
88b3 ma 'ongs pa yi rnal 'byor dag /bsgrubs na dang len 'tshal ba yi/ /rig par 'gyur ba'i thabs ci lags/ /'byung chen rgyal pos bshad du gsol/ /zhes
88b4 gsol ba btab pa las/ sems dpa' rdo rje dam pa de shin tu bzhad pa chen pos rnam par bzhad/ a a he he'i gang rgyangs bsgrags pas 'khor thams
88b5 cad kyang gad rgyangs kyi sgra chen po sgrog par mdzad de dgyes pa'i 'od zer las shes rab kyi dpal de dgyes pa'i rol mo sna tshogs ling long phyad par byung ngo / /
88b6 de nas sems dpa'i rdo rje dam pa des lus kun bsrang ste dur khrod kyi chas sna tshogs gsar zhing rtags bco brgyad 'bar bar byas nas brjid pa'i gsung
88b7 gis gsang sngags rgya mtsho dang / rnam grangs sna tshogs don gyi sgrub pa rtags kyi rol pa gsang ba'i dkyil 'khor chen po 'di dag bshad do/ /gcig tu
89a1 yang dag nges grub pa'i/ /don la rton byed rnal 'byor rnams/ /thogs med nyid du 'grub 'dod pa/ /ji ltar btso blag mkhan
89a2 dag gis/ /ras dkar sbyangs pas tshon 'jen ltar/ /rnal 'byor las rnams dang por ni/ /skong dang sbyong ba'i las rnams gces/ /zab mor 'jug
89a3 pa'i sngon logs nas/ /sems nyid gting nas tshar gcad phyir/ /theg pa dman pa'i skye bo dang / /lhan cig ci la'ang mi brnal lo/ /de las gyur pa'i
89a4 yo byad dag /rus sbal mgo la 'ongs pa dag/ shin tu 'khrugs pa'i sems chen gyis/ /rgya mtshos bshugs te spang bar bya/ /gal te gang zag dbang
89a5 gis ni| |nyams pa'i chad pa byung ba na/ /mgon tshun chos nyid chu phab nas/ /skong zlog cho ga rgya cher bya/ /sgrub rtsom sngon nam yang sngon nam/ /zhag grangs
89a6 dag gi sngon logs nas/ /sdig sbyangs byang chub sems bskyed de/ /dge ba'i don la 'dun par bya/ /slong mo dang slong la dga' ba/ /slong la 'tshe ba'i tshe
89a7 spyod rnams/ /sde dang mtshan dang grwar byas te/ /snying rje khud pa'i zhing du bya/ /smar dang 'bru dang rtsi rnams dang / /bcud kyi mchog tu gyur pa dag /btags
89b1 sam phye mar sbyar nas kyang / /klung ngam chu klung mtsho chen du/ /dor te chags med sbyin par bya/ /dge ba'i yon bdag dang blangs te/ /nad gso shes slob spyod sgom
89b2 grwa/ /btsugs te bsti gnas mchog bya zhing / /dus kyi 'khor lo'i mchod chen bya/ /gsung sgra rgya mtsho sgrog pa yis/ /glegs bam zab mo kun bsten te/ /brjod
89b3 dang bsnyen bkur bsti gnas kyis/ /rgya cher yangs pa'i las rnams bya/ /ye shes tshogs rnams rdzogs bya'i phyir/ /shes rab tshogs kyi sbyin mchog dag /
89b4 bstan tam glegs bam la sogs pa'i/ /blo mchog ldan pa rnams la sbyin/ /bsgoms dang goms par bya ba yin/ /kun gzhi dag par bya ba'i phyir/ /ting
89b5 'dzin bye ba mang po la/ /blo mchog yid kyis rtsal de sbyang / /chos kyi 'khor lo rab bskor to/ /rgyud sbyangs lhag pa'i shes rab blta/ /sho gam srang dang sho gam
89b6 lam| |mi bde'i gnod pa kun bsal te/ /tshad med snying rje'i 'khor lo bskor/ /sbyin pa'i 'khor lo rgyun mi gcad/ /chu 'am sa'am nam mkha' 'am/ /me
89b7 'am de bzhin rlung rnams la/ /sku gdung spel mchod ring bsrel rnams/ /brtsam pa'i las chen 'khor lor bya/ /mtshams med zlog par byed pa yi/ /lus
90a1 sems rgyud la rdul brlags te/ /'phags pa'i sbyin tshogs pho brang du/ /rdul snyed lus kyis mchod sems bshags/ /rgyal
90a2 mnyes las ni gyis shig pa/ /thabs chen spyod pa'i las chen las/ /rnam bzhi me yi las mchog bya/ /des ni mtshams med bzlog pa yin/ /thugs
90a3 rjes 'byung ba'i 'khor lo dag /gang ltar goms ltar 'bad rtsol bya/ /bstan pa skyong ba'i tshogs rnams la/ /sbyin mchod spel ba'i las rnams bya/ /
90a4 de la sogs pa'i dge ba'i tshogs/ /don du mi 'gyur kun spangs la/ /nan tan tshogs kyi dpung chen bskyed/ /'di ltar las chen ltang gsog pa/ /
90a5 gzhan du bskyed pa ma yin te/ /rtse gcig don ldan rnal 'byor pa/ /rgyud ldan snod ldan bya phyir dang / /gal te rtsal zhan ma grub na/ /dge bsags ltang
90a6 chen kun bsdoms te/ /las kyi bsags pa don bgrangs shing / /gdung ba'i shugs phyung rtsal sprugs nas/ /nyi shar chu klung zla brnyan ltar/ /rang
90a7 bzhin shugs kyis 'grub par gces/ /de phyir phra mo yan chad kyang / /bdag gi don du 'gyur bar bya/ /de ltar spyad pa spyod pa yi/ /phra mo'i rnal 'byor
90b1 blo 'phel bas/ /chung ngu chung sogs mthar zad nas/ /skong ba'i rnal 'byor 'khor lo yis/ /zhig dang ral dang chag 'dres dag /bskang gso gzhug pa'i
90b2 las 'di bya/ /las chen skong ba'i khyad par gyis/ /gnas su brtag par nges med de/ /mi sdug skyon can bkra mi shis/ /spangs te med par gyur ba yi/ /
90b3 shin tu gsar pa'i gnas chen dag /bskang ba'i gnas su de 'gyur ro/ /de ltar yid 'ong gnas btsal nas/ /drod ldan bla ma spyan drangs te/ /sri zhu rgyal
90b4 chos spyi bor bkur/ /de yang dmigs kyis zhu ba dag /maN+Dal 'khar gsil tsam dag la/ /me long snying po ltar byas te/ /gtsang ma'i rgyu las rdzas
90b5 byas pa| |yid 'ong rnam lnga'i mchod pa la/ /rkyen gyi rnal 'byor sna tshogs kyis/ /brgyan te klubs pa'i sprin phung rnams/ /mnyes nas bskang phyir rgyal la
90b6 dbul| |phyi 'khor skyong ba'i mgon po la/ /'dod yon lnga la sogs pa yi/ /yid bzhin longs spyod rkyen dang bcas/ /yon tan cha las snod bcol mchod//
90b7 mnyes nas skong ba'i stongs su 'gyur/ /khams gsum snying rje'i gnas rnams la/ /yo byad sbyin tshogs chen po las/ /'dod pa'i bsam pa rangs byas nas/ /mgu
91a1 bas skong pa'i stongs su 'gyur/ /bgegs su gyur pa'i bgegs ris kyang / /mnyam pa'i don gyis sems mi 'byung / /dmigs
91a2 kyis kha zas sna tshogs las/ /bgegs rnams mgu na thams cad kyang / /mnyam pa'i don gyis skong pa'i rgyur/ /cung zad tsam du snang ba yin/ /de ltar skong
91a3 ba'i las rnams kyis/ /bskang bar bya ba'i dmigs rnams ni/ /rnam pa ldar ni snang ba ste/ /kun tu nyams pa chen po dang / /rtsa ba nyams dang yan lag nyams//
91a4 de bzhin zlas nyams zhar nyams lnga/ /skong ba'i thabs kyang lnga yod de/ /spyad pa'i las kyis bskang ba dang / /rdzas dang nor dang ting 'dzin dang / /man ngag
91a5 gsang ba'i thabs chen no/ /de dag la yang lnga lnga ste/ /spyod pa'i tshul gyis bskang ba la/ /rnam pa la ru bshad par bya/ /dang po 'bum lnga khri gsum ste/ /rtsa
91a6 nyams khri lnga stong gsum mo/ /yan lag nyams par gyur pa la/ /stong lnga brgya gsum thon par bya/ /zlas nyams lnga brgya bcu gsum mo/ /zhar gyis nyams
91a7 par gyur pa la/ /bcu lnga gcig gsum dag gis skong / /rdzas kyis skong pa'i thabs mchog ni/ /gal te srung ba 'ga' zhig las/ /byang chub tha tshig ral gyur
91b1 na| |gti mug rigs kyi tha tshig bskang / /dmangs rigs snga ma spyan drangs la/ /nyes 'gal mi bcab stong du bshags/ /gser la sogs pa'i rdzas chen gyis/ /tha
91b2 tshig gang brlags nor des blu/ /byang chub sems bskyed rgyud spyangs mnyan/ /rdo rje tha tshig ral gyur na/ /zhe sdang rigs kyi tha tshig bskang / /rje'u rigs bla ma spyan
91b3 drangs te/ /nyes byas mi bcab 'bum du bshags/ /shel la sogs pa'i rdzas chen gyis/ /tha tshig gang brlags nor des blu/ /bsam gtan ting 'dzin bsgom
91b4 brtson bya/ /rin chen tha tshig nyams gyur na/ /nga rgyal rigs kyi tha tshig bskang / /rgyal rigs bla ma spyan drangs te/ /nyes byas mi bcab brgyad khrir bshags/ /
91b5 bai DUR+Ya sogs rdzas chen gyis/ /tha tshig gang brlags nor des blu/ /sku gdung ring bsrel rnam par spel/ /pad+ma'i tha tshig ral gyur na/ /'dod chags
91b6 rigs kyi tha tshig bskang / /gdol rigs bla ma spyan drangs la/ /nyes byas mi bcab brgyar bshags bya/ /byi ru la sogs rdzas chen gyis/ /tha tshig gang
91b7 brlags nor des blu/ /bshad bya zab mo'i glegs bam brjod/ /las kyi tha tshig ral gyur na/ /phrag dog rigs kyi tha tshig bskang / /bram ze rigs bshes
92a1 spyan drangs la/ /nyes byas mi bcab bcu lngar bshags/ /in+d+ra la sogs rdzas rnams kyis/ /tha tshig gang brlags nor
92a2 des blu| |mchod sbyin bsod nams las chen bya/ /des ni bskang ba'i las chen 'grub/ /don gyis skong ba'i thabs mchog kyang / /rnam lnga'i tshul du
92a3 bshad par bya/ /chos kun nam mkhar bsgoms nas kyang / /bag chags bzang ngan thams cad kun/ /ci yang med par blo la gzhag /de la goms
92a4 byas nyes pa med/ /kun la mkhas pa'i bla ma la/ /rgya che yangs pa'i chos nyan te/ /bsam pa'i las rnams rgya cher bya/ /yid kyis dmigs pa'i las
92a5 dag na| |rtsa ba nyams pa skong bar 'gyur/ /gal te yan lag nyams gyur na/ /chos nyid nam mkha'i don ston pa'i/ /glegs bam zab mo kun brtags
92a6 te| |don rnams rgya cher brtag par bya/ /des ni yan lag nyams pa med/ /zlas ni tha tshig nyams gyur na/ /bla med skyes bu mkhas pa la/ /gzhung
92a7 chen tshugs pa'i bstan pa zhig /ston pa'i yon bdag gnyer blangs te/ /blo yi rtsal can kun bsdus te/ /dam chos bdud rtsi bstan pa bsgrags/ /
92b1 gal te zhar gyis nyams gyur na/ /bstan pa'i glegs bam rgya chen rnams/ /bris nas chos kyi sbyin par phya/ /des ni zhar nyams bskangs par 'gyur/ /ting 'dzin
92b2 rtsal gyi thabs mchog ni/ /bag chags can gyi spyi gtsug tu/ /rtsa dmar 'od ni me long tsam/ /shin tu 'bar zhing 'tsher gsal bas/ /chags dang bcas pa'i
92b3 phung po bsregs/ /rnam grol sems kyi rang bzhin dang / /'od kyi rang bzhin gcig pa las/ /dkar dang dmar dang mthing ga yi/ /'od kyi thig le gsum
92b4 du 'gyur/ /dkar por spros pas khyab par che/ /dmar por spros pas chags pa che/ /mthing ga thugs kyi sa bon te/ /rnam gsum gcig tu 'dus pa las/ /
92b5 dag yid gsum gyi bag chags bsregs/ /sku gsung thugs kyi dam tshig skong / /dkar po rlung zla'i dkyil 'khor la/ /dmar po 'bud pa'i rlung byung bas/ /
92b6 mtshan ma'i bag chags rnam par gtor/ /dmar po chu zla'i dkyil 'khor las/ /mthing ga ye shes chu byung bas/ /dngos po'i ljan ljin thams cad bkrus/ /
92b7 de ltar gsal bar gyur pa dang / /rnal 'byor can gyis tshig 'di brjod/ /rdzas sreg pa la me dgos kyang / /bag chags tshig la me mi dgos/ /rig pa'i ye shes me byung bas/ /mtshan ma yin
93a1 bud shing sreg /'jig rten gtor la rlung dgos kyang / /mtshan ma gtor la rlung mi dgos/ /rig pa'i ye shes rlung byung bas/ /
93a2 mtshan ma'i rdul tshogs rnam par 'phyag /lus bkru ba la chu dgos kyang / /sems bkru ba la chu mi dgos/ /mnyam nyid chu bo khrus kyi rdzing / /ye shes chu bo'i
93a3 rgyun byung bas/ /bag chags ljan ljin thams cad bkrus/ /oM kro d+hi shwa ri sarba pA baM sho d+ha ya/ oM AHhUM/ raM yaM khaM/ de skad tshig tu brjod pa yis/ /nyams
93a4 pa'i chad pa mi 'byung ngo / /gcig tu bskang ba'i las chen yang / /rigs kyi rdzas dang yo byad rnams/ /gnas su bsags nas byin brlabs te/ /phyi nang
93a5 mtshams bcad brtan byas nas/ /so so rigs kyi dam tshig la/ /'gal bar gyur pa gang dang gang / /mchod dang bshags dang gnod bkur te/ /yan
93a6 lag brgyad kyi tshul bzung nas/ /bsam gtan gnas sbyangs rdzas bsab pa/ /gti mug rigs kyi dam tshig la/ /shes nas rtogs par bya rgyu las/ /ma rig
93a7 log pa'i mthu yis ni/ /tha tshig drag po yal gyur na/ /pho brang nam mkha'i ling+ga la/ /zla ba'i dkyil 'khor dbus gnas par/ /a yi rang bzhin 'od gsal
93b1 bar/ /gsal 'phro 'khrugs par gyur pa na/ /phaT kyis drag tu brdabs pa yis/ /'od 'dris bskal pa'i mkha' gsal bas/ /gti mug ri bo'i mun bsal te/ /byang chub
93b2 myu gu 'bar bar 'gyur/ /de ltar gsal bar gyur pa dang / /rnal 'byor can gyis tshig 'di brjod/ /e ma'o bde gshegs tha tshig las/ /byang chub sems bde
93b3 gsal 'bar ba/ /don du mi gtong gzhi bskyed de/ /sangs rgyas gdung chen rgyud mnyam las/ /ji ltar zla bar ri ltar/ /rgyu las byung ba'i rang bzhin las/ /byang
93b4 chub myu gu nub ma khad/ /gzugs kyi phung po'i zhing khams su/ /bde mchog mkha' mnyam dbyings chen gsal/ /gnyen pos 'joms pa'i thabs chen las/ /
93b5 bskang ngo bskal pa'i thugs dam bskang / /gsang ba don gyi rdzas mchog 'dis/ /byang chub bskal pa'i thugs dam rnams/ /skong gyur bsam pa'i don du sbyang / /sarba
93b6 ta thA ga ta pu ta sa ma ya ho/ /de skad tshig tu brjod nas kyang / /spyi bo brda'i tshul phyag rgya sbyar/ /zhe sdang rigs kyi tha tshig las/ /pho brang rnam shes ling+ga la/ /rdo rje
93b7 bum pa'i dbus gnas par/ /hUM gi rang bzhin 'od gsal 'bar/ /gsal 'phro 'khrugs par gyur pa na/ /phaT kyis drag tu brda bas pa yis/ /'od 'dril rdo rje
94a1 pha lam gyis/ /zhe sdang ri bo brlags nas kyang / /shes rab me long 'od gsal 'bar/ /de ltar gsal bar gyur pa na/ /rnal 'byor
94a2 can gyis tshig 'di brjod/ /e ma'o rdo rje tha tshig rnams/ /sems chen ye shes gsal 'bar ba/ /thugs mchog gdung chen rgyud mnyam las/ /ji ltar ral
94a3 gri so rgal ltar/ /de las gyur pa'i rang bzhin las/ /shes rab me long nub ma khad/ /rnam shes phung po'i zhing khams su/ /gsal 'bar ye shes thig le
94a4 'phro/ /gnyen pos 'joms pa'i thabs chen gyis/ /bskang nge bskal pa'i thugs dam bskang / /gsang ba don gyi rdzas mchog 'dis/ /thugs mchog
94a5 bskal pa'i thugs dam bskang / /skong gyur bsam pa'i don du sbyang / /oM sarba ta thA ga ta sa ma ya ho/ /de skad tshig tu brjod nas kyang / /snying gi brda yi tshul
94a6 phyag sbyar/ /nga rgyal rigs kyi dam tshig las/ /snyoms nas dang du blang rgyu las/ /log pa'i nga rgyal de ma chom/ /tha tshig drag po yal gyur na/ /pho brang skye
94a7 rgyu'i ling+ga'i dkyil/ /rin chen 'bar ba'i dbus gnas par/ /swa yi rang bzhin 'od gsal 'bar/ /gsal 'phro 'khrugs par gyur pa na/ /phaT kyis drag
94b1 tu brdabs pa las/ /'od 'dril rin chen 'khor lo yis/ /nga rgyal de'u chen brlags gyur nas/ /bsod nams ljon shing me tog 'bar/ /de ltar gsal bar gyur
94b2 pa na| |rnal 'byor can gyis tshig 'di brjod/ /e ma rin chen tha tshig las/ /bsod nams yon tan 'od 'bar ba/ /don du mi gtong gzhir bskyed de/ /rgyu mchog
94b3 gdung chen rgyud mnyam las/ /ji ltar mkha' la 'khrigs 'thibs ltar/ /rgyu las gyur pa'i rang bzhin gyis/ /me tog 'od mdzes yal ma khad/ /tshor ba'i
94b4 phung po'i zhing khams su/ /che ba'i ye shes mnyam 'bar bas/ /gnyen pos 'joms pa'i thabs chen las/ /bskang ngo bskal pa'i thugs dam bskang / /
94b5 gsang ba don gyi rdzas mchog 'dis/ /sku mchog bskal pa'i thugs dam bskang / /skong gyur bsam pa'i don du sbyang / /oM sarba ta thA ga ta rat+na sa ma ya ho/ /de
94b6 skad tshig tu brjod nas kyang / /phral ba brda yi tshul phyag sbyar/ /'dod chags rigs kyi dam tshig las/ /rtogs nas spyad par bya rgyu las/ /'dod log rgya mtsho
94b7 ma ngoms te/ /tha tshig drag po yal gyur nas/ /pho brang pad+ma'i ling+ga'i dkyil/ /pad+mo 'bar ba'i dbus gnas par/ /oM gyi rang bzhin 'od gsal 'bar/ /gsal
95a1 'phro 'khrugs par gyur pa na/ /phaT kyis drag tu brdabs pa las/ /'od 'dril pad+mo'i mtshon cha las/ /'dod chags rgya mtsho
95a2 bskams gyur nas/ /pad+ma chos kyi ye shes 'bar/ /de ltar gsal bar gyur pa na/ /rnal 'byor can gyis tshig 'di brjod/ /e ma'o pad+mo'i tha tshig las/ /pad+mo'i
95a3 ye shes 'od 'bar bas/ /don du mi gtong gzhi bskyed do/ /gsung mchog gdung chen rgyud mnyam nas/ /ji ltar pad stong tsher ma ltar/ /rgyu las gyur pa'i rang
95a4 bzhin gyis/ /pad+mo'i ye shes nub ma khad/ /'du shes phung po'i zhing khams su/ /rtogs pa'i chos nyid 'od 'phros pas/ /gnyen pos 'joms pa'i thabs
95a5 chen las/ /bskang ngo bskal pa'i thugs dam bskang / /gsang ba don gyi rdzas mchog 'dis/ /gsung mchog bskal pa'i thugs dam rnams/ /skong gyur
95a6 bsam pa'i don du sbyang / /oM sarba ta thA ga ta d+harma sa ma ya ho/ /de skad tshig tu brjod nas kyang / /lce yi brda yi tshul phyag sbyar/ /phrag dog rigs kyi dam tshig
95a7 las| |rtogs nas spyad par bya rgyu las/ /phrag dog log bzung dbang gis na/ /tha tshig drag po yal gyur pa/ /pho brang gsang ba'i ling+ga'i dkyil/ /rdo rje ral
95b1 gri dbus gnas par/ /ha yi rang bzhin 'od gsal 'bar/ /gsal 'phro 'khrugs par gyur pa na/ /phaT kyis drag tu brdabs pa las/ /'od 'dril rdo rje'i ral gri
95b2 yis| |phrag dog mtshon cha gsibs gyur nas/ /rdo rje ral gri ye shes 'bar/ /de ltar gsal bar gyur pa na/ /rnal 'byor can gyis tshig 'di brjod/ /e ma'o 'phrin
95b3 las tha tshig las/ /rdo rje ral gri 'ong 'bar bas/ /don du mi gtong gzhi bskyed de/ /'phrin las gdung chen rgyud mnyam las/ /ji ltar nyi gsal sprin bsgribs
95b4 ltar| |rgyu las gyur pa'i rang bzhin gyis/ /rdo rje 'od chen nub ma khad/ /'du byed phung po'i zhing khams su/ /ye shes mtshon cha'i 'od 'phros pas/ /gnyen pos
95b5 'joms pa'i thabs chen las/ /bskang ngo bskal pa'i thugs dam bskang / /gsang ba don gyi rdzas mchog 'dis/ /'phrin las bskal pa'i thugs dam
95b6 rnams| |skong gyur bsam pa'i don du sbyang / /oM sarba ta tha ga ta karma sa ma ya ho/ /de skad tshig tu brjod nas kyang / /lus kyi brda yi tshul phyag sbyar/ /des
95b7 kyang skong ba'i las chen 'grub/ /man ngag thabs kyi don mchog ni/ /rtsa ba yan lag de rnams las/ /gang dag nyams par gyur pa la/ /man ngag thabs mchog
96a1 lnga yis bskang / /nyams pa chen por lhung gyur na/ /bla mar gyur pa'i skyes bu dag /rgyal po dgu yi spyan lam du/ /sgrub pa chen po dgu
96a2 brtsam zhing / /mchog chen dgu yi brtul zhugs spyad/ /rang gi gzungs ma gang yin pa/ /bla ma dgu la gzungs mar dbul/ /de bzhin rtsa ba yan lag dang / /
96a3 zla dang zhar las nyams pa la/ /sgrub pa don gyi khyad par rnams/ /bdun nam lnga 'am gsum mam gcig /rim pa bzhin du sbyar byas na/ /des ni skong ba'i
96a4 mchog tu 'gyur/ /bskang ba'i yul yang rnam lnga ste/ /bder gshegs rgyal ba mtha' dag kyang / /mdo ru bsdu na rnam lnga ste/ /gti mug zhe sdang nga rgyal
96a5 dang | |'dod chags phrag dog 'di lnga dag /rtsa bar gyur pa'i don gyis na/ /gzhi yang thams cad 'dis bsgyur bas/ /nyams dang ma nyams tha tshig dang / /
96a6 longs spyod spong len thams cad rnams/ /'di rgyu yin par rig bya ste/ /rgyu nyid rgyur btags dbang gis na/ /bsgyur bas dug 'gyur sman chen ltar/ /de nyid
96a7 tha tshig btsan por sgyur/ /'dul ba'i dbang gi khyad par gyis/ /de bzhin rdo rje rin chen dang / /pad+mor las lnga'i rigs su 'dus/ /de dag thugs dam
96b1 mchog nyid kyang / /rnam lngar 'dus par bstan pa la/ /rtogs nas srung sgrub dam bcas pa/ /so sor 'gal zhing chag nyams na/ /so so nyid du bsab par bya/ /sku yi
96b2 chag nyams gnas su gzhug /gsung gi 'gal 'khrul so ru bsab/ /thugs kyi 'gal 'khrul gsor med de/ /rdo rje snying po'i tha tshig la/ /bskangs pas skong
96b3 par gyur pa yi/ /rtags chen dag kyang 'di lta ste/ /rgyal ba sangs rgyas rig 'dzin gyi/ /gdung chen dag las byung ba yi/ /sha ri ram zhes bya ba de/ /thams cad
96b4 ltas su ston par byed/ /shel gyi za ma tog nang du/ /dag par bcug ste btsas pa las/ /nyams pa'i chad pa byung ba'i tshe/ /kha dog nag cing 'bros par 'gyur/ /
96b5 nyams pa skong dam sor chud cing / /gal te dam tshig ma nyams na/ /kha dog dkar zhing 'tsher bar 'gyur/ /legs pa'i yon tan 'byung ba'i tshe/ /grangs med
96b6 rgya cher 'phel bar 'gyur/ /gal te nag gam mi gsal na/ /smyur te bsgrims nas bskor bzlog bya/ /'on tang nyams pa mi phog cing / /de dag so ru gso ba
96b7 na| |rtags chen 'di ni bsten bya ste/ /'di dag shin tu brtags nas ni/ /dkar la 'tsher bar gyur pa na/ /rtsa ba yan lag nyams pa rnams/ /skong ste sor chud rtags
97a1 yin no| |des na rnal 'byor las kyi gtsor/ /sbyong dang skong ba'i las rnams bya/ /bcom ldan 'das sems dpa'i rdo rjes de skad ces
97a2 gsungs pa dang / 'khor der 'dus par gyur pa'i bdud kyi sde pa las lha'i rigs su gyur pa sangs rgyas kyi 'khor 'phags pa'i rigs 'dzin pa/ /nyon
97a3 mongs pa lnga'i bdag po lha chen po lnga la sogs pa bka'i snod du rung bar byin gyis brlabs te 'khod pa las/ 'dod chags thams cad kyi gtso bo rdo rje
97a4 bram ze thod pa can zhes bya ba la sogs pas 'di skad ces gsol to/ /bcom ldan 'das kyi bka' ltar ma bgyis na/ ma dad ma gus 'gal 'khrul du gyur
97a5 ba'i chad pa'i skye gnas dang / rnam par smin pa ji ltar 'gyur/ bdag cag rnams la rgya cher bshad du gsol zhes zhus pa las/ bcom ldan 'das sems
97a6 dpa'i rdo rje'i bka' stsal pa/ 'dod chags kyi bdag po la sogs pa rnams/ dam tshig nyams pa'i chad pa'i skye gnas 'dri ba legs kyi/ yid tshim
97a7 bar byed pa bshad kyi/ nyon cig /rtsa ba yan lag 'di dag las/ /gal te zhig gam nyams gyur na/ /rnal 'byor las kyi dang po las/ /lung gi gsang
97b1 sgor zhugs pa'i tshe/ /don dang ldan pa'i bla ma yis/ /rdo rje tha tshig byin brlabs nas/ /lce la dam tshig chu bzhag pa/ /dmyal ba rdo rjer dmod btsugs nas/ /yi ge hUM
97b2 du byas pa des/ /snying gi dkyil du thim nas kyang / /lcags kyi sdig pa mgo dgu pa'i/ /khro bo rak+Sha zhes bya ba'i/ /khrag 'thung chen por gyur nas ni/ /snying khrag gzhibs
97b3 te 'thungs nas ni/ /sdug bsngal chen por bsad nas kyang / /dmyal ba rdo rjer de ltung 'gyur/ /gal te tha tshig ma nyams na/ /lce la bzhag pa arga ste/ /snying gi
97b4 dkyil du thim nas kyang / /ye shes sems dpa' tshon gang bar/ /gyur te sgrib pa kun sbyangs nas/ /sangs rgyas sras su skyed par byed/ /'dod chags dam tshig
97b5 nyams gyur na/ /mngal gyi grong khyer chen por 'gro/ /zhe sdang dam tshig nyams gyur na/ /rak+Sha srin po'i rigs su 'gro/ /gti mug dam tshig nyams gyur na/ /mi
97b6 gtsang zas su za ba yi/ /rmongs pa'i phag chen lus su ltung / /nga rgyal dam tshig nyams gyur na/ /rus spal nag po'i lus su ltung / /phrag dog dam tshig nyams
97b7 gyur na| |chu srin mgo dgu'i lus su ltung / /dam tshig chen po'i kun nyams na/ /ru tra nag po'i lus su ltung / /las kyi rkyen dang ma phrad na/ /thar pa'i skabs ni mi
98a1 srid do/ /sems dpa'i rdo rjes de skad ces gsungs so/ /nyon mongs pa lnga'i bdag po rig 'dzin rnams kyis shin tu cho nges chen po
98a2 'byin cing dus der e ma'o bcom ldan 'das/ bcom ldan 'das kyis gsungs pa ltar na/ bdag la ltung rgyu mchis te/ dang po bcom ldan 'das kyi
98a3 bka' la btags pa'i tshe bka' la ma dad ma gus pas bka' la skur cing dpyas long btags pa dang / ston pa dang grogs la smad cing dpyas long
98a4 btags pa la sogs pa ltung ba'i rgyu mang po bgyis pas/ da ni/ bdag kyang chad pa'i skye gnas su mchi bar nges na/ bcom ldan 'das kyis thugs rje chen pos
98a5 bzung ste bka'i 'khor du bkod pas/ da ni/ thar pa thob lags grang / 'on kyang 'gyod pa drag po'i dbang gis yid kyi sgrib pa ni/ byang chub sems
98a6 kyis bshags/ ngag gi sgrib pa ni/ tshig tu 'don cing smos te bshags/ lus kyi sgrib pa ni/ lus gdan khri la phul te bshags na/ bcom ldan
98a7 'das kyis thugs rjes gzung 'tshal na/ gnyen po ni/ gang lags/ thabs ni/ ji ltar bshags/ yul ni/ gang la bshags/ rgyu ni/ gang
98b1 mchis/ /bcom ldan 'das kyis bshad du gsol/ bde bar gshegs pa thugs rjes bskyab tu gsol/ bcom ldan 'das kyis bka' stsal pa/ rig 'dzin
98b2 chen po mi thod can rnams nyon cig /ltung bar gyur pa'i gnas rnams la 'gyod par gyur nas zhus pa legs so/ /ltung ba'i gnyen po ni/ gang zhe na/ nyes byas
98b3 rnams bshags par 'dod na/ gang 'gyod pa drag po skyes nas ba spu ni/ gzings/ mchi ma 'byin pa yin no/ /thabs ni/ rnam pa bzhi yod de/ gang zhe na/
98b4 shes rab chen po'i rgyud kyis bag chags thams cad rang bzhin med par shes pa dang / ting 'dzin chen po'i mes bag chags thams cad bsregs te med
98b5 par bya ba dang / byang chub sems kyi 'od zer gyis bag chags kyi mun nag thams cad bsal te de dag dag par bya ba dang / spyod pa rlabs po che'i chus
98b6 bkru ba'o/ /de la bshags par bya ba'i yul ni/ 'di lta ste/ sangs rgyas dang / rig 'dzin dang / lha dang / bla ma dang / glegs bam dang / grogs po
98b7 dang / rten du gyur ba rnams so/ /bshags par bya ba'i rgyu ni/ 'di lta ste/ sgrib pa che chung bshags pa'o/ /nyon mongs pa rags pa mngon du rgyu ba bshags pa
99a1 dang / bag la nyal dang shes bya'i sgrib pa bshags pa'o/ /de'i phyir ltung bar gyur pa'i las rnams 'gyod pa drag pos brten la thabs la
99a2 mkhas pas spyad de/ sgrib pa che chung cha shas kyis phye la gus par bshags pa gyis shig /de skad ces bka' stsal pa dang / rig 'dzin chen po mi'i
99a3 thod pa can rnams mgu zhing rangs te rnal 'byor sbyor ba'i phyag byas nas 'gyod cing gdung ba'i glu 'di blangs so/ /oM| ye shes sku mchog rang bzhin dkyil 'khor
99a4 ni| |zla rgyas bzhin du spros pa mi mnga' yang / /thugs rjes nyi gsal 'od bzhin snyoms mdzad lha/ /bder gshegs bzhugs shing bdag la dgongs su gsol/ /
99a5 brjod med shes rab mi g.yo chos mchog dbyings/ /bde chen longs spyod rdzogs sku rigs lnga'i gtso/ /thugs rje thabs mkhas rgya che rol pa yi/ /cho 'phrul sprul
99a6 pa'i tshogs la phyag 'tshal lo/ /dngos su 'byor dang yid kyis sprul pa yi/ /kun tu bzang po'i bla med mchod sprin gyis/ /mkha' dbyings rnam dag rgya cher
99a7 yongs bkang nas/ /phyi nang gsang ba'i mchod pa rgya chen mchod/ /kun tu bzang mo'i yum gyi b+ha ga la/ /'du 'bral med pa'i ngang du ro gcig pa'i/ /gnyis
99b1 med byang chub sems kyis mnyes gyur cig /sems kyi rang bzhin chos dbyings nam mkha' che/ /chos nyid rnam dag rgya che 'od gsal bas/ /rnal 'byor nyid
99b2 dbyings smra bsam las 'das pas/ /mnyam nyid byang chub sems la rtag tu 'dud/ /kun bzang rdzogs chen ye nas bdal ba la/ /phyi nang gsang ba'i dkyil
99b3 'khor bkod pa ni/ /snang srid rnam dag kun bzang yum gyi dbyings/ /'byung dang 'byung 'gyur yab yum lhun rdzogs rnams/ /gsang chen rab rdzogs
99b4 gzungs chen bdag nyid ma/ /gnyis med thig le chen por 'od gsal bas/ /cir yang snang bas bde chen g.yung drung lha/ /'du 'bral med pa gsang ba'i
99b5 dkyil 'khor ni/ /bdag nyid chen po bcom ldan yab yum dang / /byang chub lcam dral khro bo khro mo'i tshogs/ /rdo rje lha mo'i tshogs rje tshogs kyi bdag /ma
99b6 ltar byams shing sring ltar gdung la sogs/ /nyes legs stang 'dzin dam tshig rjes gcod ma/ /dbang gyur rdo rje dam can dgongs su gsol/ /thugs rjes
99b7 gdung 'tshob rdo rje thod pa can/ /bdag cag dregs pa'i bdag po 'dir tshogs kun/ /'gro ba'i don phyir byang chub sems bskyed de/ /bla med go 'phang thob
100a1 par bya ba'i phyir/ /bstan pa rgya mtsho so so'i 'dul khrims dang / /sku gsung thugs dang mnyam sbyor sdom pa'i mchog /'da'
100a2 dka' rdo rje dam tshig gtan gyi gnyer/ /spyi dang lhag pa'i khyad par dam tshig rnams/ /snga phyi ma nos shing gnyer du rma'o 'tshal/ /don las gol zhing
100a3 ldog sems ma mchis kyang / /gdod bya long yod snyam pa'i le lo dang / /klong du ma gyur rtsal shugs chung ba yis/ /shes bzhin mi ldan dam tshig
100a4 'gal gyur te/ /dang po'i tha tshig bka' la btags pa'i tshe/ /bka' las ma gus 'gal bgyis dpyas long gtogs/ /bar du bslab pa'i gnyer
100a5 chen phog pa'i tshe/ /bslab la mi brtson don la g.yel ba dang / /tha ma 'di tshe 'bras bu sgrub pa na/ /bka' dang gzhung bzhin ma lcogs don las 'gal/ /
100a6 tshor dang mtshor sgrib pa che chung rnams/ /shin tu mi shes ma rig dbang gis na/ /ston pa'i bka' dang dam las 'gal bgyis pa/ /dpa' bo thugs rjes
100a7 bdag la bzod par gsol/ /'khor ba thog ma med pa'i dus mtha' nas/ /las kyi dbang gis bdag cag ring du 'khyams/ /nyon mongs log par lta ba'i
100b1 dug 'thungs te/ /sdug bsngal nad kyis shin tu gdungs pa la/ /bde gshegs thugs rje sman pa'i rgyal po yis/ /dam tshig bdud rtsi thar pa'i sman stsal bas/ /
100b2 nyon mongs 'khrul pa'i nad rnams zhi mdzad cing / /bla med byang chub snying por 'tsho mdzad pa/ /byams mgon thugs rjes bdag la skyabs su mchi/ /zhes
100b3 dus nas a la la ho zhes brjod de gnyen po drag por bsten nas lus gdan khrir phul te byang chub sems kyis rnam par 'dud pa'i don la rnam par sbyangs
100b4 pas lus gcer bu zang mar phyung / gnong ba drag po'i 'gyod pa byas bas bde bar gshegs pa rnams mnyes par gyur to/ /des sgrib pa byang zhing bsod
100b5 nams kyi tshogs rdzogs par rtags lus gos dang phral nas ldan pa'i thod pa yang zla ba tshes brgyad par gyur te/ sa thob pa'i rtags su de bzhin gshegs
100b6 pa'i zhabs rten du gnas par gyur to/ /de nas sems dpa'i rdo rje dgyes te bka' stsal pa/ mi'i thod pa can rnams/ 'gyod pa'i las kyis bshags pa
100b7 legs te/ nyon mongs pa'i sgrib pa rnam par dag par gyur to/ /da ni/ shes bya'i sgrib pa dag cing ye shes kyi tshogs rdzogs par bya ba'i phyir nyan pa'i dbang
101a1 pos sangs rgyas kyis gsungs la gsang sngags kyi sgra rnams nyon cig /des ni/ sa nas sar 'phar zhing 'bras bu yongs su rdzogs par
101a2 'gyur ro/ /de skad ces gsungs pas 'khor bsam pa nges par gyur to/ /rgyud kyi rgyal po chen po rdo rje bkod pa kun 'dus rig pa'i mdo las/ skong ba las kyi sgrub lugs
101a3 kyi le'u ste brgyad pa'o// //de nas bcom ldan 'das gsang ba mchog nyid ting nge 'dzin rgyas shing rnam par 'phrul ba zhes bya ba'i ting nge 'dzin la snyoms
101a4 par zhugs so/ /sems dpa' rdo rje'i snying po yang ting nge 'dzin rnam par 'phrul pa zhes bya ba la snyoms par zhugs so/ /'dus pa'i 'khor rnams kyang sna tshogs 'phrul pa
101a5 zhes bya ba'i ting nge 'dzin la snyoms par zhugs so/ /de nas 'dus pa phal mo che'i 'khor gyis chos thams cad ci yang med par mthong ngo / /chos thams cad ci yang med
101a6 par gsal bar gyur pa dang / chos nyid stong pa'i nam mkha' las brag ca'i tshul du sgra 'di byung ngo / /mi gnas mi rtog bsam dang bral/ /ma chags chags
101a7 bral yul las 'das/ /ci yang mi 'byung cir ma yin/ /rang byung rang zhi brjod dang bral/ /zhes sgra byung bas ston pa ni/ don gyi che ba phyung / 'khor rnams
101b1 ni| rtsal sbyangs/ thams cad don la dam zhing chos nyid kyi nam mkha' mthong ngo / /de nas bcom ldan 'das gsang ba mchog gi bdag po nyid snying rje rgyun gyi
101b2 ting nge 'dzin zhes bya ba la snyoms par zhugs so/ /de nas chos nyid kyi nam mkha' la snying rje byang chub sems kyi gzugs brnyan nyi ma'i dkyil 'khor zhig shar
101b3 bar gyur to/ /de nas 'dus pa phal mo che'i 'khor rnams yang dag par rtog pa 'di ltar skyes te/ e ma chos thams cad kyi rang bzhin 'di ltar yin pa las
101b4 'di ltar ma shes pa'i 'gro ba rnams 'khor ba'i rgya mtshor bying pa 'di yang snying rje zhes snying rje byang chub kyi sems skyes par gyur to/ /de nas nyi ma'i snying po'i
101b5 'od zer las cho 'phrul gyi sgra phyung ngo / /yongs la khyab pa'i nyi ma'i 'od/ /snying rje byang chub sems yin te/ /rnam rtog mun pa sel bar snang / /yid bzhin
101b6 rin chen 'bar ba'o/ /zhes sgra byung ba las chos thams cad byang chub sems kyi 'od zer du gsal bar gyur to/ /de nas yang bcom ldan 'das gsang ba'i
101b7 mchog gi bdag po de nyid cho 'phrul 'byung ba'i rgyu zhes bya ba'i ting nge 'dzin la snyoms par zhugs so/ /de nas 'dus pa phal mo che'i 'khor rnams kyis nyi
102a1 ma'i snying po las chos thams cad kyi rgyud yi ge a dkar po shar bar mthong ngo / /de nas a las cho 'phrul gyi sgra byung ngo / /
102a2 a ni chags med yi ge'i mdzod/ /cho 'phrul rtog pa kun gyi rgyu/ /nyon mongs skyon bral zla ba'i mdog /cho 'phrul sna tshogs 'byung ba'i rgyu/ /zhes sgra byung
102a3 bas 'dus pa'i tshogs rnams kyis chos thams cad cho 'phrul gyi rang bzhin du gnas par mthong ngo / /de nas bcom ldan 'das gsang ba mchog gi
102a4 bdag po de ci yang mi mdzad pa cho 'phrul sna tshogs kyi rang bzhin du snang bar gyur to/ /de nas yum chen mo nam mkha'i dbyings phyug ma zhes bya ba de chos
102a5 thams cad nam mkha' b+ha gar byin gyis rlob pa zhes bya ba'i ting nge 'dzin la snyoms par zhugs so/ /zhugs par gyur pa dang / 'dus pa phal mo
102a6 che'i 'khor gyis chos thams cad nam mkha' khyab pa'i rang bzhin du mthong ngo / /de nas yum gyi b+ha ga'i snying po las 'od zer mthing ga 'phros nas nyi
102a7 ma'i snying po'i a la bskul bas yi ge e mthing ga 'phros te lding zhing gnas pa las cho 'phrul gyi rang sgra 'di byung ngo / /a ni e yi rang bzhin te/ /a
102b1 las e byung mkha' khyab bdal/ /mi 'gyur thogs med bsam las 'das/ /mtha' dang dbus med kun tu bdal/ /zhes sgra byung bas thams cad nam mkha'i
102b2 rang bzhin du phyam chad par gyur to/ /de nas yang yum chen mo las kyi dbyings phyug mas yang zhing g.yo ba rlung gi dkyil 'khor zhes bya ba la snyoms par zhugs
102b3 so| |des 'dus pa phal mo che'i 'khor gyis chos thams cad rlung gi rang bzhin du gnas par mthong ngo / /de nas rlung de las cho 'phrul gyi sgra byung ngo / /a yi
102b4 byin brlabs ye shes las/ /rlung gi cho 'phrul yaM du shar/ /thams cad 'degs pa'i stobs ldan zhing / /rang bzhin g.yo zhing thogs med 'phyo/ /zhes sgra
102b5 byung bas rlung gi dkyil 'khor du 'khyil bar gyur to/ /de nas yum chos kyi dbyings phyug ma zhes bya ba nges 'bar 'phro me'i ting nge 'dzin la snyoms
102b6 par zhugs so/ /'dus pa phal mo che'i 'khor gyis chos thams cad me'i rang bzhin du gnas par mthong ngo / /de nas me'i 'od zer las cho 'phrul gyi sgra
102b7 byung ba| a yi byin brlabs ye shes las/ /cho 'phrul me yi snying por shar/ /'bar bas gsal byed ye shes 'phro/ /dngos po kun zang me klong 'tshub/ /
103a1 ces sgra byung bas me'i bskal pa 'byams klas so/ /de nas yum rin chen dbyings phyug ma zhes bya ba des sdud pa rgya mtsho'i ting nge 'dzin la snyoms par zhugs so/ /des 'dus
103a2 pa phal mo che'i 'khor gyi chos thams cad chu'i rang bzhin du gnas par mthong ngo / /de nas rlabs kyi 'od zer las cho 'phrul gyi sgra 'di byung ngo / /rgyu yi yi ge 'od zer las/ /chu yi snying po'i cho
103a3 'phrul shar/ /nam mkha'i mtha' dang mnyam pa'o/ /rlung mtsho thams cad rgyas par 'gyur/ /zhes sgra byung bas thams cad yum rin chen dbyings phyug ma'i rang bzhin gyis khyab par gnas so/ /
103a4 de nas yum chen mo rdo rje dbyings phyug ma zhes bya bas zhing khams thams cad byin gyis rlob pa zhes bya ba'i ting nge 'dzin la snyoms par zhugs so/ /de nas 'dus pa phal mo che'i 'khor gyis chos
103a5 thams cad sa rnams yongs su rdzogs pa'i rang bzhin du mthong ngo / /de nas sa rdo rje 'bar ba zhes bya ba las cho 'phrul gyi sgra byung ba/ mi dmigs pa la sna tshogs par/ /snang ba'i cho 'phrul
103a6 'di byung ba/ /rnal 'byor sa bcu rdzogs pa'i don/ /lhun gyis grub pas bde ba che/ /zhes sgra byung bas sa dgu 'dul ba'i bye brag tu thugs su chud par gyur to/ /de nas sems dpa'i rdo rje snying po de
103a7 ri bo brtsegs pa zhes bya ba'i ting nge 'dzin la snyoms par zhugs so/ /des 'dus pa phal mo che'i 'khor gyis chos thams cad rdo rje 'bar ba'i ri bor mthong ngo / /de nas de'i 'od las cho 'phrul gyi sgra
103b1 'di byung ngo / /rnam dag shes rab mkha' klong nas/ /rdo rje 'bar ba'i ri bo shar/ /rgya che gting zab nam 'phang gcod/ /rtog pa'i ri bo 'joms par byed/ /ces sgra byung bas
103b2 rdo rje 'bar ba'i ri bos nyon mongs pa'i ri bo thams cad zil gyis mnan no/ /de nas dbyings phyug ma chen mo lnga shes rab zab mo'i gzhal yas yum gyi mkha' klong rnam dag ces bya
103b3 pa'i ting nge 'dzin la snyoms par zhugs so/ /b+ha ga'i snying po las cho 'phrul gyi sgra 'di byung ngo / /b+ha ga gsang ba'i 'od zer las/ /bde gshegs bzhugs pa'i gzhal yas khang / /nam
103b4 mkha'i mtha' ltar dpag tu med/ /dus gsum rgyal ba'i rgya mtsho'i dbyings/ /zhes sgra byung ngo / /byung bas nam mkha' thams cad pho brang gi gzhal yas 'byams klas par
103b5 gyur to/ /de nas bcom ldan 'das gsang ba mchog de nyid chos thams cad sku la yongs su rdzogs pa zhes bya ba'i ting nge 'dzin nam/ phyag rgya thams cad rnam par spro
103b6 ba zhes bya ba'i ting nge 'dzin la snyoms par zhugs so/ /de nas 'dus pa phal mo che'i 'khor rnams kyis 'khor ba dang / mya ngan las 'das pa'i chos thams cad bcom ldan
103b7 'das gsang ba mchog gi bdag po'i zhabs kyi gdan khri yan chad nas dbu'i gtsug tor man chad du rdzogs par mthong ngo / /de nas yang 'khor ba 'dod pa khams ni chags pa khrag gi rgya
104a1 mtshor rdzogs/ 'khor ba gzugs kyi khams ni/ zhing chen gyi sa gzhi bdal ba la rdzogs par mthong ngo / /keng rus la
104a2 gzugs med pa'i khams rdzogs par mthong ngo / /ri rab kyi kha mu tig gi gcal dang / asma gar+b+ha 'bar ba'i 'od 'khrigs pa'i nor bu rin po che 'bar ba'i
104a3 brag gtams pa la nyan thos dang / rang sangs rgyas dang / byang chub sems dpa' rnams rdzogs par mthong ngo / /nor bu rin po che'i steng du rdo rje rtse
104a4 gsum dang rtse lnga'i brag gtams pa la kri ya dang / u pa ya dang / yo ga rnams rdzogs par mthong ngo / /rdo rje brag chen gyi steng na pad+ma dkar po'i
104a5 maN+Dal la bskyed pa'i rnal 'byor pa thams cad rdzogs par mthong ngo / /pad+ma'i steng na nyi ma nyi shu rtsa bzhi dang / zla ba nyi shu rtsa bzhi kha sbyor du bkod pa la
104a6 dbang phyug pho nyi shu rtsa bzhi dang / mo nyi shu rtsa bzhi rdzogs par mthong ngo / /dbang phyug pho mo'i steng byol song gi gtso bo brgyad ni/ rig 'dzin chen po'i
104a7 rnal 'byor nyon mongs pa sbyangs nas shes bya'i sgrib pa sbyang ba'i phyir dpa' brtun stag dang / 'jigs byed seng+ge dang / gdug pa'i gzig dang / gtum
104b1 po'i dom dang / stobs kyi glang po dang / brjid pa'i ma he dang / 'dzin pa'i chu srin dang / zhe sdang gi sbrul rnams la rig 'dzin thams cad sa le yongs su rdzogs
104b2 par mthong ngo / /gzhal yas chen po 'bar ba la yum kun tu bzang mo rdzogs par mthong ngo / /me dpung chen po dgu la ye shes kyi sgo dgu brtsegs su yongs su
104b3 'bar bar mthong ngo / /zhabs brgyad la gsang ba'i yum bzhi dang / sgo ma bzhi rdzogs par mthong ngo / /dur khrod kyi rgyan chen po bco brgyad ni/ ma mo chen mo bco brgyad
104b4 yongs su rdzogs par gsal lo/ /phyag mtshan bzhi bcu rtsa gnyis ni/ phra men ma bcu dbyug pa 'phyar ba'i lag na khyung bcu 'bar ba'i kha nas mtshon cha sna tshogs 'phro
104b5 ba| mkha' 'gro brgyad dbyug pa 'phyar ba'i lag na seng+ge kha glal ba brgyad kyi kha nas ral gri 'bar ba brgyad 'phro ba/ shugs 'gro brgyad dbyug pa 'khyer ba'i lag
104b6 na stag mche ba brtsegs pa brgyad kyi kha nas rdo rje sna tshogs 'phro ba/ ma mo brgyad dbyug pa 'phyar ba'i lag na mi mgo brgyad rdo rje lu gu rgyud kyis btags nas klad
104b7 la bskor ba/ 'bar ma brgyad dbyug pa 'phyar ba'i lag na me dpung 'bar ba brgyad las thu lum 'phro ba ste/ bzhi bcu rtsa gnyis su gsal lo/ /phyag bzhi
105a1 bcu rtsa gnyis ni/ khrag 'thung 'bar ba bzhi/ ging pho dgu/ mo dgu/ za byed pho bcu/ gsod byed ma bcu ste bzhi bcu rtsa gnyis su
105a2 gsal lo/ /zhal nyi shu rtsa gcig ni/ srid pa za byed gsang ba'i dur khrod nyi shu rtsa gcig tu gsal lo/ /spyan 'bar ba drug cu rtsa bzhi ni/ he ru ka yab yum
105a3 drug cu rtsa bzhir gsal lo/ /dbu nyi shu rtsa gcig ni/ dus gsum gyi sangs rgyas nyi shu rtsa gcig tu gsal lo/ /g.yas kyi dbu bdun gyi spyi gtsug nas sangs
105a4 rgyas kyi sku re re byung ba'i dbu la 'khor 'od zer dang bcas pa re re 'bar ba/ dbus kyi dbu bdun las dbu rgyan sangs rgyas kyi dbu re re byung ba'i sku la rin po
105a5 che'i mchod rten 'bar ba bdun du gsal ba/ g.yon gyi dbu bdun las dbu rgyan sangs rgyas kyi sku re re byung ba'i dbu la nor bu rin po che bdun du
105a6 gsal ba 'khor lo dang /mchod rten dang / rin po che de dag gi lte ba dang / bum pa dang / rtse mo las rgyal mtshan chen po bcu 'bar ba ni/ rgya bye'u lcags
105a7 kyi rgyal mtshan dang / gdul bya sha ba'i rgyal mtshan dang / gcan gzan gzig gi rgyal mtshan dang / sprul pa rdo rje'i rgyal mtshan dang / rin chen
105b1 sbrul nag rgyal mtshan dang / dpa' bo stag gi rgyal mtshan dang / gzi mdangs mi'i rgyal mtshan dang / dmar gsal khrag gi rgyal mtshan dang
105b2 rtsal chen seng+ge'i rgyal mtshan dang / gtum chen dom gyi rgyal mtshan dang / rgyal mtshan de rnams kyi rtse mo gcig tu 'dus te gser gyi gtsug to re
105b3 tog stong 'bar ba'o/ /de nas 'dus pa phal mo che'i 'khor gyis zhabs kyi gdan khri yan chad nas dbu'i gtsug tor man chad du yongs su rdzogs par
105b4 mthong ngo / dbu las byung ba'i sangs rgyas nyi shu rtsa gcig dang / rgyal mtshan chen po bcu la rdzogs pa'i rnal 'byor yongs su rdzogs par mthong ngo / /
105b5 dbu'i gtsug tor rgyal mtshan gyi rtse mo la gser gyi tog stong ni/ rdzogs pa chen po'i rnal 'byor nyid du gsal bar mthong ngo / /de ltar mthong zhing gsal
105b6 bar gyur pa dang / chos thams cad sku la yongs su rdzogs pa'i don la 'khor thams cad ngam zhing ngo mtshar skyes par gyur to/ /rnal 'byor chen po rnams kyi
105b7 sku la yongs su bstod pa/ e ma'o chos kun sku la yongs su rdzogs pas chos kyi sku/ /rdo rje che mchog phyag 'tshal he ru ka/ chos nyid mkha' la skar
106a1 tshogs rgyas pa'i sku/ /dbyar gyi char sprin gtibs pa lta bu'i gzugs/ /chu rlabs lta bur brjod pa'i zhal gdangs
106a2 shing / /nyi ma 'bum gyi 'od zer bdal ba bzhin/ /theg chen dgu dang 'khor ba'i chos rnams kun/ /phyag rgya gcig tu bkod nas rdzogs pa'i sku/ /sku
106a3 gsum lhun grub chos sku tog stong 'bar/ /dbu skra kham nag ral pa'i cod pan can/ /klu rgyal 'bum gyis klubs shing mchod kun 'bul/ /rdo rje
106a4 gsung gi ljags sgra brdabs pas kyang / /hUM dang phaT gyi sgra skad 'jigs par sgrog /theg chen don dam gsang sngags sgrog pa'i tshig /'bar ba'i smin ma
106a5 mun rum glog ltar 'gyu/ /spyan dmar zlog pa'i sdang mig nyi ltar 'bar/ /'bar ba'i shangs nas bskal pa'i tshub nag 'khyil/ /rdo rje thog dang gnam
106a6 lcags ser chen 'bebs/ /rno dbal ma che ba zang yag gtsigs pa yis/ /nyon mongs log lta'i tshogs la ngam zhing 'khrug/ /thod rus sha khrag rkang
106a7 rus 'bu dang rnag /za byed rngam pa'i zhal du chem chem gsol/ /sbrul gdug ko rlon la sogs 'jigs pa'i rgyan/ /rngam pa'i sku la shin tu brjid par
106b1 brgyan| |za byed rngam dang 'jigs byed mang po'i tshogs/ /'bar ba'i phyag mtshan sprul pa'i pho nya mdzad/ /'khor ba kun dang thar pa'i chos rnams kun/ /dpa'
106b2 bo chen po'i gdan du brjid cing rol/ /'gran gyi zla med che btsan gcig pu nyid/ /gsang mchog 'bar ba'i sku la phyag 'tshal bstod/ /de skad ces bstod pas
106b3 chos thams cad sku la yongs su rdzogs shing sangs ma rgyas pa med par gyur to/ /de nas yang bcom ldan 'das gsang ba mchog gi bdag po de nyid phyag rgya
106b4 thams cad phyag rgya bkod pa'i pho brang du gyur to/ /spro ba rgyun gyi ting nge 'dzin zhes bya'o/ /de nas bcom ldan 'das gsang ba'i mchog bdag po chos nyid rgyun
106b5 gyi ting nge 'dzin zhes bya ba'i ting nge 'dzin la snyoms par zhugs so/ /chos kyi rgyun gyi ting nge 'dzin 'di gsungs so/ /nam mkha' don gyi glegs bam la/ /
106b6 skar tshogs rig pa'i yig bris te/ /'byung chen bzhi yi sgra bsgrags pas/ /gsang sngags chos kyi rgyun mi 'chad/ /chos kyi rgyun gyi ting nge 'dzin zhes bya ba
106b7 yongs su rdzogs so/ /de nas yang bcom ldan 'das gsang ba mchog gi bdag po des bdud rtsi rgyun gyi ting nge 'dzin la snyoms par zhugs te 'di skad ces
107a1 gsungs so/ /stong gsum ban+d+ha'i bzang khong du/ /srid gsum sems can dug chen las/ /dus gsum sangs rgyas rtsi sbyar bas//
107a2 bdud rtsi dkyil 'khor lhun gyis rdzogs/ /zhes gsungs so/ /de nas yang bcom ldan 'das sems dpa'i rdo rje snying po de mchod pa rgyun gyi ting nge 'dzin la
107a3 snyoms par zhugs te 'di skad ces gsungs so/ 'khor ba rgya mtsho'i yo byad rnams/ /mchod pa rgya mtsho'i rgyan yin te/ /srid pa rgya mtsho mtha' yas
107a4 kun| |kun bzang mchod sprin mchog tu rol/ /zhes gsungs so/ /de nas yang sems dpa'i rdo rje snying po de bzlas brjod rgyun gyi ting 'dzin la snyoms par
107a5 zhugs te 'di skad ces gsungs so/ /'khor ba chos kyi dbyings nyid las/ /sems can sangs rgyas snying po shar/ /sgra skad bsam gyis mi khyab pa/ /
107a6 thams cad bzlas brjod sngags kyi tshig /ces gsungs so/ /de nas yang sems dpa'i rdo rje snying po des sbyor ba rgyun gyi ting nge 'dzin la snyoms par
107a7 zhugs te 'di skad ces gsungs so/ /'khor ba shes rab yum nyid la/ /snying rje thabs kyi rgyal po yis/ /'du 'bral med par sbyar bas ni/ /thams cad
107b1 rgyal ba'i sras su bskyed/ /ces gsungs so/ /de nas yang sems dpa'i rdo rje snying po de sgrol ma rgyun gyi ting nge 'dzin zhes bya ba la snyoms par zhugs te 'di skad ces
107b2 gsungs so/ /'khor ba bsgral ba'i zhing 'di dag /ye shes 'bar ba'i mtshon chen gyis/ /rang bzhin med par bsgral nas ni/ /mnyam nyid chos sku chen por ston/ /zhes
107b3 gsungs so/ /de nas yang sems dpa'i rdo rje snying po de sku gsung rgyun gyi ting nge 'dzin zhes bya ba la snyoms par zhugs te 'di skad ces gsungs so/ /'dod khams
107b4 rmang gi ri rab la/ /gzugs khams bang rim khri 'phang brtan/ /gzugs med bum rten bum par bcas/ /gdung chen chos skur rgyun du gnas/ /zhes gsungs
107b5 so| |de nas yang sems dpa'i rdo rje des 'di skad ces gsungs so/ /nam mkha' me chu sa rlung rnams/ /rmang gzhi ri rab rten du snang / /bang rim ri bdun bcas pa
107b6 rnams/ /de nyid bang rim khri 'phang brtan/ /ri bo bum rten bum par bcas/ /'di yang chos sku rgyun mi chad/ /sems dpa'i rdo rje des yang 'di skad ces gsungs so/ /
107b7 'dzugs pa'i yan lag bzhi rmang rten/ /'khor lo tshogs chen khri 'phang brtan/ /yan lag dang po bum rten bcas/ /lcang lo cod pan phreng bas klubs/ /zhes gsungs
108a1 so| |de nas sems dpa'i rdo rje snying po des shi ba yongs su slong ba zhes bya ba'i ting nge 'dzin la snyoms par zhugs so/ /ro yi sgrub
108a2 lugs chen po ni/ /dur khrod chen po'i gnas rnams su/ /ro yi rdzas rnams btsal nas kyang / /'dod pa sgyur ba'i sngags kyis gdab/ /ro yi steng du gnas nas ni/ /ro yi gnyen
108a3 bor bdag bsams nas/ /ro sngags rgyun mi 'chad par bzlas/ /ro la bkrag dang mdangs byung na/ /grub par 'gyur ba'i rtags yin te/ /rgyun mi 'chad par ting 'dzin
108a4 bya| |ro ni 'gul bar gyur pa dang / /gser 'gyur rtsis ni byug par bya/ /ro yi yan lag kun bcings nas/ /sngags ni dag par bzla bar bya/ /ro nyid langs
108a5 par gyur pa dang / /ro yi cho 'phrul ston par byed/ /brtul zhugs ldan pa'i skyes bu yis/ /de tshe ro yi lce bcad nas/ /ro la brdabs na gser du 'gyur/ /
108a6 de bzhin ji ltar 'dod pa yi/ /rkyen gyis bsgyur na de ltar 'gyur/ /lce bcad ras gri mtshon cha des/ /ro yi ban+d+ha bcad pa dang / /ji ltar 'dod pa'i rdzas 'grub
108a7 ste| |ban+d+ha go ru bzung nas ni/ /lce yi ral gri thogs nas ni/ /lha min g.yul yang bzlog par 'gyur/ /ro langs grub pa'i rkang mgyogs ni/ /dpag pa'i tshad
108b1 las 'das pa ste/ /skyes bu rtsal dang ldan pa bzhis/ /phyogs bzhi dag tu kha bltas nas/ /dus gcig mda' yi rgyang 'phangs nas/ /mda' ni sa la ma babs par/ /
108b2 bzhi ka bar snang las blangs nas/ /skad cig tsam gyis 'jig rten bskor/ /skyes bu lag tshod ma yal bar/ /de ma thag tu gnas su slebs/ /ro las 'dod pa
108b3 kun 'byung zhes/ /dus gsum rgyal ba rnams kyis bshad/ /ces gsungs so/ /ro langs sgrub pa'i ting nge 'dzin to/ /de nas yang sems dpa'i rdo rje snying po
108b4 de rdo rje nam mkha'i them skas zhes bya ba'i ting nge 'dzin la snyoms par zhugs nas 'di skad ces gsungs so/ /nam mkha' rdo rjer bsgoms nas kyang / /ting 'dzin red
108b5 bar gyur pa na/ /phan phun gya gyu'i thabs tshul du/ /rdo rje skas la bgrod nas ni/ /nam mkha'i dbyings su song nas kyang / /snang srid 'jig rten khams la blta/ /
108b6 des ni sems yul yangs par 'gyur/ /zhes gsungs so/ /de nas yang sems dpa'i rdo rje snying po de rgya mtsho chen po gnon pa zhes bya ba'i ting nge 'dzin la snyoms
108b7 par zhugs te 'di skad ces gsungs so/ /rgya mtsho rdo rjes gtams par ni/ /ting 'dzin gsal bar gyur pa dang / /rgya mtsho chen por bgrod na ni/ /rgya mtshor gnas
109a1 pa'i sems can rnams/ /ting 'dzin rdo rjes bsgral bar bya/ /zhes gsungs so/ /de nas yang sems dpa'i rdo rje snying po de
109a2 thogs med rlung zla'i dkyil 'khor la snyoms par zhugs nas 'di skad ces gsungs so/ /nam mkha' dag gi ling+ga la/ /zla ba'i dkyil 'khor dbus
109a3 gnas par/ /bsgoms te ting 'dzin brtas pa dang / /zhing khams kun tu bgrod par bya/ /zhes gsungs so/ /de nas yang sems dpa'i rdo rje snying po des
109a4 nyi ma rab tu snang ba zhes bya ba'i ting nge 'dzin la snyoms par zhugs nas 'di skad ces gsungs so/ /nam mkha' dag gi ling+ga la/ /nyi ma'i dkyil 'khor
109a5 dbus gnas par/ /bsgoms te ting 'dzin brtas pa dang / /mun pa'i gnas rnams thams cad bsal/ /ces gsungs so/ /de nas yang sems dpa'i rdo rje
109a6 snying po des sreg pa'i bskal pa gzhil ba zhes bya ba'i ting nge 'dzin la snyoms par zhugs so/ /rnal 'byor sdigs mdzub rtse mo la/ /zla ba'i dkyil
109a7 'khor 'od gsal 'bar/ /bsgoms te ting 'dzin brtas pa dang / /chu rgyun babs te gzhil bar bya/ /zhes gsungs so/ /de nas yang sems dpa'i rdo rje snying
109b1 po des stong gi 'jig rten rgyang mar 'phen pa zhes bya ba'i ting nge 'dzin la snyoms par zhugs te 'di skad ces gsungs so/ /rnal 'byor las kyi dkyil 'khor
109b2 du| |stong gi 'jig rten 'khor yug bcas/ /shin tu gsal bar bsgoms pa dang / /ting 'dzin rtsal can rab sbyang phyir/ /nam mkha'i khams su 'phangs nas
109b3 ni| |sa nas sa ru spar bar bya/ /de skad ces gsungs so/ /de nas sems dpa'i rdo rje de nyi ma'i dkyil 'khor 'bum 'gyed pa zhes bya ba'i ting nge 'dzin la snyoms
109b4 par zhugs nas 'di skad ces gsungs so/ /rnal 'byor sdigs pa'i mdzub mo la/ /nyi ma'i dkyil 'khor 'bar ba las/ /'od zer 'bar ba 'bum 'phros pas/ /
109b5 'od zer de dag re re las/ /nyi ma'i dkyil 'khor 'bum 'phros pas/ /des ni mun pa thams cad sel/ /zhes gsungs so/ /de nas yang sems dpa'i rdo rje snying po de
109b6 'byung ba chen po bskal pa'i chu rgyun zhes bya ba'i ting nge 'dzin la snyoms par zhugs nas 'di skad ces gsungs so/ /rnal 'byor lag pa'i 'khor lo las/ /chu zla'i
109b7 snying po rab shar te/ /bdud rtsi chu bo'i rgyun babs pas/ /sreg pa'i bskal pa'i me chen gsod/ /ces gsungs so/ /de nas yang sems dpa'i rdo rje de sku'i phyag rgya 'bar
110a1 ba zhes bya ba'i ting nge 'dzin la snyoms par zhugs nas 'di skad ces gsungs so/ /rin chen 'bar ba'i ling+ga la/ /sangs rgyas
110a2 ye shes dpal gyi sku/ /rin chen 'bar ba'i ngos brgyad la/ /rig pa'i ma mo dpal 'bar ba/ /brgyad du gsal bar gyur pa dang / /ye shes rtsa ba'i dkyil
110a3 'khor rdzogs/ /zhes gsungs so/ /de nas yang sems dpa'i rdo rje snying po des gsung gi phyag rgya 'bar ba zhes bya ba'i ting nge 'dzin la snyoms par zhugs nas
110a4 'di skad ces gsungs so/ /pad+ma 'bar ba'i ling+ga la/ /rin chen 'bar ba'i yig 'bru brgyad/ /shin tu 'bar ba'i 'phro 'du ba/ /gsung gi rtsa ba'i phyag rgya yin//
110a5 zhes gsungs so/ /de nas yang sems dpa'i rdo rje de thugs kyi phyag rgya 'bar ba zhes bya ba'i ting nge 'dzin la snyoms par zhugs nas 'di skad ces gsungs so/ /rdo rje
110a6 'bar ba'i ling+ga la/ /yi ge hUM gi 'bru yis bskor/ /mtha' ma rin chen yig 'bru brgyad/ /kha dog mthing gas bskor ba ni/ /thugs kyi gsang ba'i ye shes yin//
110a7 zhes gsungs so/ /de nas sems dpa'i rdo rje des ting nge 'dzin gyi mdo 'di gsungs so/ /sems ni sgyu ma'i rang bzhin te/ /ji ltar brtags pa de ltar snang / /mdo
110b1 bzhin snang bar ma gyur kyang / /sems nyid brtags pa de ltar 'gyur/ /gdos bcas dmigs bus mi mthong yang / /mngon shes yid gzugs can gyis mthong //
110b2 gang ltar brtags par yun brtags na/ /rtog pa brtas pa'i 'bras bu ni/ /mngon sum gsal bar red par 'gyur/ /dge dang mi dge'i bag chags dang / /yod dang
110b3 med pa'i rang bzhin rnams/ /bag chags brtas pa kho nar zad/ /de bas ting 'dzin sems nyid gtso/ /zhes gsungs so/ /rgyud kyi rgyal po chan po rdo rje bkod pa kun
110b4 'dus rig pa'i mdo las/ rgyun gyi ting nge 'dzin gyi le'u ste dgu pa'o// //de nas sems dpa'i rdo rje snying po des gsang sbyor chen po sgrub pa 'di
110b5 gsungs so/ /'dus pa chen po'i rnal 'byor rnams/ /shin tu gsang ba'i sgrub pa 'di/ /bde gshegs rgyal ba'i gshegs shul te/ /'jig rten gang zag lam
110b6 yang yin/ /ma rtogs pa dang log par rtog /phyogs rtogs yang dag nyid ma rtogs/ /log pa'i lam bzhin mtha' bsal nas/ /bde gshegs rgyal ba'i
110b7 lam la 'jug /des na sgrub pa'i lam mchog 'di/ /'dus pa'i tshogs la bshad par bya/ /shin tu gus pas mnyan par gyis/ /de nas 'dus pa'i 'khor
111a1 rnams kyis gsang ba sbyor ba'i phyag byas nas 'di skad ces gsol to/ /bcom ldan 'das gsang ba'i dbang phyug chen po/
111a2 bdag cag rnams la gsang ba'i yang gsang ba/ bka' gsang ba chen po ye shes rmad du byung ba/ sangs rgyas gshegs pa'i shul yang dag pa'i don bdag
111a3 cag rnams la bshad du gsol zhes gsol ba btab pa las/ sems dpa'i rdo rje snying po de btsun mo'i tshogs la dgyes par 'jug pa zhes bya ba'i ting nge
111a4 'dzin la snyoms par zhugs nas 'di skad ces gsungs so/ /b+ha ga gsang ba'i pad+ma ni/ /bde gshegs rgyal ba'i pho brang ste/ /sngon 'das rgyal ba brnal ba'i
111a5 dbyings/ /da ltar bzhugs pa gnas pa'i rten/ /slad kyis byon pa gshegs pa'i shul/ /rgyal ba rnams la de ltar snang / /de ltar ma shes 'khor ba'i lam/ /
111a6 rnal 'byor can gyis shes par gyis/ /yul gyi mchog ni 'dir bzung ba/ /mtshan ldan bkra shis gsang ba'i yum/ /smin dkyus ring la lag sor phra/ /
111a7 tshigs mig zlum la phra bar bshad/ /kha nas ut+pal ngad ldang zhing / /yid 'od mtshan ldan rked skabs phyed/ /skra 'jam mthon mthing lcang lor 'khril//
111b1 so dkar tshags dam smin dkyus ring / /zar ma'i me tog rgyas 'dra'i spyan/ /dpral ba'i dbyes che skra mtshams 'khyug /sna bzang mdog gsal pad+ma'i rigs//
111b2 lus drang ske ring sems ma'i tshul/ /nu ma'i dkyil 'khor zla rgyas 'dra/ /sha dkar tshags dam 'khril bag can/ /khong dal 'gro na gom pa 'jam/ /skad ni
111b3 dang pa gzhon nu sgrog /ci yang mdzes pa'i stabs tshul ldan/ /skyes bu bla mas yum du gzung / /gzugs su byin gyis brlabs pa ni/ /bde gshegs yum lnga'i sku mdog
111b4 po la/ /bde bar gshegs pa'i sa bon lnga/ /'phro 'du gsal bar gyur pa de/ /rgyas btab byin rlabs dbang bskur nas/ /bde gshegs yum lnga'i sku mdog
111b5 gsal/ /rdo rje thabs la'ang de bzhin te/ /de ltar gsal bar gyur pa dang / /yum gyi mkha' la me ri bsgom/ /gsang ba dbus kyi zla gam la/ /byang chub
111b6 sems kyi spro bsdu bya/ /gzugs brnyan ji ltar gsal ba bzhin/ /chags pa'i mkha' la de bzhin no/ /ma skyes pa dang ma 'gags pa/ /rig pa rang snang
111b7 mnyam pa 'o/ /mkha' dbyings rnam dag bde chen klong / /mi gnas bde ba chen po'i lung / /rig pa thabs kyi rang bzhin las/ /byin rlabs rang dbang dang
112a1 gis gsal/ /bzhin mdog mang po sog ka la/ /dpral bA dbyes che smin dkyus ring / /mig gi mdangs gsal dkyus
112a2 su ring / /dung chen thags dam shel mdog chags/ /bzhin gyi gzangs ring kos ko phra/ /lus la zhim pa'i dri ldang zhing / /kha nas ga pur ngad ldang ba/ /nu
112a3 ma'i dkyil mtho nu mar 'khyil/ /pad+ma can zhes bya bar grags/ /dung can ma zhes bstan ba ni/ /dkar mo zla ba'i mdangs su gsal/ /bzhin lus dung
112a4 ltar g.yas su g.yo/ /gtsug phud mthon mthing g.yas su 'khyil/ /skad che gdangs snyan tshig tu gsal/ /bod chung lus ni mdzes par snang / /bu mo mig
112a5 ring zhes bya ba/ /shes rab gsal zhing 'dod pa che/ /gtso bo des pa'i brtul zhugs can/ /zla gsang dkar dmar rlung kar lci/ /rnam par brdig cing 'khyil
112a6 pas ni| |kun gyis dod ni yod mi lon/ /gsang ba sbas pa'i thabs la mkhas/ /phyi nang rlang kar gser ltar lci/ /rtog pa med cing don la gzhol/ /bzhin ni gru
112a7 bzhi'i dbyibs ldan la/ /mig ri 'phra bshad 'khyil bag chags/ /dkar dmar mdzes pa'i rgyan gyis brgyan/ /ljon pa dag gi rigs smos pa/ /sdong po yal
112b1 ga mang po'i dkyil/ /shin tu 'dab rgyas yal gar legs/ /mthon mthing sgra yi rang bzhin no/ /byang chub sems 'drar lcang lor bshad/ /stod smad kun tu phra
112b2 la legs/ /srid du ring zhing ldem bag can/ /lcug phran zhes bya'i mtshan ma ni/ /bcu gnyis nyi shu rtsa lnga pa/ /rdo rje'i mtshon gyis ma phog cing / /mu la rak+tar
112b3 ldan pa la/ /phra zhing bshad la gzangs su ring / /ban glang sor mo gru bzhi la/ /kham la mig 'bur smin tshogs che/ /skra kham ma la so che zhing / /sna ring 'gram
112b4 snyongs ring ba yin/ /ri mo can gyi bud med ni/ /nag mo grwa gsum rtsing mgo ma/ /khro gnyer can la gel bag chags/ /sdong gcig yan lag gtan med pa 'o/ /
112b5 skye ba'i rgyu med bkra mi shis/ /mi reg yal ga mes tshig yin/ /spyir ni de ltar bstan mod kyang / /gang dag dad ldan brtul zhugs can/ /yid du 'ong dang mi 'ong
112b6 rnams| |dad pa chags shing lus 'bul na/ /thugs rje'i yul bas kun snyoms bya/ /rnam rtog spong len gang byed pa/ /de dag sgrib pa mu mtha' yas/ /rmad du
112b7 gsang ba'i mchod pa la/ /gsang ba'i phyag tshang gang byed pa/ /las kyi sgrib pa kun bsal te/ /man ngag gsang ba'i dmigs bu 'thob/ /de ltar brtags pa'i
113a1 yum de la/ /dri spos tsan+dan la sogs pa/ /a ga ru dang sbyar ba'i chu/ /khrus kyi cho gas dag par bya/ /dri zhim la sogs sna tshogs
113a2 kyis| |lus la byug pa sna tshogs bya/ /de nas nang gi khrus chen yang / /shin tu dag par bya ba ni/ /rdzas kyi chu dang rdzas sbyar bas/ /nang gi rdzas rnams dag par
113a3 bya| |bur shing snying po la sogs pa/ /ro yi mchog tu gyur pa kun/ /rtsi 'am bcud dang sbyar nas kyang / /nang gi rdzas rnams sbyar bar bya/ /rdzas kyi cho ga rdzogs pa
113a4 dang / /byang chub mchog tu sems bskyed de/ /mi dmigs chos la blo sbyang phyir/ /rtsa ba byang chub sems kyi don/ /rgya cher shin tu bshad par bya/ /phung po sgyu mar
113a5 snang bas na/ /sems la rang bzhin med par nges/ /snang srid nam mkhar gcig pas na/ /'khor ba sgyu ma yin par nges/ /kun gzhi chos kyi mdzod yin pas/ /
113a6 sangs rgyas gzhan na med par nges/ /byams la dang ma chags pas na/ /sdang la sems mi 'khrug par nges/ /gnas la nges pa med pas na/ /sa rnams bgrod
113a7 pa med par nges/ /sems la skye shi med pas na/ /'pho 'gyur dag la nyam mi nga / /des na thams cad sgyu mar snang / /sgyu ma rang bzhin med shes pas/ /thams
113b1 cad chos nyid snying po yin/ /mtshan ma rtog pa'i dri ma dag /chos nyid chu bo des bkrus na/ /'dzin pa'i dri ma dag par 'gyur/ /de nas rgyan gyi cho ga ni/ /rdzas kyi yo
113b2 byad yin pas na/ /rlob cing 'phur pa'i chos gos dang / /rin chen prog dang rna char bcas/ /'jo sgeg mgul rgyan la sogs pa/ /dpung rgyan do shal se mo do/ /
113b3 nor bu rin chen la sogs brgyan/ /rkad gdub lag gdub la sogs pa/ /gser dang dngul la sogs pas brgyan/ /rol mo sgra dbyangs sna tshogs pa'i/ /mchod
113b4 rdzas sna tshogs thogs par bya/ /de nas 'dren pa'i cho ga ni/ /gsang ba'i tshig gis bsre ba na/ /rdo rje lce yi dam tshig gis/ /tshig gi brdas ni mtshon par bya/ /sa
113b5 ma ya ho zhes brjod na/ /sa ma ya stoM zhes kyang bsre/ /ra ga ya mi zhes brjod na/ /ra ho haM zhes brjod par bya/ /ti pa su ki zhes brjod na/ /gan de tsi ta zhes pas
113b6 mtshon| |a ti pu ho zhes brjod na/ /pra ti pu ho zhes pas mtshon/ /g.yas kyi smin ma bskyod byas na/ /g.yon gyi smin mas mtshon par bya/ /na sa g.yas kyis
113b7 mtshon byas na/ /de bzhin na sa g.yon gyis mtshon/ /gtsug tor gtsug tu mtshon byas na/ /de bzhin dpal be'u ling+gar mtshon/ /rdo rje ling+ga 'od 'phro na/ /pad+ma ze
114a1 'bru 'bar 'phro 'khyil/ /zhes pa'i tshig gi don rnams bsre/ /skul ba'i cho ga khyad par yang / /don gyis 'di ltar bskul
114a2 bar rigs/ /shes rab nyi ma'i 'od zer gyis/ /thabs mchog zla ba'i 'od la bskul/ /skul ba'i cho ga rdzogs pa dang / /mchod pa'i yo byad dbul
114a3 bar bya| |de nas sangs rgyas thams cad zla ba'i dkyil 'khor gyi ngang du gsal bar gyur to/ /shes rab nyi ma'i dkyil 'khor gyi nang du gsal bar gyur
114a4 to| |de nas nyi ma'i 'od zer gyis 'di skad ces bskul to/ /mi g.yo mchog gi rgyal po dgongs su gsol/ /rnam par mi rtog shin tu dri med sku/ /'od zer mdangs
114a5 ldan zla ba rgyas 'dra'i zhal/ /dgyes pa rol pa'i don la bzhengs su gsol/ /de skad ces bskul ba dang / zla ba'i 'od zer las 'di skad ces bskul lo/ /
114a6 yid 'ong 'byor ldan rgyal ba rgya mtsho'i dbyings/ /shes rab zab mo'i rnam dag pad+ma'i mdangs/ /sgyu 'phrul rabs la mkhas pa'i spyod mchog ma/ /yid 'ong
114a7 'byor ldan cho 'phrul sna tshogs bstan/ /zhes gsungs so/ /de nas yo byad kyi tshogs thams cad shin tu 'bul ba zhes bya ba'i cho 'phrul byung ste nyi ma'i 'od zer las sgra byung ba/
114b1 pad+ma'i ze 'bru 'bar ba 'di/ /'dzum pa'i mdangs kyis 'bul lags na/ /dgyes pa'i rdo rje cho 'phrul las/ /byang chub char sprin dbab tu gsol/ /zla ba'i 'od
114b2 zer las cho 'phrul gyi sgra phyung ba/ e ma yid kyi dga' bde mo/ /gdung ba'i snying phreng shes rab gzungs/ /pad+ma'i ga 'u 'khyil ba la/ /bde ba'i rdo rje byang chub 'bar//
114b3 zhes sgra byung bas/ phyag rgya sna tshogs kyi cho 'phrul 'byung ba'i rgyur gyur to/ /de nas sems dpa'i rdo rje dam pa des 'khor ba thams cad thugs rjes yongs su bzung ba
114b4 zhes bya ba'i ting nge 'dzin la snyoms par zhugs nas thabs mchog zla ba zhes bya ba las cho 'phrul gyi sgra 'di byung ngo / /'dod pa'i dbang po thams cad ni/ /chags
114b5 pa'i 'gying ba'i gtso mo yin/ /chags pa'i rnam par sbyad ba'i phyir/ /'dod pa gnas su drang bar bya/ /zhes phyung bas/ 'khor ba thams cad thugs rje chen po'i
114b6 lhung bzed kyis bzung ngo / /de nas sems dpa' rdo rje de sgrib pa sreg pa zhes bya ba'i ting nga 'dzin la snyoms par zhugs nas 'di skad ces gsungs so/ /rdo rje 'bar
114b7 ba'i ling+ga la/ /a yi ye shes 'od 'phros pas/ /chags pa'i sgrib pa'i bud shing rnams/ /me yi ye shes kyis sbyangs so/ /de nas yang sems dpa'i rdo rje des b+ha ga
115a1 byin gyis rlob pa la snyoms par zhugs nas gsungs pa/ 'khor bar snang ba'i chos rnams kun/ /b+ha ga'i snying por rab gsal
115a2 ba| |yum gyi lus kyi yan lag rnams/ /yum lnga'i rang bzhin nyid du gsal/ /zhes gsungs so/ /de nas sems dpa'i rdo rje snying po des chags pa thams cad
115a3 gcod pa zhes bya ba'i ting nge 'dzin la snyoms par zhugs nas 'di skad ces gsungs so/ /chos nyid nam mkhar rtogs gyur na/ /sbyor sgrol mang po ci byas kyang //
115a4 chags sdang drang ba'i thabs yin te/ /rdul cha tsam yang snang ba med/ /ces gsungs so/ /de nas sangs rgyas thams cad btsun mo'i tshogs thams cad la
115a5 dgyes pa'i rol pa la zhugs par gyur te mi dmigs pa'i bde ba la ci yang mi g.yo bar gyur to/ /de nas byang chub sems kyi char chen po pad+ma'i snying po rgyun mi
115a6 'chad par 'bab par gyur to/ /'khor ba thams cad ni/ rgyal ba'i sras por bskyed/ rgyal ba 'gog pa ni/ byang chub sems kyis brlan par mdzad cing
115a7 srid pa'i myu gu mngon par bskyed/ rmad du byung ba'i mchod pa'i yo byad ni/ bsam gyis mi khyab pa'i ling lod phyad par byung ngo / /rig 'dzin gyi sems
115b1 dpa' thams cad ni/ shes bya'i sgrib pa sbyangs nas chos kyi sku'i nang du brlan par gyur to/ /de nas sems dpa'i rdo rje des 'gro ba thams cad la dbang bskur pa
115b2 zhes bya ba'i ting nge 'dzin la snyoms par zhugs so/ /dpag tu med pa'i rgyal ba rnams/ /'khor ba'i sems can rgyu las byung / /'khor ba'i sems can rgyun
115b3 chad na| |sangs rgyas rgyun yang 'chad par 'gyur/ /'khor ba chos nyid rang bzhin du/ /shes nas smra bar gang byed pa/ /rig pa'i ye shes rang dbang de/ /chos
115b4 kyi rgyal po rgyal ba'i sras/ /zhes gsungs so/ /de nas sems dpa'i rdo rje dam pa des chos thams cad grub pa smon lam gyi sgo nas 'jug par mkhyen nas smon
115b5 gnas chen po'i lam 'di gsungs so/ /'gro drug rgyal ba'i sras po 'di/ /ma rtogs log par 'khyams pa rnams/ /rgyal ba'i sras su bskyed nas ni/ /'khor
115b6 ba'i rgyun rnams gcad par bya/ /nyi zla'i nang du bzhag nas ni/ /bcu drug sa la rdzogs par 'gyur/ /des na rigs ldan mtshan bzang la/ /don dang ldan pa'i mkhas
115b7 pa yis| |sbyor ba'i yan lag kun rdzogs nas/ /yum gyi mkha' dbyings zla gam la/ /grub pa'i gzhal yas khang du bskyed/ /rtsibs brgyad zla gam dgur
116a1 gsal la/ /byang chub sems las phyag rgya'i tshogs/ /lha dgu gsal pa'i ye shes bskyed/ /des ni thams cad rdzogs par
116a2 i le'u ste bcu pa'o// //
116a3 de nas sems dpa'i rdo rje snying po de mi 'gyur ba gtan 'pho ba med pa zhes bya ba'i ting nge 'dzin la snyoms par zhugs nas 'di skad ces gsungs so/ /
116a4 rnal 'byor rig 'dzin gang zhig rnams/ /mi 'pho bar ni gnas 'dod pa/ /lo gcig gam ni zla gcig gam/ /de bzhin zhag gi rnam grangs kyang / /bco
116a5 lnga'am yang na bdun bar du/ /tho rangs thun tha'i dang po'i tshe/ /rig 'dzin rnal 'byor sgrub pa po/ /shar gyi phyogs su kha bltas te/ /shar phyogs nam mkhas
116a6 bsdus pa yi/ /lha klu gnod sbyin 'jig rten bcas/ /thams cad khong du bsdus nas kyang / /dbugs de slar la mi dbyung bar/ /rang gi khong du bstim par bya/ /
116a7 tha mar sna yi nang du bsre/ /de ltar mang por bsgrubs pa dang / /dpal che gzi brjid thams cad 'thob/ /ces gsungs so/ /de nas yang sems dpa'i rdo rje
116b1 snying po des rten pa zhes bya ba'i ting nge 'dzin la snyoms par zhugs nas 'di skad ces gsungs so/ /gang zhig rten la gnas 'dod pa/ /mtshan ma bzang po'i gnas
116b2 mchog tu/ /thams cad 'byor bar byas nas ni/ /sa las byas pa'i stegs bu bsham/ /dbus kyi pad+ma 'dab brgyad la/ /zla gam dmar po sgo bzhir ldan/ /mtha'
116b3 ma rdo rje ra bas bskor/ /dpal ldan tshe yi phyag rgya dgod/ /rin chen lugs kyi bum pa la/ /tshe rdzas rgyas par byas nas ni/ /mtshan ldan snod kyis kha dag ba bya/ /rdo rje
116b4 gzungs kyis brtags nas ni/ /tshe tshad med par mnga' gsol la/ /dbus su de bzhin gzhag par bya/ /rin chen bum pa bzhi rnams la/ /gsang ba'i bu mo bzhi
116b5 bkod gzhag /ya mtshan byung ba'i bum pa la/ /rigs bzhi sangs rgyas yab yum dang / /so so'i 'khor gyi sems dpa' rnams/ /thabs dang shes rab bsdebs
116b6 nas ni| |phyogs phyogs gnas su tshom bur bri/ /sgo bzhir sgo ma bzhi rnams gzhag /sems kyi phyag rgya kun bkod nas/ /nyi zla ga 'ur A yu ni/ /'khyil 'bar
116b7 'tsher zhing gsal bar bya/ /A yu byang chub sems su zhu/ /rgyal mtshan mchog ldan rin chen gter/ /dbang bskur dpal ldan mdzod ldan ma/ /gsang ba'i bu mo
117a1 tshe gter 'dzin/ /A yu yum bzhi'i thugs kang 'phros/ /de bzhin tshom bu rim par brgyud/ /rdo rje tshe mchog kun bsdus nas/ /dkar
117a2 dmar 'od kyis bdag la bstim/ /de nas rdo rje tshe phreng bzlas/ /nub phyogs tshe yi dbyings mchog gis/ /pad+ma dbang gi zhing khams su/ /byams ldan ye shes
117a3 tshe dpag med/ /thugs kyi dpal be'u chen po ni/ /gnyis gsal 'od kyi ga 'u na/ /byang chub sems kyi A yu 'bar/ /dmar gsal 'bar ba'i tshe mchog
117a4 de| |rig 'dzin rnal 'byor rnams la 'phro/ /'phros pa dgu lung dam pa yis/ /tsi ta'i dbugs la bkrag tu bslan/ /tshe nyams rgyu drug kun spangs nas/ /gzi
117a5 byin skye ba'i rgyu lnga bsgom/ /byang chub sems kyi A yu de/ /skye med dbyings su sbas nas kyang / /phyag rgya'i tha mar bdun gyis bshad/ /dang po sku gsung thugs
117a6 kyi rgya| |gnyis pa gnon pa'i rgya gram 'bar/ /gsum pa rta mchog dpal gyi rgya/ /bzhi pa rin chen dpal be'u ste/ /lnga ba gser gyi gu h+ya'o/ /drug ba zla gam
117a7 dmar po la/ /bdun pa nyi zla ga 'ur 'bar/ /tshe yi ngo bo rgyud gsum po/ /srog gi ngo bor gzhal yas khang / /le brgan 'bar ba'i dkyil 'khor du/ /A yu
117b1 dmar po 'od 'phro ba/ /'chi ba med pa'i srog btsugs te/ /'gyur ba med pa'i g.yung drung yin/ /chos nyid dbyings su tshe spas pas/ /dus gsum rgyal ba dgrar
117b2 langs kyang / /de la gzung zhing bstan du med/ /de nas ci bde spyad par bya/ /rdo rje tshe sgrub pa'o/ /de nas sems dpa'i rdo rje dam pa de rdo rje khro bo tshe kun tu 'phrog pa zhes
117b3 bya ba'i ting nge 'dzin la snyoms par zhugs nas 'di skad ces gsungs so/ /gnas 'gyur maN+Dal 'bar byas la/ /ye shes khro bo 'bar ba yi/ /thugs kyi dpal
117b4 be'u'i 'od zer las/ /dbang gi lha mo mang po 'phros/ /za ma tog dang bcas pa yi/ /lcags kyu dkar dmar lag na thogs/ /de yis 'gro drug thams cad kyi/ /tshe
117b5 dang gzi byin thams cad 'phrog /za ma tog tu bsdus nas kyang / /tshe yi rig 'dzin rnams la bstim/ /ji ltar 'dod pa gong ltar sbyar/ /rdo rje gzi mdangs 'phrog pa
117b6 zhes bya ba'i mdo'o/ /rgyud kyi rgyal po rdo rje bkod pa kun 'dus rig pa'i mdo las/ rdo rje tshe sgrub pa'i le'u zhes bya ste bcu gcig pa'o// //de nas
117b7 sems dpa'i rdo rje dam pa de tshogs thams cad yongs su rdzogs pa zhes bya ba'i ting nge 'dzin la snyoms par zhugs so/ /snyoms par zhugs nas dur khrod gsang ba
118a1 mchog gi dkyil 'khor zhes bya ba 'di rgya cher bshad do/ /dkyil 'khor dkyil 'khor thams cad kyi/ /rtsa ba'i dkyil 'khor
118a2 dam pa 'di/ /'khor ba thams cad bsgral ba'i phyir/ /rnal 'byor can la bshad par bya/ /nyon cig 'dus pa chen po'i tshogs/ /sgrub pa'i gnas mchog
118a3 dam pa dag /skyon yon gnyis kyi bye brag las/ /nges par brtags te shes pa las/ /blang dor gnyis su sbyar bar bya/ /ri bo chen po 'dus pa'i rtse/ /gangs
118a4 dkar shel gyi 'dab che ni/ /seng phrug 'khra ba'i gnas yin te/ /thams cad zhi bar byed pa'i gnas/ /rdo rje brag chen gtams pa'i dkyil/ /dgon pa
118a5 chen po'i phug chen ni/ /gcan chen 'khra ba'i gnas yin te/ /mngon spyod chen po sgrub pa'i gnas/ /dur khrod ngam grog bshung ba'i gnas/ /sum mdo
118a6 grog gle rtsub pa'i ri/ /dur gcan 'khra ba'i gnas yin te/ /chags pa sgrub pa'i gnas yin no/ /nags tshal dra bas gtibs pa'i nang / /shin tu btsan
118a7 zhing 'jigs pa'i ngogs/ /stag gzig 'khra ba'i gnas yin te/ /'dod pa sgrub pa'i gnas su shis/ /chu mdo chu 'jigs rgya mtsho'i gling / /chu yi ra
118b1 bas kun bskor ba/ /chu gcan 'khra ba'i gnas yin pas/ /bya ba med pa'i las la bya'o/ /der ni yo byad phun sum tshogs/ /ci 'dod bltas te ma thogs par//
118b2 kha na ma tho bcas dang bral/ /'byor pas nan tan mchog bskyed pa/ /khams las gyur pa'i nad chen rnams/ /bcun gyi mchog gis bzlog bya'i phyir/ /rtsi'am
118b3 bcud dam thar pa rnams/ /nyer rdzogs su ni gzhag par bya/ /'dus pa'i nad dang dus kyi nad/ /dug las gyur pa'i nad rnams kyis/ /rkyen gyis bar chad 'byung
118b4 srid phyir/ /sman dang mkhas pas bcas te sbyar/ /ka pA la dang lcang lor bcas/ /ga 'u chung la sogs pa'i rdzas/ /phyag rgya che dang ldan byas la/ /dngos grub
118b5 'byung ba'i rten du bya/ /sgrub mchog gsang ba'i rnal 'byor pa/ /skyo ba'i yid rnams bsang phyir dang / /gti mug mun pa gzhom pa'i phyir/ /dung dang khar rnga rdza
118b6 rnga dang / /cang te'u pi waM ko ki la/ /snyan par rdzogs pa'i rdzas rnams kun/ /sna tshogs 'byung ba'i rol mo ste/ /nyer rdzogs su ni 'byor bar bya/ /shin tu gtams
118b7 pas tshogs chen ni/ /bla ma rdo rje 'khor lo rgyal/ /gsang ba sbyor ba'i dus chen du/ /grub chen sgrub pa'i rnal 'byor rnams/ /snying rje byams dang dga' snyoms dang //
119a1 gdung ba'i byang chub sems bskyed do/ /de yang shes dang shes bya yi/ /rtsal chen kun tu rdzogs pa ni/ /rdo rje snying po 'bru mchog dag /
119a2 shin tu gtams pas tshogs pa ni/ /bla ma rdo rje 'khor lo rgyal/ /yon tan mchog gi gter gyur cing / /srid pas zhus kyang zad mi shes/ /rkyen thub dbang lung
119a3 rdzogs par gzung / /rdo rje kun gyi gzugs 'dzin pa/ /kun sdud kun 'byung 'khrug med cing / /nam mkha'i khyon ltar kun la khyab/ /ma ltar byams pa'i yum
119a4 mchog gzung / /rgyud sbyangs brtul zhugs mchog 'chang zhing / /thogs med the tshom som nyi bral/ /'dzin chags med cing blang dor med/ /brtan ldan
119a5 gzungs thub rdo rje ging / /rdo rje drod kyi dus 'dzin cing / /tshig gi 'phen sdud skabs su sbyor/ /yon tan rlabs kyis 'phang bcad de/ /legs nyes dmigs
119a6 su gal 'dzugs so/ /rdo rje tshig gi gdangs skad can/ /rdo rje mthong ba rnam par dag /ngag gi dbang phyug tshig la mkhas/ /las kyi phreng ba rdzogs byed pa//
119a7 'di ltar sbyar ba'i dus chen yang / /nges par brtags te mdo gzung ba/ /rig byed dag gi yan lag las/ /shes par bya ste legs sbyar ba/ /bkra
119b1 shis lha yi nyi ma dang / /'byor dang dus tshigs bzang po rnams/ /'jig rten mtshan ma'i rtog pa ste/ /brtags na bkra shis mtshan ma 'byung / /dus cha bzhi yi
119b2 dang po ni/ /mchog nyid mngon spyod ro langs yin/ /dbyar tshe ston sman shis pa ste/ /zhi dang rgyas pa de bzhin sbyar/ /dbang du bsdus pa'ang dbang yin te/ /bam chen
119b3 gsang ba'i dus su bshad/ /nor 'dod rdzu 'phrul thams cad kyang / /cha bzhir khyab par sbyar bya 'o/ /sgrub pa chen po'i rdzas mchog dag /gal te dus la bab
119b4 gyur na| |dus 'di dngos grub dus chen te/ /dus 'di mkhas pas yong mi bcag /rnal 'byor las kyi dang po rnams/ /ci ste 'dod pa'i mtshan ma dag /yid
119b5 'ong 'byung zhing rtags rnyed pa/ /dam tshig gzungs 'du dus chen yin/ /sbyangs pas rtsal gyis mthar phyin cing / /shes blo'i yon tan tshogs rgyas pa/ /'di
119b6 dag tshad la bab pa ste/ /dus kyi mchog 'di nye bar brtag /'di ltar rgyu bzhi 'byor pa las/ /'bras bu'i dngos por grub pa ste/ /gru dang mnyan pa mkhas pa la//
119b7 brten pas rin chen lon pa 'dra/ /ji srid gnas pa'i rgya mtsho rnams/ /rang bzhin med pa kun gcig pa'i/ /bdag med tshogs bral lhun gyis grub/ /gcig
120a1 las rnam grangs ngang gis med/ /tha snyad dag par yongs chud na/ /nges pa'i don chen de nyid de/ /thams cad dag par 'gyur
120a2 ba 'o| |bdag dang gzhan du mi gnyis pas/ /bdag nyid bdag gi rang bzhin te/ /sangs rgyas zhes bya gzhan na med/ /bdag nyid lhun grub dbang phyug che/ /
120a3 gang 'dod pa yi dngos po dag /ji lta ba bzhin 'grub 'gyur te/ /rdza mkhan 'phang lo srub pa ltar/ /gang ltar dmigs pa de ltar 'gyur/ /'gro ba'i
120a4 khams su gzi che zhing / /'byung chen lnga la dbang sgyur ba'i/ /ngo mtshar rtsal gyi khyad par dag /gdon mi za bar 'byung ba yin/ /de ltar brtson pa'i
120a5 sgrub pa dag /rdzas dang yo byad la sogs te/ /shes dang yon tan phun sum tshogs/ /gzhan du reg las med pa ni/ /thams cad tshang bar rdzogs pas
120a6 na| |phun sum tshogs zhes de la bya/ /gsang chen sgrub pa'i las 'di dag /'khor ba'i las dang mthun spyad cing / /nyon mongs lnga ltar spyod snang yang / /
120a7 'od kyis mun pa snang 'gyur ltar/ /skyon gyi yon tan chen po la/ /g.yo mtshang dngos grub chen por 'gyur/ /de ltar 'khor ba'i rka bzlog pas/ /mi gnas
120b1 ye shes rgya mtshor 'khyil/ /gnas rab brtag pa'i gal chen yang / /nam mkha' 'khor lo rdo rje dang / /rin chen zur brgyad pad+ma'i dbyings/ /rgya gram la
120b2 sogs 'dra bar brtag /sa gzhi yang ni de bzhin te/ /ri bo brtsegs dang bzur ba dang / /de bzhin sgreng dang gtams pa'i tshul/ /'dra bar mkhas pas brtag
120b3 par bya| |de yang rigs kyi khyad par ni/ /lnga la sogs pa so so yi/ /gnas gnas dag tu rtogs nas ni/ /nor bu rin chen de bsgrub bya/ /skyon gyi gnas dag
120b4 spang ba ni/ /gshin rje gdug pa'i mdung rtse dang / /ma mo rngam pa'i spar shad dang / /srin mo dus pa'i mchi rjes dang / /gnod sbyin khro bo'i rbab shul dang / /
120b5 'byung po kun gyi 'jol la sogs/ /gnas kyi skyon rnams dgra dang kun/ /mkhas pas nges par spang bar bya/ /kha na ma thor bcas pa dang / /nyams pa
120b6 las byung nyen dang bral/ /ma dag pa yi yo byad rnams/ /gdug can spang du 'ongs pa ltar/ /wa yi brtul zhugs chen po yi/ /bskal bas bshugs
120b7 te spang bar bya/ /dgon pa chen po'i sa phyogs sam/ /bkra shis mtshan ma 'byung ba dag /dga' ba skye bar 'gyur ba yi/ /yid 'ong gnas su 'dug nas
121a1 ni| |rtsod pa nye bar zhi bya'i phyir/ /snying rje ldan pa'i rnal 'byor gyis/ /sgrub pa brnag pa mthar dbyung phyir/ /rgyal po rten dang
121a2 'khor bcas la/ /bden pas bsgo ba'am yang bslad ba/ /dgongs shig thugs rje rgyal ba'i lha/ /lha klu gnod sbyin sde dpung bcas/ /gangs ri rtse dang
121a3 rin chen ri/ /kun dga' ldum ra skyed mos tshal/ /mtsho rdzing lu ma 'bab chu'i gnas/ /'jig rten 'jig rten thams cad kyi/ /gang dag bdag por
121a4 gyur pa rnams/ /rnal 'byor dbang phyug bdag nyid kyis/ /sa 'di lhun gyis grub bya'i phyir/ /'dzam gling grub pa'i sa slong na/ /'khor dang bcas pa 'dir
121a5 'khor la/ /rin chen gter gyi sa gzhi bslang / /zhes pas rin chen sna tshogs kyis/ /sa la gnas pas de mgu bya/ /des ni bdag gis de 'gyur zhing / /nyes
121a6 pa de dang bral ba yin/ /byang chub spyod pa g.yo ba dang / /bsod nams dga' ba skyed pa la/ /shes ldan rdzu 'phrul can gyi bu/ /ma skrag phrag
121a7 dog yong ma skye/ /rnal 'byor mchog gi sgrub ba po/ /bdud 'dul phyag rgya rdzogs pa'i tshe/ /ru dra tshogs kyi rgol ba la/ /skyes bu las kyi don bgrangs te/ /
121b1 don gyi dbang po'i phyir sbran pa/ /rgyal ba dbang phyug thams cad kyis/ /don mchog yang dag mdzad pa'i tshe/ /skyes bu rtsal gyi khyad par las/ /'di tshe dpang
121b2 mkhyen dmigs 'byed ma/ /sngon tshe dpal chen gar dbang gis/ /ru dra sde bzhi bsgral nas ni/ /gsang ba bstan pa'i rgyas mdzad nas/ /'gro drug thugs rjes
121b3 bsgral ba ltar/ /rnal 'byor sa la sbyor tshe 'dir/ /lha mos mkhyen par mdzad nas kyang / /bde chen sa la bgrod pa'i tshe/ /ru dra'i rgol ba 'byung ba 'am/ /
121b4 spyan ldan khyod kyis dpang mdzod cig /sgrub pa'i las mchog khyad par gyis/ /brtsam par bya ba'i las rnams kun/ /mtshan mas mtshan ma gzhom pa'i
121b5 phyir| |ro lnga'i mtshan ma brtag par bya/ /dge bar gyur na der gnas bya/ /gal te shis par ma gyur na/ /skyes bu thabs la mkhas pa yis/ /mnan nam spo
121b6 ba'i las kyis sbyar/ /der ni bsod nams gter ldan phyir/ /rin chen lnga la sogs pa'i rdzas/ /sa gzhi gter chen rgyas par bya/ /bkra shis mchog tu bsngags
121b7 pa yin| |sa zhag spos chen rnam lnga'i khu/ /bsres bas kun tu gru bzhi ni/ /maN+Dal rgyas pa'i dbyibs 'dra la/ /ting 'dzin phyag rgya sngags ldan pas/ /mtshan
122a1 ma'i dngos po kun sbyangs te/ /rgyal ba zhugs pa'i rten du bya/ /rdo rje byin rlabs 'byung gnas dang / /gnas rnams shin tu brtan
122a2 bya'i phyir/ /mchog gi sbyor ba dag pa yis/ /sa gzhi gzung zhing byin gyis brlab/ /de dang der ni sa sbyangs te/ /thig gis yul bcad skabs dag tu/ /
122a3 rgyal ba bzhugs pa'i pho brang der/ /rdo rje drag po'i ging chen gyis/ /lce bag nag po'i dud pas bdug /rgyun mi 'chad du byas nas ni/ /khro bo drag po'i sngags
122a4 zlos shing / /rdo rje khro bo'i stabs kyis bskor/ /shes rab yul gyi 'jo tshul gyi/ /rnam gnyis rdzas kyi 'de gu dag /srin bal ye 'u sbyar ba yis/ /kun
122a5 tu zla ba'i thig le bya/ /rdo rje rgyal po 'phags rnams kyis/ /so so'i sngags dang rtsa ba'i rgya/ /so so'i stang stabs sbyar nas kyang / /de dag gnas su byin
122a6 gyis rlob/ /gsang ba'i don la zhugs bya'i phyir/ /gsang ba'i las kyi sngon logs su/ /bstan pa skyong ba'i mgon po la/ /sbyin mchod srung ba'i las
122a7 chen bcol/ /gzhal yas gnas kyi phyi rol tu/ /mgon po gnas pa'i rten gzhi dag /rin chen 'bras sam 'byung khungs sam/ /shing ngam pa so de
122b1 dag las/ /lugs sam phyag rgya'i gzugs byas te/ /mgon po bzhi ru mnga' gsol te/ /gnas kyi sgo srung so bar bya/ /ri rab gling bzhi'i phyogs phyogs
122b2 nas| |rdo rje gsang bdag dbang gi mthus/ /'jig rten skyong pa'i tha tshig can/ /mthu chen mgon po sde bzhi rnams/ /so so'i bgegs ris 'dul la mkhas//
122b3 chos skyong longs spyod rdzogs pa'i sku/ /'phrin las rnam bzhi mthar phyin pas/ /rigs bzhi kha dog so sor gsal/ /rang rtags lha yi mtshan ma thogs/ /
122b4 phyi 'khor skyong ba'i rdzu 'phrul can/ /bdag cag rnal 'byor rtsal sbyong gis/ /rang rang 'khor rnams thub par mdzod/ /sgrub pa'i rtsal 'di mthar dbyung zhing //
122b5 rkyen gyi bar chad bsal ba dang / /gsang ba'i man ngag sbyang ba'i phyir/ /'jug srid dam sri gnon par bya/ /dur khrod chen po'i gnas dag tu/ /rnal 'byor
122b6 gsang ba'i gnas dag tu/ /dngos grub chu la rdul 'jug cing / /khro bo hUM chen kun 'dus nas/ /gsod cing gnon pa'i las bya ste/ /ri rab chen po rmad du
122b7 gtang / /ya ma rA dza'i zas su sbyin/ /chu srin 'bar ba'i kha ru brdzangs/ /'khor lo 'bar ba'i phyag rgyas mnan/ /bdun rgyud rigs ni brlags gyur nas/ /
123a1 nam yang ldang bar mi nus te/ /byang chub sems ni skyes na gtang / /badzra muSh+Ti baM/ ma ma ba shaM ku ru nan/ sum+b+ha ni sum+b+ha/ de ltar
123a2 drag po'i sbyor ba yis/ /sgo nas phyi rol bar khang du/ /mkha' 'dra'i khung bu byas nas ni/ /dug dang rtsub pa'i phye ma dang / /khrag sna tshogs dang mi ro
123a3 yis| |shin tu bsub cing gnon par bya/ /de nas rdo rje nang dag tu/ /seng+ge'i lta bas bltas nas ni/ /rdo rje gom pas phyogs nas ni/ /khro mig 'bar
123a4 bas phyir bltas te/ /'gyid bag tshul du brjid pa yis/ /'bar ba'i rdo rje spar nas ni/ /phyi nang rdul chen bsal bar bya/ /hUM/ stong gsum
123a5 stong gi 'jig rten na/ /skye 'gro rtsi shing nags tshal dang / /yod mthong snang grags ji snyed pa/ /kun kyang 'bar ba khrag 'thung ste/ /rngam chen gtum
123a6 thung she dag 'bar/ /dur khrod dkyil 'khor lhun gyis grub/ /rak+Sha yak+Sha he ru ka/ /rak+ta kro d+hi dz+wa la kha/ /ha la ha la tiSh+Tha phaT/ /ces pas khro bo rol pa yi//
123a7 stabs dang ma mo'i rngam tshul dang / /phra men lhags pa'i rngam stabs kyis/ /'bar ba'i dkyil 'khor bskor bar bya/ /rdo rje dkrigs pa'i phreng ba dang / /
123b1 tho ba lcags kyu 'bar ba dang / /'khor lo ral gri la sogs rdzas/ /kun gyi phyag rgya mtshan mas bskor/ /de las 'bar ba'i phyag rgya dang / /mig les
123b2 'bar ba'i me mched pas/ /me 'od 'bar ba'i phreng ba 'dis/ /dmigs sam dngos su sbyar nas kyang / /'bar ba drag po'i yi ge las/ /sreg pa'i
123b3 dpal chen gur du gtams/ /hUM raM rdo rje me yi ri/ /lhun po 'bar ba'i rtse brgyad la/ /'bar ba'i lha brgyad bsgyel nas kyang / /dbang chen rdo rje bka' sdod
123b4 gnas| |shin tu mi bzad 'bar ba yi/ /gtum chen ha la rngam pa'i gzugs/ /lha chen khyab 'jug pags bshus nas/ /zhing chen g.yang gzhi'i na
123b5 bza' bsnams/ /gshin rje ma traM 'bar ba yi/ /ro dbyug chen po phyag na 'phyar/ /phra men dgu khri mang po dag /'bar ba'i tshogs ni gtibs thag bcad//
123b6 gang la cis 'dul der ston pa'i/ /tsi ta 'bar ba'i me phreng gis/ /do shal mgur chu phreng bas sbrengs/ /bskal ba'i me dpung 'bar ba'i klong / /srid
123b7 pa'i rtse mor 'khyil zhing 'phro/ /nam mkha'i khams kun me dpung gtibs/ /rdo rje 'khor lo me lce 'phro/ /dur khrod dgon pa'i sa phyogs dag /me yi ri bo
124a1 'bar ba la/ /me yi yi dwags ma dag las/ /gang yang gnas par mi phod pa/ /steng gi me lce 'bar ba ni/ /'og gi phyogs su
124a2 'phro zhing 'khrug /'og gi me lce 'bar ba yang / /gyen du 'khyil zhing steng du thal/ /me lce dgu phreng 'bar ba dag /'ur chem 'chad pas 'thab cing 'khrug/
124a3 dur khrod me ni smug cing 'bar/ /zhe sdang 'joms pas mthing nag 'tshub/ /nga rgyal sreg pas ser nag 'phro/ /'dod chags mnyam pas dmar nag 'phro/ /
124a4 phrag dog sreg pas ljang nag 'khyil/ /gti mug sel bas smug nag 'khyil/ /'bar chen klong gi 'khor los gtams/ /dz+wa la maN+Dal ha la ha la raM/ /
124a5 me'i ri lag chu'i phyag rgya yis/ /gnas sam dkyil 'khor bskor bar bya/ /chos nyid bdal ba'i nam mkha' la/ /ye shes lnga yi 'byung chen brtsegs//
124a6 kun gzhi bdal ba'i nam mkha' la/ /skyed ma'i 'byung chen rnam lnga brtsegs/ /bruM las rin chen 'bar ba'i gzhal/ /mtha' dang dbus med kun tu
124a7 khyab| |ta la'i bskyed cing gser tsong dril/ /zla gam dam po dbang gi rgya/ /bruM khaM traM kha la ti bruM/ /zhes pas rnam lnga'i byug pa yis/ /gtor zhing kun tu
124b1 byug par bya'o/ /sgrub mchog skyong ba'i rnal 'byor rnams/ /rdo rje tshig gis btab nas ni/ /rgyal sras rig 'dzin bka' 'khor lo/ /'bras bur red phyir
124b2 byin gyis rlob/ /rdo rje rgyal dbang chen po das/ /sgrib pa sreg pa'i yi ge ni/ /phreng bar byas te gnas su 'phro/ /nyi ma'i dkyil 'khor la bzhag ste/ /rig
124b3 'dzin pho mo'i mtshan mas gdab/ /rnam lnga'i byug pas kun la gtor/ /rtags kyi phyag rgya lag tu sbyin/ /rnal 'byor chen po'i lugs su spyad/ /'jig
124b4 rten spyod tshul thams cad ni/ /sgyu ma yin phyir shin tu yang / /'jig rten 'das pa'i spyod tshul dag /ji ltar 'byung ba de ltar spyad/ /e ma dur khrod gsang
124b5 ba yi| |rmad byung zhing khams dga' tshal 'dir/ /skal ldan dbang phyug rgyal ba'i sras/ /'dus pas tshegs pa'i rig 'dzin rnams/ /e ma ho dga'
124b6 mchog bde chen grogs/ /dam tshig srog gi lu gu rgyud/ /thabs dang shes rab 'brel pa yis/ /sprul pa'i gshog sprugs gra rgyas pa'i/ /tshogs gnyis
124b7 rtsal gyis rlabs spar nas/ /chos nyid mkha' la lding bar rigs/ /a yaM dza laM khaM lhan/ de ring phan chad rgyal ba'i sras/ /dbang phyug yin pas ci bder
125a1 spyod| |rnal 'byor longs spyod bskyed pa dang / /dug rnams bdud rtsir 'gyur ba yi/ /maM las skyes pa'i ye shes kyis/ /
125a2 zangs kyi dngos po 'ju 'dul bya/ /dam rdzas yo byad longs spyod rnams/ /gong nas cha gsum so so nas/ /shan ma 'dres par sta gon bya/ /phyi yi
125a3 cha la 'jug pa yi/ /mchod sbyin spel ba'i yo byad bya/ /de gnyis gnyis pa'i cha dag las/ /mjug gi rgyal chos longs spyod bya/ /rmad byung nang
125a4 gi cha dag ni/ /thams cad gcig tu byas nas ni/ /ras sam shing khyon dag tu ni/ /bsdus te sgrub pa'i rdzas kyis dgab/ /dbyug pa chen pos de la
125a5 gtor| |lce phog nag po'i dud pas bdug /rdo rje gar gyi phyag rgya dang / /'bar ba'i lta bas brjid par bya/ /tsham ngam chen po'i stabs kyis bskor/ /sna
125a6 tshogs bsur gyi dri chen gdon/ /de nas rgyal po'i byin rlabs kyis/ /yo byad de dag bdud rtsi lnga/ /dam rdzas so sor bsdus nas ni/ /de la 'bru lnga'i
125a7 'phro 'du las/ /zhu nas phyag mtshan rnam lngar 'bar/ /dag pa'i bdud rtsi chen por zhu/ /shes rab lha mo rig 'dzin ma/ /bzhi 'am yang na
125b1 rnam pa brgyad/ /rdzas sam yo byad rang bzhin pas/ /zas mchog gar gyis spyir blangs te/ /longs spyod spel ba'i dbyangs 'dis bstan/ /bdag cag
125b2 rig 'dzin shes rab ma/ /rgyal sras lha yi dngos grub 'dzin/ /dgyes pas tshim pa'i longs spyod dag /ji ltar yid bzhin nor bu'am/ /dpag
125b3 bsam shing ljon 'dod 'jo'i ba/ /ma rmos lo tog rgyas pa ltar/ /rnal 'byor longs spyod chen po dag /nam mkha'i khams su gtibs nas kyang //
125b4 rdo rje dgyes tshogs kun 'dus nas/ /skal ldan rnams kyis rab sprul cig /rdo rje gar gyi dbang bsgyur nas/ /sgeg pas lha mo 'jo tshul dag /'dud
125b5 cing sdod pa'i tshul gyis ni/ /rol mo'i tshogs kyis dga' ba bskyed/ /oM shrI badzra lA s+ye hUM hUM/ badzra mA le trAM trAM/ badzra girti hrIHhrIHbadzra nirti aHaHrdo rje karma'i thabs
125b6 mchog gis/ /rdo rje glu 'dis gzi byin skyed/ /rdo rje bdud rtsi longs spyod 'di/ /rtsi mchog bcud kyi snying po ste/ /gzi mdangs rgyas par byed pa'i mchog /
125b7 bkrag 'dzin gzugs mchog dran pa'i dpal/ /rdo rje can gyi byin stobs kyis/ /skal pa can gyi zas su bya/ /skal med rnams kyi dug tu 'gyur/ /dper
126a1 na sbrul la 'o ma bzhin/ /sa ma ya dzaHku su tsa ma ma/ smug zil lha mo mnyen gsal ma/ /rlan rnams bdud rtsir sgyur
126a2 byed ma| |bdud rtsi chu rgyun dngos grub 'dzin/ /rang gnyer las skal chu rgyun 'bebs/ /shing lo 'dab las bdud rtsi sgyur/ /'bru thog sna tshogs dngos grub
126a3 'dzin| |rang gnyer las skal 'bras bur skyed/ /lha mo sra brtan dbang sgyur ma/ /khu ba bcud las bdud rtsir 'gyur/ /bdud rtsi zhun chen dngos grub 'dzin//
126a4 rang gnyer las skal brtan par byed/ /rdo rje lha mo shel mdog ma/ /nyi zer bdud rtsir sgyur byed ma/ /gsal ba mdangs kyi dngos grub 'dzin/ /rang gnyer las
126a5 skal gzi byin skyed/ /lha mo khro gnyer sngo bsangs ma/ /dur khrod rdzas las bdud rtsir sgyur/ /sha chen sna tshogs dngos grub 'dzin/ /rang gnyen las skal
126a6 byin 'bebs ma/ /rtse yi lha mo blo gros ma/ /rtsi thog bdud rtsir sgyur byed ma/ /rtswa mchog kun gyi dngos grub 'dzin/ /rang gnyer las skal tshim byed ma/ /sman
126a7 gyi lha mo nor gyi rgyun/ /dug rnams bdud rtsir sgyur byed ma/ /bdud rtsi sman gyi dngos grub 'dzin/ /rang gnyer las skal 'di kun yang / /rdo rje glu yis brten
126b1 nas ni| |rnal 'byor chen po'i yo byad du/ /rol mos dga' ston longs spyod bya/ /de nas las kyi gnas skabs 'dir/ /phyi nang mthun 'jug bka' sdod
126b2 pa'i| |gshin rje chos kyi phyag rgya yis/ /bran gyi bya bar dbang bsdus nas/ /phyi mtshams srung bar dbang bskur te/ /'bur ram lugs sam ri mo 'am/ /
126b3 ci 'dra bar ni byas nas kyang / /phyi khyams sgo yi phyi rol du/ /ma he khri la bzhag nas ni/ /mthun pa'i rdzas kyis mgu byas la/ /de tshe 'di yis bsko bar bya/ /
126b4 gsang chen lhun grub pho brang nas/ /las kyi gshin rje'i pho brang nas/ /bcom ldan chos rjes bka' stsal pa/ /de bzhin rig 'dzin sgrub pa pos/ /bka' gsang
126b5 gzhung tshan 'di sgrub cing / /yang dag don la des 'jug na/ /'di dag nor bu rin chen te/ /'di la rtod cing bar gcod pa/ /lha srin sde brgyad 'byung po kun/ /
126b6 khyod kyi 'khor dang g.yog yin te/ /rnam par smin pa'i chos shod la/ /gsang ba mchog gi rnal 'byor pas/ /bla med 'bras bur ma gyur tsher/ /sa 'di yan
126b7 chad ma gtang bar/ /dpal chen mi pham bka' ma 'da'/ /bdag cag ye nas gnyis med de/ /de tsam don gyi dbyings su gcig/ phyi rol skyong ba'i mu ran
127a1 la| |rdo rje yal dam thub par mdzod/ /badzra ya ma rA dza sa ma ya s+t+waM/ zhes pas gshin rje mnas bsgags te/ /gal te
127a2 'das na kho bdag 'tshig /brtsam par bya ba'i las chen po/ /dngos grub 'byung bar byed pa'i rten/ /phyag rgya che dang gzugs mchog gi /stegs bu legs
127a3 par sbyangs na 'grub/ /mtshon pas khrid par byed pa yi/ /rdul tshon 'dus byas rgyu rnams la/ /brnyan ma'i dkyil 'khor bshad bgyi ba/ /so sor brtags te bshad bgyi ba/
127a4 brtan zhing ngos 'jam khung bu la/ /'bor khung khod snyoms 'phang mtho ba'i/ /kha dog lnga yi gzugs byas nas/ /des ni mtshan ma'i dngos grub ster/ /shing shun ras sam
127a5 dur khrod kyi/ /zhing chen ras la kha dog lngas/ /phyag rgya 'bar ba'i gzugs bris na/ /de yang mtshan ma 'byung pa'i rten/ /rdo dang shel rdo la sogs pa/ /
127a6 dung ngam ba so'i rgyu las ni/ /mkhas pas 'bur du dod byas nas/ /mtshan ma 'byung ba'i rten du 'gyur/ /gser dngul rin chen la sogs pa/ /zangs lcags
127a7 khar ba'i rgyu dag las/ /mkhan gyis blugs te ma nyams na/ /de yang mtshan ma'i rten du 'gyur/ /blak+Sha byang chub shing la sogs/ /rgyud shing yal ga
127b1 mnyan pa las/ /phyag rgya'i gzugs de legs sbyar na/ /de yang rten du mkhas pas bshad/ /mnyen cing sbyin pa'i mchog rnams la/ /bzhin dang 'dril
127b2 khugs legs sbyar te/ /phyag rgya chen po'i gzugs byas na/ /de yang brten pa'i 'os su 'gyur/ /de la sogs pa'i rgyu rnams la/ /yi ge'am yang na
127b3 mtshan rtags sam/ /ming ngam thig ler rdzas la bri/ /bsgrubs na mtshan ma'i rten du 'gyur/ /de las re zhig 'dir bshad de/ /stegs bu la brten
127b4 mtshan ma dag /bsgrub pa'i don du brtag bzung ba/ /brtsam pa'i thabs ni 'di lta ste/ /gong du smos pa'i rgyu rnams la/ /stegs bu mdzes shing mnyam
127b5 byas te| |kun tu gru bzhi cha mnyam la/ /bdud rtsi lnga yi sbyor ba yis/ /me long lta bur snying por bya/ /snang byung yang dag byin brlabs can/ /ye shes rang
127b6 byung grub pa'i rdzas/ /bka' gsang rmad byung pho brang du/ /dur khrod rdzas lngas skyang nul bya/ /rdo rje srad bu'i thig gdab pa/ /cho ga rnam par bshad bgyi ba/ /
127b7 gsang ba'i lcang lo 'khril mang dang / /rdo rje rgyun thag la sogs pa/ /ring thung maN+Dal 'khor khyud la/ /'jur mdud can du ma gyur pa'i/ /sum sgril
128a1 snyoms par tshad ldan la/ /ye shes lnga yi rang bzhin gsal/ /rgyu de byin gyis brlab pa'i thabs/ /thabs dang shes rab
128a2 'brel ba yi/ /yi ge gnyis kyi 'phro 'du las/ /dkar dmar 'od kyi gser phreng 'phro/ /rdo rje gsang ba'i thabs kyis de/ /byang chub sems 'dren 'khal
128a3 ba'i yum/ /nges par brtags te 'dir bzung ba/ /mtshan ldan bkra shis gsang ba'i yum/ /smin dkyus ring la lag sor phra/ /tshigs mig zlum la phra
128a4 bar bshad/ /kha nas ut+pal ngad ldang zhing / /lus la ga pur tsan+dan dri/ /yid 'ong mtshan ldan rked skabs phyed/ /skra 'jam mthon mthing g.yas su
128a5 'khyil| |so dkar tshags dam dkar dmar phyed/ /mig gi dkyus ring smin dkyus legs/ /zar ma'i me tog rgyas 'dra'i spyan/ /dpral ba'i dbyes phye skra
128a6 mtshams 'khyug /sna bzang mdog gsal pad+ma'i rigs/ /lus drang ske ring sems ma'i tshul/ /nu ma'i dkyil mtho zla rgyas 'dra/ /sha dkar tshogs dam
128a7 'khril bag chags/ /khong dal 'gro na gom pa 'jam/ /skad ni ngang pa gzhon nu sgrog /cir yang mdzes pa'i stabs tshul ldan/ /skyes bu bla mas yum
128b1 du gzung / /gzungs mar byin gyis brlab pa ni/ /yum gyi phung po gnas lngar ni/ /bde bar gshegs pa'i sa bon lnga/ /'phro 'du gsal bar gyur pa dang //
128b2 sangs rgyas byin brlabs dbang bskur nas/ /bde gshegs yum lnga'i sku mchog gsal/ /rdo rje yab la'ang de bzhin te/ /de ltar gsal bar gyur pa
128b3 dang / /yum gyi mkha' la me ri bsgom/ /gsang ba dbugs kyi zla gam la/ /byang chub sems kyi 'phro 'du bya/ /gzugs brnyan ji ltar gsal ba
128b4 bzhin| |yum gyi mkha' la de bzhin no/ /de nas rdo rje tshig 'di yis/ /lus kyi yum la nges par bsgo/ /shes rab lha mo gsang ba'i yum/ /'dod
128b5 rkur sgyur ba'i 'phrul me che/ /chags pa'i tshul gyis thabs la 'dud/ /g.yon du 'khril cing g.yas su 'khyud/ /'dzum pa'i mdangs kyis zla gam sbyor//
128b6 gsang ba'i byang chub sems 'dren pa/ /khyod ni lha mo rgyal ba'i sras/ /rang bzhin chos kyi mtshan ldan ma/ /rdo rje las kyi yum yin gyi/ /gsang ba'i las
128b7 rnams kun byos shig /lag pa 'khor lo'i gzhal yas su/ /nyi zla 'bar ba'i tshogs bkod de/ /gsang ba'i byang chub dkar dmar 'di/ /thig le
129a1 yi ge'i ngo bor gdab /las kyi rdo rje 'bar ba yi/ /rdo rje gar gyi phyag rgya yis/ /byang chub sems kyi thig 'di drongs/ /rdo rje gsang
129a2 ba'i las 'di drongs/ /rdo rje gsang ba'i las 'di gyis/ /oM tsan+d+ra d+ha ra hrI zhes pa'i/ /gsang ba'i thabs kyi sbyor ba yis/ /rdzas mchog 'bar ba'i thig
129a3 le yis| |gnas lnga dag gi gzhal yas su/ /gsang ba'i thabs kyi thig le bya/ /srad bu'i sbyor ba de rdzogs nas/ /gol sgrib rtag chad skyon bral
129a4 ba'i| |che chung ya yo med pa yi/ /rdo rje dbu ma'i thig 'di dgye/ /chos kyi dbyings kyi gzhal yas su/ /mi dmigs bdal ba'i maN+Dal la/ /ye shes lnga
129a5 yi thig 'phros pas/ /bde chen rnam thar phyag rgya'i tshogs/ /kun gzhi nam mkha'i gzhal yas su/ /nyon mongs rtog pa'i maN+Dal la/ /ye shes
129a6 'od zer thig 'phros pas/ /phyag rgya rdo rje 'bar ba'i tshogs/ /mkha' dbyings gsang ba'i gzhal yas su/ /zla gam pad+ma'i maN+Dal la/ /byang chub
129a7 sems kyi thig 'phros pas/ /ye shes sems dpa' gsal ba'i tshogs/ /bkra shis dben pa'i gzhal yas su/ /mtshan ma rten gyi maN+Dal la/
129b1 rdo rje srad bu'i thig 'phros pas/ /cho 'phrul gzugs brnyan phyag rgya 'bar/ /stong gsum gsang ba'i dkyil 'khor du/ /rmad byung rdo rje'i thig 'gyed na/ /gsang
129b2 ba'i dam la gnas pa yi/ /'byung po skye bo gdol pa can/ /rdo rje rtsal gyi hUM ring las/ /rdo rje mtshon cha'i bu yug 'tshub/ /phyogs mtshams bla 'og khro
129b3 bos gtams/ /'bar ba gsang ba'i mtshams bzung ste/ /phyi rol sde pa'i 'grul rnams gcad/ /rdo rje mtshon cha 'bar ba'i tshogs/ /sreg dang 'joms
129b4 pa'i drag shul can/ /rdo rje lce yis 'dir gdeg bya/ /rdo rje nyi ma'i gzhal yas su/ /rdo rje dpal be'u 'od kyi thig /me long ye shes rang bzhin can/ /rnal
129b5 'byor can gyis gdab par bya/ /de bzhin rin chen 'bar ba'i zhal/ /pad+ma zla ba'i 'khor lo yi/ /dpag med nam mkha'i gzhal yas su/ /rigs kyi
129b6 dpal be'u 'od kyi thig /ye shes bzhi yi rang bzhin can/ /rnal 'byor can gyis gdab par bya/ /rdo rje mkha' la 'khro lo bskor/ /thabs dang shes rab
129b7 zung ya bzhis/ /so so'i phyag tu gnas nas ni/ /nam mkha' dbus kyis nying po la/ /srad bu bzhi yi rgya gram bre/ /de nas rdo rje brtan ba'i sa/ /dbus kyi pho
130a1 brang dgu pa ni/ /rdo rje srad bu'i thig chen gyis/ /phyag rgya bzhugs pa'i gnas rnams kun/ /che chung med par snyoms par bya/ /
130a2 'dir ni rdo rje mu khyud bdun/ /'byung ba'i rim pa drug bar du/ /'khor lo drug brtsegs snying por 'bar/ /gru chad rtsibs mtshan me ri 'phro/ /mu khyud
130a3 tshar gsum 'bar ba'i phreng / /bar khyams bzhis mdzes phyi khyams dang / /lngar gsal sgo dgu shar du brtsegs/ /pho brang de yi gnas gnas su//
130a4 phyag rgya'i tshul rnams 'byung ba ni/ /mu khyud mtha' zad yan chad du/ /yab yum drug cu rtsa bzhi yi/ /cho 'phrul dam tshig tshad med pa/ /rol pa 'jigs
130a5 byed 'jigs byed che/ /ka tsa li la sogs par bri/ /de bzhin za byed yab yum bzhi/ /las kyi lha ste he ru ka/ /'khor lo mtha' ma'i rtsibs la dgod/ /
130a6 gnas dang yul gyi phyag rgya dag /gru chad phyi dang nang la dgram/ /hUM chen bcu yi yab yum dag /shin tu mdzes par dang po la'o/ /de nyid la ni ma
130a7 brgyad dang / /ging chen bco brgyad rgyas par dgod/ /gnyis pa'i khyams la mkha' 'gro brgyad/ /shugs 'gro brgyad kyang de bzhin no/ /gsum pa'i
130b1 khyams la phra men brgyad/ /de bzhin 'bar ma brgyad rnams bri/ /bzhi pa'i khyams la phor thogs brgyad/ /de bzhin srin mo gzhong thogs brgyad/ /kun tu mdzes
130b2 par bri bar bya/ /lnga pa'i khyams ni tha ma la/ /rdo rje slas dang bran mo dang / /pho nya la sogs rgyas par dgram/ /de yang tshul du dgod pa ni/ /gong ma dag ni rgyu
130b3 rnams las/ /ka tsa li la sogs pa dang / /ji ltar 'byor pa de ltar bri/ /mchod pa'i yo byad thams cad dang / /rmad du byung ba'i rdzas mchog dang / /rdo rje
130b4 gsang ba'i rim gyis dkod/ /rdo rje gsang sgo phye nas ni/ /ting 'dzin dkyil 'khor kun rdzogs nas/ /rang bzhin yul nas phab nas ni/ /bsgrub pa'i dkyil
130b5 'khor der rdzogs bya/ /'dir yang don gyi khyad par gyis/ /rig 'dzin che ba'i sa sbar ba/ /shar gyi gdan gyi khyad par la/ /rdo rje seng+ges btegs 'khor lo/ /
130b6 zla ba nyi ma g.yas g.yon gyi/ /zhabs rten tshul gyi maN+Dal ni/ /rdo rje rgyal po yab yum bzhugs/ /lho yi gdan gyi khyad par la/ /glang chen rdo rjes btegs
130b7 'khor lo/ /pad+ma g.yas g.yon zhabs brten tshul/ /rdo rje rgyal ba yab yum bzhugs/ /byang gi gdan gyi khyad par la/ /pad+ma rdo rje btegs rgya gram/ /rdo rje
131a1 karma yab yum bzhugs/ /nub bam phyogs sam mtshams gzhan du/ /gzhi rnams gcig tu gyur pa la/ /maN+Dal rgyun ma
131a2 chad pa la/ /rdo rjes gtams shing sbrel byas nas/ /pad+ma phyogs gcig cher 'bar ba/ /kha dog 'bar ba'i 'od kyis dkrigs/ /rtsal 'phang che chung khyad
131a3 par gyis/ /skal dang ldan nam mi ldan pa'i/ /la la dag la zla ba ni/ /rangs pa'i gdan gyi mtshan ma la/ /de yang rtsal 'phang che chung la/ /la la rtse
131a4 gsum rdo rjes mtshan/ /la la rdo rje phyed mas mtshan/ /la la ma rangs zla gam kha/ /nang du bstan pas mtshan par bya'o/ /la la rtses 'bigs rnam
131a5 par mtshan/ /la la pad+ma brtsegs pas mtshan/ /la la dag la mtshan ma med/ /la las gdan de mi non te/ /nar ma gang zag mi yi rdzas/ /so
131a6 so'i bde ba'i thabs su sbyar/ /kun tu bde bar sbyar ba'i phyir/ /pi par stan zhes grags pa ste/ /kun tu khyab par lus bder sbyar/ /rmad byung bsgrub
131a7 pa'i dkyil 'khor du/ /'jug dang dngos grub stsol ba dang / /dbang bskur ba yi las rnams bya/ /'dod par bya ba sgrub pa dang / /gtor ma la sogs rdzas
131b1 kyi rnams/ /cha gsum dag la bgos nas kyang / /gcig ni sbyin sreg las mchog bya/ /gcig la rnal 'byor longs spyod gter/ /gcig ni mkha' 'gro'i
131b2 'khor tshogs bskyang / /gnas su bkra shis la sogs kyis/ /sgrub pa rdzogs pas mthar dbyung ngo / /dur khrod gsang mchog dbyings nyid la/ /dkyil 'khor
131b3 dgu brtsegs dpal gyi rgya/ /ye shes dgu yi khong gseng gsal/ /me ri 'od kyi thig thag gcad/ /'khor lo tshogs chen bsgrub pa'i sa/ /rnal 'byor rtsal
131b4 mchog can gyi gnas/ /sgrub pa rtsa yi dkyil 'khor te/ /dur khrod gsang ba mchog gi mdo/ /rgyud kyi rgyal po chen po rdo rje bkod pa kun 'dus rig pa'i
131b5 mdo las/ /tshogs chen 'dus pa'i sgrub lugs kyi le'u ste bcu gnyis pa'o// //de nas sems dpa'i rdo rje dam pa des 'di skad ces
131b6 bka' stsal to/ /'dus pa chen po'i tshogs/ rig 'dzin thams cad nges par 'grub par 'dod na 'di ltar rig par bya'o/ /de bzhin thams cad
131b7 kun rdzogs nas/ /rigs kyi khyad par 'di dag dbye/ /so so'i rigs su bsgrub par bya/ /rdo rje can la dpal be'u ni/ /dkyil 'khor rdo rje 'bar ba 'o//
132a1 de bzhin rin chen rin chen te/ /pad+ma dmar po 'od kyi dkyil/ /las ni kun tu rgya gram 'bar/ /de bzhin rin chen 'khor lo 'bar/ /
132a2 so so'i rigs rnams gtsor gzhag ste/ /'khor ni de bzhin mi 'gyur ba/ /rnam par bkod de legs sbyar nas/ /bsnyen pa dang ni nye bsnyen pa/ /sgrub dang
132a3 sgrub chen rdzogs par bsgrub/ /ting 'dzin rtsal gyi khyad par ni/ /so so'i rigs ni gang yin pa/ /ting 'dzin bye brag mang po la/ /yid kyi sbyor ba gsal bar
132a4 bya| |nges ni rig 'dzin gang 'dod pa/ /gsal bar nges par 'grub pa yin/ /zhes gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/
132a5 rdo rje rig 'dzin sgrub pa'i le'u ste bcu gsum pa'o// //de nas yang sems dpa'i rdo rje des 'di skad ces gsungs so/ /'dus pa chen
132a6 po'i tshogs/ chos thams cad ni/ blang dor med par rig par bya'o/ /chos nyid mnyam pa'i rang bzhin la/ /bzang ngan rtog pa'i tshig dang bral/ /bdag dang
132a7 gzhan du dbyer med de/ /gtsang ngam mi gtsang gnyis su med/ /ces gsungs so/ /de nas 'khor der 'dus par gyur pa'i rig 'dzin mi'i thod pa can mang po
132b1 dag rnam par 'dzin pa rnal 'byor gyi gral nas langs te/ a la la ho zhes bya ba'i sgra chen po brjod nas 'di skad ces gsol to/ /bcom ldan 'das kyis
132b2 bka' stsal pa la bdag cag shin tu gnas par 'tshal na/ bdag cag rnams kyi dam tshig ni/ bcom ldan 'das kyis ma gsungs so/ /zhes gsol
132b3 pa las| bcom ldan 'das kyis bka' stsal pa/ mi'i thod pa can rnams/ rang rang ji ltar dga' ba'i dam tshig rnams spobs pa skyed la phul cig
132b4 ces gsungs pa las/ 'dod chags kyi rig 'dzin bram ze mi'i thod pa can rdo rje thal ba'i dbyangs zhes bya bas 'di skad ces gsol to/ /bcom
132b5 ldan 'das/ bdag cag gi dam tshig ni/ 'di lta ste/ ma dang sring mo bu mo dang / /rgyu dang mi rgyu'i 'jig rten gyi/ /bud med thams cad thams cad la/ /
132b6 'dod pa'i chags pa ci spyad kyang / /yang dag rig ni mi gos so/ /zhes gsol to/ /de nas rig 'dzin rak+Sha mi'i thod pa can zhes bya ba des 'di skad ces gsol
132b7 to| |bcom ldan 'das/ bdag gi dam tshig 'di lta ste/ /sems can thams cad bsad nas kyang / /zag pa mi gtsang snyigs ma dang / /mi sha la sogs
133a1 thams cad kun/ /zos na dam tshig mchog lags te/ /mthu dang gzi byin 'phel bar 'gyur/ /bdag gi dam tshig de lag
133a2 so| |zhes gsol to/ /de nas yang gnod sbyin rig 'dzin yak+Sha mi'i thod pa can zhes bya bas 'di skad ces gsol to/ /bcom ldan 'das/ bdag gi
133a3 dam tshig 'di lta ste/ /mi yi bdag po thams cad la/ /'dod pa thams cad 'phrog pa dang / /gser la sogs pa brku spyad kyang / /yang dag rig ni
133a4 mi gos te/ /'dod pa grub pa'i mchog tu 'gyur/ /bdag gi dam tshig de lags so/ /zhes gsol to/ /de nas yang mu stegs rig 'dzin 'od srung
133a5 ral pa can zhes bya bas 'di skad ces gsol to/ /bcom ldan 'das/ bdag gi dam tshig ni/ 'di lta ste/ mi yi mgo bo bcad nas kyang / /
133a6 bzang dang ngan ni bye brag rnams/ /rig pas brtags te shes byas nas/ /bzang ba'i rtags can bsten bya ste/ /dkar po ra ri lcang lo can/ /'di dag
133a7 rtag tu su 'chang ba/ /'dod pa thams cad 'grub pa ste/ /rgol ba thams cad 'joms par nus/ /yid bzhin nor bu ci 'dra bar/ /de yi yon tan
133b1 'di las byung / /bdag gi dam tshig de lags so/ /zhes gsol to/ /de nas yang bram ze sha la dga' ba dang / sha za mo'i rig 'dzin rnams kyis 'di skad
133b2 ces gsol to/ /bcom ldan 'das/ bdag cag gi dam tshig ni/ 'di lta ste/ ba glang khyi sha rta sha dang / /mi sha glang chen sha la sogs/ /sha rnams
133b3 'dra bar gtsang sme med/ /zos na yon tan sna tshogs 'grub/ /bdag gi dam tshig de lags so/ /zhes gsol to/ /de nas yang srin mo'i rig 'dzin khrag 'phrog
133b4 ma zhes bya ba la sogs pas 'di skad ces gsol to/ /bcom ldan 'das/ bdag cag gi dam tshig ni/ 'di lta ste/ /srog chags sems can thams cad kyi/ /bsad
133b5 pa'i khrag ni dron mo dag /'thungs na gzi byin 'bar bar 'gyur/ /bdag gi dam tshig de lags so/ /zhes gsol to/ /lha mo klu mo rigs ngan mo la sogs
133b6 pa bud med kyi tshogs thams cad kyis 'di skad ces gsol to/ /bdag cag rnams kyi dam tshig 'di lta ste/ bro gar glu tshig chen po ni/ /thams cad bsten
133b7 pa'i mchog lags te/ /bro yi 'jo tshul stabs chen dang / /glu yi snyan dngags don bsgrags nas/ /yid kyi dbang po thams cad 'phrog/ bsten pa'i thabs
134a1 kyis 'khrig spyod pa/ /'di ni dga' ba'i dam tshig ste/ /bdag cag rnams kyi dam tshig lags/ /zhes gsol to/ /de nas rig
134a2 'dzin de kun gyis 'di skad ces gsol to/ /bcom ldan 'das/ bdag cag rnams kyi spyi'i dam tshig ni/ 'di lta ste/ dkar nag las ni ci spyad kyang //
134a3 rnam par smin pa'i 'bras bu dang / /rab 'bring tha dad bye brag med/ /de bzhin 'di la bde sdug gam/ /dge dang mi dge'i rtsod pa med/ /rnon po'i mtshon gyis
134a4 gcad du med/ /ci phyir rnam pa bdun stong pas/ /thogs pa med pa'i don phyir ro/ /srog kyang gcad cing gsad du med/ /ci phyir rdzas 'di 'jigs pas so/ /sdig
134a5 pa chen po'i las rnams kun/ /bdag gis byas sam gzhan byed bcug /gal te gang+gA'i bye snyed kyi/ /sems can de la sbyin byin dang / /de bzhin gang+gA'i bye snyed
134a6 kyi| |sems can thams cad bsad pa gnyis/ /yang dag rig la tha dad med/ /nam mkha' dag la rdul dang chus/ /ji ltar mi chags pa bzhin no/ /gang zhig
134a7 khrel dang 'dzem ldan na/ /dogs pa'i rtog pa de bzung bas/ /dmyal ba chen por ltung bar 'gyur/ /chags pa'i spyod pa la sogs kyis/ /lus rnams gdung
134b1 bar byed pa yi/ /sems can de ni 'du shes chung / /zhes gsol to/ /de nas bcom ldan 'das sems dpa'i rdo rjes 'di skad ces gsungs so/ /e ma ho thod pa can
134b2 gyi tshogs/ /khyed kyis smras pa'i tshig 'di rnams/ /mdud pas bcings pa'i tshig yin te/ /khur dang bral bar mi 'gyur ro/ /yang dag yang dag ces smra ba/ /
134b3 yang dag nyid kyi mdud pa ste/ /mdud pa bkrol ba ma byas na/ /tha mar phyed par mi 'gyur ro/ /chags pa'i las rnams sbyor ba dag /chags pa'i dbang gis der
134b4 sbyor na| |de dag de yi grong khyer du/ /gnas 'gyur de yi sems can yin/ /'du shes sgyur ba'i las chen dag /sdang ba'i dbang gis sems shor nas/ /shan pa gsod
134b5 pa'i rig 'dzin du/ /ltung 'gyur sdig pa'i ri bo yin/ /rgyal ba rnams ni gtsang ba na/ /gang che bder gshegs rgyal ba'i zhal/ /mi gcang rnam pa sna tshogs kyis/ /
134b6 yongs su bstabs par gyur na ko/ /de tshe las kyi rnam smin gyis/ /thar med nad kyis bzung nas ni/ /'dam du bying bar mi 'gyur ram/ /sha dang khrag la sogs pa'i zas//
134b7 dku ba'i rngad zas chen po ste/ /gang gis zos pa'i lus rnams la/ /'byung po dri za kun 'dus nas/ /dri snom ro dang bcud rnams 'byin/ /des ni gzi mdangs yal 'gyur
135a1 na| |ci phyir ci ste de rnams bza'/ /sems nyid rin chen yod bzhin du/ /gzhan gyi rin chen spyod byed pa/ /log pas log pa len
135a2 pa'i chos/ /'di dag mdud pa dam po yin/ /dkar nag las la khyad med ces/ /thams cad khra bos spyod pa ni/ /rigs med rigs chad log pa'i las/ /'bras
135a3 bu log pa'i khams su 'gyur/ /bde gshegs mnyes bya'i las rnams la/ /yan lag tshig tu ma dag na/ /nyes byas las kyi rgyu des ni/ /gang gi dus
135a4 rnams thams cad du/ /dbang po'i yan lag ma tshang zhing / /dran pa'i snying po nyams par 'gyur/ /rig pa 'dzin pa'i rnal 'byor pas/ /bder gshegs
135a5 rgyal ba sgom zlos pa/ /cho 'phrul khro tshul bstan pa ltar/ /mtshan ma nyid du der go na/ /las kyi srin po'i rig 'dzin yin/ /rgyan dang cha lugs thams cad
135a6 kun| |mtshan ma nyid du brtags gyur na/ /ci la'ang rtog cing chags pa yi/ /'dzin pa'i phur pa chen por 'gyur/ /a dang hUM la sogs pa yi/ /rgyu yi yi ge
135a7 thams cad kun/ /mtshan ma nyid du der brtags na/ /tsan+dan sbrul gdug la sogs par/ /ltung 'gyur rtog pa'i gegs chen yin/ /khrag la sogs pa'i rdzas
135b1 chen lnga| |de nyid dngos por de brtags na/ /'byung po khrag gi dri snom pa'i/ /lus len rigs ni 'dzin pa yi/ /ma bdun rngam pa'i cha lugs su/ /gang zhig rtog par der go na//
135b2 srin mo mi sdug sha za mo/ /lang+ka'i yul du de dag 'khor/ /mtshan ma'i bla thabs mgo brnyan can/ /der btsan der bzung dmigs pas ni/ /sho gam gnas kyi gcan chen
135b3 rigs| |'dzin cing gnas der rtog par 'gyur/ /las kyi dbang btsan bran mo'i tshogs/ /de 'dra nyid du de brtags na/ /gnod sbyin chen mo'i tshogs su 'gyur/ /gzhan
135b4 gyi tshe la 'tshe ba yin/ /des na mdud pa chen po 'di/ /khur du bshal ba'i gdongs yin te/ /'tshal pas lta ba'i mig long ste/ /sems kyi nor bu rin chen de/ /rtag
135b5 chad khams su stor bar 'gyur/ /de lta'i skyon chen spang bar gyis/ /de skad ces bka' stsal pa las/ thod pa can gyi tshogs rnams rtog pa'i 'du shes kyis zin
135b6 cing rang rang gi spyod pa la skyo ba skyes par gyur to/ /de nas bcom ldan 'das la 'di skad ces gsol to/ /e ma ho/ /bcom ldan 'das/ bdag cag rnams kyi
135b7 dam tshig ni/ log pa'i dka' thub tu 'gyur ba lags na/ 'di dag yang dag pa'i dka' thub tu gnas par 'tshal na/ chos thams cad ni/ sgyu ma lta bu ste/
136a1 cir yang 'gyur ba lags so/ /gsang sngags chen po'i sgo ni/ bskal pa'i me dpung lta bu ste/ bdag cag rnams kyis
136a2 rtog pa so sor ji ltar mos pa ltar bshad du gsol/ zhes zhus pa las/ bcom ldan 'das kyis dgyes pa chen po'i bzhad pa mdzad nas rigs kyi bu
136a3 rnams ni/ de ltar zhu ba legs kyi/ shin tu nyon cig /khyed rnams kyi spyod pa mi dgag par ji ltar dga' ba'i bsam pa so sor rabs par bya ste/ 'jig
136a4 rten mtshan ma'i spyod pa bsam gyis mi khyab pa rnams gsang sngags kyi dka' thub chen por bya'o/ /rang rang gi spyod pa ma bkag par sgo gsum lhug
136a5 par spyod cig /de nas sems dpa'i rdo rjes yang 'di skad ces gsungs so/ /e ma ho thod pa can gyi tshogs/ /bud med bud med thams cad kun/ /skyed
136a6 par byed pa'i rten yin te/ /'bras bu smin pa'i zhing yang yin/ /bsgral zhing gdon pa'i gnas yin te/ /shes rab dga' ba'i yul yin no/ /'di la sems
136a7 gsum gnas pa ste/ /ye nas dag pa chos nyid sems/ /mkha' dang sbyor ba byang chub sems/ /snying rjes sgrol ba gsum sbyar te/ /chos nyid gsang ba nyi shar khyab//
136b1 snying rjes sgrol ba gsum gyis sbyar/ /ting 'dzin byin brlabs ye shes kyis/ /chos nyid dur khrod mkha' la bsgral/ /bsgral ba'i rgyu mchog man chad nas/ /shel
136b2 chen car la sogs pa/ /de la rgyu drug sa bon gdab/ /rang bzhin ye nas de gzhom bya/ /khyad par 'das pa'i yi ge lnga/ /gnas bkod 'phros pas mtha' yas
136b3 bkang / /thams cad stongs shing zad byas nas/ /'dus pa'i yi ge lnga ru gsal/ /de las phyag mtshan ye shes lnga/ /mi gnas ye shes ngang du thim/ /sgrib pa'i phung
136b4 por smin pa de/ /rdo rje rol pa'i rngam tshogs kyis/ /'jo tshul stabs kyis sbyar bar bya/ /kha T+wAM la sogs sngags bcas pas/ /bsgyel te ma rig sgo dbye bya/ /rnam
136b5 shes dbugs kyi sgrom drangs la/ /rdo rje rgyal po'i rlung sgrom du/ /bsdus te rdo rje dbugs can la/ /hU byas sgril ma de la bslan/ /gsang ba thugs kyi dkyil
136b6 'khor du/ /tshon gang 'od du bstim par bya/ /yu ti a haM gis sbar te/ /gsal na de dang mnyam du gsal/ /rdo rje tshe la bslan par bya/ /rdo rje rlung gis dbugs
136b7 sbar te| |thugs las rlung sgrom lam du sbar/ /nam mkha' chos kyi gzhal yas su/ /nyi ma'i steng du hUM du gsal/ /ye shes sems dpa' tshon gang ba/ /nyi zla ga
137a1 'u'i bar du gsal/ /a yang phaT kyis bskyod 'phangs pas/ /rdo rje sems dpa'i thugs kar 'phros/ /ye shes sems dpar gsal ba
137a2 la| |dngos por snang bar 'dzin dang bral/ /g.yo 'gul 'phar 'phrig ma chad par/ /rdo rje ming gi dbang bskur te/ /rigs kyi lha dang snying po sbyin/ /rdo rje gdung pa'i
137a3 glu blangs te/ /man ngag gnas kyi smon lam gdab/ /bzhi tshal dag tu byas nas ni/ /sman gyis bstabs te phung por btsal/ /'khor ba'i phung po de bsdus la//
137a4 rdo rje stabs dang klu yis sbyang / /gnas gnas dag tu bsngo bar bya/ /phung po mchod pa'i rdzas su bstim/ /rdo rje pra yi las rnams gdab/ /des ni mnyes dang
137a5 skong pa dang / /rdo rje las rnams 'grub pa yin/ /rnal 'byor las kyi dbang phyug che/ /mtho gtsang shes rab gangs rum nas/ /rig pa'i sder mo spar shad
137a6 can| |nga rgyal dregs pa'i glang po 'joms/ /rnal 'byor rtsal rgyas seng phrug rnams/ /rdo rje rtsal chen 'di sbyangs pas/ /rnal 'byor lha mchog gshegs
137a7 pa'i rten/ /dngos grub 'byung ba'i rin po che/ /mthu stobs skye ba'i thabs chen po/ /byin rlabs phebs pa'i dbang mchog 'dis/ /rgyal ba'i dngos grub man
137b1 chad nas| |mkha' 'gro'i cho 'phrul thams cad dang / /dregs pa ma rungs sde pa rnams/ /thams cad dbang du 'gyur nges na/ /'byung po gzhan lta smos ci dgos//
137b2 'khor ba'i skam gling chen po la/ /rigs drug 'khor ba'i sems can rnams/ /rgyud drug 'das pa'i rnam shes srog /dus gsum mtshon gyis bsad pas na//
137b3 rtag chad mthar shi'i ro gling nas/ /gti mug bam chen ro blangs nas/ /bdud rtsi sman chen ye shes kyis/ /rtag chad mtha' las ro blangs shing / /byang chub sems
137b4 su gsal ba'i phyir/ /ro yi rdzas rnams btsal bar bya/ /khro tshogs rngam par bdag byas te/ /rdo rje 'bar ba'i mig nang nas/ /mthing nag hUM gi seng chen ni/ /
137b5 'khor ba'i ro gling khams su spro/ /bsgral ba'i dur khrod mtha' dag kun/ /ye shes rol pa'i zhing du blta/ /khro bo gyad kyi 'dor thabs kyis/ /tsham ngam chen
137b6 po'i rngam tshul gyis/ /dpa' bo rdo rje'i 'dzur 'gros sbyar/ /thabs chen bco brgyad stabs kyis sbyar/ /'jo tshul thabs kyis 'gro stabs kyis/ /'dzem tshul lta
137b7 zhing rnam par rtsen/ /sgra skad bsgyur zhing he hes sgrog /'thab cing rtsod pas rnam par rngam/ /'bri chugs lta zhing 'drog tshul spyod/ /g.yas su lta zhing g.yon du
138a1 'gyur| |yid ma ches te phyir yang lta/ /sdang mig logs kyis khyab par blta/ /rdo rje 'gros su rgyug cing 'gro/ /ha ha ru lu'i rngam sgra
138a2 sgrog /so so'i brda skad 'byin byed cing / /bstod pa'i tshul gyis mchod zhing rgyug /yid bzhin gter chen kha phye nas/ /'dod 'byung rin chen phung po de/ /
138a3 'khor ba'i rnam smin dpyis phyung nas/ /rnam gsum dug chen gtan sprugs nas/ /thugs rje rngam pa'i kha long kha/ /rdo rje 'bar ba'i tshogs chen gyis/ /
138a4 dngos grub lo tog phral nas kyang / /rdo rje bzhin phyogs ma nor bar/ /shel phur gnyis kyis gsang nas bzung / /nges par gshin pa'i gzhi ma la/ /cung zhig
138a5 brtod de nye 'khor bsgyur/ /bzhin phyogs gang bltas legs nyes brtag /phyi yi bzang ngan de nyid ni/ /nang du nges par gsal ba yin/ /nyes pa'i mtshan
138a6 byung mkhas pas mnan/ /gal te dri bas gleng slong na/ /de yi the tshom gsal ba dag /dngos por spyod la zhugs rnams kyis/ /mtshan mar rtog pa 'di dag
138a7 rnams| |'jigs byed bka' la btags pa yi/ /'dod chags bdag po nga la gsol/ /ji skad smras pa de bshad kyi/ /mtshan ma'i rdzas rnams rtogs par
138b1 gyis| |'jig rten mgon khyod bdag la gson/ /bdag cag spyod pa gsol bar bgyi/ /snod kyi mtshan nyid bzang ngan gyis/ /nyes dang legs pa 'di las byung / /skyon
138b2 gyi mtshan ma bdun pa ste/ /kha sbub pa dang gdan las bskyod/ /rgyud mi 'phel dang mtshams su gas/ /bar chad 'byung dang bgegs ldang ba/ /mtshan ma ngan pa
138b3 'byung ba 'o/ /'di dag mkhas pas yongs mi 'chang / /legs pa'i rgyu ni bcu gcig ste/ /gsum gyi dngos grub thob pa dang / /rig 'dzin lam 'gro nam mkhar
138b4 'phur| |khams gsum dbang bsdu rdo rje spyan/ /pha rol g.yul zlog zil gyis gnon/ /mthu dang byin rlabs tshe 'phel dang / /mtshan ma gsal po 'byung ba dang / /
138b5 slob ma chu yi rgyud 'phel dang / /dmigs pa'i bsam pa 'grub pa dang / /phyi mar sangs rgyas myur ba dang / /dngos grub rnam gsum thob pa ste/ /smon lam bzhin
138b6 du 'grub pa 'o/ /de yang bye brag 'di lta ste/ /phyed du 'gyur na thob thang yin/ /sum cha tsam la btang snyoms so/ /de yang so so'i mtshan rtags su/ /brtag cing
138b7 ming du brjod bya ba/ /dkar po spros med chos kyi sku/ /lcang lo kun rdzogs longs spyod ldan/ /ma 'ongs sprul pa mdzad pa'i rgyun/ /'das dang da ltar ma 'ongs pa'i/ /rnal
139a1 'byor sa la 'gro ba'i rigs/ /bder gshegs dus gsum 'byung ba'i rtags/ /rin chen gter gyi ga'u 'di/ /thabs kyi rgyal po dpal
139a2 gyi dkor/ /pho brang rtags/ ldan snod bcud rdzogs/ /'phrul zhal yid bzhin 'dod zho'i ba/ /rkang med mkha' la 'gro ba'i mchog /ngo mtshar thog thog rkan sgra can/ /
139a3 rmad byung gsang ba'i rang sgra dag /rig 'dzin rtsal can kun la sgrog /nga ni skyes mchog rtsal can gyi/ /rmad byung sgrub pa'i rdzas yin pas/ /su zhig dngos grub gang
139a4 'dod pa/ /the tshom med par dus 'dir longs/ /gang dag bka' ltar mi byed cing / /su zhig dam la mi gnas par/ /nga yi gzugs mthong tsam gyis 'tshig /sgra
139a5 thos tsam gyis brlag par 'gyur/ /zhes pa'i sgra byung cho 'phrul ni/ /rgyal ba'i gzhal yas kun las sgrog /'di dag don dang ldan par spyod/ /'di ltar grags
139a6 pas nges don ni/ /rnal 'byor can gyis shes bya ba/ /thams cad dpal ldan lcang lo can/ /la la bkra shis mtshan ldan te/ /de bzhin paM tsa ku la yin/ /la la
139a7 dpyad kyi na sha yin/ /de bzhin mi 'gyur sra mkhregs yin/ /ma hA ke sa dpal dang ldan/ /ye shes lnga ldan zhes ni bya/ /A yu pA la tshe yi mchog /la la me le
139b1 de byi brtan/ /la la de bzhin kha swa kha/ /kha hu pa yi dpal dang ldan/ /bkra shis don 'byung de lta'o/ /bde gshegs mtshan ldan rdzogs pa yin/ /gtsug phud dge
139b2 gtsug dpal dang ldan/ /dz+nyA na mUrti de bzhin no/ /la la dz+nyA na kuN+Da li/ /de bzhin khro bo kuN+Da li/ /e ka dza Ti mtshan ldan pa/ /a bi mu ka rdzogs pa'o/ /'dod pa
139b3 brtan zhing bde ba skye/ /gnyis med don ldan thob pa'o/ /bu tra mang 'phel lcug phran rgyas/ /rdo rje bse phor mtshan rdzogs nas/ /shel phor gsang ba'i don 'byung
139b4 ba| |sku gsung lhun grub ka pA la/ /thams cad re ba yid bzhin skong / /de bzhin yon tan rdzogs kun rdzogs/ /bkra shis mtshan ni kun ldan pa/ /de bzhin mi
139b5 'gyur g.yung drung brtan/ /mi shigs mdzod yin kun 'byung ba'o/ /cho 'phrul rtags 'byin dam pa 'byung / /srid pa yongs sgrol las kyi mchog /khams gsum
139b6 dbang sdud khyad par ldan/ /drug gsum gtan sprugs las mchog can/ /mtshan ma'i spros bral nges pa'i don/ /rigs drug mdog drug dbyibs drug dang / /yon
139b7 tan skyon rnams sbyar bar bya/ /mang dang nyung ba'i gsang ba ni/ /bcas dgar 'phel dang mgon mi 'byung / /rjes 'dra la sogs skyon rnams spang / /dug gsum
140a1 stong mdzad rgyal ba'i bka'/ /sku gsum smin pa'i g.yung drung rtags/ /sba thabs gsang ba'i man ngag 'di/ /skal ldan rnal
140a2 'byor rnams kyi ste/ /skal med kun gyi rtog pa'i bdud/ /ming tsam 'dzin la ga la brtan/ /mkhas pas brtag cing bzang po brten/ /dngos grub 'byung
140a3 ba'i dus chen yang / /gcig dang gsum ni rab tu bshad/ /de bzhin lnga bdun 'bring du grags/ /dgu ni dngos grub tha ma ste/ /bcu gcig phan chad
140a4 yal bar bshad/ /de bas rnal 'byor rtsal chen gyis/ /nges par brtson de brtag par rigs/ /'dod chags bdag pos de skad bshad/ /mtshan ma yin
140a5 phyir der nges pa/ /mtshan ma can dang mthun bya'i phyir/ /thabs kyis de dang mthun spyod la/ /yang dag don la kha lo sgyur/ /de dag rnam par spyad pa dang / /
140a6 'gro drug shin tu g.yeng ba can/ /yid rnams drangs te brten byas nas/ /thabs kyi don la sbyar ba'i tshig /rgyu drug 'dus pa'i sa gzhi la/ /glu bro gar
140a7 gyi rol pa yis/ /srid gsum zil gnon dbang sdud pa/ /'jig rten mthun 'jug spyad par bya/ /dper na 'jig rten khams dag na/ /'gro bas 'gro ba
140b1 'dul byed pa/ /de dga'i las la de zhugs te/ /de dang bsam pa mthun spyad pas/ /de dang 'dris nas de dga' byas/ /de nas de yi drod lon nas/ /de yi 'du shes
140b2 sgyur ba'i tshig /de snga bdag gi grogs khyod kyi/ /las la zhugs pa shin tu nor/ /'dir nyes las kyis bsags pa bgrang / /nyes kyang bdag gis khyod dag
140b3 bya/ /de ni bdag dga'i las 'di la/ /grogs khyod shin tu 'jug dgos so/ /byas pas de yi snga sems de/ /zin pas gcig gi phye sems kyang / /'dzin
140b4 cing de dga'i las la 'jug /spyod pa'i las kyang 'di lta ste/ /rgyu drug 'dus pa'i phung po la/ /ngan song gnas 'joms rdo rje'i brtags/ /ye shes thabs kyis
140b5 snyan pa'i glu/ /rmad byung gsang chen sgrog pa'i tshig /nyon mongs lnga yi sa gzhi la/ /yi ge ye shes snga gsal bas/ /'bar ba khrag 'thung sprin phung bzhin//
140b6 khyu mchog lnga yi stobs kyis rol/ /seng+ge nga ro rngam pa'i glu/ /rdo rje don rab sgrog pa'i tshig /rmad byung rol pa'i don byung ba/ /e ma ngo mtshar ya mtshan che/ /dgyes
140b7 pas rol pa'i byin rlabs las/ /rgyud drug rtsad gcod ngo mtshar che/ /mnyam pa chen po'i nam mkha' las/ /ye shes 'bar ba'i me byung bas/ /'khor
141a1 ba'i khrag gi rgya mtsho bskams/ /sdug bsngal dbyings su zad mdzad do/ /mi gnas klong nas cho 'phrul pa/ /gtum rngam 'khrug
141a2 pa'i ngo bor 'bar/ /khrag 'thung 'bar ba'i sprin 'phros pas/ /srid gsum khrag mtsho rngo nas bskams/ /dpa' bo tsham ngam gyad kyi stabs/ /srin po ma grangs
141a3 khros pa'i glu/ /theg chen rmad byung gsang ba'i tshig /chags pa'i rtod phur gting nas phyung / /mkha' bzhi dbyings kyi bde klong nas/ /tshom bu 'bum gyi cho 'phrul
141a4 'phros| |dgyes mchog rol pa'i 'phrin las las/ /la la shes rab thabs la rol/ /la la thugs rje las la rol/ /la la gdul bya'i yul la
141a5 rol| |la la ye shes dbyings la rol/ /thabs kyi rgyal po rtogs pa'i dbang / /che ba lung gi khyad par las/ /rgyal ba kun dang mnyam par sbyor/ /rdo rje pad+ma
141a6 rol pa'i stabs/ /chags med mkha' la gsal ba'i tshig /dus gsum zil gyis gnon pa'i glu/ /'jig rten rim gyis sbyang ba'i phyir/ /'jig rten
141a7 khams su rol pa byung / /'jig rten drug gi snying la rol/ /bdag po gtso bo zil mnan nas/ /'khor ni snyan pa'i tshig gis bsten/ /'khor ba'i lam
141b1 lnga rgyud bcad nas/ /rnam thar nam mkha'i ngang du bslan/ /gar mchog glog ltar 'gyur ba yi/ /rmad byung gsang ba'i dkyil 'khor nas/ /yi ge 'bar ba'i cho 'phrul
141b2 'phros| |'phro 'du skar ltar 'khrugs pa las/ /khams gsum bud shing thal bar brlags/ /rdo rje bu yug skar mda'i stabs/ /rdo rje 'brug chen ldir ba'i
141b3 glu| |don grub rdo rje gsang ba'i tshig /gdug pa'i dpung rnams rnam par 'joms/ /rdo rje sprul pa'i dkyil 'khor bas/ /thabs kyi byang chub sems sprin
141b4 spros| |dbang sdud chags pa'i khyad par las/ /'jig rten bu mo drug dang rol/ /seng+ge rnam par rol pa'i stabs/ /rdo rje khyung skad 'gyur ba'i glu/ /chags pa
141b5 rtsad nas gcod pa'i tshig /rdo rje rol pa'i don chen po/ /'khor lo 'bar ba'i dkyil 'khor nas/ /mtshon cha 'bar ba'i yig 'bru 'phros/ /rgyu drug ngo bo rtsad
141b6 nas gcod/ /dug lnga'i phung po rnam par spros/ /ye shes rno dbal mtshon chen po/ /chos nyid bdal ba'i klong nas 'phro/ /thabs mchog dbyig gi rtsal shugs
141b7 las| |'bar ba'i mtshon cha char ltar 'bab/ /yi ge ye shes mtshon cha'i char/ /rdo rje lce yi shugs kyis dbab/ /rin chen gter gyi longs spyod rnams/ /
142a1 rtog pa'i ri bo gzhom pa dang / /dug gsum phung po gzhig pa'i phyir/ /'khor lo lcags kyu la sogs pa/ /rten dang gsang chen
142a2 til mchog dang / /dwangs ma la sogs sgo kun rnams/ /so so'i cha ru phye nas ni/ /thugs rjes nyon mongs sbyong ba yi/ /so so gnyer gyi rang skal du/ /phyag rgya
142a3 so so'i skabs su gdab/ /de ltar rdzogs par gyur pa dang / /maN+Dal kun gyi tshad 'dra la/ /dbus su thig bzhi le tshe dgu/ /mtha' bskor 'khor lo'i rtsibs
142a4 brgyad bya/ /de la sgo bzhi sgo khyud bya/ /mtha' zad bskal pa'i me ri bri/ /dbus su dkar dmar kha sprod bri/ /phyogs mtshams brgyad du khaM brgyad bri/ /'khor
142a5 lo'i bar mtshams mu khyud la/ /nang du bltas pa'i khaM brgyad gsal/ /rtsibs la nang du lta ba brgyad/ /mu khyud brgyad la phyir lta brgyad/ /gru chad bzhi la nang du
142a6 lta| |thig le rnam bzhi bri bar bya/ /phyi rim bar khyams de dag la/ /thig le nyi shu rtsa brgyad ni/ /phyi ru lta ba bri bar bya/ /bskal pa chen po'i me khyams la/ /
142a7 thig le phyir lta bcu gsal yi/ /de la phyag rgya rim par dgod/ /maN+Dal sgo ru bam chen gcig /glu bro gar gyis rnam sbyangs te/ /dbus su bzhag ste shar
142b1 du bstan/ /de yi phung po gzhal yas khang / /b+h+ruM las bskyed de gsal bar bya/ /de ru phyag rgya'i tshogs chen bsgom/ /rdzas kyi gnas rnams so so la/ /rigs kyi
142b2 lha rnams rim par dgod/ /de nas rdo rje bsnyen pa bya/ /byin phebs rtags lung mgu ba na/ /bam de byang shar mtshams su bsgral/ /rdzas rnams so sor bsngos nas
142b3 kyang / /phyag rgya bzhugs pa'i gnas rnams su/ /ma nor bar yang dgod de sbyar/ /dpal dang ldan pa'i snod dgu la/ /rmad du byung ba dgu bkod de/ /'bar ba chen
142b4 po'i gnas gnas su/ /brjid pa'i tshul du gsal bar bsgom/ /phyag rgya gzhan yang rdzogs par dgod/ /ye shes rdzogs pa'i dkyil 'khor du/ /dbang chen zla
142b5 gam skar tshogs bkram/ /rdo rje mi phyed dgur 'bar ba/ /che ba dgu yi khyad par las/ /dpal chen dgu ni sku la rdzogs/ /yum chen dgu ni dbyings la rol/ /
142b6 dpal be'u dgu ni thugs la 'bar/ /'byung chen dgu ni klong du 'khyil/ /khu byug dgu ni rang skad rdzogs/ /b+han+d+ha dgu ni dpal dang ldan/ /zla gam dgu ni yum
142b7 gyi dbyings/ /thig le dgu ni byang chub sems/ /nyi zla dgu ni 'od 'phro 'bar/ /de ltar dgu dgur gsal ba yi/ /dgu klong b+ha ga gcig gi ngang / /dgu bkag
143a1 gcig phye thig le'i don/ /thams cad 'byor pa rgyas byas la/ /bam dgu phan chad sman du sbyar/ /rdzas kyi dngos grub blangs te spyad/ /
143a2 ces bcom ldan 'das sems dpa'i rdo rjes gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ rmad byung rdzas kyi le'u ste bcu
143a3 bzhi pa'o// //de nas yang sems dpa'i rdo rje des 'di skad ces gsungs so/ /'dus pa chen po'i tshogs/ chos thams cad ni/ mngon
143a4 sum du shes shing rig par bya'o/ /mngon sum gang zhe na/ dran pa mngon du bzhag pa'i yul la mi gnas pa'i chos thams cad dang / phyis 'byung ba'i
143a5 chos thams cad dang / sngon du byung ba'i chos thams cad mngon sum mar rig pa'o/ /de ci'i phyir zhe na/ mngon sum mar shes pa ni/ ye shes chen po'i
143a6 rgyu yin pa'i phyir ro/ /de yang ji lta zhe na/ chos thams cad sgyu ma'i rang bzhin du dran pa mngon du bzhag na/ mngon du gyur pa'i chos nyid phyin ci ma log par
143a7 shes pa yin no/ /chos nyid phyin ci ma log par mngon du gyur na/ mi gnas pa'i ye shes chen po nyid de yin no/ /de bas na/ mngon par shes pa rnams
143b1 dran pa mngon sum mar yid la byos shig /de skad ces gsungs pa dang / mngon shes rig pa'i drang srong chen po rnams kyis 'di skad ces gsol to/ /bcom
143b2 ldan 'das/ mngon par shes pa ni/ bdag cag rnams kyi dam tshig lags so/ /bcom ldan 'das kyis bdag cag rnams kyi dam tshig bshad du gsol zhes
143b3 zhus pa las/ bcom ldan 'das kyis bka' stsal pa/ rig 'dzin chen po rnams/ ye shes chen po'i rgyu mngon par shes pa ni/ rnam par lngar rig par
143b4 bya'o| |mig gi dbang po thams cad las/ /zhib tu btags pa'i phye mar bya/ /bcud kyi snying por sbyar byas nas/ /mthong ba'i snying po 'bum bzlas na/ /thams
143b5 cad ma lus mthong bar 'gyur/ /'di ni mig gi mngon shes so/ /rdo rje lce yis brjod pa'i tshig /dus sam rgyun du brjod par bya'o/ /badzra tsak+Shu gar+b+ha bid+yA hUM/ rna
143b6 ba'i dbang po thams cad kyang / /btags sam phye mar byas nas ni/ /bcud kyi snying por sbyar byas te/ /thos pa'i snying po 'bum bzlas na/ /sgra yi bye brag thams
143b7 cad thos/ /'di ni rna ba'i mngon shes so/ /rdo rje tshig tu brtag pa ni/ /badzra gar+b+ha sta ma si ho/ sna yi dbang po thams cad kun/ /bskams sam phye mar byas nas ni//
144a1 bcud kyi snying por sbyar byas te/ /dri sna tshogs dang bsres pa las/ /tshor ba'i snying po 'bum bzlas na/ /sna yi mngon shes thob par
144a2 'gyur| |rdo rje tshig tu gzung ba ni/ /badzra na ma si taM hUM/ lce yi dbang po thams cad kun/ /bskams sam phye mar phyas nas ni/ /bcud kyi snying por sbyar byas te//
144a3 ro yi mchog la sogs pa las/ /ro yi snying po 'bum bzlas te/ /smra byed lce yi dkyil 'khor ni/ /stegs bu khru gang gru bzhi la/ /dbus su gsang ba'i rdo
144a4 rje bri| |mtha' ma lce yi pad+mas bskor/ /lce la tshig gi 'od zer 'phro/ /smra ba'i sgrub pas 'di rdzogs na/ /smra ba'i dbang po kha dbye zhing / /ro rnams thams cad
144a5 shes par 'gyur/ /'di ni lce yi mngon shes yon/ /rdo rje tshig tu brtag pa ni/ /badzra pA sha sid+yA hUM/ snying gi dbang po thams cad kun/ /bskams sam phye
144a6 mar byas nas kyang / /snying po mchog dang sbyar byas shing / /dran pa'i snying po 'bum bzlas shing / /dpal be'u tsi ta'i dkyil 'khor nas/ /dran pa'i rten gyis
144a7 yongs bskor te/ /snying gi dkyil 'khor rdzogs pa dang / /dbang po thams cad gsal ba dang / /thams cad ma lus shes par 'gyur/ /gzhan gyi sems ni
144b1 shes pa'i mchog /badzra tsit+ta sid+yA hUM/ lus kyi dbang po thams cad kun/ /btags sam phye mar byas nas ni/ /sra mkhregs bcud ngang sbyar byas te/ /reg
144b2 bya'i snying po 'bum bzlas na/ /lus kyi mngon shes thob par 'gyur/ /mngon shes 'di dag kun rdzogs na/ /mi gnas ye shes chen po'i rgyu/ /phra mo'ang nan
144b3 tan mchog tu bya'o/ /zhes gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ mngon shes rig pa'i sgrub lugs kyi le'u
144b4 ste bco lnga pa'o// //de nas sems dpa'i rdo rje des 'di skad ces gsungs so/ /'dus pa chen po'i tshogs/ mchog chen po'i sgrub lugs
144b5 ni| 'di ltar rig par bya'o/ /don la brtson pa'i rnal 'byor pas/ /las kyi stegs bu chag phyed pa/ /me ris bskor te 'bar bar bya/ /dkyil 'khor de yi
144b6 maN+Dal ni/ /sum brtsegs byas pa'i dbus zla gam/ /brgyad kyis mdzes par bya ba'o/ /phyi mtha' thod pa'i phreng bas bskor/ /de mtha' me dpung 'bar bas
144b7 bskor| |de yi phyi mtha' dmar chen rgyas/ /zla gam dbus su dpal chen 'bar/ /zla gam brgyad la gnas bdag brgyad/ /mthing nag ya tha me rir 'bar/ /de
145a1 'og thod pa tshar gsum dang / /sgo khyams dur khrod rdzas kyis bskor/ /sgo brtsegs sgo khyud tha ma bran/ /thams cad gang yin de
145a2 ltar sbyar/ /phun sum tshogs par gyur pa na/ /rnam bzhi las kyi maN+Dal brtsam/ /'jigs byed bskal pa'i dkyil 'khor du/ /za byed 'bar ba'i phyag
145a3 rgya yis| |thar pa tsa ra bsgral ba'i phyir/ /drod ldan man ngag 'chang ba des/ /mchog gi byin brlabs gzhag par bya/ /dag pa gsum gyis gzhung bsrangs
145a4 nas| |gnas mchog dben pa'i ri bo rtse/ /rna nyan phra gsag can dang bral/ /'du 'dzi 'gro 'ong chad pa dang / /gsang chen spyod pa'i gnas su shis/ /rnam
145a5 bzhi las kyi rtags nyung na'ang / /gcig gnyis ldan na 'bring du bshad/ /sgrub pa'i rgyal po gdeng ldan pa/ /shin tu brjid cing sran tshugs pa'i/ /khu
145a6 'phrig rtog bral brtul zhugs can/ /las kyi phreng ba lhag chad med/ /dri zhim dag pa'i sman dag gis/ /phyi bkru shi ne da hu las/ /nang yang dag pa chen
145a7 por bya| |tshad mar sbyar ba'i bka' dang ni/ /ldan nas dus btab shin tu brtsam/ /de yang brtag pa'i gal che ni/ /bkra shis mdzes dang ldan 'gyur ba/ /bong
145b1 tshod lo ni dar la bab/ /rigs lnga'i mtshan dang ldan pa la/ /bsgral ba'i rdzas su rung ba dang / /yid 'ong 'byor ldan btsal nas ni/ /bsgrub pa'i rdzas su bya ba
145b2 de| |de 'dra'i mtshan rtags yod pa ni/ /ma sbyangs sa la slebs pa'o/ /sgrub pa'i rgyu mchog de dag ni/ /da hu man+das dbang po bsgyur/ /rdo rje phra mkhan phab
145b3 nas ni| |snang srid thams cad dri ba'am/ /legs nyes thams cad dri bar bya/ /dbang po sgo lnga'i dkyil 'khor du/ /bdud rtsi rnam lnga'i thig le gdab/ /
145b4 rnam shes 'byung ba'i sgo lnga ru/ /so so 'byung ba'i rdzas rnams gdab/ /so so rigs kyi phyag rgyas gdab/ /phyag rgya bkod de nyon mongs bsgral/ /bsgral sbyar
145b5 thams cad sbyangs nas ni/ /mchod dang mnyes dang dam skong dang / /dngos grub rnam gsum gang thob blang / /thob nas thams cad ci bder spyad/ /ces gsungs
145b6 so| |de nas sems dpa'i rdo rjes yang 'di skad ces gsungs so/ /'dus pa chen po'i tshogs/ bar du gcod pa thams cad zlog pa'i sgrub pa chen po ni/ 'di
145b7 ltar rig par bya'o/ /gong ma bzhin du las brtsams nas/ /thar pa'i rgyu mchog de dag ni/ /rus pa rdo rje thal bar bsgrub/ /rus pa'i tshogs ni thams cad kun/ /
146a1 bsregs dang lce pog nag por sbyar/ /khyab 'jug ga'u kha sbyar du/ /bcug ste 'joms pa'i phyag rgya dang / /drag po sngags
146a2 kyis bsgrubs byas nas/ /grub na rnal 'byor don ldan gyi/ /bar chad zlog pa'i gnyen por sbyar/ /zhes gsungs so/ /rgyud kyi rgyal po chen po rdo rje bkod pa kun
146a3 'dus rig pa'i mdo las/ rdo rje thal chen gyi sgrub thabs kyi le'u ste bcu drug pa'o// //de nas yang sems dpa'i rdo rje des 'di skad ces
146a4 gsungs so/ /'dus pa chen po'i tshogs/ pra thams cad ni/ 'di ltar rig par bya'o/ /maN+Dal gru bzhi pa gcig la/ /zla gam sgo gcig rdo rjes bskor/ /
146a5 mtha' khyud sgo bzhi ldan par bri/ /rgyu mchog dbang po phyed ldan shis/ /phyi yi khrus rnams byas nas ni/ /shar du kha bstan dbus su gzhag /lce la gzungs
146a6 thag sna lngas gdags/ /rnal 'byor rnams kyis bskor bar bya/ /phyag rgya rdzas dang bcas par dgram/ /de yi khong du gzhal yas bskyed/ /rim par brtsegs
146a7 pa'i dkyil 'khor ni/ /'bar ba'i 'byung chen 'bar ba lnga/ /don gyi lha mo lnga ru gsal/ /kun gzhi kun tu bzang mor gsal/ /de yi thugs kyi khong thag tu//
146b1 thig le zla ba nya rgyas la/ /ye shes sems dpa' tshon gang pa/ /thugs kar nor bu rin chen 'bar/ /dbus su nyi ma'i ga'u la/ /dpal be'u yungs 'bru'i bum pa
146b2 la| |hUM dmar til 'brur gnas pa ni/ /bde chen byang chub sems zhes bya/ /rdo rje gsang thag rgyun mi gcad/ /rdo rje kha bra gdab par bya/ /de nas mtshan ma byung
146b3 gyur na| |dngos grub blangs te de bsgral la/ /bskams te bdud rtsi rtsa bar bya/ /zhes gsungs so/ /rgyud kyi rgyal po chen po rdo rje bkod pa kun 'dus rig pa'i mdo
146b4 las| mchog phran thabs kyi sgrub lugs kyi le'u ste bcu bdun pa'o// //de nas yang sems dpa'i rdo rje des 'di skad ces gsungs so/ /
146b5 'dus pa chen po'i tshogs/ thams cad ni/ sgyu ma'i rang bzhin du shes par bya'o/ /de ci'i phyir zhe na/ sgyu ma ni/ dngos por snang yang rang bzhin med pa yin
146b6 te| rang bzhin med pa'i don ni/ chos nyid rdo rje yin no/ /de bas na/ sgyu ma'i chos thams cad khong du chud par bya'o/ /de nas 'khor der 'dus par gyur pa'i lha
146b7 ma yin gyi tshogs bdag sgyu ma mkhan zhes bya bas 'di skad ces gsol to/ /bcom ldan 'das/ bdag cag rnams kyi dam tshig ni/ sgyu ma'i cho 'phrul la
147a1 gnas shing sgyu ma ched du bgyid lags kyi/ bdag cag rnams kyi don ched du sgyu ma'i chos thams cad bshad du gsol zhes gsol pa
147a2 las| bcom ldan 'das kyis bka' stsal pa/ tshogs bdag chen po/ sgyu ma'i cho 'phrul ni/ 'di ltar rig par bya'o/ /chos rnams thams cad sgyu
147a3 mar snang / /sgyu ma'i rang bzhin stong pa ste/ /stong pa'i don rnams gang yin pa/ /mi 'gyur mi shigs rdo rje'i don/ /stong pa nyid la sgyu ma yi/ /cho 'phrul bye ba
147a4 mang po 'byung / /de bzhin sgyu ma'i cho 'phrul yang / /gyin da tsam gyi rgyu rkyen las/ /cho 'phrul gzugs ni tha dad snang / /snang yang dngos por ma grub ste/ /'gyur
147a5 'jig med pas rdo rje'i don/ /kun rdzob sgyu ma'i mtshan nyid kyang / /rde'u dang shing bu'i rgyu dag las/ /sman dang sngags kyis rkyen sbyar nas/ /'bras bu sgyu ma'i cho
147a6 'phrul 'byung / /sgyu ma'i gsang chig sbyor ba ni/ /sgyu ma'i bdag pos 'di skad bshad/ /sgyu la 'dod pa'i gzugs byas la/ /she'u re'u sman gyis btab nas ni//
147a7 gsang sngags 'di yi sbyor ba bya/ /she 'u re 'u i na ya/ /a mo kha a 'gus sa 'gus/ /chag shing dag gis brdabs byas na/ /ji ltar 'dod pa sna tshogs bya/ /
147b1 bsdu bar 'dod na slar bzlog bya/ /des na sgyu ma'i g.yeng ba can/ /drang ba'i thabs kyis dkri bar bya/ /rgyud kyi rgyal po chen po rdo rje bkod pa kun 'dus rig pa'i mdo las/
147b2 sgyu ma rdo rje sgrub lugs kyi le'u ste bco brgyad pa'o// //de nas yang sems dpa'i rdo rje des 'di skad ces gsungs so/ /'dus pa chen po'i tshogs/
147b3 chos thams cad la dbang sgyur bar 'dod na/ 'di ltar rig par bya'o/ /phun sum tshogs pa kun ldan byas/ /stegs bu kun tu gru bzhi la/ /mu khyud gcig tu
147b4 bskor nas ni/ /zla ba kham pa'i dbyibs su sbyar/ /sgo bzhi gru chad bzhir ldan bya/ /dbyibs kyi thig le zlum po la/ /rdo rje dang ni nyi mas bskor/ /dbus su b+han+d+ha
147b5 dpal ldan la/ /dpal chen yab yum sbyar la gzhag /tshal bu brgyad la gnas brgyad sbyar/ /lte ba bskor te rim par gzhag /thig le shar gyi sgo gang du/ /rdo rje
147b6 rnal 'byor gsang ming dang / /dngos grub gsol bya bris la gzhag /mchod pa'i khyams su gyur pa la/ /sgrub pa'i rdzas dang mchod pa rnams/ /rim pa bzhin du
147b7 mdzes par dgram/ /rdo rje rnal 'byor de dag rnams/ /rdo rje lhag pa'i rtags kyis mtshan/ /ting 'dzin dkyil 'khor rdzogs byas nas/ /spyan drangs mchod pa kun
148a1 bsags te/ /'jug dang dngos grub gsol ba dang / /dbang bskur las rnams kun rdzogs nas/ /rmad du byung ba'i gtor ma dang / /
148a2 cha gsum drag po sbyin sreg bya/ /bar ma mi zad gter du sba/ /byang chub sems kyi chu bo dang / /chos nyid nam mkha'i dbyings chen dang / /b+ha ga yum gyis
148a3 gzhi la| |shin tu sba ba'i tshul du sbyar/ /cha gcig gzhal yas shar sgo nas/ /bcu gsum gcal bar stegs bu bya/ /der ni gnas bdun gtso rnams
148a4 kyang / /de bzhin bcu gsum lan re la/ /gnas kyi mgron ni ma sring rnams/ /bdun cu bar du kun rdzogs bya/ /tha mar maN+Dal zla gam la/ /nus na mkha'
148a5 'gro nam mkha'i hom/ /rdzogs bya ma lus de mgu bya/ /lhag mar gyur pa kun rdzogs bya/ /snyigs mar gyur pa thams cad kyang / /sba 'am bsreg gam chu
148a6 klung 'dor/ /rdo rje gnas chen de bsrungs te/ /gnas ni sba phyir su dag gsang / /mi rig phyir na mtshan ma dag /rang rang gnas su sleb par bya/ /gang dag 'du
148a7 tshe'ang de bzhin no/ /'di ni thig le gcig pa yi/ /sgrub lugs yin par rgyal bas bshad/ /'di dag sgrub pa'i skyes bu ni/ /zla ba'i 'khor lo la gnas
148b1 nas| |nyi ma'i 'khor lo thogs nas ni/ /yang dag chos kyi dbyings nyid la/ /dbang sgyur byed pa'i rgyal por 'gyur/ /zhes gsungs so/ /yang sems dpa'i rdo rje
148b2 des 'di skad ces gsungs so/ /'dus pa chen po'i rnal 'byor pa/ /'di yang rim gyis gong ma ltar/ /thams cad tshul bzhin sbyar byas nas/ /phyi ru kun tu gru bzhi
148b3 la| |thig le zla ba gcig tu bya/ /de la srad bu bzhi bsnol bas/ /le'u tshe dgu ru gyur par bya/ /phyi rol mu khyud thod pas bskor/ /gru bzhi gru chad rab mdzes brgyan/ /
148b4 de yi mtha' zad khyams gcig la/ /sgo gdong sgrub pa po la lta/ /dbus su thig le dkar dmar la/ /kha sbyor bar dag rdo rjes 'brel/ /der ni dpal chen yab
148b5 yum bzhugs/ /phyi mtshams le'u tshe de brgyad la/ /zla gam brkyang ba brgyad byas te/ /ye shes gnas kyi ma brgyad dgod/ /phyi rol sgo gcig khyams de la/ /sgrub
148b6 pa'i rdzas kyis mdzes par dgram/ /bsam bya sgrub pa la sogs kun/ /thams cad de bzhin 'dir sbyar bya/ /'di ltar grub pa'i skyes bu gang / /chos kyi rgyal por
148b7 gyur pa ste/ /thams cad kun la dbang sgyur ba'i/ /skyes bu chen por de 'gyur ro/ /zhes gsungs so/ /de nas yang sems dpa'i rdo rje des cho 'phrul thams cad la
149a1 dbang sgyur ba zhes bya ba 'di gsungs so/ /'dus pa chen po'i rnal 'byor pa/ /'di yang thams cad de 'drar sbyar/ /kun tu gru bzhir
149a2 ldan 'gyur ba/ /'khor lo rtsibs brgyad dag tu bya/ /gru chang bzhi yi phyi rol du/ /sgo bzhi dag dang ldan par bya/ /phyi khyams dmar nag me ri klong / /shin tu
149a3 brjid cing 'jigs par bri/ /thig le dbus kyi snying po la/ /zla gam 'bar bas mtshan par bya/ /rtsibs mchog brgyad la zla gam ni/ /nang du lta bde brgyad
149a4 dri| |rtsibs mtshan brgyad la'ang de bzhin te/ /rdo rje sgo ma bzhi rnams te/ /phyag rgya rim par bkram byas nas/ /sgrub pa'i las rnams kun rdzogs bya'o/ /de
149a5 ltar grub pa'i rnal 'byor pa/ /'jig rten pa dang 'jig rten las/ /'das pa'i cho 'phrul thams cad las/ /dbang sgyur byed pa'i rgyal por 'gyur/ /zhes
149a6 gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ thig le sgrub pa'i le'u zhes bya ste bcu dgu pa'o// //de
149a7 nas sems dpa'i rdo rje des 'di skad ces gsungs so/ /'dus pa chen po'i rnal 'byor rnams/ dregs pa can gyi tshogs thams cad la dbang bsgyur bar
149b1 'dod na/ 'di ltar rig par bya'o/ /'di ni byas la sogs pa'i las/ /'di ltar sbyor dang phun sum tshogs/ /thabs la mkhas dang yo byad dang / /ji ltar rig par 'dir
149b2 bsdu bya| |de nas maN+Dal 'dra gcig la/ /dur khrod mgo ma yang du bya/ /zur bzhi maN+Dal bzhi byas la/ /bzhi las de bzhis chags res bstod/ /de nyid ma tang bzugs
149b3 su bya| |snying ga man chad dbus su bsnol/ /dkyil 'khor chen po'i 'og tu gzhug /'khor lo 'dar ba'i thig btab ste/ /dpal chen lnga yi phyag rgya bya/ /khyams
149b4 gnyis dag gis mdzes pa la/ /gnas dang yul gyi phyag rgya dgod/ /sgo bzhir rdo rje sgo ba bzhi/ /yan lag sprul pa'i mgo brnyan gnas/ /phyi khyams rdo rje me
149b5 ri bya| |de yi phyi rol phreng chen gtams/ /skam dang ra ri rlon pas bskor/ /de yi phyi rol me gur 'tshub/ /bskal pa'i bu yug bri bar bya/ /rdo rje sgo khyud sgo gang
149b6 du| |gu gu thul dang zar tshags/ /zhing dang sbrul kyi chun po bri/ /de nas b+han+d+ha dpal ldan la/ /rdo rje dpal gyi yi ge dag /bris la kha sbyar sgrub ste gzhag /ga'u
149b7 chung la ral pa can/ /brgyad bris 'byung ba'i gnas su gzhag /las byed brgya dang bcu gnyis la/ /las byed bcu gnyis bris la 'god/ /thar pa gnas kyi
150a1 dkyil 'khor du/ /gdol pa 'byung po nga rgyal can/ /chags sdang rnams kyis bslad pa'i rgyu/ /de yi dug gsum bshig pa'i phyir//
150a2 don gyi sgrub pa chen po bshad/ /ru tra lnga yi tshogs chen te/ /ting 'dzin ye shes lngas bcom nas/ /rdo rje drod kyis rnam par sbyar/ /mdo yis la stabs gcig
150a3 tu'o| |bgegs kyi bgegs te bgegs chen po/ /dug lnga rtog pa nyid las skyes/ /phyed dang gsum gyi dur khrod nas/ /gzhi rtsa ngag dang lus sems so/ /brjid
150a4 ldan dpal chen dur khrod bdag /bdag rtog rtog 'joms ting 'dzin gyis/ /srid gsum ru tra dur khrod du/ /tshogs bdag chen po de brgyad bya/ /ma rig mun
150a5 khang sgo phyed nas/ /glang chen smon pa de bzung nas/ /gzung 'dzin dam po'i rtod thag gcad/ /dug gsum rnam rtog rtod phur dbyung / /ngan song 'dam nas
150a6 drangs nas ni/ /nyon mongs dpung rgod de btul nas/ /ye shes thabs kyis rnam sbyangs te/ /nam mkha'i klong du dmigs med par/ /bde chen mchod pa'i
150a7 tshogs chen dag /ro mchog lnga dang mnyam sbyar bas/ /chos kyi longs spyod rgyas par sbyar/ /mnyam nyid bde ba'i snying rje yis/ /dregs pa chen po gzhom pa dang //
150b1 'khor ba'i dra ba gcad pa'i phyir/ /khro tshogs 'bar ba'i sprin 'phros pas/ /gtum thung rngam pa mgyogs pa tshogs/ /phyag brnyan char chen phab nas ni/ /
150b2 'khor ba'i tha ba spangs nas ni/ /bde ba chen po'i zhing bzlog ste/ /byang chub myu gu bskyed nas ni/ /byang chub sems dpa'i lo tog bskyed/ /
150b3 dur khrod chen po'i bzhin phyogs ni/ /mgo ni lho nub mtshams su bting / /rkang pa byang shar mtshams su bting / /nga ni dur khrod dbang phyug che/ /sangs rgyas sku
150b4 ste ye shes yin/ /thugs rje rnon po'i dmag tshogs la/ /ye shes rnon po'i mtshon cha yis/ /lo tog 'khor ba'i rgyun gcod do/ /gru bzhi kha bzhir rdo rje yi/
150b5 dbyibs 'dra'i thab ni brtsigs nas kyang / /snying gar 'khor lo'i thab tu bya/ /rigs kyi yam shing lnga brtsigs te/ /hom lnga 'brel pa'i las chen brtsig /thab chen
150b6 lnga yi hom khung du/ /'khor ba'i sdug bsngal yam shing la/ /ye shes chen po'i me klong du/ /nyon mongs lnga yi bsregs sbyangs rdzogs/ /bya bar sbyor ba
150b7 mtha' dag kun/ /ji ltar 'byor cing 'tsham par 'os/ /zhes gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ dregs pa
151a1 can gnon pa zhes bya ba'i le'u ste nyi shu pa'o// //de nas yang sems dpa'i rdo rje des 'di skad ces gsungs so//
151a2 'dus pa chen po'i tshogs/ 'khor ba'i rgya mtsho zad par byed pa'i zhal gyi dkyil 'khor zhes bya ba sgrub pa'i don 'di ni/ 'di ltar rig par bya'o/ /'di yang
151a3 de 'drar kun sbyar nas/ /'khor khang can gyi gzhal yas su/ /khru gang gru bzhi'i tshad de la/ /bzhi ni 'khor khang khyams de dag /phyogs bzhi dag tu brtsam
151a4 par bya| |dri zhim tsan+dan 'de gu gtang / /dri spos tshom bu rin chen 'phro/ /sbyin mchog rgyas par de bsham bya/ /lha yi dge bsnyen rnam pa bzhi/ /phyogs
151a5 mtshams srung ba'i las rnams bsgo/ /khyams kyi nang rim phyogs mtshams su/ /chag phyed pa yi stegs bu bcu/ /bskal pa'i me dpung 'bar bris
151a6 la| |sna tshogs rgyu las byas pa yi/ /mthun pa'i gzugs bcu dbang bskur te/ /khro bo gar gyi nang mtshams bcad/ /de nas ma traM gnon par bya/ /dregs
151a7 pa ru tra sdig can 'di/ /nam yang bsgral ba'i zhing yin te/ /dzaHhUM baM ho ma hA shrI he ru ka ma trang ru dra ha ha pra be sha phaT/ kha T+wAM phyag rgyas bskyel nas ni/ /ma
151b1 rig mun pa'i sgo phye nas/ /rnam shes a ru byin brlabs te/ /gsang chen thugs kyi klong du bstim/ /sbubs ni gzhal yas 'bar bar bya/ /stegs bu ma traM
151b2 gzugs 'dra la/ /'gyel thabs bzhin phyogs ci 'drar bya/ /kha dog sngo skya gan rkyal thabs/ /che chung tshad med gnas kyis sbyar/ /de yi snying gar bang rim
151b3 gsum| |dang por dmar po gru bzhi brtsig /gnyis pa mthing nag gru gsum bya/ /gsum pa smug nag zla gam bya/ /yan lag bzhi dang mgo mtshan drug /
151b4 gsang sgo gnyis te brgyad dag la/ /stegs bu chag phyed gru bzhi brgyad/ /de yi mtha' rim yongs zad du/ /zla gam gsal ba'i maN+Dal bya/ /de dag me klong
151b5 'bar bar bskor/ /ya thog zla gam steng dag tu/ /dpal dang ldan pa'i lha mchog bzhugs/ /mthing nag gru gsum me dpung bri/ /gru bzhi'i dmar po bang
151b6 rim la/ /rigs bzhi lha mchog dpal ldan gzhag /yan lag mgo mtshan g.yas g.yon brgyad/ /dbang phyug gnas kyi bdag mo brgyad/ /bri bya yang
151b7 na mtshan ma gzhag /tshigs chen brgyad la yul bdag brgyad/ /ji ltar 'os pa de ltar bya'o/ /sgo bzhir gsang ba sgo mar gzhag /mtha' zad yongs kyi zla gam
152a1 la| |bud med nyi shu rtsa brgyad gzhag /ming ngam mtshan ma brten te gzhag /de yi kha la thab tu brtsig /pad+ma dpal be'u dbyings
152a2 'dra thab/ /mkhas pas yam shing brtsam par bya/ /bya ba'i bya ba thams cad kun/ /gong du sbyor ba de ltar sbyor/ /zhes gsungs so/ /rgyud kyi rgyal po chen po rdo rje
152a3 bkod pa kun 'dus rig pa'i mdo las/ 'khor ba thams cad sgrol ba sgrub pa zhes bya ba'i le'u ste nyi shu rtsa gcig pa'o// //de nas yang sems
152a4 dpa'i rdo rje des dug gsum thugs su dbang sgyur ba zhes bya ba'i mdo 'di gsungs so/ /'dus pa chen po'i rnal 'byor pa/ /dug gsum dbang du sgyur pa yang / /
152a5 'di ltar khong du chud par bya/ /dug gsum rang bzhin gang yin pa/ /sku gsum nyid kyi ngo bo ste/ /gzhan nas btsal ba ci yang med/ /de ltar shes par 'gyur
152a6 ba dang / /kun rdzob tshul du 'di ltar bsgyur/ /thams cad gong ma bzhin sbyar la/ /stegs bu 'dom gang ba zhig la/ /phyir dmar po rgyas par bya/ /de nas
152a7 mthing nag gru gsum brtsig /de nas dmar nag zla gam bya/ /zla gam dbus su dpal chen 'bar/ /dbang phyug gnas brgyad zla gam mtha'/ /bar rim bar
152b1 la dur khrod 'bar/ /mtha' mar dmar po gru bzhi la/ /sgo bzhi sgo srung bcas par bya/ /de yi mtha' ma me ris bskor/ /khro bcu 'bar ba'i rtags rnams dgod/ /
152b2 sgrub dang 'jug dang dbang bskur rnams/ /gong ma bzhin du sbyin par bya/ /des ni thams cad rdzogs pa yin/ /dug gsum thams cad zil gyis gnon/ /zhes
152b3 gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ dug gsum dbang sgyur ba zhes bya ba sgrub pa'i le'u ste nyi shu rtsa gnyis
152b4 pa'o|| //de nas sems dpa' rdo rje dam pa des bud med thams cad dbang sgyur ba zhes bya ba'i dkyil 'khor chen po 'di gsungs so/ /'dus
152b5 pa chen po'i tshogs/ chags pa thams cad dbang du 'du bar 'dod na/ 'di ltar bya'o/ /bud med chags pa'i rang bzhin te/ /chags pa khrag khrig rgya mtsho
152b6 yin| |las kyi 'khor ba'i sems can rnams/ /chags pa khrag gi rgya mtshor bying / /chags las rnam grol 'gog pa ste/ /chags pa de nyid khrag ces bya/ /
152b7 khrag gi rgya mtsho bskam pa'i phyir/ /bud med khrag gi rgya mtsho rnams/ /'tsho ba bdud rtsi'i rgya mtshor bsgyur/ /de ltar shes par gyur pa dang / /kun rdzob tshul du
153a1 'di ltar sbyar/ /las gyi brtsam pa phun sum tshogs/ /rim pa bzhin du brtsams nas kyang / /maN+Dal 'dom gang gru bzhi la/ /
153a2 'khor lo bzhi yi thig tu gdab/ /mu khyud phyi rim gru chad bzhi/ /de nas sgo khyams dmar por bya/ /kun gyi phyi rim lag chu hwa'i/ /me ri 'bar bas gtib
153a3 thag gcad/ /dbus su shar lta zla gam bri/ /b+han+d+ha dpal ldan yab yum dgod/ /'khor lo bzhi la rigs bzhir ldan/ /bar khyams gnyis la
153a4 gnas yul rnams/ /zla gam thig ler ldan par bya/ /sgo khyams sgo bzhi zla gam bcas/ /phyi khyams lag chu hwa yi me/ /me yi khro bo thig ler bcas/ /
153a5 dur khrod rgyan gyis kun brgyan bya/ /ting 'dzin rdzogs dang dngos grub dang / /'jug pa dbang bskur dngos grub rnams/ /gnas gsung la sogs rdzogs
153a6 par bya| |zhes gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ 'khor lo dbang sgyur gyi sgrub lugs kyi
153a7 le'u ste nyi shu rtsa gsum pa'o// //de nas sems dpa'i rdo rje dam pa des 'di skad ces bka' stsal to/ /'dus pa chen po'i tshogs/
153b1 chos thams cad ni/ bdud rtsi sman gyi rang bzhin du shes par bya'o/ /de ci'i phyir zhe na/ 'di ltar snang ba'i chos thams cad kyi don rtogs na ni/ 'tsho ba chos nyid
153b2 kyi rtsi yin/ ma rtogs na ni/ 'chi ba 'khor ba'i dug yin/ de bas na chos 'di dag thams cad bdud rtsi'i rang bzhin du shes par bya'o/ /de ltar shes nas kun
153b3 rdzob tu 'di ltar bsgrub par bya'o/ /ji bzhin 'byung ldan bde sbyar nas/ /ma traM khog pa'i snying ga ru/ /'dom gang tshad dang mthun pa la/ /rtsibs brgyad 'bar
153b4 ba'i 'khor lor gdab/ /me yi 'od kyis bskor bar bya/ /rdo rje ra bas bskor ba yi/ /mtha' ma sgo khyud 'bar bar bya/ /dbus su rin chen zur brgyad bya/ /der
153b5 ni phyag rgya 'bar ba dgon/ /lang+ka bsgral ba'i gnas mchog 'dir/ /ral pa can gyi tshogs 'dus te/ /rak+Sha 'joms pa'i mthu chen kun/ /srid pa gsum ril
153b6 'dir sgrol ba'o/ /dus bzhi mchod pa'i dam rdzas kyis/ /de dag ji ltar rigs par mchod/ /dus bzhi bcud smin snying po yis/ /dngos grub chen po'i rdzas su
153b7 bya| |phyogs bzhi dbus kyi rdzas chen rnams/ /rmad du byung ba'i ral pa can/ /'byung ba lnga la dbang sgyur mdzad/ /'byung ba lnga yi cho 'phrul sgrub/ /dbyar chu ston
154a1 me dgun sa ste/ /dbyid rlung nam mkha' gsang bar sbyar/ /cho 'phrul de la dbang thob nas/ /de dag ral pa can la bsgrub/ /ting 'dzin
154a2 rnam pa lnga gsal bas/ /'byung lnga las byung sha rigs lnga/ /khyi sha ba lang rta sha dang / /bya dang ri dwags sna tshogs ni/ /rdzu 'phrul shugs su sgrub pa'i rdzas/ /sgrub
154a3 pa'i rdzas chen 'byung chen lnga/ /'jig rten kun la dbang sgyur ba'i/ /de ltar rdzas rnams 'byor pa dang / /ting 'dzin sgom dang sgrub pa dang / /thams cad gong
154a4 dang mthun sbyar nas/ /'jug dang dngos grub dbang chen rnams/ /ci rigs par ni bde bar sbyar/ /zhes gsungs so/ /bdud rtsi rang byung dkyil 'khor zhes
154a5 bya ba'i mdo bshad pa'o/ /de nas yang sems dpa'i rdo rje des 'di skad ces gsungs so/ /'dus pa chen po'i rnal 'byor pa/ /gzhan yang bdud rtsi chen po
154a6 ni| |gong ma bzhin du legs sbyar nas/ /maN+Dal tshad dang mthun pa la/ /pad+ma dmar po 'od kyi mkha'/ /phyi rim zla gam dmar po bzhi/ /rdo rje 'bar bas mdzes
154a7 par bskor/ /me lce 'bar ba'i phreng ba ni/ /zla gam mtha' zad bri bar bya/ /rin chen ge sar phreng bas ni/ /pad+ma'i lce la bskor bar bya/ /sgo bzhi rin chen 'bar
154b1 bas bya| |phyag rgya 'bar ba'i lha bkod na/ /dbus su gser phor sul med la/ /dung chen 'khor ba can gyis sbyar/ /shar du shel phor sul 'greng la/ /rin
154b2 chen mdzod spu gsal bar sbyar/ /lho ru rin chen sul mang la/ /rin chen lo 'dab rgyas pas sbyar/ /nub tu rgya phor zla gam la/ /bzhin mtshams rin chen 'bur
154b3 gnyis sbyar/ /byang du bse phor rgya gram la/ /gtsug tor rin chen 'bur bzhi rgyas/ /rtsa ba lnga ni phyogs phyogs sbyar/ /sgo lnga'i gtso bo rigs su sbyar/ /dbus nas
154b4 shar lho nub byang du/ /ka ko la dang bu rus ka /dzA ti pha la kha dri zhim/ /lce po dkar zhes rim par sbyar/ /de bzhin gong gi rim pa bzhin/ /a ru ra dang ga pur dang / /gur
154b5 gum pad+ma li ga bur/ /de na ra sa ya na rnams/ /thams cad rigs dang kha dog dang / /las dang mthun par sbyar bar bya/ /sa bon lnga ni rim par sbyar/ /dpal dang
154b6 ldan pa'i snod nang du/ /yab yum snying po rim bzhin bya/ /dbus dang pad+ma lce la dgod/ /gnas yul la sogs mdzes par gzhag /dur khrod rdzas dang bkra shis
154b7 rdzas| |'byor pa'i yo byad thams cad bsham/ /de nas byin phab dngos grub gsol/ /thams cad rnam par sbyar bar bya/ /dam pa de nyid gsang tshon gyi/ /rigs
155a1 brgya rigs lnga rigs gcig gis/ /thams cad sbyang ba'i mchog tu bya/ /de nas khrol bu sbyang ba na/ /gsal bsngo bsdu dang dbye
155a2 ba dang / /khrus bya ba dang bshags pa dang / /yon tan brjod dang byin dbab bya/ /de nas skad cig thang gcig gam/ /zhag gcig dag gis sbyar bar bya/ /rtags
155a3 dag byung na der 'byongs pa'o/ /phye ma'i mchog tu sbyar ba ni/ /snod kyi sman rnams shes rab mas/ /bsdus te btag pa'i cho ga yang / /yum gyis
155a4 bzung zhing yab kyis btag /rig 'dzin rtsal can dbab cing drang / /so so las kyi sngags brjod cing / /gtan gtun thabs dang shes rab ste/ /sman nyid
155a5 byang chub sems su sbyar/ /rdo rje glu 'di lha mos blang / /kun tu bzang mo'i gzhal yas su/ /thabs dang shes rab ldan pa na/ /'khor ba bdud rtsi sman du
155a6 sbyar| |ye shes lnga ru gsal pa las/ /'bras bu sku gsung thugs su rdzogs/ /'chi med bdud rtsis gcong rnying sbyang / /mtshan ma btag phyir bcal nas
155a7 ni| |rdo rje dpal ldan kha sbyor blugs/ /kha dog rigs lnga'i ras kyis dkri/ /rdo rje dbang gi rgya yis gdab/ /rdo rje sngags kyis gzungs kyis gdags/ /
155b1 dpal chen sku lngar mnga' gsol te/ /ye shes lnga yi dbang bskur bya/ /maN+Dal dag tu dgod par bya/ /kun gyis bskor zhing dngos grub dbab/ /rtsi dang sman gyi bdag po
155b2 dang / /rtags dang rig 'dzin phra mo dag /rol mo cha byad mang pos bsten/ /sgrub pa 'bru mchog gtams pas dgang / /bkra shis gos kyis rgyas par klubs/ /
155b3 gzungs thag gnyer can rigs su dbul/ /ting 'dzin me yis rnam par sbyang / /rtags chen lnga ni gang byung yang / /myur te dngos grub blang bar bya'o/ /bdud rtsi
155b4 sgra las drangs nas ni/ /dpal ldan pad+ma ldan pa ru/ /thams cad bdud rtsir sa ma ya/ /mkha' klong yangs par bde chen rdzogs/ /rang nyid bdud rtsi'i dkyil
155b5 'khor rdzogs/ /gzhan nas bsgrub pa ci yang med/ /'jug pa la sogs thams cad kyang / /tshul bzhin du ni rgyas par bya/ /zhes gsungs so/ /bdud rtsi phye ma'i
155b6 sgrub pa rnam par bshad pa'o/ /de nas yang sems dpa'i rdo rje des 'di skad ces gsungs so/ /'dus pa chen po'i rnal 'byor pa/ /thams cad de 'drar sbyar
155b7 nas kyang / /maN+Dal 'khor lo rtsibs brgyad pa/ /phyag rgya'i lha rnams rdzogs byas nas/ /sman sbyang btags btsags btsal nas kyang / /sbrang chang 'o mas gong
156a1 bur bya| |bse phor mtshan ldan nang du gzhag /legs par kha sbyar ras kyis dkri/ /gong ma bzhin du kun sbyar nas/ /dngos grub
156a2 mchog rnams bdag gis bya/ /zhes gsungs so/ /bdud rtsi ri lu'i cho ga rnam par bshad pa'o/ /de nas yang sems dpa'i rdo rje des 'di skad ces gsungs so/ /
156a3 'dus pa chen po'i rnal 'byor pa/ /skyo ma'i cho ga 'di lta ste/ /thams cad gong ma bzhin sbyar nas/ /mtshan ma gsal po byung ba dang / /phye ma chu tshags nang nas
156a4 dbyung / /phye ma'i mchog tu gyur pa dang / /phye ma'i rgyal mo de dag ni/ /bse phor kha sbyar nang du blugs/ /rgyas btab byin rlabs dbang bskur nas/ /bzlas brjod
156a5 'phro 'du rgyun mi chad/ /sbrang chang rgya chang bu ram chang / /rgun chang 'o ma la sogs pa/ /bcud kyi khu ba thams cad sbyar/ /rin chen ga'u mtshan ldan du/ /blugs
156a6 te kha sbyar rgyas btab nas/ /'phro 'du bzlas brjod gong ma bzhin/ /byas te mtshan ma byung ba dang / /dngos grub chen po blang bar bya/ /phye ma'i sgrub rdzas de dag ni//
156a7 cha lnga dag tu bgos nas kyang / /rnal 'byor so so'i cha rnams las/ /ci ran tsam gyis cha gcig dang / /sbyar chang cha lngar bgos pa nas/ /rnal 'byor so so'i cha
156b1 rnams las/ /sbyar te dngos grub rten du bya/ /zla ba gcig tu thos pas ni/ /ba spu rangs shing gnyer ma rangs/ /zla ba gnyis su zos byas na/ /gzi mdangs thams cad
156b2 'bar bar 'gyur/ /zla ba gsum gyi phan yon gyis/ /nad kyi bskal pa dag las thar/ /zla bzhi phan chad gang zag gi /zas dang ma 'dres brtson bsgrubs na/ /
156b3 gzhan gyi nad rnams 'joms par nus/ /drug dang bdun dang brgyad rnams la/ /bdud rtsi bcud kyis 'tsho bar 'gyur/ /dgu dang bcu la zag pa zad/ /bcu gcig
156b4 rig 'dzin nam mkhar 'phur/ /zhes gsungs so/ /bdud rtsi skyo ma'i sgrub pa rnam par bshad pa'o/ /de nas yang sems dpa'i rdo rje des 'di skad ces gsungs so/ /
156b5 'dus pa chen po'i rnal 'byor pa/ /rdo rje rig 'dzin rtsal lnga'i zas/ /lde gu'i cho ga chen po ni/ /'di ltar khong du chud par bya/ /sbrang rtsi bu ram rgun 'brum rnams/ /lo
156b6 yi 'tsho bar sbyar nas kyang / /kha dog mtshan ldan dmar po'i ba/ /lo yi 'tsho bar gzung zhing bsrel/ /sman gyi rgyal mo rab mnye bas/ /rgyun du gsos pa'i 'o ma de/ /
156b7 rig 'dzin zas kyi mchog tu 'gyur/ /bdud rtsi rgyal mo rab mnye ba/ /phye ma'i mchog tu byas nas kyang / /lo yi 'tsho bar sbyar byas te/ /sus mi mthong ba'i sa phyogs
157a1 su/ /bsgrub rdzas de dag bkram nas kyang / /bdud rtsi sgrub pa de bzhin bya/ /dus bab pa yi tshod rnams la/ /bsgrub rdzas de dag thams cad
157a2 kyang / /ba yi 'o mas lde gur sbyar/ /cha res bskyed cing bza' bar bya/ /zos pa'i yon tan bsam mi khyab/ /zag pa zad nas nam mkhar 'gro/ /zhes gsungs
157a3 so| |bdud rtsi lde gu'i sgrub pa rnam par bshad pa'o/ /de nas yang sems dpa'i rdo rje des 'di skad ces gsungs so/ /'dus pa chen po'i rnal 'byor pa/ /'di
157a4 yang gong ma ltar byas te/ /de dang mi mthun bsgrub rdzas rnams/ /bdud rtsir 'gyur ba'i sman rnams kun/ /thams cad thams cad bsdu bar bya/ /til chen la
157a5 sogs zhun gyi mchog /thams cad bsdus shing sbyar byas nas/ /gnas kyang gong ma bzhin btsal te/ /bdud rtsi bkram nas bsgrub par bya/ /'phro 'du bzlas
157a6 brjod rgyun mi gcad/ /grub pa'i rdzas su gyur pa dang / /sman rnams phye mar btags par bya/ /de dag phye mar gyur pa dang / /zhun chen dag dang sbyar bar bya/ /
157a7 sbyor ba'i cho ga rdzogs pa dang / /dngos grub mchog ni blang bar bya/ /gzhan nam gzhan gyi sde pa dang / /lo yis bshugs te 'phrad mi bya/ /'tsho ba bdud rtsi
157b1 zhun gyis sbyar/ /bdud rtsi grub pa'i rtags chen ni/ /ba spu langs dang gzi mdangs 'bar/ /kham gyi zas bral bde bar 'tsho/ /shes rab gsal zhing thogs pa
157b2 med| |zag pa zad nas nam mkhar 'gro/ /zhes gsungs so/ /bdud rtsi zhun chen gyi sgrub pa bshad pa'o/ /de nas yang sems dpa'i rdo rje des 'di skad ces
157b3 gsungs so/ /'dus pa chen po'i rnal 'byor pa/ /rlon pa'i rdzas la sman bsgrub na/ /thams cad gong ma bzhin sbyar nas/ /maN+Dal thig le lnga pa la/ /bkra
157b4 shis dpal ldan lnga bzhag nas/ /gtso bo lnga dang 'bras bu lnga/ /rlon par bkod nas yi ger sbyang / /ting 'dzin bzlas pa'i me sbar bas/ /dang po ro 'byung
157b5 bskoms pa dang / /de nas btags btsags gong ma bzhin/ /sbyar nas rigs kyis bsnyen pas sbyang / /des ni mtshan ma byung ba dang / /de bzhin gong ltar cir
157b6 bder spyad/ /ces gsungs so/ /bdud rtsi rlon sbyor gyi sgrub pa bshad pa'o/ /rgyud kyi rgyal po chen po rdo rje bkod pa kun 'dus rig pa'i mdo las/ bdud rtsi sman
157b7 gyi sgrub pa'i le'u ste nyi shu rtsa bzhi pa'o// //de nas sems dpa'i rdo rje chen po des sgrub pa thams cad kyi snying po gsang chen thugs kyi sgrub pa
158a1 zhes bya ba 'di bshad do/ /'dus pa chen po'i rnal 'byor pa thams cad ni/ dbyings su shes par bya ba ste/ 'khor ba'i chos thams
158a2 cad ni| dbyings su 'dus la/ mya ngan las 'das pa'i chos thams cad ni/ ye shes su 'dus so/ /de gnyis su med pa ni/ chos nyid byang chub sems kyi
158a3 bde ba chen por 'dus par shes par gyis shig /de bas na/ chos thams cad ni/ thugs ye shes kyi rang bzhin du 'dus te/ gnyis su med do/ /de
158a4 ltar na| kun rdzob tu 'di ltar rig par bya ste/ /gnyis su med pa'i don la 'jug par bya'o/ /'dus pa chen po'i rnal 'byor pa/ /dam pa'i don gyi chos
158a5 rnams kun/ /thams cad rang gi sems la rdzogs/ /kun rdzob chos rnams gang yin pa/ /lus dang ngag la rdzogs par bshad/ /des na chos rnams
158a6 thams cad kyang / /rtsa ba rang la rdzogs pa ste/ /'di dag sgrub pa'i thabs mchog kyang / /rnam par rtog pa'i rdul bsal nas/ /sgrub pa'i rgyal po
158a7 yab yum gnyis/ /don la mkhas par byas nas ni/ /so so'i thugs la thig le dag /zla gam dkar dmar gdab par bya/ /de yi rdzas mchog chen po
158b1 yang / /thabs kyi ga pur chen po dang / /shes rab gsang ba'i tsan+dan gnyis/ /dkar dmar zla gam chen por bya/ /yab kyi thugs kar dkar po la/ /thig le
158b2 kha ni mar lta ba'o/ /yum gyi thugs kar dmar po la/ /thig le kha ni yar lta ba'o/ /yab kyi thig le'i dbus su ni/ /dpal be'u dbus su nyi ma bri/ /dbus
158b3 su oM gsal nang du hUM/ /yum gyi thig le'i dbus su ni/ /pad+ma dbus su zla ba bri/ /dbus su a gsal nang du hUM/ /de ltar gsal bar gyur pa na/ /kun
158b4 tu bzang po yab yum du/ /gnyis su med par bsgyur bar bya/ /ting 'dzin gsal bar gyur pa dang / /ngang las byung ba'i bdud rtsi yis/ /gsang ba gnyis
158b5 kyi mchod pa bya/ /rang las byung ba'i dngos grub dag /rang nyid la ni bstim par bya/ /'di ltar sgrub pa gtsor byed na/ /bdud rtsi'i yo byad thams cad dang / /
158b6 bcud kyi mchog tu gyur pa rnams/ /lo yi 'tsho bar sbyar nas kyang / /bsnyen sgrub yan lag rnam bzhi las/ /bsnyen pa dag gi dus su ni/ /gang zag mi yi
158b7 zas la brten/ /de yang lo yi skad cig gam/ /gnyis dang gsum gyi bar du sbyar/ /lo yi skad cig bar du ni/ /bdud rtsi yod byad rnams la brten/ /de nas
159a1 lo yi skad cig ni/ /gcig gam gnyis kyi bar dag tu/ /rang las byung ba'i rdzas rnam lngas/ /'phags pa mchod cing rang gis
159a2 bza'| |des ni drod la gnas par 'gyur/ /drod thob gyur pa phan chad ni/ /lo yi skad cig thang gcig gis/ /ting 'dzin zas kyi ro rnyed nas/ /kham gyi zas
159a3 dang bral bar 'gyur/ /drod chen rnam gsum rdzogs nas ni/ /rtags chen dag ni thob par 'gyur/ /rtags kyi cho 'phrul 'byung ba ni/ /rin chen phung po
159a4 'dod pa na/ /sa rdo la sogs byas na 'grub/ /chu dang mkha' la 'gro 'dod na/ /brtsams pas mi 'bying thogs med 'gro/ /me yi phung po 'jil 'dod
159a5 na| |sdigs pa'i mdzub mo 'phyar nas kyang / /bden pa'i bsgo ba byas pas 'grub/ /de la sogs pa thams cad nus/ /rtags thob phan chad sangs rgyas
159a6 yin| |zhes gsungs so/ /gsang chen thugs kyi sgrub pa bshad pa'o/ /rgyud kyi rgyal po chen po rdo rje bkod pa kun 'dus rig pa'i rgyud las/ bka'
159a7 gsang chen 'khor lo'i sgrub pa'i le'u ste nyi shu rtsa lnga pa'o// //de nas bcom ldan 'das sems dpa'i rdo rje de rdo rje me klong 'bar ba zhes bya ba'i
159b1 ting nge 'dzin la snyoms par zhugs so/ /de nas 'dus pa'i tshogs thams cad kyis chos thams cad ma'i rang bzhin du snang bar mthong ngo / /de nas 'khor
159b2 rnams kyis shin tu bstod pa/ /e ma'o sems dpa' che ba che/ /ting 'dzin chen po snang ba che/ /cho 'phrul chen po sna tshogs che/ /thabs mchog khyod la phyag
159b3 'tshal lo/ /chos kun me klong bzhin du snang / /me nyid ye shes gsal ba'i klong / /'bar 'phro gsal bar gyur pas ni/ /mun bsal dngos po thams cad
159b4 bsregs/ /bde chen dbyings su kun rdzogs par/ /dpa' bo khyod kyis mdzad pa lags/ /thugs rje chen po a la la/ /don grub chen po a la la/ /sgeg pa
159b5 chen po a la la/ /'jigs byed chen po a la la/ /dgyes pa chen po a la la/ /dregs pa chen po a la la/ /dpa' bo khyod kyis sbyin rlabs kyis/ /bdag
159b6 cag rnams la bshad pa shod/ /me yi rang bzhin chen po dag /bdag cag rnams la bshad par gsol/ /zhes gsol ba btab pa las/ sems dpa'i
159b7 rdo rjes dgyes te 'di skad ces bka' stsal to/ /'dus pa chen po'i rnal 'byor pa/ /rdo rje me yi rang bzhin dag /bshad kyi khyed rnams gus par nyon/ /rdo rje me
160a1 yi las mchog 'das/ /rnal 'byor thabs su bde sbyar bas/ /rgyal ba kun mnyes kun sreg skong / /don grub las kyi mchog tu
160a2 bshad| |skye med rnam dag hom khung du/ /chos can skye ba'i yam shing la/ /spros med byang chub ye shes mes/ /mtshan ma'i bag chags bsregs sbyangs
160a3 thim| |rnam dag b+ha ga'i hom khung du/ /chags pa'i yam shing spungs pa la/ /bde chen byang chub me sbar te/ /'khor ba'i dngos po bsregs sbyangs
160a4 thim| |dpal chen zhal gyi hom khu 'du/ /nyon mongs lnga yi yam shing la/ /ye shes lnga yi me sbar te/ /gzung 'dzin rdzas rnams bsregs sbyangs
160a5 thim| |snang srid nam mkha'i hom khung du/ /'byung ba bzhi yi yam shing la/ /phyag rgya'i tshogs kyi me sbar te/ /snang srid dngos po bsregs sbyangs
160a6 thim| |las bzhi so so'i khyad par gyis/ /phyogs dang kha dog dbyibs dang rdzas/ /ji ltar yin pa de ltar sbyar/ /shar lho nub byang dkar ser dmar/ /
160a7 mthing ga nag po thal mdog sbyar/ /zlum po pad+ma le'u tshe zhi/ /'khor lo gru bzhi zur brgyad rgyas/ /zla gam gru chad gzhu dbyibs dbang / /gru gsum b+ha ga kha
160b1 mngon sbyor/ /sum brtsegs mdangs dang ri mor mdzes/ /las kyi yam shing rdzas kyis rgyas/ /ye shes rdo rje'i las rgyud ldan/ /bla ma gsum gyis thabs
160b2 mchog sbyar/ /dag pa'i mtha' 'dzin nyes mchog 'dzin/ /rdo rje gsang ba'i glu bro gar/ /mchod pa gsang ba dus tshigs sbyor/ /rdo rje lam gyi smon lam
160b3 sbyor| |gsang ba las kyi rgyud ldan pas/ /bshar gdab zhi ba'i lha rgyud dang / /rgyas dang dbang bshar rgyud bshar bas/ /lha dang sngags dang phyag rgya dang / /de
160b4 bzhin rgyud dang 'byor par bya/ /rigs kyi lha rgyud lha rnams ni/ /so so'i rigs su bshar gdab ste/ /klong yangs 'khyil pa'i hom khung du/ /dam rdzas
160b5 bdud rtsi 'bar ba yis/ /sbyang dang thob phyir bsreg byar 'os/ /bsreg rdzas skye ba'i chos yin te/ /skye bar snang ba'i chos thams cad/ /'dir ni dngos po
160b6 bzhin snang ste/ /chos can rkyen dang 'byung gnas dang / /rang bzhin nyid las cho 'phrul ni/ /skye ba nyid du 'dod pa yin/ /'di ni skye ba'i chos can te/ /rang byung
160b7 bsreg rdzas rang zhir thim/ /nyon mongs lnga yi dam rngas dag /ye shes lnga yi klong du dbul/ /phung po lnga yi dam rdzas rnams/ /thabs mchog yab lnga'i sku la
161a1 bstim| |'byung lngas bsdus pa'i bsreg rdzas rnams/ /shes rab yum lnga'i klong du bstabs/ /rnam shes brgyad kyi bsreg rdzas
161a2 rnams| |ye shes gnas kyi ma brgyad do/ /yul gyi g.yeng ba rnam pa brgyad/ /dmigs med dbyings kyi bye brag brgyad/ /skye bzhi las kyi bsreg rdzas rnams//
161a3 rnam thar sgo bzhi'i klong du thim/ /thabs mchog la sogs rgya mtsho'i tshogs/ /so so'i yon tan thams cad dag /rdo rje glu yis brjod nas kyang / /de dag
161a4 mnyes pa'i mchod pa brtsam/ /mchod pa thams cad rdzogs pa dang / /sgrib byang ma byang don chen rnams/ /grub dang ma grub don rnams ni/ /me la mkhas
161a5 pas brtag par bya/ /me sgra gnyis dang kha dog gnyis/ /'bar tshul gnyis dang dbyibs rnam drug /de dag yongs su shes par bya/ /gal te mtshan ma mi
161a6 sdug na| |bkra mi shis pa'i rtags yin pas/ /bsreg sbyang chen po rgyas par bya/ /de nas 'dod pa'i rtags byung na/ /me la 'dod pa'i dngos grub rnams//
161a7 rnam gsum gang ltar grub pa blang / /ro yi rdzas rnams bsregs sbyangs nas/ /ro la sngags kyis btab nas kyang / /shin tu dri zhim sna tshogs kyis/ /ro la
161b1 byug cing bkru bar bya/ /bdud rtsi zhun chen khu ba yis/ /ras la byugs pas ro dkris te/ /ro yi gnas rnams gang yin par/ /sngags kyi sbyor ba kun bkod
161b2 nas| |phyag rgya'i mtshan mas gdab par bya/ /rgyal ba'i dkyil 'khor gang dag ni/ /gzhung yin pa yi phyag rgya rnams/ /du 'byung ba dang mnyam pa yi/ /sdong bu'i
161b3 grangs kyang de ltar bya/ /sdong bu re la lha rnams kyis/ /ma nor rtsa ba'i snying po dag /ras chen dag la bris te gdags/ /ro yi sbyor ba rdzogs pa dang / /ro yi phyi
161b4 shul thams cad la/ /'khor ba'i bag chags kun bkod de/ /ras sam shing shun shog shog la/ /'khor ba'i sa bon thams cad dgod/ /nyon mongs lnga
161b5 dang dug gsum bcas/ /skye ba'i lam lnga rgyud drug rnams/ /ming ngam gzugs su byas nas ni/ /gnas gnas dag tu dgod par bya/ /khams dang skye mched
161b6 phung po lnga/ /gzugs 'dzin ming du bcas pa rnams/ /brda yi tshul du bris nas ni/ /ro rnams khyad par dgod par bya/ /de nas ro yi phung po de/ /rten nam glegs
161b7 sam stegs bu yi/ /steng du mkhas pas gzhag par bya/ /thabs kyi cho ga brtsam pa ni/ /maN+Dal 'khor khyud tsam zhig la/ /dkyil 'khor gang dang gang yin
162a1 pa'i| |phyag rgya bzhugs pa'i pho brang dag /thig gis yul bcad so sor bya/ /de yi steng du shing brtsigs pa/ /dbyibs ni gru bzhi
162a2 gtams pa la/ /zur bzhi ka pa bzhis brtan bya/ /sum brtsegs yang thog bar khang bcas/ /mtha' ma shing gis brdzang bar bya/ /bar khang dag gi glegs ma
162a3 la| |ro yi bzhin phyogs shar du bstan/ /ro yi steng gi khang pa la/ /ras sam shog shog la bris pa'i/ /phyag rgya'i dkyil 'khor gsal bar dgod/ /ro
162a4 khang glo skar bzhi phye la/ /thugs rje gzungs thag bzhis btags nas/ /phyogs bzhi bla ma bzhi la dbul/ /shing gi cho ga rdzogs pa dang / /shing gi phyi
162a5 mtha' stegs bu la/ /phyag rgya'i lha rnams rim par dgod/ /stegs bu rdzogs par gyur pa dang / /rdo rje las kyi bskos gdab pa/ /rdo rje rgyal po bla ma la/ /
162a6 'khor ba sreg pa'i mnga' gsol te/ /ting nge 'dzin ye shes rtse gcig pas/ /me yi 'du 'phro rgyun du bya/ /rdo rje las kyi karma la/ /las rnams rdzogs pa'i
162a7 mnga' gsol te/ /las kyi phreng ba rdzogs par bya/ /rdo rje chen po'i bla ma zhig /ro yi nyes pa'i mtha' bzung nas/ /las kyi bsags pa bgrang zhing bshags//
162b1 rdo rje skabs sbyor bla ma yis/ /bdud rtsi skabs kyi mchod pa sbreng / /rdo rje bro gar glu tshig gis/ /skabs kyi glu gar mchod pa dag /rol mos drangs te dbul
162b2 bar bya/ /rdo rje gnas kyi smon lam ni/ /skabs dang las kyi mjug tu gdab/ /rdo rje las kyi stangs 'dzin pas/ /rtsa brgyad las kyis grangs bzung ste/ /dkar
162b3 byung bla ma'i phyag tu dbul/ /ro yi las ngan ltangs 'dzin pas/ /grangs med grangs su bzung nas ni/ /mtshan ma nag po'i byang bu dag /ye shes me yi klong
162b4 du bsreg/ /me yis sbyor ba'i cho ga bya/ /me yi lha ni gang yin pa/ /me yi sangs rgyas snang mtha' yas/ /me yi lha mo gos dkar mo/ /rgyal ba kun gyi
162b5 'od mchog ste/ /'byung ba me la dbang sgyur zhing / /thams cad kun gyi drod bdag yin/ /srid gsum sreg par zhal gyis bzhes/ /'khor ba'i sreg pa'i
162b6 'phrin las la/ /thugs dam dbang gis yong mi 'da'/ /me yi cho ga thams cad ni/ /yum chen dkar mo nyid la bsgo/ /de nas cho ga kun rdzogs nas/ /ro
162b7 yi sgrib pa byang ma byang / /me yi dngos grub thob mi thob/ /me la mkhas pas gong bzhin brtag /mtshan ma mi sdug byung ba na/ /sreg sbyang cho ga rgya cher bya/ /
163a1 gal te mgu na dngos grub thob/ /ro yi thal ba chen po la/ /btags nas thal ba'i bdud rtsir bsgrub/ /des ni bsod nams chen
163a2 po ni| |dpag tu med pa thob par 'gyur/ /zhes gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ rdo rje me'i cho ga sgrub
163a3 pa'i le'u ste nyi shu rtsa drug pa'o// //de nas sems dpa'i rdo rje dam pa des dkyil 'khor thams cad byin gyis rlob pa zhes bya ba'i
163a4 rdo rje sngags kyi tshig 'di gsungs so// //sarba ta thA ga ta mahA shrI he ru badzra tsaN+Da/ sarba duSh+TAM saM shrI he ru kaM ta ka ha na pa tsa hUM hUM/ sa sa sa sa sa
163a5 ma ya sa nu ne sa nor ba ra badzra gar+b+ha/ rat+na gar+b+ha/ pad+ma gar+b+ha/ karma gar+b+ha/ mai tri gar+b+ha/ ka ru Na gar+b+ha/ lo ka gar+b+ha/ bi du ma gar+b+ha/ yak+Sha rak+Sha sa/ bi shwa/ te
163a6 shwa| ke shwa/ pa shwa/ bi shwa/ traka shwa/ hri shwa/ ka shwa/ wa ka shwa/ ru d+hi/ rak+ti/ khA hi/ sa hA/ sa sa sa sa sa sa sa/ sa sa sa sa sa sa sa/ sa sa sa sa sa sa
163a7 sa| sa sa sa sa sa sa sa/ rba rba rba rba rba rba rba/ rba rba rba rba rba rba rba/ rba rba rba rba rba rba rba/ rba rba rba rba rba rba rba/ ta ta ta ta ta ta ta/ ta ta ta ta ta ta ta/ ta ta ta ta ta ta ta/ ta ta ta ta ta ta ta/
163b1 thA thA thA thA thA thA thA/ thA thA thA thA thA thA thA/ thA thA thA thA thA thA thA/ thA thA thA thA thA thA thA/ ga ga ga ga ga ga ga/ ga ga ga ga ga ga ga ga/ ga ga ga ga ga ga ga/ ga ga ga ga ga ga ga/ ta ta
163b2 ta ta ta ta ta/ ta ta ta ta ta ta ta/ ta ta ta ta ta ta ta/ ta ta ta ta ta ta ta/ ma ma ma ma ma ma ma/ ma ma ma ma ma ma ma/ ma ma ma ma ma ma ma/ ma ma ma ma ma ma ma/ hA hA hA hA hA
163b3 hA hA/ hA hA hA hA hA hA hA/ hA hA hA hA hA hA hA/ hA hA hA hA hA hA hA/ shrI shrI shrI shrI shrI shrI shrI/ shrI shrI shrI shrI shrI shrI shrI/ shrI shrI shrI shrI shrI shrI shrI/ shrI shrI shrI shrI shrI shrI shrI/ he he
163b4 he he he he he/ he he he he he he he/ he he he he he he he/ he he he he he he he/ ru ru ru ru ru ru ru/ ru ru ru ru ru ru ru/ ru ru ru ru ru ru ru/ ru ru ru ru ru ru ru/ ka ka ka ka ka ka ka/ ka ka
163b5 ka ka ka ka ka/ ka ka ka ka ka ka ka/ ka ka ka ka ka ka ka/ ka ka ka ka ka ka ka/ hUM hUM hUM hUM hUM hUM hUM/ hUM hUM hUM hUM hUM hUM hUM/ hUM hUM hUM hUM hUM hUM hUM/ hUM hUM hUM hUM hUM hUM hUM/ shwa shwa
163b6 shwa shwa shwa shwa shwa/ shwa shwa shwa shwa shwa shwa shwa/ shwa shwa shwa shwa shwa shwa shwa/ shwa shwa shwa shwa shwa shwa shwa/ ri ri ri ri ri ri ri/ ri ri ri ri ri ri ri/ ri ri ri ri ri ri ri/ ri ri ri ri ri ri ri/
163b7 kha kha kha kha kha kha kha/ kha kha kha kha kha kha kha/ kha kha kha kha kha kha kha/ kha kha kha kha kha kha kha/ muM muM muM muM muM muM muM muM/ muM muM muM muM muM muM muM/ muM muM muM muM muM muM muM/
164a1 muM muM muM muM muM muM muM/ ba ba ba ba ba ba ba/ dzra dzra dzra dzra dzra dzra dzra dzra/ gau ri/ tsau ri/ pra mo ha/ be tA li/ g+hasma ri/ puk+ka si/ /sma shA ni/ tsaN+Da
164a2 li| ha ha ha ha ha ha ha ha ha/ sid+ha/ byA g+h+r-i/ sr-i la/ shwa na/ kr-i ta/ kang ka/ kha kha/ u lu/ mu mu mu mu mu mu mu mu/ kha kha kha kha kha kha kha kha/ he he he he he he
164a3 he he| ba ba ba ba/ dzra dzra dzra dzra/ phaT phaT phaT phaT/ dzaHhUM baM hoH/ Ar+ya te da tsa da tsa/ wa shaM hUM/ lo ka baM/ b+hasmi ya ti hoHba ba ba ba ba ba ba ba ba ba/
164a4 dzra dzra dzra dzra dzra dzra dzra dzra dzra dzra dzra/ kro kro kro kro kro kro kro kro kro kro/ d+ha d+ha d+ha d+ha d+ha d+ha d+ha d+ha d+ha d+ha/ hUM hUM hUM hUM hUM hUM hUM hUM hUM hUM/ maN maN maN maN maN/ Da Da Da Da Da/ la
164a5 la la la la/ e gar+b+ha/ yaM karma/ ra rak+ta/ baM snik+ta/ raM dza la keM ru d+hi/ bruM dz+nyA na/ baM ban+d+ha/ ha ka pA la/ dz+nyA na pa ra ba raM/ bud+d+ha kA ya/ mahA wAka/ badzra tsit+ta/
164a6 dzaHhUM baM ho/ /e h+ye hi/ ru lu ru lu hUM b+h+yo dzaHdzaH/ badzra sa ma ya mu dra hUM AHbadzra shrI he ru ka/ tiSh+Tha sa ma ya lhan/ ma hA shrI he ru ka ha ha haM/ sa ma ya hoHphaT/ badzra
164a7 A ral+li phaT/ a ti bu hoHpra ti bu hoHi daM puSh+pa d+hu pa/ ba liM ti dza hoHkha raM khA hi/ ma hA rak+ta/ ru d+hi smik+ta/ pany+tsa a mr-i ta/ tsit+ta/ ba su ta/ go ro tsa na/
164b1 DA ki nI/ yo gI nI/ ma hA tsit+ta/ kha raM khA hi/ kha kha le/ sha ta ba khA hi/ a la la ho/ sa ma yo ho/ /i dan den ra ka na/ u tsi ra sa ma ya phaT/ badzra sa ma
164b2 ya A be sha AHAHzhes gsungs pas las kyi 'bar ba'i cho ga zhes thams cad shin tu 'bar zhing rgyas par gyur to/ /rgyud kyi rgyal po chen po rdo rje bkod pa kun
164b3 'dus rig pa'i mdo las/ rdo rje las gang sngags kyi le'u ste nyi shu rtsa bdun pa'o// //de nas yang sems dpa'i rdo rje des sgyur ba phyag rgya'i le'u
164b4 'di rgya cher gsungs so/ /rnal 'byor mchog gi lag gnyis la/ /nyi zla 'bar ba'i ling+gar ni/ /a dang pad+ma gnyis gsal te/ /thabs dang shes rab gnyis
164b5 med sbyar/ /mnyam pa'i tshul gyis gnas pa la/ /me yi steng du a nyid gzhag /bya ba thams cad bral ba'i rgya/ /a dang ma yi 'bru bcu rnams/ /'phro 'du bya
164b6 zhing kun tu bsgyur/ /g.yas su 'khyil zhing g.yon du 'khyud/ /'di ni cho 'phrul 'byung ba'i rgya/ /a dang ma yi 'bru rnam bcu/ /so sor bcangs te myu gur bya//
164b7 shin tu bstod de kun tu bsgyur/ /'di ni snying por gyur pa'i rgyu/ /ma yis sbyin pa gtong tshul la/ /a yis thams cad skyob byed pa/ /'di ni tshad med chen po'o/ /
165a1 kun la snyoms pa'i phyag rgya yin/ /ma nyid khrag 'phrog pa yi snod/ /a nyid so phreng mche bar sbyar/ /'di ni thams cad rol pa yi/ /'jigs tshul ston
165a2 pa'i phyag rgya yi/ /a dang ma gnyis rting sbyar te/ /so phreng mche ba'i tshul gyis ni/ /shin tu kha gal ba yi tshul/ /'di ni 'jigs byed chen po'i rgya/ /ma yis bzung ste 'then nas ni/ /a yis gdengs
165a3 shing 'joms byed pa/ /'joms byed chen po'i phyag rgya yin/ /ma dang a yis mgo mjug nas/ /bzung ba'i tshul du byas nas ni/ /kha yis 'drad cing 'then byed pa/ /za byed chen po'i phyag rgya
165a4 yin/ /a dang ma yi shes rab las/ /g.yas g.yon chul gyis bsgyur byas te/ /so so ji ltar yin thabs sbyar/ /gnas dang yul gyi gtan tshigs su/ /bsgyur ba gar gyi phyag rgyar
165a5 bshad/ /dpa' bo gdan la bzhengs nas ni/ /phyogs mtshams kun tu bltas byas nas/ /shin tu 'gying zhing brjid par byed/ /a dang ma yi 'bru rnams ni/ /so sor brdabs nas dkur brten
165a6 bya| |'gying ba'i tshul gyis spyad byas nas/ /stag gi stabs kyis kun tu bskor/ /de nas rmun bya stabs kyis ni/ /gong ma bzhin du bskor bar bya/ /de bzhin rus sbal gzig dang
165a7 stag /spyang ki seng+ge dom stabs dang / /phag chen dred kyi stabs kyis ni/ /thams cad thams cad bskor bar bya/ /de bzhin 'dab chags thams cad kyis/ /'jo tshul stabs rnams rdzogs
165b1 byas nas/ /dkyil 'khor thams cad rdzogs par 'gyur/ /zhes gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ sgyur ba phyag rgya'i
165b2 le'u ste nyi shu rtsa brgyad pa'o// //de nas sems dpa'i rdo rje des mchod pa dam pa gsang ba'i le'u 'di gsungs so/ /hUM 'byung ba chen po nam mkha'
165b3 ni| |'byung ba chen po lnga yi mdzod/ /nam mkha'i las ni 'dod pa 'byung / /'dod pa'i mchod pa 'byung gyur cig /zla rgyas la sogs snying po mchog /maM sa la
165b4 sogs rnam lnga'i rdzas/ /me tog la sogs tsan+dan phreng / /sna tshogs mchod pa 'byung gyur cig /mi mo rnams kyi reg bya mchog /'khril 'khyud sgyur ba'i
165b5 gzungs chen ma/ /dbang po sbyor ba'i dgyes mchod de/ /bde ba'i mchod pas tshim gyur cig /rdo rje rol pas tshogs mchog 'di/ /mchod sprin kun du rgyas gyur cig/
165b6 dug gsum brtsegs pa'i ri bo 'di/ /sku gsung thugs kyi klong du bstabs/ /dug lnga rol pa'i tshogs mchog 'di/ /ye shes lnga yi nang du thim/ /gzung 'dzin rtog
165b7 pa'i mtshan ma 'di/ /dbyings dang ye shes klong du thim/ /'khor ba mtshan ma'i chos can 'di/ /chos nyid dbyings kyi ngang du thim/ /phung po tshogs kyi yan lag 'di/
166a1 rnam grol phung po lnga ru thim/ /'byung chen rgyu yi mtshan ma 'di/ /mkha' klong 'bar ba lnga ru thim/ /rol pa chen po mchod sbyin la/ /
166a2 rgyal ba rgya mtsho'i tshogs rnams rol/ /bla med bstan 'gran mchod pa 'di/ /sngon chad rgyal bas bgrod pa'i lam/ /dug gsum gting nas gsod pa'i
166a3 thabs| |sngon gyi thugs dam bzhin du bzhes/ /'chi med bdud rtsi g.yung drung chu/ /ro yi khams rnams slong bar byed/ /dug gi phung po 'joms byed pa/ /rtsi
166a4 mchog sman gyi mchod par bzhes/ /zhes mchod pa'i tshogs rnams ling long phyad par byung bas rgyal ba rgya mtsho'i tshogs longs spyod des mnyes par gyur
166a5 to| |rgyud kyi rgyal po chen po rdo rje bkod pa kun 'dus rig pa'i mdo las/ mchod pa dam pa gsang ba'i le'u ste nyi shu rtsa dgu pa'o// //de nas
166a6 sems dpa'i rdo rje des rdo rje glu'i le'u 'di gsungs so/ /'dir ni rdo rje rnal 'byor rnams/ /bsnyen par snang ba'i dbang thob nas/ /bsgom dbyangs yi ge 'bru
166a7 brgyad spro/ /yi ge glu yi rgyan yin te/ /glu yi yi ge bcu drug las/ /yi ge yan lag bsgyur bsdebs nas/ /glu yi bye phrag bsam mi khyab/ /dang por glu yi
166b1 don byung ba/ /oM gyis glu rnams rab tu 'dren/ /oM yang a yi cho 'phrul te/ /a ni chos kyi yi ge yin/ /a las oM byung rgyal ba'i thugs/ /rgyal ba chos kyi dbyings
166b2 las byung / /a las aM byung gsung gi mchog /gsung las glu yi yan lag 'byung / /dbyangs kyi yan lag drug cur grags/ /glu yi yon tan bsam mi khyab//
166b3 sngon gyi rgyal ba glu yis grub/ /rig 'dzin rdo rje glu yis 'dren/ /rnal 'byor dbang phyug glu yis 'grub/ /bstan pa rgya mtsho glu yis spel/ /srid pa'i bu mo glu yis
166b4 brten| |bdud dang srin po glu yis 'dul/ /dngos grub rgya mtsho glu yis 'bebs/ /chos nyid dbyings kyi klong dkyil nas/ /dpal be'u nyi ma dgu shar bas/ /
166b5 rnam thar sgo bzhi rab gsal yang / /ma rig mun nag 'thibs pa yis/ /bsgribs par rig pa'i sgo mo dbye/ /'khor ba'i mun nag klong rum na/ /byang chub sems
166b6 kyi zla shar bas/ /mun gsal rnam thar sgo bzhir snang / /rin chen 'bar ba'i nyi ma rnams/ /dpal chen thugs las 'od shar bas/ /bag chags sprin mthongs
166b7 bye ba ru| |rnal 'byor thugs kar zer bab pas/ /mun bsal rig pa'i sgo phye ste/ /rnal 'byor don la 'jug par bya/ /rig pa thugs kyi dkyil 'khor nas/ /
167a1 ru lu'i 'od zer sgo phye nas/ /spros pas cho 'phrul sna tshogs 'byung / /srid pa gsum gyi bye brag phyed/ /'khor ba'i rgya mtsho gting
167a2 nas skem/ /nyon mongs rgyu drug gnas nas sgrol/ /dug gsum rtsa ba rtsad nas gcod/ /bdud dang srin po gdug pa 'dul/ /byin rlabs dngos grub char
167a3 ltar 'bebs/ /ji ltar dbang po'i sgo phye nas/ /'dzum mdangs gsal bar 'byung ba ltar/ /dpal be'u thugs kyi sgo phye bas/ /ru lu'i 'od zer yig 'bru
167a4 shar| |mthing nag ser nag dmar nag ljang / /smug nag 'bar ba'i yig 'bru rnams/ /yi ge rigs kyi phreng bar drang / /rgyangs kyis bskul dang dkar
167a5 gyis dbab/ /bsten gos nye bar gyur pa la/ /'jim gos mngon sum gsal bar bya/ /'bir kwas gnyis su med pa la/ /'dren kos yi ge'i phreng ba dang / /
167a6 de nyid la ni glu drug ste/ /sha ta ba dang gar ta ba/ /cang ka de'u dang pang ka de'u/ /breng nge ba dang dung nge ba/ /glu yi yan lag sum brgyas ni/ /rgyal ba mnyes
167a7 pa'i mchog tu 'gyur/ /glu yi rgyal po 'di drug gis/ /don grub yongs su rdzogs par 'gyur/ /sha ta ba yi glu blangs pas/ /gdug byed thams cad spa
167b1 yang bkong / /gar ta ba yi glu blangs pas/ /gnod byed thams cad rdul du rlog /cang ka de'u yi glu blangs pas/ /'bar ba'i dkyil 'khor me ltar mchod/ /pang ka
167b2 de'u yi glu blangs pas/ /drag po gtum po lhan ner 'gyur/ /brang nge ba yi glu blangs pas/ /sprul pa'i cho 'phrul thams cad 'gyed/ /dung nge ba yi glu blangs
167b3 pas| |srid pa'i bu mo dbang du sdud/ /yi ge 'bru dgu'i rang bzhin la/ /phyag rgya'i dkyil 'khor thams cad rdzogs/ /de bzhin 'khor lo mu khyud bcas/ /
167b4 khyams dang sgo khyud gsal ba'o/ /srid pa mthong yod snang grags kyang / /thams cad sngags kyi tshig tu rdzogs/ /yi ge rgyal ba kun dang 'brel/ /'khor
167b5 lo'i sa la nye ba'o/ /yi ges dmigs pa thams cad 'grub/ /chags med lhun grub don po che/ /rnam bzhi las kyi khyad par yang / /bya ba med par
167b6 don du 'gyur/ /yi ge gsang ba'i 'phro 'du yis/ /rgyal ba dpa' bo thams cad mnyes/ /de kun yi ges rnam sprul yang / /rang bzhin dngos med chos kyi
167b7 dbyings/ /yig 'bru 'bar ba'i cho 'phrul las/ /dam pa'i ngo mtshar sna tshogs 'byung / /de bzhin sgrib pa'i bud shing sreg /gti mug mun sel ye shes 'bar//
168a1 rig pa'i nyi ma gsal bar 'bebs/ /bdag nyid dpal chen 'bar ba'i thugs/ /tsit+ta dpal be'u zur brgyad 'bar/ /rin chen yi ge 'bru brgyad gsal/ /dpal
168a2 chen rin chen 'bar ba'i thugs/ /dpal be'u smug po zur brgyad las/ /gser gyi nyi ma dgu shar ba/ /'od zer ru lu yig 'bru brgyad/ /rdo rje 'bar ba'i rlung sgrom du/ /shin tu 'bar 'phro
168a3 'khrugs byas te/ /spros pas rnal 'byor dbang phyug gi /na sa g.yas su drang bar bya/ /go ro tsa na'i gzhal yas su/ /sran zlum tsam gyi rgya khyon la/ /gser
168a4 gyi nyi ma ga'u dgu/ /shar ba'i dkyil na yig 'bru dgu/ /gsal ba'i 'od kyi gzhal yas khang / /dngos po'i bag chags kun bsregs te/ /sems ni
168a5 gser chu zhun ma bzhin/ /ltem la 'tshor zhing 'ong 'bar ba/ /rtsal las gyur ba'i zla dkyil 'khor/ /nyi ma steng na dpal be'u 'bar/ /de la ru lu 'phro
168a6 zhing 'du/ /dpal be'u tsit+ta'i dkyil 'khor 'di/ /yig 'bru 'bar ba'i ga 'ur gsal/ /pad+mo 'bar ba'i ga'u 'di/ /yi ge phreng ba 'khyil ba'i gnas//
168a7 dper na me tog 'bar ba las/ /bcud len bung bas bcud blangs te/ /rtsi yi bur bu gsog pa ltar/ /dpal be'u thugs kyi dkyil 'khor nas/ /rin
168b1 chen 'od kyi me tog 'bar/ /ru lu'i yig 'bru bcud kyis rgyas/ /rnal 'byor sems las byas pa yi/ /bcud 'byin bung ba mang po 'phro/ /phar lding yi ge'i bcud
168b2 phyung nas/ /tshur lding sems kyi ga 'ur bstims/ /dang po shel gyi kha dog la/ /shin tu gsal zhing 'tsher 'bar ba/ /gnas dgu dag tu zla ba yi/ /thig le dkyil
168b3 kyi dpal be'u la/ /'bru bkog gsal bar gyur pa dang / /shel gyi bung ba mang po dag /khyung chen lding ba'i bong tshod tsam/ /phar lding bcud phyung tshur gsibs
168b4 pas| |yig 'bru ye shes me 'bar bas/ /bag chags bud shing phung po bsregs/ /phar spros thugs rjes sa la bskul/ /ji ltar nyi zer tsha tsha ltar/ /rgyun mi
168b5 'chad par rtse gcig 'bar/ /bar du byi ru'i kha dog la/ /gong ma bzhin du bkod gsal la/ /byi ru bung ba mang po dang / /gong ma bzhin du 'phur lding pas/ /
168b6 bcud phyung bstim zhing slar la 'phro/ /ji ltar me mgal 'khor tshul du/ /dpal be'u smug po'i klong du bstim/ /kun gyi tha mar bsdu ba ni/ /bkod pa'i
168b7 gong ma thams cad kun/ /mthing nag 'bar ba bsgyur nas ni/ /khyung chen gzan la 'jums tshod tsam/ /hUM sgra 'byin cing phan tshun lding / /ru lu bcud
169a1 'byin dngos grub rlob/ /dran pa'i dkyil nas dza phyung ste/ /lcags kyu 'bar ba ga 'ur bcas/ /dpal be'u'i dkyil na spungs pa
169a2 yis| |ru lu rin chen phung po dag /bsdus shing drangs te gnas su bstim/ /'bab pa'i shugs sam byin rlabs ni/ /mtsho la ser chen 'dril ltar ro/ /
169a3 'di ltar yi ger sbyar ba'i tshe/ /rnal 'byor nyag gcig ma yin gyi/ /lha mchog dbyings nas zhugs pa yang / /chos nyid dang du mi dmigs kyang / /
169a4 rnal 'byor mchog gis bskul ba'i tshe/ /thugs rje chags pa'i mdangs phyung nas/ /srog rtsol dran rig gsung gsung ltar/ /mgur chu yan lag
169a5 'gul 'gul ltar/ /rdo rje yi ger 'bru 'bar ltar/ /gug skyed klad kor tsheg par phyin/ /ra ri khal khol sgrib med par/ /ye shes don la mkhyen rig
169a6 rgyas| |de lta mod kyang 'dul dbang gyis/ /rgyal ba bskul ba'i sa la gzhes/ /rnal 'byor gso ba'i cho ga byed/ /lha dang gcig tu bya ba'i phyir/ /bzlas
169a7 brjod grangs dang bsnyen pa dang / /sbyor bas don la nye bar 'gyur/ /'di ltar stor ba'i dus dag na/ /byin rlabs phebs sam nye ba yi/ /rtags sam drod
169b1 dam mtshan ma ni/ /rnal 'byor nyid dang bsgrub rdzas dang / /yod mthong sgra thos kun la 'byung / /lus kyi drod dang rmi lam dang / /sems kyi rtags su gsal ba dang / /
169b2 dbugs dag la yang nges par 'byung / /shing bal lta bur yang ba dang / /mi bde'i gnod pa bral ba yin/ /rigs la ting 'dzin gsal ba dag /rmi lam du yang
169b3 mos par 'gyur/ /dang zhing dga' la mgu ba skye/ /gdung ba'i byang chub sems skyes shing / /ngo mtshar skyes pa de nyid do/ /'gyur ba'i dbugs la dbang thob
169b4 ste| |dgag dang dbyung ba ji lta ba'o/ /rdzas ni 'bar dang 'phar ba dang / /dri dang 'od 'byung ro mchog skye/ /mi zad mang du 'phel ba dang / /mngar 'jam dang zhing
169b5 ro mchog rnyed/ /lto la mi gnod mgrin la min/ /zos na bzhin 'gyur lus brtas 'gyur/ /sil snyan yid 'ong sgra snyan gzugs/ /dri zhim 'byung ba de lta'o/ /
169b6 rdo rje pra rnams bzang ba na/ /rtags dang mtshan ma phebs pa ste/ /smyur te dngos grub blang bar bya'o/ /bde dang ga 'u'i phyag rgya dang / /rdo rje bum pa'i 'phro 'du yis/ /
169b7 dngos grub yum gyi mkha' la dbab/ /yab yum sbyor ba'i lhag sems dag /ma phebs pa yi bar du dag /shes rab gsal ba'i lha mo bzhis/ /ha sta me long
170a1 ban+d+ha dang / /zhing chen phreng ba la sogs dang / /kha dog lnga yi dar g.yab kyis/ /g.yab cing rig 'dzin mang po 'bod/ /rol
170a2 mo cha byad mang po dag /rdo rje gar dang snyan pa'i glu/ /srid pa'i ma mo kun rten cing / /byin rlabs chen po dbab par bya/ /phebs ma thag tu dngos grub bstim//
170a3 'di ni rdo rje glu 'khor ro/ /ye shes rgyan gyi las yin no/ /zhes sems dpa'i rdo rjes gsungs so/ /rgyud kyi rgyal po chen po rdo rje bkod pa kun 'dus rig
170a4 pa'i mdo las/ rdo rje glu'i le'u zhes bya ste sum cu pa'o// //de nas yang sems dpa'i rdo rje des rdo rje rnal 'byor 'jug pa zhes
170a5 bya ba'i le'u 'di gsungs so/ /'dus pa chen po'i rnal 'byor pa/ /gsang ba'i dkyil 'khor dam pa 'dir/ /gang dag 'jug par byed pa yi/ /rnal
170a6 'byor rigs kyi bu rnams kun/ /snod du gyur pa kun bsdus nas/ /byang chub mchog gi sems bskyed de/ /tshig 'di brjod de gnas par bya'o/ /e ma
170a7 bde mchog dga' tshal 'dir/ /bdag cag kun tu 'jug par 'tshal/ /dga' ba byang chub sems bskyed nas/ /gsang ba'i don 'di spyad par bgyi/ /de
170b1 skad gsol te zhus pa dang / /gsang ba mchog gi bdag po yis/ /rgyud sbyangs rgyud drug las sgo gcad/ /rig pa 'dzin pa'i rnal 'byor kun/ /dkyil 'khor chen po
170b2 gsal bton te/ /phyag rgya dbang dang bcas pa yi/ /'khor ba'i rgyud rnams sbyang bar bya/ /'jug pa de yi gnas lnga ru/ /rgyud drug sa bon bskyed nas kyang / /hUM lnga
170b3 dag gis mnan par bya/ /bcug pa de yi spyi bor ni/ /pa yi ye shes la bskrun pa/ /pad+ma kha bzhi lte ba la/ /mi dang lha yi sa bon dgod/ /shar lho nub dang
170b4 byang dag tu/ /lha min dud 'gro yi dwags dang / /dmyal ba rnams kyi sa bon gdab/ /hUM gis lam sgo gcad par bya/ /lag gnyis mthe'u chung mthe bos mnan//
170b5 sor mo gsum sbyar dpral bar bsnol/ /lha dang lha min gnas dag tu/ /mi gtong zlog pa'i phyag rgya yin/ /lag gnyis bsnol nas mchan khung bsdam/ /mi
170b6 yi khams nas zlog pa'i rgya/ /khu tshur bcangs te 'bru bsgrengs nas/ /g.yon gyi steng du mnan pa 'di/ /byol song gnas nas zlog pa'i rgya/ /thal mo mnyam
170b7 sbyar gung rtse sprad/ /gung mo rgyab tu srin lag bsnol/ /mgul nas mdzub mos 'khyud pa ni/ /yi dwags khams las zlog pa'i rgya/ /g.yon thog g.yas kyi rgyab
171a1 sbyar te| |srin lag gung mdzub gcig nas gcig /'khyud pa dmyal ba'i sgo gcod rgya/ /lag gi phyag rgya bcas nas ni/ /ngag gi
171a2 rdo rje rgya brjod pa/ /kye ma ru tra kro d+ha kyi hUM/ hri sa ma pa tsa hUM/ hri sa ba dza hUM/ 'di ltar gsal bar gyur pa dang / /sgrib pa dag par bya ba'i phyir/ /rnal 'byor sbyor
171a3 ba'i phyag rgya ste/ /rdo rje rnal 'byor mchog gi lha/ /'gro drug 'dren pa'i dpal mdzad pa/ /rdo rje can la phyag 'tshal lo/ /byams mgon khyod la skyabs su mchi'o//
171a4 de skad gsol ba btab pa dang / /rnal 'byor chen po'i zhabs nyid la/ /'jug pa de yi spyi bos gtugs/ /sangs rgyas bde mchog thams cad kyi/ /rdo rje gsang
171a5 mchog gsung las byung / /srid pa gsum gyis phyag byas pa/ /dbang bskur snang ba chen po sbyin/ /A ti ho sta hri da khaM/ /de nas snod du gyur pa dang / /gsang ba'i
171a6 mig ni dbye bar bya/ /me tog phog pa'i lha yang sbyin/ /de nas dam tshig chen po bsgrag /rgyal ba kun dang mnyam sbyor ba'i/ /dam tshig 'di las gang 'das pa/ /
171a7 rgyal ba thams cad bslus pa yin/ /khrag 'thung kha 'bar ma yi tshogs/ /khros nas snying khrag thogs pas 'thung / /badzra sa ma ya i dan the na ra kan/ ba ra
171b1 hri da ya na ma ba sti nA na/ sa ma ya rak+Sha sid+d+hi bad+yi badzra a mr-i to da kaM/ rdo rje tha tshig chu blud nas/ /rdo rje gal chen mna' dor ro/ /rdo rje dam tshig sdom pa rnams/ /thams
171b2 cad thams cad dbog par bya/ /slob pa'i gnyer yang dbog par bya/ /kye rig 'dzin rdo rje bu mchog khyed/ /rnal 'byor rgyal ba'i sras kyi yin/ /gzhan yang
171b3 gsang ba ma smra zhig /gal te smras na dmyal bar 'tshig /khyod ni rdo rje che ge mo/ /rgyal ba'i sras po gdung rgyud 'jin/ /gsang ba mchog gi ming sbyin gyi/ /zhing
171b4 khams kun tu bde bar spyod/ /des ni sangs rgyas zhing du skye/ /zhes gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ rdo rje rnal
171b5 'byor 'jug ba'i le'u zhes bya ste sum cu rtsa gcig pa'o// //de nas yang sems dpa'i rdo rjes yongs su rdzogs pa dbang gi le'u 'di
171b6 gsungs so/ /'dus pa chen po'i rnal 'byor pa/ /srid pa gsum gyis phyag byas pas/ /bla ma'i sa la gnas pa ni/ /gsang mchog sum cu rtsa drug yin/ /
171b7 phyi yi dbang dang nang gi dbang / /sgrub pa'i dbang dang gsang ba'i dbang / /bcu dang bcu gcig bcu gsum dang / /rnam pa gnyis kyis rdzogs par 'gyur/ /de la
172a1 dang po sbyin pa'i dbang 'di yin te/ oM hUM sa hri ha/ kun gyis 'da' bar dka' ba yi/ /tshig btsan yul la dbang sgyur ba/ /rgyal po
172a2 bka' rtags phyag rgya'i dbang / /sku lnga yongs su rdzogs par 'gyur/ /rigs rnams so so'i rgyud 'dzin cing / /rtags kyi mtshan ma chen po ni/ /sbyor
172a3 ba chen po'i phyag mtshan te/ /dam tshig phyag rgya rdzogs par 'gyur/ /shes rab gzungs kyi gsang mchog ni/ /don dang ldan par gyur pa yin/ /mtha'
172a4 gnyis dag tu mi gtong ba'i/ /gzungs ma'i rgyal mo chen mo yin/ /gnyis med yongs su rdzogs pa na/ /thams cad bde ba chen po'i ngang / /byang chub
172a5 sems dang don du 'brel/ /shes rab chen po rdzogs pa'i dbang / /bkra shis chen po bum ba ni/ /bde gshegs bzhugs pa'i pho brang ste/ /dkyil 'khor
172a6 rdzogs par gyur pa yi/ /dbang chen de la sbyin par bya/ /gsang ba'i bstan pa rgyas nas ni/ /yun ring gnas par 'gyur ba yis/ /bkra shis rdzas kyi dbang
172a7 mchog kyang / /gnang ba chen po sbyin par bya/ /don rnams grub par 'gyur ba yi/ /'dod rgur re skong rin po che/ /rgyal srid rin chen sna bdun gyis/ /rgyal
172b1 po mchog tu dbang bskur ro/ /rin chen pad+ma seng+ge'i khri/ /bla mar gyur pa'i gdan mchog de/ /khyad par chen por gyur pa'i dbang / /khri chen dag la gzhag par
172b2 bya| |cod pan me tog phreng la sogs/ /dbang mchog brjid pa'i rgyan gyis klubs/ /dbu rgyan do shal se mo do/ /dpung rgyan rkang gdub lag gdub rnams/ /
172b3 dbang thob rgyal pos de la sbyin/ /dbang thob mdzes pas brjid pa'i rgyal po de/ /dbang phyug yin pas de la kun phyag 'tshal/ /rdo rje dbang phyug rgyal po zhes
172b4 par ni| |kun gyis sgra chen 'bod cing bsgrag par bya/ /gser gyi 'khor lo rtsibs khyud ldan pa zhig /rgyal po de yi lag tu bskur nas ni/ /'jig rten kun la
172b5 kha lo sgyur ba yi/ /dbang mchog rgyal po 'di yang sbyin par bya/ /phyi 'khor skyong ba'i rgyal por gyur phan chad/ /bla med mchog gi rtags dang ldan 'gyur bas//
172b6 gsang sgo phye nas nang du gzhug par bya/ /shin tu gsang ba'i rdzas dang ldan gyur na/ /gsang sgo gang las 'dod pa'i don rnams zhu/ /gnang chen po yi rtags
172b7 su byin gyis brlab/ /gsang ba'i don la nyan cing bslab pa'i dbang / /dbang thob skal can de la sbyin par bya/ /bdud rtsi chu 'dis rna ba'i gsang sgo dbye/ /sarba
173a1 ta thA ga ta sta ma ti ho/ /glegs bam zab mo la sogs thams cad rnams/ /rigs kyi bu mchog de la sbyin par bya/ /des na 'gro
173a2 ba'i don byed nus pas na/ /las rnams rgya mtsho thams cad sgrub pa'i rtags/ /rdo rje rgya gram la sogs rnam bzhi'i rdzas/ /bu mchog de la thabs kyis sbyin par
173a3 bya| |gzhan gyi re 'dod skong ba'i bu mchog de/ /rgyal po rgyal rigs rgyud du byung ba bzhin/ /rgyal tshab chos kyi rgyud du byung bas na/ /tan+t+ra la sogs dam pa'i mdzod
173a4 gsum sbyin/ /des ni slob ma'i tshogs kun skyong nus phyir/ /bstan pa sgrog pa'i sa la gnas bya'i phyir/ /rdo rje rgyal po dpal gyi dbang mchog 'di/ /theg chen
173a5 dgu yi rtags dang bcas te sbyin/ /de ni bla med rgyal por 'gyur bas na/ /sa rnams non pa'i rtags mchog gdan khri'i dbang / /lha chen la sogs zhing chen
173a6 nyi zlar bcas/ /khyu mchog seng+ge ma he gzig dang stag /gtum pa'i dom gyis spar te sbyin par bya/ /rgyal po yin pa'i rtags ni rnam pa bdun/ /skye la dbang
173a7 sgyur rgyal po mnyes pa'i gzungs/ /pha rol dpung 'joms srid thub 'dzin pa dang / /bdag gzhan don sgrub rdzu 'phrul rkang par ldan/ /dgos 'dod yid bzhin
173b1 skong ba'i rin po che/ /rgyal po de la thabs kyis sbyin par bya/ /de ni rgyal pa'i mchog sras yin pas na/ /phyag rgya chen po'i dbang mchog sbyin par bya/ /ras sam
173b2 'bur ram lugs su blugs pa yi/ /phyag rgya'i gzugs brnyan de yi spyi bor gzhag /ye shes chen po'i don dang de ldan pas/ /ye shes lnga yi rtags
173b3 mchog phyag rgya yis/ /gnas lngar gtugs te thugs kyi dbang mchog sbyin/ /oM mahA shU n+ya tA dz+nyA na badzra swa b+hA ba at+ma ko u0f85haM/ oM mahA A daR+sha ta dz+nyA na
173b4 badzra swa b+hA wa At+ma ko u0f85haM/ oM mahA sa man dz+nyA na badzra swa b+hA wa at+ma ko u0f85haM/ oM mahA pra t+ya prek+Sha Na dz+nyA na swa b+hA ba at+ma ko u0f85haM/ oM mahA kr-i t+yA nuSh+ThA na dz+nyA n
173b5 a badzra swa b+hA ba At+ma ko u0f85haM/ sku dang gsung thugs rdo rje yi/ /rnal 'byor bde mchog de yin pas/ /sku gsung thugs kyi gsang mchog 'di/ /rdo rje can la
173b6 sbyin par bya/ /oM sarba ta thA ga ta kA ya badzra swa b+hA ba At+ma ko u0f85haM/ oM sarba ta thA ga ta wA ka badzra swa b+hA wa At+ma ko u0f85haM/ oM sarba ta thA ga ta tsit+ta badzra swa b+hA ba At+ma k
173b7 o u0f85haM/ oM sarba ta thA ga ta a nu rA ga Na dz+nyA na badzra swa b+hA ba At+ma ko u0f85haM/ oM sarba ta thA ga ta pu dza badzra swa b+hA ba At+ma ko u0f85haM/ dbang mchog thob pa'i bu mchog de/ /
174a1 don rnams grub par bkra shis phyir/ /bdud 'dul bkra shis rdzas mchog rnams/ /rtags kyis brgyan te sbyin par bya/ /don
174a2 rnams grub pa'i bu mchog de/ /rdo rje dbang mchog thob pa na/ /zhing khams kun tu grags pa yi/ /rtsal gyi thig le rdo rje sbyin/ /nang du 'jug pa'i dbang
174a3 thob nas/ /de dag kun la spyod sgrub pa'i/ /dbang mchog dam pa sbyin par bya/ /skye med chos kyi dbyings nyid la/ /sems kyi dbang bskur thob pa yi/ /shes
174a4 rab chen po rig pa'i dbang / /sems lon don gyi gtan tshigs sbyin/ /bya ba'i mtshan ma kun bral zhing / /btsal med gnas pa'i byang chub sems/ /
174a5 snying rje chen po'i bde mchog gis/ /khams gsum kun la dbang sgyur sbyin/ /sbyin gsum 'gro ba'i don rnams kun/ /thams cad rdzogs par nus pa
174a6 yi| |rtags kyi dbang mchog dam pa ni/ /thong gshol 'bar ba sbyin par byed/ /dug gsum gting nas sprug pa yi/ /rtags chen ga 'u rnam pa gsum/ /
174a7 dmar chen dag gis bkang nas kyang / /dbang chen thob de'i lag tu sbyin/ /srid gsum sgrol bar bya ba yi/ /dbang mchog chen po sbyin pa'i phyir/ /ka
174b1 tar la sogs mtshon cha rnams/ /dbang thob de yi lag tu sbyin/ /'khor ba'i chos la spyir spyad kyang / /skyon gyis gos par mi 'gyur ba'i/ /rtags kyi phyag rgya chen po
174b2 ni| |rnam dag rdzas kyi pad+ma sbyin/ /las rnams rdzogs par gyur pa yi/ /dbang mchog thob pa'i rtags chen ni/ /sti ra'i dbyug pa chen po dag /dbang thob de yi
174b3 lag tu sbyin/ /yum dang gnyis med 'khril ba yi/ /chos nyid don dang gnyis med rtags/ /sbrul nag 'khril ba'i chun po 'di/ /dbang thob de yi lag tu
174b4 sbyin| |gsang ba sbyor ba'i shes rab ma/ /dri med rnam dag lha mo zhig /mtshan ldan shin tu brgyan byas la/ /dbang thob de la sbyin par bya/ /dbang thob rgyal
174b5 po chen po de/ /kun gyi bdag po yin pas na/ /rol mo dri dang zhal zas dang / /'dod yon lnga la sogs pa dang / /nye ba'i longs spyod rgyan rnams kun/ /thams
174b6 cad thams cad sbyin par bya/ /sgrub pa'i las la dbang thob phyir/ /rdo rje sems dpa' la sogs pa/ /rgyal ba thams cad sgrub pa dang / /rdo rje tshe dang sman la
174b7 sogs| |sgrub pa ma lus sgrubs shig ces/ /bsgrub rdzas thams cad sbyin par bya/ /rgyal ba sangs rgyas thams cad dang / /dbang thob de gnyis gcig pa'i
175a1 phyir| |rig 'dzin rdo rje rtsal gyi dbang / /rdo rje ming ni sbyin par bya/ /bsgrub pa'i dbang dang rdzas mchog dang / gsang ba'i bdag po
175a2 yin pas na/ /gsang ba'i dbang mchog sbyin par bya/ /dga' ba byang chub sems chen po/ /kun tu tshim par byed pa yi/ /dkar dmar lhag pa'i byang
175a3 chub sems/ /dbang thob de yi lce la gzhag /btsal mod byang chub sems chen po/ /shes rab chen po'i rtsal gyis ni/ /chos sku sgyu mar dbang
175a4 bsgyur nas/ /rtsal chen rdzogs pa'i dbang yin pas/ /rdzas dang tshig dang gang zag dang / /kun rdzob dbang de ma thob kyang / /chos la sems kyi dbang
175a5 thob na| |rgyal ba'i rig 'dzin thams cad dang / /srid gsum dbang can thams cad kun/ /de la dbang thob bskur bar 'gyur/ /dbang gi tshad ni 'di
175a6 lta ste| |dad ldan sri zhur ldan pa la/ /gsang ba nyan pa'i dbang chen bskur/ /rnam bzhi las kyi don tshang na/ /las rnams byed pa'i dbang thob bo/ /
175a7 lta ba'i dmigs bus chos mthong na/ /rgyal 'theb 'chad pa'i dbang thob bo/ /rkyen thub tshad ma gsum ldan na/ /bla ma rdo rje slob dpon dbang / /dam
175b1 pa mdzod gsum thams cad la/ /phyogs med par ni 'chad shes nas/ /rab 'byams rgyal po'i dbang thob bo/ /dad med blo zhan rdzob pa che/ /tshul 'chos
175b2 mkhan la ras gcod byed/ /de ni dbang gis 'tshig par bshad/ /gsang med brjed ngas dbang mi 'chags/ /dad med g.yel rmugs dbang mi dgos/ /
175b3 snod med bcud bral kun stongs pa/ /des ni dbang thob ma yin no/ /snod ldan bcud rdzogs dbang thob na/ /dbang mchog thob pa'i rgyud ces bshad/ /ces
175b4 gsungs so/ /rgyud kyi rgyal po chen po rdo rje bkod pa kun 'dus rig pa'i mdo las/ rdo rje dbang gi le'u zhes bya ste sum cu rtsa gnyis pa'o// //de
175b5 nas bcom ldan 'das gsang ba mchog gi bdag po dang / sems dpa'i rdo rje dam pa rgyud kyi rgyal po chen po kun 'dus rig pa'i mdo dang bcas pa chos thams
175b6 cad kyi me long yin par rig nas 'dus pa phal mo che'i 'khor rnams kyis shin tu ngam zhing ngo mtshar skyes nas bstod pa shin tu dga' ba chen po'i glu 'di
175b7 blangs so/ /e ma hoH/ nyes bcom legs ldan mtshan zhi mtha' las 'das/ /dpag med byams snyoms don gyis bdag gzhan dpal/ /don dam gsang
176a1 sbas nam mkha'i dkyil du 'khyil/ /rdo rje che mchog dbang phyug kun gyi bdag /'dzin pa mi rtog sha rus khrag la rol/ /thugs
176a2 kyi gdung thag 'khor ba'i tha la rje/ /yul med ma skyes mtshan ma'i g.yul las rgyal/ /bde mchog rgyal po khyod la phyag 'tshal bstod/ /shes rab
176a3 chen po nam mkha'i nyi mar gsal/ /byang chub sems kyi 'od zer dbyings su 'char/ /dpa' rtul myur ba'i shugs kyis 'gro drug sgrol/ /rtog 'joms
176a4 ye shes rdo rje cho 'phrul 'phro/ /dam pa'i don gsungs gnyis med ston pa'i sku/ /smra ba'i seng+ge khyod la phyag 'tshal lo/ /rin chen gter ldan 'dod rgur
176a5 kun skong zhing / /lung dang rigs pa gtan tshigs kun gyi mdzod/ /brda can yang dag len pa'i me long gsal/ /rdo rje kun 'dus 'jigs byed rgyal
176a6 ba'i rgyud/ /chos kyi me long 'di la bdag cag 'dud/ /rgyud kyi rgyal po chen po rdo rje bkod pa kun 'dus rig pa'i mdo las/ ngo mtshar bstod pa'i le'u
ste sum cu rtsa gsum pa'o/
CLOSE WINDOW