བོད་ཡིག |
1a1 @#/ /rgyud dza pa bzhugs so/ /
1b1 @##/ /rgya gar skad du/ sarba d+harma mahA sin+ti bo d+hi tsit+ta ku la ya rA dza/ bod skad du/
1b2 chos thams cad rdzogs pa chen po byang chub kyi sems kun byed rgyal po/ bcom ldan 'das
1b3 byang chub kyi sems kun byed rgyal po la phyag 'tshal lo/ /'di skad bshad pa'i dus na/ 'og
1b4 min gyi gnas/ chos nyid kyi mkha'/ dbyings nyid kyi klong / sems nyid kyi gnas/ ye shes
2a1 @##/ /sgrib pa mi mnga' ba'i gzhal yas khang na nyid kyi rang bzhin dang / nyid kyi ngo bo dang /
2a2 nyid kyi thugs rje ye shes mngon du phyung ba'i 'khor/ 'di lta ste/ nyid kyi rang bzhin gyi 'khor chos kyi sku zhes bya ba'i
2a3 'khor dang / nyid kyi ngo bo'i 'khor longs spyod rdzogs pa'i sku sa zhes bya ba'i 'khor dang / nyid kyi ngo bo'i 'khor
2a4 longs spyod rdzogs pa'i sku chu zhes bya ba'i 'khor dang / nyid kyi ngo bo'i 'khor longs spyod rdzogs pa'i sku me zhes bya ba'i
2a5 'khor dang / nyid kyi ngo bo'i 'khor longs spyod rdzogs pa'i sku rlung zhes bya ba'i 'khor dang / nyid kyi ngo bo'i
2b1 'khor longs spyod rdzogs pa'i sku nam mkha' zhes bya ba'i 'khor dang / gzhan yang thugs rje ye shes mngon du phyung ba'i
2b2 sprul pa'i 'khor/ 'di lta ste/ 'dod pa'i khams kyi sems can zhes bya ba'i 'khor dang / gzugs kyi khams
2b3 kyi sems can zhes bya ba'i 'khor dang / gzugs med pa'i khams kyi sems can zhes bya ba'i 'khor dang / gzhan
2b4 yang / nyid kyi rang bzhin la lta ba'i 'khor rnam pa bzhi/ 'di lta ste/ shin tu rnal 'byor zhes bya ba'i 'khor dang /
2b5 yongs su rnal 'byor zhes bya ba'i 'khor dang / rnal 'byor chen po zhes bya ba'i 'khor dang / sems dpa'i rnal 'byor
2b6 zhes bya ba'i 'khor dang / nyid kyi rang bzhin dang / nyid kyi ngo bo dang / nyid kyi thugs rje rang bzhin 'byed pa mi mnga'
3a1 @#/ /bas thabs gcig go /gzhan yang / nyid kyi rang bzhin rtogs pa'i 'khor/ 'di lta ste/ sngar
3a2 'das pa'i sangs rgyas nyid la gnas pa'i 'khor dang / da ltar bzhugs pa'i sangs rgyas nyid kyis don mdzad pa'i 'khor dang /
3a3 slad nas byon pa'i sangs rgyas nyid las 'byung ba'i 'khor dang / 'byed pa mi mnga' ba'i rang bzhin gyis thabs gcig par
3a4 bzhugs so/ /de nas byang chub kyi sems kun byed rgyal po des 'khor thams cad nyid kyi rang bzhin du byin gyis brlab pa'i phyir
3a5 'khor thams cad nyid kyi sems nyid kyi thugs la thim par mdzad do/ /rang 'byung gi ye shes gsal bar mdzad do/ /de nas
3a6 thams cad chos nyid du ldan par bya ba'i phyir thams cad bsdus nas thig le chen po gcig bzhugs so/ /de nas sems
3b1 dpa' de nyid kyi rang bzhin thig le chen po gcig tu bzhugs pa de las byung nas byang chub kyi sems kun byed rgyal po'i spyan sngar dga' ba'i sems kyis dang ba'i
3b2 mdangs phyung ste 'khod pas byang chub kyi sems kun byed rgyal pos sems dpa' rdo rje la smras pa/ sems dpa' rdo rje e ma ho/ /dga' ba'i sems skyes e ma
3b3 ho/ /dang ba'i mdangs phyung e ma ho/ /nga las byung ba e ma ho/ /zhes gsungs pas/ de nas sems dpa' rdo rjes zhus pa/ kye/ston pa'i ston pa kun
3b4 byed rgyal po lags/ /ston pa nyid kyang thig le spros med dam/ /'khor rnams kun kyang thig le spros med dam/ /bstan pa kun kyang thig le spros med dam/ /dus
3b5 dang gnas kyang thig le spros med dam/ /thams cad kun kyang thig le'i rang bzhin na/ /ston pa'i ston pas ci zhig ston par mdzad/ /'khor du 'khor ba'i don ni
3b6 ci la 'khor/ /'khor la bstan pa ci zhig ston par byed/ /dus dang gnas ni gcig pa ji lta bu/ /zhes zhus so/ /de nas byang chub kyi sems kun byed rgyal po
3b7 des sems dpa' rdo rje la 'di skad ces gsungs so/ /kye sems dpa' chen po/ yid sgra la chug cig /nges don sgrar bshad kyi/ kye sems dpa' chen po/
4a1 @#/ /sems nyid kun byed rgyal po nga nyid ni/ /chos rnams thams cad kun gyi snying po ste/ /snying po ma spros ye nas thig le yin/ /thig
4a2 le ye nas spros pa med pa'i don/ /ston pa dang ni bstan pa 'khor dus gnas/ /nga las byung bas ye nas thig le ste/ /nga yi rang bzhin thig le bstan pa yin/ /
4a3 zhes gsungs so/ /byang chub kyi sems kun byed rgyal po las/ gleng gzhi'i le'u ste dang po'o// //de nas byang chub kyi
4a4 sems kun byed rgyal po des chos thams cad nyid las byung ba'i ting nge 'dzin ces bya ba la gnas par mdzad do/ /de nas 'khor gyi rang bzhin las sems
4a5 dpa' rdo rje langs nas ston pa byang chub kyi sems kun byed rgyal po'i zhal du mdangs phyung ste 'khod nas zhus pa/ kye/ ston pa'i ston pa kun byed rgyal po
4a6 lags/ /khyod kyi 'khor du bdag 'dus 'khod pa de/ /bdag ni 'tshal ba'i don ni ci zhig mchis/ /bdag 'tshal don ni khyod kyis bstan du gsol/ /
4a7 zhes zhus so/ /de nas byang chub kyi sems kun byed rgyal po des nyid kyi rang bzhin dang / nyid kyi ngo bo dang / nyid kyi thugs rje las chos thams
4b1 cad bkod pa ni nyid kyi rang 'byung gi ye shes chen po gcig las rang 'byung gi ye shes chen po lnga byung ba ni/ 'di lta ste/ zhe sdang rang 'byung ye shes
4b2 chen po dang / 'dod chags rang 'byung ye shes chen po dang / /gti mug rang 'byung ye shes chen po dang / /phrag dog rang 'byung ye shes chen po dang / /
4b3 nga rgyal rang 'byung ye shes chen po dang / /rang 'byung gi ye shes lnga po zhes rgyan gyi rgyu chen po lnga ni phyung / 'jig cing brten pa'i khams chen po gsum
4b4 ni bkod de rgyan gyi rgyu'i lus lnga gcig tu blangs pa/ 'di lta ste/ rgyan gyi rgyu'i lus sa zhes bya ba'i lus dang / rgyan gyi rgyu'i lus chu zhes bya ba'i
4b5 lus dang / rgyan gyi rgyu'i lus me zhes bya ba'i lus dang / rgyan gyi rgyu'i lus rlung zhes bya ba'i lus dang / rgyan gyi rgyu'i lus nam mkha' zhes bya ba'i lus la
4b6 gcig tu lus thams cad blangs/ ye shes lnga'i rigs so sor phye ste rang 'byung ye shes zhe sdang gi rigs dang / rang 'byung ye shes 'dod chags kyi rigs
4b7 dang / rang 'byung ye shes gti mug gi rigs dang / rang 'byung ye shes phrag dog gi rigs dang / rang 'byung ye shes nga rgyal gyi rigs dang / rang
5a1 @#/ /'byung ye shes lnga'i rigs lus rgyan gyi lus can gyi chos nyid bkod do/ /byang chub kyi sems kun byed rgyal po de nyid
5a2 kyang nyid kyi rang bzhin gyi chos nyid bkod pa de bzhin du bzhugs so/ /de nas sems dpa' rdo rje de byang chub kyi sems kun byed rgyal po'i spyan sngar
5a3 yang 'dug nas/ kye/ ston pa kun byed rgyal po lags/ /nyid kyi thugs gcig rang 'byung ye shes las/ /rang 'byung ye shes rnam pa lnga byung
5a4 nas/ /de las rgyan gyi rgyu lnga byung nas ni/ /ye shes lnga yi lus lnga blangs pa 'dis/ /kun byed rgyal po'i dgos pa ci zhig che/ /zhes zhus so/ /de nas
5a5 byang chub kyi sems kun byed rgyal po des slar gsungs pa/ kye/ sems dpa' chen po dgos pa ni/ /kun byed rgyal po byed mkhan nga las ni/ /ma gtogs
5a6 pa yi byed mkhan gzhan na med/ /chos nyid byed pa yang ni nga las med/ /ston pa gsum yang 'god pa nga las med/ /'khor gyi tshogs kyang 'god pa nga las
5a7 med/ /de bzhin chos nyid 'god pa nga las med/ /sems dpa' rdo rje khyod la nga yis ni/ /nga yi rang bzhin khyod la bstan par bya/ /nga la rang bzhin rnam pa
5b1 gsum yod de/ /nga yi rang bzhin byang chub sems yin no/ /byang ba dag gi rang bzhin bstan pa ni/ /phun sum tshogs pa rnam gsum chos nyid byang / /chub pa dag
5b2 gi rang bzhin bstan pa ni/ /dgos pa tshogs pa rnam pa gsum gyis ni/ /nam mkha' bzhin du kun la khyab par gnas/ /sems zhes bya ba'i rang bzhin bstan pa
5b3 ni/ /mi 'gag ma lus kun byed rgyal po ste/ /kun byas byang chub sems su ma lus byas/ /zhes gsungs so/ /byang chub kyi sems kun byed rgyal po las/ chos nyid
5b4 mngon du phyung nas bstan pa'i le'u ste gnyis pa'o// //de nas byang chub kyi sems kun byed rgyal po des chos thams cad kyi sngon
5b5 rol tu byed pa po nga byung ba 'di gsungs so/ /kye/ sems dpa' chen po/ yid rna dbang la zhugs shig /rna dbang sgra la rtogs shig /kye/ nga
5b6 ni kun byed rgyal po ste/ /nga ni kun byed byang chub sems/ /nga med pa yi sngon rol na/ /chos rnams 'byung ba'i snying po med/ /nga med pa yi sngon rol na/ /chos
5b7 kun byed pa'i rgyal po med/ /nga med pa yi sngon rol na/ /ston pa bya ba ye nas med/ /nga med pa yi sngon rol na/ /bstan pa bya ba ye nas med/ /nga med pa yi sngon rol
6a1 @#/ /nas/ /'khor zhes bya ba ye nas med/ /sems dpa' rdo rje rtog ma skye/ /sems dpa' chen po khyod nyid kyang / /nga yi ngo bo sprul pa yin/ /zhes gsungs
6a2 so/ /de nas sems dpa' rdo rjes byang chub kyi sems kun byed rgyal po la zhus pa/ kye/ kun byed rgyal po byang chub sems/ /khyod ni ye nas chen po yin/ /ston pa dang ni bstan pa dang //
6a3 'khor la sogs pa'i chos rnams kun/ /byed mkhan khyod kyis byas pas na/ /ji ltar snang ba'i chos rnams kun/ /byed mkhan khyod kyis byas par snang / /ston pa gcig gam rnam
6a4 pa du ru yod/ /bstan pa gcig gam rnam pa du ru yod/ /'khor rnams gcig gam rnam pa du ru yod/ ces zhus so/ /de nas byang chub kyi sems kun byed rgyal pos slar gsungs
6a5 pa/ kye/ rang 'byung ye shes kun gyi ston par gcig /nga yi rang bzhin rnam gsum snang ba la/ /ston pa'i grangs ni rnam pa gsum du byung / /nga ni de bzhin nyid du gcig pa
6a6 las/ /chos rnams kun gyi chos nyid de bzhin nyid/ /nga nyid byang chub sems las gzhan med do/ /nga las byung ba'i ston pa sku gsum gyis/ /'khor la bstan pa rnam pa
6a7 gsum du bstan/ /nga yi ngo bo gcig tu phyung nas ni/ /nga yi rang bzhin gcig tu bstan pa'i phyir/ /kun byed nga yi 'khor du kun kyang gcig /nga las byung ba'i ston
6b1 pa sku gsum gyis/ /'khor gyi bye brag rnam pa gsum du yod/ /ces gsungs so/ /sems dpa' rdo rjes zhus pa/ kye/ ston pa'i ston pa kun byed rgyal po lags/ /khyod las byung
6b2 ba'i ston pa sku gsum gyis/ /khyod sar 'gro ba'i lam ni yod dam med/ /med na khyod kyis sa ru phyin mi phyin/ /yod na bgrod nas phyin nas ma bgrod phyin/ /kye sems dpa' chen po
6b3 nyon cig /nga las byung ba'i ston pa sku gsum la/ /nga yi sa ru bgrod pa'i lam med de/ /nga yi rang byung ye shes bstan pa yin/ /sku gsum ston pa de yi 'khor rnams la/ /rnam
6b4 par thar pa'i lam ni rnam lnga ste/ /dus gsum sangs rgyas kun gyi lam du bstan/ /rang 'byung ye shes lnga yi lam lnga ni/ /'dod chags dang ni zhe sdang gti mug dang / /nga rgyal dang
6b5 ni phrag dog rnam lnga ste/ /rang 'byung ye shes rnam lnga kun gyi lam/ /zhes gsungs so/ /ston pa'i ston pa kun byed rgyal po lags/ /rang 'byung ye shes lam lnga bstan pa de/ /
6b6 rang 'byung zhes ni ji ltar byung ba lags/ /ye shes bya ba'i gtan tshigs ci la gdags/ /lam zhes bgyi ba'i don ni gang la bgyi/ /'dod chags zhe sdang gti mug nga rgyal
6b7 dang / /phrag dog la sogs rnam pa lnga po de/ /lam lnga yin pa'i don ni bshad du gsol/ /zhes zhus so/ /kye sems dpa' chen po/ rang 'byung ye shes rnam pa lnga lam ni/ /
7a1 @#/ /rang 'byung rgyu rkyen med par byung ba yin/ /ye shes 'gag pa med par gsal ba yin/ /lam ni rgyu rkyen med pas bgrod mi dgos/ /mi bgrod rang 'byung lnga
7a2 la lam lngar bshad/ /'dod pa chos rnams bdag tu 'dod pa yin/ /chags pa bdag tu 'dod pa de la chags/ /zhe ba skye ba med pa'i rang bzhin la/ /sdang ba cho 'phrul sna tshogs
7a3 de la sdang / /gti mug mi rtog pa yi ting 'dzin gyis/ /chos nyid mnyam pa nyid la dbye bsal med/ /nga ni ma nor pa yi byang chub sems/ /de bzhin nyid du ye nas rgyal bar byed/ /
7a4 thams cad de bzhin nyid du gcig pa la/ /yin min sgro skur 'debs pa phrag dog byed/ /bgrod du med pa'i lam lnga bstan pa yin/ /kye sems dpa' chen po nyon cig /
7a5 ji ltar snang ba'i chos rnams thams cad kun/ /rang 'byung ye shes lam lnga 'di las byung / /'dod pa'i khams kyang rang 'byung ye shes yin/ /gzugs kyi khams kyang
7a6 rang 'byung ye shes yin/ /gzugs med khams kyang rang 'byung ye shes yin/ /kun byed rgyal po nga yis byas pa'i phyir/ /ngas byas thams cad ye shes ngo bor bshad/ /khams
7a7 gsum sems can rgyud drug thams cad kun/ /rang 'byung ye shes med par ngas ma bshad/ /de las ma gtogs pa yi byang chub sems/ /sangs rgyas kun gyi mes po ngas ma bshad/ /
7b1 kun byed rgyal po nga yi rang bzhin la/ /chos nyid rnam pa gsum du bstan pa ste/ /ma skyes pa yi chos nyid dngos mi snang / /de ni gzugs med khams su bstan pa yin/ /skye ba'i cho 'phrul
7b2 gzugs su snang ba ni/ /de ni gzugs kyi khams su bstan pa yin/ /thugs rje ye shes ngo bo sngon phyung nas/ /bde sdug las de thugs rjes zad bya'i phyir/ /'dod pa'i khams ni thugs
7b3 rjes phyung ba yin/ /zhes gsungs so/ /byang chub kyi sems kun byed rgyal po las/ chos thams cad kun byed rgyal pos byas pa las ji ltar byung ba'i khungs bstan pa'i le'u
7b4 ste gsum pa'o// //de nas byang chub kyi sems kun byed rgyal po des nyid kyi rang bzhin mtshan gyi chos bshad pa 'di gsungs so/ /kye/ sems dpa' chen po rdo rje khyod
7b5 nyon cig /nga ni ye nas rang 'byung ye shes te/ /nga ni ye nas chos kun snying po yin/ /nga ni kun byed rgyal po byang chub sems/ /nga yi mtshan 'di sems dpa' rtogs par gyis/ /
7b6 nga yi mtshan 'di sems dpas rtogs 'gyur na/ /chos rnams thams cad ma lus rtogs 'gyur gyi/ /nga zhes bya ba'i snying po ste/ /chos rnams kun gyi snying po yin/ /rang
7b7 'byung zhes ni bya ba ni/ /rgyu rkyen med pa'i snying po bas/ /rtsol sgrub kun las 'das pa yin/ /ye shes zhes ni bya ba ni/ /'gag pa med cing ma bsgribs pas/ /chos kun ma lus
8a1 @#/ /ston par byed/ /nga ni byang chub sems la bya/ /ye nas bya ba'i don 'di ni/ /thog ma nyid nas gnas pa'i don/ /chos kun zhes ni bya ba ni/ /ston pa
8a2 kun kyang chos nyid la/ /bstan pa kun kyang chos nyid yin/ /'khor gnas dus kyang chos nyid de/ /chos nyid ma yin gcig kyang med/ /snying po bya ba'i don 'di ni/ /thams cad
8a3 'byung ba'i snying po ste/ /byang chub sems kyi rang bzhin las/ /ston pa kun yang de las byung / /bstan pa gsum yang de las byung / /'khor gnas dus kyang de las byung / /
8a4 thams cad 'byung ba'i snying por bshad/ /nga ni snying po sems nyid kyis/ /chos rnams ma lus kun byed de/ /kun zhes bya ba'i chos rnams kun/ /chos kun gang dang gang zhe na/ /
8a5 ston pa dang ni bstan pa dang / /'khor gnas dus ni thams cad kun/ /byed ces bya ba mkhan po ste/ /ston pa dang ni bstan pa dang / /'khor gnas dus ni kun byed pas/ /rang
8a6 'byung ye shes mkhan po yin/ /rgyal po zhes ni bya ba ni/ /snying po rang 'byung ye shes de/ /byed pa'i mkhan po kun las rgyal/ /chos rnams byed mkhan kun las rgyal/ /
8a7 byang ba'i don ni 'di lta ste/ /snying po byang chub sems de ni/ /rang 'byung ye nas rnam dag pas/ /kun byed rgyal pos byas pa kun/ /kun bzang nyid du rnam dag pas/ /byang
8b1 zhes bya bar bshad pa yin/ /chub ces bya ba 'di lta ste/ /snying po rang 'byung ye shes des/ /snang ba dang ni srid pa dang / /snod dang bcud kyis bsdus pa dang / /dus gsum sangs rgyas
8b2 thams cad dang / /khams gsum rgyud drug sems can dang / /de bzhin nyid ni thams cad la/ /kun la chub ste khyab par gnas/ /des na chub ces bya bar bshad/ /sems kyi don ni
8b3 'di lta ste/ /snying po rang 'byung ye shes des/ /snang srid snod bcud thams cad la/ /'jug cing dbang sgyur gsal bar gcod/ /des na sems zhes bya bar bshad/ /rgyu rkyen med
8b4 pa'i snying po des/ /kun la dbang sgyur thams cad byed/ /kye sems dpa' chen po/ nga yi rang bzhin rtogs gyur na/ /ston pa kun kyang rtogs 'gyur la/ /bstan pa kun kyang rtogs
8b5 par 'gyur/ /'khor gyi bsam pa rig 'gyur la/ /dus gnas kun kyang gcig 'gyur rig /chos rnams thams cad nga yin pas/ /nga yi rang bzhin 'di rig na/ /chos rnams
8b6 thams cad rig 'gyur bas/ /bya byed rtsol sgrub kun las 'das/ /mi rtsol lhun gyis grub par 'gyur/ /zhes gsungs so/ /byang chub kyi sems kun byed rgyal po las/ /nga nyid
8b7 kyi mtshan bshad pa'i le'u ste bzhi pa'o// //de nas byang chub kyi sems kun byed rgyal pos sems dpa' rdo rje nyid la rang bzhin bstan pa'i mdo 'dus pa'i
9a1 @#/ /don 'di bstan to/ /sems dpa' chen po nyon cig /nga yi rang bzhin 'di lta ste/ /yod ni gcig las med pa ste/ /bstan ni rnam pa gnyis su bstan/ /byung
9a2 ni theg pa dgu ru byung / /'dus ni rdzogs pa chen por 'dus/ /yin ni byang chub sems yin te/ /gnas ni chos nyid dbyings la gnas/ /gsal ni rig pa mkha' la gsal/ /
9a3 khyab ni snod bcud kun la khyab/ /byung ni snang srid kun tu byung / /bstan du mtshan ma'i dngos po med/ /mthong du dmigs pa'i yul dang bral/ /shes su tshig tu brjod du
9a4 med/ /rgyu las ma byung snying po 'di/ /sgros kyis btags pa kun dang bral/ /don 'di nges par rtogs 'dod na/ /dpe ni nam mkha' lta bur brtag /don ni chos nyid skye ba med/ /
9a5 rtags ni sems nyid 'gag pa med/ /nam mkha' lta bu'i chos nyid la/ /nam mkha' lta bu'i dpe yis mtshon/ /dmigs su med pa'i chos nyid la/ /dmigs su med
9a6 par mtshon te bstan/ /tshig tu brjod du med pa la/ /brjod du med pa'i tshig brjod de/ /dmigs med don gyi ngo bor bstan/ /bsdus te bstan pa'i don 'di ni/ /don gyi ngo bo
9a7 'grel pa ste/ /'di yis nga don rtogs par gyis/ /'di yis nga don rtogs par byed/ /'di yis nga don ma rtogs na/ /don gyi sgra tshig ci bstan kyang / /nga dang phrad par mi 'gyur
9b1 'gyur te/ /nga las gol la nga bsgribs pas/ /chos kyi snying po mthong mi 'gyur/ /zhes gsungs so/ /byang chub kyi sems kun byed rgyal po las/ don gyi 'grel pa'i le'u ste
9b2 lnga pa'o// //de nas byang chub kyi sems kun byed rgyal po des chos thams cad nyid kyi rang bzhin la rdzogs pa chen po de bstan pa'i tshig gsungs so/ /kye sems
9b3 dpa' rdo rje tshig 'di nyon/ /kun byed rgyal po nga yis ni/ /nga yi chos rnams dang por bkod/ /nga yi chos rnams mngon du phyung / /nga yi ngo bo khyod la bstan/ /nga yi rang bzhin bstan nas
9b4 ni/ /tshig dang sgras kyang don mtshon nas/ /ngo bo bstan pas khyod kyis mthong / /rang bzhin bstan pas a de rig /tshig tu brjod pas don sgrar thos/ /zhes gsungs nas cang mi gsung
9b5 bar chos thams cad kyi ngo bor bzhugs so/ /sems dpa' rdo rje 'khor gyi nang nas langs nas byang chub kyi sems kun byed rgyal po'i zhal du mdangs phyung ste 'khod pas kun byed
9b6 rgyal pos/ kye sems dpa' chen po/ khyod nga la mdangs kyis 'khod pa de khyod kyis don ci 'dod pa gsol cig ces gsungs so/ /de nas sems dpa' rdo rjes zhus pa/ kye ston
9b7 pa'i ston pa kun byed rgyal po lags/ /chos rnams thams cad khyod kyi rang bzhin na/ /khyod kyis ston pa bstan pa 'khor bkod ci zhig lags/ /phun sum tshogs pa'i dgos pa
10a1 @#/ /ci zhig lags/ /zhes zhus so/ /de nas byang chub kyi sems kun byed rgyal pos 'di skad ces gsungs so/ /kye sems dpa' chen po nyon cig /chos rnams
10a2 phun sum tshogs par bkod pa ni/ /nga nyid phun tshogs pa'i rang bzhin te/ /nga yi rang bzhin khyod la bstan par bya/ /nga yi rang bzhin spros bral mi phyed pas/ /chos dbyings gnas
10a3 'di nga yis byas pa yin/ /byang chub nyid las de na gzhan mi bzhugs/ /nga yi rang bzhin ma bsgribs kun khyab pas/ /gsal ba'i nam mkha' ye shes gzhal yas khang / /
10a4 rang 'byung ye shes nyid las gzhan mi bzhugs/ /nga ni thams cad 'byung ba'i snying po pas/ /chen po lnga dang khams gsum rgyud drug rnams/ /nga yi sku gsung thugs las
10a5 gzhan med pas/ /nga yi rang bzhin nga yis bkod pa yin/ /dus gsum sangs rgyas khams gsum sems can yang / /nga yi rang bzhin khyed la bstan pa yin/ /nga yi
10a6 rang bzhin ma skyes spros bral phyir/ /mi gnas spyod yul yun las 'das pa yin/ /mi snang ting 'dzin bsgom pa'i yul las 'das/ /nga yi rang bzhin khyed la mi snang
10a7 yang / /nga yi ngo bo khyod la snang byas pas/ /khams gsum chen po lnga dang rgyud drug rnams/ /snang ba'i rang bzhin byang chub sems lnga las/ /rang 'byung snying po ye shes
10b1 lnga 'byung bas/ /ye shes lnga yi yul lnga gsal byung bas/ /'dod pa lnga byung chags pa lnga byung nas/ /chags lnga so sor smin pa'i 'bras bu ni/ /'gro ba drug gi khyad par
10b2 so sor snang / /'di ltar snang ba nga yis khyed la bstan pa yin/ /sku gsum theg pa rnam pa drug bstan pa/ /nga yis bstan na khyed kyis ma mthong ste/ /de re nga yi ngo bo re re ste/ /sku re dang ni
10b3 gsung re thugs re dang / /kun gyis mthong ba'i ngo bo re re 'o/ /de yang nga yi rang bzhin bstan pa yin/ /yang dag kun gyi ngo bo byang chub ngas/ /spros med dbyings kyi ngo bo nga yin la/ /sangs
10b4 rgyas kun gyi gnas chen nga yin pas/ /rol pa khams gsum rgyud drug nga las shar/ /bde dang sdug bsngal las kyi khyad par te/ /yang dag ma nor nga yi thugs rje bstan/ /rgyu dang 'bras
10b5 bu'i theg pa can rnams la/ /kun byed nga yi lung 'di bstan mi bya/ /nga yi lung 'di nges par bstan byas na/ /dge sdig las la rgyu 'bras yod zer nas/ /yang dag nga la sgro dang skur
10b6 btab pas/ /yang dag nga dang yun du phrad mi 'gyur/ /nga ni ston pa kun byed byang chub sems/ /byang chub sems ni kun byed rgyal po ste/ /dus gsum sangs rgyas byang chub sems
10b7 kyis byas/ /khams gsum sems can byang chub sems kyis byas/ /snang srid snod bcud byang chub sems kyis byas/ /rgyu 'bras dpe don gtan tshigs mthun par byas/ /rgyu yi dus na
11a1 @#/ /'byung chen lnga byas la/ /'bras bu'i dus na khams gsum sems can byas/ /dpe yi dus na kun dpe nam mkha' byed/ /don gyi dus na kun don skye med
11a2 byed/ /rtags kyi dus na kun byed byang chub sems/ /gtan tshigs dus na rang 'byung ye shes ston/ /rgyu 'bras dpe don gtan tshigs mthun par byas/ /byang chub sems kyis kun
11a3 byas gcig ma byas/ /kun byas byang chub nyid kyi rang bzhin byas/ /gcig ma byas pa nyid la bya mi dgos/ /kun byed nga yi rang bzhin ma btags par/ /nga yis byas pa'i chos la
11a4 nges brtags pas/ /brkam zhing chags pa'i dbang gis snang ba 'grub/ /mi rtag sgyu ma'i rang bzhin 'jig par 'gyur/ /cha med dmus long lta bu'i rang bzhin no/ /kun byed rgyal
11a5 pos byas par mi cha bar/ /dbang po drug la yul drug snang ba la/ /sdug bsngal mthong nas dbang po 'gegs par byed/ /des ni kun byed byas pa mi cha bas/ /skye 'gag med pa'i
11a6 'bras bu de la med/ /nges pa cig la bden pa gnyis byung nas/ /kun byed nga yis byas pa'i chos nyid la/ /don dam kun rdzob bden pa gnyis byung bas/ /bden pa gnyis kyi
11a7 rgyu 'bras yod mi mnga'/ /rgyu 'bras 'das pa'i 'bras bu de la med/ /med par tshol ba dag pa'i ting 'dzin dang / /mi 'byung cho 'phrul yan lag sgom mnga' bas/ /blang dor med
11b1 pa'i 'bras bu thob pa med/ /don gcig ting 'dzin rnam gsum sgom byed pas/ /bsnyen bsgrub rnam bzhir rim par bsgom byed pas/ /rtsol sgrub 'das pa'i 'bras bu de la med/ /
11b2 lhun gyis grub pas bya byed kun dang bral/ /skye med mtshon med gdags med de brjod pas/ /sgro skur bral ba'i brjod med de rig byed/ /chos kun byang chub sems yin de dpe ni/ /
11b3 kun dpe nam mkha' lta bu'i rang bzhin du/ /byang chub sems kyi don yang de bzhin no/ /nam mkha' rlung chu sa me snang ba lnga/ /byang chub sems las rmad byung mngon sangs rgyas/ /srid gsum
11b4 lam lnga 'gro drug snang ba yang / /rnam smin las kyis mi bskyod mngon sangs rgyas/ /khams gsum ye nas byang chub sku gsung thugs/ /de bas snang srid snod bcud thams cad kun/ /nam
11b5 mkha'i ngang na mi gnas med pa bzhin/ /byang chub sems kyi klong chen yul che bas/ /sangs rgyas sems can snod bcud kun kyang gnas/ /thams cad rnam par dag pa'i chos nyid la/ /
11b6 gnyis su med de sgros skur kun dang bral/ /gang gis med pa'i snying po sems ma mthong / /bskal pa du mar don dang phrad mi 'gyur/ /chos kun rtsa ba byang chub sems su gcig /sangs rgyas
11b7 sems can snang srid snod bcud kun/ /thams cad 'byung ba'i byang chub snying po la/ /gcig tu med las bgrangs na brjod mi lang / /sangs rgyas sku gsung sems can lus dag kyang / /byang
12a1 @#/ /chub sems yin ye nas gzung 'dzin bral/ /gzung 'dzin bral ba gang gis grub pa de/ /des ni kun grub chos kyi rtsa ba grub/ /byang chub sems kyi mdo rtsa gcig
12a2 pu la/ /sems shing rtog la dga' bas rnam par bgrangs/ /gnyis dang grangs la dga' la nga yis bstan/ /ji bzhin rang bzhin chos nyid sems gcig la/ /sems la rang bzhin rnam pa gsung
12a3 snang bas/ /rang bzhin gsum ni bkod pa'i mchog gsum ste/ /de ni phun sum tshogs pa'i chos nyid do/ /gnyis med gcig gi rang bzhin kun 'brel bas/ /rnal ma gcig la
12a4 'byor pa rnam pa bzhi/ /rnal 'byor rnam pa bzhi yi yul du bstan/ /sems nyid gcig la che ba lngar bstan pa/ /sems kyi rang bzhin yon tan lnga ldan pas/ /rang bzhin lnga la
12a5 che lngar ming du btags/ /nges pa gcig la yin min sgros byung bas/ /gol sgrib the tshom rtog pa bsam yas ni/ /kun byed rtsol sgrub rtog 'das sel bar byed/ /yod med sgros skur
12a6 the tshom bsal ba'i phyir/ /de bzhin nyid kyi byang chub mi rtog pas/ /ma nor nges pa'i lung de gtan la 'bebs/ /de nyid yid ches mngon du bstan pa'i phyir/ /la dor yid ches pa yi
12a7 lung bcu yis/ /rtsol sgrub bya med don bstan de yid ches/ /med par bden pa'i tshig dgu smras pa ni/ /snying po gcig la mthong ba'i yul dgu byung / /rang res mthong ba'i bden pa'i tshig
12b1 dgu smras/ /kun byed nga la thams cad rdzogs pa'i phyir/ /byang chub sems kyi don 'di che bar gyis/ /chos kun rtsa ba kun byed byang chub sems/ /ji ltar snang ba nga yi ngo bo yin/ /ji ltar byung
12b2 ba nga yi cho 'phrul yin/ /sgra tshig ji ltar byung ba thams cad kun/ /nga yi don nyid tshig sgrar phyung ba yin/ /sangs rgyas sku dang ye shes yon tan dang / /sems can lus dang bag chags la
12b3 sogs pa/ /snang srid snod bcud bsdus pa thams cad kun/ /byang chub sems kyi ngo bo ye nas yin/ /sems las ma gtogs pa yi chos rnams ni/ /nga las byung ba'i sangs rgyas lngar 'das
12b4 la/ /kun byed rgyal po nga yis lung ma bstan/ /da ltar bzhugs dang slad kyis byon pa la/ /kun byed rgyal po byang chub lung mi ston/ /zhes gsungs so/ /byang chub kyi sems kun byed rgyal po las/
12b5 rtsa ba gcig pa'i le'u ste drug pa'o// //de nas byang chub kyi sems kun byed rgyal pos nyid kyis byas pa las byung ba'i chos rnam par dbye ba 'di gsungs so/ /kye sems
12b6 dpa' chen po/ sems ni ji bzhin pa yi ngo bo ste/ /ji bzhin gnyis med bde ba chen po la/ /rnam pa kun ldan rnam pa yongs kyis med/ /spros bral nam mkha' bzhin du ye gnas
12b7 la/ /dmigs pa'i yul 'das gcig ces bgrang du med/ /byang chub sems la bgrang zhing mtshon med na/ /sems kyis byas pa'i chos la rnam grangs byung / /sems kyis byas
13a1 @#/ /pa gang dang gang zhe na/ /snang srid snod bcud sangs rgyas sems can rnams/ /sems kyi rang bzhin ngo bo de las byas/ /byas nas mngon du byung ste bstan pa ni/ /chen po
13a2 lnga dang rigs drug snang ba dang / /de yi don mdzad gzugs sku rnam gnyis ni/ /sems kyi rang bzhin dag tu phyung nas bgrangs/ zhes bka' stsal to/ /de nas sems dpa' rdo rjes zhus pa/
13a3 kye/ kun byed rgyal po e ma ho/ /kun tu bzang po e ma ho/ /byang chub sems khyod e ma ho/ /dang por byang chub sems langs nas/ /rang dang chos rnams ma shes nas/ /kun mkhyen khyod kyi
13a4 'khor du 'dus/ /zhu ba'i dmigs ni mi cha bas/ /kun mkhyen khyed kyi bka' stsal pa/ /chos rnams gcig tu 'dus par ni/ /byang chub sems mdo bka' stsal na/ /gcig la gnyis su
13a5 bstan pa yi/ /rnam grangs don 'di ji ltar lags/ zhes zhus so/ /de nas byang chub kyi sems kun byed rgyal pos bka' stsal pa/ sems ni ye nas lhun gyis grub/ /nga ni sangs rgyas
13a6 thams cad kyi/ /lhun gyis grub pa'i snying po yin/ /nga ni thugs rje'i ngo bo ste/ /gang la dga' ba'i dus su ni/ /gang dga' ba yi don bya'i phyir/ /nga yi byas pa'i don bstan gyis/ /sems
13a7 dpa' rdo rje khyod nyon cig /gcig la dga' ba de la ni/ /chos rnams gcig tu 'dus pa'i phyir/ /byang chub sems kyi ngo bo de/ /sems kyi ngo bo kun byed bstan/ /mtshan ma grangs la dga'
13b1 ba la/ /kun byed rgyal pos byas pa yi/ /sna tshogs brjod kyis mi lang bstan/ /de yang nga yi rang bzhin bstan/ /gcig ni nga nyid snying po ste/ /gnyis byung nga yis byas pa ste/ /byas pa'i chos la
13b2 bgrangs pa yin/ /grangs kyi don ni gcig dang gnyis/ /grangs kyi mtha' ni brjod du med/ /brjod med chos kyi snying po yin/ /brjod med snying po gcig tu bstan/ /gcig ni kun byed byang
13b3 chub sems/ /byas pa'i chos ni rnam pa gnyis/ /rgyu dang 'bras bu rnam gnyis las/ /don dam kun rdzob rnam gnyis kyis/ /dpe don rtags dang gtan tshigs su/ /nges lung drang lung
13b4 gnyis su bshad/ /rgyu ni 'byung chen rnam lnga la/ /'bras bu khams gsum sems can yin/ /khams gsum sems can rgya byas nas/ /'bras bu sangs rgyas ming btags te/ /rgyu 'bras
13b5 dpe don de ru bstan/ /rgyu ni khams gsum sems can la/ /'bras bu sangs rgyas lung bstan pa/ /de ni drang ba'i lung du bshad/ /rnam pa gnyis su dbye bar bya/ /rgyu ni 'byung chen rnam lnga
13b6 yin/ /byas pa'i chos ni thams cad kun/ /sems nyid mngon du phyung ba yin/ /de bzhin nyid du ma gtogs par/ /ma rig log rtog gzung 'dzin gyis/ /yul drug chos la nges brtags
13b7 pas/ /'jig pa drug dang brten pa drug /'jig rten zhes su bshad pa yin/ /yul drug chags pa drug brten nas/ /chags drug sdug bsngal ya nga la/ /mya ngan mya ngan zhes su bshad/ /
14a1 @#/ /mya ngan mya ngan 'das zhes pa/ /yul drug chos la mi rtog pas/ /skye drug gnas su mi skye ste/ /sdug bsngal drug las 'das pa'i phyir/ /mya ngan 'das
14a2 zhes de la bya/ /ji bzhin snying po byang chub las/ /ma btsal rang bzhin shar ba yi/ /'byung ba chen po lnga po yang / /rang gi mtshan nyid rang 'dzin la/ /thams cad snying po byang chub kyang //
14a3 dmigs su med pa'i ngo bo 'dzin/ /mtshan nyid mtshan nyid ces su bshad/ /rang bzhin shar ba'i chen po lngas/ /chos kun bskyed pa'i snying po yin/ /de yis bskyed pa'i sems
14a4 can rnams/ /rang 'byung yin par mi rtog par/ /spyod pa'i lam de rgyur bltas nas/ /rgyu las 'bras bu 'byung 'dod pas/ /rgyu zhes ming du brtags pa yin/ /'bras bu gang thob
14a5 theg par bshad/ /spong 'gegs sbyong ba rnams su bstan/ /'bras bu zhes su btags pa ni/ /snying po rgyu las 'bras bur bshad/ /snying po'i rang bzhin de la ni/ /skye 'jig med pa'i
14a6 rang bzhin la/ /rdo rje zhes su bshad pa yin/ /rdo rje de sgrub phyi ba gnyis/ /sku dang gsung thugs ye shes ni/ /blang dor byas pa'i sgo nas ni/ /chu zla bzhin du grub par 'dod/ /blang
14a7 dor med pa'i nang ba ni/ /rim pa gsum dang snying po yis/ /bdag nyid dbyings dang ye shes ste/ /gang la'ang mi brten bya med 'di/ /kun gyi snying por gyur pas na/ /bya ba med pa'i
14b1 phrin las 'das/ /bya med bde ba spong byed pa/ /mi rtsol bde ba'i lung bstan bkod/ /bskal pa gsum dang mi tshe bdun/ /zla drug lo gcig zla bcu drug /rtsol bar byed pa'i theg
14b2 pa can/ /bya med ngo bo 'di bstan pas/ /mi rtsol lhun grub bde la gnas/ /'di la ma rdzogs gang yang med/ /gcig rdzogs gnyis rdzogs kun rdzogs pas/ /bya ba phun sum
14b3 tshogs par bde/ /gcig rdzogs byang chub sems su rdzogs/ /gnyis rdzogs sems kyis byas par rdzogs/ /kun rdzogs phun sum tshogs par rdzogs/ /gcig la rdzogs
14b4 pa'i lung 'di yis/ /sangs rgyas dgongs pa 'di la gnas/ /kun rdzogs pa yi don 'di yis/ /thams cad phun sum tshogs par byed/ /bya med 'di la gang gnas pa/ /lus 'di
14b5 gang zag lha mi yang / /dgongs pa chos nyid sangs rgyas yin/ /'di yis sems can don byas na/ /rtsol sgrub mi byed bde bar 'gyur/ /zhes gsungs so/ /byang chub kyi sems kun
14b6 byed rgyal po las/ rnam grangs bsdus pa'i le'u ste bdun pa'o// //de nas byang chub kyi sems kun byed rgyal pos byas pa'i chos thams cad de bzhin nyid du
14b7 gcig pa las de bzhin nyid la rang bzhin gsum snang bar 'gyur ba de so sor snang ba 'di gsungs so/ /kye sems dpa' chen po/ /nga yi de bzhin nyid gcig ni/ /phun sum
15a1 @#/ /tshogs pa gsum du snang / /de bzhin ma skyes rang bzhin ni/ /de bzhin nyid de yul du snang / /yul de kun gyi de bzhin nyid/ /de la kun kyang brtags byas nas/ /
15a2 de bzhin nyid la lta byed pa/ /ma bsgribs rang 'byung ye shes ni/ /rgyu 'bras ston pa sku gsum snang / /la la rgyu yi ston par snang / /la la 'brel ba'i ston par snang / /la la 'bras bu'i
15a3 ston par snang / /thugs rje mngon du phyung ba yi/ /rang 'byung ye shes rnam lnga las/ /byung ba'i sangs rgyas sems can rnams/ /bstan pa'i yul dang 'khor du snang / /de lta ba yi 'khor
15a4 tshogs la/ /rgyu 'bras ston pa sku gsum gyis/ /de bzhin nyid kyi yul gcig la/ /'khor gyi lta ba so so bas/ /la la spong bgegs yul du bstan/ /la la sbyong zhing bgrod par bstan/ /
15a5 la lar byin rlabs dag par bstan/ /la lar blang dor gyis grub bstan/ /la lar rang rgyud dag pa ste/ /btsal zhing bsgrub tu yod par bstan/ /de ltar ston pa sku gsum gyis/ /rgyu dang
15a6 'bras la dgongs nas bstan/ /rgyu dang 'bras bu rnam gnyis kyang / /de bzhin nyid las g.yos pa med/ /kun byed nga yis lung bstan to/ /de bzhin nyid ni 'di lta ste/ /kun byed nga yang
15a7 de bzhin nyid/ /ngas byas kun kyang de bzhin nyid/ /yul drug nga yis byas pa yin/ /dbang drug nga yi rig pa yin/ /rnam par shes pa'i tshogs rnams ni/ /nga yi rab byung ye shes
15b1 yin/ /'byung chen lnga yang rgyu lnga ste/ /kun gyi rgyu lnga de bzhin nyid/ /thugs rje rang 'byung ye shes lnga/ /khams gsum rgyud drug phyung ba yang / /de bzhin nyid kyi ngo bor bshad/ /de
15b2 bzhin nyid kyi rang bzhin de/ /ngo bo gnyis su med pa ste/ /rang bzhin gcig tu gnas pa la/ /rnal 'byor bzhag pa bzhi phyung ba/ /rnal 'byor rnam pa bzhi las byung / /kye sems dpa'
15b3 chen po nyon cig /kun gyi snying po byang chub sems 'di ni/ /chos rnams kun gyi rnal ma'i ngo bo ste/ /ji bzhin de bzhin nyid tu ye nas gnas/ /shin tu rnal 'byor yongs su rnal 'byor dang / /
15b4 rnal 'byor chen po sems dpa'i rnal 'byor bzhis/ /snying po don gyi rnal ma bya med la/ /bltas pas mthong ba'i yul ni rnam pa bzhi/ /sems dpa' rnal 'byor yul dang dbang por mthong
15b5 byang chub lnga dang cho 'phrul rnam pa bzhis/ /byin gyis brlabs nas sems dpa'i lha gnyis lta/ /snying po don gyi rnal ma mthong ba med/ /ma bcos de bzhin nyid du sems dpa' zhog /
15b6 don gyi snying po rnal ma bya med la/ /rnal 'byor chen po rnams kyis mthong ba ni/ /ye nas rang rgyud dag pa'i dkyil 'khor la/ /rgyu las 'bras bu lha yi dkyil 'khor ste/ /bsnyen
15b7 bsgrub bzhi yi yan lag rdzogs byas nas/ /'phro 'du bdag nyid lhun gyis grub par lta/ /don gyi snying po rnal ma mthong ba med/ /ma bcos de bzhin nyid du chen po zhog /don gyi snying po
16a1 @#/ /rnal ma bya med la/ /yongs su rnal 'byor rnams kyis mthong ba ni/ /dbyings ni snying po rnal ma'i rgyur mthong la/ /ye shes chen po rnal ma'i 'bras bur
16a2 mthong / /snying po gcig la rgyu 'bras gnyis mthong bas/ /rgyu 'bras 'das pa'i rnal ma mthong ba med/ /ma bcos de bzhin yongs su rnal 'byor zhog /don gyi snying po rnal ma bya med la//
16a3 shin tu rnal 'byor rdzogs chen lta mthong ba/ /byang chub sems ni kun gyi snying por mthong / /de nyid ma bcos don gyi snying por mthong / /lta ba ye nas bsgom du med par gzhag /dam
16a4 tshig ye nas bsrung du med par gzhag /'phrin las ye nas btsal du med par bzhag /bzhag pas de bzhin nyid la rnal du 'byor/ /rnal 'byor rnam bzhi lta ba'i bye brag ni/ /
16a5 yul gcig re re la yang bzhir dbye ba/ /sems dpa'i rnal 'byor bye brag bzhir dbye ba/ /yul dang dbang po rnam par mi rtog sems/ /des na sems dpa'i rnal 'byor nyid du
16a6 bshad/ /byang chub byin rlabs cho 'phrul 'byin pa ni/ /de ni rnal 'byor chen po zhes su bshad/ /phyag rgya chen po bzhi dang ldan pa ni/ /yongs su rnal 'byor zhes su bshad pa yin//
16a7 ye shes dam tshig rang bzhin med lta ba/ /shin tu rnal 'byor dgongs par sems dpa' bzhed/ /blang dor med pa'i rnal 'byor de ma mthong / /rnal 'byor chen po bye brag bzhir
16b1 dbye ba/ /dang por ting 'dzin rnam gsum sems pa ni/ /sems dpa'i rnal 'byor zhes su bshad pa yin/ /rang rgyud dag pas ye shes lnga byed pa/ /rnal 'byor chen po zhes su bshad
16b2 pa yin/ /bsnyen sgrub rnam bzhi yongs su rdzogs pa ni/ /yongs su rnal 'byor zhes su bshad pa yin/ /thams cad bdag nyid chen por blta ba ni/ /shin tu rnal 'byor zhes su bshad
16b3 pa yin/ /rtsol sgrub 'das pa'i rnal ma mthong ba min/ /yongs su rnal 'byor bye brag bzhi blta ba/ /ting 'dzin rim pas bdag skur mi bskyed par/ /chos nyid rang rgyud dag par sems
16b4 pa'i phyir/ /sems dpa'i rnal 'byor zhes su bshad pa yin/ /yab yum thabs dang shes rab mi ltos par/ /snying po tsam gyis dkyil 'khor rdzogs pa'i phyir/ /rnal 'byor chen
16b5 po'i dgongs par bshad pa yin/ /snang ba rang bzhin med pa'i chos nyid du/ /spyod pas yongs su rnal 'byor nyid du bshad/ /ji ltar snang ba'i chos rnams thams cad kun/ /
16b6 rgyu dbyings 'bras bu ye shes lta ba'i phyir/ /shin tu rnal 'byor zhes su bshad pa yin/ /rgyu 'bras 'das pa'i rnal ma mthong ba min/ /shin tu rnal 'byor bye brag rnam bzhi ni/ /
16b7 blang dor med pa'i byang chub sems de ni/ /sems dpa'i rnal 'byor zhes su bshad pa yin/ /rtsol sgrub 'das pa'i byang chub sems de ni/ /rnal 'byor chen po zhes su bshad
17a1 @#/ /ba yin/ /rgyu 'bras 'das pa'i byang chub sems de ni/ /yongs su rnal 'byor zhes su bshad pa yin/ /yin min sgro dang skur ba 'das pa'i phyir/ /shin
17a2 tu rnal 'byor zhes su nga yis bshad/ /yongs su rnal 'byor la sogs gsum po las/ /rang 'byung ye shes che dang mi ldan pas/ /lam la bgrod cing sa la sbyong bar byed/ /
17a3 dam tshig tshul bsrung lta ba sgom byed pas/ /gom pa drag dal lta spyod yod ma yin/ /de bas shin tu rnal 'byor lta spyod ni/ /ye nas kun byed nyid kyis byas pa'i phyir/ /lam la
17a4 mi bgrod sa la sbyong mi byed/ /dam tshig mi srung lta ba sgom mi byed/ /byang chub chen po'i lam nas kun 'byung phyir/ /byang chub nyid la byang chub nyid mi bgrod/ /bgrod sa byang chub
17a5 nyid las med pa'i phyir/ /byang chub nyid la byang chub nyid mi spyod/ /dam tshig rang bzhin byang chub nyid yin pas/ /byang chub nyid la byang chub nyid mi srung / /sgom pa'i rang bzhin
17a6 byang chub nyid yin pas/ /byang chub nyid kyis nyid la sgom du med/ /lta ba'i yul ni byang chub nyid yin pas/ /byang chub nyid kyis nyid la bltar med phyir/ /shin tu rnal 'byor
17a7 lta spyod bya med 'di/ /rang 'byung ye shes gom pa drag dal can/ /kun byed rgyal po nga yi gom pa yin/ /rgyu 'bras theg pa can gyi spyod yul min/ /zhes gsungs so/ /byang
17b1 chub kyi sems kun byed rgyal po las/ chos nyid kyi rang bzhin las chos nyid kyi yul kun la bkod pa'i le'u ste brgyad pa'o// //de nas byang chub kyi sems kun byed rgyal po
17b2 des rgyu 'bras kyi theg pa bgrod lam nor bas rdzogs pa chen po las grol sa dang / sgrib par gyur pa 'di gsungs so/ /kye sems dpa' chen po/ /byang chub sems kyi rang bzhin 'di nyid
17b3 ni/ /chos kun ma lus pa yi snying po ste/ /ma skyes rnam par dag pas sgrib pa med/ /bgrod pa'i lam dang bral bas gol sa med/ /ye nas lhun gyis grub pas btsal du med/ /chos kun snying
17b4 po byang chub sems su gcig /gcig la rnam par bgrangs pas grol sgrib byung / /bgrod tu med la bgrod pas gol sa byung / /dmigs med bltas pas ma mthong sgrib pa byung / /de
17b5 bzhin nyid du thams cad gcig pa la/ /rgyu spyad 'bras bu phyi mar 'dod pa ni/ /pha rol phyin bcu sa bcu thob 'dod pa/ /bskal pa gsum gyi bar du gol nas bsgribs/ /phyi nang rtog pa
17b6 dag pa rnam gsum gyis/ /byang chub lnga dang cho 'phrul yan lag gis/ /dam tshig sdom pa tshul bzhin dag na yang / /mi tshe bdun gyi bar du gol zhing bsgribs/ /rgyu la spyod
17b7 cing 'bras bu lta ba ni/ /lta spyod so so gnyis su bltas pa yis/ /gnyis su med la mi tshe gsum bsgribs gol/ /snying po gcig la blang dor byed pa de/ /gcig tu ma mthong
18a1 @#/ /gnyis su mthong bas na/ /blang dor ma bral bar du gol zhing bsgribs/ /rang 'byung gcig la yin pa gsum bsgoms pas/ /rtsol bral lung las gol zhes
18a2 lung ston cig /ji ltar snang zhing srid pa'i chos rnams la/ /snying po de bzhin nyid du ma rtogs par/ /dbyings dang ye shes rgyu 'bras bltas pa'i phyir/ /rgyu yi sgros dang 'bras bu'i
18a3 skur yin pas/ /sgro skur gnyis bral yid ches bar du sgrib/ /med pa'i 'bras bu 'dod pa rnam drug ni/ /rgyu la bden pa gnyis kyis thob byed dang / /dag gsum spyad pas 'bras bu
18a4 thob byed dang / /lta spyad so sos thob par 'dod pa dang / /blang dor spyad pas thob par 'dod pa dang / /rig pa gsum bsgoms thob par 'dod pa dang / /rgyu 'bras dbyings nyid
18a5 ye shes bltas pa yis/ /thob par 'dod pa'i nges thob rnam pa drug /gol sa drug dang sgrib pa drug drug ste/ /byang chub sems las gol sgrib skyon yin pas/ /nges thob drug
18a6 gi skyon yon gsal bar gsung / /rtog dpyod gnyis kyang gol sa sgrib pa la/ /gzung 'dzin gnyis kyang gol sa sgrib par bshad/ /lta spyod gnyis kyang gol sa sgrib par
18a7 bshad/ /lta spyod blang dor rtso la sgrub rgyu 'bras 'dis/ /mi rtsol bde ba che la kun gol sgribs/ /byang chub sems ni nam mkha' lta bu ste/ /nam mkha' lta bu sems nyid
18b1 chos nyid la/ /lta bas bsgom med dam tshig bsrung du med/ /phrin las btsal med ye shes sgrib pa med/ /sa la sbyangs med bgrod pa'i lam yang med/ /phra ba chos med gnyis med
18b2 'brel pa med/ /sems las nges lung gtan la 'bebs pa med/ /sgro skur 'das pas man ngag la bzlar med/ /rdzogs chen byang chub sems kyi lta ba'o/ /ltar med gcig la sgom byed
18b3 drug byung bas/ /la gol la sgribs lta ba'i gol sgrib byung / /bsrung med gcig la sdom pa drug bsrungs pas/ /la gol la sgribs dam tshig gol sgrib byung / /btsal med gcig la
18b4 phrin las drug rtsol bas/ /la gol la sgribs phrin las gol sgrib byung / /bsgribs med gcig la ye shes drug byung bas/ /la gol la bsgribs ye shes gol sgrib byung / /sbyangs med
18b5 gcig la sbyang thob drug byung bas/ /la gol la sgribs sa yi gol sgrib byung / /bgrod med gcig la lam bgrod drug byung bas/ /la gol la sgribs lam gyi gol sgrib byung / /gzung
18b6 med gcig la 'dzin byed drug byung bas/ /la gol la bsgribs chos kyi gol sgrib byung / /gnyis med gcig la 'brel ba drug byung bas/ /la gol la bsgribs 'brel pa'i gol sgrib
18b7 byung / /bden pa gcig la nges pa drug byung bas/ /la gol la bsgribs lung gi gol sgribs byung / /brjod med gcig la brjod byed drug byung bas/ /la gol la bsgribs man
19a1 @#/ /ngag gol sgrib byung / /kun gyi snying po byang chub sems 'di ni/ /ye nas rang gi rang bzhin lhun grub pas/ /rang bzhin bcu yis btsal zhing bsgrub mi dgos//
19a2 nga yi rang bzhin kun dpe nam mkha' 'dra/ /nam mkha' dag la kun kyang rtsol mi byed/ /nam mkha' dag la kun gyi rtsol bya ru/ /nam mkha' kun byas rtsol sgrub
19a3 kun las 'das/ /de bzhin kun byed snying po byang chub sems/ /nga nyid spyod yul kun las 'das pa'i phyir/ /nga la ltar med bsgom du ye nas med/ /de bzhin rang
19a4 bzhin bcu po des kyang ni/ /'das pa nga la bya ru yod ma yin/ /rgyu dang 'bras bu'i theg pa can rnams kyis/ /rang bzhin bcu yis nga la btsal byas nas/ /nga dang nga yi rang bzhin
19a5 mthong 'dod pas/ /mkha' la gom bor sa la ltung ba bzhin/ /rang bzhin bcu pos bgrod pas ltung bar 'gyur/ /nga yi rang bzhin nges par khungs bstan pa/ /nga ni spyod
19a6 yul kun las 'das pa'i phyir/ /lta ba bsgom du med pa de bzhin du/ /rang bzhin bcu la de bzhin don med kyis/ /rang bzhin bcu la don yod ma rtogs shig /nga
19a7 ni bltas pas mthong ba'i yul med pas/ /blta bar ma byed de bzhin nyid du zhog /spros bral ma skyes bral ba'i rgyu med pas/ /sdom pa dang ni tshul khrims bsrung mi
19b1 dgos/ /snying por ye nas lhun gyis grub pa'i phyir/ /rtsol ba dang ni bsgrub pa bya mi dgos/ /rang 'byung ye shes sgrib pa med pa'i phyir/ /rig pa'i ye shes gsal bar
19b2 bskyed du med/ /thams cad nga yi sa ru gnas pa'i phyir/ /sbyangs nas bgrod pa'i sa ni yod ma yin/ /nga yis kun la khyab par gnas pa'i phyir/ /nga la bgrod par bya ba'i lam
19b3 yod min/ /nga ni ye nas gzung 'dzin bral ba'i phyir/ /phra ba zhes ni ming du gdags su med/ /nga yi gzugs kyis kun la khyab pa'i phyir/ /gnyis zhes bya ba ye nas yod ma
19b4 yin/ /nga ni ye nas rang 'byung ye shes la/ /nga la gzhan gyis gtan la dbab tu med/ /nga ni kun gyi byang chub snying po bas/ /gsang ba'i man ngag gzhan na yod ma yin/ /sgro dang
19b5 skur pa kun las 'das pa'i phyir/ /chos rnams kun gyi la ni nga yin bzlas/ /nga med pa yi yul ni gzhan med pas/ /lta ba bsgom du med par la yang bzlas/ /nga las
19b6 gzhan du bsrung du med pa'i phyir/ /dam tshig bsrung du med par la yang bzlas/ /nga las gzhan du btsal du med pa'i phyir/ /phrin las btsal du med par la yang bzlas/ /nga
19b7 las gzhan du gnas pa med pa'i phyir/ /sa lam sbyang du med par la yang bzlas/ /nga la sgrib pa ye nas med pa'i phyir/ /rang 'byung ye shes yin par la yang bzlas/ /nga ni ma skyes
20a1 @#/ /chos nyid yin pa'i phyir/ /phra ba chos nyid yin par la yang bzlas/ /nga las gzhan du bgrod tu med pa'i phyir/ /lam la bgrod du med par la
20a2 yang bzlas/ /sangs rgyas sems can snang srid snod bcud kun/ /snying po byang chub nga las byung ba'i phyir/ /ye nas gnyis su med par la yang bzlas/ /rang 'byung ye shes
20a3 gtan la 'bebs pa'i phyir/ /lung chen thog 'bebs yin par la yang bzlas/ /chos rnams thams cad nga las med pa'i phyir/ /kun byed nga ni kun gyi la bzla'o/ /nga ma
20a4 shes pas sgrib pa'i ngo bor bshad/ /nga las gzhan btsal gol sa byung ba yin/ /las dang shes bya rnam pa gnyis su bstan/ /ma mthong ba ni las kyi sgrib pa yin/ /
20a5 ma shes pa ni shes bya'i sgrib pa yin/ /ji ltar snang ba'i chos rnams thams cad kun/ /snying po byang chub sems kyi ngo bo bas/ /ma rig ma shes sgrib gnyis ngo bor bshad/ /
20a6 btsal zhing bsgrub pa gol sar ngas bshad do/ /kye sems dpa' chen po nyon cig /ji ltar snang ba'i chos rnams thams cad ni/ /rang yin gzhan min de la rang rtog na/ /
20a7 de ni rang la rang gis bsgribs pa ste/ /rang gi rang bzhin de yis shes pa min/ /ji ltar snang ba'i chos rnams thams cad kun/ /sems dpa' nyid yin nyid las gzhan med
20b1 gyis/ /mi rtog mnyam pa nyid du bde bar mnos/ /de la bde ba'i don ni 'di lta ste/ /rang bzhin chen po bcu la rtsol mi dgos/ /rang bzhin chen po bcu la ma btsal bas/ /gol sa
20b2 sgrib pa drug drug bcu po yis/ /sum brgya drug cu gol sgrib mtha' yas med/ /kye sems dpa' chen po/ ji ltar snang ba'i chos rnams thams cad kun/ /rang gi snying po
20b3 byang chub mngon byung gis/ /'di ma yin gyi chos ni gzhan ma bshad/ /'di la ma rtog cig par nga lung ston/ /sems dpa' khyod kyis 'khor gyi tshogs rnams la/ /ngas
20b4 bstan bzhin du tshogs la lung ston cig /ces gsungs so/ /byang chub kyi sems kun byed rgyal po las/ gol sgrib skyon sel gyi le'u ste dgu pa'o// //de nas
20b5 byang chub kyi sems kun byed rgyal pos nyid kyi rang bzhin phun sum tshogs pa 'di gsungs so/ /kye sems dpa' chen po nyon cig /kun byed nga la thams cad tshogs
20b6 pa'i phyir/ /de phyir phun sum tshogs zhes bya bar bshad/ /kun byed nga yi rang bzhin rnam gsum las/ /ston pa bstan pa 'khor rnams byung ba'i phyir/ /kun byed ces ni
20b7 de la btags pa yin/ /dang por ston pa phun sum tshogs pa ni/ /kun byed nga yi rang 'byung ye shes las/ /rang bzhin rnam pa gsum du byung ba de/ /sku gsum ston pa
21a1 @#/ /gsum du bstan pa yin/ /chos kyi sku dang longs spyod rdzogs pa dang / /sprul pa'i sku dang rnam pa gsum du bstan/ /sku gsum de yi rang bzhin bstan
21a2 pa ni/ /chos kyi sku yi rang bzhin bstan pa ni/ /ma skyes gzung 'dzin bral ba'i rang bzhin bzhugs/ /longs spyod rdzogs pa'i sku yi rang bzhin ni/ /ji ltar 'dod pa'i
21a3 longs spyod rdzogs par bzhugs/ /sprul pa'i sku yi rang bzhin bstan pa ni/ /ji ltar 'dul ba'i sku ru sprul nas bzhugs/ /sku gsum ston pa de yi bstan pa ni/ /phyi
21a4 nang gsang ba rnam pa gsum du bstan/ /ston pa chos sku'i bstan pa 'di lta ste/ /gsang ba gsum gyi rang bzhin bstan pa ste/ /gzhi ma chos nyid dag gi rang bzhin las/ /
21a5 gsang ba bskyed dang gsang ba rdzogs pa dang / /gsang ba rdzogs pa chen po'i rang bzhin gsum/ /kun gyi spyod yul ma yin gsang bar bshad/ /med pa'i rim pa gsum
21a6 skyed gsang ston pa/ /de ni gsang ba bskyed pa zhes su bshad/ /gsang ba rdzogs pa zhes su bstan pa ni/ /nang gi shes rab ting 'dzin gsum mi rtogs/ /ji ltar snang ba'i
21a7 chos rnams thams cad la/ /nang gi ting 'dzin shes rab snying po brjod/ /rang rgyud dag pa ye nas lhar byas nas/ /rang gi lus kyi rdo rje skye mched rnams/ /lta spyod blang dor gnyis
21b1 med bdag nyid 'dod/ /de ni nang gi gsang ba rdzogs par bshad/ /gsang ba rdzogs pa chen po bstan pa ni/ /ji ltar snang ba'i chos rnams thams cad ni/ /ting 'dzin gsum
21b2 gyis byang chub sems ma bskyed/ /snying po yig 'bru brjod nas rdzogs ma byas/ /kun byed nga ni rdzogs pa chen po ste/ /nga la ma rdzogs pa ni gang yang med/ /nga yi rang bzhin
21b3 rnam gsum bstan pa ni/ /rdzogs chen byang chub sems gsum bstan pa yin/ /de ni gsang ba rdzogs pa chen por bshad/ /de ni ston pa chos sku'i bstan par bshad/ /
21b4 ston pa longs spyod rdzogs pa'i bstan pa ni/ /bya ba byed pa'i phyi pa sde gsum ste/ /bya ba byed pa'i rtog can sde pa ni/ /dang por rnam par mi rtog ting 'dzin gyis/ /phyi nang rtog pa dag
21b5 pa gsum bsgoms pas/ /rtog pa'i gza' skar dus tshod sgo nas 'jug /byang chub dang ni cho 'phrul sna tshogs kyis/ /bdag dang ye shes lha ni rje khol tshul/ /dag pa gsum
21b6 gyi mchod pa de byas nas/ /med par sku gsung thugs kyi dngos grub 'dong / /don dam kun rdzob gnyis ka sgyu mar bshad/ /lta ba spyod pa gnyis su 'byed pa yi/ /gnyis
21b7 la brten nas don gcig sgrub byed pa/ /yod pa'i spyod pas med pa'i don sgrub pas/ /rten med mkha' la 'phyang mo nyug pa 'dra/ /blang dor med pa'i phyi pa'i gsang ba ni/ /mi
22a1 @#/ /rtog ting 'dzin byin rlabs cho 'phrul gyis/ /thams cad byin rlabs ye shes sems par byas/ /mchod pa phyi nang gsang ba gsum mchod nas/ /sku
22a2 gsung thugs dang phyag rgya bzhi ldan pa'i/ /ji ltar 'dod pa'i dngos grub thob re ba/ /chags med re ba 'jog pa'i ting 'dzin 'di/ /lta spyod blang dor byed pas grub pa med/ /longs
22a3 spyod rdzogs pa'i sku yi bstan par bshad/ /ston pa sprul pa'i sku yi bstan pa ni/ /nyan thos rang rgyal theg chen mdo sde gsum/ /phyi zhes mtshan nyid phyi kha zhes su bshad/ /
22a4 kun byed nga yi ngo bo 'dod yon lnga/ /ye shes lnga yi ngo bor phyung ba la/ /'dod chags zhe sdang gti mug gsum byung ste/ /de 'dul ba yi gnyen por gsungs pa ni/ /
22a5 chos kyi sgo mo brgyad khri bzhi stong ste/ /'dod pa'i yon tan rnam pa lnga byung ba/ /gzugs dang sgra dang dri dang ro reg las/ /'dod chags zhe sdang gti mug rnam gsum
22a6 byung / /de dag 'dul ba'i gnyen por sde snod gsum/ /'dod chags 'dul ba'i gnyen por gsung pa ni/ /'dul pa nyi khri chig stong gsungs pa yin/ /gti mug
22a7 'dul ba'i gnyen por gsungs pa ni/ /mdo sde'i sde snod nyi khri chig stong gsungs/ /zhe sdang 'dul ba'i gnyen por gsungs pa ni/ /mngon pa'i sde snod nyi khri chig stong
22b1 gsungs/ /dug gsum cha mnyam 'dul ba'i gnyen po ru/ /sde snod gsum las nyi khri chig stong gsungs/ /spyi ru brgyad khri bzhi stong gsungs pa yang / /dug gsum gnyen pos
22b2 'dul phyir gsungs pa yin/ /mtshan nyid rgyu yi theg pa rnam gsum ste/ /sgo ni mdo sde 'dul ba mngon pa gsum/ /de ni bsdus pa'i don zhes bstan pa yin/ /mdo sde la yang
22b3 bshad lugs bcu dang gnyis/ /so sor dbye ba'i don du bstan pa yin/ /dug gsum rgyu las 'bras bu ngan song gsum/ /sems can rgyu la las spyod dge sdig gnyis/ /
22b4 'bras bu mtho ris ngan song rnam gnyis so/ /mtshan nyid rgyu las rab tu bsgrags pa yin/ /'di ni sngar gsungs da gsung phyis gsung 'gyur/ /'di don brjod du med pa'i don
22b5 'di ni/ /snga ma ma gsungs da ltar mi gsung ste/ /sprul pa'i sku yis phyis kyang gsung mi 'gyur/ /de dag sprul pa'i sku yis bstan par bshad/ /kye sems dpa' chen po/ kun
22b6 byed nga yi rang bzhin rnam gsum la/ /'khor gyi dang po ston pa sku gsum shar/ /sku gsum ston pa gsum gyi 'khor bstan pa/ /kye sems dpa' chen po nyon cig /ston pa
22b7 chos kyi sku yi 'khor bstan pa/ /nga yis byas pa'i 'khor ni thams cad kun/ /nga yi rang bzhin chos kyi sku 'khor yin/ /sangs rgyas sems can snang srid snod bcud kun/ /
23a1 @#/ /chos kyi sku yi 'khor du ma 'dus med/ /ces gsungs so/ /kye sems dpa' chen po nyon cig /ston pa longs spyod rdzogs pa'i sku yi 'khor bstan
23a2 ba/ /mos spyod bzhi yi sa la 'das pa yi/ /dang po rab tu dga' ba'i sa mnan nas/ /sa bcu chos kyi sbrin gyi sa pa rnams/ /de ni longs spyod rdzogs pa'i sku yi 'khor du
23a3 bstan/ /ston pa sprul pa'i sku yi 'khor bstan pa/ /mu stegs mur thug rgyang pan phyal ba bzhi/ /bla med byang chub lam la gtan gol bas/ /dbang po sems bsgyur
23a4 thugs rje byin brlabs nas/ /dge slong pho mo dge bsnyen pho mo bzhi/ /ston pa sprul pa'i sku yi 'khor du bstan/ /zhes gsungs so/ /kye sems dpa' chen po nyon cig /
23a5 nga las byung ba'i ston pa sku gsum gyi/ /sku gsum so so rang re gnas bstan pa/ /ston pa chos sku'i gnas ni 'di lta ste/ /'og min chos kyi dbyings kyi pho brang ste/ /yang
23a6 dag don gyi 'og min de ru bshad/ /ston pa longs spyod rdzogs pa'i gnas bstan pa/ /'jig rten mtshan ma kun gyi steng gyur pa/ /gnas kyi 'og min khang bu brtsegs pa
23a7 yi/ /gzhal yas khang de gnas kyi 'og min bshad/ /ston pa sprul pa'i sku yi gnas bstan pa/ /sprul pa'i sku ni rabs bdun shAkya thub/ /gnas ni bya rgod phung po'i
23b1 gnas bstan te/ /yang dag thugs rje sprul pa nges med gnas/ /zhes gsungs so/ /kye sems dpa' chen po nyon cig /nga las byung ba'i sku gsum ston pa yi/ /'dul ba'i zhing
23b2 khams khyad par bstan pa ni/ /chos sku ston pa'i 'dul ba'i zhing khams ni/ /chos kyi dbyings kyi mtha' yis klas pa dang / /nam mkha'i khams kyis ji ltar khyab pa de/ /chos kyi sku
23b3 yis 'dul pa'i zhing khams yin/ /longs spyod rdzogs sku'i 'dul ba'i zhing khams ni/ /nga las byung ba'i gzugs sgra dri ro reg /ji ltar 'dod pa'i longs spyod rdzogs pas
23b4 'dul/ /sprul pa'i sku yis 'dul ba'i zhing khams ni/ /dzam+bu'i gling ni bye ba phrag brgya las/ /rang 'byung ye shes thugs rjes rgyud drug 'dul/ /de ni mthun pa'i bye brag bstan
23b5 pa yin/ /nga las byung ba'i ston pa sku gsum de/ /rgyu mthun 'bras bu mthun la rang bzhin gcig /rgyu ni byang chub sems su kun mthun la/ /'bras bu sangs rgyas yin par kun kyang
23b6 mthun/ /rang bzhin chos nyid ngo bo gcig par bstan/ /'dul ba'i dus la snga phyi phye ba med/ /ces gsungs so/ /kye/ sems dpa' chen po yang nyon cig /kun byed rgyal po nga las byung
23b7 ba yi/ /sku gsum ston pa de yi bshad lugs ni/ /ston pa chos skus byin gyis brlabs kyis bshad/ /longs spyod rdzogs pa rang gi ngo bos bshad/ /sprul pa'i sku ni tshig dang don
24a1 @#/ /bsdebs nas/ /gang zag rna ba'i dbang por tshig don ston/ /chos sku byin gyis brlabs kyis bshad pa ni/ /kun byed nga yi rang bzhin bstan pa ste/ /skye ba
24a2 med las skye ba'i cho 'phrul du/ /ji ltar snang srid snod bcud thams cad kun/ /ngo bo thugs rje cho 'phrul phyung ba ste/ /rang bzhin byin gyis brlabs kyis bshad ces bya/ /longs
24a3 spyod rdzogs sku rang gi ngo bo ston/ /ji ltar snang ba'i chos rnams thams cad kun/ /gzugs sgra dri ro reg la sogs pa yi/ /'dod pa'i longs spyod thams cad rdzogs par
24a4 ston/ /rang gi ngo bos bshad ces nga yis bstan/ /sprul skus tshig dang yi ges bsdebs bshad pa/ /ji ltar snang ba'i chos rnams thams cad kun/ /ston pa'i ngo bor
24a5 ston pas ma rig ste/ /bstan pa zhes pa'i khyad par 'dod sprul pas/ /don rnams tshig dang yi ger sgra brjod pas/ /tshig gi sgra des don de go byas nas/ /don de tshig sgra de
24a6 yis bshad pa yin/ /kye sems dpa' chen po nyon cig /kun byed pa ni sku gsum ngo bo ste/ /mi rtog mnyam pa nyid du gnas pa ste/ /spros bral chos kyi sku yi ngo bo yin/ /rang
24a7 bzhin 'byung ba'i skye ba'i cho 'phrul de/ /'dod pa 'byung ba'i longs spyod rdzogs sku yin/ /thugs rjes ji ltar 'dul ba'i don mdzad pa/ /nga ni sprul pa'i sku yi ngo bo
24b1 yin/ /kun byed rgyal po'i rang bzhin rnam gsum gyis/ /gang la gang gis 'dul ba'i skur ston mdzad/ /bstan pa'i rang bzhin brjod du med pa'i don/ /gang la gang 'tsham de yis
24b2 don mdzad pa/ /de ni bstan pa phun sum tshogs par gsungs/ /'khor gyi rang bzhin gang la gang 'dus nas/ /de la 'dus nas de yi gdung 'tsho ba 'dzin/ /de la phun sum tshogs pa'i
24b3 'khor zhes bya/ /nga ni ston pa kun byed byang chub sems/ /kun byed gcig la rnam pa gsum bgrangs pa/ /kun byed nga dang nga yi rang bzhin dang / /nga yis byas pa'i chos dang rnam pa gsum//
24b4 nga ni ston pa kun byed kun gyi mes/ /nga yi rang bzhin rnam pa bcur bstan pa/ /de ni bstan pa kun gyi snying por bshad/ /kun byed nga yis byas pa'i chos rnams ni/ /dus gsum
24b5 gcig na bzhugs pa'i sangs rgyas dang / /khams gsum gnas pa'i 'gro ba thams cad kun/ /dbye ba med par 'khor gyi dam par byas/ /kun byed gcig gis phun sum tshogs byas
24b6 pas/ /sems kyi dgos pa kun byas phun sum tshogs/ /gang la gang dgos dgos pa tshogs pa la/ /kun byed nga yis phun sum tshogs par bshad/ /ston pa'i rang bzhin rnam pa gsum bstan pa/ /
24b7 'khor gyi dang po ston pa sku gsum shar/ /ma skyes gzung 'dzin bral ba'i rang bzhin de/ /'khor gyi dang po ston pa chos skur shar/ /skye ba'i cho 'phrul kun bzang rol pa de/ /'dod spyod
25a1 @#/ /longs spyod rdzogs pa'i sku ru shar/ /sna tshogs ji ltar 'dod pa byung nas ni/ /de dang mthun par kun kyang tshim byed pa/ /de ni sna tshogs sprul sku zhes su
25a2 bshad/ /sku gsum ston pa grags phyogs mthong ba ni/ /sangs rgyas byang chub sems dpa' bzod thob gsum/ /gang 'thad ston pa'i sku la de 'dus nas/ /de dang mthun pa'i
25a3 gnas su don ston bzhugs/ /bstan pa'i rang bzhin yang ni de 'dra ste/ /sku gsum gang gis 'khor la gang ston pa/ /gang la gang gis 'dul ba'i don rnams kyis/ /sangs rgyas
25a4 lha mi 'jig rten las dag la/ /bstan pas 'dul phyir phun sum tshogs zhes bshad/ /mi gnas chos sku dbyings na bzhugs pa yis/ /dus gsum sangs rgyas khams gsum
25a5 sems can la/ /spros med byang chub sems ni chos skus bstan/ /ye shes longs spyod 'og min bzhugs pa yis/ /sa bcu pa yi byang chub sems dpa' la/ /byang chub sems de
25a6 sku dang ye shes bshad/ /thugs rje sna tshogs des med sprul pa yis/ /bzod thob gang na 'dus pa'i 'khor de la/ /ma nges gang gis 'dul ba'i don yang bstan/ /smon lam las
25a7 bzang rkyen gyis bar ma chod/ /nga yi thugs rje sems dpa'i dus la bab/ /ngas bstan 'khor gyi nang nas khyod sdud dang / /gnyis med don nyid nga yis bstan pa gsum/ /tshogs pas
25b1 dus gnas rang bzhin de la tshang / /phun sum tshogs pa rnam pa gsum po de/ /ye nas dkon pa'i dkon mchog gsum du bstan/ /kun byed nga yi sku gsung thugs su bshad/ /ston
25b2 pa dkon pa'i sangs rgyas dkon mchog ni/ /chos sku longs spyod sku dang sprul sku ste/ /bstan pa dam chos dkon pa'i gsung mchog ni/ /brjod du med pa'i kun byed gsung mchog
25b3 gsum/ /'khor gyi dge 'dun thugs mchog de la ni/ /gang la gang dgos gang 'tsham ston par byed/ /nga ni ston pa kun byed byang chub sems/ /sku gsum byed pa'i ston pa ngas
25b4 byas nas/ /bstan pa dam chos gsum du bkod pa ni/ /phyi dang nang dang gsang ba gsum du bkod/ /de la rnam pa gsum gsum dgur grags pa/ /sprul sku thugs rjes ji ltar
25b5 'dul gsum bsgrags/ /longs spyod bya byed phyi nang gsum du sgrogs/ /chos sku gsang ba'i mngon pa gsum sgrogs pa/ /phyi dang nang dang gsang ba gsum po de/ /lus dang
25b6 ngag dang yid dang sku gsung thugs/ /de las 'phros pas rnam pa dgur byung ba/ /la dgu lung dgu lam dgu bgrod pa yis/ /theg gcig kun byed byang chub sa la bgrod/ /kun
25b7 byed bya byed med par rtsol sgrub 'das/ /bgrod pa med par byang chub sa la phyin/ /zhes gsungs so/ /byang chub kyi sems kun byed rgyal po las/ phun sum tshogs pa shin tu
26a1 @#/ /dkon pa'i le'u ste bcu pa'o// // de nas byang chub kyi sems kun byed rgyal pos chos thams cad kyi rtsa ba bsdus pa 'di gsungs so/ /kye sems
26a2 dpa' chen po nyon cig /chos thams cad kyi rang bzhin dang / rtsa ba ni/ 'di lta ste/ nga ni chos kun rang bzhin yin pa ste/ /nga yi rang bzhin las ni chos gzhan med/ /ston
26a3 pa sku gsum nga yi rang bzhin yin/ /dus gsum sangs rgyas nga yi rang bzhin yin/ /byang chub sems dpa' nga yi rang bzhin yin/ /rnal 'byor rnam bzhi nga yi rang bzhin
26a4 yin/ /'dod khams gzugs khams gzugs med khams gsum yang / /kun byed nga yi rang bzhin bstan pa yin/ /'byung chen lnga yang nga yi rang bzhin yin/ /
26a5 rgyud drug sems can nga yi rang bzhin yin/ /snang ba thams cad nga yi rang bzhin yin/ /srid pa thams cad nga yi rang bzhin yin/ /snod bcud bsdus pa nga yi rang bzhin
26a6 yin/ /nga yi rang bzhin las ni gzhan med pas/ /chos rnams kun gyi rtsa ba nga la 'dus/ /nga las ma 'dus pa ni gcig kyang med/ /ma skyes pa dang skye ba'i cho 'phrul dang / /thugs
26a7 rje'i rang bzhin rnam pa gsum byung ba/ /de ni ston pa gsum gyi rang bzhin yin/ /snga pa da lta phyi pa dus gsum yang / /nga nyid gcig tu gnas pa'i rang bzhin las/ /sangs rgyas
26b1 thams cad gcig tu gnas pa'i phyir/ /de yang nga yi rang bzhin bstan pa yin/ /nga nyid gzung 'dzin bral bas byang ba dang / /nam mkha' bzhin du kun la khyab pa dang / /chos rnams kun gyi
26b2 snying po byed pa'i phyir/ /byang chub sems kyang nga yi rang bzhin yin/ /kun byed nga ni gcig tu gnas pa la/ /nga yi rang bzhin de bzhin rnal ma la/ /rnam bzhi 'byor pa rnal ma gcig tu 'byor/ /
26b3 des na nga yi rang bzhin yin par bshad/ /kun byed nga yi lus ngag yid gsum las/ /'byung yang nga yi rang bzhin de las 'byung / /'dus kyang nga yi rang bzhin de la 'dus/ /yin yang nga yi ngo bo
26b4 de yin pas/ /khams gsum nga yi rang bzhin yin par bshad/ /kun byed nga yi rang bzhin rnam lnga ni/ /nga yi ngo bo rnam lnga phyung ba ste/ /nam mkha' rlung chu sa me snang ba lnga/ /kun byed
26b5 nga yi rang bzhin bstan pa yin/ /kun byed nga yi thugs rjes mngon phyung nas/ /rang 'byung ye shes rnam lnga bstan pa ni/ /'gro ba rigs drug sems can snang ba yang / /kun byed nga
26b6 yi rang bzhin bstan pa yin/ /kun byed rgyal po nga yi rang bzhin las/ /snang srid snod bcud bsdus pa thams cad kun/ /thams cad ngas byas nga las byung ba'i phyir/ /ngar ma
26b7 'dus pa'i chos ni gcig kyang med/ /nga las byung ba'i ston pa sku gsum yang / /kun byed nga yi rang bzhin rnam gsum ston/ /snga pa da lta phyi pa dus gsum gyi/ /rnam gsum gcig
27a1 @#/ /tu gnas pa'i sangs rgyas kyang / /snga phyi med par kun byed rang bzhin gnas/ /gzung 'dzin bral ba'i byang chub sems dpa' yang / /kun byed nga yi rang
27a2 bzhin sems dpar byed/ /rnal 'byor rnam bzhi rnal mar 'jog pa yang / /kun byed nga la rnal du 'jog par byed/ /kun byed rgyal pos thams cad byas pa bzhin/ /thams cad
27a3 kun byed rgyal po nyid du 'dus/ /zhes gsungs so/ /byang chub kyi sems kun byed rgyal po las/ chos thams cad kyi rtsa ba byang chub kyi sems kun byed rgyal po nyid kho nar
27a4 'dus pa'i le'u ste bcu gcig pa'o// //de nas byang chub kyi sems kun byed rgyal po de yis chos thams cad kyi khungs kyi mdo 'di gsungs so/ /kye sems
27a5 dpa' chen po/ nga ni kun gyi lung khungs yin pa ste/ /ji ltar snang ba'i chos rnams thams cad kun/ /thams cad nga las byung bar shes par gyis/ /chos kyi spyi khungs chen
27a6 po 'di nyon la/ /chos rnams thams cad 'di ltar lung ston cig /kun byed rgyal po byang chub sems nga ni/ /lung chen kun gyi rgyal po nga yin pas/ /ston pa gsum yang dang
27a7 po nga las byung / /lung zhes bya ba ston pa'i bka' la gdags/ /man ngag kun gyi rtsa ba nga yin pas/ /sems las ma rtogs pa yi chos nyid ni/ /dus gsum sangs rgyas
27b1 khams gsum sems can la/ /kun byed nga yis yang dag bstan pa med/ /rgyud dang mdo sde kun gyi spyi 'grel yin/ /rgyud dang mdo sde ston pa'i ston pa yang / /kun byed nga yi rang
27b2 bzhin phyung ba yin/ /ston pa dang ni bstan pa gnyis ka 'grel/ /kun byed rgyal po byang chub sems nga ni/ /bstan pa kun gyi yang rtse yin par bshad/ /nga las byung ba'i ston pa sku
27b3 gsum gyis/ /bstan pa'i 'dul ba mdo sde mngon pa dang / /tan tra so so'i sde ni 'bum sde dang / /bskyed rdzogs gsang ba la sogs rtsol sgrub can/ /kun kyang rtsol sgrub 'das pa
27b4 nga la bgrod/ /rtsol sgrub nyid kyis 'das pa nga yi mthong / /des na bstan pa kun gyi yang rtse yin par bshad/ /kun byed rgyal po byang chub sems nga ni/ /theg pa kun gyi nying khu yin par
27b5 bshad/ /ston pa gsum gyi gnas pa'i theg pa gsum/ /nges par gsum pa theg pa gcig las med/ /gcig ni kun theg byang chub sems kyis/ /de ni theg pa kun gyi nying khur bshad/ /
27b6 kye/ nga ni ma rig pa yi mun bsal nas/ /ye shes chen po'i snang ba mched par byed/ /de yang ji lta bu zhes bstan zhe na/ /ji ltar snang ba'i chos rnams thams cad kun/ /byang chub de
27b7 bzhin nyid du ma rig ste/ /ma rig rtog pa'i mun par 'thibs pa la/ /ji ltar snang ba'i chos rnams thams cad kun/ /kun byed byang chub sems kyis byas pa'i phyir/ /kun byed
28a1 @#/ /byang chub sems su rig byas nas/ /ji ltar snang ba'i chos rnams thams cad kun/ /so sor rtog pa'i mun pa bsal nas kyang / /rang 'byung ye shes
28a2 chen po snang ba mched/ /des na ma rig mun sel snang ba mched ces bya/ /kye sems dpa' chen po/ /rnam par rtog pa'i dra ba dral nas ni/ /nyon mongs pa yi phreng thag
28a3 gcod par byed/ /ji ltar snang ba'i chos 'di thams cad la/ /rgyu dang 'bras bu'i theg pa can rnams kyis/ /la las dug mthong spong ba'i rtog pa byed/ /la las sems
28a4 chags pa yi yul mthong nas/ /bden gnyis ma chags pa yi rtog pa byed/ /la las rnam dag bya ba'i yul mthong nas/ /dag pa gsum dang byin rlabs cho 'phrul gyis//
28a5 rje dang khol gyi tshul du rtog par byed/ /la las rang dag pa yi rang bzhin la/ /bsnyen bsgrub rnam bzhis bsgrub 'dod rtog byed pa/ /thams cad kun byed byang chub sems
28a6 nga yi/ /sems las gzhan ma yin rtog dral nas ni/ /so sor rtog pa'i nyon mongs phreng thag gcod/ /ces gsungs so/ /kye sems dpa' chen po/ kun byed rgyal po
28a7 byang chub sems nga ni/ /khyod kyis nga yi rang bzhin 'di rtogs la/ /ji ltar snang ba'i chos rnams thams cad kun/ /nga las gzhan med pa ru lung ston cig /khyod kyis nga yi lung
28b1 'di bstan 'gyur na/ /khyod la 'dus pa'i 'khor tshogs thams cad kyis/ /kun byed nga yi rang bzhin rtogs 'gyur nas/ /kun kyang nga yi rang bzhin nyid du 'gyur/ /kun kyang nga
28b2 yi rang bzhin gyur pa na/ /ji ltar snang ba'i chos rnams thams cad la/ /kun kyang spong bgegs bden gnyis sbyong mi byed/ /gtsang sbras dag gsum byin gyis rlob mi byed/ /ting
28b3 'dzin sems bskyed rtsol dang sgrub mi byed/ /thams cad kun byed nga ru byas zin pas/ /kun byed nga ru thams cad mnyam pa nyid/ /mnyam nyid nga yis mnyam nyid bya mi dgos/ /
28b4 mnyam nyid bya mi dgos par sngar lung bstan/ /zhes gsungs so/ /byang chub kyi sems kun byed rgyal po las/ nges par lung khungs bstan pa'i le'u ste bcu gnyis pa'o// //
28b5 de nas byang chub kyi sems kun byed rgyal po des lung thams cad kyi rgyal po yin pa'i phyir chos thams cad kyi spyi lung bshad pa'i bshad lugs 'di gsungs so/ /kye sems
28b6 dpa' chen po nyon cig /nga ni chos kyi spyi lung yin pa'i phyir/ /gtan tshigs don gyi bshad lugs rnam lnga ni/ /spyi don rnam pa lnga yis bshad pa ste/ /lo rgyus don gyi bshad
28b7 lugs bstan pa dang / /rtsa ba don gyi bshad lugs bstan pa dang / /yo ga don gyi bshad lugs bstan pa dang / /dgos pa don gyi bshad lugs bstan pa dang / /tshig gi
29a1 @#/ /don gyi bshad lugs bstan pa'o/ /dang po yid ches pa yi khungs bstan phyir/ /lo rgyus don gyi bshad lugs bstan par bya/ /chos kun rtsa
29a2 ba sems su 'dus pa'i phyir/ /des na rtsa ba'i don de bstan par bya/ /theg pa'i khyad par so sor dbye ba'i phyir/ /yo ga don gyi rtsa ba bstan par bya/ /rtsol sgrub bya mi
29a3 dgos par bstan pa'i phyir/ /dgos byed don gyi dgos pa de ru bstan/ /mi rtogs don de rtogs par bya ba'i phyir/ /tshig gi don de sgra ru brjod par bya/ /kye sems
29a4 dpa' chen po/ lo rgyus don gyi dgos pa bstan pa ni/ /dang por yid ches pa yi khungs bstan phyir/ /lo rgyus don gyi bshad lugs bstan pa ni/ /rang bzhin byin
29a5 gyis brlabs kyis bshad lugs dang / /rang gi ngo bo bstan pa'i bshad lugs dang / /don gyi sgra tshig bsdebs pa'i bshad lugs so/ /kun byed nga yi rang
29a6 bzhin rnam gsum las/ /nga las byung ba'i ston pa sku gsum gyis/ /rang bzhin dang ni ngo bo sgra tshig gis/ /ji ltar byung ba'i khungs des yid kyang ches/ /kye
29a7 sems dpa' chen po nyon cig /rtsa ba don gyi dgos pa bstan pa ni/ /snang srid snod bcud bsdus pa thams cad dang / /sangs rgyas sems can bsdus pa
29b1 thams cad kun/ /kun byed byang chub nga yis byas pa'i phyir/ /thams cad byang chub sems las ma gtogs pa/ /gzhan zhes bya ba ye nas med pa'i phyir/ /kun kyang byang chub sems su
29b2 bstan pa'i phyir/ /rtsa ba don gyi dgos ched bstan pa yin/ /kye sems dpa' chen po nyon cig /yo ga don gyi dgos ched bstan pa ni/ /kun byed nga las byung ba'i sku gsum gyis/ /
29b3 longs spyod sku dang chos sku'i bstan pa yi/ /tan tra la sogs yo ga sde rnams la/ /so so'i khyad par bye brag yod kyis kyang / /rgyu 'bras 'das pa nga yi bstan pa ni/ /rdzogs chen
29b4 a ti yo ga'i don 'di ni/ /theg pa shan 'byed rdzogs pa'i lung zhes bshad/ /des na yo ga'i don gyi dgos pa stan pa yin zhes bya/ /kye sems dpa' chen po nyon
29b5 cig /dgos ched don gyi dgos pa bstan pa ni/ /bskal pa dpag tu med pa'i sngon rol nas/ /kun byed byang chub nga la dad pa yi/ /las dang skal ldan shin tu rnal
29b6 'byor pa/ /lta ba bsgom med dam tshig bsrung du med/ /phrin las btsal med lam la bgrod du med/ /sa la sbyang med rgyu dang 'bras bu med/ /don dam dang ni kun
29b7 rdzob rnam gnyis med/ /bsgom zhing bsgrub tu med par mthong ba dang / /sems bskyed med cing gnyen po med mthong ba/ /kun byed sems kyi rang bzhin mthong ba yi/ /
30a1 @#/ /de lta bu yi dgos ched bstan pa yin/ /zhes gsungs so/ /kye sems dpa' chen po nyon cig /tshig gi don gyi dgos pa bstan pa ni/ /kun byed byang chub
30a2 sems nga de bzhin nyid/ /ji ltar snang ba'i chos rnams bstan pa ni/ /kun byed de bzhin nyid kyi rang bzhin te/ /tshig dang yi ge sgra ru ma bsgrags na/ /gang zag yid kyi dbang po
30a3 rig pa yis/ /de bzhin nyid kyi rang bzhin gang mi snang / /des na tshig dang yi ge sgra ru bsgrags/ /des na tshig gi don gyi dgos par bshad/ /kye sems dpa' chen po/
30a4 gang dang gang gi lo rgyus bshad pa ni/ /ston pa bstan pa 'khor gyi lo rgyus te/ /ston pa kun byed rang bzhin rnam gsum las/ /'khor gyi rang bzhin sku gsum ston pa byung / /
30a5 sku gsum ston pa'i bshad lugs rnam gsum ni/ /ston pa bstan pa gsum gyi lo rgyus yin/ /gang dang gang gi rtsa ba bshad pa ni/ /nga las byung ba'i ston pa sku gsum gyis/ /
30a6 ji skad bstan pa'i chos rnams thams cad kun/ /rtsa ba byang chub sems su bstan pa'i phyir/ /ston pa dang ni bstan pa 'khor rnams kyi/ /rtsa ba don gyi gtan tshigs
30a7 bstan pa yin/ /nga yi rang bzhin de bzhin nyid gcig la/ /rnal 'byor rnam bzhi yo ga'i bye brag ni/ /lta ba spyod pa dam tshig sgrub pa dang / /mi mthun khyad par so so'i
30b1 bye brag de/ /shin tu rnal 'byor rtsol bsgrub 'das pas 'byed/ /des na yo ga'i don gyi gtan tshigs bstan/ /dgos ched don gyi nges tshig bstan pa ni/ /dgos ni khams gsum
30b2 sems can thams cad kun/ /rang sems de bzhin nyid de mthong 'gyur na/ /sangs rgyas tshig gi sa la mi gnas te/ /da lta nyid nas shin tu rnal 'byor thob/ /las med skal ba chung ba
30b3 rnams la ni/ /ma gab mngon tu phyung yang mi rtogs te/ /gang zhig nor bu rin chen 'dod pa de/ /shing la byi dor byas pas mi 'gyur bzhin/ /las bzang skal ldan shin tu rnal 'byor
30b4 la/ /lta ba dam tshig 'phrin las sa lam dang / /sems bskyed rgyu 'bras bsgom bsgrub gnyen po med/ /don dam kun rdzob rnam gnyis med mthong ba/ /des na sems kyi de bzhin
30b5 nyid mthong bas/ /de lta bu la dgos pa'i dgos ched yin/ /zhes gsungs so/ /tshig gi don gyi dgos pa'i nges tshig ni/ /med pa'i don bcu med pa'i sgra dang tshig /tshig
30b6 tu brjod pas bya med don mthong nas/ /bya mi dgos pa'i kun byed de thob pas/ /tshig gi don gyi dgos pa bstan pa yin/ /zhes gsungs so/ /byang chub kyi sems kun byed
30b7 rgyal po las/ sems kyi bshad lugs kyi le'u ste bcu gsum pa'o// //de nas byang chub kyi sems kun byed rgyal pos nyid kyi gsang ba dam pa'i gdams
31a1 @#/ /ngag 'di gsungs so/ /kye sems dpa' chen po/ kun byed nga ni kun tu gsang ba 'o/ /nga las byung ba'i sku gsum ston pa la/ /nga yi rang bzhin rnam
31a2 gsum mi bstan gsang / /nga la gnas pa'i dus gsum sangs rgyas la/ /nga yi rang bzhin mi bstan gsang bar bya/ /nga la 'dus pa'i 'khor tshogs thams cad la/ /nga yi rang
31a3 bzhin mi bstan gsang bar bya/ /nga yis byas pa'i khams gsum sems can la/ /nga yi rang bzhin mi bstan gsang bar bya/ /nga yi rang bzhin ma gsang bstan byas nas//
31a4 sku gsum ston pa nga las 'byung mi 'gyur/ /sku gsum ston pa nga las ma byung na/ /bstan gsum theg gsum 'khor gsum tshogs mi 'gyur/ /bstan gsum theg gsum
31a5 'khor gsum ma tshogs na/ /sangs rgyas chos dang dge 'dun dkon mchog gsum/ /bla med byang chub kun gyi rig pa med/ /nga las byung ba'i dus gsum sangs rgyas la/ /nga yi rang
31a6 bzhin ma gsang bstan gyur na/ /sku gsum ston gsum med pa'i skyon du 'gyur/ /nga la 'dus pa 'khor gyi tshogs rnams la/ /nga yi rang bzhin ma gsang bstan gyur na/ /
31a7 ston gsum theg pa khyad par phyed mi 'gyur/ /nga yis byas pa'i khams gsum sems can la/ /nga yi rang bzhin thugs rjes bstan gyur na/ /ston pa gsum gyis bstan
31b1 pa'i gnas med 'gyur/ /ston pa gsum gyis bstan pa'i gnas med na/ /kun byed nga yis byas pa'i chos rnams la/ /phun sum tshogs pa zhes su su zhig 'dogs/ /des
31b2 na kun byed rgyal po nga yis ni/ /nga yi rang bzhin nga yis phyung nas ni/ /nga la nga yi rang bzhin nga yis bstan/ /nga las byung ba'i ston pa 'khor rnams la/ /bstan pa'i lung
31b3 ni kun byed ngas ma phog /shin tu rnal 'byor kun byed nga yin pas/ /de la kun byed rang bzhin bstan par bya/ /zhes gsungs so/ /byang chub kyi sems kun byed rgyal po las/ /
31b4 skal med la gsang ba'i le'u ste bcu bzhi pa'o// //de nas byang chub kyi sems kun byed rgyal pos nyid kyi lung chen po mngon tu phyung ba'i lung 'di bstan to//
31b5 kye sems dpa' chen po nyon cig /kun byed rgyal po nga yis ni/ /mngon du phyung ba gsum bstan te/ /nga yi rang bzhin rnam gsum ngas bstan pa/ /don rnams ston pa'i ston pa dang //
31b6 don rig 'dod pa'i 'khor rnams dang / /ma nor nges pa'i don dang gsum/ /kun byed nga yis mngon tu phyung / /don ston mngon du phyung ba ni/ /chos kyi sku dang longs spyod rdzogs/ /
31b7 sprul pa'i sku dang rnam pa gsum/ /'khor gyi dang po ston pa sku gsum ste/ /don ston pa yi ston pa de/ /gzung 'dzin bral ba'i rang bzhin dang / /nga yi ngo bo ston pa dang / /thugs rje'i
32a1 @#/ /rang bzhin don mdzad gsum/ /rang bzhin gsum las mngon du phyung / /ston pa gsum yang mngon phyung ba'o/ /don rig 'dod pa mngon phyung ba/ /
32a2 ston pa gsum gyi 'khor gsum ste/ /de bstan pa yi bye brag ni/ /dus gsum bzhugs pa'i sangs rgyas dang / /khams gsum gnas pa'i sems can kun/ /mi rtog
32a3 mnyam nyid gnas pa de/ /kun byed nga yis mngon phyung 'khor/ /dbang po yul gyi rnam pa la/ /nyon mongs mi skye rnam mi rtog /rang gi byang chub sems nyid la/ /chos
32a4 dang chos nyid rtog byed pa/ /dang po sa nas bcu par bsgribs/ /sa bcu byang chub sems dpa' dang / /longs spyod 'dod yon rnam pa lngar/ /mthong ba'i ston 'khor
32a5 rnam gnyis kyang / /nga yi ngo bor mngon phyung yin/ /de bzhin nyid kyi rang bzhin la/ /rig pa yid kyi dbang po des/ /brtags pas mthong ba'i shes pa de/ /la las rtag pa
32a6 nyid du mthong / /la las stong pa chad par mthong / /rgyu 'bras log par mthong ba yi/ /mu stegs rnam bzhis byin brlabs nas/ /rgyu dang 'bras bu lung bstan pa'i/ /sdig
32a7 spong sems dge rnam bzhi ni/ /bskal pa chen po gsum bar du/ /gnas pa'i 'khor dang ston pa yang / /nga yis mngon du phyung ba yin/ /ye shes rig pa'i yul can la/ /
32b1 yang dag nges par mngon du phyung / /kye sems dpa' chen po/ /mngon du phyung ba zhes bya ba/ /gang gis gang mngon phyung ba ni/ /gang gis nga yis mngon du phyung / /gang zhig mngon
32b2 du phyung ba ni/ /sems de nyid de mngon du phyung / /gang gi don du mngon phyung na/ /yul la so sor lta ba yi/ /'khor gyi don du mngon phyung yin/ /la la spong ba'i don du phyung / /
32b3 la la 'gegs pa'i don du phyung / /la la spyod pa'i don du phyung / /la la dag byed don du phyung / /la lar blang dor don du phyung / /la lar bdag nyid don du phyung / /la
32b4 las spang pa'i yul du mthong / /la las dgag pa'i yul du mthong / /la las sbyangs pa'i yul du mthong / /la las dag bya'i yul du mthong / /la las blang dor yul
32b5 du mthong / /la las dbang bsdu'i yul du mthong / /rgyu dang 'bras bu'i ston pa yi/ /'khor tshogs rnams kyis de ltar mthong / /sems dpa' chen po/ nga yi rang
32b6 bzhin mngon phyung ba/ /'di ni nges par lung ston cig /nga ni khyed kyi ngo bo ste/ /nga yi rang bzhin phyung ba ste/ /khyed kyi rang bzhin phyung ba yin/ /khyed kyi rang bzhin phyung ba
32b7 des/ /rang gi rang bzhin shes par gyis/ /rang gi ngo bo shes par gyis/ /rgyu 'bras 'khor la lung ston cig /ces gsungs so/ /de nas sems dpa' rdo rje des rgyu 'bras
33a1 @#/ /kye 'khor la 'di skad ces gsungs so/ /kye/ rgyu dang 'bras bu'i ston 'khor rnams/ /ston pa'i ston pa kun byed kyis/ /kun byas phun sum tshogs
33a2 par byas/ /phun sum tshogs pa mngon phyung pa/ /rang gi rang bzhin mngon phyung bas/ /rang gi rang bzhin yin par rtogs/ /rang gi ngo bo yin par rtogs/ /de la gzhan yin
33a3 ma rtogs par/ /rang nyid yin par kun gyis rtogs/ /rang nyid yin par ma rtogs te/ /yul der rang du ma rtogs par/ /yul de dgra dang tsher brtags nas/ /rang gi
33a4 rang bzhin de spangs nas/ /bskal pa brgya phrag yun ring du/ /chos nyid rang gi sems mi mthong / /rang sems chos nyid ma mthong na/ /bskal pa brgya phrag yun ring
33a5 du/ /rang gi byang chub de spong 'gyur/ /bya med bde chen de mi 'thob/ /yul de rang du ma rtogs par/ /yul de rkyen gyis dgrar brtags nas/ /rang gi rang bzhin de bkag na//
33a6 bskal pa brgya phrag yun ring du/ /chos nyid rang gi sems mi mthong / /rang sems chos nyid ma mthong na/ /bskal pa brgya phrag yun ring du/ /rang gi byang chub de 'gags
33a7 pas/ /bya med bde chen de mi thog /yul de rang du ma rtogs par/ /yul de sbyangs pa'i yul mthong nas/ /rang gi rang bzhin sbyong byed na/ /bskal pa chen po gsum bar du/ /
33b1 chos nyid rang gi sems mi mthong / /rang sems chos nyid ma mthong ste/ /rang sems sbyang med gdeng dang bral/ /yul de byang chub rang dag la/ /gzung 'dzin dri ma yod mthong nas/ /phyi nang
33b2 rtog pa dag gsum gyis/ /khrus dang gtsang sbra dag byed ba/ /dag pa'i rang sems ma mthong ba/ /rang sems dag pa de dang bral/ /mi yi skye ba tshe bdun du/ /rang sems chos nyid de mi mthong / /
33b3 blang dor med pa'i byang chub la/ /blang dang dor ba'i yul mthong nas/ /rang 'byung nyid la blang dor byas/ /rang gis rang la blang dor byas/ /bar mchod kyis tshe gsum du/ /rang sems gnyis
33b4 med de mi mthong / /lhun gyis grub pa'i byang chub la/ /btsal zhing bsgrub pa'i yul mthong nas/ /sems bskyed ting 'dzin rnam gsum gyis/ /thams cad dbang sdud bdag tu
33b5 byed/ /rang gi byang chub btsal med la/ /btsal bas grub par 'dod pa'i phyir/ /bcu drug zla bas tshes bsgrubs nas/ /stong dang brgya drug lo yis ni/ /cha lugs longs sku bzung nas
33b6 ni/ /rang sems lhun grub bzod rtog byed/ /rang sems chos nyid mngon phyung 'di/ /rgyu dang 'bras bu rtog byed pa'i/ /rtsol sgrub can la phan med kyang / /las dang skal bar ldan pa yi/ /
33b7 dgos ched don tu phyung ba yin/ /zhes sems dpa' rdo rjes gsungs so/ /de nas kun byed rgyal pos nyid kyis lung bstan pa/ kye sems dpa' chen po/ chos nyid mngon tu phyung ba rang sems
34a1 @#/ /yin/ /rgyu dang 'bras bu theg pa can rnams kyis/ /rang sems mngon tu phyung ba ma gtogs te/ /spong zhing 'gegs pas bskal pa yun rings gnas//
34a2 sbyongs shing bgrod la bskal pa gsum du gnas/ /dag byed khrus dang gtsang sbras mi tshe bdun/ /byin rlobs blang dor can gyi mi tshe gsum/ /dbang sdud bdag 'dod lo
34a3 stong brgya drug tu/ /longs sku cha lugs de yi rang sems rtogs/ /rnam rtog dus na mi rtsol bde chen thob/ /kye sems dpa' chen po nyon cig /rgyu 'bras theg chen bzhin
34a4 du ma yin gyi/ /kun byed nga yi lung 'di nges par zungs/ /ji ltar snang ba'i chos rnams thams cad dang / /rang sems chos nyid ye nas gcig yin pas/ /rgyu 'bras lugs
34a5 bzhin 'di la rtog ma byed/ /rang sems de bzhin nyid la rtog ma byed/ /rang sems de bzhin nyid la brtag bya ru/ /rang gi byang chub ngo bo snang ba yin/ /'di las ma rtogs so sos ming
34a6 btags pa/ /kun rdzob snang la don dam mi snang 'dogs/ /don dam kun rdzob gnyis med bden pa cig /bden pa yang dag nges par yod ma yin/ /yang dag 'dogs pa nga
34a7 yang 'khrul pa yin/ /bde ba 'dod pa chags pa'i nad yin bas/ /'dod pa med pas bde ba len par byed/ /sangs rgyas bsgrubs pas grub pa ma yin te/ /ma btsal rang bzhin
34b1 gnas pas lhun gyis grub/ /ma btsal rang bzhin gnas la mi rtog zhog /sangs rgyas don gyi bla dwags ming 'di la/ /sangs rgyas yang dag yod par nga mi ston/ /gang zhig sangs
34b2 rgyas yod par mthong ba ni/ /chos nyid dbyings las sangs rgyas mi rnyed de/ /sangs rgyas ma lta rang sems bya med rtogs/ /brtags na med de rang sems ye nas gsal/ /dngos su mi
34b3 snang rang sems kun la khyab/ /yin pa'i ngo bo snang ba 'di yin te/ /'di min mnyam pa'i rgyu 'bras theg chen la/ /spong 'gegs sbyong ba byin rlabs sna tshogs kyis/ /rang sems
34b4 chos nyid bya med de las gol/ /rang gam bzhag nas gzhan ma rgyang du tshol/ /bya med bde bor rtsol ba dang du len/ /tshi chad pa yi nad du de las med/ /ma yengs ting 'dzin
34b5 'dzin pa'i rtod phur yin/ /ye nas yin la yengs pa'i shor ba med/ /ma yengs ting 'dzin re ba'i slu mkhan des/ /rgyu 'bras theg chen drang ba'i lung bstan yin/ /ye nas
34b6 yin la yengs med shor med de/ /rtsol sgrub kun gyi gnyen po 'joms byed de/ /rgyu 'bras ston pa'i ston pa 'khor rnams la/ /kun byed nga yi lung 'di bstan gyur na/ /
34b7 rgyu las 'bras bu 'byung zhes sgro skur 'debs/ /sangs rgyas 'dod pa'i rnal 'byor ting 'dzin can/ /ting 'dzin 'dod pa'i ma bcos rnal 'byor spangs/ /ma bcos rnal ma
35a1 @#/ /kun gyi chos nyid yin/ /chos nyid las ni sangs rgyas gud na med/ /sangs rgyas ming du brtags pa bla dwags yin/ /chos nyid bya ba gzhan med
35a2 rang sems te/ /rang sems ma bcos chos kyi sku ru bshad/ /ma bcos pa la ye nas skye med pas/ /skye med don la btsal zhing bsgrub tu med/ /btsal zhing bsgrubs pas bya med
35a3 'grub mi 'gyur/ /kye sems dpa' chen po nyon cig /chos kyi sku dang longs spyod rdzogs sku dang / /sprul pa'i sku dang ston pa rnam pa gsum/ /theg gcig theg gnyis theg pa rnam
35a4 gsum gyi/ /ston pa kun byed rgyal po nga yis phyung / /nga ni ston pa kun gyi 'byung gnas yin/ /nga yi rang bzhin rnam pa gsum las phyung / /spros bral skye med dga' ba'i 'khor
35a5 rnams la/ /nga yi rang bzhin gzung 'dzin bral ba las/ /mi rtog mnyam pa nyid kyi chos sku byung / /chos sku'i 'khor ni phye ba med pa ste/ /ma skyes mnyam pa nyid kyi don
35a6 bstan pa/ /de ni lhag ma med pa'i theg par bshad/ /nga yi rang bzhin kun tu snang ba la/ /'dod spyod dag pa'i 'khor gyi tshogs rnams la/ /nga yi ngo bo longs spyod rdzogs
35a7 par phyung / /ngo bo de la lta spyod rdzogs byed ston/ /de ni thun mong min pa'i theg pa ste/ /nga yi rol pa'i ngo bo phyung ba yin/ /nga yi rang bzhin thugs rjer 'byung ba las/ /ji
35b1 ltar 'dul bar sprul nas don mdzad pa'i/ /sprul pa'i sku dang 'khor tshogs rnam bzhi la/ /rgyu 'bras 'tsham pa'i thugs rjes phyung ba yin/ /kye sems dpa' chen po/ /
35b2 mdor na mngon du phyung ba'i lung zhes pa/ /nga yi rang bzhin 'di ltar bstan pa la/ /mngon du phyung ba'i lung zhes bstan pa yin/ /kun byed nga yi rang bzhin gcig pu
35b3 la/ /snang ba'i yul ni rnam pa gsum snang la/ /de las byung ba'i chos ni 'di lta ste/ /sangs rgyas sems can snang srid snod bcud kun/ /kun byed nga yi rang bzhin mngon phyung
35b4 yin/ /'di las gzhan yin pa ru rtog byed pa/ /kun byed nga dang phrad pa'i skal med pas/ /'khor gyi dang po ston pa sku gsum gyi/ /rim pas sbyangs pa'i rgyu 'bras theg 'khor
35b5 yin/ /kye sems dpa' chen po/ /nga yis mngon du phyung pa 'di/ /gzhan ma mngon du phyung ba min/ /nga nyid mngon du phyung ba yin/ /chos nyid mngon du phyung ba yin/ /rang sems
35b6 mngon du phyung ba yin/ /ma nor mngon du phyung ba yin/ /nges pa mngon du phyung ba yin/ /de bzhin mngon du phyung ba yin/ kye sems dpa' chen po/ /nga yi rang bzhin mngon
35b7 du phyung ba 'dis/ /che ba lnga yi sangs rgyas mngon du phyung ba yin/ /che ba lnga yi sangs rgyas 'di lta ste/ /nga yi ngo bo mngon du phyung ba ni/ /snang srid snod bcud nga yi chos nyid
36a1 @#/ /'di/ /kun la snang bas mngon par phyung ba yin/ /bya mi dgos pas ye nas sangs rgyas yin/ /rtsol grub med pas ye nas che bar bshad/ /
36a2 mngon par sangs rgyas zhes su bshad pa yin/ /nga yi rang sems mngon du phyung ba 'di/ /snying por gyur pas kun gyi bdag nyid yin/ /bya mi dgos pas ye nas sangs
36a3 rgyas yin/ /rtsol sgrub med pas ye nas che bar bshad/ /bdag nyid chen po sangs rgyas che bar bshad/ /ma skyes spros bral mngon du phyung ba 'di/ /ye nas gzung 'dzin bral
36a4 bas chos kyi dbyings/ /bya mi dgos pas ye nas sangs rgyas yin/ /rtsol sgrub mi dgos ye nas che bar bshad/ /chos dbyings sangs rgyas che ba yin par bshad/ /nga yis
36a5 nges par mngon du phyung ba 'di/ /dpe don rtags ni rnam pa gsum bstan te/ /chos nyid don la nam mkha'i dpe bstan te/ /byang chub sems kyi rtags kyis nges pa ru/ /the tshom za ba
36a6 rnams la mngon pa ru/ /dpe don rtags kyis de yin sangs rgyas bstan/ /nga yi rang bzhin ma nor nyid 'di ni/ /su la mngon du phyung yang mi snang bas/ /de ni ma nor ba yi rang bzhin
36a7 la/ /bzhin ni bcos pa med pa'i rang bzhin te/ /nyid ni ngo bo nyid la btags pa yin/ /de bzhin nyid kyi rang bzhin de nyid la/ /dus gsum sangs rgyas yod pa'i sgros mi 'dogs//
36b1 khams gsum sems can med pa'i skur mi 'debs/ /rtog dpyod bsam pa cir yang dgongs med pas/ /sangs rgyas med pa'i che bar nga yis bshad/ /ces gsungs so/ /byang chub
36b2 kyi sems kun byed rgyal po las/ /rang bzhin rnam pa gsum mngon du phyung ba'i le'u ste bco lnga pa'o// //de nas byang chub kyi sems kun byed rgyal po des
36b3 sems dpa' rdo rje la gdam ngag phog pa 'di gsungs so/ /kye/ sems dpa' rdo rje chen po 'di nyon cig /nga ni ye nas kun byed rgyal po yin/ /ston pa bstan pa 'khor dus
36b4 ngas byas nas/ /ston pa'i bstan pa yang ni nga yis byed/ /bstan pa nga yi rang bzhin de ston la/ /'khor yang nga yi ngo bo de phyung nas/ /dus gnas nga yi rang bzhin de ru ni/ /kun
36b5 byed nga yi rang bzhin bstan pa las/ /nga min chos ni gcig kyang bstan pa med/ /sems dpa' chen po rdo rje khyod nyid kyang / /kun byed nga yi rang bzhin bstan pa'i phyir/ /khyod
36b6 kyang nga las nga yis phyung ba yin/ /kun byed nga ni ye nas byas zin gyi/ /da gdod bya dgos kun la lung ma ston/ /da gdod bya dgos 'khor la lung bstan na/ /'khor rnams rtsol
36b7 ba'i nad kyis zin par 'gyur/ /rang 'byung ye shes med pa'i skyon du 'gyur/ /byang chub sems la 'chos pa'i skyon du 'gyur/ /de bzhin nyid la 'chos pa'i skyon du
37a1 @#/ /'gyur/ /skyon gyis yon tan khyad du gsod par 'gyur/ /brdzun gyis bden pa bslus pas bslad pas na/ /min pa'i rtsol bas bya med yin ma
37a2 sgrub/ /sems dpa' khyod kyis kun byed nga rig gis/ /nga yis byas pa'i chos rnams thams cad kun/ /ye nas rang 'byung ye shes de bzhin nyid/ /ston gsum nga yi
37a3 rang 'byung ye shes yin/ /bstan pa gsum yang nga yi de bzhin nyid/ /'khor rnams kun kyang sems dpa' rdo rje'i tshul/ /dus gsum phun sum tshogs pa thams cad
37a4 kun/ /kun byed rgyal po nga yi byang chub sems/ /zhes gsungs so/ /byang chub kyi sems kun byed rgyal po las/ /sems dpa' rdo rje la gdams ngag phog pa'i le'u
37a5 ste bcu drug pa'o// //de nas byang chub kyi sems kun byed rgyal po des nyid kyi sku gdung 'di zungs shig par gsungs so/ /kye sems dpa' chen po 'di
37a6 zungs shig /sku gdung ring srel rtag 'chang na/ /rgyal ba'i yab mes kun byed nga dang mnyam/ /zhes gsungs so/ /de nas sems dpa' rdo rjes zhus pa/ kye dus gsum
37a7 sangs rgyas gyi yang mes po/ /ston pa'i ston pa kun byed rgyal po lags/ /sku gdung ring srel rtag tu zungs shig pa/ /sku ni rgyal ba gang dang gang gi sku/ /gdung ni sangs rgyas
37b1 gang dang gang gi gdung / /ring bsrel zhes ni ji lta bu la bgyi/ /zhes zhus so/ /kye sems dpa' chen po nyon cig /sku ni nga sras rgyal ba gsum gyi sku/ /gdung ni dus gsum
37b2 rgyal ba nga yi sems/ /dus med rtag tu sems dpa' 'di 'chang na/ /dus gsum sangs rgyas rnams kyi mchod pa'i rten/ /sku gdung ring bsrel zhes ni de la bya/ /
37b3 kye ston pa'i ston pa kun byed rgyal po lags/ /sku gdung ring bsrel de ltar lags na yang / /de la dus gsum sangs rgyas ji ltar mchod/ /mchod pa la ni yon
37b4 tan ci zhig mchis/ /zhes zhus so/ /kye sems dpa' chen po khyod nyon cig /nga yi sku gdung ring bsrel de la ni/ /dus gsum sangs rgyas rtag tu sems ltas
37b5 mchod/ /de yi yon tan mi 'bral de thob nas/ /chos rnams kun byed rgyal po nus par 'gyur/ /zhes gsungs so/ /byang chub kyi sems kun byed rgyal po las/ /
37b6 sku gdung gtad pa'i le'u ste bcu bdun pa'o// //de nas byang chub kyi sems kun byed rgyal po des chos thams cad kyi chos nyid nga nyid yin pa'i lung
37b7 'di gsungs so/ /kye sems dpa' chen po nyon cig /snang srid snod bcud thams cad kun/ /snang ni nga yi ngo bor snang / /dag ni chos nyid dbyings su dag /'dul ba rnam pa
38a1 @#/ /sna tshogs ston/ /sku gsum sna tshogs byung nas ni/ /theg pa gsum ni ngo yang ston/ /rgyu 'bras can ni des tshim byed/ /'das pa yul la mi
38a2 ltos pas/ /rgyu la mi bsgrub 'bras mi 'dod/ /'dod pa med pa'i dgongs pa dang / /rang bzhin lhun gyis grub par 'gyur/ /ye nas yin la bya mi dgos/ /don rnams
38a3 ji bzhin bskyod med pas/ /ji bzhin pa la bsgrub mi dgos/ /chos kun rang bzhin lhun grub phyir/ /dus gsum sangs rgyas grub pas kyang / /rtsol zhing sgrub pa'i lung
38a4 mi 'bogs/ /btsal na gang bcal ting 'dzin des/ /mi grub ting 'dzin nang du che/ /kye sems dpa' chen po/ nga min ston pa thams cad kyis/ /bya ba'i phrin las sna tshogs
38a5 dang / /bsam pa'i ting 'dzin rim pa dang / /'phro ba'i 'od zer sna tshogs dang / /lta ba'i yul ni ci dmigs kyang / /ji bzhin pa la g.yos pa med/ /bya ba'i las kyis
38a6 grub pa med/ /bsam pa'i ting 'dzin yal bar 'gyur/ /'phro ba'i 'od zer zhi 'gyur na/ /blta yul gang yang mthong ba med/ /des na btsal ba'i las ma byed/ /kye sems
38a7 dpa' chen po/ /yul las btsal bas grub pa'i lung de ni/ /rgyu dang 'bras bu'i theg can ston par byed/ /rgyu dang 'bras bu'i theg can chos nyid dang / /chos dang chos nyid
38b1 rnam pa gnyis phye nas/ /chos kyis chos nyid tshol ba rnyed lung med/ /ces gsungs so/ /byang chub kyi sems kun byed rgyal po las/ /btsal bas mi 'grub pa'i le'u ste bco brgyad pa'o// //
38b2 de nas byang chub kyi sems kun byed rgyal po des ma btsal bas grub pa'i le'u 'di gsungs so/ /kye sems dpa' chen po nyon cig /nga las byung ba'i ston pa sku gsum gyis/ /bstan pa'i theg
38b3 pa rnam gsum bstan pa na/ /ston pa gsum gyis mi stsol lung ma bstan/ /kun byed nga yis theg gcig bstan pa ni/ /btsal bas grub pa'i lung du ngas ma bstan/ /kye sems dpa'
38b4 chen po nyon cig /kun byed byang chub nga yi rang bzhin las/ /ma btsal rang bzhin lhun gyis grub pa ni/ /rgyal ba kun gyi snying po sku gsum te/ /nga yis rang bzhin ma bcos
38b5 chos skur grub/ /nga yi ngo bo ma bcos longs spyod rdzogs/ /nga yi thugs rje mngon byung sprul sku gsum/ /btsal nas grub pa'i 'bras bu bstan pa med ces gsungs so/ /
38b6 kye sems dpa' chen po nyon cig /sku gsum kun byed nga ru 'dus pa ste/ /ji ltar snang ba'i chos rnams thams cad kun/ /rang bzhin ngo bo thugs rjes ma bcos gsum//
38b7 sku gsum nga yi de bzhin nyid du bstan/ /nga dang nga yi de bzhin nyid las ni/ /sangs rgyas zhes bya'i yon tan spros kyang med/ /sems can zhes bya'i skyon gyi rnam pa med//
39a1 @#/ /mi rtog mnyam pa nyid du de bzhin gnas/ /'di las ma gtogs pa ni gzhan med pas/ /sangs rgyas rnams kyis 'di las lhag pa yi/ /kun
39a2 byed nga la nges lung mnos pa med/ /byed mkhan kun byed rgyal po nga yis kyang / /mi rtog mnyam nyid de bzhin de nyid las/ /nyid la nyid kyis bstan pa rdul tsam med/ /ces
39a3 gsungs so/ /byang chub kyi sems kun byed rgyal po las/ ma btsal lhun gyis grub pa'i le'u ste bcu dgu pa'o// //de nas byang chub kyi sems
39a4 kun byed rgyal po des chos thams cad kyi byung khungs nyid las byung ba 'di gsungs so/ /kye/ chos kun sdud pa'i rdo rje nyon/ /kun byed rgyal po byang chub sems/ /nga
39a5 ni chos kun sa bon yin/ /nga ni chos kun rgyu yang yin/ /nga ni chos kun sdong po ste/ /nga ni chos kyi gzhi ma yin/ /nga ni chos kyi rtsa ba yin/ /ji ltar snang ba'i chos rnams
39a6 kun/ /'dus pa'i phyir na snying por bshad/ /ji ltar snang ba'i chos rnams kun/ /skye ba'i phyir na sa bon yin/ /ji ltar snang ba'i chos rnams kun/ /'byung ba'i phyir
39a7 na rgyu yang yin/ /ji ltar snang ba'i chos rnams kyi/ /yan lag 'byung bas sdong po yin/ /ji ltar snang ba'i chos rnams kun/ /nga la gnas pas gzhi ma yin/ /ji ltar snang
39b1 ba'i chos rnams kun/ /nga yin pas na rtsa bar bshad/ /kye sems dpa' chen po rdo rje nyon cig /kun byed byang chub sems nga ni/ /rang bzhin ma bcos rnam gsum las/ /ming tsam sku
39b2 gsum byung tshul bstan/ /nges par sku gsum ston pa yang / /de bzhin nyid las g.yos pa med/ /kun byed byang chub sems nga ni/ /ma skyes gzung 'dzin bral ba las/ /chos sku skye med
39b3 ming tsam byung / /nges par chos sku ming tsam ste/ /de bzhin nyid las g.yos pa med/ /kun byed byang chub sems nga yi/ /ngo bo ming tsam mngon phyung ba/ /longs spyod rdzogs sku ming
39b4 tsam tshul/ /nges par longs spyod rdzogs sku de/ /de bzhin nyid las g.yos pa med/ /kun byed byang chub sems nga yi/ /thugs rje sprul sku mngon phyung ba/ /thugs rje ma bcos rang
39b5 bzhin las/ /ming tsam sprul sku tshul phyung ba/ /nges par sprul pa'i sku de yang / /de bzhin nyid las g.yos pa med/ /de bzhin nyid kyi rang bzhin las/ /sku gsum g.yos pa
39b6 med pa bzhin/ /sku gsum bstan pa'i chos rnams dang / /sku gsum 'dus pa'i 'khor rnams dang / /chos rnams kun la'ang g.yos pa med/ /ma g.yos pa yi chos nyid
39b7 la/ /rgyu dang 'bras bur btags byas nas/ /rtsol dang bsgrub pa byas nas ni/ /rgyu las 'bras bu 'byung 'dod pa/ /kun byed nga las byas pa yi/ /rgyu 'bras 'das las gol ba
40a1 @#/ /yin/ /zhes gsungs so/ /kye sems dpa' chen po khyed nyon cig /nga las byung ba'i sku gsum ston pa dang / /nga las byung ba'i dus gsum sangs rgyas dang //
40a2 nga las byung ba'i 'khor gnas dus la sogs/ /kun kyang nga yi byang chub sems yin na/ /sems dpa' rdo rje de la rtog mi rtog /sems dpa' rdo rje de la ma rtog cig /nga ni ye nas kun
40a3 byed byang chub sems/ /nga yis byas pa kun kyang byang chub sems/ /nga yi rang bzhin ye nas rnam dag byang / /nga yis kun la khyab pa ye nas chub/ /nga yis rang bzhin gsal ba ye
40a4 nas sems/ /nga ni nam mkha' lta bu'i rang bzhin gyis/ /ye nas yin pa'i byang chub sems kyis ni/ /'jig rten sgyu mar snang ba'i chos bzhin du/ /sku gsum ston pa dus
40a5 gsum sangs rgyas rnams/ /bu dang tsha bo 'khor gyi tshul byung nas/ /ma nor bden pa'i gdam ngag 'bogs pa bzhin/ /byang chub sems ni nam mkha' bzhin bstan
40a6 nas/ /kun byed byung tshul nam mkha' bzhin du bstan/ /ces gsungs so/ /byang chub kyi sems kun byed rgyal po'i mdo las/ /chos thams cad byang chub sems kun byed
40a7 las byung ba'i khungs kyi le'u ste nyi shu pa'o// //de nas byang chub kyi sems kun byed rgyal po des chos thams cad kyi khungs kyi rgyal po yin pa'i phyir nyid
40b1 las byung ba'i tshig 'di gsungs so/ /kye/ sems dpa' chen po rdo rje khyod nyon cig /nga ni chos rnams kun byed rgyal po ste/ /sku gsum ston pa'i pha ma nga yin la/ /dus gsum
40b2 sangs rgyas kun gyi mes po yin/ /'khor gnas dus kyi ston pa'i sgron ma byed/ /kun byed nga yi rang bzhin rnam gsum las/ /sku gsum ston pa nga las byung bas ni/ /sku gsum
40b3 de yi bshad lugs rnam gsum gyis/ /chos kyi bshad lugs rnam pa gsum yang bstan/ /de yang kun byed nga yis bstan pa yin/ /kun byed rgyal po nga yis rang bzhin 'di//
40b4 ston pa kun las khyad par 'phags pa'i phyir/ /gtan tshigs don gyi bshad lugs rnam pa lngas/ /ma nor nges pa'i gtan tshigs khungs bstan to/ /kye sems dpa' chen po/
40b5 kun byed rgyal po byang chub sems/ /byang chub sems ni ye nas rdzogs pa che/ /rdzogs pa chen po rgyu 'bras 'das/ /rgyu 'bras 'das pa'i bshad lugs bstan pa dang / /
40b6 kun byed byang chub sems kyi rang bzhin las/ /sku gsum ston pa byung ba'i bshad lugs dang / /rnam pa gnyis kyi bshad lugs bstan pa'o/ /kun byed byang chub sems kyi
40b7 bshad lugs ni/ /byang chub sems ni rgyu 'bras 'das pa'i phyir/ /gtan tshigs don gyi bshad lugs lnga yis bshad/ /sku gsum ston pa gsum gyi bshad lugs ni/
41a1 @#/ /phun sum tshogs pa rnam pa lnga nang du/ /chos kyi sku ni byin gyis brlabs kyis bshad/ /longs spyod rdzogs pa rang gi ngo bo ston/ /sprul pa'i sku ni don
41a2 rnams tshig tu sdeb/ /sku gsum ston pa'i bshad lugs rnam gsum ste/ /nga yi rang bzhin rnam gsum bshad lugs yin/ /kun byed nga ni rgyu 'bras 'das pa ste/ /rgyu 'bras
41a3 'das pas spyod yul kun las 'das/ /kun las 'das pa'i chos nyid byang chub sems/ /byang chub sems ni kun gyi snying po yin/ /snying po yin pas yid ches khungs kyang
41a4 bstan/ /byang chub sems ni chos kun rtsa ba ste/ /rtsa ba yin pas thams cad don yang 'dus/ /byang chub sems ni khyad par kun las 'phags/ /khyad par 'phags
41a5 pas theg pa'i shan yang 'byed/ /byang chub sems rtogs chos nyid kun sangs rgyas/ /des na skal ldan dgos ched bstan pa yin/ /sems kyi rang bzhin tshig tu brjod med
41a6 ste/ /ma brjod sems kyi rang bzhin mi snang bas/ /mi snang mtshon du med ces ma brjod na/ /kun kyang rang sems ma mthong rtsol sgrub byed/ /des na brjod med tshig
41a7 gi don yang bshad/ /des na gtan tshigs don gyi bshad lugs lngas/ /kun byed rgyal po byang chub sems kyi don/ /ma nor nges par gtan la 'bebs par byed/ /rgyu
41b1 'bras med par gtan la phab pa yin/ /thams cad byang chub sems yin yid kyang ches/ /byang chub sems yin ye nas yid ches pas/ /sems la btsal ba med par yid
41b2 kyang ches/ /btsal du ye nas med par yid ches pas/ /mi rtsol bde ba chen po ngang la gnas/ /kun byed nga yi rang bzhin de ltar gnas/ /kun byed nga la sangs rgyas gzhan
41b3 med do/ /zhes gsungs so/ /byang chub kyi sems kun byed rgyal po las/ gtan tshigs bshad lugs kyi le'u ste nyi shu rtsa gcig pa'o// //de nas byang
41b4 chub kyi sems kun byed rgyal po des sems rnal du gzhag pa'i phyir bya med rdzogs pa'i lung khungs chen po 'di gsungs so/ /kye/ sems dpa' rdo rje khyod nyon cig /kye/ bya
41b5 med yul ni mi gnas nam mkha' 'dra/ /mi gnas dmigs pa'i yul med mi rtog chos kyi lam/ /bsngo ba'i cha shas phra mo'i yul la byung ba ste/ /rtog sgom chos
41b6 kyi sku ni khyad par don med pas/ /rang 'byung ye shes mi rtog kun tu ji bzhin gnas/ /bya bral yul la mi gnas gnyen pos bcos su med/ /yan lag chos kyi dbang
41b7 gis snying po'i yul tshol zhing / /rnam pa cir yang mi rtog thabs kyis de la rol/ /snying po rang bzhin 'byung bas chos sku gzhan na med/ /rdul phran gcig la gtses
42a1 @#/ /shing phyogs bcu kun dang bral/ /mi gnas don nyid legs pa'i ye shes rang 'byung ste/ /mngon sum kun la mi rtog yangs pa'i snying po la//
42a2 rnam dag lam der zhugs nas mnyam pa'i rgyal po thob/ /mi 'gyur 'gyur ba med pas chags pa'i gnas med de/ /de bzhin bzung ba'i yul med sems kyi
42a3 gnas kyang med/ /mngon sum thob par 'dod nas rgyu la rtag tu sgom/ /sgom chags bde ba de la mnyam pa'i don mi 'byung / /sku gcig kun la khyab pas bsnan
42a4 pa'i chos med de/ /mtha' la thug pa med pas dbyings la bri ba med/ /chos kyi rol pas nyams phag lhag pa'i gnas med de/ /rang 'byung che ba'i yul la kun tu ji
42a5 bzhin gnas/ /ngo mtshar mthong ba'i yul med de la mthong ba'i mig /gang la thos par mi rigs snyad pa kun dang bral/ /chos dang chos min rtag tu 'dres shing
42a6 mtshungs/ /don dam chos shes lhag pa'i gnas shes bshad pa'ang med/ /'khrul dang byang chub lam de rtog pas thob pa'ang med/ /rang 'byung ye shes nyid kyang tshig gi mtha'
42a7 dang bral/ /ye nas rgyal ba'i bdag nyid mngon sum gnas pa la/ /grib ma gzugs kyi dpe bzhin de la rtog pa 'byung / /med de med pa ma yin med pa'i snying po
42b1 'byung / /stong de stong pa ma yin stong pa'i yul la gnas/ /nam mkha'i rang bzhin de la 'byung ba'i dran pa skye/ /bya bral zin pa'i bde ba 'dod pa med pas len/ /bza' ba'i yul med
42b2 de la ye shes 'byung ba rtsom/ /sngon gyi drang srong rjes su chags pa'i yid kyang 'jog/ rnam rtsol 'bad pa'i gdung bas kun tu zin ta re/ /rang bzhin lam der zhugs pas thams cad mkhyen pa yi//
42b3 ji bzhin pa zhes rnam rtog de phyir rtog bsgom pa/ /bde ba chen po 'dod pas chags pa'i nad yin te/ /mi g.yo mnyam par gnas pas sman chen ma byas na/ /mtho ris bgrod pa'i rgyu des nyon mongs
42b4 zin par 'gyur/ /lam med lam du zhugs pa rnams kyi nad che ba/ /phyin par 'dod pas ri dwags smig rgyu snyegs pa 'dra/ /rnyed pa'i yul med 'jig rten gsum du mi 'byung zhing / /sa
42b5 bcur ltos pa'i gnas kyang byang chub sgrib pa yin/ /shin tu myur ba'i ye shes bsam pa kun dang bral/ /bshes gnyen kun las 'byung ba'i nor bu rin chen bzhin/ /dmigs pa med cing
42b6 'gyur pa'i gnas la mi ltos par/ /rang gi rang bzhin legs par re ba thams cad skong / /brtags na med la bzhag na legs pa 'byung ba che/ /dngos su mi snang chags pa'i cha lugs
42b7 kun la stan/ /bdag dang gzhan du bral ba'i ston mkhan rin chen mdzod/ /thams cad grub pa'i yul zhes bdag med snying rjes bstan/ /nang nas ma g.yos nang du btsal ba'i gnas
43a1 @#/ /med de/ /yul phyir chags la yul la bsngo ba'i dmigs pa med/ /mi 'byung mi 'jug bdag med snying rje de yis ni/ /gzhan gyi nong min mi 'ong ye nas
43a2 gnas pa yin/ /bde ba 'dod na bde la rgyab kyis phyogs/ /bde bas zin te bde bas bde ba tshol/ /byang chub 'khrul pa ye rnga ma chos la za/ /'di lta'i yul can sangs rgyas
43a3 mthong ba med/ /sangs rgyas med pas sangs rgyas ming yang med/ /sangs rgyas ston pas ming du brtags pa nor/ /sangs rgyas gzhan nas thob byed nor pa'i lam/ /gzugs med chos
43a4 kun bshad pa rdul tsam med/ /zin dang chags dang bral dang zhi/ /dngos po med dang rnam par spong / /bdud rtsi chen po'i rang bzhin la/ /bza' ba'i thabs la rag pa med/ /yangs so che'o
43a5 chos chen po/ /chung ngu rnams kyi gnyen po yin/ /che la dmigs pa'i cha bsnyams nas/ /chung che de rnams dmigs dang bral/ /gsung dang rgyas dang dmigs dang snang / /sgyu mkhan ri
43a6 mo'i rnam pa bzhin/ /'byung 'jug ye shes rmugs pa yis/ /de yi dbang las skye bar 'gyur/ /'di ni theg pa kun gyi rgyal/ /btang ngo bzhag go rang bzhin te/ /'dod pa med cing
43a7 len pa med/ /brod pa rdul tsam mi bskyed do/ /khyung chen nam mkha' lding ba bzhin/ /spro ba med cing bsdu ba med/ /stor bar mi dogs bza' ba med/ /rgya mtsho bzhin du ye gnas la/ /chos
43b1 rnams sna tshogs 'byung bar byed/ /yon tan nam mkha'i mtha' dang mnyam/ /bsdu ba'i gnas su nges pa med/ /byang chub snying por de ma thag /ting 'dzin rgyal po chen po 'byung / /
43b2 snang ba rgya mtsho chen po bzhin/ /mi rtog nam mkha'i mtha' ltar yangs/ /kun tu bzang po'i spyod yul la/ /skye zhing 'pho ba'i chos med de/ /rgyu rkyen yan lag bcu gnyis po/ /skur pas brtags
43b3 pas bshad pa yin/ /'khrul pa rnams kyi sgo tsam du/ /mkhas pas de bzhin shes par gyis/ /'gro ba rgyud drug snang ba yang / /dang po'i lam du shes par bya/ /'dod spyod snying rjes
43b4 brlan pas na/ /gang du dga' bar byang chub spyod/ /shan pa smad 'tshong mtshams med lnga/ /kha na ma tho 'jig rten spong / /yongs su rdzogs pa chos kyi rtsis/ /bde ba che las gzhan
43b5 med do/ /yang chos thams cad de bas na/ /chos kyi rang bzhin de bzhin pas/ /chos kyis chos nyid btsal ba dang / /nam mkha' nam mkhas btsal ba dang / /gzhan la ltos pa'i
43b6 chos nyid ni/ /me yis me gsod pa 'dra ste/ /shin tu dka' ba'i las byed pa'o/ /rnam par mi rtog snying po 'di/ /yongs kyi rgyud la sbas pa med/ /mi len byang chub spyod rnams la/ /
43b7 rnam pa kun tu rang bzhin gnas/ /zhes gsungs so/ /bya med rdzogs pa'i lung bcu las/ /mi gnas yul med kyi le'u ste nyi shu rtsa gnyis pa'o// //de nas byang chub kyi sems kun
44a1 @#/ /byed rgyal po des lta ba yul med kyi lung 'di gsungs so/ /kye sems dpa' chen po nyon cig /ji ltar snang ba'i chos rnams ni/ /rang gi byang chub sems yin
44a2 pas/ /de la blta ba'i yul ma mchis/ /mi rtog pas na mnyam pa nyid/ /de bzhin nam mkha'i dgongs pa ste/ /rnal 'byor zhes ni de la bya/ /dbang po lnga la snang ba rnams/ /rang
44a3 gsal de la mi rtog pas/ /de yang nam mkha'i dgongs pa gnas/ /rnal 'byor de bzhin nyid du gnas/ /tshig dang yi ge don brtags pas/ /tshig yig don la brtag med pas//
44a4 rtog med mnyam pa de bzhin nyid/ /de yang nam mkha'i dgongs pa gnas/ /bsam du med pa'i don 'di ni/ /nam mkha' bzhin du ye gnas so/ /zhes gsungs so/ /bya med rdzogs
44a5 pa las/ lta ba yul med kyi nam mkha'i dgongs pa bstan pa'i le'u ste rtsa gsum pa'o// //de nas byang chub kyi sems kun byed rgyal po des bya med rdzogs pa'i lung
44a6 phyag rgya bzhugs tshul kyi le'u 'di bstan to/ /kye sems dpa' chen po nyon cig /sems nyid kun tu bzang po yi/ /bzhugs tshul bstan pa 'di lta ste/ /byang chub sems su bzhugs
44a7 tsam na/ /chos rnams kun gyi snying por bzhugs/ /de rtogs kun byed rgyal po yin/ /kun byed rgyal po 'gyur ba med/ /des na 'gyur ba med par bstan/ /chos kyi sku ru
44b1 bzhugs tsam na/ /bzung 'dzin spros dang bral nas bzhugs/ /gzung 'dzin bral la 'gyur ba med/ /longs spyod rdzogs skur bzhugs tsam na/ /'dod pa'i yon tan lnga
44b2 ldan pas/ /'dod pa phun sum tshogs par bzhugs/ /sprul pa'i sku ru bzhugs tsam na/ /gang gis 'dul ba'i dus tsam na/ /gang la gang dgos sku sprul nas/ /dgos pa phun
44b3 sum tshogs par bzhugs/ /dus gsum 'gyur ba med par bzhugs/ /chos kun phyag rgya nam mkha'i mtshan nyid de/ /nam mkha'i mtshan nyid de bzhin nyid/ /sku gsum mtshan
44b4 nyid de bzhin gnas/ /thams cad de bzhin nyid du gnas/ /ji ltar snang ba'i chos kun ni/ /ji bzhin pa la bcos su med/ /btsal zhing bsgrub pa thams cad kyis/ /snga ba bgrod pas
44b5 phyin pa gcig kyang med/ /snga pa byas pas zin pa gcig kyang med/ /bsgrubs shing btsal bas snga ba grub pa med/ /thams cad ji bzhin pa la 'gyur ba med/ /ces gsungs so/ /byang chub
44b6 kyi sems kun byed rgyal po las/ /bya med rdzogs pa phyag rgya 'gyur med kyi lung gi le'u ste rtsa bzhi pa'o// // de nas byang chub kyi sems kun byed rgyal po des khams
44b7 gsum gyi sems can la rang gi sems ston pa yin par bstan pa 'di gsungs so/ /kye/ khams gsum sems can thams cad kun/ /rang gi byang chub sems de ni/ /ston pa yin
45a1 @#/ /par mngon bstan na/ /bskal pa brgya phrag stong du ni/ /rang sems ston par ma mthong bas/ /kun byed rgyal po nga yis ni/ /rang sems ston pa mngon
45a2 phyung bas/ /rang sems ston pa'i chos nyon cig /kun byed rgyal po nga yis ni/ /kun rgyu byang chub sems las ni/ /sems kyi ngo bo 'byung chen lnga/ /ston pa byang chub sems lnga
45a3 phyung / /sku ni longs spyod rdzogs pa'i sku/ /chos ni rang gi ngo bos 'chad/ /ston ni rang gi rang bzhin ston/ /ston pa longs spyod rdzogs sku de/ /dgongs pa nyid la nyid mi rtog/
45a4 yul chos gzhan la'ang rtog mi byed/ /byang chub sems kyi ston pa lngas/ /kun kyang chos nyid de bzhin ston/ /byang chub sems kyi ye shes des/ /ston pa sa yi skur byung nas//
45a5 tshig dang yi ges mi ston te/ /rang gi rang bzhin ston byed pa/ /bdag tu mi rtog gzhan mi rtog /mi rtog mnyam pa'i dgongs pa ston/ /khams gsum sems can thams
45a6 cad kyis/ /de rtogs sangs rgyas kun dang mnyam/ /rtsol ba'i chos nyid ma btsal 'grub/ /byang chub sems kyi ye shes des/ /ston pa chu yi skur byung nas/ /tshig dang yi ges mi
45a7 ston te/ /rang gi ngo bos ston byed pa/ /bdag tu mi rtog gzhan mi rtog /mi rtog mnyam pa'i dgongs pa ston/ /khams gsum sems can thams cad kyis/ /de rtogs sangs
45b1 rgyas kun dang mnyam/ /rtsol ba'i chos ni ma btsal 'grub/ /byang chub sems kyi ye shes des/ /ston pa me yi skur byung nas/ /tshig dang yi ges mi ston te/ /rang gi ngo bos chos
45b2 ston pa/ /bdag tu mi rtog gzhan mi rtog /mi rtog mnyam pa'i dgongs pa ston/ /khams gsum sems can thams cad kyis/ /de rtogs sangs rgyas kun dang mnyam/ /rtsol
45b3 ba'i chos nyid ma btsal grub/ /byang chub sems kyi ye shes des/ /ston pa rlung gi skur byung nas/ /tshig dang yi ges mi ston par/ /rang gi ngo bos chos ston pa/ /bdag
45b4 gzhan gnyis su mi rtog par/ /mi rtog mnyam pa'i dgongs pa'i ston/ /khams gsum sems can thams cad kyis/ /de rtogs sangs rgyas kun dang mnyam/ /rtsol ba'i chos
45b5 ni ma btsal grub/ /byang chub sems kyi ye shes des/ /ston pa nam mkha'i skur byung nas/ /tshig dang yi ges mi ston te/ /rang gi ngo bos chos ston pa/ /bdag gzhan gnyis su
45b6 mi rtog par/ /mi 'byed pa yi dgongs pa ston/ /khams gsum sems can thams cad kyis/ /sngon phyung ston pa de rnams kyis/ /rang gi ngo bos chos 'chad pa/ /'di yis kun
45b7 kyang rig par gyis/ /kye/ khams gsum sems can thams cad kun/ /kun byed rgyal po nga yis ni/ /khyed rnams nga yis byas pa'i phyir/ /nga yi sras yin nga dang mnyam/ /nga dang mi
46a1 @#/ /gnyis nga yin phyir/ /nga yis khyed la mngon phyung ba/ /nga yi ngo bo ston pa lngas/ /rang bzhin rnam lnga gcig tu bstan/ /gcig ni kun byed pa yin
46a2 gyi/ /de bzhin khyed kyang yid ches kyis/ /kye/ khams gsum sems can ma lus kun/ /nga med tsam na khyed kyang med/ /khyed med tsam gyi dus tsam na/ /ston pa lnga yang 'byung mi
46a3 'gyur/ /mi rtog chos kyang ston mi 'gyur/ /zhes gsungs so/ /byang chub kyi sems kun byed rgyal po las/ rang sems ston par phyung ba'i le'u ste rtsa lnga pa'o// //
46a4 de nas byang chub kyi sems kun byed rgyal pos sems las byung ba'i chos chen po lnga ston par byung ba'i rtags su ma skyes pa'i byang chub sems ston par zhal gyis bzhes pa 'di
46a5 gsungs so/ /kye/ sems dpa' chen po nyon cig /bsam 'das brjod du med pa'i byang chub sems/ /ston pa'i sgron mar gyur pas yon tan rab bsngags pa/ /chos kyi
46a6 snying por gyur pas 'jam dpal gzhon nu nyid/ /bya bral lhun rdzogs bde ba'i lhun la gnas/ /tshul khrims la sogs spyod pa rgya mtsho'i gzhir gyur pa'i/ /ji snyed rnam par
46a7 grol ba'i lam bstan pa/ /bde gshegs yum 'gyur kun gyi mtshungs lam de/ /de med mi 'byung de phyir de ni rnam grol mchog gi lam/ /phra zhing shes dka' kun gyi lam
46b1 ste mi rtog rtog las 'das/ /mi gnas mi dmigs spros med bsam pa kun dang bral/ /tshig gis mi phebs dbyibs dang kha dog spyod yul med/ /bstan cing brtag par dka' la brjod
46b2 du rdul tsam med/ /sngon gyi drang srong lam du gang zhugs pa/ /bsgom chags lam gyi nad kyis zin ta re/ /ston pa'i lung bzhin tshig gi mtha' spyod lam du de mthong na/ /de ni
46b3 rtog pa'i rgyun 'brangs smig rgyu snyegs pa 'dra/ /yang dag lam ni tshig gis mtshon du med/ /yang dag nyid du bstan pa nga yis 'khrul/ /dag dang ma dag gnyis med 'dres
46b4 shing mtshungs/ /rnam pa cir yang mi 'byed ye shes gti mug dang / /thogs med gsal ba'i mar me bsam pa kun dang bral/ /ngang gis mi g.yo rmugs shing ting 'dzin rgyal
46b5 por gnas/ /mngon sum mthong bas mthong med mngon sum mthong ba'i mig /de phyir thams cad mkhyen pa'i spyan zhes de la bya/ /mtha' dang dbus med yongs pa'i snying po
46b6 la/ /mi len mi 'dor mnyam pa'i rgyal por gnas/ /sems dang bag chags gnyis med 'dres shing mtshungs/ /'dzin pas brtags shing snang ba'i chos rnams ni/ /
46b7 rang gi rgyan du snang bas mi 'dor spong mi byed/ /cir yang mi dgongs thabs kyis de la rol/ /kun dang mi mthun yongs kyis spong ba'i chos/ /nyon mongs lnga dang mtshams
47a1 @#/ /med lnga po yi/ /rnam dag lam der zhugs nas mnyam pa'i rgyal po thob/ /bud med la sogs kun kyang spong mi byed/ /lo rgyus don gnyis tshad//
47a2 ma'i blor bzhag nas/ /ting 'dzin gsum po brten nas grub pa'i mtha' spyod pa/ /rtsod bral lung las gol zhes 'khrul pa yin/ /bya bral lhun rdzogs bde ba'i lhun la
47a3 gnas/ /ye shes rang 'byung che ba'i snying po nyid/ /mi g.yo mi 'gyur bsnyad pa kun dang bral/ /zin pa'i bdud rtsis rtsol ba'i sdug bsngal 'joms/ /bya bral zin pa'i yul
47a4 la ji bzhin gnas/ /kye sems dpa' chen po nyon cig /chos rnams thams cad thig le chen po'i rang bzhin yin pas na/ /spros pa med cing bsdus pa med/ /skye ba med cing
47a5 'gag pa med/ /'gog pa med par de bzhin gnas/ /rnam par mi rtog snying po 'di/ /nam mkha' bzhin du ye gnas pas/ /rtog pa'i smra bsam yul las 'das/ zhes
47a6 gsungs so/ /byang chub kyi sems kun byed rgyal po las/ bya med rdzogs pa sgom du med pa'i le'u ste rtsa drug pa'o// //de nas byang chub kyi sems kun byed rgyal
47a7 po des nyid kyi gdams ngag phog pa dang mthun pa'i lung chen po rim gyis bstan te/ kye sems dpa' chen po nyon cig /chos rnams thams cad nga las byung ba na/ /ji ltar snang
47b1 ba'i chos rnams thams cad kun/ /ye nas rnam dag dbyings kyi lung du bstan/ /phyi dang nang kun ye nas chos kyi dbyings/ /ye nas rnam par dag pa'i spyod yul la/ /sangs rgyas
47b2 dang ni sems can gnyis su med/ /lam dang gnyen pos bcos su ga la yod/ /bsgrub med rtsal sprugs smon pa med pas na/ /bya med lhun rdzogs snga ma de nyid don/ /rtog
47b3 spyod rnam dag gnyis med chos dbyings la/ /log rtog byis pa'i spyod pas ci zhig bslus/ /gnyis med bde chen sems can kun spyod la/ /'khrul pas nor pa'i lam du bstan
47b4 pa yang / /gong du bstan pa'i lam chen de la mi gnyis pas/ /mnyam par shes pas sangs rgyas kun gyi rje/ /nga dang bdag tu rtog pa mu stegs 'khrul pa'i lam/ /byis pas
47b5 bslus pas chos spyod rtog pa'i lam la btsud pa ni/ /phyin pa'i dus med rtogs pa'i dus med pas/ /chos nyid chos tshol rnyed par ga la 'gyur/ /tshad mar ma gyur slob dpon
47b6 spre 'dra'i lung / /bstan dang lam nor rtog pas zin ta re/ /de bas gser la nag tshur gtong ba yi/ /slob dpon yang dag ston pa'i rin chen mdzod/ /rin thang dpag tu med
47b7 pas blu bar 'os/ zhes gsungs so/ /byang chub kyi sems kun byed rgyal po las/ bya med rdzogs pa rnam dag dbyings kyi lung bstan pa'i le'u ste rtsa bdun pa'o// //
48a1 @#/ /de nas byang chub kyi sems kun byed rgyal pos nyid kyi rang bzhin 'gyur med 'di gsungs so/ /kye sems dpa' chen po nyon cig /nga yi rang bzhin
48a2 dbyings la 'gyur ba med/ /nga yi ye shes nam mkha' 'gyur ba med/ /nga yi chos nyid rang bzhin 'gyur ba med/ /nga sems chos kyi snying po 'gyur ba med/ /de bzhin thams cad
48a3 'gyur ba med pa la/ /nga las byung ba'i ston pa sku gsum gyis/ /rgyu dang 'bras bur chos la ming brtags nas/ /sprul pas lung bstan dbang po yul spong 'gyur/ /rang rkyen
48a4 chos lnga 'chang ba'i sems can la/ /rang 'byung chos nyid yin par lung ma bstan/ /ngan 'gro sdig sgrib che zhes lung bstan nas/ /lus ngag yid gsum sdig spong dge bcu
48a5 spyod/ /rang 'byung chos la blang dor spyad pa'i phyir/ /rang 'byung ye shes bskal mang phrad mi 'gyur/ /kye sems dpa' chen po nyon cig /sprul pa rang las 'dus pa'i 'khor
48a6 tshogs la/ /rang 'byung ye shes lnga yi chos spangs la/ /ye shes lnga spong dgra lnga choms lung bstan/ /dgra lnga rang 'byung ye shes ma rtogs te/ /rang sems spong 'gyur nga
48a7 yis lung ma bstan/ /kye sems dpa' chen po nyon cig /rang gi sems las byung ba'i chos nyid la/ /don dam kun rdzob bden pa rnam gnyis kyis/ /sbyangs nas rgyu las
48b1 'bras bu 'byung zer nas/ /bskal pa gsum gyi bar du sbyong byed pa/ /sdom dang pha rol phyin bcus rang mi 'gyur/ /sems nyid 'gyur ba rang yis lung ma bstan/ /kye sems
48b2 dpa' chen po nyon cig /rang sems chos nyid ting 'dzin byin brlabs nas/ /dag pas chu zla bzhin du gsal byas nas/ /rjer ltas de la mnyes pa'i mchod phul bas/ /de
48b3 la re 'dod grub pa thob re ba/ /chu zla med de rang sems ma rtogs pas/ /skye ba bdun gyi bar du rang 'byung gi /ye shes yod ces nga yis lung ma bstan/ /kye sems dpa' chen
48b4 po nyon cig /rang sems byin brlabs cho 'phrul bsgoms pa yi/ /ting 'dzin ye shes sems dpa' grogs mnyam des/ /bdag 'dod pa yi dngos grub ster re ba/ /rang
48b5 'byung chos nyid de la 'dod len med/ /rang sems bya med mi tshe gsum mi phrad/ /kun byed nga yis lung bstan ma yin no/ /kye sems dpa' chen po nyon cig /rang las byung ba'i
48b6 chos nyid lhar byas nas/ /phyag rgya bzhi dang snying po 'phro 'du yis/ /mi 'gyur ba yi chos nyid rgyur sgrub byed/ /sems kyi ting 'dzin dbang gis thob sems pa/ /des kyang thob
48b7 par nga yis lung ma bstan/ /kye sems dpa' chen po nyon cig /gzhi ma dbyings la 'gyur ba med pa'i phyir/ /dbyings de 'gyur par nga yis lung ma bstan/ /dbyings la dbang
49a1 @#/ /bsgyur byed pa'i sku gsum gyis/ /rang 'khor zhi gnas tshol ba'i ting 'dzin bstan/ /des na 'dren pa'i lung du bstan pa yin/ /de bzhin nam
49a2 mkha' 'gyur ba med pa de/ /rang nyid nam mkhas nam mkha' 'grub mi 'gyur/ /de bzhin chos nyid 'gyur ba med pa de/ /rang nyid chos kyis chos nyid 'grub mi 'gyur//
49a3 de bzhin sems nyid 'gyur ba med pa de/ /sems nyid rang gi sems nyid 'grub mi 'gyur/ /mi 'gyur sgyur bar byed pa'i ting 'dzin ni/ /dus dang smon lam re ba 'jog
49a4 pa yi/ /dus la ltos pas ting 'dzin tshi chad 'gyur/ /kun byed nga yis nges lung bstan pa med/ /ces gsungs so/ /byang chub kyi sems kun byed rgyal po las/ bya
49a5 med rdzogs pa 'gyur med btsal mi rnyed pa'i le'u ste rtsa brgyad pa'o// // de nas byang chub kyi sems kun byed rgyal po nges sems rnal du bzhag pa 'di
49a6 gsungs so/ /kye sems dpa' chen po nyon cig /nga ni kun byed byang chub sems/ /chos rnams thams cad nga yin te/ /nga yi rang bzhin thams cad ni/ /ye nas rnal du
49a7 bzhag pa yin/ /nga yi rang bzhin bstan pa ni/ /rnam pa lnga ru shes par bya/ /ston pa bstan pa 'khor gnas dus/ /rnam lnga rang bzhin rnal du bzhag /ston pa'i rang
49b1 bzhin 'di ltar bzhag /chos sku ma bcos rnal du bzhag /rang nga'i rang bzhin de bzhag yin/ /longs spyod ma bcos ngo bo bzhag /nga yi rang bzhin gzhag pa yin/ /sprul
49b2 pa ma bcos thugs rje bzhag /nga yi rang bzhin gzhag pa ste/ /rang 'byung ye shes bzhag pa yin/ /gnas ni gang na gnas pa'i gnas/ /de yang rnal du bzhag pa yin/ /
49b3 dus ni snga phyi gang tshogs dus/ /rnal bzhag dus su tshogs pa yin/ /kye sems dpa' chen po da nyon cig /phun sum tshogs pa rnam pa lnga/ /ma bcos rnal du bzhag pa las//
49b4 chos zhes bya ba gzhan yod med/ /kye sems dpa' chen po/ phun sum tshogs par ma 'dus pa'i/ /chos ni gcig kyang yod ma gsungs/ /kye/nga ni rnal du bzhag pa yis/ /
49b5 thams cad chos nyid grol ba yin/ /ston pa ma bcos chos nyid grol ba yin/ /bstan pa ma bcos chos nyid grol ba yin/ /'khor yang ma bcos chos nyid grol ba yin/ /kye/
49b6 thams cad grol bar bshad pas na/ /rang lus ma bcos lha ma bsgom/ /smra ba'i tshig dang ngag ma 'chos/ /ting 'dzin ma byed sems ma 'chos/ /bcos pas rnal du 'byor
49b7 med pas/ /rnal du ma 'byor grol mi 'gyur/ /ma grol chos nyid mnyam mi thob/ /kye/ sems dpa' chen po 'di lta ste/ /byang chub sems kyi kun byed rgyal po ni/ /ye nas
50a1 @#/ /'das pa'i rnal du bzhag pa la/ /lta ba rnams kyis rnal du 'jog mi shes/ /rdzogs chen kun byed ye nas rnal bzhag la/ /nyan thos rang rgyal
50a2 rnams kyis thos mthong na/ /dug skye zer nas rang sems spong 'gegs 'gyur/ /des kyang lta ba rnal du 'jog ma shes/ /bskal pa grangs med 'jog mi shes la gnas//
50a3 theg chen mdo sdes rdzogs chen thos 'gyur na/ /rang sems de bzhin nyid du ma rtogs te/ /ji bzhin nyid du 'jog pa ma shes te/ /bgrod cing spyod la bskal pa gsum du
50a4 gnas/ /rjes su rnal 'byor sems dpas thos 'gyur na/ /'di ltar snang ba'i chos rnams de bzhin la/ /rang sems de bzhin nyid du ma rtogs par/ /ji bzhin rnal du
50a5 'jog pa ma shes pas/ /byang chub yan lag cho 'phrul sna tshogs kyis/ /byin rlobs sems la mi tshe bdun par gnas/ /rnal 'byor chen po rnams kyis thos 'gyur na/ /
50a6 rgyu dang 'bras bu'i bdag nyid yin pas na/ /ye nas yin la gdod rtsol sgrub par byed/ /stong phrag gnyis dang brgya phrag drug tu ni/ /ji bzhin rnal du 'jog pa mi shes te/ /
50a7 ting 'dzin gsum gyi sa la gnas par byed/ /yongs su rnal 'byor rnams kyis thos 'gyur na/ /ye nas yin la rgyu 'bras ming brtags nas/ /ji bzhin rnal du 'jog pa ma
50b1 shes te/ /rgyu ni dag pa chos kyi dbyings su grub/ /'bras bu dag pa ye shes dkyil 'khor grub/ /bar mchod kyis mi tshe gcig tu gnas/ /shin tu rnal 'byor rnams kyis
50b2 thos 'gyur na/ /ye nas sangs rgyas sa la gnas par 'gyur/ /bya med bde ba chen po 'di yis thob/ /bsgrub pa med par ye nas sangs rgyas thob/ /lha mi sems can dbang po
50b3 mi mthun te/ /la la dbang po sbyangs pa'i 'phro can yod/ /la la dbang po ye nas chig chod yod/ /des na dgos ched don zhes bstan pa yin/ /a ti yo ga rdzogs pa chen po zhes
50b4 bya ba/ /a ti zhes ni sgra yi tshig tu bstan/ /a ni ma skyes chos nyid rnal du bzhag /ti ni ma btsal lhun gyis grub par bsten/ /yo ga shin tu rnal 'byor rdzogs chen la/ /rgyu dang
50b5 'bras bu yod zer smra byed pa/ /de ni rdzogs chen rtogs pa'i don mi ldan/ /don dam kun rdzob gnyis su smra byed na/ /sgro dang skur ba 'debs pa'i tshig yin te/ /de yis gnyis su
50b6 med pa rtogs pa med/ /dus gsum sangs rgyas rnams kyi rtogs pa yang / /gnyis su ma mthong rnal bzhag nyid du 'dod/ /ces gsungs so/ /byang chub kyi sems kun byed rgyal
50b7 po las/ dgongs pa rnal du bzhag pa'i le'u ste rtsa dgu pa'o// //de nas byang chub kyi sems kun byed rgyal po des nyid kyi snying po sems dpa' rdo rje la/ sems
51a1 @#/ /dpa' rdo rje nyid kyi rang bzhin bya med rdzogs pa'i lung mi nub pa'i rgyal mtshan 'di gsungs so/ /kye/ sems dpa' rdo rje khyod nyon cig /sems
51a2 dpa' rdo rje khyod nyid la/ /nyid kyi rang bzhin bstan par bya/ /nyid ni kun byed nga yin te/ /nga ni ye nas byang chub sems/ /byang chub sems ni 'di lta'o/ /des na byang chub
51a3 gyi sems kun byed rgyal po des mi nub pa'i rgyal mtshan nam mkha' che 'di gsungs so/ /rdo rje sems dpa' nam mkha' che/ /kun bzang yangs pa chos kyi dbyings/ /
51a4 rnam dag lam chen kun sgrol phyir/ /mi skye mi 'gag cir mi dgongs/ /byams pas don nyid rnam sbyangs phyir/ /snying rje chen po cir mi mdzad/ /che bas che ba'i zab mo
51a5 yis/ /yon tan cir yang bsngags pa med/ /don rnams ji bzhin mi bskyod de/ /bya ba med pas grol bas grol/ /nges 'byung ye shes btsal med pas/ /grol na grol
51a6 ba'i lam yang ston/ /'byung ba chen po bcom ldan 'das/ /grol ba kun la rang bzhin gnas/ /phyin ci log tu rnam brtags kyang / /grol ba rang 'byung gzhan las
51a7 min/ /che ba'i ye shes rnyed dka' ba/ /shes rab thabs la brten pas 'grub/ /ming tsam gzhan la brten 'dra yang / /mngon sum bde ba rang las 'byung / /cho 'phrul
51b1 chen po dka' ba min/ /yon tan kun dang stobs kyi rnams/ /ji bzhin rtog pa phra ba yis/ /de ma thag tu rang las 'byung / /snang ba med pa'i chos nyid ni/ /ma btsal bzhag
51b2 pas bsgoms pa yin/ /de dang der ni rnam btsal na/ /de las de bzhin de mi 'byung / /mchog tu gsang ba'i chos nyid ni/ /rna dbang gzhan las thos mi 'gyur/ /de bzhin
51b3 lce yi dbang pos kyang / /de la brjod du rdul tsam med/ /'gro ba'i sdug bsngal byang chub sems/ /kun tu chub pas rnam par grol/ /de la bskyod pa med bzhin du/ /nam mkha'i
51b4 mtha' ltar mnyam par gnas/ /khyad par cir yang mtshungs pa la/ /las so zhes ni rnam par brtags/ /ci ste las kyi dbang 'gyur na/ /rang 'byung ye shes yod ma yin/ /rgyu
51b5 nyid rdo rje rkyen dang 'dra/ /ma skyes pas na 'jig pa med/ /gdod nas snying po byang chub la/ /btsal ba'i bsam pas dbyings mi bskyod/ /yon tan chen po'i bsam gtan
51b6 ni/ /bsam gtan nyid pas bsam du med/ /ma bsam ma sbyangs chos bzhin du/ /rnam rtog nyid las ye shes skyes/ /phra ba'i sgo mor ming brtags te/ /sems kyi dben
51b7 pa lam tshol zhing / /dgon pa'i rgyud du dben 'dzin cing / /brtags na rnam par rtog 'gyur bsgom/ /rgyu dang 'bras bur ming btags te/ /dge sdig gnyis ka rnam par
52a1 @#/ /sel/ /'jig rten 'di las 'byung ngo zhes/ /blang dor phrod pa mchog tu bskyed/ /chags dang ma chags tshig gi lam/ /dbu ma bzhin te brag cha
52a2 'dra/ /bde dang sdug bsngal rgyu mthun zhes/ /'gro ba'i mgon po sems dpas gsungs/ /'dod chags zhe sdang gti mug kyang / /byang chub chen po'i lam las byung / /
52a3 kun spyod yon tan rnam lnga yang / /chos nyid dbyings kyi rgyan zhes gsungs/ /nam mkha' rtog pa skye med cing / /rtog pa de nyid nam mkha' 'dra/ /mi chags nam mkha'i
52a4 sngo ba las/ /rang don chen po nam mkha' 'byung / /rtog med mnyam nyid chos kyi sku/ /gzung bas mi zin chu zla 'dra/ /kun tu bzang po'i rol pa yis/ /A li kA li zab tu
52a5 bstan/ /'di ni a dang mdzes pa'i ta/ /pa dang yan lag spros pa bzhin/ /'jig rten yongs kyi spyod yul la/ /sangs rgyas gsung gi zab mo 'byung / /e ma'o sangs
52a6 rgyas spyod yul 'di/ /btsal bas rnyed pa'i gnas med de/ /drug gi chos bzhin yul med pas/ /mdongs pas nam mkha' bsnyabs pa bzhin/ /gong nas gong du tshangs
52a7 pa'i lam/ /bya bral chos dang mthun pa min/ /ci ste lam la bgrod 'gyur na/ /nam mkha'i mtha' bzhin thob pa med/ /de ltar de bzhin de yi phyir/ /de la de bstan de yang
52b1 thob/ /de ni snying po de bas na/ /de las de 'byung ngo mtshar che/ /sngon gyi de dang da ltar de/ /de bzhin de yi gnas su che/ /de ltar de yi lam 'dra ba/ /de ni de yi rang bzhin no/ /de
52b2 dang 'dra ba yongs kyi lam/ /zla ba las byung rten dang bcas/ /kun gyi mnyam nyid yin pa la/ /phyogs su bltas pas grub pa med/ /da ltar bde dang phyi mar bde/ /mngon sum pa
52b3 dang rgyab nas 'byung / /de yang rnam pa'i skyon yin pas/ /de la brten par mi bya'o/ /dus gsum gcig ste khyad par med/ /sngon med phyis med gdod nas 'byung / /chos skus
52b4 khyab pas gcig pa'i phyir/ /che ba'i chen po rang bzhin gnas/ /srid pa gsum na sbyor ba yang / /ming tsam sgyu mar snang ba ste/ /'khor los bsgyur ba'i gnas chen yang / /sgyu
52b5 ma sbyong ba'i bsti gnas yin/ /rnam spyod dus la ltos pa rnams/ /dus de 'byung bar mi 'gyur te/ /ma bral smon pa spyod pas na/ /stong pa'i mtshan nyid gsungs pa bzhin/ /
52b6 gcig ste rnam pa yongs kyis med/ /rnal 'byor nam mkha'i bya lam gnas/ /ma byung ma skyes snying po la/ /sgros btags chos kun ga la yod/ /phyi nang gnyis ka phyi nyid
52b7 nang / /zab mo cha shas rtogs yul med/ /srid pa ming tsam log pa'i stobs/ /de bas ting 'dzin mnyam dang bral/ /de la tha tshig phyi dang nang / /rang bzhin phung po khams
53a1 @#/ /bzhin gnas/ /dus gsum 'di dang mi 'bral bas/ /tha tshig ming du btags pa med/ /mi g.yo ba ni sku yi rgya/ /mi bskyod pas ni ye shes te/ /mi
53a2 len pa ni bdag med cing / /mi 'dor tshig bral mnyam nyid do/ /gang dang gang gi gang du yang / /kun 'khol kun spyod bdag las byung / /'di la skyes pa bud med ces/ /
53a3 mnyam pa'i rgyal pos yong ma gsungs/ /'di la brtul zhugs drag shul gyis/ /gnas su bya ba'i ming med de/ /a dang par ni rnam ldan na/ /sgyu ma'i bde ba 'byung
53a4 bar 'dod/ /rang bzhin gcig tu ma nges pas/ /ji ltar bltas pa de ltar snang / /snang 'dod rtsol sems bde ba yang / /de ni de sgrib skyon chen yin/ /byang chub yan
53a5 lag kun gyi sgo/ /cha lugs bsgoms pas chu zla bzhin/ /ma gos ma chags 'byung 'gyur yang / /bsgoms pas byis pa'i spyod yul bzhin/ /dkyil 'khor khro gnyer
53a6 cha lugs kyis/ /khro bdag chen po'i lus bzung nas/ /yi ge mngon du byung na yang / /zhi bde nyid mthong ba min/ /nyon mongs pa yi dbang gis na/ /ta la'i mgo bo bcad
53a7 pa dang / /sa bon me yis bsregs pa dang / /de yi dbang du mi 'gyur ston/ /rnam grangs brgya stong phrag yas pa/ /gang ltar spyad kyang me tog skye/ /mtshan ma med pa'i dbang
53b1 gis ni/ /bsti gnas de las 'byung mi 'gyur/ /gleng bral 'di la gnas pa ni/ /rnal 'byor de ni skal ba bzang / /bdag dang gzhan don mi 'byed pas/ /sgyu ma lhun grub yul
53b2 la rol/ /lhag ma med pas yongs su rdzogs/ /'gyur ba ma yin drang por gnas/ /nam mkha' bzhin te mtha' mnyam zhing / /gzhan la ltos 'gyur chos ma yin/ /lhun gyis
53b3 grub pa'i bde chen de/ /mtshungs pa med pa'i ye shes kyis/ /rang gi mthu yi rig pa las/ /chos ni gzhan las 'byung mi 'gyur/ /sla zhing dka' la sla phyir dka'/ /mngon sum
53b4 mi gnas kun tu khyab/ /ming tsam 'di zhes bstan par ni/ /rdo rje sems dpas mtshon du med/ /ngo mtshar rmad byung rol pa 'di/ /bya bral nam mkha' bzhin du gnas/ /cir
53b5 yang mi dmigs gti mug las/ /de ma thag tu rang las byung / /'di ni thams cad mtshungs pa'i lam/ /'gro ba kun gyi rang bzhin gnas/ /bus pas bslad pas 'khrul
53b6 pa'i phyir/ /sman nyid sman pa tshol ba bzhin/ /go ba'i yul na bde ba che/ /'di ni rnam dag 'jig rten yin/ /de la phyogs kyi 'od 'dus pas/ /phyogs bzhi mtshams dang bla
53b7 'og 'grub/ /ma nges 'ja' tshon kha dog las/ /rigs kyi khyad par mngon par snang / /de bzhin g.yo rdul mi g.yo ba/ /'byung ba lnga bas gtso chen yin/ /'das dang ma 'ongs
54a1 @#/ /da ltar gyi/ /tha snyad ming la mi gnas te/ /skye 'gag med par rnam brtags shing / /de nyid dus gsum chen por sbyor/ /mnyam pas rim par
54a2 bkod pa med/ /gcig pas phyogs bcu bsod dang bral/ /tshogs kyi rgyan rnams bkram pa yang / /rang bzhin gnas pas 'grim pa med/ /lhun gyis gnas pas mi bsngo
54a3 zhing / /gdod nas dag pas bdud rtsi yin/ /'du mched bcu gnyis khyad par du/ /lhag pa'i bsam pas bzung ba med/ /yid kyis bsam pas yon gdags te/ /bltas
54a4 pas tshogs ni bkram pa'o/ /mthong bar gyur pas dngos grub la/ /de nyid mnyam bzhag rdzogs pa'o/ /yud tsam bzung bas sbyor ba yin/ /dga' bar gyur pas dam tshig
54a5 ste/ /thabs kyis gar thabs bskyod pa yis/ /gnyis med sbyor ba phul ba yin/ /mi bzung gtong bas gtong ma yin/ /bya ba med pa'i las rnams te/ /mi rtog ye shes bgegs
54a6 bsal nas/ /ma gsungs mnyam gzhag sngags tshig go /bla ma mchod dang gtong ba dang / /de bzhin bsod nams thams cad kyang / /ma chags mi g.yo'i stobs med
54a7 na/ /byas na 'ching ba chen por 'gyur/ /de bas de lung de nyid la/ /de la de sbyar sgrib par 'gyur/ /de ltar de la de rtog na/ /de la de nyid grub pa med/ /ces gsungs so/ /byang
54b1 chub kyis sems kun byed rgyal po las/ rdo rje sems dpa'i rang bzhin mi nub pa'i rgyal mtshan gyi le'u ste sum cu pa'o// //de nas byang chub kyi sems kun
54b2 byed rgyal po des kun byed kyi rang bzhin bya med rdzogs pa lhun gyis grub pa 'di gsungs/ kye sems dpa' chen po nyon cig /sna tshogs rang bzhin mi gnyis kyang / /cha shas
54b3 nyid du spros dang bral/ /ji bzhin pa zhes mi rtog kyang / /rnam par snang mdzad kun tu bzang / /zin pas rtsol ba'i nad spangs te/ /lhun gyis gnas pas bzhag pa yin/ /zhes
54b4 gsungs so/ /byang chub kyi sems kun byed rgyal po las/ rdo rje tshig drug gi le'u ste sum cu gcig pa'o// //de nas byang chub kyi sems kun byed rgyal po des
54b5 sems dpa' rdo rje la ma byas don grub kyi lung nges pa tshig bzhi'i le'u 'di gsungs so/ /kye/ sems dpa' chen po 'di ltar don rig gis/ /ji ltar snang ba de bzhin nyid
54b6 du gcig /'di la su yang 'chos par ma byed cig /ma bcos mnyam pa'i rgyal po de la ni/ /mi rtog chos sku'i dgongs pa de la gnas/ /zhes gsungs so/ /byang chub kyi
54b7 sems kun byed rgyal po las/ nges pa tshig bzhi'i le'u ste sum cu rtsa gnyis pa'o// //de nas byang chub kyi sems kun byed rgyal po de nyid las byung ba'i chos
55a1 @#/ /nyid de nyid kyi rig pa'i ye shes sems dpa' rdo rje zhes bya ba/ chos thams cad rig par byed pa'i rgyal po rang 'byung gi ye shes de la nyid kyi rang
55a2 bzhin rtogs par dka' ba 'di bstan to/ /kye sems dpa' chen po/ yid kyi dbang pos sgra rtogs shig /sgra yis don de rtogs rigs byos/ /kun gyi gnas ni chos kyi
55a3 dbyings yin na/ /dbyings kyi sgra don ji ltar rig par byed/ /kun gyi lung yul nam mkha'i khams 'di la/ /nam mkha'i sgra don ji ltar rig par byed/ /mngon du gsal
55a4 ba 'byung ba lnga yin na/ /mngon du snang ba'i don ni ji ltar rig /de las byung ba'i khams gsum sems can ni/ /de yi don ni ji ltar rig par byed/ /rig pa'i rgyal pos nyid phyir
55a5 nga la nyon/ /zhes gsungs so/ /kye/ ston pa'i ston pa kun byed rgyal po lags/ /khyod kyi rang bzhin shin tu rtogs dka' ba/ /rnam bzhi bstan pa'i sgra yis bdag gis
55a6 rtogs/ /dbyings kyi sgra yis 'byed pa med par rtogs/ /nam mkha'i sgra yis ma bsgribs gsal bar rtogs/ /'byung ba'i sgra yis kun gyi snying por rtogs/ /sems
55a7 can sems kyis sgra don de rig byed/ /de rig kun byed shin tu rtogs dka' rig /kun byed nyid las gzhan zhes bstan pa med/ /ces gsungs so/ /de nas kun byed rgyal
55b1 pos rig pa'i rgyal po la slar gsungs pa/ nga yi rang bzhin rtogs dka' 'di rig na/ /chos kyi mdo rtsa yan lag kun rig gis/ /rig pa'i rgyal po zhes su mtshan yang
55b2 btags/ /kye/ byed pa'i rgyal po kun byed byang chub sems/ /khyod kyi rang bzhin 'di lta chos nyid 'di/ /sems dang ye shes chos nyid rig pa ste/ /de yi rang bzhin bdag gis
55b3 'di ltar mthong / /sems nyid spros bral sgra ni chos nyid sgra/ /sems nyid ma bsgribs sgra ni nam mkha'i khams/ /sems nyid ngo bo snying po 'byung ba'i sgra/ /rig pa so sor rtog
55b4 pa sems can sems/ /sems kyi rang bzhin las ni gzhan med de/ /kun byed rgyal po sems las gzhan med do/ /ces gsungs so/ /kye sems dpa' chen po/ nga yi rang
55b5 bzhin de rig na/ /kun byed nga yi rang bzhin rig pa yin/ /nga rig gcig rig kun rig thams cad rig /sems dpa' chen po rdo rje khyod la ni/ /rig pa'i rgyal po zhes su ming
55b6 btags so/ /kye/ rig pa'i rgyal pos de ltar rig gyur na/ /nga las byung ba'i ston pa sku gsum gyis/ /bstan pa'i theg pa rnam pa gsum byung nas/ /rgyu las 'bras bu 'dod
55b7 pa gsum gyis ni/ /bya ba'i las ni lta spyod sna tshogs kyis/ /'bras bu gsum ni gang dang gang sgrub pa/ /rig pa'i rgyal pos chos de ji ltar rig /ces gsungs so/ /rig
56a1 @#/ /pa'i rgyal pos slar gsungs pa/ /kye/ kun byed rgyal po khyod las byung ba yi/ /sku gsum ston pa khyod kyi ngo bo gsum/ /de gsum bstan pa rnam gsum
56a2 khyod kyi ldem dgongs te/ /rig pa so so'i sems la ldem dgongs bstan/ /de dag gang la dgongs nas ldem po bsten/ /mi 'phro zhi gnas tshol la dgongs pa'i phyir/ /rang
56a3 re gang 'thad yul la ldem du gzhug /sku gsum ston pa drang lung ston pa des/ /la las sa dang lam gyi 'bras bu bstan/ /la las dngos min chu zla'i 'bras bu bstan/ /la las
56a4 nyid kyis nyid bsgrub 'bras bu bstan/ /sku gsum bstan pa ldem dgongs lung bstan te/ /nges par ma bstan drang ba'i lung bstan te/ /mi 'phro zhi gnas tshol ba'i ting
56a5 'dzin yin/ /rgyu 'bras theg chen drang ba'i lung du bstan/ /zhes gsungs so/ /kye/ rig pa'i rgyal po sems dpa' rdo rje nyon/ /don dam nges pa'i lung zhes bstan pa ni/ /rig
56a6 pa'i rgyal pos rig gam bstan du med/ /mi gnas dmigs par bya ba'i yul ma yin/ /mi rtog rtog las 'das pa'i rang bzhin la/ /ting 'dzin mi bsgom bsam pa'i
56a7 yul dang bral/ /'dod pa'i sems med blang ba'i 'bras bu med/ /mi rtog ji bzhin pa ru gnas pa des/ /lam la ma bgrod sangs rgyas sa ru phyin/ /rig pa ma sbyangs rang
56b1 'byung ye shes rnyed/ /phrin las ma btsal rang bzhin lhun gyis grub/ /dam tshig mi sdom rang bzhin rnam par dag /yul dang dbang po de bzhin nyid du gsal/ /sangs rgyas
56b2 sems can gnyis su ma mthong ste/ /de bzhin nyid du thams cad gcig par mthong / /de bzhin nyid la gcig dang du ma med/ /ma byung ma skyes pa yi snying po la/ /sgros kyis
56b3 btags pa'i tha snyad ga la yod/ /kye/ sems dpa' chen po rig pa'i rgyal/ /sangs rgyas sems can snang srid snod bcud kun/ /kun byed nga yi rang bzhin sgros skur bral/ /nga yi
56b4 rang bzhin de bzhin nyid gcig la/ /sku gsum ston pas so sor bstan pa yang / /de bzhin nyid la drang ba'i lung bstan yin/ /zhes gsungs so/ /byang chub kyi sems kun byed
56b5 rgyal po las/ nges pa'i lung dang / drang ba'i lung bstan pa'i le'u ste sum cu rtsa gsum pa'o// //de nas byang chub kyi sems kun byed rgyal po des sangs rgyas
56b6 thams cad kyi dgongs pa nyid la 'dus pa'i mdo 'di gsungs so/ /kye/ rtogs pa'i rgyal po sgra nyon cig /kun byed rgyal po nga yis ni/ /dus gsum sangs rgyas thams cad
56b7 kyi/ /dgongs pa'i don ni nga la 'dus/ /nga yi rang bzhin 'di la ni/ /sku 'dus gsung 'dus dgongs pa 'dus/ /nga yi sgra nyon dgongs 'dus gyis/ /zhes gsungs so/ /kye/
57a1 @#/ /ston pa kun byed rgyal po lags/ /chos kyi sku dang longs spyod rdzogs/ /kun bzang rdo rje sems dpa' dang / /rnam gzigs gtsug tor la sogs te//
57a2 rabs bdun shAkya thub pa dang / /stong rtsa gnyis kyi sangs rgyas dang / /lhun gyis grub dang rdul snyed kyi/ /dgongs pa khyod la 'dus lags sam/ /zhes zhus so/ /de nas kun
57a3 byed rgyal po sa yin pa'i sgra brjod pa/ /kye/ rtogs pa'i rgyal po de nyon cig /ho ho yin pa'i sgra brjod de/ /dpe dang don dang rtog gsum gyis/ /dgongs pa 'dus pa'i don
57a4 bstan pa/ /nga yi rang bzhin nam mkha' 'dra/ /nga yi don ni chos nyid yin/ /nga yi ngo bo byang chub sems/ /kye/ nga ni ma bsgribs rtog pa med/ /rtog med nam mkha' chos kyi
57a5 sku/ /nga ni mi rtog blang dor med/ /blang dor med de nam mkha' 'dra/ /nam mkha' blang dor med pa bzhin/ /kun tu bzang la blang dor med/ /blang dor med pa nga las 'dus/ /
57a6 kye sems dpa' chen po nyon cig /kye/ nga ni ma skyes nam mkha' 'dra/ /ma skyes pa yin nam mkha' bzhin/ /rdo rje sems la skye ba med/ /skye med dgongs pa nga la 'dus/ /
57a7 rnam gzigs rabs bdun shAkya thub/ /stong rtsa gnyis dang rdul snyed dang / /lhun grub sangs rgyas thams cad kyang / /dgongs pa nam mkha'i rang bzhin te/ /skye med mi
57b1 rtog blang dor med/ /dpe yis nga la 'das par bstan/ /kye sems dpa' chen po nyon cig /kye/ gong shad sangs rgyas thams cad kyi/ /dgongs pa don gyis 'dus pa ni/ /kun
57b2 byed rgyal po 'i rang bzhin ni/ /skye ba med par bstan pa bzhin/ /sangs rgyas kun la skye med pas/ /skye med chos nyid 'dus par bstan/ /kun byed rgyal po'i rang bzhin la/ /
57b3 chos nyid 'gag pa med pa bzhin/ /gong bshad sangs rgyas thams cad kyi/ /chos nyid la ni 'gag pa med/ /des na chos nyid 'dus par bstan/ /kye sems dpa' chen po
57b4 nyon cig /rtags kyis 'dus par bstan pa ni/ /rtags ni kun rtags byang chub sems/ /kun byed rgyal po sems kyis ni/ /chos kyi sku dang kun tu bzang / /rdo rje sems la
57b5 sogs pa yi/ /dus gsum sangs rgyas ma lus pa'i/ /snying po rtags ni sems su 'dus/ /des nad dpe don gsum du 'dus/ /kye/ kun byed rgyal po nga la ni/ /spyi 'dus
57b6 sgo 'dus dgongs pa 'dus/ /spyi 'dus dpe don rtogs 'dus la/ /sgo 'dul rnam pa lnga 'dus te/ /chos sku dgongs pa 'dus pa ni/ /mi rtog mnyam pa nyid 'dus la/ /
57b7 mi g.yo cho 'phrul 'byin par nus/ /longs spyod sku yi dgongs 'dus pa/ /mngon sum rang bzhin snang ba dang / /'dod pa tshogs pas 'byin par 'dus/ /kun bzang
58a1 @#/ /dgongs pa 'dus pa ni/ /ji ltar snang ba thams cad kun/ /bzang ngan blang dor med pa ru/ /kun byed mngon du phyung bar 'dus/ /rdo rje sems
58a2 dgongs 'dus pa ni/ /ma skye mi 'gag dgongs pa 'dus/ /rabs bdun shAkya thub pa dang / /stong rtsa gnyis dang rdul snyed dang / /sku gsung thugs kyis don mdzad pa'i/ /
58a3 byung yang sku gsung thugs las byung / /sku gsung thugs kyi chos nyid la/ /sku gsung thugs kyis don mdzad tshul/ /de yang kun byed nyid du 'dus/ /chos kyi dbyings kyi
58a4 pho brang na/ /nga ru ma 'dus gcig kyang med/ /nam mkha'i khams kyi gzhal yas na/ /nga ru ma 'dus gcig kyang med/ /ces gsungs pas der sems dpa' rdo rje
58a5 sdangs te brgyal lo/ /der brgyal sangs nas zhus pa/ /kye/ 'dus pa'i rgyal po de nyon cig /byas pa'i chos dang kun 'dus na/ /ma byas pa yang kun 'dus sam/ /ma
58a6 byung ba yang kun 'dus sam/ /chos kyi dbyings dang nam mkha'i khams/ /mu stegs phyin ci log lta ba/ /rtag chad gnyis su lta ba yang / /khyod kyi ma nor dgongs yin na/ /
58a7 sangs rgyas sems can ci la gdags/ /mu stegs sangs rgyas ci la rgya/ /zhes gsungs so/ /de nas byang chub kyi sems kun byed rgyal po thams cad 'dus pa'i rgyal
58b1 po des bka' stsal pa/ /kye sems dpa' chen po nyon cig /nga yi rang bzhin rtogs 'gyur na/ /kun kyang 'dus par yid ches na/ /sems dpa' chen po khyod kyis ni/ /nga yi rang
58b2 bzhin rtogs mi 'dra/ /rtogs mi 'dra bas yid mi ches/ /kun byed byang chub sems rtogs shig /kun byed byang chub sems rtogs na/ /rang 'byung byang chub sems de yis/ /rtag
58b3 chad gnyis kyi mtha' bsal te/ /ma skyes gzung 'dzin bral ba yis/ /rtag pa'i dngos po mtha' bsal la/ /rang 'byung ye shes 'gyur med pas/ /med pa chad pa'i mtha'
58b4 yang bsal/ /mu zhes bya ba chos kyi dbyings/ /stegs zhes bya ba rtogs pa'i gnas/ /sangs rgyas sems can gnyis mthong ba/ /kun byed byang chub sems mthong / /
58b5 zhes gsungs so/ /byang chub kyi sems kun byed rgyal po las/ dgongs pa 'dus pa'i lung gi le'u ste sum cu rtsa bzhi pa'o// //de nas byang chub kyi sems kun
58b6 byed rgyal pos nyid kyi bstan pa gzhan gyi spyod yul ma yin pa rdzogs pa chen po'i gzhung rgya 'bras rtsol sgrub las 'das pa 'di bstan te/ kye sems dpa' chen po/ nga yi spyod
58b7 yul 'di ni dka' ba ste/ /sgo dang lta ba dang ni dam tshig dang / /phrin las dang ni bgrod lam gnas pa dang / /ye shes chos nyid rnam pa brgyad po 'di/ /sku gsum theg pa rnam
59a1 @#/ /pa lnga po yi/ /theg pa gzhan dang lta spyod mi mthun te/ /sgo ni btsal du med pa'i sgo nas 'jug /lta ba bsgom du med par bstan pa yin/ /dam tshig
59a2 bsrung du med par bstan pa yin/ /phrin las btsal du med par bstan pa yin/ /lam la bgrod du med par bstan pa yin/ /gnas sa sbyang du med par bstan pa yin/ /
59a3 ye shes mi rtog bskyod pa med pa yin/ /chos nyid ji bzhin bcos su med pa yin/ /kye/ sems dpa' chen po don 'di ni/ /rgyu 'bras theg pa can la bstan 'gyur na/ /
59a4 'jig rten rgyu dang 'bras bu'i chos bzhin du/ /rgyu las 'bras bu 'byung bas mi rigs zer/ /rgyu ni khams gsum sems can las bsgrubs nas/ /'bras bu dus gsum
59a5 sangs rgyas 'byung bar 'dod/ /rgyu ni lta ba bsgom pa byas pa yis/ /gang bsgoms 'bras bu de thob 'dod na/ /bsgom pa de yis 'bras bu thob pa med/ /thams cad
59a6 ji bzhin pa yi chos yin pas/ /ji bzhin pa la 'chos par byed pa ni/ /brdzun gyis bden pa bslus pa sdig re che/ /lta bsgom dam tshig la sogs rtsol bsgrub kyis/ /
59a7 dbang po yul la yengs pa phral nas ni/ /dben pa'i yul la thabs kyis khrid nas ni/ /rtog med mnyam pa'i thibs kyis bstan pa yin/ /zhes gsungs so/ /byang chub
59b1 kyi sems kun byed rgyal po las/ rdzogs pa chen po'i lung bstan pa'i le'u ste sum cu rtsa lnga pa'o// //de nas byang chub kyi sems kun byed rgyal po des chos
59b2 thams cad kyi rang bzhin nyid kyi sku gsung thugs kyi rang bzhin du 'dus pa 'di gsungs so/ /kye sems dpa' chen po/ /nga yi rang bzhin 'di rtogs shig /nga ni byang chub
59b3 sems kyi rang bzhin te/ /byang chub sems ni kun byed rgyal po yin/ /kun byed rgyal po'i rang bzhin sku gsung thugs/ /sku gsung thugs kyis ma byas gcig kyang med/ /
59b4 dus gsum sangs rgyas sku gsung thugs kyis byas/ /khams gsum sems can lus ngag yid gsum yang / /kun byed nga yi sku gsung thugs kyis byas/ /snang srid
59b5 snod bcud bsdus pa thams cad kyang / /ji bzhin ma bcos pa yi chos nyid du/ /kun byed nga yi sku gsung thugs kyis byas/ /zhes gsungs pa dang / sems dpa' rdo
59b6 rjes slar zhus pa/ /kye/ kun byed rgyal po byed pa'i bdag po lags/ /ma rig ma rtogs don dI bshad du gsol/ /ji ltar byas pa bdag la bshad du gsol/ /zhes
59b7 zhus pas/ kye/ sems dpa' chen po nyon cig /nga ni sku gsung thugs kyi rang bzhin/ /sku ni chos nyid mngon du phyung ba des/ /kun bzang rol pa rmad du byung ba byas
60a1 @#/ /gsung gi sgra tshig mngon du bsgrags nas ni/ /don gyi chos nyid tshig gis go bar bstan/ /thugs ni rang 'byung ye shes 'gag med kyis/ /ston
60a2 pa ye shes sgron ma byas nas ni/ /chos nyid don gyi ngo bo ma nor ston/ /kye/ sems dpa' chen pos don 'di rtogs par gyis/ /snang srid snod bcud de ltar snang ba las/ /nga
60a3 la sku yi ngo bo gzhan med pas/ /rang gi ngo bos 'chad cing ston pa yin/ /sems dpa' chen po khyod kyis kyang / /ma rtogs gzhan la khyod kyis lung ston cig /kye/ sems
60a4 dpa' chen po nyon cig /sa chu me rlung nam mkha'i sgra grag dang / /rgyud drug sems can rnams kyi sgra tshig 'di/ /kun byed nga yi gsung las gzhan med pas/ /tshig sgra don
60a5 gyis bsdebs bshad de la bya/ /kye/ sems dpa' rdo rje khyod kyis kyang / /ma rtogs gzhan la khyod kyis lung ston cig /kye sems dpa' chen po nyon cig /khams gsum
60a6 rgyud drug sems can thams cad dang / /'byung chen lnga yi mi rtog mnyam nyid dang / /chos nyid mi skye yi rtog mi 'gag ste/ /kun byed nga yi thugs su de las med/ /sems
60a7 dpa' chen po rdo rje khyod kyis ni/ /ma rtog gzhan la khyod kyis lung ston cig /sems dpa' chen pos 'di lung ma bstan na/ /nga yi rang bzhin shin tu mi rtogs te/ /ma
60b1 rtogs nga dang phrad par mi 'gyur na/ /dus gsum sangs rgyas rnams kyi gdung 'tshob pa/ /khams gsum gnas pa'i sems can thams cad dang / /la dgu lung dgu rgal
60b2 ba'i sa bcu dang / /tshe la dbang sgyur phyag rgya lhun gyis grub pa dang / /rig 'dzin gsum la sogs pa'i gdung 'tshob kyis/ /kun byed nga dang yun du phrad mi 'gyur/ /kun byed nga
60b3 dang yun du ma phrad na/ /khams gsum rgyud drug gnas pa'i sems can gyis/ /rang gi gang bzhin rang gis ngo mi shes/ /sa bcu gnas pa'i byang chub sems dpa' yis/ /
60b4 grangs med pa yi bskal pa gsum bgrangs kyang / /kun byed nga dang phrad par yong mi 'gyur/ /des kyang rang gi rang bzhin shes mi 'gyur/ /lus la dbang sgyu rig 'dzin
60b5 gsum gyis kyang / /lus kyis sangs rgyas longs sbyod sku bzung nas/ /yid kyi dbang po rang sems mthong med lta/ /des kyang kun byed rgyal po nga dang ni/ /rang gi rang
60b6 bzhin gnyis med de mi mthong / /ma mthong bar du tshi chad nad kyis zin/ /de bas nga yi rang bzhin lung ston cig /ces gsungs so/ /byang chub kyi sems kun byed rgyal
60b7 po las/ sku gsung thugs su 'dus pa'i le'u ste sum cu rtsa drug pa'o// //de nas byang chub kyi sems kun byed rgyal po des rdzogs pa chen po'i chos nyid
61a1 @#/ /bsgom du med pa 'di bstan to/ /kye/ sems dpa' chen po rdo rje la sogs te/ /rig 'dzin gyi ni sa la gnas pa dang / /sa la gnas pa'i byang
61a2 chub sems dpa' dang / /khams gsum sems can dus la bab pa yi/ /kun gyi don chen kun byed nga yin gyi/ /nga yi rang bzhin chos nyid byang chub sems/ /chos nyid
61a3 sems la bsgom med rtogs par gyis/ /rgyu 'bras ston pa'i sku gsum ston pas ni/ /nga yi rang bzhin chos nyid bsgom med la/ /'jig rten rgyu 'bras chos dang don
61a4 mthun par/ /rgyu las 'bras bu 'byung bar lung bstan nas/ /bsgom pa'i lung ni 'di ltar so sor bstan/ /chos nyid byang chub sems gcig ngo bo la/ /sdug bsngal
61a5 kun 'byung bden pa rnam pa bzhis/ /sdug bsngal kun 'byung ngan song rgyu zer na/ /chos nyid byang chub sems de spong bar byed/ /de yis chos nyid mi mthong spangs pa yin/ /
61a6 chos nyid byang chub sems kyi ngo bo la/ /don dam kun rdzob bden pa rnams gnyis kyis/ /sbyin dang tshul khrims pha rol phyin pa bcus/ /sa bcu lam la sbyangs te bgrod pa
61a7 yis/ /chos nyid ma mthong sbyong ba'i sa la gnas/ /chos nyid byang chub sems kyi ngo bo la/ /gza' dang rgyu skar dus tshigs bzang sgo nas/ /byang chub lnga dang cho 'phrul chen
61b1 po bzhis/ /'di ltar snang ba'i chos rnams thams cad la/ /byin gyis brlabs nas lha yi skur bsgom pa/ /de yis rang sems bsgom med mthong ba min/ /chos gcig byang
61b2 chub sems kyi ngo bo la/ /ting 'dzin gsum dang cho ga rnam pa lngas/ /rang rgyud dag pa'i rdo rje phung po la/ /bsnyen sgrub rnam pa bzhi yi lha bsgoms nas/ /snang la rang bzhin med
61b3 pa byed pa ni/ /btsal zhing bsgrubs nas rang sems lhar bcos pas/ /des kyang rang sems bya med mthong ba min/ /rang gi chos nyid byang chub sems la ni/ /kun byed rgyal po
61b4 ston pa'i ston pas kyang / /rang sems ye nas chos nyid grol ba la/ /ston pa gsum la bsgom pa'i lung ma bstan/ /sgom sgrub btsal na rang sems spangs pa yin/ /zhes
61b5 gsungs so/ /kye/ sems dpa' chen po rang sems grub 'dod na/ /'dod pa med pas grub pa yin pa'i phyir/ /rtog med mnyam pa nyid la gnas mi byed/ /blang dang dor med
61b6 yul la rang bzhin gnas/ /g.yos pa med pa'i ngang la ngang gis gnas/ /sems ni ji bzhin pa yi ngo bo de/ /chos rnams thams cad de bzhin nyid du grub/ /ji bzhin pa la
61b7 'chos par ma byed cig /ngo bo nyid las gzhan du ma sgrub cig /rang nyid yin gyis gzhan du ma tshol cig /btsal na rgyal bas dbyings nas rnyed mi 'gyur/ /sngar byas zin pas
62a1 @#/ /da ni byed mi bdog /sngar grub zin pas da grub mi byed par/ /mi rtog cir mi dgongs la mnyam par zhog /kye sems dpa' chen po nyon cig /snga rabs
62a2 'das pa'i sangs rgyas rnams kyis kyang / /rang gi sems las gzhan du chos btsal med/ /ji bzhin pa la 'chos par byed ma myong / /ting 'dzin rnam par rtog pa bsgom ma
62a3 myong / /rang sems mi rtog pa yis grub pa yin/ /da ltar bzhugs dang slad kyis byon pa yang / /rtog med mnyam pa nyid kyis grub par 'gyur/ /zhes gsungs so/ /byang
62a4 chub kyi sems kun byed rgyal po las/ bsgom du med pa'i mdo lung gi le'u ste sum cu rtsa bdun pa'o// //de nas byang chub kyi sems kun byed rgyal po des
62a5 'khor gyi ston pa'i bstan pa gol sa dang / sgrib par gyur pa 'di bstan to/ /kye sems dpa' chen po nyon cig /'khor gyi ston pa rnam gsum gyi/ /bstan pa gsum ni
62a6 gol sgrib ste/ /de yang ji lta bu zhe na/ /nges pa thob pa'i theg pa drug /rdzogs pa chen po'i gol sar bstan/ /de yang ji lta bu zhe na/ /byang chub sems dpa'i mdo sde ni/ /kun tu
62a7 'od kyi sa 'dod pa/ /bden pa gnyis kyi rtogs dpyod kyis/ /chos nyid stong pa nam mkhar 'dod/ /a ti yo ga'i bde chen ni/ /rtog dpyod 'das pa'i byang chub sems/ /rtog
62b1 dpyod 'das la mdo sdes bsgribs/ /rdzogs chen rtog dang dpyod pa ni/ /mdo sde dag tu gol bar bshad/ /kri ya rdo rje 'dzin 'dod pa/ /dag pa rnam gsum sgor zhugs nas/ /
62b2 gzung 'dzin dag pa'i yul la gnas/ /a ti yo ga'i bde chen ni/ /gzung 'dzin 'das pa'i byang chub sems/ /gzung 'dzin 'das la kri yas bsgribs/ /rdzogs chen
62b3 gzung dang 'dzin byed pa/ /kri ya dag tu gol bar bshad/ /u pa ya yi lta spyod ni/ /kri ya spyod cing yo ga sgrub/ /lta spyod 'brel pa'i don med pas/ /gnyis su med pa'i don
62b4 ma rtogs/ /a ti yo ges bde chen ni/ /gnyis su med pa'i byang chub sems/ /gnyis su med pa'i las u pas bsgrigs/ /rjogs chen gnyis su 'byed pa ni/ /u pa ya ru gol/
62b5 bar bshad/ /yo ga stug po bkod 'dod pa/ /mtshan ma yod med sgor zhugs nas/ /phrag rgya gzhi la gtsor byed de/ /blang dor med la 'jug mi nus/ /a ti yo ga'i/
62b6 bde chen ni/ /blang dor med pa'i byang chub sems/ /blang dor med la yo gas bsgribs/ /rdzogs chen blang dang dor byang pa/ /yo ga dag tu gol bar bshad/ /ma hA rdo rje/
62b7 'chang 'dod pa/ /thabs dang shes rab sgor zhugs nas/ /rang rgyud dag pa'i dkyil 'khor la/ /brnyen sgrub rnam bzhi sgrub par byed/ /a ti yo ga bde chen ni/ /rtsol
63a1 sgrub 'das pa'i byang chub sems/ /rtsol sgrub 'das la ma hA sa bsgribs/ /rdzogs chen rtsol sgrub byed pa ni/ /ma hA yo gar gol bar bshad/ /a nu dbye
63a2 med sa 'dod pa/ /dbyings dang ye shes sgor zhugs nas/ /'di ltar snang ba'i chos rnams la/ /rgyu ni dag pa'i dbyings lta ba/ /'bras bu ye shes dkyil 'khor lta/ /a ti yo
63a3 ga'i bde chen ni/ /rgyu 'bras 'das pa'i byang chub sems/ /rgyu 'bras 'das la a nus bsgribs/ /rdzogs chen rgyu 'bras gnyis lta na/ /a nu yo gar gol bar bshad/ /
63a4 lta spyod gnyis kyi gol sgrib ba bstan/ /kye sems dpa' chen po/ /rdzogs pa chen po'i lta spyod ni/ /rgyu 'bras sgrub dang mi 'dra ste/ /lta spyod byang chub sems de ni/ /nam
63a5 mkha' lta bu'i rang bzhin te/ /nam mkha' la ni rtog dpyod 'das/ /gang zhig rtog dpyod byed pa des/ /byang chub nam mkha' bzhin du 'grub/ /rtog dpyod gnyis byung
63a6 gol sgrib bo/ /lta spyod nam mkha'i rang bzhin la/ /gang zhig gzung dang 'dzin byed pas/ /byang chub nam mkha' de mi 'grub/ /gzung 'dzin gnyis byung gol sgrib bo/ /
63a7 lta spyod rnam pa gnyis byung nas/ /nam mkha' gnyis su med pa bzhin/ /byang chub la ni gnyis su med/ /gang zhig gnyis su byed pa des/ /byang chub nam mkha' de mi
63b1 'grub/ /lta spyod gnyis byung gol sgrib bo/ /byang chub nam mkha'i rang bzhin de/ /nam mkha' la ni blang dor med/ /gang zhig blang dor byed pa des/ /byang chub nam mkha'i de mi 'grub/ /
63b2 blang zhing dor ba gol sgrib po/ /byang chub nam mkha'i rang bzhin de/ /nam mkha' la ni rtsol sgrub med/ /gang zhig rtsol sgrub byed pa des/ /byang chub nam mkha' de mi 'grub/ /rtsol
63b3 zhing sgrub pa gol sgrib po/ /byang chub nam mkha'i rang bzhin de/ /nam mkha' la ni rgyu 'bras med/ /gang zhig rgyu 'bras gnyis lta bas/ /byang chub nam mkha' de mi 'grub/ /rgyu
63b4 'bras lta ba gol sgrib bo/ /kye sems dpa' chen po/ chos kun nam mkha'i rang bzhin te/ /nam mkha' la ni rang bzhin med/ /nam mkha' la ni dpe yang med/ /nam mkha'
63b5 la ni tshad kyang med/ /chos rnams thams cad ma lus pa'i/ /don ni 'di ltar shes par bya/ /kye sems dpa' chen po 'di rtogs shig /theg pa re la lta ba re/ /lta ba'i yul ni
63b6 gzhan med de/ /chos nyid byang chub sems 'di la/ /gzhan du lta ba'i yul med pas/ /lta ba zhes lta nor bar bshad/ /theg pa re la dam tshig re/ /byang chub lam gyi skyel
63b7 ma byed/ /byang chub gzung 'dzin med pa'i phyir/ /gzhan du bsrung du med pa'i phyir/ /dam tshig la yang bsrung du med/ /theg pa re la phrin las re/ /byang chub lam gyi stong grogs
64a1 byed/ /byang chub lhun gyis grub pa'i phyir/ /phrin las btsal du med pa yin/ /las kyis lhun gyis grub 'gyur med/ /theg pa re la gnas sa re/ /byang
64a2 chub lam gyi gzhi rten byed/ /rdzogs chen byang chub sems sa la/ /dus gsum sangs rgyas thams cad dang / /sku gsum ston pa bzhugs pa dang / /khams gsum
64a3 sems can ma lus dang / /snang srid snod bcud gnas pa'i phyir/ /sa la sbyangs shing bgrod du med/ /theg pa re la chos nyid re/ /rdzogs chen chos nyid byang chub sems/ /
64a4 sems las ma gtogs chos med pas/ /theg pa'i chos kun byang chub sems/ /rdzogs chen rang 'byung ye shes ni/ /yul la rtog par mi byed de/ /mi rtog mi bskyod ye
64a5 shes so/ /zhes gsungs so/ /byang chub kyi sems kun byed rgyal po las lta spyod kyi gol sgrib bstan pa'i le'u ste sum cu rtsa brgyad pa'o// //de nas byang
64a6 chub kyi sems kun byed rgyal po des nyid kyi rang bzhin thams cad la gol sa dang sgrib pa med pa rgyal ba'i snying po yin pa 'di gsungs so/ /kye sems dpa' chen po nyon
64a7 cig /nga ni kun gyi byang chub sems/ /des na kun gyi snying por bshad/ /sku gsum ston pa rnam gsum dang / /dus gsum sangs rgyas bzhugs pa dang / /khams gsum
64b1 sems can thams cad dang / /snang srid snod bcud thams cad la/ /'byung ba'i snying po nga las med/ /de yang ji lta bu zhe na/ mi rtog mnyam pa de nyid las/ /skye ba med
64b2 pa'i chos sku byung / /rang gi ngo bo de nyid las/ /'dod pa longs spyod rdzogs sku byung / /thugs rje byang chub chen po las/ /sprul pas 'gro ba'i don mdzad byung / /dus
64b3 gsum sangs rgyas thams cad dang / /sngar 'das pa yi sangs rgyas kyis/ /rang 'byung ye shes sems nyid de/ /mi rtog rtogs nas sngar sangs rgyas/ /da ltar mi rtog ngang la
64b4 bzhugs/ /da ltar bzhugs pa'i sangs rgyas kyang / /rang 'byung ye shes sems nyid de/ /mi rtog pas ni 'gro don mdzad/ /slad nas byon pa'i sangs rgyas rnams/ /
64b5 byang chub rang 'byung ye shes de/ /mi rtog pa yi lung bstan nas/ /'gro ba'i don la 'byung bar nges/ /rig 'dzin dang ni sa pa rnams/ /rang 'byung byang chub sems de ni/ /
64b6 bltas pas mthong ba ma yin na/ /rang sems snying po de ru phrad/ /khams gsum sems can thams cad kyi/ /rang 'byung ye shes bkag med pas/ /dbang po yul la
64b7 rig gsal ba/ /ma bcos pa yi byang chub sems/ /de nyid snying po yang dag bshad/ /snang srid snod bcud thams cad kyang / /nga yis ma bskyed gcig kyang med/ /kun
65a1 rgyu nga las ma byung med/ /des na kun gyi snying por bshad/ /nga ni kun las rgyal ba ste/ /sku gsum las kyang nga rgyal la/ /sangs rgyas gsum
65a2 las nga rgyal lo/ /rig 'dzin byang chub sems dpa' dang / /khams gsum gnas pa'i sems can dang / /snang srid snod bcud thams cad kun/ /byed pa nga yin
65a3 kun las rgyal/ /kun byed byang chub sems nga yis/ /bstan pa kun gyi sngon rol du/ /byang chub sems kyi bstan pa bkod/ /byang chub sems kyi bstan pa 'di/ /kun
65a4 gyis dgod par mi nus te/ /de yang ji ltar dgod ce na/ /chos la bya ru med pa'i phyir/ /btsal ba med pa'i sgo nas 'jug /byang chub sems las med pa'i phyir/ /byang
65a5 chub sems kyi chos nyid la/ /sems kyis bsgom du med pa'i phyir/ /lta ba bsgom du med pa bkod/ /gzung 'dzin 'das pa'i chos nyid la/ /dam tshig bsrung du med
65a6 pa dgod/ /ye nas lhun gyis grub pas na/ /phrin las btsal du med pa bkod/ /byang chub sems la kun gnas pas/ /sa la sbyang du med pa bkod/ /byang chub sems
65a7 ni bgrod pa'i gnas/ /sems kyi sa la bgrod med pas/ /lam la bgrod du med par bstan/ /chos nyid byang chub sems yin pas/ /chos nyid gzhan du lta mi byed/ /
65b1 ye shes rang 'byung ye shes te/ /yul la rtog pa'i ye shes min/ /kun byed byang chub sems nga ni/ /lta spyod kun las rgyal ba dang / /byed pa'i snying po yin pa'i phyir/ /rgyal
65b2 ba'i snying po zhes su bshad/ /ces gsungs so/ /byang chub kyi sems kun byed rgyal po las rgyal ba'i snying po'i le'u ste sum cu rtsa dgu pa'o// //de nas byang
65b3 chub kyi sems kun byed rgyal po des byang chub kyi sems nyid kyi rang bzhin bstan pa 'di gsungs so/ /kye sems dpa' chen po nyon cig /bdag gi bstan pa 'di bkod
65b4 pas/ /dus gsum sangs rgyas thams cad dang / /rig 'dzin byang chub sems dpa' dang / /khams gsum sems can thams cad kun/ /rtsol dang sgrub pa ma byas par/ /
65b5 ye nas sangs rgyas lung bstan pas/ /'khor gyi ston pa rnam gsum gyi/ /rtsol sgrub byed pa'i brtan pa gsum/ /gol sa sgrib pas zhig par 'gyur/ /zhes gsungs so/ /
65b6 de nas sems dpa' rdo rjes slar zhus pa/ kye ston pa kun byed rgyal po lags/ /khyod kyi bstan pa byang chub sems/ /byang chub sems 'di sangs rgyas na/ /khams gsum
65b7 sems can sangs rgyas sam/ /khams gsum sems can sangs rgyas na/ /khams gsum gnas su ci ste 'khor/ /zhes zhus so/ /de nas byang chub kyi sems kun
66a1 @#/ /byed rgyal pos slar gsungs pa/ kye/ sems dpa' chen po 'di nyon cig /byang chub sems las byung ba yi/ /ji ltar snang ba'i chos rnams
66a2 kun/ /chos nyid mngon du byung ba ste/ /de bzhin nyid du gcig pa yi/ /chos nyid yul ni lnga snang la/ /'dod mi 'dod ni lnga lnga las/ /nyon mongs sdug bsngal
66a3 skye zer nas/ /chos nyid yul lnga spong byed pa/ /rang 'byung ye shes snang ba de/ /bskal pa gsum du mi spong bas/ /khams gsum gnas su 'khor ba yin/ /de bzhin
66a4 nyid du gcig pa yi/ /chos nyid yul ni lnga snang la/ /'dod dang mi 'dod lnga snang la/ /'khor ba'i rgyu ni yin zer nas/ /chos nyid lnga po 'gegs par byed/ /rang 'byung
66a5 ye shes snang ba de/ /bskal pa du mar mi khegs pas/ /khams gsum gnas su 'khor ba yin/ /de bzhin nyid du gcig pa yi/ /chos nyid yul ni lnga snang la/ /
66a6 'dod dang mi 'dod lnga yul byung / /chags pa'i gnas ni yin zer nas/ /chos nyid lnga po sbyong bar byed/ /rang 'byung ye shes snang ba de/ /bskal pa yun du mi spyod
66a7 pas/ /khams gsum gnas su 'khor ba yin/ /chos nyid mngon du byung ba yi/ /de bzhin nyid du gcig pa yi/ /chos nyid yul ni lnga snang la/ /'dod dang mi 'dod
66b1 lnga byung bas/ /byin brlabs gnas ni min zer nas/ /phyi nang dag par byin gyis rlob/ /chos nyid lnga po dag par byed/ /rang 'byung ye shes snang ba de/ /mi tshe bdun du byin
66b2 mi rlob/ /khams gsum gnas su 'khor ba yin/ /byang chub sems las byung ba yi/ /chos nyid mngon du phyung ba yi/ /de bzhin nyid du gcig pa las/ /chos nyid yul ni lnga
66b3 snang las/ /'dod dang mi 'dod lnga 'byung ste/ /mtho ris ngan song rgyu zer nas/ /de bzhin nyid la blang dor byed/ /rang 'byung ye shes snang ba de/ /rang gi rkyen gyis dor mi
66b4 btub/ /mi btub dor bar byed pas 'khor/ /byang chub sems las byung ba yi/ /mngon du phyung ba'i chos nyid de/ /de bzhin nyid du gcig pa las/ /chos nyid yul ni lnga
66b5 snang ste/ /'dod dang mi 'dod yul lnga ste/ /sku gsung thugs su shes byas nas/ /sku gsung thugs su gdod sgrub byed/ /ye nas yin la sgrub byed pas/ /sgrub pa nyid
66b6 kyis 'khor ba yin/ /kye/ sems dpa' chen po de bas na/ /byang chub sems spangs pha rol na/ /rang 'byung ye shes ye nas med/ /'khor ba spangs pa'i pha rol na/ /mya
66b7 ngan 'das zhes bya ba med/ /chos can spangs pa'i pha rol na/ /chos nyid bya ba ye nas med/ /thams cad de bzhin nyid du gcig /de bzhin nyid du gcig pa la/ /de bzhin nyid
67a1 @#/ /la bcos pas nor/ /de ni ma nor ba yi ming / /bzhin ni bcos su med pa'i don/ /nyid ni rang gi mtshan nyid bstan/ /de bzhin nyid la 'chos ma
67a2 byed/ /de bzhin nyid la 'chos byed pa/ /byang chub sems la su 'chos pa/ /des ni 'khor ba'i snying po bsgrub/ /ces gsungs so/ /byang chub kyi sems kun byed rgyal po
67a3 las/ byang chub sems kyi rang bzhin bstan pa'i le'u ste bzhi bcu pa'o// //de nas byang chub kyi sems kun byed rgyal po des chos thams cad kyi rang
67a4 bzhin nga yin pa 'di bstan to/ /kye/ sems dpa' dam pa rdo rje khyod/ /nga yi rang bzhin 'di ltar shes par gyis/ /nga ni ston pa'i sgron ma byang chub sems/ /dus
67a5 gsum sangs rgyas kun gyi snying po yin/ /khams gsum sems can kun gyi pha dang ma/ /snang srid snod bcud kun gyi rgyu yang yin/ /nga las ma byung ba ni gcig kyang
67a6 med/ /nga ni mi gnas kun tu khyab pa'i phyir/ /nga ni ye nas dus gsum sangs rgyas yin/ /nga ni mi rtog mnyam par gnas pa'i phyir/ /rtog med mnyam nyid chos sku ye
67a7 sangs rgyas/ /nga yi ngo bo kun tu longs spyod phyir/ /nga nyid longs spyod rdzogs skur ye sangs rgyas/ /nga nyid rang 'byung ye shes snang ba'i phyir/ /nga nyid thugs rje sprul skur
67b1 mngon sangs rgyas/ /des na dus gsum sangs rgyas kun gyi snying por bshad/ /nga yi ye shes byang chub sems snang ba/ /rang 'byung ye shes lnga po rgyud drug sems/ /des na
67b2 khams gsum sems can pha dang ma/ /snang srid snod bcud kun gyi ngo bo yang / /nga yi ngo bor byung ba snang bas na/ /nga nyid ye nas snang ba sangs rgyas yin/ /nga la gnyis
67b3 med gcig tu 'dus pa chu/ /sdung par byed pa sems nyid chu yin no/ /nga ni thams cad mnyam pa drod snyom me/ /kun la mnyam par gnas pas me sangs rgyas/ /nga ni thogs
67b4 med yang zhing g.yo ba yin/ /thogs med g.yo bas rlung du mngon sangs rgyas/ /nga ni ma sgrib kun khyab gsal ba'i phyir/ /nam mkha' zhes ni ming btags sangs rgyas yin/ /
67b5 nga las ma byas pa yi sangs rgyas ni/ /'byung chen srid pas bsdus pa'i chos la med/ /'byung lnga nga yi rang bzhin bstan pa ni/ /gcig la nyi shu rtsa lnga'i rang bzhin tshang / /snang
67b6 bas la sdud pa chu yin te/ /mnyam pa me la g.yo ba rlung du gsal/ /ma sgribs gsal bas nam mkha'i rang bzhin te/ /gcig la nyi shu rtsa lnga tshang ba ni/ /byang chub sems
67b7 kyi che ba'i yon tan bstan/ /chos la gnyis med byang chub sems su gcig /gcig gis kun byas kun byed rgyal pos byas/ /zhes gsungs so/ /byang chub kyi sems kun
68a1 @#/ /byed rgyal po las/ ngo bo gcig pa'i le'u ste bzhi bcu zhe gcig pa'o// //de nas byang chub kyi sems kun byed rgyal po des chos thams
68a2 cad kyi byang chub kyi sems kho nar sangs rgyas pa 'di gsungs so/ /kye sems dpa' chen po nyon cig /kye/ chos kyi sku ni byang chub sems/ /byang chub sems las chos
68a3 kyi sku/ /rdul tsam sus kyang bcos pa med/ /des na sangs rgyas sems las med/ /longs spyod rdzogs sku byang chub sems/ /byang chub sems la longs spyod sku/ /
68a4 sems las byung ba'i gzugs rnams las/ /longs spyod rdzogs las sku gzhan med/ /sprul pa'i sku ni byang chub sems/ /byang chub sems kyi sprul pa las/ /'gro ba'i
68a5 don mdzad gzhan na med/ /dus gsum sangs rgyas thams cad kyang / /byang chub sems las gzhan med de/ /snga rabs 'das pa'i sangs rgyas rnams/ /rang sems
68a6 ma bcos sngar mthong rtogs/ /da ltar bzhugs pa'i sangs rgyas rnams/ /ma bcos pa yi rang sems des/ /ma bcos ji bzhin rtogs gyur nas/ /da ltar 'gro ba'i don
68a7 yang mdzad/ /slad nas byon pa'i sangs rgyas rnams/ /rang 'byung sems nyid 'di la ni/ /sngar bar 'chos par lung ma bstan/ /da ltar ting 'dzin sems mi 'chos/ /ma
68b1 bcos lam du zhugs nas byon/ /ji ltar snang ba'i chos rnams la/ /byang chub sems su ma rtogs te/ /bcos shing bsgrubs pas 'grub mi 'gyur/ /ma rtogs bcos pas grub
68b2 par byed/ /bskal pa du ma'i grangs bgrangs kyang / /mi rtsol bde ba phrad mi 'gyur/ /kye/ sku gsum sems las ma bcos phyir/ /sku gsum ston pa'i mdo lung las/ /'chos
68b3 par byed pa'i don 'byung ba/ /de ni ston pa sku gsum yang / /nyid kyi ston pa rang bzhin ston pa min/ /de bzhin 'chos par byed pa yi/ /ston pas bden tshul ji bstan yang / /
68b4 des lung ma yin drang lung yin/ /zhes gsungs so/ /byang chub kyi sems kun byed rgyal po las/ bcos su med pa'i le'u ste zhe gnyis pa'o// //de nas byang chub
68b5 kyi sems kun byed rgyal po des chos thams cad kyi ston pa nyid yin par zhal gyis bzhes pa 'di gsungs so/ /kye sems dpa' chen po nyon cig /nga ni chos rnams kun gyi ston
68b6 pa ste/ /nga yi rang bzhin rnam pa gsum las ni/ /ston pa yang ni rnam pa gsum du bstan/ /bstan pa yang ni rnam gsum nga yis bstan/ /de 'dzin 'khor tshogs gsum yang
68b7 nga yis bstan/ /ston pa gsum yang gang dang gang zhe na/ /chos kyi rang bzhin ston pa'i ston pa dang / /chos kyi ngo bo ston pa'i ston pa dang / /don gyi sgra tshig ston pa'i ston pa'o/ /
69a1 @#/ /chos kyi rang bzhin ston pa'i ston pa ni/ /skye ba med las byin gyis brlabs phyung ste/ /ji ltar snang ba'i chos rnams thams cad kun/ /chos kyi de
69a2 bzhin nyid du ston par byed/ /chos kyi ngo bo ston pa'i ston pa ni/ /ji ltar snang ba'i chos rnams thams cad kun/ /ston pa nyid kyi sku ru phyung nas ni/ /chos kyi ngo bor de las
69a3 med par ston/ /chos kyi sgra tshig ston pa'i ston pas ni/ /chos rnams kun gyi don ni sgra bsdus nas/ /ma rig mi shes khams gsum sems can la/ /don de sgra dang
69a4 tshig gis bsdebs nas ston/ /des na ston pa'i rang bzhin bstan par bshad/ /de 'dzin 'khor ni rnam pa gsum bstan te/ /shin tu rnal 'byor rtsol sgrub 'das pa'i
69a5 'khor/ /sgor zhugs yid ches sangs rgyas sa la gnas/ /rig 'dzin sa dang dang por bcu pa'i 'khor/ /ma thob nye reg bsgom pa'i sa la gnas/ /sems bskyed mos pa
69a6 spyod pa'i 'khor rnams ni/ /rgyu dges 'bras bu dug 'joms sa la gnas/ /de ni ston pa gsum gyi 'khor du bstan/ /kye/ ston pa'i ston pa kun byed rgyal po lags/ /ston
69a7 pa gsum dang 'khor tshogs de ltar na/ /bstan pa rnam gsum ji ltar bstan par bgyi/ /zhes zhus pas/ kye sems dpa' chen po nyon cig /chos kyi sku yi bstan pa de
69b1 bzhin nyid bstan te/ /de bzhin nyid la rnam pa dbye ru med/ /ji ltar snang ba'i chos rnams thams cad kun/ /sems kyi ngo bo yin pas de bzhin nyid/ /de la gang su sgom zhing
69b2 'chos byed pa/ /de yis chos sku bstan pa rtogs pa med/ /snang ba med pa'i chos nyid byang chub la/ /ma nor de bzhin nyid du ma rtogs te/ /de la gang su 'chos shing sgom byed
69b3 pa/ /de yis rang sems bcos med de mi rig /snang srid chos med byang chub sems/ /sems kyi de bzhin nyid 'byung de bzhin nyid/ /de bzhin nyid du ma rtogs so sor
69b4 mthong / /de bzhin nyid ni dbyings nas tshol byed pa/ /dug gsum rgyal bas btsal yang mi rnyed do/ /kye sems dpa' chen po nyon cig /longs spyod rdzogs pa'i bstan pa
69b5 longs spyod de/ /longs spyod lnga ni chos nyid longs spyod gcig /gzugs la sogs pa'i longs spyod lnga la ni/ /gcig la'ang lnga lnga nyi shu rtsa lnga spyod/ /rtsa lnga longs spyod de
69b6 ni sku lnga'i tshul/ /tshul ni chos nyid don gyi ngo bo nyid du bshad/ /sangs rgyas sems can kun gyi longs spyod du/ /longs sku nga yi gzugs la spyad du med/ /rig 'dzin sa bcu
69b7 rnams la nga yis bstan/ /zhes gsungs so/ /kye sems dpa' chen po nyon cig /sprul sku bstan pa thugs rjes don 'tsham ste/ /khams gsum sems can bsam pa
70a1 @#/ /tha dad la/ /sku dang gsung dang thugs ni rnam gsum gyis/ /bsam pa tha dad sku gsung thugs rjes bzlog /dbang po yul la zhen pa de bzlog
70a2 nas/ /dben pa'i yul ni gang 'thad de bstan nas/ /des ni nga yi thugs rje 'dren lung byed/ /kye sems dpa' chen po nyon cig /nga ni chos rnams kun gyi ston yin phyir/ /
70a3 sangs rgyas la yang nga yi rang bzhin bstan/ /sems can la yang nga yi rang bzhin bstan/ /rang bzhin bstan pas ston par zhal gyis bzhes/ /nga yi rang bzhin 'di ltar
70a4 rig par gyis/ /ston pa dang ni bstan pa 'khor rnams ni/ /nga yi rang bzhin gsum las gzhan med do/ /ston pa rang 'byung ye shes 'gag med min/ /bstan pa nga yi
70a5 rang bzhin ma bcos yin/ /de 'dzin 'khor ni nga yi ngo bos 'dzin/ /ces gsungs so/ /byang chub kyi sems kun byed rgyal po las/ ston par zhal gyis bzhes pa'i le'u
70a6 ste zhe gsum pa'o// //de nas byang chub kyi sems kun byed rgyal pos nyid la bya ba med pa'i don 'di gsungs so/ /kye sems dpa' chen po/ bya ba med
70a7 pa'i don 'di ni/ /kun byed nga yi rang bzhin te/ /nga la bya ba med pa ni/ /nga ni ye nas byas zin pas/ /bya ba med pa'i chos nyid yin/ /chos nyid nga yi rang bzhin las/ /rang
70b1 bzhin de la bya ru med/ /rang bzhin rang bzhin bya ba de/ /bcos su med pa'i rang bzhin yin/ /bcos med byang chub de la ni/ /sems dpa' rdo rje khyod ma 'chos/ /sems dpa'
70b2 rdo rje de 'chos na/ /kun byed nga la bcos pa yin/ /ji ltar snang ba'i chos rnams kun/ /kun byed nga yi rang bzhin yin/ /kye/ sems dpa' chen po khyod nyon cig /nga yi rang
70b3 bzhin 'gyur med la/ /bsgoms na 'chos shing bsgyur ba yin/ /nga ni ye nas lhun grub la/ /bsgrubs na nga la bcos pa yin/ /nga la bgrod pas phyin pa med/ /nga la btsal
70b4 bas grub pa med/ /nga la sbyangs pas byang ba med/ /nga la ma lta yul med kyis/ /nga la ma bsgrod lam med kyis/ /nga la ma sbyongs sgrib med kyis/ /mi gnas dmigs pa'i
70b5 yul dang bral/ /spros med bsam pa'i yul las 'das/ /'dzin pas brtags pa'i chos rnams ni/ /nga yi ngo bo bstan pa yin/ /de la spong 'gegs su byed pa/ /bskal pa
70b6 gsum gyi bar du ni/ /kun byed nga dang phrad mi 'gyur/ /spang bar bya ba'i chos de ni/ /rang gi ngo bo yin par bshad/ /kye sems dpa' chen po/ byang chub sems ni kun byed rgyal
70b7 po ste/ /kun byed byang chub sems kyis byas pa ni/ /byang chub sems las gzhan du byas pa med/ /byang chub sems ni ye nas ma nor yin/ /ye nas yin pas ye nas nor ba
71a1 @#/ /med/ /nor ba med pa'i bden rdzun sgros mi 'dogs/ /rgyu bden 'bras bu rtsol sgrub kun las 'das/ /byas zin rtsol sgrub 'das pa ma rig nas/ /
71a2 rtsol sgrub bya byed bsgoms nas grub lta na/ /byang chub bgegs su de las che ba med/ /mi gnas mi rtog cir yang dgongs med pas/ /mi rtog mnyam pa'i yul la rang
71a3 bzhin gnas/ /ye nas byas zin rtsol ba'i sems mi 'byung / /bde chen de la gang su gnas pa ni/ /chos rnams kun gyi snying por de 'gyur ro/ /de yis bdag gzhan
71a4 kun gyi don mi byed/ /gcig 'dus thams cad 'dus pa'i snying po des/ /ma bltas dus gsum sangs rgyas thugs kyang gsal/ /ma sgribs sems can kun gyi
71a5 sems kyang snang / /kye sems dpa' chen po nyon cig /kun byed nga yis sems can don byas zin/ /nga yi don byas gzhan gyis bya mi dgos/ /gzhan la ltos
71a6 pa'i chos ni nga lung min/ /nga la kun rdzogs ye nas byas zin rdzogs/ /ye nas byas zin lta ba bsgom mi dgos/ /ye nas rnam dag dam tshig srung mi dgos/ /ye nas
71a7 byang chub sa la kun gnas pas/ /rig 'dzin sa dang sa bcu sbyangs mi dgos/ /ma btsal ye nas lhun gyis grub pa'i phyir/ /btsal ba'i phrin las ye nas bya mi dgos//
71b1 rang 'byung ye shes yul la mi rtog pas/ /rig pa'i ye shes yul gyis bsal mi dgos/ /bde chen chos sku sems kyis gcig pa'i phyir/ /snga phyi dus gsum med
71b2 de khyad par gcig /phun sum tshogs dang dus gnas kun gcig dang / /thams cad gcig phyir nga la kun rdzogs te/ /rdzogs pa chen po nga la kun rdzogs pas/ /lta spyod phrin
71b3 las dam tshigs lam ni/ /gong bshad bzhin du btsal zhing bsgrub mi dgos/ /de ltar ma rig rtsol sgrub byas 'gyur na/ /rgyu 'bras 'das pa'i don dang 'gal 'gyur nas//
71b4 bya med bde chen de dang mi phrad de/ /rtsol bsgrub nad kyis ma rig de zin 'gyur/ /de bas rgyu 'bras 'das pa'i rdzogs chen la/ /skal med rnams kyi spyod yul ma yin pas/ /
71b5 rgyu dang 'bras bu'i chos la spyad par bya/ /zhes gsungs so/ /byang chub kyi sems kun byed rgyal po las/ rdzogs chen skal med don med kyi le'u ste zhe bzhi pa'o// //
71b6 de nas byang chub kyi sems kun byed rgyal pos rdzogs pa chen po la lta ba bsgom med kyi mdo lung 'di bstan to/ /kye sems dpa' chen po/ /rang gi lta ba bsgom med ni/ /kun byed
71b7 nga yin nga la bsgom du med/ /kun byed nga ni sgom pa'i yul ma yin/ /nga ni ma bcos kun la rang bzhin gnas/ /rang bzhin gnas pa'i bsgom du med pa de/ /nga las
72a1 @#/ /byung ba'i ston pa sku gsum gyis/ /nga las mngon du phyung ba'i chos nyid la/ /brkam chags lnga yi sdug bsngal yin zer nas/ /ma bcos mi 'jog
72a2 brtul zhugs spong 'gengs bsgom/ /de lung bstan par ma bcos don dang 'gal/ /mu stegs sde bzhi sprul pa'i thugs rje yis/ /byin brlabs 'khor du bkod
72a3 nas lung bstan pas/ /bya bral bde ba de nyid thob mi 'gyur/ /kye sems dpa' chen po/ /nga las mngon du phyung ba'i chos nyid la/ /brkam chags lnga yis sdug
72a4 bsngal skye zer nas/ /dang po sa nas bcu bar sems dpa' la/ /bden pa rnam pa gnyis kyi rtog dpyod kyis/ /don dam med la kun rdzob yod pa ru/ /sprul pas lung
72a5 bstan rtog dpyod sgom pa byed/ /ma bcos ji bzhin nga yi don dang 'gal/ /kye sems dpa' chen po/ nga las mngon du phyung ba'i chos nyid de/ /ma bcos ji bzhin pa
72a6 yi chos nyid la/ /longs spyod rdzogs pas 'khor la lung bstan pa/ /ji bzhin bcos pa med par ma rtogs te/ /phyi nang snod bcud dag par byin brlabs te/ /byang chub
72a7 yan lag cho ga kun sgo nas/ /bsgom pa'i ye shes lha ni snang bar byed/ /skad cig mchod nas gshegs gsol ting 'dzin bshig /yang bsgom yang bshig byis pa'i
72b1 'dag khang 'dra/ /ji bzhin ma bcos nga yi don dang 'gal/ /kye sems dpa' chen po nyon cig /nga las byung ba'i ston pa lung ston gyi/ /nga yis phyung ba'i chos nyid mngon
72b2 phyung la/ /ting 'dzin mtshan ma yod med sgor zhugs nas/ /chos nyid gcig la blang dor byas nas ni/ /ye shes dam tshig so sor bsgoms nas ni/ /grogs po dag gis
72b3 dngos grub ster re ba/ /gcig la gnyis su ltas pa'i bsgom pa nor/ /ngo bo gcig la gnyis kyis thob pa med/ /kye sems dpa' chen po nyon cig /nga yi rang bzhin mngon du
72b4 byung ba la/ /phung po 'byung ba rnam shes dbang po la/ /rang rgyud dag pa rdo rje lhar byas te/ /bsnyen bsgrub rnam bzhi cho ga bsgom byas nas/ /sems kyi 'phro 'dus 'phags
72b5 mchod 'gro don byed/ /'phro 'dus bsdus nas dngos grub thob 'tshal bas/ /rang gis rang gi dngos grub thob par bsgom/ /de yang sems kyi ting 'dzin tshi chad 'gyur/ /
72b6 rdzogs chen lta ba bsgom du med pa ni/ /kun byed nga yi sems kyi yon tan te/ /byang chub sems kyi che ba'i yon tan gyis/ /btsal zhing bsgrubs pa'i dka' ba spyad mi dgos//
72b7 rgyu rkyen med pas btsal ba'i las mi dgos/ /'bras bu'i rang bzhin gzhan nas bsgrub mi dgos/ /chos nyid rang yin bsgom pa bya mi dgos/ /ma skyes pas na 'jig
73a1 @#/ /pa'i gnyen po med/ /gzhan la ma ltos bsgom gnas tshol mi byed/ /nga la gang zhig sgom par byed pa des/ /bsgom pa nyid kyis nga dang phrad mi
73a2 'gyur/ /chos nyid mngon du phyung bang yin pas/ /sdug bsngal mi skye rnam par spang mi dgos/ /rang 'byung yin pas skye 'jig med pa'i phyir/ /ma rig rten 'brel
73a3 dbang po dgag mi dgos/ /rang 'byung rnam dag chos nyid sbyang mi dgos/ /ye nas dag pas gtsang sbra bya mi dgos/ /ye nas lhun grub rtsol sgrub bya mi dgos/ /bltas
73a4 pas ma dag pa yi chos med de/ /de bzhin nyid dang rnam snang kun tu bzang / /dbang po drug la snang ba'i chos rnams kyang / /ye nas de yin de las gzhan ma med/ /de
73a5 la gang zhig sgom dang sgrub byed pa/ /de ni mdongs pas nam mkha' snyeg pa 'dra/ /nga yi rang bzhin spyod yul kun las 'das/ /nga yis mngon du phyung ba'i chos
73a6 rnams ni/ /nga yi ngo bo kun gyis mthong bya'i phyir/ /sna tshogs dbang po nga la bstan pa yin/ /de la nga yi rang bzhin kun rtogs shig /de la nga yi rang bzhin ma mthong
73a7 na/ /kun byed nga yi theg pa bstan mi bya/ /rdzogs pa chen po'i don dang skal med pas/ /rgyu 'bras theg pa drang ba'i lung la gzung / /nga ni ye nas spyod yul 'das pa
73b1 'di/ /rgyu 'bras dga' ba'i skal ba med rnams la/ /bstan na sgro dang skur pa 'ong ba'i phyir/ /bstan na rang gi sems la skur btab pas/ /drug tu skye zhing gtan du 'khor bar
73b2 'khyam/ /kye/ sems dpa' chen po nga don rtogs/ /nga ni spyod yul kun las 'das pa'i phyir/ /tshig gis mi phebs dbang po'i spyod yul 'das/ /nga yi rang bzhin bsdus
73b3 te thig ler gnas/ /ma spros gnyis med ye nas gcig tu bstan/ /dam tshig bsrung ba'i bsgom pa bya mi dgos/ /phrin las btsal ba'i bsgom pa bya mi dgos/ /lam
73b4 la mi bgrod la mi sbyong ste/ /rang las gzhan du chos nyid tshol mi byed/ /ma skyes pas na 'jig pa'i dogs pa med/ /nga mi snang bas dmigs pa bsgom dang
73b5 'bras 'das pas rtsol dang sgrub mi byed/ /ma byung bas na dngos po sgom mi byed/ /ma skyes pas na 'jig pa'i dogs pa med/ /nga mi snang bas dmigs pa bsgom dang
73b6 bral/ /bde chen bdal ba'i klong dkyil na/ /mi rtog mnyam pa'i rang bzhin gnas/ /chos nyid snang ba med pa'i rang bzhin la/ /rig pas mi rtog ting 'dzin ma byed cig /kye
73b7 sems dpa' chen po/ bsgoms na gang bsgom nga yi nad yin gyi/ /kun gyi snying po byang chub sems yin na/ /byang chub sems ni gzung 'dzin bral ba'i phyir/ /bsgom par
74a1 @#/ /bya ba rdul tsam yod ma yin/ /gong bshad bsgoms pas 'bras bu ma thob bzhin/ /nga yang bsgoms pas 'bras bu ma thob par lung mi ston/ /kye/ sems
74a2 dpa' chen po nga la ltos/ /nga ni kun byed byang chub sems yin te/ /kun byed byas pas kun byas nyid du byas/ /kun ni ma lus pa yi sgrar bshad de/ /byed pa'i snying po de
74a3 yis thams cad byed/ /byang ba gzung du yod pa ma yin la/ /chub pa kun gyi snying pos snying por chub/ /sems ni rang 'byung ye shes kun tu sems/ /zhes gsungs
74a4 so/ /byang chub kyi sems kun byed rgyal po las/ lta ba bsgom med kyi le'u ste zhe lnga pa'o// //de nas byang chub kyi sems kun byed rgyal po des rdzogs
74a5 pa chen po des rdzogs pa chen po'i dam tshig bsrung du med pa 'di gsungs so/ /kye sems dpa' chen po nyon cig /rdzogs chen dam tshig bsrung du med bstan pa/ /kun
74a6 byed byang chub sems kyi rang bzhin ni/ /ma skyes spros dang bral ba'i rang bzhin gyis/ /skye ba'i cho 'phrul sna tshogs yul byung nas/ /yul de rang gi rang bzhin yin zhes
74a7 byas/ /de la mi rtog rtog pa'i yul las 'das/ /yul la mi 'dzin spong dang len med pas/ /med pa phyal ba gcig pu lhun grub ste/ /bsrung bar bya ba'i sdom khrims
74b1 kun dang bral/ /bsrung med nga las byung ba'i ston gsum gyis/ /mu stegs sde bzhi thugs rjes byin brlabs nas/ /'dul ba phog pa'i 'khor ni sde bzhi la/ /bsrung bar bya
74b2 ba'i khrims ni 'di lta ste/ /rtsa ba dang ni yan lag bsrung bar grangs/ /nyis brgya lnga bcu lnga brgya lnga bcu khrims/ /bsrung ba'i dus na grangs dang don mi shes/ /des na sdom pa
74b3 mi thub bsrung thabs med/ /rdzogs chen ci spyod rtog pa kun las 'das/ /sdom pa rgya mtsho mtha' yas grangs mang ba/ /lus ngag yid la bsdus pa rnam pa gsum/ /dbang
74b4 po yul las sdug bsngal byung nas ni/ /lus kyi 'gro 'dug gom pa bor sa med/ /ngag gis tshig brjod don gyis bden par dka'/ /yid kyis bsam pa bden pa kun las
74b5 'gal/ /ma nor bsam pa kun kyang bsgrub du med/ /lus ngag sdom pa rgya mdud dam po des/ /bden nyid don dang phrad pa shin du dka'/ /bsrung med nyams pa med dang phrad
74b6 mi 'gyur/ /bsrung med nyams pa med pa kun byed lung / /kye sems dpa' chen po nyon cig /nga las byung ba'i ston pas lung phog pa/ /gza' dang rgyu skar dus tshig bzang
74b7 sgo nas/ /phyi nang gtsang ma'i khrus kyis dag byas te/ /sdom pa tshul khrims 'gro don zhal 'ches pa/ /gang yang dam bcas tshul bzhin mi 'grub ste/ /dam bcas ma grub
75a1 @#/ /bshags pas sems mi 'dag /bsrung med nga dang yun du thag ring nyams/ /kye/ rdo rje gsang ba gsum gyi dam tshig ni/ /rtsa ba gsum dang yan lag
75a2 lnga rnams te/ /rtsa ba gsum ni sku gsung thugs 'dus te/ /sku ni lnga yi skur bsgoms lus kyang 'ching / /ngag ni 'dzab dang ting 'dzin zhi ba min/ /yid kyi ting 'dzin 'phro
75a3 'dus bzung nas ni/ /rtsa ba mi rtog dam tshig bde dang bral/ /yan lag rnam pa lnga ni 'di lta ste/ /dang por shes par bya ba'i dam tshig ni/ /phung po lnga dang 'byung ba rnam
75a4 pa lnga/ /rnam shes dbang po yul la sogs pa rnams/ /lha dang dkyil 'khor rang bzhin shes par bya/ /shes bya shes byed med pa des ma mthong / /spyad par bya pa'i
75a5 dam tshig rnam lnga ni/ /sta na ga na ma byin blangs pa dang / /mi tshangs spyod dang brdzun du smra ba dang / /rnam pa lnga ni thabs mkhas spyod byed pa/ /ma spyod nyams mthong rtog dang
75a6 bcas nas spyod/ /de yang mi rtog mnyam dang bral ba yin/ /dang du blang ba'i dam tshig rnam lnga ni/ /dri chen dri chu la sogs dam rdzas lngas/ /rgyal ba'i sku lnga 'di las
75a7 'grub zer nas/ /dpa' bo 'bru lngas 'phro 'du byas nas ni/ /rgyal ba'i sku lnga dang du len byed pa/ /dang du ma blang sku lnga mi grub rtog /blang dor bral ba'i rtog 'das de ma
75b1 grub/ /mi spang ba yi dam rdzas rnam lnga ni/ /'dod chags zhe sdang la sogs dug lnga po/ /gsang ba rdo rje'i dam tshig chen po ru/ /nyon mongs lnga bsgyur ye shes rnam pa lngar/ /
75b2 dug lnga mi spong ye shes rnam lngar len/ /blang dor med pa'i bde ba des ma grub/ /grub par bya ba'i dam tshig rnam lnga ni/ /bung po lnga dang 'byung ba lnga rnam dang / /rnam shes yul
75b3 rnams dkyil 'khor grub byed pa/ /ting 'dzin gsum dang cho ga lnga rdzogs nas/ /rgyal ba'i rigs lnga'i dkyil 'khor grub byed pa/ /ting 'dzin cho ga lnga yis sems rtsol byed/ /
75b4 mi rtog ma btsal lhun gyis grub dang 'gal/ /bsgom pa'i sku ni mi rtog 'ja' tshon 'dra/ /cho ga bzlas brjod 'dzab kyang rtsi sgra 'dra/ /rtsol sgrub spyod pas lhun gyis grub mi
75b5 'gyur/ /med par bsgrub pas shin tu grub pa med/ /kun byed nga la bsrung ba'i dam tshig med/ /rgyu rkyen med pas rtsol zhing bsgrub mi dgos/ /lhun gyis grub pas spyad par
75b6 bya mi dgos/ /ye shes yin pas shes par bya mi dgos/ /rang 'byung yin pas rgyu dang rkyen mi dgos/ /bzang ngan med pas blang dor bya mi dgos/ /dngos po med pas med pa
75b7 zhes su bshad/ /dngos su mi spyod ye shes ma 'gags pas/ /de la phyag ba zhes su btags pa yin/ /sems su kun gcig gcig pur btags pa yin/ /ji ltar snang ba'i
76a1 @#/ /chos rnams thams cad kun/ /yid ches byang chub sems su rdzogs pa'i phyir/ /lhun gyis rdzogs pa zhes su nga yi bshad/ /tsha grang bkres skom/
76a2 blun lkugs chos nyid la/ /sku gsum 'khor sdangs 'bros pa'i cho ga drug /gong bshad bzhin du btsal zhing bsgrub mi dgos/ /rgyu nyid rang 'byung ye shes yin pa'i phyir//
76a3 las kyi rkyen gyi dbang du de mi 'gyur/ /chos nyid rang bzhin cir yang 'gyur med pas/ /btsal bas grub par nga yis lung ma bstan/ /rang 'byung ye shes kun dang mtshungs
76a4 med pas/ /rgyu rkyen las kyis rang 'byung de mi 'grub/ /bden pa gnyis kyis gtan la dbab du med/ /nges pa gcig la bden pa rnam pa gnyis/ /ma nges the tshom can
76a5 gyi lung de la/ /nges pa gcig tu bstan pa ga la yod/ /rnal 'byor gang zag chos la rlom byed ni/ /ston gsum rgyu 'bras lung la brten smra ba/ /de la bden gnyis tshad ma
76a6 bzhi yang dgos/ /kun byed nga yis chos kun byas pa'i phyir/ /ngas byas chos la bden pa gnyis mi dgos/ /ngas byas chos la bden pa gnyis dgos su/ /ngas byas
76a7 thams cad byang chub sems su byas/ /byang chub sems la don dam kun rdzob med/ /ces gsungs so/ /byang chub kyi sems kun byed rgyal po las/ dam tshig bsrung
76b1 du med pa'i le'u ste zhe drug pa'o// //de nas byang chub kyi sems kun byed rgyal po des rdzogs pa chen po la phrin las btsal du med pa 'di gsungs so/ /kye sems
76b2 dpa' chen po nyon cig /kun byed nga ni rdzogs pa chen po ste/ /rdzogs pa chen po lhun gyis grub pa'i phyir/ /phrin las ye nas btsal du med par bstan/ /phrin las btsal du
76b3 yod par lung ston pa/ /nga las byung ba'i ston pa sku gsum gyis/ /rang re 'khor la btsal ba'i las phog pa/ /btsal ba'i las ni rang res so sor phog /sprul pas btsal ba'i
76b4 rgyu la las phog pa/ /lus ngag yid gsum tshad med sgor zhugs nas/ /lus kyi sdom pa srog gcod rku g.yem spang / /ngag gi sdom pa dag khyal tshig rtsub dang / /brdzun dang phra ma
76b5 la sogs ngag gis spang / /yid kyis mnab sems gnod sems log lta spang / /dge bcu spyod pa'i las de rgyur bkod nas/ /sbyin pa tshul khrims pha rol phyin bcu las//
76b6 spyad na sa dang kun 'od thob 'dod pa/ /tshi chad las ni bskal pa gsum du spyod/ /de yang kun byed nga yis lung phog min/ /longs spyod rdzogs pas 'khor la lung phog pa/ /rgyu
76b7 dang 'bras bu'i sgo nas las phog pa/ /sems can ting 'dzin las ni 'di lta ste/ /khrus dar gtsang sbrar phyi nang dag byas te/ /cho 'phrul las kyis byin gyis brlabs nas ni/ /
77a1 @#/ /ye shes sems dang dam tshig gnyis ltas nas/ /ting 'dzin las kyis mchod cing gshegs gsol byed/ /las des mi tshe bdun du tshi chad
77a2 'gyur/ /chos kyi sku las longs spyod skur bzhengs nas/ /rnal 'byor chen po'i 'khor la lung phog pa/ /bdag nyid chen po yin par lung bstan nas/ /rang rgyud dag pa'i
77a3 dkyil 'khor de rnams la/ /kha dog rigs dang sbyar ba'i lha bsgoms nas/ /zhi lhas zhi bar byed pa'i las byed pa/ /rgyas lhas rgyas par byed pa'i las byed pa/ /dbang
77a4 lhas dbang du sdud pa'i las kyang byed/ /drag lhas stongs par byed pa'i las kyang byed/ /tshe la gnas dang phyag rgya rig 'dzin 'grub/ /phrin las rnam bzhis tshe chad
77a5 grub ba med/ /mi rtsol bya med las ni de ma 'grub/ /rdzogs chen rgyu 'bras ye nas 'das pa'i phyir/ /btsal zhing bsgrubs pas bya med grub pa med/ /rgyu 'bras lta ba'i
77a6 ston pas lung bstan pa/ /'jig rten mtshan ma'i chos la tshod btsugs nas/ /rgyu las btsal nas 'bras bu grub byed pa/ /sems la rgyu med ye nas 'bras bu med/ /
77a7 byang chub sems la skye ba med pa'i phyir/ /'jig rten skye ba'i chos la dpe blangs nas/ /skye las 'jig pa 'byung bar sgros mi gdags/ /rang 'byung rgyu 'bras 'das pa ma
77b1 brtags par/ /'jig rten mtshan ma'i chos la tshod btsugs nas/ /rgyu las btsal bas 'bras bu 'byung zer ba/ /de ni rgyu 'bras theg pa drang lung yin/ /kye sems dpa' chen
77b2 po nyon cig /ye shes ye shes zhes su bstan pa ni/ /rang 'byung ye shes ma 'gags kun dang mtshungs/ /rgyu las ma byung mtshungs med ye shes de/ /thams cad bskyed pas
77b3 gzhan nas chos 'byung med/ /'jig rten rgyu 'bras chos la tshod btsugs nas/ /btsal ba med pa'i 'bras bu 'byung mi 'gyur/ /byang chub sems ni rgyu rkyen med pa'i phyir/ /
77b4 'jig rten skye 'gag chos la tshod mi gzugs/ /byang chub sems ni rkyen gyis ma bskyed pas/ /'jig rten rkyen bskyed chos la dpe ma len/ /kye sems dpa' chen po/ che
77b5 ba 'dod nas bsgom bsgrub rtsol byed pa/ /bsgom bsgrub btsal bas che ba de mi 'grub/ /che ba rang 'byung ye nas che ba yin/ /bsgoms na sangs rgyas dgongs pa 'chos
77b6 pa yin/ /sangs rgyas dgongs pa gang zhig 'chos byed pa/ /de yis sangs rgyas thams cad spangs pa yin/ /de yis sangs rgyas spongs pa ma yin te/ /de yis rang gi
77b7 byang chub sems spangs pas/ /rang gi rang bzhin bskal par phrad mi 'gyur/ /kye sems dpa' chen po/ sems kyis ting 'dzin sgom pa ma byed cig /ye shes yul la
78a1 @#/ /rtog par ma byed cig /ngag gis 'dzab dang snying po bzla mi dgos/ /lag gis 'dud byed phyag rgya bca' mi dgos/ /sems kyi ting 'dzin 'phro
78a2 'du las ma byed/ /dang la gnas pas g.yos med lhun gyis grub/ /rang bzhin gnas pas sus kyang bcos su med/ /ma btsal ji bzhin par gnas pa des/ /bya ba
78a3 med pa las kyi mchog tu bstan/ /don de rtogs pas las rnams mi byed de/ /las ma byas pas de bzhin nyid du gnas/ /de bzhin nyid la gang zhig su gnas pa/ /de
78a4 yis ma nong ma bcos 'grub par 'gyur/ /de ni ma nor bzhin ni ma bcos yin/ /nyid ni ma nor ngo bo nyid la bya/ /de bzhin nyid las sangs rgyas chos med do/ /zhes
78a5 gsungs so/ /byang chub kyi sems kun byed rgyal po las/ phrin las btsal du med pa'i le'u ste zhe bdun pa'o// //de nas byang chub kyi sems kun byed
78a6 rgyal po des chos thams cad gzhi ma kun byed nyid yin par zhal gyis bzhes pa 'di gsungs so/ /kye sems dpa' chen po nyon cig /kun byed nga ni kun gyi byang chub
78a7 sems/ /byang chub sems ni chos kun gzhi ma ste/ /kun byed nga yi rang bzhin rnam gsum las/ /phun sum tshogs pa'i dgos pa kun kyang tshang / /rang bzhin gsum
78b1 ni 'di ltar shes par bya/ /skye ba med dang 'gag pa med pa dang / /mi 'gag skye ba'i cho 'phrul 'byung ba gsum/ /gsum ni phun sum tshogs par bstan pa yin/ /ma skyes
78b2 skye ba med pa'i rang bzhin las/ /chos kyi gzhi ma bstan pa phun sum tshogs/ /ma bsgribs ma bkag pa yi rang bzhin las/ /ston pa gsum gyi rang bzhin phun sum tshogs/ /ma
78b3 skyes skye ba'i cho 'phrul ngo bo las/ /'khor gyi rang bzhin rnam gsum phun sum tshogs/ /kye sems dpa' chen po nyon cig /nga yi rang bzhin chos nyid gcig pu la/ /nga ma
78b4 'gags pa'i ston pa rnam gsum gyis/ /skye ba'i 'phrul 'byung ba'i 'khor gsum las/ /nga yi chos nyid de bzhin nyid gcig la/ /rtogs par bya ba'i thabs kyi gzhi ma
78b5 drug /lta ba chos nyid mthong ba'i gzhi ma byed/ /des ni mthong bar bya ba'i thabs yin te/ /ma skyes dmigs par bya ba'i yul med pas/ /bltas pas de bzhin nyid la mthong
78b6 ba med/ /dam tshig rang skyon sel ba'i gzhi ma byed/ /des ni bar chad med ba'i thabs yin te/ /de bzhin nyid la bsrung ba'i yul med pas/ /bsrungs pas de bzhin nyid la
78b7 thub pa med/ /las ni grub par byed pa'i gzhi ma byed/ /btsal bas grub par byed pa'i thabs yin te/ /de bzhin nyid la btsal ba'i yul med pas/ /de bzhin nyid la las kyi
79a1 @#/ /grub pa med/ /lam gyis bgrod pas phyin pa'i gzhi ma byed/ /des ni gnas su phyin pa'i thabs yin te/ /de bzhin nyid la lam gyis bgrod med
79a2 phyir/ /bgrod pas phyin pa'i de bzhin nyid ma yin/ /sa ni gnas par byed pa'i gzhi ma byed/ /des ni sbyang mi dgos pa'i thabs yin te/ /de bzhin nyid la thams cad
79a3 kun gnas pas/ /gnas par bya ba'i sa la sbyang du med/ /ye shes rtogs par byed pa'i gzhi ma byed/ /des ni chos nyid rig pa'i thabs yin te/ /de bzhin nyid la
79a4 rtogs pa'i yul med pas/ /rang 'byung ye shes yul la rtog pa med/ /kye sems dpa' chen po nyon cig /byang chub sems ni chos kyi gzhi yin pas/ /theg pa so so lta
79a5 spyod drug drug gis/ /rgyu 'bras ltos pa'i 'khor la de bstan pas/ /de re rang 'thad bsam pa re re yis/ /lta spyod gzhi ma drug la btsal byas kyang / /de bzhin nyid
79a6 la btsal ba'i yul med pas/ /btsal bas de bzhin nyid la bcos pa'i phyir/ /rang sems gzhi ma bcos med de mi phrad/ /kye sems dpa' chen po nyon cig/
79a7 lta ba bsgom du med ces bstan pa ni/ /chos kyi rtsa ba rang las med pa'i phyir/ /rang gi rang la blta ru med pa'i phyir/ /rang med yul ni nga yis bstan pa med/ /des na
79b1 lta ba bsgom du med ces bstan/ /dam tshig bsrung du med ces bstan pa ni/ /bsrung bas mi thub rang gi sems mi khegs/ /rang 'byung ye shes yin par bsrung du med//
79b2 kye/ phrin las btsal du med ces bstan pa ni/ /rdzogs chen rgyu 'bras ye nas 'das pa'i phyir/ /phrin las rgyu las bsgrubs nas 'bras bur 'dod/ /rdzogs chen
79b3 'bras bu 'dod pa med pa ni/ /phrin las btsal du med ces bstan pa yin/ /lam la bgrod du med ces bstan pa ni/ /kye/ dus gsum sangs rgyas khams gsum
79b4 sems can la/ /bgrod pa byang chub sems kyi lam la bgrod/ /sems su sangs rgyas sems can gnyis su med/ /des na sems kyis sems la lam bgrod
79b5 med/ /sa la sbyang du med ces bstan pa ni/ /chos dbyings byang chub sems kyis 'di la/ /sbyangs pas thob par 'dod pa rgyu 'bras can/ /chos nyid byang chub sems
79b6 kyi sa 'di la/ /sbyangs bcos byas grub lung ni ngas ma bstan/ /ye shes yul la mi rtog ces bstan pa/ /yul de ye nas rang 'byung ye shes te/ /ye shes la ni ye
79b7 shes yul ma mchis/ /zhes gsungs so/ /byang chub kyi sems kun byed rgyal po las/ chos thams cad kyi gzhi ma kun byed nyid yin bar bstan pa'i le'u ste zhe
80a1 @#/ /brgyad pa'o// //de nas byang chub kyi sems kun byed rgyal po des thams cad nga la gnas pa'i sa 'di bstan to/ /kye sems dpa'
80a2 chen po/ kun byed rgyal po nga nyid ni/ /kun gyi byang chub snying por gnas/ /byang chub sems kyi rang bzhin ni/ /chos kyi dbyings kyi pho brang ste/ /dus gsum sangs rgyas
80a3 thams cad dang / /khams gsum sems can thams cad kun/ /klong chen sems kyi gnas de na/ /mi gnas pa ni gcig kyang med/ /kun gyi gnas dang sa yin te/ /'du
80a4 'bral med par de na bzhugs/ /de la sbyang zhing bgrod mi dgos/ /de la sbyangs te bgrod 'gyur na/ /rang gi sems de 'chos pa ste/ /bcos pas rang sems 'byongs
80a5 mi 'gyur/ /de ni spyi sa kun gyi gnas/ /kye sems dpa' chen po nyon cig /nga las byung ba'i ston pa sku gsum gyis/ /rgyu 'bras dga' ba'i 'khor rnams la/ /sa
80a6 mdo rnam pa gsum bstan te/ /bskyed pa'i sa dang spyod pa'i sa/ /bsgrub pa'i sa dang gsum bstan te/ /bskyed pa'i sa ru sems bzhi bskyed/ /spyod pa'i sa ru sems
80a7 spyod bcus/ /bsgrub pa'i sa ru grub 'dod pas/ /de ni drang ba'i lung du bstan pa'i phyir/ /yang dag nges par yod pa lung ma bstan/ /yang dag nges par nga yi lung 'di nyon//
80b1 byang chub sems la rgyu rkyen med pa'i phyir/ /bskyed pa'i sa ru byang chub sems mi bskyed/ /bskyed pa'i sa ru byang chub sems bskyed na/ /chos dbyings nam mkha' byang chub sems
80b2 mi shong / /dge sdig las la dran pa dbang bsgyur bas/ /phyi yul chos nyid spangs pas mi spongs te/ /rang 'byung ye shes mi khegs bzhin du 'gegs/ /rang 'byung ye shes
80b3 yul la mi rtog bzhin/ /gzung dang 'dzin pa yod ces 'joms par byed/ /des na byang chub sems la skyes pa med/ /spyod pa'i sa ru byang chub bcu spyad pas/ /ji ltar
80b4 snang ba'i chos rnams thams cad kun/ /byang chub sems la g.yos pa med pa ni/ /nam mkha' lta bu'i chos nyid snang bar zad/ /nam mkha' la ni g.yos pa rdul
80b5 tsam med/ /de bzhin byang chub sems la g.yos pa med/ /grub pa'i sa ru byang chub grub 'dod pa/ /kun tu 'od dang ma chags pad+ma'i spyan/ /rdo rje 'dzin dang stug po
80b6 bkod pa dang / /'khor lo tshogs chen rdo rje 'chang ba dang / /rgyu 'bras kun bzang dbye ba med sa drug /byang chub bsgrub pa'i sa ru ming btags pa/ /sems kyi rang bzhin
80b7 rgyu rkyen bral ba'i phyir/ /bsgrubs pas grub pa'i 'bras bu ngas ma bstan/ /sems kyi rang bzhin drug snang bstan pa yin/ /sems kyi rang bzhin drug ni 'di lta ste/ /rang
81a1 @#/ /'byung ye shes ma 'gags pa yi rtags/ /dbang po sgo lnga kun tu gsal ba la/ /kun tu 'od kyi sa zhes btags pa yin/ /yul la mi
81a2 rtog chags pa med pa la/ /ma chags pad+ma spyan du btags pa yin/ /skye 'jig med pa'i byang chub sems de la/ /rdo rje 'dzin pa zhes su nga yis btags/ /rang gi
81a3 rang bzhin chos nyid dpag med la/ /rang 'byung ye shes mi rtog mnyam par bkod/ /stug po bkod pa'i sa zhes btags pa yin/ /byang chub sems kyi rang bzhin
81a4 dkyil 'khor de/ /rang la gnas pa'i chos rnams thams cad la/ /yi ge 'khor lo tshogs chen sa rnams te/ /sku gsung thugs la skye dang 'jig med pas/ /rdo
81a5 rje 'chang gis sa zhes bshad pa yin/ /byang chub sems la rgyu 'bras gnyis med do/ /sems las byung ba'i chos rnams thams cad la/ /bzang ngan blang dor ye nas
81a6 med pa'i phyir/ /dbye ba med pa'i sa zhes nga yis bshad/ /des na byang chub sems kyi chos dbyings la/ /dus gsum sangs rgyas khams gsum sems can kun/ /
81a7 de nas 'byung zhing de ru gnas pa'i phyir/ /chos dbyings byang chub sems ni kun spyod sa/ /zhes gsungs so/ /sangs rgyas sgrub pa'i sa zhes btags pa de/ /byang chub
81b1 sems kyi rang bzhin de las ni/ /gong bshad bzhin du byang chub sems la gnas/ /zhes sbyang du med pa'i sa bstan to/ /byang chub kyi sems kun byed rgyal po las/ rdzogs
81b2 pa chen po'i sa la spyad du med pa'i le'u ste zhe dgu pa'o// //de nas byang chub kyi sems kun byed rgyal po des byang chub kyi sems rang byung ba'i ye shes la
81b3 sgrib pa med pa 'di gsungs so/ /kye sems dpa' chen po nyon cig /ye shes ye shes zhes bya ba/ /ye shes ye nas shes pa yin/ /rang 'byung ye shes ye nas shes/ /yul
81b4 la rtog pa'i ye shes de/ /yul las byung bas rang byung min/ /yul med tsam na gsal mi byed/ /des na rang byung ye shes de/ /ye nas shes pa'i ye shes yin/ /ye shes
81b5 zhes ni de la bya/ /'khor gyi ston pa'i ye shes ni/ /yul la brtags pa'i ye shes de/ /gang su yul la rtog byed pa/ /de ni rig byed ye shes yin/ /rig par bya ba'i yul de
81b6 ni/ /byang chub sems las byung ba'i phyir/ /de ni yul med byang chub sems/ /ye shes rang las byung ba'i phyir/ /de la ting 'dzin sgom mi byed/ /ting 'dzin sgom pa mi byed
81b7 pas/ /ting 'dzin bag chags sogs mi 'gyur/ /bag chags med pa'i chos nyid de/ /dus gsum sangs rgyas dgongs par bshad/ /dus gsum sangs rgyas thams
82a1 @#/ /cad kyi/ /dgongs pa'i yul la mi rtog ste/ /mnyam pa nyid du ye nas gnas/ /kye sems dpa' chen po nyon cig /dus gsum sangs rgyas
82a2 thams cad kyi/ /rang byung ye shes thugs de la/ /ye nas rtogs pa med pa'i phyir/ /sangs rgyas dgongs pa mi mdzad de/ /rtog pa'i yul ni kun dang bral/ /shin
82a3 tu rnal 'byor gang zag gang / /su yang rung ba de yis ni/ /rtog pa med la gnas gyur na/ /de ni sangs rgyas dgongs pa mdzad/ /kye sems dpa' chen po nyon cig /
82a4 rang byung ye shes sangs rgyas dgongs pa mdzad/ /rang 'byung ye shes yul la mi rtog pas/ /rnam par rtog pa'i bag chags gos mi 'gyur/ /las ni ting 'dzin brtags
82a5 pa'i bag chags yin/ /mi rtog pa la bag chags yod ma gsungs/ /mi rtog pa yi rang 'byung ye shes lnga/ /sems kyi rang bzhin dbang po sgo lngar bshad/ /rang 'byung
82a6 ye shes de la 'gag pa med/ /byang chub sems kyi ngo bo mngon snang la/ /rang 'byung ye shes mi 'gag so sor gsal/ /rang gi rkyen gyis snang bas dor mi byed/ /ting 'dzin
82a7 mi rtog bag chags sog mi 'gyur/ /'di yang dus gsum sangs rgyas dgongs pa mdzad/ /gang du mi rtog 'di la su gnas la/ /nga la mi gnas 'gro ba'i don mi
82b1 gnas/ /chos sku byang chub sems la 'di gnas te/ /dus gsum sangs rgyas kun gyi dgongs pa 'dus/ /kye/ sems dpa' chen po tshig don 'di/ /rig pa nyams su mngon
82b2 sum rtog par gyis/ /rang 'byung ye shes yul la lngar gnas pa/ /ye shes lnga ni yul lnga 'dod ma yin/ /yul 'dod lnga ni ye shes lnga la snang / /yul de ye nas ye shes yin
82b3 pa'i phyir/ /yul dang ye shes gnyis su ngas ma bstan/ /des na yul yang rang 'byung ye shes yin/ /rang 'byung ye shes gcig las med pa la/ /nga las byung ba'i 'khor
82b4 gyi ston pa yin/ /yul la brten nas ye shes ming btags pa/ /rnam pa grangs kyi ye shes byung ba ni/ /rnam brtags pa yi ye shes gcig gis ni/ /yul gcig rang bzhin so
82b5 sor snang ba la/ /yul can la ni yul gyi ming btags pa/ /de ni nges pa ma yin 'khrul pas btags/ /kun byed nga yi rang 'byung ye shes min/ /kun byed nga yi rang bzhin
82b6 gcig pu la/ /'khor gyi 'dod pa rnams kyis ming btags pa/ /la las byang chub sems su ming btags la/ /la las chos kyi dbyings su ming yang btags/ /la las
82b7 nam mkha'i khams su ming yang btags/ /la las rang 'byung ye shes ming yang btags/ /la las chos kyi sku ru ming yang btags/ /la las longs spyod rdzogs par ming
83a1 @#/ /yang btags/ /la las sprul pa'i sku ru ming yang btags/ /la las sku gsung thugs su ming yang btags/ /la las thams cad mkhyen
83a2 par ming yang btags/ /la las rnam pa thams cad ming yang btags/ /la las ye shes bzhi dang gsum du btags/ /la las ye shes lnga ru ming btags la/ /
83a3 la las dbyings dang ye shes ming btags pa/ /rang 'byung byang chub sems ni gcig la btags/ /rang 'byung nga la mthong tshad smras pa yin/ /zhes gsungs so/ /
83a4 byang chub kyi sems kun byed rgyal po las/ rang 'byung ye shes bstan pa'i le'u ste lnga bcu pa'o// //de nas byang chub kyi sems kun byed rgyal po des
83a5 rdzogs pa chen po'i lam la bgrod du med pa 'di gsungs so/ /kye sems dpa' chen po nyon cig /kun byed rgyal po da ni byang chub sems/ /byang chub sems ni kun
83a6 gyi lam chen te/ /gnas dang yul dang sangs rgyas sa dang gsum/ /gzhan na med de 'di na rang bzhin gnas/ /chos kyi dbyings dang chos nyid 'di na gnas/ /nam
83a7 mkha'i khams dang gzhal yas 'di na gnas/ /sangs rgyas sa dang yul ni byang chub sems/ /gzhan du bgrod pa'i lam dang gnas med de/ /bgrod pas nam
83b1 mkha'i lam la phyin pa med/ /kye sems dpa' chen po nyon cig /lam la bgrod pa yod par lung ston pa/ /nga las byung ba'i ston pa sku gsum gyis/ /bgrod pa'i lam ni
83b2 lnga dang gsum bstan te/ /de la bgrod pas phyin par 'dod pa ni/ /rgyu dang 'bras bu thob par 'dod yin na/ /rdzogs chen bgrod du med dang mi mthun te/ /tshogs dang sbyor ba
83b3 sgom mthong thob pa lngar/ /tshogs gnyis bsags nas gzung 'dzin gnyis choms te/ /bsgoms pas chos mthong thob pa'i 'bras bu de/ /bgrod du med pa'i lam dang ma
83b4 phrad pas/ /bde chen rtsol sgrub 'das pa ming mi grag /'bras bu gsang bar bstan pa lam gsum ni/ /de bzhin nyid dang kun tu snang la sogs/ /sku gsum ma zhes goms
83b5 par bsgoms pa des/ /rang 'byung chos la rgyu 'bras bsnyen sgrub bzhis/ /bgrod pas rtsol sgrub 'das pa'i sar mi phyin/ /rang sems spros bral chos kyi dbyings yin
83b6 pas/ /spros bral de na sangs rgyas thams cad bzhugs/ /de bas lam la bgrod par ma byed cig /rang sems ma bsgribs nam mkha' bzhin du gsal/ /de na dus gsum
83b7 sangs rgyas thams cad bzhugs/ /de bas lam la bgrod par ma byed cig /rang sems ma bcos chos nyid ji bzhin pa/ /de la dus gsum sangs rgyas lhun gyis grub/ /
84a1 @#/ /de bas lam la bgrod par ma byed cig /gal te ma rig lam la bgrod gyur na/ /phyin pa'i dus med rtogs thob dus med de/ /bgrod pas
84a2 sangs rgyas sa ru phyin pa med/ /sangs rgyas rang sems rtog pa bral ba yin/ /bgrod pas rang sems rtog bral der mi phyin/ /lta ba bsgoms pas ting 'dzin yul dang
84a3 phrad/ /ting 'dzin de yis rtog bral mnyam dang bral/ /dam tshig bsrungs pas ma nyams 'dzin la gnas/ /ma nyams 'dzin pas rtog med mnyam dang bral/ /phrin
84a4 las btsal bas grub pa'i ting 'dzin byed/ /grub pa'i ting 'dzin mi rtog mnyam dang bral/ /sa la sbyangs pas gnas pa'i ting 'dzin byed/ /'byongs pa'i ting
84a5 'dzin rtog med mnyam dang bral/ /chos nyid btags pas gsal ba'i ting 'dzin byed/ /ting 'dzin gsal bas rtog med mnyam dang bral/ /ye shes gsal bar
84a6 rtogs pa'i ting 'dzin byed/ /gsal bar rtogs pa'i ting 'dzin mi rtog bral/ /kye sems dpa' chen po nyon cig /'dod pa'i ting 'dzin ji ltar gsal ba des/ /'dod
84a7 ba med pa bde ba grub par byed/ /bya bral zin pa'i bde ba chen po de/ /mi rtog 'dod pa med pa de yis blangs/ /ting 'dzin mi byed bag chags mi sog pas/ /rang 'byung
84b1 ye shes las kyi dbang mi 'gyur/ /rang 'byung ye shes chos sku'i snying po de/ /btsal bas mi 'grub rang bzhin gnas pas 'grub/ /grub par bya ba'i don rnams kun dang
84b2 bral/ /don zhes bya ba'i ming tsam btags pa yin/ /yang dag nyid du sangs rgyas ming tsam yin/ /sangs rgyas ming du 'dogs par byed pa ni/ /nges pa'i lung min drang
84b3 ba'i lung du bstan/ /nga las byung ba'i ston pa sku gsum gyis/ /chos dang sangs rgyas dge 'dun dkon mchog gsum/ /yod par ming btags de gnyan bsgrub pa ru/ /
84b4 nga las byung ba'i 'khor ni sems can la/ /bde yo skyid do sdug bsngal der blangs nas/ /'di las ma gtogs pa yi bde ba ni/ /gzhan med zer nas lta spyod sna tshogs
84b5 pa/ /spyad pas grub pa'i lung 'di bstan pa yin/ /bya med kun byed nga yi lung ma yin/ /zhes gsungs so/ /byang chub kyi sems kun byed rgyal po las/ lam la bgrod du
84b6 med pa'i le'u ste nga gcig pa'o// //de nas byang chub kyi sems kun byed rgyal po des bya med rdzogs pa 'dod pa med pa 'di gsungs so/ /kye sems
84b7 dpa' chen po/ chos rnams thams cad grub 'dod na/ /'dod pa'i sa ni ma sgrub cig /'dod par byed pa'i sems de ni/ /mi len thams cad spong ba yin/ /'di ni rgyu
85a1 @#/ /'bras 'das pa'i phyir/ /'bras bu 'dod nas rgyu mi sgrub/ /mi rtog rang bzhin gnas pas 'grub/ /'dod pa'i ting 'dzin thams cad spong / /'dod
85a2 med thams cad len par byed/ /ting nge 'dzin pas 'dod pa 'dzin/ /'dod pa de ni yang dag min/ /yang dag gzung du yod ma yin/ /byas pa'i las ni thams
85a3 cad kyis/ /ma btsal lhun gyis grub pa sgrub/ /ma btsal lhun gyis grub pa de/ /byas pas grub pa ma yin te/ /ma byas ye nas lhun gyis grub/ /'dod pas thams
85a4 cad kun spangs pas/ /grub par byed pa'i gegs su che/ /'dod pa'i ting 'dzin bag chags des/ /bag chags des ni sems 'dzin yin/ /'dzin pas bde ba de
85a5 spong byed/ /mi 'dzin bde ba kun len pas/ /ji bzhin pa yi rang bzhin no/ /ji bzhin bcos pa med pa de/ /sangs rgyas kun gyi dgongs pa gcig /bde ba che
85a6 las ma gtogs pa/ /'dod dang 'dzin pa ga la yod/ /mi gnas pa la dmigs pa med/ /mi rtog pa la 'dzin pa med/ /med pa don gyi snying po de/ /'dod pa
85a7 med pas thob par 'gyur/ /gang la 'dzin chags med pa des/ /ting nge 'dzin te 'dzin pa'i mchog /kun zin ye nas grub zin pas/ /btang gzhag mi rtog grub
85b1 pa'i rgyal/ /kye sems dpa' chen po/ sna tshogs bsgoms pas gcig mi gsal/ /gsal ba ting 'dzin gang byed pa/ /de la'ang ting 'dzin yod ma yin/ /de bzhin nyid
85b2 du gcig pa la/ /sangs rgyas sems can gnyis su phye/ /bde dang sdug bsngal gnyis phye nas/ /bde ba dang du blang lung bstan/ /sdig pa rgyab tu bor lung bstan/ /de
85b3 ni nges pa'i lung dang 'gal/ /kye sems dpa' chen po/ gcig la gnyis su ma 'byed cig /bde ba sdug bsngal byang chub gcig /sangs rgyas sems can sems su
85b4 gcig /snang srid snod bcud chos nyid gcig /bden brdzun gnyis kyang chos nyid mnyam/ /bde ba ma len sdug ma spong / /rang bzhin gnas pas kun kyang 'grub/ /
85b5 bde la chags pa sdug bsngal yin/ /kun gsal de la rtog med pas/ /de ni rang 'byung ye shes yin/ /ye shes bag chags mi gsog pas/ /las kyis gos par ga
85b6 la 'gyur/ /rgyu 'bras ye shes ting 'dzin rtog /rtog pa'i ye shes bag chags can/ /ye shes bag chags dbang bsgyur bas/ /rtog pa'i ye shes bsgom mi bya/ /rtog
85b7 pa'i ye shes bsgom byas pas/ /mi rtog mnyam dang bral bar 'gyur/ /ting 'dzin rtsol ba'i nad kyis zin/ /kye sems dpa' chen po/ kun byed nga ni byang chub sems/
86a1 @#/ /thams cad byang chub sems yin la/ /byang chub sems las thams cad med/ /sems las sprul pa'i chos ni sna tshogs te/ /sna tshogs
86a2 sprul pa cir yang snang ba ni/ /sems can gzugs dang dbyibs dang kha dog dang / /ji ltar snang ba de la dad pa re/ /dad pa de yis 'thad pa'i chos ston pa/ /de ni
86a3 ye shes thugs rje sprul par bshad/ /de yang rang bzhin chos la g.yos pa med/ /sangs rgyas rang bzhin chos la g.yos med pas/ /dus gsum rgyal ba rnams
86a4 kyi chos nyid yin/ /chos nyid las ni sangs rgyas gud na med/ /sangs rgyas las ni sems can gud na med/ /sems can mi rtogs sangs rgyas dgongs pa yin/ /
86a5 byang chub sems ma byung gi bar du ni/ /sangs rgyas dang ni sems can gnyis ka med/ /de bas sangs rgyas kun pas sems nyid bsngags/ /sems nyid mi
86a6 'gyur 'gyur ba ye nas med/ /chos nyid bsgyur bas g.yos pa rdul med par/ /gcig la rim pa dgu dang brgyad khri stong / /'byed pa'i ston pas gcig gi don mi
86a7 rtogs/ /gcig ma rtogs pas kun don rtogs mi 'gyur/ /des na sems gcig don de rab tu rtogs/ /zhes gsungs so/ /byang chub kyi sems kun byed rgyal po
86b1 las/ ma g.yos 'dod pa med pa'i le'u ste nga gnyis pa'o// //de nas byang chub kyi sems kun byed rgyal po des chos thams cad g.yos pa med pa 'di gsungs
86b2 so/ /kye/ sems dpa' chen po nga rtogs shig /nga rtogs chos rtogs g.yos pa med/ /kun byed rgyal po ston pa nga nyid ni/ /byang chub sems la g.yos pa med pa de/ /thams
86b3 cad byang chub sems las g.yos med cing / /rang 'byung ye shes rgyu rkyen med pa de/ /rgyu dang 'bras bu kun las shin tu rgyal/ /rgyu 'bras theg pa can la shin tu gsang / /ma
86b4 skyes rdo rje chos kyi dbyings na rgyal/ /rgyu 'bras can la mi smra shin tu gsang / /sems nyid ma 'gags nam mkha'i dbyings na rgyal/ /rgyu 'bras can la mi smra shin tu gsang / /
86b5 snang srid snod bcud ma bcos chos nyid rgyal/ /rgyu 'bras can la mi smra shin tu gsang / /nam mkha' rlung chu sa me snang ba lnga/ /byang chub sems kyi ngo bor shin tu rgyal/ /rgyu
86b6 'bras can la mi smra shin tu gsang / /khams gsum dus gsum thugs rje ye shes rgyal/ /rgyu 'bras can la mi smra shin tu gsang / /byang chub sems kyi rang bzhin
86b7 kun byed la/ /ma yal ma zhi rang bzhin zhi ba med/ /chos dbyings rang bzhin spros med zhi ba med/ /ma yal ma zhi rang bzhin spros pa med/ /rang 'byung ye shes ma
87a1 @#/ /bsgribs gsal ba de/ /mkha' la ma yal ma zhi zhi ba med/ /snang srid snod bcud chos nyid rang bzhin te/ /ma yal ma zhi rang bzhin zhi ba
87a2 med/ /chos rnams thams cad ma yal ma zhi ba/ /rang bzhin gsal te ngo bo g.yos pa med/ /g.yos med chos la rgyu 'bras sgrub byed pa/ /de ni nga yi lung min 'dod
87a3 lung yin/ /nga ni 'dod pa med pas kun grub ste/ /mi 'dod 'dod pa med par rang bzhin 'grub/ /grub ces bya ba nga yis smras pa med/ /rgyu 'bras grub 'dod
87a4 rnams kyi tshig tu'o/ /nga ni sgro dang skur ba'i sgra ru che/ /yod dang med dang grub dang ma grub dang / /sgro dang skur pa btab pa thams cad kun/ /mi rtog pas ni mnyam pa
87a5 nyid du gnas/ /mnyam pa nyid las ma gtogs gzhan pa ni/ /sangs rgyas kun gyi mes po ngas ma gsungs/ /ma gsungs dgongs pa sangs rgyas kun mi ston/ /
87a6 gsungs pa thams cad nga yi ngo bo gsungs/ /ngo bo rang bzhin chos rnams thams cad yin/ /rang bzhin rnam dag mnyam pa'i rgyal po de/ /mi 'gyur rang bzhin
87a7 chags pa kun dang bral/ /gzung ba'i yul med sems kyi gnas kyang med/ /de la mngon sum thob par su 'dod pa/ /'dod pa de ni chags pa'i gnas yin te/ /
87b1 de la mi rtog mnyam pa'i dgongs pa de/ /chos nyid ye nas rang bzhin gnas pa la/ /de btsal bsam pas 'dod sgrub byed pa ni/ /rang sems gzhan du tshol bar byed
87b2 pa yin/ /de yis chos kyi dbyings dang nam mkha'i khams/ /khams gsum gnas dang srid pa'i chos bshig kyang / /rang sems rang bzhin gnas pa de mi rnyed/ /rang gi
87b3 sems ni nam mkha'i rang bzhin te/ /mtha' la thug pa med pas dbyings la bri ba med/ /rang sems nam mkha' rang bzhin de mi rig /chos kyi rang bzhin kun kyang de lta ste/ /
87b4 ji bzhin pa la kun kyang bcos pa med/ /'chos pa rol pa'i ting 'dzin ci byas kyang / /ji bzhin pa la ngo bo 'gyur ba med/ /'gyur te lhag pa'i stobs gcig che 'gyur na/ /ting
87b5 'dzin gcig gis 'khor ba lhag ma med/ /smra yang ji bzhin pa la 'gyur ba med/ /rang bzhin che ba'i yul la rang bzhin gnas/ /rang bzhin ma bcos pa yi ming yin
87b6 la/ /che ba ma bcos pa la lam zhes brjod/ /sangs rgyas rnams kyi sku gsung thugs dang ni/ /sems can rnams kyi lus ngag yid gsum la/ /bzang ngan che chung khyad par yod
87b7 ma gsungs/ /mi rtog chos nyid mnyam pa nyid du gnas/ /mnyam pas chos dang chos min gcig kyang med/ /sems can rgyu med sangs rgyas 'bras bu med/ /rgyu 'bras ston pa ston
88a1 @#/ /pa nyid lung nor/ /de bas nga las byung ba'i chos mnyam pas/ /nga las byung ba bzang ngan med mnyam gcig /ces gsungs so/ /byang chub kyi sems kun
88a2 byed rgyal po las /chos thams cad kyi rang bzhin g.yos pa med pa'i le'u ste nga gsum pa'o// //de nas byang chub kyi sems kun byed rgyal po des nyid kyi rang
88a3 bzhin rang 'byung gi ye shes yin la rang 'byung gi ye shes de don gyi ngo bo lnga dang ldan te/ gang zhe na/ don chos thams cad 'byung ba'i snying po dang / don ma nor nges pa'i ngo bo dang /
88a4 don rgyu 'bras 'das pa'i ngo bo dang / don byar med pa'i ngo bo dang / don chos thams cad gtan la 'bebs pa'i ngo bo dang lnga'o/ /de la rang 'byung gi ye shes de la bsdus pa'i mdo
88a5 lung ni lnga/ phye ba'i mdo lung ni lnga bcu rtsa bdun pa 'di gsungs so/ /kye/ sems dpa' chen po don 'di nyon cig /kun byed rgyal po byang chub sems nga ni/ /rang 'byung ye shes chen po
88a6 gcig la ni/ /rang 'byung ye shes bsdus pa lnga las ni/ /phye ba'i mdo lung lnga bcu rtsa bdun te/ /nga yi ngo bo lnga bcu rtsa bdun yin/ /de yi ngo bo ji ltar yin zhe na/ /ye shes ngo bo chos
88a7 kyi snying po las/ /mngon du phyung ba'i mdo lung bcu yang bstan/ /ye shes ma nor nges pa'i ngo bo las/ /ma nor nges pa'i mdo lung bcu yang bstan/ /ye shes rgyu 'bras 'das
88b1 ba'i ngo bo las/ /rgyu 'bras 'das pa'i mdo lung bcu yang 'byung / /ye shes bya ba med pa'i ngo bo las/ /bya med rdzogs pa'i mdo lung bcu yang 'byung / /ye shes gtan la 'bebs
88b2 pa'i ngo bo las/ /gtan la 'bebs pa'i mdo lung bcu yang 'byung / /sems nyid ye shes ngo bo rnam lnga las/ /mdo lung bcu tshan rnam pa lnga byung ni/ /rang bzhin ngo bo yid ches lnga
88b3 bstan yin/ /bdun ni nges par bstan pa'i le'u bdun gyis/ /gcig gis gzhi bstan gcig gis gdams pa bstan/ /lnga yis so so dgos pa lnga yang bstan/ /de yi don gyi bye brag
88b4 bstan pa ni/ /dbang po chos nyid mthong bar bya ba'i phyir/ /mngon du phyung ba'i mdo lung bcu yang bstan/ /yin min yid ches rtog pa bsal ba'i phyir/ /ma nor nges pa'i mdo
88b5 lung bcu yang bstan/ /kun byed rgyal po'i rang 'byung ye shes de/ /rgyu rkyen dag la rag ma las pa'i phyir/ /rgyu 'bras 'das pa'i mdo lung bcu yang bstan/ /kun byed rgyal po'i rang
88b6 'byung ye shes des/ /bya byed rtsol sgrub bya mi dgos pa'i phyir/ /bya med rdzogs pa'i mdo lung bcu yang bstan/ /kun byed rgyal po'i rang 'byung ye shes des/ /nyid kyi rang bzhin gtan
88b7 la 'bebs pa'i phyir/ /gtan la 'bebs pa'i mdo lung bcu yang bstan/ /de la don gyi dgos pa lnga yod de/ /chos nyid mngon du phyung ba'i mdo lung la/ /chos nyid mngon du mthong ba'i
89a1 @#/ /dgos pa yod/ /chos nyid ma nor mngon du mthong ba des/ /lta spyod dam tshig lam la bgrod mi dgos/ /ma nor nges par bstan pa'i mdo lung la/ /ma nor yid
89a2 ches nges pa'i dgos pa yod/ /sems nyid ma nor yid ches mngon pa des/ /sangs rgyas bsgrub mi dgos pa'i dgos pa yod/ /rgyu rkyen rag ma lus pa'i mdo lung la/ /rtsol sgrub bya
89a3 mi dgos pa'i yon tan yod/ /rtsol zhing sgrub pa bya mi dgos pa des/ /mi rtsol bde la gnas pa'i dgos pa yod/ /bya med rdzogs pa'i mdo lung bstan pa la/ /ma byas rang bzhin
89a4 rdzogs pa'i dgos pa yod/ /bya med rang bzhin rdzogs pa'i dgos pa des/ /ye nas lhun gyis rdzogs pa'i dgos pa yod/ /gtan la 'bebs pa'i mdo lung bstan pa las/ /
89a5 dus gsum sangs rgyas khams gsum sems can dang / /snang srid snod bcus bsdus pa thams cad kun/ /rgyu med nges pa rang 'byung bya med par/ /mdo lung lnga dang mthun par
89a6 gtan la 'bebs/ /gtan la 'bebs pa'i mdo rtsa bstan pa ni/ /dus gsum sangs rgyas dang por lung bstan pa/ /chos nyid nam mkha' lta bu'i rang bzhin la/ /snga phyi dus
89a7 gsum lta ba'i sems can rnams/ /phyi ba dran med snga pa bag chags 'gags/ /sems can nam mkha'i chos nyid mi shes mthong / /sangs rgyas sangs rgyas zhes bya'i nges
89b1 tshig ni/ /chos nyid byang chub sems kyi rang bzhin la/ /spros med dbyibs dang dbang po'i spyod yul sangs/ /nam mkha' bzhin du kun la khyab cing rgyas/ /sangs rgyas ming du
89b2 btags pa nga yis med/ /khams zhes bya ba'i gtan tshig bstan pa ni/ /mang zhing rgya che ba yi mtshan nyid de/ /khams gsum sems can gcig gi dbang po yis/ /dpag gis
89b3 mi lang bas na khams shes btags/ /yang dag nges par ming du btags pa med/ /sems zhes bya ba'i nges tshig bstan pa ni/ /rgyu rkyen med pa'i rang 'byung ye shes des/ /ma
89b4 'gags kun la dbang po sgo lngar gsal/ /de la sems zhes bya bar gsal bar bshad/ /snang srid snod bcud bsdus pa thams cad kun/ /skye ba med las cho 'phrul
89b5 snang ba de/ /sna tshogs srid pas snang srid ces su btags/ /snod dang bcud ces bya bar bstan pa ni/ /'byung lnga snod kyi nang na rgyud drug bcud/ /gnas pas snod bcud ces
89b6 su btags pa yin/ /kun byed bya ba lhag ma ma lus pa/ /bsdus pas kun byed rgyal po'i rang bzhin lngar/ /mdo lung lnga bcu rtsa bdun byung nas bsdus/ /kun byed rang bzhin
89b7 lnga ru 'dus par bstan/ /snying po mngon du 'byin pa'i rang bzhin dang / /ma nor nges par ston pa'i rang bzhin dang / /rang 'byung rgyu 'bras 'das pa'i rang bzhin dang / /bya byed
90a1 @#/ /rtsol sgrub 'das pa'i rang bzhin dang / /mthun par gtan la 'bebs pa'i rang bzhin dang lnga'o/ /zhes gsungs so/ /kye/ ston pa kun byed rgyal po
90a2 lags/ /sems dpa' rdo rje bdag gi rig pa yis/ /kun byed rang 'byung ye shes gcig ngo la/ /dgos pa phun sum tshogs pa lnga byung ste/ /rang 'byung ye shes chos kyi snying po
90a3 las/ /snang zhing srid pa'i chos rnams thams cad kun/ /mi snang ba la mngon du 'byin nus pas/ /chos kyi snying po yin par yid kyang ches/ /rang 'byung ye shes gcig gi ngo bo
90a4 de/ /don dam kun rdzob bden brdzun gnyis med par/ /ma nor nges pa'i byang chub sems ston pas/ /the tshom som nyi med par yid kyang ches/ /rang 'byung ye shes gcig gi ngo bo
90a5 de/ /rgyu la mi brten rkyen la mi sgrub pas/ /gzhan la rag ma las pa'i rang bzhin gyis/ /rang 'byung ye shes yin par yid kyang ches/ /rang 'byung ye shes gcig gi ngo bo de/ /rgyu
90a6 rkyen med par lhun gyis grub pa'i phyir/ /phrin las btsal zhing bya byed bya mi dgos/ /ma btsal lhun gyis grub par yid kyang ches/ /rang 'byung ye shes gcig gi ngo bo de/ /rang
90a7 'byung ye shes ye nas ma bsgribs pas/ /ji ltar snang ba'i chos rnams thams cad gsal/ /chos rnams thams cad gtan la 'bebs pa'i phyir/ /ston pa'i sgron ma yin par
90b1 yid kyang ches/ /zhes gsungs so/ /byang chub kyi sems kun byed rgyal po las/ /mdo lung thams cad kun byed nyid kyi rang bzhin du bsdus nas bstan pa'i le'u ste nga bzhi pa'o// //
90b2 de nas byang chub kyi sems kun byed rgyal po des chos thams cad byang chub sems las gzhan med pa'i mdo 'di gsungs/ kye sems dpa' chen po nyon cig /ji ltar snang
90b3 srid snod bcud bsdus pa dang / /don dang tshig tu brjod pa thams cad kun/ /byang chub sems yin pa ni 'di lta ste/ /chos kyi dbyings dang nam mkha'i khams 'di yang / /
90b4 ma spros ma bsgribs pa yi byang chub sems/ /'di las gzhan yin bdag gis gsungs pa med/ /nam mkha' rlung chu sa me snang ba yang / /byang chub sems kyi ngo bo
90b5 bstan pa yin/ /'dod khams gzugs khams gzugs med khams gsum yang / /byang chub sems kyi ngo bo gsum snang yin/ /de ston pa yi ston pa sku gsum yang / /
90b6 byang chub sems kyi rang bzhin rnam gsum yin/ /sems nyid ye shes ma 'gags 'dod khams snang / /sems nyid ngo bo snang ba gzugs kyi khams/ /sems kyi rang bzhin ma
90b7 skyes gzugs med khams/ /rang bzhin ma skyes spros bral chos kyi sku/ /sems nyid nyid la nyid spyod longs spyod rdzogs/ /sems las sems sprul sems kyi don mdzad
91a1 @#/ /sprul/ /dmyal ba la sogs 'gro ba ris drug gi /tsha grang bkres skom blun klugs ltung 'gyur rnams/ /mi rtog mnyam pas ji bzhin chos nyid grol//
91a2 rang 'byung ye shes yul la mi rtog pas/ /las kyi bag chags skyon yon kun dang bral/ /yon tan mi len skyon rnams mi dor bas/ /bde ba mi sgrub sdug bsngal spang
91a3 du med/ /ji bzhin pa la ye nas g.yos pa med/ /de bzhin bsgyur bas 'gyur ba'i chos gang med/ /'dod pas len pas thob pa'i chos kyang med/ /chos rnams rang
91a4 bzhin 'byung pa'i mtshan nyid ni/ /sems las rang 'byung ye shes 'byung ba 'dra/ /'dra zhes ming btags rang 'byung ye shes yin/ /rang 'byung ye shes chos nyid yul
91a5 gcig la/ /chos gzhan mthong nas ye shes de spong byed/ /rang 'byung ye shes de dang phrad mi 'gyur/ /spong 'gegs yul can dag la ming mi grag /don dam kun rdzob
91a6 bden pa rnam gnyis kyis/ /sbyangs kyang bskal pa gsum gyi bar du thogs/ /dag gsum spyod dang mtshan med sgor zhugs nas/ /byang chub yan lag kun gyi sgor zhugs
91a7 nas/ /cho ga rdzogs pa'i ting 'dzin rim pa yis/ /rang 'byung ye shes tshe bdun bar du spangs/ /thabs dang shes rab gnyis med sgor zhugs nas/ /skye med shes rab
91b1 thabs kyis bskyod 'gyur nas/ /snang la rang bzhin med par rang bsgoms nas/ /cho ga lnga dang yo byad yan lag dang / /dam tshig tshul dang rab tu brtson 'gyur na/ /rig 'dzin
91b2 sa ste lo stong drug brgya ru/ /longs sku 'dod pa'i ting 'dzin yengs med byed/ /longs sku thob nas rang sems bzod tshol lta/ /stong phrag gcig na mi rtog mnyam bzod rnyed/ /
91b3 kye/ sems dpa' chen po rdo rje khyod nyid kyang / /nga lung ma nor khyod kyis nga ston cig /kye/ sems can lha mi rnams ni shes pa rtsing / /dbang po yul la yengs pa'i rang bzhin
91b4 gyis/ /sems can mi shes gang bstan tshim pa la/ /ma nor nges pa'i lung chen ma bstan par/ /rgyu 'bras drang lung don dam kun rdzob bstan/ /bden brdzun gnyis kyis
91b5 shes pa de tshim nas/ /bskal pa yun ring bden brdzun gnyis la gnas/ /de bas dang por rang sems ma nor bstan/ /bstan pas ma nor btsal med lam phrad nas/ /
91b6 da lta nyid nas mi rtsol sa la gnas/ /btsal du med pa'i lam dang de phrad 'gyur/ /ting 'dzin bsgom mi dgos dang de phrad 'gyur/ /mi rtsol bde la gnas pa de yis thob/ /ma
91b7 nor nges par rang sems de thob pas/ /ma btsal lhun gyis grub pa'i yon tan ni/ /sems bskyed mi dgos lam la bgrod mi dgos/ /sa la mi sbyong lta ba bsgom mi dgos//
92a1 @#/ /sdom pa tshul khrims dam du gnyer mi dgos/ /kye/ sems dpa' chen po lung ston cig /'jig rten mtshan ma'i chos 'di bsgrub pa bzhin/ /lus kyi
92a2 las su bya byed lha mi sgom/ /ngag gi las su sngags dang tshig mi brjod/ /yid kyi las su ting 'dzin gsal mi dgos/ /zhes gsungs so/ /byang chub kyi sems kun byed rgyal
92a3 po las/ chos thams cad byang chub kyi sems las med pa'i le'u ste nga lnga pa'o// //de nas sems dpa' rdo rje des/ byang chub kyi sems kun byed rgyal po de
92a4 chos thams cad kyi ngo bo dang / byed pa po yin par nyid kyi 'khor thams cad la tshig bsgrags pa dang / rtogs pa phul ba 'di bsgrags so/ /kye/ ston pa'i ston pa kun byed
92a5 rgyal po lags/ /bdag gis khyod kyi rang bzhin rtogs pa ni/ /chos rnams thams cad khyod kyi rang bzhin gcig /chos nyid chos kyi dbyings kyi pho brang de/ /kun byed rgyal po
92a6 yin par rab tu grags/ /nam mkha'i khams kyi gzhal yas khang 'di yang / /kun byed rgyal po yin par rab tu grags/ /skye med chos kyi sku yi ston pa yang / /kun byed rgyal
92a7 po yin par rab tu grags/ /'dod spyod longs spyod rdzogs pa'i sku 'di yang / /kun byed rgyal po yin par rab tu grags/ /thugs rje ye shes sprul pa'i sku 'di yang / /kun byed
92b1 rgyal po yin par rab tu grags/ /'dod pa'i khams kyi 'dod chags khams 'di yang / /kun byed rgyal po yin par rab tu grags/ /gzugs kyi khams kyi nga rgyal khams 'di
92b2 yang / /kun byed rgyal po yin par rab tu grags/ /gzugs med khams kyi yid kyi lus 'di yang / /kun byed rgyal po yin par rab tu grags/ /snga rabs 'das pa'i sangs
92b3 rgyas nyid la gnas pa yang / /kun byed rgyal po yin par rab tu grags/ /da ltar bzhugs pa'i sangs rgyas don mdzad kyang / /kun byed rgyal po yin par rab tu grags/ /slad
92b4 kyis byon pa'i nyid las byung ba yang / /kun byed rgyal po yin par rab tu grags/ /rnal 'byor rnam bzhi nyid la lta pa yang / /kun byed rgyal po yin par rab tu grags/ /snang srid
92b5 snod bcud 'byung ba lnga bsdus pa/ /kun byed rgyal po yin par rab tu grags/ /kun byed rgyal po las ni ma gtogs par/ /sangs rgyas sems can snang srid snod bcud dang / /chos
92b6 su grags pas bsdus pa thams cad la/ /kun byed rgyal po las ni gzhan mi snang / /zhes sems dpa' rdo rjes bsgrags so/ /byang chub kyi sems kun byed rgyal po las/ sems
92b7 dpa' rdo rjes kun byed kyi rang bzhin rtogs pa'i sgo nas bsgrags pa'i le'u ste nga drug pa'o// //de nas byang chub kyi sems kun byed rgyal po las sems dpa' rdo rje la
93a1 @#/ /bstan pa gtad pa'i le'u 'di gsungs so/ /kye/ sems dpa' rdo rje 'di zungs shig /khyod ni rang 'byung ye shes te/ /khyod ni nga yis snying por byung / /nga yi rang
93a2 bzhin 'di zungs shig /nga yi rang bzhin rnam gsum las/ /sku gsum ston pa byung pa yang / /de yi rang bzhin khyod kyis zungs/ /de yi bstan pa rnam gsum yang / /bstan pa smra ba'i
93a3 seng+ge yis/ /dus gnas 'khor la sogs pa yang / /nyid kyis byas par lung ston cig /kun byed pa yi rang bzhin nam/ /kun byed nga yi mtshan bshad bzhin/ /khyod kyis nga yi rang
93a4 bzhin zungs/ /nga ni kun gyi rang bzhin yin/ /sangs rgyas mes po nga yin gyi/ /sangs rgyas kun gyi sems po gyis/ /kun byed rgyal po nga nyid ni/ /sku gsum ston pa'i pha yin gyi/ /
93a5 khyod kyis sku gsum pha ma gyis/ /dus gsum sangs rgyas mes po gyis/ /sems can kun gyi yang mes po/ /smra ba'i seng+ge smra ba'i tshe/ /ji ltar snang ba'i chos rnams kun/ /sems
93a6 dpa' chen po nyid dang ni/ /kun byed rgyal po nga las ni/ /gzhan yin smra bar ma byed cig /sku gsum bstan pa'i nang nas ni/ /rgyu dang 'bras bu rnam gnyis las/ /rgyu la bsgrubs
93a7 nas 'bras bur 'dod/ /sems can sangs rgyas ming btags nas/ /sems kyis sangs rgyas 'bras bur sgrub/ /'di ni nga yi bstan pa min/ /kun byed nga yi rang bzhin ni/ /rgyu
93b1 dang 'bras bu gnyis las 'das/ /sems can sangs rgyas gnyis med pas/ /sangs rgyas sems kyis sgrub ma byed/ /kun byed rgyal po nga nyid ni/ /sems nyid rang 'byung ye shes
93b2 so/ /zhes gsungs so/ /byang chub kyi sems kun byed rgyal po'i mdo las/ bstan pa gtad pa'i le'u ste lnga bcu rtsa bdun pa'o// //byang chub kyi sems kun byed rgyal po
93b3 rdzogs so// //rgya gar gyi mkhan po shrI sing ha pra b+hA dang / bod kyi lots+tsha ba pa gor bai ro tsa nas bsgyur cing zhus te gtan la phab pa'o// //de nas byang chub kyi
93b4 sems kun byed rgyal po rang 'byung ye shes skye ba med par rtogs nas cang mi gsung bar bzhugs so/ /de nas sems dpa' rdo rje dam pa des 'di skad ces zhus so/ /kye/ ston pa'i
93b5 ston pa kun byed rgyal po lags/ /legs par gsung ba'i mdo dag mthar phyin na/ /ston ba gsum po nyid kyis ji ltar rtogs/ /bstan pa gsum po nyid kyis ji ltar rtogs/ /'khor
93b6 gnas dus kyi rang bzhin ji ltar rtogs/ /nyid kyis ji ltar rtogs pa'i dgongs pa'i don/ /bdag cag rnams la legs par bstan du gsol/ /zhes zhus so/ /de nas byang chub kyi
93b7 sems kun byed rgyal po rtogs pa bshad pa zhes bya ba'i rgyud phyi ma 'di gsungs so/ /kye/ sems dpa' rdo rje don 'di legs par nyon/ /ston pa'i ston pa kun byed rgyal po yi/ /nga
94a1 @#/ /las byung pa'i ston pa sku gsum gyis/ /so sor 'dul ba'i don du gang gsungs pa/ /ston pa re dang gnas dang 'khor dag dang / /bstan pa sdud pa so
94a2 sor gnas par rtogs/ /kun byed nga yi rang bzhin rtogs pa min/ /kye/ kun byed nga yi rtogs tshul bstan pa ni/ /nga nyid skye ba med pa'i rang bzhin te/ /de las byung ba'i chos ni
94a3 thams cad kun/ /rang 'byung skye ba med pa'i dbyings su rtogs/ /kye/ sems dpa' chen po legs par da nyon cig /nga nyid skye ba med par ngas rtogs pas/ /ston pa gsum yang skye
94a4 ba med par rtogs/ /bstan pa gsum yang skye ba med par rtogs/ /'khor gnas dus kyang skye ba med par rtogs/ /'das pa'i sangs rgyas skye ba med par rtogs/ /da ltar byung
94a5 pa'i sangs rgyas bzhugs pa yang / /skye ba med pa nyid du rab tu rtogs/ /ma byon slad kyis 'byung ba'i sangs rgyas kyang / /skye ba med pa nyid du rab tu rtogs/ /kye/ ston pa kun
94a6 byed nyid kyis rtogs pa ltar/ /sems dpa' rdo rje khyod kyis rtogs par gyis/ /sems dpa' rdo rjes de ltar ma rtogs na/ /kun byed nga yi rang bzhin rtogs mi 'gyur/ /nga yi rang
94a7 bzhin khyod kyis ma rtogs na/ /snying po'i rang bzhin bcu dag rtogs mi 'gyur/ /rang bzhin bcu yi don la rmongs pa yis/ /bsgom du med pa'i lung bcu ji ltar rtogs/ /kye/
94b1 nga yis chos rnams ji ltar bstan pa ltar/ /sems dpa' rdo rje khyod kyis rtogs par byos/ /nga yis rang bzhin skye med rtogs pa ltar/ /kun gyi rang bzhin skye med rtogs par/ /
94b2 gyis/ /ston pa gsum yang skye ba med par rtogs/ /bstan pa gsum yang skye ba med par rtogs/ /'khor gnas dus kyang skye ba med par rtogs/ /dus gsum sangs rgyas skye ba
94b3 med par rtogs/ /rgyud drug sems can skye ba med par rtogs/ /sa chu me rlung nam mkha' lnga po yang / /skye ba med pa'i ngang du rab tu rtogs/ /khams gsum srid gsum skye ba
94b4 med par rtogs/ /'dod lnga yul lnga skye ba med par rtogs/ /des na chos kun byang chub sems nyid de/ /byang chub sems ni kun byed rgyal po nyid/ /kun byed rgyal po skye ba med
94b5 par rtogs/ /chos kun rtsa ba byang chub kun byed nga nyid de/ /nga nyid ma skyes dbyings su rtogs pa na/ /kun kyang skye med dbyings su rtogs par 'gyur/ /zhes gsungs so/ /byang chub
94b6 kyi sems kun byed rgyal po las/ rtogs pa gleng gzhi'i le'u ste nga brgyad pa'o// //de nas byang chub kyi sems kun byed rgyal pos lta ba bsgom du med ba rtogs
94b7 pa 'di gsungs so/ /kye/ sems dpa' rdo rje legs par da rtogs shig /chos rnams kun gyi rtsa ba kun byed la/ /lta dang blta bar bya ba yod ma yin/ /gang la gang ltar snying po
95a1 @#/ /gang rtogs pa/ /kun byed nga yi rang bzhin rtogs pa yin/ /kye/ ji ltar snang ba'i chos rnams ma lus kun/ /kun byed skye ba med par kun gnas par/ /su
95a2 zhig snying po'i don la rtogs 'dod pas/ /kun byed nga yi rang bzhin rtogs par gyis/ /kye/ kun byed nga yi rang bzhin ma rtogs par/ /so sor bstan pa'i lung dang yid 'thad cing //
95a3 sku gsum ston pa'i don la gang 'jug pa/ /kun byed nga yi don dang shin tu 'gal/ /kye/ ston pa kun byed nga nyid ma gtogs par/ /lta ba'i rang bzhin kun mkhyen skye med 'di//
95a4 'das dang da ltar ma 'ongs sangs rgyas kyis/ /ma rtogs mi rtogs rtogs par lung mi ston/ /mi skyes skye ba med pa'i sangs rgyas kyang / /kun byed nga yi lung dang phrad nas ni/ /des
95a5 kyang lta ba skye med rab tu rtogs/ /sangs rgyas kun gyi ngo bor byin gyis brlabs/ /kye/ kun byed rgyal po ston pa'i lung med na/ /dus gsum sangs rgyas khams gsum sems
95a6 can dang / /ma skyes lam la lta ba'i rnal 'byor dang / /la dgu lung dgu rgal yang sa bcu yis/ /rang rang dngos po'i don la rtog dpyod pas/ /ma skyes snying po'i don la sgrib
95a7 pa'i phyir/ /rgyu 'bras bral ba'i byang chub snying po 'di/ /kun gyi lta ba'i don 'di rtogs pa med/ /kye/ de bas ston pa kun byed nga yis kyang / /'khor gyi dang po sems dpa' rdo
95b1 rje la/ /sku gsum ston pa gsum gyis bshad pa'i lung / /de la ma gnas shig par nga lung ston/ /de ltar nges pa'i lung 'di ma bstan na/ /dus gsum rgyal ba kun gyi
95b2 yang mes po/ /kun byed rgyal po nga yi gdud chad nas/ /kun kyang 'khor pa'i lam la gzhol bar 'gyur/ /kye/ de phyir sems dpa' rdo rje khyod kyis kyang / /lta dang mi
95b3 blta yul la 'das pa la/ /gang bltas don la rnam rtog mched pa'i phyir/ /rgyu 'bras can gyi lta ba khyod ma rtogs/ /shin tu rnal 'byor mi gnas theg pa la/ /bltas
95b4 shing brtags pas mthong ba'i don 'gag pas/ /ma bcos snying po kun byed rang bzhin la/ /bltas pas mthong ba med pa'i don du rtogs/ /kye/ kun byed rgyal
95b5 po byang chub sems nga ni/ /chos rnams kun gyi blta ba'i me long ste/ /gsal la rang bzhin med par kun 'char bas/ /ma bltas rang bzhin gsal bar lung
95b6 bstan to/ /ma skyes de bzhin nyid kyi yul nyid la/ /blta ba'i yul med mthong ba chen por rtogs/ /zhes gsungs so/ /byang chub kyi sems kun byed rgyal po
95b7 las/ skye ba med pa'i le'u ste nga dgu pa'o// //de nas byang chub kyi sems kun byed rgyal pos dam tshig bsrung du med par rtogs pa 'di gsungs so//
96a1 @#/ /kye/ ston pa'i ston pa kun byed rgyal po 'di/ /nga las byung ba'i ston pa sku gsum gyis/ /dbang po'i khyad par rim par lung bstan pa/ /kun byed bsrung du
96a2 yod pa'i don du rtogs/ /la las sdom dang 'dul khrims dag par rtogs/ /la las rig 'dzin sdom pa dag par rtogs/ /la las grangs dang rtsa ba yan lag rtogs/ /ji
96a3 ltar brtags kyang rtogs par lung ma bstan/ /kun byed rgyal po'i dam tshig 'di/ /bsrung dang mi srung phyogs ris med par bstan/ /gang gis bsrung dang mi srung med
96a4 rtogs pa/ /kun byed nga yi dam tshig rtogs pa yin/ /kye/ ston pa'i ston pa kun byed rgyal po nga / /rtsa ba byang chub sems su kun gcig las/ /kun kyang snying po'i dam
96a5 tshig yin pas na/ /bsrung dang mi srung don la 'das par rtogs/ /kye/ kun byed rgyal po'i lta ba'i dam tshig ni/ /skye med nam mkha' lta bur phyogs 'das pas/ /gang
96a6 gis de dag legs par rtogs pa de/ /kun byed rgyal po'i dam tshig rtogs pa yin/ /kye/ ston pa'i ston pa kun byed rgyal po ngas/ /dam tshig bsrung du med par lung
96a7 bstan pa/ /tshig tu rtsa ba'i rgyud las gang thos pa/ /'dis ni don de legs par rtogs pa yin/ /kye/ kun byed rgyal pos snga bar lung bstan ltar/ /dus gsum chos
96b1 nyid 'gyur ba med pa'i phyir/ /kun byed rgyal po nga yi dam tshig ni/ /dus gsum du ni bsrung du med par rtogs/ /kye/ chos rnams rtsa ba sems su gcig pa ltar/ /dam tshig
96b2 rtsa ba bsrung du med par gcig /de yang rang sems skye med rtogs pa yin/ /phyal ba dang ni med pa gcig pu dang / /lhun gyis grub par bsrung ba kun las 'das/ /kun byed
96b3 rgyal po'i dam tshig rnam grangs te/ /skye ba med par rtogs pa'i rnam grangs yin/ /snying po bsrung du med par don gcig la/ /rtogs dang mi rtogs khyad par la dgongs nas//
96b4 drang dang nges pa gnyis su rnam phye nas/ /bsrung du yod dang med par lung bstan to/ /kye/ 'dis ni dam tshig bsrung med rtogs pa'i phyir/ /dus gsum rgyal ba'i dgongs pa
96b5 rtogs pa yin/ /gang gis 'di ma rtogs pa'i rnal 'byor pa/ /rang sems snying po'i don la shin tu 'gal/ /kye/ kun byed nga yi dam las gang 'das shing / /sku gsum
96b6 ston pa'i dam la gnas pa dag /bskal pa brgya phrag du ma rnams su yang / /snying po'i don dang phrad par shin tu dka'/ /de phyir kun byed nga yi lung thob pas/ /dam tshig
96b7 bsrung du med par rtogs par byos/ /zhes gsungs so/ /byang chub kyi sems kun byed rgyal po las/ bsrung med dam tshig gi le'u ste drug cu pa'o// //de nas
97a1 @#/ /byang chub kyi sems kun byed rgyal po des phrin las btsal du med pa 'di gsungs so/ /kye/ sems dpa' rdo rje legs par rtogs shig /ston pa'i
97a2 ston pa kun byed rgyal po nga'i/ /rang bzhin las byung ston pa sku gsum gyis/ /so so ji ltar 'dul ba'i skur byung nas/ /phrin las btsal bas don dang phrad par rtogs//
97a3 lus kyi las su phyag rgya bca' bar rtogs/ /ngag gis sngags dang bzlas pa byed par rtogs/ /sems kyis 'phro 'du ting 'dzin bsgom par rtogs/ /sgo gsum yal
97a4 bar gnas pas grub mi rtogs/ /kye/ ston pa kun byed nga yi 'phrin las ni/ /btsal bar bya med phrin las lung bstan pas/ /don dang mi 'gal bsam pa mthar phyung
97a5 bas/ /phrin las btsal du med par khyod kyis rtogs/ /kye/ ston pa kun byed nga yi 'phrin las ni/ /bdag don lhun gyis grub pas bya med rtogs/ /gzhan don
97a6 dbyings su gcig pas btsal med rtogs/ /de ltar khyod kyis nges par rtogs par gyis/ /kye/ kun byed byang chub sems su kun byas pas/ /byang chub sems la bya
97a7 mi dgos par rtogs/ /ma byas bya bral snying po byang chub la/ /bya dang mi bya tha snyad gang gis gdags/ /kye/ kun byed rgyal po nga yi phrin las ni/ /lus kyi las su
97b1 phyag rgya byar med rtogs/ /ngag gis bzlas brjod byar med snying por rtogs/ /sems kyis 'phro 'du sgom dang bral bar rtogs/ /'das dang ma byon da ltar bzhugs pa dang / /phrin
97b2 las bya med rtogs nas mngon sangs rgyas/ /dus gsum rgyal ba rtogs la rag lus pas/ /sems dpa' rdo rje thos nas rtogs par gyis/ /kye/ nga las byung ba'i ston pa sku
97b3 gsum gyis/ /zhi rgyas dbang dang drag po'i lung bstan pa/ /rnam rtog mtshan ma grangs la dga' ba la/ /'dul ba'i rtog pa grangs su bstan pa yin/ /kye/ de phyir kun byed nga
97b4 yis lung bstan pa/ /thos pa'i don la ma nor brtag par byos/ /bya rtsol kun dang bral ba'i phrin las kyis/ /ma byas don kun rdzogs pas rtogs pa 'char/ /kye/ sems dpa'
97b5 rdo rje don 'di legs par rtogs/ /snying po bya rtsol med pa'i don rtogs pas/ /bya dang mi bya med par don rdzogs pas/ /kun byed rgyal po'i phrin las 'di rtogs shig/ kye/
97b6 ston pa'i rgyal po kun byed nga yis ni/ /byas pa thams cad mtshan ma'i lam du bstan/ /bya bral phrin las nges don 'di rtogs pas/ /'gro ba kun byed rgyal po nyid du 'gyur//
97b7 snying po bya bral sgo gsum ma nor bas/ /bya rtsol 'das pa'i don la rtogs pa ni/ /dus gsum rgyal ba'i dgongs pa gcig pa'i phyir/ /ma nor lam la rtogs pa nyid mchog
98a1 @#/ /yin/ /zhes gsungs so/ /byang chub kyi sems kun byed rgyal po las/ /sgo gsum bya ba med par rtogs pa'i le'u ste drug cu gcig pa'o// //
98a2 de nas byang chub kyi sems kun byed rgyal pos dkyil 'khor bskyed du med par rtogs pa 'di gsungs so/ /kye/ sems dpa' rdo rje don 'di da rtogs shig /nga las byung ba'i
98a3 ston pa sku gsum gyis/ /mtshan ma grangs la dga' ba'i gdul bya la/ /tshogs dang dkyil 'khor bskyed du yod par bstan/ /gang zhig sku gsum lam la bsten byas
98a4 nas/ /mtshan ma grangs kyi sgo nas rtog byed pa/ /bskal pa bye ba brgya phrag yun ring du/ /dkyil 'khor bskyed du med pa'i don mi rtogs/ /kye/ de bas ston pa kun byed
98a5 rgyal po ngas/ /tshogs dang dkyil 'khor rang bzhin lhun rdzogs pas/ /ma byas rang bzhin grub pa'i chos nyid la/ /bskyed cing bsag tu med pa'i don rtogs na//
98a6 kye/ kun byed nga yi dkyil 'khor bstan pa ni/ /rang las byung ba'i dkyil 'khor rdzogs pa'i lung / /ma lus snying por rdzogs pas bskyed 'bri med/ /ma bskyed dus
98a7 gcig rdzogs pa dkyil 'khor rtogs/ /kye/ dkyil ni ma nor don gyi snying po la/ /'khor ni 'khor 'das bde chen rdzogs par ldan/ /de ni dkyil 'khor snying po
98b1 kun gyi rtsa/ /dkyil 'khor ma lus 'di la 'dus par rtogs/ /kye/ kun byed rgyal po nga yi dkyil 'khor ni/ /ma lus snying por rdzogs pa'i dkyil 'khor te/ /gang gis de dag
98b2 rdzogs par gang rtogs pa/ /dkyil 'khor bskyed pa med pa'i don la mkhas/ /kye/ ston pa'i ston pa kun byed rgyal po ngas/ /skye med byang chub sems kyi dkyil 'khor gyis//
98b3 'gro dang 'ong med kun tu khyab par gdal/ /rtogs pas skye ba med pa'i don la 'jug /kye/ rang 'byung ye shes lnga yi dkyil 'khor ni/ /rtogs dang ma rtogs don la rag lus
98b4 pas/ /bskyed dang mi bskyed gnyis su mthong ba yin/ /dam pa rtogs na bskyed dang mi bskyed med/ /de phyir sems dpa' rdo rje khyod kyis kyang / /sgra la ma gnas don nyid
98b5 rtogs par gyis/ /gang gis de la rtogs pa skyes ma thag /kun byed rgyal po don la 'byor bar 'gyur/ /kye/ rgyal ba ma lus 'dus pa'i snying po ste/ /rang bzhin khyab par
98b6 gnas pa'i dkyil 'khor 'di/ /ma bskyed rang bzhin gnas pa'i don 'di la/ /rtogs pa ci bder mnos la ma rtsol cig/ kye/ rgyal ba kun gyi rang bzhin kun byed ngas//
98b7 dkyil 'khor bskyed du med par don rtogs pas/ /de yi rang bzhin sgra ma thos yin par/ /sems dpa' rdo rje khyod kyis rtogs par gyis/ /kye/ kun byed rgyal po
99a1 @#/ /chags sdang rnam pa lnga/ /skye med byang chub sems su bstan pa ltar/ /sems dpa' rdo rje khyod kyis rtogs nas kyang / /de bzhin 'khor la khyod kyis
99a2 lung ston cig /ces gsungs so/ /byang chub kyi sems kun byed rgyal po las/ dkyil 'khor bskyed du med par rtogs pa'i le'u ste drug cu gnyis pa'o// //
99a3 de nas byang chub kyi sems kun byed rgyal pos dbang la bskur du med par rtogs pa 'di gsungs so/ /kye/ sems dpa' rdo rje don 'di des rtogs shig /nga ni ston pa kun
99a4 byed rgyal po ste/ /nga las byung ba'i ston pa sku gsum gyis/ /dbang la bskur thabs yod par lung phog pa/ /mtshan ma'i rtog pa'i lam la zhen chags pas/ /nga yis nga
99a5 bzhin mi mthong bskal bar 'gyur/ /kye/ nga ni ston pa kun byed rgyal po ste/ /nga yi rang bzhin kun byed khyab rtogs pas/ /nga la gnyis pa'i don ni med pa'i phyir/ /bskur
99a6 dang mi bskur don dang bral bar rtogs/ /gang zag mtshan ma grangs la dga' ba la/ /dbang gi grangs dang bskur ba'i rim pa bstan/ /ma bcos don la gnas pa'i gang
99a7 zag la/ /ma bskur rang bzhin gnas pa'i rim pa bstan/ /kye/ kun byed rgyal po'i rang bzhin kun khyab pas/ /de ltar 'jug cing rtogs pa'i rnal 'byor la/ /ma bskur rang
99b1 bzhin gnas pa'i don rtogs pas/ /dbang la bskur thob med par lung ston cig /kye/ ston pa'i ston pa kun byed rgyal po ngas/ /bskur thob med par rtogs nas lung bstan
99b2 pas/ /skye med rnam dag sems kyi dbang thob nas/ /rang bzhin bcu yi dbang la rtsol mi 'gyur/ /sngags dang phyag rgya'i dbang la re mi 'jog /rdzas dang mtshan ma'i dbang la
99b3 sems mi 'chags/ /rang rgyud dag pas mtshan ma'i lha mi bsgom/ /gza' dang rgyu skar dus tshigs rim pa med/ /kye/ ston pa'i rgyal po nga yis rtogs pa ltar/ /sku gsum
99b4 ston pa gsum gyis ma rtogs pas/ /rang bzhin bcu yi don la bsgribs pa'i phyir/ /kun byed nga yi rang bzhin rtogs pa med/ /kye/ ston pa'i ston pa kun byed rgyal po ngas//
99b5 'khor gyi dang po sku gsum ston pa las/ /rang bzhin ma bcos ji bzhin lung phog pa/ /mtshan ma'i 'jig rten lha la rten mi 'cha'/ /tshogs la mi rten dbang la rag ma lus//
99b6 skye med rig pa'i dbang la kun rdzogs pas/ /ma btsal bde bar bzhag pas don kun rdzogs/ /kye/ nga ni ston pa kun byed rgyal po ste/ /sku gsum ston pa nga yis bkod pa
99b7 yin/ /des bstan bcos kyang nga yis bkod pa yin/ /rang nyid rang la bkod pa bya mi dgos/ /kye/ de ltar kun byed rang bzhin gang rtogs pas/ /thams cad kun byed rang
100a1 @#/ /bzhin de rtogs pas/ /kun byed nga yi rang bzhin rtogs kyis la/ /mtshan 'dzin zhen pa'i dbang la ma rten cig /gsungs so/ /byang chub kyi sems kun byed
100a2 rgyal po las/ /rang 'byung rtogs pa'i dbang gi le'u ste drug cu gsum pa'o// //de nas byang chub kyi sems kun byed rgyal pos lam la bgrod du med par rtogs
100a3 pa 'di gsungs so/ /kye/ ston pa'i ston pa kun byed rgyal po yi/ /rang bzhin ma skyes gcig tu gnas pa la/ /skye med mngon du rtogs par dka' ba'i phyir/ /'khor gyi dang po
100a4 ston pa sku gsum gyis/ /rang rang dga' ba'i lam la gzud pa'i phyir/ /lam gyi khyad par bgrod du yod par bstan/ /blo chung rgyud nas don la 'dren pa'i phyir/ /drang ba'i
100a5 lung du nga yis rtogs pa yin/ /kye/ tshogs dang sbyor lam mthong lam sgom pa'i lam/ /mthar phyin rim pa bskal pa brgya phrag dang / /tshes gsum bdun sogs dus
100a6 der 'grub par rtogs/ /de yis nga yi lam 'di rtogs mi 'gyur/ /kye/ kun byed rgyal po nga yi lam bshad pa/ /nga nyid skye ba med pa'i rang bzhin la/ /'jug dang mi
100a7 'jug tshig las shin tu 'das/ /de phyir lam la bgrod du med par rtogs/ /lam sngar snang ba rnam rtog mtshan ma'i grangs/ /nga nyid mtshan ma'i yul las 'das pa'i phyir//
100b1 mtshan ma'i lam gyis bgrod du med par rtogs/ /kye/ kun byed nga yi lam la rim med de/ /skye med theg le chen por gcig pa'i phyir/ /gcig gi rang bzhin rtogs pa de yi phyir/
100b2 lam la bgrod med gcig tu rtogs pa yin/ /kye/ ston pa'i ston pa kun byed rgyal po nga / /nga la 'jug pa'i rim pa'i lam med de/ /rang 'byung ye shes dus gcig rdzogs pa'i
100b3 phyir/ /ma bgrod rang bzhin bzhag pas phyin par 'gyur/ /de phyir sems dpa' rdo rje khyod nyid kyis/ /nga la rim par bgrod par ma byed cig /kye/ nga ni mtha' bral nam mkha'i rang
100b4 bzhin te/ /nam mkha'i mtha' la bgrod cing tshi chad ltar/ /nga yi rang bzhin lam gyis bgrod 'dod pa/ /tshi chad nad du de las che ba med/ /de phyir sems dpa' rdo rje rtogs nas
100b5 kyang / /khyod kyis 'khor gyi nang du lung ston cig /da ltar nga yi rang bzhin lung bstan pas/ /kun kyang nga yi rang bzhin nyid rtogs 'gyur/ /'jig rten mtshan ma'i lam la zhen
100b6 mi 'gyur/ /rnam grangs tshig gi lam la rtsod mi 'gyur/ /ma bcos der bzhag rtogs pas pha rol phyin/ /kun gyi snying po'i lam dang phrad par 'gyur/ /kye/ nga ni kun byed chos kyi
100b7 gzhi ma ste/ /lam lnga sa bcur ston pa'i sku gsung yang / /nga yi rang bzhin mngon du bstan pa yin/ /de ltar khyod kyis legs par rtogs par gyis/ /ma bcos bgrod med kun
101a1 @#/ /byed kun gyi lam/ /su zhig bgrod pas byang chub don mi rtogs/ /kun byed nga yi rang bzhin rtogs mi 'gyur/ /de bas bgrod du med pa'i don la rtogs//
101a2 zhes gsungs so/ /byang chub kyi sems kun byed rgyal po las/ lam la bgrod du med par rtogs pa'i le'u ste drug cu bzhi pa'o// //de nas byang chub kyi sems
101a3 kun byed rgyal pos sa la sbyang du med par rtogs pa 'di gsungs so/ /kye/ sems dpa' rdo rje don 'di legs par rtogs/ /ston pa'i ston pa kun byed rgyal po yis/ /sa la
101a4 sbyang du med par bstan pa ni/ /kun gyi yul min brtag pa rab tu dka'/ /kye/ nga las byung ba'i ston pa sku gsum gyis/ /dman pa'i rim pa bgrod cing sbyangs pa'i phyir/ /
101a5 rnam rtog grangs la dga' ba'i gang zag la/ /sa yi rnam grangs bcu dang drug tu bstan/ /bstan pa de bzhin 'khor gyis de ltar rtogs/ /rnam rtog blo yis grangs la snang
101a6 bar zad/ /kye/ sa drug grangs kyi rang bzhin bstan pa ni/ /kun tu 'od dang rdo rje 'dzin pa dang / /rdo rje 'chang dang stug po bkod pa dang / /pad+ma spyan dang rdo rje sems dpa'i sa/ /
101a7 rim bgrod rnal 'byor don du gsungs pa ste/ /lha dang ting 'dzin khyad par re re gsungs/ /kye/ ston pa kun byed rgyal po sa bstan pa/ /ji ltar snang ba'i chos rnams ma lus
101b1 pa/ /skye med chos kyi dbyings su gcig pa'i phyir/ /sa yi khyad par med de gcig tu rtags/ /kun byed nga yis la ma sbyar na/ /rtog pa'i sa yi rnam grangs kun thob kyang / /so so rang gi
101b2 rnam rtog snang ba las/ /kun byed nga dang phrad par lung mi ston/ /kye/ kun byed rgyal po sa yi rang bzhin ni/ /ma bcos ma sbyangs rig pas lhun rdzogs sa/ /sbyangs shing bgrod kyang
101b3 don dang mi phrad kyi/ /rang bzhin rtogs pas dus gcig rdzogs par byed/ /kye/ theg gcig kun byed byang chub sems kyi sa/ /skye med khyab pas rtogs pa'i rang bzhin ni/ /gang ltar
101b4 bgrod pa nam mkha'i mtha' tshol 'dra/ /ma bgrod rang bzhin bzhag pas grol bar ston/ /kye/ ston pa'i ston pa kun byed rgyal po nga / /sa yi ngo bo nga nyid shar ba'i phyir/ /nga yis sa
101b5 la mtho dman rim pa med/ /kun byed nga yi sa 'di rtogs par gyis/ /nga nyid kun gyi mdun du mngon phyung yang / /sku gsum 'khor gyis rnam rtog grangs su rtogs/ /kun byed rgyal
101b6 po'i dgongs pa zab mo yang / /gang ltar bltas bas mthun par lung mi ston/ /kye/ nga yi 'khor gyi dang po sku gsum gyis/ /rang rang mos pa'i 'khor la chos bstan pa/ /sku gsung
101b7 thugs kyi theg pa re re dang / /sa re lam re 'bras bu re re bstan/ /kun byed nga yi sa lam ma rtogs pa/ /rnam grangs sa des nges pa'i lam mi rnyed/ /des na sems nyid kun
102a1 @#/ /theg sems kyis/ /rtsa ba'i sa la bstan par rtogs par gyis/ /sa yi rang bzhin snang med 'di rtogs nas/ /kun byed byang chub sems kyi sa la
102a2 gnas/ /zhes gsungs so/ /byang chub kyi sems kun byed rgyal po las/ sa la sbyang du med par rtogs pa'i le'u ste drug cu lnga pa'o// //de nas byang chub kyi
102a3 sems kun byed rgyal pos spyod pa blang dor med par rtogs pa 'di gsungs so/ /kye/ nga ni ston pa kun byed rgyal po ste/ /nga las byung ba'i ston pa sku gsum gyis/ /la las
102a4 dge sbyong sdig pa dor bar rtogs/ /la las gtsang sme blang dor gnyis su rtogs/ /la las gtsang sme blang dor gnyis ka spyad par rtogs/ /spyad dang ma spyad med pa'i
102a5 don ma rtogs/ /gang dag spyod pa 'di la gnas pa ni/ /rang rang gnyen po'i rtogs pa byed pa yis/ /dmigs pa yid la sbyangs pa rtogs par 'gyur/ /blang dor med
102a6 pa'i spyod pa rtogs mi 'gyur/ /kye/ kun byed rgyal po'i spyod pa bstan pa ni/ /dge sdig blang dor gtsang sme che chung kun/ /skye med byang chub sems su kun gcig pas/ /
102a7 blang dang dor ba med pa'i don du rtogs/ /gtsang dang mi gtsang med pa nyid du rtogs/ /spyad dang ma spyad gnyis su med par rtogs/ /mtha' dang dbus su 'byed pa med par
102b1 rtogs/ /gzhi rtsa skye med byang chub sems su rtogs/ /kye/ kun byed rgyal po'i spyod pa bstan pa ni/ /gang ltar spyod pa de ltar mi 'gal te/ /byas dang ma byas gnyis ka skye med
102b2 pas/ /shes pas gang ltar spyad pa skye med don/ /kye/ kun byed rgyal po nga yi spyod pa la/ /mkha' ltar gnas pas grangs dang ched gzung med/ /gnyis su med pas yin min
102b3 phyogs la 'das/ /kun byed byang chub sems kyi spyod par rtogs/ /'dod pa lnga yang sems kyi spyod par rtogs/ /chags sdang lnga yang sems kyi spyod par rtogs/ /rgyan gyi rgyu lnga
102b4 sems kyi spyod par rtogs/ /khams gsum srid gsum sems kyi spyod par rtogs/ /skye med ma rtogs pa yi spyod pa ni/ /rgyal ba kun gyi mes po ngas ma bshad/ /kye/ de phyir
102b5 sems dpa' rdo rje khyod kyis ni/ /kun byed nga yi spyod pa 'di rtogs la/ /blang dor med par kun gyis rtogs pa'i phyir/ /nga yi 'khor gyi nang du lung ston cig /kun byed nga yi spyod pa
102b6 ma gtog par/ /sku gsum ston pa'i 'khor la gang zhen pas/ /'jig rten log pa'i lta spyod la 'chol nas/ /blang dor med pa'i spyod pa rtogs mi byed/ /kye/ ston pa'i ston pa
102b7 kun byed rgyal po yis/ /'khor gyi nang du spyod pa'i lung bstan pa/ /ma chags blang dor med pa'i spyod pa yis/ /thams cad skye med mnyam par rtogs lung bstan/ /sems dpa'
103a1 @#/ /rdo rjes 'khor la lung bstan pas/ /'khor kyang blang dor med par rtogs par 'gyur/ /'khor dang mya ngan 'das pa'i chos rnams ni/ /skye ba med pa
103a2 nam mkha'i rang bzhin ltar/ /nga dang khyod kyis rtogs pa ji lta bar/ /khyod kyis 'khor gyi nang du lung ston cig /snga bar lung bstan thos pa la brten nas/ /rtogs pa kun
103a3 byed nyid la gnas par 'gyur/ /zhes gsungs so/ /byang chub kyi sems kun byed rgyal po las/ spyod pa blang dor med par rtogs pa'i le'u ste drug cu drug pa'o// //
103a4 de nas byang chub kyi sems kun byed rgyal pos ye shes rang la sgrib pa med par rtogs pa 'di gsungs so/ /kye/ ston pa'i ston pa kun byed rgyal po ngas/ /ji ltar 'dul ba'i
103a5 thabs su bstan pa'i phyir/ /nga las byung ba'i ston pa sku gsum gyi/ /sgrib pa bsal zhing ye shes bsgrub par rtogs/ /sku gsum ston pas 'khor la de ltar bstan/ /'khor
103a6 gyis go zhing rtogs pa de bzhin te/ /rang rang mos pa'i don la zhen pa'i phyir/ /kun byed nga yi 'khor du 'du mi byed/ /kye/ kun byed nga yis 'khor la lung phog pa/ /ji ltar
103a7 snang grags gnas pa'i chos rnams kun/ /ma skyes de bzhin nyid du kun gcig phyir/ /sgrib dang mi sgrib chos su gnas mi byed/ /de phyir ye shes sgrib pa rang mi 'byed/ /
103b1 sgrib dang mi sgrib chos su ris mi lta/ /mthar thug med pa'i don la grangs mi grangs/ /rgyu dang 'bras bus snying po'i don mi skyed/ /kye/ ston pa kun byed rgyal po nga yi bka'/ /sku gsum
103b2 ston pa'i lung dang mi mthun pas/ /skye med gcig la mtshan ma'i grangs mi bgrang / /yul shes mi blta gnyen po'i tshogs mi bsten/ /rig dang ma rig skye med dbyings gcig
103b3 pas/ /gcig la gnyis 'dzin mtshan ma'i grangs mi 'debs/ /rnam par mi rtog 'du shes nang mi 'jog /res 'jog ma yin dus gcig kun mkhyen pas/ /de ltar sems dpa'
103b4 rdo rjes rtogs par gyis/ /kye/ ston pa kun byed nga yi ye shes nyid/ /bgrang du med la bgrang na mtha' las 'das/ /che ba re la ye shes grangs bstan pas/ /brjod pas de dag
103b5 mi rdzogs lung bstan to/ /kye/ kun byed rgyal po nga yi ye shes ni/ /rnam par mi rtog spros pa kun dang bral/ /rab zhi gdul med mkha' ltar gnas pa ste/ /skye ba med pa zhes
103b6 su bstan pa yin/ /rang byung ye shes gcig las ma g.yos kyang / /rnam pa'i khyad par ma bcos so sor gsal/ /de ltar gang gis rig cing rtogs pa nyid/ /kun byed rgyal
103b7 po'i sras su lung bstan to/ /nga yi ye shes skye med rtogs pa ji ltar bar/ /sems dpa' rdo rjes de ltar rtogs par gyis/ /kye/ nga ni ye shes kun byed rgyal po ste/ /ma rig pa
104a1 @#/ /yi lta ba sel bar byed/ /sgrib pa'i dra ba ma lus gcod byed cing / /ye shes snang ba rgyas par mched par byed/ /kun byed nga ni rang 'byung ye shes te/ /nga
104a2 las ma byung rang 'byung ye shes gcig med pas/ /ye shes ma lus nga yis bkod pas na/ /nga ni ye shes rgyal po zhes su bshad/ /nyon mongs ye shes gsal bar byed
104a3 'dod na/ /kun byed nga yi lung ni rtogs par gyis/ /zhes gsungs so/ /byang chub kyi sems kun byed rgyal po las/ ye shes sgrib pa med par rtogs pa'i le'u ste drug cu
104a4 bdun pa'o// //de nas byang chub kyi sems kun byed rgyal pos lhun grub btsal du med par rtogs pa 'di gsungs so/ /kye/ nga ni ston pa kun byed rgyal po
104a5 ste/ /nga ni lhun grub btsal du med pa yin/ /nga yi rang bzhin khyod la bstan par bya/ /khyod kyis nga yi don la legs rtogs shig /kye/ nga ni ston pa kun byed rgyal po ste/ /nga
104a6 las byung ba'i ston pa sku gsum gyis/ /nga yi rang bzhin shin tu rtogs dka' bas/ /so so'i thabs kyis btsal du yod par bstan/ /de yang ji ltar nges par bstan zhe na/ /la
104a7 la bden pa bzhi yi lam zhugs nas/ /nyon mongs ye shes spong len rtsol bar bstan/ /la la rten 'brel lam la zhen pa yis/ /nyon mongs ye shes dgag sgrub rtsol
104b1 bar bstan/ /la la bden pa gnyis kyi lam la 'jug byas nas/ /sbyangs shing rtsol bas 'bras bu thob par bstan/ /la la gzung 'dzin bya ba'i rtsol ba yis/ /grub pa lha gsal tshul
104b2 du gnas par 'dod/ /la la las dang ting 'dzin rtsol ba yis/ /blang dor sgo nas 'bras bu thob par 'dod/ /la la ting nge 'dzin rnam gsum rtsol ba yis/ /blang dor byas pas 'bras
104b3 bu thob par 'dod/ /la la ting 'dzin 'phro 'du'i rtsol ba yis/ /blang dor med pa'i 'bras bu thob par 'dod/ /la la rgyu 'bras ting 'dzin rtsol ba yis/ /sku gsung rdo rje sems dpa'i
104b4 'bras bu thob/ /kye/ 'di dag btsal zhing bsgrub pa'i 'bras bu yis/ /kun byed nga yi rang bzhin rtogs mi 'gyur/ /kye/ kun byed rgyal po nga yi rang bzhin ni/ /kun la khyab kyang mi
104b5 rtogs mchog tu gsang / /nga yi rang bzhin ma mthong gsang ba'i phyir/ /rtsol sgrub can gyi theg pas skur btab pas/ /bskal pa bye ba khrag khrig yun ring du/ /ngan 'gro tha ma'i
104b6 gnas su de skyes nas/ /bde ba bral zhing dbang po ma tshang zhing / /snying po'i don dang bral zhing bskal par 'gyur/ /kye/ nga ni ston pa kun byed byang chub sems/ /nga ni mtha' ltar
104b7 yongs su khyab pa'i phyir/ /kun dang 'brel zhing yongs kyi don byed pas/ /btsal zhing bsgrub pa yod par lung mi ston/ /nga yi don 'di khyod la bstan pa yis/ /btsal zhing bsgrub
105a1 @#/ /tu med par nges par rtogs/ /sems dpa' rdo rjes ji ltar rtogs pa de/ /nga yi 'khor la khyod kyis lung ston cig /kye/ nga ni ma btsal lhun gyis grub
105a2 pa'i phyir/ /ji ltar rtogs pa khyed la lung bstan pas/ /khyed kyis chos kun pha ltar rtogs par 'gyur/ /de nas rtsol bsgrub med par dbugs phyin pas/ /kun byed rgyal po
105a3 nyid du lung bstan to/ /de bas sems dpa' rdo rje dam pa yis/ /ma bcos bskal par sbyangs pa'i skyes bu la/ /'bad rtsol med par sa la bzhag pa'i phyir/ /btsal bsgrub
105a4 med par rtogs par lung ston cig /ces gsungs so/ /byang chub kyi sems kun byed rgyal po las/ lhun grub btsal du med par rtogs pa'i le'u ste drug cu brgyad
105a5 pa'o// //de nas byang chub kyi sems kun byed rgyal po la sems dpa' rdo rjes 'di skad ces bsgrags so/ /kye/ khyod ni kun byed rgyal po ste/ /ji ltar snang
105a6 ba'i chos rnams kun/ /byed pa'i rgyal po khyod kyis byas/ /ma lus khyod kyis kun byas kyang / /byed pa'i rgyal po khyod nyid la/ /bya mi dgos te gdod nas grub/ /dus
105a7 gsum sangs rgyas khyod kyis byas/ /khams gsum sems can khyod kyis byas/ /rgyud drug lam lnga khyod kyis byas/ /skye bzhi 'gro lnga khyod kyis byas/ /ston pa gsum
105b1 yang khyod kyis bkod/ /bstan pa gsum yang khyod kyis bkod/ /sdud pa gsum yang khyod kyis bkod/ /dus gsum 'khor yang khyod kyis bkod/ /rang 'byung lnga yang khyod
105b2 las byung / /rgyan gyi rgyu lnga khyod kyis bkod/ /rang bzhin bcu yang khyod kyis bstan/ /kun byed rgyal po byang chub sems/ /mdo lung kun gyi ngo bo khyod/ /bstan pa'i me long
105b3 mun sel sgron/ /'khor gyi mun pa sel mdzad pa/ /khyod ni rgyal ba kun gyi mes/ /rang 'byung thabs mchog kun gyi yab/ /'byung gnas shes rab kun gyi yum/ /spros pa
105b4 med cing zhi ba med/ /ngag las 'das shing snying po med/ /mkha' ltar dag cing spyod yul 'das/ /kun gyi rtogs par bya ba'i yul/ /sgro skur 'das pa chos kyi dbyings//
105b5 thog ma tha ma dbus las 'das/ /'khor lo 'byung gnas snying po can/ /rin chen pad+ma'i snying po ltar/ /yid 'phrog tshim pa med pa'i sku/ /theg pa'i snying po ngag gi
105b6 rgyan/ /sku gsung thugs la mtshan med de/ /bdag gis rtogs dka'i don rtogs pas/ /rgyal ba kun gyi yang mes po/ /kun byed rgyal po khyod la 'dud/ ces bstod
105b7 cing bsgrags so/ /de nas byang chub kyi sems kun byed rgyal pos sems dpa' rdo rje la 'di skad ces bsgrags pa mdzad do/ /e ma ho sems dpa' rdo rje'i sku/ /rgyal ba
106a1 @#/ /kun gyi'ang sku gsung thugs/ /gsang ba'i mdzod la mnga' brnyes shing / /smra ba'i seng ge bla na med/ /dam pa'i gsang ba rtogs pa'i thugs/ /gsang ba rgya
106a2 mtsho sgrogs pa'i gsung / /yon tan lhun grub rdzogs pa'i sku/ /khyod ni rgyal ba'i sras po ste/ /kun byed rgyal po nga nyid ltar/ /rgyal ba kun gyi mes po gyis/ /sa khams rnams kyi
106a3 mun sel gyis/ /rnal 'byor rnams kyi bla ma gyis/ /gsang ba kun gyi rgyal po ste/ /bstan pa phyi ma gsang ba 'di/ /rnal 'byor pa la lung ston cig /ces gsungs so/ /byang chub kyi sems
106a4 kun byed rgyal po las/ rtogs pa bsgrags shing bstod pa'i le'u ste drug cu rtsa dgu pa'o// //rgyud phyi ma zhes bya ba mdo lung bcu gnyis pa rdzogs so// //de nas
106a5 byang chub kyi sems kun byed rgyal pos chos thams cad skye ba med par mnyam pa la gzigs shing dgongs nas cang yang mi gsung bar bzhugs so/ /de'i tshe sems dpa' rdo rje de nyid kyang ston
106a6 ba de ltar gyur pa yang rig /chos thams cad skye ba med par rtogs pa la dgongs nas cang yang mi smra bar 'khod do/ /de nas phyogs bcu nas lhags shing 'khod pa'i 'dus pa phal mo che
106a7 dag gis de ltar rtogs nas sems dpa' rdo rje la 'di skad ces bskul lo/ /yang dag par bskul to/ /nges pa dam par bskul to/ /e ma hoHsems dpa' rdo rje chen po bdag cag
106b1 la sman gdags pa'i slad du rtogs ba'i don la ji ltar bsgom pa de ston pa la zhu ba'i dus la bab bo/ /nges par dus la bab bo zhes bskul bas sems dpa' rdo rje de dga' ba'i mdangs dang
106b2 bcas te dang zhing mos pa'i mdangs phyung nas stan las langs te ston pa'i mdun du 'di skad ces zhus so/ /kye/ ston pa'i ston pa kun byed rgyal po lags/ /khyod kyi mdun du bdag 'khod de/ /bdag
106b3 'tshal ba yi don ni ci zhig mchis/ /bdag 'tshal don ni khyod kyis bstan du gsol/ /zhes zhus pa las byang chub kyi sems kun byed nyid cang yang mi gsung bar bzhugs te sems dpa' rdo rjes 'di
106b4 skad ces zhus so/ /kye/ ston pa'i ston pa kun byed rgyal po lags/ /chos sku skye med thig le'i rang bzhin la/ /ston pa gsum po nyid kyis ji ltar bsgom/ /bstan pa gsum du nyid kyis ji ltar bsgom/ /sdud
106b5 pa gsum du nyid kyis ji ltar bsgom/ /'khor gnas dus kyi rang bzhin ji ltar bsgom/ /chos rnams kun gyi don la ji ltar bsgom/ /bsgom pa'i lung bcu bdag la bstan du gsol/ /zhes zhus so//
106b6 de nas byang chub kyi sems kun byed rgyal pos 'di skad ces gsungs so/ /kye/ sems dpa' rdo rje don la nga bsgoms shig /bsgom du med pa'i chos nyid byang chub la/ /sgom dang bsgom par bya ba
106b7 gnyis med na/ /ma bsgoms rang bzhin bzhag na bsgom pa yin/ /don ni kun don skye ba med pa ste/ /rnam rtog mtshan ma de bzhin rig byas nas/ /dran bsam yid la rgyu ba ma lus kun/ /skye ba med pa'i
107a1 @#/ /ngang las ma yengs pa/ /gang ltar bsam kyang sgom pa yin shes na/ /ma bsgom gang ltar bzhag kyang yengs pa med/ /kye/nga las byung ba'i ston pa sku gsum gyis/ /mtshan ma bsgom la
107a2 dga' ba'i gang zag la/ /rang rang gang ltar 'thad pa'i lung bzhin du/ /bsgom du yod ces kun la lung du bstan/ /kye/ nga ni ston pa kun byed rgyal po la/ /ston pa rang 'byung rig pa'i ye shes las/ /ma
107a3 bsdus ston pa gsum yang de la 'dus/ /ston pa de la bsgom du med par bstan/ /bstan pa brjod bral rig pa mtshon 'das la/ /bstan pa gsum yang de la 'dus te gnas/ /ma bcos rig pa'i
107a4 gzhal yas 'og min na/ /gzhal yas gsum yang de la 'dus par bshad/ /ji ltar snang ba'i chos rnams thams cad kun/ /snying po byang chub sems la kun 'dus pas/ /'khor gsum dus gsum
107a5 kun tu 'dus par bshad/ /ma bsdus rang bzhin 'du ba'i ye shes ni/ /sdud pa de las gzhan pa yod ma yin/ /ma bsgom rang bzhin bzhag pa'i lung 'di la/ /bsgom du yong dang med pa'i lung
107a6 mi ston/ /re dogs sgro skur 'dzin pa'i sems mi 'jog /ces gsungs so/ /byang chub kyi sems kun byed rgyal po las/ bsgom du yod med bstan pa'i le'u ste bdun cu pa'o// //
107a7 de nas byang chub kyi sems kun byed rgyal pos lta ba sgom med kyi dgongs pa 'di gsungs so/ /kye/ nga ni ston pa kun byed rgyal po ste/ /de las byung ba'i ston pa sku gsum gyis/ /mtshan ma rtog pas
107b1 'dul ba'i gang zag la/ /mtshan ma rtog pa'i ting 'dzin grangs su bstan/ /la las zhi ba'i ting 'dzin bsgom par byed/ /la las zab mo'i ting 'dzin sgom par byed/ /la las zhi gnas lhag mthong 'brel ba yi/ /bdag
107b2 med ting nge 'dzin la gnas par byed/ /la la mtshan ma dag pa la brten nas/ /mtshan ma rje dang 'bangs su dmigs par byed/ /la la lta spyod 'brel med la brten nas/ /'brel ba'i ting nge 'dzin la gnas par byed/ /la
107b3 la mtshan med don la brten byas shing / /mtshan ma'i ting nge 'dzin la gnas par byed/ /la las rang rgyud dag pa la brten nas/ /rnam gsum 'phro 'du'i don la gnas par byed/ /la la rgyu 'bras dag pa gtsor byas nas/ /
107b4 'od kyi ting nge 'dzin la gnas par byed/ /'di dag mtshan ma grangs kyi ting 'dzin te/ /ston pa kun byed rgyal pos lung ma bstan/ /kye/ ston pa kun byed nga yis lung bstan pa/ /ma lus skye med rnam dag ting 'dzin te/ /
107b5 bsgom dang mi sgoms rkyen la rag ma lus/ /bsgom bya ji ltar snang ba'i chos rnams kun/ /gang du ji ltar bzhag pa'i tshul med par/ /ma btsal rang sar bzhag pas bsgoms pa yin/ /kye/ bsgom du med pa'i man ngag
107b6 'di dag la/ /tshig dang sgra las 'das pa'i don yin phyir/ /snga rabs kun byed rgyal pos lung ma bstan/ /phyi rabs kun byed rgyal pos lung mi ston/ /da ltar kun byed rgyal pos lung bstan med/ /kye/ ston pa'i ston
107b7 pa kun byed rgyal po yis/ /ma nor dgongs pa'i don la lung bstan pa/ /sgro skur 'das pa don gyi snying po la/ /bsgom dang mi sgom mkha' la rtsod pa 'dra/ /rtogs pa'i don la ma yengs dgongs pa ste/ /dngos po ma
108a1 @#/ /yin dngos po med ma yin/ /phyogs min phyogs las 'das pa ma yin par/ /bsgom dang mi sgom phyogs la gnas mi byed/ /kye/ston pa'i ston pa kun byed rgyal po ngas/ /bsgom dang mi sgom
108a2 mtshon par mi nus ltar/ /snying po don la gnas pa'i rnal 'byor dang / /sems dpa' rdo rje de la gnas par bya/ /kye/ dus gsum ston pa kun byed rgyal po yis/ /skye med byang chub sems kyi dgongs pa la/ /ming
108a3 dang tha snyad tshig tu 'di'o zhes/ /ma bstan mi ston bstan par mi mdzad do/ /lta ba bsgom du med par don rtogs na/ /bsgom dang mi bsgom res 'jog log pa'i lam/ /dam pa'i dgongs pa skye med thugs chud na/ /
108a4 dam pa de la log dang ma log med/ /kye/ kun byed rgyal po nga yis lung phog ltar/ /ma bsgoms bsgom du med par rtogs goms nas/ /skal ldan rnal 'byor gang zag su yang rung / /kun byed rgyal po nyid du
108a5 lung bstan to/ /zhes gsungs so/ /byang chub kyi sems kun byed rgyal po las/ lta sgom dbyer med pa'i le'u ste bdun cu gcig pa'o// //de nas byang chub kyi sems kun byed rgyal pos bsrung du med pa de bzhin
108a6 nyid du gnas pa 'di gsungs so/ /ston pa'i ston pa kun byed rgyal po yis/ /rnam rtog mtshan ma'i lam la gnas pa'i bar/ /bsrung dang mi srung khyad par gnyis mthong ba/ /rtsa ba yan lag bcas par bsrung bar
108a7 bsten/ /kye/ kun byed nga ni ye nas de bzhin nyid/ /de bzhin nyid la gzung 'dzin med pa'i phyir/ /chos rnams de ltar gang gis rtogs pa la/ /bsrung dang mi srung 'du shes 'jug pa med/ /kye/ nga ni ma bcos kun byed
108b1 byang chub sems/ /gnyen po mi bsten yul la 'jug mi byed/ /rang 'byung lhun grub rig pa'i dam chig la/ /'da' nyams med pas ched du bsrung ba med/ /rang rig ma nor blo yi tshad ma yis/ /ma bcos snying po'i don la 'jug
108b2 par byed/ /skye med thugs su chos kun ro gcig pas/ /'jug dang mi 'jug mtha' la nga mi gnas/ /kye/ sems dpa' rdo rje don la goms par gyis/ /dgongs don gsang pa'i rig pa ma shar na/ /tshig dang sgra la 'dzin/
108b3 ba'i goms pa dag /kun byed nga yi lung dang phrad mi 'gyur/ /bsrung du med pa'i dam pa'i dgongs pa 'di/ /kun tu ye nas ma bsrungs gnas pa la/ /kun byed nga yi dgongs pa ma goms na/ /ji ltar bsrungs pa tshi chad nad du
108b4 'gyur/ /kye/ kun byed nga yi dgongs pa'i dam tshig ni/ /ma yengs dran pas dngos po ye shes su/ /ma bcos sus kyang ma byas rang 'byung ste/ /rig pas dbang bsgyur bsrung dang mi srung med/ /ji ltar snang ba'i chos rnams
108b5 thams cad kun/ /rang 'byung snying por gsal bas dbang bsgyur bas/ /kun byed rgyal pos byas ba'i chos rnams la/ /rig dang ma rig gnyis ka'i yul las 'das/ /kye/ ston pa'i ston pa kun byed rgyal po yis/ /
108b6 bsrung dang mi srung yul las 'das pa ltar/ /sems dpa' rdo rjes don la goms byas nas/ /nga yis 'khor la de ltar lung ston cig/ /nga yi 'khor la de ltar lung bstan na/ /bya ba'i 'du shes lam las grol bar 'gyur/ /skye ba med
108b7 pas kun kyang zhi bar 'gyur/ /kun byed rgyal po nga yis thugs su 'gyur/ /kye/ nga ni kun byed rgyal po byang chub sems/ /nga la sgro dang skur ba'i yul med byas/ /gang la sems par ma byed bsgom ma byed/ /sgo
109a1 @#/ /gsum bcos par mi bya lhug par bzhag /gza' dang rgyu skar tshes grangs dus tshod med/ /yid la mi byed sngags dang phyag rgya bral/ /de bas
109a2 kun byed byang chub sems nyid la/ /bsrung dang mi srung sa mtshams med par bshad/ /ces gsungs so/ /byang chub kyi sems kun byed rgyal po las/ lta bsgom 'dar
109a3 med pa'i le'u ste bdun cu gnyis pa'o// //de nas byang chub kyi sems kun byed rgyal pos bya med rtsol ba dang bral bar rtogs pa 'di gsungs so/ /
109a4 kye/ nga ni kun byed rgyal po ste/ /kun byed rgyal po nga yi dgongs pa ni/ /bsam pa'i yul las 'das pas bsgom du med/ /kye/ sems ni ji bzhin pa yi ngo bo ste/ /ji
109a5 bzhin pa la 'chos par byed ma myong / /rang 'byung nga la rgyu rkyen kun dang bral/ /sgo gsum btsal med lhug pa nyid du zhog /gang zhig bya rtsol mtshan ma'i rjes
109a6 'brangs pa/ /kun byed nga dang phrad par mi 'gyur ro/ /kye/ ston pa'i kun byed nga yi phrin las ni/ /bya ba med pas rtsol ba'i las mi byed/ /dmigs pa med pas
109a7 bsgom pa'i 'du shes bral/ /'du 'brel med pas ma brjed yid la zhog /byung tshor skye ba med pas gsal 'gyur nas/ /gang yang byas pa med par las
109b1 kun grub/ /kye/ nga ni ston pa kun byed rgyal po ste/ /rgyal ba kun gyi phrin las ngas byas kyang / /rang 'byung ye shes bya med rdzogs pa'i phyir/ /ji bzhin pa yi las la byed ma
109b2 myong / /ma btsal ji bzhin nyid du sems dpa' zhog /ji bzhin ma bcos rgyal ba'i dgongs pa la/ /sems dang sems las byung ba ci skyes kyang / /de nyid skye med nyid du
109b3 gnas shes na/ /bya rtsol mtshan ma'i 'du shes kun dang bral/ /kye/ sems dpa' rdo rje ji bzhin nyid sgoms shig /rtogs pa rang sar grol ba'i lta ba la/ /ma yengs
109b4 rang bzhin bzhag pas bya btsal med/ /kun kyang rang 'byung rang sar grol ba yin/ /kye/ sems dpa' rdo rje ji bzhin nyid sgoms shig /rang lus mi bcos dbang po
109b5 mi rtul te/ /ngag kyang mi gdams bya rtsol byar yang med/ /sems kyang gang gtad mi g.yo'i ngang la bzhag/ bya ba med pa'i phrin las 'di bsgoms pas/ /byas pa
109b6 med par don kun rdzogs par 'gyur/ /kye/ ji bzhin rtsol bral bde ba chen po la/ /sgo gsum mi rtsol bcos shing dmigs mi byed/ /yid la mi byed mtshan ma'i rjes
109b7 mi 'brangs/ /rang 'byung ye shes bde ba'i don la bzhag /'di ni rang 'byung 'od gsal dgongs pa ste/ /kun byed rgyal po'i dgongs pa'i phrin las so/ /kye/ sems dpa'
110a1 @#/ /rdo rje ji bzhin nyid sgoms shig /ma bcos ji bzhin nyid la 'jug ba la/ /tshad ma mi dgos gnyen pos bcos mi dgos/ /rtogs pa'i don
110a2 la ma bcos de bzhin zhog /kye/ bya ba med pa'i rang bzhin las 'di la/ /sgo gsum rtsol ba byas pas zin mi 'gyur/ /kun byed rgyal po'i dgongs pa la gnas pas/ /
110a3 nga yi dgongs pa phrin las lhun gyis grub/ /ces gsungs so/ /byang chub kyi sems kun byed rgyal po las/ ji bzhin pa la bya rtsol dang bral bar gnas pa'i le'u ste
110a4 bdun cu gsum pa'o// //de nas byang chub kyi sems kun byed rgyal pos snying po 'du 'bral med par gnas pa 'di gsungs so/ /kye/ ji bzhin pa la
110a5 sems dpa' rdo rje sgom/ /ston pa'i ston pa kun byed rgyal po yis/ /snying po dgod du med par bstan pa ni/ /ji bzhin gtso 'khor med pa'i don du bstan/ /kye/ rig
110a6 pa'i rgyal po gsal bar dbang bsgyur bas/ /snying po rtsol sgrub 'das pa'i bdag nyid de/ /rtogs pa ye shes mchog gis len par byed/ /'di ni kun byed rgyal
110a7 po'i dkyil 'khor yin/ /kye/ ston pa'i ston pa kun byed rgyal po yis/ /snying po sku yi dkyil 'khor bkod pa ni/ /ji ltar snang zhing gnas pa'i chos rnams kun/ /skye
110b1 ba med ba'i chos dbyings ngang la bkod/ /snying po'i don la blang dor med pa'i phyir/ /de yang kun byed nga yis bkod ba yin/ /kye/ ston pa'i ston pa kun byed rgyal po yis/ /
110b2 snying po gsung gi dkyil 'khor bkod pa ni/ /ji ltar grags shing gnas pa'i chos rnams ni/ /skye ba med pa'i dbyings las gsung du bkod/ /snying po brjod du med pa'i gsung la
110b3 'dus/ /de yang kun byed rgyal pos bkod pa yin/ /kye/ ston pa'i ston pa kun byed rgyal po yis/ /snying po rig pa'i dkyil 'khor bkod pa ni/ /ji ltar dran rig rtog pa thams
110b4 cad kun/ /ma skyes kun byed nyid kyi don du rig/ kun byed nga yi sku gsung thugs nyid ni/ /ma bcos rnal du bzhag pa'i dkyil 'khor gsum/ /ma bkod dus gcig rdzogs
110b5 pa'i don rtogs pas/ /lhun grub snying po don la 'jug par byed/ /kye/ sems dpa' rdo rje ji bzhin nyid bsgoms shig /rang 'byung snying po mchog gi dkyil 'khor la/ /sgo gsum
110b6 lhug pas ji bzhin ngang bzhag na/ /kun byed nga yi dgongs par gnas pa yin/ /snga rabs 'das pa'i kun byed rgyal pos kyang / /dgongs pa rnal du bzhag pas don rdzogs la/ /
110b7 ma byon dus kyi kun byed rgyal pos kyang / /ma bcos rnal du bzhag pas don rdzogs 'gyur/ /da ltar bzhugs pa'i kun byed rgyal pos kyang / /dgongs pa rnal du bzhag te gnas
111a1 @#/ /pa yin/ /kye/ sems dpa' rdo rje chen po khyod sgoms shig /nga yi 'khor du gtogs pa'i rnal 'byor pa/ /kun byed rgyal po'i dgongs pa 'di nyid la//
111a2 ma btsal rnal du bzhag par lung ston cig /dgongs pa rnal du bzhag pa'i don 'di ni/ /kun gyi spyod yul min pas mi shes shing / /mnyam par bzhag pas rtogs pa'i
111a3 yul las 'das/ /kun byed rgyal po de la gnas par byed/ /ces gsungs so/ /byang chub kyi sems kun byed rgyal po las/ snying po don la gnas pa'i le'u ste bdun cu
111a4 bzhi pa'o// //de nas byang chub kyi sems kun byed rgyal pos rig pa dbang sgyur la gnas pa 'di gsungs so/ /kye/ sems dpa' rdo rje ji bzhin nyid
111a5 sgoms shig /rig pa'i rgyal pos gsal bar dbang bsgyur nas/ /mtshan ma'i bde ba'i dbang la rag ma lus/ /rtogs nas mi rtog don la ji bzhin zhog /kye/ kun
111a6 byed rgyal po dbang thob rig pa na/ /dngos po ma bcos ji bzhin rtag tu shar/ /rgyu dang rkyen med zhi ba mchog gi lam/ /gzhi bzhag gang ltar bzhag kyang de nyid dang / /
111a7 kun byed rgyal po thabs chen rtogs pa'i dbang / /kun kyang ji bzhin yul la 'jug pa na/ /skyon dang yon tan gnyi ga mnyam shes nas/ /'jug dang mi 'jug tshig
111b1 las shin tu 'das/ /kye/ kun byed rig pas dbang bsgyur dgongs pa 'di/ /ngag gis smrang med dmigs pa'i yul las 'das/ /dran pa zhi zhing spros pa med pa ste/ /
111b2 mkha' ltar khyab cing phyogs cha yongs kyis med/ /kye/ sems dpa' rdo rje de bzhin nyid sgoms shig /bsgom dang mi sgom yul las 'das pa la/ /gnyi ka 'byung 'jug
111b3 re dogs med pa yis/ /mnyam par mi 'jug don la sgom mi byed/ /dbang dang dngos grub mi len bcos su med/ /kun byed rgyal po nyid la gus par gnas/ /kye/ ston
111b4 pa kun byed rgyal po nga nyid ni/ /rang 'byung sgom du med pa'i snying po ste/ /ye shes gsal la sgrub pa med pa yin/ /dbang ni rtogs pas re dogs bcad pa yin/ /'di la nges
111b5 par 'jug pa'i rnal 'byor pa/ /shin tu rnal 'byor rgyu 'bras 'das pa'i lung / /ma bcos ye shes kun byed rgyal po la/ /gang ltar 'di ltar 'jog ces lung mi ston/ /
111b6 snga bar ma gsungs phyis kyang mi gsung zhing / /da ltar byung bar gsungs par mi mdzad do/ /kye/ ston pa'i ngo bo kun byed rgyal po yis/ /bsgom zhing bsam du med pa'i
111b7 chos nyid la/ /ma bsams yal bar gnas pas 'khor ba nyid/ /btsal zhing bsgoms pas rtog pa'i mtshan ma'i lam/ /de bas re dogs bcas pa'i ting 'dzin ni/ /
112a1 @#/ /gnas pas grol bar kun byed lung mi ston/ /kye/ ston pa'i ston pa kun byed rgyal po yis/ /rtogs pas gnyi ka'i 'ching ba rab bcad nas/ /mi
112a2 'gal mnyam pa'i don la gnas byas pas/ /kun byed da yi dgongs pa lhun gyis grub/ /kye/ gang gis 'ching ba de rtogs bcad byas shing / /grol bar mi 'jug mya ngan
112a3 'das mi len/ /snying po'i don la phyogs ris dmigs mi 'dzin/ /don la mi bsgom snying rje yul mi 'jug /kye/ kun byed rgyal po nga yis gang bstan pa/ /sems dpa'
112a4 rdo rjes don la goms par gyis/ /ye shes dran pas dbang bsgyur rig pa'i ngang / 'di ni kun byed rgyal por ngas lung bstan/ /zhes gsungs so/ /byang chub kyi sems
112a5 kun byed rgyal po las/ rig pa dbang bsgyur la gnas pa'i le'u ste bdun cu lnga pa'o// //de nas byang chub kyi sems kun byed rgyal pos snying po don gyi
112a6 lam 'di gsungs so/ /kye/ sems dpa' rdo rje don la nga bsgoms shig/ snying po mi rtogs don gyi lam 'di la/ /nam mkha' mtha' ltar gnas pas ma khyab med/ /
112a7 skye med min pa med pas mi sgom med/ /rtog dpyod yul las 'das pas dmigs su med/ /snying po mtshan ma 'das pa'i yul 'di la/ /bgrod pa'i yul las 'das
112b1 pas bgrod ma byed/ /lam la mi bgrod sa la mi sbyong zhing / /mi rtog bde la gnas pas lhun gyis grub/ /kye/ kun byed rgyal po nga yi lam nyid ni/ /chos kyi dbyings su gcig
112b2 pas bgrod du med/ /snying po don dang 'grogs pas yengs pa med/ /thig le gcig tu 'dus pas gar mi 'gro /kye/ de yi don la sems dpa' rdo rje sgom/ /bsgom
112b3 du med pa'i don la ma bsgoms na/ /mtshan ma'i grangs la bskal pa brgyar bsgoms kyang / /kun byed nga yi dgongs pa rtogs mi 'gyur/ /rnam rtog yul la mtshan ma'i
112b4 grangs las 'das/ /kun byed bya mi dgos la byar yang med/ /bya ba mtshan ma'i rnal 'byor rjes zhugs shing / /bya bas mi zin rtog pas rtog pa 'jil/ /chu las rnyog
112b5 ma bzhin te byis pas bslus/ /kye/ sems dpa' rdo rje don la legs par sgoms/ /nga ni ston pa kun byed rgyal po ste/ /dus gsum rgyal ba kun gyi lam 'dren pas//
112b6 khyod kyang nga yi lam la legs par zhugs/ /'das pa'i sangs rgyas skye med lam du zhugs/ /ma byon skye med lam la 'jug par 'gyur/ /da ltar sangs rgyas skye
112b7 med nyid la gnas/ /des na kun byed rgyal po kun gyi lam/ /kye/ lam 'dir 'jug cing bsgom pa'i rnal 'byor ba/ /da lta nyid nas rgyal ba'i sa la gnas/ /dgongs
113a1 @#/ /pa mi 'dzin phyogs ris gzung du med/ /snying po'i lam la 'jug dang mi 'jug 'das/ /kye/ rnal 'byor dus gcig 'jug pa'i skal ldan
113a2 la/ /kun byed rgyal po'i dgongs pa bstan byas nas/ /rtogs pa'i rlung la dran zhing 'dris pa las/ /bsgom zhing 'jug tu med par lung ston cig /kye/ nga ni ston
113a3 pa kun byed byang chub sems/ /ma lus kun byas byang chub sems su byas/ /sems nyid skye ba med pa'i lam du byas/ /skye med bde ba'i lam la 'jug tu med/ /skal
113a4 ldan rgyal sras dam par nges pa la/ /kun byed nga yi lam 'di goms byas nas/ /bgrod med rtsal med snying po'i don rtogs nas/ /kun byed rgyal po nyid du the tshom
113a5 med/ /ces gsungs so/ /byang chub kyi sems kun byed rgyal po las/ /snying po lam la gnas pa'i le'u ste bdun cu drug pa'o// //de nas byang chub
113a6 kyi sems kun byed rgyal pos don la spyad du med pa 'di gsungs so/ /kye/ sems dpa' rdo rje rtogs pa'i don la sgoms/ /ston pa'i ston pa kun byed rgyal po yis//
113a7 bsam gyis mi khyab nges pa'i dus bstan pa/ /snying po rtogs pa'i sa zhes bshad pa yin/ /bde chen nges pa'i dus su gang bstan pa/ /de ni goms pa'i sa zhes
113b1 bshad pa yin/ /gzhan dag rtsol zhing spyod pa'i khyad par dag /khams gsum 'khor ba'i snying po bsgribs pa'i sa/ /sa zhes bya ba gnas pa'i khyad par te/ /gang la gang
113b2 gnas de ni sa yin no/ /kyai/ sku gsum ston pa'i sa la grangs bgrangs kyang / /kun byed rgyal po'i sa la rim pa med/ /sa dang sa yi rim pa'i khyad par yod/ /ces pa sku
113b3 gsum ston pas 'khor la bstan pa yin/ /kye/ ston pa'i ston pa kun byed rgyal po yis/ /mnyam nyid skye ba med pa'i rang bzhin la/ /thabs dang snying po rtogs pa'i gang
113b4 zag gis/ /sgrib dang sa yi khyad par med par bstan/ /kun byed rgyal po nga yi rang bzhin ni/ /dus gsum 'byung 'jug mi byed yid la byed pa med/ /ris su mi lta
113b5 mtshan ma'i yul mi tshol/ /kun byed rgyal po'i dgongs pa'i lung du bstan/ /kye/ kun byed rgyal po nga yi dgongs pa ni/ /tshig dang yi ges mtshon pa mi rnyed cing / /sgra
113b6 dang tshad mas gtan la dbab du med/ /skye ba med pas 'gag pa med pa yin/ /'phel ba med cing yongs su 'grib mi byed/ /mtshan ma min zhing de nyid min pa'ang
113b7 min/ /kye/ ston pa'i ston pa kun byed rgyal po ngas/ /ji ltar snang ba'i chos rnams thams cad kun/ /skye ba med pa'i ngo bor byin brlabs pas/ /rtogs pas de
114a1 @#/ /nyid ngang du ldog par 'gyur/ /kun byed rgyal po nga yi byin rlabs kyis/ /sems dpa' rdo rjes ji ltar rtogs pa ltar/ /phyi rabs kun byed lung la dad
114a2 pa la/ /dngos po skye ba med par byin rlobs shig /de ltar sgom du med pa'i snying po la/ /ma yengs dran pas bzung ba man ngag yin/ /kun byed rgyal po byang chub sems 'di
114a3 la/ /bshad pas ma yin tshigs su bcad pas min/ /bsgom pas ma yin ma bsgoms pas kyang min/ /snying po sngags dang phyag rgya kun las 'das/ /kye/ kun byed rgyal
114a4 po nga yis bstan pa'i sa/ /ma lus 'di la brten pas spong len med/ /phyogs cha med par khyab pas che chung med/ /chos kyi dbyings su gnas pas rtog dang mi rtog
114a5 med/ /de phyir dus gcig gnas pa'i sa 'di la/ /sems dpa' rdo rje legs par gnas par gyis/ zhes gsungs so/ /byang chub kyi sems kun byed rgyal po las/
114a6 don la sbyang med kyi le'u ste bdun cu bdun pa'o// //de nas byang chub kyi sems kun byed rgyal pos mnyam pa la blang dor med pa'i dgongs pa 'di
114a7 gsungs so/ /kye/ ston pa'i ston pa kun byed rgyal po yis/ /skye med byang chub sems kyi rang bzhin la/ /ji bzhin ma bcos gnas pa'i dgongs pa la/ /blang dang dor
114b1 ba yod par lung ma bstan/ /skye med rang bzhin sgros skur bral ba ste/ /blang dang dor ba sgro skur don tu bstan/ /su zhig snying po'i don la zhugs pa yis/ /sgro skur 'das pa snying
114b2 po'i don du bstan/ /gang yang bsam pa kun las 'das byed pa/ /blang dor med par rtogs par lung bstan to/ /kye/ sems dpa' rdo rje snying po'i don la sgoms/ /nga ni ma nor don
114b3 gyi snying po la/ /blang dor rnam rtog bcos pa'i yul med do/ /rang bzhag bde ba mchog gis goms par byed/ /kun byed rtogs na snying por kun gnas pas/ /snying po'i don la
114b4 blang dor lung ma bstan/ /skye zhing 'jig pa'i chos su'ang lung ma bstan/ /bzang ngan gtsang sme'i chos su'ang lung ma bstan/ /rtog dpyod bsam pa'i yul las 'das par bstan/ /
114b5 kye/ sems dpa' rdo rje nges par da sgoms shig /bsgom dang bsgom par bya ba'i yul nyid ni/ /ma bcos kun byed sems kyi rang bzhin la/ /bsgom dang mi sgom blo yi yul las
114b6 'das/ /kye/ kun byed rgyal po byang chub sems nga ni/ /nga yi 'khor du 'dus pa'i tshogs rnams la/ /blang dang dor ba'i chos nyid nga mi ston/ /gcig la gnyis su dbye ba'i chos
114b7 mi ston/ /rtog dang dpyod 'das rtog dpyod bsam mi byed/ /ma gcos ji bzhin pa la 'chos ma byed/ /bya ba gang btang ci snang chos nyid la/ /ma bsams rang bzhin bzhag
115a1 @#/ /pas grol bar ston/ /kye/ sems dpa' rdo rje chen po da sgoms shig /blang dor med pa'i chos nyid byang chub la/ /mkha' ltar gnas pas lus sems
115a2 bcos su med/ /'du shes zhen 'dzin med pas bsgom du med/ /mkha' ltar rab zhi rnyog pa kun bral la/ /yul la mi 'jug dgongs pa'i dmigs 'jug bral/ /kye/ sems
115a3 dpa' rdo rje legs par da bsgoms shig /dbang po yul la mi rtog sems mi sdud/ /gnyen po mi brten lus sems rgyud ma sbyongs/ /lus sems ma bcos snying po'i
115a4 don du rtogs/ /kye/ kun byed rgyal po nga yi spyod pa ni/ /ma btsal lhug par gnas pas don kun rdzogs/ /snying po'i don du 'dus pas blang dor med/ /re dogs rnam
115a5 par chad pas mya ngan 'das mi sgom/ /kun byed nga yi spyod pa gang rtogs pas/ /dus gsum skye med don du mnyam pa la/ /'jug dang mi 'jug tshig las shin tu 'das//
115a6 'di ni blang dor med par lung bstan to/ /zhes gsungs so/ /byang chub kyi sems kun byed rgyal po las/ mnyam pa la blang dor med par bstan pa'i le'u ste bdun cu
115a7 brgyad pa'o// //de nas byang chub kyi sems kun byed rgyal pos rang 'byung snying po'i ngang la sgrib pa bsal du med pa'i dgongs pa 'di gsungs
115b1 so/ /kye ston pa'i ston pa kun byed rgyal po yis/ /snying po sgrib med dgongs par lung bstan pa/ /ji ltar snang ba'i chos rnams ma lus pa/ /skye med chos kyi dbyings su kun
115b2 gcig pas/ /skye med snying po thugs kyi rang bzhin la/ /sgrib pa mi sgrib khyad par bstan pa med/ /kye/ sems dpa' rdo rje legs par nga sgoms shig /skye med chos kyi dbyings
115b3 su gcig pa la/ /sgrib dang mi sgrib spong len gang 'dod pa/ /dam pa'i snying po'i don dang 'gal bar 'gyur/ /kun byed byang chub sems kyis lung bstan pa/ /skye med
115b4 bsgoms pas skye ba snying por gsal/ /mkha' ltar rtog dpyod 'das la gang gnas pas/ /sgrib dang mi sgrib byang chub sems su gnas/ /kye/ kun byed rgyal pos 'khor la
115b5 lung bstan pa/ /ye shes sgrib med gsal ba'i don du bstan/ /rang 'byung rgyu rkyen med pa'i snying por gnas/ /rtogs pas sgro skur 'das pa'i dgongs pa yin/ /kye/ de phyir
115b6 sems dpa' rdo rje da sgoms shig /rang 'byung ye shes dmigs pa kun las 'das/ /rtogs pa dmigs pa'i don du gzhog mi byed/ /yul las 'das pas rnam
115b7 shes srung mi byed/ /dngos po snying por gsal bas sgom mi byed/ /rnam pa snying por gsal bas re dogs med/ /kye/ ston pa'i ston pa kun byed rgyal po yis/ /ma bcos
116a1 @#/ /'khor gyi nang du lung bstan pa/ /ma bcos snying po ches kun rtsol ba la/ /ji ltar snang ba gtan la 'bebs par byed/ /snying po rang bzhin gcig gi don
116a2 rtogs na/ /kun gyi rang bzhin kun byed nyid du 'dus/ /des na kun byed nga yi don mkhas na/ /bsam gyis mi khyab chos la mkhas par 'gyur/ /kun byed nga yi don la goms
116a3 gyur na/ /kun gyi don la gnas shing goms pa yin/ /kye/ sems dpa' rdo rje legs par da sgoms shig /ji ltar snang grags chos rnams thams cad la/ /snying po
116a4 rtogs goms don nyid gcig las med/ /snying po mngon du phyung nas gang bstan pa/ /rang bzhin skye ba med pa'i don du rtogs/ /ma yengs re dogs chad pas dgongs pa
116a5 yin/ /kye/ sems dpa' rdo rje legs par da sgoms shig /ji ltar snang ba'i chos su gang bstan pa/ /kun byed rgyal po mtshon pa'i thabs su bstan/ /thabs de'i lung
116a6 dang 'gal bar ma byed cig /kun byed nga yi sras su zhugs rnams kyis/ /kun kyang skye med don du rtogs 'gyur na/ /'khor dang mya ngan 'das par mi sems te/ /snying
116a7 po rang bzhin rtogs dpyod bral bar bstan/ /zhes gsungs so/ /byang chub kyi sems kun byed rgyal po las/ mi sgrib pa'i le'u ste bdun cu dgu pa'o// //
116b1 de nas byang chub kyi sems kun byed rgyal pos lhun grub re dogs las 'das pa'i dgongs pa 'di gsungs so/ /kye/ sems dpa' rdo rje legs par da sgoms shig /da ni ston pa kun byed
116b2 rgyal po ste/ /ji ltar snang ba'i chos rnams ma lus pa/ /skye med sems kyi rang bzhin nyid du bstan/ /kye/ sems kyi rang bzhin lhun gyis grub pa'i phyir/ /grub dang ma grub gnyis
116b3 su lung mi ston/ /bde dang sdug bsngal gnyis su rtog mi byed/ /'khor dang mya ngan 'das par re dogs bral/ /lhun grub sems kyi rang bzhin cir snang bas/ /ma byung stong pa'i
116b4 don du smra ma byed/ /gzhi rtsa snying po rtog dpyod las 'das pas/ /grub cing brtan pa'i phyogs su zhen mi byed/ /kye/ sems dpa' rdo rje legs par da sgoms shig /lhun grub
116b5 rtog dpyod 'das pa'i snying po la/ /grub dang ma grub don la rtog mi byed/ /de phyir khyod kyang rtog par ma byed cig /kye/ lhun grub bya rtsol 'das pa'i snying po la/ /gang gi phyogs
116b6 ldog med pa'i zhen pa ni/ /ji ltar bus pa mkha' la rtsod pa ltar/ /kun byed nga yi rang bzhin mthong mi 'gyur/ /gang gis gang spangs ldog par 'dod pa ni/ /re dogs 'jigs
116b7 pa'i sems dang ma bral bas/ /mtha' bral mtha' la zhen pa'i gang zag gis/ /lhun grub snying po'i don la ji ltar reg /kye/ sems dpa' rdo rje legs par da sgoms
117a1 @#/ /shig /ma skyes rnam par dag pa'i don snang bas/ /snang ba dngos por mi lta 'jig mi byed/ /snang ba skye ba med par rang grol bas/ /stong pa mi
117a2 sgom ji bzhin rtogs pas grol/ /kye/ ston pa'i ston pa kun byed rgyal po ngas/ /ji ltar snang ba'i chos ni thams cad kun/ /ma skyes rnam par dag par lung bstan pas//
117a3 ji ltar skye ba med pa nyid du rtogs/ /kye/ nga las byung ba ston pa sku gsum la/ /sems nyid skye ba med par kun smra zhing / /rang bzhin med pa'i don la kun rtsod kyang / /skye
117a4 med mngon sum dus kyis rtogs pa med/ /de phyir kun byed rgyal po'i lung 'di la/ /shes nas ma yengs don la gnas pa las/ /rtsol bas mi 'jug gnyen pos sems mi
117a5 sbyongs/ /yul la mi 'jog dran pa'i sems mi sdud/ /gang ltar 'byung ba de nyid don yin pas/ /kun byed nga yi don la 'jug par gyis/ /kye/ ston pa'i ston pa kun
117a6 byed rgyal po yis/ /ma bcos sems kyi 'khor la lung phog pa/ /ma lus skye med rtogs pa'i rnal 'byor pa/ /rang bzhin bcu las rtsol bar ma byed cig /kun byed
117a7 byang chub sems kyi rang bzhin la/ /shes pas gzung 'dzin mi shes spang med pas/ /rtogs pa dbang bsgyur don la gnas pa yis/ /kun byed rgyal po'i dgongs
117b1 pa lhun gyis grub/ ces gsungs so/ /byang chub kyi sems kun byed rgyal po las/ lhun grub re dogs bcad pa'i le'u ste brgyad cu pa'o// //de nas byang chub kyi
117b2 sems kun byed rgyal po la sems dpa' rdo rjes 'di skad ces zhus so/ /kye/ ston pa kun byed rgyal po lags/ ji ltar snang ba'i chos ni khyod kyis byas/ /bstan pa'i dam chos ma
117b3 lus khyod kyis bkod/ /dam pa'i rang bzhin khyod kyis bstan pas na/ /khyod kyi rang bzhin rtogs na chos kun rtogs/ /de bas chos kun nyid kyi rang bzhin 'di/ /'dus pa'i tshogs
117b4 kyis gsal bar ma rig pas/ /don du ji ltar gnas pa bshad du gsol/ zhes zhus so/ /de nas byang chub kyi sems kun byed rgyal pos mdo lung rgyud la bsdu ba 'di gsungs so//
117b5 kye/ sems dpa' rdo rje legs par nan tan gyis/ /ston pa'i ston pa kun byed rgyal po yis/ /'khor la mdo lung bsdus pa 'di phog pa/ /legs par bstan pa'i don la nan
117b6 tan gyis/ /kye/ nga yi rang bzhin skye med don gcig la/ /rgyud kyi rang bzhin rnam pa gsum du bstan/ /gdams pa rnam pa gsum gyi rim pa yis/ /rgyud ni rtsa ba'i rgyud dang phyi ma
117b7 dang / /phyi ma'i phyi mas don rdzogs bstan pa yin/ /kye/ rtsa ba thos pa'i rang bzhin bstan pa ni/ /nga yi rang bzhin lnga bcu rtsa bdun gyis/ /dngos po'i don kun gtan la phab
118a1 @#/ /pa ste/ /sems dpa' rdo rjes legs par nan tan gyis/ /kye/ nga yi rang bzhin lnga bcu rtsa bdun ni/ /mngon du phyung ba'i mdo lung bcu po dang / /nges par
118a2 bstan pa'i mad lung bcu po dang / /rgyu 'bras 'das pa'i mdo lung bcu po dang / /bya med rdzogs pa'i mdo lung bcu po dang / /gtan la 'bebs pa'i mdo lung bcu dag dang / /dgos
118a3 ched so sor bstan pas lnga bcu lnga/ /gcig gis gzhi bstan gcig gis gdams pa bstan/ /kye/ ston pa'i ston pa kun byed rgyal po yis/ /mngon du phyung ba'i mdo lung bcu
118a4 bstan pa/ /dang po dang ni bcu dang gnyis bstan pa/ /bcu gcig pa dang gsum dang nyi shu pa/ /bco lnga pa dang nyi shu lnga pa dang / /nyi shu rtsa gcig drug pas rdzogs pa yin/ /gdams
118a5 ngag phog pas mngon phyung mthong ba'i phyir/ /bcu drug pa yis mngon phyung dgos pa bstan/ /kye/ ston pa'i ston pa kun byed rgyal po yis/ /nges par bstan pa'i mdo lung bcu
118a6 bstan pa/ /bzhi pa sum cu gsum pa bcu gsum pa/ /bcu gnyis pa dang lnga dang sum cu gnyis/ /sum cu drug dang sum cu bzhi pa dang / /nyi shu dgu dang bcu bdun pa yis
118a7 rdzogs/ /nges par bstan pa'i dgos pa yid ches dag /lnga bcu rtsa lnga pa yis bstan pa yin/ /kye/ ston pa'i ston pa kun byed rgyal po yis/ /rgyu 'bras 'das pa'i mdo
118b1 lung bcu bstan pa/ /bzhi bcu gcig pa bcu bzhi sum cu brgyad/ /dgu pa dang ni so lnga bcu dgu pa/ /bco brgyad pa dang brgyad dang bzhi bcu dang / /lnga bcu rtsa gnyis pa yis bstan
118b2 pa yin/ /rgyu 'bras 'das pas rtsol bsgrub bya mi dgos/ /bdun pa nyid du nges par bstan pa yin/ /kye/ ston pa'i ston pa kun byed rgyal po yis/ /bya med rdzogs pa'i lung bcu
118b3 bstan pa ni/ /nyi shu gnyis dang sum cu pa dag dang / /nyi shu bzhi dang nyer brgyad nyi shu bdun/ /sum cu gcig dang nyer gsum nyi shu drug /zhe bzhi lnga bcu drug pas bstan pa yin/ /
118b4 ma byas rang bzhin rdzogs par bstan pa'i phyir/ /bzhi bcu gsum pas de yi dgos pa bstan/ /kye/ ston pa'i ston pa kun byed rgyal po yis/ /gtan la 'bebs pa'i lung bcu
118b5 bstan pa ni/ /nyer brgyad pa dang sum cu dgu pa dang / /bzhi bcu lnga dang so bdun zhe drug pa/ /zhe bdun pa dang zhe dgu nga gcig pa/ /lnga bcu pa dang lnga bcu gsum pas rdzogs/ /gtan la
118b6 phebs na ma bcos bcos med pas/ /bzhi bcu gnyis pas dgos pa bstan pa yin/ /lnga bcu bzhi pas rtsa ba'i gzhi bstan nas/ /lnga bcu bdun pas gtad cing gdams pa ste/ /
118b7 rtsa ba'i rgyud de thos par gces pa yin/ /kye/ ston pa'i ston pa kun byed rgyal po des/ /bsam pas gtan la phab ste bstan pa ni/ /rtsa ba'i rgyud du gsungs pa'i don rnams
119a1 @#/ /kyang / /rdzogs pa'i rang bzhin bcu ru bstan pa'i phyir/ /rtogs pa'i mdo lung bcu ru bstan pa yin/ /kye/ ston pa'i ston pa kun byed rgyal po yis/ /bsgom
119a2 pas nges par 'byin par bshad pa ni/ /rang bzhin bcu ru dgongs pas bshad pa yang / /skye ba med pa'i don du bsdus te bstan/ /skye med rtogs pa'i don las ma yengs pas/ /
119a3 bsgoms pa'i mdo lung bcu ru bsdus te bstan/ /'di las 'phros shing thams cad 'dir 'dus pas/ /kun gyi rtsa ba don gyi 'grel ba'i lung / /kun byed nga yi sras su gyur
119a4 ba la/ /ming gis don mtshon skye med rtogs phyir bstan/ /kye/ sems dpa' rdo rje legs par nan tan gyis/ /theg pa'i rtsa ba byang chub sems kyi lung / /kun byed rgyal
119a5 pos bsdus pa'i rtsa ba 'di/ /sems dpa' rdo rje legs par rtogs 'gyur na/ /rgyal ba'i rgyal ba kun byed rgyal por 'gyur/ /de phyir kun byed nga yi 'khor rnams la/ /
119a6 sems dpa' rdo rjes don 'di lung ston cig /skye med byang chub sems su lung ston cig /'khor 'das dbyings su gcig par lung ston cig /rgyu 'bras dus gcig rdzogs
119a7 bar lung ston cig /ces gsungs so/ /byang chub kyi sems kun byed rgyal po las/ dgongs don lde mig gi le'u ste brgyad cu rtsa gcig pa'o// //de nas byang chub
119b1 kyi sems kun byed rgyal po la sems dpa' rdo rjes gus pa'i tshul gyis bstod pa/ kye/ ston pa'i ston pa kun byed rgyal po khyod/ /dus gsum rgyal ba'i rang bzhin chos kyi dbyings/ /
119b2 'khor ba mi spong thugs rje phyogs ris med/ /ston pa kun byed rgyal po khyod la 'dud/ /kye/ ston pa'i ston pa kun byed rgyal po khyod/ /'das pa'i sangs rgyas kun byed khyod kyi byas/ /ma
119b3 byon pa dang da ltar byed cing mdzad/ /ston pa kun byed rgyal po khyod la 'dud/ /kye/ ston pa'i ston pa kun byed rgyal po khyod/ /khams gsum srid gsum byed mkhan khyod kyis byas/ /rang
119b4 'byung lnga dang rgyan gyi rgyu lnga dang / /ye shes lnga byas kun byed khyod la 'dud/ /kye/ ston pa'i ston pa kun byed rgyal po khyod/ /sku gsum ston pa gsum yang khyod kyis byas/ /sku gsum
119b5 thugs gsum ma lus kun byas pas/ /ston pa kun byed rgyal po khyod la 'dud/ /kye/ ston pa'i ston pa kun byed rgyal po khyod/ /sku gsum bzhugs pa'i gnas kyang khyod kyis byas//
119b6 'khor gyi dang po sdud pa'ang nyid las byung / /ston pa kun byed rgyal po khyod la 'dud/ /kye/ ston pa'i ston pa kun byed rgyal po khyod/ /'dus pa'i 'khor yang nges par khyod kyis byas/ /
119b7 bstan pa gsum yang nges par khyod kyis byas/ /kun byed rgyal po nyid la phyag 'tshal 'dud/ /kye/ ston pa'i ston pa kun byed rgyal po khyod/ /zag med shes rab rtogs pa gsum
120a1 @#/ /bstan pas/ /'khor gyi mun pa'i dkyil 'khor snang mdzad pa/ /kun byed rgyal po nyid la phyag 'tshal 'dud/ /kye/ ston pa'i ston pa kun byed rgyal po
120a2 khyod/ /nyid kyi thugs gcig rang 'byung ye shes las/ /'byung zhing sdud pa'i rtsa ba khyod nyid pas/ /chos kyi snying po khyod la phyag 'tshal 'dud/ /kye/ ston pa'i ston pa kun
120a3 byed rgyal po khyod/ /ma rig pa yi lam ni bsal nas kyang / /ye shes snang ba kun tu mched par byed/ /ston pa kun byed rgyal po khyod la 'dud/ /kye/ ji ltar snang ba'i
120a4 chos ni thams cad kun/ /rang 'byung nyid pas rgyu rkyen kun dang bral/ /ma bcos snying po ji bzhin gsal bas na/ /rang 'byung ye shes kun byed rgyal po nyid/ /ji ltar
120a5 brtags kyang gting mtha' dbus med de/ /kun gyi 'byung gnas bsam pa'i yul las 'das/ /skye 'gag dmigs 'jug las 'das rnam par zhi/ /su zhig 'jug
120a6 cing dmigs dang dad pa dag /'di la dman dang dam par dmigs med pas/ /mi rtsol bde la gnas shing dbugs phyin 'gyur/ /chos kyi rtsa ba kun byed rgyal po las/ /
120a7 ji ltar gnas pa rtsol sgrub kun dang bral/ zhes gsungs so/ /byang chub kyi sems kun byed rgyal po las/ rjes su bstod pa'i le'u ste brgyad cu rtsa gnyis pa'o// //
120b1 de nas byang chub kyi sems kun byed rgyal po la sems dpa' rdo rje legs par 'dun nas zhus pa/ kye/ ston pa'i ston pa kun byed rgyal po lags/ /ji ltar snang zhing grags pa'i
120b2 chos rnams kun/ /rang 'byung ye shes gcig tu bstan pa'i mdo/ /chos kyi rtsa ba kun byed rgyal po'i rgyud/ /phyi rabs rnal 'byor gang dang gang dag las/ /bstan cing gdams pa
120b3 legs par bshad du gsol/ /zhes zhus so/ /de nas byang chub kyi sems kun byed rgyal pos skal ldan la gdams pa'i don 'di gsungs so/ /kye/ sems dpa' rdo rje legs
120b4 par da nyon cig /ston pa'i ston pa kun byed rgyal po ngas/ /ji ltar snang zhing grags pa'i chos rnams kun/ /ngas byas byed dang byed 'gyur snying po'i don/ /gzhi rtsa kun 'das snying
120b5 po byang chub rgyu/ /dgongs pa mngon du phyung ba'i mdo lung 'di/ /dad dang dam tshig brtson 'grus che ba dang / /snying rje yi rang skyo dad yid ldog med/ /lus dang bu dang chung ma bran
120b6 dang nor/ /gang la'ang ma chags dad dang dga' bas 'bul/ /'di dag dad dang dam tshig rtags yin pas/ /snying po'i don dang ldan pas sbyin par bya/ /grags pa spang zhing
120b7 ba rgyal bral ba dang / /dam pa snying po'i don phyir lus srog phangs pa med/ /bka' las mi 'da' rtags dang ldan pa la/ /snying po don dang skye med bstan pa sbyin/ /gang gis
121a1 @#/ /snying po'i bstan pa bdag thob na/ /'jig rten mtshan mas bdag la ci bgyi ste/ /thob na bdag gis dka' ba sgrub bo zhes/ /dam bca' legs par
121a2 gnas na bstan pa sbyin/ /ji srid bdag dang slob dpon 'tsho ba'i bar/ /lus dang srog gi 'brel ba ma mchis par/ /khyod kyi bka' bzhin sgrub ces gnas bor la/ /bstan
121a3 pa'i snying po kun byed rgyal po sbyin/ /mdor na lus dang srog kyang 'bul bya zhing / /rdzas dang zhing yul rkang 'gros smos ci dgos/ /gal te bdag la dgongs par ma gyur
121a4 kyang / /dam pas blangs te dkon mchog gsum la 'bul/ /kye/ ston pa'i ston pa kun byed rgyal po yis/ /snod min log pa'i gang zag bstan pa ni/ /grags dang 'jig
121a5 rten chos la dga' ba dang / /nga rgyal dam par mi bkur yid thung ldog /'phyar zhing rdzas dang dad par mi ldan te/ /rang tshod nyams len btsan thabs 'dod pa dang / /bstan
121a6 pa yongs la 'phel zhing mi mthun zhing / /sgro skur bdag gzhan gnod sems bsgom pa min/ /'di la mi bstan mchog tu gsang bar bya/ /sngon du rtags dang dad pa
121a7 brtag bya'i phyir/ /rin chen dbyig dang chas pas gus mnod gyis/ /chags sems nga rgyal gzhan sems ma nges la/ /de la kun byed rgyal po bstan mi bya/ /snying po'i
121b1 don la blang dor mi gnas kyang / /mi ma yin dang 'byung pos bar gcod cing / /mkha' 'gro grub pa can gyis gnyi ka la/ /dus min 'chi dang 'jigs pa'i dbang gyur nas/ /sgre skur dbang
121b2 gis snying po'i theg pa nub/ /de bas rigs ngan gang zag spang bar bya/ /'jig rten zhen pa dbral zhing rgyud brtag phyir/ /lus dang longs spyod bla mas kun blangs la/ /nus dang mi
121b3 nus khyad par rtags ldan nas/ /snying po don bstan kun byed rgyal po sbyin/ /zhes gsungs so/ /byang chub kyi sems kun byed rgyal po las/ bstan pa gang la gzhag pa'i le'u ste
121b4 brgyad cu rtsa gsum pa'o// //de nas byang chub kyi sems kun byed rgyal po la sems dpa' rdo rjes legs par mdangs phyung ste 'dun nas zhus pa/ kye/ ston
121b5 pa'i ston pa kun byed rgyal po lags/ /nyid kyi thugs gcig rang 'byung ye shes las/ /skal ldan dus gcig grol bar mdzad pa'i mdo/ /mtshan gyi khyad par bdag la bshad
121b6 du gsol/ zhes zhus so/ /de nas byang chub kyi sems kun byed rgyal pos mtshan gyi rnam grangs rnam par phye ba 'di gsungs so/ /kye/ ston pa'i ston pa kun byed rgyal po yis/ /
121b7 mtshan gyi khyad par phye ste bshad pa ni/ /ji ltar snang ba'i chos rnams thams cad kun/ /ma lus kun byas byed cing byed 'gyur te/ /nyid la bya mi dgos te lhun grub pas/ /
122a1 @#/ /kun byed rgyal po zhes su bstan pa yin/ /kye/ snying po nga la dri ma med pa dang / /ma btsal lhun gyis grub pa'i don ldan pas/ /'di la btsal zhing
122a2 sgrub pa mi mnga' ste/ /byang chub sems zhes nges par bstan pa yin/ /skye med gdod nas grub pa'i chos nyid la/ /rgyu dang rkyen med btsal med snying po 'di/ /ma bsgribs
122a3 kun la phyogs ris med gsal bas/ /rang 'byung ye shes zhes su bstan pa yin/ /kye/ ji ltar snang ba'i chos rnams thams cad kun/ /ma bcos ji bzhin ngang la kun
122a4 snang bas/ /phyogs ris gnyis su chad pa'i don med de/ /bka' yi 'brel ba chos kyi me long yin/ /kye/ ji bzhin ma bcos snying po rnal ma la/ /'khor dang mya ngan 'das
122a5 pa 'byung sdud pa/ /blang dor 'dzin chags rgya las rnam grol te/ /snying po don gyi theg pa bstan pa yin/ /kye/ 'das dang ma byon da ltar rgyal ba la/ /skye med 'di las ma
122a6 gzigs mi dgos pas/ /ma bcos thig le gzung 'dzin las 'das pas/ /lta ba'i me long zhes su bstan pa yin/ /kye/ nga ni ma bcos ji bzhin snying po la/ /sgro 'dogs skur
122a7 'debs don las kun 'das te/ /dus gsum rgyal ba nga las byung bas na/ /rgyal ba'i yum zhes nges par bstan pa yin/ /kye/ ma bcos skye med kun byed rgyal po la/ /
122b1 ma btsal dgos pa'i yon tan tshad rdzogs pas/ /btsal zhing bsgrub pa kun las 'das pas na/ /rgyud kyi rgyal po zhes su bstan pa yin/ /kye/ ma bcos don la ma nor blo 'jog
122b2 pas/ /snying po don la sgro dang skur pa bral/ /gnyi ga mi 'gal don du gang ston pa/ /ma bcos don gyi lung du bstan pa yin/ /kye/ ston pa'i ston pa kun byed rgyal pos lung bstan
122b3 pa/ /skye med byang chub sems dang ldan pa'i don/ /gnyis med snying por ro gcig gnas pa la/ /kun gyi mdo ni mdo ru bstan pa yin/ /kye/ ma rig pa yi mun pa sel ba yin/ /ye
122b4 shes snang ba mched par byed pa yin/ /sdug bsngal rgya mtsho gcod par byed pa yin/ /snying po don la goms par byed pa yin/ /kye/ ngas ni ma rig pa yi dmigs bsal nas/ /
122b5 skye med byang chub sems ni mngon bstan na/ /skal ldan rnal 'byor mig dang ldan pa dag /bya ba med par rang bzhin grol bar 'gyur/ /theg pa'i yang snying bka' yi rdzogs
122b6 chen 'di/ /man ngag snying po lung dang bstan rnams kyis/ /rang bzhin bde bar gnas na gsal bar 'grub/ /ma bcos mi 'gyur 'jug cing rtsol ba med/ /kye/ nga ni ston
122b7 pa kun byad rgyal po ste/ /theg pa'i rtsa ba chos kyi snying po'i lung / /sku gsum ston pas ma gsungs rgya che ba/ /skye ba med par ston pa'i sems rgyud 'di/ /dus gsum rgyal
123a1 @#/ /bas sngon chang ma gsungs te/ /phyi ma mi gsung da ltar ston mi mdzad/ /kun byed rgyal pos 'pho 'gyur mi mnga' bas/ /snga par gsungs shing phyis
123a2 kyang gsung 'gyur la/ /da ltar byung bar gsungs pas skal ldan la/ /nges par bstan pas 'bad med grol ba'i lung / /mdo lung mngon du bstan pa'i bka' rgyud 'di/ /
123a3 mi 'phel mi nub snying po 'dzin pa la/ /kun byed rgyal po nges par khyod la gtad/ ces gsungs so/ /byang chub kyi sems kun byed rgyal po las/ mtshan gyi rnam grangs
123a4 bstan pa'i le'u ste brgyad cu rtsa bzhi pa'o// //byang chub kyi sems kun byed rgyal po lta ba nam mkha' ltar mtha' dbus med pa'i rgyud nam mkha'i
123a5 snying po mchog gi don gsang ba mchog gi mdo lung brgyad cu rtsa bzhi pa rdzogs so// //rgya gar gyi mkhan po dpal gyi seng ge mgon po dang / dge slong bai ro
tsA nas bsgyur cing zhus te gtan la phab pa'o/
CLOSE WINDOW