བོད་ཡིག |
1a1 @#/ /rgyud tsa pa bzhugs so/ /
1b1 @##/ /gsang ba'i bdag po rdo rje bsnams pa la phyag 'tshal
1b2 lo/ /de nas gnod sbyin gyi sde dpon chen po yang dag shes kyis bcom ldan
1b3 'das la lan du mar ba skor ba byas nas lha'i me tog dang / rin po che du mas
1b4 bcom ldan 'das la mngon par bstod nas 'di skad ces gsol to/ /
2a1 bcom ldan 'das/ lha rnams kyi rgyal po 'di la ci'i slad du rnam thos sras
2a2 zhes bgyi/ ci'i slad du ngal bso po zhes bgyi/ ci'i slad du gnas srung po zhes bgyi/ ci'i slad du
2a3 lus ngan po zhes bgyi/ de skad ces gsol pa dang / bcom ldan 'das kyis gsang ba'i bdag po lag
2a4 na rdo rje la bka' stsal pa/ gsang ba'i bdag po/ khyod kyis lha'i rgyal po'i ming gi rnam grangs rnams gnod
2a5 sbyin gyi tshogs chen po 'di dang / sde dpon chen po yang dag shes la yang dag par ston cig ces pa de
2b1 gsungs nas/ de nas gsang ba'i bdag po lag na rdo rjes bcom ldan 'das la lan du mar bskor ba byas nas
2b2 rdo rje snyems pa dang bcas pas 'gying zhing rang gi stan la 'dug ste 'khor 'dus pa dang / gnod sbyin gyi sde dpon
2b3 chen po rnams la gzigs nas gnod sbyin gyi sde dpon chen po yang dag shes la 'di skad ces gsungs so/ /sde
2b4 dpon yang dag shes/ lha'i rgyal po 'di ni rnam par snang mdzad de bzhin gshegs pa'i thugs las sprul pa ste|
2b5 sangs rgyas kyi mdzad pa ji lta ba bzhin du mdzad pa'o/ /de nas tshangs pa khyad par sems kyis bsams pa/
2b6 kye ma lha rnams kyi srid grub cing mi rnams kyi re ba skong ba'i phyir thabs ci yod ces bsams pa dang / lha thams
3a1 cad kyi mnga' bdag ma hA de ba drang srong gi spyod pa la gnas shing dga' ba'i tshal na yod
3a2 pa/ lha'i bu rnams kyis drang srong chen po rnam pa mang du thos pa drang srong gi spyod pa mdzad do zhes grags so/ /
3a3 de'i tshe na tshangs pa khyad par sems kyis brgya byin la bskul te/ dpal lha mo drang srong la phul lo/ /des kyang
3a4 drang srong gi dka' thub bzlog go /rnam pa mang po thos pa dang lhan cig tu gnas pa las/ zla ba bcu na khye'u
3a5 mtshan dang ldan pa zhig dpal lha mo'i pang du brdzus te byung ngo / /ming yang srid grub ces btags so/ /de nas
3a6 cher skyes pa dang / rgyal chen bzhi'i ris kyi lha rnams kyis lcang lo can gyi pho brang du phul te/ sa gsum pa'i rgyal
3b1 por dbang bskur ro/ /de'i tshe bar snang la gnas pa'i lha rnams dang / yul 'khor srung dang / 'phags skyes po dang / mig mi bzang dang / gnod sbyin lag
3b2 na rdo rje la sogs pa rnams kyis rin po che'i shing rta bkra ba phul nas bstod pa/ lha dang mi yi mgon gyur lha yi lha/ /bde mdzad srid grub rnam mang
3b3 thos pa'i sras/ /smon lam thugs rje'i mthu mnga' rin chen mang / /rnam mang thos pa'i sras la phyag 'tshal lo/ /zhes bstod de phyag 'tshal ba las rnam thos
3b4 sras zhes ming du chags par gyur to/ /sde dpon chen po yang dag shes/ lha rnams ni lha ma yin gyi bu mo rnams 'dod la/ lha ma yin rnams ni lha rnams kyi
3b5 shing thog 'dod pas na de dag 'thab par byed do/ /de'ang lha ma yin rnams la ri rab kyi khong seng nas gzhi chen po bzhi gnas te/ dang po sgra can 'dzin no/ /gnyis
3b6 pa mgul phreng / gsum pa rab dgod/ bzhi pa thags bzangs ris so/ /de nas lha ma yin gyi dbang po sgra gcan dpung gi tshogs chen po dang chas te rgyal chen
3b7 rigs bzhi'i lha rnams la brgal bar gyur to/ /de'i tshe na rgyal po rnam thos kyi bu ngal bso ste 'dzam bu'i gling lta zhing rab tu rtogs par byed do/ /yul 'khor srung
4a1 dang / 'phags skyes po dang / mig mi bzang rnams dang 'thab par byed do/ /de'i tshe na rnam thos sras ri rab kyi rked pa la ngal bso
4a2 ba sgra gcan gyis mthong nas gzi brjid dang / dpal ma bzod de/ de'i tshe na sgra gcan gyis rin po che'i me tog sna tshogs rnams kyis gtor te bstod pas
4a3 lha yi nang na nor lha lha yi mchog /'gro ba'i skyabs mdzad ngal bso dge ba po/ /bde gshegs spyod mdzad re ba skong mdzad pa'i/ /kun gyi mgon gyur
4a4 ngal bso khyod phyag 'tshal/ /zhes bstod nas sa gsum gyi rgyal po ngal bso brgyal bar gyur cig ces bstod nas rang gi gnas su zhugs so/ /yang
4a5 dag shes des na ngal bso po zhes ming du chags par gyur to/ /sde dpon chen po yang dag shes de nas lha ma yin gyi sa gnyis pa la gnas pa mgul
4a6 phreng gis sgra gcan la smras pa/ sgra gcan/ khyod g.yul las brtan pa thob bam/ bde bar log gam zhes dris pa dang / sgra gcan gyis smras pa/
4a7 kho bo ni ngal bso po rgyal po'i gzi brjid kyis bsregs so/ /rnam par tshig ste bzod par dka'o zhes smras so/ /de'i tshe mgul phreng khro bas non nas
4b1 sgra gcan la smras pa/ kye sgra gcan/ kho bo ni stobs dang / dmag gi dpung khyod pas bzhi 'gyur gyis mang bas/ 'u bu cag 'grogs te rgyal chen bzhi'i grong
4b2 dang / skyed yos tshal kun dga' ra ba rnams gzhom par bya'o zhes nas dpung gi tshogs dpag tu med pa dang / sgra gcan dang bcas te 'ongs par gyur to/ /
4b3 de'i tshe rgyal po rnam thos kyi bu seng+ge la zhon par gyur cing gser gyi ya lad bgos te gnas pa las rgyal po gsum dang / lcang lo can rnams phrogs la thug pa'i
4b4 tshe rnam thos nyid kyi yul dang / kun dga' ra ba la sogs pa'i gnas rnams bsrungs te lha ma yin rnams pham par byas so/ /de'i tshe lha ma yin gyi dbang po
4b5 mgul phreng gis gos rin po che sna tshogs kyis gtor nas bstod pa/ dpa' bo 'jigs med nyon mongs g.yul las rgyal/ /lha rnams gnas srung zil
4b6 gnon seng+ge'i gdan/ /phongs pa sgrol mdzad ya lad rnam lngas brgyan/ /mgon po gnas srung khyod la phyag 'tshal lo/ /zhes bstod nas rang gi gnas su
4b7 zhugs par gyur to/ /de nas lha ma yin sa gzhi gsum la gnas pa'i rab dgod ces bya bas mgul phreng la smras pa/ lha ma yin gyi dbang po g.yul las rgyal
5a1 lam/ brtan pa thob bam zhes dris pa dang / mgul phreng gis smras pa/ lha ma yin gyi bdag po/ kho bo cag sgra gcan dang bcas pa
5a2 mgon po gnas bsrungs pos shin tu'ang pham par byas te chu shing gi tshal bzhin du 'dar bar byas so/ /me tog la ba mo phog pa ltar brnyings par byas so
5a3 zhes smras pa dang / rab dgod kyis smras pa/ kho bos lha'i dbang po'i grong khyer blta na sdug dbrog par bya'o/ /rgyal chen ris bzhi pa rnams 'bangs su
5a4 bya'o zhes smras nas rang gi yul nas dpung gi tshogs chen po sgra gcan dang / mgul phreng dang bcas pa snga ma bas brgya 'gyur gyis lhag pa ri rab kyi steng
5a5 du phyin to/ /de'i tshe lha'i dbang po ni chos bzang na lha'i bu rnams la chos ston to/ /de'i tshe lha ma yin gyi bdag po gsum gyi dmag dang bcas pas blta na
5a6 sdug gi grong bar dang / skyed mos tshal rnams phrogs la thug go /de'i tshe nye dbang sum cu rtsa gnyis kyis brgya byin la gsol pa/ lha'i dbang po/ mkhyen par
5a7 mdzad du gsol/ lha ma yin rnams kyi blta na sdug pa'i grong khyer phrogs la thug go zhes gsol pa dang / brgya byin gyis smras pa/ lha'i bdag po rnams
5b1 song la byang phyogs kyi rgyal po ngal bso po la gsol ba thob cig /des g.yul las rgyal bar byed do zhes smras so/ /de nas nye dbang sum cu rtsa gnyis kyis rgyal po
5b2 chen po khyod la lha ma yin gyi g.yul las rgyal bar bya ba'i phyir lha'i dbang po 'bod do zhes smras pa dang / de'i tshe rgyal po ngal bso bo ri rab gser gyi mdog can de
5b3 steng du gang mdzes snyam pa dang / bai DUR+Ya mdzes par mthong ste bdag nyid bai DUR+Ya'i lus su gnas te rta bai DUR+Ya'i mdog can zhon te gser gyi ya lang kyis brgyad
5b4 te g.yul du 'jug par byed do/ /de'i tshe rab dgod pa la sogs pas gzi brjid ma bzod de rang 'pham par gyur nas sa'i sgo de nyid nas rang gi gnas su
5b5 song ngo / /de'i tshe sum cu rtsa gsum pa'i lha rnams ngo mtshar skyes te/ kye ma/ lus ngan pa 'di 'dra bas lha ma yin gyi g.yul las rgyal bar byas so zhes zer
5b6 ro/ /yang dag shes/ rgyal chen ris bzhi'i lha rnams kyi lus kyi tshad ni rgyang grags bzhi cha'o/ /sum cu rtsa gsum pa'i lus kyi tshad ni rgyang grags phyed
5b7 do/ /de ltar ngal bso po'i lus kyis sum cu rtsa gsum pa'i lus kyi phyed las mi sleb bo/ /de'i tshe nye dbang sum cu rtsa gnyis kyis rin po che'i me tog du
6a1 mas gtor te bstod pa/ lha yi nang na rgyal po nor lha khyod/ /yid bzhin re ba kun gyi skyabs gyur pa/ /lus ngan pos ni lha min bye ba
6a2 btul/ /nyon mongs g.yul las rgyal la phyag 'tshal lo/ /zhes bstod de rgyal po lus ngan po ni kho bo cag gi skyabs su gyur to zhes brjod pas de'i phyir
6a3 lus ngan po zhes so/ /sde dpon yang dag shes/ de ltar rgyal po gnas gsum po 'di'i ming gi rnam grangs rnams shes par gyis shig /gnod sbyin
6a4 gar mkhan mchog gi brtag pa phyi ma las/ rnam thos sras kyi ming gi rnam grangs bstan pa'i le'u ste bcu gcig pa'o// //de nas
6a5 sde dpon yang dag shes/ /rab tu dga' ba'i yid kyis ni/ /gsang ba'i bdag la 'di skad gsol/ /mi rnams 'byor par 'dod pa dang / /lha rnams dbul
6a6 ba sel ba yi/ /de yi sgrub thabs bshad par mdzod/ /de skad gsol ba gsan nas ni/ /gsang ba'i bdag po rab bzhad de/ /gnod sbyin bdag po dag
6a7 la gsungs/ /legs so sde dpon yang dag shes/ /byang chub sems dpa' rin chen mang / /rnam snang dpal phreng thugs las sprul/ /de sgrub cho ga 'di lta
6b1 ste/ /rab tu dben pa'i gnas dag tu/ /bde ba'i stan la rab 'dug ste/ /khrus byas gos gtsang gyon nas ni/ /mchod pa rnams kyis rab mchod la/ /snying ga'i
6b2 phyogs su yi ge hUM/ /de las dpag med 'od spros te/ /sangs rgyas byang chub sems sogs dang / /nyan thos rang rgyal 'gro ba'i mgon/ /de rnams mdun du
6b3 gsal ba las/ /phyag 'tshal skyabs 'gro la sogs bya/ /de nas byams sogs rjes dran te/ /stong pa nyid kyi ye shes ni/ /mi g.yo las byung bde bar 'dug/
6b4 de nas smon lam thugs rje yis/ /rta bdun steng du 'brug sgra'i dbyangs/ /rdo rje rtse lnga de nyid gnas/ /de las yongs su rdzogs ba'i sku/ /sku mdog ljang ser
6b5 dUr ba'i mdog /sems dpa' 'dzum zhing yid kyang khro/ /sgeg par bcas shing rgyan dang ldan/ /ye shes ting nge 'dzin gyis mdzes/ /mdun du rdo rje gnod mdzes
6b6 ni/ /sku mdog mthing nag sbrul gyis brgyan/ /g.yas pa rdo rje ral gri g.yon/ /de nas rig pa stobs po che/ /khams gsum 'joms pa sku mdog dmar//
6b7 rdo rje dang ni rnga yab phyag /g.yas kyi phyogs su nye bar gnas/ /de yi g.yon gyi phyogs su ni/ /khro bo khams gsum bdud las rgyal/ /'khor lo dbyug to
7a1 dang 'brel dkar/ /rgyab tu bdud rtsi thab sbyor ni/ /ljang khu sna tshogs rdo rje 'dzin/ /grwa dang grwa yi phyogs rnams su/ /sgeg mo phreng ba
7a2 gar dang glu/ /bdug pa me tog mar me rnams/ /khyams dang de yi grwa la 'o/ /lcags kyu la sogs sgo yi bdag /ye shes ting nge 'dzin gyis mdzes/ /sa bon
7a3 hUM las yang dag 'byung / /me rlung chu nas nam mkha' la/ /yongs su gyur pa'i gzhal yas khang / /ye shes rtsig pa lngas mdzes pa'i/ /de yi bdag po
7a4 sems dpa'i tshul/ /bcu drug 'khor gyis rab bskor ba'i/ /de yi gsang sngags 'di lta ste/ /oM badzra tsaN+Da sarba duSh+Tan ta ka /ha na da ha pa tsa hUM phaT/ oM badzre kro
7a5 d+ha sum b+ha rA dza hUM/ oM badzra kro d+ha ha na da ha gup+ta bi d+h+wa na sa ya dza Ti laM bo d+ha ra hUM phaT/ oM badzra kro d+ha trai lo kya bi dza ya hUM phaT/ oM badzra kro d+ha a mr-i ta kuN+Da li ha na ha na hUM
7a6 phaT/ oM badzra lA s+ye hUM/ oM badzra mA le traM/ oM badzra gI tI hrIH/ oM badzra ni rti AHoM badzra d+hu pe hUM/ oM badzra puSh+pe hUM/ oM badzra A lo ke hriH/ oM badzra gan d+he a/ /
7a7 oM badzrA aM ku sha dzaH/ oM badzra pA sha hUM/ oM badzra s+pho Ta baM/ oM badzra g+haN+De hoH/ de dag rnams kyis mchod byas nas/ /'bum phrag gcig tu yongs bzlas na/ /
7b1 byang chub chen por 'gyur ba ste/ /ral gri mig sman rkang mgyogs dang / /ril bu mi snang bcud kyis len/ /bum pa bzang dang gser 'gyur dang / /grub pa brgyad na
7b2 thob gyur te/ /lha bran rnams kyang g.yog tu byed/ /de la sogs pa'i yon tan rnams/ /rig pa 'di las 'byung bar 'gyur/ /gnod sbyin gar mkhan mchog gi
7b3 brtag pa phyi ma las/ bcu bdun pa'i le'u ste bcu gnyis pa'o// //sde dpon chen po yang dag shes/ /gnas gsum pa yi rgyal po yi/ /sgrub
7b4 pa yang dag rab bshad bya/ /rab tu dben pa'i sa phyogs su/ /bde ba'i stan la rab 'dug nas/ /rang gi snying gar nyi mar hUM/ /de yi 'od kyis 'gro ba sbyangs/ /
7b5 bla ma sangs rgyas mchod byas bstod/ /tshad med bzhi dang yang dag ldan/ /stong pa nyid kyis brtan byas te/ /tsha zer can du yang dag hUM/ /'od 'phros rdo rje hUM dang
7b6 ldan/ /de gyur gsang ba'i bdag po ni/ /sku mdog ljang ser yid tsam khro/ /rdo rje dang ni ut+pal 'dzin/ /sangs rgyas dpag med rab 'phro ba'i/ /bdag nyid de
7b7 ltar bsam par bya/ /de nas de yi mdun du ni/ /b+h+ruM las byung ba'i gzhal yas khang / /ka ba brgyad khri dag dang ldan/ /rin chen bzhi las grub pa yi/ /rtse mo
8a1 yang thog nor bus spras/ /zur bzhi rim brtsegs pho brang dgu/ /dbus kyi sa yi cha rnams su/ /rdzing bu bzang pos yang dag spras/ /
8a2 de dbus 'jigs byed seng+ge'i gdan/ /bai DUr+ya las skyes pa'i sa gsum bdag /lha rnams rgyal po bsam par bya/ /sngar gyi gtso bo'i thugs ka las/ /'od 'phros
8a3 ye shes bkug la bstim/ /sku gsum ldan zhing de nyid kyi/ /gnas drug rdo rjes byin gyis brlabs/ /de la mchod bstod gsol bya zhing / /snying po'i sngags
8a4 kyis mnyes par bya/ /oM badzra pA Ni hUM hUM phaT/ oM bai shra pa NA ye swAhA/ 'phro 'du me yi 'khor lo bzhin/ /gsal ba gsum dang ldan pa yis/ /de nyid rig
8a5 par mchod byas na/ /sa gsum mgon po rab mnyes nas/ /'dod pa'i don rnams sgrub byed cing / /'bum phrag gcig gis sa rnams g.yo/ /ril
8a6 gnas pa'i gnod sbyin rnams/ /bran g.yog rab tu byed pa yin/ /'bum phrag gnyis ni gnas khang 'bar/ /bar snang gnas pa'i gnod sbyin rnams//
8a7 bran g.yog rab tu byed pa yin/ /des ci bsgo ba'i ngag nyan byed/ /'bum phrag gsum gyis phyogs rnams bsreg /grags pas phyogs bcur rgyas
8b1 par khyab/ /'bum phrag bzhi yis bza' btung thob/ /gnod sbyin lha yi bu mo rnams/ /bud med gzugs kyi rig 'dzin mchod/ /'bum phrag lnga yi nor dang ldan/ /
8b2 sa 'og gnas pa'i klu rnams kyis/ /nor dang 'bru yi char pa 'bebs/ /'bum phrag drug gis 'khor bzang rnyed/ /chos la gnas pa'i gnod sbyin rnams/ /
8b3 mi yi byis pa'i gzugs su ston/ /'bum phrag bdun gyis rigs rgyud 'phel/ /chos dang ldan pa'i lha rnams ni/ /sems can don du skye bar byed/ /'bum
8b4 phrag brgyad kyis tshe 'phel zhing / /stobs chen sum cu rtsa gnyis dang / /sde dpon chen po nyi shu brgyad/ /de yi rjes 'brang bar chad sel/ /dgus ni bcud len
8b5 sman rnams rnyed/ /gnod sbyin rig 'dzin chen po rnams/ /de yi stobs dang tshe 'phel phyir/ /sman pa'i gzugs su yang dag gnas/ /bcus ni mngon par
8b6 shes pa 'thob/ /yon tan kun gyis rab tu gang / /gnod sbyin gar mkhan mchog gi brtag pa phyi ma las/ gdul bya'i phyag na rdo rje'i gsang sngags kyi phan
8b7 yon bstan pa'i le'u ste bcu gsum pa'o// //sde dpon chen po yang dag shes/ rig pa'i cho ga zab mo 'di bsgrim mi dgos pa las thams
9a1 cad byed pa ste so shing la sngags shing gang la byin pa de dbang du 'gyur ro/ /rtswa dUr ba'i yam shing la 'bras thug po che dang / gi wang
9a2 brta dang bsregs na nor 'phel bar byed do/ /yi ge brgyad pa'i rig sngags 'di nyid gser gyi byang bu la mngon par bris te zangs dang / ga'u la sbyor ba
9a3 byas la sbrang rtsi'i nang du 'khor lo bcug ste brnga rgyud phyag rgya bcas pa'i snyim par bcug ste 'bum phrag bcu bzlas na gong du bstan pa'i yon tan rnams
9a4 'byung ste the tshom mi bya'o/ /'khor lo de'i sgrub pa ni gzhan yang bang mdzod du khang pa gru bzhi shin tu mdzes pa/ tshon rtsis kha dog bsgyur ba/ tsan+dan
9a5 dmar po'i dris khyab par byugs la/ rgyar khru do pa/ dpangs su khru gsum pa byas te de'i dbus su bum pa lnga 'bru lngas bkang ba'i steng du bzhag
9a6 la zla ba 'ong ngo cog gi tshes bcu'i nyin par mchod pa bya zhing gsol ba btab na nor gyi phung po 'phel bar byed de dkor mdzod kyi sgrub pa ste gter gyi
9a7 phung po'o/ /yang snga ma'i 'khor lo de thab kyi dbus su sna tshogs rdo rje'i steng du bzhag la/ thab kyi logs bzhi dang / grwa bzhir bum pa gang ba'i gzugs
9b1 bzhi dang / logs bzhir ba bzhi bri bar bya ste seng ldeng gi mes skol na g.yos pa mi zad par byed do/ /yang 'khor lo de gtsug lag khang du sbas na gang bsgrubs
9b2 pa'i gnod sbyin de mngon du 'gyur ro/ /yang 'khor lo de phyug po'i bang mdzod du mis ma tshor par sbas na 'bru'i phung po rang gi gnas su 'pho'o/ /yang 'khor
9b3 lo de btsun mo'i skye gnas su sbas te brda rgyud kyi phyag bcas pa dpal lha mo'i mdun du gsol ba btab na gsol ba btab pa'i rigs rgyud de 'phel bar byed
9b4 do/ /gnod sbyin gar mkhan mchog gi brtag pa phyi ma las/ yi ge brgyad pa'i las tshogs bstan pa'i le'u ste bcu bzhi pa'o// //sde dpon chen
9b5 po yang dag shes/ mi rnams 'bru'i phung po spel bar 'dod pas dpal lha mo bsgrub par bya ste/ lha'i rgyal po lcang lo can gyi pho brang byang shar na khang pa dam
9b6 pa gser gyi rgyal mtshan zhes bya ba na dpal lha mo bzhugs te de nas de bzhin gshegs pa 'dzam bu'i gling gi rgyal mtshan gser bzang po la nam mkha'
9b7 mdzod kyi ting nge 'dzin zhus nas sbyin bdag chen por gyur to/ /b+h+ruM las rin po che'i khang pa mdzes pa'i dbus su pad+ma dgu'i steng du bum pa dgu bsam par bya'o//
10a1 dbus kyi bum pa'i steng du shrI gyur pa las lha mo dUr ba ljang gu'i mdog can rgyan thams cad kyis brgyan pa'o/ /lag pa g.yas na
10a2 rin po ches mtshan pa'i pad+ma 'dzin pa/ g.yon skyabs sbyin pa'i phyag rgya can no/ /de'i phyi rol bum pa brgyad kyi steng du grogs mo brgyad de/ de'ang nor rgyun
10a3 ma dang / zla shel can dang / sbyin byed ma dang / rab sbyin ma dang / 'phags ma dang / sbas pa mo dang / rab bzang ma dang / lha mo dbyangs can ma rnams
10a4 bsam par bya'o/ /de dag kyang lang tsho dar la bab cing sgeg pa'i nyams dang ldan pa gser gyi mdog can bum pa dang / 'bras kyi snye ma 'dzin pa/ rang
10a5 gi mdza' bo'i grogs kyi 'khor gyis bskor ba bsam par bya'o/ /de rnams kyi snying po mngon par sgrub pa na/ tad+ya thA/ dzi ni gr-i Ni/ sarba a kar+yA sid+d+ha ni/
10a6 si si mi/ si li si ni mi ni mi/ a lak+Sha yA me/ nA sha ye swAhA/ oM bA su d+ha ri N+yA+ai swAhA/ oM tsan+d+ra kAn+t+yai swAhA/ oM dA dA yai swAhA/ oM su dA dA yai swAhA/ oM Ar+ya yai
10a7 swAhA/ oM su b+ha drA yai swAhA/ oM gu p+tA yai swAhA/ oM de byai swAhA/ oM sa ra swa t+yai swAhA/ gnod sbyin de rnams kyi byang chub kyi spyod pa rlabs po che mngon par sgrub ste
10b1 sngon du bsnyen pa 'bum phrag gcig byas te dpal lha mo'i mdun du 'bras bu can gyi shing la las sna tshogs pa'i thab tu til dkar po'i sbyin sreg byas pa de'i thal
10b2 ba 'bru'i bang bar gtor na 'bru'i phung po chen po 'phel bar byed do/ /tsan+dan dkar pos dpal lha mo'i gzugs tshon gang ba byas te rin po che lnga dang / 'bru'i rnam pa
10b3 dang / dar ser pos dril la snyim par bcug ste 'bum phrag bzlas nas mdzod khang du 'bru'i phung po'i steng du bzhag nas khyad par can la sbrang rtsi dang / bu ram
10b4 dang / 'o ma'i mchod yon phul la gsol ba btab na 'bru'i phung po chen po 'phel lo/ /gnod sbyin gar mkhan mchog gi brtag pa phyi ma las/ dpal lha
10b5 mos 'bru'i phung po spel pa'i le'u ste bco lnga pa'o// //de nas/ gzhan yang / gnod sbyin chen po'i sgrub pa bshad par bya ste/ de yang gang zhe na/
10b6 rlung dang / me dang / sa'i khyon dang / ri rab rnams yongs su gyur pa las lha'i pho brang du gyur pa ni lcang lo can gyi bkod pa las rim pa'i 'phar ma bzhi dang ldan pa
10b7 ste/ dbus su hUM yongs su gyur pa las rdo rje dang bcas pa'i hUM yongs su gyur pa las khro bo'i rgyal po gos sngon po can bsam par bya ba ni zhal brgyad dang / zhab
11a1 brgyad dang / phyag bcu drug dang ldan pa ste mthing nag byas pa'i gzugs can/ rgyan thams cad kyis brgyan pa'o/ /zhal brgyad na
11a2 g.yas ser ba dang / g.yon ljang ba dang / dbus mthing ba dang / rgyab zhal dmar po'o/ /de'i steng gi zhal gsum ni g.yas dkar ba dang / g.yon dmar
11a3 ba dang / ut+pal sngon po 'dra ba ni dbus ma'i zhal lo/ /de'i steng na zhi brgyan dang bcas pa dUr ba'i mdog can mi bskyod pa dang ldan pa'o/ /phyag rnams
11a4 na rdo rje dang / rdo rje dbyug to dang / glang po che'i mche ba dang / khyab 'jug gi 'khor lo dang / lcags kyu dang / brag ri dang / me thab rnams bsnams pa'o/ /
11a5 de dag ni g.yas pa na'o/ /g.yon pa rnams ni sdig mdzub dang bcas pa'i snod chen po dang / dung dang / zhags pa dang / gsal shing dang / 'phan
11a6 lce lnga pa dang / rgyal mtshan bsnams pa'o/ /chu shel can gyi steng du gar thabs brgyad kyis zhabs brdabs pas klu chen po brgyad kyi gdan dang bcas
11a7 shing ma lus par 'dar bar bsam mo/ /de yi mdun du ngal bso ni/ /bai DUr+ya las yang dag rab skyes pa/ /seng+ge'i gdan la legs bzhugs shing / /gser
11b1 mdog rin chen rgyan gyis spras/ /g.yas pa rin chen rgyal mtshan te/ /g.yon pa sku gdung rab bsnams shing / /'od zer dpag med rab 'phro ba/ /gdug pa sreg
11b2 mdzad dbus nyid na/ /rang gi rigs kyi bdag po dang / /gnyis med ye shes las grub bzhugs/ /gnod sbyin bye ba'i tshogs bcas rnams/ /rang gi 'khor du rnam
11b3 par bsam/ /mdun du dzam+b+ha la gser gyi mdog can ne'u le dang / rin po che 'bar ba bsnams pa'o/ /g.yas phyogs su gang ba bzang po gser gyi mdog
11b4 can ne'u le dang / bum pa bsnams pa'o/ /rgyab tu nor bu bzang po dkar po ne'u le dang / rin po che'i snye ma bsnams pa'o/ /g.yon du rta bdag ku pe ra mdog
11b5 nag po ne'u le dang / ral gri bsnams pa'o/ /yang dag shes ser po ne'u le dang / rin po che'i gri bsnams pa'o/ /'brog gnas nag po ste ne'u le dang / rin
11b6 po che'i mdung bsnams pa'o/ /pany+tsi ka ser skya la ne'u le dang / khang pa brtsegs pa bsnams pa'o/ /rol pa 'khyil pa ni mdog dkar po ste ne'u le dang / gri
11b7 phub 'dzin pa'o/ /de dag rnams ni rta'i steng na gnas shing rig pa 'dzin pa'i dgos pa sgrub pa'o/ /'phar ma gsum par ni sde dpon nyi shu rtsa brgyad bsam
12a1 pa ni ring po dang / mig bzang dang / gang po dang / ser skya ste shar phyogs na gnas pa'o/ /seng+ge dang / nye ba'i seng+ge dang / dung can dang /
12a2 dga' bo ste lho phyogs na gnas pa'o/ /seng+ge dang / seng+ge'i ral pa can dang / bla ma/ ser skya ste nub phyogs na gnas pa'o/ /'dzin pa dang / 'dzin dga' dang /
12a3 brtson skyong dang / khyab 'jug ste byang phyogs na gnas pa'o/ /byang shar na lnga spyod dang / shar lho na tshig lnga ser po dang / lho nub na ri mnyam dang / byang nub na
12a4 gser can te de rnams ni nor bu'i rigs so/ /yang shar phyogs nas pa dang / lho phyogs na shin tu sa pa dang / nub phyogs na nag po dang / byang phyogs na nye
12a5 nag ste de dag ni ba glang gi rigs so/ /byang shar na nyi ma dang / shar lho na zla ba dang / lho nub na me dang / byang nub na rlung ste de dag ni ba glang gi rigs so/ /sde
12a6 dpon nyi shu rtsa brgyad po de dag ni gri dang / phub 'dzin pa/ mdog dmar nag cung zad khros pa'o/ /yang de'i phyi rim du stobs can sum cu rtsa gnyis bsam
12a7 pa/ dbang po dang / zla ba dang / chu zla dang / skye dgu'i bdag po dang / ba ra d+h+wa dza dang / dbang ldan dang / tsan+dan dang / 'dod pa'i gtso bo ste shar phyogs na
12b1 gnas so/ /mgrin ngan dang / mgul nges dang / ba Di dang / nor bu dang / nor spyod dang / sgra rab dang / nye lnga po dang / ri mnyam ste lho phyogs na gnas pa'o/ /gser
12b2 can dang / gang po dang / seng ldeng dang / g.yon phyogs lha dang / ba glang skyong dang / 'brog gnas dang / mi'i rgyal po dang / rgyal ba'i khyu mchog ste nub phyogs
12b3 na gnas pa'o/ /tshig lnga ser po dang / bzhin bzang dang / ring po dang / dri za sna tshogs ste 'bras bu gsum pa dang / mgul gsum pa dang / lcags
12b4 mdung ring po dang / lha las byung ba'i ma ldan te byang phyogs na gnas pa'o/ /de dag ni sa ga'i rigs te ngal bso ba po rgyal po'i dmag dpon no/ /stobs
12b5 chen sum cu rtsa gnyis bsam pa ni/ mdog ljang nag go cha dang bcas shing mdung dang / ral gri 'dzin pa'o/ /de'i phyi rol tu gnod sbyin dang / lus srul po
12b6 dang / srin po'i tshogs dpag tu med pa bsam pa'o/ /de ltar gnod sbyin gyi tshogs chen po rnams bsams te rig pa'i sngags brjod pa ni/ sangs rgyas gang+gA'i
12b7 bye snyed kyis/ /rjes su gnang ba'i rig pa'i mchog /sngar med phyis kyang mi 'byung la/ /'di ma gtogs pa'i rig pa ni/ /gzhan dag snying po med rtswar mtshungs/ /tad+ya thA/ oM
13a1 b+ho b+ho pan nA ga a d+hi pa ta ye/ phu phu ha ra ha ra nA gA nAM/ phu phu pra ha ra nA gA nAM/ phu phu tshin+da tshin+da nA ga hr-i da yA ni/ phu phu b+hin+d+ha b+hin+d+ha nA ga dA ma ni/ bi
13a2 si ma man+d+ha nA ga sha rI ra Ni/ bi s+pho Ta ya/ nA ga na ya nA ni/ ha sa ha sa/ d+ha ra d+ha ra/ mA ra ya/ nA sha la/ sarba big+h+nAn/ bi nA sha ka rA ya/ sarba sha truM saM g+ha bi nA sha
13a3 ka rA ya phaT/ oM nI lA m+ba ra d+ha ra badzra pA Ni hUM hUM phaT phaT swAhA/ de ltar bcom ldan 'das yang dag pa'i rig pas mnyes par byas la klu dang / gnod sbyin
13a4 dang / 'bar ba'i tshogs rnams yang dag par zhi bar byed pa'i sangs rgyas rnams kyis rjes su gnang ba'o/ /de ltar rig pa'i mchog 'di sgrub pa'i rig pa
13a5 'dzin pas ni ji ltar 'dod pa sgrub po/ /gsang ba'i bdag pos yang gsungs pa/ /ngal bso dge ba'i stobs po che/ /gsang sngags rgyal po rmad du byung / /
13a6 lha rnams kun gyi dmag dpon mchog /de yi rig pa'i sngags bshad pa/ /na mo rat+na tra yA ya/ na mo bai shra ba NA ya/ ma hA rA dzA ya/ tad+ya thA/ oM si mi si
13a7 mi/ su mu su mu/ tsaN+Da tsaN+Da/ tsa ra tsa ra/ sa ra sa ra/ ka ra ka ra/ ki li ki li/ ku lu ku lu/ mu ru mu ru/ tsu ru tsu ru/ sA d+ha ya/ Ata ma naM ni t+t+yad/ an d+ha ra
13b1 d+hA tu swAhA/ na mo bai shra ba NA ya swAhA/ d+ha na dA ye swAhA/ ma no ra tha pa ri pU rA ya swAhA/ sde dpon yang dag shes rig pa'i rgyal po 'dod pa'i don thams cad ma
13b2 bsgrims par 'byung ste sangs rgyas thams cad kyi rjes su gnang ba'o/ /gzhan yang bsam pa rdzogs byed pa'i/ /'gro ba'i rgud pa sel mdzad pa'i/ /rin
13b3 chen gter mdzod chen po ni/ /nga yis rab tu bshad par bya/ /oM bai shra ba NA ya swAhA/ oM dzam+b+ha la dza len+d+ra ya swAhA/ oM purna b+ha drA ya swAhA/ oM ma Ni b+ha drA ya
13b4 swAhA/ oM ku be rA ya swAhA/ oM saM pradz+nyA nA ya swAhA/ oM gu h+ya d+ha nA ya swAhA/ oM pAny+tsi kA ya swAhA/ oM tsi pi kuN+Da li ye swAhA/ rig pa'i sngags 'di ni mchog
13b5 ster ba ste lha rgud pa dang / mi rgud pa rnams kyi don du gsang ba'i bdag pos bshad pa'o/ /gnod spyin gar mkhan mchog gi brtag pa phyi ma las/ gnod
13b6 sbyin gyi tshogs ngal bso po'i dmag gi sde rnams sgrub pa'i le'u ste bcu drug pa'o// //de nas bcom ldan 'das kyis gsang ba'i bdag po
13b7 lag na rdo rje la legs so zhes bya ba gnang ste legs so/ /legs so/ /khyod kyis ngal bso po'i ming gi rnam grangs dang / gtan tshigs dang / grub pa
14a1 dang / dpyad mang pos ma 'ongs pa'i lha rgud pa dang / mi rgud pa rnams kyi don du ming gi rnam grangs bstan pa'ang legs so/ /bcom ldan
14a2 'das kyis de skad ces bka' stsal pa dang / rdo rje snying po la sogs pa phyogs bcu nas lhags pa'i byang chub sems dpa' rnams dang / shA ri'i bu la sogs
14a3 pa nyan thos chen po rnams dang / tshangs pa dang / brgya byin dang / dga' ba'i dbang po la sogs pa dang / lha dang / mi dang / lha ma yin dang / dri zar bcas pa'i
14a4 'jig rten yi rang ste/ bcom ldan 'das kyis gsungs pa la mngon par bstod do/ /gnod sbyin gar mkhan mchog gi rgyud rdzogs so// //kha
che'i mkhas pa dA na gup+ta las/
CLOSE WINDOW