བོད་ཡིག |
111a3 zhu chen gyi lots+tsha ba ban+d+he ye shes sdes bsgyur cing zhus te gtan la phab pa/ rgya gar skad du/ /AR+ya badzra pA tA la nA ma tan+t+ra rA dza/ bod skad
111a4 du| 'phags pa rdo rje sa 'og gi rgyud kyi rgyal po zhes bya ba/ bla ma dang 'jam pa'i dbyangs la phyag 'tshal lo/ /'di skad bdag gis thos pa dus gcig na/ bcom ldan
111a5 'das mnyan yod kyi gtsug lag khang rgyal bu rgyal byed kyi tshal mgon med zas sbyin gyi kun dga' ra ba na bzhugs te/ dge slong gi dge 'dun chen po brgya phrag phyed dang
111a6 bcu gsum dang / lha'i tshogs dang / byang chub sems dpa'i dge 'dun dang thabs cig tu bzhugs pa la 'di lta ste/ byang chub sems dpa' dri ma med pa'i blo gros dang /
111a7 byang chub sems dpa' bsam gyis mi khyab pa'i blo gros dang / blo gros thams cad ba dang / blo gros 'phel ba dang / 'jig rten gsum rnam par gnon pa'i blo gros dang /
111b1 nam mkha'i mdzod dang / kun tu bzang po dang / 'jam dpal gzhon nur gyur pa dang / byang chub sems dpa' sred med kyi bu dang / mi thub sel dang / byang chub sems dpa' sems
111b2 dpa' chen po spyan ras gzigs dbang phyug dang / de dag la sogs pa byang chub sems dpa' stong phrag bcu drug dang / nyan thos kyi dge 'dun la 'di lta ste/ rab 'byor dang / ka t+ya'i
111b3 bu dang / 'od srung dang / lteng rgyas 'od srung dang / maud gal gyi bu dang / maud gal gyi bu chen po dang / glang po'i mchod rten dang / shA ra dwa ti'i bu dang / de dag la sogs pa nyan thos
111b4 stong phrag nyi shu rtsa brgyad kyis bcom ldan 'das la yongs su bskor cing mdun du bdar te bzhugs so/ /gzhan yang lha dang / klu dang / gnod sbyin dang / dri za dang / lha ma yin dang /
111b5 nam mkha' lding dang / mi 'am ci dang / ci'i skyes bu dang / lto 'phye chen po rnams kyang 'khor 'dus pa de'i nang du chos nyan pa'i phyir lhags so/ /de nas de'i tshe bcom ldan
111b6 'das kyis 'khor gyi dkyil 'khor der byang chub sems dpa' dri ma med pa'i blo gros la bka' stsal pa/ dri ma med pa'i blo gros/ khyod kyis shar gyi phyogs kyi snang ba chen
111b7 po 'di mthong ngam/ de nas byang chub sems dpa' dri ma med pa'i blo gros stan las langs te bla gos phrag pa gcig tu gzar nas pus mo g.yas pa'i lha nga sa la btsugs
112a1 @#/ /te bcom ldan 'das kyi zhabs gnyis la spyi bos mngon par btud nas bcom ldan 'das la 'di skad ces gsol to/ /bcom ldan 'das/
112a2 mthong lags so/ /shar phyogs kyi ngos kyi snang ba shin tu chen po yongs su 'phro ba 'di 'tshal lags na/ bcom ldan 'das/ 'di lta bu'i snang ba 'di ci
112a3 lags/ de nas byang chub sems dpa' dri ma med pa'i blo gros kyis slar yang bcom ldan 'das la 'di skad ces gsol to/ /bcom ldan 'das/ 'od chen po
112a4 'di sus bgyis pa bka' stsal du gsol/ /de skad ces gsol pa dang / bcom ldan 'das kyis cung zad bzhad pa dang bcas pas byang chub sems dpa' dri ma med
112a5 pa'i blo gros la 'di skad ces bka' stsal to/ /dri ma med pa'i blo gros/ /'dir byang chub sems dpa' lag na rdo rje dga' ba dang tshim pas rang gi rig pa'i tshogs kyis
112a6 yongs su bskor zhing / /gzhan yang lha ma yin dang / srin po dang / sha za dang / 'byung bo stong phrag rnams kyis yongs su bskor cing mdun du bdar te 'khor gyi
112a7 dkyil 'khor 'dir 'ong bar 'dod pa'i snang ba yin no/ /de nas de'i tshe byang chub sems dpa' sems dpa' chen po lag na rdo rje de nyid du 'khor 'dus pa'i dkyil
112b1 'khor der phyin par gyur to/ /phyin nas kyang bcom ldan 'das kyi zhabs la gtugs nas bcom ldan 'das la lan gsum du bskor ba byas nas phyogs gcig tu
112b2 'khod do/ /de nas bcom ldan 'das kyis phyogs gcig tu 'khod par mkhyen nas mkhyen bzhin du dgyes shing rangs pas yongs su dris pa/ lag na rdo rje/ gal te nga'i
112b3 thad du cung zad gleng bar 'dod na byang chub sems dpa' sems dpa' chen po sems can thams cad la phan pa'i phyir brtson pas gdon mi za bar rtogs par gyis shig / bcom ldan 'das kyis de skad ces bka' stsal pa dang /
112b4 byang chub sems dpa' lag na rdo rjes slar yang bcom ldan 'das la bltas nas de nas yang 'khor gyi dkyil 'khor
112b5 thams cad la rnam par bltas nas ngo phab ste cang mi smra bar 'khod par gyur to/ /de nas bcom ldan 'das kyis phyag na rdo rje cang mi smra bar 'khod par gzigs nas 'di
112b6 skad ces bka' stsal to/ /rig pa'i rgyal po dpag tu med pa'i stobs kyis pha rol gnon pa'i rdo rje 'dzin pa chen po/ 'khor thams cad spro ba'i sems su gyur pas cang mi smra
112b7 bar 'khod kyi/ smros shig smros shig /de skad ces bka' stsal pa/ lag na rdo rjes bcom ldan 'das la 'di skad ces gsol to/ /bcom ldan 'das kyis rjes su gnang
113a1 @#/ /na| bdag lha ma yin gyi dbang po gzhan len zhes bya bas nye bar bos te lha ma yin gyi 'khor chen pos yongs su bskor nas rang gi gnas su mchis
113a2 so| |bcom ldan 'das/ gnas der bdag gis sngon ma 'tshal ba'i khang pa dang / sgo dang / rta babs dang / yang thog dang / phyir dang / mtsho dang / mtshe'u dang / rdzing dang /
113a3 khron pa dang / sgo dang / sgo gseng rnams mthong lags so/ /bcom ldan 'das/ bdag gis ting nge 'dzin gyi khyad par gang gis kyang sngon ma 'tshal te/ bdag gis
113a4 de'i rnam par rnal 'byor bas bsam gtan mchog la mnyam par bzhag lags so/ /der lha ma yin gyi dbang po gzhan len gyis bdag la bcom ldan 'das/ gzhal
113a5 du med cing bsam gyis mi khyab pa'i rdzu 'phrul dang stobs dang rnam par rol pas nam mkha' khyab pa'i sku mnga' ba/ 'jig rten gsum las rnam par rgyal ba'i byang
113a6 chub sems dpa' chen po ci'i phyir bsam gtan la mnyam par 'jog par gyur/ bcom ldan 'das/ bdag gis gnas khang na nyams mi dga' ba cung zad kyang ma
113a7 mchis na/ gang gi don du bsam gtan mnyam par 'jog pa lags par bka' stsal du gsol zhes mchi'o/ /de nas lha ma yin gyi dbang po des sgyu ma thams cad
113b1 dang / 'khrul 'khor dang / sgo glegs la sogs pa gleng lags so/ /bcom ldan 'das/ bdag gis de zil gyis mnan pa'i phyir snang ba chen po 'dzin pa'i rdo rje khro bo chen
113b2 po rdo rjes 'og ces bgyi ba 'khrul 'khor thams cad kyi bla ma'i bla mar gyur ba/ 'khrul 'khor brgya rtsa brgyad po thams cad 'joms par byed pa/ nye bar zhi bar byed pa/ ltung
113b3 bar byed pa/ nges par 'joms par bshad lags so/ /bcom ldan 'das kyis 'di rjes su mkhyen no/ /bdag gis dga' ba'i bzhin gyis bshad pa dang / skye bo mang po la
113b4 phan pa dang / bde bar 'gyur bar bcom ldan 'das phyi ma'i tshe phyi ma'i dus lnga brgya tha ma la sems can skyabs med pa rnams zhi ba dang / sbyin pa'i pha rol tu phyin pa yongs su
113b5 rdzogs par bya ba'i phyir 'khrul 'khor brgya rtsa brgyad po thams cad 'joms pa'i rdo rje sa 'og ces bya ba 'khrul 'khor thams cad kyi bla ma'i bla ma bdag gis bshad par
113b6 bgyi'o/ /de nas bcom ldan 'das kyis lag na rdo rje la 'di skad ces bka' stsal to/ /lag na rdo rjes smras pa 'di srog chags rnams kyis sgrub par dka'o/ /lag na rdo rjes
113b7 gsol pa/ bcom ldan 'das/ brjod pa 'di bsgrub par dka' ba ma lags kyi/ bcom ldan 'das kyis rjes su gnang ba mdzad du gsol/ bde bar gshegs pas rjes su gnang
114a1 @#/ /ba mdzad du gsol/ /bcom ldan 'das/ bdag gis bsgrub par dka' ba brjod par mi bgyi'o/ /lha ma yin gyi dbang po gzhan len gyi 'khrul 'khor
114a2 bde blag tu sgrub par byed pa de dag gis rjes su dran te bshad par bgyi lags na/ bcom ldan 'das kyis de bdag la rjes su gnang ba mdzad du gsol/ /de skad ces
114a3 gsol pa dang / bcom ldan 'das kyis lag na rdo rje la 'di skad ces bka' stsal to/ /ngas rjes su gnang gi /khyod kyis rjes su shod cig /lag na rdo rje/ skye bo mang po
114a4 la phan pa dang / skye bo mang po la bde ba dang / thabs la mkhas pas sbyin pa'i pha rol tu phyin pa yongs su rdzogs par bya ba'i phyir 'khrul 'khor gyi bla ma rtog pa dang bcas
114a5 pa'i gsang ba chen po ston cig /de nas lag na rdo rje bcom ldan 'das kyis rjes su gnang nas ca co'i sgra yang dang yang du phyung nas rdo rje gyen du gsor zhing rdo rje 'bar ba'i
114a6 phreng ba can zhes bya ba'i ting nge 'dzin la snyoms par zhugs te rdo rje sa 'og gi gsang sngags smras pa/ na mo rat+na tra yA ya/ na ma sh+tsaN+Da badzra pA Na ye/ ma hA yak+Sha se nA pa ta ye/
114a7 oM hrIHpo tri badzra pA tA la hA nA ma thA b+dany+dza pA ta ya mA tsi ra ma badzra kro d+ha hUM phaT/ de nas rdo rje khro bo chen pos kun 'od zer gyis snang bar byas te sa chen po 'di rnam pa drug tu
114b1 g.yos so/ /lha ma yin dang / lha ma yin gyi bu mo rnams rdo rje khro bos gzir bas skyabs med par gyur te bcom ldan 'das ga la ba der dong ngo / /dong nas kyang bcom ldan 'das
114b2 kyi zhabs la gtugs nas 'di skad ces smra zhing 'dud par byed do/ /bcom ldan 'das/ bdag srung du gsol/ /bde bar gshegs pa/ yongs su bskyang du gsol/ /rdo rje khro bos
114b3 bdag cag yongs su gzir to/ /bcom ldan 'das/ rdo rje khro bo 'di bshad pas bdag cag gi khang pa rnams kyi 'khrul 'khor rnams med par gyur/ sgo gtan rnams med par
114b4 gyur| sgo rnams grol bar gyur to/ /bcom ldan 'das/ ma byung ba'i sems can rnams kyang byung bar gyur to/ /bcom ldan 'das/ 'dir ji ltar gnas par bgyi bka' stsal du
114b5 gsol| bcom ldan 'das kyis bka' stsal pa/ grogs po dag /ma 'jigs shig ma 'jigs shig /lag na rdo rje'i dam tshig la mnos shig /de lta na bde ba la gnas par
114b6 'gyur ro/ /de nas bcom ldan 'das kyis lag na rdo rje la gzigs te 'di skad ces bka' stsal to/ /lag na rdo rje/ lha ma yin gyi dbang po la sogs pa rmad du byung ba'i dam tshig
114b7 ston la bde bar gyis shig /bcom ldan 'das kyis de skad ces bka' stsal pa dang / phyag na rdo rjes lha ma yin dang / lha ma yin gyi chung ma dag la bka' stsal pa/ 'dir thog
115a1 @#/ /mar rdo rje sa 'og gi khro bo chen po'i sa 'og gi dkyil 'khor gyi dam tshig la gang 'jug pa de dag 'dir 'khrul 'khor chen po'i bla ma'i rtsi sman dang /
115a2 phye ma dang / rtsa ba dang / sbyar sman dang / grub pa'i rdzas dang / dngul chu dang / bcud len dang / gzhon nu ma dang / lha ma yin gyi bu ga dang / sgor 'jug pa dang / 'khrul
115a3 'khor thams cad 'joms pa dang / skem par byed pa de dag ni/ 'jug ngogs bde bar 'gyur ro/ /gzhan du na de dag 'grub par mi 'gyur ba de'i phyir sa 'og gi dkyil
115a4 'khor du 'jug par bya'o/ /lha ma yin rnams la bka' stsal pa/ bu gar 'jug nus pa dang / bya ba'i rgyud kyi khams dang / gser 'gyur dang / dug sman dang / sa 'og
115a5 dang / zhing gi dngos grub dag rang nyid kyi khang par 'jug pa ltar rdo rje'i bye brag gis 'grub par 'gyur ro/ /zhes nga smra'o/ /gzhan du na skyil 'khor ma mthong na nyams par
115a6 'gyur ro/ /rdo rje khro bo'i rgyal po chen po 'di'i rang nyid kyi rtog pa dang / rgyud gzhan du gsungs pa'i sgrub pa'i thabs rnam pa sna tshogs kyi bya ba mi bya la/ rtog pa gzhan gyi
115a7 cho ga 'dod pas bsgrub par mi bya'o/ /de skad ces bka' stsal pa dang / lha ma yin dang / lha ma yin gyi dbang po dga' zhing rangs te rab tu tshim pa dang / mgu ba skyes nas
115b1 rang nyid kyis phyag na rdo rje'i dkyil 'khor mthong nas nges par 'byung bar byas te bcom ldan 'das thams cad kyi bran du gyur to/ /de nas bcom ldan 'das byang chub sems dpa'
115b2 sems dpa' sems dpa' chen po phyag na rdo rjes lha'i mig gis 'khor gyi dkyil 'khor la rnam par bltas nas dam tshig gi dkyil 'khor bka' stsal pa/ grong ngam grong khyer
115b3 gyi sa'i phyogs legs par brtags nas dbang ldan gyi phyogs nas brtsams te rdo dang / gseg ma dang / rus pa dor nas rgyu skar dge ba la rjes su mthun pa'i tshon rtsi lnga'i phye mas
115b4 dkyil 'khor gru bzhi ba/ khru bzhi pa sgo bzhi pa drug pa can yang dag par bri bar bya'o/ /sgo dang sgo'i mtshams rnams su rdo rje dang yungs kar gzhag par bya'o/ /shar phyogs
115b5 kyi char sangs rgyas bcom ldan 'das bri bar bya'o/ /byang du 'jig rten dbang phyug /lhor rdo rje 'chang / nub tu chung ma dang bcas pa'i khyu mchog gi rgyal mtshan can no/ /dbar
115b6 ldan du dri ma med pa'i blo gros lag par rnga yab 'dzin pa'o/ /mer snying po'o/ /lus ngan du rjes su spyod pa'o/ /rlung du las thams cad pa'o/ /dbus su rdo rje sa 'og lag par rdo
115b7 rje dang dgra sta 'dzin pa bri bar bya'o/ /snying po dang rjes su spyod pa la dbyug gu dang tho ba bri bar bya'o/ /las thams cad pa la rdo rje'o/ /shar gyi sgor sman thams cad dang / rgyan thams
116a1 @#/ /cad dang / dngul chu dang / bcud len dang / lha ma yin gyi bu mo dang / grub pa'i rdzas la sogs pa dang / smig sman dang / ldong ros dang / ral gri dang /
116a2 rin po che sngon du 'gro ba gzhag par bya'o/ /lho'i sgor lha ma yin brgyad ni/ stobs can dang / stobs can gyi bu dang / bde mchog dang / thag bzang ris dang / bde ldan dang /
116a3 dus kyi mu khyud dang / gzhan len dang / dbyig za'o/ /nub kyi sgor 'khrul 'khor brgya rtsa brgyad gzhag par bya'o/ /de'ang brgyad rnam pa dang bcas pa bri ste/ srad bu dang / gri gug
116a4 dang / bud med dang / seng+ge dang / lug dang / mda' dang bcas pa'i gzhu dang / chu rgyun dang / sbyin dang / 'do li dang / bdag nyid kyi 'khrul 'khor rnams so/ /byang gi sgor bu ga
116a5 brgyad pa dang bcas pa bri ste/ de'ang lug gi rnam pa dang / chu srin gyi rnam pa dang / glang po'i gdong gi rnam pa dang / lto 'phye'i rnam pa dang / byi ba'i rnam pa dang / mi'i gdong gi
116a6 rnam pa dang / dkyil 'khor gyi rnam pa dang / ma byas pa'i gdong gi rnam pa'o/ /stegs bu'i mtshams rnams su sgo bral bzhi bri bar bya'o/ /me'i phyogs su me'i thab khung ngo / /
116a7 bden bral du bdug spos kyi thab khung ngo / /rlung gi mtshams rnams su chu'i thab khung ngo / /dbang ldan du rus sbal gzhag par bya'o/ /de nas dri thams cad dang / me tog
116b1 thams cad dang / bdug pa thams cad dang / 'byung po thams cad pa'i gtor ma dang / mchod pa sbyin par bya'o/ /de nas skyes bu dpa' bo dag gi dri zhim pos yan lag byugs la
116b2 shin tu phra ba'i ras kyis gdong g.yogs te srung ba byas la 'khrul 'khor gyi bla ma'i bya ba byas la 'jug par bya'o/ /spyan drang ba dang gshegs su gsol ba la sogs pa'i sgo nas
116b3 so| |'dir rdul tshon gyis bris pa'i dkyil 'khor bstan par bya'o/ /de lta bu'i dkyil 'khor mthong ba'i skyes bu dpa' bo de la bla mas rjes su gnang ba byin la dam tshig shes pas
116b4 'khrul 'khor gyi bla ma'i phyag rgya'am/ lha ma yin gyi phyag rgya bcings pas dbang du byed par 'gyur ro/ /lha ma yin gyi chung ma dang khyim rnams su 'jug par 'gyur ro/ /gzhan len
116b5 gyis byas pa'i 'khrul 'khor thams cad las khyad par du 'phags pa'i rdzas rnams dbang du 'gyur ro/ /bcom ldan 'das rdo rje 'dzin pa rdo rje khro bo'i rgyal po rdo rje sa 'og gi dam
116b6 tshig gi dkyil 'khor gyi le'u ste dang po'o// //de nas gzhan yang phyag rgya dang sngags su gyur pa ni/ sor mo phan tshun khu tshur du byas la mthe bong sbrul mgo'i rnam pa ltar
116b7 byas pa ni/ de bzhin gshegs pa'i rigs kyi phyag rgya'o/ /sngags ni/ dzi na dzi ka/ gnyen gyi phyogs su pad+ma'i rigs kyi snying po'i phyag rgya dang sngags ni/ A ro l-i ka/ lho phyogs
117a1 @#/ /su rat+na d+h+r-i ka /byang phyogs su pad+ma d+h+r-i ka/ rdo rje'i rigs kyi snying po'i phyag rgya dang sngags ni/ badzra d+h+r-i ka /mthe chung dang / ming med sbyar la rtse gcig tu byas pa
117a2 la bsdigs mdzub bzhag pa ni/ rdo rje sa 'og gi rtsa ba'i phyag rgya'o/ /sngags ni/ na mo rat+na tra yA ya/ na ma sh+tsaN+Da badzra pA Na ye/ ma hA yak+Sha se nA pa ta ye/ oM hrIHpo tri badzra pA
117a3 tA la hA nA ma tha b+hany+dza prA tA ya/ mA tsi raM badzra kro d+ha hUM phaT/ rtsa ba'i sngags dang phyag rgyas lus thams cad byin gyis brlab bo/ /phyag 'tshal ba'i thal mo las ming med kyi rtse mo
117a4 sbyar la mthe chung sbas te gung mo dang mthe bo'i rtse sbyar la g.yon pa'i mdzub mos phyi nas bkug ste g.yas pa'i mdzub mo rdo rje'i rnam pa ltar bskum pa ni/ rdo rje dgra sta'i phyag
117a5 rgya'o| |g.yas pa'i lag pa dang g.yon pa'i lag pa mnyam par bzhag la mthe bo dang mdzub mo sbyar te g.yas pa'i mthe bos sor mo gsum gyi sen mo bkab la mnyam par
117a6 mdzub mo g.yon pa'i mthe bo'i rtsa bar sbyar ba ni/ zhags pa'i phyag rgya'o/ /lag pa g.yon pa la'o/ /oM bi bin+da bin+da hUM phaT swAhA/ snying gar ro/ /oM badzra pA tA la hUM phaT spyi bor
117a7 ro| |oM haHbadzra hUM phaT spyi gtsug go/ oM hrI ban+d+ha ban+d+ha swAhA go cha'o/ oM badzra badzra sa hA shrI shi ra se dz+wa li ta a na la ha na b+hany+dza uts+tshA Ta ya hUM phaT/ mtshams bcings pa'i
117b1 sngags so/ /'di dag dang rtsa ba'i phyag rgya sbyar bar bya'o/ /lag mthil mnyam por byas te mthe bong dang mthe chung sbyar la sor mo lhag ma rnams rdo rje'i mtshan nyid du byas pa 'di ni/
117b2 las thams cad pa sa gsum gyi phyag rgya'o/ /sngags ni/ na mo rat+na tra yA ya/ na ma sh+tsaN+Da badzra pA Na ye/ ma hA yak+Sha se nA pa ta ye/ hi ri mi ri bi ra ra ri Ni swAhA/ so sor sbyar bar bya'o/ /sor
117b3 mo phan tshun sbyar la khu tshur du byas te gung mo brkyang la sbyar nas de'i phyi rol tu mdzub mo cung zad bskums la mthe bong gnyis dbus su bzhag pa ni/ dbang phyug chen po'i phyag rgya'o/ /
117b4 sngags ni/ na maHsa man+ta bud+d+ha nAM ru drA ya swAhA/ dbang phyug chen po'i phyag rgya de nyid las mdzub mo brkyang ba 'di ni/ lha mo chu lon gyi phyag rgya'o/ /sngags ni/ na maHsa man+ta bud+d+ha naM u ma
117b5 ye swAhA| thal mo phye ba las mthe chung rtse mo sbyar la de'i rgyab tu srin lag sbyar nas de'i tshigs gsum par gung mo gnyis sbyar la de'i tshigs dang por mdzub mo gnyis sbyar ba ni/ lha
117b6 ma yin thams cad dbang bskur ba'i phyag rgya'o/ /gnyis ka yang rdo rje mtshan nyid dang gcig tu sbyar bar bya'o/ /lha ma yin thams cad kyi 'khrul 'khor 'joms shing 'byed pa'i phyag rgya ni/
117b7 'dir sor mo rnams rnam par bzlog la rus spal gyi rnam par bya ba ni/ rus sbal gyi phyag rgya'o/ /spyi bor bzhag pa ni/ lha ma yin thams cad dbang bskur ba'i phyag rgya'o/ /lag pa
118a1 @#/ /g.yon pa 'og tu bzhag la de'i steng du lag pa g.yas pa sbyar la mthe bong so sor bya ba 'di ni/ rus sbal dbang bskur ba'i phyag rgya'o/ /lag pa g.yon pa rdo
118a2 rje'i tshul du bzhag la lag pa g.yas pa rdo rje thur du bzhag la thad kar sbyar bar byas pa 'di ni/ rus sbal gyi phyag rgya gzhan no/ /bla 'og gi lag pa rnam par bzlog la snying gar
118a3 sor mo gyen du byas la mthe bong mnyam par gshibs pa ni/ rus sbal gyi phyag rgya'o/ /rdo rje sa 'og gi mdzub mo steng du mnyam du gshibs pa ni/ rdo rje sa 'og gi phyag rgya'o/ /
118a4 khu tshur byas pa'i mdzub mo brkyang la gung mo dang srin lag gi steng du mthe bong sbyar ba ni/ dbyug gu'i phyag rgya'o/ /de nyid las mthe bong mdzub mo'i rtsa bar sbyar ba ni/ tho ba'i phyag
118a5 rgya'o| |khu tshur du byas la gung mo dang mthe bong mnyam por sbyar ba ni/ bya rog gi mchu'i phyag rgya'o/ /lag pa g.yon pa rdo rje'i tshul du byas la snying ga'i phyogs su skyar la lag
118a6 pa g.yas pa rdo rje steng du phyar nas rkang pa brkyang bskum du gnas pa ni/ rdo rje smod pa'i phyag rgya'o/ /lag pa g.yon pa rdo rje rtse gcig pa snying ga'i phyogs su bzhag la lag pa
118a7 g.yas pa'i sor mo gsum gyis rgyas btab nas brkyang bskum du gnas pa 'di ni/ rdo rje gzhan la smod pa'i phyag rgya'o/ /sngags ni/ oM bi bin+d+ha bi bin+d+ha hUM phaT/ 'phags pa rdo rje sa 'og
118b1 gi rgyud ji snyed pa las/ sngags dang phyag rgya'i le'u ste gnyis pa'o// //gang gi tshe skyes bu dpa' bo dpal gyi sgor 'jug par 'dod par gyur na/ des rdo rje khro bo'i bsnyen pa sngon
118b2 du byas la phyis 'jug par bya'o/ /de la sngon du bsnyen pa ni/ 'bum phrag brgyad slong mo za zhing smra ba bcad la sems can thams cad la byams pa'i sems dang / de bzhin gshegs pa
118b3 mchod pa la dga' bas rten cing 'brel par 'byung ba'i snying po'i mchod rten byas la/ de'i mdun du ri bo'am/ chu bo 'dus pa'am/ shing gcig pa'am/ ba lang gi lhas sam/ bas
118b4 mtha' ma/ mchod rten gang yang rung ba'i gnas su byang chub kyi sems rjes su dran pas de bzhin gshegs pa thams cad la gsol ba btab nas sdig pa bshags te bla na med
118b5 par bsngos la dam pa'i chos bton te rjes su dran par byas la mchod rten gyi las la rjes su gnas nas lus dang srog la dga' ba dor te dus gsum du phyag rgya dang / dbang
118b6 bskur zhing dus gsum du khrus byas la/ de'i lta bu'i tshul gyis bsnyen pa bya'o/ /gang dag rmi lam mam mngon sum mtshan ma mthong na re zhig mi 'jug ste/ de'ang rmi lam ni/ glang
118b7 po che chen pos zil gyis mnan pa'am/ gzir ba'am/ bros pa'am/ 'gyel ba'am/ gang dag shi ba de lta bu mthong na/ de nas 'jug par bya'o/ /yang na mngon sum ste/ sgo 'phar
119a1 @#/ /gyi mtshams bcom pa'am/ rdo chen po ltung ba'am/ khros nas gza' chen po 'gugs pa'am/ gdug pa rnams dang / gtum po dang / 'jigs byed dang /
119a2 klu dang / glang po che chen po dang / seng+ge dang / stag dang / ma he dang / dgra'i dbus su phyin yang blta dka' bar 'gyur ba dang / de dag thams cad byams pa'i sems su gyur na de
119a3 nas 'jug par bya'o/ /lha thams cad mngag gzhug tu 'gyur ro/ /'di ni/ khro bo'i rgyal po rdo rje sa 'og gi sngon du bsnyen pa'i cho ga'i le'u ste gsum pa'o// //bu ga'i mtshan
119a4 nyid shes bya ba/ /chu 'bab gang dag rtse mo med/ /sa yi sgra ni sgrog pa dang / /ltos 'phye'i gnas khang ji lta bar/ /rdo rje sa 'og mtshan nyid ni/ /mkhas pa yis ni mtshon par bya/ /rnam pa gang gi
119a5 tshul gyis ni/ /bu ga rnams su brjod pa yi/ /'jug pa na ni dog gyur la/ /bu ga der ni phyin pa na/ /kun nas sa gzhi mnyam pa ni/ /dpal gyi sgor ni rnam par bstan/ /gla rtsi mchog gi
119a6 dri ldan zhing / /'khril shing lcug mas khyab pa dang / /dri snum ldan pa'i kha dog can/ /dpal gyi sgor ni de bshad do/ /dri dang ldan zhing ngos brlan pa/ /dro ba yis ni 'khrugs 'gyur ba/ /zhugs
119a7 pa tsam gyis yang dang yang / /'khrug pa nyid du 'gyur ba ni/ /dpal gyi sgor ni de shes bya/ /de na dngul chu yod par bstan/ /bu ga yi ni sgor zhugs pas/ /de yi sems ni 'dod ldan 'gyur/ /
119b1 khro bo'i sems su gyur pa na/ /bu gar mdzes ma gnas pa yin/ /'jigs pa med cing nga rgyal dang / /rlom pa'i sems dang ldan pa yis/ /der ni zhugs pas tshim 'gyur na/ /bu gar dkar
119b2 rdzas ldan pas khyab/ /bu ga dag ni gang dag tu/ /tshul med nga rgyal can khro ba/ /brtse med ser sna dang ldan zhing / /phan tshun du ni rmongs byed pa'am/ /yang na bu ga'i sgo na ni/ /srin bu rnams ni
119b3 rten gyur pa/ /der ni lto 'phye shes bya ste/ /bu ga der ni rnyed dka' 'o/ /gang dag dkar po'i bya ba ni/ /bug sgor yang dag gnas mthong na/ /de na bud med stong phrag gnas/ /gser ni rnam pa du
119b4 ma gnas/ /nor bu mu tig byi ru dang / /rin chen rnam pa sna tshogs dang / /bcud len du ma'i rdzas rnams ni/ /bu ga mchog der gnas pa yin/ /bu ga gang gi sgo la ni/ /rkang gdub sgra ni
119b5 grags gyur na/ /bu ga de ni rin chen gang / /bud med stong phrag de na gnas/ /bu ga gang gi sgo na ni/ /tshang bye'u gar byed gnas gyur na/ /bu ga de ni 'bras med shes/ /der ni blo ldan
119b6 'jug mi bya/ /gang gi nang na rkang gnyis ni/ /yang dag brten par mthong gyur na/ /der ni rab tu spro ba yis/ /mkhas pa yis ni 'jug par bya/ /mi gang 'thungs pas 'chi med pa'i//
119b7 mchog gi bcud len de na gnas/ /gang dag bu ga'i sgo la ni/ /gang po yang dag brten mthong nas/ /mthong nas ma mthong gyur na ni/ /bu ga des ni las kun byed/ /gang dag bu ga
120a1 @#/ /der 'jug pa'i/ /lto 'phye'i dbang phyug rnams mthong nas/ /dpa' bos der ni 'jug mi bya/ /de ma thag tu srog 'phrog byed/ /bu ga'i drung na 'jigs byed
120a2 pa'i| |ce spyang mi yi sgra grag na/ /der ni bag med mi bya ste/ /'khor dang bcas pa skrag par 'gyur/ /gang na khrung khrung sgra sgrog pa/ /bu ga'i nang na gnas gyur na/ /bu ga de ni kun
120a3 gyis gang / /'dod pa rnams kyis rnam par brgyan/ /gang dag bu ga'i sgor brten pa'i/ /nya ni yang dag mthong gyur na/ /der ni brtson pas 'jug par bya/ /bud med stong gi bdag por
120a4 'gyur| |bud med gzhon nu bum pa'i lag /bu ga'i sgor ni yang dag mthong / /gdon mi za bar bu ga'i las/ /der ni grub par shes par bya/ /bu ga'i las la 'jug pa na/ /
120a5 sgra skad chen po byung gyur na/ /bu ga de ni mtha' med shes/ /der ni grub par rjes su bstan/ /bu ga yi ni sgo ru yang / /byi ba ka ka ru dkar po/ /gang dag lhan cig gnas mthong
120a6 na| |bu ga de ni las kun byed/ /bu ga'i sgo ru khyad par du/ /der ni ras kyi dri byung na/ /bu mo rnams ni stong phrag dag /dgu dang bdun brgya rnams dang ni/ /bcud kyis len dang
120a7 gser dang ni/ /rin chen rnam pa sna tshogs gnas/ /gang du bzhugs pa'i 'byung 'gyur ba/ /kA ra ba'i ra'i me tog rgyas/ /de na dngul chu gnas pa na/ /mkhas pa yis ni blang
120b1 bar bya| |bu ga gang na sgre mo ni/ /gnas par mthong na bu ga de/ /'khrul 'khor med par shes byas la/ /der ni brtag dpyad mi bya'o/ /bud med dag ni tshig stong dang / /brgya phrag
120b2 dag ni bcu gnyis ni/ /pad+ma'i snying po ltar 'jam zhing / /rtag tu rol pas spyod par byed/ /thams cad kyang ni tshul gcig kyang / /kun gyis mthong na dga' ba'o/ /de la rin chen du
120b3 ma dang / /gos dag dang ni rgyan dag dang / /bcud kyis len gyi gtso bo dang / /dam pa sna tshogs mdzes pa'o/ /de nas ldong ros dag dang ni/ /mig sman dang ni dngul chu dang / /mdzes
120b4 pa'i mtshon cha sna tshogs rnams/ /bu ga'i grong gi mchog na'o/ /bu ga de yi nang 'gram na/ /du ba 'thul ba mthong gyur na/ /gser ni rnam pa mang po dang / /der ni dngul chur shes par
120b5 bya| |bu ga de yi logs la ni/ /tshangs pa kha dog sna tshogs pa'am/ /rang bzhin dkar po rten gyur na/ /bu ga de yang las kun byed/ /dbus nas mchi ma 'dzag pa yi/ /bya rog thon pa
120b6 gang yin pa/ /de ni bza' ba sna tshogs pa'i/ /bu ga ru ni rnam par bstan/ /gang na ma he mthong ba na/ /khyad par du ni sprin gyi mdog /bu ga der ni 'bad pa yis/ /mkhas pa yis
120b7 ni 'jug par bya/ /ma myos pa dang lhan cig tu/ /lag na ral gris rgyun du ni/ /bu ga der ni dor bar bya/ /thams cad du ni byang gi char/ /zab mo sprin gyi mdog 'dra ba'i/ /
121a1 @#/ /dngul chu der ni shes par bya/ /gang na me tog dri yod cing / /khyad par du ni spang spos dri/ /bu ga de yi nang na ni/ /bud med gnas par rnam par
121a2 bstan/ /'jug pa pos ni khyad par du/ /der ni the tshom mi bya'o/ /de nas ra ba rnam lnga dang / /rgyal po'i sgo dang rta babs dang / /gser gyi rang bzhin ka ba ni/ /bud med
121a3 rin chen rnams kyis spras/ /bcud len rnams dang rin chen rnams/ /gdon mi za bar de na gnas/ /bu ga'i sgo ru khyad par du/ /gang na pad+ma'i dri yod dang / /gzhan
121a4 len bu gar der shes bya/ /'dod pa kun gyis rnam par brgyan/ /brtul zhugs can gyis der 'jug go /brtul zhugs med pas nam yang min/ /de nas rnam pa
121a5 du ma gnas/ /gang 'dod de ni brtag par bya/ /pu ga'i sgo ru khyad par du/ /gang na sbrang rtsi'i dri yod na/ /bu ga'i logs ni thams cad la/ /de na bung ba yod pa ste/ /de
121a6 la the tshom mi bya'o/ /de na gnas pa'i bung ba sogs/ /rig pa 'dzin pa khyad par du/ /sngags grub pa la rtsed mi 'gyur/ /bu ga'i sgo ni thams cad du/ /gang nas yi dri
121a7 yod pa/ /sa la rin chen ji snyed pa/ /rgya mtsho yang ni khyad par du'o/ /lha ma yin rnams kun gyi dang / /mi yi gtso bo rnams kyi dang / /gnod sbyin dag ni rnams kyi yang / /bu
121b1 ga'i mchog der thams cad gnas/ /rig pa 'dzin pas der bzhugs pas/ /'dod pa thams cad thob par 'gyur/ /bu ga'i nang na lug gi dri/ /gang dag yod na bu ga de/ /'khrul
121b2 'khor med par shes par bya/ /'dod pa kun gyis rnam par brgyan/ /chu skyar dang ni chu skyar mo/ /mnyam du spyod cing lhan cig tu/ /bu ga'i nang na gnas na ni/ /bu ga de yi 'khrul
121b3 'khor med/ /de na dngul chu bcu gcig yod/ /de ni bu ga'i dam pa'o/ /bu ga dag ni brkos pa na/ /gang du lugs kong mthong gyur na/ /bu ga de ni rin chen gang / /mkhas pa
121b4 yis ni 'jug par bya/ /zhugs pa tsam ni mthong 'gyur ba/ /dkyus su dpag tshad phyed pa yi/ /de na thang ni legs par yod/ /'dzam bu chu bo 'dra ba'i 'od/ /der ni mi yis 'bras
121b5 thob ste/ /lo ni khri phrag brgyar 'tsho 'o/ /gang na mi mo sgron ma'i lag /bu ga'i nang na gnas pa na/ /'di ni de yi bu gar shes/ /gdon mi za bar dngul chus gang / /bu ga'i
121b6 sgo ru khyad par du/ /gang na sha yi dri yod pa/ /srin po rnams kyi bu gar shes/ /blo dang ldan pas der mi 'jug /bu ga'i drung na gar byed pa'i/ /rma bya mthong na bu ga de/ /'khrul 'khor
121b7 med par shes par bya/ /'dod pa kun gyis rnam par brgyan/ /bu ga'i sgo ru khyad par du/ /gang na khrag ni mthong ba na/ /gcig pu nyid du der 'jug ste/ /rang gi khyim bzhin 'jigs
122a1 @#/ /pa med/ /gang na nya yi dri yod cing / /khyad par du yang zhag dri yod/ /de dang der ni brtson pa yis/ /mkhas pa yis ni 'jug par bya/ /zhugs pas chu rgyun
122a2 mthong gyur na/ /'dod pa kun gyi 'bras bu ste/ /de yi 'gram du bzang ldan pa'i/ /khang pa rab tu sbyangs gyur pa/ /lha khang dang ni shing khang la/ /ba dan rnams kyis mngon
122a3 par spras/ /de na rin chen bzang po dang / /dga' ma 'dra ba'i bud med dang / /de na dngul chu mang yod par/ /thams cad du ni the tshom med/ /bu ga gang dag brkos pa na/ /khrag
122a4 gi char pa bab gyur na/ /der ni 'jug par mi 'gyur ste/ /de ma thag tu srog 'phrog byed/ /bu ga brtags shing dpyad pa na/ /gang na mun pa yod gyur na/ /der ni 'jigs
122a5 pa med par 'jug /bu ga de ni rang khyim mtshungs/ /bu ga'i sgo ru khyad par du/ /gang na ras kyi dri yod pa/ /de ni rin chen du ma dang / /dngul chu ldong ros de bzhin du/ /mig
122a6 sman bzang po rnams dang ni/ /rin chen rnams kyi rgyan dag ni/ /du ma rnam pa sna tshogs dang / /gser ni rnam pa du ma yod/ /bu ga'i nang ni gang dag na/ /sgron ma yi ni dri
122a7 yod pa/ /de ru yang ni 'jug par bya/ /'dod pa thams cad thob par 'gyur/ /bu ga yi ni 'gram logs na/ /gang na gdug pa gnas gyur na/ /de ni sha za'i gnas
122b1 yin zhing / /bzang ngan gnas par gdon mi za/ /gang na ha ha'i sgra sgrog pa/ /dbang ldan gyi ni phyogs la brten/ /bu ga de ni 'jig shes bya/ /de bas myur bar 'bros par bya/ /
122b2 gang na sgra dag gis gang bar/ /shar gyi phyogs la yang dag brten/ /de ni 'bad par byas na ni/ /bu ga de yang las kun byed/ /bu ga de yi than 'khor du/ /gang na rdo rje'i char
122b3 'bab na/ /der ni dngul chur shes bya ste/ /sems can thams cad grub par byed/ /bu ga de yi than 'khor du/ /me tog dri ldan bu ga de/ /'khrul 'khor med par shes par bya/ /
122b4 'dod pa thams cad sgrub par byed/ /bu ga de yi nang na ni/ /gang na rgyal po'i sgra yod pa/ /bu ga 'khrul 'khor med shes bya/ /der ni mkhas pas 'jug par bya/ /bu ga yi ni than
122b5 'khor du/ /gang na khyu mchog mthod ba dang / /de yang dpa' bos 'jug par bya/ /bu ga de yi rin chen gang / /gang na skyes bu gcer bu ni/ /nag po sha de'i khyim chen dag /mthong nas
122b6 yang ni ma mthong na/ /bu ga de yang las kun byed/ /gang na dge sbyong gcer bu dang / /spyi cer dang ni sna ring po'am/ /gang dag tu ni khyim mthong na/ /der ni grub par bstan pa'o/ /bu
122b7 ga gang gi than 'khor du/ /rnga mo yo ni de yod na/ /bu ga de yi lam gyi rgyud/ /dpag tshad brgya ru shes par bya/ /gang na rtse gsum mtshan nyid ni/ /thams cad du ni mthong ba na/ /mi
123a1 @#/ /rnams kyis ni khyad par du/ /bu ga der 'jug nus ma yin/ /gang du me tog dris brgyan pa'i/ /bram ze mthong na bu ga de/ /'khrul 'khor med par shes
123a2 bya ste/ /'dod pa kun gyi 'bras bu 'grub/ /bu ga'i sgo ru yang dag brten/ /gang na dkar po'i sbrul yod na/ /der yang brtson par byas nas su/ /mkhas pa yis ni 'jug
123a3 par bya/ /bu ga'i sgo yi than 'khor ni/ /gang du dom ni mthong ba na/ /bu ga 'khrul 'khor med shes bya/ /'dod pa kun gyi don 'grub byed/ /bu ga'i las ni byed pa na/ /gang
123a4 du phag ni mthong gyur na/ /bu ga 'khrul 'khor med shes bya/ /gdon mi za bar rin chen gang / /bu ga'i sgo yi than 'khor ni/ /gang na chu yi dri yod pa/ /der ni dngul chur
123a5 shes bya ste/ /sems can kun la phan par byed/ /bu ga de yi than 'khor ni/ /gang la bdug pa'i dri yod pa/ /bu ga 'khrul 'khor med shes bya/ /gdon mi za bar rin
123a6 chen gang / /bu ga'i sgo la gnas pa yi/ /gang na bur chang dri yod na/ /bud med rin chen gzugs mdzes dang / /bza' dang btung bar shes par bya/ /bu ga yi ni than 'khor
123a7 na/ /gang na ra yi dri yod pa/ /der yang dpa' bos 'jug bya ste/ /'ga' zhig dang ni 'jug ma yin/ /ma myos par ni zhugs nas su/ /der ni ji ltar 'dod pa bsdad/ /dad
123b1 ldan gtsang zhing mkhas pa dang / bya ba byas pas khyad par du/ /dkon mchog gsum la phyag bya'o/ /de bzhin rig pa'i bdag po dang / /rig pa'i rgyal po lha mo dang / /rig pa'i
123b2 tshogs la'ang khyad par du'o/ /oM ba ra badzra hUM phaT/ 'phags pa rdo rje sa 'og gi snying po'o/ /las thams cad pa'i nye ba'i dbang po'ang de nyid do/ /oM hrIH
123b3 hUM phaT/ oM bi bin+d+ha bin+d+ha hUM phaT/ 'dis sgo dang 'khrul 'khor gyi phyogs sam mchod pa'i dus su bsrung bar bya'o/ /'di ni/ rdo rje sa 'og gi rgyud las/ bu ga'i mtshan nyid
123b4 mtshon pa'i le'u ste bzhi pa'o// //sngags pas dpal gyi sgor 'jug par 'dod na/ des brjod pa dang sbyang ba byas la 'jug par bya'o/ /de la brjod pa ni/ gang / sbyang
123b5 ba ni/ gang zhe na/ de la thog mar sa rnying pa dang / chu dang / sman gyi lus nye bar byugs la ku mu da dang / ut+pal dang / ru rta dang / ni ra guN+Di dang / ldong ros mnyam por sbyar ba'i sman
123b6 gyi dam pa 'dis srin po 'joms pa dang / dug 'joms shing gzhon nu rnams skyed 'phel ba dang / mchod sbyin gyi bgegs sel ba dang / tshangs pa'i srin po srung ba dang / drag po dang
123b7 skem byed kyis bzung ba dang / gang dag lus srul pos bzung ba dang / bud med mngal nyams pa rnams kyis nyer gnas la byugs pas bzang por 'gyur ba dang / de dag gis yan
124a1 @#/ /lag byugs pa gang yin pas ni/ dug ha la ha la yang 'thung bar byed do/ /de dag gis 'dir yan lag byugs nas zhugs pas sgo grol bar 'gyur
124a2 la/ sgo bsgribs pa de grol nas gang dag mtshams ring du sbyar ba'i rlung yang 'byung bar 'gyur ro/ /de dag ni/ brjod pa'o/ /sbyor ba yang ma tu lung ka dang / ka rany+dza dang /
124a3 n+ya gro d+ha'i yal ga la sogs pa'i shing rnams kyis bu ga'i sgo bkag la mtshams med par byas te sgo 'phar gyis kun nas bsgribs la me sbar bar bya'o/ /gang
124a4 dag nang na gnas pa'i me rab tu zhi ba ni/ sbyor ba'o/ /de nas skyes bu dpa' bos ba ser skya'i lci ba sa la ma lhung bas dkyil 'khor nye bar byugs la bu ga'i sgor
124a5 mchod pa dang gtor ma'i cho ga byas te a pa marga'i ya ma shing la me rab tu sbar la/ a pa marga'i 'bras bu dang / mar dang / sbrang rtsi btags te sreg blug brgya rtsa brgyad khro
124a6 bo'i 'khrul 'khor gyi bla mas dbul bar bya'o/ /'dis 'khrul 'khor thams cad ltung ba dang brlag par 'gyur ro/ /de nas ra'i pags pa'i ral gu gyon la/ nyi ma shar ba
124a7 na 'khor dang bcas pa thams cad sman gyis lus byugs te bya ba byas la grogs bzang po dang 'jug par bya'o/ /shing mngar dang / ko bi da ra dkar po dang / ku Du ka
124b1 blugs pa'i yung ba gnyis kyis sbrul gyi dpa' ba 'joms pa dang / mngon par 'dod pa'i don sgrub pa dang / skyes bu gzhon nu srung ba dang / bud med skal ba bzang por byed pa dang
124b2 'dod pa'i gdung ba thams cad sel ba dang / rtsod pa zhi bar byed pa dang / sa'i bdag po rgyas pa ster ba dang / dgra thams cad rtag tu 'joms pa dang / nyi ma shar ba na dbang du byed
124b3 par brjod do/ /'dir 'di dag gis lus la byugs la/ ra'i pags pa'i ral gu gyon te/ chu gri bzung la mun pa'i phyir sgron ma shal ma li'i dog pa las sdong bu byas te 'khrul
124b4 'khor gyi bla ma lan nyi shu rtsa gcig yongs su bzlas la rab tu sbar te/ byi ba'i rnam pa yin na byi ba'i zhag dang / chu srin gyi zhag snga ma bzhin no/ /ji ltar glang po'i gdong gi rnam pa
124b5 yin na/ snga ma bzhin du glang po'i zhag gis so/ /ji ltar lto 'phye'i rnam pa yin na/ snga ma bzhin du lto 'phye'i zhag gis so/ /mi'i gdong gi rnam pa yin na/ mi'i zhag gis shal
124b6 ma li'i dog pa'i sdong bu stang du bzhag la mun pa'i phyogs su gzung bar bya /gang gi gdong gi rnam par 'dug pa de'i zhag gis bskus la 'khrul 'khor gyi bla ma nyi shu rtsa gcig
124b7 bzlas la me sbar ro/ /mun pa mun nag thams cad 'joms par 'gyur ro/ /'jug pa na lhan cig pa rnams la yang nye bar byug go /ta ka ra'i me tog dang / ru rta dang / spang
125a1 @#/ /spos dang / sug smel dang / ut+pa la wa ti dang / siMg+h+ri dang / byA g+h+ri dang / na ma ska ri dang / a nan+ta dang / dza yan+ti dang / rma bya'i gtsug phud dang / dung gi me
125a2 tog ste/ de dag gi phye mas sgyu ma thams cad 'joms pa dang / 'byed pa dang / sreg par brjod do/ /chu dang / spyin dang / de bzhin du bcud dang / bcud len dang / rnga'i khang
125a3 bu dang / dug gi gdug pa dang / pad+ma'i mtsho dang / lha ma yin gyi bu mo 'gugs pa dang / dbang du byed pa dang / bud med 'bebs pa dang / de dag gi gnas rnams sam/
125a4 gzhan du yang skye bu dpa' bos 'khrul 'khor gyi bla ma nyi shu rtsa gcig bzlas la bsnun par bya'o/ /chur 'jug pa dang / dug gi du ba dang / dug gi rlung gis rang gi rkang
125a5 mthil dang / spyi gtsug gi bar du yongs su byugs la 'jug go /de dag thams cad las srung ba byas par 'gyur ro/ /'jug pa na 'khrul 'khor gyi bla ma bzla'o/ /zlos
125a6 shing 'jug par bya'o/ /rdo rje 'dzin pa'i gzi brjid lta bur thams cad kyis tshugs par mi nus te/ rang gi khyim du 'jug pa bzhin no/ /ra'i 'o ma dang ka ra lhan cig tu badzra tan+du
125a7 la dang bslags la khro bo lan nyi shu rtsa gcig bzlas te zos la 'jug go /gang gi tshe lha chen po'i khang pa'i lha bshos yod pa las phyogs te g.yas phyogs nas bskor la
125b1 'khrul 'khor gyi bla ma zlos shing 'jug par bya'o/ /zhugs pa dang / rnga'i dbyug gu la lan nyi shu rtsa gcig bzlas la brdung par bya'o/ /gang gi tshe rnga'i sgra grags pa la bud med
125b2 kyi tshogs ma 'ongs na/ de nas lha chen po'i lho'i sa la bsdad la 'khrul 'khor gyi bla ma bzla'o/ /de'i skad cig la bud med kyi tshogs thams cad thad du 'ongs te mchod
125b3 yon sbrengs nas skyes bu dpa' bo rnams 'jug par byed do/ /zhugs pa dang ji srid 'tsho'i bar du bzhugs shig ces 'phrin yig gdas par byed do/ /dkon mchog gsum
125b4 dang 'phags pa phyag na rdo rje rtag tu rjes su dran pas bzla bar bya'o/ /'di ltar bud med kyi dbus su nyi ma dang / zla ba dang / skar ma gnas kyi bar du sdod do/ /ji srid 'gro bar
125b5 'dod na/ des sbyar sman gyis bsku ba byugs la/ dngul chu dang / bcud len dang / grub pa'i rdzas gang 'dod pa de gzung bar bya'o/ /gzhu'i 'khrul 'khor las byol la yungs
125b6 kar la lan bdun bzlas la bsnun par bya'o/ /de lta na yang mi ltung na/ de nas 'khrul 'khor de la lto'i rtsa ba nas bsnun par bya'o/ /de nas ltung ngo / /thog mar 'khor rnams
125b7 sngon du btang la bdag nyid phyi nas 'jug par bya'o/ /mar me'i mchod sdong la sbyin sreg gi gi thab nas me sbar la 'jug go /khron pa rnams su 'khrul 'khor gyi bla ma stong phrag
126a1 @#/ /brgyad bzlas pas sgo 'byung ngo / /khron pa de na yang ta la'i shing sbrul gyi rnam par snang ba la dri ma med pa'i mig sman dang / rgya spos dang / ru rta dang / bA lA
126a2 dang / spang spos dang / ldong ros dang / gi wang rnams mnyam por skar ma rgyal la sbyar ba'i ril bur byas la sman gyi mchog dug 'joms pa de shes rab can gyis bsnun
126a3 par bya'o/ /de nas ta la'i shing nyid du 'gyur ro/ /'di ni/ bcom ldan 'das phyag na rdo rjes bka' stsal to/ /'phags pa phyag na rdo rjes bka' stsal ba'i 'khrul 'khor
126a4 'ba' zhig ba'i le'u ste lnga pa'o// //de nas bcom ldan 'das de bzhin gshegs pa'i spyod yul gyi gnas na gsang ba ba'i bdag po lag na rdo rje dang thabs
126a5 cig tu bzhugs so/ /de nas bcom ldan 'das kyis gsang ba'i bdag po lag na rdo rje la bka' stsal pa/ lag na rdo rje/ ji ltar lha ma yin thams cad kyi dregs pa gzhom pa
126a6 dang / dam tshig la gnas par bya ba'i phyir rdo rje khro bo'i dam tshig 'di sgrogs shig /de nas lag na rdo rje stan las langs te bla gos phrag pa gcig tu gzar nas pus mo g.yas pa'i
126a7 lha nga sa la btsugs te bcom ldan 'das la btud nas thal mo sbyar te phyag byas nas rdo rje khro bos smras so/ /smras pa tsam gyis rdo rje khro bo'i rgyal po me lce gcig tu 'bar te 'jig
126b1 rten gsum bkang nas sgra chen po phyung ngo / /de nas de lta bu'i mtshan ma chen po des lha ma yin 'khor dang bcas pa thams cad 'dir lha dang lha ma yin rnams g.yul 'gyed par
126b2 gyur to snyam du sems te/ lha ma yin rnams la thags bzang ris dang / stobs can dang / rnam par snang byed dang / rab bde dang / bde mchog dang / dus kyi mu khyud dang / dbyig za
126b3 dang / rus sbal la sogs pa 'khor dang bcas pa dang / gzhan yang bgrod dka' chen po dang / glog gi lce dang / sgra gcan dang / snang ba'i phreng ba can dang / 'phrog byed ser skya la
126b4 sogs pa dang / yi dwags dang / lha ma yin gyi rjes su dpyod pa dpung dang bcas pa/ gzhon pa dang bcas pa 'dus te bcom ldan 'das ga la ba der lhags so/ /lha rnams kyis kyang
126b5 de lta bu'i mtshan ma chen po de mthong nas lha'i tshogs gzhan rnams dang / rang rang gi rnam par rtog pa ji lta de ltar lha rnams kyi dbang po la smra zhing bcom ldan 'das ga la ba der
126b6 lhags te thal mo sbyar nas phyogs gcig tu 'khod do/ /de nas bcom ldan 'das kyis gsang ba pa'i bdag po lag na rdo rje la bka' stsal pa/ lag na rdo rje/ /gang 'dir dus la bab
126b7 bar shes na/ deng 'dir sa 'og gi dbang bskur ba rnga'i sgra dbyangs zhes bya bas byin gyis rlobs shig /skye bo mang po la phan pa dang / don dang / bde bar 'gyur ro/ /bcom ldan
127a1 @#/ /'das| bdag gis theg pa chen po la dad pa dang ldan pa'i rigs kyi bu'i don du dam tshig bstan pas byin gyis brlab lags kyi/ /bcom ldan 'das
127a2 de bzhin gshegs pa dgra bcom pa yang dag par rdzogs pa'i sangs rgyas kyis byin gyis brlab tu gsol/ de bzhin gshegs pa gzhan gyis kyang byin gyis brlabs
127a3 lags so/ /de bdag gis kyang byin gyis brlab par bgyi'o/ /dbang ldan gyi phyogs su bsdad la gnas mchog der mgal dum dang / rdo ba dor te 'khrul 'khor dang shing sdong
127a4 spangs la/ gzhan yang bsang gtor dang / lha'i mchod sbyin dang / dkyil 'khor dang / dbang bskur ba byas pa dang / bgegs dang / log 'dren dang / gnod sbyin mchod pa
127a5 byas pa dang / dge 'dun dbang bskur ba'i gnas rnams dor la/ der yang chu snum pa dang / mtsho dang / mtshe'u dang / ri bo dang / snum pa'i phyogs mtshon par byas la/ de rnams
127a6 su sngon bzhin du byi dor dang yongs su sbyang ba byas te tshon sna lngas gru bzhi sgo bzhi ba'i ri mo bris la dkyil 'khor gyi dbus cha brgyad par byas te yungs kar dkar pos byin
127a7 gyis brlabs pa'i rdo rje gra bzhir gzhag par bya'o/ /de'i dbus su sangs rgyas bcom ldan 'das bri bar bya'o/ /bcom ldan 'das kyi g.yas kyi drung du 'phags pa phyag na rdo
127b1 rje 'bar ba'i phyag can gzhag par bya'o/ /de'i drung du khro bo'i rgyal po rdo rje sa 'og rdo rje dgra sta'i phyag can gzhag par bya'o/ /bcom ldan 'das kyi g.yon gyi drung du byang chub sems
127b2 dpa' dri ma med pa'i blo gros rnga yab kyi phyag can gzhag par bya'o/ /bcom ldan 'das kyi mdun du lha chen po chung ma dang bcas pa gzhag par bya'o/ /de'i mdun du khyu mchog kha
127b3 'og tu lta ba nag po'i gos can gzhag go /shar gyi sgor sman thams cad gzhag par bya ste/ e ra ba ti dang / me kha ba ti dang / dz+yo ti ra sa dang / be ga ba ti dang / sUR+ya ba ti dang /
127b4 a dza gan+d+ha dang / yak+Sha ka n+ya ste/ sman chen po 'di brgyad gzhag par bya'o/ /de'i gzugs ni/ seng+ge dang / khyu mchog dang / bya rgod dang / rus sbal dang / sbal ba dang / rtsangs pa dang
127b5 me 'bar ba dang / dngul chu rnams gnas rnams su go rim bzhin du bri bar bya'o/ /sman rnams dngul chu dang / bcud len dang / rigs kyi bud med kyi dbyibs su gzhag par bya'o//
127b6 rgyan rnams dang / grub pa'i rdzas rnams dang / ldong ros dang / mig sman dang / gi wang dang / bum pa bzang po dang / rkang byug dang / mchod phyir thogs dang / 'khor lo dang / ral
127b7 gri dang / dbyug gu dang / rtse gsum dang / zhags pa la sogs pa bri bar bya'o/ /de'i lho'i sgor lha ma yin brgyad bri ste/ stobs can dang / stobs can gyi bu dang / bde mchog dang /
128a1 @#/ /dus kyi mu khyud dang / thags bzang ris dang / rab bde dang / gzhan len dang / dbyig za'o/ /nub kyi sgor 'khrul 'khor sum cu lhag pa'i stong
128a2 gzhag par bya'o/ /de la 'khrul 'khor chen po brgyad rnam pa dang bcas pa gzhag par bya ste/ de la srad bu dang / gri gug dang / bud med dang / gzhi'i 'khrul 'khor dang /
128a3 'phang 'dzin pa'i lag pa dang / 'og tu lta ba'i tshul dang / gzhi'i 'khrul 'khor la lta ba bri bar bya'o/ /de nas seng+ge dang / lug dang / chu srin dang / glang po che dang / lto 'phye'i
128a4 rnam pa dang / dkyil 'khor gyi rnam pa dang / ma byas pa'i gdong dang / dpal gyi sgo 'di brgyad rnam pa dang bcas pa bri bar bya'o/ /gdong gi 'khrul 'khor mchu btsum pa bri bar
128a5 bya'o| |lug gi spyi bor phur bu'i 'khrul 'khor bri bar bya'o/ /mda' dang bcas pa'i gzhu dang / chu rgyun gyi lte bar phur bu gzhag par bya'o/ /sbyin dang / 'dal gru bzhi ba
128a6 dang / bskor ba'i 'khrul 'khor bri'o/ /gnyis dang / 'od 'phro ba'i rnam pa bri bar bya'o/ /de'ang go rim bzhin du rnam pa dang bcas pa'i 'khrul 'khor la phur bu bsnun pa bri
128a7 bar bya'o/ /de nas byang gi sgor bu ga rnam pa dang bcas pa bri bar bya ste/ seng+ge dang / lug dang / chu srin dang / glang po che'i gdong dang / lto 'phye'i gdong dang / ba lang gi dgod
128b1 dang | dkyil 'khor dang / ma byas pa'i gdong gi rnam pa ste/ dpal gyi sgo brgyad phur bus bsnun pa'i rnam pa dang bcas pa bri bar bya'o/ /de'i dbus su chu rgyun dbyug gu dang
128b2 bcas pa bri bar bya'o/ /gra bzhir sgo bral bzhi bri bar bya'o/ /mar me'i thab khung ngo / /bden bral du du ba'i thab khung ngo / /rlung du chu'i thab khung ngo / /dbang ldan du sbrul
128b3 gzhag par bya'o/ /de nas ras dkar po phra ba dri zhim pa'i gdugs bzhi dang / dbyig dang bcas pa'i nor bus byin gyis brlabs la shin tu bri zhim pa'i chu gtsang mas
128b4 yongs su bkang ba'i bum pa rtsa ba nag po med cing dri zhim pos yongs su byugs pa gzhag go /phyi'i dkyil 'khor gyi phyogs gra bzhi ba'i shar gyi sgor gnas gcig tu
128b5 lha ma yin gyi dbang po chen po stobs can dang / bgrod dka' chen po bri bar bya'o/ /de'i lhor rnam par snang byed dang / ha ri ta'i pi ga la zhes bya ba bri bar bya'o/ /de'i nub kyi
128b6 sgor snang ba'i phreng ba can dang / rnga bo che ste/ lha ma yin gyi dbang po de dag bri bar bya'o/ /de nas mchod pa sha med pa'i lha bshos bya ba ste/ gcig ni/ sangs rgyas bcom
128b7 ldan 'das la'o/ /gnyis pa ni/ dri ma med pa'i blo gros la'o/ /gsum pa ni/ rdo rje 'dzin pa la'o/ /bzhi pa ni/ khro bo'i rgyal po la'o/ /lnga pa ni/ lha chen po la'o/ /de nas
129a1 @#/ /ji ltar 'byor pas lha ma yin gyi dbang po rnams kyi gtor ma dang / 'byung po thams cad ba'i gtor ma sbyin par bya'o/ /de nas dri thams cad dang / me tog dang /
129a2 phye ma la sogs pa'i lha bshos sbyin no/ /de nas lha rnams 'ching bar byed pa'i sngags ni/ oM badzra gar+b+he badzra gar+b+h+ye phaT hA d+hi ki ri Ni swA hA/ de nas mtshams bzhir lag pa phyag
129a3 rgyas byin gyis brlabs pas log 'dren bcing bar bya'o/ /de'i sngags ni/ na maHsa man+ta badzra NAM/ oM badzra pA la ya swA hA/ zhes lan gsum du brjod do/ /rdo rje lcags sgrog gis
129a4 bcing ba dang dgug par ba'o/ /sangs rgyas dang byang chub sems dpa' rnams dang / lha thams cad me tog gis dgug par bya'o/ /na ma s+t+rai ya d+h+wi kwa nAM/ sarba ta thA ga tA nAM/ a na
129a5 la b+hA kA nAM na maHswA hA/ de nas skyes bu dpa' bos sngags 'dis bsrung bar bya ste/ oM du rba re dz+wa la dz+wa la na mo badzra sA ga rA ya swA hA/ 'dis bsrungs nas ras dkar po phra ba dri
129a6 zhim pos gdong g.yogs te 'khrul 'khor gyi bla ma bzlas la skyes bu dba' bos chos kyi gru lta bu'i shing lham gon te lag pa g.yas pa rus sbal gyi phyag rgya'am/ lha ma yin
129a7 gyi phyag rgya bcings la/ rtsa ba nag po med pa'i bum pa lo ma bzang po dang ldan pa'i chus shar gyi sgor 'khrul 'khor gyi bla ma zlos shing dbang bskur bar bya'o/ /de ltar dbang
129b1 bskur ba de'i rjes su lag pa rdo rje'i phyag rgyas me tog dor ro/ /me tog gang la lhung ba de'i lha'i rigs 'grub bo/ /de nas gdong bcings pa bkrol la dbang bskur ba de la skyes bu dpa'
129b2 bos dkyil 'khor bstan par bya'o/ /lha ma yin gyi dbang po rnams kyi gnas dang / mtshon cha dang / dngul chu dang / bcud len dang / bud med kyi tshogs dang / grub pa'i rdzas dang / de
129b3 dag gi dkyil 'khor mthong na/ lha dang / lha ma yin gyi dam tshig gi tshogs su 'gro bar 'gyur ro/ /sngon du bsnyen pa ma byas kyang 'khrul 'khor 'jig par 'gyur ro/ /de dag
129b4 gis nye bar mi rtsed do/ /lha ma yin thams cad kyi khang pa dang / dngul chu dang / bcud len dang / bud med dang / mtshon cha dang / rgyan dang / sgyu ma la sogs pa'i 'khrul 'khor rnam
129b5 pa sna tshogs pa des dbang du 'gyur ro/ /sgyur mas sprul pa'am/ /lha ma yin gyi sprul pa rnams sam/ /gzhan yang srang srong dang / grub pas rab tu sbyar ba'i 'khrul 'khor la sogs
129b6 pa ltung ba dang / dbang du byed nus par 'gyur ro/ /gang dag dpal gyi sgor 'jug par 'dod na/ sngon du rdo rje khro bos bzlas la dpal gyi sgor brjod pa dang / sbyor bas sreg pa la
129b7 sogs pa byas te ba ser skya'i lci bas dkyil 'khor byugs la gtor ma'i cho ga byas nas kha'i rnam pa'i thub khung gi steng du a pa marga'i yam shing la me sbar la/ a pa marga'i
130a1 @#/ /'bras bu stong phrag brgyad sbyin sreg bya'o/ /des 'khrul 'khor thams cad ltung bar 'gyur ro/ /de nas ra'i pags pa'i ral gu gyon la lag tu mtshon cha
130a2 thogs te mar me'i mchod sdong ba lang gi rnga ma'i pags pa bcings la/ shal ma li'i dog pas bkang ste dz+yo ti smra ta'i 'bru mar la sngags 'dis me sbar ro/ /oM dU bi dU bi
130a3 pra dz+wa li ni swA hA/ yang na bu ga gang gi rnam par gyur pa de bzhag la sngags 'dis me spar te 'khrul khor gyi bla ma bzla'o/ /kun pa mun nag thams cad 'joms
130a4 par 'gyur ro/ /bdag dang lhan cig spyod pa thams cad sman gyis lus byug go/ /sman ni/ /'di dag ste/ rgya spos dang / gur gum dang / ru rta dang / spang spos dang / sug
130a5 smel dang / mu li ka dang / daN+Da ut+pa la dang / siM g+h+ri dang / bya g+h+r-i dang / na ma ska ri dang / a nan+ta dang / dza yin ta dang / rma bya'i gtsug phud dag ste/ 'di rnams kyi phye ma sgyu ma
130a6 thams cad 'joms par byed pa zhes bya ste/ chu'i 'khrul 'khor dang / sbyin dang / dngul chu dang / bcud len dang / bud med kyi dbus su 'jug pa dang / lha ma yin
130a7 gyi bu mo 'gugs pa na cho ga phra mo byas te 'khrul 'khor gyi bla ma bzlas nas de'i rkang pa legs par byugs pas spyin la sogs pa'i 'khrul 'khor thams cad 'byung
130b1 bar 'gyur ro/ /der 'jug pa na sngon du badzra tan+tu li bklags la ka ra dang lhan cig tu zos la 'jug go /lha'i khang ba'i lha bshos mi bza'o/ /lha'i grang la g.yas phyogs nas
130b2 bskor la 'gro'o/ /rnga'i khang par 'jug go/ /rnga'i 'og tu rul sbal gyi phyag rgya 'bri'o/ /dbyug gu la 'khrul 'khor gyi bla ma brgya rtsa brgyad bzlas te rkang pa g.yon pas mnan
130b3 la khro bo'i rgyal po bzlos shing brdung ngo / /'jug pa'i sngon du mchod yon dang / zhabs bsil dang / |'thor 'thung bzung nas ma 'ongs na/ thams cad der 'chi bar 'gyur ro//
130b4 ci nas kyang 'ong bar 'gyur ro/ /'di ni/ bcom ldan 'das rdo rje 'dzin pa nyid kyis gsungs so/ /yang na phyag rgya'i steng du rkang pas rkang pa mnan la kha byang du phyogs te phyag
130b5 rgya bcings la cung zad cig bzla'o/ /rkang 'og tu nang na gnas pa thams cad dang / lha ma yin gyi bu mo nges par 'ong bar 'gyur ro/ /ji ltar 'dod pa'i dngul chu dang / bcud
130b6 len dang / grub pa'i rdzas rnams ster ro/ /de nas ji ltar 'dod pa'i dus de srid du de rnams dang lhan cig tu gnas so/ /de nas 'ong bar 'dod na/ sems can la phan par byed
130b7 pa'i rdzas mdzes pa ji ltar 'dod pa bzung la gang 'dod pa de gdon mi za bar 'dong bar bya'o/ /de nas 'khrul 'khor gyi dbyibs kyi rnam pa sems la bris la lha ma yin gyi phyag
131a1 @#/ /rgya'am| gzhan gyi phyag rgya bcings la bzla'o/ /de'i skad cig la snang ba chen po byung nas sgo grol bar 'gyur ro/ /som nyi med par ji ltar 'dod par
131a2 'gro'o| |dpag tu med pa'i stobs kyis pha rol gnon par 'gyur ro/ /yid ltar mgyogs pa dang / ji ltar 'dod pa'i rgyal po gdul dka' bar 'dul bar 'gyur ro/ /zhes
131a3 bcom ldan 'das rdo rje 'dzin pas bka' stsal to/ /rdo rje rnga bo che sa 'og gi dkyil 'khor zhes bya ba don yod pa lha ma yin gyi gtso bo skyes bu dpa' bo rnams dbang bskur
131a4 ba 'di las gzhan pa med do/ /rdo rje rnga bo che sa 'og gi phyag rgya dang dkyil 'khor zhes bya ba las/ don yod pa'i le'u ste drug pa'o// //de nas rdo rje sa 'og las/ /
131a5 gsungs pa'i dbang bskur rab bshad bya/ /sa 'og dkyil 'khor gsang ba yi/ /rnga yi sgra dbyangs bri bar bya/ /de nas rus sbal phyag rgya gzhag /yungs kar dkar po'i steng
131a6 du'o| |mchod pa'i cho ga byas nas su/ /bra ba'i ras kyi brgyan pa yi/ /bum pa rtsa ba mi nag pa/ /rin chen sman gyis yongs bkang la/ /gtor ma g.yas bskor byin nas su/ /
131a7 phyag rgya'i steng du gzhag par bya/ /sngon du bshad pa'i cho ga yis/ /dkyil 'khor byin gyis brlab par bya/ /lha dang spyan drang byas nas su/ /ji ltar rigs pa'i mchod pa bya//
131b1 bya| |byang chub sems ni bskyed nas su/ /sdig pa yang ni bshags par bya/ /de nas rdo rje'i phyag rgya bcing / /gsang ba'i dkyil 'khor phyi rol tu/ /grub nga'i rdo rje'i chu yis su/ /de
131b2 nas dbang bskur ba ni bya/ /ji lta ba yi dbang bskur la/ /de lta bu yi bum pa dgod/ /gang gi dkyil 'khor cho ga la/ /phyag rgya gtor ma'i cho gar bshad/ /dbang bskur phyir ni
131b3 'bad pa yis/ /phyag rgya bcings la gnas par bya/ /sngon du bsnyen pa byas nas su/ /dngul chu'i bya ba spang bar bya/ /mdo sde'i rjes 'brang cho ga yis/ /mchod rten gyi ni las bya'o/ /
131b4 grogs rnams kun dang rnam grol te/ slong mo za zhing mnyam bzhag pas/ /myur du dngos grub thob par 'gyur/ /phyag na rdo rjes byin gyis rlob/ /'phags pa rdo rjes 'og gi sgrub
131b5 par byed pa'i dbang bskur ba'i le'u ste bdun pa'o// //de nas 'dir bcom ldan 'das 'jig rten gsum gyis zhabs la rjed la/ khro bo chen po rdo rje sa 'og gi bris
131b6 sku'i cho ga brjod par bya'o/ /gzhon nu mas bkal ba'i srad bu ba lang gi chus bkrus te yan lag brgyad pa'i gso sbyong la gnas pa'i thags mkhan gyis 'thag par bya'o/ /ras su
131b7 gyur pa dang sngags pa'i khru do pa'i srid la zheng du khru gang dang sor brgyad pa la ri mo mkhan yan lag brgyad pa'i gso sbyong dang ldan pa la srung ba byas te mchod yon phul la/ bcom
132a1 @#/ /ldan 'das ut+pa la sngon po'i kha dog can khro bo spyan dmar po/ /ya sos ma mchu mnan pa/ gnas gsum g.yo ba/ khro gnyer bsdus pa/ gdu bu dang / ska
132a2 rags dang / rkang gdub dang / dpung rgyan dang / rin po che'i cod pan gyis spras pa'i ral pa'i thor tshugs can/ mi mgo rlon pa'i phreng bas brgyan pa'i mchod phyir thogs 'chang ba//
132a3 gdu bu dang 'khyil pas rna ba brgyan pa/ ral ba'i thor tshugs kyi steng du pad+ma'i skyil krung gis bzhugs pa/ chos 'chad pa'i tshul can/ bcom ldan 'das mi 'khrugs pa
132a4 bri bar bya'o/ /lag pa g.yas par rab tu 'bar ba'i rdo rje'o/ /gnyis par lcags kyu'o/ /g.yon par pad+ma'i mdzod kyi nang du yid bzhin gyi nor bus gang ba 'dzin pa'o/ /g.yon
132a5 pa'i gnyis pa lha ma yin sdigs pa'i mdzub mo'o/ /rgya mtsho chen po'i nang du pad+ma chen po'i steng na bzhugs pa/ 'gran zla dang bral ba gcig pu'o/ /g.yas pa'i lag pa'i 'og
132a6 tu sgrub byed pad+me'i steng du pus mo btsugs pa pad+ma'i sdong bus brgyan pa'i lag pa can bri bar bya'o/ /de nas sngar bshad pa'i gnas rnams su rjes su mthun pa'i rab tu gnas
132a7 pa dang / mchod pa byas la ring bsrel can gyis mchod rten gyi mdun du 'bum phrag bcu bzlas par bya'o/ /de nas las thams cad byed par 'gyur ro/ /dpal gyi sgor bris sku
132b1 gzhag par bya'o/ /ji ltar 'dod par ro/ /dpal dang ldan pas ba lang gi pags pa'i stan la gos dmar po gyon te dug dang khrag bsres la mi'i rus pas bcus shing brgya phra brgyad
132b2 sreg blug bya'o/ /bu ga'i 'khrul 'khor thams cad 'joms par 'gyur ro/ /bcom pa dang / dngul chu dang / bcud lan dang / bud med kyi grong du 'jug par 'gyur ro/ /'khrul 'khor
132b3 rnams bka' bzhin du sgrub par 'gyur ro/ /phyag rgyas lha thams cad 'gugs par byed do/ /'di lta bus gang ji ltar sams pa'i bsam pa dang / gang ji ltar sems pa'i las dang /
132b4 gang ji ltar sems pa'i cho ga thams cad bka' bzhin du byed par 'gyur ro/ /bsgo ba nyan par 'gyur ro/ /gang zhig klu'i rgyal po bris nas de'i mdun du bris sku bkram ste/ rkang pa
132b5 g.yon pas mnan la stong phrag brgya bzla bar bya'o/ /klu'i rgyal po de 'ongs nas ci bgyi zhes smra bar 'gyur ro/ /des smras pa/ nga'i bka' bzhin du gyis shig ces brjod do/ /des ci
132b6 bsgo ba nyan par 'gyur ro/ /klu thams cad kyi khang pa rnams su 'jug par 'gyur ro/ /de dag la 'di dag thams cad gyis shig ces bka'i bsgo ba nyan no/ /de bzhin du lus ngan
132b7 rnams dang / gnod sbyin rnams dang / 'byung po rnams dang / srin po rnams dang / byar 'dabs rnams kyi gnod sbyin mo la sogs pa thams cad bka' bzhin byed par 'gyur ro/ /
133a1 @#/ /ci bsgo ba nyan no/ /grags mkhar bdun gyi rtse mo'i sa bsdus te/ de las nam mkha' lding byas la ring bsrel gyi snying po can gyi drung du bris sku bkram
133a2 ste dgon pa'am/ gzhan gang yang rung bar de'i steng du bsdad la stong phrag brgya bzla'o/ /de'i steng du 'gro'o/ /sred med kyi bu chen po stobs su 'gyur ro/ /sbrul pa chen po byed
133a3 do| |thams cad grub pa'i rig pa 'dzin pa rnams kyi 'khor los bsgyur bar 'gyur ro/ /las thams cad pa lta bur tshe dpag tu med pa dang / 'chi ba la dbang thobs par/ 'dod
133a4 na sangs rgyas kyi zhing rnams su skye ba dang / de nas yang shi 'phos nas ting nge 'dzin gyi stobs kyis byang chub sems dpa'i dge ba'i bshes gnyen gyis rjes su 'dzin par 'gyur
133a5 ro| |'phags pa rdo rje sa 'og gi rgyud kyi sprin chen po 'bebs par byed cing rkang 'og thams cad kyi nang du rig pa dang / spyod pa dang / rin po che'i 'byung khungs thams cad kyi
133a6 gtso bo dang / mchog ster ba dang / 'khor lo 'dzin pa ltar gcig tu dpa' ba'i rgyal po chen por 'gyur ro/ /'di ni/ bcom ldan 'das rdo rje 'dzin pas bka' stsal to/ /'phags
133a7 pa rdo rje sa 'og gi rgyud las/ thams cad sgrub par byed pa'i le'u ste brgyad pa'o// //de nas lha ma yin thams cad kyis mchod pa mchog tu gsang ba'i bris sku bshad
133b1 par bya'o/ /gzhon nu mas bkal ba'i kha tshar ma bcad cing skra med pa'i ras la ri mo mkhan gso sbyong dang ldan pas kha dog ma 'dres pa snod gsar par bzhag la/ kha dog dmar
133b2 po phyag bzhi pa sbrul gyi ska rags kyis brgyan pa/ sbrul gyi mchod phyir thogs pa can/ sprin gsar pa lta bu mchu sbyar pa/ dpral bar khro gnyer bsdus pa/ rdo rje dang bcas pa'i
133b3 mgo bo'i phreng ba can/ g.yas par dgra sta dang / yang rdo rje'o/ /g.yon pa'i sdigs mdzub kyis dpal gyi sgo'i bu ga gsal bar byed pa/ g.yon pa'i gnyis par lto 'gro
133b4 chen po bskyil ba'i zhags pa 'chang ba'o/ /'og tu gzigs pa/ zhal mche ba gtsigs pa/ drag po'i gzugs can ma mos par gyur pas bri bar bya'o/ /rnam par bral ba'am/
133b5 stong pa'i phyogs me tog dang 'bras bur ldan pa'am/ bu ga'i sgor 'bum phrag drug bzla'o/ /de'i sngon du ji ltar bris sku de gdug pa can 'gas kyang ma mthong ba de ltar bya'o/ /de
133b6 nas rdo rjes bsnun pa'i shing gis sa bsregs la phyogs der yungs kar dkar po la rdo rje khro bos yongs su bsngags te gdab par bya'o/ /de las skyes pa'i sa bon de gzung bar
133b7 bya'o/ /de nas rdo rjes bsnun pa'i shing la me sbar te rdo rje'i rnam pa'i thab khung du yungs kar de dang / tsan+dan dmar po bsres la stong phrag brgyad sreg blugs bya'o/ /nyi ma bzhi
134a1 @#/ /pa la lha ma yin gyi grong na gnas pa'i bud med las dro ba dang ldan pas nges par 'ongs nas ston par 'gyur ro/ /de rnams dang lhan cig tu 'jug par mi
134a2 bya'o| |de rnams dang smra bar mi bya'o/ /nyi ma lnga pa la sreg blugs byas pa'i mthar 'khrul 'khor thams cad la du ba 'byung bar 'gyur ro/ /de nas bud med de dag 'ongs te skyes bu
134a3 dpa' bo byon par zhu zhes smra bar 'gyur ro/ /der yang 'jug par mi bya'o/ /sreg blugs byas pa dang / nyi ma drug pa la khang pa thams cad la du ba 'thul bar 'gyur ro/ /'khrul
134a4 'khor gyi gnas su ki Ti ki Ti zhes sgrog par 'gyur ro/ /de nas bud med de rnams mig mchi mas gang bzhin du grub pa'i rdzas dang / rin po che thams cad bzung nas 'ong bar
134a5 'gyur ro/ /rang gi phyag rgya bstan la blang bar bya'o/ /gal te mi 'dod na yang nyi ma bdun pa la sbyin sreg bya'o/ /gang sngon du zhugs pa de thams cad 'chi bar 'gyur ro/ /
134a6 'khrul 'khor thams cad ltung ba dang 'joms par 'gyur ro/ /cho nges 'debs shing nges par 'od bar 'gyur ro/ /de dag la mi 'jigs pa byin la phyi nas 'jug par bya'o/ /
134a7 'phags pa rdo rje sa 'og gi rgyud las/ lha ma yin gyi bu mo la drag shul spyod pa'i le'u ste dgu pa'o// //de nas gzhan yang rim par phye bar gyur pa ni/ bcom ldan
134b1 'das de nyid rnam par 'gyur ba stag gi pags pa'i sham thabs can/ phyag bzhi pa/ lha ma yin chen po gzhan len gyi mgo la phyag gnyis kyis rdo rjes bsnun nas gsod par
134b2 mdzad do/ /phyag g.yas par chu srin gyi mche ba'i rnam pa'i sor mo'i rtsa mo lcags kyus me tog 'don pa ltar bsnun pa'o/ /g.yon pa bsdigs mdzub mdzad pa'o/ /de'i mdun
134b3 du rdo rjes bsnun pa'i shing la me rab tu 'bar la me tog dang 'bras bu ldan par rdo rje rtse mo drug pa/ nyi ma gcig tu phaT kyi yi ge dang ldan par bsreg par bya'o/ /de bsregs pas
134b4 lha ma yin thams cad kyi rigs kyi bud med cho nges 'debs shing / skyabs med par 'ong bar 'gyur ro/ /de rnams dang lhan cig tu 'jug par 'gyur ro/ /de na lha mo g.yon
134b5 phyogs pa zhes 'jig rten du grags pa'i rnam pa spra tshil dang / tsha ba gsum dang / lugs phye bsres pa las gzugs brnyan byas la/ rdo rjes bsnun pa'i shing la me sbar te/
134b6 rdo rjes snying gar gzer la ji srid langs kyi bar de srid du bsro bar bya'o/ /gal te mi ldang na/ rdo rje'i rnam pa'i thab khung du shing de nyid la me sbar la dum bur gtubs te sbyin sreg
134b7 bya'o| |'khrul 'khor thams cad la du ba des reg pa tsam gyis ltung ste/ slar 'byung ba'i mthu med par 'gyur ro/ /gsang ba chen po 'di dkyil 'khor ma mthong ba dang / cho ga
135a1 @#/ /mi shes pa dang / las kyis grib pa ma sbyangs pa dang / dam tshig med pa la sbyin par mi bya'o/ /bsod nams byas pa dang / bu ga'i 'khrul 'khor 'joms pa
135a2 dang / spro ba'i sems dang ldan pa dang / kha na ma tho ba med pa'i yid dang / pha dang ma la gus pa dang / byang chub kyi sems bskyed pa dang / de bzhin gshegs pa la bsam pa
135a3 mi phyed pa dag la sbyin par bya'o/ /'phags pa rdo rje sa 'og gi rgyud las/ lha ma yin gyi dbang po gzhan len gyi gtsug tu bri ba'i le'u ste bcu pa'o// //de nas
135a4 gzhan yang rim par phye bar gyur pa ni/ hA yang tsa'i dbus su yungs kar skya bos stong phrag brgyad sreg blugs bya'o/ /de nas bud med rnams 'ong bar 'gyur ro/ /
135a5 lag pa yongs su bzung nas 'jug par byed do/ /yang na gang 'dod pa de ster ro/ /'bum phrag nyi shu rtsa gcig bzlas pas ri bo dang bgegs rnam pa sna tshogs pa rnam
135a6 par 'joms par byed do/ /'di ni/ bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las/ rdo rje nyid khu'i le'u ste bcu gcig pa'o// //
135a7 de nas 'dir rtog pa gzhan yang bshad par bya ste/ lo ma dang / nas kyi bza' ba dang / slong mo'i zas za zhing sngar bshad pa'i tshul gyis 'bum phrag gsum bzla bar bya'o//
135b1 bzlas pa yongs su rdzogs pa dang / rdo rjes bsnun pa'i shing la rdo rje khro bo tshon gang khro gnyer bsnyer zhing mchu bsdams pa/ 'jigs par byed pa/ rdo rje 'phyar ba'i lag pa can/
135b2 g.yon pa'i mdzub mo sdig mdzub tu byas pa/ de nas zla ba cher gzas bzung nas mi mthong ba na dur khrod du tsan+dan dmar po'i stan nam/ chu bo'i 'gram gyi 'jim pa la
135b3 bzhugs par bya'o/ /de la rgya chen po'i mchod pa byas nas de'i mdun du rdo rjes bsnun pa'i shing la sor drug pa'i rdo rje rtse mo lnga pa byas te dri dang / me tog gis mchod la ji ltar
135b4 'byor pa'i mchod pa dang / gtor ma byas te a shwat+tha'i 'dab ma bzhi'i steng du bzhag la lo ma gsum gyis dgab par bya'o/ /lag pa g.yon pa'i mthil du dur khrod kyis sol bas
135b5 rdo rje bris la lag pa de bkab ste/ de nyid ji srid sa mi 'gul ba de srid kyi bar du bzlas pas de nas 'grub par 'gyur ro/ /rdo rje de nyid lag par bzung bas bu ga thams cad kyi
135b6 'khrul 'khor 'joms par byed de/ 'di ni/ bcom ldan 'das rdo rje 'dzin pas bka' stsal to/ /de nas bud med rnams phyi rol tu dgug par 'dod na/ dpal gyi bu ga'i sgor
135b7 rdo rje khro bo de nyid bzhag la dur khrod kyi shing la me sbar te/ rdo rje de lag pa g.yon par bzung la g.yas pa ma yin pa'i lag pas yungs kar skya bo rnams stong phrag brgyad du
136a1 @#/ /sbyin sreg bya'o/ /de nas bud med rnams 'ong bar 'gyur ro/ /lag pa nas bzung ste 'jug par byed do/ /yang na gang 'dod pa de ster bar 'gyur ro/ /'bum
136a2 phrag nyi shu rtsa gcig tu bzlas pas ri mo mkhrang po rnam pa sna tshogs 'joms par 'gyur ro/ /'di ni/ bcom ldan 'das rdo rje 'dzin pas bka' stsal to/ /'phags pa rdo rje
136a3 sa 'og gi rgyud las/ rdo rje sgrub par byed pa'i le'u ste bcu gnyis pa'o// //sman 'di sgrub pa pos ci nas kyang bsgrub par bya'o/ /bgegs rnams dang log par 'dren pa
136a4 med par byed do/ /zla ba shar ba dang / dbang po lag pa dang / siM g+h+ri dang / byA g+h+r-i dang / lag pa bzhi pa dang / b+ha ra ha karti ka dang / ga dzraM ka dang / ra tsa ni dang / ru rta dang / gur
136a5 gum dang / dung gi phye ma rnams glang po'i gcin gyis sbrus la ji ltar 'dod pa'i ril bu bya'o/ /dri dang / me tog dang / gtor ma dang / bdug pa rnams gnas rnams su bzhag la/
136a6 chu 'chag pa dang / dri ma 'dor pa na ras kyis bcing bar bya'o/ /dri dang me tog la sogs pa rnams kyis mchod par bya'o/ /gzhan du na log par 'dren pa rnams zhugs te ma
136a7 rungs par byed par 'gyur ro/ /bshad ma thag pa'i sman gyis log par 'dren pa la sogs pa thams cad rnam par nyams nas phan tshun lta zhing 'di skad ces/ 'di na ji srid
136b1 sman yod pa de srid 'gro bar mi bya'o/ /zhes smra zhing / phyogs dang nye ba'i phyogs rnams su 'byor bar 'gyur ro/ /dpag tshad gcig gi khongs su bgegs ldang bar mi 'gyur ro/ /las
136b2 thams cad kyang 'grub par 'gyur ro/ /gang yang rig pa 'dzin pas dus gsum du nye bar byugs na/ de la 'ga' zhig gis kyang 'jug par mi nus so/ /bA la ka dang / sA ri ba dang
136b3 lo dra ma dang / lang+ga li dang / sgog pa dang / byi ba'i spu rnams sbyar ba'i bdug pa 'bad pas byas na/ bu ga'i sgor 'gro ba na thigs pa zhi bar byed do/ /ut+pa la sngon po dang / dri zhim
136b4 po'i mar dang / ru rta dang / sa ra bi dang / tsan+dan dang / bo la ka dang / ba lang gi gcin gyis sbrus pa'i sman gyis dug 'joms par byed cing dpal gyi sgo'i drod gsher las skyes
136b5 pa 'joms par byed do/ /chu shing dang / gla sgang dang / bA Na dang / koSh+Tha dang / u dum wa ra dang / ba la dang / a shwa gan+d+ha dang / shu dag dang / ge ri kar+N+Ni ka dkar po ste/ 'di rnams
136b6 sbyar bas thams cad kyi gnyid dang / 'khrul 'khor dang / mun pa 'joms par byed do/ shi b+ha any+tsa pa'i sa bon dang / ut+pa la dang / nA ga ge sar dang / ga pur rnams
136b7 mnyam por sbyar ba'i mig sman gyis gnyid med par byed do/ /ka ra dang / rta'i kha chu dang / nA ga ge sar dang / sa ri bas mig sman byas la khro bo bzlas pa nyid kyi 'khrul 'khor
137a1 @#/ /zlog par byed do/ /rma bya'i gtsug phud dang mnyam por sbyar la/ na le sham dkar po dang btags te lan bdun bzlas pas rtsod pa zlog par byed do/ /sems
137a2 rnam par g.yeng ba med pa dang / brtse ba dang ldan pa dang / chos shes pa dang / ring du mthong ba gang gi khyim du cho ga dang ldan pas sman bzhag nas khro bo rdo rje sa 'og la mchog tu
137a3 gus par gyur na/ des rkang 'og gi dpal gyi sgo 'grub par 'gyur te/ 'di la the tshom med do/ /ya ba'i me tog dang / rgya sran gyi phye ma dang / yungs kar dang / bI la dang / ing
137a4 gu rnams srang re re si ta dang lhan cig bsres la lan nyi shu rtsa gcig bzlas pas bkres pa'i 'khrul 'khor zlog par byed do/ /a pa marga'i sa bon dang / bi dza ak+Sha'i sa bon
137a5 dang / u dum wa ra'i ri bu la lan bdun bzlas na/ bkres pa sel bar byed do/ /glang po'i rna ba'i pa la sha'i khu ba blangs la rdo rje'i sdong skyes dang / rdo rje'i 'o ma dang mnyam por
137a6 sbyar la/ til mar dang bskol te sbyin rnams thams cad la mar khu'i mchog des byug par bya'o/ /rdo rje ljon pa'i khrag dang ni/ /de bzhin rdo rje sdong bu'i bcud/ /se pa la yi bcud
137a7 dang sbyar/ /gser gyi mar dang btso bar bya/ /thog mar de dag bcangs nas su/ /mkhas pa yis ni 'bad par bsdad/ /'bru mar gyis ni lus byugs na/ /sbyin gyi steng nas 'gro bar
137b1 bya| |ing gu bi le'i mar khu dang / /kha ba yi ni nas dag ni/ /rta yi dri dang mnyam bsres nas/ /rta yi gcin dang bskol bar bya/ /'di dag gis ni lus byugs na/ /sbyin gyis gos
137b2 par mi 'gyur ro/ /'phags pa rdo rje sa 'og gi rgyud las/ /sman dang rtsi'i le'u ste bcu gsum pa'o// //de nas seng+ge'i lta stangs kyis bu gar 'jug par bya'o/ /mkhas
137b3 pas mtshan ma mtshon par bya ste/ dpal gyi sgor rkang bzhi pa dang / dngul chu dang / bcud len dang / bud med dang / grub pa'i rdzas kyis yang dag par khyab pa dang / bu ga gang dag
137b4 shang shong can/ /la la rdo bas khyab pa ni/ /de ni rad rod can shes bya/ /sa ni 'bar bas chu skem zhing / /phyi rol bshad pa'i dri mnam zhing / /keng rus kyi ni rus pas khyab/ /gdug
137b5 pa'i rdo ba dag gis gang / /de ni rad rod can du bsten/ /'ga' zhig 'jim pa dag gis khyab/ /la la rdo dang chu yis gang / /dri mi zhim pa'i shing mang ba/ /rad rod 'jigs pa nyid du
137b6 'gyur/ /bshad dang ljan ljin dri mnam zhing / /kha cig na ni sbrul gyi dri/ /pags pa dang ni bya yis khyab/ /de ni nges par ce spyang gnas/ /yang na rdo rje sa 'og las bstan pa'i ji lta
137b7 bu'i rnam pa'i sgo mkhas pas phyi rol tu brtags nas 'jug par bya'o/ /yo byad thams cad dang ldan pas/ /khro bo'i dam pa legs par bzlas/ /dbang bskur bas ni dbang bskur
138a1 @#/ /la| |blo dang ldan pas bsrung bar bya/ /'di yi tshul gyis dpa' bo yis/ /sa 'og mtho ris dpal gyi sgo/ /der ni som nyi med par 'jug /de yis
138a2 'dod 'bras thob par 'gyur/ /dpa' bo de yis cher spro bas/ /gtong dang brtse dang ldan gtsang ba dang / /dregs med mngon pa'i nga rgyal bral/ /'jigs bral khyad par 'phags
138a3 pa'i yid/ /me 'od dang ni ltas chen po/ /mthong nas zug rngu med pa'i sems/ /rdo rje lta bur brtan pa yis/ /sgrub par dka' ba'ang bsgrub par bya/ /'phags pa rdo rje sa
138a4 'og gi rgyud las/ 'khrul 'khor brtag pa'i le'u ste bcu bzhi pa'o// //de nas gzhan yang dpal gyi sgor 'jug pa'i rim par phye bar gyur pa ni/ 'khrul 'khor gyi ni
138a5 drung 'gro ba/ /shin tu myur dang bu la min par/ /rkang pa 'jog cing 'bad pa yis/ /kun nas 'khrul 'khor blta bar bya/ /gang tshe 'khrul 'khor g.yo ba dang / /'gul ba
138a6 dang ni ldeg pa'am/ /yang na mtshon cha thogs pa ste/ /mda' dang shak+ti dbyug gu dang / /ral gri 'khor lo mtshon cha yi/ /'khrul 'khor gyis ni gang mthong zhing / /gri gug spu gri'i
138a7 so dag dang / /de bzhin lug la sogs 'gro ba/ /de lta'i rnam pa mthong na ni/ /phyag rgya legs par bcing bar bya/ /yungs kar skya bo nyid dam ni/ /thal ba la yang khros pa yis//
138b1 khro bo lan bdun bzlas nas su/ /'khrul 'khor la ni mkhas pas bsnun/ /gdon mi za bar de ltung ngo / /lha yi khang par 'jug par bya/ /gang dag lha chen por gyur pa/ /der ni
138b2 yi dwags gtor ma mthong / /ji ltar bkres kyang mi za'o/ /de nyid du ni nges mthong ba/ /skad cig tsam yang mi 'grul zhing / /de tshe de ni mi smra ste/ /lha min stong gis rgyas
138b3 btab pas/ /de mthong nas ni rus sbal gyi/ /rgya ldan lan bdun bzlas pas g.yo/ /de ni rang bzhin dang ba yis/ /gus dang bcas pas phyag 'tshal te/ /legs par byon
138b4 tam dpa' bo rnams/ /ci bde bar yang 'jug par mdzod/ /grub pa'i cho ga'i sbyor ba rnams/ /rin chen rnam pa du ma dang / /dngul chu dang ni bcud len dang / /nor bu rnams dang
138b5 bud med dang / /gzhan yang nang na gang ba yis/ /ral gri dang ni mtshon cha rnams/ /de dag gi ni lag pa nas/ /bzung nas ji ltar bde bar ston/ /phyag na rdo rje'i byin rlabs kyis/ /der
138b6 ni ji ltar 'dod par bya/ /der ni ji ltar sdod kyi bar/ /lha min bu mo rnams dang rtse/ /de rnams kyis bstan lam nas ni/ /ci bde bar ni nges par 'dong / /lha min grong du bde bar 'gro//
138b7 ji ltar bde bar slar yang 'ong / /gang dag der ni sngon song ba/ /rdo rje sa 'og gis gzir bas/ /gal te 'ongs par ma gyur na/ /der ni rmongs nas 'chi bar 'gyur/ /de na sngon rgyu
139a1 @#/ /zhugs rnams la/ /blo gros ldan pas gzir ma bya/ /'phags pa rdo rje sa 'og gi rgyud las/ dpal gyi sgor 'jug pa'i le'u ste bco lnga pa'o// //
139a2 de nas dpal gyi sgo'i rtogs par brjod pa'i rim par phye bar gyur pa ni/ dpal gyi sgo yi phyir gnas pa'i/ /mtshan nyid mthong nas shes pa yis/ /smra spangs slong ba za ba dang / /
139a3 'khrul pa med pa'i sems ldan pas/ /blo gros can gyis 'bum phrag gsum/ /dpal gyi sgo la brten te bzlas/ /'bum phrag dang po bzlas pa yis/ /'khrul 'khor rnams ni
139a4 ltung bar 'gyur/ /gnyis pa yis ni sa g.yo zhing / /du ba chen po 'khrug par 'gyur/ /gsum pa yis ni dro ldan pa'i/ /rgyan dang ska rags grol ba yi/ /lha min bu mo nges par 'ongs/ /
139a5 khro bo me yis bsros pa na/ /bskal pa'i me snyam sems pa yis/ /ca co 'don zhing rnam par 'bros/ /der ni zhi bar bya don du/ /tsan+dan ldan mar sbyin sreg gis/ /de yi lus ni
139a6 rnal mar gnas/ /bsam pa thag pas 'dud par 'gyur/ /dpal gyi sgo der nor rnams dang / /ral gri ldong ros mig la sogs/ /dngul chu bcud len bzang po dang / /bud
139a7 med stong phrag brgya rnams gnas/ /bdag gi bdag po khyod kyis mdzod/ /mtho ris sa 'og bzang po ste/ /gal te der ni mi 'jug na'ang / /ji ltar bzhed pa de bzhin mdzod/
139b1 ral gri grub pa'i mig sman sogs/ /de yi mdun du bzhag nas kyang / /rdo rje khro bos gzir bas na/ /yid la gcags bzhin ster bar 'gyur/ /ji ltar 'dod pa de bzung ste/ /de ni
139b2 btang ba nyid du bya/ /der ni dkyil 'khor bsdu byas te/ /lha dag mnyes par byas nas su/ /khro bo de yang gshegs su gsol/ /brgya rtsa brgyad bzlas shing der 'gro /go cha chen
139b3 po gyon pa yis/ /blo dang ldan pas dbang blangs te/ /ser sna khro dang 'gyod pa dang / /phrag dog la sogs dor nas su/ /rtag tu spro bar 'gyur ba yi/ /bya ba byas na legs par
139b4 'grub| |'di ni bcom ldan rdor 'dzin gsungs/ /'phags pa rdo rje sa 'og gi rgyud las/ dpal gyi sgor drag shul spyod pa'i le'u ste bcu drug pa'o// //de nas mtshan
139b5 nyid gzhan gyis rim par phye bar gyur pa ni/ sngon du 'bum phrag gsum bzlas la de nas bu ga'i sgor lus dri zhim pos 'o ma dang nas zan za zhing 'bum phrag gsum bzla'o/ /
139b6 de nas bu ga'i 'khrul 'khor thams cad 'joms par 'gyur ro/ /de nas the tshom med par gyur pa'i yid kyis sgo drung du sreg blugs brgya rtsa brgyad byas la 'jug par bya ste/ rang
139b7 gi khyim bzhin no/ /lha ma yin gyi dbang po gzhan len gyis bsgrags pa'i gsang ba chen po bcom ldan 'das rdo rje 'dzin pas sems can thams cad kyi phyir sa 'og gi gsang ba
140a1 @#/ /chen po'i dpal gyi sgo bka' stsal pa/ rdo rje 'khor lo de bzhin du/ /rtse gsum ku mud pad+ma dang / /bkra shis dang ni dung nyid dang / /chu srin du ni mtshon
140a2 par bya| |rdo rjes gnod sbyin rnams su 'gro/ /'khor los srin po rnams 'gro ste/ /klu yi khang par rtse gsum gyis/ /rkang 'og tu ni ku mu das/ /lam po cher ni pad+mas 'gro/
140a3 bkra shis khyim gyis mdzod khyim dong / /chu srin gyis ni bud med khyim/ /'phags pa rdo rje sa 'og gi rgyud las/ /mtshan nyid kyi le'u ste bcu bdun pa'o// //de nas
140a4 rig pa 'dzin pa'i rnal 'byor gyi rim par gyur pa ni/ mun pa las ni 'das pa na/ /gang tshe sgron ma'i 'od gsal ba/ /de ni 'khrul 'khor gnas zhes bya/ /gnas der
140a5 blo ldan 'gro mi bya/ /'khrul 'khor gzhom par bya ba'i phyir/ /rdo rje 'phyar ba sbyar bar bya/ /rkang pa g.yas pa bteg nas su/ /g.yon pa'i steng du sbyar bar bya/ /lte ba'i gnas
140a6 su khu tshur gyis/ /gar gyi sbyor bas bskor bar bya/ /lag pa g.yas pa bsgrengs nas su/ /g.yon pa la ni bsnun par bya/ /steng du lag pa 'og tu blta/ /phyi ru 'di yis
140a7 bsnun par bya/ /yungs kar dang ni thal ba yis/ /bsnun pas sa ni g.yo 'gyur te/ /'khor 'khor lhod pa nyid du 'gyur/ /slar yang de yis bsnun pa yis/ /gdon mi za
140b1 bar ltung bar 'gyur/ /rkang pa mnyam par gnas byas nas/ /lag pa g.yon pa snying gar gzhag /gnas de phyi ru gar byas te/ /gang yang rung bas bsnun par bya/ /hUM dang ldan pa'i khro bo
140b2 yis| |phye mar gyur nas sa la ltung / /rdo rje 'phyar ba'i cho ga yis/ /sa la ltung ba'i 'khrul 'khor rnams/ /slan chad der ni 'byung mi 'gyur/ /'khrul 'khor med pa'i bu gar
140b3 shes| |nam mkha'i 'khrul 'khor gang bshad dang / /gang yang dug gi rlung 'byung ba/ /de yang cho ga 'di yis su/ /mthong ba tsam gyis ltung bar 'gyur/ /dam tshig shes pa blo
140b4 ldan des/ /yang na lha yi gnas mthong na/ /'phyar ba'i phyag rgyas legs bsnun zhing / /bskor zhing rab tu 'phen pa yis/ /'byung po rnams ni dgug par bya/ /de bzhin dam tshig
140b5 nyid kyang bstan/ /sgrub pa dbang bskur ldan pa dang / /las kyi cho ga mthong ba yis/ /de nyid 'di ni bstan par bya/ /gzhan du na ni 'chi bar 'gyur/ /dpal gyi sgo yi sman rnams dag
140b6 dngul chu grub pa'i mig sman sogs/ /de bzhin du bud med rnams dang ni/ /de nyid du ni mi snang 'gyur/ /gter dang gser 'gyur bu ga'i sgor/ /dbang du byed pa'ang de bzhin du/ /
140b7 dbang bskur med pa'i blo ldan gyis/ /mthong yang thob par mi 'gyur ro/ /lha ma yin gyi cho ga dang / /rdo rje sa 'og dkyil 'khor du/ /ji ltar zhugs par gyur pa yi/ /dkyil 'khor
141a1 @#/ /srung ba byas nas su/ /bla ma la ni yon phul te/ /dri dang me tog mchod par bya/ /rdo rje chu yi chus bkang nas/ /phra ba'i ras kyis mgrin bcings pa'i/ /bum pa
141a2 ldan pa'i gzhan dag gis/ /mtshan nyid de yis dbang bskur bya/ /de nas rus sbal phyag rgya bcing / /byin rlabs phyag rgya 'am de bzhin du/ /lha min phyag rgyas rjes gnang ni/ /bla
141a3 mas byin pas don kun 'grub/ /lha min rnams dang 'khrul 'khor rnams/ /sgyu ma yis ni brgyan pa rnams/ /'byed dang rab tu byed pa ni/ /rig pa 'dzin pa de yis 'grub/ /'khrul
141a4 'khor gyis min dug gis min/ /chu yis ma yin mes kyang min/ /glang po sogs min lto 'phyes min/ /de la 'khrul 'khor bzhis kyang min/ /ral gri dbyug gu mu saN+Da/ /chu bo
141a5 any+dza ga sbrul min/ /gzhan yang 'khrul 'khor sna tshogs pa/ /gsang ba'i mtshams na rten rnams kyang / /dbang bskur dam tshig dag gis ni/ /byin rlabs de la bsnun mi 'gyur//
141a6 de yi mthu yis cung zad cig /bzlas pas 'khrul 'khor thams cad 'joms/ /de ni rig pa 'dzin pa yis/ /rigs kyi byin gyis brlabs par 'gyur/ /des na 'bad pa thams
141a7 cad kyis/ /dbang bskur ba ni sbyar bar bya/ /don kun grub pa thob 'gyur zhing / /de la lhas kyang byin gyis rlob/ /dman pa'i bya ba dor bar bya/ /mngon spyod kyi ni las kyang spang / /
141b1 'bebs dang dbang du bya ba dang / gdon gyi las kyang dor bar bya/ /blo dang ldan pas rgyun du bzlas/ /nyon mongs bral ba'i snyoms 'jug gis/ /'phags pa rdo rjes 'og gi rgyud las/
141b2 rig pa 'dzin pa'i le'u ste bco brgyad pa'o// //de nas khro bo'i rgyal po rdo rjes 'og gis byin gyis brlabs pa mchog tu gsang ba'i dkyil 'khor bshad par bya'o/ /dbang
141b3 ldan gyi phyogs su bltas te 'khod la/ grong gi mtha'am/ grong khyer gyi phyogs kyi mthar rdo dang / rus pa dang / gseg ma dang / dman pa'i sol ba dang / thal ba dang / gya mo dang / so
141b4 phag dang / gnod sbyin la btsugs pa'i shing dang / mgal dum rnying pa dang / chu 'dzag pa dang / kham phor gyi phung po dor te bkra shis kyi nyin par srung ba byas la/ /kha dog lngas khru bzhi
141b5 pa/ grwa bzhi pa/ sgo'i mtshams su sgo khang dang / dkyil 'khor dbus zlum por gnas pa/ /gnas g.yas bskor du'o/ /phyogs bral gyi mtshams su zlum po ma yin pa'i dkyil
141b6 'khor ro/ /cher brtags te ri mo rdo rjes byin gyis brlab bo/ /go rim bzhin du lha ma yin gyi rgyal po rnams kyi gnas rgya mtsho chen po bri bar bya'o/ /blo gros dang ldan pas dpal
141b7 gyi sgo bri bar bya'o/ /rin po che'i rnam pa mtshan nyid dang ldan pa dang / 'khrul 'khor gyi gnas dang / sman dang / dngul chu dang / bcud len dang / grub pa'i rdzas dang / nye bar spyod
142a1 @#/ /pa dang / gtor ma dang / bum pa gang ba ste/ de rnams kyi gnas rnams thig gis gdab par bya'o/ /de nas dkyil 'khor gyi dbus su sangs rgyas bcom ldan
142a2 'das gzhag par bya'o/ /de'i g.yas su lag na rdo rje'o/ /de dang nye bar khro bo rdo rje sa 'og lag par rdo rje dgra ste can gzhag par bya'o/ /bcom ldan 'das kyi g.yon gyi drung
142a3 du byang chub sems dpa' dri ma med pa'i blo gros rnga yab 'dzin pa gzhag par bya'o/ /de nas rdo rje 'dzin pa'i 'og tu chung ma dang bcas pa'i dbang phyug gi mdun du khyu mchog
142a4 dang ldan pa gzhag par bya'o/ /de nas shar gyi sgor 'phar ma dang po la sman thams cad dang / dngul chu dang / bcud len dang / rgyan dang / gzhon nu ma la sogs pa gzhag
142a5 par bya'o/ /de nas lho'i sgor lha ma yin brgyad gzhag par bya'o/ /stobs can dang / stobs can gyi bu dang / bde mchog dang / gzhan len dang / dus kyi mu khyud dang / thags
142a6 bzang ris dang / rab sim dang / dbyig za'o/ /de nas nub kyi sgor 'khrul 'khor stong sum cu gzhag par bya ste/ de la 'khrul 'khor brgyad rnam pa dang bcas pa bri'o/ /srad bu
142a7 dang / gri gug dang / bud med dang / seng+ge dang / lug dang / mda' dang bcas pa'i gzhu dang / chu rgyun dang / sbyin dang / gnyid kyi 'khrul 'khor rnams so/ /de nas byang gi sgo'i
142b1 'phar mar bu ga brgyad rnam pa dang bcas pa bri bar bya ste/ lug gi gdong dang / chu srin gyi gdong dang /glang po che'i gdong dang / lto 'phye'i gdong dang / byi ba'i gdong dang / skyes
142b2 bu'i gdong dang / dkyil 'khor gyi rnam pa dang / ma byas pa'i gdong gi rnam pa rnams so/ /de nas mtshams rdo rjes byin gyis brlabs pa'i 'og tu sgo bral bzhi gzhag par bya'o//
142b3 me'i mtshams su me'i thab khung ngo / /rlung du chu'i thab khung ngo / /bden bral du bdug spos kyi thab khung ngo / /dbang ldan du sbrul gyi rnam pa gzhag par bya'o/ /de nas de rnams
142b4 spyan drangs la rdo rje khro bo 'bebs pa chen pos byin gyis brlab par bya'o/ /bum pa rtsa ba nag po med pa bzhi ljon pa lnga dang / sman lnga dang / rin po che lnga dang ldan pa la ras phra
142b5 ba| dri zhim pa/ skra med pas mgul ba bcings te mtshams bzhi po rnams su rdo rjes byin gyis brlabs pa la yungs kar gyis byin gyis brlabs te gzhag par bya'o/ /de nas
142b6 rdo rje'i chu dang / phyag rgyas byin gyis brlabs pa'i me tog dang / bdug pa dang / mar me dang / dri la sogs pa dang / lha bshos dbul bar bya'o/ /de nas sna tshogs pa'i ro dang / 'bras
142b7 bu dang / 'bras kyi rgyal po'i 'bras bu legs par sbyar ba/ chang dang / sha med pa'i lha bshos dang / gtor ma yid du 'ong ba dam pa rgya chen po'i 'byung po thams cad la phyogs
143a1 @#/ /dang mtshams rnams su byin la nye reg bya'o/ /cho ga bzhin du phyag rgya dang / dkyil 'khor gyi bya ba byas la khro bo'i rgyal po dpa' bo gcig pa rdo rje sa 'og
143a2 rjes su dran pas bzlas par bya'o/ /skyes bu dpa' bos byin gyis brlab pa'i don gyi phyir lha ma yin gyi phyag rgya'i 'og tu son par rkang mthil nas spyi gtsug gi bar du go chas
143a3 byin gyis brlab bo/ /ji ltar mi 'bab na/ des dri bzang po dang / bdug spos kyis bdugs la/ ras dkar po phra bas gdong g.yogs te lag pa rdo rje thal mo'i phyag rgya sbyar la
143a4 las kyi gru la rkang pa gnyis bzhag ste yon phul la/ /rna ba dam tshig gi byin gyis brlabs pas sangs rgyas dang / chos dang dge 'dun dang / byang chub sems dpa'i rigs rnams
143a5 kyi dam tshig phye ba rnams dang dam tshig mtshungs par 'gyur ro/ /'di lta bu'i dam tshig thos nas me tog dor bar bya'o/ /gang gi steng du lhung ba de'i lha'i rigs so/ /thog mar
143a6 phyag rgya bcings pas byin gyis brlabs nas de la yon dbul bar bya'o/ /de nas rdo rje zhags pa'i phyag rgyas dkyil 'khor bsdus te cho ga bzhin du phyag rgya dang / sngags lha
143a7 rnams gshegs su gsol bar bya'o/ /de nas dkyil 'khor mthong nas dam tshig dam pas byin gyis brlabs pa dang / gsang sngags thams cad kyis byin gyis brlabs
143b1 pa dang / legs par bgrod pa dang / 'dod pa'i don thams cad kyi dngos grub thob pa dang / 'dul ba rnams la rab tu sbyor ba dang / rgyun rnams kyi 'gog pa dang / 'ching ba dang / ston
143b2 pa dang / byed pa dang / bskyod pa dang / phur bus bsnun pa dang / 'byed pa dang / rgyud thams cad kyi don thob pa dang / sgrog pa dang / dpyod pa dang / zlos pa dang / sgom pa dang / rnal 'byor
143b3 du byed pa dang / gdug pa thams cad la drag shul spyod pa dang / gzhon nu ma rnams dang / 'khrul 'khor rnams 'byed pa dang / gcod pa dang / sgrub pa dang / rnam pa thams cad du
143b4 don thams cad grub pa rnyed pa 'di bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las/ grub pa'i dkyil 'khor gyi bya ba sa 'og gi rdo rje dpa'
143b5 bo gcig pa'i le'u ste bcu dgu pa'o// //de nas gzhan yang las rgyas pa'i rim par bye ba ni/ rdo rje bsnun pa'i shing las rdo rje byas la 'bum phrag gsum bzla bar bya'o/ /
143b6 de nas zla ba nya ba la mchod pa byas te lag mthil du bzung la ji srid tsi Ti tsi Ti zhes sgrog gi bar du bzla bar bya'o/ /de nas 'grub par 'gyur ro/ /'khrul 'khor thams cad 'joms par
143b7 'gyur ro/ /sreg par 'gyur ro/ /de nas bud med rnams mchod yon bzung nas 'ong bar 'gyur ro/ /de nas 'khrul 'khor med par 'jug par byed do/ /gang 'dod pa'i rdzas de la ster
144a1 @#/ /ro| |bcom ldan 'das lha'i lhas phyag byas shing mchod pa/ rig pa'i rgyal po chen po'i bdag po dpal dang ldan pa'i khro bo'i rgyal po 'di ma bsgrubs
144a2 kyang las rnams byed par 'gyur ro/ /lha ma yin gyi bu mo la dmigs te bu ga'i sgor stong phrag brgya bzla bar bya'o/ /lha ma yin gyi bu mo bskyod par 'gyur ro/ /nad mi bzad
144a3 pas bzung nas stong phrag brgya po yongs su rdzogs pa 'ong bar 'gyur ro/ /gal te mi 'ongs na dug dang bsres pa la yungs kar skya bor sbyar ba'i sreg blugs stong phrag
144a4 brgyad seng ldeng gi sol ba la bya'o/ /'ong bar 'gyur ro/ /gal te mi 'ongs na/ kA ra bI ra'i me tog dmar pos sreg blugs stong phrag brgyad bya'o/ /de nas rdo rje la bsnun pas
144a5 ci nas kyang 'ong bar 'gyur ro/ /de nas skyes bu dpa' bo'i lag pa nas bzung nas 'jug par bya'o/ /rdo rje lag par bcangs la 'jug par bya'o/ /yang na rdo rjes bsnun pa'i
144a6 shing la 'khor lo byas la dur khrod du ni ma pa'i sol ba la tsha ba'i mar khu dang bsres te swAhA'i yi ge dang ldan pas stong phrag brgyad sreg blugs bya'o/ /de nyid du 'grub par 'gyur
144a7 ro/ /dug dang / khrag dang / yungs kar skya bo bsres te stong phrag brgyad sreg blugs byas pas bu ga'i sgo 'bye bar 'gyur ro/ /de nas bu ga'i sgor ba lang gi lci bas dkyil 'khor
144b1 nye bar byugs la steng du dris byugs te/ de nas rdo rje des de'i steng du rdo rje bri bar bya'o/ /de nas rdo rje de lag pa g.yas par bzung la yungs kar la cung zad cig bsngags te stong phrag
144b2 brgyad sreg blugs bya'o/ /ci bde bar rdzas bzung nas 'ong bar 'gyur ro/ /de gzung bar bya'o/ /gal te mi 'dod na/ de rnams dang lhan cig tu 'jug par bya'o/ /yang na gter 'don
144b3 par 'dod pas lcags las byas pa'i phur bu bzhi la lan nyi shu rtsa gcig bzlas te phyogs bzhir btab la gsang sngags bzla bar bya'o/ /de nas der gter 'byung bar 'gyur
144b4 ro/ /'di ni/ bcom ldan 'das rdo rje 'dzin pas bka' stsal to/ /na mo rat+na tra yA ya/ na ma sh+tsa NaDa badzra pA Na ye/ ma hA yak+Sha se nA pa ta ye/ oM badzre badzre Ni/ badzro t+ta re/ badzrA bi dza ye/ badzrA
144b5 pa ra dzi ti/ badzra swAhA/ li ni hUM phaT hUM phaT swA hA/ rdo rjes bsnun pa'i shing la sor brgyad pa'i rdo rje rtse gcig pa byas te tsan+dan dmar po las byas pa'i rdo rje'i rnam pa sor bcu drug pa'i stan
144b6 byas la de'i steng du rdo rje bzhag la gso sbyong dang ldan pas thams cad la tsan+dan gyi rang bzhin du byas te dpal gyi sgor gzhag par bya'o/ /lo ma dang / nas zan dang / slong ba za zhing 'bum
144b7 phrag gsum bzla bar bya'o/ /de nas 'khrul 'khor thams cad ltung bar 'gyur ro/ /de rnams rang nyid 'ongs nas 'jug par byed do/ /gal te de rnams ma 'ongs na/ las gzhan yang
145a1 @#/ /bshad par bya ste/ yungs kar skya bo dang / dug dang / khrag bsres pas stong phrag brgyad bzung la re re la yongs su bzlas te rdo rje la bsnun pas de nas
145a2 'ongs te lag nas bzung nas 'jug par byed do/ /skyes bu dpa' bos las su gyur pa gzhan yang dug dang khrag bsres pas stong phrag brgyad sreg blugs byas pas de nas
145a3 'ong bar 'gyur ro/ /rdo rje bzung la 'jug par bya'o/ /zhes bcom ldan 'das rdo rje 'dzin pas bka' stsal to/ /de nas las gzhan yang bshad par bya ste/ lo ma la sogs
145a4 pa za zhing dus gsum du khrus byas la mi smra ba'i brtul zhugs kyis 'bum phrag gsum bzla bar bya'o/ /de nas rdo rjes bsnun pa'i shing la mthe bong tsam gyi rdo rje cha shas
145a5 bcu drug pa rtse mo gsum pa byas te tsan+dan dmar ba'i khri la rdo rje de gzhag par bya'o/ /me tog dmar po dag dri la sogs pa rnams kyis mchod de gtor ma byin la nyin mtshan
145a6 du gso sbyong dang ldan pas kA ra bI ra'i me tog gis rdo rje la brgyad brgyar bsnun par bya'o/ /de nas rnam pa gsum 'grub par 'gyur te/ rdo rje la tsi Ti tsi Ti 'byung ba dang / bu
145a7 gar du ba'i sdong bu 'byung ba dang / gzhon nu ma rnams 'ong bar 'gyur ro/ /gang gi tshe zhugs shig ces smra na/ de nas 'jug pa'i dus su nyin mtshan du gso sbyong la gnas pas
145b1 ltas brtag par bya ste/ gang gi tshe rdo rje la tsi Ti tsi Ti zhes sgrog na/ 'khrul 'khor rnams 'byed pa yin no/ /gang gi tshad du ba 'byung bar mthong na/ de nas 'khrul 'khor thams cad
145b2 'jig pa yin no/ /de nas rang gi khang pa bzhin du 'jug par bya'o/ /gang 'dod pa'i rdzas des ster bar 'gyur ro/ /gal te mi 'dod na/ bu ga'i sgo de nyid du arga'i yam shing
145b3 dam/ seng ldeng gi yam shing la me rab tu sbar te yungs kar skya bo rnams dang rang gi khrag bsres la stong phrag brgyad sreg blugs bya'o/ /de nas gzhon nu ma rnams 'ong ngo / /
145b4 'ongs nas kyang lag nas bzung ste 'jug par byed do/ /ji ltar 'dod pa'i rdzas rnams ster ro/ /gzhan du na bud med de rnams 'chi bar 'gyur ro/ /tshon sna lnga'i srad bus
145b5 dkyil 'khor gdab par bya'o/ /rdo rje sa 'og gi rgyud las/ rgyas pa'i le'u ste nyi shu pa'o// //de nas bcom ldan 'das khro bo'i rgyal po nges sa 'og chen po'i
145b6 cho gar gyur pa ni/ gzhon nu mas bkal ba'i srad bu las ba lang gi gcin gyis bkrus te gso sbyong dang ldan pa'i thags mkhan gyis nag po'i phyogs kyi bcu bzhi pa'am/
145b7 brgyad pa'am/ yang na nya la rnam par bral ba'i phyogs su de bzhin gshegs pa la gsol ba btab ste dri dang / me tog dang / bdug pa la sogs pa rnams kyis mchod la/
146a1 @#/ /rgya chen po'i gtor ma dang / lha bshos byas te bde bar gshegs pa'i mtho gang las lhag pa ji tsam 'dod pa'i tshad kyis bris sku 'tsham par byas la/ de la
146a2 rin chen dang / sman dang / 'brus byin gyis brlabs pa'i bum pas mchod yon sbrengs la gtor ma dang / lha bshos rgya chen po byas te/ ji ltar 'byor ba'i dge slong la gya
146a3 nom pa'i bza' bas tshim par byas nas ji ltar 'dod pa'i dngos grub tu smon te yan lag brgyad pa'i gso sbyong dang ldan pa'i ri mo mkhan la srung ba byas la dpa' bos rin
146a4 thang nges pa mi gzung bar yon byin te/ kha dog ma 'dres pas bcom ldan 'das khro bo'i rgyal po dpa' bo gcig pa rdo rje sa 'og chen po bri bar bya'o/ /baiDUR+ya sngon po dang sprin chen
146a5 po 'dra ba/ sbrul gyi mchod phyir thogs 'chang ba/ klu'i rgyal po nor rgyas kyi ska rags byas pa/ dga' bo dang stobs kyi rgyus rna ba brgyan pa/ a shi bi shas lag pa dang rkang pa
146a6 brgyan pa/ stag gi pags pa'i sham thabs can/ spyan gsum pa 'jigs byed chen po Ta Tas bzhad pa/ mche ba gtsigs shing 'bar bas 'khrugs pa/ thams cad rab
146a7 tu 'bar ba'i 'od kyi tshogs can phyag bzhi pa/ phyag g.yas par 'od zer chen po'i dkyil 'khor can gyi rdo rje rtse gsum pa'o/ /gzhan par chu srin gyi gdong gi rnam pa'i lcags
146b1 kyu'i sor mos me tog gi sdong bu ltar 'gugs pa'o/ /g.yon par lto 'phye chen po bskyil ba'i zhags pa'o/ /gnyis pa'i 'og tu son par bgegs rnams dang / lha ma yin rnams
146b2 dang / klu dang / gnod sbyin la sogs pa rnams la bsdigs pa'o/ /'og tu rgya mtsho chen po bri bar bya'o/ /de'i dbus su ri bo chen po'i steng du pad+ma chen po la bzhugs pa ni/ bcom
146b3 ldan 'das so/ /rgya mtsho chen po de'i nang du lus phyed nub pa'i 'og tu lta ba'i lha ma yin chen po brgyad bri bar bya'o/ /bcom ldan 'das kyi steng du 'od kyi dkyil 'khor gyi drung du pad+mo'i gdan
146b4 la bzhugs pa dang / khro bo'i gdan la bzhugs pa steng du phyag brkyangs nas khro bo chen po dbugs 'byin par mdzad pa de bzhin gshegs pa'i sku 'od dpag tu med pa dang / mi bskyod
146b5 pa dag bri bar bya'o/ /de lta bu'i bris sku yongs su rdzogs pa dang / rig pa 'dzin pa gcig pus mi smra ba'am/ grogs bzang po dang bcas te/ ri bo'am/ sgra med pa'i phug rnying pa'am/
146b6 shing gcig pa'i gnas ji ltar rnyed par lo ma dang / 'bras bu dang / 'o ma dang / slong ba za zhing sdigs pa bshags la bsod nams la rjes su yi rang ba dang / chos la dga' bas
146b7 bris sku rab tu gnas par bya ste/ 'bum phrag bcu bzla'o/ /cho ga 'dis hUM zhes brjod pas ri rab kyang phye mar rlog cing rgya mtsho yang skem mo/ /lha'i gnas ltung bar byed do/ /de lta
147a1 @#/ /bus sngon du bsnyen pa byas te dpal gyi sgo'i sgor bris sku bzhag la stong phrag bcu bzla'o/ /gang de'i nye bar gnas pa rnams der 'ong ngo / /thams cad la
147a2 bka' bsgo bar bya'o/ /dngul chu dang / bcud len dang / mig sman dang / grub pa'i rdzas la sogs pa ster ro/ /sgo 'byed par 'gyur ro/ /sbyin thams cad kyis gos par mi 'gyur
147a3 ro| |sgra med par byed do/ /chu rgyun skem par 'gyur ro/ /'khrul 'khor thams cad ltung bar 'gyur ro/ /sdig pa thams cad bral bar 'gyur ro/ /mar dang 'bras yos kyi sbyin
147a4 sreg gis zhi bar byed do/ /mar dang 'o ma'i sbyin sreg gis stobs 'phel bar byed do/ /mar dang tan+tu la'i sbyin sreg gis nad chen po zhi bar byed do/ /dug dang khrag gi sbyin
147a5 sreg gis log par 'dren pa rnams gsod par byed do/ /nim pa'i lo ma'i sbyin sreg gis skrod par byed do/ /byi ba'i sbu dang / rang gi khrag bsres pa'i sbyin sreg gis lha ma yin chen
147a6 po'i bu mo 'gugs par byed do/ /sre mo'i spu'i sbyin sreg gis klu rnams 'gugs par byed do/ /'di yi cho gas rtog pa gzhan du bshad pa thams cad kyang 'grub par 'gyur ro/ /
147a7 'di ni/ bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las/ thams cad sgrub par byed pa'i le'u ste nyi shu gcig pa'o// //de nas
147b1 'khrul 'khor 'joms par byed pa rgyal ba'i rim par phye bar gyur pa ni/ seng+ge dang / stag dang / glang po'i dbang po dang / rta dang / khyu mchog dang / lug dang / bse ru dang / dom dang /
147b2 spre'u dang / phag dang / ma he dang / ri dwags te/ 'khrul 'khor bcu gcig sprul pa legs par sbyangs pa/ sa 'og gi sgo gtan gyi 'khrul 'khor bsdams pa la khu tshur 'phyar
147b3 bas bsnun par bya'o/ /rdo rjes bsnun pa ltar 'jig par 'gyur ro/ /'ug pa bya rog bya rgod dang / /khra dang lo ma brgya pa dang / /mkha' lding bzhad dang gtsug phud dang / /'khrul 'khor
147b4 'di dag rab grags pa/ /sa chen po la bsdigs pa yis/ /the tshom med par bsnun par bya/ /ral gri mu saN+Di sgo glags/ /'khor lo sprul dang dbyug gu dang / /skyes bu gzhu yi lag
147b5 pa dang / /spu gri zhags pa 'dzin pa la/ /mda' chen blo gros ldan pas bsnun/ /rlung gi 'khrul 'khor me'i 'khrul 'khor/ /bkres dang gnyid dang 'dar ba dang / /mgo nad dang ni mig
147b6 nad la| |'khor lo'i gur gyis bsnun par bya/ /bzhi pa'i 'od li chu bo'i rgyun/ /dug gi rlung dang mun nag dang / /chu srin rus sbal byi ba dang / /sbal pa sdig pa de bzhin du/ /ka ka ru yis
147b7 gcod pa la/ /rdza rnga rdung ba'i skyes bu yis/ /rdo rje bsdigs pas bsnun par bya/ /gar gyi sbyor ba'i de nyid kyis/ /gzhan yang 'khrul 'khor du ma ni/ /rlung dang me ru rab grags pa/ /sa
148a1 @#/ /dang chu yi zug rngu dang / /nam mkha' dug dang lhan cig pa/ /thams cad rkang 'og rdo rje yis/ /gar gyi sbyor bas bsnun par bya/ /rdo rje bsdigs pa'i sbyor ba
148a2 yis| |rdo rje khu tshur gyis ni bsnun/ /bsnun pas 'khrul 'khor thams cad ni/ /gdon mi za bar ltung bar 'gyur/ /nyi ma dang ni rdor 'dzin yang / /dpal ldan gyis bsnun
148a3 g.yo 'gyur na/ /phal ba'i 'khrul 'khor smos ci dgos/ /lha min bu mo rnyed dka' min/ /ral gri 'khor los dbyug gu sogs/ /'do li a dza ga ra dang / /gsang ba'i mtshams
148a4 kyi sgo glegs dang / /bung ba'i phreng ba de bzhin du/ /drag po'i sgra dang gad rgyangs tshe/ /tshar gcod pa ru gang gyur pa/ /phyi rol tu ni cho ga des/ /ji ltar 'joms pa de bzhin
148a5 bsnun| |khros pas mche bas mchu mnan te/ /sa 'og bzlas pas bsnun par bya/ /khron par 'jug pa'i 'khrul 'khor ni/ /de ni 'og gi 'khrul 'khor bshad/ /dpal gyi sgo
148a6 ni gang tshe mthong / /bzang yang mtshan nyid nyams pa dang / /sra ba'i mtshams dang sbas pa dang / /ri mo yis ni yongs bres pa/ /de la sa ga'i cho ga yis/ /lag pa steng du byas nas su//
148a7 rdo la brgyad brgya bzlas nas kyang / /mtshams la drag tu brdeg par bya/ /bsnun pa tsam gyis 'khrul 'khor de/ /gdon mi za bar mthong bar 'gyur/ /bya rog mchu dang dbyug
148b1 gu dang / /mtho ba 'ching ba'ang de bzhin te/ /rus sbal phyag rgya'i cho ga yis/ /g.yas las gzhan pas reg par bya/ /phur bu bcing bar byas nas su/ /bya rog mchu la gzer bar bya/
148b2 g.yon brkyang ba'am/ mnyam pa yis/ /g.yas pa mos ni da bskor ro/ /'khrul 'khor gyis ni mtshams rnyed 'gyur/ /de ni myur bas gdon par bya/ /de nas pus mo g.yas
148b3 bskums te/ /rkang pa g.yon pa brkyang bar bya/ /mtho bas phur bu la bsnun pas/ /mtshams kyi 'khrul 'khor bskyod par 'gyur/ /rdo rje khro ba de ma thag /gsang sngags bzlas
148b4 las gdon par bya/ /der ni du ba 'byung ba na/ /rlung gi 'khrul 'khor gyis byas yin/ /ge sar rgya spos ru rta dang / /pu nar na ba khyab 'jug gnon/ /de dag rnams las bdug pa bya//
148b5 rlung gi 'khrul 'khor zlog par 'gyur/ /'di ni/ bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las/ 'khrul 'khor 'joms pa rgyal ba
148b6 zhes bya ba'i le'u ste nyi shu gnyis pa'o// //de nas rdo rje khro bos bcom ldan 'das la 'di skad ces gsol to/ /bcom ldan 'das nyid kyis rnam par rgyal ba rdo rje'i rgyud
148b7 chen po bka' stsal lags na/ bdag kyang rig pa 'dzin pa rnams la sman pa'i slad du bshad pas bcom ldan 'das la zhu'o/ /bcom ldan 'das/ rig pa 'dzin pa ji ltar gnas par
149a1 @#/ /bgyi| ji ltar rig pa sgrub par bgyi/ de skad ces gsol pa dang / bcom ldan 'das phyag na rdo rje gsang ba pa'i bdag pos rdo rje khro bo la 'di skad ces
149a2 bka' stsal to/ /rdo rje khro bo/ khyod kyis sems can thams cad la phan pa'i phyir rig pa 'dzin pa 'grub pa'i rgyu dris pa legs so legs so/ /rig pa 'dzin pas ji ltar
149a3 rig pa sgrub pa rdo rje khro bo nyon cig /de la re zhig dang por rig pa 'dzin pas bslab pa'i gnas lnga yongs su bzung la byang chub kyi sems bskyed de byams pa chen po dang /
149a4 snying rje chen po dang / dga' ba chen po dang / btang snyoms chen po la gnas pa de'i rig pa 'dzin pa'i 'dul ba ngas bshad par bya'o/ /dang por re zhig bzlas pa'i phreng ba
149a5 yongs su bzung ste nor bu dang / bus 'tsho ba dang / drag po'i ril bu dang / tsan+dan dmar po dang / rdo rje'i mig rnams las drag po'i mig khyad par du 'phags pas de brgyu
149a6 ba'i sngags su gyur pa ni/ na mo badzra pA Na ye/ oM ki ri ki ri rau dri Ni swA hA/ sngags 'dis phreng ba brgyu bar bya'o/ /de nas slob dpon las gnang pa nod de slob dpon la
149a7 phul du byung ba'i yon phul la sngags bzla bar bya'o/ /de lta bu'i bya ba dang ldan pas sngags bsgrubs pas nges par 'grub par 'gyur ro/ /bgegs rnams kyis bar du
149b1 gcod par mi 'gyur ro/ /dkyil 'khor du ma zhugs na tshig tsam yang sbyin par mi bya na/ sngags 'grub pa lta ci smos/ de lta bu'i yon tan dang ldan pa la sngags 'grub pa gsang
149b2 ba bshad par bya'o/ /rig pa 'dzin pas zhi ba dang / rgyas pa dang / mngon spyod dang / dbang du bya ba dang / gsod pa dang / bskrad pa rnams bsgrub pa'i don du gnas yongs su
149b3 gzung bar bya'o/ /de la re zhig gnas su gyur pa ni/ ri'i rtse mo dang / shing gcig pa dang / dur khrod dang / ring bsrel can gyi mchod rten rnams su bum pa rtsa ba nag po med
149b4 par nor bu dang / 'bru dang / sman thams cad kyis yongs su bkang la bcom ldan 'das kyi mdun du brgyad brgya bzla'o/ /oM a mr-i te hUM phaT/ 'khrul 'khor gyi gnas su
149b5 sngags 'dis bzla bar bya'o/ /de nas sa'i phyogs su bum pa la khro bos bsngags te thams cad la bsang gtor bya'o/ /chu'i rgyun ma chad pas thams cad la bskor ba bya'o/ /
149b6 dug dang khrag dang yungs kar bsres pas arga'i shing la me sbar la stong phrag brgyad bsregs la 'di skad ces kho bos gnas 'di yongs su gzung ngo / /zhes brjod par bya'o//
149b7 de nas rig pa 'dzin pa de'i rig pa rnams dang / gzhan yang glags lta ba 'jug pa'i go skabs rnyed par mi 'gyur ro/ /ji ltar 'dod par sems pa bsgrub par bya'o/ /cho ga gang sgrub na/
150a1 @#/ /de nas rig pa 'dzin pas ba lang gi 'o ma dang / nas dang / 'o ma dang / /slong ba za zhing de bzhin gshegs pa la phyogs pas 'bum phrag gcig bzla
150a2 bar bya'o/ /sngags kyi mthar gsol ba gdab par bya ste/ gang gi tshe bcom ldan 'das/ bdag gi sgrub pa 'di gdon mi za bar 'grub par 'gyur ba de bdag la bka' stsal
150a3 du gsol zhes brjod la/ de nas rje btsun sangs rgyas kyi mdun du nag po'i brgyad pa'i nyin mtshan gso sbyong dang ldan pas dgong ga'i dus su ji ltar nus pas mchod pa byas
150a4 te ku sha'i chun po'i steng du bsdad la de bzhin gshegs pa la mngon du phyogs te rig pa khor mor ji srid gnyid ma byung ba de srid bzla bar bya'o/ /de nas der ku sha sdom pa la
150a5 nyal te gnyid kyi mtshan mo thun tshod phyi ma la lha de nyid grub pa yang bka' stsol bar 'gyur ro/ /gal te mi gsung na/ nyi ma phyi ma la de bzhin du mchod pa'i cho gas bcom ldan 'das
150a6 spyan dang lhan cig pa mchod de sna ma'i me tog la brgyad brgya yongs su bzlas la phyogs bzhir gtor te ji srid gnyid ma byung ba de srid kyi bar du bzla bar bya'o/ /nges par
150a7 gsung bar 'gyur ro/ /de nas the tshom med par slar yang sngar bshad pa'i cho ga bzhin du gsang sngags chen mo 'bum phrag gsum dang / stong phrag brgyad bzla bar bya'o/ /de
150b1 nas sbyin sreg gi cho ga ni/ mngon spyod la stegs bu gru gsum pa bya'o/ /rgyas pa la gru bzhi'o/ /zhi ba la zlum pa'o/ /sgrub pa chen po la pad+ma'i rnam pa'o/ /dbang du bya ba la lcags
150b2 kyu'i rnam pa'o/ /rig pa dang lhan cig tu dri zhim po'i me tog dang / yam shing bsreg par bya'o/ /mngon spyod la dur khrod kyi shing la tsha ba gsum dang / skye tshe dang / yungs kar
150b3 dang / lan tshwa dang / thal ba dang khrag la sogs pas khro bo la sreg blugs bya'o/ /zhi ba la sman gyi ljon pa'i yam shing gis so/ /rgyas pa la 'o ma can gyi yam shing gis so/ /zhi
150b4 ba la me tog dang dri dkar pos so/ /rgyas pa la me tog dang dri ser pos so/ /mngon spyod la me tog dang dri dmar pos so/ /dkon mchog gsum la phyag 'tshal ba dang ldan pa'i
150b5 sngags kyis thun gsum du las bya'o/ /sgrub pa chen po la dkon mchog gsum la phyag 'tshal ba dang ldan pas las bya'o/ /zhi ba la skyil krung gis so/ /rgyas pa la tsog pus so//
150b6 mngon spyod la rkang pas rkang pa mnan pas so/ /zas mi za bar sreg blugs bya'o/ /sgrub pa chen po dang / zhi ba la hUM gi yi ge bzla'o/ /mngon spyod la phaT kyi yi ge'o/ /zhi ba la srod kyi thun
150b7 la'o| |rgyas pa la snga dro'i thun la'o/ /mngon spyod la nyi ma gung ngam nam gung gi dus su kha lhor bltas te las bya'o/ /sgrub pa chen po dang zhi ba la kha shar du phyogs pas so/ /
151a1 @#/ /rgyas pa la byang du phyogs pas so/ /dbang du bya ba la byang du phyogs pas so/ /sangs rgyas bcom ldan 'das kyi spyan sngar lha la mchod pa byas te rgyas
151a2 pa'i las bya'o/ /dur khrod dang / rtags gcig par dbang du bya ba la mngon spyod do/ /zhi ba la sogs pa la me spar te bya'o/ /gang gi tshe der me bzang por gyur na/ de nas
151a3 las 'grub par 'gyur ro/ /thog ma kho nar sngags kyis lha spyan drangs te phyis bcing bar bya'o/ /thog mar de ltar ma byas na/ rig pa 'grub par mi 'gyur ro/ /spyan
151a4 drangs nas dri'i chus gang pa'i snod du me tog dkar po dang ldan pa la sangs rgyas bcom ldan 'das kyi spyan sngar phyogs te gsang sngags brgyad brgya bgrang bar bya'o/ /
151a5 sgrub pa chen po 'byung ba'i mtshan ma rnams 'byung ste/ glo bur du dung gi sgra'am/ 'brug gi sgra thos pa dang / dri zhim po byung na/ de nas rig pa'i lha 'ongs par shes
151a6 par bya'o/ /gal te ma 'ongs na/ bcom ldan 'das spyan dang lhan cig pa la sngar bzhin du mchod yon bzung ste brgyad brgya bzla'o/ /'ong bar 'gyur ro/ /byon pa dang / dkyil
151a7 'khor bcing ba dang / phyogs bcings la gtor ma dang / lha bshos dbul bar bya'o/ /de nas mig sman dang / ldong ros la sogs pa rnams bsgrub par bya'o/ /sngon
151b1 du sbyangs te phyis bsgrub par bya'o/ /mig sman dang / ldong ros la sogs pa rnams la nyin mtshan du 'o mas bran zhing gzhag go /de nas bton la ji ltar nus pas dge 'dun la
151b2 dga' ston bya'o/ /skar ma rgyal la sangs rgyas bcom ldan 'das kyi spyan sngar mchod pas mchod la ras dkar po ma nyams pas g.yogs te bsod nams mchod la brtag
151b3 par bya'o/ /brtags pa na sngon gyi mtshan ma byung na/ las 'grub par shes par bya'o/ /mtshan ma gzhan yang sil snyan gyi sgra dang / dung gi sgra dang / rgyal ba'i sgra byung na/ sil
151b4 snyan gyi sgras rig pa 'dzin pa chen po 'grub par 'gyur ro/ /rgyal ba'i sgras mkha' la 'gro ba 'grub par 'gyur ro/ /dung gi sgras dbang du byed pa 'grub par 'gyur ro/ /rdzas
151b5 btags te ming med kyis ril bu lnga bya'o/ /ras ma nyams pa'i steng du bzhag ste grib ma la bskam par bya'o/ /de nas a shwat+tha'i shing gi steng du bzhag nas zhag bdun du lhag
151b6 par gnas par bya'o/ /de nas thog ma sgrub pa'i nyin mo snga dro'i tshe yongs su lhung bas bsnun pa la lan stong phrag gcig bsngags te/ de nas phye ma red sgrub pa la 'jug par bya
151b7 ste| a shwat+tha'i lo ma bzhi g.yas bskor du bskor ba la bzhag ste gsum gyis dgab bo/ /a shwat+tha'i lo ma rnams 'di lta bu'i gnas nas blang bar bya ste/ ljon shing gzhan
152a1 @#/ /gyi grib mas ma phog pa dang / lha'i khang pas ma phog pa dang / dur khrod du skyes pa rnams kyi a shwat+tha'i lo ma yongs su gzung bar mi bya'o/ /de
152a2 dag las gzhan gnas bsngags pa'i a shwat+tha'i shing gi lo ma rtse mo dkar po rnams kyi steng du grub pa'i rdzas cha gsum du byas te bla ma dang / bdag nyid dang / lhan cig
152a3 pa rnams kyi'o/ /rdo rje dang / 'khor lo dang / ral gri rnams su blos brtags nas de dag thun tshod lngar yongs su bskams te/ de nas pa lang gi lci ba'i tshogs kyi dbus su
152a4 bcug la zhag nyi shu rtsa gcig tu gzhag go /de nas bton te ba'i rnam lngas bkrus la de nyid du zhag bdun lhag par gnas par byas te yongs su ltung bas bsnun pa la stong
152a5 phrag brgyad yongs su bzlas la/ de nas sgrub pa la 'jug go /mig sman de dang / ru rta dang / rgya spos dang / lo dra rnams bsres la bcom ldan 'das spyan ma'i snying po stong phrag
152a6 brgyad mngon par bsngags te/ sgrub pa'i dus su mig la byugs pas gnyid mi 'byung ngo / /gzhan yang sman du gyur pa ni/ a ba marga dkar po'i rtsa ba dang / shu dag skya bo
152a7 dang / ru rta dang / rgya spos dang / gi wang dang / gur gum dang / tsan+dan dkar po dang / thog mar ring bsrel can gyi mchod rten gyi mdun du zhag gsum du smyung ba byas te rda
152b1 rje go cha'i sngags stong phrag brgyad mngon par bsngags so/ /de nas sgrub pa'i dus su ba lang gi gcin dang btags te lus la yongs su bskus nas sgrub pa la 'jug go /lha dang / klu dang /
152b2 gnod sbyin dang / rig pa 'dzin pa dang / log 'dren thams cad kyis rgyang nas 'od dang ldan pa'i me'i phung po ltar 'bar bar mthong ste/ mthong nas phyag 'tshal bar 'gyur ro/ /
152b3 'jig rten dang 'jig rten las 'das pa thams cad kyi rigs rnams mtshungs par 'grub par 'gyur ro/ /gang gi tshe rig pa 'dzin pas rdzas grub par gyur na/ de nas sngon bzhin bcom
152b4 ldan 'das spyan ma'i sngags kyis me tog dkar po la brgyad brgya bzlas la rdzas kyi dbus su bcug pas rdzas brtan par 'gyur ro/ /gzhan du na dngos grub 'phrog par 'gyur ro/ /gal
152b5 te rig pa 'dzin pas gsang sngags grub par ma gyur na/ rig pa 'dzin pa des 'di ltar bya ste/ rgya mtsho chen por 'bab pa'i chu bo'i 'gram du rten cing 'brel bar 'byung ba'i snying
152b6 po can gyi mchod rten khru gang ba brgyad brgya byas la/ mchod rten re re la ji ltar nus pa'i dri dang / me tog dang / bdug spos phul te dus gsum du byang chub kyi sems bskyed
152b7 la sdig pa bshags te re re'i mdun du stong phrag brgyad dam/ brgyad brgya bzla'o/ /gal te mtshan ma ma byung na/ cho ga 'dis mchod rten stong phrag gcig byas te/ de'i nub
153a1 @#/ /phyogs ma yin pa'i mchod rten 'bar na/ las kyi sgrib pa zad par shes par bya'o/ /de nas gang ci sgrub pa de thams cad 'grub par 'gyur ro/ /sgrub
153a2 pa chen po brtsams nas las gzhan dbab pa dang / gsod pa la sogs pa rnams mi bya'o/ /gal te byas na/ rig pa 'grub par mi 'gyur ro/ /long ba dang / sgur bo dang /
153a3 rlig rlugs dang / 'on pa dang / sen mo ngan pa dang / sha bkra can dang / lus zha ba dang / spo nag pa rnams kyis sgrub pa chen po 'grub par mi 'gyur ro/ /gzhan gza' la
153a4 sogs pa 'grub par 'gyur ro/ /mi gang sangs rgyas dang chos la dad pa dang ldan pa dang / 'dun pa dang ldan pa dang / sen mo zangs kyi mdog can dang ldan pa dang / pha ma la
153a5 gus pa dang / bla ma la sri zhu che ba des thams cad 'grub par 'gyur ro/ /rig pa 'dzin pas sngags sgrub pa sngon bzhin sgrub pa dang ldan na/ tshe'i dus byas kyang gang 'dod pa sems
153a6 shing shibs/ de shi ba tsam gyis de dang der skye bar 'gyur te/ rig pa 'dzin pa'i 'khor los bsgyur ba chen po'am/ yang na rig pa 'dzin pa'i rigs sam/ dbang phyug chen
153a7 po'i rigs sam/ gdol pa'i rigs 'dzin pa'i rigs de lta bu'i rim pa gang 'dod pa'i bsam pas sngags bsgrubs pas de lta bu'i rigs su 'grub par 'gyur ro/ /sgrub
153b1 pa chen po la 'bad pa'i rig pa 'dzin pas rdo rje dang / 'khor lo dang / rtse gsum dang / dbyug gu dang / zhags pa dang / mdung thung dang / dbyug tho dang / pad+ma dang / dung dang /
153b2 lcags kyu dang / spyi blugs la sogs pa rnams la rkang pas brdzi bar mi bya'o/ /sa la bris pa yang de bzhin du bya'o/ /'di ltar rdo rje 'chang ba'i rdo rje dang / khyab 'jug gi 'khor
153b3 lo dang / lha chen po'i rtsa gsum dang / gshin rje'i dbyug gu dang / chu lha'i zhags pa dang / gzhon nu'i mdung thung dang / stobs lha'i dbyug tho dang / byang chub sems dpa'
153b4 rnams kyi pad+ma dang / rdo rje lcags kyu'i lcags kyu dang / tshangs pa'i spyi blugs te/ phyag rgya chen po'i dngos grub gang thob par 'dod pas bdag nyid kyis rdo rje la sogs pa de dang de
153b5 dag phyag rgya chen po'i rkang pas brdzi bar mi bya'o/ /gang gi tshe rig pa 'dzin pa'i gsang sngags bsgrubs pa na rig pa'i lha dngos grub mi ster na/ des las 'dis rig pa mnyes par bya
153b6 ste| dri thams cad kyis rig pa'i lha'i gzugs brnyan byas la/ bcom ldan 'das phyag na rdo rje'i zhabs kyi drung du bzhag ste zhag gsum du myung bar gnas la nag po'i brgyad
153b7 pa'am/ nag po'i bcu bzhi la spyan dang lhan cig pa'i rig sngags kyis sna ma'i me tog stong phrag brgyad de'i gzugs brnyan gyi snying gar brdeg par bya zhing / mar nag dang mar
154a1 @#/ /bsres pas stong phrag brgyad sreg blugs byas la/ de nyid du 'khod de ji ltar nus pa'i mchod pa dang / gtor ma'i cho ga bya'o/ /de nas rig pa 'dzin pa
154a2 de rangs pas gnyid log pa dang / ston par 'gyur ba'am/ rjes su gdams pa ston par 'gyur ro/ /gal te ma 'ongs na/ nyi ma phyi ma la de bzhin du gtor ma'i cho ga byas
154a3 te rdo rje khro bo dang lhan cig tu stong phrag brgyad bzla'o/ /de nas rig pa'i lha de nyid khro bo dang lhan cig tu rmi lam du mthong nas chad pa dang / lhag pa dang / phyi mo dman pa dang /
154a4 yi ge gzhan du gyur pa yang stong par 'gyur ro/ /gal te yongs su rdzogs par gyur na/ de nas dngos grub ster bar 'gyur ro/ /sgrub pa dang po la las 'di mi bya la ji
154a5 srid lan bdun bsgrubs kyang ma grub na/ de nas las 'di bya'o/ /de nas rdzas sgrub pa'i dus su gyur na/ de'i mthar srod dam/ nam gung dang / nyi ma shar ba na rig
154a6 pa 'dzin pas rmi lam lta bur gsang sngags gang 'dod pa yid la sems shing bzla bar bya'o/ /gzhan du na log par 'dren pa rnams zhugs par gyur nas rig
154a7 pa'i lha mngon du mi 'gyur ro/ /gzhan gyi gos la reg par mi bya zhing bgo ba gsum byas te gcig gyon la khrus bya'o/ /gnyis pas bzla bar bya'o/ /gsum
154b1 pas mtshan mo gyon par bya'o/ /skyil krung gis gnas te rig pa'i lha'i mtshan ma mthong nas til dang / mar bsres pa'i sreg blugs bya'o/ /rig pa'i stobs 'phel
154b2 bar 'gyur ro/ /til med na/ dan+tu la dang / sran ma ma sha dang / mud ga rnams kyis bya'o/ /nya dang sha dang / chang btung bar mi bya ste/ nyes pa des log par 'dren pa
154b3 rnams kyis zil gyis gnon par 'gyur ro/ /rtag tu sangs rgyas dang / chos dang / dge 'dun la bsnyen bkur ba dang ldan pas byang chub kyi sems chen po bskyed par
154b4 bya'o| |dam tshig shes par gyur pas 'di ltar byas na/ ring po mi thogs par 'grub par 'gyur ro/ /rig pa 'dzin pas sngar bshad par bya'o/ /rtag tu lha thams cad
154b5 la bdug dang / lha bshos kyi 'bras chen rang gi lag gis dbul bar bya'o/ /zlos pa na kha shar du phyogs te bris sku bris pa'i sngon du bzla bar bya'o/ /bris sku'i tshad chen
154b6 po khru bcu pa'i ras la'o/ /de'i phyed dang / phyed la 'bring dang / tha mar 'gyur ro/ /skams 'dir rig pa 'dzin pas sngar bshad pa rnams bya'o/ /gal te brgya la rdzas sam/
154b7 gos sam/ rgyan ster na/ de gzung bar mi bya ste/ 'bras bu tsam bzung na yang gsang sngags 'grub par mi 'gyur ro/ /chu nyung dus bkru bar mi bya zhing rkang pas me la reg
155a1 @#/ /par mi bya la/ sen mos sa la ri mo bri bar mi bya zhing / lha'i khang pa'i grib ma la 'gom par mi bya ste/ 'di lta bu'i yon tan dang ldan zhing de
155a2 dag dor ba'i sngags pas myur du rig sngags 'grub par 'gyur ro/ /'phags pa rdo rje sa 'og gi rgyud las/ rig sngags kyis 'dul ba zhes bya ba rdo rje khro bos yongs
155a3 su zhus pa'i le'u ste nyi shu gsum pa'o// //de ru 'bad pas 'jug pa na/ /khang bzang dam brnyed pa yis/ /bstan bcos las ni nges bzhin pa'i/ /phyogs
155a4 kyi cha ni rib bshad bya/ /shar na n+ya gro d+ha yi shing / /dbang ldan du ni pa lak+Sha/ /lho ru yang na a sh+w+t+tha'i/ /nub tu de bzhin pa lak+Sha/ /byang chub du ljon shing ma du ga /gnas rnams
155a5 su ni gdon mi za/ /gang dag tu ni shing med na/ /de la yang ni mtshan bzang po/ /shar na gzhan pa'i lus gcig ste/ /lho ru yang ni bzhi ru 'gyur/ /nub tu gsum du
155a6 bstan pa ste/ /byang du gnyis su bsgrags pa'o/ /mdzes pa'i bu mo rtag tu gnas/ /grub pa'i rdzas dang dngul chu ni/ /lha yi byang na rtag tu yang / /dngul chu ru ni shes
155a7 par bya| |dbang ldan du yang dngul chu ste/ /dbang por rdzas ni de bzhin no/ /chu lhar rtag tu rdzas bzang po/ /grub pa'i rdzas ni bla na med/ /bden bral du ni ral grir 'gyur/ /
155b1 gshin rjer de bzhin mig sman nyid/ /rlung gi phyogs su rtag gnas pa/ /yid bzhin nor bu zhes bya'o/ /lha nyid kyi ni mdun du yang / /'bab stegs can gyi rdzing bur bstan//
155b2 khang bzang gi ni nang na yang / /grub pa'i rdzas la the tshom med/ /lho yi sgo ru gang gyur pa/ /lho yi phyogs su mngon phyogs pa/ /de na rdzas rnams thams cad de/ /lha yi khang
155b3 par rnam par bstan/ /dbang po'i phyogs su mngon phyogs pa/ /de nas rdzas rnams kun bsdus pa'o/ /byang du phyogs te legs gnas pa/ /bris skus bkab pa'i rdzas su
155b4 bshad| |nub tu phyogs te legs gnas pa/ /de na yang ni bsgribs nas gnas/ /rig sngags bklags pas 'grub 'gyur te/ /'jig rten gsum shes bla na med/ /
155b5 rin chen rnam pa sna tshogs pa'i/ /lha yi gnas su rnam par bstan/ /shar nas shar du mngon phyogs pa'i/ /'khrul 'khor du ni rnam par bshad/ /lho ru mngon par phyogs
155b6 gnas pa/ /lho yi phyogs kyis rnam par bstan/ /nub kyi phyogs su mngon phyogs pa/ /nub kyi phyogs par rnam par bstan/ /'di yis byang du bshad pa dang / /dbang ldan
155b7 gyi yang de bzhin no/ /phyogs rnams kyi yang mtshan nyid ni/ /bstan pa 'di la the tshom med/ /'di ltar shes pa'i mkhas pa yis/ ya/phyogs kyi 'khrul 'khor mtshon
156a1 @#/ /par bya| |sngon bzhin legs par shes pa yis/ /rdzas rnams kyang ni blo ldan gyis/ /de 'dra'i phyogs su 'khod nas ni/ /de yis lam ni
156a2 blta bar bya/ /gnyis pa yin ni lam gyur pa/ /'khrul 'khor med pas brtag mi dgos/ /gsum pa yang ni shes bya ste/ /bzhi pa yang ni mtshungs pa'o/ /lam ni rnam
156a3 pa bzhir bshad pas/ /'dod ldan la ni 'bras bu ster/ /dang po ru ni mi dpyad par/ /bza' bar bya ba ma yin no/ /gnyis pa ru ni bza' bar bya/ /gsum pa la yang de
156a4 bzhin no/ /bzhi pa yang ni bza' bar bya/ /de dag 'khrul 'khor med par bstan/ /phyogs kyi cha ni thams cad du/ /yongs su gang bar shes par bya/ /phyi ma yi ni cho ga yis/ /
156a5 tshong 'dus ze 'bru rgyu ba'o/ /'phags pa rdo rje sa 'og gi rgyud las/ phyogs kyi mtshan nyid kyi le'u ste nyi shu bzhi pa'o// //'phags pa rdo rje sa 'og ces bya ba'i
156a6 rgyud kyi rgyal po chen po rdzogs so// //phyag na rdo rje la phyag 'tshal lo/ /de nas lha ma yin gyi dbang po gzhan len gyis slar yang bcom ldan 'das dpal rdo rje
156a7 'dzin pa'i mgon po la gus pas phyag 'tshal nas thal mo sbyar te gsol pa/ sbyor ba bcu gnyis po 'di rnams gang dang gang byung ba dang / bu ga thams cad kyi
156b1 'khrul 'khor nam med par 'gyur ba lags/ bcom ldan 'das kyis bka' stsal pa/ de de bzhin te/ dbyar zla tha chung gi nag po'i bcu bzhi la gza' phur bu'i nyi ma dang /
156b2 skar ma rgyal 'dzoms pa la nges par bu ga'i sgo 'byed par 'gyur ro/ /ston zla tha chung gi gnam stong la phur bu'i nyi ma dang / rgyu skar sa ri 'dzoms pa la nges par bu ga'i sgo grol
156b3 bar 'gyur ro/ /gzhon nu ma rang nyid 'ongs nas 'jug par byed do/ /ston zla tha chung gi nya la phur bu'i nyi ma dang / skar ma bra nye 'dzoms pa la bu ga thams cad kyi 'khrul 'khor
156b4 med par 'gyur ro/ /dgun zla 'bring po'i nag po'i bcu bzhi la phur bu'i nyi ma dang / skar ma rgyal 'dzoms pa la 'khrul 'khor thams cad grol bar 'gyur ro/ /dgun zla tha chung
156b5 gi nag po'i bcu bzhi la phur bu dang / skar ma gro zhun la bu ga thams cad kyi 'khrul 'khor med par 'gyur ro/ /dgun zla tha chung gi dkar po'i bcu bzhi la phur bu'i nyi ma dang /
156b6 skar ma rgyal 'dzoms pa na 'khrul 'khor ma lus pa grol bar 'gyur ro/ /ston zla ra ba'i nag po'i tshes brgyad la phur bu'i nyi ma dang / skar ma nam gru 'dzoms pa na bu ga'i sgo
156b7 thams cad grol bar 'gyur ro/ /dbyar zla 'bring po'i nag po'i bcu bzhi la phur bu'i nyi ma dang / skar ma rgyal lam nam gru 'dzoms pa la bu ga thams cad nges par grol bar
157a1 @#/ /'gyur ro/ /grong gi mi 'khor dang bcas pa thams cad 'jug par bya'o/ /ston zla ra ba'i nag po'i bcu bzhi la phur bu'i nyi ma dang / skar ma phal gu ni
157a2 'dzoms pa na nges par bu ga'i sgo grol bar 'gyur ro/ /lha ma yin gyi dbang po gzhan len gyis rje btsun 'phags pa phyag na rdo rje rab tu dgyes pa'i don dus 'og gi gsang
157a3 ba chen po smras pa'o/ /sngags dang sbyin sreg rnam par spang ngo / /sa 'og gi gsang ba chen po yongs su rdzogs so// //'phags pa phyag na rdo rje'i rgyud kyi rgyal po chen
157a4 po rdo rje sa 'og ces bya ba ji snyed pa yongs su rdzogs so// //rgya gar gyi paN+Di ta brda sprod pa chen po bde bar gshegs pa'i dpal zhes bya ba dang / sgra sgyur gyi mkhas pa
157a5 sgra'i gtsug lag la ma rmongs pa/ gsang sngags 'dzin pa kun dga' rgyal mtshan dpal bzang pos dpal sa skya'i dpen gnas dam par bsgyur/ lha min dbang po'i sgo
157a6 glegs 'joms byed pa/ /gsung rab dam pa dpal ldan kun dga' yi/ /rgyal mtshan gyis bsgyur 'di la sgra nyams pa/ /gang lags de la mkhas rnams bzod par mdzod/
157a7 sa 'og 'khrul 'khor bde legs rin chen gter/ /gsang bdag rdo rje 'dzin pa dam pa'i bka'/ /gangs can 'gro la phan pa'i blo gros kyis/ /bsgyur ba'i bsod nams
'dzin bcas rnams la byin/
CLOSE WINDOW