CLOSE WINDOW

H676
བོད་ཡིག

/ //rgya gar skad du/ sarba ta thA ga tA mA ta nI tA ra bi shwa karma b+ha ba tan+t+ra nA ma/ bod skad du/ de bzhin gshegs pa thams cad kyi yum sgrol ma las sna tshogs 'byung ba zhes bya ba'i rgyud/ 'phags pa 'jam dpal la phyag 'tshal lo/ /'di skad bdag gis thos pa dus gcig na/ bcom ldan 'das dga' ldan gyi gnas na bzhugs te/ byang chub sems dpa' byams pa dang / 'jam dpal la sogs pa dpag tu med pa dang / ku ru kul+le dang / ri khrod ma lo ma can la sogs pa dang / tshangs pa dang / brgya byin la sogs pa dpag tu med pa dag gis lha rdzas kyi me tog pad+ma dang / ku mu da dang / man+dA ra ba la sogs pa lha rdzas kyi me tog dpag tu med pa dag dang / dung dang / pi wang dang / rnga dang / rdza rnga dang / dgu po rgyud mang la sogs pa lha'i rol mo dpag tu med pa dang / lha'i gdugs dang / rgyal mtshan dang / ba dan la sogs pa dpag tu med pa thogs te bcom ldan 'das la g.yas phyogs nas bskor te mchod pa sna tshogs kyis mchod pa'i sprin gyis mchod do/ /de nas bcom ldan 'das kyis pha rol gyi sde rab tu 'joms pa rdo rje lta bu zhes bya ba'i ting nge 'dzin la mnyam par bzhag ste/ bzhag ma thag tu sa chen po yang g.yos/ bdud kyi dkyil 'khor yang pham par byas te 'od kyi snang ba chen po yang bkye'o/ /de yang 'di lta ste/ dkar po dang / dmar po dang / ser po dang / ljang gu dang / mthing ga dang / 'dres pa ste/ 'od sna tshogs bkye @#/ /ste sdug bsngal dang bcas pa rnams sbyangs te sangs rgyas thams cad kyi yum sgrol ma ku ru kul+le'i gtsug tu nub par gyur to// gtsug tu nub ma thag tu mchod pa'i sprin gyi char pa yang bab par gyur to/ /de nas lha mo de dper na sprin dang bral ba'i nyi ma'i dkyil 'khor lta bur gyur to/ de'i tshe bstod pa'i tshigs su bcad pa 'dis bstod pa/ zhing khams thams cad yongs su dag pa la/ /rin chen me tog mang po'i char du phab// dus gsum sangs rgyas thams cad skyed pa'i yum/ /yum gyur sgrol ma khyod la phyag 'tshal bstod/ /ces gsungs so/ /de'i tshe byang chub sems dpa' 'jam dpal gzhon nur gyur pas bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das la gsol pa| bcom ldan 'das/ dus gsum gyi sangs rgyas thams cad zab pa'i phyir ci'i phyir bskyed/ gang gis na yum yin zhe na/ bcom ldan 'das kyis gsungs pa/ 'jam dpal/ bden mod kyi/ dus gsum gyi sangs rgyas thams cad kyang ma skyes pa/ ma 'gag pa/ dri ma med pa/ dri ma dang / bral ba med pa/ 'grib pa med pa/ 'phel ba med pa/ rang bzhin gyis mya ngan las 'das pa'o/ /de'i phyir chos thams cad kyi rang bzhin ni/ de'o/ /byang chub sems dpa' 'jam dpal gzhon nur gyur pas smras pa/ bcom ldan 'das/ dus gsum gyi sangs rgyas ni/ ma skyes pa/ ma 'gag pa/ dri ma med pa/ dri ma dang bral ba med pa/ 'grib pa med pa/ 'phel ba med pa/ rang bzhin gyis mya ngan las 'das pa de ji ltar skye bar 'gyur/ bcom ldan 'das kyis gsungs pa/ 'jam dpal| mya ngan las 'das pa zhes bya ba ni/ don dam pa'o/ /mya ngan las 'das pa zhes bya ba ni/ chos kyi dbyings so/ /yang dag pa'i mtha'i tshig bla dwags so/ / snying rje chen po'o/ /kun rdzob ngo bo 'khor ba'i tshig bla dwags so/ /de las 'das pa ni/ dus gsum gyi sangs rgyas skyed pa'i yum mo/ /de phyir 'khor ba dang / mya ngan las 'das pa'o/ /'jam dpal/ de ltar na/ yum du yid la bya'o/ /bcom ldan 'das kyis gsungs pa/ 'jam dpal/ de bas na/ chos rnams kyi de kho na nyid shes pas 'di bsgom par bya'o/ /gzungs sngags 'di brjod par bya'o/ /nan tan du bsgrub par bya'o/ /'di'i yon tan shes par bya'o/ /'di mchod par @#/ /bya'o| |lung nod par bya'o/ /the tshom med par bya'o/ /las la nan tan du bya'o/ /'di'i bsngags pa yid la bya'o/ /so so'i sgo nas bsgrub par bya'o/ /de skad ces byang chub sems dpa' 'jam dpal gzhon nur gyur pa la bstan to/ /des ni/ gleng gzhi'i le'u bstan pa ste le'u dang po'o// // de nas byang chub sems dpa' 'jam dpal gzhon nur gyur pas bcom ldan 'das la gsol pa/ bcom ldan 'das/ 'di ji ltar bsgom par bya/ 'di la ji ltar nan tan du bgyi zhes gsol pa dang / bcom ldan 'das kyis gsungs pa/ 'jam dpal/ 'di ltar yid la bya'o/ /'jam dpal/ chos thams cad ni/ ma skyes pa'o/ /chos thams cad ni| ma 'gag pa'o/ /chos thams cad ni/ dri ma dang bral ba'o/ /chos thams cad ni/ mya ngan las 'das shing rang bzhin gyis rnam par dag par bsgom par bya'o/ /'jam dpal/ de'i phyir sngags 'di brjod par bya'o/ /oM swa b+hA wa shud+d+ha sarba d+harmA swa b+hA wa bi shud+d+ho nya haM zhes brjod par bya'o/ /yang bcom ldan 'das kyis gsungs pa/ mngal nas skyes pa dang / sgo nga las skyes pa dang / drod gsher las skyes pa dang / rdzus te skye ba dag la bltas te byams pa bsgom par bya'o/ /skyes pa dang / rga ba dang / na ba dang / 'chi pa la snying rje chen po bskyed par bya'o/ /stong pa nyid dang / mtshan ma med pa dang / smon pa med pa dang / rang bzhin gyis 'dus ma byas pa la dga' ba dang / btang snyoms bsgom par bya'o/ /'jam dpal/ de lta bas na/ rgyu ni/ tshad med pa bzhi'o/ /des bskyed pa ni/ byang chub kyi sems so/ /de'i phyir de la nan du yid la bya'o/ /'jam dpal/ de'i phyir sngags 'di brjod par bya'o/ /oM bo d+hi tsit+ta u ta pA da ya a haM zhes brjod par bya'o/ /yang bcom ldan 'das kyis gsungs pa/ mchod pa 'di rnams kyis mchod par bya'o/ /gang yang phyogs bcu'i 'jig rten khams bzhugs pa'i| |sangs rgyas rnams kyis byin gyis brlabs pa yi/ /phye ma phur ma bdug pa'i bye brag rnams/ /rgyal ba skyed pa'i yum la mchod par bya'o/ /gang yang phyogs bcu'i 'jig rten khams bzhugs pa'i/ /de bzhin gshegs pa'i yum mchog sangs rgyas spyan/ /me tog sil ma phreng ba'i bye brag rnams/ /rgyal ba skyed pa'i yum la mchod par bgyi/ /gang yang phyogs bcu'i 'jig rten khams bzhugs pa'i/ /de bzhin gshegs pa'i yum mchog rin po che/ /rin chen @#/ /mar me phreng ba'i bye brag rnams/ /rgyal ba skyed pa'i yum la mchod par bgyi/ /gang yang phyogs bcu'i 'jig rten khams bzhugs pa'i| |de bzhin gshegs pa'i yum mchog na bza' dkar/ /dri zhim chu gtsang spos ngad ldan pa'i chu/ /rgyal ba skyed pa'i yum la mchod par bgyi/ / gang yang phyogs bcu'i 'jig rten khams bzhugs pa'i/ /rgyal ba skyed pa'i yum mchog 'phrin las ldan/ /bza' dang bca' ba la sogs zhal zas rnams/ /rgyal ba skyed pa'i yum la mchod par bgyi/ /sdug bsngal thams cad zhi bar mdzad pa yi/ /glu dang rol mo sil snyan bcas pa'i sgra/ / gdugs dang rgyal mtshan ba dan 'phan gdugs bcas/ /phyogs bcu kun nas sprin bzhin gtibs gyur cig /dpag bsam gyi ni shing dag dang / / ljon pa'i shing dang shing dag gi /dri zhim lo 'dab bcas pa'i shing / /phyogs bcu kun nas gtibs gyur cig /spos kyi ngad dang ldan pa'i char/ /'bru dang me tog la sogs pa'i/ /yid du 'ong ba'i dri zhim char/ /nges par kun tu 'bab par shog /'bab chu lteng ka lu ma dang / /mtsho dang rdzing bu dag dang ni/ /ro brgya dag dang ldan pa'i mtsho/ /ngang pa la sogs bcas pa yi/ /rin chen khang pa yid 'ong ba'i/ /dra ba dra ba phyed pa dang / /shar dub 'od bcas nyi zla dag dang ni/ /khang pa shin tu yid du 'ong ba rnams/ /rgyal ba skyed pa'i yum la mchod par bya'o/ /'jam dpal/ de'i phyir mchod pa'i sngags 'di brjod par bya'o/ /oM sarba thA ga ta d+hu pe pU dza me g+ha sa mu dra s+pha ra Na sa ma ye hUM/ oM sarba ta thA ga ta puSh+pe pU dza me g+ha sa mu dra s+pha ra Na sa ma ye hUM/ oM sarba ta thA ga ta A lo ke pU dza me g+ha sa mu dra s+pha ra Na sa ma ye hUM/ oM sarba ta thA ga ta gan+d+he pU dza me g+ha sa mu dra s+pha ra Na sa ma ya hUM/ oM sarba ta thA ga ta nai wi d+ya pU dza ye g+ha sa mu dra s+pha ra Na sa ma ye hUM/ oM sarba ta thA ga ta shap+da pU dza me g+ha sa mu dra s+pha ra Na sa ma ye hUM/ zhes brjod par bya'o/ /mchod pa'i le'u ste gnyis pa'o// //de nas yang 'jam dpal gzhon nur gyur pa la gsungs pa/ 'jam dpal/ yum 'di ni/ dus gsum gyi sangs rgyas thams cad kyi yum mo/ /'jam dpal/ de'i phyir dus gsum gyi sangs rgyas thams cad kyis bstod pa 'di 'jam dpal/ khyod kyis yid la gyis shig /de nas bcom ldan 'das kyis bstod pa'i gzungs sngags gsungs pa/ na maHsarba @#/ /ta thA ga tA nAM/ tad+ya thA/ oM na maHsU ka saM na maHtA ra ye tA ra mi mi tA/ na mastA re tu re bI re k+Sha Nai ra d+yu ti ni b+hak+Sha Ne/ tre lo kya nA thA na bak+t+ra/ ab dza bi ka sata ke sha ro t+b+ha be/ nA mAHsha ta sa rats+tsan+d+ra/ saM pur+Na pa Ta lA na ne/ ta rA sa ha sra ni ka ra/ pra ha sata ki ra Ni dz+we le/ na maHka na ki nI la a ba dza/ pA Ni nga pad+ma bi b+hu Shi te/ dA na bIR+ya ta paHshAn+ti/ ti tik+Sha d+h+ya na go tsa re/ na masta thA ga toSh+NI Sha bi dza yA nan+ta tsA ri NI/ a she Sha pA ra mi ta prap+ta/ dzi na pu tra ni se bi ti/ na ma stu t+tA ra hUM kA ra/ pU ri tA shA di gan tA re/ sap+ta lo ka kra mA kran+ti/ a she ShA Na k+Sha ma/ na maHsha kra an la brah+ma/ ma rung bi shwe shwa raM a rA ts+tsha te/ b+hu ta be tA la gan+d+ha rba/ ga Na yak+Sha pU ra skri te/ na mas+t+ra Di ti phaT kA ra/ pa ra yan+t+ra pra marda ni/ pra d+ya lI D+ha pa da n+ya se/ shi khi dz+wA la ku la k+Sha Ne/ na mastu re ma hA g+ho re/ mA ra bI ra bi nA sha ni| b+h+r-i ku TI kri ta bak+t+ra e ba dza/ sarba sha tru ni sU da ni/ na maHtri rat+na mu drAM ka /hr-i d+yaM gu li bi b+hu Shi te/ b+hu Shi tA she ShA Di ka tsa kra /ni ka ra swa ka rA ku le/ na maHpra mu di tA To pa mu ku TA k+Shi bta mA li ni/ ha sat+p+ra ha sat+tu t+tA re/ ma ra lo ka pa shang+ka ri/ na maHsa ma ta b+hu pA la/ pa Ta lA kaR+Sha Na k+Sha me/ tsa lad b+h+r-i ku Ti hUM kA ra/ sarba pa da bi mo tsa ni/ na maHshi khaN+Da/ khaN+DeN+Du/ mu ku TA b+ha ra Nodz+dz+wa le/ a mi tA b+ha dza TA b+hA ra/ b+ha su re ki ra No D+h+ru pe/ na maHkalbAn+ta hu ta b+hu ga /dz+wA lA mA lAn+ta ra s+thi te/ A lI D+ha mu di tA baMn+d+ha/ ri pu tsa kra bi nA sa ni/ na maHka ra ta lA g+hA ta/ tsa ra Na ha ta b+hu te le/ b+h+r-i ku tI kr-i ta hUM ka ra/ sap+ta pA tA la b+he di ni/ na maHshi be shu b+he shAn+te/ shAn+ta nirbA Na go tsa re swAhA/ oM pra Na ba si yuk+te/ ma hA pA pa ka nA sa ni/ na maHpra mu ditA ban+d+ha/ ri bu gA tra pra b+he di ni/ da shAk+Sha ra pa da n+ya se/ bid+ya hUM kA ra dI pi te/ na mastu re pA dA g+hA ta/ hUM ka ra kA ra bI dzi te/ mai ru mnad ra kA+ai la sa/ b+hu ba na tra ya tsA li ni/ na maHsu ra sa rA kA ra/ ha ra NI ka ka ra s+thi te/ hA rA dI ru ka ta s+phu Ta kA ra/ a she Sha bi Sha nA sa ni| na maHsu ra ga NA d+h+yak+Sha/ su ra kan+ni ra se bi te/ A bin+d+ha mu di tA b+ho ga ka li/ duHswap+na nA sa ni/ na maHtsan+d+ra arka saM pur+Na/ na ya na d+yu ti b+hA su re/ ha ra da dwe ru ka ta tut+tA re/ bi Sha ma dzra ra nA sa naM/ na mas+t+ri ta twa bi n+yA sa/ shi ba shak+Ti sa ma n+wi te/ gra ha be tA la ya k+Sho g+ha na/ nA sha ni pra ba re tu re/ man+t+ra mu la mi sto traM/ na ma skA re kA baM sha kaM| yaHba thit+p+ra yat+na d+hI maM/ de byA b+hak+ti sa man ba ta/ sha yam+b+hA prA ta ru ta thA yA yaH/ sma re ta sarbA b+ha ya pra daM/ sarba pA ba pra sha ma naM/ sarba durga ti nA sha naM/ a b+hi Shi ka @#/ /to b+ha bet+tur+N+NaM/ sap+ta b+hi dzi na ko Ti b+hiH/ a smin ma hA tra mA sA d+ya/ so Tan+te baud+d+ha pa daM pra dze ta/ bi Shan+ta s+ya ma hA g+hau raM/ s+tha ba raM bA tha dza ga maM/ smra N+tat+p+ra la yaM yA ti/ khA hi taM po tA me ba bA/ gra ha dz+wA ra bi ShA rat+naM/ pa ra ma rat+ti bi nA sha naM/ a n+ye ShAM tse ba satwA nAM/ dwi s+t+ra sap+ta b+hi ba rat+ti naM/ pu tra kA mo la b+he ta bu traM/ d+ha na kA mo la b+he ta d+ha naM/ sarba kA mA na bA pa no ti/ na bi g+h+ni/ pra ti ha ma te/ tA ra b+ha ga pa te yaM su traM/ samyak+saM bud+d+ha b+ha shi taM sarba ka ra/ sa ma yA u la ka ra ye/ bud+d+ha ni tsa/ d+harma Ni tsa/ saM g+ha ni tsa tA ra ye swAhA/ 'jam dpal/ gzungs 'di ni/ dus gsum gyi sangs rgyas thams cad kyis byin gyis brlabs shing dus gsum gyi sangs rgyas thams cad skyed pa'i yum sgrol ma la ma rungs pa 'joms pa'i sgo nas bstod pa ste/ phan yon ni/ bsam gyis mi khyab pa'o/ /'jam dpal/ de'i phyir brjod par bya'o/ / gzungs 'di brjod pa'i gang zag ni/ sems can dmyal ba dang / yi dwags dang / dud 'gro la sogs pa'i gnas su nam yang skye bar mi 'gyur/ yul mtha' 'khob dang / kla klo dang / dbang po ma tshang ba la sogs par nam yang skye bar mi 'gyur ro/ /rims dang / 'brum bu dang / nad 'go ba la sogs pa'i nad kyi 'jigs pa thams cad las grol zhing nad kyi 'jigs pa mi 'byung ngo / /'jigs pa chen po brgyad la sogs pa las grol bar 'gyur ro/ /'jam dpal/ dus gsum gyi sangs rgyas thams cad kyis bstod pa 'di 'dzin pa'i gang zag de ni/ dus gsum gyi sangs rgyas thams cad la mchod pa byas par 'gyur ro/ /'di 'dzin pa'i gang zag de ni/ mtshams med pa la sogs pa'i sdig pa ma lus pa byang bar 'gyur ro/ /sangs rgyas thams cad mthong bar 'gyur ro/ /dus ma yin pa'i 'chi ba mi 'byung zhing nam 'chi ba'i tshe dus gsum gyi sangs rgyas thams cad skyed pa'i yum sgrol ma mthong bar 'gyur ro/ /'di 'dzin pa'i gang zag de ni/ yid la ci bsam pa thams cad 'grub par 'gyur ro/ /gzugs phun sum tshogs pa dang / kha dog phun sum tshogs pa la sogs pa thams cad 'thob par 'gyur ro/ / rmi lam ngan pa dang / sdang ba dang / mi ma yin pa'i bar du gcod pa thams cad zhi bar 'gyur ro/ /dus gsum gyi bden pa yang mthong bar 'gyur ro/ /yum sgrol ma'i sku dngos su mthong bar 'gyur/ na maHsarba ta thA ga ta samya k+saM bud+d+ha ya tre ya te trA ra te tu tA ra zhes brjod par bya'o/ /bstod pa'i le'u ste gsum pa'o// // @#/ /de nas byang chub sems dpa' 'jam dpal gzhon nus bcom ldan 'das la gsol pa/ gzungs sngags 'di gang la brten nas yid la nan tan du bya zhes gsol pa dang / bcom ldan 'das kyis bka' stsal pa/ sdug bsngal las grol bar 'dod cing zab mo'i don la mos pas nan tan du bya'o/ /de nas taM las byung ba'i 'od zer las steng 'og thams cad du rdo rjer gyur te/ 'jam dpal/ sngags 'di brjod par bya'o/ /oM badzra dz+wa la badzra ta na hUM phaT ces brjod par bya'o/ /de nas taM las byung ba'i yi ge a dkar po bsgom par bya'o/ /de'i steng na paM sngon po bsgom par bya'o/ /de'i steng du laM ser po bsgom par bya'o/ /de'i steng du yaM ljang gu bsgom par bya'o/ /de'i steng du raM dmar po bsgom par bya'o/ /de rnams kyis 'od zer 'phro ba dang bsdu ba byas te/ oM d+harma d+hA tu bi shud+d+ha hUM/ oM aM d+ha tu bi shud+d+ha hUM/ oM sa man+ta bi shud+d+ha hUM oM pa k+Sha bi shud+d+ha hUM/ oM k+Sha ta bu thA na bi shud+d+ha hUM/ oM na maHsarba ta thA ga tA maN+Da la sa man+ta bi shud+d+ha hUM/ 'jam dpal/ de ltar sngags de brjod pas dkyil 'khor gyi khang pa bskyed par bya ste/ pad+ma 'dab ma bzhi pa kha dog sna tshogs pa la rdo rje ra bas bskor ba gru tshad bzhi dang ldan pa gru bzhir 'dug cing / sgo bzhir ka ba brgyad dang ldan pa/ dra ba dang dra ba phyed pa dang / rin po che'i chun 'phyang dang / ta ra ni la sogs pas mdzes pa'o| |de ltar dkyil 'khor gyi khang pa de 'dra ba bskyed de dbus kyi ze 'bru la ni/ zla ba dang / pad+ma'i steng du taM ljang gu las byung ba'i ut+pa la taM dang bcas pas 'jig rten gyi khams thams cad du 'od kha dog sna tshogs pas 'jig rten thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo / /de'i ut+pa la las byung ba'i sgrol ma'i sku ljang gu zhal gcig phyag gnyis pa/ phyag g.yas kyis mchog sbyin/ g.yon sdong bu dang bcas pa'i ut+pal 'dzin pa/ mdzes pa'i sku rin po che'i do shal dang / rna cha dang / dpung rgyan dang / rgyan rnam pa sna tshogs pas brgyan pa/ gzhon nu ma lang tsho la bab pa/ zhal 'dzum bag dang bcas pa/ mnyam pa'i skyil mo krung dang bcas pas zla ba dang pad+ma'i steng du bzhugs pa'o/ /shar du zla ba dang / pad+ma'i steng du taM las bskyed pa'i ut+pa la mthing ga sa bon dang bcas pa las 'jig rten gyi khams thams cad du khyab ste/ 'od kha dog sna tshogs pas 'jig rten gyi khams thams cad @#/ /sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo / /de'i ut+pa la las byung ba'i sgrol ma mthing ga phyag gnyis pa/ g.yas kyis tri shu la 'dzin pa/ phyag g.yon na sdong bu dang bcas pa'i ut+pa la 'dzin pa/ mdzes pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tsho la bab pa/ zhal 'dzum pa dang bcas pa/ mnyam pa'i skyil mo krung dang bcas pas zla ba dang pad+ma'i steng du bzhugs pa'o/ /lhor zla ba dang pad+ma'i steng du re las bskyed pa'i ut+pa la ser po sa bon dang bcas pa las 'jig rten gyi khams thams cad du khyab ste/ 'od kha dog sna tshogs pas 'jig rten thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo / /de'i ut+pa la las byung ba'i sgrol ma sku mdog gser bsregs pa lta bu phyag gnyis pa/ phyag g.yas na ral gri 'dzin pa/ g.yon na sdong bu dang bcas pa'i ut+pa la 'dzin pa/ mdzes pa'i sku rin po che'i do shal dang / snyan cha dang / dpung rgyan dang / rgyan sna tshogs kyis brgyan pa/ gzhon nu lang tsho la bab pa/ zhal 'dzum bag dang bcas pa/ mnyam pa'i skyil mo krung dang bcas pas zla ba dang pad+ma'i steng du bzhugs pa'o/ /nub tu zla ba dang pad+ma'i steng du tu las byung ba'i ut+pa la dmar po sa bon dang bcas pa las 'jig rten gyi khams thams cad du khyab ste/ 'od kha dog sna tshogs dang bcas pas 'jig rten thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo / /de'i ut+pa la las byung ba'i sgrol ma dmar mo phyag gnyis pa/ g.yas na 'khor lo 'dzin pa/ g.yon na sdong bu dang bcas pa'i ut+pa la 'dzin pa/ mdzes pa'i sku rin po che'i do shal dang / snyan cha dang / dbung rgyan dang / rgyan sna tshogs kyis brgyan pa/ gzhon nu lang tsho la bab pa/ zhal 'dzum bag dang bcas pa/ mnyam pa'i skyil mo krung dang bcas pas zla ba dang pad+ma'i steng na bzhugs pa'o/ /byang du zla ba dang pad+ma'i steng du taM las byung ba'i ut+pa la ljang gu sa bon dang bcas pa las 'jig rten gyi khams thams cad du khyab ste/ 'od kha dog sna tshogs pas 'jig rten thams cad du sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo / /de'i ut+pa la las @#/ /byung ba'i sgrol ma ljang gu phyag gnyis pa/ g.yas na gdugs 'dzin pa/ g.yon na sdong bu dang bcas pa'i ut+pa la 'dzin pa/ mdzes pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tsho la bab pa/ zhal 'dzum bag dang bcas pa/ mnyam pa'i skyil mo krung bcas pas gdan zla ba dang pad+ma'i steng du bzhugs pa'o/ /shar gyi sgor zla ba dang pad+ma'i steng na taM las byung ba'i ut+pa la sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang gzugs brnyan lta bur mthong ngo / /de'i ut+pa la las byung ba'i sgrol ma lcags kyu ma skyu mdog dkar mo phyag gnyis lcags kyu 'dzin pa/ khros pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tsho la bab pa/ cung zhig khros pa'i zhal dang bcas pa/ zhabs brkyang bskum du zla ba dang pad+ma'i steng na bzhugs pa'o/ /lho'i sgor pad+ma dang zla ba'i steng du re las byung ba'i ut+pal las sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo / /de'i ut+pal las byung ba'i sgrol ma zhags pa ma sku mdog ser po/ phyag gnyis zhags pa 'dzin pa/ khros pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tsho la bab pa/ cung zhig khros pa'i zhal dang bcas pa/ zhabs brkyang bskum du zla ba dang pad+ma'i steng na bzhugs pa'o/ /nub kyi sgor zla ba dang pad+ma'i steng du tu las bskyed pa'i ut+pa la sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo / /de'i ut+pal las byung ba'i sgrol ma lcags sgrog ma sku mdog dmar mo/ /phyag gnyis lcags sgrog 'dzin pa/ khros pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tsho la bab pa/ khros pa'i zhal dang bcas pa/ zhabs brkyang bskum du zla ba dang pad+ma'i steng na bzhugs @#/ /pa'o/ /byang gi sgor zla ba dang pad+ma'i steng du re las byung ba'i ut+pa la sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo / /de'i ut+pa la las byung ba'i sgrol ma dril bu ma sku mdog ljang gu ma/ phyag gnyis na dril bu 'dzin pa/ khros pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tsho la bab pa/ khros pa'i zhal dang bcas pa/ zhabs brkyang bskum du zla ba dang pad+ma'i steng du bzhugs pa'o/ / 'jam dpal/ de ltar lha'i 'khor lo bsgom par bya'o/ /'jam dpal gyis gsol pa/ bcom ldan 'das/ sprul pa la sogs pa rnams ni/ ji lta bu/ bcom ldan ldan 'das kyis bka' stsal pa/ 'jam dpal/ 'gro ba drug po rnams kyi nyon mongs pa dang bcas pa'i khams so/ /de lta bas na/ sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur rig par bya'o/ /lha'i le'u ste bzhi pa'o// //de nas 'jam dpal gyis zhus pa/ bcom ldan 'das/ lha des lhas ji lta bus byin gyis brlab par bya/ bcom ldan 'das kyis bka' stsal pa/ 'jam dpal/ sprul pa lta bu dang / sgyu ma lta bu dang / 'ja' tshon lta bu dang / smig rgyu lta bu dang / chu zla lta bu dang / gzugs brnyan lta bus so/ /'jam dpal gyis gsol pa/ bcom ldan 'das/ sprul pa zhes bya ba ji lta bu/ bcom ldan 'das kyis bka' stsal pa/ sprul pa zhes bya ba ni/ yang dag pa ma yin zhing gnyis ka 'khrul ba'o/ /sgyu ma ni/ gzhan 'khrul pa'o/ /'ja' tshon ni/ stong pa'o/ /smig rgyu ni/ yul 'khrul cing stong pa'o/ /chu zla ni/ rgyu 'bras so/ /gzugs brnyan ni/ dri za'i grong khyer te/ 'jam dpal/ 'khrul pa ni/ de bzhin te/ nyon mongs pa dang bcas pa'i khams de bzhin no/ /'jam dpal/ de lta bas na/ lhas lha la byin gyis brlabs pa yang 'dra'o/ /'jam dpal/ sprul pa dang / sgyu ma dang / 'ja' tshon dang / smig rgyu dang / chu zla dang / gzugs brnyan ni/ thogs pa med cing thogs pa dang bral pa'o/ /tha dad pa med cing tha dad pa dang bral ba'o/ /'jam dpal/ de'i phyir de'i rang bzhin ni/ de dang 'dra bar yid la gyis shig /de nas bcom ldan 'das kyis byin gyis brlabs pa mdzad pa ni/ lag pa thal mo sbyar te gung mo gnyis brkyang ste rtse sbyar nas mdzub mo @#/ /gnyis dang / srin lag gnyis gung mo la reg ste zur bcag nas mthe'u chung dang / mthe bo rtse sprad nas nang sbyar ba ni rdo rje'i phyag rgya'o/ /de'i sngags ni/ oM sarba ta thA ga tA a taM a haM badzra sta na sarba ta thA ga ta badzra ta na hUM zhes brjod par bya'o/ /de nas yang bcom ldan 'das kyis dbang bskur bar mdzad pa ni| lag pa thal mo sbyar te mthe'u chung dang srin lag gnyis phyir bkan te gung mo rtse sprad nas mthe bos mdzub mo gnyis mnan pa ni/ rin po che'i phyag rgya ste/ mgo bo'i steng du bzhag nas sngags brjod pa ni/ oM sarba ta thA ga ta tsin+ta ma Ni dz+wa la ni sarba ta thA ga ta a haM shud+d+ha pa ri shud+d+hA ya swA hA zhes bya ba'i sngags 'dis phyogs bcu'i sangs rgyas thams cad kyis dbang bskur zhing byin gyis brlabs pa'o/ /de nas bcom ldan 'das kyis thugs kyi rigs thams cad kyi dam tshig gi phyag rgya ni| lag pa gnyis thal mo sbyar te sor mo rnams phan tshun du so sor bsnol/ gung mo bsgreng ste mthe bong dang / mthe chung yang gshibs te bsgreng ba ni/ dam tshig gi phyag rgya ste/ sngags ni/ oM sarba ta thA ga ta badzra sa ma ya hUM zhes brjod par bya'o/ /dbang bskur ba'i le'u ste lnga pa'o// //de nas byang chub sems dpa' 'jam dpal gzhon nus smras pa/ zla ba nyi ma'i sku 'dra ba'i/ /ljang gu'i mdog can 'gying bag can/ /pad+ma zla ba'i steng na bzhugs/ /sangs rgyas thams cad skyed pa'i yum/ /sems can kun gyi skyabs gyur ba'i/ /ut+pal bsnams la phyag 'tshal bstod/ /ces yum la bstod nas gsol pa/ bcom ldan 'das/ gsang sngags ni/ gang gis 'grub ces smras pa dang / bcom ldan 'das kyis bka' stsal pa/ 'di'i gzungs ni/ 'di'o/ /oM na mo rat+na tra yA ya/ na ma s+t+rai d+h+wa sarba ta thA ga tA nAM/ na mastA rA ye/ na mastA re tu re bI ra k+ShA Ne d+hu ti ni b+hek+Sha Ne/ trai lo kya na thA bak+t+rA ba dza bi ka sata ke sa rod b+ha be/ na maHsha ta sha ra tsan+d+ra saM pur+Na pa Ta lA na ne/ tA ra sa ha sra ni ka ra pra ha sa ta ki ra No dz+wa li/ na maHka na kA ni lA ba dza pA Ni pad+ma bi b+hu Shi te/ dA na bid+yA ta pa shan+ti ti tik+Sha d+h+ya na go tsa re/ na maHsarba ta thA ga toSh+Ni Sha bi dza yA nan+ta tsA ri Ni/ a she Sha pA ra mi tA prap+ta dzi na pu tra ni tre ta re tut+tA re tu re swA hA/ zhes bzla bar bya'o/ /gzungs sngags ni/ 'di'o/ /snying po ni/ 'di'o/ /oM tA re tut+tA re tu re swA hA/ zhes bzla bar bya'o/ /oM tut+tA re tu tA re tu re swA hA/ pad+ma'i rigs kyi snying po'o/ /oM tA re tu re tu re swA hA/ rin po che'i rigs kyi snying po'o/ /oM tu re tut+tA re swA hA/ las kyi rigs kyi snying @#/ /pa'o| |oM tA re tut+tA re ta re swA hA/ rdo rje rigs kyi snying po'o/ /oM tA re tut+tA re tu re swA hA/ las sna tshogs pa'i snying po'o/ /oM tA re tA re tut+tA re hUM kA ra pu ri ta sha di gan+ta re sap+ta lo ka kra ma krAn+ti/ b+hi Sha ka ra sha na k+Sha mi hrIH/ dbang du bsdu ba'i sngags so/ /oM tA re tA re tut+tA re hUM swA hA/ kA rA pu ri ta sha di gan+ta re sap+ta lo ka kra ma krAM ti a she Sha puSh+TiM ku ru ka ra Sha nak+Sha mi ho/ /rgyas pa'i sngags so/ /oM tA re tA re tut+tA re hUM ka ra pu ti ta sha di gan+ta re sap+ta lo ka kra ma krAn+ti uSh+Ni Sha a kaR+Sha ya ka rA shA na k+Sha mi phaT/ de ni/ las kyi sngags so/ /oM tA re tut+tA re tu re hUM kA ra pu ri ta sha di ga t+na re sap+ta lo ka kra ma krAn+ti a She Sha shAn+ti ku ru ka ra sha na k+Sha mi swA hA/ klu zhi ba'i sngags so/ /oM tA re tA re tu re tut+tA re swA hA/ sha kra nI la brah+ma ru dri sh+tse ra tse ti b+hu tA be tA la ga d+harba ga Na yak+Sha bI ra sa kr-i te phaT kA ra pa ra yan+t+ra pra marda ni pra te li D+ha pa da n+yA sa shi khi dz+wa la ku li dza li ri ma hA g+ho ri mA rA bI ra ba nI sha ni/ b+h+ri ku Ti kr-i ta bkra pa dza sarba sha tru ni sU da ni rat+na mu trAM ka hri d+yAM gu li bi b+hu Shi te b+hu Shi ta she Sha dig tsa kra ka ra swa ka rA ku le hUM hUM hUM phaT phaT phaT/ las sna tshogs pa'i sngags so/ /oM in+d+rA ya/ ya mA ya/ wa ru NA ya/ yak+Sha ya/ ag+na ye/ bA ya be/ nai ri ta ye rak+Sha se/ oM in+d+ra pA lA ya/ sUR+ya tsan+d+ra ya/ u ti a ya b+hu mi ye/ a kA ro mu khaM sarba d+harma nAM/ AR+ya nut+pan+na twA ta oM AHhUM phaT swAhA/ zhes bya ba ni/ las thams cad grub pa'i sngags so/ /sngags kyi le'u ste drug pa'o// //'jam dpal/ las ni/ 'di'o/ /spos kyi khang pa yid du 'ong bar dri zhim pa'i chag chag btab ste maN+Dal dkar po tsan+dan dkar po'i chus byugs la me tog sil ma gtor te/ bum pa dkar po rin po che las byas pa'i nang du rin po che lnga ni/ gser dang / mu tig dang / man shel dang / byi ru dang / mu men gzhug par bya'o/ /spos lnga ni/ tsan+dan dang / a ga ru dang / du ru ka dang / ga pur dang / pu shel tse gzhug par bya'o/ /'bru lnga ni/ nas dang / gro dang / sran ma dang / 'bras dang / til mar gzhug par bya'o/ /snying po lnga ni/ bu ram dang / sbrang rtsi dang / mar dang / lan tshwa dang / til gzhug par bya'o/ /gtsang ma'i ras kha tshar ma nyams pas dkris te dbus su gzhag go /gang ba'i bum pa bzhi gzhag par bya'o/ /pog phor bzhi dang / me tog la sogs pa bzhi yang gzhag par bya'o/ /de ltar rdzogs pas 'di bsam gtan du bya'o// yi ge taM las byung ba'i brtson 'grus dang ldan pa'i yum sgrol ma dpa' mo rnal 'byor ma'i lus su sgom pa ni/ pad+ma rgyas pa las byung zhing zla ba rgyas pa la bzhugs pa/ @#/ /sku mdog ston ka'i zla ba ltar dkar ba/ gzhon nu lang tshol bab pa lta bu'i sku do shal dang / dpung rgyan rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i ras kyis stod g.yogs pa/ skyil krung phyed pa dang bcas pa/ zhal gcig phyag gnyis pa| zhal 'dzum zhing spyan 'khyug pa/ phyag g.yas pa mchog sbyin mdzad pa/ g.yon pa ut+pa la sdong bu dang bcas pa 'dzin pa/ sku las 'od zer 'phro zhing pad+ma dkar po ge sar dang bcas pa'i dkyil na bdud rtsi'i rgyun sku las 'od zer 'phro ba can du byang chub sems dpa' dpag tu med pa dang bcas pa bsams te bzla bar bya'o/ /oM tA re tut+tA re tu re swAhA/ zhes bzla bar bya'o/ /de nas las kyi sngags dang bcas pa ni/ gcig gam/ bdun nam/ nyi shu rtsa gcig gam/ brgya rtsa brgyad bzlas pas gsol ba btab na grub par 'gyur ro/ /'jam dpal/ de'i phan yon ni/ mtshams med pa lnga dang / de dang nye ba lnga dang / sdang ba dang / rmi lam ngan pa thams cad zhi bar 'gyur ro/ / 'jam dpal/ de'i phan yon ni/ ngan song gsum gyi sdug bsngal zhi bar 'gyur ro/ /mi khom pa brgyad du nam yang skye bar mi 'gyur ro/ /'jam dpal/ de'i phan yon ni/ tshe rabs dran pa dang / dbang po gsal ba dang / yid gzhungs par 'gyur ro/ /bzo'i gnas thams cad la mkhas par 'gyur ro/ /stobs dang / mdangs dang / gzi brjid phun sum tshogs par 'gyur ro/ 'jig rten skyong ba thams cad srung ba dang / skyob pa dang / sbed pa dang / phan pa byed de/ gang du phyin pa thams cad du bkra shis par 'gyur ro/ /zhi ba'i las kyi le'u ste bdun pa'o// //'jam dpal/ rgyas pa'i las 'di'o/ /spos kyi khang pa dri zhim pa dang ldan pa'i gnas su ba ser skya'i rnam lngas skyang nul byas te dri zhim pos byugs pa'i maN+Dal bya'o/ /me tog gi tshom bu yang dgram par bya'o/ /rgyas pa las byung ba'i thang ga yang dgram par bya'o/ /rin po che rnam pa lnga dang / 'bru dang / sman la sogs pa dag la ril bu nyi shu rtsa gcig byas te rin po che'i ga'ur bcug la maN+Dal gyi dbus su gzhag par bya'o/ /pog phor bzhi yang gzhag par bya'o/ /me tog la sogs pa yang gzhag par byas nas bsam gtan bsgom par bya ste/ yi ge taM las skyes pa'i myur ba'i brtson 'grus dang ldan pa'i yum sgrol ma dpa' mo gcig ma rnal 'byor ma'i lugs su sgom pa ni/ pad+ma rgyas pa las byung zhing nyi zla'i steng du rgyas pa'i sku ston ka'i zla ba ltar gsal ba'i sprin dang bral ba'i @#/ /nyi ma lta bur gzhon nu lang tsho la bab pa lta bu'i sku mdog ser po do shal dang / dpung rgyan dang / rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i ras kyis stod g.yogs pa/ skyil krung phyed pa dang bcas pa/ zhal gcig phyag gnyis pa/ zhal 'dzum zhing spyan 'khyug pa/ phyag g.yas pa mchog sbyin mdzad pa/ g.yon pa ut+pa la sdong bu dang bcas pa 'dzin pa/ sku las 'od 'phro zhing pad+ma'i ge sar dang bcas pa'i dkyil na bdud rtsi'i rgyun sku las 'od 'phro ba lha'i tshogs dang / lha ma yin gyi tshogs dang / nam mkha' lding gi tshogs dang / mi'am ci'i tshogs dang / dri za'i tshogs dang / lto 'phye chen po'i tshogs dang / srin po'i tshogs kyi stobs zil gyis gnon pa'i byang chub sems dpa' dpag tu med pa dang bcas pa bsgoms te bzlas pa 'di bya'o/ /oM tA re tA re tut+tA re swAhA/ zhes bzla bar bya'o/ /de nas las kyi sngags dang bcas pas lan gcig gam/ bdun nam/ nyi shu rtsa gcig gam/ brgya rtsa brgyad brjod nas gsol ba btab na/ 'grub par 'gyur ro/ /'jam dpal/ de'i phan yon ni/ lha'i tshogs dang / lha ma yin gyi tshogs dang / mi'am ci'i tshogs dang / nam mkha' lding gi tshogs dang / mi'am ci'i tshogs dang / mi'i tshogs dang / dri za'i tshogs dang / lto 'phye'i tshogs dang / srin po la sogs pa thams cad kyis de'i stobs thub par mi 'gyur la/ srung ba dang skyob pa yang byed par 'gyur ro/ /dus ma yin pa'i 'chi ba dang / rtsod pa dang / rmi lam ngan pa dang / ltas ngan pa dang / rims dang / 'brum bu dang / g.yan pa la sogs pas mi tshugs so/ /nam 'chi ba'i tshe yang stobs dang ldan par 'gyur ro/ /ngan song gsum du mi 'gyur ro/ /'jam dpal/ las des yo byad dang / tshe dang / bkrag dang / stobs dang ldan par 'gyur ro/ /de bzhin gshegs pa mthong ba dang / stobs dang ldan par 'gyur ro/ /rgyas pa'i las kyi le'u ste brgyad pa'o// //'jam dpal/ dbang du bsdu ba'i las ni 'di'o/ /dur khrod dam/ shing gcig gam/ chu chen po'i 'gram mam/ gtsug lag khang du bya'o/ /khang pa der ba'i rnam lngas skyang nul byas te dri zhim pos byugs pa'i maN+Dal la me tog sil ma dgram par bya'o/ /yum gyi sku gzugs kyang bzhugs te pog phor dang / me tog la sogs pa yang bsham par bya'o/ /me tog dang 'bras bu nus pa dang ldan pa'i rdzas dag rin po che'i ga 'ur bcug la maN+Dal gyi dbus su gzhag par bya'o/ /de nas bsam gtan sgom pa ni/ taM las byung ba'i myur pa'i brtson 'grus @#/ /dang ldan pa'i yum sgrol ma dpa' mo rnal 'byor ma'i lus su sgom pa ni/ pad+ma las byung zhing nyi zla'i steng na sku mdog ban du ka'i me tog ltar dmar ba/ gzhon nu lang tsho la bab pa lta bu'i sku do shal dang / dpung rgyan dang / rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i ras kyis stod g.yogs pa/ 'gying bag gi tshul gyis bzhengs pa/ zhal gcig phyag gnyis pa/ zhal bzhad cing cher bzhad pa/ spyan 'khyug pa/ phyag g.yas kyis thugs ka na 'dud pa/ g.yon na sdong bu dang bcas pa'i ut+pa la 'dzin pa/ sku las 'od 'phro ba dang bcas pa las rang dang mthun pa'i 'od 'khrugs pa dang bcas pa'i sku byang chub sems dpa' dpag tu med pa dang bcas pa bsams te bzlas pa 'di bya'o/ /oM tut+tA re tu re swAhA/ zhes bzla bar bya'o/ /de nas las kyi sngags dang bcas pa lan gcig gam/ bdun nam/ nyi shu rtsa gcig gam/ brgya rtsa brgyad bzlas nas gsol ba btab na/ 'grub par 'gyur ro/ /'jam dpal/ de'i phan yon ni/ sa bdag gi rgyal po la sogs pa 'jig rten gsum po thams cad dbang du 'gyur ro/ /thams cad khugs par 'gyur ro/ /dbang gi las kyi le'u zhes bya ste dgu pa'o// //'jam dpal/ drag po'i las bya bar 'dod na/ gnas ni/ dur khrod dam/ shing gcig gam/ chu bo chen po'i 'gram mam| gtsug lag khang du bya'o/ /khang pa der ba'i rnam lngas chag chag btab ste dri zhim po'i chus maN+Dal bya'o/ /sku gzugs la sogs pa yang dgram par bya'o/ /gro ga'am/ ras sam/ shing shun la rgyal po la sogs pa'i gzugs nim pa'i chus bris la maN+Dal gyi steng du kham pa'i ga 'ur gzhug par bya'o/ /de nas maN+Dal gyi steng du gzhag par bya'o| |pog phor la sogs pa'i mchod pa yang bshams par bya'o/ /de nas bsam gtan bsgom par bya ste/ /yi ge taM las bskyed pa'i myur ba'i brtson 'grus dang ldan pa'i yum sgrol ma dpa' mo rnal 'byor ma'i lus su bsgom pa ni/ pad+ma rgyas pa las byung zhing nyi zla'i steng na bzhugs pa/ sku mdog ljang gu kun nas gsal ba gzhon nu lang tsho la bab pa lta bu'i sku do shal dang / dpung rgyan dang / rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i gos kyis stod g.yogs pa/ zhabs g.yas brkyang ba g.yon bskum pas bzhugs pa/ zhal gcig phyag gnyis pa/ zhal mche ba gtsigs pa/ spyan ni/ rab tu 'bar zhing dbu skra @#/ /gyen du brdzes pa/ dbu'i zla ba'i steng na a mi de ba dang bcas pa bskal pa'i me dpung nang na bzhugs pa/ phyag g.yas na 'khor lo 'dzin pa/ g.yon na sdigs mdzub dang bcas pa'i ut+pa la sdong bu dang bcas pa 'dzin pa/ sku las khro bo 'phro ba khro mo dpag tu med pa dang lhan cig tu'o/ /de'i bzlas pa ni/ 'di'o/ /oM tu re tut+tA re tu re swA hA/ zhes bzla bar bya'o/ /de nas las kyi sngags dang bcas pa lan gcig gam/ lan bdun nam/ nyi shu rtsa gcig gam/ brgya rtsa brgyad bzlas shing nyin lan gsum mtshan lan gsum bzlas nas gsol ba btab na 'grub par 'gyur ro/ /'jam dpal/ 'di'i yon tan ni/ nyon mongs pa dang / las dang / rnam par smin pa dang / ngan song la sogs pa thams cad 'joms pa'o/ /'jam dpal/ ma rungs pa'i dgra dang / gdon dang / bgegs la sogs pa thams cad 'joms par 'gyur ro/ /drag po'i 'phrin las kyi le'u ste bcu pa'o// //'jam dpal/ 'phrin las sna tshogs pa'i las ni/ 'di'o/ /dur khrod dam/ shing gcig gam/ mchod rten gyi mdun nam/ chu bo chen po'i 'gram du las bya'o/ /khang pa der ba'i rnam lngas skyang nul byas te dri zhim pos byugs pa'i maN+Dal la me tog sil ma dgram par bya'o/ /yum gyi sku gzugs kyang bzhugs te spra tshil las byas pa'i gzugs kyi snying gar dur khrod kyi ras la sngags bcu pa dang / gsal ba'i yi ge gnyis dang bcas pa la ming gi yi ge mtha' dang bcas pa bcug ste maN+Dal gyi dbus su gzhag par bya'o/ /pog phor dang / me tog la sogs pa yang dgram par bya'o/ /de nas bsam gtan sgom pa ni/ taM las byung ba'i myur ba'i brtson 'grus dang ldan pa'i sku yum sgrol ma dpa' mo rnal 'byor ma'i lus su bsgom pa ni/ pad+ma las byung zhing nyi zla'i steng na sku mdog nag po shin tu 'tsher ba gzhon nu lang tsho la bab pa lta bu sku do shal dang / dpung rgyan dang / rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i gos kyis stod g.yogs pa/ zhabs brkyang bskum du bzhugs pa/ zhal gcig phyag gnyis pa/ mche ba zla ba phyed pa lta bu gtsigs pa/ zhal khro gnyer hUM sgra dang bcas pa/ dbu skra dmar ser gyen du phyogs pa/ dbu la zla ba'i steng na a mi de ba bzhugs pa/ bskal pa'i me dpung dang bcas pa'i 'od las 'jigs pa brgyad las srung ba'i lha mo brgyad 'phro ba/ g.yas na gri @#/ /khug 'dzin cing / g.yon pa sdong bu dang bcas pa'i ut+pa la'i steng na me tog gis bkang ba'i bram ze'i thod pa can 'dzin pa/ khro ba'i tshogs dang bcas pa bsgom par bya'o/ /sngags ni/ 'di bzla bar bya'o/ /oM tA re tu re tut+tA re swAhA/ zhes bzla bar bya'o/ /de nas las kyi sngags dang bcas pa la lan gcig gam/ bdun nam/ nyi shu rtsa gcig gam/ brgya rtsa brgyad bzlas nas gsol ba btab na 'grub par 'gyur ro/ /'jam dpal/ de'i phan yon ni/ 'phrin las bzhi 'grub par 'gyur ro/ /'jigs pa las bsrungs par 'gyur ro/ /'phrin las sna tshogs kyi le'u ste bcu gcig pa'o// //de nas yang bcom ldan 'das la sangs rgyas thams cad skyed pa'i yum ni/ rigs lnga'i bdag nyid kyi yum ji ltar lags/ bcom ldan 'das kyis bka' stsal pa/ 'jam dpal/ rdo rje'i rigs kyi yum ni/ zhal bzhi'am/ phyag brgyad ma/ dung gi mdog can/ gzhon nu lang tsho la bab pa/ zhal dkar ba dang / nag pa dang / dmar ba dang / ser ba'i zhal bzhi'o/ /rigs lngas dbu la mtshan pa/ spyan gsum pa'o/ /phyag brgyad ni/ rdo rje dang / mda' dang / mdung dang / tha ma la mchog sbyin gyi phyag rgya'o/ /ut+pa la dang / gzhu dang / rdo rje lcags kyu dang / zhags pa dang / sdigs mdzub ni/ g.yon gyi phyag rgya'o/ /rdo rje skyil krung gis bzhugs shing chos sku'i rang bzhin can no/ /'jam dpal de'i sngags ni/ 'di'o/ /na mo rat+na tra yA ya/ na ma AR+ya dz+nyA na sA ga rA ya/ ak+Sho b+h+yaHbyu ha rA dzA ya/ ta thA ga tA ya/ ar+ha te b+h+yaHsamya k+saM bud+d+ha ya/ na ma AR+ya a ba lo ki te shwa rA ya/ b+ho d+hi satwa ya/ ma hA satwa ya/ ma hA kA ru Ni kA ya/ tad+ya thA/ oM tA re tu re tut+tA re swAhA/ zhes brjod pas rdo rje'i rigs thams cad kyis me tog dang / mar me dang / dri chab dang / bshos gtsang gis mchod do/ /'jam dpal/ de'i las ni/ 'di'o/ /spra tshil las gang la bya ba'i gzugs byas te skrod pa'i rdzas ni/ bya rog dang / hu lu'i sha ming dang bcas pa'i snying gar bcug nas sngags 'di brjod par bya'o/ /oM a mu kaM me sha ma na ya swAhA/ zhes brjod nas rlung gi phyogs su sbas na/ 'jam dpal/ 'thab cing 'bye bar 'gyur te/ gzhan du 'bros par 'gyur ro/ /rdo rje'i rigs kyi yum gyi le'u ste bcu gnyis pa'o// //'jam dpal/ pad+ma'i rigs kyi yum ni/ zhal bzhi pa/ phyag brgyad pa/ rtsa ba'i zhal ni/ dmar po/ ban+du ka'i me tog gi mdog can gyi sku gzhon nu lang tsho la bab pa/ g.yas zhal dkar po/ g.yon zhal nag po/ rgyab zhal ser po/ rigs bzhis dbu la @#/ /mtshan pa/ spyan gsum pa'o/ /phyag brgyad na pad+ma dang / mda' dang / mdung dang / tha ma mchog sbyin gyi phyag rgya'o/ /ut+pa la dang / gzhu dang / rdo rje'i lcags kyu dang / zhags pa dang / sdigs mdzub ni/ g.yon pa'i phyag rgya'o/ /rdo rje skyil mo krung gis bzhugs shing chos kyi sku'i rang bzhin can no/ /'jam dpal/ de'i sngags ni/ 'di'o/ /na mo rat+na tra yA ya/ na ma AR+ya dz+nyA na sA ga rA ya/ a mi tA b+ha de ba byu ha rA dzA ya/ /ta thA ga tA ya/ ar+ha te b+h+yaHsamya k+saM bud+d+ha ya/ na ma Ar+yA a ba lo ki te shwa rA ya/ b+ho d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM tA re tu re tut+tA re swA hA/ zhes brjod pas pad+ma'i rigs thams cad kyis me tog dang / bdug spos dang / mar me dang / dri chab dang / zhal zas kyis mchod do/ /'jam dpal/ de'i las ni/ 'di'o/ /d+ha ru ra dang / nim pa dang / mya ngan 'tshang gi me tog btags te phye ma sbrang rtsi dang lde gu byas nas sngags 'di brjod par bya'o/ /oM a mu ka a mi ta naM ku mA ri ma hA mu ri dra ba ha na da s+ya pi ta pa ya tsa tu hUM hrIHzhes brjod nas lus la byugs na/ rang dbang med par khugs par 'gyur ro/ /pad+ma'i rigs kyi yum gyi le'u ste bcu gsum pa'o// //'jam dpal/ de bzhin gshegs pa'i yum ni/ zhal bzhi phyag brgyad pa ser mo/ /gser bsregs pa lta bu'i sku/ gzhon nu lang tsho la bab pa/ rtsa ba'i zhal ser po/ g.yas zhal dkar po/ g.yon zhal dmar ba/ rgyab zhal nag pa/ rigs bzhis dbu la mtshan pa/ spyan gsum pa'o/ /phyag brgyad na 'khor lo dang / mda' dang / mdung dang / tha ma mchog sbyin mdzad pa'o/ ut+pa la dang / gzhu dang / rdo rje lcags kyu dang / zhags pa dang / sdigs mdzub dang bcas pa g.yon na 'dzin pa'o/ /rdo rje skyil mo krung gis bzhugs shing chos kyi sku'i rang bzhin can no/ /'jam dpal/ de'i sngags ni/ 'di'o/ /na mo rat+na tra yA ya/ na ma AR+ya dz+nyA na sA ga rA ya/ bai ro tsa na byu ha rA dzA ya/ ta thA ga tA ya/ ar+ha te b+h+yaHsamya k+saM bud+d+ha ya/ na ma AR+ya a ba lo ki te shwa rA ya/ b+ho d+hi satwa ya/ ma hA satwa ya/ ma hA kA ru Ni kA ya/ tad+ya thA/ oM tA re tu re tut+tA re swA hA zhes bya bas de bzhin gshegs pa'i rigs thams cad kyis mchod pa'i me tog dang / mar me dang / bdug pa dang / dri la sogs pas mchod do/ /'jam dpal de'i las ni/ /'di'o/ /thal chen dang / sa zhag la gzugs byas te snying gar gsal byed gnyis kyi ye ge'i mtha' can bcug la sngags 'di brjod par bya'o/ /oM mA ra ya mA ra ya/ kA ra ya kA ra ya/ staM b+ha ya staM b+ha ya/ dzaM b+ha ya dzaM b+ha ya/ hUM hUM hUM/ laM laM laM laM laM zhes brjod na lam rgya gram du sba bar bya'o/ /de bzhin gshegs pa thams @#/ /cad kyi yum gyi le'u ste bcu bzhi pa'o// //'jam dpal/ rin po che'i rigs kyi yum ni/ zhal bzhi phyag brgyad pa/ rtsa ba'i zhal ni/ mthing ga /gzhon nu lang tsho la bab pa/ mthing ga'i sku/ zhal g.yas dkar ba/ g.yon zhal dmar ba/ rgyab zhal ser ba/ rigs bzhis dbu la mtshan pa/ spyan gsum pa'o/ /phyag brgyad ni/ rin po che dang / mda' dang / mdung dang / tha ma mchog sbyin mdzad pa'o/ /ut+pa la dang / gzhu dang / rdo rje lcags kyu dang / zhags pa dang / sdigs mdzub g.yon pa na 'dzin pa'o/ /rdo rje'i skyil mo krung gis bzhugs shing chos kyi sku'i rang bzhin can no// 'jam dpal/ de'i sngags ni/ 'di'o// na mo rat+na tra yA ya/ na ma AR+ya dz+nyA na sA ga rA ya/ saM b+ha ba b+hu ha rA dzA ya/ ta thA ga tA ya/ ar+ha te b+h+yaHsamya k+saM bud+d+ha ya/ na ma AR+ya a ba lo ki te shwa rA ya/ b+ho d+hi satwa ya/ ma hA satwA ya/ ma hA kA ru Ni kA ya/ tad+ya thA/ oM tA re tu re tut+tA re swA hA zhes brjod pas rin po che'i rigs thams cad kyis me tog dang / bdug pa dang / mar me dang dri chab kyis mchod do/ /'jam dpal/ de'i las ni/ 'di'o/ /stag ma'i rtsa ba rul pa dang / snying las skyes pa'i srin bu dang / sa bon gnyis su bsres pa kham pa'i ga'ur bcug ste sngags 'di brjod par bya'o/ /oM a mu ka i bi Ta naM/ A kaR+Sha ya A kaR+Sha ya/ a mu ki ma yai ba se traM swa ba naM ka tha hUM hrIHzhes bzlas te mal 'og tu sbas na| yon tan shes shing mi phyed par 'gyur ro/ /rin po che'i rigs kyi yum gyi le'u ste bco lnga pa'o// //'jam dpal/ las kyi rigs kyi yum ni/ zhal bzhi phyag brgyad pa/ rtsa ba'i zhal ni/ ljang gu/ gzhon nu lang tsho la bab pa/ g.yas zhal dkar ba/ g.yon zhal dmar ba/ rgyab zhal ljang gu/ rigs bzhis dbu la mtshan pa/ spyan gsum pa'o/ /phyag brgyad la ral gri dang / mda' dang / mdung dang / tha ma mchog sbyin mdzad pa'o/ /ut+pa la dang / gzhu dang / rdo rje lcags kyu dang / zhags pa dang / sdigs mdzub ni g.yon na 'dzin pa'o/ /rdo rje skyil mo krung gis bzhugs shing chos kyi sku'i rang bzhin can no/ /'jam dpal/ de'i sngags ni/ 'di'o/ /na mo rat+na tra yA ya/ na ma AR+ya dz+nyA na sA ga rA a mo g+ha sid+d+ha byu ha rA dzA ya/ ta thA ga tA ya/ ar+ha te b+h+yaHsamya k+saM bud+d+ha ya/ na ma AR+ya a ba lo ki te shwa rA ya/ b+ho d+hi satwa ya/ ma hA satwa ya/ ma kA ru Ni kA ya/ tad+ya thA/ oM tA re tu re tut+tA re swA hA zhes brjod pas las kyi rigs thams cad kyis me tog dang / bdug spos dag/ mar me dang / dri chab kyis mchod do/ /'jam @#/ /dpal| de'i las ni/ phrag dog med par mo thams cad 'gugs pa ni/ phug ron gyi mig dang / lce dang / snying dang / go ro tsa na dang / dngul rdo dang de rnams nim pas ril bu byas te 'di brjod par bya'o/ /tsa la pra tsa la shI g+h+raM ga mi de ba dat+ta u tsa tA ya a mu khaM ba sa naM muk+taM ku ru na ya na ma hA ra had de hrIHswAhA zhes bzlas te byugs na/ mo thams cad khugs par 'gyur ro/ /dbang du 'gyur ro/ /phrag dog med par 'gyur ro/ /las kyi rigs kyi yum gyi le'u ste bcu drug pa'o// // de ltar las kyi bye brag bstan nas 'jam dpal gzhon nur gyur pas las thams cad kun rdzogs par sbyin sreg ji ltar bya zhes gsol ba dang / bcom ldan 'das kyis bka' stsal pa/ 'jam dpal/ 'di thams cad kyi sngon du 'gro zhing so so'i las bsgrub pa'i phyir sbyin sreg bya'o/ /de la dang po zhi ba'i las bya ba ni/ tshes gsum pa'i zla ba la kha dog dang mthun pa'i khang bu byas te rdo rje dkar po dgod par bya'o/ /bud shing ni/ tsan+dan dkar po'i shing la sogs pas bya'o/ /de la me sbar te sku gzugs mdun du bzhag ste 'bras dang / khre dang / cu tse dang / til dkar po la sngags btab pa ni/ oM tA re tut+tA re tu re swAhA/ lan bdun nam/ nyi shu rtsa gcig tu bzlas te me'i nang du gtor bar bya'o/ /zho dang 'o ma la sngags btab ste/ shAn+tiM ku ru dang bcas pas dbul bar bya'o/ /'o ma can gyi shing dang mar dkar po la ni/ sarba pA paM dang bcas pas dbul lo/ /'jam dpal/ me tog dkar po dang bcas pa'i me'i khang par tsan+dan la sogs pa dri zhim po'i shing la me sbar te sku gzugs mdun tu bzhag la chu dang yungs kar la sngags te mer gtor ba'i sngags ni tad+ya thA/ oM sarba ta thA ga tA tA re tut+tA re tu re swAhA zhes bya ba'i sngags dang / sarba pA paM shAn+tiM ku ru swAhA zhes bya bas chu khyor ba brgya rtsa brgyad dbul bar bya'o/ /'jam dpal de'i phan yon ni/ /mtshams med pa la sogs pa'i sdig pa zhi bar 'gyur ro/ /nad 'go ba dang / gdon la sogs pa thams cad zhi bar 'gyur ro/ /skye ba thams cad du tshe rabs dran par 'gyur ro/ /'jam dpal/ ba'i rnam lnga'i byugs pas byugs te me'i khang ba dri dang ldan pa'i khang par spra tshil la gzugs dris pa dang bcas pa sngags 'dis bsreg go/ /oM tA re tu t+tA re tu re swAhA zhes bya bas bsregs na/ dbang du 'gyur zhing tshar bcad par yang 'gyur ro/ /sbyin sreg gi le'u ste bcu bdun pa'o// //de nas bcom ldan 'das kyis 'dzum pa mdzad de byang chub sems dpa' @#/ /'jam dpal gzhon nu la 'khor lo'i rim pa bka' stsal to/ /'khor lo ling tshe dgu pa la oM dang hA gnyis dbus su che ge mo dang bcas pa bri/ rak+Sha rak+ShaHzhes bya ba ni/ srung ba'o/ /phyogs mtshams su oM hA re tut+tA re tu re swA hA zhes bya ba bris te kun la swA hA'i bar du bcug pa gro ga la gur gum gyis bris nas dpung pa la btags pa ni/ srung ba'i mchog go /zhi ba'i srung ba'i 'khor lo'i le'u ste bco brgyad pa'o// // de nas dbang gi srung ba ni/ 'khor lo ling tshe dgu pa la oM dang hA gnyis dbus su che ge mo dang bcas pa bri/ rak+Sha rak+ShaHzhes bya ba ni/ srung ba'o/ /phyogs mtshams su oM tA re tut+tA re tu re swA hA zhes bya ba bris te kun la mu dang mu'i bar du sa bon no/ /de gro ga dmar po la rgya skyegs kyi khu bas bris te lte bar mi mngon par btags na/ srung ba'i mchog tu 'gyur zhing dbang du sdud do| |dbang gi srung ba'i 'khor lo'i le'u ste bcu dgu pa'o// //de nas rgyas pa'i srung ba ni/ 'khor lo rtsibs brgyad pa byas te/ oM tA re tut+tA re tu re brgyad po dgod par bya'o/ /dbus su swA hA'i ming rak+ShaHrak+ShaHdang bcas pa gro ga la gur gum gyis bris pa dpung pa'am mgul du btags na/ srung ba'i mchog tu 'gyur ro/ /rgyas pa'i srung ba'i 'khor lo'i le'u ste nyi shu pa'o// //de nas bar chod sel ba'i srung ba'i 'khor lo ni/ mu khyud gsum la tha ma ling tshe brgyad pa'o/ /dbus su ming gi mtha' can gyi swA hA rak+Sha dang bcas pa'o/ /mu khyud nang ma la u u u u u u u u zhes bya ba dgod par bya'o/ /ling tshe brgyad pa phyi ma la ni/ oM tA re tu re tut+tA re zhes bya ba'i yig 'bru rnams u dang u'i bar du bcug ste bkod la gro ga'am shing shun la gur gum gyis bris te spyi bo'am/ mchan khung du mis mi mthong bar btags na/ gnod pa thams cad las thar ro/ /sngags ni/ ci mang du grangs dang ldan par bzla'o/ /shin tu rgyas pa'i srung ba'i 'khor lo'i le'u ste nyi shu rtsa gcig pa'o// //de nas 'phrin las thams cad sgrub pa'i 'khor lo ni/ gro ga'am ras la ling tshe dgu pa'i 'khor lo tsan+dan dkar po'i chus bris te sngags dgod pa ni/ a A/ i I/ u u/ e ai/ o au/ r-i r-I/ l-i l-I/ aM aHzhes pa phyi'i mu khyud la'o/ /nang gi mu khyud la tA re tut+tA re tu re swA hA/ oM dang hA'i bar du rak+ShaHshAn+tiM ku ru zhes pa ni/ steng gi 'khor lo'o/ /'og gi 'khor lo ni/ sngags ldog pas so/ /phyi'i dbyangs yig kyang ldog par shes par bya'o/ /dbus su ni/ oM @#/ /dang hA'i bar du rak+ShaHshAn+tiM ku ru bri bar bya'o/ /zhi ba chen po'i 'khrul 'khor gyi srung ba ste le'u nyi shu rtsa gnyis pa'o// //de nas 'phrin las bzhi'i las so so'i 'khor lo ni/ zhi ba ni/ kham pa la ga'u kha sbyor byas te mer bsregs la kha dog dkar po byug par bya'o/ /de'i nang du 'khor lo ling tshe dgu pa bris te sngags dgod pa ni/ oM tA re tut+tA re tu re zhes bya ba re mig brgyad la'o/ /ru ru/ oM ru ru/ ru ru/ tA ru ru/ ru ru re ru ru/ ru ru tuta ru ru/ ru ru tA ru ru/ ru ru re ru ru/ ru ru tu ru ru/ ru ru re tu ru zhes bri'o/ /dbus su ni/ ku ru shAn+tiM ku ru swA hA zhes bris te ga'ur sbyar te dbus su srad bu dkar po dang ldan pa'i ga 'ur maN+Dal thog tu bzhag la/ me tog dkar pos mchod cing mchod pa rnam pa lnga yang dbul te dus gsum du mchod na/ zhi bar 'gyur ro/ /zhi ba'i 'khor lo'i le'u ste nyi shu rtsa gsum pa'o// //de nas zhi ba chen po'i las bya ba ni/ kham pa la ga'u kha sbyor byas te tsan+dan dkar pos snag tsha byas la 'khor lo phyi nang dang ldan pa'i ling tshe dgu pa bri bar bya'o/ /sngags dgod pa ni/ swA shAn+tiM ku ru hA zhes bya ba dbus su bri'o/ /mu khyud nang ma la ni/ a a zhes bya ba brgyad dgod par bya'o/ /mu khyud phyi ma la ni/ a oM a/ a tA a/ a re a/ a tuta a/ a tA ya/ a re a/ a tu a/ a re a zhes bya ba bri bar bya'o/ /ga'ur me tog gi phreng ba bcings te maN+Dal gyi steng du dus bzhir mchod cing zhag bdun du sngags ma nor bar bzlas na/ zhi ba cen po'i las 'grub par 'gyur ro/ /zhi ba chen po'i le'u ste nyi shu rtsa bzhi pa'o// //de nas rgyas pa'i las bya ba ni/ gur gum mam/ g+hi wang gis gro ga la 'khor lo phyi nang dang ldan pa'i ling tshe dgu pa bris te dbus su sarba puSh+TiM ku ru oM a zhes bya ba dgod par bya'o/ /ling tshe nang ma brgyad la oM brgyad bri bar bya'o/ /ling tshe phyi ma brgyad la oM oM oM/ oM tA oM/ oM re oM/ oM tuta oM/ oM tA oM/ oM re oM/ oM tu oM/ oM re oM zhes bya ba bris nas kham pa'i ga'ur bcug ste me tog ser po nA ga puSh+pe'i me tog dang / mchod pa lngas dus bzhir zla ba rgyas nas bzung nas zhag bdun du mchod na/ tshe dang bsod nams thams cad rgyas par 'grub bo/ /rgyas pa'i 'khor lo'i le'u ste nyi shu rtsa lnga pa'o// //de nas dbang du bsdu bar 'dod na/ kaN+Da ka ri'u shun pa dang / seng ldeng gi shun pa dang / mdzo mo shing gi shun pa bskus pa'i khu bas bse gab bam/ ga'u la 'khor lo bri @#/ /ba ni| ling tshe dgu pa'o/ /sngags dgod pa ni/ dbus su a swA tsa a mo g+ha a hriHha zhes pa bri'o/ /ling tshe brgyad la ni/ a oM a/ a tA a/ a re a/ a tuta a/ a tA a/ a re a/ a tu a/ a re a zhes bris nas thod pa kha sbyor du bcug nas skud pa sngon pos dkris nas me tog dmar po dang / mchod pa lngas dus bzhir zla ba kham pa'i dus su mchod na/ thams cad dbang du 'du'o/ /dbang drag gi 'khor lo'i le'u ste nyi shu rtsa drug pa'o// // de nas dbang du 'du bar byed pa ni/ srin lag gi khrag dang / rgya skyegs kyi khu ba dang / dur khrod kyi sol ba dang / kaN+Da ka'i khu ba rnams kyis bris te dur khrod kyi ras sam/ mi shi ba'i gos sam/ 'khor lo ling tshe dgu pa bri'o/ /dbus su a mo g+ha hrIHha zhes bya ba bri'o/ /rtsibs brgyad la oM de oM/ /tA pa tA/ re da ta re/ tu ta ta tuta/ tA a tA/ re mo ra/ tu g+ha tu/ re hrIH re zhes bya ba bri'o/ /ga'ur srin mgo dmar po dang 'khor lo phral nas gtsang po phar 'gram tshur 'gram du sbas na/ dbye zhing dbang du 'gyur ro/ /dbye zhing dbang du bsdu ba'i 'khor lo'i le'u ste nyi shu rtsa bdun pa'o// //de nas bskrad par 'dod na/ dug dang / khrag dang / rams rnams sbyar te dur khrod kyi ras la 'khor lo gnyis bris te ling tshe dgu pa'i dbus su ha sa u tsa ha ha ha bri bar bya'o/ /ling tshe brgyad la ha oM ha/ ha tA ha/ ha re ha/ ha tu ta ha/ ha tA ha/ ha re ha/ ha tu ha/ ha re ha zhes pa bris te/ kha sbyar ka pA lar bcug ste skud pa sngon pos bcings te dur khrod du sbas na bskrad par 'gyur ro/ /bskrad pa'i 'khor lo'i le'u ste nyi shu rtsa brgyad pa'o// //de nas dbye ba'i 'khor lo ni/ dur khrod kyi sol ba dang / bya rog dang / 'ug pa'i khrag dang / dug rnams mnyam par bsres pa'i snag tshas 'khor lo phyi nang dang bcas pa'i ling tshe dgu pa bris te dbus su phaT swA te ba data ta ha phaT ces bya ba bri'o/ /ling tshe nang ma brgyad la phaT phaT phaT phaT phaT phaT phaT phaT ces pa bri'o/ /ling tshe phyi ma brgyad la phaT oM phaT/ phaT tA phaT/ phaT re phaT/ phaT tuta phaT/ phaT tA phaT/ phaT re phaT/ phaT tu phaT/ phaT re phaT zhes bya ba bris te/ bya rog dang / 'ug pa'i sgo ngar bcug ste brag dang chu 'thab sar sgo nga sbas na/ dbye bar 'gyur ro/ /dbye ba'i 'khor lo'i le'u ste nyi shu rtsa dgu pa'o// //de nas gsad pa'i 'khor lo ni/ dug dang / khrag dang / ske tshe rnams mnyam par sbyar bas ling tshe dgu pa'i 'khor lo phyi nang dang @#/ /bcas pa bris te dbus su hUM swA mA ra ya hA phaT ces bya ba bri'o/ /ling tshe nang ma la hUM phaT hUM/ phaT hUM phaT/ hUM phaT hUM/ phaT hUM phaT/ hUM phaT hUM/ phaT hUM phaT/ hUM phaT hUM/ phaT hUM phaT zhes bya ba bri'o/ /ling tshe phyi ma la hUM oM phaT/ hUM tA phaT/ hUM re phaT/ hUM tuta phaT/ hUM tA phaT/ hUM re phaT/ hUM tu phaT/ hUM re phaT zhes bya ba bris te rabs chad pho mo'i thod pa la bris te sngags mang du bzlas nas dur khrod du sbas na/ 'chi bar 'gyur ro/ /gsad pa'i 'khor lo'i le'u ste sum cu pa'o// //myos pa'i 'khor lo ni/ d+ha du ra'i chus ras sam/ sho gu la ling tshe dgu pa phyi nang dang bcas pa'i 'khor lo bris te dbus su ha ha de ba t+ta ta ha zhes pa bri'o/ /ling tshe nang ma la h+ha h+ha h+ha h+ha h+ha h+ha h+ha h+ha bri bar bya'o/ /phyi ma brgyad la ni/ h+ha oM h+ha/ h+ha tA h+ha/ h+ha re h+ha/ h+ha tuta h+ha/ h+ha tA h+ha/ h+ha re h+ha/ h+ha tu h+ha| h+ha re h+ha zhes bya ba bris te rtsi'i ga'ur bcug nas bzlas pa ci nas kyang myur bar byas te lam rgya gram du dong dang bcas par sbas te d+ha du ra spungs na/ myos par 'gyur ro/ /gso na/ mar sbrang rtsi ba'i 'o mas ling ga bkrus na/ 'tsho bar 'gyur ro/ /myos byed kyi 'khor lo'i le'u ste sum cu rtsa gcig pa'o// //de nas mnan pa'i 'khor lo ni/ g.yam pa la ling tshe dgu pa'i 'khor lo bris te yung ba'i chus ling tshe dgu pa'i dbus su ga swa staM b+ha ya staM b+ha ya g+ha ha zhes bya ba bri bar bya'o| |ling tshe brgyad la ga oM ga /ga tA ga/ ga re ga /ga tuta ga /ga tA ga /ga re ga /ga tu ga /ga re ga zhes bya ba bris te 'khor lo kha sbyar nas lam rgya gram du sbas na/ 'gul mi shes par 'gyur ro/ /mnan pa'i 'khor lo'i le'u ste sum cu rtsa gnyis pa'o// //de nas mnan pa chen po ni/ yung ba'i khu bas snag tsha byas te kham pa'i ga'u'i nang du phyi nang ling tshe dgu pa'i 'khor lo bris la sngags dgod pa ni/ dbus su rga swa staM b+ha ya staM b+ha ya rga ha zhes bya ba bri'o/ /nang ma la ha ha ha ha ha ha ha ha zhes bya ba brgyad bri'o/ /de'i phyi rol gyi ling tshe brgyad la ni/ rga oM rga/ rga tA rga/ rga re rga/ rga tuta rga/ rga tA rga/ rga re rga/ rga tu rga/ rga re rga zhes bya ba bris te sgrub pa 'phags ma la byas la dgra gang nas 'ong ba'i phyogs su sbas na/ srung bar 'gyur zhing dgra'i sgor sba na/ mnan par 'gyur ro/ /dgra mnan pa'i 'khor lo'i le'u ste sum cu rtsa gsum pa'o// //de nas rig sngags kyi sbyor ba mnan par byed pa'i 'khor lo ni/ yung ba'i khu bas g.yam pa'am/ lhang tsher ma gnyis gang yang rung @#/ /ba la 'khor lo bris te ling tshe dgu pa la phyi nang dang bcas pa bri bar bya'o/ /sngags dgod pa ni/ dbus su wa swa staM b+ha ya staM b+ha ya ha/ 'khor lo nang ma la wa wa wa wa wa wa wa wa zhes bya ba bri bar bya'o/ /phyi ma la wa oM wa/ wa tA wa/ wa re wa/ wa tuta wa/ wa tA wa/ wa re wa/ wa tu wa/ wa re wa zhes bya ba bris te phan tshun g.yas pa g.yon du 'khor lo re re sbas na/ mnan par 'gyur ro/ /rig sngags kyi sbyor ba mnan pa'i le'u ste sum cu rtsa bzhi pa'o// // de nas bcom ldan 'das la byang chub sems dpa' 'jam dpal gzhon nus me tog man+dA ra ba dang / pad+ma dang / ku mu da la sogs pas bcom ldan 'das la gtor ro| |lha rdzas kyi rol mo'i sgra du ma yang sgrags so/ /de nas bcom ldan 'das la gsol pa/ dam tshig kyang gang gis 'grub par 'gyur zhes zhus pa dang / bcom ldan 'das kyis bka' stsal pa/ so so'i dam tshig sdom gnas te/ /lha yi 'khor lo dang ldan pas/ /srog chags dag ni bsad pa spang / /ma byin pa dag mi blang zhing / /bud med mi bsten smad mi bya/ /brdzun ni rnam pa kun tu spang / /myos 'gyur dag dang sha dag dang / /rku zhing rnam pa rtag tu spang / /mi rnams thams cad kun la ni| |chags pa'i sems kun spang pa ste/ /ma bzhin du ni kun la ni/ /phan pa'i sems kyis kun la bkur/ /dam tshig sdom la gnas pa yi/ /las rnams kun la mthu yod 'gyur/ /zhes bcom ldan 'das kyis gsungs so/ /dam tshig dang sdom pa bstan pa'i le'u ste sum cu rtsa lnga pa'o// //de nas lha'i dbang po brgya byin dang / tshangs pa la sogs pa lha dpag tu med pa dang / byang chub sems dpa' 'jam dpal gzhon nu la sogs pa'i 'khor dpag tu med pa dag dang / lha dang / mi dang / lha ma yin dang bcas pa'i 'jig rten rjes su yi rang ste bcom ldan 'das kyis gsungs pa la mngon par bstod do/ /bcom ldan 'das ma sgrol ma'i rgyud las sna tshogs bstan pa zhes bya ba rdzogs so// //rgya gar gyi mkhan po d+harma shrI mi tra dang / lo ts+tsha ba dge slong chos kyi bzang pos bsgyur ba'o/

CLOSE WINDOW