བོད་ཡིག |
392b3 / //'phags pa byang chub sems dpa' spyan ras gzigs dbang phyug phyag stong dang ldan pa thogs pa mi mnga' ba'i thugs rje chen po'i
392b4 sems rgya cher yongs su rdzogs pa zhes bya ba'i gzungs/ bam po dang po/ sangs rgyas dang / byang chub sems dpa' thams cad la phyag 'tshal lo//
392b5 'di skad bdag gis thos pa dus gcig na/ bcom ldan 'das shAkya thub pa ri po Ta la'i steng / 'phags pa spyan ras gzigs dbang phyug gi gzhal
392b6 med khang rin po che bkod pa'i dkyil 'khor na nor bu rin po che rnam pa sna tshogs kyis rab tu brgyan pa'i rin po che'i seng+ge'i gdan rin po che'i rgyal
392b7 mtshan dang ba dan dag gis 'khor bar bkod cing dbyangs pa la bzhugs te/ de'i tshe de bzhin gshegs pa gdan de la bzhugs nas kun 'dzin
393a1 ces bya ba'i gzungs sngags bshad par bzhed pa'i phyir byang chub sems dpa' sems dpa' chen po grangs med pa dang thabs
393a2 cig tu bzhugs pa la 'di lta ste/ byang chub sems dpa' kun 'dzin gyi rgyal po dang / byang chub sems dpa' rin po che'i rgyal po dang / byang chub
393a3 sems dpa' sman gyi rgyal po dang / byang chub sems dpa' sman mngon par 'phags pa dang / byang chub sems dpa' spyan ras gzigs dbang phyug
393a4 dang / byang chub sems dpa' mthu chen thob pa dang / byang chub sems dpa' pad+ma'i bkod pa dang / byang chub sems dpa' bkod pa chen po dang /
393a5 byang chub sems dpa' rin chen snying po dang / byang chub sems dpa' dpal gyi snying po dang / byang chub sems dpa' rdo rje snying po dang / byang chub
393a6 sems dpa' nam mkha'i snying po dang / byang chub sems dpa' byams pa dang / byang chub sems dpa' kun tu bzang po dang / byang chub sems dpa'
393a7 'jam dpal la sogs ba byang chub sems dpa' sems dpa' chen po chos kyi rgyal po chen po dbang bskur ba thob pa sha stag dang thabs cig go / gzhan yang nyan thos kyi dge 'dun chen po thams cad kyang dgra bcom pa'i sa bcu spyad pa tshad med pa grangs med pa dag dang thabs cig ste/
393b1 tshe dang ldan
393b2 pa 'od srung chen po ni/ gtso bor gyur to/ /gzhan tshangs ris kyi lha tshad med pa snyed dang thabs cig ste/ lha'i bu k+ShaN+Ta ma ra ni/ gtso bor gyur to/ /gzhan
393b3 yang lha dang lha'i bu tshad med pa snyed dang thabs cig ste/ lha'i bu kum+b+ha ka ni/ gtso bor gyur to/ /gzhan yang 'jig rten skyong ba dang / rgyal chen ris
393b4 bzhi'i lha'i rgyal po tshad med pa snyed dang thabs cig ste/ lha'i rgyal po yul 'khor srung ni/ gtso bor gyur to/ /gzhan yang lha dang / klu dang / gnod
393b5 sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa la sogs pa tshad med
393b6 pa snyed dang thabs cig ste/ klu'i rgyal po chen po ri'i dpal ni/ gtso bor gyur to/ /gzhan yang 'dod pa'i khams kyi lha'i bu mo tshad med pa snyed dang
393b7 thabs cig ste/ lha'i bu mo gzhon nu'i mig ces bya ba ni/ gtso mor gyur te/ gzhan yang nam mkha'i lha dang / chu bo dang / rgya mtsho'i lha dang / chu mig
394a1 gi lha dang / chu klung gi lha dang / sman gyi lha dang / ljon shing gi lha dang / nags tshal gyi lha dang / khang khyim gyi lha dang /
394a2 chu'i lha dang / me'i lha dang / rlung gi lha dang / sa'i lha dang / ri'i lha dang / gzhal med khang la sogs pa'i lha tshad med pa snyed kyang so so nas
394a3 'dus shing lhags par gyur to/ /de nas byang chub sems dpa' spyan ras gzigs dbang phyug 'khor mang po'i nang du gsang ste rdzu 'phrul gyis
394a4 'od zer bkye bas phyogs bcu'i 'jig rten gyi khams rnams dang / stong gsum gyi stong chen po'i 'jig rten gyi khams 'di yang gser gyi
394a5 kha dog can du gyur to/ /lha'i gzhal med khang rnams dang / klu'i khang khyim rnams dang / lha'i gtso bo rnams kyi gzhal med khang rnams
394a6 kyang rab tu g.yos par gyur/ chu bo dang / mtsho dang / rgya mtsho chen po dang / ri khor yug dang / ri rab lhun po dang / sa'i ri dang / ri nag po
394a7 rnams kyang rab tu g.yos par gyur to/ /nyi ma dang / zla ba dang / nor bu dang / me dang / rgyu skar dang / gza'i 'od rnams kyang zil gyis mnan te
394b1 mi snang bar gyur to/ /de nas byang chub sems dpa' kun 'dzin gyi rgyal pos ngo mtshar rmad du byung ba'i mtshan ma de dag mthong ba dang / sngon chad nam yang
394b2 de lta bu ma byung ngo / /zhes ngo mtshar du gyur nas stan las langs te thal mo sbyar nas 'di skad ces bcom ldan 'das/ rdzu 'phrul gyi mtshan ma 'di lta bu
394b3 'di dag sus bkye lags zhes gsol nas tshigs su bcad de zhu ba zhus pa/ deng ni su zhig mngon par sangs rgyas na/ /'di ltar 'od zer chen po rab bkye
394b4 bas/ /phyogs bcu'i 'jig rten gser gyi mdog tu gyur/ /stong chen 'jig rten khams kyang de bzhin lags/ /deng ni su zhig rang dbang thob gyur na/ /ya
394b5 mtshan rdzu 'phrul chen po mthu bkye nas/ /mtha' med sangs rgyas zhing rnams rab g.yos shing / /lha klu gzhal med khang rnams mi bder gyur/ /su yi mthu
394b6 lags rgyu rkyen ma rtogs pas/ 'khor mang 'di dag the tshom 'tshal gyur na/ /bcom ldan 'das kyi thugs rje chen po yis/ /rdzu 'phrul 'di yi rgyu rkyen bkas
394b7 bshad gsol/ /bcom ldan 'das kyis byang chub sems dpa' kun 'dzin gyi rgyal po la bka' stsal pa/ rigs kyi bu/ khyed kyis 'di rig par bya ste/
395a1 deng 'khor gyi dkyil 'khor 'dus pa 'dir byang chub sems dpa' sems dpa' chen po spyan gzigs dbang phyug ces bya ba
395a2 zhig yod pa de/ sngon bskal pa tshad med pa nas byams pa chen po dang snying rje chen po phun sum tshogs par gyur pa/ gzungs kyi sgo tshad med pa snyed
395a3 shin tu bsgoms shing mngon par bsgrubs par gyur pas/ sems can rnams la phan pa dang bde bar 'dod pa'i phyir gsang ste 'di lta bu'i rdzu 'phrul
395a4 gyi mthu chen po bstan pa yin no/ /bcom ldan 'das kyis de skad ces bka' stsal pa dang / de nas byang chub sems dpa' spyan ras gzigs
395a5 dbang phyug stan las langs te gos tshags bcos nas bcom ldan 'das ga la ba de logs su thal mo sbyar te bcom ldan 'das la 'di skad
395a6 ces gsol to/ /bcom ldan 'das/ bdag la thugs rje chen po'i sems zhes bgyi ba'i gzungs sngags mchis te/ sems can mang po rnams
395a7 la sman pa dang bde ba 'thob par bgyi ba dang / bro nad thams cad bsal bar bgyi ba dang / tshe ring bar 'gyur ba dang / phyug cing 'byor pa dang ldan
395b1 par bgyi ba dang / sdig pa mi dge ba'i las dang kha na ma tho ba lci ba rnams yongs su sbyang zhing bsal ba dang / sgrib pa'i bgegs rnams dang 'bral ba dang
395b2 chos dkar po'i yon tan thams cad 'phel bar bgyi ba dang / dge ba'i sa bon thams cad phun sum tshogs par bgyi ba dang / 'jigs shing skrag pa
395b3 thams cad yongs su spang bar bgyi ba dang / re ba thams cad myur du yongs su rdzogs par bgyi ba'i slad du deng bshad par 'tshal na/ bcom ldan 'das
395b4 thugs brtse bar dgongs te gnang bar mdzad du gsol/ bcom ldan 'das kyis bka' stsal pa/ rigs kyi bu/ khyod snying rje chen pos sems can
395b5 rnams la phan pa dang bde ba 'dod pa'i phyir rig sngags bshad par 'dod pas deng dus la bab kyi/ myur du smros shig dang de bzhin gshegs pa nga
395b6 dang / sangs rgyas bcom ldan 'das rnams kyang rjes su thugs dgyes par mdzad do/ /bcom ldan 'das la byang chub sems dpa' spyan ras gzigs
395b7 dbang phyug gis yang 'di skad ces gsol to/ /bcom ldan 'das/ bdag mngon par dran lags te/ sngon byung ba'i bskal pa 'bum phrag tshad ma mchis
396a1 pa snyed 'das pa de'i tshe de'i dus na bcom ldan 'das de bzhin gshegs pa 'od stong gi rgyal po zhi bar gnas pa zhes bya ba
396a2 'jig rten du byung ste/ sangs rgyas bcom ldan 'das des bdag dang sems can thams cad la thugs brtse ba'i slad du thogs pa ma mchis pa'i thugs
396a3 rje chen po rgya che yongs su rdzogs pa zhes bgyi ba'i gzungs 'di bka' stsal nas phyag gser gyi kha dog can gyis bdag gi spyi bo la byugs te 'di skad
396a4 ces/ rigs kyi bu/ khyod thugs rje chen po'i rig sngags 'di zungs shig dang / ma 'ongs pa'i dus ngan pa'i sems can thams cad la phan pa dang
396a5 bde ba chen po byed par 'gyur ro/ /zhes bka' stsal to/ /bdag de'i tshe gdod sa dang po la gnas pa las rig sngags 'di lan gcig thos pa
396a6 cam gyis sa brgyad pa las yang dag par 'gyur lags so/ /bdag de'i tshe de'i dus na sems rab tu dga' zhing mgu bar gyur ba'i slad du smon lam
396a7 'di skad du btab lags te/ gal te bdag ma 'ongs pa'i dus na sems can thams cad la sman cing bde bar bgyid pa'i 'os su 'gyur yang dag
396b1 pa zhig lags/ deng bdag gi lus 'di nyid lag pa stong dang / mig stong tshang bar 'gyur bar gyur cig ces smon lam btab ma thag tu lus las sug
396b2 pa stong dang / mig stong tshang bar byung bar gyur te/ phyogs bcu'i sa chen po rnams kyang rnam pa drug tu rab tu g.yos par gyur/ phyogs bcu'i sangs
396b3 rgyas rnams kyis kyang 'od zer bkye bas bdag gi lus la reg cing phyogs bcu'i 'jig rten gyi khams mtha' ma mchis pa rnams kyang gsal bar
396b4 bgyis par gyur lags so/ /deng slan chad sangs rgyas tshad ma mchis pa'i 'khor gyi dkyil 'khor tshad ma mchis pa dag tu gzungs 'di yang dang yang
396b5 du thos shing mngon sum du yang dag par blangs pa dang / gzhan yang dga' ba dang / mgu ba dang / rangs pa tshad ma mchis pa bskyed pas bskal pa 'bum
396b6 phrag tshad ma mchis pa snyed kyi 'khor phra mo las yang dag par 'das par gyur lags so/ /deng slad chad gzungs 'di rtag par 'don cing yongs su bzung
396b7 nas nam du yang mi bskyud par bgyis pa'i slad du skye ba thams cad du rtag par sangs rgyas rnams kyi spyan sngar pad ma la rdzus te skyes pas mngal du skye ba'i
397a1 lus blangs par ma gyur lags so/ /dge slong ngam/ dge slong ma'am/ dge bsnyen nam/ dge bsnyen ma'am/ khye'u 'am/ bu mo
397a2 gang la la zhig 'di 'don cing yongs su 'dzin par 'tshal ba des sems can rnams la snying brtse ba'i sems bskyed nas dang po kho nar bdag la smon
397a3 lam 'di skad gdab par bgyi lags so/ /spyan ras gzigs dbang thugs rje che la phyag 'tshal lo/ /bdag gis chos rnams thams cad myur
397a4 du rtogs par shog /spyan ras gzigs dbang thugs rje che la phyag 'tshal lo/ /bdag gis ye shes mig ni myur du rtogs par shog /spyan ras
397a5 gzigs dbang thugs rje che la phyag 'tshal lo/ /bdag gis sems can thams cad myur du sgrol bar shog /spyan ras gzigs dbang thugs
397a6 rje che la phyag 'tshal lo/ /bdag gis thabs mkhas pa dag myur du thob par shog /spyan ras gzigs dbang thugs rje che la phyag 'tshal lo/ /
397a7 bdag ni myur du shes rab gru yis sgrol bar shog /spyan ras gzigs dbang thugs rje che la phyag 'tshal lo/ /bdag ni myur du sdug bsngal mtsho
397b1 las 'da' bar shog /spyan ras gzigs dbang thugs rje che la phyag 'tshal lo/ /bdag gis myur du tshul khrims rkang gi lam thob shog /spyan ras gzig
397b2 dbang thugs rje che la phyag 'tshal lo/ /bdag gis myur du mya ngan 'da' ba'i ri 'dzeg shog /spyan ras gzigs dbang thugs rje che la phyag 'tshal lo/ /
397b3 bdag gis myur du 'dus ma byas kyi khyim phyin shog /spyan ras gzigs dbang thugs rje che la phyag 'tshal lo/ /bdag ni myur du chos nyid sku dang
397b4 mtshungs par shog /bdag ni ral gri ri la 'dzeg /ral gri'i ri ni rang snyil shog /bdag ni chu tshan phrad gyur na/ /chu tshan me mur rang zhi shog /sems can
397b5 dmyal bar bdag song na/ /sems can dmyal ba rang bskams shog /bdag ni yi dwags gnas song na/ /bkres skom dag ni 'grangs par shog /bdag
397b6 ni lha min gnas song na/ /ngan sems rang ni dul bar shog /bdag ni dud 'gro'i gnas phyin na/ /rang nyid shes rab che thob shog /de skad du smon lam btab
397b7 nas sems rtse gcig tu bdag gi ming nas 'don cing rjes su dran par bgyi'o/ /gzhan yang bdag gi ston pa de bzhin gshegs pa 'od dpag med rjes
398a1 su dran par bgyis nas de'i rjes la gzungs sngags 'di mtshan gcig la lan bdun tshang bar 'don par bgyid na/ bskal pa
398a2 'bum phrag brgyad stong snyed du 'khor bar 'gyur ba'i kha na ma tho ba'i lci ba rnams yongs su bsal cing 'byang bar 'gyur lags so/ /bcom ldan 'das
398a3 la yang 'di skad ces gsol to/ /bcom ldan 'das/ lha'am mi gang la la zhig thugs rje chen po'i tshig 'di 'don cing 'dzin par bgyid
398a4 na/ 'chi ba'i dus kyi tshe phyogs bcu'i de bzhin gshegs pa rnams der gshegs nas phyag rkyong bar 'gyur bas sangs rgyas kyi zhing gang dang gang du
398a5 skye bar 'tshal ba ji ltar smon pa bzhin du de dag tu skye bar 'gyur lags so/ /bcom ldan 'das la yang 'di skad ces gsol to/ /bcom ldan
398a6 'das/ sems can gang la la zhig thugs rje chen po'i rig sngags 'don cing yongs su 'jin pa dag gal te ngan 'gro gsum po dag tu ltung
398a7 bar gyur na/ bdag nam yang mngon par rdzogs par 'tshang rgya bar mi bgyi'o/ /thugs rje chen po'i rig sngags 'don cing yongs su 'dzin pa dag
398b1 gal te sangs rgyas kyi zhing khams rnams su skyes par ma gyur na/ bdag nam yang mngon par rdzogs par 'tshang rgya bar mi bgyi'o/ /thugs rje chen po'i rig
398b2 sngags 'don cing yongs su 'dzin pa dag gal te ting nge 'dzin dang spobs pa tshad ma mchis pa snyed thob par ma gyur na/ bdag nam yang mngon par
398b3 rdzogs par 'tshang rgya bar mi bgyi'o/ /thugs rje chen po'i rig sngags 'don cing yongs su 'dzin pa dag gal te tshe 'di nyid la smon pa thams cad
398b4 ji ltar smon pa bzhin du grub par ma gyur na/ snying rje chen po'i sems kyi gzungs zhes mi bgyi lags te/ mi dge ba rnams dang / sems rtse gcig
398b5 tu ma bgyis pa ni/ ma gtogs lags so/ /bud med gang la la zhig bud med kyi lus kyis yongs su skyo nas skyes pa'i lus thob par 'tshal ba
398b6 gang lags pa des thugs rje chen po'i sems kyi gzungs kyi tshig 'di 'don cing yongs su bzung bas gal te bud med kyi dngos po las yongs su
398b7 gyur te skyes pa'i lus thob par ma gyur na/ bdag nam yang mngon par rdzogs par 'tshang rgya bar mi bgyi'o/ /the tshom gyi bsam pa cung zad cig
399a1 bskyed par gyur na/ gdon mi 'tshal bar gang smon pa'i 'bras bu de mngon par 'grub par mi 'gyur lags so/ /
399a2 sems can gang la la zhig dge 'dun gyi zhal zas dang dkor 'phrog cing chud gson pa gang lags pa de dag ni/ sangs rgyas stong 'jig
399a3 rten du byung ba dag la 'gyod pas mthol zhing bshags na yang 'byang zhing tshangs par mi 'gyur mod kyi/ 'on kyang thugs rje chen po'i rig sngags
399a4 'di bton pa tsam gyis de dag yongs su 'byang bar 'gyur ba lags te/ dkon mchog gsum gyi zhal zas dang / dkon mchog gsum kyi
399a5 dkor nor 'phrog cing chud gson pa de dag ni/ phyogs bcu'i ston pa rnams mngon sum du gyur pa'i spyan sngar bshags na gdod yongs su 'byang
399a6 bar 'gyur lags la/ thugs rje chen po'i gzungs 'di 'don pa'i tshe phyogs bcu'i ston pa rnams der gshegs nas dbang mdzad par 'gyur bas
399a7 kha na ma tho ba'i sgrib pa de dag thams cad kyang yongs su 'byang bar 'gyur/ mi dge ba bcu dang / mtshams ma mchis pa lnga dang / gang zag la skur
399b1 ba btab pa dang / chos la skur ba btab pa dang / gso sbyong bshig pa dang / tshul khrims bshig pa dang / mchod rten bshig pa dang / gtsug lag
399b2 khang bshig pa thams cad dang / dge 'dun gyi dkor brkus pa dang / yongs su dag pa'i tshangs par spyod pa sun par bgyis pa 'di lta bu la sogs
399b3 pa sdig pa'i las lci ba ci bgyis pa thams cad yongs su 'byang bar 'gyur lags so/ /rig sngags 'di la the tshom 'tshal ba'i dngos po gcig ma
399b4 gtogs te/ the tshom 'tshal bar gyur na/ tha na kha na ma tho ba chung ngu'i las yang ba cam yang yongs su 'byang bar mi 'gyur na/ kha na ma tho ba lci ba lta
399b5 smos kyang ci 'tshal lags/ kha na ma tho ba lci ba dag yongs su 'byang bar mi 'gyur mod kyi/ 'on kyang byang chub kyi ring ba'i rgyu ni/ bgyid par 'gyur
399b6 lags so/ /bcom ldan 'das la yang 'di skad ces gsol to/ /bcom ldan 'das/ lha dang mi gang la la zhig thugs rje chen po'i sems kyis rig
399b7 sngags 'di 'don cing 'dzin pa de dag ni/ dge ba'i skye ba rnam pa bco lnga 'thob par gyur zhing / gshis ngan du 'chi ba rnam pa bco lnga len par mi
400a1 'gyur lags so/ /gshis ngan du 'chi bar mi 'gyur ba de yang 'di lta ste/ gang zag de bkres pas nyon mongs te 'chi bar mi
400a2 'gyur ba dang / mtshon cha dang lcag dbyug gis 'chi bar mi 'gyur ba dang / 'khon mchis pa'i dgra'i sug par 'chi bar mi 'gyur ba dang /
400a3 g.yul ngor 'chi bar mi 'gyur ba dang / stag dang / spyang ki dang / gcan gzan ma rungs pa'i khar 'chi bar mi 'gyur ba dang / sprul gdug pa dang /
400a4 rtsangs pa dang / sdig pa'i khar 'chi bar mi gyur ba dang / chab dang / zhugs kyi nang du 'bying zhing tshig ste 'chi bar mi 'gyur ba dang / dug gis 'chi
400a5 bar mi 'gyur ba dang / byad stems kyis 'chi ba'i dus bgyid par mi 'gyur ba dang / smyos nas dran pa nyams te 'chi bar mi 'gyur ba dang / ri
400a6 dang / ljon shing dang / dam grog dang / g.yang sa nas lhung ste 'chi bar mi 'gyur ba dang / mi ma rungs pa'i byad kyis 'chi bar mi 'gyur ba dang /
400a7 log pa'i 'dre gdon ma rungs pas glags rnyed de 'chi ba'i dus bgyid par mi 'gyur ba dang / nad ngan pas lus la dkris te 'chi ba'i dus
400b1 bgyid par mi 'gyur ba dang / cha ma lags pas bdag nyid la gnod pa bgyis te 'chi ba'i dus bgyid par mi 'gyur ba dag lags te/ thugs rje chen po'i
400b2 rig sngags 'di 'don cing yongs su 'dzin par bgyid pa de dag ni/ gshis ngan du 'chi ba rnam pa bco lnga po 'di dag gis 'chi ba'i dus bgyid par mi
400b3 'gyur lags so/ /dge ba'i skye ba rnam pa bco lnga po thob par 'gyur ba 'di lta ste/ skye ba thams cad rgyal po dge ba dang mjal bar 'gyur ba dang / rtag
400b4 par yul dge bar skye bar 'gyur ba dang / rtag par dus bzang po dang mjal bar 'gyur ba dang / rtag par dge ba'i bshes gnyen dang mjal bar
400b5 'gyur ba dang / rtag par lus kyi dbang po tshang bar 'gyur ba dang / lam gyi sems la goms par 'gyur ba dang / sdom pa'i tshul khrims nyams par mi
400b6 bgyid pa dang / 'khor rnams drin gyis 'dre zhing 'dum par 'gyur ba dang / 'tsho ba'i yo byad rnams rtag par 'byor cing ldan par gyur ba dang / rtag
400b7 par gzhan gyis bkur zhing rim gro bgyid par 'gyur ba dang / yo byad bdog pa rnams gzhan gyis 'phrog par mi 'gyur ba dang / yid la smon pa rnams
401a1 bsam pa bzhin du 'grub par 'gyur ba dang / lha dang klu dge ba rnams kyis rtag tu srung zhing yongs su skyob par 'gyur ba
401a2 dang / skye ba thams cad du sangs rgyas mthong zhing chos thob par 'gyur ba dang / yang dag pa'i chos thos nas don zab mo rtogs par 'gyur ba dag
401a3 lags te/ lha'am mi gang la la zhig thugs rje chen po'i sems kyis rtag tu gzungs 'di 'don cing yongs su 'dzin par bgyid pa gang lags
401a4 pa de dag ni/ dge ba'i skye ba rnam pa bco lnga po 'di dag thob par bgyid par 'gyur bas/ lha dang mi thams cad kyis rtag par bton nas yongs su
401a5 gzung bar bgyi ste/ le lo bskyed par mi bgyi'o/ /byang chub sems dpa' spyan ras gzigs dbang phyug gis de skad ces smras nas 'khor 'dus
401a6 pa'i mdun du thal mo sbyar te drang por 'dug nas sems can rnams la snying rje chen po'i sems bskyed de/ 'dzum pa'i mdangs kyis thogs pa mi
401a7 mnga' ba'i thugs rje chen po'i sems rgya cher yongs su rdzogs pa zhes bya ba'i gzungs kyi tshig gya nom pa 'di dag smras so/ /na mo rat+na tra yA ya/
401b1 na ma aR+ya ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM sarba ban+d+ha na tshe da na ka rA ya/ sarba pa paM sa mu drots+tsho Sha Na ka rA
401b2 ya/ sarba byI d+hi pra sha ma na ka rA ya/ sarba i t+yu pa dra bi na sha na ka rA ya/ sar+b+ba ye Shu tA ra NA ka rA ya/ ta s+ya/ na maskri twA i daM AR+ya ba lo ki te shwa rA
401b3 ya/ ta ba nI la kaN+Tha nA ma pa ra ma hr-i da ya mA brti yi Sh+ya mi/ sarba ar+tha sA d+ha nAM/ shu b+ha tse ta naM/ sarba b+hu tA naM/ bA paM mArga bi sho d+ha kaM/ tad+ya thA/ A lo ke/ a
401b4 d+hi pa ti/ lo ka a ti kran+te/ e h+ya hi/ ma hA bo d+hi satwA/ he bo d+hi satwa/ he ma hA bo d+hi satwa/ he pri ya bo d+hi satwa/ he ma hA ka ru Ni ka ma hA sma ra hr-i da yaM/ e h+ya hi/
401b5 AR+ya ba lo ki te shwa rA yam/ pa ra ma mai tri tsi t+ta kA ru Ni ka ku ru ku ru/ kar+m+ma sA d+ha ya sa d+ha ya/ bid+yan de hi de hi/ me a raM ga ma bi haM ga ma/ sid+d+ha yo gI shwa ra du hu
401b6 du hu bIR+yan+te ma hA bIR+yan+te/ d+ha ra d+ha ra/ d+ha ren+d+re shwa ra/ tsa la tsa la/ bi ma la mUrte AR+ya ba lo ki te shwa ra/ dzi na kriSh+Na dza TA/ mu ku TA/ a laM kri ta sha rI ra/ laM ba pra
401b7 laM ba bi laM ba/ ma hA sid+d+hi bid+ya d+ha ra/ ba la ba la/ ma hA ba la/ ma la ma la/ ma hA ma la/ tsa la tsa la/ ma hA tsa la/ kr-iSh+Na bar+Na/ kr-iSh+Na bak+Sha/ kr-iSh+Na pA sha/
402a1 nIr+g+hA ta na/ he pad+ma hasta/ tsa ra tsa ra ni sh+tsa re shwa re/ kr-iSh+Na sarba kri ta yadz+nyo ba bI ta/ e h+ye hi/ ma hA bA rA ha mu kha tri pu ra da ha ne shwa
402a2 ra/ nA rA ya Na ba la rA pa be Sha d+ha ra/ he nI la kaN+The/ e h+ye hi/ ma hA ha la ha la bi Sha nirdza ta/ lo ka s+ya/ rA ga bi Sha bi nA sha na/ dwe Sha bi Sha bi nA sha nAM/ mo
402a3 ha bi Sha bi nA sha naM/ nir mo kA Na hu lu hu lu/ muny+tsa muny+tsa/ mu hu mu hu/ rA hu la rA hu la/ ha la ha re ma hA pad+ma na b+hi/ sa ra sa ra/ si ri si ri/ su ru su ru/
402a4 bud+d+h+ya bud+d+h+ya/ bo d+ha ya bo d+ha ya/ bo d+ha yA mi ta ba nI la kaN+Tha/ e h+ye hi nI la kaN+Tha/ e h+ye hi bA mas+thi ta ma hA siM ha mu kha/ ha sa ha sa/ muny+tsa muny+tsa/ ma hA T+TA T+Ta hA
402a5 s+ya/ e h+ya hi b+ho b+ho ma hA sid+d+ha yo gI shwa ra b+ha Na b+ha Na/ bA tsa sA d+ha ya sA d+ha ya/ bId+ya na sma ra sma ra twaM/ he b+ha ga wan+TA lo ka bi lo ka s+t+waM/ ta thA gA tA nAM/ da dA hi
402a6 ma da R+sha na kA ma s+ya da R+sha nAM/ pra sA d+ha ya me swA hA/ sid+d+ha ye swA hA/ ma hA sid+d+ha ye swA hA/ sid+d+ha yo gi shwa rA ya swA hA/ nI la ka NA ya swA hA/ ba rA ha mu khA ya
402a7 swA hA/ ma hA bA rA mu khA ya swA hA/ na ra saM ha mu khA ya swA hA/ ma hA na ra saM ha mu khA ya swA hA/ badzra hasta ya swA hA/ ma hA badzra hastA ya swA hA/ sid+d+ha bid+ya d+ha rA
402b1 ya swA hA/ ma hA sid+d+ha bid+ya d+ha rA ya swA hA/ pad+ma hasta ya swA hA/ ma hA pad+ma hasta ya swA hA/ kr-iSh+Na sarba kri ta ya dz+nyo pa bI tA ya swA hA/ ma hA mA la mu khu ku Ta d+ha rA ya swA hA/
402b2 tsakra yu d+ha d+ha rA ya swA hA/ sha kha shab+da ni rna da na ka rA ya swA hA/ bo d+ha na kA rA ya swA hA/ bA ma skan+d+ha de shas+thi ta kr-iSh+Na dza nI ya swA hA/ bA ma hasta bya g+h+ra tsarma ni bA sa
402b3 nA ya swA hA/ lo ki shwa rA ya swA hA/ ma hA lo ka shwa rA ya swA hA/ sarba sid+d+he shwa rA ya swA hA/ rak+Sha rak+Sha maM swA hA/ ku ru rak+Sha mUrti nAM swA hA/ na mo b+ha ga ba ti/ Ar+yA ba lo
402b4 ki te shwa rA ya/ bo d+hi satwA ya/ ma hA satwA/ ma hA kA ru Ni kA ya/ sid+d+h+yan+tu me man+t+ra pA da ni swA hA/ byang chub sems dpa' sems dpa' chen po 'phags pa
402b5 spyan ras gzigs dbang phyug gis rig sngags 'di smras ma thag tu sa chen po yang rnam pa drug tu rab tu g.yos par gyur/ lha rnams kyis kyang rin
402b6 po che'i me tog gi char mngon par phab par gyur/ /phyogs bcu'i sangs rgyas rnams kyis kyang rjes su thugs dgyes par gyur/ lha'i bu'i bdud dang / mu
402b7 stegs can rnams ni/ 'jigs shing sdangs nas spu zing zhes byed par gyur/ 'khor 'dus pa mang po thams cad las kha cig gis ni/ rgyun du zhugs
403a1 pa'i 'bras bu thob par gyur/ kha cig gis ni/ lan gcig phyir 'ong ba'i 'bras bu thob par gyur/ kha cig gis ni/
403a2 phyir mi 'ong ba'i 'bras bu thob par gyur/ kha cig gis ni/ dgra bcom pa'i 'bras bu thob par gyur/ kha cig gis ni/ sa dang po dang / sa gnyis
403a3 pa dang / sa gsum pa dang / sa bzhi pa dang / sa lnga pa thob par gyur nas sa bcu pa'i bar du thob par gyur/ sems can tshad med pa snyed ni/ byang chub
403a4 tu sems bskyed par gyur to/ /de nas tshangs pa chen po stan las langs te gos tshags bcos nas gus par thal mo sbyar te byang chub sems
403a5 dpa' sems dpa' chen po spyan ras gzigs dbang phyug la 'di skad ces smras so/ /kye skyes bu chen po/ legs so/ /bdag gis sngon 'das
403a6 pa'i dus na de bzhin gshegs pa 'dus pa tshad med pa snyed dag tu chos rnam pa sna tshogs dang / gzungs rnam pa sna tshogs thos par gyur mod kyi/
403a7 sngon chad nam yang thogs pa mi mda' ba'i thugs rje chen po'i sems kyi gzungs chen mo'i rig sngags kyi tshig gya nom pa 'di lta bu thos par ma
403b1 gyur na/ skyes bu chen po/ khyod kyis bdag la gzungs 'di'i dbyings kyi mtshan nyid rgya cher bshad du gsol/ /bdag cag 'khor mang po rnams shin tu thos
403b2 par mos so/ /byang chub sems dpa' spyan ras gzigs dbang phyug gis tshangs pa chen po la smras pa/ lha'i rgyal po/ khyod thabs mkhas pas sems can
403b3 thams cad la phan gdags pa'i phyir de skad du dris pa yin pas/ deng khyod legs par nyon cig dang / bdag gis khyod la mdo tsam zhig bshad par
403b4 bya'o/ /byang chub sems dpa' spyan ras gzigs dbang phyug gis smras pa/ de ni/ snying rje chen po'i sems yin/ mnyam pa'i sems yin/ 'dus ma byas
403b5 kyi sems yin/ mngon par zhen pa med pa'i sems yin/ stong pa nyid du lta ba'i sems yin/ gus pa'i sems yin/ dam pa'i sems yin/
403b6 'dres pa med pa'i sems yin/ bla na med pa'i byang chub kyi sems yin te/ de lta bu'i sems gang yin pa de dag ni/ gzungs kyi mtshan nyid yin
403b7 par rig par bya ste/ khyod kyis 'di kho na bzhin du mngon par bsgrub par bya'o/ /tshangs pa'i rgyal po chen pos smras pa/ bdag cag 'khor mang po
404a1 rnams ni/ deng gdod gzungs 'di'i mtshan nyid gang yin pa khong du chud par gyur pas ded phyin chad yongs su bzung nas
404a2 brjed par bgyid pa'i thugs mi thub bo/ /'phags pa spyan ras gzigs dbang phyug gis smras pa/ rigs kyi bu'am/ rigs kyi bu mo gang la la
404a3 zhig rig sngags 'di 'don cing yongs su 'dzin pa gang yin pa des byang chub kyi sems rgya chen po bskyed nas sems can thams cad yongs su mya
404a4 ngan las 'das par dam bca' yang dag par blang bar bya'o/ /bdag nyid gso sbyong dang tshul khrims la gnas nas sems can rnams la mnyam
404a5 pa'i sems bskyed de rtag par rig sngags 'di rgyun chad pa med par gdon par bya'o/ /gnas khang gtsang ma'i nang du 'dug ste yongs su dag par
404a6 khrus byas nas gos gtsang ma bgos te ba dan dpyangs/ mar me sbar te spos dang / me tog dang / zhal zas kyi mchod pa byas nas sems rtse gcig
404a7 tu gtad de dmigs pa tha dad pa gzhan la mi dmigs par chos bzhin du 'don cing yongs su 'dzin par byed na/ de'i tshe byang chub sems dpa' nyi
404b1 'od dang / byang chub sems dpa' zla 'od lha dang / drang srong tshad med pa snyed dag der lhags nas dbang byed cing mngon rtags kyang ston par gyur la/ bdag
404b2 kyang de'i tshe mig stong gis de la lta bar byed/ lag pa stong gis ni/ de la yongs su srung zhing byin gyis rlob par byed pas 'jig rten pa'i gtsug
404b3 lag ji snyed pa de dag kyang yongs su 'dzin par 'gyur/ mu stegs can gyi chos kyi cho ga dang / smra ba ji snyed pa thams cad kyang rtogs shing khong du
404b4 chud par 'gyur ro/ /rig sngags 'di 'don cing yongs su 'dzin par byed pa gang yin pa des ni/ 'jig rten na gdon dang nad rnam pa brgyad khri bzhi
404b5 stong yod pa de dag gsos nas 'tsho bar byed do/ /'dre srin thams cad la dbang byed cing lha'i bu'i bdud rnams kyang 'dul bar byed/ mu stegs can
404b6 rnams kyang tshar gcod par byed do/ /gal te ri'am dgon pa na gnas te mdo sde kha ton du 'don pa dang / bsam gtan sgom pa na ri'i lha dang / 'dre
404b7 srin gnod pa byed pa dag nam gyis kyal ka byas nas sems mnyam par gzhag tu ma rung bar gyur na/ rag sngags 'di lan gcig bzlas pa byas na/
405a1 'dre srin de dag thams cad 'chi bar 'gyur ro/ /gal te chos bzhin du bzlas brjod byas te sems can rnams la snying brtse
405a2 ba'i sems bskyed par gyur na/ bdag kyang de'i tshe dge ba'i lha dang / klu'i rgyal po thams cad dang / lag na rdo rje gsang ba pa rnams la rtag par
405a3 de'i rjes su 'brang zhing yongs su srung ba gyis shig /de'i nye 'khor na gnas nas mig gi 'bras bu bzhin du yongs su srungs shig /rang gi srog gi
405a4 dbang po bzhin du yongs su skyobs shig ces bsgo bar 'gyur ro/ /gang dag la bsgo bar byed pa bstan pa'i phyir tshigs su bcad de smras pa/ bdag gis
405a5 gsang ba'i bdag po rdo rje 'chang / /bdud rtsi 'khyil ba sme brtsegs lcags kyu can/ /stobs ldan shaM ka ra dang sde brgyad dag /btang nas rtag tu
405a6 gzungs 'dzin srung bar byed/ /bdag gis dbang phyug dang ni mthu chen dang / /ku be ra dang ser skya'i bdag po dag /btang nas rtag tu gzungs 'dzin
405a7 srung bar byed/ /bdag gis nor srung dang ni chu lha dang / dge rgyas dang ni pa ri tsi tra dag /btang nas rtag tu gzungs 'dzin srung bar byed/ /bdag gis
405b1 sa sad tsa dang ma hA ra/ /ku lan tan+ta dang ni lngas rtsen dag /btang nas rtag tu gzungs 'dzin srung bar byed/ /bdag gis pi pa ka la'i rgyal po dang / /dpal
405b2 ldan byi ta dang ni swar ha rA/ /btang nas rtag tu gzungs 'dzin srung bar byed/ /bdag gis tshangs pa dang ni saM b+ha ra/ /gnas gtsang sde lnga dag dang mtshe ma
405b3 dag /btang nas rtag tu gzungs 'dzin srung bar byed/ /bdag gis brgya byin sum cu rtsa gsum lha/ /spobs chen dpal ldan dang ni sa ta na/ /btang nas
405b4 rtag tu gzungs 'dzin srung bar byed/ /bdag gis rgyal po yul 'khor srung dang ni/ /ma mo lha la sogs pa mthu chen 'khor/ /btang nas rtag tu gzungs
405b5 'dzin srung bar byed/ /bdag gis rgyal po 'phags skyes po dang ni/ /mig mi bzang dang rnam thos bu dag kyang / /btang nas rtag tu gzungs 'dzin srung
405b6 bar byed/ /bdag gis gser mdog rma bya'i rgyal po dang / /sde dpon nyi shu brgyad dang drang srong 'khor/ /btang nas rtag tu gzungs 'dzin srung bar byed/ /
405b7 bdag gis nor bu bzang po dag dang ni/ /sde dpon chen po sa 'dzin pu la pa/ /btang nas rtag tu gzungs 'dzin srung bar byed/ /bdag gis dga' bo dang ni
406a1 bsnyen dga' bo/ /klu rgyal rgya mtsho dang ni e la'i 'dab/ /btang nas rtag tu gzungs 'dzin srung bar byed/ /bdag gis lha ma
406a2 yin dang dri za dang / /mkha' lding mi'am ci dang lto 'phye dang / /btang nas rtag tu gzungs 'dzin srung bar byed/ /bdag gis chu dang me dang
406a3 glog gi lha/ /grul bum bdag po dang ni sha za dag /btang nas rtag tu gzungs 'dzin srung bar byed/ /dge ba'i lha de dag dang / klu'i rgyal po dang /
406a4 ma mo la sogs pa de dag kyang so so nas 'khor lnga brgya dang bcas pa dang / mthu chen po dang ldan pa'i gnod sbyin dag gis kyang rtag par thugs rje
406a5 chen po'i rig sngags 'don cing yongs su 'dzin pa de la yongs su srung zhing skyob par byed pas/ gang zag de ri dang dgon pa na gcig pu nyal
406a6 bar gyur pa na yang dge ba'i lha de dag res kyi mtshan mos de la bsrungs nas bgegs dang bar chad yongs su sel bar byed do/ /gal te gcod
406a7 rong dag tu gnas te lam stor bar gyur pa las rig sngags 'di bzlas par gyur na/ de'i dbang gis dge ba'i lha dang / klu'i rgyal po dag dge
406b1 ba'i mi'i gzugs su mngon par sprul nas lam yang dag pa nyid ston par 'gyur ro/ /gal te ri dang / nags tshal dang / dgon pa dag tu gnas pa
406b2 las chu dang me dag gis phongs par gyur na yang klu'i rgyal po dag gis yongs su srung ba'i phyir chu dang me dang mngon par sprul par 'gyur ro/ /byang chub
406b3 sems dpa' spyan ras gzigs dbang phyug gis gzhan yang gzugs 'di 'don cing yongs su 'dzin pa dag gi ched du gnod pa dang bgegs yongs
406b4 su bsal ba'i phyir shin tu bsil ba'i tshigs su bcad pa 'di dag smras so/ gang zhig ri dang 'brog dgon song ba las/ /stag dang spyang ki gcan
406b5 gzan gtum po dang / /rtsangs pa sprul dang 'dre srin phrad gyur kyang / /gzungs 'di 'don pa thos na gnod mi nus/ /gang zhig chu bo rgya mtshor zhugs pa
406b6 las/ /gdug pa'i klu dang chu srin ma rungs dang / /gnod sbyin srin po nya dang rus sbal dag /gzungs 'di thos na so sor 'byor bar 'gyur/ /gang zhig g.yul
406b7 spyod dgra yis bskor ba'am/ /chom rkun ma rungs nor ni 'phrog pa'i tshe/ /rtse gcig thugs rje chen po'i gzungs bzlas na/ /de dag brtse sems bskyed nas
407a1 ldog par 'gyur/ /gang zhig rgyal po'i gyod la thogs pa dang / /lcags sgrog khong sgril btson rar chud pa'i tshe/ /rtse gcig
407a2 thugs rje chen po'i gzungs bzlas na/ /rgyal pos brtse sems kyis ni gtong bar 'gyur/ /gang zhig byad stems dug mda'i khyim zhugs te/ /zas skom
407a3 dug can gyis ni bsad pa'i tshe/ /rtse gcig thugs rje chen po'i gzungs bzlas na/ dug nyid zil dngar zas skom nyid du 'gyur/ /bud med sbrum ma
407a4 bu ni btsa' ba'i tshe/ /bdud kyis bgegs byas sdug bsngal mi bzod tshe/ /rtse gcig thugs rje chen po'i gzungs bzlas na/ /'dre gdon byar nas
407a5 bde bar btsa' bar 'gyur/ /klu gdon gtum pos gdug pa'i dbugs btang bas/ /tsha ba'i nad kyis nyen nas 'chir nye tshe/ /rtse gcig thugs rje
407a6 chen po'i gzungs bzlas na/ /rims nad bsal nas tshe ni ring bar 'gyur/ /klu gdon rgyu bas gtses te skrangs pa dang / /shu 'bras mi bzad rnag
407a7 khrag 'dzag pa'i tshe/ /rtse gcig thugs rje chen po'i gzungs bzlas nas/ /mchil ma lan gsum byugs pas skrangs pa zhi/ /sems can rtog pas
407b1 mi dge bskyed pas na/ /byad stams sngags dang dgras ni gtses pa'i tshe/ /rtse gcig thugs rje chen po'i gzungs bzlas na/ /stems gnod de kun gtong
407b2 pa'i mig la 'du/ /sdig 'phel snyigs mas dam chos 'jig pa na/ /'dod pa'i me chen sems ni rmongs log pas/ /khyo shug so sor gzhan la 'dong zhen
407b3 nas/ /nyin mtshan log bsam rgyun ni mi 'chad tshe/ /gang zhig thugs rje chen po'i gzungs bzlas na/ /'dod pa'i me zhi log pa'i sems bsal 'gyur/ /
407b4 bdag gis gzungs 'di'i mthu stobs rgyas brjod na/ /bskal par brjod kyang mthar thug yong mi 'gyur/ /rig sngags 'di lan lnga bzlas te tshon sna
407b5 lnga'i skud pa la mdud pa nyi shu rtsa bzhi mdud nas mgul du gdags par bya'o/ /gzungs 'di ni/ 'das pa'i de bzhin gshegs pa gang+ga'i klung bye ba phrag
407b6 dgu bcu rtsa dgu'i bye ma snyed kyis gsungs pa yin te/ de bzhin gshegs pa de dag gis rnal 'byor pa gang dag pha rol tu pa phyin pa drug mngon par sgrub pa
407b7 yongs sum rdzogs pa dag yongs su rdzogs par bya ba'i phyir dang / byang chub tu sems ma bskyed pa dag myur du byang chub tu sems bskyed par bya ba'i phyir dang /
408a1 nyan thos kyi gang zag gang dag 'bras bu mngon du ma byas pa de dag myur du mngon du bya ba'i phyir stong gsum gyi stong chen po'i
408a2 'jig rten gyi khams na drang srong gang dag bla na med pa'i byang chub tu sems ma bskyed pa dag myur du sems bskyed par bya ba'i phyir dang / sems can gang
408a3 dag theg pa chen po 'di la dad pa'i dbang po ma thong pa dag gzungs 'di'i byin gyi rlabs kyi mthus theg pa chen po'i sa bon dang chos kyi myu gu 'phel bar
408a4 bya ba'i phyir gsungs pa yin pas bdag gi thabs mkhas pa dang / byams pa dang / snying rje'i mthus de dag gis ci dang ci 'dod pa thams cad
408a5 'byor bar byed do/ /gzhan yang stong gsum gyi stong chen po'i 'jig rten gyi khams na mun pa mun nag gi gnas su ngan 'gro gsum po'i sems
408a6 can ji snyed gnas pa dag bdag gi rig sngags 'di thos par gyur na/ thams cad sdug bsngal dang bral bar 'gyur ro/ /byang chub sems dpa'
408a7 gang dag sa dang po ma thob pa dag ni/ myur du thob par 'gyur la/ sa bcu pa'i bar du yang ma thob pa thob par 'gyur ro/ /gzhan yang sangs rgyas kyi sa'i
408b1 bar du yang phyin par byed pa'i phyir mtshan sum cu rtsa gnyis dang / dpe byad brgyad cu yang rang gi ngang gis 'thob par 'gyur ro/ /gal te nyan thos kyi gang zag
408b2 gang dag gzungs 'di rna bar lan gcig thos par gyur tam/ gzungs 'di spyod cing yi ger bris sam/ drang po'i sems kyis chos bzhin du gnas par
408b3 byed na/ dge sbyong gi 'bras bu bzhi po dag ma btsal bar rang gi ngang gis thob par 'gyur ro/ /stong gsum gyi stong chen po'i 'jig rten gyi khams na ri
408b4 dang / chu klung dang / brag dang / rgya mtsho chen po bzhi'i chu ji snyed pa dag kyang g.yo zhing 'khol bar nus so/ /ri rab lhun po nas ri khor yug gi bar dag
408b5 kyang g.yo zhing rdul phran bzhin du 'jig par nus so/ /de na gnas pa'i sems can ji snyed pa dag kyang thams cad bla na med pa'i byang chub tu sems bskyed
408b6 par nus so/ /sems can gang dag tshe 'di nyid la smon pa rnams mngon par 'grub par 'dod na/ zhag nyi shu rtsa gcig gi bar du gso sbyong dang / tshul
408b7 khrims la gnas nas gzungs 'di bzlas brjod byas na/ gdon mi za bar smon pa rnams kyang mngon par 'grub par 'gyur/ /'khor ba'i mtha' nas 'khor
409a1 pa'i mthar thug pa'i bar du yang sdig pa'i las thams cad ma lus pa yongs su 'byang bar 'gyur ro/ /stong gsum gyi stong chen po'i 'jig
409a2 rten gyi khams 'di'i nang dang phyi rol na sangs rgyas dang / byang chub sems dpa' ji snyed cig bzhugs pa rnams dang / tshangs pa dang / brgya byin dang / rgyal po chen
409a3 po bzhi dang / lha dang / drang srong dang / klu'i rgyal po ji snyed gnas pa thams cad kyis mkhyen cing shes par 'gyur ro/ /lha'am mi gang yang rung ste/ gzungs 'di
409a4 'don cing yongs su 'dzin pa de dag chu klung ngam/ rgya mtshor zhugs te khrus byas pa las de na gnas pa'i sems can de dag ni/ de dag gis lus bkrus pa'i
409a5 chus lus la reg par gyur na/ sdig pa'i las dang kha na ma tho ba lci ba thams cad yongs su byang nas zhing yongs su dag pa dag tu pad+ma las rdzus te skye bar
409a6 'gyur bas mngal dang / drod gsher dang / sgo nga las skyes pa'i lus len par mi 'gyur na/ len pa dang / 'dzin pa dang / klog pa dang / kha ton du 'don pa lta
409a7 smos kyang ci dgos/ gzungs 'di 'don cing yongs su 'dzin pa de dag lam du zhugs te 'gro ba'i tshe rlung chen po langs te gang zag de'i lus dang / spu dang / skra dang / gos
409b1 la bus pa'i klung gang yin pa de rdzi phyogs su song ba'i sems can gzhan gyi lus la reg par gyur na/ de dag gi sgrib pa dang / sdig pa'i las lci ba thams cad ma lus
409b2 par yongs su 'byang bar 'gyur bas/ yang ngan 'gro gsum po dag gi rnam par smin pa myong bar mi 'gyur zhing / rtag par sangs rgyas kyi spyan sngar skye bar 'gyur bas na
409b3 yongs su 'dzin pa de dag gi bsod nams dang / 'bras bu rnam par smin pa ni/ bsam gyis mi khyab par rig par bya'o/ /gzungs 'di bzlas brjod byed pa'i kha nas ji
409b4 tsam tu tshig tu brjod par byung ba dge yang rung / mi dge yang rung ste/ lha'i bu'i bdud dang / mu stegs can dang / lha dang / klu dang / 'dre srin thams cad kyi thos
409b5 par gyur na/ de dag thams cad rnam par dag pa'i chos kyi dbyings nyid du 'gyur bas/ de la sangs rgyas ji lta ba bzhin du gus pa'i sems bskyed nas bkur sti
409b6 dang / rim gro byed par 'gyur ro/ /gzungs 'di 'don cing yongs su 'dzin pa de dag ni/ sangs rgyas kyi sku'i gter nyid du rig par bya'o/ /sangs rgyas gang+gA'i klung
409b7 bye ba phrag dgu bcu rtsa dgu'i bye ma snyed rnams kyis phangs shing gces par mdzad pa'i phyir ro/ /gang zag de ni/ 'od can gyi lus kyi gter yin par rig par bya ste/ de
410a1 bzhin gshegs pa thams cad kyi 'od zer gyis snang bar mdzad pa'i phyir ro/ /gang zag de ni/ byams pa dang / snying rje'i gter yin par
410a2 rig par bya ste/ 'di ltar gzungs kyis sems can yongs su skyob par byed pa'i phyir ro/ /gang zag de ni/ dam pa'i chos kyi sde snod yin par rig par bya ste/ /
410a3 gzungs kyi sgo thams cad kun sdud par byed pa'i phyir ro/ /gang zag de ni/ bsam gtan dang / ting nge 'dzin gyi sde snod yin par rig par bya ste/ ting nge 'dzin
410a4 brgya stong rnams rtag par mngon sum du 'gyur ba'i phyir ro/ /gang zag de ni/ nam mkha'i mdzod yin par rig par bya ste/ rtag par stong pa nyid kyi shes rab kyis
410a5 sems can la lta ba'i phyir ro/ /gang zag de ni/ 'jigs pa med pa'i mdzod yin par rig par bya ste/ lha dang / klu dang / dge ba'i lha rnams rtag par yongs
410a6 su srung ba'i phyir ro/ /gang zag de ni/ dam pa'i tshig gi mdzod yin par rig par bya ste/ kha nas gzungs kyi sgra 'byung ba la rgyun chad pa med pa'i phyir ro/ /gang zag
410a7 de ni/ rtag par gnas pa'i gter yin par rig par bya ste/ 'jig pa gsum gyi bskal pa dag gis gzhig par mi nus pa'i phyir ro/ /gang zag de ni/ rnam
410b1 bar grol ba'i mdzod yin par rig par bya ste/ lha'i bu'i bdud dang / mu stegs can gyis bshol bar mi nus pa'i phyir ro/ /gang zag de ni/ sman gyi rgyal po'i mdzod
410b2 yin par rig par bya ste/ rtag par gzungs kyis sems can nad pa rnams kyi nad gso ba'i phyir ro/ /gang zag de ni/ rdzu 'phrul gyi gter yin par rig par bya ste/
410b3 sangs rgyas kyi zhing rnams su rgyu ba la rang dbang thob pa'i phyir ro/ /de bas na gang zag de'i yon tan gyi bsngags pa brjod na nam yang mthar thug par mi 'gyur ro/ /
410b4 rigs kyi bu gang la la zhig 'jig rten pa'i sdug bsngal gyis yongs su skyo nas tshe ring ba'i sman yongs su tshol bar 'dod pas dben pa'i gnas su 'dug nas
410b5 mtshams yongs su dag par bcad de gos la sngags kyis btab nas bgo bar bya'o/ /chu dang zas dang spos dang sman rnams la lan brgya rtsa brgyad bsngags kyis btab
410b6 ste spyod par byed na/ /gdon mi za bar tshe ring bar 'gyur ro/ /gal te chos bzhin du mtshams bcad de chos bzhin du yongs su 'dzin par byed na/ thams cad
410b7 mngon par 'grub par 'gyur te/ de la mtshams gcod pa'i cho ga ni/ ral gri la lan nyi shu rtsa gcig sngags kyis btab ste sa la ri mo bris nas mtshams gcad
411a1 par bya'o/ /yang na chu gtsang ma la lan nyi shu rtsa gcig sngags kyis btab nas phyogs bzhir gtor nas mtshams gcad par bya'o/ /
411a2 yang na yungs kar la lan nyi shu rtsa gcig sngags kyis btab ste phyogs bzhir gtor nas mtshams gcad par bya'o/ /yang na 'du shes kyis gang du phyin pa tshun
411a3 chad mtshams su 'gyur ro/ /yang na thal pa gtsang ma la lan nyi shu rtsa gcig sngags kyis btab ste mtshams gcad par bya'o/ /yang na tshon sna lnga'i skud pa
411a4 la lan nyi shu rtsa gcig sngags kyis btab ste phyogs bzhir bskor nas mtshams gcad par bya'o/ /de ltar chos bzhin du 'di yongs su 'dzin par gyur na/
411a5 rang gi ngang gis 'bras bu thob par 'gyur ro/ /gzungs 'di'i ming thos pa tsam gyis kyang bskal pa tshad med pa snyed kyi 'khor ba'i kha na ma tho ba lci ba rnams
411a6 yongs su 'byang bar 'gyur na/ 'don pa dang / 'dzin pa lta smos kyang ci dgos/ rig sngags 'di 'don pa'i gang zag gang yin pa de dag ni/ sangs rgyas tshad
411a7 med pa snyed la mchod cing rim gro byas nas dge ba'i rtsa ba rgya cher bskyed pa yin par rig par bya'o/ /gang dag sems can sdug bsngal gyi bgegs la yongs
411b1 su 'dren pa'i ched du chos bzhin du 'don pa gang yin pa de dag ni/ snying rje chen po dang ldan pa yin pas ring por mi thogs par mngon par rdzogs par 'chang rgya bar
411b2 'gyur bar rig par bya'o/ /ji tsam du sems can snang ngo cog gi ched du bzlas brjod byas te/ de dag gi rna lam du grags par byas nas byang chub kyi rgyur 'gyur bar byed
411b3 na/ gang zag de dag yon tan tshad med dpag tu med pa dag 'thob par 'gyur bas brjod kyis mi lang ngo / /gang la la zhig sems rtse gcig tu sems dang lus
411b4 gso sbyong dang tshul khrims la gnas nas sems can thams cad kyi sngon gyi las kyi kha na ma tho ba rnams bshags nas bdag nyid kyis bskal pa tshad med pa nas
411b5 byas pa'i sdig pa'i las rnam pa sna tshogs mthol bshags te/ kha nas gzungs 'di myur du bzlas brjod byas nas sgra rgyun chad pa med par byas na/ dge sbyong gi
411b6 'bras bu bzhi po de dag tshe 'di nyid la 'thob par 'gyur ro/ /dbang po rnon po shes rab dang ldan pa sgom pa'i thabs la mkhas pa zhig yin na ni/ sa bcu'i 'bras bu
411b7 yang dka' ba med par 'gyur na/ 'jig rten gyi bsod nams kyi rnam par smin pa phran tshegs yongs su gnyer ba tsam mngon par 'grub par 'gyur ba lta smos
412a1 kyang ci dgos te/ de yang byang chub sems dpa'i snying rje chen po dang smon lam gyi mthu shin tu zab pa'i phyir dang / gzungs 'di'i
412a2 byin gyi rlabs shin tu rgya che ba'i phyir ro/ /bcom ldan 'das kyis kun dga' bo la bka' stsal pa/ yul gang dag na gnod pa byung bar gyur na/ de'i tshe yul
412a3 de'i rgyal pos yang dag po'i chos kyis yul 'dzin cing mi rnams bag yangs su bkod de/ sems can stangs las mi gcod cing / nyes pa byung ba rnams yongs
412a4 su skyabs nas nyin mtshan bdun gyi bar du lus dang sems kyi brtson 'grus bskyed de thugs rje chen po'i sems kyi gzungs sngags 'di 'don par byed na/ yul de'i gnod pa dang /
412a5 bgegs thams cad yongs su bsal bar 'gyur/ 'bru rnams legs shing mi mang po bde bar 'gyur ro/ /gzhan yang phas kyi rgol
412a6 ba'i dgra dag yang nas yang du 'ongs te gtses pas 'bangs mang po mi bde bar gyur tam/ blon po chen pos rku bshams nas log par gyur tam/ rims
412a7 nad byung bar gyur tam/ than chen byung bar gyur tam/ nyi zla rgyu ba nor bar gyur tam/ de lta bu la sogs pa'i gnod pa byung bar gyur na/ de'i tshe snying rje chen
412b1 po dang ldan pa'i mig stong pa'i gzugs byas nas de'i phyogs su kha bstan te spos dang / me tog dang / rgyal mtshan dang / ba dan dang / rin po che'i bla re rnam pa sna tshogs
412b2 dang / ro brgya dang ldan pa'i zas dang skom gyis sems rtse gcig tu mchod par bya'o/ /gzhan yang rgyal po des nyin mtshan bdun gyi bar du lus dang sems kyi brtson
412b3 'grus bskyed de gzungs kyi tshig nom pa 'di 'don par byed na/ phas kyi dgra rnams rang dul bar gyur nas slar log ste so so nas tshul bzhin du yul skyong zhing yul
412b4 yang 'dre bar gnas par byams pa'i sems kyis phan tshun gcig la gcig blta bar 'gyur/ rgyal bu dang blon po rnams kyang sri zhu dang drang dkan spyod par 'gyur/
412b5 btsun mo dang slas rnams kyang rgyal po la sri zhu dang bsnyen bkur byed par 'gyur/ lha dang klu dang 'dre srin rnams kyang yul de srung zhing skyong bar 'gyur/ char chu
412b6 dus bzhin du 'bab cing 'bru rnams legs pas mi mang po rnams kyang rab tu dga' bar 'gyur ro/ /gzhan yang khyim du nad chen ma rungs pa dang phrad par gyur tam/
412b7 ltas ngan sna tshogs byung bar gyur tam/ 'dre srin dang log pa'i bdud rnams kyis khyim dkrugs par kyur tam/ mi ma rungs pa dag gis gleng skur btab nas
413a1 rku bshams te gnod pa byas par gyur tam/ khyim mi che chung rnams phyi nang mi 'dum par gyur na/ snying rje chen po dang ldan pa'i
413a2 mig stong pa'i gzugs byas pa'i mdun du dkyil 'khor byas nas sems rtse gcig tu byang chub sems dpa' spyan ras gzigs dbang phyug yid la byas nas
413a3 gzungs sngags 'di lan stong tshang bar bzlas na/ gong du smos pa'i dngos po ngan pa de dag thams cad yongs su 'byang bar 'gyur ro/ /bcom ldan 'das la tshe
413a4 dang ldan pa kun dga' bos 'di skad ces gsol to/ /bcom ldan 'das/ rig sngags 'di'i ming ci lags/ ji ltar yongs su gzung bar bgyi/ bcom ldan
413a5 'das kyis bka' stsal pa/ kun dga' bo/ rig sngags 'di la ming rnam pa sna tshogs yod de/ rgya cher yongs su rdzogs pa zhes kyang bya'o/ /thogs pa med
413a6 pa'i thugs rje chen po zhes kyang bya'o/ /sdug bsngal rnams las yongs su skyob pa'i gzungs zhes kyang bya'o/ /tshe bsring ba'i gzungs zhes kyang bya'o/ /ngan 'gro
413a7 yongs su sbyong ba'i gzungs zhes kyang bya'o/ /las kyi sgrib pa rnam par 'joms pa'i gzungs zhes kyang bya'o/ /smon pa rnams yongs su rdzogs par byed pa'i
413b1 gzungs zhes kyang bya'o/ /sems kyi rjes su rang dbang du gyur pa'i gzungs zhes kyang bya'o/ /sa gong ma rnams las myur du 'da' ba'i gzungs zhes kyang bya'o/ /de
413b2 ltar yongs su gzung bar bgyi'o/ /bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ byang chub sems dpa'
413b3 sems dpa' chen po 'di'i ming ci lags na/ 'di lta bu'i gzungs bstan pa la mkhas par 'gyur lags/ bcom ldan 'das kyis bka' stsal pa/ byang
413b4 chub sems dpa' 'di'i ming ni/ spyan ras gzigs dbang phyug ces kyang bya'o/ /don yod pa'i zhags pa zhes kyang bya'o/ /'od stong pa'i mig can zhes bya ste/
413b5 rigs kyi bu byang chub sems dpa' spyan ras gzigs dbang phyug 'di'i ming dang / gzi byin dang / mthu stobs ni/ bsam gyis mi khyab ste/ 'das pa'i bskal pa
413b6 tshad med pa'i snga rol nas mngon par rdzogs par sangs rgyas nas mtshan yang de bzhin gshegs pa yang dag pa'i chos kyi snang ba zhes bya bar gyur pa yin kyang
413b7 thugs rje chen po dang smon lam gyi mthus sems can bde bar bya ba'i phyir byang chub sems dpa'i lus mngon du bstan pa yin pas/ byang chub sems dpa'
414a1 sems dpa' chen po'i 'khor mang po khyed dang / tshangs pa dang / brgya byin dang / lha dang / klu rnams kyis gus pas bkur sti byas
414a2 nas brnyas par mi bya'o/ /lha dang mi thams cad kyis rtag par mchod par byas te sems rtse gcig tu ming nas rjod par byed na/ bsod nams tshad med pa
414a3 snyed 'thob par 'gyur/ kha na ma tho ba tshad med pa snyed yongs su 'byang bar 'gyur/ tshe 'das nas kyang de bzhin gshegs pa 'od dpag med kyi zhing khams
414a4 su skye bar 'gyur ro/ /bcom ldan 'das kyis bka' stsal pa/ kun dga' bo/ gal te rin po che sna tshogs phun sum tshogs shing phyug por 'gyur bar
414a5 'dod na/ yid bzhin gyi nor bu'i lag la mchod pa bya'o/ /mi bde ba rnam pa sna tshogs kyis gtses par gyur na/ zhags pa thogs pa'i lag la mchod do/ /
414a6 khong par nad rnams yod par gyur na/ rin po che'i lhung bzed thogs pa'i lag la mchod do/ /'dre gdon thams cad gdul bar 'dod na/ rin po che'i
414a7 ral gri thogs pa'i lag la mchod do/ /lha'i bu'i bdud thams cad gdul bar 'dod na/ rdo rje thogs pa'i lag la mchod do/ /phas kyi rgol ba'i dgra
414b1 gzhom par 'dod na/ rdo rje tho ba thogs pa'i lag la mchod do/ /'jigs shing bag tsha ba'i gnas thams cad las thar bar 'dod na/ 'jigs pa med pa sbyin
414b2 pa'i lag la mchod do/ /mig mi gsal te 'od dang mi ldan par gyur na/ me shel gyi nor bu thogs pa'i lag la mchod do/ /tsha ba'i rims kyis thengs te bsil
414b3 bar 'dod na/ chu shel gyi nor bu thogs pa'i lag la mchod do/ /blon thabs mthon po 'dod na/ rin po che'i gzhu thogs pa'i lag la mchod do/ /grogs po
414b4 mdza' bshes dang myur du phrad par 'dod na/ rin po che'i mda' thogs pa'i lag la mchod do/ /lus la nad sna tshogs kyis thebs par gyur na/ lcug ma thogs
414b5 pa'i lag la mchod do/ /lus kyi bgegs ma rungs pa bsal bar 'dod na/ rnga yab dkar po thogs pa'i lag la mchod do/ /thams cad mthun pa'i 'khor du
414b6 'gyur bar 'dod na/ bum pa thogs pa'i lag la mchod do/ /stag dang 'phar spyang dang dom dred gcan gzan ma rungs pa thams cad spong bar 'dod na/ phub
414b7 thogs pa'i lag la mchod do/ /gnas dang dus thams cad du rgyal po'i bgegs las thar bar 'dod na/ dgra sta thogs pa'i lag la mchod do/ /bu dang bu mo
415a1 dang g.yog 'khor gyi phyir ni/ shel gyi gdub kor thogs pa'i lag la mchod do/ /yon tan rnam pa sna tshogs kyi phyir ni/ pad+ma
415a2 dkar po thogs pa'i lag la mchod do/ /phyogs bcu'i zhing yongs su dag pa dag tu skye bar 'dod na/ pad+ma sngon po thogs pa'i lag la mchod do/ /shes rab
415a3 chen po dang ldan par 'dod na/ rin po che'i me long thogs pa'i lag la mchod do/ /phyogs bcu'i de bzhin gshegs pa rnams mngon sum du mthong bar
415a4 'dod na/ pad+ma dmar po thogs pa'i lag la mchod do/ /sa'i gter 'byin par 'dod na/ rin po che'i za ma tog thogs pa'i lag la mchod do/ /drang srong
415a5 gi lam mngon par 'grub par 'dod na/ sprin sna lnga thogs pa'i lag la mchod do/ /tshangs par skye bar 'dod na/ ril ba thogs pa'i lag la mchod do/ /
415a6 lha'i gzhal med khang du skye bar 'dod na/ pad+ma le brgan thogs pa'i lag la mchod do/ /phyogs gzhan gyi dgra phyir rgol ba bsal bar 'dod na/ ral gri
415a7 dang mdung thogs pa'i lag la mchod do/ /dge ba'i lha 'dre thams cad dgug par 'dod na/ rin po che'i dung thogs pa'i lag la mchod do/ /lha 'dre thams
415b1 cad 'khor bar 'dod na/ thod pa'i khar ba thogs pa'i lag la mchod do/ /phyogs bcu'i sangs rgyas myur du gshegs nas phyag gis byug par 'dod na/
415b2 bgrang phreng 'dzin pa'i lag la mchod do/ /tshangs pa'i sgra dbyangs mchog dam pa thams cad mngon par grub par 'dod na/ rin po che'i dril bu thogs pa'i
415b3 lag la mchod do/ /tshig gi spobs pa gya nom pa dang ldan pa 'dod na/ rin po che'i phyag rgya thogs pa'i lag la mchod do/ /dge ba'i lha dang klu rnams rtag par
415b4 'ongs te srung zhing yongs su skyob par 'dod na/ lcags kyu thogs pa'i lag la mchod do/ /byams pa dang snying rjes sems can thams cad yongs su skyob par 'dod
415b5 na/ mkhar gsil thogs pa'i lag la mchod do/ /sems can thams cad kyis rtag par phan tshun gus pas bsnyen bkur byed cing brtse bar sems par 'dod na/
415b6 thal mo sbyar ba'i lag la mchod do/ /skye ba'i skye gnas thams cad du de bzhin gshegs pa rnams dang mi 'bral bar 'dod na/ sprul pa'i sangs rgyas thogs pa'i
415b7 lag la mchod do/ /skye ba'i tshe rabs thams cad du rtag par de bzhin gshegs pa'i pho brang du gnas nas mngal gyi snying por skye bar mi 'gyur bar 'dod na/ sprul pa'i
416a1 gzhal med khang thogs pa'i lag la mchod do/ /mang du thos pa'i shes pa rgya chen po dang ldan par 'dod na/ rin po che'i mdo sde'i
416a2 glegs bam thogs pa'i lag la mchod do/ /da ltar gyi lus 'di nas sangs rgyas kyi sku la thug pa'i bar rtag par byang chub kyi sems las ldog par mi 'gyur
416a3 bar 'dod na/ phyir mi ldog pa'i gser gyi 'khor lo thogs pa'i lag la mchod do/ /phyogs bcu'i de bzhin gshegs pa rnams myur du gshegs nas spyi
416a4 bo nas phyag gis byugs te lung bstan par 'dod na/ spyi bo na sprul pa'i sangs rgyas thogs pa'i lag la mchod do/ /shing thog dang 'bru rnams grub par 'dod
416a5 na/ rgun 'brum thogs pa'i lag la mchod do/ /de ltar mngon par sgrub pa'i cho ga stong yod kyang deng mdor bsdus nas mdo tsam zhig bstan pa yin no/ /bcom
416a6 ldan 'das kyis bka' stsal pa/ kun dga' bo/ khyod kyis shin tu yongs su dang ba'i sems kyis gzungs 'di gzungs la 'dzam bu'i gling du rgya cher yongs
416a7 su spel nas rgyun mi 'chad par bya'o/ /gzungs 'di khams gsum gyi sems can nad kyis nyon mongs pa thams cad la rgya cher phan 'dogs par byed pas
416b1 gzungs 'dis yongs su gsos na/ mi 'tsho ba gang yang med do/ /rig sngags chen mo 'dis shing skam po la btab na yang yal ga dang / lo ma dang / me tog dang / 'bras
416b2 bu skye bar 'gyur na/ rnam par shes pa dang bcas pa'i sems can la lta smos kyang ci dgos te/ sems can nad kyis thebs pa rnams gsos na/ mi 'tsho ba'i gnas nges
416b3 par med do/ /rigs kyi bu/ gzungs 'di'i byin gyi rlabs dang / mthu bsam gyis mi khyab pas bsam gyis mi khyab pa'i bsngags pa brjod kyang mthar thug par mi 'gyur
416b4 ro/ /sngon 'das pa'i dus yun ring po nas dge ba'i rtsa ba rgya cher bskyed pa ma yin na/ tha na 'di'i ming tsam yang thos par mi 'gyur na mngon du mthong ba lta smos kyang
416b5 ci dgos/ lha dang mi dang klu la sogs pa'i 'khor mang po khyed rnams ngas gzungs 'di'i bsngags pa brjod pa thos nas thams cad kyis rjes su yi rang bar
416b6 bya'o/ /gang la la zhig gis rig sngags 'di la skur ba btab par gyur na/ gang+gA'i klung bye ba phrag dgu bcu rtsa dgu'i bye ma snyed kyi sangs rgyas de dag la skur ba btab
416b7 par 'gyur/ /gal te gzungs 'di la the tshom dang yid mi ches pa skyes par gyur na/ gang zag de ni/ phan yon chen po dang gtan du 'bral bar 'gyur bas bskal pa
417a1 brgya stong snyed du ngan 'gror 'khor zhing 'byung ba'i dus med de/ rtag par sangs rgyas kyang mi mthong / chos kyang mi thos/ dge 'dun
417a2 yang mthong bar mi 'gyur bar rig par bya'o/ /'khor der 'dus pa'i byang chub sems dpa' sems dpa' chen po de dag dang / gsang ba'i bdag po lag na rdo rje
417a3 dang / tshangs pa dang / brgya byin dang / rgyal po chen po bzhi dang / lha dang / klu dang / 'dre srin thams cad bcom ldan 'das kyis gzungs 'di'i bsngags pa
417a4 brjod pa thos nas thams cad kyis rab tu dga' zhing mgu bas bka' yang dag par blangs nas mngon par sgrub par gyur to/ /de nas byang chub sems dpa' nyi
417a5 'od kyis thugs rje chen po'i gzungs 'dzin pa dag yongs su bsrung ba'i ched du rig sngags chen po 'di smras so/ /na mo bud+d+ha gu ra be/ na mo d+ha rmA mahA te/ na maH
417a6 saM g+hA ya Ni tri bu bi sa tu taM nA ma/ rig sngags 'di bton na/ kha na ma tho ba thams cad yongs su 'byang bar 'gyur/ bdud spong bar byed/ bgegs rnams sel
417a7 bar 'gyur bas lan re bton nas sangs rgyas la phyag 'tshal lan re bya'o/ /de bzhin du nyin re bzhin dus gsum du rig sngags bzlas nas sangs rgyas la phyag
417b1 byas na/ ma 'ongs pa'i dus na skye ba thams cad du yid du 'ong ba'i mtshan shin tu mdzes pa re re'i 'bras bu rnam par smin pa thob par 'gyur ro/ /byang chub sems
417b2 dpa' zla 'od kyis kyang rnal 'byor pa dag yongs su bsrung ba'i phyir gzungs 'di smras so/ /sin+te te du soSh+Ta/ Adz+nyA mi te a tuSh+Ta/ si na khi ta pa li tiSh+Ta/ ya mi dz+nyA ta oM
417b3 d+huSh+Ta/ ku la ti maSh+Ta khiSh+Ta swA hA/ rig sngags 'di lan lnga bzlas nas tshon sna lnga'i skud pa la sngags mdud byas te gang du na bar gdags par bya'o/ /rig sngags 'di
417b4 ni/ 'das pa'i sangs rgyas gang+gA'i klung bzhi bcu'i bye ma snyed kyis gsungs pa yin pas deng bdag gis kyang rnal 'byor pa dag yongs su bsrung ba'i phyir dang / bgegs
417b5 thams cad yongs su bsal ba'i phyir dang / nad ma rungs pa thams cad yongs su bsal ba'i phyir dang / dge ba'i chos thams cad yongs su rdzogs par bya ba'i
417b6 phyir dang / 'jigs shing skrag pa thams cad yongs su spang ba'i phyir bstan pa yin no/ /bcom ldan 'das kyis bka' stsal pa/ kun dga' bo/ byang chub sems
417b7 dpa' spyan ras gzigs dbang phyug gis bstan pa'i rig sngags 'di ni/ yang dag par bden te/ mi bden pa ci yang med do/ /byang chub sems dpa' 'di drung du 'ong bar
418a1 'dod na/ gu gul la lan nyi shu rtsa gcig sngags kyis btab ste bsregs na byang chub sems dpa' 'ong bar 'gyur ro/ /gang la la zhig byi la'i gdon
418a2 kyis zin par gyur na/ byi la'i mgo rus bsregs pa'i thal bas gtsang ma dang bsres te 'jim pa la byi la'i gzugs byas nas mig stong pa'i gzugs kyi mdun du ur
418a3 mo'i gri gtsang ma la brgya rtsa brgyad sngags kyis btab ste dum bu brgya rtsa brgyad du bcad nas sngags lan re gdon cing de'i ming nas lan re brjod na/ gtan du 'tsho bar 'gyur ro/ /
418a4 byad stems kyis phog par gyur na/ gu gul dang ga pur cha mnyam par byas te khron pa'i chu gtsang ma bre gang dang bsres nas bskol te phul gang tsam lus pa blangs na/ mig
418a5 stong pa'i gzugs kyi mdun du lan brgya rtsa brgyad sngags kyis btab ste 'thungs na/ 'tsho bar 'gyur/ gal te sdig pa dang sprul gyis zin par gyur na/ bca' lnga'i phye ma la lan
418a6 bdun sngags kyis btab ste rma khar bskus na/ 'phral du 'tsho bar 'gyur ro/ /gal te mi ma rungs pa dag gis rku bshams nas gnod pa byas par gyur na/ sa gtsang ma'am/
418a7 bag zan nam/ spra tshil la pha rol po'i gzugs byas te mig stong pa'i gzugs kyi mdun du ur mo'i gri la lan brgya rtsa brgyad sngags kyis btab nas sngags kyis lan re brjod
418b1 de lan re gtubs nas pha rol gyi ming na ma myong de bsregs zin nas dum bu brgya rtsa brgyad du byas na/ pha rol pa dga' zhing nam mtsho ba'i bar du gus pas bkur zhing byams par 'gyur
418b2 ro/ /gang dag mig nad kyis btab te mig gi 'bras bu nyams par gyur tam/ mdongs par gyur tam/ mi bsal bar gyur tam/ ling tog dkar po dang dmar po dag gis khebs te/
418b3 'od dang mi ldan par gyur na/ a ru ra dang / pa ru ra dang / skyu ru ra 'brum bu re zhib tu btags te 'thug pa'i tshe gtsang sbra bya dgos pas bud med gsar dus su btsas pa dang / khyi dang phag
418b4 rnams bsnyen par mi bya'o/ /de bzhin gshegs pa'i mtshan nas brjod de sbrang rtsi dkar po dang / mi'i 'o ma dang sbyar nas mig la bsku bar bya'o/ /'o ma de yang bu khye'u btsas pa'i nu zho rung
418b5 gi/ /bu mo btsas pa'i nu zho ni mi rung ngo / /sman de sbyar zin nas kyang mig stong pa'i gzugs kyi mdun du lan stong rtsa brgyad sngags kyis btab ste mig la bskus nas zhag bdun gyi bar
418b6 du khang pa dben par rlung bsangs na/ mig gi 'bras bu skye bar 'gyur bas ling tog sngon po dang dkar po bsal te gsal ba rgyas par 'gyur ro/ /gang dag gdon rnams kyis btab
418b7 ste smyos par gyur na/ stag dang / 'phar ba dang / spyang ki'i pags pa la lan nyi shu rtsa gcig sngags kyis btab ste lus la bgos gsos par 'gyur ro/ /gal te sbrul gyis zin
419a1 par gyur na/ gang zin pa'i mi de'i rna spangs blangs nas lan nyi shu rtsa gcig sngags kyis btab ste rma khar bslan na sos par 'gyur ro/ /gzer thabs
419a2 ma rungs pas snying la gzer te 'chi la thug na/ ka pyi ta lag pa tsam chu gtsang ma phul gang tsam dang sbyar te bskos nas phul phyed lus pa la lan bdun sngags kyis btab ste gcig
419a3 car blud na sos par 'gyur ro/ /sman de yang bud med kyi drung du bskol bar mi bya'o/ /ro langs kyi gdon gyis btab nas rgyun ring du na bar gyur na/ gu gul la lan nyi shu rtsa gcig
419a4 sngags kyis btab ste bsregs te snar bdug par bya'o/ /yang na ri bong gi rtug pa'i ril bu bdun blangs te lan nyi shu rtsa gcig sngags kyis btab nas mig tu bcug na sos par
419a5 'gyur te/ sha dang / chang dang / dku ba rnam pa lnga dang / tshig ngan pa rnams srung dgos so/ /yang na ba bla dang / yungs kar dang / lan tshwa la lan nyi shu rtsa gcig sngags kyis btab ste
419a6 nad pa'i khri'i drung du bsregs na/ gdon de'i lus 'jig par 'gyur bas 'dug pa'i thugs mi thub ste 'byer bar 'gyur ro/ /gal te gzhogs phyed na zhing rna ba dang sna sub
419a7 par gyur tam/ rkang lag sdud mi nus par gyur na/ ru rta til mar gyi nang du bskol te lan nyi shu rtsa gcig sngags kyis btab nas lus la bskus na gtan du 'tsho bar
419b1 'gyur ro/ /yang na/ ba'i mar la lan nyi shu rtsa gcig sngags kyis btab ste lus la bskus na yang sos par 'gyur ro/ /gal te bu btsa' dka' bar gyur na/ til mar la lan nyi
419b2 shu rtsa gcig sngags kyis btab ste bud med sbrum ma'i lte ba dang mo mtshan la bskus na myur du btsa' bar 'gyur ro/ /bud med sbrum ma gang dag mngal du bu shi bar gyur na/
419b3 gi'u si srang gcig chu phul do'i nang du bskol te phul gang lus pa la lan nyi shu rtsa gcig sngags kyis btab nas blud na/ sdug bsngal zhing na ba med par 'byung bar 'gyur ro/ /
419b4 sha ma 'byung du mi btub par gyur na yang sman 'di 'thungs na phan par 'gyur ro/ /glo bur du snying ga gzer te mi bzod par gyur na/ de ni/ ro nyul gyi gzer thabs zhes bya ba yin
419b5 pas kun tu ru dang pog dkar po ma grugs pa la lan nyi shu rtsa gcig sngags kyis btab ste ci tsam 'byor pa byin nas slon du bcug na 'tsho bar 'gyur ro/ /sha chang dang dku ba
419b6 rnam pa lnga srung dgos so/ /mes tshig par gyur na/ ba lang gi lci ba dron po la lan nyi shu rtsa gcig sngags kyis btab ste rma khar bskus na 'tsho bar 'gyur ro/ /srin bu khong par
419b7 zhugs te na bar gyur na rta dkar po'i gcin phul phyed la lan nyi shu rtsa gcig sngags kyis btab ste blud na 'tsho bar 'gyur ro/ /tshabs che ba la phul gang blud na srin bu thag pa
420a1 gcus pa bzhin du rang 'byung bar 'gyur ro/ /shu chen byung ba la leng se'u hwa brdungs pa'i khu ba la lan rtsa gcig sngags kyis btab ste shu ba'i steng du blugs
420a2 na/ rtsa ba rang 'byung bar 'gyur bas med la 'tsho bar 'gyur ro/ /mig tu sbrang ma zhugs te na bar gyur na/ bong bu'i rtug pa btsir ba'i khu ba la lan nyi shu rtsa gcig sngags kyis
420a3 btab ste mtshan mo mig tu blugs na 'tsho bar 'gyur ro/ /lto ba na bar gyur na/ khron pa'i chu gtsang ma'i nang du lan tshwa ma grugs pa 'brum bu nyi shu rtsa gcig bor te lan nyi shu rtsa
420a4 gcig sngags kyis btab nas phul phyed 'thungs na phan par 'gyur ro/ /mig tshag por gyur tam/ mig tu sha lhag byung bar gyur tam/ ling tog byung bar gyur na/ ke'u
420a5 khi tsha'i shing gi lo ma brdungs te btsir ba'i khu ba la lan bdun sngags kyis btab ste de'i nang du khar ba'i dong tshe gcig mtshan gcig spangs nas yang lan bdun sngags
420a6 kyis btab ste mig tu blugs na 'tsho bar 'gyur ro/ /gal te mtshan mo 'bud 'jug gi tshe 'jigs sdangs nas mi bde bar gyur na/ skud pa dkar po la lan nyi shu rtsa
420a7 gcig sngags kyis btab ste mdud pa nyi shu rtsa gcig byas nas mgul du btags na 'jigs shing sdangs pa dang 'bral bar 'gyur ro/ /'jigs pa dang bral bar kho
420b1 nar ma zad kyi/ bsod nams kyang thob la sdig pa rnams kyang 'byang bar 'gyur ro/ /gal te khyim 'khor du ltas ngan byung bar gyur na/ bal po si'u'i shing gi yal ga
420b2 blangs nas dum bu stong rtsa brgyad du gtubs te mgo mjug gnyi gar mar dang zho bskus nas sngags lan re bzlas shing re re bsregs te stong rtsa brgyad tshang par byas na/ gdon
420b3 bgegs thams cad rab tu zhi bar 'gyur te/ de yang sangs rgyas kyi spyan sngar bya dgos so/ /shu dag dkar po blangs nas lan brgya rtsa brgyad sngags kyis btab ste dpung pa
420b4 g.yas pa la btags na/ g.yul ngor 'thab pa dang / 'brel ba'i gtam smra ba'i gnas thams cad du rgyal bar 'gyur ro/ /ke'u khi tshe'i shing gi lo ma'am yal ga yang rung ste/
420b5 dum bur gtubs nas mgo mjug gnyi gar ba mar yang dag pa dang / sbrang rtsi dkar po dang ba zho bskus te sngags lan re bzla zhing dum bu re re sreg pa stong rtsa brgyad tshang bar
420b6 bya'o/ /nyin gcig la dus gsum du bya zhing dus gcig la yang lan stong rtsa brgyad bzlas te zhag bdun tshang bar gyur na/ sngags mkhan de rang gis mngon par shes par thob
420b7 par 'gyur ro/ /gdon mthu bo che gdul bar 'dod na/ lung tang la lan bzhi bcu rtsa dgu sngags kyis btab ste bu ram dang sbrang rtsi bskus nas 'phags pa snying rje chen po dang ldan pa'i
421a1 gzugs byas pa'i mdun du bsreg par bya'o/ /gi'u wang srang gcig bai DU R+ya'i bum pa'i nang du bcug ste/ 'phags pa snying rje chen po dang ldan pa'i gzugs
421a2 byas pa'i mdun du bzhag nas sngags lan stong rtsa brgyad kyis btab ste lus la bskus sam dpral bar thig le byas na lha dang / klu dang / 'dre srin dang / mi dang mi ma yin pa thams
421a3 cad rab tu dga' bar 'gyur ro/ /gal te la la zhig btson rar chud par gyur na phug ron dkar po'i rtug pa la lan brgya rtsa brgyad sngags kyis btab ste lag pa la bskus nas
421a4 mtshon cha la byugs na mtshon cha rang rang grol bar 'gyur ro/ /gal te khyo shug chu dang me bzhin du mi 'dum par gyur na bya dur ba'i mjug ma blangs te/ 'phags pa snying rje chen po dang
421a5 ldan pa'i gzugs byas pa'i mdun du sngags lan stong rtsa brgyad kyis btab nas lus la btags na/ de dag nam 'tsho'i bar du gcig la gcig dga' zhing byams pa
421a6 dang bskur bar 'gyur ro/ /lo tog dang 'bras bu rnams la srin bu zhugs te za bar gyur na sa'am/ thal ba'am/ bye ma gtsang ma blangs te lan stong rtsa brgyad sngags kyis
421a7 btab nas zhing gi phyogs bzhir gtor na srin bu rnams 'gyes par 'gyur ro/ /chu gtsang ma la sngags kyis btab ste 'bras bu'i ljon shing la gtor na srin bu 'bras bu
421b1 la za ba'i thugs mi thub bo/ /na mo rat+na tra yA ya/ sha ra ma hA sha ra/ tu lu tu lu mahA tu lu/ oM ku me ha na sha sa/ bcom ldan 'das kyis bka' stsal pa/ gang la la zhig 'bru dkon
421b2 pa'i gnas su phyin te mu ge byung nas zan chad par gyur na/ khyed kyis mig btsums nas lus drang por bsrang ste sems rtse gcig tu gzungs sngags 'di lan brgya rtsa brgyas bzlas
421b3 nas mig phye zhig dang / lha rnams kyis lha'i zhal zas ro brgya dang ldan pa snod bkang nas khyer te 'ong bar 'gyur ro/ /gal te khyim na gnas pa'i tshe dgos par gyur na snod
421b4 gtsang ma stong pa mdun du bzhag nas mig btsums te kha chus bkang nas lcang ma'i lcug ma dang rnga yab dang lhung bzed la gtor bar bya'o/ /chus gtor zin nas mig
421b5 btsums te gzungs 'di lan bzhi bcu rtsa dgu bzlas na rang gi dang gis ro brgya dang ldan pa'i zas snod kun gang ba 'byung bar 'gyur bas blangs nas zhag bdun gyi
421b6 bar du bza' bar bya'o/ /de ltar na 'di'i mthu stobs ni/ bsam gyis mi khyab par rig par bya'o/ /zas zos zin nas mig btsums te/ sa ra kha zhes brjod nas zas kyis
421b7 lhag ma yang spang bar bya'o/ /zas zos te ltor mid nas kyang myur du 'ju bar 'gyur bas stobs dang ldan zhing bde ba 'thob par 'gyur/ /thogs pa med pa'i spobs pa 'thob par 'gyur ro/ /
422a1 kun dga' bo/ thos pa 'dzin par 'gyur ba'i gzungs ni/ 'di yin te/ na mo bud+d+hA ya/ na mo d+harmA ya/ na maHsa g+hA ya/ na maHa dan
422a2 ni ya/ u ga tsi du ug tsi du/ ma ti la li la/ la lu te na ma ni mi ti na mi swA hA/ gzungs 'di 'dzin pas phyogs bzhi nas rgyun chad pa'i ri'i rtse mor dkyil
422a3 'khor byas nas mtshams bcad lus bsrungs nas khar ba'i lhung bzed chung du zhig khron pa'i chu gtsang mas bkang ste mdun du bzhag nas gzungs sngags
422a4 bzlas na/ gdon mi za bar skar ma gsal ba zhig 'ong bar 'gyur bas/ 'ongs pa'i tshe 'jigs pa mi bskyed par sems bde bar mnyam par bzhag nas
422a5 sems rtse gcig tu gzungs sngags 'don par byed na/ dbang po rno zhing shes rab dang ldan phar 'gyur bas mi shes pa ci yang med par 'gyur/ 'jig rten
422a6 pa'i lam gyi chos kyang mi rtogs pa ci yang med par 'gyur ro/ /thos pa rgyud pa'i tshe skar ma mchog tu gsal ba zhig lhung bzed kyi chu'i nang du 'ong bar 'du
422a7 shes bskyed par bya'o// //byang chub sems dpa' spyan ras gzigs dbang phyug thogs pa mi mnga' ba'i thugs rje chen po rgya cher yongs su rdzogs pa'i gzungs/
422b1 bam po gnyis pa/ de nas byang chub sems dpa' sems dpa' chen po spyan ras gzigs dbang phyug gus pas thal mo sbyar te/ bcom ldan 'das la 'di skad
422b2 ces gsol to/ /bcom ldan 'das/ bdag ni/ sngon bsam gyis mi khyab pa'i bsod nams bsags pa'i rgyu dang rkyen gyis deng bcom ldan 'das kyis bdag
422b3 la lung bstan par mdzad pa dang / bdag snying rje chen po bskyed nas sems can thams cad la sman par bgyi ba dang / bcing ba mtha' dag bcad pa dang / 'jigs
422b4 pa thams cad zhi bar 'gyur bar bzhed pa lags pas/ deng bdag gis yum zhes bgyi ba'i gzungs bshad par 'tshal te/ dus tha ma'i sems can rnams
422b5 yum zhes bgyi ba'i gzungs 'di thos pa'i byin gyi rlabs kyi mthus de dag thams cad sdug bsngal kyi rgyu dang bral nas bde ba'i 'bras bu thob par 'gyur lags
422b6 so/ /bcom ldan 'das/ dus lnga brgya tha ma la yul lam/ grong ngam/ grong khyer ram/ grong rdal gang yang rung ba dag tu dge slong ngam/ dge slong ma'am/
422b7 rigs kyi bu'am/ rigs kyi bu mo la sogs pas rtag par gdugs mtshan lan drug tu chos bzhin du yum zhes bgyi ba'i gzungs sngags kyi chos kyi rnam
423a1 grangs 'di klog cing 'don pa dang / yongs su 'dzin par bgyid na/ bdag de bzhin gshegs pa'i bka' drin rjes su dran zhing
423a2 gzo ba'i slad du rtag par rjes su 'brangs nas gang zag de dag yongs su srung bar bgyid cing spong bar mi bgyid pas 'dre srin thams cad kyis gnod par
423a3 bgyid par mi 'gyur lags so/ /gzhan yang tshe rabs kyi sgrib pa lci ba thams cad kyang dus gcig tu yongs su 'byang bar 'gyur/ gzungs sngags kyi
423a4 dkyil 'khor dang / phyag rgya'i chos kyi sgo thams cad kyang myur du yongs su rdzogs par 'gyur lags so/ /bcom ldan 'das la yang 'di skad ces
423a5 gsol to/ /bcom ldan 'das/ slad ma'i dus lnga brgya tha ma'i sems can rnams ni/ phal cher sdig pa'i dri ma lhun stug cing bsod nams chung bas yongs
423a6 su 'dzin par bgyid pa zhig mchis na yang 'dre srin dag gis gnod pa bgyid pas/ deng bdag bcom ldan 'das kyi byin gyi rlabs kyis sems can
423a7 rnams la rgya cher sman par bgyi ba dang / sems can rnams la bde bar bgyi ba dang / lha dang lha ma yin la sogs pa'i ched du gzungs kyi chos bshad
423b1 par 'tshal te/ bdag gis sngon 'das pa'i bskal pa tshad ma mchis pa snyed kyi bar du gzungs kyi chos 'di la bsten cing mchod pa bgyis lags so/ /'das pa
423b2 dang / ma byon pa dang / da ltar bzhugs pa'i sangs rgyas rnams kyi bar dag kyang yum zhes bgyi ba'i gzungs kyi chos kyi rnam grangs 'di'i rgyus bla na med pa yang
423b3 dag par rdzogs pa'i byang chub mngon par brnyes pa lags pas/ rigs kyi bu'am/ rigs kyi bu mo gang la la zhig sems rtse gcig tu yum zhes bgyi ba'i gzungs
423b4 kyi chos kyi rnam grangs 'di 'don cing klog pa dang / yongs su 'dzin par bgyid na/ de dag tshe 'di nyid la tshig gi spobs pa myur zhing thogs pa ma mchis pa dang /
423b5 shes rab dang sbobs pa mngon par rtogs par 'gyur bas/ /lha dang mi'i 'khor mang po'i nang na mchog tu 'gyur/ gang dag thos pa rnams kyang rab tu dga' zhing
423b6 thams cad kyi spyi bo la btud de phyag bgyid par 'gyur/ skye ba thams cad du sangs rgyas dang / chos dang / dge 'dun mthong bar 'gyur/ gang ci smras kyang rung ste/
423b7 thams cad kyis yid ches pas nyan par 'gyur lags te/ de dag thams cad kyang sangs rgyas bcom ldan 'das rnams kyi byin gyi rlabs kyi mthu lags te/ rang
424a1 nyid kyi mthu ni/ ma lags so/ /de nas bcom ldan 'das kyis byang chub sems dpa' spyan ras gzigs dbang phyug la khyod kyis 'di
424a2 ltar/ lha dang / mi dang / lha ma yin la sogs pa de dag thams cad la phan pa dang / bde bar bya ba dang / las kyi lam yongs su spyang ba'i ched du smras pa
424a3 legs so legs so zhes sngags pa brjod nas ngas kyang deng ye shes kyi phyag rgyas btab nas khyod byams pa chen po dang / snying rje chen po la sogs pa'i
424a4 sems rnam pa sna tshogs las gtan du ldog par mi 'gyur bar bya'o/ /zhes bka' stsal to/ /de nas bcom ldan 'das la byang chub sems dpa' spyan ras
424a5 gzigs dbang phyug gis yang 'di skad ces gsol to/ /bcom ldan 'das/ bdag mngon par dran lags te/ 'das pa'i bskal pa tshad ma mchis
424a6 pa nas yum zhes bgyi ba'i gzungs kyi chos kyi rnam grangs 'di yongs su bzung bas ri po Ta la la mchis pa'i tshe bdud kyi rgyal pos bdud kyi 'khor mang po dang
424a7 'grogs nas bdag gi chos dkrug cing / sngags kyi tshig rnams mngon par mi 'grub par bgyi bar bshams pa las/ de'i tshe bdag gis yum zhes
424b1 bgyi ba'i gzungs 'dis bdud mang po rnams btul nas thams cad so sor gyes par gyur pas gzungs 'di'i mthu bsam gyis mi khyab par rig par bgyi lags so/ /
424b2 de nas byang chub sems dpa' spyan ras gzigs dbang phyug byams pa dang / snying rje chen pos sems can thams cad la phan gdags shing / lha dang mi rnams bde ba
424b3 thob par bya ba'i phyir bcom ldan 'das dang / 'khor 'dus pa chen po'i mdun du byang chub sems dpa' spyan ras gzigs dbang phyug phyag stong spyan stong dang ldan
424b4 pa'i yum zhes bya ba'i gzungs lus po che'i sngags 'di smras so/ /na maHsarba ta thA ga tA ya/ na mo rat+na tra yA ya/ na mo a mi tA b+hA ya/ ta thA ga tA ya/ ar+ha te
424b5 samya k+saM bung+d+hA ya/ na mo AR+ya ba lo ki te shwa rA ya/ bo d+hi satwa ya/ ma hA satwA ya/ ma hA kA ru Ni kA ya/ na mo ma hA s+tha mA ya/ prap+tA ya/ bo d+hi satwA ya/ ma hA satwa ya/ ma hA
424b6 kA ru Ni kA ya/ na mo bi pu la bi ma na su pra tiSh+Thi ta saM g+hA ya/ sUR+ya sha ta sa ha sra a ti re ka pra b+ha a ba b+ha si ta mU rta ye/ ma hA ma Ni mu ku Ta kuN+Ta la a laM kA ra d+hA ra
424b7 Ni/ b+hA ga wa te pad+ma pA Na ye/ sarba lo ka u pA sha ma nA ya/ bi bi d+ha mu kha sa ma be sha biSh+Ta sarba satwA pa ri mo tsa kA ya/ tad+ya thA/ oM b+hu r+b+hu pa/ ma hA lo ka ka ra Na nA tha ma
425a1 sing+d+ha mi ra b+hA dra bi nA sha na ka rA ya/ rA hA dwe Sha mo ha dz+wa la sha ma ka /sha sa ka sa mA shA sa nA ka ra rak+Sha sarba pA pa durga te pra sha ma na ka rA
425a2 ya/ sarba ta thA ga ta sa ma pa da na ka ra/ he he ma hA bo d+hi satwa ba ra da pad+ma lo ka saM b+hu ta/ ma hA ka ru Ni ka dza TA mu ku TA laM gr-i te shwa rI raM/ ma Ni ka na ka sha ta badzra bai
425a3 DUr+yA laM kr-i ta sha rI raM/ a mi tA b+hA si na ka ma lA laM kr-i ta pra b+ha ra Na/ la ri tsa na ma hA du na/ na ra ni ra sha ta sa ha sra/ a b+hi la ShI ta k+Sha ya/ ma hA bo d+hi satwa
425a4 ya/ bi b+ha ma bi d+ha ma/ bi nA sha ya bi nA sha ya/ ma hA ya n+taM kle sha ka ba d+ha/ a ba ba d+ha bi bi d+ha sa twA saM sA ra tsA ra ka pra ma tha na/ pu ru Sha pad+ma/ pu ru Sha nA ga /pu ru
425a5 Sha sA ga ra/ pu ru Sha siM ha/ bi ra bi ra sha ya/ su tan+ta su yan+ta/ ba ra ba ra/ d+ha ma d+ha ma/ sa ma sa ma/ d+hu ru d+hu ru/ pra shA sa ya pra shA sa yi/ gi ri gi ri/ bi ri
425a6 bi ri/ tsi ri tsi ri/ mu ru mu ru/ mu yu mu yu/ mu ya mu ya/ mu ny+tsa mu ny+tsa/ d+hu na d+hu na/ bi d+hu na bi d+hu na/ d+hu ru d+hu ru/ kA ya gA ya/ gA d+ha ya gA d+ha ya/ ha sa ha swa/ pra ha
425a7 sa pra ha sa/ bi bi d+ha kle sha bA sa na/ bdag ming 'di zhes bya ba'i ha ra ha ra/ sam ha ra saM ha ra/ du ru ti du ru ti/ ma hA man+t+ra du ru ti/ ka ra Ni sha ta pa ra si ka b+ha ba
425b1 ba sa na/ sha ma ka ma hA bo d+hi satwa ba ra da swA hA/ de'i tshe byang chub sems dpa' sems dpa' chen po spyan ras gzigs dbang phyug gis bcom ldan 'das la pad+ma
425b2 chen pI phyag rin po che'i bkod pa'i khar ba'i yum zhes bya ba'i gzungs 'di smras ma thag tu stong gsum gyi stong chen po'i 'jig rten gyi khams nas 'du shes
425b3 med 'du shes med min gyi lha'i gnas kyi bar dag rnam pa drug tu g.yos so/ /rab tu g.yos par gyur to/ /lha rnams kyis kyang rin po che'i me tog gi char mngon
425b4 par phab bo/ /'og min gyi lha dang dbang phyug chen po rnams kyang g.yo zhing mi bde bas shin tu 'jigs shing sdangs par gyur to/ /gnod sbyin dang / srin po dang /
425b5 'dre gdon ma rungs pa thams cad kyang sdug bsngal chen po myong ba'i sgra skad chen po phyung nas shar nub tu 'byer zhing bros kyang gang du 'gro ba'i gnas kyang rig cing
425b6 rnyed par ma gyur to/ /de nas sprul pa'i byang chub sems dpas 'khor mang po rnams dang / 'dre srin ma rungs pa thams cad la gang gis bdag gi rig sngags las
425b7 'da' zhing rjes su 'brang bar byed na/ de dag gi lus kyi yan lag dang / nying lag thams cad rab tu bu 'di 'jig par 'gyur ro/ /rig sngags 'dis ni/ ri rnams
426a1 'joms shing rgya mtsho chen po skem par byed do/ /lha ma yin gyi dmag rnams rnam par bcom nas pham par byed do/ /yul 'khor
426a2 rnams dang / grong dang / grong khyer dang / grong rdal rnams yongs su srung bar byed do/ /'dre gdon dang / nad dang / sman gyi dug dang / srin bu'i dug dang /
426a3 log pa dang / ma rungs pa'i mi rnams pham zhing rab tu zhi bar byed do/ /sum cu rtsa gsum pa'i lha rnams btul nas rab tu dul bar byed do/ /zhes smras pa
426a4 dang / de nas bcom ldan 'das rdo rje chen po'i pho brang rab tu dga' ba na bzhugs pa dang / byang chub sems dpa' mchog tu btsun pa dang / lha dang / klu dang /
426a5 gnod sbyin dang / srin po dang / mi 'am ci la sogs pa'i 'khor sangs rgyas kyi chos la gnas pa tshad med pa thams cad kyis kyang dus gcig tu bsngags pa
426a6 brjod par gyur to/ /de nas bcom ldan 'das la byang chub sems dpa' spyan ras gzigs dbang phyug gis yang 'di skad ces gsol to/ /bcom ldan 'das
426a7 rig sngags 'dis ni/ sgrib pa'i ri bo shin tu rgya che ba dag kyang rnam par 'joms par bgyid pas gang la la zhig nyan tam/ klog gam/ 'don tam/ yongs
426b1 su 'dzin par bgyid dam/ mthong bar gyur na/ de dag la nyon mongs pa'i sgrib pa nag po ji snyed cig mchis pa de dag thams cad zhu byang bar 'gyur lags so/ /
426b2 gzhan yang gang la la zhig rtag par nang par langs nas gus pa'i sems las yum gyi gzungs 'di lan nyi shu rtsa gcig klog gam/ 'don par bgyid na/
426b3 byang chub sems dpa' spyan ras gzigs dbang phyug nyid rtag par de'i rjes su 'brangs nas yongs su srung bar bgyid cing / yongs su skyob par bgyid do/ /
426b4 gang la la zhig smon lam rgya chen po dang / ting nge 'dzin gyi sgo chen po thams cad myur du 'grub par 'tshal na/ gcig pu gnas dben par mchis nas byang
426b5 chub sems dpa' spyan ras gzigs dbang phyug yid la dran par bgyi zhing / gzhan yid la mi bgyi bar rtag par gzungs 'di lan brgya rtsa brgyad bzlas
426b6 brjod bgyis na/ smon lam rnams mi 'grub pa gang yang ma mchis lags so/ /gzhan yang sems can gyi snying drung du sdug par 'gyur/ ngan 'gro'i sgo thams
426b7 cad du ltung bar mi 'gyur lags so/ /mchis kyang rung ma mchis kyang rung ste rtag par sangs rgyas mdun na bzhugs par 'du shes nye bar bzhag par gyur na/ gang
427a1 zag de skye ba'i gnas bye ba brgya stong tshang ma mchis pa kun tu bsags pa'i sdig pa'i las ci mchis pa de dag thams cad zhu
427a2 byang bar 'gyur/ gang zag de 'khor los bsgyur ba'i rgyal po stong gi bsod nams phun sum tshogs pa dag la longs spyod par 'gyur/ skye ba thams cad
427a3 du byang chub sems dpa' spyan ras gzigs dbang phyug dang dus gcig tu skye bar 'gyur/ btsun pa'i khyim dag tu skye bar 'gyur lags so/ /gang la la
427a4 zhig rtag par spos sam/ me tog snyim pa gang tsam byang chub sems dpa' spyan ras gzigs dbang phyug gi gzugs kyi mdun du mngon par gtor nas
427a5 gzungs 'di lan nyi shu rtsa gcig 'don par bgyid na/ stong chen po'i 'jig rten gyi khams kyi yon tan dang snying rje chen po'i chos nyid 'thob par 'gyur/
427a6 gang zag de 'jig rten na mthar gyis mthu chen po myur du mngon par 'grub par 'gyur lags so/ /gang la la zhig rtag par byang chub sems dpa' gdong dang /
427a7 mig dang / mtshan dang / dpe byad la rnam par bltas te gzungs 'di lan stong rtsa brgyad 'don par bgyid na/ byang chub sems dpa' spyan ras gzigs
427b1 dbang phyug myur du lus mngon sum du bstan nas rnal 'byor pas mthong bar 'gyur bas/ dri ma dang bral nas sa dang po dang / sangs rgyas rjes su dran pa'i ting
427b2 nge 'dzin 'thob par 'gyur bas 'od kyis 'jig rten gyi khams gsal bar bgyid par 'gyur/ 'chi ba'i dus kyi tshe bsam gtan dang ting nge 'dzin la sogs
427b3 par 'jug pa bzhin du 'chi bar 'gyur bas tshe rabs thams cad du sngon gyi gnas rjes su dran pa'i shes rab thob par 'gyur/ kha na ma tho ba'i sdig pa ci mchis
427b4 pa thams cad kyang zhu zhing byang bar 'gyur lags so/ /gzungs 'di yongs su 'dzin par 'tshal ba des rtag par dpyid zla ra ba dang / dbyar zla 'bring po dang /
427b5 ston zla tha chung tshes gcig nas tshes bcu'i bar du gso sbyong dang tshul khrims la gnas nas gos dkar po gtsang ma bgos te/ zas dkar gsum 'tshal
427b6 nas ring bsrel dang bcas pa'i mchod rten nam ring bsrel gyi mdun du tsan+dan dkar po'i 'jim pa las dkyil 'khor khru gang gru bzhi pa bgyis nas me tog dang spos
427b7 rnam pa sna tshogs dkyil 'khor gyi nang du gtor nas de bzhin gshegs pa'i sku gzugs kyi spyan sngar spos kyis bdugs te zhugs mar bltams nas sangs
428a1 rgyas dang / byang chub sems dpa' rnams la gus pa'i sems bskyed de rtag par gzungs 'di lan stong rtsa brgyad 'don par bgyid
428a2 na/ tshes bco lnga'i nub mo byang chub sems dpa' spyan ras gzigs dbang phyug nyid dkyil 'khor gyi nang du mchi bar 'gyur bas/ rnal 'byor pas mthong
428a3 ma thag tu mtshams ma mchis pa lnga'i kha na ma tho ba shin tu lci ba'i sgrib pa ci mchis pa thams cad zhu byang nas lus dang / ngag dang / yid kyi las
428a4 thams cad yongs su dag par 'gyur bas/ sangs rgyas kyi ting nge 'dzin gyi mthu dang / dbang bskur ba'i sa'i mthu dang / pha rol tu phyin pa'i sa'i mthu
428a5 dang / khyad par du 'phags pa'i ye shes kyi sa yang 'thob par 'gyur lags so/ /bcom ldan 'das/ gal te dgung char dbab par 'tshal bar gyur
428a6 na/ gnam du bltas nas gzungs 'di stong rtsa brgyad 'don par bgyid na zil dngar gyi char dus bzhin du 'bab par 'gyur lags so/ /dog sa la bltas
428a7 nas gzungs 'di lan stong rtsa brgyad tshang bar 'don par bgyid na/ 'bru rnam pa sna tshogs legs par 'gyur lags so/ /gtsang po dang / chab mig bskams
428b1 pa'i drung du gzungs 'di lan stong rtsa brgyad 'don par bgyid na/ chab 'phel zhing rgyas par 'gyur lags so/ /bro nad kyis thebs pa thams cad kyi mdun du
428b2 rang gi sug pa lag pa la sngags 'dis lan bdun bsngags te sug pas bya bas na/ 'tsho bar 'gyur lags so/ /gang dran pa nyams pa'i mdun du gzungs
428b3 'di lan stong rtsa brgyad bzlas brjod bgyis na/ yang dag pa'i dran pa 'thob par 'gyur lags so/ /gang dag bkres skom gyis nyen pa'i mdun du de'i gdong la
428b4 bltas nas gzungs 'di lan stong rtsa brgyad bzlas brjod bgyis na/ bkres skom gyis nyen pa'i 'du shes ngan pa thams cad rab tu gsal bar 'gyur lags
428b5 so/ /gang dag mtshams dgum par 'tshal na/ rdzing chab kyi nang du zhugs te chos bzhin du gzungs 'di yongs su rdzogs par bris nas rgyal mtshan gyi khar
428b6 btags na/ dpag tshad brgya tshun chang du gdon bgegs ci yang ma mchis te mtshams bkum pa nyid du gyur nas yongs su srung bar 'gyur lags so/ /rigs
428b7 kyi bu'am rigs kyi bu mo gang la la zhig rtag par gdugs gcig bzhin du gzungs 'di lan stong rtsa brgyad 'don par bgyid na/ gang zag de'i bsod nams
429a1 brjod kyis mi lang bas rig sngags 'dzin pa de dag btsun zhing dbang phyug dang ldan par 'gyur/ gzhan yang skye bo mang po kun
429a2 gyis byams shing bsnyen bkur bgyid par 'gyur/ smon lam rnams yid bzhin du yongs su rdzogs par 'gyur lags so/ /gang dag bdud 'dul bar
429a3 'tshal na/ yum gyi gzungs 'di bzlas te gu gul la lan nyi shu rtsa gcig sngags kyis btab nas sngags 'di lan re bzlas shing lan gcig bsreg pa
429a4 lan brgya rtsa brgyad tshang bar bgyis na/ yongs su bsal bar 'gyur lags so/ /gal te skye bo mang po thams cad dga' bar 'tshal na/ rtag par lcang
429a5 ma'i lcug ma la lan nyi shu rtsa gcig sngags kyis btab ste g.yar khar bcas na/ thams cad kyis byams shing bkur bar 'gyur lags so/ /gang
429a6 dag bdag nyid spobs pa dang / shes rab dang ldan par 'tshal na/ shu dag srang gcig phye mar btags te chab mar dang / sbrang rtsi dang sbyar nas ril bu
429a7 bgyis te yum gyi gzungs 'dis mtshan ma gsum po 'di lta ste/ drod dang / dud pa dang / 'od byung gi bar du sngags kyis gdab par bgyi'o/ /mtshan
429b1 ma de dag thob nas gdugs re bzhin sman gyi ril bu tsam bdun bdun 'tshal nas snying gar yang yang byug par bgyi ste/ de ltar zhag brgya'i bar du 'tshal na/
429b2 thogs pa ma mchis pa'i spobs pa 'thob par 'gyur pas/ bdag nyid kyi lus bsrung ba'i slad du gdugs re zhing yum gyi gzungs 'di lan brgya rtsa brgyad
429b3 bzlas nas phyag rgya rnam pa bcu gnyis kyang bgyi'o/ /de la dang po byang chub sems dpa' mig stong dang ldan pa'i lus kun tu srung ba'i phyag rgya ni/ 'di lags
429b4 te/ sngar langs nas 'greng ste lus drang por bsrang nas rkang pa gnyis gshibs te rkang pa g.yas pa chung zad cig dgug par bgyi'o/ /sngar sug pa lag
429b5 pa g.yon pa thur du brkyang nas gung mo dang srin lag gnyis bkug ste lag mthil du bzhag la mthe'u chung dang / mdzub mo dang / mthe bong ni/ yan par
429b6 brkyang ste lag mthil bkan nas gyen du phyogs par bgyi'o/ /de'i rjes la sug pa g.yas pa yang de bzhin du bgyis nas gung mo bkug ste phrag pa dang mnyam
429b7 par bgyis nas lag mthil mdun du blta bar bgyi ste/ 'di ni/ lus kun sdud pa'i phyag rgya zhes bgyi'o/ /gal te bdud dang mu stegs can log par lta ba'i
430a1 thibs po bcom nas yang dag pa'i lam du gzung bar 'tshal na/ phyag rgya 'di bgyis nas sngags lan nyi shu rtsa gcig bzlas
430a2 nas gdon mi 'tshal bar smon pa bzhin 'grub par 'gyur lags so/ /gzungs ni/ 'di lta ste/ na mo rat+na tra yA ya/ na ma AR+ya a ba lo ki te shwa rA
430a3 ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ a bat+ta/ a bat+ta/ pa ri bat+te/ e hi he hi swA hA/ de la gnyis pa byang chub sems
430a4 dpa' mig stong dang ldan pa'i kun 'dzin gyi gzungs phyag rgya ni/ 'di lags te/ snga ma'i lus kun sdud pa'i phyag rgya bzhin du thal mo sbyar te snying gar
430a5 bzhag nas sor mo lnga snol mar btang ste g.yon pas g.yas pa mnan nas mdzub mo gnyis drang por bsgreng ste rtse mo phrad par bgyis la/ mthe bo
430a6 gnyis mdzub mo gnyis kyi tshigs pa dang po la mnan nas cung zad cig dbye bar bgyi ste/ 'di ni/ kun 'dzin gyi phyag rgya zhes bgyi'o/ /phyag rgya
430a7 'di bgyis par gyur na/ bskal pa tshad ma mchis pa tshun chad kyi 'khor ba'i sdig pa'i las ci mchis pa thams cad dus gcig tu yongs
430b1 su byang bar 'gyur ro/ /slad ma'i dus kyi tshe phyogs bcu'i sangs rgyas kyi zhing yongs su dag pa dag tu skye bar 'gyur lags so/ /bcom ldan 'das shAkya thub
430b2 pa mngon par rdzogs par byang chub tu nye ba'i tshe bdud kyi rgyal pos glags btsal ba dang / kun 'dzin gyi gzungs kyi phyag rgya 'di mdzad pas shin tu bde ba'i
430b3 bsam gtan dang / ting nge 'dzin brnyes par gyur to/ /gzungs ni/ 'di lta ste/ tad+ya thA/ sarba d+hA ra Ni/ maN+Da la/ e hi e hi/ pra b+hA shud+d+ha/ satwA ya swA hA/ de
430b4 la gsum pa byang chub sems dpa' mig stong dang ldan pa'i rnam par thar pa dang / bsam gtan dang / ting nge 'dzin gyi phyag rgya ni/ 'di lags/ slar bla gos
430b5 phrag pa gcig tu gzar nas pus mo g.yas pa'i lha nga sa la btsugs te spyi bor thal mo sbyar nas mdzub mo gnyis bkug ste rtse mo sprad la mthe bong gnyis mdzub
430b6 mo'i tshigs gnyis pa'i steng du bkan par bgyi ste/ chos kyi phyag rgya 'di ni/ rnam par thar pa dang / bsam gtan dang / ting nge 'dzin gyi phyag rgya zhes bgyi'o//
430b7 'das pa'i de bzhin gshegs pa thams cad kyis kyang chos 'di mngon par bsgrubs pas bsam gtan dang / ting nge 'dzin dang / rnam par grol ba brnyes
431a1 pa lags te/ rig sngags ni/ snga ma dang mthun lags so/ /gang la la zhig gdugs re bzhin du phyag rgya 'di bgyis te mchod pa
431a2 bgyis na/ phyogs bcu'i sangs rgyas rnams myur du mthong bar 'gyur ro/ /de la bzhi pa byang chub sems dpa' mig stong dang ldan pa'i phyag rgya ni/ 'di lags
431a3 te/ langs nas 'greng ste rkang pa gnyis gshibs nas sngar gung mo dang / srin lag dang / mthe'u chung rnams rgyab sprad la mdzub mo gnyis 'greng ste rtse
431a4 mo sprad nas mthe bong gnyis mdzub mo'i tshigs kyis gnyis pa'i steng mnan te lag pa gnyis kyi bar du tshon sna lnga tsam phye nas smin mtshams su gzhag
431a5 par bgyi ste/ 'di ni/ mig stong dang ldan pa'i phyag rgya zhes bgyi'o/ /phyag rgya'i chos kyi sgo 'di bgyis par gyur na/ sangs rgyas kyi zhing yongs su dag
431a6 ba'i 'jig rten gyi khams gya nom pa bye ba phrag brgya stong snyed mthong bar 'gyur te/ sangs rgyas kyi zhing khams re re nas kyang byang chub sems dpa' 'bum
431a7 phrag bcu dang bzhi stong rnal 'byor pa de'i grogs bgyid par 'gyur lags so/ /gang dag dkyil 'khor gyi chos kyi sgor lan gsum ma zhugs pa de dag
431b1 gi phyag rgya'i chos kyi sgo 'di mthong du yang mi rung la cho ga 'di yang bgyir mi rung lags so/ /rtags mthong ba'i byang chub sems dpa' chos dang / ye shes kyi
431b2 mngon par shes pa gsal ba zhig lags na ni/ ci dang ci smon pa de dag thams cad yongs su rdzogs par 'gyur lags so/ /gzungs ni/ 'di lta ste/ oM sarba
431b3 tsak+ShuHka rA ya/ d+hA ra Ni/ in+d+ra ya swAhA/ de la lnga pa byang chub sems dpa' mig stong dang ldan pa'i lag stong kun sdud pa'i phyag rgya ni/ 'di lags te/ langs
431b4 nas sug pa rkang pa gshibs te/ sngar sug pa lag pa g.yas pa'i lag mthil bkang nas sor mo lnga so sor phan tshun du bsnyen te/ de'i rjes la sug pa lag
431b5 pa g.yon pa'i lag mthil g.yas pa'i steng du mnan nas snying gar 'jog pa gang lags pa 'di ni/ lag stong kun sdud pa'i phyag rgya zhes bgyi ste/ 'dis
431b6 stong gsum gyi stong chen po'i 'jig rten gyi khams na bdud ji snyed mchis pa thams cad sdud cing 'dul bar bgyi lags so/ /gzungs sngags ni/ 'di lta
431b7 ste/ tad+ya thA/ a ba lo ki te shwa rA ya/ sarba duSh+Ta o hA ya ni swAhA/ de la drug pa byang chub sems dpa' mig stong pa'i ting nge 'dzin rtogs par 'gyur pa'i
432a1 phyag rgya ni/ 'di lags te/ 'greng ste rting pa gnyis sprad nas sngar sug pa lag pa g.yon pa'i sor mo 'greng ste/ gung mo bkug nas mdun du phul
432a2 la/ de'i rjes la sug pa lag pa g.yas pa yang de bzhin du bgyis nas gung mo bkug ste/ nang logs su phul ba 'di ni/ ting nge 'dzin rtogs par 'gyur ba'i phyag rgya
432a3 zhes bgyi ba lags na/ 'dis ting nge 'dzin dang / ye shes kyi phyag rgya'i bkod pa dang / chos kyi sgo mo brgyad khri bzhi stong yang rtogs par 'gyur/ bla na med pa yang dag
432a4 par rdzogs pa'i byang chub kyang mngon du bgyid par 'gyur lags so/ /rig sngags ni/ snga ma nyid bzla bar bgyi'o/ /de la bdun pa byang chub sems dpa' mig stong
432a5 pa'i lha klu sde brgyad dang / 'dre srin rnams dgug cing sdud pa'i phyag rgya ni/ 'di lags te/ 'greng nas rkang pa gnyis gshibs te/ sngar sug pa lag pa g.yon pa'i
432a6 srin lag gis mthe bong sen mo la reg par bgyis nas de'i rjes la sug pa lag pa g.yas pa yang de bzhin du bgyis te/ mthe'u chung dang gung mo gnyis dang por bsgreng
432a7 nas rtse mo phan tshun phrad par bgyis la/ lag ngar gyi tshigs gnyis sbyar nas mdzub mo ni/ phan tshun rgyu bar bgyi'o/ /rig sngags ni/ 'di lta ste/ oM sarba de ba nA ga a
432b1 na ri swAhA/ de la brgyad pa byang chub sems dpa' mig stong pas tshangs pa chen po dang / brgya byin lha'i dbang po g.yar drang nas chos 'dri ba'i phyag rgya ni/ 'di lags te/ phyag
432b2 rgya snga ma'i steng du lag ngar gyi tshigs gnyis phye nas sug pa lag pa'i zur sprad de/ lag mthil bkan la/ mdzub mo ni/ phan tshun rgyu bar bgyi'o/ /rig sngags ni/ 'di lta ste/ oM
432b3 mahA brah+ma ya e hi e hi swAhA/ phyag rgya dang rig sngags 'dis ni/ gzungs kyi phyag rgya'i sgo mo tshad ma mchis shing grangs ma mchis pa thams cad yang dag par sdud cing 'du bar
432b4 bgyi'o/ /gal te nyi zla la gza' zhugs par gyur na/ chab mar la lan brgya rtsa brgyad sngags kyis gdab par bgyi'o/ /yang na lan nyi shu rtsa gcig sngags bzla bar bgyi'o/ /chab
432b5 mar phyag rgyas btab ste 'tshal na/ dbang po rno bar 'gyur bas gdugs gcig la sho lo ka khri lobs par 'gyur lags so/ /phyag rgya'i chos kyi sgo mo 'di ni/ de bzhin gshegs
432b6 pa nyi ma'i snying pos byang chub sems dpa' spyan ras gzigs dbang phyug la bka' stsal pa lags so/ /de la dgu pa byang chub sems dpa' mig stong pa'i bar du dga'
432b7 ba'i yid bzhin gyi nor bu'i phyag rgya ni/ 'di lags te/ 'greng nas snying gar thal mo sbyar te mthe bong gnyis ka lag mthil du bkug nas sor mo gzhan bzhi ni/ drang por
433a1 bsgreng ste/ snying gar thal mo sbyar nas rig sngags snga ma 'don par bgyid na/ gdon mi 'tshal bar lha rnams kyi gzhal med khang dag tu 'jug par
433a2 'gyur/ phyogs bcu'i sangs rgyas kyi zhing rnams su kun tu rgyu zhing rin po che brgyad stong bsam pa bzhin thob nas sangs rgyas rnams la mchod pa bgyid par 'gyur
433a3 lags so/ /gang la la zhig chos kyi sgo 'di mngon par sgrub pa gang legs pa des nang par sngar langs nas khrus yongs su dag par bgyis te/ phyag rgya 'di bgyis na/ phyogs
433a4 bcu'i sangs rgyas gang+gA'i klung gi bye ma snyed mngon sum du mthong nas bskal pa tshad ma mchis ba snyed kyi 'khor ba'i las ngan pa'i kha na me tho ba lci ba rnams yongs su
433a5 'byang bar 'gyur bas/ de'i slad yon tan 'di lta bu'i bsngags pa brjod pa lags so/ /de la bcu pa byang chub sems dpa' mig stong pa'i smon pa rnams yid bzhin du
433a6 mngon par 'grub pa'i phyag rgya ni/ 'di lags te/ phyag rgya snga ma bzhin du bgyis pa las mdzub mo gnyis bkug ste/ mthe bong gnyis kyi sen mo mnan nas mdzub mo'i sen
433a7 mo ni/ rgyab sprad par bgyis te/ rig sngags ni/ snga ma nyid bzla bar bgyi'o/ /de ltar bgyis na/ smon pa rnams mngon par 'grub cing / gdon mi za bar byang chub kyi lam las
433b1 ldog par mi 'gyur lags so/ /de la bcu gcig pa byang chub sems dpa' mig stong pa'i 'gog pa'i snyoms par 'jug pa'i ting nge 'dzin gyi phyag rgya ni/ 'di lags te/ phyag
433b2 rgya snga ma bzhin du bgyis pa las mdzub mo lnga drang por bsgreng ste thal mo dbye bar bgyi'o/ /phyag rgya 'di ni/ bdag sngon rgyu'i sa la gnas pa'i tshe gang+gA'i klung gi bye ma snyed kyi sangs
433b3 rgyas rnams kyis bdag la stsal pas/ bdag bla na med pa yang dag par rdzogs pa'i byang chub kyi lam mngon sum du gyur pa lags te/ rig sngags ni/ snga ma nyid bzla bar bgyi'o/ /de
433b4 la bcu gnyis pa byang chub sems dpa' mig stong dang ldan pa'i sangs rgyas spyan 'dren pa'i ting nge 'dzin gyi phyag rgya ni/ 'di lags te/ phyag rgya snga ma bzhin du snying gar thal mo
433b5 sbyar nas mdzub mo gnyis phan tshun rgyu bar bgyi'o/ /rig sngags ni/ 'di lta ste/ oM sar+b+ba bud+d+ha sa ma ya/ e hi e hi/ brah+ma shud+d+ha satwA swAhA/ de la byang chub sems dpa' mig stong
433b6 lag stong dang ldan pa'i dkyil 'khor 'bri ba'i cho ga ni/ 'di lags te/ bcom ldan 'das rdzu 'phrul chen po dang ldan pa'i yum gyi dkyil 'khor dang / rig sngags dang /
433b7 phyag rgya'i chos 'dis ni/ dus tha ma'i dus kyi tshe rig sngags 'dzin pa rnams de bzhin gshegs pa'i rig sngags kyi gzungs sngags kyi dkyil 'khor mnyam pa'i ting nge 'dzin
434a1 thams cad myur du gsal bar mthong bar 'gyur bar bgyid pas/ rig sngags 'dzin pa'i gang zag gang lags pa des rtag par ngag
434a2 bsdams te bre mo'i gtam rnams smra bar mi bgyi'o/ /gzungs las byung ba'i rdzu 'phrul dang / ting nge 'dzin dang / mtshan ma ya mtshan can rnam pa sna tshogs
434a3 gang lags pa de dag ma brtags par bab col du brgyud par mi bgyi'o/ /yongs su dang ba'i sems kyis dran pa nye bar bzhag nas skad cig tsam du yang
434a4 rnam par g.yeng bar mi bgyi'o/ /gal te khe la gdu bas slad rol du gzhan dag la tha dad pa'i mtshan ma ston par bgyid na/ sdig pa'i las sbyong bar 'tshal
434a5 yang de dag 'grub par mi 'gyur lags so/ /gal te yang dag par yongs su dang ba dang / chos kyi bsam pa gang lags pa des sgom par mi bgyid na/
434a6 bgyis pa rnams chab 'tshal zhing don ma mchis par sdug bsngal sna tshogs myong ba tsam du bas kyi/ nam yang sgrub pa dag mngon par 'grub par mi 'gyur
434a7 bas rtag par nan tan brtson 'grus kyis tshul khrims yongs su dag par bsrungs nas rku ba rnam pa lnga dang / sha chang 'tshal bar mi bgyi'o/ /gal te dbyen
434b1 tshig dang / g.yo sgyu'i tshig dang / phrag dog gi tshig smra bar gyur tam/ dkyil 'khor dang / phyag rgya dang / rig sngags kyi cho ga rku ba'i nongs pa 'di dag byung bar
434b2 gyur na/ sangs rgyas dang / byang chub sems dpa' thams cad kyis spong bar mdzad pas/ 'di skad du ngas khyed spangs pa ma yin yang gzigs shing yongs su
434b3 bsdu ba'i 'os ma yin no/ /zhes gsungs par 'gyur te/ bcom ldan 'das/ gang zag de dag ni/ de bzhin gshegs pa thams cad kyi tshul khrims yongs
434b4 su dag pa bshig pa dang / dkon mchog gsum dang / yang dag pa'i chos dang / dge ba'i mtshan nyid thams cad la skur cing 'jig par bgyis pa lags
434b5 bas de lta bu'i gang zag de dag ni/ rtag par lha'i bu'i bdud dang / 'dre gdon thams cad dang / mu stegs can rnams dang / bi nA ya ka rnams dang / khams
434b6 gcig tu bsdu ba dang / las gcig la gnas pa dang / gtan du skyabs ma mchis par 'gyur ba lags pas/ 'phags pa rnams kyis yongs su skyob
434b7 par mi mdzad cing / rtag par sangs rgyas dang / byang chub sems dpa' dang / 'phags pa dang / lha dang / drang srong thams cad kyis smod par 'gyur bar rig
435a1 par bgyi lags so/ /lam sun 'byin cing chos 'jig par bgyid pa'i gang zag de lta bu de dag gdugs mtshan du rtag par
435a2 gzungs 'di rjes su dran par bgyid kyang / bcom ldan 'das/ bdag gis gang zag de dag nam yang 'grub par mi 'gyur bar mthong lags te/ de ltar mi
435a3 'grub pa de yang bdag gis nongs pa ma lags kyi/ de dag rang nyid kyi nongs skyon lags pas don de'i slad du gzungs 'di'i cho ga dang / glegs
435a4 bam de dag gis mthong zhing thos par yang mi bgyi/ 'don cing 'dzin tu stsal bar yang mi bgyi ste/ gang dag tshangs par spyod pa yongs su dag pa srung ba dang /
435a5 byams pa dang snying rje'i sems dang ldan pa dang / sems can la snying rje zhing byang chub yongs su gnyer bar bgyid pa dag gis yi ger bris nas klog pa
435a6 dang / 'don pa dang / yongs su 'dzin par gyur na/ yum gyi gzungs kyi dkyil 'khor mngon par 'grub par 'gyur bas so/ /chos kyi cho ga 'di ni/
435a7 byang chub sems dpa' sems dpa' chen po spyan ras gzigs dbang phyug gi mchog tu gsang ba'i snying po lags pa'i slad du rig sngags 'dzin pas
435b1 yang dag pa'i sems dang / brtson 'grus kyi sems kyis lus kyi yan lag dang / nying lag dang / rus pa dang / sha dang / rtsa rgyus dang / rkang dang / mgo
435b2 dang / mig la sogs pa yang yongs su spangs nas gzhan dag la stsal te/ chos 'di yongs su gnyer nas rtag par nan tan brtson 'grus kyis mngon
435b3 par sgrub pa 'tshal na/ rin po che dang / 'bru dang / dar zab dang / gos dang / mal cha dang / sman dang / nor rdzas rnam pa sna tshogs rnam par grol ba'i
435b4 yul gyi gzungs dang / dkyil 'khor dang / phyag rgya'i gzugs brnyan gyi chos kyi ched du gtong ba lta smos kyang ci 'tshal te/ slob dpon gyis bstan pa ji lta
435b5 pa bzhin du sems rtse gcig tu bsgrub par bgyi'o/ /de ci'i phyir zhe na/ rnam par grol ba'i gzungs kyi chos 'di ni/ slad ma'i dus tha ma'i tshe sems can rnams
435b6 la sangs rgyas kyi mdzad pa bgyis nas yang dag pa'i spyod pa dang / yang dag pa'i las kyi mtha' dang / yang dag pa'i brtson 'grus dang / lta bas bgrod pa'i
435b7 phyogs dang / rnam par grol ba'i lam mngon par 'grub par bgyid cing / de dag dus 'di nas bla na med pa yang dag par rdzogs pa'i byang chub mngon par
436a1 'tshang rgya ba'i bar du nam yang ldog par mi 'gyur bar bgyid pas so/ /dkyil 'khor de yang gtsug lag khang gi nang ngam/ ri'am/
436a2 chab mig 'bab pa'am/ nags tshal gyi drung du yang rung ste/ nye 'khor kun tu khru gang yan chad nas shing gi rtsa ba dang / dog sa ngan pa dang / gyo mo dang /
436a3 gor ma dang / rus pa la sogs pa ci mchis pa brkos te bsal nas dog sa bzang po las rmang khru gang tsam du blangs te brdungs nas mnyam por bgyis
436a4 la ba lang gi lci ba dang / spos chab dog sa ser po dang bsres nas 'jim pa bgyis te legs par byug cing zhal zhal bgyis nas gling lngar bgo bar
436a5 bgyi'o/ /de la dbus kyi gling ni/ zheng du khru gsum tsam du bgyis te/ dbus kho nar khru do gru bzhir lham par mchis pa'i rin po che'i 'khor lo rtsibs
436a6 brgya rtsa brgyad dang ldan pa zhig bri bar bya'o/ /gzhan yang 'khor lo dbus su rin po che'i pad+ma kha phye ba 'dab ma sum cu rtsa gnyis mchis pa khru gang ba zhig bri
436a7 bar bgyi'o/ /gzhan yang 'khor lo'i tha ma 'khor bar 'od 'bar ba bri bar bya'o/ /de'i rjes la gling gi gru bzhir pad+ma kha bye ba re re bri bar bya'o/ /gzhan
436b1 yang pad+ma re re'i steng du yid bzhin gyi nor bu re re bris nas nor bu bzhi po'i steng du 'od 'bar ba bri bar bya'o/ /gzhan yang 'dab ma sum cu rtsa gnyis dang ldan pa'i
436b2 pad+ma de'i steng du byang chub sems dpa' spyan re gzigs dbang phyug gi gzugs tsan+dan dkar po las bgyis pa zhig bzhag par bgyi'o/ /de nas gling gnyis pa ni/
436b3 zheng du khru gang bar bgyis nas sngar gru bzhir pad+ma kha bye ba re re bri bar bgyi'o/ /gzhan yang pad+ma de dag re re'i steng du ri rab lhun po'i stan rim pa gsum mchis pa
436b4 gsum gsum bris nas byang shar mtshams kyi stan la dbang phyug chen po'i lha bri'o/ /shar lho'i mtshams kyi stan la ni/ lha mthu chen po bri'o/ /lho nub mtshams
436b5 kyi stan la ni/ tshangs pa chen po bri'o/ nub byang mtshams kyi stan la ni/ /brgya byin bri bar bya'o/ /gzhan yang ngos bzhir ni/ rin po che'i me tog dang / phreng ba bcu drug
436b6 bri bar bgyi'o/ /de nas gling gsum pa ni/ zheng du khru do bri bar bgyis te/ sa gzhi sngon po la gser gyi thig bkra ba 'ba' zhig bri bar bgyi'o/ /de nas gling
436b7 bzhi pa ni/ zheng du khru gang bar bgyis te/ ngos bzhi spyi la bar chad nyi shu rtsa brgyad du byas nas bar chad dum bu re re nang du yang pad+ma kha bye ba re re bri bar bgyi'o/ /
437a1 gzhan yang go rim bzhin du pad+ma de dag re re'i steng du yang rdo rje tho ba dang / rtse gsum pa'i phyag rgya dang / dgra sta'i phyag rgya dang /
437a2 gri'i phyag rgya dang / ral gri'i phyag rgya dang / dung gi phyag rgya dang / chu gri'i phyag rgya dang / zhags pa'i phyag rgya dang / dbyig pa thogs pa'i phyag rgya dang / gdugs
437a3 kyi phyag rgya dang / yid bzhin gyi nor bu'i phyag rgya dang / gshin rje'i dbyig pa'i phyag rgya dang / bi nA ya ka'i phyag rgya dang / mtshon cha'i phyag rgya dang / 'khor lo'i
437a4 phyag rgya dang / sug pa lag pa sna tshogs dang ldan ba'i phyag rgya rnams so sor bris nas phyag rgya de dag kun la yang 'od 'bar ba dag bri bar bgyi'o/ /gzhan
437a5 yang lho phyogs kyi chab sgor bar chad bgyis pa'i nang du ni/ 'thab bral gyi lha bri'o/ /nub phyogs kyi chab sgor bar chad bgyis pa'i nang du ni/ chu lha bri'o/ /byang
437a6 phyogs kyi chab sgor bar chad bgyis pa'i nang du ni/ ku be ra bri'o/ /shar phyogs kyi chab sgor bar chad bgyis pa'i nang du ni/ lha gzhon nu bri bar bya'o/ /de nas
437a7 gru bzhi'i gnas so sor ni/ rgyal po chen po bzhi khro gnyer can g.yog 'khor dang bcas pa bri bar bgyi'o/ /de nas gling lnga pa ni/ khru gang bar bgyis te
437b1 ngos bzhi kun tu 'bras bu'i ljon shing dang / me tog gi ljon shing dang / rin po che'i ljon shing rnam pa sna tshogs bri bar bgyi'o/ /gzhan yang gru bzhi kun tu
437b2 rin po che'i ri rab lhun po re re bri bar bgyi'o/ /chab sgo bzhir ni/ rgya mtsho chen po'i chab bri bar bgyi'o/ /dkyil 'khor gyi slad nang gi gling rnams kyi sa gzhi ni/ kha
437b3 dog sngon por bgyi'o/ /gzhan yang slad nang gi gling rnams kyi nub phyogs kyi nub sgo'i lho'i ngos kyi zur la sngags mkhan 'byung zhing 'jug pa'i chab sgo gcig
437b4 dbye bar bgyi'o/ /gzhan yang spyan ras gzigs dbang phyug mig stong lag stong dang ldan pa'i gzugs bgyis pa gcig dbus su kha shar phyogs su
437b5 blta bar bgyi'o/ /gzhan yang mig stong lag stong dang ldan pa'i mdo sde glegs bam gcig pad+ma 'dab ma sum cu rtsa gnyis mchis pa'i dkyil 'khor gyi steng
437b6 du bzhag nas gzugs bgyis pa de'i mdun du gzhan yang tsan+dan dkar po'i dri chab zhal bu bcu drug dang / zhal zas rnam pa sna tshogs dang / zas dkar gsum
437b7 dang / shing tog la sogs pas bkang ba'i gzhong bu nyi shu rtsa lnga dang / spos chab bre gang dang / bum pa dar tshon sna tshogs dang / me tog dang / ljon shing gi
438a1 yal ga la sogs pas kha brgyan pa nyi shu rtsa lnga dang / me tog dang / phreng ba sna sna nas nyi shu nyi shu dang / mar me nyi shu rtsa brgyad
438a2 dang / byug spos dang / spos kyi phye ma dang / de la sogs pa'i spos deb tshe nyi shu dang / byang chub sems dpa'i gzugs bris pa'i 'phan dang / dar tshon
438a3 sna tshogs las bgyis pa'i 'phan spyir phreng nyi shu rtsa lnga bsham par bgyi'o/ /'di ltar mchod pa bgyid pa'i zhal deb dang / snod spyad dang / bum pa la
438a4 sogs pa de dag thams cad gser dang / dngul dang / 'khar ba la sogs pa las bgyis pa las sbyar bar bgyi'o/ /gal te yang dag par ma mchis
438a5 na/ brnyan ma yang rung lags so/ /'di ltar yo byad de dag thams cad kyang slad nang gi gling rnams ngos bzhir chos bzhin du bri zhing dgram par bgyi'o/ /
438a6 gdan dang / me tog sna tshogs gzugs shing gtor bar bgyi'o/ /'bras sA lu'i me tog dang / yungs kar dang / me tog rnam pa sna tshogs dkyil 'khor
438a7 gyi steng du gtor bar bgyi'o/ /zhal zas de dag kyang gdugs gcig bzhin du gsar du bgyis pa bzang po las mchod par bgyi'o/ /sngags mkhan de
438b1 yang 'byung 'jug gi tshe khrus yongs su dag par bgyis nas byug spos kyis byug ste gos gsar pa gtsang ma bgo bar bgyi'o/ /zas dkar gsum 'tshal
438b2 nas tsan+dan dang / a ga ru dang / du ru ka dang / ga pur la sogs pa bsres te gdugs gcig la dus gsum du byang chub sems dpa' spyan ras gzigs
438b3 dbang phyug mig stong lag stong dang ldan pa'i gzugs bgyis pa la mchod par bgyi'o/ /nang gi gling gsum pa'i nang du mig stong pa'i gzugs bzhag pa'i
438b4 mdun du rang byang chub sems dpa' sdom pa gsum po dag yang dag par blang bar dam bca' bar bgyi'o/ /gdugs mtshan du slad rol gyi gling gi nub phyogs
438b5 kyi chab sgor skyil mo krung bcas te mchis nas gdugs gcig la yum gyi gzungs lan stong rtsa brgyad bar chad ma mchis par bzlas brjod bgyis nas
438b6 gdugs nyi shu rtsa gcig gi bar du bsam pa gtugs te mchod par bgyi'o/ /gzhan yang dus drug tu dkyil 'khor gyi nub ngos zur gyi chab sgo nas dkyil
438b7 'khor gyi nang du zhugs nas gling gsum pa'i nub phyogs kyi chab sgor 'greng ste/ sngar bstan pa'i phyag rgya dang po dang / gnyis pa dang / gsum pa nas bcu gnyis
439a1 pa sangs rgyas spyan 'dren pa'i ting nge 'dzin gyi bar gyi phyag rgya kun bgyis nas sngags lan bdun bdun bzla bar bgyi'o/ /phyag rgya bcu
439a2 gnyis pa'i bar du bgyis lags nas kyang bdag nyid byang chub chen po'i smon lam shin tu brtan pa las phyir mi ldog par bgyi'o/ /zhes smon lam btab
439a3 nas g.yar 'dren par bgying na/ thams cad nye bar mchi bar 'gyur bas lus drang por bsrang ste mchis nas nges pa'i sems kyis lha 'dre thams cad
439a4 sgrib cing chod pa ma mchis par mig sngar mchis so snyam du 'du shes nye bar bzhag ste/ tha dad pa'i yul la mi dmigs par lus po che'i sngags snga ma lan nyi
439a5 shu rtsa gcig 'don par bgyid na/ de'i mtshan mo gzugs bgyis pa de las 'od zer chen po byung nas byung chub sems dpa' spyan ras gzigs dbang
439a6 phyug nyid gdon mi 'tshal bar mngon sum du lus ston par 'gyur te/ lus bstan nas mchi ba'i tshe kun dga' ba'i lus kyi byad gzugs su mngon
439a7 par sprul nas dga' zhing 'dzum pa'i bzhin gyis rnal 'byor pa de la ci zhig dgos/ gang zhig smon ces 'dri bar 'gyur bas/ de'i tshe sngags mkhan gyis
439b1 'di skad du bla na med pa yang dag par rdzogs pa'i byang chub dang / gzungs dang / ting nge 'dzin gyi chos yongs su gnyer ba dang / gzhan yang dkyil 'khor
439b2 dang / phyag rgya dang / sngags kyi cho ga thams cad mngon par 'grub pa dang / 'dre gdon thams cad 'dul zhing ngag nyan par 'gyur bar 'tshal lo zhes
439b3 lan gdab par bgyi'o/ /de ltar smon ba rnams grub nas kyang bdag nyid rig par bgyi'o/ /gzhan dag la brjod bar mi bgyi'o/ /dkyil 'khor gyi cho ga 'di
439b4 ni/ bal ras sam/ btso ras la ri mo bris te bgyis na yang rung lags so/ /smon pa thams cad 'grub par 'tshal na/ chab kyi dkyil 'khor gru bzhi pa
439b5 bgyis la a ga ru bsregs te lus po che'i sngags snga ma lan stong rtsa brgyad bzlas nas bcu pa smon pa rnams yid bzhin du 'grub pa'i phyag rgya snga ma
439b6 bgyis na/ smon pa thams cad bsam pa bzhin du 'grub cing yongs su rdzogs par 'gyur lags so/ /gal te skye bo mang po thams cad dga' bar 'gyur
439b7 bar 'tshal na/ rab tu dga' ba'i yid bzhin gyi nor bu'i phyag rgya snga ma bgyis nas lus po che'i sngags kyis til 'bru la lan nyi shu rtsa gcig gdab par
440a1 bgyi'o/ /yang na sngags lan re bzlas nas lan re zhugs kyi nang du dor ba lan stong rtsa brgyad tshang bar bgyis na/ thams cad
440a2 yid bzhin du dga' bar 'gyur lags so/ /gnod sbyin rnams dga' bar 'tshal na/ gnod sbyin gyi kun dga' ra ba'i ljon shing gi yal ga blangs te
440a3 lan nyi shu rtsa gcig sngags kyis btab nas kun dga' ra bar bor na/ dga' bar 'gyur lags so/ /mi ma rungs pa dgrar gyur pa gdul bar 'tshal na/
440a4 shing khong len 'bog la lan nyi shu rtsa gcig sngags kyis btab nas sngags lan re bzla zhing lan re zhugs su dor ba lan brgya rtsa brgyad tshang bar bgyis
440a5 na/ skyabs su mchi zhing thul bar 'gyur lags so/ /'dre gdon gdul dka' ba zhig mchis na/ gu gul dang / yungs kar la lan nyi shu rtsa gcig
440a6 sngags kyis btab nas sngags lan re bzla zhing lan re zhugs su dor ba lan brgya rtsa brgyad tshang bar bgyis na/ 'dre gdon thams cad rang dul bar 'gyur
440a7 lags so/ /yul phyogs su rims nad byung bar gyur na/ chab kyi dkyil 'khor gru bzhi pa bgyis nas ba mar bzang po la lan brgya rtsa brgyad sngags kyis
440b1 btab ste sngags lan re bzla zhing lan re zhugs su dor ba lan stong rtsa brgyad tshang bar bgyis na/ rims nad thams cad zhi bar 'gyur ro/ /yang na chab nyung zad
440b2 cig blangs te rims kyis thebs pa 'tshal du stsal na/ 'phral du 'tsho bar 'gyur lags so/ /sngon yul ge byin zhes bgyi bar rims nad byung nas gang rims
440b3 kyis btab pa de dag gdugs zhag gcig gam/ gnyis las mi 'da' bar 'chi ba'i dus bgyid par gyur to/ /de'i tshe bram ze tsin ti zhes bgyi ba zhig snying
440b4 rje chen po skyes nas cho ga'i sgo 'di bshams nas yul khams gcig gi rims kyis thebs pa thams cad gsos pas/ thams cad zhi bar gyur te/ rims
440b5 gtong ba'i 'dre gdon gyi rgyal po yang de'i tshe yul nas byung bar gyur pa'i slad du sman yon che bar rig par bgyi lags so/ /gal te pha rol gyi dmag tshogs
440b6 kyis gtses par gyur tam/ chom rkun dang / 'khrug pa byung bar gyur na/ lus kun sdud pa'i phyag rgya dang po bgyis te/ rig sngags lan brgya rtsa brgyad bzlas
440b7 brjod bgyis na/ dgra dang / chom rkun de dag thams cad rang gi ngang gis rab tu zhi bar 'gyur lags so/ /rigs kyi bu'am/ rigs kyi bu mo gang la la
441a1 zhig las kyi rnam par smin pa'i dbang gis tshe rabs su nye ba'i tshe 'gog pa'i snyoms par 'jug pa'i phyag rgya snga ma bgyis te/ g
441a2 dugs re bzhin du mchod pa bgyis nas a ga ru bsregs te rig sngags lan stong rtsa brgyad bzlas nas sngags lan re bzlas nas de'i ming nas lan re
441a3 'don par bgyis na/ las kyi sgrib pa de dag yongs su 'byang bar 'gyur lags so/ /sngon yul wA ra NA sir khyim bdag cig gnas pa las/ bu
441a4 gcig las ma mchis pa de lo bcu drug las mi thub par gyur nas lo bco lnga lon pa dang / khyim bdag khyo shug mya ngan gyis rod nyams par gyur to/ /
441a5 de'i tshe bram ze zhig sgo kun tu rgyu zhing zas slong ba las/ khyim bdag de mthong nas ci'i phyir mi bde bar gyur ces smras pa dang / khyim bdag gis lo rgyus
441a6 de dag rgyas par bshad do/ /de nas bram ze khyim bdag de la mya ngan ma byed par bdag gis bsgo ba bzhin du byos shig dang / khyod kyi bu tshe ring bar
441a7 'gyur ro/ /zhes smras nas de'i tshe bram ze des cho ga'i sgo 'di nyid zhag bdun tshang bar bgyis pa dang / gshin rjes khyim bdag de la khyod kyi bu'i tshe tshad
441b1 lo bcu drug las mi thub pas/ lo bco lnga lon te lo gcig las ma lus pa las/ deng dge ba'i rkyen dang phrad pas lo brgya thub par 'gyur ba'i phyir 'dir
441b2 nga 'ongs nas bsgo ba yin no/ /zhes smras pa dang / de'i tshe khyim bdag khyo shug rab tu dga' zhing mgu bar gyur pas/ khyim gyi nor ci mchis pa bteg ste
441b3 sangs rgyas dang / chos dang / dge 'dun la phul bas/ cho ga 'di ni/ bsam gyis mi khyab pa'i mthu chen po dang ldan par rig par bgyi lags so/ /sngar
441b4 'dus pa chen po'i dkyil 'khor dang / rdo rje'i dkyil 'khor chen por lan gsum zhugs pa zhig lags te/ dkyil 'khor mi 'tshal te phyag rgya bgyis
441b5 nas rig sngags bzlas brjod bgyis pa tsam gyis smon pa rnams mi 'grub pa gang yang ma mchis la/ myur du mngon par rdzogs par sangs rgyas par
441b6 'gyur lags so/ /bud med gang la la zhig bu btsa' ba'i tshe sdug bsngal chen po myong bar 'gyur na/ chab mar la lan nyi shu rtsa gcig sngags kyis btab
441b7 ste 'tshal stsal na/ nges par bde bar 'gyur zhing / khye'u dang bu mo btsas pa gang lags pa de dag kyang mtshan dang dpe byad bzang po dang ldan par 'gyur/
442a1 dge ba sna tshogs kyis brgyan nas sngon bsod nams bsags pa'i mthus skye bo mang po kun gyi snying du sdug par 'gyur/ rtag
442a2 par mi'i nang du longs spyod khyad par du 'phags pa dag la longs spyod par 'gyur lags so/ /sems can gang la la zhig mig nad kyis thebs te sdug
442a3 bsngal zhing mi bde bar gyur na/ sngags mkhan gyis byang chub sems dpa' mig stong dang ldan pa'i phyag rgya bgyis nas sngags lan nyi shu rtsa gcig
442a4 bzlas te mig la phyag rgyas btab par gyur na/ mig kyang 'tsho bar 'gyur la/ rgyu dang rkyen des gang zag de lha'i mig thob par 'gyur bas lha rnams gsal
442a5 bar mthong zhing longs spyod mchog la longs spyod par 'gyur lags so/ /byang chub sems dpa' spyan ras gzigs dbang phyug mig stong lag stong dang
442a6 ldan pa'i gzugs 'bri ba'i cho ga ni/ ras dkar po khru bcu drug pa'am/ khru nyi shu pa yang rung ste/ byang chub sems dpa' de'i lus ni/ dzam+bu'i gser
442a7 gyi kha dog can du bgyis te/ gdong la mig gsum mchis pa/ sug pa lag pa stong dang ldan zhing / sug pa lag pa stong po de dag re re'i mthil du yang
442b1 yang mig re re bri'o/ /sug pa lag pa chen po yang dag pa nyid ni/ bco brgyad mchis te/ sngar sug pa gnyis kyis ni/ snying gar thal mo sbyar bar bgyid do//
442b2 sug pa gcig gis ni/ rdo rje'i tho ba thogs so/ /yang gcig gis ni/ rtse gsum pa thogs so/ /yang gcig gis ni/ glegs bam thogs so/ /yang gcig
442b3 gis ni/ rin po che'i phyag rgya thogs so/ /yang gcig gis ni/ 'khar gsil thogs so/ /yang gcig gis ni/ rin po che'i nor bu thogs so/ /yang gcig
442b4 gis ni/ rin po che'i 'khor lo thogs so/ /yang gcig gis ni/ pad+ma kha phye ba thogs so/ /yang gcig gis ni/ zhags pa thogs so/ /yang gcig
442b5 gis ni/ lcug ma thogs so/ /yang gcig gis ni/ 'od zer kha dog lnga 'byin par bgyid do/ /yang gcig gis ni/ bgrang phreng thogs so/ /yang gcig
442b6 gis ni/ ril ba thogs so/ /yang gcig gis ni/ zil dngar yongs su gtong ba'i lag tu ston to/ /yang gcig gis ni/ rin po che'i char sna tshogs
442b7 'bebs shing mi 'jigs pa'i lag tu ston to/ /yang gnyis ni/ lte ba'i thad kar g.yon pa g.yas pas mnan nas mthil bkan te mchis so/ /sug pa
443a1 lag pa gzhan dgu brgya dgu bcu rtsa gnyis po de dag thams cad ni/ sprul pa'i sug pa lags te/ sug pa de dag kun kyang
443a2 so so nas mtshon cha dang / phyag rgya rnam pa sna tshogs thogs pas/ kha cig ni/ sug pa lag pa'i phyag rgya brkyang ba nyi tshe ba yang mchis te/ so so nas mi
443a3 mthun pas snying po'i mdo las/ ji skad du byang chub sems dpa' de ni/ lha'i rin po che sna bdun gyi mgo rgyan thogs so/ /lag ngar la ni/ gdub kor
443a4 rnam pa sna tshogs kyis brgyan to/ /lus la ni/ phreng ba thogs shing lha'i rin po che'i gos gya nom pa dag bgos pa yin no/ /zhes gsungs pa lta bu'o/ /
443a5 tshon rtsi de dag gi nang du ko ba'i spyin stsal bar mi bgyi'o/ /kun tu ra'i khu ba dang sbyar bar bgyi'o/ /gang dag yum gyi gzungs kyi cho ga bgyid par 'tshal na/
443a6 sngar de'i gzugs ri mor bri'o/ /gzugs ri mor bri bar yang nges par chos bzhin du bgyi 'tshal bas ri mo 'bri ba'i gnas khang nye 'khor kun tu tsan+dan
443a7 dkar po'i chab kyis dog sa la byugs te dkyil 'khor bgyi'o/ /gzhan yang ri mo mkhan 'byung 'jug gi tshe khrus bgyis nas gos gsar ba gtsang ma
443b1 bgos te nyin re bzhin sdom pa brgyad yang dag par blang bar bgyi'o/ /chos bzhin du gzugs bris lags nas kyang ri mo mkhan chos bzhin du ma bgyis par
443b2 dogs par gyur na/ dkyil 'khor gru bzhi pa gcig yid la ji ltar mos pa bzhin du bgyis te/ ba dan dang / me tog dang / zhal zas dang / zas dkar
443b3 gsum dang / me tog dang / phreng ba dang / spos chab dang / me tog sna tshogs kyis kun tu khyab par bkram nas mchod pa rgya cher bgyis te/ rnal 'byor
443b4 ba dang / ri mo mkhan gang lags pa des gdugs gcig la dus gsum du gzugs bris pa'i mdun du nongs pa rnams mthol bshags na/ zhag nyi
443b5 shu rtsa gcig tshang ba'i mtshan mo mig stong lag stong dang ldan pa'i gzugs bris pa las 'od zer chen po byung nas nyi zla zil gyis mnan te/ 'od kyis
443b6 phyogs bcu'i stong gsum gyi stong chen po'i 'jig rten gyi khams mtha' dang / tshad ma mchis pa thams cad thogs pa ma mchis par gsal bar bgyis
443b7 pas/ rnal 'byor pa dang / ri mo mkhan gang lags pa de dag dang / sems can gang dag 'od kyis reg pa de dag thams cad shin tu lci ba'i kha na ma tho ba
444a1 ci mchis pa dus gcig tu zhu byang nas yongs su dag par 'gyur lags so/ /cho ga 'di sgrub pa gang lags pa des sems rtse
444a2 gcig tu ma bgyis pa ni/ ma gtogs lags so/ /byang chub sems dpa' spyan ras gzigs dbang phyug gis yang 'di skad ces gsol to/ /bdag
444a3 gis sngon 'das pa'i dus kyi tshe de bzhin gshegs pa rnam par gzigs kyis kyang phyag stong dang / spyan stong po 'di dag bstan nas bdud chen po
444a4 rnams gdul ba mthong nas/ bcom ldan 'das/ der bdag gis kyang lag stong dang / mig stong po 'di dag bstan nas bdud chen po rnams btul
444a5 ba lags te/ sug pa lag pa stong po de dag kyang so so nas 'khor los bsgyur ba'i rgyal po re re mngon par sprul nas bskal ba bzang po rabs stong gi
444a6 'khor los bsgyur ba'i rgyal po bgyid par 'gyur la/ mig stong po de dag kyang so so nas sangs rgyas re re mngon par sprul nas bskal ba bzang po'i
444a7 sangs rgyas stong dang mtshungs par 'gyur bar 'gyur ba'i slad du/ bcom ldan 'das/ byang chub sems dpa' 'di'i lus bdud 'dul ba'i nang nas
444b1 mchog tu gyur pa lags so/ /de nas bcom ldan 'das kyis byang chub sems dpa' spyan ras gzigs dbang phyug la bka' stsal pa/ legs so legs so//
444b2 ngas kyang byin gyi rlabs kyi mthus bskal pa mthar thug pa'i bar du khyod kyi yum gyi gzungs 'di byin gyis brlab par bya'o// //byang chub sems dpa' spyan ras
444b3 gzigs dbang phyug thogs pa mi mnga' ba'i thugs rje chen po rgya cher yongs su rdzogs pa'i gzungs/ bam po gsum pa/ de nas byang chub sems dpa'
444b4 spyan ras gzigs dbang phyug bcom ldan 'das kyis bsngags pa brjod pa thos nas rab tu dga' zhing mgu bar gyur pas thal mo sbyar te/ bcom ldan
444b5 'das kyi zhal du bltas nas 'di skad ces gsol to/ /bcom ldan 'das/ gzhan yang mig stong lag stong dang ldan pa'i gzugs kyi phyag rgya mngon par
444b6 sgrub par bgyid pa mchis lags so/ /bcom ldan 'das kyis bka' stsal pa/ ngas kyang rjes su yi rang gi khyod kyis shod cig /de nas byang chub sems
444b7 dpa' spyan ras gzigs dbang phyug gis smras pa dang / nam byang chub sems dpa' spyan ras gzigs dbang phyug gis rig sngags 'di smras pa na stong
445a1 gsum gyi stong chen po'i 'jig rten gyi khams nas 'du shes med 'du shes med min gyi bar gyi lha'i gnas thams cad kyang
445a2 rnam pa drug tu rab tu g.yos par gyur to/ /'og min gyi lha dang / dbang phyug chen po yang mi bde bar shin tu skrag par gyur to/ /'dre gdon mdungs
445a3 pa thams cad kyang sdug bsngal chen po myong bar gyur pas/ ku co 'don cing shar nub tu byer nas 'gro ba'i gnas kyang mi rnyed par gyur to/ /de nas
445a4 sprul pa'i lus kyis 'khor mang po rnams dang / 'dre gdon ma rungs pa rnams la khyed gal te bdag gi rig sngags kyi rjes su mi 'brang zhing 'gal
445a5 bar byas par gyur na/ mgo tshal bar 'gas par 'gyur ro/ /zhes bsgo'o/ /bcom ldan 'das/ rig sngags 'dis ni/ ri rnams 'joms par
445a6 bgyis shing rgya mtsho chen po skam par bgyid do/ /rig sngags 'dis ni/ lha ma yin gyi dpung rnams bcom nas yul rnams srung bar bgyid do/ /rig sngags
445a7 'dis ni/ 'dre gdon ma rungs pa thams cad dang / nad thams cad dang / mi ma rungs pa thams cad tshar gcod par bgyid do/ /rig sngags 'dis
445b1 ni/ sum cu rtsa gsum gyi lha rnams 'joms shing dul bar bgyid lags so/ /rigs kyi bu gang la la zhig rig sngags 'di 'don cing yongs su 'dzin
445b2 par bgyid na/ gang zag de'i mthu stobs brjod kyis mi lang ngo / /rig sngags 'di 'don pa dang / yongs su 'dzin pa de dag btsun zhing dbang phyug dang
445b3 ldan pa dang / nam 'tsho'i bar du rgyal pos byams shing yid du mchi ba dang / smon pa rnams yongs su rdzogs par bgyid do/ /gang la la zhig phyir rgol
445b4 ba'i bdud gdul bar 'tshal na/ spos gu gul bsregs te bdag gi lus po che'i sngags lan nyi shu rtsa gcig bzlas brjod bgyi'o/ /skye bo mang po
445b5 thams cad kyis bdag la byams par 'tshal na/ lcug ma la lan nyi shu rtsa gcig sngags kyis btab ste g.yar khams bcas na/ byams shing bkur
445b6 bar bgyi'o/ /bdag nyid spobs pa dang shes rab dang ldan par 'tshal na/ shu dag la lan stong rtsa brgyad sngags kyis btab ste snying gar bskus na/ thogs
445b7 pa ma mchis pa'i spobs pa thob par 'gyur te/ yum gyi gzungs kyi snying po'i phyag rgya bgyi'o/ /de la byang chub sems dpa' spyan ras gzigs dbang phyug gi
446a1 thogs pa ma mchis pa'i spobs pa'i phyag rgya ni/ 'di lags te/ sug pa lag pa gnyis rgyab sprad de sbyar nas mthe bong gnyis
446a2 mdun du brkyang bar bgyi'o/ /phyag rgya 'dis ni/ bdag kyang srung zhing gzhan yang bsrung bar bgyi'o/ /phyogs gang dang gang du mchi yang rung ste/ mtshams
446a3 dgum par 'tshal bas/ chab gtsang ma'am/ thal ba gtsang ma la lan bdun sngags kyis btab ste gang du mchis pa'i gnas der chab bam/ thal
446a4 ba snyim pa gang sngar rang gi lus la gtor nas de'i rjes la phyogs bzhir chos bzhin du gtor na/ de nyid mtshams su 'grub par 'gyur lags
446a5 so/ /rigs kyi bu'am/ rigs kyi bu mo gang la la zhig 'dre srin ma rungs pa dang / log pa'i gdon mang po rnams kyis gtses par gyur na/ bal
446a6 po se'u'i yal ga dang / grib logs kyi lcang ma'i yal ga blangs te rig sngags 'di bzlas brjod bgyis nas nad pa la bzhus na/ nad gang yang
446a7 rung ste mi 'tsho ba ma mchis lags so/ /rig sngags ni/ 'di lta ste/ na maHsarba bud+d+ha d+harma saM g+hA ya/ na ma Ar+yA ba lo ki te shwa rA ya/ bo d+hi satwA ya/
446b1 na mo badzra pA Ni ye/ bo d+hi satwA ye/ tad+ya thA/ bi si bi si/ kA ya si bi/ pa la sha pa la sha ni swA hA/ rig sngags kyi phyag rgya 'dis ni/ log par lta ba'i mu
446b2 stegs can rnams 'dul bar bgyid do/ /rigs kyi bu'am/ rigs kyi bu mo gang la la zhig rtag par gdugs dang po 'char pa'i tshe dang / gdugs kyi
446b3 gung dang / gdugs bas pa'i tshe lan nyi shu rtsa gcig bzlas brjod bgyis na/ rnam pa sna tshogs kyis sangs rgyas bye ba phrag bcu la mchod pa bgyis pa dang /
446b4 bye brag tu gyur pa ma mchis pas nam du yang bud med kyi dngos po len par mi 'gyur/ tshe 'das nas kyang ngan song gsum po dag dang gtan du 'bral zhing /
446b5 de bzhin gshegs pa 'od dpag med kyi zhing yongs su dag par skye bar 'gyur/ de bzhin gshegs pa'i phyag gis spyi bo la byugs te/ khyod nga'i zhing du
446b6 skye bar 'gyur bas ma 'jigs shig ces bka' stsal par 'gyur/ tshe 'di nyid la glo bur du 'chi bar mi 'gyur zhing / 'dre gdon dag gis kyang glags
446b7 rnyed par mi 'gyur lags so/ /de la byang chub sems dpa' spyan ras gzigs dbang phyug gis stong chen po'i 'jig rten gyi khams kyi kha na ma tho ba yongs
447a1 su sbyong ba'i phyag rgya ni/ 'di lags te/ 'greng nas 'di ltar sug pa lag pa g.yon pa mdun du brkyang ste sor mo lnga so
447a2 sor phye nas mdun du phul te sor mo lnga char bsgreng ngo / /de'i rjes la sug pa lag pa g.yas pa'i mthe bong lag mthil du bkug ste/ sor mo gzhan
447a3 bzhi ni/ khu tshur du bcangs nas rna ba g.yas pa'i thad kar bzhag ste/ lus po che'i sngags bzlas nas mdzub mo ni/ phan tshun brgyu bar bgyi'o/ /phyag
447a4 rgya ni/ gdugs gcig la dus gsum du bgyi 'tshal pas/ dus gsum gyi tshe yang lan bdun bzlas brjod bgyis na/ mtshams su mchis pa
447a5 lnga pa/ shin tu lci ba bzhi'i kha na ma tho ba rnams kyang 'byang bar 'gyur lags so/ /sems can thams cad la byams pa dang / snying rje bskyed
447a6 par gyur na/ kha na ma tho ba thams cad kyi rtsa ba bsregs nas/tshe 'das pa'i rjes la yang sangs rgyas rnams dang 'jal bar 'gyur zhing / sangs rgyas
447a7 kyi zhing de dag tu yang 'khor los bskyur ba'i rgyal po bgyid par 'gyur/ gzhan yang bas pa ma mchis pa'i gter zhes bgyi ba'i gzungs dang /
447b1 ye shes mnyam pa zhes bgyi ba'i gzungs thob par 'gyur/ gzhan yang mtshan nyi shu rtsa brgyad dang ldan par 'gyur/ gzhan yang tshe 'di nyid la mig dang /
447b2 rna ba dang / sna dang / lce la sogs pa bro 'tshal bar mi 'gyur zhing / lus kyi nad thams cad kyang yongs su 'byang bar 'gyur/ /sngon gyi las dang / kha na ma tho ba
447b3 rnams kyang zhu byang bar 'gyur lags so/ /gal te than pa byung bar gyur na/ til 'bru yog po'i 'bras bu mar dang sbyar te ril bu bgyis nas lan brgya
447b4 rtsa brgyad sngags kyis btab ste/ chab rdzing du bor na/ dgung char 'bab par 'gyur lags so/ /gal te char ches na/ 'bras sA lu brdos pa'i me tog yungs
447b5 'bru'i mar dang sbyar te ril bu bgyis nas lan brgya rtsa brgyad sngags kyis btab ste/ chab rdzing bur bor na/ dgung char 'chad par 'gyur lags so/ /nga
447b6 la byang chub sems dpa' spyan ras gzigs dbang phyug stong gsum gyi stong chen po'i 'jig rten gyi khams kyi bdud rnams btul ba'i phyag rgya ni/ 'di
447b7 lags te/ sor mo snol mar btang ste/ g.yon pas g.yas pa mnan te/khu tshur dam du bcangs te spyi bor bzhag nas lus po che'i sngags bzlas brjod
448a1 bgyis na/ 'khon pa'i dgra thams cad rang dul bar 'gyur lags so/ /cho ga 'di bgyid pa gang lags pa des ring
448a2 bsrel dang bcas pa'i mchod rten gyi mdun du tshes nyi shu dgu'i mtshan mo tsan+dan dkar po'i phye ma'i dkyil 'khor bgyis te/ me tog sna tshogs bkram
448a3 nas yongs su dag par khrus te gos gsar pa gtsang ma bgos nas sug par pog phor thogs te a ga ru bsregs la/ kha shar phyogs su bltas
448a4 te skyil mo krung bcas nas byang chub sems dpa' spyan ras gzigs dbang phyug lag stong mig stong dang ldan pa spyi bo la mchis par 'du shes nye bar
448a5 bzhag ste lus po che'i sngags lan stong rtsa brgyad bzlas brjod bgyis na/ 'di dngos grub thob par 'gyur ba'i phan yon dang po mchog lags so/ /
448a6 gzhan yang yungs kar til gyi 'bras bu gcig tu bsres te brdungs nas phye mar bgyis te phog gsum gyis cung zad cig blangs nas lan
448a7 gcig sngags kyis btab ste zhugs su 'dor ba dgung bdun tshang bar bgyis la/ gdugs re la yang lan brgya rtsa brgyad tshang bar bgyis na/ slad
448b1 kyis ci bgyi'o 'tshal mngon par 'grub par 'gyur lags so/ /de la byang chub sems dpa' spyan ras gzigs dbang phyug gi 'jigs pa ma mchis pa
448b2 chen po'i phyag rgya ni/ 'di lags te/ 'greng nas sug pa rkang pa gnyis gshibs te/ sngar sug pa lag pa g.yas pa bkan te lag ngar g.yon pa bteg
448b3 nas pus mo'i steng du bzhag par bgyis te/ sug pa lag pa g.yon pa yang de bzhin du bgyis nas rtag par ring bsrel gyi mdun du lus po che'i sngags
448b4 lan stong rtsa brgyad bzlas brjod bgyis na/ myur du sems can la mi 'jigs pa stsal pa'i ting nge 'dzin gyi sgo thob par 'gyur lags so/ /gzhan yang shing
448b5 kun dang / yungs kar dang / shu dag dang / ta ta ba'i ril bu blangs te dngos po 'di dag zhugs kyi nang du bor te bsreg par bgyi'o/ /'di dag sreg
448b6 pa yang sangs rgyas kyi sku gzugs kyi spyan sngar ram/ dkyil 'khor ram/ gnas gtsang ma dag tu bsregs nas lus po che'i sngags bzlas te sngags
448b7 lan re bsregs pa brgya rtsa brgyad tshang bar bgyis nas spos dang me tog dag gis rig sngags la mchod pa bgyis na/ ci dang ci smon pa rnams yid bzhin
449a1 du mngon par 'grub par 'gyur lags so/ /gal te rig sngags gzhan gyis ma thub pa dang sngags 'dis btab na/ thams
449a2 cad thub cing 'grub par 'gyur lags so/ /gal te rmi ltas mthong bar 'tshal na/ sngags 'di bzlas nas phyag rgya bgyis te mig la btab na/
449a3 ci dang ci mthong bar 'tshal ba de dag thams cad rmi lam du mthong bar 'tshal lags so/ /bsod nams ma mchis pa gang dag ci bgyi'o 'tshal
449a4 yid bzhin du 'grub par mi 'gyur na/ gdugs re bzhin rig sngags 'di lan brgya rtsa brgyad 'don pa dgung bdun du tshang bar gyur na/ ci dang ci
449a5 smon pa thams cad 'thob par 'gyur lags so/ /bcom ldan 'das/ bdag sngon klu'i rgyal po rgya mtsho'i gnas su rgya mtsho'i nya chos kyi mdun sar
449a6 chos ston pa na klu mang po rnams sdug bsngal chen po rnams myong bar mthong ba dang / klu mang po rnams la snying brtse nas de dag sdug bsngal las
449a7 yang dag par bzla ba dang / sems can mang po rnams sdug bsngal dang bral zhing 'khon pa'i dgra ma mchis par bgyi ba'i slad du chos bstan pa
449b1 las/ de'i tshe klu'i bu mos chos 'di gnyer ba'i slad du nor bu rin po che mi mjed kyi 'jig rten gyi khams ri ba zhig lus pa dang / bdag gis de la
449b2 yum gyi gzungs 'di rgya cher bstan pas sdug bsngal gyi bgegs rnams dang bral bar 'gyur lags so/ /de nas byang chub sems dpa' chu shel gyis
449b3 rig sngags 'di yongs su 'dzin pa dag la phan gdags shing bgegs yongs su bsrung ba'i phyir sngags 'di smras so/ /bi ma le/ ma hA bi ma le/ u
449b4 ha la/ ma hA u ha le/ hu ma le/ ma hA hu ma le/ sa hA le/ ma hA sa hA le/ tsi le te swA hA/ rigs kyi bu'am/ rigs kyi bu mo gang la la zhig phyogs gang
449b5 du gnas kyang rung ste/ byang chub sems dpa' mig stong dang lag pa stong dang ldan pa'i chos kyi cho ga 'di yongs su 'dzin par bgyid na/ bdag kyang rtag
449b6 par de dag gi rjes su 'brel ste yongs su srung bar bgyid pas bdud kyi khor rnams kyi bar dag gis gtse bar mi 'gyur lags so/ /gang la la zhig
449b7 brel zhing phongs par gyur tam/ pha rol gyi dgras gtses sam/ chom rkun dag gis gnod pa bgyid par gyur na/ tshon sna lnga'i skud pa la lan nyi shu
450a1 rtsa gcig sngags kyis btab ste sngags lan re bzla zhing mdud pa re re mdud nas dpung pa g.yon pa la mdud par bgyi'o/ /
450a2 gzhan yang sug pa g.yon pa'i srin lag dang / gung mo dang / mdzub mo rnams khu tshur bcangs te/ mthe bos steng du mnan nas mthe'u chung chom kun
450a3 gyi phyogs su kha bstan te/ sngags 'di lan brgya rtsa brgyad bzlas na/ thams cad rang gyis nas gnod pa bgyid par mi 'gyur lags so/ /sngon byang chub
450a4 sems dpa' spyan ras gzigs dbang phyug gangs ri la gnas te/ chos ston pa dang / gnod sbyin dang / srin po'i yul na gnas pa'i skye bo rnams
450a5 sems can gyi sha khrag 'ba' zhig 'tshal zhing / dge ba'i sems ci yang ma mchis pa mthong ba dang / de'i tshe byang chub sems dpa' de thabs la
450a6 mkhas pas phan gdags shing sems can gdul ba'i ched du rdzu 'phrul gyis mthus de ma thag tu yul de dag tu mchis nas mig stong dang
450a7 lag stong dang ldan pas bdud gdul ba'i lus mngon par bstan te/ yum gyi gzungs mngon par 'grub pa'i phyag rgya bgyis pa dang / de'i tshe srin
450b1 po'i yul gyi rgyal po bdag gi thad du mchis nas nongs pa mthol bshags te phyag bgyis pa dang / bdag gis skyang mngon par 'grub pa'i phyag rgyas btab
450b2 pas/ de bla na ma mchis pa'i lam mngon par grub par gyur lags so/ /byang chub sems dpa' spyan ras gzigs dbang phyug gi mngon par 'grub pa'i phyag
450b3 rgya ni/ 'di lags te/ 'greng nas sug pa rkang pa gnyis gshibs te snying gar thal mo sbyar te mthe'u chung gnyis snol mar btang zhing / g.yon pas
450b4 g.yas pa mnan nas lus po che'i sngags lan nyi shu rtsa gcig bzlas nas cho ga rnam pa sna tshogs gang bgyid kyang rung ste/ thams cad mngon par 'grub par
450b5 'gyur lags so/ /de la byang chub sems dpa' spyan ras gzigs dbang phyug gis 'gro ba drug po dag sdug bsngal gyi bgegs las yongs su skyob pa'i
450b6 'khor lo'i phyag rgya ni/ 'di lags te/ 'gro ba drug gi sems can sdug bsngal las yongs su skyob par 'tshal na/ 'khor lo'i phyag rgya spyad par
450b7 bgyi ste/ 'di ltar sor mo bcu'i rtse mo phan tshun phrad par bgyi ste/ lag ngar gyi tshigs dang / lag mthil ni/ dbye bar bgyi'o/ /sor mo rnams kyi bar
451a1 yang tshon gang tsam mchis par bgyi ste/ 'di ni/ byang chub sems dpa' de 'gro ba drug po dag tu gnas nas sdug bsngal gyi
451a2 bgegs las yongs su bzlas pa zhes bgyi ste/ 'di ltar phyag rgya'i 'khor lo 'di'i dbang gis thams cad sdug bsngal dang bral bar gyur pas so//
451a3 de la byang chub sems dpa' mig stong dang ldan pa'i mngon par rdzogs par byang chub pa'i phyag rgya ni/ 'di lags te/ skyil mo krung bcas nas sngar sug
451a4 pa g.yon pa brkyang ste sor mo lnga char bkan nas pus mo g.yon pa'i steng du gzhag go/ /de'i rjes la sug pa lag pa g.yas pa brkyang ste sor mo lnga char
451a5 kha sbub nas pus mo g.yas pa'i steng du mnan par bgyi'o/ /'di ni/ 'gog pa'i snyoms par 'jug pa'i phyag rgya dang 'dra ste/ 'das pa dang / ma byon
451a6 pa dang / da ltar bzhugs pa'i sangs rgyas thams cad kyang mtshungs par phyag rgya 'dis mngon par rdzogs par byang chub par 'gyur ba lags pas/ phyag
451a7 rgya 'dis ni/ las kyi sgrib pa thams cad sel bar bgyid do/ /rnal 'byor pa bsam gtan sgom pa gang dag ting nge 'dzin mngon sum du ma gyur na/ gdugs
451b1 mtshan bdun gyi bar du dgon pa'i gnas su mchis nas gzungs 'di bzlas te phyag rgya 'di bgyis nas sems rtse gcig tu sangs rgyas rnams mig sngar mngon
451b2 sum du bzhugs pa yid la bgyis te gdugs mtshan gcig la lan drug tu mthol bshags bgyis na/ sangs rgyas rnams kyang mngon sum du 'gyur
451b3 zhing / bsod nams kyi phung po chen po tshad ma mchis/ dpag tu ma mchis/ brjod du ma mchis pa rnams kyang 'thob par 'gyur lags so/ /de la byang chub
451b4 sems dpa' mig stong dang ldan pas sum cu rtsa gsum pa'i lha rnams dgug pa'i phyag rgya ni/ 'di lags te/ sngar sug pa lag pa g.yon pa'i sor mo
451b5 bzhi khu tshur bcang bar bgyi'o/ /de'i rjes la sug pa lag pa g.yas pas g.yon pa'i mthe bong khu tshur bcangs pa bzhin bcangs nas lag pa g.yon pa'i
451b6 mthe bo lag pa g.yas pa'i chang ba'i gong du rtse mo phyung nas sug pa lag pa g.yas pa'i mdzub mo ni/ phan tshun brgyu bar bgyi'o/ /sngags ni/ 'di lta ste/ oM
451b7 ku tsi ku tsi/ ku tsi ya ri/ tsi ri tsi ri/ tsi re le swA hA/ gzungs kyi phyag rgya dang / sngags 'di ni/ bsam gyis mi khyab pas rigs kyi bu'am/ rigs kyi bu mo gang
452a1 la la zhig mchis nyal gar phyag rgya 'di bgyis te sngags 'di lan re bzlas shing snying gar phyag rgya lan re bgyi ba lan brgya rtsa
452a2 brgyad tshang bar gyur na/ sems la ci dang ci 'dod pa rnams rmi lam du rig cing mthong bar 'gyur lags so/ /gang la la zhig rtag par phyag rgya 'di bgyis
452a3 nas sngags 'di bzlas brjod bgyis na/ sdig pa thams cad byang nas byang chub kyi sems stong bar mi 'gyur bas/ gang zag de mtshan mo mchis nyal ba'i tshe
452a4 g.yar lam na rgya cher 'phel zhing bkra shis par 'gyur/ /g.yar lam na de bzhin gshegs pa byang chub kyi shing drung du bzhugs nas lung ston pa dang / mngon
452a5 par rdzogs par sangs rgyas par 'gyur ba'i bar dag kyang mthong bar 'gyur/ /tshangs pa dang / brgya byin dang / lha rnams kyang rtag tu nye bar mchis nas rim
452a6 gro bgyid cing yongs su srung bar 'gyur lags so/ /de la byang chub sems dpa' mig stong dang ldan pas lha dang / klu dang / 'dre gdon sde brgyad po dgug
452a7 pa'i phyag rgya ni/ 'di lags te/ 'greng nas sug pa rkang pa gnyis gshibs te sngar sug pa lag pa g.yon pa'i mthe bong lag mthil du bkug nas sor
452b1 mo bzhi khu tshur bcangs te snying gar gzhag go /de'i rjes la sug pa lag pa g.yas pa yang de bzhin du bgyis te/ lag pa g.yas pa rna drung du gtad nas mdzub
452b2 mo phan tshun du brgyu bar bgyi'o/ /sngags ni/ 'di lta ste/ na mo nI la kaN+tha/ na ma AR+ya sha pa ta swA hA/ na ma AR+ya sha la swA hA/ e hi e hi swA hA/ rigs kyi bu'am/
452b3 rigs kyi bu mo gang la la zhig gzungs dang / phyag rgya 'di len tam/ 'dzin tam/ glog gam/ 'don par bgyis na/ myur du tshe rabs bdun tshun chad kyi sngon
452b4 gyi gnas kyi dngos po rjes su dran par 'gyur/ sbrul gdug pas zin par mi 'gyur ro/ /dug gis mi tshugs par 'gyur/ mtshon gyis gnod pa bgyid par mi
452b5 'gyur/ rgyal pos gshe bar mi 'gyur/ nam yang sems can dmyal ba'i sdug bsngal myong bar mi 'gyur lags so/ /gang la la zhig gdugs re bzhin du rig
452b6 sngags 'di 'don par bgyid na/ 'dre srin sde brgyad po rnams rig sngags 'don pa'i drung du nye bar mchis nas rig sngags 'don pa nyan par bgyid do/ /rigs kyi
452b7 bu'am/ rigs kyi bu mo gang la la zhig 'dre gdon gyis zin par gyur na/ skud pa dkar po la sngags kyis btab ste sngags lan re bzla zhing mdud pa re re mdud de
453a1 mdud pa bzhi bcu rtsa dgu tshang bar bgyis nas de'i mgul du btags na/ de'i nad sel bar 'gyur lags so/ /gal te yul gang du
453a2 ltas ngan pa dang / rims nad byung ste/ yul mi mang du gum par gyur na/ rgyal po'i kun dga' ra ba dang / rdzing dag tu pad+ma stong rtsa brgyad blangs te pad+ma re
453a3 re la sngags lan re btab nas zhugs kyi nang du bor te bas bar bsregs na/ rims nad rab tu zhi bar 'gyur lags so/ /de la byang chub sems dpa'
453a4 mig stong dang ldan pa'i rnam par grol ba'i phyag rgya ni/ 'di lags te/ skyil mo krung bcas nas sngar sug pa lag pa g.yon pa'i gung mo mthe bo'i rtse mo
453a5 dang sbyar te bkan la/ sor mo gzhan gsum ni/ brkyang nas pus mo g.yon pa'i steng du gzhag par bgyi'o/ /de'i rjes la sug pa lag pa g.yas pa
453a6 yang de bzhin du bgyis nas sug pa lag pa pus mo g.yas pa'i steng du kha sbub tu gzhag par bgyi'o/ /gang la la zhig rtag par phyag rgya 'di bgyis nas
453a7 lus po che'i sngags lan nyi shu rtsa gcig bzlas brjod bgyis na/ smon lam rnams yongs su rdzogs par 'gyur zhing / sdug bsngal rnams kyang rnam par
453b1 grol bar 'gyur ro/ /rigs kyi bu'am rigs kyi bu mo gang la la zhig mi dge ba bcu dang / mtshams ma mchis pa lnga la sogs pa'i dngos sdig rnam pa sna tshogs
453b2 par bgyis pas dzam+bu'i gling gi sa ci mchis pa de dag thams cad rdul phra rab tu bgyis la/ rdul phra rab re re yang bskal pa re re mngon par byung bar gyur na/
453b3 gang dag de dngos sdig rnam pa sna tshogs bgyis pa'i dbang gis bskal pa'i grangs de snyed kyi bar du sems can dmyal bar lhung nas sdug bsngal myong zhing gtan
453b4 du 'byung ba'i dus ma mchis pa zhig lags na yang rigs kyi bu'am/ rigs kyi bu mo de dag gis ring bsrel dang bcas pa'i sku gzugs kyi spyan sngar zla ba dkar
453b5 po'i ngo tshes bco lnga la gdugs mtshan gcig zas bkum ste phyag rgya mdud nas rig sngags stong rtsa brgyad tshang bar bzlas na/ gong du bstan pa'i sdug bsngal
453b6 de dag thams cad byang bar 'gyur te/ gal te byang bar mi 'gyur ro zhe na/ de lta bu'i gnas ma mchis lags so/ /de la byang chub sems dpa' spyan ras gzigs
453b7 dbang phyug mig stong dang ldan pas rdzu 'phrul gyi rkang pa la rang dbang thob pa'i phyag rgya ni/ 'di lags te/ langs nas 'greng ste sngar sug pa g.yon pas sug
454a1 pa rkang pa g.yon pa'i mthe bong la btsir nas khu tshur bcangs pa bzhin du bgyi'o/ /de'i rjes la sug pa lag pa g.yas pas g.yon
454a2 pa'i lag ngar gyi steng du btsir nas lus po che'i sngags lan bdun 'don par bgyis na/ dpag tshad brgya stong du mar mchi 'tshal na yang dka' ba ma mchis par
454a3 'gyur lags so/ /sngags 'don pa'i tshe sgra 'byung bar ma bgyi'o/ /de la byang chub sems dpa' mig stong dang ldan pa'i rdzu 'phrul la rang dbang thob pa'i
454a4 phyag rgya ni/ 'di lags te/ sngar sug pa lag pa g.yon pa'i mthe bong mthe'u chung gi sen mo'i steng du reg par bgyi'o/ /de'i rjes la sug pa lag pa
454a5 g.yas pa yang de bzhin du bgyis nas sor mo gzhan gsum ni/ so sor yan par bsgreng ste/ lag ngar gyi tshigs sbyar nas spyi bo'i steng du bzhag ste lus po
454a6 che'i sngags lan brgya rtsa brgyad 'don par bgyid na/ drang srong 'phur te mchi dag dang 'dra bar rang dbang du mchi bar 'gyur lags so/ /de la byang chub
454a7 sems dpa' rnams sems rtse gcig tu spyan 'dren pa'i phyag rgya ni/ 'di lags te/ sug pa gnyis nam mkha' la thal mo sbyar te lag ngar gyi tshigs
454b1 sbyar nas mdzub mo gnyis ni/ phan tshun brgyu bar bgyi'o/ /sngags ni/ 'di lta ste/ oM a ru li ka te li/ lo ki bi do ya/ sarba ya dru/ pra ma ra rda na ka rA ya bu ru swA
454b2 hA/ bcom ldan 'das kyis de skad ces bka' stsal nas nyan thos chen po de dag dang / byang chub sems dpa' de dag dang / tshangs pa chen po dang / lha dang /
454b3 klu dang / gnod sbyin dang / dri zar bcas pa'i 'jig rten thams cad bcom ldan 'das kyis gsungs pa la mngon par bstod do/ /byang chub sems dpa' spyan
454b4 ras gzigs dbang phyug phyag stong spyan stong dang ldan pa thogs pa mi mnga' ba'i thugs rje chen po'i sems rgya cher yongs su rdzogs pa zhes bya ba'i gzungs cho ga
dang bcas pa rdzogs so/
CLOSE WINDOW