བོད་ཡིག |
222a5 /yi dwags kha nas me 'bar ma la skyabs mdzad pa'i gzungs rdzogs so// //bod skad du/ 'jur 'gegs
222a6 zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /ser sna las cher lhag pa/ gzhan gyi la 'jur 'gegs
222a7 byas pa'i nyes pa'i 'bras bu 'di lta ste/ 'phags pa shA ri'i bu dang / 'phags pa mau gal gyi bu gnyis bas mtha' zhig na so sor rtog pa'i shes rab
222b1 yid la byed cing yod pa las/ nyi ma'i gung la gnyis pos khams gseng du mchis pa'i sa na yi dwags me lus sngo la skam pa/ khog khog zer ba/ skra 'dzings
222b2 pa/ mig dmar la mi g.yon du yo ba/ ma mchu ring la g.yas su yo ba/ ske dang / rkang lag shin tu phra la ring ba/ lag pa khu tshur bsdams pa'i sen mos
222b3 thad kar phug nas sen mo sngo zang nge yod pa/ kha nas sgra rnam pa lnga sgrog pa ni/ 'di lta ste/ dgos na zhes bya ba dang / med na zhes bya ba dang / ma sbyin cig ces bya
222b4 ba dang / ster na yang che ches par 'ong ngo zhes bya ba dang / de tsam je ches kyis phri la byin ces bya ba dang lnga brjod pa/ skyi zing byed pa zhig dang phrad pa las/ der
222b5 gang zag gnyis po des bsam pa/ dgon pa bas grong yul thag nye la zas mod pas grong khyer du phyin te bslangs pas dkar gsum dang / mngar gsum dang /
222b6 'bras dang / nas kyi zan la sogs pa bza' ba dang / btung ba mang du rnyed nas yi dwags kyi drung du khyer te phyin nas bstabs pas mi len par gong gi sgra rnam
222b7 pa lnga sgrog cing bros so/ /der gang zag gnyis po des shin tu ma dga' nas yi dwags mo de'i sems su song nas/ gzhan yid la ma dran te bcom ldan
223a1 'das 'od ma'i tshal na bzhugs pa can du de ma thag phyin te zhabs la phyag btsal bas 'khangs nas thang chad de dri ba ma spobs
223a2 so/ /bcom ldan 'das kyis bka' stsal pa/ rigs kyi bu/ khyed ci nyes/ dri ba yod na dbugs phyung la dris shig ces gsungs so/ /bcom ldan 'das
223a3 lags/ bdag cag ni/ shin tu ma dga' ste/ nyid la khong yus che nas 'khams pa lags so/ /bka' stsal pa/ ci las gyur/ smras pa/ bdag
223a4 cag gnyis ni bas mtha' zhig na bcom ldan 'das kyi zhal nas gsungs pa so sor rtog pa yid la byed pa las rgyang ring por 'chag tu phyin pa las yi dwags
223a5 mo lus po sngo la skam pa/ khog khog zer ba/ skra 'dzings pa/ mig dmar la g.yon du yo ba/ ma mchu ring la g.yas su yo ba/ ske dang rkang lag shin
223a6 tu phra la ring ba/ lag pas khu tshur bsdams pa'i sen mos thad kar phug nas sngo bzang nge ba/ kha nas sgra rnam pa lnga sgrog pa 'di lta ste/ dgos na zhes bya
223a7 ba dang / med na zhes bya ba dang / ma sbyin cig ces bya ba dang / ster na yang che ches par 'ong ngo zhes bya ba dang / de tsam je ches kyis phri la byin ces bya ba
223b1 dang lnga brjod pa/ skyi zing byed pa zhig dang phrad nas bdag cag gnyis kyis bsam pas dgon pa bas grong yul thag nye la zas mod pas grong khyer du phyin te bslangs
223b2 pas dkar gsum dang / mngar gsum dang 'bras dang / nas kyi zan la sogs pa bza' ba dang btung ba mang du rnyed nas yi dwags mo de'i drung du khyer nas bstabs
223b3 bas kha nas gong gi sgra rnam pa lnga brjod cing gang byin pa mi len par bros te thal na/ 'di ci las gyur pa dang / 'di la sman pa'i thabs ci mchis zhu ru mchis pa
223b4 lags so/ /bka' stsal pa/ rigs kyi bu dag /de ni/ shin tu legs so/ /ngas bshad kyi/ legs par nyon la yid la zungs shig /de ci las gyur na/
223b5 lus sro la skam pa ni/ rang gis za ma phod pa las gyur pa'o/ /ske phra ba ni/ gzhan za zhing spyod pa la bdag gis ser sna byas pa las gyur to/ /yan lag phra la
223b6 sor mos thad kar phug pa ni/ gzhan la sbyin pa dag la ches kyis phri la byin ces byas pa dang / rang gis kyang spyod mi phod pa las gyur to/ /skra 'dzings pa ni/
223b7 kun gyi yid du mi 'ong ba byas pa las gyur to/ /mig dmar ba ni/ 'dod chags kyis yongs su rgyas pa las gyur to/ /g.yon du yo ba ni/ mig mi legs par
224a1 gzhan la bltas pa las gyur to/ /ma mchu ring la g.yas su yo ba ni/ ster na yang ches bar 'ong ngo zhes byas pa las gyur to/ /kha
224a2 nas sgra rnam pa lnga sgrog pa ni/ byed pa rgyu mthun pa'i 'bras bu ste/ sngon brjod pa'i bag chags brtas pa las gyur to/ /de lta bu'i las kyi dbang gis gzhan
224a3 ci byin yang phan par mi 'gyur te/ chu gcig pu las rang gis sbyin nus pa ma yin te/ gzhan gyi chu la 'jur 'gegs ma byas pas da lta yang chu gtsang ma
224a4 rtsam pas ma reg pa la sngags lan gcig btab ste se gol lan gcig gtogs te byin na/ de'i rgyud grol zhing 'dod pa tshim par 'gyur ro/ /de 'di lta ste/
224a5 oM dz+wa la mi daM sarba pre ta b+h+yaHswA hA/ gsol ba/ de'i 'bru don bshad du gsol/ bka' stsal pa/ oM ni/ ye shes lnga'i rang bzhin te/ don dam pa'o/ /
224a6 dz+wa la ni/ 'dod pa me ltar 'bar ba'o/ /mi daM ni/ mi'i rgyud kyis ser sna dang / 'jur 'gegs byas pa'o/ /sarba ni/ de lta bu'i las las gyur pa thams
224a7 cad do/ /pre ta ni/ yi dwags kyi snying po ste/ las kyi rgyud smin pa'i don to/ /b+h+yaHni/ las dang / sdug bsngal byang bar bya ba'i don to/ /swAhA ni/ las dang
224b1 sdug bsngal bkres skom byang bar gyur cig pa'o/ /da myur du song la de ltar gsos shig ces gsungs pas/ de nas gnyis kyis myur du phyin nas de bzhin du bgyis
224b2 pas gzod dga' nas longs spyod cing lus bag glan no/ /de nas chos ston la bab nas gnyis po res mos byas te shA ri'i bus bshos gsol nas gcig gsol
224b3 du stsal te chab byin pas yang gong bzhin brjod de bros so/ /yang gnyis kyis yid ma ches nas bcom ldan 'das la zhur mchis so/ /bcom ldan 'das
224b4 lags/ bdag cag gis gsungs pa bzhin bgyis lags pas/ gso ru btub pa gda' ba la chos ston yol du dogs nas 'tshal nas yang sngar brjod
224b5 cing bros nas yang zhu ru mchis so/ /bka' stsal pa/ de ni/ khyod kyi sen bar du rtsam pa lus pas lan pa yin gyi/ lag pa khrus la gzod byin cig /de'i
224b6 drung du 'gro mi dgos te/ 'di nyid kyis btub bo/ /zhes gsungs so/ /de gnyis kyis khrus bgyis te chu sbyin stsal bas yi dwags mo de nyid du 'ongs nas cung
224b7 zad na mdangs dang ldan par gyur to/ /de nas yang bcom ldan 'das kyis bka' stsal pa/ 'di lta bu'i chu sbyin 'di ni/ 'dir ma zad de/ dus thams cad
225a1 du yang yi dam du gyis la thong zhig /gzhan la yang rgya cher spel cig /de ci'i phyir zhe na/ 'di'i phan yon ni/ dpag tu med
225a2 de tshad las 'das so/ /mdo tsam brjod na 'di lta ste/ 'jig rten gyi khams kyi mi phyug po rnams la sbyin pa byas pa bas dbul po 'ga' zhig la sbyin pa
225a3 byas na/ de'i bsod nams brgya'i char yang mi nye ste/ de ci ste zhe na/ phyug po rnams ni/ nga rgyal te dregs pa dang rgyags pas gnas ngan len spro bar byed
225a4 do/ /'jig rten gyi khams kyi dbul po rnams la sbyin pa byas pa bas yi dwags 'ga' zhig la sbyin pa byas na/ de'i bsod nams brgya'i char yang mi
225a5 nye'o/ /de ci ste zhe na/ dbul po rnams la ni/ 'bad du yod/ btsal du yod de/ bslang du yod do/ /yi dwags las kyis de lta bu dag ma yin gyi/ ma
225a6 bsngos na kha ru chud kyang dug chen por 'gyur ro/ 'jig rten gyi khams kyi yi dwags la sbyin pa byas pa bas 'jur 'gegs yi dwags gcig la chub byin
225a7 na/ de'i bsod nams brgya'i char yang mi nye'o/ /de ci ste zhe na/ yi dwags de dag la ni/ dmigs pas tshim pa dang / bshams pas tshim pa dang /
225b1 bsngos pas tshim pa dang / reg pas tshim pa dang / rjes kyis tshim pa dang / bshal bas tshim pa yod de/ las kyi rim pa bzhin no/ /'jur 'gegs ni/ gzhan
225b2 dka' ba'i las kyis sngags dang / phyag rgya dang / dmigs pa gzhan gyis mi thob/ /rdzas thams cad la 'thams te bkag pas rdzas gzhan mi myong / gzhan
225b3 gyi chu gcig pu ma bkag pas/ chu gtsang rtsam pas ma reg pa las dbang med/ rang gi rgyud zhi bar byed pa'i sngags dang / phyag rgya se gol gcig min pa gzhan
225b4 gang gis kyang thob par mi nus so/ /se gol gcig tu bzhag pa ce zhe na/ gnyis su gyur na gzhan gyi sgrar gyur nas mi thob/ des na rang gi go ba bskyed pa sgra gcig
225b5 tu nges pa'o/ /'dis ni/ bar chad kyis mi tshugs pa dang / nad nyung ba dang / tshe ring ba dang / longs spyod dang ldan pa dang / yi ga 'chus pa rnams 'byed par byed pa
225b6 dang / mdangs nyams pa rnams gsal bar byed pa dang / 'di gzhan la spel nas rgyud grol nas yi dwags kyi rgyud chad de mthar mngon par rdzogs par 'tshang rgya'o/ /
225b7 de skad ces bka' stsal nas rigs kyi bu de dag gis bcom ldan 'das kyis gsungs pa la mngon par bstod do/ /'jur 'gegs zhes bya ba'i gzungs
rdzogs so/
CLOSE WINDOW