བོད་ཡིག |
215a2 / //yi dwags mo kha 'bar ma dbugs dbyung ba'i gtor ma'i cho ga/ /dkon mchog gsum la phyag 'tshal lo/ /
215a3 de nas bcom ldan 'das yul ser skya na shing n+ye gro d+ha'i kun dga' ra ba na dge slong gi dge 'dun chen po dang / byang chub sems dpa'i tshogs chen po dang /
215a4 sems can gyi tshogs chen po dang thabs cig tu bzhugs te chos ston to/ /de nas kun dga' bo dben par 'dug ste nang du yang dag 'jog cing rtse gcig tu
215a5 yid la byed pas/ chos mngon gsum du byed pa na mtshan mo nam gyi cha smad la de'i mdun du yi dwags mo kha 'bar ma 'dug nas smras pa/ kye kun dga' bo/
215a6 khyod gnangs 'chi bar 'gyur te/ yi dwags kyi gnas 'dir skye bar 'gyur ro/ /kun dga' bos smras pa/ rten pa'i thabs ci yod/ yi dwags mos
215a7 smras pa/ kun dga' bo/ gal te nang pa yi dwags gang+gA'i klung gyi bye ma khrag khrig phrag 'bum gyi bye ma snyed dag la yi dwags re re la yang zas dang / skom
215b1 yul ma ga d+ha'i bre bo che bdun bdun tsam byin te/ bram ze'i drang srong 'bum yang tshim par byas la/ bdag gi ming gis dkon mchog gsum la mchod pa byas na/ de ltar
215b2 na khyod kyi tshe yang phyir nur bar 'gyur la/ bdag kyang yi dwags kyi 'jig rten nas shi 'phos te mtho ris kyi 'jig rten du skye bar 'gyur ro/ /de nas kun dga' bos yi
215b3 dwags mo kha 'bar ma rid cing mdog ngan la/ lus skem pa/ kha nas me lce 'bar ba/ lto dang kha skam pa/ ral pa'i phung po g.yengs pa/ spu dang sen mo ring ba mthong
215b4 ste/ tshig mi snyan cing yid du mi 'ong ba de thos nas skrag cing sdangs te spu zing zhes byas nas/ stan las langs te shin tu rings pa dang / shin tu myur ba'i shugs
215b5 kyis bcom ldan 'das ga la ba der song ste phyin nas bcom ldan 'das kyi zhabs la phyag 'tshal te 'dar bzhin du 'di skad ces gsol to/ /bcom ldan 'das/
215b6 skyabs mdzad du gsol/ bde bar gshegs pa skyabs mdzad du gsol/ bdag ni gnangs srog 'gum par 'gyur lags so/ /bcom ldan 'das/ bdag gis
215b7 yi dwags mo kha 'bar ma mthong ste/ khyod gnangs 'chi bar 'gyur ro/ /zhes mchi na/ bdag gis rten thabs ci mchis zhes smras nas de'i mchid nas gal te khyod
216a1 kyis yi dwags gang+gA'i klung gi bye ma khrag khrig phrag 'bum gyi bye ma snyed dag chim par byas te/ /bram ze'i drang srong 'bum yang
216a2 tshim par byas na/ de ltar na khyod kyi tshe phyir nur bar 'gyur ro zhes mchi na/ bcom ldan 'das/ de ji ltar bsgrub par bgyi ba bka' stsal du gsol/ /de nas
216a3 bcom ldan 'das de bzhin gshegs pa shAkya thub pas tshe dang ldan pa kun dga' bo la 'di skad ces bka' stsal te/ kun dga' bo/ gang gis khyod yi dwags
216a4 rnams dang / bram ze'i drang srong rnams tshim par byed par 'gyur ba'i thabs yod kyi/ ma 'jigs shig /kun dga' bo/ thams cad du 'od dang ldan pa rgya
216a5 chen shugs ldan zhes bya ba'i gzungs yod do/ /des byin pa tsam gyis yi dwags gang+gA'i klung gi bye ma khrag khrig phrag 'bum gyi bye ma snyed dag tshim par 'gyur
216a6 te/ yi dwags dang / bram ze'i drang srong re re la zas dang / skom yul ma ga d+ha'i bre bo bdun bdun byin par 'gyur ro/ /de ni/ sngon nga bram zer gyur ba na
216a7 byang chub sems dpa' sems dpa' chen po 'jig rten dbang phyug dang / de bzhin gshegs pa 'jig rten dbang phyug 'od las ngas bzung ste/ des yi dwags
216b1 dang / bram ze'i drang srong grangs su bgrang ba mang ba dang / ches mang ba'ang ngas zas dang / skom gyis tshim par byas te/ de dag thams cad yi dwags kyi 'jig rten nas
216b2 shi 'phos nas lha'i 'jig rten du skyes so/ /kun dga' bo/ khyod kyis zungs la ngo lon gyis shig /na maHsarba ta thA ga ta a ba lo ki te/ oM saM b+ha ra saM b+ha ra hUM/ kun
216b3 dga' bo/ 'di yi dwags kyi gtor ma la lan bdun bzlas brjod byas nas lag pa brkyang ste drung du sbyin par bya'o/ /se gol yang brdab par bya'o/ /de ltar
216b4 byas na/ byin ma thag tu phyogs bzhi'i yi dwags gang+gA'i klung gi bye ma khrag khrig phrag 'bum phrag gi bye ma snyed dag tshim par byas par 'gyur ro/ /yi dwags re re
216b5 la yang yul ma ga d+ha'i bre bo bdun bdun byin par 'gyur ro/ /de dag kyang zos pa tsam gyis yi dwags kyi 'jig rten nas shi 'phos nas lha rnams kyi nang du skye
216b6 bar 'gyur ro/ /kun dga' bo/ /khyod kyis dge slong dang / dge slong ma dang / dge bsnyen dang / dge bsnyen ma rnams la rtag tu rgyun mi 'chad par khor zug tu
216b7 bsnyad par bya'o/ /de ltar byas na/ bsod nams kyi phung po dang ldan par 'gyur te/ tshe yang ring bar 'gyur ro/ /de bzhin gshegs pa bye ba phrag 'bum gyi
217a1 bsod nams kyi phung po dang ldan par 'gyur ro/ /rtag tu mi ma yin pa rgyu ba/ 'byung po dang / sha za dang / grul bum la sogs
217a2 pa dang / gnod sbyin dang / srin po dang / gdon dang / yi dwags rnams kyis mi mthong bar 'gyur ro/ /stobs dang / brtson 'grus dang yang ldan par
217a3 'gyur ro/ /gzugs dang ldan pa dang / gzi brjid dang ldan pa dang / dran pa dang ldan par yang 'gyur ro/ /bram ze'i drang srong tshim par byed pa 'dod pa
217a4 des ni/ mchod yon dang / dbul bar bya ba dang / snod bkang ba la lan bdun bzlas brjod byas la 'bab chu ga la yod pa'i gnas der sbyin par bya'o/ /
217a5 de ltar byas na/ bram ze'i drang srong gang+gA'i klung gi bye ma khrag khrig 'bum phrag du ma'i bye ma snyed dag lha'i bza' ba dang / btung ba rnams kyis tshim par
217a6 byas par 'gyur ro/ /bram ze'i drang srong de dag kyang dbang po tshim par 'gyur te/ de dag thams cad kyis oM bde legs su gyur cig ces bya ba'i sgra 'byin
217a7 par byed la/ sems can de dag kyang bsam pa yongs su dag par 'gyur te/ bram ze'i gzi brjid dang ldan par 'gyur ro/ /rtag tu tshangs par spyod par
217b1 yang 'gyur te/ de bzhin gshegs pa gang+gA'i klung gi bye ma khrag khrig phrag 'bum gyi bye ma snyed dag gi dge ba'i rtsa ba dang ldan par yang 'gyur ro/ /rtag tu dgra thams
217b2 cad zhig par 'gyur ro/ /me tog gam/ bdug pa'am/ spos sam/ zas sam/ skom gyi yo byad la lan nyi shu rtsa gcig bzlas brjod byas la sangs rgyas dang /
217b3 chos dang / dge 'dun la 'bul bar bya'o/ /de ltar byas na/ rigs kyi bu'am/ rigs kyi bu mo'am/ dge slong ngam/ dge slong ma'am/ dge ba snyen ma des
217b4 phyogs bcu'i de bzhin gshegs pa thams cad kyi zhing gi sangs rgyas dang / chos dang / dge 'dun la lha'i mchod pa dang / de bzhin gshegs pa'i mchod
217b5 pa'i mchog gis mchod pa byas par 'gyur ro/ /bla mar byas/ rim gror byas par 'gyur ro/ /de bzhin gshegs pa thams cad kyis dgongs shing lung bstan
217b6 pa dang / lha thams cad kyis kun tu srung bar yang 'gyur ro/ /kun dga' bo/ song la ngo lon yang gyis shig /sems can thams cad la yang dag par ston
cig /
CLOSE WINDOW