བོད་ཡིག |
50b6 skad gsar bcad kyis kyang bcos nas gtan la phab// //rgya gar skad du/ AR+Ya bid+yu ta prAp+ta pa ri pr-i ts+tshA nA ma ma hA yA
50b7 na sU tra/ bod skad du/ 'phags pa glog thob kyis zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo//
51a1 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la/ dge slong gi dge 'dun chen po thams cad kyang yon
51a2 tan khyad par du 'phags pa phun sum tshogs shing seng ge'i sgra sgrogs pa stong dang / byang chub sems dpa' sems dpa' chen po lnga brgya dang thabs gcig tu bzhugs te/ de dag
51a3 thams cad kyang gzungs rab tu thob pa/ spobs pa thogs pa med par gyur pa/ mi skye ba'i chos la bzod pa mngon sum du byas pa/ phyir mi ldog pa la gnas pa/ ting nge 'dzin
51a4 rnams dang ldan pa/ mngon par shes pas rnam par rtsen pa/ sems can gyi sems kyi spyod pa'i tshul rab tu rtogs pa sha stag 'di lta ste/ byang chub sems dpa' nyi ma'i rgyal
51a5 mtshan dang / byang chub sems dpa' zla ba'i rgyal mtshan dang / byang chub sems dpa' kun tu 'od dang / byang chub sems dpa' zla ba'i rgyal po dang / byang chub sems dpa'
51a6 shin tu mtho gsal dang / byang chub sems dpa' rnam par snang byed dang / byang chub sems dpa' seng ge'i blo gros dang / byang chub sems dpa' rin po che'i yon tan
51a7 'od dang / byang chub sems dpa' don thams cad grub pa dang / byang chub sems dpa' sngon gyi rkyen dang ldan pa dang / byang chub sems dpa' smon lam dang / spyod pa phun
51b1 sum tshogs pa dang / byang chub sems dpa' stong pa'i blo gros dang / byang chub sems dpa' mnyam pa'i sems dang / byang chub sems dpa' dga' sred dang / byang chub sems dpa'
51b2 'khor lo mos pa dang / byang chub sems dpa' g.yul las rnam par rgyal ba dang / byang chub sems dpa' blo gros spyod pa dang / byang chub sems dpa' glog thob dang / byang chub sems
51b3 dpa' rnam par rgyal ba'i spobs pa dang / byang chub sems dpa' seng ge'i nga ro dang / byang chub sems dpa' rab dbyangs dang / byang chub sems dpa' sad byed dang / byang chub sems
51b4 dpa' spyod pa sgyur ba la mkhas pa dang / byang chub sems dpa' rab tu zhi ba'i spyod pa la sogs pa byang chub sems dpa' sems dpa' chen po 'di dag ni gtso bor gyur to/ /gzhan yang
51b5 brgya byin lha'i dbang po dang / rgyal po chen po bzhi dang / 'jig rten gyi khams mi mjed kyi bdag po tshangs pa'i rgyal po dang / mthu chen po dang ldan pa'i lha dang / klu dang / gnod sbyin
51b6 dang | dri za dang / lha ma yin dang / nam mkha' lding dang / mi'am ci dang / lto 'phye chen po la sogs pa'i 'khor tshad med pa rnams dang yang thabs gcig tu bzhugs so/ /de nas de'i
51b7 tshe byang chub sems dpa' glog thob ces bya bas 'khor mang po rab tu zhi zhing yongs su dag pa dag 'dus par gyur pa mthong ba dang / stan las langs te bla gos phrag pa gcig tu gzar
52a1 nas| pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol
52a2 to| |bcom ldan 'das/ bdag la the tshom cung zad cig mchis te/ deng zhu bar 'tshal na/ de bzhin gshegs pas thugs rjes gsan cing gnang bar mdzad du gsol/ de nas
52a3 bcom ldan 'das kyis byang chub sems dpa' glog thob la bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas kyis khyod la skabs phye'i/
52a4 khyod ci dang ci 'dod pa dris shig dang / khyod la yang dag par bstan par bya'o/ /de nas bcom ldan 'das la byang chub sems dpa' glog thob kyis 'di skad ces gsol to/ /bcom
52a5 ldan 'das/ byang chub sems dpa' chos ji lta bu zhig dang ldan par gyur na/ sems can thams cad kyi bsam pa yongs su rdzogs par bgyid cing / skyon rnams kyis gos
52a6 par mi 'gyur ba dang / dbang po dang / rang bzhin ji lta ba bzhin du thabs mkhas pas sems can de dag drangs te/ lus zhig pa'i 'og tu ngan 'gro rnams su ltung bar mi 'gyur
52a7 zhing | gdon mi 'tshal bar mnyam pa nyid rtogs par 'gyur ba dang / 'jig rten na gnas kyang pad+ma bzhin skyon gyis gos par mi 'gyur ba dang / chos kyi dbyings las ma
52b1 g.yos par yang sangs rgyas kyi zhing kun tu rgyu zhing / rtag par de bzhin gshegs pa'i gzugs kyi sku mthong ba dang / 'bral bar mi 'gyur ba dang / rnam par thar pa gsum la rab tu gnas kyang
52b2 snyoms par mi 'jug par sems can gyi mos pa ji lta ba bzhin du/ sangs rgyas kyi zhing gi bkod pa yongs su sbyangs nas skad cig ma gcig la myur du bla na med pa yang dag par rdzogs pa'i byang
52b3 chub mngon par 'tshang rgya bar 'gyur lags/ de nas byang chub sems dpa' sems dpa' chen po glog thob kyis/ bcom ldan 'das kyi spyan sngar tshigs su bcad de zhu ba zhus pa/ bla na ma mchis
52b4 mi yi gtso/ /mkhyen dang gzigs pa tshad ma mchis/ /ma 'dres chos la bzhugs nas ni/ /'jig rten rnams la phan 'dogs mdzad/ /sems can kun la snyoms par gzigs/ /'jig rten
52b5 kun gyi mgon skyabs mdzad/ /log dang yang dag lam bstan nas/ /mthar thug bde la dgod par mdzad/ /yon tan mchog ni rab bsags pas/ /rin chen sna tshogs phung po 'dra/ /'jig
52b6 rten shes rab nyi ma khyod/ /khams gsum mchod 'os gtso bo lags/ /theg pa chen po bkas bshad nas/ /byang chub lam ni rdzogs par mdzod/ /zhal mtshan zla ba nya ba 'dra/ /zhi gnas
52b7 dag ni phun sum tshogs/ /nyer zhi chos ni rab bstan nas/ /nyon mongs rnams ni zhi bar mdzad/ /byang chub spyod pa bkas bshad nas/ /sems can rnams la phan mdzad gsol/ /sangs
53a1 rgyas zhing dang sku tshe dang / /gzugs sku dang ni 'khor rnams dang / /phrin las gsum dang chos rnams kyang / /thams cad kun ni rnam par dag/ bcom ldan byang
53a2 chub sems dpa' yi/ /rnam dag spyod pa bkas bshad gsol/ /ji ltar bdud ni gdul bar bgyi/ /ji ltar chos rnams bstan par bgyi/ /ji ltar dran pa nyams mi 'gyur/ /khyod kyi bkas
53a3 ni bshad du gsol/ /ji ltar dpa' bo dag gis ni/ /'khor ba kun du zhugs gyur kyang / /mtshan nyid gcig la gnas bgyid cing / /chos la rtag tu g.yo mi 'gyur/ /ji ltar sangs rgyas
53a4 rnams la ni/ /rten cing mchod pa bgyis na ni/ /rtag par sangs rgyas sku bltas kyang / /mthar ni mtshan ma spong 'gyur lags/ /rnam thar gsum po mngon bgyis kyang / /mkha' la bya ni
53a5 'phur ba bzhin/ /yon tan phun tshogs ma gyur bar/ /nam yang mya ngan mi 'da' lags/ /dbang po rang bzhin yongs rtogs nas/ /'jigs pa ma mchis rjes 'brang zhing / /mngon par
53a6 zhen pa ma mchis par/ /sems can de dag smin bgyid lags/ /sngar ni 'jig rten bde btang nas/ /slad kyis dang ba'i sems bskyed de/ /ye shes gya nom phun tshogs pas/ /bla
53a7 med byang chub 'thob 'gyur ba/ /'di 'dra'i zab mo gya nom don/ /de bzhin gshegs pas bkas bshad gsol/ /de nas bcom ldan 'das kyis byang chub sems dpa' sems
53b1 dpa' chen po glog thob la bka' stsal pa/ rigs kyi bu khyod kyis sems can tshad med pa rnams la phan zhing bde bar bya ba dang / da ltar gyi lha dang bcas pa'i 'jig rten dang / ma 'ongs pa'i byang
53b2 chub sems dpa' rnams yongs su gzung ba'i phyir/ de bzhin gshegs pa la don 'di lta bu zhus pa legs so/ /legs so/ /de'i phyir glog thob shin tu legs par nyon la yid la gzung zhig
53b3 dang | khyod la yang dag par bstan par bya'o/ /byang chub sems dpa' glog thob kyis bcom ldan 'das de bzhin du thos par 'tshal lo zhes gsol pa dang / bcom ldan 'das kyis bka' stsal
53b4 pa| glog thob/ byang chub sems dpa' sems dpa' chen po rnams ni gter chen po dang / zad mi shes pa'i gter dang / kun du zad mi shes pa'i gter dang / mtha' med pa'i gter rnam pa lnga
53b5 dang ldan pa ste/ byang chub sems dpa' de lta bu'i gter phun sum tshogs par gyur pas/ rgud pa rnams gtan du spong zhing / gong du bstan pa lta bu'i yon tan khyad par du 'phags pa yang yongs
53b6 su rdzogs par byed la/ tshegs chung dus myur du bla na med pa yang dag par rdzogs pa'i byang chub kyang 'thob par 'gyur ro/ /lnga gang zhe na/ 'di lta ste/ 'dod chags spyod pa'i gter dang / zhe
53b7 sdang spyod pa'i gter dang / gti mug spyod pa'i gter dang / cha mnyam pa spyod pa'i gter dang / chos thams cad kyi gter gang yin pa'o/ /glog thob/ byang chub sems dpa' sems dpa'
54a1 chen po rnams kyi 'dod chags spyod pa'i gter zhes bya ba ji lta bu yin zhe na/ 'di lta ste/ sems can rnams ni 'dod chags kyi spyod pa'i rjes su mthun zhing phyin
54a2 ci log gis bcings pas/ mtshan ma rnams kyi rjes su gzugs dang / sgra dang / dri dang / ro dang / reg bya dang / chos la sogs pa'i yul dag la rnam pa sna tshogs su rnam par brtags
54a3 na /brtan pa nyid du mngon par zhen pa dang / bde ba la chags shing myos par gyur pa yin la/ byang chub sems dpa' ni sems can de dag gi sems kyi spyod pa rnam pa sna tshogs gang
54a4 yin pa yang dag pa ji lta ba bzhin du rab tu shes pas/ sems can de dag gang la mos shing 'dun pa dang / spyod yul gang la chags shing goms pas mthun pa can du gyur pa dang /
54a5 dad pa ji lta bu dang ldan zhing phun sum tshogs par gyur pa dang / sngon dge ba'i rtsa ba ji lta bu bskyed pa dang / theg pa gang la gzhol bar byed pa dang / dge ba'i rtsa ba ji snyed yod pa dag
54a6 nam zhig na yongs su smin par gyur pa yang rab tu shes te/ byang chub sems dpa' ni sems can de dag gi 'dod pa thams cad yongs su spang ba'i phyir dang / de dag gi dge ba'i rtsa
54a7 ba'i sems rtag par rgyun mi 'chad par bya ba'i phyir shin tu legs par brtags nas yongs su gso bar byed do/ /glog thob/ sems can rnams kyi dbang po dang / spyod pa'i bye
54b1 brag ni shin tu shes par dka' bar rig par bya ste/ nyan thos dang / rang sangs rgyas thams cad kyis kyang rig par mi nus na/ so so'i skye bo dang / mu stegs can rnams kyis lta smos kyang
54b2 ci dgos/ glog thob/ sems can kha cig ni 'dod pa rnams la mngon par zhen par gyur kyang bla na med pa yang dag par rdzogs pa'i byang chub yongs su smin par byed pa yang yod do/ /sems
54b3 can kha cig ni 'dod pa'i yul la reg pa tsam mam/ 'dod pa'i sems kyis tshig smras pa tsam gyis bla na med pa yang dag par rdzogs pa'i byang chub yongs su smin par byed pa yang yod do/ /
54b4 sems can kha cig ni gzugs sdug gu dag mthong nas/ 'dod chags kyi sems skyes pa las gzugs de rnam par 'gyur zhing zhig par mthong ba nyid kyis gzugs mi rtag par khong du
54b5 chud par gyur nas/ 'dod pa'i gdung ba nye bar zhi ste/ mi rtag pa nyid shin tu yid la byed pa nyid kyis bla na med pa yang dag par rdzogs pa'i byang chub yongs su smin par byed pa yang yod
54b6 do| |sems can kha cig ni bud med mthong ba na/ mngon par zhen pa skyes pa med kyang / phyis yid la dran pa'i dbang gis 'dod chags kyi sems skyes nas/ de'i kha dog dang dbyibs
54b7 yid la byas nas rjes su chags pa skye bar 'gyur ba yang yod do/ /sems can kha cig ni rmi lam na gzugs yid du 'ong ba dag mthong ba'i dbang gis 'dod chags kyi mngon par zhen pa
55a1 skyes nas/ yid la byed cing yongs su gnyer bar byed pa yang yod do/ /sems can kha cig ni bud med kyi sgra thos pa tsam gyis 'dod chags kyi sred pa skyed
55a2 par byed la/ res 'ga' ni mthong ba tsam gyis 'dod chags kyi sems dang bral nas bla na med pa yang dag par rdzogs pa'i byang chub yongs su smin par byed pa yang yod pas/ de'i
55a3 phyir| glog thob/ byang chub sems dpa' ni 'dod chags kyi nad rnam pa sna tshogs gang yin pa dang / 'dod chags kyi sman rnam pa sna tshogs gang yin pa de dag thabs mkhas pas
55a4 legs par khong du chud kyang / chos kyi dbyings la gnyis su 'dzin pa'i mtshan ma yang med la/ chos kyi dbyings la rmongs par gyur pa'i sems can dag la yang snying rje chen po
55a5 skyed par byed do/ /glog thob/ 'dod chags dang / zhe sdang dang / gti mug ces bya ba dang / chos kyi dbyings kyi ye shes zhes bya ba'i chos cung zad tsam yang dmigs su med
55a6 pas| byang chub sems dpa' 'di snyam du bdag gis mthong ba ltar na/ sems can rnams ni mtshan ma med pa/ rang bzhin gyis stong zhing dben pa/ btags pa tsam du rnam
55a7 par bzhag pa/ tshogs shing 'dus pa'i chos 'di la 'dod chags dang / zhe sdang dang / gti mug skyed par byed pas/ bdag gis 'di dag yang dag pa ji lta ba bzhin du so sor
55b1 brtags nas/ 'dod chags kyis rmongs par gyur pa'i sems can de dag gi ched du snying rje chen po la gnas nas/ sngon gyi smon lam yongs su rdzogs par bya'o/ /chos kyi dbyings las ma g.yos
55b2 par rtsol ba med pa'i ye shes kyis yongs su smin par bya'o snyam du sems so/ /skyes pa gang zhig bud med dag la yang dag pa ma yin pas sdug pa'i 'du shes bskyed nas/ 'dod chags lci ba
55b3 skyes par gyur na/ byang chub sems dpas bud med shin tu sdug cing mdzes pa gzugs kyi mtshan khyad par du 'phags pa rin po che'i rgyan phreng dang ldan pa/ rgyan rnam pa sna tshogs kyis rab tu
55b4 brgyan pas lha'i bu mo dang 'dra bar gyur pa/ sngon ma mthong ba dag tu bsgyur nas sems can de dag gis ji ltar sred cing rjes su chags pa dang / shin tu mngon par zhen par gyur pa ston par
55b5 byed de/ de dag gi nus pa dang sbyar nas thabs kyis 'dod chags kyi dug mda' dbyung ba'i ched du rang dbang du gyur pa'i mthus bud med kyi gzugs su bsgyur nas/ de'i mdun du snang bar byas
55b6 nas chos bstan pa nyid kyis sems can de dag chos kyi dbyings rtogs par byas te mi snang bar 'gyur ro/ /bud med gang zhig skyes pa dag la 'dod chags kyi sems skyes par gyur na /
55b7 byang chub sems dpas skyes pa'i lus bstan nas 'dod chags kyi dug mda' dbyung ba'i ched du chos bstan pa nyid kyis chos kyi dbyings la zhugs par byas nas mi snang bar byed do/ /glog
56a1 thob| 'dod chags kyi spyod pa nyi khri chig stong dang / spyod pa gzhan de dag kyang gtogs par brgyad khri bzhi stong du gyur pa de dag byang chub sems dpas rtsol
56a2 ba med pa'i ye shes kyis chos kyi sgo mo bye ba stong phrag tshad med pa bskyed de/ sems can rnams kyi sems khong du chud par byas nas thams cad rnam par grol bar gyur kyang bdag
56a3 gis sems can la 'di lta bu'i chos bstan to snyam du sems pa yang med la/ sems can rnam par grol bar gyur pa yang mi dmigs so/ /glog thob/ 'di lta ste/ dper na/
56a4 mtsho ma dros pa'i klu'i rgyal po ni las kyi mthu'i dbang gis de'i pho brang gi nang nas chu klung chen po bzhi byung nas sems can chu dang / skam la gnas pa dag dbyar tsha ba'i dus
56a5 kyi tshe bsil ba dang / rlan gyis me tog dang 'bras bu dag rgyas shing 'bru rnams 'phel bar gyur nas sems can mang po shin tu bde bar byed kyang / klu'i rgyal po de bdag
56a6 gis chu klung bzhi po 'di dag phyung ngo / /dbyung bar bya'o snyam du mi sems mod kyi/ 'on kyang chu klung bzhi po dag rtag tu 'bab cing sems can rnams nye bar spyod par byed
56a7 do| |byang chub sems dpa' yang de bzhin du sngon gyi smon lam yongs su rdzogs par gyur pa'i dbang gis rtsol ba med pa'i ye shes kyis 'phags pa'i bden pa bzhi bstan
56b1 nas 'khor ba'i yongs su gdung pa thams cad bsal te/ lha dang mi rnams la 'phags pa'i rnam par grol ba sbyin par byed kyang / byang chub sems dpa' de bdag gis chos bstan to/ /bstan
56b2 par bya'o snyam du mi sems mod kyi/ 'on kyang rang gi ngang gis snying rje chen po'i bsam pa la gnas nas sems can rnams la so sor brtag ste ci rigs par chos ston par byed do/ /gzhan
56b3 yang | glog thob/ 'di lta ste/ dper na/ brgya byin lha'i dbang po la lha'i bu mo khrag khrig phrag bcu gnyis yod pa de dag brgya byin lha'i dbang po'i rang dbang gi mthu'i dbang gis lus mang po
56b4 bstan nas/ lha'i bu mo de dag de dang lhan cig 'dod pa'i bde ba yongs su rdzogs par myong bas de dag so so nas/ 'di snyam du bdag gcig pu ni deng lha'i dbang po dang lhan cig rtses so snyam
56b5 du sems kyang yang dag par lha'i dbang po de la mngon par zhen par gyur pa ci yang med do/ /byang chub sems dpa' yang de bzhin du sems can gang yongs su bzla ba'i 'os su gyur pa de
56b6 dag gi bsam pa ji lta ba bzhin du yongs su smin par byed kyang / byang chub sems dpa' la mngon par zhen par gyur pa med do/ /gzhan yang / glog thob/ 'di lta ste/ dper na/ nyi ma'i
56b7 dkyil 'khor ri mthon po'i rtse mo la shar ba'i tshe 'od kyis 'dzam bu'i gling kun tu snang bar byed pas gang du snang bar byas pa'i gnas de dag tu kha dog sngon po dang / ser po dang / dmar
57a1 po dang / dkar po rnam pa sna tshogs rab tu ston par byed kyang nyi ma'i dkyil 'khor de ni kha dog gcig pa/ 'od gcig pa nyid de tha dad pa'i mtshan ma med do/ /
57a2 byang chub sems dpa' yang de bzhin du shes rab kyi nyi ma'i dkyil 'khor gyis chos kyi dbyings snang bar byas nas sems can gyi mngon par zhen pa'i ri'i rtse mo de dag tu shar ba na
57a3 dmigs pa'i mtshan nyid gcig tu gyur cing de dag gi mos pa ji lta ba bzhin du chos ston par byed kyang chos kyi dbyings la gnyis su gyur pa'i mtshan nyid med de/ glog thob/ 'di ni
57a4 byang chub sems dpa' sems dpa' chen po rnams kyi 'dod chags spyod pa'i gter zhes bya'o/ /byang chub sems dpa' gang gis gter 'di thob par gyur na/ bskal pa'am
57a5 bskal pa las lhag pa sems can rnams kyi mos pa sna tshogs ji lta ba bzhin du lus tshad med pa bstan nas tshig rnam pa sna tshogs kyis chos ston par byed kyang chos kyi dbyings la
57a6 gnyis su gyur pa'i mtshan nyid med do/ /gzhan yang / glog thob/ 'di lta ste/ dper na/ gser yang dag pa ni mgar ba'i thabs mkhas pa'i mthu'i dbang gis mos pa ji lta ba
57a7 bzhin du rgyan rnam pa sna tshogs su byas te/ mtshan nyid tha dad par gyur kyang gser gyi rang bzhin la ni tha dad du gyur pa ci yang med do/ /byang chub sems dpa' yang de bzhin du
57b1 chos kyi dbyings shin tu legs par brtags nas sems can mos pa rnam pa sna tshogs ji lta ba bzhin du lus tshad med pa dag bstan nas tshig rnam pa sna tshogs kyis chos ston par byed kyang chos kyi dbyings
57b2 la ni gnyis su gyur pa'i mtshan nyid med de/ 'di ni rtag par chos kyi dbyings la zhugs pas mtshan nyid gcig tu gyur pa zhes bya'o/ /byang chub sems dpa' gang gis gter 'di lta bu thob par gyur na/
57b3 sems can gyi ched du rnam pa sna tshogs kyi sgo nas chos ston par byed pa de dag gis chos thos pa'i dbang gis 'phags pa'i nor phun sum tshogs pa'i dbang phyug dang ldan par gyur pas 'khor ba'i
57b4 rgud pa dag gtan du yongs su spong bar byed do/ /gzhan yang / glog thob/ byang chub sems dpa' sems dpa' chen po rnams kyi zhe sdang spyod pa'i gter zhes bya ba ji lta bu zhe na/ 'di lta ste/ sems
57b5 can rnams ni nga rgyal dang mtshungs par ldan pa/ bdag dang bdag gir 'dzin pa dang bcas pa/ bdag dang bdag gi mtshan ma la gnas pas yun ring po nas byams pa dang bzod pa ma bsgoms pa/
57b6 zhe sdang gi gdung bas rang gi sems bshig par gyur pa/ sangs rgyas dang chos dang dge 'dun rjes su dran par ma gyur pa/ zhe sdang gi gdug pas g.yogs pa/ chos nyid la rmongs par gyur pa
57b7 yin yang byang chub sems dpa' ni zhe sdang mang ba'i sems can de dag la nam yang gnod sems dang / rnam par 'tshe ba skyed par mi byed kyi/ 'di snyam du/ kye ma sems can 'di dag ni gti mug
58a1 gi rmongs pas chos rnams gzod ma nyid nas rab tu dben zhing zhi ba/ dri ma dang rnyog pa med pa/ 'dum pa med pa/ rtsod pa med pa/ rab tu dben pa'i chos nyid la
58a2 phyin ci log dang mtshungs par ldan par gyur pa'i dbang gis yang dag pa ma yin pa'i zhe sdang dang khon du 'dzin pa rgyas par gyur to snyam du sems pa kho nar zad do/ /de snyam du bsams
58a3 nas kyang snying rje chen po la gnas te rtag par bdag nyid 'gyod cing bshags par yang byed la/ gal te lus kyi yan lag dang / nying lag gcod pa zhig yod na yang / zhe sdang spyod
58a4 pa'i sems can de dag 'dul bar 'dod pa'i phyir bzod pa la rab tu gnas par byed do/ /gal te zhe sdang spyod pa'i sems can tshad med pa de dag phan tshun gcig la gcig rgyab
58a5 kyis phyogs shing zhe sdang dang / khon du 'dzin pa'i las yongs su rdzogs pa'i dbang gis sprul gdug pa ngan 'gro'i lus su ltung bar gyur pa dag la ni/ byang chub sems dpa'
58a6 bzod pa la rab tu gnas pa des 'di ltar byams pa dang / dran pa'i stobs kyis sems can de dag btul nas ngan 'gro'i rnam par smin pa len par mi 'gyur zhing / gdon mi za
58a7 bar mnyam pa nyid rtogs par byed pa gang yin pa 'di ni byang chub sems dpa' thabs mkhas pas sems can gyi zhe sdang gi spyod pa yongs su bsal ba zhes bya'o/ /gzhan
58b1 yang | glog thob/ byang chub sems dpa' ni gal te sems can zhe sdang can dag mthong bar gyur na/ 'di snyam du chos thams cad ni rang bzhin gyis rnam par dag pa yin na/ kye ma sems
58b2 can 'di dag ni zhe sdang gi rjes su 'brangs nas yang dag pag ma yin pas rnam par rtog pa bskyed nas mnyam zhing rtsod pa med pa'i chos nyid 'di la zhe sdang gi bsam pa bskyed pas sems can
58b3 'di dag chos kyi dbyings nyid ma rtogs par gyur to/ /gal te sems can 'di dag chos nyid mthong bar gyur na ni gzhan dag la gnod sems bskyed par mi 'gyur ba zhig na chos kyi dbyings
58b4 kyi ngo bo nyid ma rtogs pas/ de'i phyir zhe sdang skyes par gyur to zhes byang chub sems dpa' des zhe sdang mang ba'i sems can de dag la lhag par snying brtse ba bskyed nas snying rje chen po la
58b5 gnas te/ sngon gyi smon lam yongs su rdzogs par byed la rtsol ba med pa'i ye shes kyis sems can gyi zhe sdang gi spyod pa rnam par gzhig pa'i phyir chos kyi sgo mo rnam pa sna tshogs yang dag
58b6 par ston par byed kyang bdag gis sems can gyi zhe sdang bsal ba'i phyir chos bstan to snyam du mi sems so/ /de ci'i phyir zhe na/ byang chub sems dpas chos kyi dbyings kyi mtshan nyid
58b7 shin tu legs par rtogs pa'i phyir ro/ /'di ni byang chub sems dpa' chos kyi dbyings dbyer med pa'i mtshan nyid la gnas nas nyon mongs pa'i spyod pa rab tu bsal ba zhes bya'o/ /
59a1 glog thob/ 'di lta ste/ dper na/ mun pa bsal nas snang ba 'thob par 'gyur yang mun pa sel bar byed pa med de/ 'di ltar mun pa dang / snang ba'i ngo bo
59a2 nyid nam mkha' dang mtshungs shing dbyer med pa yin no/ /de bzhin du byang chub sems dpa' yang chos kyi dbyings dbyer med pa'i ye shes de la brten nas thabs mkhas
59a3 pas chos bstan te/ zhe sdang spyod pa'i sems can rnam pa sna tshogs 'dul zhing zhi bar byed kyang chos kyi dbyings la tha dad du gyur pa med do/ /glog thob/ 'di lta ste/ dper na/
59a4 nyi ma'i dkyil 'khor shar nas 'od kyis gang dang gang du snang bar byas pa de dag thams cad ni nyi ma'i dkyil 'khor gyis bsdus pa yin no/ /de bzhin du byang chub sems
59a5 dpa' yang zhe sdang gi spyod pa gdul zhing bsal ba'i phyir ji tsam du brjod pa thams cad chos kyi 'khor lo yin yang chos kyi dbyings la ni tha dad du gyur pa med do/ /'di ltar
59a6 zhe sdang gi spyod pa nyid khri chig stong dang / spyod pa gzhan rtogs par brgyad khri bzhi stong du gyur pa de dag byang chub sems dpa' rtsol ba med pa'i ye shes yongs su grub
59a7 pas sems can de dag gi zhe sdang gi spyod pa rnam pa sna tshogs kyi rjes su chos ston par byed kyang / bdag gis sems can la chos bstan to/ /ston to/ /ston par 'gyur
59b1 ro snyam du sems pa med de/ 'di ni byang chub sems dpa' sems dpa' chen po rnams kyi zhe sdang spyod pa'i gter zhes bya'o/ /byang chub sems dpa' gang gis gter 'di thob par gyur na/
59b2 bskal pa'am/ bskal pa las lhag par sems can gyi mos pa rnam pa sna tshogs kyi rjes su tshig 'bru dang / yi dge dang / brjod pa rnam pa sna tshogs kyi thabs mkhas pas chos ston
59b3 par byed kyang / zhe sdang spyod pa'i mtha' rnyed par mi 'gyur la/ byang chub sems dpa' de'i shes rab dang / spobs pa yang gtugs par mi 'gyur te/ 'di ni byang chub sems dpa'
59b4 chos kyi dbyings dbyer med pa'i mtshan nyid legs par bshad pas thob pa'i zhe sdang spyod pa'i gter zhes bya'o/ /gzhan yang / glog thob/ byang chub sems dpa' sems dpa'
59b5 chen po rnams kyi gti mug spyod pa'i gter zhes bya ba ji ltar bu zhe na/ glog thob/ byang chub sems dpa' rnams kyi spyod pa 'di lta bu 'di ni shin tu dkar ba'i dngos po yin te/ 'di
59b6 ltar sems can rnams ni nyon mongs pa'i rjes su 'brang ba gzhan la gnod par byed pa/ ma rig pa'i mngal gyi sgo ngas kun du dkris pa/ dar gyi srin bu bzhin du bdag nyid bcings
59b7 pas chos kyi dbyings rtogs pa'i thabs med pa/ bya ba dag la legs par so sor mi rtog pa/ bdag tu lta ba la mngon par zhen pa/ lam log par zhugs pa/ byis pa'i spyod pa la
60a1 gnas pa/ nges par 'byung bar dka' ba yin pas 'di lta bu la sogs pas rmongs par gyur pa'i sems can dag gi ched du dang po sems bskyed pa nas sbyor ba
60a2 chen po bskyed de/ ngal zhing sdug bsngal ba yang med de/ le lo yang med par rkyen gang dang / mos pa gang dang / chos bstan pa ji lta bu zhig gis sems can 'di dag byang chub sems
60a3 dpa'i spyod pa la btsud de/ rnam par grol ba thob par 'gyur snyam du sems te/ byang chub sems dpa' sngon chos kyi dbyings legs par so sor brtag par rtsol ba med pa'i ye shes
60a4 kyis snying rje chen po la gnas te/ sems can de dag chos kyi dbyings la rmongs par gyur par rig nas ci nus ci lcogs kyis chos bstan nas rab tu dul bar byed kyang bdag gis chos
60a5 bstan to/ /ston to/ /ston par 'gyur ro snyam du sems pa med de/ 'on kyang de sngon gyi smon lam gyi mthus rten cing 'brel bar 'byung ba legs par so sor brtags nas rang gi ngang
60a6 gis chos kyi sgo mo brgya stong du ma bstan te/ sems can de dag gi ma rig pa'i las kyi 'du byed bsal nas rnam par grol ba 'thob par byed do/ /glog thob/ 'di lta ste/ dper na/ sman
60a7 pa bzang po nad mang po gso ba la mkhas pa/ sngar sman dpyad rnams la shin tu goms par gyur pa ni/ nad kyi mtshan ma mthong ma thag tu sngags dang / sman btang ba thams cad
60b1 rab tu rtogs par gyur pas/ des gsos pa gang yang mi sos pa med do/ /de bzhin du byang chub sems dpa' yang 'di ltar chos kyi dbyings shin tu legs par rtogs pas rtsol ba med pa'i
60b2 ye shes kyis gti mug gi spyod pa bsags pa'i sems can de dag gi dbang po dang / rang bzhin ji ltar bzhin du chos kyi sgo mo brgya stong du ma bstan nas thams cad rab tu gsal bar rtogs par
60b3 byed de/ glog thob/ 'di ni byang chub sems dpa' sems dpa' chen po rnams kyi gti mug spyod pa'i gter zhes bya'o/ /byang chub sems dpa' gang gi gter 'di thob par gyur na/ rten cing
60b4 'brel par 'byung ba shin tu legs par so sor brtags nas/ gti mug spyod pa'i sems can de dag gi ched du bskal pa'am/ bskal pa las lhag par de dag gi rang bzhin dang / 'dun
60b5 pa ji lta ba bzhin du tshig 'bru dang / yi ge dang / brjod pa rnam pa sna tshogs kyi thabs mkhas pas chos ston par byed kyang / gti mug spyod pa'i mtha' yang rnyed par mi 'gyur la/ byang
60b6 chub sems dpa' de'i shes rab dang / spobs pa yang gtugs par mi 'gyur te/ 'di ni byang chub sems dpa' chos thams cad dbyer med pa'i mtshan nyid legs par bshad pas
60b7 thob pa'i gti mug spyod pa'i gter zhes bya'o/ /'di ltar gti mug gi spyod pa nyi khri chig stong dang / spyod pa gzhan gtogs par brgyad khri bzhi stong du gyur pa de dag/ byang chub sems dpas
61a1 yongs su spang ba'i phyir chos kyi sgo mo brgyad stong du ma rab tu phye nas yang dag par ston pa gang yin pa 'di ni/ byang chub sems dpa'i gti mug spyod pa'i gter zhes bya'o//
61a2 gzhan yang / glog thob/ byang chub sems dpa' sems dpa' chen po rnams kyi cha mnyam pa'i spyod pa'i gter zhes bya ba ji lta bu yin zhe na/ 'di lta ste/ dper na/ me long gi dkyil 'khor
61a3 shin tu dag cing yongs su gsal ba/ dri ma med pa lam gyi bzhi mdor bzhag na gzugs brnyan rnams der snang zhing / 'phel ba dang 'grib pa med kyang me long gi dkyil 'khor de bdag gis
61a4 gzugs brnyan rnam pa sna tshogs 'di dag ston par byed do zhes mi sems mod kyi/ 'on kyang me long gi dkyil 'khor de shin tu byi dor legs par byas nas/ gzugs brnyan gyi rnam pa
61a5 thams cad rang gi ngang gis rab tu snang bar 'gyur ro/ /de bzhin du byang chub sems dpa' yang chos kyi dbyings kyi me long gi dkyil 'khor shin tu legs par byi dor byas pa rtsol ba med
61a6 pa'i ting nge 'dzin la gnas nas sems can rnams kyi sems kyi spyod pa'i bye brag ji lta ba bzhin du chos kyi sgo mo brgyad stong du ma rnam par phye ste bstan nas/ de dag thams cad rab tu rtogs
61a7 shing rnam par grol ba thob par byas kyang / chos kyi mtshan ma dang / sems can gyi mtshan ma skyed par mi byed do/ /de ci'i phyir zhe na/ byang chub sems dpa' des chos kyi dbyings kyi
61b1 mtshan nyid shin tu legs par rtogs pa'i phyir dang / spyod pa bzhi po 'di dag dang mtshungs par ldan pa'i sems can gang yin pa de dag yang dag pa ji lta ba bzhin du rab tu rtogs pas de dag gi
61b2 dbang po dang / rang bzhin ji lta ba bzhin du chos ston par byed kyang / chos kyi dbyings dang / sems can gyi khams yang dag pa ji lta ba bzhin du so sor rtogs par byed pas/ gnyis su 'gyur ba'i
61b3 mtshan nyid kyang med de/ chos kyi dbyings dang / sems can gyi khams ji snyed pa de dag gnyis su med cing tha dad pa med par gsal bar mthong ba'i phyir ro/ /glog thob/ 'di lta ste/ dper na /
61b4 nam mkha' la ni tha dad pa rnam pa sna tshogs kyi mtshan ma yang med la/ rnam par gzhag pa yang med do/ /de bzhin du byang chub sems dpa' yang chos kyi dbyings shin tu legs par so sor
61b5 brtags nas chos thams cad mtshan nyid gcig tu 'jug par rtogs pa dang / sngon gyi smon lam gyi mthus sems can gyi spyod pa ji lta ba bzhin du chos rnam pa sna tshogs ston par byed kyang /
61b6 chos kyi dbyings la ni tha dad du gyur pa med do/ /glog thob/ cha mnyam pa'i spyod pa 'di la nyi khri chig stong yod pa dang / spyod pa gzhan gtogs par brgyad khri bzhi stong du gyur pa de dag kyang / /
61b7 byang chub sems dpas so sor brtags nas thams cad gsal bar rtogs par 'gyur te/ 'di lta ste/ dper na/ sman pa mkhas pa nad dang / sman gtong ba rab tu shes pa bzhin du rtsol
62a1 ba med pa'i ye shes kyis chos rnam pa sna tshogs ston par byed pa gang yin pa 'di ni/ byang chub sems dpa' sems dpa' chen po rnams kyi cha mnyam pa spyod pa'i
62a2 gter zhes bya'o/ /byang chub sems dpa' gang gis gter 'di thob par gyur na/ sems can rnams kyi ched du bskal pa'am/ bskal pa las lhag par de dag mos pa ji lta ba bzhin
62a3 du brjod pa rnam pa sna tshogs kyi thabs mkhas pas chos ston par byed kyang / spyod pa de dag gi mtha' yang rnyed par mi 'gyur la/ byang chub sems dpa' de'i shes rab dang / /spobs
62a4 pa yang gtugs par mi 'gyur te/ 'di ni byang chub sems dpa'i chos kyi dbyings dbyer med pa'i mtshan nyid legs par bshad pas thob pa'i cha mnyam pa'i spyod pa'i gter
62a5 zhes bya'o// //bam po gnyis pa ste tha ma/ gzhan yang / glog thob/ byang chub sems dpa' des de lta bu'i ye shes yongs su rdzogs par gyur pas/ sems
62a6 can rnams kyi dbang po dang / spyod pa dang / bsam pa yang thabs mkhas pas rab tu rtogs pas/ gal te 'dod chags mang ba'i sems can mthong bar gyur na/ de dag rab tu
62a7 gdul zhing / de dag gi nad gso ba'i phyir so so'i skye bo dang mthun par 'dod pa rnams la yongs su spyod pa dang / bu dang / chung ma dang / khyim gyi so tshigs phun sum tshogs pa ston
62b1 par byed kyang / pad+ma bzhin du des gos shing mngon par zhen par gyur pa med do/ /sems can gang gti mug cing blo dang mi ldan pa de dag ni/ byang chub sems dpa' thabs mkhas pa mi shes
62b2 pas| 'di snyam du blo dang ldan pa su zhig /so so'i skye bo dang tha mi dad par 'dod pa rnams nyams su len par byed ces byang chub sems dpa' de la 'di ni byang chub spangs pa yin no snyam du
62b3 sems par byed de/ sems can de lta bu de dag ni sems yongs su mi gtsang ba'i phyir/ zhe sdang chen po skyes nas gus par mi 'gyur bas/ las de'i dbang gis lus zhig ste/ shi ba'i 'og tu
62b4 sems can dmyal ba chen por lhung bar gyur na yang / 'di ltar byang chub sems dpa' shin tu gsang bas gdul ba'i rgyu dang rkyen gyis kha na ma tho ba'i rnam pa yongs su zad nas/ gdon mi za
62b5 bar mnyam pa nyid 'thob pa la rab tu 'god par byed do/ /glog thob/ 'di lta ste/ dper na/ me rab tu 'bar ba ni rtswa dang shing dang phrad par gyur pa na/ thams cad rab tu 'bar zhing me'i
62b6 phung po nyid du mngon par 'grub par 'gyur ro/ /de bzhin du byang chub sems dpa' yang ye shes kyi me 'bar bar gyur pa na/ sems can rnams kyi 'dod chags dang / zhe sdang dang / gti mug
62b7 dang | dge ba dang / mi dge ba ji snyed pa de dag byang chub sems dpa' dang lhan cig 'grogs shing thams cad rab tu 'bar nas/ shes rab nyid du mngon par 'grub par 'gyur te/ 'di ni
63a1 byang chub sems dpa'i ma 'dres pa'i chos zhes bya'o/ /gzhan yang / 'di lta ste/ dper na/ ri'i rgyal po ri rab kyi ma 'dres pa'i mtshan nyid ni/ 'di lta ste/ rin po
63a2 che sna bzhi las mngon par grub pa yin pas/ sems can rnams kyang de'i rjes su kha dog sngon po dang / ser po dang / dmar po dang / dkar po rnam pa sna tshogs kyi mtshan nyid du
63a3 'gyur bar byed de/ gal te bai DUR+Ya'i ngos su phyin na ni/ thams cad kyang bai DUR+Ya'i kha dog gcig pa nyid du 'gyur bar byed do/ /gser gyi kha dog gi ngos su phyin na ni/ thams
63a4 cad gser gyi kha dog nyid du 'gyur bar byed do/ /dngul dang / chu shel gyi kha dog tu gyur pa yang de bzhin no/ /de bzhin du byang chub sems dpa' yang ma 'dres pa'i chos thob
63a5 pas sems can rnams kyi 'dod chags dang / zhe sdang dang / gti mug dang / dge ba dang / mi dge ba ji snyed pa de dag byang chub sems dpa'i thad du phyin cing lhan cig 'grogs
63a6 par gyur na/ thams cad byang chub sems dpa'i ye shes la 'jug pa nyid du 'gyur bar byed kyang de'i sems mi gtsang zhing / rang gi sdig pa'i las kyi dbang gis sems
63a7 can dmyal ba dang / dud 'gro'i skye gnas dang / gshin rje'i 'jig rten du lhung bar gyur pas/ 'di ltar byang chub sems dpa'i ma 'dres pa'i yon tan dang / smon lam
63b1 gyi stobs kyis kha na ma tho ba'i rnam par smin pa zad pa'i 'og tu gdon mi za bar bla na med pa yang dag par rdzogs pa'i byang chub thob par gyur pa la 'god par byed do/ /glog thob/ sngon byung ba
63b2 'das pa'i bskal pa tshad med/ dpag tu med/ grangs med pa na snyigs ma lnga'i dus kyi tshe/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan
63b3 pa| bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das rin po che'i phung po yon tan gyi sgra
63b4 zhes bya ba byung ste/ de'i tshe skye dgu rnams tshe lo brgya nyi shu thub par gyur te/ da ltar nga ji lta ba bzhin no/ /de'i tshe sems can rnams 'dod chags dang / zhe sdang dang / gti mug shin tu che
63b5 ste| nyon mongs pa rnams kyis zil gyis non pas pha ma dang / phu nu dang / grogs po'i yid dang 'gal bar byed pa/ mkhan po dang / slob dpon gyi rjes su mi 'brang ba/ byas pa drin du mi gzo
63b6 ba| rtag bar gnod sems dang bcas pa/ g.yo sgyu dang / rku ba'i sems dang ldan pa/ phan tshun gcig la gcig gnod par byed pa/ tshul bzhin ma yin par spyod pa/ sangs rgyas dang /
63b7 chos dang / dge 'dun la gus pa med pa/ ser snas zil gyis non pas yi dwags kyi chos spyod pa'i sems can de lta bu sha stag sangs rgyas kyi zhing de na gnas par gyur pas na/ shin tu
64a1 gdul dka' bar gyur to/ /de'i tshe bcom ldan 'das de yang sngon gyi smon lam gyi mthus dus ngan pa de'i tshe/ bla na med pa yang dag par rdzogs pa'i byang chub mngon
64a2 par rdzogs par sangs rgyas par gyur te/ bcom ldan 'das de la nyan thos chen po'i tshogs ni nyi khri nyis stong mnga' bar gyur to/ /de'i tshe de'i dus na rgyal po rgya cher byin pa zhes bya ba 'dzam
64a3 bu'i gling la dbang ba'i dbang phyug dang ldan pa/ sangs rgyas kyi bstan pa la sems shin tu dang bar gyur pa zhig yod pa des/ de bzhin gshegs pa de nyan thos kyi dge 'dun dang bcas
64a4 par dbyar zla ba gsum spyan drangs te/ mchod pa rgya cher bshams nas/ mchod cing rim gro byas so/ /de'i tshe dge slong dri ma med pa zhes bya ba spobs pa phun sum tshogs pa/ chos ston
64a5 pa'i thabs la mkhas pas 'khor mang po rnams nyan par spro ba/ sems can yongs su smin par byed pa la rtag par ngal ba med pa/ re ba med par chos ston pa/ mdog gsal zhing
64a6 gsong por smra ba/ gzugs dang stobs phun sum tshogs pa/ byad bzhin sdug cing mdzes pa/ sems can rnams kyis mthong bar mos shing / rim gro dang / bkur sti dang / bla mar
64a7 byed cing bsngags pa brjod pa zhig yod de/ dge slong gsar bu dag kyang rtag par dri ma med pa'i rjes su 'brang zhing / rgyal po'i pho brang 'khor du 'byung zhing 'jug pa dag la thogs pa med
64b1 par gyur pas/ gos dang / bza' ba dang / btung ba dang / mal stan dang / na ba'i gsos sman rnam pa sna tshogs kyis kyang rim gro byas par gyur to/ /de'i tshe 'khor mang po de las dge slong phal
64b2 cher lus kyi sdom pa dang / sems kyi shes rab bsgom pa mi shes pa/ sangs rgyas dang / chos dang / dge 'dun la gus pa med pa/ rtag par lta ba dang / chad par lta ba dang / bdag tu lta ba
64b3 la sogs pa dang ldan pa/ sangs rgyas kyi chos la skur ba 'debs pa/ rnam par g.yeng zhing gdul dka' ba/ dbang po rnams mi sdom pa/ chos bzhin ma yin pa la gnas pa/ dge sbyong gi
64b4 tshul med par bdag nyid dge sbyong du khas 'che ba/ lus dang / ngag dang / yid kyi las thams cad log par bzhugs pa sha stag gnas par gyur to/ /de'i tshe bcom ldan 'das de dbyar
64b5 'das nas yongs su mya ngan las 'das pa dang / rgyal po rgya cher byin pas tsan dan dmar pos sku zhugs la bzhen nas mchod pa byas te/ ring bsrel gyi mchod rten ngos bzhi kun tu tsan dan
64b6 dmar po'i mu khyud kyis bskor ba/ pad+ma gser gyi kha dog dang ldan pa/ bye ba phrag brgyad cu brtsigs so/ /de'i tshe dge slong dri ma med pa ni bcom ldan 'das des mang du thos pa'i mchog tu
64b7 lung bstan pas/ de bzhin gshegs pa de yongs su mya ngan las 'das pa'i 'og tu dam pa'i chos rgya cher spel te/ grong dang / grong khyer dang / grong rdal gang dang gang du song ba der sems
65a1 can brgya stong tshad med pa snyed yongs su btul nas/ bla na med pa yang dag par rdzogs pa'i byang chub la bkod par gyur to/ /de'i tshe dge slong sdig can mang po
65a2 rnal 'byor khong du ma chud pa/ rtag par phrag dog dang bcas pa/ bdud kyis bslus pa rnams rgyal po de ga la ba der dong ste/ 'di skad du rgyal pos bkur ba'i dge slong dri ma med pa ni
65a3 rgyal po'i pho brang du 'byung zhing 'jug pa la thags thogs ma mchis te/ dge slong ni 'dod chags dang bral ba yang ma lags la/ dus ma lags par yang zas 'tshal te/ spos dang phreng
65a4 ba dag gis kyang lus brgyan par bgyis pas/ yang dag par tshangs par spyod pa ma lags pas mchod pa mdzad pa mi rigs so/ /bdag cag ni don 'di'i slad du 'dir mchis nas
65a5 rgyal po la gsol ba lags kyi/ slad kyis 'gyod par yang ma mdzad cig/ sangs rgyas kyi yang dag pa'i bstan pa la thugs mi ches pa yang mi bskyed du gsol zhes smras so/ /de'i
65a6 tshe bdud sdig can zhes bya ba zhig kyang bdag nyid dge slong gi gzugs su bsgyur nas/ rgyal po de ga la ba der song ste/ snga ma bzhin du smras so/ /de'i tshe rgyal po rgya cher byin pas
65a7 yang dang yang du de skad smras pa thos kyang 'di snyam du dge slong dri ma med pa ni rab tu brtson zhing blo dang ldan pas bdag gis bla mar bkur ba yin te/ dngos po 'di lta bu byed pa ni
65b1 ga nas med do snyam mo/ /de nas de'i tshe bdud kyi 'khor rnams par snang las lus phyed bstan nas/ rgyal po de la tshigs su bcad de smras pa/ rgyal po bzo yi sgyu rtsal slobs/ /dus tshod dag la
65b2 mkhas par gyis/ /rgyal pos de ni ma shes na/ /mi rgyal rtags dang ldan ma yin/ /sangs rgyas nyan thos dgra bcom pa/ /ye shes chen po ldan pa yin/ /tshig dag la ni mi rten par/ /ci yi phyir
65b3 na chad par lta/ /dge slong rnams ni phan gdags phyir/ /khyod la bden tshigs smras pa yin/ /chad smra ngan 'gror 'gro ba'i mi/ /yang dag tshangs spyod ma yin pas/ /de ni rgyal po'i pho brang du/ /btsun
65b4 mo dag dang lhan cig rtse/ /rgyal po 'khor dang bcas pa yis/ /legs par rtogs la the tshom sol/ /rgyal pos dngos po 'di thos pas/ /sems la skrag cing mya ngan skyes/ /'khor rnams
65b5 dang ni lhan cig tu/ /myur zhing rings par pho brang dong / /de tshe dri med pho brang nang / /chos rnams rang bzhin stong pa dang / /bdag dang sems can med pa yi/ /dam pa'i don ni ston par byed/ /
65b6 rgyal po dmag 'khor bcas pa rnams/ /thams cad bdud kyis bslus pas na/ /pho brang nang gi btsun mo rnams/ /dge slong yongs bskor mthong ba dang / /zhe sdang glang chen myos 'dra bas/ /
65b7 gshed ma dag la rab bsgo ba/ /dge slong nga yi btsun mo bslus/ /sdug bsngal chos kyi chad pas chod/ /blon po 'khor dang bcas pa rnams/ /thams cad bdud kyis zin pas na/ /dge slong
66a1 nyes pa med pa la/ /sems kyis gnod ba bya bar bsams/ /gshed ma mtshon thogs 'ongs pa dang / /dri med snying brtse mchi ma byung / /rgyal pos khyod ni chos
66a2 min na/ /ci yi phyir na mchi ma byung / /dri med rgyal po la smras pa/ /dngos po 'di ni yid ches dka'/ /re zhig skad cig sdod cig dang / /bdag ni bsad pa'i long yod do/ /rgyal pos
66a3 dge slong tshig thos na/ /gshed ma dag la sdod cig bsgo/ /bden pa'i dngos po ci zhig yod/ /khyod kyis myur du smra ba'i rigs/ /lhag pa'i bsam pa ldan 'gyur zhing / /snying rjes 'jig
66a4 rten phan 'dogs pas/ /sor mo bcu yi thal sbyar te/ /bden pa'i tshig ni 'di skad smras/ /rgyal po chen po mkhyen par mdzod/ /gal te yang dag nyes med na/ /sa 'di rnam pa drug tu g.yos/ /
66a5 mkha' la me tog char phob cig/ de skad tshig 'di smras ma thag / sa chen rnam pa drug tu g.yos/ /mkha' la lha yi me tog babs/ /bdud 'khor mya ngan skyes par gyur/ /de tshe rgyal po dang ba
66a6 skyes| |rkang la phyag byas bzod par gsol/ /bdag ni dmyal bar lhung 'gyur na/ /mgon med bdag la skyabs mdzod cig /kyi hud sdig pa'i grogs phrad pas/ /gdug pa'i sems ni
66a7 skyes par gyur/ /sdig pa'i grogs po'i rjes 'brang nas/ /mgon dang skyabs byed su yang med/ /ston pa chen po ma gtogs par/ /phyogs bcur bdag gi mgon byed med/ /bdag gis
66b1 rgyal srid spangs nas ni/ /nam 'tsho'i bar du skyabs su mchi/ /dge slong des ni rgyal po dang / /g.yog 'khor bsam pa rig gyur nas/ /dam pa'i don ni rab tu bshad/ /rgyal pos thos nas
66b2 dad pa thob/ /'khor ni bye ba brgya stong dag /rgyal srid spangs nas rab tu byung / /sbyangs pa'i sdom pa blangs pas na/ /gzhan gyis mgron gnyer yong mi len/ /de tshe rgyal po'i pho brang nang / /
66b3 btsun mo 'khor bcas brgyad khri rnams/ /dam pa'i don ni thos pas na/ /phyir mi ldog la gnas par gyur/ /rgyal pos sangs rgyas gsungs pa bzhin/ /lo ni nyi shu rtsa bzhi'i bar/ /nyin
66b4 mtshan rtag par sdig bshags kyang / /'on kyang sdig pa'i las ma zad/ /lo ni bye mang sdug bsngal myong / /sdig zad de bzhin gshegs dang phrad/ /sngon ni skrag par byas pa'i rgyus/ /rnam smin
66b5 lhag ma rtag par smin/ /mthar gyis rnal 'byor rab bsgoms te/ /sangs rgyas bye ba stong mchod nas/ /so sor zhing khams gzhan dag tu/ /thams cad mngon par rdzogs sangs rgyas/ /
66b6 thams cad kun dang mtshan mthun par/ /yon tan grags pa zhes byar gyur/ /de tshe rgyal po rgya cher byin/ /dge slong byams bzod de la ni/ /gdug pa'i sems ni bskyod pas na/ /lo ni
66b7 bye ba mang por yang / /sngon gyi sdig las mngon gyur pas/ /du 'od chen por ltung bar 'gyur/ /rnam smin de ni zad nas kyang / /slar yang mi lus thob gyur te/ /de bzhin gshegs pa
67a1 kun spyan phrad/ /rtag tu bsnyen bkur rim gro byas/ /gzhan yang sangs rgyas bye ba phrag/ brgyad cu dag la rim gro byas/ /de yi 'og tu sangs rgyas pa/ /de ni nga bdag nyid
67a2 yin no/ /chos smra nyes pa med pa la/ /gnod pa byas pa'i dge slong ni/ /ma 'ongs mngon par 'tshang rgyab/ /byang chub sems dpa' byams pa yin/ /de tshe rgyal po'i pho brang nang / /btsun mo'i
67a3 'khor ni brgyad khri rnams/ /shin tu dang bas dge rtsa bskyed/ /sangs rgyas tshad med rim gro byas/ /de ltar spyod pa rab bskyed nas/ /sems can phan gdags smon lam gdab/ /sangs rgyas
67a4 bye ba stong mchod nas/ /so sor mngon par 'tshang yang rgya/ /ngas deng khyod la bsgo ba ni/ /thams cad gnod sems ma bskyed cig /gang gis byams bsgoms sangs rgyas bsngags/ /myur
67a5 du byang chub chen po thob/ /de lta bas na/ glog thob/ sems can rnams kyi dbang po dang / rang bzhin dang / bsam pa dag la mi mkhas pa dag gis dus thams cad du gnod sems
67a6 bskyed par mi bya'o/ /glog thob/ 'di lta ste/ dper na/ ri rnams kyi nang na ri rab mchog tu gyur pa de bzhin du de bzhin gshegs pa'i ye shes kyang ye shes rnams kyi nang na mchog
67a7 dang | gtso bo dang / bla na med par gyur pa yin no/ /'di lta ste/ dper na/ chu bo thams cad kyi nang na rgya mtsho mchog tu gyur pa de bzhin du de bzhin gshegs pa'i ye shes kyang ye
67b1 shes rnams kyi nang na mchog tu zab cing rgya che bar gyur ba yin no/ /gzhan yang / 'di lta ste/ dper na/ rgyal po rnams kyi nang na 'khor los bsgyur ba'i rgyal po mchog dang / gtso bo dang / bla
67b2 mar gyur pa de bzhin du de bzhin gshegs pa'i ye shes kyang ye shes rnams kyi nang na gong na med par gyur pa yin no/ /glog thob/ de bzhin gshegs pa ni de lta bu'i mkhyen pa dang ldan
67b3 pa'i phyir sems can thams cad kyi 'dod chags dang / zhe sdang dang / gti mug spyod pa'i sems dang / sems las byung ba 'jug cing 'gyur ba ji snyed pa de dag thams cad de bzhin
67b4 gshegs pas rab tu mkhyen cing / se gol gtogs pa gcig la thams cad yongs su sdud mdzad do/ /glog thob/ de bzhin gshegs pa ni rnam pa thams cad mkhyen pa nyid dang ldan
67b5 pas| 'di lta ste/ dper na/ skyes bu mig dang ldan pas rtsol ba la mi ltos par rang gi lag mthil na skyu ru ra'i 'bras bu gsal bar mthong zhing the tshom med pa de bzhin du/ de bzhin
67b6 gshegs pa yang sems can thams cad kyi sems kyi spyod pa ji snyed pa dag rab tu mkhyen pas 'khor mang po'i nang du chos rnam pa sna tshogs yang dag par ston par mdzad do/ /sangs rgyas
67b7 kyi zhing 'jig rten gyi khams tshad med grangs med pa dag na 'dod chags kyi spyod pa dang mtshungs par ldan pa'i sems can rnams 'dod chags kyis yongs su gdungs nas/ nyin mtshan du
68a1 yid la byed cing / don med par dus las 'da' bar byed pa yang ngas rab tu mkhyen cing gzigs so/ /'dod chags kyis gdungs pas lus dang ngag gi las rnam pa
68a2 sna tshogs slong bar byed pa dag kyang ngas rab tu mkhyen cing gzigs so/ /zhe sdang spyod pa'i sems can de dag zhe sdang gi zil gyis non pas gcig la gcig zhe sdang gis phrag dog byed pa dang /
68a3 gnod pa byas pa'i phyir mnar med pa'i gnas su ltung bar 'gyur ba dag kyang ngas rab tu mkhyen cing gzigs so/ /gti mug spyod pa dang mtshungs par ldan pa'i sems can rnams ma rig
68a4 pa'i mun nag gis bsgribs shing rmongs pas mngon par zhen pa dang / log par lta ba'i rjes su 'brang ba la mos par gyur ba dag kyang ngas rab tu mkhyen to/ /'os su gyur pa dang / 'os
68a5 su mi 'gyur ba dang / 'phel zhing rtsol ba dang bcas pa dang / ldog cing nyams par gyur pa dang / de bzhin gshegs pa'i theg par dge ba'i rtsa ba bskyed pa dang / rang sangs rgyas kyi
68a6 theg par dge ba'i rtsa ba bskyed pa dang / nyan thos kyi theg par dge ba'i rtsa ba bskyed pa dag kyang ngas rab tu mkhyen to/ /de bzhin gshegs pa ni de lta bu'i mkhyen pa dang ldan pas 'khor
68a7 mang po'i nang du zhugs nas sems can gyi sems kyi spyod pa'i bye brag kyang rab tu mkhyen pas gal te dus la ma bab par rig par gyur na ni cang mi gsung zhing gtang snyoms su bzhag
68b1 nas| sems can 'di dag ni chos la rmongs par gyur pas khong du chud par mi 'gyur ro snyam du dgongs so/ /de bzhin gshegs pa ni dbang po dang stobs khyad par du 'phags pa phun sum
68b2 tshogs shing dus rab tu mkhyen pa'i phyir 'dul ba'i 'os su gyur pa dang / bsam pa mchog tu gyur pa dang / bzod par nus pa'i 'os su gyur pa dang / tshig legs par nyan par gyur pa dag
68b3 kyang rab tu mkhyen te/ de ltar mkhyen par gyur nas kyang sems can de dag yongs su sdud cing phan 'dogs par byed do/ /de lta bas na/ glog thob/ byang chub sems dpa' las dang po pa
68b4 yang dag pa'i gnas skabs su ma zhugs pa/ sems can rnams kyi lhag pa'i bsam pa legs par khong du ma chud pa dag gis khyim na gnas pa'am rab tu byung ba yang rung ste/ thams cad
68b5 kun la smod cing gnod sems bskyed nas yun ring por bdag nyid la gnod par 'gyur bar mi bya'o/ /de'i phyir byang chub sems dpa' sems dang po bskyed pa nas theg pa chen po la gnas
68b6 pa thams cad la sangs rgyas kyi 'du shes bskyed par bya'o/ /sems can gzhan dag sdig pa mi dge ba'i las byed pa mthong na yang gnod sems bskyed par mi bya'o/ /de ci'i phyir zhe na/
68b7 de bzhin gshegs pas rtag tu sems can gang rnam par dkar zhing yongs su dag pa'i chos las cung zad cig nyams par gyur na nam yang yongs su mya ngan las mi 'da' bar mi 'gyur
69a1 ro zhes gsungs pas so/ /byang chub sems dpa' ni gal te 'dod chags spyod pa'i sems can mthong bar gyur na/ sems can 'di dag 'dod chags kyi gdung
69a2 bas bsregs par gyur pa yang bdag gis nyes pa yin no snyam du sems so/ /zhe sdang dang gti mug gi gdung bas bsregs par gyur pa de dag mthong na yang 'di dag thams cad ni bdag gis
69a3 nyes pa yin no snyam du sems so/ /de ci'i phyir zhe na/ bdag gis sems can thams cad na ba'i sdug bsngal dang ldan par gyur pa dag mthong bar gyur na sman yongs su btsal te thabs
69a4 mkhas pas yongs su gso ba'i rigs pa las/ bdag sngon sems can gyi nad bsal bar yid dam bcas na deng yal bar bor ba 'di nyid bdag gi nyes pa yin no snyam du sems pas
69a5 so| |byang chub sems dpa' ni de lta bu'i bsam pa dang ldan pas bdag nyid kyi nyes pa la lta zhing / sems can rnams la byams pa'i sems skyed par byed do/ /gal te gsod pa 'am
69a6 lus kyi yan lag dang nying lag gcod cing btub pa zhig dang phrad par gyur na yang pha rol gnod pa byed pa de dag la lan bya'o snyam pa'i bsam pa med do/ /glog thob/ byang chub
69a7 sems dpa' de ltar yang dag par bsgom pa na 'das pa'i mi dge ba'i las ji snyed pa dag kyang gtan du zad cing ma lus par 'byung bar 'gyur la/ ma 'ongs pa'i mi dge ba rnams
69b1 ni yang ldang bar mi 'gyur ro/ /glog thob/ sngon byung ba 'das pa'i bskal pa tshad med grangs med pa de bzhin gshegs pa mar me mdzad kyi yang ches snga rol na/ de bzhin gshegs pa dgra
69b2 bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams
69b3 kyi ston pa sangs rgyas bcom ldan 'das mchog tu skyes pa zhes bya ba 'jig rten du byung ngo / /'jig rten gyi khams de ni 'od zer can zhes bya ste/ rgyal po'i grong khyer rab tu bde ba zhes bya ba'i tshal
69b4 na bzhugs so/ /de'i tshe bshan pa 'jigs su rung ba zhes bya ba khro gtum che ba gsod pa la dga' zhing / bzod pa dang byams pa'i sems med pa/ lag pa khrag gis bskus pa/ mthong ba thams
69b5 cad skrag par 'gyur ba zhig yod de/ de'i tshe bshan pa des glang zhig khang pa'i nang du bcings te/ nang du zhugs nas gsod par byas pa las/ glang des de mthong nas shin tu skrag pas thag
69b6 pa bcad de bros nas/ de bzhin gshegs pa mchog tu skyes pa bzhugs pa'i tshal ga la ba der song ngo / /de'i tshe bshan pa de yang mtshon thogs nas phyi bzhin bsnyegs pas glang de skrag nas
69b7 g.yang sa zab mo zhig tu lhung nas srog chad la thug pa tsam du na zhing sdug bsngal bas sgra phyung ngo / /de'i tshe bshan pas glang de mthong nas zhe sdang cher skyes te/ g.yang sa zab mo de nyid du zhugs
70a1 nas mtshon thogs te gsad par byas pa las mtshon ma btab pa'i bar skabs su/ de'i tshe de bzhin gshegs pa mchog tu skyes pa tshal der 'khor mang po brgya stong tshad
70a2 med pas yongs su bskor ba dag la rten cing 'brel bar 'byung ba'i chos kyi rnam grangs 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes
70a3 pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i
70a4 rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang /
70a5 'khrug pa rnams 'byung bar 'gyur te/ de ltar na rten cing 'brel bar 'byung ba 'di dag thams cad ni sdug bsngal gyi phung po chen po 'ba' zhig go zhes rgya cher rnam par phye ste ston par mdzad
70a6 pas| glog thob/ rten cing 'brel bar 'byung ba 'di la ma rig pa yang 'du byed la mi sems mi rtog la/ 'du byed kyang ma rig pa la mi sems mi rtog go /de bzhin du skye ba yang rga shi la
70a7 mi sems mi rtog pas/ de ltar chos thams cad ni rang bzhin gyis dmigs su med pas mngon par 'du bya ba med pa/ dran pa med pa/ bdag dang bdag gi med pa/ rang bzhin gyis rnam
70b1 par dag pa/ phan tshun gcig gis gcig mi rig pa yin no/ /so so'i skye bo rnams 'di lta bu'i chos ma thob pa'i phyir gzugs ni bdag yin no/ /bdag ni gzugs rnams dang ldan no/ /gzugs ni
70b2 bdag gi yin no zhes 'dzin par byed do/ /tshor ba dang / 'du shes dang / 'du byed dang / rnam par shes pa'i bar la yang de bzhin no/ /bdag dang bdag gir 'dzin pa la mngon par zhen pa'i dbang
70b3 gis mi rtag pa la rtag par 'dzin par byed/ sdug bsngal ba la bde bar 'dzin par byed/ mi sdug pa la sdug par 'dzin par byed/ bdag med pa la bdag gir 'dzin cing phyin ci log bzhi bskyed par
70b4 byed do/ /phyin ci log tu lta ba'i phyir ma rig pas rmongs nas yang dag par tshul bzhin du yid la mi byed cing / sems kyi rjes su mngon par zhen par gyur pas srid pa'i sred pa 'ching ba gcod
70b5 par mi nus shing 'khor ba'i 'khor bar rgyun mi 'chad par 'khor bar gyur pa yin no/ /mkhas pa dag ni chos kyi dbyings kyi mtshan nyid la shin tu legs par rtogs par byed pa'i phyir/ bdag
70b6 dang | gang zag dang / sems can zhes bya ba nas srog ces bya ba'i bar du cung zad tsam yang yod par yang dag par rjes su mi mthong la/ skye ba dang / rga ba dang / na ba dang / 'chi ba dang / gsod
70b7 ba dang / gnod par byed pa dag kyang mi dmigs so zhes gsungs pa dang / glog thob/ de'i tshe bshan pa 'jigs su rung bas rgyang nas/ de bzhin gshegs pas chos bshad pa'i sgra thos nas
71a1 go bar gyur pas de ma thag tu gsod pa'i sems nye bar zhi bar gyur nas/ mtshon cha spangs te g.yang sa nas byung nas/ bcom ldan 'das de ga la ba der song
71a2 ste/ bcom ldan 'das kyi zhabs gnyis la mgo bos gtugs nas phyag byas te phyogs gcig tu 'dug nas/ bcom ldan 'das de la 'di skad ces gsol to/ /bcom ldan 'das/ bdag
71a3 ni deng de bzhin gshegs pa'i bstan pa la rab tu byung nas lam bsgrub par 'tshal lo zhes gsol pa dang / bcom ldan 'das kyis bka' stsal pa/ de rigs so/ /dge slong legs
71a4 par 'ongs sam zhes gsungs ma thag tu dge slong gi dngos por gyur nas bsnyen par rdzogs par gyur to/ /de nas de bzhin gshegs pa mchog tu skyes pas de'i lhag pa'i bsam pa
71a5 thugs kyis mkhyen nas mthar gyis yongs su smin par mdzad nas/ byang chub sems dpa'i spyod pa rnams rgya cher yang dag par bstan par 'jigs su rung ba thos nas sangs rgyas kyi
71a6 bstan pa la phyir mi ldog pa thob par gyur ro/ /glang de yang de bzhin gshegs pa des rten cing 'brel bar 'byung ba'i chos kyi tshig ston pa'i gsung sgra shin tu gya nom pa thos nas sems
71a7 la rab tu dga' ba skyes pas/ shi 'phos pa'i 'og tu dga' ldan gyi lha'i gnas su skyes nas tha mar byams pa dang phrad de/ yang dag pa'i dad pa dang ldan par 'gyur ro/ /glog thob/
71b1 de ltar na sems can rnams kyi spyod pa ni shin tu zab pa dang / rnam par rig par dka' zhing shes par dka' ba yin te/ de'i phyir/ glog thob/ byang chub sems dpa' gang gis bla na med pa
71b2 yang dag par rdzogs pa'i byang chub yongs su gnyer bar 'dod pas/ sems can gyi dbang po dang spyod pa dag la shin tu mkhas par byas nas sems can thams cad la mnyam pa'i sems
71b3 dang / thogs pa med pa'i sems la rab tu gnas te chos thams cad la rtag tu mngon par zhen pa med par bya'o/ /ci 'dod pa rnams yongs su spangs te tshul khrims rnam par dag pa bsgrub
71b4 par bya'o/ /bzod pa la gnas par bya'o/ /brtson 'grus bskyed par bya'o/ /bsam gtan dang / ting nge 'dzin la mnyam par gzhag par bya'o/ /yang dag pa ji lta ba bzhin du chos thams cad
71b5 kyi ngo bo nyid la so sor brtag par bya'o/ /glog thob/ byang chub sems dpa' gang chos drug po de dag yongs su rdzogs par gyur na myur du bla na med pa yang dag par rdzogs pa'i byang chub
71b6 mngon par rdzogs par 'tshang rgya bar 'gyur ro/ /ji ltar yongs su rdzogs par byed ce na/ 'di lta ste/ thams cad mkhyen pa'i ye shes la brten nas mngon par sgrub par byed pa'i phyir ro/ /
71b7 glog thob/ byang chub sems dpa' rnams kyi chos kyi gter gang zhe na/ 'di lta ste/ byang chub sems dpas gzugs thams cad yang dag pa ji lta ba bzhin du rab tu rtogs shing / gzod
72a1 ma nyid nas skye ba med pa dang / rang bzhin gyis rnam par dag pa mthong ba gang yin pa'o/ /byang chub sems dpa' ni gzugs la mkhas pa thob pa'i phyir so so yang dag
72a2 par rig pa bzhi dang ldan par 'gyur ro/ /bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa
72a3 dang | spobs pa so so yang dag par rig pa'o/ /de la don so so yang dag par rig pa ni gzugs kyi don rnams la thogs pa med par gyur pa'i phyir ro/ /gzugs kyi don gang zhe na/ 'di
72a4 lta ste| don dam pa gang yin pa'o/ /don dam pa gang zhe na/ 'di lta ste/ gzugs dmigs su med pa gang yin pa ste/ don dam pa'i ye shes la 'di lta bu dang ldan pa gang yin pa de ni
72a5 don so so yang dag par rig pa zhes bya'o/ /chos so so yang dag par rig pa ni gzugs kyi chos rnams yang dag pa ji lta ba bzhin du so sor brtags nas yang dag pa ji lta ba bzhin du
72a6 rab tu shes pa gang yin pa de ni chos so so yang dag par rig pa zhes bya'o/ /nges pa'i tshig so so yang dag par rig pa ni 'di lta ste/ gzugs rnams la thogs pa med pa'i ye shes kyi
72a7 thabs la mkhas pas nges pa'i tshig rnam pa sna tshogs kyis rnam par 'byed pa gang yin pa de ni nges pa'i tshig so so yang dag par rig pa zhes bya'o/ /spobs pa so so yang dag par
72b1 rig pa ni 'di lta ste/ gzugs kyi chos rnams sems can gyi dbang po ji lta ba bzhin du rnam par phye ste ston par byed kyang kun nas nyon mongs pa med cing mngon par zhen pa med pa gang yin pa de ni spobs
72b2 pa so so yang dag par rig pa zhes bya'o/ /byang chub sems dpa' ni 'di lta bu'i ye shes dang ldan pas gzugs kyi chos la rmongs shing mngon par zhen par gyur pa'i sems can thams cad kyi rang bzhin
72b3 dang | 'dun pa ji lta ba bzhin du rtsol ba med pa'i ye shes kyis ci rigs par chos ston par byed kyang chos kyi dbyings la mtshan nyid gnyis su gyur pa med de/ sgra dang / dri dang / ro dang / reg bya dang /
72b4 chos kyi bar du yang de bzhin du rgyas par sbyar te/ glog thob/ 'di ni byang chub sems dpa' sems dpa' chen po rnams kyi chos kyi gter zhes bya'o/ /byang chub sems dpa' gang gis gter
72b5 'di thob par gyur na spyod yul rnams la rmongs par gyur pa'i sems can de lta bu dag yongs su gdul bar 'dod pa'i phyir/ de dag gi mos pa ji lta ba bzhin du de dag re re la yang bskal
72b6 pa'am/ bskal pa las lhag par tshig rnam pa sna tshogs kyi thabs la mkhas pas chos ston par byed kyang de dag gi mtha' yang rnyed par mi 'gyur la/ byang chub sems dpa' de'i shes rab la
72b7 yang 'grib pa med cing chos kyi dbyings dang mi 'gal bar gnyis su med cing dbyer med pa'i rjes su 'brang ba gang yin pa 'di ni/ byang chub sems dpa' thabs la mkhas pas chos thams
73a1 cad dbyer med pa'i mtshan nyid bstan pas 'thob pa'i chos kyi gter zhes bya'o/ /chos kyi gter 'dis sems can dag la ci rigs par chos bstan nas zad mi
73a2 shes pa'i chos kyi gter phun sum tshogs par gyur te/ 'khor ba'i rgyud pa gtan du spong ba gang yin pa 'di ni/ glog thob/ byang chub sems dpa' sems dpa' chen po rnams kyi gter
73a3 chen po dang / zad mi shes pa'i gter dang / kun tu zad mi shes pa'i gter dang / mtha' med pa'i gter rnam pa lnga zhes bya'o/ /byang chub sems dpa' gang gter 'di lta bu dang ldan
73a4 par gyur na yong tan khyad par du 'phags pa rnams yongs su rdzogs par 'gyur ba'i phyir tshegs chung dus myur du bla na med pa yang dag par rdzogs pa'i byang chub tu mngon par rdzogs
73a5 par 'tshang rgya bar 'gyur ro/ /chos kyi gter bstan pa'i chos kyi rnam grangs 'di bstan pa'i tshe byang chub sems dpa' glog thob ni gzungs rab tu thob par gyur to/ /byang chub sems
73a6 dpa' lnga brgya ni glog gi 'od zer zhes bya ba'i ting nge 'dzin thob par gyur to/ /lha'i bu sum khri drug stong ni bla na med pa yang dag par rdzogs pa'i byang chub tu sems bskyed par
73a7 gyur to/ /de nas bcom ldan 'das la byang chub sems dpa' zla ba'i rgyal mtshan gyis 'di skad ces gsol to/ /bcom ldan 'das kyis 'di skad du rtsol ba ma mchis pa'i ye
73b1 shes zhes gang gsungs pa de'i don ji lta bu lags/ bcom ldan 'das kyis bka' bstsal pa/ byang chub sems dpa' gang gis dge ba'i chos rnams la lus dang sems kyi rjes su mthun par
73b2 dmigs shing mngon par 'du byed pa gang yin pa de ni rtsol ba dang bcas pa zhes bya'o/ /byang chub sems dpa' gang lus dang sems rab tu dul bar gyur nas dran pa med pa/ gnas pa med
73b3 pa| rnal 'byor bsgom pa'i mtshan ma dang bral bar gyur pa dang / de sngon gyi smon lam dang ye shes yongs su rdzogs par gyur pas sangs rgyas kyi zhing bye ba stong phrag mang po rnams su rnam
73b4 pa sna tshogs su ston par byed kyang chos kyi dbyings las g.yo ba med pa dang / rtag tu chos ston par byed kyang chos kyi mtshan ma cung zad tsam yang med pa dang / bsdu ba'i dngos po bzhis
73b5 sems can yongs su smin par byed kyang sems can gang yang yongs su bzlas pa med pa dang / sangs rgyas kyi zhing thams cad yongs su sbyangs kyang sangs rgyas kyi zhing yongs su dag pa
73b6 yang dag par rjes su mi mthong ba dang / rtag par sangs rgyas rnams rjes su dran par byed kyang gzugs kyi mtshan nyid du mi lta ba dang / sangs rgyas kyi zhing kun tu rgyu bar byed kyang chos
73b7 kyi dbyings dang mi 'bral gang yin pa 'di ni byang chub sems dpa'i rtsol ba med pa'i ye shes zhes bya'o/ /byang chub sems dpa' rnams ni 'di lta bu'i ye shes dang ldan pa'i phyir
74a1 sems can thams cad kyi re ba yongs su rdzogs par byed kyang gang byas pa de dag la yang mngon par zhen pa yang med do/ /de'i tshe bcom ldan 'das kyis rtsol
74a2 ba med pa'i ye shes 'di bstan pa na stong gsum gyi stong chen po'i 'jig rten gyi khams 'di rnam pa drug tu g.yos par gyur to/ /brgya byin lha'i dbang po yang sum cu rtsa gsum gyi lha
74a3 rnams dang bcas te steng gi bar snang las me tog man da rab ba dang / ut+pa la dang / ku mu ta dang / pad+ma dang / pun da ri ka dang / tsan dan gyi phye ma'i char mngon par phab ste /
74a4 bcom ldan 'das la mngon par bstod do/ /lha'i rnga rnams kyang rang sgra byung bar gyur to/ /ngo mtshar rmad du byung ba'i snang ba chen pos kyang kun tu snang bar byas te/ sems
74a5 can gang la reg par gyur pa de'i lus kyang shin tu bsil bar gyur to/ /de nas bcom ldan 'das kyis byang chub sems dpa' glog thob la bka' stsal pa/ glog
74a6 thob/ 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gnas 'dir chos kyi rnam grangs 'di lta bu gsungs
74a7 so/ /ma byon pa'i de bzhin gshegs pa rnams 'jig rten du byung ba'i tshe yang gnas 'dir chos kyi rnam grangs 'di lta bu gsungs bar 'gyur ro/ /'jig rten gyi khams
74b1 tshad med grangs med pa dag na da ltar bzhugs pa'i de bzhin gshegs pa rnams kyang chos kyi rnam grangs 'di rgyun mi 'chad par mdzad pa'i phyir 'od zer chen po 'gyed par
74b2 mdzad do/ /de nas tshe dang ldan pa kun dga' bo stan las langs te bla gos phrag ba gcig tu gzar nas pus mo g.yas pa'i lha nga sa la btsugs te/ bcom ldan 'das ga la bde
74b3 logs su thal mo sbyar nas bcom ldan 'das la 'di skad ces gsol to/ /bcom ldan 'das/ chos kyi rnam grangs 'di'i ming ci lags/ bdag gis ji ltar yongs su gzung
74b4 bar bgyi/ bcom ldan 'das kyis bka' stsal pa/ kun dga' bo/ chos kyi rnam grangs 'di ni mi zad pa'i gter bstan pa zhes bya'o/ /chos thams cad dbyer med pa'i mtshan nyid bstan
74b5 pa zhes bya ste/ khyod kyis de ltar yang ming yongs su gzung bar bya'o/ /bcom ldan 'das kyis de skad ces bka' stsal nas/ byang chub sems dpa' glog thob dang / tshe dang ldan pa
74b6 kun dga' bo dang / 'khor bzhi po rnams dang / lha dang mi dang lha ma yin dang dri zar bcas pa'i 'jig rten thams cad bcom ldan 'das kyis gsungs pa la yi rangs te mngon
74b7 par bstod do// //'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ mi zad pa'i gter bstan pa'i le'u zhes
bya ba ste 'dus pa nyi shu ba rdzogs so/
CLOSE WINDOW