བོད་ཡིག |
184a1 / //de nas bcom ldan 'das ma nor rgyun ma'i rtog pa bshad par bya ste/ dang po re
184a2 zhig dpyid zla tha chung gi dkar po'i phyogs kyi tshes gcig la rgya mtshor 'bab pa'i chu bor song ste/ de nas nu ma'i bar du chu'i nang du nub par byas te 'dug
184a3 la nyi ma la sngon du phyogs par yongs su brtags la ji snyed gnas kyi bar du bzlas pa bya'o/ /bza' ba thams cad spangs te nyon mongs shing smra bcad
184a4 byas te nub bdun du bzlas pa bya'o/ /de nas bcom ldan 'das ma'i thang sku yang dbu skra ma gtogs par gur gum dang / tsan+dan gyis byug par bya ba ni/
184a5 nub mo snga bar langs te chur khru bdun/ zheng du khru bcu dang bcas pa la tshon sna ma lus pa gso sbyong dang ldan pa'i lha bzos bcom ldan 'das ma mdog
184a6 ljang ser sna tshogs pa'i rgyan gyis brgyan pa/ phyag g.yas pa na 'bras bu chen po bsnams pa/ phyag g.yon pa na sgrub pa po rnams la ster ba'i rin po
184a7 che'i za ma tog mu tig dang / rdo rje pha lam dang / bai DUR+ya'i 'bras bu can bsnams pa'i phyag dang ldan par bya'o/ /steng du lha'i bu rin po che char mngon du 'bebs
184b1 bzhin pa bya'o/ /g.yas logs su dpal chen mo pad+ma'i phyag can sgrub pa po la nye bar dgongs pa la gnas bzhin pa bya'o/ /g.yon logs su pad+ma'i dpa'
184b2 rin po ches snyim pa gang ba bya'o/ /'og tu sgrub pa po pad+ma'i lag pa can bya'o/ /de nas thang sku sku gdung dang bcas pa'i mchod rten gyi drung du nub phyogs su kha
184b3 bstan la bkram ste/ de nas nye bar spyod pa'i gtor ma ma gtogs pa mdzod kyi bzhes pa yang dbul zhing dri zhim po'i me tog gis mchod pa chen po byas la
184b4 tsan+dan dang / a ga ru'i bdug pas bsreg par bya'o/ /zhun mar gyi mar me brgya 'bum 'bul bar bya'o/ /de nas stan gcig la gnas la bcom ldan
184b5 'das ma'i zhal la dmigs la nub mo mtshan bzlas pa byas na/ de nas skya rengs shar ba'i dus su skyes bu chen po tsam gyi nor rin po che thams cad kyi rgyun
184b6 'bab cing khang ba gang bar 'gyur ro/ /yang na mtshan mo phyed na chu'i nang du zhugs la brgyad brgya bzlas par bya'o/ /zla ba gcig tu gcig gi sbyor bas nor gyi
184b7 rgyun 'bab par 'gyur te/ mi shes par kha cig 'phel bar 'gyur ro/ /yang na rgyal po'i dkor mngon par 'dod na nyin mo chu'i nang du bzlas pa bya zhing / /mtshan
185a1 mo'i phyed na til gyis sbyin sreg brgyad brgya byas na/ rgyal rigs las rnyed pa chen po thob bo/ /yungs kar mar la bsres nas sbyin sreg/
185a2 byas na/ rgyal po dbang du byed do/ /kun tu ra'i sbyin sreg byas na/ rgyal po'i blon po dbang du byed/ /kha cig gis ni/ sbyor ba gang gis mtshan mo
185a3 bcom ldan 'das pad+ma'i gdan can dran par byas na/ sbyin bdag chen por 'gyur ro/ /yang na sgrub thabs chen po bshad par bya ste/ cho 'phrul gyi
185a4 dkar po'i phyogs kyi tshes gcig nas brtsams te zas ci srid du bcad nas gdung dang bcas pa'i mchod rten gyi drung na thang ga nub phyogs su bstan la
185a5 dgram zhing / nyin mo shes rab kyi pha rol tu phyin pa bklag cing / mtshan mo stan gcig la gnas pas nub ya la gyis bzlas pa byas na/ nor gyi phung
185a6 po chen po rnyed de/ 'thor gnod byas kyang 'dzang bar mi 'gyur te/ lha khang chen po bya'o/ /chog 'di'i cho 'phrul gyi dkar po'i phyogs la bzlas pa byas na/
185a7 'khor los bsgyur ba 'thob cing / /bcom ldan 'das ma nor rgyun ma dngos su mthong zhing phyir mi ldog pa'i byang chub sems dpar 'gyur ro/ /ji ltar de
185b1 ltar tshangs spyod bya zhing / /kha na ma tho ba'i zas chang dang / nya sha la sogs pa sbangs shing mtshan mo bzlas pa byas na/ dbul por mi 'gyur ro/ /de nas bcom
185b2 ldan 'das la 'phags pa kun dga' bo dang / zla ba bzang po yongs su dga' nas khyim bdag zla ba bzang po'i don du gsungs pa la mngon par bstod do/ /bcom
185b3 ldan 'das ma nor rgyun ma'i rtog pa rdzogs so// //na mo rat+na tra yA ya/ oM pa su d+ha re swAhA/ snying po'o/ na mo rat+na tra yA ya/ oM bA su shrI
185b4 swA hA/ nye ba'i snying po'o/ /na mo rat+na tra yA ya/ oM bA su swAhA/ nye ba'i snying po'i yang nye ba'i snying po'o/ /thal mo sbyar te gung mo gnyis dang / de nas
185b5 srin lag gnyis dang / mthe'u chung gnyis gshibs te bsdigs mdzub phan tshun sbrel la/ mthe'u chung gnyis cung zhig bsnol te rtse mo gnyis rgyab sprad
185b6 de khab lta bu byas la/ gung mo rtse sprad pa la mtheb mo zung gcig de'i 'og tu sbyar te reg pa bcas pa ni/ rab tu gzung ba'i rtog pa las gsungs pa ste/ las
185b7 thams cad sgrub pa'i bcom ldan 'das ma nor rgyun ma'i gzungs 'di thub pas gsungs pa'o/ /na mo rat+na tra yA ya/ oM shrI ka ri/ d+ha na ka ri d+ha na ka ri swAhA/
186a1 bsgrub par bya ba'i sngags so/ /rig pa 'di'i dang po re zhig dam tshig gi phyag rgya ni sor mo rnams thal mo sbyar la mtheb chen dbus su bcug pa ni bcom ldan 'das ma'i dam tshig gi phyag
186a2 rgya'o/ /oM sa ma ye/ sa me sa ma ya ka ri/ ma hA sa ma ye swA hA/ dam tshig gi phyag rgya dang sngags so/ /phyag rgya de nyid la sdigs mdzub gnyis brkyang ba ni me tog gi phyag rgya yin te/ oM ba su d+he swAhA/
186a3 me tog gi phyag rgya de nyid las gung mo brkyang ba ni bdug spos kyi phyag rgya yin te/ sngags ni/ oM ba su d+ha re swAhA/ phyag rgya 'di nyid la ming med brkyang ba'i phyag rgya yin te/ sngags ni/ oM ba su d+ha ma ti
186a4 shri ye swAhA/ phyag rgya 'di nyid la mthe'u chung gi sen mo mtheb chen gyis bkab ste sor mo gzhan rnams rdo rje'i mtshan nyid du byas pa ni mar me'i phyag rgya ste/ sngags ni/ oM ba su d+ha ri Ni swAhA/ sen mo gan rkyal
186a5 du byas la mthe bong gnyis logs su sbyar ba ni gtor ma'i phyag rgya ste/ sngags ni/ oM ba su d+ha re ne swAhA/ lhag ma nye bar spyod pa nyi shu rtsa ba'i sngags kyis thun mong gi phyag rgya'am/ sngags kyis bsgrub par bya'o//
186a6 bcom ldan 'das ma'i thang ga'i cho ga ni nyams pa med cing / /skra'i nyams pa med pa skud pa ma chad pa'i zheng du mtho gang gi tshad nyid la ring du mtho do byas te steng du bcom ldan 'das bri/ g.yas su 'phags pa
186a7 spyan ras gzigs bya/ g.yon du rdo rje 'chang bya/ bcom ldan 'das kyi 'og thang ga'i dbus su bcom ldan 'das ma bri ste/ gser gyi mdog can rgyan thams cad kyis brgyan pa/ gos srab mo'i sham kag mnabs pa/
186b1 de bzhin du gos srab mo'i stod g.yogs can/ kha dog sna tshogs kyi sham thabs dang ldan pa'o/ /de nas 'og phyogs su sgrub pa po lag na mchod pa'i cho ga bya'o/ /de nas sgrub pa pos gtsang sbra byas gos gtsang ma gyon te gso sbyong yan lag
186b2 brgyad bya'o/ /de'i mdun du bsnyen pa 'bum phrag gcig byas la ji ltar 'byor pas mchod pa'i cho ga bya'o/ /de nas sgrub pa po dang ldan pas smyung ba byas te zhing gi dbus su thang sku bzhugs su gsol te/ dri dang / me tog dang / bdug pa
dang /
CLOSE WINDOW