བོད་ཡིག |
25b7 rgya gar skad du/ AR+ya badzra kro d+ha rA dzA kalpa la g+hu ta n+t+ra nA ma/ bod skad du/ 'phags pa rdo rje khro bo'i rtog pa bsdus pa'i rgyud ces bya ba/
26a1 dpal 'jam pa'i dbyangs la phyag 'tshal lo/ /'di skad bdag gis thos pa dus gcig na/ bcom ldan 'das gzhan 'phrul dbang byed kyi
26a2 nam mkha'i rlung gi dkyil 'khor rdo rje snying por byin gyis brlabs pa'i steng du rin po che sna bdun las grub pa lha'i gzhal med khang bye ba phrag brgyad cus bskor
26a3 ba'i dbus su dpag tshad 'bum phrag khyab pa'i khang pa brtsegs ma shin tu mtho ba/ kun kyang rin po che du ma'i khri pad+ma dang seng+ges mtho ba/ dbu rtse rin po che zur
26a4 mang gi mchod rten pad+ma dang / 'khor lo dang / gdugs mtho bar drangs pa la dar gyi dpyangs lding ba/ de'i grib ma sa gzhi la bkod pa na byang chub sems
26a5 dpa'i tshogs rnams lha'i bzhon pa las babs nas nang du gshegs pa/ sna tshogs pa'i dril bu dang / ba dan dang / rin po che'i me tog gi phreng ba dang / dra ba
26a6 dang / dra ba phyed pa dang / rnga yab dang / zla ba phyed pa dang / rdo rje phyed pa dang / chu 'phyang shar bu la sogs pa du mas mdzes pa/ sgo khyud khyams dang / sgo glegs
26a7 dang / rin po che'i me long dang / gdugs la sogs pa du mas khyab pa/ rin po che'i pha gu brtsegs te mdzes par byas ba du ma de thams cad kyi dbus su 'khor gyi
26b1 dkyil 'khor chen po dang lhan cig tu bzhugs so/ /de yang 'di lta ste/ byang chub sems dpa'i tshogs ni/ 'phags pa spyan ras gzigs kyi dbang phyug dang /
26b2 'jam dpal dang / kun tu bzang bo dang / byams pa dang / sgrib pa thams cad rnam par sel ba dang / zhi ba'i blo gros dang / sna tshogs bkram pa dang / mkha'
26b3 'od me tog 'chang dang / nam mkha'i snying po dang / gzugs mdzes dag pa dang / sa'i snying po dang / phyag na rdo rje la sogs pa byang chub sems dpa' sems
26b4 dpa' chen po bye ba phrag bdun dang / shA ri'i bu dang / mau dgal dang rta thul dang / 'od srung la sogs pa bye ba phrag bzhi dang / grags chen snyan pa chen po brgya byin
26b5 dang / tshangs pa dang / khyab 'jug dang / dbang phyug dang / lus ngan pa dang / gshin rje dang / dga' rab dbang phyug la sogs pa lha'i rigs sum brgya dang lhan
26b6 cig tu chos kyi rnam grangs gsang sngags zhes bya ba la 'jug pa gang zhig byang chub sems dpa' dang / nyan thos dang / 'jig rten skyong ba la sogs pa rnam pa du
26b7 ma dang ldan pa'i 'khor rnams la dgongs pa tha dad kyi bsam pa dang mthun pa'i bkod pa chen po bskyed pa dang / cho 'phrul du ma bsgyur ba dang / 'od zer du ma 'gyed cing
27a1 thabs cig tu bzhugs so/ /de nas bcom ldan 'das kyis 'dzum bzhin du 'khor la gzigs nas ljags kyi dbang po bkram ste byang chub
27a2 sems dpa' sems dpa' chen po phyag na rdo rje la bka' stsal pa/ yi ge ming tshig dag gi sgos/ /sngags dbyibs chos su byin brlabs kyis/ /yi ge sgra
27a3 tsam phyed dam gcig /mngon sum rjes 'jug ring thung dang / /dbyangs dang gsal byed mtshan mas mtshan/ /sa bcu pha rol phyin bcu bdag /dbang bcu don
27a4 bcu rnam pa bcu/ /mi 'jigs bzhi dang ma 'dres chos/ /byams dang thugs rje chen po dag /dbyangs gcig gis ni sngags gyis su/ /sdug bsngal sna tshogs rab
27a5 zhi dang / /yid 'phrog dpal 'byor dbang phyug dang / mthu stobs du ma bskyed pa dang / rtag gnas thob dang don nges thob/ /rdo rje bla na med sems bskyed/ /mdor
27a6 na gang gis gang 'dod pa/ /bsam pas sems rnams rdzogs pa'i phyir/ /rdo rje bla na med pa gsor/ /chos sgra bla na med pa sgrog /'khor lo bla na med pa bskor/ /ral gri
27a7 bla na med pa zungs/ /pad+ma bla na med pa chongs/ /rin chen bla med gsal bar gyis/ /dkyil 'khor tshul du spros nas kyang / /mchod rten tshul du bsdu bar gyis/ /lha klu
27b1 gnod sbyin dri za dang / /lha min mkha' lding mi 'am ci/ /srin po sha za brjed byed tshogs/ /'jigs pa dag kyang 'jigs gyur pa'i/ /rnam 'phrul du ma 'di sgyur cig /
27b2 gsung mchog de skad thos ma thag /lag na rdo rje mthu bo che/ /dga' mgu thal mo rab sbyar te/ /snyan pa'i tshig gis 'di gsol te/ /gser dang rin chen lnga po las/ /
27b3 rab mchog ri bor gyur pa las/ /'gro rnams kun gyi rten gnas dang / /rtags su yang dag 'dzin pa ltar/ /rnam par shes dang phung po bzhi/ /'byung ba rnam par
27b4 dag bsgrubs pas/ /lha dang phyag rgya 'phrin las su/ /sngags shes rnams kyis bzung byas nas/ /brtul pa'i ye shes byang chub rim/ /khyad par de la ldan par
27b5 'gyur/ /de nas bcom ldan thub pa che/ /kun mkhyen ye shes gtso bo ches/ /sku las sna tshogs mdangs 'od can/ /'od zer du ma byung nas kyang / /gzhi dang snying po me
27b6 tog gis/ /brgyan pa'i zhing rnams khyab byas tshe/ /sa yang rnam pa drug tu g.yos/ /'jig rten skyong dang bdun gyi tshogs/ /ma lus pa rnams rgyal par 'gyur/ /nyan thos
27b7 rang rgyal 'dar bar gyur/ /byang chub sems dpa' blo ldan gyi/ /tshogs rnams shin tu skrag par gyur/ /de tshe phyogs bcu'i zhing rnams nas/ /sangs rgyas kun gyi mdzod
28a1 spu nas/ /khro bo chen po'i tshogs byung ba/ /'od zer rtse mos drangs nas su/ /zhing dbus dkyil 'khor 'di ru lhags/ /'od zer tshogs
28a2 kyang rab 'dus nas/ /dpal be'u nyid du thim par gyur/ /de tshe 'od de'i byin rlabs las/ /mkha' la sgra 'di grags par gyur/ /shAkya'i mgon po rdzogs sangs
28a3 rgyas/ /gang du gzi brjid che bzhugs slad/ /chos kyi dbyings las byung ba yi/ /rgyal ba'i sras po thams cad gshegs/ /dri ma med pa'i dam chos mchog /
28a4 gsang sngags spyod pa'i tshul dge ba/ /thos nas byang chub 'dus ma byas/ /'jig rten mgon po brnyas par gyur/ /de nas lag na rdo rje tshogs/ /'khor gyi dkyil
28a5 'khor thams cad kyang / /snyim pa me tog bkang byas te/ /gtor nas phyag 'tshal bskor ba byas/ /dang zhing gus pa'i tshul gyis su/ pus btsugs thal
28a6 sbyar gsol ba 'debs/ /mi gnas ye shes che ba'i mchog /yon tan rgya mtsho 'byung ba'i gtso/ /mtshan nyid thams cad rab brgyan pa/ /mtshan min spangs pa'i
28a7 thub pa che/ /dri me dge ba ji ltar lags/ /gsang sngags tshul du spyod pa ci/ /'dus ma byas pa'i byang chub gang / /'jig rten mgon po ji ltar 'gyur/ /bdag
28b1 cag rnams la sman rab dang / /'gro la thugs rje che mdzad phyir/ /mgon po bcom ldan thub pa che/ /yang dang yang du bshad du gsol/ /de nas yang dag rdzogs sangs rgyas/ /
28b2 rkang gnyis gtso bos bka' stsal pa/ /gsang ba'i dbang phyug rdo rje 'dzin/ /shes rab chen po'i spyan ldan pas/ /bdag gzhan phan don la brtson phyir/ /legs par
28b3 nyon la yid la zungs/ /yang dag yang dag mtha' min tshul/ /de ni nga yis bshad par bya/ /srog gcod ma byin len rdzun 'khrig /tshig rtsub dbyen dang ngag kyal
28b4 smra/ /brnab sems gnod sems log lta chang / /dri ro ngan pa'i zas skom dang / /srog can sha khrag log 'tshor bcas/ /slob dpon dge 'dun mchod rten sogs/ /khyad
28b5 par yul can yo byad dang / /dman zhing nyam thag 'phrog dgu dang / glegs bam tshong dang chos kyi zong / /g.yang sa ral gri so dgu sogs/ /me 'o bas ltar mthong spangs
28b6 nas kyang / /rnam par dkar la sogs par bya/ /yi ge 'bri mchod sbyin stsol dang / /nyan dang 'dzin dang klog pa dang / /mchod pa dang / ni kha ton dang / /de dag sems dang
28b7 sgom pa ste/ /dkar bcu lam la yun ring dang / /nub bcus rgyun mi 'chad du 'bad/ /gtan pa med pa'i byang chub sems/ /shel ltar dri ma med pa'o/ /mchog 'di spyad
29a1 pas sdug bsngal tshogs/ /myur du gcod pas dge ba'o/ /chos bdag med dang mnyam nyid dang / /rang sems gdod nas dag pa gang / /
29a2 sgyu 'dra 'du byed med pa dang / /zag bcas de dang bral ba las/ /byang chub phyogs chos ma lus pa/ /chos nyid bdag med spyod pa ni/ /chos dbyings ye shes
29a3 mngon byas nas/ /ma 'dres chos rnams rdzogs gsal ba/ /'dus ma byas kyi byang chub ste/ /chos rnams kun gyi gzhi lus so/ /'dod pa'i khams sogs yon
29a4 tan la/ /shin tu bde rol spyad pa spyod/ /sangs rgyas mu stegs can rnams kyi/ /lkog tu gyur pa gsang ba ste/ /bskal pa bsam yas dpag med du/ brlab
29a5 dka' yangs zab rgya chen rnams/ /sngags dang phyag rgya ting 'dzin du/ /lus ngag yid la gang gnas pa/ /dbyer med tshul du skyob pas na/ /sangs rgyas kun
29a6 gyis sngags su brjod/ /mtshan dang dpe byang ldan pa'i sku/ /yon tan mtha' dag rdzogs pa ni/ /bden pa gnyis la gnas pa yi/ /byang chub sems dpa' rnams
29a7 kyi mgon/ /la la 'khor los bsgyur ba'i gzugs/ /la lar dag sbyong chen po'i gzugs/ /la lar srin po srin mo'i gzugs/ /la lar 'gro ba bzang po'i
29b1 gzugs/ /chos kyi 'khor lo bskor ba dang / /seng+ge ltar gzigs mdzad la sogs/ /sna tshogs du ma mdzad pa ni/ /rkang gnyis lha min rnam gnyis sogs/ /'gro ba'i mgon
29b2 por gyur pa'o/ /rtag dang 'dra dang nges med pa'i/ /gtso bo bsam pas gyur pa rnams/ /'jig rten phal ba'i mgon po ste/ /gzugs byad kha dog tha dad pa/ /yul dus
29b3 rnam pa'i bye brag gis/ /grangs mi byung ba mchod 'os so/ /thub pas gsungs pa'i de ma thag /rdo rje can gyis bzhengs nas kyang / /phyag 'tshal bskor ba byas nas ni/ /
29b4 spyan sngar 'dug nas 'di skad gsol/ /'dren pa gtso bo bcom ldan 'das/ /sngags zhes pa ni gang gang yin/ /phyag rgya zhes ni ci lta bu/ /ting 'dzin zhes ni ji ltar
29b5 bshad/ /lus ngag yid la ji ltar gnas/ /dbyer med tshul du ji ltar skyob/ /bdag la phan pa'i don phyir dang / /gzhan la brtse phyir bshad du gsol/ /de nas rgyal ba
29b6 gtso mchog ni/ /ljags kyi dbang po bkram byas te/ /tshangs pa chen po'i gsung snyan gyis/ /rnam rtog zad phyir 'di gsungs so/ /snying po nye snying rtsa ba'i sngags/ /las kyi
29b7 sngags su gyur pa ste/ /snying po brjod dang sa bon no/ /nye snying ye shes mchog dang ni/ /gsang ba'i snying po zhes grags so/ /las kyi sngags ni gnyis yin te/ bdag
30a1 nyid brtan byed las sngags dang / /sbyor tshogs grub par byed pa'o/ /phyag rgyal lag pa'i 'du byed dang / rkang pa stabs ki 'gyur ba'o/ /rtags
30a2 su mtshon dang 'debs pa dang / /'gyur ba med par byed pas na/ /phyag rgya zhes su bshad pa'o/ /rang gi rtse gcig sems bsdus na/ /sems la lhag pa'i chos
30a3 'bebs pa/ /de ni ting nge 'dzin zhes bya/ /de ltar de dag la brten nas/ /snga ma'i gnas de yongs gyur nas/ /sgo nga bral ba'i 'dab bzang ltar/ /lus 'di mkha' la
30a4 cher song nas/ /rgyal ba'i zhing khams thams cad du/ /rgyal ba'i dam chos mnyan nas kyang / /rgyal sras kun la bshad pa dang / /skad cig mkhyen pa'i shes
30a5 pas kyang / /shes bya ma lus phyogs khyab pa/ /lus ngag yid la gnas pa'o/ /sems dang yid ni 'dres pa'i tshe/ /ye shes bde bar shar ba ni/ dus gsum
30a6 sangs rgyas thams cad kyis/ /dbyer med tshul du skyob ces gsungs/ /'phags pa rdo rje khro bo'i rgyal po'i rtog pa bsdus pa'i rgyud las/ lhag par gnas pa'i don
30a7 yongs su bkod pa'i le'u ste dang po'o// // zhi bas gdul dka' bgegs chen dang / /log 'dren de rnams 'dul ba'i phyir/ /sems kyi bye
30b1 brag thugs chud nas/ /de dang gzugs 'dras gzhom pa'i phyir/ /rtog med nam mkha'i lam gnas te/ /rdzogs sangs gdul dka' 'dul mdzad sku/ /rab 'phags
30b2 khro bo stobs chen dpal/ /sangs rgyas kun gyi sras kyi sras/ /mi g.yo'i mtshan grags de la 'dir/ /rgyal dang rgyal sras rtag phyag 'tshal/ /tshangs sogs lha dang
30b3 lus can kun/ /de la rtag tu mchod par byed/ /rgyal bas byas gzo rgyal sras kyi/ /smon rdzogs bsam gyis mi khyab pa'i/ /ye shes rdzogs nas mi g.yo'i sa/ /thob
30b4 pas mi g.yo ba zhes bya/ /phas kyi rgol 'joms dpa' bo ste/ /tshar gcod pa ni khro bo yin/ /sngags kyi bden tshig mi slu bas/ /nyan thos bdud tshogs kyis mi g.yo/ /
30b5 rtog med bdud rtsi khro bas rgyal/ /rdzu 'phrul bskyod med mi g.yo ba/ /de bzhin nyid kyi snying po mchog /stong nyid las byung rgyal ba'i sku/ /chos dbyings bdag nyid la
30b6 bzhugs nas/ /sprul 'dis srid pa'i khams sbyong mdzad/ /mkha' ltar dri med spros bral bas/ /dus gsum sangs rgyas thams cad 'byung / /spros med nam mkha'i
30b7 rang bzhin la/ /tha dad tsam du gsang sngags zhes/ /brjod kyang ngag gi spyod yul 'das/ /skyob pas tha snyad rtogs phyir gsungs/ /sems med rang bzhin stong pa nyid/ /sgyu
31a1 'drar yid kyis bsgom pa yin/ /dngos med mnyam mdzes 'dod don rnams/ /gsang sngags mgon 'dis brjod pas stsol/ /mu stegs bdag dang
31a2 srog gang zag /gtso bo skyes bu khyab gnas pas/ /'khor ba rtag 'dod nga rgyal rmongs/ /log pa'i zhags bcings sdug bsngal skyed/ /bdag med srog med sems can med//
31a3 byed po med cing gtso bo med/ /khyab gnas med cing dngos po med/ /rdzas la sogs pa'i rang bzhin med/ /log rtog srid 'ching zhags bcad phyir/ /dngos med sna tshogs
31a4 gzugs bsgoms pas/ /dngos grol stong nyid go 'phang thob/ /phyi nang khyad par goms pa'o/ /dbu ba chu bur sgyu 'drar bsgom/ /stong nyid las ldang ting 'dzin gyis/ /rnam
31a5 rtog sdig bcings las grol nas/ 'chi med ye shes go 'phang thob/ /phung po khams dang skye mched med/ /kun gzhi med de gang zag med/ /gzung 'dzin med de bcings
31a6 med par/ /rgyal ba rnams kyis rtag tu bshad/ /kun med kun bral kun spangs pa'i/ /stong nyid byang sems sgyu 'dra bar/ /bag yod pas ni rtag bsgoms na/ /byang chub sems
31a7 kyi myu gu 'char/ /yid bzhin nor 'dra rdzu 'phrul che/ /mkha' ltar gos pa med pa'i sku/ /sngags spyod byang chub sems dpa' yi/ /byang chub sems kyi sgom pa thob/ /ngo
31b1 mtshar gsungs te thos ma thag /khro bo rnams kyis gtso bo bstod/ /rtag tu dag cing dri med pa/ /rnam rtog rgyun 'ga' kun rtog med/ /rtag rtog med la zhugs pa yi/ /dpa'
31b2 bo chen po phyag 'tshal bstod/ /ches kun g.yo ba med pa khyod/ /spyod yul kun tu legs sbyar bas/ /kun mkhyen g.yo ba med pa rtag /rang bzhin spros bral khyod phyag
31b3 'tshal/ /sems can sna tshogs phan don du/ /mdzad spyod sna tshogs gsungs pa'o/ /dag pa'i lam rnams yang dag 'byung / /rnam dag sems la phyag 'tshal bstod/ /
31b4 mun pa phra rab rdul spangs ba'i/ /sprin bral nam mkha' dag pa ltar/ /mgon po khyod sku shel sgong lta/ /kun rtog spangs la phyag 'tshal bstod/ /spros med nam mkha'
31b5 lta bu la/ /dngos po thams cad dang bral ba/ /phung khams skyed ched shin tu dag /ye shes rgya mtsho phyag 'tshal bstod/ /mkha' la 'ja' shar sna tshogs ltar/ /gtso khyod dag
31b6 pa'i sems can gzigs/ /ngan 'gro kun sgrol dpa' chen 'khrungs/ /go cha chen po phyag 'tshal bstod/ /chos nyid las byung snying po ni/ /yi ge gcig pa gzi brjid che/ /sems can
31b7 sdug bsngal sa gzhi la/ /mun 'khrigs sel la phyag 'tshal stod/ /sngags mchog gzo bo'i gsang ba 'dis/ /rgyal sras chos 'phel shes rab skyed/ /bla med go 'phang myur
32a1 'gro gsungs/ /gtso bo khyod la phyag 'tshal bstod/ /dngos kun gyur dang bcas pa yi/ /las dang skye las rnam par grol/ /rgyal ba rgyu med bdag nyid
32a2 'khrungs/ /gtso mchog khyod la phyag 'tshal bstod/ /dngos med ye shes me lce yis/ /'dus byas ri bo kun bsregs nas/ /chos dbyings rang bzhin gcig tu rgyal/ /bla med
32a3 sku la phyag 'tshal bstod/ /bstod pa'i don de thugs chud nas/ /'gro la phan phyir cho ga gsungs/ /gsang sngags log par spyod pa dang / /ser sna log par goms pa las/ /'dod
32a4 pas non pa'i sems rtog gis/ /sngags pa yi dwags gnas su skye/ /dang pos mar me me tog dang / /zhal zas gtor ma phreng ba sogs/ /mchod pa'i rdzas dang po byad dang / /mi yi lus
32a5 dang kha zas la/ /'tshe zhing sgrub pa'i bar du gcod/ /mi sdug nad skyed lo tog 'tshe/ /gnyis pa gnod sbyin drag byur nas/ /sha khrag chang la snom zhing rgyug /thos
32a6 bsam sgrub pa'i bar gcod cing / /nad skyed tshe len log lta skyed/ /rig sngags 'chang gi gdon gzhom phyir/ /sgrub pos 'bad de sngags brjod bya/ /sngags
32a7 mthu skyed pa gtor ma dang / spyin sreg phyag rgya sngags bcas dang / mnan pa'i las kyis nags me ltar/ /thogs pa med par 'joms par 'gyur/ /de dag
32b1 rten byed lha yin te/ /de gsal byed pa ras ris yin/ /de kun rnam dag gsal byed pa/ /byang chub sems mchog zhi ba ni/ /log rtog 'khor ba'i zo chun la/ /ral
32b2 gri rnon po'i sta re ltar/ /'phags pa rdo rje khro bo'i rgyal po'i rtog pa bsdus pa'i rgyud las/ de bzhin nyid kyi le'u ste gnyis pa'o// //de nas sngags
32b3 dang phyag rgya dag /'byung bar rab tu bshad par bya/ /na maHsarba sa pa ri pu ra ke b+h+yaH/ sarba ta thA ga te b+h+yaH/ sarba thA hAM/ snying bo dam pa'o/ /na maHsarba sa pa ri pU ra ke b+h+yaH/
32b4 sarba ta thA ga te b+h+yaHsarba thA tsaN+Da ma hA ro Sha Na s+pho Ta ya/ hUM/ Ta ta haM maM/ snying po'o/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA hra ta a mo g+ha/ tsaN+Da ma hA ro Sha
32b5 Na s+pho Ta ya hUM/ tra sa ma ya hUM/ Ta Ta haM maM/ nye ba'i snying po'o/ /na maHsarbaHsa pa ri pU ra ke b+h+yaH/ sarba ta thA ga te b+h+yaH/ sarbA thA a tsa lArka na/ naT+Ta naT+Ta/ moT+Ta moT+Ta/ saT+Ta saT+Ta/
32b6 taT+Ta taT+Ta/ tiSh+Tha tiSh+Tha/ A be sha aHmaT/ ma la ka /d+ha Na d+ha Na/ ti Ni ti Ni/ khA da khA da/ big+h+nan/ mA ra mA ra duSh+Tan/ rak+Sha rak+Sha sa traM/ ku ru ku ru/ ki ri ki ri/ ma hA bi dzi
32b7 ya badzra phaT hUM hUM hUM/ tri bi la ta ra ga/ narta ka/ haM haM haM/ a tsa la/ te tse/ phaT phaT/ a hUM/ a sa man+ta ka/ Ta Ta/ ma hA ba la sa ta a ma na ya/ traM maM haM/ shung+d+h+ya tu lo
33a1 ka /tu Sh+yan tu lo ka badzri na maHswa pra ti ha ta ba le b+h+yo/ /dza la ma tra ta/ a sa ta na maHswa hA/ gsang ba'i snying po'o/ /de nas phyag rgya stangs
33a2 stabs kyis brjod pa 'dir gsungs so/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM ha na ha na/ mA ra ya mA ra ya/ dz+nyA na/ kha T+wAM ga hUM phaT /
33a3 ral gri'i phyag rgya'i sngags so/ /na maHsarba sa pa ri pU ra te b+h+yaH/ sarba ta thA ga te b+h+yaH/ sarba thA/ om gr-ih+Na gr-ih+Na/ khA da khA da/ pA sha na/ ban+d+ha ban+d+ha/ ma h+'a A R+ya te/ d+ha rma
33a4 te swAhA/ zhags pa'o/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM rak+Sha rak+Sha/ ha na ha na/ kuT+Ta kuT+Ta/ mA ra ya duSh+Ta ba nI ya kaM hUM dza/ go cha'i 'o//
33a5 na maHsarba sa pa ri pU ra ke b+h+yaH/ sarba ta thA ga te b+h+yaHsarba thA/ oM d+hA ra d+ha ra badza na li/ kha T+wAM ga pA sha d+ha ra swA hA/ gtsug tor gyi'o/ /na maHsarba sa pa ri pU ta ke b+h+yaHsarba
33a6 ta tha ga te b+h+yaH/ sarba thA/ oM b+hany+dza ban+d+ha da ha pa tsa b+hasmi ku ru ku ru ha na ha na badzra/ gr-ih+Na gr-ih+Na phaT/ tho ba'i 'o/ /na maHsarba sa pa ri pU ra ke b+h+yaH/ sarba ta thA ga te b+h+yaHsarba thA/ oM Sh+Ta
33a7 na ta mu rti/ da ha da ha/ sA d+ha ya sA d+ha ya/ bi dza ya bi dza ya/ bi dza ya kIrti swAhA/ mgo bo'i phyag rgya'o/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM b+hu d+ha ra d+ha ra/
33b1 a tsi na d+ya ba la bi kra ma NaM/ bu ra bu sa la ya/ rak+Sha rak+Sha sarba swA hA/ rdo ba'i phyag rgya'o/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM badzra hri da ya/ badzra ma
33b2 taM gi swA hA/ snying ga'i phyag rgya'o/ /na maHsarba sa pa ri pU ra ke b+h+yaH/ sarba ta thA gA te b+h+yaHsarba thA/ oM hUM da ha da ha/ kiny+tsi rA ya si/ A na yu shri g+h+raM/ rak+Sha rak+Sha/ ban+d+ha ban+d+ha/
33b3 duSh+Ta na// da ma da ma swA hA/ phyogs bcing ba'o/ /na maHsarba sa pa ri pU ra ke b+h+yaH/ sarba ta thA ga te b+h+yaHsarba thA/ oM du na du na ma hA pA sha kha T+wAM ga d+ha ras pa ri pU ra ke swA hA/ bka'
33b4 rtags kyi'o/ /na maHsarba sa pa ri bu ra ke b+h+yaH/ sarba ta thA ga te b+h+yaH/ sarba thA/ oM ga ga na gan+d+hod b+ha ba/ ma hA sa ma ya/ pa ri pU ra ke swA hA/ dri'i phyag rgya'o/ /na maHsarba
33b5 sa pa ri pU ra keH sarba ta thA ga ti b+h+yaHsarba thA/ oM bi shung+d+ha dz+nyA na rA dzi saM b+ha phe ga ga nA nA na hAHswA hA/ ma mo'i phyag rgya'o/ /na maHsarba sa pa ri pu ra ke b+h+yaH/ sarba ta thA ga te
33b6 b+h+yaHsarba thA/ oM shung+d+ha d+ha rma te/ shung+d+h+ya shung+d+h+ya/ /gr-ih+Na gr-ih+Na/ sarba sa pa ri pU ra ke b+h+yaHswA hA/ gtor ma'i phyag rgya'o/ /na maHsarba sa pa ri pu ra ke b+h+yaH/ sarba ta thA ga te b+h+yaH/ sarba
33b7 thA/ oM shung+d+ha ma hA dz+nyA na swa b+ha be/ tiSh+Tha tiSh+Tha/ ma hA na ye swA hA/ bdug pa'i 'o/ /na maHsarba sa pa ri pU ra ke b+h+yaH/ sarba tha thA ga te b+h+yaH/ sarba thA/ oM ga ga ni bi krAn+ta gA mi ni
34a1 ma hA shung+d+ha na ye swA hA/ me tog gi'o/ /na maHsarba sa pa ri pu ra ke b+h+yaH/ sarba ta thA ga te b+h+yaH/ sarba thA/ oM ha na ha na/ pa ra ma bi shung+d+he d+ha rma
34a2 na ya pa ri pU ra te b+h+yaHswA hA/ zhal zas kyi'o/ /na maHsarba sa pa ri pU ra te b+h+yaH/ sarba ta thA ga te b+h+yaH/ sarba thA/ oM a pra ti hi to na d+ya ta/ da ma da ma/ sarba thA/ sa pa ri pU ra ke
34a3 b+h+yaHswA hA/ dpa' bo spyan drang ba'i'o/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM bi shung+d+ha bi shung+d+ha/ sa kra swa b+hA ba A na ya/ ma hA na ya
34a4 swA hA/ byang chub sems dpa' spyan drang ba'i 'o/ /na maHsarba sa pa ri pu ra ke b+h+yaH/ sarba ta thA ga te b+h+yaH/ sarba thA/ oM bi shung+d+ha swA hA/ ha na ha na/ da ma da ma/ ma hA na
34a5 ye swA na/ nyan thos spyan drang ba'i 'o/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM badzra kaR+Sha ya/ shri g+h+raM /da ha da ha/ pa tsa pa tsa/ ma hA pa
34a6 ri wA re swA hA/ pho nya pho mo spyan drang ba'i 'o/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM ma tha ma tha/ sA na ya A na ya/ pra be sha ya pra
34a7 be sha ya/ sarba ta thA ga ta/ sarba de baM/ ta ma ta ma/ ma hA na ya/ bi ra wA re hUM swA hA/ 'jig rten pa rnams spyan drang ba'i 'o/ /na maHsarba pa ri pU ra ke b+h+yaH/ sarba
34b1 ta thA ga te b+h+yaH/ sarba thA oM sa t+ya sa t+ya/ ma hA sa dA ya/ da ma da ma/ ma hA da ma/ A kar+Sha ya A kar+Sha ya/ a d+ya ba ma hA na ya shung+d+he swA hA/ drang srong spyan drang ba'i'o//
34b2 na maHsarba sa pa ri pU ra te b+h+yaH/ sarba ta thA ga te b+h+yaH/ sarba thA/ oM dza ya dza ya/ bi dza ya bi dza ya/ ma hA sa t+ya ba di ni/ sarba hi ti swA hA/ srin mo rnams spyan drang ba'i'o//
34b3 na maHsarba sa pa ri pU ra ke b+h+ya/ sarba ta thA ga te b+h+yaH/ sarba thA/ oM hri hA dA/ ma tha ma tha/ da ma da ma/ ha na ha na/ ma hA na ye/ ma ra ma ra/ ha swA hA/ ma mo rnams
34b4 spyan drang ba'i'o/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM ha na badzra hUM phaT/ sarba duSh+Ta gra haM/ ma tha ma tha/ b+hany+dza bany+dza/ sarba big+h+nan/ da ma
34b5 da ma/ sarba duSh+Ta na oM hUM phaT swA hA/ rkang stabs tsham ngam gyi sngags so/ /na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM AHhUM/ A kA shA ga ga na
34b6 s+pha ra Na khaM swA hA/ 'o thug 'khur ba 'bru sna tshogs/ /spos dang me tog la sogs pa/ /ci 'byor 'byor ba'i gtor ma ni/ sngags des spro zhing spel bar bya/ /na maH
34b7 sarba sa pa ri pU ra ke b+h+yaH/ sarba ta thA ga te b+h+yaHsarba thA/ oM swa b+hA ba sarba thA b+h+yo bAM swA hA/ na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM lab+d+he sarba ga ga
35a1 na la b+d+ha ya swA hA/ /na maHsarba sa pa ri pU ra ke b+h+yaH/ sarba ta thA ga te b+h+yaH/ sarba thA/ oM sarba sing+d+hi dwA d+ha mi haM swA hA/ byin rlabs bzhin
35a2 du bsgyur ba dang / kun gyis thim par bya ba dang / /'dod pa'i las rnams gang dang gang / grub par bya ba'i sngags yin no// gza' chen brgyad dang rgyu skar
35a3 yang / /nyi shu rtsa brgyad rnams kyi sngags/ /na maHsarba pa ri pU ra ke b+h+yaHsarba ta thA ga te b+h+yaH/ sarba thA/ A di d+yaH/ soMH/ aM gi raHbung+d+haHbr-i ha sba ti/ shu kraH/ sha
35a4 ne sh+tsa raH/ rA huH/ ke tuH/ kr-i t+ti kA/ ro hi NI/ mr-i ga shi rA/ ar+d+ra bu narba su/ pu Sh+ya/ a sh+le shA/ ma g+ha purba phalgu nI ut+ta ra phalgu nI/ ha stA/ ci drI swA sti/ bi shA khA/ a nu
35a5 rA d+hA/ dz+yeSh+Tha mu la/ purbA ShA D+hA/ ut+ta rA shA D+hA shra pa Na a bi dzi ta/ sha ta b+hi ShA/ d+ha ni Sh+Tha/ pUrba b+ha dra pA dA/ ut+ta ra b+ha dra/ pra dA bai ba tri/ a shwa nI/ b+ha ra Ni/ oM dang swA hAr
35a6 bcas pa ni/ rang rang snying pI sngags yin te/ /gang 'dod las kyang sbyar bar bya/ /mchod pa'i rigs kyang tha dad bya/ /na maHsa man+ta kA ya bAk+tsi t+ta badzra tAM/ oM a
35a7 tsa la tsaN+Da ma hA ro Sha Na s+pho Ta ya tra ka kha haM maM/ na maHsa man+ta kA ya bA k+tsit+ta badzrA NAM/ oM badzra ka ba tsa duM baM/ oM na maHsarba ta thA ga te b+h+yaH/ sarba b+ha ya bi ga te b+h+yaH/ pi
35b1 shwa mu khe b+h+yaH/ sarba thA khaM ra k+Sha/ ma hA ba li/ sarba ta thA ga te puN+ya ni rdza te/ hUM hUM tra thA/ a pra ti ha te swA hA/ khro bo spyan gcig dran shul can/ /srung dang bcas pas mchod
35b2 pa dang / /sngags bzlas dngos grub langs pas 'grub/ /ci 'dod las la cho gas sbyar/ /lag g.yas gung mdzub gshi bas te brkyang / /srin lag mthe chung mthe
35b3 bos mnan/ /shugs drangs tshul phyung khams la 'phyar/ /ral gri phyag rgyas bdud tshogs 'joms/ /g.yon pa khu tshur sdigs mdzub bsgreng / /slar sgyur byed pa
35b4 zhags pa'i rgya/ /gung mo mthe'u chung so sor sprad/ /mdzub mo ming med nang du gug/ /mthe bong gshibs pa gung 'gram sbyar/ /snying gar bkod de go cha'i rgyan/ /sor
35b5 'khyud khu tshur nang du bsdam/ /mtheb gnyis cung bsgyur ma go thod rgya/ /g.yon pa'i khu tshur mthe bo na/ /g.yas pa'i khu tshur nang bcug nas/ /mthe bong g.yas bsgreng thob pa'i rgya//
35b6 phyogs bcur brdung ba ltar bya'o/ /g.yas pa khu tshur gung mo bsgreng / /spyi gtsug phyag rgya gtsug tu bzhag /g.yon pa khu tshur gung mdzub bsgreng / /bka' rtags phyag
35b7 rgya rtag tu 'phyar/ /khu tshur gnyis gshibs lto sbyar ba/ /rdo ba lta bu'i phyag rgya'o/ /g.yas pa'i khu tshur snying gar bzhag /snying ga rgyan pa'i phyag rgya'o/ /lag gnyis
36a1 sor mo so sor brkyang / /phyogs bcu bcing ba'i phyag rgya'o/ /lag sbyar gung gnyis nang bcug pa/ /dri yi phyag rgyar bshad pa'o/ /khu tshur
36a2 rgyab sprad gung mthe bong / /mthe bong gung mdzub sprad dang 'khyud/ /gtor ma sbyin pa'i phyag rgya'o/ /thal mo khong stong shubs ltar gdon/ /bdug spos 'bul ba'i
36a3 phyag rgya'o/ /lag gnyis so sor gung srin bkug /mtheb mnan bzhag brkyang me tog rgya/ /thal sbyar gung srin mdzub mo bkug /mthe'u chung mtheb brkyang zhal
36a4 zas rgya/ /skyil krung 'dug ste snyim pa zed/ /mthe bong gnyis ni nang du bkug /so gshibs nas g.yab byed pa ni/ /dpa' bo gtso bo spyan drang rgya/ /thal sbyar mdzub
36a5 bkug mthe bos mnan/ /byang chub sems tshogs 'gugs pa'i rgya/ /snyim bkyed mthe chung gshibs te brkyang / /lhag ma brgyad po so sor dgug /nyan thos rang
36a6 rgyal rdzu 'phrul can/ /ma lus thams cad 'gug pa'i rgya/ /khu tshur g.yas pa g.yon steng bzhag /mdzub gnyis brkyang ste so sor dgug /cung zad skyed par
36a7 byed pa ni/ /pho nya pho mo 'gugs pa'i rgya/ /khu tshur rgyab sprad gung mdzub ni/ /so sor drang por gshibs te brkyang / /mtheb gnyis cung zad sprad de 'gugs/ /'jig rten
36b1 pa rnams 'gugs pa'i rgya/ /g.yon min g.yas pas de ltar bya/ /brtul zhugs drang srong dgug pa'i rgya/ /g.yon pa khu tshur gung mo bsgreng / /dngos grub srin mo 'gugs
36b2 pa'i rgya/ /lag g.yas pa bkan te brkyang nas kyang / /mthe bos mdzub mnan gsum po g.yab/ /ma bdun la sogs ma mo rnams/ /las kyi dus su 'gugs par gyur/ /
36b3 res kyis bteg cing drang po yis/ /pus mo dag la rkang mthil sbyar/ /spyi bor me tog thal sbyar yang / /phyogs der g.yo ba cing 'bru tshugs blta/ /zlum pa'i stabs kyis
36b4 'di kun gyis/ /bgegs tshogs 'joms shing rnal 'byor srung / /lag pa g.yas ni gyen du brkyang / /g.yon pa snying gar sdigs mdzub ste/ /rkang gnyis sprad nas rting
36b5 pa rdeb/ /hUM brjod drag skad mdun du blta/ /sa gsum g.yo byed zla gam stabs/ /rkang g.yon brkyang ba'i stabs dang ni/ /ha ha brjod cing zhabs rgya bcings/ /phan tshun
36b6 bsnol nas bgegs la bsnun/ /'khor lo phyag rgya phye mar bya/ /rkang g.yas brkyang ba'i stabs dang ni/ /rdo rje thal mo mkha' la bsnun/ /khro gnyer mig can ma mchu
36b7 mnan/ /yan lag gnyis gnyis me ltar sprad/ /rkang pa mnyam stabs hUM sgra can/ /lag gnyis sdigs mdzub phyag rgya'o/ /rkang gnyis mnyam du bzhag pa las/
37a1 g.yas kyis g.yon bskor lte ba yin/ /mdun du g.yas te rgyab tu g.yon/ /gya tshom gsum gsum mnan pa ni/ /rtse gsum yin te rtse
37a2 gsum rgya/ /lag pa steng brkyang dbyig bsgreng ltar/ /bgegs la bsnun zhing 'bru tshugs blta/ /g.yas su tho ba hUM brjod brdeg /g.yon pa snying ga'i sdigs
37a3 mdzub ste/ /gnyis ka bgrad pa 'khor lo bya/ /nub bltas rkang pa mnyam bzhag nas/ /mdun g.yas rgyab dang g.yon phyogs su/ /g.yon pas bgegs gsum
37a4 mnan bya zhing / /rim pas me dang ral gri dang / /sdigs mdzub zhags pas phyogs bzhir bcing / /ha hUM drag brjod brjid gnod rgya/ /rkang gnyis pus 'khyud lag
37a5 pa gnyis/ /gru mo bsgyur na thig gis mnan/ /bgegs bskrad phyir na 'bru tshugs blta/ /rtse gcig rdo rje stabs su gcad/ /rkang pa g.yas g.yon res kyis
37a6 bskor/ /lho byang g.yon te shar nub g.yas/ /brkyang zhing drag tu brdab par bya/ /rgyab nas drang dang tho ba dang / /rdo rje dang ni zhags pa'i rgya/ /phyogs bzhir bya ste
37a7 'khor lo'i stabs/ /phyag rgya dang ni stangs stabs kyis/ /phyogs skyong rnams kyang skrag byed na/ /'byung po'i tshogs 'joms smos ci dgos/ /thams cad dbang
37b1 du sdud par byed/ /de nas phyogs bcu bcing ba yis/ /rkang stabs khyad par bshad par bya/ /shar du rkang pa mnyam pa yis/ /rdo rje thal mo gyen du brdeg /lhor ni rkang rting
37b2 sprad de gdang / /hUM sgrog thal mo mdun rgyab sbyar/ /nub tu rkang sprad lag pa gnyis/ /so sor sdigs mdzub gyen du brkyang / /byang du ral gri'i phyag rgya dang / /rkang pa ya
37b3 gcig sa la bsgreng / /khu tshur mdzub sbyar dpral bar ldog /rkang gnyis mnyam byas res kyis 'phyar/ /mche gtsigs hUM sgrog khro gnyer blta/ /byang shar thig
37b4 ler grags pa'i rgya/ /khu tshur mthe'u chung mche ba'i rgya/ /rkang pa res bteg shar lhor phye/ /lho nub rkang gnyis res kyis brdab/ /zhags pas 'debs dang ral gris
37b5 gcod/ /nub byang rkang gnyis brdab pa dang / /lag gnyis mtheb sprad 'khor lo bskor/ /yang na tshe gcig phyag rgyas gdab/ /stangs stabs thams cad ha hUM sgrog /de
37b6 nas rig sngags ldog pa yis/ /phyag rgya cho ga bshad par bya/ /khu tshur gung mo brkyang rtse sprad/ /mdzub gnyis de yi 'gram du bcad/ /sngags dang phyag rgya thams cad
37b7 kyis/ /lha klu srin po gnod sbyin dang / /mkha' 'gro 'byung po mi ma yin/ /gsod dang sprod de me ltar mdzad/ /'phags pa rdo rje khro bo'i rgyal po'i rtog pa bsdus pa'i
38a1 rgyud las/ sngags dang phyag rgya'i le'u ste gsum pa'o// //bla na med pa'i ras ris sku/ /cho ga de nas bshad par bya/ /
38a2 bris sku 'dod pas thams cad du/ /dge ba'i ras bzang btsal nas kyang / /bkrus te sngags kyi bsrungs byas la/ /ngur smrig du ni bsgyur bar bya/ /rgyud bzang dal
38a3 zhing dul bag yod/ /chos thos ri mo mkhas la sgrin/ /sred chung yid gzhungs khro med pas/ /sen rtsi shun kan tsha la sbyar/ /snangs dang mu zi kan ltar ljang / /ba
38a4 bla ka ni bla na ser/ /li khri sgo nga mtshal lpags dmar/ /ram dang mthing shun bru nir sngo/ /spyig dang a dza nag po ste/ /she twa dag kyang dkar por 'gyur/ /sa snod
38a5 so btang skags snyigs byug /pir 'jam rab 'bring tha ma bri/ /rgyal dang sa ri nam gru dang / /snon snrubs smin drug lha mtshams shis/ /de nas yang dag rab
38a6 bshad pa/ /thub pa'i dge ba ras ris la/ /dbus su byang chub shing mchog drung / /gser mdog 'khor los bsgyur ba'i chas/ /chos 'chad phyag rgya ngur smrig
38a7 mnabs/ /logs su 'dab bzang rgyal po gnyis/ /snyim pa me tog bkang ba'i gzugs/ /g.yas su 'jig rten dbang po dkar/ /ngur smrig gyon pas thal mo
38b1 sbyar/ /de yi zhabs su mi g.yo ba/ /spyan gsum khros pa klu yis brgyan/ /na ra'i stod g.yogs stag smad dkris/ /rin chen rgyan can do ker can/ /rdo ba dmar po'i khri
38b2 steng na/ /ral gri dang ni zhags pa dang / /g.yon pa cung zad brkyang ste bzhengs/ /gtso bo'i g.yon gyi phyogs cha la/ /rdo rje 'dzin sngo ngur smrig can/ /rdo rje dang ni zhags pa
38b3 'chang / /de yi 'og tu sgrub po ni/ /pus btsugs spos kyi khang bu 'dzin/ /gtso bo zhabs su khro bo che/ /nag po khams gsum bstan pa yi/ /lag gnyis rin chen
38b4 khri la bteg /gtso bo sna tshogs pad+ma ste/ /'jig rten dbang dang khro bo yi/ /rdo rje 'dzin dang sgrub pa'i sngo/ /yan lag lnga pa sdong po gcig /klu yi bu mo mdzes ma gnyis//
38b5 pang gis 'khyud de 'dzin par mdzad/ /zhi ba rgyas pa dbang gi phyir/ /de nas bris sku yang dag bshad/ /dbus su shAkya thub pa dang / /g.yas su 'phags pa 'jam
38b6 dpal te/ /g.yon du phyag na rdo rje'o/ /bsnyen pa'i don du ras ris ni/ /shin tu blta dka' gsus po che/ /zhal gcig phyag bzhi klu yis brgyan/ /kha nas khrag 'dzag lce
38b7 'dril ba/ /mche gtsigs hrIHsgra cher sgrog pa/ /spyan gsum nyi ma shar ka'i 'od/ /ngur smrig mnabs pa char sprin mdog /sku la thod rlon phreng ba can/ /dbu la thod pa
39a1 tshar bzhis brgyan/ /g.yon du rin chen zur phud 'phyang / /bskal pa'i me 'od 'bar ba yis/ /phyogs kyi bgegs tshogs sreg par
39a2 mdzad/ /g.yas kyi dang po rdo rje ste/ /gnyis pas ral gri 'od 'bar 'chang / /g.yon gyi dang po rdo rje zhags/ /gnyis pa sdigs mdzub brkyang ste mdzad/ /rin
39a3 chen rdo yi khri steng du/ /bgegs kyi rgyal po mnan nas kyang / /g.yon brkyang pa yi gar gyis gnas/ /de yi mdun du zhi ba'i byad/ /spos khang bzung ba'i
39a4 sgrub po bri/ /ci 'byor rgyun du mchod par bya/ /mngon spyod sgrub pa'i ras ris ni/ /de nas yang dag bshad par bya/ /ngur khrod ras la mi g.yo ba/ /mdog nag
39a5 spyan gsum zur mig blta/ /ngur smig gos gyon khro gnyer ldan/ /ral gri dang ni zhags pa 'chang / /bris nas bdag gi khrag gis ni/ /spyan phye gsol ba
39a6 btab par bya/ /ri mo 'dis ni rig 'dzin kyang / /sgrub po mngon spyod smos ci dgos/ /yang na sna tshogs las kyi phyir/ /mthing ga na ra'i rgyan can ni/ /brkyang bskum
39a7 rdo rje dril bu 'dzin/ /pad+ma zla ba la bzhugs bri/ /dmag dpung rengs pa'i ras ris ni/ /gser mdog khro bo mi g.yo ba/ /mi sdug mche ba gtsigs pa'i sku/ /'bar
39b1 phreng 'khrigs pa'i 'od ldan pa/ /zhal bzhi phyag kyang bzhi pa ste/ /ral gri zhags pa dang por 'dzin/ /ri bo che dang sdigs mdzub 'og /zhabs bzhi bdud bzhi snying
39b2 gar ro/ /de nas rig 'dzin dngos grub kyi/ /ras ris bri ba yang dag bshad/ /mi g.yo khro bo zhal gcig pa/ /mdangs bzang zar ma'i me tog mdog /ral gri zhags
39b3 pa sdigs mdzub can/ /pus mo g.yas bteg g.yon pa ni/ /sa la cung zad btsugs par mdzad/ /mkha' la lha yi bu gnyis kyis/ /dbugs 'byin mdzad pa nyams
39b4 dga'i gzugs/ /g.yas su rnam snang mdzad bris te/ /g.yon du 'od dpag med pa'o/ /de mdun sgrub po nyid kyang bri/ /gang yang rig ma thams cad la/ /mchod de me
39b5 tog gtor nas kyang / /spyan phye na bza' gsol byas te/ /rten 'brel sngags kyis rab gnas bya/ /de rjes smon lam btab pa ni/ /oM ldan bdag gis bsags pa
39b6 yi/ /bsod nams grangs med gzhal mi lang / /des ni 'gro ba ma lus pa/ /bla med go 'phang thob par shog /sems can dmyal ba dud 'gro dang / /yi dwags
39b7 gang dag grangs med rnams/ /bdag gi bsod nams mthu yis ni/ /thams cad bde dang ldan gyur cig /gang yang lha mi dbul phongs dang / /mi nad mu ge dgra chom
40a1 sogs/ /bdag gi bsod nams mthu yis ni/ /de dag thams cad bral gyur shog /ji snyed sems can thams cad rnams/ /de snyed sdug
40a2 bsngal rgya mtsho kun/ /sna tshogs de dag kun zhi nas/ /'ga' yang sdug bsngal med par shog /sems can gang dag lus ngag yid/ /mi dge spyod pa bral
40a3 gyur nas/ /dge ba phun tshogs spyod gyur te/ /kun kyang bde ldan thob gyur shog /de nas rgyal sras kun btud de/ /lag na dri dang me tog sogs/ /mchod pa'i
40a4 yo byad kun thogs nas/ /bla 'og tha dad gsal bya'i phyir/ /bde gshegs bsdu don 'di skad brjod/ /oM bde gshegs pa'i bcom ldan 'das/ /skyob pa
40a5 dngos su bzhugs pa rnams/ /bdag la slar yang brtse ba'i phyir/ /rgyal ba sras bcas la mi mnga'/ /bdag don grub par 'gro ba la/ /brtse phyir slar yang
40a6 byon par mdzod/ /de nas gtor ma me tog dri/ /dkyil 'khor rgyan dang rdul tshon rnams/ /dngos grub dam tshig gnod spang phyir/ /lag pas reg par mi bya ste/ /
40a7 gos kyi phur ma la sogs pa/ /ci bde bas ni phyags nas kyang / /skye 'gag med pa'i sngags brjod nas/ /chu bo la ni dor bar bya/ /'bras dang 'o ma sha ka dang / /
40b1 mar dang bcas pa bskol byas te/ /'bras zan dang ni lhan cig tu/ /dga' bskyed phyir na dge 'dun dang / /bram ze la ni ston mo bya/ /de nas bris sku brtan par ni/ /gsang ba'i gnas
40b2 su mchod par bya/ /khyad par tshes brgyad dus su mchod/ /bla ma la ni yon dbul zhing / /rtag tu sngags 'dzin thams cad kyang / /mnyes par bya zhing khros pa min/ /sems can ma
40b3 mos spang bar bya/ /dkon mchog gsum la nges bskyed de/ /the tshom le lo spang bar bya/ /rang gi phung po bsnyen bkur phyir/ /khrus dang gtsang sbra dang ldan byas nas/ /gos bkra dri ma
40b4 med pa bgo /zas kyang 'bras sogs dri med la/ /nyung du bza' zhing btung bar bya/ /mang bas gnyid dang le lo dang / /dri nga ba ni bskyed par 'gyur/ /tho rangs dang por langs nas ni/ /
40b5 srod thal bar du brtson par bya/ /nam gyi gung la gnyid pa'i tshe/ /'gro la phan bya'i sems kyis nyal/ /'phags pa rdo rje khro bo'i rgyal po'i rtog pa bsdus pa'i rgyud las/ bris sku'i
40b6 le'u ste bzhi pa'o// //de nas yang dag bshad bya ste/ /lha sgom pa yi rim pa ni/ /rang gzugs stong par byas nas su/ /yi ge phreng ba'i 'khor lo las/ /sgra grags pa ni rig pa
40b7 che/ /zla ba'i gzugs brnyan lta bur snang / /der son pa ni rdo rje sogs/ /rang gi phyag rgya nyid yin no/ /de las gyur pa'i sku mchod ni/ /'ja' tshon shar ba ji lta bar/ /mtshan dpe mdangs 'od yang dag
41a1 ldan/ /brjid cing dgyes pa'i mdangs dang ldan/ /sgeg cing rol pa'i cha byad ni/ /byis pa gzhon nu'i lang tsho 'dra/ /rin chen rgyan dang na bza' ni/ /gzugs
41a2 mdzes lha yi ci lta ba/ /khros pa'i srin po lta bu ste/ /skra dang kha spu la sogs pa/ /spu sogs ser zhing rtsub la 'khyil/ /sna tshogs dur khrod rgyan rnams ni/ /
41a3 rtsub cing blo ldan rab tu khros/ /na bza' rlon pa khrag can ni/ /steng gi khams su yod par mdzad/ /ha ha hUM hUM phaT phaT kyi/ /ngar skad 'brug sgra sbyugs glu ni/ /ri
41a4 rab 'bum snyil chal chom ltar/ /lus rab ltos 'gros brgyan pa ni/ /gzi ldan 'khyud cing phu sgra 'don/ /'phro 'du 'od kyi dkyil 'khor ni/ /nyi 'bum
41a5 dus me'i bskal pa 'dra/ /rab gdug mtshon cha du ma ni/ /lha min dus kyi 'khrug pa'i cha/ /khro bo khro mo'i tshogs 'byung ba/ /thams cad yi ge hUM sgra can/ /ma mo
41a6 dang ni mkha' 'gro rnams/ /b+h+yo yig drag po'i bdag nyid can/ /thub pa yi ge muM las bskyed/ /rgyal sras rig ma nyan thos dang / /'jig rten skyong rnams sngags
41a7 'dis bskyed/ /na maHsarba ta thA ga te b+h+yaHsa pa ri pU ra ke b+h+yaHsarba thA/ oM sarba saM ska ra pa ri shud+d+ha d+harmA te ga ga na sa mud ga te sa ha pa ri shu d+d+he/ ma hA na ya pa ri
41b1 wA re swA hA/ rang gi lus la sems bcug nas/ /sdig pa thams cad rab tu zhi/ /ngang tshul bzang por yang dag byung / /rig par gyur pa'i sems ldan nas/ /drang srong rdzu
41b2 'phrul can du 'gyur/ /gzhan yang sdug bsngal zhi nus na/ /rang gi bde thob smos ci dgos/ /rang rang rigs kyi lha rnams kyi/ /gzugs brnyan phyag mtshan kha dog
41b3 ni/ /dkyil 'khor ram ni ris ma las/ /gsung ba ji ltar bsgom par bya/ /de nas mi g.yo khro bo ches/ /rdo rje 'dzin la phyag 'tshal nas/ /dag cing gsal la snyan
41b4 pa yis/ /tshig gi yang ni 'di gsol to/ /rdo rje 'dzin pa bcom ldan 'das/ /gtum mo mtshan nyid ldan pa yi/ /nga yi mtshan nyid khyed bshad nas/ /de tshe rdo rje
41b5 'dzin rgyal pos/ /gtum mo'i cha byad ldan byas nas/ /rang gzugs sngags dang bcas pa yis/ /gsang chen brda 'di bka' stsal to/ /dag pa'i sems nyid hUM rdo
41b6 rje/ /mthing ga'i mdog las rdo rje 'dzin/ /mthing ga brkyang bskum khro sems can/ /na ra'i rgyan bcas 'jigs byed sku/ /gyen skra kha spu gyon ser dmar/ /pad+ma zla
41b7 ba'i steng du ni/ /me yi nang bzhugs rdo dril 'chang / /rnam snang 'dzin dang gnyis dang po/ /bzhi ba'i lnga pa de'i gsum pa/ /lnga pa'i lnga pa bdun pa'i bzhi/ /me yis sa
42a1 bon dgug pas mnan/ /bdun pa'i dang po gsum pa yin/ /gsum pas bteg go hUM phaT bcas/ /gsang sngags rgyal po bla med
42a2 'dis/ /dgos pa thams cad 'grub pa dang / /khyad par du ni 'byung po sel/ /klu 'dul ba ni dkar po che/ /nam mkha' lding gi cha byad che/ /grub pa'i gter
42a3 gyi don du ni/ /ser po 'od dang ldan pa yi/ /dmar po dang ni ljang nag dag /drag po'i gdon rnams sel ba dang / /tshe ring ba la shis pa'o/ /ldan pa skyed pa'i sku
42a4 mchog ni/ /'byung por gyur pa'i de ma thag /sa steng thams cad mun nag 'khrigs/ /bdud rnams thams cad rab tu tshig /ye shes me 'od chen po 'di/
42a5 bzod par sla la gcig ma mchis/ /bgegs chen log par 'dren pa rnams/ /dog pa'i sems kyis thag ring 'bros/ /gsang sngags yi ge hUM sgra can/ /
42a6 glog 'khrug pa yi 'od zer 'dra/ /klad par yi ge hUM gi gzugs/ /gru gsum me yi gzugs brnyan can/ /'od dmar tshal pa rab 'thor bas/ /bgegs tshogs
42a7 sreg cing 'bros par byed/ /bong bu rnga mo khyi spre'u gzugs/ /ro langs ma lus thams cad kun/ /ha hUM brjod cing 'bros par byed/ /rlung gis g.yengs pa'i rdul
42b1 dang mtshungs/ /gyen thur haM gi 'phro 'du dang / /khro bcu sa bon yi ge hUM/ /me dang rlung gi tshul du 'bar/ /mngon sum rtswa la me bzhin du/ /snying gi hUM gis bdas nas
42b2 kyang / /klad pa'i hUM gis sreg par byed/ /'od dang phyag rgya lha yi sku/ /bskrad dang bcing dang myos byed bsam/ /seng+ge dang ni glang chen 'brug /drag po'i sgra skad ci 'dra
42b3 bar/ /rtsa ba'i gsang sngags zlos pa ni/ /bgegs dang log 'dren ma lus pa/ /sreg cing phye ma rdul du rlog /snying nang snying po bstan pa ni/ /'od 'bar 'od
42b4 kyis sdig pa'i tshogs/ /du ma rnams kyang zad par mdzad/ /lus ngag yid brtan 'khor lo sngags/ /oM dang AHdang hUM sbyor gyis/ /dpal 'phel dbang phyug bskyed pa
42b5 dang / go cha chen po bskon par byed/ /na ma s+t+rai ya d+h+wi ka nAn/ ta thA ga tA nAM haM/ go cha chen po'i gsang sngags 'dis/ /rgyal sras rnams kyang 'dar gyur na/ /bgegs rnams sreg pa smos ci dgos/ /
42b6 sa ma ya s+t+waM aM haM gis/ /ye shes lha dang 'brel par bya/ /rgyal bas dbang bskur sbyor bas ni/ /ye shes dbu rgyan brtag par bya/ /gtso la mi bskyod dbu rgyan can/ /'khor kun mi
42b7 g.yos rgyas gdab bya/ /bdag nyid yi ger byas nas su/ /me gzugs shin tu phra bas ni/ /mtshan mo dus su nyams par bya/ /sdang ba hUM gi sgra las so/ /'phags pa rdo
43a1 rje khro bo'i rgyal po'i rtog pa bsdus pa'i rgyud las/ lha 'byung ba'i le'u ste lnga pa'o// // de nas yang dag
43a2 bshad bya ba/ /sngags spyod tshul gyi cho ga nyon/ /dad pa dang yang mi ldan zhing / /byang chub sems kyang ma bskyed de/ /dbang bskur rjes gnang ma thob la/ /
43a3 sdom tshul dam tshig bral ba'i mi/ /gsang sngags rang nyid len pa ni/ /byis pa lcags sreg mid pa 'dra/ /thog ma med sgrib bkru ba'i phyir/ /rdo rje slob
43a4 dpon 'di skad brjod/ /oM/ sngags mchog ting 'dzin rnam dag chu/ /bskal pa du mar bsags pa yi/ /sdig pa'i tshogs rnams dag gyur nas/ /rang
43a5 bzhin dag pa'i sems su byed/ /oM sarba ta thA ga ta badzra ad+hiSh+ThA na kA ya bA ka bi sho d+ha na a b+hi ShIny+tsa hUM/ oM/ sangs rgyas kun gyis bsngags pa yi/ /rin
43a6 chen sngags las byung ba yi/ /dbu rgyan lha rdzas cod pan 'dis/ /dbang bskur rin chen mchog tu gyur/ /oM badzra d+ha ra shrI badzra sa ma ya s+t+waM a haM/ rat+na mu
43a7 ku Ta a b+hi ShIny+tsa hUM/ rdo rje chen po bla na med/ /bzung bas phyogs las rgyal gyur te/ /rdo rje lta bur brtan byed pas/ /khyod kyis kyang ni rtag tu zungs/ /oM sarba
43b1 badzra a b+hi ShIny+tsa hUM/ dril bu dbyangs snyan bla na med/ /sku yi rdo rje rab tu skyed/ /khyod kyis kyang ni rtag tu zungs/ /khams gsum srid pa'i rgyal por 'gyur/ /oM sa ma
43b2 ya g+haN+Da badzra a b+hi ShIny+tsa hUM/ oM/ snying rje shes rab dbyer med rgya/ /gang gis thos pa nang gis su/ /de yi ming mtshan bdag por 'gyur/ /rtag pa'i ngang gnas blang
43b3 bar mdzod/ /oM badzra nA ma a b+hi She ka ta/ thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems
43b4 bdag bdag mdzod cig /sangs rgyas kun gyi dril bu'i rgya/ /shes rab dbyangs kyi rjes 'gror bshad/ /rtag tu khyod kyis bzung byas nas/ /byang chub mchog thob
43b5 rgyal bas gsungs/ /oM/ shes rab ral gri bla na med/ /gang gis 'chang ba rgyal 'gyur te/ /bdud kyi dpung ni gshegs nas kyang / /mkha' la ye shes 'od
43b6 'bar 'gyur/ /oM sarba ta thA ga ta badzra dz+nyA na khaD+ga a b+hi ShIny+tsa hUM/ a/ rdo rje zhags thugs rdo rje can/ /nyon mongs srid pa'i sdong po rnams/ /thabs kyi zhags pas bcings
43b7 nas kyang / /srid pa'i 'ching ba las grol mdzod/ /oM sarba ta thA ga ta badzra pA she na a b+hi ShIny+tsa hUM/ dbang dang rjes gnang ma thob cing / /dam tshig sdom pa mi ldan la/ /bla
44a1 ma mnyes par mi byed na/ /sgrub pa 'bras med ngan song 'gro/ /log lta can gang bla ma 'tshe/ /dmyal ba'i gnas su 'gro bar nges/ /'dir
44a2 nyams pas ni nad yams dang / /dgra bo mu ges rtag tu 'tshe/ /dkyil 'khor sa gzhi nyams dga' ba/ /chu klung mtsho 'gram ri ljongs dang / /'bras bu me tog skyed
44a3 mos tshal/ /kun dga' ra ba khang bzang mchog /bzhi mdo ri sul shing gcig drung / /phyugs lhas khang brtsegs glang chen bres/ /gtsug lag khang dang dgon pa
44a4 dang / /chu gling mtshe'u 'gram ne'u gsing du/ /bsnyen dang dbang bskur byed pa dang / /dur khrod sogs su las rnams bsgrub/ /las kyi dkyil 'khor khru gang ste/ /
44a5 dbang gi dkyil 'khor chen po la/ /thub pa'i dkyil 'khor khru bzhi pa/ /yang na drug gam brgyad kyang bya/ /gzhan ni khru gsum tshad du bya/ /yang na lnga'am bdun
44a6 du bya/ /gza' yi dkyil 'khor khru gnyis te/ /yang na phyed dang gsum par bya/ /kun tu bzhi cha pho brang ste/ /khang pa tshad kyi phyed yin te/ /khang pa gnyis pa cha gsum
44a7 pa/ /rta babs rdo rje pad+ma'o/ /lha rnams bzhi cha dag tu 'gyur/ /thub pa'i sgo ni bzhi yin te/ /gzhan du sgo gcig pa nyid shis/ /'jam pa'i dbyangs ni byang gi sgo/ /
44b1 chos ni nub sgo rdo rje lho/ /gza' dang 'jig rten skyong sogs shar/ /dbang bsgyur lha yi gnas rnams su/ /bum pa phyag rgyar bcas pa'am/ /sku'am rang rang phyag rgya
44b2 gzhag /thub pa'i dkyil 'khor dbus su ni/ /pad dkar steng du lhung bzed do/ /gtso bo yi ni sor drug ste/ /lhag ma rnams ni sor bzhi'o/ /rigs kyi mtshan mas
44b3 yang yang bskor/ /byang du 'jig rten dbang sdud ni/ /pad dkar rdo rje gdengs por bcas/ /dbang ldan spyi blugs byams pa'i'o/ /shar du 'jam dpal ut+pal sngo/ /
44b4 mer ni kun bzang yid bzhin no/ /lhor ni rdo rje rdo rje 'dzin/ /bden bral mkha' snying pad dkar te/ /nub tu pang ser rdo rje chos/ /nub byang sa snying pad+ma dmar/ /gtsug
44b5 tor gnod mdzes steng 'og char/ /gtsug tor dang ni gtun shing ngo / /shar du rnam rgyal thod pa ste/ /mer ni 'dod rgyal rtse gsum mo/ /rdo rje rtse gcig gshin gshed lhor/ /
44b6 bden bral ral gri stobs po che/ /nub tu rta mgrin pad+ma ste/ /byang du bgegs dgra rdo rje rgya/ /nub tu dbyug pa sngon po ste/ /dbang ldan du ni mi g.yo ba/ /de yi rgyab tu nyan
44b7 thos ni/ /shA ri'i bu dang rab 'byor dang / /mau dgal bu dang 'od srung dang / /rgyal mchog dang ni sa steng skyong / /rta thul dang ni ba lang bdag /drag shul dbang chen chang bu
45a1 can/ /b+ha ra d+h+wa dza steng rgyas dang / /dga' bo nyer dga' sgra gcan no/ /de ltar bcu drug phyag rgya'o/ /pad+ma'i steng du lhung bzed do/ /de nas yang
45a2 dag bshad bya ba/ /'jam dpal dkyil 'khor bzang po yi/ /dbus su ral gri me 'od can/ /rin chen rdo brag steng du bri/ /byang du rdo rjes mtshan pa yi/ /bum pa bri
45a3 pa byams pa'o/ /shar du kun tu bzang po yi/ /rdo rje dkar po bri bar bya/ /lhor ni me 'od ldan pa yi/ /lag na rdo rje'i rdo rje bri/ /nub tu 'jig rten dbang po ste/ /pad
45a4 dkar 'od dang ldan pa bri/ /yid bzhin nor 'dzin mdzes gzugs can/ /rin chen rdo steng dbang ldan bri/ /mer ni rab 'bar rdo rje yi/ /bgrang phreng pad+ma la gnas
45a5 bri/ /bden bral du ni rab brjid pa'i/ /go cha 'bar ba bri bar bya/ /rlung du mdzes pa gzhon nu'i lha/ /rin chen sgron ni bri bar bya/ /steng du rtul phod ces khro bo'o/ /
45a6 pad+ma'i steng du khro bo yi/ /'og tu khro rgyal mngag gzhug gi /rdo rje brag steng zhags pa bri/ /khro bo lhag ma sngon gyi ni/ /tshul gyis rgyal bar dgod par bya/ /brtan pa
45a7 zhes pa'i pho nya mo'i/ /chu gri byang du bri bar bya/ /zla ba'i dkyil 'khor 'chang ba yi/ /mkhar sor ma ni shar du'o/ /nyi ma'i dkyil 'khor 'chang ba yi/ /rnam
45b1 'jigs ma ni lho ru'o/ /nub kyi phyogs su bri bar bya/ /mdzod spu ma zhes rin phreng 'dzin/ /rin chen rdo steng shar lho bri/ /shar lhor bgegs 'dzin ma zhes pa/ /'khor
45b2 lo me 'bar rdo rje bri/ /'bar ba'i gtun shing bden bral du/ /'joms pa'i tho ba rlung du bri/ /thal sbyar gung mo nang du bcug /pad+ma mdzod kyi phyag rgya dang / /sngags
45b3 'dis dkyil 'khor byin gyis brlab/ /na maHsarba ta thA ga te b+h+yaHsarba mu khe b+h+yaH/ hUM hUM ba ba maM maM swA hA/ spyan drangs gshegs su gsol ba dang / /srung ba mchog
45b4 gi sngags yin no/ /na maHsarba ta thA ga te b+h+yaH/ sarba bi shwa mu khe b+h+yaH/ he he he Adz+nyA pa ra ma ga ga na A gats+tsha gats+tsha b+ha ga wA na shI g+haM swA hA/ bsnyen pa 'bum la byin rlabs
45b5 dang / /lha sgrub pa dang mchod pa'o/ /de nas yang dag par bshad bya ba/ /rdo rje chos kyi dkyil 'khor ni/ /dbus su 'jig rten dbang sdud nyid/ /pad+ma dmar po 'chang pa 'o/ /
45b6 shar du don yod zhags pa ni/ /bgrang phreng sngon po 'chang ba'o/ /lhor ni nam mkha' dri med de/ /rdo rje sngon po 'chang ba'o/ /nub tu gar gyi dbang pad+ma/ /byang du thugs
45b7 rje shugs po che/ /rdo rje nag po 'dzin pa bri/ /sgrol ma khro gnyer ral gcig dang / /yid bzang ma ni mtshams su bri/ /khro bo dang ni pho nya mo/ /'jam pa'i dbyangs kyis
46a1 rim pas dgod/ /de nas phyag na rdo rje yi/ /dkyil 'khor yang dag bshad par bya/ /dbus su phyag na rdo rje nyid/ /rdo rje dkar po 'chang ba 'o/ /shar du sangs
46a2 rgyas spyan ma yin/ /lhor ni pad 'dzin mA ma kI/ /nub tu gos 'chang na bza' dkar/ /byang du sgrol ma ut+pal 'chang / /phyogs bzhir nam mkha' dri med dang / /shugs po che
46a3 dang rdo rje tog /snyems tshul chen po zhes pa rnams/ /rigs kyi mtshan ma 'dzin pa 'o/ /der yang sngon ltar khro bo rnams/ /rim pa bzhin du bri bar bya/ /de yi cha rgyab dkyil
46a4 'khor la/ /drag po lha rnams bkod pa ni/ /dpung bzang la sogs rdo rje can/ /brgyad po byang gi phyogs su bri/ /tshogs 'chang bshes gnyen 'gro skyong dang / /mthong
46a5 dka' rig byed bden bral med/ /ngan spong brgyad de drang srong shar/ /lhor ni rdo rje dgra sta ma/ /rdo rje tho ba drag shul ma/ /rta rna ma dang khro gnyer ma/ /ro langs ma dang
46a6 lcags sgrog ma/ /mthong dka' ma ste brgyad po bri/ /dug sel rma bya 'od zer can/ /nor rgyun ral gcig dpung rgyan ma/ /dbyangs ldan dril sgrol brgyad nub phyogs/ /
46a7 kun kyang rang rig phyag rgya can/ /sgo yi phyogs su dgod bya ba/ /thub pa'i 'jig rten skyong ba bzhi/ /brgya byin khyab 'jug dbang phyug che/ /changs pa 'jam dpal
46b1 dkyil 'khor la'o/ /rgyal dang rnam rgyal mi thub ma/ /gzhan mi thub ma spyan ras gzigs/ /nag mo che dang uts+tshuSh+ma/ /gzhon nu 'phrog mo gter 'dzin gyi/ /khro bo mi g.yo
46b2 sgo bzhi la/ /nag po che dang dga' byed dang / /ngan spong dang ni tshogs bdag go /mi g.yo dbang bskur dgyes pa yi/ /dbus su khro bo mi g.yo ba'i/ /ral gri me 'od
46b3 'bar ba 'o/ /phyogs bzhir khro bo mdog bzhi 'o/ /'khor los bsgyur ba'i cha byad can/ /rdo rje rin chen pad+ma dang / /rgya gram g.yas pa'i phyag tu 'chang / /g.yon
46b4 pa sdigs mdzub zhags pa 'chang / /rin chen brag la sku bzhugs nas/ /zhabs gnyis pad+ma'i steng du 'o/ /mtshams su khro mo bzhi po yang / /gtso bo dang
46b5 mtshungs sgeg pa'i nyams/ /de rgyab sngon ltar khro bo bcu/ /sku 'am phyag rgya'i phreng ba bri/ /dkyil 'khor cha yi rgyab tu ni/ /'jig rten skyong bcu drug shul can/ /
46b6 khros pas rang rig 'khor bcas bri/ /bum pa tshad ldan ras kyis dkri/ /dri bzang chus bkang lha grangs sam/ /bcu gnyis sam ni drug kyang rung / /kha rgyan dang
46b7 bcas gzhag par bya/ /bla re ba dan gdugs rgyal mtshan/ /yon chab bdug spos me tog dang / /sgron me byug chab zhal zas dang / /gling bu las snyan na bza'i
47a1 tshogs/ /gtor ma dri bzang sman dang bcas/ /yid 'ong dri zhim zas skom tshogs/ /dkyil 'khor spras nas mchod par bya/ /sa la
47a2 pus mo tshad brkos nas/ /'bru srin shing rdo dum bu sogs/ /skyon mang bral nas sa yis dgang / /ba yi rnam lngas byugs pa'i sar/ /me tog bcal bkram
47a3 mchod sogs bkod/ /lha ni spyan drangs mchod nas kyang / /dge dang mi dge'i rmi lam brtag /rmi lam bzang na spro gyur nas/ /sa bdag mo la gsol pa
47a4 gdab/ /khyad par du yang gtor mas mchod/ /bu tshur shog ces theg chen gyi/ /tshul chen khyod ni snod yin pas/ /gsang sngags spyod tshul cho ga rnams/ /
47a5 khyod la yang dag bstan par bya/ /dus gsum sangs rgyas 'byung ba rnams/ /mi g.yo mgon por rab bsgoms pas/ /ye shes mtshungs pa med pa brnyes/ /
47a6 skyob pa shAkya seng+ges kyang / /gsang sngags sbyor ba mnyam med 'dis/ /bdud sde shin tu mi bzad pa/ /dpung chen rnams kyang dpa' bos bcom/ /'jig rten
47a7 'dul phyir chos rnams kyi/ /'khor lo bskor nas mya ngan 'das/ /de 'dra kun mkhyen thob bya'i phyir/ /bu khyod blo gros 'di gyis shig /u dum ba ra'i me tog
47b1 ltar/ /brgya lam na ni res 'ga' zhig /'byung 'gyur yang ni mi 'byung ste/ /skyob pa 'jig rten mgon po che/ /rnyed dka' rnyed par gyur na yang / /gsang sngags skyob
47b2 pa'i tshul 'byung ba/ /shin tu dka' ste rmad byung phyir/ /sdug bsngal shin tu mi bzad pa/ /'khor ba'i rgya mtsho cher 'jigs las/ /myur du sgrol ba gsang sngags
47b3 las/ /sa steng gsang sngags nor bu 'dra/ /rga nad 'chi 'jigs spong ba dang / /nyes mdzad grogs gcugs mthun 'dod dang / /mu ge dgra chom bral bde dang / /
47b4 zas skom gos rgyan longs spyod rtag /bde skyid dpal 'byor thob pa dang / /myur du sangs rgyas 'dod pa yi/ /gsang sngags thabs la myur brtson sgrubs/ /ji
47b5 ltar dus gsum mgon po rnams/ /byang chub tu ni nges mdzad pa'i/ /byang chub sems ni bla med pa/ /dam pa bdag gis bskyed par bya/ /sdom pa yi ni tshul
47b6 khrims dang / /dge ba'i chos ni sdud pa dang / /sems can don byed tshul khrims gsum/ /deng nas mchog tu brtan par gzung / /'gro la lhag pa'i sems bskyed
47b7 nas/ /bla ma la ni yon phul zhu/ /yid bzhin nor 'dra bla med sku/ /zhi ba sangs rgyas go 'phang thob/ /srog gcod rkun rdzun mi tshangs spyod/ /myos byed 'thung dang glu
48a1 gar rol/ /rgyan byug mal chen mtho ba dang / /phyi do kha zas spang ba ste/ /brgyad dang bcu gcig bco lnga dang / /khyad par du ni gnam
48a2 stong la/ /dal 'byor thob pa shin tu dkon/ /sangs rgyas bstan pa shin tu dkon/ /sdom pa blangs nas srog bzhin du/ /g.yeng med bsdams te bsrung
48a3 bar bya/ /gsum la rtag tu skyabs 'gro bya/ /lha mi bde ldan lus thob nas/ /dmyal ba dud 'gro yi dwags gnas/ /thob gnas spang dka' de dag ni/ /
48a4 nam yang thob par mi bya'o/ /bdag ni dpa' bo ral gri 'chang / /gsang ba'i 'khor lo sbyor byed pas/ /bka' las 'das pa'i gdug can rnams/ /dum
48a5 bu phye mar 'gas par 'gyur/ /slob ma gzung phyir thog mar ni/ /bsnyen pas sngags kyi mthu bskyed bya/ /longs spyod 'phel phyir gtor ma gtang / /bsod
48a6 nams 'dod phyir mchod pa brtson/ /bla ma thos bsam sgom la gnas/ /gtong phod dul zhing chos spyod mkhas/ /nad med bzod des snying rje che/ /sngags sgrub
48a7 brtson dpal shes rab can/ /brtags nas slob ma lnga 'am bdun/ /dad brtson zhi dul bla ma bkur/ /sdigs 'jigs nad med dbang po tshang / /dbyibs sdug
48b1 snying rjer ldan pa gzung / /'phags pa rdo rje khro bo'i rgyal po'i rtog pa bsdus pa'i rgyud las/ skye bo gzung ba'i thabs kyi le'u ste drug pa'o// //de nas
48b2 yang dag bshad bya ba/ /rig pa 'dzin pa'i dngos grub che/ /gzhan du med pa phul byung ba/ /rgyud 'dir bshad pa nyan par byos/ /mi ni rin chen dang po ste/ /gang gang
48b3 sgrub pa de dang de/ /'grub par 'gyur gyi gzhan du min/ /ral gri lcags sam shing la byas/ /sor bzhi pa 'am sor brgyad bya/ /yu bar rigs kyi rgya lnga bri/ /ba yi
48b4 rnam lnga dri zhim chus/ /bkrus te dri dang me tog mchod/ /zla drug sngags bzlas khro bo bsgom/ /ral gri dud thul 'od du 'bar/ /blangs pas mkha' spyod yul
48b5 'gro 'gyur/ /tshe ni bar gyi bskal pa ste/ /lha yi bzhon pa sna tshogs bcibs/ /sangs rgyas zhing rnams 'gro bar 'gyur/ /gser dngul zangs kyi zhags pa 'am/ /
48b6 shing gi zhags pa'ang de ltar 'grub/ /rgyal mtshan nor bu gi'u wang gdugs/ /lcags kyu rnams kyang de bzhin sgrub/ /lha rnams sgrub na thang shing la/ /gang 'dod lha
48b7 yi gzugs byas te/ /sngags bzlas tsam gyis mdun du 'ong / /ci 'dod gsol 'debs 'dod pa smra/ /klu la nA ga ge sar shing / /gnod sbyin la ni gser las
49a1 gzugs/ /dri za la ni 'o ma'i shing / /mkha' lding 'jim pa'i gzugs kyis so/ /srin po la ni dur khrod shing / /gang yang gzugs
49a2 byas rkang pa ni/ /g.yon pas de yi ske mnan te/ /sum 'bum bzlas na mdun du 'ong / /ci 'dod smra tshe dgos pa bslang / /shar du ras ris kha sprad drung / /dus
49a3 gsum khrus byas gos rlon gyon/ /sum 'bum bzlas na mar ngo / yi/ /brgyad la 'byung po gtor ma sbyin/ /maN+Dal steng du ro bzhag nas/ /rang nyid rin chen khri
49a4 steng du/ /snying po khri brjod ro 'gul 'gyur/ /mi skrag kha yi nang du lce/ /pad+ma kha phye lte can mthong / /bcad na ral gri rig 'dzin 'gyur/ /lha yi gzugs kyis
49a5 tshangs pa yi/ /'jig rten khams kyi gnas rnams rgyu/ /gi'u wang bdun bzlas thig les ni/ /skye bo kun gyis mi mthong ngo / /mi g.yo pus mo btsugs pa 'am/ /
49a6 'jam dpal ris ma'i drung du ni/ /'jam dpal sngags 'di sa ya bzla/ /nya la khyad par mchod pa bya/ /mtshan rangs bzlas pa'i tho rangs nas/ /dang po rtags
49a7 sa g.yo bar 'gyur/ /gnyis pa nyi ma 'gyur ldog byed/ /phyogs bzhir mkha' la sgra chen po/ /ha ha 'brug skad grag par 'gyur/ /gsum par mkha' la rig
49b1 'dzin rnams/ /me tog char 'bebs chun 'phyar bsgreng / /de rjes rig 'dzin ma lus dang / /'jig rten skyong bas rab bskor nas/ /khro rgyal byon nas gsung snyan gyis//
49b2 ci 'dod bu khyod gsung bar 'gyur/ /rig 'dzin rgyal po mi snang sogs/ /ci 'dod par ni smra bar bya/ /'grub nas brgyad gnyis cha byad can/ /rgyan bzang lag na
49b3 ral gri thogs/ /lha yi bzhon pa la bcibs nas/ /rig 'dzin tshogs mang lhan cig tu/ /sangs rgyas zhing mang phyin pa'i tshe/ /rgyal sras rnams kyis phyag byas
49b4 nas/ /mchod pa chen po thob 'gyur te/ /bskal pa du mar tshe gnas 'gyur/ /ut+pal sngon pi lig bu mig /ru rta zangs snod ril bu gzhag /zla ba gzas zin par bzlas
49b5 nas/ /mig bskus 'dod pa'i khams gsal 'gyur/ /bdag ni sus kyang mi mthong ngo / /gnam lcags rdo rje sor bcu drug /ngos gnyis rtse gsum dbyibs can te/ /
49b6 tsan+dan dmar dang dri bzang byug /cho 'phrul tshes gnyis nya yi bar/ /mchod cing bzlas na tha mar ni/ /mar me brgya sogs kyis mchod de/ /ku sha khres kyi steng 'dug
49b7 nas/ /rdo rje lag gnyis bzung ma thag /dul 'thul 'od du 'bar nas kyang / /'khor bcas rig pa 'dzin pa yi/ /'khor los bsgyur ba thob par 'gyur/ /'khor
50a1 lo bdun brtsegs mtshon cha dang / /gser dang mal lham tshangs skud sogs/ /dgos pa thams cad de ltar sgrub/ /sngon gyi tshul du dngos
50a2 grub 'byung / /tshes gcig nyin par sku gzugs kyi/ /mthe bor dzA ti sngags brjod brdeg /stong phrag brgyad kyis mthe bong las/ /'od zer phyung nas reg ma thag /
50a3 dbu skra lcang lo 'khyil gyur nas/ /'khor bcas rig 'dzin rgyal po thob/ /sus kyang mi thub lus grub 'gyur/ /tshe ni bskal pa'i bar du gnas/ /sa la pad+ma
50a4 'dab brgyad bri/ /bum pa skud pa nag pos dkri/ /tsan+dan gyis byug dris kyang dgang / /pad+ma'i steng bzhag pad steng 'dug /stong phrag brgyad bzlas sa gzhi gas/ /
50a5 pad+mar snang zhing sa gzhir snang / /chu des gtor la khru gang bskor/ /blangs pas bskal ba'i tshe tshad thob/ /grog mkhar sa la seng+ge bya/ /gi'u wang gis byugs
50a6 dkyil 'khor gzhag /g.yon 'gul bar du ma chod cing bzla/ /seng+ger gyur nas rgyab zhon nas/ /'dod gzugs lha gnas kun tu 'gro/ /sangs rgyas zhing
50a7 yang mthong bar 'gyur/ /tshe lo khri phrag gcig bskor nas/ /rig 'dzin chen po'i gnas su 'gro/ /'dir gsungs pa 'am ma gsungs pa/ /sngags dang lha
50b1 'dis sgrub pa yis/ /rig 'dzin grub par grags pa rnams/ /ma lus thams cad 'grub par 'gyur/ /'phags pa rdo rje khro bo'i rgyal po chen po'i rtog pa bsdus pa
50b2 las/ rig 'dzin sgrub pa'i le'u ste bdun pa'o// //de nas yang dag bshad bya ba/ /phran tshegs las kyi spyor ba gtso/ /gza' yi cho ga 'di
50b3 yin te/ /gnod pa sel dang phan skyed mdzad/ /ba yi rnam lngas byugs pa yi/ /dkyil 'khor dbus su pad+ma ni/ /kha dog sna tshogs nyis brtsegs kyi/ /dbus su
50b4 sangs rgyas de bzhin lhor/ /chos kyi rdo rje chos dkar bo/ /shar du dge 'dun ljang gu 'o/ /nub tu 'jig rten dbang phyug dmar/ /byang du phyag na rdo rje ste/ /byang shar du
50b5 ni 'jam dpal ser/ /mer ni gshin rje gshed po nag /dbyug 'chang ma he zhon pa'o/ /mi g.yo mgon po srin po'i phyogs/ /rta mgrin rlung gi phyogs su 'o/ /
50b6 dkon mchog gsum po chos 'chad rgya/ /sems dpa' khro bo rang rtags so/ /kun kyang rin chen khri la bzhugs/ /de rgyab cha la gza' rnams te/ /shar du nyi ma dkar
50b7 ser ni/ /rta la zhon te pad+ma 'chang / /nub tu zla ba dkar po ni/ /ku mu da 'chang ngang ba zhon/ /lhor ni mig dmar kha dog dmar/ /ril ba'i steng bzhugs me sgron bsnams/ /
51a1 lhag pa mdog ser ut+pal 'chang / /byang du pad steng bzhugs pa yi/ /phur bu mdog sngon glegs bam thogs/ /shar lho phyogs
51a2 su klu la bcibs/ /pa wa sangs dkar shing thog 'chang / /lho nub gser gyi khri la bzhugs/ /byang shar spen pa mdog nag ni/ /tshangs pa'i steng na dbyug pa
51a3 thogs/ /nub byang sgra gcan dud ka ni/ /sbrul gyi steng na 'khor lo 'dzin/ /rnon po ljang gu ral gri 'chang / /gtso bo'i drung du pad steng bzhugs/ /na maHsarba ta
51a4 thA ga te b+h+yaH/ sarba sa pa ri pU ra ke b+h+yaH/ sarba thA/ oM b+ha ki nAM swAhA/ nyi ma'i snying po'o/ /na maHsarba ta thA ga te b+h+yaH/ sarba sa pa ri pU ra ke b+h+yaH/ sarba thA/ oM sarba tra
51a5 yaM a swA hA/ zla ba'i 'o/ /na maHsarba ta thA ga te b+h+yaHsarba sa pa ri pU ra ke b+h+yaH/ sarba thA/ oM a bIR+ya ya swA hA/ rnon po'i'o/ /na maHsarba ta thA ga te b+h+yaH/ sarba sa
51a6 pa ri pU ra ke b+h+yaH/ sarba thA/ oM su bi shud+d+ha swAhA/ mig dmar gyi'o/ /na maH/ sarba ta thA ta ga te b+h+yaHsarba sa pa ri pU ra ke b+h+yaH/ sarba thA/ oM bi su Ta pa ka ya
51a7 swAhA/ gza' lhag gi'o/ /oM na maHsarba ta thA ga te b+h+yaH/ sarba sa pa ri pU ra ke b+h+yaH/ sarba thA/ oM b+hi ka mya d+hA ya swAhA/ phur bu'i'o/ /na maHsarba ta thA ga te b+h+yaH/
51b1 sarbA sa pA ri pU ra ke b+h+yaH/ sarba thA/ oM su d+harmA r+Na ra ho swAhA/ pa wa sangs rgyas kyi'o/ /na maHsarba ta thA ga te b+h+yaH/ sarba sa pa ri pU ra ke b+h+yaH/ sarba thA/ oM kr-iSh+Na bar+Na pha ka swAhA
51b2 spen pa'i 'o/ /na maHsarba ta thA ga te b+h+yaH/ sarba sa pa ri pU ra ke b+h+yaH/ sarba thA/ oM bi kr-i da la ku ru tsi swAhA/ sgra gcan gyi'o/ /sngags re brgyad stong brgyad brgya bzlas/ /
51b3 ci 'byor mchod de gsol ba gdab/ /longs spyod spel cig 'jigs pa sel/ /nad med bgegs rims 'joms par 'gyur/ /rims sogs gzas zin nang
51b4 la yang / /sku yi drung du gsol btab sel/ /zhi rgyas dbang drag gang sbyar ba/ /de dag thams cad 'grub par 'gyur/ /mi dang bya rgod sbrul rus pa/ /skabs su btums
51b5 nas dgra khyim sba/ /dgra bo nad skyed nor rnams brlag /rtag tu 'thab mo 'byung bar nges/ /stag bu thod rus 'ug pa'i spu/ /dgra bo'i sgro sbas skrod par byed/ /ne'u le
51b6 nag po wa sbal rus/ /rang khrag rtsangs pa'i mgo bo rnams/ /gong bu ming bcas dgra sgor sba/ /dgra bo 'khor bcas shi bar 'gyur/ /mi tshil dur thal rgya skyegs ni/ /
51b7 thod pa so can nang blugs nas/ /gang gi sgor bzhag khang pa 'jig /ku sha'i gzugs brnyan rkang pas mnan/ /dbang byar 'dod pa'i sngags bzlas na/ /rgyal po che yang
52a1 dbang 'gyur na/ /'byung po gzhan lta smos ci dgos/ /bud med skyes phyugs la sogs la/ /rang ming ldan pa'i gzugs byas te/ /rkang
52a2 ba g.yon mnan ming bcas bzla/ /gang dang gang yang nges par 'grub/ /sa la bgegs kyi gzugs bris te/ /sngags kyis brdungs na brlag par 'gyur/ /'jim
52a3 pas bgegs kyi gzugs byas te/ /gdab cing brdungs na sel bar nges/ /phur bus gdab dang mtshon chas brab/ /rdo rje ri rab lcog brgyad ldan/ /sa la byas
52a4 pa'i them bar du/ /gzugs brnyan bcug ste rkang pas mnan/ /gzas zin nub mo'i maN+Da la/ /dri bzang me tog sil ma bkram/ /pha rol phyin pa'i glegs bam bzhugs
52a5 dwangs ma'i snod du mar bzhag ste/ /seng ldeng mes ni bskol bar bya/ /dngos grub rnam gsum 'grub pa dang / /gter mthong bar yang 'dis 'gyur ro/ /khros
52a6 pas spyan gyi phyag rgya bya/ /hUM mtha' gsang sngags drag tu brjod/ /dur khrod thal ba gang byin pa/ /gdon gyis 'dzin nam bran du 'gyur/ /de nas mi g.yo spyan
52a7 gcig pa'i/ /sngags kyi cho ga bshad par bya/ /ris ma'i drung du 'bum phrag gsum/ /brjod pas 'di yi bsnyen pa rdzogs/ /dben par zan gyi chang bu sbyin/ /des
52b1 na rtag tu 'brel par 'gyur/ /mdzub mo'i rtse la hUM bkod nas/ /brjod pas sprin rnams 'bral bar byed/ /dgra bo lhar bcas gzugs brnyan la/ /rkang g.yon mnan
52b2 bzlas lcags phur gdab/ /bka' nyan 'gyur ro gtubs na shing / /skud pa ser po bcings nang ngag/ spang leb mnan na mnan par 'gyur/ /ra lpags brabs na
52b3 bka' nyan 'gyur/ /srad bu yungs kar la bzlas te/ /'chang na gang 'dod srung bar byed/ /na maHsarba ta thA ga te b+h+yaHsarba bi shwa mu khe b+h+yaH/ sarba thA/ oM tsaN+Da la ma hA
52b4 ro Sha Na hUM traM thA ma hA tsaN+Da/ a tsa la ka na hUM hUM hUM a pra ti ha ta/ ta thA ga ta dz+nyA sma ra hUM hUM phaT swAhA/ rgya mtshor 'bab pa'i chu klung du/ /tsan+dan sbags pa'i pad+ma ni/ /sngags
52b5 bcas ci tsam bsgyur ba'i grangs/ /gser gyi dong tshe rnyed par 'gyur/ /bram ze 'am ni dge 'dun ras/ /rgyal po ras sam gro ga la/ /pad+ma mu khyud gnyis ldan bri/ /
52b6 lte bar oM hUM ming dang bcas/ /tsaN+Da ma hA ro Sha Na/ /phaT dang bcas pa 'dab mar bkod/ /mu khyud dang por rtsa sngags te/ /gnyis pa 'jam dpal sngags nyid
52b7 bri/ /dri dang me tog sogs mchod nas/ /skabs kyis dril nas lus la bcang / /gdon dang nad dang mu ge sel/ /g.yul du phyin pa rgyal bar 'gyur/ /yang na
53a1 ral gri so bzhir bri/ /'od kyi ri mo nang chud pa/ /ye d+harma la sogs kyis bskor/ /dbus su ming dang bcas pa yi/ /snying po sngags
53a2 ni khrigs su bri/ /'dis kyang sngon gyi yon tan 'gyur/ /mtho las 'khor ba'i bar du ni/ /mtho gang 'phang du yod pa bya/ /nang du mtshal gyis 'jam dpal
53a3 sngags/ /mgo ni gyen du bltas pa bri/ /kha la nye bar rten 'brel sngags/ /spra tshil las byas dgra yi gzugs/ /dug dang gri khrag gis bris nas/ /ming
53a4 yig gsod par bcas pa ni/ /ling+ga'i snying gar bcug byas te/ /dkyil 'khor gru gsum nag po yi/ /dbus su mtho gang brus byas te/ /nang bzhag steng
53a5 du par bu sbub/ /ji srid mar gyi tshes gcig nas/ /zla ba mi snang zhag bar du/ /nyin mo rten 'brel sngags bzlas te/ /mtshan dus khro bo spyan gcig pa'i/ /
53a6 sngags ni drag tu brjod par bya/ /mtshams dang ci srid mtshams par du/ /g.yon du bskor zhing rtsa ba'i sngags/ /drug cu rtsa bzhi'i grangs su brjod/ /'jam
53a7 dpal sngags kyis chos gos bsrung / /bde gshegs yi ge brgya pas ni/ /mchod rten la ni gseg shang gsil/ /sangs rgyas bstan pa 'jig pa dang / /
53b1 sngags la 'phya zhing sems can 'tshe/ /log lta log par spyod byed cing / /sems can la 'tshe byed pa ni/ /rgyal po khro bo che bcu dang / /'jig rten skyong dang rgyal
53b2 chen bzhi/ /ma tshogs gza' dang rgyu skar tshogs/ /bstan dga' rnams kyis myur du sgrol/ /rgyud gzhan dag la grags pa yi/ /bden pa'i mthu yang du ma brjod/ /
53b3 dur khrod sa la mchod rten ni/ /nag po gru gsum khru gang ba'i/ /srog shing nag po gsum pa la/ /bde gshegs yi ge brgya pas dkri/ /gur gum li khris bris
53b4 pa'o/ /mya ngan med shing gru gsum la/ /rgya gram dbang chen rim par bca'/ /laM dang staM b+ha ya nan brgyad/ /phyogs brgyad bri ba'i rwa dbus la/ /nye snying ming dang
53b5 bcas pa bri/ /de yi lte bar snying po ni/ /gsad pa'i ming bcas bri ba 'o/ /tshogs kyi bdag po gtor mas mchod/ /ma mo rnams dang legs ldan sras/ /sha khrag
53b6 me tog nag pos mchod/ /ci srid gsum dang bdun bar du/ /le lo med par byas gyur na/ /dge slong dge tshul bsnyen ldan gang / /sdom brtson de ni ldan gyur te/ /
53b7 sdig ldan myur du shi bar 'gyur/ /de nas yang dag bshad bya ba/ /gtum po rdo rje 'dzin pa yis/ /sna tshogs las rnams thun mong ste/ /khyad par sbyor ba cung
54a1 zad bshad/ /yungs kar bsnun pas 'byung bo 'bros/ /ser ba srung na 'khor lo 'am/ /rnga dang dung la bri bar bya/ /g.yul du
54a2 'jug na ral gri sogs/ /nad la 'khor lo chu yungs kar/ /thod le kor gyis sa phor la/ /bris te sgro sbas spre'u srung / /spra tshil gzugs brnyan sor bzhi
54a3 pa/ /dur khrod thal bzlas sgo steng bzhag /nad pa gdon las srung bar nges/ /snying gar ming sngags spel bcug nas/ /tsher ma khar btsugs ngag rengs
54a4 byed/ /snying la btsugs na khros pa zhi/ /nan tan sems kyis gsod par nges/ /ling+kas rtags kyi nus pa med/ /yang na rabs chad thod pa la/ /ming sngags
54a5 bris te mi khrag bkang / /rabs chad dur sbas rigs rgyud 'chad/ /khyi nag thod par ming sngags bcas/ /dug bkang klu gnas sbas mdzes 'dzin/ /dgra yi
54a6 sgor sbas 'byed par byed/ /zhing du sbas na lo nyes byed/ /phyugs nad god 'byung zla dang 'byed/ /chu dong sbas na chu skam 'gyur/ /me dur sbas na rims kyis
54a7 'dzin/ /yang na dgra ming khrag gis bris/ /spra tshil gzugs kyi snying gar bcug /mchod rten nag po mtho gang ba'i/ /nang bcug dong bzhag lhung bzed sbub/
54b1 bram ze rigs bzhis sngags brjod cing / /nag po tshes nas phyis bskor zhing / /bden pa'i mthu brjod gzugs brnyan bsreg /dgra bo shi 'gyur the tshom med/ /gri
54b2 khrag bya rog 'ug pa'i khrag /ka tra ta yi lte ba la/ /ka ro ki yi dus su ni/ /gzugs la ming dang sngags bcas bri/ /rkang pas mnyes na rdul du 'gyur/ /rdo rje 'dzin
54b3 pa'i bka' bzhin no/ /mtshon gyis bsad pa'i thod pa la/ /sngags dang yul lha'i ming spel bri/ /lha yi gnas bcug de steng du/ /sngags bzlas phur pa snying gar
54b4 gdab/ /gdug pa'i tsher ma'i hom sbar te/ /mi rta ba lang khyim he/ /sna tshogs khrag bsres 'di skad brjod/ /lha khyod yul 'dir thog ser phob/ /med na bskal
54b5 par khyod nyid sreg /de rjes dkar dang mngar mchod do/ /'phags pa rdo rje khro bo'i rgyal po chen po'i rtog pa bsdus pa'i rgyud las/ /sbyor ba phran tshegs kyi le'u ste
54b6 brgyad pa'o// //de nas sbyin sreg las rnams kun/ /myur 'grub thabs ni bshad par bya/ /mngar gsum dur ba bsregs pa yis/ /gnod
54b7 rigs thams cad sel bar byed/ /ya ma shing 'bras bu gsum bsregs shing / /gdon nad thams cad zhi bar byed/ /'o ma can gyi yam shing la/ /'o ma
55a1 dur ba til dang 'bras/ /snying rje'i sems kyis brgya bsregs na/ /gnod pa thams cad zhi bar 'gyur/ /ga pur mngar gsum 'bru
55a2 thams cad/ /dur ba dkar po'i yam shing rnams/ /'o ma can gyi shing la bsreg /nad dang gdon rnams thams cad zhi/ /'o ma sbyin sreg brgya rtsa brgyad/ /
55a3 phyugs ngas chen po zhi bar 'gyur/ /dur ba mngar gsum ming bcas pas/ /bsregs pas rta phyugs nad zhi byed/ /shar lho nub byang phyogs kyi ni/ /dkar nag
55a4 dmar ser kha dog 'grub/ /khru gang khru gnyis tshad kyi thab/ /sor bzhir kha khyer rim pas gtang / /sems dpa' pad+ma'i rdo rje dang / /gcig pus zhi rgyas
55a5 dbang drag 'grub/ /de nas rgyas pa'i sbyin sreg ni/ /ci 'dod thob pa bshad par bya/ /pad+ma'i chu la 'bum phrag gcig /rgyal po thob ste blon po ni/ /ku mu da
55a6 la 'bum phrag gsum/ /zho dang mngar gsum dang bcas pa'o/ /a ba marga'i 'bras bu dang / /mngar gsum 'bum gyis yul bdag thob/ /rigs bzang
55a7 'bum phrag bdun gyis ni/ /yid la ci 'dod thob par 'gyur/ /dur ba til dang 'bras sogs bsreg /bud med bu bzang thob par 'gyur/ /nor 'dod pas
55b1 ni rkun po yi/ /lag pa g.yas pa mdzod bzhag nas/ /mchod cing gsol ba btab pas ni/ /nor rnams myur du thob par 'gyur/ /yang na rgya yi pags pa la/ /gur
55b2 gum gi'u wang yung bas ni/ /byi ba che brjid ser po bri/ /shar na mdzod phugs bltas par bzhag /zas kyi lhag mas mchod bya zhing / /gsol ba btab pas nor
55b3 rnyed 'gyur/ /pad+ma'i ze ba ka li ka/ /bri yang kus ni nor rnyed do/ /'bras bsregs pas kyang nor chen thob/ /ku mu da yi 'bras sogs bsreg /longs spyod che dang
55b4 sa gzhi 'thob/ /pad+ma zho dang sbrang rtsi mar/ /sbyin sreg 'bum gyis mchog stsol ba/ /gsum pa dag kyang mthong bar 'gyur/ /bil ba'i 'bras bu mngar gsum
55b5 bcas/ /'bum phrag gsum du bsregs pas ni/ /rang nyid rgyal po chen por 'gyur/ /mar dang nyungs kar dkar pos ni/ /nim pa'i shing la 'bum bsreg na/ /
55b6 snying po snying po rgyas par 'gyur/ /nas la sogs pa'i 'bru rigs rnams/ /gang bsregs gsol btab de rgyas 'gyur/ /gang 'dod gos kyi kha dog can/ /me tog
55b7 bsreg na gos rnyed 'gyur/ /sbos shing bsreg na 'khor g.yog 'phel/ /zho mar seng ldeng me la stong / /bsregs na nor rnams rnyed par 'gyur/ /de nas dbang
56a1 gi bsreg lugs bshad/ /til dang 'bras sogs phub ma bsregs/ /bud med dbang du byed pa'o/ /bri yang ku yi sbyin sreg gis/ /
56a2 byis pa rnams ni dbang du 'gyur/ /'o ma sbrang rtsi a ru ra'i/ /shing la bsreg na lha dbang byed/ /gsum po de dang gu gul sreg /gnod sbyin rnams ni dbang du
56a3 'gyur/ /mya ngan med pa'i yam shing gis/ /gnod sbyin mo rnams dbang du 'gyur/ /rgyal po'i yungs kar yungs mar bcas/ /bsregs pas rgyal po dbang
56a4 du 'gyur/ /de nas drag po'i las grub pa'i/ /sbyin sreg yang dag bshad par bya/ /ming bcas tshad dang nim pa bsregs/ /bstan sdang dgra bo myur du 'chi/ /dgra
56a5 ming dug gis nim pa la/ /bris te dug dang lhan cig tu/ /sbrul shun thum po lnga byas nas/ /thod pa lnga yi nang bzhag ste/ /lnga po yungs mar gyis bkang nas/ /
56a6 gsum ni skyes bu gnyis brtsegs la/ /khros pas gcig tu skra grol bas/ /sngags brjod thal bar gyur bar du/ /nyin phyed bsreg na dgra 'chi nges/ /'chi
56a7 ltas 'dam ma rtsa ba shun/ /ra khrag nyung mar tshwa rgya skyegs/ /tsha ba'i bud shing yam shing la/ bdun phrag ming dang bcas pa bsreg /stong phrag gnyis kyis rta
56b1 phyugs 'chi/ /bzhis ni bu dang chung ma 'chi/ /drug gis nye du gnyen 'dun brlag/ /brgyad kyis dgra yi rang srog 'chad/ /gal te skyabs su 'ongs gyur na/ /'o ma stong
56b2 bsregs rnal du sos/ /khrag dang dug phye nim pa'i 'bras/ /yungs mar la sbrags brgya rtsa brgyad/ /myos byed la bsreg dgra bo 'chi/ /yang na rus phye nim pa'i
56b3 lnga/ /rang gi khrag gam yungs mar sbags/ /yang na skye tshe dug dang ni/ /nim pa'i 'bras bu gsad par bya/ /yang na gri khrag gis bsregs pas/ /byad ma myur du
56b4 gsod par 'gyur/ /nim pa'i lnga dang ra khrag dug /dri ma lnga bcas gzugs snying gar/ /ming yig bcug nas phur bus gdab/ /rig sngags byad ma nyid log
56b5 'gyur/ /rgya skyegs mi rus phye ma yis/ /mi lpags rlon pa dgra gzugs bri/ /dug dang ske tshe cung zad byug /nim pa'i me la khros pas bsro/ /bsregs pas tsha
56b6 ba'i rims kyis 'chi/ /dur ba 'o mas sos par 'gyur/ /dug dang nim pa sgog skya dang / /mi rus phye bsregs phyugs rnams brlag /tsha gsum lan tshwa du
56b7 rang skyur/ /yungs mar ro skra sbrul shun dang / /nim pa'i lnga dang mi rus phye/ /skye tshe dug phye sgog tsong dang / /sgog skya tsher ma'i me la bsreg /dgra bo khrag tu skyugs
57a1 te 'chi/ /rgya skyegs lan tsha ba lang mkhris/ /bsreg na mchin gas nad kyis 'chi/ /sge'u gsher lan tshwa tsha ba gsum/ /gzugs
57a2 brnyan dur khrod mgal dum la/ /mgo nas rkang pa'i bar du bsreg /thig nag gis ni gsod par 'gyur/ /'o ma can gyi yams shing la/ /dkar gsum bsreg
57a3 na sos par 'gyur/ /dri chus sbangs pa'i sa las ni/ /thab khung byas te dug gis byug /nim pa'i 'dab mar dgra bo'i ming / /ra khrag gis bris rgyus pa dkris/ /
57a4 tsha gsum shing gi mer bsregs pas/ /rgyal po myur du 'chi bar nges/ /dug khrag lan tshwa tsha ba gsum/ /ming bcas gzugs brnyan nim pa'i mer/ /bsreg
57a5 na dgra bo dmu rdzing ngam/ /mdze nad kyis ni gsod par 'gyur/ /tsha gsum nim pa dug dang dur/ /khrag dang lan tshwa'i gzugs brnyan ni/ /lan tsha nim pa tsha
57a6 ba'i mar/ /byugs nas arga'i shing la bsregs/ /mdze nad chen pos gzung nas 'chi/ /ra khrag tshwa gsum nyungs mar sbos/ /nim pa'i lo ma na le sham/ /
57a7 nyungs mar dug bsregs tsha bas 'chi/ /na le sham mam dug dang tsha/ /gang du ra lnga che ba gsum/ /sol ba la ni dgra gzugs bya/ /nyungs mar byugs te bsreg
57b1 na 'chi/ /tsha gsum pa yi 'bras bu yi/ /nim pa'i 'dab ma dgra ming bri/ /thod par dug nyungs lhan cig bzhag /gang dur lnga btsos na 'ching / /ris ma byang du bltas nas kyang //
57b2 rang nyid lho phyogs blta bar bya/ /tshangs pa la sogs lha tshogs dang / /'jig rten skyong ba rdzu 'phrul can/ /ma mo mkha' 'gro sha za sogs/ /sa bcu'i dbang phyug byang chub
57b3 sems/ /rig 'dzin khro bo'i rgyal po dang / /sangs rgyas dkyil 'khor lha rnams gson/ /sdig can nga rgyal gdug cing khro/ /chad lta sngags 'phya dkon mchog bcom/ /
57b4 bstan la sdang zhing sems can 'tsho/ /mtshams med can 'di bsgral du gsol/ /rlung gis 'phar zhing char gyis gsher/ /mes gdung rdul tshub skabs 'dir skye/ /
57b5 seng+ge mkha' lding stag khro bos/ /bcom zhing 'bu sbrang bung rgod kyis/ /khrag 'jib bya tshogs mkha' la khyer/ /mngon spyod las kyis bsam gtan no/ /de nas sna tshogs
57b6 las bshad pa/ /mi rus phye ma tshe skye tshe/ /gnod sbyin 'khrig pa dug shing la/ /tha dad ming bcas bsregs pas ni/ /bskrad dang dbye dang smyo bar byed/ /dur ba 'o mar
57b7 bcas pas sos/ /hang dur yan lag lnga 'bras bu/ /tsher ma'i mes bsregs smyo bar byed/ /tsha gsum lan tshwas tsha rims bskyed/ /yang na shing skam lta
58a1 bur bskams/ /dzam pa'i ra dang rang skyur bcas/ /dgra bo grang ba'i rims kyi 'debs/ /khwa'i sgro e raN+Da'i mar khus/ /byugs pa
58a2 da dur me la bsreg /lag stobs khwa ta lta bur ni/ /dgra bos mtha' kun tu 'khyam/ /ske tshe mi rus lan tshwa dug /nyungs mar nim pa'i me la bsreg /dgra bo rtag
58a3 tu 'thab pa dang / /nad rnams kun gyis 'debs par 'gyur/ /dur khrod thal ba sol bar bcas/ /dgra bo'i gzugs byas dum bur mnan/ /tsham dam phur
58a4 bus 'debs pa ni/ /phol mig nad ngan skyed par byed/ /bya rgod 'ug pa byi la sha/ /ne'u le'i bu rnams khyer ba'i mer/ /drug cu rtsa brgyad bsregs pa yis/ /
58a5 mthun gnyis myur ru 'byed par nges/ /khrag gcan ras la gzugs bris nas/ /rkang g.yon sker mnan tsham ngam bcas/ /'dod bcas sngags ni drag po yis/ /
58a6 brgyal dang rims nad mtsher nad bskyed/ /dgra yi skra dang rkang rjes sa/ /dgra gzugs dug dang ske tshes byug /tshor mes bsregs na rengs par 'gyur/ /dgra yi pha
58a7 rus dug rang skyur/ /gzugs byad nim pa'i mer bsregs na/ /dgra bo gdon chen nad kyis 'debs/ /phag rtug snu ha arga'i shing / /tsher mes sregs na mgo 'khor
58b1 'gyur/ /ne'u le byi la byi tsher spu/ /bsregs na bong bu brlag par 'gyur/ /mi dang ne'u le khwa rus pa/ /yungs mar nim pa'i me la bsreg /grong dang grong khyer bskrad par byed//
58b2 stag spu thod rus 'ug pa'i spu/ /sa ha me tog na le sham/ /nim pa'i lo ma dug sreg byed/ /nim pa'i 'bras bu dug lan tsha/ /da dur 'bru bsregs nad
58b3 skyed byed/ /dug khrag da dur 'bras bu yis/ /nim pa'i shing la dgra ming bri/ /tsha gsum lan tsha khrag gis byugs/ /lcags snod yungs mar nang bzhag nas/ /
58b4 nim pa'i shing gis me yis btso/ /dgra bo lha dang 'byed par 'gyur/ /mi khyi bya rgod rus phye dug /ske tshe yungs mar sbrul shun dang / /nim pa'i lnga dang skags lan
58b5 tshwa/ /tsher mes bsregs na nad kyis 'debs/ /ske tshe sbrul shun tsha ba'i mar/ /gzugs byas tsha ba'i me la gdung / /char ches pa dang / thog 'bab 'gyur/ /'phags pa rdo
58b6 rje khro bo'i rgyal po'i rtog pa bsdus pa'i rgyud las/ /sbyin sreg ga le'u ste dgu pa'o// //de nas tshangs pa khyab 'jug sogs/ /'khor gyi dkyil
58b7 'khor thams cad kyis/ /bzhengs te thal mo sbyar nas kyang / /snyan pas ched du 'di brjod do/ /e ma sangs rgyas thams cad la/ /thabs dang shes rab bsam du med/ /
59a1 thugs rjes gyur pa'i thugs kyis ni/ /mtshungs med rgya che dam chos gsungs/ /dug gi 'jigs pas sa steng 'khrigs/ /nyon mongs
59a2 mun 'jigs med pa yi/ /bdud rtsi 'od bzang 'di gus na/ /ngan 'gro'i 'jigs pa stong par 'gyur/ /de nas tshangs sogs 'jig rten skyong / /rdzu 'phrul
59a3 ldan rnams kun 'dus nas/ /ngam zhing ched du brjod pa 'di/ /snyan pa'i tshig gis rab tu gsol/ /e ma sangs rgyas che ba'i bdag /sems can kun la sman
59a4 par dgyes/ /skyob chen 'jig rten mgon po yis/ /mtshungs med bsam gyis mi khyab thabs/ /gsungs pa 'di la gang gnas pa/ /'khor ba'i sdug
59a5 bsngal rgya mtsho sbyong / /'gro la sman mthong bsgrubs pas ni/ /lhag pa'i bde ba 'byung bar 'gyur/ /de nas rdo rje 'dzin pa sogs/ /byang chub sems dpa'i
59a6 tshogs rnams kyis/ /ngo mtshar spyan ni gdangs nas su/ /ched du brjod pa 'di brjod do/ /e ma sangs rgyas bsam mi khyab/ gdod nas thugs su 'gro don
59a7 chud/ /rtog med rang bzhin las grol nas/ /bsam gyis mi khyab go 'phang gsungs/ /'chang byed dang po ngan 'gro gcod/ /gnyis pa mthong chos dngos
59b1 grub byed/ /de rjes 'jigs med nga yi med/ /dogs pa spangs na zad par gyis/ /sa la bzhugs nas sems can don/ /ma bsams thogs pa med par byed/ /
59b2 gsang sngags rgyal po skyob kun la/ /sbyangs nas 'dod don kun grub ste/ /nam mkha' chu ser dag pa ltar/ /sgom pa bla med yid rgyas byed/ /de nas rig
59b3 pa 'dzin pa'i tshogs/ /ma lus pa rnams 'dus nas kyang / /gtso la me tog gtor byas te/ /ched du brjod pa 'di brjod do/ /e ma sangs rgyas bsam mi khyab/ /
59b4 dam pa'i chos kyang bsam mi khyab/ /'gro la phan dang don byed pa'i/ /cho ga'i ming dang shes rab dang / snying rje'i dbye bas rgyas gyur nas/ mnar med la sogs
59b5 ngan 'gro yi/ /'jigs rnams las rgal pad+ma ltar/ /rnal 'byor can de mdzes par spyod/ /de nas mthu stobs cher ldan pa'i/ /phyogs bcu'i khro bo kun 'dus
59b6 nas/ /shin tu dam pas snyan tshig gis/ /ched du brjod pa 'di brjod do/ /e ma sangs rgyas chos chen dang / /dge 'dun dkon mchog bsam mi khyab/ /'khor ba'i
59b7 mun pa chen por ni/ /bying bas blta dka' rtogs pa yis/ /sngags dang phyag rgya bsam mi khyab/ /mthong dang thos pa tsam gyis kyang / /blta dka' 'byung po
60a1 drag po rnams/ /lhag pa'i sems ni skyes par 'gyur/ /de nas rig pa'i lha mo che/ /spyan la sogs pa rgya chen rnams/ /ngo mtshar
60a2 gyur nas spyan gdangs te/ /snyan pas ched du 'di brjod do/ /e ma sangs rgyas rmad du byung / /e ma sangs rgyas dpa' bo che/ /e ma sangs rgyas rab tu zab/ /chos
60a3 rnams skye med 'gag pa med/ /sgyu 'phrul sna tshogs rol pa ltar/ /sgyu ma gdul bya tshim mdzad pa/ /spros pa dang bral spros pa ltar/ /sgyu ma rab tu 'phel
60a4 bar mdzad/ /de nas phyogs bcu'i sangs rgyas rnams/ /ched gsum mi mjed 'jig rten khams/ /gdul ba dag la rab gzigs nas/ /'dul mdzad rdo rje
60a5 'chang ba la/ /ngo mtshar rmad kyi gsung gis ni/ /ched du brjod pa 'di brjod do/ /oM zhes dang po phyag 'tshal bkra shis ster byed pa/ /ser sna rnam par dag
60a6 nas yo byad dbang thob dang / /gnas dang gnas ma yin pa mkhyen pa'i stobs dang ni/ /rab dga' ye shes khro bo khams gsum rnam rgyal 'dud/ /tsaN
60a7 yig dri bzang tsan+dan byugs dang ngang tshul mtshungs/ /tshul khrims rnam par dag pas tshe la dbang ba dang / /las dang rnam par smin pa mkhyen pa'i stobs
60b1 dang ni/ /dri med ye shes khro rgyal mi g.yo phyag 'tshal lo/ /Da yig nyon mongs sgrib pa gtor ba'i zhi gnas dang / /bzod pa dag pa skye ba la dbang thob pa dang / /mos pa
60b2 sna tshogs mkhyen pa zhes bya'i stobs dang ni/ /'od 'phro ye shes khro bo dbyug sngon phyag 'tshal lo/ /ma yig sgyu 'phrul chen po lhag mthong che ba'i bdag /brtson
60b3 'grus dag pas sems la yang dag dbang thob dang / /khams kyi rnam pa sna tshogs mkhyen pa'i stobs dang ni/ /'od byed ye shes gshin rje gshed po phyag 'tshal
60b4 lo/ /hA yig ma chags shes bya'i sgrib 'phrog sbyangs pa che/ /bsam gtan dag pas rdzu 'phrul la ni dbang thob dang / /thams cad dag tu 'gro ba'i lam dag stobs
60b5 dang ni/ /sbyang dka' ye shes rta mgrin kho bo phyag 'tshal lo/ /ro yig 'khor 'das nang bral shes dag las dbang thob/ /bsam gtan rnam thar ting 'dzin dang ni snyoms
60b6 zhugs pa'i/ /kun nas nyon mongs rnam byang lta ba kun mkhyen stobs/ /mngon gyur ye shes 'dod pa'i rgyal po phyag 'tshal lo/ /Sha yig mnyam nyid sdom chen
60b7 dbang phyug chen po rgyal/ /stobs chen dag las mos pa la ni dbang thob dang / /sngon gyi gnas rnams rjes su dran pa mkhyen pa'i stobs/ /ring du song ba'i ye shes bdud rtsi
61a1 'khyil la 'dud/ /Na yig skyes bu chen po sgra chen klu mchog gtso/ /smon lam dag pas smon lam che la dbang thob dang / /dbang po
61a2 mchog dang mchog ma yin pa mkhyen pa'i stobs/ /mi g.yo ye shes khro bo stobs chen phyag 'tshal lo/ /hUM yig hu lu sprin gdengs 'brug sgra gad rgyangs can/ /
61a3 thabs dag pas ni ye shes che la dbang thob dang / 'chi 'pho dang ni gang zhig skye ba mkhyen pa'i stobs/ /legs pa'i blo gros ye shes khro bo hUM mdzad 'dud/ /phaT
61a4 sgras bag chags kun gtor dag pas shel dang mtshungs/ /ye shes dag pas chos la dbang ni thob pa dang / /zag pa thams cad yang dag zad pas mkhyen
61a5 pa'i stobs/ /chos kyi sprin gyi ye shes khro bo gnod mdzes 'dud/ /de nas chos rje thub pas ni/ /ljags kyi dbang po bkram byas nas/ /'dzum pa mdzad pas rab
61a6 gzigs te/ /'khor gyi dkyil 'khor chen po'i dbus/ /lag na rdo rje mthu chen la/ /snyan pa'i gsung gis bka' stsal pa/ /mchog tu brtan par rab bsngags
61a7 pa/ /rdo rje theg pa bla na med/ /mi gang bsod nams dman pa 'am/ /mtshams med la sogs byed pa yang / /rgyud 'dir zhugs pa'i de ma thag/ /gser 'gyur gyi
61b1 ni rtsi bzhin du/ /log rtog ma lus dag nas kyang / /rtog med bde ba'i skur byung ste/ /rmi lam bzang bo'i sems bzhin du/ /rnam 'phrul sna tshogs cir yang snang / /
61b2 mu mtha' med pa 'khor ba'i mtsho/ /bskal ba'i gzings chen bla med 'di/ /chags gsang med pa'i tshul du ni/ /khyod kyis rtag tu gzung bar bya/ /lag na rdo rje stobs po
61b3 ches/ /ston pa la ni 'di gsol to/ /rgyud 'di phyung ma thag tu ni/ /gdul dka' ba ni rab tu zhi/ /sa steng nad dang gdon mu ge/ /bar chad gnod pa kun dang bral/ /slar
61b4 yang bstan pa 'phel ba'i phyir/ /brtan por bdag gis gzung bar bgyi/ /dpa' bo mkha' 'gro drag po rnams/ /yid kyis brtul zhugs phyung nas kyang / /rgyud
61b5 'di 'dzin pa'i rjes su 'brang / /lha dang 'jig rten pa dang ni/ /ma mo srin mo mkha' 'gro ma/ /sha za gnod sbyin srin po rnams/ /rgyud 'di 'dzin pa skyong bar byed/ /
61b6 rgyud 'dzin longs spyod spel bar byed/ /ston pas gsungs pa rdo rje 'dzin/ /legs so shin tu cher legs so/ /rgyud 'dzin rnal 'byor can chen de/ /rgyun du srung
61b7 zhing blo 'phel mdzod/ /de skad kyi ni gsung thos nas/ /byang chub sems dpa' nyan thos dang / /mkha' 'gro ma mo 'jig rten skyong / /lha klu gnod spyin dri zar bcas//
62a1 thams cad ldan pa'i 'khor de rnams/ /dgyes te thal sbyar mngon par dga'i/ /mi g.yo thugs rje'i lcags kyu bzung bas 'khor ba'i btson ra nas/ /lha klu
62a2 'bum phrag 'tshe bral dkar po dge ba'i kun slong sems/ /skyes nas byang chub rin chen nor thob mdzad pas rmad byung mtshar/ /rgyas pa'i tshul bsdus bstan pa'i chos 'di dman la
62a3 shin tu gsang / /'phags pa rdo rje khro bo'i rgyal po'i rtog pa bsdus pa las/ /mngon par dga' ba'i le'u ste bcu ba'o// //'phags pa rdo rje khro bo'i rgyal po'i rtog pa bsdus
pa rdzogs so/
CLOSE WINDOW