བོད་ཡིག |
85a5 skad gsar bcad kyis kyang bcos nas gtan la phab pa// //rgya gar skad du/ AR+Ya pi tA pu tra sa mA ga ma na nA ma ma hA yA na sU tra/ bod skad du/ 'phags pa
85a6 yab dang sras mjal ba zhes bya ba theg pa chen po'i mdo/ bam po dang po/ sangs rgyas dang byang chub sems dpa' dang / 'phags pa nyan thos dang rang sangs rgyas
85a7 thams cad la phyag 'tshal lo/ /'di skad bdag gis thos pa dus gcig na/ bcom ldan 'das grol ba grol ba'i 'khor dang ldan pa/ dul ba dul ba'i 'khor
85b1 dang ldan pa/ zhi ba zhi ba'i 'khor dang ldan pa/ rgal ba rgal ba'i 'khor dang ldan pa/ pha rol tu phyin pa pha rol tu phyin pa'i 'khor dang ldan pa/ thang la phyin pa
85b2 thang la phyin pa'i 'khor dang ldan pa/ dbugs phyin pa dbugs phyin pa'i 'khor dang ldan pa/ dge slong dge slong gi 'khor dang ldan pa/ nyon mongs pa bcom pa nyon mongs
85b3 pa bcom pa'i 'khor dang ldan pa/ dge sbyong dge sbyong gi 'khor dang ldan pa/ sdig pa bsal ba sdig pa bsal ba'i 'khor dang ldan pa/ tshangs pa tshangs pa'i 'khor
85b4 dang ldan pa/ sdig pa bsal ba'i chos can sdig pa bsal ba'i chos can gyi 'khor dang ldan pa/ rig pa can rig pa can gyi 'khor dang ldan pa/ khrus byas pa khrus
85b5 byas pa'i 'khor dang ldan pa/ sgrog pa po sgrog pa po'i 'khor dang ldan pa/ nyon mongs pa byang ba nyon mongs pa byang ba'i 'khor dang ldan pa/ yan lag lnga rnam par
85b6 gsal ba yan lag lnga rnam par gsal ba'i 'khor dang ldan pa/ sgrib pa dang rnam par bral ba sgrib pa dang rnam par bral ba'i 'khor dang ldan pa/ yid rnam par dang ba
85b7 yid rnam par dang ba'i 'khor dang ldan pa/ yan lag drug dang ldan pa yan lag drug dang ldan pa'i 'khor dang ldan pa/ bsnyen bsring dang bral ba bsnyen bsring dang
86a1 bral ba'i 'khor dang ldan pa/ srung ba gcig pa srung ba gcig pa'i 'khor dang ldan pa/ dran pa'i sgo srung phun sum tshogs pa dran pa'i sgo
86a2 srung phun sum tshogs pa'i 'khor dang ldan pa/ rton pa bzhi dang ldan pa rton pa bzhi dang ldan pa'i 'khor dang ldan pa/ nyi tshe ba'i bden pa bsal ba nyi tshe ba'i
86a3 bden pa bsal ba'i 'khor dang ldan pa/ btsal ba spangs pa btsal ba spangs pa'i 'khor dang ldan pa/ mthar phyin pa mthar phyin pa'i 'khor dang ldan pa/
86a4 don gyi mthar thug pa don gyi mthar thug pa'i 'khor dang ldan pa/ bdag nyid bsgoms pa bdag nyid bsgoms pa'i 'khor dang ldan pa/ kun tu rtog pa'i rnyog
86a5 pa med pa kun tu rtog pa'i rnyog pa med pa'i 'khor dang ldan pa/ rnam par rtog pa yongs su chad pa rnam par rtog pa yongs su chad pa'i 'khor dang ldan pa/ lus
86a6 kyi 'du byed rab tu bsal ba lus kyi 'du byed rab tu bsal ba'i 'khor dang ldan pa/ mi g.yo ba la mngon par mos pa mi g.yo ba la mngon par mos pa'i
86a7 'khor dang ldan pa/ sems shin tu rnam par grol ba sems shin tu rnam par grol ba'i 'khor dang ldan pa/ shes rab shin tu rnam par grol ba shes rab
86b1 shin tu rnam par grol ba'i 'khor dang ldan pa/ 'phags pa 'phags pa'i 'khor dang ldan pa/ yal ga dang / lo ma dang / 'dab ma dang / lcug ma dang / shun
86b2 phrags kyi skyon dang bral ba/ dag pa/ snying po la gnas pa/ shAkya'i yul na ser skya'i gnas shing n+ya gro d+ha'i kun dga' ra ba na lnga sde dang / grags sbyin dang /
86b3 'char ka dang / lteng rgyas 'od srung dang / ga ya 'od srung dang / chu klung 'od srung dang / 'od srung chen po dang / shA ri'i bu dang / maud gal gyi bu la sogs pa
86b4 dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ thams cad kyang dgra bcom pa/ zag pa zad pa/ nyon mongs pa
86b5 med pa| dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ /bya ba byas pa/
86b6 byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol
86b7 ba| sems can thams cad kyi dbang gi dam pa'i pha rol tu phyin pa sha stag dang thabs cig ste/ de'i tshe nam gyi tho rangs kyi res la bcom ldan 'das dge slong gi dge
87a1 'dun gyis yongs su bskor cing / /dge slong gi dge 'dun gyi mdun gyis bltas te bla gab med pa na bzhugs so/ /de'i tshe bcom ldan 'das cang
87a2 mi gsung bar thams cad dang ldan pa'i dge slong gi dge 'dun cang mi smra ba la gzigs so/ /thams cad dang ldan pa'i dge slong gi dge 'dun la gzigs nas
87a3 dge slong rnams la bka' stsal pa/ dge slong dag /dge slong gang gis rgyal po zas gtsang ma mngon par dad par 'gyur ba de lta bu 'ga' zhig tshol cig /de nas
87a4 tshe dang ldan pa kun shes ko'u Di n+ya stan las langs te bla gos phrag pa gcig la gzar nas pus mo g.yas pa'i lha nga sa la btsugs te bcom ldan 'das ga la ba de
87a5 logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ bdag gis rgyal po zas gtsang ma mngon par dad par
87a6 bgyi'o| |de skad ces gsol pa dang / bcom ldan 'das kyis tshe dang ldan pa kun shes ko'u Di n+ya la 'di skad ces bka' stsal to/ /ko'u Di n+ya/ khyod ni/ bla ma bla mar
87a7 bya ba'i chos dang ldan par bya ba yin gyi/ 'dug cig /de bzhin du tshe dang ldan pa rlangs pa dang / ming chen dang / grags sbyin dang / lteng rgyas 'od srung dang / chu
87b1 klung 'od srung dang / ga ya 'od srung dang / 'od srung chen po dang / tshe dang ldan pa shA ri'i bu dang / mo'u dgal gyi bu chen pos kyang bcom ldan 'das la 'di skad ces gsol
87b2 to| |bcom ldan 'das/ bdag gis rgyal po zas gtsang ma mngon par dad par bgyi'o/ /de skad ces gsol pa dang / bcom ldan 'das kyis tshe dang ldan pa mo'u dgal
87b3 gyi bu chen po la 'di skad ces bka' stsal pa/ mo'u dgal gyi bu/ khyod kyang bla ma bla mar bya ba'i chos dang ldan par bya ba yin gyi/ 'dug cig /de nas tshe dang ldan pa
87b4 mo'u dgal gyi bu chen po 'di snyam du sems te/ rgyal po zas gtsang ma mngon par dad par byed pa'i dge slong gang zhig bcom ldan 'das bzhed snyam ste/ de nas tshe dang
87b5 ldan pa maud gal gyi bu chen pos ting nge 'dzin gyi rnam pa de lta bu la mnyam par bzhag ste/ de ltar mnyam par bzhag pa'i sems kyis bcom ldan 'das kyi dgongs pa tshe
87b6 dang ldan pa 'char ka la gnas shing / dge slong 'char ka 'di rgyal po zas gtsang ma mngon par dad par byed do/ /zhes dgongs pa mthong ste/ 'di lta ste/ dper na|
87b7 khang pa brtsegs pa'am/ khang pa brtsegs pa'i khyams sgo byang phyogs su lta ba'i shar phyogs kyi skar khung nas nyi ma'i 'od zer byung ste nub phyogs kyi rtsig ngos la shar
88a1 ba de bzhin du/ de'i tshe tshe dang ldan pa maud gal gyi bu chen pos bcom ldan 'das kyi dgongs pa tshe dang ldan pa 'char ka la shar cing / dge
88a2 slong 'char ka 'di rgyal po zas gtsang ma mngon par dad par byed do/ /zhes dgongs pa mthong ngo / /de nas tshe dang ldan pa maud gal gyi bu chen po ting nge 'dzin de las
88a3 langs te tshe dang ldan pa 'char ka ga la ba der song nas tshe dang ldan pa 'char ka la 'di skad ces smras so/ /tshe dang ldan pa 'char ka /bcom ldan 'das ni/ khyod
88a4 la dge slong 'char kas rgyal po zas gtsang ma mngon par dad par bya bar nus so/ /zhes dgongs shing bzhed do/ /tshe dang ldan pa 'char ka /de lta yin gyi/ khyod
88a5 kyis rgyal po zas gtsang ma mngon par dad par bya bar dad pa skyed cig de skad ces smras pa dang / tshe dang ldan pa 'char kas tshe dang ldan pa maud gal gyi bu
88a6 chen po la 'di skad ces smras so/ /tshe dang ldan pa maud gal gyi bu chen po/ /rigs rnams ni/ dad par bya bar shin tu dka' ste/ rgyal po'i rigs ni/ lhag
88a7 par dka'o/ /de ci'i phyir zhe na/ rgyal po rgyal rigs spyi bo nas dbang bskur ba rnams ni/ mgu bar dka' ste/ tshe dang ldan pa mau dgal gyi bu chen po/ /'di lta ste/
88b1 dper na/ shing khur bcu'am/ nyi shu'am/ sum cu'am/ bzhi bcu'am/ lnga bcu'am/ shing khur brgya yang rung ste/ gsher bag med cing skam la lo mang du lon pa
88b2 zhig yod pa/ de la mi la la zhig gis me btang na/ me'i phung po chen po 'bar bar 'gyur ro/ /de la yang la la zhig gis mar ram/ 'bru mar zhig gis gtor na/ me'i
88b3 phung po de bas ches cher 'bar te/ de'i steng ngam drung gi 'khor du 'gro ba ni/ shin tu dka'o/ /tshe dang ldan pa maud gal gyi bu chen po/ /de bzhin du rgyal po rgyal rigs spyi
88b4 bo nas dbang bskur ba rnams ni/ mgu bar dka'o/ /tshe dang ldan pa maud gal gyi bu chen po/ /'di lta ste/ dper na/ glang po che mche ba can kha gdangs pa'i so phrag tu 'gro
88b5 ba ni| shin tu dka'o/ /tshe dang ldan pa maud gal gyi bu chen po/ /de bzhin du rgyal po rgyal rigs spyi bo nas dbang bskur ba rnams kyang mgu bar dka'o/ /de skad ces smras
88b6 pa dang / tshe dang ldan pa maud gal gyi bu chen pos tshe dang ldan pa 'char ka la 'di skad ces smras so/ /tshe dang ldan pa 'char ka /de ni/ de lta mod kyi/ 'on kyang khyod ni/ dge
88b7 slong 'char ka 'dis rgyal po zas gtsang mngon par dad par bya bar nus so/ /zhes bcom ldan 'das kyis dgongs shing bzhed pa yin no/ /smras pa/ tshe dang ldan pa maud
89a1 gal gyi bu chen po/ /bcom ldan 'das kyis bdag la rgyal po zas gtsang ma dad par byed par dgongs sam/ smras pa/ tshe dang ldan
89a2 pa 'char ka /de de bzhin te/ bcom ldan 'das kyis dge slong 'char ka ni/ rgyal po zas gtsang ma dad par byed do/ /zhes dgongs so/ /de nas bcom ldan 'das
89a3 nyid kyis tshe dang ldan pa 'char ka la bka' stsal pa/ 'char ka/ rgyal po zas gtsang ma dad par gyis shig /de ci'i phyir zhe na/ 'char ka /rgyal po zas gtsang ma
89a4 ni| yang na ngas dad par bya'i/ yang na khyod kyis dad par bya'o/ /'char ka /nga'i nyan thos ji snyed yod pa de dag gi nang na khyod ni/ 'di ltar rigs dad par
89a5 byed pa'i mchog yin no/ /de nas bcom ldan 'das kyis de'i tshe tshe dang ldan pa 'char ka la tshigs su bcad de bka' stsal pa/ 'char ka bzang po nga las nyan par
89a6 byos| |khyod ni rigs dad byed mchog rab yin gyi/ /shAkya'i rigs rnams dga' ba skyed pa yi/ /rgyal po'i dam pa rab tu dad par byos/ /rgyal po'i rab de dad
89a7 par byos na ni/ /rigs bu lha dag dang ni mi rnams la/ /mtha' dbus med pa'i legs pa 'byung 'gyur gyi/ /mi yi dam pa myur du dad par byos/ /da lta na ni shAkya'i
89b1 bdag po de/ /mngon pa'i nga rgyal rtog pas dkrugs shing nyams/ /ri yi ngos nas rbab 'dril ji bzhin du/ /brtson 'grus rtsol ba thams cad btang ste gnas/ /dbang
89b2 phyug nyams pa rjes su dran byed pas/ /yid la gnod 'gyur sems la yid kyang stor/ /dper na tshong pa nor dang bral ba dang / /rjes su dran zhing nyon mongs gnas
89b3 pa bzhin/ /lha yi gnas nas lha dag shi 'phos shing / /lha rdzas 'dod pa rjes su dran pa bzhin/ /rgyal ba'i bstan pa mngon par mi shes shing / /rgyal po sde nyams
89b4 snying rjer smre sngags 'don/ /nga yi rin po che ni sna bdun dang / /mi yi phun sum tshogs pa bzhi po dang / /longs spyod dag ni rjes su dran byed cing / /sa bdag de ni
89b5 snying rjer smre sngags 'don/ /mdangs 'phrog byed pa'i srin po stobs can gyis/ /ji ltar mi zhig yongs su non gyur na/ /bdag kyang mi shes gzhan yang mi shes
89b6 ltar| |sa yi bdag po de yang de bzhin no/ /ti se'i gangs kyi ri bos bsgribs gyur na/ /ji ltar mi dag blta bya mi mthong ba/ /de bzhin nga rgyal chen pos bsgribs pas
89b7 na| |rgyal pos blta bar bya ba mi mthong ngo / /gnyid kyis log gam shi bas myos gyur pa'i/ /mis ni rang gi sems kyang mi shes te/ /de bzhin nga rgyal chen po myos
90a1 gyur pas/ /rgyal po des kyang dge ba mi shes so/ /dper na khyim thab shi bas myos pa yi/ /bud med snying rjer smre sngags 'don byed pa/ /
90a2 de bzhin nga rgyal chen pos myos gyur pas/ /rgyal po de yang snying rjer smre sngags 'don/ /da lta bas na 'char ka thabs mkhas pa/ /khyod kyis 'dir ni rgyal po dad
90a3 par gyis/ /nga rgyal rgyal mtshan rab tu bsnyal bar byos/ /chos kyi rgyal mtshan dam pa bslang bar gyis/ /'char ka khyod ma gtogs par srid pa yi/ /'gro ba dag na
90a4 skal mthun spyad med pas/ /rgyal po'i sems ni rab tu dad bya bar/ /gang gis nus pa'i dge slong gang yang med/ /'char ka sngon gyi dus na byung ba ni/ /'das pa'i
90a5 dus na sa yi bdag po zhig /ming ni bden pa 'phel zhes bya ba ste/ /sa skyong byed pa rnam par grags pa byung / /de ni chos kyi rgyal po chos dang ldan/ /srog chags bye ba
90a6 khrag khrig rnams kyis mchod/ /rgya mtsho'i mtha' mar thug pa'i sa 'di ni/ /chos dang ldan pa'i rgyal po des kyang bskyangs/ /grong dang grong khyer dag kyang 'dab nye zhing / /
90a7 bza' shing 'bras bu me tog rgyas pas gang / /'phags pa'i skye bo dag dang shed las skyes/ /sdig dang bral ba rnams kyis rab tu gang / /dri za brgya mang dag gis
90b1 gang ba ste/ /sdong dum tsher ma rtswa shing ngan pa med/ /'jam zhing dge sbyong gnas kyi tshogs kyis spras/ /chu klung 'bab stegs bde bas rab tu brgyan/ /drang srong tshogs brgya
90b2 rjes su rgyu ba ste/ /skye bo'i dkar chos rnams kyis kun du bsgrubs/ /ngan song lam ngan rnams ni rab tu bcad/ /de nas sems can thams cad lha gnas 'dod/ /rgyal po
90b3 de la bu dag yod pa ni/ /sngon gyi sangs rgyas byung ba mthong ba ste/ /dge ba'i rtsa ba dag ni bskyed pa can/ /yon tan mang pos bsgos pa'i blo gros ldan/ /ming ni blo gros snying
90b4 po zhes bya ste/ /srog chags bye ba khrag khrig rnams kyis mchod/ /'dod pa rnams la skyon du lta ba can/ /mi bdag khyim na gnas kyang dben la dga'/ /rgyal po bden
90b5 pa 'phel zhes bya ba des/ /lha yi pho brang 'dra ba'i khyim mchog 'dir/ /na chung tshogs kyis kun nas mdun bdar te/ /'dod pa'i yon tan bzang la spyod ces smras/ /
90b6 bu yi dam pa khyod la nga yis ni/ /ji ltar 'dod pa'i bya ba gang ma byas/ /'dod pa rnams la khyod yid ci yi phyir/ /ma mos nga la bu khyod myur du smros/ /srid pa'i 'gro ba'i
90b7 yon tan mkhas bgyis te/ /bu khyod rin chen khyim la dga' ba bskyed/ /bud med rin chen 'khor dang 'grogs bgyis te/ /yul la dga' zhing mos pa bskyed par gyis/ /
91a1 dka' thub nags na 'khod pa'i drang srong dag /de btang nas ni phyir yang 'di dag na/ /dka' thub btang zhing 'dod pa'i dga' la spyod/ /
91a2 'dod pa de dag bu gcig khyod la bstabs/ /de lta bas na 'dod pa'i dga' la spyod/ /nga dang rgyal srid thams cad khyod dang mthun/ /rnam thos bu yi gnas dang
91a3 'dra ba yi/ /gzhal med khang gis brgyan can khyim 'dir spyod/ /'di dag rnams kyang mchog gi gzugs ldan zhing / /lha mo 'dra la sgyu rtsal tshar phyin pa/ /rol
91a4 mo'i sgra yi tshul dang glu la mkhas/ /bsnyen bkur snyoms shing yon tan yid kyang 'phrog /mig ni pad+ma'i lo ma 'dra ba ste/ /bim pa'i mdog 'dra mchu mdzes yid
91a5 du 'ong / /so dang bzhin mdog dri ma med cing bzang / /dpral ba smin ma legs shing mgul pa sdug /brla ni glang po che yi sna yang 'dra/ /phrag so shas rgyas thal
91a6 gong legs dang ldan/ /lag dang rkang pa'i mthil ni zangs kyi mdog /sor mo byin pa phra bar legs dang ldan/ /lce ni zangs mdog 'dra ba srab cing ngag /tshig ran
91a7 'jam par smra ba'i tshul dang ldan/ /so ni thags bzang so rnams rad rod med/ /mche ba rab dkar mchog gi rgyan dang ldan/ /lto ba phyang nger 'dug cing lte ba sdug /
91b1 sta zur yangs shing rked pa rdo rje 'dra/ /byin pa glang po che yi so 'dra zhing / /mda' rgyu snying po legs par skyes pa bzhin/ /dregs bcas glang chen 'dra ba'i 'gros dang ldan/ /gzhan
91b2 du mi sems yid kyis khyod la lta/ /rtse ba 'dod cing dar la bab dang ldan/ /gzhon nu snying rje ltos la rtse bar byos/ /bu gcig khyod dang bud med 'di dag gi /mdog bzang ba
91b3 dang dar la bab pa yang / /shing gi rtse mo'i me tog bzhin lhung gis/ /nga rgyal thong la 'dod pa bsten par gyis/ /blo gros snying po ldan des sme ba yi/ /pha dang 'khor rnams kun
91b4 la 'di skad smras/ /yab cig khyod ni med par gsungs pa lags/ /gang dag tshig gis grags pa ma smad med/ /yon tan rnams la mos pa bdag gi tshig /bsam ste gtan
91b5 la phab la rgyal po gson/ /ji ltar rmi lam na yang 'dod la bdag /sems mi dga' zhing ma mos de 'dra gson/ /sa yi bdag pos bka' stsal 'di dag ni/ /mkhas pa
91b6 rnams la mdzes pa ma lags te/ /mi mkhas skye bo dag gis yang dag bsam/ /mkhas pa rnams kyis de dag rtag tu smad/ /long ba ma lags ci yi rgyu zhig gis/ /long ba'i
91b7 tshig gis lam gol 'dzin par bgyid/ /thang la gnas pa su zhig ji ltar na/ /mgon med chus khyer ba la 'dod pa bskyed/ /grol ba ji lta bur na bcings pa yi/ /tshig gis
92a1 btson ra der ni 'jug par bgyid/ /sa mnyam gnas shing ma 'khrul ji ltar na/ /nyam ngar gnas la 'dod pa skyed par bgyid/ /sa bdag
92a2 'dod pa rnams la chags bcas shing / /'dod pa'i longs spyod dag gi chus khyer ba/ /long ba chus khyer btson rar gnas pa dang / /nyam ngar gnas 'drar bdag
92a3 ni de snyam bgyid/ /mi yi bdag po khyod ni long ba bzhin/ /bdag ni mig can khyad par mthong ba lags/ /khyod ni 'dod pa'i chu bos khyer ba lags/ /bdag ni 'dod
92a4 pa rnams la rnam par smod/ /'dod pa dag ni dug gi lo ma bzhin/ /sprul gyi mgo 'dra sdug bsngal bgyid pa ste/ /rtse gsum pa dang ral gri mdung thung 'dra/ /me yi phung
92a5 po shin tu 'bar ba bzhin/ /blo gros snying po ldan pas de skad du/ /smre sngags 'don pa'i pha dang 'khor la smras/ /rin chen sna bdun dag la ma bltas bar/ /rgyal
92a6 srid rnam par spangs te rab tu byung / /sprul gyi pags snying brjes pa ci 'dra dang / /ngar snabs rus pa'i thal ba bzhin spangs te/ /blo gros snying po ldan pa chags med
92a7 par/ /sdig dang rnam par bral te rab tu byung / /gzhon nu de ltar rab tu byung gyur nas/ /blon po'i bu zhig rjes su rab byung ba/ /ming ni zla bas byin zhes bya ba ste/ /blo
92b1 gros snying po'i rjes su rab tu byung / /gzhon nu de ltar rab tu byung gyur nas/ /tshangs pa'i gnas pa bzhi po bskyed nas ni/ /grogs dang bcas pas mngon par shes pa
92b2 lnga| |ma lus mtha' dag bskyed par byas par gyur/ /'dod pa rnams la skyon du lta bas na/ /mi yi seng+ge de ni 'dod khams 'das/ /tshangs pa yang dag nyid ni thob bya'i
92b3 phyir| |tshangs pa'i 'khor lo rab tu bskor ba byas/ /de ltar gzhon nu rab tu byung bas na/ /pha de bu la ma dad gyur pa dang / /zla bas byin pa de yi gan song nas/ /legs
92b4 par bshad pa'i tshig gis dga' bar byas/ /'char ka khyod ni de la ji snyam sems/ /de tshe blo gros snying po gzhan snyam mam/ /nga nyid de yi tshe na der gyur te/ /'dod pa'i
92b5 longs spyod don du gnyer ba med/ /'char ka khyod ni de la ji snyam sems/ /bden pa 'phel ba gzhan zhig yin snyam mam/ /sa bdag zas gtsang 'di nyid de yi tshe/ /rgyal
92b6 bo bden pa 'phel zhes bya bar gyur/ /'char ka khyod ni de la ji snyam sems/ /rjes su rab byung zlas byin gzhan snyam mam/ /khyod nyid de tshe de yi dus na ni/ /bden pa 'phel ba
92b7 dad par byed pa yin/ /de lta bas na 'char ka khyod kyis 'dir/ /rgyal po zas gtsang dad pa mngon skyed cig /sa skyong byed pa 'di ni dad gyur na/ /skyid pa chen po phun sum tshogs
93a1 par 'gyur/ /de nas tshe dang ldan pa 'char kas bcom ldan 'das la mi smra bas khas blangs so/ /de nas tshe dang ldan pa 'char ka zhag de 'das
93a2 nas snga dro'i dus kyi tshe chos gos dang sham thabs bogs/ lhung bzed thogs te/ ser skya'i gnas kyi grong khyer chen por song ngo / /de'i tshe rgyal po zas gtsang ma btsun mo'i
93a3 'khor gyi mdun na shAkya stong tsam zhig dang dgos pa zhig gi ched du 'dus shing 'khod do/ /rgyal po zas gtsang mas kyang bcom ldan 'das ser skya'i gnas su byon cing /
93a4 ser skya'i gnas 'di nyid na shing n+ya gro d+ha'i kun dga' ra ba na bzhugs so/ /zhes thos nas de 'di snyam du sems te/ gzhon nu de rab tu byung bas bdag ni/ dbang phyug
93a5 gi longs spyod chen po las nyams par byas so/ /gal te gzhon nu de khyim na gnas na 'khor los bsgyur ba'i rgyal po mtha' bzhir rnam par rgyal ba/ chos dang ldan pa/
93a6 chos kyi rgyal po rin po che sna bdun dang ldan par 'gyur te/ de'i rin po che sna bdun ni/ 'di dag ste/ 'di ltar 'khor lo rin po che dang / glang po rin po che dang / rta rin
93a7 po che dang / nor bu rin po che dang / bud med rin po che dang / khyim bdag rin po che dang / blon po rin po che ste/ 'di bdun no/ /de la bu dpa' ba/ rtul phod pa/ yan lag
93b1 mchog gi gzugs dang ldan pa/ gzhan gyi sde rab tu 'joms pa stong yang tshang bar 'gyur zhing / des gling chen po bzhi pa'i 'jig rten gyi khams 'di yang chad pa med cing
93b2 mtshon gyis bda' ba med la/ mnyam ste mi mnyam pa med cing chos dang mthun pas legs par phab nas bskal pa rdzogs par legs par bskyangs par 'gyur ba zhig ste/ de ltar
93b3 gyur na| bdag cag kyang 'khor los bsgyur ba'i rgyal srid la dbang phyug gi dbang dang ldan zhing / rim gror byas pa dang / bkur stir byas pa dang / bsti stang du byas pa dang /
93b4 mchod par byas pa dang / dbang phyug gi dbang chen po yang rnyed par 'gyur ba zhig na/ da ltar bdag cag ni/ gzhon nu de rab tu byung bas de lta bu'i longs spyod kyi dbang chen
93b5 po dang bral bar gyur to snyam mo/ /des de snyam du bsam nas shAkya rnams la bsgo ba/ nga'i bu de la blta ba'am/ bsnyen bkur byed par su'ang ma 'gro zhing / la la zhig nga'i
93b6 bu de la blta ba'am/ bsnyen bkur bya ba'i phyir 'gro na de'i lus la gnod pa'i chad pas gcad do/ /de'i tshe shAkya'i bu dga' ba'i bzhin zhes bya ba zhig 'khor de nas byung
93b7 nas song bar gyur te/ shAkya'i bu dga' ba'i bzhin gyis tshe dang ldan pa 'char ka rgyang ring po nas 'ongs pa mthong nas tshe dang ldan pa 'char ka ga la ba der song ste tshe dang
94a1 ldan pa 'char ka la yang dag par mgu bar byas nas tshe dang ldan pa 'char ka tshur spyon/ tshe dang ldan pa 'char ka byon pa legs so/ /tshe dang
94a2 ldan pa 'char ka yun kyang ring zhig nas byon to/ /tshe dang ldan pa 'char ka /bcom ldan 'das la snyun mi mnga' 'am/ stobs dang ldan nam/ bde bar bzhugs sam/
94a3 mi bde bar mi mnga' 'am/ de la nyam nga ba ci yang mi mnga' 'am/ bcom ldan 'das/ bde bar byon tam/ shin tu ma mnyel tam/ bsod snyoms kyis 'o ma brgyal
94a4 tam/ de skad ces smras pa dang / tshe dang ldan pa 'char kas shAkya'i bu dga' ba'i bzhin la 'di skad ces smras so/ /dga' ba'i bzhin/ de de bzhin te/ bcom ldan
94a5 'das la snyun mi mnga'o/ /stobs dang ldan no/ /bde bar bzhugs so/ /mi bde ba mi mnga'o/ /de la nyam nga ba ci yang mi mnga'o/ /bde bar byon to/ /mnyel ba med do/ /bsod
94a6 snyoms kyis 'o brgyal ba med do/ /shAkya'i bu shin tu legs par sad kyis kyang shAkya'i bu dga' ba'i bzhin tshe dang ldan pa 'char ka dang lhan cig dben pa na 'khod pa
94a7 mthong nas 'khor de nas byung ste tshe dang ldan pa 'char ka ga la ba der song nas tshe dang ldan pa 'char ka la yang dag par mgu bar byas te/ tshe dang ldan pa 'char ka tshur
94b1 spyon| tshe dang ldan pa 'char ka byon pa legs so/ /tshe dang ldan pa 'char ka yun kyang ring zhig nas byon to/ /tshe dang ldan pa 'char ka /bcom ldan 'das la snyun mi mnga' 'am/
94b2 stobs dang ldan nam/ bde bar bzhugs sam/ mi bde ba mi mnga' 'am/ de la nyam nga ba ci yang mi mnga' 'am/ bcom ldan 'das/ bde bar byon tam/ shin tu ma mnyel
94b3 tam| bsod snyoms kyis 'o ma brgyal tam/ de skad ces smras pa dang / tshe dang ldan pa 'char kas shAkya'i bu shin tu legs par sad la 'di skad ces smras so/ /shin tu
94b4 legs par sad/ de de bzhin te/ bcom ldan 'das la snyun mi mnga'o/ /stobs dang ldan no/ /bde bar bzhugs so/ /mi bde ba mi mnga'o/ /de la nyam nga ba ci yang mi mnga'o//
94b5 bde bar byon to/ /mnyel ba med do/ /bsod snyoms kyis 'o brgyal ba med do/ /shAkya'i bu mya ngan med dang / mya ngan bral gyis kyang tshe dang ldan pa 'char ka dang / shAkya'i bu
94b6 dga' ba'i bzhin dang / shAkya'i bu shin tu legs par sad gnas dben pa na 'khod pa mthong nas tshe dang ldan pa 'char ka ga la ba der song ste/ tshe dang ldan pa 'char
94b7 ka la yang dag par mgu bar byas nas tshe dang ldan pa 'char ka tshur spyon/ tshe dang ldan pa 'char ka byon pa legs so/ /tshe dang ldan pa 'char ka yun kyang ring zhig nas
95a1 byon to| |tshe dang ldan pa 'char ka /bcom ldan 'das la snyun mi mnga' 'am/ stobs dang ldan nam/ bde bar bzhugs sam/ mi bde ba
95a2 mi mnga' 'am/ de la nyam nga ba ci yang mi mnga' 'am/ bcom ldan 'das bde bar byon tam/ shin tu ma mnyel tam/ bsod snyoms kyis 'o ma brgyal tam/
95a3 de skad ces smras pa dang / tshe dang ldan pa 'char kas shAkya'i bu mya ngan med dang / mya ngan bral la 'di skad ces smras so/ /mya ngan med dang mya ngan bral/ bcom ldan
95a4 'das la snyun mi mnga'o/ /stobs dang ldan no/ /bde bar bzhugs so/ /mi bde ba mi mnga'o/ /de la nyam nga ba ci yang mi mnga'o/ /bde bar byon to/ /mnyel ba med do/ /bsod
95a5 snyoms kyis 'o brgyal ba med do/ /de ci'i phyir zhe na/ 'di ltar rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dag bcom ldan
95a6 'das la mchod pa'i phyir brtson par byed do/ /de skad ces smras pa dang / shAkya'i bu de dag gis tshe dang ldan pa 'char ka la 'di skad ces smras so/ /btsun pa 'char ka/
95a7 bdag cag ni/ bcom ldan 'das la blta ba dang / bsnyen bkur bya bar 'dod na/ bdag cag gis de ltar ma nus so/ /de ci'i phyir zhe na/ 'di ltar rgyal po zas gtsang
95b1 mas nga'i bu la blta ba'am/ bsnyen bkur bya ba'i phyir su yang ma 'gro zhig /la la zhig de la blta ba'am/ bsnyen bkur bya ba'i phyir song na/ lus la gnod pa'i chad pas
95b2 gcad do/ /zhes bka' stsal to/ /de bas na 'phags pa 'char ka de ltar bdag rgyal pos 'jigs pa'i phyir bcom ldan 'das la blta ba'am/ bsnyen bkur byed du 'dong bar
95b3 mi nus so/ /de nas tshe dang ldan pa 'char ka 'di snyam du sems te/ kye ma rgyal po zas gtsang ma 'di ni/ shin tu nga rgyal gyis non par gyur na/ ji ltar bdag gis de'i drung
95b4 du 'gro bar bya snyam nas des 'di snyam du bsam mo/ /'on kyang bdag gis nam mkha' la rdzu 'phrul gyis shing rta la bdun srid kyi steng gi bar snang la skyil mo krung bcas te rgyal
95b5 po zas gtsang ma'i gan du 'gro bar bya'o/ /snyam nas de nas tshe dang ldan pa 'char kas ting nge 'dzin gyi rnam pa de lta bu la mnyam par bzhag ste/ sems mnyam par bzhag pa
95b6 des nam mkha' la shing ta la bdun srid du 'phags nas bar snang la skyil mo krung bcas te rgyal po zas gtsang ma ga la ba der song ngo / /rgyal po zas gtsang mas kyang tshe dang
95b7 ldan pa 'char ka rgyang ring po nas nam mkha' la shing rta la bdun srid du 'phags te rdzu 'phrul gyis bar snang la skyil mo krung bcas shing 'ong ba mthong nas de la thal mo sbyar te
96a1 tshigs su bcad nas smras pa/ tshon bsgyur gos can khyod ni gang nas 'ongs/ /khyod la ci dgos myur du smra bar byos/ /khyod la gang
96a2 dgos de yang myur du sbyin/ /brtul zhugs grub pa mthong bar shin tu dka'/ /de skad ces smras pa dang / tshe dang ldan pa 'char kas rgyal po zas gtsang ma la tshigs su
96a3 bcad de slar smras pa/ rgyal po bdag ni khyod kyi sras kyi bu/ /bdag la chos dgos rgyal po gang na bzhugs/ /bdag ni de bzhin gshegs pa'i bshos skyel te/ /
96a4 bde bar gshegs pa skyob pa'i bshos bkur ro/ /yul 'khor bdag po che ba'i dpal mnga' ba/ /khyod la mi mchog sras mnga' grags pa thob/ /gzi brjid kyis
96a5 ni phyogs rnams kun tu 'bar/ /ston gyi nyi ma'i gung gi 'od dang 'dra/ /ji ltar sprin med nam mkha'i nyi ma ni/ /phyogs rnams kun du 'od byed mngon par 'bar/ /
96a6 de bzhin rgyal po glang po khyod kyi sras/ /ye shes mnga' bas phyogs rnams kun du snang / /ji ltar ston gyi nyi ma shar ba na/ /srin bu me khyer zil gyis mnan cing snang / /
96a7 de bzhin rgyal po glang po khyod kyi sras/ /mu stegs gzhan rnams kun bcom lam mer bzhugs/ /ji ltar nyi mas zil non skar ma rnams/ /nyin par 'od stong lam
96b1 mer mi rung ba/ /de bzhin rgyal po glang po khyod sras kyis/ /zil gyis mnan pas mu stegs gzhan mi snang / /ji ltar nyi ma'i zil gnon zla ba ni/ /nam mkha'i dbyings na
96b2 'od stong nyid mi snang / /de bzhin khyod sras zil mnan mu stegs rnams/ /nyi mas zil non zla bzhin gsal ba med/ /seng+ge'i nga ro thos nas phra mo rnams/ /shugs
96b3 kyis rmongs nas bsam pa ji bzhin du/ /ri sul gseb tu byer nas 'khra zhing gnas/ /stag gi nga ro gzhan gyis bzod par dka'/ /de bzhin rgyal ba drang srong chen po'i
96b4 gsung / /bdag med nga ro mu stegs gzhan thos na/ /shes rab dman pa srid pa'i rtser phyin kyang / /gsung thos pas ni thams cad 'jigs par 'gyur/ /lha dang
96b5 bcas pa'i 'jig rten long ba la/ /spyan dang ldan pa des ni mig kyang stsal/ /snang ba mdzad cing rdul kyang rnam par sbyangs/ /ye shes snang ba'i dkyil 'khor mngon
96b6 par shar/ /bde dang mi bde lam gnyis rab tu bstan/ /lam dang gol ba'i lam yang rgyal bas bstan/ /lam stor skye bo rnams ni lam du btsud/ /'dam du bying
96b7 ba rnams kyang thang la bton/ /ji ltar skom pa'i sa la sprin gyis ni/ /sgang dang gshong bcas char gyis ngoms par byed/ /de bzhin rgyal po glang po khyod kyi sras/ /'gro
97a1 ba lhar bcas chos kyis ngoms par mdzad/ /ji ltar char gyis ngoms pa'i ri sul nags/ /rtswa dang gel ba nags tshal shing rnams dang //
97a2 'khri shing sdong po sman gyi rnam pa dang / /me tog sna tshogs kyis ni sa mdzes pa/ /de bzhin stobs bcu mi 'jigs mnga' ba dang / /ma 'dres bco brgyad chos lnga'i sdong po
97a3 la/ /thams cad mkhyen pa'i ye shes me tog dang / /'bras bu spras pas rgyal po'i sras mdzes so/ /ji ltar rgya mtsho'i dbus na lhun po'i ri/ /lha yi gnas gyur mi
97a4 bsgul rnam par mdzes/ /de bzhin rgyal po glang po khyod kyi sras/ /dge sbyong rgya mtsho'i nang na rnam par mdzes/ /bde sogs khyim thab brgya byin lha dbang po/ /lha yi stan
97a5 la 'dug na mdzes pa ltar/ /de bzhin rgyal po glang po khyod kyi sras/ /dge sbyong tshogs kyi dbus na rnam par mdzes/ /byams pa'i stobs can zab mo'i 'brug bsgrags
97a6 te/ /thugs rje chen po'i glog phreng rir ldan pas/ /dran pa nyer gzhag char rgyun 'dab 'khrigs te/ /rgyal ba klu mchog de ni chos char 'bebs/ /yongs dag dkyil
97a7 'khor tshul khrims rab kyi zer/ /ting 'dzin nyon mongs lha min rab 'joms shing / /ye shes nyi zer srid pa'i sred pa skem/ /rgyal ba'i nyi chen 'gro bar rnam par
97b1 mdzes| |ting 'dzin tshul khrims gzings dang gru chen te/ /dran pa nye bar gzhag pa'i nor bu rin chen tshogs/ /byang chub yan lag rin chen 'byung gnas bsam gtan
97b2 rlabs| |thar pa 'dod pas sangs rgyas rgya mtsho bsten par bya/ /tshul khrims rnam dag rtsa ba brtan par zug /ting 'dzin lo ma dran pa yal ga 'dab/ /byang chub yan lag
97b3 me tog stong pa'i sdong / /bdag med grib ldan rgyal ba'i sdong po bsten/ /tshul khrims nags mtha' bsten pa'i stobs chen po/ /ting 'dzin zhi ba'i ri khrod phug na gnas/ /
97b4 stong pa mtshan med smon med spyod yul can/ /rgyal ba stobs can seng+ge khyod kyi sras/ /thub pa mi gnas gnas ni rnam par ston/ /rgyal ba khyu mchog brjid pa'i stabs
97b5 bzhud pas/ /byis pa so so mu stegs gzhan bsngags te/ /khyod kyi sras ni khyu mchog sgra yang 'byin/ /tshul khrims gter dang yon tan dbyig gis brgyan/ /bsam
97b6 gtan dang ba'i zhi gnas nye bar bskyabs/ /ye shes kyis bsrungs thar pa'i spyod yul can/ /rgyal ba tshong dpon gtso bo nor gtong mdzad/ /dge ba yongs su bzung
97b7 bas sdig bcom ste/ /nyon mongs zhi mdzad dge bsnyen bka' stsol pas/ /lha dang lha min bcas pa'i 'jig rten na/ /rgyal po khyod kyi sras mchog rnam par mdzes//
98a1 tshul khrims mchog sprin blo ros glog 'byin cing / /yan lag brgyad lam cher chen rlan gyis spangs/ /thub pa gces pa'i lo tog 'bras
98a2 bu stsol/ /khyod kyi sras ni klu chen po 'brug sgra sgrog /rgyal pos smras pa/ gang zag mchog de bde bar 'ongs sam ci/ /bsod snyoms rgyu bas 'dren pa ma ngal lam/ /de
98a3 yi lus la ngal bas dub med dam/ /thang gnas ut+pa la bzhin ma rnying ngam/ /'char kas smras pa/ rdzu 'phrul stobs mnga' bsam gtan spyod yul can/ /dgyes shing
98a4 bde bas yan lag yongs rgyas te/ /thub pa zhi ba'i snyoms 'jug gnas bcas pas/ /gser gyi pad+ma lta bur rgyal ma rnying / /rgyal pos smras pa/ sngon chad rdza rnga rnga bran
98a5 sgras bskul zhing / /gling bu'i sgra snyan nga ros bskul byas te/ /bud med glu yi dbyangs kyis bslang bslang na/ /da ltar sad na sdug bsngal mi myong ngam/ /'char kas
98a6 smras pa/ bsam gtan dgongs pas ting 'dzin zhi yul can/ /ting 'dzin sgrub pa'i tshul la mkhas pa ste/ /mnal lam bzhengs sam bzhud dam bzhugs pa na/ /
98a7 sdug bsngal mi mnga' rgyal ba rtag tu dgyes/ /rgyal pos smras pa/ che ba'i rkyen 'os lam mchog bshams pa la/ /me mar sdong pos kun nas mtha' bskor te/ /bud
98b1 med tshogs kyis bskor cing nyal nyal na/ /da lta mun par nyal na cis mi rmongs/ /'char kas smras pa/ thub chen 'phags pa gzims lam gzims pa ni/ /byams pa'i
98b2 gdan bting thugs rjes bde bar bzhengs/ /dga' bas gnas pas dgyes dang ldan pas na/ /srid med btang snyoms can la rmongs mi mnga'/ /rgyal pos smras pa/ shAkya
98b3 dpa' bos de rtag mdun du bdar/ /bstan bcos mkhas dang rtse zhing dga' byas te/ /gzhal med khang 'dra'i khyim du dga' byas na/ /nga yi bu de nags mthar ji ltar
98b4 dga'| |'char kas smras pa/ chos kyi byung ba zhi sems ldan rnams kyis/ /zhi ba'i thugs mnga' de rtag mdun du bdar/ /zhi ba'i dgon par zhi ba bstan mdzad pas/ /
98b5 ston pa 'jigs bral de ni der dgyes so/ /rgyal pos smras pa/ sngon chad gzhon nu khyim na gnas pa'i tshe/ /yan lag spos kyi 'bru mar zhim byugs te/ /rgyal po'i
98b6 rkyen du 'os pas khrus byas na/ /nags kyi mtha' na thub pa su yis bkru/ /'char kas smras pa/ khrims gtsang 'bab stegs chos chu rdzing bu ste/ /thub pa de bkru gzhan
98b7 yang dkru ba mdzad/ /sku la mi gsher sras dang bcas su 'bog /rang yang rgal la skye bo phal chen sgrol/ /rgyal pos smras pa/ gser gyi skud pa nor bu'i phreng bas
99a1 brgyan/ /rgyal po'i rkyen 'os gos mchog bzang po gyon/ /tsan+dan zhim pos shing 'dab legs par bris/ /nags chen de gseb thub
99a2 pa su yis brgyan/ /'char kas smras pa/ tshul khrims spos byugs yon tan phreng bas brgyan/ /khrel yod na bza' ting 'dzin bsam gtan brgyan/ /mngon shes
99a3 rig pa rnam thar brgyan pa'i sku/ /rnam grol gzi mnga' thub pa nags na mdzes/ /rgyal pos smras pa/ rtse gnyis mtshon dang ral gri mtshon thogs pa'i/ /dpa' bo
99a4 g.yul du 'ongs pas lus bsrungs te/ /bla re gdugs kyis rtag tu dgab dgab pa/ /gcig pu nags na 'dug na su yis bsrung / /'char kas smras pa/ byams
99a5 pa'i stobs kyis thub pa yongs bsrungs te/ /de dpung ye shes nyan thos zham ring g.yog /yon tan tshogs la nges pas 'jigs mi mnga'/ /stobs bcu dgyes
99a6 pa mnga' zhing mi 'jigs brnyes/ /rgyal pos smras pa/ nga yi bu yi yon tan khyod kyis smras/ /chos legs spyod cing dub med brjod pa thos/ /khyod kyang zan zo bsod
99a7 snyoms bkur bar gyis/ /bdag kyang mi yi dbang po bltar 'gro'o/ /de skad ces smras pa dang / tshe dang ldan pa 'char kas rgyal po zas gtsang ma la 'di skad ces smras
99b1 so| |rgyal po chen po/ bcom ldan 'das/ de ni/ tshogs kyi slob dpon/ tshogs kyi mchog /dge sbyong gi tshogs yongs su sdud pa drang srong chen po ste/ dge sbyong gi tshogs kyi
99b2 nang na bzhugs na/ dge sbyong gi rgyal po lham me/ lhan ne/ lhang nge'o/ /rgyal po chen po/ 'di lta ste/ dper na/ zla ba yar gyi ngo tshes bco lnga la zla ba nya ste yongs su rgyas pa'i
99b3 tshe skar ma'i tshogs kyis kun nas bskor ba ni/ lham me/ lhan ne/ lhang nge'o/ /de bzhin du bcom ldan 'das de yang dge sbyong gi tshogs kyi nang na bzhugs na/ lham me/ lhan
99b4 ne/ lhang nge'o/ /rgyal po chen po/ 'di lta ste/ dper na/ nyi ma ni/ sngon gyi dus na shin tu lham me/ lhan ne/ lhang nge'o/ /de bzhin du bcom ldan 'das de yang dge sbyong gi
99b5 tshogs kyi nang na bzhugs na/ shin tu lham me/ lhan ne/ lhang nge'o/ /'di lta ste/ dper na/ ri'i rgyal po ri rab rgya mtsho'i nang na 'dug pa ni/ lham me/ lhan ne/ lhang
99b6 nge'o| /de bzhin du bcom ldan 'das de yang dge sbyong gi tshogs kyi nang na bzhugs na/ lham me/ lhan ne/ lhang nge'o/ /'di lta ste/ dper na/ lha'i dbang po brgya byin ni/ chos
99b7 bzang lha'i mdun sa na gnas na/ lham me/ lhan ne/ lhang nge'o/ /de bzhin du bcom ldan 'das de yang dge sbyong gi tshogs kyi nang na bzhugs na/ lham me/ lhan ne/
100a1 lhang nge'o/ /'di lta ste/ dper na/ lha'i bu rab 'thab bral dang / lha'i bu yongs su dga' ldan dang / lha'i bu rab 'phrul dga' dang / lha'i
100a2 bu gzhan 'phrul dbang byed lha'i tshogs kyi nang na gnas na/ lham me/ lhan ne/ lhang nge'o/ /de bzhin du bcom ldan 'das kyang dge sbyong gi tshogs kyi nang na bzhugs
100a3 na| lham me/ lhan ne/ lhang nge'o/ /'di lta ste/ dper na/ mi mjed kyi bdag po tshangs pa ni/ tshangs pa bye ba phrag stong gis bskor na/ lham me/ lhan ne/ lhang
100a4 nge'o| |de bzhin du bcom ldan 'das de yang dge sbyong gi tshogs kyi nang na bzhugs na/ lham me/ lhan ne/ lhang nge'o/ /de nas rgyal po zas gtsang ma bcom ldan
100a5 'das kyi yon tan de lta bu brjod pa 'di thos nas 'di snyam du sems te/ 'di ni/ bcom ldan 'das de'i nyan thos su zad na/ 'di ltar rdzu 'phrul che zhing 'di
100a6 ltar mthu che la 'di ltar dbang che bar grags na/ bcom ldan 'das thog ma btsas pa nyid kyi tshe sa chen po 'di rnam pa drug tu g.yos/ rab tu g.yos/ kun tu rab
100a7 tu g.yos/ 'gul/ rab tu 'gul/ kun tu rab tu 'gul/ ldeg /rab tu ldeg /kun tu rab tu ldeg /chem chem/ rab tu chem chem/ kun tu rab tu chem
100b1 chem| 'ur 'ur/ rab tu 'ur 'ur/ kun tu rab tu 'ur 'ur/ 'khrugs/ rab tu 'khrugs/ kun tu rab tu 'khrugs shing / snang ba dpag tu med pa byung ba lta ci
100b2 smos/ btsas ma thag tu sus kyang ma brten par sa la gom ba bdun por ba dang / steng gi bar snang las chu'i rgyun grang dro rnam pa gnyis byung ste/ de gnyis kyis khrus
100b3 byas pa dang / de'i tshe lha'i khri bzang po dbus gser las byas pa byung ba dang / steng gi bar snang las lha'i gdugs rnga yab dang bcas pa byung ba lta'ang ci smos/ btsas
100b4 ma thag tu lha thams cad phyag 'tshal bar gyur pa dang / gang gi tshe btsas nas gang gi tshe mngon par byung ba de'i bar du nam yang 'khrul pa med pa/ rtag tu dam
100b5 bcas pa la brtan ba/ ji skad smras pa de ltar byed pa/ rtag tu rgyun mi gcod par brtson 'grus brtan pa/ yang dag par smra ba/ slu ba med pa lta ci smos/ gang gi tshe
100b6 bla na med pa yang dag par rdzogs pa'i byang chub mngon par rdzogs par sangs rgyas te brgal nas bsgral bar bya'o/ /zhes smras pa lta ci smos snyam ste/ des de ltar bcom
100b7 ldan 'das byang chub sems dpar gyur pa'i dam bcas pa de dran nas tshigs su bcad pa 'di dag smras so/ /blo mchog ldan pa gang zhig bltams ma thag /nor pa med pa'i
101a1 gsung ni brjod mdzad de/ /gang zhig la ni bden pa'i gsung mnga' ba/ /de la mkhas pa su zhig yid mi ches/ /gang zhig bltams par
101a2 gyur ma thag nyid du/ /'jig rten gtso bor 'gyur bar bya'o zhes/ /mgon 'os mnyam pa med pa'i gsung brjod pa/ /de la mkhas pa su zhig yid mi ches/ /su zhig rmi lam
101a3 rmi ba'i dus na yang / /rdzun gyi tshig ni nam yang ma gsungs te/ /ji skad gsungs pa de dag mdzad mdzad pa/ /de la mkhas pa su zhig yid mi ches/ /gser gyi phung
101a4 po gangs rir mnyam pa yis/ /gang zhig chags par bya bar ma nus shing / /gang zhig chags las rnam par 'das gyur pa/ /de la mkhas pa su zhig yid mi ches/ /
101a5 mtshon rnon 'dra ba'i dag rtsub tshig rnams kyis/ /gang zhig khro bar bya bar ma nus shing / /zhe sdang dngos po las ni rab 'das pa/ /de la mkhas pa su zhig yid mi
101a6 ches| |chags par 'gyur dang zhe sdang rmongs 'gyur bas/ /gang zhig thul bar nus par ma gyur te/ /shes rab rgyal po dang ni ldan gyur pa/ /de la mkhas pa su zhig
101a7 yid mi ches/ /'dod pa'i dga' dang bde rnams du ma dang / /longs spyod dag la rtog pa'i rnam pa yis/ /gang zhig bcing bar nus par ma gyur pa/ /de la mkhas pa
101b1 su zhig yid mi ches/ /rmad du byung ba rnam pa brgyad dag gis/ /ngo mtshar 'dzin 'jug nam yang ma nus te/ /dpal stug ldan zhing lag tu mi dam pa/ /de la mkhas pa su
101b2 zhig yid mi ches/ /mkhas pa dag gis brjod pa'i tshig snyan pa/ /rnam pa sna tshogs du ma'i tshig gis kyang / /gang zhig bcing bar nus par ma gyur pa/ /de la mkhas
101b3 pa su zhig yid mi ches/ /don gyi tshul la brtson dang ldan pa dang / /chos dang 'dod la nges pa'i tshig rnams kyis/ /gang zhig bcing bar nus par ma gyur pa/ /de yi
101b4 gsung la su zhig yid mi ches/ /dri ma med stobs mtha' yas ldan gyur pa/ /gang zhig grong khyer mchog nas 'byung ba'i tshe/ /dpung rnams kyis ni thub par ma gyur
101b5 pa| |de yi gsung la su zhig yid mi ches/ /byang chub dam pa mngon par bzhed pa'i phyir/ /gang zhig 'dod pa'i bde ba spangs nas su/ /'chi med rgyu phyir ri dwags spyod
101b6 mdzad pa/ /de yi gsung la su zhig yid mi ches/ /byang chub dam pa mngon par bzhed pa'i phyir/ /zhen pa ma yin sems can gang zhig gis/ /lo drug bar du dka' thub
101b7 drag spyad pa/ /de yi gsung la su zhig yid mi ches/ /'jig rten la ni phan dang bde ba'i phyir/ /byang chub dam pa don du gnyer ba na/ /lo drug lon pa'i tha mar tshod khu
102a1 gsol| |de yi gsung la su zhig yid mi ches/ /gang la lo drug bar du bdud kyis ni/ /rtag tu phyi bzhin 'brangs te glags btsal kyang / /
102a2 de la glags ni rnyed par ma gyur pa/ /de yi gsung la su zhig yid mi ches/ /gang zhig 'dod chags zhe sdang bral gyur cing / /su la cung zad tsam yang mi slong la/ /
102a3 'jig rten dag gi don ni mdzad gyur pa/ /de yi gsung la su zhig yid mi ches/ /gang zhig gzhan la gsan pa ma mdzad par/ /rtogs pa dka' ba rab tu zhi ba yi/ /
102a4 byang chub bla med mngon rdzogs sangs rgyas pa/ /de yi gsung la su zhig yid mi ches/ /gang zhig tshangs pa nyid kyis gsol btab pas/ /bcom ldan 'das kyis de yi
102a5 tshig gsan te/ /nyid kyis chos ni rab tu bshad pa na/ /de yi gsung la su zhig yid mi ches/ /gang zhig bdag la thugs brtse don gyi phyir/ /shAkya'i grong khyer khyim
102a6 du byon gyur te/ /shAkya'i tshogs rnams grol bar mdzad pa na/ /de yi gsung la su zhig yid mi ches/ /brgal bar gyur pa'i bcom ldan 'das gang gis/ /sngon gyi thugs
102a7 dam bcas pa dgongs mdzad de/ /bdag cag srid pa'i rgyun las sgrol mdzad pa/ /de yi gsung la su zhig yid mi ches/ /de dus nga bab de ltar dus mkhyen pas/ /bcom
102b1 ldan 'das kyis de yi dus mkhyen te/ /'dren pa dus su thugs brtse mdzad pa po/ /de yi gsung la su zhig yid mi ches/ /mi yi 'dren pa yi ni sku mchog la/ /blta ba'i don
102b2 du bdag ni 'gro bya zhes/ /rgyal po des ni rang gi sems kyis su/ /de snyam du ni rjes su bsam pa byas/ /de nas rgyal po zas gtsang mas de ltar ring zhig rjes su bsam nas
102b3 tshe dang ldan pa 'char ka la smras pa/ dge slong khyod la ci zhig dgos/ /de skad ces smras pa dang / tshe dang ldan pa 'char kas rgyal po zas gtsang ma la tshigs su bcad
102b4 de slar smras pa/ rgyal po khyod kyi don du bsam byas te/ /khyod nyid dad par bya phyir bdag 'dir 'ongs/ /stobs bcu mnga' la dad pa'i sems bskyed na/ /skyes pa bud
102b5 med dag kyang mtho ris 'dong / /stobs bcu mnga' zhing yon tan tshad med ldan/ /drang srong chen po shAkya dga' mdzad pa/ /'dir spyon rgyal po thugs dang skyed cig dang //
102b6 khyod kyi grags pa tshad med 'jig rten 'byung / /khyod kyi sras ni mi dbang dam pa ste/ /stobs bcu thugs rje thugs brtse che mnga' ba/ /chu khrod pad+ma ji bzhin chags med par/ /
102b7 stobs bcu chags med thugs mnga' spyod pa mdzad/ /srid pa'i chu bo bzhi las brgal gyur nas/ /'gro ba mang po chu bo che las sgrol/ /rkang gnyis gtso bo mi 'jigs thang
103a1 'don gyi/ /'dren pa mi mchog la ni dad pa skyed/ /srid pa'i zug rngu bzhi po kun bton te/ /sman pa'i gtso bo skye rgu'i zug rngu 'byin/ /gsol
103a2 byed pa mkhas pa dam pa'i mchog /'dren pa mi mchog la ni dad pa skyed/ /bdud kyi sde chen dpag med pham mdzad de/ /nag po'i phyogs rnams sder bcas yongs
103a3 mnan nas/ /mchog tu zhi ba'i byang chub rnyed gyur gyi/ /'dren pa mi mchog la ni dad pa skyed/ /'gro ba 'grol zhing chos kyang bstan pa dang / /'chi med zhi ba mi la
103a4 bshad gsol zhes/ /mi dbang la ni lha dbang gsol 'debs kyi/ /'dren pa mi mchog la ni dad bskyed/ /phas kyi rgol ba'i tshogs rnams zil mnan te/ /ston pa
103a5 dpag yas 'khor lo rab bskor nas/ /sems can bye ba tshad med 'dul mdzad kyi/ /'dren pa mi mchog la ni dad pa skyed/ /rnam dag spyan mnga' de ni 'gro ba dag /
103a6 mun pa rab rib stug pos bsgribs pa yi/ /mig sbyong rab rib sel cing gsal mdzad kyi/ /'dren pa mi mchog la ni dad pa skyed/ /rga dang 'chi ba'i 'jigs pa nyon
103a7 mongs la/ /rga shi med mchog mi la ston mdzad cing / /'chi med gnas su sems can don mdzad kyi/ /'dren pa mi mchog la ni dad pa skyed/ /me chen gsum gyis
103b1 bsregs pa'i 'jig rten 'di/ /mes tshig sa la sprin chen char pa bzhin/ /bzhi gnyis dam pa'i sprin gyis char 'bebs kyi/ /'dren pa mi mchog la ni dad pa skyed/ /dri
103b2 gsum dri ma spangs shing skyon bsal te/ /dri ma gsum las skye bo grol mdzad cing / /stobs bcu rnam par snang ba skyed mdzad kyi/ /'dren pa mi mchog la ni dad pa
103b3 skyed| |skye rgu kun la pha bzhin thugs brtse bas/ /stobs bcu thugs rje mnga' ba byams par dgongs/ /thugs rje thugs brtses sems can sgrol mdzad kyi/ /'dren pa mi mchog la
103b4 ni dad pa skyed/ /bcom ldan de ni ma dul sems can 'dul/ /thugs rje mnga' ba ma zhi zhi mdzad cing / /rgod pa rnams kyang nyon mongs zhi mdzad kyi/ /'dren pa mi mchog la
103b5 ni dad pa skyed/ /skye bo rnams kyi srid pa'i rgya mtsho skem/ /rgya mtsho la ni lha'i bu ji lta bar/ /stobs bcu thugs rje che mnga' sgrol mdzad kyi/ /'dren pa mi mchog la ni dad pa
103b6 skyed| |tshad med yon tan tshogs kyis mdzes gyur pa/ /thugs rje chen po dang ba'i thugs kyis spyod/ /yun ring 'khrugs pa'i skye bo dad mdzad kyi/ /'dren pa mi mchog la ni
103b7 dad pa skyed/ /nor bu rin chen chu dang byed pa bzhin/ /rgyal ba skye ba dang bar spyod mdzad cing / /mi yi 'thab rnyog rab tu dang mdzad kyi/ /'dren pa mi mchog la ni dad pa skyed//
104a1 nor bu rin chen rang bzhin yongs dag pa/ /mkhas pa'i skye bo dga' ba yongs su skyed/ /rgyal ba de bzhin skyon bsal dag pa'i thugs/ /
104a2 mkhas pa'i skye bo dga' ba yongs su skyed/ /'jig rten gtso la dad pa thob gyur na/ /lha dang mi dag sdug bsngal khur yang 'dor/ /srid pa'i rgyud spangs zhi ba mchog
104a3 tu 'dong / /'dren pa mi mchog la ni dad pa skyed/ /bdag gis yon tan phyogs gcig brjod pa ni/ /nam mkha'i dbyings la mkha' lding rjes bzhin te/ /bdag ni
104a4 rgyal ba'i yon tan mthar phyin min/ /'dren pa mi mchog la ni dad pa skyed/ /de nas rgyal po zas gtsang mas tshe dang ldan pa 'char ka las legs par bshad pa yang
104a5 thos/ bcom ldan 'das byang chub sems dpa' mdzad pa'i yon tan de lta bu yang nyid kyis mngon du mthong / /sngon bdag brgal nas skyes bu khyu mchog khyod kyang
104a6 bsgral bar bgyi'o/ /zhes dam bcas pa yang rjes su dran nas de'i tshe bcom ldan 'das la dad pa thob par gyur to/ /de ltar dad pa thob pa'i sems kyis tshe dang ldan pa
104a7 'char ka la 'di skad ces smras so/ /dge slong khyod ni/ nga'i bu'i chos las skyes pa'i bu yin na/ khyod bdag zan zo la bcom ldan 'das kyi bshos khyer te song
104b1 zhig /da yang bcom ldan 'das la blta ba'i phyir phyi bzhin 'ong ngo / /de nas tshe dang ldan pa 'char kas de ltar rgyal po zas gtsang ma mngon par dad par byas nas zan zos te
104b2 bcom ldan 'das kyis bshos khyer nas song ngo / /de'i tshe bcom ldan 'das kyis dge slong rnams la bka' stsal pa/ dge slong dag /rgyal po zas gtsang ma ni/ dge slong
104b3 'char kas dad par byed de/ deng skye bo phal po che'i don du 'gyur ro/ /de nas tshe dang ldan pa 'char ka bcom ldan 'das kyi bshos khyer te bcom ldan 'das ga la ba der
104b4 song nas bdag gis byas pa rnams bcom ldan 'das la gsol to/ /de nas bcom ldan 'das kyis tshe dang ldan pa 'char ka la legs so/ /zhes bya ba gnang ste/ 'char
104b5 ka legs so/ /legs so/ /de ring rgyal po zas gtsang ma dad par byas pas khyod kyis bsod nams mang du bskyed do/ /de'i tshe bcom ldan 'das kyis dge slong rnams
104b6 la bka' stsal pa/ dge slong dag /de ring dge slong 'char kas rgyal po zas gtsang ma mngon par dad par byas pa'i bsod nams kyi phung po bskyed pa de la gal te gzugs
104b7 shig yod na ni/ phyogs bcu'i 'jig rten gyi khams gang+gA'i klung gi bye ma rnyed kyi 'jig rten gyi khams su yang bsod nams kyi phung po de mi shong ste/ bsod nams kyi phung po
105a1 de ni| de tsam du dpag tu med do/ /bam po gnyis pa/ de nas bcom ldan 'das bshos gsol nas phyag bcabs/ lhung bzed bkrus te
105a2 mtshan ma'i rnam pa 'di lta bu mdzad do/ /mtshan ma'i rnam pa de lta bu mdzad pas rgyal po chen po rnam thos kyi bu gnod sbyin bye ba khrag khrig brgya stong gis yongs su bskor
105a3 cing mdun du bdar nas 'di lta ste/ dper na/ skyes bu stobs dang ldan pas lag pa bskum pa las brkyang pa'am/ /brkyang pa las bskum pa tsam gyis rgyal po chen po
105a4 rnam thos kyi bu rang gi gnas nas mi snang bar gyur nas bcom ldan 'das kyi spyan sngar 'dug par gyur te/ des bcom ldan 'das kyi zhabs la mgo bos phyag 'tshal nas
105a5 byang phyogs su brten te steng gi bar snang la gnod sbyin gyi tshogs kyis bskor nas thal mo sbyar te bcom ldan 'das dang / dge slong gi dge 'dun la mchod cing
105a6 'dug par gyur to/ /rgyal po chen po yul 'khor srung yang dri za bye ba khrag khrig brgya stong du mas yongs su bskor cing mdun du bdar nas snga ma bzhin du bcom ldan
105a7 'das kyi spyan sngar 'dug par gyur te/ des bcom ldan 'das kyi zhabs la mgo bos phyag 'tshal nas shar phyogs logs su brten te steng gi bar snang la dri za'i
105b1 tshogs kyis bskor nas thal mo sbyar te/ bcom ldan 'das dang / dge slong gi dge 'dun la mchod cing 'dug par gyur to/ /rgyal po chen po 'phags skyes po yang grul
105b2 bum bye ba khrag khrig brgya stong du mas yongs su bskor cing mdun du bdar nas snga ma bzhin du bcom ldan 'das kyi spyan sngar 'dug par gyur te/ des bcom ldan 'das
105b3 kyi zhabs la mgo bos phyag 'tshal nas lho phyogs logs su brten te steng gi bar snang la grul bum gyi tshogs kyis bskor nas thal mo sbyar te/ bcom ldan 'das dang /
105b4 dge slong gi dge 'dun la mchod cing 'dug par gyur to/ /rgyal po chen po mig mi bzang yang klu bye ba khrag khrig brgya stong du mas yongs su bskor cing mdun du
105b5 bdar nas snga ma bzhin du bcom ldan 'das kyi spyan sngar 'dug par gyur te/ des bcom ldan 'das kyi zhabs la mgo bos phyag 'tshal nas nub phyogs logs
105b6 su brten te steng gi bar snang la klu'i tshogs kyis bskor nas thal mo sbyar te/ bcom ldan 'das dang / dge slong gi dge 'dun la mchod cing 'dug par gyur to/ /
105b7 lha'i dbang po brgya byin yang sum cu rtsa gsum ris kyi lha'i bu bye ba khrag khrig brgya stong du mas yongs su bskor cing mdun du bdar nas snga ma bzhin du steng gi bar snang
106a1 la thal mo sbyar te/ bcom ldan 'das dang / dge slong gi dge 'dun la mchod cing 'dug par gyur to/ /de bzhin du lha'i dbang po rab 'thab
106a2 bral dang / yongs su dga' ldan dang / rab 'phrul dga' dang / lha'i rgyal po gzhan 'phrul dbang byed dang / mi mjed kyi bdag po tshangs pa dang / lha'i rgyal po
106a3 'od gsal dang / dge rgyas dang / 'bras bu che ba dang / gnas gtsang ma'i rigs kyi lha'i bu rnams kyang gnas gtsang ma'i lha'i ris nas mi snang bar gyur te/ bcom
106a4 ldan 'das kyi spyan sngar 'khod par gyur nas bcom ldan 'das kyi zhabs la mgo bos phyag 'tshal te steng gi bar snang la re re zhing yang g.yog lha'i bu bye ba khrag khrig
106a5 brgya stong du ma dang lhan cig tu bcom ldan 'das dang / dge slong gi dge 'dun la mchod cing 'dug par gyur to/ /lha ma yin gyi dbang po thag bzang ris kyang lha
106a6 ma yin bye ba khrag khrig phrag drug cu dang lhan cig tu 'di lta ste/ dper na/ skyes bu stobs dang ldan pa'i lag pa bskum pa las brkyang pa'am/ brkyang pa las bskum
106a7 pa tsam gyis lha ma yin gyi dbang po thag bzang ris lha ma yin gyi gnas nas mi snang bar gyur te/ bcom ldan 'das kyi spyan sngar 'dus par gyur nas bcom ldan
106b1 'das kyi zhabs la mgo bos phyag 'tshal te/ bcom ldan 'das dang / dge slong gi dge 'dun la mchod cing 'dus par gyur to/ /bya'i rgyal po 'dab bzang brgyad
106b2 khri drug stong yang rang rang gi gnas nas mi snang bar gyur te/ bcom ldan 'das kyi spyan sngar 'khod par gyur nas bcom ldan 'das kyi zhabs la mgo bos phyag
106b3 'tshal te/ bcom ldan 'das dang / dge slong gi dge 'dun la mchod cing 'dug par gyur to/ /gzhan mu stegs can kun tu rgyu rgyal po'i khab tha dad pa nas lhags
106b4 pa bye ba phrag brgyad cu yang 'dus par gyur to/ /de la 'di skad ces bya ste/ nam mkha' yongs su dag pa'i dbyings dkyil du/ /ma lus rdzogs gyur zla ba nya ba yis/ /
106b5 skar ma'i tshogs rnams zil gyis mnan nas ni/ /nam mkha' zla ba bzhin du rnam par mdzes/ /zla ba dri med dkyil 'khor zhal mnga' ba/ /mun pa rab rib sel cing
106b6 dri gsum 'joms/ /rtog ge can tshogs zil gyis mnan nas ni/ /mkha' la skar ma'i bdag po bzhin du mdzes/ /nyi ma 'od zer brgya yi lus 'dzin pa/ /ston gyi
106b7 dus na mun sel rnam mdzes shing / /lha min tshogs rnams zil gyis mnan nas su/ /nyi ma de ni pad+ma'i kha yang 'byed/ /nyi ma 'od zer brgya 'dra'i sku mnga' bas/ /stong
107a1 gsum po dag zil gyis mnan nas ni/ /mi yi nyi ma rnam par mdzes gyur cing / /nyan thos pad+ma'i tshal mchog kha yang 'byed/ /lha
107a2 yi rgyal po dbang po brgya byin ni/ /'dun sar lha yi tshogs kyis yongs bskor ba/ /lha yi 'khor rnams zil gyis mnan nas ni/ /bde sogs khyim thab sbyin ldan rnam par
107a3 mdzes| |rkang gnyis dbang po dpal stug stobs bcu yang / /dge sbyong tshogs kyis mdun bdar stong gsum ni/ /rtog ge tshogs rnams zil gyis mnan nas ni/ /dge
107a4 sbyong tshogs kyi dbus na rnam par mdzes/ /lha yi rgyal po mtha' bral dbang byed pa/ /mtha' bral bzang po lhas mchod btsun byas ba/ /mtha' bral bzang po lha tshogs
107a5 nang zhugs te/ /mtha' bral rnams kyi nang na 'dug pa mdzes/ /gzi brjid mtha' yas stobs bcu mnga' ba yang / /lam ngan ngan 'gror 'gro ba zil mnan nas/ /yan
107a6 lag brgyad pa rab tu ston mdzad cing / /stobs bcu yon tan rnams kyis rab tu mdzes/ /lha yi rgyal po yongs su dga' ldan de/ /dga' ldan gnas na lha yi tshogs
107a7 kyis bskor/ /lha tshogs mang po zil gyis mnan nas ni/ /sngon gyi dge ba'i rtsa bas rab tu mdzes/ /de bzhin lha dang lha min bla ma yang / /lha dang lha min tshogs kyis
107b1 bla mar byas/ /'khor brgyad po dag zil gyis mnan nas ni/ /skyes bu seng+ge dam pa 'jig rten mdzes/ /lha yi dbang po bdag po rab 'phrul ni/ /lha tshogs mang po zil gyis
107b2 mnan nas su/ /rang gi bsod nams mthu yis lha gnas na/ /gnas shing de ni rab tu rnam par mdzes/ /de bzhin nyon mongs rnams las rnam grol zhing / /stobs bcu
107b3 mnga' ba nyon mongs bral ba po/ /ma dul 'dul mdzad 'dul ba'i rgyal po yang / /skye bo zil gyis mnan nas rnam par mdzes/ /lha yi rgyal po dbang bsgyur byed pa ni/ /lha
107b4 gnas 'dug cing lha tshogs zil mnan te/ /sngon gyi dge ba'i rtsa ba'i gzi brjid kyis/ /rnam par mdzes par gyur pa ji bzhin du/ /de ltar rgyal ba stobs bcu'i spyod pa
107b5 dag /sngon chad spyad pas lha mi zil mnan te/ /sngon gyi dge ba'i rtsa ba'i gzi brjid kyis/ /rgyal ba de ni rab tu rnam par mdzes/ /tshangs pa'i 'jig rten na ni tshangs pa yang / /
107b6 tshangs pa'i 'khor rnams rang gis zil mnan te/ /shin tu snyan pa yan lag brgyad ldan dag /yongs su rjod par byed cing mngon du mdzes/ /de ltar rgyal ba tshangs pa 'drar
107b7 gyur pa| |dge sbyong rgyal po dge sbyong tshogs rnams kyis/ /mdun du bdar te bden pa'i gtam gsung zhing / /'jig rten gsum po dag na mngon du mdzes/ /nyan par 'dod
108a1 pa lha dang mi rnams dang / /lto 'phye chen po dag ni 'dus mkhyen nas/ /skyes bu khyu mchog yan lag brgyad ldan gyi/ /gsung rnams kyis ni
108a2 rab tu ston par mdzad/ /bya lam nam mkha' dpag par nus kyang srid/ /rgya mtsho bum pas gzhal du rung yang srid/ /ri rab srang la gcal du rung yang srid/ /sangs
108a3 rgyas yon tan mtha' rtogs mi nus so/ /rgyal po mngon par dad par byas pa'i le'u ste/ dang po'o// //de nas tshe dang ldan pa 'char ka song nas ring po
108a4 ma lon par rgyal po zas gtsang mas shAkya rnams la bsgo ba/ /grogs po dag /'di lta ste/ dper na/ nyi ma 'char ba'i snga ltas ni/ gang 'di dmar rengs 'char ba'o/ /
108a5 dmar rengs shar na/ nyi ma 'char bar shes so/ /grogs po dag /de bzhin na dge slong 'char ka yang bcom ldan 'das thams cad mkhyen pa'i snga ltas yin te/
108a6 dge slong 'char kas yon tan gang brjod pa de dag ni/ nges par thams cad mkhyen pa'i yon tan yin no/ /grogs po dag /de lta bas na/ gzhon pa'i mchog
108a7 rnams stod de sta gon gyis shig /de ci'i phyir zhe na/ de ring kho na bdag cag bcom ldan 'das mchog tu blta na sdug pa de blta zhing 'dong ngo / /lha/ legs so/ /
108b1 zhes gsol nas shAkya rnams kyis rgyal po zas gtsang ma'i ltar mnyan te/ theg pa'i mchog rnams myur du bstod do/ /de'i tshe rgyal po zas gtsang ma ser skya'i gnas dang / n+ya
108b2 gro d+ha'i kun dga' ra ba'i bar de dag thams cad rgyal po'i gshegs shul du mnyam par byed du bcug cing / bye ma gtsang ma bdal du bcug ste nyams dga' ba dang / me
108b3 tog sil mas gang ba dang / dar gyi lda ldi dang / phreng ba mang pos brgyan te/ skabs skabs su gar mkhan dang / glu mkhan dang / gyad dang / bum rnga thogs pa dang /
108b4 sil snyan dang / rol mo dang / klu'i cha byad dang / yo byad thams cad thogs pa dag bkod par gyur to/ /de nas rgyal po zas gtsang ma bzhon pa'i mchog dang chas pa
108b5 rnams dang / bdag nyid kyang bzhon pa'i mchog la zhon te ser skya'i gnas kyi grong khyer chen po nas byung nas n+ya gro d+ha'i kun dga' ra ba ga la ba der song ngo / /de'i tshe shAkya
108b6 la la'i gzhon pa'i mchog ni/ rnam pa 'di lta ste/ 'di ltar shing rta dag kyang sngo la/ rta sngon po rnams kyis drangs shing / rgyan rnams kyang sngo la dril bu g.yer ka'i dra
108b7 bas brgyan pa/ 'khor rgyan sngon po can gyis bskor ba/ /gdugs dang / ral gri dang / thod dang / nor bu can gyi rnga yab dang / lham rgyan can sngon po dang ldan pa/ kha
109a1 tshar ma bcad pa'i ras sngon po gyon cing / rgyan sngon po thogs pa'i zhal ta ba rnams zhal ta byed pa/ rgyan sngon po can gyi lcags thogs pa dang /
109a2 khrid pa du ma dang ldan pa/ rgyal mtshan sngon po bsgreng ba sha stag ste/ shing rta re re zhing yang rgyan sngon po can gyi mi brgya phrag re res bskor bar gyur to/ /shAkya la la'i
109a3 bzhon pa rnam pa 'di lta bu ste/ 'di ltar shing rta dag kyang thams cad du ser ba nas thams cad du dmar ba dang / thams cad du dkar ba dang / thams cad du khra ba
109a4 dang / shing rta re re zhing yang rgyan khra bo can gyi mi brgya phrag re res bskor ba'i bar du snga ma bzhin no/ /shing rta de dag re res phyi bzhin du yang glang po che brgyad khri gser
109a5 gyi rgyan gyis brgyan pa/ gser gyi rgyal mtshan can/ gser gyi dra bas g.yogs pa sha stag bshams te/ glang po che brgyad khri po de dag gi steng du rin po che sna
109a6 bdun gyi khang pa brtsegs pa/ bkra ba/ blta na sdug pa brgyad khri bzhag nas 'dong bar gyur to/ /glang po che brgyad khri po de dag gi phyi bzhin rta gser gyi rgyan gyis
109a7 brgyan pa/ gser gyi dril bu g.yer kha brgyus pa/ rin po che sna bdun gyi rgyan dang ldan pa brgyad khri bshams te 'dong bar gyur to/ /de nas bcom ldan 'das kyis
109b1 rgyal po zas gtsang ma dang / shAkya rnams rgyang ring po 'ong ba gzigs nas dge slong rnams la bka' stsal pa/ dge slong dag /khyed gang dag gis sum cu rtsa gsum gyi lha
109b2 skyed mos tshal du 'dong ba ma mthong ba de dag gis shAkya ser skya'i gnas nas 'ong ba 'di dag la ltos shig /de ci'i phyir zhe na/ dge slong dag /shAkya rnams ser skya'i
109b3 gnas nas byung ba de dag ni/ sum cu rtsa gsum gyi lha skyed mos tshal du 'dong ba dang rjes su mthun pa'o/ /de la 'di skad ces bya ste/ ser skya zhes bya'i grong khyer dam pa
109b4 nas| /rgyal po zas gtsang mi yi khyu mchog de/ /'khor dang bcas te ji ltar 'ongs gyur pa/ /de ltar bstan gyi khyed rnams de nyon cig /shing rta brgya stong mchog dang
109b5 bcas pa dag /legs par brgyan cing mdzes par spras nas ni/ /ser skya'i gnas kyi grong khyer dam pa nas/ /mi yi dbang po dam pa byung bar gyur/ /shing rta sngo zhing rgyan
109b6 kyang sngo ba dang / /rta yang sngo zhing sngo ba'i 'khor dang bcas/ /mtshan ma lnga po dag kyang sngo ba ste/ /de bzhin gos kyi dam pa dag kyang sngo/ /lcags kyang sngo zhing thag srang rnams
109b7 kyang sngo/ /dril bu g.yer ka'i dra ba rnams dang bcas/ /mi rnams kyang ni sngon po'i gos can te/ /rgyal mtshan sngon po bsgreng bas mdzes par byas/ /shing rta ser zhing
110a1 rgyan yang ser ba dang / rta yang ser zhing ser po'i 'khor dang bcas/ /mtshan ma lnga po dag kyang ser po ste/ /de bzhin gos kyi dam pa dag
110a2 kyang ser/ /lcags kyang ser zhing thag srang rnams kyang ser/ /dril bu g.yer ka'i dra ba rnams dang bcas/ /mi rnams kyang ni ser po'i gos can te/ /rgyal mtshan ser po
110a3 bsgreng bas mdzes par byas/ /shing rta dmar zhing rgyan kyang dmar ba dang / /rta yang dmar zhing dmar po'i 'khor dang bcas/ /mtshan ma lnga po dag kyang dmar po ste/ /de
110a4 bzhin gos kyi dam pa dag kyang dmar/ /lcags kyang dmar zhing thag srang rnams kyang dmar/ /dril bu g.yer ka'i dra ba rnams dang bcas/ /mi rnams kyang ni dmar po'i
110a5 gos can te/ /rgyal mtshan dmar po bsgreng bas mdzes par byas/ /shing rta dkar zhing rgyan kyang dkar pa dang / /rta yang dkar zhing dkar po'i 'khor dang bcas/ /mtshan
110a6 ma lnga po dag kyang dkar po ste/ /de bzhin gos kyi dam pa dag kyang dkar/ /lcags kyang dkar zhing thag srang rnams kyang dkar/ /dril bu g.yer ka'i dra ba rnams dang
110a7 bcas| |mi rnams kyang ni dkar po'i gos can te/ /rgyal mtshan dkar po bsgreng bas mdzes par byas/ /shing rta khra zhing rgyan kyang khra ba dang / /rta yang khra zhing khra ba'i
110b1 'khor dang bcas/ /mtshan ma lnga po dag kyang khra ba ste/ /de bzhin gos kyi dam pa dag kyang khra/ /lcags kyang khra zhing thag srang rnams kyang khra/ /dril bu g.yer ka'i dra ba rnams
110b2 dang bcas/ /mi rnams kyang ni khra ba'i gos can te/ /rgyal mtshan khra bo bsgreng bas mdzes par byas/ /shing rta de dag rnams kyi phyi bzhin du/ /glang po brgyad khri tshang bar
110b3 bshams pa ni/ /gser gyi rgyal mtshan rnams kyis legs par brgyan/ /glang chen rnams ni gser gyis tshal bar brgyan/ /de dag steng du rin chen sna bdun gyi/ /khang pa
110b4 brtsegs pa dag ni bzhag nas su/ /rnam pa sna tshogs rgyan gyis brgyan pa yi/ /shing rta rnams kyis phyi bzhin 'brang bar bshams/ /de bzhin rta mchog stong phrag brgyad cu
110b5 yang / /rin chen sna bdun rgyan gyis dga' bar brgyan/ /rgyal po'i chas gos rgyal po 'cham stabs can/ /glang po de dag rnams ni phyi bzhin 'brang / /rab tu dri zhim kha
110b6 dog lnga pa yi/ /me tog sil ma rgyal po'i lam du bkram/ /dar gyi lda ldi dag kyang rab tu bres/ /bdug spos snod rnams kyis ni legs par brgyan/ /glu mkhan gar
110b7 mkhan rnams dang gyad rnams dang / /bum rnga thogs pa rnams kyis mdzes par byas/ /rol mo rnam pa sna tshogs byed pa mang / /rab tu dga' zhing rgyal po'i phyi bzhin
111a1 'brang / /rgyal po gshegs pa'i le'u ste/ gnyis pa'o// //de nas rgyal po zas gtsang ma dang / /shAkya rnams rta babs
111a2 sa'i bar du bzhon pa dang dong ste phyin nas bzhon pa las babs te/ rkang thang gi 'khor gyis yongs su bskor nas mdun du bdar te n+ya gro d+ha'i kun dga' ra bar dong
111a3 ngo| /de'i tshe bcom ldan 'das kyis rgyal po zas gtsang ma nga rgyal che bar mkhyen nas mi gang lhag tsam gyi steng gi bar snang gi nam mkha' la rgyal po zas gtsang
111a4 ma mngon par dad par bya ba'i phyir 'chag cing bzhugs par gyur to/ /de'i tshe bcom ldan 'das de ltar 'chag pa'i g.yas phyogs nas mi mjed kyi bdag po
111a5 tshangs pa zhal 'bring du 'chag cing 'gro'o/ /g.yon phyogs nas lha'i dbang po brgya byin zhal 'bring du 'chag cing 'gro'o/ /de ltar bcom ldan 'das 'chag pa'i
111a6 zhal 'bring du lha'i rgyal po rab 'thab bral dang / yongs su dga' ldan dang / rab 'phrul dga' dang / gzhan 'phrul dbang byed rnams bcom ldan 'das la
111a7 mchod pa bya ba'i phyir gdugs 'dzin cing bsil yab kyis g.yob par gyur to/ /rgyal po chen po rnam thos kyi bu dang / yul 'khor srung gnyis kyang bcom
111b1 ldan 'das 'chag pa'i shar phyogs logs kyi thog ma la bla gos phrag pa gcig tu gzar te pus mo g.yas pa'i lha nga smad nas bcom ldan 'das ga la ba de logs su
111b2 thal mo sbyar ba btud de bcom ldan 'das la phyag 'tshal zhing 'khod par gyur to/ /rgyal po chen po 'phags skyes po dang / mig mi bzang gnyis kyang bcom ldan 'das
111b3 'chag pa'i nub phyogs logs kyi thog ma la bla gos phrag pa gcig tu gzar te pus mo g.yas pa'i lha nga smad nas bcom ldan 'das ga la ba de logs su thal mo sbyar
111b4 ba btud de bcom ldan 'das la phyag 'tshal zhing 'khod par gyur to/ /de'i tshe rgyal chen bzhi'i ris kyi lha'i bu rnams dang / sum cu rtsa gsum dang / 'thab bral dang /
111b5 dga' ldan dang / 'phrul dga' dang / gzhan 'phrul dbang byed kyi lha'i bu rnams kyang bcom ldan 'das la mchod pa bya ba'i phyir steng gi bar snang la gnas te/ lha'i
111b6 me tog ut+pa la dang / pad+ma dang / ku mu ta dang / pad+ma dkar po dang / lha'i man+dA ra ba dang / man+dA ra ba chen po dang / lha'i spos kyi phye ma rab tu 'thor bar gyur to/ /bcom
111b7 ldan 'das la mchod pa bya ba'i phyir lha'i rol mo'i sil snyan dang / glu dbyangs dag kyang steng gi bar snang la sgra 'byin par gyur to/ /mi'i las 'das pa'i glu'i nga ro yang
112a1 bar snang las byung bar gyur to/ /sprin las spos kyi char zam zim yang bab par gyur to/ /lha'i me tog ut+pa la dang / lha'i tsan+dan gyi phye ma'i
112a2 char yang bab par gyur to/ /de nas de'i tshe bcom ldan 'das kyis rdzu 'phrul gyi rnam pa gang mngon par mdzad pas lha dang mi rnams kyang gcig gis gcig mthong
112a3 bar 'gyur ba de lta bu'i rdzu 'phrul mngon par mdzad do/ /de nas rgyal po zas gtsang mas lha de dag bcom ldan 'das de la mchod pa byed pa yang mthong / lha'i rin
112a4 po che sna bdun gyi rgyu las grub pa'i khang pa brtsegs pas kyang bar snang gang bar mthong nas de 'di snyam du sems te/ ji tsam du bcom ldan 'das kyis legs
112a5 par gsungs pa de ni/ ngo mtshar che ste/ sngon bcom ldan 'das gzhon nur gyur pa'i tshe 'di skad du nga la ni/ gling chen po bzhi'i dbang phyug la dbang bar 'gyur
112a6 ba ngo mtshar mi che ste/ ngas ni/ stong gsum gyi stong chen po'i 'jig rten gyi khams su lha dang mi'i nang du chos kyi dbang phyug la dbang bar bya'o/ /zhes gsungs na/
112a7 bcom ldan 'das kyis chos kyi dbang phyug la dbang ba de ni/ 'di yin par blta ste/ bdag ni/ mi'i 'khor can du zad/ bcom ldan 'das ni/ lha dang mi'i
112b1 'khor can du gyur to/ /snyam mo/ /de nas rgyal po zas gtsang mas bla gos phyogs gcig tu bgos te pus mo g.yas pa'i lha nga sa la btsugs nas bcom ldan 'das kyi zhabs la spyi
112b2 bos phyag 'tshal te tshig 'di skad ces smras so/ /bcom ldan 'das bltams ma thag tu sus kyang ma brten par sa chen po la gom pa bdun bzhud de phyogs bzhir gzigs nas
112b3 gsung brjod pa/ nga ni/ 'jig rten na mchog /nga ni/ 'jig rten na gtso/ nga ni/ 'jig rten na rab ste/ ngas skye ba dang / rga ba dang / na ba dang / 'chi ba mthar dbyung ngo / /
112b4 zhes gsungs pa de'i tshe yang bdag gis bcom ldan 'das kyi zhabs gnyis la mgo bos gtugs te phyag bgyis so/ /gang gi tshe bcom ldan 'das zhing pa'i grong du bzhud nas
112b5 dzam+bu'i grib ma bsil ba la bzhugs pa'i tshe nyi ma yol yang dzam+bu'i grib mas bcom ldan 'das kyi sku de ma btang ste/ lha'i bu gzhon nu drug thal mo sbyar nas phyag 'tshal zhing 'khod
112b6 par gyur pa de'i tshe yang bdag gis bcom ldan 'das la phyag bgyis so/ /da yang bcom ldan 'das la 'di dang lan gsum du phyag 'tshal lo/ /zhes smras nas de'i tshe tshigs su
112b7 bcad pa 'di dag smras so/ /gang tshe rkang gnyis gtso bo khyod bltams nas/ /sa chen 'di la gom pa bdun bzhud de/ /nga ni 'jig rten 'di na mchog ces gsungs/ /de tshe mkhas
113a1 pa khyod la bdag phyag 'tshal/ /gang tshe thub chen zhing ba'i grong bzhud de/ /dzam+bu'i grib mas bzhugs pa ma btang zhing / /lha bu gzhon nu drug gis
113a2 btud gyur pa/ /de tshe mchod 'os khyod la bdag phyag 'tshal/ /nga yang 'di dang khyod la lan gsum du/ /thub pa khyod kyi zhabs la phyag 'tshal lo/ /thugs rje che mnga' lha
113a3 mis mchod pa gtso/ /khyod 'dra 'jig rten ma mchis lhag ci smos/ /mtshan ni don grub lags zhes sngon brjod pa/ /pha dang ma yis bsam ste btags pa lags/ /khyod kyis bsam
113a4 rdzogs bdud rtsi brnyes pas na/ /don grub lags par bdag gis nga gdod 'tshal/ /de nas 'dod pa na spyod pa'i lha rnams kyis de'i tshe bcom ldan 'das kyi seng+ge'i khri lha'i yid bzhin gyi
113a5 ngas bcos bu bting ba rnam pa sna tshogs su spel ba bshams so/ /thams cad dang ldan pa'i n+ya gro d+ha'i kun dga' ra bar yang lha'i yid bzhin gyi ras bcos bu yog par
113a6 bting ngo / /steng du yang lha'i yid bzhin gyi ras bcos bu'i bla re bres so/ /de nas bcom ldan 'das bar snang gi 'chag sa de nas babs te gdan khri bshams pa la
113a7 bzhugs so/ /rgyal po zas gtsang ma yang 'khor dang bcas pas bcom ldan 'das kyi zhabs la phyag 'tshal te phyogs gcig tu 'dug go /'dod pa na spyod pa'i lha
113b1 rnams kyang bcom ldan 'das kyi zhabs la mgo bos phyag 'tshal te bar snang la 'khod par gyur to/ /'di la 'di ni/ chos nyid yin te/ de la 'di skad ces bya'o/ /ser skya zhes bya
113b2 grong khyer dam pa yi/ /n+ya gro d+ha yi ra ba nyams dga' bar/ /rgyal po zas gtsang de dang gang gi tshe/ /'jig rten mgon po phrad pa de yi tshe/ /skye bo mang po dag ni 'dus gyur te/ /lha
113b3 ma yin dang mkha' lding dbang po dang / /klu tshogs rnams dang de bzhin grul bum dang / /dri za'i rgyal po rnams kyang 'dus par gyur/ /de bzhin gsang ba'i bdag po rnams
113b4 'dus te/ /mi'am ci yi tshogs dang mi rnams dang / /de bzhin 'dod pa dag na spyod pa'i lha/ /rab tu dga' ba rnams kyang 'dus par gyur/ /de bzhin gzugs kyi khams su
113b5 gtogs pa yi/ /tshangs pa rnams dang tshangs pa'i ris rnams dang / /'od gsal ba dang dge rgyas pa dag dang / /'bras bu che bar gtogs dang gnas gtsang 'dus/ /dge
113b6 sbyong dag dang de bzhin bram ze dang / /spyod pa can dang kun tu rgyu dag dang / /gcer bu pa dang mu stegs gzhan mang po/ /log lam rjes su 'brang ba rnams kyang 'dus/ /sangs rgyas
113b7 nyid kyi gzi brjid dam pa yis/ /rgyal po chen po zas gtsang de yi sems/ /yongs su smin par bya ba'i don gyi phyir/ /de yi tshe na 'dus pa chen por gyur/ /sngon chad bcom ldan
114a1 'das kyis legs bshad pa'i/ /tshig gis 'khor rnams yongs su tshim par mdzad/ /da ni rgyal ba rgyal po zas gtsang la/ /rgyal ba'i mthu ni rab
114a2 tu bstan par bzhed/ /bcom ldan 'das la rgyal po zas gtsang gis/ /gzhon nu khyod ni sa bdag chen po yi/ /rgyal por 'gyur zhes mkhas pas lung bstan gyi/ /
114a3 khab nas ma byung zhig ces mngon gsol ba/ /gling bzhir dbang ba'i 'khor los bsgyur ba ste/ /srog chags bye ba khrag khrig rnams kyis mchod/ /rin chen sna bdun
114a4 dag dang ldan par 'gyur/ /'byor pa bzhi po dang yang ldan par 'gyur/ /chos la gnas shing sa yang skyong ba ste/ /gling bzhi dbang bar rgyal rigs rgyal chen 'gyur/ /
114a5 mi yi bdag dang mi yi mchod par 'ong / /lto 'phye ches mchod 'gyur zhes gsol ba btab/ /de nas de'i tshe byang chub sems dpa' des/ /bskal pa bye ba khrag khrig dpag
114a6 med nas/ /bdag ni rtag tu bden pa'i tshig smras kyi/ /rgyal po bdag gi tshig la gson ces gsungs/ /'di ltar gling bzhi pa yi rgyal srid kyis/ /bdag la slu ba
114a7 mdzad par bzhed pas na/ /de lta'i tshul las rgyal po chen po khyod/ /bdag la cung zad tsam yang thugs mi re/ /rgyal po chen po sngon tshe byung ba ni/ /rgya mtsho'i rlabs
114b1 kyis rus sbal gcig cig 'phangs/ /rgya mtsho'i rlabs ni phyir log gyur pa na/ /rus sbal de ni khron pa'i nang du lhung / /de la khron pa'i nang gi rus sbal gyis/ /rgya mtsho'i rus sbal
114b2 ga nas 'dir 'ongs kye/ /nga yi the tshom skyes pa gcad pa'i phyir/ /myur du nga la smros zhes de skad smras/ /khron pa'i nang gi rus sbal de nyid la/ /rgya mtsho'i rus sbal blo chen des
114b3 smras pa/ /nga ni rgya mtsho'i rlabs kyis bkur bkur te/ /khron pa 'dir ni de ring bor bar gyur/ /rgya mtsho'i rlabs chen de ni phyir log song / /nga ni slar log 'gro bar ma nus
114b4 te| |nga ni rlabs dang bral bar gyur pas na/ /rus sbal khyod kyi khron par gnas 'cha' 'o/ /de la khron pa'i nang gi rus sbal gyis/ /rgya mtsho de ni khron pa 'di tsam mam/ /'on te
114b5 khron pa 'di bas che ba zhig /dris lan nga la myur du smros zhes smras/ /rgya mtsho'i rus sbal blo chen rgyal po des/ /khron pa'i rus sbal de la tshig smras pa/ /khron pa'i rus sbal khyod
114b6 ni byis pa ste/ /blo rgya chung zhing shes pa rab tu zhan/ /nga ni lan tshwa can gyi chu der btsas/ /yun ring dus nas de na skye skye yang / /rgya mtsho'i mtha' ma shes par mi nus na/ /dbus
114b7 lta shes par ga la nus zhes smras/ /de ltar mi yi bdag po khyod kyis kyang / /bdag gi mthu ni thugs su ma chud de/ /gling bzhi ba yi mchod pa rnams kyis ni/ /khyod kyis bdag
115a1 la slu ba mdzad par bzhed/ /bdag ni chos can chos kyi rgyal por 'gyur/ /chad pas mi gcad mtshon chas bda' med par/ /stong gsum 'jig
115a2 rten khams 'di bskyang bar bya/ /'jig rten 'das pa'i mchod pa thob par 'gyur/ /rdzu 'phrul stobs bsgoms pa yi bdag nyid can/ /bcom ldan 'das kyis sngon tshig sbyang
115a3 bzhed nas/ /de phyir 'khor chen po ni de dag dang / /sems can rnams la thugs kyis dgongs pa mdzad/ /rgyal po zas gtsang sems ni mgu bya'i phyir/ /thugs kyis
115a4 yongs su bskul ba mdzad pa dang / /'jig rten gsum po mtha' dag ma lus par/ /de yi tshe na de ni 'dus par gyur/ /rgyal po 'dun par byas pa'i le'u ste/ gsum
115a5 pa'o|| //de nas bcom ldan 'das kyis de'i tshe lha ma yin gyi dbang po thag bzang ris bcom ldan 'das la mchod pa bya ba'i sems thog mar skye
115a6 bar 'gyur ba de lta bu'i mtshan ma mdzad do/ /de nas lha ma yin gyi dbang po thag bzang ris lha ma yin khrag khrig phrag drug cu dang / lha ma yin gyi bu mo khrag khrig
115a7 phrag drug cu dang bcas pas bcom ldan 'das la mchod pa thog mar byas te/ de nas rgya mtsho chen po'i nang na rin po che rin thang yod pa dang / rin thang med pa ji
115b1 snyed cig yod pa de dag thams cad bcom ldan 'das la mchod pa'i phyir phul lo/ /rin po che gzhan rgya mtsho chen po de na med pa dag kyang mngon par sprul pa byas te
115b2 mchod pa phul lo/ /rin po che sna bdun gyi rang bzhin can gyi shing rta khrag khrig phrag drug cu yang mngon par sprul to/ /shing rta de dag re re zhing yang rta cang shes khrag
115b3 khrig phrag drug cu drug cu mngon par sprul to/ /rta de dag kyang rin po che sna bdun gyi dril bu g.yer ka'i dra ba can la rkang lag gi rgyan gser las byas pa rin po che sna bdun
115b4 gyis spras pa dang ldan pa/ rin po che sna bdun gyis byas pa'i 'phyar 'dab can/ gser gyi rgyan gyis brgyan pa sha stag go /rta cang shes de dag gi rgyan du bya ba'i phyir
115b5 rin po che sna bdun gyi bla re dag kyang mngon par sprul to/ /shing rta de dag kyang gser gyi rgyal mtshan can gser gyi rgyan gyis brgyan pa sha stag go /yid bzhin gyi nor
115b6 bu'i bla re de dag kyang steng gi bar snang las shing rta de dag gi phyi bzhin du 'brang bar gyur te/ shing rta de dag 'dong na ni/ rjes su 'dong / shing rta de dag sdod na ni/
115b7 sdod pa sha stag go /yid bzhin gyi nor bu'i bla re de dag la yang mdzes par bya ba'i phyir rin po che sna bdun gyi phreng ba'i lda ldi mngon par dbyangs so/ /yid bzhin gyi nor bu'i bla re
116a1 de dag kyang rin po che sna bdun gyi dril bu g.yer ka'i dra ba dang ldan par mngon par sprul te/ /shing rta'i rgyan dang / rta'i rgyan dang / yid
116a2 bzhin gyi nor bu'i bla re'i rgyan de dag rlung gis bskyod na/ sgra snyan cing yid du 'ong la mnyan na bde ba sha stag 'byung bar 'gyur te/ 'di lta ste/ dper na/ rol mo sil
116a3 snyan yan lag brgyad dang ldan pa mkhas pas sgra phyung na/ sgra snyan cing yid du 'ong ba dang / mnyan na bde ba 'byung ba de bzhin du shing rta'i rgyan de dag dang / rta'i rgyan de
116a4 dag dang / yid bzhin gyi nor bu'i bla re'i rgyan de dag rlung gis bskyod na/ sgra snyan cing yid du 'ong la mnyan na bde ba sha stag 'byung bar gyur te/ /shing rta de dag gi 'phang
116a5 gis kyang steng gi bar snang la dpag tshad drug cu bsgribs te 'khod par gyur to/ /shing rta de dag gi phyi bzhin yang rol mo sil snyan sna tshogs rjes su 'brang bar gyur to/ /
116a6 shing rta de dag thams cad la yang lha ma yin gyi bu mo rgyan thams cad kyis brgyan pa dag 'khod do/ /bcom ldan 'das la mchod pa bya ba'i phyir la la ni/ rol mo byed/ la
116a7 la ni| sil snyan dkrol/ la la ni/ glu len/ la la ni/ gar byed/ la la ni/ tsan+dan dang ut+pa la'i phye mas 'thong / la la ni/ a ga ru dang / ta ma la'i lo ma'i phye mas
116b1 'thor| la la ni/ lha ma yin gyi rdzas kyi phye mas 'thor/ la la ni/ gser dngul gyi phye mas 'thor/ la la ni/ man+dA ra ba dang / man+dA ra ba chen po dang / many+dzu Sha ka dang /
116b2 many+dzu Sha ka chen po dang / pa ru Sha ka dang / pa ru Sha ka chen po dang / mdog dkar dang / mdog dkar chen po dang / skya snar dang / skya snar chen po dang / skya sngar khra bo dang /
116b3 skya snar bkra chen gyi me tog mngon par sprul cing bcom ldan 'das la mngon par 'thor ro/ /la la ni/ gser gyi me tog dang / dngul gyi me tog dang / shel gyi me tog
116b4 dang | bai DUR+Ya'i me tog dang / spug gi me tog dang / mu tig dmar po'i me tog dang / rdo'i snying po'i me tog gis mngon par 'thor to/ /la la ni/ rin po che sna bdun
116b5 dang | dbyig gis snyim pa bkang zhing bcom ldan 'das la mngon par 'thor ro/ /la la ni/ na bza' dang / rgyan 'bul lo/ /la la ni/ sku rags dang / zhabs kyi rgyan dang /
116b6 phyag gi rgyan dang / sor gdub dang / gdu bu dang / gdu bu tham pa dang / dbu rgyan rtse gsum pa dang / dpung rgyan dang / cod pan dang / gser skud dang / mu tig gi do
116b7 shal dang / nor bu'i do shal dang / sen mo do dang / gya do dang / mgul rgyan sna tshogs 'thor bar gyur to/ /la la ni/ tsong tsong gshibs pa/ la la ni/ mgo rgyan/
117a1 la la ni/ rna cha gdub kor/ la la ni/ gser gyi phreng ba rin po ches spras pa/ la la ni/ rin po che'i phreng ba gser gyis spras pa/ la
117a2 la ni/ gser gyi dra ba/ la la ni/ gser gyi phreng ba dang / nor bu'i phreng ba dang / mu tig gi phreng ba thogs so/ /la la ni/ gser gyi gdugs dang / dngul gyi
117a3 gdugs dang / bai DUR+Ya'i gdugs dang / shel gyi gdugs dang / spug gi gdugs dang / rdo'i snying po'i gdugs dang / mu tig dmar po'i gdugs dang / rin
117a4 po che sna bdun gyi gdugs dang / rin po che'i rgyal mtshan sna tshogs tha dad pa dang / rin po che thams cad kyi ba dan kha dog sna tshogs dang / tshon sna tshogs can
117a5 mang po thogs so/ /la la ni/ spos chu'i char 'bebs shing 'khod par gyur to/ /la la ni/ bcom ldan 'das la tshigs su bcad pa 'di dag gis mngon par bstod par
117a6 gyur to| |mi mchog khyod la phyag 'tshal lo/ /mi phul khyod la phyag 'tshal lo/ /rkang gnyis gtso la phyag 'tshal lo/ /khyod la do zla yong ma mchis/ /'jig rten gsal
117a7 la phyag 'tshal lo/ /ye shes mtsho la phyag 'tshal lo/ /dpal dang ldan la phyag 'tshal lo/ /rgyal ba'i 'od la phyag 'tshal lo/ /yon tan rdzogs la phyag 'tshal lo/ /nyon
117b1 mongs sel la phyag 'tshal lo/ /spyod dag khyod la phyag 'tshal lo/ /sems dag khyod la phyag 'tshal lo/ /gnas pa mi mnga' zhum mi mnga'/ /le lo mi mnga' rgod mi mnga'/ /brtson
117b2 'grus brtsams shing rtul ba nyid/ /nges par rtogs la phyag 'tshal lo/ /rin po che'i pho brang gi rdal blta na sdug pa/ mdzes pa/ rin po che sna bdun gyi rang bzhin can khrag
117b3 khrig phrag drug cu yang mngon par sprul to/ /rin po che'i pho brang gi rdal de dag re re zhing yang bzhugs sa khrag khrig phrag drug cu drug cu mngon par sprul to/ /bzhugs sa de dag
117b4 re re zhing ba gam bkra ba/ blta na sdug pa/ rin po che sna bdun gyi rang bzhin can brgya phrag drug cu drug cu mngon par sprul to/ /ba gam de dag re re la yang khang pa brtsegs
117b5 pa bkra ba/ blta na sdug pa/ rin po che sna bdun gyi rang bzhin can khrag khrig phrag drug cu drug cu mngon par sprul to/ /khang pa brtsegs pa de dag re re zhing yang khyams bkra
117b6 ba| blta na sdug pa/ rin po che sna bdun gyi rang bzhin can khrag khrig phrag drug cu drug cu mngon par sprul to/ /de la gser gyi khyams rnams kyi gdung phyam ni/ dngul/ gral
117b7 bu dang sgo 'phar ni/ bai DUR+Ya/ them pa dang kha khyer ni/ shel/ ka ba ni/ spug /ka zhu ni/ mu tig dmar po/ /sa gzhi ni/ rdo'i snying po'i rang bzhin can sha stag go /dngul
118a1 gyi khyams rnams kyi gdung phyam ni/ gser/ gral bu dang sgo 'phar ni/ bai DUR+Ya/ them pa dang kha khyer ni/ shel/ ka ba ni/ spug /ka zhun/
118a2 mu tig dmar po/ sa gzhi ni/ rdo'i snying po'i rang bzhin can sha stag go /bai DUR+Ya'i khyams rnams kyi gdung phyam ni/ shel/ gral bu dang sgo 'phar ni/ gser/ them pa dang
118a3 'khyer ni/ dngul/ ka ba ni/ spug /ka zhu ni/ mu tig dmar po/ sa gzhi ni/ rdo'i snying po'i rang bzhin can sha stag go /shel gyi khyams rnams kyi gdung phyam ni/ bai DUR+Ya/
118a4 gral bu dang sgo 'phar ni/ spug/ them pa dang kha khyer ni/ rdo'i snying po/ ka ba ni/ gser/ ka zhu ni/ dngul/ sa gzhi ni/ mu tig dmar po'i rang bzhin can sha stag
118a5 go /spug gi khyams rnams kyi gdung phyam ni/ rdo'i snying po/ gral bu dang sgo 'phar ni/ mu tig dmar po/ them pa dang kha khyer ni/ gser/ ka pa ni/ dngul/ ka zhu
118a6 ni| shel/ sa gzhi ni/ bai DUR+Ya'i rang bzhin can sha stag go /mu tig dmar po'i khyams rnams kyi gdung phyam ni/ spug /gral bu dang sgo 'phar ni/ rdo'i snying po/
118a7 them pa dang kha khyer ni/ dngul/ ka ba ni/ gser/ ka zhu ni/ bai DUR+Ya/ sa gzhi ni/ ke ke ru'i rang bzhin can sha stag go /rdo'i snying po'i khyams rnams kyi gdung
118b1 phyam ni| mu tig dmar po/ gral bu dang sgo 'phar ni/ gser/ them pa dang kha khyer ni/ dngul/ ka ba ni/ bai DUR+Ya/ ka zhu ni/ ke ke ru/ sa gzhi ni/ shel gyi rang bzhin
118b2 can sha stag go /khyams de dag tu yang seng+ge'i khri rin po che sna bdun gyi rang bzhin can/ lha ma yin gyi lha rdzas kyi gos sna tshogs bting ba/ ka tsa linada'i steng g.yogs can/
118b3 mtha' gnyis su rten ma bzang po bkod pa khrag khrig phrag drug cu drug cu mngon par sprul to/ /seng+ge'i khri de dag gi rkang rten rin po che sna bdun gyi rang bzhin can dag la
118b4 ras bcos bu sna tshogs 'di lta ste/ shing bal las byas pa shin tu phra ba dang / srin bal las byas pa shin tu phra ba dang / zar ma'i shun pa las byas pa shin tu phra ba
118b5 dang | shun phrags las byas pa shin tu phra ba dang / ka shi ka las byas pa shin tu phra ba bye ba phrag drug cu drug cu bting bar gyur to/ /seng+ge'i khri de dag gi re re'i ngos
118b6 gnyis su yang lha ma yin gyi bu mo rgyan thams cad kyis brgyan pa/ rin po che sna bdun las byas pa'i bsil yab thogs pa gnyis gnyis mngon par sprul te/ seng+ge'i khri
118b7 de dag la lha ma yin gyi bu mo gzhon nu 'khod pa dag la g.yob bo/ /khyams de dag re re zhing yang rin po che sna bdun las byas pa'i gdugs khrag khrig phrag drug cu drug
119a1 cu mngon par sprul to/ /khyams de dag re re zhing yang rin po che sna bdun gyi rgyal mtshan khrag khrig phrag drug cu drug cu mngon par sprul
119a2 to| |de la gser gyi khyams rnams su ni/ rgyal mtshan sngon po la yu ba ser po shel gyis spras pa dag btsugs/ dngul gyi khyams rnams su ni/ rgyal mtshan ser po yu
119a3 ba dmar po gser gyis spras pa dag btsugs/ bai DUR+Ya'i khyams rnams su ni/ rgyal mtshan dmar po yu ba ser po shel gyis spras pa dag btsugs/ shel gyi khyams
119a4 rnams su ni/ rgyal mtshan dkar po yu ba bai DUR+Ya gser gyis spras pa dag btsugs/ rin po che sna tshogs kyi khyams rnams su ni/ rgyal mtshan khra bo gser gyi yu ba
119a5 bai DUR+Yas spras pa dag btsugs so/ /de la rgyal mtshan sngon po rnams ni/ tog ser po/ /rgyal mtshan ser po rnams ni/ tog sngon po/ rgyal mtshan dmar po rnams ni/ tog
119a6 dkar po/ rgyal mtshan dkar po rnams ni/ tog dmar po/ rin po che sna tshogs kyi rgyal mtshan rnams ni/ tog rin po che sna bdun pa sha stag go /rin po che'i pho brang gi rdal de
119a7 dag bar snang gi nam mkha' la lding zhing bcom ldan 'das la lan gsum bskor ba byed par gyur to/ /de 'di lta ste/ dper na/ sum cu rtsa gsum pa'i lha rnams kyi glang po
119b1 ches srung gi bu ni/ bar snang gi nam mkha' las 'gro zhing sum cu rtsa gsum pa'i lha rnams skyed mos tshal yongs 'dus rtol du nye bar 'jog /de bzhin du pho brang gi rdal de
119b2 dag kyang bar snang gi nam mkha' la lding zhing bcom ldan 'das la lan gsum bskor ba byed do/ /rin po che'i pho brang gi rdal de dag dang / bag ma de dag dang / bzhugs sa
119b3 de dag dang / khang pa brtsegs pa de dag dang / khyams de dag dang / seng+ge'i khri de dag dang / gdugs de dag dang / rgyal mtshan de dag dang / ba dan de dag las
119b4 lha'i tsan+dan dang / ut+pal dang / a ga ru'i phye ma'i char bab par gyur to/ /me tog man+dA ra ba dang / man+dA ra ba chen po dang / many+dzu Sha ka dang / many+dzu Sha ka chen po dang / pa ru
119b5 Sha ka dang / ba ru Sha ka ra chen po dang / mdog dkar dang / mdog dkar chen po dang / skya snar dang / skya snar chen po dang / skya snar khra bo dang / skya snar bkra chen gyi char
119b6 yang mngon par bab par gyur to/ /gser dang / dngul dang / bai DUR+Ya dang / shel dang / spug dang / rdo'i snying po dang / mu tig dmar po dang / rin po che thams cad
119b7 kyi me tog dang / dbyig dang / gser dang / yid bzhin gyi ras bcos bu'i char yang mngon par bab par gyur to/ /yid bzhin gyi nor bu'i bla re de dag gi mthus lha
120a1 ma yin gyi bu de dag rin po che gang dang gang gi char dbab par 'dod pa de dang de dag las mngon par bab par gyur to/ /de'i tshe ser skya'i
120a2 gnas kyi grong khyer chen po nas khor yug tu ni dpag tshad drug khri 'phang du yang dpag tshad drug khrir lha ma yin gyi mchod pa de lta bus rgyas par gang bar gyur to/ /rin po
120a3 che'i pho brang gi rdal de dag gis kyang bcom ldan 'das la lan gsum bskor ba byas te bcom ldan 'das kyi spyan sngar 'khod par gyur to/ /ser skya'i gnas kyi grong khyer
120a4 chen po yang mi 'greng bdun tsam du me tog man+dA ra bas rgyas par gang bar gyur to/ /spos chus kyang rdzab tu gyur to/ /sangs rgyas kyi mthus stong gsum gyi stong chen po'i
120a5 'jig rten gyi khams kyang spos chu'i rdzab kyi dri des khyab par gyur to/ /stong gsum gyi stong chen po'i 'jig rten gyi khams 'di'i sems can gang dag gis spos chu'i rdzab
120a6 kyi dri de tshor ba de dag thams cad kyang bla na med pa yang dag par rdzogs pa'i byang chub las phyir mi ldog par gyur te/ byang chub tu sems dang po bskyed pa dag ni/ smos
120a7 kyang mi dgos so/ /de nas lha ma yin gyi dbang po thag bzang ris rin po che sna bdun gyi shing rta la zhon te lan gsum bskor ba byas nas bcom ldan 'das la tsan+dan gyi phye
120b1 mas mngon par gtor te tshigs su bcad pa dag gis mngon par bstod pa/ byang chub dam pa don du gnyer slad du/ /skyabs kyi dam pa rab tu mi sgul ba/ /lhar bcas 'jig
120b2 rten mi 'jigs stsol ba po/ /khyod la bdag ni skyabs su nye bar mchi/ /gang la dga' ba'i yid kyis skyabs song na/ /log ltung dag tu ltung bar mi 'gyur ba/ /de la bdag ni
120b3 skyabs su nye bar mchi/ /dpe med byang chub 'tshal ba'i slad du'o/ /'khor ba'i sdug bsngal dag ni bshig bcom zhing / /mya ngan las brgal nyon mongs dag gyur la/ /'dren pa
120b4 gzhan gyi dring la mi 'jog pa/ /khyod la bdag ni skyabs su nye bar mchi/ /rga dang 'chi bas nyen par gyur pa yi/ /lha dang mi rnams 'dren pa bcom ldan 'das/ /gang la skyabs
120b5 song phyis kyang mi skye ba/ /khyod la bdag ni skyabs su nye bar mchi/ /de nas lha ma yin gyi dbang po thag bzang ris kyis bcom ldan 'das la lan gsum bskor ba byas pa'i tshe rta'i
120b6 rgyan de dag dang / shing rta'i rgyan de dag dang / lha ma yin gyi rgyan de dag dang / gdugs dang / rgyal mtshan dang / ba dan gyi rgyan de dag dang / bla re dang dril bu g.yer
120b7 ga'i rgyan de dag rlung gis bskyod pas sgra snyan cing yid du 'ong la mnyan na dga' ba 'di lta bu dag byung bar gyur te/ 'di lta ste/ dper na/ rol mo sil snyan yan lag brgyad
121a1 pa mkhas pas sgra phyung ba bzhin no/ /de ltar lha ma yin gyi dbang po thag bzang ris kyis bcom ldan 'das la lan gsum bskor ba byas pa'i
121a2 tshe steng gi bar snang las lha'i tsan+dan dang / ut+pa la dang / a ga ru dang / ta ma la'i lo ma'i phye ma'i char mngon par bab par gyur to/ /lha ma yin gyi spos kyi phye ma rnam
121a3 pa sna tshogs du ma'i char mngon par bab par gyur to/ /lha'i me tog man+dA ra ba dang / man+dA ra ba chen po dang / many+dzu Sha ka dang / many+dzu Sha ka chen po dang / pa ru Sha ka
121a4 dang / pa ru Sha ka chen po dang / mdog dkar dang / mdog dkar chen po dang / skya snar dang / skya snar chen po dang / skya snar khra bo dang / sna skyar bkra chen gyi me tog rnams
121a5 dang / sprul pa'i me tog sna tshogs kyi char mngon par bab bo/ /steng gi bar snang las gser dang / dngul dang / bai DUR+Ya dang / shel dang / spug dang / rdo'i snying po dang /
121a6 mu tig dmar po dang / rin po che thams cad kyi me tog gi char yang mngon par bab bo/ /lha dang lha ma yin gyi spos chu'i char yang mngon par bab bo/ /spos chu'i char de babs
121a7 pas ser skya'i gnas kyi grong khyer chen po nas 'khor yug tu dpag tshad drug cu tshun chad spos chus rdzab tu gyur to/ /spos chu'i rdzab kyi dri des kyang stong gsum gyi stong chen
121b1 po'i 'jig rten gyi khams thams cad rgyas par gang bar gyur to/ /sems can gang dag gis spos kyi dri de tshor bar gyur pa de dag thams cad kyang bla na med pa yang dag par
121b2 rdzogs pa'i byang chub las phyir mi ldog par gyur to/ /de ltar lha ma yin gyi dbang po thag bzang ris kyis bcom ldan 'das la lan gsum bskor ba byas pa'i tshe bar snang las
121b3 lha ma yin gyi lha rdzas kyi sil snyan gyi sgra dag byung ngo / /sil snyan de dag gi sgras kyang stong gsum gyi stong chen po'i 'jig rten gyi khams su grag par gyur to/ /theg pa chen po
121b4 la yang dag par zhugs pa'i sems can gang dag gis sgra thos par gyur pa de dag thams cad bla na med pa yang dag par rdzogs pa'i byang chub las phyir mi ldog par gyur
121b5 to| |de ltar lha ma yin gyi dbang po thag bzang ris kyis bcom ldan 'das la lan gsum bskor ba byas pa'i tshe lha ma yin gyi bu mo brgya stong dag bcom ldan 'das la mchod
121b6 pa bya ba dang / lha ma yin gyi dbang po thag bzang ris kyi 'khor bya ba'i phyir la la ni/ glu len/ la la ni/ sil snyan byed/ la la ni/ gar byed/ la la ni/ lus kyi
121b7 tshul bsgyur/ la la ni/ tsan+dan dang / ut+pa la dang / a ga ru dang / ta ma la'i lo ma'i phye ma 'thor/ /la la ni/ lha'i me tog man+dA ra ba dang / man+dA ra ba chen po dang / many+dzu Sha ka
122a1 dang / many+dzu Sha ka chen po dang / pa ru Sha ka dang / pa ru Sha ka chen po dang / mdog dkar dang / mdog dkar chen po dang / skya snar dang / skya
122a2 snar chen po dang / skya snar khra bo dang / skya snar bkra chen dang / sprul pa'i me tog rnams dang / gser dang / dngul dang / bai DUR+Ya dang / shel dang / spug dang / rdo'i snying
122a3 po dang / mu tig dmar po dang / rin po che thams cad kyi me tog rnams 'thor zhing bcom ldan 'das la mngon par 'thor ro/ /la la ni/ na bza' dang / rkang gdub dang /
122a4 sku rags dang / phyag gi rgyan dang / sor gdub dang / gdu bu dang / gdu bu tham pa dang / dbu rgyan rtse gsum pa dang / dpung rgyan dang / cod pan dang / gser
122a5 skud dang / mu tig gi do shal dang / nor bu'i do shal dang / se mo do dang / gya do dang / mgul rgyan sna tshogs dang / rna cha dang / rna cha gdub kor dang / tshong tshong
122a6 gshibs pa dang / mgo rgyan dang / phreng ba'i lda ldi dang / spos kyi lda ldi dang / nor bu'i lda ldi dag 'thor zhing / me tog gi bla re dang / spos kyi bla re dang / nor bu'i bla re
122a7 dag thogs so/ /la la ni/ spos chu'i char 'bebs so/ /la la ni/ phye ma'i char 'bebs so/ /la la ni/ mu tig dmar pos snyim pa bkang ste bcom ldan 'das la mngon
122b1 par 'thor ro/ /la la ni/ rin po ches snyim pa bkang / la la ni/ gser gyis snyim pa bkang ste bcom ldan 'das la mngon par 'thor ro/ /tshigs su bcad pa 'di yang smras
122b2 so| |gang brten gang la gnas bcas nas/ /gang zag mchog la mchod 'gyur pa/ /de 'dra ba yi grogs po dang / /rtag par rgyun du phrad par shog /lha ma yin gyi dbang po thag
122b3 bzang ris kyis ji ltar byas pa de bzhin du lha ma yin gyi dbang po rab sim gyis kyang bcom ldan 'das la mchod pa byas nas rin po che sna bdun gyi shing rta la zhon te bcom ldan
122b4 'das la lan gsum bskor ba byed cing tshigs su bcad pa 'di dag gis bcom ldan 'das la mngon par bstod pa/ stobs bcu brtson bden khyod la phyag 'tshal lo/ /me
122b5 'jigs 'jigs bral khyod la phyag 'tshal lo/ /chos la ma 'dres nges par gyur pa po/ /'gro ba'i 'dren pa khyod la phyag 'tshal lo/ /kun sbyor 'ching ba gcod la phyag
122b6 'tshal lo/ /'khor brgyud mi gnas pa la phyag 'tshal lo/ /mthar phyin thang gnas khyod la phyag 'tshal lo/ /'gro ba bying ba sgrol la phyag 'tshal lo/ /sems can 'grogs
122b7 kyang rgod pa mi mnga' zhing / /'gro ba kun la thugs ni rnam grol te/ /pad+ma chu yis mi gos 'dra ba po/ /blo zab bsam mi khyab la phyag 'tshal lo/ /sangs rgyas thub pa khyod kyis
123a1 stong nyid mkhyen/ /rnam pa kun tu mtshan ma thams cad bshig /khyod ni gang du 'ang smon pa yong mi mnga'/ /mi gnas nam mkha' mnyam
123a2 la phyag 'tshal lo/ /lha ma yin gyi dbang po rab sim gyis ji ltar byas pa de bzhin du lha ma yin gyi dbang po shing rta bzang gis kyang bcom ldan 'das la mchod pa byas
123a3 nas rin po che sna bdun gyi shing rta la zhon te bcom ldan 'das la lan gsum bskor ba byed cing gser phye dag gis gtor nas tshigs su bcad pa dag gis bcom ldan
123a4 'das la mngon par bstod pa/ sa dang bar snang dang ni lha yul na'ang / /bde gshegs khyod mnyam ma mchis lhag ma mchis/ /mtshan mar bzung nas phyin ci log zhugs
123a5 pa'i| |'gro ba smig rgyu 'dra bar khyod kyis mkhyen/ /'di ni byed pa tshor ba sems can med/ /gang zag med cing bdag gir bya ba med/ /chos kun stong zhing byed pa kun
123a6 la dben/ /rang bzhin med cing g.yo med zhi zhes bstan/ /su zhig bde gshegs bstan pa 'dir mos te/ /chos kun byas pa med pa'i rjes 'brang ba/ /de 'dir 'dren
123a7 pa'i sras su gyur pa ste/ /ji ltar bstan pa de bzhin yab ltar spyod/ /rnam 'dren khyod la bdag bstod bsod nams gang skyes te/ /ji ltar rgyal ba mkhyen pa yis ni mkhyen
123b1 gyur pa| |dge ba'i rtsa ba de kun ma lus mtha' dag 'dir/ /'gro la rtsal gyis thams cad sangs rgyas 'grub par shog// //bam po gsum pa/ lha ma yin gyi dbang po shing rta bzang
123b2 gis ji ltar byas pa de bzhin du lha ma yin gyi dbang po stobs ldan gyis kyang bcom ldan 'das la mchod pa byas te rin po che sna bdun gyi shing rta la zhon nas bcom ldan 'das la
123b3 lan gsum bskor ba byed cing dngul gyi me tog rnams kyis gtor te tshigs su bcad pa dag gis bcom ldan 'das la mngon par bstod pa/ 'khor ba'i rgya mtsho chu las pha
123b4 rol rnam brgal ba/ /brgal nas skye bo rgyun gyis rjes 'gro sgrol mdzad cing / /bde gshegs pha rol thang bde 'jigs pa med 'jog pa/ /spyan mdzes bde bar gshegs pa
123b5 khyod kyi zhabs la gtugs/ /blo mchog khyod kyis 'gro ba thams cad kun tu mkhyen/ /phyin ci log lta thibs por rab zhen blo ldan te/ /'khrul pa smig rgyu lta bur ma shes gyur
123b6 rnams la/ /mtshungs pa med pa'i thugs rje bskyed nas rtogs par mdzad/ /mi mchog khyod kyis chos rnams thams cad sgyu ma dang / smig rgyu 'dra zhing mig yor mtshungs
123b7 zhes rab tu bstan/ /thub pa dam pa khyod kyis chos kyi sras mchog bskyed/ /srid pa gsum po dag na mi chags spyad pa spyod/ /dngos po log pa'i don gyur rang bzhin bral ba
124a1 dang / /gzhan gyi dngos pos stong par mi dbang khyod kyis mkhyen/ /byis pa rmongs pa'i blo gros rmi lam dga' lta bur/ /mi dbang khyod kyi
124a2 sras kyis 'tshal nas spyad pa spyod/ /lha ma yin gyi dbang po stobs ldan gyis ji ltar byas pa de bzhin du lha ma yin gyi dbang po sgra gcan gyis kyang bcom ldan 'das la
124a3 mchod pa byas nas rin po che sna bdun gyi shing rta la zhon te bcom ldan 'das la lan gsum bskor ba byed cing me tog skya snar khra bo rnams kyis gtor te tshigs su
124a4 bcad pa dag gis bcom ldan 'das la mngon par bstod pa/ mi mchog khyod kyi sku yis ni/ /lhar bcas 'jig rten zil gyis mnan/ /ri rab kyis ni yungs 'bru dang / /rgya
124a5 mtshos ba rjes chu bzhin no/ /gzugs mdzes mtshan gyis rab tu brgyan/ /gzugs kyis gzugs kyi dam pa dang / /gzugs rnams thams cad zil gyis mnan/ /dper na
124a6 nyi mas me khyer bzhin/ /gzi brjid phung po gzi brjid kyis/ /sems can zil ldan zil gyis mnan/ /zil mnan de dag lam me min/ /nyi mas me khyer zil brlags
124a7 bzhin| |ye shes rgya mtsho ye shes kyis/ /'jig rten gsum kun zil gyis mnan/ /zil mnan de dag lam me min/ /nyi mas zla 'od zil brlags bzhin/ /lha ma yin gyi
124b1 dbang po sgra gcan gyis ji ltar byas pa de bzhin du lha ma yin gyi dbang po bde mchog gis kyang bcom ldan 'das la mchod pa byas nas rin po che sna bdun gyi shing rta la zhon te bcom
124b2 ldan 'das la lan gsum bskor ba byed cing me tog skya snar khra bos mngon par gtor te tshigs su bcad pa dag gis bcom ldan 'das la mngon par bstod pa/ /'dren pa'i
124b3 blo gros zhi ba po/ /zhi gnas dgyes pas 'gro ba yi/ /'dod sdang gti mug rdul zhi mdzad/ /char pas rdul rnams zhi bgyid bzhin/ /'bar zhing chos tshul 'bar bar mdzad/ /
124b4 blags sbyin gyis ni me bzhin no/ /nags btang nags mes shing bsregs ltar/ /de bzhin nyon mongs dra ba bsregs/ /bskal pa bye ba khrag khrig ni/ /dpag tu med par dge
124b5 rtsa 'dzin/ /nyon mongs thams cad 'joms mdzad de/ /bdud rtsis lus byugs dug bzhin no/ /mun pa mun nag sel mdzad de/ /mun khung sgron ma 'bar ba bzhin/ /chos
124b6 kyi tshul yang ston mdzad de/ /nor mkhan rin chen yon tan bzhin/ /lha ma yin gyi dbang po bde mchog gis ji ltar byas pa de bzhin du lha ma yin gyi dbang po g.yul la mngon
124b7 par dga' bas kyang bcom ldan 'das la mchod pa byas nas rin po che sna bdun gyi shing rta la zhon te bcom ldan 'das la lan gsum bskor ba byed cing rin po che'i me tog
125a1 rnams kyis gtor nas tshigs su bcad pa dag gis bcom ldan 'das la mngon par bstod pa/ gdul dka' mi bzad sems ni khyod kyis
125a2 brtul| |g.yul las dpa' bas g.yul ngor dpa' bo bzhin/ /shin tu tshar bcad rang gi dbang du mdzad/ /thugs dul mi bsnyengs khyod la phyag 'tshal lo/ /khyod kyis dbang po
125a3 thul cing dgra yang bcom/ /gang du'ang mi bsnyengs mi bskyod bde ba brnyes/ /khyod ni nyon mongs rnams kyis yang mi 'khrugs/ /rnam pa kun tu dug ni ma lus bcom/ /
125a4 mthu chen khyod kyis byams pa legs bsgoms te/ /khyod kyi thugs ni dgra dang byams la mnyam/ /thub pa khyod kyis sems can blo gros bshig /'gro ba kun tu khyod
125a5 ni bzhud mi mnga'/ /shes rab rnam grol srid pa'i sred pa bskams/ /shes rab rnam dag khyod kyi thugs kyang dag /chos rnams kun la thugs ni chags mi mnga'/ /
125a6 thams cad zil mnan thub mchog khyod 'dra med/ /lha ma yin gyi dbang po g.yul la mngon par dga' bas ji ltar byas pa de bzhin du lha ma yin gyi dbang po mig bzang gis
125a7 kyang bcom ldan 'das la mchod pa byas nas rin po che sna bdun gyi shing rta la zhon te bcom ldan 'das la lan gsum bskor ba byed cing bcom ldan 'das la gter chen po
125b1 yang phul nas tshigs su bcad pa dag gis bcom ldan 'das la mngon par bstod pa/ dpa' bo chen po khyod kyis ni/ /chos rnams yang dag mtshan nyid mkhyen/ /gang 'di
125b2 chos zhes brjod pa yang / /de ni brdar btags tshig tu zad/ /chos rnams chos kyi ngo bo yis/ /rnam pa kun tu mi dmigs so/ /gang 'di chos zhes brjod pa yang / /de ni
125b3 ming tsam zad ces gsungs/ /ming ni ming gis dben pa ste/ /mtshan nyid kyang ni de bzhin no/ /chos rnams mtshan nyid med pa ste/ /ming yang med ces khyod kyis bshad/ /
125b4 rab tu bshad ces bgyi ba yang / /bshad pa ci yang ma mchis te/ /gang gis kyang ni ma bshad cing / /su la'ang bshad pa ma mchis so/ /khyod kyi sras po mi mchog rnams/ /
125b5 chos rnams de ltar 'tshal nas ni/ /chos rnams la yang mi chags par/ /rnam par spyad do thub pa che/ /lha ma yin gyi dbang po mig bzang gis ji ltar byas pa de bzhin du lha ma
125b6 yin gyi dbang po 'jig rten gsum rnam par gnon pas kyang bcom ldan 'das la mchod pa byas nas rin po che sna bdun gyi shing rta la zhon te bcom ldan 'das la lan gsum
125b7 bskor ba byed cing bcom ldan 'das la mu tig gi do shal yang phul nas tshigs su bcad pa dag gis bcom ldan 'das la mngon par bstod pa/ dgra zla ma mchis
126a1 khyod la bdag bstod do/ /tshul khrims dang ni gzugs dang ye shes stobs/ /des ni 'jig rten gsum na mtshungs ma mchis/ /de phyir
126a2 khyod ni dgra thul mtshungs ma mchis/ /khyod kyi gzugs ni chos kyis bskyed pas na/ /gzugs kyi stobs kyis khams gsum zil gyis mnan/ /sbyin pa'i stobs kyis
126a3 mtshan ni phun sum tshogs/ /dpe byad phun sum tshogs shing gzugs kyang dag /tshul khrims stobs kyis khyod ni mi bskyod de/ /skye bo mkhas pas so sor bsam mi lad//
126a4 khyod ni tshul khrims ldan zhing thugs kyang dag /mi yi seng+ge mdzad pa thams cad 'byor/ /shes rab stobs kyis khyod mtshungs 'ga' ma mchis/ /des na mi bsnyengs 'jig
126a5 rten gsum btul nas/ /'khor du seng+ge lta bur sgra bsgrags te/ /rtog ge tshogs kyi blo gros zil gyis mnan/ /lha ma yin gyi dbang po 'jig rten gsum rnam par gnon
126a6 gyis ji ltar byas pa de bzhin du lha ma yin gyi dbang po rnam par snang byed kyis kyang bcom ldan 'das la mchod pa byas nas rin po che sna bdun gyi shing rta la zhon te bcom
126a7 ldan 'das la lan gsum bskor ba byed cing rin po ches snyim pa bkang ste gtor nas tshigs su bcad pa dag gis bcom ldan 'das la mngon par bstod do/ /thub pa chen
126b1 po skye bo tshogs pa 'di/ /dang ba'i yid kyis khyod kyi zhal du blta/ /kun gyis rgyal ba mdun na bzhugs par mthong / /de ni rgyal ba'i sangs rgyas ma 'dres mtshan/ /bcom ldan
126b2 'das kyis gsung gcig brjod pa la/ /skye bo bsam pa ji bzhin so sor 'tshal/ /thub pa khyod kyi gsung de de ltar 'byung / /de ni rgyal ba'i sangs rgyas ma 'dres mtshan/ /bcom
126b3 ldan 'das kyis gsung gcig brjod pa la/ /'khor gyi tha dad gsung du rnam 'tshal zhing / /'gro bas rang don ji lta bzhin du'ang 'tshal/ /de ni rgyal ba'i sangs rgyas ma 'dres
126b4 mtshan| |gsung gcig rab tu brjod pa mdzad pas ni/ /gcig la 'jog gi gzhan ni dgag par mdzad/ /'dren pa su dag ma bslab rtogs par mdzad/ /de ni rgyal ba'i sangs
126b5 rgyas ma 'dres mtshan/ /lha ma yin gyi dbang po rnam par snang byed kyis ji ltar byas pa de bzhin du lha ma yin gyi dbang po btang bzung gis kyang bcom ldan 'das la mchod pa byas
126b6 nas rin po che sna bdun gyi shing rta la zhon te bcom ldan 'das la lan gsum bskor ba byed cing mu tig dmar pos snyim pa bkang ste gtor nas tshigs su bcad pa dag gis
126b7 bcom ldan 'das la mngon par bstod pa/ rgyags dang nga rgyal sdig pa'i lta ba spyod pa gang / /yid dga' rab tu dang bas mi dbang bde gshegs kyi/ /blo la mngon par
127a1 dga' ba de dag bag mchis te/ /mtshungs med bsnyen bkur bgyid pa de dag ston pa'i sras/ /chos rnams 'di dag ngo bo nyid kyis ma mchis te/ /
127a2 rmi lam dga' ba thams cad tshad ma ma lags 'dra/ /rmi lam dga' spyod ma mchis kyang ni 'du shes mchis/ /de ltar rgyal bas chos rnams thams cad rab tu gzigs/ /
127a3 ston ka'i sprin dang mtshungs shing chu yi zla ba 'dra/ /byis pa'i blo ldan rnams kyi yid ni rmongs par bgyid/ /gang dag rtag tu bag mchis bde gshegs blo mnga' ba/ /mkhas
127a4 pa'i skye bo dag la 'di ni rmongs mi bgyid/ /rgyal ba khyod kyis bstan la rtag tu bag mchis gang / /mi mchog dam pa de dag mi dal yong mi mchi/ /chos rnams thams
127a5 cad rmi lam 'dra bar rnam brtags nas/ /yang dag mthong ba de dag ting 'dzin thob par 'gyur/ /de nas thag bzang ris la sogs pa lha ma yin gyi dbang po bye ba phrag drug
127a6 cu po de dag gis mchod pa rnam pa 'di lta bu byas nas byang chub tu gzhol ba'i sems kyis tshim zhing mgu la yid rangs te/ rab tu dga' nas dga' ba dang / yid bde
127a7 ba skyes te thal mo sbyar nas bcom ldan 'das nyid la phyag 'tshal zhing bcom ldan 'das kyi spyan sngar 'khod par gyur to/ /de nas bcom ldan 'das kyis lha ma yin gyi dbang
127b1 po'i mchod pa de dag kyang gzigs/ lha ma yin de dag gi lhag pa'i bsam pa yang thugs su chud nas de'i tshe 'dzum pa mdzad do/ /'di ni/ sangs rgyas bcom ldan 'das rnams kyi chos
127b2 nyid de| gang gi tshe 'dzum pa mdzad pa de'i tshe bcom ldan 'das kyi zhal gyi sgo nas 'od zer kha dog sna tshogs kha dog du ma 'di lta ste/ sngon po dang / ser po dang / dmar po dang /
127b3 dkar po dang / leb rgan dang / shel dang / dngul gyi kha dog lta bu dag byung nas de dag gis thams cad dang ldan pa'i 'jig rten snang bas rgyas par bkang ste phyir logs nas
127b4 bcom ldan 'das la lan gsum bskor ba byas te bcom ldan 'das kyi dbu'i gtsug tu nub bo/ /de nas tshe dang ldan pa rta thul stan las langs te bla gos phrag pa cig la gzar
127b5 nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das la 'dzum pa mdzad pa'i don tshigs su bcad
127b6 de zhus pa/ 'jig rten phan bzhed rgyu zhig ma mchis par/ /mi yi seng+ge 'dzum pa mi mdzad na/ /drang srong chen po ci slad 'dzum pa mdzad/ /skyes bu mchog gis 'dzum pa'i rgyu yang
127b7 gsungs/ /lha min mchod pa rgya chen gzigs gyur nas/ /'jig rten phan bzhed khyod ni 'dzum mdzad na/ /lha mi rnams la lung bstan bka' stsal gsol/ /de thos bdag cag rnams
128a1 ni dga' bar 'gyur/ /de ring su yis dogs med rgya chen sems/ /'khor 'dir yang dag bskyed par gyur cig gu/ /de bzhin gshegs pas
128a2 gang gi bsam mkhyen nas/ /mi yi seng+ge 'dzum pa mdzad par gyur/ /de ring yongs su dag pa'i yid kyis su/ /mi yi mchog la dad pa gang gis bskyed/ /de bzhin gshegs
128a3 pas gang gi bsam mkhyen te/ /yid du 'ong ba'i 'dzum pa mdzad par gyur/ /bde gshegs zhal nas 'dzum pa de mthong nas/ /'di ltar bde gshegs 'dzum pa mdzad pa
128a4 'di| |su yis dpung bcas bdud ni deng bcom zhes/ /'khor 'di de ring the tshom 'tshal bar gyur/ /drang srong chen po rgyal ba dgra las rgyal/ /the tshom 'tshal ba'i som nyi
128a5 gcad du gsol/ /mi mchog khyod kyis de ring 'gro ba yi/ /the tshom myur te legs par gcad du gsol/ /de nas tshe dang ldan pa rta thul gyis zhu ba zhus pa'i lan bcom ldan
128a6 'das kyis tshigs su bcad de tshe dang ldan pa rta thul la slar bka' stsal pa/ rta thul khyod kyis dri ba legs par dris/ /'jig rten phan phyir 'dzum pa ngas byas pa/ /de yi
128a7 'bras bu ma lus bstan par bya/ /bstan pa de ni rtse gcig yid kyis nyon/ /bla na med pa'i byang chub 'dod pa'i phyir/ /lha min rnams kyis nga mchod 'di byas te/ /de dag sems
128b1 ni ci la'ang chags med pas/ /nam mkha'i ngos la lag mthil chags med bzhin/ /lha min tshogs kyis dad pa'i yid byas te/ /de dag nga la mchod pa 'di byas pas/ /blo can de
128b2 dag lha min ris bor te/ /mtho ris dong nas yun ring dga' bar 'gyur/ /de dag phyi dus rgyal ba mi'i seng+ge/ /gang+gA'i klung gi bye ma bye ba snyed/ /bsnyen bkur byas nas yid 'ong
128b3 bskal pa la/ /de dag thams cad mtshan mthun rgyal bar 'gyur/ /de tshe bde gshegs khrag khrig drug cu rnams/ /'jig rten sgron ma phyogs su grags pa ste/ /de dag mi gnas
128b4 chos ni ston mdzad cing / /lha dang bcas pa'i 'jig rten 'grel par 'gyur/ /'jig rten mkhas pa de dag rnams kyi zhing / /shin tu yangs shing snyigs ma med par 'gyur//
128b5 de tshe khrag khrig drug cur tshang ba yi/ /rgyal ba rnams kyis stong gsum sbyong bar 'gyur/ /de dag ngan song thams cad sel bar mdzad/ /de dag zhing der dga' bar spyod par
128b6 'gyur| |brtan pa de dag mi khom thams cad sbyong / /bla na med pa'i theg pa ston par 'gyur/ /de dag tshe yi tshad du gyur pa ni/ /bskal pa khrag khrig drug cu tshang bar yang / /rnam
128b7 par 'dren pa de dag 'tsho bar 'gyur/ /chags pa med pa'i chos kyang ston par mdzad/ /thub pa de dag mya ngan 'das gyur te/ /'jig rten mkhas pa rab tu zhi gyur nas/ /bskal
129a1 pa khrag khrig drug cu tshang bar ni/ /rang byung rnams kyi dam chos gnas par 'gyur/ /bde bar gshegs pa de dag 'gro ba'i tshogs/ /
129a2 gang+gA'i bye ma snyed kyi skye bo 'dul/ /dgra las rgyal ba'i rgyal bar mtshan mthun 'gyur/ /zhing dang tshad dang chos gnas 'gyur pa'ang mthun/ /bde gshegs de dag khrag
129a3 khrig drug cu yi/ /skyes pa bud med yongs su smin mdzad de/ /bla na med pa'i theg pas 'doms par 'gyur/ /mkhas pa de dag rgyal ba'i gdung yang 'dzin/ /rgyal bas
129a4 lha min de dag lung bstan pa/ /'jig rten phan phyir drang srong chen pos gsungs/ /lha dang bcas pa'i 'jig rten de thos nas/ /yid rangs gyur cing stobs kyang skyes par
129a5 gyur| |lha ma yin lung bstan pa'i le'u ste/ bzhi pa'o// //de nas tshe dang ldan pa 'od srung chen pos lha ma yin gyi mchod pa rnam pa de lta bu de mthong nas
129a6 ngo mtshar du gyur te/ 'di snyam du de bzhin gshegs pas sngon byang chub sems dpa'i spyad pa spyod pa'i tshe dge ba'i rtsa ba ji lta bu zhig mngon par 'du mdzad na/ 'di lta
129a7 bu'i rnam par smin pa grub snyam nas de'i tshe sems ji ltar mnyam par bzhag pas bskal pa grangs med pa yang rjes su dran zhing / bcom ldan 'das kyis srid pa'i
129b1 rgyud de dang der 'chi 'pho dang skye ba na dge ba'i rtsa ba gang dag mngon par 'du mdzad pa dang / dge ba'i rtsa ba gang dag gis bla na med pa yang dag par rdzogs pa'i byang chub yang
129b2 dag par bsgrubs pa dang / dge ba'i rtsa ba gang dag gis phyir mi ldog pa brnyes par gyur pa de dag thams cad rjes su dran par 'gyur ba de lta bu'i ting nge 'dzin la mnyam par
129b3 bzhag go /de nas tshe dang ldan pa 'od srung chen pos bcom ldan 'das kyi dge ba'i rtsa ba bdag nyid chen po rjes su dran par gyur nas 'di snyam du sems te/ bcom ldan 'das
129b4 kyis dge ba'i rtsa ba bdag nyid chen po de lta bu mdzad na/ de'i thugs bskyed pa gcig la yang 'jig rten gyi khams gang+gA'i klung gi bye ma snyed na sems can gang ji snyed cig 'khod pa
129b5 de dag thams cad mi'i lus thob par gyur te/ lha ma yin gyi mchod pa ji snyed pa de snyed du sems can re res bskal pa gang+gA'i klung gi bye ma snyed du mchod pa byas kyang de dag gi thugs
129b6 bskyed pa gcig la yang lan lon par mi nus so/ /snyam mo/ /de nas tshe dang ldan pa 'od srung chen po ting nge 'dzin de las langs te/ ngo mtshar dang dad pa thob par gyur nas de'i tshe
129b7 bcom ldan 'das la tshigs su bcad de mngon par bstod pa/ thub pa byang chub gzhol ba yi/ /thugs bskyed pa ni re re la'ang / /lha ma yin gyi mchod pa 'dis/ /cha tsam mi spyod
130a1 mi'i seng+ge/ /de lta'i yon tan mthar phyin te/ /lha dang mi yis mchod gyur pa/ /tsan+dan phur ma ri rab tsam/ /mi mchog khyod la mchod par 'os/ /
130a2 mi yi seng+ge khyod la ni/ /gang+gA'i bye ma ches mang ba'i/ /rgya mtsho rab tu bkang ba yi/ /spos chu dag gis mchod par 'os/ /yon tan chen po mnga' ba la/ /gang+gA'i bye ma ches mang
130a3 ba'i| |me tog tshogs ni ri bo mchog /khor yug chen po mnyam mchod 'os/ /rgyal ba sgron ma rang byung ba/ /mar me'i snying po ri rab tsam/ /'bru mar rgya mtsho'i chu snyed kyi/ /mar
130a4 me rnams kyis mchod par 'os/ /mthu chen mnga' ba de lta bur/ /yon tan pha rol phyin gyur pa/ /gang+gA'i bye ma ches mang ba'i/ /me tog mchod rten mchod par 'os/ /mi dbang
130a5 mchod pas thugs brtse ba/ /rin chen gdugs ni che rnams kyis/ /bskal pa khrag khrig rnams su yang / /sems can mchog la mchod par 'os/ /yon tan mtha' yas
130a6 mnga' ba khyod/ /rin po che yi rgyal mtshan gyis/ /phyogs bcu'i 'jig rten khams bkang ste/ /bskal pa bsam yas mchod par 'os/ /mi yi seng+ge khyod la ni/ /bskal pa
130a7 khrag khrig dpag med par/ /gang+gA'i phye ma ches mang ba'i/ /ba dan rnams kyis mchod par 'os/ /drang srong chen po smra ba'i stag /lha rnams dang ni mi dag dang / /gzhan yang
130b1 sems can gang tshogs pa/ /brtag bzung dpe la gsan du gsol/ /gal te gang+gA'i bye snyed kyi/ /phyogs bcu'i 'jig rten khams rnams kyi/ /sems can thams cad sangs rgyas
130b2 su| |mi mchog stobs bcu'i stobs ldan la/ /de dag re re'i mgo bo yang / /gang+gA'i bye ma snyed gyur te/ /mgo bo de dag re re zhing / /de snyed kha dang ldan gyur la/ /kha rnams de dag re
130b3 re zhing / /lce dang kha yi grangs mnyam la/ /gang+gA'i klung gi bye snyed kyi/ /bskal par bstod pa bgyis kyang ni/ /rgyal ba de dag spobs mi bas/ /khyod kyi yon tan mthar mi phyin/ /
130b4 rgyal ba de lta'i yon tan gyi/ /pha rol tu ni phyin par gyur/ /de'i tshe bcom ldan 'das kyis dge slong rnams la bka' stsal pa/ /dge slong dag/ legs so/ /legs so/ /nga'i
130b5 nyan thos rnams ni/ drang por gyur pa/ ye shes dang ldan par gyur pa/ chos su gyur pa/ dbang du gyur pa/ tshad mar gyur pa sha stag gnas te/ de dag ni/ nga'i yon tan
130b6 gyi tshogs la 'jug par sha stag go /de ci'i phyir zhe na/ dge slong dag /de bzhin gshegs pa ni/ yon tan dpag tu med pa dang ldan pa ste/ yon tan bsam gyis mi khyab pa dang
130b7 ldan pa'o/ /dge slong dag /de bzhin gshegs pa'i yon tan rnams dang / de bzhin gshegs pa'i yon tan gyi pha rol tu phyin pa dang / de bzhin gshegs pa'i yon
131a1 tan gyi tshogs ni/ bsam gyis mi khyab pa'o/ /dge slong dag /de bzhin gshegs pa'i yon tan rnams gzugs can zhig yin na ni/ sems
131a2 bskyed pa re re'i yon tan gyi tshogs kyang 'jig rten gyi khams gang+gA'i klung gi bye ma snyed du shong bar mi 'gyur te/ sems bskyed pa re re'i yon tan gyi tshogs kyang de bzhin
131a3 gshegs pa gang+gA'i klung gi bye ma snyed kyis bskal pa gang+gA'i klung gi bye ma snyed du gang 'di grangs kyis tshad gzung bar brjod kyang brjod par mi nus/ bsam yang bsam par mi
131a4 nus so| |de ci'i phyir zhe na/ de bzhin gshegs pa sngon byang chub sems dpa'i spyad pa spyod pa'i tshe sems bskyed pa gang yang sems can du bsdu bar bsdus pa sems can
131a5 gang ji snyed cig yod pa'i sems can de dag thams cad la phan pa dang / bde ba'i don du ma bskyed pa gcig kyang med de/ sems can gyi khams ni/ tshad med pas sems
131a6 can gyi khams ji snyed pa de snyed kyi bsod nams de bzhin gshegs pa'i sems bskyed pa re re las 'byung ngo / /sems can gyi khams ni/ mi zad pa ste/ sems can gyi
131a7 khams ji ltar mi zad pa de ltar mi zad pa'i bsod nams de bzhin gshegs pa'i sems bskyed pa re re las 'byung ngo / /sems de ni/ sems can thams cad la phan
131b1 pa'i don du skyes pas/ sems can thams cad kyis mchod kyang lan lon par mi nus so/ /de ci'i phyir zhe na/ 'jig rten pa'i mchod pa ni/ zang zing dang bcas pa yin la/ byang
131b2 chub sems dpa' sems dpa' chen po'i sems sems can thams cad la phan pa'i don du 'byung ba ni/ sems can 'khor ba la gzhol ba 'di dag mya ngan las 'das pa
131b3 la ji ltar gzhol bar 'gyur zhes te/ zang zing med pa'i phyir ro/ /de bzhin gshegs pa sngon byang chub sems dpa'i spyad pa spyod pa'i tshe sems can rnams kyi don du zang
131b4 zing med pa'i sems dpag tu med pa bskyed par gyur to/ /dge slong dag/ sngon byung ba 'das pa'i 'dus bskal pa dpag tu med pa/ bgrang du med pa/ bsam gyis mi
131b5 khyab pa| mtshungs pa med pa/ gzhal du med pa/ brjod du med pa 'das pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa
131b6 dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan
131b7 'das dbang po'i tog ces bya ba 'jig rten du byung ste/ dge slong dag /de bzhin gshegs pa dbang po'i tog des sems bskyed pa re re zhing gang+gA'i klung gi bye ma snyed kyi 'jig
132a1 rten gyi khams kyi sems can rnams la phan par dgongs par gyur te/ don kyang mdzad do/ /de bzhin gshegs pa dbang po'i tog gi sangs
132a2 rgyas kyi zhing yang 'jig rten gyi khams gang+gA'i klung gi bye ma snyed la sangs rgyas kyi zhing gcig tu gyur te yongs su dag cing ngan song dang / mi khom pa thams cad yongs
132a3 su chad pa ste/ de bzhin gshegs pa dbang po'i tog de'i sangs rgyas kyi zhing de na log par nges pa'i sems can gyi skye bo yod med par gyur to/ /lta ba'i rnam pa yod med
132a4 par gyur to/ /mngon pa'i rgyal can yod med par gyur to/ /lus dang / ngag dang / yid kyi las kyi mtha' yongs su ma dag pa dang ldan pa'i sems can yod med par
132a5 gyur to/ /ngan song gi rgyur 'gyur ba'i nyon mongs pa dang / las 'byung ba yod med par gyur to/ /der ci'i phyir zhe na/ de bzhin gshegs pa des yun ring po nas sems
132a6 can rnams dge ba'i chos rnams la btsud cing gdams te/ rjes su bstan cing bslab pa'i phyir ro/ /de bzhin gshegs pa dgra bcom pa yang dag par rdzogs pa'i
132a7 sangs rgyas dbang po'i tog gi sangs rgyas kyi zhing de na 'khod pa'i sems can rnams kyang bde ba lnga thob par gyur te/ 'di ltar la la ni/ 'dod pa'i bde ba dang ldan par
132b1 gyur to| |la la ni/ khyim nas 'byung ba'i bde ba dang ldan par gyur to/ /la la ni/ bsam gtan gyi bde ba dang ldan par gyur to/ /la la ni/ snyoms par 'jug pa'i bde ba dang ldan par
132b2 gyur to| |la la ni/ bla na med pa yang dag par rdzogs pa'i byang chub kyi bde ba dang ldan par gyur te/ /de dag bde ba de la yang spyod la/ bde ba de dag la yang mngon par zhen pa med
132b3 par gyur te/ /'di lta ste/ dper na/ bung ba me tog gi khu bas nye bar 'tsho yang de la mngon par zhen pa med do/ /de bzhin du sems can de dag kyang bde ba de la yongs su spyod
132b4 kyang de la mngon par zhen pa med do/ /'di lta ste/ dper na/ bar snang la yang rgyu ba'i bya ni/ bar snang la yang rgyu la/ de la mngon par chags pa yang med do/ /de bzhin du sems
132b5 can de dag kyang bde ba de la yongs su spyod kyang de la mngon par zhen par med do/ /de bzhin gshegs pa dbang po'i tog de'i sangs rgyas kyi zhing de na 'khod pa'i sems can
132b6 rnams la yid mi bde bar 'gyur ba'i mi dga' ba med/ rmongs par 'gyur ba med de/ gzhan du na yid bde bar 'gyur ba'i dga' ba sha stag la yongs su spyad de/ de ni/
132b7 'di ltar sngon dge ba'i rtsa ba de lta bu bskyed pa'i phyir ro/ /de ci'i phyir zhe na/ sems can de dag ni/ de bzhin gshegs pa dbang po'i tog des sngon byang chub sems dpa'i
133a1 spyad pa spyod pa'i tshe mi dge ba las yongs su bzlog ste dge ba'i rtsa ba la btsud pas de dag la las gang gis sdug bsngal gyi tshor ba myong bar
133a2 'gyur ba'i rnam par smin pa dbang med par 'byung ba mi dge ba'i las de lta bu yod med de/ de ma bsags pa'i phyir sdug bsngal tshor bar 'gyur ba'i rnam par smin pa mi
133a3 'byung ngo / /de dag gis rmongs pa'i sems tsam gyis kyang las gang gis rmongs pa rnams la sdug bsngal yang ma yin/ bde ba yang ma yin pa'i tshor ba 'byung bar 'gyur
133a4 ba de lta bu mngon par 'du ma byas te/ de ma bsags pa'i phyir rmongs par 'gyur ba'i tshor ba sdug bsngal yang ma yin/ bde ba yang ma yin pa de mi 'byung ngo / /de bzhin
133a5 gshegs pa dbang pa dbang po'i tog de'i sangs rgyas kyi zhing de na rgyu gang gis sems can de dag dus gyur pa las byung ba'i sdug bsngal mi 'byung bas nyams su mi bde ba'i nyi ma
133a6 mi 'char ro/ /rlung nyams su mi bde ba mi ldang ngo / /char nyams su mi bde ba mi 'bab bo/ /de bzhin gshegs pa dbang po'i tog de sngon byang chub sems dpa'i spyad pa spyod
133a7 pa'i tshe sems can de dag la lus dang / ngag dang / yid kyi las thams cad shes pa sngon du 'gro zhing shes pa'i rjes su 'brel ba bstan cing bshad pas sems can de
133b1 dag gis kyang byang chub sems dpa' de las bstan pa de thos nas lus dang / ngag dang / yid kyi las thams cad shes pa mngon du 'gro zhing shes pa'i rjes su 'brang
133b2 bar yongs su bsgrubs pas las de'i rnam par smin pas de dag la rmongs par 'gyur ba'am/ yid mi dga' bar 'gyur ba med do/ /rmongs pa rnams la rgyu gang gis
133b3 bde ba yang ma yin/ sdug bsngal yang ma yin pa'i tshor ba 'byung ba med do/ /de ltar sangs rgyas kyi zhing de na sems can de dag la sdug bsngal gyi tshor ba med cing bde
133b4 ba yang ma yin/ sdug bsngal ba yang ma yin pa med do/ /sangs rgyas kyi zhing der skyes pa'i sems can de bzhin gshegs pa des gdams pa de dag ni/ chos la
133b5 rim gro bya ba chen pos nye bar gnas par gyur to/ /de dag 'chag na yang chos nyid la sems shing chos la mos pas zhen pas yid kyis 'chag ste/ chos la mos
133b6 shing zhen pa'i yid kyis 'chag pa de dag la sdug bsngal gyi tshor ba mi 'byung ngo / /de bzhin du 'greng ba dang / 'dug pa dang / nyal ba dang / sad pa dang / spyod
133b7 lam thams cad du yang sdug bsngal mi 'byung ngo / /sangs rgyas kyi zhing de'i sems can de dag la yang ba ma spangs pa med de/ de'i phyir yang ba ma spangs pa'i sdug bsngal
134a1 gyi tshor ba mi 'byung ngo / /yang dag pa'i spang pa yod pas de dag la skyo ba med de/ de'i phyir de dag la yang dag par spang bar bya ba'i sdug
134a2 bsngal yang med do/ /sems can de dag la 'gyur ba'i sdug bsngal yang med de/ de ni/ 'di ltar sems can de dag chos thams cad la mngon par zhen pa med
134a3 pa'i phyir ro/ /de dag la mi sdug pa dang phrad pa'i sdug bsngal yang med de/ de ni/ 'di ltar sems can de dag sems can thams cad la mnyam pa nyid kyi sems
134a4 nye bar gnas pa'i phyir ro/ /de dag la sdug pa dang bral ba'i sdug bsngal yang med de/ de ci'i phyir zhe na/ 'di ltar de dag chos thams cad la mngon par zhen pa
134a5 med pa'i phyir ro/ /sdug pa dang bral ba'i sdug bsngal ni/ sdug pa las 'byung ste/ de'i phyir de la sdug pa dang bral ba'i sdug bsngal yang med do/ /sems can
134a6 de dag la sdug bsngal ba'i sdug bsngal yang mi 'byung ngo / /'di ltar de na sdug bsngal gyi tshor ba rgyu ba med pa'i phyir ro/ /gzhan du na 'du byed kyi sdug bsngal gcig
134a7 pu yod de/ 'di lta ste/ mi rtag pa'i sdug bsngal nyid do/ /de bzhin gshegs pa de ni/ don dam pa'i chos ston to/ /de bzhin gshegs pa dbang po tog de
134b1 bskal pa gang+gA'i klung gi bye ma snyed du bzhugs pa'i tshe des gsungs pa la phyir smra ba'i sems can gang yang sangs rgyas kyi zhing der ma byung ste/ de ni/ 'di ltar sngon sems
134b2 can de dag legs par yongs su smin par byas pa'i phyir ro/ /dge slong dag /de la ji snyam du sems/ dge ba'i rtsa ba zhan pa dang / dma' ba dang / zhum pa dang /
134b3 chung ba dang / sdug bsngal gyis yongs su bsgrubs pa dang / sdug bsngal dang 'dres pa dang / sdug bsngal dang ldan pa dang / sdug bsngal gyis yongs su bzung ba
134b4 dang / nyes par brtsams pa dang / nyes par bsgrubs pa'i dge ba'i rtsa bas sems can de snyed cig gi don bya ba'am/ de dag la phan par bsam pa'am/ bde ba sgrub
134b5 pa'am| sdug bsngal bsal ba'am/ de ltar tha gru che ba'i sangs rgyas kyi zhing yongs su dag par bya ba'am/ sems can de snyed yongs su smin par bya bar nus sam/ gsol
134b6 pa| bcom ldan 'das/ de ni/ ma lags so/ /bka' stsal pa/ dge slong dag /de la ji snyam du sems/ sems zhen pa dang / sems dma' ba nas nyes par
134b7 bsgrubs pa'i bar gyi sems kyis sems can de snyed cig gi don bya ba'am/ de dag la phan par bsam pa'am/ bde ba sgrub pa'am/ sdug bsngal bsal ba'am/ de
135a1 ltar tha gru che ba'i sangs rgyas kyi zhing yongs su dag par bya ba'am/ sems can de snyed yongs su smin par bya bar nus sam/ gsol pa/
135a2 bcom ldan 'das/ de ni/ ma lags so/ /bka' stsal pa/ dge slong dag /de la ji snyam du sems/ dad pa zhan pa nas nyes par bsgrubs pa'i dad pa'i bar dang / tshul
135a3 khrims zhan pa nas nyes par bsgrubs pa'i tshul khrims kyi bar dang / thos pa zhan pa nas nyes par bsgrubs pa'i thos pa'i bar dang / brtson 'grus zhan pa nas nyes par
135a4 bsgrubs pa'i brtson 'grus kyi bar dang / dran pa zhan pa nas nyes par bsgrubs pa'i dran pa'i bar dang / ting nge 'dzin zhan pa nas nyes par bsgrubs pa'i ting nge 'dzin
135a5 gyi bar dang / shes rab zhan pa nas nyes par bsgrubs pa'i shes rab kyi bar gyis sems can de snyed cig gi don bya ba'am/ de dag la phan par bsam pa'am/ bde
135a6 bsgrub pa'am/ sdug bsngal bsal ba'am/ de ltar tha gru che ba'i sangs rgyas kyi zhing yongs su dag par bya ba'am/ sems can de snyed yongs su smin par bya bar nus
135a7 sam| gsol pa/ bcom ldan 'das/ de ni/ ma lags so/ /bcom ldan 'das kyis bka' stsal pa/ dge slong dag /legs so/ /legs so/ /de ni/ dge
135b1 ba'i rtsa ba zhan pa dang / sems zhan pa dang / dad pa dang / tshul khrims dang / thos pa dang / brtson 'grus dang / dran pa dang / ting nge 'dzin dang / shes rab zhan
135b2 pa dang / dma' ba dang / zhum pa dang / chung ba dang / sdug bsngal gyis yongs su bsgrubs pa dang / sdug bsngal dang 'dres pa dang / sdug bsngal dang ldan pa dang /
135b3 sdug bsngal gyis yongs su bzung ba dang / nyes par bsam pa dang / nyes par bsgrubs pa'i shes rab kyis sems can de snyed kyi don bya ba'am/ de dag phan par
135b4 bsam pa'am/ bde ba sgrub pa'am/ sdug bsngal bsal ba'am/ de ltar tha gru che ba'i sangs rgyas kyi zhing yongs su dag par bya ba'am/ sems can de snyed yongs
135b5 su smin par bya bar mi nus so/ /dge slong dag /de la ji snyam du sems/ de'i tshe de'i dus na/ de bzhin gshegs pa dbang po'i tog ces bya ba byung ba de gang zhig yin
135b6 snyam| de skad ces bka' stsal pa dang / dge slong de dag cang mi zer bar 'khod do/ /de'i tshe shar phyogs logs su 'jig rten gyi khams gang+gA'i klung gi bye ma snyed 'das
135b7 pa na 'jig rten gyi khams zla ba'i 'od zer gyis rab tu brgyan pa zhes bya ba yod de/ de na de bzhin gshegs pa gzi brjid 'phags pa'i rgyal po zhes bya ba da ltar bzhugs te
136a1 'tsho zhing gzhes la chos kyang ston te/ der 'jam dpal gzhon nur gyur pa 'dus shing 'dug par gyur pa des bcom ldan 'das kyi
136a2 dgongs pa sems kyis shes nas bcom ldan 'das de bzhin gshegs pa gzi brjid 'phags pa'i rgyal po de la 'di skad ces gsol to/ /bcom ldan 'das/ 'di ltar
136a3 mi mjed kyi 'jig rten gyi khams na de bzhin gshegs pa shAkya thub pa chos ston gyi/ bcom ldan 'das shAkya thub pa de la bsnyen bkur bgyi ba'i slad du bdag kyang mchi'o//
136a4 de skad ces gsol pa dang / bcom ldan 'das de bzhin gshegs pa gzi brjid 'phags pa'i rgyal pos 'jam dpal gzhon nur gyur pa la 'di skad ces bka'
136a5 stsal to| |'jam dpal/ de'i dus la bab par shes na song zhig /de nas 'jam dpal gzhon nur gyur pa stan las langs te bcom ldan 'das de bzhin gshegs
136a6 pa gzi brjid 'phags pa'i rgyal po'i zhabs la mgo bos phyag 'tshal te lan gsum bskor ba byas nas 'di lta ste/ dper na/ skyes bu stobs dang ldan pa'i lag pa bskum
136a7 pa las brkyang ba'am brkyang pa las bskum pa tsam gyis 'jam dpal gzhon nur gyur pa 'jig rten gyi khams zla ba'i 'od zer gyis rab tu brgyan pa de nas mi snang bar gyur
136b1 te bcom ldan 'das shAkya thub pa'i spyan snga 'dir gnas par gyur to/ /des bcom ldan 'das kyi zhabs la mgo bos phyag 'tshal te phyogs gcig tu 'dug go /phyogs gcig
136b2 tu 'dug nas 'jam dpal gzhon nur gyur pas bcom ldan 'das la 'di skad ces gsol to/ /bcom ldan 'das kyis gang 'di skad du dge slong dag /de la ji snyam du
136b3 sems| de'i tshe de'i dus na de bzhin gshegs pa dbang po'i tog ces bya ba byung ba de gang zhig yin snyam zhes bka' stsal pa ni/ bcom ldan 'das/ bcom ldan 'das
136b4 nyid ni| de'i tshe de'i dus na dbang po'i tog ces bgyi ba'i de bzhin gshegs par gyur to/ /de ci'i slad du zhe na/ 'di ltar bcom ldan 'das ni/ bsam gyis mi khyab pa'i
136b5 thabs mkhas pa dang ldan pa ste/ sems can yongs su smin par bgyi ba la chog pa mi mnga'/ sangs rgyas kyi zhing yongs su dag par bgyi ba la rgyun chad par bgyi ba ma mchis/
136b6 sems can rnams byang chub sems dpa'i chos rnams la dgod pas chog pa mi mnga' ste/ la la zhig yang dag par smra bas yang dag par smra na/ rgyal ba gtso bo/ /rgyal
136b7 ba dam pa/ rgyal ba mchog /rgyal ba rab ces brjod pa de ni/ bcom ldan 'das nyid lags par yang dag par brjod pas yang dag par brjod do/ /de skad ces smras
137a1 nas 'jam dpal gzhon nur gyur pas de'i tshe tshigs su bcad pa 'di dag smras so/ /dpa' bo rnams ni thabs mkhas te/ /sems can
137a2 rnams la thugs brtse zhing / /sems can yongs su smin mdzad phyir/ /dpa' bo chen po rnam par 'phrul/ /bye ba brgyad cur rgyal ba nyid/ /sangs rgyas nyid du bstan
137a3 gyur kyang / /da dung chog pa'i 'du shes bsal/ /byang chub mchog tu thugs kyang 'jug /stong gsum drug cu rtsa gcig gi /sangs rgyas zhing rnams dag mdzad
137a4 pas| |ji ltar thub pa thabs mkhas pa/ /rgyal ba khyod ni kun gyis 'tshal/ /da dung dang po thugs bskyed par/ /de dang der ni yongs bstan te/ /da dung du yang
137a5 'dren pa khyod/ /sangs rgyas mang po ston pa mdzad/ /rnam pa sna tshogs gzugs rnams kyis/ /gang zag mchog ni spyod pa mdzad/ /chos kyi dbyings la chags mi
137a6 mnga'| |khyod kyis gang yang mkhyen mdzad de/ /brgya byin tshangs pa'i cha byad dang / /la lar bdud kyi cha byad kyis/ /sems can rnams kyi don mdzad de/ /'jig
137a7 rten rnams kyis rtogs mi nus/ /bud med cha byad spyod pa mdzad/ /dud 'gro'i skye gnas rnams na'ang gda'/ /'jig rten chos kyis mi gos te/ /pad+ma chus mi
137b1 mi chags pa bzhin/ /'dren pa sna tshogs khams can gyi/ /'jig rten 'di yi rjes 'jug mdzad/ /des na skye rgu 'di dag rnams/ /gdugs mtshan khyod kyi yon tan
137b2 brjod| |la lar bltams pa yongs su bstan/ /la lar mya ngan 'das pa bstan/ /la la na ni 'khor lo bskor/ /la lar spyad pa spyod pa mdzad/ /sems can 'dul ba'i
137b3 don slad du/ /dgyes shing mgur len rol pa mdzad/ /bshums mo dag kyang 'byin par mdzad/ /sems can sus kyang yod ma 'tshal/ /'dod chags mi mnga' chags
137b4 pa'i tshul/ /'jigs pa mi mnga' 'jigs pa ltar/ /sems can rnam par 'dul don du/ /'dren pa rnam par 'phrul pa mdzad/ /rmongs med rmongs pa'i tshul bstan te//
137b5 byis pa ma lags byis tshul gyis/ /sems can rnam par gdul don du/ /'dren pa rnam par 'phrul pa mdzad/ /smyos pa ma lags smyos pa'i tshul/ /zha ba ma lags
137b6 zha ba ltar/ /rnam par 'phrul pa sna tshogs kyis/ /sems can rnams ni 'dul ba mdzad/ /de ltar bsam yas mgon po khyod/ /dam pa'i chos kyang bsam mi khyab/ /
137b7 dpa' chen khyod la phyag kyang 'tshal/ /sems can thub chen 'drar gyur cig /sngon byung ba 'od srung chen pos zhus pa'i le'u ste/ lnga pa'o// //de nas
138a1 bya'i rgyal po 'dab bzang brgyad khri drug stong gis lha ma yin gyi dbang po de dag gi mchod pa yang mthong / lung bstan pa yang thos nas
138a2 bcom ldan 'das la gzhal du med pa'i dad pa skyes te bcom ldan 'das la mchod pa'i phyir brtson par gyur nas bcom ldan 'das la mchod pa'i don du rin po
138a3 che sna bdun gyi khang pa brtsegs pa shin tu bkra ba/ blta na sdug pa brgyad khri drug stong mngon par sprul to/ /lha'i rin po che sna bdun ni/ 'di lta ste/ gser
138a4 dang / dngul dang / bai DUR+Ya dang / shel dang / spug dang / mu tig dmar po dang / rdo'i snying po dang bdun no/ /khang pa brtsegs pa de dag kyang rin po che
138a5 sna bzhi'i lan kan gyi dra ba ris bkra ba/ blta na sdug pa rim pa bdun gyis kun nas bskor to/ /rin po che sna bzhi ni/ /'di lta ste/ gser dang / dngul dang /
138a6 baiDUR+Ya dang / shel lo/ /gser gyi lan kan rnams kyi ka ba dang gdang bu rnams ni/ gser/ shar bu rnams ni/ dngul/ dngul gyi lan kan rnams kyi ka
138a7 pa dang gdang bu rnams ni/ dngul/ shar bu rnams ni/ gser/ baiDUR+Ya'i lan kan rnams kyi ka ba dang gdang bu rnams ni/ bai DU R+Ya/ shar bu rnams ni/ shel/
138b1 shel gyi lan kan rnams kyi ka ba dang gdang bu rnams ni/ shel/ shar bu rnams ni/ dngul las byas pa'o/ /khang pa brtsegs pa de dag dril bu g.yer ka'i dra ba
138b2 bkra ba| blta na sdug pa rin po bdun gyis kun nas bskor to/ /de dag kyang rin po che sna bdun las byas pa sha stag ste| 'di ltar gser dang / dngul dang / bai DUR+Ya
138b3 dang | shel dang / spug dang / mu tig dmar po dang / rdo'i snying po dang bdun no/ /khang pa brtsegs pa de dag rin po che sna bdun gyi dra ba bkra ba/ blta na sdug
138b4 pa 'di lta ste/ gser gyi dra ba dang / dngul gyi dra ba dang / bai DUR+Ya'i dra ba dang / shel gyi dra ba dang / mu tig dmar po'i dra ba dang / spug gi dra ba dang / rdo'i snying po'i
138b5 dra bas kun nas bkab par 'gyur ro/ /gdugs bkra ba/ blta na sdug pa brgyad khri drug stong mngon par sprul to/ /de dag kyang 'di ltar gser nas rdo'i snying po'i bar gyi rin
138b6 po che sna bdun las bsgrubs pa sha stag go /rgyal mtshan bkra ba/ blta na sdug pa brgyad khri drug stong yang mngon par sprul te/ rgyal mtshan de dag kyang gser dang / dngul
138b7 dang / bai DUR+Ya dang / shel dang / rin po che sna bzhi'i rgyu las bsgrubs pa sha stag ste/ rgyal mtshan sngon po rnams ni/ tog ser po can/ rgyal mtshan ser po rnams
139a1 ni| tog sngon po can/ rgyal mtshan dmar po ni/ tog dkar po can sha stag sngon por sprul to/ /ba dan kha dog sna tshogs can bkra
139a2 ba| blta na sdug pa brgyad khri drug stong yang mngon par sprul bar gyur to/ /bla re bkra ba/ blta na sdug pa brgyad khri drug stong yang mngon par sprul bar gyur te/
139a3 bla re de dag kyang gser skud kyi bla re dang / dngul skud kyi bla re dang / bai DUR+Ya'i bla re dang / shel gyi bla re dang / mu tig dmar po'i bla re dang / spug gi bla re dang /
139a4 rdo'i snying po'i bla re ste/ rin po che sna bdun las bsgrubs pa sha stag go /de nas bya'i rgyal po 'dab bzang de dag gis khang pa brtsegs pa brgyad khri drug stong po de
139a5 dag dang / gdugs brgyad khri drug stong po de dag dang / rgyal mtshan brgyad khri drug stong po de dag dang / ba dan brgyad khri drug stong po de dag dang / bla re brgyad khri
139a6 drug stong po de dag bcom ldan 'das la phul ba dang / de dag thams cad steng gi bar snang la lding zhing bcom ldan 'das la lan gsum bskor ba byas so/ /'di lta
139a7 ste| dper na/ glang po che'i rgyal po sa srung gi bu ni/ sum cu rtsa gsum gyi lha rnams mgo la khyer zhing nam mkha' las song ste yongs 'dus rtol du gzhog go /de
139b1 bzhin du khang pa brtsegs pa de dag dang / gdugs de dag dang / rgyal mtshan de dag dang / ba dan de dag dang / bla re de dag bar snang gi nam mkha' la lding zhing bcom
139b2 ldan 'das la lan gsum bskor ba byed par gyur to/ /de nas 'dab bzang brgyad khri drug stong po de dag gis bcom ldan 'das la mchod pa byas te bcom ldan 'das la
139b3 lan gsum bskor ba byas nas phyogs gcig tu 'khod de thal mo sbyar nas phyag 'tshal zhing tshigs su bcad pa dag gis bcom ldan 'das la mngon par bstod pa/ rga dang
139b4 'chi las rnam grol khyod la phyag 'tshal lo/ /rga dang 'chi las rnam 'grol khyod la phyag 'tshal lo/ /sems can gzhal yas kha lo sgyur la phyag 'tshal lo/ /khyod dang
139b5 mtshungs pa ma mchis lhag pa'ang ma mchis so/ /bdag cag rnams kyang sred med bu yi lus ldan zhing / /sum cu rtsa gnyis mtshan gyis yan lag brgyan pa dang / dpe byed
139b6 bzang po brgyad cus shin tu mdzes byas pa'i/ /sangs rgyas rnam par 'dren pa khyod 'drar 'gyur bar shog /bdag cag 'dom gang 'od kyi gzi ldan zhing / /mngon 'phags
139b7 gzugs kyi dam pas mdzes gyur te/ /spyod lam mchog dang bdag cag ldan gyur cing / /'gro ba rnam spyod mya ngan zlo bar shog /bdag cag tshul khrims ting 'dzin rab ldan
140a1 zhing / /shes rab ldan pas mchog tu 'gyur bar shog /da ltar rnam par 'dren pa khyod lta bur/ /skye bo rab 'grel sangs rgyas 'grub par
140a2 shog /'dren pa 'jig rten mkhas pa khyod lta bur/ /bdag cag 'dren pa stobs bcu ldan pa dang / /ma 'dres bco brgyad chos kyi mthar phyin cing / /'jig rten mkhas
140a3 pa thams cad mkhyen du shog /bdag cag kun kyang 'gro ba dngos med dang / /rmi 'dra sgyu 'dra gnas pa med pa dang / /brag ca nam mkha' 'dra bar ston byed cing / /
140a4 ji ltar rnam 'dren khyod ston bzhin du shog /de nas bcom ldan 'das kyis bya'i rgyal po 'dab bzang de dag gi lhag pa'i bsam pa mkhyen nas 'dzum pa mdzad do/ /de
140a5 nas tshe dang ldan pa rta thul gyis bcom ldan 'das la tshigs su bcad de gsol pa/ rgyal ba rnam 'dren gtso bo sangs rgyas rnams/ /rgyu ma mchis par 'dzum pa mi
140a6 mdzad na/ /'dzum mdzad 'di yi rgyu rkyen gang lags pa/ /'jig rten phan mdzad thugs rje mnga' bas gsungs/ /'dab bzang rnams kyis rgyal ba mchod bgyis te/ /bla
140a7 re nam mkha' rgyas par gang bar bstan/ /lhar bcas 'jig rten 'di la ngo mtshar bskyed/ /rkang gnyis dam pas de dag lung bstan gsol/ /'gro ba thams cad thal
140b1 mo rab sbyar cing / /dga' ba'i sems dang mgu ba'i sems kyis 'khod/ /mkha' lding 'gro ba cir 'gyur nyan par 'tshal/ /rkang gnyis dam pas de dag lung bstan gsol//
140b2 mi mchog khyod la 'khor dag mchi ba ni/ /'gro ba thams cad the tshom med 'gyur zhing / /the tshom med pas 'khor du 'jigs med 'gyur/ /'dis ni sangs rgyas mnyes par
140b3 bgyis zhes mchis/ /'khor 'di 'jigs med rab tu dga' bar 'gyur/ /yongs su sbyangs shing shin tu skyon bsal nas/ /rgyal bas lung bstan de dag mngon dga'
140b4 ste| |slob ma mchog la bla mas bstan pa bzhin/ /the tshom 'tshal ba'i the tshom gcad du gsol/ /rab tu dga' mdzad rjes su smon pa mdzod/ /dga' ba'i sems kyis
140b5 'khor 'di 'dus gyur gyi/ /rang byung mkha' lding 'gro ba cir 'gyur gsungs/ /de nas bcom ldan 'das kyis tshe dang ldan pa rta thul la tshigs su bcad de slar bka'
140b6 stsal pa| thams cad zil gnon stobs bcu brtson 'grus bden/ /rgyal ba dbang po thub pa de bzhin gshegs/ /'dren pas yan lag brgyad ldan gsung dbyangs kyis//
140b7 'dab bzang 'gro ba rta thul bka' stsal pa/ /rta thul khyod kyis dri ba legs par dris/ /'jig rten phan phyir 'dzum gang ngas bstan pa/ /de yi 'bras bu dga' ba'i yid
141a1 kyis nyon/ /the tshom sol la rab tu dga' ba skyed/ /bla na med pa'i byang chub zhi tshol zhing / /stobs dang mi 'jigs bzhi po gang rnams kyis/ /
141a2 'dren pa 'jigs med 'gyur ba btsal ba'i phyir/ /'dab chags dbang pos nga la mchod legs byas/ /ma 'dres bco brgyad chos ni smra ba yi/ /sred med bu lus
141a3 shin tu mkhregs pa dang / /sum cu gnyis mtshan dpe byad bzang po rnams/ /yongs su btsal phyir nga la mchod pa byas/ /rgyal ba'i tshul khrims ting 'dzin btsal
141a4 ba dang / /gzhan yang sangs rgyas spyod yul shes rab dang / /phun tshogs zhing dang 'gro ba rnam dgrol ba/ /'di dag kun btsal don du mchod pa byas/ /de dag
141a5 nga la dga' bas mchod byas pas/ /dud 'gro'i gnas nas de dag shi 'phos nas/ /lha dang brtul zhugs mthun par de dag 'dong / /'di ni ngan song srid pa'i tha
141a6 ma yin| |bskal pa bye ba gang+gA'i bye snyed du/ /de dag lha mi'i nang na gnas gyur cing / /rnam 'dren khrag khrig mtha' yas mchod byas nas/ /de dag dbang po thul
141a7 ba'i rgyal bar 'gyur/ /de dag zhing du ngan song mi 'byung ste/ /mi khom mi 'byung mtshan dang mi ldan med/ /rgyal ba de dag mtshan ni kun tu mdzes/ /ri rab
141b1 rgyal mtshan bskal la rab byung 'gyur/ /lo ni bye ba brgyad cu bzhi bgrangs par/ /'jig rten phan phyir 'dren pa de dag bzhugs/ /'jig rten phan phyir rnam 'dren
141b2 mnyam bzhag pas/ /lus can rnams la mnyam pa'i don mdzad 'gyur/ /skyob pa rdul med gyur pa de dag gi /'dus pa nga rgyal spangs pa brgyad cu 'gyur/ /de tshe
141b3 skyob pa rdul dang bral rnams kyi/ /shin tu sems dul bye ba brgyad cu 'byung / /'dren pa de dag 'gro ba'i ngal bsal phyir/ /chos kyi 'khor lo rab tu bskor bar 'gyur/ /mi
141b4 dag de ltar 'di rnams nga rgyal che/ /'dab bzang lus su gyur nas stobs po che/ /'di dag sngon tshe 'das pa'i dus shig na/ /drang srong dka' thub drag po'i tshogs chen gyur/ /
141b5 stong phrag brgyad cu rtsa drug tshang ba ste/ /dka' thub spyad de rdzu 'phrul phun sum btsal/ /de dag rdzu 'phrul thob nas nga rgyal gyis/ /dga' bas dka' thub drag dang ldan par
141b6 gyur| |tshul khrims ma zhig de dag nags 'dabs su/ /tshe zad shi 'phos gyur te lus kyang zhig /nga rgyal des ni mkha' lding mkha' 'gror gyur/ /rdzu 'phrul sems kyis
141b7 rdzu 'phrul ldan par skyes/ /tshul khrims dag pas rgyal ba'i bstan la dad/ /nga rgyal gyis ni byang chub sems kyang bskyed/ /nam mkha' lding lung bstan pa'i le'u ste /drug
142a1 pa'o|| //bam po bzhi pa/ de nas klu'i bu mo bye ba phrag dgu bcu rtsa drug gis lha ma yin gyi dbang po de dag dang / nam mkha'
142a2 lding gi dbang po de dag gi mchod pa yang mthong / lung bstan pa yang thos nas mchog tu dga' ba chen po skyes te de dag dga' mgu yi rangs nas rab tu dga'
142a3 ste| dga' ba dang / yid bde ba skyes nas bcom ldan 'das la mchod pa'i phyir brtson par gyur to/ /de dag gis rin po che sna bdun gyi gdugs baiDUR+Ya'i dra
142a4 ba lda ldir bkye ba/ mu tig dmar po'i dra bas bskor ba/ gser gyi yu ba can/ bai DUR+Ya'i thur ma brgyad stong bkye ba/ rin po che'i chun po dbyangs pa bye ba phrag dgu
142a5 bcu rtsa drug mngon par sprul to/ /rta sngon po/ kha dog sngon po/ /sngon po lta bur ston pa/ 'od sngon po 'byung ba/ rgyan sngon pos brgyan pa/ bai DUR+Ya'i srab kyis bsrabs
142a6 pa bye ba phrag dgu bcu rtsa drug mngon par sprul to/ /nor bu skar mdog gi bla re kho ra khor yug tu dpag tshad drug cu yod pa/ des 'khor de dag thams cad yog
142a7 pa gcig kyang steng gi bar snang la mngon par sprul to/ /de la rin po che sna bdun gyi lda ldi bkra ba/ mig tu mdzes pa/ blta na sdug pa bye ba phrag dgu bcu rtsa drug
142b1 bres par mngon par sprul to/ /bla re de'i kho ra khor yug tu rin po che sna bdun gyi dril bu g.yer kha'i dra ba mngon par sprul te bres so/ /rin po che sna bdun gyi khrung khrung rkang
142b2 dag mngon par sprul to/ /klu'i rol mo sil snyan bye ba phrag dgu bcu rtsa drug mngon par sprul to/ /de nas klu'i bu mo de dag rta sngon po de dag la zhon nas rin po che sna bdun gyi
142b3 gdugs steng gi bar snang la bres te nam mkha' las 'dong zhing rol mo'i sgra bye ba phrag dgu bcu rtsa drug po de dag len cing bcom ldan 'das la lan gsum bskor ba
142b4 byed la| lha'i tsan+dan gyi phye ma dag kyang bcom ldan 'das la mngon par 'thor/ lha'i a ga ru dang / ta ma la'i lo ma dang / ut+pa la'i phye ma dang / me tog sna tshogs
142b5 kyang bcom ldan 'das la mngon par 'thor/ me tog ut+pa la dang / tsam pa ka'i phreng ba dag kyang 'thor/ me tog rnam pa sna tshogs kyi phreng ba dag kyang 'thor/ spos sna
142b6 tshogs kyi phreng ba dang / na bza' dang rgyan dag kyang 'bul te/ lha ma yin gyis ji ltar byas pa de bzhin du mchod pa rgya cher byas so/ /de nas de dag gis rol mo sil snyan
142b7 bye ba phrag dgu bcu rtsa drug po de dag byas pa'i sgras stong gsum gyi stong chen po'i 'jig rten gyi khams rgyas par gang bar gyur te/ sems can gang dag gis rol mo'i
143a1 sgra de thos pa de dag thams cad kyang bla na med pa yang dag par rdzogs pa'i byang chub las phyir mi ldog par gyur to/ /nor bu'i skar mdog gi
143a2 bla re dag dang / rin po che sna bdun gyi lda ldi de dag dang / dril bu g.yer ka'i dra ba dag dang / khrung khrung rkang de dag rlung gis bskyod pa las 'di lta ste/ /
143a3 dper na/ rol mo sil snyan yan lag brgyad dang ldan pa mkhas pas dkrol ba de lta bur snyan la/ de lta bu'i yid du 'ong zhing mnyan na bde ba'i sgra byung bar gyur to/ /
143a4 sgra des kyang stong gsum gyi stong chen po'i 'jig rten gyi khams rgyas par gang bar gyur te/ sems can gang gis rgyan gyi sgra de dag thos par gyur pa de dag thams
143a5 cad kyang bla na med pa yang dag par rdzogs pa'i byang chub las phyir mi ldog par gyur to/ /de nas klu'i bu mo de dag gis me tog rnam pa sna tshogs kyi char dang / spos
143a6 chu rnam pa sna tshogs kyi char mngon par phab par gyur te/ me tog gi char de bab pa'i tshe spos kyi dri zhim po'i ngad byung ste 'gro zhing ldog go /spos chu'i char de bab pas
143a7 kyang ser skya'i gnas kyi grong khyer chen po'i kho ra khor yug tu dpag tshad drug cu tshun chad spos chus rdzab tu gyur te/ spos kyi dri des kyang stong gsum gyi stong chen
143b1 po'i 'jig rten gyi khams rgyas par gang bar gyur to/ /sems can gang gis spos kyi dri de tshor bar gyur pa de dag thams cad kyang bla na med pa yang dag par rdzogs pa'i byang chub
143b2 las phyir mi ldog par gyur to/ /de nas klu'i bu mo de dag gis gdugs bye ba phrag dgu bcu rtsa drug dang / rta bye ba phrag dgu bcu rtsa drug dang / rol mo sil snyan bye ba phrag
143b3 dgu bcu rtsa drug po de dag gis bcom ldan 'das la mchod pa byas nas rgyan thams cad dang ldan pa de dag bar snang gi nam mkha' la 'khod de/ bcom ldan 'das kyi zhabs
143b4 la mgo bos phyag 'tshal nas bcom ldan 'das la lan gsum bskor ba byas te thal mo sbyar nas bcom ldan 'das la phyag 'tshal zhing phyogs gcig tu 'khod par gyur to/ /de'i
143b5 tshe tshigs su bcad pa 'di dag kyang smras so/ /klu yi bu mo mkhas pa de dag yid rangs dga' mgu yid kyis su/ /byang chub zhi ba tshol zhing shAkya thub la der ni mchod pa chen po
143b6 byas| |rgyan gyis legs brgyan bye ba dgu bcu drug gi gdugs rnams mngon sprul te/ /bde bar gshegs la mchod cing rab tu dul ba'i yid kyis chags dang bral/ /rgyan gyis
143b7 legs brgyan bye ba dgu bcu drug gi rta rnams mngon sprul te/ /kha dog sngo zhing rgyan kyang sngo ba'i rta la rgyal mtshan sngon pos brgyan/ /de dag thams cad bar snang dong nas thub
144a1 la rta yis mchod pa byed/ /klu yi bu mo de dag dang ba'i yid kyis thub la mgos phyag 'tshal/ /mchog la mchod pa'i don du klu yi gnas nas klu yi sil
144a2 snyan gyis/ /mchod pa'i 'os gyur 'dren pa shAkya thub la der ni mchod pa byas/ /sil snyan de dag bde bar gshegs la mchod pa'i sgra de khams gsum grag /sgra de
144a3 thos pa'i sems can khrag khrig dag ni byang chub yang dag zhugs/ /de dag rnams kyis der sprul mkha' la bla re chen po gcig tu gyur/ /phyogs bcu'i dpag tshad
144a4 drug bcur rgyas shing 'gro ba thams cad khebs par gyur/ /nor bu rin chen skar ma'i mdog gi gzi brjid phyogs su 'bar zhing gsal/ /klu yi bu mo dga' nas 'gro
144a5 ba'i don du rgyal la mchod pa byas/ /gzhal du med pa'i sems bskyed dga' nas byang chub zhi ba tshol byed cing / /'jig rten don byed bde gshegs sangs rgyas 'jig
144a6 rten mkhas pa grub par shog /ji ltar stobs bcu mnga' ba khyod ni sems can sdug bsngal 'gro ba ltar/ /chos kyang bstan te sems can nyon mongs sdug bsngal
144a7 bsgribs pa khrag khrig dgrol/ /chos rnams sgyu ma smig sgyu 'dra zhing lbu ba lta bur nyam chung la/ /char rgyun chu la phog pa'i chu bur lta bur 'jig cing bdag po med/ /me
144b1 long nang gi gzugs brnyan 'dra bar 'gro ba thams cad btags nas ni/ /'gro ba dag la chos kyi rang bzhin yang dag de nyid bstan par bgyi/ /sgyu ma bkod pa lta bur ma mchis
144b2 rdzun pa byis pa rmongs bgyid pa/ /skye bo mi mkhas ji bzhin ma 'tshal ba dag ma rung rab bgyid pa/ /byis pa rmongs bgyid chos rnams sdig med khyod kyis de ltar legs par
144b3 gzigs/ /de dag ji ltar gzigs ba de bzhin de dag sems can rnams la bstan/ /ji ltar sa chen 'di la sprin 'khrigs gyur na ri ltar gda' ba yang / /yang dag tu na
144b4 ri ltar ngo bo nyid kyis de la gnas ma mchis/ /de ltar 'gro ba thams cad rang bzhin ma mchis dbang po rmongs par bgyid/ /shes pas brtags nas skye bo mkhas pa dag ni
144b5 rmongs par 'gyur ma mchis/ /yang dag tu na 'gro ba thams cad rang bzhin ma mchis khyod ston pas/ /des na 'dren pa rgyal ba khyod la skye bo mkhas pa mi phyed 'gyur/ /khyod
144b6 kyi sras rnams chos kyis yongs su tshim nas rdza ba la zam pa 'dra/ /'di ni byis pa'i skye bo'i yul ma ni 'gro ba 'di ni sgra phyir 'brang / /de lta lags pas sdig med yang dag ston
144b7 pa byis pa'i skye bo'i mgon/ /skyabs dang dpung gnyen gnas dang rten dang rtsa lag khyod la skyabs su mchi/ /gzhal yas byang chub de btsal slad du rnam par 'dren pa khyod la
145a1 mchod/ /sangs rgyas gyur nas rtogs bgyid sdig bral 'jig rten don rnams bgyid par shog /de nas bcom ldan 'das kyis klu'i bu mo
145a2 de dag gi lhag pa'i bsam pa thugs su chud nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ /'jig rten na
145a3 ni 'jig rten mkhas pa rnam par 'dren mchog khyod 'dzum mdzad/ /dpal stug 'dzum pa mdzad la rgyu ma mchis pa bdag gis yod ma mthong / /mi yi dbang po dam pa 'dzum
145a4 pa mdzad pa'i rgyu ni yang dag gsungs/ /de thos lha mi lha min tshogs dang klu yi bu mo gsang ba pa/ /dri ba rnams kyang skyob pa'i dgongs pa thos nas yid ni dga' bar 'gyur/ /
145a5 'jig rten dag na 'jig rten rnam 'dren khyod kyis rgyu rnams thams cad mkhyen/ /rgyal bas chos gang rgyu dang rnam pas mkhyen par ma gyur yod ma mchis/ /de ltar bde gshegs
145a6 rgyal ba khyod kyis ji ltar thugs chud 'dzum rgyu gsungs/ /de thos nas ni 'gro ba thams cad yid rangs dogs pa chad par 'gyur/ /thub pa bde bar gshegs kyi bstan pa mchog
145a7 la don kyang thob par mchi/ /'khor rnams 'di dag don myong gyur nas yid ni rab tu zhi bar 'gyur/ /kun rtog dbang du mi 'gyur byang chub yid kyis rgyal ba'i spyod nyan 'gyur/ /
145b1 bde gshegs khyod kyis 'dzum mdzad don thos rang byung nyid du nges par 'byung / /'khor 'di rgyal ba khyod kyi zhal nas 'dzum mthong the tshom 'tshal gyur te/ /sdug bsngal dogs
145b2 bcas yid mi bde zhing chos la som nyi gang 'tshal ba/ /de dag la ni thub pa ston pas dogs bsal the tshom dgum du gsol/ /drang srong khyod kyis gang slad 'dzum bstan myur
145b3 du bka' stsol the tshom khum/ /rgyal ba gang gis de ring yid ni rnam par sbyangs shing bdud bcom thul/ /su zhig yid rab tshim nas bcom ldan 'das la mchod pa dam pa bgyis/ /
145b4 'di ni su yi mthu lags ston pa 'gro ba'i mdun du 'di bka' stsol/ /thos nas bdag cag yid rangs mchog tu dga' ba skyes nas bde bar 'gyur/ /khyod kyi zhabs kyi drung du 'dus
145b5 pa'i gro ba 'di dag the tshom 'tshal/ /'dzum rgyu dga' ba bskyed pa bka' stsol thub pa the tshom bsal du gsol/ /de thos lha dang bcas pa'i 'gro ba 'di dag the tshom ma mchis 'gyur/ /rgyal
145b6 pa'i gsung sgra yang dag thos nas de dag yid dga' 'gyur/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ /rta thul legs so rgyal ba'i
145b7 dgongs pa 'dzum pa 'di ni legs par dris/ /klu yi bu mos mchod de 'jig rten phan phyir ngas ni 'dzum pa bstan/ /de yi 'bras bu bstan gyi yid gnyis tha ba spangs pa'i sems kyis
146a1 nyon| |gang gi don du ngas ni 'dzum pa 'dir mdzad nga yi tshig la nyon/ /klu yi bu mo 'di dag chags med yid kyis byang chub yang dag zhugs/ /'gro ba thams
146a2 cad stong bar rnam gzhig blo ldan dogs med legs par gnas/ /'di ni byed med tshor med gang zag med cing skye ba po yang med/ /chos rnams 'di dag rdzun zhing smig rgyu
146a3 mtshungs la me long gzugs brnyan 'dra/ /'di dag rnams kyis mchod byas byas gzo blo gros yang dag nas shes so/ /rgyal ba'i chos nyid dang ni 'gro ba stong zhing bdag po med
146a4 mthong legs/ /mchod pa rnam par phye zhing legs par bkod pa 'di dag sgyu ma 'dra/ /byang chub gzhal yas gang du smon lam btab pa de yang 'di 'drar stong / /nga la gzhal
146a5 yas mchod pa de byas pa dang 'gro ba stong skyes pas/ /klu las shi 'phos nas ni lha gnas brgya byin gnas su 'gro bar 'gyur/ /sum cu rtsa gsum song ste lha yi nang du dga' bar
146a6 tshe rdzogs nas/ /ma smad grags dang ldan pa'i lha gnas 'thab bral gnas su 'gro bar 'gyur/ /'thab bral lha nang gnas te lha yi dga' ba spyod/ /lha 'gyur bde gshegs
146a7 sras rnams de ni tshe yi tshad du gnas par 'gyur/ /rgyal ba'i sras rnams 'thab bral dga' ba spyad nas che tshad zad pa dang / /dga' ldan gnas su lha yi grong khyer lha dang brtul
146b1 zhugs 'dra bar 'gyur/ /de dag de ni lha yi bu mos bskor nas lha yi dga' ba spyod/ /pad+ma chus mi chags pa bzhin du bde gshegs mi gnas blo can gnas/ /'gro ba thams cad stong
146b2 par rtogs rig blo las nyams par yong mi 'gyur/ /skyob pa rnams kyi dran pa rdo la brkos pa bzhin du yong mi nyams/ /de dag dga' ldan gnas der gnas te lha yi dga' ba spyad nas
146b3 ni| |tshe tshad yongs su zad nas de tshe rab 'phrul dag tu 'gro bar 'gyur/ /bde gshegs ma smad grags ldan der yang lha mo'i tshogs kyis mchod 'gyur te/ /mi gnas blo gros ldan
146b4 pa tshe chad bar du gnas na gnas par 'gyur/ /de dag gnas der rab 'phrul gyur te lha yi dga' ba spyad nas ni/ /mkhas pa che zad blo gros ldan pas chos kyi mthar ni phyin gyur nas/ /
146b5 'dren pa bsam pa dag pa chags med yid ldan chos kyi bsam pa can/ /chos dang ldan rnams gzhan 'phrul gnas su lha 'du bar ni 'gro bar 'gyur/ /de dag la gnas de na gnas shing lha yi
146b6 dga' ba spyod par 'gyur/ /bde gshegs ma rmongs blo ldan de dag rang gi tshe tshad gnas par 'gyur/ /mya ngan 'das ltar lha yi 'dod pa'i yon tan mnyam nyid zhi bar rtogs/ /bsam gtan
146b7 bsam pas tshangs gnas ma smad grags dang ldan par 'gro bar 'gyur/ /tshangs pa'i gnas su bsam gtan mkhas shing bsam gtan 'bras bu spyad gyur nas/ /der gnas dpe med
147a1 gyur cing byang chub yid kyis bskal par gnas par 'gyur/ /de dag bskal par tshangs gnas mthun par ye shes don gnyer brtul zhugs
147a2 bzang / /thub pa mkhas pa thabs mkhas de dag 'jig rten don ni mtha' yas byed/ /mkhas thub de dag de na bsam gtan spyod yul bsam gtan chags pa med/ /bsam
147a3 gtan bde ba mnyam nyid 'drar rig byang chub phyir ni dbang po zhi/ /kun du grol yid drang srong byang chub phyir ni byang chub blo dang ldan/ /mya ngan 'das pa lta bur bsam gtan blo
147a4 gcig zhi ba'i mtshan nyid 'gyur/ /bde bar gshegs pa dang bcom ldan sras po byang chub zhi ba yongs tshol ba/ /tshang pa'i yid ldan 'jig rten don byed de dag tshangs
147a5 gnas de na gnas/ /kun kyang tshangs pa'i blo ldan mthar phyin sha stag byang chub don gyi phyir/ /rang byung dgongs pa khams gsum la ma las 'das pa'i nges par 'byung
147a6 ba ston| |tshangs pa la ni gus pa bskyed nas 'gro ba byang chub tshol bar 'gyur/ /tshangs pa'i bsam pa rang byung bsam pa nyes 'byung mthar thug shes nas ni/ /bde bar
147a7 gshegs kyi bstan pa mchog la brtson pa de dag 'gro ba la/ ci nas chos tshul 'bras bu myur du shes 'gyur de ltar chos kyang ston/ /de dag tshangs gnas de na gnas/
147b1 shing 'jig rten dag la byang chub phyir/ /phan pa byas nas srog chags bye ba khrag khrig mang po byang chub bkod/ /rgyal ba kun la mchod phyir 'jig rten khams mang khrag khrig
147b2 'gro bar 'gyur/ /dbang po zhi ba de dag bskal pa skar ma 'dra la rgyal bar 'gyur/ /lha dang mi dang klu dang 'dab bzang dag dang lha min bcas pa dang / /dri za grul bum mi'am ci
147b3 tshogs gnod sbyin 'gror bcas dga' zhing mgu/ /bcom ldan 'das kyis byang chub tu ni yongs sbyang chos kyi stobs rnyed pa/ /de dag thams cad yi rang thal sbyar bde bar
147b4 gshegs la ma gos phyag 'tshal/ /klu'i bu mo lung bstan pa'i le'u ste/ bdun pa'o// //de nas klu'i bu mo de dag gi mchod pa yang mthong / lung bstan pa
147b5 yang thos/ yongs su rdzogs par rig nas klu'i rgyal po dga' bo dang nye dga' la sogs pa klu bye ba phrag dgu bcu ngo mtshar thob par gyur te/ 'di ltar de bzhin gshegs pa
147b6 de sems can thams cad kyi bsam pa mkhyen cing / bcom ldan 'das de la mi mkhyen pa'am/ ma gzigs pa'am/ ma gsan pa'am/ mngon du ma mdzad pa
147b7 gang yang med cing / bcom ldan 'das kyi chos ni/ legs par gsungs pa/ yang dag par mthong ba/ rims nad med pa/ dus chad pa med pa/ nye bar gtod pa/ 'di mthong
148a1 ba la don yod pa/ mkhas pa rnams kyis rang gis rig par bya ba ni/ ngo mtshar rmad du byung ba ste/ de bzhin gshegs pa de ni/ rdzu 'phrul
148a2 che zhing mthu che ba mnga' ba'o/ /'di ltar bud med du gyur pa rgod pa mi brtan pa mi gnas pa rnams kyis kyang bcom ldan 'das kyis chos bstan pa yongs su shes pa
148a3 dang / de ltar bcom ldan 'das kyi slob ma dge 'dun yang legs par zhugs pa/ drang por zhugs pa/ rigs par zhugs pa/ mthun par zhugs pa 'di ltar bud med
148a4 du gyur pa 'dod chags dang / zhe sa dang dang / gti mug mi bzad pa dang ldan pa rnams kyang bcom ldan 'das kyi gsung rab la 'jug pa ni/ ngo mtshar che'o/ /snyam ste/ ngo
148a5 mtshar thob pa de dag gis bcom ldan 'das la mchod pa'i phyir dzam+bu'i gling rgya mtsho'i ri'i mthas gtugs pa thams cad spos kyi sprin chen pos kun nas yog par byas
148a6 te thams cad dang ldan pa'i 'jig rten 'di spos kyi ngad kyis khyab par byas so/ /spos kyi dri'i ngad des kyang sangs rgyas kyi zhing thams cad rgyas par gang bar gyur nas sems
148a7 can gang dag gis spos kyi dri de tshor bar gyur pa de dag thams cad bla na med pa yang dag par rdzogs pa'i byang chub las phyir mi ldog par gyur to/ /bcom ldan 'das la
148b1 mchod pa bya ba'i phyir ser skya'i gnas kyi grong khyer chen po thams cad kyang dpag tshad drug cu tshun chad mu tig dmar pos pus mo nub tsam du rgyas par gang bar byas so/ /n+ya gro d+ha'i
148b2 kun dga' ra ba de yang rin thang med pa'i nor bu rin po ches chal bar bkang ngo / /klu'i me tog gi 'dun khang rgyar dpag tshad drug cu yod pa rin po che sna bdun gyi ka ba dang ldan pa
148b3 dag mngon par sprul to/ /klu'i rol mo sil snyan dpag tu med pa dag kyang mngon par sprul te sgra phyung ngo / /klu'i me tog gi 'dun khang de la yang me tog rnam pa sna tshogs kyi lda
148b4 ldi bye ba phrag dgu bcu bres so/ /rin po che sna bdun gyi ka ba de dag kyang bai dUr+ya'i dra bas legs par brgyan te/ /'dun khang de'i gzhi yang rin thang med pa'i nor bu rin po ches
148b5 yog par byas par gyur to/ /'dun khang de'i gzhi ni/ 'jam pa bsgyur du rung ba ste/ 'di lta ste/ dper na/ sum cu rtsa gsum pa'i lha rnams kyi rdo leb ar mo ni ga ltar
148b6 'jam pa/ kha dog bai dUr+ya ltar 'dug pa/ ka tsa len+di ka ltar reg na bde ba/ nyams dga' ba/ sems can mthong ba rnams kyi mig mya ngan las 'da' bar 'gyur ba mi
148b7 dang / lha rnams kyi yid du 'ong ba lta bu'o/ /nor bu rin po che sna tshogs de dag gi nang nas nor bu la la las ni/ me 'byung / la la las ni/ chu 'byung ba sha stag ste/ de
149a1 la'ang la la las ni/ chu kha dog sngon po 'byung / la la las ni/ chu kha dog ser po 'byung / la la las ni/ chu kha dog dmar po 'byung / /
149a2 la la las ni/ chu kha dog dkar po 'byung / la la las ni/ chu kha dog sna tshogs 'byung ngo / /nor bu la la las ni/ bde bar bsil ba'i rlung 'byung / nor bu la
149a3 la las ni/ de ma yin pa'i yo byad gzhan dag bsam pa bzhin du 'byung / la las ni/ snum gyi bya ba byed/ la las ni/ me long gi bya ba byed de/ 'khor de dag
149a4 thams cad kyang nor bu rin po che de'i nang du snang bar gyur to/ /ser skye'i gnas nas sems can gang ji snyed cig rgyu ba de dag thams cad kyang nor bu rin po che de dag gi
149a5 nang du snang bar gyur te/ thams cad dang ldan pa'i 'khor gyis bcom ldan 'das rnam par sprul pa'i cho 'phrul de dag rnam par sprul pa mdzad pa/ nyan thos kyi dge
149a6 'dun dang bcas pa yang nor bu rin po che dag gi nang na bzhugs par mthong bar gyur to/ /'dun khang gi gzhi de'i 'og nas kyang klu'i mthus gdugs rnam pa sna tshogs
149a7 mngon par thon par gyur to/ /rgyal mtshan rnam pa sna tshogs dang / ba dan rnam pa sna tshogs dang / me tog gi lda ldi rnam pa sna tshogs dang / spos kyi lda ldi rnam pa sna tshogs
149b1 dang / rin po che'i lda ldi rnam pa sna tshogs dang / mu tig gi phreng ba rnam pa sna tshogs dang / me tog brtsegs ma'i lda ldi rnam pa sna tshogs dang / rta rnam pa sna tshogs dang / dril
149b2 bu g.yer ka'i dra ba rnam pa sna tshogs kyang thon par gyur to/ /de nas klu'i rgyal po dga' bo dang nyer dga' bo la sogs pa klu bye ba phrag dgu bcus rta de rnams sngon du dkri ste
149b3 rkang gis dong na bcom ldan 'das la lan gsum bskor ba byas te nor bu rin po che ka tsa lin+di ka ltar reg na bde ba dag gis bcom ldan 'das la gtor/ mngon par
149b4 gtor/ mngon par rab tu gtor to/ /'dun khang gi gzhi de nas rin po che gang dag mngon par thon pa de dag thams cad kyang bcom ldan 'das nyan thos kyi dge 'dun dang
149b5 bcas pa'i steng du char bzhin du bab par gyur to/ /klu'i rol mo sil snyan dpag tu med pa de dag kyang steng gi bar snang las sgra 'byin par gyur to/ /de nas klu bye ba phrag dgu
149b6 bcu po de dag gis bcom ldan 'das la lan gsum pa bskor ba byas te bcom ldan 'das kyi zhabs la mgo bos phyag 'tshal nas thal mo sbyar te cang mi zer bar bcom
149b7 ldan 'das rnam par rjes su dran par byed cing mig mi 'dzum par blta la/ 'di ltar sangs rgyas kyi yon tan 'dod pa'i phyir lhag pa'i bsam pas byang chub tu yang dag
150a1 par zhugs par gyur to/ /de nas de dag gis cung zad cig tu mi smra bar bcom ldan 'das kyi yon tan rjes su dran par byas nas so so nas bla gos
150a2 phrag pa gcig la gzar te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de bcom ldan 'das la yan
150a3 lag lngas phyag 'tshal nas tshigs su bcad pa dag gis mngon par bstod pa/ mtshan brgya rdzogs pa brtul zhugs legs spyad pa/ /dka' thub dgyes pa dri med thugs
150a4 rje can| |rin chen 'byung gnas bcas pa'i sa spangs te/ /bde gshegs khyed ni grong khyer mngon par byung / /lo drug par du dka' thub dka' mdzad de/ /rgyal ba khyod kyis
150a5 bdud rtsi ma brnyes kyang / /bde gshegs khyod kyi thugs ni zhum ma gyur/ /thub pa khyod kyis byang chub thugs kyis spyad/ /ji ltar 'dren pa lha mi'i bla ma khyod/ /'gro la phan
150a6 bzhed dka' thub spyad mdzad de/ /'jig rten mgon po sdug bsngal btang gyur pa/ /de thos pas kyang bdag cag yid mi dga'/ /thub pa dbu dang spyan ni btang ba dang / byang chub
150a7 sems ni ji ltar sgrub mdzad pa/ /bde bar gshegs kyi dka' spyad thos gyur na/ /de thos pas kyang bdag cag bde mi 'gyur/ /gang tshe ka ling rgyal po bzod smra bas/ /zhabs
150b1 dang phyag dang snyan rnams gtubs gyur te/ /de bzhin shangs bcad rgyal ba mi 'khrugs pa/ /de thos pas kyang bdag cag yid mi dga'/ /phug ron skyabs su mchis pa ma
150b2 btang ste/ /gang tshe 'dren khyod srang la bcal gyur pa/ /rgyal ba'i de thos pas kyang mi bde ste/ /bde gshegs byang chub spyod pa sdug bsngal che/ /bdag cag mi 'tshal ma lags
150b3 ci zhe na| |bde bar gshegs la 'gro ba gnod bgyis pa/ /ngan song mun par lhung bas bde gshegs kyi/ /sdug bsngal spyod pa dran sa pa mi dga' lags/ /ji ltar 'jig
150b4 rten 'dren pa blo 'phags dang / /bde gshegs spyod pa mi 'tshe blor gyur dang / /sgrub pa'i tshe na de la mi gnod pa/ /'jig rten 'dren pa spyod bde bka' stsal gsol/ /mtha'
150b5 yas blo mnga' bde gshegs spyod pa la/ /thub pa klu tshogs 'di dag rab tu brtson/ /ji ltar khyod kyi bzhin du spyod 'gyur ba/ /de ltar bde gshegs byang chub lam bstan
150b6 gsol| |rga shi ma mchis go 'phang mthor 'tshal zhing / /klu tshogs 'di rnams thub pa skom par gnas/ /'gro ba 'di dag bde bar 'dul 'gyur ba'i/ /brtul zhugs spyod
150b7 pa bde gshegs bka' stsal gsol/ /de nas bcom ldan 'das kyis klu'i mchod pa de dag kyang gzigs/ lhag pa'i bsam pas smon lam btab pa de dag kyang thugs
151a1 su chud nas de'i tshe 'dzum pa mdzad do/ /'di ni/ chos nyid de/ sangs rgyas bcom ldan 'das rnams gang gi tshe 'dzum pa mdzad pa de'i tshe kha dog
151a2 sna tshogs dang / kha dog du ma'i 'od zer bcom ldan 'das kyi zhal gyi sgo nas byung ste/ tshangs pa'i 'jig rten gyi bar du mngon par 'phags nas phyir log ste bcom
151a3 ldan 'das kyi dbu'i gtsug tu nub bo/ /de nas tshe dang ldan pa rta thul gyis de'i tshe bcom ldan 'das la tshigs su bcad de gsol pa/ brtul zhugs bzang po dge
151a4 sbyong thub pa rnams/ /rgyu med rgyal ba 'dzum pa mi mdzad na/ /'dren pa bde gshegs thugs rje che mnga' ba/ /mtshungs med bcom ldan 'dzum rgyu bka' stsal gsol//
151a5 tshogs kyi slob dpon skye bo 'di dag ni/ /'dzum rgyu nyan 'tshal khyod kyi zhal du blta/ /yid ni zhum gyur the tshom 'tshal zhing mchis/ /mkhas pa the tshom rnam par
151a6 bsal du gsol/ /'jig rten mkhas pa ston pa shAkya thub/ /de ring su zhig yid ni yongs su dga'/ /gang gis bdud kyi dbang po mthong gyur te/ /rmongs par bgyis nas
151a7 yid ni mi dgar bgyis/ /tshogs kyi slob dpon 'dren pa su zhig gis/ /bde gshegs chos nyid yab la bsnyen bkur bgyis/ /bde bar gshegs la mchod pa dam
151b1 pa bgyis/ /shAkya seng+ge bka' stsal the tshom khum/ /sor bcu thal mo sbyar ba mgor bzhag cing / /'gro ba 'di dag thub pa'i zhal du blta/ /tshogs kyi slob dpon the tshom bsal
151b2 du gsol/ /'dren pa 'dzum pa mdzad pa'i rgyu yang gsung / /de thos skye bo 'di dag dgar 'gyur te/ /rgyal bas dgongs pa'i tshul yang rtogs par 'gyur/ /bde bar gshegs
151b3 pa 'khor rnams tshim bgyis na/ /gzhan du mi sems nan tan gnas par 'gyur/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal
151b4 pa| thub mkhas 'dren pa tshogs kyi slob dpon gyis/ /tshangs 'dra yan lag brgyad ldan gsung brjod kyi/ /rta thul skyon med sems kyis dad byos la/ /'dzum pa mdzad pa'i
151b5 rgyu de mnyan par gyis/ /klu yi bdag po 'di dag dad gyur te/ /'gro ba zil gyis mnan nas mchod pa byas/ /skye bo bde bar yongs smin bya ba'i phyir/ /sangs rgyas byang chub 'di
151b6 ni yongs su tshol/ /snying rje chen pos rnam 'dren med pa yi/ /'gro ba bltas nas sdug bsngal cis mi bsten/ /'gro ba byang chub rgya chen thob bya la/ 'dren pa dag ni skyo bar
151b7 yong mi 'gyur/ /zhi gnas dge ba ye shes stobs ldan stobs/ /mtshan med stong pa de bzhin smon med pa/ /rnam thar sgo gsum yongs su bsgoms nas su/ /shin tu yongs
152a1 dag yid can be bar 'gro/ /'gro ba mtha' dag mnyam pa nyid rtogs te/ /gang tshe rgyal bas shes rab mtshan thos nas// mnyam pa'i
152a2 sems dang byams dang snying rje thob/ /'gro la snying rje chen po rab bskyed nas/ /snying brtse ldan pa mchog tu snying rje can/ /'jig rten mkhas pa bla na med par 'gyur//
152a3 rgyal ba de dag 'gro 'di mtshungs bsgral nas/ /de dag dgra bcom rnam par 'dren par 'gyur/ /rtag tu bdag med tshig ni nyan byed cing / /'jig rten gtam gyi
152a4 rgyud la 'jug pa ste/ /de dag bde bar gshegs kyi 'chi med thob/ /de na bdud med mu stegs tshogs kyang med/ /'dren pa bde gshegs snying rje ldan pa yi/ /rgyal
152a5 ba de dag 'gro ba kun mos byed/ /bde gshegs bka' dang tshig rnams thams cad dang / /bde bar gshegs kyi dgongs la mos byed 'gyur/ /srid par bde gshegs
152a6 rnams kyi spyad spyod cing / /rab bder 'gro ba yongs smin byed par 'gyur/ /mtshungs med thub pa bde bar myur du yang / /yongs su 'tshang rgya 'chi med thob par 'gyur/ /thob
152a7 nas 'gro ba dag kyang mos par 'gyur/ /skye bo kun kyang gzugs kyi mchog dang ldan/ /'gro ba thams cad bde gshegs de dag gi/ dgongs pa'i tshig ni mngon du shes
152b1 par 'gyur/ /phyugs dang bya dang gnod sbyin mi de dag /rang byung dgongs min cung zad byed mi 'gyur/ /de dag kun tu chos rtogs dran dang ldan/ /bde bar gshegs rnams
152b2 'chi med thob par 'gyur/ /de dag tshig thos sems can gang yang ni/ /bstan pa de la mi dgar 'gyur ba med/ /bde gshegs de dag gsung la dga' ba yi// 'gro ba 'chi
152b3 med yang dag thob par 'gyur/ /de tshe 'gro bas rgyal ba'i dgongs legs rtogs/ /rga ba dang ni na dang 'chi ba dang / /mya ngan smre sngags 'don las yongs su dgrol/ /
152b4 tshig de thos nas ngar 'dzin med par 'gyur/ /klu yi bsam pa shAkya seng+ge la/ /yongs su zhus nas ji ltar de dag rnams/ /gzhal yas byang chub thob nas thub rnams kyi/ /
152b5 ye shes 'jug 'gyur de skad sras la bstan/ /klu rnams lung bstan yid du 'ong ba yi/ /rgyal ba'i gsung thos 'khor rnams yid dga' ste/ /de la yid ni rab tu zhi gyur
152b6 nas| |dga' ba'i yid kyis rgyal ba'i skyabs su song / /klu lung bstan pa'i le'u ste/ brgyad pa'o// //de nas grul bum bye ba phrag bco brgyad kyis lha ma
152b7 yin rnams dang / nam mkha' lding rnams dang / klu'i bu mo rnams dang / klu rnams kyi mchod pa yang mthong / /lung bstan pa yang thos nas tshim zhing mgu la yid rangs te
153a1 rab tu dga' zhing dga' ba dang / yid bde ba skyes nas ngo mtshar thob par gyur to/ /'di ltar de bzhin gshegs pa la shes rab kyi mnga'
153a2 rgya chen po mnga' zhing / 'di ltar bcom ldan 'das la mchod pa chen po 'di lta bu byas pas kyang ngo mtshar du mi dgongs te/ 'di lta ste/ dper na/ rgya mtsho chen po ni/
153a3 rgya che zhing yongs su rgyas pa yin pas mtho ba'am dma' bar mi 'gyur ro/ /de bzhin du bcom ldan 'das kyang chos thams cad la the tshom mi mnga' zhing yon tan thams
153a4 cad yongs su rdzogs la/ thams cad mkhyen pa'i ye shes yangs pa mnga' bas mchod pa 'di lta bu dag bzhes kyang mtho ba'am dma' bar mi 'gyur zhing / ngo
153a5 mtshar du mi dgongs pa ni/ ngo mtshar shin tu che'o/ /snyam mo/ /de nas grul bum bye ba phrag bco brgyad po de dag gis bdag cag nyid kyi mchod pas bcom ldan 'das
153a6 la mchod pa'i phyir rin po che sna bdun gyi bla re bye ba phrag bco brgyad mngon par sbrul te/ 'di lta ste/ gser gyi skud pa'i bla re dang / dngul gyi skud pa'i bla re dang / bai
153a7 DUR+Ya'i skud pa'i bla re dang / shel gyi bla re dang / mu tig dmar po'i bla re dang / spug gi bla re dang / rdo'i snying po'i bla re sha stag go /rin po che'i bla re de dag la yang
153b1 me tog sna tshogs kyi phreng ba'i lda ldi mngon par sprul te/ gser gyi skud pa'i bla re rnams la ni/ dngul gyi me tog gi phreng ba'i lda ldi bkye/ dngul gyi skud pa'i bla re rnams
153b2 la ni| gser gyi me tog gi phreng ba'i lda ldi bkye/ bai DUR+Ya'i bla re rnams la ni/ shel gyi me tog gi phreng ba'i lda ldi bkye/ shel gyi bla re rnams la ni/ bai DUR+Ya'i me tog
153b3 gi phreng ba'i lda ldi bkye/ mu tig dmar po'i bla re rnams la ni/ spug gi me tog gi phreng ba'i lda ldi bkye/ spug gi bla re rnams la ni/ mu tig dmar po'i me tog gi phreng ba'i
153b4 lda ldi bkye/ rdo'i snying po'i bla re rnams la ni/ shel gyi me tog gi phreng ba'i lda ldi bkye ba sha stag mngon par sprul to/ /shing rta bkra ba blta na sdug pa bye ba phrag bco brgyad
153b5 kyang mngon par sprul te/ de dag kyang gser nas rdo'i snying po'i bar du shing rta de dag gi steng du rin po che sna bdun gyi gdugs thur ma brgya pa gser gyi yu ba can dang / bai
153b6 DUR+Ya'i yu ba can dang / shel gyi yu ba can bye ba phrag bco brgyad mngon par sprul to/ /gdugs de dag la rin po che rnam pa sna tshogs kyi lda ldi mngon par sprul te/ 'di lta
153b7 ste| gser gyi me tog gi lda ldi dang / dngul gyi me tog gi lda ldi dang / bai DUR+Ya'i me tog gi lda ldi dang / shel gyi me tog gi lda ldi dang / mu tig dmar po'i me tog gi lda ldi
154a1 dang / klu'i nor bu'i me tog gi lda ldi sha stag go /mu tig dmar po'i dra ba dag kyang mngon par sprul to/ /de dag gis gdugs de dag dang / me tog gi phreng ba de dag gi
154a2 gzugs byas so/ /grul bum gyi rol mo'i sil snyan dag kyang mngon par sprul to/ /shing rta de dag re re zhing yang bla re de dag re re rjes su 'brang bar 'gyur to/ /de nas grul
154a3 dum de dag rin po che sna bdun gyi shing rta de dag la zhon te/ rin po che sna bdun gyi gdugs dang / bla re dang / me tog de dag gis bcom ldan 'das la mngon par gtor
154a4 te mchod pa byed cing bcom ldan 'das la steng gi bar snang las lan gsum bskor to/ /bskor nas shing rta de dag las babs te/ bcom ldan 'das kyi zhabs la
154a5 mgo bos phyag 'tshal nas phyogs gcig tu 'khod de/ bcom ldan 'das la tshigs su bcad pa dag gis mngon par bstod pa/ thams cad du yang mi bsnyengs
154a6 mnga' dbang can/ /thub pa chen po mi mtho mi dma' ste/ /ri yi rgyal po lhun po'i ri 'dra ba/ /mchod pa rgya chen 'di dag bzhes su gsol/ /'gro ba thams cad ming
154a7 dang mtshan ma dang / /tha snyad tsam mkhyen thub pa chags mi mnga'/ /'dren pa khyod kyis ting 'dzin zhi bsgrubs pas/ /shes rab ldan pa dregs pa yong mi mnga'/ /
154b1 rgyal ba khyod kyis 'gro ba sgyu 'drar mkhyen/ /rang bzhin stong ste rmi lam dag 'dra dang / /chu zla nam mkha'i smig rgyu lta bur ni/ /bde bar gshegs pas 'gro ba 'di dag gzigs/ /
154b2 dri za'i grong khyer ji ltar snang gyur kyang / /grong khyer de ni phyogs bcu kun na med/ /gzhan du grong khyer de ni ming tsam ste/ /de bzhin bde bar gshegs pas 'gro 'di gzigs/ /mchod
154b3 pa 'di kun brag ca ji bzhin te/ /shing rta gdugs dang bla re sil snyan dang / /me tog rgyal mtshan thal mo sbyar bgyis pa/ /brag ca ji bzhin de dag de ltar gda'/ /'dren pa
154b4 mchod pa 'di bgyis bdag cag kyang / /sangs rgyas rkang gnyis mchog tu myur 'gyur shog /rmi lam 'dra bar 'gro ba bdag cag gis/ /rtogs bgyis rgyal ba khyod bzhin
154b5 bstan par bgyi/ /nad dang rga shis yongs su gtses gyur pa'i/ /skye bo mthong nas bdag cag rnams kyis kyang / /byang chub myur thob rga shi med pa'i gnas/ /gang thos grol 'gyur
154b6 'gro la bstan par gyis/ /bdag cag byang chub lam mchog sangs rgyas nas/ /sems can blo stor rnams la bstan par bgyi/ /thub pa'i 'khrugs med chos rnams rab stan
154b7 pa| |mya ngan 'das mchog sems can bstan par bgyi/ /de nas bcom ldan 'das kyis grul bum de dag gi lhag pa'i bsam pa thugs su chud nas 'dzum pa mdzad do/ /de
155a1 nas tshe dang ldan pa rta thul gyis bcom ldan 'das la tshigs su bcad de gsol pa/ ston pa rgyu med 'dzum pa mi mdzad de/ /rnam 'dren 'jig
155a2 rten mkhas la mtshar mi mnga'/ /ngo mtshar 'gyur med rgyal bas 'dzum mdzad na/ /'dzum rgyu legs par bka' stsal nyan par 'tshal/ /rgyal ba'i zhal nas 'dzum pa
155a3 mdzad mthong nas/ /'gro ba 'di dag the tshom som nyi 'tshal/ /the tshom 'tshal ba rnams kyi the tshom khum/ /mi yi dbang po 'dzum pa'i rgyu yang gsungs/ /gang gis de ring
155a4 chos la yid bzhag 'gyur/ /de ring gang gis chos kyi rgyal yab mthong / /deng sus sangs rgyas bsngags pa'i mchod pa bgyis/ /mi yi dam pa bdag ni nyan par 'tshal/ /
155a5 de ring 'dus byas sdug bsngal shes gyur nas/ /gang gis 'du byed gyur pa'i yid gcig bcom/ /gang zhig yang dag mtha' la mi g.yo gnas/ /rnam dag thugs mnga'
155a6 bdag ni nyan par 'tshal/ /de ring su yis 'khor bcas bdud rnams bcom/ /thub pa ston pa deng sus mnyes par gyis/ /'dren pa su zhig de ring gting rnyed gyur/ /the
155a7 tshom mchis te deng bdag de nyan 'tshal/ /'dzum mdzad de yi don ni mnyan slad du/ /'gro ba kun kyang thal mo sbyar cing gnas/ / 'dren pa the tshom 'tshal ba'i the tshom
155b1 sol| |rkang gnyis dam pas lung yang bstan du gsol/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal ba/ rta thul khyod kyis dri ba
155b2 legs par dris/ /'dzum pa'i rgyu 'di yongs su dris pas na/ /'gro ba'i don yang khyod kyis byas par 'gyur/ /de don bstan byas rta thul mnyan par gyis/ /grul bum tshogs
155b3 kyis nga la mchod byas te/ /zhi ba'i chos la de dag yid kyang bzhag /mtshar med nga mthong nas ni ngoms gyur te/ zhi ba'i chos la de dag yid kyang bzhag /de dag rnams kyis
155b4 de ring nga mchod de/ /zhi ba'i chos la blo gros rnam par btang / /lam stor skye bo rnams la snying brtse zhing / /bsam pa thag pas snying rje chen po bskyed/ /snying rje bas ni nga la
155b5 mchod pa byas/ /rab tu lam stor rnams la byams par bsam/ /mkhas pa de dag las de byas pas na/ /grul bum skye gnas shi 'phos brtul zhugs bzung / /brgya byin
155b6 lha yi drung du 'gro bar 'gyur/ /thugs thub byams don mdzad ston drung du 'dod/ /des ni cung zad yang dang yang bstan te/ /phyir zhing chos la the tshom med par 'gyur/ /de dag
155b7 bskal pa gang+gA'i bye snyed du/ /zhing nas zhing du rnam par rgyu byed cing / /bdag nyid chen po'i chos la mchod pa byed/ /go cha chen po rab tu bgo byed kyi/ /de dag skye bo med par
156a1 'jig rten khams/ /khrag khrig mtha' yas rnam par spyad par 'gyur/ /skye bo mang po'i don byed 'dren 'gyur te/ /ngo mtshar med ces bya ba'i rgyal
156a2 bar 'gyur/ /de dag zhing rnams gang du 'gro rgyu ba/ /der ni 'gro bas rgyal ba byung bar shes/ /de dag thabs kyis ma 'ongs dus dag na/ /ngo mtshar med par skye bo rnam
156a3 grol byed/ /rgyal ba ngo mtshar med pa zhing sbyong zhing / /rdzogs pa'i byang chub bla med zhi ba tshol/ /de dag tshol ba la yang mi gnas te/ /'di ltar bla med byang chub
156a4 gnas phyir ro/ /de ltar 'dzum rgyu rgyal bas lung bstan cing / /bde bar gshegs pas 'jig rten dogs bsal te/ /grub bum mchod pa'i 'bras bu des thob
156a5 nas| |'gro ba the tshom bsal te dga' bar 'gyur/ /grul bum lung bstan pa'i le'u ste/ dgu pa'o// //de nas de'i tshe dri za bye ba phrag sum cu rtsa
156a6 drug gis lha ma yin rnams dang / nam mkha' lding rnams dang / klu'i bu mo rnams dang / klu rnams dang / grul bum rnams kyi mchod pa yang mthong / lung bstan
156a7 pa yang thos nas tshim zhing mgu la yid rangs te rab tu dga' zhing dga' ba dang / yid bde ba skyes nas ngo mtshar thob par gyur te/ 'di ltar de bzhin gshegs pas
156b1 chos kyi dbyings 'gyur ba med pa yang dag par bka' stsal/ bya ba rnams kyang yang dag par bstan te/ dge ba'i rtsa ba 'phel ba yang bstan la/ chos gang la yang lung
156b2 bstan pa med par yang yang dag par bstan pa 'di ni/ ngo mtshar rmad do/ /snyam nas de dag gis chos de lta bu khong du chud de/ de bzhin gshegs pa la rim gro bya
156b3 ba'i sems rgya chen po skyes nas bla na med pa yang dag par rdzogs pa'i byang chub tu mos par gyur te/ rab tu dga' ba'i yid dang ldan pa de dag bcom ldan 'das la
156b4 mchod pa'i phyir brtson par gyur te/ glang po che'i rgyal po sa srung gi bu bye ba phrag sum cu rtsa drug mngon par sprul to/ /glang po che sa srung gi bu de dag re re zhing mgo bye ba
156b5 phrag sum cu rtsa drug drug /mgo bo re re zhing so bye ba phrag sum cu rtsa drug drug/ so re re la rdzing bu bdun bdun/ rdzing bu re re zhing yang pad+ma bdun bdun/ pad+ma re re zhing yang
156b6 'dab ma bye ba phrag stong stong / 'dab ma re re zhing lha'i bu mo bdun bdun/ lha'i bu mo re re zhing yang 'khor rgyan thams cad kyis brgyan pa lha'i bdug spos thogs pa
156b7 bdun bdun zhing pad+ma'i lo ma'i mtha' mtha' na 'khod pas bskor ba mngon par sprul te/ glang po che sa srung gi bu de dag gi mgo re re la yang rin po che sna bdun gyi gdugs
157a1 nas rin po che sna bdun gyi dra ba dag gis gdugs byas pa dang / rin po che sna bdun gyi lda ldi bres pa'i bar dang ldan pa bye ba phrag sum cu rtsa
157a2 drug drug mngon par sprul to/ /glang po che'i mgo thams cad la yang lha'i spos kyi bla re sna tshogs rin po che sna tshogs kyi lda ldi bres pa sha stag mngon par sprul to/ /de
157a3 nas dri za de dag glang po che sa srung gi bu bye ba phrag sum cu rtsa drug po de dag la zhon te lha'i rol mo'i sil snyan len cing nam mkha' las rgyu ste/ bcom ldan 'das la
157a4 lan sum cu rtsa drug tu bskor ba byas nas lha'i tsan+dan gyi phye mas bcom ldan 'das la gtor/ mngon par gtor/ mngon par rab tu gtor to/ /lha'i a ga ru'i phye ma
157a5 dang / lha'i ta ma la'i phye ma dang / ut+pa la'i phye ma dang / lha'i gser phye dang / lha'i me tog man+dA ra ba dang / man+dA ra ba chen po dang / many+dzu sha ka dang / many+dzu sha ka
157a6 chen po dang / pa ru sha ka dang / pa ru sha ka chen po dang / mdog dkar dang / mdog dkar chen po dag gis bcom ldan 'das la gtor/ mngon par gtor/ mngon
157a7 par rab tu gtor to/ /gser dang / dngul dang / bai DUR+Ya dang / shel dang / spug dang / mu tig dmar po dang / rdo'i snying po'i me tog rnams dang / sprul pa'i me tog
157b1 rnams kyis bcom ldan 'das la gtor/ mngon par gtor/ mngon par rab tu gtor to/ /spos kyi bla re de dag la spos kyi ngad 'byung ste 'gro zhing ldog go /lha'i spos chu
157b2 rnam pa sna tshogs kyi char yang steng gi bar snang las mngon par bab bo/ /spos chu'i char de mngon par bab pas kyang ser skya'i gnas kyi grong khyer chen po 'khor yug tu dpag
157b3 tshad drug cu tshun chad spos chus rdzab tu gyur te/ spos chu'i rdzab de'i dris stong gsum gyi stong chen po'i 'jig rten gyi khams thams cad rgyas par gang bar gyur nas sems
157b4 can gang dag gis spos kyi dri de tshor bar gyur pa dang / rol mo sil snyan de dag gi sgra thos par gyur pa de dag thams cad kyang bla na med pa yang dag par rdzogs pa'i byang chub
157b5 las phyir mi ldog par gyur to/ /de ltar dri za re res kyang bcom ldan 'das la mchod pa'i phyir glang po che sa srung gi bu mgo bye ba phrag sum cu rtsa drug la lha'i bu mo glu len
157b6 pa dang / gar byed pa 'khod pa dag gi mchod de skye bo thams cad kyang 'dun par byas so/ /lha'i bu mo de dag las la la ni/ lus kyi tshul bsgyur/ la la ni/ tsan+dan dang /
157b7 a ga ru dang / ta ma la'i lo ma'i bye ma 'thor/ la la ni/ lha ma yin gyi lha rdzas kyi phye ma dang spos rnam pa sna tshogs kyi phye ma 'thor/ /la la ni/ me tog man+dA ra ba dang /
158a1 man+dA ra ba chen po nas skya snar khra bo dang / skya snar bkra chen gyi bar gyi me tog dang / sprul ba'i me tog rnams 'thor/ la la ni/ gser gyi me
158a2 tog nas rdo'i snying po'i bar gyi me tog dang / dbyig dang / gser dang / rin po che snyim pas blangs te bcom ldan 'das la mngon par 'thor/ la la ni/ na bza'
158a3 dag 'thor/ la la ni/ zhabs kyi rgyan dang / sku rags dang / gser gyi phreng ba rin po ches spras pa'i bar dag 'bul lo/ /la la ni/ gser gyi dra ba dag 'dzin/
158a4 la la ni| rin po che thams cad kyi rgyal mtshan dang / rin po che'i ba dan kha dog sna tshogs dang tshon sna tshogs can 'dzin/ la la ni/ lha'i spos chu'i char 'bebs
158a5 te| lha ma yin gyi bu mos tshigs su bcad pa dag gis bcom ldan 'das la mngon par bstod pa'i bar snga ma bzhin no/ /de nas dri za de dag glang po che'i rgyal po sa
158a6 srung gi bu de dag la zhon nas bcom ldan 'das la bskor ba byed byed pa las glang po che sa srung gi bu de dag las babs te/ yang bcom ldan 'das la lan gsum
158a7 bskor ba byas nas zhabs la mgo bos phyag 'tshal te thal mo sbyar nas phyogs gcig tu 'khod do/ /bcom ldan 'das la tshigs su bcad pa dag gis mngon par
158b1 bstod pa/ bcom ldan bde gshegs srid pa mthar 'byin pa/ /srid pa'i bcings las 'gro ba rnam grol mdzad/ /khyod 'dra srid gsum gang na'ang ma mchis te/ /khyu
158b2 mchog khyod ni gzugs dang mtshan mchog mnga'/ /mi mchog khyod kyis sa chen 'di steng du/ /grags pa mtha' yas mnga' bas ngo mtshar bstan/ /'gyur bgyid chos ni gang
158b3 yang ma mchis la/ /dge ba'i tshogs la 'gro ba rab tu bkod/ /bde gshegs 'gyur ba med pa'i de bzhin nyid/ /brjod pa tsam ste gzhan ni ci ma mchis/ /tha snyad
158b4 gdags dang tha snyad 'dogs ma mchis/ /'on kyang bde gshegs khyod kyis 'gro ba sbyong / /bde bar gshegs pas song med 'ong med dang / /gnas med rang bzhin
158b5 gyis ni stong pa dang / /chos rnams 'di dag rang bzhin med ces bstan/ /rgyal ba mchog gis bya ba rnams kyang bstan/ /chos rnams gang yang bya ba med ma mchis/ /'jig
158b6 rten gtso bo bya ba'ang yongs su bstan/ /bdag dang gzhan gyi yon tan mi dgongs la/ /bcom ldan 'das kyis bgyi ba kun kyang bstan/ /shing rta yan lag rnam pa sna tshogs/
158b7 dag /bdag dang gzhan gyi yon tan mi sems kyang / /shing rta'i bgyi ba dag kyang bgyid par 'gyur/ /de bzhin chos kun bde bar gshegs pas gsungs/ /chos ni chos
159a1 la yongs su bskul mi bgyid/ /chos ni chos la dran par bgyid ma mchis/ /chos rnams chos la nye bar mi brten te/ /chos rnams gang
159a2 yang ma skyes mchi ma mchis/ /'gro ba 'di dag kun rdzob mngon par gsungs/ /kun rdzob de yang de ni ma mchis te/ /'gro ba 'di kun kun rdzob ji bzhin zhes/ /tshogs
159a3 kyi slob dpon khyod kyis yongs dag gsungs/ /mig gi rang bzhin gang na'ang ma mchis la/ /bde bar gshegs pas bya ba rnam par bzhag /chos tshul 'di 'dra
159a4 yongs su bstan pa na/ /'jig rten mkhas pas shin tu ngo mtshar mdzad/ /de bzhin bdag cag bde gshegs nyid gyur te/ /nor ba'i 'gro ba blo gros stor ba rnams/ /
159a5 chos kyis chos kyi tshul la bzung bgyis te/ /zhi ba'i go 'phang 'chi med thob par bgyi/ /rnam par 'dren pa khyod ni ci 'dra bar/ /'dren pa bde gshegs grags pa mtha'
159a6 yas pa| |thugs rje ldan pa phan bzhed 'jig rten mkhas/ /bsod nams brgya yi mtshan dang ldan par shog /ji ltar bde gshegs khyod bzhin bdag cag gis/ /
159a7 nga rgyal bsgrubs pa'i 'gro ba sdug bsngal ba/ /'dod pa'i yon tan rgyun gyi rjes 'gro ba/ /mngon dga' sdug bsngal brgya las yongs su dgrol/ /ji ltar bde gshegs
159b1 khyod bzhin bdag cag gis/ /'gro ba sdug bsngal gnod pa myong 'gyur la/ /g.yo yi zhags pas zin cing mu ma mthong / /yongs 'thob spre'u ltar rgod pa yongs su
159b2 dgrol| |ji ltar bde gshegs khyod bzhin bdag cag gis/ /'gro ba mi mkhas mig dang bral ba yi/ /sna tshogs yongs skyo gnyid kyis log gyur cing / /bdag nyid
159b3 las kyi 'bras bu chud zin dgrol/ /de nas bcom ldan 'das kyis dri za bye ba phrag sum cu rtsa drug po de dag gi lhag pa'i bsam pa thugs su chud nas 'dzum pa mdzad
159b4 do| |de nas tshe dang ldan pa rta thul gyis bcom ldan 'das la tshigs su bcad de gsol pa/ bde gshegs mtha' yas gzigs pas 'dzum pa mdzad/ /'dren pa
159b5 rgyu ma mchis par mi 'dzum na/ /bde gshegs 'dzum pa'i rgyu ni myur du gsungs/ /nem nur gnod gyur rnams kyi the tshom sol/ /bde gshegs khyod kyi zhal gyi 'dzum
159b6 mthong nas/ /skye bo 'di dag the tshom rnyed par gyur/ /'dzum pa'i don ni de dag nyan par 'tshal/ /thub chen 'gro ba'i the tshom bsal du gsol/ /bde bar gshegs kyi
159b7 bstan la su zhig zhugs/ /the tshom bral zhing som nyi bsal bar gyur/ /bcom ldan 'das kyis gang gi bsam mkhyen nas/ /mi yi mchog gis 'dzum pa bstan pa
160a1 mdzad| |su zhig bde gshegs bka' stsal tshul bzhin du/ /blo gros rtogs pa chos bzhin gnas par gyur/ /gang gi blo gros dran rtogs blo
160a2 mkhyen nas/ /bde gshegs 'gro ba'i nang du 'dzum pa mdzad/ /'gro ba 'di dag blo gzhan yongs btang ste/ /bde gshegs 'dzum don zhal nas thos par dga'/ /sor
160a3 bcu thal sbyar mgo la bzhag bgyis shing / /dga' ba'i yid kyis ston pa'i zhal du blta/ /nyon mongs bral zhing mya ngan rab spangs pa/ /dgyes pa'i thugs mnga'
160a4 thub chen 'jig rten mig /'gro ba yid gnyis som nyi bsal du gsol/ /rgyal ba thugs rje ldan pas 'dzum rgyu gsungs/ /de nas bcom ldan 'das kyis tshe dang ldan pa
160a5 rta thul la tshigs su bcad de slar bka' stsal pa/ 'gro ba'i don du 'dzum pa ngas bshad pa/ /khyod kyis don dris mthun zhing legs pa ste/ /'dzum pa de yi don ni lung
160a6 bstan pa/ /skye bo'i tshogs chen don ni de ring 'phel/ /'dzum mdzad rgyu de rta thul mnyan par gyis/ /rnam par 'dren pa 'dzum pa 'di mdzad pa/ /de ni ma log par yang
160a7 ngas bstan gyis/ /bstan pa de la dga' ba'i sems kyis nyon/ /dri za 'di rnams chos kyi rjes bsnyegs shing / /bde bar gshegs la mchod pa 'di dag byas/ /chos nyid
160b1 'byung bar 'gyur ba med pa ste/ /chos nyid zad par 'gyur ba'ang med pa yin/ /rgyal ba rnam rtog sgyu ma lta bur gnas/ /rtog par mi byed de dag rmongs par 'gyur/ /gang gis
160b2 chos gang rjes su brjod bya ba/ /des ni de nyid stong zhes bde gshegs gsungs/ /de dag nga yi tshig de rtogs gyur nas/ /rta med glang po mchog gis mchod pa byas/ /byang chub
160b3 rga med 'chi med tshol byed cing / /dri za'i rgyal po rnams kyis nga mchod do/ /nor ba'i 'gro la snying rje bskyed nas ni/ /thams cad mkhyen pa nyid du 'di dag mos/ /'di dag nga la
160b4 mchod pa 'di byas pa/ /dri za'i ris bor dga' ba'i yid gyur te/ /blo gros bzang rnams lha rnams lha yul pa/ /brgya byin lha 'dus par ni 'gro bar 'gyur/ /de dag sangs
160b5 rgyas bde gshegs rdul med pa/ /bye ba khrag khrig mang la mchod byed 'gyur/ /zhing nas zhing du rjes su rgyu byed cing / /de dag la ni mkhas pa chos kyang nyan/ /de dag bde gshegs
160b6 spyod pa yongs su skyong / /de dag zhing yang rtag par yongs dag 'gyur/ /rgyal ba'i gdung 'dzin de dag sems can ni/ /khrag khrig mang po dag la byang chub ston/ /'gro ba
160b7 'di dag rang bzhin stong rig nas/ /bde gshegs 'gro ba dag la ston par 'gyur/ /rgyal ba thams cad mkhyen cing kun gzigs pa/ /rdul med bskal pa khrag khrig bzhugs
161a1 par 'gyur/ /sangs rgyas mtshan ni mtha' yas rtogs pa ste/ /sangs rgyas re re khrag khrig phrag mang ba'i/ /bskal pa rnams su rdul med gnas
161a2 par 'gyur/ /thams cad mkhyen pa'i lam 'di rjes su ston/ /rgyal ba thub pa nyon mongs bcom pa yis/ /de ltar de tshe dri zas mchod lung bstan/ /rta thul gyis ni 'dzum
161a3 pa'i don zhus pa/ /dri za lung bstan pa ni bshad pa mdzad/ /dri za lung bstan yid du 'thad 'gyur ba/ /de thos nas ni 'gro ba thams cad dga'/ /der ni bde bar gshegs
161a4 kyi gsung thos na/ /shAkya thub la thams cad skyabs su dong / /dri za lung bstan pa'i le'u ste/ bcu pa'o// //bam po lnga pa/ de nas gnod sbyin bye ba
161a5 phrag brgyad cus lha ma yin rnams nas dri za'i bar de dag gi mchod pa yang mthong / lung bstan pa yang thos nas tshim zhing mgu la yid rangs te rab tu dga' zhing
161a6 dga' ba dang / yid bde ba skyes nas bcom ldan 'das kyi shes rab kyi rnam pa la rim gro chen po bskyed de chos nyid la 'jug pa yang thos nas ston pa'i 'du
161a7 shes skyes par gyur to/ /bcom ldan 'das kyang blo zad mi shes pa'i 'du shes skyes par gyur te/ de dag gis bcom ldan 'das blo zad mi shes pa zhes bya bar
161b1 rig nas sangs rgyas kyi chos rnams la 'dod pa skyes par gyur to/ /sangs rgyas kyi chos rnams la 'dod pa skyes par gyur nas bcom ldan 'das la mchod pa'i phyir
161b2 brtson par gyur te tshigs su bcad pa dag gis bcom ldan 'das la mngon par bstod pa/ mngon shes stobs ni kun tu mtha' yas te/ /rgya mtsho'i chu 'dzin pad+ma
161b3 'tshal dang 'dra/ /de bas mtshungs med 'jig rten phan mdzad pa/ /mi yi seng+ge khyod la 'di ltar bstod/ /ri rab srang la gzhal bar nus kyang gda'/ /gzi brjid chen
161b4 po nam mkha' gzhal rung gda'/ /shes rab mchog mnga' bde gshegs ye shes stobs/ /tshad gzung dag par nus pa yong ma mchis/ /'gro ba kun gyi bsam pa
161b5 thugs su chud/ /skye bo drang rung mi rung btul min pa/ /de dag las kyi rnam pa mngon par mkhyen/ /de bas mtshungs med kun tu mtha' yang yas/ /de dag ci 'dra'i khams
161b6 la brten pa dang / /de dag sems rgyud ci 'drar 'byung ba dang / /de dag mos pa ci 'dra ma lus mkhyen/ /de bas mtshungs med kun tu mtha' yang yas/ /'dod chags spyod
161b7 dang de bzhin zhe sdang spyod/ /mi yi gti mug spyod pa de bzhin mkhyen/ /phrag dog rnam pa'ang de bzhin mkhyen pa ste/ /de bas mtshungs med kun tu mtha' yang yas/ /'gro ba 'di
162a1 dag lam rgyud gar 'khyams pa/ /de dag mtshungs med rnams kyis rab tu mkhyen/ /de la ye shes rgyun du rab 'byung bas/ /de bas mtshungs med
162a2 kun tu mtha' yang yas/ /bde bar gshegs pas 'gro kun rab tu gzigs/ /chud za'i lam rgyud gang du 'khyams gyur cing / /byams pa'i stobs las rab tu
162a3 nyams gyur ba/ /de dag ma lus khyod kyis rab tu gzigs/ /'gro ba rnams ni ji srid dus gnas shing / /ci 'dra'i sdug bsngal de dag reg 'gyur dang / /lus kyi rnam
162a4 pa ci 'dra 'chang ba rnams/ /de dag 'dren pa khyod kyis rab tu gzigs/ /mi yi seng+ges lta ba ci 'dra dang / /gang gis sdug bsngal rnam pa 'thob 'gyur bar/ /gang la
162a5 brten cing las rnams bgyid 'gyur ba/ /de dag rnams kyang 'dren pas rab tu gzigs/ /de dag rgyal ba'i bstan la rab byung ste/ /rnam par thar pa'i sgo ni gang zhig
162a6 gis| |ci 'dra'i lam la de dag brten bgyis shing / /ci 'dra'i zhi ba 'thob 'gyur khyod kyis mkhyen/ /byis pa gang rnams bde gshegs bstan pa la/ /rab tu
162a7 byung zhing 'jig rten mkhas pa yi/ /bstan pa rab phra ji ltar spong 'gyur ba/ /de dag rnams kyang 'dren pas rab tu gzigs/ /'jig rten phan pa'i bstan la brnyas
162b1 bgyis pas/ /dmyal ba chen po ji srid gnas pa dang / /ci 'dra sdug bsngal de dag myong 'gyur ba/ /de dag rnams kyang 'dren pas rab tu gzigs/ /gang dag rgyal ba rnams la
162b2 dad bskyed de/ /rab tu byung nas rgyal ba'i bstan 'dzin cing / /chos kun stong pa nyid du yongs brtags nas/ /mtshan ma thams cad rnam par gzhig bgyis shing / /'gro rgyud kun
162b3 tu smon pa rnams spangs te/ /lus 'di sgyu ma 'dra bar rab brtags nas/ /phung po brag ca 'dra bar rtogs gyur te/ /byang chub sems ldan de dag rab tu gzigs/ /mgon po
162b4 khyod la bstod pa'i bsod nams gang / /mtshungs med khyod kyis ji ltar thugs chud pa/ /de yis bla med sangs rgyas grub par shog /'gro ba kun kyang rang byung thob gyur
162b5 cig /de nas bcom ldan 'das kyis de'i tshe gnod sbyin bye ba phrag brgyad cu po de dag gi lhag pa'i bsam pa thugs su chud nas 'dzum pa mdzad do/ /de nas tshe dang ldan pa
162b6 rta thul gyis bcom ldan 'das la tshigs su bcad de gsol pa/ mi yi seng+ges 'dzum pa 'di mdzad pa/ /mi yi zla ba rang byung gyur pa ni/ /rgyu ma mchis par 'dzum pa mi
162b7 mdzad na/ /'dzum pa de yi rgyu ni bka' stsal gsol/ /ston pa'i zhal nas 'dzum pa de mthong nas/ /bcom ldan 'jig rten 'di dag the tshom 'tshal/ /mgon pos de dag
163a1 the tshom bsal du gsol/ /'jig rten 'di dag dga' ba'i yid du 'gyur/ /de ring su zhig rgyal la dad pa bskyed/ /gang gis chos rgya chen po
163a2 rnam par rtogs/ /gang gis sems ni bsgul nas gnas par gyur/ /de dag rgyal bas 'gro ba bstan du gsol/ /de ring 'khor rnams the tshom che 'tshal zhing / /kun kyang
163a3 rgyal ba'i zhal du blta zhing sdod/ /ci nas the tshom ma mchis kun 'gyur ba/ /de ltar dpa' bos the tshom bsal du gsol/ /de ring 'di ni gang gi rnam 'phrul lags/ /
163a4 gang gis brtson 'grus bzang po 'di bstan lags/ /gang zhig khyod dang 'dir mjal don mchis 'gyur/ /de ni legs par 'gro la bka' stsal gsol/ /rgyal ba
163a5 'gro ba dag la phan bzhed pa/ /the tshom 'tshal ba yid gnyis legs bsal gsol/ /de thos lha dang bcas pa'i 'jig rten rnams/ /dga' zhing mgu ba dag kyang 'thob
163a6 par 'gyur/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ rta thul khyod kyis dri ba legs par dris/ /de ring
163a7 'gro ba dag gi don chen byas/ /rang byung 'dzum mdzad rgyu ni dris pas na/ /ston pa'i dgongs pa'ang khyed kyis legs par mthong / /de dag lung bstan ma lus bstan
163b1 par byas/ /gnod sbyin tshogs kyi yid ni gzigs gyur nas/ /'gro la phan pa'i don du 'dzum mdzad pa/ /dad pa'i yid kyis rta thul mnyan par gyis/ /rgyal ba'i byang chub
163b2 zhi ba shes gyur nas/ /gnod sbyin tshogs kyis mos pa'i sems bskyed de/ /'byung po'i tshogs dbus sangs rgyas bstod byas nas/ /byang chub dam pa mchog tu yid kyang
163b3 btang / /chos rnams stong pa nyid du shes bya dang / /mtshan ma thams cad rnam par gzhig pa'i phyir/ /'gro ba kun tu smon pa rnams spangs shing / /byang chub mchog tu de
163b4 dag yid kyang btang / /rnal 'byor stobs kyis phung po rnams bshig cing / /kun rdzob tsam du rig nas mi chags te/ /srid pa kun tu chu la pad+mo bzhin/ /byang chub mchog tu
163b5 de dag yid kyang btang / /de dag srid pa gang du chags 'gyur ba/ /stong par bshig ste thams cad legs rtogs pa/ /de nyid rgyal ba'i bla med byang chub ste/ /byang chub phyir ni
163b6 dben pa'i brtul zhugs shes/ /skye dang rga shi yong gis stong pa ste/ /de ni rgyal ba'i bla med byang chub yin/ /dngos po'i rang bzhin stong par shes gyur nas/ /zhi ba bla med byang
163b7 chub thob par 'gyur/ /phung po'i rang bzhin dben zhing stong pa nyid/ /byang chub rang bzhin dben zhing stong pa nyid/ /gang spyod de yang rang bzhin stong pa ste/ /ye shes ldan pas
164a1 shes kyi byis pas min/ /ye shes rang bzhin stong par rig gyur te/ /shes bya'i rang bzhin stong par rig gyur nas/ /shes pa po dang 'dra bar
164a2 rtogs gyur na/ /byang chub lam la de dag spyod ces bya/ /stong pa'i rang bzhin stong par shes par bya/ /mtshan ma med pa'ang rang bzhin nyid kyis stong / /smon pa med pa'ang
164a3 rang bzhin stong pa ste/ /de ltar spyod na gzhan min spyod pa yin/ /de thos lha dang bcas pa'i 'jig rten rnams/ /dga' zhing de dag stobs dang ldan par gyur/ /rang byung
164a4 chos la de dag yid ches te/ /zhi ba'i gnas shes byang chub yid ldan gyur/ /gnod sbyin tshogs rnams deng mos yid gyur te/ /'di ltar nga la mchod pa rab byas pas//
164a5 gnod sbyin rgyud nas shi 'phos blo chen rnams/ /mtho ris dong zhing yun ring dga' bar 'gyur/ /de dag ma 'ongs dus na rdzu 'phrul gyis/ /zhing du dong zhing skad cig gcig
164a6 la yang / /blo can de dag rgyal ba bye ba mchod/ /de dag bzod mkhyen rgyal ba gdams ngag ston/ /de dag 'jig rten phyogs bcur rdzu 'phrul gyis/ /mtshan ma med
164a7 par spyod cing dong gyur te/ /'jig rten 'di dag sprul pa 'drar shes nas/ /'jig rten chags med mkhas pa spyad pa spyod/ /de ltar bstan pas rgyal ba rab mchod nas/ /
164b1 byang chub bla med de yang thob gyur te/ /de dag rnams kyi zhing ni mtha' yas 'gyur/ /sems can mtha' yas pa dag rnam par 'grel/ /sangs rgyas mkhyen pa mtha' yas grags
164b2 pa can| |de dag ming ni 'jig rten mkhas zhes bya/ /zhi ba'i blo ldan rgyal ba de dag gi /tshe tshad bskal pa stong ni tshang bar 'gyur/ /de dag nyan thos dge 'dun 'byung ba ni/ /rgyal
164b3 sras mang po skar ma'i tshogs rnyed de/ /kun kyang bde bas bsam pa thos par 'gyur/ /'jig rten mkhas pa rnams la sdug bsngal med/ /de skad thos nas lhar bcas 'jig
164b4 rten dag /rab tu dga' ba'i sems kyis byang chub tshol/ /ngoms par gyur nas brtson pa brtan brtsams te/ /kun kyang brtson 'grus stobs kyis brtan par 'gyur/ /gnod sbyin
164b5 lung bstan pa'i le'u ste/ bcu gcig pa'o// //de nas mi'am ci'i rgyal po ljon pa la sogs pa mi'am ci bye ba phrag brgyad kyis lha ma yin gyi mchod pa
164b6 de dag dang / gnod sbyin gyi mchod pa'i bar dag kyang mthong / lung bstan pa yang thos nas shin tu ngo mtshar thob par gyur to/ /khyod 'di ltar sems can yang mi dmigs
164b7 la| srog dang / skye ba po dang / shed las skyes dang / shed bu dang / gang zag dang / bdag dang / bdag gi yang gang yang med la/ phung po dang / khams dang / skye mched
165a1 gang la sems can zhes gdags pa'i phung po dang / khams dang / skye mched de dag kyang mi dmigs/ las gang yod pas rnam par smin pa gdags
165a2 par bya ba'i las de yang mi dmigs/ byang chub kyang mi dmigs/ byang chub sems dpa' yang mi dmigs/ sangs rgyas kyang mi dmigs la/ 'on kyang bcom ldan
165a3 'das kyis byang chub sems dpa' lung bstan pa mdzad pa 'di ni/ ngo mtshar rmad do/ /ci zhig las dgongs te bcom ldan 'das kyis byang chub sems dpa' rnams
165a4 sangs rgyas su 'gyur ro/ /zhes lung bstan pa mdzad/ ci zhig las dgongs te byang chub sems dpas yang dag par sgrub pa dang / sangs rgyas kyi che ba nyid dang / sems
165a5 can yongs su smin pa dang / zhing gi bkod pa dang / der skye zhing yongs su dag pa dang / byang chub sems dpa' rnams zhing nas zhing du 'dong ba dang / de bzhin gshegs pa mchod
165a6 pa dang / mchod pa de'i mthu dang / sems can rnam par dgod pa dang / bskal pa 'di snyed cig gis sangs rgyas su 'gyur ro/ /zhes bya ba dang / bskal pa 'di snyed
165a7 cig tu sangs rgyas bcom ldan 'das rnams bzhugs par 'gyur ro/ /zhes bya ba dang / sangs rgyas bcom ldan 'das de dag gi nyan thos 'dus pa ni/ 'di snyed cig tu
165b1 'gyur ro/ /zhes bya ba dang / de dag yongs su mya ngan las 'das nas dam pa'i chos bskal pa 'di snyed cig tu gnas par 'gyur ro/ /zhes de bzhin gshegs pas lung bstan
165b2 pa mdzad/ ci zhig las dgongs te sems can rnams nye bar len pa med pas mya ngan las 'da' bar 'gyur ro/ /zhes bcom ldan 'das kyis dgongs pa mdzad snyam ste/ de
165b3 nas mi 'am ci'i rgyal po ljon pa de lta bu'i the tshom skyes nas bcom ldan 'das ga la ba de logs su thal mo sbyar ba btud de/ bcom ldan 'das la tshigs su bcad pa'i
165b4 dbyangs kyis zhu ba zhus pa/ rgyal ba'i gsung ni thos gyur nas/ /shes rab che mnga' bdag dogs skyes/ /stong pa nyid dang lung bstan pa/ /bde gshegs bdag gis ma 'tshal
165b5 ba| |gsung ba'i zla ba thos kyi dbyings/ /'gyur ma mchis la stong ba dang / /rang bzhin med gzung ji lta bu/ /mchod pa 'di ni gang zag mchog /skye ba'ang ma mchis byang chub tu/ /
165b6 sems bskyed pa ni ji lta bu/ /skyes bu mchog gis bka' stsal pa'i/ /ldem po dag de bdag ma 'tshal/ /mi dbang bdag po ji ltar na/ /'gag pa ma mchis 'chi 'pho gsung / /
165b7 de ni yang dag lung bstan pas/ /thub pa bdag gi the tshom khum/ /sgyu ma 'dra la lha skye zhes/ /gsungs pa de ni 'di lta bu/ /ldem por gsungs pa 'di dag kyang / /shAkya seng+ge bdag ma
166a1 'tshal| |gnas pa'ang mchis pa ma lags la/ /dge bshes bsten gsum ji lta bu/ /ldem por gsungs pa 'di dag kyang / /skyes bu khyu mchog
166a2 bdag ma 'tshal/ /g.yo ba'ang ma mchis bgyi ba rnams/ /rkang gnyis mchog gsungs ji lta bu/ /ldem por gsungs pa 'di dag kyang / /dgra bsal bcom ldan bdag ma 'tshal//
166a3 rang bzhin stong ste stong pa yang / /rtogs zhes mgon gsung ji lta bu/ /the tshom rnam pa 'di 'dra skyes/ /shes rab dpe med bdag ma 'tshal/ /zhi ba yod ces bka' stsal pa/ /
166a4 chos kun zhi gsungs ji lta bu/ /mtshungs med 'di 'dra'i ldem po dag /bdag la rnam par bstan du gsol/ /sku mdzes gyur kyang chos kyi rnams/ /nam mkha' 'drar gsungs
166a5 ji lta bu| |chos ni rab tu spangs bgyis na/ /mi mkhas dmyal lhung ji lta bu/ /brtan pa mtho ris 'jig rten dang / /'gro ba gzhan yang gsungs pa dang / /las de bgyis pa ma
166a6 mchis la/ /rang las can gsungs ji lta bu/ /bka' stsal tshul 'di rnam pa yang / /zil gyis mi gnon bdag ma 'tshal/ /mgon po de la bdag dogs na/ /bde gshegs
166a7 bdag gi the tshom sol/ /dge ba'i tshogs 'gyur ma mchis la/ /byang chub yang dag sgrub pa'ang gsungs/ /dge sbyong rgyal po'i gsung gi tshul/ /de skad bka' stsal bdag
166b1 ma 'tshal/ /chos rnams zad pa med gsungs la/ /spong byed las ni zad bstan pa/ /tshad med blo mnga' 'di la yang / /bdag ni yid gnyis the tshom 'tshal/ /yang dag mtha' yang
166b2 bka' stsal la/ /ma nor sbyin pa'ang bstan mdzad pa/ /'di yang rab rib bral ba yi/ /spyan mnga' sdig spangs bstan du gsol/ /thams cad gzigs pa ma gtogs pa/ /gzhan
166b3 gyis bdag gi the tshom 'di/ /sel nus ma mchis de lta bas/ /bdag ni rgyal ba mchog la dad/ /de nas bcom ldan 'das kyis mi 'am ci'i rgyal po ljon pas the tshom dris pa 'di
166b4 dag gsan nas de la lan gdab pa'i phyir mi 'am ci'i rgyal po ljon pa la tshigs su bcad de slar bka' stsal pa/ stong pa nyid dang lung bstan pa/ /bdag gis ma 'tshal ces
166b5 smras pa| |gal te 'ga' zhig mi ston na/ /rgyal bas de lung bstan mi gsung / /ci'i phyir zhe na 'di lta bu/ /rang gi rang bzhin gnas gyur na/ /'gyur ba med cing ther zug ste/ /de la
166b6 'phel med 'grib pa med/ /me long shin tu yongs dag la/ /ji ltar rang bzhin med pa yi/ /gzugs brnyan snang ba de bzhin du/ /ljon pa chos rnams shes par gyis/ /chos kyi dbyings
166b7 ni 'gyur med na/ /mchod pa'i yan lag 'gyur gang zhes/ /yan lag rnams la brtags byos la/ /ljon pa mchod pa 'di la spyod/ /chos dbyings rnam pa thams cad du/ /'gyur med skye
167a1 bo mkhas pas rtogs/ /byis pa rnams ni 'di la 'khrul/ /blo sbyangs pas ni med par shes/ /skye ba'ang ma mchis sems kyang bskyed/ /de ni ma 'tshal
167a2 ces smras pa/ /stobs bcu mnga' ba'i ldem po dag /gzhan du ma sems mnyan par gyis/ /byis pa 'khor bar dga' ba rnams/ /'khor bar mngon dga' sems zhen pa/ /
167a3 log pa'i sems dang 'du shes can/ /'khor ba'i sdug bsngal myong bar 'gyur/ /de dag sngon chad ma thos pa'i/ /sems med chos ni ngas bshad na/ /byis pa'i blo dang ldan
167a4 pa rnams/ /'di la kun tu rmongs par 'gyur/ /byang chub gzhol ba'i sems nyid dang / /byang chub phan yon thos gyur nas/ /zil gyis ma non rang byung sems/ /rgya chen de ni thob
167a5 par 'gyur/ /'gag pa ma mchis 'chi 'pho ba/ /de yang ma 'tshal ces smras pa/ /'chi 'pho yang dag lung bstan gyi/ /gzhan du ma sems mnyan par gyis/ /gang dag rtag
167a6 'dzin de dag la/ /'di la mi 'gyur ther zug med/ /dngos po 'di dag mi rtag ces/ /bde gshegs 'chi 'pho rnam par ston/ /sgyu ma 'dra la lhar skyes pa/ /ji lta bu zhes dogs
167a7 gyur pa| |mthar phyin ma gyur slob pa dang / /skye bo rnams la mtho ris bshad/ /gnas pa'ang yod pa ma yin la/ /dge bshes bsten ces gang smra ba/ /gnas dang bral bar bya ba'i
167b1 phyir| |gnas pa med pa'i dge bshes bsten/ /g.yo ba ma mchis bgyi ba rnams/ /bstan pa ma 'tshal ces smras pa/ /shing rta'i yan lag 'dus pa dang / /shing rta'i bya ba bzhin du
167b2 rtogs| |mi gang bdag yid khas len cing / /bya ba'ang bdag gis byas zin pa/ /de dag la ni bya ba dang / /g.yo ba med par bde gshegs bshad/ /rang bzhin stong ste stong pa yang / /
167b3 rtogs shes nga yis gang smras pa/ /byis pa log pa'i blo can rnams/ /rang bzhin stong par mi shes pa/ /de dag rnams la bstan pa'i phyir/ /rang bzhin stong zhes bde gshegs
167b4 ston| |kun tu rtog pa'i rtog pas bskyed/ /yang dag ma yin rtog pas bcings/ /zhi ba yod cing chos kun kyang / /zhi bar mthong zhes smras pa ni/ /mi shes rmongs par gyur rnams
167b5 kyi| |kun tu rtog las sred pa skye/ /skom pas ji ltar smig rgyu la/ /kun tu rtog pas skom pa skye/ /mi mkhas de ni rtog pa'i rgyu/ /yod pa min la log par brtags/ /chu yan par ni mthong
167b6 gyur kyang / /smig rgyu la ni chu med do/ /de bzhin yongs su rtog pas dkrugs/ /sdug pa min la sdug par rtogs/ /byis pa 'dod chags ldan pa dag /sdug dang ldan pa rang bzhin gyis//
167b7 sdug med smig rgyu chu bzhin te/ /smig rgyu la ni chu med do/ /de bzhin gzugs la sdug pa med/ /gzugs de sdug pa ma yin na/ /byis pa log pa'i 'du shes can/ /sdug par rtog pas
168a1 bcings par gyur/ /chos rnams nam mkha' 'dra ba dang / /spong ba dmyal ltung zhes smras pa/ /med pa mthong bar ma gyur pa/ /mi mkhas rnams ni skrag
168a2 par 'gyur/ /rang bzhin ngo bo nyid stong na/ /bdag zhen dus ni mi shes pa/ /de dag stong zhes thos gyur na/ /bdag med 'gyur zhes skrag pa skye/ /de dag bdag tu mngon zhen te/ /
168a3 nam mkha' la ni mdud bor nas/ /stong pa gya nom spong byed de/ /mi mkhas sems dmyal chen por ltung / /mtho ris 'jigs pa ngas bstan dang / /skye ba'i 'gro rgyud gzhan
168a4 dag dang / /las kyang ngas ni bstan byas te/ /byed pa po ni rab tu bkag /yang dag tu na 'gro ba dag /rmi 'drar bshad par shes par gyis/ /rmi lam gang la'ang dngos po med/ /
168a5 log pa'i blo ldan mngon par zhen/ /ngas ni las kyi rnam pa bstan/ /byed pa phyogs bcu rnams na med/ /shing rnams rlung gis bsgul ba las/ /me 'byung 'gyur ba ji bzhin
168a6 no| |bdag cag me 'di bskyed bya zhes/ /rlung dang shing la sems pa med/ /'on kyang me ni 'byung ba ltar/ /las kyi byed po de bzhin no/ /bsod nams tshogs ni yod min la/ /
168a7 byang chub yang dag sgrub pa dang / /legs spyad yod ces zer ba ni/ /de tshul yang dag mnyan par byos/ /mi yi tshe tshad lo brgya ste/ /de srid 'tsho zhes brjod mod kyi/ /lo la phung
168b1 por spungs pa med/ /sgrub pa de yang de dang mtshungs/ /zad pa med ces gang smras dang / /las zad ces ni ngas smras pa/ /stong pa'i tshul du zad pa med/ /tha snyad tshul du zad par bstan/ /yang dag mtha'
168b2 ni ngas bshad pa/ /phyin ci log de'ang yang dag mtha'/ /log pa'i blo can byis pa rnams/ /gang dag mtha' ni mi shes so/ /mtshan nyid thams cad gcig nyid de/ /mtshan nyid med par shes
168b3 pa yi/ /ye shes lam du zhugs rnams kyi/ /nges par ljon pa khyod nyon cig /yi ge gcig gis 'jug pa yi/ /byang chub blo ldan rnams la ston/ /chos rnams thams cad ma byas pa/ /
168b4 a yi sgo yi gzungs su bstan/ /de ltar spyod pa byed rnams la/ /mtshan nyid mtha' yas ngas bstan te/ /'di 'dra'i tshul la 'jug pa ni/ /a yi sgo yi gzungs su bstan/ /chos
168b5 rnams thams cad 'gag med pa/ /a yi chos la 'jug par bstan/ /a yi sgo yi gzungs bstan pa/ /de yang ljon pas shes par gyis/ /chos rnams rnam par rtog med pa/ /de yang
168b6 chos la 'jug par gsungs/ /chos kun 'gyur ba med par yang / /a ni chos kun sgo mor bstan/ /a yi sgo yi gzungs 'di dag /ljon pas de ltar shes par gyis/ /mi zad
168b7 pa dang zad smras pa/ /chos kun mi zad brjod bya ste/ /stobs bcu mnga' ba thams cad kyis/ /mi zad sgo yi gzungs su bstan/ /chos rnams kun la sgo med de/ /de dag med pas sgo mi 'byung / /
169a1 'di yang gzungs kyi sgo yin te/ /a la brten nas 'jug par bya/ /chos kun bsam gyis mi khyab ces/ /yang dag ji bzhin bde gshegs bstan/ /
169a2 a yi sgo yi gzungs bstan pa/ /de yang ljon pas shes par gyis/ /chos kun lus med byang chub ces/ /blo ldan rnams la ngas bstan pa/ /'di yang gzungs kyi sgo yin te/ /
169a3 a la brten nas 'jug par bya/ /chos rnams 'ong ba med pa ste/ /med pas de dag 'ong ba'ang med/ /'di yang gzungs kyi sgo yin te/ /a la brten nas 'jug par bya/ /chos
169a4 rnams gdags pa med pa ste/ /med pas de dag gdags pa med/ /'di yang gzungs kyi sgo yin te/ /a la brten nas 'jug par bya/ /chos rnams rang bzhin med pa ste/ /med
169a5 pas de dag rang bzhin med/ /'di yang gzungs kyi sgo yin te/ /bde bar gshegs pas gzungs su bstan/ /gzungs kyi sgo mo nga la nyon/ /chos kun yid la bya ba med/ /'di yang
169a6 gzungs kyi sgo yin te/ /bde bar gshegs pas gzungs su bstan/ /med phyir chos kun sgrib med ces/ /de bzhin gshegs pas bstan mdzad pa/ /'di yang gzungs kyi sgo
169a7 yin te| |a la brten nas shes par bya/ /chos kun thogs pa med pa ste/ /thogs par bya ba de mi dmigs/ /'di yang gzungs kyi sgo yin te/ /a la brten nas 'jug par bya//
169b1 chos rnams thams cad ma skyes par/ /mkhas pas mtshan nyid gcig shes bya/ /chos rnams gang dag ma skyes pa/ /de dag ming med shes par bya/ /chos rnams yang dag ma yin te/ /
169b2 de dag ma lus rang bzhin med/ /'di yang gzungs kyi sgo yin te/ /a la brten nas shes par bya/ /gang dag ma skyes ma byung ba/ /de dag mthong med bstan par bya/ /lta ba po ni med pa
169b3 dang / /de dag rnams kyang med phyir ro/ /chos kun mnyam med de bas na/ /mtshan nyid gcig cing mtshan gzhi med/ /nam mkha' dang ni 'dra ba ste/ /chos kun yod pa ma yin no/ /
169b4 de lta lhag med chad pa med/ /mnyam gzhag med cing gnyis su med/ /gdung med bsil med tsha ba'ang med/ /blta ba'i lam min med phyir ro/ /drang po ma yin yon po min/ /
169b5 mun pa ma yin snang ba min/ /mthong ba med cing thos med de/ /med pas gzungs su shes par gyis/ /g.yo med drang po'ang med pa ste/ /chos rnams gsal med g.yo ba med/ /'khrug
169b6 pa med cing khro ba med/ /ci yang mi byed nyer zhi byed/ /skye ba med cing gnas kyang med/ /'gro min ldog med 'gro sems med/ /nyal ba med cing mi nyal med/ /sad pa med par shes
169b7 par gyis/ /mig can ma yin long ba min/ /lta ba ma yin mun bsgribs min/ /sbas pa ma yin bzhag pa min/ /dul ba ma yin ma dul min/ /rgod pa ma yin zhi ba min/ /'khor
170a1 min mya ngan 'das pa min/ /bden min rdzun min de lta bur/ /rgyal ba'i spyod yul shes par gyis/ /'jig rten 'dul ba'i phyir yin gyi/ /'di la the
170a2 tshom gang yang med/ /gang gcad bya ba'i the tshom med/ /dam pa'i don du byung ba med/ /de nas mi 'am ci'i rgyal po ljon pa bcom ldan 'das kyis zhus pa lung bstan pa dang /
170a3 gzungs nges par bstan pas yongs su tshim par gyur nas bcom ldan 'das la mchod pa'i phyir brtson par gyur te/ khang pa brtsegs pa shing la brten pa dang / pad+ma la brten
170a4 pa dang / ri la brten pa dang / rin po che sna bdun gyi rang bzhin can rin po che'i gdugs kyis mdzes par byas pa/ gdugs kyi lda ldis mdzes par byas pa/ rgyal mtshan dang /
170a5 ba dan gyis brgyan pa/ bla re dang / lda ldis brgyan pa bye ba phrag brgyad mngon par sprul te/ mi 'am ci'i rol mo'i sil snyan bye ba phrag brgyad kyang mngon par sprul nas ri spos kyi
170a6 ngad ldang las skyes pa dang / thang las skyes pa dang / chu las skyes pa'i me tog thams cad kyis kyang bcom ldan 'das la mchod pa byas nas mi'am ci'i tshogs dang lhan cig
170a7 tu khang pa brtsegs pa bye ba phrag brgyad po de dag tu 'khod nas bcom ldan 'das la lan gsum bskor ba byas te thang las skyes pa dang / chu las skyes pa'i me tog de dag gis
170b1 bcom ldan 'das la gtor/ mngon par gtor/ mngon par rab tu gtor to/ /de nas khang ba brtsegs pa de dag las babs te rkang pas dong nas bcom ldan 'das la lan gsum
170b2 bskor ba byas te/ bcom ldan 'das kyi zhabs la mgo bos phyag 'tshal nas thal mo sbyar te bcom ldan 'das la mig mi 'dzum par blta zhing rnam pas sangs rgyas kyi yon tan
170b3 rjes su dran par byed cing phyogs gcig tu 'khod par gyur to/ /de nas bcom ldan 'das kyis mi 'am ci'i rgyal po ljon pa 'khor dang bcas pa'i lhag pa'i bsam pa thugs su chud
170b4 nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ bde gshegs dri bral spyan mnga' ba/ /rgyu ma mchis par 'dzum mi
170b5 mdzad| |lha mis mchod pa yang dag tu/ /'dzum mdzad rgyu de bka' stsal gsol/ /thams cad mkhyen pa 'dzum mdzad pa/ /'khor gyis mthong nas the tshom 'tshal/ /zla ba tshes la
170b6 mi bzhin du/ /smra ba'i zla ba'i zhal du blta/ /bde gshegs mdzes pa deng su zhig /gnyis med chos la shes mchog skyes/ /bdag ni the tshom 'tshal bar gyur/ /mi mchog dam pa
170b7 the tshom 'tshal/ /bde gshegs gang gis chos nyid la/ /dad pa thob na bcom ldan 'das/ /ji ltar 'dzum pa mdzad par gyur/ /smra mchog bdag gi the tshom khum/ /thams cad ldan pa'i
171a1 'khor 'di yis/ /bcom ldan stan thos yid dga' zhing / /the tshom ma mchis som nyi chad/ /ji ltar bstan bzhin gnas par 'gyur/ /de ltar
171a2 rkang gnyis rnams kyi mchog /'gro la thugs brtse mdzad pa dang / /the tshom gcad slad ljon pa dang / /mi ci rnams kyi lung bstan gsungs/ /de nas bcom ldan 'das kyis tshe
171a3 dang ldan pa rta thul la tshigs su bcad de slar bka' stsal ba/ /skye bo tshogs chen rnams nang du/ /sangs rgyas yon tan bsten 'gyur ba/ /ljon pa'i lung bstan gang dris pa/ /rta
171a4 thul khyod kyis legs par dris/ /ye shes mthong ba sgrib med pa/ /bde gshegs ye shes ngo mtshar can /de khyod dang ba'i yid kyis nyon/ /skye med yid kyis nga la nyon/ /
171a5 'jig rten phan dang bde ba'i phyir/ /ljon pas the tshom gang dris pa/ /de yi 'bras bu brjod par bya'i/ /the tshom gcad pas nga la nyon/ /ljon pa la sogs mi 'am ci/ /bye ba
171a6 phrag brgyad 'dir lhags pa/ /de dag nga la mchod byas nas/ /'di nas shi 'phos mtho ris 'dong / /bskal pa bye ba dgu bcu der/ /mi yi nang na 'khor bar 'gyur/ /
171a7 mngon par shes pa lnga bsgoms nas/ /sems la dbang bsgyur dbang ldan 'gyur/ /mi yi seng+ge de dag gis/ /sangs rgyas zhing phrag khrag khrig tu/ sprul bkye rang ni lha gnas
171b1 na| |bsam gtan dga' ba'i bde ba myong / /bskal pa bye ba dgu bcur yang / /de dag lha mir 'khor 'khor nas/ /rang rang zhing rnams sna tshogs su/ /byang chub rnam par 'tshang rgyar 'gyur//
171b2 rtag tu snang ba'i bskal pa la/ /mi yi seng+ge 'jig rten mgon/ /chags med ye shes mthong dpag yas/ /stobs bcu gzi brjid mtha' yas 'gyur/ /de dag zhing du sems can gang / /
171b3 yongs su ma smin 'ga' mi skye/ /nyan thos theg pas gang 'byung ba/ /kun kyang srid pa tha ma pa/ /mi yi seng+ge zhing der ni/ /byang chub sems dpa' gang skye ba/ /de dag tshe gcig thogs pa
171b4 ste| |mi mchog byang chub thob par 'gyur/ /gang dag gtso bor gyur pa rnams/ /bdag cag dpag med sangs rgyas zhing / /yongs su sbyang bar bya'o zhes/ /de 'dra'i bsam pas rab tu
171b5 zhugs| |sems can rlabs chen de dag ni/ /smon lam rgya chen yun ring btab/ /de dag 'di nas shi 'phos nas/ /bsam pas rang bzhin rnam pa spyod/ /nyon mongs 'joms pa de dag
171b6 gi /zhing gi bkod par 'gyur ba ni/ /dga' ldan gnas kyi longs spyod rnams/ /ngan song kun kyang yongs su dag /de dag zhing du rnam kun tu/ /mi khom gang yang 'byung mi 'gyur/ /zhing rnams
171b7 yongs sbyangs de dag ni/ /sems can rnams kyang bde bar 'dren/ /de ltar 'jig rten mgon po yis/ /mi ci rnams kyi lung bstan bshad/ /lung bstan de thos 'khor rnams ni/ /kun
172a1 kyang yid ni rangs par gyur/ /mi 'am ci lung bstan pa'i le'u ste/ bcu gnyis pa'o// //de nas lha phreng ldan glang po can brgyad khris lha
172a2 ma yin rnams nas mi 'am ci'i bar dag gi mchod pa yang mthong / /lung bstan pa yang thos nas tshim zhing mgu la yid rangs te rab tu dga' zhing dga' ba dang yid bde ba skyes
172a3 nas sangs rgyas kyi chos rnams la mos zhing bcom ldan 'das la mchod pa'i phyir brtson par gyur te/ de dag gis ser skye'i gnas kyi grong khyer chen po thams cad kyi khor yug
172a4 tu dpag tshad drug cu tshun chad me tog man+dA ra bas pus mo nub tsam du gang bar byas so/ /de nas de dag gis bcom ldan 'das la lan gsum bskor ba byas nas tshigs su bcad pa
172a5 dag gis mngon par bstod pa/ zhi ba'i dbang po 'dzum pa'i zhal/ srog chags kun la thugs brtse ba/ /bde bar gshegs pa thugs rje can/ /'jig rten bdag po mi yi stag/
172a6 sangs rgyas chos la mos pa yi/ /'khor 'di ji srid 'dir gnas par/ /zhabs mchog mdzes shing dga' ldan par/ /thugs rjes can la mgos phyag 'tshal/ /ji ltar dgung zla nya
172a7 ba'i tshe/ /mi rnams zla ba phyag 'tshal dang / /de bzhin lha tshogs 'di rnams kyang / /bcom ldan 'das kyi zhal du blta/ /dpag tu med pa'i dge spyod pa/ /dpag med ye shes phung po
172b1 ldan| |gzi brjid dpag yas phung po can/ /blo mchog khyod la mgos phyag 'tshal/ /stobs bcu mnga' zhing dpal stug pa/ /de bzhin mi bsnyengs dri gsum sel/ /rgyal ba bco brgyad chos
172b2 dang ldan/ /the tshom mi mnga' smra ba'i mchog /sum cu rtsa gnyis mtshan mnga' zhing / /dpe byad bzang po brgyad cu ldan/ /dbang po'i rgyal mtshan mtshungs med thugs/ /bde gshegs
172b3 khyod la phyag 'tshal lo/ /tshul khrims stobs kyis mthar phyin pa/ /ting 'dzin stobs gnas mi bskyod pa/ /ye shes stobs kyi mtshon cha can/ /bdud stobs bcom thub rgyal ba lags/
172b4 ye shes stobs mchog rgyas gyur pa/ /ser sna mi mnga' nyan thos btul/ /zhi ba'i thugs kyis spyod mdzad cing / /lha dang bcas pa'i 'jig rten 'dul/ /skyes bu seng+ge bde gshegs khyod//
172b5 gti mug zhi bgyid chos brnyes pa/ /bdag cag rnams kyang stobs bcu yi/ /chos rnams 'dir ni thos par shog /ji ltar thub khyod sems can gyi/ /bsam mkhyen dad mdzad de bzhin
172b6 du| |'jig rten snang mdzad bdag cag kyang / /lha mir bcas pa'i 'gro dad bgyid/ /de ltar 'gro ba'i don slad du/ /snying brtse nye bar bzung nas ni/ /'gro ba 'khor ba'i mtshor bying ba/ /
172b7 srid pa'i rgyud las bsgral bar bgyi/ /bdag cag lhar bcas 'jig rten gyi/ 'dren dang rab tu 'dren gyur cig/ 'gro ba sdug bsngal rgyas nyen pa/ /srid pa'i rgyud las dgrol bar
173a1 bgyid| |de nas bcom ldan 'das kyis lha phreng ldan glang bo can rnams kyi bsam pa thugs su chud nas de'i tshe 'dzum pa mdzad do/ /de nas tshe dang ldan
173a2 ba rta thul gyis bcom ldan 'das la tshigs su bcad de gsol pa/ bde gshegs rnam par 'dren pa po/ /rgyu ma mchis par 'dzum mi mdzad/ /stobs bcu khyod ni 'dzum
173a3 mdzad pa'i/ /rgyu gang lags pa bka' stsal gsol/ /rgyal ba'i zhal nas 'dzum mdzad pa/ /'gro ba dang bgyid byung mthong nas/ /'khor kun the tshom 'tshal gyur te/ /'dzum
173a4 pa'i don ni nyan par 'tshal/ /don chen 'dzum pa mdzad pa'i don/ /bka' stsal bka' stsal 'dren pa mchog /dge sbyong rnams kyi rgyal po khyod/ /the tshom chad 'gyur bka'
173a5 stsal gsol/ /gang gis rgyal ba mnyes par gyis/ /gang gis deng mchod bla med gyis/ /su zhig de ring gting thob gyur/ /bde gshegs bdag gi the tshom khum/ /de ring
173a6 gang gis bdud kyi gnas/ /dkrugs g.yeng kun tu dkrugs par bgyis/ /deng sus lha gnas thams cad kyang / /rab tu dga' yid ldan par gyis/ /rgyal ba thub pa de lung ston/ /
173a7 'gro ba'i the tshom myur du khum/ /de thos bde gshegs 'khor 'di rnams/ /kun kyang rab tu yid dga' 'gyur/ /de nas bcom ldan 'das kyis tshigs su bcad de tshe dang ldan
173b1 ba rta thul la slar bka' stsal pa/ phreng ldan glang po can lha yi/ /lung bstan rta thul khyod dris pa/ /dris na 'gro ba mang po yi/ /don chen shin tu deng byas gyur/ /stobs bcu rgyal
173b2 ba ma dris par/ /sras mchog byang chub lung mi ston/ /de ni 'gro ba mang don du/ /de ring khyod kyis rgyal la zhus/ /phreng ldan glang po lha tshogs kyis/ /nga la sems dad nga mchod pas/ /
173b3 bskal pa grangs med 'das 'og tu/ /nyon mongs pham byas rgyal bar 'gyur/ /de dag 'di nas shi 'phos nas/ /mthun par mi yi nang skyes te/ /rgyal ba bye ba dpag med la/ /me tog
173b4 mchog gi mchod par 'gyur/ /kun tu bde bar gshegs kyi sems/ /bskyed par 'gyur zhing 'phel byed 'gyur/ /rang byung mi yi seng+ge la/ /tshigs su bcad pas bstod par 'gyur//
173b5 ma 'ongs dus na 'di kun gyis/ /rgyal ba khrag khrig dpag yas mang / /me tog gis mchod tshigs bcad kyis/ /mi mchog rnams la bstod byas te/ /de dag bde gshegs rnams
173b6 mchod cing / /mthu po che yi sku bstod nas/ /rab tu dga' ba'i bskal pa la/ /rnam par 'dren par 'jig rten 'byung / /grags pa ma smad nags rgyu ba/ /brgyad khri bo rnams de dag
173b7 kun| |bskal pa gcig la bde gshegs 'gyur/ /me tog rgyal mtshan ldan zhes bya/ /de na dmyal dang dud 'gro dang / /ngan song gshin rje'i 'jig rten med/ /zhing de na ni lha
174a1 min med/ /mi khom thams cad rab tu bcom/ /phreng ldan glang po can lha yi/ /longs spyod sum cu rtsa gsum gyi/ /ci 'dra ba ni de 'drar 'gyur/ /'gro ba'i
174a2 tshe tshad dpag tu med/ /de tshe mi dge sgra mi grag /mi dge byed pa smos ci dgos/ /de na rnam 'dren mchog rnams kyi/ /skye bo rnams kyang chos can 'gyur/ /srog chags bye ba khrag khrig
174a3 phrag /gang+gA'i bye ma rab mang snyed/ /'gro bar byed 'gyur stobs bcu rnams/ /gnas pa med pa'i chos kyang ston/ /grags pa ma smad de dag gi /ring bsrel dag kyang rgyas par
174a4 'gyur| |de dag rnams kyi ring bsrel la'ang / /rgyal ba'i sku mang 'byung bar 'gyur/ /grags pa mtha' yas ldan rnams kyi/ /ring bsrel cho 'phrul sku mthong nas/ /srog
174a5 chags bye ba khrag khrig mang / /byang chub tu ni sems bskyed 'gyur/ /phreng ldan gling po can rnams kyi/ /lung bstan 'dren pas bka' stsal pa/ /thos shing shes nas 'khor
174a6 kun kyang / /de tshe sems ni rab tu dga'/ /phreng ldan glang po can lung bstan pa'i le'u ste/ bcu gsum pa'o// //de nas rgyal po chen po bzhi'i ris kyi lha dgu
174a7 khris lha ma yin rnams nas phreng ldan glang po can gyi lha'i bar de dag gi mchod pa yang mthong / /lung bstan pa yang thos nas tshim zhing mgu la yid rangs te rab tu dga' zhing /
174b1 dga' ba dang / yid bde ba skyes nas sangs rgyas kyi chos rnams thob par bya ba'i phyir mos pa drag po ba skyed de/ 'di lta ste/ dper na/ kham pa'i gru la zhon pa'i mi zhig chu yi dbus su
174b2 phyin na| gru chag tu 'ong zhes tshu rol nas pha rol tu 'gro bar bya ba'i phyir mos pa drag po skye ba de bzhin du/ rgyal chen bzhi'i ris kyi lha dgu khri po dag kyang sangs rgyas kyi che ba nyid la dad pa
174b3 skyes nas sangs rgyas kyi chos rnams thob par bya ba'i phyir mos pa drag po skyes par gyur nas de dag sangs rgyas kyi chos tshol zhing bcom ldan 'das la mchod pa'i phyir brtson par gyur
174b4 te| de dag rgyal po chen po bzhi dang lhan cig tu rin po che'i bla re bkra ba blta na sdug pa dgu khri mngon par sprul to/ /de dag kyang phal cher mu tig dmar po dang / skar mdog dang / bai
174b5 DUR+Ya dang / gser dang / rdo'i snying po'i rang bzhin can sha stag go /lha'i rol mo'i sil snyan dgu khri yang mngon par sprul te/ de dag nor bu rin po che sna tshogs kyi bla re dgu khri po de dag
174b6 thogs nas rol mo'i sil snyan dgu khri po de dag byed cing steng gi bar snang las dong ste/ bcom ldan 'das la lan gsum bskor ba byed cing me tog man+dA ra ba dang / man+dA ra ba chen po dang /
174b7 many+dzu sha ka dang / many+dzu sha ka chen po dang / pa ru sha ka dang / pa ru sha ka chen po dang / sprul pa'i me tog rnams kyis bcom ldan 'das la gtor/ mngon par gtor/ mngon par rab
175a1 tu gtor te de dag gis mchod pa byas nas bcom ldan 'das la lan gsum bskor ba byas te tshigs su bcad pa dag gis mngon par bstod pa/ rgyal ba'i
175a2 yon tan mthong ba yi/ /lha ni dgu khri tham pa dag /'dren pa khyod kyi spyan snga na/ /thal mo rab tu sbyar nas mchis/ /rgod pa ma mchis zhum ma mchis/ /'dod pa ma mchis 'gyod ma
175a3 mchis| |mi blun ngo mtshar ma mchis par/ /rkang gnyis mchog la phyag kyang 'tshal/ /khyod ni srid pa'i rgyud rnams bkum/ /mi shes pa ni rnam par sbyangs/ /sred pa'i phur pa rab
175a4 tu phyung / /nga rgyal rgyal mtshan khyod kyis bsnyal/ /khyod ni zug rngu phyung ba ste/ /rma la gdug pa khyod kyis spangs/ /khyod ni mkhyen bzhin spyod pa ste/ /'dren pa khyod ni rma rnams
175a5 sos| |khyod kyis nyon mongs thams cad spangs/ /bcing ba dag ni thams cad bcad/ /sbyor ba kun dang bral ba ste/ /thub pa chags pa kun las 'das/ /rgyal ba khyod kyi spyod yul
175a6 ni| |stong pa nyid dang mtshan ma med/ /bcom ldan khyod la smon pa yang / /rnam pa kun tu mi mnga' 'o/ /khyod kyis sred pa drungs nas phyung / /ma rig pas ni thugs kyang byung / /rnam pa bzhi
175a7 po'i phyin ci log /rnam pa kun tu yongs su spangs/ /gang du 'jig rten mi chud de/ /ri dwags rngon pas ji bzhin du/ /'jigs shing skrag par 'gyur ba yi/ /yang dag mtha' ni khyod
175b1 kyis gzigs/ /sems can 'jig tshogs ltar lhung ste/ /stong pa nyid ni ma 'tshal bas/ /ma rig pa yi mun pas gtibs/ /'khor ba'i brtson rar dga' bar bgyid//
175b2 khyod kyis yang dag ji bzhin du/ /'gro de chang bstod 'drar gzigs/ /gang gis rnam dag mig 'gyur ba'i/ /ye shes snang ba rab tu bstan/ /phung po stong par rnam
175b3 par bshig /mig dang gzugs kyang gsog 'dra zhing / /khams rnams dang ni skye mched dag /bdag med stong par rnam par bshig /chos gang dang ni ming gang gis/ /chos
175b4 gang mngon par brjod bgyi ba/ /chos de chos des stong pa ste/ /thub pa khyod kyis stong par bstan/ /sgyu ma'i mkhan pos med pa la/ /skye bo'i tshogs chen mngon sprul na/ /de la sems can
175b5 gdags ma mchis/ /srog dang gang zag ma mchis ltar/ /de bzhin phung po khams rnams dang / /dbang po dag dang skye mched kyang / /yang dag ma yin sgyu ma zhes/ /skyes bu dam pas bstan
175b6 pa mdzad/ /ji ltar ri mo mkhan zhig gis/ /bud med gzugs ni rnam bris shing / /mnyam pa dang ni mi mnyam dang / /lci dang yang ba bstan bgyis na/ /byis pa'i mig ni bslus pa ste/ /de la mi
175b7 mnyam ci ma mchis/ /de bzhin chos dbyings nyams lags na/ /byis pa rnams ni de la rmongs/ /gang shes khyod kyi bslab pa la/ /legs bslab rmongs par mi 'gyur ba/ /lag mthil
176a1 skyu ru ra bzhin du/ /de ni kun mkhyen khyod kyis bstan/ /shes rab chen po khyed kyis ni/ /ye shes sgron ma rab bus te/ /chos kyi 'khor lo rab bskor nas//
176a2 sems can rnams la chos bstan pa/ /de ltar bdag cag myur du ni/ /bla med byang chub zhi thob ste/ /de ltar 'dren pa khyod bzhin du/ /chos kyi 'khor lo bskor bar bgyi/ /'khor ba'i lam
176a3 log 'di dag tu/ /'khyams gyur pa yi sems can la/ /ji ltar 'dren pas bstan pa bzhin/ /bdag cag gis kyang chos myur bstan/ /de nas bcom ldan 'das kyis rgyal chen
176a4 bzhi'i ris kyi lha rnams kyi lhag pa'i bsam pa thugs su chud nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ rgyu
176a5 ma mchis par rdzogs sangs rgyas/ /'dren pa 'dzum pa mi mdzad na/ /'dzum pa mdzad pa'i 'dzum gyi rgyu/ /dpa' bo chen pos lung bstan gsol/ /skyes bu dam pa 'khor 'di
176a6 dag /bde gshegs deng bzhad mthong nas ni/ /yid gnyis chen po 'tshal gyur te/ /kun kyang the tshom 'tshal bar gyur/ /de ring su yis bdud pham bgyid/ /nem nur gang
176a7 gis gcod par 'gyur/ /su zhig de ring chos rtogs 'gyur/ /skyes bu mchog gis lung bstan gsol/ /de ring khyod la su yis mchod/ ston pa gang gis bsnyen bkur bgyis//
176b1 'gro kun nem nur 'tshal gyur na/ /rnam par 'dren pas lung bstan gsol/ /ji ltar rkang gnyis mchog khyod kyis/ /lung bstan 'di dag thos gyur na/ /'gro ba the tshom chad 'gyur
176b2 ba| |'dren pas de ltar lung bstan gsol/ /ci nas rnam pa thams cad du/ /kun mkhyen lam la gnas pa rnams/ /myur du byang chub thob 'gyur ba/ /de ltar 'dren pas bstan
176b3 du gsol/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ /'gro ba rnams la phan pa'i phyir/ /rdzogs pa'i sangs rgyas mgon
176b4 po la| |'dzum pa'i rgyu rnams dri bya zhes/ /rta thul khyod kyis dris pa legs/ /'jig rten kun la phan pa'i phyir/ /bstan pa yid du 'ong 'gyur zhing / /nyams dga' byed pa de
176b5 bshad kyi/ /dran pa mngon byos mnyan par gyis/ /dgu khri tham pa'i lha rnams kyis/ /mchod pa'i rnam pa 'di lta bu/ /de ring de bzhin gshegs pa la/ /shin tu dad pa'i yid
176b6 kyis byas/ /sangs rgyas mngon par bstod par byas/ /stong pa nyid kyang shes par 'gyur/ /chos rnams la ni nges pa rnyed/ /nga yi bstan la rab tu gnas/ /sngon yang sangs rgyas
176b7 bye ba phrag /brgyad cu dag la 'di dag mchod/ /ma 'ongs dus na'ang sangs rgyas ni/ /bye ba mtha' yas mchod par 'gyur/ /'dren pa de dag ji srid du/ /sangs rgyas bye ba ma mchod
177a1 cing / /bsnyen bkur byas par ma gyur pa/ /de srid byang chub 'tshang mi rgya/ /de bas shin tu 'phyi ba na/ /kun kyang gang zag mchog tu 'gyur/ /mtshan ni
177a2 'od zer 'chang ba ste/ /'jig rten kun mkhyen thub par 'gyur/ /'jig rten sgron ma de dag gi /nyan thos 'dus par 'gyur ba ni/ /blo yi mchog dang ldan pa dag /'dus pa
177a3 brgyad cu 'byung bar 'gyur/ /sgrib med gzigs pa de dag gi /mi rnams de yi dus kyi tshe/ /lo grangs bye ba brgyad cu tham/ /srog gi dbang po gnas par 'gyur/ /shes rab
177a4 mtha' yas de dag gi /nyan thos 'dod chags bral ba rnams/ /lus kyi tha ma 'dzin pa dang / /bye ba tshad med 'byung bar 'gyur/ /sems can rnams la thugs brtse ba'i/ /'jig
177a5 rten mgon po dpal ldan rnams/ /mya ngan 'das pa'i ring bsrel yang / /shin tu rgya chen 'byung bar 'gyur/ /mi dbang mya ngan 'das gyur nas/ /rnam par 'dren pa dpal
177a6 ldan pa| |rgyal ba'i mchod rten rnams kyis ni/ /sangs rgyas zhing rnams legs rgyas 'gyur/ /'jig rten mgon po skyob rnams kyi/ /mchod rten de dag thams cad la/ /
177a7 srog chags brgya dang stong rnams dang / /khrag khrig rnams kyis mchod byas nas/ /byang chub mchog tu sems bskyed de/ /mya ngan 'das pa thob par 'gyur/ /rang byung mya ngan
177b1 'das nas kyang / /de dag dam chos gnas 'gyur ba/ /lo grangs bye ba khrag khrig phrag /brgyad cu tshang bar gnas par 'gyur/ /chos kyi rgyal po'i sras rnams kyis/ /bzung zhing yongs
177b2 su bsrungs par gnas/ /'jig rten thugs brtse mdzad pa dang / /shAkyas yongs su smin mdzad pa/ /rgyal chen bzhi yi ris rnams la/ /'jig rten sgron mas lung bstan mdzad/ /de
177b3 thos nas ni skye bo kun/ /kun tu dga' zhing rab dga' ste/ /sems mgu yid kyang rangs gyur nas/ /ston pa la ni mngon par bstod/ /rgyal chen bzhi'i ris lung bstan pa'i le'u ste/
177b4 bcu bzhi pa'o// //bam po drug pa/ de nas lha'i dbang po brgya byin la sogs pa sum cu rtsa gsum ris kyi lha bye ba phrag brgyad cus lha ma yin dag dang / nam
177b5 mkha' lding dag dang / klu'i bu mo dag dang / klu dag dang / grul bum dag dang / dri za dag dang / gnod sbyin dag dang / mi 'am ci dag dang / phreng ldan glang po can dag dang /
177b6 rgyal chen bzhi'i ris kyi lha dag gi mchod pa yang mthong / lung bstan pa yang thos nas sangs rgyas kyi chos rnams la tshim zhing mgul yid rangs te/ rab tu dga' zhing dga' ba
177b7 dang / yid bde ba skyes nas yid byung ba chen po skyes te/ 'dod pa'i tshul gyis lha'i dbang po brgya byin la sogs pa bcom ldan 'das la mchod pa'i phyir brtson par gyur te/ de
178a1 dag gis rin po che'i khang pa bkra ba/ blta na sdug pa/ rin po che sna bdun gyi rang bzhin can/ mu tig dmar po'i phreng ba dang / bai DUR+Ya'i phreng bas
178a2 brgyan pa/ gser gyi phreng ba sna tshogs dang / nor bu rin po che skar mdog gi phreng bas brgyan pa/ sa gnas rim pa brgya dang / ba gam dang / khang pa brtsegs pa dang / skar
178a3 khung gis brgyan pa/ gdugs dang / rgyal mtshan dang / ba dan dag gis brgyan pa/ lha rdzas kyi seng+ge'i khris brgyan pa/ bla re chen po dang / dril bu g.yer ka'i dra bas
178a4 brgyan pa/ lha'i rol mo'i tshogs kyis mdzes par byas pa/ lha'i rol mo sil snyan sgra rab tu 'byung ba bye ba phrag brgyad cu mngon par sprul to/ /rta cang shes kyis drangs pa'i
178a5 shing rta lha rdzas kyi rnam pas legs par brgyan pa/ gdugs dang / rgyal mtshan dang / ba dan dag gis mdzes par byas pa bye ba phrag brgyad cu yang mngon par sprul to/ /
178a6 ser skye'i gnas kyi grong khyer thams cad dang ldan pa'i khor ra khor yug tu dpag tshad drug cu tshun chad me tog man+dA ra ba dang / lha'i mchod pa dag gis rgyas par gang bar
178a7 byas so| |glang po che sa srung gi bu bye ba phrag brgyad cu yang mngon par sprul te/ glang po che sa srung gi bu de dag re re zhing yang mgo bo bye ba phrag brgyad cu brgyad cu/ glang po che sa
178b1 srung gi bu'i mgo de dag re re zhing yang so drug drug /so de dag re re zhing rdzing bu bdun bdun/ rdzing bu de dag re re zhing yang pad+ma stong phrag bdun bdun/ pad+ma re re zhing yang 'dab ma brgyad khri
178b2 brgyad khri/ 'dab ma re re zhing yang lha'i bu mo bdun bdun/ lha'i bu mo de dag re re zhing yang 'khor bdun bdun yod pa/ rgyan thams cad kyis brgyan pa sha stag mngon par sprul nas rin
178b3 po che'i khang pa de dag mdun du byas te/ dbus su glang po che sa srung gi bu dag btsud nas phyi bzhin shing rta de ltar bshams pa de dag bkye nas bcom ldan 'das la mchod pa byas so/ /
178b4 rin po che'i khang pa de dag las kyang lha'i tsan+dan dang / a ga ru dang / ut+pa la dang / ta ma la'i lo ma'i phye ma dang / gser phye'i char mngon par bab par gyur to/ /lha'i me tog man+dA ra ba
178b5 dang / man+dA ra ba chen po dang / many+dzu sha ka dang / many+dzu sha ka chen po dang / pa ru sha ka dang / pa ru sha ka chen po dang / mdog dkar dang / mdog dkar chen po dang / sprul pa'i me tog
178b6 dag gi char yang mngon par bab par gyur te/ gser dang / dngul dang / bai DUR+Ya dang / shel dang / mu tig dmar po dang / spug dang / rdo'i snying po dang / rin po che sna bdun gyi me tog gi char
178b7 yang mngon par bab par gyur to/ /lha'i bu mo de dag las la la ni/ glu len/ la la ni/ gar byed/ la la ni/ rol mo byed/ la la ni/ lus kyi tshul sgyur zhing lha ma yin gyi mchod
179a1 pa lta bu dang / glang po che sa srung gi bu de dag dang / rin po che'i khang pa rnams kyis mchod pa byas nas de'i 'og tu rta cang shes kyis drangs pa'i shing rta bye
179a2 ba phrag brgyad cu la zhon te bcom ldan 'das la lan gsum bskor ba byas nas lha'i yo byad rnam pa sna tshogs mang po yang phul bar gyur to/ /lha'i rol mo sil snyan bye ba phrag
179a3 brgyad cu yang bar snang las sgra 'byin par gyur to/ /shing rta bye ba phrag brgyad cu po de dag la yang lha'i bu mo gzhan bye ba phrag brgyad cu brgyad cu mngon par sprul te/ lha'i bu mo de
179a4 dag kyang la la ni/ glu len/ la la ni/ gar byed/ la la ni/ rol mo byed/ la la ni/ lus kyi tshul sgyur zhing lha ma yin gyi mchod pa ji lta ba bzhin du byas so/ /de
179a5 nas sum cu rtsa gsum ris kyi lha bye ba phrag brgyad cu po de dag 'di snyam du sems te/ ji ltar sprul pa'i lha'i bu mo 'di dag bcom ldan 'das la mchod pa byed pa las na/ chos
179a6 thams cad sprul pa dang 'dra ba yin du nges so/ /snyam nas de dag 'di snyam du chos 'di dag thams cad ni/ ji ltar de bzhin gshegs pas bstan pa de bzhin te/ sprul pa dang
179a7 'dra ba yin no/ /snyam du sems par gyur cing / de dag gis chos thams cad sprul pa dang 'dra bar shes nas chos la the tshom med pa thob par gyur to/ /de dag de ltar the tshom
179b1 med cing nem nur med par gyur nas bcom ldan 'das la lan gsum bskor ba byas te bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de dag
179b2 chos thams cad sprul pa dang 'dra bar rtog cing / bdag cag kyang sprul pa dang 'dra bar mthong / mchod pa de dag kyang sprul pa dang 'dra bar mthong / bcom ldan 'das kyang sprul
179b3 pa dang 'dra bar mthong nas bcom ldan 'das kyis chos gang bstan pa de dag kyang sprul pa dang 'dra bar yang dag par shes te/ de dag gis chos thams cad sprul pa lta bu'o/ /zhes
179b4 bya bar shes nas the tshom med cing nem nur med par gyur te/ de'i tshe bcom ldan 'das la tshigs su bcad pa dag gis mngon par bstod pa/ 'gro ba kun gyis mchod pa gang bgyis
179b5 dang / /sprul pa'i mchod pa 'di dag gang bgyis dang / /lha rnams kyis ni sangs rgyas mchod byas pa/ /'di ltar chos 'di thams cad sprul pa nyid/ /'dren pas chos kun gsungs pa
179b6 gang lags dang / /de bzhin gshegs pas lung bstan mtha' dag kyang / /'di dag thams cad sprul pa 'dra'o zhes/ /de ltar lha tshogs de dag blo gros skyes/ /bcom ldan sprul pa 'di dag
179b7 ji bzhin du/ /ston pa'ang de bzhin sprul dang 'dra ba ste/ /rgyal bas lung bstan bdag cag 'tshal gyur pas/ /'di la bdag cag the tshom ma mchis so/ /rgyal bas so so'i skye bo rnams mkhyen nas//
180a1 byis pa'i sa thob tha snyad gang btags pa/ /de dag kun kyang sprul pa ji bzhin te/ /bde gshegs 'gro ba lung bstan de bzhin no/ /slob pa rnams dang gang
180a2 dag mi slob dang / /bcom ldan nyan thos dul ba'i sa thob pa/ /de dag kun kyang bcom ldan sprul dang 'dra/ /bcom ldan bstan la the tshom ma mchis so/ /bcom ldan gang rnams mi smra
180a3 lhur len cing / /bse ru lta bur gnyis med nyon mongs spangs/ /de dag rnams kyang sprul 'drar bcom ldan 'das/ /bde gshegs bstan la the tshom ma mchis so/ /gang rnams
180a4 'gro ba kun la bde phan phyir/ /rgyal ba'i byang chub spyad spyod bag yod pa'i/ /byang chub sems dpa' bde gshegs sras dag kyang / /khyad par ma mchis sprul pa 'di dang 'dra/ /bde gshegs
180a5 rang byung rnam par 'dren pa mchog /stobs bcu shes rab mtha' yas thugs rje can/ /ye shes stobs 'phags 'jig rten gtso bo dag /sprul pa 'di 'dra de dag rang bzhin
180a6 mtshungs/ /'dren pas 'di la chos rnams gang gsungs pa/ /gnas med zhi bsil nyon mongs med gyur cing / /sdug bsngal zhi byed mthar thug grangs med pa/ /de yang sprul pa
180a7 'di dag ji bzhin no/ /bcom ldan 'di la chos rnams gang dag dag kyang / /sprul pa'i rang bzhin ma lags de ma mchis/ /gang tshe go 'u ta ma'i bstan pa 'di/ /bdag cag rtogs
180b1 nas the tshom thams cad spangs/ /sprul pa 'di 'drar chos rnams kun mthong nas/ /bdag cag rnams kyang 'jig rten mgon por 'gyur/ /bde gshegs spyod yul 'di la spyod pa
180b2 rnams| |the tshom ma mchis rang byung 'dren par 'gyur/ /de nas bcom ldan 'das kyis de'i tshe sum cu rtsa gsum ris kyi lha'i bu bye ba phrag brgyad cu po de dag gi lhag pa'i bsam pa thugs
180b3 su chud nas 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ gzhal med grags mang mtha' yas gzi brjid can/ /bde
180b4 gshegs rnams ni rgyu med 'dzum mi mdzad/ /rnam par 'dren pas 'dir ni 'dzum mdzad na/ /rgyal bas 'dzum pa'i tshig gsungs the tshom khum/ /rang byung bde gshegs zhal nas
180b5 'dzum pa 'di/ /byung bar rigs nas 'jig rten the tshom 'tshal/ /'gro ba'i the tshom thub pas bsal du gsol/ /'gro ba 'di dag the tshom ma mchis mdzod/ /lha tshogs 'di rnams
180b6 rab tu yid dga' bas/ /rgyal ba bstod de lha rdzas rnams kyis mchod/ /bde gshegs de dag don du 'dzum pa mdzad/ /rgyal ba 'khor 'di dga' mdzad bka' stsal to/ /zla 'drar dri
180b7 med 'od mnga' mtha' yas gzi/ /ci nas bde gshegs bka' ni 'di thos pas/ /mgon po 'gro ba thams cad dgar 'gyur bar/ /rgyal ba lha tshogs mchod mkhyen bka' stsal
181a1 gsol| |bde gshegs lha tshogs 'di yis chos rnams kun/ /sprul pa lta bur rnam par rtogs gyur na/ /stobs bcu mnga' bas don 'di bka'
181a2 stsal te| |rab rib bral ba lha yi bslab pa gsungs/ /skye bo 'di dag the tshom bral gyur nas/ /thub pa de ltar byang chub spyod rtsom 'gyur/ /rab tu dpa' ba 'khor 'dis thos gyur
181a3 te| |dgongs pa rig nas rgyal chen rtsom par 'gyur/ /de nas bcom ldan 'das kyi tshe dang ldan pa rta thul la tshigs su bcad de slar bka' stsal pa/ lha tshogs 'di dag rab tu
181a4 dga' shes nas/ /rta thul khyod kyis dus dang ldan pa'i tshig /smras pa de ni dus la bab pa ste/ /'dzum pa dris pa de ni lung bstan to/ /lha rnams bsam shes 'dzum pa de dris
181a5 pa| |des ni khyod kyis 'gro ba'i don chen byas/ /'dzum pa mdzad pa'i rgyu de ngas bstan gyi/ /dga' zhing dang ba'i sems kyis nga la nyon/ /lha tshogs rnams kyis chos rnams 'di
181a6 dag ni| |ma lus sprul pa lta bur shes gyur nas/ /chags med ye shes mthong ba dpag med cing / /rab rib bral ba'i 'jig rten mgon por 'gyur/ /srid pa'i rgyud na sngon yang
181a7 'khor ba'i tshe/ /mi yi gtso bo gang+gA'i bye snyed mchod/ /sring rgyud de na 'di dag thub pa las/ /chos rnams sprul pa lta bur ma mthong ngo / /'di dag nga la mchod mchog 'dir
181b1 byas pas/ /chos rnams sprul pa 'dra bar mngon du mthong / /bde gshegs bstan pa 'di la byas pa ni/ /chud zos mi 'gyur bar chad yod mi 'gyur/ /lha tshogs 'di yis nga la mchod
181b2 byas te| |chos rnams thams cad sprul pa 'drar shes pas/ /bskal pa pad+ma zhes bya byung ba'i tshe/ /smra ba'i zla ba mi yi mchog tu 'gyur/ /khyu mchog ldan pa'i ming mchog 'gyur ba ni/ /
181b3 bde gshegs rab mkhas dbang po'i tog rgyal po/ /chos rnams thams cad sprul pa 'drar ston cing / /'gro ba khrag khrig dpag med 'grol bar 'gyur/ /bde gshegs de dag bstan
181b4 la bag yod pa/ /chos rnams 'di dag sprul pa 'dra bar sems/ /zhi gnas de la su brten bag yod pa/ /myur du bla med byang chub mchog zhi thob/ /sum cu rtsa gsum pa lung bstan
181b5 pa'i le'u ste/ bco lnga pa'o// //de nas de'i tshe 'thab bral gyi lha bye ba phrag bzhi bcus lha ma yin rnams nas sum cu rtsa gsum ris kyi lha'i bar du de dag gis mchod pa
181b6 yang mthong / lung bstan pa yang thos nas tshim zhing mgu la yid rangs te/ rab tu dga' zhing dga' ba dang / yid bde ba skyes nas bcom ldan 'das kyang lung bstan pa la thogs
181b7 pa mi mnga' bar shes shing / sangs rgyas kyi chos rnams ni/ nyams dga' ba ste/ de dag thob na/ ma shes pa'am/ ma mthong ba'am/ ma rtogs pa'am/ mngon du ma byas
182a1 pa'am| skye ba'am/ 'gag pa'am/ las sam/ las kyi rnam par smin pa gang yang med do/ /zhes sangs rgyas kyi chos rnams la 'dod pa bskyed do//
182a2 'di ltar de bzhin gshegs pas kun rdzob dang / don dam pa gnyis thugs su chud de/ shes par bya ba yang kun rdzob dang / don dam pa 'dir zad do/ /de yang bcom ldan
182a3 'das kyis stong pa nyid rab tu gzigs/ rab tu mkhyen/ legs par mngon du mdzad pas/ de'i phyir thams cad mkhyen pa zhes bya'o/ /de la kun rdzob ni/ 'jig rten gyi
182a4 spyod par de bzhin gshegs pas gzigs so/ /don dam pa gang yin pa de ni/ brjod du med pa ste/ shes par bya ba ma yin pa/ rnam par shes par bya ba ma yin pa/ yongs
182a5 su shes par bya ba ma yin pa/ ma bstan pa/ rab tu ma bstan pa/ ma thos pa/ thos par ma byas pa/ ma shes pa/ rnam par ma shes pa/ ma bstan pa/ ma mthong ba/ ma brtags
182a6 pa| 'dzin du ma bcug pa/ rtogs par ma byas pa/ thob par ma byas pa/ ma thob pa/ nye bar ma bsnyen pa/ ma bor ba/ ma bzhag pa/ ma spangs pa/ bya ba med pa/ byad pa
182a7 med pa| rab tu zhi ba med pa/ ma smad pa/ ma bstod pa/ thob pa ma yin pa/ ma thob pa ma yin pa/ bde ba ma yin pa/ sdug bsngal ma yin pa/ snyan pa ma yin pa/ mi snyan pa ma
182b1 yin pa| gzugs ma yin pa/ gzugs med pa ma yin pa/ grangs med pa/ bgrang ba med pa/ 'jig rten med pa/ 'jig rten dang bral ba med pa/ kun nas nyon mongs pa med pa/
182b2 rnam par byang ba med pa/ 'gro ba med pa/ ldog pa med pa/ ma brtags pa/ rnam par ma brtags pa/ ma g.yos pa/ ma bsam pa/ ma bskyod pa/ mngon par 'dus ma byas pa/
182b3 ma spros pa/ spros pa dang bral ba ste/ 'di ltar gzugs kyi mtshan ma mi dmigs pa/ tshor ba dang / 'du shes dang / 'du byed dang / rnam par shes pa'i mtshan ma mi dmigs
182b4 pa| mig dang / rna ba dang / sna dang / lce dang / lus dang / yid kyi mtshan ma mi dmigs pa/ gzugs dang / sgra dang / dri dang / ro dang / reg bya dang / chos kyi mtshan ma mi
182b5 dmigs pa/ mig gi rnam par shes pa dang / rna ba dang / sna dang / lce dang / lus dang / yid kyi rnam par shes pa'i mtshan ma mi dmigs pa/ mig gi 'dus te reg pa dang / rna ba
182b6 dang / sna dang / lce dang / lus dang / yid kyi 'dus te reg pa'i mtshan ma mi dmigs pa/ mig gi 'dus te reg pa las byung ba'i tshor ba'i mtshan ma mi dmigs pa/ yid kyi 'dus
182b7 te reg pa las byung ba'i chor ba'i bar gyi mtshan ma mi dmigs pa/ gzugs kyi 'du shes kyi mtshan ma mi dmigs pa/ chos kyi bar gyi 'du shes kyi mtshan ma mi dmigs pa/ gzugs
183a1 su sems pa'i mtshan ma mi dmigs pa/ chos kyi bar du sems pa'i mtshan ma mi dmigs pa/ yid la bya ba'i mtshan ma mi dmigs pa/ sa dang /
183a2 chu dang / me dang / rlung dang / nam mkha' dang / rnam par shes pa'i khams kyi mtshan ma mi dmigs pa/ 'dod pa dang / gzugs dang / gzugs med pa'i khams kyi
183a3 mtshan ma mi dmigs pa/ 'dus byas dang / 'dus ma byas pa'i mtshan ma mi dmigs pa ste/ 'di ltar chos gang dang gang brjod pa'i rang bzhin gang dang gang gis brjod
183a4 pa'i chos de dang de brjod pa'i rang bzhin de dang des mi brjod pa ste/ sangs rgyas kyi chos rnams ni/ de ltar nyams dga' ba yin na/ de byis pa so so'i skye bo thos pa dang mi
183a5 ldan pa mi shes pa rnams kyis thos na/ 'jigs shing sngangs pa dang / skrag par 'gyur te/ des 'jigs par gyur pas/ thams cad mkhyen pa'i ye shes las nyams par
183a6 'gyur te/ de dag ni/ lha dang bcas pa'i 'jig rten gyis mya ngan du bya ba ste/ 'khor ba na yod pa'i sdug bsngal gyi rgyun to/ /zhes te/ de dag gis 'di ltar sangs rgyas kyi chos
183a7 rnams la 'dod pa bskyed nas sangs rgyas kyi chos rnams kyi don du bcom ldan 'das la mchod pa'i phyir brtson par gyur te/ de dag gis sum cu rtsa gsum pa'i mchod pa las
183b1 khyad par du 'phags pas bcom ldan 'das la mchod de bcom ldan 'das kyi zhabs la mgo bos phyag 'tshal nas bcom ldan 'das la lan gsum bskor ba byas te phyogs
183b2 gcig tu 'khod do/ /phyogs gcig tu 'khod nas 'thab bral gyi lha de dag bcom ldan 'das la tshigs su bcad pa dag gis mngon par bstod pa/ rgyal ba khyod kyis phung po
183b3 dben par gzigs/ /khams dang skye mched rnams kyang de bzhin te/ /dbang po'i grong ni mtshan mas dben pa dag /kun kyang thub pa khyod kyis ji bzhin gzigs/ /'jig rten mkhas
183b4 pa'i bden pa de gnyis te/ /khyod kyis gzhan las ma gsan rang gis gzigs/ /de ni kun rdzob bden dang don dam ste/ /bden pa gsum pa gang yang ma mchis so/ /gang gis bde
183b5 bar gshegs la 'gro ba rnams/ /bde ba'i don du dad pa skye 'gyur ba/ /rgyal bas 'gro ba rnams kyi don slad du/ /'jig rten phan phyir kun rdzob de bstan to/ /sems can tshogs kyi
183b6 'gro drug gang bstan pa/ /sems can dmyal dang dud 'gro yi dwags dang / /lha min ris dang mi dang lha yi rnams/ /mi yi seng+ges kun rdzob btags pa mdzad/ /rigs dma' de bzhin
183b7 mtho ba'i rigs rnams dang / /phyug po'i khyim dang dbul ba'i khyim rnams dang / /bran gyi tshogs dang de bzhin g.yo gi tshogs/ /bud med tshogs dang skyes pa ma ning dang / /'gro
184a1 ba'i khyad par ji snyed gang yang rung / /mtshungs med khyod kyis 'jig rten bstan mdzad pa/ /kun rdzob bden par mkhas pas thugs chud nas/ /'jig
184a2 rten phan pas mi la de bstan to/ /de la dga' ba'i 'gro ba 'khor ba ni/ /'gro ba'i chos brgyad de la mi 'byung ste/ /thob dang ma thob snyan dang mi snyan dang / /bstod dang smad dang bde
184a3 dang sdug bsngal lo/ /thob pa rnyed na de la chags pa skyed/ /ma thob gyur na des kyang 'khrug par 'gyur/ /gang gzhan ma bstan tshul 'dis shes par bya/ /nad rnams brgyad
184a4 kyis de rgyud gnod par 'gyur/ /kun rdzob de la don dam su smra ba/ /de dag nor ba'i blo ldan shes par bya/ /mi sdug sdug dang sdug bsngal bde ba dang / /bdag med rang bzhin bdag tu smra
184a5 pa dang / /mi rtag chos la rtag ces smra bgyid cing / /de ltar dga' ste mtshan mar gang gnas pa/ /de dag bder gshegs gsungs ni thos gyur na/ /'jigs shing ji bzhin
184a6 mi rtogs spong bar bgyid/ /de dag bde gshegs gsung ni spangs gyur pas/ /sems can dmyal bar sdug bsngal mi bzad myong / /de dag tshul min bde ba tshol bgyid
184a7 kyang / /sdug bsngal brgyad dag byis pas myong bar 'gyur/ /'jig rten phan pa'i bstan pa su zhig gis/ /ma log blos ni rnam par rtogs gyur na/ /sbrul gyi pags pa rnying ltar rab
184b1 spangs te/ /srid pa kun las 'das nas zhi bar 'gyur/ /chos 'di thams cad rang bzhin dben pa ste/ /stong pa mtshan ma med pa don dam zhes/ /gang gis thos nas dga' ba skye
184b2 'gyur ba/ /de dag bla med byang chub thob par 'gyur/ /ji ltar bde bar gshegs pas gsungs pa'i chos/ /de la lha rnams the tshom ma mchis te/ /'gro ba thams cad yongs su
184b3 dgrol ba'i phyir/ /de dag bla na med pa'i byang chub tshol/ /byang chub blo can rnam dag blo can rnams/ /skyes bu mchog gis dga' ba bskyed du gsol/ /de thos 'gro ba kun la sman
184b4 slad du| |bla na med pa'i byang chub thob par 'gyur/ /de nas de'i tshe bcom ldan 'das kyis 'thab bral ris kyi lha bye ba phrag bzhi bcu po de dag gi lhag pa'i bsam pa thugs su chud
184b5 nas de'i tshe 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol ba/ 'jig rten phan pas 'dzum pa gang mdzad des/ /khyod kyi
184b6 'khor ni the tshom 'tshal bar 'gyur/ /mi mchog 'dzum pa'i rgyu de bka' stsal gsol/ /des ni 'khor 'di rab tu dga' bar 'gyur/ /lha rnams lung bstan de ni thos gyur na/ /'khor
184b7 'di shin tu dga' zhing mgu bar 'gyur/ /rigs pa ldan pa bstan pa 'di nyid la/ /bde ba nan tan bgyid cing rtsom par 'gyur/ /rgyal ba khyod 'khor 'dir ni mchog ldan te/ /drang
185a1 srong chen po sangs rgyas yon tan snod/ /'gro ba 'di rnams bsdu ba mdzad slad du/ /snyan pa'i gsung ni legs par brjod du gsol/ /sangs rgyas
185a2 yon tan mthu dag thos gyur na/ /skye rgu kun la rab tu sman par 'gyur/ /bde bar gshegs pas lung bstan de thos na/ /mkhas pa rnams ni tshul bzhin rtsom par 'gyur/ /
185a3 mi yi dam pa smra ba'i mchog gis 'dir/ /the tshom 'tshal ba'i nem nur legs par gsol/ /'khor rnams thams cad thos par dga' zhing bstod/ /lha rnams lung
185a4 bstan pa ni bka' stsal gsol/ /kun kyang rim gror gus par rna blags te/ /khyod kyi lung bstan rab tu dga' ba la/ /sgrib pa rab tu spangs shing de dag nyan/ /'jig rten
185a5 phan phyir skyes bu mchog gis gsungs/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ 'jig rten phan phyir mkhas pas
185a6 'dzum mdzad pa/ /rta thul khyod kyis dris pa dus dang ldan/ /sangs rgyas yon tan mthu ni thos gyur na/ /skye bo tshogs chen rnams kyi don du 'gyur/ /sangs rgyas yon tan tshogs la
185a7 blo zhan cing / /'dod chags blo dang zhe sdang blo ldan dang / /tshe rabs brgyar ni rtsod pa'i blo can dang / /gti mgu blo can dga' ba skyer mi 'gyur/ /gang rnams rgyal bas bstan la
185b1 dga' ba dang / gang gis rgyal ba rnams la sngon dris dang / /gang rnams snying rje che dang ldan pa dag /de kun sangs rgyas yon tan ldan par 'gyur/ /gang gis 'gro ba gnod zin mthong
185b2 gyur te| |mi yi seng+ge snying rje skyed byed pa/ /de dag sangs rgyas yon tan 'di thos na/ /ut+pal phreng bzhin mgo la khyer bar 'gyur/ /nga yi 'khor 'di rab tu dga' gyur pa/ /sngon gyi
185b3 rgyal la bsnyen bkur sngon byas te/ /de dag sangs rgyas yon tan yid 'ong 'di/ /me tog phreng bzhin de dag yang dag lta/ /'thab bral lha rnams sngon gyi rgyal kun la/ /bsnyen
185b4 bkur byas shing chags pa spangs pa ste/ /nyon mongs smad cing sangs rgyas blo ldan 'gyur/ /snying rje ldan zhing nyon mongs med blo ldan/ /rgyal ba mi yi seng+ge gang+gA yi/ /bye snyed kun la
185b5 sngon chad bsnyen bkur byas/ /byang chub bla na med par smon byed cing / /dge ba mtha' yas 'di dag kun gyis byas/ /sems can nyon mongs 'dam bying rig gyur nas/ /sdug bsngal
185b6 gyur pa rnams la snying rje bskyed/ /de dag mi mchog sems can yang mdzad la/ /chos tshul mtha' yas yongs su dris par gyur/ /gang thos nas ni rnam par 'dren gyur pa/ /rnam 'dren
185b7 chos la 'jug pa 'chad par gyur/ /mi yi nyon mongs spyod pa rab mkhyen nas/ /de dag rnams la rgya chen chos kyang 'chad/ /rnam 'dren skyes bu dam pa'i mchog de dag /rang bzhin med
186a1 pa stong pa nyid kyang 'chad/ /de dag rgyal ba'i gsung de thos gyur nas/ /'gro ba thams cad stong par rab tu rtogs/ /cis stong zhe na mtshan ma'i rnam
186a2 pas stong / /rang bzhin med cing mtshan ma med pa smra/ /rgyal ba'i chos rnams de ltar shes gyur nas/ /kun kyang sangs rgyas yon tan rnams la gnas/ /de dag nga la mchod pa
186a3 rgya chen byas/ /bdag gis chos bzhin du ni lung bstan nas/ /skar tshogs mnyam pa'i bskal ba dam pa la/ /bla na med pa'i byang chub thob par 'gyur/ /bde gshegs
186a4 mnyam pa med pa bye ba phrag /nyi shu nyi shus yongs su gang bar 'gyur/ /blo gros dag ces bya ba'i grangs su 'gro /sems can bsam yas yongs su sbyong bar 'gyur/ /
186a5 'thab bral 'khod pa'i lha yi bsam pa rnams/ /rta thul gyis ni yongs su zhus byas pa/ /rgyal ba dgra rgyal drang srong chen po yis/ /lung bstan lha dang bcas pa'i 'jig rten
186a6 dga'| |'thab bral ba lung bstan pa'i le'u ste/ bcu drug pa'o// //de nas dga' ldan ris kyi lha bye ba phrag brgyad cus lha ma yin rnams nas 'thab bral gyi
186a7 ris kyi lha'i bar de dag gi mchod pa yang mthong / lung bstan pa yang thos nas 'di snyam du sems te/ gang bcom ldan 'das kyis bla na med pa yang dag par rdzogs pa'i
186b1 byang chub tu lung bstan pa'i chos de gang zhig /ci gzugs sam/ 'on te tshor ba'am/ 'on te 'du shes sam/ 'on te 'du byed dam/ 'on te rnam par shes pa zhig bcom
186b2 ldan 'das kyis bla na med pa yang dag par rdzogs pa'i byang chub tu lung bstan snyam nas de dag 'di snyam du sems te/ gzugs ni|bcom ldan 'das kyis bla na med pa yang
186b3 dag par rdzogs pa'i byang chub tu lung ma bstan to/ /tshor ba dang / 'du shes dang / 'du byed dang / rnam par shes pa ni/ bcom ldan 'das kyis bla na med pa yang dag
186b4 par rdzogs pa'i byang chub tu lung ma bstan to/ /de ci'i phyir zhe na/ gzugs kyang ma skyes pa/ byang chub kyang ma skyes pa na/ ji ltar ma skyes pas ma skyes pa mngon par rdzogs par
186b5 'tshang rgya bar bya/ tshor ba dang / 'du shes dang / 'du byed dang / rnam par shes pa yang ma skyes pa/ byang chub kyang ma skyes pa na/ de la ji ltar ma skyes pas ma skyes pa mngon
186b6 par rdzogs par 'tshang rgya bar bya/ gzugs kyang 'gag pa med pa/ byang chub kyang 'gag pa med pa/ rnam par shes pa'i bar yang 'gag pa med pa/ byang chub kyang 'gag
186b7 pa med pa/ gzugs kyang spros pa med pa/ byang chub kyang spros pa med pa/ rnam par shes pa'i bar yang spros pa med pa/ byang chub kyang spros pa med pa/ gzugs kyang gnyis
187a1 su med pa/ byang chub kyang gnyis su med pa/ rnam par shes pa'i bar yang gnyis su med pa/ byang chub kyang gnyis su med pa/ gzugs kyang g.yo ba
187a2 med pa| byang chub kyang g.yo ba med pa/ rnam par shes pa'i bar yang g.yo ba med pa/ byang chub kyang g.yo ba med pa/ gzugs kyang dmigs su med pa/ byang chub kyang dmigs
187a3 su med pa/ rnam par shes pa'i bar yang dmigs su med pa/ byang chub kyang dmigs su med pa na/ ji ltar 'gag pa med pa dang / spros pa med pa dang / gnyis su med pa
187a4 dang / g.yo ba med pa dang / dmigs su med pas 'gag pa med pa dang / dmigs su med pa'i bar du mngon par rdzogs par 'tshang rgya bar bya/ de ltar chos thams cad mi
187a5 dmigs na/ 'di la sangs rgyas ni/ gang / byang chub sems dpa' ni/ gang / byang chub ni/ gang / lung bstan pa ni/ gang / gzugs ni/ gzugs kyis stong / tshor
187a6 ba dang / 'du shes dang / 'du byed dang / rnam par shes pa ni/ rnam par shes pas stong / sangs rgyas ni/ sangs rgyas kyi ngo bo nyid kyis stong / byang chub sems dpa' ni/
187a7 byang chub sems dpa'i ngo bo nyid kyis stong / byang chub ni/ byang chub kyi ngo bo nyid kyis stong / lung bstan pa ni/ lung bstan pa'i ngo bo nyid kyis stong ste/ de ltar chos thams cad
187b1 rang bzhin gyis stong pa la gzugs zhes bya ba dang / rnam par shes pa'i bar zhes bya ba dang / sangs rgyas zhes bya ba dang / lung bstan pa'i bar zhes bya ba de dag ni/ tha snyad tsam/ ming
187b2 tsam| brda tsam/ kun rdzob tsam/ brjod pa tsam/ gdags pa tsam ste/ de la mkhas pa rnams kyis mngon par zhen par bya ba'i mi cha'o/ /'di lta ste/ dper na/ mi zhig nyal ba'i
187b3 rmi lam na 'dod pa'i yon tan lnga dang ldan zhing rtse rtse ba las/ de la nyal ba las sad na/ 'dod pa'i yon tan de dag mi mthong ste/ de rjes su dran na yang mi rnyed cing / de ltar ma rnyed
187b4 pa'i phyir sdug bsngal du 'gyur ba de bzhin du byang chub sems dpa'i theg pa la yang dag par zhugs pa rnams kyang byang chub tshol na/ de dag byang chub dang phrad par mi 'gyur te/ byang chub
187b5 ma rnyed cing ro ma myong bas sdug bsngal du 'gyur ro/ /de ci'i phyir zhe na/ 'di ltar chos thams cad ni/ rmi lam lta bu nor ba ste/ chos de dag gi don ni/ rnam pa gzhan la/ so so'i skye bo
187b6 de dag kyang rnam pa gzhan du zhen to/ /chos de dag ni/ de ltar shes par bya ba yin na/ de la chos gang zhig sangs rgyas yin/ gang zhig byang chub sems dpa' yin/ gang zhig byang chub
187b7 yin| gang zhig lung bstan pa yin/ /de ltar chos thams cad dmigs su med de/ so so'i skye bo yang dmigs su med de/ so so'i skye bo'i chos kyang dmigs su med/ nyan thos kyang
188a1 dmigs su med/ nyan thos kyi chos kyang dmigs su med/ rang sangs rgyas kyang dmigs su med/ rang sangs rgyas kyi chos kyang dmigs su med
188a2 byang chub sems dpa' yang dmigs su med/ byang chub sems dpa'i chos kyang dmigs su med/ sangs rgyas kyang dmigs su med/ sangs rgyas kyis chos kyang dmigs su
188a3 med/ byang chub kyang dmigs su med/ mya ngan las 'das pa yang dmigs su med do/ /bcom ldan 'das/ de la ni/ bdag cag the tshom ma mchis/ yid gnyis ma
188a4 mchis so/ /zhes gsol nas dga' ldan ris kyi lha'i bu de dag chos de dag la the tshom med cing nem nur med par gyur te/ bcom ldan 'das la mchod pa bya ba'i phyir
188a5 brtson par gyur nas de dag gis 'thab bral gyi mchod pa las khyad par du 'phags pas bcom ldan 'das la mchod pa byas te bcom ldan 'das kyi zhabs la mgo bos
188a6 phyag 'tshal nas bcom ldan 'das la lan gsum du bskor ba byas te phyogs gcig tu 'khod do/ /phyogs gcig tu 'khod nas bcom ldan 'das la tshigs su bcad pa dag
188a7 gis mngon par bstod pa/ gang dag sangs rgyas yon tan rab gnas pa/ de dag 'jug pa de bzhin gshegs pas gsungs/ /rnam thar sgo gsum de ni rnyed gyur pas/ /mtshungs
188b1 pa med pa'i spyod yul spyod par 'gyur/ /gzugs dang tshor ba 'du shes ma mchis te/ /sems dang bsam pa de bzhin ma mchis pa/ /chags med blo mnga' rnams kyi spyod
188b2 yul lags/ /mi yi seng+ge phung po dben la dgyes/ /skyes bu dam pa mkhas pa de dag gi /byang chub sems kyang nam yang 'byung ma mchis/ /phung po dben pa'i yon tan myong
188b3 gyur nas/ /sangs rgyas dgongs la nem nur spangs blo ldan/ /de dag byang chub smon pa ma mchis shing / /byang chub sems la'ang de dag mi smon de/ /dga' dang zhum par 'gyur
188b4 ba ma mchis par/ /bde gshegs sras rnams spyad pa spyod byed pas/ /bde gshegs rnams kyis chos rnams mnyam par gzigs/ /de la rgyal sras 'jigs dang bral ba rnams/ /
188b5 yang dang nyid du sangs rgyas legs spyod cing / /mkhas pa de dag 'jig rten 'di na spyod/ /gzugs kyi mtshan ma rnam par gzhig bgyis shing / /mtshan ma'i rnam pa thams
188b6 cad rab spangs te/ /srid pa gsum la de dag yong mi smon/ /dngos po stong par smon lam de dag bgyid/ /phung po 'di dag ma skyes rtogs gyur cing / /lung bstan bde gshegs
188b7 nyid kyang ma skyes la/ /byang chub sems dpa' byang chub kyang ma skyes/ /de ltar gang 'tshal de la rmongs ma mchis/ /skye bo'i chos dang sangs rgyas yon tan rnams/ /de dag
189a1 kun dang bde gshegs ma skyes te/ /mi yi seng+ge de ltar gang 'tshal ba/ /de ni khyod sras khyod ni de yi yab/ /gang zhig phung po 'gag pa ma mchis shing
189a2 khams dang skye mched de bzhin rgyal ba'i chos/ /byang chub rgyal ba de bzhin lung bstan pa/ /bcom ldan 'das 'di kun 'gag med 'tshal ba dang / /gang rnams byang chub 'tshal
189a3 cing spyod bgyid pa/ /'jig rten mkhas pa de dag 'gag ma mchis/ /'gro ba thams cad 'gag med blor gyur na/ /de 'dra'i blo can byang chub rnyed mi dka'/ /phung po skye mched
189a4 dag dang khams rnams dang / /byang chub rgyal ba rgyal las mi g.yo bar/ /gang gis 'tshal ba de dag rgyal sras te/ /de dag rgyal ba'i chos 'di 'dzin pa lags/ /phung po
189a5 sems med de bzhin skye mched dang / /khams dang byang chub rgyal ba rgyal sras dang / /lung bstan de bzhin sems dpa' ma mchis par/ /gang gis 'tshal ba de dag rgyal
189a6 ba'i sras/ /rang byung phung po dngos nyid stong pa ste/ /khams dang skye mched dag dang rgyal ba dang / /byang chub dang ni lung bstan rgyal sras rnams/ /ngo bo nyid kyis stong par gang
189a7 spyod dang / /phung po spros 'dra de bzhin khams rnams dang / /skye mched rkang gnyis mchog dang byang chub dang / /lung bstan spros pa med par gang spyod cing / /de ltar gang 'tshal de
189b1 dag rgyal ba'i sras/ /gnas pa ma mchis mi gnas ma lags te/ /mchis pa ma lags ma mchis yod ma lags/ /'dus byas ma lags 'dus ma byas ma lags/ /de ltar gang
189b2 'tshal de dag rgyal ba'i sras/ /rgyal dang 'gro 'di de ltar yongs mthong zhing / /ston pa'i dgongs pa de ltar 'tshal gyur la/ /de ltar bgyis na gang zag mchog mchod cing / /'dren
189b3 pa 'khor dang bcas la bsnyen bkur lags/ /rnam par 'dren pa bstod pa'i bsod nams gang / /ji snyed 'jig rten phan mdzad mkhyen pa yi/ /dge ba 'di yis 'gro ba rang byung
189b4 pa| |rgyal ba mtshan mchog ldan par 'grub par shog /de nas bcom ldan 'das kyis dga' ldan ris kyi lha de dag gi lhag pa'i bsam pa thugs su chud nas 'dzum pa mdzad do/ /
189b5 de nas tshe dang ldan pa rta thul gyis bcom ldan 'das la tshigs su bcad de gsol pa/ 'dren pa rgyu yi stobs ni gang zhig gis/ /stobs chen brnyes pa 'di ltar 'dzum mdzad pa//
189b6 'dzum pa'i rgyu de 'dren pas bka' stsal gsol/ /des ni 'jig rten 'di dag dga' bar 'gyur/ /shAkya thub pa'i zhal nas 'dzum mdzad pa/ /'gro ba 'dis mthong the tshom 'tshal
189b7 gyur te| |nyan par 'tshal zhing gzhan du mi sems par/ /kun kyang 'jig rten phan pa'i zhal du lta/ /'di ltar dper na nad pa nad skyo ba/ /sman pas bsgo ba bzhin du 'dzin bgyid pa/ /de
190a1 bzhin 'khor 'di lung bstan thos 'tshal zhing / /rkang gnyis dbang po bde gshegs zhal du lta/ /'khor 'di thams cad rgya chen ldan pa ste/ /sangs
190a2 rgyas dgongs la zhen pa'i yid dang ldan/ /rgyal bas lung bstan de dag thos 'tshal te/ /kun kyang bde gshegs zhal du lta zhing sdod/ /de la rgyal bas thugs rje che bskyed cing //
190a3 ci nas 'khor 'di rab tu dga' 'gyur dang / /sangs rgyas dgongs la bsam pa gzhog 'gyur bas/ /ye shes stobs kyis the tshom gcad du gsol/ /mi yi khyu mchog lung
190a4 bstan dus la bab/ /the tshom 'tshal ba'i the tshom bsal du gsol/ /sangs rgyas slar bsdo'i dgra ni mi mnga' na/ /rtog ge'i tshogs kyi sde ni gzhig tu gsol/ /de nas
190a5 bcom ldan 'das kyis tshe dang ldan pa rta thul la tshigs su bcad de slar bka' stsal pa/ rta thul khyod kyis 'jig rten sgron mdzad la/ /'dzum pa'i don dris de ni dus dang ldan//
190a6 de ltar 'jig rten mkhas la dris pas na/ /de ring 'gro ba 'di yi don chen byas/ /'jig rten phan phyir 'dzum pa 'di mdzad pa/ /gang gis chos rab 'di dag shes gyur te/ /
190a7 nga la mchod pa rgya chen 'di byas pa'i/ /dga' ldan lha yi bsam pa mkhyen nas mdzad/ /'gro ba yang dag rtogs pa bzhin du mthong / /rgyal ba'i dgongs pas chos nyid brnyes
190b1 par gyur/ /gang la 'gro ba thams cad rmongs gyur pa'i/ /rnam par thar pa'i sgo gsum rab tu rtogs/ /sngon gyi rgyal ba rnams la lhag bya byas/ /bsam pa gcig gis zhu ba legs
190b2 par zhus/ /de nyid du ni stong nyid legs par bsgoms/ /sngon chad byas pa de ni 'dir yang bstan/ /de dag de bzhin gshegs dang deng phrad cing / /skyes bu mchog dang 'grogs
190b3 pa thob gyur nas/ /stong pa nyid kyis 'dren pa bstod byas pas/ /de ring 'gro ba'i don chen shin tu byas/ /'gro ba thams cad skye med ji bzhin du/ /byang chub rgyal ba de bzhin lung bstan
190b4 dang / /gang dag zhi ba thob nas spyod pa dang / /byang chub de bzhin de dag skye ba med/ /'gro ba kun gyi chos nyid de 'dra ba/ /de shes byang chub thob par 'gyur ro zhes/ /lha rnams gang yang
190b5 de la the tshom med/ /byang chub sems kyis rtag par de ltar spyod/ /de bzhin 'gro ba 'gag med ji bzhin du/ /lha tshogs 'di dag rtog pa'i blo ldan te/ /mkhas pa 'di dag nem nur
190b6 med pas na/ /de phyir 'di dag rgyal ba rang byung 'gyur/ /gnas pa med pa la ni nges gyur nas/ /g.yo ba med pa de la nem nur med/ /'gro ba kun la sems pa yod min pa/ /de la'ang
190b7 lha rnams the tshom yod med do/ /chos rnams ngo bo nyid kyis rang bzhin med/ /byang chub sems dang de bzhin byang chub kyang / /thams cad ngo bo nyid kyis rang bzhin med/ /de la'ang lha rnams
191a1 the tshom rnam par dag /blo mchog ldan pa'i dga' ldan lha 'di rnams/ /kun kyang gnas med de la rab gnas te/ /de phyir lha rnams byang chub rnyed mi
191a2 dka'| |rang byung nyid ni myur du thob par 'gyur/ /'dren pa skar ma 'dra ba'i bskal pa la/ /'gro ba mtha' yas rnam par 'grol bar 'gyur/ /rgyal ba de dag mtshan du
191a3 'gyur ba ni/ /rang byung chos la rnam nges rgyal po'o/ /de ltar rgyal bas dga' ldan lha rnams kyi/ /bsam pa mkhyen te 'gro la bstan mdzad pa/ /de thos nas ni lhar bcas
191a4 'jig rten yang / /yi rang gyur cing stobs kyang thob par gyur/ /dga' ldan pa lung bstan pa'i le'u ste/ bcu bdun pa'o// //de nas de'i tshe rab
191a5 'phrul la sogs pa 'phrul dga' ba bye ba phrag bdun cus lha ma yin rnams nas dga' ldan ris kyi bar gyi lha de dag gi mchod pa yang mthong / /lung bstan pa yang thos
191a6 nas tshim zhing mgu la yid rangs te/ rab tu dga' zhing dga' ba dang / yid bde ba skyes nas yang dag pa'i mtha' la gnas shing / de bzhin nyid la the tshom med par gyur
191a7 nas stan las langs te bcom ldan 'das kyi zhabs la mgo bos phyag 'tshal nas bcom ldan 'das ga la ba de logs su thal mo sbyar ba btud de bcom ldan 'das la
191b1 'di skad ces gsol to/ /bcom ldan 'das kyis gsungs pa'i don bdag cag gis 'tshal ba ltar na/ chos thams cad ni/ yang dag pa'i mtha' dang / sgrib pa ma mchis pa'i
191b2 mtha' dang / mtha' yas pa'i mtha' dang / mi gnas pa'i mtha' dang / mi zad pa'i mtha' dang / mi gnyis pa'i mtha' ste/ mtha' ma mchis pa'o/ /bcom ldan 'das/ de
191b3 la ma nor ba'i slad du yang dag pa'i mtha' zhes bgyi'o/ /tshad ma mchis pa'i slad du mtha' yas pa'i mtha' zhes bgyi'o/ /chags pa ma mchis pa'i slad du sgrib pa ma mchis pa'i
191b4 mtha' zhes bgyi'o/ /ngo bo nyid ma mchis pa'i slad du mi gnas pa'i mtha' zhes bgyi'o/ /'byung ba ma mchis pa'i slad du mi zad pa'i mtha' zhes bgyi'o/ /ro gcig pa'i slad du mi
191b5 gnyis pa'i mtha' zhes bgyi'o/ /ma mchis pa'i slad du mtha' ma mchis pa zhes bgyi'o/ /bcom ldan 'das/ yang dag pa'i mtha' 'di ni/ thams cad kyi rjes su song ba lags
191b6 te| chos gang yang dag pa'i mtha' ma lags pa'i chos de gang yang ma mchis so/ /bcom ldan 'das/ /byang chub ces bgyi ba 'di ni/ yang dag pa'i mtha' ste/ byang chub
191b7 gang zhe na/ bcom ldan 'das/ chos thams cad rang bzhin ma mchis pa ni/ byang chub lags par rig par bgyi'o/ /tha na mtshams med pa rnams kyang byang chub bo/ /de ci'i
192a1 slad du zhe na/ bcom ldan 'das/ byang chub ni/ rang bzhin ma mchis pa ste/ mtshams med pa rnams kyang rang bzhin ma mchis pa lags pas/
192a2 de'i slad du mtshams med pa rnams kyang byang chub ces bgyi'o/ /bcom ldan 'das/ phung po ma lus pa'i mya ngan las 'das pa'i dbyings ni/ rang bzhin ma mchis pa ste/ mtshams
192a3 med pa rnams kyang de'i rang bzhin no/ /de ci'i slad du zhe na/ bcom ldan 'das/ chos thams cad ni/ phung po ma lus pa'i mya ngan las 'das pa'i dbyings te/ mtshams
192a4 med pa rnams kyang de'i rang bzhin no/ /bcom ldan 'das/ gang su dag yongs su mya ngan las 'das par 'tshal ba de dag ni/ gnod par 'gyur ba'i chos can te/ de ci'i
192a5 slad du zhe na/ gal te 'khor bar zhugs pa zhig mchis na ni/ mya ngan las 'das pa yang 'tshal bar 'gyur na/ yang dag pa'i mtha' la ni/ 'khor bar zhugs pa gang
192a6 yang ma mchis na/ de mya ngan las 'das pa ci zhig tshol bar 'gyur/ bcom ldan 'das/ yang dag pa'i mtha' ni/ gnyis su ma mchis pa ste/ bcom ldan 'das/ de la bdag
192a7 cag som nyi ma mchis/ the tshom ma mchis so/ /bcom ldan 'das/ /gang la la zhig chos 'di la nem nur dang / the tshom ma mchis na/ de ni/ sngon gyi de bzhin gshegs pa
192b1 dgra bcom pa yang dag par rdzogs pa'i sangs rgyas rnams kyi bla na med pa yang dag par rdzogs pa'i byang chub tu lung bstan par 'tshal bar bgyi'o/ /de nas bcom ldan 'das kyis de'i tshe
192b2 lha'i rgyal po rab 'phrul la sogs pa 'phrul dga'i ris kyi lha bye ba phrag bdun cu po de dag rang gis rang lung bstan pa gsan nas 'gro ba thams cad rab tu dga' bar bya ba'i phyir de'i tshe
192b3 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ 'jig rten phan par bzhed pas 'dzum pa mdzad/ /'dzum pa'i rgyu ni khyod
192b4 kyis ma bstan te/ /rang byung skyes bu dam pa gang dag kyang / /rgyu ma mchis par 'dzum pa mi mdzad pas/ /khyod kyi zhal nas 'dzum pa de mdzad pa/ /mthong nas lhar bcas 'jig rten
192b5 the tshom 'tshal/ /'dzum pa'i rgyu de gang lags rang byung gsungs/ /the tshom 'tshal ba'i the tshom bsal du gsol/ /khyod kyis 'dzum mdzad rgyu de thos gyur na/ /'khor 'di thams
192b6 cad ngo mtshar thob par 'gyur/ /byang chub mchog ni yongs su bsgrub slad du/ /de dag lam mchog shin tu rnam dag 'gyur/ /the tshom 'tshal ba dag ni nam du yang / /byang chub yid
192b7 bzhin bde bar mi 'grub ste/ /the tshom som nyi bsal nas mkhas pa rnams/ /byang chub mchog gi rgyu dang skal ldan 'gyur/ /rkang gnyis dbang po khyod kyi 'khor 'di dag /sdig pa yongs
193a1 spangs byang chub sems dang ldan/ /lha rnams lung bstan de dag thos gyur na/ /rgyal ba'i go 'phang rgya chen thob par 'gyur/ /de bas rgyal ba thugs rje
193a2 che bskyed cing / /the tshom 'tshal ba rnams la thugs brtse bas/ /lha tshogs 'di dag thams cad lung bstan cing / /'gro ba 'di dag thams cad dga' bar mdzod/ /de nas
193a3 bcom ldan 'das kyis tshe dang ldan pa rta thul la tshigs su bcad de slar bka' stsal pa/ ngas ni 'jig rten phan phyir 'dzum pa mdzad/ /rta thul khyod kyis zhu ba de zhus
193a4 pa| |lung bstan de ni khyod la ma lus par/ /bstan par ngas bya'i dang bas kun kyang nyon/ /'phrul dga'i ris kyi lha tshogs 'di rnams kyis/ /thams cad mkhyen par bdag
193a5 cag lung bstan te/ /mu stegs tshogs kyi bsam pa zil mnan nas/ /'khor 'dir seng+ge'i nga ro chen po bsgrags/ /gnam du rdo 'phangs sa la lhung ba ltar/ /de la the tshom za
193a6 bar mi 'gyur te/ /de ltar the tshom med pa'i tshul thob pa/ /bdag cag nyid ni stobs bcur 'gyur bar shes/ /nyi ma nub gyur nam sros gyur pa'i tshe/ /mi rnams zla ba myur du
193a7 'char bar shes/ /de bzhin rgyal ba'i sras po tshul thob dag /bdag cag nyid ni stobs bcur 'gyur bar shes/ /skar tshogs dbus na zla ba gnas pa ni/ /sems can mtshungs
193b1 par 'di la the tshom med/ /de bzhin rgyal ba'i sras po tshul thob dag /bdag cag thams cad mkhyen du 'gyur bar shes/ /ji ltar nyi ma nub par gyur pa'i tshe/ /nyi ma mi mthong sems
193b2 can de dag shes/ /de bzhin bde gshegs sras po tshul shes pa/ /ye shes dam pa thob par 'gyur du shes/ /chu klung ji ltar gzhol bar 'bab 'gyur zhing / /rgya mtshor 'bab par
193b3 mkhas pa rnams kyis shes/ /de bzhin bde gshegs sras po tshul shes pa/ /byang chub rgya chen thob par 'gyur bar shes/ /ji ltar gnam du bong ba 'phangs pa ni/ /sa la ltung
193b4 bar 'gyur du the tshom med/ /de bzhin rgyal sras mkhas pa de dag kyang / /'jig rten mkhas par myur 'gyur ye shes 'jug /gang thos nas ni the tshom med 'gyur zhing / /sangs rgyas
193b5 yon tan gnas par bdag shes la/ /rang gi sar nye lag stong ma yin par/ /mkhas pa rnams kyis chos nyid rab tu mthong / /gal te bdud kyi tshogs ni bye ba dag /sangs rgyas gzugs
193b6 bsgyur bar chad smra byas kyang / /chos la mkhas pa chos nyid rab mthong ba/ /de dag byang chub las ni bzlog mi nus/ /de ltar sangs rgyas yon tan rab gnas shing / /bdag gis
193b7 bdag nyid lung bstan rjod byed pa/ /de la 'dren pa chog tshul mkhyen pa/ /mi dbang lung bstan de la yi rang mdzad/ /de ltar lha tshogs 'di dag tshul 'di la/ /gzhan gyi dring la mi
194a1 'jog mngon shes shing / /de bas bde gshegs 'gyur zhes rang smra la/ /'jig rten mkhas pa rjes su yi rang mdzad/ /rta thul de bas mkhas pa gang
194a2 gi rnams/ /bla med byang chub thob par byar sems pa/ /de dag tshul 'di shes par gang gyur ba'i/ /'phags pa'i skye bo mkhas la bsten par bya/ /gang dag tshul la 'jug par rab
194a3 mthong zhing / /mkhas pa gang dag bde gshegs bsnyen bkur ba/ /de dag byang chub lag mthil 'dra bar gsal/ /tshul shes de dag rang gis rang 'byung 'gyur/ /gang gis
194a4 bskal pa stong du dka' thub spyad/ /sha khrag pags la mi lta byas pa bas/ /gang gis tshul 'di skad cig rtogs gyur na/ /de ni khyad 'phags dka' thub de lta min/ /'das pa'i
194a5 rang byung gang rnams byung ba dang / /ma 'ongs sems can phan bzhed gang 'byung dang / /da ltar dus na 'dren pa gang bzhugs pa/ /kun kyang tshul gyis bde bar gshegs pa thob/ /rab
194a6 'phrul lha tshogs thub pa'i tshul shes pa/ /'di dag nga la mchod pa mchog byas shing / /'dren pa thams cad bsnyen bkur rab byas nas/ /tshul gyis su ni rang byung thob par
194a7 'gyur| |'jig rten mkhas pa'i ting nge 'dzin gang yin pa/ /de yis rgyal ba rang byung gnas pa'i rnams/ /de dag thams cad rgyal ba'i spyod yul pa/ /tshul thob rnams kyis sngon
194b1 bsten myur du thob/ /de la rta thul sangs rgyas sras rnams ni/ /sangs rgyas gnas pa de la nem nur med/ /sangs rgyas tshul la sems can rnams rtse ba/ /tshul shes pa dag ston pa'i lam
194b2 la spyod/ /de ltar tshul la dang ba'i yid byas te/ /brtsam par bya yi sdug bsngal spyod la min/ /rtag tu dge bshes mkhas pa bsten byas na/ /bla med byang chub myur du thob par 'gyur//
194b3 bde bar gshegs pa'i gsung mchog thos nas ni/ /'khor kun rgyal ba'i byang chub yid rangs te/ /rjes su yi rang the tshom med gyur nas/ /mthar phyin blo gros la ni zhugs par gyur/ /
194b4 'phrul dga' ba lung bstan pa'i le'u ste/ bco brgyad pa'o// //bam po bdun pa/ de nas de'i tshe lha'i rgyal po dbang sgyur la sogs pa gzhan 'phrul dbang byed kyi
194b5 ris kyi lha khrag khrig phrag brgyad cus lha ma yin rnams nas 'phrul dga'i lha'i bar dag gi mchod pa yang mthong / /lung bstan pa yang thos nas tshim zhing mgu la yid rangs te rab tu
194b6 dga' zhing dga' ba dang / yid bde ba skyes nas bcom ldan 'das la 'di skad ces gsol to/ /bcom ldan 'das/ 'phrul dga'i lha rnams kyis yang dag pa'i mtha' zhes gang
194b7 smras pa de la bdag cag gis ni/ yang dag pa yang ma dmigs na/ de'i mtha' lta smos kyang ci 'tshal/ /de ci'i slad du zhe na/ bcom ldan 'das/ gang la la zhig gis yang dag pa
195a1 dmigs na ni/ mtha' yang des dmigs par 'gyur te/ de ni/ gnyis kyis spyod pa'o/ /de lta bu de ni/ theg pa la yang dag par zhugs pa'i
195a2 rigs kyi bu dang / rigs kyi bu mo rnams kyi spyod yul ma lags so/ /bcom ldan 'das/ gang la la zhig gnyis su ma mchis pa'i chos rnams la chos rnams ni/ gnyis
195a3 su med do/ /zhes mi spyod ma mos na/ de 'di snyam du bdag gis byang chub mngon par rdzogs par 'tshang rgya bar bya'o/ /snyam du sems su lags kyang de ni/ lam log par zhugs
195a4 par 'tshal bar bgyi'o/ /de ci'i slad du zhe na/ bcom ldan 'das/ gang 'di byang chub tu smon pa de ni/ lam log par zhugs pa lags te/ bcom ldan 'das/ gang
195a5 mngon par rdzogs par 'tshang rgya bar bgyi ba'i chos de gang yang ma mchis so/ /de ci'i slad du zhe na/ bcom ldan 'das/ chos 'ga' zhig dmigs par gyur na/ byang chub
195a6 mngon par rdzogs par 'tshang rgya bar mi nus so/ /bcom ldan 'das/ chos ni/ 'das pa ma lags/ ma 'ongs pa lags/ da ltar byung ba ma lags/ 'dus byas ma
195a7 lags| 'dus ma byas ma lags/ dngos po ma lags/ dngos po ma mchis pa ma lags/ mngon par shes par bgyi ba ma lags/ yongs su shes par bgyi ba ma lags/
195b1 spang bar bgyi ba ma lags/ bsgom par bgyi ba ma lags/ mngon du bgyi ba ma lags so/ /bcom ldan 'das/ byang chub ces bgyi ba de yang chos gang gi gnyen po yang ma lags
195b2 la| chos gang yang chos de'i gnyen po ma lags so/ /de ci'i slad du zhe na/ chos de ni/ kun nas nyon mongs pa ma lags/ rnam par byang ba ma lags te/ gang gis chos gzhan
195b3 gyi gnyen por gyur pa'i chos de yang rang bzhin gyis mi dmigs la/ gang chos de'i gnyen por gyur pa'i chos gzhan de gang yang rang bzhin gyis mi dmigs so/ /de ci'i slad du
195b4 zhe na| bcom ldan 'das/ chos thams cad ni/ mtshan ma dang bral ba ste/ de dag ni/ mngon par shes par bgyi ba ma lags/ yongs su shes par bgyi ba ma lags/ spang bar
195b5 bgyi ba ma lags/ bsgom par bgyi ba ma lags/ mngon du bgyi ba ma lags te/ bcom ldan 'das/ gzugs ni/ gzugs kyi mtshan ma dang bral ba'o/ /tshor ba dang / 'du
195b6 shes dang / 'du byed dang / rnam par shes pa ni/ rnam par shes pa'i mtshan ma dang bral ba'o/ /gzugs kyi skye ba'i mtshan ma nas rnam par shes pa'i bar gyi skye ba gang lags
195b7 pa de yang skye ba'i mtshan ma dang bral ba'o/ /gzugs kyi 'gag pa nas rnam par shes pa'i bar gyi 'gag pa gang lags pa de yang 'gag pa'i mtshan ma dang bral ba'o/ /bcom ldan
196a1 'das| 'das pa dang / ma 'ongs pa dang / da ltar byung ba yang 'das pa dang / ma 'ongs pa dang / da ltar byung ba dang bral ba'o/ /'dus byas kyang
196a2 'dus byas kyi mtshan ma dang bral ba'o/ /'dus ma byas kyang 'dus ma byas kyi mtshan ma dang bral ba'o/ /bcom ldan 'das/ de ltar ji tsam du phung pos bzung ba'am/ skye ba
196a3 dang 'gag pas bzung ba'am/ 'das pas bzung ba'am/ ma 'ongs pas bzung ba'am/ da ltar byung bas bzung ba'am/ 'dus byas kyi bzung ba'am/ 'dus ma byas
196a4 kyis bzung ba de dag ni/ rnam pa thams cad du mi dmigs te/ de ltar mi dmigs pa de ni/ mngon par shes par bgyi ba ma lags/ yongs su shes par bgyi ba ma
196a5 lags| spang bar bgyi ba ma lags/ bsgom par bgyi ba ma lags/ mngon du bgyi ba ma lags te/ bcom ldan 'das/ gang dag de ltar zhugs pa'i rigs kyi bu
196a6 dang / rigs kyi bu mo de dag ni/ byang chub sems dpa'i theg pa la yang dag par zhugs pa zhes bgyi'o/ /de nas gzhan 'phrul dbang byed ris kyi lha de dag gis ji ltar
196a7 shes pa'i chos de ltar lung bstan nas de'i tshe bcom ldan 'das la tshigs su bcad pa dag gis mngon par bstod pa/ bcom ldan srid pa mthar phyin legs par gsungs/ /
196b1 'dren pas srid pa'i snying po ma brnyes na/ /skye bo mi mkhas de dag 'jigs pa yis/ /'khor ba'i pha rol bgrod phyir rab tu zhugs/ /phung po rnams ni kun tu mi dmigs te/ /phung
196b2 po'i mtshan mas phung po stong pa nyid/ /chos gang gang gi gnyen por 'gyur ba ni/ /mtshan mas stong ste gang yang ma mchis so/ /ngo bo nyid kyis stong phyir dngos po gang / /yongs
196b3 shes bya dang spang bsgom mngon bya ba/ /gang yang ma mchis gang du'ang mi dmigs te/ /dngos po rnams ni dngos med rang byung gsung / /byang chub gang yang mtshan mar mi
196b4 dmigs te/ /byang chub phyogs kyi chos rnams de bzhin no/ /sangs rgyas gang yang mtshan mar mi dmigs te/ /byang chub sems dpa' mtshan mas rtogs mi 'gyur/ /mi mkhas
196b5 gang dag mtshan mar mngon zhen pa/ /de dag byang chub 'tshang rgyar sems bskyed kyang / /mtshan mar spyod cing spyod yul lag pa ste/ /blo gros ngan pas byang chub lam mi spyod/ /
196b6 mtshan ma sus spangs sangs rgyas spyod yul la/ /spyod pa de dag sangs rgyas bstan la mkhas/ /mtshan ma de bzhin mtshan ma med spangs te/ /stong dang mi stong de bzhin dmigs
196b7 med pa| |mkhas pa de dag byang chub lam la spyod/ /de dag byang chub dam pa zhi ba 'thob/ /phas kyi rgol ba kun gyi spyod yul min/ /gnas de nyan thos rnams kyis bgrod bya min//
197a1 rang rgyal rnams kyang de la mi 'gro ste/ /rnam grol sems ldan zag med tha ba med/ /dgra bcom bstan pa 'di la gang brtson dang / /de bzhin rang rgyal
197a2 skyob par gyur pa dag /mkhas pa'i spyod yul de la spyod yul med/ /go 'phang de ni mtshan ma spyod pa dang / /nyi tshe'i stong pa nyid la sgom pa dang / /gang rnams stong pas stong zhes
197a3 stong smra dang / /chos kun rang bzhin yod smras 'thob mi nus/ /sangs rgyas ma smad rnams kyi bslab pa la/ /slob dang rnam bral slob pa slob pa'i rnams/ /mkhas te rtogs pa med
197a4 pas byang chub rtogs/ /ston pas bstan pa bzhin du dgyes byed lags/ /sangs rgyas rkang gnyis gtso bo bstod pas na/ /bdag cag bsod nams mi chung gang thob des/ /
197a5 'gro ba byang chub dam pa 'tshang rgya zhing / /mi shes ston mdzad sangs rgyas grub par shog /de nas bcom ldan 'das kyis de'i tshe lha'i rgyal po dbang sgyur la sogs pa gzhan 'phrul
197a6 dbang byed kyi ris kyi lha khrag khrig brgyad cu po de dag gi lhag pa'i bsam pa thugs su chud nas skye bo phal po che de dag gi dge ba'i rtsa ba bskyed pa'i phyir de'i tshe 'dzum pa mdzad
197a7 do| |de nas tshe dang ldan pa rta thul gyis bcom ldan 'das la tshigs su bcad de gsol pa/ gzhan 'phrul dbang byed lha yi bsam mkhyen nas/ /rkang gnyis gtso bo khyod
197b1 kyis 'dzum mdzad la/ /thub pas 'dzum pa'i rgyu ni ma gsungs na/ /rgyal ba 'dzum pa'i rgyu ni bstan du gsol/ /'dren pa rgyu med 'dzum pa mi mdzad ces/ /rgyal ba khyu mchog dam
197b2 pas de skad gsungs/ /'jig rten don slad 'dzum pa mdzad pa'i rgyu/ /'dren pa bka' stsol the tshom bsal du gsol/ /drang srong chen po'i zhal nas 'dzum rig nas/ /thub
197b3 chen khyod ni 'khor rnams the tshom 'tshal/ /gau tam rgyal ba 'dren pas de dag la/ /'jig rten sman slad 'dzum rgyu lung bstan gsol/ /'di dag 'khor ba'i rgyud la rgyab phyogs te//
197b4 mya ngan 'das pa'i sems kyis thal sbyar sdod/ /'khor 'di yangs pa'i sems ldan the tshom 'tshal/ /don yod grags mnga' som nyi bsal du gsol/ /bde gshegs bstan
197b5 la the tshom ma mchis te/ /phyir zhing dad bskyed rim gror cher bgyid de/ /the tshom mi 'tshal sems ni grol 'gyur bar/ /rgyal bas skye bo'i the tshom legs par khum/ /bde
197b6 gshegs bstan la 'di dag bder gnas shing / /gang lam rang byung rgyal ba gshegs gyur pa/ /lam de nas ni the tshom ma mchis mchi/ /de bas skye bo'i the tshom gcad du
197b7 gsol| |de nas bcom ldan 'das kyis tshe dang ldan pa rta thul tshigs su bcad de slar bka' stsal pa/ skye bo tshogs chen don dbang brten byas nas/ /tshigs su bcad de dus su
198a1 gang smras shing / /'dzum pa'i don gyi rgyu ni yongs zhus pa/ /khyod kyi tshig ni dus dang ldan pa yin/ /rta thul dri ba de yi don dris pas/ /skye bo tshogs
198a2 chen 'di yi don byas gyur/ /khyod kyis de dris skye bo tshogs chen don/ /byang chub mchog tu yang dag zhugs par 'gyur/ /gzhan 'phrul dbang byed bsam pa ngas mkhyen
198a3 te| |rta thul 'dzum pa de ni ngas bstan to/ /'jig rten mkhyen pas bstan pa'i lam de nas/ /don du gnyer ba 'di dag de bzhin 'dong / /gang gis 'gro ba 'di dag mtshan
198a4 med par/ /smig rgyu la ni ji ltar chu bzhin mthong / /byis pa rmongs pa mkhas pa'i tshul bzhin te/ /de dag rjes su byang chub 'dod pas bslab/ /mtshan ma'i 'du shes spang
198a5 phyir mi rnams gang / /rtag tu mtshan ma mngon dga' 'jig 'gyur zhing / /mtshan ma'i 'du shes log pa'i lam du 'dong / /mtshan ma med pas byang chub mchog thob
198a6 'gyur| |med pa'i rtog ldan mtshan mar rnam brtags nas/ /ji ltar brtags pa de ltar 'ching ba yin/ /mtshan ma stong par rnam mthong mkhas pa yi/ /zhi ba dag ni
198a7 grags ldan dam pa 'thob/ /'du shes mtshan can mi mnyam sems rgyud kyis/ /sdig pa brgya dag mi mkhas de dag byed/ /'gro ba kun tu sdug bsngal mi chung myong / /de ltar
198b1 mi mkhas mtshan mar brtag pa byas/ /mtshan mar 'du shes pa ni phung po dang / /sangs rgyas byang chub byang chub sems dpa' 'thob/ /de ltar mtshan ma med cing stong mthong na/ /byang chub
198b2 gzhal med bla na med pa 'thob/ /'du shes mtshan ma can la nyon mongs 'phel/ /mtshan ma med pa kun tu sbyor ba spong / /mtshan ma las ni kun sbyor gzhan med de/ /kun tu sbyor ba de
198b3 nyid mtshan med yin/ /gang rnams byang chub 'thob par bya rtog pa/ /rtog pa de nyid mi mkhas par chad yin/ /mkhas pa'i longs spyod rnam par thob byed na/ /longs spyod de nyid
198b4 mtshan ma med par 'gyur/ /chos rnams gang yang rang bzhin nyid kyis med/ /rnam par rtogs pas chos 'byung kun kyang stong / /rtog pa med pas mtshan ma med par 'gyur/ /de nyid
198b5 byang chub gzhan du mkhas mi smra/ /rgyal bas gsungs pa de dag thos gyur nas/ /mi 'jigs ldan pa'i 'khor ni the tshom bsal/ /dper na tsam pa'i phreng ba 'dzin pa ltar/ /mkhas
198b6 rnams thub pas gsungs la legs zhes 'dzin/ /'jigs pa med pa'i lha tshogs 'di dag gis/ /mchod pa 'phags pa bla na med byas shing / /rgyal ba'i spyod yul chos kyang rnam
198b7 shes nas/ /'gro ba rnam par 'dren pa kun mkhyen 'gyur/ /gzhan 'phrul dbang byed pa lung bstan pa'i le'u ste/ bcu dgu pa'o// //de nas tshangs ris kyi lha bye ba phrag
199a1 drug cus lha ma yin rnams nas gzhan 'phrul dbang byed ris kyi lha'i bar dag gi mchod pa yang mthong / lung bstan pa yang thos nas tshim zhing
199a2 mgu la yid rangs te/ rab tu dga' zhing dga' ba dang / yid bde ba skyes nas sngon dge ba'i rtsa ba bsags pa dang / sngon gyi rgyal ba la bsnyen bkur byas pa dang / bsam
199a3 pa yongs su dag pa'i phyir 'jig rten pa'i bsam gtan la mi 'dod pa skyes shing / de bzhin gshegs pa'i bstan pa 'di la ni/ snang ba thob ste/ chos zab mo la bzod
199a4 pa thob par gyur nas de dag gis chos thams cad byas pa yang ma yin/ ma byas pa yang ma yin zhes bya bar shes par gyur to/ /de bzhin du skyes pa yang ma yin/ ma skyes pa
199a5 yang ma yin/ /byung ba yang ma yin/ ma byang ba yang ma yin/ grub pa yang ma yin/ ma grub pa yang ma yin/ 'gag pa yang ma yin/ ma 'gag pa yang ma yin /
199a6 gnas pa yang ma yin/ mi gnas pa yang ma yin/ kun nas nyon mongs pa yang ma yin/ rnam par byang ba yang ma yin/ rjes su chags pa yang ma yin/ khong khro ba yang
199a7 ma yin| rmongs pa yang ma yin/ ma rmongs pa yang ma yin/ shes pa po yang ma yin/ shes pa po med pa yang ma yin/ mthong ba po yang ma yin/ mthong ba po med pa
199b1 yang ma yin/ tshor ba po yang ma yin/ tshor ba po med pa yang ma yin/ ston pa po yang ma yin/ ston pa po med pa yang ma yin/ yod pa yang ma yin/ med pa yang ma yin/
199b2 dngos po yod pa yang ma yin/ dngos po med pa yang ma yin/ dmigs pa yang ma yin/ mi dmigs pa yang ma yin/ 'gro ba yang ma yin/ 'ong ba yang ma yin/ song
199b3 ba yang ma yin/ ma song ba yang ma yin/ stong pa yang ma yin/ mi stong pa yang ma yin/ mtshan ma yod pa yang ma yin/ mtshan ma med pa yang ma yin/ smon pa yod pa
199b4 yang ma yin/ smon pa med pa yang ma yin no/ /zhes bya bar shes par gyur to/ /de dag de ltar chos thams cad la yang mi gnas pa'i yid kyis de dag ming la mi gnas/ tha
199b5 snyad la yang mi gnas/ brjod pa la yang mi gnas te/ de dag ni/ brjod pa'i 'du shes can yang ma yin/ brjod du med pa'i 'du shes can yang ma yin/ bya ba'i 'du
199b6 shes can yang ma yin/ bya ba med pa'i 'du shes can yang ma yin/ so so'i skye bo'i 'du shes can yang ma yin/ so so'i skye bo ma yin pa'i 'du shes can yang ma yin /
199b7 so so'i skye bo'i chos kyi 'du shes can yang ma yin/ so so'i skye bo ma yin pa'i chos kyi 'du shes can yang ma yin/ nyan thos kyi 'du shes can yang ma yin/ nyan thos
200a1 ma yin pa'i 'du shes can yang ma yin/ nyan thos kyi chos kyi 'du shes can yang ma yin/ nyan thos ma yin pa'i chos kyi 'du shes can
200a2 yang ma yin/ rang sangs rgyas kyi 'du shes can yang ma yin/ rang sangs rgyas ma yin pa'i 'du shes can yang ma yin/ rang sangs rgyas kyi chos kyi 'du shes can yang
200a3 ma yin| rang sangs rgyas ma yin pa'i chos kyi 'du shes can yang ma yin/ byang chub sems dpa'i 'du shes can yang ma yin/ byang chub sems dpa' ma yin pa'i
200a4 'du shes can yang ma yin/ byang chub sems dpa'i chos kyi 'du shes can yang ma yin/ byang chub sems dpa' ma yin pa'i chos kyi 'du shes can yang ma yin /
200a5 sangs rgyas kyi 'du shes can yang ma yin/ sangs rgyas ma yin pa'i 'du shes can yang ma yin/ sangs rgyas kyi chos kyi 'du shes can yang ma yin/ sangs rgyas ma yin
200a6 pa'i chos kyi 'du shes can yang ma yin/ mya ngan las 'das pa'i 'du shes can yang ma yin/ mya ngan las 'das pa ma yin pa'i 'du shes can yang ma yin/ 'khor
200a7 ba'i 'du shes can yang ma yin/ 'khor ba med pa'i 'du shes can yang ma yin te/ de ltar thams cad kyi thams cad du rtog pa med pa'i blo can nam mkha' bzhin du dag
200b1 cing gos pa med par gyur nas de rnams dag pa dang gos pa med pa'i phyir de'i tshe de dag zhi bas bcom ldan 'das la tshigs su bcad pa dag gis mngon par bstod pa/ zhi la zhi ba'i
200b2 thugs mnga' zhi ba spyad cing zhi ba'i pha rol byon/ /zhi ba bsten par mdzad cing 'gro la zhi ba ston pa rjes su ston/ /zhi ba'i spyod yul dgyes shing byang chub zhi la dri bral 'khrug ma mchis//
200b3 khyod kyis 'chi med zhi ba 'gro rgyud thams cad zad pa myur du brnyes/ /zhi ba thob par bgyid pa'i zhi ba'i lam mchog zhi ba yang dag bsten/ /yan lag brgyad pas nyon mongs klong rnams
200b4 zhi mdzad 'gro ba thams cad bton/ /sngon gyi rgyal bas bsten pa'i byang chub gzhal yas zhi ba de la 'god/ /de ston sangs rgyas 'phags pas bsten pa'i grong khyer zhi bar deng
200b5 zhes gsung / /'dren pa de ltar 'gro ba 'di la rgyal bas bsten pa'i bslab pa bstan/ /gal te bslab pa de slob 'gro ba 'di dag byang chub gzhal yas 'thob/ /bslab nas zhi
200b6 zhing yid zhi zhi ba'i lam dong dbang po zhi ba dag /'jig rten mkhas pa 'gro ba zhi byed mthu chen zhi ba shes par 'gyur/ /'dren pa khyod kyi sras mchog zhi ba 'gro ba zhi bgyid gang
200b7 dag gis/ /'chi med zhi ba mtshan ma thams cad zad pa rnam par rtogs gyur pa/ /de dag 'dren pa tshul la mchod pa'i mchod pa mchog gis mchod par 'gyur/ /nyon mongs zhi zhing
201a1 mtshan ma kun spangs zhi ba rtag tu ston par 'gyur/ /'gro ba thams cad zhi zhing mtshan ma bral ba de nyid mya ngan 'das/ /thub pa gang dag zhi las
201a2 zhi 'dod sems pa de dag nyon mongs 'gyur/ /rgyal ba khyod kyi byang chub dang ni 'gro kun chos kun bsam mi khyab/ /thub pa blo ldan 'dam las rgal ba de la bdag cag dogs
201a3 ma mchis/ /gang dag phung po bor te byang chub zhi tshol de la zhi bar rtogs/ /phung pos 'jigs pa de dag shAkya thub pa'i bstan la dga' ma lags/ /dben pa'i blo gros ldan
201a4 pa zhi tshol de dag blo 'khrugs gyur pa ste/ /chos kyi mtshan ma spyod yul 'di dag byis pa zhes ni ston pas gsungs/ /thams cad mkhyen pas zhi dang mtshan ma'i 'ching ba
201a5 'di dag rab tu gsungs/ /thub pa gang dag phung po rnams la rnam pa kun tu mtshan mi rnyed/ /de dag shAkya thub pa'i bstan pa mdzes byed gang dag mtshan med dga'/ /de
201a6 dag byang chub skyon bral zhi ba mkhas pa'i spyod yul thob par 'gyur/ /bdud kyi rtsod las rgyal nas nyon mongs zhi ba thams cad mkhyen pa thob/ /rnam 'dren zhi ba mdzad la
201a7 bstod pas bdag cag bsod nams gang rnyed pa/ /chags med thugs mnga' bde bar gshegs pas 'di tsam zhes ni mkhyen gyur pa/ /des ni 'gro ba thams cad lam
201b1 mchog thams cad mkhyen pas bsten gyur pa/ /zhi byed zhi ba bsten nas mkhas pa mchod pa'i rang byung sdig med shog /de nas mi mjed kyi bdag po tshangs pas tshangs pa rnams dang
201b2 lha rnams kyis bcom ldan 'das la bstod par rig nas bdag nyid kyis tshul dang 'dra ba'i tshigs su bcad pa dag gis bcom ldan 'das la mngon par bstod pa/ mi dbang
201b3 khyod kyis chos rnams thams cad ni/ /log par rmongs byed chang pa stong 'dra zhing / /ston gyi sprin 'dra mig 'khrul 'dra bar mkhyen/ /rgyal bas 'dod pa'i yon tan med par mkhyen//
201b4 ji ltar mi zhig rmi lam bkres gyur pas/ /kha zas ro brgya zos kyang ma 'grangs pa/ /de la bkres med zas med sems can med/ /rmi lam de 'drar chos rnams thams cad gzigs//
201b5 skom pa'i mi zhig nyal ba'i rmi lam na/ /chu bsil dang zhing rnyog med 'thungs gyur kyang / /ngoms med tsha ba zhi bar mi 'gyur te/ /de bzhin khyod kyis chos rnams thams cad gzigs//
201b6 'di la byed med tshor med sems can med/ /byas pa de bzhin med cing rnam smin med/ /'bras bu myong bar 'gyur pa de med ces/ /'di 'dra'i chos mkhyen the tshom yong mi mnga'/ /
201b7 mi zhig yid du 'ong ba'i tshig smra na/ /dga' bar 'gyur yang tshig la 'pho ba med/ /tshig nyid med cing dgar 'gyur dngos med kyang / /de mkhyen de la the tshom yong mi mnga'/ /
202a1 pi wang sgra snyan mnyan na rnar snyan te/ /sgra de rang bzhin gang yang yod ma yin/ /de ltar mkhas pas phung po 'di gzigs na/ /phung po'i rang bzhin gang yang
202a2 dmigs mi mnga'/ /nor bu rin chen rang bzhin gsal dag pa/ /gos gyi drung bzhag sna tshogs tshon du 'gyur/ /de ltar rang bzhin yongs dag chos rnams kyang / /log pa'i rnam
202a3 par rtog pas de ltar 'gyur/ /tsan+dan dri med skyon dang bral ba yang / /rkyen dang sbyar na dri zhim gzhan du 'gyur/ /de ltar rang bzhin yongs dag chos rnams kyang / /so sor rang gis
202a4 brtags pa'i rnam pa bzhin/ /ji ltar mi yi dung gi sgra thos te/ /sgra 'di ga las byung zhes brtags byas kyang / /rang bzhin stong pa'i dngos po de mi dmigs/ /mi dbang khyod kyis
202a5 de bzhin chos kun gzigs/ /ji ltar mi zhig bsod pa'i kha zas la/ /yan lag srog phan ji ltar 'gyur brtags na/ /dngos med yan lag srog kyang de bzhin te/ /drang srong
202a6 chen pos de bzhin chos kun gzigs/ /ji ltar mi zhig nam mkha'i 'ja' mthong na/ /yan lag gzhigs brtags rang bzhin med cing stong / /nam mkha'i 'ja' bzhin khyod
202a7 kyis yan lag stong / /drang srong chen pos de bzhin chos kun gzigs/ /grong khyer mchog kyang yan lag rnam gzhigs na/ /grong khyer rang bzhin de bzhin ming mi dmigs/ /grong
202b1 khyer ji bzhin de ltar yan lag stong / /mi dbang khyod kyis de bzhin chos kun gzigs/ /skyes bu dga' bar rnga zhig brdungs bgyis na/ /dga' ba skyed kyang sgra yi rang bzhin stong / /ji ltar
202b2 sgra bzhin de ltar yan lag stong / /mi dbang khyod kyis de bzhin chos kun gzigs/ /skyes bus ji ltar rnga de brdungs pa'i tshe/ /sgra ni phyogs su mi 'gro 'byung ba med/ /phyogs su de
202b3 bzhin 'gags par mi 'gyur te/ /mi dbang khyod kyis de bzhin chos kun gzigs/ /skyes bus ji ltar rnga de brdungs pa'i tshe/ /thogs pa med cing snyan pa'i rang bzhin te/ /khyod kyi
202b4 yan lag rnga sgra de dang 'dra/ /mi dbang khyod kyis de bzhin chos kun gzigs/ /skyes bus ji ltar rnga de brdungs pa'i tshe/ /sgra de 'jig rten dga' bar rtog pa med/ /ji ltar sgra bzhin
202b5 khyod kyis yan lag stong / /mi dbang khyod kyis chos kun de ltar gzigs/ /skyes bus ji ltar rnga de brdungs pa'i tshe/ /g.yo ba med cing zhi ba'i dngos kyang med/ /ji ltar rnga bzhin
202b6 khyod kyi yan lag stong / /mi dbang khyod kyis de bzhin chos kun gzigs/ /skyes bus ji ltar rnga de brdungs pa'i tshe/ /sgra de yan lag ma byung rang dbang min/ /ji ltar sgra bzhin
202b7 khyod kyi yan lag stong / /mi dbang khyod kyis de bzhin chos kun gzigs/ /de nas bcom ldan 'das kyis tshangs ris kyi lha de dag dang / mi mjed kyi bdag po tshangs pa de'i lhag pa'i
203a1 bsam pa thugs su chud cing zhi gnas dang ye shes mthong ba'i bstod pa des de ltar bstod pas/ 'khor de yang dge ba'i rtsa ba bsags par gyur par gzigs
203a2 nas de'i tshe 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ shAkya thub pa'i zhal nas 'dzum mdzad dri med dag mthong
203a3 nas| |lhar bcas mir bcas klu dang gnod sbyin bcas pa'i 'jig rten kun/ /skyob pa'i 'dzum mthong thams cad ldan pa'i 'gro ba the tshom 'tshal/ /bde gshegs zhal
203a4 bzang de la blta zhing thos par dga' ste sdod/ /rgyal ba 'dzum mdzad legs par bka' stsol the tshom dgum du gsol/ /rnam par 'dren pa thub mchog kun mkhyen sangs
203a5 rgyas 'dren pa rnams/ /rgyu ma mchis par 'jig rten don byed 'dzum mdzad ma mthong na/ /bde gshegs khyod kyis gang slad 'dzum mdzad the tshom rgyu de gsungs/ /rgyal ba
203a6 'dzum mdzad rgyu thos 'gro ba rnams ni dga' bar 'gyur/ /'khor 'di the tshom 'tshal nas thal mo sbyar te khyod la sems/ /bde gshegs thub pa'i gsung mchog the tshom
203a7 gcod pa nyan 'tshal na/ /rnam 'dren thub pa 'dzum mdzad rgyu de de dag rnams la gsungs/ /thos nas 'gro ba dga' zhing the tshom ma mchis 'phel bar 'gyur/ /
203b1 'khor 'di snying po ldan zhing rnyog med sangs rgyas yon tan 'tshal/ /ston pa khyod kyi zhal mdzes zla ba mdzes pa 'dra la blta/ /'dren pa chags med rdzogs pa tshangs pa 'dra ba'i
203b2 gsung bsgrag gsol/ /de thos 'khor rnams the tshom chad cing chos la gnas par 'gyur/ /khyod kyi tshangs pa'i gsung mchog don ldan 'jig rten 'das rig nas/ /skye bo dga'
203b3 zhing mgu ba'i yid ldan thams cad mkhyen pas tshim/ /de dag dogs bsal sbyangs pa'i yid kyis thams cad mkhyen du sgrub/ /brtson 'grus stobs chen bskyed nas 'dun pa stobs
203b4 ldan rtsom par bgyid/ /de lta lags pas 'jig rten 'dren pa phan mdzad gsung bsgrag gsol/ /rkang gnyis dam pa'i gsung mchog mi g.yo thos nas de yis ni/ /dge ba thob
203b5 pa'i 'khor 'di thams cad mkhyen du sems 'gyur bar/ /stobs bcu mnga' ba 'gro ba kun la phan pa lags par dgongs/ /de nas bcom ldan 'das kyis tshe dang ldan pa rta thul la
203b6 tshigs su bcad de slar bka' stsal pa/ rta thul nga yis phan ched 'dzum pa 'gro ba kun la gang bstan pa/ /rtse gcig yid kyis snyan cing bsngags pa mdzes pa de ni mnyan par byos/ /
203b7 de thos 'gro ba yon tan bsags pa myur du 'jig rten don byed pa/ /phan dang ldan pa'i bya ba sangs rgyas bka' stsal de la brtson 'grus rtsom/ /tshangs pa kun 'khor 'di dag dga'
204a1 zhing chos rnams la ni the tshom med/ /bskal pa khrag khrig gang+gA'i bye ma snyed du dge ba legs par spyad/ /kun tu rnam par dge la ma chags yid
204a2 gyur 'du shes mkha' 'dra ste/ /de ltar gyur kyang bde gshegs byang chub rdzogs par 'tshang rgya sems ma bskyed/ /'di dag ma 'ongs dus na bskal pa bye ba brgya phrag gzhal
204a3 yas pa| |gang+gA'i bye ma snyed na rdul bsal thams cad mkhyen pa'i stobs la gnas/ /de dag phyi nas bde bar gshegs pa tshe ldan sangs rgyas 'dren che ba/ /sred pa sel cing
204a4 'gro ba stong par ston pa'i bcom ldan 'das su 'gyur/ /skyob pa de dag ji ltar spyod pa sku tshe'i tshad kyang de ltar 'gyur/ /bde gshegs mtha' yas grags ldan 'jig rten
204a5 sdug bsngal 'grel cing gnas par 'gyur/ /de dag rnams kyi sangs rgyas zhing ni zhing gi 'byor pa gzhal yas te/ /'dren pa chen po rnams kyis bskal pa khrag khrig rnam pa du
204a6 mar ni| |sangs rgyas mtha' yas rnams kyis gsungs kyang de dag bkod pa zas mi nus/ /de tshe de dag ye shes stobs ldan zhes bya'i rgyal bar mthun par 'gyur/ /g.yo ba med
204a7 cing sems med mi gnas chos ni 'gro la ston par 'gyur/ /de dag zhing mchog rnams su skyob pa'i thams cad mkhyen lam ma sbyangs pa'i/ /sems can gcig kyang mi 'byung
204b1 srid pa de la phal cher mya ngan 'da'/ /de dag na ni de tshe 'gro ba de dag sdug bsngal gcig shes te/ /mi rtag 'du byed sdug bsngal rab tu 'jigs pa sems can yid 'byung ba'o/ /
204b2 de na 'gyur ba'i sdug bsngal dang ni sdug bsngal sdug bsngal yod mi 'gyur/ /de dag thams cad blo mthun 'gyur zhing sla yi lam la myur bar 'gyur/ /de na mi rnams dag gi sgra
204b3 skad rang bzhin gzhan ni 'byung mi 'gyur/ /mi sdug mi rtag de bzhin nyid dang sdug bsngal de bzhin bdag med dang / /zhi ba stong nyid mtshan med 'chi med mya ngan 'das dang byang chub zhi/ /sgra
204b4 skad de dag yang dang yang 'byung de dag rna la gnas par 'gyur/ /sgra gang thos nas de dag 'khor ba grol gnas thob par mi 'gyur ba/ /de 'dra'i sgra de shing ngam rtsig pa dag dang
204b5 gang na'ang yod mi 'gyur/ /bla gab med dang mkha' dang gtsug lag khang dang gnas dang gnas khang rnams na med/ /de tshe sangs rgyas mthu yis yan lag brgyad dang ldan pa'i
204b6 sgra dbyangs 'byung / /de tshe 'dren pa'i nyes pa med cing 'dod chags dang ni zhe sdang dang / /gti mug dag gis gzir ba rnams kyi rnar ni dge ba'i sgra grag 'gyur/ /'gro ba thams
204b7 cad 'khor ba las ni 'byung zhing mya ngan 'das 'gror 'gyur/ /de tshe zhing mchog stong pa thams cad dga' ba'i skye bos gang bar 'gyur/ /skyes bu dam pa de dag bskal ba khrag khrig byang
205a1 chub brtson byas nas/ /drang srong chen po de dag smon lam gyis ni 'byor pa 'di brtsams te/ /zhing mchog de na sems can tshogs gang yod pa de
205a2 kun bde gshegs 'gyur/ /tshangs pa'i smon lam yangs pa rgya cher zhi ba 'gro bas mthong gyur na/ /ji ltar sangs rgyas bka' stsal bzhin du tshangs pa'i tshogs kyis
205a3 bsten gyur pa/ /de la bslab nas 'gro ba thams cad thogs pa med pa'i 'dren par 'gyur/ /de dag rgyal ba thob nas 'gro ba 'di kun dngos po med ces ston/ /de lta bas na
205a4 tshul kun 'jug la mkhas pa'i spyod pa bsten par gyis/ /tshangs pa lung bsten pa'i le'u ste/ nyi shu pa'o// //de nas 'od gsal gyi lha bye ba phrag lnga bcu
205a5 rtsa brgyad kyis lha ma yin rnams nas tshangs pa'i bar gyi lha dag gi mchod pa yang mthong / lung bstan pa yang thos nas tshim zhing mgu la yid rangs te/ rab tu dga' zhing dga'
205a6 ba dang / yid bde ba skyes nas stan las langs te bla gos phrag pa gcig tu bgos nas pus mo g.yas pa'i lha nga sa la btsugs te bcom ldan 'das ga la ba de logs su thal
205a7 mo sbyar ba btud nas bco ldan 'das la 'di skad ces gsol to/ /bcom ldan 'das/ byang chub sems dpas tshul la 'jug pa'i slad du gang la bslab pas chos thams
205b1 cad snang bar 'gyur ba'i ting nge 'dzin chos thams cad snang ba zhes bgyi ba mchis te/ des chos thams cad kyi tshul la 'jug pa rtogs par bgyid do/ /de rtogs pas bsam gyis
205b2 mi khyab pa'i spobs pa dang / thogs pa ma mchis pa'i spobs pa dang / byin gyis brlabs pa'i spobs pa dang / sna tshogs kyi spobs pa dang / 'jam pa'i spobs pa dang / dge ba'i
205b3 spobs pa dang / rig pa'i spobs pa dang / grol ba'i spobs pa dang / nye bar gyur pa'i spobs pa dang / /zab pa'i spobs pa dang / phra ba'i spobs pa dang / thun mong ma yin pa'i spobs
205b4 pa can du 'gyur te/ sangs rgyas kyi spobs pa yang thob par 'gyur ro/ /chos thams cad snang ba zhes bgyi ba'i ting nge 'dzin de gang zhe na/ bcom ldan 'das/ 'di la byang chub
205b5 sems dpa' sems dpa' chen po chos thams cad kyi tshul la 'jug pa'i slad du rnam par rtog pa dang / rnam par dpyod pa thams cad yid la mi bgyid de/ de 'di snyam du chos
205b6 thams cad ni/ rnam par rtog pa med de/ rnam par rtog pa yongs su chad pa'o/ /gang rnam par mi rtog pa de ni/ thams cad du song ba ste/ chos gang yang rnam par rtog par
205b7 nus pa ma mchis so/ /de ci'i slad du zhe na/ rang bzhin ma mchis pa'i slad du ste/ chos gang la rang bzhin ma mchis pa de la ji ltar rnam par rtog par 'gyur zhes chos thams cad
206a1 la rnam par mi rtog par a la 'jug pa'i spobs pa rab tu thob cing / /de dag a'i sgo la zhugs pas spobs pa mtha' yas par 'gyur te/ a zhes
206a2 bgyi ba ni/ mtha' yas pa/ kun tu mtha' yas pa/ ma bgyis pa/ mngon par 'dus ma bgyis pa/ yongs su ma grub pa/ dngos po ma mchis pa/ mi gnas pa/ mi g.yo
206a3 ba| 'dus pa ma mchis pa/ 'phro ba ma mchis pa/ rtog pa ma mchis pa/ rnam par rtog pa ma mchis pa/ ma bsgrubs pa/ yongs su grub pa ma mchis pa/ ma brtags pa/
206a4 gzugs ma mchis pa/ bstan du ma mchis pa/ bltar ma mchis pa/ ma mthong ba/ bsam du ma mchis pa/ rnam par mi gnas pa/ ma shes pa/ rnam par ma shes pa/
206a5 ma smos pa/ ma bstan pa/ bsam gyis mi khyab pa/ bsam du ma mchis pa/ song ba ma mchis pa/ 'ong ba ma mchis pa/ nye ba ma lags pa/ ring ba ma lags pa/ ma
206a6 btags pa/ gdags pa ma mchis pa'i chos can/ ming ma mchis pa/ tha snyad ma mchis pa/ gnyen po ma mchis pa/ sgrib pa ma mchis pa/ 'pho ba ma mchis pa /
206a7 'khrug pa ma mchis pa/ brtag tu ma mchis pa/ mi zad pa/ gnyis su ma mchis pa/ ma byung ba/ rdzun pa ma lags pa/ bden pa ma lags pa/ sho be ma lags pa /
206b1 ma skyes pa/ ma 'gags pa/ sbyangs pa ma lags pa/ sbyang bar 'os pa ma lags pa/ gdags su ma mchis pa/ mtshan mas ma bskyod pa/ ma bzung ba/ ma bor ba/ 'dzin pa
206b2 ma mchis pa/ yongs su 'dzin pa ma mchis pa/ gtan du ma mchis pa/ yongs su gtan du ma mchis pa/ ma btang ba/ yongs su ma btang ba ste/ a zhes bgyi ba ni/ sus kyang
206b3 ma bgyis pa/ chos gang gi byed pa po yang ma lags so/ /a ni/ ma skyes pa ste/ chos gang yang skye bar bgyid pa ma lags so/ /a ni/ /a ni/ ma skyes pa ste/ chos gang gi skye ba'i rgyur
206b4 'gyur ba'ang ma lags so/ /a ni/ ma 'gag pa ste/ chos gang gi 'gag pa'i rgyur 'gyur ba'ang ma lags so/ /a ni/ ma 'gag pa yang ma lags te/ chos gang gis mi 'gag
206b5 pa'i rkyen du 'gyur ba ma lags so/ /a ni/ gnas pa yang ma lags/ mi gnas pa yang ma lags/ a ni/ btags pa yang ma lags/ ma btags pa yang ma lags/ a ni/
206b6 spangs pa yang ma lags/ ma spangs pa yang ma lags/ a ni/ shes pa yang ma lags/ ma shes pa yang ma lags/ a ni/ dmigs pa yang ma lags/ mi dmigs pa
206b7 yang ma lags/ a ni/ stong pa yang ma lags/ mi stong pa yang ma lags/ a ni/ dmigs su mchis pa yang ma lags/ dmigs su ma mchis pa yang ma lags/ a ni/
207a1 mtshan ma yang ma lags/ mtshan ma ma mchis pa yang ma lags/ a ni/ smon pa yang ma lags/ smon pa ma mchis pa yang ma lags te/
207a2 bcom ldan 'das/ de ltar na/ chos thams cad kyi mtshan nyid ni/ a'i tshul lo/ /chos thams cad ni/ tshul gcig pa ste/ a'i tshul lo/ /chos thams cad ni /
207a3 'gro ba gcig pa ste/ a'i 'gro ba'o/ /chos thams cad ni/ 'jug pa gcig pa ste/ a la 'jug pa'o/ /chos thams cad ni/ gdags pa gcig pa ste/ as
207a4 gdags pa'o/ /chos thams cad ni/ tha snyad gcig pa ste/ a'i tha snyad do/ /chos thams cad ni/ brjod pa gcig pa ste/ as brjod pa'o/ /bcom ldan 'das/
207a5 chos gang ma skyes pa de dag ni/ rtogs par bgyi ba ma mchis pa'i tshul gyis rtogs par bgyi'o/ /chos gang ma byung ba de dag ni/ dngos po ma mchis pa'i tshul gyis rtogs
207a6 par bgyi'o/ /chos gang ma grub pa de dag ni/ ma grub pa'i tshul gyis rtogs par bgyi'o/ /chos gang ma 'gags pa de dag ni/ 'gag pa ma mchis pa'i tshul gyis
207a7 rtogs par bgyi'o/ /bcom ldan 'das/ chos gang mngon par 'du ma bgyis pa de dag ni/ 'dus ma bgyis pa'i tshul gyis rtogs par bgyis te/ de ni/ chos
207b1 thams cad kyi tshul lo/ /bcom ldan 'das/ chos gang ma skyes pa de dag gi tha snyad ji ltar rtogs par bgyi zhe na/ 'di lta ste/ dper na/ rmi lam na bya ba sna tshogs 'byung ba de bzhin
207b2 du chos thams cad blta bar bgyi'o/ /de ci'i slad du zhe na/ bcom ldan 'das/ rmi lam gyi bya ba ni/ ma skyes pa/ ma byung ba/ dngos po ma mchis pa ste/ 'on kyang de dag la
207b3 gdags par gsungs so/ /de bzhin du chos thams cad kyi byed pa yang 'tshal bar bgyi'o/ /bcom ldan 'das/ 'di lta ste/ dper na/ brag ca la tha snyad mchis pa bzhin du
207b4 chos thams cad kyi tha snyad kyang blta bar bgyi'o/ /bcom ldan 'das/ 'di lta ste/ dper na/ sgyu ma'i skyes bu la gdags pa ma mchis pa de bzhin du chos thams cad kyi gdags
207b5 par blta'o/ /bcom ldan 'das/ 'di lta ste/ dper na/ smig rgyu la chab tu gdags pa'i tha snyad mchis pa de bzhin du chos thams cad kyi tha snyad blta bar bgyi'o/ /bcom ldan
207b6 'das| 'di lta ste/ dper na/ me long gi dkyil 'khor la bud med kyi gzugs sam/ skyes pa'i gzugs kyi tha snyad mchis pa de bzhin du chos thams cad kyi tha snyad blta bar bgyi
207b7 ste| bcom ldan 'das/ byis pa rnams dga' bar bgyi ba'i slad du rmi lam gyi bya ba tha snyad du bgyi yi/ rmi lam gyi bya ba de dag ni/ ma mchis so/ /bcom ldan 'das/ de bzhin
208a1 du byis pa dga' bar bgyi ba'i slad du mig yor dang / smig rgyu dang / brag ca'i bya ba dag kyang tha snyad du bgyi ste/ brag ca la bya ba ma mchis so/ /
208a2 bcom ldan 'das/ de ltar bdag cag gis bcom ldan 'das kyis gsungs pa'i don 'tshal to/ /bcom ldan 'das/ 'di ni/ chos thams cad snang ba zhes bgyi
208a3 ba'i ting nge 'dzin to/ /de skad ces gsol nas 'od gsal gyi lha rnams kyis bcom ldan 'das la tshigs su bcad pa dag gis mngon par bstod pa/ bde gshegs
208a4 khyod kyis tshul gcig mkhyen te 'on kyang gzhan dang gzhan du gsungs/ /thub pa 'jig rten mkhas pa'i sras rnams rnam par rol pa'ang de bzhin no/ /de la 'jig rten
208a5 blo med bdag tu lta ba rnams kyis khong mi chud/ /bdag gi don de phyogs bcur ma mchis bdag nyid kyis ni 'gro ba stong / /sgyu ma gsog dang smig rgyu chu ma mchis la chab
208a6 kyi 'du shes can/ /byis pa de dag blo log de bzhin 'khrul te bdag tu sbyor ba bgyid/ /de dag yang dag ma 'tshal mi mkhas gnas min dngos la brten kyang 'tshal/ /de
208a7 bzhin byis pa'i skye bo smig rgyu 'dra ba'i phung po yong ma 'tshal/ /'khor bar dga' bas zug rngus zug cing sdug bsngal de yis dbang po 'das/ /gang la mi mkhas nges par sdug
208b1 bsngal myong ba de la dngos ma mchis/ /blo stor yid nor sdug bsngal rnams la bde bar 'du shes nor pa la/ /nyon mongs 'jigs pa che dang dug gsum rnams kyang rjes su 'gro
208b2 zhing 'brang / /'dod chags zhe sdang gti mug dug chen nyon mongs mtshungs med rjes su 'brang / /blo stor de dag sdug bsngal gang gis sdug bsngal gyur ba'i sdug bsngal ba/ /de rnams
208b3 de dag rjes 'brang byis pa mi mkhas gnod pa khur yang khyer/ /de dag rgyal ba'i tshul sgo thar par bgyid pa stong pa 'di thos nas/ /skyes bu ngan pa blo zhan de dag bstan dag bde ba
208b4 nyid kyis 'jigs/ /bde gshegs khyod kyis a yi yi ge tshul chen sgo gcig de ltar bstan/ /de la yang dag blo can sa las shing skye bzhin du yid bskyed cing / /bdud rnams bye
208b5 ba dpung dang bcas btul byang chub zhi ba mngon 'tshang rgya/ /yan lag brgyad pa'i grur bcas skye bo nyon mongs rgya mtsho che las sgrol/ /bde bar gshegs pa cang mkhyen nges pa
208b6 rnams ni tshul gyi dam pa des/ /myur du nyon mongs dug bsal byang chub dpag yas zhi ba thob 'gyur zhing / /grol nas dug med gyur pa skye bo gzhan mthong nges pa'i mkhyen brnyes
208b7 nas| |pha rol myur phyin dug med bde zhing gdug pa thams cad 'joms par mdzad/ /bde gshegs thams cad stong yang bdag tu rtog rnams tshul dang tshul min rtog /'gro ba
209a1 kun gyi nang nas mkhas pa tshul dang tshul min bslab pa dag /grol nas 'gro ba kun la chags med yid kyis ngo bo nyid kyi chos/ /de yi tshul
209a2 mthong tshul la mkhas pa de dag mthu chen mgon por 'gyur/ /'ching dang bcings pa med cing bde bar gshegs pa chos rnams chos nyid med/ /de bzhin nyid dang ma nor
209a3 de bzhin nyid zhi mi dga' nyon mi mongs/ /nyon mongs mtshan ma med cing zhi byed med la nyon mongs rnams kyang med/ /gang gis tshul chen dam pa 'di mthong de dag thams
209a4 cad mkhyen du 'gyur/ /grol zhing 'grol mdzad zhi ba'i chos can zhi mdzad ngo mtshar 'gyur mi mnga'/ /bcom ldan 'das lhar bcas 'jig rten dpyid kyi smig rgyu bzhin du 'khrul
209a5 ba de| |kun rtogs bdag nyid zil gnon bdag dang gzhan med skyes pa bud med rtog /'gro ba sdug bsngal de na sna tshogs kyis bskyed sems kyis sems kyang ni/ /las dang
209a6 'bras bu med cing de myong gang gyur de yang med/ /bde gshegs de ltar sangs rgyas rnams kyi spyod yul tshul ni bdag cag 'tshal/ /des na de ltar bde gshegs zhi thugs
209a7 dbang po zhi zhing nges pa ste/ /dge ba'i blo mnga' dgra gtsang dri med chos kyis rab tu mchod par 'gyur/ /sangs rgyas 'jig rten 'phags pa'i gtso bo bstod pas bsod nams
209b1 gang byung ba/ /ji snyed dpal stug rkang gnyis gtso bo rnam smin yongs su mkhyen gyur pa'i/ /bdag cag dge rtsa de yis 'gro ba 'di kun kun mkhyen nyid thob shog /bsod nams 'di
209b2 kun 'gro ba kun gyi don bsngo kun kyang rgyal bar shog /de nas bcom ldan 'das kyis 'od gsal gyi lha de dag gi lhag pa'i bsam pa yongs su dag pa dang / /tshul gyi rjes su
209b3 'gro ba'i spobs pa phun sum tshogs pa yang thugs su chud la/ 'khor de dag gis kyang khyad par thob par 'gyur bar mkhyen nas de'i tshe 'dzum pa mdzad do/ /de nas tshe dang ldan
209b4 pa rta thul gyis bcom ldan 'das la tshigs su bcad de gsol pa/ 'jig rten don mdzad rnam par 'dren mchog kun mkhyen thams cad zil gnon pa/ /bde gshegs
209b5 thugs rje ldan rnams rgyu ma mchis par bzhad pa mi mdzad na/ /rgyal ba dpal stug rkang gnyis mchog gis 'jig rten thugs brtses bka' stsal gsol/ /'jig rten 'das
209b6 khyod ci slad 'dzum mdzad de rgyu bdag cag rnams la gsungs/ /gtso bo de thos 'gro ba 'di dag yid ni rab tu dang 'gyur zhing / /rnam par 'dren pa nges 'byung las dang 'bras bu gzhan
209b7 yang bgyid par 'gyur/ /des ni lha mir bcas pa'i 'jig rten 'khor bar sdug bsngal nyam thag 'di/ /'phags lam yan lag brgyad bstan srid pa'i rgya mtsho 'di las sgrol
210a1 bar 'gyur/ /drang srong chen po'i gsung mchog yan lag brgyad ldan bzang po 'di thos nas/ 'gro ba thams cad sangs rgyas nyid 'tshal dge la
210a2 brtson zhing dga' bar 'gyur/ /the tshom bral gyur rnam dag yid kyis brtson 'grus drag po'i stobs bskyed cing / /bde bar gshegs pa'i bstan pa bzhin bgyid khyod dang mthun
210a3 'byung sras su 'gyur/ /'khor rnams 'di dag rten pa gzhan ma mchis par khyod kyi zhal du lta/ /'gro ba'i rtsa lag rtog pa yid gnyis bsal zhing lung bstan bka' stsal
210a4 gsol| |bcom ldan 'jig rten 'di dag khyod kyi zham ring gnas shing nyan par 'tshal/ /gsung rab legs brjod bdud rtsi'i char phob gang dag skom pa 'tshal bar
210a5 'gyur| |'dren pa chen po khyod kyi 'khor 'di dag cing sangs rgyas yon tan 'tshal/ /ring du song ba'i ma la bu lta bzhin du khyod kyi zhal du lta/ /bde gshegs lha rnams
210a6 lung bstan bka' stsal bzhad pa'i don kyang bstan du gsol/ /skyob pa'i gsung mchog thos na 'jig rten don chen shin tu thob par 'gyur/ /thub pa de ring su zhig dge ba
210a7 'phel cing grags pa don du gnyer/ /su zhig 'dren pa'i yon tan gter rnyed 'gyur pa bdag cag de nyan 'tshal/ /rgyal ba'i 'khor rnams khyod kyis gsungs pa de dag thos
210b1 shing dag gyur nas/ /tshul 'di ston cing ting 'dzin stobs ldan shes rab la yang sgom par 'gyur/ /de nas bcom ldan 'das kyis tshe dang ldan pa rta thul la tshigs su bcad
210b2 de slar bka' stsal pa/ rta thul khyod kyi spobs pa legs par dus ldan skyes pa shin tu legs/ /bde gshegs rnam par sprul bzhin de ltar khyod kyi blo gros 'byung 'gyur zhing / /
210b3 spobs ba che 'byung de phyir gang dang gang dag khyod kyis dris gyur pa/ /de dag lung bstan ngas bshad kun kyang dbang po zhi bas mnyan par gyis/ /'od gsal ba yi lha rnams blo dag
210b4 sngon gyi rgyal ba mthong ba ste/ /'jig rten mgon med yid can dag mthong byang chub yang dag zhugs/ /byang chub nges 'byung lam mchog yang dag rgyal bas spyad pa spyod/ /byang
210b5 chub 'gro 'dod gang tshe ston med lam stor rnams la ston par 'gyur/ /tshul gyi dam pa shin tu gsal sgra thun mong ma yin 'di thos nas/ /sangs rgyas yon tan don gnyer blo
210b6 sbyangs de dag byang chub zhi thob 'gyur/ /de dag stobs skyes tshul dang tshul min mkhas shing byang chub yid nges gyur/ /bu skyes ma bzhin dga' bas byang chub mchog tu de dag smon
210b7 lam btab/ /'od gsal lha rnams 'di dag byang chub 'dod la tshul gyi sgo bstan te/ /bskal pa khrag khrig brjod du med par phra ba'i tshul 'di bstan byas nas/ /sems can skar
211a1 ma'i grangs pas ches mang ba dag byang chub dga' byas te/ /de yi 'og tu 'jig rten mkhas pa rang byung skyon bral kun mkhyen 'gyur/ /de dag zhing
211a2 mchog brjod du med pa zhing rnams bye ba brgya bgrangs par/ /yangs shing shin tu dga' la mtha' dag bkod pa rnams kyis brgyan pa ste/ /kun gyi zhing du ngan song rnams dang de
211a3 bzhin mi khom yong mi 'byung / /bde bar gshegs rnams thugs brtses sems can thams cad rang byung mdzad par 'gyur/ /zhing rnams de dag gang na'ang nyan thos theg pa
211a4 ston par mi 'gyur te/ /sems can thams cad rang byung nyid du mngon phyogs 'phrog pa med par 'gyur/ /de na rang byung sangs rgyas nyid ston mdzad pa 'jig rten mkhas rnams
211a5 kyi| |sku tshe'i tshad ni bskal pa bye ba brgya grangs gang+gA'i bye snyed 'gyur/ /rta thul 'jig rten khrag khrig khams kyi nyan thos mya ngan bzlas pa bas/ /gang yang skyes pa'am bud med
211a6 gcig cig byang chub yang dag dga' byas na/ /bsod nams de la snga mas grangs sam dper yang bya bar mi nus so/ /de bas byang chub zhugs pa'i skyes bu dam pa byang chub dga'
211a7 bar gyis/ /rta thul 'di la 'dren pa thams cad mkhyen pa 'byung ba rnyed sla min/ /de ni u dum wa ra'i me tog 'dra zhes sangs rgyas mtha' yas blo mnga' gsungs/ /de phyir bla
211b1 na med pa'i zhi bde byang chub mi gang 'dod pa yis/ /shin tu blo phra bsten bzang mkhyen pa tshul mkhas 'dren la brten par bya/ /de bzhin gshegs kyi zhal nas don byed gsungs dge
211b2 de 'dra thos gyur nas/ /'khor rnams thams cad yi rang mchog tu dga' zhing yang dag dga' bar gyur/ /khrag khrig lha rnams nam mkhar 'khod nas gos kyi g.yab mo 'dor
211b3 bar byed/ /dga' nas sangs rgyas dbang phyug khyod la phyag 'tshal lo zhes sgra yang phyung / /zhi ba thugs zhi skye bo nyon mongs rgod pas rgod gyur zhi bar mdzod/ /bdud rtsi ston cing
211b4 dug gsum zhi mdzad sems can dug ni skyug tu gsol/ /khyod kyi ye shes thos nas skye rgu'i dug med 'gyur zhing dgra med 'gyur/ /sdug bsngal rnams kyi 'dren las tshul thos
211b5 mi zad srid pa'i rgyud las 'grol/ /'od gsal ba lung bstan pa'i le'u ste/ nyi shu gcig pa'o// //bam po brgyad pa/ de nas dge rgyas kyi ris kyi lha khrag
211b6 khrig phrag bcu gnyis kyis lha ma yin rnams nas 'od gsal ba'i lha'i bar dag gi mchod pa yang mthong / lung bstan pa yang thos nas tshim zhing mgu la yid rangs te/ rab
211b7 tu dga' zhing dga' ba dang / /yid bde ba skyes nas bdag cag tshul phun sum tshogs par gyur pa yang brjod cing / bcom ldan 'das la 'di skad ces gsol to/ /bcom
212a1 ldan 'das/ chos thams cad la bde bar 'gro ba zhes bgyi ba'i ting nge 'dzin mchis te/ ting nge 'dzin de thob pas byang chub sems dpa' sems
212a2 dpa' chen po dmigs pa'i dngos po thams cad la bde ba'i tshor ba sha stag myong bar 'gyur zhing sdug bsngal gyi tshor ba mi myong la/ sdug bsngal ba yang ma lags/ bde ba
212a3 yang ma lags pa yang mi myong ste/ sems can dmyal ba'i gnod pas gnod par bgyis kyang bde ba'i 'du shes nye bar gnas pa dang / mi'i gnod pas gnod par bgyis
212a4 kyang bde ba'i 'du shes nye bar gnas pa dang / lag pa bcad dam/ rkang pa bcad dam/ rkang lag bcad dam/ rna ba'am/ sna'am/ rna ba dang / sna gtubs kyang bde
212a5 ba'i 'du shes nye bar gnas par 'gyur ba dang / sba lcag gis bzhus sam/ spa lcag phyed tshal lam/ lcag gis bzhus kyang bde ba'i 'du shes nye bar gnas par
212a6 'gyur ba dang / btson rar bcug gam/ lcags sgrog dang / shing sgrog tu bcug gam/ btson chad ma po la rgyas btab bam/ byis pa'i gtsug phud ltar bcings sam/
212a7 dugs kyi snod ltar gdugs sam/ bu ram shing brdung ba ltar brdungs sam/ 'dam bu bcom pa ltar bcom mam/ 'bru mar gyi mar me ltar 'bar bar byas sam/ mar
212b1 gyi mar me dang / zho bskol ba ltar 'bar bar byas kyang bde ba'i 'du shes nye bar gnas par 'gyur ba dang / me'i nang du bor ram/ seng+ge'i khar bstabs sam/ stag gi khar
212b2 bstabs sam/ skam ril bya ba ltar dril tam/ byi ba'i chad pa lta bus bcad dam/ nyes pa byung ba bsgrags pa ltar bsgrags sam/ kaR+sha pa Ni tsam du gtubs sam/ 'bras phye
212b3 btso ba ltar btsos sam/ glang po che rnams kyis bcom yang bde ba'i 'du shes nye bar gnas par 'gyur ba dang / mig phyung ngam/ gsal shing gi rtse mo la bzhag gam/ bsad
212b4 pa'i gnas su khrid de rnam pa thams cad du mgo gcod kyang bde ba'i 'du shes nye bar gnas par 'gyur te/ bde ba yang ma lags mi bde ba yang ma lags pa'i 'du shes rnam
212b5 pa thams cad du mi 'byung ngo / /de ci'i slad du zhe na/ 'di ltar byang chub sems dpa' sems dpa' chen po des yun ring po nas spyad pa spyod pa'i tshe smon lam 'di ltar btab ste /
212b6 gang gis bdag la kha zas byin pa de dag nye bar zhi ba'i bde ba thob par gyur cig /gang gis bdag la sgom blud pa de dag dang / gang gis bdag la rim gro byas pa dang / bkur
212b7 stir byas pa dang / bsti stang du byas pa dang / mchod pa byas pa de dag thams cad kyang nye bar zhi ba'i bde ba thob par gyur cig /gang yang bdag la gshe ba dang / mi bde bar
213a1 byed pa dang / brdeg pa dang / mtshon gyis 'debs pa dang / rnam pa thams cad du srog gcod pa'i bar du byed pa de dag thams cad kyang byang chub
213a2 kyi bde ba thob cing bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /ces smon lam btab ste/ de yid la bya ba de dag dang ldan
213a3 zhing / de lta bu'i las dang / de lta bu'i smon lam dang ldan pas sems can thams cad kyi rjes su song ba'i bde ba'i 'du shes la brten cing bsnyen la sgom zhing mang du byed
213a4 de| de las de'i rnam par smin pas chos thams cad la bde bar 'gro ba'i ting nge 'dzin rab tu thob bo/ /gang gi tshe byang chub sems dpas chos thams cad la bde bar 'gro
213a5 ba'i ting nge 'dzin thob par gyur pa de'i tshe bdud kyi las thams cad kyis mi 'phrog cing mi 'khrugs par 'gyur te/ de'i tshe 'di ltar tshe la dbang ba dang / skye ba la dbang ba dang /
213a6 las la dbang ba dang / rnam par rtog pa la dbang ba dang / yo byad la dbang ba ste/ dbang lnga thob par rig par bgyi'o/ /de 'tshal na/ tshe brjes ma thag tu byang chub
213a7 mngon par rdzogs par 'tshang rgya'o/ /de 'tshal na/ bskal pa grangs ma mchis pa gnas so/ /de ci'i slad du zhe na/ 'di ltar byang chub sems dpa' sems dpa' chen po
213b1 de theg pa chen po la yang dag par zhugs shing byang chub sems dpa' sgrub pa dang / byang chub sems dpa' yongs su 'dzin pa dang / ngan 'gro thams cad rab tu bsal ba dang / 'gro
213b2 ba drug po kun tu skyes pa dang / byang chub sems dpa'i bslab pa thams cad la bslab pa dang / shes rab kyi pha rol tu phyin pas yongs su bzung ba dang / thabs mkhas pa dang ldan
213b3 pa dang / bdud kyi las las rnam par rgyal ba dang / chos thams cad khong du chud par rig par bgyi ba'i slad du ste/ bcom ldan 'das/ gang gis byang chub sems dpa' chos
213b4 thams cad la nges pa'i rtogs pa thob par 'gyur ba thams cad ni/ de bzhin gshegs pa'i mthu'o/ /de nas dge rgyas ris kyi lha rnams kyi ting nge 'dzin 'di brjod nas de'i tshe
213b5 tshigs su bcad pa dag gis bcom ldan 'das la mngon par bstod pa/ dge rgyas lha tshogs 'di dag thams cad chos la mthar thug gyur pa ste/ /ston pa dbang po zhi zhing zhi ba
213b6 mkhyen la mgo bos skyabs su mchi/ /de dag mkhas pas mchod pa'i sangs rgyas don mkhyen 'khor ba brgal gyur pa/ /thub pa mi yi 'dren pa tshul mkhas rgyal ba 'dren pa 'dren la
213b7 bstod| |'di na rang bzhin nges pa'i thub chos gnas pa gang na'ang ma mchis te/ /sgyu ma'i mkhan pos sgyu ma ji bzhin khyod kyis thub pa legs par mkhyen/ /yan lag sna tshogs sgra
214a1 brnyan ri khrid 'byung ba mkhas pas rtogs pa ltar/ /de bzhin gshegs pa'i drang srong khyod kyis lha mir bcas pa'i 'jig rten gzigs/ /'di ni
214a2 sems can srog dang shed bu gso ba gang zag ma mchis te/ /mi mchog khyod kyis 'du shes rnam par bshag cing stong par rnam bzhag la/ /rkang gnyis dam pa sems can
214a3 gtso bo byams pa gzhal yas sgom pa'ang mdzad/ /rgyal ba sangs rgyas dgongs pa 'di ni 'gro ba kun gyis rtogs par dka'/ /byams pa dge sgom sems can dmigs pa
214a4 yin zhes 'dren pas bka' stsal la/ /sems can rnam par bshig cing 'gro ba thams cad sems can med par mkhyen/ /de ltar rkang gnyis dam pa rnyog pa mi mnga'
214a5 the tshom bral thugs ldan/ /des na bde gshegs pa rnam brtags blo mnga' mchod 'os khyod la mchod par 'tshal/ /bde bar gshegs pa sdug bsngal phyogs bcur gnas pa kun tu mi dmigs
214a6 kyang / /lha yi lhar gyur khyod kyis sems can rnams la snying rje bgyi bar gsungs/ /de ltar rgyal mchog bdag cag rgyal ba'i dgongs pa ji bzhin kun tu 'tshal/ /des na
214a7 rkang gnyis gtso bo mi mchog mchod 'os khyod la mchod par 'tshal/ /thub pa khyod kyis sems can dang ni bsal bgyi sdug bsngal mi gzigs la/ /dgyes pa skyes
214b1 nas rab tu dgyes pa'i thugs kyis mi dgyes rnam par bsal/ /de ltar sangs rgyas tshul ni bsam gyis mi khyab tshul 'di ji bzhin 'tshal/ /des na mi mchog khyod la mchod
214b2 nas brnyes pa'i 'bras bu thob par bgyi/ /skyon bral khyod kyis 'gro ba kun tu sdug bsngal mya ngan 'das ma dmigs/ /'on kyang 'khor bar sems can gzigs shing don
214b3 mdzad stobs dang ldan pa bskyed/ /sems can sdug bsngal 'gro dang thub dang mya ngan 'das dang gnas ma mchis/ /sangs rgyas tshul 'di rtogs nas thub pa mchod 'od khyod la
214b4 mchod par 'tshal/ /'dren pa tshad med bzhi po gzigs shing de yang gnyis su med par bstan/ /gang zhig der rdul ma gzigs gang yang tshad med gnas pa de ma gzigs/ /
214b5 thub pas bag med gang yang ma gzigs bag yod mi yang ma gzigs te/ /sangs rgyas tshul 'di 'tshal nas thub pa ston pa khyod la mchod par bgyis/ /thub pa sku ni rnam par
214b6 spangs pas sku btsal mdzad na ma brnyes kyang / /de ltar 'dren pa dran pa ma gsung ma lags bsnyel ba yong mi mnga'/ /bde bar gshegs pas lus la song ba'i sgom pa
214b7 sgom par gyis zhes gsungs/ /sangs rgyas tshul 'di ni gnas bde bar gshegs pa skyob la mchod pa bgyis/ /'dren pas tshor ba'i rang bzhin btsal ba mdzad na brnyes par ma
215a1 gyur la| |tshor ba tshor bar bgyid pa'ang thub pas yongs su btsal na ma brnyes te/ /de ltar gang zhig dran sgom de ni sangs rgyas kyis kyang yong ma
215a2 gzigs/ /sangs rgyas tshul 'di 'tshal nas ston pa la ni bdag cag mchod pa bgyis/ /thub pas sems dang sems las byung ba dgongs te btsal na ma rnyed la/ /gang gi
215a3 nye bar bzhag pa de yang dran pa med par rab mkhyen kyang / /thar pa 'dod pa rnams kyis sems 'dus dran pa sgom par gyis zhes gsungs/ /bde bar gshegs pa'i dgongs
215a4 pa 'di 'tshal nas ni ston la mchod par bgyis/ /'jig rten phan par bzhed pas chos dang chos la gang spyod de ma gzigs/ /sgom par gang gsungs dran pa de yang
215a5 'di na rang bzhin ma mchis la/ /thar pa 'dod pa rnams kyis chos 'dus dran pa sgom par gyis zhes gsungs/ /sangs rgyas tshul bzhi po 'di rab tu 'tshal nas skyob la
215a6 mchod pa bgyis/ /gnas gcig mchis pa ma lags gnyis sam gsum mam bzhi lta ga la mchis/ /gang gi gnas su brjod pa'i dran pa de yang gang na'ang ma mchis
215a7 te| |de bas gang gi bde ba'am sdug bsngal yang dag gang na'ang de ma mchis/ /ston pa'i tshul 'di 'tshal nas des na bdag cag khyod la mchod pa 'tshal/ /ston pa'i tshul
215b1 mchog bzhi po 'di rnams dge slong gang dag 'dzin bgyis na/ /'di dag thar pa nyid kyi lam ste 'khor ba las ni 'byung bar 'gyur/ /de ltar de ni tshul 'dir ma bcings ma
215b2 grol byang chub 'dren pa min/ /bcom ldan 'das kyis btags pa ma bshig des na khyod la mchod par 'tshal/ /thar mdzad slad du bcom ldan 'das kyis lam zhi rdzu 'phrul
215b3 rkang pa gsungs/ /'di dag bsgoms na mi rnams dbang po dul zhing mya ngan 'da' bar 'gyur/ /yang dag tu ni rdzu 'phrul dang ni rkang pa sgom pa mi dmigs te/ /chad par mi 'gyur
215b4 bya ba'ang ston cing byed pa po yang mi dmigs la/ /thams cad mkhyen gyi bstan 'dir lha tshogs the tshom gang na'ang ma mchis te/ /de dag de na nem nur ma mchis de bzhin som
215b5 nyi ma mchis 'gyur/ /'di na mchod pa bzang po mchog ces mchod 'os sangs rgyas rnams kyis gsungs/ /des na bde gshegs dpe med spyod mnga' mchod 'os khyod la
215b6 mchod pa 'tshal/ /thar par mdzad slad 'jig rten mkhas pas nges 'byung dbang po lnga yang gsungs/ /rtag tu bag yod byos la mya ngan 'das 'gro'i lam 'di sgoms zhes
215b7 bstan| |thub pa dbang po dang ni sgom pa po dang thar pa'ang mi dmigs te/ /'di la lha 'khor the tshom ma mchis de slad khyod la mchod pa 'tshal/ /sangs rgyas rnams kyi mya
216a1 ngan 'das par 'gro ba'i drang lam stobs lnga po/ /de dag nyon mongs zad bgyid thar par bgyid ces ston pa thub pas gsungs/ /de dag rang bzhin
216a2 ma mchis nyon mongs ma mchis rgyal ba ma mchis te/ /thub pa bdag cag gang la'ang the tshom ma mchis de slad khyod la mchod/ /byang chub yan lag bdun po 'di dag dge
216a3 ba lam gyi dam pa ste/ /sangs rgyas rnams kyi mya ngan 'das 'gro'i drang lam mchog ces thub pas gsungs/ /'ching ba mchis pa ma lags grol ba ma mchis bcings
216a4 pa'ang ma mchis te/ /sems can dkon mchog 'di la bdag cag the tshom ma mchis khyod la mchod/ /rkang gnyis gtso bo khyod kyis bzhi phrag gnyis lam sems can
216a5 rnams la bstan/ /brtson 'grus ldan par 'phags lam sdug bsngal mthar mar 'byin pa sgoms zhes gsungs/ /mi mchog lam dang de bzhin nyon mongs 'di
216a6 gnyis g.yo ba ma mchis te/ /'di la lha tshogs the tshom ma mchis gyur pas mchod 'os khyod la mchod/ /'dod chags gnyen por zhi gnas bka' stsal zhe sdang
216a7 gnyen por byams pa gsungs/ /gti mug gnyen por lhag mthong thub pa mchog gis sems can rnams la bstan/ /'di dag thams cad g.yo ba ma mchis skad cig dag
216b1 min nyon mongs min/ /'di la lha tshogs the tshom ma mchis thub pa mchod slad rtag tu brtson/ /sdug bsngal zhi bya phyir ni zhi gnas lhag mthong lam yang sgoms zhes gsungs//
216b2 bcom ldan gang gis 'gro ba nyon mongs bag chags bcas dri de dag zhi/ /thub pa zhi gnas lhag mthong de bzhin dri ma thams cad stong pa ste/ /'di la lha tshogs gang du'ang
216b3 the tshom ma mchis skyon bral khyod la mchod/ /stobs bcu sems can rnams la dge ba bcu yi las lam bstan mdzad de/ /gsod dang 'khrig dang ma byin phra ma rdzun dang zhe
216b4 gcod kyal tshig dang / /gnod sems dang ni mi rigs 'dod dang de bzhin log par rtog pa rnams/ /mi dge'i las lam 'di yang bcom ldan 'das kyis sems can rnams la
216b5 bstan| |sems can mi dmigs gsod pa ga la mchis te lhag ma de dang 'dra/ /gnyen po dge ba ma mchis de ni ngo bo nyid kyis stong pa ste/ /bde gshegs thub pa zag pa mi
216b6 mnga' rnams kyang ngo bo nyid kyis stong / /rnam 'dren the tshom som nyi ma mchis de slad khyod la phyag kyang 'tshal/ /sangs rgyas sras po dge ba'i blo can gang zhig spyod pa 'di bstan
216b7 pa| |mkhas pa kun tu dge ba nyid myong sdug bsngal myong bar yong mi 'gyur/ /bcom ldan bde gshegs ye shes des ni tshul 'di bde bar thob par bgyis/ /'di la lha tshogs
217a1 the tshom ma mchis mchod 'os khyod la mchod par 'tshal/ /de ltar dge rgyas kyis lha rnams kyis bcom ldan 'das la mngon par bstod nas cang
217a2 mi zer bar 'khod do/ /de nas bcom ldan 'das kyis dge rgyas kyi lha rnams cang mi zer bar 'khod pa yang mkhyen/ de dag gi lhag pa'i bsam pas bsgrubs pa yang thugs su chud nas 'dzum
217a3 pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol ba/ skye bo 'di kun bcom ldan khyod kyi mkhyen pa'i zil gyis zil mnan
217a4 nas| |bde gshegs rgyal ba mchog khyod kyis ni 'dzum pa mdzad 'di 'jig rten bstan/ /rgyu ma mchis par chos kun mkhas pa rnams ni 'dzum pa mi mdzad na/ /'dzum
217a5 rgyu don gnyer mi mig med rnams la 'jig rten mkhas pas bka' stsal gsol/ /ma lus 'di dag thams cad gzhan du mi sems khyod 'dzum re zhing 'khod/ /dpal
217a6 stug khyod la bstod pa bgyid cing nyan pa 'tshal ba'i yid kyis gnas/ /sangs rgyas gsung gi dbang phyug thos nas yid ni rab tu rangs gyur te/ /chos rnams kun la
217a7 nges pa'i blo dge ldan pa'i ston par skye bar 'gyur/ /bde gshegs mi mchog dge ba'i thugs can de ring su zhig blo gros bskyed/ /de ring gang gis 'chi med zhi ba rtogs
217b1 shing phyogs rnams snang bar bgyis/ /su zhig 'jig rten thugs brtse rgyal ba 'dren pa dpag tu med 'gyur ba/ /de dag bka' stsol drang srong 'khor 'di legs par gsungs pas
217b2 tshim par mdzod/ /rgyal ba khyu mchog dge sbyong dam pa deng su btsun la dad pa skyes/ /bdud kyis mi 'phrog blo ldan gang zhig chos la yang dag yongs su gnas/ /sangs rgyas sras
217b3 po tshul mkhas gang zhig de ring nges pa thob par 'gyur/ /rkang gnyis gtso bo de dag bka' stsol 'gro 'di the tshom ma mchis mdzod/ /bde gshegs deng su 'gro la dad bskyed skye rgu
217b4 rnams la byams gyur cing / /byang chub mthar phyin blo gros brtan zhing thams cad mkhyen pa nyid la gnas/ /gang la 'dzum pa deng bstan bde gshegs bstan pa 'dzin pa de
217b5 gang lags/ /bsod nams brgya yi mtshan mnga' de dag bka' stsol bdag gi the tshom khum/ /'dren pa khyod gsung yan lag brgyad ldan legs par bka' stsal thos gyur na/ /
217b6 bde gshegs gsung gis thog mar bdag cag 'dong zhing 'gro ba gzhan yang 'dren/ /de ltar gyur na bde gshegs bstan rab 'di ni sras la gnas par 'gyur/ /'jig rten
217b7 'di dag yid ni myur du bde gshegs rnams la gnas par 'gyur/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ nga yi 'jig
218a1 rten don byed 'dzum mdzad rta thul khyod kyis mthong gyur cing / /skyes bu dam pa khyod kyis dus su dris te 'gro ba'i don byas pa/ /khyod kyi bsod nams
218a2 'phel ba brjod du med de de ni zad mi 'gyur/ /de ni khyod la bstan gyi khyod dang 'gro ba 'di dag dga' bas nyon/ /dge rgyas lha tshogs 'di dag nga yi chos nyid la ni the tshom med//
218a3 kun kyang yi rang rab zhi yid kyis tshigs bcad dag gis nga la bsngags/ /sngon gyi sangs rgyas bye ba khrag khrig stong grangs mchod 'os mchod byas te/ /the tshom med pa'i yid kyis
218a4 tshul dris kun tu som nyi med par gyur/ /de ltar sngon gyi rgyu des 'dir yang tshigs su bcad pas nga la bstod/ /bskal pa bzang po'i rgyal ba bstod 'os kun la'ang 'di dag
218a5 bstod par 'gyur/ /'di dag bskal pa ut+pal la la rgyal ba dgra rgyal mthu chen 'gyur/ /'di dag sems can khrag khrig bsam yas yongs su mya ngan 'da' bar byed/ /sangs
218a6 rgyas drang srong chen po de dag yid 'ong mtshan du gang 'gyur ba/ /de yang bstan gyi dang ba'i yid kyis sems kyi tha ba spangs te nyon/ /rgyal ba de kun chos kyi tog ces bya ba'i 'dren pa
218a7 gzhal yas 'gyur/ /'di dag re res kyang ni khrag khrig bsam yas mya ngan zlo bar 'gyur/ /de yi tshe na bde gshegs kun gyi ring bsrel shin tu rgyas 'gyur te/ /de tshe zhing rnams
218b1 kun tu rgyal ba'i mchod rten me tog rgyas par 'gyur/ /thub pa grags chen de dag yongs su mya ngan 'das par gyur pa na/ thub pa skyob pa de dag kun gyi ring bsrel rgyas pas don
218b2 chen 'gyur/ /sems can khrag khrig bsam yas rnams kyis de'i tshe ring bsrel mchod byas te/ /ring bsrel de dag mchod nas mya ngan 'das pa zhi ba 'chi med 'thob/ /thub
218b3 pa rkang gnyis gtso bo de dag grags pa rgyun chad mi 'gyur te/ /slob pa khrag khrig bsam yas rnams kyang de tshe rgyal ba'i drung du 'du/ /ji ltar bye ba brgya grangs nga la legs par
218b4 spyad pa byas nas su/ /byams pa blta phyir rgya chen yid kyis byams pa'i 'khor du 'dong 'gyur ba/ /de ltar rgyal ba'i nyan thos slob tshogs de dag rgyal nas rgyal 'khor du/ /rkang
218b5 gnyis gtso bo de dag kun gyi ring bsrel mchod pa bya phyir 'dong / /bde gshegs gsung snyan 'gro ba thams cad ngo mtshar gyur pa des thos shing / /dge rgyas ris kyi lha yi
218b6 bdag nyid chen po de tshe thos gyur nas/ /'khor rnams thams cad rab tu dga' ste phal cher byang chub sems kyang bskyed/ /bdag nyid chen po de tshe shes nas thub pa'i zhabs
218b7 la mgo bos rab tu gtugs/ /dge rgyas ris lung bstan pa'i le'u ste/ nyi shu rtsa gnyis pa'o// //de nas de'i tshe 'bras bu che ba'i ris kyi lha bye ba phrag brgyad cus lha
219a1 ma yin rnams nas dge rgyas kyi lha'i bar dag gi mchod pa yang mthong / lung bstan pa yang thos nas tshim zhing mgu la yid rangs te/ rab tu dga' zhing
219a2 mgu ba dang / yid bde ba skyes nas tshul gcig la zhugs pa dang / chos re re las kyang chos kyi sgo mtha' yas pa 'byung bar yang dag par mthong zhing tshul la 'jug pa
219a3 thams cad las kyang mtha' yas pa'i spobs pa dang / mi chod pa'i spobs pa dang / rig pa'i spobs pa dang / grol ba'i spobs pa dang / thogs pa med pa'i spobs pa
219a4 dang / nye ba'i spobs pa dang / phra ba'i spobs pa dang / zab pa'i spobs pa dang / sna tshogs kyi spobs pa dang / 'jam pa'i spobs pa dang / 'brel ba'i spobs pa dag kyang
219a5 'byung bar shes nas bcom ldan 'das la dga' ba skyes te chos nyid brjod cing bcom ldan 'das la 'di skad ces gsol to/ /bcom ldan 'das/ sgo'i tshul mtha'
219a6 yas pa zhes bgyi ba'i ting nge 'dzin mchis te/ de la brtson par bgyis na/ byang chub sems dpa' sems dpa' chen po spobs pa thob cing mi chod pa'i spobs pa thob par
219a7 'gyur ba dang / dmigs pa dang snyoms par 'jug pa thams cad la rmongs pa ma mchis par 'gyur ro/ /de la dmigs pa gang yang gzugs lags par ma 'tshal ba'i
219b1 tshul gyis sgrib par mi 'gyur ro/ /de ni/ phung po la 'jug pas kyang sgo'i tshul mtha' yas pa'i gzungs thob par 'gyur/ khams la 'jug pa dang / skye mched la 'jug pa
219b2 dang / dbang po la 'jug pa dang / bden pa la 'jug pa dang / rten cing 'brel par 'byung ba la 'jug pa dang / sems can la 'jug pa dang / sems can ma mchis pa la
219b3 'jug pa dang / dngos po la 'jug pa dang / dngos po ma mchis pa la 'jug pa dang / dmigs pa la 'jug pa dang / dmigs pa ma mchis pa la 'jug pa dang / bdag la
219b4 'jug pa dang / stong pa la 'jug pa dang / mtshan ma la 'jug pa dang / mtshan ma ma mchis pa la 'jug pa dang / smon pa la 'jug pa dang / smon pa ma mchis pa la 'jug pa
219b5 dang / gnas pa la 'jug pa dang / gnas pa ma mchis pa la 'jug pa dang / 'dus byas la 'jug pa dang / 'dus ma byas la 'jug pas kyang sgo'i tshul mtha' yas pa'i
219b6 gzungs thob par 'gyur te/ thams cad la thogs pa ma mchis pa'i spobs pa dang ldan par 'gyur ro/ /de ni/ phung po la 'jug pas kyang 'di lta ste/ phung po zhes bya ba'i chos
219b7 'di ni| yongs su ma grub pa'o/ /zhes gzungs rab tu thob bo/ /de ci'i slad du zhe na/ gzugs ni/ gang yang yongs su grub pa ma mchis te/ sa ni/ sar yongs su ma grub/ de bzhin
220a1 du chu dang / me dang / rlung ni/ rlung du yongs su ma grub pa'o/ /de ci'i slad du zhe na/ sa ni/ rang bzhin ma mchis pa ste/ chos gang la yang rang bzhin ma
220a2 mchis pa de ni/ yongs su ma grub pa'o/ /chu dang / me dang / rlung ni/ rang bzhin ma mchis pa ste/ chos gang la yang rang bzhin ma mchis pa de ni/ yongs su ma grub
220a3 pa'o| |de ltar yongs su ma grub pa'i gzugs ni/ 'das pa zhes gdags par mi bgyi/ ma 'ongs pa zhes gdags par mi bgyi/ da ltar byung ba zhes gdags par mi
220a4 bgyi'o| |de ci'i slad du zhe na/ 'di ltar gzugs ni/ dngos po ma mchis pa ste/ dngos po ma mchis pa'i slad du skye ba ma mchis pa'o/ /gang la skye ba ma mchis pa de
220a5 la 'gag pa ma mchis te/ gang ma skyes ma 'gags pa de ni/ gdags su ma mchis pa'o/ /de bzhin gshegs pas kyang 'das pa dang / ma 'ongs pa dang / da ltar
220a6 byung ba'i gzugs gang ci yang rung ste/ de dag thams cad gcig du bsdus nas gzugs kyi phung po'o/ /zhes bka' stsal to/ gzugs kyi rang bzhin ni/ dmigs su ma
220a7 mchis na/ 'das par lta ga la 'gyur/ /ma 'ongs bar lta ga la 'gyur/ da ltar byung bar yang lta ga la 'gyur te/ de bas na/ gzugs kyi phung po ni/ dmigs su
220b1 ma mchis pa'o/ /tshor ba dang / 'du shes dang / 'du byed dang / rnam par shes pa'i phung po rnams kyang de bzhin te/ de'i slad du phung po rnams ni/ dmigs su ma mchis so/ /
220b2 phung po dmigs su ma mchis pas/ gzungs dmigs su ma mchis te/ de ltar phung po la 'jug pas gzungs la 'jug par 'gyur ro/ /gzungs de yang ming tsam dang / tha
220b3 snyad tsam dang / brda tsam dang / kun rdzob tsam dang / brjod pa tsam dang / gdags pa tsam ma gtogs par gzungs la 'jug pa mi dmigs te/ 'di la phung po yang mi dmigs
220b4 gzungs kyang mi dmigs/ 'jug pa yang mi dmigs/ gzungs kyang rang bzhin gyis mi dmigs so/ /de ci'i slad du zhe na/ gang 'di phung po zhes bgyi ba de ni/ ma bgyis pa'i
220b5 chos te| chos gang yang ma bgyis pa de la spungs pa yang ga la mchis te/ phung po ni/ spungs pa'i slad du phung po zhes bgyi'o/ /dper na/ khyim dang / khang bzang dang / bsil
220b6 khang dang / khang pa brtsegs pa dang / skar khung khol ma dang / ba gam dang / dra ba dang / stegs bu dang / kha khyer dang / skar khung dang / rta babs dang / ra ba dang / shing thags
220b7 dang / 'obs dang / chos mang po bsags pa la grong khyer zhes bgyi ba bzhin du phung po zhes bgyi ba'ang de bzhin te/ gzugs de yang ngo bo nyid kyis mi dmigs na/ de la spungs
221a1 pa lta ga la mchis/ spungs pa ma mchis pas na/ gzugs kyang ma mchis/ gzugs kyi phung po yang ma mchis so/ /de bzhin du tshor ba dang /
221a2 'du shes dang / 'du byed dang / rnam par shes pa yang rang bzhin gyis dmigs su ma mchis na/ de la spungs pa lta ga la mchis te/ spungs pa ma mchis pa'i slad
221a3 du rnam par shes pa yang ma mchis/ rnam par shes pa'i phung po yang ma mchis so/ /de ltar phung po la 'jug pas gzungs thob par 'gyur/ gzungs thob pas spobs
221a4 pa thob par 'gyur ro/ /de la skye mched la 'jug pas gzungs thob par 'gyur ba ni/ mig gi skye mched ces bgyi ba ni/ ci'i skye mched ces bgyi na/ sdug bsngal gyi
221a5 skye mched do/ /de la mig gang zhe na/ 'byung ba chen po bzhi dang ba ste/ sa'i khams dang / chu'i khams dang / me'i khams dang / rlung gi khams dang ba'o/ /de la sa'i
221a6 khams dang ba ni/ rang bzhin ma mchis pa ste/ chos gang gis rang bzhin mi dmigs pa de ni/ yongs su ma grub pa'o/ /de bzhin du chu'i khams dang ba dang / me'i khams
221a7 dang ba dang / rlung gi khams dang ba ni/ rang bzhin ma mchis pa ste/ chos gang gi rang bzhin mi dmigs pa de ni/ yongs su ma grub pa'o/ /de ltar yongs su ma grub pa'i
221b1 mig gi skye mched de ni/ 'das pa zhes gdags par bgyi ba ma lags/ ma 'ongs pa dang / da ltar byung ba zhes gdags par bgyi ba ma lags so/ /de ci'i slad du zhe na /
221b2 'di ltar mig gi skye mched ni/ dngos po ma mchis pa ste/ dngos po ma mchis pa'i slad du skye ba ma mchis pa'o/ /gang la skye ba ma mchis pa de la 'gag pa ma mchis pa
221b3 ste| gang ma skyes ma 'gags pa de ni/ gdags su ma mchis pa'o// /de ltar mig kyang ma skyes ma 'gags/ skye mched dang sdug bsngal yang ma skyes ma 'gags
221b4 ba'o| |gang ma skyes ma 'gags pa de ni/ ming tsam dang / tha snyad tsam dang / brda tsam dang / kun rdzob tsam dang / brjod pa tsam ma gtogs par gdags su ma mchis pa ste/
221b5 ming de yang ming gis ma mchis pa'o/ /de ci'i slad du zhe na/ chos gang la mig ce'am/ skye mched ce'am/ sdug bsngal zhes gdags par bgyi ba'i chos de gang yang
221b6 dmigs su ma mchis te/ ming yang ming du brjod du ma mchis so/ /rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg bya
221b7 dang / chos rnams kyang de bzhin te/ de'i slad du skye mched la 'jug pas gzungs thob/ gzungs la 'jug pas spobs pa thob bo/ /de la khams la 'jug pas gzungs thob
222a1 pa ni| mig ni/ mig gis ma mchis pa/ khams ni/ khams kyis ma mchis pa ste/ de ci'i slad du zhe na/ mig ni/ mig gi rang bzhin dang bral
222a2 ba| khams ni/ khams kyi rang bzhin dang bral ba'i slad du ste/ chos gang la rang bzhin ma mchis pa de ni/ dngos po ma mchis pa'o/ /gang la dngos po ma mchis pa de
222a3 ni| yongs su ma grub pa'o/ /gang yongs su ma grub pa de la ni/ skye ba ma mchis so/ /gang la skye ba ma mchis pa de la 'gag pa ma mchis so/ /gang ma skyes ma 'gag pa de ni/
222a4 ming tsam dang / tha snyad tsam dang / brda tsam dang / kun rdzob tsam dang / brjod pa tsam ma gtogs par 'das pa zhes gdags par bgyi ba ma lags/ ma 'ongs pa dang /
222a5 da ltar byung ba zhes gdags par bgyi ba ma lags so/ /ming de yang ming gis ma mchis/ brjod pa'i bar de yang brjod pas ma mchis pa ste/ chos gang la rang bzhin
222a6 ma mchis pa de ni/ dngos po ma mchis pa'o/ /gang la dngos po ma mchis pa de ni/ yongs su ma grub pa ste/ yongs su ma grub pa'i slad du skye ba ma mchis pa'o/ /gang la
222a7 skye ba ma mchis pa de la 'gag pa ma mchis so/ /gang ma skyes ma 'gags pa de ni/ 'das pa zhes gdags par bgyi ba ma lags/ ma 'ongs pa dang / da ltar byung ba zhes gdags
222b1 par bgyi ba ma lags so/ gang dus gsum du gdags par bgyi ba ma lags pa de ni/ ming ma mchis pa/ mtshan nyid ma mchis pa/ mtshan ma ma mchis pa/ tha snyad ma mchis
222b2 pa| brda ma mchis pa/ dngos po ma mchis pa/ 'dris pa ma mchis pa/ brjod du ma mchis pa/ 'ong ba ma mchis pa/ 'gro ba ma mchis pa/ ma bstan pa/ rab tu ma bstan pa/
222b3 mngon par shes par bgyi ba ma lags pa/ yongs su shes par bgyi ba ma lags pa/ dkar po ma lags pa/ nag po ma lags pa/ gnas ma lags pa/ rten ma lags
222b4 pa| thob pa ma lags pa/ thob par bgyi ba ma lags pa/ rtogs pa ma lags pa/ rtogs par bgyi ba ma lags pa/ mngon du bgyis pa ma lags pa/ mngon du bgyi ba ma
222b5 lags pa/ so so'i skye bo'i sa ma lags pa/ nyan thos kyi sa ma lags pa/ rang sangs rgyas kyi sa ma lags pa/ byang chub sems dpa'i sa ma lags pa/ sangs rgyas kyi sa ma lags
222b6 pa ste| sa yang ma lags/ sa ma lags pa yang ma lags so/ /de ni/ de bzhin nyid dang / ma nor ba de bzhin nyid dang / gzhan ma lags pa de bzhin nyid dang / zhi ba dang mtshan nyid
222b7 ma lags pa ste/ tha snyad tsam du btags pa'o/ /des tha snyad du de bzhin gshegs pa zhes bgyi ste/ don dam par ni/ ma lags so/ /de ci'i slad du zhe na/ gang la de bzhin gshegs
223a1 pa zhes bgyi ba'i chos de mi dmigs so/ /de bzhin du gzugs kyi khams dang / mig gi rnam par shes pa'i khams dang / yid kyi khams dang / chos
223a2 kyi khams dang / yid kyi rnam par shes pa'i khams kyi bar du rgya cher khams kyi chos kyi dbyings la 'jug par bgyi'o/ /bcom ldan 'das/ chos kyi dbyings ni/ phung por
223a3 btags kyang chos kyi dbyings nyid mi 'dor/ khams dang / skye mched dang / dbang po dang / bden pa dang / rten cing 'brel par 'byung bar btags kyang chos kyi dbyings
223a4 nyid mi 'dor te/ chos kyi dbyings de ming gang dang gang gis btags kyang de dang des chos kyi dbyings nyid mi 'dor ro/ /bcom ldan 'das/ 'di lta ste/ dper na/ sa'i
223a5 khams ni/ ming gang dang gang gis tha snyad du bgyis kyang de dang des sa'i khams nyid mi 'dor ro/ /bcom ldan 'das/ de bzhin du chos kyi dbyings kyang ming gang dang gang
223a6 gis tha snyad du bgyi ba de dang des chos kyi dbyings nyid mi 'dor ro/ /bcom ldan 'das/ 'di lta ste/ dper na/ chu'i khams dang / me'i khams dang / rlung gi khams dang /
223a7 nam mkha'i khams ni/ ming gang dang gang gis tha snyad du bgyi ba de dang de sa chu dang / me dang / rlung dang / nam mkha'i khams nyid mi 'dor ro/ /bcom ldan 'das/ de
223b1 bzhin du chos kyi dbyings kyang ming gang dang gang gis tha snyad du bgyi ba de dang des chos kyi dbyings nyid mi 'dor te/ de ltar na/ khams la 'jug pas gzungs thob/ /gzungs la
223b2 'jug pas spobs pa thob bo/ /bcom ldan 'das/ de la dbang po la 'jug pas chos kyi dbyings la 'jug pa ni/ dbang po nyi shu rtsa gnyis te/ 'di lta ste/ mig gi dbang po
223b3 dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po dang / mo'i dbang po dang / pho'i dbang po dang / srog gi dbang po
223b4 dang / bde ba'i dbang po dang / sdug bsngal gyi dbang po dang / yid bde ba'i dbang po dang / yid mi bde ba'i dbang po dang / btang snyoms kyi dbang po dang / dad pa'i dbang po dang /
223b5 brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / mi shes pa kun shes par byed pa'i dbang po dang / kun
223b6 shes pa'i dbang po dang / kun shes pa dang ldan pa'i dbang po ste/ de la mig ni/ mig gis ma mchis/ dbang po ni/ dbang pos ma mchis pa'o/ /de ci'i slad du zhe na/ mig
223b7 ni| mig gi rang bzhin dang bral ba ste/ chos gang la rang bzhin ma mchis pa de ni/ dngos po ma mchis pa'o/ /gang la dngos po ma mchis pa de ni/ yongs su ma grub pa'o/ /gang
224a1 yongs su ma grub pa de ni/ mi skye ba/ gang mi skye ba de ni/ mi 'gags pa/ gang ma skyes ma 'gags pa de ni/ 'das pa zhes gdags par bgyi ba ma
224a2 lags| ma 'ongs pa dang / da ltar byung ba zhes gdags par bgyi ba ma lags so/ /gang dus gsum du mi dmigs pa de ni/ mig ma lags/ dbang po ma lags so/ /gang
224a3 mig ma lags shing / dbang po ma lags pa de'i tha snyad ji ltar 'tshal bar bgyi/ 'di lta ste/ dper na/ chad pa stong pa ni/ rdzun pa yang dag pa ma lags pa ma mchis
224a4 pa ste| 'di ltar ming du gdags par bas kyi/ don dam par ni/ stong pa yang mi dmigs/ chad pa yang mi dmigs so/ /de bzhin du mig dang dbang po yang chad pa stong pa
224a5 ltar rdzun zhing ma mchis la yang dag pa ma lags pa ste/ /gsob/ gsog/ log pa/ slu ba'i chos can/ byis pa 'drid pa/ glen pa rmongs par bgyid pa ste/ 'di ltar ming
224a6 du gdags par bas kyi/ don dam par ni/ mig kyang mi dmigs/ dbang po yang mi dmigs na/ de ni/ bcom ldan 'das kyis thams cad mkhyen pa'i ye shes brnyes nas
224a7 ji tsam du phyin ci log la gnas pa'i sems can rnams gzud pa'i slad du dbang po zhes btags kyi/ don dam par ni/ ma lags so/ /dbang po ni/ rang bzhin dang bral zhing dbang po'i
224b1 ngo bo nyid kyis stong pa ste/ chos gang chos gang gis stong pa de la des tha snyad du bgyi ba ni/ rdzun pa/ gsob/ gsog/ log pa/ slu ba'i chos can/ byis pa 'drid pa/ glen pa rmongs
224b2 par bgyid pa/ rang bzhin dang bral ba ste/ de ni/ mi skye mi 'gag go /gang ma skyes ma 'gags pa de ni/ 'das pa zhes gdags par bgyi ba ma lags/ ma 'ongs pa dang / da ltar
224b3 byung ba zhes gdags par bgyi ba ma lags so/ /gang dus gsum du ma mchis pa de ni/ ming ma mchis pa/ mtshan ma mchis pa/ rdzun pa mtshan nyid ma mchis pa/ gdags
224b4 su ma mchis pa/ gdags pa ma lags pa/ ma shes pa/ shes par bgyi ba ma lags pa/ rnam par ma shes pa/ rnam par shes par bgyi ba ma lags pa/ ma thos pa/ thos
224b5 par bgyi ba ma lags pa/ rnam par ma rig pa/ rnam par rig par bgyi ba ma lags pa/ ma rtogs pa/ rtogs par bgyi ba ma lags pa/ ma thob pa/ thob par bgyi ba ma lags
224b6 pa| ma mthong ba/ mthong bar bgyi ba ma lags pa/ ma rnyed pa/ rnyed par bgyi ba ma lags pa'o/ /de ci'i slad du zhe na/ ma mchis shing mchis pa ma lags pa'i slad
224b7 du'o| |'di lta ste/ dper na/ mi zhig rmi lam na rgod pa dang / dga' ba dang / rtses pa dang / dga' mgur spyad pa dag nyal nyal ba las sad de rjes su dran pa de dran yang rnyed
225a1 par mi 'gyur/ 'thob par mi 'gyur ro/ /de ci'i slad du zhe na/ rmi lam na yang mi des rgod pa dang / dga' ba dang / rtses pa dang / dga' mgur
225a2 spyad pa de dag ma thob ma rnyed na/ nyal ba las sad pa'i tshe lta smos kyang ci 'tshal te/ thob pa dang rnyed par bgyi ba de'i gnas ma mchis so/ /bcom ldan 'das/ de bzhin
225a3 du dbang po rnams ni/ rmi lam lta bu ste/ ji ltar rmi lam ni rgod pa dang / dga' ba dang / rtses pa dang / dga' mgur spyad pa de dag dmigs su ma 'tshal ba de bzhin du chos
225a4 thams cad kyang ngo bo nyid kyis dmigs su ma mchis pa ste/ de dag ni/ 'das pa zhes gdags par bgyi ba ma lags/ ma 'ongs pa dang / da ltar byung ba zhes gdags
225a5 par bgyi ba ma lags so/ /gang dus gsum du dmigs su ma mchis pa de dag ni/ brjod du ma mchis pa zhes bgyi ste/ dbang po thams cad kyang de bzhin du rig par bgyi'o/ /
225a6 de ltar na/ chos kyi dbyings la 'jug pas chos thams cad la 'jug par bgyi/ chos thams cad la 'jug pas kyang chos kyi dbyings la 'jug par bgyi'o/ /de la ji ltar
225a7 na| bden pa la 'jug pas chos kyi dbyings la 'jug par bgyi zhe na/ bzhi po 'di dag ni/ bden pa ste/ sdug bsngal dang / kun 'byung ba dang / 'gog pa dang / lam me/ /
225b1 bcom ldan 'das kyis kyang chos thams cad ni/ stong pa ste/ sems can med pa/ srog med pa/ gang zag med pa/ mtshan ma med pa/ mtshan nyid med pa'o/ /zhes bka'
225b2 stsal te| de la bdag cag the tshom ma mchis/ som nyi ma mchis so/ /bcom ldan 'das/ de la sems can ma mchis pa'i slad du sdug bsngal ma mchis par rig par
225b3 bgyi'o| |de ci'i slad du zhe na/ gang la sems can ma mchis pa de la sdug bsngal yang ma mchis so/ /bcom ldan 'das/ sdug bsngal ma mchis pa'i slad du kun 'byung
225b4 yang ma mchis par rig par bgyi'o/ /de ci'i slad du zhe na/ gang la 'bras bu ma mchis pa de ni/ rgyu ma mchis pa'i slad du'o/ /bcom ldan 'das/ kun 'byung ba ma mchis
225b5 pa'i slad du 'gog pa ma mchis par rig par bgyi'o/ /de ci'i slad du zhe na/ kun 'byung ba ma mchis pa la spangs pa ma mchis pa'i slad du'o/ /bcom ldan 'das/ 'gog
225b6 pa ma mchis pa'i slad du lam ma mchis par rig par bgyi'o/ /de ci'i slad du zhe na/ gang spong bar mi bgyid pa de ni/ lam ma lags te/ lam gyi 'bras bu ni/ 'gog pa
225b7 ma lags la/ gang spang ba'i 'gog pa'i nyon mongs pa de ni/ mi dmigs te/ 'gog pa dmigs su ma mchis na/ lam du 'thad pa ma lags te/ 'bras bu ma mchis pa'i
226a1 lam yang ma mchis pas/ de ltar na/ 'phags pa'i bden pa bzhi po de dag ni/ brtags pa rnam par bsgrubs pa ste/ gang brtags shing
226a2 rnam par bsgrubs pa de ni/ ma mchis pa'o/ /gang ma mchis pa de la ni/ 'das pa zhes tha snyad du bgyi ba ma mchis so/ /ma 'ongs pa dang / da ltar byung ba zhes tha
226a3 snyad du bgyi ba ma mchis so/ /gang dus gsum du mi dmigs pa de ni/ ma skyes pa/ ma 'gags pa/ mtshan nyid ma mchis pa/ mtshan ma ma mchis pa/ ma brtags
226a4 pa| gdags par mi bgyi ba/ ma bstan pa/ rab tu ma bstan pa/ bstan par bgyi ba ma lags pa/ rab tu bstan par bgyi ba ma lags pa/ ma brjod pa/ brjod
226a5 par bgyi ba ma lags pa/ mngon par ma brjod pa/ mngon par brjod par bgyi ba ma lags pa/ ma mthong ba/ mthong bar bgyi ba ma lags pa/ ma shes pa/ shes
226a6 par bgyi ba ma lags pa/ khong du ma chud pa/ khong du chud par bgyi ba ma lags pa/ ma rtogs pa/ rtogs par bgyi ba ma lags pa/ ma rnyed pa/ rnyed par bgyi ba
226a7 ma lags pa/ ma thob pa/ thob par bgyi ba ma lags pa/ ma thos pa/ thos par bgyi ba ma lags pa/ ma mthong ba/ mthong bar bgyi ba ma lags pa/ ma bsgrubs pa/
226b1 bsgrub par bgyi ba ma lags pa/ mngon du ma bgyis pa/ mngon du bgyi ba ma lags pa/ dkar po ma lags pa/ nag po ma lags pa/ snang ba ma lags pa/ mun pa ma lags
226b2 pa| 'gro ba ma lags pa/ 'ong ba ma lags pa/ gsal ba ma lags pa/ zab pa ma lags pa/ 'khrugs pa ma lags pa/ dang ba ma lags pa/ 'jig pa ma lags
226b3 pa| bde ba ma lags pa/ 'ching ba ma lags pa/ grol ba ma lags pa/ rjes su chags pa ma lags pa/ khong khro ba ma lags pa/ kun nas nyon mongs pa ma lags
226b4 pa| rnam par byang ba ma lags pa/ ye shes ma lags pa/ rnam par shes pa ma lags pa/ lam ma lags pa/ lam gol ba ma lags pa/ 'jig pa ma lags
226b5 pa| rnam par 'jig pa ma lags pa/ gzung ba ma lags pa/ mi gzung ba ma lags pa/ dor ba ma lags pa/ rab tu dor ba ma lags pa/ dmigs pa ma lags pa/
226b6 dmigs su ma mchis pa ma lags pa/ sems can ma lags pa/ sems can ma mchis pa ma lags pa/ srog ma lags pa/ srog ma mchis pa ma lags pa/ gang zag
226b7 ma lags pa/ gang zag ma mchis pa ma lags pa/ bdag ma lags pa/ bdag ma mchis pa ma lags pa/ dngos po ma lags pa/ dngos po ma mchis pa ma lags pa/ stong
227a1 pa ma lags pa/ mi stong pa ma lags pa/ mtshan ma ma lags pa/ mtshan ma ma mchis pa ma lags pa/ smon pa ma lags pa/ smon pa ma
227a2 mchis pa ma lags pa/ gnas pa ma lags pa/ gnas pa ma mchis pa ma lags pa/ 'dus byas ma lags pa/ 'dus ma byas ma lags pa/ chad pa ma lags
227a3 pa| rtag pa ma lags pa/ log pa ma lags pa/ yang dag pa ma lags pa/ bden pa ma lags pa/ rdzun pa ma lags pa/ mngon par zhen pa ma lags pa/ mngon
227a4 par zhen pa ma mchis pa ma lags pa/ rten ma lags pa/ rten ma mchis pa ma lags pa/ gzhi ma lags pa/ gzhi ma mchis pa ma lags pa/ mngon par shes
227a5 par bgyi ba ma lags pa/ yongs su shes par bgyi ba ma lags pa/ spang ba ma lags pa/ bsgom pa ma lags pa/ mngon du bgyi ba ma lags pa/ rnyed pa ma lags
227a6 pa| rnyed par bgyi ba ma lags pa/ 'khor ba ma lags pa/ mya ngan las 'das pa ma lags pa/ sangs rgyas ma lags pa/ 'tshang rgya bar bgyi ba ma lags pa/ so
227a7 so'i skye bo'i spyod yul ma lags pa/ 'phags pa'i spyod yul ma lags pa/ nyan thos kyi spyod yul ma lags pa/ rang sangs rgyas kyi spyod yul ma lags pa/ byang
227b1 chub sems dpa'i spyod yul ma lags pa/ sangs rgyas kyi spyod yul ma lags pa/ spyod yul yang ma lags pa/ spyod yul ma lags pa yang ma lags pa/ bgyis pa
227b2 pa ma lags pa/ ma bgyis pa ma lags pa/ dag pa ma lags pa/ dag par bgyi ba ma lags pa ste/ de ltar bden pa la 'jug pas chos kyi dbyings la 'jug par 'gyur/
227b3 chos kyi dbyings la 'jug pas gzungs thob par 'gyur/ gzungs thob pas spobs pa thob par 'gyur ro/ /de la ji ltar na rten cing 'brel par 'byung ba la 'jug pas chos
227b4 kyi dbyings la 'jug ce na/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa nas de ltar na sdug bsngal gyi phung po chen po 'di 'ba' zhig 'byung bar
227b5 'gyur ro/ /zhes bgyi ba'i bar du ste/ 'di ni/ rten cing 'brel bar 'byung ba'o/ /bcom ldan 'das/ de la ma rig pa ni/ ma rig pas ma mchis pa'o/ /de ci'i slad du zhe na/
227b6 'di ltar ma rig pa ni/ rang bzhin dang bral ba ste/ chos gang la rang bzhin ma mchis pa de ni/ dngos po ma mchis pa'o/ /gang la dngos po ma mchis pa de ni/ yongs su ma grub
227b7 pa'o| |gang yongs su ma grub pa de ni/ mi skye ba'o/ /gang mi skye ba de ni/ mi 'gag pa'o/ /gang ma skyes ma 'gags pa de ni/ 'das pa zhes gdags par bgyi ba ma lags/ ma
228a1 'ongs pa dang / da ltar byung ba zhes gdags par bgyi ba ma lags so/ /gang dus gsum du mi dmigs pa de ni/ ming ma mchis pa/
228a2 mtshan nyid ma mchis pa/ mtshan ma ma mchis pa/ gdags su ma mchis pa ste/ gzhan du na ming tsam dang / brda tsam dang / tha snyad tsam dang / kun rdzob tsam
228a3 dang / brjod pa tsam dang / gdags pa tsam du sems can rnams gzud pa'i don du bgyi ba ma gtogs par ma rig pa de ni/ don dam par dmigs su ma mchis so/ /
228a4 chos gang don dam par dmigs su ma mchis pa de ni/ gdags su ma mchis pa/ tha snyad du bgyir ma mchis pa/ brjod du ma mchis pa ste/ bcom ldan 'das/ gang
228a5 ming tsam zhes bgyi ba nas gdags pa tsam gyi bar de dag kyang yang dag pa ma lags pa/ rdzun pa/ log par brtags pa/ rnam par bsgrubs pa/ yongs su brtags
228a6 pa| rnam par brtags pa/ rnam par dpyad pa/ ma zhi ba/ rab tu spros pa'o/ /ma rig pa'i rkyen gyis 'du byed rnams zhes bgyi ba yang chos gang gi ngo bo nyid kyis ma mchis
228a7 pa de 'du byed bskyed par yang ji ltar 'gyur te/ de bas na/ ma rig pa ni/ ma mchis pa'o/ /de ltar na/ ma rig pa ma mchis pas 'du byed rnams kyang ma skyes pa'o/ /gang
228b1 ma skyes pa de ni/ rga bar mi 'gyur/ na bar mi 'gyur/ 'chi bar mi 'gyur/ shi 'pho bar mi 'gyur/ skye bar mi 'gyur ro/ /de ci'i slad du zhe na/ bcom ldan 'das/ chos
228b2 gang yang ma skyes pa de la rga ba ga la mchis te/ gang la rga ba ma mchis pa de ni/ na bar mi 'gyur/ 'chi bar mi 'gyur/ shi 'pho bar mi 'gyur/ skye bar mi 'gyur ro/ /'di
228b3 ni| 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub ste/ ming tsam du bas kyi/ don dam par ni/ ma lags so/ /ma rigs
228b4 pa gang lags pa de nyid byang chub bo/ /de bzhin du srid pa'i yan lag thams cad kyang shes par bgyi ste/ de ltar na rten cing 'brel bar 'byung ba la 'jug pas chos kyi dbyings
228b5 la 'jug par 'gyur ro/ /bcom ldan 'das/ de bzhin gshegs pa ni/ ma skyes pa ste/ chos thams cad kyang ma skyes pa'o/ /de bas na/ chos thams cad ni/ de bzhin
228b6 gshegs pa'o/ /bcom ldan 'das/ de bzhin gshegs pa ni/ ma 'gag pa ste/ chos thams cad kyang ma 'gag pa'o/ /bcom ldan 'das/ de bzhin du de bzhin
228b7 gshegs pa ni/ mtshan nyid ma mchis pa/ mtshan ma ma mchis pa/ dmigs su ma mchis pa/ kun nas nyon mongs pa ma mchis pa/ rnam par byang ba ma mchis pa/ rjes
229a1 su chags pa ma mchis pa/ khong khro ba ma mchis pa ste/ chos kyi dbyings dang / de bzhin nyid dang / yang dag pa'i mtha' ste/ chos thams cad
229a2 kyang yang dag pa'i mtha'o/ /de'i slad du chos thams cad ni/ de bzhin gshegs pa ste/ bcom ldan 'das/ de ltar na/ chos gang dang gang dag gis de bzhin gshegs
229a3 pa ma mchis pa'i chos de dang de dag gis chos thams cad ma mchis te/ de'i slad du chos thams cad ni/ de bzhin gshegs pa'o/ /bcom ldan 'das/ gang la la
229a4 zhig 'di skad du/ de bzhin gshegs pa dgra bcom pa yang dag par rdzogs pa'i sangs rgyas kyis byang chub mngon par rdzogs par sangs rgyas so/ /zhes mchi na/ de dag
229a5 thams cad ni/ lta ba'i rnam pa la mngon par zhen pa'o/ /de ci'i slad du zhe na/ de bzhin gshegs pa ni/ gnyis su ma mchis pa ste/ byang chub kyang gnyis su ma
229a6 mchis pa lags pas gnyis su ma mchis pas ni/ gnyis su ma mchis pa mngon par rdzogs par 'tshang mi rgya'o/ /bcom ldan 'das/ de bzhin du gang la la zhig
229a7 'di skad du de bzhin gshegs pas bla na med pa'i chos kyi 'khor lo bskor to/ /zhes mchi na/ de dag thams cad ni/ lta ba'i rnam pa la mngon par zhen pa'o/ /de ci'i slad
229b1 du zhe na/ de bzhin gshegs pa ni/ bzlog pa'am bskor bar mdzad pa ma lags so/ /bcom ldan 'das/ gang la la zhig 'di skad du de bzhin gshegs pas sems can
229b2 tshad med pa yongs su mya ngan las bzlas so/ /zhes mchi na/ de dag thams cad ni/ lta ba'i rnam pa la mngon par zhen pa'o/ /de ci'i slad du zhe na/ bcom ldan 'das/ chos
229b3 thams cad ni/ sems can ma mchis pa ste/ de la yongs su mya ngan las 'das pa gang yang ma mchis so/ /bcom ldan 'das/ gang la la zhig 'di skad du de bzhin gshegs
229b4 pas sems can tshad med pa'i don mdzad do/ /zhes mchi na/ de dag thams cad ni/ lta ba'i rnam pa la mngon par zhen pa'o/ /de ci'i slad du zhe na/ bcom ldan 'das/ de bzhin
229b5 gshegs pa ni chos gang la yang phan pa'am gnod pa'i rnam par nye bar gnas pa ma lags so/ /bcom ldan 'das/ gang la la zhig 'di skad du de bzhin gshegs
229b6 pas tshe'i 'du byed bor ro/ /zhes mchi na/ de dag thams cad ni/ lta ba'i rnam pa la mngon par zhen pa'o/ /de ci'i slad du zhe na/ bcom ldan 'das/ chos kyi dbyings ni/
229b7 ci'ang 'dor ba'am/ len pa ma mchis so/ /bcom ldan 'das/ gang la la zhig 'di skad du/ de bzhin gshegs pa ni/ phung po'i lhag ma med pa'i mya ngan las 'das pa'i
230a1 dbyings su yongs su mya ngan las 'das so/ /zhes mchi na/ de dag thams cad ni/ lta ba'i rnam pa la mngon par zhen pa'o/ /de ci'i slad du zhe
230a2 na/ bcom ldan 'das/ chos kyi dbyings ni/ 'khor ba'am/ yongs su mya ngan las 'da' ba ma lags so/ /bcom ldan 'das/ gang la la zhig 'di lta bu'i
230a3 chos la nges par gyur na/ de dag thams cad bla na med pa yang dag par rdzogs pa'i byang chub las phyir mi ldog pa ste/ bcom ldan 'das/ chos kyi dbyings la ni/ 'gyur
230a4 ba ma mchis kyang gda'i/ rigs kyi bu'am/ rigs kyi bu mo de dag ni/ bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur mi
230a5 gda'o|| ||bam po dgu pa/ de nas 'bras bu che ba'i lha bye ba phrag brgyad cus bcom ldan 'das kyi spyan sngar chos nyid la nges pa 'gro ba brjod nas bcom ldan 'das kyi zhabs la
230a6 mgo bos phyag 'tshal te bcom ldan 'das la lan gsum bskor ba byas nas thal mo sbyar te phyogs gcig tu 'khod do/ /phyogs gcig tu 'khod nas kyang de'i tshe bcom
230a7 ldan 'das la tshigs su bcad pa 'di dag gis mngon par bstod pa/ bde gshegs mthu chen 'dren pa tshul dang tshul min mkhyen la phyag 'tshal lo/ /'gro ba kun la thugs
230b1 brtse thub pa yang dag ji bzhin ston mdzad pa/ /'dren pa tshul mkhas khyod kyis tshul ni yang dag nyid du yang dag bstan/ /mtha' yas yon tan mnga' zhing ye shes mngon
230b2 par 'phags la mgos phyag 'tshal/ /khyod kyis byang chub nges par 'byung ba'i drang lam gcig pu bgrod pa bstan/ /khyod kyis byang chub dam pa gzhal yas zhi ba shis pa mi
230b3 g.yo brnyes/ /srog chags bye ba khrag khrig 'khor ba'i sdug bsngal nyam thag 'grol mdzad pa/ /mtha' yas yon tan mnga' zhing ye shes mngon par 'phags la mgos phyag
230b4 'tshal| |phung po rnams ni ngo bo nyid stong shin tu phung po rnams dang bral/ /byis pa rmongs byed rnams ni rab tu bral bar khyod kyis yongs su brtags/ /shes pa mi ldan skye bo phal
230b5 chen 'dir bcings rnyong la spre 'u thogs pa bzhin/ /grol ba mkhas pa rnams ni mkha' la rlung bzhin chags pa med par 'dong / /khams rnams khams kyi rnam pa kun tu stong
230b6 par thams cad mkhyen pas gsungs/ /dper na brag ca rnam pa kun tu shin tu sgra dang bral ba 'dra/ /des ni mi mkhas skye bo yang dag ji bzhin mi shes mang po bcings/ /grol
230b7 ba mkhas pa yang dag rtogs pa rnams ni khams gsum chags ma mchis/ /skye mched ngo bo nyid kyis rtag tu stong zhes thams cad mkhyen pas bstan/ /yang dag ma lags rdzun
231a1 zhing byis pa bslu ba chad pa stong ba 'dra/ /mi mkhas skye bo chos la gcig tu ma nges mang po de la chags/ /dper na 'gron po rgya mtsho chen por
231a2 'khyams pa bzhin du 'khor bar lhung / /'dren pa dbang po 'di dag dbang po nyid kyis shin tu stong pa ste/ /thub pa me long nang gi bzhin gyi dkyil 'khor lta bur shin tu
231a3 stong / /mi mkhas skye bo yang dag ma 'tshal mang po dag ni de la chags/ /bya dang mtsho yi nya dang srog chags dag ni rgya la thogs pa bzhin/ /sems can sems can
231a4 nyid stong sems can bral zhing ngo bo nyid kyis stong / /thub pa sems can ri mo mkhan gyis gzugs bris bzhin du ma mchis na/ /mi mkhas skye bo yang dag ji bzhin
231a5 ma 'tshal mang po de la chags/ /mkhas pa yang dag rtogs rnams sgo nga'i sbubs nas byung ba'i bya bzhin grol/ /rten 'byung chos rnams de dag skad cig pa ste stong
231a6 zhing dmigs ma mchis/ /rmi lam dga' ba bzhin du gzung du ma mchis byis pa rmongs bgyid pa/ /mi shes rtog pa'i slad du des kyang mi mkhas skye bo mang po bcings/ /
231a7 mkhas pa yang dag rab tu rtogs rnams gzeb nas thar pa'i bya bzhin grol/ /thub pas chos nyid bsam yas ji bzhin chos rnams thams cad bsam mi khyab/ /thub pa
231b1 zhi ba mya ngan 'das pa ji bzhin chos kun mtshan nyid bral/ /thub pa khams gsum mi chags bzhin du chos kun gnas pa ma mchis te/ /de slad tshul gcig 'di 'tshal gyur na 'gro
231b2 kun bde bar gshegs par 'gyur/ /thub pa bdag dang gzhan du mi mkhyen lta bur chos kun g.yo ba med/ /thub pa'i ye shes rgyal ba'i bstan pa ji bzhin chos kun bsam mi khyab/ /
231b3 thub pa byis pa'i spyod yul ma lags ji bzhin chos kun brtags ma lags/ sangs rgyas rnams kyi spyod yul 'di ni rab gsal de bzhin shes par gyis/ /mi mkhas gang
231b4 dag rgyal bas byang chub gzhal yas brnyes zhes smras pa dang / /gang dag rgyal bas 'khor lo dam pa gzhal yas mchog bskor smra ba dang / /gang dag bde gshegs skyob pas
231b5 srog chags khrag khrig mya ngan 'das smra ba/ /de dag thams cad yang dag ma 'tshal lta ba thibs pos yongs su dkris/ /gang dag bde bar gshegs pas tshe yi 'du byed btang
231b6 bzung smra ba dang / /gang dag stobs bcu 'gro ba'i don mdzad yongs su mya ngan 'das smra ba/ /de dag thams cad lta bar song la yid chags bdud kyi lag tu mchis/ /chos kyis
231b7 de bzhin nyid ma 'tshal te 'dren pas mkhyen bzhin 'tshal bar bgyi/ /gang dag tshul dang tshul min 'di la mkhas pa de dag 'dren pa 'tshal/ /de dag rkang gnyis gtso bos dpal
232a1 stug 'jig rten thugs brtse rgyal bar 'gyur/ /de bzhin nyid 'di 'gyur ba'i dbang dang ldan te de nyid chos nyid lags/ /de ltar 'di 'tshal
232a2 gyur nas tshul la mkhas pa mi yi mchog tu 'gyur/ /de ltar 'bras bu che ba'i lha tshogs chos rnams nges par rtogs gyur pa/ /ston pa'i spyan sngar brjod de lhag pa'i bsam
232a3 pa de yang bstan byas nas/ /kha cig yi rang dogs med yid kyis sangs rgyas nyid du bdag mthong nas/ /'dren sras de dag tshul 'di nyid kyis bdag gis bdag lung
232a4 bstan par gyur/ /de nas bcom ldan 'das kyis 'bras bu che ba'i lha de dag gi lhag pa'i bsam pa phun sum tshogs pa dang / chos rnams nges par rtogs pa thugs su chud nas
232a5 sems can rnams kyi dge ba'i rtsa ba bskyed pa'i phyir de'i tshe 'dzum pa mdzad do/ /de nas tshe dang ldan pa rta thul gyis bcom ldan 'das la tshigs su bcad de gsol pa/ dpal
232a6 stug 'dren pa rnams ni rgyu zhig gzigs nas 'dzum pa mdzad lags te/ /rgyu med mi mdzad bka' stsal bdag gis bde gshegs mngon sum de skad thos/ /'di ltar
232a7 'dren pa khyod kyis zhi ba bde ba bsil ba'i 'dzum mdzad na/ /rgyal ba lha mi lha min bla ma 'dzum pa mdzad pa'i rgyu de gsungs/ /de ring 'di ltar 'dren pa khyod kyis zhal nas 'dzum
232b1 mdzad bsil mthong nas/ /'gro ba 'di kun the tshom 'tshal te bde gshegs khyod kyi zhal du blta/ /mi mchog thugs rje ldan pa khyod kyis 'dzum rgyu de ni myur du gsungs/ /de
232b2 thos gyur nas rgyal mchog 'gro ba 'di dag the tshom ma mchis 'gyur/ /'dren pa dam pa lha tshogs gang dag rang gis rang la lung bstan pa/ /de dag su zhig gang gis ci thob
232b3 mtha' bcas rnam par 'phrul ba gsungs/ /mi mchog tshangs pa'i gsungs dbyangs bsgrags te the tshom kun tu bsal du gsol/ /de thos rgyal ba'i 'khor 'di rab tu
232b4 dga' zhing mchog tu mgu ba 'thob/ /bde gshegs rgyal mtshan mthon po de dag thams cad gzhan du mi sems par/ /'dren pa'i sras rnams byang chub gzhal yas zhi
232b5 ba dam pa sems shing mchis/ /thub pa 'dren mchog the tshom 'tshal ba de dag rnams kyi the tshom khum/ /des ni ye shes stobs ldan tshul dang tshul min mkhas kun rgyal
232b6 bar 'gyur/ /rkang gnyis gtso bo'i yan lag brgyad ldan gsung thos gyur nas rab dga' ste/ /bde gshegs bstan pa bzhin du bgyid cing gsungs pa'i rjes 'jug mkhas
232b7 par 'gyur/ /de dag don gyi dbang la brten nas bde gshegs 'dren pa bka' stsal gsol/ /des ni yid rangs gyur te 'gro ba chos kyi mtha' mar phyin par 'gyur/ /'dren pa
233a1 chen po lha de dag gi sngon gyi spyod pa thos gyur cing / /rgyal ba'i gsung thos gyur nas brnag pa yongs rdzogs zhi zhing rab dga' ste/ /tshul la
233a2 zhugs shing tshul la mkhas rnams myur du thams cad mkhyen par 'gyur/ /'gro ba rab tu 'grol mdzad ji bzhin yang dag ston par mdzad par 'gyur/ /de nas bcom ldan
233a3 'das kyis tshe dang ldan pa rta thul la tshigs su bcad de slar bka' stsal pa/ lha tshogs rnams kyi ched du nga yis 'dzum pa 'jig rten bstan mdzad pa/ /rta thul khyod
233a4 kyis dus dang tshod shes nga la dris pa shin tu legs/ /gang phyir nga yis 'dzum pa mdzad pa 'di yi tshul dang rgyu/ /de khyod bstan gyi khyod dang 'gro brtse gcig yid kyis
233a5 nyon| |thams cad mkhyen pa rnams ni rgyu yi 'bras bu rnam pa gsum gzigs shing / /rgyu la gzigs nas rkang gnyis dam pa dpal stug rnams ni 'dzum pa mdzad/ /kha
233a6 cig blo zhan bdag cag nyan thos 'gyur zhes mya ngan 'das zhugs dang / /kha cig kha rog 'dug la dga' zhing rang rgyal byang chub 'dod zhugs dang / /kha cig bdag cag
233a7 'jig rten 'dren pa mthu bo cher ni 'gyur byas te/ /skye bo sdug bsngal lhung ba 'grol zhes zhugs pa'i bsam pa mkhyen gyur nas/ /'dzum pa chung mdzad gang byung nyan thos
233b1 don du mdzad par shes par bya/ /'dzum pa 'bring mdzad gang byung rang rgyal don du mdzad par rig par bya/ /'dzum mchog ngas gang mdzad pa 'di ni 'dren pa'i don du shes
233b2 par bya| |rab 'bring tha ma rnam pa 'di gsum 'dzum pa mdzad pa'i rgyur gsungs te/ /kha cig thar pa don gnyer lam gsum zhugs pa'i 'jig rten 'di mkhyen nas/ /des na
233b3 'jig rten mkhas pa rnam par 'dren pa dam pa 'dzum pa mdzad/ /rta thul de la nyan thos don du 'dzum mdzad zhal du nub par 'gyur/ /rang rgyal don du 'dzum pa gang mdzad sku
233b4 yi dbus su nub par 'gyur/ /'dren pa stobs bcu'i don du 'dzum pa mdzad pa gtsug tu nub par 'gyur/ /de ltar rta thul khyod kyis 'dzum pa'i rgyu ni rnam gsum shes par gyis/ /
233b5 rgyal ba mchog rnams don du gang 'dzum de kun nga yi gtsug tu nub/ /sdig pa gzhom pa'i tshul du de ltar 'dzum pa ngas bstan shes par gyis/ /'dren pa rnams kyi 'dzum pa
233b6 gang yin de rgyu rnam gsum yang bshad kyi/ /kun kyang rtse gcig yid byos de ni nga las legs par nyan par gyis/ /dang po'i don du 'dren pa 'dzum pa ngas mdzad myur du
233b7 thog mar nub/ /'bring gi don ni dus tshod cung zad bsdad cing phyi nas nub par 'gyur/ /blo mchog ldan phyir 'dzum pa rgyal ba ngas mdzad shin tu ring du gnas/ /rta thul nyan thos
234a1 don du gang gnas 'dzum de theg pa'i dbang gis mdzad/ /gzhan yang 'dzum rgyu rnam gsum bshad kyi rta thul khyod kyis nyan par gyis/ /gang dag rgyal
234a2 ba drang po stobs bcu po la bskor ba byed pa ni/ /de dag nga la skyen par bskor nas myur du shin tu mkhas par 'gyur/ /'bring don phyir ni srab cing che la dal gyis bskor ba byed
234a3 par 'gyur/ /dal gyis g.yas phyogs bskor ba byas nas rgya cher 'gyur zhing mnan par 'gyur/ /gang dag gser rgyan la dkar steng bzhag 'dra ba'i bde gshegs mthong
234a4 gyur na| |de ni rkang gnyis dam pa thub pa'i sku kun khyab par gnas par 'gyur/ /thams cad mkhyen pas 'dzum bstan 'di ni zhing gi dbang du shes par bya/ /gang tshe gdugs
234a5 'dra mtha' yas mig ldan pas ni 'dren de 'gebs pa dang / /gang tshe me tog 'dra la 'dren pa'i steng gi mkha' la lding ba dang / /gang tshe sgo mo 'dra zhing bde bar gshegs
234a6 la lan gsum bskor byed pa/ /de ni 'jig rten 'das pa tshe yi dbang du 'dzum mdzad shes par bya/ /bde gshegs rgyal ba rnams kyis 'dzum mdzad rgyu ni rnam gsum de
234a7 tsam bstan/ /rta thul khyod kyis 'dzum mdzad rgyu rnam gsum po de dag shes par gyis/ /des na 'jig rten don bstan bzhed nas 'jig rten rnam 'dren 'dzum pa mdzad/ /de thos gyur
234b1 nas thams cad mkhyen gyi stan la the tshom med par gyis/ /'bras bu che ba'i lha tshogs bye ba brgyad cu tham pa 'di dag ni/ /zhing rnams dag tu chos tshul shin tu rgya chen smra ba'i
234b2 rgyal bar 'gyur/ /mkhas pa de dag dpag med tshe ldan bskal pa mang por gnas par 'gyur/ /de'i phyir bde bar gshegs pas 'dzum pa rgya chen mchog gi cha 'di bstan/ /de dag
234b3 sngon gyi bskal pa sum cu drug gi rgyal ba rnams kyang mthong / /bskal pa sum cu drug tu thams cad mkhyen pa bsnyen bkur spyad pa spyod/ /da dung tshul mkhas 'di dag bskal pa
234b4 grangs med sum cu rtsa drug tu/ /gang zag chen po 'di dag rgyal ba khyu mchog mchod pa byed cing gnas/ /thams cad du yang phun sum tshul rtogs rgyal ba'i mchog la mchod pa
234b5 byed| |rkang gnyis gtso bo mchod de byang chub zhi ba yongs su btsal byas nas/ /de dag de yi 'og tu dpal stug rkang gnyis dam pa skyes bu mchog /'dren pa mthu chen yon tan
234b6 ldan par gser gyi rgyal mtshan bskal la 'byung / /rgyal ba de dag sna tshogs zhing na gnas shing rang rang zhing sbyangs te/ /sems can dam pa de kun nyi ma'i 'od kyi dkyil 'khor
234b7 dpal zhes bya/ /de tshe yon tan ldan pa de dag rnams kyi 'dus pa grangs med de/ /de tshe thub pa re re'i nyan thos 'dus par 'gyur ba de dag ni/ /gal te bskal pa khrag khrig dag tu stobs
235a1 bcus nyan thos de bgrangs kyang / /legs mdzad rnams kyi nyan thos 'dus pa dag ni mthar phyin bgrangs mi 'gyur/ /'dus pa de dag thams cad
235a2 grangs med 'dus pa des ni ci 'dra ba/ /de las nyis 'gyur de tshe byang chub tu ni yang dag zhugs par 'gyur/ /de tshe rgyal bar zhugs kyi rgyal ba thams cad mkhyen pa nyid ma yin//
235a3 de dag thams cad yongs dag zhing du spyad nas kun kyang rgyal bar 'gyur/ /bde gshegs de dag spyod pa gang yin pa de dag rnams kyi'ang de nyid 'gyur/ /'jig rten mkhas pa
235a4 de dag mya ngan 'das par gyur nas dam pa'i chos/ /de tshe sras kyis bzung zhing bskal pa bye ba brgyad cur gnas par 'gyur/ /de dag 'das nas ston pa'i gsung rab de la byang
235a5 chub sems bskyed pa/ /gang+gA'i klung gi bye ma bas kyang shin tu mang ba 'byung bar 'gyur/ /de dag 'das nas ston pa skyob pa rnams kyi gsung rab de la ni/ /nyan thos rgya mtsho kun
235a6 gyi bye snyed dpag yas mya ngan 'da' bar 'gyur/ /de ltar 'jig rten don rnams mdzad pa rang byung de dag thams cad kyi/ /bstan pa gang yin de ni chos dang yongs su legs
235a7 par ldan gyur cing / /yang dag shar bar 'gyur te de ni bstan pa rnams kyi chos nyid yin/ /mi mchog de yi gsung rab de thos 'gro ba ma lus dad gyur nas/ /rkang gnyis dam pa
235b1 gzhal yas 'jig rten don byed bdag cag 'gyur zhes te/ /thams cad dga' nas rgyal ba'i zhabs la phyag 'tshal skye bo rab tu dga'/ /bde bar gshegs la dga' ba gzhal
235b2 yas bskyed nas chos kyis bsnyen bkur byas/ /de lta bas na dga' bar byos la mgo la 'bar bzhin spyad spyod de/ /rtag tu shes rab pha rol phyin dang dge ba'i bshes gnyen bsten
235b3 byos la| |yang dag mthong ba'i spyod pa dge ba 'di la kun tu bsten byos te/ /dge slong khyed cag rkang gnyis gtso bo 'jig rten thugs brtser 'gyur bar gyis/ /'bras bu che ba'i lha
235b4 lung bstan pa'i le'u ste/ nyi shu rtsa gsum pa'o// //de nas gnas gtsang ma'i ris kyi lha rnams kyis de'i tshe sems can dpag tu med pa byang chub tu yang dag
235b5 par zhugs par rig cing / sangs rgyas kyi chos rnams la the tshom med par gyur par rig nas tshim zhing mgu la yid rangs te rab tu dga' zhing dga' ba dang / yid bde ba skyes nas
235b6 bcom ldan 'das la tshul dang 'dra ba'i tshigs su bcad pa 'di dag gis so so nas mngon par bstod do/ /de nas lha'i bu sbyin pa la mos pas gsol pa/ khyod kyis sdug pa'i sras
235b7 rnams dang / /btsun mo dang ni srog phangs btang / /rgyal srid btang ba ci smos te/ /sbyin mthar phyin la phyag kyang 'tshal/ /lha'i bu tshul khrims la mos pas gsol pa/ khyod kyi
236a1 tshul khrims rnams sbyangs pa/ /rnam pa kun tu bsnyengs mi mnga'/ /shin tu bslab pas mthar phyin pa/ /khrims mthar phyin la phyag kyang 'tshal//
236a2 lha'i bu bzod pa la mos pas gsol pa/ khyod kyis bzod pa bsten mdzad pas/ /yan lag gtubs pa'ang bzod par mdzad/ /zab mor sgyid lug ma lags te/ /bzod
236a3 mthar phyin la phyag kyang 'tshal/ /lha'i bu brtson 'grus la mos pas gsol pa/ brtson pa ma btang brtson 'grus te/ /stobs chen brtson 'grus ldan gyur pas/ /rdzogs
236a4 pa'i byang chub mchog brnyes pa/ /brtson mthar phyin la phyag kyang 'tshal/ /lha'i bu bsam gtan la mos pas gsol pa/ khyod kyis bsam gtan bsten mdzad pa/ /de
236a5 la 'jig rten gting mi rnyed/ /dus gsum mnyam pa nyid brnyes pa/ /bsam gtan mthar phyin phyag kyang 'tshal/ /lha'i bu gzi brjid dang ldan pas gsol pa/ dpa' bos
236a6 shes rab pha rol phyin/ /yang dang yang du bsgoms pas na/ /thams cad mkhyen pa nyid brnyes pa/ /shes rab mthar phyin phyag kyang 'tshal/ /lha'i bu khams kyi blo gros
236a7 kyis gsol pa/ sbyin pa dag dang ngag snyan dang / /don spyad mthun pa'i don dag gis/ /'jig rten 'di dag khyod kyis btul/ /'dren pa khyod la phyag kyang 'tshal/ /lha'i
236b1 bu dge ba'i blo gros kyis gsol pa/ byams chen thugs rje chen po dag /yun ring dus nas bsgoms mdzad de/ /sems can dpag yas yongs su bsgral/ /gdos 'dzin khyod la
236b2 phyag kyang 'tshal/ /lha'i bu dag pa'i sems kyis gsol pa/ nyon mongs med pa'i mthar phyin cing / /thub chen dul ba'i sems mnga' bas/ /ma thul thams cad dul mdzad pa/ /
236b3 kha lo sgyur la phyag kyang 'tshal/ /lha'i bu blo gros dri ma med pas gsol pa/ sems dag mnyen pa'i sems mnga' ba/ /sems dul dbang po zhi mnga' ba/ /sems can kun gyis
236b4 sems mkhyen pa/ /sems mkhyen khyod la phyag kyang 'tshal/ /lha'i bu blo gros rnam par dag pas gsol pa/ shes rab ldan pa'i blo gros can/ /blo gros mchog la rab tu
236b5 zhugs| |thugs gsal phun sum tshogs pa'i blo/ /mi mkhas rtogs mdzad phyag kyang 'tshal/ /lha'i bu sems rgyan gyis gsol pa/ khyod kyis sems ni rnam par sbyangs/ /sangs
236b6 rgyas zhing yang rnam dag mdzad/ /sems can blo yang rnam sbyangs pa/ /kun dag khyod la phyag kyang 'tshal/ /lha'i bu pham pa med pas gsol pa/ dgongs pa pham pa mi mnga' ba/ /khyod
236b7 kyis bdud kyi dpung yang bcom/ /khyod kyis lha tshogs thams cad kyang / /rab tu dga' ba'i yid du bsgyur/ /lha'i bu myur du byed pas gsol pa/ khyod kyis chos rnams myur bar
237a1 mkhyen| |sems can myur bar rnam par sbyangs/ /zab cing blta dka'i chos dag la/ /myur du mdzad la phyag kyang 'tshal/ /lha'i bu brtson 'grus brtan
237a2 bas gsol pa/ bral gyur yongs su bral gyur pa/ /chu bo rgal te zag pa spangs/ /pha rol phyin cing thang la bzhugs/ /brtson 'grus brtan la phyag kyang 'tshal/ /lha'i bu spyod
237a3 lam dang ldan pas gsol pa/ 'dod chags spangs shing zhe sdang spangs/ /gti mug spangs pa zag med pa/ /sbyin gnas bsod nams zhing gyur pa/ /'jig rten mchod
237a4 'os phyag kyang 'tshal/ /lha'i bu shin tu brtan pas gsol pa/ khyod kyis dam chos shin tu bstan/ /'jig rten gsum du rab tu mchod/ /gcig pu bgrod pas bde ba
237a5 brnyes| |de phyir khyod la phyag kyang 'tshal/ /lha'i bu mi 'khrugs pas gsol pa/ lhun stug gcig tu gyur pa'i ri/ /rlung gis bskyod par mi nus te/ /de bzhin bstod dang smad
237a6 pa yis| |bde gshegs bskyod par mi nus so/ /lha'i bu mnyam pa nyid thob pas gsol pa/ dpa' bo chen po zab cing mnyam/ /mtshan rab sum cu rtsa gnyis can/ /shes rab
237a7 zab mo blo ldan pa/ /rgyal ba mdzes la phyag kyang 'tshal/ /lha'i bu zab pa'i blo gros kyis gsol pa/ sku chen khyod la sku mi mnga'/ /de bzhin nyid la rab tu zhugs/ /yang dag
237b1 mtha' yang rab tu ston/ /khyod mtshungs gang zag yong ma mchis/ /lha'i bu blo gros dang bas gsol pa/ gnyis su med pa yang dag ston/ /dpa' bo dpa' bos rnam par gnon/ /
237b2 gang zag zab la zhum ma mchis/ /de dag khyod chos pha rol phyin/ /lha'i bu rab tu dga' bas gsol pa/ mchog tu dga' yid brtan pa dag /khyod kyi slob la bslab pa'i rnams//
237b3 sprul rnams bags pa rnying 'dor bzhin/ /srid pa gsum po 'di dag 'dor/ /lha'i bu zhi ba'i yid kyis gsol pa/ ji ltar mar me mar zad cing / /snying po zad pas zhi gyur bzhin/ /
237b4 khyod kyi bstan pa myur thos na/ /shes rab chen po mya ngan 'da'/ /lha'i bu zhi gnas la gnas pas gsol pa/ gang gis kun mkhyen khyod mthong ba'i/ /mi rnams 'dod chags bcings
237b5 pa yang / /shes rab mtshon gyis mkhas pa dag /'dod chags zhags pa gcod par 'gyur/ /lha'i bu zhi gnas mang gis gsol pa/ zhi ba'i sems mnga' zhi la spyod/ /cho ga spyod
237b6 yul rab tu zhi/ /nyon mongs thams cad zhi gyur pa/ /dgra rnams zhi la phyag kyang 'tshal/ /lha'i bu zhi gnas 'jigs med kyis gsol pa/ khyod kyis zhi gnas bslab pa yi/ /
237b7 byang chub sems dpa' grags chen dag /zhi gnas nyid kyis 'byung 'gyur zhing / /sems zhi de bzhin gshegs par 'gyur/ /lha'i bu zhi gnas zas kyis gsol pa/ chos rnams kun
238a1 gyi zhi ba ni/ /dpa' bo khyod kyis rab tu bstan/ /shes rab chen pos de 'tshal na/ /de dag de bzhin gshegs par 'gyur/ /lha'i bu rtag tu rnam par
238a2 blta bas gsol pa/ khyod kyis sems can rtag tu gzigs/ /mkhas pa khyod ltar slob pa rnams/ /ye shes mchog gis mnyam bzhag cing / /byang chub mchog kyang thob
238a3 par 'gyur/ /lha'i bu snang 'dzin gyis gsol pa/ shes rab pha rol phyin gyur pa/ /thub chen khyod las gang slob pa/ /de dag 'jig rten snang 'dzin cing / /sgrib pa med par
238a4 gzigs par 'gyur/ /lha'i bu 'od byed kyis gsol pa/ 'jig rten sgron ma khyod kyi gsung / /ye shes rgya mtsho de thos nas/ /de dag dri med bde ba 'thob/ /bsam gyis mi
238a5 khyab 'od kyang 'byung / /lha'i bu dri ma med pa'i 'od kyis gsol pa/ chos rnams thams cad rnam mi rtog /thabs la mkhas pas de dag gsungs/ /de 'dra'i ye shes
238a6 ston bgyid pa/ /de dag gang zag mchog tu 'gyur/ /lha'i bu rab tu mi gnas kyis gsol pa/ gnas ma mchis shing blang ma mchis/ /chos rnams thams cad sems ma mchis//
238a7 bdag dang gzhan gyi rnam 'gyur ba/ /de dag khyod kyis de bzhin mkhyen/ /lha'i bu gnas med blo gros kyis gsol pa/ chos rnams thams cad gzhi med par/ /rnam par 'dren
238b1 pa khyod kyis gzigs/ /de dag khyod kyis lugs bzlog ste/ /sems can rnams la bstan pa mdzad/ /lha'i bu mi rten blo gros kyis gsol pa/ chos rnams thams cad rten ma
238b2 mchis| |sems can ma mchis phan tshun min/ /lag mthil skyu ru ra bzhag bzhin/ /yang dag ji bzhin khyod kyis bstan/ /lha'i bu bar snang rgyu bas gsol pa/ bde gshegs
238b3 khyod kyis chos kyi rnams/ /bar snang lta bur snang ba ste/ /skye dang 'gog pa med par gzigs/ /de slad 'jig rten chags mi mnga'/ /lha'i bu ngar 'dzin med pas gsol pa/ khyod kyis
238b4 'gro ba 'di dag kun/ /lus kyi ngo bo nyid kyis ni/ /g.yo ba med cing ngar 'dzin med/ /spyod med rtsol ba med par gzigs/ /lha'i bu blo gros rnam par bsgoms kyis gsol pa/ sgyu
238b5 ma sna tshogs lags bgyis pa/ /sgyu ma'i mkhan pos bstan gyur na/ /de bzhin ma lags de bzhin gda'/ /thub pa de ltar mnyam ma mchis/ /lha'i bu rab tu sad pa'i ngang tshul
238b6 gyis gsol pa/ gzugs brnyan ji ltar me long la/ /gda' yang de ltar ma mchis pa/ /de bzhin chos rnams khyod kyis gzigs/ /de bas 'jig rten rmongs mi mnga'/ /lha'i
238b7 bu yid bzhin rnam par 'jig gis gsol pa/ sangs rgyas gzugs brnyan lta bu ste/ /de bzhin sangs rgyas chos kyi rnams/ /de bzhin khyod kyis bstan pa mdzad/ /de ltar 'gro ba kun
239a1 kyang mkhyen/ /lha'i bu spobs pa thogs med kyis gsol pa/ chos nyid la ni khor yug tu/ /spobs pa rab tu 'byung 'gyur zhing / /chos nyid de yang
239a2 brnyes pas na/ /de slad khyod ni spobs pa ldan/ /lha'i bu chags med blo gros kyis gsol pa/ khyod yis chos 'di thams cad ni/ /rang bzhin mtshan nyid ma mchis par/ /yang
239a3 dag ji bzhin rab tu mkhyen/ /de bas thub pas rab rib bsal/ /lha'i bu mya ngan bral gyis gsol pa/ mya ngan med cing nyer len med/ /spros pa med cing rnyog pa med/ /chos
239a4 rnams kun tu nyon ma mongs/ /de dag rang bzhin khyod kyis mkhyen/ /lha'i bu rtogs pa phun sum tshogs pas gsol pa/ chos rnams yang dag ma lags te/ /'gro dang 'ong
239a5 ba ma mchis pa/ /de dag khyod kyis yang dag mkhyen/ /de bzhin rab tu bstan pa mdzad/ /lha'i bu blo gros mchog gis gsol pa/ lhun gyis grub cing blang med pa/ /rmongs pa
239a6 med cing shes pa med/ /chos rnams ci yang mi bgyid pa/ /khyod kyis rang bzhin thugs su chud/ /lha'i bu sgrib med thob kyis gsol pa/ snang ba ma mchis mun ma mchis//
239a7 gzugs med ma lags gzugs can min/ /bzung ba ma mchis grol ma mchis/ /khyod kyis rang bzhin thugs su chud/ /lha'i bu mig dpas kyis gsol pa/ yul dang
239b1 phyogs na mi gnas pa/ /yod dang med pa ma lags par/ /rmi lam 'dod pa ji bzhin du/ /de dag rang bzhin khyod kyis gzigs/ /lha'i bu mig mi 'dzum gyis gsol pa/ byis
239b2 pa rnams kyis blo rmongs pa/ /ma skyes pa dang ma 'gags pa/ /bar na'ang gnas pa ma mchis pa/ /de dag rang bzhin khyod kyis gzigs/ /lha'i bu stong pa nyid la gnas pas
239b3 gsol pa/ gang zag sems can ma mchis pa/ /ma mchis tha snyad ma mchis pa/ /bstan pa'i slad du brjod bgyi ba/ /de dag rang bzhin khyod kyis gzigs/ /lha'i bu mtshan
239b4 ma med pa la gnas pas gsol pa/ gang gis tha snyad gdags pa yi/ /mtshan ma de dag ma mchis te/ /chos kun mtshan ma mchis par/ /rnam par 'dren pa khyod kyis
239b5 gzigs/ /lha'i bu smon pa med pa la gnas pas gsol pa/ ji ltar mtshan ma stong gyur cing / /smon pa dmigs su ma mchis dang / /su la smon lam mchis gyur pa/ /de yang
239b6 de lta'i tshul du mkhyen/ /lha'i bu ting 'dzin la gzhol bas gsol pa/ rnam thar sgo la brten bgyis shing / /gang zhig dgrol 'gyur de ma mchis/ /de bzhin kun nas nyon
239b7 mongs pa/ /de dag rang bzhin khyod kyis gzigs/ /lha'i bu ma smad pas gsol pa/ khyod ni sdig pa kun spangs shing / /bsod nams thams cad bsags gyur te/ /bde gshegs
240a1 khyod la smad mi mnga'/ /su smod de dag mkhas ma lags/ /lha'i bu glog gi sprin gyis gsol pa/ ji ltar glog bcas sprin gyi tshogs/ /char gyis sa
240a2 chen ngoms par bgyid/ /de bzhin 'dren pas chos char gyis/ /'jig rten rnams ni ngoms par mdzad/ /lha'i bu bsam pa don yod kyis gsol pa/ thub mchog gsung ni don
240a3 mchis te/ /chos kyi 'khor lo rab tu bskor/ /shin tu brtags te mdzad pas na/ /de ni thams cad mkhyen pa'i mtshan/ /lha'i bu blo gros phun sum tshogs pas gsol pa/ chos
240a4 rnams thams cad dngos nyid kyis/ /ma skyes 'gags pa ma lags te/ /de dag bde gshegs khyod kyis mkhyen/ /gzhan yang de bzhin rtogs par mdzad/ /lha'i bu seng+ge nga ros
240a5 gsol pa/ khyod kyis stong pa nyid bstan te/ /seng+ge'i nga ro bsgrags mdzad pas/ /mu stegs can kun rab 'jigs pa/ /seng+ges ri dwags phra mo bzhin/ /lha'i bu bag yod las
240a6 kyis gsol pa/ bag yod sngon du btang mdzad de/ /khyod kyis spyod pa spyad bgyis pas/ /sangs rgyas chos la 'dren pa khyod/ /bag yod pas ni nges par byung / /lha'i bu bag
240a7 yod rab gnas kyis gsol pa/ bag yod pa la rab gnas te/ /khyod kyis nyid kyi chos kyang spel/ /stobs bcu gzhal yas sangs rgyas chos/ /bsam gyis mi khyab rab tu
240b1 spel| |lha'i bu bag yod skyes kyis gsol pa/ bag yod pa la brtson rnams ni/ /byang chub phyogs rnams yang dag skyes/ /thub chen rang yang grol gyur nas/ /de dag rnams ni
240b2 'jig rten 'grel/ /lha'i bu bag yod nges par 'byung gis gsol pa/ byang chub sems dpa' nyan thos dag /ji snyed thar la brten pa'i rnams/ /kun kyang khyod la bslab pa ste/ /ngag
240b3 yod pas ni nges par 'byung / /lha'i bu bag yod gnas pas gsol pa/ bag yod yongs su ma btang bas/ /rnam par 'dren pa khyod kyi sras/ /'gro ba 'di la ma chags par/ /thams
240b4 cad mkhyen du nges par 'byung / /lha'i bu bag yod srung gis gsol pa/ byang chub lam la brten mdzad cing / /khyod ni bag gis bsrungs pas na/ /thugs rje chen po mkhas pa
240b5 yi/ /byang chub dam pa brnyes par 'gyur/ /lha'i bu bag yod brtson gyis gsol pa/ bag yod pa la rab brtson zhing / /mtshan nyid gcig po rtogs bgyis pa/ /dpa' bo chen po
240b6 khyed kyi sras/ /yab kyi dkor kyang thob par 'gyur/ /lha'i bu bag yod mngon par dga' bas gsol pa/ bag yod dga' ba'i brtan pa rnams/ /de dag sangs rgyas ye shes
240b7 kyis/ /dpa' bo nyon mongs ri 'jigs pas/ /nga rgyal ri yang de bzhin bsnyil/ /lha'i bu bag yod 'dzin gyis gsol pa/ sangs rgyas ye shes tshol mdzad tshe/ /khyod ni bag gis
241a1 bzung ba na/ /bskal pa bye ba grangs med du/ /khyod kyi thugs ni skyor ma gyur/ /lha'i bu zhi gnas brtson gyis gsol pa/ chos rnams de dag rang
241a2 bzhin zhi/ /de ni sangs rgyas spyod yul lags/ /byang chub yang dag gang zhugs dang / /thams cad mkhyen pa der mi 'jigs/ /lha'i bu zhi gnas la yang dag par gnas pas
241a3 gsol pa/ sangs rgyas zhi gnas bzhugs pa ste/ /'on kyang de la chags mi mnga'/ /sems can nyon mongs zhi bar mdzad/ /rdul 'thul ba la char ba bzhin/ /lha'i bu zhi
241a4 gnas la rab tu gnas kyis gsol pa/ sangs rgyas zhi la rab tu zhugs/ /sus kyang mi bskyod ri bo bzhin/ /khyod la gnod bgyir mi nus te/ /sems zhi khyod la phyag kyang
241a5 'tshal/ /lha'i bu zhi gnas dul gyis gsol pa/ khyod kyi sras rnams ma smad pa/ /zhi gnas kyis ni yongs su dul/ /bdud rnams bye bas mi tshugs te/ /'dod chags
241a6 kyis ni gnod mi 'gyur/ /lha'i bu zhi gnas nges par 'byung gis gsol pa/ zhi ba'i yid mnga' zhir gnas la/ /dpa' bo chen po sgrol mdzad pas/ /ci la gnas te bsam
241a7 gtan mdzad/ /sus kyang khyod kyi tshul ma 'tshal/ /lha'i bu zhi gnas sngon du 'gro bas gsol pa/ ston pas sangs rgyas chos rnams kyi/ /sngon du zhi gnas 'gro zhes
241b1 gsungs/ /gang gis byang chub 'grub 'gyur ba'i/ /chos gzhan de yi rjes su 'brang / /lha'i bu zhi gnas rjes su 'brang gis gsol pa/ 'jig rten sgron mas zhi gnas
241b2 ni| |sems kyi rnyog pa dang bar bgyi/ /zhi ba'i sems ldan rnams kyi 'ching / /de khyod mtha' yas dbang du mdzad/ /lha'i bu zhi gnas spyod yul gyis gsol pa/ chos rnams kun gyi spyod
241b3 yul ni| |zhi gnas yin zhes 'dren pas gsungs/ /de la chags med spyod pa ni/ /rnam par 'dren pa sangs rgyas 'gyur/ /lha'i bu zhi gnas brlan gyis gsol pa/ bsam gtan
241b4 gyis ni mngon brlan te/ /shes rab kyis ni sems bsgoms pas/ /de phyir rdzogs pa'i byang chub brnyes/ /de bzhin skye bo rnams kyang 'dren/ /lha'i bu zhi gnas lhur len gyis gsol pa/
241b5 sangs rgyas chos rnams gang la yang / /lam gzhan dag gis ma mthong ste/ /zhi gnas ye shes che thob na/ /rang byung nyid du nges par 'byung / /lha'i bu lhag mthong mngon dgas
241b6 gsol pa/ dpa' bo chen po lhag mthong ni/ /chos rnams thams cad ston pa ste/ /de la khyod kyi sras spyod cing / /rang byung nyid ni thob par 'gyur/ /lha'i bu lhag mthong 'byung gis
241b7 gsol pa/ shes rab pha rol phyin gnas shing / /rnam par 'dren pa 'byung bar 'gyur/ /sman pa'i rgyal po ston pa ste/ /de bas lhag mthong dge ba lags/ /lha'i bu lhag mthong
242a1 rab gnas kyis gsol pa/ chos rnams thams cad btsal bgyis te/ /yang dag ji bzhin mthong gyur na/ /brtan pa rdzogs pa'i byang chub
242a2 thob| |byang chub nyid la gnas par 'dong / /lha'i bu lhag mthong nges 'byung gis gsol pa/ gang zag mchog rnams ye shes kyis/ /byang chub mchog tu nges par
242a3 byung / /rdzogs pa'i byang chub ye shes kyis/ /brnyes pa'i dran pa skye mi 'gyur/ /lha'i bu lhag mthong mngon dgas gsol pa/ yang dag ji bzhin yang dag tu/ /chos
242a4 rnams rnam par gzigs pas na/ /byang chub gzhal yas brnyes gyur te/ /de bas rnam 'dren sangs rgyas lags/ /lha'i bu lhag mthong la mngon par brtson pas
242a5 gsol pa/ mkhas pa ye shes gang brtson zhing / /dka' ba mang po spyod bgyid pa/ de dag rgol tshogs thams cad kyis/ /pham par bgyi bar yong mi nus/ /lha'i
242a6 bu lhag mthong 'byung gis gsol pa/ chos rnams rnam mthong bgyi slad du/ /rgyal sras gang dag zhugs pa'i rnams/ /chos rnams ngo bo nyid 'tshal zhing / /rang byung
242a7 nyid ni thob par 'gyur/ /lha'i bu lhag mthong la brten pas gsol pa/ rnam 'dren khyod kyis yun ring du/ /ye shes la ni brten mdzad pas/ /thams cad mkhyen
242b1 pa brnyes nas ni/ /srog chags bye ba grol bar mdzad/ /lha'i bu khyad par ldan gyis gsol pa/ sangs rgyas mkhyen pas thams cad mkhyen/ /'dren pa dam pa mngon par
242b2 'phags/ /srid pa'i rgya mtshos khyer ba yi/ /'jig rten de yis sgrol bar mdzad/ /lha'i bu lhag mthong gnas kyis gsol pa/ lhag mthong la ni gnas mdzad cing / /chos
242b3 kun rnam par gzigs pas na/ /sangs rgyas chos rnams 'phel 'gyur te/ /sa bzang n+ya gro d+ha skyes 'dra/ /lha'i bu lhag mthong dang ma bral bas gsol pa/ rnam par 'dren pa khyod
242b4 kyi sras| |ye shes kyis ni yongs bzung ste/ /byang chub mchog ni thob bgyis shing / /skye bo mang po 'grol bar bgyid/ /lha'i bu lhag mthong la rnam par rtse bas gsol pa/
242b5 sangs rgyas mkhyen pas rnam par rol/ /chos rnams kun la 'jigs mi mnga'/ /zhum pa ma mchis dngang mi mnga'/ /thub pa 'jig rten thams cad mkhyen/ /lha'i bu lhag
242b6 mthong la yang dag par 'jug gis gsol pa/ dpa' bo chen pos chos kun ni/ /lhag mthong nyid du yang dag 'du/ /rang bzhin med par rnam mthong na/ /de ni rang byung byang
242b7 chub lags/ /lha'i bu lhag mthong snying pos gsol pa/ sangs rgyas lhag mthong snying po ste/ /chos rnams kun la 'jigs mi mnga'/ /'jig rten sdug bsngal 'di gzigs
243a1 shing / /thugs rje chen po shin tu bskyed/ /lha'i bu lhag mthong 'gros kyis gsol pa/ byang chub phyir ni shes 'grol ba'i/ /'jig rten mkhas
243a2 pa nges par 'byung / /de dag byang chub mchog kyang thob/ /grol nas skye rgu 'di dag 'grel/ /lha'i bu stong pa nyid la rton gyis gsol pa/ stong pa nyid kyi chos bsten pa'i/ /
243a3 mkhas pa byang chub 'tshang rgya ste/ /sems can bcings las grol bgyid cing / /'ching ba thams cad rnam par gcod/ /lha'i bu stong pa nyid la mos kyis gsol pa/
243a4 stong pa nyid la mos gyur pas/ /'gro ba 'di dag srog med gzigs/ /dmigs med ngo bo nyid med pa/ /de ltar srog chags rnams la ston/ /lha'i bu stong pa nyid kyi
243a5 spyod yul gyis gsol pa/ sangs rgyas kun gyi spyod yul ni/ /chos rnams rang bzhin stong pa ste/ /srog chags rnams la thugs brtse bas/ /dpa' bos de la spyad
243a6 par mdzad/ /lha'i bu stong pa nyid kyi bsam pas gsol pa/ skyon dang bral zhing bcings med la/ /'jigs skrag thams cad rab tu spangs/ /chos rnams kun la mi
243a7 gnas shing / /nam mkha'i rlung bzhin spyod pa mdzad/ /lha'i bu stong pa nyid la mngon par dga' bas gsol pa/ stong nyid chos la brten bgyid cing / /sangs rgyas
243b1 spyod yul gang mos pa/ /de dag ston pa mchod pa ste/ /mchod pa de ni bla na med/ /lha'i bu stong pa nyid kyis yang dag par 'phags kyis gsol pa/ gang gis 'dren pa
243b2 'phags gyur pa'i/ /de ni yang dag 'phags zhes gsungs/ /stong nyid chos la brten bgyid pa/ /ma smad de dag sangs rgyas 'gyur/ /lha'i bu stong pa nyid kyis 'dren gyis
243b3 gsol pa/ dpa' bo chen po chos rnams kyang / /mya ngan 'das min ston pa mchis/ /kun kyang mya ngan 'das par 'dren/ /drang srong chen po'i byang chub lags/ /lha'i bu
243b4 stong pa nyid kyis yang dag shar gyis gsol pa/ stong nyid zhi la brten nas ni/ /khyod kyi slob ma yang dag shar/ /stong pa nyid la gang brten pa/ /de dag rim gro bgyid pa lags/
243b5 lha'i bu stong pa nyid la brten gyis gsol pa/ /gang rnams stong pa nyid brten pa/ /mkhas pa de dag rmongs mi 'gyur/ /nyon mongs med cing lta med rnams/ /byang chub rdul med
243b6 'thob par 'gyur/ /lha'i bu stong pa nyid phun sum tshogs pas gsol pa/ gang rnams stong nyid brten bgyid pa/ /sangs rgyas chos kun phun sum tshogs/ /rang byung pham pa
243b7 med par 'gyur/ /'jig rten don kyang bgyid par 'gyur/ /lha'i bu stong pa nyid la yang dag par zhugs pas gsol pa/ sangs rgyas chos la zhugs gyur te/ /stong pa nyid
244a1 la gang brten pa/ /de la bdud rnams bye ba phrag /stong gis dkrugs par mi nus so/ /lha'i bu mtshan ma med pa la dga' bas gsol pa/ mtshan
244a2 ma med la mngon dgyes te/ /dngos po thams cad rnam bshig nas/ /sangs rgyas 'jig rten rnams nas byung / /mtshan ma rnams la chags mi mnga'/ /lha'i bu mtshan ma
244a3 med la gnas pas gsol pa/ mtshan ma med la spyod gyur cing / /zhi ba zhi la spyod pa rnams/ /mtshan ma rnam par bshig rnams kyis/ /tshul ni bdud kyis shes mi nus
244a4 lha'i bu mtshan ma med pa'i spyod yul gyis gsol pa/ sangs rgyas kun gyi spyod yul la/ /'dren pa khyod ni spyod mdzad de/ /mtshan ma mi mnga' rtogs dka' zhing / /zhi spyod khyod
244a5 la phyag kyang 'tshal/ /lha'i bu mtshan ma med pas skom gyis gsol pa/ thub pa'i 'khor 'di thams cad ni/ /mtshan ma med pas skom gyur te/ /yab kyi dkor ni 'tshal gyur
244a6 nas| |de bzhin gshegs la bkur sti bgyid/ /lha'i bu mtshan ma med pa la spyod pas gsol pa/ mtshan ma med la nyin mtshan du/ /gang zag mchog ni spyod mdzad pa/ /lha
244a7 dang dri za mi dag kyang / /khyod kyi tshul ni ma 'tshal to/ /lha'i bu mtshan ma med pas rnam par grol gyis gsol pa/ chos rnams thams cad rnam bshig cing / /dpal chen 'jig
244b1 rten sgron ma khyod/ /mtshan ma med la gnas par mdzad/ /de bas khyod la phyag kyang 'tshal/ /lha'i bu mtshan ma med pa la rnam par rtse bas gsol pa/ thub chen dpa' bo chen
244b2 po khyod| |mtshan ma med la rnam par rol/ /'gro rnams yongs su smin mdzad cing / /sangs rgyas ye shes mchog la zhugs/ /lha'i bu mtshan ma med pas yongs grub kyis gsol
244b3 pa| gang gis mtshan ma spangs gyur pa/ /de dag byang chub grub pa ste/ /yab kyi chos kyi brtul zhugs can/ /de dag rdzogs pa'i sangs rgyas mchod/ /lha'i bu mtshan ma med pa la
244b4 dga' bas gsol pa/ gang gis mtshan ma rnam bshig pa/ /de dag sangs rgyas chos la dga'/ /bla ma'i gnas la gnas pa ste/ /sems can kun kyi mchod rten lags/ /lha'i
244b5 bu mtshan ma med pa la brten pas gsol pa/ zhi la spyod cing rnam grol ba/ /sangs rgyas 'jig rten bla na med/ /'byung po kun gyi skyabs dang rten/ /dpung gnyen de bzhin gnas
244b6 kyang lags/ /lha'i bu mtshan ma med pa la mos pas gsol pa/ mtshan ma med la mos gyur cing / /zhi bas dgra las rgyal gyur pa/ /sangs rgyas brgal ba 'gro sgrol ba/ /de
244b7 dag tshad ni ga la mchis/ /lha'i bu smon pa med pa rtogs kyis gsol pa/ mgon po gang dag smon lam ni /rnam pa kun tu mi dmigs pa/ /de dag 'jig rten bral ba ste/ /sangs
245a1 rgyas 'jig rten nang nas byung / /lha'i bu smon pa med pa la brten pas gsol pa/ zhi ba'i thugs dang ldan pa khyod/ /srid pa rnams su smon mi mdzad/ /srid
245a2 pa yongs su chad pas na/ /sangs rgyas 'jig rten yongs mi gos/ /lha'i bu smon pa med pas skyes kyis gsol pa/ gang gis sred pa yongs bcom pa/ /de dag gzi mchog
245a3 bskyed pa ste/ /de dag 'jig rten mgon po'i sras/ /rang gi yab la phyag kyang 'tshal/ /lha'i bu smon pa med pas skyes kyis gsol pa/ khyod kyi sras rnams ma smad pa/ /sred
245a4 pa yongs su bcad pas na/ /srid pa 'jigs bgyid srid pa la/ /de dag smon pa mi bgyid do/ /lha'i bu smon pa med pas yongs su grol bas gsol pa/ gang dag smon pa mi
245a5 bgyid pa/ /gzi ldan khyod kyi sras kyi rnams/ /re ba btang zhing bcings grol ba/ /de dag yongs su grol bar 'gyur/ /lha'i bu smon pa med pas byung gis gsol pa/ gang gis sred
245a6 pa rab bcom pa/ /de dag mya ngan dgon pa rgal/ /de dag mi skom zang zing med/ /dpal chen khyod la deng phyag 'tshal/ /lha'i bu smon pa med la nges pas gsol pa/ gang gis
245a7 srid dang sdug bsngal dang / /bde ba dngos po med bsgoms la/ /mgon khyod de dag rnams kyi yab/ /de dag khyod kyi sras kyang lags/ /lha'i bu smon pa med pa'i 'khor gyis
245b1 gsol pa/ srid pa'i sdug bsngal sus mthong ba/ /de dag khyod kyi bstan la dul/ /kha lo bsgyur zhing srid sel ba/ /sems dul khyod la phyag kyang 'tshal/ /lha'i bu smon pa med pas
245b2 byung gis gsol pa/ srid pa'i dgon las byung ba rnams/ /bde ba thob cing zhi gnas te/ /nyon mongs dgra rnams pham mdzad pa/ /'jig rten mgon la phyag 'tshal/ /lha'i
245b3 bu smon pa med pas ya mtshan du gyur pas gsol pa/ g.yul las rgyal bar gyur pa ste/ /khyod ni rnam rgyal pham mi mnga'/ /bdud kyi dpung rnams pham mdzad cing / /srid pa
245b4 kun tu smon mi mdzad/ /lha'i bu smon pa med pa stobs ldan gyis gsol pa/ thar pa'i chos la stobs ldan pas/ /bdud kyi zhags pa yongs bcad cing / /khyod kyi sras rnams bdud
245b5 dag la/ /bskyab pa'i 'du shes mi bgyid do/ /lha'i bu lus rnam par brtags kyis gsol pa/ lus med 'chi ba med tshul du/ /lus 'di gang gis mthong gyur pa/ /de dag sangs
245b6 rgyas spyod yul dga'/ /'dren pa khyod kyi rjes su zhugs/ /lha'i bu lus nges par sems pas gsol pa/ mi gtsang rul pa'i rnag zag pa/ /lus 'di mi zad nges bsam ste/ /yang
245b7 dag ji bzhin 'tshal gyur nas/ /rnam 'dren khyod la phyag kyang 'tshal/ /lha'i bu lus rtogs kyis gsol pa/ lus la mi gtsang brtags bgyis te/ /lus la dran pa rnam dpyad cing //
246a1 lus kyi sdug bsngal rnam grol nas/ /nges pa khyod la phyag kyang 'tshal/ /lha'i bu lus yongs su gtong gis gsol pa/ sprul gyi pags pa rnying
246a2 bzhin du/ /rnag can lus 'di spangs nas ni/ /de bzhin gshegs pa sku bo che/ /sku mi mnga' la phyag kyang 'tshal/ /lha'i bu lus la smod pas gsol pa/ mi gtsang dri nga
246a3 rnag zag cing / /rul pa'i lus la rtag smad de/ /mi gtsang gang ba rnam spangs nas/ /'dren pa khyod la phyag kyang 'tshal/ /lha'i bu lus kyis yongs su skyo bas gsol pa/ gang
246a4 dag rul pa'i lus skyo zhing / /rgyal sras gtsang ba 'tshal ba rnams/ /chos kyis rab tu bskyed pa'i sras/ /de dag sangs rgyas phyag 'tshal 'gyur/ /lha'i bu lus kyis skrag
246a5 pas gsol pa/ 'byung ba chen po sprul gdug 'dra/ /gang gis shin tu rtogs gyur pa/ /de dag lus las 'das pa ste/ /rkang gnyis gtso la phyag kyang 'tshal/ /lha'i bu lus
246a6 kyi skyon mthong bas gsol pa/ lus kyi skyon la mngon sum ste/ /ye shes gzigs pa'i spyan mnga' ba/ /sangs rgyas mkhyen pa mkhas pa dag/ srid gsum thams cad yongs
246a7 su gzigs/ /lha'i bu lus la 'dod chags dang bral bas gsol pa/ lus kyi 'du shes 'dod chags bral/ /chos kyi 'du shes mi gnas pas/ /kun sbyor kun las
246b1 'das pa ste/ /rnam 'grel sangs rgyas phyag kyang 'tshal/ /lha'i bu srid pa'i dgra'i blo gros kyis gsol pa/ srid par srid pa 'joms mdzad pa/ /khyod kyis dgra yi 'du shes
246b2 mkhyen| /khyod kyi sras rnams sgom bgyid cing / /mkhas pa byang chub mngon 'tshang rgya/ /lha'i bu srid pa sel bas gsol pa/ srid pa kun gyi nyes dmigs mthong / /mya ngan 'das
246b3 la 'jigs med mthong / /khyod kyi sras rnams 'gro phan phyir/ /byang chub spyad pa spyod pa bgyid/ /lha'i bu srid pa rnam par spangs kyis gsol pa/ gang gis srid pa rnam spangs
246b4 shing / /'jig la mngon par mi dga' ba/ /bral bar gyur cing sems dag pa/ /mkhas khyod zhabs la phyag kyang 'tshal/ /lha'i bu srid pa bsal gyis gsol pa/ mi yi
246b5 dam pa khyod kyi sras/ /srid par khrid pa rab bsal te/ /khyod kyi bslab la bslab pa dag /stong gsum 'di na rnam par mdzes/ /lha'i bu srid pa las brgal bas gsol pa/
246b6 srid pa'i mtsho las brgal ba yi/ /'jig rten mgon mchog skyob rnams la/ /grangs kyi rgyud du bgrang ba yi/ /grangs ni 'jig rten 'di na med/ /lha'i bu srid pa 'joms kyis
246b7 gsol ba/ /srid pa thams cad yongs bcom ste/ /gang dag rtag tu dran spyod pa/ /de dag rdzogs pa'i sangs rgyas mchod/ /srog chags rnams la chos kyang ston/ /lha'i bu srid pa
247a1 las rab tu grol bas gsol pa/ srid pa'i rgyun las rab tu grol/ /rnam par 'dren pa srid pa rgal/ /srid pa mthar 'byin sangs rgyas te/ /srid pa
247a2 sel la phyag kyang 'tshal/ /lha'i bu srid pa rab tu zhi byed kyis gsol pa/ srid par khrid pa rab zhi zhing / /srid pa pham par mdzad nas gshegs/ /bstan pa srid pa mthar
247a3 'byin pa/ /khyod la do zla ma mchis so/ /lha'i bu srid pa'i mthar 'gro bas gsol pa/ srid pa'i mthar phyin rab zhi ba/ /mgon po khyod kyi srid pa'i mtha'/ /srid par phyir
247a4 log thams cad mkhyen/ /sangs rgyas 'jig rten rtogs par mdzad/ /lha'i bu srid pa tha ma'i lus 'dzin gyis gsol pa/ srid pa'i rgyu ni rnam spangs te/ /srid pa tha ma
247a5 'dzin mdzad pa/ /gang gis srid pa len gyur pa'i/ /khyod kyis kun tu sbyor ba mthong / /lha'i bu srid pa rab tu zhi ba thob kyis gsol ba/ khyod kyis srid pa stong mkhyen te/ /srid
247a6 pa'i rgyu yang de bzhin no/ /zhum dang rab tu zhum mi mnga'/ /mnyam nyid gyur la phyag kyang 'tshal/ /lha'i bu srid pa'i pha rol tu 'gro bas gsol pa/ srid pa'i pha rol brgal
247a7 ba ste| |srid par khrid pa yang dag bsal/ /rnam par 'dren pa thugs brtse bas/ /skye bo gzhan ni sgrol ba mdzad// //bam po bcu pa/ lha'i bu tshor bas mnar gyis gsol pa/
247b1 tshor ba bdag tu bgyi ma mchis/ /sems pa ma mchis rtsol ma mchis/ /bsam gtan mdzad pa che khyod kyis/ /tshor ba chu bur lta bur mkhyen/ /lha'i bu tshor ba ston pas gsol
247b2 pa| ngo bo nyid kyis dngos med par/ /tshor ba khyod kyis rab tu mkhyen/ /rmi lam sdug gu'i dga' 'dra ba/ /de la so so'i skye bo chags/ /lha'i bu tshor ba la yongs su rtog pas gsol
247b3 pa| shes rab bcas pas yongs brtags na/ /tshor ba 'gro bar ma song zhing / /'ong ba med la dngos med par/ /de ni thub chen khyod kyis gzigs/ /lha'i bu tshor ba dang bral bas
247b4 gsol pa| tshor ba dang ni tshor ba po/ /rang bzhin med par khyed kyis gzigs/ /zab mo bstan dka'i tshig de yang / /khyod kyis sems can rnams la bstan/ /lha'i bu tshor ba'i
247b5 rgyud la nges pas gsol ba/ tshor ba de ni kun rdzob tsam/ /don dam nyid du mi dmigs te/ /khyod kyis sems can der btul bas/ /'gro ba the tshom ma mchis 'gyur/ /lha'i bu
247b6 tshor ba la mkhas pas gsol pa/ tshor ba'i phung po mkhas pa po/ /mkha' la rlung gi dkyil 'khor bzhin/ /byis pa'i blo can rmongs bgyid na/ /de ni khyod kyis yang dag gzigs/ /
247b7 lha'i bu tshor ba mngon par shes pas gsol pa/ tshor ba'i phung po mngon mkhyen pa/ /rig cing rig pa'i mthar byon pa'i/ /mkhas pa rnams kyi mchog khyod kyis/ /tshor ba bdag med
248a1 rab tu gzigs/ /lha'i bu tshor ba las brgal bas gsol pa/ rkang gnyis gtso bo dam pa khyod/ /brgal dka' tshor ba'i mtsho las brgal/ /
248a2 'dam las brgal cing sdig med pa/ /byang chub mchog 'di sangs rgyas 'gyur/ /lha'i bu tshor ba las byung gis gsol pa/ rnam par 'dren pas 'jig rten du/ /tshor ba
248a3 rnams ni 'byung mkhyen nas/ /tshor ba'i phung po rab brgal te/ /sangs rgyas 'jig rten chags mi mnga'/ /lha'i bu tshor ba rig pas gsol pa/ mi rnams dag la gang
248a4 'ching ba'i/ /tshor ba thams cad khyod kyis mkhyen/ /nyon mongs zhags pas 'ching 'gyur ba/ /de yi rang bzhin khyod kyis gzigs/ /lha'i bu sems la mkhas pas
248a5 gsol pa/ khyod kyis sems kyi nyon mongs pham/ /bdud rnams kyang ni spa bkong ste/ /sems de rang bzhin ma mchis par/ /thub pa chen po khyod kyis gzigs/ /lha'i bu
248a6 sems yongs su shes pas gsol pa/ ji ltar sgyu ma'i mkhan po yis/ /sgyu ma sna tshogs sprul pa bzhin/ /sems ni bde gshegs khyod kyis mkhyen/ /de phyir khyod la
248a7 'jig rten mchod/ /lha'i bu sems la yang dag par rtog pas gsol pa/ sgyu ma mkhan nam slob ma bzhin/ /gang gis 'gro ba 'di bcings pa'i/ /sems de khyod kyis yang
248b1 dag brtags/ /de ni khyod kyis ji bzhin mkhyen/ /lha'i bu sems kyi spyod yul la spyod pas gsol pa/ sems kyi spyod yul khyod kyis mkhyen/ /rnam par 'dren pa rmi lam na/ /ji ltar
248b2 tshogs kyi grangs bzhin du/ /byis pa'i sems rmongs bgyid par gzigs/ /lha'i bu sems kyi dbang phyug gis gsol pa/ dul gyur las su rung ba yi/ /sems kyi rang bzhin rtogs
248b3 med pa| |gang la 'jig rten gting mi rnyed/ /mtshan nyid brtan pa khyod kyis gzigs/ /lha'i bu sems la dpa' bas gsol pa/ gang gis sems la sems med shes/ /mkhas
248b4 pa sgyid lug mi 'gyur zhing / /bdud sde rab tu 'dul bgyid pa/ /de dag 'dir ni dpa' zhes bgyi/ /lha'i bu sems kyis yang dag 'phags kyis gsol pa/ gang dag sems la
248b5 sems med shes/ /de dag sangs rgyas sras lags te/ /dpa' chen sangs rgyas chos rnams la/ /skyes bu de dag yang dag 'phags/ /lha'i bu zhi ba'i sems kyis gsol pa/ gang
248b6 gis sems la dbang bgyis pa/ /sems can de dag zhi rab zhi/ /bdud kyi zhags las rab grol bas/ /de dag bdud kyi dbang mi mchi/ /lha'i bu sems mnyen pas
248b7 gsol pa/ mi rnams gang dag sems mnyen zhing / /bsnyen par dka' dang dpa' ba dang / /khyod kyi bstan la gang mos pa/ /de dag 'dod par zhum mi 'gyur/ /lha'i bu sems
249a1 dag pas gsol pa/ sems dag las rnams gtsang gyur cing / /yang dag rtogs pas spyod bgyid pa/ /de dag rgyal ba'i bstan thos na/ /zab mo
249a2 rnams la zhum mi 'gyur/ /lha'i bu chos nyid la gnas pas gsol pa/ gang gi yid ni chos nyid la/ /rab tu dga' zhing thogs med pa/ /de dag mi dbang sras po ste/ /zhi
249a3 ba'i sar ni phyin pa lags/ /lha'i bu chos la sems pas gsol pa/ chos rnams thams cad chos dbyings su/ /'dren pa de la bslab pa rnams/ /chos nyid la ni gang sems
249a4 pa| |de dag spyod yul ma yin med/ /lha'i bu chos kyi dbyings las nges par byung gis gsol pa/ mi mchog khyod kyi sras kyi rnams/ /chos kyi dbyings la nges 'byung
249a5 ste| |'dren pa khyod kyi sras de dag /mtshan nyid gcig gis nges byung lags/ /lha'i bu chos kyi dbyings kyi spyod yul gyis gsol pa/ chos rnams kun gyi spyod yul ni/ /
249a6 chos kyi dbyings zhes rgyal bas gsungs/ /dpa' bo khyod ni gang spyod pa'i/ /ye shes de ni bsam mi khyab/ /lha'i bu chos kyi dbyings la zhugs pas gsol pa/ chos kyi
249a7 dbyings la gang zhugs pa/ /de dag ye shes bsam yas te/ /sangs rgyas chos la the tshom med/ /sems can bsam la de dag mkhas/ /lha'i bu chos kyi dbyings la bab
249b1 gyis gsol pa/ gang dag chos kyi mtshan nyid gcig /chos kyi dbyings la bab pa rnams/ /de dag spobs pa'i stobs bskyed pa/ /bsam gyis mi khyab thob par 'gyur/ /lha'i bu
249b2 chos kyi dbyings la 'jigs pa med pas gsol pa/ gang la de dag gnas pa yi/ /'jigs pa med pa thob med pas/ /de dag rnams kyi spobs dang stobs/ /de la mtshungs pa
249b3 med pa 'byung / /lha'i bu chos kyi dbyings la mkhas pas gsol pa/ khyod ni chos dbyings mkhas pa ste/ /chos rnams kun la shin tu mkhas/ /lag mthil skyu ru ra bzhag bzhin//
249b4 chos kyi dbyings kyang rnam par ston/ /lha'i bu chos kyi dbyings la gnas pas gsol pa/ chos rnams rang bzhin med gzigs pas/ /khyod ni chos kyi dbyings la zhugs/ /mi
249b5 gnas zhum pa ma mchis te/ /gzung ba ma mchis btang ma mchis/ /lha'i bu chos kyi dbyings la spyod pas gsol pa/ sangs rgyas spyod yul gang lags pa'i/ /chos kyi dbyings
249b6 la khyod spyod de/ /bar snang mkha' dang 'dra ba yi/ /'jig rten mgon la phyag kyang 'tshal/ /lha'i bu chos kyi dbyings la rton pas gsol pa/ gang dang gang gi sgo dag nas/ /skyes
249b7 bu dam pa ston mdzad pa/ /de yi sgo nas chos dbyings ston/ /de phyir rtags dang gzugs ma mchis/ /lha'i bu chos kyi dbyings la brtson pas gsol pa/ mngon par brtson pas
250a1 chos kyi dbyings/ /skyes bu dam pa khyod kyis mkhyen/ /brtson pas rdzogs pa'i sangs rgyas rnams/ /ye shes pha rol phyin par gyur/ /lha'i bu
250a2 chos kyis tshim gyis gsol pa/ dpa' bo khyod kyis skye bo 'di/ /chos kyis rab tu tshim par mdzad/ /chos kyi dbyings ni rnam mkhyen pas/ /'dren pa byang chub mchog la zhugs
250a3 lha'i bu chos nyid kyi gting rnyed pas gsol pa/ gting rnyed gyur pa'i 'gro ba kun/ /'dren pa khyod kyi zhal du lta/ /chos dbyings rnam par mkhyen pa yi/ /'dren pa khyod la
250a4 phyag kyang 'tshal/ /lha'i bu gnas shes pa la rab tu gnas pas gsol pa/ mi mchog 'dren pa sangs rgyas kyi/ /ye shes gnas 'di chos dbyings te/ /rnam par 'dren
250a5 pa stobs bcu po/ /gang la spyod pa de lags so/ /lha'i bu gnas la gnas pas gsol pa/ chos kyi dbyings ni gnas chen te/ /thams cad mkhyen pa bzhud pa'i lam//
250a6 de ni chos rnams thams cad kyang / /mtshan nyid gcig par shes pa lags/ /lha'i bu gnas mngon par shes pas gsol pa/ khyod ni chos dbyings mngon par mkhyen//
250a7 mtshan nyid gcig la mkhas pa ste/ /sems can kun gyi bsam pa yang / /rkang gnyis gtso bo khyod kyis mkhyen/ /lha'i bu gnas nas nges par byung gis gsol pa/ rnam
250b1 par 'dren pa khyod kyi sras/ /gnas su bya ba chos dbyings zhes/ /gsal bar 'tshal ba'i mkhas pa rnams/ /rang byung nyid du nges par byung / /lha'i bu gnas la bslab pas gsol
250b2 pa| chos kyi dbyings la gang bslab pa'i/ /skyes bu de dag byang chub zhugs/ /rang byung nyid du gnas rnyed pas/ /de dag rkang gnyis mchog tu 'gyur/ /lha'i bu gnas med pa la
250b3 mkhas pas gsol pa/ gnas med pa ni gang 'tshal ba/ /de dag bde gshegs dgongs la mos/ /bdud rnams bye ba stong gis kyang / /de dag rmongs par yong mi nus/ /lha'i
250b4 bu gnas med pa la mngon par shes pas gsol pa/ gnas med gang gis rig gyur pa/ /de dag bdag cag bdud kyi tshogs/ /bye bas byang chub mi bskyod ces/ /mkhas pa de
250b5 dag shin tu dga'/ /lha'i bu gnas med pa'i dgongs pa la mkhas pas gsol pa/ gnas med 'du shes mkhas pa ni/ /chos nyid la ni rab gnas te/ /sdig can bdud rnams
250b6 bshal ba ni/ /ji ltar rta yis shing rta bzhin/ /lha'i bu gnas med pa la mkhas pas gsol pa/ mtshan nyid gcig la mkhas pa po/ /chos kyi dbyings la bgegs bgyid
250b7 pa'i| |bdud kyi las ni gnas med de/ /gnas med do zhes rgyal bas gsungs/ /lha'i bu gnas dang gnas ma yin pa rtogs pas gsol pa/ gnas dang de bzhin gnas min
251a1 pa| byis pa'i blo can rnams la bstan/ /rang gis de ni thugs chud nas/ /sems can rnams la khyod kyis bstan/ /lha'i bu sbyin pa la mkhas pas
251a2 gsol pa/ sngon chad rgyu ni gang dag dang / /las 'dra 'byung ba ma 'tshal ba'i/ /rgyu de khyod kyis thugs su chud/ /las kyi gnas kyang rab tu mkhyen/ /lha'i bu las la mkhas
251a3 pas gsol pa/ chags dang zhe sdang gti mug ni/ /las kyi rgyu zhes khyod kyis mkhyen/ /gang gis rgyu yis bgyid de yang / /gang zag mchog gis thugs su chud/ /lha'i
251a4 bu ma 'ongs pa la mkhas pas gsol pa/ ma 'ongs pa yi dus dag na/ /mi rnams las gang bgyid 'gyur ba/ /de yi rgyu dang len pa dang / /gnas dang las kyang khyod
251a5 kyis mkhyen/ /lha'i bu da ltar byung ba la lta bas gsol pa/ phyogs bcu'i 'jig rten 'di dag gi /sems can rnams dang rgyu dang las/ /gnas dang las kyi len pa
251a6 rnams| |kun kyang 'dren pa khyod kyis mkhyen/ /lha'i bu stobs kyi spyod yul gyis gsol pa/ mi dbang khyod kyis ma gzigs pa'i/ /las dang rgyu dag ma mchis te/ /gnas
251a7 dang skye ba'ang ma mchis so/ /de bas khyod ni gang zag mchog /lha'i bu stobs la mngon par dga' bas gsol pa/ las dang rgyu dang de bzhin gnas/ /dus la rnam smin rnam
251b1 gsum dang / /ji ltar de yi len pa yang / /khyod kyis mkhyen pas de slad mchod/ /lha'i bu stobs kyi blo gros kyis gsol pa/ rgyu dang las dang len pa dang / /rnam par smin dang
251b2 rkyen dang gnas/ /rang bzhin bral bar khyod kyis mkhyen/ /de phyir rgyal ba mnyam pa med/ /lha'i bu stobs kyis byung gis gsol pa/ rgyu dang las dang len pa dang / /gnas
251b3 dang rkyen dang rgyud rnams dang / /rnam smin so so yang dag rig /thams cad stong pa rab tu mkhyen/ /lha'i bu stobs la dga' bas gsol pa/ rgyu dang las dang len pa dang / /
251b4 gnas dang rkyen dang rgyud kyi rnams/ /khyod nyid rang gis mngon mkhyen te/ /rang bzhin med par bstan pa mdzad/ /lha'i bu stobs kyis rnam par rtse bas gsol pa/ rgyu dang las
251b5 dang len pa dang / /gnas dang rkyen dang rgyud kyi rnams/ /'pho med dbang phyug med pa ste/ /rten cing 'byung bar khyod kyis mkhyen/ /lha'i bu stobs kyis 'phags kyis gsol pa/ rgyu
251b6 dang rkyen dang las rnams dang / /rnam par smin pa brten pa rnams/ /de kun rang bzhin stong ngo zhes/ /seng+ge'i nga ror khyod kyis gsungs/ /lha'i bu stobs kyi rjes su 'brang bas gsol
251b7 pa| 'jig rten las ni gang zhig gis/ /khams ni gang zhig spel gyur pas/ /de dag rkang gnyis gtso bos mkhyen/ /de bas khyod ni do zla med/ /lha'i bu stobs dang ldan gyis
252a1 gsol pa/ khams gang la ni brten bgyis shing / /gang gis mngon par las bgyis dang / /de yi rnam smin ci 'dra ba/ /de kun spyan dang ldan pas mkhyen//
252a2 lha'i bu stobs yang dag 'phags kyis gsol pa/ khams gang la ni brten bgyis shing / /ci 'dra'i rang bzhin gyur pa yi/ /sems can thams cad khyod kyis mkhyen/ /phyag gi
252a3 sor mo lnga dang 'dra/ /lha'i bu stobs la spyod pas gsol pa/ khams gang la ni brten bgyis shing / /bshes gnyen ci 'dra rnyed gyur nas/ /'du 'dzi ji 'dra bgyid gyur
252a4 pa| |de kun bla na med pas mkhyen/ /lha'i bu stobs kyis byin gyis brlabs pas gsol pa/ stobs kyi byin gyis brlabs mkhyen cing / /'dren pa de yi khams dang ni/ /'du
252a5 'dzin bshes gnyen tshogs kyi rnams/ /de dag mi mchog khyod kyis mkhyen/ /lha'i bu khams nges pas gsol pa/ khams de dang ni de len dang / /bshes gnyen de
252a6 dang de 'grogs pa/ /de la khyod kyi mkhyen pa nges/ /de phyir the tshom yong mi mnga'/ /lha'i bu khams la brten pas gsol pa/ sems can gang na gnas gnas pa'i/ /
252a7 'khor ba de dang khams de dang / /spyod dang skad dang 'gro ba rnams/ /mi mchog khyod kyis rab tu mkhyen/ /lha'i bu khams la mkhas pas gsol pa/ ye shes gang gis
252b1 khams de ni/ /'dren pas mngon par mkhyen pa yi/ /mkhyen te mkhyen pas stong ngo zhes/ /blo mchog mnga' bas yang dag bstan/ /lha'i bu khams na nges par byung gis
252b2 gsol pa/ khams gang la ni brten bgyis na/ /'dus byas dag la ji srid gnas/ /de ni khyod kyis ji bzhin mkhyen/ /khyod la do zla ma mchis so/ /lha'i bu khams kyi rjes su
252b3 song bas gsol pa/ khams gang la ni brten bgyis pa/ /yon tan ji snyed bskyed pa dang / /rnam par smin dang 'bras bu dag /de dag ma lus khyod kyis mkhyen/ /lha'i bu
252b4 khams la yang dag zhugs pas gsol pa/ khams gang la ni brten bgyid cing / /'gro ba ci 'dra 'dod bgyis pa/ /de yang khyod kyis thogs med mkhyen/ /de phyir khyod ni
252b5 mkhas pas mchod/ /lha'i bu lam mngon par shes pas gsol pa/ khams gang la ni brten bgyis pas/ /'gro ba ci 'drar mchis pa yi/ /sems can rnams kyi lam
252b6 dag kyang / /ye shes mkhas pa khyod kyis mkhyen/ /lha'i bu lam la mi 'jigs pas gsol pa/ sems can log pa nyid nges shing / /mya ngan 'das 'gro skal med pa/ /
252b7 phung po gsum po de dag la/ /khyod kyis ye shes nges par 'jug /lha'i bu lam gyis nges par byung gis gsol pa/ sems can yang dag nyid nges te/ /ngan 'gror 'gro ba'i skal
253a1 med pa| |de la 'jig rten sgron ma khyod/ /rtogs pa thogs pa med par 'jug /lha'i bu lam la mos pas gsol pa/ ma nges phung por gyur pa la/ /
253a2 gang zag gang rnams gnas pa rnams/ /de la ngan song ngan 'gro dang / /mya ngan 'das pa'ang khyod kyis bstan/ /lha'i bu stobs kyi brdas gsol pa/ sangs rgyas brda tsam nyid
253a3 lags te/ /de bzhin stobs dang ye shes dang / /mi 'jigs bzhi yang de bzhin du/ /kun rdzob ces ni thub pas gsungs/ /lha'i bu yang dag pa mthong bas gsol pa /
253a4 sangs rgyas sangs rgyas chos rnams mos/ /ye shes gnas pa gzhan yang med/ /don dam nyid du bstan to zhes/ /de bzhin gshegs pa khyod kyis mkhyen/ /lha'i bu stobs
253a5 la gnas kyis gsol pa/ sangs rgyas chos la stobs gnas pas/ /des na de la 'jigs med de/ /rgyal ba de bzhin gshegs kyi sras/ /ji ltar 'dod rgu rnam par
253a6 'phrul| |lha'i bu chos la 'jigs med kyis gsol pa/ kun rdzob dang ni don dam dang / /de dag rab tu bstan mchis kyang / /kun rdzob dang ni don dam dang / /brda yang dmigs
253a7 su ma mchis so/ /lha'i bu ye shes lhur len gyis gsol pa/ brjod pa thams cad rnam pa gzhan/ /chos kyi mtshan nyid rnam pa gzhan/ /mtshan nyid ma mchis brjod ma
253b1 mchis| |khyod kyis chos kyi mtshan nyid gzigs/ /lha'i bu lam la brtson pas gsol pa/ nges par gyur pa'i sems can rnams/ /gzhan gyi rgyud mchi'i gnas ma mchis/ /
253b2 log par nges rnams kun tu 'gror/ /drang srong chen po khyod kyis gzigs/ /lha'i bu mos pa'i stobs kyis gsol pa/ khams gang la ni brten bgyis te/ /gang rnams ci 'drar mos
253b3 'gyur zhing / /'dod chags khams la sdug bsngal ba/ /de dag thub chen khyod kyis gzigs/ /lha'i bu mi sdug pa las nges par byung gis gsol pa/ ma mchis yongs su
253b4 brtags pas na/ /'dod chags khams ni rab tu byung / /de la mos pa nges 'byung ba/ /de dag khyod kyis ji bzhin gzigs/ /lha'i bu byams pas nges par byung gis
253b5 gsol pa/ ma mchis yongs su brtags pas na/ /zhe sdang khams ni rab tu byung / /de la mos pa nges 'byung pa/ /de dag khyod kyis ji bzhin gzigs/ /lha'i bu rkyen gyis
253b6 nges par byung gis gsol pa/ ma mchis yongs su brtags pas na/ /gti mug khams ni rab tu byung / /de la mos pa nges 'byung ba/ /de dag khyod kyis ji bzhin gzigs /
253b7 lha'i bu gtong bas nges par byung gis gsol pa/ mtsho med 'jigs pa rnyed pa dag /ser sna mngon du 'phel 'gyur te/ /de la mos pa nges 'byung ba/ /de dag thub chen khyod
254a1 kyis gzigs/ /lha'i bu dge ba'i bshes gnyen gyis nges par byung gis gsol pa/ sdig pa'i grogs dang 'grogs pa na/ /mthun
254a2 pa'i khams ni rab tu byung / /de la mos pa thob 'gyur ba/ /de dag 'dren pas rnam par mkhyen/ /lha'i bu rnam par shes pa snying por 'dzin pas gsol pa/ 'khor
254a3 ba na ni 'khor rnams kyis/ /ci 'dra'i khams la brten pa dang / /mos pa de mthar phyin pa dag /khyod kyis ma lus rab tu mkhyen/ /lha'i bu nan tan snying por byed pas
254a4 gsol pa/ 'khor ba na ni 'khor rnams kyis/ /gang gis rgyu 'byung nan tan dang / /mos pa de las 'byung ba yang / /smad pa med pa khyed kyis gzigs/ /lha'i bu dbang
254a5 po la mos pas gsol pa/ sems can gang gis khams gang la/ /brten na ji ltar 'gyur ba yi/ /rgyu de khyod kyis rab tu mkhyen/ /des na khyod ni dga' bar mdzad/ /
254a6 lha'i bu dbang po la spyod pas gsol pa/ sbyor ba gang gis skye ba dang / /gang gis rgya chen skye ba dang / /dmigs pa dang ni zhing rnams dang / /dbang po khyod kyis rab tu mkhyen//
254a7 lha'i bu dbang pos nges par byung gis gsol pa/ 'dod pa'i sdug bsngal gnod gyur dang / /srid par mngon pa 'jug pa dang / /sred pa zhi bar bgyid pa'i don/ /de dag smra
254b1 ba'i mchog gis mkhyen/ /lha'i bu dbang po'i spyod yul gyis gsol pa/ dbang po nyam chung rnam dag ni/ /gzugs kyi 'dod chags dben par 'tshal/ /sred pa rnam par
254b2 gzhig pa yang / /rkang gnyis dam pas bsten pa mdzad/ /lha'i bu dbang po rnam par rgyal bas gsol pa/ dbang po rtul po dur khrod bsten/ /rang gi 'dod chags zhi bar
254b3 bgyid| |rkang gnyis gtso bo'i zhal mthong nas/ /sred dang bcas pas khyod la blta/ /lha'i bu dbang po rtogs kyis gsol pa/ 'dod chags can dang 'dod chags dang / /
254b4 zhi dang shes dang mi shes dang / /sred pa zhi dang dbang po rnams/ /rnam par gzigs la mngon mi dmigs/ /lha'i bu dbang po la gnas pas gsol pa/ zhe sdang gnyen por
254b5 gyur pa yi/ /gnod sems med dang dben pa dag /dbang po rtul po bsten pa'i tshe/ /khyod kyi 'gro ba'i bsam pa gzigs/ /lha'i bu dbang po la brtson pas gsol pa/ zhe
254b6 sdang gnyen por byams pa gsungs/ /sems can shes pa rjes su skye/ /zhe sdang khams ni zhi bar bgyid/ /de dag mi mchog khyod kyis mkhyen/ /lha'i bu dbang po tshol bas
254b7 gsol pa/ gnod sems med dang byams pa dang / /zhi ba'i ngo bo nyid ma gzigs/ /dgra dang nyon mongs ma dmigs te/ /des na 'jig rten khyad par 'phags/ /lha'i bu dbang
255a1 po rjes su 'brang gis gsol pa/ log par rnam par rtog pa dang / log pa nye bar ston pa yang / /nyon mongs dam phyir kun sbyor te/ /ldog
255a2 pas thar bar 'gyur ba gzigs/ /lha'i bu ye shes yang dag shar gyis gsol pa/ 'dod chags zhe sdang gti mug dang / /dngos la 'dzin pa mun pa ste/ /ldog pas
255a3 snang ba chen por 'gyur/ /de ni grags chen khyod kyis mkhyen/ /lha'i bu ye shes 'dod chags chad pas gsol pa/ 'dod chags zhe sdang gti mug dang / /mun pa snang
255a4 ba dngos po rnams/ /rang bzhin nyid kyis ma mchis te/ /de ni rkang gnyis gtso bos gzigs/ /lha'i bu snang ba 'dzin gyis gsol pa/ sems can gang gis shes
255a5 pa gang / /ji tsam yongs su bsgrubs bgyis dang / /snod du gang rung ji snyed pa/ /de dag mi mchog khyod kyis mkhyen/ /lha'i bu dbang po dang zhe 'gras pas gsol pa/
255a6 nyon mongs spang phyir shes gang gis/ /shes pa de la rtog bgyid pa/ /de yang ston pa khyod kyis mkhyen/ /de bas khyod la mngon par dga'/ /lha'i bu dbang po la dga'
255a7 bas gsol pa/ yul dang dus dang gnas dag dang / /spyod pa rnam par sgom pa dang / /nyon mongs nyon mongs rnam dag pa/ /thub pa khyod kyis stong par gzigs/ /lha'i
255b1 bu ye shes rgyal mtshan gyis gsol pa/ dbang po rno rtul 'bring dag dang / /gang zag gang gi bsam pa dang / /bcings dang thar dang zad pa'ang shes/ /g.yo ba med par khyod
255b2 kyis mkhyen/ /lha'i bu dbang po'i rgyal mtshan gyis gsol pa/ dbang po rab 'bring rtul ba dang / /nyon mongs ye shes tshor ba dang / /gdul dang 'dul bar bgyid pa dag /khyod
255b3 kyis mtshan nyid med par gsungs/ /lha'i bu dbang po rnam par brtags kyis gsol pa/ sems can rnams kyi bsam gtan dang / /rnam thar kun nas nyon mongs dang / /snyoms
255b4 'jug ting 'dzin ldan pa dang / /rnam byang thub pa khyod kyis mkhyen/ /lha'i bu stobs kyi shugs kyis gsol pa/ zhi ba'i ting nge 'dzin bsten te/ /chos kun ngo bo nyid kyis ni/ /rang bzhin med par khyod
255b5 kyis mkhyen/ /des na thams cad mkhyen zhes bgyis/ /lha'i bu stobs kyi go chas gsol pa/ chos rnams gang dag rang bzhin gang / /chos gang gis ni brjod bgyis pa/ /yang
255b6 dag ji bzhin thugs su chud/ /des na dus gsum chags mi mnga'/ /lha'i bu stobs 'dod kyis gsol pa/ log par brtags pas kun nyon mongs/ /rnam pa bzhi ni skye
255b7 bar 'gyur/ /las las skyes par de dag mkhyen/ /des na khyod ni do zla med/ /lha'i bu stobs shes kyis gsol pa/ nyon mongs rnams dang las rnams kyi/ /gnyen po rnam par
256a1 byang ba dang / /bstan pa'ang khyod kyis rab tu mkhyen/ /des na khyod la do zla med/ /lha'i bu stobs kyi 'od kyis gsol pa/ bsam gtan rnam thar
256a2 ldang ba dang / /snyoms par 'jug dang ting 'dzin dang / /kun nas nyon mongs rnam byang dag /ming tsam mo zhes khyod kyis bstan/ /lha'i bu stobs las byung gis gsol pa/
256a3 bsam gtan rnam thar rnam byang dang / /snyoms par 'jug dang ting nge 'dzin/ /bag yod pa las byung ba ste/ /de la khyod kyi ye shes 'jug /lha'i bu stobs rnam par
256a4 spel bas gsol pa/ dpa' bo khyod kyi mkhyen pa ni/ /bsam gtan la sogs de dag dang / /ldan dang rnam par byang la 'jug /de ni rlung ltar chags pa med/ /lha'i
256a5 bu sngon gyi mtha' la mkhas pas gsol pa/ bskal pa bye ba grangs med du/ /srid pa 'di na sngon bzhugs tshe/ /srid pa'i skyon dang yong ma 'dres/ /des na khyod la do zla
256a6 med| |lha'i bu sngon gyi mtha' la gnas pas gsol pa/ bskal pa bye ba grangs med du/ /byang chub gzhal yas tshol mdzad cing / /'dren pas yongs su spyad pas na/ /
256a7 des na khyod ni dpa' bo lags/ /lha'i bu sngon gyi mtha' la rtog pas gsol pa/ sngon mthar sbyin pa sna tshogs dag /blo mchog gsung tshe gsol bas na/ /spobs pa sna
256b1 tshogs rab mnga' bar/ /rnam par 'dren pa de nges byung / /lha'i bu sngon mtha' la byang bas gsol pa/ sngon chad 'khor bar spyod pa'i tshe/ /tshul rnams la ni tshul mkhas
256b2 pa| |'jig rten sgron rnams khyod kyis gzigs/ /des na khyod ni tshul la mkhas/ /lha'i bu sngon gyi mtha' tshar phyin pas gsol pa/ sngon mthar chos rgyal mang po la/ /dpa'
256b3 bos sngon chad spyod mdzad pas/ /thams cad mkhyen du nges par byung / /sems can mkhas la phyag kyang 'tshal/ /lha'i bu sngon gyi tshul phun sum tshogs pas gsol pa/
256b4 byang chub mchog ni btsal ba'i phyir/ /bskal pa bye ba grangs med du/ /sangs rgyas bye ba mtha' yas pa/ /de la khyod kyis sa bon btab/ /lha'i bu sngon gyi tshul la nges pas
256b5 gsol pa/ bskal pa bye ba brtags mdzad pas/ /chos kun sems can med pa zhes/ /chos rnams thams cad nges par mkhyen/ /'du 'phrod tsam du rgyal bas gsungs/ /
256b6 lha'i bu sngon gyi mtha' la sems pas gsol pa/ bskal pa bye ba grangs med du/ /gnas dang gnas min rab mkhyen par/ /rnam par 'dren pa spyod mdzad pas/ /des na
256b7 'jig rten rmongs mi mnga'/ /lha'i bu sngon gyi mtha' la spyod pas gsol pa/ gnas dang gnas min bsten bgyis nas/ /las dang rgyu rnams dpyad pas na/ /khams dang
257a1 dbang po mos pa dang / /bsam gtan sngon gyi mtha' yang mkhyen/ /lha'i bu sngon gyi mtha' la yongs su rtog pas gsol pa/ khyed kyis
257a2 sngon mtha' yongs brtags pas/ /stobs kyi ye shes rnam bcu po/ /dpa' bo chen pos rnam par spel/ /des na 'jig rten 'di la gzigs/ /lha'i bu sngon gyi mtha'i
257a3 spyod yul gyis gsol pa/ dpa' bos sems can thams cad kyi/ /sngon gyi mtha' yi spyod pa dang / /dge dang mi dge'i rgyu ba rnams/ /mkhyen pas 'jig rten gso
257a4 ba mdzad/ /lha'i bu sngon gyi mtha'i spyod pa la so sor rtog pas gsol pa/ thub pas sngon gyi sems can gyi/ /sngon mtha'i spyod pa rab mkhyen cing / /khams dang mos
257a5 pa mkhyen pas na/ /de phyir sems can gso ba mdzad/ /lha'i bu mos pa'i stobs can gyis gsol pa/ bskal pa bye ba mtha' yas su/ /sngon gyi mtha' la brtags
257a6 bgyis kyang / /khyod kyi dgongs pa chags mi mnga'/ /des na mgon la bdag mos lags/ /lha'i bu ye shes la mos pas gsol pa/ bskal pa bye ba grangs med
257a7 du| |sngon mtha'i srid pa bsam bgyis kyang / /rkang gnyis gtso bos yon tan gyi/ /pha rol phyin nus 'ga' ma mchis/ /lha'i bu phyi ma'i mtha' la mkhas pas gsol pa/
257b1 phyogs bcu'i 'jig rten 'di dag gi /skye rgu sna tshogs las ldan pa/ /shi 'pho skye bar 'gyur ba dag /khyod kyis sangs rgyas spyan gyis gzigs/ /lha'i bu phyi ma'i mtha' las
257b2 nges par byung gis gsol pa/ rgyu gang gis ni las gang zhig /bgyis shing rgyud drug mchir 'gyur pa/ /de dag thams cad rgyal bas mkhyen/ /des na thams cad mkhyen ces
257b3 bgyi| |lha'i bu shi 'pho dang skye ba mngon par shes pas gsol pa/ khams gang gi ni sems can gang / /bsgos par gyur cing las bgyis pa'i/ /bag chags las dang
257b4 sems can dag /khyod kyis g.yo ba med par mkhyen/ /lha'i bu shi 'pho dang skye ba rig pas gsol pa/ bshes gnyen ji 'dra bsten bgyis shing / /las gang mngon par
257b5 'dus bgyis pa/ /'gro ba gang du mchis 'gyur ba/ /thub pa khyod kyis de yang mkhyen/ /lha'i bu dgongs pa la mkhas pas gsol pa/ las de yi ni bgyis pa gang / /dgos
257b6 pa khyod kyis rab tu mkhyen/ /gang gis slad du las bgyis pa'i/ /de yang ma lus rab tu mkhyen/ /lha'i bu dngos po la mkhas pas gsol pa/ dngos po gang dag dmigs pa
257b7 dang / /las gang mngon par 'du bgyis pa/ /thams cad mkhyen pas de mkhyen te/ /de ni sangs rgyas spyod yul lags/ /lha'i bu dngos po la rig pas gsol pa/ sems
258a1 can rnams kyi bsam mkhas pa/ /dngos de ji ltar chags pa dang / /de ni ji ltar grub pa yi/ /las de khyod kyis mngon par mkhyen/ /lha'i bu
258a2 shes pa la mkhas pas gsol pa/ shes pa gang gis dngos po de/ /brtags par gyur pa rab tu mkhyen/ /de la ji ltar chags gyur pa'ang / /thub pa khyed kyis
258a3 shin tu mkhyen/ /lha'i bu mngon par 'du byed pa la mkhas kyis gsol pa/ chags pa gang gis las de rnams/ /nyon mongs gang gis 'du bgyis pa'i/ /nyon mongs
258a4 de dag yang dag mkhyen/ /de bas khyod ni bdag gi mgon/ /lha'i bu 'gro ba la mkhas pas gsol pa/ 'gro ba gang du las gang gis/ /mchi zhing sgrib pa gang rnyed nas//
258a5 'bras bu thob par mi 'gyur ba/ /de kun spyan ldan khyod kyis mkhyen/ /lha'i bu dmigs pa la mkhas pas gsol pa/ 'gro ba dag tu skyes rnams kyi/ /gang gi las rnams
258a6 smin gyur pa'i/ /dmigs pa khyod kyis rab mkhyen te/ /de la khyod kyi blo gros 'jug /lha'i bu bag chags la mkhas pas gsol pa/ 'gro dang 'gro bar mi rnams kyis/
258a7 sngon chad bgyis pa'i sdig las dang / /de bzhin dge ba'i las rnams kyi/ /bag chags khyod kyis rab tu mkhyen/ /lha'i bu las la mkhas kyis gsol pa/ 'gro bar
258b1 'byung po thams cad kyi/ /rnyed dang gser dang slad ma dang / /las rnams gsum po khyod kyis mkhyen/ /de la so so'i skye bo 'khrul/ /lha'i bu rnam par smin pa la mkhas
258b2 kyis gsol pa/ chung zhing rnam smin che ba dang / /che zhing rnam smin chung ba dang / /chung ngam che 'am mnyam pa'ang rung / /de la mu stegs can rnams rmongs/ /lha'i bu las
258b3 la mkhas kyis gsol pa/ /tshe 'di'i las rnams gang lags dang / /skyes pa'i las rnams gang lags dang / /lan gsum gzhan gyi gang lags pa/ /de dag spyan ldan
258b4 khyod kyis mkhyen/ /lha'i bu tshe 'di la myong bar 'gyur ba la mkhas kyis gsol pa/ tshe 'di la ni gang bgyis pa'i/ /las kyi rnam smin mi gang dag /myong bar 'gyur ba
258b5 gang dag la/ /so so'i skye bo rmongs pa mkhyen/ /lha'i bu skyes nas myong bar 'gyur ba la mkhas kyis gsol pa/ gang gis las gang bsags gyur te/ /skyes nas rnam
258b6 par smin gyur pa/ /gang la 'jig rten gting mi rnyed/ /shes rab chen pos de yang mkhyen/ /lha'i bu lan grangs gzhan na myong bar 'gyur ba la mkhas kyis gsol
258b7 pa| las gang bskal pa bye ba yi/ /phyi dus rnam par smin 'gyur zhing / /dus gzhan dag ni yang 'byung ba/ /de dag yang dag nyid du mkhyen/ /lha'i bu yongs su ma smin pa
259a1 myong bar 'gyur ba la mkhas kyis gsol pa/ las rnams gang zhig bgyis gyur pa/ /yongs su smin par ma gyur na/ /de srid 'bras bu
259a2 mi 'byin pa/ /rkang gnyis mchog gis de yang mkhyen/ /lha'i bu yongs su ma smin pa myong bar 'gyur ba la rtog pas gsol pa/ las gang dang ni ldan pas na/ /sems
259a3 can 'di ni skyer 'gyur ba/ /pham pa med pas de mkhyen te/ /yongs su brtags nas rab tu mkhyen/ /lha'i bu yongs su smin pa myong bar 'gyur ba la mkhas pas
259a4 gsol pa/ las ni ji ltar yongs smin na/ /'bras bu dkar bar 'gyur ba mkhyen/ /de la stong par rnam par mkhyen/ /de la khyod kyi ye shes 'jug /lha'i bu yongs
259a5 su smin pa myong bar 'gyur ba la nges pas gsol pa/ thams cad mkhyen pas las kyi rnams/ /lci dang yang ba rab tu mkhyen/ /sems can bsam pa thugs su
259a6 chud| |de slad bcom ldan bdag gi bla/ /lha'i bu lci yang la mkhas kyis gsol pa/ las gang gis ni sems can rnams/ /ngan song mchi bar 'gyur ba dang / /
259a7 lci ba dang ni yang ba gzigs/ /de shes mkhyen pas rab tu mkhyen/ /lha'i bu sems can gyi spyod pa la mkhas kyis gsol pa/ sems can spyod pa nyer bzung zhing / /
259b1 las kyi lci dang yang ba dag /dpa' bo khyod kyis rab tu mkhyen/ /mu stegs can rnams de la rmongs/ /lha'i bu sems can gyi spyod pa la spyod pas gsol pa/ sems can
259b2 spyod pa spyad mdzad cing / /las kyi rnam par smin pa bstan/ /phor bu'i chu dang gang+gA'i chu/ /lan tshwas rnam par bstan pa bzhin/ /lha'i bu las la mkhas kyis gsol
259b3 pa| slob dang mi slob rnam par smin/ /rkang gnyis dam pa ston mdzad cing / /kun nas nyon mongs las myong nas/ /las ni zad par 'gyur ba bstan/ /lha'i bu sangs
259b4 rgyas kyi ye shes la reg par byed pas gsol pa/ sangs rgyas spyan gyis khams gsum na/ /las kyi 'bras bu bstan pa na/ /byis pa dag dang mkhas pa gzigs/ /
259b5 phra gzigs khyod la phyag 'tshal lo/ /lha'i bu las zad par byed pas gsol pa/ 'jig rten dag na rnam 'dren khyod/ /sems can rnams kyi shi 'pho dang / /skye ba kun
259b6 la ye shes 'jug /mkhyen pas 'jigs med phyag kyang 'tshal/ /lha'i bu dmigs pa med pa la spyod pas gsol pa/ 'chi 'pho ba dang skye dang las/ /'gro dang de bzhin
259b7 sems can dang / /rnam smin rmi lam 'drar bstan pa/ /'dren pa rkang gnyis mchog gis mkhyen/ /lha'i bu nyon mongs pa la rtog pas gsol pa/ /ji ltar rmi lam skom pa
260a1 zhi| |shin tu bsil ba'i chu 'thungs bzhin/ /rkang gnyis mchog khyod 'dod chags dang / /zhe sdang gti mug rnams kyang zad/ /lha'i bu yongs
260a2 su rtog pa dang bral bas gsol pa/ 'dod chags zhe sdang gti mug rnams/ /yongs su rtog las skyes pa ste/ /rmi lam dga' bar rtse ba bzhin/ /smra mchog khyod
260a3 la phyag kyang 'tshal/ /lha'i bu yongs su rtog pa zhi bar byed pas gsol pa/ yongs su rtog pa rab zhi bas/ /nyon mongs zad pa rab bstan te/ /rmi lam na ni
260a4 sprin med ltar/ /mi mchog khyod kyis rab tu bstan/ /lha'i bu zag pa la rtog pas gsol pa/ rmi lam char chen 'bab pa ltar/ /de bzhin zag pa rnams
260a5 'byung bar/ /zag pa 'byung ba mkhas pa po/ /dpa' bo chen po khyod kyis bstan/ /lha'i bu rmi lam rtog gis gsol pa/ rmi lam char chen 'bab pa ltar/ /de
260a6 bzhin zag pa rnams 'byung ste/ /nor ba rnams la zag 'byung bar/ /dpa' bo chen po khyod kyis bstan/ /lha'i bu ji lta ba bzhin du rtog pas gsol pa/ ji
260a7 ltar bu mo'i rmi lam na/ /bu zhig byung la shi 'phos na/ /dga' dang sdug bsngal tshor 'gyur ba/ /de bzhin 'gro ba khyod kyis gzigs/ /lha'i bu rmi lam
260b1 rtog pas gsol pa/ rmi lam dag na mgo bcad bzhin/ /khyod kyis zag pa zad pa gzigs/ /de ni mkhas pa rnams la bstan/ /thams cad gzigs la phyag kyang 'tshal//
260b2 lha'i bu blo gros nges par rtogs kyis gsol pa/ chos kun mkhyen pa khyod kyis ni/ /ji ltar rmi lam mdza' phrad dang / /bral ba yang dag ma mchis gzigs/ /'gro ba ji bzhin
260b3 tshim par mdzad/ /lha'i bu ye shes yid kyis gsol pa/ khyod kyis dam pa'i chos ston pa/ /thos nas yid ni dga' 'gyur te/ /rmi lam dag na rmi bstan bzhin/ /de ltar rgyal
260b4 pas bstan par mdzad/ /lha'i bu yongs su dga' ba'i yid kyis gsol ba/ me long gzugs brnyan snang ba bzhin/ /'gro ba mtha' dag gzigs pas na/ /bsam gtan
260b5 mnga' ba khyod la ni/ /lhar bcas 'jig rten yid kyang dga'/ /lha'i bu blo gros nges pas gsol pa/ thub pa pi wang sgra 'dra ba'i/ /khyod kyi dam chos thos gyur na/ /lha'i bu rnams
260b6 kyang the tshom bor/ /rgyal ba mchog la phyag kyang 'tshal/ /lha'i bu sgyu mas tshim gyis gsol pa/ sgyu ma'i mkhan pos sgyu ma dag /byis pa rmongs byed yongs bstan na/ /mi mkhas
260b7 de la rmongs par 'gyur/ /sgyu ma bzhin du khyod kyis bstan/ /lha'i bu sprul pa la sems kyis gsol pa/ ji ltar rmi lam sgyu mthong ba/ /de ltar khyod kyis 'gro ba gzigs/ /
261a1 mgon po'i bstan pa de thos nas/ /bdag cag the tshom ma mchis so/ /lha'i bu sgyu ma las nges par byung gis gsol pa/ sgyu ma'i mkhan
261a2 pos sgyu sprul kyang / /sgyu ma lags par 'tshal bas na/ /de la rmongs par 'gyur ma mchis/ /de bzhin khyod kyis 'gro ba gzigs/ /lha'i bu rtogs pa'i rjes su rtogs
261a3 kyis gsol pa/ ji ltar brtson pas rmi lam na/ /sangs rgyas sku gzigs brtags pa bzhin/ /de ltar rtog pas 'jig rten bskyed/ /rnam par 'dren pa khyod kyis gzigs
261a4 lha'i bu kun tu rtog pa 'joms gyis gsol pa/ kun rtog 'dod chags rgyu las te/ /'dod chags dngos pos bskyed ma lags/ /rtog pa ngan las 'dod chags byung / /de
261a5 ni rnam 'dren khyod kyis gzigs/ /lha'i bu yongs su shes pa dang ldan pas gsol pa/ ri sul dag na sgra byung ba/ /brag ca sems can sgra ma lags/ /de bzhin 'jig
261a6 rten khyod kyis gzigs/ /de slad 'jig rten chags mi mnga'/ /lha'i bu ston pa la mkhas pas gsol pa/ sgra ni gang yang ma mchis te/ /sgra ni brag ca 'dra ba lags/ /'on
261a7 kyang mi dbang khyod kyis bstan/ /byis pa mang po rab tu btsud/ /lha'i bu nan tan la mkhas pas gsol pa/ chos rnams don ni gzhan lags kyang / /byis pa rnams kyis
261b1 gzhan du brtags/ /nan tan chos las shes par gyis/ /de la bdag ni the tshom chad/ /lha'i bu don gyi rjes su 'brang bas gsol pa/ chos don yang dag gang lags pa/ /de ni
261b2 sus kyang ma rtogs shing / /sus kyang ma bstan 'tshal ma gyur/ /de skad thub pa'i mchog gis gsungs/ /lha'i bu chos kyi brda rtogs pas gsol pa/ zag dang dri ma nyon mongs
261b3 dang / /bag chags dang ni rtogs dang rtog /kun nas nyon mongs rnam dag pa/ /thub pa brda yi tshig kyang lags/ /lha'i bu kun tu rtog pa la mkhas pas gsol pa/ kun nas
261b4 nyon mongs rnam dag dang / /zag pa dag dang nyon mongs dang / /ngag dang bshad dang nye du dang / /ston pa 'di kun ming tsam lags/ /lha'i bu mi gnas pa'i blo gros kyis gsol
261b5 pa| khams gsum rnams la ma chags te/ /nam mkha' 'dra ba'i thugs mnga' ba/ /bral bar gyur cing sbyin pa'i gnas/ /zhi ba'i sems la phyag kyang 'tshal/ /lha'i bu ma
261b6 gos pas gsol pa/ thub pa khyod kyis thugs yid ni/ /gzugs dang gzugs med mi gnas shing / /'dod dang mya ngan 'das pa la/ /gnas pa ma mchis bar snang 'dra/ /lha'i
261b7 bu re ba med pas gsol pa/ 'dod pa'i khams la re ba spangs/ /gzugs dang gzugs med gnyi gar min/ /'du 'dzi dag dang bral gyur ba/ /sred zad khyod la phyag kyang
262a1 'tshal| |lha'i bu sred pa byung bas gsol pa/ 'byung ba dag dang 'jig pa la/ /khyod kyi sred pa yang dag chad/ /khams gsum kun la
262a2 chags mi mnga'/ /rnam par 'dren la phyag kyang 'tshal/ /lha'i bu sred pa zil gyis gnon gyis gsol pa/ 'jig rten 'di dag zil mnan nas/ /khyu mchog dam pa
262a3 spyod mdzad cing / /sems can 'jig rten sgrol mdzad pa/ /thugs brtse khyod la phyag kyang 'tshal/ /lha'i bu sred pa dang bral gyis gsol pa/ kun tu sbyor dang bral ba
262a4 ste| |yang srid bas pas zhir gyur ba/ /dag pa'i bdag nyid dag pa'i sems/ /dus dang bral la phyag 'tshal lo/ /lha'i bu ji lta ba bzhin du rig pas gsol pa/ chos
262a5 rnams thams cad dngos med pa/ /ji bzhin dpa' bo khyod kyis mkhyen/ /bcings pa ma mchis grol ma mchis/ /yang dag gzigs la phyag kyang 'tshal/ /lha'i bu
262a6 'dam las brgal bas gsol pa/ 'dod pa'i 'dam las brgal ba ste/ /srid pa'i 'dam las de bzhin brgal/ /gzigs pa mi mnga' len mi mnga'/ /yang srid
262a7 brgal la phyag kyang 'tshal/ /lha'i bu zang zing spangs kyis gsol pa/ zang zing spangs shing dri ma spangs/ /re ba spangs shing sdig pa'ang spangs/ /sangs rgyas sgrib pa
262b1 rnams spangs pa/ /don rtogs khyod la phyag kyang 'tshal/ /lha'i bu re ba spangs kyis gsol pa/ don dang don ma lags pa spangs/ /chags pa mi mnga' nges rtogs pa/ /bdud
262b2 kyi zhags las rnam 'das pa/ /len med khyod la phyag kyang 'tshal/ /lha'i bu phan par 'dod pas gsol pa/ bdag nyid dang ni gzhan rnams kyi/ /lam gang nyon mongs
262b3 rim med pa/ /sgrib pa med par gzigs pa po/ /dpa' chen khyod kyis de yang gzigs/ /lha'i bu grags pa thob kyis gsol ba/ 'dren pa 'jig rten rnam grags pa/ /
262b4 khyod kyis mkhyen la brtson pa rnams/ /ji skad bstan bzhin rab rtog na/ /nyon mongs rnams ni nub par 'gyur/ /lha'i bu 'jigs pa med pas gsol pa/ chos rnams
262b5 kun la nges pas na/ /bsngo ba gang yang yong ma gzigs/ /ye shes rgya mtsho mi bsnyengs par/ /seng+ge'i sgra ni sgrog par mdzad/ /lha'i bu gang nas kyang 'jigs pa med pas
262b6 gsol pa/ 'jigs pa kun las yang dag brgal/ /zug rngu thams cad kun tu ston/ /bsnyengs pa mi mnga' zhum mi mnga'/ /thams cad zil gnon phyag kyang 'tshal/ /
262b7 lha'i bu gnas med kyis gsol pa/ lha rnams dang ni dri za dang / /bdud dang tshangs par bcas pa yis/ /khyod kyi chos la brgal mi nus/ /de bas khyod la bsnyengs mi mnga'//
263a1 lha'i bu seng+ge'i rtsal gyis gsol pa/ chos rnams thams cad yongs mkhyen pas/ /sangs rgyas gyur la 'jigs mi mnga'/ /bdag la chos
263a2 kyis sus rgol zhes/ /bde gshegs khyod la dogs mi mnga'/ /lha'i bu skrag med kyis gsol pa/ seng+ge ri sul gnas pa ni/ /'jigs pa ma mchis skrag ma mchis/ /
263a3 ri dwags phra mo yongs btul te/ /spa bkong gnas na nga ro sgrog /de bzhin thams cad mkhyen pa yang / /mu stegs can rnams yongs skrag ste/ /lha klu dri za'i 'jig rten na/ /
263a4 mtshungs med gzigs nas gsung yang sgrog /lha'i bu thams cad zil gyis gnon gyis gsol pa/ 'jig rten rnam 'dren 'jig rten na/ /sangs rgyas nyid la bsngo
263a5 bgyid pa/ /'jig rten gsum na ma mchis te/ /des na rgyal ba bdag gi skyabs/ /lha'i bu seng+ge'i blo gros kyis gsol pa/ thams cad mkhyen pa thams cad gzigs//
263a6 chos rnams kun la 'jigs mi mnga'/ /khyod 'dra 'jig rten ma mchis te/ /cis mi bsnyengs la phyag kyang 'tshal/ /lha'i bu rjes su mthun par skyes kyis gsol pa/
263a7 sangs rgyas nyid du dam bcas na/ /'di na khyod la rgol ma mchis/ /'jig rten 'dren pa chos kyis ni/ /khyod la gang rgol de ma mchis/ /lha'i bu mdzod 'dzin gyis
263b1 gsol pa/ seng+ge'i nga ro gsung bsgrags te/ /khyod kyi chos kyi mdzod bzung bas/ /srog chags bye ba stong dag gis/ /byang chub mchog tu sems kyang skyes/ /lha'i bu brtul zhugs
263b2 rjes su mthun gyis gsol pa/ sangs rgyas rjes mthun brtul zhugs can/ /dpal chen de dag thob chen thob/ /byang chub mchog tu sems btud cing / /gang zag mchog tu
263b3 de dag 'gyur/ /lha'i bu rjes su mthun pa'i chos la dga' bas gsol pa/ khyod kyi bstan pa sus thos te/ /byang chub mchog tu sems btud pa/ /de dag 'jig rten sems
263b4 can che| |gang zag mchog tu de dag 'gyur/ /lha'i bu sems dag pas gsol pa/ 'jig rten dag na rgol med pa'i/ /rdzogs pa'i sangs rgyas gsung thos nas/ /srog chags
263b5 bye ba stong dag gis/ /byang chub mchog tu sems kyang bskyed/ /lha'i bu sems rgyun yongs su dag pas gsol pa/ yun ring dus na mi dbang gis/ /sangs rgyas bslab
263b6 la legs bslab pas/ /de slad khyod ni thugs rgyud dag /mtshan rab sum cu gnyis dang ldan/ /lha'i bu zag pa med pa'i yid kyis gsol pa/ zag pa zad pa'i sangs
263b7 rgyas kyis/ /seng+ge'i nga ro bsgrags mdzad de/ /dam bcas pa la mngon bzhugs na/ /rgol ba 'di na yong ma mchis/ /lha'i bu de kho na'i rjes su song bas gsol pa/ khyod kyi
264a1 gsung la smra 'gyur ba'i/ /lha dang lha bu mi dag ni/ /'jig rten gsum na ma mchis te/ /des na thub pa stobs dang ldan/ /lha'i bu zag pa
264a2 zad pa la mkhas pas gsol pa/ dge sbyong dam pa'i zag pa ni/ /ma lus yongs su bas pa ste/ /'di na khyod la rgol ma mchis/ /des na sangs rgyas bdag gi pha/ /lha'i
264a3 bu rtag tu brtson gyis gsol pa/ khyod la nyon mongs lus so zhes/ /mi dbang khyod la gang rgol ba/ /rnam pa kun tu mi dmigs te/ /des na sangs rgyas bsnyengs mi
264a4 mnga'| |lha'i bu sems zhi bas gsol pa/ 'dod chags zhe sdang zhi ba ste/ /gti mug bag chags bcas par zhi/ /nyes spyod las kyang zhi bas na/ /sems zhi khyod la
264a5 phyag 'tshal lo/ /lha'i bu rnal 'byor spyod pas gsol pa/ rnal 'byor gang gis nyon mongs gang / /bas par 'gyur ba lta ba'i tshe/ /de la khyod kyis mkhyen kun 'jug /
264a6 des na khyod la phyag kyang 'tshal/ /lha'i bu rnal 'byor la mkhas pas gsol pa/ 'dren pas gang la bslab pa yi/ /rnal 'byor tshogs ni mtha' yas te/ /thams cad
264a7 mkhyen pa de slad du/ /nyon mongs thams cad ma lus bsal/ /lha'i bu rnal 'byor blo gros kyis gsol pa/ 'jig rten sgron ma khyod kyi blo/ /rnal 'byor las ni nyams
264b1 ma mchis/ /des na khyod kyis nyon mongs kun/ /bag chags bcas par yongs su btsal/ /lha'i bu zhi ba rig pas gsol pa/ nyon mongs thams cad zhi gyur nas/ /bag
264b2 chags ma lus yongs su bsal/ /bsnyengs pa mi mnga' rgyal sras dang / /cis kyang mi bsnyengs spyod pa mdzad/ /lha'i bu zad pa la rtog pas gsol pa/ thub pa thams cad
264b3 mkhyen pa khyod/ /nyon mongs bag chags bcas par bas/ /'jig rten sgron ma khyod la ni/ /mtshungs pa gang yang mi dmigs so/ /lha'i bu bag la nyal phyung gis gsol
264b4 pa| khyod kyis bag chags ma lus bsal/ /khyod la skyon dri yong ma mchis/ /de slad sangs rgyas thams cad mkhyen/ /lha rnams kun gyi thub pa'i thub/ /lha'i bu mtha' la gnas
264b5 pas gsol pa/ zag pa rnams ni spangs pas na/ /skye ba yang skye ma lags te/ /thub khyod skye ba tha ma pa/ /des na mgon po bsnyengs mi mnga'/ /lha'i bu tshad srung gis gsol
264b6 pa| dpa' bo khyod kyis sa bon spangs/ /sdug bsngal myu gu tshig par gyur/ /mya ngan 'khri shing rnam par bskams/ /gdung ba med la phyag kyang 'tshal/ /lha'i bu shing thags
264b7 bton gyis gsol pa/ thub pa thams cad mkhyen pa khyod/ /ma rig shing thags rnams kyang bsal/ /sangs rgyas spyod pa rnam par sbyangs/ /de bas tshon pa bsnyengs mi
265a1 mnga'| |lha'i bu srid pa'i pha rol tu song bas gsol pa/ srid pa'i mtsho las yang dag brgal/ /rnam par 'dren pa bya ba byas/ /khyod kyis snang
265a2 ba yang dag phyung / /'jigs med khyod ni don kyang grub/ /lha'i bu mya ngan las 'da' bar 'gro bas gsol pa/ thams cad mkhyen pa zhir gyur pa/ /nyon mongs thams
265a3 cad rab tu bshig /bag chags rdul tsam yong mi mnga'/ /mgon po khyod la phyag kyang 'tshal/ /lha'i bu chos kyi rgyal mtshan gyis gsol pa/ khyod kyis chos kyi rgyal
265a4 mtshan bsgrangs/ /nga rgyal rgyal mtshan rab tu bsnyal/ /chos kyi lam srang mtha' yas pa/ /dpa' bo chen po khyod kyis bstan/ /lha'i bu chos kyi 'byung gnas kyis gsol
265a5 pa| sangs rgyas chos kyi 'byung gnas so/ /thub pa chos rnams kun mkhyen pa/ /sems can kun gyi dge bshes gnyen/ /ye shes gtso la phyag kyang 'tshal/ /lha'i
265a6 bu chos kyi gos can gyis gsol pa/ khyod kyi sras po 'jigs med pa/ /seng+ge'i nga ro rnam sgrog kyang / /rgyal sras de dag chog med cing / /sangs rgyas chos kyi don gyis
265a7 bsgom| |lha'i bu chos don du gnyer bas gsol pa/ sangs rgyas chos rnams don gnyer bar/ /khyod kyis sras rnams sems bskyed cing / /khyod kyis mi 'jigs thos
265b1 gyur nas/ /mkhas pa de dag byang chub tshol/ /lha'i bu chos kyis skom gyis gsol pa/ khyod kyis mi 'jigs thob gyur nas/ /sangs rgyas chos rnams btsal ba'i phyir/ /srog chags
265b2 bye ba skom gyur te/ /brtson 'grus brtan pa rab tu brtson// //bam po bcu gcig pa/ lha'i bu chos kyi 'phags kyis gsol pa/ sangs rgyas chos kyis mngon 'phags shing / /'jigs
265b3 pa med par 'dul mdzad pa'i/ /gsung ba'i mchog gyur khyod mthong nas/ /brtul zhugs mchog can byang chub tshol/ /lha'i bu chos 'dzin gyis gsol pa/ thub pa zab
265b4 cing blta dka' ba'i/ /chos ni khyod kyis rab bstan pa/ /khyod kyi sras kyis thos gyur nas/ /de dag bla med byang chub tshol/ /lha'i bu lta ba med pas gsol pa/ khyod kyis
265b5 seng+ge'i gsung thos nas/ /khyod kyi sras po dpa' nges pa/ /lus dang srog la mi lta bar/ /byang chub don du gnyer bar bgyid/ /lha'i bu gzhan du mi sems pa'i blo gros kyis
265b6 gsol pa/ thub pa bsnyengs pa mi mnga' ba/ /khyod kyi dam chos 'dir thos nas/ /gzhan du sems pa ma mchis par/ /brtul zhugs mchog can byang chub tshol/ /lha'i bu
265b7 gzhan du mi 'gro bas gsol pa/ mi dbang khyod kyi gsung thos nas/ /theg pa gnyis po spangs bgyis shing / /lam gzhan du ni mi mchi bar/ /bla na med pa'i byang chub tshol//
266a1 lha'i bu nye bar gnas kyis gsol pa/ seng+ge'i nga ro 'di bsgrags pa/ /rgyal ba'i sras kyis thos gyur nas/ /byang chub mchog la nyer gyur
266a2 cing / /de dag rkang gnyis dam par 'gyur/ /lha'i bu spobs pa nye bar gyur pas gsol pa/ grags chen khyod kyis gsung brjod pa'i/ /spobs pa de ni thos gyur nas/ /sangs
266a3 rgyas chos la khyod kyi sras/ /kun kyang dga' ba rab tu skyes/ /lha'i bu spobs pa thob pas gsol pa/ 'jigs med khyod kyis gsung bsgrags pa/ /ma smad sras kyis thos
266a4 gyur na| |de dag spobs pa nam du yang / /sangs rgyas nyid las phyir mi ldog /lha'i bu rtag tu rab dgas gsol pa/ 'jigs med khyod kyis gsung bsgrags pas/ /stobs
266a5 chen khyod kyi sras kyi rnams/ /rtag tu rab tu dga' gyur cing / /ma smad de dag byang chub tshol/ /lha'i bu yid zhum pa med pas gsol pa/ khyod kyis gsung bsgrags thos
266a6 gyur nas/ /rkang gnyis dam pa khyod kyi sras/ /dga' zhing zhum pa ma mchis par/ /byang chub mchog ni tshol bar bgyid/ /lha'i bu thogs med yid kyis gsol pa/ khyod
266a7 kyis gsung bsgrags thos pas na/ /sems rangs gyur cing yid dga' ste/ /de dag yid ni nam du yang / /byang chub nyid du thogs ma mchis/ /lha'i bu chos la bar chad
266b1 med la mkhas pas gsol pa/ chos rnams gang la brten bgyis kyang / /dkar po'i phyogs dag mi 'grib cing / /de yi bar chad mi 'gyur ba'i/ /gnas ni thub pa khyod kyis
266b2 mkhyen| |lha'i bu chos nges par bstan pa la mkhas pas gsol pa/ dkar po'i phyogs la spyod pa la/ /bar chad 'byung bar mi 'gyur zhing / /gnas kyang med par thub pas
266b3 mkhyen| |des na ston pa bsnyengs mi mnga'/ /lha'i bu chos kyi ngo bo nyid la mkhas pas gsol pa/ dge la kun nas nyon mongs pa/ /nag po'i phyogs kyi rang bzhin te/ /khyod kyi
266b4 thugs ni des mi gos/ /gnas kyang med par thub pas mkhyen/ /lha'i bu rigs pa la mkhas pas gsol pa/ nag po'i chos ni nam du yang / /dkar po'i chos dang mi 'grogs
266b5 par| |rigs par bcom ldan khyod kyis gsungs/ /des na bcom ldan bdag gi bla/ /lha'i bu dge ba dang mi dge ba rig pas gsol pa/ chos rnams thams cad ma 'dres pa//
266b6 dpa' bo chen po khyod kyis mkhyen/ /kun nas nyon mongs brtags pas na/ /dkar po'i phyogs las 'grib par 'gyur/ /lha'i bu lam la mkhas pas gsol pa/ kun nas
266b7 nyon mongs spyod pa la/ /dkar po'i phyogs ni mi 'byung ste/ /de ltar 'tshal bar ma gyur la/ /bar chad du ni 'gyur bar gsungs/ /lha'i bu thar pa 'dod kyis gsol pa/ nag
267a1 po'i phyogs la brten bgyid na/ /thar par 'dod pa mang po yi/ /bar du gcod par 'gyur zhes gsungs/ /des na rgyal khyod thams cad mkhyen//
267a2 lha'i bu dag pa'i sems kyis gsol pa/ sems grol bgyi bar gang 'tshal bas/ /kun nas nyon mongs shes bya zhes/ /dpa' bo chen po khyod kyis gsungs/ /de khyod
267a3 'jig rten mchod rten lags/ /lha'i bu nyon mongs mthong gis gsol pa/ kun nas nyon mongs spyod bgyid pa/ /kun nas nyon mongs ma 'tshal na/ /dam pa'i chos ni
267a4 shes mi nus/ /de skad bde bar gshegs pas gsungs/ /lha'i bu sdig mthong gis gsol pa/ sdig pa rnams la brten byas kyang / /dge ba mi 'grib gang smra ba/
267a5 de ni thar chos skal med ces/ /rkang gnyis dam pa khyod kyis gsungs/ /lha'i bu gdul bar bya bas gsol pa/ chags pa gdul bar gang 'dod dang / /zhe sdang gti
267a6 mug gdul 'dod pas/ /thub pa'i spobs pa ci 'dra ba/ /de lta bu ni nan tan bgyi/ /lha'i bu kun nas nyon mongs pa dag pas gsol pa/ dag dang kun nas nyon mongs pa/ /mi
267a7 mkhas gang rnams mi shes pa/ /de dag ston pa sangs rgyas min/ /de skad drang srong mchog gis gsungs/ /lha'i bu thar pa la brtson pas gsol pa/ nyon mongs 'grib
267b1 par 'gyur ba'i chos/ /rgyal ba yis ni gang bstan pa/ /de brten nyon mongs mi zad ces/ /khyod la rgal ba yong ma mchis/ /lha'i bu thar pa la mngon par phyogs pas gsol
267b2 pa| chos gang nyon mongs gang gi rnams/ /zad 'gyur thub pas bstan pa la/ /yang dag brtson byas mi zad ces/ /rgol ba 'di na yong mi dmigs/ /lha'i bu rnal 'byor la
267b3 brtson pas gsol pa/ rgyal ba khyod kyis nyan thos la/ /gang gi don du chos bstan pa/ /de brtson bgyis pas mi thob ces/ /'di na khyod la rgol ma mchis/ /lha'i bu mi 'jigs
267b4 dpal gyis gsol pa/ 'dod chags spang phyir mi sdug pa/ /bstan la yang dag brtson bgyis na/ /'dod chags zad par mi 'gyur zhes/ /khyod la rgol ba yong ma mchis/ /
267b5 lha'i bu 'gro ba med pa rab tu shes kyis gsol pa/ shin tu bsnyengs pa mi mnga' ba/ /zhe sdang spang phyir byams gsungs pa/ /de bsgrubs sel bar mi 'gyur zhes/ /dgra
267b6 'joms khyod la rgol ma mchis/ /lha'i bu mig rnam par dag gis gsol pa/ /shes rab gti mug spang ba'i phyir/ /gsungs pa de la brten bgyis kyang / /gti mug sel
267b7 bar mi 'gyur zhes/ /'di na khyod la rgol ma mchis/ /lha'i bu rnam par rtog pa 'joms kyis gsol pa/ rnam par rtog pa'i gnyen por ni/ /dbugs 'byung rngub pa dran
268a1 gsungs pa/ /de la brtson bgyis mi zhi zhes/ /'di na khyod la rgol ma mchis/ /lha'i bu mtshan ma med pa lhur len pas gsol pa/ nga'o
268a2 snyam pa spang slad du/ /stong nyid khyod kyis bka' stsal te/ /des ni de zhi mi 'gyur zhes/ /'di na khyod la rgol ma mchis/ /lha'i bu nga'o snyam pa'i nga rgyal spangs kyis
268a3 gsol pa/ nga snyam nga rgyal spang slad du/ /mtshan ma med pa khyod kyis gsungs/ /bstan kyang zhi bar mi 'gyur zhes/ /'di na khyod la rgol ma mchis/ /lha'i bu sems
268a4 rgyud rnam par dag pas gsol pa/ lhag pa'i bsam pa dag pa yis/ /nyon mongs thams cad 'jig par 'gyur/ /des ni nyon mongs mi zad ces/ /'di na khyod
268a5 la rgol ma mchis/ /lha'i bu 'du shes rnam par bshig gis gsol pa/ phyogs dang gnyen po'i rnam pa dang / /nyon mongs lam dang lam 'jug pa/ /'jigs
268a6 pa med par rgol ba na/ /thub pa chen po ma mthong ngo / /lha'i bu tha snyad shin tu shes pas gsol pa/ bcom ldan phyogs dang phyogs min dang / /zad dang ma zad tha snyad
268a7 tsam| |'jigs pa ma mchis rgol bgyid pa/ /thub pa de ni ming tsam mo/ /lha'i bu lus kyi las dul bas gsol pa/ mkhyen pas yongs su mkhyen gyur nas/ /khyod kyi
268b1 sku yi 'phrin las 'jug /thams cad ma lus mkhyen pas na/ /des na 'dren pa thams cad mkhyen/ /lha'i bu lus kyi las yongs su shes pas gsol pa/ sems can
268b2 rnams la thugs brtse bas/ /dpa' khyod sku yi 'phrin las ni/ /mtha' dag shin tu nges pa lags/ /'jig rten mgon la phyag kyang 'tshal/ /lha'i bu lus kyi las shin
268b3 tu nges pas gsol pa/ sku yi 'phrin las rab nges par/ /lus can kun la sman slad du/ /'jig rten sgron ma khyod mdzad de/ /des na khyod ni gang zag mchog /lha'i bu
268b4 lus kyi las kyi mtha' shin tu mthong bas gsol pa/ sems can kun la sman slad du/ /'dren pa thams cad mkhyen pa ni/ /sku yi 'phrin las dag pa dang / /legs par
268b5 yongs su brtags dang ldan/ /lha'i bu lus kyi las kyi mtha' shin tu mnyam par bzhag pas gsol pa/ shin tu mnyam par bzhag sku dang / /sku yi 'phrin las dag pa
268b6 dang / /ldan par sems can bde don du/ /gang zag mchog ni spyod pa mdzad/ /lha'i bu tshig grub kyis gsol pa/ snyan cing yon tan ldan pa dang / /rtsub pa yongs su spangs
268b7 ba'i gsung / /mkhyen pas shin tu yongs brtags shing / /mgon po khyod ni gsung ba mdzad/ /lha'i bu dus su smra bas gsol pa/ dus su don dang ldan pa dang / /don
269a1 med yongs su spangs pa'i gsung / /gzung bar 'os dang blang 'os pa/ /'dren pa khyod ni gsung ba mdzad/ /lha'i bu sdums byed blo gros kyis
269a2 gsol pa/ dbyen du 'gyur ba yongs spangs te/ /'dum par 'gyur dang yid 'ong ba/ /dbyen med 'bras bu rnam par smin/ /sngon chad khyod kyis gsung du brjod/ /lha'i bu
269a3 mi slu bas gsol pa/ srog gi don du'ang khyod kyis ni/ /srid pa rnams su rdzun ma gsungs/ /de bas khyod kyi grags pa kun/ /'jig rten dag na thogs ma mchis/ /lha'i
269a4 bu yang dag par smra bas gsol pa/ 'di ltar 'gro ba thams cad kyang / /sangs rgyas chos rnams btsal slad du/ /thub pa'i gsung la bstod pa ni/ /yang dag gsungs
269a5 ba'i rgyu mthun lags/ /lha'i bu yang dag pa'i mtha' las nges par byung gis gsol pa/ mi mchog khyod kyi bden pa yis/ /rdzogs pa'i byang chub 'di bsgrubs te/ /
269a6 chos kyi yang dag rang bzhin yang / /rkang gnyis dam pa khyod kyis mkhyen/ /lha'i bu yang dag pa la brtul bas gsol pa/ 'dus byas dag ni chos kyi rnams/ /yang dag
269a7 ji bzhin lta ba dang / /chos rnams yang dag mtshan nyid kyang / /mi yi dbang bos rab tu mkhyen/ /lha'i bu las la rtog pas gsol pa/ ye shes yongs su dag pa yis/ /
269b1 bdag nyid dang ni gzhan dag gi /tshig gi las kyang rab tu mkhyen/ /des na rgyal ba mnyam ma mchis/ /lha'i bu yid la rtog pas gsol pa/ mi yi dbang po'i thugs kyi
269b2 las| |ji snyed gang dag 'jug pa ni/ /de dag 'gro ba thugs rjes 'jug /'gro phan khyod la phyag kyang 'tshal/ /lha'i bu yid kyi rnam par rtog pa la mkhas pas gsol pa /
269b3 'gro ba thugs rje bskyed nas ni/ /gang la khyod ni spyod mdzad pa/ /de la thugs ni dul bar byung / /'gro phan khyod la phyag kyang 'tshal/ /lha'i bu thabs la mkhas pas gsol
269b4 pa| 'gro ba'i bsam pa rnam dpyod nas/ /rnam 'dren thugs kyi 'phrin las 'jug /thub pa ye shes sna tshogs ni/ /mkhyen bzhin kun tu rab tu 'jug /lha'i bu yid rnam par
269b5 bshig gis gsol pa/ sangs rgyas sa dang yid kyi las/ /sems can thugs rjes gzigs pas 'byung / /sangs rgyas nyid la ye shes thabs/ /rang bzhin med par
269b6 rab tu mkhyen/ /lha'i bu 'das pa la mkhas pas gsol pa/ sbyin dang tshul khrims bzod pa dang / /brtson 'grus bsam gtan dag la yang / /gang gis gang la mngon
269b7 spyad pa| |sngon gyi dus kyang rab tu mkhyen/ /lha'i bu 'das pa la rtog pas gsol pa/ byang chub mchog ni tshol mdzad cing / /gang drung khyod kyis sngon spyad pa/ /sngon gyi spyod pa
270a1 yongs brtags nas/ /sangs rgyas bye ba rab tu mkhyen/ /lha'i bu sngon gyi tshul phun sum tshogs pas gsol pa/ bskal pa bye ba grangs
270a2 med du| |gang du khyod kyis sngon spyad pa/ /sngon gyi tshul ni dgongs mdzad kyang / /khyod kyi thugs yid thogs mi mnga'/ /lha'i bu sngon gyi tshul la yongs su rtog pas
270a3 gsol pa/ sangs rgyas mang las byung ba yi/ /ting 'dzin mngon par bsgrub bya ba/ /sangs rgyas bye ba grangs med la/ /rnam pa 'dren pa khyod kyis zhus/ /lha'i bu sngon gyi
270a4 sbyor ba las nges par byung gis gsol pa/ sngon gyi sangs rgyas drung dag tu/ /grangs med dpag tu med pa yi/ /ting 'dzin sgo dag 'dren pa yis/ /zhus shing sgom pa
270a5 mdzad par 'gyur/ /lha'i bu sngon gyi gnas la rtog pas gsol pa/ 'khor ba'i nyes pa rab mang dang / /bkur sti rnam pa sna tshogs dag /gzigs pas sems can
270a6 rnams la ston/ /sems can long ba rnams kyang 'grel/ /lha'i bu sngon gyi dus na 'phrul pas gsol pa/ gzhan dang gzhan dag zos shing 'tshal/ /rtse zhing rab tu dga'
270a7 ba bgyis/ /gnod pa mi zad bgyis pa dag /gzhan dang gzhan yang khyod kyis gzigs/ /lha'i bu sngon gyi spyod pas yang dag par byung gis gsol pa/ thams cad mkhyen pa
270b1 'gro rtogs pa/ /khyod kyi ye shes 'das dus kyi/ /las dang bsam gtan snyoms 'jug dang / /'gro ba rnams la thogs ma mchis/ /lha'i bu phyi ma'i mtha' la mkhas pas
270b2 gsol pa/ 'dren pa khyod kyi mkhyen pa ni/ /ma 'ongs dus kyi 'chi 'pho dang / /skye dang las kyi rnam smin la/ /thogs par 'gyur ba ma mchis so/ /lha'i bu ma 'ongs pa'i spyod
270b3 yul gyis gsol pa/ brtan pa 'gro ba mkhas khyod kyi/ /mkhyen pa phyi dus sems can gyi/ /bsam dang las kyi 'bras bu dang / /'gro ba rnams la thogs ma mchis/ /lha'i
270b4 bu srid pa las bskyod kyis gsol pa/ khams rnams gsum po 'di dag dang / /dus gsum kun la mkhas khyod kyi/ /ye shes mchog ni mi chags te/ /srid pa'i spyod yul
270b5 khyod kyis mkhyen/ /lha'i bu tha snyad la spyod pas gsol pa/ las dang sems can 'gro ba dang / /rnam par smin pa myong ba dag /de dag thams cad ming tsam du/ /rkang gnyis
270b6 dam pa bstan pa mdzad/ /lha'i bu da ltar byung ba la yang dag par rtog pas gsol pa/ dpa' bo khyod kyi mkhyen pa ni/ /da ltar byung ba thogs ma mchis/ /grangs med
270b7 sangs rgyas zhing rnams ni/ 'jig rten mgon po rab tu mkhyen/ /lha'i bu da ltar byung ba la rnam pa dpyod pas gsol pa/ mi yi dbang pos rnam dpyad nas/ /byis pa'i blo gros rmongs
271a1 bgyis pa/ /dus gsum dngos po ma mchis par/ /nges par mnyam pa nyid du gzigs/ /lha'i bu mi gnas pa'i blo gros kyis gsol pa/
271a2 dus gsum gnas pa ma mchis shing / /ngo bo nyid la mi gnas te/ /dngos po thams cad dngos med par/ /rnam par 'dren pa khyod kyis gzigs/ /lha'i bu dus
271a3 gsum mngon par bskul bas gsol pa/ 'das pa dag dang ma 'ongs dang / /da ltar byung ba'i phung po rnams/ /ma mchis dngos po ma mchis par/ /skyes bu dam pas bstan
271a4 pa mdzad/ /lha'i bu chags med yid kyis gsol pa/ dus gsum sems can thams cad la/ /snying po mchis par ma bstan te/ /sgyu ma smig rgyu mig yor dang / /brag
271a5 ca lta bur khyod kyis bstan/ /lha'i bu dus gsum dpog gis gsol pa/ 'dren pa khyod kyis mkhyen pa ni/ /dus gsum po dag kun tu yang / /sgyu ma lta bur mkhyen pa na/ /
271a6 khyod kyi dbang po chags mi mnga'/ /lha'i bu mos pa yongs su rig par byed kyis gsol pa/ gang gi nub mo dpa' khyod kyis/ /byang chub mngon du bgyis gyur pa/ /de dus tshun chad
271a7 mos pa la/ /bri bar gyur par yong mi gda'/ /lha'i bu mos pa yang dag thob kyis gsol pa/ 'jig rten sgron ma'i mos pa ni/ /rab tu rgyun chad mi 'gyur te/ /rtag par
271b1 khyod kyi mos pa des/ /khyod kyi sras rnams mos pa che/ /lha'i bu mos pas mngon 'phags kyis gsol pa/ chab las pad+ma ji bzhin du/ /khyod ni mos pas mngon du 'phags/ /
271b2 'jig rten dag gis mi gos te/ /pad+mar chab kyis ji bzhin no/ /lha'i bu mos pas yongs su grol gyis gsol pa/ 'jig rten mgon dang mos pa ni/ /chos kyi dbyings zhes
271b3 brjod pa ste/ /gnyis med gnyis su bgyir ma mchis/ /smad pa med pa khyod kyis gzigs/ /lha'i bu brtson 'grus yang dag thob kyis gsol pa/ gzi brjid chen po brtson
271b4 'grus kyis/ /byang chub yang dag brnyes par gyur/ /mdzad pa mdzad kyang mgon po khyod/ /brtson 'grus btang ba yong ma mdzad/ /lha'i bu dran pa phun sum tshogs pas
271b5 gsol pa/ dpa' bo chen po'i dgongs pa ni/ /thams cad kun tu rjes su 'jug /mdzad pa mdzad kyang mgon po khyod/ /dgongs pa bri ba yod ma mchis/ /lha'i bu sems
271b6 mnyam par bzhag pas gsol pa/ mgon po rtag tu mnyam bzhag ste/ /sems can rnams kyi spyod pa mkhyen/ /'dren pa spyod pa'i dbang gis ni/ /sems can rnams la
271b7 chos kyang ston/ /lha'i bu shes rab lhur len gyis gsol pa/ /'jig rten sgron mar gyur khyod kyis/ /ye shes rgya mtsho'i mtha' ma ni/ /bskal pa bye bar brjod bgyid kyang / /sangs
272a1 rgyas rnams kyis bshad mi spyod/ /lha'i bu rnam par grol ba la mkhas pas gsol pa/ rnam par grol dang ma grol ba/ /gang slad khyod
272a2 kyis ma brnyes pas/ /mtshungs pa med pa khyod la ni/ /rnam grol yongs su nyams mi mnga'/ /lha'i bu rnam par grol ba'i ye shes la brtson pas gsol pa/ thub
272a3 pa khyod ni rnam grol nas/ /ngo bo nyid med mkhyen pas na/ /rnam grol ye shes gzigs pa ni/ /yang dag mkhyen pa nyams mi mnga'/ /lha'i bu sngon gyi srid pa rnam
272a4 par spyod kyis gsol pa/ mar me mdzad pa tshun chad du/ /dpa' bo yang dag gzigs khyod kyis/ /spyod la 'khrul pa mi mnga' ste/ /des na sangs rgyas lags zhes
272a5 bstod| |lha'i bu zab mo la spyod pas gsol pa/ srog chags gzhan dag ji bzhin du/ /bde gshegs khyod la chags mi mnga'/ /chos kyi rang bzhin mkhyen pas na/ /
272a6 rang bzhin de la rmongs mi mnga'/ /lha'i bu blo gros yangs pas gsol pa/ thams cad mkhyen pa khyod la ni/ /rnam pa kun tu bsnyel mi mnga'/ /mgon po dgongs pa
272a7 nyer bzhag pas/ /thub pa 'bru mar snod dang 'dra/ /lha'i bu sems g.yeng ba med kyis gsol pa/ 'jig rten sgron ma khyod la ni/ /mnyam par ma bzhag sems mi
272b1 mnga'| |ma 'dres sangs rgyas chos kyi rnams/ /srog chags kun gyis shes par dka'/ /lha'i bu ye shes la rab tu gnas kyis gsol pa/ bde bar gshegs pa khyod
272b2 la ni| |ma brtags btang snyoms mi mnga' ste/ /mi yi dbang po'i sangs rgyas chos/ /ma 'dres pa ni bsam mi khyab/ /lha'i bu thams cad zil gnon gyis gsol pa/ skyes
272b3 bu khyu mchog khyod la ni| |'jig rten gsum na mtshungs ma mchis/ /thams cad mkhyen pa ma pham pa/ /khyod kyis chos rnams thams cad mkhyen/ /lha'i bu snying po blangs
272b4 pas gsol pa/ sems can snying po bla na med/ /chos rnams kun la 'jigs mi mnga'/ /sangs rgyas kun dang mnyam brnyes pa/ /sangs rgyas byang chub phyag 'tshal lo/ /
272b5 gnas gtsang ma'i le'u ste/ nyi shu rtsa bzhi pa'o// //de nas de'i tshe gzhan mu stegs can spyod pa can dang / kun tu rgyu drug khris lha ma yin dang / nam mkha'
272b6 lding dang / klu'i bu mo dang / klu dang / grul bum dang / dri za dang / gnod sbyin dang / mi 'am ci dang / phreng ldan glang po che can dang / rgyal chen bzhi'i ris dang / sum cu rtsa
272b7 gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs pa dang / 'od gsal dang / dge rgyas dang / 'bras bu che
273a1 ba'i lha dag gi mchod pa yang mthong / lung bstan pa yang thos/ gnas gtsang ma'i ris kyi lha dag gis bstod pa brjod pa yang thos nas ngo
273a2 mtshar thob par gyur te/ chos kyi tshul la 'jug pa 'di thos nas 'di ltar sngon chad ma thos pa'i chos kyi tshul thos pas yid gnyis su gyur/ nem nur dang the tshom
273a3 za bar gyur nas bcom ldan 'das la 'di skad ces gsol to/ /kye gau ta ma/ sngon chad ma thos pa'i chos bstan pa 'di thos nas bdag cag ni/ kun tu rgyu'i gnas
273a4 kyang mi 'tshal/ khyim gyi gnas kyang mi 'tshal bar gyur cing / 'di ltar sngon chad ma thos pa'i chos kyi tshul 'di thos nas chos 'di la nem nur dang the tshom du gyur
273a5 te| sems dang bar yang ma gyur mod kyi/ 'on kyang dge sbyong gau ta ma khyod la bdag cag yid ches pa mchis so/ /de ci'i slad du zhe na/ 'di ltar dge sbyong gau ta ma
273a6 khyod kyis rdzu 'phrul mngon par 'du bya ba 'di lta bu mngon par mdzad de/ rdzu 'phrul mngon par 'du bya ba ji lta bu mngon par mdzad pas bdag cag gis lha'i 'khor
273a7 rgya chen po 'di dang / thams cad dang ldan pa'i 'khor phal cher gau ta ma khyed kyis legs par gsungs pa 'tshal cing yid rangs par gyur pa mthong ste/ des na/ bdag cag
273b1 dge sbyong gau ta ma khyod la dad pa mchis par gyur to/ /kye gau ta ma/ gang 'bras bu che ba'i lha rnams kyis chos thams cad ni/ de bzhin gshegs pa'o/ /zhes smras pa de la ji
273b2 ltar chos thams cad de bzhin gshegs pa snyam du bdag cag the tshom cher 'tshal lo/ /dge sbyong gau ta ma/ khyod ni/ ci nas bdag cag legs par bshad pa'i don de
273b3 rtags nas mun pa med par gyur te stan 'di las ldang bar 'gyur ba de ltar bdag cag la chos ston spyod do/ /snyam ste/ bdag cag dge sbyong gau ta ma khyod la de ltar mngon
273b4 par dag par gyur to/ /de skad ces gsol pa dang / bcom ldan 'das kyis gzhan mu stegs can spyod pa can dang / kun tu rgyu rnams la 'di skad ces bka' stsal to/ /
273b5 kun tu rgyu dag /de'i phyir khyod nyid la dri'i/ khyod kyis ji ltar bzod pa de ltar lan thob cig /dge sbyong gau ta ma/ legs so/ /zhes gsol te/ kun tu rgyu de dag bcom
273b6 ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to/ /kun tu rgyu dag /khyod kyis ji ltar mngal du 'jug pa shes sam /de dag
273b7 nas gsol pa/ kye gau ta ma/ bdag cag gis bstan bcos las thos na gsum 'dus nas mngal du 'jug par 'gyur te/ gang 'di pha dang ma gnyis kyang tshogs pa
274a1 dang / chags par yang gyur pa dang / chags nas kyang 'dod pa'i rnam par rtog pa rnams kyis rnam par brtags pas/ 'dod chags kyang
274a2 'byung ba de'i tshe mngal du 'jug par 'gyur ro/ /zhe'o/ /bcom ldan 'das kyis bka' stsal pa/ kun tu rgyu dag /'di la ji snyam du sems/ pha dang ma gnyis rnam
274a3 par rtog pa'i tshe 'dod chags de ma'i sems las byung ngam/ gsol ba/ kye gau ta ma/ ma lags so/ /ma'i rnam par rtog pa las byung ngam/ kye gau ta ma/ ma lags
274a4 so| |pha'i sems las byung ngam/ kye gau ta ma/ ma lags so/ /pha'i rnam par rtog pa las byung ngam/ kye gau ta ma/ ma lags so/ /kun tu rgyu dag /'di la ji snyam du
274a5 sems| pha'i 'dod chags gang yin pa de ma'i mngal du zhugs sam/ kye gau ta ma/ de ni/ ma lags so/ /kun tu rgyu dag /'di ji snyam du sems/ pha'i sems
274a6 gang yin pa de ma'i mngal du zhugs sam/ kye gau ta ma/ de ni/ ma lags so/ /kun tu rgyu dag/ 'di la ji snyam du sems/ pha'i kun tu rtog pa de ma'i mngal du zhugs sam/
274a7 kye gau ta ma/ de ni/ ma lags so/ /kun tu rgyu dag /'di la ji snyam du sems/ mngal na gnas pa de lha las 'chi 'phos te ma'i mngal du zhugs sam/ kye gau ta ma/ ma 'tshal
274b1 to| |kun tu rgyu dag /'di la ji snyam du sems/ mngal na gnas pa mi dang / lha ma yin dang / sems can dmyal ba dang / dud 'gro'i skye gnas dang / gshin rje'i 'jig
274b2 rten nas shi 'phos te ma'i mngal du zhugs sam/ kye gau ta ma/ ma 'tshal lo/ /kun tu rgyu dag /'di la ji snyam du sems/ mngal na gnas pa de gzugs yod pa'am /
274b3 gzugs med pa zhig ma'i mngal du zhugs sam/ kye gau ta ma/ ma 'tshal to/ /kun tu rgyu dag /'di la ji snyam du sems/ gzugs dang / tshor ba dang / 'du shes dang /
274b4 'du byed rnams dang / rnam par shes pa ma'i mngal du zhugs sam/ kye gau ta ma/ ma 'tshal to/ /de skad ces gsol pa dang / bcom ldan 'das kyis gzhan mu stegs
274b5 can kun tu rgyu de dag la 'di skad ces bka' stsal to/ /kun tu rgyu dag /chos 'di ni/ zab cing phra ste/ mkhas pa shes pa blo dang ldan pas rig par bya ba yin te/ brtag
274b6 tu med cing brtag pa'i yul ma yin la blta dka' zhing shes par dka' bas de ni/ khyod yun ring por gzhan du bltas pa/ gzhan du mos pa/ gzhan du dad pa/ gzhan du
274b7 brtson pa/ gzhan gyi lta ba'i gnas la gnas pa rnams kyis shes par mi nus mod kyi/ kun tu rgyu dag /'on kyang rigs kyi bu'am rigs kyi bu mo dag tshul dang 'dra ba'i dge ba'i
275a1 bshes gnyen la brten nas chos zab mo rnams la mig skye bar 'gyur te/ kun tu rgyu dag /'di lta ste/ dper na/ mi mig gi dbang po
275a2 nyams pa ni/ de'i tshul dang 'dra ba'i gso ba byed pa dge ba'i bshes gnyen la brten na/ tshe 'di nyid la mig yongs su dag par 'gyur te/ mig des kyang tshe 'di nyid
275a3 la gzugs rnams mthong bar 'gyur ro/ /kun tu rgyu dag /de bzhin du rigs kyi bu'am/ rigs kyi bu mo shes rab kyi mig nyams par gyur pas kyang tshul dang 'dra
275a4 ba'i dge ba'i bshes gnyen la brten na/ shes rab kyi mig rnam par dag par 'gyur te/ des kyang chos zab mo rnams mthong bar 'gyur ro/ /kun tu rgyu dag /khyed
275a5 kyang yun ring po nas gzhan du bltas pa/ sngon log pa'i gdams ngag gis bslus pa/ chos ma yin pa la chos su 'du shes pa/ thar pa ma yin pa la thar par
275a6 'du shes pa/ 'byung ba ma yin pa la 'byung bar 'du shes pa/ chud zos pa rnams kyis chud gzan pa yin te/ kun tu rgyu dag /'di lta ste/ dper na/ long ba'i
275a7 dmigs bu long bas byas na gang 'di bkri ba dang / khrid pa de gnyi ga yang tshul ma yin par sdug bsngal thob par 'gyur bar shes par bya'o/ /kun tu rgyu dag /de bzhin
275b1 du dge sbyong ngam/ bram ze gang la la ston pa ma yin par bdag cag ni/ ston pa yin no/ /zhes khas 'che ba dang / yang dag par rdzogs pa'i sangs rgyas ma yin par
275b2 bdag cag ni/ yang dag par rdzogs pa'i sangs rgyas yin no/ /zhes khas 'che ba dang / 'byung ba la mkhas pa ma yin par bdag cag ni/ 'byung ba la mkhas pa'o/ /
275b3 zhes khas 'che ba dang / 'byung ba mthong ba ma yin par bdag cag ni/ 'byung ba yin no/ /zhes khas 'che ba dang / mu stegs byed pa ma yin par bdag cag ni/ mu
275b4 stegs can byed pa yin no/ /zhes khas 'che ba yin te/ de dag ston pa ma yin par ston pa'o/ /zhes khas 'che zhing gang rjes su ston pa de ni/ log par rjes su ston
275b5 par 'gyur/ yang dag par rdzogs pa'i sangs rgyas ma yin par gang khong du chud par byed pa de ni/ log par khong du chud par byed par 'gyur/ gang 'byung ba la
275b6 mkhas pa ma yin par gang 'byin pa de ni/ log par 'byin par 'gyur/ 'byung ba mthong ba ma yin par gang 'byung ba ston pa de ni/ log par ston par 'gyur/
275b7 mu stegs byed pa ma yin par gang sgrol ba de ni/ log par sgrol bar 'gyur te/ de dag ni/ tshul ma yin par sdug bsngal thob par 'gyur ro/ /kun tu rgyu dag/ 'di
276a1 lta ste| dper na/ ba lang rdzi rab ka la mkhas pa ma yin pas rab ka ma yin par ba lang bsgral na/ de'i ba lang de dag gis pha rol dang tshu
276a2 rol gyi 'gram mi rnyed par 'khyil te/ de nyid du tshul ma yin par sdug bsngal thob par 'gyur ro/ /de ci'i phyir zhe na/ 'di ltar ba lang rdzi de rab ka la mi mkhas pa'i
276a3 phyir ro| |kun tu rgyu dag /de bzhin du gang la la mu stegs byed pa ma yin par mu stegs byed par khas 'che zhing gang sgrol ba de ni/ tshul ma yin par sdug bsngal
276a4 thob par 'gyur ro/ /kun tu rgyu dag /nga ni/ ston pa nyid yin la ston par khas 'che bas nga gang rjes su ston pa de yang dag par rjes su ston pa yin/ yang dag par
276a5 rdzogs pa'i sangs rgyas nyid yin la yang dag par rdzogs pa'i sangs rgyas su khas 'che bas nga gang khong du chud par byed pa de yang dag par khong du chud par byed pa yin/ 'byung ba la mkhas pa nyid yin la 'byung ba la mkhas par khas 'che bas nga gang 'byin pa de dag yang dag par 'byin pa yin/
276a6 'byung ba mthong ba nyid yin la
276a7 'byung ba ston par khas 'che bas nga gang 'byung ba ston pa de yang dag par ston pa yin/ mu stegs byed pa yin la mu stegs byed par khas 'che bas nga gang sgrol ba
276b1 de yang dag par sgrol ba yin te/ ston pa'i chos rab tu shes nas ni/ rjes su ston/ sangs rgyas kyi chos rab tu shes nas ni/ khong du chud par byed/ 'byung ba rab tu shes
276b2 nas ni| 'byin pa yang dag par mthong nas ni/ ston/ mu stegs rab tu shes nas ni/ sgrol te/ gang sgrol ba de yang mu stegs bde bas rab tu sgrol ba yin no/ /
276b3 'di lta ste/ kun tu rgyu dag/ khyed kyang thar pa 'dod pa yin la nga yang ston pa sngon du bzhugs pa yin te/ yang dag par ston pa/ yang dag par khong du chud par byed
276b4 pa| 'byung ba phun sum tshogs pa/ 'byung ba mthong ba yang dag pa'i mu stegs byed pa yin gyi/ de'i phyir rna ba blags te mos pa bskyed la dran pa nye bar bzhag ste yid
276b5 'dun par gyis la ma thob pa'i chos rnams thob par bya ba dang / sngon ma phyin pa'i lam du 'gro bar bya ba dang / sngon ma song ba'i phyogs su 'gro bar bya ba dang / sngon ma
276b6 'grogs pa'i lam grogs dang 'grogs par bya ba dang / sngon ma btsal ba'i lam btsal bar bya ba dang / sngon ma thob pa'i chos kyi mdzod thob par bya ba'i phyir brtson
276b7 'grus yang dag par rtsoms shig /kun tu rgyu dag /chos gsum mngon du gyur pas mngal du 'jug ces gang smra ba de legs par rab tu nyon la yid la zungs shig dang /
277a1 mngal du 'jug pa zhes bya ba'i chos kyi rnam grangs 'di khyed la ngas bshad do/ /kun tu rgyu dag /de la ma zhes gang smras pa de ni/ sngon
277a2 gyi las bsags pa'i rkyen du gsungs so/ /pha zhes bya ba de ni/ sngon gyi las bsags pa'i rgyur gsungs so/ /dri za zhes bya ba de ni/ rnam par shes pa las kyis
277a3 'phangs pa'i tshig bla dwags so/ /mer mer po zhes bya ba de ni/ las kyis 'phangs pa'i rnam par shes pa'i gnas dang gzhi'o/ /ma'i mngal zhes bya ba de ni/ rnam
277a4 par shes pa las kyis 'phags pa'i gzhi ste/ 'di ltar ma'i mngal na gnas pa'i rnam par shes pa ni/ skye ba dang / 'phel ba dang / rgyas par 'gyur ra ro/ /kun
277a5 tu rgyu dag /'di lta ste/ dper na/ sa chen po la gnas na/ rtswa dang / shing gel ba dang / sman dang / nags tshal dag skye zhing 'phel ba dang / rgyas par 'gyur
277a6 ro| |de bzhin du ma'i mngal na gnas pa'i rnam par shes pa yang skye ba dang / 'phel ba dang / rgyas par 'gyur te/ 'phel nas skye bar 'gyur ro/ /btsas nas
277a7 rnam par 'phel lo/ /'phel nas spyod pa snang bar 'gyur ro/ /'gro ba gang dang gang nas shi 'phos nas de dang der skyes nas de dang 'dra ba'i spyod pa de dag spyod par 'gyur
277b1 te| de dag kyang mkhas pas shes par bya ba yin gyi/ glen pas ni/ ma yin no/ /yun ring po nas 'grogs 'grogs pas shes par bya ba yin gyi/ yun thung ngus ma yin
277b2 no| |yang dag par sems pas shes par bya ba yin gyi/ mi brtson pas ma yin no/ /kun tu rgyu dag /de la sems can dmyal ba nas shi 'phos pa'i gang zag gi rtags
277b3 mkhas pas shes par bya ba ni/ 'di dag yin te/ 'di lta ste/ skad sha sha po yin/ skad gyo dum gyi sgra lta bu yin/ skad brtag dgos pa yin/ skad che ba yin/
277b4 skad lhang lhang po yin/ rtag tu dngang pa yin/ rtag tu 'dar ba yin/ rtag tu spu zing zhes byed pa yin/ rmi lam na me'i phung po 'bar ba mthong ba yin/ ri rgyug par mthong
277b5 ba yin| me mdag 'bar ba mthong ba yin/ lcags zangs kyi nang du btso ba mthong ba yin/ lag na dbyig pa thogs pa'i mi dag mthong ba yin/ srin po dag gis bdag
277b6 'phangs par mthong ba yin/ bdag nyid gson por gsal shing gis gzugs par mthong ba yin/ khyi dag gis bdag 'brad par mthong ba yin/ khyi dag gis bdag
277b7 bskor bar mthong ba yin/ bdag nyid glang po che dang sbrul gyis gtses par mthong ba yin/ phyogs bzhir bros na phyogs mi shes pa yin/ sems can kun la yid mi
278a1 rton pa yin te/ kun tu rgyu dag /rnam pa nyi shu po de dag gis sems can dmyal ba nas shi 'phos pa'i gang zag tu rig par bya'o/ /kun tu rgyu
278a2 dag /de la dud 'gro'i skye gnas nas shi 'phos pa'i gang zag gi mtshan ma ni/ 'di dag yin te/ 'di lta ste/ rmugs shing gnyid che ba yin/ le lo che ba yin/ mang
278a3 du za ba yin/ sa la 'drud pa yin/ mi 'jigs pa med pa yin/ mi gsal bar smra ba yin/ glen pa la dga' ba yin/ mun pa la dga' ba yin/ 'dam rdzab la dga'
278a4 pa yin| yang dang yang sos rtswa gcod pa yin/ rgyun du rkang pa'i mthe bos sa rko ba yin/ yang dang yang mgo la sbrang ma 'du ba yin/ yang dang yang nam mkha' la sos
278a5 'debs pa yin/ kun tu bskums te nyal ba yin/ sa la nyal ba yin/ mi gtsang bas mi 'dag pa yin/ yang dang yang nam mkha' la snam pa yin/ yang dang yang
278a6 ma smin pa za ba yin/ gzhan du smra zhing gzhan du byed de g.yo byed pa yin/ bab bab tu spyod pa yin/ rmi lam na bdag rdzab kyis gos par rmi ba yin/ rmi lam na bdag
278a7 nags su song ste rtswa za bar rmi ba yin/ sbrul gdug pas bdag bskor bar mthong ba yin/ bdag nyid ri khrod du zhugs par mthong ba yin te/ kun tu rgyu dag /de dag la sogs
278b1 bdud 'gro'i skye gnas nas 'chi 'phos pa'i gang zag gi mtshan ma rnam pa du mar shes par bya ste/ de dag ni/ bskal pa'am bskal pa las lhag par brjod kyang zad
278b2 par mi nus so/ /kun tu rgyu dag /de la gshin rje'i 'jig rten nas shi 'phos pa'i gang zag gi mtshan ma ni/ 'di dag yin te/ 'di lta ste/ skra ser ba yin/ mig wa'i mig
278b3 'dra ba yin/ rtag par bkres pa yin/ rtag tu skom pa yin/ ser sna cha ba yin/ 'dod chen che ba yin/ thob pa mi rnyed pa yin/ gzhan gyi la re ba yin/ khro ba yin/ mig
278b4 dmar ba yin/ bza' ba thams cad la sred pa yin/ bdog pa thams cad la chags pa yin/ sbyin pa'i gnas dag mthong bar mi 'dod pa yin/ dngos po kun la yang
278b5 de rku ba'i sems yod pa yin/ dngos po ngan pa rnams la yang dga' ba yin/ thob pa la mos pa yin/ zas skom mi gtsang ba la dga' ba yin/ gzhan gyi phun sum tshogs
278b6 pa la phrag dog byed pa yin/ gzhan gyi longs spyod la sred pa bskyed pa yin/ gzhan gyi longs spyod gang yin pa de dag la bdag gi snyam du sems pa yin/ zas gtod na
278b7 sems mi dga' ba yin/ tshong 'dus kyi srang dag nas kyang shing tog len pa yin te/ kun tu rgyu dag /gshin rje'i 'jig rten nas shi 'phos pa'i gang zag gi rtags kyi bye brag
279a1 ni| de dag la sogs pa mtha' yas par shes par bya'o/ /kun tu rgyu dag /de la lha ma yin las shi 'phos pa'i gang zag gi mtshan ma ni/
279a2 'di dag yin te/ /'di lta ste/ khengs pa yin/ 'thab bkrol che ba yin/ 'khon du 'dzin pa yin/ nga rgyal che ba yin/ lus che ba yin/ mig che ba yin/ mig
279a3 dkar ba yin/ mche ba snang ba yin/ mthu dang ldan pa yin/ 'thab mo'i blo can yin/ dbyen la dga' ba dang / bya ba thams cad la nga rgyal che ba yin/ /so snang
279a4 ba yin| 'jig rten thams cad la brnyas pa'i 'du shes can yin/ mtshon cha rno ba yin/ tshig na ba yin/ bdag gzengs bstod pa can yin/ mi shes pa'i
279a5 stobs can yin/ nyon mongs pa'i stobs can yin te/ kun tu rgyu dag/ de dag la sogs pa ni/ lha ma yin las shi 'phos pa'i gang zag gi mtshan mar shes
279a6 par bya'o/ /kun tu rgyu dag /de la mi las shi 'phos pa'i gang zag gi mtshan ma ni/ 'di dag yin te/ 'di lta ste/ ngo mtshar du 'dzin pa can yin/ 'phags pa dang
279a7 bsten pa yin/ 'phags pa ma yin pa la smod pa yin/ dge ba byed pa yin/ mngon rtags 'dod pa yin/ grags pa 'dod pa yin/ snyan pa 'dod pa yin/ bzo
279b1 la dga' ba yin/ shes pa la dga' ba yin/ nyon mongs pa chung ba yin/ khrel yod cing ngo tsha shes pa yin/ rigs kyi bu'i tshul phun sum tshogs pa yin/ byas pa
279b2 gzo ba yin/ mdza' bo la gdung pa yin/ yongs su gtong ba dang ldan pa yin/ bye brag shes pa yin/ byas pa dang ma byas pa la rtog pa yin/ tshig gi mthu yod pa
279b3 yin| gros gzung bar bya ba'i mthu yod pa yin/ 'dum par bya ba dang / 'thab mo bya ba la mngon par mkhas pa yin/ pho nya nus pa yin/ skad thams cad 'dzin pa'i
279b4 mthu yod pa yin/ gnas dang gnas ma yin pa la mngon par shes pa yin te/ kun tu rgyu dag /de dag la sogs pa ni/ mi las shi 'phos pa'i gang zag gi rtags
279b5 yin no| |kun tu rgyu dag /de la lha las shi 'phos pa'i gang zag gi rtags ni/ 'di dag yin te/ 'di lta ste/ mdzes pa yin/ gtsang sbra che ba yin/ phreng ba la dga'
279b6 ba yin| spos la dga' ba yin/ bdug pa la dga' ba yin/ glu len pa'i ngang tshul can yin/ byug pa la dga' ba dang / 'dod pa'i yon tan ngan ngon gyis mi mgu zhing rgya
279b7 chen pos dga' ba yin/ rol mo'i sgra thams cad la dga' ba yin/ /glu thams cad la dga' ba yin/ skye bo rgya chen po dang 'grogs par dga' ba yin/ khang pa dang /
280a1 khang pa brtsegs pa dang / khyim dang / longs spyod rgya chen po la dga' ba yin/ /de'i sems byams pa sngon du 'gro ba yin/ rgod pa'i
280a2 ngang tshul can yin/ 'jam par smra ba yin/ dga' ba la mkhas pa yin/ rgyan la dga' ba yin/ che ba'i ngang tshul can yin/ 'gro ba'i ngang tshul can yin/
280a3 lus kyi shugs 'byin pa'i ngang tshul can yin/ /chags pa'i mtshan ma dang / mi chags pa'i mtshan ma shes pa yin/ phan par bya ba la mkhas pa yin
280a4 te| kun tu rgyu dag /mtshan ma de dag la sogs pas mtho ris nas shi 'phos pa'i gang zag tu shes par bya'o/ /kun tu rgyu dag /de la mtshan ma de dag las
280a5 yang dag par 'da' bar bya ba'i phyir rigs kyi bu'am/ rigs kyi bu mo dag gis dge ba'i bshes gnyen gang dag mtshan ma de dag las 'da' bar bya ba'i phyir
280a6 chos ston par byed pa de lta bu'i dge ba'i bshes gnyen rnams la bsten par bya/ bsnyen par bya/ bsnyen bkur bya'o/ /de la sems can dmyal ba nas shi 'phos
280a7 pa'i gang zag gis ni/ sngon mir gyur pa'i tshe zhe sdang la yongs su brten pas des zhe sdang las byung ba'i las mngon par 'dus byas pas de las des sems can
280b1 dmyal bar skye ste/ de'i phyir de sems can dmyal bar gnas pa rnyed nas sems can dmyal ba'i spyod pa can du gyur pas de mi'i nang du skyes te spyod pa'i rtags 'di dag
280b2 thos nas bdag ni/ sems can dmyal ba nas shi 'phos pa'o/ /zhes bdag nyid kyis shes par bya zhing / des sems can dmyal ba'i las kyi rgyu spang ba'i phyir dge ba'i
280b3 bshes gnyen btsal bar bya ste/ de la dge ba'i bshes gnyen de dag zhe sdang gi gnyen por byams pa ston to/ /byams pa dang ldan pa'i byang chub kyi phyogs kyi chos
280b4 rnams dang / byams pa dang ldan pa'i tshul khrims kyi pha rol tu phyin pa ston to/ /des kyang de'i zhe sdang gi bag la nyal spong bar 'gyur te/ byams pa chen po bsgoms pas pha
280b5 rol tu phyin pa drug po thams cad yongs su rdzogs par 'gyur ro/ /kun tu rgyu dag /de la dud 'gro'i skye gnas nas shi 'phos pa'i gang zag gis ni/ sngon mir gyur pa'i tshe gti
280b6 mug la yongs su bsten pas des gti mug las byung ba'i las mngon par 'dus byas pas de las des dud 'gro'i skye gnas su skyes te/ de'i phyir dud 'gro'i skye gnas na
280b7 gnas pa rnyed nas dud 'gro'i skye gnas kyi spyod pa can du gyur pas/ de dud 'gro'i skye gnas nas shi 'phos te mi'i nang du skyes kyang dud 'gro'i skye gnas kyi spyod pa de dag nyid spyod
281a1 par 'gyur te/ des spyod pa de dag gis bdag ni/ dud 'gro'i skye gnas nas/ shi 'phos nas mi'i nang du skyes so/ /zhes bdag nyid kyis
281a2 shes par bya zhing / de dud 'gro'i skye gnas kyi las de dag las yang dag par 'da' bar bya pa'i phyir dge ba'i bshes gnyen btsal bar bya ste/ de dag la dge
281a3 ba'i bshes gnyen de dag gti mug spang ba'i phyir rten cing 'brel par 'byung ba ston to/ /des kyang de'i gti mug gi bag la nyal spong bar 'gyur ro/ /yang na
281a4 shes rab kyi pha rol tu phyin pa dus gsum mnyam pa nyid ston te/ des de'i gti mug de ni/ rang bzhin med pa'o/ /zhes bya bar shes pa skye bar 'gyur ro/ /yang na
281a5 de la chos thams cad mnyam pa nyid ston te/ des de shes rab kyi pha rol tu phyin pa yongs su rdzogs shing thams cad mkhyen pa nyid thob par 'gyur ro/ /kun tu rgyu
281a6 dag /de la gshin rje'i 'jig rten nas shi 'phos pa'i gang zag gis ni/ sngon mir gyur pa'i tshe ser sna la kun tu brten cing bsgoms te mang du byas pas/ des ser sna
281a7 dang ldan pa bag chags las byung ba'i las mngon par 'du byas pas de las byas pa dang / bsags pa dang / zin par byas pa dang / rdzogs par byas pa dang / blangs pa
281b1 des gshin rje'i 'jig rten du skyes te/ de dag gshin rje'i 'jig rten na gnas pa des gshin rje'i 'jig rten pa'i spyod pa can du gyur pas/ de dag gshin rje'i 'jig
281b2 rten nas shi 'phos te mi'i nang du skyes kyang gshin rje'i 'jig rten gyi spyod pa de dag nyid spyod par 'gyur te/ des spyod pa de dag gis bdag ni/ gshin rje'i 'jig rten nas
281b3 shi 'phos pa'o/ /zhes bya bar bdag nyid kyis shes par bya zhing / des spyod pa de dag las yang dag par 'da' bar bya ba'i phyir dge ba'i bshes gnyen btsal bar
281b4 bya ste| de la dge ba'i bshes gnyen de dag ser sna spang ba'i phyir gtong ba ston te/ des kyang de'i ser sna'i bag la nyal spong bar 'gyur ro/ /yang na de la gtong ba dang
281b5 ldan pa'i byang chub kyi phyogs kyi chos rnams ston/ sbyin pa'i pha rol tu phyin pa ston te/ de bsgoms pas pha rol tu phyin pa drug yongs su rdzogs par 'gyur ro/ /kun
281b6 tu rgyu dag /de la lha ma yin las shi 'phos pa'i gang zag gis ni/ sngon mir gyur pa'i tshe dge ba'i rtsa ba rgya chen po dag kyang mngon par 'du byas la/ nga rgyal la yang
281b7 yongs su brten pas de nga rgyal dang ldan pa'i las byas pa dang / bsags pa dang / zin par byas pa dang / rdzogs par byas pa dang / blangs pa des lha ma yin du skye ste/ lha ma
282a1 yin du skyes te lha ma yin gyi gnas na gnas pa des lha ma yin gyi spyod pa can du gyur pas/ de lha ma yin nas shi 'phos te mi'i nang du
282a2 skyes kyang lha ma yin gyi spyod pa de dag nyid spyod par 'gyur te/ des spyod pa de dag gis bdag ni/ lha ma yin las shi 'phos pa'o/ /zhes bya bar bdag nyid kyis shes
282a3 par bya zhing / des spyod pa de dag las yang dag par 'da' bar bya ba'i phyir dge ba'i bshes gnyen btsal bar bya ste/ de la dge ba'i bshes gnyen de dag nga
282a4 rgyal spang ba dang / nga'o snyam pa'i nga rgyal gzhom pa'i phyir skye mched rnams stong to/ /des kyang de'i nga rgyal spong bar 'gyur ro/ /yang na de la stong pa nyid ston te/
282a5 des de'i nga rgyal gyi bag la nyal spong ba dang / bdag rnam par 'jig par 'gyur ro/ /yang na ji ltar bya ba 'byung ba sna tshogs pa las 'byung ba'i tshul ston te/
282a6 ngas de'i nga rgyal gyi bag la nyal spong bar 'gyur ro/ /yang na de la chos rnams kyi mtshan nyid gcig pa ston te/ des de'i shes rab kyi pha rol tu phyin pa yongs su
282a7 rdzogs par 'gyur zhing / de bsgoms pas thams cad mkhyen pa nyid du 'grub par 'gyur ro/ /kun tu rgyu dag/ de la mi las shi 'phos pa'i gang zag gis ni/ sngon
282b1 mir gyur pa'i tshe'ang dge ba bcu'i las kyi lam la kun tu brten cing bsgoms te mang du byas pas des las de byas pa dang / bsags pa dang / zin par byas pa dang /
282b2 rdzogs par byas pa dang / blangs pa des mir skyes te/ mi'i nang na gnas pa des mi'i spyod pa can du gyur pas/ de mi'i nang nas shi 'phos te mi'i nang du skyes kyang mi'i
282b3 spyod pa de dag nyid spyod par 'gyur te/ de spyod pa de dag gis bdag ni/ mi'i nang nas shi 'phos pa'o/ /zhes bya bar bdag nyid kyis shes par bya zhing / des mi'i spyod pa
282b4 de dag las yang dag par 'da' bar bya ba'i phyir dge ba'i bshes gnyen btsal bar bya ste/ de la dge ba'i bshes gnyen de dag mi rtag pa'i 'du shes ston te/ des
282b5 kyang de'i spyod pa bag la nyal dang bcas par spong bar 'gyur ro/ /yang na de la 'khor ba'i mi bsngags pa dang / mya ngan las 'das pa'i bsngags pa ston te/ des de
282b6 'khor ba la mi dga' zhing mya ngan las 'da' ba don du gnyer bar 'gyur ro/ /yang na de la pha rol tu phyin pa drug ston te/ de thos pas bla na med pa yang dag par rdzogs
282b7 pa'i byang chub tu sems bskyed par 'gyur ro/ /de la thabs mkhas pa yang ston te/ des de'i pha rol tu phyin pa drug po de dag bzung ba dang / thams cad mkhyen pa
283a1 nyid kyang myur du thob par 'gyur ro/ /kun tu rgyu dag /de la mtho ris nas shi 'phos pa'i gang zag gis ni/ sngon mir gyur pa'i tshe tshangs par
283a2 spyod pa mchog tu bzung ste spyad pa dang / sbyin pa mchog tu bzung ste byin pa dang / tshul khrims mchog tu bzung ste bsrungs pas las de byas pa dang / bsags pa
283a3 dang / zin par byas pa dang / rdzogs par byas pa dang / blangs pas lha'i nang du skyes te/ de lha'i nang na gnas pa des lha'i spyod pa can du gyur pas/ de lha las shi
283a4 'phos te mi'i nang du skyes kyang lha'i spyod pa de dag nyid spyod par 'gyur te/ des spyod pa de dag gis bdag ni/ lha'i nang na shi 'phos pa'o/ /zhes bdag nyid kyis shes
283a5 par bya zhing / des spyod pa de dag las yang dag par 'da' bar bya ba'i phyir dge ba'i bshes gnyen btsal bar bya ste/ de la dge ba'i bshes gnyen de dag tshangs par
283a6 spyod pa mchog tu 'dzin pa'i nyes pa ston cing / mi gnas pa'i tshangs par spyod pa'i yon tan brjod do/ /mchog tu 'dzin pa'i sbyin pa la smod cing mchog tu 'dzin pa
283a7 med pa'i sbyin pa bsngags par 'gyur ro/ /mchog tu 'dzin pa'i tshul khrims la smod cing mchog tu 'dzin pa med pa'i tshul khrims la bsngags par 'gyur ro/ /des
283b1 de'i tshul khrims dang brtul zhugs mchog tu 'dzin pa bag la nyal dang bcas par spong bar 'gyur ro/ /yang na de la tshul khrims kyi pha rol tu phyin pa ston te/ de bsgoms
283b2 pas pha rol tu phyin pa drug yongs su rdzogs par 'gyur ro/ /de la thabs mkhas pa yang ston te/ de dang ldan pas myur du thams cad mkhyen pa nyid du nges par 'byung
283b3 bar 'gyur ro/ /kun tu rgyu dag /de la sems can dmyal ba nas shi 'phos pa'i gang zag gis ni/ dge ba'i bshes gnyen la brten te dus gsum mnyam pa nyid mnyan
283b4 par bya'o/ /thos nas kyang shes cher gnas par bya ste/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dag na dge
283b5 slong dang / dge slong ma dang / dge bsnyen dang / dge bsnyen ma dang / 'khor bzhi po yod pa dag tu gnas par bya zhing de dag dang 'grogs par bya'o/ /des 'gro ba byas
283b6 te goms pa'i rjes su 'gro bas chos thams cad ni/ dngos po med pa'i ngo bo nyid do/ /zhes dus gsum mnyam pa nyid mthong du 'gyur ro/ /kun tu rgyu dag /de la dud
283b7 'gro'i skye gnas nas shi 'phos pa'i gang zag gis ni/ dge ba'i bshes gnyen la brten te gti mug gi gnyen por bstan bcos la mkhas pa'i skye bo dang lhan
284a1 cig dga' bar gnas par bya'o/ /des de'i gti mug spong bar 'gyur te/ des bstan bcos de dang / bstan bcos shes pa de dag
284a2 rang bzhin gyis yang dag par brtag par bya'o/ /de'i phyir de la bstan bcos dang / bstan bcos shes pa rnams kyang rang bzhin med do/ /drang bzhin med do/ /zhes
284a3 bya bar snang bar gyur te/ des de la dus gsum mnyam pa nyid mngon du 'gyur zhing / myur du thams cad mkhyen pa nyid du nges par 'byung bar 'gyur ro/ /kun tu rgyu
284a4 dag /de la gshin rje'i 'jig rten nas shi 'phos pa'i gang zag gis ni/ gang la brten na sbyin pa'i blo skye bar 'gyur ba dang / gang gis de la dus gsum mnyam
284a5 pa nyid dang / gang 'di mtshan nyid med par mtshan nyid gcig mngon du 'gyur ba dang / de bsgoms pas myur du thams cad mkhyen pa nyid du nges par 'byung bar 'gyur
284a6 ba'i dge ba'i bshes gnyen la brten par bya/ yon tan la brten par bya'o// //bam po bcu gnyis pa/ kun tu rgyu dag /de la lha ma yin las shi 'phos pa'i gang
284a7 zag gis ni/ dge ba'i bshes gnyen la brten te nyon mongs pa'i 'dud dang 'thab par bya'o/ /'di sta ste/ nga rgyal zhes bya ba'i chos de ni/ gang zhig /de ni/ ci
284b1 zhig gis yongs su bzung / de ni/ su las kun nas langs/ su zhig de spang bar byed ces de yang dag par btsal na/ nga rgyal de mi dmigs so/ /gang gis de yongs
284b2 su bzung ba dang / gang la de kun nas langs pa dang / gang de spang ba'i phyir rtsol ba de yang mi dmigs pa de ni/ yang dag pa ma yin par yongs su bzung bas bdag
284b3 dang 'jig rten bslus par yang dag par rjes su mthong ngo / /des chos thams cad rang bzhin med par yang dag par rjes su mthong zhing chos gang la rang bzhin med pa de ni /
284b4 dngos po med pa'o/ /zhes bya bar rab tu shes so/ /dngos po med pas yongs su ma grub bo/ /zhes bya bar rab tu shes so/ yongs su ma grub pas mi skye ba ste/ gang ma
284b5 skye ba de ni/ mi 'gag go/ /gang mi skye 'gag pa de ni/ gdags su med pa'o/ /zhes bya bar rab tu shes so/ /gang gdags su med pa de ni/ 'das pa yang ma yin/
284b6 ma 'ongs pa yang ma yin/ da ltar byung ba yang ma yin no/ /gang du gsum du mi dmigs pa de ni/ thob pa yang ma yin/ chud zos pa yang ma yin no/ /zhes bya bar
284b7 rab tu shes so/ /kun tu rgyu dag /de ltar na/ de ni/ chos thams cad kyi chos nyid de/ chos nyid gang gis thams cad de bzhin nyid/ ma nor ba de bzhin nyid/ gzhan ma
285a1 yin pa de bzhin nyid de/ de bzhin gshegs pa yang de bzhin nyid/ ma nor ba de bzhin nyid/ gzhan ma yin pa de bzhin nyid pas de'i
285a2 phyir chos thams cad de bzhin gshegs pa'o/ /kun tu rgyu dag/ ngas ni/ sngon chad dang / da ltar yang 'jig rten brtags pa ni/ nga rgyal gyi rang bzhin no/ /zhes
285a3 bshad de/ nga rgyal gyis ni/ mi las shi 'phos pa gdags par 'gyur ro/ /nga rgyal gyis ni/ mtho ris nas shi 'phos pa gdags par 'gyur ro/ /nga rgyal gyis
285a4 ni| sems can dmyal ba'i bar du shi 'phos pa gdags par 'gyur ro/ /nga rgyal med na/ gdags pa med do/ /kun tu rgyu dag /de ni/ nga rgyal med pa'i ye shes
285a5 zhes bya'o/ /de yang thabs mkhas pa dang ldan zhing / shes rab kyi pha rol tu phyin pa dang / dge ba'i bshes gnyen gyis yongs su zin pas shes par nus so/ /
285a6 de nas kun tu rgyu drug khri bo de dag gis bstan pa 'di thos nas mi skye ba'i chos la bzod pa thob par gyur te/ de dag ni/ mi skye ba'i chos la bzod pa thob nas stan
285a7 las langs te bcom ldan 'das kyi zhabs la mgo bos phyag 'tshal nas phyogs gcig tu 'khod do/ /phyogs gcig tu 'khod nas kyang de'i tshe bcom ldan
285b1 'das la tshigs su bcad pa 'di dag gis mngon par bstod pa/ mgon po ye shes stobs kyis yang dag 'phags/ /'gro ba kun la gzhan gyi dring mi 'jog /'gro ba
285b2 kun na spyod pa rnams gzigs te/ /lag pa'i mthil du skyu ru ra bzhag bzhin/ /'jig rten lta ba'i rnam pas kun tu dkrigs/ /sprin stug dag gis nam mkha' yog pa
285b3 bzhin| |de dag gis ni byis pa rmongs nas spyod/ /long ba'i tshogs rnams rab tu lam stor bzhin/ /'jig rten rtag dang 'jig rten mi rtag dang / /rtag kyang rtag la mi rtag kha
285b4 cig mchi/ /rtag pa ma yin mi rtag min zhes te/ /glang po'i dbang po khyim du btags ltar brlag/ /'jig rten mtha' yod 'jig rten mtha' med dang / /mtha' yang yod la
285b5 mtha' med kha cig mchi/ /mtha' yod ma yin mtha' med min ces te/ /dper na bya ni gzeb tu bcug pa bzhin/ /la la dag ni lus la bdag ces mchi/ /la la dag ni
285b6 lus 'di gzhan zhes mchi/ /rtog pas yongs su dkris nas nyal bgyid de/ /bya ni bya rgyar chud nas thogs pa bzhin/ /la la dag ni dbang phyug sprul zhes mchi/ /la la rgyu
285b7 med byung zhes 'dogs par bgyid/ /lta ba'i rnam pa dag gis kun nas dkris/ /mkha' la gnas pa'i zla ltar rgyal bas gzigs/ /ji ltar gzeb tu bcug pa'i bya rmongs
286a1 pa| |pu ga bu gar thar du re ba ltar/ /mi mkhas lta ba'i rnam pas 'das par 'gyur/ /thar pa mi thob rkang gnyis btags pa bzhin/ /tshangs
286a2 dang skye rgu bdag dang skem byed dang / /gzhon dang 'khor lo 'dzin dang rnam thos bu/ /phyogs dang rgya mtsho kun la phyag 'tshal te/ /rgyal pos mtshan mo rkun po bzung ba
286a3 bzhin| |dbul po bu lon chags pa bu lon pas/ /bzung na gnyen sbron gsol ba 'debs pa bzhin/ /lha ba'i rnam par gnas pa'i byis pa dag /dbang phyug las
286a4 ni bde ba tshol bgyid pa/ /rkun po'i tshogs rnams btson rar stsal ba bzhin/ /'gro ba rnams su sdug bsngal brgya myong ba/ /de dag de bzhin gshegs pa khyod kyis
286a5 gzigs/ /phyag gi mthong na sor mo lnga dang mtshungs/ /de la mi dbang thugs rje bskyed nas ni/ /'gro ba mkhyen pa 'gro ba spyod mdzad de/ /blo mchog tshe rabs 'gro ba
286a6 bkrol ba ni/ /dper na rgyal pos btson rnams bkye ba bzhin/ /'jig rten sman slad bskal pa bsam yas su/ /dka' ba mdzad nas byang chub mchog brnyes te/ /lta
286a7 ba'i rnam par sems can 'khyams mkhyen nas/ /de dag bcings las khyod kyis grol bar mdzad/ /bde gshegs mi yi seng+ge rkang gnyis gtso/ /chos tshogs gang la
286b1 mnga' dbang khyod mdzad pa/ /lta ba'i rnam pa sgyu 'drar rmongs mi mnga'/ /bde gshegs khyod ni de 'drar bdag cag 'tshal/ /stobs rnams gang gis rgyal ba stobs brnyes
286b2 shing / /mi 'jigs gang gis bsngo ba'i dgra bsal te/ /'khor gyi nang du seng+ge'i sgra sgrog pa/ /blo mchog de ni bdag cag thob par shog /gang gis rgyal ba 'jig rten
286b3 gsum bskyod dang / /gang gis mtha' yas 'od ni 'gyed pa dang / /bdag gis mi mchog sems can lung ston pa/ /de ring yud kyis bdag cag de thob shog /de nas
286b4 de'i tshe bcom ldan 'das kyis kun tu rgyu de dag gi lhag pa'i bsam pa thugs su chud nas de'i tshe 'dzum pa mdzad do/ /de nas tshe dang ldan pa rta thul gyis bcom ldan 'das
286b5 la tshigs su bcad de gsol pa/ 'jig rten phan bzhed 'dzum pa gang mdzad pa/ /mu stegs tshogs 'di shin tu 'phags gyur tam/ /mi mchog rang byung ci slad 'dzum
286b6 pa mdzad/ /'dzum rgyu de ni khyod kyis bka' stsal gsol/ /bde bar gshegs pas 'dzum pa mdzad mthong nas/ /'jig rten phan bzhed 'gro 'di the tshom 'tshal/ /zla ba
286b7 nya la 'gro ba blta ba bzhin/ /blta zhing mchis na rgyal ba 'dzum rgyu gsungs/ /su zhig rgyal la mchod pa dam pa bgyis/ /gang gis de ring yab ni mnyes par bgyis//
287a1 rgyal ba'i yon tan de ring gang gis mthong / /mkhas pa myur du legs par bka' stsal gsol/ /mu stegs can rnams lung bstan de
287a2 thos na| |'jig rten thams cad rab tu dga' bar 'gyur/ /'di ltar 'di dag bde bar gshegs pas btul/ /des na 'gro ba kun gyi rnam 'bren lags/ /rgyal bas
287a3 the tshom legs par bsal du gsol/ /som nyi 'tshal ba'i som nyi dgum du gsol/ /des na 'khor rnams 'di yid rangs shing gnas/ /sangs rgyas khyod kyi dgongs
287a4 la dad par mchi/ /de nas bcom ldan 'das kyis tshe dang ldan pa rta thul la tshigs su bcad de slar bka' stsal pa/ rta thul khyod kyis dus 'di shes gyur na/ /rgyal
287a5 ba dgra las rgyal la dris pa legs/ /'dren pa rang byung nyid la de dris pas/ /'jig rten phan pa'i tshig kyang brjod par 'gyur/ /'dzum pa 'di ni ji ltar ngas mdzad
287a6 pa| |'dzum rgyu ngas de khyod la bstan par bya'i/ /yang dag ji bzhin nga yi bstan pa la/ /dga' ba'i yid du byos te deng nyon cig /mu stegs tshogs 'di rab tu dul
287a7 'gyur te/ /lta ba'i rnam spangs lta ba bzang por 'gyur/ /lta ba'i rnam par 'jig rten 'khyams mthong nas/ /snying rje can gyur byang chub rab tu zhugs/ /lta ba'i rnam pa
287b1 dag ni rab spangs te/ /lta ba drang po rnyog med rtogs gyur cing / /nga yis lung bstan thogs med thos gyur nas/ /de dag kun gyis thams cad mkhyen sems bskyed/ /sngon
287b2 gyi rgyal ba dag la dad bskyed de/ /thugs rje ldan pa rkang gnyis dam pa po/ /rgyal ba bye ba nyi shur tshang ba la/ /bla med byang chub tshol zhing bsnyen bkur byas/ /rgyal ba
287b3 rnams la sbyin pa mi nyung phul/ /khrims dang zhi ba'i ting nge 'dzin rnam par sbyangs/ /shes rab brtson 'grus stobs kyang 'bar bar byas/ /thugs rje ldan rnams drung du
287b4 bzod pa ste/ /byang chub dam pa btsal nas yun ring du/ /pha rol phyin pa drug la blo yang zhugs/ /rgyal ba dgra las rgyal la zhu ba zhus/ /sangs rgyas brgya bgrangs dag la
287b5 yid dga' byas/ /de dag sdig pa'i grogs kyi dbang gis ni/ /lta ba'i rnam pa stug la gnas gyur pa/ /de dag bde gshegs rang byung mthong gyur nas/ /chags pa med
287b6 pas lta ba'i rnam pa spangs/ /ston pa'i dgongs pa yang dag rnam par rtogs/ /ston pa'i dgongs pa rnams la dad pa gnas/ /ma 'ongs dus na byang chub tshol byed
287b7 cing / /rgyal ba bye ba bsnyen bkur byed par 'gyur/ /ma 'ongs bskal pa skar ma 'dra ba la/ /rgyal ba nga rgyal bcom pa mtshan mthun pa/ /grags pa chen por phyogs su rnam
288a1 par grags/ /'jig rten mkhas pa 'gro ba 'grel bar 'gyur/ /de dag sangs rgyas zhing yang dag 'gyur te/ /de dag bkod pa sna tshogs
288a2 mtshungs pa med/ /sangs rgyas zhing der sdig pa'i blo can med/ /blo gros dag par mthun pa sha stag gnas/ /de ni ngan song thams cad rnam par sbyangs/ /mi khom
288a3 bsal te dus de'i tha ma la/ /rgyal ba de dag sku tshe'i stobs ldan te/ /lo ni stong phrag brgyad cu thub par 'gyur/ /mi de dag gis byang chub 'di thos nas/ /de tshe mi mnyes
288a4 par ni byed mi 'gyur/ /chags med blo mnga' rnams kyi mtshan thos na/ /bud med rnams kyang skyes pa'i lus thob 'gyur/ /de ltar nga rgyal bcom pa drang srong che/ /ston
288a5 pas mu stegs lung bstan bka' stsal pa/ de thos gyur nas lhar bcas 'jig rten rnams/ /yid rangs gyur cing stobs kyang skyes par 'gyur/ /mu stegs can lung
288a6 bstan pa'i le'u ste/ nyi shu lnga pa'o// //de nas rgyal po zas gtsang ma 'khor dang bcas pas lha ma yin rnams dang / nam mkha' lding rnams
288a7 nas kun tu rgyu rnams kyi bar gyi lung bstan pa thos nas 'di snyam du sems par gyur te/ 'di ltar bcom ldan 'das kyis legs par gsungs pas 'gro ba thams cad
288b1 tshim par byas pa ni/ ngo mtshar to/ /snyam nas de yang bu la chags pas kun tu dkris par gyur to/ /de nas bcom ldan 'das kyis rgyal po zas gtsang ma'i sems thugs
288b2 su chud nas rgyal po zas gtsang ma la bka' stsal pa/ rgyal po chen po/ khyod la tshangs par spyod pa/ thog mar dge ba/ bar du dge ba/ tha mar dge ba/ don bzang po/ /tshig
288b3 'bru bzang po/ /ma 'dres pa/ yongs su rdzogs pa/ yongs su dag pa/ yongs su byang ba'i chos 'di lta ste/ khams drug rnam par dbye ba zhes bya ba'i chos kyi rnam grangs
288b4 bshad kyi/ de legs par rab tu nyon la yid la zungs shig dang ngas bshad do/ /bcom ldan 'das/ legs so/ /zhes gsol nas rgyal po zas gtsang ma bcom
288b5 ldan 'das kyi ltar nyan pa dang / de la bcom ldan 'das kyis 'di skad ces bka' stsal to/ /rgyal po chen po/ khams drug rnam par dbye ba zhes bya ba'i chos kyi rnam
288b6 grangs de gang zhe na/ rgyal po chen po/ skyes bu gang zag 'di ni/ khams drug pa/ reg pa'i skye mched drug pa/ yid kyi nye bar spyod pa bco brgyad pa ste/ skyes bu 'di ni/
288b7 khams drug pa zhes gang smras pa ci la brten te smras she na/ rgyal po chen po/ khams drug ni/ 'di dag go/ drug gang zhe na/ 'di lta ste/ sa'i khams dang / chu'i khams
289a1 dang / me'i khams dang / rlung gi khams dang / nam mkha'i khams dang / rnam par shes pa'i khams so/ /rgyal po chen po/ de dag
289a2 ni| khams drug ste/ skyes bu 'di ni/ khams drug pa'o/ /zhes gang ngas smras pa de ni/ de la brten te smras so/ /skyes bu 'di ni/ reg pa'i skye mched drug pa'o/ /
289a3 zhes gang smras pa de ci la brten te smras she na/ rgyal po chen po/ reg pa'i skye mched drug ni/ 'di dag ste/ drug gang zhe na/ gzugs rnams la blta ba'i phyir
289a4 mig gi reg pa'i skye mched dang / sgra rnams la nyan pa'i phyir rna ba'i reg pa'i skye mched dang / dri rnams la snom pa'i phyir sna'i reg pa'i skye mched dang / ro rnams
289a5 la myang ba'i phyir lce'i reg pa'i skye mched dang / reg bya rnams la reg pa'i phyir lus kyi reg pa'i skye mched dang / chos rnams rnam par shes pa'i phyir yid kyi reg
289a6 pa'i skye mched do/ /rgyal po chen po/ de dag ni/ reg pa'i skye mched drug ste/ skyes bu 'di ni/ reg pa'i skye mched drug pa'o/ /zhes gang ngas smras pa de ni/ de la brten
289a7 te smras so/ /rgyal po chen po/ skyes bu de ni/ yid kyi nye bar spyod pa bco brgyad pa'o/ /zhes gang smras pa de ci la brten te smras she na/ rgyal po chen po/ yid kyi nye bar
289b1 spyod pa bco brgyad ni/ 'di dag ste/ bco brgyad gang zhe na/ 'di la mi mig gis gzugs mthong na/ yid bde ba dang / yid mi bde ba dang / btang snyoms su 'gyur
289b2 bar gzugs la nye bar spyod do/ /rna bas sgra thos na/ yid bde ba dang / yid mi bde ba dang / btang snyoms su 'gyur bar sgra la nye bar spyod do/ /snas dri tshor na/ yid bde
289b3 ba dang / yid mi bde ba dang / btang snyoms su 'gyur bar dri la nye bar spyod do/ /lces ro myong na/ yid bde ba dang / yid mi bde ba dang / btang snyoms su 'gyur bar ro la
289b4 nye bar spyod do/ /lus kyis reg bya la reg na/ yid bde ba dang / yid mi bde ba dang / btang snyoms su 'gyur bar reg bya la nye bar spyod do/ /yid kyis chos rig na/
289b5 yid bde ba dang / yid mi bde ba dang / btang snyoms su 'gyur bar chos la nye bar spyod do/ /rgyal po chen po/ de la gang dag yid bde bar nye bar spyod pa drug dang /
289b6 gang dag yid mi bde bar nye bar spyod pa drug dang / gang dag btang snyoms su 'gyur bar nye bar spyod pa drug po de dag gcig tu bsdus na/ yid kyi nye bar spyod pa bco
289b7 brgyad du 'gyur ro/ /rgyal po chen po/ bco brgyad po de dag ni/ yid kyi nye bar spyod pa ste/ rgyal po chen po/ skyes bu 'di ni/ yid kyi nya bar spyod pa bco brgyad ba'o/ /zhes
290a1 gang des smras pa de ni/ de la brten te smras so/ /rgyal po chen po/ de la sa'i khams ni/ rnam pa gnyis te/ nang gi yang yod/ phyi rol
290a2 gyi yang yod do/ /rgyal po chen po/ nang gi sa'i khams gang zhe na/ gang ci yang rung ste/ lus 'di la nang gi khong na sra ba dang mkhrang ba'i rnam pa dang / nye bar gyur
290a3 pa dang / zin pa'o/ /de yang gang zhe na/ 'di lta ste/ skra dang / spu dang / sen mo dang / so dang / rdul dang / dri ma dang / pags pa dang / sha dang / rtsa dang / chu
290a4 rgyus dang / rus pa dang / rkang dang / snying dang / mchin pa dang / glo ba dang / mkhal ma dang / sul mang dang / mchin dri dang / rgyu ma dang / gnye ma dang / lgang
290a5 pa dang / mchor pa dang / phyi sa dang / gzhang dang / klad pa dang / klad rgyas dang / gzhan yang gang lus 'di la nang gi khong na sra ba dang mkhrang ba'i rnam pa dang /
290a6 lus su gtogs par gyur pa dang / zin pa 'di ni/ nang gi sa'i khams zhes bya'o/ /rgyal po chen po/ phyi rol gyi sa'i khams gang zhe na/ gang ci yang rung ste/
290a7 phyi rol gyi sra ba dang mkhrang ba'i rnam pa dang / lus su ma gtogs pa dang / ma zin pa 'di ni/ phyi rol gyi sa'i khams zhes bya'o/ /rgyal po chen po/ de la nang gi sa'i
290b1 khams 'byung ba'i tshe gang nas kyang mi 'ong / /'gag pa'i tshe yang gang du'ang gsog par mi 'gro'o/ /rgyal po chen po/ bud med nang du bdag ni/ bud med do/ /zhes
290b2 rtog cing / de nang du bud med ces brtags nas phyi rol du skyes pa'o/ /zhes rtog go /phyi rol du skyes pa la skyes pa zhes brtags nas chags par gyur te/ phyi rol gyi skyes
290b3 pa dang 'phrad par 'dod do/ /skyes pa de yang nang du bdag skyes pa zhes rtog ste/ de nang du bdag ni/ skyes pa zhes brtags nas phyi rol tu bud med ces rtog go /phyi rol du
290b4 bud med la bud med ces brtags nas chags par gyur te/ phyi rol du bud med dang 'phrad par 'dod do/ /'phrad par 'dod pas 'phrad par 'gyur ro/ /'phrad pa'i rkyen
290b5 gyis mer mer po skye bar 'gyur dus de yod do/ /rgyal po chen po/ gang la kun tu brtag pa dang / gang kun tu rtog pa de gnyis ka yang med de/ bud med la ni/ bud
290b6 med med do/ /skyes pa la ni/ skyes pa med do/ /de ltar med cing yang dag pa ma yin par kun tu rtog pa skye ste/ kun tu rtog pa de yang ngo bo nyid kyis med do/ /kun tu rtog pa
290b7 ji lta ba de bzhin du 'phrad pa dang mer mer po yang ngo bo nyid kyis med do/ /gang ngo bo nyid kyis med pa de ji ltar sra ba bskyed par 'gyur/ /rgyal po chen po/ de ltar kun tu rtag pa
291a1 shes par byas nas sra ba nyid rtogs par byas te ci nas sra ba ni/ skye ba'i tshe gang nas kyang mi 'ong bar shes par bya'o/ /rgyal po chen po/ 'di
291a2 ltar gang lus 'di dur khrod kyi mthar 'gyur ba'i dus de yod de/ de'i sra ba de 'jig cing 'gag par 'gyur ba'i tshe shar phyogs su mi 'gro/ lho phyogs dang / nub phyogs
291a3 dang | byang phyogs dang / steng dang / 'og dang / phyogs mtshams rnams su yang mi 'gro ste/ rgyal po chen po/ nang gi sa'i khams ni/ de ltar blta'o/ /rgyal po chen
291a4 po| 'jig rten gnas pa 'di nam mkhar gyur pa la tshangs pa'i gzhal med khang rin po che sna bdun gyi rgyu las grub pa gnas pa'i dus yod de/ rgyal po chen po/ de'i
291a5 sra ba de 'byung ba'i cha gang nas kyang mi 'ong ngo / /gzhan 'phrul dbang byed kyi lha rnams kyi gzhal med khang rin po che sna bdun gyi rgyu las grub pa byung yang rgyal po chen
291a6 po| de'i sra ba de 'byung ba'i tshe gang nas kyang mi 'ong ngo / /'khor yug dang 'khor yug chen po'i ri rdo rje'i rgyu las grub pa sra zhing brtan la lhun stug pa rnams gnas par
291a7 gyur kyang de dag gi sra ba de 'byung ba'i tshe gang nas kyang mi 'ong ngo / /ri'i rgyal po ri rab dag dang / gnya' shing 'dzin dag dang / mu khyud 'dzin dag dang / gshol mda'
291b1 'dzin dag dang / rdo rje 'dzin dag dang / seng ldeng can dag dang / rnam par 'dud dag dang / ri rta rna dag dang / blta na sdug dag dang / blta na sdug chen po dag dang / ther sgre dag
291b2 dang / spos kyi dad ldang dag dang / gangs ri dag dang / de ma yin pa'i ri nag po dag na gnas pa dang / thams cad dang ldan pa'i stong gsum gyi stong chen po'i 'jig rten gyi
291b3 khams na gnas pa dang / rngams su dpag tshad brgyad khri bzhi stong yod pa rgyar dpag tshad drug khri yod pa'i sa chen po gnas par gyur kyang rgyal po chen po/ /sra ba de
291b4 'byung ba'i tshe gang nas kyang mi 'ong ngo / /rgyal po chen po/ 'jig rten 'di 'jig par 'gyur ba'i tshe sa chen po 'di mes tshig pa'am/ chus bshig pa'am/ rlung gis gtor
291b5 bar 'gyur ba'i dus de yod de/ de mes tshig na ni/ du ba yang mi mngon/ thal ba'i lhag ma yang mi mngon par 'gyur ro/ /'di lta ste/ dper na/ nam mkha' la mar
291b6 ram| 'bru mar gyi mes bsregs na du ba yang mi mngon zhing thal ba'i lhag ma yang mi mngon par 'gyur ro/ /de bzhin du stong gsum gyi stong chen po'i 'jig rten gyi khams
291b7 'di mes tshig pa'i tshe du ba yang mi mngon zhing thal ba'i lhag ma yang mi mngon par 'gyur ro/ /chus bshig pa'i tshe yang lhag ma yang mi mngon par 'gyur te/ 'di lta ste/
292a1 dper na/ lan tshwa chu'i nang du zhu ba ni/ lhag ma cung zad kyang mi mngon par 'gyur ro/ /de bzhin du stong gsum gyi stong chen po'i 'jig rten gyi
292a2 khams 'di yang chus bshig pa'i tshe lhag ma cung zad kyang mi mngon par 'gyur ro/ /rlung gis gtor ba'i tshe yang lhag ma cung zad kyang mi mngon par 'gyur te/ 'di lta ste/
292a3 dper na/ rnam par 'thor rlung gis 'das pa'i bye'u ni/ lhag ma cung zad kyang mi mngon par 'gyur ro/ /de bzhin du stong gsum gyi stong chen po'i 'jig rten gyi khams
292a4 'di yang rlung gis gtor ba'i tshe lhag ma cung zad kyang mi mngon par 'gyur ro/ /rgyal po chen po/ de ltar sa'i khams de 'byung ba yang stong / sa'i khams 'jig pa
292a5 dang / 'byung ba yang ngo bo nyid kyis stong ngo / /rgyal po chen po/ sa'i khams ni/ tha snyad tsam ma gtogs par sa'i khams nyid du mi dmigs te/ tha snyad de yang bud
292a6 med ma yin/ skyes pa ma yin gyi/ rgyal po chen po/ de ltar de yang dag pa ji lta ba bzhin gyi shes rab kyis rtogs shig /rgyal po chen po/ de la chu'i khams ni /
292a7 rnam pa gnyis te/ nang gi dang / phyi rol gyi'o/ /nang gi chu'i khams gang zhe na/ gang ci yang rung ste/ lus 'di la nang gi khong na chu dang / chu'i rnam pa dang / chu nyid
292b1 dang / rlan pa dang / rlan pa'i rnam pa dang / rlan pa nyid dang / gsher ba nyid dang / lus su gtogs pa dang / zin pa'o/ /de yang gang zhe na/ 'di lta ste/ mchi ma
292b2 dang / rdul dang / mchil ma dang / snabs dang / chu ser dang / tshil bu dang / mkhris pa dang / ngar snabs dang / rnag dang / khrag dang / 'o ma dang / gcin dang /
292b3 gzhan yang gang lus 'di la nang gi khong na chu dang / chu'i rnam pa dang / chu nyid dang / rlan pa dang / rlan pa'i rnam pa dang / rlan pa nyid dang / gsher ba nyid dang / lus
292b4 su gtogs pa dang / zin pa 'di ni/ nang gi chu'i khams zhes bya'o/ /phyi rol gyi chu'i khams gang zhe na/ gang phyi rol gyi chu dang / chu'i rnam pa dang / chu nyid dang / rlan
292b5 pa dang / rlan pa'i rnam pa dang / rlan pa nyid dang / gsher ba nyid dang / lus su ma gtogs pa dang / ma zin pa 'di ni/ phyi rol gyi chu'i khams zhes bya'o/ /rgyal po
292b6 chen po| de la nang gi chu'i khams 'byung ba'i tshe gang nas kyang mi 'ong ngo / /rgyal po chen po/ sdug pa mthong na mchi ma 'byung ba dang / sdug bsngal gyis nyen pa dang / chos
292b7 kyi shugs kyis mchi ma 'byung ba dang / rlung gis btab bam/ rnam pa gzhan dag gis kyang mchi ma 'byung ste/ dpyad byas pas kyang nang gi chu'i khams 'phel bar 'gyur
293a1 ba'i dus de yod de/ rgyal po chen po/ chu'i khams de 'byung ba'i tshe gang nas kyang mi 'ong ngo / /rgyal po chen po/ gang nang gi chu'i khams
293a2 yongs su skam par 'gyur ba'i dus de yod de/ de yongs su skam zhing 'gag pa'i tshe gang du'ang mi 'gro'o/ /rgyal po chen po/ gang nang gi me'i khams shas che bar
293a3 gyur na| des nang gi chu'i khams yongs su gdung bar gyur pa'i dus de yod de/ gdungs pa'i tshe gang du'ang mi 'gro'o/ /rgyal po chen po/ de bzhin du nang gi chu'i
293a4 khams 'byung ba'i tshe gang nas kyang mi 'ong / /'gag pa'i tshe gang du'ang mi 'gro'o/ /rgyal po chen po/ gang 'jig rten 'di chags par 'gyur ba'i dus de yod de /
293a5 'jig rten gyi khams 'di chags par 'gyur ba'i tshe nam mkha' 'di la kun tu sprin shin tu stug po'i tshogs sum cu rtsa gnyis 'khrigs par 'gyur te/ de dag
293a6 'khrigs pas thams cad dang ldan pa'i stong gsum gyi stong chen po'i 'jig rten gyi khams 'di thams cad yog par 'gyur te/ de las bskal pa bar ma lnga'i bar
293a7 du gshol mda' tsam gyi char gyi rgyun 'bab bo/ /bskal pa bar ma lnga'i bar du glang po che'i pho mtshan tsam gyi char 'bab bo/ /bskal pa bar ma lnga'i bar du rgyun mi 'chad
293b1 pa'i char 'bab bo/ /bskal pa bar ma lnga'i bar du thigs pa chen po'i char 'bab bo/ /nges sa chen 'di nas tshangs pa'i 'jig rten gyi bar du chus khyab par gang bar 'gyur
293b2 te| rgyal po chen po/ chu'i phung po chen po de 'byung ba'i tshe'ang gang nas kyang mi 'ong ngo / /rgyal po chen po/ gang 'jig rten 'di 'jig par 'gyur ba'i dus de yod de/ 'jig
293b3 rten gyi khams 'jig par 'gyur ba'i tshe nyi ma gnyis 'jig rten du 'byung bar 'gyur te/ nyi ma gnyis 'jig rten du byung bas chu mig dang / chu bran rnams skam par 'gyur
293b4 ro| |de nas nyi ma gsum 'jig rten du 'byung ste/ nyi ma gsum 'jig rten du byung bas chu mig chen po dang / chu klung chen po rnams skam par 'gyur ro/ /de nas nyi ma bzhi
293b5 'jig rten du 'byung ste/ nyi ma bzhi 'jig rten du byung bas gang na chu klung chen po bzhi po 'di dag 'bab pa'i mtsho chen po ma dros pa de yang yongs su skam par 'gyur ro//
293b6 thim par 'gyur te med par 'gyur ro/ /de nas nyi ma lnga 'jig rten du byung ste/ nyi ma lnga 'jig rten du 'byung bas rgya mtsho chen po yang dpag tshad gcig tsam gyi chu yongs su zad
293b7 cing yongs su 'grib par 'gyur ro/ /dpag tshad gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / dpag tshad lnga bcu tsam gyi chu
294a1 yongs su zad cing yongs su 'grib par 'gyur ro/ /dpag tshad brgya dang / nyis brgya dang / sum brgya dang / bzhi brgya dang / dpag tshad
294a2 lnga brgya dang / dpag tshad stong dang / nyis stong dang / sum stong dang / dpag tshad bzhi stong tsam du rgya mtsho chen po las chu yongs su zad cing yongs su 'grib par 'gyur
294a3 ro| |rgyal po chen po/ rgya mtsho chen po la dpag tshad bzhi khri'i chu lus par 'gyur ba dang / dpag tshad sum khri dang / nyi khri dang / khri dang / dgu stong dang / brgyad stong
294a4 dang / bdun stong dang / drug stong dang / lnga stong dang / bzhi stong dang / sum stong dang / nyis stong dang / stong gi chu lus par 'gyur ba dang / dpag tshad dgu brgya'i chu
294a5 lus par 'gyur ba dang / dpag tshad brgyad brgya dang / bdun brgya dang / drug brgya dang / lnga brgya dang / bzhi brgya dang / sum brgya dang / nyis brgya dang / brgya'i chu lus par
294a6 'gyur ba dang / dpag tshad lnga bcu dang / bzhi bcu dang / sum cu dang / nyi shu dang / bcu dang / dgu dang / brgyad dang / bdun dang / drug dang / lnga dang / bzhi dang / gsum
294a7 dang / gnyis dang / dpag tshad gcig gi chu lus par 'gyur ba dang / shing ta la bcu dang / dgu dang / brgyad dang / bdun dang / drug dang / lnga dang / bzhi dang / gsum
294b1 dang / gnyis dang / shing ta la gcig tsam gyi chu lus par 'gyur ba dang / mi 'greng bcu dang / dgu dang / brgyad dang / bdun dang / drug dang / lnga dang / bzhi dang / gsum
294b2 dang / mi 'greng gnyis tsam gyi chu lus par 'gyur ba dang / lkog ma nub tsam dang / mchan khung nub tsam dang / lte ba nub tsam dang / pus mo nub tsam gyi chu lus par
294b3 'gyur ba nas ba lang gi mig rjes kyi chu tsam gyi bar du lus par 'gyur ba'i dus de yod do/ /rgyal po chen po/ gang rgya mtsho chen po las zil pa phram phrum tsam lus par
294b4 'gyur ba'i dus de yod do/ /'di lta ste/ dper na/ char pa'i thigs pa chen po bab na/ sa chen po la thogs mar zil pa phram phrum tsam du 'gyur ro/ /rgyal po chen po/ de
294b5 bzhin du rgya mtsho chen po de yang zil pa phram phrum tsam lus par 'gyur ba'i dus de yod do/ /rgyal po chen po/ gang rgya mtsho chen po la mdzub mo bsnun pa tsam gyi chu'ang ma
294b6 lus par 'gyur ba'i dus de yod do/ /rgyal po chen po/ de tsam du chu'i khams de 'gags pa'i tshe'ang gang du'ang mi 'gro ste/ shar phyogs dang / lho phyogs dang / nub
294b7 phyogs dang / byang phyogs dang / steng dang / 'og dang / phyogs mtshams su mi 'gro'o/ /rgyal po chen po/ chu'i khams de ni/ skye ba yang stong / 'jig pa yang stong / gnas
295a1 ba'i tshe'ang chu'i khams de rang bzhin gyis stong ste/ rgyal po chen po/ chu'i khams de ni/ tha snyad tsam ma gtogs par chu'i khams kyis
295a2 stong zhing mi dmigs pa ste/ tha snyad de yang bud med ma yin/ skyes pa ma yin no/ /de ltar yang dag pa ji lta ba bzhin du yang dag pa'i shes rab kyis rtogs shig /
295a3 rgyal po chen po/ de la me'i khams ni/ rnam pa gnyis te/ nang gi dang / phyi rol gyi'o/ nang gi me'i khams gang zhe na/ gang ci yang rung ste/ lus 'di la me dang /
295a4 me'i rnam pa dang / dro ba dang / dro ba'i rnam pa dang / lus la gtogs pa dang / zin pa'o/ /de yang gang zhe na/ gang gis lus 'di gdungs pa dang / kun tu gdung ba dang / yongs su gdung ba
295a5 dang / gang gis zos pa dang / 'thungs pa dang / 'chos pa dang / myang ba rnams bde zhing legs par zhu bar 'gyur ba dang / gang gi shas ches na/ rims so/ /
295a6 rims so/ /zhes bya ba'i grangs su 'gro ba dang / gzhan yang gang lus 'di la nang gi khong na me dang / me'i rnam pa dang / dro ba dang / dro ba'i rnam pa dang / lus
295a7 su gtogs pa dang / zin pa 'di ni/ nang gi me'i khams zhes bya'o/ /phyi rol gyi me'i khams gang zhe na/ gang phyi rol gyi me dang / me'i rnam pa dang / dro ba dang / dro
295b1 ba'i rnam pa dang / lus su ma gtogs pa dang / ma zin pa ste/ de ni/ mi dag rtsub shing dang ldan pa'am/ rtswa dang ldan pa'am/ ba lang gi lci ba'i bur ma'am/ shing bal
295b2 gyi sgo nga dang ldan par byas shing me 'byin te/ de byung nas grong yang tshig /grong gi phyogs kyang tshig /grong khyer ram/ grong khyer gyi phyogs sam/ yul lam/ yul gyi phyogs
295b3 sam| gling ngam/ rtswa'i gtos sam/ nags sam/ shing ngam/ rtswa'am/ ba lang gi lci ba dag bsreg cing 'gro ba dang / gzhan yang gang tshul 'di dang 'dra ba 'di ni/ phyi
295b4 rol gyi me'i khams zhes bya'o/ /rgyal po chen po/ de la phyi rol gyi me'i khams ni/ 'byung ba'i tshe'ang gang nas kyang mi 'ong / /'gag pa'i tshe yang gang du yang gsog par mi
295b5 'gro ste| de ni/ rang bzhin dang bral ba'i phyir med pa las yod par 'gyur zhing / yod par gyur nas kyang med par 'gyur ro/ /rgyal po chen po/ de la rlung gi khams kyang
295b6 rnam pa gnyis te/ nang gi dang / phyi rol gyi'o/ /de la nang gi rlung gi khams she na/ gang lus 'di la rlung dang / rlung gi rnam pa dang / yang ba nyid dang / g.yo ba nyid dang /
295b7 lus su gtogs pa dang / zin pa'o/ /de yang gang zhe na/ 'di lta ste/ gyen du 'gro ba'i rlung dang / thur du 'gro ba'i rlung dang / thad kar 'gro ba dang / rgyab tu 'gro ba dang /
296a1 rgyab tu gnas pa dang / lto na gnas pa dang / 'chad par byed pa dang / 'gag par byed pa dang / gzer ba dang / 'dar bu dang / sna skad
296a2 dang / rlung skran dang / dbugs 'byung ba dang / rngub pa dang ldan pa dang / yan lag dang ldan pa dang / yan lag dang nyid lag la gnas pa'i rlung dag dang / gzhan
296a3 yang gang dag lus 'di la nang gi khong na rlung dang / rlung gi rnam pa dang / yang ba nyid dang / g.yo ba nyid dang / lus su gtogs pa dang / zin pa 'di ni/ nang gi rlung
296a4 gi khams zhes bya'o/ /phyi rol gyi rlung gi khams gang zhe na/ gang phyi rol gyi rlung dang / rlung gi rnam pa dang / yang ba nyid dang / g.yo ba nyid dang / lus su ma gtogs
296a5 pa dang / ma zin pa dag ste/ phyi rol gyi rlung de la yang shar phyogs kyi rlung yod do/ /lho phyogs dang / nub phyogs dang / byang phyogs kyi rlung yod do/ /rdul dang bcas
296a6 pa dang / rdul med pa dang / chung ba dang / che ba'i rlung yod do/ /kun tu khyab pa'i rlung dang / rnam par 'thor ba'i rlung dang / tshub ma'i rlung dag kyang yod do/ /rgyal po
296a7 chen po| rlung gi phung po chen po langs na/ shing dag kyang gcog /rtsig pa'i kha dog dang / ri'i rtse mo dag kyang bsnyil zhing / bsnyil nas rmog med par 'gyur ba dag dang //
296b1 yang sems can dag gos kyi mtha' ma'am/ sbud pa'am/ rlung yab dag gis rlung de g.yob pa'i dus de yod de/ gzhan yang gang tshul 'di dang 'dra ba de ni/ phyi rol gyi
296b2 rlung gi khams zhes bya'o/ /rgyal po chen po/ de la nang dang / phyi'i rlung gi khams ni/ 'byung ba'i tshe'ang gang las kyang mi 'ong / 'gag pa'i tshe'ang gang du yang gsog
296b3 par mi 'gro ste/ rang bzhin dang bral ba'i phyir med pa las yod par 'gyur zhing / yod par gyur nas kyang med par 'gyur ro/ /rgyal po chen po/ de la nam mkha'i khams
296b4 kyang rnam pa gnyis te/ nang gi dang / phyi rol gyi'o/ /nang gi nam mkha'i khams gang zhe na/ gang ci yang rung ste/ lus 'di la nang gi khong na lus la yod pa dang / zin
296b5 pa dang / nam mkha' dang / nam mkha'i dam pa nang zhes bya ba'i grangs su 'gro ba ma gang ba/ pags pa dang / sha dang / khrag gis dgang bar bya ba ma yin pa'o/ /de
296b6 yang gang zhe na/ lus 'di la mig gi nang zhe'am/ rna ba dang / sna'i nang zhe'am/ kha zhe'am/ kha'i nang zhe'am/ kha'i sgo zhe'am/ lkog ma zhe'am/ mid pa zhe'am /
296b7 gang nas mid ba dang / gang du gnas pa dang / gang gis zos pa dang / 'thungs pa dang / 'chos pa dang / myangs pa rnams thur du rgyu bar byed pa dang / gzhan yang gang lus
297a1 'di la nang gi khong na lus la yod pa dang / zin pa dang / phung por gyur pa'am/ khams su gyur pa'am/ skye mched du gyur pa dag gi
297a2 nam mkha' dang / nam mkha'i rnam pa dang / ma gang ba dang / pags pa dang / sha dang / khrag gis dgang bar bya ba ma yin pa nang gi grangs su 'gro ba khong stong
297a3 dang / bu ga zhes bya ba dag ste/ de ni/ nang gi nam mkha'i khams so/ /phyi rol gyi nam mkha'i khams gang zhe na/ gang ci yang rung ste/ phyi rol gyi nam mkha'
297a4 dang / nam mkha'i rnam pa dang / ma gang ba dang / gzugs su gyur pas dgang bar bya ba ma yin pa/ ma 'dres pa/ khong stong dang / bu gar gyur pa 'di ni/ phyi rol
297a5 gyi nam mkha'i khams zhes bya'o/ /rgyal po chen po/ gang las kyi rkyen gyis skye mched rnams 'byung ba'i dus de yod de/ de dag nam mkha'i khams la sgrib par
297a6 'gyur te/ de nang gi nam mkha'i khams zhes bya ba'i grangs su 'gro yang de ni/ gang las kyang ma 'ongs so/ /rgyal po chen po/ gzugs zhig na/ thams cad nam
297a7 mkhar 'gyur ba'i dus de yod do/ /de ci'i phyir zhe na/ nam mkha'i khams ni/ zad mi shes pa'i phyir ro/ /de ni/ nam mkha'i khams zhes bya ste/ gnas shing mi
297b1 g.yo ba'o/ /rgyal po chen po/ 'di lta ste/ dper na/ 'dus ma byas ni/ mya ngan las 'das pa'i dbyings te/ de bzhin du nam mkha'i khams kyang thams cad du song
297b2 bar blta bar bya'o/ /rgyal po chen po/ 'di lta ste/ dper na/ mi zhig gis thang la khron pa'am/ rdzing bu'am/ khron ring ngam/ rdzing zhig brkos na/ rgyal po chen po/
297b3 'di la ji snyam du sems/ de'i nam mkha' de gang las 'ongs/ gsol pa/ bcom ldan 'das/ de ni/ gang nas kyang ma mchis so/ /rgyal po chen po/ 'di lta ste /
297b4 dper na/ mi des khron pa nas rdzing gi bar de dag phyir bkang na/ rgyal po chen po/ de la ji snyam du sems/ de'i nam mkha' de gang du song / gsol pa/ bcom ldan
297b5 'das| de ni/ gang du yang ma mchis te/ de ci'i slad du zhe na/ nam mkha'i khams ni/ 'gro ba'am 'ong bar nye bar gnas pa ma lags/ bud med kyi dngos po dang /
297b6 skyes pa'i dngos por nye bar gnas pa ma lags pa'i slad du'o/ /bka' stsal pa/ rgyal po chen po/ de ltar na/ phyi rol gyi nam mkha'i khams ni/ mi g.yo mi 'gyur
297b7 ba'o| |de ci'i phyir zhe na/ nam mkha'i khams ni/ nam mkha'i khams kyis stong zhing / nam mkha'i khams ni/ nam mkha'i khams dang bral ba ste/ nam mkha'i khams
298a1 ni| bud med kyi dngos por nye bar mi gnas/ skyes pa'i dngos por nye bar mi gnas kyi/ de ltar yang dag pa ji lta ba bzhin du yang dag
298a2 pa'i shes rab kyis rtogs shig /rgyal po chen po/ de la rnam par shes pa'i khams gang zhe na/ mig gi dbang po ni/ bdag po dmigs/ gzugs ni/ dmigs
298a3 pa| gzugs so sor rnam par rig pa ste/ sngon po rnam par rig pa'am/ ser po dang / dmar po dang / khra bo rnam par rig pa'am/ ring po dang / thung ngu dang /
298a4 sbom po dang / phra mo rnam par rig pa ste/ rgyal po chen po/ de ltar gang ci yang rung / kha dog dang / dbyibs rnam par rig pa 'di ni/ mig gi rnam par shes pa'i khams
298a5 zhes bya'o/ de bzhin du gang ci yang rung / rna ba'i dbang po ni/ bdag po nas yid kyi dbang po ni/ bdag po/ chos ni/ dmigs pa ste/ sgra rnam par rig pa'am/ dri
298a6 rnam par rig pa'am/ ro rnam par rig pa'am/ reg rnam par rig pa'am/ chos rnam par rig pa 'di ni/ rna ba'i rnam par shes pa'i khams nas yid kyi rnam par shes
298a7 pa'i bar gyi khams zhes bya ste/ de ltar dbang po drug ni/ bdag po/ yul drug ni/ dmigs pa yin la/ yul rnam par rig pa 'di ni/ rnam par shes pa'i khams
298b1 zhes bya'o/ /rgyal po chen po/ rnam par shes pa'i khams de ni/ dbang po la mi brten/ yul rnams las ma 'ongs/ bar gyi dbus na mi gnas te/ de ni/ nang na yang
298b2 ma yin/ phyi rol na yang ma yin/ gnyi ga med pa la yang ma yin no/ /rnam par shes pa'i khams de ni/ dngos po so sor rnam par rig nas 'gag ste/ de 'byung
298b3 ba'i tshe gang nas kyang ma 'ongs/ 'gag pa'i tshe gang du yang mi 'gro'o/ /rnam par shes pa'i khams de 'byung ba yang stong / 'jig pa yang stong ste/ rnam par shes pa'i
298b4 khams de byung yang rang bzhin gyis stong ngo / /rgyal po chen po/ de ltar na/ tha snyad ma gtogs par rnam par shes pa'i khams de ni/ rnam par shes pa'i khams nyid
298b5 kyis stong ste/ tha snyad de yang skyes pa ma yin/ bud med ma yin gyi/ de ni/ de ltar yang dag pa ji lta ba bzhin du yang dag pa'i shes rab kyis rtogs shig /rgyal po
298b6 chen po/ de la mig gi skye mched gang zhe na/ de ni/ 'byung ba chen po bzhi dang ba ste/ 'di ltar sa'i khams dang / chu'i khams dang / me'i khams dang / rlung gi khams
298b7 so| |de la sa'i khams dang ba ni/ mig gi skye mched ma yin no/ /chu'i khams dang ba yang ma yin no/ /me'i khams dang ba yang ma yin no/ /rlung gi khams dang ba yang
299a1 mig gi skye mched ma yin no/ /de ci'i phyir zhe na/ sa'i khams dang ba ni/ chos gang la yang skye mched dam/ skye mched thob par bya bar
299a2 nye bar mi gnas so/ /de bzhin du rlung gi bar gyi khams dang ba ni/ chos gang la yang skye mched dam/ skye mched thob par bya bar nye bar mi gnas so/ /de ci'i phyir zhe na/
299a3 chos de dag ni/ sems pa med cing byed pa med la ci yang mi nus pa ste/ rgyal po chen po/ chos rnams ni/ re re nas btsal na tha snyad tsam ma gtogs par mig gi skye
299a4 mched mi dmigs so/ /de ci'i phyir zhe na/ sa'i khams dang ba ni/ sa'i khams dang bas stong / rlung gi khams dang ba'i bar ni/ rlung gi khams dang bas stong ste/ chos
299a5 gang dag rang bzhin gyis stong pa de dag la dang ba'am/ 'khrugs par 'gyur ba'ang ga la yod de/ gang la dang ba'am/ 'khrugs pa mi dmigs pa de dag ji ltar gzugs
299a6 la lta bar 'gyur/ de ltar mig gi skye mched ni/ mig gi skye mched kyi rang bzhin gyis shin tu stong ste/ de ni/ 'ong ba dang / 'gro ba med pa'i phyir sngon gyi mthar mi
299a7 dmigs so/ /phyi ma'i mthar yang mi dmigs so/ /rang bzhin med pa'i phyir de la gnas pa yang mi dmigs so/ /gang rang bzhin gyis med pa de ni/ bud med kyang ma
299b1 yin| skyes pa yang ma yin no/ /gang bud med kyang ma yin/ skyes pa yang ma yin pa de ni/ des rlom sems su ni/ ga la 'gyur te/ rgyal po chen po/ rlom sems ni/ bdud
299b2 kyi spyod yul lo/ /rlom sems med pa ni/ sangs rgyas kyi spyod yul lo/ /de ci'i phyir zhe na/ chos thams cad ni/ rlom sems dang bral ba'o/ /rgyal po chen po/ yang
299b3 dag pa ji lta ba bzhin du rtogs na/ mig gi skye mched ni/ mig gi skye mched kyis stong ngo / /de ci'i phyir zhe na/ mig gi skye mched 'di la ni/ mtshan ma med de/ de'i phyir mig
299b4 gi skye mched kyi mtshan ma 'di ni/ mig gi skye mched kyis stong ste/ 'di ni/ stong pa nyid do/ /mig gi skye mched ni/ mtshan mas mtshan ma dang bral ba ste/ 'di ni/ mtshan
299b5 ma med pa'o/ /de ni/ smon par mi byed pas 'di ni/ smon pa med pa'o/ /rgyal po chen po/ de ltar na/ mig gi skye mched ni/ rnam par thar pa'i sgo gsum ste/ mig gi skye
299b6 mched ni/ rnam par thar pa la mngon par phyogs pa'o/ /rgyal po chen po/ de la rna ba'i skye mched nas lus kyi skye mched kyi bar gang zhe na/ gang 'byung ba chen po bzhi dang
299b7 pa'o| |rgyal po chen po/ de ltar na/ chos thams cad kyi bar ni/ rnam par thar pa la mngon par phyogs pa/ chos kyi dbyings su nges pa/ nam mkha'i khams kyi mthas klas
300a1 pa| gdags su med pa/ tha snyad med pa/ brjod pa med pa/ brjod par bya ba ma yin pa'o/ /rgyal po chen po/ gang la dbang po rnams thogs
300a2 par 'gyur ba de ni/ yul rnams zhes bya ste/ mig ni/ gzugs rnams la thogs par 'gyur bas de'i phyir gzugs rnams ni/ mig gi yul zhes bya'o/ /de bzhin
300a3 du rna ba ni/ sgra rnams la/ sna ni/ dri rnams la/ lce ni/ ro rnams la/ lus ni/ reg bya rnams la/ yid ni/ chos rnams la thogs par 'gyur bas de'i phyir chos
300a4 rnams ni/ yid kyi yul zhes bya'o/ /de la mig gzugs rnams la thogs so/ /zhes bya ba 'di ni/ 'bab pa'i thogs par 'gyur bar bstan te/ 'di ltar mig ni/
300a5 gzugs rnams la rnam pa gsum du 'bab ste/ mthun pa rnams la sdug pa'i 'du shes kyis 'bab pa dang / mi mthun pa rnams la khong khro ba'i 'du shes kyis 'bab
300a6 pa dang / mthun pa yang ma yin/ mi mthun pa yang ma yin pa rnams la btang snyoms kyi 'du shes kyis 'bab pa'o/ /de bzhin du yid ni/ chos rnams la thogs par
300a7 'gyur ro/ /zhes bya ba 'di ni/ 'bab pa'i thogs par 'gyur bar bstan te/ 'di ltar yid ni/ chos rnams la rnam pa gsum du 'bab ste/ mthun pa rnams la rjes
300b1 su chags pas 'bab pa dang / mi mthun pa rnams la khong khro bas 'bab pa dang / mthun pa yang ma yin/ mi mthun pa yang ma yin pa rnams la rmongs pas 'bab pa'i yul
300b2 de dag ni/ yid kyi spyod yul zhes bya ste/ de la yid spyod cing rnam par spyod pas de'i phyir yid kyi spyod yul zhes bya'o/ /rgyal po chen po/ yid de mthun pa'i gzugs
300b3 rnams la rjes su chags par spyod pa des ni/ de'i 'dod chags skye bar 'gyur/ mi mthun pa'i gzugs rnams la khong khro bar spyod pa des ni/ de'i zhe sdang skye bar 'gyur/
300b4 mthun pa yang ma yin/ mi mthun pa yang ma yin pa rnams la rmongs par spyod pa des ni/ de'i gti mug skye bar 'gyur/ de bzhin du sgra dang / dri dang / ro dang / reg bya rnams
300b5 la yang chos rnam pa gsum la dmigs pa myong bar 'gyur te/ rjes su chags pa dang / khong khro ba dang / rmongs par 'gyur ba'o/ /yid kyi shes bya mthun pa'i chos rnams
300b6 la rjes su chags par spyod pa des ni/ de'i 'dod chags skye bar 'gyur/ mi mthun pa'i chos rnams la khong khro bar spyod pa des ni/ de'i zhe sdang skye bar 'gyur/ mthun pa yang
300b7 ma yin/ mi mthun pa yang ma yin pa'i chos rnams la rmongs par spyod pa des ni/ de'i gti mug skye bar 'gyur ro/ /rgyal po chen po/ de la dbang po rnams ni/ sgyu ma lta bu /
301a1 yul rnams ni/ rmi lam lta bur shes par bya ste/ rgyal po chen po/ /'di lta ste/ dper na/ mi zhig nyal ba'i rmi lam na yul gyi bzang
301a2 mo dang lhan cig tu yongs su spyod par rmi lam/ de la nyal ba las sad na/ bud med yul gyi bzang mo de rjes su dran par gyur na/ rgyal po chen po/ de la ji snyam du sems/
301a3 rmi lam na mthong ba'i yul gyi bzang mo de yod dam/ gsol pa/ bcom ldan 'das/ de ni/ ma mchis so/ /bka' stsal pa/ rgyal po chen po/ 'di la ji snyam du
301a4 sems| skyes bu gang rmi lam na yul gyi bzang mo mthong ba'i bud med de dag lhan cig rtse ba dang / dga' ba dang / mngon par zhen par 'gyur ba de mkhas pa'i rang bzhin
301a5 can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam na mthong ba'i yul gyi bzang mo de ni /
301a6 shin tu ma mchis shing mi dmigs na/ de dang lhan cig yongs su spyod pa lta ga la mchis te/ gzhan du na gang de la mngon par zhen pa'i mi de ni/ phongs shing
301a7 dub pa'i skal pa can du 'gyur ro/ /bcom ldan 'das kyis bka' stsal pa/ rgyal po chen po/ /de bzhin du byis pa so so'i skye bo thos pa dang mi ldan pa yang mig gis
301b1 gzugs mthong na/ yid bde bar 'gyur ba rnams la mngon par zhen par 'gyur te/ de mngon par zhen pas rjes su chags par 'gyur ro/ /rjes su chags par gyur nas yongs
301b2 su chags par 'gyur ro/ /yongs su chags par gyur nas 'dod chags las byung ba'i las lus kyis rnam pa gsum/ ngag gis ni/ rnam pa bzhi/ yid kyis ni/ rnam pa
301b3 gsum mngon par 'du byed de/ de las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te
301b4 gnas pa ma yin/ lho phyogs dang / nub phyogs dang / byang phyogs dang / steng dang / 'og dang / phyogs mtshams rnams su brten te gnas pa ma yin/ 'di na ma yin/
301b5 pha gi na ma yin/ bar ma don ma yin te/ dus gzhan zhig na 'chi ba'i dus dang tshod nye bar gnas pa'i tshe srog gi dbang po 'gags te tshe yongs su zad cing de dang / skal ba
301b6 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na/ nyal nyal ba las sad pa'i yul gyi bzang mo dang 'dra bar yid kyis dmigs
301b7 par 'gyur ro/ /rgyal po chen po/ de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang
302a1 po 'byung ste/ yang na ni/ sems can dmyal bar/ yang na ni/ dud 'gro'i skye gnas su/ yang na ni/ gshin rje'i 'jig rten du/
302a2 yang na ni/ lha ma yin gyi ris su/ yang na ni/ mi'i nang du/ yang na ni/ lha'i nang du 'byung bar 'gyur te/ rnam par shes pa dang po skye ba'i char gtogs pa de 'gags
302a3 ma thag tu bar ma chad par gang la rnam par smin pa de myong bar 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes pa tha ma 'gag pa
302a4 de ni| 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni/ skye ba zhes bya ste/ rgyal po chen po/ de ltar na chos gang yang 'jig rten 'di
302a5 nas 'jig rten pha rol tu 'pho ba'ang med na/ 'chi 'pho dang skye bar mngon pa'ang yod de/ rgyal po chen po/ rnam par shes pa tha ma de skye ba'i tshe yang gang nas kyang mi
302a6 'ong / 'gag pa'i tshe yang gang du yang mi 'gro'o/ /las de yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /rnam par shes
302a7 pa dang po de yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes pa tha
302b1 ma ni| rnam par shes pa tha mas stong / las ni/ las kyis stong / rnam par shes pa dang po ni/ rnam par shes pa dang pos stong / 'chi 'pho ni/ 'chi 'phos stong /
302b2 skye ba ni/ skye bas stong la/ las rnams 'bras bu med par mi 'gyur zhing / rnam par smin pa myong bar mngon pa yang yod de/ de la ming gi brda tsam ma gtogs par byed
302b3 pa po'am za ba po gang yang med do/ /rgyal po chen po/ 'di lta ste/ dper na/ mi zhig nyal ba'i rmi lam na dgra dang 'thab pa zhig rmis la/ nyal nyal pa las sad nas de
302b4 nyid dran par gyur na/ rgyal po chen po/ de la ji snyam du sems/ rmi lam du rmis pa'i dgra de'am/ dgra de dang 'thab pa yod dam/ gsol pa/ bcom ldan 'das/ de
302b5 ni| ma mchis so/ /bka' stsal pa/ rgyal po chen po/ 'di la ji snyam du sems/ 'o na skyes bu gang rmi lam gyi dgra la mngon par zhen pa'am/ dgra dang 'thab par gyur
302b6 pa de mkhas pa'i rang bzhin can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam na mthong ba'i dgra
302b7 nyid kyang shin tu ma mchis shing mi dmigs na/ de dang 'thab pa lta ga la mchis te/ gzhan du na/ gang de la mngon par zhen pa'i mi de ni/ phongs shing dub pa'i skal
303a1 pa can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo thos pa dang mi ldan pa
303a2 yang mig gis gzugs mthong na/ yid mi bde bar gyur pa rnams la yang mngon par zhen par 'gyur te/ mngon par zhen par gyur nas khong khro bar 'gyur/ khong khro
303a3 bar gyur nas zhe sdang bar 'gyur/ zhe sdang bar gyur nas zhe sdang las byung ba'i las lus kyis ni/ rnam pa gsum/ ngag gis ni/ rnam pa bzhi/ yid kyis ni/ rnam pa
303a4 gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te
303a5 gnas pa ma yin/ lho phyogs dang / nub phyogs dang / byang phyogs dang / steng dang / 'og dang / phyogs mtshams rnams su brten te gnas pa ma yin/ 'di na ma yin/
303a6 pha gi na ma yin/ bar ma do na ma yin te/ dus gzhan zhig na 'chi ba'i dus dang tshod nye bar gnas pa'i tshe srog gi dbang po 'gags te tshe yongs su zad cing de dang skal
303a7 ba 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na/ nyal nyal ba las sad pa'i dgra dang 'thab pa dang 'dra bar yid
303b1 kyis dmigs par 'gyur ro/ /rgyal po chen po/ de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par
303b2 shes pa dang po 'byung ste/ skyes so/ /zhes bya ba'i grangs su 'gro'o/ /rnam par shes pa dang po de 'gags ma thag tu bar ma chad par gang la rnam par smin pa myong bar 'gyur
303b3 ba mngon pa'i sems kyi rgyud skal pa 'dra bar 'gyur ro/ /de la gang rnam par shes pa tha ma 'gags par mngon pa yang yod de/ rgyal po chen po/ rnam par shes pa tha ma
303b4 skyes pa'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las de dang / skye ba de dang / rnam par shes pa dang po skye ba'i char gtogs pa yang
303b5 de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes pa tha ma ni/ rnam par
303b6 shes pa tha mas stong / rnam par shes pa dang po ni/ rnam par shes pa dang pos stong / las ni/ las kyis stong / 'chi 'pho ni/ 'chi 'phos stong / skye ba ni/ skye bas
303b7 stong la| las rnams 'bras bu med par mi 'gyur zhing rnam par smin pa myong bar mngon par yang yod de/ de la ming gi brdar bya ba ma gtogs par byed pa po'am zab po gang
304a1 yang med do/ /bam po bcu gsum pa// //rgyal po chen po/ 'di lta ste/ dper na/ mi zhig nyal ba'i rmi lam na 'dres non pa rmis te/ 'jig
304a2 pas shin tu rmongs par gyur la/ nyal ba las sad nas 'dre de dang shin tu rmongs par gyur pa de dran par gyur na/ rgyal po chen po/ de ji snyam du sems/ rmi lam na mthong
304a3 ba'i 'dre dang / shin tu rmongs par gyur pa de yod dam/ gsol pa/ bcom ldan 'das/ de ni/ ma mchis so/ /bka' stsal pa/ rgyal po chen po/ de ji snyam du
304a4 sems| 'o na de ltar rmi lam na mthong ba'i 'dre la mngon par zhen cing shin tu rmongs par gyur pa'i mi de mkhas pa'i rang bzhin can yin nam/ gsol pa/ bcom
304a5 ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam gyi 'dre de ni/ shin tu ma mchis na/ shin tu rmongs pa lta ga la mchis te/
304a6 gzhan du na/ gang de la mngon par zhen pa'i mi de ni/ phongs shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de
304a7 bzhin du byis pa so so'i skye bo thos pa dang mi ldan pa yang mig gis gzugs mthong na/ btang snyoms su gyur pa rnams la yang mngon par zhen par 'gyur te/ mngon
304b1 par zhen par gyur nas shin tu rmongs par 'gyur ro/ /shin tu rmongs nas kun nas nyon mongs par 'gyur ro/ /kun nas nyon mongs par gyur pa'i gti mug las byung ba'i las lus kyis ni/ rnam
304b2 pa gsum/ ngag gis ni/ rnam pa bzhi/ yid kyis ni/ rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags
304b3 la bral zhing rnam par gyur pa ste/ shar phyogs su brten te gnas pa ma yin/ lho phyogs dang / nub phyogs dang / byang phyogs dang / steng dang / 'og dang / phyogs
304b4 mtshams rnams su brten te gnas pa ma yin/ 'di na ma yin/ pha gi na ma yin/ bar ma do na ma yin te/ dus gzhan na 'chi ba'i dus dang tshod nye bar gnas pa'i tshe
304b5 srog gi dbang po 'gags te tshe yang yongs su zad cing de dang skal ba 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na /
304b6 nyal nyal ba las sad pa'i 'dre dang / shin tu rmongs pa dang 'dra bar yid kyis dmigs par 'gyur ro/ /rgyal po chen po/ de la rnam par shes pa tha ma'i dbang dang /
304b7 las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po de byung ste/ rnam par shes pa dang po
305a1 de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /de la
305a2 gang rnam par shes pa tha ma 'gag pa de ni/ 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni/ skye ba zhes bya ste/ rgyal po chen po/ de
305a3 ltar na| chos gang yang 'jig rten 'di nas 'jig rten pha rol tu 'pho ba med la 'chi 'pho dang skye bar mngon pa yod de/ rgyal po chen po/ rnam par shes pa tha ma de skye
305a4 ba'i tshe yang gang nas kyang mi 'ong / 'gag pa'i tshe yang gang du'ang mi 'gro'o/ /las de yang skye ba'i tshe yang gang nas kyang mi 'ong / 'gag pa'i tshe yang gang du'ang mi
305a5 'gro'o| |rnam par shes pa dang po de yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid med pa'i phyir te/
305a6 rnam par shes pa tha ma ni/ rnam par shes pa tha mas stong / las ni/ las kyis stong / rnam par shes pa dang po ni/ rnam par shes pa dang pos stong / 'chi 'pho ni/
305a7 'chi 'phos stong / skye ba ni/ skye bas stong la/ las rnams 'bras bu med par mi 'gyur bar mngon zhing rnam par smin pa myong bar mngon pa yang yod de/ de la ming gi brda
305b1 tsam ma gtogs par byed pa po'am/ za ba po gang yang med do/ /rgyal po chen po/ 'di lta ste/ dper na/ mi zhig nyal ba'i rmi lam na yul gyi bud med bzang mo glu len
305b2 pa'i glu snyan pa dang / pi wang len pa'i sgra snyan pa nyan cing / de glu dang rol mo'i sgra des yongs su spyod pa rmis la/ nyal ba las sad nas glu dang rol mo'i sgra de nyid bran
305b3 par gyur na/ rgyal po chen po/ de la ji snyam du sems/ rmi lam na mthong ba'i yul gyi bud med bzang mo dang / glu dang rol mo'i sgra de yod dam/ gsol pa/ bcom
305b4 ldan 'das/ de ni/ ma mchis so/ /bcom ldan 'das kyis bka' stsal pa/ rgyal po chen po/ 'o na de ltar rmi lam na mthong ba'i yul gyi bud med bzang mo dang /
305b5 glu dang rol mo'i sgra la mngon par zhen pa'i mi de mkhas pa'i rang bzhin can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ rmi
305b6 lam na mthong ba'i yul gyi bzang mo de ni/ shin tu ma mchis shing mi dmigs na/ de'i glu dang rol mo'i sgra lta ga la mchis te/ gzhan du na/ gang de la zhen pa'i
305b7 mi de ni| phongs shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo thos pa dang mi
306a1 ldan pa yang rna bas sgra thos na/ yid du 'ong ba rnams la mngon par zhen par 'gyur te/ de mngon par zhen pas rjes su chags par 'gyur
306a2 ro| |rjes su chags par gyur nas yongs su chags par 'gyur ro/ /yongs su chags par gyur pas 'dod chags las byung ba'i las lus kyis ni/ rnam pa gsum/
306a3 ngag gis ni/ rnam pa bzhi/ yid kyis ni/ rnam pa gsum mngon par 'du byed de/ las de mngon par 'du byas pa de yang thog ma nyid nas zad cing 'gags la bral
306a4 zhing rnam par gyur pa ste/ shar phyogs su brten te gnas pa ma yin/ lho phyogs dang / nub phyogs dang / byang phyogs dang / 'og dang / steng dang / phyogs mtshams
306a5 rnams su brten te gnas pa ma yin/ 'di na ma yin/ pha gi na ma yin/ bar ma do na ma yin te/ dus gzhan na 'chi ba'i dus dang tshod nye bar gnas pa'i tshe srog
306a6 gi dbang po 'gags te tshe yongs su zad cing de dang skal ba 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na/ nyal nyal ba las
306a7 sad pa'i yul gyi bzang mo'i glu dang rol mo'i sgra lta bur yid kyis dmigs par 'gyur ro/ /rgyal po chen po/ de la rnam par shes pa tha ma'i dbang dang / las kyi dmigs pa
306b1 de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po skye ba'i char gtogs pa de 'gags ma thag tu gang la
306b2 rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes pa tha ma 'gag pa de ni/ 'chi 'pho zhes bya ba'i grangs su 'gyur
306b3 ro| |gang rnam par shes pa dang po 'byung ba de ni/ skye ba zhes bya ste/ rgyal po chen po/ de ltar na/ chos gang yang 'jig rten 'di nas 'jig rten pha rol tu 'pho ba yang med
306b4 la| 'chi 'pho ba dang skye bar mngon pa yang yod de/ rgyal po chen po/ rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi
306b5 'gro'o| |las de yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /rnam par shes pa dang po de yang skye ba'i tshe yang gang nas kyang
306b6 mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/ rnam par shes pa tha ma ni/ rnam par shes pa tha mas
306b7 stong / las ni/ las kyis stong / rnam par shes pa dang po ni/ rnam par shes pa dang pos stong / 'chi 'pho ni/ 'chi 'phos stong / skye ba ni/ skye bas stong la/ las
307a1 rnams 'bras bu med par mi 'gyur zhing rnam par smin pa myong bar mngon pa yang yod de/ de la ming gi brda tsam ma gtogs par byed pa
307a2 po'am za ba po gang yang med do/ /rgyal po chen po/ 'di lta ste/ dper na/ mi zhig nyal ba'i rmi lam na ma shi ba'am/ pha shi ba'am/ sdug pa gang yang rung ba dag dang
307a3 bral te| sdug pa dang bral bas mya ngan du gyur nas nyam thag par ngu ba zhig rmis la/ de nyal ba las sad nas sdug pa dang bral ba de dang / sdug bsngal zhing ngu ngu ba de
307a4 dran na| rgyal po chen po/ de ji snyam du sems/ rmi lam gyi sdug pa dang bral ba de yod dam/ gsol pa/ bcom ldan 'das/ de ni/ ma mchis so/ /bka' stsal pa/
307a5 rgyal po chen po/ 'o na skyes bu gang rmi lam gyi sdug pa dang bral ba dang / sdug bsngal bar ngu ngu ba la mngon par zhen pa de mkhas pa'i rang bzhin can yin nam/ gsol
307a6 pa| bcom ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam na mthong ba'i sdug pa nyid kyang shin tu ma mchis na/ de dang
307a7 bral ba dang / mya ngan bgyis pa dang / ngus pa dang / smre sngags bton pa lta ga la mchis te/ gzhan du na gang rmi lam na sdug pa dang bral ba dang / sdug bsngal ba
307b1 dang / dus pa la mngon par zhen pa'i mi de ni/ phongs shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis
307b2 pa so so'i skye bo thos pa dang mi ldan pa yang rna bas sgra thos na/ yid du mi 'ong ba rnams la yang mngon par zhen par 'gyur te/ mngon par zhen nas khong khro bar 'gyur/ khong
307b3 khro bar gyur nas zhe sdang bar 'gyur/ zhe sdang bar gyur nas zhe sdang las byung ba'i las lus kyis ni/ rnam pa gsum/ ngag gis ni/ rnam pa bzhi/ yid kyis ni/ rnam
307b4 pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas
307b5 pa ma yin/ lho phyogs dang / nub phyogs dang / byang phyogs dang / 'og dang / steng dang / phyogs mtshams rnams su brten te gnas pa ma yin/ 'di na ma yin/ pha gi na
307b6 ma yin| bar ma do na ma yin te/ dus gzhan na 'chi ba'i dus dang tshod nye bar gnas pa'i tshe srog gi dbang po 'gags te tshe yongs su zad cing de dang skal ba 'dra ba'i las
307b7 rnams kyang zad nas rnam par shes pa tha ma 'gag pa'i tshe 'di lta ste/ dper na/ nyal nyal ba las sad pa'i sdug pa dang / sdug bsngal bar du ba lta bur yid kyis dmigs
308a1 par 'gyur ro/ /rgyal po chen po/ de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char
308a2 gtogs pa'i rnam par shes pa dang po 'byung ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i
308a3 sems kyi rgyud skal ba 'dra ba 'byung ngo / /de la gang rnam par shes pa tha ma 'gag pa de ni/ 'chi 'pho zhes bya ba'i grangs su 'gyur/ gang rnam par shes pa dang po
308a4 'byung ba de ni/ skye ba zhes bya ba'i grangs su 'gyur te/ rgyal po chen po/ de ltar na/ chos gang yang 'jig rten 'di nas 'jig rten pha rol tu 'pho ba yang med la
308a5 'chi 'pho dang skye bar mngon pa yang yod de/ rgyal po chen po/ rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi
308a6 'gro'o| |las dang / rnam par smin pa dang / rnam par shes pa dang po yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de
308a7 ci'i phyir zhe na/ rang bzhin gyis stong pa'i phyir te/ rnam par shes pa tha ma ni/ rnam par shes pa tha ma'i rang bzhin gyis stong / las dang / rnam par smin pa
308b1 dang / rnam par shes pa dang po ni/ rnam par shes pa dang po'i rang bzhin gyis stong / 'chi 'pho ni/ 'chi 'pho'i rang bzhin gyis stong / skye ba ni/ skye ba'i rang bzhin gyis
308b2 stong / 'khor ba yang 'khor ba'i rang bzhin gyis stong ste/ rgyal po chen po/ de ltar chos thams cad stong pa 'di ni/ rnam par thar pa'i sgo stong pa nyid do/ /gang stong pa nyid kyi
308b3 mtshan mas stong pa 'di ni/ rnam par thar pa'i sgo mtshan ma med pa'o/ /gang la mtshan ma med pa de la smon pa med de/ 'di ni/ rnam par thar pa'i sgo smon pa med pa'o/ /rgyal po
308b4 chen po| de ltar na/ chos thams cad rnam par thar pa'i sgo ste/ mya ngan las 'das pa la gzhol ba/ stong pa nyid du yang dag par 'du ba/ chos kyi dbyings su nges pa/ nam
308b5 mkha'i khams kyi mthas gtugs pa'o/ /rgyal po chen po/ 'di lta ste/ dper na/ mi zhig nyal ba'i rmi lam na tshig gi don ma shes pa'i sgra zhig thos la/ nyal ba las
308b6 sad nas sgra de dran par gyur na/ rgyal po chen po/ de ji snyam du sems/ rmi lam na thos pa'i sgra de yod dam/ gsol pa/ bcom ldan 'das/ de ni/ ma mchis so/ /bka'
308b7 stsal pa| rgyal po chen po/ de ji snyam du sems/ 'o na rmi lam na don ma shes pa'i sgra thos pa la mngon par zhen pa de mkhas pa'i rang bzhin can yin nam/ gsol pa /
309a1 bcom ldan 'das/ de ni/ ma lags te/ de ci'i phyir zhe na/ bcom ldan 'das/ rmi lam na thos pa'i sgra de nyid kyang shin tu ma mchis
309a2 shing mi dmigs na/ tshig de'i don shes pa'am/ tshig gi don ma shes pa lta ga la mchis te/ gzhan du na/ gang de la mngon par zhen pa'i mi de ni/ phongs
309a3 shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo thos pa dang mi ldan pa yang
309a4 rna bas sgra thos na/ btang snyoms su 'gyur ba rnams la yang mngon par zhen par 'gyur te/ mngon par zhen nas shin tu rmongs par 'gyur ro/ /shin tu rmongs nas
309a5 gti mug las byung ba'i las lus kyis ni/ rnam pa gsum/ ngag gis ni/ rnam pa bzhi/ yid kyis ni/ rnam pa gsum mngon par 'du byed de/ las mngon
309a6 par 'du byed pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin/ lho phyogs dang / nub
309a7 phyogs dang / byang phyogs dang / 'og dang / steng dang / phyogs mtshams rnams su brten te gnas pa ma yin/ 'di na ma yin/ pha gi na ma yin/ bar ma do na ma yin
309b1 te| dus gzhan du 'chi ba'i dus dang tshod nye bar gnas pa'i tshe srog gi dbang po 'gags te tshe yongs su zad cing de dang skal ba 'dra ba'i las rnams kyang zad nas rnam par
309b2 shes pa tha ma 'gag pa'i tshe 'di lta ste/ dper na/ nyal nyal ba las sad pa'i tshig gi don ma shes pa'i sgra lta bur yid kyis dmigs par 'gyur ro/ /rgyal po chen po/
309b3 de la rnam par shes pa tha ma'i dbang dang / las dmigs pa de dang / rkyen de gnyis kyis skye ba'i char gtogs pa'i rnam par shes pa dang po de 'byung ste/ rnam par shes
309b4 pa dang po de 'gag ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes
309b5 pa tha ma 'gag pa de ni/ 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni/ skye ba zhes bya ba'i grangs su 'gyur te/ rgyal po chen
309b6 po| de ltar na/ chos gang yang 'jig rten 'di nas 'jig rten pha rol tu 'pho ba yang med la/ 'chi 'pho dang skye bar mngon pa yang yod de/ rgyal po chen po/ rnam
309b7 par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang / rnam par shes pa dang po yang
310a1 skye ba'i tshe gang nas kyang mi 'ong / 'gag pa'i tshe gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes
310a2 pa tha ma ni/ rnam par shes pa tha ma'i rang bzhin gyis stong / las ni/ las kyi rang bzhin gyis stong / rnam par smin pa ni/ rnam par smin pa'i rang bzhin gyis
310a3 stong / rnam par shes pa dang po ni/ rnam par shes pa dang po'i rang bzhin gyis stong / 'chi 'pho dang skye ba ni/ 'chi 'pho dang skye ba'i rang bzhin gyis stong / 'khor
310a4 ba ni| 'khor ba'i rang bzhin gyis stong la/ las rnams chud mi za zhing rnam par smin pa myong bar mngon pa yang yod de/ de la ming gi brda tsam ma gtogs
310a5 par byed pa po'am za ba po gang yang med do/ /rgyal po chen po/ 'di lta ste/ dper na/ mi zhig nyal ba'i rmi lam na tsan+dan nam/ ta ma la'i lo ma'am/ spos
310a6 kyi rnam pa gzhan gang yang rung bas bdag gi lus bskus par rmis la/ nyal nyal ba las sad nas tsan+dan nam/ ta ma la'i lo ma'am/ spos kyi rnam pa
310a7 gzhan gang yang rung ba de dag dran par gyur na/ rgyal po chen po/ de la ji snyam du sems/ rmi lam na mthong ba'i tsan+dan nam/ ta ma la'i lo ma'am/ spos kyi rnam pa
310b1 gzhan gang yang rung ba de dag yod dam/ gsol pa/ bcom ldan 'das/ de ni/ ma mchis so/ /bka' stsal pa/ rgyal po chen po/ de ji snyam du sems/ 'o na de
310b2 ltar rmi lam na mthong ba'i tsan+dan nam/ ta ma la'i lo ma'am/ spos kyi rnam pa gang yang rung ba de dag la mngon par zhen cing des bdag gi lus skud pa de mkhas pa'i
310b3 rang bzhin can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam gyi tsan+dan nam/ ta ma la'i
310b4 lo ma'am/ spos kyi rnam pa gang yang rung ba de dag nyid kyang shin tu ma mchis shing mi dmigs na/ des skud pa lta ga la mchis te/ gzhan du na/ gang de la mngon
310b5 par zhen pa'i mi de ni/ phongs shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo thos
310b6 pa dang mi ldan pa yang snas dri tshor na/ yid bde bar 'gyur ba rnams la mngon par zhen par 'gyur ro/ /de mngon par zhen pas rjes su chags par 'gyur ro/ /rjes su
310b7 chags par gyur nas yongs su chags par 'gyur ro/ /yongs su chags par gyur nas 'dod chags las byung ba'i las lus kyis ni/ rnam pa gsum/ ngag gis ni /
311a1 rnam pa bzhi/ yid kyis ni/ rnam pa gsum mngon par 'du byed de/ las mngon par 'du byas pa de yang thog ma nyid nas zad
311a2 cing 'gags la bral zhing rnam par gyur pa ste/ shar phyogs su brten te gnas pa ma yin/ lho phyogs dang / nub phyogs dang / byang phyogs dang / 'og dang /
311a3 steng dang / phyogs mtshams su brten te gnas pa ma yin/ 'di na ma yin/ pha gi na ma yin/ bar ma do na ma yin te/ dus gzhan na 'chi ba'i dus dang tshod
311a4 nye bar gnas pa'i tshe srog gi dbang po 'gags te tshe yongs su zad cing de dang skal ba 'dra ba'i las rnams kyang zad nas rnam par shes pa tha ma 'gag pa'i tshe 'di lta ste/ dper na/
311a5 nyal nyal ba las sad pa'i tsan+dan nam/ ta ma la'i lo ma'am/ srog kyi rnam pa gang yang rung ba lta bur yid kyis dmigs par 'gyur ro/ /rgyal po chen po/
311a6 de la rnam par shes pa tha ma'i dbang dang / las dmigs pa dang / skyed la nyid kyis skye ba'i char gtogs pa'i rnam par shes pa dang po 'byung ste/ rnam par shes
311a7 pa dang po 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes
311b1 pa tha ma 'gag pa de ni/ 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni/ skye ba zhes bya ba'i grangs su 'gyur te/ rgyal po
311b2 chen po| de ltar na/ chos gang yang 'jig rten 'di nas 'jig rten pha rol tu 'pho ba yang med la/ 'chi 'pho dang skye bar mngon pa yang yod de/ rgyal po chen
311b3 po| rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang / rnam par shes pa dang
311b4 po skye ba'i tshe yang gang nas kyang mi 'ong / 'gag pa'i tshe gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes pa tha ma ni/ rnam par shes
311b5 pa tha ma'i rang bzhin gyis stong / las ni/ las kyi rang bzhin gyis stong / rnam par smin pa ni/ rnam par smin pa'i rang bzhin gyis stong / rnam par shes pa dang po ni /
311b6 rnam par shes pa dang po'i rang bzhin gyis stong / 'chi 'pho dang skye ba ni/ 'chi 'pho dang skye ba'i rang bzhin gyis stong / 'khor ba ni/ 'khor ba'i rang bzhin gyis
311b7 stong la| las rnams chud mi za zhing rnam par smin pa myong bar mngon pa yang yod de/ de la ming gi brda tsam ma gtogs par byed pa po'am/ za ba po gang yang med
312a1 do| |rgyal po chen po/ 'di lta ste/ dper na/ mi zhig nyal ba'i rmi lam na khyi ro'am/ mi ro'am/ sbrul gyi ro mgul du btags pa
312a2 zhig rmis la/ de nyal nyal ba las sad nas de nyid dran par gyur na/ rgyal po chen po/ de ji snyam du sems/ rmi lam gyi khyi ro dang / mi ro dang / sprul gyi ro de dag
312a3 yod dam/ gsol pa/ bcom ldan 'das/ de ni/ ma mchis so/ /bka' stsal pa/ rgyal po chen po/ 'o na skyes bu gang rmi lam gyi khyi ro dang / mi ro dang / sbrul
312a4 gyi ro mgul du btags pa la mngon par zhen pa de mkhas pa'i rang bzhin can yin nam/ gsol pa/ bcom ldan 'das/ de ni/ ma lags te/ de ci'i slad du
312a5 zhe na| bcom ldan 'das/ rmi lam na mthong ba'i khyi ro'am/ mi ro'am/ sbrul gyi ro de nyid kyang shin tu ma mchis shing mi dmigs na/ de mgul du btags pa
312a6 lta ga la zhig mchis te/ gzhan du na/ gang de la mngon par zhen pa'i mi de ni/ phongs shing dub pa'i skal ba can du 'gyur ro/ /bcom ldan 'das kyis bka'
312a7 stsal pa| rgyal po chen po/ de bzhin du byis pa so so'i skye bo thos pa dang mi ldan pa yang snas dri tshor na/ yid du mi 'ong ba rnams la yang mngon par zhen par 'gyur
312b1 te| mngon par zhen nas khong khro bar 'gyur/ khong khro bar gyur nas zhe sdang bar 'gyur ro/ /zhe sdang bar gyur nas zhe sdang las byung ba'i las lus kyis ni/ rnam pa gsum /
312b2 ngag gis ni/ rnam pa bzhi/ yid kyis ni/ rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing
312b3 rnam par gyur pa ste/ shar phyogs su brten te gnas pa ma yin/ lho phyogs dang / nub phyogs dang / byang phyogs dang / 'og dang / steng dang / phyogs mtshams
312b4 su brten te gnas pa ma yin/ 'di na ma yin/ pha gi na ma yin/ bar ma do na ma yin te/ dus gzhan na 'chi ba'i dus dang tshod nye bar gnas pa'i tshe srog gi dbang
312b5 po 'gags te tshe yongs su zad cing de dang skal ba 'dra ba'i las rnams kyang zad nas rnam par shes pa tha ma 'gags pa'i tshe 'di lta ste/ dper na/ nyal nyal ba
312b6 las sad pa'i khyi ro dang / mi ro dang / sbrul gyi ro lta bur yid kyis dmigs par 'gyur ro/ /rgyal po chen po/ de la rnam par shes pa tha ma'i dbang dang / las dmigs
312b7 pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po de 'gags ma thag tu bar ma chad par gang la
313a1 rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes pa tha ma 'gags pa de ni
313a2 'chi 'pho ba zhes bya ba'i grangs su 'gyur/ gang rnam par shes pa dang po 'byung ba de ni skye ba zhes bya ba'i grangs su 'gyur te/ rgyal po chen po/ de ltar
313a3 na| chos gang yang 'jig rten 'di nas 'jig rten pha rol tu 'pho ba yang med la/ 'chi 'pho dang skye bar mngon pa yang yod de/ rgyal po chen po/ de la
313a4 rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang / rnam par shes
313a5 pa dang po yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/ rnam par shes pa tha
313a6 ma ni rnam par shes pa tha mas rang bzhin gyis stong pa nas 'khor ba ni 'khor ba'i rang bzhin gyis stong pa'i bar du ste/ de ni rnam par thar pa'i sgo stong pa nyid
313a7 do| |gang rang bzhin gyis stong zhing med pa de ni mtshan ma med pa'o/ /gang mtshan ma med pa de ni smon pa med pa'o/ /rgyal po chen po/ de ltar chos
313b1 thams cad ni rnam par thar pa'i sgo ste/ mya ngan las 'das pa la gzhol ba/ stong pa nyid du yang dag par 'du ba/ chos kyi dbyings su nges pa/ nam mkha'i khams
313b2 kyi mthas gtugs pa'o/ /rgyal po chen po/ 'di lta ste/ dper na/ mi zhig nyal ba'i rmi lam na bdag nyid sna'i dbang po nyams par rmis la/ nyal nyal ba las sad
313b3 nas sna'i dbang po nyams par gyur pa de nyid dran par gyur na/ rgyal po chen po/ de ji snyam du sems/ rmi lam na mthong ba'i sna'i dbang po de yod dam/ gsol pa/ bcom
313b4 ldan 'das/ de ni ma mchis so/ /bcom ldan 'das kyis bka' stsal pa/ rgyal po chen po/ de ji snyam du sems/ 'o na de ltar rmi lam na sna'i dbang po nyams
313b5 pa la mngon par zhen pa de mkhas pa'i rang bzhin can yin nam/ gsol pa/ bcom ldan 'das/ de ni ma lags te/ de ci'i phyir zhe na/ bcom ldan 'das/
313b6 rmi lam na mthong ba'i sna'i dbang po nyid kyang shin tu ma mchis shing mi dmigs na/ de'i nyams pa lta ga la mchis te/ gzhan du na/ gang de la mngon par zhen
313b7 pa'i mi de ni phongs shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo thos pa dang mi ldan pa
314a1 yang snas dri tshor na/ btang snyoms su 'gyur ba rnams la yang mngon par zhen par 'gyur te/ mngon par zhen nas shin tu rmongs par 'gyur ro
314a2 shin tu rmongs par gyur nas gti mug las byung ba'i las lus kyis ni/ rnam pa gsum/ ngag gis ni/ rnam pa bzhi/ yid kyis ni/ rnam pa gsum mngon par 'du byed de/ las
314a3 mngon par 'du byas pa de yang zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas 'di na ma yin/ pha gi na ma yin/ bar ma
314a4 do na ma yin pa'i bar du ste/ dus gzhan na 'chi ba'i dus dang tshod nye bar gnas pa'i tshe srog gi dbang po 'gags te tshe yongs su zad cing de dang skal ba 'dra ba'i las rnams
314a5 kyang zad nas rnam par shes pa tha ma 'gags pa'i tshe 'di lta ste/ dper na/ nyal nyal ba las sad pa'i sna'i dbang po nyams pa lta bur yid kyis dmigs par
314a6 'gyur ro/ rgyal po chen po/ /de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung
314a7 ste| rnam par shes pa dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /de la gang
314b1 rnam par shes pa tha ma 'gag pa de ni/ 'chi 'pho zhes bya ba'i grangs su 'gyur ro/ /gang rnam par shes pa dang po 'byung ba de ni/ skye ba zhes bya ba'i grangs su 'gyur te/ rgyal po chen
314b2 po| de ltar na/ chos gang yang 'jig rten nas 'jig rten pha rol tu 'pho ba yang med la 'chi 'pho dang skye bar mngon par yang yod de/ rgyal po chen po/ rnam par shes pa tha ma de skye
314b3 ba'i tshe yang gang nas kyang ma 'ong / 'gag pa'i tshe yang gang du yang mi 'gro'o/ /las dang / rnam par smin pa dang / rnam par shes pa dang po yang skye ba'i tshe yang gang nas kyang mi 'ong /
314b4 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes pa tha ma ni/ rnam par shes pa tha ma'i rang bzhin gyis stong pa nas 'khor
314b5 ba ni| 'khor ba'i rang bzhin gyis stong ba'i bar du ste/ las rnams chud mi za zhing rnam par smin pa myong bar mngon pa yod de/ de la ming gi brda tsam ma gtogs par byed pa
314b6 po'am za ba po gang yang med do/ /rgyal po chen po/ 'di lta ste/ dper na/ mi zhig nyal ba'i rmi lam na bkres pa las ro sna brgya dang ldan pa'i kha zas la tshim tshim du zer
314b7 ba zhig rmis la/ nyal nyal ba las sad nas de nyid dran par gyur na/ rgyal po chen po/ de ji snyam du sems/ rmi lam na mthong ba'i kha zas ro sna brgya dang ldan pa de yod dam
315a1 gsol pa/ bcom ldan 'das/ de ni ma mchis so/ /bcom ldan 'das kyis bka' stsal pa/ rgyal po chen po/ de ji snyam du sems/ 'o na rmi lam na
315a2 mthong ba'i kha zas ro sna brgya la mngon par zhen pa de mkhas pa'i rang bzhin can yin nam/ gsol pa/ bcom ldan 'das/ de ni ma lags te/ de ci'i slad du zhe na/ bcom ldan
315a3 'das/ rmi lam gyi kha zas ro sna brgya dang ldan pa de nyid kyang shin tu ma mchis shing mi dmigs na/ des don de la yongs su spyod pa lta ga la mchis te/ gzhan du na/ gang de la mngon
315a4 par zhen pa'i mi de ni phongs shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo thos pa dang
315a5 mi ldan pa yang lces ro myong na/ yid bde bar 'gyur ba rnams la mngon par zhen te/ de la mngon par zhen pas rjes su chags par 'gyur ro/ /rjes su chags par gyur
315a6 nas yongs su chags par 'gyur ro/ /yongs su chags par gyur nas 'dod chags las byung ba'i las lus kyis ni rnam pa gsum/ ngag gis ni rnam pa bzhi/ yid
315a7 kyis ni rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ de ni shar
315b1 phyogs su brten te gnas pa ma yin pa nas 'di na ma yin/ pha gi na ma yin/ bar ma do na ma yin pa'i bar du ste/ dus gzhan na 'chi ba'i dus dang tshod de nye bar gnas pa'i tshe srog
315b2 gi dbang po 'gags te tshe yongs su zad cing de dang skal ba 'dra ba'i las rnams kyang zad nas rnam par shes pa tha ma 'gags pa'i tshe 'di lta ste/ dper na/ nyal nyal ba las sad
315b3 pa'i kha zas ro sna brgya pa lta bur yid kyis dmigs par 'gyur ro/ /rgyal po chen po/ de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i
315b4 char gtogs pa'i rnam par shes pa dang po 'byung ste/ rnam par shes pa dang po de 'gags ma thag tu bar ma chad par gang rnam par smin pa myong bar 'gyur ba mngon pa'i sems kyi rgyud
315b5 skal ba 'dra ba 'byung ngo / /de la gang rnam par shes pa tha ma 'gag pa de ni 'chi 'pho zhes bya ba'i grangs su 'gyur ro/ /gang rnam par shes pa dang po 'byung ba de ni skye ba
315b6 zhes bya ba'i grangs su 'gyur te/ rgyal po chen po/ de ltar na chos gang yang 'jig rten 'di nas 'jig rten pha rol tu 'pho ba yang med la/ 'chi 'pho dang skye bar mngon pa yang
315b7 yod de| rgyal po chen po/ rnam par shes pa tha ma de skye ba'i tshe gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang / rnam
316a1 par shes pa dang po yang skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid kyis
316a2 stong pa'i phyir te/ rnam par shes pa tha ma ni/ rnam par shes pa tha ma'i rang bzhin gyis stong pa nas 'khor ba ni/ 'khor ba'i rang bzhin gyis stong pa'i bar du ste/ las rnams
316a3 chud mi za zhing rnam par smin pa myong bar mngon pa yang yod de/ de la kun rdzob kyi brda tsam ma gtogs par byed pa po'am za ba bo gang yang med do/ /rgyal po chen po/
316a4 'di lta ste/ dper na/ mi zhig nyal ba'i rmi lam na shin tu bkres par gyur te sku ba kha bo'i sa bon nam/ ko sha ka'i sa bon nam/ bi tsu mar da'i sa bon zhig zos par
316a5 rmis la| nyal ba las sad nas de nyid dran par gyur na/ rgyal po chen po/ de ji snyam du sems/ rmi lam gyi sku ba kha bo dang / bi tsu mar da'i sa bon gyi bar du yod dam /
316a6 gsol pa/ bcom ldan 'das/ de ni/ ma mchis so/ /bka' stsal pa/ rgyal po chen po/ 'o na skyes bu gang rmi lam gyi sku ba kha bo dang / bi tsu mar da'i sa bon gyi bar du zos
316a7 pa de la mngon par zhen pa de mkhas pa'i rang bzhin can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam na
316b1 mthong ba'i sku ba kha bo dang / bi tsu mar da'i sa bon gyi bar de dag nyid kyang ma mchis shing mi dmigs na/ de dag zos pa lta ga la mchis te/ gzhan du na/ gang de la mngon par
316b2 zhen pa'i mi de ni/ phongs shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo thos pa dang mi
316b3 ldan pa yang lces ro myong na/ yid du mi 'ong ba rnams la mngon par zhen par 'gyur te/ mngon par zhen nas khong khro bar 'gyur ro/ /khong khro bar gyur nas zhe sdang bar 'gyur
316b4 ro| |zhe sdang bar gyur nas zhe sdang las byung ba'i las lus kyis ni/ rnam pa gsum/ ngag gis ni/ rnam pa bzhi/ yid kyis ni/ rnam pa gsum mngon par
316b5 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas 'di na
316b6 ma yin| pha bi na ma yin/ bar ma do na ma yin pa'i bar du ste/ dus gzhan na 'chi ba'i dus dang tshod nye bar gnas pa'i tshe srog gi dbang po 'gags te tshe yongs su zad cing de
316b7 dang skal ba 'dra ba'i las rnams kyang zad nas rnam par shes pa tha ma 'gags pa'i tshe 'di lta ste/ dper na/ nyal nyal ba las sad pa'i tshe sku ba kha bo dang / bi tsu mar da'i sa
317a1 bon gyi bar du za ba lta bur yid kyis dmigs par 'gyur ro/ /rgyal po chen po/ de la rnam par shes pa tha ma'i dbang dang / las dmigs pa de
317a2 dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po 'gags ma thag tu bar ma chad par gang la rnam par smin
317a3 pa myong bar 'gyur ba mngon pa'i sems kyi rgyud skal ba 'dra bar 'byung ngo / /de la gang rnam par shes pa tha ma 'gag pa de ni/ 'chi 'pho zhes bya ba'i grangs su 'gyur/ gang
317a4 rnam par shes pa dang po 'byung ba de ni/ skye ba zhes bya ba'i grangs su 'gyur te/ rgyal po chen po/ de ltar na/ chos gang yang 'jig rten 'di nas 'jig rten pha rol tu 'pho
317a5 ba yang med la/ 'chi 'pho dang skye bar mngon pa yang yod de/ rgyal po chen po/ de la rnam par shes pa tha ma de skye ba'i tshe yang gang nas kyang mi 'ong / 'gag pa'i tshe yang
317a6 gang du yang mi 'gro'o/ /las dang / rnam par smin pa dang / rnam par shes pa dang po skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de
317a7 ci'i phyir zhe na/ rang bzhin gyis stong pa'i phyir te/ rnam par shes pa tha ma ni/ rnam par shes pa tha ma'i rang bzhin gyis stong pa nas 'khor ba ni/ 'khor ba'i rang bzhin gyis
317b1 stong ba'i bar du ste/ rgyal po chen po/ de ltar na/ chos thams cad stong pa 'di ni/ rnam par thar pa'i sgo stong pa nyid do/ /gang stong pa nyid kyi mtshan mas stong pa 'di ni/ rnam
317b2 par thar pa'i sgo mtshan ma med pa'o/ /gang la mtshan ma med pa de la smon pa med pa 'di ni/ rnam par thar pa'i sgo smon pa med pa'o/ /rgyal po chen po/ de ltar chos thams cad ni/
317b3 rnam par thar pa'i sgo ste/ mya ngan las 'das pa la gzhol ba/ stong pa nyid du yang dag par 'du ba/ chos kyi dbyings su nges pa/ nam mkha'i khams kyi mthas gtugs pa'o/ /
317b4 rgyal po chen po/ 'di lta ste/ dper na/ mi zhig nyal ba'i rmi lam na bdag nyid lce'i dbang po nyams par rmis la/ nyal ba las sad nas lce'i dbang po nyams par gyur pa de
317b5 nyid dran par gyur na/ rgyal po chen po/ de ji snyam du sems/ rmi lam na mthong ba'i lce'i dbang po nyams pa de yod dam/ gsol pa/ bcom ldan 'das/ de ni/ ma mchis
317b6 so| |bcom ldan 'das kyis bka' stsal pa/ rgyal po chen po/ de ji snyam du sems/ 'o na rmi lam na lce'i dbang po nyams par gyur pa la mngon par zhen pa de mkhas pa'i rang
317b7 bzhin can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam na mthong pa'i lce'i dbang po nyid kyang shin tu
318a1 ma mchis shing mi dmigs nas/ de'i nyams pa lta mchis par ga la 'gyur te/ gzhan du na/ gang de la mngon par zhen pa'i mi de ni/ phongs shing
318a2 dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo thos pa dang mi ldan pa yang lces ro myong na /
318a3 btang snyoms su 'gyur ba rnams la yang mngon par zhen par 'gyur te/ mngon par zhen nas shin tu rmongs par 'gyur ro/ /shin tu rmongs nas gti mug las byung ba'i
318a4 las lus kyis ni/ rnam pa gsum/ ngag gis ni/ rnam pa bzhi/ yid kyis ni/ rnam pa gsum mngon par 'du byed de/ las mngon par 'du byas pa de yang thog ma nyid nas
318a5 zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas 'di na ma yin/ pha gi na ma yin/ bar ma do na ma yin pa'i bar
318a6 du ste| dus gzhan na 'chi ba'i dus dang tshod nye bar gnas pa'i tshe srog gi dbang po 'gags te tshe yongs su zad cing de dang skal pa 'dra ba'i las rnams kyang zad nas rnam
318a7 par shes pa tha ma 'gags pa'i tshe 'di lta ste/ dper na/ nyal nyal ba las sad pa'i tshe lce'i dbang po nyams pa lta bur yid kyis dmigs par 'gyur ro/ /rgyal po
318b1 chen po| de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa
318b2 dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /gang de la rnam par shes pa tha
318b3 ma 'gag pa de ni/ 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni/ skye ba zhes bya'i grangs su 'gyur te/ rgyal po chen po/ de ltar na/ chos
318b4 gang yang 'jig rten 'di nas 'jig rten pha rol tu 'pho ba yang med la/ 'chi 'pho dang skye bar mngon par yang yod de/ rgyal po chen po/ de la rnam par shes pa tha ma nas rnam
318b5 par shes pa dang po'i bar du skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/ rnam par
318b6 shes pa tha ma ni/ rnam par shes pa tha ma'i rang bzhin gyis stong ba nas 'khor ba ni/ 'khor ba'i rang bzhin gyis stong ba'i bar du ste/ las rnams chud mi za zhing rnam par
318b7 smin pa myong bar mngon pa yang yod de/ de la kun rdzob kyi brda tsam ma gtogs par byed pa po'am za ba po gang yang med do/ /rgyal po chen po/ 'di lta ste/ dper na/ mi zhig
319a1 nyal pa'i rmi lam na yul gyi bzang mo zhig pang du 'khyud par rmis la/ de dang reg pa nyams su myong nas nyal ba las sad de yul gyi bzang mo
319a2 de nyid dran par gyur na/ rgyal po chen po/ de la ji snyam du sems/ rmi lam na mthong ba'i yul gyi bzang mo de dang reg pa de yod dam/ gsol pa/ bcom ldan 'das/ de
319a3 ni| ma mchis so/ /bcom ldan 'das kyis bka' stsal/ rgyal po chen po/ de ji snyam du sems/ 'o na rmi lam na mthong ba'i yul gyi bzang mo de dang reg pa la mngon par
319a4 zhen pa de mkhas pa'i rang bzhin can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam gyi yul gyi bzang mo
319a5 nyid kyang shin tu ma mchis shing mi dmigs na/ de dang reg pa lta ga la mchis/ bcom ldan 'das kyis bka' stsal pa/ rgyal po chen po/ de bzhin du byis pa so so'i skye
319a6 po thos pa dang mi ldan pa yang lus kyis reg bya rnams la reg na/ yid bde bar 'gyur ba rnams la mngon par zhen par 'gyur te/ mngon par zhen pas rjes su chags
319a7 par 'gyur ro/ /rjes su chags par gyur nas yongs su chags par 'gyur ro/ /yongs su chags par gyur nas 'dod chags las byung ba'i las lus kyis ni/ rnam
319b1 pa gsum/ ngag gis ni/ rnam pa bzhi/ yid kyis ni/ rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral
319b2 zhing rnam par gyur pa ste/ shar phyogs su brten te gnas pa ma yin pa nas 'di na ma yin/ pha pi na ma yin/ bar ma do na ma yin pa'i bar du ste/ dus gzhan na 'chi ba'i dus
319b3 dang tshod nye bar gnas pa'i tshe srog gi dbang po 'gags te tshe yongs su zad cing de dang skal ba 'dra ba'i las rnams kyang zad nas rnam par shes pa de 'gags pa'i tshe 'di
319b4 lta ste| dper na/ nyal nyal ba las sad pa'i yul gyi bzang mo la reg pa lta bur yid kyis dmigs par 'gyur ro/ /rgyal po chen po/ de la rnam par shes pa tha ma'i
319b5 dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po skye ba'i char gtogs pa de
319b6 'gags ma thag tu bar ma chad par gang la rnam par smin pa myong bar 'gyur ba mngon par sems kyi rgyud skal ba 'dra ba 'byung ngo / /de la gang rnam par shes pa tha ma 'gag pa
319b7 de ni| 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni/ skye ba zhes bya ba'i grangs su 'gyur te/ rgyal po chen po/ de ltar na/ chos gang yang
320a1 'jig rten 'di nas 'jig rten pha rol tu 'pho ba yang med la/ 'chi 'pho dang skye bar mngon pa yang yod do/ rgyal po chen po/ de la rnam par shes pa tha
320a2 ma nas rnam par shes pa dang po'i bar du skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/
320a3 las rnams chud mi za zhing rnam par smin par myong bar mngon par yang yod de/ de la kun rdzob kyi brda tsam ma gtogs par byed pa po'am za ba po gang yang med do/ /rgyal po chen
320a4 po| 'di lta ste/ dper na/ mi zhig nyal ba'i rmi lam na zangs kyi spang leb shin tu 'bar ba zhig pang du 'khyud par rmis la/ de nyal ba las sad nas de nyid dran par gyur na/
320a5 rgyal po chen po/ de ji snyam du sems/ rmi lam gyi zangs kyi spang leb shin tu 'bar ba la reg pa de yod dam/ gsol pa/ bcom ldan 'das/ de ni/ ma mchis so/ /
320a6 bka' stsal pa/ rgyal po chen po/ 'on skyes bu gang rmi lam gyi zangs kyi spang leb shin tu 'bar ba pang du 'khyud pa la mngon par zhen pa de mkhas pa'i rang bzhin can
320a7 yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam na mthong ba'i zangs kyi spang leb shin tu 'bar
320b1 ba nyid kyang shin tu ma mchis shing mi dmigs na/ de la reg pa lta ga la mchis te/ gzhan du na/ gang de la mngon par zhen pa'i mi de ni/ phongs shing dub pa'i skal ba can
320b2 du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo thos pa dang mi ldan pa yang lus kyis reg bya rnams la reg na/ yid du
320b3 mi 'ong ba rnams la mngon par zhen par 'gyur te/ mngon par zhen nas khong khro bar 'gyur ro/ /khong khro bar gyur nas zhe sdang bar 'gyur ro/ /zhes sdang bar gyur nas zhe sdang las
320b4 byung ba'i las lus kyis ni/ rnam pa gsum/ ngag gis ni/ rnam pa bzhi/ yid kyis ni/ rnam pa gsum mngon par 'du byed de/ las mngon par 'du byas pa de yang thog ma nyid
320b5 nas zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas 'di na ma yin/ pha gi na ma yin/ bar ma do na ma yin pa'i bar du ste/
320b6 dus gzhan 'chi ba'i dus dang tshod nye bar gnas pa'i tshe srog gi dbang po 'gags te tshe yongs su zad cing de dang skal ba 'dra ba'i las rnams kyang zad nas rnam par shes pa tha
320b7 ma 'gags pa'i che 'di lta ste/ dper na/ nyal nyal ba las sad pa'i zangs kyi spang leb shin tu 'bar ba lta bur yid kyis dmigs par 'gyur ro/ /rgyal po chen po/ de la rnam par
321a1 shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par
321a2 shes pa dang po de 'gag ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes
321a3 pa tha ma 'gags pa de ni/ 'chi 'pho zhes bya ba'i grangs su 'gyur ro/ /gang rnam par shes pa dang po 'byung ba de ni/ skye ba zhes bya ba'i grangs su 'gyur te/ rgyal po chen po/
321a4 de ltar na/ chos gang yang 'jig rten 'di nas 'jig rten pha rol tu 'pho ba yang med la/ 'chi 'pho dang skye bar mngon pa yang yod de/ rnam par shes pa tha ma nas rnam
321a5 par shes pa dang po'i bar du skye ba'i tshe yang gang nas kyang mi 'ong / 'gags pa'i tshe yang gang du yang mi 'gro'o/ /de ci'i phyir zhe na/ rang bzhin gyis stong pa'i phyir te/
321a6 rnam par shes pa tha ma ni/ rnam par shes pa tha ma'i rang bzhin gyis stong pa nas 'khor ba yang 'khor ba'i rang bzhin gyis stong pa'i bar du ste/ rgyal po chen po/ de
321a7 ltar chos thams cad stong pa 'di ni/ rnam par thar pa'i sgo stong pa nyid do/ /gang stong pa nyid kyi mtshan mas stong pa 'di ni/ rnam par thar pa'i sgo mtshan ma med pa'o/ /gang
321b1 la mtshan ma med pa de la smon pa med de/ 'di ni/ rnam par thar pa'i sgo smon pa med pa'o/ /rgyal po chen po/ de ltar na/ chos thams cad ni/ rnam par thar pa'i sgo ste/ mya
321b2 ngan las 'das pa la gzhol ba/ stong pa nyid du yang dag par 'du ba/ chos kyi dbyings su nges pa/ nam mkha'i khams kyi mthas gtugs pa'o/ /rgyal po chen po/ 'di lta
321b3 ste| dper na/ mi zhig nyal ba'i rmi lam na bdag nyid lus kyi dbang po nyams par rmis la/ de nyal ba las sad nas de nyid dran par gyur na/ rgyal po chen po/ de ji snyam du
321b4 sems| rmi lam na mthong ba'i lus kyi dbang po nyams pa de yod dam/ gsol pa/ bcom ldan 'das/ de ni/ ma mchis so/ /bka' stsal pa/ rgyal po chen po/ de ji snyam du
321b5 sems| 'o na rmi lam na lus kyi dbang po nyams par gyur pa la mngon par zhen pa de mkhas pa'i rang bzhin can yin nam/ gsol pa/ bcom ldan 'das/ de ni/ ma lags
321b6 te| de ci'i slad du zhe na/ bcom ldan 'das/ rmi lam na mthong ba'i lus kyi dbang po nyid kyang shin tu ma mchis shing mi dmigs na/ de'i nyams pa lta ga la mchis te/ gzhan
321b7 du na| gang de la mngon par zhen pa'i mi de ni/ phongs shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so
322a1 so'i skye bo thos pa dang mi ldan pa yang lus kyis reg bya rnams la reg na/ btang snyoms su 'gyur ba rnams la yang mngon par zhen par 'gyur te/
322a2 mngon par zhen nas shin tu rmongs par 'gyur ro/ /shin tu rmongs nas gti mug las byung ba'i las lus kyis ni/ rnam pa gsum/ ngag gis ni/ rnam pa bzhi/ yid kyis ni /
322a3 rnam pa gsum mngon par 'du byed de/ las mngon par 'du byed pa de yang thog ma nyid nas zad cing 'gags la bral zhing rnam par gyur pa ste/ shar phyogs su brten te
322a4 gnas pa ma yin pa nas 'di na ma yin/ pha gi na ma yin/ bar ma do na ma yin pa'i bar du ste/ dus gzhan na 'chi ba'i dus dang tshod nye bar gnas pa'i tshe srog gi dbang
322a5 po 'gags te tshe yongs su zad cing de dang skal ba 'dra ba'i las rnams kyang zad nas rnam par shes pa tha ma 'gags pa'i tshe 'di lta ste/ dper na/ nyal nyal ba las
322a6 sad pa'i lus kyi dbang po nyams pa lta bur yid kyis dmigs par 'gyur ro/ /rgyal po chen po/ de la rnam par shes pa tha ma'i dbang dang / las dmigs pa de dang / rkyen
322a7 gnyis kyis skye ba'i char gtogs pa'i rnam par shes pa dang po 'byung ste/ rnam par shes pa dang po de 'gags ma thag tu bar ma chad par gang la rnam par smin pa myong
322b1 bar 'gyur ba mngon pa'i sems kyi rgyud skal ba 'dra ba 'byung ngo / /de la gang rnam par shes pa tha ma 'gag pa de ni/ 'chi 'pho zhes bya ba'i grangs su 'gyur/ gang rnam par
322b2 shes pa dang po 'byung ba de ni/ skye ba zhes bya ba'i grangs su 'gyur te/ rgyal po chen po/ de ltar chos gang yang 'jig rten 'di nas 'jig rten pha rol tu 'pho ba yang med la /
322b3 'chi 'pho dang skye bar mngon pa yang yod de/ rgyal po chen po/ 'di lta ste/ dper na/ rnam par shes pa tha ma de nas rnam par shes pa dang po'i bar du skye ba'i tshe yang gang nas
322b4 kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid kyis stong pa'i phyir te/ rnam par shes pa tha ma ni/ rnam par shes pa tha mas stong pa nas
322b5 'khor ba ni/ 'khor ba'i rang bzhin gyis stong pa'i bar du ste/ las rnams chud mi za zhing rnam par smin pa myong bar mngon pa yang yod de/ de la ming gi brda tsam ma gtogs
322b6 par byed pa po'am za ba po gang yang med do// //bam po bcu bzhi pa/ rgyal po chen po/ 'di lta ste/ dper na/ mi zhig nyal ba'i rmi lam na sgyu ma'i mkhan pos sprul pa'i 'dod
322b7 pa'i yon tan lnga dang ldan par gyur te shin tu tshim par yongs su spyod pa zhig rmis la/ nyal ba las sad nas 'dod pa'i yon tan de dag dran par gyur na/ rgyal po chen
323a1 po| de ji snyam du sems/ rmi lam na mthong ba'i 'dod pa'i yon tan lnga sgyu ma'i mkhan pos sprul pa de dag yod dam/ gsol pa/ bcom ldan
323a2 'das| de ni/ ma mchis so/ /bka' stsal pa/ rgyal po chen po/ de ji snyam du sems/ 'o na rmi lam na mthong ba'i 'dod pa'i yon tan lnga po sgyu ma'i mkhan pos sprul
323a3 pa de dag la mngon par zhen pa de mkhas pa'i rang bzhin can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom ldan 'das/
323a4 rmi lam gyi sgyu ma'i mkhan po nyid kyang shin tu ma mchis shing mi dmigs na/ sprul pa'i 'dod pa'i yon tan lnga po de dag dang / de dag la yongs su spyod pa lta ga la
323a5 mchis te/ gzhan du na/ gang de la mngon par zhen pa'i mi de ni/ phongs shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen
323a6 po| de bzhin du byis pa so so'i skye bo thos pa dang mi ldan pa yang yid kyis chos rnams rnam par shes na/ yid bde bar 'gyur ba rnams la mngon par zhen par 'gyur te/
323a7 de la mngon par zhen pas rjes su chags par 'gyur ro/ /rjes su chags par gyur nas yongs su chags par 'gyur ro/ /yongs su chags par gyur nas 'dod chags
323b1 las byung ba'i las lus kyis ni/ rnam pa gsum/ ngag gis ni/ rnam pa bzhi/ yid kyis ni/ rnam pa gsum mngon par 'du byed de/ las mngon par 'du byas pa de yang thog
323b2 ma nyid nas zad cing 'gags la bral zhing rnam par gyur pa ste/ shar phyogs su brten te gnas pa ma yin pa nas 'di na ma yin/ pha gi na ma yin/ bar ma do na ma yin pa'i
323b3 bar du ste/ dus gzhan na 'chi ba'i dus dang tshod nye bar gnas pa'i tshe srog gi dbang po 'gags te tshe yongs su zad cing de dang skal ba 'dra ba'i las rnams kyang zad nas
323b4 rnam par shes pa tha ma 'gag pa'i tshe 'di lta ste/ dper na/ nyal nyal ba las sad pa'i 'dod pa'i yon tan lnga po sgyu ma mkhan gyis sprul pa lta bur yid kyis dmigs
323b5 par 'gyur ro/ /rgyal po chen po/ de la rnam par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang
323b6 po yang na ni/ sems can dmyal ba rnams su/ yang na ni/ dud 'gro'i skye gnas su/ yang na ni/ gshin rje'i 'jig rten du/ yang na ni/ lha ma yin gyi ris su/ yang
323b7 na ni| mi'i nang du/ yang na ni/ lha'i nang du ste/ rnam par shes pa dang po de 'gags ma thag tu bar ma chad par gang la rnam par smin pa myong bar 'gyur ba mngon pa'i sems
324a1 kyi rgyud skal ba 'dra ba 'byung ngo / /rgyal po chen po/ de ltar na/ las kyang dmigs shing rnam par smin pa yang dmigs la/ de la ming gi brda
324a2 tsam ma gtogs par tshor ba po gang yang med do/ /rgyal po chen po/ de la gang rnam par shes pa tha ma 'gags pa de ni/ 'chi 'pho zhes bya ba'i grangs su 'gyur/ gang
324a3 rnam par shes pa dang po 'byung ba de ni/ skye ba zhes bya ba'i grangs su 'gyur te/ rgyal po chen po/ de ltar na/ chos gang yang 'jig rten 'di nas 'jig rten pha rol tu
324a4 'pho ba yang med la/ 'chi 'pho dang skye bar mngon par yang yod de/ rgyal po chen po/ rnam par shes pa tha ma de nas rnam par shes pa dang po'i bar du skye ba'i tshe gang nas
324a5 kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid kyis stong pa'i phyir te/ rnam par shes pa tha ma ni/ rnam par shes pa tha
324a6 mas stong pa nas 'khor ba'i bar du 'khor ba'i rang bzhin gyis stong / mya ngan las 'das pa yang mya ngan las 'das pa'i rang bzhin gyis stong / chos thams cad kyang
324a7 chos thams cad kyi rang bzhin gyis stong ste/ rgyal po chen po/ de ltar na/ chos thams cad stong pa 'di ni/ rnam par thar pa'i sgo stong pa nyid do/ /gang stong pa nyid kyi
324b1 mtshan mas stong pa 'di ni/ mtshan ma med pa'o/ /gang la mtshan ma med pa de la smon pa med de/ 'di ni/ rnam par thar pa'i sgo smon pa med pa'o/ /rgyal po chen po/
324b2 de ltar na/ chos thams cad ni/ rnam par thar pa'i sgo ste/ steng pa nyid du yang dag par 'du ba/ mtshan ma med pa'i ngo bo nyid/ smon pa dang bral ba/ mya ngan las 'das
324b3 pa la gzhol ba/ chos kyi dbyings su nges pa/ nam mkha'i khams kyi mthas gtugs pa'o/ /rgyal po chen po/ 'di lta ste/ dper na/ mi zhig nyal ba'i rmi lam na
324b4 bdag nyid g.yog 'khor dang bcas te chu bo chen pos khyer nas de de na sems las byung ba'i sdug bsngal dang / yid mi bde ba rnam pa du ma myong bar rmis la/ de nyal
324b5 ba las sad nas de nyid dran par gyur na/ rgyal po chen po/ de ji snyam du sems/ rmi lam gyi chu chen po de yod dam/ gsol pa/ bcom ldan 'das/ de ni/ ma mchis
324b6 so| |bka' stsal pa/ rgyal po chen po/ de ji snyam du sems/ 'o na skyes bu gang rmi lam na bdag nyid chu chen pos khyer zhing sdug bsngal dang / yid mi bde ba
324b7 mthong ba la mngon par zhen pa de mkhas pa'i rang bzhin can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom
325a1 ldan 'das/ rmi lam na chu gang gis mi de khyer ba'i chu chen po de nyid kyang shin tu ma mchis shing mi dmigs na/ de'i sdug
325a2 bsngal dang / yid mi bde ba lta ga la mchis te/ gzhan du na/ gang de la mngon par zhen pa'i mi de ni/ phongs shing dub pa'i skal ba can du 'gyur ro/ /bcom
325a3 ldan 'das kyis bka' stsal pa/ rgyal po chen po/ de bzhin du byis pa so so'i skye bo thos pa dang mi ldan pa yang yid kyis chos rnams rnam par shes na/ yid
325a4 mi bde bar 'gyur ba rnams la mngon par zhen par 'gyur te/ mngon par zhen nas khong khro bar 'gyur ro/ /khong khro bar gyur nas gnod sems su 'gyur ro/ /
325a5 gnod sems su gyur nas zhe sdang bar 'gyur ro/ /zhe sdang bar gyur nas zhe sdang las byung ba'i las lus kyis ni/ rnam pa gsum/ ngag gis ni/ rnam pa bzhi/
325a6 yid kyis ni/ rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/
325a7 shar phyogs su brten te gnas pa ma yin pa nas 'di na ma yin/ pha gi na ma yin/ bar ma do na ma yin pa'i bar du ste/ dus gzhan na 'chi ba'i dus dang tshod
325b1 nye bar gnas pa'i tshe srog gi dbang po 'gags te tshe yongs su zad cing de dang skal ba 'dra ba'i las rnams kyang zad nas rnam par shes pa tha ma 'gags pa'i tshe 'di
325b2 lta ste| dper na/ nyal nyal ba las sad pa'i chu chen pos khyer zhing yid mi bde ba lta bur yid kyis dmigs par 'gyur ro/ /rgyal po chen po/ de la rnam
325b3 par shes pa tha ma'i dbang dang / las dmigs pa de dang / rkyen gnyis kyis skye ba'i char gtogs pa'i rnam par shes pa dang po 'byung ste/ rnam par shes
325b4 pa dang po de 'gags ma thag tu bar ma chod par gang la rnam par smin par myong bar 'gyur ba mngon pa'i sems kyi rgyud skal ba 'dra ba 'byung ngo / /rgyal po chen
325b5 po| de ltar na/ las kyang dmigs la byed pa po yang gang yang med/ rnam par smin pa yang dmigs la ming gi brda tsam ma gtogs par 'di la tshor ba
325b6 po gang yang med do/ /rgyal po chen po/ de la gang rnam par shes pa tha ma 'gags pa de ni/ 'chi 'di zhes bya ba'i grangs su 'gyur/ gang rnam par shes
325b7 pa dang po 'byung ba de ni/ skye ba zhes bya ba'i grangs su 'gyur te/ rgyal po chen po/ de ltar na/ chos gang yang 'jig rten 'di nas 'jig rten pha rol tu
326a1 'pho ba yang med la/ 'chi 'pho dang skye bar mngon pa yang yod de/ rgyal po chen po/ rnam par shes pa tha ma nas rnam par shes
326a2 pa dang po'i bar du skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid kyis stong pa'i phyir te /
326a3 rnam par shes pa tha ma ni/ rnam par shes pa tha ma'i rang bzhin gyis stong pa nas 'khor ba'i bar du ni/ 'khor ba'i rang bzhin gyis stong / mya ngan las
326a4 'das pa de yang mya ngan las 'das pa'i rang bzhin gyis stong / chos thams cad kyang chos thams cad kyi rang bzhin gyis stong ste/ 'di ni/ rnam par thar
326a5 pa'i sgo stong pa nyid do/ /gang stong pa nyid kyi mtshan mas stong pa 'di ni/ rnam par thar pa'i sgo mtshan ma med pa'o/ /gang la mtshan ma med pa de la smon pa med
326a6 de| 'di ni/ rnam pa mthar pa'i sgo smon pa med pa'o/ /rgyal po chen po/ de ltar na/ chos thams cad ni/ rnam par thar pa'i sgo ste/ stong pa nyid du yang
326a7 dag par 'du ba/ mtshan ma med pa'i ngo bo nyid/ smon pa dang bral ba/ mya ngan las 'das pa la gzhol ba/ chos kyi dbyings su nges pa/ nam mkha'i
326b1 khams kyi mthas gtugs pa'o/ /rgyal po chen po/ 'di lta ste/ dper na/ mi zhig nyal ba'i rmi lam na chang gis ra ro ste/ bdag nyid shin tu gti mug par
326b2 gyur nas de de na dge ba yang mi shes/ mi dge ba yang mi shes/ kha na ma tho ba dang bcas pa yang mi shes/ kha na ma tho ba med pa yang mi shes/ phan pa yang
326b3 mi shes| gnod pa yang mi shes/ yon tan dang nyes pa yang rnam pa thams cad du mi shes par gyur pa zhig rmis la/ de nyal nyal ba las sad nas chang gis
326b4 ra ro ba'i gti mug de dran par gyur na/ rgyal po chen po/ de ji snyam du sems/ rmi lam na mthong ba'i chang gis ra ro zhing gti mug pa de yod dam/ gsol pa/
326b5 bcom ldan 'das/ de ni/ ma mchis so/ /bka' stsal pa/ rgyal po chen po/ de ji snyam du sems/ 'o na rmi lam gyi chang gis ra ro ba la mngon par zhen
326b6 pa de mkhas pa'i rang bzhin can yin nam/ gsol pa/ bcom ldan 'das/ de ni/ ma lags te/ de ci'i slad du zhe na/ bcom ldan 'das/ rmi lam na
326b7 mthong ba'i chang nyid kyang shin tu ma mchis shing mi dmigs na/ gti mug pa lta ga la mchis te/ gzhan du na/ gang de la mngon par zhen pa'i mi de ni/ phongs
327a1 shing dub pa'i skal ba can du 'gyur ro/ /bcom ldan 'das kyis bka' stsal pa/ rgyal po chen po/ de bzhin du byis pa so so'i skye bo
327a2 thos pa dang mi ldan pa yang yid kyis chos rnams rnam par shes na/ btang snyoms su 'gyur ba rnams la yang mngon par zhen par 'gyur te/ mngon par zhen nas
327a3 shin tu rmongs par 'gyur ro/ /shin tu rmongs nas gti mug las byung ba'i las lus kyis ni/ rnam pa gsum/ ngag gis ni/ rnam pa bzhi/ yid kyis ni/
327a4 rnam pa gsum mngon par 'du byed de/ las mngon par 'du byas pa de yang thog ma nyid nas zad cing 'gags la bral zhing rnam par gyur pa ste/ shar phyogs
327a5 su brten te gnas pa ma yin pa nas 'di na ma yin/ pha gi na ma yin/ bar ma do na ma yin pa'i bar du ste/ dus gzhan na 'chi ba'i dus dang tshod nye bar gnas
327a6 pa'i tshe srog gi dbang po 'gags te tshe yongs su zad cing de dang skal pa 'dra ba'i las rnams kyang zad nas rnam par shes pa tha ma 'gags pa'i tshe 'di lta ste/ dper na/
327a7 nyal nyal ba las sad pa'i chang gis ra ro ste gti mug pa lta bur yid kyis dmigs par 'gyur ro/ /rgyal po chen po/ de la rnam par shes pa tha
327b1 ma'i dbang dang / las dmigs pa de dang / rkyen gnyis kyis rnam par shes pa dang po 'gro ba rnams su 'byung ste/ rnam par shes pa dang po de 'gag ma thag tu bar ma chad
327b2 par gang la rnam par smin pa myong bar 'gyur ba mngon pa'i sems kyi rgyud skal pa 'dra ba 'byung ngo / /rgyal po chen po/ de ltar na/ las kyang dmigs la byed pa po yang
327b3 gang yang med/ rnam par smin pa yang dmigs la ming gi brda tsam ma gtogs par 'di la tshor ba po gang yang med do/ /rgyal po chen po/ de la gang rnam par
327b4 shes pa tha ma 'gags pa de ni/ 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni/ skye ba zhes bya ba'i grangs su 'gyur te/ rgyal po chen
327b5 po| de ltar chos gang yang 'jig rten 'di nas 'jig rten pha rol tu 'pho ba yang med la/ 'chi 'pho dang skye bar mngon pa yang yod de/ rgyal po chen po/ rnam par shes
327b6 pa tha ma de skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /las dang / rnam par smin pa dang / 'chi 'pho dang / skye ba dang /
327b7 rnam par shes pa dang po skye ba'i tshe yang gang nas kyang mi 'ong / 'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid kyis stong pa'i phyir te/ rnam
328a1 par shes pa tha ma ni/ rnam par shes pa tha ma'i rang bzhin gyis stong / skye ba dang / 'jig pa dang / las dang / rnam par smin pa
328a2 dang | rnam par shes pa dang po dang / 'chi 'pho dang / skye ba dang / 'khor ba dang / mya ngan las 'das pa ni/ mya ngan las 'das pa'i rang bzhin gyis stong /
328a3 chos thams cad kyang chos thams cad kyi rang bzhin gyis stong ste/ 'di ni/ rnam par thar pa'i sgo stong pa nyid do/ /gang stong pa nyid kyi mtshan mas stong pa
328a4 'di ni| rnam par thar pa'i sgo mtshan ma med pa'o/ /gang la mtshan ma med pa de la smon pa med de/ 'di ni/ rnam par thar pa'i sgo smon pa med pa'o/ /rgyal po
328a5 chen po| de ltar na/ chos thams cad ni/ rnam par thar pa'i sgo ste/ stong pa nyid du yang dag par 'du ba/ mtshan ma med pa'i ngo bo nyid/ smon pa dang bral
328a6 ba| mya ngan las 'das pa la gzhol ba/ chos kyi dbyings su nges pa/ nam mkha'i khams kyi mthas gtugs pa'o/ /rgyal po chen po/ khyod kyis 'di la
328a7 sems nges par gzhag pa dang / sems nges par gzhag pa la brtson par bya'o/ /gzhan gyi dring la mi 'jog cing bdag nyid kyis shes par bya ste/ 'di ni/
328b1 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub ste/ dbang phyug la mngon par zhen pa thams cad rab tu 'joms
328b2 pa| sred pa thams cad yongs su skom pa/ nga rgyal thams cad snyil ba/ lta ba'i rnam pa dang the tshom thams cad yang dag par gcod pa/ chos thams cad kyi mnyam
328b3 pa nyid de/ byis pa so so'i skye bo rnams kyis ma yin pa/ nyan thos rnams zil gyis gnon pa/ rang sangs rgyas rnams kyi spyod yul ma yin pa/ byang chub sems
328b4 dpa' rnams kyi spyod pa yang dag par rdzogs pa'i sangs rgyas rnams kyis thugs su chud pa yin gyi/ rgyal po chen po/ khyod kyis ji ltar na/ bdag lha dang bcas pa'i
328b5 'jig rten gyi mig dang / sgron ma dang / mar me dang / snang ba dang / gru dang / ngogs dang / 'bab stegs dang / 'dren pa dang / yongs su 'dren pa dang / ston
328b6 pa dang / ded dpon dang / sngon du 'gro bar 'gyur snyam pa dang / bdag grol nas dgrol bar bya'o/ /brgal nas bsgral bar bya'o/ /dbugs phyin nas dbugs dbyung
328b7 bar bya'o/ /yongs su mya ngan las 'das nas yongs su mya ngan las bzla bar bya'o/ /snyam du yid la gzhag par bya'o/ /rgyal po chen po/ dbang phyug lta zhig ni/ sngon myong
329a1 bar gyur pa'i mtha' yang mi mngon te/ rgyal po chen po/ de ltar dbang po rnams ni/ sgyu ma lta bu ste/ chog mi shes pa'o/ /tshim par mi rung ba'o/ /
329a2 yul rnams ni/ rmi lam lta bu ste/ tshim par mi nus pa/ ngoms par ma gyur pa'o/ /rgyal po chen po/ sngon byung ba 'das pa'i dus na rgyal po chen po rgyal po grags pa mtha' yas zhes bya ba
329a3 byung ste| rgyal po chen po/ rgyal po grags pa mtha' yas de ni/ khyogs dang / dpung dang / bzhon pa mtha' yas shing / 'khor lo thogs pa med pas bsgyur ba mi 'khrugs
329a4 pa'i theg pa dang / tshul phun sum tshogs pa dang ldan pa/ sngon gyi sangs rgyas la dge ba'i rtsa ba bskyed pa/ yid bzhin du 'gyur ba'i stobs dang ldan pa ste/ de gang
329a5 ci sems kyang rung / de'i de thams cad grub cing de'i bsam pa don med par 'gyur ba gang yang med do/ /de ltar rgyal po chen po de ni/ rang gi dge ba'i rtsa ba'i gzi
329a6 brjid kyis bsam pa yid bzhin du don med pa ma yin par gyur to/ /rgyal po chen po/ de nas rgyal po grags pa mtha' yas de 'di snyam du bdag gi bsod nams kyi
329a7 stobs nyams pa med pa la brtag par bya'o/ /snyam nas de 'di snyam du sems te/ kye ma bdag gi gling chen po bzhi pa'i 'jig rten gyi khams na shing ljon pa ji snyed
329b1 cig yod pa de dag thams cad yid bzhin du 'bras bu chags par gyur cig /snyam pa dang / rgyal po grags pa mtha' yas de'i sems bskyed ma thag tu gling chen po bzhi pa'i
329b2 'jig rten gyi khams na shing ljon pa ji snyed cig yod pa de dag thams cad yid bzhin du 'bras bu chags par gyur to/ /rgyal po chen po/ gzhan yang rgyal po grags pa mtha' yas
329b3 des yang bdag gi dge ba'i rtsa ba'i stobs bskyed pa la brtag par 'dod nas 'di snyam du sems te/ kye ma bdag gi gling chen po bzhi pa'i 'jig rten gyi khams 'di na sems can
329b4 'khod pa 'di dag thams cad gnod pa thams cad rgyun chad par gyur te yid la bsam pa don yod par gyur cig /snyam pa dang / rgyal po grags pa mtha' yas kyis sems
329b5 bskyed ma thag tu gling chen po bzhi pa'i 'jig rten gyi khams na sems can gang ji snyed cig 'khod pa de dag thams cad gnod pa thams cad rgyun chad de yid la bsam pa thams
329b6 cad don yod par gyur to/ /rgyal po chen po/ gzhan yang rgyal po grags pa mtha' yas kyis bdag gi dge ba'i rtsa ba'i stobs bskyed pa la brtag par 'dod nas 'di snyam
329b7 du sems te/ kye ma bdag gi gling chen po bzhi pa'i 'jig rten gyi khams 'dir spos chu'i char rab tu 'bab par gyur cig /snyam pa dang / rgyal po chen po rgyal po grags
330a1 pa mtha' yas kyis sems bskyed ma thag tu gling chen po bzhi pa'i 'jig rten gyi khams thams cad du spos chu'i char rab tu bab par gyur
330a2 to| |rgyal po chen po/ de nas yang rgyal po grags pa mtha' yas kyis bdag gi dge ba'i rtsa ba'i stobs bskyed pa la rgya cher brtag par 'dod nas 'di snyam du sems
330a3 te| kye ma bdag gi gling chen po bzhi pa'i 'jig rten gyi khams 'dir me tog gi char rab tu 'bab par gyur cig /snyam pa dang / rgyal po chen po/ rgyal po grags
330a4 pa mtha' yas kyis sems bskyed ma thag tu gling chen po bzhi pa'i 'jig rten gyi khams thams cad du me tog gi char rab tu bab par gyur to/ /rgyal po chen po/ gzhan
330a5 yang rgyal po grags pa mtha' yas kyis 'di snyam du sems te/ kye ma bdag gi gling chen po bzhi pa'i 'jig rten gyi khams 'dir lha'i 'os kyi char dang / dbyig gi char
330a6 dang / gser gyi char dang / rin po che sna tshogs kyi char dang / yo byad thams cad kyi char rab tu 'bab par gyur cig /snyam pa dang / rgyal po chen po/ rgyal
330a7 po grags pa mtha' yas kyis sems bskyed ma thag tu 'di ltar sems can thams cad dang thun mong du bsags pa'i dge ba'i rtsa ba yangs pa dang ldan pa'i rgyus lha'i gos
330b1 kyi char dang / dbyig gi char dang / gser gyi char dang / rin po che sna tshogs kyi char dang / yo byad thams cad kyi char rab tu bab bo/ /rgyal po chen po/ de'i tshe 'dzam bu'i
330b2 gling 'di ni/ rgyar dpag tshad khri brgyad stong yod par gyur te/ de'i tshe 'dzam bu'i gling 'di ni/ grong khyer bye ba phrag drug cu yod par gyur nas 'dzam bu'i gling de'i dbus
330b3 su rin po ches rab tu brgyan pa zhes bya ba'i grong khyer rgyal po'i pho brang 'khor du gyur pa chu zheng du dpag tshad bcu gnyis bcu gnyis yod pa/ gru bzhi lham pa/ dri ma
330b4 med pa shin tu 'brel par bres pa zhig yod par gyur te/ rgyal po'i pho brang 'khor rin po ches rab tu brgyan pa de ni/ shing ta la'i phreng pa rim pa bdun gyis kun nas
330b5 yongs su bskor ba ste/ ta la de dag kyang rin po che sna bzhi'i rgyu las byung ste/ gser dang / dngul dang / baiDU R+Ya dang / shel gyi ta la sha stag go /de
330b6 la gser gyi ta la rnams ni/ dngul gyi lo ma dang / me tog dang / 'bras bu dang ldan par gyur to/ /dngul gyi ta la rnams ni/ gser gyi lo ma dang / me
330b7 tog dang / 'bras bu dang ldan par gyur to/ /baiDUR+Ya'i ta la rnams ni/ shel gyi lo ma dang / me tog dang / 'bras bu dang ldan par gyur to/ /shel gyi ta la rnams ni/ bai DUR+Ya'i
331a1 lo ma dang / me tog dang / 'bras bu dang ldan par gyur to/ /rgyal po'i pho brang 'khor rin po ches rab tu brgyan pa de rin po che sna bdun
331a2 gyi dril bu g.yer ka'i dra ba bkra ba/ blta na sdug pa rim pa bdun steng du bres par gyur to/ /rin po che'i dra ba chen po'i rin po che sna bdun ni/ 'di lta ste/ gser
331a3 dang / dngul dang / bai DUR+Ya dang / shel dang / mu tig dmar po dang / spug dang / rdo'i snying po dang bdun no/ /rgyal po'i pho brang 'khor rin po ches rab tu brgyan pa de
331a4 kun nas 'obs zab pa/ chu 'byung ba/ zabs su dpag tshad byed yod pa/ kha tshon du dpag tshad gcig yod pa/ yan lag brgyad dang ldan pa'i chus bya rog gis btung
331a5 du rung ba tsam tu kha da chad du yongs su gang ba/ me tog ut+pa la dang / pad+ma dang / ku mu ta dang / pad+ma dkar pos kun tu gang ba/ gser gyi bye ma bdal ba/ rim
331a6 pa bdun gyis yongs su bskor bar gyur te/ 'obs de dag gi khor yug nas 'di lta ste/ gser dang / dngul dang / bai DUR+Ya dang / shel dang / rin po che de bzhi
331a7 las byas pa'i them skas bkra ba/ blta na sdug pa sha stag bkod par gyur to/ /de la gser gyi gzhi la ni/ dngul gyi them pa bkye/ dngul gyi gzhi la ni/ gser
331b1 gyi them pa bkye/ bai DUR+Ya'i gzhi la ni/ shel gyi them pa bkye/ shel gyi gzhi la ni/ bai DUR+Ya'i them pa bkye ba sha stag ste/ them skas de dag kyang rin po che sna bdun gyi
331b2 kha khyer bkra ba/ blta na sdug pa rim pa bdun gyis kun nas bskor bar gyur to/ /rin po che'i them skas de dag gi steng du rin po che sna bdun gyi rta babs bkra ba/ blta
331b3 na sdug pa sha stag btsugs par gyur te/ them skas de dag so so'i khar 'dzam bu chu bo'i gser gyi chu shing ljon pa bkra ba/ blta na sdug pa sha stag btsugs par gyur
331b4 to| |'obs kyi chu de dag re re zhing yang rin po cha sna bdun gyi gru ba kra ba/ blta na sdug pa sha stag bcas par gyur to/ /rgyal po chen po/ rgyal po grags pa mtha' yas gyi
331b5 bsod nams kyi gzi brjid kyis rgyal po'i pho brang 'khor rin po ches rab tu brgyan pa'i khor yug tu skyed mos tshal bkra ba/ blta na sdug pa/ bdag gir bya ba med pa/
331b6 yongs su bzung ba med pa brgyad khri byas par gyur to/ /de dag kyang rgyal po grags pa mtha' yas kyis skye bo thams cad yongs su longs spyod pa'i phyir byin te/ mi de dag
331b7 skyed mos tshal de dag tu dong nas phun sum tshogs pa'i bde ba mchog gis rtse dga' zhing yongs su spyod par gyur to/ /skyed mos tshal de dag re re zhing yang rdzing bu brgyad brgyad
332a1 bshams par gyur to/ /rdzing bu de dag kun kyang rgyar rgyang grags phyed phyed yod pa sha stag go /rdzing bu de dag re re zhing yang rin po che sna bzhi ni/
332a2 'di lta ste/ gser dang / dngul dang / bai DUR+Ya dang / shel gyi them skas bkra ba/ blta na sdug pa brgyad brgyad dang ldan par gyur to/ /them skas de dag gi steng du yang
332a3 rin po che sna bdun gyi rta babs bkra ba/ blta na sdug pa sha stag btsugs par gyur to/ /them skas de dag re re'i khar yang 'dzam bu chu bo'i gser gyi chu shing ljon pa
332a4 bkra ba| blta na sdug pa sha stag btsugs par gyur to/ /rdzing bu de dag kyang chu yan lag brgyad dang ldan pas bya rog gi btung du rung ba tsam du kha da chad du yongs su
332a5 gang bar gyur to/ /rdzing bu de dag tu me tog chu las skyes pa 'di lta bu dag bskyed par gyur te/ 'di ltar me tog ut+pa la dang / pad+ma dang / ku mu ta dang / pad+ma dkar po
332a6 dang / dri zhim ldan rnams so/ /khor yug tu yang thang las skyes pa'i me tog 'di lta bu dag bskyed par gyur te/ 'di ltar a ti muk+ta ka dang / tsam pa ka dang / bar sha
332a7 ka dang / sna ma'i me tog dang / ma yu ka dang / d+ha nu ska ri dang / da ma yin pa'i me tog thang las skyes pa mang po dag kyang bskyed par gyur to/ /rgyal po'i pho brang 'khor
332b1 rin po ches rab tu brgyan pa de'i steng gi bar snang la dril bu g.yer sha'i dra ba chen pos bres pa dang / rgyal po'i pho brang 'khor rin po ches rab tu brgyan pa'i shing ta la de
332b2 dag dang / rin po che'i dra ba de dag dang / dril bu g.yer ka'i dra ba de dag rlung gis bskyod pa las 'di lta bu'i sgra snyan cing yid du 'ong la mnyan na bde ba/ 'di lta ste/ dper na/
332b3 yan lag lnga dang ldan pa'i rol mo sil snyan mkhas pas legs par blangs pa'i sgra lta bu byung bar gyur to/ /de'i tshe rgyal po'i pho brang 'khor rin po ches rab tu brgyan pa de
332b4 na mi ji snyed cig 'khod pa de dag thams cad kyang sgra des rtse dga' zhing yongs su spyod par gyur to/ /rgyal po'i pho brang 'khor rin po ches rab tu brgyan pa de na 'byor pa rgyas
332b5 pa| bde ba/ lo legs pa/ skye bo mang po dang mis yongs su gang ba/ me tog ut+pa la dang / pad+ma dang / ku mu ta dang / pad+ma dkar pos yongs su gang bar gyur to/ /de nas rgyal
332b6 po grags pa mtha' yas de 'di snyam du sems te/ 'o na bdag ni/ shar gyi lus 'phags gling du 'gro'i snyam pa dang / sems bskyed ma thag tu dpung gi tshogs yan lag
332b7 bzhi pa dang lhan cig tu nam mkha' la mngon par 'phags nas shar gyi lus 'phags gling ga la ba der song ste/ des der lo brgya phrag mang po dang / lo stong phrag mang por
333a1 rgyal po byas so/ /de nas rgyal po grags pa mtha' yas de 'di snyam du sems te/ 'o na bdag ni/ nub kyi ba lang spyod kyi gling du 'gro'o
333a2 snyam pa dang / sems bskyed ma thag tu dpung gi tshogs yan lag bzhi pa dang lhan cig tu nam mkha' la mngon par 'phags nas nub kyi ba lang spyod ga la ba der
333a3 seng ste/ des der lo brgya phrag mang po dang / lo stong phrag mang por rgyal po byas so/ /de nas rgyal po grags pa mtha' yas de 'di snyam du sems te/ 'o na bdag ni/ byang gi
333a4 sgra mi snyan gyi gling du 'gro'o snyam pa dang / sems bskyed ma thag tu dpung gi tshogs yan lag bzhi pa dang lhan cig tu nam mkha' la mngon par 'phags nas byang
333a5 gi sgra mi snyan gyi gling chen po ga la ba der song ste/ des der lo brgya phrag mang po dang / lo stong phrag mang por dpung gi tshogs la rjes su bstan to/ /de nas rgyal po
333a6 grags pa mtha' yas yun ring po 'das pa'i dus zhig na 'di snyam du sems te/ sum cu rtsa gsum zhes bya ba'i lha ri rab kyi zom la gnas pa dag yod na/ bdag
333a7 ni/ sum cu rtsa bsum pa'i lha ga la ba der 'gro'o snyam pa dang / sems bskyed ma thag tu dpung gi tshogs yan lag bzhi pa dang lhan cig tu nam mkha' la mngon par
333b1 'phags nas glang po rin po ches bya la khar zhon te ri'i rgyal po ri rab kyi steng du song ngo / /de nas rgyal po grags pa mtha' yas kyis kha lo sgyur ba la smras pa/ kha lo sgyur ba/
333b2 gling chen po bzhi dang / ri'i rgyal po ri rab dang / rgya mtsho chen po ji ltar mthong / kha lo sgyur bas smras pa/ rgyal po chen po/ 'di lta ste/ dper na/ rdza mkhan gyi 'khor lo
333b3 dbyig pas 'phangs na/ yongs su 'khor ba de bzhin du gling chen po bzhi dang / ri'i rgyal po ri rab dang / rgya mtsho chen po 'di yang yongs su 'khor bar mthong ngo / /rgyal pos
333b4 smras pa| kha lo sgyur ba/ 'o na da dung glang po rin po ches 'gros ma phyung ngo / /yang rgyal po grags pa mthas yas kyis kha lo sgyur ba la smras pa/ kha lo sgyur ba/ gling chen po
333b5 bzhi dang / ri'i rgyal po ri rab dang / rgya mtsho chen po 'di ji lta bur mthong / kha lo sgyur bas smras pa/ rgyal po chen po/ gling chen po bzhi dang / ri'i rgyal po ri rab dang / rgya
333b6 mtsho chen po dag da ni/ 'gul zhing rab tu 'gul ba dang / kun tu rab tu 'gul bar mthong ngo / /rgyal pos smras pa/ kha lo sgyur ba/ 'o na da dung glang po rin po ches 'gros ma
333b7 phyung ngo / /yang rgyal po grags pa mtha' yas kyis kha lo sgyur ba la smras pa/ kha lo sgyur ba/ gling chen po bzhi dang / ri'i rgyal po ri rab dang / rgya mtsho chen po 'di da ji ltar mthong /
334a1 kha lo sgyur bas smras pa/ rgyal po chen po/ da ni/ gling chen po bzhi dang / ri'i rgyal po ri rab dang / rgya mtsho chen po dag kyang g.yo ba'am
334a2 'gul ba'am/ ldeg pa ma mchis par gnas par mthong ngo / /rgyal pos smras pa/ kha lo sgyur ba/ da ni/ glang po'i rgyal pos 'gros bslang ba ltas ring po mi thogs
334a3 par ri'i rgyal po ri rab kyi rtse mor phyin par 'gyur ro/ /de nas rgyal po grags pa mtha' yas dpung gi tshogs yan lag bzhi pa dang lhan cig tu ring por ma thogs
334a4 par ri'i rgyal po ri rab kyi rtse mor phyin pa dang / lha'i dbang po brgya byin gyis rgyal po grags pa mtha' yas rgyang ring po nas 'ong ba mthong ngo / /mthong nas stan gyi phyed
334a5 la bdar te rgyal po chen po tshur spyon/ rgyal po chen po byon pa legs so/ /rgyal po chen po stan gyi phyed la bzhugs zhes smras pa dang / rgyal po grags pa mtha' yas
334a6 lha'i dbang po brgya byin gyi stan gyi phyed la 'dug ste/ des der lo brgya phrag mang por sum cu rtsa gsum pa'i lha'i rgyal srid phyed kyi dbang phyug la dbang byas par gyur
334a7 to| |de nas rgyal po grags pa mtha' yas yun ring por 'das pa'i dus zhig na 'di snyam du sems te/ kye ma bdag gis brgya byin gyi stan thams cad la 'dug par
334b1 bya'o| |snyam pa dang / des sems bskyed ma thag tu dpung gi tshogs yan lag bzhi pa dang lhan cig tu stan phyed po de las nyams nas 'dzam bu'i gling du gnas par gyur
334b2 te| rgyal po'i pho brang 'khor rin po ches rab tu brgyan pa'i skyed mos tshal gyi ra ba na 'khod pa'i mi rnams kyis rgyal po grags pa mtha' yas rgyal po'i pho brang 'khor rin
334b3 po ches rab tu brgyan pa'i rin po che'i skyed mos tshal du 'ongs shing de na 'dug pa mthong nas mthong ma thag tu myur ba myur bar rings pa'i gzugs kyis rgyal po'i pho brang
334b4 'khor rin po ches rab tu brgyan pa de na rgyal po dga' byed ces bya ba rgyal po byed cing 'dug pa la sbran to/ /rgyal po dga' byed des rin po che'i za ma tog gi skyed mos
334b5 tshal na lha'i mi zhig dpung gi tshogs yan lag bzhi pa dang lhan cig tu gnas zhes thos nas myur ba myur bar rings pa'i gzugs su bzhon pa'i mchog la zhon nas
334b6 yan lag bzhi pa'i dpung gi tshogs dang ldan cig tu rgyal po'i pho brang 'khor rin po ches rab tu brgyan pa nas byung nas rin po che'i za ma tog gi skyed mos tshal ga la
334b7 ba der song ngo / /rgyal po'i pho brang 'khor rin po ches rab tu brgyan pa na 'khod pa thams cad kyang ngo mtshar du gyur nas rgyug par gyur to/ /de nas rgyal po dga' byed bzhon
335a1 pa las babs te rgyal po grags pa mtha' yas ga la ba der song nas des spos dang / me tog dang / phreng ba dang / byug pa dang / bdug
335a2 spos phul te gos phrag pa gcig tu gzar nas pus mo g.yas pa'i lha nga sa la btsugs te rgyal po grags pa mtha' yas ga la ba de logs su thal mo sbyar ba btud
335a3 nas rgyal po grags pa mthas yas la khyod su zhig lags zhes dris so/ /rgyal pos de la smras pa/ rgyal po grags pa mtha' yas zhes bya ba zhig byung ba de khyod kyis
335a4 thos sam/ rgyal po dga' byed kyis smras pa/ bdag gis rab tu'ang thos te/ rgan rabs dag mchi na/ rgyal po grags pa mtha' yas zhes bgyi ba 'khor los
335a5 bsgyur ba/ khyogs dang / dpung dang / bzhon pa dang bcas te mtho ris su bzhud do/ /zhes thos so/ /smras pa/ nga ni/ rgyal po grags pa mtha' yas zhes bya ba de
335a6 yin no| |de nas rgyal po grags pa mtha' yas de mi'i gzi brjid kyis mig ma gang ste/ mi'i longs spyod mi bzod par gyur nas bying zhing mi gnas par gyur te/
335a7 'di lta ste/ dper na/ mar gyi gong bu'am mar sar gong bu bye ma tsha ba la bzhag pa ni/ 'ju zhing ma gnas so/ /de bzhin du rgyal po grags pa mtha' yas kyang bying
335b1 zhing mi gnas par gyur to/ /de nas rgyal po dga' byed kyis rgyal po grags pa mtha' yas de ltar bying ba de la 'di skad ces smras so/ /rgyal po grags pa mtha' yas kyis
335b2 legs par brjod pa ji skad cig gsungs zhes mchi na/ bdag gis 'jig rten rnams la ji skad cig lung bstan par bgyi/ des smras pa/ rgyal po chen po grags pa mtha'
335b3 yas ni| gling chen po bzhi'i rgyal srid kyi dbang phyug la dbang byas shing bsam pa yid bzhin du grub la don med par ma gyur pa'ang med la/ shing thams cad yid
335b4 bzhin du 'bras bu chags pa dang / gnod pa thams cad rgyun chad pa dang / sems can thams cad kyis yid la bsam pa don yod pa dang / sbas kyi chu'i char 'bab pa dang /
335b5 lha'i yid bzhin gyi gos kyi char 'bab pa dang / dbyig gi char 'bab pa dang / gser gyi char 'bab pa dang / rin po che sna tshogs kyi char 'bab pa dang / yo byad thams cad
335b6 kyi char 'bab pa yang myong bar gyur nas gling chen po bzhi po dag tu gnas te gling chen po bzhi'i rgyal srid kyi dbang phyug la dbang byas nas brgya byin gyi stan phyed mnan
335b7 pa las 'dod pa chen pos ma btang ste/ 'dod pas ma ngoms bzhin du 'chi ba'i dus byas so/ /zhes rgyal po chen po khyod kyis lung ston cig /de skad ces smras nas
336a1 rgyal po grags pa mtha' yas de 'chi ba'i dus byas par gyur to/ /rgyal po chen po/ de'i tshe de'i dus na 'khor los bsgyur ba'i rgyal po
336a2 grags pa mtha' yas zhes bya ba byung ba de gzhan zhig yin snyam du khyod dogs shing the tshom za na/ de de ltar mi blta'o/ /de ci'i phyir zhe na/ rgyal po chen po/ nga nyid de'i
336a3 tshe de'i dus na 'khor los bsgyur ba'i rgyal po grags pa mtha' yas zhes bya bar gyur to/ /de bas na/ rgyal po chen po/ khyod kyis dbang po rnams ni/ sgyu ma lta bu/
336a4 yul rnams ni/ rmi lam lta bu'o/ /zhes de ltar rig par byas nas sems nges par gzhag par bya ste/ gzhan gyi dring mi 'jog par bya'o/ /de nas bcom ldan
336a5 'das kyis de'i tshe tshigs su bcad pa 'di dag gsungs so/ /'dod pa'i dbang phyug rnams las ni/ /sems ni mkhas pas bskyod byas te/ /chos kyi dbang phyug
336a6 dga' ba la/ /sems ni yang dag nyid du gtang / /'dod de'i dbang phyug spangs byas shing / /chos kyi dbang la yid bzhag ste/ /sems btul ba la rab brten na/ /
336a7 nyon mongs rab tu tshar chod 'gyur/ /nyon mongs tshar bcad brten nas ni/ /las kyi lam yang 'chad par 'gyur/ /las kyi lam yang chad gyur na/ /'jig rten
336b1 gyi ni mchod rten 'gyur/ /'dod pa kun las nyon ma mongs/ /'dod pa'i nyes pa rab bstan te/ /sems can rnams la phan sems pas/ /de phyir mchod pa'i rten ces bya//
336b2 'dod pa'i nyes pa thos gyur nas/ /mi ni 'dod pa'i 'dod chags las/ /sems sbyong byed pa thams cad mkhyen/ /de phyir mchod pa'i rten ces bya/ /sems can rnams kyi
336b3 sdang spangs pa/ /gang zag mchog gis rab mkhyen te/ /sdang las sems ni 'grol mdzad pas/ /de phyir mchod pa'i rten ces bya/ /sems can rnams kyi rmongs spangs
336b4 pa| |shAkya'i khyu mchog rab mkhyen te/ /rmongs las sems ni sbyong mdzad pas/ /de phyir mchod pa'i rten ces bya/ /sems can nga rgyal spang ba yang / /sems can kha
336b5 lo sgyur pas mkhyen/ /nga rgyal dag las sems sbyong bas/ /de phyir mchod pa'i rten ces bya/ /bcom ldan 'das kyis gzhan yang rgyal po zas gtsang ma la bka' stsal
336b6 pa| rgyal po chen po/ sngon byung ba 'das pa'i dus na rgyal po sa'i lha zhes bya ba chos dang ldan pa/ chos kyi rgyal po rin po che sna bdun dang ldan pa byung ste/ de'i rin po
336b7 che sna bdun ni/ 'di dag ste/ 'di ltar 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin
337a1 po che dang / blon po rin po che dang bdun no/ /rgyal po sa'i lha de'i pha ni/ rgyal po sa byung zhes bya bar gyur to/ /rgyal po sa byung de'i bu thu bo ni/
337a2 gzhon nu sa'i lha ste/ de nas rgyal po sa byung 'chi ba'i dus byed pa'i tshe rgyal po gzhon nu sa'i lha rgyal srid la dbang bskur ro/ /de nas rgyal po sa'i lha de rgyal po rgyal
337a3 rigs spyi bo nas dbang bskur bar gyur to/ /de nas rgyal po sa'i lha rgyal rigs spyi bo nas dbang bskur ba de gso sbyong gi nyi ma zla ba nya ba'i tshe skra bkrus te ras bcos
337a4 bu gsar pa bgos/ skra dang kha spu bcos/ phreng ba dang rgyan btags/ nor bu dang rna cha gdub kor btags nas khang steng du bud med kyi 'khor gyis bskor cing mdun
337a5 du bdar te 'dug pa dang / shar phyogs nas lha'i 'khor lo rin po che rtsibs stong dang ldan pa/ lte ba dang bcas pa/ mu khyud dang bcas pa/ rnam pa thams cad kyi mchog dang ldan pa/
337a6 'od zer dang ldan pas 'od gsal ba 'phang du khru bdun yod pa thams cad gser las byas pa byung bar gyur to/ /rgyal po sa'i lha des sngon yang rgyal po rgyal rigs spyi bo
337a7 nas dbang bskur ba gang gso sbyong gi nyi ma zla ba nya ba'i tshe zhes bya ba nas bud med kyi tshogs kyis bskor cing mdun du bdar ba'i bar du snga ma bzhin te/ shar phyogs
337b1 nas lha'i 'khor lo rin po che rtsibs stong dang ldan pa zhes bya ba nas thams cad gser las byas pa'i bar dang ldan pa byung bar gyur pa dang / de 'khor los bsgyur ba'i
337b2 rgyal por 'gyur ro/ /zhes thos pas de 'di snyam du sems te/ bdag 'khor los bsgyur ba'i rgyal po lta yin nam/ de la bdag gis sad par bya'o/ /snyam nas rgyal po
337b3 sa'i lha stan las langs te bla gos phrag pa gcig tu bgos nas pus mo g.yas pa'i lha nga sa la btsugs te lha'i 'khor lo rin po che ga la ba de logs su thal mo sbyar
337b4 ba btud nas lha'i 'khor lo rin po che de la 'di skad ces smras so/ /kye 'khor lo rin po che/ babs te sa la gnos shig /ces byas pa dang / de nas lha'i 'khor lo rin po
337b5 che de nam mkha' las babs te sa la gnas par gyur to/ /de nas rgyal po sa'i lha des lha'i 'khor lo rin po che de gos khye'u gtsang gis phyis te lag pa g.yas pas
337b6 bskul nas 'di skad ces smras so/ /kye 'khor lo rin po che/ shar phyogs las rnam par rgyal par gyis shig /de nas 'khor lo rin po che de shar phyogs logs su gyur pa
337b7 dang / shar phyogs kyi gnas rnams su de nyid kyi tshe sngon gyi 'khor los bsgyur ba rnams kyi lam mnyan shing shin tu bde ba/ nyams dga' ba/ rin po che sna bdun gyi rgyu
338a1 las grub pa/ me tog sil ma sna tshogs kyis gang ba byung bar gyur te/ de'i gshong du gyur pa'i phyogs rnams ni/ mtho bar gyur
338a2 to| |sgang du gyur pa rnams ni/ dma' bar gyur to/ /de'i khron pa dang 'bab chu'i ngos dang / mtsho dang / mtshe'u dang / chu klung bskams pa rnams su ni/ yan lag
338a3 brgyad dang ldan pa'i chu byung bar gyur te/ 'di lta ste/ bsil ba dang / zhim pa dang / yang pa dang / 'jam pa dang / dang ba dang / dri nga ba med pa dang / 'thungs na
338a4 lkog mar mi gnod pa dang / 'thungs na lto ba bde bas yongs su gang bar gyur to/ /me tog gi shing ljon pa rnams la yang me tog chags par gyur to/ /'bras
338a5 bu'i shing ljon pa rnams la yang 'bras bu chags par gyur to/ /me tog rgyas pa'i shing rnams kyang rtag tu me tog rgyas par gyur to/ /'bras bu chags pa'i shing
338a6 rnams kyang rtag tu 'bras bu chags par gyur to/ /'khor los bsgyur ba'i rgyal po dpung gi tshogs yan lag bzhi dang lhan cig tu 'khor lo rin po che de'i phyir
338a7 bzhin du song ste/ sa phyogs gang du 'khor lo rin po che de 'dug par gyur pa der 'khor los bsgyur ba'i rgyal po yang dpung gi tshogs yan lag bzhi dang lhan
338b1 cig tu 'dug par gyur to/ /de'i tshe shar phyogs kyi rgyal po'am/ khams kyi rgyal po'am/ grong rdal gyi mi'am/ zhing pa de dag thams cad gser gyi gzhong pa dngul
338b2 sil mas bkang ba dang / dngul gyi gzhong pa gser phyes bkang ba dag thogs te 'khor los bsgyur ba'i rgyal po de bsu zhing / lha tshur gshegs/ lha gshegs pa legs
338b3 so| |lha'i chabs 'og tu mnga' ba 'di dag ni/ 'byor cing rgyas la lo legs shing skye bo mang po dang mis gang ba ste/ 'di dag dang bdag cag la lha mnga' mdzad du
338b4 gsol| de skad ces smras pa dang / 'khor los bsgyur ba'i rgyal po des de dag la 'di skad ces smras so/ /nga la longs spyod 'di dag mi dgos kyi/ 'di dag khyod kyi longs
338b5 spyod du gyur te nye bar 'tsho bar gyis shig/ khyed 'di ltar nga'i rjes su 'brang bar gyis shig /gal te khyed kyis srog gcod pa spangs te/ ma byin par len pa spangs shing /
338b6 log par lta ba'i bar du spangs na/ nga yang bdag gis ni/ yul 'di dag las rgyal te/ mi gang dag mar 'dzin pa dang / phar 'dzin pa dang / dge sbyong du 'dzin pa
338b7 dang / bram zer 'dzin pa dang / rigs kyi gtso bo la rim gro byed pa de dag ni/ nga'i rjes su 'brang ba yin no/ /snyam du sems so/ /da phan chad khyod yul 'khor du chos
339a1 ma yin pa'i spyod pa dang / mi rigs pa'i spyod pa 'dod par ma byed cig /de ltar byas na yul 'di dag rnams las rgyal zhing mi de dag
339a2 kyang nga'i rjes su 'brang ba yin par sems so/ /de dag gis de la legs so/ /zhes pa nas de bzhin du nan tan du byed do/ /de la lha'i 'khor lo rin po ches des
339a3 shar phyogs su rnam par rgyal bar byas te shar phyogs kyi rgya mtsho las brgal nas mdun du shing rta'i srog shing btsugs pa ltar 'dug par gyur to/ /de bzhin du lho
339a4 phyogs dang / nub phyogs su yang rgya cher rnam par rgyal bar byas nas byang phyogs su byang gi sgra mi snyan gyi gling chen po'i bar las rnam par rgyal bar byas te/ byang
339a5 phyogs kyi rgya mtsho las brgal nas 'khor los bsgyur ba'i rgyal po pho brang gi sgo'i steng du shing rta'i srog shing btsugs pa bzhin du 'dug par gyur to/ /rgyal po
339a6 sa'i lhas 'khor lo rin po che bskor ma thag tu de nas de'i mod la gling chen po bzhi pa thams cad rin po che'i rang bzhin bkra ba blta na sdug par gnas par
339a7 gyur to| |rin po che sna bdun ni/ 'di lta ste/ gser dang / dngul dang / bai DUR+Ya dang / shel dang / mu tig dmar po dang / spug dang / rdo'i snying po dang bdun no/ /
339b1 rgyal po sa'i lhas 'khor lo rin po che de bskor ma thag tu sems can dmyal ba thams cad rgyun chad par gyur/ dud 'gro'i skye gnas thams cad dang / gshin rje'i
339b2 'jig rten thams cad dang / lha ma yin gyi ris thams cad dang / mi khom pa thams cad kyang rgyun chad par gyur to/ /mi dge ba'i sgra rnams kyang yongs su nub par
339b3 gyur to| |'di ltar rgyal po sa'i lha'i sngon gyi smon lam gyis gling chen po bzhi po thams cad du ma rmos ma btab pa'i 'bras sA lu'i 'bru yang byung bar gyur / dpag bsam gyi shing rnam pa sna tshogs kyis gang bar gyur to/
339b4 /sems can de dag gi nad kyi rnam pa yang 'di lta ste/ 'dod pa dang / kha zas mi za ba dang / dga'
339b5 ba gsum ma gtogs par thams cad rgyun chad par gyur to/ /sems can de dag gi tshe'i tshad ni/ lo bye ba tshang bar gyur to/ /sems can de dag sdug bsngal gyi sdug bsngal
339b6 rnam pa thams cad du mi mngon zhing mi gnod par gyur te/ de'i tshe'i 'di dag dang / gzhan yang ngo mtshar rmad du byung ba mtha' yas pa byung bar gyur to/ /rgyal po
339b7 chen po| |de nas rgyal po sa'i lha de 'di snyam du sems te/ mi'i 'jig rten na longs spyod 'di lta bu yod na/ longs spyod 'di bas rgya che ba dang / 'di las khyad par du
340a1 'phags pa'i longs spyod gzhan 'ga' zhig yod dam med snyam nas de 'di snyam du sems te/ bdag gis sum cu rtsa gsum pa'i lha
340a2 zhes bya ba ri rab kyi rtse mo la gnas pa dag cig yod ces thos na/ de dag gi longs spyod de ci 'dra ba zhig yod snyam mo/ /de nas rgyal po sa'i lha de 'dod pa ma spangs
340a3 pa'i phyir mi'i longs spyod la ni/ smod/ lha'i longs spyod la ni/ bstod cing 'di snyam du 'o na bdag sum cu rtsa gsum pa'i gnas su 'gro bar bya'o/ /snyam du sems bskyed
340a4 par gyur to/ /rgyal po chen po/ de nas rgyal po sa'i lha des sems bskyed ma thag tu dpung gi tshogs yan lag bzhi dang lhan cig tu ri'i rgyal po ri rab kyi rtse mo la
340a5 phyin par gyur to/ /de nas lha'i dbang po brgya byin gyis rgyal po sa'i lha rgyang ring po nas 'ong ba mthong nas 'di skad ces smras te/ rgyal po chen po tshur spyon/ rgyal po
340a6 chen po byon pa legs so/ /zhes stan gyi phyed la bdar te/ rgyal po chen po/ gang gi dus la dbab par mkhyen na/ stan 'di la bzhugs shig ces smras pa dang / rgyal
340a7 po sa'i lha yang brgya byin gyi stan phyed la 'dug ste/ des der lo brgya stong phrag mang por sum cu rtsa gsum pa'i lha'i nang du rgyal srid kyi dbang phyug phyed la dbang byas
340b1 so| |de yun ring po 'das pa'i dus shig na 'dod pa chen po'i dbang gis 'di snyam du sems par gyur te/ kye ma bdag gis sum cu rtsa gsum pa'i lha'i nang du rgyal srid kyi
340b2 dbang phyug thams cad la dbang bya'o/ /snyam pa dang / sems bskyed ma thag tu lha'i dbang po brgya byin gyi stan phyed las nyams nas phyir 'dzam bu'i gling gi grong khyer
340b3 bde ba'i khyim zhes bya bar gnas par gyur to/ /de ltar lha'i gzi brjid dang ldan pa las 'dzam bu'i gling du gnas par gyur pas mi'i gzi brjid mi bzod par gyur
340b4 nas de bying zhing mi gnas par gyur to/ /de nas rgyal po sa'i lha sa la bying ba na de'i tshe tshigs su bcad pa 'di dag smras so/ /rgyal srid dbang phyug rgya chen gyis/ /
340b5 'dod la sred pa zhi mi 'gyur/ /mi la rtswa shing ji bzhin te/ /de bas 'dod pa rnam par spang / /yun ring rgyud kyis 'dod pa la/ /brten na ngoms par mi 'gyur te/ /skom
340b6 pas nyen pa tshwa chu la/ /rab tu 'thungs kyang yongs gdugs bzhin/ /chu bo rnams kyis nam du yang / /rgya mtsho ngoms par mi 'gyur te/ /de bzhin 'dod pa bsten byas na/ /
340b7 gzhan yang ngoms par mi 'gyur ro/ /shing dang rtswa dag rab bsregs kyang / /me ni ngoms par mi 'gyur ro/ /de bzhin 'dod pa bsten byas na/ /'dod pa'i longs spyod ngoms
341a1 mi myong / /me long ji ltar gzugs brnyan gyis/ /nam yang ngoms par mi 'gyur ba/ /de bzhin gzugs rnams bsten byas na/ /
341a2 'dod pa'i longs spyod ngoms mi myong / /brag ca ji ltar sgra rnams kyis/ /nam yang ngoms par mi 'gyur ba/ /de bzhin sgra rnams bsten byas na/ /'dod pa'i longs
341a3 spyod ngoms mi myong / /ji ltar spos snod spos rnams kyis/ /nam yang ngoms par mi 'gyur ba/ /de bzhin dri rnams bsten byas kyang / /sna ni dri yis ngoms mi myong / /
341a4 ji ltar gzar bu ro mchog gis/ /nam yang ngoms par mi 'gyur ba/ /de bzhin lce ni ro mchog gis/ /nam yang ngoms par mi 'gyur ro/ /ji ltar nam mkha'
341a5 rlung rnams kyis/ /nam yang ngoms par mi 'gyur ba/ /de bzhin lus ni reg rnams kyis/ /nam yang ngoms par mi 'gyur ro/ /dper na rmi lam rmis pa yis/ /chu
341a6 'thungs ngoms par mi 'gyur ba/ /de bzhin 'dod la chags pa yi/ /yid kyang ngoms par 'gyur ba med/ /sems can 'dod la brten pa ni/ /phyir zhing sred pa
341a7 'phel 'gyur te/ /yul la nye bar brten byas na/ /'dod pa nam yang ngoms pa med/ /skom dang me 'dra'i 'dod pa las/ /sdug bsngal 'byung ba sus mthong ba/ /de
341b1 dag sred pa zhir 'gyur te/ /me la chu ni blugs pa bzhin/ /rgyal po chen po/ de'i tshe de'i dus na 'khor los bsgyur ba'i rgyal po sa'i lha zhes bya ba byung ba de gzhan zhig yin
341b2 pa snyam du dogs shing the tshom za ba'am/ yid gnyis su gyur na/ khyod kyis de ltar mi blta'o/ /de ci'i phyir zhe na/ rgyal po chen po/ nga nyid de'i tshe de'i dus na 'khor los
341b3 bsgyur ba'i rgyal po sa'i lha zhes bya bar gyur to/ /de tsam du che zhing de tsam du yangs pa'i dbang phyug la dbang byas kyang dbang phyug gis ma ngoms bzhin du 'chi ba'i dus
341b4 byas par gyur to/ /de ci'i phyir zhe na/ rgyal po chen po/ dbang po rnams ni/ mi ngoms shing ngoms par mi 'gyur/ yul rnams ni/ ngoms par mi byed pa ste/ dbang po
341b5 rnams ni/ me long dang 'dra/ yul rnams ni/ gzugs brnyan dang 'dra/ dbang po rnams ni/ brag ca dang 'dra/ yul rnams ni/ sgra brnyan dang 'dra/ dbang po rnams ni/ sgyu ma
341b6 dang 'dra/ yul rnams ni/ rmi lam dang 'dra ba yin gyi/ rgyal po chen po/ khyed de la yid bzhag cing gzhan gyi dring mi 'jog par gyis shig/ //bam po bco lnga pa ste/ tha
341b7 ma| rgyal po chen po/ gzhan yang sngon byung ba 'das pa'i dus na rgyal po nga las nu zhes bya ba rdzu 'phrul che zhing mthu che la dbang che bar grags pa/ rgyal po gso sbyong 'phags
342a1 kyi spyi bo nas byung ba/ sngon dge ba'i rtsa ba bsags pa/ sangs rgyas dpag tu med pa mthong ba/ dge ba'i rtsa ba yang dag par bsgrubs pa/ sangs
342a2 rgyas bye ba khrag khrig mang po la chos dkar po yongs su bsgrubs pa zhig byung ste/ des gling chen po bzhir dbang phyug la dbang byas so/ /de 'dzam bu gling na gnas
342a3 pa de'i tshe 'dod pa'i khams kyi sems can mi dang / lha gang ji snyed cig 'dod pa la spyod par gyur pa de dag gi nang na rgyal po nga las nu de 'di ltar 'dod pa la longs
342a4 spyod pas mchog tu brjod do/ /de'i tshe 'dzam bu'i gling ni/ 'byor zhing rgyas la/ bde zhing lo legs pa dang / skye bo mang po dang mis gang ba dang / grong dang / grong khyer
342a5 dang / grong rdal dang / ljongs dang / yul 'khor dang / rgyal po'i pho brang 'khor yang 'dab nye bar gyur pa/ grong rnams kyang bya gag gi 'phur stabs kyis son pa tsam
342a6 du nye bar gyur to/ /'di ltar chos kyis gnas par gyur pas sa chen po 'di yang gseg ma dang gyo mo med cing / gser dngul mang po dang / kun dga' ra ba dang /
342a7 skyed mos tshal dang / rdzing bu dang / mtshe'u dag gis mdzes par byas par gyur to/ /rgyal po nga las nu'i rgyal po'i pho brang 'khor ni/ grong khyer mi tshugs pa zhes bya
342b1 bar gyur te/ shar nub tu chur ni/ dpag tshad bcu gnyis/ lho byang gi zheng du ni/ dpag tshad bdun yod par gyur to/ /de ni/ bskal pa dang por 'byung ba'i 'khor los
342b2 bsgyur ba'i rgyal po rigs chen por grags par skyes pa'i rgyal po rnams kyi dang po'i grong khyer du gyur pa ste/ 'di lta ste/ dper na/ sum cu rtsa gsum pa'i lha rnams kyi
342b3 grong khyer chen po blta na sdug ces bya ba ni/ steng gi phyogs nas dril bu g.yer ka'i dra ba bres pa'i bar du rgya che ste/ de bzhin du rgyal po nga las nu'i dpyid gnas pa
342b4 ni| zla ba 'char ba zhes bya ba'i khang bzang bshams par gyur to/ /dbyar gnas pa ni/ bai DUR+Ya'i snying po zhes bya ba'i khang bzang bshams par gyur te/ 'di lta ste/
342b5 dper na/ lha'i dbang po brgya byin gyi rnam par rgyal ba'i khang bzang lta bu'o/ /rgyal po nga las nu'i dgun gnas pa ni/ nyi ma'i 'od zer yang dag 'phags zhes bya
342b6 ba'i khang bzang bshams par gyur te/ 'di lta ste/ dper na/ lha'i dbang po brgya byin gyi rnam par rgyal ba'i khang bzang lta bu'o/ /rgyal po nga las nu'i khang bzang zla ba
342b7 'char bar gnas pa'i tshe ni/ btsun mo dang bcas par 'di lta ste/ dper na/ tsan+dan gyis bskus pa bzhin du lus bsil bar 'gyur ro/ /khang bzang bai DUR+Ya'i snying por
343a1 gnas pa'i tshe ni/ 'di lta ste/ dper na/ ta ma la'i lo mas bskus pa bzhin du lus dus dang ldan par bde bar 'gyur ro/ /khang bzang
343a2 nyi ma'i 'od zer yang dag 'phags su gnas pa'i tshe ni/ 'di lta ste/ dper na/ a ga rus bskus pa bzhin du lus dro bar gyur to/ /rgyal po chen po/ rgyal po
343a3 nga las nu'i bsam pa'i dbang gis khang bzang de dag kyang nyams su bde ba'i reg pa 'byin par gyur to/ /bsam pa'i dbang gis rlung ldang bar 'gyur/ char 'bab
343a4 par 'gyur/ rol mo'i sgra 'byung bar 'gyur ro/ /bsam pa'i dbang gis skyid pa dang / longs spyod pa dang / yongs su spyod pa'i rnam pa 'byung ngo / /rgyal po chen po/ de
343a5 nas rgyal po nga las nu 'di snyam du sems te/ kye ma bdag gi pho brang du zhag bdun du dbyig gi char 'bab par gyur cig /snyam pa dang / sems bskyed ma thag tu
343a6 rgyal po nga las nu'i pho brang du zhag bdun du dbyig gi char bab par gyur to/ /rgyal po chen po/ de nas rgyal po nga las nus zhag bdun po de 'das nas dbyig gi
343a7 char bab pa de la 'di snyam du sems te/ ji tsam du yongs su dag pa'i las kyi rnam par smin pas bsam pa yid bzhin du yongs su rdzogs pa dmigs shing bsod
343b1 nams dag kyang mi slu ba 'di ni/ ngo mtshar rmad du byung ngo / /snyam nas de yang 'di snyam du sems te/ bdag gi gling chen po 'dzam bu'i gling 'byor cing rgyas la bde zhing lo
343b2 legs pa dang / skye bo mang po dang mis gang ba la yang dbang byas/ bdag gi khyim du ni/ zhag bdun du dbyig gi char bab na/ da ni/ bdag nub kyi ba glang spyod kyi gling du
343b3 'gro'o| |snyam pa dang / sems bskyed ma thag tu rgyal po chen po/ rgyal po nga las nu dpung gi tshogs yan lag bzhi pa dang lhan cig tu nam mkha' la mngon par 'phags
343b4 te| 'dzam bu'i gling nas nub kyi ba lang spyod kyi gling du phyin nas des der lo brgya stong phrag mang por mi'i las 'das shing lha rdzas su ma gyur pa'i longs spyod dang ldan par
343b5 rgyal po byas so/ /de nub kyi ba lang spyod kyi gling chen po de na gnas pa'i tshe yang sems bskyed ma thag tu 'dzam bu'i gling du bab pa bzhin du zhag bdun gyi bar du dbyig gi
343b6 char bab par gyur to/ /rgyal po chen po/ de nas rgyal po nga las nu de 'di snyam du sems te/ bdag gis 'dzam bu'i gling 'byor zhing rgyas pa nas skye bo mang po dang mis
343b7 gang ba'i bar la ni/ dbang byas/ bdag gi khyim du zhag bdun du ni/ dbyig gi char ni/ bab/ bdag gis nub kyi ba lang spyod kyi gling chen po la yang dbang byas te/ bdag
344a1 khyim 'dir yang zhag bdun du dbyig gi char bab na/ shar gyi lus 'phags zhes bya ba'i gling chen po yod kyi/ bdag ni/ gling chen
344a2 po shar gyi lus 'phags po gang na ba der 'gro'o/ /snyam pa dang / sems bskyed ma thag tu rgyal po chen po nga las nu de dpung gi tshogs yan lag bzhi pa dang lhan cig
344a3 tu nam mkha' la mngon par 'phags nas shar gyi lus 'phags po'i gling chen por phyin par gyur te/ /des der yang lo brgya stong phrag mang por mi'i las 'das shing
344a4 lha rdzas su ma gyur pa'i longs spyod dang ldan par rgyal po byas so/ /rgyal po chen po/ de nas rgyal po nga las nus der yang 'di snyam du sems te/ bdag gi 'dzam
344a5 bu'i gling dang / nub kyi ba lang spyod dang / shar gyi lus 'phags po la ni/ dbang byas na/ da ni/ bdag byang gi sgra mi snyan gyi gling chen por 'gro'o/ /de'i mi rnams
344a6 ni| nga yir bya ba med cing yongs su 'dzin pa med mod kyi/ 'on kyang der song ste/ rang gi dpung gi tshogs la rjes su bstan par bya'o/ /snyam pa dang / sems bskyed
344a7 ma thag tu rgyal po nga las nu des dpung gi tshogs yan lag bzhi pa dang lhan cig tu nam mkha' la mngon par 'phags nas shar gyi lus 'phags po'i gling
344b1 chen po nas byang gi sgra mi snyan gyi gling chen por phyin par gyur te/ des der yang mi rnams nga yir bya ba med cing yongs su 'dzin pa med pa'i nang du lo brgya stong phrag du mar
344b2 bdag gi dpung gi tshogs rnams la rjes su bstan to/ /rgyal po chen po/ de nas lo brgya stong phrag mang po 'das pa zhig na rgyal po nga las nu de 'di snyam du sems te/ bdag
344b3 gis 'dzam bu'i gling la ni/ dbang byas te zhag bdun du ni/ khyim du dbyig gi char bab/ bdag gis nub kyi ba lang spyod kyi gling chen po la ni/ dbang byas/ bdag gis
344b4 shar gyi lus 'phags kyi gling chen po la yang dbang byas/ bdag gis byang gi sgra mi snyan gyi gling chen po la yang dbang byas na/ da ni/ sum cu rtsa gsum pa zhes bya ba'i
344b5 lha ri rab kyi rtse mo la gnas pa yod pa zhig yod ces grag gi /sum cu rtsa gsum gyi gnas su 'gro'o/ /snyam du sems so/ /rgyal po chen po/ de nas rgyal po nga las nus
344b6 sems bskyed ma thag tu dpung gi tshogs yan lag bzhi pa dang lhan cig tu nam mkha' la mngon par 'phags nas ri rab kyi rtse mo la phyin par gyur to/ /de'i tshe sum cu rtsa
344b7 gsum pa'i lha rnams chos bzang lha'i mdun sa zhes bya ba na 'dus shing 'khod 'khod pa las/ lha'i dbang po brgya byin gyis rgyal po nga las nu rgyang ring po nas 'ong ba
345a1 mthong ste/ mthong nas bstan gyi phyed la bdar te rgyal po chen po tshur spyon/ rgyal po chen po byon pa legs so/ /gang gi dus la dbab
345a2 par shes na/ stan gyi phyed la bzhugs shig ces smras pa dang / rgyal po nga las nu lha'i dbang po brgya byin gyi stan gyi phyed la 'dug go /rgyal po nga las nu brgya
345a3 byin gyi stan gyi phyed la 'dug ma thag tu sum cu rtsa gsum pa'i lha thams cad lha'i gnas bcus zil gyis mnan to/ /bcu gang zhe na/ lha'i tshe dang / lha'i
345a4 grangs dang / lha'i kha dog dang / lha'i bde ba dang / lha'i dbang phyug la dbang ba dang / lha'i gzugs dang / lha'i sgra dang / lha'i dri dang / lha'i ro dang / lha'i rig
345a5 dang rnam pa bcu ste/ de dag gis lha'i dbang po brgya byin ma gtogs pa thams cad zil gyis mnan to/ /de ci'i phyir zhe na/ mig 'dzum pa dang / mig mi 'dzum
345a6 pa tsam las lha rnams kyis 'di ni/ rgyal po nga las nu'o/ /'di ni/ lha'i dbang po brgya byin ni'o/ /zhes bya bar shes pa ma gtogs par rgyal po nga las nu de dang /
345a7 lha'i dbang po brgya byin gnyis kyang gzugs mnyam par gyur/ spyod pa mnyam par gyur/ longs spyod mnyam par gyur te/ rgyal po chen po/ mir gyur pa dang /
345b1 lhar gyur pa gnyis lus mnyam par gyur pa de ni/ ngo mtshar che'o/ /rgyal po chen po nga las nus der lo brgya stong phrag mang por sum cu rtsa gsum pa'i lha'i nang du rgyal
345b2 srid kyi dbang phyug phyed la dbang byas so/ /rgyal po chen po/ de nas rgyal po nga las nus gling chen po bzhi'i dbang phyug la dbang byas/ sum cu rtsa gsum pa'i lha'i rgyal
345b3 srid phyed la dbang byas kyang dbang phyug gis ma ngoms nas 'di snyam du sems bskyed de/ kye ma bdag gis sum cu rtsa gsum pa'i lha'i rgyal srid kyi dbang phyug thams
345b4 cad la dbang bya'o/ /snyam pa dang / sems bskyed ma thag tu dpung gi tshogs yan lag bzhi pa dang lhan cig tu sum cu rtsa gsum pa'i gnas nas nyams te/ 'dzam bu'i
345b5 gling du rgyal po chen po'i skyed mos tshal mchog tu phyin par gyur to/ /de 'dzam bu'i gling du gnas par gyur pa'i tshe phyogs thams cad kyang snang bar 'gyur te/ nyi ma'i 'od
345b6 kyang zil gyis mnan nas 'di lta ste/ dper na/ zla ba'i 'od nyi mas zil gyis mnan pa lta bu'o/ /nyi ma nam mkha' la 'dug pa yang lha ma me ma yin te/ 'di lta ste/
345b7 dper na/ zla ba'i dkyil 'khor steng gi bar snang la 'dug pa nyi mas zil gyis non na mi snang ba bzhin no/ /de nas grong khyer mi tshugs pa'i pho brang dam pa na mi 'khod
346a1 pa rnams kyis rgyal po de skyed mos tshal der phyin pa mthong bar gyur to/ /mthong nas kyang ngo mtshar du gyur te de dag grong du dong nas
346a2 kye grogs po dag /'di ltar lha'i bu zhig bar snang nas babs te/ rgyal po'i skyed mos tshal 'dir phyin to/ /zhes tshig tu brjod cing sgra bsgrags so/ /rgyal po chen po/
346a3 de nas yul 'khor gyi mi dang rgyal por bcas pas de skad thos nas myur ba myur bar rings pa'i gzugs su glu dang / rol mo dang / me tog dang / spos dang / phreng
346a4 ba dang / bdug spos dang / byug pa dang / gdugs dang / rgyal mtshan dang / ba dan dang / bla re dag thogs nas gtsang sbra'i spyod pas grong khyer de nas byung ste skyed
346a5 mos tshal ga la ba der dong ngo / /rgyal po chen po/ rgyal po nga las nu de skyed mos tshal der 'dug ma thag tu sa chen po 'di yang rnam par drug tu g.yos par gyur
346a6 to| |rgyal po chen po/ de nas yul 'khor gyi mi dang rgyal por bcas pas mi'i dri khyad par du 'phags pas rgyal po nga las nu'i drung du dong ba dang / rgyal po nga las
346a7 nu lha'i longs spyod la goms pas mi'i longs spyod mi bzod par gyur nas sa la bying zhing mi gnas par gyur te/ 'di lta ste/ dper na/ mar gyi gong bu'am mar
346b1 gsar gyi gong bu bye ma tsha ba la bzhag na zhu zhing mi gnas pa de bzhin du yul 'khor gyi mi dang rgyal po bcas pas de byin bar mthong nas khyod su zhig lags zhes dris
346b2 so| |de nas rgyal po nga las nus rgyal po dang yul 'khor gyi mir bcas pa de dag la 'di skad ces smras so/ /khyed kyi rgyal po nga las nu zhes bya ba zhig byung ba de thos sam/
346b3 de dag gis smras pa/ bdag cag gis rgan rabs dag las rgyal po nga las nu zhes bgyi ba zhig lus de nyid kyis dpung gi tshogs yan lag bzhi pa dang lhan cig tu mtho
346b4 ris su bzhud do/ /zhes thos so/ /rgyal po nga las nus de dag la smras pa/ grogs po dag /rgyal po nga las nu zhes bya ba de ni/ kho bo yin te/ mtho ris nas nyams nas
346b5 lhung bar gyur to/ /zhes smras nas rgyal po dang yul 'khor gyi mir bcas pa de dag gis glu'i dbyangs kyis tshigs su bcad pas de la 'di skad ces smras so/ /bdag
346b6 cag rnams kyis rgan rabs las/ /mi yi bdag po rdzu 'phrul che/ /mya ngan bral zhing grags chen ldan/ /nga las nu zhes bya ba byung / /de ni khyod dpung bzhon par
346b7 bcas| |g.yog bcas mtho ris 'jig rten bzhud/ /mi dbang gtso bo lha gnas bzhugs/ /chos kyis sa yang skyong zhes thos/ /des smras mi yi dbang po de/ /mi rtag
347a1 nyan te phongs par gyur/ /bde ba stor te sdug bsngal thob/ /rgyal po de ni kho bo yin/ /des smras skye bo thams cad kyis/ /thal mo sbyar
347a2 te rkang par gtugs/ /rgyal po bdag cag ci brjod pa/ /ya mtshan ngo mtshar bka' stsal gsol/ /des smras rgyal po lha las nyams/ /sdug bsngal rnyed pa'i ngo
347a3 mtshar nyon/ /yun ring bde ba 'dod pa yi/ /mis ni rtag tu bag yod bya/ /nga las nu ba rgyal po mchog /rgyal pos gling bzhi rab bsten nas/ /'dod pa'i longs
347a4 spyod mchog ldan te/ /'dod pas ma ngoms de 'das so/ /de yi khyim du zhag bdun du/ /dbyig gi dra ba'i char pa bab/ /gling bzhi pa la rab bstan nas/ /'dod pas ma
347a5 ngoms de bying ngo / /lha yi dbang po brgya byin gyi/ /stan phyed la ni rgyal po 'dug /kun tu rtog pa'i rtog pas brlags/ /bdag 'dod nga rgyal bcom nas rgud/ /mi
347a6 mkhas 'khor ba'i rgya mtsho 'dir/ /'gro ba dag tu yang nub ste/ /'dod pa rab tu bsten byas na/ /rgyal bas bsngags pas ngoms mi rnyed/ /rmi lam rmis pa'i chu
347a7 lta bu| |mthungs kyang ngoms par mi 'gyur ba/ /de ltar 'dod pa'i longs spyod rnams/ /bsten na ngoms par mi 'gyur ro/ /blo gros ldan pa gang dag gis/ /shes pas
347b1 nus pa rnams bsal te/ /ngoms par bya phyir bcom ldan gyi/ /'phags pa'i shes rab yang dag rtog /srid pa rnam gzhig blo gros can/ /rga dang shi dang skye la rtog /sred
347b2 pa rab tu spangs nas su/ /srid pa spangs te len mi byed/ /tshor ba'i rnam pa me 'drar rig /reg pa'ang me 'drar rig nas ni/ /tshor ba 'phags pa ma yin dang / /reg pa
347b3 de la sred mi byed/ /rol mo sil snyan brdung ba ltar/ /yul dang dbang po mi byed do/ /rgyal bstan byed pa dbang po rtogs/ /rang bzhin mthong la dbang po 'dor/ /skye
347b4 mched drug po yod min yang / /gzugs dang 'brel bar yid bskyed do/ /rnam par shes pas brtags pa'i phyir/ /tshor ba kun tu rtog ces brjod/ /de ltar rig nas
347b5 'phags pa rnams/ /srid pa'i rgyu la yid mi rton/ /shes rab 'phags pas ngoms gyur te/ /shing med me bzhin zhi bar 'gyur/ /srid pa mi rtag bstan byas te/ /rgyal
347b6 po yul 'khor mir bcas la/ /nga nus de skad lung bstan nas/ /mi yi bdag po nub par gyur/ /rgyal po chen po/ de'i tshe de'i dus na rgyal po nga las nu zhes bya ba byung
347b7 ba de gzhan zhig yin snyam du dogs shing the tshom za'am/ nem nur du gyur na/ khyod kyis de ltar mi blta'o/ /de ci'i phyir zhe na/ rgyal po chen po/ nga nyid de tshe de'i dus na
348a1 'khor los bsgyur ba'i rgyal po nga las nu zhes bya bar gyur te/ rgyal srid kyi dbang phyug chen po la dbang byas kyang 'dod pas ma ngoms
348a2 bzhin du 'chi ba'i dus byas par gyur pa yin no/ /rgyal po chen po/ de lta bas na/ de ltar rig par byas la dbang phyug gi dregs pa spangs te bag yod par bya'o//
348a3 bag yod pa la gnas te khyod kyi dge ba'i rtsa ba rnams yang dag par bsgrub par bya'o/ /rgyal po chen po/ bag yod pa la mngon par dga' ba ni/ don grub par
348a4 'gyur gyi/ rgyal po chen po/ bag yod par khams mnyam pa nyid yang dag par bsgrub par bya ste/ rgyal po chen po/ 'dus byas kyi khams dang 'dus ma byas kyi
348a5 khams ni/ bud med ma yin/ skyes pa ma yin/ 'das pa ma yin/ ma 'ongs pa ma yin/ da ltar byung ba ma yin gyi/ rgyal po chen po/ 'di la khyod kyis sems
348a6 nges par bzhag cing gzhan gyi dring mi 'jog par bya'o/ /rgyal po chen po/ sngon byung ba 'das pa'i dus na rgyal po mu khyud ces bya ba chos dang ldan pa chos kyi
348a7 rgyal po bag yod pa lhur len pa zhig byung ste/ de bya ba gang dang gang rtsom yang de dang de thams cad la bag yod par spyod cing byed do/ /rgyal po chen po/ rgyal
348b1 po mu khyud de chos 'di dag thams cad ni/ dus gsum mnyam pa nyid kyis mnyam pa ste/ 'das pa'i dus na yang chos thams cad rang bzhin dang bral ba'o/ /ma 'ongs pa dang
348b2 da ltar byung ba'i dus na yang chos thams cad rang bzhin dang bral ba'o/ /zhes dus gsum ma mnyam pa nyid la brtson par gyur to/ /des chos thams cad dus gsum
348b3 mnyam pa nyid du mthong bas chos thams cad la mngon par zhen pa med par gyur to/ /des sems can phyin ci log bzhis sems phyin ci log tu gyur cing mi sdug
348b4 pa la sdug par 'du shes pa dang / sdug bsngal ba la bde bar 'du shes pa dang / mi rtag pa la rtag par 'du shes pa dang / bdag med pa la bdag tu 'du shes pa dag
348b5 mthong nas de 'di snyam du sems te/ 'di ltar sems can 'di dag ni/ chos thams cad stong par ma mthong bas kye ma kyi hud 'jig rten gnas pa 'di ni/ phung ngo / /
348b6 kye ma 'jig rten na gnas pa 'di ni/ rnam par phung ngo / /snyam nas de 'di snyam du sems te/ bdag gis sems can 'di dag bsdu ba'i dngos po bzhis bsdu bar bya'o//
348b7 bdag gis de dag bsdu ba'i dngos po bzhis bsdus na/ chos la sbyar ba la dbang du 'gyur ro/ /snyam mo/ /rgyal po chen po/ de nas rgyal po mu khyud kyis thabs mkhas
349a1 pa sngon du btang ste/ sems can rnams bsdu ba'i dngos po bzhis bsdus nas dus gsum mnyam pa nyid du gdams ngag gis
349a2 bstan te/ kye sems can dag /chos thams cad ni/ rang bzhin gyis stong pa ste/ kye sems can dag/ chos gang la rang bzhin med pa de ni/ 'das pa yang ma
349a3 yin| ma 'ongs pa yang ma yin/ da ltar byung ba yang ma yin no/ /de ci'i phyir zhe na/ rang bzhin med pa'i phyir te/ 'das pa zhes gdags par bya ba ma yin/
349a4 ma 'ongs pa dang da ltar byung ba zhes gdags par bya ba ma yin no/ /rgyal po chen po/ de nas sems can de dag rgyal po mu khyud des de ltar dus gsum mnyam
349a5 pa nyid la bskul bas srog chags bye ba khrag khrig brgya stong phrag brgyad cu mi skye ba'i chos la bzod pa thob par gyur to/ /de'i tshe sum cu rtsa gsum pa'i lha rnams
349a6 chos bzang lha'i mdun sa na 'dus shing 'khod 'khod pa'i nang du bar skabs su 'di ltar bu'i gtam brjod pa byung ste/ 'di ltar phyin ci log tu gyur pa'i sems
349a7 can rnams la thabs mkhas pas phyin ci log med par yang dag par ston pa/ chos can/ chos kyi rgyal po thabs mkhas pa dang ldan pa mu khyud 'di su zhig
349b1 gi rgyal po yin pa'i mi rnams ni/ kye ma'o/ /rnyed pa dang ldan pa ste/ kye ma mi rnams kyis ni/ rnyed pa legs par rnyed pa'o/ /zhes zer bar gyur to/ /de nas lha'i dbang po
349b2 brgya byin gyis chos bzang lha'i mdun sa ga la ba der song ste phyin nas rang gi stan la 'dug ste/ sum cu rtsa gsum pa'i lha rnams la smras pa/ khyed da ltar 'di na 'khod pa
349b3 rnams gtam ci zhig byed byed/ de skad ces smras pa dang / sum cu rtsa gsum pa'i lha rnams kyis lha'i dbang po brgya byin la 'di skad ces smras so/ /lha'i dbang po
349b4 brgya byin/ bdag cag chos bzang lha'i mdun sa 'di na mchis pa'i tshe bar skabs su 'di lta bu'i gtam brjod pa byung ste/ 'di ltar phyin ci log tu gyur pa'i sems
349b5 can rnams la thabs mkhas pas gang 'di chos thams cad rang bzhin med pa'o/ /zhes phyin ci ma log par ston pa/ chos can/ chos kyi rgyal po thabs la mkhas pa
349b6 dang ldan pa mu khyud 'di su dag gi rgyal po yin pa'i mi rnams ni/ kye ma'o/ /rnyed pa dang ldan pa ste/ kye ma'o/ /mi rnams ni/ rnyed pa legs par rnyed pa'o/ /zhes bgyis so/
349b7 de skad ces smras pa dang / lha'i dbang po brgya byin gyis sum cu rtsa gsum pa'i lha de dag la 'di skad ces smras so/ /kye grogs po dag /rgyal po mu khyud ces bya ba ni/ thabs
350a1 mkhas pa bsam gyis mi khyab pa dang ldan pa yin na/ rgyal po mu khyud de 'dir 'ongs nas mthong bar khyed 'dod dam mi 'dod/ sum cu
350a2 rtsa gsum pa'i lha rnams kyis smras pa/ lha'i dbang po/ rgyal po mu khyud de 'dir mchis te mthong bar bdag cag kyang 'tshal lo/ /de nas lha'i dbang po brgya byin
350a3 gyis kha lo sgyur ba ma ta li la smras pa/ ma ta li tshur shog /khyod lha'i shing rta cang shes rtsibs stong dang ldan pa khrid la rgyal po mu khyud ga la ba der song ste
350a4 rgyal po mu khyud la 'di skad gyis shig /rgyal po chen po sum cu rtsa gsum pa'i lha rnams kyis shing rta cang shes rtsibs stong dang ldan pa bkris te mchis na/ rgyal
350a5 po chen po thags thogs ma mchis par 'di la chibs su gsol/ /sum cu rtsa gsum pa'i lha rnams ni/ khyod mthong bar dga'o zhes gyis la/ shing rta la zhon
350a6 pa dang 'di skad ces gyis shig /rgyal po chen po/ lam gang nas gshegs par bgyi/ gang gis phyin ci log tu gyur pa'i phyin ci log gi sa nas bzhud dam/ phyin
350a7 ci log ma lags pa rnams kyi phyin ci log ma mchis pa'i sa nas bzhud ces gyis shig /legs so/ /zhes smras nas kha lo sgyur ba ma ta li lha'i dbang po brgya
350b1 byin gyi ltar mnyan nas babs te/ ji skad bsgo ba bzhin rgyal po mu khyud de la 'di skad ces smras so/ /de skad ces smras pa dang / rgyal po mu khyud kyis kha lo sgyur ba ma ta
350b2 li la 'di skad ces smras so/ /ma ta li/ de lta bas na/ lam de gnyi ga nas 'dong ngo / /zhes byas pa dang / kha lo sgyur ba ma ta lis rgyal po mu khyud phyin ci log su gyur pa
350b3 rnams kyi phyin ci log gis dang / phyin ci log med pa rnams kyi phyin ci log med pa'i sa de gnyi ga nas drangs te dong ngo / /rgyal po chen po/ de nas mu khyud kyis kha lo
350b4 sgyur ba ma ta li la smras pa/ ma ta li/ de bas na/ phyin ci log tu gyur pa'i sa blta'i/ yud tsam zhig shing rta sdong du chug cig /de nas kha lo sgyur ba ma ta lis shing rta
350b5 sdod du 'jug pa'i yun ji srid pa de nyid kyi bar skabs su rgyal po mu khyud kyis srog chags bye ba phrag brgyad cu de kho na nges par bstan pa'i ting nge 'dzin la bkod par
350b6 gyur te| 'di ltar bag yod pa dang / mngon par shes pas rnam par rtse ba'i phyir ro/ /de dag gis kyang mi skye ba'i chos la bzod par gyur to/ /kha lo sgyur ba ta
350b7 lis ni| rgyal po mu khyud kyis las ci byas pa shes par ma gyur to/ /de nas kha lo sgyur ba ma ta lis de bzhin du drangs te rgyal po mu khyud dang ri rab kyi rtse mo la phyin
351a1 to| |de nas rgyal po mu khyud kyis ring po nas nags tshal stug po rnam pa thams cad du sngo ba mthong ste/ mthong nas kha lo
351a2 sgyur ba ma ta li la 'di skad ces smras so/ /ma ta li/ nags tshal stug po 'di ni/ the tshom med par phyin ci log med pa'i sems can rnams kyi gnas yin
351a3 no| |ma ta lis smras pa/ rgyal po chen po/ /'di ni/ sum cu rtsa gsum pa'i lha rnams kyi chos bzang lha'i mdun sa lags te/ sum cu rtsa gsum pa'i lha rnams
351a4 kyang 'dir 'dus kyi/ rgyal po chen po thags thogs ma mchis par bzhud cig /sum cu rtsa gsum pa'i lha rnams ni/ khyod mthong bar 'tshal lo/ /rgyal po chen
351a5 po| |de nas rgyal po mu khyud 'dzin de thags thogs med par nang du song ba dang / lha'i dbang po brgya byin gyis rgyal po mu khyud rgyang ring po nas 'ong ba mthong ngo / /
351a6 mthong nas stan gyi phyed la bdar ro/ /de nas rgyal po mu khyud kyang brgya byin gyi stan phyed la 'dug go /de nas lha'i dbang po brgya byin gyis rgyal po mu khyud stan
351a7 la 'dug par shes nas legs par shin tu dga' bar byas te/ rgyal po chen po/ khyod kyis de ltar sangs rgyas bcom ldan 'das rnams kyi bstan pa 'jig
351b1 rten du bzhag pa ni/ khyod kyis rnyed pa legs par rnyed do/ /de nas lha'i dbang po brgya byin gyis sum cu rtsa gsum pa'i lha rnams la smras pa/ /kye ma grogs po dag /rgyal
351b2 po mu khyud 'di ni/ thabs mkhas pa bsam gyis mi khyab pa dang ldan pa ste/ 'di ltar skad cig tsam la srog chags bye ba phrag brgyad cu sangs rgyas kyi chos la btul bar
351b3 gyur to| |de nas rgyal po mu khyud kyis lha'i dbang po brgya byin la 'di skad ces smras so/ /lha'i dbang po/ bdag ni/ phyir 'dzam bu'i gling du 'gro bar 'dod do/ /de ci'i
351b4 phyir zhe na/ bdag der song ste de bzhin gshegs pa'i bstan pa yongs su gzung bar bya'o/ /brgya byin gyis de la smras pa/ rgyal po chen po/ khyod gang gi dus la bab
351b5 par mkhyen na bzhud cig /de nas rgyal po mu khyud de phyir 'dzam bu'i gling du phyin nas snying rje chen po dang ldan zhing thabs mkhas pa shin tu bslab pas sems can bye ba
351b6 dpag tu med pa dag sangs rgyas kyi bstan pa la btul bar gyur to/ /rgyal po chen po/ de'i tshe de'i dus na rgyal po mu khyud ces bya ba byung ba de gzhan zhig yin snyam du the
351b7 tshom mam nem nur za na/ rgyal po khyod kyis de ltar mi blta'o/ /de ci'i phyir zhe na/ rgyal po chen po/ nga nyid de'i tshe de'i dus na rgyal po mu khyud ces bya bar gyur to/ /rgyal
352a1 po chen po/ 'di ltar rgyal po mu khyud lha'i dbang po brgya byin gyi stan phyed la dga' ba med pas mu khyud kyis bag yod pa'i stobs bskyed pa
352a2 la ltos| rgyal po chen po/ de lta bas na/ khyod kyis bag yod par sangs rgyas kyi chos rnams la brtson par bya'o/ /rgyal po chen po/ sangs rgyas kyi chos de dag
352a3 kyang gang zhe na/ rgyal po chen po/ chos thams cad ni/ sangs rgyas kyi chos so/ /de skad ces bka' stsal ba dang / rgyal po zas gtsang mas bcom ldan 'das la
352a4 'di skad ces gsol to/ /bcom ldan 'das/ de'i slad du gal te chos thams cad sangs rgyas kyi chos lags na/ de ltar na ni/ sems can thams cad kyang
352a5 sangs rgyas lags so/ /bcom ldan 'das kyis bka' stsal pa/ rgyal po chen po/ gang dag phyin ci ma log pa de dag ni/ sangs rgyas so/ rgyal po chen po/
352a6 sangs rgyas zhes bya ba de ni/ de kho na mthong ba'i tshig bla dwags so/ /de kho na mthong ba zhes bya ba de ni/ yang dag pa'i mtha'i tshig bla dwags so/ /yang dag pa'i mtha'
352a7 zhes bya ba ni/ chos kyi dbyings kyi tshig bla dwags so/ /rgyal po chen po/ chos kyi dbyings zhes bya ba de ni/ gzhan du na ming tsam mam/ brda tsam mam/ tha snyad
352b1 tsam mam/ kun rdzob tsam mam/ brjod pa tsam mam/ gdags pa tsam ma gtogs par bstan par mi nus so/ /rgyal po chen po/ chos thams cad skye ba med pa 'di
352b2 ni| gzungs kyi sgo ste/ de ci'i phyir zhe na/ de la chos thams cad mi g.yo mi 'gul zhing rlom sems med pas de'i phyir de ni/ gzungs kyi sgo'o/ /rgyal po chen po/ chos
352b3 thams cad 'gag pa med pa de ni/ gzungs kyi sgo ste/ de ci'i phyir zhe na/ de la ni/ chos thams cad mi g.yo mi 'gul zhing rlom sems med pas de'i phyir de ni/ gzungs
352b4 kyi sgo'o/ /de bzhin du chos thams cad mtshan nyid med pa dang / mtshan ma med pa dang / ma skyes pa dang / rang bzhin med pa dang / rnam par rig pa med pa dang / ma
352b5 byas pa dang / mngon par 'dus ma byas pa dang / 'ong ba med pa dang / 'gro ba med pa dang / sems can med pa dang / srog med pa dang / gso ba med pa dang / gang zag
352b6 med pa dang / spros pa med pa dang / mtshan ma med pa dang / rtags med pa dang / kun nas dkris pa med pa dang / bag la nyal ba med pa dang / kun nas nyon mongs par
352b7 'gyur ba med pa dang / rnam par byang ba med pa dang / rjes su chags pa med pa dang / khong khro ba med pa dang / bcings pa med pa dang / grol ba med pa dang / 'gro ba
353a1 med pa dang / rgyug pa med pa dang / ldog pa med pa dang / dma' ba med pa dang / gnas pa med pa dang / 'dug pa med pa dang /
353a2 mnyam par gzhag pa med pa dang / nor pa med pa dang / shes pa po med pa dang / rnam par shes pa med pa dang / mthong ba po med pa dang / mi mthong ba med pa dang /
353a3 tshul khrims med pa dang / tshul khrims ma yin pa med pa dang / 'gyod pa med pa dang / mi 'gyod pa med pa dang / mchog tu dga' ba med pa dang / mchog tu
353a4 mi dga' ba med pa dang / dga' ba med pa dang / mi dga' ba med pa dang / shin tu sbyangs pa med pa dang / shin tu ma sbyangs pa med pa dang / bde ba med pa dang /
353a5 mi bde ba med pa dang / ting nge 'dzin med pa dang / ting nge 'dzin ma yin pa med pa dang / yang dag pa ji lta ba bzhin med pa dang / log pa med pa dang / yid byung
353a6 ba med pa dang / yid ma byung ba med pa dang / 'dod chags dang bral ba med pa dang / 'dod chags dang ma bral ba med pa dang / lta ba med pa dang / lta ba ma yin
353a7 pa med pa dang / rnam par grol ba med pa dang / rnam par ma grol ba med pa dang / shes pa med pa dang / mi shes pa med pa dang / mthong ba med pa dang / ma
353b1 mthong ba med pa dang / las med pa dang / rnam par smin pa med pa dang / tshul bzhin med pa dang / tshul bzhin ma yin pa med pa dang / rnam pa'i sgo bdun cu po de dag gis
353b2 rgyal po chen po/ chos thams cad la 'jug par bya'o/ /rgyal po chen po/ gzugs kyi rang bzhin ni/ ma byung mi 'byung da ltar yang med do/ /rgyal po chen po/ de bzhin
353b3 du tshor ba dang / 'du shes dang / 'du byed dang / rnam par shes pa'i rang bzhin ni/ ma byung mi 'byung da ltar yang med do/ /rgyal po chen po/ 'di lta ste/ dper na/ gzugs
353b4 brnyan gyi gzugs kyi rang bzhin ni/ ma byung mi 'byung da ltar yang med do/ /rgyal po chen po/ de bzhin du gzugs kyi rang bzhin dang / tshor ba dang / 'du shes dang / 'du
353b5 byed dang / rnam par shes pa'i rang bzhin yang ma byung mi 'byung da ltar yang med do/ /rgyal po chen po/ 'di lta ste/ dper na/ brag ca'i sgra'i rang bzhin yang ma byung
353b6 mi 'byung da ltar yang med do/ /de bzhin du gzugs dang / tshor ba dang / 'du shes dang / 'du byed dang / rnam par shes pa'i rang bzhin yang ma byung mi 'byung da ltar yang
353b7 med do| |rgyal po chen po/ 'di lta ste/ dper na/ smig rgyu'i chu'i rang bzhin ni/ ma byung mi 'byung da ltar yang med do/ /de bzhin du gzugs dang / tshor ba dang / 'du shes
354a1 dang / 'du byed dang / rnam par shes pa'i rang bzhin yang ma byung mi 'byung da ltar yang med do/ /rgyal po chen po/ 'di lta ste/ dper na/
354a2 lbu ba sdos pa ni/ snying po med de/ ma byung mi 'byung da ltar yang med do/ /de bzhin du gzugs kyi rang bzhin nas rnam par shes pa'i rang bzhin gyi bar du ma byung mi
354a3 'byung da ltar yang med do/ /rgyal po chen po/ 'di lta ste/ dper na/ rmi lam gyi yul gyi bzang mo ni/ ma byung mi 'byung da ltar yang med do/ /de bzhin du gzugs
354a4 kyi rang bzhin nas rnam par shes pa'i rang bzhin gyi bar du ma byung mi 'byung da ltar yang med do/ /rgyal po chen po/ 'di lta ste/ dper na/ rmi lam gyi mo gsham gyi
354a5 bu skye ba ni/ ma byung mi 'byung da ltar yang med do/ /de bzhin du gzugs kyi rang bzhin nas rnam par shes pa'i rang bzhin gyi bar du ma byung mi 'byung da ltar yang med
354a6 do| |rgyal po chen po/ 'di lta ste/ dper na/ nam mkha' la gnas med do/ /de bzhin du gzugs nas rnam par shes pa'i bar du gnas med do/ /rgyal po chen po/
354a7 gzugs la ni/ skye ba med do/ /de bzhin du rnam par shes pa'i bar du skye ba med do/ /rgyal po chen po/ gzugs la ni/ 'gag pa med do/ /de bzhin du rnam par
354b1 shes pa'i bar du 'gag pa med do/ /rgyal po chen po/ 'di lta ste/ dper na/ mya ngan las 'das pa'i dbyings la skye ba'am 'gag pa med do/ /de bzhin du gzugs nas rnam
354b2 par shes pa'i bar la skye ba'am 'gag pa med do/ /rgyal po chen po/ 'di lta ste/ dper na/ chos kyi dbyings la skye ba'am 'gag pa med do/ /de bzhin du gzugs nas
354b3 nam par shes pa'i bar la skye ba'am 'gag pa med do/ /rgyal po chen po/ chos 'di dag ni/ de bzhin gshegs pa'i spyod yul te/ bsam gyis mi khyab pa'i spyod yul
354b4 lo| |byis pa so so'i skye bo thams cad dang thun mong ma yin pa'i spyod yul te/ nyan thos dang / rang sangs rgyas thams cad dang thun mong ma yin/ phri ba ma yin/ bsnan
354b5 pa ma yin/ thob pa ma yin/ stor ba ma yin/ mngon par rdzogs par sangs rgyas pa ma yin/ mngon par rdzogs par sangs rgyas ma rgyas pa ma yin/ mngon par shes pa ma
354b6 yin| mngon par ma shes pa ma yin/ yongs su shes pa ma yin/ yongs su ma shes pa ma yin/ spangs pa ma yin/ ma spangs pa ma yin/ bsgoms pa ma yin/ ma
354b7 bsgoms pa ma yin/ mngon du byas pa ma yin/ mngon du ma byas pa ma yin/ bstan pa ma yin/ ma bstan pa ma yin/ rab tu bstan pa ma yin/ rab tu ma bstan
355a1 pa ma yin/ bsgrags pa ma yin/ ma bsgrags pa ma yin/ thos par byas pa ma yin/ thos par ma byas pa ma yin/ thos pa ma
355a2 yin| ma thos pa ma yin no/ /de ci'i phyir zhe na/ rgyal po chen po/ gang bsnan par bya ba'am/ dbri bar bya ba'i chos de ni/ mi dmigs te/ rgyal po chen po/ chos
355a3 thams cad ni/ rang bzhin med pa yin gyi/ rgyal po chen po/ 'di la yid yongs su dga' bar bya zhing gzhan gyi dring mi 'jog par bya'o/ /de nas rgyal po zas gtsang
355a4 ma 'di snyam du sems te/ 'di la ni/ gang rtogs pas sangs rgyas zhes bya ba'i chos de gang yang mi dmigs mod kyi/ 'on kyang dmigs su med pa'i chos rnams
355a5 la de bzhin gshegs pas gdags pa bstan to/ /snyam nas de'i tshe rgyal po zas gtsang ma la sogs pa shAkya bdun khri mi skye ba'i chos la bzod pa skyes so/ /
355a6 de nas bcom ldan 'das kyis de dag gi lhag pa'i bsam pa thugs su chud nas 'dzum pa mdzad do/ /'di ni/ sangs rgyas bcom ldan 'das rnams kyi chos nyid de/ gang
355a7 gi tshe 'dzum pa mdzad pa de'i tshe 'od zer kha dog sna tshogs can kha dog du ma dang ldan pa dag bcom ldan 'das kyi zhal gyi sgo nas byung ste 'jig rten gyi khams
355b1 mtha' yas mu med pa dag snang bas rgyas par bkang nas tshangs pa'i 'jig rten gyi bar du mngon par 'phags te phyir log nas bcom ldan 'das kyi dbu'i gtsug tu nub
355b2 bo| |de nas tshe dang ldan pa rta thul bstan las langs te bla gos phrag pa gcig tu bgos nas pus mo g.yas pa'i lha nga sa la btsugs te bcom ldan ga la ba de logs su thal
355b3 mo sbyar ba btud nas bcom ldan 'das la tshigs su bcad de zhus pa/ 'jig rten rnam par 'dren pa po/ /dpa' chen khyod kyis 'dzum mdzad pa/ /'jig rten snang ba
355b4 mdzad pa po/ /'dzum pa'i 'dzum rgyu bka' stsal gsol/ /thams cad mkhyen pa 'dren pa po/ /rgyu gang gis ni 'dzum bstan pa/ /khyod kyis 'gro ba rnams la ston/ /
355b5 bdag gi the tshom myur du khum/ /shAkya'i tshogs kyi don slad du/ /gau ta mas ni 'dzum pa mdzad/ /dpa' bo 'gro ba dga' mdzad pa/ /'gro ba'i the tshom bsal du gsol/
355b6 bsam gtan chen po khyod kyis gsungs/ /thos nas 'gro ba'i the tshom 'chad/ /mchog tu dga' ba'i yid gyur te/ /kun kyang khyod kyi bstan pa 'thob/ /rgyal ba'i 'dzum
355b7 gyi 'phrin las 'di/ /khyod kyi sras rnams 'tshal gyur na/ /nan tan gyis ni rab nges shing / /shes pas rjes su mchi bar 'gyur/ /rgyal ba khyu mchog khyod kyis ni/ /'gro
356a1 ba'i the tshom bsal du gsol/ /'jig rten the tshom chad gyur na/ /bde ba rgya chen thob par 'gyur/ /de skad ces gsol pa dang /
356a2 bcom ldan 'das kyis tshe dang ldan pa rta thul la tshigs su bcad de slar bka' stsal pa/ ngas ni 'dzum zhig gang mdzad pa/ /rta thul de ni nga la nyon/ /shAkya
356a3 rnams kyis blo nges pa/ /yang dag ji bzhin lung bstan to/ /chos rnams dmigs su med par ni/ /shAkya rnams kyis yang dag shes/ /de phyir sangs rgyas chos
356a4 rnams la/ /'di dag yid ni nges par bzhag /dmigs su med pa bsten nas ni/ /shAkya grags pa chen po pa/ /chos rnams kun la nges gyur nas/ /bla med
356a5 byang chub thob par 'gyur/ /shAkya nges pa 'di dag ni/ /mi yi nang nas shi 'phos nas/ /bde ba can gyi 'jig rten du/ /'od dpag med pa'i drung du 'gro/ /byang
356a6 chub sems dpa' 'jigs med pa/ /bde ba can na gnas pa'i tshe/ /sangs rgyas bye ba grangs med la/ /phyogs bcu dag tu mchod byed 'gyur/ /mkhas pa rnams
356a7 ni khams gcig na/ /sangs rgyas bzhugs rnams bsnyen bkur byed/ /sems can kun la phan tshol zhing / /byang chub mchog tu smon lam 'debs/ /de
356b1 bzhin gshegs rnams mchod byed cing / /zhing nas zhing du rnam par rgyu/ /gang du sangs rgyas 'byung ba yang / /rdzu 'phrul stobs kyis 'dong bar 'gyur/ /bskal pa
356b2 bye ba grangs med du/ /me tog rnam pa sna tshogs kyis/ /de bzhin gshegs pa rnam mchod nas/ /de yi 'og tu 'dren par 'gyur/ /de tshe sangs rgyas re re zhing / /sems
356b3 can khrag khrig mang po dag /byang chub phyir ni sangs rgyas kyis/ /sangs rgyas dgongs la 'gro ba 'dul/ /sangs rgyas kun gyi zhing rnams na/ /byang chub sems dpa'
356b4 rnams la ston/ /de na sangs rgyas gang yang ni/ /nyan thos 'dul bar yong mi 'gyur/ /sangs rgyas de dag re re zhing / /de na tshe tshad gyur pa ni/ /bye ba grangs med lo rnams
356b5 su| |chos bstan pa dag gnas par 'gyur/ /de dag mya ngan yongs 'das nas/ /byang chub sems dpa' 'jigs med pas/ /rgyal ba'i sras dag lo grangs ni/ /bye
356b6 ba stong du dam chos 'dzin/ /mi dbang sras po de dag kyang / /stong pa nyid kyi chos bstan pas/ /sems can bye ba bsam yas dag /byang chub la ni 'dul bar 'gyur/ /
356b7 bag yod pa yi mi rnams ni/ /bag yod pa la gnas bcas te/ /stong pa nyid kyi chos bsten nas/ /thams cad mkhyen du nges par 'byung / /rdzogs sangs rgyas kyis
357a1 shAkya yi/ /bu yi 'gro bstan 'di thos nas/ /lhar bcas 'jig rten dga' gyur te/ /byang chub phyir ni yid kyang btang / /shAkya lung
357a2 bstan pa'i le'u ste/ nyi shu rtsa drug pa'o// //de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu/ byang
357a3 chub sems dpa'i ting nge 'dzin de kho na nges par bstan pa 'di byang chub sems dpa' mthar phyin pa rnams la bsgrag par bya'o/ /de ci'i phyir zhe na/ shA ri'i
357a4 bu| ting nge 'dzin 'di ni/ gang zag med pa ste/ de la de bzhin gshegs pas chos gang yang ma dmigs so/ /gang ma dmigs pa de ni/ mngon par rdzogs
357a5 par sangs ma rgyas so/ /gang mngon par rdzogs par sangs ma rgyas pa de ni/ ma bstan to/ /gang ma bstan pa de ni/ ma shes pa'o/ /gang ma shes pa de ni/ 'das
357a6 pa dang / ma byon pa dang / da ltar byung ba'i sangs rgyas bcom ldan 'das rnams kyi bstan pa ste/ de ni/ de bzhin gshegs pa rnams kyi chos kyi rnga chen po yin
357a7 gyi| ci nas byang chub sems dpa'i ting nge 'dzin de kho na nges par bstan pa 'di gzung ba dang / bklag pa dang / gzhan dag la yang rgya cher yang dag par
357b1 bstan par bya ba 'di shA ri'i bu/ khyod la yongs su gtad do/ /shA ri'i bu/ byang chub sems dpa'i theg pa la yang dag par zhugs pa'i rigs kyi bu'am rigs kyi bu mo
357b2 gang gis bskal pa bcu'i bar du pha rol tu phyin pa lnga shes rab kyi pha rol tu phyin pa dang bral bar spyad pa bas/ shA ri'i bu/ gang gis byang chub sems dpa'i ting nge
357b3 'dzin de kho na nges par bstan pa 'di tha na thos par gyur kyang de nyid de bas bsod nams ches mang du 'phel lo/ /shA ri'i bu/ gang gis bskal pa bcu'i bar mnyan
357b4 pa bas| gang gis sems can gcig cig la 'di bstan na/ de nyid de bas bsod nams ches mang du 'phel lo/ /gang gis bskal pa bcu'i bar du mnyan te gzhan la bstan
357b5 pa bas| gang gis se gol gtogs pa tsam du 'di bsgoms na/ de nyid de bas ches bsod nams mang du 'phel lo/ /shA ri'i bu/ de lta bas na/ byang chub sems dpa'i
357b6 ting nge 'dzin de kho na nges par bstan pa 'di nyid la byang chub sems dpa' rnams nan tan thams cad kyis gdams par bya'o/ /de ci'i phyir zhe na/ shA ri'i bu/
357b7 byang chub sems dpa'i ting nge 'dzin de kho na nges par bstan pa 'di bsgoms pas ni/ myur du mi skye ba'i chos la bzod pa thob par 'gyur te/ shA ri'i bu/ gang bla na
358a1 med pa yang dag par rdzogs pa'i byang chub tu ngas lung bstan pa'i byang chub sems dpa'i tshogs 'di dag thams cad kyang byang chub
358a2 sems dpa'i ting nge 'dzin de kho na nges par bstan pa 'di la rab tu gnas pa sha stag go /bcom ldan 'das kyis de skad ces bka' stsal nas tshe dang ldan pa
358a3 shA ri'i bu dang / dge slong de dag dang / rgyal po zas gtsang ma dang / brgya byin dang / tshangs pa dang / 'jig rten skyong pa de dag dang / thams cad dang ldan pa'i
358a4 'khor de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod
358a5 do| |'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ de kho na nges par bstan pa yab dang sras mjal pa'i le'u
358a6 zhes bya ba ste/ 'dus pa bcu drug pa rdzogs so// //rgya gar gyi mkhan po shI len+d+ra bo d+hi dang / dzi na mi tra dang / dA na shI la dang / zhu chen gyi
lo ts+tsha ba zhang ye shes sdes bsgyur cing zhus te skad gsar bcad kyis kyang bcos nas gtan la phab pa/
CLOSE WINDOW