བོད་ཡིག |
292b1 / //rgya gar skad du/ AR+ya rasmi bi ma le bi shud+d+he pra b+ha NA nA ma d+ha ra Ni/ bod skad du/ 'phags pa 'od zer dri ma med pa rnam par dag pa'i 'od
292b2 ces bya ba'i gzungs/ /sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das grong khyer chen
292b3 po ser skya'i gnas kyi pho brang gi 'khor gyi khyams chen po na dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu
292b4 bzhugs pa la 'di lta ste/ byang chub sems dpa' sems dpa' chen po sgrib pa thams cad rnam par sel ba dang / lag na rdo rje dang / 'phags pa spyan ras gzigs dbang
292b5 phyug dang / 'jam dpal dang / shes rab 'od dang / byams pa la sogs pa byang chub sems dpa' sems dpa' chen po grangs med pa rnams dang / lha dang / klu dang /
292b6 gnod sbyin dang / dri za dang / lha ma yin dang / na ma mkha' lding dang / mi 'am ci dang / lto 'phye chen po dang / mi dang / mi ma yin pa la sogs pa grangs med pas bcom
292b7 ldan 'das la zhe sar byas/ ri mor byas/ bkur stir byas te yongs su bskor ba la chos ston cing bzhugs so/ /de'i tshe ser skya'i grong khyer na gnas pa bram ze chen po
293a1 ser skya'i zla ba zhes bya ba/ bcom ldan 'das kyis bstan pa la yid mi ches shing log par lta ba zhig gnas pa de dus gzhan zhig gi tshe/ gzhan
293a2 zhig gi rmi ltas su rmis te bstan pa/ bram ze chen po/ khyod da ste zhag bdun na 'chi ba'i dus byed par 'gyur ro/ /zhes zer ba thos nas bram ze de shin tu yang mi dga' ste
293a3 'jigs skrag nas yid la bsam pa/ de bdag gi srog gi skyabs su la btsal bar bya/ yang dge sbyong gau ta ma thams cad mkhyen pa rdzu 'phrul dang ldan pa zhig yin no
293a4 zhes grags na/ bdag de'i gnas su song ste/ de thams cad mkhyen pa yin yang dag na/ de 'jigs pas nyam thag par 'gyur ba'i skyabs mdzad pa'i chos phyir ston
293a5 gor ma chag go snyam bsam nas bcom ldan 'das kyi gan du song ba dang / rgyang ring po nas bcom ldan 'das 'khor mang po dang thabs cig tu bzhugs pa mthong nas
293a6 bcom ldan 'das la zhu bar ma spobs te sems shing 'dug la/ bcom ldan 'das yang dag par rdzogs pa'i sangs rgyas dus gsum mkhyen pa/ thams cad gzigs
293a7 pa| sgrib pa mi mnga' bas bram ze'i bsam pa mkhyen nas byams pa'i thugs kyis brtse bar dgongs te bka' stsal pa/ bram ze chen po/ khyod da ste zhag bdun na 'chi
293b1 ba'i dus byas nas ngan song ngan 'gro mnar med pa'i sems can dmyal bar skye bar 'gyur ro/ /de nas yang rim gyis sems can dmyal ba chen po bcu drug tu kha brgyud de skye bar
293b2 'gyur ro/ /de las thar nas kyang rigs ngan shan pa'i rigs su skye bar 'gyur ro/ /de nas shi 'phos nas yang phag gi lus su skye bar 'gyur te/ rtag tu ngan skyug mi
293b3 gtsang ba za zhing 'dab rdzab kyi nang du yang yun ring du gnas te rgyun du sdug bsngal myong bar 'gyur ro/ /de nas gal te mi'i lus thob na yang shin tu dbul ba dang / mi
293b4 gtsang ba dang / dri nga ba dang / mdog mi sdug cing nag pa dang / lus ring cing nyam chung ba dang / mdze nad can du 'gyur te/ skye bo yongs la mi sdug cing rtag tu bkres pas nyam
293b5 thag pa| skye bo yongs kyi smad pa/ rtag par brdeg btsog bya zhing shin tu sdug bsngal bar 'gyur ro/ /zhes bka' stsal pa de thos nas bram za de shin tu 'jigs skrag ste
293b6 yid gdungs pas dus nas bcom ldan 'das kyi zhabs la mgo bos phyag 'tshal te gsol ba/ bcom ldan 'das/ yang dag par rdzogs pa'i sangs rgyas rnams ni/ sems
293b7 can thams cad kyi mgon dang skyabs mdzad pa lags na/ bdag ni/ sdig pa'i las thams cad 'chags te/ deng slan chad bcom ldan 'das kyi bka' bzhin du bgyid na/
294a1 bdag ngan song ngan 'gro sems can dmyal bar skye ba'i sdug bsngal las skyabs mdzad par gsol/ de skad ces gsol pa dang / bcom ldan 'das
294a2 kyis bka' stsal pa/ bram ze chen po/ khyod song la grong khyer ser skya'i lam gyi sum mdo na mchod rten ring bsrel can rnying pa ral pa zhig yod pa de slar brtsigs te mchod rten
294a3 gyi rtse mor srog shing btsugs la gsang sngags yi ger bris pa de'i nang du bcug ste mchod pa byas nas gsang sngags lan bdun bton na/ khyod kyi tshe yang phyir nur te 'phel
294a4 bar 'gyur la/ 'chi ba'i dus byas nas kyang bde 'gro mtho ris kyi gnas longs spyod che ba rnams su skye ste/ bskal pa stong phrag brgya'i bar du bde ba'i longs spyod kyang
294a5 phyir 'phel zhing rgyas par 'gyur/ de nas kyang de bzhin gshegs pa mi 'khrugs pa'i sangs rgyas kyi zhing yongs su dag par skye bar 'gyur te/ bskal pa brgya stong du mar
294a6 bde ba chen po myong bar 'gyur ro/ /de nas yang shi 'phos nas rgyal chen ris bzhi'i lha rnams kyi gnas su skye bar 'gyur te/ der yang bskal pa chen po stong phrag brgya'i bar du
294a7 bde ba'i longs spyod mi zad pa myong bar 'gyur ro/ /tshe rabs gang du skyes pa'i gnas kun tu yang yid gzhungs shing tshe'i bar chad med pa dang / las kyi sgrib pa thams cad zad
294b1 nas nam du yang sems can dmyal bar ltung bar mi 'gyur ro/ /rtag tu yang dag par rdzogs pa'i sangs rgyas 'byung ba rnams dang phrad cing rjes su dgongs par mdzad do/ /bram ze chen po/
294b2 gzhan yang dge slong ngam/ dge slong ma'am/ dge bsnyen nam/ dge bsnyen ma'am/ rigs kyi bu mo gang la la tshe thung ba'am/ nad mang pa zhig yod na/ des mchod rten rnying pa
294b3 bcos sam/ gsar du brtsigs kyang rung ste/ gsang sngags 'di bris la nang du gzhug nas dkyil 'khor byi don byas te mchod na/ de dag gi yon tan ni/ tshe zad pa yang tshe slar nur zhing
294b4 ring ba dang / nad kyis btab cing sdug bsngal ba yang nad do cog las thar pa dang / nam du yang ngan song ngan 'gros sems can dmyal ba dang / byol song gi skye gnas dang / gshin rje'i
294b5 'jig rten du skye bar mi 'gyur te/ de dag gi sgra rna lam du yang grag par mi 'gyur na/ de dag tu skye ba lta ci smos/ de nas bram ze des de skad thos nas shin tu yid rangs te mchod rten
294b6 zhig pa bcos par bsam nas de 'khor de nas langs te song ngo / /de'i tshe 'khor de nyid na byang chub sems dpa' sems dpa' chen po sgrib pa thams cad rnam par sel ba zhes bya
294b7 ba zhig stan las langs nas thal mo sbyar te bcom ldan 'das la 'di skad ces gsol to/ /bcom ldan 'das kyi gsang sngags kyi cho ga 'di ji lta bur bgyis na/ yon tan dang /
295a1 legs pa dang / dge ba'i rtsa ba bskyed par 'gyur/ da skad ces gsol ba dang / bcom ldan 'das kyis bka' stsal pa/ gsang sngags chen po rnams kyi
295a2 mchog /bdag nyid che ba/ dri ma med cing rnam par dag pa'i 'od ces bya ba 'di dkyil 'khor chen po'i cho ga bzhin byas na/ de bzhin gshegs pa thams cad kyi byin gyi rlabs kyis
295a3 sems can thams cad kyi phan pa dang bde bar 'gyur ro/ /la la zhig gis gsang sngags 'di thos na/ mtshams med pa lnga byas pa'i sdig pa yang ma lus par 'byang bar 'gyur ro/ /
295a4 ser sna dang / brnab sems dang / phrag dog la sogs pa mi dge ba'i rtsa ba thams cad kyang 'byang bar 'gyur te/ tshe zad pa las kyang tshe ring du nur pa dang / bkra shis dang /
295a5 legs pa phun sum tshogs pa thams cad 'grub par 'gyur ro/ /de skad ces bka' stsal pa dang / byang chub sems dpa' sems dpa' chen po sgrib pa thams cad rnam
295a6 par sel bas bcom ldan 'das la gsol pa/ bcom ldan 'das/ bcom ldan 'das kyis sems can thams cad kyi srog gi skyabs mdzad pa dang / las kyi sgrib pa thams
295a7 cad bsal ba'i slad du bcom ldan 'das kyis gsang sngags kyi cho ga 'di thams cad dang ldan pa'i 'khor la bka' stsal du gsol/ de skad ces gsol ba dang / bcom ldan
295b1 'das kyis gnang ste bcom ldan 'das kyi dbu'i gtsug tor gyi steng nas 'od zer gyi snang ba chen po byung nas stong gsum gyi stong chen po'i 'jig rten gyi khams thams cad 'od
295b2 kyis khyab par mdzad de/ de bzhin gshegs pa thams cad la yang mkhyen par mdzad nas 'od zer de dag slar 'dus te bcom ldan 'das kyi dbu'i gtsug tor tu nub bo/ /
295b3 de nas bcom ldan 'das dgyes shing bya ka la bing+ka'i gsung dbyangs kyis gsang sngags bka' stsal pa/ na maHsap+tA nAn/ samyak+saM bud+d+ha ko TI nAn/ pa ri shud+d+he/ ma na si/
295b4 a b+h+ya rtsi ta duSh+Ti tA nAn/ na mo b+ha ga b+ha ba ti/ a mr-i ta A yuHs+ya ta thA ga ta s+ya/ oM sarba ta thA ga ta shud+d+hi/ A yur bi sho d+ha ni/ saM ha ra saM ha ra Ne/ saM ha ra saM ha ra/ sarba ta thA
295b5 ga ta biR+ya ba le na pra ti saM ha ra/ A yuHsA ra sA ra/ sarba ta thA ga ta sa ma ya/ bo d+hi bo d+hi/ bud+d+h+ya bud+d+h+ya/ bo d+ha ya bo d+ha ya/ ma ma sarba pA paM A ba ra Ni bi shud+d+he/ bi gta ma laM/
295b6 tsha ra su bud+d+he bud+d+he/ hu ru hu ru swAhA/ 'di ni/ rtsa ba'i sngags te/ gang la la 'di'i cho ga byed par 'dod na/ tshes brgyad dang / bcu gsum dang / bcu bzhi dang / bco lnga rnams gang
295b7 yang rung ba la mchod rten ring bsrel can la lan bdun cu rtsa bdun bskor la/ gsang sngags 'di lan bdun cu rtsa bdun bzlas brjod byas te khrus byas la dkyil 'khor byas
296a1 gsang sngags kyi yi ge bdun cu rtsa bdun bris te/ de'i tshe gsang sngags 'don pa dang / yi ger 'bri ba yang khrus byas la gos gtsang ma gyon te lus
296a2 spos kyis byugs nas kha zas gtsang ma zos la me tog dang bdug pas mchod de/ de la rin po che sna bdun yang yon du phul lam/ yang na bdag gi nyams kyis ci 'byor
296a3 par phul yang rung ste/ sems mgu bar bya'o/ /chos btsun par bya ba'i phyir ba sti stang dang / ri mo cher bya'o/ /gsang sngags kyi yi ge la yang dkon zhing rin po cher 'du
296a4 shes bzhag ste mchod rten che chung ji tsam nus pa bdun cu rtsa bdun gdab par bya zhing / de re re'i nang du gsang sngags bcug ste sems rtse gcig tu mchod pa chen po byas
296a5 na| tshe zad pa las tshe slar nur te tshe ring bar 'gyur ro/ /sngon gyi las kyi sgrib pa tshe rabs grangs med pa'i sdig pa thams cad byang nas nam du yang sems can dmyal
296a6 ba dang / dud 'gro dang / yi dwags kyi skye gnas thams cad du skye bar mi 'gyur ro/ /gang du skyes pa'i gnas thams cad du yang sngon gyi tshe rabs rjes su dran par 'gyur/
296a7 yid la bsam pa thams cad kyang de bzhin du 'grub par 'gyur/ de bzhin gshegs pa 'bum phrag bdun cu rtsa bdun snyed la dge ba'i rtsa ba bskyed par 'gyur/ nad
296b1 dang sdug bsngal thams cad las thar par 'gyur ro/ /gang la la zhig nad tsha bas po ches btab ste 'chi ba'i dus byed pa la thug na/ dkyil 'khor gru bzhi par byas la
296b2 de'i steng du tshon sna lngas ri mor bris te dbus kyi char ni/ 'khor lo dang / rdo rje dang / dung dang / mdung rtse gsum pa dang / g.yung drung ris dang / pad+mo rnams bri'o/ /gra bzhir
296b3 yang pad+mo re re bris te/ de'i steng du spos chus bkang ba'i bum pa re re gra bzhir gzhag go /bdug spos kyi snod bkang ba spos sna tshogs 'thul ba yang gzhag go/ kha
296b4 dog sna lnga'i snod du kha zas sna tshogs dang / zas dkar gsum dang 'bras chan du sbyar ba gzhag /yang dri'i chu dang / me tog dang / 'bras sam 'bru'i snod bkang ba phor bu
296b5 re re blags pa dang / yang kha zas sna tshogs sbyar ba'i gtor ma spos chu bum pa gang dang sbyar te dkyil 'khor gyi steng du gzhag go /gtor ma de dang / 'bras kyi drung du nye bar
296b6 tshogs kyi bdag po'i gzugs bris la de'i spyi bo'i steng du mar me gzhag go /de nas dkyil 'khor gyi nub phyogs su nad pa bzhag la dkyil 'khor gyi nang du kha bstan pa'i
296b7 nad pa'i mdun du yang mchod pa'i bshos bzhag ste 'bul du gzhug go /de nas sngags mkhan gtsang sbra cher byas te nad pa de la gsang sngags bdun cu rtsa bdun gyis btab
297a1 ste cho ga 'di ltar byas na/ nad pa tshe zad de 'chi ba'i dus byed du nye ba zhag bdun nas dran pa nyams shing 'khrul bar 'gyur ba yang tshe slar nur zhing ring
297a2 por 'gyur ro/ /rmi lam gyi sdug bsngal yang myong bar mi 'gyur ro/ /gang la la zhig gis gtsang sbra cher byas te nyin gcig bzhin rtag par gsang sngags lan re re ji srid
297a3 'tsho'i bar du bton na/ de 'chi ba'i dus byas nas longs spyod dang / bde ba mi zad pa'i gnas su skye bar 'gyur ro/ /rtag par dus thams cad du bzlas brjod byas na/ sangs rgyas
297a4 bzhugs pa'i zhing du skye bar 'gyur zhing / tshe rabs rjes su dran par 'gyur ro/ /dus ma yin pa'i 'chi ba dang / sgrib pa thams cad byang bar 'gyur ro/ /yang gang la la zhig gis
297a5 mi shi ba'i ched du phan par 'dod pas sems thag pa nas gsang sngags lan bdun cu rtsa bdun bzlas brjod byas na/ shi ba de ngan song gi gnas su lhung na yang de'i mod la
297a6 las kyi sgrib pa rnams zad nas mtho ris kyi lha'i gnas su skye zhing bde ba myong bar 'gyur ro/ /yang gang la la zhig gis gsang sngags yi ger bris pa gzhan gyi ming nas smos
297a7 te mchod rten gyi nang du bcug la nan tan du mchod pa byas na/ shi ba gang yin pa de ngan song gi gnas nas thar te mtho ris su skye bar 'gyur ro/ /yang dga' ldan gyi lha'i ris su
297b1 skye bar 'gyur te/ sangs rgyas kyi byin gyi rlabs kyis ngan song du lhung bar mi 'gyur ro/ /rigs kyi bu'am rigs kyi bu mo gang la la zhig mchod rten da la bskor ba byas sam/ phyag
297b2 byas sam/ mchod pa phul yang rung ste/ de bzhin gshegs pa'i byin gyis rlabs kyis bla na med pa'i byang chub kyi lam las phyir mi ldog par yang 'gyur ro/ /sngon gyi las kyi sgrib
297b3 pa rnams kyang ma lus par byang bar 'gyur ro/ /tha na bya dang ri dwags la sogs te gang dag la mchod rten de'i grib ma phog pa de dag kyang nam yang dud 'gro la sogs pa ngan song gi
297b4 gnas su skye bar mi 'gyur ro/ /gang la la mtshams med pa lnga'i sdig pa chen po dang ldan pa yang mchod rten de la reg gam/ de'i grib mas phog kyang rung ste/ de'i sdig pa thams
297b5 cad byang zhing zad par 'gyur ro/ /mchod rten de'i gnas nas 'byung po dang / gnod sbyin dang / srin po dang / yi dwags dang / sha za la sogs pa lus la 'jug cing gnod pa dang /
297b6 gcan gzan khro bo dang / thog 'bab pa ngang / sdig sbrul kha gdug pa dang / sbyar dug la sogs pa thams cad kyis kyang mi tshugs shing med par 'gyur ro/ /gzhan yang pha
297b7 rol gyi dmag tshogs dang / mtshon dang / me dang / chu dang / ser ba dang / mu ge dang / dus ma yin par 'chi ba dang / rmi lam ngan pa dang / bkra mi shis pa dang / sdug bsngal gyi
298a1 gnod pa thams cad med par 'gyur ro/ /yul der ltas ngan zhig byung na yang mchod rten dang / sangs rgyas kyi byin gyi rlabs kyis 'od zer chen po
298a2 byung bas ltas ngan dang / bkra mi shis pa thams cad zlog par 'gyur ro/ /gang gzhan zhig bsam pa ngan pas dmag dang / chom rkun gyis gnod pa bya bar sems sam/
298a3 dgra rgol ba zhig byung na yang gnas der mchod rten de la 'od zer chen po 'byung ste/ de bzhin gshegs pa'i rdzu 'phrul gyis me lce kun tu 'bar bas bskor ba'i nang
298a4 nas dmag gi dpung dang / mtshon cha'i char mngon par bstan pas pha rol gyi dmag tshogs thams cad zhi zhing phyir zlog par 'gyur ro/ /lha rnams kyis kyang srung ba dang /
298a5 skyob par byed de/ phyogs bzhir dpag tshang brgya tshun chad du mtshams bcad de bsrungs pas de'i nang du 'khrug pa dang / nad 'go ba dang / phyugs nad thams cad mi 'byung
298a6 ngo / /'thab cing rtsod pa mi 'byung / chos ma yin par spyod pa med par 'gyur ro/ /'di la gsang sngags gzhan gyis gcad pa dang / mnan par mi nus te/ gsang sngags
298a7 thams cad kyi rtsa ba yin pa'i phyir ro/ /yang mchod rten de'i srog shing gi gsang sngags bshad pa/ oM sarba ta thA ga tA bi pu la yaSh+Ti/ ma Ni ka na rA dza ta/ bi bu shi
298b1 ta yaSh+Ti d+hu ru d+hu ru/ sa man+te bi lo te/ sa ra sa ra/ ma ma sarba pA baM bi sho d+ha Ni/ saM bo d+ha Ni/ pra ba ra yaSh+Ti/ pa ri ma Ni duSh+Ta hu ru tsi ra ma la bi shud+d+he hUM hUM swAhA/ rigs kyi bu/ ci nas
298b2 kyang gsang sngags 'di nan tan du dgu bcu rtsa dgur yi ger bris te mchod rten gyi srog shing gi ngos bzhir gzhug go /de yang cho ga'i gzhung 'di nyid kyang bris te srog shing gi
298b3 nang du gzhug go /cho ga de ltar byas na/ mchod rten dgu khri dgu stong gi srog shing btsugs pa dang 'dra'o/ /de'i gong du yang mchod rten ring bsrel can dgu khri dgu stong bzhengs pa
298b4 dang 'dra'o/ /de'i yang gong du de bzhin gshegs pa la mchod pa'i las kyi phyir chos bzang lha'i mdun sa dang 'dra ba'i gtsug lag khang gi mchod rten dgu khri dgu stong brtsigs
298b5 pa dang 'dra'o/ /yang gang la la zhig gis 'jim pa las mchod rten chung ngu zhig byas te/ de'i nang du gsang sngags 'di dag bcug na yang rin po che sna bdun gyi mchod rten lha
298b6 dgu khri dgu stong brtsigs pa dang 'dra'o/ /yang gang la la zhig gis mchod rten 'di la bskor ba byas sam/ phyag byas sam/ thal mo sbyar ram/ me tog phul lam/ byug pa dang /
298b7 bdug spos phul lam/ dril bu dang / ba dan dang / gdugs 'ga' zhig phul na yang de bzhin gshegs pa dgu khri dgu stong gi mchod rten la phul ba'i bsod nams dang mnyam
299a1 pa yin no/ /dge ba'i rtsa ba thams cad yongs su rdzogs pa'i dpal dang / mthu stobs rgya chen po thob par 'gyur te/ tha na bya dang sbrang ma la sogs pa
299a2 mchod rten de'i grib mas phog na yang de bzhin gshegs pas mkhyen cid rjes su dgongs par mdzad de/ bla na med pa yang dag par rdzogs pa'i byang chub 'thob cing phyir mi
299a3 ldog pa'i sa la gnas par yang 'gyur ro/ /yang gang la la zhig gis mchod rten 'di lta bu'i rmi lam du rmis sam/ rgyang nas mthong ngam/ dril bu'i sgra thos sam/
299a4 mchod rten bzhengs pa rna bar gtam thos pa de dag kyang mtshams med pa lnga la sogs te sdig pa dang sgrib pa thams cad byang ste/ rtag tu de bzhin gshegs pa rnams
299a5 kyis srung ba dang / rjes su dgongs pa mdzad de/ bla na med pa yang dag par rdzogs pa'i byang chub kyi lam yongs su dag pa 'thob par 'gyur ro/ /gsang sngags 'di ni/
299a6 mchod rten gyi srog shing gi gsang sngags zhes bya'o/ /yang rigs kyi bu de bzhin gshegs pa'i mchod rten bya ba'i gsang sngags de dag gi snying po ni/ 'di yin no/ /oM
299a7 sarba ta thA gA ta ma la bi sho d+ha ni/ rud d+ha ba le bra ti saM ska ra ta thA ga ta d+hu tu d+ha re/ d+ha ra d+ha ra/ san+d+ha ra san+d+ha ra sarba ta thA ga ta a d+hiSh+Tha na a d+hiSh+Thi te swAhA/ dge slong ngam/ dge
299b1 slong ma'am/ dge bsnyen nam/ dge bsnyen ma'am/ gang la la zhig gis mchod rten bdag nyid kyis byas sam/ gzhan byed du bcug gam/ mchod rten rnying pa bcos legs
299b2 byas kyang rung / sa 'jim las mchod rten chung du byas sam/ so pag gam rdo ba las byas kyang rung ste/ dang por gsang sngags kyi snying po stong rtsa brgyad du bzlas brjod
299b3 byas te/ de'i 'og tu mchod rten sen mo gang tsam gyi sa la byas sam/ khru gang gi tshad du byas sam/ dpag tshad gcig tsam gyi tshad du byas na yang rung ste/ gsang sngags kyi
299b4 mthu dang / sems rtse gcig tu byas pa'i stobs kyis mchod rten de la yang spos kyi ngang ldang ste/ tsan+dan dang / ga bur dang / gla rtsi dang / gur gum la sogs pa'i dri bro'am/ lha'i
299b5 spos dri zhim pa'i ngad ldang bar 'gyur ro/ /bdag dang gzhan mchod rten gyi las byed pa dang / bzlas brjod byed pa de bsam pa thams cad kyang yid bzhin du 'grub par
299b6 'gyur ro/ /dge ba'i rtsa ba rgya chen po bsags par 'gyur te/ yon tan dang / legs pa phun sum tshogs pa yang thob par 'gyur/ tshe thung ba'i las shig yod na yang
299b7 tshe nur zhing ring bar 'gyur/ nam 'chi ba'i dus byed na yang sangs rgyas bye ba khrag khrig 'bum phrag dgu bcu rtsa dgu'i zhal mthong zhing / de bzhin gshegs pa de dag gis rjes
300a1 su dgongs te/ skye gnas phyi mar sangs rgyas kyi zhing yongs su dag par skye bar 'gyur zhing mngon sum du lung ston par 'gyur/ der yang tshe lo bye ba khrag
300a2 khrig brgya stong thub par 'gyur te/ sngon gyi gnas rjes su dran pa dang / lha'i mig dang / lha'i rna ba rnam par dag pa 'thob cing pha rol gyi sems shes pa dang / 'chi 'pho ba dang /
300a3 skye ba shes pa 'thob bo/ /lus las tsan+dan gyi dri'i ngad 'byung zhing / kha nas ut+pa la'i bsung ldang bar 'gyur te/ bla na med pa yang dag par rdzogs pa'i sangs rgyas byang chub kyi
300a4 lam thob nas phyir mi ldog pa'i sa yang 'thob par 'gyur ro/ /yang dri'i byug pa yungs 'bru tsam yang rung ste gsang sngags bzlas nas mchod rten bskus na/ de dag gi yon
300a5 tan dang / legs pa sngar bshad pa bzhin du thob par 'gyur ro/ /yang dge slong dang / dge slong ma dang / dge bsnyen dang / dge bsnyen ma gang la la zhig gis bdag nyid gtsang
300a6 bar byas te gsang sngags kyi tshig 'di dag dkon pa dang / rin po cher 'du shes pas bzung na/ de bzhin gshegs pa dang 'dra bar dad par bya ste/ gsang sngags rnams la
300a7 gus pa bskyed nas yi ger bri bar bya'o/ /gong du bshad pa bzhin gsang sngags dang phyag rgya cho ga bzhin du bris nas mchod rten gyi srog shing gi rtsa bar snying po bcug ste mchod
300b1 rten byas na/ de dge ba'i rtsa brgya chen po bsags par 'gyur te/ yon tan dang legs pa thams cad 'thob par 'gyur ro/ /de nas bcom ldan 'das kyis gsang sngags kyi phyag
300b2 rgya'i cho ga 'di dag bshad pa'i tshe phyogs bcu'i 'jig rten gyi khams na bzhugs pa'i de bzhin gshegs pa thams cad rjes su thugs rangs par mdzad nas gsungs pa/ y
300b3 ang dag par rdzogs pa'i sangs rgyas shAkya thub pas sems can thams cad mnyam par dgongs shing thams cad chos kyi dbyings la bkod nas gsang sngags chen po'i phyag
300b4 rgya'i cho ga byin gyi rlabs 'thob par bstan pa ni/ legs so legs so/ /shin tu yang legs te/ dge ba'i rtsa ba de dag gis bla na med pa yang dag par rdzogs pa'i byang chub
300b5 'thob cing phyir mi ldog par yang 'gyur ro/ /de nas 'khor gyi dkyil 'khor de nyid na lha dang / klu dang / gnod sbyin dang / srin po dang / dri za dang / lha ma yin dang / mi'am ci
300b6 dang / lto 'phye chen po 'dus pa rnams dang / byang chub sems dpa' lag na rdo rje dang / rgyal po chen po bzhi dang / 'jig rten skyong ba'i mes po tshangs pa dang / khyab 'jug dang /
300b7 dbang phyug chen po dang / brgya byin dang / gshin rje dang / chu lha dang / ku be ra dang / de dag la sogs pa rdzu 'phrul che ba'i lha de dag gis bcom ldan 'das kyis gsungs pa de thos
301a1 nas bdag cag rang rang gi spyod yul la skyo zhing yid 'byung bar gyur te mthar gyis yon tan chen po thob par 'dod pa'i phyir gcig la gcig pos te smras
301a2 pa| kye ma yang dag par rdzogs pa'i sangs rgyas 'byung ba ni/ shin tu yang rnyed par dka'o/ /de'i bstan pa dam pa'i chos thos pa yang shin tu rnyed par dka'/ gsang sngags
301a3 dang phyag rgya'i tshogs yang dag par rdzogs pa'i sangs rgyas kyi bstan pa thos pa yang shin tu rnyed par dka' ste/ 'di ni/ shin tu ngo mtshar to zhes smras so/ /de nas de'i tshe
301a4 bram ze ser skya'i zla ba zhes bya ba bcom ldan 'das las de lta bu'i gsang sngags dang / cho ga'i yon tan chen po de dag thos shing thob nas sems kyi sgrib pa'i rdul
301a5 dang rnyog pa rnams dwangs par gyur/ 'chi ba'i 'jigs pa dang / sdig pa dang / las kyi sgrib pa thams cad kyang dag par gyur/ tsha yang phyir nur te ring bar gyur
301a6 nas dga' mgu yi rang ste yid bde ba chen po thob par gyur to/ /de nas 'byung po'i tshogs thams cad kyang sems dang zhing rjes su yi rang bar gyur to/ /de nas byang
301a7 chub sems dpa' sems dpa' chen po sgrib pa thams cad rnam par sel bas de bzhin gshegs pa la mchod pa'i las kyi phyir 'khor der rin po che'i khang pa brtsegs pa nor
301b1 bu sna tshogs kyis spras pa zhig mngon par sprul nas chos la dga' ba'i phyir bcom ldan 'das la phul te lan gsum bskor ba byas nas bcom ldan 'das kyi zhabs la mgo bos
301b2 phyag 'tshal te bcom ldan 'das la gsol pa/ bcom ldan 'das kyis gsang sngags dang / phyag rgya dang / dkyil 'khor gyi cho ga shin tu rnyed par dka' ba/ sems can
301b3 thams cad la phan pa dang bde ba rnams kyi mchog 'dzam bu'i gling gi sems can sgrib pa che ba rnams kyi don du bshad de dge ba'i rtsa ba bskyed cing tshe ring ba dang / sdug
301b4 bsngal gyi phung po thams cad las thar par mdzad pa lags na/ deng 'dir bdag cag byang chub sems dpa' rnams kyis kyang sangs rgyas bcom ldan 'das thams
301b5 cad la gsol te/ de bzhin gshegs pa'i spyan sngar yang dag pa'i ye shes chub par bgyid pa'i phyag rgya dang / gsang sngags kyi tshig bshad par 'tshal to/ /na
301b6 mo b+ha ga b+ha ba te/ na ba na ba TI nAM/ saM myak+saM bud+d+ha ko Ti yu ta sha ta sa ha sra NAM/ na maHsarba Ni ba ra Na bi skam+bi ni b+ho d+hi sa twa ya/ oM tu ru tu ru ma ma sarba A ba ra Na bi sho
301b7 d+ha ni| sarba ta thA ga ta A yur ba lA nI bi bu la ni mA+e sarba sid+d+hi nA ma ma skri twAM/ ba ra ba ra/ sarba satwa a ba lo ki ni/ oM sarba ni bA ra Na bi skam+bi ni ma ma sarba pA paM bi
302a1 sho d+ha ni ku ru swAhA/ bcom ldan 'das/ bdag gi gsang sngags 'di ni/ sangs rgyas bye ba phrag dgu bcu rtsa dgus bshad pa lags
302a2 te| gang la la zhig gis ma yengs pa'i sems kyis rtse gcig tu byas te skad cig gcig bton na yang sdig pa thams cad byang bar 'gyur ro/ /yang gang la la
302a3 zhig gis gsang sngags 'di cho ga bzhin du dgu bcu rtsa dgu yi ger bris te mchod rten gyi nang du bcug na/ mchod rten de la la la zhig gis phyag byas sam/ tshig
302a4 snyan pas bstod dam/ spos dang / me tog dang / byug pa dang / mar me 'bul na/ rigs kyi bu de de'i tshe 'di nyid la sdig pa thams cad byang zhing las kyi sgrib pa
302a5 thams cad bsal te bsam pa thams cad yid bzhin du grub par 'gyur/ sangs rgyas bcom ldan 'das brgya stong grangs med pa'i gang+gA'i klung gi bye ma snyed la
302a6 mchod cing bsnyen bkur byas pa dang 'dra bar 'gyur ro/ /de bzhin du mchod rten ring bsrel gyi snying po can brgya stong bye ba khrag khrig gang+gA'i klung gi bye ma snyed la mchod
302a7 pa byas par 'gyur ro/ /de'i dge ba'i rtsa ba rgya chen po gsog par 'gyur ro/ /yang dge sbyong gang zhig gis tshes brgyad dang / bcu bzhi dang / bco lnga gang yang
302b1 rung ba la khrus dang gtsang sbra byas te gos gtsang ma gyon la zhag gcig smyung ba'am/ yang na zas dkar gsum zos te mchod rten la bskor zhing gsang sngags 'di
302b2 lan brgya rtsa brgyad bzlas brjod byas na/ bskal pa brgya stong du bsags pa'i las kyi sgrib pa thams cad dang / mtshams med pa lnga byas pa yang yongs su 'byang
302b3 bar 'gyur/ gzhan yang las dang nyon mongs pa'i sgrib pa thams cad rnam par dag par gyur nas byang chub sems dpa' sgrib pa thams cad rnam par sel ba
302b4 bdag nyid kyi lus mngon par bstan te bsam pa thams cad dngos grub tu sbyin par mdzad cing / yang dag par rdzogs pa'i sangs rgyas thams cad kyi zhal
302b5 yang mthong bar 'gyur ro/ /de bzhin du gang la la zhig gis nyis brgya rtsa brgyad bton na/ ting nge 'dzin 'thob par 'gyur ro/ /gang gis sum brgya rtsa brgyad bton
302b6 na| sgrib pa thams cad byang ste phyir mi ldog pa'i sa la gnas par 'gyur ro/ /yang gang gis bzhi brgya rtsa brgyad bton na/ rgyal chen ris bzhi'i rgyal po chen po dag
302b7 kyang nye bar 'ongs nas lus mngon par bstan te/ srung ba dang / skyob par byed cing shes rab kyi stobs kyang bskyed nas bsod nams thams cad nye bar sgrub bo/ /
303a1 gang gis lnga brgya rtsa brgyad bton na/ dge ba'i rtsa ba de nyid kyis 'dus ma byas kyi lam la gnas pa 'thob bo/ /yang gang gis drug brgya
303a2 rtsa brgyad bton na/ rig sngags 'chang du 'gyur te/ nam mkha' la rig 'dzin gyi gnas su 'gro bar 'gyur ro/ /yang gang gis bdun brgya rtsa brgyad bton na/
303a3 legs par yon tan thams cad ldan par 'gyur ro/ /yang gang gis brgyad brgya rtsa brgyad bton na/ gzhan gyis bsgo ba med pa'i rang dbang thob ste sems
303a4 rnam par dag par 'gyur ro/ /yang gang gis dgu brgya rtsa brgyad du bton na/ phung po lnga rnam par dag par 'gyur ro/ /yang gang gis stong rtsa brgyad du bton na/
303a5 rgyun du zhugs pa'i 'bras bu 'thob bo/ /gang gis nyis stong tshang bar bton na/ lan gcig phyir 'ong ba'i 'bras bu 'thob bo/ /gang gis sum stong tshang bar bton
303a6 na| phyir mi 'ong ba'i 'bras bu 'thob bo/ /gang gis bzhi stong tshang bar bton na/ dgra bcom pa'i 'bras bu 'thob bo/ /gang gis lnga stong tshang bar bton na/ rang
303a7 sangs rgyas kyis 'thob par 'gyur ro/ /gang gis drug stong tshang bar bton na/ byang chub sems dpa'i rdzu 'phrul gyi gnas 'thob par 'gyur ro/ /yang gang gis
303b1 bdun stong tshang bar bton na/ byang chub sems dpa' sa dang po 'thob par 'gyur ro/ /yang gang gis brgyad stong tshang bar bton na/ byang chub sems dpa'i sa lnga pa gnon par
303b2 'gyur ro/ /yang gang gis dgu stong chang bar bton na/ rig sngags dang / gsang sngags rnams kyi bdag po gsang ba pa'i lus 'thob par 'gyur ro/ /yang gang
303b3 gis khri tshang bar bton na/ byang chub sems dpa'i sa brgyad ba mi g.yo ba gnon par 'gyur ro/ /yang gang gis nyi khri tshang bar bton na/ bla na med pa yang dag par
303b4 rdzogs pa'i sangs rgyas kyi sku 'thob par 'gyur te/ seng+ge'i sgra chen po sgrog par 'gyur ro/ /yang gang la la zhig gis pha ma'i don gyi phyir bsod nams kyi las
303b5 bya bar 'dod na/ mchod rten rnying ba ring bsrel can zhig ral du gyur pa gsos la bcos legs byas te gang yang phyogs su bskor ba byed cing sngags lan brgya rtsa brgyad
303b6 tshang gi bar du bskor ba byas na/ bsam pa thams cad yid bzhin du 'grub par 'gyur ro/ /de nas bcom ldan 'das kyis byang chub sems dpa' sgrib pa thams
303b7 cad rnam par sel ba legs so zhes bya ba byin te/ legs so legs so/ /rigs kyi bu/ khyod kyis nga'i grogs byas te de bzhin gshegs pa'i gsang sngags kyi
304a1 chos tshul bzhin du bshad pa de kho na bzhin no/ /de nas gnod sbyin thams cad kyi rgyal po gsang ba pa'i bdag pos bcom ldan 'das
304a2 la gsol pa/ bcom ldan 'das kyis gsang sngags kyi rgyal po gsang sngags kyi cho ga 'di dag de bzhin gshegs pa rnams dang 'dra ba/ de bzhin
304a3 gshegs pa'i chos kyi sku las byung ba lags na/ bcom ldan 'das/ snying po dam pa 'di dag 'dzam bu gling na gnas pa'i sems can rnams kyi las kyi
304a4 sgrib pa dang / sdig pa thams cad bsal nas de phyin chad bcom ldan 'das kyi bstan pa la 'jug par 'gyur ro/ /de skad ces gsol pa dang / bcom
304a5 ldan 'das kyis gsang ba pa'i bdag po la bka' stsal pa/ gsang ba pa'i bdag po/ gsang sngags kyi cho ga 'di dag ni/ ma 'ongs pa'i dus na yang de
304a6 bzhin gshegs pa 'jig rten na zhugs pa dang 'dra ba yin no/ /ngas cho ga ji skad bstan pa bzhin du byas na/ las kyi sbyor ba chung ngus kyang 'bras bu chen po 'grub
304a7 cing phan yon cher gnas par gyur na/ las kyi sbyor ba cher byas pa lta ci smos te/ dge ba'i rtsa ba thams cad bsags par 'gyur ro/ /de lta bas na/ de dag
304b1 gi yon tan ni/ de bzhin gshegs pa brgya stong bye ba khrag khrig gang+gA'i klung gi bye ma snyed kyis bshad kyang mi rdzogs te/ de bzhin gshegs pa de dag gis mkhyen
304b2 cing gzigs par zad de/ gsang ba pa'i bdag pos gsol pa/ bcom ldan 'das/ las tshegs chung ngu ji lta bu zhig bgyi ba bsod nams kyi 'bras bu chen po
304b3 'grub cing bsod nams chen po thob par 'gyur/ bcom ldan 'das kyis bka' stsal pa/ de'i phyir legs par nyon cig dang bshad par bya'o/ /dge slong dang /
304b4 dge slong ma dang / dge bsnyen ma gang la la zhig gis bsod nams kyi 'bras bu chen po thob yon tan thob par 'dod pas gsang sngags kyi rgyal po'i cho ga sngar bstan pa
304b5 bzhin du byas te dgu bcu rtsa dgu yi ger bris la sangs rgyas kyi mchod rten gyi mdun du dkyil 'khor gru bzhir byas la ba'i lci bas byugs te gra bzhir dri'i
304b6 chu phor bu bkang ba re re bzhag /bdug spos kyi snod 'thul ba yang bzhag nas snod chen po'i nang du me tog dang / dri'i chu dang / 'bras skam po rnams blugs
304b7 te dkyil 'khor gyi steng du bzhag pa dang / yang til nag po dang / sran ma ma Sha dang / 'bras rnams bsres te btsos pa'i 'bras thug kri sa ra zhes
305a1 bya ba dang / zas dkar gsum dang / 'di rnams bum pa'i nang du blugs pa dang / yang shing tog sna tshogs 'bras
305a2 bu dgu bcu rtsa dgu dang / kha zas ming gis smros pa 'di rnams dang / spos dang / me tog la sogs pa dkyil 'khor gyi steng du bkram la/
305a3 gsang sngags kyi yi ge mchod rten gyi srog shing gi nang du bcug nas mchod rten gyi phyogs bzhir phyogs bcu'i de bzhin gshegs pa thams
305a4 cad mngon du dmigs te phyag byas la sems rtse gcig pas gsang sngags 'di dag gden par bya'o/ /'di lta ste/ oM bi pu la bi
305a5 pu la bi ma le/ pra ba re dzi na ba re/ sa ra sa ra/ sarba ta thA ga ta d+hA tu gar+b+he/ a d+hiSh+Thi ti swAhA/ a ya ta to ba ni swAhA/ sarba
305a6 de ba na/ ba ha ya bi shud+d+he a d+hiSh+Tha na sa ma ye swAhA/ bdug spos 'thul ba rgyun mi 'chad par bya zhing / gsang sngags lan nyi shu rtsa brgyad
305a7 bton na/ byang chub sems dpa' sems dpa' chen po brgyad dang / gnod sbyin gyi sde dpon chen po brgyad dang / gsang ba pa'i bdag po dang /
305b1 rgyal po chen po bzhi dang / tshangs pa dang / dbang phyug chen po dang / sred med kyi bu rnams de'i mod la mchod rten de la mchod pa dang / rim gro byed srog
305b2 shing brtan par byed do/ /de bas gong du yang sangs rgyas bye ba 'bum phrag dgu bcu rtsa dgu dang / gang+gA'i klung gi bye ma snyed kyang gnas der gshegs te
305b3 mchod rten de la mchod pa dang / chos kyi skur byin gyis rlob cing ring bsrel dang ldan par mdzad do/ /de ltar sems thag pa nas cho ga tshul bzhin du byas na/
305b4 yon tan de dag dang / gzhan yang mchod rten de yid bzhin gyi nor bu rin po che las byas pa'i bsod nams thob par 'gyur te/ rin po che'i rnam pa bye ba khrag khrig
305b5 brgya stong du ma las mchod rten byas pa dang 'dra bar 'gyur te/ dge ba'i rtsa ba rgya chen po dang ldan zhing lus rnam par dag la tshe ring zhing nad med pa dang / bgegs
305b6 thams cad kyis mi tshugs par 'gyur ro/ /gang gzhan la la zhig gis mchod rten 'di mthong ngam/ mchod rten de'i dril bu'i sgra de thos na yang las kyi sgrib
305b7 pa dang / sdig pa thams cad byang bar 'gyur te/ mtshams med pa lnga byas pa yang yongs su byang nas 'chi ba'i dus byas pa'i 'og tu bde ba can gyi 'jig
306a1 rten du skye'o/ /gang la la zhig gis mchod rten de'i ming tsam thos pa yang 'chi ba'i dus byas nas bla na med pa'i byang chub kyi lam thob par
306a2 'gyur| tha na bya dang / ri dwags la sogs pa sems can gang gis mthong ba de yang tshe 'phos nas dud 'gro'i skye gnas spangs te bsod nams dang ldan pa'i lus
306a3 thob par 'gyur ro/ /gang la la zhig gis pha rol tu phyin pa drug yongs su rdzogs par spyod par 'dod pa des snga ma bzhin du dkyil 'khor gru bzhi pa byas te sa dang
306a4 lci bas byugs la de'i steng du spos kyi skyang nul gyis byugs te dkyil 'khor gyi gra bzhir dri'i chus bkang ba'i snod re re bzhag la/ sngar bstan pa'i gsang sngags
306a5 bzhi po dag las rnam pa gcig kyang dgu bcu rtsa dgu bris te/ rang gi lag gis mchod rten chung ngu dgu bcu rtsa dgu gdab cing gsang sngags rnams gcig kyang re
306a6 re'i nang du gzhug go /de nas yang gsang sngags 'di dgu bcu rtsa dgu yi ger bris te mchod rten gyi 'phang lo rnams kyi nang du bcug ste mchod rten rnams dkyil
306a7 'khor gyi steng du bzhag ste me tog dang / byugs pas mchod la/ lan bdun bdun du bskor zhing gsang sngags 'di yang gdon par bya'o/ /namaHna pa nA TI nAM/ ta thA
306b1 ga ta gaM ga NA nAM Di bA lu kAM /ko Ti ni yuk+ta sha ta sa ha sa NAM/ oM po bo ri/ tsa ri Ni tsa ri/ mo ri go ri tsa la ba ri swAhA/ cho ga 'di ltar byas na pha rol tu phyin pa drug yongs su
306b2 rdzogs par spyad par yang ma zad de/ des ni/ rin po che'i mchod rten bye ba khrag khrig brgya stong gang+gA'i klung gi bye ma snyed byas par 'gyur ro/ /yang dag par rdzogs pa'i
306b3 sangs rgyas bye ba khrag khrig brgya stong phrag dgu bcu rtsa dgu snyed la mchod cing bsnyen bkur byas par 'gyur ro/ /de'i gong du yang lha thams cad kyis mchod pa'i sbrin sna tshogs
306b4 bsdus te mchod rten de la yo byad sna tshogs sbyar nas de bzhin gshegs pa'i pho brang dang / yo byad sna tshogs sbyar nas mchod par 'gyur te/ yang dag par rdzogs pa'i
306b5 sangs rgyas de dag snyed kyis mkhyen cing gzigs te byin gyis rlob par mdzad do/ /rigs kyi bu'am rigs kyi bu mo de'i dge ba'i rtsa brgya chen po'i bsod nams dang / yon
306b6 tan thams cad thob par mdzad do/ /yang gang la la zhig gis gsang sngags kyi rgyal po'i snying po 'di ma nor bar yi ger bris la rtag tu bten te mchod pa'i las byas la
306b7 lus la thogs na/ rig pa de nyid kyis srung ba dang / skyob pa mdzad de/ phas kyi rgol ba'i dgra thams cad dang / shar gnyer ba rnams dang / gnod sbyin dang / srin po dang /
307a1 yi dwags la sogs pa thams cad kyang gnod par byed par mi 'gyur te/ 'jigs shing skrag nas so sor 'byer bar 'gyur ro/ /gang la la
307a2 zhig gis rig pa 'don pa de dang gtam byas pa yang mtshams med pa lnga'i las kyi sgrib pa yongs su 'byang bar 'gyur ro/ /gang la la zhig gis sngags pa de'i sgra
307a3 thos sam/ grib mas phog gam/ lus la reg kyang rung ste/ de'i tshe rabs gzhan gyi las kyi sgrib pa dang / sdig pa thams cad yongs su 'byang bar 'gyur ro/ /
307a4 gang rig pa 'don pa de'i lus la dug gis mi tshugs/ mes mi tshugs/ chus khyer bar mi 'gyur/ gdon thams cad kyis kyang glags mi rnyed/ thog 'bab par mi
307a5 'gyur te/ sangs rgyas kyis srung ba dang / skyob pa mdzad cing spyan ras kyis 'tsho bar mdzad do/ /lha thams cad dang / dam tshig can thams cad kyis kyang de la stong
307a6 grogs byed par 'gyur te/ gzhan gyi rig sngags dang / byad dang / sbyor ba thams cad kyis mi tshugs par 'gyur ro/ /de lta bas na rig pa 'don pa gnas gang na
307a7 'dug kyang gsang sngags 'di'i cho ga don du gnyer bar bya ste/ gsang sngags yi ger bris la lam gyi bzhi mdo'am/ sum mdo skye bo mang po phan tshun 'gro ba'i
307b1 gnas su mchod rten byas la de'i nang du bcug na/ 'gro ba thams cad dang / bya dang / sbrang ma dang / tha na grog sbur yan chad kyis mthong ba dang / thos pa dang / reg pa dang
307b2 de la phog pa'i sa dang / rdul dang / rlung dang / grib mas phog na yang byol song dang / yi dwags dang / ngan song log par ltung ba sems can dmyal bar skye bar 'gyur ba'i
307b3 sdig pa thams cad dang bral zhing 'chi ba'i dus byas nas bde 'gro mtho ris kyi lha rnams kyi nang du skye bar 'gyur te/ sngon gyi las kyi sgrib pa yongs su byang bas tshe rabs
307b4 rjes su dran pa 'thob par 'gyur zhing phyir mi ltung ba'i chos can du 'gyur ro/ /de nas bcom ldan 'das kyis byang chub sems dpa' sems dpa' chen po sgrib pa thams
307b5 cad rnam par sel ba dang / gsang ba pa'i bdag po lag na rdo rje dang / rgyal po chen po bzhi dang / tshangs pa mi mjed kyi bdag po dang / tshangs ris kyi lha rnams dang / dbang
307b6 phyug chen po la sogs pa'i lha rnams la bka' stsal pa/ skyes bu dam pa dag /ngas gsang sngags kyi rgyal po'i snying po 'di dag khyed rnams la yongs su gtad kyi/
307b7 rtag tu rim gror bya zhing yongs su gzung bar bya ste/ rin po che'i za ma tog gi nang du chug la gnas thams cad du bsgrags te/ nam du yang rgyun ma chad par sems
308a1 can la ston cing / mthong zhing thos par byas na mtshams med pa lnga'i sdig pa yang 'byung bar 'gyur ro/ /de nas byang chub sems dpa' sems
308a2 dpa' chen po sgrib pa thams cad rnam par sel ba dang / gsang ba pa'i bdag po lag na rdo rje dang / rgyal po chen po bzhi dag dang / tshangs pa dang / dbang phyug chen po
308a3 dang / sred med kyi bu dang / lha dang / klu dang / gnod sbyin dang / srin po dang / lha ma yin dang / lto 'phye chen po la sogs pa thams cad kyis bcom ldan 'das kyi
308a4 zhabs la phyag 'tshal nas tshig mthun par smras te gsol pa/ bcom ldan 'das/ bcom ldan 'das kyis bdag cag la thugs brtse bar dgongs te gsang sngags
308a5 'di'i cho ga dang / mchod rten bgyi ba'i cho ga ji skad gsungs pa rnams sems can thams cad la sman pa'i slad du bdag cag kun gyis bsrung zhing rim gror bgyi/
308a6 rtag par gzungs su bzung zhing mi bskyud par bgyi/ yi ger bri ba dang / bklag pa dang / mchod pa'i las rnams kyang bgyi ste/ ma 'ongs pa'i dus na sems can gang la
308a7 las chos kyi rnam grangs 'di thos shing khong du chud nas ngan song ngan 'gro sems can dmyal ba la sogs pa dang / sdig pa thams cad las thar par 'gyur bar bcom
308b1 ldan 'das kyis gsungs pas na/ bdag cag rnams kyis bcom ldan 'das kyis bka' drin spyi bos blang ba'i slad du gsang sngags kyi cho ga 'di dag rim gror bgyi/ btsun
308b2 par bgyi/ gus par bgyi/ rin po che'i 'du shes gzhag par bgyi/ rgya cher 'phel bar bgyi/ bcom ldan 'das kyi zhal dang 'dra bar blta bar bgyi ste/ nam du yang nub
308b3 par mi 'gyur zhing ci nas kyang rgyas par bgyi ba'i slad du nan tan bgyi bar 'tshal lo/ /de skad ces gsol pa dang / bcom ldan 'das kyis bka' stsal pa/ skyes bu dam
308b4 pa rnams/ dam tshig la gnas pas gsang sngags kyi cho ga 'di dag bsrung ba dang / rim gror bya ba dang / yongs su gzung bar khas blangs pa ni/ legs so legs
308b5 so| |shin tu yang legs so/ /bcom ldan 'das kyis de skad ces bka' stsal nas thams cad dang ldan pa'i 'khor de dag yid rangs te bcom ldan 'das kyis gsungs
308b6 pa la mngon par bstod do/ /'phags pa 'od zer dri ma med pa rnam par dag pa'i 'od ces bya ba'i gzungs rdzogs so// //rgya gar gyi mkhan po bid+yA ka ra siM ha dang /
308b7 zhu chen gyi lots+tsha ba ban+d+he dpal gyi lhun po'i sdes bsgyur cing zhus te gtan la phab pa/ jo bo a ti sha dang / dge bshes 'bre ma ston pas sngags rnams dag bar bcos
so|| /
CLOSE WINDOW