བོད་ཡིག |
405b1 / //rgya gar skad du/ AR+ya su bar+Na pra b+hA sot+ta ma sU tren+d+ra rA dza nA
405b2 ma mahA yA na sU tra/ bod skad du/ 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo/ /bam po dang po/ 'das pa dang / ma
405b3 byon pa dang / da ltar byung ba'i sangs rgyas dang / byang chub sems dpa' dang / rang sangs rgyas dang / 'phags pa nyan thos thams cad la phyag 'tshal lo/ /'di skad
405b4 bdag gis thos pa dus gcig na/ bya rgod phung po chos kyi dbyings/ /zab mo sangs rgyas spyod yul na/ /de bzhin gshegs pa bzhugs nas ni/ /dag cing rdul rnams
405b5 med pa yi/ /byang chub sems dpa' mchog rnams la/ /mdo sde'i dbang po'i rgyal po ste/ /mnyan na shin tu zab pa dang / /yongs su brtags na zab pa nyid/ /gser 'od
405b6 dam pa 'di 'chad do/ /phyogs bzhir sangs rgyas rnams kyis ni/ /byin gyi rlabs kyis byin brlabs pa/ /mi 'khrugs pas ni shar phyogs su/ /rin chen tog gis lho
405b7 phyogs su/ /'od dpag med kyis nub phyogs su/ /rnga sgra yis ni byang phyogs su/ /sdig pa thams cad gzhig pa'i phyir/ /bshad pa dam pa bkra shis pa/ /sdig pa'i
406a1 @#/ /las rnams zad byed pa/ /bde ba thams cad sbyin byed pa/ /sdug bsngal thams cad 'jig byed pa/ /thams cad mkhyen pa nyid kyi
406a2 gzhi| |dpal kun gyis ni legs brgyan pa/ /byin gyis brlabs te brjod par bya/ /sems can gang dag dbang po nyams/ /tshe zad pa dang tshe nyams dang / /
406a3 phun sum tshogs min gang chags dang / /lha rnams rgyab kyis phyogs pa dang / /mdza' sdug skye bo sdang ba dang / /bran bza' la sogs gtses pa dang / /phan
406a4 tshun mthun pa ma yin dang / /nor 'gribs pas ni gnod pa dang / /mya ngan ngal dang gnod pa dang / /'jigs pa dang ni phongs pa dang / /gza' dang rgyu skar
406a5 byad stems dang / /mi bzad gdon gyis nyen pa dang / /mya ngan ngal las byung ba yi/ /rmi lam sdig pa mthong na yang / /des ni rab bkrus gtsang ma yin/ /
406a6 mdo snga dam pa mnyan par bya/ /gang dag yid dge sems dwang zhing / /gos gtsang rnams kyis rab brgyan te/ /zab mo sangs rgyas spyod yul ba/ /mdo sde
406a7 mnyan par byed na ni/ /mdo sde 'di yi gzi brjid kyis/ /srog chags kun gyi gnad pa dang / /shin tu mi bzad 'di 'dra ba/ /de dag rtag tu zhi bar 'gyur//
406b1 'jig rten skyong ba bdag nyid dang / /blon po tshogs kyi dbang phyug bcas/ /gnod sbyin bye ba du ma yis/ /de dag la ni srung bar byed/ /lha mo chen mo dbyangs can dang /
406b2 rany+dza nar gnas pa dang / /'byung po'i ma mo 'phrog ma dang / /sa yi lha mo brtan ma dang / /tshangs pa'i dbang dang lha dbang dang / /klu dbang mthu chen rnams dang ni/ /
406b3 mi 'am ci dbang lha min dbang / /de bzhin nam mkha' lding dbang rnams/ /sde dang stobs dang bzhon pa dang / /bcas te de dag der lhags nas/ /nyin dang mtshan mo
406b4 mi g.yel bar/ /de dag la ni srung bar byed/ /zab mo sangs rgyas spyod yul ba/ /sangs rgyas kun gyi gsang ba ste/ /bskal ba bya bar rnyed dka' ba/ /mdo 'di rab tu
406b5 bshad par bya/ /gang dag mdo 'di nyan pa dang / /gang dag gzhan la thos byed dang / /gang su rjes su yi rang dang / /gang dag mchod pa byed pa rnams/ /de dag lha dang klu
406b6 dag dang / /mi dang mi 'am ci dag dang / /lha min gnod sbyin du ma yis/ /bskal pa bye bar mchod par 'gyur/ /srog chags bsod nams med pa rnams/ /de dag
406b7 bsod nams phung po ni/ /mtha' yas grangs kyang med pa dang / /bsam gyis mi khyab skye bar 'gyur/ /phyogs bcu'i rdzogs pa'i sangs rgyas dang / /de bzhin zab mor
407a1 @#/ /sbyod pa yis/ /byang chub sems dpa' rnams kyis kyang / /rab tu gzung bar 'gyur pa yin/ /gtsang ma'i gos rnams rab bgos la/ /
407a2 dri zhim pa yi gos 'chang zhing / /byams pa'i sems ni nyer bzhag nas/ /g.yel ba med par mchod par bya/ /rang gi sems ni dri med cing / /rgya che bar yang
407a3 rab byed la/ /sems kyang shin tu dwang byed kyis/ /mdo sde dam pa mnyan par gyis/ /gang dag mdo 'di nyan pa ni/ /de dag mi nang legs par 'ongs/ /mi yi
407a4 srid pa legs par thob/ /'tsho ba bde bas 'tsho bar 'gyur/ /gang gi rna ba'i bu gar yang / /bshad pa 'di ni grag 'gyur ba/ /de dag dge rtsa sbyangs pa ste//
407a5 sangs rgyas mang pos rab tu bsngags/ /gser 'od dam pa mdo sde'i dbang po'i rgyal po las/ /gleng gzhi'i le'u zhes bya ba ste dang po'o// // yang de'i
407a6 tshe de'i dus na rgyal po'i khab kyi grong khyer chen po na/ byang chub sems dpa' sems dpa' chen po mdzes pa'i tog ces bya ba/ /sngon gyi rgyal ba la bsnyen bkur
407a7 byas pa/ dge ba'i rtsa ba bskyed pa/ sangs rgyas bye ba khrag khrig brgya stong phrag mang po la rim gro byas pa zhig gnas pa de 'di snyam du sems te/ rgyu gang dang / rkyen
407b1 gang gis bcom ldan 'das shAkya thub pa/ 'di lta ste/ lo brgyad cu zhig thub ste 'di ltar sku tshe thung snyam nas de'ang 'di snyam du sems te bcom ldan 'das kyis kyang
407b2 'di skad du/ rgyu gnyis dang / rkyen gnyis kyis tshe ring par 'gyur te gnyis gang zhe na/ 'di lta ste/ srog gcod pa spangs pa dang / kha zas rab tu sbyin pa'o zhes gsungs te
407b3 bcom ldan 'das shAkya thub pas ni bskal pa bye ba khrag khrig brgya stong grangs med pa mang po nas srog gcod pa spangs par gyur pa nas dge ba bcu'i las kyi lam gyi
407b4 bar du yang dag par blangs par gyur/ /zas dang / phyi nang gi dngos po rnams sems can dag la yongs su btang ste tha na rang gi lus kyi sha dang / khrag dang / rus
407b5 ba dang / rkang gis kyang sems can ltogs pa rnams tshim par mdzad na zas gzhan gyis lta ci smos snyam mo/ /de nas skyes bu dam pa de sangs rgyas la song ba'i yid la
407b6 byed pa dag las 'di lta bu'i tshul gyis bsam pa 'di dag sems pa na de'i khyim yangs shing rgya che la bai DUR+ya sngon po las grub pa/ lha'i rin po che du mas spras pa/ de
407b7 bzhin gshegs pas kha dog bsgyur ba/ lha'i las 'das pa'i spos kyis khyab par gyur to/ /khyim de'i phyogs bzhi nas lha'i rin po che'i khri bzhi byung bar gyur te khri de
408a1 @#/ /dag las kyang lha'i ras bcos bu'i rin po che'i phrugs rnams bting ba dag byung bar gyur to/ /khri de dag las kyang lha'i me tog pad+ma rin
408a2 po che du mas spras pa/ de bzhin gshegs pas kha dog bsgyur ba dag byung ngo / /pad+ma de dag las kyang sangs rgyas bcom ldan 'das bzhi byung bar gyur te/ shar phyogs
408a3 nas ni de bzhin gshegs pa mi 'khrugs pa byung / lho phyogs nas ni de bzhin gshegs pa rin chen tog byung / nub phyogs nas ni de bzhin gshegs pa tshe dpag med
408a4 byung | byang phyogs nas ni de bzhin gshegs pa rnga sgra byung ste seng ge'i khri de dag las sangs rgyas bcom ldan 'das de dag byung ma thag tu de nas de'i tshe rgyal po'i
408a5 khab kyi grong khyer chen po snang ba chen pos khyab par gyur to/ /stong gsum gyi stong chen po'i 'jig rten gyi khams kyi bar dang / phyogs bcu kun tu 'jig rten gyi khams
408a6 kyi bar dang / phyogs bcu kun tu 'jig rten gyi khams gang gla'i klung gi bye ma snyed kyi bar dag snang bas khyab par gyur/ lha'i me tog dag gi char yang bab/ lha'i sil
408a7 snyan gyi sgra'ang byung ngo / /sangs rgyas kyi mthus stong gsum gyi stong chen po'i 'jig rten gyi khams 'dir sems can thams cad kyang lha'i bde ba dang ldan par gyur te
408b1 sems can dbang po ma tshang ba rnams ni dbang po thams cad dang ldan par gyur/ sems can dmus long dag ni mig gis gzugs rnams mthong / sems can 'on pa dag ni
408b2 rna bas sgra rnams thos/ sems can smyos pa dag ni dran pa so sor rnyed/ sems can sems g.yeng ba dag ni sems mi g.yeng par gyur/ sems can sgren mo dag ni gos
408b3 bgos par gyur/ /sems can bkres pa dag ni lto 'grangs par gyur/ sems can sgom pa dag ni skom ngoms par gyur/ sems can nad kyis btab pa dag ni nad
408b4 dang bral bar gyur/ lus kyi dbang po nyams pa dag ni dbang po rnams chang bar gyur te 'jig rten du ngo mtshar rmad du byung ba'i chos rnams rgya cher byung bar gyur to/ /
408b5 de nas byang chub sems dpa' mdzes pa'i tog gis sangs rgyas bcom ldan 'das de dag mthong nas ngo mtshar rmad du gyur te de tshim zhing mgu la yi rangs shing
408b6 rab tu dga' ste dga' ba dang / yid bde ba skyes nas sangs rgyas bcom ldan 'das de dag ga la bde sogs su thal mo sbyar par btu nas sangs rgyas bcom
408b7 ldan 'das de dag rnams rjes su dran la bcom ldan 'das shAkya thub pa'i yon tan rjes su dran zhing bcom ldan 'das shAkya thub pa'i sku tshe'i tshad la the tshom za bar gyur
409a1 @#/ /te bcom ldan 'das shAkya thub pa 'di ltar lo brgyad cu zhig thub ste sku tshe thung ba 'di ji lta bu 'di ci zhig snyam du bsam pa de sems shing
409a2 'dug par gyur to/ /de sangs rgyas bcom ldan 'das de dag gis dgongs shing mkhyen bzhin du byang chub sems dpa' mdzes pa'i tog de la 'di skad ces
409a3 bka' stsal to/ /rigs kyi bu/ khyod 'di snyam du bcom ldan 'das shAkya thub pa 'di ltar sku tshe thung ngo snyam du ma sems shig /de ci'i phyir zhe na/ rigs
409a4 kyi bu/ de bzhin gshegs pa dgra bcom pa yang dag par rdzogs pa'i sangs rgyas rnams ma gtogs par lha dang bcas pa'i 'jig rten dang / bdud dang bcas
409a5 pa dang / tshangs pa dang bcas pa dang / dge sbyong dang / bram zer bcas pa'i skye dgu dang / lha dang / mi dang / lha ma yin du bcas pa'i nang na bcom ldan 'das de
409a6 bzhin gshegs pa shAkya thub pa'i sku tshe'i chod kyi mtha' phyi ma'i mtha'i mu'i bar du'ang rtogs par nus pa nged kyis su'ang ma mthong ngo / /sangs rgyas bcom
409a7 ldan 'das de dag gis de bzhin gshegs pa'i sku tshe'i tshad bshad pa brjod ma thag tu de nas de'i tshe sangs rgyas kyi mthus lha'i bu 'dod pa na spyod pa rnams
409b1 dang | gzugs na spyod pa rnams dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i bar dag dang / byang chub
409b2 sems dpa' bye ba khrag khrig brgya stong phrag du ma 'dus nas byang chub sems dpa' mdzes pa'i tog gi khyim der lhags so/ /de nas de bzhin gshegs pa de dag gis
409b3 thams cad dang ldan pa'i 'khor de la bcom ldan 'das shAkya thub pa'i sku tshe'i tshang bshad pa tshigs su bcad de mdor bka' stsal pa/ rgya mtsho'i chu rnams thams cad kyi/ /
409b4 thigs pa dag ni bgrang bar nus/ /shAkya thub pa'i sku tshe'i tshad/ /sus kyang bgrang bar mi nus so/ /ri rab rnams ni thams cad kyang / /phra rab rdul du bgrang bar nus/ /
409b5 shAkya thub pa'i sku tshe'i tshad/ /sus kyang bgrang bar mi nus so/ /sa la gang dag yod pa yi/ /rab tu phra rdul ji snyed pa/ /thams cad bgrang bar nus srid kyi/ /rgyal ba'i
409b6 sku tshe'i tshad mi nus/ /gal te la las nam mkha' la/ /sna 'ga' zhig gis dpag 'dod kyang / /shAkya thub pa'i sku tshe'i tshad/ /sus kyang bgrang bar mi nus so/ /rdzogs
409b7 pa'i sangs rgyas 'di srid bzhugs/ /bskal pa dag ni 'di snyed cig/ bskal pa bye ba brgya dag ces/ /grangs ni rnyed par mi rung ngo / /gang phyir de yi rgyu dang ni/ /
410a1 @#/ /rkyen yang rnam pa gnyis yin te/ /sdig pa'i 'tshe ba spangs pa dang / /kha zas mang po byin pa ste/ /de phyir bdag nyid chen po de'i/ /sku tshe'i tshad
410a2 grangs mi rnyed do/ /bskal pa 'di snyed cig ce 'am/ /grangs med pa yang de bzhin te/ /de bas the tshom med par 'gyur/ /the tshom cung zad ma za zhig /rgyal pa'i sku tshe
410a3 tha ma yi/ /grangs ni gang du mi dmigs so/ /de nas de'i tshe 'khor der slob dpon lung ston pa bram ze kau D+Ni n+ya zhes bya ba dang / bram ze stong phrag du mas bcom
410a4 ldan 'das la mchod pa byas te de bzhin gshegs pa yongs su mya ngan las 'das pa chen po'i sgra thos nas 'phral la 'dus te bcom ldan 'das kyi zhabs gnyis
410a5 la gtugs nas bcom ldan 'das la gsol pa/ gal ta bcom ldan 'das sems can thams cad la thugs brtse ba/ /thugs rje chen po dang ldan pa/ phan par
410a6 bzhed pa/ sems can thams cad la pha ma lta bu/ mi mnyam pa dang mnyam par gyur pa/ zla ba lta bur snang bar mdzad pa/ shes rab dang / ye shes chen po'i nyi
410a7 ma shar ba lta bu lags shing gal te khyod sems can thams cad la sgra gcan zin bzhin du gzigs na bdag la dam pa zhig stsal du gsol/ bcom ldan 'das
410b1 cang mi gsung bar gyur to/ /de nas sangs rgyas kyi mthus 'khor der lits+tsha bI gzhan nu 'jig rten thams cad kyis mthong na dga' ba zhes bya ba de spobs pa skyes nas slob dpon
410b2 lung ston pa bram ze kauD+Ni n+ya la 'di skad ces smras so/ /ci bram ze chen po/ khyod bcom ldan 'das la dam pa cig gsol lam/ bdag gis khyod la dam pa zhig sbyin no/ /
410b3 bram zes smras pa/ lits+tsha bI gzhon nu/ bdag ni bcom ldan 'das la mchod pa dang / ring bsrel gyi phye ma bgos pa'i phyir bcom ldan 'das kyi ring bsrel yungs 'bru
410b4 tsam la bsten par 'dod do/ /ring bsrel yungs 'bru tsam de mngon par mched na sum cu rtsa gsum pa'i lha rnams kyi bdag po 'ba' zhig thob ces grags so/ /kye
410b5 lits+tsha bI gzhon nu/ gser 'od dam pa'i mdo nyan thos dang / rang sangs rgyas thams cad kyi shes par dka' ba/ khong du chud par dka' ba de lta bu'i mtshan nyid dang /
410b6 yon tan dang ldan pa gser 'od dam pa'i mdo 'chad ces grag gi nyon cig /kye lits+tsha bI gzhon nu/ gser 'od dam pa'i mdo ni de ltar shes par dka' zhing rtogs par
410b7 dka' bas na kho bo cag mtha' 'khob kyi gling gi bram ze rnams ni gang bcangs pa na sems can rnams myur du sum cu rtsa gsum pa'i bdag po 'thob par 'gyur ba'i ring
411a1 @#/ /bsrel yungs 'bru tsam za ma tog gi nang du bcug la bcangs kyang rung ngo / /kye li ts+tsha ba'i gzhon nu/ khyod ci de bzhin gshegs pa las ring
411a2 bsrel yungs 'bru tsam gsol nas ring bsrel za ma tog tu bcug ste bcangs pas sems can rnams sum cu rtsa gsum pa'i bdag po thob par mi 'dod dam / kye lits+tsha bi gzhon nu/
411a3 kho bos ni dam pa de lta bu gsol to/ /de nas lits+tsha bI gzhon nu 'jig rten thams cad kyis mthong na dga' bas/ slob dpon lung ston pa
411a4 bram ze kauN+Di n+ya la tshigs su bcad pa dag gis slar smras pa/ nam zhig gang gla'i chu rgyun la/ /me tog rnams ni skye ba dang / /bya rog dmar po 'gyur ba dang //
411a5 khu byug dung mdog 'drar 'gyur dang / /'dzam bur ta la'i 'bru chags dang / /'bra gor a mra'i dogs pa chags/ /de yi tshe na yungs 'bru tsam/ /ring bsrel
411a6 du ni gsal bar 'gyur/ /nam zhig rus sbal spu rnams las/ /gos su legs par btags gyur te/ /dgun gyi grang ba sel byed pa/ /de tshe ring bsrel
411a7 yod par 'gyur/ /nam zhig sbrang bu'i rkang lag las/ /yang thog legs par byas gyur te/ /brtan zhing rab tu mi g.yo ba/ /de tshe ring bsrel yod par
411b1 'gyur/ /nam zhig srin bu pad+ma kun/ /so ni dkar po skyes gyur te/ /rno zhing chen por gyur pa na/ /de tshe ring bsrel yod par 'gyur/ /mtho ris su ni 'dzeg
411b2 pa'i phyir/ /nam zhig ri bong rwa rnams las/ /skas ni legs par byas gyur pa/ /de tshe ring bsrel yod par 'gyur/ /nam zhig skas ni der 'dzegs te/ /byi
411b3 bas zla ba bza' ba dang / /sgra gcan la yang gnod byed pa/ /de tshe ring bsrel yod par 'gyur/ /grong na rgyu ba'i sbrang bu yis/ /nam zhig rdza ma'i chang 'thungs
411b4 te| |khyim na gnas par byed 'gyur ba/ /de tshe ring bsrel yod par 'gyur/ /nam zhig bong bu bde 'gyur la/ /mchu dmar bim pa 'drar gyur cing / /
411b5 glu gar rnams la mkhas gyur pa/ /de tshe ring bsrel yod par 'gyur/ /nam zhig 'ug pa bya rog rnams/ /dben par dong nas rtse ba dang / /phan tshun
411b6 mthun par gyur pa na/ /de tshe ring bsrel yod par 'gyur/ /pa la sha yi lo ma rnams/ /rin chen sna gsum gdugs gyur te/ /char 'bab skyab
411b7 su nam gyur pa/ /de tshe ring bsrel yod par 'gyur/ /nam zhig rgya mtsho'i gru bo che/ /'khrul 'khor dang ni g.yor mor bcas/ /thang la byung ste
412a1 @#/ /'gro ba na/ /de tshe ring bsrel yod par 'gyur/ /nam zhig bya ni 'ug pa yis/ /ri po spos kyi ngad ldang ba/ /mchu
412a2 la thogs te 'gro 'gyur ba/ /de tshe ring bsrel yod par 'gyur/ /slob dpon lung ston pa bram ze kauN+Di n+yas tshigs su bcad pa 'di dag thos nas/
412a3 lits+tsha bI gzhon nu 'jig rten thams cad kyis mthong na dga' ba la tshigs su bcad pa 'di dag gis slar smras pa/ legs so legs so gzhon nu
412a4 mchog /rgyal ba'i sras po tshig po che/ /dpa' zhing thabs la mkhas ldan pa/ /lung bstan pa ni dam pa thob/ /'jig rten mgon po skyob pa po/ /de
412a5 bzhin gshegs pa che ba nyid/ /bsam gyis mi khyab go rims bzhin/ /gzhon nu bdag las mnyan par gyis/ /sangs rgyas yul ni bsam mi
412a6 khyab| |de bzhin gshegs rnams mtshungs pa med/ /sangs rgyas thams cad rtag tu zhi/ /sangs rgyas thams cad yang dag 'byung / /sangs rgyas thams
412a7 cad kha dog mtshungs/ /'di ni sangs rgyas chos nyid yin/ /bcom ldan 'das ni bcos ma min/ /de bzhin gshegs pa ma skyes te/ /rdo rje lta bur sra
412b1 ba'i sku/ /sprul pa'i sku ni ston par mdzad/ /drang srong chen po'i ring bsrel ni/ /yungs 'bru tsam zhes bya ba med/ /sku la rus pa khrag med na/ /ring bsrel yod
412b2 par ga la 'gyur/ /sems can rnams la phan pa'i phyir/ /thabs kyis ring bsrel bzhag par mdzad/ /rdzogs pa'i sangs rgyas chos kyi sku/ /de bzhin gshegs
412b3 pa chos kyi dbyings/ /chos ston mdzad pa ci 'dra ba/ /bcom ldan 'das kyi sku de 'dra/ /bdag gis 'di thos shes nas ni/ /bdag gis dam pa gsol bar byas/ /
412b4 de nyid kho na lung bstan phyir/ /gtam gleng ba ni bdag gis byas/ /de nas lha'i bu sum khri nyis stong gis de bzhin gshegs pa'i sku tshe'i tshad bstan pa zab mo
412b5 de lta bu de dag thos nas thams cad kyis bla na med pa yang dag par rdzogs pa'i byang chub tu sems bskyed de de dag yid kyis kun tu rtog pa rab tu dga' nas sgra
412b6 dbyangs gcig tu tshigs su bcad pa 'di dag smras so/ /sangs rgyas mya ngan yong mi 'da'/ /chos kyang nub par mi 'gyur te/ /sems can yongs su smin mdzad
412b7 phyir| |yongs su mya ngan 'da' ba ston/ /sangs rgyas bcom ldan bsam mi khyab/ /de bzhin gshegs pa rtag pa'i sku/ /sems can rnams la phan pa'i
413a1 @#/ /phyir| |bkod pa rnam pa sna tshogs ston/ /de nas byang chub sems dpa' mdzes pa'i tog gis sangs rgyas bcom ldan
413a2 'das de dag dang / skyes bu dam pa de gnyis las bcom ldan 'das shAkya thub pa'i sku tshe'i tshad bstan pa thos nas tshim zhing mgu la yi rangs shing rab
413a3 tu dga' ste dga' ba dang / yid bde ba skyes nas dga' ba dang / mgu ba rgya chen pos khyab par gyur to/ /de bzhin gshegs pa'i sku tshe'i tshad bstan pa
413a4 'di bshad pa'i tshe sems can tshad med grangs med pa dag bla na med pa yang dag par rdzogs pa'i byang chub tu sems skyes so/ /de bzhin gshegs pa de dag
413a5 kyang mi snang bar gyur to/ /gser 'od dam pa mdo sde'i dbang po'i rgyal po las/ de bzhin gshegs pa'i sku tshe'i tshad bstan pa'i le'u zhes bya ba ste gnyis pa'o// //
413a6 de nas byang chub sems dpa' mdzes pa'i tog gnyid kyis log pa'i rmi lam na gser gyi rnga kun tu snang ba/ 'di lta ste/ nyi ma'i dkyil 'khor 'dra ba zhig mthong
413a7 ngo| |phyogs thams cad na'ang sangs rgyas bcom ldan 'das grangs med dpag tu med pa dag rin po che'i shing drung na rin po che bai DUR+ya'i khri rnams la bzhugs
413b1 shing 'khor brgya stong du mas yongs su bskor te/ mdun gyis bltas nas chos ston pa mthong ngo / /de nas yang skyes bu bram ze'i gzugs lta bu zhig rnga de
413b2 rdung ba mthong ste rnga'i sgra de las bstan pa'i tshigs su bcad pa 'di lta bu dag byung ba thos so/ /de nas byang chub sems dpa' mdzes pa'i tog gnyid
413b3 sad ma thag tu bstan pa'i tshigs su bcad pa de dag rjes su dran no/ /rjes su dran nas kyang de'i mtshan mo zad pa dang / rgyal po'i khab kyi grong khyer chen po
413b4 nas byung ste srog chags stong phrag du ma dang lhan cig tu bya rgod phung po'i ri ga la ba dang / bcom ldan 'das ga la ba der song ste phyin nas/ bcom ldan
413b5 'das kyi zhabs la mgo bos phyag btsal te bcom ldan 'das la lan gsum bskor ba byas nas phyogs gcig tu 'dug go /phyogs gcig tu 'dug
413b6 nas byang chub sems dpa' mdzes pa'i tog gis bcom ldan 'das ga ba de logs su thal mo sbyar ba btud nas rmi lam na gang rnga'i sgra las bstan pa'i tshigs su
413b7 bcad pa thos pa de dag gsol to/ /gser 'od dam pa mdo sde'i dbang po'i rgyal po las/ rmi lam mthong ba'i le'u zhes bya ba ste gsum pa'o// //nub
414a1 @#/ /gcig g.yel ba med par yang / /bdag gis rmi lam rmis pa ni/ /mdzes pa'i rnga chen mthong ba ste/ /thams cad du ni gser gyi 'od//
414a2 nyi ma ji lta bzhin du 'bar/ /kun tu rnam par lhang nge ste/ /phyogs bcu rnams su snang bar gyur/ /kun tu rin chen shing drung na/ /rin chen bai DUR+ya dag gi/
414a3 khri la sangs rgyas rnams bzhugs te/ /brgya stong phrag ni du ma yi/ /'khor dbus mdun gyis bltas pa mthong / /bram ze'i gzugs ni 'dra ba zhig /rnga chen
414a4 rab tu brdung ba mthong / /de yis de la brdungs pa dang / /tshigs su bcad pa 'di dag byung / /gser 'od dam pa'i rnga chen sgra yis ni/ /stong gsum 'jig
414a5 rten 'jig rten gsum 'di na/ /ngan song sdug bsngal gshin rje'i sdug bsngal dang / /dbul ba'i sdug bsngal ma lus zhi bar shog /rnga bo che yi sgra skad
414a6 'di yis ni/ /'jig rten rmongs pa thams cad zhi gyur cig /ji ltar thub dbang 'jigs med 'jigs zhi ltar/ /sems can 'jigs med 'jigs
414a7 dang bral bar shog /ji ltar 'khor bar kun mkhyen thub dbang po/ /'phags pa'i yon tan kun dang ldan pa ltar/ /skye dgu ting 'dzin byang chub yan
414b1 lag gi /yon tan ldan zhing yon tan rgya mtshor gyur/ /rnga bo che yi sgra skad 'di yis ni/ /sems can thams cad tshangs pa'i dbyangs ldan gyur/ /sangs rgyas
414b2 byang chub dam pa mchog reg shog /chos kyi 'khor lo dge ba bskor gyur cig /bskal pa bsam gyis mi khyab bzhugs par shog /'gro la phan phyir chos
414b3 kyang ston gyur cig /nyon mongs 'joms gyur sdug bsngal sel bar shog /'dod chags zhe sdang gti mug zhi gyur cig /sems can gang dag ngan song sar gnas
414b4 te| |rus pa'i lus la me lce rab 'bar ba/ /de dag rnga chen bsgrags pa thos gyur cig /sangs rgyas phyag 'tshal lo zhes tshig thos shog /sems can
414b5 kun gyis che rabs brgya dag dang / /skye ba stong phrag bye bar skye dran shog /thub pa'i dbang po rtag tu dran gyur cing / /de dag gi ni rgya chen gsung thos shog /
414b6 rnga po che yi sgra skad 'di yis ni/ /sangs rgyas rnams dang rtag tu 'grogs rnyed gyur/ /sdig pa'i las rnams rnam par spong bar shog /bya ba dge ba rnams
414b7 ni spyod gyur cig /mi dang lha dang srog chags thams cad kyis/ /de dag bsam dang smon lam gang yin pa/ /rnga bo che yi sgra skad 'di yis ni/ /de dag
415a1 @#/ /rnams kyi de kun rdzogs gyur cig /sems can gang dag sems dmyal mi bzad skyes/ /lus la me lce kun tu rab tu 'bar/ /
415a2 skyabs med mya ngan bcas shing yongs 'khyam pa/ /me rnams de dag rab tu zhi bar shog /sems dmyal yi dwags mi yi 'jig rten na/ /sems
415a3 can sdug bsngal mi bzad drag po gang / /rnga bo che yi sgra skad 'di yis ni/ /de dag rnams kyi sdug bsngal kun zhi shog /rten med dpung gnyen
415a4 med pa dang / /skyabs med par yang gyur pa dag /de rnams la ni skyob pa dang / /dpung gnyen rten mchog bdag gyur cig /sangs rgyas rkang
415a5 gnyis dam pa dag /thugs brtse thugs rje ldan pa'i thugs/ /gang dag phyogs bcu'i 'jig rten na/ /bzhugs pa bdag la dgongs su gsol//
415a6 bdag gi sngon chad sdig pa'i las/ /shin tu mi bzad gang bgyis pa/ /stobs bcu'i spyan sngar bdag mchis te/ /de dag thams cad bshags par
415a7 bgyi| |pha ma dag tu mi 'dzin dang / /sangs rgyas rnams su mi 'dzin dang / /dge ba dag tu mi 'dzin pas/ /sdig pa bdag gis gang bgyis pa/ /
415b1 phyug pa'i rgyags pas dregs pa dang / /rigs dang longs spyod rgyags pa dang / /bzhon pa'i rgyags pas dregs pa yis/ /bdag gis sdig pa gang bgyis
415b2 dang | |nyes bsams nyes par smras pa dang / /nyes par bgyis pa'i las rnams dang / /nyes pa'i dmigs su ma brtas pas/ /bdag gis sdig pa gang
415b3 bgyis dang / /byis pa'i blo yi 'jug pa dang / /mi shes mun pa'i sems dang ni/ /sdig pa'i grogs po'i dbang gyur dang / /nyon mongs rnam par 'khrug
415b4 sems dang / /rtsed mo dga' ba'i dbang nyid dang / /mya ngan dang ni nad dbang dang / /nor gyis mi chog nyes pa yis/ /bdag gis sdig pa gang bgyis dang / /
415b5 'phags min skye bo 'dre ba dang / /phrag dog ser sna'i sgyu dang ni/ /g.yo dang dbul ba'i nyes pa yis/ /bdag gis sdig pa gang bgyis dang / /phongs pa byung ba'i
415b6 dus kyi tshe/ /'dod pa rnams kyi 'jigs rgyu dang / /phyug po ma yin gyur pa yis/ /bdag gis sdig pa gang bgyis dang / /g.yo ba'i sems kyis dbang nyid
415b7 dang | |'dod dang khro ba'i dbang dag dang / /bkres dang skom gyis nyen pa yis/ /bdag gis sdig pa gang bgyis dang / /bza' ba dag dang btung ba dang / /
416a1 @#/ /bud med rgyu dang gos kyi phyir/ /nyon mongs gdung ba sna tshogs kyis/ /bdag gis sdig pa gang bgyis dang / /lus
416a2 dang ngag dang yid kyi sdig /nyes par spyad pa rnam gsum bsags/ /'di 'dra'i tshul gyis gang bgyis pa/ /de dag thams cad bdag 'chags
416a3 so| |sangs rgyas rnams dang chos rnams dang / /de bzhin nyan thos rnams la yang / /gus pa ma lags gang bgyis pa/ /de dag thams cad
416a4 bdag 'chags so/ /gang yang rang sangs rgyas rnams dang / /byang chub sems dpa' rnams la yang / /gus pa ma lags bgyis pa rnams//
416a5 de dag thams cad bdag 'chags so/ /dam chos smra ba rnams la yang / /gus pa ma lags bgyis pa dang / /chos la'ang gus par ma bgyis
416a6 pa| |de dag thams cad bdag 'chags so/ /bdag gis rtag tu mi shes pas/ /dam pa'i chos ni spangs pa dang / /pha ma rnams la ma gus
416a7 dang | |de dag thams cad bdag 'chags so/ /blun pa dang ni byis pa dang / /'dod chags zhe sdang gti mug dang / /nga rgyal dregs pas
416b1 bsgribs bgyis pa/ /de dag thams cad bdag 'chags so/ /bdag gis phyogs bcu'i 'jig rten du/ /stobs bcu rnams la mchod par bgyi/ /
416b2 bdag gis phyogs bcur sems can rnams/ /sdug bsngal kun las 'don par bgyi/ /sems can bsam gyis mi khyab kun/ /sa bcu la ni dgod
416b3 par bgyi/ /sa bcu la ni gnas nas kyang / /thams cad de bzhin gshegs gyur cig /ji srid sdug bsngal rgya mtsho las/ /de kun thar bgyi nus srid
416b4 du| |sems can re re'i phyir yang ni/ /bskal pa bye bar spyad par bgyi/ /gser 'od dam pa zhes bgyi ba/ /las rnams thams cad byang bgyid pa/ /
416b5 zab mo dag ni ston pa ni/ /sems can de dag bstan par bgyi/ /gang gis bskal pa stong rnams su/ /sdig pa shin tu mi bzad bgyis/ /lan cig
416b6 rab tu bshags pa yis/ /de dag thams cad byang bar 'gyur/ /gang gis las kyi sgrib pa rnams/ /myur du yang dag zad 'gyur ba/ /gser 'od
416b7 dam pa dge ba yis/ /bshags pa 'di dag bshags nas ni/ /rin chen 'byung gnas mchog bcu po/ /sa bcu la ni gnas par bgyi/ /sangs rgyas
417a1 @#/ /yon tan snang bar bgyi/ /srid pa'i mtsho las bsgral bar bgyi/ /sangs rgyas rgya mtsho chu bo dang / /yon tan rgya mtsho zab
417a2 mo dang / /sangs rgyas yon tan bsam yas kyis/ /thams cad mkhyen du rdzogs par bgyi/ /ting 'dzin brgya phrag stong rnams dang / /gzungs rnams
417a3 bsam gyis mi khyab dang / /dbang stobs byang chub yan lag gi/ /stobs bcu dam par 'gyur bar bgyi/ /dgongs pa'i thugs kyis sangs rgyas
417a4 rnams/ /bdag la rnam par gzigs su gsol/ /thugs rje ldan pa'i thugs kyis ni/ /nongs pa rab tu gzung du gsol/ /bdag gis bskal pa brgya
417a5 rnams su/ /sngon chad sdig pa gang bgyis pa/ /de phyir bdag ni mya ngan sems/ /phongs dang mya ngan 'jigs pas gzir/ /sdig pa'i las la 'jigs
417a6 par bgyid/ /yid ni rtag tu dman par 'gyur/ /gang dang gang du spyod bgyid pa/ /bdag ni gang du'ang dga' ma mchis/ /sangs rgyas thams cad thugs
417a7 rje ldan/ /'gro ba kun gyi 'jig sel bas/ /nongs par rab tu gzung du gsol/ /'jigs pa dag las bdag thar mdzod/ /bdag gi nyon mongs las
417b1 rnams kyi/ /dri ma de bzhin gshegs pas sol/ /sangs rgyas rnams kyis bdag la ni/ /snying rje'i chu yis bkru bar gsol/ /sdig pa thams cad bshags
417b2 par bgyi/ /sngon chad bdag gis gang bgyis dang / /da ltar bdag gi sdig pa gang / /de dag thams cad bdag 'chags so/ /nongs par bgyis pa'i
417b3 las rnams kun/ /slan chad mi bgyid bsdam par bgyi/ /bdag gis nongs par bgyis pa gang / /sdig de bcab par mi bya'o/ /lus kyi las ni rnam
417b4 gsum dang / /ngag gi rnam pa bzhi dag dang / /yid kyi rnam pa gsum po rnams/ /de dag thams cad bdag 'chags so/ /lus kyis bgyis dang ngag
417b5 gi las/ /yid kyis rnam par bsams pa dang / /las rnams bcu po bgyis pa dag /de dag thams cad bdag 'chags so/ /mi dge las bcu spangs
417b6 nas su/ /dge ba bcu po bsten bgyis pa/ /sa bcu la bdag gnas par bgyi/ /stobs bcu mchog tu 'gyur bar bgyi/ /bdag gis sdig pa'i las
417b7 gang dag /mi 'dod 'bras bu thob bgyid pa/ /sangs rgyas spyan sngar mchis nas ni/ /de dag thams cad bshags par bgyi/ /'dzam bu'i gling 'dir
418a1 @#/ /gang dag dang / /'jig rten khams ni gzhan dag tu/ /gang rnams dge ba'i las bgyid pa/ /de dag kun la yi rang ngo / /
418a2 lus dang ngag dang yid kyis kyang / /bdag gis bsod nams gang bsgrubs pa/ /bdag ni dge ba'i rtsa ba des/ /byang chub mchog la reg par bgyi/ /
418a3 srid 'gro nyam ngar byis pa'i blo yis ni/ /shin tu mi bzad sdig pa gang bgyis pa/ /stobs bcu mi nyams spyan sngar mchis nas ni/ /sdig pa de kun so
418a4 sor bshags par bgyi/ /skye ba nyam nga srid pa nyam nga dang / /'jig rten nyam nga g.yo sems nyam nga dang / /lus kyi spyod pa nyam nga sna tshogs kyis//
418a5 bdag gis sdig pa gang bsags de 'chags so/ /byis pa blun byas nyon mongs nyam nga dang / /sdig pa'i grogs dang phrad pa nyam nga dang / /srid pa nyam
418a6 nga 'dod chags nyam nga dang / /zhe sdang nyam nga gti mug nyam nga dang / /ngal ba'i nyam nga dus kyi nyam nga dang / /bsod nams bsgrubs pa nyam nga dag
418a7 gis kyang / /rgyal ba mi mnyam mngon sum mchis nas ni/ /sdig pa de kun so sor bshags par bgyi/ /sangs rgyas gser mdog ri snang ri rab 'dra//
418b1 yon tan rgya mtsho 'dra la phyag 'tshal lo/ /rgyal ba de dag rnams la skyabs su mchi/ /rgyal ba de dag kun la mgos phyag 'tshal/ /gser mdog gser ni dri ma
418b2 med pa gser gyi 'od/ /dri med rnam dag bai DUR+ya yi yan lag spyan/ /sangs rgyas nyi ma dpal gzi grags 'bar 'byung ba'i gnas/ /thugs rje'i 'od zer dag gis
418b3 mun pa mun nag bsal/ /yan lag rab tu dri med rab bzang rnam par mdzes/ /sangs rgyas nyi ma yan lag dri med gser 'dras khyab/ /nyon mongs mes
418b4 gdungs yid can 'bar ba'i me 'dra ba/ /thub pa'i zla ba'i 'od zer dra bas tshim par mdzad/ /mtshan mchog sum cu gnyis kyis dbang po yan lag mdzes/ /
418b5 dpe byad bzang po dag gis yan lag rnam par mdzes/ /dpal gzi bsod nams 'bar 'khrugs 'od zer dra ba yis/ /'jig rten gsum na mun khrod nyi ma
418b6 bzhin du bzhugs/ /dri med rgya chen kha dog sna tshogs bai DUR+ya/ /skya rengs dmar dang dngul dang shel bzhin yan lag dmar/ /'od zer dra ba rnam pa sna
418b7 tshogs legs brgyan pas/ /thub chen khyod ni nyi ma bzhin du de bzhin mdzes/ /mya ngan 'khrug pa 'chi chu rgal ba'i dba' rlabs can/ /'khor ba'i klung chen phongs
419a1 @#/ /pa'i chu bor ltung ba la/ /sdug bsngal rgya mtsho mchog tu rtsub cing shugs drag pa/ /bde gshegs nyi ma'i 'od zer mang po rnams
419a2 kyis skems/ /yan lag gser gyi mdog tu rnam par snang / /ye shes 'byung gnas 'jig rten gsum kun mchog /rab mdzes mtshan gyis yan lag
419a3 rnams spras pa/ /sangs rgyas gser sku 'bar la phyag 'tshal lo/ /ji ltar rgya mtsho'i chu ni dpag med dang / /ji ltar sa la sa rdul mtha' yas dang / /ji ltar
419a4 ri rab rdo mtha' mtshungs med dang / /ji ltar nam mkha'i mtha' ma mtha' yas pa/ /de bzhin sangs rgyas yon tan mtha' yas te/ /sems can kun gyis
419a5 shes par mi nus so/ /bskal pa du mar gzhal cing bsams kyang ni/ /yon tan mtha' ma shes par mi nus so/ /chu ni skra yi rtse mo'i tshad tsam dang / /
419a6 rdor bcas ri bcas rgya mtshor bcas pa ni/ /bskal pa bgrangs na shes par nus kyang srid/ /sangs rgyas yon tan pha mthar shes mi nus/ /yon tan kha dog snyan
419a7 dang grags pa dang / /dge ba'i mtshan gyis brgyan pa'i sku lus dang / /dpe byad bzang po brgyad cus brgyan pa yis/ /sems can thams cad de 'drar 'gyur
419b1 bar shog /bdag gi dge ba'i las rnams 'di dag gis/ /'jig rten mi ring sangs rgyas 'gyur bar bgyi/ /'gro la phan phyir chos kyang bstan par bgyi/ /sems can sdug
419b2 bsngal mang gzir thar bar bgyi/ /stobs bcas sder bcas bdud las rgyal bar bgyi/ /chos kyi 'khor lo dge ba bskor bar bgyi/ /bskal pa bsam gyis mi khyab
419b3 gnas par bgyi/ /bdud rtsi'i chu yis sems can tshim par bgyi/ /ji ltar sngon gyi rgyal bas rdzogs pa ltar/ /pha rol phyin drug bla med rdzogs par bgyi/ /nyon
419b4 mongs gzhom zhing sdug bsngal bsal bar bgyi/ /'dod chags zhe sdang gti mug zhi bar bgyi/ /skye ba brgya dang skye ba bye ba stong / /bdag ni rtag tu skye ba dran
419b5 par bgyi/ /thub pa'i dbang po rtag tu dran par bgyi/ /de yi gsung ni rgya chen thos par bgyi/ /bdag ni dge ba'i las rnams 'di dag gis/ /rtag tu sangs rgyas
419b6 'grogs pa rnyed par bgyi/ /sdig pa'i las rnams rnam par spang bar bgyi/ /dge ba'i 'byung gnas dge rnams spyad par bgyi/ /zhing rnams kun na srog chags
419b7 thams cad kyang / /'jig rten dag na sdug bsngal kun zhi gyur/ /sems can dbang po ma tshang yan lag nyams/ /de kun de'u re dbang po tshang par shog /gang dag
420a1 @#/ /nad btab nyam chung lus nyams dang / /phyogs bcu dag na skyabs med gyur pa rnams/ /de kun myur du nad las thar gyur cig /nad med stobs
420a2 dang dbang po rnyed par shog /gang dag rgyal po chom rkun bred bsdigs bsad thug dang / /sdug bsngal rnam pa sna tshogs brgya yis phongs gyur pa/ /sems can nyam
420a3 thag gyur cing sdug bsngal de dag kun/ /'jigs mchog mi bzad brgya po de las thar gyur cig /gang dag brdegs shing bcing pas bcings gzir ba/ /phongs
420a4 pa sna tshogs dag na gnas gyur cig /nyon mongs stong phrag du mas dkrugs nas kyang / /'jigs pa mi bzad mya ngan sna tshogs rnyed/ /de dag thams cad bcings las grol gyur
420a5 cing | |brdeg pa dag ni brdeg las thar bar shog /bsad pa rnams kyang srog dang ldan gyur cig /phongs gyur thams cad 'jigs pa med par shog /sems can gang
420a6 dag bkres sred skom gyis gzir/ /de dag zas skom sna tshogs rnyed par shog /long bas gzugs rnams sna tshogs mthong gyur cig /'on pas yid 'ong sgra rnams thos par
420a7 shog |gcer bu rnams kyi sna tshogs gos rnyed gyur/ /sems can dbul pos gter rnams rnyed par shog /nor 'bru rin chen sna tshogs mang po yis/ /sems can
420b1 thams cad bde dang ldan par shog /gang yang sdug bsngal tshor bas gnod ma gyur/ /sems can thams cad blta na sdug pa dang / /gzugs bzang mdzes shing tshul du shis par
420b2 shog |rtag tu bde ba du ma rdzogs gyur cig /yid kyis zas skom rab 'byor bsod nams dag /bsams ma thag tu de dag grub gyur cig /rdza rnga cang te'u pi wang sgra snyan dang / /chu
420b3 mig mtshe 'u dang rdzing bu lteng ka dang / /gser gyi pad+ma ut+pal pad+ma can/ /zas skom gos nor mu tig nor bu dbyig /rgyan gser rin chen sna tshogs bai DUR+ya/ /de dag bsams ma thag
420b4 tu grub gyur cig /'jig rten gang na'ang sdug bsngal sgra ma byung / /sems can gcig kyang mi 'phrod mthong ma gyur/ /de dag thams cad kha dog rgya chen dang / /phan tshun du
420b5 ni 'od byed gyur par shog /mi yi 'jig rten phun sum tshogs gang yod/ /de dag gang du bsams par skye bar 'gyur/ /bsam pa thams cad bsams ma thag tu yang / /
420b6 bsod nams 'bras bu yongs su rdzogs par shog /spos dang phreng ba dag dang byug pa dang / /gos dang phye ma me tog sna tshogs dag /ljon shing dag las dus gsum 'bab
420b7 par shog /sems can de dag len cing dgar gyur cig /de bzhin gshegs pa bsam yas thams cad dang / /rdzogs pa'i byang chub sems dpa' nyan thos dang //
421a1 @#/ /rdul bral dri med brtan pa'i chos la yang / /phyogs bcu rnams su mchod pa byed par shog/ 'gro ba dman pa thams cad spong gyur cig/ mi
421a2 khom brgyad po dag las 'das par shog /dal ba'i rgyal po dam pa thob gyur cig/ rtag tu sangs rgyas 'grogs pa thob par shog/ rtag tu mthon po'i rigs su skye bar
421a3 shog| nor dang 'bru yi mdzod rnams 'byor gyur cig /snyan dang grags dang gzugs dang kha dog gis/ /bskal pa du mar legs par brgyan par shog/ bud med
421a4 thams cad rtag tu phor gyur te/ /dpa' zhing rtul phod mkhas shing gsal bar shog/ de kun rtag tu byang chub phyir spyod gyur/ /pha rol phyin pa drug la spyod par shog/
421a5 phyogs bcu dag na rin chen shing dbang drung / /sangs rgyas bde bzhugs rin chen bai DUR+ya'i/ /khri la bzhugs pa dag ni mthong gyur cig/ chos bstan pa yang de dag
421a6 thos 'gyur shog /bdag gis sdig pa'i las rnams bsgrubs pa ni/ /srid pa nyam ngar sngon chad gang bsgrubs pa/ /sdig las gang dag mi 'dod 'bras thob pa/ /de
421a7 dag thams cad ma lus zad gyur cig /sems can gang dag srid par bcings nas su/ /'khor ba'i zhags pa'i thag pas dam bcings pa/ /shes rab lag gis
421b1 bcings pa dkrol bar shog /sdug bsngal rnams las myur du thar gyur cig /sems can gang dag 'dzam bu'i gling 'di dang / /gang dag 'jig rten khams ni gzhan rnams ni/ /
421b2 bsod nams sna tshogs zab mo rnams byed pa/ /de dag kun la rjes su yi rang ngo / /lus dang ngag dang yid kyis bsgrubs pa yi/ /bdag gis rjes su yi rang bsod nams de/ /bdag
421b3 ni smon grub 'bras bu yod par shog/ byang chub rdul bral bla med thob gyur cig /gang dag rtag dang dri ma bral ba dang / /dri med yid kyis phyag 'tshal bstod pa dang / /yongs su bsngo ba
421b4 brjod pa 'di yis ni/ /bskal pa drug cur ngan song spong bar gyur/ /tshigs su bcad pa brjod pa 'di dag gis/ /skyes pa bud med bram ze rgyal rigs las/ /thal sbyar 'dug ste
421b5 rgyal ba gang bstod pa/ /tshe rabs kun tu skye ba dran par 'gyur/ /yan lag dbang po kun gyis yan lag brgyan/ /bsod nams yon tan sna tshogs rnams dang ldan/ /mi dbang rgyal
421b6 pos rtag tu de mchod de/ /de dang de dag tu ni de 'drar 'gyur/ /gang dag rna ba'i bu gar bshags pa 'di ni grags 'gyur ba/ /de dag sangs rgyas gcig gi gan nas dge ba byas
421b7 ma yin/ /gnyis la ma yin bzhi la ma yin lnga min bcu la min/ /de ltar sangs rgyas stong gi gan nas dge ba byas ma yin/ /gser 'od dam pa mdo sde'i dbang po'i rgyal po
422a1 @#/ /las| bshags pa'i le'u zhes bya ba ste bzhi pa'o// //'phags pa gser 'od dam pa'i mdo sde'i dbang po'i rgyal po zhes bya ba theg pa
422a2 chen po'i mdo/ bam po gnyis pa/ de nas bcom ldan 'das kyis rigs kyi lha mo byang chub yang dag par bsdus pa la 'di skad ces bka' stsal to/ /rigs kyi lha mo/ de'i
422a3 tshe de'i dus na/ rgyal po gser gyi lag pa'i dbang po zhes bya ba des/ de bzhin gshegs pa thams cad la bstod pa pad+ma'i 'byung gnas 'dis/ 'das pa dang / ma 'ongs pa
422a4 dang | da ltar byung ba'i sangs rgyas bcom ldan 'das rnams la mngon par bstod do/ /rgyal ba gang dag sngar gyur gang byung dang / /phyogs bcu'i 'jig rten dag na gang bzhugs pa/ /
422a5 rgyal ba de dag rnams la phyag bgyi'o/ /rgyal ba de dag kun la bdag gis bstod/ /thub dbang zhi zhing rab zhi rnam par dag /sku ni gser gyi mdog tu rab tu gda'/ /dbyangs rnams
422a6 kun gyis sangs rgyas gsung snyan te/ /tshangs pa'i sgra dbyangs rab tu bsgrags pa'i gsung / /bung ba rma bya ut+pal sngon po'i dbu/ /mthon mthing lcang lo bya ni tsa sha 'dra/ /kha ba dung
422a7 ltar rab tu dkar ba'i tshems/ /rtag tu gser ltar rnam par mdzes par gda'/ /spyan ni ring zhing mthon mthing dri ma med/ /ut+pal sngon po rab tu rgyas pa 'dra/ /ljags ni che zhing
422b1 legs la pad+ma'i mdog /pad+ma 'drar snang pad+ma'i ze ba 'dra/ /zhal gyi mdzod spu pad+ma dung dang 'dra/ /baiDUR+ya yi mdog 'dra g.yas su 'khyil/ /thub pa'i zla ba phra zhing zla ba zad pa 'dra/ /sku
422b2 yi lte ba bung ba gsal ba bzhin/ /zhal mtho'i shangs ni rtag tu lhag ge ste/ /'jam zhing sa la'i gser ltar kha dog bzang / /rtag par rgyun du rgyal ba thams cad kyi/ /ro mchog 'jam
422b3 zhing dam pa mchog rab 'phags/ /spu yi bu ga nas ni re re skyes/ /spu rnams skyes pa g.yas su 'khyil ba ste/ /mthon mthing 'od 'bar 'tsher zhing lcang lo can/ /rma bya'i mgrin sdug 'dra
422b4 bar sngo la mdzes/ /bltams ma thag tu sku yis snang bar bgyis/ /phyogs bcu'i 'jig rten dag ni thams cad gang / /'jig rten gsum na sdug bsngal mtha' yas zhi/ /bde ba kun
422b5 gyi sems can rnams kyang tshim/ /sems dmyal 'gro dang dud 'gro'i 'gro ba dang / /yi dwags lha gnas mi yi 'gro rnams su/ /sems can de dag thams cad bde bas tshim/ /ngan song
422b6 'gro ba rnams ni thams cad zhi/ /kha dog mdog bzang gser dang 'dra ba'i 'od/ /btso ma'i gser ltar rab tu snang ba'i sku/ /bde gshegs zla ba rab tu dri med zhal/ /'dzum zhing rnam
422b7 mdzes shin tu dri med zhal/ /gzhon nu btsas 'drar sku lus yan lag 'jam/ /seng ge 'dra bar rtsal gyis gnon pa'i mchog /phyag ring phyag ni rab tu ring ba ste/ /sA la'i lcug ma
423a1 @#/ /rlung gis bskyod pa bzhin/ /'dom gang 'od 'bar 'od zer rab tu gtor/ /nyi ma stong ltar rab tu lhag ge'o/ /thub pa'i dbang po'i sku mchog dri ma med/ /zhing
423a2 rnams mtha' yas thams cad rab tu snang / /sangs rgyas 'od ni rnam par lhang nge bas/ /zhing rnams mtha' yas brgya stong rnams su yang / /mtshan byad zla ba nyi ma mang po dag /de dag
423a3 thams cad 'od ni med par gyur/ /sangs rgyas nyi ma 'jig rten sgron ma ste/ /sangs rgyas nyi ma brgya phrag stong rnams ni/ /zhing rnams mtha' yas stong phrag brgya dag na/ /de bzhin
423a4 gshegs pa'i nyi ma sems can mthong / /bsod nams stong phrag brgya dang ldan pa'i sku/ /yon tan kun gyis rab tu brgyan pa'i sku/ /glang chen dbang po'i sna 'dra rgyal ba'i phyag /
423a5 phyag dang zhabs 'od rab mdzes dri ma med/ /sa yi steng gi rdul dang mtshungs 'dra snyed/ /phra ba'i rdul snyed sangs rgyas gang 'das dang / /gang dag phra ba'i rdul snyed byung ba dang / /gang
423a6 dag phra ba'i rdul snyed bzhugs pa yi/ /rgyal ba de dag la ni rab dang pa'i/ /ngag yid lus kyis me tog dbul ba dang / /spos rnams dbul dang bsngags pa brgya dag dang / /dge ba'i
423a7 sems kyis kyang ni phyag 'tshal lo/ /rgyal ba'i yon tan gang dag dger gyur ba/ /snying po mchog rab sna tshogs du ma ste/ /bdag gis bskal pa stong du lce brgya yis/ /sangs
423b1 rgyas yon tan brjod par mi nus so/ /rgyal ba gcig gi yon tan rnams kyang ni/ /lce stong gis kyang cung zad brjod mi nus/ /bdag gis rgyal ba dag ni thams cad kyi/ /yon tan lce brgyas
423b2 brjod par ga la nus/ /lhar bcas 'jig rten thams cad mtshor gyur te/ /srid pa'i rtse mo man chad chus gang ba/ /skra yi rtse mos dpag par nus srid kyi/ /bde gshegs rnams kyi
423b3 yon tan gcig la min/ /lus dang ngag yid rab tu dang ba yis/ /rgyal ba kun la bdag gis bsngags bstod pas/ /bdag gis bsod nams 'bras bu mchog bsags gang / /des
423b4 ni sems can rgyal ba reg gyur cig /de ltar rgyal pos sangs rgyas rnams bstod nas/ /rgyal po 'di ltar smon lam 'debs pa ni/ /ma 'ongs bskal pa mtha' yas rnams su yang //
423b5 gang dang gang du bdag ni skye ba na/ /rmi lam du ni 'di 'dra'i rnga blta zhing / /der ni bshags pa 'di 'dra mnyan par bgyi/ /rgyal bstod pad+ma 'byung rgyal 'di 'dra ba/ /skye ba de dang der ni rnyed
423b6 par bgyi/ /sangs rgyas yon tan mtha' yas mtshungs med dang / /gang yang bskal pa stong du rnyed dka' ba/ /de dag rmi lam du yang mnyan par bgyi/ /nyin gyur tshe yang de dag bshad
423b7 par bgyi/ /sems can sdug bsngal mtsho las thar bar bgyi/ /pha rol phyin pa drug po rdzogs par bgyi/ /phyi nas byang chub bla med thob par bgyi/ /bdag gi zhing ni lhod pa med gyur
424a1 @#/ /cig /rnga phul rnam par smin pa'i 'bras bu dang / /rgyal ba thams cad la yang bstod pa'i rgyus/ /shAkya thub dbang mngon du blta bar bgyi/ /der ni bdag
424a2 gis lung bstan thob gyur cig /gser gyi lag pa'i dbang dang gser gyi 'od/ /bdag gi khye'u ni gang yin 'di gnyis kyang / /der ni bu pho de dag gnyi ga dang / /byang chub bla med lung
424a3 bstan thob par shog /sems can gang dag gnas dang rten med cing / /skyabs dang bral nas phongs par gyur pa dag /de dag la yang ma 'ongs dus rnams na/ /skyob dang dpung gnyen
424a4 skyabs dang rten gyur cig /sdug bsngal kun 'byung zad par byed gyur cig/ dge ba kun gyi 'byung gnas gyur par shog /sngon mtha' 'das pa de dag ji srid pa/ /ma 'ongs bskal
424a5 par byang chub spyad par bgyi/ /gser 'od dam pa yi ni bshags pa yis/ /bdag gi sdig pa'i rgya mtsho bskams par shog /bdag gi las kyi rgya mtsho zad gyur cig/ bdag gi nyon
424a6 mongs rgya mtsho zad par shog /bdag gi bsod nams rgya mtsho rdzogs gyur cig /ye shes dri med snang ba dam pa yi/ /bdag gi ye shes rgya mtsho rnam dag cing / /yon tan kun
424a7 gyi rgya mtshor gyur par shog /byang chub yon tan rin chen rdzogs gyur cig /gser 'od dam pa'i bshags pa'i stobs kyis ni/ /bdag gis bsod nams rab tu snang bar
424b1 shog |bdag gi byang chub snang ba rnam dag gyur/ /ye shes dri med snang ba dam pa yi/ /bdag gi lus kyi 'od ni snang bar shog /bsod nams snang ba lhag ger bya ba'i phyir/ /'jig rten
424b2 gsum na khyad par 'phags gyur cig /bsod nams stobs dang rtag tu ldan par shog /sdug bsngal rgya mtsho las ni sgrol ba dang / /bde ba kun gyi rgya mtsho 'dra ba yis/ /ma 'ongs
424b3 bskal par byang chub spyad par bgyi/ /'jig rten gsum na sngon mthar ji snyed gshegs/ /de dag zhing ni rgyal ba thams cad kyi/ /yon tan mtha' yas khyad 'phags ci 'dra ba/ /yon tan
424b4 mtha' yas rnams kyis bdag gi zhing / /ma 'ongs dus na de 'drar 'gyur bar shog /gser 'od dam pa mdo sde'i dbang po'i rgyal po las/ 'das pa dang / ma 'ongs pa dang / da ltar byung
424b5 ba'i de bzhin gshegs pa thams cad la bstod pa me tog pad+ma'i 'byung gnas kyi le'u zhes bya ba ste lnga pa'o// //de nas bcom ldan 'das kyis de'i tshe tshigs su bcad
424b6 pa 'di dag gsungs so/ /bsam gyis mi khyab mdo rnams gzhan dag tu/ /stong pa'i chos rnams rab tu rgyas bshad de/ /de lta bas na mdo mchog dam pa 'dir/ /stong pa'i chos rnams
424b7 mdo tsam bshad pa yin/ /sems can blo chung rnam par mi shes pas/ /chos rnams thams cad shes par mi nus te/ /de lta bas na mdo mchog dam pa 'dir/ /stong pa'i chos rnams
425a1 @#/ /mdo tsam rab tu bshad/ /sems can kun gyis ci nas shes 'gyur dang / /sems can 'byung bya'i phyir ni snying rje'i dbang / /thabs dang tshul dang rgyu gzhan
425a2 rnams kyis ni/ /mdo mchog dam pa dbang po 'di bshad do/ /lus 'di grong khyim stong pa ji bzhin te/ /dbang po rnams ni dmag dang chom rkun 'dra/ /de dag thams cad grong gcig
425a3 gnas mod kyi/ /de dag phan tshun rnam par mi shes so/ /mig gi dbang po gzugs gyur rnams la rgyug /rna ba'i dbang po sgra la rnam par spyod/ /sna yi dbang po sna tshogs dri rnams
425a4 'phrog /lce yi dbang po rtag tu ro la rgyug /lus kyi dbang po reg pa dag la rgyug /yid kyi dbang po chos rnams rnam par spyod/ /dbang po drug po 'di dag phan tshun du/ /rang rang yul
425a5 la rab tu 'jug par byed/ /sems ni sgyu ma lta bur g.yo ba yin/ /dbang po drug ni yul la rnam spyod de/ /ji ltar mi zhig grong stong rgyug pa dang / /dmag dang chom rkun dag dang
425a6 gnas pa bzhin/ /ji ltar sems ni yul drug gnas bcas shing / /dbang po'i spyod yul dag kyang rab shes pa/ /de ltar sems ni yul drug gnas bcas te/ /dbang po'i
425a7 spyod yul rnams kyang rab tu shes/ /gzugs dang sgra dang de bzhin dri rnams dang / /ro dang reg bya de bzhin spyod yul chos/ /sems ni dbang po drug po thams cad la/ /dbang
425b1 por bzhugs pa bya bzhin g.yo bar 'gyur/ /dbang po gang dang gang du gnas bcas pa/ /dbang po de ni shes par bdag nyid byed/ /lus ni g.yo ba med cing byed pa med/ /snying po med
425b2 cing rkyen las byung ba yin/ /yang dag ma yin yongs su rtog las byung / /grong stong las kyi 'khrul 'khor 'dra bar gnas/ /sa dang me dang chu dang rlung rnams ni/ /gzhan du gnas te
425b3 phyogs dang phyogs na gnas/ /dper na sbrul gdug gnas gcig ji bzhin te/ /rtag tu phan tshun mthun pa ma yin bzhin/ /khams kyi sbrul rnams bzhi po de dag kyang / /gnyis ni
425b4 steng 'gro gnyis ni thur du 'gro/ phyogs dang phyogs mtshams rnams su gnyis gnyis te/ /khams sbrul de dag thams cad 'jig par 'gyur/ /sa yi sbrul dang chu yi sbrul dag dang / /
425b5 'di gnyis 'og tu zad par 'gyur ba yin/ /me yi sbrul dang rlung gi sbrul dag dang / /'di gnyis steng gi nam mkhar 'gro ba yin/ /ji ltar sngon chad byas pa'i las rnams kyis/ /
425b6 sems dang rnam shes kun tu gnas nas dong / /lha dang mi dang ngan song gsum dag tu/ /ji ltar byas pa'i las kyis srid par skye/ /bad kan rlung dang mkhris pa zad gyur na/ /lus
425b7 ni gcin dang ngan skyugs rnams kyis gang / /mngon par mi dga' srin bu'i phung por gyur/ /dur khrod dag na 'thor ba shing bzhin gyur/ /lha mo khyod ni chos 'di rnams la ltos/ /
426a1 @#/ /'di la sems can de bzhin gang zag dang / /chos rnams 'di dag thams cad stong pa ste/ /ma rig pa yi rkyen las byung ba yin/ /'byung ba chen po 'di dag che
426a2 'byung min/ /ma byung ba las byung zhing mi 'byung ste/ /gang gi phyir ni 'byung ba mi 'byung ba/ /de phyir 'byung ba che zhes ngas brjod do/ /yod pa min zhing gzhar yang yod min la/ /ma
426a3 rig pa yi rkyen las byung ba yin/ /ma rig 'di ni yod pa ma yin te/ /de bas ngas ni ma rig 'di bshad do/ /'du byed rnam shes ming dang gzugs bcas dang / /skye mched drug
426a4 dang reg dang tshor ba dang / /sred dang len dang de bzhin srid pa dang / /skye dang rga shi mya ngan gnod pa rnams/ /'khor ba'i sdug bsngal bsam gyis mi khyab pa/ /'khor ba'i 'khor
426a5 lo ji ltar gnas pa dag/ ma byung ba las byung dang mi 'byung dang / /tshul bzhin ma yin sems kyis rnam dpyad dang / /bdag gi lta bar gyur par bcad par gyis/ /ye shes
426a6 ral gris nyon mongs rgya mo grol/ /phung po'i gnas pa stong par gyur par ltos/ /byang chub yon tan rgya chen reg par gyis/ /ngas ni bdud rtsi grong khyer sgo yang phye/ /bdud rtsi khu
426a7 ba'i snod kyang kun tu bstan/ /nga ni bdud rtsi'i grong khyer gnas der 'jug /ngas ni bdud rtsi'i khu bas bdag tshim byas/ /ngas ni chos kyi rnga chen dam pa brdungs/ /ngas ni
426b1 chos kyi dung gi mchog kyang bus/ /ngas ni chos kyi sgron ma mchog 'bar byas/ /ngas ni chos kyi char pa dam pa phab/ /ngas ni nyon mongs dgra mchog rnams las rgyal/ /ngas ni chos kyi rgyal
426b2 mtshan dam pa bsgreng / /srid pa'i mtsho las sems can rab tu bsgral/ /ngas ni ngan song gsum gyi lam rnams bkag/ sems can nyon mongs me yis gdungs gyur pa/ /rten med
426b3 gyur cing dpung gnyen med pa dang / /srog chags nyon mongs mes gdungs zhi byas nas/ /bdud rtsi'i khu ba bsil bas tshim par byas/ /gang phyir bskal pa du mar sngon chad ngas/ /
426b4 'dren pa bsam gyis mi khyab mchod pa byas/ /chos kyi sku de yongs su tshol ba na/ /brtul zhugs brtan pas byang chub phyir spyad de/ /lag pa dang ni mig dang rkang pa dang / /yan lag
426b5 mchog dang bu sdug bu mo dang / /nor dbyig nor bu mu tig rgyan dang gser/ /bai DUR+ya dang rin chen sna tshogs btang / /stong gsum shing ljon thams cad dang / /rtswa dang rtswa rnams thams
426b6 cad dang / /nags tshal dag dang sa las ni/ /skye ba thams cad bcad gtubs te/ /de dag thams cad phyir brlag nas/ /rab tu phra ba'i rdul 'drar byas/ /nam mkha'i dkyil 'khor ji
426b7 tsam par/ /phye ma'i phung po spungs nas ni/ /'di la cha gsum dbye bar nus/ /sa la rdul ni yod pa rnams/ /stong gsum dag ni thams cad kyi/ /rdul khams bsam gyis mi khyab
427a1 @#/ /pa| |sems can kun gyi shes pa gang / /de ni sems can gcig gir gyur/ /shes pa de yis rdul rnams kyi/ /phye ma bgrang bar byed na ni/ /sems can kun
427a2 las rab 'phags pa/ /ye shes rab ldan mi rnams kyis/ /thams cad bgrang bar nus srid kyi/ /rgyal ba'i mkhyen la mi nus so/ /thub pa chen po'i ye shes gang / /skad cig
427a3 gcig la 'jug pa yang / /bskal pa bye ba du mar ni/ /gang du'ang bgrang bar mi nus so/ /gser 'od dam pa mdo sde'i dbang po'i rgyal po las/ stong pa nyid kyi le'u zhes bya
427a4 ba ste drug pa'o// //de nas rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen
427a5 po mig mi bzang rnams stan las langs te/ bla gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal
427a6 mo sbyar ba btud nas bcom ldan 'das la 'di skad ces gsol to/ /btsun pa bcom ldan 'das/ gser 'od dam pa mdo sde'i dbang po'i rgyal po 'di ni de bzhin gshegs
427a7 pa thams cad kyis gsungs pa/ de bzhin gshegs pa thams cad kyis gzigs pa/ de bzhin gshegs pa thams cad kyis dgongs pa/ byang chub sems dpa'i tshogs
427b1 thams cad kyis yongs su bzung ba/ lha'i tshogs thams cad kyis phyag bgyis pa/ lha'i tshogs thams cad kyis mchod pa/ lha'i dbang po'i tshogs thams cad kyis mngon par bstod
427b2 pa/ 'jig rten skyong ba thams cad kyis mchod cing bsngags pa brjod nas rab tu bkur ba/ lha'i khang khyim thams cad snang bar bgyid pa/ sems can thams cad la mchog tu bde ba rab
427b3 tu sbyin par bgyid pa/ sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad rab tu skems pa/ 'jigs pa thams cad kyi rgyun
427b4 gcod pa/ pha rol gyi dmag tshogs thams cad rab tu bzlog pa/ mu ge'i dgon pa thams cad rab tu zhi bar bgyid pa/ nad kyi dgon pa thams cad rab tu zhi bar bgyid pa/ gza' thams
427b5 cad sel ba/ mchog tu zhi bar bgyid pa/ mya ngan dang / nyon mongs pa rab tu zhi bar bgyid pa/ gnod pa rnam pa sna tshogs rab tu zhi bar bgyid pa/ gnod pa brgya stong rab tu 'joms
427b6 par bgyid pa lags so/ /btsun pa bcom ldan 'das/ gser 'od dam pa mdo sde'i dbang po'i rgyal po 'di 'khor gyi nang du rgya cher yang dag par rab tu bshad na/ chos nyan
427b7 pa chos bdud rtsi'i khu ba 'dis/ bdag cag rgyal po chen po dpung dang g.yog tu bcas pa bzhi lha'i lus 'di gzi brjid chen pos rnam par 'phel par 'gyur ro/ /bdag cag
428a1 @#/ /gi lus la brtson pa dang / stobs dang / mthu'ang skyed par 'gyur/ gzi brjid dang / dpal dang / phun sum tshogs pa'ang de dag gi lus la 'jug
428a2 par 'gyur ro/ /btsun pa bcom ldan 'das/ bdag cag rgyal po chen po bzhi ni chos dang ldan pa/ chos smra ba/ chos kyi rgyal po lags te/ btsun pa bcom ldan 'das/ bdag
428a3 cag ni chos kyis lha dang / klu dang / gnod sbyin dang / lha ma yin dang / nam mkha' lding dang / dri za dang / mi'am ci dang / lto 'phye chen po rnams kyi rgyal po bgyi'o/ /'byung
428a4 po'i tshogs mi bzad pa snying rje ma mchis pa gzhan gyi mdangs 'phrog pa rnams bzlog par bgyi'o/ /btsun pa bcom ldan 'das/ bdag cag rgyal po chen po bzhi dang / gnod sbyin
428a5 gyi sde dpon chen po nyi shu rtsa brgyad dang / gnod sbyin brgya stong phrag du ma dang lhan cig tu rtag par rgyun du lha'i mig rnam par dag pa/ mi las 'das pas 'dzam bu'i gling thams
428a6 cad la blta bar bgyi/ bsrung bar bgyi/ yongs su bskyang bar bgyi ste/ btsun pa bcom ldan 'das/ de'i slad du/ bdag cag rgyal po chen po bzhi 'jig rten skyong zhes ming
428a7 du chags so/ /btsun pa bcom ldan 'das/ gang su dag 'dzam bu'i gling 'dir/ pha rol gyi dmag tshogs kyis yul 'joms par 'gyur ram/ mu ge'i gnod pa'am/ nad kyi
428b1 gnod pa'am/ gnod pa sna tshogs brgyad dang / gnod pa stong dang / gnod pa brgya phrag stong dag gis gtses par 'gyur ba na/ btsun pa bcom ldan 'das/ bdag cag rgyal po chen po
428b2 bzhis gser 'od dam pa mdo sde'i dbang po'i rgyal po 'di 'dzin pa'i dge slong chos smra ba de dag la bskul ba bgyi'o/ /btsun pa bcom ldan 'das/ nam bdag cag rgyal po chen po
428b3 bzhis rdzu 'phrul dang / byin gyi rlabs kyis dge slong chos smra ba de dag la bkur pa na/ yul gang dang / gang du mchi bar gser 'od dam pa mdo sde'i dbang po'i rgyal po 'di yul de
428b4 dang | de dag tu rgya cher yang dag par ston par 'gyur te/ gang gnod pa sna tshogs brgyad dang / gnod pa stong yul du 'byung ba 'di lta bu 'di dag rab tu zhi bar 'gyur ro/ /btsun
428b5 pa bcom ldan 'das/ mi'i rgyal po gang gi yul du mdo sde'i dbang po 'dzin pa'i dge slong chos smra ba de dag mchi bar 'gyur ba'i yul de dag tu gser 'od dam pa mdo sde'i dbang
428b6 po'i rgyal po 'di yang bsnyen par 'gyur ro/ /btsun pa bcom ldan 'das/ nam mi'i rgyal pos gser 'od dam pa mdo sde'i dbang po'i rgyal po 'di nyan te thos nas/ mdo sde'i
428b7 dbang po 'dzin pa'i dge slong de dag phyir rgol ba thams cad las kun tu bsrung bar bgyid/ yongs su bskyab pa dang / yongs su 'dzin pa dang / yongs su skyong bar bgyid na/
429a1 @#/ /btsun pa bcom ldan 'das/ bdag cag rgyal po chen po bzhis/ mi'i rgyal po'i yul de thams cad na gnas pa'i sems can rnams kun tu bsrung
429a2 bar bgyi/ yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar bgyi'o/ /btsun pa bcom ldan 'das/ mi'i rgyal
429a3 pos nam dge slong ngam/ dge slong ma'am/ dge bsnyen nam/ dge bsnyen ma mdo sde'i dbang po 'dzin pa la/ bde bar sbyar ba thams cad kyis bde bar bgyid na/ btsun pa
429a4 bcom ldan 'das/ bdag cag rgyal po chen po bzhis/ mi'i rgyal po de'i yul thams cad na gnas pa'i sems can rnams la bde ba'i yo byad thams cad kyis bde ba dang / yo
429a5 byad thams cad phun sum tshogs par bgyi'o/ /btsun pa bcom ldan 'das/ nam mi'i rgyal pos dge slong ngam/ dge slong ma'am/ dge bsnyen nam/ dge bsnyen ma'am/ mdo
429a6 sde'i dbang po 'dzin pa la bsti stang du bgyid/ bla mar bgyid/ rim gror bgyid cing mchod na/ btsun pa bcom ldan 'das/ bdag cag rgyal po chen po bzhis/ mi'i rgyal po de
429a7 la rgyal po thams cad bas ches bsti stang du bgyi/ ches bla mar bgyi/ ches rim gror bgyi/ ches mchod par bgyi ste yul thams cad du yang rab tu bsngags par bgyi'o/ /de
429b1 nas bcom ldan 'das kyis rgyal po chen po bzhi la legs so zhes bya ba byin te rgyal po chen po dag/ legs so/ /legs so/ /rgyal po chen po/ khyod yang legs so// legs so// 'di
429b2 lta ste| khyod ni sngon gyi rgyal ba la lhag par bya ba byas pa/ dge ba'i rtsa ba rnams bskyed pa/ sangs rgyas bye ba khrag khrig brgya stong phrag mang po la bsnyen bkur byas pa chos dang ldan pa/
429b3 chos smra ba chos kyis lha dang / mi rnams kyi rgyal po byas pa'o/ /'di lta ste/ khyod ni yun ring por sems can thams cad la phan pa'i sems dang ldan pa/ bde ba dang / byams pa'i
429b4 sems dang ldan pa/ sems can thams cad la phan pa dang / bde bar bya ba'i lhag pa'i bsam pa la zhugs pa/ mi phan pa thams cad 'gog pa/ sems can thams cad la bde
429b5 ba thams cad nye bar bsgrub par brtson pa yin te/ rgyal po chen po khyed bzhis/ mi'i rgyal po gser 'od dam pa mdo sde'i dbang po'i rgyal po 'di la mchod pa dang / rim gro byed par
429b6 brtson pa de dag la kun tu bsrung bar gyis shig /yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur
429b7 bar gyis shig/ de nas rgyal po chen po dpung dang / g.yog dang / gnod sbyin brgya stong phrag du ma dang bcas pa khyed bzhis 'das pa dang / ma 'ongs pa dang / da ltar byung ba'i
430a1 @#/ /sangs rgyas bcom ldan 'das rnams kyis chos kyi tshul kun tu bsrung bar 'gyur ro/ /yongs su bskyang ba dang / yongs su gzung bar yang 'gyur ro/ /de nas
430a2 rgyal po chen po dpung dang / g.yog dang / gnod sbyin brgya stong phrag du ma dang bcas pa khyed bzhi lha dang / lha ma yin du g.yul 'gyed pa na rgyal bar 'gyur ro/ /lha ma yin rnams
430a3 pham par 'gyur ro/ /'di ltar gser 'od dam pa mdo sde'i dbang po'i rgyal po pha rol gyi dmag tshogs thams cad 'dul bar byed pa 'di'i phyir/ dge slong ngam/ dge slong ma'am/
430a4 dge bsnyen nam/ dge bsnyen ma mdo sde'i dbang po 'dzin pa/ de dag la kun tu bsrung bar gyis shig/ yongs su bskyab pa dang / yongs su gzung ba dang / yongs su bskyang ba dang /
430a5 zhi ba dang / bde legs su 'gyur bar gyis shig /de nas rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal
430a6 po chen po mig mi bzang stan las langs te/ gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar
430a7 ba btud nas bcom ldan 'das la 'di skad ces gsol to/ /btsun pa bcom ldan 'das/ ma 'ongs pa'i dus na gser 'od dam pa mdo sde'i dbang po'i rgyal po 'di/ grong ngam/ grong
430b1 khyer ram/ grong rdal lam/ ljongs sam/ yul 'khor ram/ pho brang 'khor gang du spyod par 'gyur ba dang / mi'i rgyal po gang dang / gang gi yul du spyod par 'gyur ba dang / btsun pa
430b2 bcom ldan 'das/ ri'i rgyal por gyur pa gang la la zhig lha'i dbang po'i dam tshig rgyal po'i bstan bcos 'dis/ rgyal po bgyid cing rtag par rgyun du gser 'od dam pa mdo sde'i
430b3 dbang po'i rgyal po 'di nyan tam/ rim gro bgyid dam/ mchod pa bgyid dam/ dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po'i rgyal po 'dzin pa
430b4 de dag la yang bsti stang bgyid/ btsun par bgyid/ rim gror bgyid cing mchod de rtag par rgyun du gser 'od dam pa mdo sde'i dbang po'i rgyal po nyan na/ chos mnyan pa'i chu bo'i
430b5 chu chos bdud rtsi'i khu ba 'dis bdag cag rgyal po chen po bzhi dang / g.yog rnams dang / gnod sbyin brgya stong phrag du ma'i lha'i lus 'di dag gzi brjid chen po rnam par 'phel bar
430b6 'gyur/ bdag cag la brtson 'grus dang / mthu dang / stobs chen por yang bgyid par 'gyur/ bdag gi gzi brjid dang / dpal dang / phun sum tshogs pa'ang rnam par 'phel
430b7 bar 'gyur ro/ /btsun pa bcom ldan 'das/ bdag cag rgyal po chen po bzhi dpung dang / g.yog tu bcas pa gnod sbyin brgya stong phrag du ma dang lus bltar mi gda' bar bgyis te/
431a1 @#/ /da ltar dang / ma 'ongs pa'i dus na grong ngam/ grong khyer ram/ grong rdal lam/ ljongs sam/ yul 'khor ram/ pho brang 'khor gang na/ gser 'od dam pa
431a2 mdo sde'i dbang po'i rgyal po 'di spyod par 'gyur ba de dag tu mchi bar bgyi'o/ /mi'i rgyal po/ gser 'od dam pa mdo sde'i dbang po'i rgyal po 'di mnyan pa dang / rim gro bgyid pa dang / mchod
431a3 pa bgyid pa de dag la kun tu bsrung bar bgyi'o/ /yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar
431a4 bgyi'o/ /rgyal po'i pho brang 'khor de dag dang / yul 'khor de dag dang / yul de dag kyang kun tu bsrung bar bgyi'o/ /yongs su bskyab ba dang / yongs su gzung ba dang / yongs su
431a5 bskyang ba dang / chad pa spang ba dang / zhi ba dang / bde legs su 'gyur bar bgyi'o/ /yul de dag kyang 'jig pa dang / gnod pa dang / 'khrug pa thams cad las yongs su thar bar
431a6 bgyi'o/ /pha rol gyi dmag tshogs rnams kyang slar bzlog par bgyi'o/ /mi'i rgyal po gang la la gser 'od dam pa mdo sde'i dbang po'i rgyal po 'di mnyan pa dang / rim gro bgyid
431a7 pa dang | mchod pa bgyid pa de'i dgra zla 'dab nye ba'i rgyal po gzhan zhig mchis la/ btsun pa bcom ldan 'das/ nam dgra zla 'dab nye ba'i rgyal po de 'di snyam du bdag
431b1 dpung gi tshogs yan lag bzhi pa dang lhan cig tu yul der song ste/ yul de rnam par gzhig go snyam du sems bskyed na/ btsun pa bcom ldan 'das/ de'i tshe de'i dus na/ gser 'od
431b2 dam pa mdo sde'i dbang po'i rgyal po 'di'i gzi brjid kyi mthus dgra zla 'dab nye ba'i rgyal po de rgyal po gzhan dag dang g.yul 'gyed par 'gyur/ rang gi yul du phyin na'ang yul 'khrug
431b3 par 'gyur/ rgyal po'i 'khrug pa mi bzad pa'ang 'byung bar 'gyur/ yul du gza' dang / nad kyang 'byung bar 'gyur/ yul du brel ba sna tshogs brgya dag kyang 'byung bar 'gyur ro/ /
431b4 btsun pa bcom ldan 'das/ nam dgra zla 'dab nye ba'i rgyal po de rang gi yul du phyin pa na/ gnod pa sna tshogs brgya dang / brel ba sna tshogs brgya 'di lta bu 'byung ngo / /btsun pa bcom
431b5 ldan 'das/ dgra zla 'dab nye ba'i rgyal po de yan lag bzhi pa'i dmag bsogs te/ pha rol gyi dmag tshogs su mchi ba'i slad du rang gi yul nas byung ste/ dpung gi tshogs yan
431b6 lag bzhi pa dang lhan cig tu yul der mchi 'tshal ba dang / gang na gser 'od dam pa mdo sde'i dbang po'i rgyal po 'di gnas pa'i yul de rnam par gzhig 'tshal bar gyur na/ btsun
431b7 pa bcom ldan 'das/ bdag cag rgyal po chen po bzhi dpung dang g.yog tu bcas pa/ gnod sbyin brgya stong du ma dang lhan cig tu lus mi gda' bar bgyis te der mchi bar bgyi'o//
432a1 @#/ /pha rol gyi dmag tshogs de yul du zhugs pa las kyang / de nyid nas ldog par bgyi'o/ /brel ba rnam pa sna tshogs brgya dag kyang nye bar bsgrub par bgyi'o/ /
432a2 bgegs kyang bgyi'o/ /'di lta ste/ yul der pha rol dmag tshogs de mchi bar yang mi nus na/ yul gzhig par bgyid par lta ga la 'gyur/ de nas bcom ldan 'das kyis
432a3 rgyal po chen po bzhi po dag la legs so zhes bya ba byin te/ rgyal po chen po dag/ legs so/ /legs so/ /rgyal po chen po dag khyed yang legs te/ khyed bskal pa grangs med pa
432a4 bye ba khrag khrig brgya stong du yang dag par bsgrubs te/ bla na med pa yang dag par rdzogs pa'i byang chub 'di'i phyir/ mi'i rgyal po/ gser 'od dam pa mdo sde'i dbang po'i rgyal po
432a5 'di nyan pa dang / rim gro byed pa dang / mchod pa byed pa de dag la kun tu bsrung bar gyis shig /yongs su bskyab pa dang / yongs su gzung ba dang / yongs su bskyang ba dang /
432a6 chad pa spang ba dang / zhi ba dang / bde legs su 'gyur bar gyis shig /rgyal po'i pho brang 'khor de dag dang / grong khyer de dag dang / yul 'khor de dag dang / yul de dag
432a7 kyang kun tu srungs shig/ yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar gyis shig /
432b1 yul de dag kyang 'jigs pa dang / gnod pa dang / 'khrug pa thams cad la yongs su thar bar gyis shig /pha rol gyi dmag tshogs rnams kyang zlog cig /'dzam bu'i gling thams cad
432b2 na gnas pa'i mi'i rgyal po dag mi 'thab pa dang / mtshang mi 'dru ba dang / mi rtsod pa dang / mi 'gyed par bya ba la spro bar gyis shig /rgyal po chen po dpung dang g.yog tu bcas pa khyed
432b3 bzhi'i 'dzam bu'i gling 'dir nam grong khyer brgyad khri bzhi stong de dag na/ rgyal po brgyad khri bzhi stong de dag rang rang gi yul la mngon par dga' ba dang / rgyal srid kyi dbang phyug des
432b4 mngon par dga' ba dang / rang gi nor gyi phung pos phan tshun rnam par mi 'tshe ba dang / phan tshun rnam par 'tshe ba mi bskyed pa dang / rang gis ji ltar sngon gyi las bsags pas rgyal po
432b5 thob pa'i rang gi rgyal srid kyi dbang phyug gis dga' ba dang / phan tshun du yul 'jig par mi byed pa dang / yul gzhig pa'i phyir pha rol gyi gnod pa dang / nam 'dzam bu'i gling
432b6 'dir grong khyer brgyad khri bzhi stong dag na rgyal po brgyad khri bzhi stong de dag phan tshun du byams pa'i sems su 'gyur/ byams pa'i sems dang / phan pa'i sems su 'gyur te/ phan
432b7 tshun du mi 'thab mtshang mi 'dru mi rtsod mi 'gyed par rang rang gi yul dag na dga' bar 'gyur na/ de'i phyir rgyal po chen po dpung dang g.yog tu bcas pa khyed bzhi 'dzam bu'i gling
433a1 @#/ /'di rgyas par 'gyur/ lo legs par 'gyur/ nyams dga' bar 'gyur/ skye bo mang po dang / mis gang bar 'gyur/ sa'ang mdangs can du 'gyur/ dus
433a2 dang / zla ba dang / zla ba phyed dang / lo khyud kor thams cad kyang yang dag pa'i dus dang ldan par 'gyur/ gza' dang / rgyu skar dang / zla ba dang / nyi ma'ang nyin mtshan du legs
433a3 par rgyu par 'gyur/ char pa'i rgyun yang sa la dus dus su 'bab par 'gyur/ 'dzam bu'i gling thams cad na gnas pa'i sems can rnams kyang nor dang / 'bru thams cad 'byor
433a4 par 'gyur/ longs spyod che ba dang / ser sna med par 'gyur/ gtong ba dang ldan par 'gyur/ dge ba bcu'i las kyi lam dang ldan par 'gyur/ phal cher bde 'gro mtho ris
433a5 kyi 'jig rten du skye bar 'gyur/ lha'i khang khyim rnams kyang lha dang / lha'i bu rnams kyis gang bar 'gyur ro/ /rgyal po chen po dag/ gang la la zhig mi'i rgyal por gyur la
433a6 gser 'od dam pa mdo sde'i dbang po'i rgyal po 'di nyan par gyur te/ rim gro byas/ mchod pa byas/ dge slong dam/ dge slong ma'am/ dge bsnyen nam/ dge bsnyen ma mdo
433a7 sde'i dbang po 'dzin pa de dag la'ang bsti stang byed/ bla mar byed/ rim gror byed/ mchod par byed cing / rgyal po chen po khyed bzhi dpung dang g.yog tu bcas pa gnod sbyin stong
433b1 phrag du ma la snying brtse ba'i phyir rtag par rgyun du gser 'od dam pa mdo sde'i dbang po'i rgyal po 'di nyan na/ chos nyan pa'i chu ni klung chos bdud rtsi'i khu ba 'dis khyed cag gi lus 'di
433b2 dag tshim par 'gyur ro/ /khyed kyi lha'i lus 'di dag gi gzi byin chen po yang rnam par 'phel lo/ /khyed kyi brtson 'grus dang / mthu dang / stobs kyang bskyed do/ /khyed kyi gzi brjid
433b3 dang | dpal dang / phun sum tshogs pa yang rnam par 'phel lo/ /mi'i rgyal po des de bzhin gshegs pa dgra bcom pa yang dag par rdzogs pa'i sangs rgyas shAkya thub pa nga la
433b4 yang mchod pa bsam gyis mi khyab pa rgya chen po yangs pa byas par 'gyur ro/ /mi'i rgyal po des 'das pa dang / ma 'ongs pa dang / da ltar byung ba'i de bzhin gshegs pa bye ba khrag
433b5 khrig brgya stong phrag du ma la'ang yo byad bsam gyis mi khyab pa rgya che ba yangs pa thams cad kyis mchod pa byas par 'gyur ro/ /des na mi'i rgyal po de la bsrung ba chen po byas par
433b6 'gyur ro/ /des na mi'i rgyal po de la kun tu bsrung ba dang / yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs
433b7 su 'gyur ba byas par 'gyur ro/ /btsun mo dam pa dang / rgyal bu rnams dang / btsun mo'i 'khor thams cad dang / rgyal po'i pho brang 'khor thams cad kyang bsrung ba chen po byas par
434a1 @#/ /'gyur/ yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur ba byas par
434a2 'gyur/ rgyal po'i pho brang 'khor na gnas pa'i lha thams cad kyang ches gzi brjid dang ldan pa dang / ches stobs dang ldan pa dang / bde ba dang / yid bde ba bsam gyis mi khyab pa
434a3 dang ldan par 'gyur/ dga' ba sna tshogs myong bar 'gyur/ grong khyer de dag dang / yul 'khor de dag kyang kun tu bsrung bar 'gyur/ yongs su bskyang bar 'gyur/ gnod pa med
434a4 par 'gyur/ dgra med par 'gyur/ pha rol gyi dmag tshogs thams cad kyis mi rdzi ba dang / gnod pa med pa dang / 'khrug pa med par 'gyur ro/ /de skad ces bka' stsal pa dang /
434a5 bcom ldan 'das la rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang de dag gis
434a6 'di skad ces gsol to/ /btsun pa bcom ldan 'das/ mi'i rgyal po gang la la zhig gser 'od dam pa mdo sde'i dbang po'i rgyal po 'di yang nyan par 'tshal bar 'gyur/ bdag
434a7 nyid la'ang bsrung ba chen po bgyid 'tshal bar 'gyur/ btsun mo dam pa dang / rgyal bu rnams dang / rgyal po'i bu mo rnams dang / btsun mo'i 'khor gyi tshogs rnams la
434b1 yang bsrung ba chen po bgyid 'tshal bar 'gyur/ rgyal po'i pho brang 'khor de dag thams cad la yang zhi ba dang / bde legs su 'gyur ba chen po bsam gyis mi khyab pa mchog tu khyad par
434b2 du 'phags pa bla na med pa bgyid 'tshal bar 'gyur/ tshe 'di la bdag gi rgyal srid kyi dbang phyug chen po bsam gyis mi khyab pa rnam par 'phel bar bgyid 'tshal bar 'gyur/ rgyal po
434b3 nyid bsam gyis mi khyab pa dang ldan par 'gyur/ bsod nams kyi phung po dpag tu ma mchis pa yongs su 'dzin 'tshal bar 'gyur/ bdag gi yul thams cad kyang kun tu bsrung 'tshal
434b4 bar 'gyur/ yongs su bskyang 'tshal bar 'gyur/ rang gi yul na gnod pa ma mchis pa dang / dgra ma mchis pa dang / pha rol gyi dmag tshogs kyis mi rdzi ba dang / nad 'go ba ma
434b5 mchis pa dang / 'khrug pa ma mchis par bgyid 'tshal bar 'gyur na/ btsun pa bcom ldan 'das/ mi'i rgyal po des g.yeng ba ma mchis pa'i sems dang / gus pa dang bcas
434b6 pa dang / ri mo dang bcas pas gser 'od dam pa mdo sde'i dbang po'i rgyal po 'di bsti stang du bgyid de mnyan par bgyi'o/ /gser 'od dam pa mdo sde'i dbang po'i rgyal po 'di mnyan
434b7 pa'i slad du/ mi'i rgyal po des rgyal po'i pho brang khyad par du 'phags par mchi bar bgyi'o/ /der mchis nas kyang rgyal po'i pho brang spos chab sna tshogs kyis chag chag gdab cing
435a1 @#/ /me tog sil ma sna tshogs dgram par bgyi'o/ /spos chab sna tshogs kyis chag chag btab pa der chos kyi khri mthon po rgyan sna tshogs kyis legs par
435a2 brgyan pa bsham par bgyi'o/ /phyogs der gdugs dang / rgyal mtshan dang / ba dan sna tshogs kyis legs par brgyan par bgyi'o/ /mi'i rgyal po des lus bkru bar
435a3 bgyi'o/ /gos dri rab tu bda' ba gos sar pa mdzes pa bgos nas rgyan sna tshogs kyis brgyan par bgyi'o/ /bdag gi stan rab tu dma' ba gding bar bgyi ste/ stan de la
435a4 mchis nas rgyal po'i rgyags pas dregs par mi bgyi'o/ /der rgyal srid kyi dbang phyug la chags par mi bgyi'o/ /rgyags pa dang / nga rgyal dang / dregs pa thams cad rnam
435a5 par spangs pa'i sems kyis gser 'od dam pa mdo sde'i dbang po'i rgyal po 'di mnyan par bgyi'o/ /dge slong chos smra ba de la yang ston par 'du shes bskyed par bgyi'o/ /
435a6 mi'i rgyal po des de'i tshe de'i dus na/ btsun mo dam pa dang / rgyal bu rnams dang / rgyal po'i bu mo rnams dang / btsun mo'i 'khor gyi tshogs rnams la sdug pa dang / phan
435a7 pas blta bar bgyi'o/ /btsun mo dam pa dang / rgyal bu rnams dang / rgyal po'i bu mo rnams la tshig snyan pa smra bar bgyi'o/ /btsun mo'i 'khor gyi tshogs thams cad
435b1 la 'ang tshig snyan pa smra bar bgyi'o/ /chos nyan pa'i mchod pa rnam pa sna tshogs sbyor du stsal bar bgyi'o/ /dga' ba bsam gyis mi khyab cing mtshungs pa ma mchis pas bdag tshim par
435b2 bgyi'o/ /dga' ba dang / bde ba bsam gyis mi khyab pas bde bar bgyi'o/ /dbang po bde bar bgyi'o/ /bdag nyid don chen po thob par bsam par bgyi'o/ /bdag dga' ba chen pos
435b3 dga' bar bgyi'o/ /rab tu dga' ba chen po bskyed nas chos smra ba bsu bar bgyi'o/ /de skad ces gsol pa dang / bcom ldan 'das kyis rgyal po chen po bzhi la 'di skad ces bka'
435b4 stsal to/ /rgyal po chen po dag/ de'i tshe de'i dus na/ mi'i rgyal po des gos thams cad dkar po sar pa mdzes pa bgo bar bya'o/ /spud pa dang / rgyan sna tshogs kyis bdag legs
435b5 par brgyan par bya'o/ /gdugs dkar po'ang gzung bar bya'o/ /rgyal po'i mthu chen po dang / rgyal po'i bkod pa chen pos bkra shis tha dad pa sna tshogs thogs te/ rgyal po'i pho
435b6 brang de nas byung la chos smra ba bsu ba'i phyir der 'gro bar bya'o/ /de ci'i phyir zhe na/ mi'i rgyal pos der gom pa ji snyed bor ba de snyed kyi bskal pa bye ba khrag khrig brgya stong gi 'khor
435b7 ba phyir bsnyil bar 'gyur/ de snyed kyi 'khor los sgyur ba'i rgyal rigs bye ba khrag khrig brgya stong thob par 'gyur/ der gom pa ji snyed bor ba de snyed du tshe 'di la rgyal srid kyi dbang
436a1 @#/ /phyug chen po bsam gyis mi khyab pa 'phel bar 'gyur/ bskal pa bye ba khrag khrig brgya stong phrag du mar gnas yangs shing rgya che ba lha'i gzhal med khang
436a2 rin po che sna bdun las byas pa dag thob par 'gyur/ mi rnams kyi rgyal rigs lha'i rgya che zhing rgya che ba brgya stong phrag du ma thob par 'gyur/ skye ba thams cad du dbang phyug chen po
436a3 thob par 'gyur/ tshe ring bar 'gyur/ yun ring du 'tsho bar 'gyur/ spobs pa dang ldan par 'gyur/ tshig gzung bar 'os par 'gyur/ grags pa dang ldan par 'gyur/ brjod
436a4 pa shin tu rgya che bar 'gyur/ bsngags par 'os par 'gyur/ lha dang / mi dang / lha ma yin du bcas pa'i 'jig rten la phan par 'gyur/ lha dang / mi rnams kyi bde ba rgya che
436a5 zhing rgya che ba thob par 'gyur/ stobs che bar 'gyur/ tshan po che chen po'i stobs kyi shugs dang ldan zhing gzugs bzang bar 'gyur/ mdzes pa dang / blta na sdug pa dang /
436a6 kha dog bzang po rgyas pa mchog dang ldan par 'gyur/ skye ba thams cad du de bzhin gshegs pa dang phrad par 'gyur/ dge ba'i bshes gnyen rnams rnyed par 'gyur/
436a7 bsod nams kyi phung po dpag tu med pa yongs su gzung bar 'gyur te/ rgyal po chen po dag yon tan gyi phan yon 'di lta bu dag mthong nas/ mi'i rgyal po des dpag tshad
436b1 tsam du chos smra ba bsu bar bya/ dpag tshad brgya dang / dpag tshad stong du yang bsu bar bya/ chos smra ba de la ston par 'du shes bskyed par bya'o/ /'di snyam du'ang de bzhin gshegs
436b2 pa dgra bcom pa yang dag par rdzogs pa'i sangs rgyas shAkya thub pa deng bdag gi rgyal po'i pho brang 'dir 'jug par 'gyur ro/ /deng de bzhin gshegs pa dgra bcom pa yang dag par
436b3 rdzogs pa'i sangs rgyas shAkya thub pa bdag gi rgyal po'i pho brang 'dir bshos gsol bar 'gyur ro/ /deng bdag gis de bzhin gshegs pa dgra bcom pa yang dag par rdzogs
436b4 pa'i sangs rgyas shAkya thub pa'i chos 'jig rten thams cad dang mi mthun pa mnyan par bya'o/ /deng bdag gis chos nyan pa 'dis bla na med pa yang dag par rdzogs pa'i byang chub las
436b5 phyir mi ldog par bya'o/ /deng bdag gis de bzhin gshegs pa bye ba khrag khrig brgya stong phrag du ma mnyes par byas par 'gyur ro/ /deng bdag gis 'das pa dang / ma 'ongs pa dang /
436b6 da ltar byung ba'i sangs rgyas bcom ldan 'das rnams la mchod pa chen po bsam gyis mi khyab pa yangs shing rgya che ba byas par 'gyur ro/ /deng bdag gis sems can dmyal ba dang /
436b7 dud 'gro'i skye gnas dang / gshin rje'i 'jig rten gyi sdug bsngal thams cad shin tu rgyun bcad par 'gyur ro/ /deng bdag gis tshangs pa'i dbang po'i rgyal po nyid kyi lus bye ba
437a1 @#/ /khrag khrig brgya stong phrag du ma 'thob pa de dag gi dge ba'i rtsa ba'i sa bon bskyed par 'gyur ro/ /deng bdag gis brgya byin nyid kyi lus bye ba khrag khrig brgya stong
437a2 phrag du ma thob pa dag gi dge ba'i rtsa ba'i sa bon bskyed par 'gyur ro/ /deng bdag gis 'khor los bsgyur ba'i rgyal po nyid kyi lus bye ba khrag khrig brgya stong phrag du ma 'thob pa
437a3 dag gi dge ba'i rtsa ba'i sa bon bskyed par 'gyur ro/ /deng bdag gis bskal pa bye ba khrag khrig brgya stong phrag du ma 'khor ba las yongs su thar bar byas par 'gyur ro/ /deng bdag
437a4 gis bsod nams kyi phung po dpag tu med pa bla na med pa yangs shing rgya che ba bsam gyis mi khyab pa yongs su gzung bar 'gyur/ deng bdag gis btsun mo'i 'khor gyi tshogs
437a5 thams cad la bsrung ba chen po byas par 'gyur ro/ /deng bdag gis rgyal po'i pho brang 'dir zhi ba dang / bde legs su 'gyur ba bsam gyis mi khyab pa mchog tu khyad par du 'phags
437a6 pa bla na med pa byas par 'gyur ro/ /deng bdag gis yul 'di thams cad kun tu bsrungs par 'gyur ro/ /yongs su bskyangs pa dang / gnod pa med pa dang / dgra med pa dang /
437a7 pha rol gyi dmag tshogs thams cad kyis mi rdzi ba dang / nad 'go ba med pa dang / 'khrug pa med par 'gyur ro snyam du sems bskyed par bya'o/ /rgyal po chen po dang / dge slong
437b1 ngam| dge slong ma'am/ dge bsnyen nam/ dge bsnyen ma gser 'od dam pa mdo sde'i dbang po'i rgyal po 'dzin pa dag la mi'i rgyal po de dam pa'i chos la gus pa 'di lta bus bsti
437b2 byed| bla mar byed/ rim gror byed/ mchod par byed cing / rgyal po chen po/ khyed bzhi dpung dang g.yog tu bcas pa dang / lha'i tshogs de dag dang / gnod sbyin brgya stong du ma
437b3 dag la shas kyi dam pa byin na/ mi'i rgyal po de bsod nams mngon par 'du byed pa dang / dge ba mngon par 'du byed pa dang / tshe 'di'i lus kyi rgyal srid kyi dbang phyug chen po
437b4 bsam gyis mi khyab pa des rnam par 'phel bar 'gyur ro/ /tshe 'di la rgyal po'i gzi brjid chen po bsam gyis mi khyab pa dang ldan par 'gyur ro/ /dpal dang / phun sum tshogs
437b5 pa dang / gzi brjid kyis kyang brgyan par 'gyur ro/ /phyir rgol ba thams cad dang / dgra thams cad chos dang mthun pas shin tu tshar gcod par 'gyur ro/ /de skad ces bka'
437b6 stsal pa dang / bcom ldan 'das la rgyal po chen po bzhi po de dag gis 'di skad ces gsol to/ /btsun pa bcom ldan 'das/ gang la la zhig mi'i rgyal por gyur la/ de chos
437b7 la gus pa de lta bus gser 'od dam pa mdo sde'i dbang po'i rgyal po nyan la dge slong ngam/ dge slong ma'am/ dge bsnyen nam/ dge bsnyen ma mdo sde'i dbang po'i rgyal po
438a1 @#/ /'dzin pa de dag la'ang bsti stang bgyid/ bla mar bgyid/ rim gror bgyid/ mchod pa bgyid cing / rgyal po chen po/ bdag cag gi slad du rgyal po'i pho
438a2 brang de shin tu dag par phyag dar bgyid/ spos chab sna tshogs kyis chag chag legs par 'debs la/ bdag cag rgyal po chen po bzhi dang lhan cig thun mong du chos nyan pa de
438a3 nyan cing bdag dang / lha thams cad kyi slad du dge ba'i rtsa bar shas cung zad cig sbyin pa bgyid na/ btsun pa bcom ldan 'das/ dge slong chos smra ba de chos kyi stan la mchis ma
438a4 thag tu mi'i rgyal po des bdag cag rgyal po chen po bzhi'i don gyi slad du spos sna tshogs kyis bdug par bgyi'o/ /btsun pa bcom ldan 'das/ gser 'od dam pa mdo sde'i
438a5 dbang po'i rgyal po de la mchod pa'i slad du bdug pas bdugs ma thag tu spos sna tshogs rnams las spos dang / bdug pa sna tshogs kyi 'khri shing dag 'byung bar 'gyur te/ de
438a6 dag skad cig thang cig yud tsam de la bdag cag rgyal po chen po bdag cag bzhi'i rang rang gi khang pa'i steng gi bar snang la spos dang / bdug pa sna tshogs kyi 'khri shing
438a7 dag gi gdugs rnams su gnas par 'gyur/ spos dri rgya chen po'ang mnam par 'gyur/ gser gyi kha dog lta bu'i snang ba 'byung bar 'gyur zhing snang ba des bdag
438b1 cag gi khang pa rnams kyang snang ba bgyis par 'gyur ro/ /btsun pa bcom ldan 'das/ spos dang / bdug pa sna tshogs kyi 'khri shing dag skad cig thang cig yud tsam de la mi mjed kyi
438b2 bdag po tshangs pa dang / lha rnams kyi dbang po brgya byin dang / lha mo chen mo dbyangs can dang / lha mo chen mo brtan ma dang / gnod sbyin gyi sde dpon chen po yang dag shes dang / gnod
438b3 sbyin gyi sde dpon chen po nyi shu rtsa brgyad dang / lha'i bu dbang phyug chen po dang / gnod sbyin gyi sde dpon chen po lag na rdo rje dang / gnod sbyin gyi sde dpon chen po nor bu bzang dang /
438b4 'phrog ma'i bu lnga brgya'i 'khor dang ldan pa dang / klu'i rgyal po chen po ma dros pa dang / klu'i rgyal po chen po rgya mtsho dang / de dag gi rang rang gi khang pa'i steng gi bar snang la byung ste/
438b5 spos dang / bdug pa sna tshogs kyi 'khri shing gi gdugs rnams su gnas par 'gyur/ spos dri sna tshogs rgya chen po'ang mnam par 'gyur/ khang pa rnams kyi nang du gser du snang
438b6 ba 'byung bar 'gyur zhing snang ba des gnas thams cad snang ba bgyis par 'gyur ro/ /de skad ces gsol pa dang / bcom ldan 'das kyis rgyal po chen po bzhi la 'di skad ces
438b7 bka' stsal to/ /rgyal po chen po dag/ rgyal po chen po khyed bzhi'i rang rang gi khang pa rnams kyi steng gi bar snang la spos dang / bdug pa sna tshogs kyi 'khri shing de dag
439a1 @#/ /gdugs rnams su gnas par ma zad do/ /de ci'i phyir zhe na/ rgyal po chen po dag/ mi'i rgyal po des gser 'od dam pa mdo sde'i dbang po'i rgyal po 'di
439a2 la mchod pa'i phyir/ spos sna tshogs de dag gi bdugs ma thag tu lag na spos snod gcig thogs pa de las spos dang / bdug pa sna tshogs kyi 'khri shing rnams 'byung bar 'gyur
439a3 te| de skad cig thang cig yud tsam de la stong gsum gyi stong chen po'i 'jig rten gyi khams 'di thams cad na gang na zla ba bye ba phrag brgya dang / nyi ma bye ba phrag brgya dang / rgya mtsho
439a4 chen po bye ba phrag brgya dang / ri'i rgyal po ri rab bye ba phrag brgya dang / ri'i rgyal po khor yug dang / khor yug chen po bye ba phrag brgya dang / gling bzhi pa chen po'i 'jig rten gyi
439a5 khams bye ba phrag brgya dang / rgyal chen bzhi'i ris kyi lha bye ba phrag brgya dang / sum cu rtsa gsum gyi lha bye ba phrag brgya nas 'du shes med 'du shes med min du nye bar song ba'i
439a6 bar gyi lha bye ba phrag brgya dang / stong gsum gyi stong chen po'i 'jig rten gyi khams de dag thams cad du sum cu rtsa gsum gyi lha'i ris bye ba phrag brgya po thams cad na lha dang /
439a7 klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i tshogs rnams kyi rang rang gi khang pa dag gi steng gi bar
439b1 snang la spos dang / bdug pa sna tshogs kyi 'khri shing de dag gdugs rnams su gnas par 'gyur/ spos dri rgya chen po'ang mnam par 'gyur/ lha'i khang pa rnams su gser gyi kha
439b2 dog lta bu'i snang ba'ang 'byung bar 'gyur zhing snang ba des kyang lha'i khang pa rnams snang ba byas par 'gyur ro/ /rgyal po chen po dag/ 'di ltar stong gsum gyi stong chen po'i
439b3 'jig rten gyi khams na lha'i khang pa thams cad kyi steng gi bar snang la spos dang / bdug pa'i 'khri shing de dag gdugs rnams su gnas pa de bzhin du/ gser 'od dam pa mdo
439b4 sde'i dbang po'i rgyal po 'di la mchod pa'i phyir mi'i rgyal po des spos sna tshogs de dag gis bdugs ma thag tu gser 'od dam pa mdo sde'i dbang po'i rgyal po 'di'i gzi brjid kyi
439b5 mthus spos dang / bdug pa sna tshogs kyi 'khri shing dag 'byung bar 'gyur te/ de dag skad cig thang cig yud tsam de la kun tu phyogs bcu'i 'jig rten gyi khams du ma gang+gA'i
439b6 klung gi bye ma snyed dag gi sangs rgyas kyi zhing bye ba khrag khrig brgya phrag stong rnams su de bzhin gshegs pa bye ba khrag khrig brgya stong phrag du ma gang gA'i klung gi bye ma snyed dag gi
439b7 steng gi bar snang la spos dang / bdug pa sna tshogs kyi 'khri shing gi gdugs rnams su gnas par 'gyur/ de dag kyang sangs rgyas bye ba khrag khrig brgya stong phrag du ma la spos
440a1 @#/ /dang / bdug pa sna tshogs rgya che zhing rgya che ba mnam par 'gyur/ gser gyi kha dog lta bu'i snang ba 'byung bar 'gyur zhing snang ba des kyang sangs rgyas kyi
440a2 zhing bye ba khrag khrig stong phrag du ma gang gA'i klung gi bye ma snyed dag snang ba byas par 'gyur ro/ /rgyal po chen po dag/ cho 'phrul de lta bu de dag byung ma thag tu de bzhin gshegs
440a3 pa bye ba khrag khrig brgya stong phrag du ma gang gA'i klung gi bye ma snyed dag chos smra ba de la dgongs par 'gyur/ skyes bu dam pa legs so/ /legs so/ /skyes bu dam pa/ khyod
440a4 gser 'od dam pa mdo sde'i dbang po'i rgyal po'i tshul 'di lta bu/ zab mor snang ba 'di lta bu'i yon tan bsam gyis mi khyab pa dang ldan pa 'di lta bu 'di rgya cher yang dag par
440a5 rab tu 'chad par 'dod pa khyod yang legs so/ /legs so zhes bya ba sbyin par 'gyur ro/ /su tha na gser 'od dam pa mdo sde'i dbang po'i rgyal po 'di nyan pa'i sems can
440a6 de dag kyang dge ba'i rtsa ba ngan ngon dang ldan par mi 'gyur na/ gang dag 'dzin pa dang / 'chang ba dang / 'chad pa dang / klog pa dang / kun chub par byed pa dang / 'khor la
440a7 rgya cher yang dag par rab tu ston pa lta smos kyang ci dgos/ de ci'i phyir zhe na/ skyes bu dam pa gser 'od dam pa mdo sde'i dbang po'i rgyal po 'di thos ma thag tu byang chub
440b1 sems dpa' bye ba khrag khrig brgya stong phrag du ma bla na med pa yang dag par rdzogs pa'i byang chub las phyir mi ldog par 'gyur ba'i phyir ro// //'phags pa gser
440b2 'od dam pa mdo sde'i dbang po'i rgyal po zhes bya ba theg pa chen po'i mdo/ bam po gsum pa/ de nas phyogs bcu kun tu sangs rgyas kyi zhing bye ba khrag khrig brgya stong phrag du ma gang
440b3 gA'i klung gi bye ma snyed dag na/ de bzhin gshegs pa bye ba khrag khrig brgya stong phrag du ma rang rang gi sangs rgyas kyi zhing na bzhugs pa dag gis de'i tshe de'i dus na/ tshig gcig dang /
440b4 ngag gcig dang / sgra skad gcig gis dge slong chos smra ba chos kyi stan la 'dug pa de la 'di skad ces bka' stsal to/ /skyes bu dam pa/ khyod ma 'ongs pa'i dus na byang chub kyi
440b5 snying por 'gro bar 'gyur/ skyes bu dam pa/ khyod byang chub kyi snying po mchog dam par song ste/ shing gi rgyal po'i drung du 'dug nas 'jig rten gsum po thams cad las khyad
440b6 par du 'phags pa/ sems can thams cad las rab tu 'das pa'i brtul zhugs dang / dka' thub spyod pa'i stobs bskyed pa'i byin gyis brlabs dka' ba spyod pa bye ba khrag
440b7 khrig brgya stong phrag du ma dag ston par 'gyur/ skyes bu dam pa/ khyod byang chub kyi snying po legs par brgyan par byed par 'gyur/ skyes bu dam pa/ khyod stong gsum gyi
441a1 @#/ /stong chen po'i 'jig rten gyi khams thams cad yongs su skyob par 'gyur/ skyes bu dam pa/ khyod shing gi rgyal po'i drung du 'dug ste bdud kyi sde
441a2 bsam gyis mi khyab pa/ gzugs rab tu 'jigs 'jigs ltar 'dug pa mi sdug pa ston pa/ gzugs mi sdug pa sna tshogs dag las rgyal bar 'gyur/ skyes bu dam pa/ khyod
441a3 byang chub kyi snying po mchog dam par song ste/ bla na med pa yang dag par rdzogs pa'i byang chub dpe med pa rab tu zhi ba rdul dang bral ba zab mo mngon par rdzogs par 'tshang rgya
441a4 rgya bar 'gyur/ skyes bu dam pa/ khyod rdo rje'i gdan snying po brtan pa la 'dug ste/ chos kyi 'khor los bsgyur ba thams cad kyis mngon par bstod pa/ mchog tu zab pa bla na
441a5 med pa rnam pa bcu gnyis rab tu bskor bar 'gyur/ skyes bu dam pa/ khyod chos kyi rnga chen po bla na med pa rdung bar 'gyur/ skyes bu dam pa/ khyod chos kyi dung bla na med pa 'bud
441a6 par 'gyur/ skyes bu dam pa/ khyod chos kyi rgyal mtshan chen po bsgreng bar 'gyur/ skyes bu dam pa/ khyod chos kyi sgron me bla na med pa 'bar bar byed par 'gyur/ skyes
441a7 bu dam pa/ khyod chos kyi char bla na med pa 'bebs par 'gyur/ skyes bu dam pa/ khyod nyon mongs pa'i dgra stong phrag du ma las rgyal bar 'gyur/ skyes bu dam pa/ khyod
441b1 sems can bye ba khrag khrig brgya stong phrag du ma shin tu 'jigs su rung ba 'jigs pa chen po'i rgya mtsho las sgrol bar 'gyur/ skyes bu dam pa/ khyod sems can bye ba khrag khrig
441b2 brgya stong phrag du ma dag 'khor ba'i 'khor lo las yongs su thar bar byed par 'gyur/ skyes bu dam pa/ khyod sangs rgyas bye ba khrag khrig brgya stong phrag du ma dag mnyes par byed
441b3 par 'gyur ro/ /de skad ces bka' stsal pa dang / bcom ldan 'das la rgyal po chen po bzhi po de dag gis 'di skad ces gsol to/ /btsun pa bcom ldan 'das/ mi'i rgyal
441b4 po gser 'od dam pa mdo sde'i dbang po'i rgyal po'i yon tan tshe 'di dang / ma 'ongs pa na 'byung ba 'di lta bu 'di dag mthong ba sangs rgyas stong phrag brgya la dge ba'i rtsa ba bskyed
441b5 pa| bsod nams kyi phung po dpag tu ma mchis pa yongs su 'dzin par mthong nas snying brtse ba'i slad du/ btsun pa bcom ldan 'das/ bdag cag rgyal po chen po bzhi dpung
441b6 dang g.yog tu bcas pa dang / gnod sbyin brgya stong phrag du ma rang rang gi khang pa na mchis pa dag spos dang / bdug pa sna tshogs kyi 'khri shing dag gi gdugs kyis bskul ma
441b7 thag tu lus mi gda' bar bgyis te/ mi'i rgyal po de khang pa brtsegs pa phyag dar ma mchis pa legs par phyag dar bgyis pa/ spos chab sna tshogs kyis chag chag legs
442a1 @#/ /par btab pa/ rgyan sna tshogs kyis legs par brgyan pa'i rgyal po'i pho brang ga la ba der chos mnyan pa'i slad du mchi bar bgyi'o/ /mi mjed kyi
442a2 bdag po tshangs pa dang / lha rnams kyi dbang po brgya byin dang / lha mo chen mo dbyangs can dang / lha mo chen mo dpal dang / sa'i lha mo brtan ma dang / gnod sbyin gyi sde dpon
442a3 chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang / gnod sbyin gyi sde dpon chen po lag na rdo rje dang / gnod
442a4 sbyin gyi sde dpon chen po nor bu bzang dang / 'phrog ma'i bu lnga brgya'i 'khor can dang / klu'i rgyal po ma dros pa dang / klu'i rgyal po rgya mtsho dang / lha bye ba khrag khrig brgya stong
442a5 phrag du ma dag lus mi gda' bar bgyis te/ mi'i rgyal po de'i pho brang rgyan sna tshogs kyis brgyan pa ga la ba dang / chos smra ba de'i chos kyi khri mthon po rgyan sna tshogs kyis
442a6 legs par brgyan pa/ me tog bkram pa'i sa la bshams par 'gyur ba ga la ba der chos mnyan pa'i slad du mchi bar bgyi'o/ /btsun pa bcom ldan 'das/ bdag cag
442a7 rgyal po chen po bzhi dpung dang g.yog tu bcas pa/ gnod sbyin brgya stong phrag du ma de dag thams cad mthun par bgyis te mi'i rgyal po dge ba'i grogs bgyid pa/ dge ba 'thob
442b1 par bgyid pa/ bla na med pa chos kyi sbyin pa chen po sbyin pa de la/ chos kyi bdud rtsi'i khu ba 'dis tshim par gyur ma thag tu/ mi'i rgyal po de la kun tu bsrung bar bgyi'o/ /yongs su
442b2 bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar bgyi'o/ /rgyal po'i pho brang de dang / grong khyer de dang / yul de'ang kun
442b3 tu bsrung bar bgyi'o/ /yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar bgyi'o/ /chad pa spang bar yang bgyi'o//
442b4 yul de'ang 'jigs pa dang / gnod pa dang / nad 'go ba dang / 'khrug pa thams cad las yongs su thar bar bgyi'o/ /btsun pa bcom ldan 'das/ gang la la zhig
442b5 mi'i rgyal por gyur te/ mi'i rgyal po de'i yul du gser 'od dam pa mdo sde'i dbang po'i rgyal po 'di byung la/ btsun pa bcom ldan 'das/ mi'i rgyal po de dge slong dang / dge slong
442b6 ma'am/ dge bsnyen nam/ dge bsnyen ma gser 'od dam pa mdo sde'i dbang po'i rgyal po 'di 'dzin pa dag la bsti stang mi bgyid/ bla mar mi bgyid/ rim gro mi bgyid/ mchod
442b7 pa mi bgyid na/ bdag cag rgyal po chen po bzhi dang / gnod sbyin bye ba khrag khrig brgya stong phrag du ma chos nyan pa 'di dang / chos bdud rtsi'i khu ba 'dis tshim par mi bgyid/ rim
443a1 @#/ /gro mi bgyid/ lha'i lus 'di dag gi gzi'ang rnam par 'phel bar mi bgyid/ bdag cag gi brtson 'grus dang / mthu dang / stobs kyang mi bskyed/
443a2 bdag cag gi lus la gzi brjid dang / dpal dang / phun sum tshogs pa'ang rnam par 'phel bar mi bgyid do/ /btsun pa bcom ldan 'das/ bdag cag rgyal po chen po bzhi
443a3 dpung dang g.yog tu bcas pa dang / gnod sbyin bye ba khrag khrig brgya stong phrag du ma dag gis yul de yal bar dor bar bgyi'o/ /btsun pa bcom ldan 'das/ bdag cag
443a4 gis yul de yal bar bor na yul na gnas pa'i lha'i tshogs thams cad kyis kyang yul de yal bar 'dor bar 'gyur ro/ /btsun pa bcom ldan 'das/ lha rnams kyis yul
443a5 de yal bar bar bor na yul der yul rnam par 'khrug pa sna tshogs 'byung bar 'gyur/ rgyal po'i 'khrug pa mi bzad pa dag 'byung bar 'gyur/ yul na gnas pa'i sems can
443a6 thams cad kyang 'thab pa skye ba dang / mtshang 'dru ba skye ba dang / rtsod pa skye bar 'gyur/ rdzogs pa dang / 'gyed par 'gyur ba dang / gza' dang / nad rnam pa sna tshogs yul
443a7 du 'byung bar 'gyur/ phyogs tha dad pa nas skar mda' ltung bar 'gyur/ gza' dang / rgyu skar rnams kyang phan tshun mi mthun par gda' bar 'gyur/ dgung zla 'char ba
443b1 de'ang nyi ma lta bur gda' bar 'gyur/ zla ba'i gza' dang / nyi ma'i gza' 'byung bar 'gyur/ nyi ma dang / zla ba nam mkha' la gnas pa'ang rtag par rgyun du sgra gcan gyi gnod
443b2 pa dang ldan par 'gyur/ dus dus su nam mkha' la 'ja'i kha dog lta bu 'khyil bar 'gyur/ sa'ang g.yo bar 'gyur/ sa la gnas pa'i khron pa'ang sgra 'byin par grag par
443b3 'gyur/ yul du rlung drag po ldang bar 'gyur/ char drag po 'bab par 'gyur/ yul du mu ge'i dgon pa 'byung bar 'gyur/ pha rol gyi dmag tshogs kyis yul 'joms
443b4 par 'gyur/ yul de phung bar 'gyur/ sems can de dag kyang nyon mongs pa mang bar 'gyur/ yul de nyams mi dga' bar 'gyur ro/ /btsun pa bcom ldan 'das/
443b5 bdag cag rgyal po chen po bzhi dpung dang g.yog tu bcas pa dang / gnod sbyin brgya stong phrag du ma dang / yul na gnas pa'i lha dang / klu rnams kyis yul de yal bar
443b6 bor na/ yul der 'di lta bu'i gnod pa rnam pa sna tshogs brgya dang / gnod pa sna tshogs stong 'byung bar 'gyur ro/ /btsun pa bcom ldan 'das/ gang la la zhig mi'i
443b7 rgyal por gyur la/ de bdag nyid la kun tu bsrung ba chen po bgyid 'tshal bar 'gyur/ rgyal po'i bde ba sna tshogs yun ring por myong bar 'tshal bar 'gyur/ /bde ba thams
444a1 @#/ /cad bstabs pa'i sems kyis rgyal po nyid bgyid 'tshal bar 'gyur/ yul na gnas pa'i sems can thams cad bde bar bgyid 'tshal bar
444a2 'gyur/ pha rol gyi dmag tshogs thams cad pham par bgyid 'tshal bar 'gyur/ yul thams cad yun ring du yongs su skyong 'tshal bar 'gyur/ chos kyi rgyal po nyid
444a3 bgyid 'tshal bar 'gyur/ rang gi yul yang 'jigs pa dang / gnod pa dang / nad 'go ba dang / 'khrug pa thams cad las yongs su thar bar bgyid 'tshal bar 'gyur na/
444a4 btsun pa bcom ldan 'das/ mi'i rgyal po des gdon mi 'tshal bar gser 'od dam pa mdo sde'i dbang po'i rgyal po 'di mnyan par bgyi/ dge slong ngam/ dge slong ma 'am/ dge bsnyen
444a5 nam| dge bsnyen ma mdo sde'i dbang po'i rgyal po 'dzin pa de dag la'ang bsti stang bgyi/ bla mar bgyi/ rim gro bgyi/ mchod pa bgyi/ bdag cag rgyal po chen po bzhi
444a6 dpung dang g.yog tu bcas pa rnams kyang chos mnyan pa'i dge ba'i rtsa ba bsags pa 'di dang / chos bdud rtsi'i khu ba 'dis tshim par bgyi/ bdag cag gi lha'i lus
444a7 'di dag gi gzi chen po'ang rnam par 'phel bar bgyi'o/ /de ci'i phyir zhe na/ btsun pa bcom ldan 'das/ mi'i rgyal po des gdon mi 'tshal bar gser 'od dam pa mdo
444b1 sde'i dbang po'i rgyal po 'di mnyan par bgyi ste/ btsun pa bcom ldan 'das/ tshangs pa'i dbang pos 'jig rten pa dang / 'jig rten las 'das pa'i bstan bcos rnam pa sna tshogs
444b2 ji snyed bstan pa dag dang / lha'i dbang po brgya byin gyis bstan bcos rnam pa sna tshogs ji snyed bstan pa dag dang / drang srong mngon par shes pa lnga can rnam pa sna tshogs dag gis
444b3 sems can dag gi don gyi slad du 'jig rten pa dang / 'jig rten las 'das pa'i bstan bcos rnam pa sna tshogs ji snyed bstan pa dag las ches mchog ches khyad par du 'phags
444b4 pa gser 'od dam pa mdo sde'i dbang po'i rgyal po 'di ni/ btsun pa bcom ldan 'das/ tshangs pa'i dbang po brgya phrag stong de dag dang / brgya byin bye ba khrag khrig brgya stong phrag
444b5 du ma dang / drang srong mngon par shes pa lnga can bye ba khrag khrig brgya phrag stong thams cad pas ches mchog ches khyad par du 'phags pa'i de bzhin gshegs pas sems can
444b6 rnams kyi don gyi slad du rgya cher yang dag par bshad pa lags so/ /ji ltar na 'dzam bu'i gling thams cad na gnas pa'i mi rnams kyi rgyal pos rgyal po nyid bgyi ba dang / ji ltar
444b7 sems can thams cad bde bar 'gyur ba dang / ji ltar rang gi yul kun tu bsrungs bar 'gyur ba dang / yongs su bskyangs bar 'gyur ba dang / ji ltar yul thams cad na
445a1 @#/ /gnod pa dang / dgram mchis par 'gyur ba dang / ji ltar pha rol gyi dmag tshogs rnams pham ste phyir phyogs par 'gyur ba dang / ji ltar yul de
445a2 dag na nad 'go ba ma mchis shing 'khrug pa ma mchis par 'gyur ba dang / ji ltar yul thams cad chos kyis 'khrug pa ma mchis shing mi rdzi bar 'gyur ba dang / ji ltar
445a3 mi'i rgyal po de dag gis rang rang gi yul rnams su chos kyi sgron me chen po 'bar bar bgyis shing snang bar bgyis par 'gyur ba dang / ji ltar lha'i khang khyim thams cad
445a4 lha dag dang / lha'i bu rnams kyis gang bar 'gyur ba dang / ji ltar bdag cag rgyal po chen po bzhi dpung dang g.yog tu bcas pa dang / gnod sbyin brgya stong phrag du ma
445a5 dang | 'dzam bu'i gling na gnas pa'i lha'i tshogs thams cad tshim pa dang / rim gro bgyid par 'gyur ba dang / ji ltar bdag cag gi lha'i lus 'di dag gzi brjid chen po
445a6 rnam par 'phel bar 'gyur ba dang / ji ltar bdag cag gi lus la brtson 'grus dang / stobs dang / mthu chen po bskyed par 'gyur ba dang / ji ltar bdag cag gi lus la
445a7 gzi brjid dang / dpal dang / phun sum tshogs pa rab tu 'jug bar 'gyur ba dang / ji ltar 'dzam bu'i gling thams cad lo legs shing nyams dga' ba dang / skye bo dang /
445b1 mis gang bar 'gyur ba dang / ji ltar 'dzam bu'i gling thams cad na gnas pa'i sems can rnams bde bar 'gyur ba dang / dga' ba sna tshogs myong bar 'gyur ba dang / ji ltar
445b2 sems can thams cad bskal ba bye ba khrag khrig brgya stong phrag du mar lha dang / mi'i bde ba rgya che zhing rgya che ba myong bar 'gyur ba dang / sangs rgyas bcom ldan 'das rnams dang
445b3 lhan cig gnas par 'gyur ba dang / ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de dag thams cad de lta na
445b4 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis tshangs pa'i dbang po bye ba khrag khrig brgya stong dag pas ches 'phags pa'i thugs
445b5 rje chen po'i stobs dang ldan pa'i byin gyi rlabs dang / brgya byin bye ba khrag khrig brgya stong dag gi lha'i shes pa bas ches 'phags pa/ de bzhin gshegs pa'i mkhyen pa bla na
445b6 med pa dang / drang srong mngon par shes pa lnga can rnam pa sna tshogs bye ba khrag khrig brgya stong phrag du ma thams cad pas ches 'phags pa'i byin gyi rlabs kyis de bzhin gshegs
445b7 pa dgra bcom pa yang dag par rdzogs pa'i sangs rgyas kyis sems can thams cad kyi don gyi slad du/ gser 'od dam pa mdo sde'i dbang po'i rgyal po 'di 'dzam bu'i gling
446a1 @#/ /'dir rgya cher yang dag par rab tu bshad do/ /mi'i rgyal po'i dgongs pa dang / rgyal po'i bstan bcos dang / rgyal po'i bgyi ba gang dag
446a2 'dzam bu'i gling thams cad na mchis pa dang / gang dag gis sems can 'di dag thams cad bde bar 'gyur ba de dag thams cad bcom ldan 'das de bzhin gshegs
446a3 pa dgra bcom pa yang dag par rdzogs pa'i sangs rgyas kyis gser 'od dam pa mdo sde'i dbang po 'di nye bar bstan/ yongs su brjod/ yang dag par rab tu bshad
446a4 do| |btsun pa bcom ldan 'das/ rgyu de dang / rkyen des mi'i rgyal po des gdon mi 'tshal bar gser 'od dam pa mdo sde'i dbang po'i rgyal po 'di gus par mnyan par
446a5 bgyi| gus par rim gror bgyi/ gus par mchod par bgyi'o/ /de skad ces gsol pa dang / bcom ldan 'das kyis rgyal po chen po bzhi la 'di skad ces bka' stsal
446a6 to| |de'i phyir rgyal po chen po khyed bzhi dpung dang g.yog tu bcas pa gdon mi za bar mi'i rgyal po gser 'od dam pa mdo sde'i dbang po'i rgyal po 'di nyan pa dang / rim
446a7 gro byed pa dang / mchod pa byed pa de dag kun tu bsrung ba'i phyir spro ba cher gyis shig /rgyal po chen po dang / dge slong dam/ dge slong ma 'am/ dge bsnyen nam/ dge
446b1 bsnyen ma mdo sde'i dbang po rgyal po 'dzin pa de dag kyang / sangs rgyas kyi mdzad pa 'dzin du chug cig dang / de dag lha dang / mi dang / lha ma yin du bcas pa'i 'jig rten 'di la sangs
446b2 rgyas kyi mdzad pa byed par 'gyur/ gser 'od dam pa mdo sde'i dbang po'i rgyal po 'di'ang rgya cher yang dag par rab tu 'chad par 'gyur te/ rgyal po chen po khyed bzhis ci nas mdo
446b3 sde'i dbang po 'dzin pa'i dge slong dang / dge slong ma dang / dge bsnyen dang / dge bsnyen ma bsrung ba dang / gnod pa med pa dang / nad med pa dang / 'khrug pa med pa dang / sems
446b4 bde bar 'gyur zhing / gser 'od dam pa mdo sde'i dbang po rgyal po 'di yang dag par rab tu ston par 'gyur bar dge slong ngam/ dge slong ma'am/ dge bsnyen nam/ dge
446b5 bsnyen ma mdo sde'i dbang po 'dzin pa de dag kun tu bsrung bar bya/ yongs su bskyab par bya/ yongs su gzung ba dang / yongs su bskyang ba dang / zhi ba dang / bde legs su
446b6 'gyur bar bya'o/ /de nas rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang
446b7 stan las langs te bla gos phrag pa gcig tu bgros nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ de'i
447a1 @#/ /tshe mngon sum du tshul dang mthun pa'i tshigs su bcad pa 'di dag gis bcom ldan 'das la mngon par bstod do/ /rgyal ba zla ba dri
447a2 ma med pa'i sku/ /rgyal ba nyi ma 'od zer stong gi 'od/ /rgyal ba pad+ma dri ma med pa'i spyan/ /rgyal ba me tog pad rtsa rdul med tshoms/ /rgyal ba'i yon tan rgya mtsho
447a3 lta bu ste/ /rin po che ni du ma'i 'byung gnas gyur/ /rgyal ba rgya mtsho ye shes chu yis gang / /ting 'dzin brgya phrag stong gis kun tu gang / /rgyal ba'i zhabs ni 'khor
447a4 lor bris pa ste/ /khor yug mu khyud de bzhin rtsib ma stong / /phyag dang zhabs ni dra bas spras pa ste/ /zhabs kyi dra ba ngang pa'i dbang po bzhin/ /gser gyi ri bo lta bur rab tu
447a5 gda'/ /rgyal ba dri med gser gyi ri dbang po/ /yon tan thams cad ri rab 'dra ba ste/ /sangs rgyas ri dbang rgyal la phyag 'tshal lo/ /de bzhin gshegs pa zla ba nya ba
447a6 'dra| |nam mkha' dang yang mtshungs shing 'dra ba ste/ /sgyu ma smig rgyu lta bu chags med pa/ /rgyal ba dri ma med la phyag 'tshal lo/ /de nas bcom ldan 'das kyis rgyal
447a7 po chen po bzhi la tshigs su bcad de bka' stsal pa/ stobs bcu dag gi gser 'od dam pa yi/ /mdo sde'i dbang po'i rgyal po rab mchog 'di/ /'jig rten skyong
447b1 khyed cag rnams kyis ni/ /brtson 'grus rab tu brtan pas bskyang bar bya/ /'di ltar mdo sde dkon mchog zab mo 'di/ /sems can kun la bde ba sbyin byed pa/ /sems can rnams
447b2 la phan dang bde ba'i phyir/ /'dzam bu'i gling 'dir yun ring gnas par 'gyur/ /'di ltar stong gsum gyi ni stong chen gyi/ /'jig rten dag na ngan song sdug bsngal dang / /sems
447b3 can dmyal ba'i sems can rnams kyi ni/ /sdug bsngal thams cad zhi bar byed pa'o/ /gang dag 'dzam bu'i gling ni 'di na yang / /'dzam bu'i gling gnas rgyal po thams cad
447b4 kyis| |rab tu dga' ba chen po bskyed nas ni/ /chos rnams kyis ni yul dag bskyang bar gyis/ /gang gis 'dzam bu'i gling 'di bde ba dang / /shin tu lo legs nyams kyang dga'
447b5 'gyur zhing / /'dzam bu'i gling ni thams cad dag na yang / /sems can thams cad bde bar 'gyur bar gyis/ /'di ni mi yi dbang po gang rnams ni/ /yul na dga' dang bdag
447b6 bde dga' ba dang / /rgyal srid rnam par 'byor ba dga' ba des/ /mdo sde'i dbang po 'di ni mnyan par bya/ /pha rol dgra ni yang dag zad byed pa/ /pha rol dgra tshogs zlog
447b7 pa dge byed pa/ /mchog tu 'jigs pas phongs pa sel byed pa/ /mchog tu dge byed mdo sde'i dbang po 'di'o/ /ji ltar rin chen shing ljon rab mdzes pa/ /yon tan kun 'byung
448a1 @#/ /khyim na yod pa ltar/ /rgyal po yon tan 'dod pa rnams kyis kyang / /mdo sde'i dbang po'i mchog 'di de ltar blta/ /ji ltar chu grang skom pa sel
448a2 byed pa/ /tshabs nyam thag tshe na rnyed pa ltar/ /yon tan dag gis skom pa'i rgyal po la/ /mdo sde'i rgyal po'i mchog 'di de bzhin no/ /ji ltar rin chen thams cad
448a3 'byung ba'i gnas/ /rin chen snod ni lag mthil yod pa ltar/ /mi yi dbang po'i tshogs la gser 'od mchog /mdo sde'i dbang po'i mchog 'di de bzhin no/ /'di ni lha
448a4 yi tshogs kyi mngon mchod pa/ /mdo sde'i dbang po lha dbang phyag byas pa/ /'jig rten skyong ba rdzu 'phrul chen po la/ /bzhi po dag gis kun tu bsrungs pa yin/ /phyogs
448a5 bcu dag na sangs rgyas rnams kyis kyang / /mdo sde'i dbang po 'di ni rtag tu dgongs/ /mdo sde'i dbang po 'di ni bshad pa na/ /sangs rgyas rnams kyis legs zhes
448a6 brjod pa byin/ /gnod sbyin bye ba stong phrag brgya rnams kyis/ /phyogs bcu dag tu yul yang srung bar byed/ /rab tu dga' zhing rab tu mgu sems kyis/ /mdo sde'i dbang
448a7 po 'di ni nyan par byed/ /'dzam bu'i gling na gnas par gyur pa yi/ /lha yi tshogs rnams bsam gyis mi khyab pa/ /lha tshogs de dag kun kyang rab dga' bas/ /mdo
448b1 sde'i dbang po 'di ni nyan par byed/ /chos rnams mnyan par bya ba 'di yis ni/ /gzi brjid dang ni stobs dang brtson 'grus thob/ /gzi brjid chen po yi ni lha yi lus/ /shin
448b2 tu rgyas shing rnam par 'phel bar 'gyur/ /de nas rgyal po chen po bzhis bcom ldan 'das la tshigs su bcad pa 'di lta bu 'di dag thos pa dang / ngo mtshar du gyur rmad du
448b3 byung bar gyur dga' bar gyur te/ de dag chos kyi shugs kyis yud tsam zhig dus nas mchi ma phyis te/ de dag lus 'dar yan lag 'dar zhing dga' ba dang / bde ba
448b4 dang / yid bde ba bsam gyis mi khyab pa dang ldan par gyur nas kyang bcom ldan 'das la lha'i me tog man dA ra ba dag gis gtor mngon par gtor to/ /gtor/ mngon
448b5 par gtor nas kyang stan las langs te gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo
448b6 sbyar ba btud nas bcom ldan 'das la 'di skad ces gsol to/ /btsun pa bcom ldan 'das/ bdag cag rgyal po chen po bzhi rgyal po chen po re re'ang gnod sbyin lnga
448b7 brgya lnga brgya dang / chos smra ba de bsrung ba dang / yongs su bskyang ba'i slad du rtag tu dge slong chos smra ba'i slad bzhin 'brang bar bgyi'o/ /gser 'od dam pa mdo sde'i dbang
449a1 @#/ /po'i rgyal po las/ rgyal po chen po bzhi'i le'u zhes bya ba ste bdun pa'o// //de nas lha mo chen mo dbyangs can gyis gos phrag pa
449a2 gcig tu bgos te pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol
449a3 to| |btsun pa bcom ldan 'das/ lha mo chen mo dbyangs can bdag gis kyang dge slong chos smra ba de'i tshig brgyan pa'i slad du spobs pa nye bar bsgrub par bgyi/ /gzungs kyang
449a4 stsal bar bgyi/ nges pa'i tshig gi brjod pa kun tu gzhag par bgyi/ dge slong chos smra ba de la ye shes kyi snang ba chen po bgyi'o/ /gser 'od dam pa mdo sde'i dbang po'i
449a5 rgyal po 'di las tshig gam/ yi ge gang yang rung ba dag cig yongs su nyams par gyur tam/ bskyud na bdag gis dge slong chos smra ba de'i nges pa'i sgra dang / tshig dang /
449a6 yi ge de dag thams cad bsgrub par bgyi'o/ /de ltar sangs rgyas bcom ldan 'das brgya stong dag la dge ba'i rtsa ba bskrun pa'i sems can de dag gi don gyi slad du gser
449a7 'od dam pa mdo sde'i dbang po'i rgyal po 'di 'dzam bu'i gling na yun ring du gnas shing myur du nub par mi 'gyur ba dang / sems can du ma dag gis gser 'od dam pa
449b1 mdo sde'i dbang po'i rgyal po 'di thos nas shes rab rno ba bsam gyis mi khyab par 'gyur ba dang / shes rab kyi phung po bsam gyis mi khyab pa thob par 'gyur ba dang / tshe 'di la
449b2 tshe phun sum tshogs pa rab tu thob par 'gyur ba dang / srog la phan gdags pa dang / bsod nams kyi phung po dpag tu ma mchis pa rab tu 'dzin par 'gyur ba dang / thabs sna
449b3 tshogs rab tu 'tshal bar 'gyur ba dang / bstan bcos thams cad la mkhas par 'gyur ba dang / bzo'i bgyi ba sna tshogs phun sum tshogs pa rab tu thob par 'gyur ba dang /
449b4 bskyud pa ma mchis par bgyi ba'i slad du de la gzungs kyang stsal bar bgyi'o/ /dge slong chos smra ba de dang / sems can chos nyan pa de dag gi don gyi slad du sngags dang / sman
449b5 dang ldan pa'i khrus kyi las brjod par bgyi ste/ gza' dang / rgyu skar dang / skye ba dang / 'chi ba'i gnod pa dang / 'thab pa dang / rnyog pa dang / 'khrug long dang / khrag khrug
449b6 dang | rmi lam ngan pa dang / log 'dren gyi gnod pa thams cad dang / byad dang / ro langs thams cad rab tu zhi bar 'gyur/ gang gis mkhas pa dag khrus bgyid du stsal
449b7 ba'i sman dang / sngags ni 'di dag ste/ shu dag gi wang 'u su dang / /sha myang sha mi shi ri sha/ dbang po'i lag dang skal ba che/ /dz+nya ma shing tsha a ga ru/ /shi ri be sta sra rtsi
450a1 @#/ /dang | |gu gul ras shA li ki/ /rdo dreg lo ma rgya spos dang / /tsan+dan dang ni ldong ros dang / /gi wang bcas dang ru rta dang / /gur gum gla sgang yungs
450a2 kar dang / /spyi mo sug smel na la da/ /nA ga ge sar u shi ra/ /'di dag cha ni mnyam bgyis nas/ /skar ma rgyal la btags par bgyi/ /phye ma la ni sngags tshig 'di/ /
450a3 lan brgya mngon par gdab par bgyi/ /tad ya thA/ su kr-i te kraM ta ka ma la nI la dzi na ka ra te/ haM ka rA te/ in+d+ra dza li/ sha kad dre ba shad dre/ a brta ka si ke /na ku tra ku/
450a4 ka bi la ka bi la ma ti/ shI la ma ti/ san d+hi d+hu d+hu ma ma ba ti/ shi ri shi ri/ sa t+ya s+thi te swA hA/ lci bas dkyil 'khor bgyis nas ni/ /me tog sil ma dgram par bgyi/ /
450a5 gser gyi snod dang dngul snod du/ /mngar ba'i khu ba gzhag par bgyi/ /skyes bu go cha bgos pa ni/ /bzhi zhig der yang gzhag par bgyi/ /rab tu brgyan pa'i bu mo
450a6 bzhi| |bum pa thogs pa bzhag par bgyi/ /rtag tu gu gul bdug par bgyi/ /sil snyan sna lnga bgyid du stsal/ /gdugs dang rgyal mtshan ba dan gyis/ /lha mo de ni
450a7 legs par brgyan/ /bar bar dag tu me long gzhag /mda' dar mdung rtse rna brang gzhag /de nas mtshams kyang gcad par bgyi/ /de yi 'og tu dgos pa brtsam/ /
450b1 sngags kyi las ni 'di dag gis/ /mtshams bcad pa yang brtsam par bgyi/ /s+yAd ya the dan/ a ra ke/ na ya ne/ hi le/ mi le/ gi le/ khi khi le swA hA/ bcom ldan 'das
450b2 kyi snam logs su khrus bgyis nas sngags 'di bzlas brjod bgyis na khrus kyi zhi bar sbyor ro/ /tad ya thA/ sa ga Te/ bi ga De/ bi ga ta ba ti swAhA/ phyogs bzhi dag na
450b3 gang gnas pa'i/ /rgyu skar dag gis tshe srungs shig /btsas pa'i skar ma'i gnod pa dang / /phung po'i las kyi 'jigs 'byung dang / /'byung po'i khams rnams 'khrug bgyid pa//
450b4 'jigs pa mi bzad zhi gyur cig /tad+ya thA/ sha me/ bi sha me swAhA/ sa ga Te/ bi ga Te swAhA/ su kha ti na te swAhA/ sA ga ra saM b+hU tA ya swAhA/ skan d+ha ma tA ya swAhA/ nI la kaN+DA ya
450b5 swAhA| a pa ra dzi ta bIR+ya ya swAhA/ hi ma ba ta saM b+hU tA ya swAhA/ a ni mi la bka trA ya swAhA/ na mo b+ha ga ba te/ brah+ma Ne/ na maHsa ra swa t+ye de byai sid+h+yaM tu man+t+ra pa dang / daM bah+ma a nu ma
450b6 n+ya tu swA hA/ dge slong chos smra ba do bsrung ba dang / chos mnyan pa de dag dang / yi ger 'dri ba de dag gi don gyi slad du khrus kyi las 'dis bdag nyid der mchis bar bgyi'o/ /lha'i
450b7 tshogs thams cad dang lhan cig tu grong ngam/ grong khyer ram/ grong rdal lam/ gtsug lag khang der nad thams cad rab tu zhi bar bgyi'o/ /ji ltar dge slong ngam/ dge slong
451a1 @#/ /ma 'am/ dge bsnyen nam/ dge ba snyen ma mdo sde'i dbang po 'dzin pa de dag gi srog la phan gdags par 'gyur ba dang / 'khor ba las 'byung
451a2 ba thob par 'gyur ba dang / bla na med pa yang dag par rdzogs pa'i byang chub las phyir mi ldog par 'gyur ba dang / myur du bla na med pa yang dag par rdzogs pa'i byang chub
451a3 mngon par rdzogs par 'tshang rgya bar 'gyur bar gza' dang / 'thab pa dang / rnyog pa dang / btsas pa'i skar ma'i gnod pa dang / rmi lam ngan pa dang / log 'dren gyi
451a4 gnod pa thams cad dang / byad dang / ro langs thams cad rab tu zhi bar bgyi'o/ /de nas bcom ldan 'das kyis lha mo dbyangs can la/ lha mo chen mo dbyangs can khyod
451a5 skye bo mang po phan pa dang / skye bo mang po la bde ba'i phyir zhugs te/ khyod kyis sngags dang / sman dang ldan pa'i tshig 'di 'dra ba bshad pa ni legs so/ /legs so/ /
451a6 zhes bya ba byin no/ /lha mo dbyangs can gyis bcom ldan 'das kyis zhabs la phyag btsal nas phyogs gcig tu 'dug go /de nas slob dpon lung ston pa bram ze kauN+Di
451a7 n+yas lha mo dbyangs can de bkug go /lha mo chen mo dbyangs can mchod 'os dka' thub che/ /'jig rten kun tu rnam grangs mchog sbyin yon tan che/ /rtser gnas mdzes ma
451b1 dang ba rtswa yi gos bskus pa/ /dwang ba rtswa yi gos gyon rkang pa gcig gis gnas/ /lha rnams thams cad lhags nas 'di skad ces smras te/ /sems can rnams la dge ba'i tshig
451b2 shod lce khrol cig /s+yAd ya the dan/ mu re/ tsi re/ a ba dze/ a pa dza ba te/ hi phu le/ mi gu le/ pi ga la ba ti/ ma gu she/ /ma ri tsi/ sa ma ti/ da sha ma ti/ a gri ma gri/
451b3 ta ra| tsi ha ra/ tsa pa ti/ tsi tsi ri/ shi ri mi ri/ ma ri tsi/ pra Na ye/ lo ka dz+ye Sh+The/ lo ka shriSh+Tha/ lo ka pri ye/ sid d+hi pre te/ bi ma mu khi shu tsi kha re/ a pra ti ha te/ a pra te ha
451b4 te| bud d+he/ na mu tsi/ na mu tsi/ ma hA de bI pra ti gr-ih+na na ma ska raM/ bdag gi blo thogs pa med par gyur cig /bstan bcos dang / tshigs su bcad pa'i rgyud dang / sde snod
451b5 dang | snyan dngags la sogs pa bdag gi rig sngags dngos grub tu gyur cig/ tad+ya thA/ ma hA pra b+ha bA/ hi li hi li/ mi li mi li/ bcom ldan 'das ma lha mo dbyangs can
451b6 gyi mthus bdag rnam par rgyal bar gyur cig/ ka ra Te ke yU re/ ke yU ra ba ti/ hi li mi li/ hi li mi li/ hi li hi li/ sangs rgyas kyi bden pa dang / chos kyi bden pa dang /
451b7 dge 'dun gyi bden pa dang / dbang po'i bden pa dang / chu lha'i bden pas lha mo chen mo dgug par bya'o/ /gang dag 'jig rten na bden pa smra ba de dag gi bden pa dang / bden
452a1 @#/ /pa'i tshig gis lha mo chen mo dgug par bya'o/ /tad+ya thA/ hi li hi li/ hi li mi li/ hi li mi li/ bdag rnam par rgyal bar gyur cig/ bcom ldan
452a2 'das ma lha mo chen mo dbyangs can la phyag 'tshal lo/ /bdag la gsang sngags kyi tshig rnams grub par gyur cig swAhA/ de nas slob dpon lung ston pa bra ma ze kauN+Di n+yas lha mo
452a3 chen mo dbyangs can la tshigs su bcad pa 'di dag gis mngon par bstod do/ /'byung po'i tshogs rnams thams cad nga la nyan par gyis/ /lha dang dri za lha dbang bcas
452a4 pa'i 'jig rten na/ /bud med dam pa lha mo mchog gi rab gang yin/ /lha mo dam pa mchog tu mdzes pa'i zhal la bstod/ /yon tan rnam pa sna tshogs bsags pas
452a5 yan lag brgyan/ /dbyangs can zhes bya spyan ni yangs shing bsod nams 'bar/ /dri med ye shes yon tan rnams kyis rnam par rgyas/ /rin chen sna tshogs tha dad lta
452a6 bu blta ba'i phyir/ /mchog rab ngag gi yon tan khyad par de bstod do/ /dam pa mchog gi dngos grub byed pa dang / /yang dag bsngags dang yon tan byed pa dang / /dri
452a7 med mchog dang pad+ma 'bar ba dang / mig mchog dang ni mig gi dam pa dang / /dge ba'i gnas dang dge ba mthong ba dang / /yon tan bsam du med pas brgyan pa dang / /
452b1 zla ba 'dra dang dri ma med 'od dang / /ye shes 'byung gnas dran pa dam pa dang / /seng ge mchog dang mi la zhon pa dang / lag pa brgyad rnams kyis ni brgyan pa dang / /zla ba nya ba lta bur
452b2 snang ba dang / /yid du 'ong ba'i ngag dang dbyangs snyan dang / /shes rab zab mo dang ni ldan pa dang / /dgos mchog sgrub byed sems can dam pa dang / /lha dang lha min dbang pos
452b3 mchod pa dang / /lha dang lha min tshogs kun gnas brjod dang / /'byung po'i tshogs kyi gnas rtag mchog pa'i phyir swAhA/ /bdag cag lha mo 'di la phyag bya'o/ /bdag la yon
452b4 tan khyad par kun stsol cig /dgos pa kun tu bdag la dngos grub stsol/ /dgra rnams khrod na bdag la rtag tu srungs/ /yi ge rdzogs shing tshig rgyas 'di dag ni/ /nang par
452b5 langs nas gtsang mar brjod par bya/ /bsam pa dang ni nor 'bru thams cad rnyed/ /dngos grub dge ba rgya chen thob par 'gyur/ /gser 'od dam pa mdo sde'i dbang po'i rgyal
452b6 po las/ dbyangs can gyi le'u zhes bya ba ste brgyad pa'o// //de nas bcom ldan 'das la lha mo chen mo dpal gyis 'di skad cas gsol to/ /btsun pa
452b7 bcom ldan 'das/ lha mo chen mo dpal bdag gis kyang / ci nas chos smra ba'i dge slong de yo byad thams cad phun sum tshogs par 'gyur ba dang / brel phongs ma mchis
453a1 @#/ /pa thob par 'gyur ba dang / sems brtas par 'gyur ba dang / sems bde bar gdugs mchan bas par 'gyur ba dang / gser 'od dam pa mdo
453a2 sde'i dbang po'i rgyal po 'di las tshig dang / yi ge rnam pa tha dad pa dag chub par 'gyur ba dang / rnam par rtogs par 'gyur ba dang / yang dag par brjod par 'gyur ba
453a3 dang / sangs rgyas brgya stong dag la dge ba'i rtsa ba bskrun pa'i sems can de dag gi don gyi slad du/ gser 'od dam pa mdo sde'i dbang po'i rgyal po 'di 'dzam bu'i
453a4 gling du yun ring du gnas par 'gyur zhing / myur du nub par mi 'gyur ba dang / sems can rnams kyang gser 'od dam pa mdo sde'i dbang po'i rgyal po 'di nyan par
453a5 'gyur ba dang / bskal pa bye ba khrag khrig brgya stong phrag du mar lha dang / mi'i bde ba myong bar 'gyur ba dang / mu ge ma mchis par 'gyur ba dang / lo legs par
453a6 'gyur ba dang / sems can rnams kyang bde bar sbyar ba thams cad kyis bde bar 'gyur pa dang / de bzhin gshegs pa dang 'grogs par 'gyur ba dang / ma 'ongs
453a7 pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / sems can dmyal ba dang / dud 'gro'i skye gnas
453b1 dang | gshin rje'i 'jig rten gyi sdug bsngal thams cad shin tu chad par 'gyur ba gang 'di gos dang / zas dang / mal cha dang / na ba'i gsos sman dang / yo byad dang /
453b2 'tshog chas gzhan dag gis kyang dge slong chos smra ba de spro bar bgyi'o/ /de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan
453b3 rgya mtsho bai DUR+ya dang / gser gyi ri kha dog bzang po gser du snang ba'i dpal zhes bya ba de la lha mo chen mo dpal gyis dge ba'i rtsa ba bskyed de/ de da ltar phyogs gang dang / gang
453b4 du sems pa dang / phyogs gang dang / gang du lta ba dang / phyogs gang dang / gang du 'gro ba'i phyogs de dang / der sems can bye ba khrag khrig brgya stong phrag du ma dag bde
453b5 bar sbyar ba thams cad kyis bde bar 'gyur/ zas dang / skom dang / nor dang / 'bru dang / 'gron bu dang / gser dang / nor bu dang / mu tig dang / bai DUR+ya dang /
453b6 dung dang / man shel dang / byu ru dang / dngul dang / sa le sbram dang / yo byad gzhan dag gis kyang mi phongs par 'gyur/ sems can de dag yo byad thams cad kyang
453b7 'byor par 'gyur ro/ /lha mo chen mo dpal gyi mthus de bzhin gshegs pa de la mchod par bya/ spos dang / me tog dang / bdug pa'ang dbul bar bya/ lha mo chen mo
454a1 @#/ /dpal gyi ming nas lan gsum brjod cing de la spos dang / bdug pa dang / me tog kyang byin la ro bro ba sna tshogs kyang byin na de'i 'bru'i phung
454a2 po chen po rnam par 'phel bar 'gyur ro/ /de la 'di skad ces bya ste/ sa la sa yi bcud dag rnam par 'phel/ /lha rnams rtag par rab tu dga' bar 'gyur/ /'bras
454a3 bu lo tog ldum sdong ljon lha rnams/ /lo tog shin tu sna tshogs rnams kyang bskyed/ /gser 'od dam pa mdo sde'i dbang po'i rgyal po'i ming brjod pa'i sems can de
454a4 dag la lha mo chen mo dpal sems par 'gyur/ /de dag la dpal chen por byed par 'gyur ro/ /lha mo chen mo dpal ni lcang lo can gyi pho brang 'khor na skyed mos tshal
454a5 dam pa bsod nams kyi me tog 'od ces bya ba na rin po che sna bdun las byas pa'i khang pa dam pa gser gyi rgyal mtshan zhes bya ba na gnas te/ mi gang la la 'bru'i
454a6 phung po spel bar 'dod pa des rang gi khyim phyag dar legs par bya/ khrus legs par bya/ gos dkar po gtsang ma bgo bar bya/ gos dri rab tu zhim pa bgo bar
454a7 bya'o| |de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho bai DUR+ya dang / gser gyi kha dog bzang po gser
454b1 du snang ba'i dpal de la phyag 'tshal zhing mtshan nas kyang lan gsum brjod/ lha mo chen mo dpal gyi lag nas de bzhin gshegs pa la mchod par byed/ me tog dang / bdug
454b2 pa dang / spos kyang dbul/ ro bro ba sna tshogs kyang dbul/ gser 'od dam pa mdo sde'i dbang po'i rgyal po'i ming yang lan gsum brjod/ bden pa'i tshig kyang brjod/ lha
454b3 mo chen mo dpal la'ang mchod cing me tog dang / 'dug pa'ang 'bul/ ro bro ba sna tshogs kyang 'bul na gser 'od dam pa mdo sde'i dbang po'i rgyal po 'di'i mthus/
454b4 de'i tshe lha mo chen mo dpal khyim de la sems par 'gyur/ de'i 'bru'i phung po chen po'ang 'phel bar 'gyur ro/ /lha mo chen mo dpal dgug par 'dod pa des rig pa'i
454b5 gsang sngags 'di dag dran par bya'o/ /'das pa dang / ma byon pa dang / da ltar byung pa'i sangs rgyas thams cad la phyag 'tshal lo/ /sangs rgyas dang / byang chub sems
454b6 dpa' thams cad la phyag 'tshal lo/ /byams pa la sogs pa byang chub sems dpa' rnams la phyag 'tshal lo/ /de dag la phyag btsal nas/ rig pa 'di dag la
454b7 sbyor bar bya ste/ rig sngags 'di rnams bdag la 'byor par gyur cig/ s+yA da ya the dan/ pra ti pU ra Na bA re/ sa man+ta dar sha ne/ mahA bi ha ra ga te/ sa man+ta/ be da
455a1 @#/ /na ga te/ ma hA kA R+yaM pra ti pra ba Ne/ sa twa ar+tha sa maM tA nu pra pU re/ A yA na d+harma tA ma hA b+ho gi ne/ ma hA mai tre u pa saM hi te/ he te Shi/ saM gra hi te ta sa
455a2 mar thA nu pA lA ni/ 'di dag ni spyi bo nas dbang bskur ba'i chos nyid kyi gsang sngags kyi tshig gcig tu de kho na yang dag par sgrub par sbyin pa mi slu ba'i don gyi tshig ste/
455a3 sems can bar ma la sbyor ba rnams dge ba'i rtsa ba kha na ma tho ba med pa dag gis lo bdun du 'don cing 'dzin pa dag yan lag brgyad pa'i bsnyen par gnas pa la
455a4 bsnyen te/ bdag dang / sems can thams cad mkhyen pa'i ye shes yongs su rdzogs par bya ba'i phyir snga dro dang / phyi dro sangs rgyas thams cad la me tog dang / spos
455a5 rnams kyis mchod nas/ des bdag gi bsam pa 'di 'byor par gyur cig /myur du 'byor par gyur cig /gtsug lag khang ngam/ dgon pa'i gnas kyang rung ste/
455a6 khyim de shin tu gtsang mar byas la lci bas dkyil 'khor byas te/ spos dang / bdug pa'ang dbul bar bya/ stan gtsang ma'ang gding bar bya'o/ /sa la me tog sil
455a7 ma bkram nas bsdad par bya'o/ /de nas skad cig de nyid la dpal 'ongs nas der gnas par 'gyur ro/ /de phyin cad khyim mam/ grong ngam/ grong khyer ram/ grong rdal
455b1 lam| gtsug lag khang ngam/ dgon pa'i gnas su nam yang brel cing phongs pa med par byed do/ /'gron bu dang / gser dang / rin po che dang / nor dang / 'bru dang / yo byad
455b2 thams cad 'byor pa dang / bde bar sbyar ba thams cad kyis bde bar 'gyur ro/ /dge ba'i rtsa ba gang dag byed pa de dag thams cad las lha mo chen mo dpal la shas kyi mchog
455b3 sbyin par bya ste/ des na de ji srid 'tsho'i bar du de na gnas par 'gyur/ phongs par mi 'gyur/ de dag gi bsam pa thams cad yongs su rdzogs par 'gyur ro/ /gser
455b4 'od dam pa mdo sde'i dbang po'i rgyal po las/ lha mo chen mo dpal gyi le'u zhes bya ba ste dgu pa'o// //bcom ldan 'das de bzhin gshegs pa
455b5 rin chen gtsug tor can la phyag 'tshal lo/ /bcom ldan 'das de bzhin gshegs pa dri ma med par 'bar ba rin chen gser gyi 'od zer snang ba'i tog la phyag 'tshal
455b6 lo| |de bzhin gshegs pa 'dzam bu gser gyi rgyal mtshan gser du snang ba la phyag 'tshal lo/ /de bzhin gshegs pa gser du snang ba'i snying po la phyag 'tshal lo/ /
455b7 de bzhin gshegs pa nyi ma brgya'i 'od zer snang ba'i snying po la phyag 'tshal lo/ /de bzhin gshegs pa gser rin chen 'byung gnas gdugs brtsegs la phyag 'tshal
456a1 @#/ /lo| |de bzhin gshegs pa gser gyi me tog 'bar ba'i 'od zer gyi tog la phyag 'tshal lo/ /de bzhin gshegs pa sgron ma chen mo la phyag
456a2 'tshal lo/ /de bzhin gshegs pa rin chen tog la phyag 'tshal lo/ /byang chub sems dpa' mdzes pa'i tog ces bya ba dang / byang chub sems dpa' gser 'od dam
456a3 pa zhes bya ba dang / byang chub sems dpa' gser gyi snying po zhes bya ba dang / byang chub sems dpa' rtag tu du zhes bya ba dang / byang chub sems dpa' chos 'phags
456a4 zhes bya ba dang / shar phyogs na de bzhin gshegs pa mi 'khrugs pa zhes bya ba dang / lho phyogs na de bzhin gshegs pa rin chen tog ces bya ba dang / nub phyogs
456a5 na de bzhin gshegs pa tshe dpag med ces bya ba dang / byang phyogs na de bzhin gshegs pa rnga sgra zhes bya ba ste/ su gser 'od dam pa mdo sde'i dbang po'i rgyal po
456a6 'di las de bzhin gshegs pa'i mtshan dang / byang chub sems dpa'i ming 'di dag 'dzin tam/ klog gam/ khong du chud par byed na de rtag tu tshe rabs dran par
456a7 'gyur ro/ /de nas bcom ldan 'das la sa'i lha mo brtan mas 'di skad ces gsol to/ /btsun pa bcom ldan 'das/ gser 'od dam pa mdo sde'i dbang po'i rgyal po
456b1 'di da ltar dang / ma 'ongs pa'i dus na grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ljongs sam/ pho brang 'khor gang du gnas
456b2 par 'gyur ba'i grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ljongs sam/ pho brang 'khor der/ btsun pa bcom ldan
456b3 'das/ sa'i lha mo brtan ma bdag mchi bar bgyi'o/ /bcom ldan 'das/ gang na gser 'od dam pa mdo sde'i dbang po'i rgyal po 'di rgya cher yang dag par rab tu 'chad
456b4 par 'gyur ba dang / sa phyogs gang dang / gang na dge slong chos smra ba de'i chos kyi khri shom par 'gyur ba dang / gang dang / gang du chos smra ba de stan la mchis nas gser
456b5 'od dam pa mdo sde'i dbang po'i rgyal po 'di rgya cher yang dag par rab tu ston par 'gyur ba der/ btsun pa bcom ldan 'das/ sa'i lha mo brtan ma bdag sa phyogs de
456b6 dang | de nyid du mchi bar bgyi'o/ /lus 'di mi gda' bar chos kyi khri'i 'og logs su mchis te/ yan lag gi dam pa mgos dge slong chos smra ba de'i rkang mthil
456b7 nas brten par bgyi'o/ /bdag kyang chos mnyan pa dang / chos bdud rtsi'i khu ba 'dis tshim par bgyi/ yang dag par rim gro bgyi/ yang dag par mchod par
457a1 @#/ /bgyi'o/ /bdag tshim par 'gyur/ rim gro bgyi ba bgyis par gyur/ rab tu dga' bar gyur nas/ sa'i phung po dpag tshad stong phrag drug cu
457a2 rtsa brgyad po 'di nas sa'i gzhi rdo rje la thug pa'i bar du sa'i bcud kyis rnam par 'phel bar bgyi/ yang dag par rim gro bgyi/ yongs su rdzogs par bgyi'o/ /steng
457a3 du'ang rgya mtsho'i mtha' la thug pa'i sa'i dkyil 'khor 'di sa'i bcud kyi snum gyis brlan par bgyi'o/ /sa chen po 'di rab tu mdangs dang ldan par bgyi'o/ /des na
457a4 'dzam bu'i gling 'dir rtswa dang / shing gel pa dang / sman dang / nags tshal sna tshogs rnams mdangs dang rab tu ldan par 'khrungs par 'gyur/ kun dga' ra ba
457a5 dang | nags tshal dang / shing ljon pa thams cad dang / lo ma dang / me tog dang / 'bras bu dang / lo tog rnam pa sna tshogs thams cad kyang rab tu mdangs dang ldan
457a6 par 'gyur/ dri dang rab tu ldan pa dang / snum dang rab tu ldan pa dang / ro zhim por 'gyur ba blta na rab tu sdug pa dang / rab tu che bar 'gyur ro/ /sems can de dag
457a7 kyang btung ba dang / bza' ba rnam pa sna tshogs de dag 'tshal nas/ tshe dang / stobs dang / kha dog dang / dbang po rnam par 'phel bar 'gyur ro/ /gzi brjid dang /
457b1 stobs dang / kha dog dang / gzugs dang ldan par gyur nas kyang sa la mchis pa'i dgos pa rnam pa sna tshogs tha dad pa brgya stong du ma dag bgyid par 'gyur/ brtson par
457b2 'gyur/ 'bad par 'gyur/ stobs su bgyid pa'i las rnams bgyid par 'gyur ro/ /btsun pa bcom ldan 'das/ rgyu des 'dzam bu'i gling thams cad zhi ba dang / lo
457b3 legs pa dang / rgyas pa dang / nyams dga' bar 'gyur/ mi'i skye bo mang pos gang par 'gyur/ 'dzam bu'i gling gi sems can thams cad bde bar 'gyur/ dga' ba
457b4 rnam pa sna tshogs myong bar 'gyur/ sems can de dag gzi brjid dang / stobs dang / kha dog dang / gzugs dang ldan par 'gyur ro/ /gser 'od dam pa mdo sde'i dbang
457b5 po'i rgyal po 'di'i slad du dge slong ngam/ dge slong ma'am/ dge bsnyen nam/ dge bsnyen ma mdo sde'i dbang po 'di 'dzin pa de dag chos kyi stan la mchis pa'i gan du
457b6 mchi bar 'gyur/ mchis nas kyang sems rab tu dang bas sems can thams cad kyi don dang / phan pa dang / bde ba dang / gser 'od dam pa mdo sde'i dbang po'i rgyal po
457b7 'di rgya cher yang dag par rab tu bshad par bgyi ba'i slad du chos smra ba de dag la gsol ba 'debs par 'gyur ro/ /de ci'i slad du zhe na/ btsun pa bcom ldan 'das/ /
458a1 @#/ /gser 'od dam pa mdo sde'i dbang po'i rgyal po 'di rab tu bshad na/ sa'i lha mo brtan ma bdag g.yog dang bcas te/ rab tu mdangs dang
458a2 ldan pa dang / rab tu stobs dang ldan par 'gyur ro/ /bdag cag gi lus la stobs dang / brtson 'grus dang / mthu chen po bskyed par 'gyur/ bdag cag gi lus
458a3 la gzi brjid dang / dpal dang / phun sum tshogs pa'ang 'jug par 'gyur ro/ /btsun pa bcom ldan 'das/ sa'i lha mo brtan ma bdag chos bdud rtsi'i khu ba
458a4 'dis tshim par gyur/ gzi brjid dang / stobs dang / brtson 'grus dang / mthu dang / shugs chen po thob par gyur na/ sa chen po'i dpag tshad stong phrag
458a5 bdun pa'i 'dzam bu'i gling 'di'i sa'i bcud chen po rnam par 'phel bar 'gyur/ sa chen po mdangs dang rab tu ldan par 'gyur ro/ /btsun pa bcom ldan 'das/
458a6 sa la brten pa'i sems can de dag thams cad kyang 'phel zhing rgyas la yangs par 'gyur/ chen por yang 'gyur ro/ /sa la gnas pa'i sems can de dag chen por
458a7 gyur nas kyang / longs spyod dang / yongs su spyod pa sna tshogs la spyod par 'gyur/ bde ba'ang myong bar 'gyur ro/ /de dag thams cad bza' ba dang / btung ba
458b1 dang / bca' ba rnam pa sna tshogs dang / gos dang / mal cha dang / gnas dang / khang pa dang / gzhal med khang dang / skyed mos tshal dang / chu bo dang / rdzing dang / chu mig dang /
458b2 mtshe'u dang / mtsho dang / lteng ka dang / 'di lta bu'i yo byad bde ba rnam pa sna tshogs sa la gnas pa sa las byung ba sa la brten pa 'di dag la spyod par 'gyur ro/ /btsun pa
458b3 bcom ldan 'das/ rgyu des sems can de dag thams cad kyis bdag la byas pa gzo bar bgyi'o/ /gdon mi 'tshal bar gser 'od dam pa mdo sde'i dbang po'i rgyal po
458b4 'di bsti stang du bgyis te/ mnyan par bgyi/ bkur stir bgyi/ bla mar bgyi/ rim gror bgyi/ mchod par bgyi'o/ /btsun pa bcom ldan 'das/ gang gi tshe sems
458b5 can de dag chos smra ba de'i gan du mchi ba'i slad du/ rigs tha dad pa dang / khyim tha dad pa dag nas 'byung ste/ mchis nas gser 'od dam pa mdo sde'i dbang po'i rgyal
458b6 po 'di mnyan par gyur la/ thos nas kyang rang rang gi rigs dang / khyim dang / grong dang / grong rdal tha dad pa dag tu zhugs nas/ rang rang gi khyim na gnas pa dag phan
458b7 tshun du/ 'di skad ces/ bdag cag gis de ring chos mnyan pa zab mo thos so/ /de ring bdag cag gis bsod nams kyi phung po bsam gyis mi khyab pa yongs su bzung
459a1 @#/ /ngo / /bdag cag gis chos mnyan pa des de bzhin gshegs pa bye ba khrag khrig brgya stong phrag du ma dag mnyes par byas so/ /deng bdag
459a2 cag gis chos nyan pa 'dis sems can dmyal ba las yongs su thar te/ dud 'gro'i skye gnas dang / gshin rje'i 'jig rten dang / yi dwags kyi yul las
459a3 yongs su thar to/ /deng bdag cag chos nyan pa 'dis ma 'ongs pa'i dus na/ tshe rabs brgya stong phrag du mar lha dang / mir skye ba yongs su bzung bar 'gyur ro
459a4 zhes gtam zer bar 'gyur ro/ /khyim tha dad pa na gnas par 'gyur ba de dag sems can gzhan dag la gser 'od dam pa mdo sde'i dbang po'i rgyal po 'di las
459a5 than dpe gcig brjod dam/ gser 'od dam pa mdo sde'i dbang po'i rgyal po 'di las tha na le'u gcig gam/ sngon byung ba gcig gam/ tha na byang chub sems
459a6 dpa'i ming gcig gam/ de bzhin gshegs pa'i mtshan gcig gam/ tha na tshig bzhi pa'i tshigs su bcad pa gcig gam/ tshig gcig gis sems can
459a7 gzhan dag la thos par bgyid dam/ tha na gser 'od dam pa mdo sde'i dbang po'i rgyal po 'di'i mtshan gzhan dag la rab tu ston tam/ btsun pa bcom ldan 'das/
459b1 gang dang / gang na sems can rnam pa tha dad pa de dag sa phyogs rnam pa tha dad pa dag tu mdo sde'i gtan tshigs rnam pa sna tshogs 'di lta bu 'di dag gcig la gcig brjod
459b2 dam| thos par bgyid dam/ gtam brgyud brjod na/ btsun pa bcom ldan 'das/ sa phyogs de dag thams cad shin tu mdangs dang ldan pa dang / shin tu snum par
459b3 'gyur ro/ /sa phyogs de dang / de dag tu sems can thams cad kyi phyir sa'i bcud rnam pa sna tshogs dang / yo byad thams cad rgyas par skye bar 'gyur/ rnam par
459b4 'phel bar 'gyur/ shin tu rgyas par 'gyur/ sems can de dag thams cad kyang bde bar 'gyur ro/ /nor che ba dang / longs spyod che ba dang / sbyin pa la mos par
459b5 'gyur/ dkon mchog gsum la mngon par dad par 'gyur ro/ /de skad ces gsol pa dang / bcom ldan 'das kyis sa'i lha mo brtan ma la 'di skad ces bka'
459b6 stsal to/ /sa'i lha mo/ sems can gang la la dag gser 'ong dam pa mdo sde'i dbang po'i rgyal po 'di las tha na tshig gcig nyan na de dag mi'i 'jig rten 'di nas
459b7 shi 'phos nas sum cu rtsa gsum pa'i lha'i ris kyi nang du lha'i ris gang yang rung ba zhig tu skye bar 'gyur ro/ /sa'i lha mo/ sems can gang la la dag gser 'od
460a1 @#/ /dam pa mdo sde'i dbang po'i rgyal po 'di la mchod pa'i phyir/ gnas de dag legs par brgyan par byed dam/ tha na gdugs gcig gam
460a2 ba dan gcig gam/ ras bcos bu gcig gis g.yogs na/ sa'i lha mo/ rtag tu brgyan pa'i gnas de dag 'dod pa na spyod pa'i lha'i ris bdun po de dag tu lha'i
460a3 rin po che sna bdun gyi gzhal med khang rgyan thams cad kyis legs par brgyan pa dag tu gnas par 'gyur ro/ /gang gi tshe sems can de dag mi'i 'jig rten 'di
460a4 nas shi 'phos te/ rin po che sna bdun gyi gzhal med khang de dag tu skye ba de'i tshe/ sa'i lha mo/ rin po che sna bdun gyi gzhal med khang re rer yang lan bdun bdun
460a5 du skye bar 'gyur ro/ /lha'i bde ba bsam gyis mi khyab pa'ang myong bar 'gyur ro/ /de skad ces bka' stsal pa dang / bcom ldan 'das la sa'i lha mo brtan mas
460a6 'di skad ces gsol to/ /btsun pa bcom ldan 'das/ des na sa'i lha mo brtan ma bdag dge slong chos smra ba chos kyi stan la mchis pa de'i chos kyi stan gyi 'og
460a7 logs kyis phyogs de dang / de dag tu gnas par bgyi'o/ /ci nas kyang sangs rgyas brgya stong dag la dge ba'i rtsa ba bskrun pa'i sems can de dag gi don gyi slang
460b1 du gser 'od dam pa mdo sde'i dbang po'i rgyal po 'di 'dzam bu'i gling du yun ring du gnas shing myur du nub par mi 'gyur ba dang / sems can rnams kyang gser 'od dam pa mdo
460b2 sde'i dbang po'i rgyal po 'di nyan par 'gyur ba dang / ma 'ongs pa'i dus na bskal pa bye ba khrag khrig brgya stong phrag du mar lha dang / mi'i bde ba bsam gyis mi khyab pa myong bar
460b3 'gyur ba dang / de bzhin gshegs pa dang 'grogs par 'gyur ba dang / ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang
460b4 rgya bar 'gyur ba dang / sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad shin tu chad par 'gyur bar lus mi
460b5 gda' bar bgyis te/ dge slong chos smra ba de'i rkang pa la yan lag gi dam pa mgos brten par bgyi'o/ /gser 'od dam pa mdo sde'i dbang po'i rgyal po las/ sa'i lha
460b6 mo brtan ma'i le'u zhes bya ba ste bcu pa'o// //de nas gnod sbyin gyi sde dpon chen po yang dag shes gnod sbyin gyi sde dpon chen po nyi shu rtsa brgyad dang
460b7 lhan cig tu stan las langs te gos phrag pa gcig tu bgos nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud
461a1 @#/ /nas| bcom ldan 'das la 'di skad ces gsol to/ /btsun pa bcom ldan 'das/ da ltar dang / ma 'ongs pa'i dus na/ gser 'od dam pa
461a2 mdo sde'i dbang po'i rgyal po 'di grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ljongs sam/ pho brang 'khor gang du
461a3 'byung bar 'gyur ba der/ btsun pa bcom ldan 'das/ gnod sbyin gyi sde dpon chen po yang dag shes bdag gnod sbyin gyi sde dpon chen po nyi shu rtsa brgyad po de dag
461a4 dang lhan cig tu grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ljongs sam/ pho brang 'khor der mchi bar bgyi'o/
461a5 lus mi gda' bar bgyi ste dge slong chos smra ba de bsrung bar bgyi'o/ /yongs su bskyab pa dang / yongs su gzung ba dang / yongs su bskyang ba dang / chad pa spang ba dang /
461a6 zhi ba dang / bde legs su 'gyur bar bgyi'o/ /skyes pa'am/ bud med dam/ khye'u'am/ bu mo chos nyan pa de dag thams cad dang / gang su dag gser 'od dam
461a7 pa mdo sde'i dbang po'i rgyal po 'di las tha na tshig bzhi pa'i tshigs su bcad pa gcig nyan pa dang / tha na tshig gcig dang / tha na gser 'od dam pa mdo sde'i dbang
461b1 po'i rgyal po 'di las byang chub sems dpa'i ming gcig gam/ de bzhin gshegs pa'i mtshan gcig thos par gyur te/ gzung ba dang / tha na gser 'od dam pa mdo sde'i
461b2 dbang po'i rgyal po 'di'i ming thos par gyur te/ gzung ba de dag thams cad kyang kun tu bsrung bar bgyi'o/ /yongs su bskyab pa dang / yongs su gzung ba dang / yongs su
461b3 bskyang ba dang / chad pa spang ba dang / zhi ba dang / bde legs su 'gyur bar bgyi'o/ /rigs de dag dang / khyim de dag dang / grong de dag dang / grong khyer de dag dang /
461b4 grong rdal de dag dang / dgon pa de dag dang / pho brang 'khor de dag kyang kun tu bsrung bar bgyi'o/ /yongs su bskyab pa dang / yongs su gzung ba dang / yongs su bskyang
461b5 ba dang / chad pa spang ba dang / zhi ba dang / bde legs su 'gyur bar bgyi'o/ /btsun pa bcom ldan 'das/ rgyu gang dag gis/ bdag gnod sbyin gyi sde dpon chen po
461b6 yang dag shes zhes ming du chags par gyur ce na/ 'di ni btsun pa bcom ldan 'das nyid kyi mngon sum mo/ /btsun pa bcom ldan 'das/ bdag gis chos thams cad
461b7 'tshal to/ /chos thams cad yongs su 'tshal to/ /chos thams cad khong du chud do/ /chos thams cad ji snyed pa dang / chos thams cad ji lta ba dang / gnas pa gang
462a1 @#/ /lags pa dang / chos thams cad kyi rigs gang lags pa dang / btsun pa bcom ldan 'das/ chos thams cad bdag la mngon sum mo/ /
462a2 btsun pa bcom ldan 'das/ chos thams cad la bdag gi ye shes snang ba bsam gyis mi khyab bo/ /ye shes kyi gsal ba bsam gyis mi khyab bo/ /ye shes kyi
462a3 rgyu ba bsam gyis mi khyab bo/ /ye shes kyi phung po bsam gyis mi khyab bo/ /btsun pa bcom ldan 'das/ chos thams cad la bdag gi ye shes kyi yul 'jug pa bsam
462a4 gyis mi khyab bo/ /btsun pa bcom ldan 'das/ ji ltar bdag chos thams cad yang dag par 'tshal ba dang / yang dag par yongs su brtags pa dang / yang dag par
462a5 yongs su 'tshal ba dang / yang dag par rnam par bltas pa dang / yang dag par khong du chud pa'i rgyu des na/ btsun pa bcom ldan 'das/ bdag gnod sbyin gyi
462a6 sde dpon chen po yang dag shes zhes ming du chags so/ /btsun pa bcom ldan 'das/ bdag gis dge slong chos smra ba de'i tshig brgyan par bgyi ba'i slad du spobs
462a7 pa nye bar bsgrub par bgyi'o/ /ji ltar chos smra ba de'i lus mi ngal bar 'gyur ba dang / lus kyi dbang po bde bar 'gyur ba dang / rab tu dga' ba skye bar 'gyur
462b1 ba dang / gang gi slad du sangs rgyas brgya stong dag la dge ba'i rtsa ba bskrun pa'i sems can rnams kyi don gyi slad du/ gser 'od dam pa mdo sde'i dbang po'i rgyal po 'di
462b2 'dzam bu'i gling du yun ring du gnas shing myur du nub par mi 'gyur ba dang / sems can rnams kyang gser 'od dam pa mdo sde'i dbang po'i rgyal po 'di nyan par 'gyur ba
462b3 dang / ye shes kyi phung po bsam gyis mi khyab pa thob par 'gyur ba dang / shes rab dang ldan par 'gyur ba dang / bsod nams kyi phung po rab tu 'dzin par 'gyur ba dang
462b4 ma 'ongs pa'i dus na bskal pa bye ba khrag khrig brgya stong phrag du mar lha dang / mi'i bde ba bsam gyis mi khyab pa myong bar 'gyur ba dang / de bzhin gshegs pa dang
462b5 'grogs par 'gyur ba dang / ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / sems can
462b6 dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad shin tu rgyun chad par 'gyur bar de'i spu'i bu ga rnams su mdangs stsal
462b7 bar bgyi'o/ /de'i lus la mthu dang / stobs dang / brtson 'grus chen po bskyed par bgyi'o/ /de'i ye shes kyi snang ba bsam gyis mi khyab par bgyi'o/ /de'i dran pa khong du
463a1 @#/ /chud par bgyi'o/ /de cher spro bar bgyi'o/ /gser 'od dam pa mdo sde'i dbang po'i rgyal po las/ yang dag shes kyi le'u zhes bya ba ste bcu
463a2 gcig pa'o// //'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo/ bam po bzhi pa/ bcom ldan
463a3 'das de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho bai DUR+ya dang / gser gyi ri kha dog bzang po gser
463a4 du snang ba'i dpal de la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan bye ba khrag khrig brgya
463a5 stong phrag du mas sku legs par brgyan pa gang chos kyi sgron ma 'di 'bar bar mdzad pa shAkya thub pa de la phyag 'tshal lo/ /lha mo chen mo dpal yon tan gyi 'bru dang /
463a6 bkra shis pa dpag tu med pa phun sum tshogs pa de la phyag 'tshal lo/ /lha mo chen mo dbyangs can shes rab kyi yon tan dpag tu med pa 'dus pa de la phyag 'tshal
463a7 lo| |yang de'i tshe de'i dus na rgyal po stobs kyi dbang po'i tog gi bu rgyal po mdzes pa'i tog dbang bskur nas ring por ma lon pa rgyal srid la gsar du gnas pa
463b1 la 'di skad ces smras so/ /bu/ gang ngas sngon dbang bskur nas ring por ma lon pa zhig na/ yab mchog gi dbang po'i tog las blangs pa rgyal po'i bstan bcos lha'i dbang
463b2 po'i dam tshig ces bya ba zhig yod de/ ngas rgyal po'i bstan bcos lha'i dbang po'i dam tshig des lo nyi khri'i bar du rgyal po nyid byas par gyur te/ tha na sems kyi skad cig
463b3 gcig tsam gyi tshod kyang sngon chos ma yin pas phyogs 'ga' zhig la gnas par ma shes so/ /bu/ rgyal po'i bstan bcos lha'i dbang po'i dam tshig ces bya ba de gang zhe na/
463b4 des na rigs kyi lha mo de'i tshe de'i dus na rgyal po stobs kyi dbang po'i tog gi bu rgyal po mdzes pa'i tog la rgyal po'i bstan bcos lha'i dbang po'i dam tshig ces bya ba'i tshigs
463b5 su bcad pa 'di dag gis rgya cher yang dag par rab tu bstan to/ /sems can kun la phan byed pa/ /the tshom thams cad gcod pa po/ /nyes byas thams cad 'jig byed pa//
463b6 rgyal po'i bstan bcos bshad par bya/ /rgyal po thams cad so so nas/ /dga' ba'i sems su 'gyur byos la/ /lha yi dbang po'i dam tshig kun/ /thal mo sbyar te
463b7 mnyan par byos/ /rdo rje'i 'byung gnas ri dbang 'dir/ /lha yi dbang po 'dus pa na/ /tshangs dbang la ni dri ba'i phyir/ /'jig rten skyong ba rnams kyang langs/ /khyod
464a1 @#/ /ni lha gtso tshangs pa ste/ /khyod ni lha rnams dbang phyug lags/ /khyod ni bdag cag the tshom gcod/ /bdag cag dogs pa gcad du gsol/ /
464a2 mir skyes pa yi rgyal po la/ /ji lta bur na lha zhes bgyi/ /gang gi rgyus na rgyal po la/ /lha sras zhes ni bgyi bar 'gyur/ /gal te lha ni ji lta bur/ /mi yi 'jig rten
464a3 'dir skye zhing / /mi bdag gyur te mi rnams la/ /rgyal po nyid ni bgyid par 'gyur/ /'jig rten skyong bas tshangs dbang la/ /de skad yongs su bris pa dang / /lha yi gtso
464a4 bo tshangs pa des/ /'jig rten skyong la 'di skad smras/ /de ltar 'jig rten skyongs rnams kyis/ /da ltar bdag la dris bas na/ /sems can kun la phan pa'i phyir/ /
464a5 bstan bcos dam pa kho bos bstan/ /mi yi gnas su skyes pa yi/ /rgyal po rnams kyi skye ba dang / /rgyu gang gis na yul rnams su/ /rgyal por 'gyur ba bshad par
464a6 bya| |lha dbang rnams kyis byin rlabs kyis/ /ma yi rum du 'jug 'gyur te/ /lha yis sngar ni byin brlabs nas/ /phyi nas mngal du 'jug par 'gyur/ /mi yi
464a7 'jig rten skyes kyang ni/ /mi yi dbang por gyur pa yin/ /lha las skyes par gyur pas na/ /de ni lha yi sras zhes bya/ /khyod ni lha kun bu yin zhes/ /sum cu rtsa
464b1 gsum lha dbang gis/ /rgyal po'i skal ba byin nas ni/ /mi rnams kyi ni dbang por sprul/ /nyes pa byas pa rnam 'gog pa/ /chos ma yin pa gzhig pa dang / /sems can
464b2 legs byed dgod pa dang / /lha yi gnas su dgye ba'i phyir/ /mi yi dbang po mi shes dang / /lha yi shas dang dri za'i shas/ /gdol pa'i shas dang srin shas kyis/ /nyes
464b3 par byed pa zlog par byed/ /legs par bya ba byed rnams la/ /mi yi dbang po pha ma'i shes/ /rnam smin 'bras bu bstan pa'i phyir/ /lha yi rgyal po byin gyis brlabs/ /tshe
464b4 'di'i legs par byas pa dang / /nyes par byas pa'i las rnams kyi/ /rnam smin 'bras bu bstan pa'i phyir/ /lha yi rgyal po byin gyis brlabs/ /yul na nyes byed gnas pa
464b5 dag /gang tshe rgyal pos yal bor zhing / /sdig pa can gyi skye bo la/ /mthun pa'i chad pas mi gcod cing / /nyes par byas pa yal bor pa/ /de tshe chos min shin tu 'phel//
464b6 'thab mo dang ni g.yo rnams kyang / /yul 'khor de ni phyir phyir 'byung / /sum cu rtsa gsum khang pa na/ /lha yi dbang po 'khrug par 'gyur/ /yul na nyes byed gnas pa
464b7 dag| gang tshe rgyal pos yal bor ba/ /de tshe g.yo ni mi bzad pa/ /drag po rnams kyis yul 'joms 'gyur/ /pha rol dmag tshogs lhags nas su/ /yul 'khor de ni
465a1 @#/ /rnam par 'jig /longs spyod rnams dang rigs kyang 'jig /gang gis nor bsags yod pa yang / /g.yo byed rnam pa mang po yis/ /phan tshun
465a2 du ni 'phrog par gyur/ /bya ba gang gis rgyal po nyid/ /bya ba de ni mi byed na/ /glang chen dbang pos rdzing bu bzhin/ /rang gi yul 'khor rnam par 'jig /ma rungs pa yi rlung
465a3 ldang zhing / /ma rungs pa yi char pa 'bab/ /nyi ma dang ni zla ba dang / /gza' dang rgyu skar ma rungs 'gyur/ /rgyal pos yal bar bor na der/ /sa bon lo tog me tog 'bras//
465a4 legs par smin par mi 'gyur zhing / /mu ge dag kyang 'byung bar 'gyur/ /yul na nyes byed gnas pa dang / /gang tshe rgyal pos yal bor ba/ /de tshe lha rnams khang pa na/ /
465a5 yid ni dga' bar mi 'gyur ro/ /lha rgyal dbang pos de dag kun/ /rgyal 'di chos dang mi ldan te/ /chos min phyogs la gnas pa zhes/ /phan tshun du ni smra bar 'gyur/ /
465a6 rgyal 'dis ring por mi thogs par/ /lha rnams 'khrug par byed par 'gyur/ /lha rnams rab tu 'khrugs pas na/ /de yi yul ni rnam par 'jig /yul du chos min
465a7 'byung 'gyur zhing / /mtshon chas kyang ni 'jig par 'gyur/ /g.yo rnams dang ni 'thab mo dang / /nad kyang kun tu 'byung bar 'gyur/ /lha yi dbang po rab khros
465b1 shing | |lha rnams kyis kyang yal bar 'dor/ /yul 'khor de ni 'jig par 'gyur/ /rgyal po de ni mya ngan rnyed/ /spun nam yang na bu yang rung / /sdug pa rnams dang bral bar
465b2 'gyur/ /sdug pa'i chung ma dang yang bral/ /yang na bu mo 'chi bar 'gyur/ /skar mda' dag kyang ltung bar 'gyur/ /de bzhin nyi ma 'dra ba 'byung / /pha rol gyi ni dmag tshogs
465b3 dang / /mu ge shin tu 'byung bar 'gyur/ /de yi blon po phangs pa dang / /glang po phangs pa 'chi bar 'gyur/ /de yi 'og tu rda mo ni/ /phangs pa dag kyang 'chi bar 'gyur/ /
465b4 khyim dang longs spyod nor rnams kyang / /phan tshun du ni 'phrog par 'gyur/ /yul yul du ni mtshon cha yis/ /phan tshun dag tu 'debs bar 'gyur/ /'thab mo dag
465b5 dang rtsod dang g.yo/ /yul rnams su ni 'byung bar 'gyur/ /yul 'khor du ni gdon 'jug cing / /mi bzad pa yin da kyang 'byung / /de yi 'og tu sbyin gnas kyang / /chos dang
465b6 ldan pa ma yin 'gyur/ /de yi 'khor dang blon po yang / /chos dang ldan pa ma yin 'gyur/ /chos dang mi ldan skye bo la/ /de yi 'og tu mchod byed 'gyur/ /chos dang ldan
465b7 pa'i sems can la/ /rtag tu chad pas gcod par 'gyur/ /chos dang mi ldan skye ba bkur/ /chos ldan chad pas gcad pa na/ /der ni chu dang rgyu skar rlung / /rnam gsum
466a1 @#/ /rnam par 'khrug par 'gyur/ /chos min skye bo bzung bas na/ /dam chos ngo yi snying po mdangs/ /sems can mdangs dang sa yi bcud/ /dngos
466a2 po rnam gsum rnam par 'jig /skye bo ngan pa rab bkur cing / /skye bo dam pa smad pas na/ /'chi dang lce 'bab mu ge dang / /rnam pa gsum ni der 'byung 'gyur/ /'bras
466a3 bu lo tog ro dang mdangs/ /de yi 'og tu med par 'gyur/ /sems can nad pa mang po dag /yul rnams su ni 'byung bar 'gyur/ /mngar zhing che ba'i 'bras bu
466a4 dag |yul rnams na ni yod pa yang / /kha ba dang ni tsha ba dang / /chung ba dag ni nyid du 'gyur/ /rtse dang rgod dang dga' ba dang / /sngan chad dga' ba'i dngos po dag /dga'
466a5 ba'i nyams ni mi dgar 'gyur/ /nyon mongs brgya yis rnam par 'khrugs/ /me tog rnams dang 'bras bu yi/ /snum dngos khu ba zad pas na/ /lus dang khams dang
466a6 dbang po la/ /de ltar tshim par mi 'gyur ro/ /sems can rnams ni mdog ngan zhing / /mthu chung shin tu rid par 'gyur/ /kha zas mang po zos kyang ni/ /tshim par
466a7 'gyur ba ma yin no/ /stobs dang mthu dang brtson 'grus dang / /de yi 'og tu med par 'gyur/ /sems can brtson 'grus nyams pa dag /yul rnams su ni 'byung
466b1 bar 'gyur/ /sna tshogs nad kyis gzir ba yi/ /sems can nad mang 'byung bar 'gyur/ /srin po sna tshogs las gyur pa'i/ /gza' dang rgyu skar 'byung bar 'gyur/ /chos min
466b2 phyogs la rab gnas te/ /rgyal po chos dang mi ldan pas/ /'jig rten gsum gyi dkyil 'khor na/ /khams gsum rnam par 'jig par 'gyur/ /gang tshe rgyal po'i phyogs
466b3 gnas te/ /nyes byed yal bar 'dor ba'i tshe/ /'di 'dra'i nyes pa du ma dag /yul rnams su ni 'byung bar 'gyur/ /dgos pa khang phyir lha dbang gis/ /rgyal po byin gyis
466b4 brlabs pa yi/ /rgyal po nyid ni mi byed cing / /nyes byed yal bar 'dor na ni/ /legs par byas pas sems can rnams/ /lha yi gnas su lhar yang skye/ /nyes par byas
466b5 pas yi dwags dang / /sems can dmyal dang dud 'gror skye/ /gang tshe rgyal po yul rnams na/ /nyes byed yal bar 'dor ba'i tshe/ /sum cu rtsa gsum lha gnas nas/ /nyes
466b6 par byas pas ltung bar 'gyur/ /rgyal po nyid ni mi byed na/ /de ni bu yang ma yin la/ /lha yi rgyal po pha rnams kyis/ /gnas la nyes dang bcas par 'gyur/ /g.yo ni shin tu mi
466b7 bzad pas/ /gang tshe yul 'khor 'jig 'gyur pa/ /dre phyir lha yi dbang po yi/ /mi gnas rgyal po byin gyis brlabs/ /nyes pa byas zhi bya ba'i phyir/ /legs par byed la
467a1 @#/ /'dzud pa ste/ /tshe 'di la ni sems can la/ /rnam smin bskyed pa rgyal po yin/ /legs byas dang ni nyes byas kyi/ /las kyi rnam par smin pa'i
467a2 'bras/ /rnam pa tha dad bstan pa'i phyir/ /byed pa gang yin rgyal por brjod/ /bdag gi don dang gzhan don dang / /yul gyi chos kyi don gyi phyir/ /lha tshogs rnams kyi
467a3 byin gyis brlabs/ /lha rnams dag kyang rjes yi rang / /yul 'khor rnams na skye bo ni/ /sdig can g.yon can 'dul ba dang / /yul gyi chos kyi don gyi phyir/ /srog
467a4 dang rgyal srid rnams kyang btang / /chos ma yin pas bzod byed cing / /shes bzhin yal bar 'dor ba ni/ /yul na 'jigs pa mi bzad pa/ /de 'dra gzhan ni yod ma
467a5 yin| |ji ltar g.yo rnams byung ba la/ /g.yo byed chad pas ma bcad na/ /yul du shin tu mi bzad pa'i/ /g.yo rnams phyir zhing 'byung bar 'gyur/ /glang chen rnams
467a6 kyi rdzing chen bzhin/ /yul 'khor de ni rnam par 'jig /lha dbang rnams kyang khro bar 'gyur/ /lha yi gnas ni rnam par 'jig /yul du dngos po thams cad ni/ /
467a7 ma rungs par yang 'gyur pas na/ /de phyir sdig pa byed pa rnams/ /nyes pa'i rim bzhin gdul bar bya/ /chos kyis yul 'khor bskyang bar bya/ /chos ma yin pa
467b1 spyad mi bya/ /srog kyang yongs su gtang bya zhing / /nye 'khon bya bar mi bya'o/ /skye bo gnyen dang skye bo gzhan/ /yul 'khor skye bo thams cad la/ /rgyal pos phyogs kyang gcig bya
467b2 yi| |phyogs su lhung bar gyur ta re/ /rgyal po chos dang ldan pa yi/ /grags pa 'jig rten gsum gang ste/ /sum cu gsum gyi gnas rnams na/ /lha yi dbang po dgar 'gyur te//
467b3 'dzam bu'i gling na nged kyi bu/ /'di ltar chos ldan rgyal po yin/ /chos kyi yul 'khor der bstan nas/ /legs par byed la skye bo bkod/ /rgyal po de ni legs byed pas/ /
467b4 skye bo dag ni 'dir 'gyed de/ /lha dang lha yi bu rnams kyis/ /lha gnas gang bar byed snyam mo/ /chos kyi yul 'khor der bstan pas/ /rgyal po rnams ni rab tu dga'/ /lha dbang
467b5 rab tu dang gyur pas/ /mi yi rgyal po de la bsrung / /nyi zla dang ni de bzhin du/ /rgyu skar legs par rgyu bar 'gyur/ /rlung yang dus su ldang 'gyur zhing / /char pa'ang dus su 'bab
467b6 par 'gyur/ /lha gnas rnams dang de bzhin du/ /yul 'khor rnams su lo legs byed/ /lha dang lha yi bu rnams kyis/ /lha yi gnas rnams gang bar byed/ /de lta bas na
467b7 rgyal po yi/ /bdag gis phangs pa'i srog btang gi /bdag gis 'jig rten bder 'gyur ba/ /dkon mchog chos ni mi btang ste/ /yon tan rnams kyis gang brgyan pa/ /chos
468a1 @#/ /dang ldan pas bsten par bya/ /rang gis skye bo rtag dga' ba/ /rtag tu sdig pa rnam par spangs/ /chos kyi yul 'khor bskyang bar bya/ /chos kyang
468a2 yang dag bstan par bya/ /legs par byed la sems can 'god/ /nyes byed las ni bzlog par bya/ /gang tshe sdig pa byed pa rnams/ /tshul bzhin 'dul bar byed pa'i tshe//
468a3 yul 'khor du ni lo legs shing / /rgyal po gzi brjid ldan par 'gyur/ /rgyal po grags dang ldan 'gyur zhing / /skye dgu rnams kyang bde bar skyong / /gser 'od dam pa mdo
468a4 sde'i dbang po'i rgyal po las/ rgyal po'i bstan bcos lha'i dbang po'i dam tshig ces bya ba'i le'u ste bcu gnyis pa'o// //gang tshe 'khor los bsgyur ba'i
468a5 rgyal por gyur/ /de tshe rgya mtshor bcas pa'i sa rnams btang / /gling bzhi rin chen gang bar bcas pa yang / /sngon gyi rgyal ba dag la ngas phul lo/ /chos kyi sku de yongs
468a6 su btsal ba'i phyir/ /gang sngon yid du 'ong zhing phangs pa yi/ /dngos po de dag ngas ni ma btang med/ /bskal pa du mar phangs pa'i srog kyang btang / /ji ltar sngon gyi bskal
468a7 pa bsam yas na/ /rin chen gtsug tor can gyi bde bar gshegs/ /mya ngan 'das pa'i bde bar gshegs pa de'i/ /bstan la legs byung zhes pa'i rgyal po byung / /de
468b1 ni gling bzhi'i dbang po'i 'khor los bsgyur/ /rgya mtshor thug pa'i sa la rab tu ston/ /rgyal dbang gsung phyir rgyal po'i pho brang na/ /de tshe rgyal po dam pa gnyid kyis log /
468b2 rmi lam du ni sangs rgyas yon tan thos/ /chos smra rin chen sogs pa gnyid dkyil na/ /rnam par lhang nger mdo sde'i dbang po 'di/ /rab tu 'chad cing 'dug pa mthong bar
468b3 gyur| |rgyal po de ni gnyid kyis log las sad/ /de yi lus kun dga' bas khyab par gyur/ /mgu nas rgyal po'i khab nas mngon byung ste/ /nyan thos dge 'dun mchog
468b4 gi gnas su song / /rgyal ba'i nyan thos rnams la mchod byed cing / /'phags pa'i dge 'dun 'di ni rin chen song / /yon tan ldan pa'i dge slong gang yod ces/ /chos
468b5 smra rin chen sogs pa kun tu dris/ /de yi tshe na rin chen sogs pa ni/ /phug gzhan zhig gi nang na 'dug gyur te/ /mdo sde'i rgyal po 'di ni rnam sems la/ /kha ton
468b6 byed cing bde bar rab tu 'dug /dge slong chos smra rin chen sogs pa de/ /phun sum gzi brjid dpal gyis rab 'bar zhing / /phug gzhan zhig gi nang na 'dug gyur
468b7 pa| |de yi tshe na rgyal po de la bstan/ /'di na chos smra rin chen sogs pa 'di/ /rgyal po'i spyod yul zab mo 'dzin pa ste/ /gser 'od dam pa zhes ni bya ba yi/ /mdo sde'i
469a1 @#/ /dbang po'i rgyal po rtag tu ston/ /rin chen sogs pa'i rkang la phyag btsal te/ /rgyal po legs par byung bas 'di skad smras/ /gser 'od dam pa
469a2 mdo sde'i dbang po'i rgyal/ /zla ba nya ba'i zhal 'dra bshad du gsol/ /rgyal po legs par byung ba de nyid la/ /rin chen sogs pas khas ni blangs pas na/ /stong gsum pa
469a3 yi 'jig rten thams cad du/ /lha rnams thams cad rab tu dga' bar 'gyur/ /de tshe mi yi dbang pos sa phyogs ni/ /gtsang zhing mchog tu khyad par 'phags pa der/ /rin
469a4 chen chu dang spos chus chag chag btab/ /me tog sil ma bkram ste khri bshams nas/ /rgyal pos khri de gdugs dang rgyal mtshan dang / /dar yug stong phrag du mas
469a5 legs par brgyan/ /rgyal pos khri der tsan+dan dam pa dag /rnam pa sna tshogs dag kyang mngon par gtor/ /lha dang klu dang lha min mi 'am ci/ /gnod sbyin dbang dang mkha'
469a6 lding lto 'phye ches/ /lha yi me tog man+dA ra ba'i char/ /khri de la ni mngon par rab tu phab/ /chos 'dod lha ni bye ba khrag khrig stong / /bsam gyis mi khyab gang dag lhags gyur
469a7 pa| |rin chen sogs pa mngon par byung ba na/ /sA la'i me tog dag gis mngon par 'thor/ /chos smra rin chen sogs pa de nyid kyang / /shin tu lus bkrus gtsang ma'i
469b1 gos bgos te/ /khri der nye bar song bar byas nas ni/ /thal mo sbyar ba byas te phyag kyang btsal/ /lha dbang dang ni lha dang lha mo rnams/ /bar snang 'dug nas me tog man+dA ra'i/ /
469b2 char ba 'bebs shing sil snyan brgya stong phrag /bsam gyis mi khyab pa dag rab tu sgrogs/ /rin chen sogs pa dge slong chos smra des/ /phyogs bcu dag gi sangs rgyas bye ba stong / /
469b3 bsam gyis mi khyab pa dag dran byas nas/ /de ni mngon par 'dzegs te 'dug par byung / /sems can kun la snying brtse bskyed nas ni/ /snying rje'i sems kyang yang dag bskyed byas
469b4 te| |rgyal po legs par byung ba de la ni/ /de ni tshe na mdo sde 'di bstan te/ /rgyal pos thal mo sbyar byas btud nas su/ /tshig gcig gis ni rjes su yi rang ste/ /chos kyi shugs
469b5 kyis mig nas mchi ma phyung / /de yi lus ni dga' bas khyab par gyur/ /mdo sde 'di la mchod pa bya ba'i phyir/ /de tshe rgyal po legs par byung ba yis/ /yid bzhin nor bu
469b6 rin chen rgyal po blangs/ /sems can rnams phyir smon lam btab pa ni/ /rin chen bdun dang ldan pa'i rgyan rnams dang / /gang yang 'dzam bu'i gling 'dir sems can rnams/ /
469b7 bde bar 'gyur ba'i nor ni chen po yi/ /char pa dre ring 'dzam bu'i gling du phob/ /de yi tshe na rin chen sna bdun dang / /dpung rgyan dang ni do shal rna cha mchog/ de bzhin zas
470a1 @#/ /dang skom dang gos rnams kyang / /gling bzhi dag tu rab tu 'bab par gyur/ /rgyal po legs par byung bas 'dzam gling du/ /rin chen char pa
470a2 'bab pa de mthong nas/ /gling bzhi rin chen gang bar bcas pa ni/ /rin chen gtsug tor can gyi bstan la phul/ /de bzhin gshegs pa shAkya thub pa nga / /rgyal po
470a3 legs par byung zhes bya bar gyur/ /gling bzhi dag ni rin chen gang bcas kyi/ /sa 'di de tshe nga yis yongs su btang / /gang gis rgyal po legs par byung nga la/ /de
470a4 tshe mdo sde 'di ni rab bstan pa/ /rin chen sogs pa chos smra'i dge slong de/ /de bzhin gshegs pa mi 'khrugs der gyur to/ /ngas gang de tshe mdo sde 'di thos shing / /
470a5 tshig gcig gis ni rjes su yi rang ste/ /nga ni dge ba'i las ni de nyid dang / /chos nyan pa dang rjes su yi rang bas/ /gser gyi mdog dang bsod nams brgya yi mtshan//
470a6 blta na sdug cing mig tu mngon mdzes la/ /lha stong bye ba rab tu dga' byed pa/ /skye bos mthong na dga' lus rtag tu thob/ /bskal pa dag ni bye ba brgya stong phrag /
470a7 dgu bcu rtsa dgur 'khor los bsgyur rgyal gyur/ /bskal pa brgya stong du ma mang por yang / /ngas ni khams kyi rgyal po myong bar gyur/ /bskal pa bsam gyis mi
470b1 khyab brgya byin gyur/ /tshangs pa'i dbang po yid bzhin de bzhin no/ /gang dag tshad ni nam yang yod min pa'i/ /stobs bcu dpag med ngas ni brnyes par byas/ /ngas gang mdo
470b2 thos rjes su yi rang ba/ /bsod nams phung po da ltar tshad med mang / /bsam pa ji bzhin ngas ni byang chub thob/ /chos sku dam pa yang ni ngas thob bo/ /gser 'od dam pa
470b3 mdo sde'i dbang po'i rgyal po las/ legs par byung ba'i le'u zhes bya ba ste bcu gsum pa'o// //dpal ldan lha mo/ rigs kyi bu'am/ rigs kyi bu mo
470b4 dad pa can gang la la zhig/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la yo byad thams cad kyis mchod pa chen po shin tu
470b5 rgyas shing rgya che ba bsam gyis mi khyab pa byed par 'dod cing / 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi sangs rgyas kyi spyod
470b6 yul zab mo yongs su shes par 'dod pa des gtsug lag khang ngam/ dgon pa'i phyogs kyang rung ste/ gang na gser 'od dam pa mdo sde'i dbang po'i rgyal po 'di rgya cher
470b7 yang dag par rab tu ston pa'i phyogs der/ des gdon mi za bar g.yeng ba med pa'i sems kyis rna ba blags te gser 'od dam pa mdo sde'i dbang po'i rgyal po 'di mnyan
471a1 @#/ /par bya'o/ /de nas bcom ldan 'das kyis don 'di nyid 'khor la rgya cher brjod pa'i phyir/ de'i tshe tshigs su bcad pa 'di dag gsungs so/ /gang
471a2 zhig sangs rgyas thams cad la/ /bsam yas mchod pa byed 'dod cing / /sangs rgyas kun gyi spyod yul ba/ /zab mo rab tu shes 'dod pas/ /gtsug lag khang ngam
471a3 gnas khang ngam/ /gang na gser 'od dam pa yi/ /mdo sde dam pa 'di ston pa/ /sa phyogs der ni 'gro bar bya/ /mdo sde bsam gyis mi khyab ste/ /yon tan rgya mtsho mtha'
471a4 yang yas/ /sdug bsngal rgya mtsho du ma las/ /sems can thams cad thar bar byed/ /mdo sde yi ni thog ma dang / /dbus dang de bzhin tha ma mthong / /mdo sde'i dbang po
471a5 rab zab ste/ /'di la dpe ni yod ma yin/ /gang gA dang ni sa rnams dang / /rgya mtsho dang ni nam mkha' la/ /gnas pa'i rdul ni gang yang rung / /dper bya ba ni mi nus
471a6 so| |chos kyi dbyings la 'jug pa yi/ /de yi tshe na 'jug par bya/ /chos kyi bdag nyid mchod rten ni/ /zab mo rab brtan gang yin pa/ /mchod rten de yi dbus na
471a7 ni| |rgyal ba shAkya thub pa mthong / /yid du 'ong ba'i dbyangs kyis su/ /mdo sde 'di ni rab tu ston/ /grangs med bsam gyis mi khyab pa'i/ /bskal pa bye ba ji
471b1 snyed par/ /lha yi dang ni mi rnams kyis/ /bde ba dag ni rjes su myong / /gang zhig mdo sde 'di nyan pa/ /de ltar bdag gi bsod nams kyi/ /phung po bsam yas bsgrub snyam
471b2 du| |de tshe des ni de ltar shes/ /mes gang 'obs kyi sa bskor ba yi/ /dpag tshad brgya dag 'da' byed cing / /tshor ba drag po bzod byas nas/ /mdo sde mnyan par gang nus pa/ /
471b3 gtsug lag khang ngam gnas khang du/ /zhugs nas de ma thag tu ni/ /sdig pa rnams ni med par 'gyur/ /rmi ngan mtshan nyid thams cad dang / /gza' dang rgyu skar gnod pa dang / /
471b4 byad dang gdon ni mi bzad kyang / /zhugs nas de ma thag tu ni/ /thams cad gzhan du phyogs par 'gyur/ /klu yi rgyal po rnams kyis ni/ /rmi lam bstan pa ci 'dra bar/ /der
471b5 ni pad+ma 'dra ba'i khri/ /de lta bur yang bsham par bya/ /khri de la ni 'dug nas su/ /mdo sde 'di ni rab tu bstan/ /yi ger bris pa bklag par bya/ /de bzhin yongs su chub
471b6 par bya/ /khri de las ni babs nas su/ /yul gzhan song bar gyur na yang / /khri de la ni yod pa yi/ /cho 'phrul rnams kyang snang bar 'gyur/ /chos smra ba yi gzugs su yang / /
471b7 de ni res 'ga' snang bar 'gyur/ /res 'ga' sangs rgyas gzugs su ste/ /res 'ga' byang chub sems dpar yang / /res 'ga' kun tu bzang po dang / /de bzhin 'jam
472a1 @#/ /dpal gzugs su ste/ /res 'ga' byams pa'i gzugs su yang / /khri de la ni snang bar 'gyur/ /res 'ga' 'od ni 'ba' zhig snang / /
472a2 res 'ga' lha rnams snang bar 'gyur/ /yud tsam zhig ni der snang nas/ /de nas mi snang bar yang 'gyur/ /sangs rgyas mthong na bsngags par 'gyur/ /thams cad du
472a3 yang grub par byed/ /'phru dang bkra shis phun sum tshogs/ /mtshan ma sangs rgyas sgrub pa yin/ /rgyal dang dpal dang grags par byed/ /phyir rgol ba yang ldog par
472a4 byed/ /pha rol dgra tshogs rab tu 'joms/ /g.yul du dgra rnams phung bar byed/ /rmi ngan thams cad zhi bar byed/ /sdig pa thams cad rab tu 'jig /sdig pa thams
472a5 cad rab zhi byed/ /g.yul 'gyed pa na rgyal bar byed/ /'dzam bu'i gling 'di thams cad du/ /grags pas rab tu gang bar 'gyur/ /de yi dgra rnams thams cad ni/ /
472a6 shin tu pham pa nyid du 'gyur/ /rtag tu dgra ni choms par 'gyur/ /sdig pa thams cad rnam par spangs/ /g.yul ngo'i rtse las rnam par rgyal/ /dgra dang bral zhing
472a7 mchog tu dga'/ /tshangs dbang sum cu rtsa gsum dbang / /de bzhin 'jig rten skyong rnams dang / /lag na rdo rje gnod sbyin dbang / /rgyal pa khyu mchog yang dag
472b1 shes| |klu yi dbang po ma dros dang / /de bzhin du ni rgya mtsho dang / /mi'am ci dbang lha min dbang / /de bzhin nam mkha' lding dbang po/ /de dag la ni rtogs pa dang / /lha rnams
472b2 de dag thams cad kyang / /chos kyi mchod rten bsam yas la/ /rtag tu mchod pa byed par 'gyur/ /zhe sar bcas pa'i sems can rnams/ /mthong nas shin tu dga' bar
472b3 'gyur/ /lha yi dbang po mchog de dag /thams cad 'di snyam sems par 'gyur/ /lha rnams de dag thams cad kyang / /phan tshun du ni smra byed pa/ /bsod nams dpal dang
472b4 gzi brjid dang / /bsags pa de dag kun la ltos/ /dge ba'i rtsa ba sbyangs pa yi/ /mi rnams de dag 'dir lhags te/ /gang dag mdo sde zab mo 'di/ /nyan pa'i phyir ni 'dir
472b5 lhags pa/ /dad pa bsam gyis mi khyab pas/ /chos kyi mchod rten gus dang bcas/ /de dag 'jig rten snying rje ldan/ /de dag sems can phan byed pa/ /de dag zab mo'i
472b6 chos rnams kyis/ /dam pa'i chos kyi ro yi snod/ /chos kyi dbyings la 'jug pa yis/ /de dag rab tu 'jug pa yin/ /gang dag gser 'od dam pa'i mdo/ /dge ba dam
472b7 pa 'di nyan pa/ /de dag sngon chad sangs rgyas ni/ /brgya stong rnams la mchod pa yin/ /dge ba'i rtsa ba de yis ni/ /mdo sde nyan pa de dag la/ /lha dbang rgyal po de kun
473a1 @#/ /dang | |dbyangs can dang ni de bzhin du/ /dpal dang rnam thos bu dang ni/ /de bzhin rgyal po bzhi rnams dang / /gnod sbyin brgya phrag steng po dag /
473a2 stobs chen rdzu 'phrul ldan rnams kyis/ /phyogs bzhi dag ni kun nas kyang / /bsrung ba shin tu byed par 'gyur/ /dbang po zla ba gshin rje dang / /rlung dang chu lha nyid dang
473a3 ni| |skem byed 'jug sel dbyangs can dang / /sbyin sreg za dang skye dgu dang / /stobs chen pha rol gnon byed pa/ /'jig rten skyong ba de kun kyang / /nyin mtshan
473a4 g.yel ba med par ni/ /de dag rnams la srung bar byed/ /stobs chen gnod sbyin dbang gnyis dang / /sred med bu dang dbang phyug che/ /yang dag shes la sogs pa
473a5 dag |gzhan yang nyi shu rtsa brgyad dang / /gnod sbyin brgya phrag stong po dag /stobs chen rdzu 'phrul ldan rnams kyis/ /'jigs shing skrag pa thams cad ni/ /de dag la
473a6 ni srung bar byed/ /lag na rdo rje gnod sbyin dbang / /gnod sbyin dag ni lnga brgya dang / /byang chub sems dpa' thams cad kyang / /de dag la ni srung bar byed/ /gnod
473a7 sbyin dbang po nor bu bzang / /de bzhin gang ba bzang po dang / /ji 'jigs dang ni 'brog gnas dang / /dmar ser dang ni ser skya dang / /gnod sbyin dbang po re re yang //
473b1 gnod sbyin lnga brgya dag gis ni/ /gang dag mdo sde 'di thos pa/ /de dag rnams la srung byed 'gyur/ /dri za sna tshogs de dang ni/ /rgyal ba khyu mchog rgyal ba'i rgyal/ /nor bu'i
473b2 mgul dang nges mgrin dang / /de bzhin char pa'i bdag po dang / /kam po dzi dang nag po dang / /de bzhin gser 'dra'i skra dang ni/ /lngas rtsen dang ni ra rkang dang / /de bzhin
473b3 skal ba chen po dang / /yur ba can dang chos skyong dang / /spre'u dang de bzhin 'khri byed dang / /khab kyi spu dang gnyis bshes dang / /de bzhin rin chen skra dang ni/ /yul chen
473b4 can dang khyim med dang / /'dod pa'i mchog dang tsan+dan dang / /mthu bo che dang gangs can dang / /bde ba'i ri nyid de bzhin te/ /stobs chen pha rol gnon byed pa/ /rdzu
473b5 'phrul ldan pa de kun kyang / /gang dag mdo sde 'di dga' ba/ /de dag la ni srung bar byed/ /klu yi dbang po ma dros dang / /de bzhin du yang rgya mtsho dang / /e la'i
473b6 'dab dang btang bzung dang / /dga' bo nye dga' gnyi ga dang / /klu ni brgya phrag stong po dag /stobs chen rdzu 'phrul ldan rnams kyang / /'jigs shing skrag pa thams
473b7 cad las/ /de dag la ni srung bar byed/ /stobs can sgra gcan mi gtong dang / /thags bzangs ris dang bde mchog dang / /rab sim byed dang phrag rtsub dang / /de
474a1 @#/ /bzhin lha min dbang gzhan dang / /lha min brgya phrag stong po dang / /stobs chen rdzu 'phrul ldan rnams kyis/ /'jigs skrag byung par gyur pa
474a2 las| |de dag la ni bsrung bar 'gyur/ /'byung po'i ma mo 'phrog ma ni/ /lnga brgya'i bu dang bcas pa yang / /'dug dang nyal dang ra ro'i tshe/ /de dag la ni srung bar
474a3 byed| |gdol pa mo dang gtum mo dang / /de bzhin gnod sbyin gtum mo dang / /mdud can dang ni so brtsegs dang / /sems can kun gyi mdangs 'phrog ma/ /stobs
474a4 chen la rol gnod byed pa/ /rdzu 'phrul ldan pa de kun kyang / /phyogs bzhi dag ni kun nas su/ /de dag rnams la srung bar byed/ /dbyangs can dag la sogs pa
474a5 rnams/ /lha mo bsam gyis mi khyab dang / /dpal la sogs pa de bzhin du/ /lha mo dag ni thams cad dang / /sa yi lha mo nyid dang ni/ /lo tog 'bras bu nags lha
474a6 dang / /kun dga' shing ljon mchod rten la/ /gnas pa dag dang rlung lha dang / /lha rnams de dag thams cad 'dir/ /rab tu dga' ba'i sems kyis ni/ /gang dag
474a7 mdo sde 'di dga' ba/ /de dag rnams la srung bar byed/ /tshe dang mdog dang stobs rnams la/ /sems can dag ni sbyor bar byed/ /dpal dang bsod nams gzi
474b1 brjid kyis/ /phun sum tshogs pas rtag tu brgyan/ /gza' dang rgyu skar gnod pa dag /de dag thams cad zhi bar byed/ /rgud dang sdig dang rmi ngan pa/ /de dag thams cad zhi
474b2 bar byed/ /zab cing stobs chen ldan pa yi/ /sa yi lha mo nyid kyang ni/ /gser gyi 'od kyi dam pa yi/ /mdo sde'i dbang po'i ro yis tshim/ /dpag tshad dag ni brgya yi phrag
474b3 stong phrag drug cu rtsa brgyad nas/ /rdo rje gnas la thug bar du/ /sa yi bcud ni rab tu 'phel/ /dpag tshad brgyar ni tshang ba yi/ /'og tu sa yi bcud song ste/ /de ni phyir yang
474b4 log nas ni/ /sa yi steng dag snum par byed/ /mdo sde mnyan pa'i stobs kyis ni/ /lha rnams de dag thams cad kyang / /gser gyi 'od ni dam pa yi/ /mdo sde'i dbang po'i
474b5 ros tshim 'gyur/ /mdangs dang ldan par rab 'gyur zhing / /de bzhin rab tu stobs ldan 'gyur/ /bde bar 'gyur zhing tshim par 'gyur/ /'dzam bu'i gling 'di thams
474b6 cad na/ /'bras bu lo tog nags lha rnams/ /sna tshogs ro yis tshim 'gyur zhing / /shin tu rab tu dga' bar 'gyur/ /mdo sde'i ro yis tshim 'gyur nas/ /'bras bu
474b7 rnams dang lo tog dang / /me tog rnam pa sna tshogs dang / /'bras bu'i shing ljon sna tshogs kyang / /kun nas rab tu skye bar byed/ /'bras bu'i shing ljon thams cad
475a1 @#/ /dang | |kun dga' dag dang nags tshal rnams/ /me tog rab tu chags byed cing / /sna tshogs dri ni rab tu 'byin/ /me tog rnam pa sna tshogs dang / /
475a2 'bras bu sna tshogs ldan pa yi/ /rtswa dang nags tshal thams cad dag /sa yi steng na skye bar byed/ /'dzam bu'i gling 'di thams cad na/ /klu yi bu mo bsam mi khyab/ /rab
475a3 tu dga' ba'i sems gyur nas/ /rdzing bu'i drung du nyer song ste/ /rdzing bu rnams ni thams cad du/ /ku mu da dang pad+ma dang / /ut+pa la dang de bzhin du/ /pad+ma dkar po sna
475a4 tshogs skye/ /nam mkha' la ni du ba dang / /sprin gyi dra ba med cing dag /mun pa dang ni rdul med cing / /phyogs rnams rab tu 'od gsal lo/ /nyi ma'i 'od zer stong
475a5 ldan yang / /'od zer dra bas 'od kyang mdzes/ /snang ba dag ni zab mo yis/ /rab tu dga' bar 'char bar 'gyur/ /dbang po nyi ma lha yi bu/ /'dzam bu gling gi gser
475a6 gyi ni| |gzhal med khang na 'dug pa yang / /mdo sde 'dis ni rab tu tshim/ /dbang po nyi ma rab dga' nas/ /'dzam bu'i gling du 'char byed cing / /'od zer mtha'
475a7 yas dra ba yi/ /kun nas rab tu snang bar byed/ /de ni shar ba tsam gyis kyang / /'od zer dra ba rab gtong zhing / /rdzing bu sna tshogs khengs pa yi/ /pad+ma dag ni kha yang
475b1 'byed/ /'dzam bu'i gling 'di thams cad du/ /me tog 'bras bu sman sna tshogs/ /yang dag yongs su smin byed cing / /sa rnams thams cad tshim par byed/ /zla ba dang ni nyi ma
475b2 yang | |de tshe khyad 'phags snang bar 'gyur/ /rgyu skar yang dag 'byung 'gyur zhing / /rlung yang de bzhin ldang bar 'gyur/ /'dzam bu'i gling ni thams cad du/ /kun tu lo
475b3 yang legs 'gyur te/ /gang na mdo sde 'di yod pa/ /yul 'khor de ni khyad par 'phags/ /gser 'od dam pa mdo sde'i dbang po'i rgyal po las/ /gnod sbyin gyi gnas
475b4 zhes bya ba kun tu bsrungs pa'i le'u ste bcu bzhi pa'o// //de skad ces bka' stsal pa dang / bcom ldan 'das la rigs kyi lha mo byang chub yang dag par
475b5 bsdus pas 'di skad ces gsol to/ /btsun pa bcom ldan 'das/ 'bar ba'i khyad par gyi gzi brjid rgyal po la sogs pa lha'i bu stong phrag bcu po dag rgyu gang dang / rkyen
475b6 gang dang / dge ba'i rtsa ba sbyangs pa ci 'dra ba dang / gang bgyis shing bsags pas skyes bu dam pa gsum po 'di dag byang chub tu lung bstan pa thos nas da ltar sum cu rtsa
475b7 gsum gyi gnas nas lhags te bcom ldan 'das la chos mnyan pa'i slad du mchis na/ 'di lta ste/ byang chub sems dpa' mdzes pa'i tog skyes bu dam pa 'di ma 'ongs pa'i
476a1 @#/ /dus na bskal pa bgrang ba las 'das pa grangs ma mchis pa bye ba khrag khrig brgya stong phrag du ma 'das pa na 'jig rten gyi khams gser du snang bar bla
476a2 na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa/ dgra bcom pa/ yang dag par rdzogs pa'i sangs rgyas/ mkhyen
476a3 pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs
476a4 rgyas bcom ldan 'das gser dang / rin po che'i 'byung gnas gdugs brtsegs zhes bya ba 'jig rten du 'byung ngo / /ci tsam na bcom ldan 'das de bzhin gshegs
476a5 pa dgra bcom pa yang dag par rdzogs pa'i sangs rgyas gser dang / rin po che'i 'byung gnas gdugs brtsegs de yongs su mya ngan las 'das pa'i dam pa'i chos
476a6 nub ste de'i bstan pa yong ye thams cad nub par gyur pa na/ khye'u dngul gyi tog 'di de bzhin gshegs pa de'i mtshams sbyor zhing 'jig rten gyi khams rdul med
476a7 pa'i rgyal mtshan de nyid du de bzhin gshegs pa dgra bcom pa yang dag par rdzogs pa'i sangs rgyas gser 'dzam bu'i gser gyi rgyal mtshan gyi 'od ces bya ba 'jig
476b1 rten du 'byung ngo / /ji tsam na de bzhin gshegs pa dgra bcom pa yang dag par rdzogs pa'i sangs rgyas gser 'dzam bu'i gser gyi rgyal mtshan gyi 'od de yongs su mya ngan las
476b2 'das nas de yi bstan pa yong ye thams cad du nub pa'i bar du gyur pa na khye'u dngul gyi 'od 'di de bzhin gshegs pa de'i mtshams sbyor zhing 'jig rten gyi khams rdul dang
476b3 bral ba'i rgyal mtshan de nyid du bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom pa/ yang dag par
476b4 rdzogs pa'i sangs rgyas/ mkhyen pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi
476b5 rnams kyi ston pa/ sangs rgyas bcom ldan 'das gser brgya'i 'od zer gser du snang ba snying po zhes bya ba 'jig rten du 'byung ngo zhes de dag thams cad bcom ldan 'das
476b6 kyis de ltar bla na med pa yang dag par rdzogs pa'i byang chub tu lung bstan to/ /btsun pa bcom ldan 'das/ 'bar ba'i khyad par gyi gzi brjid rgyal po la sogs pa lha'i
476b7 bu stong phrag bcu po de dag ni de tsam du byang chub sems dpa'i spyod pa rlabs po che'ang ma gyur/ sngon pha rol tu phyin pa drug po dag la spyad skad kyang mi gda'/ lag pa
477a1 @#/ /dang | rkang pa dang / mig dang / yan lag gi dam pa mgo dang / bu dang / chung ma dang / bu mo phangs pa dag sngon yongs su btang skad kyang mi gda'/
477a2 nor dang / 'bru dang / 'gron bu dang / gser dang / nor bu dang / mu tig dang / bai DUR+ya dang / dung dang / man shel dang / byu ru dang / dngul dang / sa le sbram dang /
477a3 rin po che rnams sngon yongs su btang skad kyang mi gda'/ bza' ba dang / btung ba dang / bzhon pa dang / gos dang / mal cha dang / khang khyim dang / gzhal med khang dang /
477a4 kun dga' ra ba dang / rdzing bu dang / lteng ka dag sngon yongs su btang skad kyang mi gda'/ glang po che dang / ba lang dang / rta pho rgod dang / bran pho dang / bran mo sna
477a5 tshogs sngon yongs su btang skad kyang mi gda'/ 'di lta ste/ byang chub sems dpa' bye ba khrag khrig brgya stong grangs ma mchis pa phrag du ma de dag ni sangs rgyas bcom
477a6 ldan 'das rnams las de bzhin gshegs pa'i ming du lung ma thob kyi bar du sngon bskal pa bye ba khrag khrig brgya stong phrag grangs ma mchis pa du ma nas de bzhin gshegs
477a7 pa bye ba khrag khrig brgya stong phrag grangs ma mchis pa du ma dag la mchod pa sna tshogs tha dad pa brgya stong bsam gyis mi khyab pa phrag du ma dang / yo byad thams cad kyis mchod
477b1 pa bgyid/ yongs su btang bar bgyi ba'i dngos po thams cad kyang yongs su gtong la lag pa dang / rkang pa dang / mig dang / yan lag gi dam pa mgo dang / bu dang / chung ma dang /
477b2 bu mo phangs pa yongs su btang bar bgyi ba rnams kyang yongs su gtong / nor dang / 'bru dang / 'gron bu dang / gser dang / nor bu dang / mu tig dang / bai DUR+ya dang / dung
477b3 dang | man shel dang / byu ru dang / dngul dang / sa le sbram yongs su btang bar bgyi ba rnams yongs su gtong / bza' ba dang / btung ba dang / bzhen pa dang / gos
477b4 dang | mal cha dang / stan dang / khang khyim dang / gzhal med khang dang / kun dga' ra ba dang / skyed mos tshal dang / rdzing bu dang / lteng ka dang / glang po che dang / ba
477b5 lang dang / rta pho rgod dang / bran pho dang / bran mo yongs su btang bar bgyi ba rnams kyang yongs su gtong zhing rim gyis pha rol tu phyin pa drug po thams cad yongs su rdzogs
477b6 par bgyid/ rim gyis pha rol tu phyin pa drug po dag yongs su rdzogs par bgyis nas bde ba brgya stong phrag mang po'ang myong bar 'gyur na/ btsun pa bcom ldan 'das/ rgyu
477b7 gang dang / rkyen gang dang / dge ba'i rtsa ba sbyangs pa ci 'dra ba zhig gi 'bar ba'i khyad par gyi gzi brjid rgyal po la sogs pa lha'i bu stong phrag bcu po 'di dag bcom ldan
478a1 @#/ /'das la chos nyan pa'i slad du mchis pa 'di dag /bcom ldan 'das/ 'di ltar ma 'ongs pa'i dus na bskal pa bye ba khrag khrig brgya stong grangs
478a2 med pa du ma na 'jig rten gyi khams sA la'i dbang po mthon po'i rgyal mtshan dang ldan pa zhes bya ba de nyid du rigs dang / rus gcig pa dang / ming gcig tu rim gyis bla na
478a3 med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rab tu dang ba'i zhal ut+pa la'i dri brtsegs pa zhes bya bar sangs rgyas stong phrag
478a4 bcu 'jig rten du 'byung ste mkhyen pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang /
478a5 mi rnams kyi ston pa/ sangs rgyas bcom ldan 'das su 'gyur ro zhes de ltar bla na med pa yang dag par rdzogs pa'i byang chub tu lung bstan lags/ de skad ces gsol
478a6 pa dang / bcom ldan 'das kyis rigs kyi lha mo byang chub yang dag par bsdus pa la 'di skad ces bka' stsal to/ /rigs kyi lha mo/ 'bar ba'i khyad par gyi gzi
478a7 brjid rgyal po la sogs pa lha'i bu stong phrag bcu po 'di dag gang byas shing bsags pas chos mnyan pa'i phyir da ltar sum cu rtsa gsum gyi gnas nas 'dir lhags pa
478b1 de'i dge ba'i rtsa ba sbyangs pa yod/ de'i rgyu yod/ de'i byed pa yod de/ rigs kyi lha mo/ skyes bu dam pa 'di gsum gyi byang chub tu lung bstan pa 'di thos nas thos ma thag tu
478b2 gser 'od dam pa mdo sde'i dbang po'i rgyal po 'di la shin tu ri mo byed cing dga' ba dang / dang ba thob par gyur te de tsam du bai DUR+ya dri ma med pa ltar yongs su dag pa'i
478b3 sems dang ldan par gyur to/ /dri ma med la shin tu rgya che zhing rgyas pa'i nam mkha' ltar zab pa'i sems rab tu dang ba dang ldan par gyur to/ /bsod nams kyi phung po
478b4 dpag tu med pa yongs su bzung ba dang ldan par gyur to/ /rigs kyi lha mo 'bar ba'i khyad par gyi gzi brjid rgyal po la sogs pa lha'i bu stong phrag bcu po 'di dag de tsam du gser
478b5 'od dam pa mdo sde'i dbang po'i rgyal po 'di thos ma thag tu lhag par ri mo byed pa dang / rab tu dang ba thob par gyur to/ /de tsam du bai DUR+ya dri ma med pa ltar yongs su dag pa'i
478b6 sems dang ldan par gyur te de'i phyir lung bstan pa'i sa rjes su thob bo/ /rigs kyi lha mo/ chos mnyan pa'i dge ba'i rtsa ba bsags pa 'di dang / sngon gyi smon lam gyi
478b7 stobs kyis 'bar ba'i khyad par gyi gzi brjid rgyal po la sogs pa lha'i bu stong phrag bcu po 'di dag da ltar bla na med pa yang dag par rdzogs pa'i byang chub tu lung bstan pa'i
479a1 @#/ /sa rjes su thob bo/ /gser 'od dam pa mdo sde'i dbang po'i rgyal po las/ lha'i bu stong phrag bcu lung bstan pa zhes bya ba'i le'u ste bco lnga pa'o// //
479a2 rigs kyi lha mo/ sngon byung ba 'das pa'i dus bskal pa grangs med pa'i yang ches grangs med pa rgyas pa bsam gyis mi khyab pa tshad med par gyur pa de'i tshe de'i dus na de
479a3 bzhin gshegs pa/ dgra bcom pa/ yang dag par rdzogs pa'i sangs rgyas/ mkhyen pa dang / zhabs su ldan pa/ bde bar gshegs pa/ 'jig rten mkhyen pa/ skyes
479a4 bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das rin chen gtsug tor can zhes bya ba 'jig rten du byung ngo / /
479a5 rigs kyi lha mo/ de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin chen gtsug tor can de yongs su mya ngan las 'das
479a6 nas dam pa'i chos nub par gyur te dam pa'i chos ltar bcos par gyur pa na rgyal po lha'i dbang phyug 'od ces bya ba chos can chos kyi rgyal po chos kyi rgyal srid skyong gi / chos ma yin pas ni ma yin te yul thams cad na gnas pa'i sems can rnams kyi pha ma lta bur gyur pa zhig byung ngo /
479a7 /rigs kyi lha mo/ de'i tshe de'i dus na rgyal po
479b1 lha'i dbang phyug 'od kyi yul du tshong dpon ral pa 'dzin ces bya ba/ sman pa gso bar byed pa/ khams la mchog tu mkhas pa/ tshe'i rig byed yan lag brgyad kyi rgyud dang ldan pa
479b2 zhig byung bar gyur to/ /kye rigs kyi lha mo/ de'i tshe de'i dus na tshong dpon ral pa 'dzin ces bya ba de'i bu chu 'bebs zhes bya ba/ gzugs bzang ba/ mdzes pa blta na sdug pa/ kha
479b3 dog bzang po/ rgyas pa/ mchog dang ldan pa/ bstan bcos sna tshogs la mkhas pa/ bstan bcos thams cad rtogs par khong du chud pa/ yi ge dang / grangs dang / lag
479b4 rtsis dang / rtsis rnams shin tu bslabs par gyur pa zhig byung ngo / /rigs kyi lha mo/ de'i tshe de'i dus na rgyal po lha'i dbang phyug 'od de'i yul de na sems can brgya stong phrag du
479b5 ma nad sna tshogs kyis btab par gyur cing / /nad sna tshogs kyis yongs su gzir te/ sdug bsngal mi bzad pa rtsub pa drag po yid du mi 'ong ba'i tshor ba rnams myong bar gyur to/ /
479b6 rigs kyi lha mo/ de'i tshe de'i dus na tshong dpon gyi bu chu 'bebs de sems can nad sna tshogs kyis btab pa/ nad sna tshogs kyis gzir ba/ brgya stong phrag du ma de dag gi don
479b7 gyi phyir snying rje chen po'i sems skyes par gyur to/ /sems can brgya stong phrag du ma de dag ni nad sna tshogs kyis btab cing nad sna tshogs kyis gzir ba/ de ltar sdug bsngal
480a1 @#/ /mi bzad pa rtsub pa drag po yid du mi 'ong ba'i tshor ba rnams myong la bdag gi pha tshong dpon ral pa 'dzin sman pa gso bar byed pa/ khams la mchog
480a2 tu mkhas pa/ tshe'i rig byed yan lag brgyad kyi rgyud dang ldan pa 'di ni rgas 'khogs gtugs lam du zhugs/ na tshed rjes su thob pa/ 'khar ba la brten cing 'dar te grong
480a3 dang | grong khyer dang / grol rdal dang / ljongs dang / yul 'khor dang / rgyal po'i pho brang 'khor rnams su 'gro mi nus na sems can nad sna tshogs kyis btab pa/ nad sna
480a4 tshogs kyis gzir ba brgya stong phrag du ma de dag nad sna tshogs las yongs su thar bar bya ba'i phyir bdag nyid bdag gi pha ral pa 'dzin gyi gan du song la nad kyi phyir khams
480a5 la mkhas par bya ba yongs su dris te khams la mkhas par bya ba dris pa des bdag grong dang / grong khyer dang / ljongs dang / yul 'khor dang / rgyal po'i pho brang 'khor
480a6 rnams su 'gro bar bya'o/ /song nas kyang sems can nad sna tshogs kyis btab pa/ nad sna tshogs kyis gzir ba/ brgya stong phrag du ma dag nad sna tshogs las yongs su
480a7 thar bar bya'o snyam nas/ rigs kyi lha mo/ de'i tshe de'i dus na tshong dpon gyi bu chu 'bebs rang gi pha ral pa 'dzin ga la ba der song ste/ phyin nas rang gi pha ral pa 'dzin
480b1 gyi rkang pa la mgo bos phyag btsal te thal mo sbyar nas phyogs gcig tu 'dug go /phyogs gcig tu 'dug nas kyang tshong dpon gyi bu chu 'bebs kyis rang gi pha ral pa 'dzin la
480b2 tshigs su bcad pa 'di dag gis khams la mkhas par bya ba dris pa/ de ltar dbang po 'dzin 'gyur zhing / /khams kyi rnams kyang yongs su 'gyur/ /gang gi dus na lus
480b3 can la/ /nad kyi rnams ni 'byung bar 'gyur/ /dus dang dus min zas zos pa/ /ji lta bur na bde bar 'gyur/ /gang gi lus kyi nang du ni/ /lus kyi mi la gnod mi 'gyur//
480b4 rlung las gyur dang mkhris gyur dang / /'dus las gyur dang bad kan gyur/ /nad rnams zhi bar bgyi slad du/ /ji lta bur ni gso bar bgyi/ /gang gis mi la gnod 'gyur
480b5 ba'i| |rlung ni gang gi dus na g.yo/ /gang gi dus na mkhris pa g.yo/ /bad kan gang gi dus na g.yo/ /de nas tshong dpon ral pa 'dzin gyis bu chu 'bebs la tshigs su
480b6 bcad pa 'di dag gis khams la mkhas par bya ba rnam par bstan to/ /zla gsum dbyar te zla gsum ston du shes/ /gsum ni dgun te gsum ni dpyid yin no/ /de ltar
480b7 zla ba'i go rims dus ni drug /lo gcig la ni zla ba bcu gnyis 'dod/ /gsum gsum du ni tshigs rnams bsdus par shes/ /zla ba gnyis gnyis shing ni dus su
481a1 @#/ /bstan/ /zas dang skom ni de ltar 'ju bar 'gyur/ /sman pa dang ni khams dang dus kyang bste/ /dbang po dang ni khams rnams de dag kyang / /
481a2 lo gcig nang gi tshigs tshigs yongs su 'gyur/ /dbang po dag ni yongs su 'gyur ba na/ /lus can rnams la sna tshogs nad kyang 'byung / /de nyid la ni sman pas zla gsum
481a3 bzhi/ /tshigs kyi bar dang dus drug rnams dang ni/ /khams drug mkhas par bya ba shes par bya/ /zas skoms sman rnams go rims ji bzhin te/ /rlung gi shas che'i
481a4 nad ni dbyar na ldang / /ston du gyur pa na ni mkhris pa g.yo/ /dgun gyi dus na de bzhin 'dus pa ste/ /bad kan shas che'i nad ni dpyid na ldang / /dbyar ni snum dro lan
481a5 tshwa skyur ba'i ro/ /ston ni mngar dang snum dang bsil bag go /dgun ni mngar dang snum dang skyur ba ste/ /dpyid kyi dus na rtsub bro tsha ba'o/ /bad kan che ba zos ma thag
481a6 tu ldang / /mkhris pa che ba 'ju ba'i dus na ldang / /rlung shas che ba zhu ma thag tu ldang / /khams gsum g.yo ba de ni de lta'o/ /rlung gi bdag nyid la ni bcud kyis
481a7 gso/ /bkru sman gyis ni mkhris pa bsal bar bya/ /'dus pa la ni gsum dang mthun ldan pa/ /bad kan tshigs su babs na skyugs sman gtang / /rlung shas
481b1 che dang mkhris dang 'dus pa dang / /bad kan shas che'i tshigs rnams shes par bya/ /dus gang khams gang lus ni gang yin pa/ /de yi sman dang bza' btung bsten par bya/ /de
481b2 nas tshong dpon gyi bu chu 'phebs kyis khams la mkhas par bya ba 'di lta bu de tsam zhig yongs su dris pa des tshe'i rig byed kyi yan lag brgyad po thams cad khong du chud par
481b3 gyur to/ /rigs kyi lha mo/ de'i tshe de'i dus na tshong dpon gyi bu chu 'bebs rgyal po lha'i dbang phyug 'od kyi yul na grong dang / grong khyer dang / grong rdal dang / ljongs dang /
481b4 yul 'khor dang / rgyal po'i pho brang 'khor de thams cad du song nas sems can nad sna tshogs kyis btab pa/ nad sna tshogs kyis gzir ba/ brgya stong phrag du ma de dag
481b5 la kho bo ni sman pa'o/ /kho bo ni sman pa'o zhes bdag nyid kyis khas 'ches te kho bos khyed rnams nad sna tshogs las yongs su thar bar bya'o zhes dbugs phyung ngo / /
481b6 kyi lha mo/ tshong dpon gyi bu chu 'bebs kyis 'di lta bu'i tshig brjod pa de thos ma thag tu srog chags brgya stong phrag du ma de dag thams cad rab tu dga' ba chen po skyes par
481b7 gyur to/ /dbugs phyin pa rnyed nas kyang dga' ba dang / bde ba dang / yid bde ba bsam gyis mi khyab pa dang ldan par gyur to/ /de'i tshe de'i dus na sems can nad sna tshogs
482a1 @#/ /kyis btab pa nad sna tshogs kyi sa gzir ba brgya stong phrag du ma de dag nad sna tshogs las yongs su thar te nad med par gyur to/ /nad med par gyur nas
482a2 kyang snga mkho bzhin du mthu dang / stobs dang / brtson 'grus dang ldan par gyur to/ /de'i tshe de'i dus na sems can nad sna tshogs kyis btab pa nad sna tshogs kyis
482a3 gzir ba brgya stong phrag du ma de dag gi nang nas gang su dag nad drag pos btab pa de dag thams cad tshong dpon gyi bu chu 'bebs ga la ba der dong nas phyin pa dang / sems
482a4 can nad sna tshogs kyis btab pa/ nad sna tshogs kyis gzir ba brgya stong phrag du ma de dag la tshong dpon gyi bu chu 'bebs kyis sman dpyad gang ci bstan pa des/ sems
482a5 can de dag thams cad kyi nad thams cad rab tu zhi bar byas so/ /nad med pa dang / nad nyung bar gyur nas kyang snga mkho bzhin du mthu dang / stobs dang / brtson
482a6 'grus dang ldan par gyur to/ /rigs kyi lha mo/ de'i tshe de'i dus na rgyal po lha'i dbang phyug 'od kyi yul na grong dang / grong khyer dang / grong rdal dang / ljongs dang /
482a7 yul 'khor dang / rgyal po'i pho brang 'khor thams cad na sems can nad sna tshogs kyis btab pa/ nad sna tshogs kyis gzir ba/ brgya stong phrag du ma de dag
482b1 thams cad tshong dpon gyi bu chu 'bebs kyis nad sna tshogs las yongs su thar bar byas par gyur to/ /gser 'od dam pa mdo sde'i dbang po'i rgyal po las/ nad rab tu zhi bar
482b2 bya ba'i le'u zhes bya ba ste bcu drug pa'o// //'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo/ bam po lnga pa ste
482b3 tha ma| rigs kyi lha mo/ gzhan yang / rgyal po lha'i dbang phyug 'od kyi yul du tshong dpon gyi bu chu 'bebs kyis sems can thams cad kyi nad med par byas pas na ba nyung
482b4 zhing snga mkho bzhin du spro ba dang / stobs dang ldan pa'i dus su gyur to/ /rgyal po lha'i dbang phyug 'od kyi yul na sems can thams cad dga' zhing rtse la dga' mgur
482b5 spyod de sbyin pa dag kyang sbyin/ bsod nams dag kyang byed de/ tshong dpon gyi khye'u chu 'bebs la'ang / tshong dpon gyi bu chu 'bebs rgyal bar gyur cig /rgyal bar
482b6 gyur cig /sman pa'i rgyal po sems can thams cad kyi nad gso ba mngon sum du byang chub sems dpa' nges pa/ tshe'i rig byed yan lag brgyad pa thams cad rtogs
482b7 pa zhes mngon par 'du byed do/ /rigs kyi lha mo tshong dpon gyi bu chu 'bebs de la chung ma chu'i pad+ma'i snying po zhes bya ba zhig yod de/ rigs kyi lha mo/ chung ma chu'i
483a1 @#/ /pad+ma'i snying po de la khye'u gnyis yod de/ gcig gi ming ni chu'i gos zhes bya/ gcig gi ming ni chu'i snying po zhes bya'o/ /rigs kyi lha mo/ de
483a2 nas tshong dpon gyi bu chu 'bebs khye'u de gnyis dang lhan cig tu mthar gyis grong dang / grong khyer dang / grong rdal dang / ljongs dang / yul 'khor dang / rgyal po'i pho brang
483a3 'khor rnams su 'gro'o/ /rigs kyi lha mo/ de nas dus gzhan zhig na tshong dpon gyi bu chu 'bebs 'brog dgon pa zhig tu phyin te/ de nas 'brog dgon pa der sha za ba'i
483a4 khyi dang / spyang ki dang / wa dang / kha dang / bya dag gang na dgon pa na rdzing zhig yod pa der rgyug par mthong nas de 'di snyam du sems te ci'i phyir sha za ba'i khyi dang /
483a5 spyang ki nas bya'i bar 'di dag phyogs 'dir rgyug snyam mo/ /de yang 'di snyam du sems te/ bdag khyi dang / spyang ki dang / wa dang / kha dang / bya rnams phyogs gang
483a6 dang | gang du rgyug pa'i phyogs der 'gro bar bya'o snyam mo/ /rigs kyi lha mo/ de nas tshong dpon gyi bu chu 'bebs mthar gyis rgyu zhing song ste dgon pa na rdzing zhig
483a7 yod pa de dag ga la ba der phyin to/ /rdzing chen po de na nya khri zhig gnas te des der nya khri phrag mang po zhig chu dang bral ba mthong nas des de la snying rje chen po'i sems
483b1 skyes pa dang / de na lha mo zhig shing las lus phyed tsam phyung ba zhig mthong ste lha mo des tshong dpon gyi bu chu 'bebs la 'di skad ces smras so/ /rigs kyi bu legs so/ /
483b2 so| /gang gi phyir chu 'bebs zhes bya ba khyod kyis nya 'di rnams la chu byin cig /rnam pa gnyis kyi phyir chu 'bebs zhes bya ste/ gang chu 'bebs pa dang / gang na chu sbyin
483b3 pa'o| /de bas na rang gi ming dang mthun par bya ba byes shig /chu 'bebs kyis slar smras pa/ lha mo/ nya 'di dag la ji snyed cig mchis/ lha mos smras pa nya khri tham pa'o//
483b4 rigs kyi lha mo/ de nas tshong dpon gyi bu chu 'bebs ches mchog tu snying rje ba'i sems skyes so/ /rigs kyi lha mo/ de'i tshe dgon pa na yod pa'i rdzing chen po na chu'i lhag
483b5 ma cung zad tsam zhig lus te de nas nya khri 'chi ba'i sgor zhugs shing chu dang bral ba de dag rgyug cing rnam par rgyug go /rigs kyi lha mo/ de nas tshong dpon gyi bu chu 'bebs
483b6 kyis phyogs bzhir brgyugs pa dang / nya khri po de dag tshong dpon gyi khye'u chu 'bebs phyogs gang du 'gro ba'i phyogs de logs su chu 'bebs la snying rje rje ltar blta'o/ /
483b7 rigs kyi lha mo/ de nas tshong dpon gyi khye'u chu 'bebs kyis phyogs bzhir brgyugs te chu btsal kyang der chu ma rnyed nas phyogs bzhir bltas pa dang / des ha cang
484a1 @#/ /yang thag mi ring ba zhig na shing ljon pa chen po mang po zhig mthong nas shing ljon pa de dag la 'dzegs te shing gyi yal ga rnams bcad nas shing gi
484a2 yal ga de dag khyer te rdzing chen po ga la ba der song ste phyin pa dang / shing gi yal ga de rnams kyis nya khri po de dag la shin tu bsil ba'i grib ma byas so/ /rigs kyi lha
484a3 mo| de nas tshong dpon gyi khye'u chu 'bebs rdzing der chu 'bebs pa tshol te gang nas chu 'bebs ces de phyogs bzhir brgyugs kyang chu ma rnyed nas de myur ba myur bar chu'i
484a4 rgyun de nyid kyi rjes su song ste/ rigs kyi lha mo/ dgon pa na yod pa'i rdzing der chu 'bab pa zhes bya ba'i klung chen po de las der chu 'bab pa'i klung de'ang de'i tshe sdig pa
484a5 can gyi sems can zhig gis nya khri po de dag gi phyir ci nas kyang phyis nya de dag la chu 'bab par mi 'gyur ba de lta bu'i phyogs kyi g.yang sa chen por klung de phab bo/ /des
484a6 de mthong nas bsams pa klung 'di ni skye bo stong gis kyang srol de nyid du dbab par mi nus na bdag gi lta dbab par ga la nus snyam nas de phyir log go /rigs kyi lha
484a7 mo| de nas tshong dpon gyi khye'u chu 'bebs rings pa rings par rgyal po lha'i dbang phyug 'od ga la ba der song ste phyin nas rgyal po lha'i dbang phyug 'od kyi rkang pa la mgo
484b1 pos phyag btsal te phyogs gcig tu 'dug nas de dag rgyus nas smras te bdag gis lha'i chab 'og tu grong dang / grong khyer dang / grong rdal thams cad du sems can gyi nad kyi
484b2 rgyun ni bkum na gnas che ge mo zhes bgyi ba de na dgon pa na yod pa zhes bgyi ba'i rdzing zhig mchis pa de na nya khri zhig gnas pa de chab dang bral nas gdugs kyis gdugs
484b3 shing mchis te ji ltar mi rnams la stsal ba ltar ci nas dud 'gro'i skye gnas su gyur pa de dag la'ang srog stsol bar 'tshal na lhas glang po che nyi shu zhig bdag la stsal du
484b4 gsol/ rgyal po lha'i dbang phyug 'od kyis sman pa'i rgyal po chen po la glang po che nyi shu zhig byin cig ces blon po rnams la bsgo'o/ /blon po rnams kyis smras pa/ sems
484b5 can chen po/ glang po che'i lhas ga la ba der song la glang po che nyi shu zhig khrid de/ sems can rnams la phan gdags pa dang / bde bar gyis shig /rigs kyi lha mo/ de
484b6 nas tshong dpon gyi khye'u chu 'bebs rang gi bu chu'i gos dang / chu'i snying po dang lhan cig tu glang po che nyi shu khrid nas glang po che'i rdzi bo las ba lang gi rkyal pa brgya blangs te
484b7 slar log nas chu 'bab ces bya ba'i klung chen po gang du 'bab pa der song ste rkyal pa de dag chus bkang nas glang po che'i rgyab tu chu bkal te/ myur ba myur bar dgon pa na
485a1 @#/ /yod pa'i rdzing ga la ba der song nas phyin pa dang / chu de glang po che'i steng nas phab ste phyogs bzhi nas rdzing bu chus bkang nas phyogs bzhir
485a2 'gro ba dang / tshong dpon gyi khye'u chu 'bebs gang dang / gang du 'gro ba de logs su nya khri po dag kyang rgyug go /rigs kyi lha mo/ de nas tshong dpon gyi khye'u chu 'bebs 'di
485a3 snyam du sems te ci'i phyir nya khri po 'di dag bdag ga la ba de logs su rgyug snyam mo/ /de 'ang 'di snyam du sems te/ nya khri po 'di dag ni bkres pa'i mes yongs su nyen
485a4 nas bdag la bza' ba slong du nges kyi bdag gis kha zas sbyin par bya'o snyam nas/ rigs kyi lha mo/ de nas tshong dpon gyi khye'u chu 'bebs kyis rang gis bu chu'i gos la
485a5 'di skad ces smras so/ /bu/ glang po che thams cad kyi nang nas mgyogs pa'i mchog la zhon te bdag gi khyim du song la myur ba myur bar song ste mes po tshong dpon la/ kye
485a6 mes po/ chu 'bebs kyi mchid nas khyim 'di na pha ma dang / spun dang / sring mo dang / bran pho dang / bran mo dang / las bgyid pa rnams kyi kha zas sbyar ba gang ci mchis pa
485a7 thams cad gcig tu bsdus te chu'i gos glang po che la zhon pa'i lag tu myur du rdzongs shig ces mchi'o zhes de skad gyis shig/ de nas khye'u chu'i gos glang po che de la
485b1 zhon nas myur ba myur bar rgyug cing rab tu rgyug ste rang gi khyim ga la ba der song nas phyin pa dang / de dag rgyus kyis zhib tu smras te de nas khye'u chu'i gos kyis sngar smras pa'i zas
485b2 sbyar ba de thams cad glang po che'i rgyab tu bkal nas glang po che de la zhon te dgon pa na yod pa'i rdzing ga la ba der song ba dang / chu 'bebs kyis rang gi bu chu'i gos mthong nas dga'
485b3 mgu ste bu las zas blangs nas phrul te rdzing der gtor nas nya khri po de dag tshim par byas te de 'di snyam du bdag gis dus gzhan zhig na dgon pa'i gnas zhig na dge slong
485b4 theg pa chen po klog pa las/ su 'chi ba'i dus kyi tshe de bzhin gshegs pa rin chen gtsug tor can gyi mtshan thos pa de bde 'gro mtho ris kyi 'jig rten du skye'o zhes thos kyi
485b5 bdag gis nya de dag la rten cing 'brel bar 'byung ba'i chos zab mo'ang bshad la de bzhin gshegs pa dgra bcom pa yang dag par rdzogs pa'i sangs rgyas rin chen gtsug
485b6 tor can de'i mtshan yang bsgrag par bya'o snyam mo/ /de'i tshe na 'dzam bu'i gling de na sems can rnams kyi lta ba gnyis su gyur te/ kha cig ni theg pa chen po la mngon par dad
485b7 do| |kha cig ni smod do/ /de nas tshong dpon gyi bu khye'u chu 'bebs kyis de'i tshe rdzing der rkang pa gnyi ga'i pus mo nub tsam du 'bogs te bcom ldan 'das de bzhin gshegs
486a1 @#/ /pa dgra bcom pa yang dag par rdzogs pa'i sangs rgyas rin chen gtsug tor can de la phyag 'tshal lo zhes ched du brjod pa de skad ched du brjod do/ /
486a2 de bzhin gshegs pa rin chen gtsug tor can sngon byang chub sems dpa'i spyad pa spyod pa na/ phyogs bcu dag na gang su dag 'chi ba'i dus kyi tshe nga'i ming thos pa de dag de
486a3 nas shi 'phos nas sum cu rtsa gsum gyi lha rnams dang skal ba mnyam par skye bar gyur cig ces smon lam de skad btab bo/ /de nas tshong dpon gyi khye'u chu 'bebs kyis dud
486a4 'gro'i skye gnas su gyur pa de dag la chos 'di bshad de/ 'di lta ste/ 'di yod pa'i phyir 'di 'byung / 'di skyes pas 'di skye ba ste/ 'di ltar ma rig pa'i rkyen gyis
486a5 'du byed rnams/ 'du byed rnams kyi rkyen gyis rnam par shes pa/ rnam par shes pa'i rkyen gyis ming dang / gzugs/ ming dang / gzugs kyi rkyen gyis skye mched drug /
486a6 skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen
486a7 gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te de
486b1 ltar na sdug bsngal gyi phung po chen po 'di 'ba' zhig 'byung bar 'gyur ro/ /'di lta ste/ ma rig pa 'gags pas 'du byed 'gag par 'gyur ba nas/ de ltar sdug bsngal gyi
486b2 phung po chen po 'di 'ba' zhig kyang 'gag par 'gyur ro zhes bya ba'i bar du'o/ /rigs kyi lha mo/ de ltar de'i tshe de'i dus na tshong dpon gyi bu chu 'bebs kyis dud 'gro'i skye gnas
486b3 su gyur pa de dag la chos dang ldan pa'i gtam 'di brjod nas rang gi bu chu'i gos dang / chu'i snying po dang lhan cig tu rang gi khyim du phyin pa'i bar du'o/ /des na dus gzhan zhig
486b4 na tshong dpon gyi khye'u chu 'bebs dus ston chen po zos nas chang gis ra ro ste mal na nyal ba dang / de'i tshe de'i dus na ltas chen po byung bar gyur te mtshan mo de 'das pa dang / nya khri
486b5 po de dag 'chi ba'i dus su gyur nas sum cu rtsa gsum gyi lha rnams dang skal ba mnyam par skyes so/ /skyes ma thag tu de dge 'di lta bu'i tshul gyis sems kyi rnam par rtog pa
486b6 skyes te bdag cag dge ba'i las kyi rgyu gang gis sum cu rtsa gsum gyi lha rnams kyi nang 'dir skyes snyam mo/ /de dag kyang 'di snyam du sems te bdag cag 'dzam bu'i gling de
486b7 na nya khrir gyur te bdag cag dud 'gro'i skye gnas su gyur pa las tshong dpon gyi khye'u chu 'bebs kyis chu mang po dang / kha zas kyi mchog gis tshim par byas te bdag cag la
487a1 @#/ /rten cing 'brel par 'byung ba zab mo'i chos kyang bstan de bzhin gshegs pa dgra bcom pa yang dag par rdzogs pa'i sangs rgyas rin chen gtsug
487a2 tor can gyi mtshan yang bsgrags pas dge ba'i chos kyi rgyu de dang / rkyen des bdag cag lha rnams kyi nang 'dir skyes kyi bdag cag tshong dpon gyi khye'u chu 'bebs ga la ba
487a3 der dong ste phyin nas de la mchod pa bya'o snyam mo/ /de nas lha'i bu khri po de dag sum cu rtsa gsum gyi lha rnams kyi nang nas mi snang bar gyur nas tshong dpon gyi bu chu 'bebs
487a4 kyi khyim du lhags te de'i tshe tshong dpon gyi khye'u chu 'bebs mal na nyal zhing 'dug pa de la lha'i bu de dag gis mu tig gi se mo do khri ni mgo'i thad kar bzhag/ mu tig gi se
487a5 mo do khri ni rkang pa'i drung du bzhag/ mu tig gi se mo do khri ni g.yas logs su bzhag/ mu tig gi so mo do khri ni g.yon logs su bzhag ste pus mo nub tsam du me tog man
487a6 dA ra ba'i char chen po'ang phab/ lha'i sil snyan rnams kyang dkrol nas des 'dzam bu'i gling gi mi thams cad kyang sad tshong dpon gyi khye'u chu 'bebs kyang sad do/ /de
487a7 nas lha'i bu khri po de dag kyang nam mkha' la dong ste lha'i bu de dag rgyal po lha'i dbang phyug 'od kyi yul gyi gnas dang / gnas gzhan du'ang me tog man dA ra ba'i char
487b1 'babs shing dgon pa na yod pa'i rdzing chen po ga la ba der dong nas de dag gis rdzing chen po der me tog man dA ra ba'i char chen po phab ste de nyid du mi snang bar gyur nas slar yang
487b2 lha'i gnas su dong ste de na 'dod pa'i yon tan lnga po dag gis dga' zhing rtse ste dga' mgur spyod cing dpal dang / skal ba bzang po chen po dag kyang myong ngo / /'dzam bu'i gling
487b3 du nam langs pa dang / de nas rgyal po lha'i dbang phyug 'od kyis ltas de dag byung ba mthong nas skar mkhan dang / blon po chen po rnams la smras pa/ ci'i phyir mdang sum ltas
487b4 'di dag byung / de dag gis smras pa/ lha/ mkhyen par mdzad du gsol/ tshong dpon gyi khye'u chu 'bebs kyi khyim du mu tig gi se mo do bzhi khri'i char bab cing lha'i me tog man
487b5 dA ra ba'i char yang 'bab po zhes byas pa dang / rgyal po lha'i dbang phyug 'od kyis blon po rnams la smras pa/ khyod dong la tshong dpon gyi bu chu 'bebs la snyan pa'i tshig gis
487b6 bos shig /de nas skar mkhan dang / blon po chen po rnams chu 'bebs kyi khyim ga la ba der dong ste phyin nas tshong dpon gyi khye'u chu 'bebs la 'di skad ces smras so/ /rgyal
487b7 po lha'i dbang phyug 'od 'di khyod la 'bod do/ /de nas tshong dpon gyi khye'u chu 'bebs blon po chen po rnams dang lhan cig tu rgyal po lha'i dbang phyug 'od ga la ba der dong ba
488a1 @#/ /dang | rgyal pos smras pa/ bu chu 'bebs/ mdang sum de 'dra ba'i ltas byung ba de ci'i ltas yin shes sam/ de nas tshong dpon gyi khye'u chu
488a2 'bebs kyis rgyal po lha'i dbang phyug 'od la 'di skad ces smras so/ /lha/ bdag gis 'tshal te nya khri po de dag 'chi ba'i dus bgyis par nges so/ /rgyal pos smras pa/
488a3 ji ltar shes/ chu 'bebs kyis smras pa/ lha/ chu'i gos rdzing der nya khri po de dag gum mam/ ma gum ltar stsal to/ /rgyal pos smras pa/ de ltar gyis shig /de nas
488a4 tshong dpon gyi khye'u chu 'bebs kyis khye'u chu'i gos la 'di skad ces smras so/ /bu/ song la dgon pa na yod pa'i rdzing bu'i nya khri po de dag shi'am/ ma shi ltos
488a5 shig |de nas khye'u chu'i gos myur ba myur bar dgon pa na yod pa'i rdzing chen po ga la ba der song ba dang / nya khri po de dag shi ba'i dus su gyur cing me tog man dA
488a6 ra ba'i char chen po phab pa yang mthong nas slar log ste pha la smras pa/ 'chi ba'i dus su gyur to/ /de nas tshong dpon gyi khye'u chu 'bebs kyis khye'u chu'i gos las
488a7 chig de thos pa dang / rgyal po lha'i dbang phyug 'od ga la ba der song nas de dag rgyus nas zhib tu smras te/ lha/ mkhyen par mdzad du gsol/ nya khri po de dag thams
488b1 cad ni 'chi ba'i dus su gyur nas sum cu rtsa gsum gyi lha rnams kyi nang du skyes te de dag dang / bdag gi mthus mdang sum de lta bu'i dge ba'i ltas de dag byung ste bdag gi
488b2 khyim du'ang mu tig gi se mo do bzhi khri dang / lha'i me tog man dA ra ba'i char yang phab bo/ /de nas rgyal po dga' zhing mgu ste yi rang bar gyur to/ /de nas bcom ldan 'das
488b3 kyis rigs kyi lha mo byang chub yang dag par bsdus pa la 'di skad ces bka' stsal to/ /rigs kyi lha mo/ de'i tshe de'i dus na/ rgyal po lha'i dbang phyug 'od ces bya bar gyur
488b4 pa de gzhan zhig yin pa snyam du khyod sems na de de ltar mi blta'o/ /de ci'i phyir zhe na/ shAkya lag na be con can de'i tshe de'i dus na rgyal po lha'i dbang phyug 'od ces bya bar
488b5 gyur to/ /rigs kyi lha mo/ de'i tshe dus na/ tshong dpon ral pa 'dzin ces bya bar gyur pa de gzhan zhig yin pa snyam du khyod sems na de de ltar mi blta'o/ /de ci'i phyir zhe na/ rgyal
488b6 po zas gtsang ma de'i tshe de'i dus na tshong dpon ral ba 'dzin ces bya bar gyur to/ /rigs kyi lha mo/ de'i tshe de'i dus na tshong dbon gyi khye'u chu 'bebs zhes bya bar gyur pa de gzhan zhig
488b7 yin pa snyam du khyod sems na de de ltar mi blta'o/ /de ci'i phyir zhe na/ nga de'i tshe de'i dus na tshong dpon gyi bu chu 'bebs zhes bya bar gyur to/ /rigs kyi lha mo/ de'i tshe de'i dus
489a1 @#/ /na chung ma chu'i pad+ma'i snying po zhes bya bar gyur pa de gzhan zhig yin pa snyam du khyod sems na de de ltar mi blta'o/ /de ci'i phyir zhe na/ shAkya'i bu
489a2 mos 'tsho ma de'i tshe de'i dus na tshong dpon gyi bu khye'u chu 'bebs zhes bya ba'i chung ma chu'i pad+ma'i snying po zhes bya bar gyur to/ /sgra gcan zin ni de'i tshe de'i dus na khye'u chu'i gos
489a3 zhes bya bar gyur to/ /kun dga' bo ni de'i tshe de'i dus na khye'u chu'i snying po zhes bya bar gyur to/ /rigs kyi lha mo/ de'i tshe de'i dus na nya khri por gyur pa de dag gzhan zhig
489a4 yin pa snyam du khyod sems na de de ltar mi blta'o/ /de ci'i phyir zhe na/ 'bar ba'i khyad par gyi gzi brjid rgyal po la sogs pa lha'i bu khri po 'di dag de'i tshe de'i dus na
489a5 nya khrir gyur te/ gang dag ngas chu dang / zas kyi mchog gis tshim par byas shing rten cing 'brel par 'byung ba zab mo'i chos kyang bstan de bzhin gshegs pa dgra
489a6 bcom pa yang dag par rdzogs pa'i sangs rgyas rin chen gtsug tor can gyis mtshan yang bsgrags te dge ba'i las kyi rgyu des nga'i gan du 'dir lhags te des na da ltar bla
489a7 na med pa yang dag par rdzogs pa'i byang chub tu lung bstan to/ /rab tu dga' ba dang / dang ba dang / mchog tu dga' ba dang / gus par chos nyan pas thams cad lung
489b1 bstan pa zhes bya ba'i ming yang thob par gyur to/ /rigs kyi lha mo/ de'i tshe de'i dus na shing gi lha mor gyur ba de gzhan zhig yin pa snyam du khyod sems na de de ltar mi blta'o/ /de ci'i
489b2 phyir zhe na/ rigs kyi lha mo/ khyod de'i tshe de'i dus na shing gi lha mor gyur to/ /rigs kyi lha mo/ rnam grangs 'dis na 'khor ba nas 'khor ba'i tshe ngas ji ltar sems can mang po byang
489b3 chub tu yongs su smin par byas te de dag thams cad bla na med pa yang dag par rdzogs pa'i byang chub tu lung bstan pa'i sa thob par gyur par rig par bya'o/ /gser 'od dam pa
489b4 mdo sde'i dbang po'i rgyal po las/ chu 'bebs kyis nya btul ba sngon byung ba'i le'u zhes bya ba ste bcu bdun pa'o// //rigs kyi lha mo/ gzhan yang / byang chub
489b5 sems dpa' ni gzhan la phan pa'i phyir lus kyang yongs su gtong ngo / /de ji lta zhe na/ dri ma med cing shin tu rgyas pa'i yon tan rnam pa sna tshogs brgya'i 'od zer sa dang / lha yul
489b6 du rnam par 'phro ba thogs pa med pa'i ye shes mthong ba dang / stobs kyis pha rol gnon pa'i bcom ldan 'das dge slong stong gis yongs su bskor te yul lnga len gyi ljongs
489b7 su ljongs rgyu zhing gshegs nas nags tshogs zhig tu byon pa dang / der des sngo zhing 'jam la mthing gar 'dug pa'i spang gi ngos me tog gi dri zhim pa rnam pa sna tshogs kyis
490a1 @#/ /rab tu brgyan pa'i sa phyogs zhig gzigs so/ /gzigs nas kyang bcom ldan 'das kyis tshe dang ldan pa kun dga' bo la bka' stsal pa/ kun
490a2 dga' bo/ sa phyogs 'di ni mdzes pa ste 'di na gtam gyi gnas kyi mtshan ma yod kyi/ da de bzhin gshegs pa'i gdan things shig/ de nas des bcom ldan 'das kyi
490a3 bka' bzhin du gdan bting ngo / /gdan bting nas kyang bcom ldan 'das la 'di skad ces gsol to/ /gdan bting lags na bcom ldan gtso bo mchog /mi la mchog
490a4 stsol dam pa srid bcings grol/ /bzhugs te mi la sman slad mthar bgyid kyi/ /bka' mchid dam pa bdud rtsi gsung du gsol/ /de nas bcom ldan 'das gdan
490a5 de la bzhugs nas dge slong rnams la bka' stsal pa/ dge slong dag/ khyod bya dka' ba'i las byed pa'i byang chub sems dpa'i rus pa rnams blta bar 'dod dam/
490a6 de skad ces bka' stsal pa dang / bcom ldan 'das la dge slong de dag gis 'di skad ces gsol to/ /drang srong dam pa sems can mchog gi snying po la/ /bzod
490a7 dang brtson 'grus che la zhi dang dul dga' zhing / /blo gros dran dga' yon tan dpag med gnas gyur gyi/ /rus pa bdag cag blta ba'i dus lags de legs shod//
490b1 de nas bcom ldan 'das phyag gi mthil 'khor lo rtsibs stong gi ri mo can dang / me tog ka ma la gsar du kha bye ba ltar 'jam pa'i phyag gis sa'i ngos la bsdabs te bsnun
490b2 ma thag tu sa rnam pa drug tu g.yos te nor bu dang / gser dang / dngul las byas pa'i mchod rten zhig de nas byung ngo / /de nas bcom ldan 'das kyis tshe dang ldan pa kun
490b3 dga' bo la bka' stsal pa/ kun dga' bo/ mchod rten 'di phye zhig /de nas tshe dang ldan pa kun dga' bos bcom ldan 'das kyi ltar mnyan nas mchod rten de bye ba dang /
490b4 des der gser gyi 'phra can gyi nor bu dang / mu tig gis khebs par g.yogs pa'i gser gyi za ma tog cig mthong ngo / /mthong nas kyang bcom ldan 'das la 'di skad ces
490b5 gsol to/ /bcom ldan 'das/ gser gyi za ma tog cig mchis so/ /bcom ldan 'das kyis bka' stsal pa/ za ma tog bdun po 'di dag thams cad phye zhig /de
490b6 bzhin du thams cad phye ba dang / des der rus pa'i kha dog kha ba dang / me tog ku mu da dang / 'dra ba dag gcig mthong ngo / /mthong nas kyang bcom ldan 'das la 'di
490b7 skad ces gsol to/ /bcom ldan 'das/ rus pa dag cig gda'o/ /bcom ldan 'das kyis bka' stsal pa/ kun dga' bo/ skyes bu chen po'i rus pa rnams khyer te
491a1 @#/ /shog |de nas tshe dang ldan pa kun dga' bos rus pa de dag blangs te sangs rgyas bcom ldan 'das la phul ba dang / bcom ldan 'das kyis rus pa
491a2 rnams dge 'dun gyi mdun du bsnams te phyag tu bzhes te bka' stsal pa/ rus pa 'di dag yon tan mchog rab tshogs ldan blo gros mchog /dul dang bsam gtan bzod
491a3 pas spro ba grags pa dam pa mchog /phyir zhing byang chub 'di la rtag tu blo gros ldan byas shing / /spro brtan mos dang blo gros rtag tu sbyin la dga' ba'i yin/ /de nas bcom
491a4 ldan 'das kyis dge slong rnams la bka' stsal pa/ dge slong dag/ byang chub sems dpa'i rus pa tshul khrims dang / yon tan gyis yongs su bsgos pa/ mchog tu
491a5 mthong bar dka' ba/ bsod nams kyi zhing du gyur pa rnams la phyag 'tshol cig /de nas dge slong de dag gis thal mo sbyar te 'dun pa'i yid kyis rus pa rnams la phyag
491a6 btsal to/ /de nas tshe dang ldan pa kun dga' bos thal mo sbyar te bcom ldan 'das la 'di skad ces gsol to/ /bcom ldan 'das/ de bzhin gshegs pa ni 'jig rten
491a7 thams cad las mngon par 'phags pa sems can thams cad kyis phyag bgyis pa lags na/ ji ltar de bzhin gshegs pa nyid rus pa 'di dag la phyag bzhes/ de nas
491b1 bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ rus pa 'di dag gis nga 'di ltar myur du bla na med pa yang dag par rdzogs
491b2 pa'i byang chub tu mngon par rdzogs par sangs rgyas so/ /kun dga' bo/ sngon byung ba 'das pa'i dus na rgyal po shing rta chen po zhes bya ba bzhon pa dang / stobs du ma dang ldan pa
491b3 thogs pa med pa'i stobs kyis pha rol gnon pa zhig byung ste/ de la bu lha gzhon nu dang 'dra ba gsum zhig yod de sgra chen po dang / lha chen po dang / sems can chen po'o/ /de
491b4 nas rgyal po rtse ba'i phyir skyed mos tshal gyi sar byung ba dang / gzhon nu de dag skyed mos tshal de'i yon tan la chags shing me tog 'dod pas phan tshun rgyu ste nags stug po
491b5 chen po bcu gnyis su zhugs so/ /de nas rgyal po'i bu dag dong ba dang gzhon nu'i rim gro pa rnams kyang rgyal bus bskrad nas phan tshun dong ste kun tu bsrungs pa'i skyed mos tshal
491b6 chen po'i nags stug po bcu gnyis su zhugs so/ /de nas sgra chen pos nu po gnyis la stsal ba/ kho bo'i snying 'jigs pas non na 'dir bdag cag gcan gzan gyis bsad du
491b7 'ong gi tshur shog/ lha chen pos smras pa/ bdag la 'jigs pa ni ma mchis na/ skye bo sdug pa dang bral ba snyam bgyid pa'i snying du gyur to/ /sems can chen pos smras pa/ thub
492a1 @#/ /pas bsngags pa'i nags khrod dben pa 'dir/ /bdag ni mi 'jigs mya ngan ma mchis kyi/ /shin tu rgyas mchog don chen rnyed snyam ste/ /bdag gi
492a2 snying 'di rab tu dga' bar gyur/ /de nas rgyal bu gzhon nu de dag nags stug po bcu gnyis po de dag gi khrod du rgyu ba na stag mo bu byung nas zhag bdun lon pa zhig bu lngas bskor
492a3 te bkres shing skom pa'i nyam smad nas lus mchog tu nyam chung bar gyur pa de 'dra ba zhig mthong ngo / /mthong nas sgra chen pos smras pa/ kye ma'o/ /nyon mongs ma 'di bu byung nas
492a4 zhag drug gam/ zhag bdun lon par gyur la da ltar zas ma rnyed pas yang na ni rang gi bu la za bar 'gyur yang na ni bkres pas 'chi ba'i dus byed par 'gyur ro/ /sems
492a5 can chen pos smras pa/ nyon mongs ma 'di'i zas ci/ sgra chen pos smras pa/ 'di ltar gang sha sar pa dang / khrag dron po yod na de ni stag dang / dom dang / dred dang / seng ge
492a6 rnams kyi zas yin no zhes zer ro/ /lha chen pos smras pa/ 'dir nyon mongs bkres pa dang / skom pa dang / ldan pa'i lus su gyur pas srog gi lhag ma cung zad cig
492a7 lus te rab tu nyam chung ba 'dis gnas 'dir zas skom tshol ni mi nus na 'di'i srog yongs su bsrung ba'i phyir su zhig rang gi lus yongs su gtong bar byed cig gu/ sgra
492b1 chen pos smras pa/ kye/ rang gi lus yongs su btang ba ni bya dka' ba'o/ /sems can chen pos smras pa/ bdag cag lta bu srog dang / lus la mngon par chags pa blo chung ba rnams
492b2 la ni tshul 'di bya dka' ba lags kyi gzhan lus yongs su gtong ba la zhugs pa gzhan la phan par brtson pa'i skyes bu dam pa rnams la ni dka' ba ma lags so/ /yang / snying brtse
492b3 snying rje las byung 'phags pa'i sems can dag /lha yul dang ni sa 'dir rang lus rnyed snyam ste/ /gzhan gyi srog phyir mthun par dga' ba'i yid kyis ni/ /'gyur ba med par
492b4 'dir ni rnam pa brgya yis rtse/ /de nas rgyal bu gzhon nu de shin tu mi dga' ste stag mo de la mig mi 'dzums par ring zhig tu bltas nas song ngo / /de nas sems can chen po 'di
492b5 snyam du sems te da ni bdag gi lus 'di yongs su gtong ba'i dus la bab bo/ /de ci'i phyir zhe na/ 'jig cing 'gyes pa'i chos can mthar 'gyed mtha' ngan pa/ /rnag can lus
492b6 'di zas dang skom dang mal cha dang / /bzhon pa 'os pa chen po dag gis ring bsrungs kyang / /snga med rang gis rang bzhin mi 'dor byas don med/ /yang thams cad du mi gtsang
492b7 bar gyur bas na de'i 'tsho ba med kyi/ da bdag gis de las bzang po la sbyar bar bya'o/ /de'i phyir bdag skye ba dang / 'chi ba'i rgya mtsho las rgal ba'i gru bo che lta bur 'gyur ro/ /
493a1 @#/ /yang / snying po med lus dbu pa 'dra la srin bu brgyas gang byas pa chud gzon pa/ /'bras 'dra ba yi srid pa brgya ldan gcin dang phyi sas gang ba 'di
493a2 btang ste/ /mya ngan med cing 'gyur med phung med dri med bsam gtan la sogs yon tan gyis/ /kun tu gang ba'i chos sku yon tan brgyas gang rdul dang bral ba thob par
493a3 bya| /de snying rje mchog dang ldan pa'i snying du gyur pas de ltar brtul nas khyod gnyis gshegs su gsol/ bdag ni rang gi bgyi ba zhig gi slad du nags stug po bcu
493a4 gnyis su 'jug go zhes de gnyis bskrad do/ /de nas rgyal bu gzhon nu sems can chen po nags 'dab de nas slar log ste stag gi gnas su song nas nags kyi yal ga
493a5 la gos gzar te/ bdag ni 'gro la phan phyir byang chub mtshungs pa med pa zhi ba thob 'dod de/ /gzhan gyis btang bar dka' ba'i lus ni blo gros 'gyur ba med pa'i snying
493a6 rjes sbyin/ /bdag gis skyon med byang chub rin med rgyal sras rnams kyis gnyer ba thob par shog /bdag gis srid pa'i rgya mtsho rab tu 'jigs las 'jig rten gsum
493a7 po bsgral bar bya/ /zhes smon lam btab bo/ /de nas sems can chen po stag mo'i mdun du nyal ba dang / de nas byams pa dang ldan pa'i byang chub sems dpa' la
493b1 stag mos ci'ang ma byas so/ /de nas byang chub sems dpas/ kye ma'o/ /'di ni nyam chung bas mi nus so snyam nas langs te snying brtse ba'i blo gros kyis mtshon cha btsal na gang nas kyang
493b2 mtshon cha ma rnyed nas des 'od ma'i yal ga lo brgya lon pa sra ba zhig blangs te bdag gi mgul pa bcad nas stag mo'i mdun du 'gyel to/ /byang chub sems dpa' 'gyel ma thag
493b3 tu chu'i dbus su son pa'i gru rlung gis bskyod pa bzhin du sa 'di rnam pa drug tu g.yos so/ /nyi ma'ang sgra gcan gyis zin pa bzhin du 'od zer rnams kyis mdzes pa med do/ /lha'i
493b4 spos dang / phye ma dang 'dres pa'i me tog gi char yang bab bo/ /de nas lha zhig gis ngo mtshar du gyur pa'i yid kyis byang chub sems dpa' la bstod pa/ blo gros bzang po khyod
493b5 'dir ji ltar thugs rjes sems can rnams khyab ste/ /mi yi dbang po rab tu dgyes pas ji ltar sku 'dir btang bas na/ /skye ba dang ni 'chi ba'i don dang bral ba zhi ba gnas kyi
493b6 mchog /zhi ba gtsang ma khyod kyis 'dir ni tshegs med ring por mi thogs brnyes/ /de nas stag mo des byang chub sems dpa'i lus khrag gis sbags pa la bldags nas
493b7 yud tsam gyis sha dang / khrag med par rus pa tsam zhig lus par byas so/ /de nas sgra chen pos sa g.yos pa de dag la bsams nas lha chen po la 'di skad ces smras so//
494a1 @#/ /ji ltar phyogs bcu'i rgya mtsho'i mthar thug rgya mtshor bcas pa yi/ /sa 'di rab tu g.yos shing nyi ma'ang 'od ni med gyur la/ /me tog char pa bab
494a2 cing kho bo'i yid kyang 'khrugs pas na/ /da gzod bdag gi nu bos rang gi lus ni btang yang dag /lha chen pos smras pa/ de ni ji ltar snying rje'i tshig smra la/ /bkres dang
494a3 ldan zhing sdug bsngal brgyas gtses pa/ /shin tu nyam chung rang gi bu la yang / /za bar chas la lta bas bdag kyang dogs/ /de nas rgyal bu gzhon nu de gnyis rab tu mya
494a4 ngan gyis non nas mchi mas mig gang ste lam de nyid nas slar log nas stag mo'i drung du phyin pa dang / gos thams cad ni 'od ma'i yal ga la gzar/ rus pa rnams
494a5 ni bye zhing bral/ khrag ni rdzab tu gyur/ skra ni phyogs dang / phyogs mtshams su 'thor bar mthong ngo / /mthong nas kyang brgyal te rus pa'i steng du 'gyel nas ring zhig
494a6 lon pa dang / 'du shes rnyed de langs nas lag pa bsgreng ste nyam thag pa'i sgra byung ngo / /kye ma'o nu bo sdug pa dang ni rgyal po dang / /de bzhin du ni bu la rab tu gdung
494a7 ba'i ma/ /pad+ma 'dra ba'i mig ring khyod kyi gar bzhag ces/ /ma ni bdag cag la yang tha chungs 'dri bar 'gyur/ /kye ma bdag cag gnyis ni sa phyogs 'di nyid du/ /shi na
494b1 legs kyi gson na de lta ma yin no/ /sems can chen po med par gyur pas bdag cag la/ /pha ma dag gis ji ltar lto ba ster bar 'gyur/ /de nas rgyal bu gzhon nu de gnyis
494b2 kyis snying rje rje skad du rnam pa mang por dus nas dong ngo / /de nas rgyal bu gzhon nu'i rim gro ba rnams kyang gzhon nu tshol zhing phyogs dang / phyogs mtshams su rgyug pa dang / gcig
494b3 gis gcig mthong nas gzhon nu ga re/ gzhon nu ga re zhes 'dri'o/ /de'i tshe btsun mo mal na nyal ba'i rmi lam na sdug pa dang bral bar rmis pa/ 'di lta ste/ nu ma gnyis bcad
494b4 pa dang / so phyung ba dang / thi ba'i phru gu skrag pa gsum zhig rnyed pa las gcig khras khyer bar mthong ngo / /de nas btsun mo sa g.yos pas snying dngangs te mod la sad nas sems
494b5 pa la zhugs te/ 'byung po'i rten ma rgya mtsho'i gos can 'di ni kun tu rab g.yo ci zhig gu/ nyi ma 'od zer med par gyur pas nga yi snying la mya ngan 'gyur bar ston/ /nga yi
494b6 lus ni zhum zhing mig kyang g.yo la rang gi nu ma bcad rmis pa/ /nga yi bu rnams nags khrod 'dir ni rtser dong ba la dge bar 'gyur ram ge /de nas de snyam bsams pa
494b7 dang bran mo'ang snying myos te 'ongs nas btsun mo la smras pa/ jo mo gzhon nu'i rim gro pa dag gzhon nu tshol zhing mchis na jo co stor ces gda'o/ /de skad ces thos ma thag
495a1 @#/ /tu btsun mo'i snying 'dar zhing mig dang / gdong mchi mas gang ste rgyal po'i gan du song nas smras pa/ lha/ bdag gi bu sdug pa stor ces thos so/ /
495a2 rgyal po yang snying 'dar zhing shin tu myos te/ kyi hud/ bdag gi bu sdug pa dang bral ba lta zhes smras so/ /de nas rgyal pos btsun mo dbugs dbyung ba'i phyir nga gzhon
495a3 nu btsal ba la nan tan du byed kyi bzang mo mya ngan ma byed cig /der gzhon nu tshol ba la zhugs pa na skye bo'i tshogs dag rong rong por gyur te de nas ring por ma lon par
495a4 rgyal pos rgyal bu gzhon nu gnyis rgyang ring po nas 'ong ba mthong ngo / /mthong nas kyang smras pa/ gzhon nu de dag ni 'ong na thams cad ni ma yin te/ kyi hud/ bu dang
495a5 bral ba lta zhes bya ba ni sdug bsngal ba'o/ /ji ltar bu dang bral bar gyur na yid ni mi bde ba/ /mi rnams bu rnyed pa ni de ltar dga' ba ma yin no/ /'jig rten na ni gang
495a6 dag bu med pa dang shi ba'am/ /mi rnams gang dag bu gson de dag bde ba yin nam ci/ /de nas btsun mo shin tu mya ngan gyis non nas rnga mo gnad du bsnun pa
495a7 bzhin du shin tu mi bzad pa'i sgra phyung ngo / /de ltar bu gsum dag ni g.yog gi tshogs bcas te/ /me tog rnams kyis gang ba'i nags khrod zhugs pa las/ /bdag gi
495b1 bu dge tha chungs 'ongs par ma gyur na/ /bdag gi snying dang 'dra ba'i tha chungs de ga re/ /de nas de gnyis lhags pa dang rgyal pos bu la dris pa/ khye'u tha chung ga re zhes gzhon nu
495b2 gnyis la dris pa dang / de nas mya ngan gyis nyam thag cing mig mchi mas gang ste rkan dang / mchu dang / kha dang / so skams nas cang mi zer ro/ /btsun mos smras pa/ kho mo'i
495b3 bu sdug tha chung de ga re/ /kho mo'i snying 'di gsal thug gyur cing / /lus ni mi bzad rab tu gzir gyur te/ /kho mo 'drin pa nyams gyur myur du smros/ /de nas gzhon nu de
495b4 gnyis kyis ji ltar gyur pa de zhib tu smras so/ /de thos ma thag tu rgyal po dang / btsun mo myos par 'gyur te myos pa sangs nas snying rje rje skad du ngu zhing phyogs der dong ngo //
495b5 de nas rgyal po dang / btsun mos rus pa de dag sha dang / khrag dang / rgyus pa med cing skra phyogs dang / phyogs mtshams su 'thor ba mthong nas shing rlung gis btab pa
495b6 bzhin du 'gyel to/ /de nas nye phan dang / blon po dag gis de ltar gyur pa de mthong nas chu dang / rim la ya'i tsan+dan gyi lde gus rgyal po dang / btsun mo'i lus bsil bar
495b7 byas so/ /de nas ring zhig lon pa dang / 'du shes rnyed nas rgyal po langs te snying rje rje slad du 'bod pa/ kye ma bu sdug yid 'ong mthong dga' ba/ /'chi bdag dbang du ci phyir de
496a1 @#/ /myur song / /'chi bdag ci phyir nga la sngar ma 'ongs/ /nga la sdug bsngal 'di las gzhan mi 'byung / /btsun mo'ang myos pa las sangs nas skra gzhig
496a2 cing lag pa gnyis kyis brang brdungs te nya thang la phyung ba bzhin du sa'i steng na 'gre ldog cing ma he be'u stor ba dang / rnga mo rde'u stor ba bzhin du snying rje rje skad du ngu'o/ /kye ma sdug
496a3 cing gces pa'i bu ni pad+ma 'di/ /su yis sa yi steng du bshig nas rab tu gtor/ /yid 'ong mig ldan zla 'dra'i bzhin can bdag gi bu/ /bdag gi dgra bo gang gis de ring
496a4 sa 'dir bcom/ /kye ma sa 'dir bu mchog bsad mthong na/ /lus 'di ci phyir de ring zhig ma gyur/ /sdug bsngal 'di 'dra mthong yang ma gas pas/ /bdag gi snying 'di
496a5 lcags ni yin yang dag /de ring rmi lam du ni bdag gi nu ma 'ga' zhig gis ni ral gris bcad/ /so yang phyung bas de ring bdag gi bu sdug de ni myur du ma rung gyur/ /
496a6 bdag gis thi ba'i phrug gu gsum zhig rnyed pa gcig 'dir ji ltar khras khyer bzhin/ /bdag gi bu gsum dag gis bskor ba las kyang gcig ni de ring 'chi bdag khyer/ /
496a7 kye ma ho sdig pa can gyi rmi lam de yi 'bras bu grub pa 'di yin no/ /de nas rgyal po dang / btsun mo snying rje rje skad du rnam pa mang por smra zhing rgyan thams cad bkrol nas
496b1 skye bo'i tshogs chen po dang lhan cig tu bu'i rus bu la mchod pa byas nas gzhon nu'i rus pa rnams phyogs 'dir bzhag go /kun dga' bo/ de'i tshe de'i dus na rgyal bu gzhon nu
496b2 sems can chen po zhes bya bar gyur pa de gzhan zhig yin pa snyam du khyod sems na de de ltar mi blta'o/ /de ci'i phyir zhe na/ nga nyid de'i tshe de'i dus na rgyal bu gzhon nu sems can
496b3 chen po zhes bya bar gyur to/ /kun dga' bo/ 'dod chags dang / zhe sdang dang / gti mug las yongs su ma grol ba de'i tshe'ang sems can dmyal ba la sogs pa'i sdug
496b4 bsngal las ngas 'gro ba mtha' dag la phan btags nas skyon thams cad dang bral te yang dag par rdzogs par sangs rgyas pa da ltar lta smos kyang ci dgos/ de ltar sems can
496b5 re re'i phyir yang sems can dmyal ba rnams su bskal par gnas par spro zhing skye bo 'khor ba las rnam par bsgral lo/ /sems can gyi snying pos shin tu bya dka' ba rnam pa
496b6 sna tshogs du mas 'gro ba mtha' dag la phan btags so/ /de nas bcom ldan 'das kyis de'i tshe tshigs su bcad pa 'di dag gsungs so/ /byang chub mchog 'di yongs su
496b7 tshol ba na/ /bskal pa mang por ngas ni lus btang ste/ /ji ltar rgyal po dang ni rgyal bur gyur/ /de ltar ngas ni lus rnams yongs su btang / /sngon gyi skye ba rnams ni rjes
497a1 @#/ /dran te/ /shing rta chen po zhes bya'i rgyal po byung / /de la bu ni gtong ba che ldan pa/ /sems can che zhes bya ba dam pa yod/ /de la phu bo dag ni gnyis yod
497a2 de| |ming ni sgra chen po dang lha chen po/ /dpung tshogs de dag nags tshal stug por dong / /de dag stag mo bkres pas gzir ba mthong / /di la sems can mchog de snying rje
497a3 skyes| |stag mo 'di ni bkres skom gzir bas na/ /bdag bu de dag za bar 'gyur 'ong gis/ /de ltar bdag lus da ni gtang bar bya/ /shing rta che bu sems can che/ /stag
497a4 mo bkres mthong stag phrug rnams/ /thar bar bya phyir snying rje yis/ /ri ngos gzar nas mchongs pa dang / /sa ni ri dang bcas su gsol/ /bya tshogs rnam mang rnam par
497a5 'thor/ /ri dwags tshogs skrag 'jig rten 'di/ /mun pas thibs por gnas par gyur/ /de yi phu bo sgra chen dang / /de bzhin lha chen de gnyis kyis/ /nags mchog
497a6 chen po der bltas na/ /sems can chen po ma rnyed nas/ /shin tu mya ngan zug rngu'i snying / /dran med nags kyi nang na rgyu/ /nu bo de ni yongs tshol zhing / /gdong la mchi
497a7 zag nags khrod rgyu/ /sgra chen de bzhin lha chen po/ /rgyal bu gzhon nu de dag gnyis/ /stag mo nyam chung gar nyal ba/ /der ni nye bar song ba dang / /stag mo dang ni stag
497b1 phrug gi /stag gi mchu la khrag chags mthong / /sgra dang rus pa cung zad cig /sa la rnam par 'thor ba mthong / /de yi khrag gi thigs pa ni/ /nyung zhig sa la yod par gyur/ /rgyal
497b2 po'i bu ni de gnyis kyis/ /khrag chags pa yi sa de mthong / /rab tu brgyal te sa de la/ /'gyel nas yid ni nyams par 'gyur/ /lus rnams la ni rdul gyis gos/ /dran dbang
497b3 nyams shing sems kyang myos/ /de dag gi ni 'khor rnams kyang / /snying rjer ngu zhing mya ngan non/ /de dag chus ni rab 'thor zhing / /lag pa sgreng ste ngu zhing gnas/ /de ni
497b4 'gyel ma thag tu yang / /btsun mo gces mchog skyed pa'i ma/ /bud med dag ni lnga brgya dang / /pho brang nang na bder 'dug pa/ /nu sor gnyis ka'i rtse mo nas/ /'o ma
497b5 khrag tu 'byung zhing 'dzag /de yi lus dang yan lag kun/ /khab kyis gtsags pa bzhin du tsha/ /snying ni rab tu mya ngan gang / /bu bral mya ngan drag mangs phog /rgyal
497b6 po'i gan du nyer song ste/ /mya ngan rab gdungs yid mi dga'/ /snying rje'i sgra yis rab ngu zhing / /rgyal po shing rta che la smras/ /mi dbang rgyal po bdag la gson/ /bdag
497b7 lus mya ngan me yis tshig /bdag gi nu sor rtse gnyis nas/ /'o ma khrag tu rab tu 'byung / /bdag lus khab kyis gtsags bzhin tsha/ /bdag gi snying yang gas la thug/
498a1 @#/ /ji ltar sdug pa'i bu rnams ni/ /phyin cad mi mthong 'di 'dra'i ltas/ /bdag gi bu rnams de ltar 'tshal/ /thugs rje mdzod de bdag srog stsol/ /de
498a2 ring bdag gi rmi lam na/ /thi ba phrug gu gsum rnyed na/ /bdag gi thi ba phrug gu ni/ /sdug cing yid 'ong gang lags pa/ /der ni khra mchis bdag gi ni/ /thi ba phrug gu de
498a3 khras 'tshal/ /bdag gi rmi lam de 'dra ba'i/ /mya ngan snying 'dir rab tu zhugs/ /sems ni mya ngan rab gdungs pas/ /bdag ni ring por mi thogs 'gum/ /bdag
498a4 gi bu rnams de ltar 'tshal/ /thugs rje ldan pa bdag srog stsol/ /de skad smras nas btsun mo mchog /brgyal nas sa der 'gyel bar gyur/ /dran pa'i dbang po
498a5 rnam par nyams/ /sems kyang stor zhing dran pa med/ /btsun mo'i 'khor tshogs thams cad kyang / /snying rje'i skad kyis rab tu du/ /btsun mo dam pa brgyal gyur
498a6 te| |sa la 'gyel ba mthong nas ni/ /de ma thag tu rgyal dbang de/ /bu dang bral ba'i mya ngan non/ /blon po dang ni 'khor rnams kyang / /gzhon nu rnams ni btsal phyir
498a7 dong | |grong khyer kun gyi skye bo dag /tha dad khyim nas byung zhing 'khod/ /ngu zhing gdong nas mchi ma zag /lam khar sems can che de 'dri/ /gson nam 'on te shi 'am
498b1 ci| |sems can chen po de gar song / /bdag cag de ring mthong zhig gam/ /yid 'ong sems can mthong re dga'/ /de'u re mi snyan thos 'gyur zhing / /yul 'dir mya
498b2 ngan mi bzad rlung / /sgra mi phyin cing rgyu mtha' yas/ /drag po'i sgrar bcas ldan zhig gam/ /rgyal po shing rta che langs te/ /mya ngan non cing ngu bzhin du/ /btsun mo dam
498b3 pa sar 'gyel la/ /bdag nyid chu yi rgyun kyang 'thor/ /ji srid dran rnyed ldan 'gyur pa/ /de srid du ni chu yis gtor/ /bdag bu gum mam gson zhig ces/ /zhum
498b4 pa'i yid kyis 'dri bar byed/ /rgyal po shing rta chen po yis/ /btsun mo mchog la 'di skad smras/ /blon po dag dang 'khor rnams kyang / /gzhon nu rnams ni tshol phyir
498b5 dong | |khyod ni rab tu yid zhum zhing / /rtag tu mya ngan snying ma byed/ /de ltar shing rta chen po yis/ /btsun mo dam pa spro bsrings te/ /rgyal po pho brang nang byung nas/ /mya
498b6 ngan non cing brgyal bzhin du/ /blon po'i tshogs kyis yongs bskor te/ /yid ni rab zhum lus kyang zhan/ /srog chags brgya phrag mang po yang / /ngu zhing mchi ma zag bzhin
498b7 rgyug /rgyal pu rnams ni btsal ba'i phyir/ /grong khyer gyi ni mchog nas byung / /rgyal po byung ba mthong nas ni/ /rgyal po'i phyi bzhin kun tu 'brang / /rgyal po shing rta chen po
499a1 @#/ /ni| |grong khyer nas byung de ma thag /sdug pa'i bu ni blta ba'i phyir/ /rgod pa'i mig gis phyogs su bltas/ /mgo bregs yan lag khrag sbags
499a2 shing | |lus la rdul gyis gos gyur la/ /gdong la mchi zag ngu bzhin du/ /'ong ba'i mi zhig mthong nas ni/ /shing rta chen po'i snying la yang / /rab tu mi bzang mya
499a3 ngan gnas/ /ngu zhing gdong la mchi ma zag /lag pa bsgreng ste ngu zhing 'dug /de nas blon po gzhan zhig ni/ /rgyang ring myur du rings par 'ong / /'ongs nas mi dbang
499a4 rgyal po ni/ /shing rta che la 'di skad smras/ /mi dbang thugs ngan ma mdzad cig /khyod sras yid du 'ong ba mchis/ /ring por mi thogs khyod kyi gan 'dir ni/ /sras
499a5 mchog yid 'ong mchi ba khyod kyis gzigs/ /rgyal po yud tsam lam du zhugs pa dang / /de nas blon po chen po gnyis pa 'ongs/ /rdul chags dri ma can gyi
499a6 gos gyon cing / /mchi ma'i gdong gis rgyal la 'di skad ces/ /rgyal po chen po khyod kyi sras gnyis ni/ /mya ngan me yis rab tu gdungs shing gnas/ /rgyal po
499a7 khyod kyi sras mchog gcig mi gda'/ /sems can chen po mi rtag nyid kyis zin/ /stag mo bu byung ring bor ma lon pa/ /rang gi bu rnams za bar 'dod pa mthong / /
499b1 de dag la ni gzhon nu sems can ches/ /snying rje chen po ldan pas sems bskyed nas/ /byang chub tu ni smon lam che btab pa/ /sems can thams cad bdag gis dgrol
499b2 bar bya/ /byang chub zab mo rgya chen 'dod pa la/ /ma 'ongs dus na bdag gis reg par bya/ /sems can chen po ri ngos gzar nas mchongs/ /stag mo bkres pas non pa de
499b3 langs te/ /yud tsam gyis ni lus la sha med byas/ /rgyal po'i bu ni rus pa nyi tshe lus/ /ma rungs pa yi tshig ni de thos nas/ /rgyal po shing rta chen po brgyal gyur te/ /sa
499b4 la 'gyel nas sems kyang stor bar gyur/ /mya ngan me ni shin tu mi bzad 'bar/ /'khor dang blon po snying rje'i skad kyis ni/ /ngu zhing mya ngan non bzhin de dag kyang / /chus
499b5 'thor lag pa bsgreng ste rab tu ngu / /blon po gsum pas rgyal la smras pa ni/ /bdag gis de ring gzhon nu gnyis po dag /nags chen de na rab tu brgyal gyur cing / /sa
499b6 la 'gyel te sems kyang stor mthong nas/ /dran pa rnyed de langs kyi bar du ni/ /bdag cag rnams kyis chab kyis rab tu gtor/ /phyogs bzhi dag nas kun nas 'bar
499b7 bar mthong / /yud tsam 'greng nas slar yang sa la 'gyel/ /snying rje'i skad kyis smre sngags rab tu 'don/ /rtag par lag pa bsgreng ste gnas nas ni/ /nu bo de yi bsngags
500a1 @#/ /pa rab tu brjod/ /rgyal po de ni rab tu sems zhum zhing / /bu bral mya ngan non nas sems kyang 'khrugs/ /mya ngan rab tu gdungs shing smre sngags
500a2 'don/ /rgyal po de ni 'di snyam yongs su sems/ /bdag bu sdug cing yid 'ong gcig po ni/ /sems can chen po mi rtag nyid kyis zin/ /bdag gi bu ni gnyis
500a3 po de dag kyang / /mya ngan me yis srog ni zad 'ong gis/ /'di ltar bdag ni myur du der dong la/ /mthong na dga' ba'i bu dag blta bar byas/ /bzhon pa mgyogs pas
500a4 rgyal po'i pho brang gi /rgyal po'i khab tu myur du bkri bar bya/ /de dag rnams ni bskyed pa'i ma yi snying / /mya ngan me yis gas par 'gyur du 'ong / /bu gnyis mthong
500a5 nas zhi ba thob 'gyur te/ /srog dang bral bar 'gyur ba ma yin no/ /rgyal po blon po'i tshogs kyis yongs bskor nas/ /glang chen zhon te bu rnams blta phyir song / /
500a6 bu gnyis snying rje'i skad kyis rab ngu zhing / /nu bo'i ming 'bod lam nas 'ong ba mthong / /rgyal pos bu de gnyis ni khrid nas su/ /rab tu ngu zhing khyim du song nas
500a7 ni| |de yis skyen par la gor myur du yang / /btsun mo la ni rang gi bu rnams bstan/ /shAkya thub pa de bzhin gshegs pa dang / /sngon gyi rgyal po shing rta chen po
500b1 yi| |bu de sems can chen po mchog gyur cing / /gang gis stag mo bde bar byas pa yin/ /rgyal po'i dbang po dam pa zas gtsang ni/ /shing rta che zhes bya ba'i rgyal por gyur
500b2 btsun mo'ang btsun mo dam pa sgyu mar gyur/ /sgra chen po ni byams par gyur pa yin/ /rgyal bu lha chen po yang de bzhin du/ /de ni 'jam dpal gzhon nur gyur pa yin/ /stag
500b3 mor gyur pa skye dgu'i bdag mo che/ /stag phrug rnams ni dge slong lnga por gyur/ /de nas rgyal po shing rta chen po dang / btsun mos snying rje bar smre sngags rnam pa mang po bton
500b4 nas rgyan thams cad bkrol te skye bo'i tshogs chen po dang lhan cig tu bu'i rus pa la mchod pa byas nas sems can chen po de'i rus pa de dag sa phyogs 'di nyid du bzhag ste
500b5 rin po che sna bdun gyi mchod rten 'di byas so/ /sems can chen po 'dis stag mo la lus yongs su btang nas lus yongs su btang ba 'dis phyis ma 'ongs pa'i dus bskal pa
500b6 bgrang ba las shin tu 'das pa rnams su'ang sems can rnams la sangs rgyas kyi mdzad pa bya'o/ /zhes smon lam 'di skad btab bo/ /bstan pa 'di bshad pa na lha dang
500b7 mir bcas pa'i skye dgu'i sems can grangs med dpag tu med pa dag bla na med pa yang dag par rdzogs pa'i byang chub tu sems bskyed do/ /mchod rten 'di 'dir bstan
501a1 @#/ /pa'i rgyu ni 'di yin no/ /rkyen ni 'di yin no/ /mchod rten de'ang sangs rgyas kyi byin gyi rlabs kyis sa de nyid kyi nang du zhugs so/ /gser 'od dam pa
501a2 mdo sde'i dbang po'i rgyal po las/ stag mo la lus yongs su btang ba'i le'u zhes bya ba ste bco brgyad pa'o// //de nas byang chub sems dpa' brgya
501a3 stong phrag du ma de dag de bzhin gshegs pa gser dang / rin po che'i 'byung gnas gdugs brtsegs ga la ba der song ste phyin nas bcom ldan 'das de bzhin gshegs
501a4 pa gser dang / rin po che'i 'byung gnas gdugs brtsegs kyi zhabs la mgo bos phyag btsal te phyogs gcig tu 'khod do/ /phyogs gcig tu 'khod nas kyang byang
501a5 chub sems dpa' brgya stong phrag du ma de dag gis thal mo sbyar te de bzhin gshegs pa gser dang / rin po che'i 'byung gnas gdugs brtsegs de la tshigs su bcad
501a6 pa 'di dag gis mngon par bstod do/ /rgyal ba'i sku mdog btso ma'i gser 'dra ste/ /sku lus gser gyi mdog tu rnam par gda'/ /gser gyi ri dbang lta bu'i
501a7 gser gyi mdog /thub pa pad+ma dkar po gser mdog can/ /bzang po'i mtshan gyis sku lus rab tu brgyan/ /dpe byad sna tshogs bzang pos sku lus spras/ /gser gyi
501b1 'od ltar mdzes pa rnam par 'bar/ /shin tu dri med zhi ba ri dbang 'dra/ /tshangs pa'i sgra dang sgra snyan tshangs pa'i dbyangs/ /seng ge'i sgra dang 'brug sgra bsgrags pa'i dbyangs//
501b2 yan lag drug cu bsgrags sgra dri med sgra/ /rgyal dbyangs rma bya ka la ping ka'i sgra/ /shin tu dri med dri bral gzi 'od mdzes/ /rgyal ba bsod nams brgya pa'i mtshan gyis brgyan
501b3 mkhyen pa'i rgya mtsho dri med dri bral mchog /rgyal ba yon tan kun ldan ri rab 'dra/ /sems can rnams la phan pa thugs brtse mchog /'jig rten dag na bde ba sbyin pa'i
501b4 mchog /rgyal ba dam pa'i don rnams ston pa ste/ /mya ngan 'das pa'i bde la 'dzud pa lags/ /'chi ba med pa'i bde ba stsol ba ste/ /rgyal ba bdud rtsi'i chos ni rab tu
501b5 ston| |'chi ba med pa'i grong khyer 'dzud pa ste/ /bde ba kun gyi 'byung gnas bde ba'i gnas/ /rgyal bas 'gro ba sdug bsngal thar bar mdzod/ /sdug bsngal rgya mtsho
501b6 las ni skye dgu sgrol/ /zhi ba'i lam la skye dgu rab tu 'dzud/ /skye dgu rnams la bde ba kun stsol ba/ /khyod la dpe ni bgyi bar mi nus te/ /de snyed 'dren pa'i yon
501b7 tan ye shes mtsho/ /srog chags kun la khyod kyi thugs rje dang / /byams pa'i stobs dang thabs dang brtson 'grus dang / /khyod kyi yon tan ye shes rgya mtsho las/ /
502a1 @#/ /bskal pa bye ba stong phrag mang por yang / /yon tan thigs pa gcig tsam rab bstan par/ /lhar bcas 'gro ba'i nang na nus ma mchis/ /yon
502a2 tan mtsho las yon tan thigs blangs te/ /de ltar bdag gis mdor bsdus cung zad bshad/ /bdag gis bsod nams gang bsags de yis ni/ /sems can de
502a3 dag byang chub mchog reg shog/ gser 'od dam pa mdo sde'i dbang po'i rgyal po las/ byang chub sems dpa' thams cad kyis bstod pa'i le'u zhes bya ba ste bcu dgu
502a4 pa'o// //de nas byang chub sems dpa' mdzes pa'i tog stan las langs te bla gos phrag pa gcig tu gzar nas pus mo g.yas pa'i lha nga sa la
502a5 btsugs te bcom ldan 'das ga la ba de logs su thal mo sbyar ba btud nas tshigs su bcad pa 'di dag gis bcom ldan 'das la mngon par bstod do/ /thub dbang
502a6 khyod ni bsod nams brgya pa'i mtshan/ /dpal stong mdzes pa'i yon tan rnams kyis brgyan/ /kha dog rgya chen mchog tu zhi ba ston/ /nyi ma stong ltar 'od ni rnam par
502a7 'phro/ /'od zer du ma 'bar bas 'od kyis khyab/ /kha dog sna tshogs dang bas rin chen 'dra/ /sngon po dkar po gser 'od bai DUR+ya/ /zangs dang skya rengs shel gyi
502b1 'od lta bus/ /rdo rje ri dbang ri rab thal mdzad cing / /zhing rnams bye ba du mar snang mdzad de/ /sdug bsngal mi bzad drag po zhi bar mdzad/ /bde ba mchog gis sems can tshim par
502b2 mdzad/ /mdog dang dbang po gsal bag blta na mdzes/ /gzugs bltas mi ngoms spyi bos blta na dga'/ /rma bya'i mdog 'dra'i dbu skra rnam par mdzes/ /bung ba mang pos
502b3 gang ba'i 'od dang 'dra/ /thugs rje rnam dag yon tan rnams kyis brgyan/ /ting 'dzin byams pa bsod nams dam pa bsags/ /dpe byad bzang dang kha dog sna tshogs ldan/ /
502b4 ting 'dzin byang chub yan lag yon tan brgyan/ /khyod ni rab tu tshim mdzad phan pa mdzad/ /bde mdzad bde ba kun gyi 'byung gnas 'byung / /yon tan zab mo sna tshogs rnams
502b5 kyis brgyan/ /zhing rnams bye ba dag tu lhang nge ste/ /me yi 'od ltar 'od zer rnams kyis mdzes/ /ji ltar nam mkhar nyi dkyil rdzogs pa bzhin/ /ri rab lta bur yon tan
502b6 kun ldan par/ /'jig rten khams rnams kun tu rab tu gda'/ /ba zho ku mu da dung zla 'dra zhing / /kha ba'i mdog dang dkar po bzang 'dra ba'i/ /tshems kyi phreng bas khyod
502b7 kyi zhal mdzes pa/ /ngang pa'i rgyal po bar snang ji bzhin no/ /khyod kyi zhi zhal mtshams nas zla ba 'dra/ /g.yas su 'khyil zhing khong chud 'dra ba lags/ /bai DUR+ya 'dra'i
503a1 @#/ /spu 'od dkar rnams kyis/ /nam mkha'i dkyil na nyi ma lta bur mdzes/ /gser 'od dam pa mdo sde'i dbang po'i rgyal po las/ de bzhin gshegs pa
503a2 thams cad la bstod pa'i le'u zhes bya ba ste nyi shu pa'o// //de nas rigs kyi lha mo byang chub yang dag par bsdus pas de'i tshe tshigs su bcad pa 'di dag
503a3 gis bcom ldan 'das la bstod pa/ rnam par dag pa'i chos la spobs pa'i blo mnga' ba/ /las ngan lam dang bral ba'i bdag nyid blo mnga' zhing / /srid dang srid min
503a4 mkhyen pa rnam dag blo mnga' ba/ /sangs rgyas rnam dag blo mnga' ba la phyag 'tshal lo/ /kye ma'o kye ma'o sangs rgyas gzi brjid mtha' yas te/ /kye ma'o kye ma'o rgya mtsho dang
503a5 ni ri rab 'dra/ /kye ma'o kye ma'o sangs rgyas spyod yul mtha' yas te/ /u dum wA ra'i me tog bzhin du shin tu dkon/ /sems can dag ni thams cad rjes su gzung slad
503a6 du| |gang gis mdo sde dam pa 'di 'dra rab gsungs pa/ /mi dbang nyi ma shAkya'i dbang po'i rigs kyi tog /kye ma'o kye ma'o de bzhin gshegs pa thugs rje ldan/ /de
503a7 bzhin gshegs pa shAkya'i thub pa dbang po zhi/ /zhi ba'i dam pa zhi ba'i grong khyer rab tu zhugs/ /ting 'dzin zab cing zhi la rdul dang bral ba ni/ /rgyal ba sangs rgyas
503b1 spyod yul der yang rab tu zhugs/ /de ltar nyan thos rnams kyi lus ni stong pa ste/ /rkang gnyis dam pa rnams kyi gnas pa'ang stong pa lags/ /chos rnams de dag thams cad
503b2 rang bzhin stong lags na/ /sems can rnams ni stong pa'i bdag nyid ma 'tshal to/ /rtag pa ther zug tu ni rgyal ba dran par bgyid/ /rgyal ba mthong bar yang ni rtag tu mya ngan
503b3 bgyid/ /rdzogs pa'i sangs rgyas nyi ma mthong bar bgyid slad du/ /rtag par yang ni smon lam rab tu 'debs par bgyid/ /bdag ni rtag tu dog sar pus mo btsugs nas su//
503b4 rgyal ba'i gzugs kyis skom pa'i mya ngan rab tu sems/ /'dren pa'i slad du snying rje'i skad kyis ngu bar bgyid/ /bdag ni bde bar gshegs pa mthong bar rab tu skom/ /mya
503b5 ngan me yis kun tu rab tu 'bar bar gyur/ /mthong ba'i chu bsil bdag la rtag par stsal du gsol/ /bdag ni khyod kyi gzugs la blta bas rab tu skom/ /thugs rje'i char
503b6 gyis bdag la rab tu sim par mdzod/ /'dren pa khyod kyis bdag la thugs rje mdzad du gsol/ /zhi ba'i gzugs mthong ba ni bdag la stsal du gsol/ /khyod ni lha dang
503b7 bcas pa'i 'gro ba skyob pa ste/ /'di ltar nyan thos rnams kyi lus ni stong pa lags/ /sems can thams cad dag ni rmi lam rang bzhin te/ /nam mkha' 'dra zhing nam mkha'i
504a1 @#/ /ngo bo nyid kyang lags/ /sgyu ma smig rgyu dang ni chu yi zla ba 'dra/ /'dren pa khyod kyis ston pa tshe dang ldan pa lags/ /de nas bcom ldan 'das gdan
504a2 las bzhengs te tshangs pa'i sgra dbyangs kyis bka' stsal pa/ rigs kyi lha mo khyod legs so/ /khyod yang legs so/ /bcom ldan 'das kyis de skad ces bka' stsal
504a3 nas rigs kyi lha mo byang chub yang dag par bsdus pa dang / lha mo chen mo dbyangs can la sogs pa lha yi bu mo de dag thams cad dang / lha mo chen mo dpal la la sogs pa
504a4 lha mo'i tshogs de dag thams cad dang / rnam thos kyi bu la sogs pa lha'i rgyal po de dag thams cad dang / thams cad dang ldan pa'i 'khor de dag dang / lha dang / mi
504a5 dang | lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /gser 'od dam pa mdo sde'i dbang
504a6 po'i rgyal po las/ mjug sdud pa'i le'u zhes bya ba ste nyi shu rtsa gcig pa'o// //'phags pa gser 'od dam pa mdo sde'i dbang po'i rgyal po zhes bya ba
theg pa chen po'i mdo rdzogs so/
CLOSE WINDOW