བོད་ཡིག |
135b6 / //rgya gar skad du/ shrI ba ra mA d+ya man+t+ra kalpa khaN+Da nA ma/ bod skad du/ dpal mchog dang po'i sngags kyi rtog pa'i dum bu zhes bya ba/
135b7 bcom ldan 'das bde ba chen po la phyag 'tshal lo/ /de nas bcom ldan 'das rnam par snang mdzad de bzhin gshegs pa thams cad kyi gsang ba'i chos nyid brnyes pa/
136a1 @#/ /chos thams cad spros pa med pas yang bde ba chen po rdo rje don yod pa'i dam tshig ces bya ba/ rdo rje chos nyid shes rab kyi pha rol tu phyin pa'i
136a2 sgo dpal mchog dang po thog ma dang tha ma dang dbus med pa'i dam pa 'di gsungs so/ /byang chub sems dpa' chen po rnams kyi 'dod chags chen po'i dngos grub
136a3 dam pa ni bde ba chen po'i dngos grub dam par 'gyur ro/ /byang chub sems dpa' chen po rnams kyi bde ba chen po'i dngos grub dam pa ni de bzhin gshegs pa
136a4 thams cad kyi byang chub chen po'i dngos grub dam par 'gyur ro/ /de bzhin gshegs pa thams cad kyi byang chub chen po'i dngos grub dam pa ni bdud chen po'i
136a5 stobs thams cad rab tu 'joms par byed pa'i dngos grub dam par 'gyur ro/ /byang chub sems dpa' rnams kyi bdud chen po'i stobs rab tu 'joms pa'i
136a6 dngos grub dam pa ni/ khams gsum thams cad kyi dbang phyug chen po'i dngos grub dam par 'gyur ro/ /byang chub sems dpa' rnams kyi khams gsum pa
136a7 thams cad kyi dbang phyug gi dngos grub dam pa ni sems can gyi khams ma lus shing lus pa med par yongs su sbyong bar 'dod pa'i rgyu'i phyir/ 'khor ba la yang ma
136b1 chags shing / brtson 'grus chen po'i byang chub sems dpa' rnams kyis sems can gyi khams ma lus shing lus pa med par yongs su bskyab pa dang / sems can thams
136b2 cad la phan pa dang / bde ba'i mchog shin tu bde ba chen po'i dngos grub dam par 'gyur ro/ /de ci'i phyir zhe na/ ci srid 'khor ba'i gnas su ni/ /mkhas mchog 'dug
136b3 par gyur pa'i tshe/ /ji srid mtshungs med sems can don/ /mya ngan mi 'da' byed par nus/ /shes rab pha rol phyin thabs dang / /ye shes gnas su bsgrubs pas ni/ /
136b4 chos kun rnam par dag pa'i phyir/ /'khor ba yongs su dag par 'gyur/ /chags la sogs pas 'dul na ni/ /'khor ba'i bar du rtag par yang / /'jig rten sdig
136b5 byed de sbyang phyir/ /'khor ba srid du bdag nyid 'dul/ /ci ltar pad+ma rab dmar ba/ /'dam gyi nyes pas mi gos pa/ /de bzhin gnas kyi nyes pa yis/ /'gro phan
136b6 rnams la mi gos so/ /'dod chags chen po rnam par dag /bde ba chen po nor che ba/ /khams gsum dbang phyug thob pas na/ /sems can don rnams ston par byed/ /
136b7 gang la la zhig nang par langs nas dpal mchog dang po shes rab kyi pha rol tu phyin pa'i tshul gyi sgo'i chos kyi rnam grangs 'di nyin re zhing 'don pa dang / nyan pa dang /
137a1 @#/ /'dzin pa dang / klog pa dang / sgom pa de yis bde ba dang / yid bde ba thams cad kyang thob par 'gyur ro/ /bde ba chen po'i rdo rje don yod
137a2 pa'i dam tshig gi dngos grub kyi mchog kyang tshe 'di la thob par 'gyur ro/ /de bzhin gshegs pa thams cad kyi gsang ba mchog kyang 'grub ste/ rdo rje 'dzin pa
137a3 chen po thams cad dam/ de bzhin gshegs par 'gyur ro/ /bde ba chen po rdo rje don yod pa'i dam tshig dpal mchog dang po las/ de bzhin gshegs pa
137a4 thams cad kyi bde ba chen po rdo rje gsang ba'i shes rab kyi pha rol tu phyin pa'i sgo rdzogs so// //de nas bcom ldan 'das de bzhin gshegs pa thams
137a5 cad kyi rdo rje sems dpa' byin gyis brlabs pa'i rdo rje gsang ba mchog gi dngos grub kyi cho ga rgyas pa'i rgyal po chen po de bzhin gshegs pa thams cad kyi sku
137a6 gsung thugs kyi rdo rje gsang ba'i don yod cing bstan pa'i cho ga phyag rgyas btab pa'i sku gsung thugs thams cad kyi rdo rje/ de bzhin gshegs pa thams cad kyi
137a7 dam tshig chen po thams cad la rab tu zhugs nas chos nyid rtogs pa'i ye shes la rab tu zhugs nas/ de bzhin gshegs pa thams cad kyi sna tshogs pa'i
137b1 phrin las kyis dus gsum du 'jig rten gyi khams ma lus par spros pa las kyi mtha' can de bzhin gshegs pa rnam par snang mdzad chen po/ zla ba phyed pa du ma la rab
137b2 tu gnas pa'i rdo rje rin po che rnams kyi 'od zer sna tshogs pa rnam par 'bar ba'i 'od kyis gsal ba/ gser gyi dril bu btags pa dang / sna tshogs pa'i ba dan rlung
137b3 gis bskyod pa rnams kyis nye bar mdzes par byas pa/ me tog gi phreng ba sna tshogs pa dang / na bza' dang / me long dang / mu tig gi phreng ba rab tu 'phyang bas mdzes
137b4 shing brgyan pa/ sna tshogs pa'i kha khyer la gnas pa mchog tu gyur pa'i lha'i bu mo dgod pa dang / sgeg pa dang / gar dang / glu yis rab tu brgyan pa dang / bstod pas
137b5 sad par byed pa/ bde ba chen po rdo rje sems dpa'i gnas gzhal yas khang pa la bzhugs so/ /de nas bcom ldan 'das rdo rje sems dpa' de bzhin gshegs pa
137b6 thams cad kyi sku dang / gsung dang / thugs rdo rjes byin gyis brlabs pa'i dam tshig sems dpa' thams cad dang / dbang bskur ba thams cad dang / thams cad mkhyen
137b7 pa'i ting nge 'dzin las thams cad mchog tu gyur pa/ khams gsum thams cad 'dul bar mdzad pa/ thams cad dbang du byed pa po/ 'dzin pa po/ 'dod pa thams cad
138a1 @#/ /pa/ rgya che ba'i dngos grub kyi cho ga thams cad brtag pa'i de bzhin gshegs pa la gsol ba btab pa/ ci srid srid pa'i bar gnas
138a2 pa/ /de srid sems can don mchog mdzod/ /sems can khams ni mtha' yas dang / /rgyal sras srid par 'dod pa'i phyir/ /srid pa'i skyon rnams 'joms phyir
138a3 dang / /bde ba chen po 'phel bya'i phyir/ /gsang ba'i rtog pa mchog gsung ba'i/ /rjes su gnang bar bdag la stsol/ /de nas bcom ldan 'das de bzhin
138a4 gshegs pas chos thams cad sgrib pa med pa nyid la lhag par dgongs nas/ gdul bya thams cad thugs rje chen po'i sna tshogs rdo rje zhes bya ba'i ting nge 'dzin
138a5 la snyoms par zhugs te/ ma lus shing lus pa med pa'i sems can gyi bsam pa thams cad yongs su rdzogs par byed pa dang / thams cad yongs su bskyang ba
138a6 dang / phan pa dang / bde ba dang / dngos grub thams cad phun sum tshogs pa dang / ye shes dang / las dang / mchog gi dngos grub kyi rgyur 'gyur ba'i bar du de
138a7 bzhin gshegs pa thams cad nyid dang / rdo rje 'chang chen po thob pa mchog gi dngos grub kyi don bde ba chen po'i rdo rje dang po de/ de bzhin gshegs pa
138b1 thams cad kyi 'khor los bsgyur ba de nyid de bzhin gshegs pa thams cad kyi sku'i phreng ba'i cod pan gyis dbang bskur bas dbang bskur ba yin no/ /de nas bcom ldan
138b2 'das rdo rje 'chang chen po ma lus shing lus pa med pa'i bde ba chen po mchog gi dngos grub la sogs pa dngos grub pa thams cad thob par bya ba'i phyir/ sems dpa'i
138b3 skyil mo krung bcas te sku drang por bsrang ste/ g.yon pa bsnyems pa'i tshul du mdzad nas g.yas pa rdo rje gsor bas rang gi thugs kar dang po'i rdo rje mchog gi sbyor ba
138b4 'dzin cing bde ba chen po'i rdo rje zhes bya ba thams cad kyi phyag rgya 'di nyid kyi sku dang / gsung dang / thugs las 'byung ngo / /oM ma hA su kha badzra sa twa dzaHhUM baM hoHsu ra ta
138b5 staM/ de nas phyung ba tsam gyis de bzhin gshegs pa thams cad byon nas de bzhin gshegs pa thams cad kyi khu tshur yongs su bzung ba rnams slar yang byang chub chen
138b6 po mngon par rtogs nas de rnams kyis bzhad pa chen po mngon par mdzad do/ /'jig rten gyi khams thams cad g.yos pa dang / shin tu g.yos pas yongs su dag
138b7 par gyur to/ /khams gsum rgyas par spros pa thams cad kyang bcom ldan 'das kyi dkyil 'khor chen por 'gyur to/ /gang gi sems can thams cad bde ba dang / yid
139a1 @#/ /bde ba thob par gyur to/ /de nas rdo rje 'chang chen pos de bzhin gshegs pa thams cad kyi don yod cing / thogs pa med pa las mngon
139a2 par byung ba rdo rje chen po phyag rgya zhes bya ba'i ting nge 'dzin la snyoms par zhugs te/ bde ba chen po rdo rje'i dam tshig ces bya ba rnam par gnon par mdzad nas/ de'i
139a3 sku thams cad las dngos grub thams cad dang / bde ba dang / yid bde ba ster ba/ rtag tu rjes su 'brel ba can/ lhan cig tu spyod pa/ bde ba chen po rdo rje'i
139a4 dam tshig gi sems dpa' rnams phyung nas phyogs thams cad du phyung ste/ mdun du rdo rje gsang ba yid las byung ba/ g.yas su rdo rje ki li ki li/ rgyab tu 'dod
139a5 pa'i rdo rje g.yon du rdo rje bsgyings pa'o/ /mtshams rnams su mchod pa'i lha mo rnams so/ /phyi rol gyi kha khyer mtshams su lha'i bu mo rnams so/ /sgo srung ba rnams
139a6 ni rdo rje lcags kyu dang / zhags pa dang / lcags sgrogs dang / dril bu 'dzin pa'o/ /phyi rol tu rdo rje sgo srung gi tshogs dang / pho nya dang / bran rnams so/ /de nas
139a7 bcom ldan 'das de bzhin gshegs pas de bzhin gshegs pa thams cad kyi khu tshur bcings te/ de bzhin gshegs pa thams cad byang chub rdo rje zhes bya ba'i
139b1 ting nge 'dzin la snyoms par zhugs nas/ bcom ldan 'das rdo rje sems dpa' rdo rje 'chang chen po la gsol ba btab ste/ /sems can kun la phan don du/ /rgyal ba chen po
139b2 'byung ba ste/ /chags bral de rnams chags ldan yang / /rang gi btsun mo'ang gsol mdzad pas/ /de phyir bdag gis khyod la gsol/ /bde ba chen po rdo rje che/ /gsang
139b3 ba'i rtog pa'i dngos grub ste/ /'dul ba mchog ni bshad du gsol/ /de nas bcom ldan 'das don yod cing thogs pa med pa'i bka' bde ba chen po thams cad kyi
139b4 dngos grub 'dul ba rdo rje 'dod pa'i mchog ces bya ba'i rnam par gnon par mdzad nas rdo rje chen po gsang ba'i dam tshig ces bya ba'i dkyil 'khor chen po 'di
139b5 gsungs so/ /de nas yang dag bshad bya ba/ /dkyil 'khor chen po dam pa ste/ /bde ba chen po rdo rje mchog /dam tshig dam pa'i ming can yin/ /dkyil 'khor
139b6 gnas ni 'dus byas la/ /de'i dbus cho ga bzhin du ni/ /phyag rgya chen po mnyam gzhag nas/ /der ni dkyil 'khor bsgrub par bya/ /gsar zhing legs par bsgril
139b7 ba dang / /mdud pa dag ni med pa yi/ /thig skud dmar pos thig btab nas/ /tshon gyi phye mas bri bar bya/ /zur bzhi pa la sgo bzhi pa/ /sgo khyud bzhis ni mdzes pa
140a1 @#/ /dang / /kha khyer gyis ni yongs su bskor/ /mtshams su lha yi bu mos mdzes/ /dkyil 'khor gyi ni mtshams rnams dang / /sgo dang sgo khyud
140a2 mtshams rnams su/ /zla ba phyed la gnas pa yi/ /rdo rje rin chen 'od zer 'bar/ /rlung gis bskyod pa'i dril bu mchog /ba dan sna tshogs mdzes pa yin/ /me long dra
140a3 ba me tog phreng / /ldan pa'i phyi rol dkyil 'khor bri/ /de yi nang du 'khor lo ni/ /dkyil 'khor brgyad pa dang 'dra ba/ /rdo rje thig gis yongs bskor ba'i/ /rdo rje
140a4 'khor lo yang dag bri/ /de dbus cho ga bzhin du ni/ /rdo rje dpa' dgod par bya/ /blugs sam yang na byas pa'am/ /brdungs sam yang na bris pa yis/ /
140a5 bzhad pa dang bcas zla ba'i 'od/ /'bar ba'i 'od zer dmar pos khyab/ /sangs rgyas phreng bas rnam par mdzes/ /sku la tshon gyis yang dag byugs/ /sems
140a6 dpa'i skyil mo krung gis bzhugs/ /rdo rje bsnyems pa 'dzin pa'i mchog /sa ma ya s+t+waM zhes brjod nas/ /snying gar rnam par dgod par bya/ /de yi logs ni thams
140a7 cad du/ /sems dpa' chen po rnams bri ste/ /tshon nam yang na rdul tshon gyis/ /go rim ji bzhin bri bar bya/ /mdun du sku mdog dmar po ni/ /rdo rje mtshon cha la
140b1 brtson pa/ /g.yas su dag pa'i dkar po ste/ /legs par 'khyud pa'i rdo rje can/ /rgyab tu sku mdog ser po ste/ /chu srin gyi ni rgyal mtshan 'dzin/ /g.yon du sku mdog sngon po
140b2 ste/ /phyag gnyis bsnyems pa 'dzin la sogs/ /mchod pa'i snod rnams 'dzin pa'o/ /mchod pa'i lha mo bri bar bya/ /sgeg mo bzhad ma glu ma dang / dkar mo lha yi bu mo'i tshogs/ /rdo rje lcags
140b3 kyu zhags pa dang / /rdo rje lcags sgrog dril bu rnams/ /sgo ni bzhi po rnams la ni/ /sgo srung bzhi po dgong par bya/ /de nas de dag gi snying po rnams ni 'di yin te/ hUM badzr-i draSh+Ti
140b4 sA ma ke ma Ta/ hUM badzra ki li ki lA ya hUM/ hUM sma ra badzra ban+d+ha hUM/ hUM tuSh+Ta badzri Ni hUM/ rdo rje bran no/ /de nas mchod pa'i lha mo rnams kyi ni/ hUM ma d+hu ra badzri hUM/ hUM badzra me g+he hUM/ hUM shA rad
140b5 badzri hUM/ hUM badzra shi shi ri hUM/ de nas lha'i bu mo rnams kyi ni/ hUM badzra lA s+yai/ mahA ba ra badzri Ni/ oM badzra gI t+ye badzra/ oM badzra nri t+ye badzra/ de nas sgo srung rnams kyi ni/ dzaHbadzra aM ku shi
140b6 pra ti ha ra/ hUM badzra pA sha ga na/ baM badzra s+pho Ta du ha/ aHbadzra g+han+Da ts+tshe dra/ /de ltar lha mo'i dkyil 'khor du/ /bud med grags pa de nyid dgod/ /bkod na de dag rnams kyis ni/ /
140b7 byin gyis brlabs pa nyid du 'gyur/ /de nas phyag na rdo rje 'dzin/ /dkyil 'khor kun tu bris byas nas/ /bum pa gang ba ji snyed dang / me to la sogs kun gyis mchod/ /
141a1 @#/ /dril bu btags pa'i ba dan rnams/ /mtshams rnams su ni gzhag par bya/ /lcug ma dang bcas bum pa rnams/ /sgo yi phyi rol dag tu
141a2 gzhag /rdo rje dang bcas gzhi dang bcas/ /lcug mo yongs su bzlas nas ni/ /dri chus gang ba'i bum pa ste/ /phyag na rdo rje'i mdun gzhag bya/ /de la 'di ltar bde ba
141a3 chen po'i dam tshig gi bdud rtsi'i chu byin gyis brlab pa'i snying po ni/ oM mahA su kha badzra sa ma ya/ a b+hi She ka dzaHhUM baM hoH/ lan nyi shu rtsa gcig bzla'o/ /chu 'di
141a4 gtor ba'am/ 'thungs na sdug bsngal thams cad rab tu byang ba dang / bde ba thams cad rab tu 'phel bar 'gyur ba yin no/ /de nas rang gi dam tshig rnams kyis rdo
141a5 rje 'chang la sogs pa bsgrub par bya'o/ /dzaHhUM baM ho/ zhes brjod nas dgug pa dang / gzhug pa dang / bcings nas skad cig gis dbang du 'gyur ro/ /phyag rgya
141a6 chen po mnyam gzhag ste/ /de bzhin g.yas su mdzub lcags kyus/ /dgug pa 'di ni lan cig gis/ /'grub ster rab tu gzhug par bya/ /oM mahA su kha badzra satwa/ a
141a7 a hi shI g+h+raM mahA su kha badzra gu h+ya sa ma ya nu sma ra phra b+hU ta sa ma s+t+waM hraM da yaM/ su to Sh+yo me b+ha wa/ su po Sh+yo me b+ha wa/ a nu rak+To me b+ha ba/ a d+hi tiSh+Tha b+ha ga bAM a na ti naM
141b1 da na sid d+h+yaM tu me man tra pa daiH/ dzaHhUM baM hoH/ de nas rtag tu bcom ldan 'das/ /dkyil 'khor du ni rang nyid byon/ /dgug cing bcug gnas brtan pa dang / /dbang du 'gyur zhing 'grub
141b2 pa yin/ rmad du byung ba'i rdzu 'phrul du ma rnams mthong ba'am/ yang na bcom ldan 'das rang nyid kyis mthong bar 'gyur ro/ /de nas rang nyid rdo rje 'dzin kun gyi/ /
141b3 slob dpon ni phyag rgya thams cad grub pa/ dam tshig thams cad shes pa/ las thams cad nus pa/ bcom ldan 'das kyis byin gyis brlabs pa yin no/ /'jug pa'i
141b4 cho ga 'di yis rdo rje slob dpon rang nyid ci snyed pa'i dris byugs shing bsgos pa rgyan dang bcas pa'i me tog gi phreng bas lus shin tu brgyan pa/ gos dmar po gnyis
141b5 bsgos pa rang nyid kyis bcom ldan 'das la bstod cing rdo rje dang bcas pa'i rdo rje bsnyems pas rang nyid 'jug par bya'o/ /bstod pa ni drug ldan la sogs pa glu yis
141b6 bya'o/ /'dod chags la sogs bde kun yid khyod ni/ /kun 'dus bdag la bde ba stsol mdzod cig /rdo rje sems dgongs myur du bdag ston mdzod/ /bdag dgyes
141b7 mdzad dang bde mchog grub la 'dud/ /de nas rab tu zhugs nas dgongs su gsol bar bya ste/ thog mtha' med pa'i sems dpa' ni/ /rdo rje sems dpa' bde ba
142a1 @#/ /che/ /kun tu bzang po khyod yin te/ /rdo rje bsnyems bdag khyab bdag yin/ /sems kyi sems dpa'i ting nge 'dzin/ /de bzhin rdo rje rdo rje 'dzin/ /
142a2 kun mchog dam tshig dngos grub can/ /rdo rje sems bdag deng grub mdzod/ /de nas bcom ldan de nyid kyis/ /rdo rje slob dpon byin brlab 'gyur/ /de sngar ma byung ba'i
142a3 so sor rang rig pa'i bde ba gnyis ka la skye bar 'gyur ro/ /phra mo dbab par 'gyur ro/ /de nas bdag la bcom ldan 'das grub par 'gyur to zhes shes par bya'o/ /de
142a4 nas de bzhin du 'dug la ci 'dod pa'i bzlas brjod bya'o/ /de nas de bzhin du 'dug la rang gi bsod nams kyi byin gyi rlabs kyis 'dod pa'i dngos grub thob par
142a5 'gyur ro/ /de nas brtsams te sems dpa' chen po thams cad 'grub par 'gyur zhing mthong bar 'gyur ro/ /de rnams kyis kyang de la dngos grub thams cad stsol
142a6 bar mdzad do/ /phyag rgya thams cad kyang bdag rang nyid kyis bcings na las thams cad 'grub par 'gyur ro/ /dam tshig thams cad kyang 'di la bstan par 'gyur ro/ /
142a7 yid kyi 'dod pa'i las rnams kyang byed pa yin no/ /bde ba dang / yid bde ba thams cad nyams su myong zhing gzhan gyis mi thub pa dang / mi sod pas lo gcig 'das
142b1 nas sangs rgyas nyid la sogs pa'i mchog gi dngos grub thob pa yin no/ /de nas sems can thams cad gzhug pa'i don du brtag par bya ba yin no/ /rdo rje slob dpon rang
142b2 nyid snga ma bzhin du lus la brgyan nas rab tu bde ba'i rdo rje'i dam tshig gi phyag rgya rab tu bcug ste/ de bzhin du de kho na nyid chen po bskul bas yang dag par bskul la
142b3 dgug par bya la 'di skad ces brjod do/ /srid pa'i bde ba rnam dag phyir/ /sngar gyi srid pa la khyod dga'/ /'dod pa kun gyi dngos grub che/ /'gro ba kun la'ang 'grub
142b4 par gyis/ /de nas mchod pa byas la/ rang gi lhag pa'i lha gang yin pa de'i dam tshig phyag rgya me tog dang bcas pa gzhug par bya ste/ bcug nas rna bar 'di skad ces
142b5 brjod par bya 'o/ /chags bral 'dul ba'i 'jig rten ni/ /chags bral nyid kyis 'dul bar 'gyur/ /'dod chags chen po bde ba che/ /rdo rje sems dpa' sbas pa yin/ /
142b6 'dod chags bral ba lta bu yi/ /sdug bsngal gzhan ni rang bzhin med/ /de bas sems can chags bral lo/ /slar yang yid ni ma byed cig /de nas me tog la sogs
142b7 pa snying po 'dis 'dor du gzhug go /oM mahA su kha badzra satwa pra ti gr-i h+Na sa ma ya s+t+waM/ de nas gang du babs pa de ni de'i lha yin no/ /de nas de kho na nyid chen po brjod par
143a1 @#/ /bya 'o/ /gang 'dod pa'i snying po byin la sgrub tu bcug la rang nyid lhag pa'i lha'i dbang bskur bas dbang bskur nas de'i mtshan ma lag pa
143a2 gnyis su byin te/ de'i rigs kyi ming gi dbang bskur la snying po 'dis dbang bskur bar bya 'o/ /oM sarba ta thA ga ta A t+ma ko u0f85haM badzra d+ha ra sa mu khe b+ha a b+hi She twaM
143a3 a b+hi Shiny+tsa mi gr-i h+Na sid+d+hi badzraM a mo g+ha sid+d+hi s+t+waM /de nas phyag rgya bcings pa bslab par bya'o/ /de nas ci 'dod pa'i mchod pa byas shing byed du bcug nas ci 'dod
143a4 pa bza' ba dang / btung bas slob ma rnams tshim par byas la phyag rgya dang / phyag rgya'i lan dang / gar dang / dgod pa byed du bcug cing rang nyid kyis kyang
143a5 bya 'o/ /de nas thams cad bskrad nas 'di skad brjod par bya'o/ /thog mthar rgyu ba'i 'gro ba 'di/ /dga' ba mchog la rag lus te/ /sems dpa' chen po rdo
143a6 rjer 'gyur/ /slar yang gshegs par mdzad du gsol/ /de nas snyim pa'i me tog dor nas dbyung bar bya'o/ /dkyil 'khor yang rang nyid kyis phyags la
143a7 rdul tshon de dag gi ril bu byas la bzhag na las thams cad 'grub par 'gyur ro/ /de nas bde ba chen po rdo rje dam tshig gi bdud rtsi'i tshul de yang bcug na tshe
143b1 'phel ba la sogs pa'i las thams cad dgongs pa yin no/ /de nyid kyis dbang bskur na yang dkyil 'khor du dbang bskur ba thob pa dang / mchog gi dngos grub
143b2 kyang thob par 'gyur ro/ /gal te sku bri ba'i ri mo mkhan ma rnyed na rang rang gi phyag mtshan gyi phyag rgya rnams kyis dkyil 'khor bri bar bya 'o/ /gal te de yang mi shes
143b3 na phyag mtshan gzhag par bya 'o/ /phyag rgya'i cho ga rgyas pa'o/ /de nas bcom ldan 'das don yod pa thogs pa med pa myur du 'grub pa'i cho ga rgya che ba'i dam tshig rdo
143b4 rje zhes bya ba'i ting nge 'dzin la snyoms par zhugs te rnam par gnon par mdzad nas rdo rje 'chang chen pos 'di gsungs so/ /bde ba chen po rab sgrub dang / /'dod
143b5 pa chen po rnam dag phyir/ /rdo rje sems dpa' grub pa ni/ /rtag par myur du bshad par bya/ /ci srid 'khor ba'i gnas su ni/ /de srid sems can gdon par bya/ /
143b6 mya ngan 'das pa byang chub sgrib/ /de nyid kyis ni dam tshig rnams/ /ci srid srid pa la gnas pa/ /de srid sems can don nyid byed/ /thams cad dag pa'i mchog chos
143b7 can/ /ci ltar sems can kun gyi don/ /dngos grub thams cad rab sgrub pa/ /de ltar sbyin tshogs pha rol phyin/ /byang chub spyod pa mchog gis min/ /de bzhin
144a1 @#/ /gshegs ni gdul min la/ /sems can kun rnams don mdzad pa/ /'di ni dngos grub rab bsgrubs na/ /dus kun du ni thams cad mdzad/ /
144a2 des na bsgrub 'di bshad bya ste/ /dngos grub shin tu rtag pa yin/ /gang gis srid pa 'di nyid du/ /shin tu rtag pa'i dngos grub thob/ /dkyil 'khor dpag tu ma
144a3 zhugs kyang / /dam tshig rnam par spangs pa 'am/ /bsod nams med kyang thams cad du/ /srid pa 'di la myur du 'grub/ /gal te dngos grub sgrub 'dod na/ /rtag
144a4 tu yul dang ldan gyur na/ /gsang ba'i mchod pas mchod nas ni/ /rang rang phyag rgyas 'grub par 'gyur/ /drug ldan la sogs snyan pa'i glu/ /chags pa kun kyang
144a5 ci 'dod par/ /bzlas pa'i don ni ci nus pas/ /rdo rje sems dpa' bsgrub par bya/ /'di yis 'dod pa'i kun dbang phyug /ci 'dod 'gro 'od mkha' la rgyu/ /
144a6 dngos grub kun gyi dbang phyug grub/ /rga shi med cing gtso bor 'gyur/ /rgyal ba kun gyis mchod byas la/ /rang gzhan kun gyis bsnyen bskur zhing / /rdo rje 'chang
144a7 chen dang mtshungs shing / /don yod kun mchog spyod pa yin/ /bde ba chen po rdo rje grub pa'i rgyal po de bzhin gshegs pa la sogs pa'i dngos grub thams cad
144b1 rab tu ster ba'i rdo rje 'chang chen po byang chub sems dpa' yin la/ gal te de bzhin gshegs pa thams cad kyi mchog gi dngos grub mngon par 'dod pa des/ bcom ldan 'das de
144b2 bzhin gshegs pa de bzhin gshegs pa thams cad kyi phyag rgya'i khu tshur yongs su 'dzin pa ras ris la bri bar bya'o/ /bzhad pa dang / bcas pa dngos po thams cad du de
144b3 bzhin gshegs pa rnams kyis yongs su bskor ba 'o/ /de'i mdun du de bzhin gshegs pa thams cad kyi khu tshur yongs su 'dzin pas rdo rje'i tshig gis stong phrag brgya
144b4 bzlas par bya 'o/ /'bum rdzogs pa na mtshan phyed na bdud kyi tshogs rnams 'ong bar 'gyur ro/ /de nas bdud thams cad kyi stobs gzhom pas bcom par bya'o/ /de nas
144b5 tho rangs kyi dus su de bzhin gshegs pa thams cad nyid dang / byang chub sems dpa' nyid thob par 'gyur ro/ /gal te rdo rje 'chang chen po nyid mngon par 'dod na/
144b6 des lugs ma 'am/ 'dus byas pa 'am/ 'dus byas pa 'am/ ras ris la sogs par legs par bris pa'i phyag na rdo rje'i dkyil 'khor bzhin du sngar sgrub pa la sku
144b7 gzugs kyi khyad par ci ltar thob pa ltar rdo rje sems dpa'i bsgrub pa bshad do/ /zla ba drug gis rdo rje 'chang chen po'i dngos grub chen po 'grub po/ /gal te rdo rje
145a1 @#/ /'chang chen po dgug na bde ba chen po'i rdo rje lcags kyus dgug cing ci 'dod pa bsgrub par bya 'o/ /zla ba gcig bzlas nas thams cad
145a2 gsol bar bya'o/ /gal te rang gi phyag rgyas bdag nyid bsgrub na rang gi lha'i phyag rgya chen po bcings te bsgoms pas bdag rdo rje sems dpa' yin no zhes bsgroms
145a3 la bsgrub par bya'o/ /de ci ltar mngon par 'dod pa'i bzlas pas bdag nyid bsgrub par bya'o/ /yang dang / yang du sgom zhing bzlas pa de srid bdag gis bya 'o/ /ci srid
145a4 rdo rje 'chang nyid zla ba phyed bzlas nas thob par 'gyur ro/ /de nas 'dod pa thams cad kyi dbang phyug bsgrub par 'dod na de bzhin du rang yid du 'ong ba dang bcas
145a5 par rab tu zhugs te phyag rgya bcings la de srid bzlas par bya'o/ /ci srid bdag 'dod pa kun gyi dbang phyug dang / khams gsum pa ma lus pa'i bdag por
145a6 'gyur ro/ /de nas bcom ldan 'das rdo rje 'chang khams gsum pa ma lus pa'i rdo rje'i rgyun gyi rang bzhin thams cad grub pa'i chos nyid kyi ye shes rnam par rol
145a7 par mdzad nas ma bsgrubs pa'i phyag rgya'i las kyi rgyun rdo rje'i cho ga rgyas pa 'di gsungs so/ /ma bsgrubs pa'i snying po'i las rnams 'di lta ste/ bdag nyid bsrung
145b1 ba ni bde ba chen po'i rdo rje gsang ba'i gtsug tor gyis so/ /thams cad bsrung pa ni bde ba chen po rdo rje gsang pa'i mdzod spus so/ /phyogs thams cad dang / mtshams dang /
145b2 dkyil 'khor bcing ba ni bde ba chen po rdo rje gsang ba 'bar ba'i phreng bas so/ /bdud thams cad kyi stobs gzhom pa ni bde ba chen po'i rdo rje gsang ba mi bskyod pas so/ /
145b3 tshe 'phel bar bya ba ni bde ba chen po rdo rje gsang ba'i bdud rtsis so/ /gzugs chen po phun sum tshogs pa ni bde ba chen po rdo rje gsang ba'i gzugs can gyis so/ /gzi brjid
145b4 dang / na tshod shin tu bzang po rab tu 'phel ba la ni bde ba chen po rdo rje gsang ba'i bcud kyis len gyis so/ /stobs dang / mdog 'phel ba la ni bde ba chen po rdo rje gsang
145b5 ba'i mthu yis so/ /dbang bskur ba thams cad la ni rdo rje gsang ba'i cod pan gyis so/ /nor thams cad thob par bya ba la ni rdo rje gsang ba'i dbang phyug gis so/ /rgyal srid
145b6 thob pa la ni rdo rje gsang ba'i rgyal po'i phyag rgyas so/ /sa ma lus pa thob pa la ni rdo rje gsang ba'i rtsal gyis so/ /thams cad dbab pa dang / g.yo bar bya ba dang / gar
145b7 byed du gzhug pa dang / dus gsum bden pa nyid du smrar gzhug pa la ni bde ba chen po rdo rje gsang ba'i dam tshig gi don du gzhug pas so/ /pra se na thams cad grub pa
146a1 @#/ /la ni rdo rje gsang ba'i pra se na dbab pas so/ /gdon thams cad las thar pa la ni rdo rje gsang ba'i gdon las thar bas so/ /gdug pa
146a2 thams cad gzhig pa la ni rdo rje gsang ba'i bgegs 'joms pas so/ /thams cad rengs par bya ba la ni rdo rje gsang ba'i rengs pas so/ /thams cad gnyid log par
146a3 bya ba la ni rdo rje gsang ba'i gnyid kyis so/ /thams cad rgyas gdab pa la ni bde ba chen po rdo rje gsang ba'i dam tshig gi mkha' 'gro mas so/ /thams cad du gsang
146a4 ba la ni rdo rje gsang ba mthar byed kyis so/ /thams cad bsgyel ba la ni rdo rje gsang ba'i hUM mdzad kyis so/ /thams cad bslang ba la ni rdo rje gsang ba'i dam tshig
146a5 gis bslang ba 'o/ /thams cad bcing ba la ni rdo rje gsang ba'i bcings pas so/ /thams cad thar par bya ba la ni rdo rje gsang ba'i yi ge mus so/ /phra men ma thams
146a6 cad las thar bar bya ba la dang / sngon gyi gnas skabs rjes su sbyin pa la ni gsang ba chen po he ru ka'i rdo rjes so/ /ma mo'i gdon thams cad las thar bar bya
146a7 ba la ni rdo rje gsang ba'i drag mos so/ /phra men ma thams cad kyis rgyas btab pa la dang / thar bar bya ba la dang / snying zos pa las snying gzhan 'byung bar
146b1 'jug pa dang / shi ba gso ba la ni dam tshig chen po gsang ba'i he ru ka'i rdo rje'i dbang bskur ba'i phyag rgyas so/ /gdug pa thams cad kyi phyag rgya gzhig pa la ni rdo rje
146b2 gsang ba'i rdo rjes so/ /rims thams cad rab tu zhi ba la ni rdo rje gsang ba'i 'bar ba'i lta bas so/ /dug thams cad gzhig pa dang / bza' ba dang / 'bab pa dang /
146b3 'chi ba gso ba la ni gsang ba chen po rdo rje nor bu'i phyag rgyas so/ /dug thams cad dang / sbyar ba'i dug thams cad rab tu zhi bar bya ba la ni rdo rje gsang ba'i dug
146b4 med pas so/ /gshed byed thams cad dang / byad dang / ro langs dang / byur dang / gnod sbyin mo rnams kyi gzhig pa la ni rdo rje gsang ba'i sbyin sreg gis
146b5 so/ /rtsod pa thams cad dang / 'thab pa dang / 'thab mo dang / rtsod pa gzhig pa la ni rdo rje gsang ba'i zhal rab tu gdangs pas so/ /yams dang / 'tshe ba
146b6 thams cad dang / sdig pa dang / rmi lam ngan pa gzhig pa la ni rdo rje gsang ba'i zhi bas so/ /gzhan gyi dpung thams cad rengs par bya ba dang / gnyid log par bya
146b7 ba dang / rmongs par bya ba dang / lkugs par bya ba dang / rgyas gdab pa dang / gsad pa la ni bde ba chen po rdo rje gsang ba'i gshed byed kyis so/ /'thab mo thams
147a1 @#/ /cad las rgyal ba thob pa la ni rdo rje gsang ba'i rgyal mtshan gyi dpung rgyan gyis so/ /gdug pa thams cad gzhig pa la ni rdo rje gsang ba'i
147a2 rdo rje legs pas so/ /bgegs thams cad zhi bar bya ba la ni rdo rje gsang ba'i thabs sbyor gyis so/ /dgra bo thams cad rnam par gzhig pa la ni rdo rje gsang
147a3 ba'i rnam par 'thor bas so/ /bdud kyi stobs thams cad gzhom pa la ni rdo rje gsang ba'i rab tu 'dul bas so/ /sprin bskyed pa la ni rdo rje gsang ba'i sprin
147a4 chen pos so/ /char dbab pa la ni rdo rje gsang ba'i sdig mdzub kyis so/ /thog dbab pa dang / glog dang / rlung dang / char zhi bar bya ba la ni rdo rje gsang
147a5 ba'i sprin srung gis so/ /sprin dang / mun pa dang / khug rna zhi bar bya ba la ni rdo rje gsang ba'i bde ba chen po'i spyan gyis so/ /klu thams cad dgug pa la ni
147a6 rdo rje gsang ba'i phyag rgyas so/ /klu thams cad dbang du bya ba la ni gsang ba thams cad kyi nor bu'i phyag rgyas so/ /klu thams cad rjes su 'brang bar bya ba
147a7 la ni rdo rje gsang ba'i klu 'dul bas so/ /klu thams cad 'byin pa la ni rdo rje gsang ba'i klu gdon pas so/ /sa ma lus pa g.yo zhing 'gul bar bya ba la ni
147b1 rdo rje gsang ba'i thar pas so/ /chu med par chu'i phung po ches cher bsil zhing dri ma med par bskyed pa la ni bde ba chen po rdo rje klu'i phyag rgyas so/ /mun par nyi ma'i snang
147b2 ba chen po bskyed pa la ni rdo rje nyi ma'i phyag rgyas so/ /rlung thams cad dbang du bya ba la ni rdo rje rlung thams cad kyis so/ /nam mkha' la gzugs thams cad kun tu ston
147b3 pa la ni rdo rje gsang ba'i 'dzin pas so/ /nam mkha' las dngos po thams cad 'byung bar bya ba la ni rdo rje gsang ba'i 'byung bas so/ /nam mkha' la rang gi bdag
147b4 nyid kyi dngos po kun tu bstan par bya ba la ni rdo rje gsang ba'i rdzu 'phrul gyis so/ /nam mkha' la de bzhin gshegs pa dang / rdo rje 'dzin pa la sogs pa byang chub
147b5 sems dpa' thams cad dang / 'jig rten gyi khams thams cad bstan pa la ni rdo rje gsang ba'i rnam par 'phrul bas so/ /nam mkhar shing thams cad la lo ma dang /
147b6 me tog dang / 'bras bu thams cad 'byung ba la ni rdo rje gsang ba'i dus kyi phyag rgyas so/ /sa'i cha thams cad la 'bru'i cha thams cad smin par 'gyur ba la ni rdo rje
147b7 gsang ba'i gshol gyi phyag rgyas so/ /thams cad las lha'i kha zas dang / btung ba dang / gos dang / rgyan dang / gnas sar pa dang / bu mo gzhon nu 'byung ba dang /
148a1 @#/ /skyes pa dang / bud med dang / bran pho dang / bran mo thams cad 'byung bar bya ba la ni bde ba chen po rdo rje dam tshig gi bsod nams kyi
148a2 chu bos so/ /g.yul du dpung gi tshogs yan lag bzhi pa bstan te g.yul 'gyed pa la ni rdo rje bde ba chen po'i sdom pas so/ /sgyu ma thams cad bstan pa la ni rdo rje
148a3 bde mchog gis so/ /bde mchog gi bya ba thams cad la ni rdo rje sgyu ma'i bya bas so/ /rmad du 'byung ba dang / cho 'phrul thams cad bstan pa la ni rdo rje rmad du 'byung
148a4 ba'i rdzu 'phrul gyi rnam par 'phrul bas so/ /lan thams cad gdab par bya ba la ni rdo rje lan bstan pas so/ /me rengs par bya ba la ni rdo rje shin tu grang bas
148a5 so/ /chu dbab par bya ba la ni rdo rje zla ba'i chu shel gyis so/ /dgon pa dang / grong dang / nags dang / chu bo dang / rdzing bu dang / skyed mos tshal dang / zas dang /
148a6 skom dang / gtsug lag khang bsrung ba la ni rdo rje grub pas so/ /chu'i steng du bzhag pa dang / bdag nyid gzugs mang po'i dngos po ston pa dang / mi snang ba dang /
148a7 nam mkha' la 'gro ba'i dngos grub la ni rdo rje gsang ba'i dngos grub kyi phyag rgyas so/ /lha la sogs pa thams cad mngag gzhug par bya ba la ni rdo rje gsang ba'i
148b1 bka' bsgo bas so/ /sems can thams cad dbang du bya ba la ni rdo rje gsang ba'i dbang gis so/ /mi rgyu ba thams cad drang ba dang / dbab pa dang / bden par smrar
148b2 gzhug pa la ni rdo rje gsang ba'i dngos grub chen po'i phyag rgyas so/ /gzugs brnyan thams cad dbab pa dang / dgug pa dang / dgod par bya ba dang / gar byed du
148b3 gzhug pa dang / kun tu rol bar bya ba dang / bsgo ba thams cad byed du gzhug pa dang / thams cad khyer te 'ong ba dang / las thams cad byed du gzhug pa la ni bde
148b4 pa chen po rdo rje'i dam tshig bsgrubs pas so/ /thams cad rjes su chags par bya ba la ni bde ba chen po rdo rje yid las byung bas so/ /rgyu ba dang / mi rgyu ba thams cad rtser
148b5 gzhug pa la ni rdo rje ki li ki li'i gsang bas so/ /thams cad brtan par bya ba la ni rdo rje chu srin gyi phyag rgyas so/ /thams cad dpa' bar bya ba la ni rdo rje bsnyems
148b6 pas so/ /rmi lam ngan pa bzlog pa la ni rdo rje ngag gis so/ /gzhan dag gis rang 'dod pa'i rmi lam mthong bar bya ba la ni rdo rje rmi lam mthong bas so/ /rmi lam ngan
148b7 pa thams cad gzhig pa la ni rdo rje sreg blugs kyis so/ /rmi lam bzang ba thams cad bsgrub pa brtan par bya ba la ni rdo rje rmi lam grub pas so/ /nad dang / gnod pa/
149a1 @#/ /thams cad bsal ba la ni rdo rje sman gyis so/ /rims nad thams cad gzhig pa la ni rdo rje bcud kyis len gyis so/ /dus ma yin par 'chi
149a2 ba gzhig pa la ni rdo rje dUr bas so/ /dmyal ba la sogs pa'i ngan 'gro thams cad gzhig pa la ni rdo rje sdig pa dral bas so/ /sku thams cad bsgrub pa la rdo rje sku'i
149a3 mchog gis so/ /gsung thams cad bsgrub pa la ni rang gi lces 'das pa dang / ma 'ongs pa dang / da ltar gyi dngos po thams cad bden par ston pa'i rdo rje gsang
149a4 ba'i ljags kyi mchog gis so/ /thugs thams cad bsgrub pa la ni rdo rje thugs thams cad bskyed pas so/ /rdo rje thams cad kyi dngos grub la ni rab tu dag pa'i
149a5 rdo rjes so/ /dkyil 'khor thams cad rab tu 'jug pa la ni rdo rje 'khor los so/ /phyag rgyas thams cad bcing ba'i dngos grub la ni rdo rje gsang ba'i mchod pas
149a6 phyag rgya chen pos so/ /thams cad dam tshig thams cad bsgrub pa ni rdo rje dam tshig gi phyag rgyas so/ /las thams cad bsgrub pa la ni rdo rje gsang ba'i mchod pas
149a7 so/ /dngos grub thams cad la ni rdo rje gsang ba'i bde ba chen po grub pas so/ /phun sum tshogs pa thams cad la ni rdo rje ltung ba las gdon pa'i phyag rgyas so/ /
149b1 thams cad mkhyen pa'i ye shes thob pa la ni rdo rje ye shes kyi phyag rgyas so/ /thams cad kyi mchod pa bya ba nyid la ni rdo rje gsang ba'i gar gyis so/ /rdo rje thams cad kyi
149b2 dngos grub dam pa la ni rdo rje bde ba chen po'i rdo rjes so/ /sems dpa' chen po thams cad kyi dngos grub dam pa la ni rdo rje sems dpa'i bde ba chen pos so/ /de bzhin
149b3 gshegs pa thams cad kyi dngos grub dam pa la ni rdo rje sems dpa' gsang ba mchog gi bde ba chen pos so/ /rdo rje 'dzin pa thams cad kyi dngos grub dam pa la ni
149b4 bde ba chen po rdo rje gsang ba'i dam tshig gi phyag rgyas so/ /bde ba chen po rdo rje gsang ba'i rtog pa'i rgyal po chen po las/ rab tu dga' ba'i rdo rje gsang ba'i mchod pa'i
149b5 cho ga rgyas pa'o// //de nas bcom ldan 'das bde ba chen po rdo rje'i dam tshig gi sems dpa'i byin gyis brlabs pa gsang ba'i chos can rnam par snang
149b6 mdzad chen po de bzhin gshegs pa thams cad kyi khu tshur yongs su 'dzin pas de bzhin gshegs pa thams cad kyi 'khor lo byin gyis rlob pa'i rdo rje zhes bya ba'i
149b7 ting nge 'dzin la snyoms par zhugs te/ rang gi rdo rje sems dpa' la gsol ba btab po/ /bde ba chen po rab grub dang / /'dod chags chen po rnam dag phyir/ /de
150a1 @#/ /bzhin gshegs pa mtha' yas nyid/ /dam pa'i rigs ni bskyed du gsol/ /de nas bcom ldan 'das rdo rje 'chang chen pos de bzhin gshegs
150a2 pa thams cad kyi dam tshig bde ba chen po mi phyed pa'i rnam par gnon pa mdzad nas/ bcom ldan 'das kyi sku dang / gsung dang / thugs rdo rje thams cad la rab tu
150a3 bzhugs nas thams cad kyi bdag nyid mnyam par spros nas/ bde ba chen po'i rdo rje'i phyag rgya'i gzungs 'di gsungs so/ /oM d+haM/ de nas 'di ni gsungs tsam
150a4 gyis/ /rnam pa drug tu g.yos gyur te/ /sangs rgyas sras dang bcas pa kun/ /kun nas 'dus shing bstan par gyur/ /dkyil 'khor chen po'i sbyor ba yis/ /thams
150a5 cad grub phyir kun nas bzhugs/ /bzhad pa chen po'i khyad par gyis/ /rmad byung chen po rab tu bzhad/ /de nas bcom ldan 'das de bzhin gshegs pa rdo rje
150a6 sems dpa' de bzhin du rdo rje la snyoms par zhugs te/ bde ba chen po'i dam tshig rdo rje gsang ba zhes bya ba'i gzungs kyi dkyil 'khor 'di gsungs so/ /
150a7 'di ltar chos kyis bris nas ni/ /rgyal ba g.yon du bsnyems 'dzin pa/ /dam tshig mchog gi mchog bkod nas/ /sa ma ya s+t+waM zhes brjod do/ /de bzhin
150b1 gshegs pa sras dang bcas/ /rdo rje mtshon cha la sogs gzung / /byang chub sems dpa' sems dpa' che/ /me tog la sogs spyir thal sbyar/ /de la 'jug pa la sogs
150b2 pa'i cho ga rgyas pa'i khyad par ni 'di yin te/ de bzhin gshegs pa thams cad la phyag bya ba'i phyag rgya dang / rdo rje'i glu 'dis 'jug par bya'o/ /rdo rje sems dpa'
150b3 bsdus pa yis/ /rdo rje rin chen bla na med/ /rdo rje chos ni glur blangs pas/ /rdo rje las ni byed par 'gyur/ /de nas rab tu zhugs nas de bzhin gshegs pa thams
150b4 cad kyi ye shes kyi gzungs bde ba chen po rdo rje gsang ba'i lcags kyus dgug par bya'o/ /oM badzra d+hA ra su ra ma hA su kha sarba hA ra rma pa ma ta ya/ sarba ta thA ga ta dz+nya na mai
150b5 man+ta pA daiHdzaHhUM baM hoH/ de nas de bzhin gshegs pa thams cad 'dzin pa dang bcas pa yang dag par byon par 'gyur ro/ /yid bde ba la sogs pa'i mtshan ma
150b6 'byung ngo / /cho 'phrul du ma dag mthong ba yin no/ /de nas cho ga rgyas pa dang / bsgrub pa dang / yid kyis 'dod pa'i dngos grub thams cad dang / don yod pa dang /
150b7 thogs pa med par myur du dam pa grub pa yin no/ /de bzhin du bya'o/ /de nas ma bsgrubs par lan gcig bzlas pas las rnams byed par 'gyur ro/ /thams cad
151a1 @#/ /bsrung ba la ni rdo rje gtsug tor gyis so/ /sems can thams cad dbang du bya ba la ni rdo rje mdzod spus so/ /chos nyid thams cad thob pa
151a2 la ni rdo rje chos nyid kyis so/ /de bzhin gshegs pa thams cad kyi mchod pa'i dngos grub ni rdo rje mchod pas so/ /gdug pa thams cad 'dul ba la ni rdo rje khro bos
151a3 so/ /byang chub kyi spyod pa ma lus par rdzogs par bya ba la ni rdo rje spyod pa'i phyag rgyas so/ /bdud thams cad gzhom pa la ni bdud thams cad 'joms par byed
151a4 pas so/ /de bzhin gshegs pa thams cad kyi bdag nyid du bya ba la ni rdo rje ye shes kyi khu tshur gyis so/ /bde ba chen po rdo rje gsang ba las/ de bzhin gshegs
151a5 pa thams cad kyi gsang ba chen po'i cho ga rgyas pa 'o/ /de bzhin gshegs pa'i dkyil 'khor gsungs pa 'o// //de nas bcom ldan 'das de bzhin
151a6 gshegs pa don yod cing thogs pa med pa'i bka' bstan pa/ de bzhin gshegs pa thams cad kyi thugs rdo rje chen po'i thabs bde ba chen po'i khro bo rdo rje zhes
151a7 bya ba'i ting nge 'dzin la snyoms par zhugs te/ rang gi rdo rje sems dpa' la gsol ba btab bo/ /bde ba chen po rab grub dang / /chags pa chen po rnam dag
151b1 phyir/ /gdug pa thams cad gzhom pa'i phyir/ /rang rigs sprul mdzod rdo rje 'dzin/ /de nas bcom ldan 'das rdo rje sems dpa' de bzhin gshegs pa thams cad kyi
151b2 bka' rdo rje'i dam tshig ces bya ba'i rab tu dga' ba'i rdo rje khro bo 'di gsungs so/ /hUM rak+ta dz+wa la mA lA pra la ya/ ag+ni pra ti pa ta te dza/ ma hA su ra ta badzra kro d+ha dzaHhUM baM ho phaT/
151b3 de nas 'di gsungs pa tsam gyis bcom ldan 'das phyag na rdo rje'i rdo rje las kun nas 'od zer dmar po 'bar ba'i snying po can smin ma 'gyur zhing khro gnyer bsdus pa/ sma
151b4 ra ser zhing spyan 'bar ba/ rdo rje mche ba gtsigs pas ma mchu'i sgros rnam par gnon pa'i zhal mnga' ba/ dbu skra gyen du 'bar ba/ rdo rje dang / gzhu la sogs pa
151b5 yongs su 'dzin pa/ bcom ldan 'das kyi dkyil 'khor chen po'i tshul du bzhugs so/ /bcom ldan 'das kyis kyang khams gsum pa'i gdug pa thams cad 'dul
151b6 bar mdzad nas rdo rje dam tshig chen po'i byin gyis brlabs so/ /dkyil 'khor chen po thig gdab bya/ /de la dang po khros pa gzhag /su ra tod b+ha ba hUM zhes zlos/ /
151b7 ut+pal sngon po'i 'od 'bar ba/ /rdo rje bsnyems pa 'dzin pa'i mchog /mche ba cung zad gtsigs pa'i zhal/ /khro dang bcas pa'i bzhad pa'i zhal/ /rdo rje skyil mo
152a1 @#/ /krung gis bzhugs/ /'od zer 'bar ba 'khrugs pa'i 'od/ /dkyil 'khor chen po'i tshul gyis ni/ /thams cad du ni khro bo bri/ /rab tu dga'
152a2 ba'i rdo rje khro bo'i phyag rgya chen pos dang por slob dpon gyis 'jug par bya ste/ slob ma rnams kyang de bzhin no/ /slob dpon zhugs nas khros pas lcags kyu de nyid
152a3 kyis dgug par bya'o/ /hUM su ra ta badzra kro d+ha a ya te/ mahA su kha badzra satwa dzaH/ sarba badzra ku la ne tra pra be sha ya hUM/ sarba mu drA ga Na ban+d+ha ya baM/ sarba ma yA ma bi
152a4 shwa ku ru ho/ sarba karma ne tra satwa ya a/ de nas rdo rje'i rigs thams cad bcom ldan 'das dang bcas pa byon zhing grub pa yin no/ /slob dpon dang / slob ma rnams
152a5 la dgyes pa dang / khro bo 'bab pa'i mtshan ma yang dag par 'byung bar 'gyur ro/ /gzhan yang cung zad 'byung ba yin na de grub pa dang / dngos grub dang / cho ga
152a6 rgyas pa yang de bzhin du 'o/ /gal te ma grub na lan gcig bzla 'o/ /khams gsum pa ma lus pa las rgyal bar bya ba la ni rdo rje hUM mdzad kyi phyag rgyas so/ /sems
152a7 can gyi khams thams cad 'dul ba la ni rdo rje khro bo'i gsang bas so/ /'jig rten gsum po las rnam par rgyal ba la ni 'jig rten gsum las rnam par rgyal
152b1 ba'i phyag rgyas so/ /thams cad dgug pa dang / gzhug pa dang / dbab pa dang / bcing ba dang / dbang du bya ba dang / gzhig pa dang / rengs pa dang / gnyid log par bya ba
152b2 dang / rgyas gdab pa dang / bsgyel ba dang / gsad par bya ba la ni bde ba chen po rdo rje khro bos so/ /thams cad ltung bar bya ba la ni rdo rje phra mo'i khro bos so/ /thams cad
152b3 dbab pa la ni rdo rje 'bebs pa'i khro bos so/ /thams cad nges par gnon pa la ni rdo rje gad rgyangs kyis so/ /las thams cad la nye bar dgod pa la ni bde ba chen po rdo
152b4 rje dam tshig gi khro bos so/ /bde ba chen po'i rdo rje'i gsang ba las/ rab tu dga' ba las byung ba rdo rje gsang ba rnam par rgyal ba'i dam tshig gi cho ga rgyas pa'o// //
152b5 de nas bcom ldan 'das de bzhin gshegs pa thams cad kyi don yod cing thogs pa med pa thams cad dag pa'i chos sgrib pa med pa de bzhin gshegs pa thams cad
152b6 kyi rdo rje'i ye shes kyi phyag rgya zhes bya ba'i ting nge 'dzin la snyoms par zhugs nas rang gi rdo rje sems dpa' la gsol ba btab bo/ /bden pa chen po rab grub dang / /'dod
152b7 chags chen po rnam dag phyir/ /pad+ma'i rigs chen dag pa la/ /mchog chen khyod kyis bskyed par mdzod/ /de nas bcom ldan 'das rdo rje 'chang chen pos chos thams
153a1 @#/ /cad la gzigs pa rdo rje zhes bya ba'i rnam par gnon par mdzad nas bde ba chen po rdo rje gsang ba'i pad+ma zhes bya ba'i sngags 'di gsungs so/ /
153a2 oM hrI baM hoH/ 'di gsungs pa tsam gyis bcom ldan 'das kyi zhal nas pad+ma'i mdog gi mdangs can zla ba'i dkyil 'khor gyi 'od lta bu pad+ma'i 'dab ma la sogs
153a3 pa yongs su 'dzin pa/ de bzhin gshegs pa'i dbang bskur ba dang / ral pa'i cod pan dang / na bza' dmar po 'chang ba dang / pad+ma chen po'i sems dpa'
153a4 rnams byung nas dkyil 'khor chen po'i tshul gyis bzhugs so/ /bcom ldan 'das zhal rab tu bzhad pas g.yas pas rdo rje g.yon pas pad+ma 'dzin cing de bzhin
153a5 du rdo rje bsnyems pas rdo rje skyil mo krung gis bzhugs so/ /de nas dkyil 'khor ni/ dkyil 'khor chen po'i tshul gyis ni/ /dkyil 'khor thams cad thig gdab
153a6 bo/ /rdo rje 'jig rten dbang phyug gzhag /pad+ma'i mtshan ma'i tshogs rnams bri/ /de na rdo rje pad+mas zhugs la mdzub mo'i lcags kyu gnyis kyis dgug par bya'o/ /
153a7 oM hrI baM hoH/ oM hrIHmahA su kha badzra A lo ke shwa rA ya me/ A A he pra be sha d+hi d+hi me b+ha ba sid+d+hi m+mer mu drA pA daiHdzaHhUM baM hoH/ de nas bcom ldan 'das spyan ras
153b1 gzigs dbang phyug byon te mchog thams cad stsol bar 'gyur ro/ /snang ba'i mtshan ma 'byung bar 'gyur ro/ /cho ga rgyas pa thams cad dang / sgrub pa dang / dngos
153b2 grub thams cad kyang de bzhin no/ /ma bsgrubs kyang lan gcig bzlas pas las thams cad byed do/ /sgrib pa thams cad rnam par sbyang ba la ni pad+ma chen pos so/ /
153b3 thams cad bsrung ba la ni pad+ma'i gtsug tor gyis so/ /thams cad rjes su chags pa la ni pad+ma la lta bas so/ /thams cad dag pa'i ting nge 'dzin thob pa la
153b4 ni pad+ma kha 'byed pas so/ /bud med thams cad dbang du bya ba la ni pad+ma chen po'i 'dod chags kyis so/ /skyes pa thams cad dbang du bya ba la ni pad+ma
153b5 chen po'i dbang phyug gis so/ /rmi lam gdab pa la ni pad+ma chen po dmar pos so/ /bcom ldan 'das kyi mchog thob par bya ba la ni rdo rje gsang ba'i pad+ma
153b6 rmongs pa med pas so/ /bde ba chen po pad+ma gsang ba las/ bde ba chen po pad+ma'i rigs kyi cho ga rgyas pa'o// //de nas bcom ldan 'das khams gsum
153b7 pa thams cad kyi bdag po dbang phyug de bzhin gshegs pas bsam pa thams cad yongs su rdzogs pa'i rin po che'i dbang bskur ba'i phyag rgya zhes bya ba'i ting nge
154a1 @#/ /'dzin la snyoms par zhugs nas rang gi rdo rje sems dpa' la gsol ba btab bo/ /bde ba chen po rab grub dang / /chags pa chen po rnam dag phyir/ /
154a2 nor bu chen po'i rigs mchog ni/ /mgrin 'byor phyir ni skyed par mdzod/ /de nas bcom ldan 'das de bzhin gshegs pa thams cad kyi dbang bskur ba'i dam tshig
154a3 rab tu bzhag pa zhes bya ba'i rnam par gnon par mdzad nas bde ba chen po'i rdo rje rin po che zhes bya ba'i rigs sngags 'di gsungs so/ /oM li ti
154a4 d+ha b+haN+Ta Ta te trAM/ de nas 'di gsungs pa tsam gyis bcom ldan 'das dbang bskur ba'i bde ba chen po'i rdo rje las nor bu rin po che rab tu phyung nas
154a5 phyag g.yon pa la rab tu gnas so/ /nor bu rin po che dag pa de yang margad rnyog pa med pa'i mdog can rdo rje rin po che rang gi 'od zer gyis dbang
154a6 bskur ba can nor bu rin po che'i mda' la sogs pa'i mtshan ma yongs su bsnams pa/ bcom ldan 'das kyi dkyil 'khor chen po'i tshul gyis
154a7 zhugs so/ /de nas dkyil 'khor bri ba ni/ /dkyil 'khor thams cad thig gdab bya/ /rdo rje rin chen bdag po bzhag /nor bu'i rigs
154b1 ni chen po bri/ /rdo rje rin chen gyi phyag rgya zhugs te/ de bzhin du mdzub mo gnyis kyis rdo rje lcags kyus dgug par bya 'o/ /oM mahA su kha badzra bi b+hU te ra ya
154b2 b+ha ga bAn taM A kaR+Sha ya gi ra baM sarba ta thA ga ta a graM saM tra sa ma be na nA ma b+he ra ma tra be/ traM ba Da Da swAhA/ de nas bcom ldan 'das nam mkha'i snying po'i nor bu
154b3 thams cad dang bcas pa byon pa yin no/ /spyi bo nas spu ldang ba'i mtshan ma 'byung bar 'gyur ro/ /bcom ldan 'das kyis bdag la dbang bskur ba la ni
154b4 zhes shes par bya 'o/ /de nas slob ma rnams gzhug par bya ste cho ga rgyas pa thams cad de bzhin du bya'o/ /de nas ma bsgrubs pa'i las rnams lan
154b5 gcig bzlas pas 'grub par 'gyur ro/ /dbang bskur ba thams cad thob pa la ni rdo rje rin po che'i myu gus so/ /don thams cad thob pa la ni rdo rje rin chen gyi
154b6 rgyal mtshan gyis rtse mos so/ /bsam pa thams cad yongs su rdzogs par bya ba la ni rdo rje nor bu chen po'i mtshan ma'i phyag rgyas so/ /gter chen po thob par
154b7 bya ba la ni rdo rje rin chen gyis 'og gi phyag rgyas so/ /rdo rje'i dbang bskur ba'i phyag rgya thob par bya ba la ni rdo rje rin chen chen po'i sa 'og gi phyag rgyas so/ /rdo
155a1 @#/ /rje'i dbang bskur ba thob pa la rdo rje chen po'i phreng bas so/ /byang chub sems dpa' chen po'i dbang bskur ba thob pa la
155a2 ni rdo rje rin po che chen po'i phreng bas so/ /de bzhin gshegs pa'i dbang bskur ba thob pa la ni rdo rje rin chen gyi dbang bskur ba dam pa'i phreng bas
155a3 so/ /rdo rje 'dzin pa chen por dbang bskur ba thob pa la ni de bzhin gshegs pa thams cad kyi sku'i mchog gi rdo rje rin chen gyi cod pan gyi phreng
155a4 bas so/ /bde ba chen po'i rdo rje gsang ba las/ bde ba dang / yid bde ba thams cad kyang kyi nor bu'i rigs kyi cho ga rgyas pa'o// //de nas
155a5 bcom ldan 'das rigs pa thams cad bsdus pa'i rdo rje byin gyis brlabs pa'i ye shes thob pas sems can thams cad gzhug pa'i 'khor lo
155a6 rdo rje'i phyag rgya zhes bya ba'i ting nge 'dzin la snyoms par zhugs te/ thog ma tha ma med pa'i bcom ldan 'das rdo rje sems dpa' la gsol ba btab
155a7 bo/ /bde ba chen po rab grub pa/ /chags pa chen po rnam dag phyir/ /bde ba chen po'i don gyi phyir/ /'gro rnams ci bder gzhug tu gsol/ /
155b1 de nas bcom ldan 'das thams cad las rnam par rgyal ba'i 'gro ba kun 'dul ba/ dam tshig thams cad dang / dngos grub thams cad stsol ba/ rdo rje 'chang
155b2 chen po/ ston pa po/ sgrub pa po/ stobs dang / pha rol gnon pa/ thogs pa med pa/ thams cad la rjes su ston pas don yod par grub pa/ dam tshig
155b3 rdo rje 'dzin pa zhes bya ba'i rnam par gnon pa mdzad nas bde ba chen po dngos grub thams cad kyi dam tshig ces bya ba'i don yod pa mtshungs pa med pa
155b4 thams cad kyi snying po 'di gsungs so/ /hoHAHhUM hrIHtrAM/ de nas 'di gsungs pa tsam gyis de bzhin gshegs pa thams cad la sogs pa 'jig rten pa dang 'jig
155b5 rten las 'das pa'i dkyil 'khor thams cad kyi dkyil 'khor chen po der yang dag par gnas te/ dkyil 'khor gcig nyid du gyur to/ /de nas
155b6 bcom ldan 'das rdo rje 'chang chen pos sems can thams cad rjes su gzhug pa bde ba chen po'i rdo rje'i dam tshig gi gsang ba gsungs pa/ dkyil 'khor
155b7 chen po'i tshul gyis ni/ /dkyil 'khor thams cad kun tu bri/ /dkyil 'khor thams cad kun tu bri/ /dkyil 'khor chen po dang po ni/ /de yi dbus su brtag par bya/ /de yi logs su rigs
156a1 @#/ /rnams kyi/ /dkyil 'khor bzhi po bri bar bya/ /phyi yi mtshams kyi mtha' ma ru/ /phyi yi dkyil 'khor tshogs rnams bri/ /sgro
156a2 rnams kun tu 'jug par ni/ /rang gi phyag rgyar rab tu gnas/ /dkyil 'khor dam pa lnga sdud cing / /rdo rje shugs kyis 'jug par bya/ /cho ga rgyas pa thams
156a3 cad dang / dngos grub thams cad dang / las thams cad kyang de bzhin no/ /rigs bsdus pa'i cho ga rgyas pa'o// //de nas lha la sogs
156a4 pa dam tshig sems dpa' thams cad bcom ldan 'das las rang rang gi rjes su gnang ba mnos nas sems can thams cad la bde ba'i don yod
156a5 pa bcom ldan 'das rdo rje 'chang chen po'i zhabs la phyag byas nas rang rang gi gsang ba'i snying po 'di rnams phul lo/ /de nas 'jig rten gsum
156a6 pos gsol pa ni/ oM b+h+rUM trAM/ de nas dkyil 'khor bri ba ni/ /zur bzhi ba la sgro bzhi pa/ /phyi yi dkyil 'khor mchog yin no/ /de yi dbus su
156a7 dngos grub phyir/ /gzhu yi se ral khar ldan zhing / /mda' dang tsa sha ga thogs bri/ /sbrang rtsir byed dang rgyal bar byed/ /bsgrub pa thams cad sgrub
156b1 pa po| /rtse gsum mtshan ma'i phyag rgya yis/ /pus mo lha nga btsugs byas te/ /zhugs nas dam tshig bcings nas ni/ /yang dag dgug pa nyid du bya/ /oM
156b2 b+hUr b+hU ba swAhA/ nyi shu rtsa gcig bzlas pa yis/ /thams cad kun gyis yongs bskor ba/ /dngos grub kun don 'ongs pa la/ /ci ltar rnyed pa'i gtor ma
156b3 sbyin| |slob dpon gyis ni 'jug pa yis/ /slob ma thams cad gzhug par bya/ /dam tshig mchog gi de nyid dang / /gsang ba'i de nyid brjod par bya/ /gal
156b4 te ma brtags la smras dang / /'o na te 'di skad bshad pa'i chos/ /'dir ni kun tu ma spyad na/ /rtse gsum gyis ni khyod snying 'joms/ /snying stobs rdul dang
156b5 mun pa dang / /tshangs pa khyab 'jug dbang phyug che/ /ming po gsum po 'di dag ste/ /nam yang brnyas par mi bya'o/ /gang zhig 'di dag la brnyas pas/ /yang dang
156b6 yang du rab zhugs nas/ /dkyil 'khor mchod pa byed pa de/ /dngos grub thams cad thob pa ni/ /phyag rgya dag kyang bstan byas nas/ /de yis gar gyi mchod
156b7 pa bya| |'dod pa'i yon tan lnga po yi/ /rtag tu dkyil 'khor mchod par bya/ /de nas gsang ba'i lha mo rnams kyis rang gi phyag rgya phul lo/ /hrIHhUM shrI b+h+yo/
157a1 @#/ /dkyil 'khor thams cad bya ba ni/ /gru bzhi pa la sgo bzhi pa/ /thig bzhi pa dang yang dag ldan/ /ka ba chen po bzhi
157a2 dang bcas/ /gru chad bzhi yis rnam par mdzes/ /de yi dbus su de bzhin du/ /dkyil 'khor bzhi po bri bar bya/ /sgo ru mngon phyogs bzhi po ni/ /
157a3 snying po dang bcas gzhag par bya/ /dga' mo lag na mtshon cha thogs/ /dngos grub bya ba bsnyems dang bcas/ /de nas dang po dkyil 'khor du/ /
157a4 de bzhin kun nas 'jug par bya/ /sring mo rang gi phyag rgya yis/ /go rims ci bzhin 'jug par bya'o/ /zhugs nas bdug pa la sogs kyis/ /cho ga
157a5 bzhin du mchod byas nas/ /gsang ba de nyid rab grub pas/ /dgug pa yang dag bya ba yin/ /oM kA li ma ni ra de pro ta la me b+hU rAk+Sha si pa rastA ma ya
157a6 he ba ho ba/ ba rA he bi d+ye tI ma ya swAhA/ sid+d+hi ke sid+d+hi stA ma a he/ phyag rgya 'di rnams kyis so/ /hrIHhUM shrI b+h+yo/ de nas thams cad dbab par 'gyur ro/ /
157a7 babs nas gzhug par bya'o/ /de nas de bzhin du phyag rgya bcing ba bslabs la mna' bsgags nas gsang ba brjod par bya'o/ /sems can don la
157b1 gang zhugs pa/ /gang du dkyil 'khor ston pa rnams/ /gal te gsang ba mi srung na/ /khyod kyis de dag gsad pa yin/ /'dod chags zhe sdang gti
157b2 mug dang / /de bzhin zas dang skom dang ro/ /chos kyi 'jig rten bde ba dang / /chos min pas ni sdug bsngal te/ /phyag rgya gar gyi mchod pa yis/ /tsi
157b3 'dod par ni mchod par bya/ /ci snyed pa dang ci 'dod bzhin/ /yul rnams la ni brten par bya/ /de nas lha ma yin thams cad kyis rang gi snying po
157b4 phul lo/ /oM sarba mahA tsakraM pra brta ya daR+sha ya baM hUM phaT/ zur bzhi pa yi dkyil 'khor ni/ /khru gang tsam du brkos byas nas/ /gyen du kha bltas sgo bri
157b5 bya| |bde mchog la sogs bri bar bya/ /'khor lo rab tu zhugs byas la/ /yang dag dgug la gzhugs par bya/ /me tog la sogs mchod pa dang / /sha
157b6 la sogs pa'i gtor ma bya/ /oM biSh+Nu tsakra A na ya/ shaM brtsi ma tsi ta traM su ra a d+hi pan he sho haM/ sarba mA yA g+h+r-i taM d+ha ba me sid d+h+ya hA hA swAhA/ de nas yid
157b7 kyi 'dod pa'i sgyu ma thams cad grub pa yin no/ /slob ma gzhugs pa yang de bzhin du bya'o/ /de nas klu'i rigs bzhis snying po phul lo/ /phuH/ de nas
158a1 @#/ /dkyil 'khor bri ba ni/ /zur bzhi pa la sgo bzhi pa/ /sbrul gyi thig gis kun tu bri/ /klu yi gdengs ka'i rtse mos 'khyud/ /
158a2 mtshams kyi char ni mjug rtse mdud/ /de yi dbus su sa 'dzin pa/ /klu yi rgyal po she Sha bri/ /shes rab can gyis klu chen gyi/ /rigs rnams thams
158a3 cad bri bar bya/ /de nas ting 'dzin shugs kyis ni/ /khros shing rgyug pas 'jug par bya/ /dkyil 'khor der ni rab zhugs nas/ /gdengs ka'i
158a4 phyag rgyas dgug par bya/ /oM hrIHa nI la dza ba be ga pr-i thI b+hin+da d+ha ra she Sha Na/ A ya hrIHnu ya nA ga ku li A na ya hUM phuH/ sa ma ya pra be sha ya phuH/
158a5 sarbaM sA d+ha ya phuHphuHphuHphuHde nas klu thams cad phuHzhes bya ba bzlos shing dkyil 'khor du zhugs na babs par 'gyur zhing 'thob po/ /de nas slob
158a6 dpon gyis ri mo'i phyag rgyas dug med par bya'o/ /de nas brtsams te thams cad zos na yang bdud rtsi bzhin du 'ju bar byed do/ /'di rnams dang lhan
158a7 cig tu gar byed pa dang / dug thams cad sreg pa dang / /'jig pa dang / za ba nas par 'gyur ro/ /de nas ci 'dod pa'i dam tshig sbyin par bya ste/
158b1 'dod chags zhe sdang gti mug ste/ /'di dag 'jig rten dug gsum mo/ /gal te bden las 'das gyur na/ /'tsho ba'i 'jig rten 'di rtag gnas/ /gal te
158b2 dngos grub thob 'dod na/ /glog la brnyas par mi bya zhing / /ser ba bzlog par mi bya 'o/ /sbrul ni gang yang gsad mi bya/ /bde ba chen po rdo rje gsang ba'i rtog
158b3 pa'i rgyal po las/ bde pa chen po'i dam tshig chen po'i rdo rje gsang ba la sogs pa'i cho ga rgyas pa'o/ /dum bu gnyis pa rtsa ba'i dkyil 'khor bcu'i rtog
158b4 pa'o// //de nas rdo rje chen po yi/ /ri rab ri yi rtse mo ni/ /rdo rje rin chen 'od gsal bas/ /dri med gzi brjid mdzes pa la/ /zur bzhi pa la sgo bzhi
158b5 pa| |sgo khyud kyis ni rnam par mdzes/ /kha khyer rnams la gnas pa yi/ /rdo rje lha mo'i tshogs kyis mchod/ /zla ba phyed la gnas pa yi/ /rdo rje rin chen rnams
158b6 kyis mdzes/ /rlung gis bskyod pa'i dar dpyangs kyi/ /bdan dril bu'i sgra sgrogs pa/ /dra ba me long me tog gi /phreng ba chen po btags pas brgyan/ /bde ba chen
158b7 po rdo rje che/ /rdo rje kun gyi mngon 'dus byas/ /rdo rje sems dpa' gnas chen po/ /sangs rgyas kun gyi nges bsten pa/ /byang chub sems dpa'i gnas pa mchog /
159a1 @#/ /rdo rje 'chang ba kun gyi gnas/ /bde ba chen po rdo rje che/ /nor bu chen po mchog ces bya/ /rdo rje chen po'i khang pa na/ /bde ba chen po bzhugs pa yin/ /
159a2 thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems tshul bdag po'i bdag /sems can kun
159a3 gyi sems gang yin/ /brtan phyir sems dpar bshad pa yin/ /mnyam par gzhag pas ting 'dzin te/ /nges pa'i phyir ni rdo rjer 'gyur/ /sems dpa'i byin
159a4 rlabs sbyor ba yis/ /slar yang rdo rje sems dpar 'gyur/ /de nyid rtag pa bcom ldan 'das/ /byang chub spyod pa'i rjes 'gro yin/ /rang sems so sor rtogs sogs
159a5 na| |sangs rgyas byang chub cho ga bzhin/ /bdud ni sangs rgyas rdo rje can/ /rdo rje 'chang chen de nyid yin/ /de nyid de bzhin gshegs pa'i rigs/ /de nyid rdo rje rigs chen
159a6 po| |de nyid pad+ma'i rigs dag pa/ /de nyid nor bu'i rigs dam pa/ /de nyid 'dod chags bral ba yis/ /'dod dang thar ba nyid yin te/ /dus gsum srid gsum mchog
159a7 gsum dang / /'jig rten gsum dang khams gsum pa/ /mi g.yo thams cad mchog de nyid/ /brtan zhing snying po nor bu che/ /rgyu ba sems kyi 'du byed thabs/ /thams cad
159b1 byed pa thams cad nyid/ /dang po'i sems dpa' sems dpa' che/ /byang chub sems dpa' bde rab stsol/ /sems dpa'i skyil mo krung bcas nas/ /pad+ma'i lte bar zhugs pa yin/ /
159b2 btsun mo'i tshogs bcas sna tshogs pa'i/ /rdo rje lha mo rnams kyis bskor/ /bde ba chen po rab grub dang / /chags pa chen po rnag dag phyir/ /ma lus gdul bya'i don dang ni/ /dngos
159b3 grub thams cad rab grub phyir/ /bdag nyid la sogs sems dpa' che/ /dngos grub thams cad rab grub phyir/ /dam tshig mchog gi dam tshig rnams/ /rgyal bas kyang ni srung bar
159b4 mdzad/ /bsnyems bcas rdo rje gsor ba dang / /rdo rje bsnyems bcas yang dag ldan/ /phyag rgya thams cad rnam dag dang / /rdo rje sems dpa' mchog grub phyir/ /bde ba chen po rdo rje
159b5 che| |dngos grub thams cad sgrub pa la/ /ye shes phyag rgyar yang dag ldan/ /snying po chen po dam pa yin/ /gang gi bsod nams mi ldan dang / /de bzhin dkyil 'khor ma lus zhugs/
159b6 don yod thogs med nyid mchog gi /dngos grub thams cad rnyed mi dka'/ /bde ba chen po rdo rje che/ /gsang ba'i mchog de dam tshig brtan/ /dngos grub thams cad sgrub pa yin/ /rtog
159b7 pa thams cad myur 'grub byed/ /thog mtha' med cing dang por byung / /bsod nams thams cad cher mtho ba/ /gzi can rnams kyi bde mchog dang / /'dod chags chen po rnam dag
160a1 @#/ /phyir| |rjes su chags pa sgom pa zhes/ /ji bzhin ye shes rab 'jug pa/ /nye ba'i snying po bcas snying po/ /bskal pa dang por bcom ldan gsungs/ /hUM/ de nas
160a2 'di ni gsungs tsam gyis/ /sangs rgyas sras dang bcas pa rnams/ /nye bar 'dzin pa mdzad nas ni/ /'gro ba thams cad skyed par mdzad/ /sna tshogs 'gro ba kun bskyed nas/ /gtso
160a3 bos dngos grub dris gyur bas/ /ci ltar skad cig gis 'di 'grub/ /sems dpa' chen po myur du smros/ /de nas dkyil 'khor chen po ni/ /thog mar dkyil 'khor byin rlabs
160a4 ni| |rdo rje kun mchog dam tshig ni/ /cho ga bzhin du bsgrubs nas ni/ /de nas phan chad sems can 'byung / /ji bzhin las kyi rjes 'gro ba/ /rtag par sdig pa kun spyod dang / /ngan
160a5 sems dang ni le lo can/ /de ni skye bo gsum gzigs nas/ /'jig rten gtso bo rnams kyis dris/ /bcom ldan ci ltar 'o na ni/ /byis pa dge ba kun tu skyed/ /de rnams kyi ni tshig
160a6 gsan nas/ /tshig ni 'di skad gsungs pa yin/ /rdo rje 'dzin kun byed pa pos/ /las kyi 'chi ba ltos gyur pa/ /de yi tshig de thos nas ni/ /rdo rje sems dpa' rdo rje 'dzin/ /sras
160a7 bcas sangs rgyas thams cad kyis/ /thugs rje chen pos 'di skad gsungs/ /bde ba chen po rab grub dang / /shin tu chags pa rnam dag phyir/ /kun mchog cho ga rgyas pa yi/ /
160b1 snying po de ni bshad du gsol/ /de nas ston pa rdo rje 'dzin/ /dngos grub thams cad stsol ba yin/ /rtog pa kun gyi bde ba che/ /rdo rje gsang ba dang po mchog /gzhan yang snying po
160b2 bstan pa dang / /dkyil 'khor la sogs cho ga che/ /sna tshogs phyi ma'i rgyud dang bcas/ /dngos grub thams cad rab grub byed/ /'jig rten thams cad khams chen po/ /phra
160b3 rab rdul rnams dang mnyam pa/ /snying po chen po 'di nyid kyis/ /grub pa'i bden pa dam par gyur/ /de nas bde gshegs de rnams ni/ /de yi tshig mchog gsan gyur
160b4 nas| |dang po'i dkyil 'khor grub stsol ba/ /de tshe de la gsol ba btab/ /chags pa dang bral 'dul ba'i phyir/ /chags bral bstan par bya ba'am/ /'dod chags
160b5 thams cad rnam dag phyir/ /nyid kyi thugs kyi cho ga gsungs/ /de nas bcom ldan 'das kyis rdo rje'i glu chen po gsungs zhing dkyil 'khor brtag par mdzad do/ /thams
160b6 cad rjes su chags pa bde ba dam pa'i thugs/ /rdo rje sems dpa' khyod ni rab tu byung ba yin/ /rab tu dga' ba 'gro ba kun gyi bde chen po/ /brtan mtho de ring
160b7 bdag la myur grub mngon phyogs mdzod/ /ces bya ba'i dkyil 'khor glu len cing brtag par mdzad do/ /dkyil 'khor chen po'i sbyor ba yis/ /dang po'i dkyil 'khor
161a1 @#/ /brtag par bya/ /phyag na rdo rje thams cad du/ /rdo rje lha mo la sogs tshogs/ /ji ltar cho ga bzhin du ni/ /brgyan par bya ste rab 'jug bya/ /
161a2 g.yon du bu mo rdo rje 'dzin/ /bsdus te rnal 'byor bcang bar bya/ /rdo rje dang bcas bsnyems pa yi/ /phyag rgya mchog gis rang nyid 'jug /dkyil 'khor de ru zhugs
161a3 nas kyang / /lan gsum du ni bskor bar bya/ /rdo rje sems dpa'i mdun 'dug ste/ /de nyid gsang ba'ang brjod par bya/ /hUM hUM mahA su kha badzra satwa dzaHhUM baM hoH/ sa
161a4 ma ya s+t+waM a nu rak+to me b+ha ba/ su to Sh+yo me b+ha ba/ dr-i T+ho me b+ha ba/ su po Sh+yo me b+ha ba/ a d+hi tiSh+Tha b+ha ga bAn/ a na di ni d+he na swAhA/ ma hA su kha badzra satwa sa ma ya gu h+ye sa ma
161a5 ya/ sid+d+hi m+me pra ya ts+tsa oM ha ha ha ha a/ de nas rab tu dga' bas rdo rje lha mo dga' ba'i gtam bya'o/ /oM badzra muSh+Ti sa ma ya ke phaT/ badzra ki li ki li ho/ /hUM sma ra
161a6 badzre Ne ban+d+ha hUM hUM tuSh+Ta badzra hUM/ de nas bcom ldan 'das kyi mdun du nye bar 'dug ste/ de bzhin du bcom ldan 'das pa bdag la grub par mdzod cig ces bcom
161a7 ldan 'das la gsol ba brjod par bya'o/ /myur du thams cad rjes chags par/ ki li ke las thams cad nus/ /thams cad rjes su chags dran dang / /rtag tu
161b1 legs par mnyes gyur bdag /oM mahA su kha sid+d+hi badzra satwa dzaHhUM baM ho/ /sid+d+hi sa ma ya s+t+waM sid+d+hi hUM/ de nas bde ba chen po'i rdo rje'i chus dbang bskur zhing 'thungs la rdo rje rtse lnga ba bzung
161b2 ste| bdag rdo rje sems dpa' yin no zhes rang gi ming brjod la snga ma bzhin du gar gyi mchod pas mchod pa bya ste/ ci ltar rnyed pa'i yul dang ldan pas slob ma dang lhan cig mchod
161b3 pa byas nas 'byung bar bya'o/ /slob ma gzhug par bya zhing rang nyid kyang der zhugs pas dkyil 'khor thams cad du zhugs par 'gyur ro/ /rdo rje slob dpon thams cad phyag rgya thams
161b4 cad kyi bdag po/ dam tshig thams cad shes pa/ thams cad la tshar gcod pa dang / phan 'dogs par nus pa/ dngos grub thams cad phun sum tshogs pa'i ye shes kyi las
161b5 byed pa/ rang nyid 'jug pa tsam nyid kyis slob dpon ma yin pa dang / dkyil 'khor du ma zhugs par skad cig nyid kyis bcom ldan 'das kyi byin gyis rlob par 'gyur ro/ /de ci'i phyir
161b6 zhe na/ 'di ltar bcom ldan 'das nyid nges par rang nyid rang gi dam tshig gi rdo rje slob dpon du gyur nas 'jug par mdzad do/ /las thams cad kyi cho ga rgyas pa yang mdzad pa yin no/ /
161b7 snying po 'di'i byin gyis rlabs kyis dkyil 'khor du ma zhugs nas yang dkyil 'khor thams cad du zhugs pa dang / thams cad kyi slob dpon du 'gyur ro/ /lan gcig bzlas pa byas
162a1 @#/ /pas mi sod pa dang / mi tshugs pa dang / thams cad du sna tshogs pa'i yi ge rnams kyis mthong ba dang / thos pa dang / rig pa dang / shes pa yin
162a2 no| |rdo rje 'chang chen po dang bcas pa'i de bzhin gshegs pa thams cad ma lus par mdzad nas/ dngos grub thams cad de la stsol ba yin no/ /yongs su sbyang ba dang brten
162a3 pa'i don du ma yin no/ /bgegs byed pa rnams kyang sdug bsngal ster bar 'gyur ba ma yin no/ /bcom ldan 'das bde ba chen po/ /rdo rje 'chang chen shin tu brtan zhing shin tu dgyes
162a4 pa| rjes su chags pa/ shin tu rgyas pa/ dngos grub thams cad dang / phun sum tshogs pa thams cad dang / ye shes thams cad dang / las thams cad gdon mi za ba'i grub pas
162a5 myur du grub par mdzad pa yin no/ /'on kyang gang gis bris sam/ 'drir bcug gam/ /lan gcig brjod pa'am/ 'dzin pa des ma bsgrubs shing dkyil 'khor du ma zhugs na yang tshe 'di
162a6 nyid la ci ltar mngon par 'dod pa'i mchog gi dngos grub thams cad 'grub pa yin no/ /de ci'i phyir zhe na/ 'di lta ste/ don yod cing thogs pa med pa de bzhin gshegs pa thams cad
162a7 kyi bdag po'i bdag dang / de bzhin gshegs pa thams cad kyis kyang bar chad byed par mi nus te thams cad rjes su chags pa nyid kyi phyir ro/ /sangs rgyas kyi byang chub kyang rjes
162b1 su chags pa las byung ba yin no/ /'dod pa brtan pas rjes su chags pa ste/ de mi 'dod pa ji ltar mchog gi bde ba chen po la sogs pa'i go 'phang thams cad du 'gyur ro zhes bya bar
162b2 thogs pa med pa'i bcom ldan 'das chags pa chen po'i bde ba chen pos gsungs so/ /grub na bde ba chen po ni/ rdo rje chags pas skad cig ster/ /sgrub pa'i dam tshig 'di yin te/ /'di ni kun
162b3 gyis 'da' bar dka'/ /sdig pa chen po byed pa'am/ de bzhin dkyil 'khor ma mthong bar/ lan gcig bzlas pas sdig sbyangs pas /mchog sgrub pas ni grub par 'gyur/ /rtog par gsungs
162b4 pa'am/ 'dod pa yis/ /gzugs brnyan rjes su dran bsgoms na/ /snying po yang na glegs bam du/ /thams cad nyid phyir bdag po grub/ /nga la gzugs brnyan med pa dang / glegs bam med par 'gyur
162b5 na yang / /yi ge hUM ni thams cad du/ /bris te bdag sgrub bsgrub par bya/ /zhes bya ba don yod cing thogs pa med pa'i dngos grub can rdo rje 'chang chen pos gsungs so/ /de nas rtog pa'i rgyal po 'di'i/ /las
162b6 kun sgrub par 'dod na ni/ /dkyil 'khor thams cad thig btab nas/ /mtshan ma'i phyag rgya bri bar bya/ /dang po'i rdo rjes zhugs nas brjod par bya ste/ chags pa che las thogs pa che/ /
162b7 thogs pa che las bde ba che/ /bde ba che las rdo rje brtan/ /rdo rje las ni phyag rgya 'byung / /sku gsung thugs kyi rdo rje yi/ /gzugs brnyan rab tu sbyor ba yis/ /phyag rgya thams cad bshad pa
163a1 @#/ /ste| |dam tshig 'da' bar dka' ba'o/ /phyag rgya bcings pa tsam gyis ni/ /sangs rgyas rdo rje 'chang la sogs/ /yang dag bsdus par gyur nas ni /
163a2 mnyam pa'i 'jig rten grub par 'gyur/ /ji ltar rgyal po'i phyag rgya yi/ /bka' ni 'da' bar dka' ba ste/ /de bzhin rgyal ba kun gyi ni/ /phyag rgya 'da' bar nus pa min/ /
163a3 sangs rgyas nyid dam rdo rje 'chang / /de ltar bskal ba bye ba yis/ /thob min ji ltar phyag rgya mchog /bsdus pa tshe 'di nyid la thob/ /ji ltar gdul bya'i 'jig rten ni/ /
163a4 de bzhin dngos grub gsungs pa yin/ /de yi thabs ni phyag rgya ste/ /dngos grub thams cad byed pa mchog /de bzhin cho ga rgyas pa dang / dngos grub thams cad
163a5 gdon mi za'o/ /de nas dang po'i dkyil 'khor gyi gsang ba'i dam tshig gi phyag rgya bcing ba 'di yin te/ sor mo thams cad kun sbyar nas/ /rdo rje thal mo zhes brjod
163a6 do| |sor mo nang du bcings pa las/ /rdo rje bsdams par yang dag bshad/ /rdo rje bsdams pa'i nang du ni/ /mdzub mo mthe bong yang dag sbyar/ /g.yas pa yi ni mthe
163a7 bong btegs/ /bcug ste btsir ba'i lcags kyu 'dzin/ /mda' lnga bsdus pa bcings nas ni/ /dbus ma'i bcings pa nang du gnas/ /mthe bong bsnyams pa'i mtha'
163b1 rdo rje| |dang po'i bde ba dam pa bstan/ /mtheb mdzub rtse sbyar dbus ma'i rtse/ /mig 'bras ltar sbyar 'dzin pa 'o/ /dbus ma'i rdo rje'i 'og tu ni/ /mthe bong gis mnan btsir
163b2 bar bya'o/ /rdo rje 'dren ma dang 'dra ba/ /srin lag mthe'u chung kha phye ba/ /bskor nas pus mor bzhag pa ni/ /dang po'i rdo rje las byung ba'o/ /gyen du gtor dang thur du blugs/ /
163b3 mthe bong sbyar nas bskor ba dang / rab tu brkyang zhing byug pa dang / /bskor zhing spyi bor gnas pa dang / /bskor nas snying gar bzhag pa dang / /yongs su bskor zhing
163b4 dgod pa'o/ /kha las gyen du 'byung ba dang / de bzhin gar gyis bskor ba dang / mdzub mo'i sor mo gnyis kyi dang / /g.yon pa'i mdzub mo g.yas kyis bzung / /mdzub
163b5 mo'i mthe bo bcing ba dang / mthe bong mtha' ma'i nang du bzhag /khu tshur gyi phyag rgya rnams so/ /de nas don yod cing thogs pa med pa 'di rnams kho na'i las kyi phyag rgya
163b6 bcing ba mchog tu gsang ba bla na med cing bla ma'i las kyi tshogs sgrub par byed pa de bzhin gshegs pa thams cad dang bcas pa'i bdag gis kyang gnon par mi nus
163b7 so| |de la bde ba chen po'i rdo rje dbus ma las rdo rje sen mo'i rtse mo mchu la sogs par gzhag pa dang / 'khor lo rab tu bskor ba dang / rdo rje nu dang / ci ltar 'dod
164a1 @#/ /pa'i dngos grub kun tu byed pa rnams kyis rdo rje 'chang chen po dang / sangs rgyas dang / byang chub sems dpa' rnams dang / rdo rje rin po che dang /
164a2 mchog gi dngos grub po/ /rdo rje 'dren mas ni mig 'bras kyi las so/ /g.yas pa dang / g.yon pa'i mig gis bltas pas thams cad rjes su chags pa'o/ /mig 'bras
164a3 tshur 'dren pas ni dgug pa'o/ /gzhug pas thams cad gzhug pa'o/ /btsir bas 'ching ba'o/ /btsums pa med pas dbang du bya ba'o/ /rdo rje ki li ki las dbus ma
164a4 la tsum pa na dang / 'khyud pa dang / btsir ba dang / rol ba dang / dbus ma dang / mthe bo'i rtse mor bde bar brdeg pas mthong ba dang / rol ba dang / btsir ba rnams
164a5 kyis thams cad la rol ba ste/ rgyu ba dang / mi rgyu ba thams cad du lha'i gzugs kyis bud med rnams 'byung ba yin no/ /ci srid 'di rnams dang rol cing rdo rje sems
164a6 dpa'i btsun mo la yang rol par byed do/ /rdo rje chu srin mas btsir ba dang / gyen du bteg pa dang / myang ba dang / drung du 'gro ba dang / myur du za ba rnams kyis brtan pa'i
164a7 chags pas bcing ba dang / thams cad las rnam par rgyal ba dang / chu'i nang du gnas pa dang / 'chag pa dang / thams cad za ba grub pa'o/ /rdo rje bskor bas g.yo
164b1 zhing g.yo ba dang / lhod par byed pa dang / btsir ba dang / dbus ma phan tshun lhan cig dgug pa dang / mgyogs par dbus ma'i rdo rje dral ba rnams kyis khro bo thams cad
164b2 'bar ba dang / rab tu zhi ba dang / thams cad la rgyas btab pa dang / ltung ba dang / gsod pa rnams myur du 'grub pa'o/ /mthe bo rdo rje'i nang du zhugs pa'i mchod pa rnams
164b3 kyis mchod na rdo rje 'chang chen pos kyang mchod par 'gyur ro/ /de bzhin du lha'i bu mo rnams kyis mthe bo rdo rje'i nang du zhugs pa'i las rnams kyis lha'i bu mo thams cad
164b4 kyang bkug nas rol pa la sogs pa'i las thams cad nye bar sbyar ba'o/ /rdo rje lcags kyu ma la sogs pa'i nang gi khu tshur gyis las rnams kyis yid kyis 'dod pa'i
164b5 dngos grub thams cad do/ /de nas dngos grub thams cad kyi rgyud ni rdo rje sems dpa'i phyag rgya chen pos dngos grub dang / dam tshig dang / ye shes dang / las kyi dngos
164b6 grub grub pa'o/ /don yod pas grub pa myur du thams cad kyi bdag nyid bcom ldan 'das kyis byin gyis brlabs pas yid kyis 'dod pa grub pa'o/ /rab tu dga' ba'i
164b7 rdo rjes rtags kyi rtse mo g.yo ba las thams cad do/ /skye gnas g.yo bas kyang de bzhin no/ /bde ba chen po'i rdo rje dbus ma'i las byed pas dngos grub thams cad
165a1 @#/ /sgeg mo dga' ba'i rdo rje mig mi g.yo bar byed pas las thams cad bsgrub par byas na thogs pa med pa'i dngos grub kyis grub par 'gyur
165a2 ro| |de bzhin du rang gi phyag mtshan rnams kyis dngos grub thams cad grub par 'gyur ro/ /dang po nyin re lan gcig tu/ /phyag rgya chen pos snying po bzla/ /rdo rje nye ba'i
165a3 snying po yis/ /phyag rgya thams cad nges sbyar bya/ /thams cad don yod grub pa'o/ /bde ba chen po rdo rje che/ /gsang ba'i rtog pa mchog phyir ma/ /sgrub pa'i don yod dam
165a4 tshig ni/ /snying pos skad cig dngos grub ster/ /rtsa rgyud phyi ma'i rgyud dang bcas/ /phyag rgya'i rgyud ni bla na med/ /dngos grub mchog ni de bzhin du/ /bla na med pa'i ye shes
165a5 grub| |de nas dang po'i dkyil 'khor la sogs pa'i phyag rgya thams cad rgyud kyi cho ga rgyas pa'o/ /de nas bcom ldan 'das kyi phyag rgya chen po'i rgyud ni/ /pang ba g.yon du
165a6 dgod bya ba/ /zhabs kyi pad+ma ci bder bri/ /rdo rje skyil mo krung bcas nas/ /sku ni drang por 'dzin pa bde/ /bsnyems bcas rdo rje gsor nas ni/ /rdo rje bsnyems pa yang
165a7 dag 'chang / /sku gsung thugs kyi rdo rje yis/ /rdo rje sems dpa' rang nyid 'gyur/ /'dis ni rdo rje sems dpa' nyid/ /sangs rgyas nyid dam sras nyid dam/ /dngos
165b1 grub kun gyi dbang phyug nyid/ /tshe 'di nyid la 'grub par 'gyur/ /sku gsung thugs kyi rdo rje yis/ /ji bzhin phyag rgya'i rjes 'brangs nas/ /mtshan ma'i phyag rgyar ldan pa yi/ /
165b2 sems dpa' chen po rang nyid 'gyur/ /phyag rgya chen po'o/ /de nas dam tshig gi phyag rgya bcing ba ni bde ba chen po'i rdo rje bshad do/ /rdo rje mda' la sogs pa'i bzhi bo 'di las
165b3 byung ngo / /mdzub mo gnyis kyis lcags kyu'i phyi rol tu mngon par phyogs pa'o/ /mthe bos 'khyud pa'o/ /mthe bo gnyis kha phe la mdzub mo gnyis kyi dbus ma'i rtse mo 'dren
165b4 cing srin lag dang / mthe'u chung mnyam por sbyar la rtse mo so sor kha phye bas chu srin gyi rgyal mtshan gyi bsgreng ba'o/ /brla gnyis la bskor zhing gnas pa'o/ /de bzhin du mtshams
165b5 rnams la rdo rje thal mos bskor bas so/ /sgo'i phyag rgya rnams ni rdo rje bsnyems pa'i khu tshur gyis so/ /bde chen mchog gi phyag rgya che/ /de bzhin dngos grub rab stsol ba/ /
165b6 mda' sogs dam tshig sna tshogs pa'i/ /dngos grub chen po mchog ster ba'o/ /de nas chos kyi phyag rgya ni/ /ho bid hUM d+h+r-i ka hUM/ de rnams kyang dngos grub thams cad stsol
165b7 ba'o| |de nas las kyi phyag rgya ni rdo rje khu tshur rdo rje med pa rnams kyis rtogs par bya'o/ /g.yon pa'i rdo rje bsnyems pas g.yas pa'i khu tshur gtod pa'i tshul gyis snying gar
166a1 @#/ /bzung bar byas pa rdo rje bsnyems pa ste/ rab tu dga' ba brtan par byed cing dngos grub thams cad stsal ba'o/ /mda' gzhu gtod pas rdo rje mtshon
166a2 cha ma'o/ /'og tu 'khyud pa'o/ /rgyal mtshan gyen du bsgreng ba'o/ /bsnyems pa gnyis gtod pa'o/ /sgeg pa dang bcas mtha' mal sogs pas bkrol bas glog 'gyu ba'i gar
166a3 g.yas su yongs su bskor bas me tog la sogs pa'i ka bu ta'i thal mo spyi bo nas phab/ rdo rje thal mo bkrol bas de bzhin du sgeg pa dang bcas pas mchod pa dor bar
166a4 bya'o/ /rdo rje gar ni nang gi mtshams la'o/ /rdzogs pa'am ni ma tshang ba/ /yang na ji ltar rnyed pa bzhin/ /me tog mchod la sogs ma yis/ /dngos grub mchog stsol
166a5 thun mong yin/ /dam tshig gi phyag rgya'i sbyor ba'i mtshan ma yongs su gzung ba'o/ /'di rnams kyang don yod pa'i las sgrub pa rnams so/ /rdo rje khu tshur gyi bdud rtsi'i
166a6 chu bzla'o/ /'jug pa'i cho ga'i phyag rgya bshad pa ni/ dkyil 'khor chen po thams cad kyi rdo rje slob dpon gyis byin gyis brlabs pa'i gsang ba'i dam tshig ces bya ba'i
166a7 'jug pa'i phyag rgya gnyis pa ni/ rdo rje bsdams pa bcings nas ni/ /g.yon mtheb mdzub mo'i skye gnas su/ /g.yas pa mthe po'i ltag bcug la/ /btsir ba bde ba
166b1 ster ba'o/ /mdzub mo lcags kyu bcings pa des/ dkyil 'khor mchog tu 'jug par bya/ /yang na sems dpa' gang la 'jug /de der myur du 'grub par 'gyur/ /rab tu dga'
166b2 ba'i rdo rje ma'o/ /rang gi khu tshur gyis rdo rje bdud rtsi'i chu blangs nas chu'i rgyun des dbang bskur te 'thung du bcug na dbang bskur bar 'gyur ro/ /dbang bskur ba thams cad
166b3 kyis na tshod dar la bab pa dang / nad med pa dang / dngos grub thams cad dang ldan par 'gyur ro/ /'di la rims dang / gdon dang / dug dang / sbyar dug dang / mkha' 'gro ma
166b4 dang / phyag rgya la sogs pas gnod pa byed par mi nus so/ /skyil mo krung gis ni gar dang / mchod pa 'bul bar bya'o/ /de nas mchod pa ni rdo rje gar gyis so/ /rdo rje glu blangs pas
166b5 rdo rje gar dbul ba ni 'khor los bsgyur ba'i gar gyis so/ /rdo rje khu tshur yongs su bzung ba rdo rje gtod pas rdo rje mtshon cha la sogs pa bsgreng bar bya ste/ mthar sgeg mo
166b6 dga' ba'i rdo rje gsang ba'i bzhad pa dang bcas pa'i zhal dang / spyan g.yo bas phyag 'tshal ba'o/ /bcom ldan 'das rdo rje 'chang dgyes pas dga' ba thams cad la sogs pa'i
166b7 bde ba dang / yid bde ba thams cad kyi dngos grub stsol ba yin no/ /rdo rje bsdams pa btsir ba rang gi snying gar bde ba dgrol na dkyil 'khor dgrol ba la rdo rje sems dpa'i
167a1 @#/ /sgom pas re khA dang rdo rje yid kyis gyen du bteg la rim pas nang gi dkyil 'khor du zhugs na dam tshig nyams par mi 'gyur ro/ /rdo rje sems
167a2 dpa'i sgom pas dkyil 'khor la phyogs na dam tshig nyams par yang mi 'gyur ro/ /de nas las kyi phyag rgya'i rgyud ni/ bde ba chen po rdo rje spyi bo dang / dpral ba dang / snying
167a3 gar bzhag pa phub ste/ phyogs thams cad du 'bar ba'i ra ba 'byung bar 'gyur te/ rdo rje khro bo'i rgyal po chen po rnams kyis kyang 'jug par mi nus so/ /snying gar sgom pa
167a4 rdo rje dang bcas pa'o/ /gyen du kha blta bas ltung bar bya'o/ /rang gi gdong yongs su sbyangs nas gdong par dgrol bar bya'o/ /dbus ma'i rdo rje brtag par bya'o/ /dpung
167a5 mgo gnyis su bzhag cing snying gar bzhag par bya'o/ /dar dpyangs kyi dbang bskur ba mthong ba'o/ /skye gnas las dang / tshe 'byin pa'o/ /spyi bor gzhag par bya'o/ /sa
167a6 la reg par bya'o/ /rab tu dga' ba'i rdo rje'i rtags kyi lcags kyus so/ /rtse mo gtod pa'i skye gnas bkrol ba lag pa g.yon pa'i mthil nyed cing bsnun par bya'o/ /de btsir
167a7 bar bya'o/ /mig btsum par bya'o/ /bskor zhing btsir nas khro bo'i lta bas blta bar bya'o/ /yongs su bskor nas kha'i mthar mche ba bstan pa'i g.yas pa'i mdzub mos
167b1 sdigs mdzub bo/ /mdzub mo la ldang bar bya'o/ /mthe bong btsir bar bya'o/ /yi ge mus phyag rgya dgrol ba'o/ /dang po mthe'u chung gi rdo rjes bsnun par bya'o/ /de nyid rnam par 'gyur
167b2 ba'i gdong pas so/ /de nyid yongs su bskor nas dpral bar gyen du kha blta bas gnas pa'o/ /de nyid kyis nam mkha' la rdeg pa'o/ /g.yo zhing btsum pa'i mig gis phyag rgya
167b3 bcings pa dgrol ba'o/ /mthe'u chung gi nor bus reg par bya'o/ /mdzub mo mnyam pas zhabs kyi sor mo brje bar bya ste/ bza' ba'am/ yid kyis gzhag par bya'o/ /mdzub
167b4 mos sbyin sreg byed pa'o/ /rab tu dga' ba'i rdo rje gdong par dgrol bar bya'o/ /sbyin sreg byed pa'o/ /mthe'u chung gnyis skye gnas la sbyar te phyag rgya dral bar bya'o/ /srin
167b5 lag dang mtha' ma mnyam par sbyar sor mo ba dan gyi tshul du bsgreng bar bya'o/ /rdo rje bsdams pas legs par byed pa mdzub mo mthe bong mnyam por phye ba dang bkug pa bskor
167b6 nas dral bar bya'o/ /rdo rje bsdams pa rab tu brkyang pa'i mthil sa la reg par bya'o/ /dang po'i rdo rje sprin skyed pa'o/ /mdzub mos char bskyed par bya'o/ /mdzub mos bzlog
167b7 par bya'o/ /rdo rje blta bas 'phrog par bya'o/ /rab tu dga' ba'i rdo rje bshad do/ /mdzub mo gcig gi nor bu'o/ /mthe'u chung rdo rje sdigs mdzub bo/ /mdzub mos sa 'og
168a1 @#/ /nas chu mig bkug la bstan pa'o/ /bde ba chen po rdo rje sa la bzung nas g.yo bar bya'o/ /mdzub mo gnyis kyis gdengs ka'i tshul bstan pa'o/ /
168a2 rtse mo bzhi'i 'od zer gyis me stag ston pa'o/ /mdzub mos rlung skyed pa'o/ /rab tu dga' ba'i rdo rjes mdzub mo'i rtse mos me long dang / rol pa dang / nam mkha' la
168a3 rdo rje blta ba dang / steng du bskor bar bya'o/ /rdo rje'i mdangs shing drung thams cad dang / nags dang / skyed mos tshal dang / 'bru thams cad la gzhag par bya'o/ /
168a4 mdzub mo rnon pos klog par bya'o/ /bdag nyid kyis thams cad la drang bar bya'o/ /phyi rol gyi dpung mdun du bskor bar bya'o/ /rdo rje khu tshur gnyis kyis glog 'gyu
168a5 bas bskor bar bya'o/ /glog 'gyu bas nam mkha' la bskor bar bya'o/ /g.yas pas g.yon pa la brdeg par bya'o/ /rdo rje khu tshur gnyis g.yo zhing g.yo ba
168a6 med pa la gzhag par bya'o/ /mdzub mo mnyam pa'i dkyil 'khor ni nor bu'o/ /mdzub mo'i rdo rje'i g.yon pa'i mthe bong gi bu gar g.yas pa'i mdzub mo gzhug
168a7 par bya'o/ /rab tu dga' ba'i rdo rjes steng du nam mkha' la dka' ba bskyod pa dang / skye gnas g.yo ba dang / dbus ma'i rdo rje bskyod cing btsir ba'o/ /rdo rje yid
168b1 las byung ba dang / rdo rje kI li kI la dang / rdo rje chu srin dang / rdo rje bsnyems ma ni bshad pa'o/ /rdo rje bsdams pa'i mdzub mos gsol ba 'debs par byed pas mdzub mo
168b2 gnyis kyi rang gi mig bkab la yid kyis ci ltar mngon par 'dod pa bsgom par bya'o/ /sbyin sreg byed pa'o/ /mdzub mos rang mig btsum par bya'o/ /sos gzung
168b3 bar bya'o/ /btung bar bya'o/ /rtse mo bskyod cing sbyin sreg bya'o/ /mthe bo'i 'og tu rab tu brkyang la sbyin par bya'o/ /rdo rje sku'i phyag rgya mchog ni mthe bong sems dpa'i
168b4 skyil mo krung gi mdzub mo rdo rje ni rdo rje'i sku mchog go /dbus ma'i mnyam pa'i mgo lcogs kyis ngag 'byin pa'o/ /snying gar bzhag nas/ oM bo d+hi tsit+ta uta pA da yA mi
168b5 zhes bya ba bsgom mo/ /mthe bo'i rtags g.yon pa'i mthe bo'i bu gar gzhug par bya'o/ /rdo rje khu tshur gnyis glog 'gyu ba ltar bskor bas rdo rje 'khor lo'o/ /rdo rje
168b6 bsnyems ma rdo rje dang bcas pa'o/ /yi ge hUM gis sdigs mdzub bo/ /rab tu dga' ba'i rdo rje gar gyi kha sbyor ro/ /rdo rje bsnyems ma bshad do/ /mthe'u chung gi zur gyis
168b7 mdud pa'i rtse mo mnyam pa yongs su bskor/ 'og nas bteg pa mdzub mo mnyam pa'i rtse mo dang / dbang bskur ba'i gnas su gzhag na rdo rje mdzod spu'o/ /de bzhin
169a1 @#/ /gshegs pa thams cad kyi khu tshur ni 'og nas bshad par bya 'o/ /rdo rje gar gyi bshad pa yin no/ /mdzub mo phyir phyogs pa bslang ba'i rdo rje
169a2 snying gar badzro haM zhes bya ba ni phyag rgya chen po'o/ /de bzhin du snying gar rdo rje sgom zhing ma hA sa ha haM zhes bya'o/ /ye shes kyi khu tshur gyis ta thA ga toHhaM bcom ldan
169a3 'das kyi phyag rgya chen po bshad do/ /de nas/ rdo rje khu tshur bcing pa ni/ /mdzub mo rdo rje bsdams pa bcing / /mdzub mo bkug pa gnyis kyis brgyan/ /mtha' ma
169a4 gnyis kyi nang du ni/ /mthe bong gnyis kyi kha sbyar ba/ /dam tshig chen po rdo rje mchog /khu tshur dngos grub mchog kun stsol/ /rdo rje khu tshur rab tu brtags// //
169a5 de nas de bzhin gshegs pa'i rigs kyi phyag rgya'i rgyud kyi cho ga rgyas pa ni phyag rgya chen po rnams ni ta thA ga to nya haM zhes bya bas bcing bar bya'o/ /dam tshig cho ga
169a6 mchog ni mthe bong mthe chung mnyam pa'o/ /rdo rje sna tshogs rdo rje 'o/ /mda' la sogs pa bcing ba ni de bzhin no/ /las kyi phyag rgya rnams ni nyid do/ /de bzhin
169a7 gshegs pa'i khu tshur gyis de bzhin du bcing ba 'o/ /lcags kyu ma bzhin no/ /khu tshur gyi khyad par rdo rje bsdams pa'i khu tshur mthe bong gnyis la gnas pa
169b1 dam tshig gi khu tshur te/ de gnyis su byas pa de bzhin gshegs pa'i khu tshur ro/ /de bzhin gshegs pa'i khu tshur gnyis dang / dkyil 'khor lngas phyag 'tshal zhing 'jug
169b2 par bya'o/ /'di dag kyang dngos grub thams cad stsol ba'o/ /de nas las kyi phyag rgya bcing ba ni rdo rje sku mchog gis spyi gtsug dang / mdzod spu dang / snying khar bzhag ste/
169b3 bskor zhing bskor bas mkhur tshos dang / gtsug tor du gzung bar bya'o/ /de bzhin gshegs pa'i khu tshur gnyis kyi mdzub mo gnyis kyis sdigs mdzub bya ba dang / sbyin pa'i
169b4 tshul bya'o/ /g.yon pa snying gar bzung ste/ g.yas pa'i mdzub mo gcig gis sa la reg pa'o/ /g.yon pa'i khro bo'i mdzub mo g.yas pa'i khu tshur gyi nang du mngon par phyogs
169b5 pas de bzhin gshegs pa thams cad kyi khu tshur sangs rgyas nyid du myur du thob pa'o/ /rdo rje bsdams pa'i 'og tu bcing bas brtan pa'i skyil mo krung ngo // //de
169b6 nas rdo rje rigs kyi phyag rgya'i cho ga rgyas pa'i rgyud ni/ 'jug pa'i phyag rgya rab tu dga' ba'i rdo rje khro bo'i dgug pa'i phyag rgya de nyid do/ /phyag rgya chen po rnams kyang de bzhin no/ /
169b7 dam tshig ni 'og du rdo rje bsdams pa'i sor mo thams cad 'bar ba'i nang du mthe bong rdo rje ni rdo rje khro bo ti rin ti ri ste/ rdo rje 'chang chen po sgrub par byed pa'o/ /gzhan dag
170a1 @#/ /kyang de bzhin no/ /chos kyi rnams ni de bzhin te/ las kyi phyag rgya rnams ni de bzhin no/ /khu tshur gyi khyad par ro/ /rdo rje khu tshur gyi mdzub mo sdigs
170a2 mdzub bo/ /dam tshig las byung ba ni de bzhin no/ /de nas las kyi phyag rgya rnams ni rdo rje hUM mdzad las byung ba'o/ /lag pa rdo rje'i mthe'u chung gdu bur bcings pa'i sdigs
170a3 mdzub ni/ rdo rje hUM mdzad de g.yon brkyang pas gnas pa'o/ /g.yon pa'i mdzub mo'i rdo rje sdigs mdzub bo/ /sna'i dbugs dang / yi ge hUM gis so/ /khros pas yi ge a sbyar
170a4 bar bya 'o/ /ha har dgod pas bzhad par bya'o/ /snying gar rdo rje bsgoms pas rdo rje'i phyag rgya chen po'o// //de nas pad+ma'i rigs kyi phyag rgya'i cho ga rgyas
170a5 pa'i rgyud ni/ de bzhin gshegs pa'i rdo rje'i mdzub mo gnyis bkug la de'i snying gar gzhag pa ni rdo rje pad+ma'o/ /phyag rgya chen po la sogs pa'i phyag rgya thams cad ni de
170a6 bzhin no/ /dam tshig gi khyad par dang / khu tshur gyi khyad par ro/ /kha 'bus pa'i thal mo las mthe bo dang / mthe'u chung kha phye bas 'dab ma bzhi pa'i pad+ma chen po'o/ /thams
170a7 cad bcing ba ni ci lta ba bzhin no/ /khu tshur gyi khyad par ni rdo rje bsdams pa'i mdzub mo gnyis bkug la mthe bong mnyam par brkyang la dbus ma gnyis phyi rol tu
170b1 gshibs pa dang bcas pa bzhag pa ste de gnyis su byas pa pad+ma'i khu tshur ro/ /de nas las kyi phyag rgya rnams ni pad+ma chen po'i bshad pa'o/ /de nyid spyi bo la'o/ /de nyid rdo rje
170b2 lta bas blta bar bya'o/ /de nyid sor mo thams cad kha phye bas so/ /de nyid rdo rje gnyis gnyis kyi mig go /de nyid legs par byed pa'o/ /de nyid dpral bar byas nas gsol ba
170b3 gdab par bya'o/ /de nyid g.yon pa'i skye gnas su mthe bo'i rtags bcag pa'o// //de nas nor bu'i rigs kyi phyag rgya'i rgyud kyi chog rgyas pa ni/ rdo rje thal mo rab
170b4 tu brkyang zhing mthe bong mnyam po la mdzub mo bkug pa bzhag ste dpral ba'i mdzod spu'i phyogs su bzhag na dbang bskur ba thams cad gsol ba'o/ /phyag rgya chen po la sogs
170b5 pa'i phyag rgya thams cad bcing ba de bzhin no/ /dam tshig gi rdo rje bsdams pa'i mdzub mo gnyis phyir bkug pa'i sor mo mnyam por nor bu mthe bong rdo rjes bkag pa rdo rje nor
170b6 bu'o/ /gzhan rnams ni de las byung ba'i rdo rje rin po che'i khu tshur ro/ /de gnyis su byas nas rin bo che'i khu tshur ro/ /de nas las kyi phyag rgya rnams ni rdo rje rin po che bsgreng ba bsgrub
170b7 par bya ba'i myu gu'o/ /kha sbyar nas srin lag dang mthe'u chung mnyam por kha phye bas mchog gi dar dbyangs 'dzin pa'o/ /dbus ma'i nor bu'o/ /mthe'u chung gi rtse mo'o/ /'og
171a1 @#/ /du gtor ba'o/ /rdo rje bsdams pa las ni mdzub mo'i nor bu brkyang ba'i phreng ba'o/ /rdo rje rin po che gsum mdun dang / logs gnyis su bcing bar
171a2 bya'o/ /rdo rje rin po che'i mdzod spu'i phyogs su bzhag ste mdzub mo'i rtse mos steng du mdud pa dar dpyangs kyi tshul du bya'o/ /mthe bong gnyis brtan pa'i skyil mo krung byas
171a3 la mdzub mo gnyis bkug nas mnyam pa'i kha 'bus pa'i mchog gi lus can de bzhin gshegs pa thams cad kyi sku'i mchog go /des spyi bo nas brtsams te mdun
171a4 dang / g.yas dang / rgyab dang / g.yon du bya ba byas nas de bzhin du mdun dang / rgyab dang / logs gnyis su sgeg pa dang / bcas pas mtha' ma la sogs pa bkrol ba
171a5 byas nas/ phreng ba bcing ba'i mdud ba bya zhing dar dpyangs kyis tshul du bya ste/ rdo rje sems dpa'i dbang bskur ba dang srid pa gsum gyi dbang phyug thams cad kyi mchog
171a6 rdo rje sems dpa' nyid thob pa yin no/ /rdo rje thams cad kyi rtog pa thams cad ni gong du ci lta ba bzhin no/ /de nas phyi'i phyag rgya shes par bya ba ni 'di yin te/ phyag rgya chen
171a7 po ni g.yon par kham phor dang g.yas su mda' gtod pa'i phyag rgya'o/ /dam tshig gi 'jug pa ni mdzub mo dang / gung mo dang / srin lag mnyam por legs par sbyar
171b1 la rtse gsum par byas la mthe bo dang mthe'u chung gnyis lu gu rgyud ni mgon po rnams kyi'o/ /ci nas ltar bzung ba bzhin du lha mo rnams kyi phyag rgya'o/ /dam tshig ni gung me dang
171b2 srin lag rdo rje bsdams pas mdzub mo dang / gung mo dang / mthe'u chung dang / srin lag mthe bo'i sor mo'i rtsa bar bsdus pa ni sring mo bzhi'i dkyil 'khor gyi phyag rgya'o/ /gal
171b3 te dkyil 'khor brtag par mi nus na de'i tshe 'di bcings pas dkyil 'khor shin tu brtag par 'gyur te dngos grub kyang shin tu gsol ba yin no/ /lha mo rnams 'di nyid kyis spyan
171b4 drang ba dang 'jug par bya'o// //de nas sgyu ma'i 'khor lo ni g.yon pa'i steng du sor mo thams cad shin tu brkyang / dam tshig dkyil 'khor gyi 'khor lo ste/ lha ma
171b5 yin thams cad kyi sgyu ma thams cad don yod par bsgrub pa'o/ /gdengs ka can gyi dbang po'i mthe bong gnyis pas rtse mo phyi rol tu phyogs pa'i sor mo brgyad kyis gdengs
171b6 ka'i tshogs kyis klu thams cad dgug pa dang / gzhug pa dang / bcing ba dang / dbang du bya ba'i dam tshig ste lto 'phye chen po'i lag pa'o/ /gal te 'da' bar byed na 'chi
171b7 bar 'gyur ro/ /gung mo dang srin lag bzhi pos mdud pa byas la mgu ba'i tshul gyis steng du sgreng ste bsdus nas mthe'u chung gnyis kyi rtse mos brdegs par byas na dug thams
172a1 @#/ /cad 'bar ba dang / dug thams cad bcing ba dang / kun nas bsdus te brdegs pas dug thams cad 'jig pa'o/ /'di nyid kyi dug thams cad za ba
172a2 dang / 'phro ba dug med par bya'o/ /phyi rol gyi phyag rgya'i cho ga rgyas pa'i rgyud do// //de nas rtog pa thams cad bsgrub pa'i phyag rgya'i rgyud kyi cho ga rgyas pa bshad
172a3 par bya'o/ /zhes bcom ldan 'das bde ba chen po'i rdo rje gsang ba'i dam tshig chen po rdo rje sems dpas gsungs so/ /de la sku'i phyag rgya lnga ni/ phyag rgya chen po rdo rje 'chang chen
172a4 po'i rigs la'o/ /dam tshig gi phyag rgya de bzhin gshegs pa'i rigs la'o/ /rdo rje hUM mdzad ni rdo rje'i rigs la'o/ /pad+ma chen po ni pad+ma'i rigs la'o/ /rdo rje nor bu chen po ni
172a5 nor bu'i rigs la'o/ /de nas gsung gi phyag rgya lnga ni/ snyan pa'i glu'i yul thams cad kyi tshul rnams nus pa ci lta bu'i glu'i rgyun thams cad kyis glu blangs te bzlas pa ni rdo
172a6 rje sems dpa'i rigs la rab tu dga' ba'i rdo rje'i ngag go /lce dang / mchu gnyis shin tu g.yo ba med cing ngos shin tu ma 'byar ba dbyangs dang bral ba'i rdo rje'i ngag de ni
172a7 de bzhin gshegs pa'i rigs la ste/ rigs thams cad dgos pa'o/ /sprin gyi 'brug sgra yi ge hUM gi sgra phra mo dang ldan pa ni rdo rje khro bo'i rdo rje zhes bya ba'i ngag rdo
172b1 rje'i rigs so/ /ting nge 'dzin gyi ngag pad+ma'i rigs la te thams cad dag pa'i pad+ma zhes bya ba'o/ /chos kyi ngag nor bu'i rigs la te mchod pa'i nor bu'o/ /de
172b2 nas thugs kyi phyag rgya lnga ste/ thams cad bsgrub par bya ba la ni rdo rje sems dpa'i dngos pos so/ /sangs rgyas rjes su dran pas de bzhin gshegs pa'i rigs la'o/ /bdag
172b3 gam bdag gi mdun du gsad par bya'o zhes bya ba ni rdo rje'i rigs la'o/ /sbyang bar bya'o zhes bya ba ni pad+ma'i rigs la'o/ /nam mkha' thams cad bsgoms pas nor bu'i
172b4 rigs la'o// //de nas rdo rje'i phyag rgya lnga ni/ rdo rje rtse mo lnga 'od zer gyi phreng bas rtse mo yongs su khyab pa dang / bde ba chen po'i rdo rje khu tshur gyis rdo rje sems dpa'i
172b5 rigs la'o/ /rdo rje rtse lnga pa 'od zer dang bcas pa de bzhin gshegs pa'i khu tshur gyis de bzhin gshegs pa'i rigs la'o/ /'bar ba'i rang bzhin rdo rje rtse bzhi pa rdo rje
172b6 khro bo'i khu tshur gyis rdo rje'i rigs la'o/ /pad+ma'i steng gi de bzhin gshegs pa'i rdo rje'i pad+ma'i khu tshur gyis pad+ma'i rigs la'o/ /rdo rje phyed pa rdo rje rin po che nor bu'i khu
172b7 tshur gyis nor bu'i rigs la'o// //de nas rigs thams cad rtogs pa'i gsang ba thogs pa med cing gdon mi za ba'i de kho na nyid kyi bden pa myur du mchog
173a1 @#/ /gi dngos grub kyi cho ga rgyas pa bsgrub pa thams cad kyi rgyud bshad par bya'o zhes bcom ldan 'das don yod cing thogs pa med par myur ba'i mchog
173a2 gi dngos grub can rdo rje sems dpas gsungs so/ /rdo rje sems dpa'i phyag rgya chen po ni bde ba chen po'i rdo rje gsang ba'i dam tshig go /gsung gi phyag rgya ni snying po'o/ /
173a3 thugs kyi phyag rgya ni nye ba'i snying po'o/ /rdo rje'i phyag rgya ni rdo rje snyems ma'i 'o// //de nas phra mo'i las kyi phyag rgya'i rgyud don yod cing thogs pa med pa 'di yin te/
173a4 ma mchu'i sgros so rnams kyis bzung nas rdo rje'i lta bas blta zhing thams cad rjes su chags pa dang / dbang du byed pa dang / rol pa dang / brtan par byed pa'i dngos grub
173a5 skad cig gis so sor nyams su myong ba ni rdo rje sems dpa'i rigs la'o/ /rdo rje phra mos byin gyis brlabs te/ dam tshig tsam du blta ba de bzhin gshegs pa thams
173a6 cad kyi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i dngos grub thob par 'gyur ba ni de bzhin
173a7 gshegs pa'i rigs las byung ba'o/ /khro gnyer dang bcas pa'i khro bos mi bzad pa'i lta ba byas nas shin tu ma mgal bsdams nas thams cad ltung ba dang / dbab pa
173b1 dang / rengs pa dang / nyal du bcug pa dang / rgyas btab pa dang / gsod pa dang / gzhan gyi dpung rmugs pa dang / thams cad las rnam par rgyal ba'i dngos grub skad cig
173b2 mas 'byung par 'gyur ba ni khro bo'i rdo rje khu tshur rigs la'o/ /btsums pa med pas brtan pa'i rdo rje'i lta bas mchu mnyam pa ni sgrib pa thams cad rnam par sbyang ba dang / bsrung
173b3 ba dang / ting nge 'dzin mngon du gyur pa'i dngos grub 'byung ba ni pad+ma'i rigs la'o/ /'bar ba'i lta bas zhal rnam par bzhad pas dbang bskur ba thams cad dang / phun sum
173b4 tshogs pa thams cad dang / mchod pa'i cho ga rgyas pa'i dngos grub myur du thob par 'gyur ro// //de nas phyag rgya thams cad bcing ba sgrub pa ni/ /nyin re mngon
173b5 du lan gcig tu/ /snying po rang nyid bsgrub pa ste/ /rang gis bcings nas mdor bsdus pas/ /phyag rgya thams cad grub par 'gyur/ /de nas phyag rgya thams cad kyi gsang
173b6 ba sgrub pa ni/ /snying po'i phyag rgya sngags rig pa'i/ /sgrub pa 'di ni rmad du byung / /ci nus ci 'dod bzlas pa yis/ /nye ba'i snying po gsang ba 'o/ /don yod thogs med gsang
173b7 ba dang / /rang bzhin grub pa de bzhin du/ /bsod nams med pa rnams la yang / /dngos grub kun la grub par 'gyur/ /dkyil 'khor ma zhugs pa rnams la/ /snying po
174a1 @#/ /mchog 'di sbyin mi bya/ /gsang ba'am gsang rgyud dam pa ni/ /gal te dngos grub yid 'ong 'dod/ /gang gi khyim du gnas gyur pa'i/ /phyag rgya
174a2 sngags 'di dge ba ste/ /gzhan gyis mi thub mi sod cing / /dngos grub thams cad thob par 'gyur/ /dum bu gnyis pa sngags dum gyi rtsa rgyud rdzogs so// //sems
174a3 can thams cad bde don dang / /bsgrub pa thams cad sgrub pa'i phyir/ /sras bcas sangs rgyas thams cad kyis/ /rdo rje mchog 'dzin de la zhus/ /bde ba chen po rab
174a4 sgrub dang / /chags pa chen po rnam dag phyir/ /rtog pa thams cad bsdus pa'i rgyud/ /sems dpa' chen po bshad du gsol/ /rnam rtog med pa'i chos rnams la/ /
174a5 'dir ni rtog pa gang zhig brjod/ /snying po zhes ni gang bshad pa'i/ /ye shes rgyud ni ji ltar yin/ /dkyil 'khor zhes ni brjod pa ci/ /der 'jug yon tan ci dang
174a6 ldan/ /rigs kyi 'khor lo'i khyad par dang / /gzhan yang sgrub pa ji lta bu/ /rdo rje sems dpa' sems dpa' nyid/ /'di yang ci ltar de nyid gang / /thog ma tha ma med
174a7 nyid dang / /rab tu dga' ba ji ltar 'gyur/ /dang po'i snying po 'di yi yin/ /de bzhin nyid ni gang zhig yin/ /hUM gi glu ni gang gis gsungs/ /'di yi don ni ji ltar
174b1 brjod/ /sems ni rdo rje nyid dang ni/ /de bzhin phyag rgya rdo rje nyid/ /sangs rgyas rnams ni 'byung ba dang / /rigs rnams kyang ni de bzhin du/ /sangs rgyas byang chub bsgrub pa dang / /
174b2 sangs rgyas bdud du ji ltar 'gyur/ /rtogs pa rnams kyang bsgrub pa dang / /dang po'i snying po'i de nyid dang / /snying po phyag rgya sngags rig pa'i/ /sgrub pa de bzhin dngos grub rnams/ /
174b3 bsod nams med pa'i ci ltar 'grub/ /slob dpon nyid du ji ltar 'gyur/ /me tog spos dang mar me dang / /dri rnams ci yin ji ltar 'gyur/ /mchod pa yang ni ji ltar bya/ /gsang
174b4 ba'i mchod pa ji ltar yin/ /kun byed kun za sdig pa can/ /shin tu sdig can ji ltar grub/ /don yod thog med dngos grub kyis/ /de rnams ji ltar 'grub par 'gyur/ /gsang ba
174b5 de yang gang zhig yin/ /'di nyid du ni gang gis 'grub/ /bde ba chen po rab grub dang / /chags pa chen po rnam dag phyir/ /gsang ba'i de nyid gsang ba ni/ /bdag cag rnams
174b6 la kun bshad gsol// //de nas bcom ldan 'das rdo rje 'chang chen pos de bzhin gshegs pa thams cad kyis gsol ba btab pa'i tshig gsan nas/ zhal
174b7 rab tu bzhad de/ bzhad pa chen po'i dam tshig chen po thams cad kyi de kho na nyid kyi rdo rje zhes bya ba'i rnam par gnon par mdzad nas rtog pa thams cad kyi rgyud phyi ma 'di
175a1 @#/ /gsungs so/ /de la rnam par mi rtog pa khyab pa'i rgyud ni/ /rnam rtog med pa'i ting 'dzin las/ /sems can don ni yongs su brtag /des
175a2 na brtag par bshad bya ste/ /rtog pa yongs su dag phyir ro/ /de la bde ba chen po rdo rje gsang ba'i dkyil 'khor rgyud ni 'di yin te/ /sa la yi ge'i gnas bris nas/ /
175a3 bde ba chen po zhes brjod pa/ /de yi dam tshig rdo rje ste/ /snying po thams cad sgrub byed pa 'o/ /de la dkyil 'khor gyi bshad pa'i rgyud ni/ /ci ltar gnas dang ci ltar
175a4 dus/ /ci ltar 'jig rten ci lta bu/ /'khor ni dgod par bya ba ste/ /de lta bu yi dkyil 'khor 'dri/ /de nas dkyil 'khor thams cad du zhugs pa'i rnam par smin
175a5 pa'i rgyud ni/ /rdo rje sems sogs sems dpa' yi/ /'khor bcas de tshe dkyil 'khor du/ /zhugs pa'i bsod nams ci 'dra ba/ /de ltar bris pa'ang de dang 'dra/ /
175a6 de nas rigs thams cad kyi 'khor lo'i khyad par gyi rgyud ni/ /rdo rje 'khor lo bstan pa bzhin/ /lcags kyi 'khor lo dam pa ste/ /'bar ba'i 'khor lo de bzhin du/ /
175a7 pad+ma 'dab brgyad nor bu che/ /de nas dkyil 'khor thams cad sgrub pa'i rgyud ni/ /dkyil 'khor brtag par byas nas ni/ /nang gi rim par zhugs bya ste/ /dkyil 'khor
175b1 dag la dzaHhUM baM/ /hoHpra sid d+h+ya maM brjod bya/ de nas rdo rje sems dpa' nyid rgyud ni/ sangs rgyas la sogs 'gro kun gyi/ /thams cad bdag nyid bcom ldan mchog /sems
175b2 can 'byung phyir sems dpa' ste/ /rdo rje sems dpa' rab tu grags/ /de nas dam tshig chen po'i de kho na nyid bshad pa'i rgyud ni/ thog mtha' med pa'i sems dpa' ni/ /rdo
175b3 rje sems dpa' dga' ba che/ /kun tu bzang po kun bdag nyid/ /'khor ba mya ngan 'das de nyid/ /de nas thog ma dang / tha ma med pa'i de kho na nyid bshad pa'i rgyud ni/ thog
175b4 mtha' med pa thams cad ni/ /nam mkha' 'byung ba chen po'i gnas/ /nam mkha' skye ba skye med phyir/ /rdo rje sems dpa' de bzhin no/ /de nas bcom ldan 'das rab tu
175b5 dga' ba'i bshad pa'i rgyud ni/ rab tu dga' phyir nyon mongs te/ /'gro ba thams cad bde 'dod pa/ /de la bde ba rnam dag phyir/ /srid gsum snga rol bcom ldan 'byung / /
175b6 de nas dang po'i snying po'i de kho na nyid bshad pa'i rgyud ni/ chags pa kun la chags pa che/ /'dod ldan thams cad sad par byed/ /'dod chags 'bar ba dri za yi/ /snying po'i
175b7 phyag rgya rdo rje'o/ /de nas yi ge hUM gi glu blang ba'i rgyud ni/ glu las chags pa dga' las 'dod/ /rab tu dga' las thams cad 'byung / /thams cad 'byung bar grub pa'i
176a1 @#/ /phyir| |bskal pa dang por bcom ldan gsungs/ /de nas yi ge hUM gi bzlas pa'i don gyi rgyud bshad pa'i rgyud ni/ myur du thams cad rjes chags
176a2 pas| |dngos grub thams cad rjes su chags/ /rjes su chags par byed mchog ni/ snying po'i bzlas pa'i don yin no/ /de nas rdo rje sems rgyud ni/ glu rnams ci ltar
176a3 khro bo ni/ bsdus nas kun tu 'jug pa na/ /rdo rje thog ni brtan gyur pa/ /de bzhin rdo rje bsdus pa 'o/ /de nas rdo rje sems dpa' 'byung ba shes pa'i rgyud ni/ thams cad
176a4 bdag nyid sems dpa' ni/ bdag gi bdag nyid la yang gnas/ /rdo rje sems dpa' dngos su ni/ /myur du thams cad du yang zhugs/ /de nas de bzhin gshegs
176a5 pa 'byung ba shes pa'i rgyud ni/ 'dod las chags pa dga' las bde/ /bde las sdig pa sdig las sdug /sdug las ting 'dzin shin tu brtan/ /rdo rje nyid las
176a6 sangs rgyas 'byung / /de nas de bzhin gshegs pa'i rigs la sogs pa 'byung ba shes pa'i rgyud ni/ de bzhin gshegs pa'i rigs nyid dang / /de nyid rdo rje rigs
176a7 chen po/ /de nyid pad+ma'i rigs dag ba/ /de nyid nor bu'i rigs mchog bshad/ /de nas mngon par byang chub pa shes pa'i rgyud ni/ rang sems so sor rtog pa ni/ /
176b1 byang chub sems ni yang dag 'byung / /rdo rje nyid phyir sangs rgyas nyid/ /bdag nyid sangs rgyas rab tu bsgom/ /de bzhin gshegs pa bdud nyid du shes pa'i rgyud ni/ /rang sems
176b2 nyid ni bdud nyid de/ /sems nyid de bzhin gshegs pa yin/ /rang gi sems ni gdul ba'i phyir/ /sangs rgyas bdud nyid du ni 'byung / /de nas rtog pa thams cad sgrub
176b3 pa shes pa'i rgyud ni/ /rtog pa kun la grub bya gang / /rgyu ba dang ni mi rgyu yin/ /rang gi lha yi rnal 'byor gyis/ /de dag thams cad bsgrub par bya/ /de nas dang po'i snying
176b4 po sgrub pa shes pa'i rgyud ni/ /bzlas pa'i don shes nus pa yis/ /rdo rje sems dpa' rab bsgrub ste/ /ci srid 'dod pa'i bzlas pa mchog /dngos grub chen po'i bde ba
176b5 ster/ /de nas snying po dang / phyag rgya dang / sngags dang / rig pa sgrub pa shes pa'i rgyud ni/ /sems dpa' gang gi snying po dang / /phyag rgya sngags dang rig pa dang / /bzlas
176b6 pa'i don du sems dpa' che/ /bdag nyid dang ni bsgrub bya ba/ /de nas dngos grub shes pa'i rgyud ni/ /rdo rje sems dpa'i dngos grub che/ /de bzhin de bzhin gshegs kun
176b7 gyi/ /byang chub rdo rje sems dpa' nyid/ /las kun mchog gi dngos grub phyir/ /de nas bsod nams med pa rnams kyi dngos grub grub pa shes pa'i rgyud ni/ /ci 'dod 'khor
177a1 @#/ /lo bris nas ni/ /ci yang rung ba'ang thal bas kyang / /sems dpa' chen po bzhag byas nas/ /nyin zhag bzhir ni bsgrub par bya/ /de nas slob
177a2 dpon nyid kyi grub pa shes pa'i rgyud ni/ bde ba chen po rdo rje yi/ /gsang mchog dam tshig grong khyer du/ /ci bzhin rang nyid rab zhugs te/ /bdud rtsi'i chu yis dbang bskur
177a3 bya/ /de nas me tog la sogs pa'i mchod pa 'bul ba'i shes pa'i rgyud ni/ rdo rje can la mchod pa kun/ /de bzhin gshegs pa'i rigs la dkar/ /rdo rje bdag nyid nag
177a4 po ste/ /dmar po pad+ma nor bu ser/ /de nas dbul ba shes pa'i rgyud ni/ rdzogs pa 'am ni mtshang ba/ /yang na ji ltar rnyed pa ni/ rdo rje gar sogs mchod pa yis/ /rtag tu
177a5 thams cad 'grub par 'gyur/ /de nas dus kyi mchod pa shes pa'i rgyud ni/ /drug ldan la sogs snyam pa'i glu/ /glu ni thams cad ci 'dod pas/ /rdo rje 'byed ma la sogs
177a6 'grol/ /mchod pa dag ni rab tu bya/ /de nas gsang ba'i mchod pa shes pa'i rgyud ni/ rdo rje gar bcas mchod pa ni/ go rims ci lta ba bzhin du/ /bzlas pa'i don
177a7 gyis ma brjod kyang / /mchog gi dngos grub 'grub par 'gyur/ /de nas sdig pa chen po byed pa'ang grub pa shes pa'i rgyud ni/ dkyil 'khor la ni ma zhugs kyang / /
177b1 tshul khrims 'chal ba la sogs pa/ /ting nge 'dzin gyi stos kyis ni/ sdig pa kun las grol bar 'gyur/ /de nas dngos grub mi thob pa'i rgyu shes pa'i rgyud ni/ chags pa smad
177b2 par mi bya ste/ /rnam dag de bzhin bde ba ster/ /bcom ldan 'das kyang chags pa che/ /'di ma dag pas 'grub mi 'gyur/ /de nas mchog gi dngos grub sgrub pa shes pa'i rgyud
177b3 ni/ ji bzhin yul dang ldan gyur nas/ /mchog gi dngos grub bsgrub par bya/ /rtog pa kun nas rnal 'byor 'di/ /tshe 'di nyid la sgrub par byed/ /bde ba chen po rdo rje gsang ba'i
177b4 rtog pa'i rgyal po chen po'i rdo rje rin po che chen po las/ rtog pa thams cad kyi rgyud phyi ma'i cho ga rgyas pa'o// //de nas bcom ldan 'das rtog pa de bzhin gshegs
177b5 pa thams cad kyi rdo rje gsang ba de bzhin gshegs pa thams cad kyi dbang bskur ba'i rdo rje rin po che/ de bzhin gshegs pa thams cad kyi cho ga gzigs pa'i ye shes kyi
177b6 dbang phyug gi rdo rje'i pad+ma/ de bzhin gshegs pa thams cad kyi sna tshogs pa'i mdzad pas 'phrin las dam pa'i cho ga rgyas pa'i rdo rjes thams cad la khyab pa/ ma lus shing
177b7 lus pa med pa'i rdo rje'i khams bstan pa'i dngos grub kyi cho ga rgyas pa nam mkha'i khams kyi mthar thug par chos kyi dbyings spro ba thams cad khyab pa'i de bzhin
178a1 @#/ /gshegs pa thams cad kyis 'khor lo mngon par mkhyen par mdzad nas dang po'i snying po'i gsang ba'i de kho na nyid kyi rdo rje'i sgrub pa'i rgyud 'di gsungs
178a2 so/ /ci srid 'khor ba'i gnas la zhugs/ /de srid sems can gdon par mdzad/ /mya ngan 'das bzhugs gzi brjid can/ /sems can don ni nus pa min/ /de phyir sems
178a3 dpa' dam pa rnams/ /'khor ba srid du 'khor bar bzhugs/ /sems can don ni mngon par bzhed/ /thams cad dag pa'i mchog chos can/ /de bzhin gshegs pas
178a4 mi 'dul bas/ /sems can don mi mdzad pa de/ /'dir ni rab grub dngos grub mchog /dus kun du ni thams cad du/ /rdo rje 'chang chen la sogs pa/ /'di ltar bsod nams
178a5 rnam smin gyis/ /kun la mthong ba la sogs kyis/ /rang gi las kyis mdzad mi spyod/ /dkyil 'khor la ni ma zhugs kyang / /srid pa 'di la myur 'grub 'gyur/ /shin tu
178a6 mthong ba la sogs kun/ /sems can thams cad rab stsol mdzad/ /kun nas dus kun thams cad la/ /dngos grub thams cad rab stsol 'gyur/ /rgyal po rdo rje
178a7 'chang chen po/ /srid pa'i dbang phyug kun gyi gtso/ /de phyir bsgrub bya 'di bshad bya/ /dngos grub shin tu rtag pa'o/ /gang gis srid pa 'di nyid du/ /shin tu rtag
178b1 pa'i dngos grub thob/ /lugs ma 'am ni brdungs ma 'am/ /ri mor bris pa 'am 'dus byas pa'i/ /phyag na rdo rje'i sku gzugs ni/ /ci bzhin bshad par rab gzhug bya'o/ /bde
178b2 ba chen po rdo rje gsang ba'i dam tshig gi de kho na nyid sgrub pa'i dngos grub gyi cho ga rgyas pa'o// //de nas bcom ldan 'das de bzhin gshegs pa thams cad
178b3 kyis phyag rgya'i ye shes kyi slar yang phyag rgya thams cad sgrub pa'i dngos grub kyi rgyud 'di gsungs so/ /nyin re snga rol dus ci bzhin/ /dang po'i rdo rje bde ba che/ /'dis ni rtag pa
178b4 thams cad la/ /phyag rgya thams cad mdor bsdus pas/ /dam tshig yang dag bcings nas grub/ /phyi nas ma bsgrubs kyang grub 'gyur/ /de nas bcom ldan 'das kyis rdo rje
178b5 chos kyi de kho na nyid kyi gsang ba'i sngags sgrub pa 'di gsungs so/ /langs pa 'am ni 'dug pa 'am/ /gang dang der ni gnas pa 'am/ /thams cad rjes chags rnal
178b6 'byor gyis/ /dngos grub thams cad thob par 'gyur/ /de nas bcom ldan 'das kyis las kyi gsang ba'i de kho na nyid kyi rgyud 'di gsungs so/ /gsang ba'i gar
178b7 mchog mchod pa 'am/ /yang na mchod pa ci bde bar/ /byas te mgon po bsgrub byas na/ /mchog gi dngos grub myur du 'thob/ /de nas rang gi phyag rgyas bdag
179a1 @#/ /nyid bsgrub pa'i rgyud ni/ /phyag rgya chen po mnyam gzhag ste/ /rang gi snying pos lan gcig bsgrub/ /brtan zhing shin tu dgyes kun chags/ /shin
179a2 tu dgyes myur bdag po grub/ /de nas yi ge hUM gi glu blang ba'i grub pa'i rgyud ni/ ri b+hi da sogs rgyan dang ldan/ /ci nus pa dang ci 'dod pa/ /dri za dang po blangs nas ni/ /yi
179a3 ge hUM gis grub par 'gyur/ /zhes bcom ldan 'das chags pa chen po dang po'i rdo rje sems dpa' rdo rje 'chang chen pos gsungs so/ /de kho na nyid chen po'i gsang
179a4 ba'i dngos grub sgrub pa'i rgyud do// //de nas rtog pa thams cad kyi las kyi phyag rgya bshad par bya'o zhes bya ba bcom ldan 'das thog ma dang / tha ma med
179a5 pa'i 'phrin las can rdo rje sems dpas gsungs so/ /shin tu ring ba'i tshe 'phel ba ni bde ba chen po'i rdo rje'i chos so/ /shin nu gzhon pa'i na tshod 'phel ba ni bde ba chen
179a6 po'i rdo rje'i bcud kyis len gyis so/ /gzugs chen po dang / gzi brjid chen po 'phel ba ni bde ba chen po'i rdo rje'i gzugs kyi gzi brjid kyis so/ /'du byed chen po thams
179a7 cad 'phel ba ni bde ba chen po rdo rje 'du byed chen pos so/ /sems can thams cad kyi bdag nyid thams cad bsrung ba ni bde ba chen po'i rdo rje bsrung bas so/ /phyogs thams
179b1 cad dang / mtshams dang / dkyil 'khor bcing ba ni/ bde ba chen po rdo rje bskor bas te/ thams cad rdo rje chen po'i ngo bo nyid khro bo'i rgyal po chen po rdo rjes kyang 'jug par mi nus
179b2 shing mi phyed par 'gyur ro/ /srid pa thams cad srung ba ni bde ba chen po'i rdo rje'i byin gyis brlabs pas so/ /bdag nyid kyi dngos grub thams cad dam/ /gzhan dag rdo rjer
179b3 byed pa ni bde ba chen po'i rdo rje go chas so/ /'thab mo thams cad las rnam par rgyal ba ni bde ba chen po'i rdo rje rgyal mtshan mchog gi dpung rgyan gyis so/ /'thab mo srung ba ni
179b4 bde ba chen po'i gzhan gyis mi thub pas so/ /gzhan gyi dpung thams cad gzhig pa ni rdo rje bde ba chen po'i rdo rje 'dzin par byed pas so/ /gzhan gyi dpung nyams pa dang / ldang
179b5 ba dang / ltung ba dang / gsod pa ni bde ba chen po'i rdo rje glog bskor bas so/ /rims thams cad la sogs pa'i nad thams cad dang / nad chen po zhi ba ni bde ba chen po'i rdo rje
179b6 'phrog pas so/ /dug thams cad gzhig pa dang / dug med par bya ba ni bde ba chen po'i rdo rje phyag rgya'i las kyis so/ /gdon thams cad las dgrol ba ni bde ba chen po rdo
179b7 rje'i 'byung po bskrad pas so/ /ma mo dang / mkha' 'gro ma dang / gdon thams cad dgrol ba chen po dang / gzhom pa dang / snying gzhan dbyung ba dang / shi ba gso ba dang /
180a1 @#/ /tshe 'phel ba de shin tu srung ba rnams ni bde ba chen po'i rdo rje'i phyag rgya'i lan gyis so/ /thams cad dbab pa dang / g.yo ba dang / 'ching ba
180a2 dang / gar byed du gzhug pa dang / glu len du gzhug pa dang / snga ma 'byung ba so sor bstan pa dang / rmad du byung ba dang / cho 'phrul bstan pa dang / bden pa thams cad
180a3 pa thams cad smrar gzhug pa dang / dgrol ba dang / bsrung ba dang / sos su bcug pa rnams ni bde ba chen po'i rdo rje dbab pas so/ /rgyu ba dang / mi rgyu ba'i dngos po thams
180a4 cad la yid kyis 'dod pa'i pra dbab pa thams cad grub pa ni bde ba chen po rdo rje pra dbab pas so/ /rang gi lus dang / ngag dang / yid rdo rjes mthong ba dang / thos pa
180a5 dang / smra ba dang / ston pa'i shes pa grub pa ni bde ba chen po'i rdo rje'i bdag nyid bsgoms pas so/ /thams cad las 'das pa dang / ma 'ongs pa dang / da ltar byung ba
180a6 thams cad bka' mthong ba'i yi ge sna tshogs pa 'am/ dngos po sna tshogs pa thams cad kyis rna ba'i shes pa rab tu 'jug pa ni bde ba chen po'i rdo rje thams cad
180a7 mkhyen pas so/ /glog dang / char pa dang / thog dbab pa thams cad bzlog pa dang / sprin gzhig pa ni bde ba chen po'i rdo rje khro bo'i lta bas so/ /sa'i 'og thams
180b1 cad las sngar ma byung ba'i 'bru la sogs pa'i 'bras bu 'byung ba dang / nye bar len pa dang / chu med pa'i gnas las chu'i dngos po 'byung ba dang / nye bar len pa dang / mun pa chen
180b2 por snang ba chen po bskyed pa dang / nye bar len pa dang / rlung thams cad la bka' bsgo ba dang / nye bar len pa dang / nam mkha' thams cad las yid kyis 'dod pa'i dngos po
180b3 thams cad mthong ba dang / nye bar len pa ni bde ba chen po'i rdo rje dbyings kyi dbang phyug mas so/ /thams cad gzhom pa dang / rengs pa dang / dral ba dang / rmugs pa dang / gnyid
180b4 log par bya ba dang / rgyas gdab pa dang / ltung ba dang / rmongs pa dang / gsad pa dang / phyir ldog pa ni bde ba chen po'i gdug pa'i rdo rje'i phyag rgyas so/ /thams cad rjes su
180b5 chags pa dang / dgug pa dang / gzhug pa dang / dbab pa dang / bcing ba dang / bkrol ba dang / dral ba dang / ltung ba dang / ltung ba bslang ba dang / 'dren pa dang / bran du
180b6 byed pa dang / mngag gzhug bka' bsgo ba byed pa dang / thams cad tshur drang ba dang / phar btang ba dang / gsad pa dang / slar gso ba la sogs pa'i las thams cad byed pa
180b7 dang / dbang du byed pa'i sgrub pa ni bde ba chen po rdo rje'i thams cad sgrub pas so/ /rigs thams cad kyi mchog gi dngos grub la sogs pa'i mchog gi dngos grub thams cad
181a1 @#/ /dang / mchog gi dbang bskur ba la sogs pa thams cad dang / phun sum tshogs pa thams cad dang / thams cad rjes su chags pa la sogs
181a2 pa'i bde ba dang / yid bde ba thams cad rab tu gzhug pa dang / mchod pa chen po thams cad la sogs pa'i las thams cad myur du grub pa'i cho ga rgyas pa ni bde ba chen
181a3 po'i rdo rje mchog gi dngos grub kyis so/ /de la bde ba chen po rdo rje gsang ba'i dam tshig gi dang po'i mchog gi dam tshig gi las kyi phyag rgya'i rgyud ni 'di yin te/ bde ba
181a4 chen po'i rdo rje ni rdo rje sems dpa'i tshe ster ba'o/ /'di'i las kyi phyag rgya thams cad bcing ba'o/ /dbus ma'i rdo rje btung bar bya/ rtse mo'i 'od zer byas pas gdong
181a5 pa yongs su sbyangs te gdong par dgrol bar bya'o/ /bdag nyid la kun tu bskor nas snying gar dgrol bar bya'o/ /gtsug tor dang / phyogs thams cad dang / dkyil
181a6 'khor bskor ba'o/ /snying ga dang / yid kyis rgyab dang / phrag pa dang / spyi bo dang / dpral bar bzhag la rdo rje khu tshur gnyis kyis phreng ba bcings la go cha bya ste/ mdud
181a7 pa byas nas rdo rje'i gnas rnams su slar yang phreng ba byas pas rgyab tu mdud pa byas te dar dpyangs bya'o/ /snying ga dang / dpral ba dang / mgrin pa dang / spyi bor gzhag
181b1 par bya'o/ /dbus ma'i dar mchog go /byab pa'i gyen du kha bltas pa'i dbugs pa dang / 'jigs pa'i gdong gis blta ba'o/ /'bar ba bzhi'i tshul gyis 'dor zhing khros pa'i rang
181b2 gi snying gar bcings te zhi ba'i lta bas rtse mo 'phrog par bya'o/ /lta bas 'phrog par bya'o/ /dbab pas myur du dgrol bar bya'o/ /yongs su bskor nas dpral bar bzhag ste dbus
181b3 ma'i rdo rje sor mo'i rtse mo gnyis bskyod par byas na ci lta ba bzhin du las byed pa'i snying gar bzhag ste/ dbus ma rdo rje'i las ni 'di lta ste/ snying gar gtod pa dang / skyed pa
181b4 dang / 'ching ba dang / gar byed du bcug pa dang / mgrin pa gsal ba dang / rdo rje rtse mo btsir ba dang / kha dbub pa dang / mgrin pa gsal ba dang / bcings pa myur du dkrol ba
181b5 dang / bsrung ba dang / bya ba pa'i las so/ /snying ga kha sbyor bskyed pa'o/ /nyid re bzhin snga rol tu lan gcig lus yongs su sbyang ba dang / mgrin pa gsal ba'i ngag dang / snying
181b6 gar gzhag pa dang / phyag rgya la lta ba ste/ nyin re snga rol du lan gcig dbang po thams cad la kun tu bskor bar bya'o/ /dbus ma rdo rjes byed pa ni khro bo'i rdo rje'i lta bas
181b7 so/ /dbus ma'i rdo rje'i las ni 'og nas 'byung ste/ nye bar longs spyod pa dang / thams cad la dgug par byed pa dang / dbab pa sbyin pa dang / 'bar ba'i me stag byed
182a1 @#/ /pa dang / nye bar len pa dang / rlung gi tshul dang / nam mkhar sgom pa las du ma'o/ /dbus ma'i rdo rje'i lus ni phyag rgyas gzhom pa dang / rtse
182a2 mo gnyis snying gar btsir ba dang / sen mo brud pa dang / mig 'degs pa dang / btsum pa dang / sor mo mnyam pos snying gar bteg pa dang / ltung ba dang / slong bar
182a3 byed pa dang / phan tshun rdeg pa dang / rang gi snying gar rang bzhin du gzhag pa'i las so/ /dbus ma'i rdo rje las ni mda' gtod pa dang / lcags sgrog gnyis kyis
182a4 dgug pa dang / g.yon pa la g.yas pa bcug pa dang / rtse mo bskyod pa dang / gdu bur bcing ba dang / myur du dgrol ba dang / sor mo mnyam por myur du dral ba
182a5 dang / ltung bar byed pa dang / 'og nas bteg pa dang / g.yon pa g.yas pas drang ba dang / las thams cad la sbyar bar byed pa dang / 'og nas bskyod cing gyen du
182a6 drang ba dang / tshur 'dren pa dang / phar gtang ba dang / g.yon dang / g.yas kyis drag por 'degs pa dang / rang gi snying gar rtse mo 'dren pa dang / las thams cad
182a7 la nges par sbyor bar byed pa'i las dang / snying gar 'khor lo gzhug pa dang / dbang bskur ba'i phreng ba dang / dar dpyangs 'ching bar byed pa dang / snying gar
182b1 de las drangs te bde ba tshur 'dren pa thams cad yongs su sbyang ba dang / gar gyis blangs te spyi bor dgrol ba'i las so/ /bde ba chen po rab grub dang / /chags pa chen po rnam
182b2 dag phyir/ /don yod thogs med sna tshogs pa'i/ /phyag rgya'i rgyud ni rab tu bshad/ /rdo rje 'dzin pa chen po yis/ /sangs rgyas sras bcas bdag nyid kun/ /sems can
182b3 thams cad myur grub dang / /don yod dngos grub kun stsol ba'o/ /dkyil 'khor dag tu ma zhugs pa/ /sdig pa'i las ni kun dang ldan/ /de dag kyang ni grub 'gyur te/ /
182b4 bcings pa tsam gyis sdig byang phyir/ /gang zhig le lo nyid kyis sam/ /brtson 'grus ldan yang ma tshad ba/ /dkyil 'khor med pa'i sems can gang / /slob dpon nyid
182b5 byin ma rlabs dang / /de dag grub mchog rdo rje chen/ /rdo rje slob dpon nyid du 'gyur/ /don yod mchog dang sna tshogs pa'i/ /bcings pa tsam gyis myur grub byed/ /bsam
182b6 pa thams cad yongs rdzogs pa'i/ /mchog gi dngos grub kun la 'jug /dang po 'byung ba'i rdo rje mchog /bde ba che las yang dag 'byung / /bag chag shin tu grub pa dang / /dgrol
182b7 ba thams cad la yang ngo / /de nas phyag rgya thams cad sgrub pa'i gsang ba'i rgyud ni/ /las 'dod thog mar phyag rgya ni/ /skal ba ci bzhin snying pos grub/ /rang gi bdag nyid
183a1 @#/ /nges sbyar bya/ /bde ba chen po'i rdo rje gsang ba'i rtog pa'i rgyal po chen po las/ bde ba chen po thams cad kyi rdo rje'i dam tshig don yod pa'i
183a2 dngos grub kyi mchog ces bya ba'i rgyud phyi ma'i cho ga rgyas pa yongs su rdzogs pa'o// //de nas bcom ldan 'das de bzhin gshegs pa thams cad kyi
183a3 yongs su mthar thug pa med pa'i sku dang / gsung dang / thugs rdo rje thams cad kyi las kyis sbyor ba ni/ rdo rje 'chang ba dang bcas pa rnams kyis bde ba chen po'i rdo rje gsang
183a4 pa'i dam tshig rtog pa'i rgyal po chen po 'dis sems can gyi khams ma lus pa kun du khyab cing spro ba dang / dngos grub thams cad kyi cho ga rgyas pa/ srid pa thams cad
183a5 kyi rtse mo'i yongs su mthar thug pa'i gsung rab yongs su mthar thug pa'i don du thog ma dang tha ma med pa'i rdo rje sems dpa' la gsol ba btab pa yin no/ /rdo
183a6 rje nam mkha' chen po yis/ /chos kyi dbyings ni spro ba mchog /rdo rje'i nam mkha' chen po yi/ /chos dbyings spro ba'i dngos grub ster/ /rtag tu sangs rgyas thams
183a7 cad ni/ /rdo rje 'chang chen bcas pa dang / /rdo rje 'chang gi theg pa ni/ /yongs su mthar thug nus pa min/ /e ma'o mngon zhes sems can dang / /le lo can dang
183b1 las kun dang / /thugs rje dam pa'i rdo rje khyod/ /byang chub sems ni bla na med/ /bde ba chen po rab sgrub dang / /chags pa chen po rnam dag phyir/ /rtog pa 'di ni mthar thug pa/ /
183b2 rab tu sgrub phyir mthar thug brjod/ /de nas bcom ldan 'das de bzhin gshegs pa thams cad kyis gsol ba btab pa'i tshig gsan nas/ de bzhin gshegs pa thams
183b3 cad kyi ting nge 'dzin rdo rje sems dpa' byin gyis brlabs pa zhes bya ba'i ting nge 'dzin la snyoms par zhugs nas 'di gsungs so/ /bde ba chen po rab sgrub dang / /chags pa
183b4 chen po rnam dag phyir/ /thams cad dngos grub don du ni/ /yongs su mthar thug byin brlabs pa'o/ /gang gis tshul mchog 'di ni nyan 'gyur dang / /gang gis khyim na
183b5 gsang ba thams cad gnas/ /bde chen mchog gi rdo rje mchog gsang ba'i/ /dngos grub tshe 'dir de dag rnams la bstan/ /brtan pa nyid phyir 'dul bar nga mi byed/ /
183b6 sems can don du rgyal ba las dag phyir/ /rnam par sbyang bar mdzad pa 'di yin te/ /rtog pa 'di ni bgegs med bdud rnams med/ /dngos grub 'phel med min par
183b7 byin gyis brlabs/ /bdud dang brtan med nyid ni bdag mi byed/ /brtan pa nyid phyir 'dul bar nga mi byed/ /rtog pa chen po'i mchog 'di gang bsgrub pa/ /myur du dngos
184a1 @#/ /grub mchog phyir bdag brtan 'gyur/ /brtan zhing rab dgyes brtan pas rjes su cha chags/ /bde ba chen po kun byed shin tu rgyas/ /nga yi dang po'i
184a2 snying po gang sgrub pa/ /de la nga ni rtag tu dngos grub ste/ /de nas de bzhin gshegs pa thams cad 'dus nas legs so zhes bya ba byin te/ bcom ldan 'das kyis gsungs
184a3 pa la mngon par bstod do// //bde ba chen po rdo rje gsang ba zhes bya ba'i rtog pa'i rgyal po mchog tu grub pa'i rgud phyi ma yongs su rdzogs so// //
184a4 de nas bcom ldan 'das byang chub sems dpa' sems dpa' chen po phyag na rdo rje 'di nyid slar yang ston par mdzad cing zhal rab tu 'dzum pa dang / mchog dang po'i rdo rje
184a5 bde ba chen po rdo rje bsnyems pas gsor nas rang gi thugs gar gtod pa'i tshul du 'dzin cing mchog tu gsang zhing mchog tu grub pa don yod cing thogs pa med pa bde ba
184a6 chen po rdo rje don yod pa'i dam tshig 'di rtog pa thams cad kyi sdig pa dang / sgrib pa dang / bdud thams cad 'dul bar byin gyis brlabs pa'i dbang gis ma grub pa
184a7 rnams kyang mchog dam par grub par byed pa dang / mchog tu gsang ba/ thog ma dang / tha ma med pa'i mtshon cha mchog dang po zhes bya ba'i rtog pa'i rgyal po dbang phyug chen
184b1 po'i chen po rgyud phyi ma gsungs pa/ /de nas thog ma'i gnas nyams dga'/ /nam mkha' kun la rab tu gnas/ /rin chen 'od 'bar rab tu gsal/ /dri ma med pa'i ma dngas
184b2 kyis brgyan/ /zur bzhi pa la sgo bzhi pa/ /sgo khyud rnams kyis rab tu brgyan/ /kha khyer gyis ni yongs su bskor/ /rdo rje lha mo tshogs kyis mchod/ /zla ba phyed ni rab tu gnas/ /
184b3 rdo rje rin chen 'bar byed pa/ /rlung gis bskyod pa'i rtse mo mchog /dar 'phan dril bu sgra sgrogs pa/ /dra ba me long rtog me long / /me tog chun po'i rgyan gyis bskor/ /bde ba chen
184b4 po rdo rje che/ /rdo rje kun gyis legs sbyar ba/ /rdo rje sems dpa'i bzhugs gnas che/ /sangs rgyas kun gyis rjes bsten pa/ /byang chub sems dpa'i gnas kyi mchog /rdo rje
184b5 'dzin pa kun gyi gnas/ /bde ba chen po rdo rje che/ /rdo rje rin chen mchog ces bya/ /rdo rje 'chang chen bzhugs nas ni/ /bde ba chen po rnam par bzhugs/ /thog mtha' med
184b6 pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems tshul bdag po'i bdag/ /sems can kun gyi sems gang ni/ /brtan
184b7 pa'i phyir ni dpa' zhes bya/ /brtan par bzhag pas ting 'dzin te/ /nges pa la ni rdo rjer gyur/ /sems dpar byin brlabs sbyor ba yis/ /rdo rje sems dpa' nyid du 'gyur//
185a1 @#/ /de nyid bcom ldan sna tshogs pa/ /byang chub spyod pa'i rjes mthun pa/ /bdud dang bdud las rgyal ba nyid/ /byang chub sems rgyas de nyid do/ /rdo rje drag
185a2 po mthar byed nyid/ /phyag na rdo rje nyid kyang de/ /de nyid de bzhin gshegs pa'i rigs/ /de nyid rdo rje rigs chen po/ /de nyid pad+ma'i rigs dag pa/ /de nyid nor bu'i rigs
185a3 bzang bshad/ /de nyid 'dod chags bral ba nyid/ /'dod dang grol ba de nyid de/ /dus gsum srid gsum mchog gsum ste/ /'jig rten gsum mchog khams gsum
185a4 pa/ /mi g.yo thams cad mchog de nyid/ /brtan pa sra ba nor chen po/ /rgyu ba sems kyi 'dus byas pa/ /thams cad byed pa thams cad nyid/ /dang po'i sems dpa' sems
185a5 dpa' che/ /byang chub sems dpa' bde bar stsol/ /sems dpa'i skyil krung bcas nas ni/ /pad+ma'i steng du bzhugs pa dang / /btsun mo'i tshogs bcad sna tshogs pa/ rdo
185a6 rje lha mos yongs su bskor/ /bde ba chen po grub don du/ /'dod chags chen po rnam dag phyir/ /ma lus gdul bya'i don du ni/ /dngos grub thams cad rab grub phyir/ /
185a7 dam tshig mchog ni ma lus pa/ /rgyal bas kyang ni bsrung bar bya/ /bsnyems bcas rdo rje gsor ba dang / /rdo rje bsnyems pa'i tshul 'chang zhing / /phyag rgya kun myur grub
185b1 mngon du/ /rdo rje sems dpa' mchog grub phyir/ /dngos grub kun gyi thabs chen po/ /bsod nams kun gyis cher mthong ba/ /ye shes phyag rgya yang dag ldan/ /snying po chen po
185b2 dam yin ste/ /gang gis bsod nams mi ldan pa 'am/ /de bzhin dkyil 'khor ma zhugs pa 'ang / /don yod thogs pa med mchog 'gyur/ /dngos grub thams cad rnyed
185b3 dka' min/ /bde ba chen po rdo rje che/ /gsang ba mchog gi dam tshig brtan/ /dngos po thams cad sgrub pa ster/ /rtog pa thams cad myur grub byed/ /thog mtha' med phyir
185b4 dang por 'byung / /mchog dang dang po zhes byar bshad/ /tshig kun gyis ni ci 'dod dang / /chags pa kun gyis ci dga' bar/ /rjes su chags par bgyi'o zhes/ /ci bzhin
185b5 'bab pa'i ye shes 'jug /nye ba'i snying po bcas snying po/ /bskal ba dang por bcom ldan gsungs/ /hUM/ de nas 'di ni gsungs tsam gyis/ /sangs rgyas thams cad
185b6 sras bcas pa/ /rdo rje 'dzin bcas sna tshogs pa/ /skad cig gis ni 'dus par 'gyur/ /rdo rje 'dzin gyis thog mar/ /yud kyi 'jig rten gsum po 'byung / /ci ltar 'gro
185b7 bar rab grub ces/ /bde gshegs rnams kyis dngos grub dris/ /de rnams kyis ni bka' gsan nas/ /rdo rje 'dzin rang grol ba ni/ /'byin dang stsol dang ston pa po/ /byed
186a1 @#/ /pas tshig ni 'di skad gsol/ /chags bral gyis 'dul 'jig rten rnams/ /chags bral nyid kyis dag par 'gyur/ /'dod chags chen po
186a2 bde ba che/ /'di ni ji ltar 'grub par 'gyur/ /de yi tshig de gsan nas ni/ /rgyal ba rang nyid kyis gsungs pa/ /byang chub sems de thog ma'i lha/ /khyod ni thabs chen nyid
186a3 yin no/ /ji srid 'khor lo'i gnas su ni/ /mkhas mchog 'dug par gyur pa'i tshe/ /de srid mtshungs med sems can don/ /mya ngan mi 'da' byed par nus/ /ci srid
186a4 sems can rnam rtog pa/ /de srid byang chub srid pa che/ /byang chub sems can la phan phyir/ /rdo rje can gyis ci bder gyis/ /de nas thog ma dang dkyil 'khor/ /dang po'i
186a5 dkyil 'khor byin gyis brlabs/ /rdo rje kun gyi dam tshig mchog /ci bzhin cho gas bsgrubs pa nyid/ /de nas bcom ldan 'das de ni/ /bde ba chen po grub phyir
186a6 dang / /'dod chags chen po rnam dag phyir/ /gtso bo mgon la gsol ba btab/ /bcom ldan khyod la gsol ba ni/ /'dod chags chen po bde ba che/ /snying po 'di
186a7 ni rtog pa mchog /bde chen myur du grub pa 'o/ /de rnams kyi ni bka' gsan nas/ /rdo rje sems dpa' bde chen po/ /bde ba chen po rdo rje che/ /dkyil 'khor chen po
186b1 bka' stsal to/ /de nas rab tu bshad bya ba/ /dkyil 'khor chen po dam pa ste/ /bde ba chen po rdo rje mchog /gsang ba dam pa zhes bshad do/ /thog mar dam tshig gsum thob
186b2 pa'i/ /rdo rje slob dpon rang phyag rgyas/ /'khor lo kun gyi cho ga la/ /rtag tu rdo rje dril 'chang bya/ /rtag pa thams cad yang dag 'bebs/ /dkyil 'khor thams cad sgrub byed
186b3 yin/ /dam tshig che gsum zhes bya ba'i/ /rgya 'di thams cad sgrub byed yin/ /dngos grub cho ga thams cad la/ /rdo rje dril bu rab bskul bas/ /cho ga lhag gam ma tshang yang / /
186b4 'grub 'gyur smad par mi bya 'o/ /zhes bcom ldan 'das rdo rje sems dpas gsungs so/ /mchog gi dang po mtha' yas mchog /bla na med cing mnyam med pa/ /nam mkha'
186b5 kun la rab tu gnas/ /mchog ste yi ge dam pa yin/ /dkyil 'khor gnas ni sbyang byas la/ /de yi dbus su cho ga bzhin/ /dngos grub byin rlabs cho ga yis/ /dkyil 'khor
186b6 de ni grub par bya/ /glu dang rol mo'i cho ga dang / /me tog spos sogs mchod pa yis/ /ji rnyed pa dang / ci 'dod par/ /mchog dang por ni brtag par bya/ /mchog gi dang
186b7 por mtha' yas mchog /bla na med cing dpe med pa/ /nam mkha' kun la rab tu gnas/ /grong khyer dag ni mi 'gyur mchog /thog ma med mchog rtag pa'i phyir/ /sangs
187a1 @#/ /rgyas 'byung ba'ang rab tu bzhugs/ /kun mchog mnyam pa nyid rten pas/ /lhag dang mtshang med kun gang / /mtha' dang dbus med nam mkha'
187a2 ni/ /'di ni dbu mar rnam brtags pas/ /phyag rgya'i sbyor ba'i ting 'dzin gyis/ /de yi dbu mar rnam brtag nyid/ /de yi dbus su pad+ma'i gzugs/ /yu bar bcas pa
187a3 rab tu gzhag /sna tshogs pad+mas yang dag khebs/ /thams cad dag pa'i gdan de yin/ /de nas srad bu nyis 'gyur du/ /byas pa'i thig ni gdab bya ste/ /nam mkha'
187a4 kun gyi tshad yin phyir/ /gdul bya'i blo ni mtha' yas pas/ /tshad ni tshad med pa yin no/ /mi mnyam med pas zur bzhi pa/ /dran dang dbang po sgo bzhi ste/ /bsam
187a5 gtan rnams kyi rta babs bzhi/ /ting 'dzin khyams su bshad pa yin/ /khyams la brten pa'i rdo rje'i bdag /gzugs rnams lha mos mchod pa 'o/ /rgyan rnams kun
187a6 gyis bkra ba ni/ /bsams pa thams cad rdzogs byed pa/ /gdul bas bskyod pa sna tshogs mchog /dam chos mchog ste kun tu 'gro /rlung gis bskyod pa sna tshogs
187a7 pa'i/ /ba dan rtser btags dril sgra sgrogs/ /me long ye shes rtag me tog /byang chub yan lag me tog phreng / /dra ba me long me tog che/ /me tog phreng ba'i rgyan gyis
187b1 bskor/ /kun grub mi 'gyur bde ba ni/ /bde ba chen po zhes bshad do/ /bde ba chen po'i gzhal yas khang / /dang po'i gnas su bri bar bya/ /thar pa chen po'i grong khyer mchog
187b2 kun mchog de ni legs bris nas/ /thog ma tha ma med pa'i dbyings/ /phyogs kun mnyam pa nyid du bsam/ /de ni phyi yi dkyil 'khor ro/ /de yi nang gi 'khor lo ni/ /dkyil
187b3 'khor brgyad pa lta bu yin/ /'di ni rnam thar brgyad po ste/ /dngos grub kun gyi bde ba ster/ /byang sems theg pa chen po yi/ /mdo sde'i 'khor lo rab bskor bas/ /rdo rje thig
187b4 gis yongs bskor ba/ /rdo rje 'khor lo yang dag bri/ /de ni sna tshogs pad+ma cher/ /rdo rje sems dpa' dgod par bya/ /lugs ma'am yang na brkos pa 'am/ /byas pa 'am
187b5 yang na bris ba ste/ /'dzum bcas zla ba'i mdog can la/ /dmar zhing sna tshogs 'od 'bar ba/ /sangs rgyas kun gyi dbang la sogs/ /rgyan dang na bza' sna tshogs pa/ /sems
187b6 dpa'i skyil krung dag gis bzhugs/ /rdo rje bsnyems tshul 'chang ba'i mchog /su ra ta s+t+waM zhes brjod cing / /rang snying pos kyang gzhag par bya/ /de yi phyogs ni thams
187b7 cad du/ /tshon nam de bzhin phye ma yis/ /go rims dag ni ci bzhin du/ /rdo rje lha mo yang dag bri/ /rdo rje mchod bstod la brtson bya/ /rdo rje chags ma mdun du bri/ /lha mo
188a1 @#/ /rdo rje rol pa ni/ /rdo rje can la rab 'khyud pa/ /rgyab tu rdo rje dran ma ni/ /chu srin rgyal mtshan 'dzin pa 'o/ /rdo rje 'dod pa'i dbang phyug ma/ /rdo rje khu
188a2 tshur gnyis bsnyems bri/ /de nas 'di rnams dgod pa'i phyag rgya ni/ dzaHbadzra dri Sh+Ti sa ma ke ma Ta hUM/ oM badzra ki li ki la hUM/ baM badzri Ni sma ra ra Ta/ ho badzra kla me shwa ri
188a3 s+t+waM/ /mtshams su rdo rje sems ma sogs/ /dus kyi mchod pa yang dag bri/ /rdo rje sbrang rtsi ma dang sprin/ /ston dang dgun ni rdo rje ma/ /me tog bdun pa mar me che/ /dri
188a4 ste spyi bor thal sbyar ba/ /rdo rje rgyal po'i lha mo ste/ /de nas phyag rgya rab bshad bya/ /oM ma d+hu badzri g+huM g+huM/ oM badzra me g+he gu lu gu lu/ oM sha rad badzri/ oM oM/ oM badzra
188a5 shi shi ri hUM hUM/ sgeg mo bzhad ma glu chen ma/ /gar mdzad ma yi lha mo'i tshogs/ /rdo rje rol mo 'di dag ni/ /phyi rol gyi ni mtshams su bya/ /he ra ti badzra me g+ha bi
188a6 la si ni tra ha/ /he ra ti badzra nr-i t+ye be ba be ba/ sgo yi gnas ni thams cad du/ /gsol ga pa ni bzhi po ste/ /rdo rje lcags kyu zhags pa dang / /lcags sgrog de bzhin dril
188a7 bu ma'i/ /badzra aM ku sha dzaH/ badzra pA she hUM/ badzra shriM kha le baM/ badzra g+ha N+De hoH/ /dam tshig mchog ni thams cad kyi/ /dgongs shing brtag pa nyid du 'gyur/ /rdo rje lha
188b1 mo la sogs pa/ /dngos grub kun la 'byung bar 'gyur/ /gsol ka ba dang g.yog mo yi/ /gtso mo pho nya bran mo'o/ /de nas kun mchog la sogs pa/ /mngon bris yang dag
188b2 bsgrub par bya/ /dam tshig mchog ni bcings nas su/ /dzaHhUM boM hoHzhes brjod bya/ /sems dpa'i skyil krung bcas nas ni/ /rdo rje can gyi spyan sngar 'dug /bde ba chen
188b3 po'i rdo rje mchog /bdag po lan cig yang dag dgug /hUM mahA su kha badzra satwa/ ya hi shI g+h+raM mahA su kha badzra a mo g+hA ya/ a nu pA la ya/ pra bud+d+ha su ra ta s+t+waM a nu ra k+to
188b4 me b+ha ba/ su to sh+yo me b+ha wa/ su to sh+yo me b+ha wa/ b+ha ga wA na nA di na sa satwa/ sarba sid+d+hi m+me pra yats+tsha/ a she ta ma tri sha A be sha ya sa ma ye ra bad d+ha/ pa shI ka ro me/ i me ra mu
188b5 drA pa daiH/ dzaHhUM baM hoH/ 'di yis bcom ldan 'das rtag par/ /dkyil 'khor du ni rang nyid gshegs/ /bkug cing bcug la shin tu brtan/ /dbang du gyur nas rab tu
188b6 thub/ ces bcom ldan 'das dam tshig chen po gsungs so/ /rdo rje slob dpon rang lha ni/ /'od zer kun tu ston la sogs/ /mtshan ma rnams pa mang po ni/ /ngo mtshar gyur pa mthong
188b7 bar 'gyur/ /de nas rdo rje mchod yon ni/ /rdo rje thal mo kha byed bul/ /bum pa kang dag ci snyed pa'i/ /me tog sogs kyis yang dag mchod/ /ba dan rtse mor dril btags
189a1 @#/ /pa/ /mtshams kyi char ni bzhag par bya/ /bum pa spos chus gang pa la/ /rdo rje bcas pas phyin brlangs pa/ /lcug ma la ni yongs su bzlas/ /de
189a2 la bde ba chen po rdo rje don yod pa'i dam tshig gi tshur bsgrub pa ni 'di yin te/ hUM mahA su kha badzra ma mo g+ha sa ma yo da ka sad d+ha ma b+hi sha ny+tsa/ sarba su kha so ma na s+yA myA da da ku ru
189a3 ku ru/ dzaHhUM baM hoH/ /'di lan nyi shu rtsa gcig yongs su bzlas la bdag nyid la rdo rjes dbang bskur bar bya'o/ /bsang gtor bya ba dang / 'thungs pas kyang sdug bsngal
189a4 thams cad bsal pa dang / bde ba chen po thams cad 'phel bar 'gyur ro/ /zhes bcom ldan 'das rdo rje sems dpas gsungs so/ /de nas 'khor lor ma zhugs
189a5 kyang / /rang nyid thog mar byung zhugs shing / /rdo rje kun gyi slob dpon che/ /rdo rje can gyis rang byin rlob/ /de nas rdo rje 'dzin slob dpon/ /rang nyid khrus byas dris legs
189a6 byugs/ /ci rnyed pa yi rgyan gyis brgyan/ /shin tu dmar ba'i gos bgo zhing / /me tog phreng btags kha dris bsgo/ /rnam sgeg dga' ba'i rdo rje dang / /rdo rje gar gyi sbyor
189a7 ba yis/ /spyi bor me tog thal sbyar nas/ /gnas de mgon la phyag bya'o/ /zhugs nas dkyil 'khor de la ni/ /bskor ba dag ni lan gsum bya/ /de nas mdun du
189b1 'dug nas ni/ /de kho na nyid lan gcig brjod/ /'dod chags chen po bde ba chen/ /rdo rje chen po nor che ba/ /ye shes chen po las chen po/ /de dag rdo rje sems grub brjod/ /de nas me
189b2 tog sil ma ni/ /mgon la gtor te cho ga bzhin/ /dang po Sha Da la sogs/ /bstod pa glu ru lan gcig blang / /de nas bcom ldan 'das kyi bstod pa'i rgyal po mtshan brgya rtsa
189b3 brgyad pa de kho na nyid chen po ni 'di yin te/ /dpal mchog dang / po sems dpa' che/ /dga' ba chen po'i dga' ba chen/ /kun tu bzang po kun bdag nyid/ /rdo rje bsnyems tshul bdag
189b4 po'i bdag /sems dang sems dpa'i ting 'dzin mchog /rdo rje rdo rje mchog chen po/ /kun tu bzang po'i spyod pa mchog /bdud dang bdud rni rab 'joms pa/ /thams cad du ni
189b5 byang chub che/ /sangs rgyas sangs rgyas skyes mchog skyes/ /rdo rje hUM mdzad yi ge hUM/ /'jig rten dbang phyug nor rab gsal/ /'dod chags chen po bde ba nyid/ /'dod dang thar
189b6 pa nor che ba/ /dus gsum srid gsum mchog gsum dang / /'jig rten gsum mchog khams gsum pa/ /brtan par rang 'byung gsal ba ste/ /rab phra sbom dang legs bsags
189b7 pa/ /rgyu ba rab mchog thob mdzad pa/ /srid pa 'khor ba sbyong mdzad pa/ /thog mtha' med cing thog mtha' can/ /mdangs ldan dang por thams cad gnas/ /snying po phyag rgya
190a1 @#/ /sbyor dam tshig /de nyid bden pa mchog pa ste/ /de bzhin gshegs pa'i dngos grub che/ /chos dang las ni khams chen po/ /dam pa'i chos ste las/
190a2 mchog bdag /byang chub sems ni rab sbyod mdzad/ /rdo rje khro bo khro bo che/ /dus mtha' ltar 'bar 'dul ba po/ /'dul mdzad chen po gdug pa'i mchog /drag po drag
190a3 nyid zad mdzad pa/ /thams cad dag pa pad+ma che/ /shes rab thabs te tshul chen po/ /'dod chags dag pa'i ting 'dzin mchog /sna tshogs chags pa dbang phyug che/ /nam
190a4 mkha' mtha' yas rtag pa'i don/ /'byung po thams cad gnas chen po/ /'byor pa po ni thams cad gnas/ /'byor pa dpal dang gtso bo rgyal/ /bsam pa thams cad rdzogs
190a5 mdzad pa/ /phyag 'tshal khyod la phyag 'tshal lo/ /phyag 'tshal 'dud cing phyag 'tshal lo/ /dad pas khyed la bdag brten bgyid/ /rdo rje sems dpa' bdag grub mdzod/ /
190a6 gang zhig bstod pa'i rgyal po 'di/ /nyid re nang par rjod byed dam/ /chos kyi tshig gis lan gcig brjod/ /dngos grub shin tu myur bar 'gyur/ /gal te 'dir grub mi 'dod
190a7 na/ /dang por nyin re dus gsum dang / /bstod na sdig pa las nges grol/ /zhing dag pa ni grub par byed/ /rtag tu sdug bsngal thams cad sel/ /lan gcig rab tu brjod
190b1 pa yis/ /dngos grub thams cad skal bzang byed/ /phun sum tshogs dpal 'phel bar byed/ /dngos grub don yod yon tan can/ /mtshan brgya rtsa brgyad dam pa 'o/ /de nas
190b2 gsang ba'i mchod pas ni/ /rab tu dga' bas mgon la mchod/ /rang gi phyag rgyas lan gcig ni/ /rang gi phyag rgyas bcings te grub/ /de nas lha yi chu dang ni/ /de bzhin sku
190b3 mchog gis dbang bskur/ /rang nyid snying po rdo rje phyag /snying po 'di ni blang bar bya/ /de la rdo rje sems dpar dbang bskur ba'i snying po ni 'di yin te/ hUM mahA su kha badzra satwa a b+hi
190b4 She ke na hrIHa b+hi Shiny+tsa mi/ sarba badzra a d+hi pa ti s+t+waM dr-i d+ho me b+ha ba mi d+ha nA ma ma ste ga blan/ mahA badzra d+ha ra su rata s+t+waM/ mahA badzra satwa/ oM b+hur b+hu ba swa/ /de nas rdo rje dbang
190b5 bskur ba/ /phyag na rdo rje ril 'dzin pa/ /rdo rje 'dzin chen slob dpon du/ /'di nyid du ni rab 'grub 'gyur/ /de nas kyang ni ci 'dod par/ /cho ga'i dam pa bsgrubs nas ni/ /rdo rje
190b6 gar gyi mchod pa yis/ /legs par mchod la phyir phyung bya/ /de nas brtsams te rdo rje'i bdag /rdo rje kun gyi gsung rab 'dzin/ /rdo rje thams cad 'dzin slob dpon/ /dngos
190b7 grub thams cad grub par 'gyur/ /rdo rje sems dpa' dngos grub / /phyag rgya kun bdag dbang phyug che/ /d+hIH/ thams cad mkhyen pa'i rdo rje che/ /las rnams thams cad
191a1 @#/ /nus la brtag /mi tshugs pa dang mi sod pa/ /kun byed dngos grub thams cad ster/ /sems can kun gyi rgyal po che/ /tshar gcod pa dang phan 'dogs
191a2 nus/ /thams cad rjes chags byed kun mchog /kun rig pa dang kun gyi bdag /'dod pa thams cad la rab sbyor/ /phun tshogs kun gyi dbang phyug che/ /lha la sogs pa'i
191a3 sems can kun/ /bsgo ba thams cad rtag tu byed/ /rdo rje sems dpa' rtag tu mthong / /tshe 'di nyid la 'grub par 'gyur/ /de nyid kyis ni 'dod par ldan/ /dga' zhing
191a4 rang nyid de bdag por/ /rdo rje slob dpon 'gyur ba yin/ /zhes bcom ldan 'das rdo rje sems dpas gsungs so/ /bde ba chen po rdo rje slob dpon byin gyis brlab cing
191a5 'jug pa'i cho ga rgyas pa'i rgyud do// //de nas rdo rje slob ma 'jug pa'i cho ga rgyas pa'i rgyud rjes su bshad par bya'o zhes bcom ldan 'das rdo rje sems
191a6 dpas gsungs so/ /rdo rje mchod yon snying gar bskor/ /bcings nas bsam g.yos bzhin gyis ni/ /mgo bos yang dag phyag rgya bya ba/ /dngos grub thams cad grub byed
191a7 yin/ /dkyil 'khor du ni rab zhugs la/ /bskor ba lan gsum byas nas ni/ /'dod chags chen po bde ba che/ /'gro ba kun la'ang grub mdzad brjod/ /de nas dus kyi
191b1 mchod pa yis/ /bde ba chen po yang dag mchod/ /de bzhin du ni dbang bskur bar/ /rdo rje gsang ba'i slob ma gzhug /de nas ci bzhin brgyan nas ni/ /rdo rje slob dpon gyis rab
191b2 gzhug /slob ma'i tshogs rnams bcug nas ni/ /ci 'dod pa yi dngos grub 'thob/ /de nas slob ma bcug nas ni/ /dga' chen po 'di brjod par bya/ /rab dgyes rab bde
191b3 bstan pa yi/ /rdo rje sems dpa' deng grub mdzod/ /de nas me tog phreng ba ni/ /spyi bo nas ni myur du 'dor/ /gang du me tog babs gyur te/ /lhag pa'i lhar ni rab 'grub 'gyur/ /de nas
191b4 lha yi chu yis ni/ /rdo rje 'dzin par dbang bskur/ rdo rje chen po rdo rje lnga/ /byon la rdo rje bo d+hi brjod/ /oM ma hA su kha badzra/ /badzra a b+hi She ke na s+t+waM/ /a b+hi Shiny+tsa mi/ /ma hA badzra d+hA ra/ he
191b5 badzra nA ma si d+d+ha nA ma/ gang la rdo rje ming gang zhig yin pa de la kye zhes bya ba'i sgra dang sbyar bar bya'o/ /de nas snying po byin la/ phyag rgya bcing ba bslabs nas ci ltar mngon par
191b6 'dod pa bsgrub par bya'o/ /rdo rje sems dpa'i cho ga 'am/ /gang 'dod rang gis grub pa la/ /de nyid kyis ni dam tshig nyid/ /'jug la sogs pa'i cho ga bshad/ /'jig rten
191b7 pa ni sna tshogs dang / /de bzhin 'jig rten 'das pa yang / /thams cad rang gi ngo bo ni/ /rgyas par bsgrubs na rab tu 'grub/ /'di la rab tu 'jug tsam gyis/ /mi tshugs pa
192a1 @#/ /dang mi ldog pa/ /nyid du rgyal ba'i sras 'gyur zhing / bde chen rab tu grub pa ster/ /de nas rdo rje 'dzin slob dpon/ /mna' ni dam du bsngags nas kyang / de nyid
192a2 chos dang dam tshig ni/ /rang nyid dang ni gzhan gyis bslab/ /de la 'di ni mna' grub pa'i rdo rje chus dbang bskur nas brjod par bya'o/ /'di ni khyod kyi dmyal ba'i chu/ /dam tshig
192a3 'das na sreg par byed/ /dam tshig bsrungs na 'grub par 'gyur/ /dngos grub rdo rje bdud rtsi chu/ /de nyid chos dang dam tshig ni/ /gal te dkyil 'khor ma mthong smra/ /skye bo
192a4 'dug nang gnas pa 'ga'/ /dad pa med pas bgad par 'gyur/ /de la 'di ni de kho na nyid dang / dam tshig gi gsang ba'i cho ga rab tu sbyin pa yin te/ thog mtha' med
192a5 pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems tshul bdag po'i bdag/ /de kho na nyid mchog gi gsang ba lnga'i
192a6 de kho na nyid chen por bshad par brjod par bya'o/ /bcom ldan de nyid chos kyi mchog bka' stsal bar mdzad de/ srid pa ngo bo nyid kyis dag/ ngo bo nyid kyis srid bral
192a7 byas/ /rang bzhin dag pa'i sems dpa' mchog /srid pa mchog ni byed pa yin/ /de la srid pa rnam par dag pa'i thabs rtog pa thams cad kyi gsang ba'i mchog dam
192b1 tshig chen po bsten par bya ba ni 'di yin te/ /srid pa'i bde ba shin tu chung / /sdug bsngal chen po dag bya'i phyir/ /shin tu bde ba dam pa'i thabs/ /dam tshig rtag tu bsten par bya/ /
192b2 'dod pa'i longs spyod thams cad ni/ /ci 'dod par ni bsten bzhin du/ /rang gi lhag pa'i lha sbyor bas/ /bdag dang gzhan la mchod par bya/ /de la rtog pa thams cad kyi gsang
192b3 ba'i mchog gi dam tshig chen po 'di brjod par bya ste/ /ci srid 'khor ba'i gnas su ni/ /mkhas mchog 'dug par gyur ba'i tshe/ /de srid mtshungs med sems can don/ /mya
192b4 ngan mi 'da' byed par nus/ /gsang ba mchog gi dam tshig thabs/ /bsod nams byin rlabs sgrub byed pa/ /dngos grub kun gyi dbang phyug mchog /rgyun tu sems can don
192b5 byed pa'o/ /de ltar sems ni rab dang rdo rje nyid du gyis/ /rang gi dam tshig mi zad bde skyed bsten par gyis/ /de na 'gro la myur du bde ba sangs rgyas thams cad dang / /rab tu
192b6 mtshungs shing rtag pa nyid du rtogs par 'gyur/ /de nas khyed kyis bcud dang / kha zas dang / gnas pa dang / glu dang / rol mo la sogs pa'i mchod pa rnams legs par
192b7 bstabs pa bas bdag nyid gang la sred pas kyang rdo rje slob dpon chen po mchod par bya'o/ /rdo rje slob dpon me tog sogs/ /ci 'dod par ni legs mchod cing / /rdo rje gar gyi
193a1 @#/ /mchod pa yis/ /yang dag par ni mchod de byung / /de nas rdo rje 'dzin slob dpon/ /gar gyi mchod pas mchod nas ni/ /rdo rje thal mo'i sbyor ba yis/ /
193a2 slob ma kun gyis rab tu mchod/ /ro dang kha zas gnas pa dang / /glu dang rol mo ci 'dod pas/ /rdo rje sems dpa' de bzhin bdag /yang dag mchod nas phyir byung bya/ /dpal
193a3 mchog dang po zhes bya ba'i dkyil 'khor mchog tu gsang ba'o// //de nas sgrub pa bshad bya ba/ /dngos grub shin tu rtag pa ste/ /gang gi srid pa 'di nyid la/ /
193a4 dngos grub rtag pa thob byed pa'o/ /'di yis byang chub sems dpa' ni/ /srid par gnas shing srid par sangs/ /dngos grub kun gyi dbang phyug grub/ /rtag tu sems can
193a5 kun don byed/ /'di yi ci ltar mchog grub pa/ /de ltar byang chub spyod sogs pas/ /dge ba'i tshul ni gzhan gyis kyang / /sangs rgyas kun sogs thob mi 'gyur/ /gdul
193a6 bya min pa bsod nams med/ /sangs rgyas rdo rje 'dzin pa ni/ /rnam pa kun tu mthong sogs kyis/ /sems can don byed mi nus so/ /de bas rgyud chen las grub pa/ /sangs
193a7 rgyas sam ni rdo rje 'dzin/ /mthong la sogs pa sems can don/ /nam mkha' mnyam par byed pa yi/ /'dod chags chen po bde ba che/ /srid pa'i nges pa dri ma med/ /nam
193b1 mkha' mtha' yas sems can don/ /mya ngan mi 'da' byed pa yin/ /dkyil 'khor dag tu ma zhugs pa'am/ /bsod nams med pa'am le lo can/ /de yang kun mchog grub pa
193b2 yis/ /tshe 'di nyid la 'grub par 'gyur/ /zhes bcom ldan 'das don yod grub pa rdo rje sems dpas gsungs so/ /de nas don yod cing thogs pa med pa myur du sgrub pa'i mchog
193b3 rjes su bshad par bya'o zhes bcom ldan 'das rdo rje sems dpas gsungs so/ /lugs ma 'am ni brkos pa 'am/ /byas pa 'am ni bris pa yi/ /dang ba'i sems dpa'i brtags
193b4 nas ni/ /mdun du de ni bsgrub par bya/ /nyin re zhing ni dang po ru/ /de bzhin yul dang ldan gyur pas/ /dang po'i gsang mchog gis bkug ste/ /phyag rgya chen por rab byin
193b5 brlab/ /rdo rje mig gis de bzhin bltas/ /rdo rje bsnyems tshul bdag po rang / /rdo rje hUM ni glur blangs pas/ /rdo rje sems dpa' bsgrub par bya/ /rdo rje cha lugs ci bzhin
193b6 du/ /mchog gi dad por rab dgyes pas/ /gzugs brnyan la sogs dang por ni/ /ci 'dod par ni rab tu bsgrub/ /'di yis 'dod pa kun dbang phyug /'dod pa tsam gyis
193b7 'gro 'ong lding / /dngos grub kun gyi dbang phyug grub/ /kun mchog dam pa'i dbang phyug yin/ /phun tshogs kun bdag thams cad pa/ /'dod chags chen po bde ba che/ /
194a1 @#/ /thams cad 'jug mdzad sna tshogs pa/ /rtag par kun tu 'dul ba po/ /dngos grub kun gyi bde ba mchog /phyag rgya kun bdag dbang phyug yin/ /rdo rje
194a2 kun gyi dngos grub che/ /thams cad mkhyen pa'i 'byung gnas che/ /mi tshugs pa dang mi sod pa/ /thams cad byed cing kun gyi gnas/ /khams gsum las rgyal sna tshogs
194a3 pa| |tshar gcod pa dang phan 'dogs pa/ /kun la rjes chags kun gyi mchog /kun rig dngos grub thams cad ste/ /'jig rten khams ni thams cad du/ /rang gi rnam
194a4 'phrul rab ston byed/ /kun mchog dngos grub chen po ste/ /dbang phyug chen po'i dbang phyug che/ /gzugs dang tshe stobs rdo rje mchog /rdo rje sems dpa' gnyis pa bzhin/ /
194a5 'gro ba rnams kyis mchod cing rjed/ /rang gi gnyen rnams kyis brten pa/ /rgyal po rdo rje 'chang chen ltar/ /rga dang 'chi ba med par 'gyur/ /gal te rdo rje sems dpa'
194a6 'am/ /sangs rgyas byang chub sems nyid 'dod/ /dngos grub ji ltar 'dod pa nyid/ /tshe 'di nyid la 'grub par 'gyur/ /phyi ma 'am ni 'jig rten pa/ /rtog pa kun bshad
194a7 cho ga 'am/ /rang nyid kyis mdzad kyis rtag tu/ /dngos grub thams cad grub 'gyur zhes/ /bcom ldan rdo rje dngos grub kyis/ /dbang phyug bde ba chen po ni/ /rdo rje 'chang ba
194b1 che rgyal po/ /kun mchog sa yi dbang pos gsungs/ /de la ci ltar na rang gi phyag rgya sgrub pa'i rgyud yin zhe na/ /phyag rgya chen po mnyam gzhag la/ /rang gi snying pos lan gcig
194b2 sgrub/ /dr-iD+ha su to Sh+ya saM rak+ta/ /su po sid+d+ha ta la gu/ /de la ci ltar yi ge hUM gi glu blangs pa'i rgyud yin zhe na/ /ri d+hi ta sogs kyis brgyan ldan/ /ci nus pa dang / dga' dang
194b3 gaN+De la sogs glu blangs pa'i/ /yi ge hUM gis 'grub par 'gyur/ /de nas phyogs rgya thams cad kyi/ /mchog de sgrub pa'i rgyud bshad de/ /gal te phyag rgya sgrub 'dod na/
194b4 de bzhin yul dang ldan gyur pas/ /rang nyid kyis ni rgya bcings la/ /yongs su mi skyo'i bar du bsgrub/ /de la ci ltar na dam tshig thams cad grub pa'i rgyud yin zhe na/
194b5 dam tshig phyag rgya bcing nas ni/ /sa ma ya s+t+waM zhes brjod la/ /rang gi snying gar rim bzhin du/ /phyag rgya'i mchog de bsgrub par bya/ /de nas las kyi phyag rgya'i mchog sgrub
194b6 pa'i rgyud ni/ /rdo rje gar gyi mchod pa yis/ /yongs su mi skyo'i bar bsgrubs na/ /mchod pa kun sogs las rnams ni/ /tshe 'di nyid la 'grub par 'gyur/ /rdo rje 'chang
194b7 chen nyid dang ni/ /sangs rgyas byang chub sems nyid dang / /gzhan yang dngos grub thams cad ni/ /dam par myur du 'grub par 'gyur/ /rtog pa thams cad kyi sgrub pa
195a1 @#/ /chen po don yod par grub pa'i cho ga rgyas pa'i rgyud do// //de nas rtog pa thams cad sgrub pa'i dngos grub kyi rgyud ni/ /nyin re zhing dang
195a2 por lan gcig phyag rgya bsgrub par don yod pa dngos grub thogs pa med pa bshad par bya'o zhes bcom ldan 'das kyis gsungs so/ /thams cad rjes su mnyes par bya
195a3 ba dang / dgug pa dang / bcing ba dang / dbang du bya ba bsgrub pa la ni bde ba chen po'i rdo rje lta bas so/ /bde ba dang / yid bde ba dang / phun sum tshogs pa dang / dngos
195a4 grub thams cad mngon par 'phel bar bya ba la ni bde ba chen po'i rdo rje chos so/ /tshe dang / lang tsho dang / gzugs dang / gzi brjod chen po mngon par 'phel bar bya
195a5 ba la ni dang po'i rdo rje bcud kyis len gyis so/ /dpal chen po dang / skal ba bzang po dang / grags pa dang / snyan pa 'phel bar bya ba la ni dang po'i rdo rje grub pas so/
195a6 stobs chen po dang / ye shes dang / chos dang / las bsgrub par bya ba la ni dang po'i rdo rje snying stobs che bas so/ /rdzu 'phrul dang / cho 'phrul dang / rmad du byung ba dang /
195a7 rnam par 'phrul ba thams cad ston pa la ni dang po'i rdo rje'i rnam par 'phrul bas so/ /thams cad du yi ge dang / gzugs kyi bden pa thams cad mthong ba dang / thos pa
195b1 dang / smra ba dang / 'dri ba grub par bya ba la ni dang po'i rdo rje don yod pa'i bden pas so/ /dbang po thams cad kyis bden pa thams cad mthong ba dang / thos pa dang / smra ba dang /
195b2 zil gyis gnon par bya ba la ni dang po'i rdo rje don yod pa'i bden pas so/ /sgyu ma thams cad dang / bde ba'i mchog dang / lung bsgo ba dang / lan thob pa grub pa la dang po'i rdo rje
195b3 yid du byung bas so/ /gter thams cad dbyung ba dang / nor dbrog pa dang / rgyal srid thob pa dang / sa la nye bar longs spyod pa la ni dang po'i rdo rjes dbang bskur bas so/ /yul
195b4 thams cad dang / skye bo dang / grong khyer dang / nangs dang / chu bor nye bar longs spyod sprul ba la ni dang po'i rdo rje grub pas so/ /thams cad las sngon ma byung ba'i lha yul dang
195b5 rin po che dang / kha zas dang / btung ba dang / g.yog 'khor shin tu bzang po la sogs pa sprul te nye bar longs spyod pa la ni dang po'i rdo rje sprul pas so/ /skad cig gis sa
195b6 gzhi thams cad 'bru la sogs pa smin par bskyed pa dang / chu'i phung po chen po 'byung ba dang / snang ba chen po bskyed pa dang / rlung thams cad dbang du bya ba la ni dang po'i rdo
195b7 rje dbyings kyi dbang phyug gis so/ /rgyu ba dang mi rgyu ba'i dngos po thams cad bza' ba dang / btung ba dang / rang rtser gzhug pa dang / las thams cad la sbyar ba la ni/ dang
196a1 @#/ /po'i rdo rje don yod pa'i thams cad dbang du byed pas so/ /dngos grub thams cad las de bzhin gshegs pa dang / byang chub sems dpa' dang / rdo
196a2 rje 'dzin pa dang / rdo rje la sogs mthong ba la ni dang po'i rdo rje'i bsnyems pas so/ /rang gi bdag nyid rdo rje sems dpa' la sogs pa'i gzugs thams cad sprul cing
196a3 ston pa mi snang ba dang / nam mkhar 'gro ba grub pa dang / shin tu phra ba dang / sbom pa dang / du mar ston pa la ni dang po'i rdo rje gzugs sna tshogs pas so/ /'jig
196a4 rten gsum gyi bdag por gyur pa thams cad dbab pa dang / dbang du bya ba dang / bcing ba dang / las thams cad la sbyar ba la ni dang po'i rdo rje hUM mdzad kyis so/ /lha thams
196a5 cad dbab pa dang / bcing ba dang / dbang du bya ba dang / las thams cad la nges par sbyar ba la ni dang po'i rdo rje lha'i bdag pos so/ /klu thams cad gdon pa dang / 'dul ba
196a6 dang / dbang du bya ba dang / las thams cad la nges par sbyar bar bya ba la ni dang po'i rdo rje 'bar ba'i rdo rjes so/ /gnod sbyin la sogs pa thams cad dgug pa dang / dbang
196a7 du bya ba dang / las thams cad la nges par sbyar bar bya ba dang / skrag par bya ba la ni dang po'i rdo rje gdon 'dul bas so/ /dkyil 'khor thams cad brtag pa dang / 'jug pa
196b1 dang / mchod pa dang / bsgrub pa dang / las thams cad la nges par sbyar bar bya ba la ni dang po'i rdo rje 'khor los so/ /phyag rgya thams cad dgug pa dang / bcing ba dang / dbang
196b2 du bya ba dang / brtan par bya ba dang / bsgrub pa la ni dang po'i rdo rje phyag rgya grub pas so/ /dam tshig thams cad dgug pa dang / gzhug pa dang / bcing ba dang / bsgrub pa la ni dang
196b3 po'i rdo rje dam tshig mchog gis so/ /las thams cad rab tu bsgrub pa la rnam pa mi 'jigs par bya ba dang / brtan par bya ba dang / grags pa chen po rab tu bsgrags pa la ni
196b4 dang po'i rdo rje las kyis so/ /rdo rje thams cad dgug pa dang / gzhug pa dang / bcing ba dang / dbang du bya ba bsgrub pa la ni dang po'i rdo rjes so/ /sems dpa' chen po thams cad
196b5 dgug pa dang / gzhug pa dang / bcing ba dang / dbang du bya ba bsgrub pa la ni dang po'i rdo rje sems dpas so/ /de bzhin gshegs pa thams cad dgug pa dang / gzhug pa dang /
196b6 bcing ba dang / dbang du bya ba bsgrub pa la ni dang po'i de bzhin gshegs pas so/ /rdo rje 'dzin pa chen po dgug pa dang / gzhug pa dang / bcing ba dang / dbang du bya ba la ni dang
196b7 po'i rdo rje 'dzin pas so zhes kyang gsungs so/ /dkyil 'khor dag tu ma zhugs pa'am/ /sdig pa thams cad byas pa 'am/ /rang gi snying po ma bsgrubs pa dang / /dngos grub
197a1 @#/ /thams cad grub par 'gyur/ ma bsgrubs par thams cad 'grub pa don yod par grub pa phyag rgya chen po mchog tu grub pa'o/ /de nas dang po'i snying
197a2 po ma bsgrubs pa'i thams cad don yod pa thogs pa med pa las thams cad kyi rgyu skad cig la bsgrub pa rjes su bshad par bya'o/ /zhes bcom ldan 'das rdo rje thams cad
197a3 kyi sna tshogs pa'i 'phrin las rdo rje 'chang chen pos gsungs so/ /don yod pa dang thogs med pa/ /bdag kyang bde gshegs lhan cig tu/ /las kyi rab 'byams 'di dag ni/ /
197a4 dngos grub skad cig gis sgrub byed/ /'di lta ste/ thams cad shin tu bsrung ba dang / yongs su bskyang ba dang / zhi pa dang / bde legs su bya ba dang / tshe mngon par
197a5 'phel bar bya ba la ni rdo rje gar gyi sems dpa'i tshul gtsug tor gyi phyag rgyas so/ /dkyil 'khor thams cad mtshams dang / phyogs dang / dam tshig dang / dngos grub
197a6 bcing zhing bsrung ba la ni rdo rje gar gyi so sor 'brang ba chen pos so/ /nyin gsum pa dang / nyin bzhi pa dang / slar zlog pa dang / rtag pa can dang / khyab 'jug gi rims
197a7 thams cad gsal ba la ni rdo rje gar gyi rims nad med pas so/ /gdung ba thams cad dang / gnod byed dang / nad dang / mya ngan dang / sdug bsngal thams cad gzhig
197b1 pa la ni rdo rje gar gyis sdug bsngal nye bar zhi bas so/ /dug dang sbyar ba'i dug las nye bar thar pa dang / dbab pa dang / bcing ba dang / bza' ba dang / bdud rtsir bya ba la ni rdo rje
197b2 gar gyi nye ba'i dug gis so/ /gdon thams cad dbab pa dang / bcing ba dang / dam tshig 'dzin du gzhug pa dang / rab tu gdul ba dang / bsrung ba la ni rdo rje gar gyi gdon
197b3 las thar pa'o/ /thams cad la bcing ba dang / thar pa dang / dral ba dang / ltung ba dang / ldang ba la ni rdo rje gar gyi rdo rje chen po'i khro bos so/ /mkha' 'gro ma thams cad kyi
197b4 phyag rgya gzhig pa dang / gdon las thar bar bya ba dang / shi ba bslang bar bya ba dang / tshe mngon par 'phel ba dang / shin tu bsrung ba la ni rdo rje gar gyi phyag rgya'i lan gyis
197b5 so/ /sgrib pa thams cad dang / sdig pa thams cad dang / rmi lam ngan pa dang / ltas ngan pa dang / byur gzhig pa la ni rdo rje gar gyi zhi bas so/ /thams cad dbab pa dang /
197b6 bskyod pa dang / gar byed du gzhug pa dang / thams cad bden par smrar gzhug pa dang / pra se na thams cad bsgrub pa la ni rdo rje gar gyi thams cad 'bebs pa'i phyag rgyas
197b7 so/ /thams cad rgyas gdab pa dang / gsad pa dang / ltung bar bya ba dang / bslang ba dang / slar gso ba la ni don yod pa'i rdo rje gar gyi mkha' 'gro ma chen mos so/ /
198a1 @#/ /thams cad rengs par bya ba dang / rmongs par bya ba dang / gnyid log par bya ba dang / gsad pa dang / bza' bar bya ba la ni rdo rje gar gyi gdug
198a2 pa'i srin pos so/ /gzhan gyi dpung thams cad skrag par bya ba dang / gzhig par bya ba dang / dbang du bya ba dang / ltung bar bya ba dang / gsad par bya ba la ni rdo rje
198a3 gar gyi gshed byed kyis so/ /khro bo thams cad bsal ba dang / bzhin ras dang bar bya ba dang / rtsod pa las rgyal ba dang / 'jigs pa las thar pa dang / g.yul 'gyed pa la sogs
198a4 pa'i rgyal ba bsgrub pa la ni rdo rje gar gyi rgyal mtshan mchog gi dpung rgyan gyis so/ /sprin thams cad yang dag par bzung zhing mi g.yo bar bya ba dang / char chen po dbab
198a5 pa dang / rlung dang / char pa dang / glog dang / ser ba bzlog pa dang / dro ba dang / grang ba bsal ba la ni rdo rje gar gyi dbang po'i rdo rjes so/ /gzugs dang / sgra dang /
198a6 dri dang / ro dang / reg bya thams cad shin tu grub pa la ni rdo rje gar gyi 'dod pa'i dbang phyug gis so/ /rgyu ba dang / mi rgyu ba thams cad rjes su chags pa dang / dgug
198a7 pa dang / dbang du bya ba dang / rtse ba dang / las thams cad la nges par sbyar ba la ni rdo rje gar gyi dngos grub thams cad kyis so/ /lha thams cad dbab pa dang / klu
198b1 thams cad dbang du bya ba dang / gnod sbyin dang / 'byung po dang / ma mo thams cad las la nges par sbyar ba la ni rdo rje gar gyi rdo rje glu'i mchog gis so/ /rnam thos sras
198b2 mnan nas dpal drang ba dang / lha'i bu mo thams cad rab tu dbrog pa dang / lha dang / lha ma yin gyi bud med thams cad dang rtse ba dang / 'jig rten gsum ma lus pa las
198b3 rgyal ba dang / 'dod pa'i dbang phyug thams cad las rgyal ba dang / dbang phyug chen po thams cad dbrog pa la ni rdo rje gar gyi skyes bu byed pa chen pos so/ /mchod pa thams
198b4 cad sgrub pa dang / thams cad rdo rjer bya ba dang / bdud la sogs pa thams cad rab tu gzhom pa dang / phyag rgya thams cad bcing ba dang / dngos grub kyi mchog la sogs
198b5 pa ma lus shing lus pa med pa'i dngos grub thams cad kyi las kyi myur du grub par bya ba la ni rdo rje gar gyi don yod cing thogs pa med pa myur ba'i las sna tshogs kyi dngos
198b6 grub dam pas so// //de nas phyag rgya thams cad bsgrub pa'i cho ga rgyas pa'i rgyud ni/ nyin re dang po lan gcig ni/ /phyag rgya thams cad rab sgrub byed/ /snying mchog
198b7 lan gcig bzlas nas ni/ /phyag rgya chen po rab grub bya/ /de yis rjes la nye snying po/ /las rnams kun la nges sbyar bas/ /don yod grub pas las rnams ni/ /kun la
199a1 @#/ /shin tu 'grub par 'gyur/ /phyag rgya thams cad rab byin rlob/ /phyag na rdo rje'i phyag rgya ni/ /dkyil 'khor dag kyang mthong ba la/ /ma bshad pa la'ang
199a2 rab 'grub 'gyur/ /rtog 'dir 'jig pa yod min te/ /'khor lo med la brgya byin la/ /gang phyir bdag la byin rlob pas/ /rang sras rgyu ni 'gyur ba yin/ /sdig pa chen po
199a3 byed pa yang / /bsam pa shes nas sbyin par bya/ /'di dag bcings tsam nyid dag byed/ /dngos grub thams cad 'grub par 'gyur/ /dpal mchog dang po'i rtog pa chen po'i
199a4 rgyal po bde ba chen po'i rdo rje don yod pa'i dam tshig gi cho ga rgyas pa'i rtog pa'o// //de nas ston pa rdo rje 'dzin/ /'byin pa byed pa bde ba che/ /bde chen can du
199a5 brtan phyir dang / /sems can thams cad rnam dag phyir/ /khams kun dang mnyam zad pa med/ /kun gyi bdag nyid la zhugs te/ /mnyam pa'i dngos grub mchog spros nas/ /
199a6 de bzhin gshegs pa'i rigs phyung ngo / /mtha' yas pa yi zhing thams cad/ /'jig rten kun gyi khams bcas pas/ /de tshe sangs rgyas thams cad kyis/ /til gyi gang
199a7 bu bzhin myur gang / /'jig rten khams ni thams cad du/ /sems can kun mdun yang dag bzhugs/ /sems can thams cad ma dag pas/ /rang rig las kyi
199b1 dag ma gyur/ /de tshe sems can khams rnams ni/ /rang bzhin gyis ni gso dka' phyir/ /rang gi las ni sbyang don du/ /btang snyoms chen po mdzad pa yin/ /de nas bcom ldan
199b2 rdo rje can/ /sems dpa' chen po bde ba che/ /byang chub chen por thugs brtan pas/ /skad cig gis ni yang dag bskul/ /sems can la phan bsod nams can/ /byang chub
199b3 sems ni brtan pa dag /sems can khams ni rgud 'gyur bas/ /shin tu btang snyoms ma mdzad cig /de nas sangs rgyas kyis gsungs pa/ /sku gsung thugs kyi rdo rje can/ /thugs
199b4 rje'i bdag nyid can gyi thabs/ /byang chub sems mchog khyod smros shig /de nas ston pa rdo rje 'dzin/ /de tshe kun nas byin gyis brlabs/ /bde ba chen po rdo rje che/ /dkyil
199b5 'khor chen po dam pa yin/ /khams gsum 'khor ba'i rgya khyon gyi/ /'khor lo chen po gdod nas byung / /de yis khams gsum gnas pa yis/ /sems can thams cad
199b6 yang dag bsgrubs/ /sangs rgyas kun sogs dngos grub la/ /de tshe dag pa 'grub par 'gyur/ /de nas sangs rgyas thams cad ni/ /'dus nas gsol ba 'debs mdzad pa/ /de
199b7 bzhin gshegs pa'i rigs chen po/ /sangs rgyas kun mchog bshad du gsol/ /de nas sangs rgyas thams cad kyi/ /sku gsung thugs la yang dag gnas/ /sku gsung
200a1 @#/ /thugs ni rdo rje la/ /yang dag spros te 'di gsungs so/ /oM b+hUM khaM/ /de nas 'di ni gsungs tsam gyis/ /sangs rgyas thams cad 'dus nas ni/ /bdud bcom
200a2 la sogs mdzad nas ni/ /byang chub snying por byin gyis brlabs/ /de nas ston pa rdo rje 'dzin/ /dkyil 'khor gyi ni mchog gsungs pa/ /sems can la ni bde don phyir/ /rtog pa
200a3 kun gyi bde ba che/ /de nas yang dag bshad bya ba/ /dkyil 'khor chen po dam pa ste/ /dkyil 'khor chen po'i phyi rol mchog /rdo rje 'khor lo yang dag bri/ /'khor lo lta
200a4 bar sangs rgyas nyid/ /'dzum pa'i tshems ni mi snang ba/ /su ra te sa ma ya s+t+waM/ /oM sid+d+ha mAM zhes brjod dgod/ /mdun du bdud las rnam par rgyal/ /mdzad pa'i sangs rgyas
200a5 yang dag bri/ /g.yas su byang chub sems dpa' yi/ /nor chen pos ni dbang bskur ba/ /rgyab tu byang chub sems dpa' dang / /mnyam du chos kyi 'khor lo bskor/ /g.yon
200a6 du log par rnam dregs pa/ /sdig pa bsdus pa kun 'byin pa'o/ /de nas 'di rnams kyi snying po ni/ badzra satwa/ badzra rat+na/ badzra d+harma/ badzra karma/ de nas phyag rgya rnams te/ satwa
200a7 badzrI/ rat+na badzrI/ pad+ma badzrI/ bi shwa badzrI/ /mtshams kyi char ni rdo rje dang / /rin chen sdong bu nor bu bri'o/ /mtshams rnams su ni lha mo ste/ /lcags kyu la sogs sgo rnams
200b1 su/ /de bzhan snga ma ci lta bar/ /'khor lo de ni brtag par bya/ /mchod pa'i thal mo snying gar bcing / /g.yon du de bzhin bskor bar bya/ /me tog dang bcas phyag rgya 'di/ /sangs
200b2 rgyas kun gyi dam tshig rim/ /me tog bcas te snying gar bcing / /bsam pa g.yos pas gdung par bya/ /mgon la mgo bos phyag byas la/ /bskor ba lan gsum byas nas
200b3 ni/ /zhugs nas me tog 'dor bar bya/ /shin tu gsang ba yang dag dgug /de la de bzhin gshegs pa thams cad mnyes par bya ba dang / dbang du bya ba dang / dgug pa
200b4 dang / bsgrub par bya ba'i snying po ni 'di yin te/ oM a kA ro mu khaM sarba d+harma NAM/ Ad+ya nut+pan na twa da/ /de nas cho ga ji bzhin du/ /ston la me tog sil ma dor/ /sangs rgyas
200b5 byang chub rab bsgrub phyir/ /'gro ba'i mgon la de nyid brjod/ /de yis kun nas sangs rgyas ni/ /thams cad 'dus pa nyid du 'gyur/ /thams cad mi dmigs sbyor ba yis/ /
200b6 dngos grub thams cad stsol bar mdzad/ /dkyil 'khor der zhugs pa la ni/ /dngos grub thams cad 'grub par 'gyur/ /dga' ba la sogs mtshan ma mchog /sna tshogs
200b7 pa ni 'byung bar 'gyur/ /de nas de bzhin cho ga ni/ /rgyas pas slob ma mchog tu gzhug /mchod pa'i thal mos 'khor lo che/ /mchod nas slar ni dbyung bar bya/ /sgrub pa
201a1 @#/ /byas nas dngos grub kyang / /cho ga ci bzhin rab bshad bya/ /ras la bcom ldan bdud la sogs/ /rnam par rgyal ba mnyes par bri/ /sgrub 'di lan
201a2 gcig tsam gyis ni/ /de 'dra'i sgrub pas 'grub par 'gyur/ /sku gzugs sogs mdun yang dag par/ /ye shes khu tshur yongs bzung la/ /rdo rje'i tshig gi cho ga bzhin/ /
201a3 bzlas brjod stong phrag brgya bya'o/ /mdor na 'bum ni rdzogs pa na/ /ci 'dod dngos grub thams cad dang / /tshe mchog 'di la sangs rgyas nyid/ /thob 'gyur 'di la the tshom
201a4 med/ /de nas de bzhin gshegs pa'i phyag rgya chen po'i sgrub pa chen po'i rgyud ni/ phyag rgya gang rung gcig bcings nas/ /bdag ni sangs rgyas yin bsgoms na/ /phyag
201a5 rgya chen po'i dngos grub che/ /bstan par myur du thob par 'gyur/ /de nas dam tshig sgrub pa'i rgyud ni/ /snying gar rdo rje gzugs bzhag ste/ /sa ma ya s+t+waM zhes brjod la/ /
201a6 bzlas brjod 'bum gyis bsgrubs nas ni/ /dngos grub thams cad thob par 'gyur/ /de nas las kyi phyag rgya thams cad sgrub pa'i rgyud ni/ /bdud las rgyal ba'i mchog
201a7 bcings te/ /chos kyi 'khor lo rab tu bskor/ /mtshungs med sems can don byas nas/ /las kyi phyag rgya rtag tu 'grub/ ces bcom ldan 'das kyis gsungs so/ /de
201b1 bzhin gshegs pa thams cad kyi dngos grub kyi mchog sgrub pa'i cho ga rgyas pa'i rgyud do// //de nas ma bsgrubs dngos grub mchog /las rnams rab 'byams dam pa
201b2 ste/ /sdig pa kun sel sna tshogs pa/ /go rims bzhin du rab bshad bya/ /'di lta ste/ nad thams cad dang / mya ngan dang / gnod pa dang / gnod byed dang / dug thams cad
201b3 dang / sbyar ba'i dug dang / gshed byed dang / g.yengs byed dang / ro langs dang / sngags dang / sman dang / bgegs dang / log 'dren dang / sdig pa dang / rmi lam ngan pa
201b4 dang / dus ma yin par 'chi ba dang / rims dang / gdon dang / mkha' 'gro ma dang / nye bar 'tshe ba dang / 'go ba'i nad dang / nyes pa dang / nyon mongs pa dang / lus dang /
201b5 ngag dang / sems kyi sdug bsngal thams cad rnam par bshig pa la ni de bzhin gshegs pa thams cad kyis sdug bsngal 'phrog par byed pas so/ /tshe dang / lang tsho dang /
201b6 gzugs dang / kha dog dang / gzi byin chen po dang / mdangs dang / stobs dang / spro ba dang / brtson 'grus dang / dpal dang / skal ba bzang po dang / bsod nams dang /
201b7 ming dang / snyan pa dang / grags pa dang / dran pa dang / blo gros dang / brtan pa dang / rtog pa dang / stobs dang / ting nge 'dzin dang / phung po dang / 'du byed dang / sku dang / gsung
202a1 @#/ /dang / thugs 'phel ba la ni de bzhin gshegs pa thams cad kyi bde ba chen pos so/ /de bzhin gshegs pa thams cad kyi sbyin pa dang / tshul khrims
202a2 dang / bzod pa dang / brtson 'grus dang / bsam gtan dang / shes rab dang / ye shes dang / stobs dang / thabs dang / rdo rje dang / bsgrub pa dang / gzungs dang / sa
202a3 dang spyod pa dang / so so yang dag par rig pa dang / sangs rgyas kyi chos ma 'dres pa dang / chos dang / las dang / sna tshogs pa'i bya ba dang / sems can gyi don dang /
202a4 sangs rgyas kyi mdzad pa'i don dang / sku dang / gsung dang / thugs dang / rdo rje chen po grub pa la ni de bzhin gshegs pa thams cad kyi dngos grub thams cad kyis
202a5 so/ /de bzhin gshegs pa thams cad kyis byang chub sems dpa'i sems bskyed pa dang / kun tu bzang po'i cho ga spyod pa rdzogs par bya ba dang / sems can thams
202a6 cad kyi don dang / 'pho ba dang / skye ba'i sa dang / gzhon nu'i rol pa ston pa dang / mngon par byung ba dang / dka' ba spyod pa ston pa dang / byang chub kyi snying por gshegs
202a7 pa dang / bdud thams cad 'dul ba dang / byang chub chen por mngon par byang chub pa dang / chos kyi 'khor lo bskor ba dang / mu stegs thams cad tshar gcod pa
202b1 dang / 'jig rten gsum las rnam par rgyal ba dang / lha las babs pa dang / 'dus pa chen po'i byin gyis brlab pa dang / gdug pa thams cad 'dul ba dang / 'dul ba la rab tu
202b2 bzhag pa dang / ngan 'gro thams cad las 'don pa dang / mdo sde thams cad ston par mdzad pa dang / rtog pa thams cad byin gyis brlab pa dang / dngos grub thams cad sbyin
202b3 pa dang / de bzhin gshegs pa thams cad kyi sku dang / gsung dang / thugs la dmigs pa'i rdzu 'phrul dang / cho 'phrul bsgrub pa la ni de bzhin gshegs pa thams cad
202b4 kyi sna tshogs kyi rdo rjes so/ /ci ltar phyag rgya 'di dag gis/ /byang chub sems la mngon brten pa/ /de ltar byang chub spyod tshogs kyis/ /byang chub dam pa thob mi 'gyur/ /
202b5 don yod bsod nams dam pa yis/ /las kyi rab 'byams sgrub byed pa/ /cho ga ma grub pa rnams grub/ /sangs rgyas chos ni rab ster byed/ /rnam pa kun tu dad ldan pa'i/ /
202b6 sems can kun la sbyin par bya/ /dkyil 'khor dag tu ma zhugs pa/ /skad cig gis ni sbyor bar byed/ /dpal mchog dang po rtog pa'i rgyal po chen po las/ de bzhin
202b7 gshegs pa thams cad kyi byang chub rdo rje byin gyis brlabs pa'i rdo rje'i rtog pa rgyas pa'o// //de nas sna tshogs las chen po/ /khyab bdag rdo rje 'dzin chen
203a1 @#/ /po/ /gdug pa thams cad 'dul ba'i mchog /sems can kun la rjes ston mdzad/ /de bzhin gshegs pa'i rigs bskyed cing / /gang phyir nyes
203a2 byas kyis gdug pa'i/ /rang gi rang sems spyod pa yis/ /zhi bas sems can kun gyi don/ /gdul bar rab tu bsgrub mi nus/ /sangs rgyas kun gyis bsgrub bya ba/ /'gro ba
203a3 'di dag thams cad yin/ /gang tshe bde gshegs sems can don/ /dam ba mdzad par mi spyod pa/ /de tshe nyid kyis dngos po kun/ /gtso bos rdo rje gsol ba btab
203a4 sems can thams cad 'dul mdzad pa/ /bcom ldan 'das la gsol ba btab/ /u ti Sh+Tha sa ma ya kro b+ha ni sum+b+ha dz+wA la badzra hUM/ de nas sngags 'di gsungs tsam gyis/ /
203a5 phyag na rdo rje rang nyid gtso/ /sku gsung thugs kyi rdo rje las/ /slar byung nas ni mdun na gnas/ /khro chen rgyal po'i sku yis ni/ /sems dpa'i skyil krung gis legs
203a6 bzhugs/ /'bar ba'i phreng 'od kyis gsal ba/ /sreg pa'i bskal pa gzhan 'dra ba/ /g.yon pa'i rdo rje bsnyems pa che/ /drag tu gsor bas bskyod mdzad cing / /'bar
203a7 ba'i rdo rje cher 'bar ba/ /rnam par 'phros pas sreg pa 'dra/ /'bar ba chen pos gsod pa ni/ /bskal pa'i me yi phung po 'dra/ /dang po'i rdo rje khro gnyer bcas/ /rdo rje
203b1 mchog 'dzin pas gsungs pa/ /de la rdo rje chen po me dang nyi ma ltar 'bar ba zhes bya ba'i snying po 'di yin te/ hUM/ de nas 'di ni gsungs tsam gyis/ /sdig pa kun gyi bud shing
203b2 zad/ /'jig rten khams kyi 'jig rten gsum/ /thams cad g.yos zhing 'gul par 'gyur/ /lha chen la sogs lha rnams ni/ /g.yo ba med cing rmongs par 'gyur/ /rdo rje
203b3 'bar ba 'khrugs pa kun/ /de bzhin 'jig pa lta bur 'gyur/ /nyan thos dang ni rang rgyal rnams/ /mya ngan 'das par nye bar 'gro/ lha la sogs pa'i srid gsum kun/ /de tshe
203b4 kun tu rmongs par 'gyur/ /sangs rgyas thams cad 'dus pa yis/ /sangs rgyas byang chub yang bstan mdzad/ /sems dpa' kun gyi thabs chen po/ /dam pa yang ni thugs
203b5 su chud/ /de nas rdo rje 'bar ba'i mchog /'bar ba'i phreng ba 'khrugs pa'i 'od/ /rdo rje mche ba gtsigs pa'i zhal/ /zhal ras khro dang bcas pa yin/ /g.yon brkyang bas ni
203b6 legs par bzhugs/ /spyan 'bar 'jigs su rung ba ste/ /dbu skra gyen du brdzes shing g.yo/ /kun nas 'khyil cing 'bar ba che/ /rdo rje gsang ba'i rnal 'byor che/ /mkha'
203b7 'gro'i tshogs kyi lus can rnams/ /phyung nas kun tu 'gro ba rnams/ /thams cad du ni 'bar bar 'khrug /rlung bskyod bskal ba'i me lta bur/ /'bar ba'i phreng ba kun tu
204a1 @#/ /'khrugs/ /'jig rten khams ni ma lus na/ /sangs rgyas thams cad sras bcas pa/ /yang dag bzhugs pa legs bskul te/ /'jig rten thams
204a2 cad yongs su bskor/ /bkug nas sems can kun don dang / /brtan pa thams cad 'grub pa'i phyir/ /'jig rten gsum bdag de rnams dang / /rgyu dang mi rgyu'i sems med
204a3 byas/ /de nas rdo rje 'dzin rgyal pos/ /kun mchog sa yi dbang phyug ni/ /de rnams la ni thugs rje yis/ /'chi ba slar gso brtan por gsungs/ /oM u t+tiSh+Tha ma hA a d+hi pa ti
204a4 badzri Ni/ shI g+h+raM ud thA pa ya hUM/ rgyu ba dang / mi rgyu ba thams cad bslang ba'o/ /de nas sa gsum bslang ba ni/ /thams cad du ni shi ba gso/ /sangs rgyas dpa' bos btul gyur
204a5 cing / /rdo rje can gyis kyang rjes btul/ /de nas rdo rje 'dzin khro bas/ /'bar ba'i rdo rje gsor byed cing / /nga yi dam tshig la gnas zhes/ /sna tshogs pa la bka' rab bsgo/ /
204a6 de rnams kyis gsol ba/ 'di su zhig lags/ /bcom ldan sku ni zhi ba la/ /gnod sbyin gzugs can gang lags gsungs/ /khyed kyi dam tshig ci 'dra ba/ /zhus pa bde
204a7 ba'i tshig tu gsungs/ /bcom ldan 'das kyis bka' stsal ba/ /'di ni sangs rgyas rnam grol ba/ /gdod skyes rdo rje gnod sbyin che/ /dkon mchog gsum dang de bzhin
204b1 du/ /nga la skyabs su 'gro bar gyis/ /'jig rten gsum gyis 'di thos nas/ /tshogs bdag tshogs kyi dbang phyug bcas/ /bskal pa'i me dpung lta bu yi/ /'bar ba'i mtshon gyis
204b2 'thab par brtsams/ /de rnams kyis smras pa/ bdag cag gis ni sangs rgyas rigs/ /rdo rje gnod sbyin shes ma yin/ /bdag cag 'jig rten gsum po gcig /gnod sbyin
204b3 bsgo bas ci zhig bya/ /de nas rdo rje 'dzin khros nas/ /khro gnyer dpral bar bsdus te gnas/ /de nas khro gnyer thams cad ni/ /rdo rje 'dzin pa'i rjes su spyod/ /g.yon pa bsnyems
204b4 pa rgya bcas pas/ /smin ma spyan bsdus pas dgod cing / /nam mkha' khyab pa'i dbyangs kyis ni/ /drag tu khros bcas pas smras so/ /de la khams gsum rnam par rgyal ba'i
204b5 nye ba'i snying po sems can ma lus rgyal ba la ni 'di yin te/ /hi/ de nas snying po 'di phyung bas/ /des rgyal bcu gcig bcings pa dang / /dam tshig brtan pa 'dzin du bcug /
204b6 rdo rje ming gis dbang bskur nas/ /lag na rdo rje 'dzin mchog byas/ /rdo rje ming ni byin nas su/ /'jig rten gsum po'i ting 'dzin bzhag /de nas rdo rje chen po mchog /mgon
204b7 po yis ni gsol btab pa/ /sems can kun la rjes ston pas/ /rtog p+ba 'di ni bshad du gsol/ /rdo rje 'dzin pas gsungs pa yi /dkyil 'khor chen po'i phyi rol tu/ /'bar
205a1 @#/ /pa'i 'khor lo yang dag bri/ /de yi dbus su bzhag bya ba/ /sngon po 'bar ba'i gzugs bzang ba/ /zhal gyi mche bcung zad gtsigs/ /zhal ni khro
205a2 dang bcas pas bzhad/ /sems dpa'i skyil krung gis legs bzhugs/ /bsnyems bcas shas cher 'bar ba la/ /'od zer 'bar ba'i 'od 'khrugs pa'i/ /rdo rje gsor
205a3 ba mdzad la brtson/ /de yi dngos ni thams cad du/ /rdo rje rnal 'byor ma yi gzugs/ /rdo rje mtshon cha mdung chen dang / /ral gri zhags pa mtshon 'dzin pa/ /mtshams
205a4 su mda' dang kha T+waM ga /'khor lo ba dan sna tshogs 'dzin/ /rdo rje'i rigs ni sna tshogs pa/ /'bar ba'i 'khor los yongs su bskor/ /dkyil 'khor dgod par bya ba
205a5 ni/ /thig bdun gyis ni yang dag tu/ /dang po rdo rje phyag rgya bdag /gnyis pa sngags kyi lha mo ste/ /gsum par rdo rje rgyal po ni/ /rdo rje lha mos yang dag bskor/ /rdo rje
205a6 chen mo sgeg mo che/ /bzhi pa glu mkhan ma la sogs/ /rgyal rigs gsol ka bran rnams kyis/ /khro bo rnams ni lnga ba la/ /drug par rdo rje pho nya mchog /gnod sbyin
205a7 srin po king kar/ /dbang phyug dam pa drag po sogs/ /gtum po chen po 'dul bar mdzad/ /phyi yi dkyil 'khor dbyibs rnams su/ /mdor na ming po gsum la
205b1 sogs/ /lha la sogs pa'i tshogs thams cad/ /legs par bri ba 'am gzhag par bya/ /mtshams su lha mo rab bshad pa/ /de rnams kyi ni sgo bus su'ang / /lcags kyu la
205b2 sogs de bzhin du/ /dkyil 'khor chen po'i tshul gyis ni/ /go rims dag ni ji bzhin du/ /cho ga rgyas pa ji bzhin bya/ /khros pas rdo rje gsor ba dang / /khro gnyer 'dzum
205b3 dang bcas pas mdud/ /de nas khro zhing slob dpon che/ /rdo rje can mchog rab zhugs la/ /rdo rje hUM mdzad kyis sdigs mdzub/ /hUM mdzad rab tu sbyar bar bya/ /bsnyems dang
205b4 bcas pas rgyas gdab nyid/ /de bzhin khro bas gdul ba la/ /rdo rje 'chang chen rgyas pa yis/ /gdug pa nyid la rab tu dgyes/ /de nas me tog blangs nas ni/ /khros pas
205b5 bdag po che la gtor/ /rdo rje 'bar ba'i lcags kyu ches/ /yang dag par ni dgug par bya/ /oM ma hA badzra dz+wA la yA na la rka ya hi dzaH/ sarba badzra ku la pra be sha ya hUM/ sarba mu
205b6 draM ga nA ban+d+ha na trA Ta/ sarba sa ma yaM sA b+ha ya phaT/ sarba du Sh+TA na da ha ba tsaM b+ha smiM ku ru ma hA kro d+ha a ka ni badzra Ni hUM phaT/ a a a a/ de nas bcom ldan khro bo yi/ rgyal
205b7 po brtan pa che byon 'gyur/ /rdo rje rigs la sogs pa kun/ /dngos grub thams cad gsol bar mdzad/ /de nas hUM mdzad la sogs sgras/ /mtshan ma rnams kyang 'byung
206a1 @#/ /bar 'gyur/ /gal te slob ma la sogs la/ /snying gar dbab pa bra ba skye/ /de nas rdo rje hUM mdzad kyi/ /phyag rgyas slob ma gzhug par bya/ /bcug nas
206a2 dang po'i sems dpa' yi/ /rang gi snying po brjod par bya/ /hUM hUM badzra pra ha ra Ni phaT/ hUM badzra shU la yA gr-i Ni tri ti/ ma tas hUM badzra ko She ts+tshin+da haM/ oM badzra a ma la pA she maT/
206a3 rdo rje 'gugs pa dang / rdo rje mdung dang / rdo rje ral gri dang / rdo rje zhags pa ste/ rdo rje khro bo'i srung ba'o/ /de nas 'di rnams kyi phyag rgya rdo rje don yod pa'i thogs pa med pa/
206a4 shin tu grub pa/ stobs dang / pha rol gnon pa rnams sems can mngon par rgyas gdab pa nus pa rnams bskul bar bya'o/ /oM badzra gu h+ya sid+d+ha pa ra ma yo gI shwa ri hi/ hUM
206a5 badzra tsaN+Da ho kha T+rAM ga ma hA badzra ka pA la ya ma ku te ru lu ru lu N+Di hUM badzra nA rA ya Ni dzi/ hUM badzra ba Ta ka dzi/ rdo rje khro bo'i mkha' 'gro ma lan gcig bzlas te dgod pa 'am bri bar
206a6 bya'o/ /bcom ldan 'das de kho na nyid kyi snying pos bzhugs su gsol na dngos grub thams cad la don yod pa'i dngos grub 'grub par 'gyur ro/ /de nas dam tshig brjod
206a7 par bya ste/ /sems can rnams la bde phyir dang / /bstan pa thams cad 'grub pa'i phyir/ /gdug pa 'dul las bsod nams ni/ /'gyur zhes rdo rje 'dzin gyis gsungs/ /
206b1 de nas bcom ldan 'das rdo rje hUM mdzad kyi phyag rgya dang bcas pa'i mdzub mo sbyar bar bya'o/ /de nas bcom ldan 'das gdug pa thams cad dang / bdud thams cad dang / 'jig
206b2 rten gsum po thams cad yang dag par 'dul ba nyid du byin gyis rlob par mdzad do/ /de nas dbang bskur ba rgyas pa la sogs pa de bzhin du byas la rdo rje khro bo'i las bzhi
206b3 pa la bslab par bya ste/ phyag rgya rnams kyis sems can rnams rgyas gdab pa dang / phyag rgya gzhag pa dang / gsad pa dang / slar 'tsho bar bya'o/ /gang la phyag rgya sbyar ba ni
206b4 'chi bar 'gyur na de ni gdug pa yin par shes par bya'o/ /de nas 'tsho bar byed pa'i phyag rgyas 'tsho bar byas la shin tu bsrung ba rab tu sbyar ba byas na shin tu bsrung ba yin
206b5 pa'i phyir/ gdug pa rnams slar yang gnod par mi byed do/ /de nas brtsams te slob ma bzang / /dkyil 'khor tshogs ni kun gyis kyang / /mi tshugs pa dang mi sod par/ /tshe
206b6 'di nyid la 'grub par 'gyur/ /de nas 'di sgrub bshad bya ste/ /ci bzhin sku ni dge 'dun du/ /rdo rje gsor zhing dang por ni/ /bzlas brjod stong phrag brgya bya'o/ /'bum tshang
206b7 nas ni sems dpa' che/ /rdo rje sems dpa' dang mnyam mchog /rdo rje khro bo rgyal po mchog /rgyas dang 'chi ba med par 'gyur/ /gdug pa rnams ni rjes 'dul zhing / /
207a1 @#/ /sangs rgyas kun la rab mchod par/ /'jig rten gsum du legs snang zhing / /cis kyang 'jigs pa med par 'gyur/ /de nas de kho na nyid kyi snying po
207a2 sgrub pa ni/ /'greng ngam yang na 'dug pa 'am/ /'gro ba'am nyal bar byed pa na/ /ci ltar de ltar 'bum bzlas na/ /tshe 'di nyid la 'grub par 'gyur/ /'di yis 'dod
207a3 pa'i dbang phyug kun/ /'dod pa tsam gyis 'gro 'ong lding / /dngos grub kun gyi dbang phyug grub/ /rgas dang 'chi ba med par 'gyur/ /'gro ba rnams kyis mchod pa dang / /rang
207a4 gi nye du rnams kyis bsten/ /gdug pa thams cad rjes 'dul zhing / /gang la 'jigs pa med par 'gyur/ /bcom ldan 'das khro bo'i rgyal po chen pos gsungs so/ /de
207a5 nas phyag rgya'i dam pa sgrub pa ni/ /ci bzhin dus su phyag rgya bcing / /bdag nyid nges par bsregs nas ni/ /ci srid nyid du khro chen po'i/ /dngos grub thams cad 'grub par
207a6 'gyur/ /de nas dam tshig sgrub pa ni/ /bdag ni thams cad gsad bya zhes/ /brjod cing phyag na rdo rje yis/ /dam tshig phyag rgya bcings nas ni/ /bzlas na rdo rje 'dzin
207a7 'grub 'gyur/ /de nas las rnams sgrub pa ni/ /las rnams dam bsgrub pa ni/ /rnam pa bzhir ni rab phyed cing / /thams cad bde ba'i phyir zos na/ /rdo rje las nyid thob
207b1 par 'gyur/ /sgrub pa chen po'i cho ga rgyas pa'i rgyud do// //de nas dngos grub sgrub pa ni/ /rdo rje khro mchog rgyal po yi/ /las kyi rgyun ni dam pa rnams/ /go rims bzhin
207b2 du bshad par bya/ /'di lta ste/ thams cad bsreg pa dang / bskrad pa dang / gzhig pa dang / rengs par bya ba dang / gnyid log par bya ba dang / rgyas gdab pa dang / rmongs pa
207b3 dang / gzhig pa dang / bcing ba dang / gzir ba dang / dral ba dang / brdeg pa dang / 'bar ba dang / bsgyel ba dang / btso ba dang / gcad pa dang / dbug pa dang / phye mar
207b4 bya ba dang / gtor ba dang / rnam par gzhom pa dang / rims dang / dug dang / gdon gyis zin du gzhug pa dang / smyo bar bya ba dang / gsad par bya ba la ni rdo rje hUM mdzad kyis
207b5 so/ /thams cad dgug par bya ba dang / des par bkod pa dang / bskyod pa dang / gar byed du gzhug pa dang / glu len du gzhug pa dang / brgyal du gzhug pa dang / rtser gzhug
207b6 ba dang / ha ha zhes dgod du gzhug pa dang / 'khor ba dang / drang ba dang / 'od du gzhug pa dang / bsgom pa dang / nub par bya ba dang / dbyung ba dang / 'phang ba dang / nye bar
207b7 'degs pa bya ba dang / bskur ba dang / nga ro 'don par bya ba dang / dur gzhug par bya ba dang / rang nyid brdeg par bya ba dang / 'ching bar bya ba dang / skra 'bal bar bya ba
208a1 @#/ /dang / zhe 'gras par bya ba dang / gos bshu ba dang / khro ba 'bar bar bya ba la ni khro bo'i gdon gyi phyag rgyas so/ /thams cad dgug pa dang /
208a2 gzhug pa dang / dbab pa dang / pra se na bsgrub pa dang / bden pa smra bar bya ba dang / sgyu ma ston cing lan ston pa ston pa dang / dus tshigs kyi 'khor lo yongs su bzlog
208a3 pa dang / /dus ma yin par shing las me tog dang / 'bras bu smin par byed par ston pa dang / 'bru thams cad yang dag par ston par bya ba dang / rims dang / sbyar
208a4 ba'i dug dang / gdon dang / dug dang / mkha' 'gro ma las thar bar bya ba dang / g.yul 'gyed pa thams cad las thar bar bya ba dang / gzhan gyi dpung gzhom pa
208a5 dang / phyogs dang / mtshams dang / dkyil 'khor bcing ba dang / shin tu bsrung ba dang / yongs su skyob par bya ba dang / thar par bya ba dang / bslang ba dang / dbang
208a6 du bya ba la ni khro bo chen po sna tshogs grub pas so/ /lha la sogs thams cad ltung bar bya ba dang / klu gdon par bya ba dang / gnod sbyin rjes su 'brang bar bya ba dang /
208a7 srin po skrag pa dang / mkha' 'gro ma la sogs pa'i gdon thams cad btul ba dang / bdud kyi dpung thams cad gzhom pa dang / ma mo rnams gdul ba dang / gdug
208b1 pa'i tshogs rnam par gtor ba dang / gdug pa rnams tshar gcod pa dang / 'dum pa dang / 'jigs pa med par yang dag par bskyed pa dang / nor bu bzang po dbang du bya ba
208b2 dang / nor sbyin las nor bu thams cad dbrog pa dang / rnam thos sras mnan nas dpal drang ba dang / lha'i bu mo gzhon nu ma thams cad dang rtse 'jo bya ba dang / brgya byin
208b3 mnan nas bde sogs ma dbrog pa dang / skem byed tshar gcad pa dang / tshangs pa ltung bar bya ba dang / khyab 'jug gdul ba dang / dbang phyug chen po las rnam par rgyal
208b4 ba dang / 'dod pa'i dbang phyug mnan nas dga' ba mo dbrog pa dang / rdo rje bsgrub pa dang / byang chub chen po bsgrub pa dang / de bzhin gshegs pa thams cad mnyes par
208b5 bya ba dang / dgug pa dang / gzhug pa dang / dam tshig gis bcing ba dang / dbang du bya ba dang / bsgrub pa la ni rdo rje khro bo chen po rgyal po dam pa'i dngos grub kyis so/ /
208b6 zhes kyang gsungs so/ /lan gcig bzlas pas mchog grub pa/ /thog ma'i rtsa snying bzang lan gcig /de yi 'og tu khro gnyer gyis/ /bsgrub bya thams cad grub pa yin/ /
208b7 dpal mchog dang po'i rtog pa chen po'i rgyal po las/ rdo rje me dang nyi ma ltar rab tu 'bar ba'i rtog pa'i cho ga rgyas pa'o// //de nas ting 'dzin thams cad ni/ /
209a1 @#/ /rnam dag mchog gi chos nyid las/ /spyan ras gzigs dbang chen po ni/ /rdo rje sems dpa'i gtso chen yin/ /gdug pa thams cad 'dul
209a2 don du/ /rang rig rin po che bskyed na/ /sangs rgyas kun gyi khre bo che/ /thabs med pas na thabs yin no/ /'dod chags la sogs kun bsags pas/ /ma dag sems
209a3 can khams dag ni/ /de rnams la ni rab spyod par/ /skyes bu mchog ni rnam par mkhyen/ /mchog tu mi 'dul ba nyid kyis/ /sangs rgyas kyang ni mnga' mi mdzad/ /
209a4 'jig rten kun na 'jig rten mchog /rang nyid bzang po la snyoms zhugs/ /de la 'di ni de bzhin gshegs pa thams cad kyi ting nge 'dzin gyi rgyal po chos thams cad rang
209a5 bzhin gyis rnam par dag pa'i chos nyid kyi ye shes kyi rdo rje byin gyis brlabs pa zhes bya ba'i ting nge 'dzin te/ gang la gzigs pas de bzhin gshegs pa thams cad khams
209a6 gsum pa thams cad kyi dbang phyug thams cad nyid thugs su chud par gyur pa'o/ /bsnyems pas pad+ma g.yon pa ni/ /bzung ste 'dab ma 'byed mdzad pas/ /ci nus
209a7 pa yi ting 'dzin gyis/ /rang bzhin gyis ni gzigs par mdzad/ /ci ltar pad+ma dmar po 'di/ /tshon gyi nyes pas mi gos pa/ /gnas kyi nyes pa sna tshogs pa'i/ /
209b1 khams gsum pa ni de bzhin dag /'di la gzigs pa la sogs pas/ /rgyal ba rnams ni dbang por 'gyur/ /de yis rdo rje sems dpa' ni/ /spyan ras gzigs kyi dbang phyug gyur/ /
209b2 de nas sgom pa'i snying po 'di/ /dag par bsgoms pas sgom pa ni/ /rdo rje 'chang ba chen po ni/ /pad+ma chen po 'chang bar 'gyur/ /gser sbyangs ri yi dbang po ste/ /rgyal po chen po dang
209b3 mnyam pa/ /bsnyems pa g.yon pa'i pad mchog gi /g.yas pa mchog la rnam par gzigs/ /de nas pad+ma'i 'dab ma la/ /pad+ma chen po mchog 'dzin pa/ /sangs rgyas la
209b4 sogs 'byung ba yi/ /'khor lo rnams ni 'dul ba'i mchog /'gro ba sna tshogs 'dul mdzad pa/ /bzhugs pa rab tu bri bar bya/ /dkyil 'khor chen po'i tshul gyis ni/ /de la
209b5 pad+ma dge ba der/ /'gro ba thams cad rnam sbyong ba'i/ /tshul gyis 'dul ba mdzad pa na/ /pad+ma'i rigs mchog ston pa'i phyir/ /rgyal po rnams kyis gsol ba btab/ /de nas
209b6 thams cad 'dul mdzad cing / /shin tu dkar ba'i chos 'dzin pa/ /rdo rje chos te rang rgyal po/ /'jig rten dbang pos bka' stsal pa/ /phyi ni dkyil 'khor chen po la/ /pad+ma
209b7 'dab ma brgyad pa bri/ /de yi dbus su spyan 'dzum pa/ /'jig rten dbang phyug dgod par bya/ /gser sbyangs lta bu'i pad+ma ni/ /g.yon bsnyems tshul gyis gzigs
210a1 @#/ /mdzad pa/ /rgyal mtshan kun gyis rnam par spras/ /sangs rgyas sku mchog spyi bor bzhugs/ /de yi ngos ni thams cad du/ /sangs rgyas sku ni brgyad po
210a2 bri/ /rang gi ting 'dzin pad+ma che'i/ /ting nge 'dzin la rnam par gzigs/ /'jig rten dbang po'i gzugs logs su/ /sangs rgyas la sogs rigs kyi lha/ /zhi ba sred med
210a3 bu tshangs pa/ /'dod pa'i gzugs ni pad+ma can/ /spyi bor 'tsher zhing mgrin 'degs pa/ /rta mgrin lcags kyu bcings nas ni/ /chos kyi tshig gis spyan drang bya/ /de nas
210a4 pad+ma'i snying po ni/ /sarba ta thA ga ta pad+ma dzaHhUM badzra pad+ma/ he pad+ma/ pad+ma ba/ ho pad+ma ni rA dza/ de nas mtshams rnams su ni/ hUM pad+me tsaN+De shwa ra hUM/ he ma hA bi shwa pad+ma
210a5 tsU r+Ni sid+d+ha hUM/ maT hrIHpad+ma pad+mo hUM a ho pad+ma a shwa/ kra ma kra ma hUM dzaH/ dkyil 'khor chen po'i tshul gyis ni/ /cho ga rgyas par byas nas ni/ /pad+ma chen po me tog
210a6 bcas/ /ma yengs yid kyis phyag bya'o/ /dkyil 'khor zhugs nas ting nge 'dzin/ /las byung gzungs 'di brjod par bya/ /oM bi sho d+ha ya/ ma nu sa ni shud+d+ha ma hA satwa/
210a7 d+hA tu sa ma ya satwa/ rA ga dI pany+tsa ye/ tsit+ta me sarba d+ha meSh+ya badzri Ni tsit+ta me sarba d+ha me sh+ya dzi ni/ /gzugs kyi phyag rgya gsan nas ni/ /dgyes pas pad+ma 'dzin pa 'grub/ /de nas
210b1 mdzub mo lcags kyu bcing / /chos kyi tshig gis legs spyan drangs/ /oM sarba ta thA ga ta a wa lo ke shwa ra pad+ma ha sta/ ya hi shrI g+h+rAM ma me badzra mu drA a gri sh+ya sa be sa ma yer
210b2 ba d+ha bi shi ko mi/ dzaHhUM baM hoHsho d+ha ya sarba sA d+ha ya pa ma me/ ma hA badzra d+ha ra s+t+waM/ /de nas 'jig rten mgon po mchog /'jig rten 'dzin pa rang nyid byon/ /'jig rten
210b3 kun mchog 'grub 'gyur ba'i/ /ting 'dzin cho ga nges par mdzad/ /de nas de bzhin slob ma rnams/ /gzhug pa'i cho ga rgyas pa ni/ /dngos grub thams cad sbyin pa yi/ /
210b4 ye shes dag ni bslab par bya/ /ting 'dzin snying po 'di yi ni/ /sgrub pa chen po gdong nas byung / /'jig rten kun gyi dbang phyug nyid/ /go rims bzhin du bshad par bya/ /
210b5 bud med rnams kyi nang zhugs pa'am/ /gdug pa rnams kyi nang chud pa'am/ /gang yang rung bar 'dug nas ni/ /pad+ma chen po yongs su bzung / /dus dang stobs ni ji
210b6 bzhin du/ /nyin re ci nus bsgrub par bya/ /cho ga 'di yis tshe 'di la/ /myur du mchog ni 'grub par 'gyur/ /'dod chags kun gyi bde myur bar/ /'dod pa tsam gyis 'gro
210b7 'ong lding / /'jig rten kun gyi dbang phyug rgyal/ /rga dang 'chi ba med par 'gyur/ /sangs rgyas byang chub sems dpa' nyid/ /phyag na rdo rje nyid dang ni/ /dngos grub kun
211a1 @#/ /gyi mtha' yas mchog /tshe 'di nyid la thob par 'gyur/ /de nas phyag rgya bsgrub pa ni/ /phyag rgya bcings te ting 'dzin gnas/ /dngos grub chen po
211a2 nyid thob bo/ /dam tshig dam tshig mchog gis te/ /las kyi las mchog phyag rgyas so/ /las kyi las mchog phyag rgyas so/ /sgrub pa chen po'i cho ga'i rgyud do// //de nas dngos grub ma grub
211a3 pa'i/ /ting 'dzin las ni 'dres ma dag /dang po'i ting 'dzin grub pa ni/ /go rims bzhin du rab bshad bya/ /'di lta ste/ sgrib pa thams cad dang / sdig pa thams
211a4 cad dang / rmi lam ngan pa dang / ltas ngan pa dang / yams dang / 'tshe ba dang / nad 'go ba dang / nyon mongs pa dang / dus ma yin par 'chi ba dang / 'jigs pa dang /
211a5 skrag pa dang / rtsod pa dang / 'thab pa dang / byis pa'i gdon dang / dmu rgod dang / nyon mongs pa dang / ngal ba dang / sdug bsngal ba dang / yid mi bde ba dang / dbul
211a6 ba dang / rgyags pa dang / reg na mi bde ba dang / skal pa ngan pa dang / nad med pa ma yin pa dang / nor brlag pa rnams la ni pad+ma chen po zhi bas so/ /rlung dang /
211a7 mkhris pa dang / khrag dang / bad kan dang / 'dus pa dang / ma zhu ba dang / rims dang / sbyar ba'i dug dang / dug dang / mdze dang / 'brum bu phra mo dang / g.yan
211b1 pa dang / rkang shu dang / skran dang / chu'i dmu rdzing dang / mtshan par rdol ba dang / sha bkra dang / zad byed dang / khrag zad pa dang / khu ba zad pa dang / nad thams cad dang /
211b2 gnod pa dang / gnod byed dang / gdon dang / phra men rnams gso ba la ni pad+ma chen po sman gyi phyag rgya 'dzin pas so/ /thams cad rdo rjer byas pa dang / chos dang / go cha
211b3 dang / gtsug tor dang / gtsug phud dang / mtshams dang / phyogs dang / dkyil 'khor dang / sa dang / nam mkha' dang / rdo rje'i gdan dang / khang pa chen po dang /
211b4 rdo rje ra ba dang / me 'bar ba dang / thal ba'i ra ba dang / rdo rje dang / ri bong don yod pa la sogs pa dang / srad bus yongs su bskor ba dang / phur bus gdab pa dang / zas
211b5 dang / btung ba dang / gos dang / rgyan dang / phyag rgya dang / srung ba la ni pad+ma chen po thams cad srung bas so/ /tshe thams cad dang / stobs dang / kha dog dang / gzi brjid
211b6 dang / mdangs dang / lang tsho dang / brtson 'grus dang / spro ba dang / nad med pa dang / dpal dang / skal ba bzang po dang / nor dang / 'bru dang / dbang phyug dang /
211b7 'byor pa dang / dngos grub dang / blo dang / rnyed pa dang / bkra shis pa dang / ming dang / grags pa dang / snyan pa dang / ting nge 'dzin dang / shes rab dam pa 'grub pa
212a1 @#/ /ni pad+ma chen po mchog grub pas so/ /dpal mchog dang po'i rtog pa chen po'i rgyal po las/ chos thams cad sgrib pa med pa'i ye shes kyi rdo rje'i cho ga
212a2 rgyas pa'o// //de nas rgyal po rdo rje 'dzin/ /thams cad mi 'gyur nam mkha' che/ /thams cad dbang bskur kun gyi don/ /kun dbang rin chen thams cad
212a3 'dzin/ /ting nge 'dzin gyis rab byin brlabs/ /drag po chen po rab sad mdzad/ /chos rnams la ni rnam gzigs pas/ /kun don dbang phyug gdod nas byung / /nyi zla dang
212a4 ni gza' skar can/ /nam mkha' nyid du gyur pa yin/ /de nas rin chen ting 'dzin ni/ /nges par rdo rje can du brjod/ /de nas nam mkha' rdo rje nyid/ /ljang sngon bai DUR+ya mnyam
212a5 mdangs/ /rdo rje rin chen rnams dge ba/ /nam mkha'i snying por yang dag gyur/ /de nas bcom ldan thog ma 'di/ /mdzod spu kun gyi gnas na bzhugs/ /ting nge 'dzin la
212a6 rnam gzigs pas/ /'jig rten dbang phyug bdag po nyid/ /sangs rgyas thams cad sras bcas dang / /de bzhin rdo rje 'dzin pa mchog /rdo rje rin chen de yis ni/ /kun rig
212a7 kun gyis dbang bskur dang / /bsam pa thams cad rdzogs bya'i phyir/ /kun mchog kun la dbang bskur nas/ /shis pa brjod pa 'di gsungs so/ /oM sarba badzra satwa a ti pa
212b1 ti s+t+waM a b+hi Shiny+tsa mi b+hu r+b+hu ba swaH/ de nas bzang pas 'di gsungs shing / /legs par shis brjod dbang bskur bas/ /rdo rje rin chen che de las/ /chos kyi gtso bor byung bar gyur/ /
212b2 byung nas 'gro ba thams cad ni/ /ci rigs par ni kun dbang bskur/ /rdo rje kun gyis dbang skur nas/ /slar yang dkyil 'khor tshul gyis bzhugs/ /bde gshegs kun gyis
212b3 byin brlabs pas/ /rdo rje rin chen bla na med/ /shin tu dbang phyug chen po'i mchog /dngos grub gsol ba'i rtog pa gsungs/ /dkyil 'khor chen po'i phyi rol ni/ /nam mkha'i
212b4 'khor lo nam mkha'i mdog /nyi ma zla ba skar ma dang / /gza' rnams kyis ni brgyan pa bri/ /de dbus nam mkha'i snying po ni/ /bdag nyid thams cad dgyes pa gzhag /dag
212b5 pa'i bai DUR+ya mdog 'dra/ /'od zer 'bar ba sna tshogs 'khrug /g.yon pa rin chen thugs kar gtod/ /g.yas pas nor chen rab stsol ba/ /de yi ngos su sems dpa' mchog /
212b6 bzhi po gzungs bcas dam pa yin/ /dbang bskur ba dang gter nyid dang / /nor bu chen po bla med dang / /'byor pa dpal ni phun sum tshogs/ /rang gi mtshan mas mchod
212b7 pas ni/ /de la de dag gi snying po 'di yin te/ badzra satwa dzaH/ badzra rat+na hUMH/ badzra d+harma baM/ badzra karma hoH/ de nas gzungs rnams kyi snying po bshad de/ oM pra ti badzri Ni phaT/ oM
213a1 @#/ /badzra prI ti hi hi/ oM tsin+ta ma Ni hoH/ oM badzra ma hA ma he haM/ dkyil 'khor chen po'i tshul gyis ni/ /cho ga rgyas pa ci bzhin bya/ /nor bu'i khu tshur gyis
213a2 bzhugs la/ /mkha' skyes la ni mgos phyag bya/ /bzhugs nas nam mkha' mkhas pa yi/ /dam tshig dam pa brjod par bya/ /khyed ni nam mkha' las byung ba'i/ /thams
213a3 cad kyi ni lnga pa yin/ /oM i sid+d+ha b+hur+b+b+hu ba sid+d+ha sid+d+ha swaH/ sid+d+ha ma hA badzra rat+na/ ba ba tra Ta trAM/ 'di ni bzlas pa tsam gyis ni/ /mkha' snying dngos grub thams cad dang / /phun
213a4 tshogs kun la shin tu ni/ /'grub 'gyur 'di la the tshom med/ /ces bcom ldan 'das rdo rje rin chen bla na med pas gsungs so/ /de nas nor bu khu tshur can gyi lcags
213a5 kyus dgug par bya'o/ /oM b+hu rA ya hI dza/ b+hu ba pra bi sha hUM swa/ gr-i h+Na paM ba ba Ta Ta sid+d+ha ho trAM/ de nas bcom ldan myur du ni/ /byon nas dngos grub thams cad ni/ /
213a6 'byor pa shin tu g.yo ba la/ /don ni rab tu 'grub par 'gyur/ /de nas slob mas phyag rgya ni/ /me tog bcas pa mchog gis gzhug /bcug nas de nyid mchog
213a7 snying po/ /bden pa lan gcig brjod du gzhug /de nas 'byor pa'i mchog brtag pa/ /dpal gyi phun tshogs mchod pa che/ /'jig rten mchog gi dngos grub
213b1 rnams/ /bde bar gshegs pa bzhin du 'thob/ /de nas de phyir sgrub pa bshad/ /rdo rje rin chen rgyal mchog gis/ /dpag med zlos pas bsgrub bya zhing / /'di yi skyes mchog 'di nyid
213b2 la/ /'dod chags 'gro dang 'ong bar 'gyur/ /rin chen kun gyi dbang phyug rgyal/ /rga dang 'chi ba med par 'gyur/ /dngos grub kyi dam pa thams cad kyang de bzhin no/ /phyag rgya
213b3 bsgrub pa ni dga' ba nyid kyis so/ /dam tshig gi phyag rgya bsgrub pa ni dam tshig gi khu tshur gyis so/ /de bzhin du las bsgrub pa ni dngos grub bla na med pa yin no/ /phyag rgya chen po
213b4 bsgrub pa nyid de'i rgyud do// //de nas de phyir las rnams kyi/ /rab 'byams rgyu ni dam pa dang / /dngos grub chen po kun bsgrubs pa/ /go rims ji bzhin rab bshad
213b5 bya/ /'di lta ste/ 'byor pa thams cad dgug pa dang / gzhug pa dang / bcing ba dang / dbang du bya ba dang / dbrog pa dang / bsag pa dang / len pa dang / 'dren pa dang / 'gugs
213b6 pa dang / gtod pa dang / gzhig pa dang / 'phen pa dang / 'degs pa dang / 'bebs pa dang / brdeg pa dang / sbyang ba dang / rnyed pa dang / nyo ba dang / btsong ba dang / kun tu
213b7 'gyed pa dang / nye bar dgod pa dang / brtan par bya ba dang / rdo rjer bya ba dang / 'byor ba thams cad bsgrub pa dang / 'byor pa thams cad kyi mchog bsgrub pa la ni rdo rje rin
214a1 @#/ /chen gyi dbang bskur bas so/ /dpal thams cad dgug pa dang / gzhug pa dang / bcing ba dang / dbang du bya ba dang / dbrog pa dang / bsag pa
214a2 dang / len pa dang / 'dren pa dang / 'gugs pa dang / gtod pa dang / gzhig pa dang / 'phen pa dang / 'degs pa dang / 'bebs pa dang / brdeg pa dang / sbyang ba dang /
214a3 rnyed pa dang / nyo ba dang / btsong ba dang / kun tu 'gyed pa dang / nye bar dgod pa dang / brtan par bya ba dang / rdo rjer bya ba dang / 'byor ba thams cad bsgrub pa dang / 'byor
214a4 pa thams cad kyi mchog bsgrub pa la ni rdo rje rin chen dpal gyis so/ /phun sum tshogs pa thams cad dgug pa dang / gzhug pa dang / bcing ba dang / dbang du bya ba dang /
214a5 dbrog pa dang / bsag pa dang / len pa dang / 'dren pa dang / 'gugs pa dang / gtod pa dang / gzhig pa dang / 'phen pa dang / 'degs pa dang / 'bebs pa dang /
214a6 brdeg pa dang / sbyang ba dang / rnyed pa dang / nyo ba dang / btsong ba dang / kun tu 'gyed pa dang / nye bar dgod pa dang / brtan par bya ba dang / rdo rjer bya ba dang / 'byor pa
214a7 thams cad bsgrub pa dang / 'byor pa thams cad kyi mchog bsgrub pa la ni rdo rje rin chen phun sum tshogs pas so/ /mchod pa thams cad dgug pa dang / gzhug pa
214b1 dang / bcing ba dang / dbang du bya ba dang / dbrog pa dang / bsags pa dang / len pa dang / 'dren pa dang / 'gugs pa dang / gtod pa dang / gzhig pa dang / 'phen pa dang /
214b2 'degs pa dang / 'bebs pa dang / brdeg pa dang / sbyang ba dang / rnyed pa dang / nyo ba dang / btsong ba dang / kun tu 'gyed pa dang / nye bar dgod pa dang / brtan par bya ba dang / rdo
214b3 rjer bya ba dang / 'byor pa thams cad bsgrub pa dang / 'byor pa thams cad kyi mchog bsgrub pa la ni rdo rje rin chen gyi mchod pa sgrub pas so/ /zhes kyang gsungs so/ /sems
214b4 can thams cad bde don du/ /rdo rje sems dpa' nor che ba/ /rang gi rgyal mchog lan gcig bsgrub/ /yi ge traM ni sbyar bar bya/ /dpal mchog dang po rtog pa'i rgyal po chen
214b5 po las/ bsam pa yongs su rdzogs par byed pa rdo rje rin chen gyi rtog pa'i cho ga rgyas pa'o// //de nas rgyal ba rdo rje 'dzin/ /'jig rten gsum po khams gsum
214b6 pa/ /'jig rten gsum bdag thams cad la/ /'jig rten gsum mchog 'dul mdzad pa/ /cho ga bzhin du bsgoms gyur zhing / /sems can don phyir cho gas bzhugs/ /
214b7 'dod chags zhe sdang gti mug rnams/ /rtag tu rnam par gnas pa yin/ /mi mnyam pa yis bsten gyur na/ /dug nyid du ni nye bar 'gro/ /bdud rtsi nyid kyis bsten gyur na/ /
215a1 @#/ /bdud rtsi nyid du'ang 'gyur ba yin/ /'dod chags tshangs pa mchog 'byin pa/ /zhe sdang drag po'i ting 'dzin gyis/ /gti mug khyab 'jug brtan mdzad
215a2 nas/ /'jig rten gsum po byin gyis brlabs/ /'dod chags zhe sdang gti mug rnams/ /rtag tu gnas pas srid gsum gnas/ /chos kyis bsten nas gsum mchog ste/ /
215a3 chos min bsten pas ngan song gsum/ /'dod chags sbrang rtsir byed par bshad/ /zhe sdang rgyal bar byed par bshad/ /gti mug don ni sgrub byed ces/ /kun tu gsang ba'i
215a4 ming yin no/ /nga ni 'jig rten gcig pu nyid/ /'jig rten gsum du rab tu bshad/ /nga ni 'dod pa gcig pu nyid/ /tshangs pa drag po g.yung drung yin/ /de nas gsum po 'di
215a5 yi mchog /sbyang phyir rdo rje sbyang 'dzin pa/ /gzugs ni gsum po 'di dag nyid/ /bdag nyid kho na byung ba yin/ /gang phyir 'jig rten 'di dag ni/ /rtag tu yang ni 'di
215a6 skad smra/ /tshangs sogs kyis 'dul yang dag pa'i/ /sangs rgyas byang chub snod ma yin/ /de rnams sbyang phyir bcom ldan 'das/ /rdo rje 'chang chen rang nyid ni/ /gzugs ni
215a7 gsum po 'di mdzad nas/ /phyis ni sangs rgyas nyid mi 'gyur/ /de nas tshangs pa la sogs lha/ /'jig rten gsum mchog dbang phyug che/ /dkyil 'khor de ni gsang snying
215b1 po/ /rang gi rang grub phyir rab phul/ /oM b+hUr b+hu ba swaH/ /zur bzhi pa la sgo bzhi pa/ /sgo srung bzhis ni rab bsrungs pa/ /kha khyer gyis ni legs bskor ba/ /phyi yi dkyil 'khor bri bar
215b2 bya/ /de yi nang ma nyid dang ni/ /dkyil 'khor gzhu yi dbyibs can la/ /sbrang rtsir byed dang rgyal byed nyid/ /bsgrub pa thams cad sgrub pa ni/ /go rims dag ni ci bzhin du/ /legs
215b3 par bri 'am gzhag par bya/ /pus mo gnyis kyis zhugs la der/ /rtse gsum dam tshig gis mtshan pas/ /zhugs te dam tshig bcings nas ni/ /yang dag par ni dgas par bya/ /
215b4 oM b+hur+b+hu ba swaH/ swa sti nA ma swAhA/ /nyi shu rtsa gcig bzlas pa yis/ /thams cad thams cad kyis bskor ba/ /thams cad grub phyir 'ongs pa la/ /de snyed pa yi gtor ma sbyin/ /
215b5 slob dpon rab tu zhugs pa yis/ /slob ma thams cad gzhug par bya/ /de nyid gsang ba brjod nas ni/ /dam tshig mchog ni sbyin par bya/ /gal te khyod kyis rtse gsum bcag /
215b6 snying po snod min la smras sam/ /ji skad smras pa'i chos rnams ni/ /gal te 'dir nas spyad dam/ /snying stobs rdul dang mun pa nyid/ /tshangs pa drag po g.yung drung ste/ /ming po
215b7 gsum po 'di nyid ni/ /nam yang brnyes par mi bya'o/ /nga zhig 'di rnams sgom pa slob/ /yang dang yang du zhugs nas ni/ /dkyil 'khor mchod par bya ba dang / /dngos
216a1 @#/ /grub thams cad thob par 'gyur/ /rang gi phyag rgya bslabs nas ni/ /de la gar gyi mchod pa dang / /'dod yon dam pa lnga rnams kyis/ /rtag tu dkyil
216a2 'khor mchod par bya/ /'jig rten gsum 'byin pa'i rgyud do// //de nas ston pa rdo rje 'dzin/ /sems can kun rje ston mdzad pa/ /'jig rten gsum phyung
216a3 don grub tu/ /slar yang sring mo rnams 'byin mdzad/ /kun tu chags dang zhe sdang rmongs/ /brtan par byed pa'i rgyu yin no/ /dga' dang phrag dog bud med ni/ /rab tu grags
216a4 pa'i grub kun ster/ /gang zhig 'jig rten kun tu bshad/ /tshogs kun gyis mchod lha mo rnams/ /zhi dang 'jigs ma de bzhin gsar/ /grub pa dang ni zhi bar bshad/ /phyi
216a5 rol sems can phan phyir dang / /rtogs don khong du chud bya'i phyir/ /de rnams kyi ni snying po dang / /dkyil 'khor de bzhin dam tshig bshad/ /hrI hUM shrI b+h+yo/ dkyil 'khor
216a6 bzang po sgo bzhi pa/ /srad bu gsum gyis dkyil 'khor bya/ /mtshams kyi thig ni ka ba che/ /bzhi po dag gi rim pa bzhin/ /de yi dbus su dkyil 'khor ni/ /bzhi po
216a7 dag ni de bzhin bya/ /rang gi snying po bzhi po ni/ /rang gi sgor ni phyogs par gzhag /skal bzang lag na ral gri mtshon/ /sring mo phub can zhi ba mo/ /phag mo lag na
216b1 gter nyid de/ /grub pa mo ni bsnyems dang bcas/ /de nas dang po'i dkyil 'khor du/ /kun nas de bzhin zhugs nas ni/ /sring mo rnams kyi rang gi rgyas/ /go rims dag ni ci bzhin
216b2 du/ /zhugs nas de bzhin cho ga bzhin/ /spos la sogs pas mchod par bya/ /de nyid gsang ba rab bsgrub pas/ /kun nas dgug pa dag tu bya/ /oM suM b+ha ga ra ti Sh+Tha ma ya hI b+hU ra/
216b3 rak+Sha sa mA ti Sh+Tha ma ya hi b+hur b+hu ba/ ba ra hA a mi R+ya ta ma ya swA hA/ sid+d+hi ke sid+d+hi sa ma ya hi I maM ke mU dra b+hiH/ hrIHhUM shrI b+h+yo/ /de nas lus ni thams cad kyis/ /de bzhin du ni
216b4 legs bzhugs la/ /de nas phyag rgya bcings bstan te/ /gsang ba mchog 'di brjod par bya/ /gal te gsang nyid ma bsrungs na/ /gang zhig sems can don zhugs dang / /
216b5 gang yang dkyil 'khor sgrub byed pa/ /de rnams khyed kyis bsad par 'gyur/ /chos dang ldan la bdud rtsi nyid/ /chos min pas ni dug pas lhags/ /ci snyed pa dang dus ci
216b6 bzhin/ /yul rnams nye bar bsten pa dang / /phyag rgya gar gyi mchod pa yis/ /ci bde bar ni rtag tu mchod/ /sring mo bzhi'i rgyud do// //de nas ston pa rdo rje
216b7 'dzin/ /sa yi dbang phyug kun gyi mchog /'dod chags zhe sdang gti mug che/ /sgrub bdag ni rab sgrub nyid/ /'dod chags sogs dug gzhig phyir dang / /kun nas bdud rtsi
217a1 @#/ /nyid bya'i phyir/ /zhe sdang las byung klu yi ni/ /dkyil 'khor dam pa 'byung bar 'gyur/ /de la snying po ni 'di yin te/ phuH/ zur bzhi pa la sgo bzhi
217a2 pa/ /srad bu thams cad yang dag bri/ /sgo khyud klu yi gdengs ka mchog /mtshams kyi rtse mchog mjug ma mdud/ /de yi dbus su klu rgyal ni/ /mtha' yas gdengs ka
217a3 bcas pa ni/ /klu yi rigs ni brgyad po dag /shes rab can gyis kun tu bri/ /de nas khros dang zhugs nas ni/ /klu 'dzin pa yi shugs kyis ni/ /zhugs nas dkyil 'khor
217a4 de nyid du/ /sbrul gyi gdengs kas dgug par bya/ /oM hrIHa nI la dza ba be ga pr-i thi b+hin d-i ra She shA ya hi phuHsarba nA ga ku lA n+yA na ya phuH/ sa ma ya pra be sha ya phuH/ sarbA na
217a5 sA d+ha ya phuH/ ta ta sa sarba nA ga pu tra ka phuH/ de ltar byas na legs par bzhugs shing dga' bar 'gyur ro/ /de nas slob dpon gyis dug med par bsam par bya'o/ /de
217a6 nas brtsams te dug thams cad zos pas kyang bdud rtsir 'gyur ro/ /nor rgyas dang rtse bar byed do/ /dug thams cad sbar ba dang / gzhig nus par 'gyur ro/ /de nas mna'i snying
217a7 po sbyin par bya ste/ /'dod chags zhe sdang gti mug rnams/ /'jig rten na ni 'di gsum dug /gal te bden pa las 'das na/ /'di dag gis ni rtag gsod 'gyur/ /khyod
217b1 kyis glog la brnyas mi bya/ /ser ba bzlog par mi bya zhing / /gal te dngos grub la dga' na/ /ci nas sbrul ni gsad mi bya/ /klu'i dkyil 'khor ro// //de nas ston pa rdo rje
217b2 'dzin/ /sdug bsngal thams cad sel ba'i mchog /sems can kun la bde ba'i phyir/ /gdon gyi dkyil 'khor phyung ba yin/ /'dod chags zhe sdang gti mug rnams/ /nyes byas kyis
217b3 ni dug nyid 'gyur/ /gdon dang rims dang sdig pa dang / /dmyal ba yang ni 'gyur ba yin/ /de nas gdug pa'i snying po ni/ /haM/ zur bzhi pa la sgo bzhi pa/ /gdon gyi dkyil 'khor
217b4 kun tu bri/ /de'i dbus dang por gdon la sogs/ /cho ga rgyas pa gdon par bya/ /de nas bshad pa bzhin zhugs nas/ /dgod cing myur bar dkyil 'khor du/ /rdo rje 'dzin pa zhug
217b5 nas ni/ /khros pas rkang pa g.yon pas mnye/ /de nas gdon dang rims sdig pa/ /dmyal ba thams cad rtag tu ni/ /sdig pa chen po byed pa yang / /rdo rjes rab tu 'jigs par
217b6 'gyur/ /zhes bcom ldan 'das rdo rje sems dpas gsungs so/ /sdug bsngal thams cad las 'don pa'i rgyud do// //de nas ston pa rdo rje 'dzin/ /kun mchog
217b7 dbang phyug dam pa yis/ /sems can kun don rab bsgrub phyir/ /dkyil 'khor thams cad gsungs pa yin/ de la snying po ni 'di yin te/ oM AHhUM hrIHtrAM/ de nas 'di ni
218a1 @#/ /gsungs tsam gyis/ /kun mchog dbang phyug dam pa ni/ /gzugs kun gyis ni kun mchog gi /dbang phyug dam pa mdzad pa yin/ /gsang ba chen po
218a2 lnga yis ni/ /gang tshe 'dul bar ma gyur pa/ /de tshe sna tshogs cher mdzad pa/ /'gro ba 'dul ba'i dam pa yin/ /de nas gang phyir dkyil 'khor che/ /dam pa yang dag bshad bya
218a3 ste/ /kun mchog sna tshogs rnam par rgyal/ /kun mchog dbang phyug dam pa yi/ /dkyil 'khor chen po bris nas ni/ /de yi dbus su cho ga bzhin/ /rdo rje sems dpa' rab
218a4 bzhag la/ /rdo rje lha mo tshogs dkyil 'khor/ /de yi ngos ni thams cad du/ /kun mchog bdag po'i sku rnams so/ /rdo rje mchog bcas mtshan ma ni/ /rang gi rigs kyis
218a5 bskor ba gzhag /rgyal po rdo rje sred med bu'i/ /gzugs 'dzin 'khor lo bsnams pa bri/ /khyab bdag rdo rje can rdo rje/ /gtum ma dbang rdo rje mdung bsnams pa/ /rdo rje pad
218a6 byung pad+ma can/ /rdo rje 'dzin pa tshangs gzugs ldan/ /nam mkha'i snying po 'dod pa'i gzugs/ /rdo rje dang bcas me tog mtshon/ /dkyil 'khor gyi ni mtshams rnams
218a7 su/ /rigs kyi lha mo bri bar bya/ /rdo rje dpal mo dkar mo dang / /rdo rje sgrol ma mkha' rdo rje/ /de nas dkyil 'khor gyi bdag po 'di rnams kyi snying po 'di bshad par bya ste/
218b1 oM badzra nA rA ya Na ts+tshin+da pra ti ha na badzra tsakra te na ho/ /b+ha ga wa na badzra ta thA ga ta/ dzaHhUM baM hoH/ badzra d+hA ra taM/ badzra ta thA ga ta hUM/ badzra kro d+ha ma hA yo gi ni ga Ne shwa ra/ ma hA badzra ku
218b2 lo gra ba ne ho/ b+ha ga bAn badzra tsan+d+re shwa rA ya/ ha ha ha ha hrIH/ badzra pad+mod b+ha ba ho/ b+ha ga bAn badzra lo ke shwa re/ ma hA pra me sid d+h+ya/ oM b+hUr b+hu ba swaH/ swa sti na maHswAhA/ he
218b3 badzra ku su mA yu d+ha/ sarba kA ma me sA d+ha ya hoHb+ha ga bAn badzra A kA sha gar+b+ha/ ba ba Ta Ta traM/ badzra A kA sha gar+b+ha a she ShaM mu drA/ na mo yai na sA d+he na/ b+ha ga ba te pradz+nyA pA ra mi tA yu
218b4 d+ha/ ts+tshin+d+ha ts+tshin+d+ha badzra Ni tsa kre Na te na sa t+ye na pA pa ka na/ oM d+hIH/ shrI shru ti smri ti bi dza ye swAhA/ badzra pa ra mi/ oM badzra gau ri ma hA bid+ya trai lo kya bi dza ye shwa ri badzra kro d+ha a g+ni sa ma
218b5 ye/ badza d+ha ri na mo stu ste/ tad+ya thA/ oM hi li mi li/ le li tA li badzra ka mu ka ye swAhA/ badzra sa ma ya na mo ye na sA d+h+ya na b+ha ga ba te/ bud+d+ha bo d+hi rbud+d+ha d+hA ra/ badzra d+harma pra yo
218b6 ge na/ te na sa t+ye na sid+d+ha mAM/ oM tA re tu t+tA re tu re swAhA/ badzra d+ha mo ta/ oM karma badzri Ni sid+d+h+ya sid+d+h+ya bi shud+d+h+ya sA d+h+ya ba ha/ ga ga nod+b+ha be/ yo ge na si da d+ha mAM pa ra ma ka re/
218b7 tad+ya thA/ ga ga na bi shud d+he/ sarba ma pa pri ya pa ri pU ra ni swAhA/ /phyi yi dkyil 'khor gnas rnams su/ /rdo rje 'dzin pa rab spyod gnas/ /lha dbang dang ni ma mo nyid/ /
219a1 @#/ /'jig rten skyong rnams dgod par bya/ /tshogs kyi dbang phyug rdo rje yi/ /rol mo che bcu rdung byed pa/ /phyi yi dkyil 'khor 'khyer dang / /sgo dang mtshams
219a2 su'ang de bri'o/ /sgo rnams kun tu 'jug pa ni/ /rang gi phyag rgya rab tu gzhug /dkyil 'khor dam pa lnga par ni/ /dang po'i sbyor bas 'jug par bya'o/ /de nas dbus su
219a3 'dug nas ni/ /dang po lcags kyu che de nyid/ /snying po 'di ni brjod byed cing / /'gugs pa 'di ni brjod par bya/ /oM ma hA su kha badzra satwa sid+d+hi hUM/ sarba ta thA ga tA na/ sa ma
219a4 ya a kaR+Sha ya dzaH/ badzra ku la dI paM da ma ye dA pra be sha ya hUM/ sarba lo ke shwa re pra be sha ya sa ma ya ban+d+ha na baM/ sa ma ya sarba rat+na dI paM ma hA ma Ni rA dzA nAM/ ba shI ku ru hoH/
219a5 hUM AHhUM hrIMHtrAM/ /de nas gsang ba chen po yi/ /snying po bzang po 'di brjod pas/ /rdo rje 'chang chen rgyal po ni/ /'khor lo thams cad dang bcas par/ /bkug cing rab
219a6 tu bcug pa dang / /bden pas bcings te dbang du byas/ /dkyil 'khor rgyal po mchog thams cad/ /dngos grub kun gyis 'grub par 'gyur/ /de nas go rims ji bzhin
219a7 du/ /dkyil 'khor thams cad sgrub pa dang / /dngos grub de rnams nyid kyang ni/ /thams cad kyang ni bsgrub par bya/ /bde ba thams cad mi 'gyur gnas/ /bde ba
219b1 chen po zhes brjod do/ /rdo rje 'di ni bsgrub la sogs/ /'di ni tshe 'dir 'grub par 'gyur/ /de ltar sna tshogs pa'i don sbyang ba'i don gyi cho ga/ 'gro ba dpag tu med pa 'dul
219b2 ba/ mtha' med cing sna tshogs pa/ mnyam pa med pa'i phul du byung ba/ de bzhin gshegs pa la sogs pa'i rigs thams cad 'dzin pa'i bde ba'i mchog byed pa/ rgyal ba
219b3 thams cad kyis byin gyis brlabs pa/ srid pa'i bde ba'i mchog byed pa gsungs pa yin no/ /dpal mchog dang po'i rtog pa'i rgyal po las/ rtog pa thams cad kyi rgyud phyi
219b4 ma'i rtsa ba'i rgyud kun gyi mchog dbang phyug dam pa'i dkyil 'khor gyi cho ga rgyas pa rdzogs so// //de nas gsang ba ras bris kyi cho ga gsungs pa ni/ sangs rgyas
219b5 kun gyi gsang ba che/ /dam tshig mchog gi sgrub pa dang / /bde ba chen po'i gzhal yas khang / /dngos grub kun gyis lus byas pa/ /de bzhin gshegs pa mchog chen po yi/ /
219b6 rin chen rgyal po sogs kyis brgyan/ /bde ba chen po chags pa yi/ /glu dang rol mo rjes chags pa/ /bla med dga' ba chen po yi/ /mchod pa kun gyis rab tu mchod/ /dga'
219b7 ba chen po dpal gyi gnas/ /rang gi bzhugs gnas mchog de la/ /rab tu dga' ba'i rgyal po mchog /mi 'gyur mchog tu yang dag bzhugs/ /rdo rje sems dpa' bdag
220a1 @#/ /rang nyid/ /rab tu dga' ba mi 'gyur mchog /kun tu bzang po 'khor ba dang / /byang chub sems dpa' de bzhin gshegs/ /dngos grub chen po
220a2 kun gyi mchog /rdo rje bsnyems pa bdag po'i bdag /kun mchog chags pa chen po yi/ /dngos grub dbang phyug rjes grub pa/ /glu dang rol mo thog mtha' med/ /mchog
220a3 ni bcom ldan 'das kyis gsungs/ /hUM/ de nas 'di ni gsung tsam gyis/ /rdo rje thams cad 'dzin pa ni/ /gsang ba lnga yi de nyid che/ /phyag rgya'i lha mo byung bar gyur/ /
220a4 rtag tu chags dang dngos grub che/ /rnam rgyal dbang phyug lhag pa'i lha/ /phyag rgya dam pa bzhi pa ste/ /sems dpa' byin gyis brlabs pa'i sku/ /de nas de rnams kyi snying po
220a5 ni 'di yin te/ kun mchog so sor rtog pa dang / /dngos grub kun gyi bde ba'i mchog /kun mchog rnam rgyal mthong ba 'am/ /thams cad dbang phyug mchod pa che/ /dngos
220a6 grub rnams dang phun tshogs dang / /dga' ba dag dang bdag po rnams/ /rdo rje lha mo thog mtha' med/ /rdo rje sems dpa'i sku yi mchog /ces bya'o/ /de nas mchog tu gsad
220a7 ba'i mi rnams ni dga' ba chen po dpal rdo rje don yod dga' ba'i dam tshig gi 'dod pa'i rdo rje ma dang / dga' ba chen po dpal don yod la chags pa'i dam tshig gi rdo
220b1 rje ki li ki li dang / dga' ba chen po dpal rdo rje don yod la chags pa'i dam tshig rnam par rgyal ba'i rdo rje ma dang / dga' ba chen po dpal rdo rje don yod la chags pa'i dam tshig
220b2 rdo rje 'dod pa'i dbang phyug ma'o/ /'di rnams gsang ba'i mtshan dag ni/ /mkhas pas gang zhig dang pas brjod/ /de ni phyag rgya thams cad kyi/ /dngos grub kun bdag bdag
220b3 por 'gyur/ /zhes bya ba bcom ldan 'das rdo rje sems dpa' mchog tu gseng bas gsungs pa yin no/ /de nas 'di sgrub bshad bya ba/ /dngos grub shin tu brtag pa ste/ /sdig
220b4 pa che la dga' ba dang / /sgrub pa gang zhig ma grub kyang / /rdo rje sems dpas gsungs pa bzhin/ /de dag kyang ni myur du 'grub/ /nyin re 'am ni zla re 'am/ /de bzhin lo ni re
220b5 re la/ /ci mngon mngon 'dod bsgrub par bya/ /ci rnyed pa dang ci bde bas/ /ras la bcom ldan 'das bri bar bya/ /kun bdag dam tshig dbang phyug ste/ /gang zhig bris par gyur na
220b6 ni/ /mchog tu rtag pa'i thar pa thob/ /bzhad pa dang bcas zla ba'i 'od/ /sna tshogs pad+ma'i 'od 'bar ba/ /sangs rgyas kun gyi dbang bskur sogs/ /sna tshogs rgyan dang na
220b7 bza' ljang / /sems dpa'i skyil mo krung gis bzhugs/ /rdo rje bsnyems pa'i mchog 'chang ba/ /g.yon pa dril bu mchog bsnyems pa/ /rdo rje sems dpa' rab tu brtag /
221a1 @#/ /de yi logs na bzhugs pa rnams/ /de yi 'od kyi dkyil 'khor brten/ /rab tu dga' dang bde ba'i sku/ /gsang ba chen po dgod par bya/ /dang
221a2 po pad+ma ltar dkar dmar/ /gzhan ni pa la sha ltar dkar/ /gzhan ni ut+pal 'dab ltar sngo/ /rdo rje bsnyems ma ser po 'dzin/ /dang po dang ni gnyis pa dag /g.yas
221a3 kyi logs la brten pa ste/ /gsum pa dang ni bzhi pa dag /g.yon gyi logs su bzhugs pa yin/ /rdo rje ki li ki la ma/ /dbus kyi rang lha dgyes par spro/ /de yi logs
221a4 la rdo rje che'i/ /mda' ni gsor ba la brtson pa/ /bsnyems pa'i phyag gis yongs 'khyud pa'i/ /chu srin rgyal mtshan bsgreng dang bcas/ /de yi logs na bzhad dang
221a5 bcas/ /mchod pas bdag po la lta ba/ /sangs rgyas rin chen dbang bskur mtshan/ /thams cad spyan gyi phyag rgya gzigs/ /rang la bdag ni thugs gtad pa/ /zur
221a6 du blta zhing bzhugs pa'o/ /ras ris 'di ni mthong ba yis/ /rtag pa'i bsod nams thob par 'gyur/ /mchod pa dang ni brtags pa yis/ /mchog tu dga'
221a7 ba'i thar pa thob/ /ces bya ba bcom ldan 'das rdo rje sems dpas gsungs so/ /de ltar mchog tu dga' ba rab tu 'dod pa ni/ /mchog tu dga' ba dag pa dam
221b1 pa'i dngos grub 'grub/ /gsal zhing rnam par rgyal ba yi/ /rgyal ba'i ras ris chen po 'di/ /thams cad gzigs pa rnams mchod pa/ /chen po yis ni dpal 'dir rol/ /'khor
221b2 lo de ni brtags byas nas/ /mchog tu gsang ba'i dkyil 'khor ni/ /rnam par dben pa'i khang par ram/ /yang na skyed mos tshal sogs su/ /de bzhin gshegs mchog chen
221b3 po yi/ /ras ris rgyal po sogs kyis brgyan/ /dril bu dang bcas yid dga' ba'i/ /bla re phul bas mchog gyur ba'i/ /rdo rje glu yi mchod tshogs dang / /glu dang rol mo
221b4 rnam 'phrul ba/ /me tog spos sogs rab sbyor ba/ /mar me'i sbyor bas yang dag mchod/ /khang pa sum brtsegs dkyil 'khor du/ /mchog gi gsang ba bsgrub par
221b5 bya/ /yang na bdag nyid kho na mchog /rang gi lhag pa'i lhar bsgom bya/ /de nas 'khor lor ma zhugs kyang / /rang nyid kyis ni rtag zhugs nas/ /rdo rje kun 'chang slob dpon
221b6 ni/ /dngos grub kun la 'grub par 'gyur/ /rang nyid khrus byas dri zhim bsgos/ /ji snyed rgyan dang gos dang ldan/ /sna tshogs gos kyis yang dag klubs/ /phreng bcas kha
221b7 ni dri zhim pa/ /rdo rje sems dpa'i sbyor ba yis/ /me tog spos dang dri snod bcas/ /rdo rje glu ni 'di dag gis/ /gar byed grong khyer 'jug par bya/ /de la mchog tu gsang ba'i
222a1 @#/ /dpal dam tshig gsum 'jug la mchog tu gsang ba'i glu'i mchod pa mchog tu grub pa 'di yin te/ /dngos grub kun gyi bde ba nyams dga' ba'i/ /
222a2 thar pa'i grong du bcom ldan bde chen 'jug /mchog tu bde ba dam pa'i dngos grub kyis/ /dzaHhUM baM hoHrab tu grub par mdzod/ /rab tu zhugs te g.yon pa yis/ /rdo
222a3 rje'i mig gis mgon la 'dud/ /g.yon pa bsnyems pa cung zad bzhad/ /bstod cing mdzes pa'i mig btsums pa/ /de la mchog tu gsang ba dam pa dpal dam tshig
222a4 gsum gyi phyag 'tshal ba'i me tog gi sil ma dor ba'i mchog tu gsang ba rdo rje glu'i mchod pa mchog tu grub pa 'di yin te/ /mchog tu bde ba'i sems ni rol bar
222a5 ldan/ /sgeg pa'i phyag gis bcom ldan 'das la 'dud/ /dzaHhUM baM hoH/ hi hi hi hi hi/ mgon po snyim pa'i me tog bzhes su gsol/ /de nas me tog sil ma dor/ /
222a6 rdo rje sems dpa'i dbang bskur bas/ /rdo rje dril bu'i phyag rgya dang / /ldan pa'i don gsal sbyin par bya/ /de la mchog tu gsang ba dam pa'i dpal dam tshig gsum
222a7 gyi rdo rje sems dpa'i dbang bskur ba'i mchog tu gsang ba'i rdo rje'i glu'i mchod pa mchog tu grub pa 'di yin te/ oM/ sangs rgyas kun ldan rin chen mchog gis
222b1 brgyan/ /lha yi cod pan dang bcas khyod la 'dud/ /rdo rje 'chang bdag rin chen dbang bskur bas/ /rdo rje sems dpa' sa ma ya s+t+waM haM/ /de nyid kyis ni rdo rje gzung / /chos kyi dril bu
222b2 dkrol bar bya/ /dam tshig gis ni phyag rgya cher/ /byin gyis brlabs nas snying po bzlas/ /rdo rje la sogs thob bzung bas/ /rdo rje sems dpa' gnyis pa 'dra/ /rdo rje thams
222b3 cad 'dzin rgyal po/ /rdo rje can gyis byin brlabs 'gyur/ /zhes bya ba mchog tu gsang ba dam pa'i dpal dam tshig gsum gyis bdag la byin gyis brlabs pa'i sgrub pa gcig
222b4 pu'i cho ga mchog tu grub pa bcom ldan 'das rdo rje sems dpas gsungs so/ /de nas 'dir bsgrub bshad bya ba/ /dngos grub shin tu brtag pa yang / /gang gis sgrub po dam pa
222b5 dang | |sdig chen byed pa rnams kyang ni/ /rdo rje sems dpas gsungs pa bzhin/ /ma grub rnams kyang grub par 'gyur/ /lugs ma 'am ni brdungs ma 'am/ /'dus byas pa
222b6 'am bris pa 'am/ /dang po'i sems dpa' bzhugs gsol nas/ /de yi mdun du cho ga bzhin/ /rtag tu rdo rje dril 'chang zhing / /dngos grub mchog ni bsgrub par bya/ /thams
222b7 cad dgug dang mchod pa che/ /bdag byin rlabs sogs bsgrub rnams so/ /de la ji ltar mchog tu gsang ba dam pa'i dpal dam tshig gsum gyi dngos grub thams cad
223a1 @#/ /dgug pa'i rgyud ni 'di yin te/ /rang lhag lha yi sbyor ba las/ /thams cad dgug pa'i sbyor ba yis/ /yan lag mchog gi rol bcas pas/ /
223a2 gar bya zhing ni dgug par bya/ /de nas de bzhin gshegs pa thams cad kyi mchog gi dngos grub mchog tu gsang ba'i dam tshig gi glu'i mchod pa ni 'di yin te/ dzaHmchog
223a3 dang po'i rdo rje 'chang ba rdo rje sems dpa' bde ba rab rtogs rab tu dga' ba khyod bdag sangs rgyas so sor rtogs/ /hUM mchog rdo rje las ni mchog tu mi 'gyur zad med
223a4 srid pa bar bsgrub bde dang yid bde dam tshig bdag la deng grub mdzod/ /baM mchog bdag gi sku 'dzin rnal 'byor thams cad rnam rgyal bsgreng ba rab mchog dag pa bde
223a5 bar 'gyur ba'i pad+ma'i rgyal po kye/ /hoHrab mchog ni mchog gi dngos grub dam pa thams cad dbang phyug dam par bdag gyur cig /rtag par bdag 'phel nam mkha'i
223a6 snying po khyod/ /hu lu hu lu'i sgrub pas dbab par mdzod/ /dam tshig chen pos yang dag dgug pa khyod/ /de bzhin gshegs pa kun gyi dam tshig ste/ /rab tu dga' ba
223a7 mchog bdag po/ /de la mchog tu gsang ba dam pa'i dpal dam tshig gsum gyi dngos grub thams cad kyi mchod pa chen po'i cho ga ji ltar yin/ rang lha'i rnal 'byor ji
223b1 bzhin du/ /mchod pa kun mchog sku rnams kyi/ /mchod de sngags pas glu rnams kyi sgra rol mo'i rnam 'phrul gyis rjes mchod/ /de nas de bzhin gshegs pa thams cad kyis mchog
223b2 gi dngos grub kyi mchod pa chen po'i cho ga'i mchog tu gsang ba'i dam tshig gi rdo rje'i glu'i mchod pa ni 'di yin te/ /thams cad rjes su chags pa bde ba dam pa'i thugs/ /rdo rje
223b3 sems dpa' khyod ni rab tu dga' ba yin/ /bde ba chen po gsal mthong bdag la brtan gyur cig /myur du so sor mkhyen nas rab tu 'dod pa bsgrubs/ /de la mchog tu
223b4 gsang ba dam pa'i dpal dam tshig gsum gyi dngos grub thams cad byin gyis brlabs pa'i sgrub pa chen po ji ltar yin/ rang lha'i sbyor ba ji bzhin du/ /phyag rgya kun gyis
223b5 byin brlabs pa/ /de nyid chen po'i mchog gis ni/ /rang nyid bsgrubs te snying po bzla/ /de nas de bzhin gshegs pa thams cad kyi mchog gi dngos grub byin gyis brlabs
223b6 pa'i gsang ba chen po dam pa'i dam tshig gi rdo rje glu'i mchod pa mchog tu grub pa ni 'di yin te/ oM/ nam mkha' skye ba mtshan ldan phyir/ /thog ma tha ma med pa'i mchog /
223b7 sems dpa' rdo rje che rang bzhin/ /rdo rje sems dpal bdag grub mdzod/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa
224a1 @#/ /kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa khyod/ /'dod chags kyis ni rjes chags pa/ /'dod chags
224a2 chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog /gdod nas grol ba de bzhin gshegs/ /kun tu bzang po kun bdag nyid/ /
224a3 byang chub sems dpar bdag grub mdzod/ /dngos grub chen po kun gyi mchog /dbang phyug chen po phyag rgya'i mchog /grub pa'i rdo rje cher bstod pas/ /rdo rje bsnyems
224a4 bdag bdag mdzod cig /dpal mchog dang po'i bcom ldan khyod/ /gang gis don dang glu yis bstod/ /de ni dngos grub kun gyi mchog /dbang phyug chen po nyid
224a5 grub 'gyur/ /zhes bya ba mchog gi de kho na nyid kyi mchog tu gsang ba'i glu chen po mchog tu grub pa bcom ldan 'das rdo rje 'chang gis gsungs so/ /dngos grub cho ga
224a6 'di yis ni/ /rdo rje sems dpa' yang dag rtogs/ /kun mchog dngos grub chen po yi/ /dbang phyug nyid ni rab bsgrub pa'o/ /kun nas 'od zer ston sogs dang / /so
224a7 sor ston pa'i rmad byung rnams/ /rdo rje'i tshig gis rang lha las/ /ngo mtshar gyur rnams mthong bar gyur/ /rtog pa kun gyi sna tshogs che/ /dngos grub dbang phyug bde
224b1 rnams kyis/ /myur du rang gis byin brlabs pas/ /rdo rje slob dpon gyis thob bo/ /zhes bya ba bcom ldan 'das rdo rje sems dpa' mchog gi dang pos gsungs so/ /de la mchog
224b2 tu gsang ba dam pa'i dpal dam tshig gsum gyis lha thams cad kyis bdag la byin gyis brlabs pa'i sgrub pa chen po'i rgyud ci ltar yin/ /rang lha rnal 'byor ji bzhin du/ /lha
224b3 kun bdag nyid sku rnams kyis/ /rang lha'i rnal 'byor bdag nyid kyis/ /rang lha nyid bsgrub par bya/ /de nas mchog tu gsang ba dam pa'i dpal dam tshig gsum gyi
224b4 kun mchog dngos grub chen po'i dbang phyug chen po'i bdag nyid la sogs pa'i dngos grub thams cad kyi las kyi tshogs mchog tu mi 'gyur ba dam pa bla na med pa'i dga'
224b5 ba dang / rab tu dga' ba dang / bde ba dang / yid bde ba thams cad kyi dngos grub dam pa'i cho ga rgyas pa rjes su grub pa ni 'di yin te/ /rang lha'i rnal 'byor ji bzhin du/ /rdo
224b6 rje kun mchog sku rnams kyis/ /glu dang rol mo'i cho ga ni/ /rdo rje nyid kyis rjes chags 'gyur/ /rang lha'i sbyor ba ji bzhin du/ /dbyangs kyi rtsa ba rnam sad pas/ /glu dang rol
224b7 mo'i cho ga ni/ /dril bu nyid kyis rjes su brjod/ /rang lha'i sbyor ba ji bzhin du/ /sna tshogs phyag rgya'i bdag po mchog /glu dang rol mo'i cho ga ni/ /dam tshig gis ni
225a1 @#/ /rjes bsgrub bya/ /'di yis rtog pa thams cad la/ /rdo rje 'bebs pas rab sad pas/ /rang gi lha yi dam tshig ni/ /thams cad bzhi 'gyur
225a2 'grub par 'gyur/ /mchog tu gsang ba dam pa'i dpal dam tshig gsum gyi glu chen po dang / rol mo'i cho ga mchog tu gsang ba mchog tu grub pa bcom ldan 'das rdo
225a3 rje sems dpas gsungs so/ /de nas de rjes gnas ci bzhin/ /ji snyed pa ni ci bde bas/ /me tog spos kyis mchod nas ni/ /khang pa 'am skyed mos tshal sogs su/ /
225a4 bdag nyid ci 'dod rab bsgrubs nas/ /ci snyed rgyan dang gos dang ldan/ /sna tshogs gos kyis yang dag klubs/ /me tog phreng bcas kha dri zhim/ /lugs ma 'am ni
225a5 brdungs pa'am/ /'dus pa 'am ni ri mor bris/ /dang po'i 'khor lo de mdun du/ /cho ga bzhin du bzhugs gsol nas/ /rang lha'i rnal 'byor ji bzhin du/ /rdo
225a6 rje dril bu rab sad pas/ /thams cad dgug dang mchod pa che/ /bdag byin rlab sogs 'grub par bya/ /sngon du lan gcig bsgrub byas nas/ /de nas de rjes ci 'dod
225a7 pa/ /ci 'dod ci spyod ci smra ba/ /thams cad bza' zhing thams cad byed/ /langs pa 'am ni 'dug pa 'am/ /rab tu dgod dam smra ba 'am/ /ji bzhin de bzhin
225b1 de dang der/ /ji 'dod par ni de bzhin gzhag /gsang ba mchog gi 'khor lo ni/ /me tog sogs kyis mchod nas ni/ /ji bzhin du ni rjes bsgrub bya/ /'dis ni 'dod pa kun dbang phyug /
225b2 'gro dang 'ong dang 'dod na 'phur/ /dngos grub kun gyi dbang phyug 'grub/ /rga shi med pa'i gtso bor 'gyur/ /rdo rje sems dpa' grub chen po/ /phyag rgya kun gyi dbang phyug bdag /
225b3 rdo rje kun 'dzin rgyal ba ni/ /rdo rje mtshon cha thams cad 'dzin/ /mi thub pa dang mi sod cing / /thams cad byed cing kun gyi rten/ /sems can kun gyi rgyal po che/ /tshar
225b4 gcod rjes su bzung bar nus/ /kun mchog rjes su chags pa che/ /'dod pa grub pa bde ba mchog /kun las rnam rgyal grub 'gyur te/ /kun mchog dbang phyug dam pa
225b5 yin/ /dngos grub chen po kun gyi mchog /dbang phyug chen po'i go 'phang nas/ /rgyal po rdo rje kun 'dzin pa/ /sangs rgyas thams cad rab 'grub 'gyur/ /de ltar
225b6 mchog tu rjes chags dga' ba pad+ma'i ra ba che/ /mchog tu gsang ba grub pa'i bla na med pa'i dngos grub stsol/ /mchog gi rgyal mtshan bsgreng bas gang zhig rjes
225b7 su bsten pa ste/ /mchog gi dngos grub dbang phyug chen po nyid des nyams myong ba/ /zhes bya ba bcom ldan 'das rdo rje sems dpas gsungs so/ /dpal mchog dang
226a1 @#/ /po las/ gsang ba chen po dam pa'i dpal dam tshig gsum dang / dngos grub thams cad dgug pa dang / mchod pa chen po dang / bdag la
226a2 byin gyis brlab pa la sogs pa'i sgrub pa'i cho ga rgyas pa'o// //gsang ba mchog ni dgyes pa dang / /sangs rgyas kun gyi rjes bstan pa/ /rdo rje sems
226a3 dpa' rang gi gnas/ /thams cad bdag nyid rtag tu bzhugs/ /thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag
226a4 nyid| |rdo rje bsnyems tshul bdag po'i bdag /'di ni rang byung bcom ldan 'das/ /lhag pa'i lha ni gcig pu nyid/ /ces bya ba 'grub par 'gyur ro/ /de ltar mchog
226a5 tu rjes chags dga' ba pad+ma ra ba che/ /mchog tu bsngags pa bla na med pa'i dngos grub stsol/ /mchog gi rgyal mtshan bsgreng ba gang zhig rjes su bsten pa ste/ /mchog
226a6 gi dngos grub bde ba chen po nyid des nyams myong ba/ /zhes bya ba bcom ldan 'das rdo rje sems dpas gsungs so/ /dpal mchog dang po las/ dga' ba chen
226a7 po'i dpal rdo rje don yod pa'i dga' ba'i dam tshig rnal 'byor thams cad kyi dbang phyug de bzhin gshegs pa thams cad kyi dpal rang gi dam tshig gi dkyil
226b1 'khor mchog tu gsang ba yongs su rdzogs so// //de nas de bzhin gshegs pa thams cad kyi dam tshig chen po'i slob ma'i cho ga rgyas pa rjes su gzung
226b2 ba bshad par bya'o/ /zhes bya ba bcom ldan 'das rdo rje sems dpas gsungs so/ /de la dang po kho nar re zhig de bzhin gshegs pa thams cad kyi mchog tu gsang ba dam
226b3 pa'i sngags 'di lan gcig brjod pas sems bskyed du bcug ste/ oM sarba yo ga tsit+taM ud pA da yA mi/ 'di brjod pa tsam gyis de bzhin gshegs pa thams cad
226b4 dang mi 'bral zhing phyir mi ldog pa dang / bdud thams cad zil gyis gnon pa'i phyag rgya byang chub sems dpa' sems dpa' chen po de bzhin gshegs pa nyid du yang
226b5 rtogs par bya'o zhes bya ba yang gsungs so/ /byang chub sems ni bla med pa/ /mchog tu bskyed par byas nas ni/ /snying gar rdo rje rab bzhag nas/ /su ra ta sa ma ya s+t+waM ho/ /
226b6 snying pos rdo rje ci bder bsgrub/ /'di yis rdo rje bskul ba na/ /'dod pa kun las 'grub par 'gyur/ /de nyid bskul bas myur du ni/ /byang chub sems ni bla med pa/ /
226b7 kun mchog dngos grub chen po'i phyir/ /rdo rje sems dpa' nyid du 'gyur/ /zhes bya ba'i mchog bcom ldan 'das rdo rje sems dpas gsungs so/ /gar byas spyi bor
227a1 @#/ /thal mo sbyar/ /gos kyis gdong ni g.yogs pa rnams/ /ci 'dod dngos grub 'dod pa yis/ /slob ma thams cad gzhug par bya/ /ci 'dod
227a2 dngos grub sems dpa' yis/ /slob ma me tog 'dor du gzhug/ phyag rgya gang la de babs pa'o/ /de de'i lha mo bsgrub par bya/ /de nas gdong g.yogs dkrol byas la//
227a3 rnam pa kun gyi yon blangs nas/ /sangs rgyas rin chen dbang bskur gyis/ /dam tshig gsum ni gsal bar sbyin/ /de la rdo rje chen po mna'i chus dbang bskur te/ 'di
227a4 ltar brjod par bya'o/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /rdo rje
227a5 dril bu'i phyag rgya ni/ /gal te dkyil 'khor ma mthong smras/ /skye bo 'dus pa'i nang na gnas/ /dad pa med pas bzhad gad smod/ /ces bya ba mna' bsgag go/ /de la sangs
227a6 rgyas kyi rin po che'i dbang bskur ba'i cho ga ni 'di yin te/ rdo rje chu yis dbang bskur nas de bzhin gshegs pa thams cad kyi sku'i mchog dbang bskur ba'i gnas
227a7 su bzhag ste/ /oM sarba ta thA ga ta mahA sa ma ya a d+hi pa ti s+t+waM a b+hi Shiny+tsA mi ma hA badzra d+ha ra zhes bya ba'i sngags 'dis rdo rje lag tu sbyin par bya'o/ /'di ni sangs rgyas
227b1 thams cad nyid/ /rdo rje 'chang gi rdo rje ste/ /rdo rje 'chang gi brtul zhugs che/ /khyod kyis kyang ni rtag tu bcang / /de bzhin gshegs pa thams cad kyi/ /byang chub mchog gi sems
227b2 chen po/ /yongs su mi spang rtag tu bsgrubs/ /shin tu gsang bde 'di yin te/ /oM badzra karma bA d+hi d+hi shrI badzra nA ma sid d+hi sa ma ya staM b+hUr b+hu ba swaH/ gang la rdo rje'i ming btags
227b3 pa de la kye'i sgra dang por sbyar bar bya'o/ /de'i ming de yang ji srid byang chub snying po'i mthar thug pa'i bar gyi de bzhin gshegs pa'i yang ming du 'gyur ro/ /de la mchog tu
227b4 gsang ba dam pa'i dpal dam tshig gsum sbyin pa ni 'di yin te/ /thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag
227b5 nyid| |rdo rje bsnyems tshul bdag po'i bdag /ces bya ba bcom ldan 'das dpal mchog dang po'i skyes bu mchog gi de kho na nyid kyi gsang ba lnga'i de kho na nyid bshad
227b6 par byas nas rdo rje sbyin par bya'o/ /'di bcom ldan 'das srid pa'i bdag po dam pa kun gyi mchog dbang phyug gi dam pa de bzhin gshegs pa de nyid chos kyi mchog
227b7 gi bka' yang dag par stsol bar mdzad pa ni/ /srid pa rang bzhin nyid kyis dag /rang bzhin gyis ni srid bral byas/ /rang bzhin dag pa'i sems dpa' mchog /srid
228a1 @#/ /pa mchog ni mdzad pa yin/ /mchog tu gsang ba'i chos nyid 'bebs pa ni dril bu'o/ /de bzhin gshegs pa thams cad la mchod
228a2 par bya ba 'am lha sgrub pa'i tshe dkrol bar bya'o/ /de nas chos thams cad kyi de kho na nyid rab tu sad pa'i phab pa rnams kyis sgrib pa thams cad rnam par dag par byed
228a3 pa yin no/ /rdo rje thams cad 'bebs par byed pa dang / rab tu sgrub par byed pa dang / dbang du byed pa dang / rab tu dang bar byed pa zhes bya bar bsgrub par 'gyur
228a4 ro| |de nas srid pa dag pa'i thabs kyi mchog rtog pa thams cad kyi gsang ba chen po dam tshig la rtag tu bsten par bya'o zhes bya ba'o/ /de la 'di ni deng khyod kyi/ /
228a5 srid bde shin tu myur ba ni/ /sdug bsngal chen po dag bya'i phyir/ /shin tu bde ba dam pa'i thabs/ /dam tshig 'di ni rtag tu bskyed/ /'dod pa'i longs spyod
228a6 thams cad la/ /ci 'dod par ni brten bzhin du/ /rang gi lha yi sbyor ba yis/ /bdag dang gzhan la mchod par bya/ /de bzhin gshegs pa thams cad kyi
228a7 bla na med pa'i mchog tu gsang ba'i theg pa chen po'i yang chen po dam tshig gi sbyor ba ni bcom ldan 'das kyi dam tshig go /'di ltar/ de bzhin gshegs
228b1 pa kun gyis kyang / /'da' pa ru ni mi mdzad pas/ /phyag rgya dam tshig ces ni bsgrags/ /yid kyi sku ni brtan phyir ro/ /zhes bya ba mchog tu gsang ba bcom ldan 'das rdo rje
228b2 sems dpas gsungs so/ /de la 'di brjod par bya ste/ /ji srid 'khor ba'i gnas su ni/ /mkhas mchog 'dug par gyur pa'i tshe/ /ji srid mtshungs med sems
228b3 can don/ /mya ngan mi 'da' byed par nus/ /gsang ba dam pa dam tshig thabs/ /bsod nams byin gyis brlabs bsgrubs pa/ /rtag tu dngos grub kun dbang
228b4 phyug /sems can don ni byed pa yin/ /dam tshig 'dis ni mchog sgrub cing / /ci bde bar ni bsgrub byed pa/ /nyes pa spyad kyang sdig kun gyis/ /rnam pa kun tu gnod
228b5 mi 'gyur/ /'dod pa chen po grub par 'gyur/ /kun bdag dam tshig dbang phyug dang / /thams cad rdo rje 'dzin rgyal po/ /kun mchog dbang phyug dam pa'o/ /las kyi
228b6 tshogs kyi dngos grub kyis/ /ma lus bsgrubs pas 'grub par 'gyur/ /bdag gzhan thams cad rgyas btab pas/ /yang na bsgrub bya kun la yang / /don yod mchog
228b7 tu grub pa dang / /rnal 'byor thams cad rjes sgrub byed/ /dpal ldan sdug bsngal kun 'phrog byed/ /dam tshig 'da' bar dka' ba'o/ /zhes bya ba mchog tu gsang
229a1 @#/ /ba bcom ldan 'das dpal rdo rje sems dpas gsungs so/ /rdo rje la sogs thob 'dzin pas/ /dngos po kun gyi bde ba kun/ /phab pas rdo rje slob ma
229a2 yis| |dkyil 'khor du ni nyams su myong / /de nas thams cad gzengs ba stod pas/ /sangs rgyas kun gyi bdag nyid dngos/ /rdo rje'i ming gis dbang bskur bas/ /de bzhin gshegs
229a3 ni lung bstan bya/ /de la de bzhin gshegs pa thams cad kyi lung bstan pa'i rdo rje sems dpa'i cho ga 'di yin te/ sangs rgyas kun gyi phyag rgya che/ /gzengs bstod pa yi
229a4 gang lung bstan/ /de ni sangs rgyas thams cad nyid/ /rdo rje ming gis dbang bskur ba'o/ /oM 'di ni ngas khyod lung bstan te/ /rdo rje sems dpa' de bzhin gshegs/ /srid pa
229a5 shin tu grub pa'i phyir/ /srid pa'i ngan 'gro las khyod bton/ /he badzra na maHta thA ga ta sid+d+hi sa ma ya s+t+waM/ b+hur b+hu ba swaH/ gang la gzengs bstod pa 'di dang / phyag rgya chen po
229a6 por lung bstan pa mchog tu gsang ba'i cho gas byas pa de la rdo rje sems dpa' la sogs pa'i de bzhin gshegs pa thams cad dang / rdo rje 'chang dang bcas pa'i byang chub
229a7 sems dpa'i dkyil 'khor dang bcas pa de bzhin gshegs pa thams cad kyi rang gi dam tshig gi slob dpon rnams dang / mgrin gcig tu bla na med pa yang dag par rdzogs
229b1 pa'i byang chub tu lung bstan par mdzad do/ /'di lta ste/ gzengs bstod pa 'di nyid kyi phyag rgya chen po dang / mchog tu gsang ba dam pa'i dngos grub kyis byin gyis brlabs pa 'di
229b2 dang | sngags kyi stobs la dad par bya'o/ /de nas ci lta ba bzhin du zhugs pa rnams la de bzhin gshegs pa thams cad 'dus pa la sogs pa'i dbugs dbyung ba spyin par bya'o/ /
229b3 de bzhin gshegs pa thams cad rdo rje 'chang dang bcas pa ci snyed pa byang chub sems dpa'i dkyil 'khor dang bcas pa gang yin pa de dag thams cad rang gi dam tshig la rjes
229b4 su chags pa 'dir dgug pa dang / rab tu gzhug pa dang / dbang du bya ba dang / bsgrub pa dang / rjes su bsgrub pa rnams kyi rdo rje'i dbyings thams cad brtan par 'gyur ba nying
229b5 kyis| 'di brtan par 'gyur ba chos kyi dbyings thams cad kun tu khyab pa nyid kyis kun tu zhugs pa/ nam mkha'i khams thams cad kyi rgya che ba nyid kyis 'dir rab tu bzhugs
229b6 shing | legs par rab tu bzhugs pa gang yin pa de dang de dag /de bzhin gshegs pa thams cad kyi rang gi dam tshig la rag las pa'i de bzhin gshegs pa nyid la lhag
229b7 par dmigs nas/ de bzhin gshegs pa thams cad kyi rang gi dam tshig gi slob dpon de bzhin gshegs pa thams cad 'di yin no zhes bya bas byin gyis brlabs
230a1 @#/ /nas/ de bzhin gshegs pa thams cad kyis rang gi dam tshig gi slob dpon gyis dam tshig gi mgrin gcig tu khyed rnams la dbugs dbyung ba
230a2 mdzad pa yin te dad par bya'o/ /de bzhin gshegs pa thams cad kyi mchog tu gsang ba'i dbugs dbyung ba 'di yin te/ gsang ba'i dkyil 'khor dam pa ni/ /mthong ba dang
230a3 ni zhugs pas kyang / /sdig pa kun las nges grol zhing / /khyed rnams der nyid legs par gnas/ /bde chen theg pa 'di las ni/ /slar 'chi ba ni yod min te/ /mi tshugs pa
230a4 dang mi sod pas/ /cis kyang mi 'jigs rol bar gyis/ /srid pa'i sdug bsngal ldog pa ni/ /srid pa shin tu grub pa'i phyir/ /ston pa mchog tu gyur pa khyod/ /srid pa shin tu grub
230a5 pa yin/ /dam tshig sdom pa grub pa 'di/ /khyod kyis rtag tu bsrung bar bya/ /sangs rgyas kun gyis mthun par gsungs/ /dam pa rtag pa'i bka' yin no/ /gang zhig bskyed pa
230a6 tsam gyis ni/ /sangs rgyas nyid du dogs med pa'i/ /byang chub sems ni gtang mi bya/ /phyag rgya rdo rje gang yin pa/ /dam pa'i chos ni mi smod cing / /nam yang btang bar mi bya'o/ /
230a7 mi shes pa 'am rmongs pa yis/ /des ni smad par mi bya'o/ /rang gi bdag nyid yongs spangs nas/ /dka' thub rnams kyis gdung mi bya/ /ci bde bar ni bde bar gzung / /'di ni ma
230b1 byon rdzogs sangs rgyas/ /rdo rje dril bu phyag rgya rnams/ /nam yang yongs su brang mi bya/ /slob dpon smad par mi bya ste/ /'di ni sangs rgyas kun dang 'dra/ /sangs rgyas kun mtshungs bla ma yi//
230b2 slob dpon la ni gang smod pa/ /des ni sangs rgyas kun smad pas/ /rtag tu sdug bsngal thob 'gyur te/ /rims dang dug dang sbyar dug dang / /mkha' 'gro rnams kyis gtses pa dang / /
230b3 gdon dang log 'dren gtum po yis/ /bsad nas sems can dmyal bar ltung / /de bas 'bad pa thams cad kyis/ /rdo rje slob dpon blo gros che/ /dge ba rab tu mi spyoms pa/ /
230b4 nam yang smad par mi bya'o/ /bla ma la ni gus bcas yon/ /rjes mthun khyod kyis sbyin par bya/ /des ni rims sogs gnod pa rnams/ /phyir zhing 'byung bar mi 'gyur ro/ /rang gi dam
230b5 tshig slob dpon ni/ /sbyin min bu dang chung ma dang / /rang srog gis rtag bsten bya na/ /longs spyod g.yo ba smos ci dgos/ /gang gis bskal ba bye bar ni/ /grangs med par ni rnyed
230b6 dka' ba'i/ /sangs rgyas nyid kyang brtson ldan la/ /tshe 'di nyid la ster bar byed/ /rtag tu rang gi dam tshig bsrung / /rtag tu de bzhin gshegs pa mchod/ /rtag tu bla ma la yang
230b7 dbul| |'di ni sangs rgyas kun dang 'dra/ /de byin sangs rgyas thams cad la/ /rtag tu sbyin pa nyid du 'gyur/ /de byin bsod nams tshogs yin te/ /tshogs las dngos grub mchog
231a1 @#/ /tu 'gyur/ /de phyir 'di ni legs gnas pas/ /deng khyod skye ba 'bras bur bcas/ /rang byung dam tshig lha dang mnyam/ /deng khyod 'gyur bar the tshom med/ /sangs rgyas
231a2 rdo rje 'dzin bcas pas/ /kun gyi deng khyod dbang bskur bas/ /khams gsum gyi ni rgyal po che/ /rgyal po'i bdag por bstan pa yin/ /de ni bdud las rnam rgyal te/ /grong khyer mchog
231a3 tu rab tu zhugs/ /khyed rnams kyis ni sangs rgyas nyid/ /deng 'dir thob pa the tshom med/ /ces bya ba de bzhin gshegs pa thams cad dang / rdo rje 'chang dang / /byang chub sems
231a4 dpa' chen po'i 'khor gyi dkyil 'khor dang bcas pa'i bcom ldan 'das rdo rje sems dpa' mchog tu bden pas gsungs so/ /de nas de bzhin gshegs pa thams cad kyi
231a5 mchog tu gsang ba de bzhin gshegs pa thams cad kyi dpal rang gi dam tshig gi slob dpon dang / /slob ma'i tshogs rnams kyis dbugs dbyung ba ni 'di yin te/ /phyir mi ldog
231a6 pa'i phyag rgya yis/ /byang chub sems dang lhan cig bskyed/ /sangs rgyas nyid kyang rtogs bya ste/ /zhes bya ba'o/ /de'i rgyu gang yin zhe na/ gang gi phyir khyed rnams kyi bdag nyid thams
231a7 cad de bzhin gshegs pa thams cad kyi byang chub kyi sems chen po bskyed pa tsam gyi mthu nyid kyis phyir mi ldog par 'gyur ba yin no/ /phyir mi ldog pa nyid kyi phyir nges pa'i phung po
231b1 la rnam par gnas pas bla na med pa yang dag par rdzogs pa'i byang chub tu nges pa nyid/ bla na med pa yang dag par rdzogs pa'i byang chub tu mngon par rdzogs par sangs rgyas par rjes
231b2 su rtogs par bya'o/ /zhes bya'o/ /de nas thams cad kyi dpal dam tshig gi slob dpon gyi mchog tu gsang ba'i dbugs dbyung ba 'di yin te/ /rdo rje sems dpa'i bdag sbyor ba/ rnal
231b3 'byor kun dang rjes sbyor ldan/ /sangs rgyas nyid du rtogs bya ste/ /mkhas pas mchog tu brtag pa'o/ /zhes bya'o/ /de'i rgyu gang yin zhe na/ gang gi phyir khyed rnams kyi bdag nyid thams
231b4 cad 'di de bzhin gshegs pa thams cad kyi rang gi dam tshig yongs su gzung ba gdon mi za ba nyid kyi phyir/ de bzhin gshegs pa bla na med pa yang dag par rdzogs pa'i byang chub tu
231b5 mngon par sangs rgyas pa nyid du rtogs par bya'o/ /de bzhin gshegs pa thams cad kyi dpal rang gi dam tshig gi rjes su sgrub pas mchog gi dngos grub rnams de bzhin gshegs
231b6 pa thams cad nyid du de dag rtogs par bya'o/ /de'i phyir gnas skabs thams cad du yang ci nus pas sdug bsngal dang / yid mi bde ba thams cad kyi skabs mi 'byed pa khyed
231b7 rnams kyis rang gi bdag nyid thams cad kho na rjes su bsrung zhing gsad par mi bya'o/ /ci snyed pa'i longs spyod dang / nye bar spyod pa thams cad kyis de bzhin gshegs pa thams
232a1 @#/ /cad kyi mchog tu gsang ba bla na med pa'i theg pa chen po'i dam tshig gi sbyor bas yang dag par mchod la/ bde bar gzung ba dang / yang dag par 'phel bar
232a2 bya'o/ /bdag nyid la ci lta ba bzhin du mngon par brtson pa de bzhin du gzhan rnams la na tshod bskyed pa yin no/ /lta ba log pa dang / phyi rol mu stegs pa dang / nyan thos pa thams
232a3 cad dang / rang sangs rgyas kyi sar ltung bas lus 'di shin tu gsang ba yin no/ /ngag ni shin tu mi smra bas so/ /sems ni shin tu 'gog pas so/ /gang gis kyang khyod kyi lus
232a4 ngag yid gsum gyi rdo rje rnams de bzhin gshegs pa thams cad kyi sku gsung thugs kyi rdo rje dpal la rang gi dam tshig gi bla na med pa'i dngos grub mchog tu rtogs par 'gyur ba zhes bya
232a5 ba yang gsungs so/ /'dod pa'i longs spyod thams cad kyis/ /cis kyang mi 'jigs rol bar gyis/ /dam tshig 'di ni 'da' dka' ste/ sdig pa med kyis ma 'jigs shig /ces bcom
232a6 ldan 'das rdo rje sems dpa' mchog tu bden pas gsungs ste/ byang chub sems dpa'i 'khor gyi dkyil 'khor dang bcas pa'i de bzhin gshegs pa thams cad kyi thugs la dgongs
232a7 pa yin no/ /de ltar yid ni rab dang rdo rje nyid du gyis/ /rang gi dam tshig mi zad pa bde ster bsten par gyis/ /de ni 'gro la myur bde rdo rje sems dpa' dang / /rab tu mnyam zhing rtag pa nyid
232b1 du rtogs par gyis/ /de nas ro dang bza' dang spyod pa gar dang glu/ /rol mo'i mchod sogs kyis ni mgon mchod pa/ /rdo rje bla ma chen pos de phul nas/ /rang dang gzhan dag ci
232b2 'dod mchod par bya/ /myos byed myos bral btung ba ni/ /ci 'dod par ni bsten pa yis/ /glu dang rol mo'i cho ga sogs/ /ji bzhin rjes 'gro'i bzlas pa bya/ /rang gsang cho gas blangs
232b3 pa yi/ /glu dang rol mo gar rnams kyi/ /sna tshogs phyag rgya'i mchod pa dang / /rdo rje sems dpa'i rol mo sogs/ /bud med sogs dang ldan pa'am/ /rang gi slob ma dang bcas pa/ /ci 'dod
232b4 pa yi longs spyod kyis/ /mchod pa byas pas myu ba 'grub/ /ces bya ba mchog tu gsang ba bcom ldan 'das rdo rje sems dpas gsungs so/ /de la gsang ba'i cho ga'i glu'i khyad par ni
232b5 'di yin te/ hUM/ bcom ldan 'das mchog dang po'i rdo rje sems dpa'i 'o/ /a/ de bzhin gshegs pa rnams kyi'o/ /hi/ dpal 'jig rten gsum las rnam par rgyal ba'i 'o/ oM pad+ma'i
232b6 snying po'i 'o/ /ha/ nam mkha'i snying po ste/ /byang chub sems dpa' chen po'i rgyal po nam mkha'i snying po yin no/ /zhes bya ba gsungs so/ /rang gsang snying po'i glu dag ni/ /yi ge lnga
232b7 pos bya ba ste/ /rang gsang cho gas blangs pa 'di/ /mchog tu gshegs pa kun gyi yin/ /de nas mchog tu gsang ba rdo rje glu yi mchod pa ni/ /rdo rje dril bu mnyam sogs bcas/ /
233a1 @#/ /rnam par dben par rol mo dkrol/ /rang gsang cho gas glu blangs pa/ /gsang ba'i rol mos rab tu bsgrub/ /de nas mchog tu shin tu gsang ba'i rdo rje
233a2 gar gyi mchod pa ni/ /'dzin pa dang bcas gzung ba che'i/ /gar ni rab tu byas nas kyang / /dkyil 'khor 'dra ba'i gar byas nas/ /yongs su bskor bas rab mchod bya/ /de nas
233a3 mchog tu gsang ba'i phyag rgya sna tshogs pa'i mchod pa ni/ /rdo rje sems dpa' la sogs lha'i/ /rtog pa thams cad rnam 'phrul ba/ /gtam rgyud phyag mtshan phyag rgya
233a4 yis| |gang zhig gar de rol mo yin/ /gser ram yang na dngul dang ni/ /de bzhin shing las byas pa yi/ /rang gi lha yi gdong rnams kyis/ /grub pa'i phyag rgyas gar
233a5 rnams bya/ /dkyil 'khor gang dang gang brten pa/ /phyag rgya sna tshogs mchod pa yis/ /slob ma'i tshogs ni de dang de/ /bzla zhing thams cad mchog tu gzhug /sna tshogs cho
233a6 ga 'di yis ni/ /sdig pa kun las rnam grol 'gyur/ /bsod nams kun kyang 'phel 'gyur te/ /rtag tu srung bar 'gyur ba yin/ /rims dang gdon dang dug dang nad/ /sbyar
233a7 dug mkha' 'gro'i 'tshe ba dang / /bdud dang gsod par byed pa rnams/ /'dis ni rab tu zhi bar 'gyur/ /dngos grub dag ni phun sum tshogs/ /dga' ba de bzhin bdag po
233b1 rnams/ /sangs rgyas kun gyi bdag nyid kyi/ /rnal 'byor dam pa thob par 'gyur/ /zhes bya ba shin tu gsang ba'i bcom ldan 'das rdo rje sems dpas gsungs so/ /de
233b2 nas phyag rgya sna tshogs pa'i mchod pa'i cho ga rgyas pa lhag pa'i lha thams cad re re'i mchog gsang ba 'jug pa'i rdo rje glu'i mchod pa'i cho ga rgyas pa mngon par brjod nas
233b3 rdo rje slob dpon gyis byas pa'am de las gzhan ci 'dod pa'i glu dang / rol mo rnams kyis rtog pa thams cad kyi sna tshogs pa'i dam tshig chen po'i mchog tu grub pa
233b4 zhes bya ba ste/ de re zhig thog ma kho nar bcom ldan 'das dpal mchog dang po'i rdo rje sems dpa' mchog tu gsang ba'i dam tshig gi 'jug pa'i glu'i mchod pa ni/ thams
233b5 cad rjes su chags pa bde ba dam pa'i thugs/ /rdo rje sems dpa' khyod ni rab dga' dam tshig ste/ /bde ba chen po brtan zhing mtho ba gsal gyur cig /so sor rtogs nas
233b6 mngon du phyogs shing myur sgrubs shig /de nas de bzhin gshegs pa thams cad kyis rigs kyi mchog tu gsang ba'i dam tshig gi 'jug pa'i rdo rje glu'i mchod pa ni/
233b7 rdo rje sems dpa' bsdus pas na/ /rdo rje rin chen bla na med/ /rdo rje chos ni glur blangs pas/ /rdo rje las ni byed par 'gyur/ /de nas rdo rje rigs thams cad kyi mchog tu
234a1 @#/ /gsang ba'i dam tshig gi 'jug pa'i rdo rje glu'i mchod pa ni/ hUM/ rdo rje mda' gzhu dang bcas khyod la 'dud/ /rdo rje chags pa'i dam tshig dpal khyod
234a2 'dud/ /kha T+wAM 'jig dus rdo rje khyod la 'dud/ /rdo rje dril bu bskyod pa'i dpal khyod 'dud/ /de na pad+ma'i rigs thams cad kyi mchog tu gsang ba'i dam tshig gi 'jug
234a3 pa'i rdo rje glu'i mchod pa ni/ /la lar skye bo ma rungs pa yi srog 'phrog byed pa shin tu drag po'i sku/ /la lar 'gro ba mtha' yas 'dul phyir shin tu rno ba'i 'khor lo 'dzin
234a4 pa'i sku/ /la lar pad+ma'i gdan gyi shin tu zhi ba'i sku ste 'gyur ba med pa ste/ /la lar shin tu 'bar ba'i 'dod pa'i dam tshig pad+ma'i rgyal po bdag bsgrubs shig /de nas
234a5 nor bu'i rigs thams cad kyi mchog tu gsang ba'i dam tshig gi 'jug pa'i rdo rje'i glu'i mchod pa ni/ /dbang bskur thams cad dbang phyug dam pa las/ /yang dag
234a6 bsgrubs shing mi zad gter gyi mchog /kun mchog rgyal mtshan rnam rgyal bsgreng ba las/ /rdo rje rin chen dpal bdag legs mchod 'gyur/ /de nas ming po gsum
234a7 gyi ni b+hUr b+hu ba swaH/ de nas sring mo bzhi rnams kyi/ /hrI hUM shrI b+h+yo/ /de nas klu'i rigs thams cad kyi dkyil 'khor gyi ni/ phu phu/ de nas gnod sbyin gyi sde dpon
234b1 chen po lag na rdo rje'i sdig pa thams cad kyi dkyil 'khor gyi rdo rje glu'i mchod pa ni/ sarba maM ga maN+Dal mi daM badzra d+ha rA kra ma bi ma rad bi ki ra b+hany+dza ud sA da ya/ /nA sha ya/
234b2 ha na da ha/ pa tsa b+hasmiM ku ru kro d+ha hUM ka ra man+t+ri Na/ /de nas thams cad kyi mchog dbang phyug dam pa'i dkyil 'khor chen po'i mchog tu gsang ba'i dam tshig gi rdo rje glu'i
234b3 mchod pa ni/ la lar dri med zla ba'i dkyil 'khor stong gi 'od kyi sku ni rnam par mdzes/ la lar 'jig dus nyi ma 'char ka bye ba'i 'od zer tshogs ni 'jigs cher 'bar/ /
234b4 la lar mdangs dang 'od zer dang ldan bde zhing zhi ba'i rgyal pa'i sku 'dzin pa/ /la lar shin tu mdzes pa'i gzugs 'chang mchog gi mda' dang bcas pa'i gzhu 'dzin
234b5 pa/ /la lar gdul bya rnam par sbyang phyir brtson pa'i rdo rje sems khyod mkha' bzhin bzhugs/ /ma lus 'dul ba mkhas pa'i bde ba dam pa nyid phyir bdag la grub
234b6 gyur cig /de nas mchog tu gsang ba'i cho ga dam pa'i gsang ba'i mchog dpal dam tshig gsum gyi 'jug pa'i rdo rje glu'i mchod pa mchog tu grub pa ni 'di yin te/
234b7 dngos grub kun gyi bde ba nyams dga' ba'i/ /thar pa'i grong khyer bcom ldan bde chen 'jug /mchog tu bde ba dam pa'i dngos grub kyis/ /dzaHhUM baM hoHrab tu
235a1 @#/ /grub par mdzod/ /de nas shin tu mchog tu gsang ba'i cho ga mchog tu gsang ba bla na med pa'i dam pa dpal dam tshig bla na med pa'i
235a2 mchog tu shin tu gsang ba'i rdo rje'i glu'i mchod pa mchog tu shin tu grub pa zhes bya ba mngon par brjod nas shin tu mchog gi de kho na nyid kyi rdo rje glu'i mchod pa'i
235a3 glu dang gar gyi cho gas ci lta ba bzhin du rjes su bsgrubs nas so sor rjes su bsgrub par bya'o zhes bya ba dang / /de bzhin gshegs pa thams cad kyi mchog tu shin
235a4 tu gsang ba bla na med pa'i rtog pa thams cad kyi sna tshogs pa'i dam tshig chen po'i mchod pa mchog tu shin tu grub pa yin no/ /zhes bya ba yang gsungs so/ /sna tshogs
235a5 cho ga 'di yis ni/ /rdo rje sems dpa' bsdus pa yin/ /kun mchog sna tshogs chen po yin/ /rnal 'byor dbang phyug rab tu grub/ /ces bya ba shin tu gsang ba bcom
235a6 ldan 'das rdo rje sems dpas gsungs so/ /de ltar dpal mchog dang po'i rtog pa'i cho ga rgyas pa gtam rgyud sna tshogs can/ /mchog tu gsang ba'i rol mo bla na
235a7 med pa'i dngos grub nyams dang ldan pa ste/ /gang gis sna tshogs pa'i rgyal mtshan mthon po dang ldan kun tu rjes bsten pa/ /mchog gi dngos grub bde ba chen po
235b1 nyid ni de yis yang dag nyams su myong / /don yod mchog tu bsod nams ldan/ /cho ga mchog tu rtag pa ste/ /kun mchog gsang ba chen po ni/ /dngos grub thams
235b2 cad myur grub byed/ /gang zhig grong mchog rab dgyes par/ /zhugs te sgrub par byed rnams ni/ /shin tu mchog gi 'dod pa yi/ /dngos grub dbang phyug bde nges thob/ /
235b3 gang gis dngos grub ma thob dang / /bsod nams phun tshogs byed pa rnams/ /dkyil 'khor mchog tu rab zhugs na/ /sgrub po 'dir ni rab grub 'gyur/ /gal te rdo rje sems
235b4 dpa' mchog /snying po sogs kyis ma grub dang / /nye ba'i snying pos bsgrubs byas kyang / /ma grub 'dir zhugs 'grub par 'gyur/ /dpal mchog dang po'i rtsa rgyud du/ /de bzhin
235b5 myur du grub pa yin/ /ji ltar dang po'i khyim zhugs nas/ /rdo rje'i dkyil 'khor grub pa ltar/ /dkyil 'khor thams cad grub pa yis/ /de ltar thams cad grub pa min/ /
235b6 ji ltar mchog tu gsang ba yi/ /khang bzang dam pa mthong ba yis/ /dam tshig rnams las nyams pa dang / /sgrib pa kun gyis bsgribs pa dang / /bdud sogs gdon
235b7 gyis reg pa yang / /rtag pa'i thar pa thob par 'gyur/ /dkyil 'khor du ni ma zhugs pa'am/ /yang na dkyil 'khor ma grub pa/ /slar yang mchog tu rab zhugs na/ /de dag
236a1 @#/ /myur du grub par 'gyur/ /sgrub min yang 'dir cung zad med/ /dngos grub las dang bde de bzhin/ /dngos grub thams cad bzhi 'gyur
236a2 du| |rtog pa kun las bsgrub par bya/ /zhes bya ba bcom ldan 'das rdo rje sems dpas gsungs so/ /dpal mchog dang po las/ de bzhin gshegs pa
236a3 thams cad kyi dpal dam tshig chen po'i dkyil 'khor gyi cho ga shin tu gsang ba rdzogs so// //de nas de bzhin gshegs pa thams cad kyi
236a4 'jig rten gsum gyi dam tshig mchog gi gsang ba'i cho ga'i mchog ni 'di yin te/ /sangs rgyas chos dang dge 'dun te/ /dam tshig chen po gsum 'di yin/ /
236a5 byang chub sems dpa' mchog 'dzin pa'i/ /ras la dkon mchog gsum bri bya/ /go cha dang bcas rdo rje mchog /go cha sogs kyis legs par brgyan/ /
236a6 rdo rje mtshon cha brjod pa dang / /pad+ma rin chen 'chang ba'o/ /'khor lo de ni brtags nas su/ /gsang ba'i dkyil 'khor dam pa 'o/ /ci rigs par ni bsgrub byas
236a7 na/ /sum 'gyur du ni 'grub par 'gyur/ /de bzhin gshegs pa thams cad kyi dam tshig chen po zhes bya ba'i snying po mchog gi dngos grub ma lus pa ster ba 'di
236b1 yin te/ oM b+hu khaM/ khyim mam yang na nags tshal lam/ /snga ma bzhin du brgyan nas ni/ /mtshon cha mchog gi cho ga yis/ /thams cad byas nas 'di brjod bya/ /
236b2 de nyid kyis ni bcom ldan 'das/ /byang chub sems dpa' de bzhin gshegs/ /lta ngan rnams la phan pa'i phyir/ /'di dag mya ngan 'das pa ston/ /ma lus 'dul ba
236b3 la brtson pas/ /brtan zhing nges pa'i cho ga dgos/ /shin tu srid pa la gnas mchog /cho ga la sogs dgos pa yin/ /sangs rgyas chos dang dge 'dun zhes/ /dkon
236b4 mchog gsum du gyur pa yin/ /srid pa shin tu grub pa yi/ /rnam par dag pa'i dpal mdzad mchog /ces bya ba ni de bzhin gshegs pa thams cad kyi mchog
236b5 tu gsang ba'i rdo rje'o/ /de nas mchog tu gsang ba'i chos nyid kyi dril bu ni/ /thams cad nam mkha'i mtshan nyid de/ /nam mkha' la yang mtshan nyid med/ /nam mkha'
236b6 dang mnyam sbyor ba yis/ /kun mchog mnyam pa nyid du gsal/ /zhes bya ba ni shes rab kyi pha rol tu phyin pa'o/ /de nas dam tshig chen po gsum gyi sdom pa zhes bya ba
236b7 ni/ /longs spyod kun la longs spyod pa/ /rang lha bdag nyid kyis bsten na/ /dkon mchog gsum la mchod pa'i mchog /bdag gis bya zhes brjod cing mchod/ /ces
237a1 @#/ /bya ba ni de bzhin gshegs pa'i rnal 'byor bsgrub pa'o/ /thabs kyi cho ga 'di yis ni/ /'dod pa'i yon tan lnga rnams kyang / /bza' min pa
237a2 yang bza' byas na/ /rtag pa'i dngos grub thob par 'gyur/ /zhes bya ba ni de bzhin gshegs pa thams cad kyi mchog tu gsang ba'i dam tshig chen po gsum mo/
237a3 /de ltar brjod nas snying po byin la phyag rgya bcing ba slob tu bcug nas ci ltar mngon par 'dod pa bsgrub par bya'o/ /de nas rdor 'dzin slob dpon gyis/ /rdo rje mchod
237a4 pas mchod nas ni/ /ci 'dod pa yi mchod pa yis/ /slob ma thams cad mchod du gzhug /longs spyod kun la longs spyod kyang / /dkon mchog gsum
237a5 po la phul ba/ /'dod pas bdag dang gzhan rnams la/ /mchod pa nyid du 'grub par 'gyur/ /dpal mchog dang po las/ /mchog tu gsang ba'i cho ga'o// //
237a6 de nas rdo rje chen po khro bo'i rgyal po'i mchog tu gsang ba'i cho ga ni/ /ras la bcom ldan bri bya ste/ /rdo rje'i rigs kun bdag po ni/ /rdo rje nyi ma me ltar 'bar/ /
237a7 cho ga ji bzhin mchog tu 'o/ /de yi pad 'dab gcig bzhugs pa/ /de yi 'od kyis dkyil 'khor sten/ /gsang ba'i rdo rje rnal 'byor che'i/ /mkha' 'gro ma rnams
237b1 logs la bri/ /dang por dmar dang dkar ba dang / /gzhan ni thal ba ltar dkar ba/ /gsum po dkar dang lta ba ste/ /bzhi ba gser ltar dri med pa'o/ /rdo rje gtum po'i
237b2 dbang phyug grub/ /rdo rje kha T+wAM bsgrengs dang bcas/ /rdo rje 'dod pa me ltar 'bar/ /de yi logs la mtshan ma gtod/ /rdo rje khyab 'jug ma rdo rje'i/ /'khor lo gtod pa de
237b3 bzhin gzhan/ /rdo rje dril bu ba dan nam/ /de yi logs na g.yon bsnyems ma/ /cung zad mche ba gtsigs pa yis/ /khro dang bcas pas zhal bzhad pa/ /rang bdag
237b4 la ni thugs gtad cing / /sku ni zur gyi phyogs pa bzhugs/ /de nas 'di yi snying po ni/ /hUM/ de nas nye ba'i snying po ni/ /rdo rje dril sogs lhan cig tu/ /rnam dben rol
237b5 mo brdungs pa yis/ /hi yi glu dang rol mo ni/ /brdung zhing zur bzhi rab tu bsgrub/ /ces bya ba ni 'dir bzlas pa'i cho ga'o/ /'khor lo der ni bstan byas nas/ /gsang
237b6 ba'i dkyil 'khor dam pa ni/ /mtshon cha mchog gi cho ga yis/ /cho ga thams cad rgyas pa 'o/ /de nas de kho na nyid dang / chos dang / dam tshig gi cho ga sbyin pa ni/ /rtag
237b7 tu chags pa las byung khro/ /rdo rje me yi phung bo'i sku/ /'bar ba'i rdo rje khro bo che/ /rab 'bar ba yi tshogs kyi sku/ /rdo rje 'bar ba'i rnal 'byor che/ /mkha' 'gro ma rnams
238a1 @#/ /kun tu 'bar/ /zhes bya ba ni rdo rje'o/ /de nas chos ni/ thams cad nam mkha'i mtshan nyid de/ /nam mkha' la yang mchan nyid med/ /
238a2 nam mkha' dang mnyam rnal 'byor pas/ /thams cad myur ba nyid du sgrub/ /nam mkha' kun mchog sbyor ba yis/ /thams cad nam mkha' zhes brjod cing / /rdo
238a3 rje'i phyag rgyas rgyas btab pas/ /'jig rten gsum yang za bar byed/ /ces bya ba ni rdo rje rnal 'byor gyi mkha' 'gro ma'i mchog tu gsang ba'i dam tshig go /cho ga
238a4 'di yis thams cad du/ /mnyam par gzhag pas bsgrub par bya/ /kun mchog dngos grub chen po yis/ /las kyi tshogs rnams mi zad pa'o/ /zhes bya ba'o/ /
238a5 de ni ci lta ba bzhin du de bzhin gshegs pa'i cho gas rang gi phyag rgya rnams kyis gar gyi mchod pa byas nas 'grub par 'gyur ro/ /dpal mchog dang po las/
238a6 rdo rje rnal 'byor gyi cho ga'o// //de nas mchog tu phra ba dang / /shin tu bzad pa'i rdo rje yi/ /grub mchog gsang ba'i rnal 'byor gyi/ /mkha' 'gro ma yi
238a7 'khor lor bshad/ /grong khyer skyed mos tshal sogs ni/ /ji lta ba bzhin rgyas byas nas/ /rdo rje 'dzin kun slob dpon gyis/ /ji bzhin du ni rab bsgrubs pa'i/ /yid 'ong
238b1 bzhi dang lhan cig tu/ /rang gi phyag rgyas me tog gtor/ /ji lta ba bzhin grong khyer 'jug /g.yon pa'i kha ni gyen du gtod/ /rdo rje drag po bzhad chen po/ /sgra sgrogs mchog gi phyag
238b2 rgya yis/ /'jug ste mgon la phyag 'tshal bya/ /de la phyag ni 'di yin te/ /oM zhes bya ba brjod byas la/ /shin tu dga' ba'i dbugs rlung gis/ /ru lu ru lu l+laM/ drug ldan par
238b3 ma'i ru lu ru lu l+laM ste/ 'di ni rdo rje drag po'i phyag 'tshal pa'i sgra sgrogs pa'i mchog ces bya ba 'dir rdo rje phyag gi phyag rgya ste/ phyag rgya thams cad dang / gzhan rmongs pa dang / thogs
238b4 pa med pa'i dngos grub thams cad dang / las thams cad la dgongs shing mchog tu grub pa zhes bya ba bcom ldan 'das rdo rje sems dpa' mchog tu shin tu gsang bas 'di gsungs
238b5 so/ /de nas yid 'ong dam bcas pas/ /me tog sil ma dor nas ni/ /rdo rje pad+ma'i dbang bskur gyis/ /dam tshig gsum ni gsal bar sbyin/ /de la rdo rje sems dpa'i phyag rgya ni 'di yin
238b6 te/ pad+ma'i thod pa las bya ste/ de yang rdo rjer byin gyis brlabs pas na rdo rje pad+ma zhes bya ba'o/ /de nas 'dir phyag rgya bcing ba ni/ sor mo thams cad phan tshun sbyar/ /kun mchog rtse mo dang
238b7 bcas pa/ /mthe bo rdo rjes bkab pa ni/ /rdo rje pad+ma zhes 'grub bo/ /rdo rje pad+ma'i phyag rgya 'dis rdo rje sems dpa'i dbang bskur ba'i sbyor ba dang / rdo rje pad+ma'i rin po che'i cod pan gyi dbang bskur bar
239a1 @#/ /bya'o/ /'dis dpang bskur ba tsam gyis de bzhin gshegs pa rnams kyis shin du gdug pa dang / drag po dang / rab tu gtum pa dang / ma rungs
239a2 pa'i sems can thal bar brla nas thams cad las rnam par rgyal ba khams gsum ma lus pa'i stobs chen po dang ldan pa'i 'khor los bsgyur ba'i de bzhin
239a3 gshegs pa thams cad ces bya bar byin gyis rlob par 'gyur ba dang / mchog tu rtag pa'i srung bar yang 'gyur ro zhes mchog tu shin tu gsang ba bcom ldan 'das rdo
239a4 rje sems dpas gsungs so/ /de nyid kyis ni rdo rje bzung / /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs nas snying po bzla/ /rdo rje
239a5 la sogs thob par gzung / /rdo rje sems dpa' gnyis pa 'dra/ /rdo rje rnal 'byor dbang phyug grub/ /rdo rje can gyis byin rlabs 'gyur/ /bud med rnams kyang 'bebs
239a6 gyur nas/ /ston pa'i rdo rje phab pa yis/ /rdo rje dang bcas phyag mtshan 'dzin/ /rnal 'byor ma rnams rab tu 'gyur/ /de la thog mar re zhig rdo rje nyi ma me ltar 'bar
239a7 ba chen po thal bar rab tu rlog pa zhes bya ba/ de bzhin gshegs pa thams cad kyi rdo rje chen po'i khro bo'i rgyal po'i bdag po mchog dang po yang dag par 'bebs
239b1 par byed pa ste/ /de bzhin gshegs pa thams cad kyi thugs rje chen po'i thabs kyis 'khon du 'dzin pa'i khro bo'i me 'bar ba'i rdo rje/ rdo rje dang bcas pa'i kha T+wAM ga'i rgyal mtshan
239b2 dang nges par sbyor ba/ ba dan dang bcas pa'i dril bu 'chang ba/ rdo rje bsnyems pa'i bdag po shin tu khro ba 'bebs pas sgeg pa dang bcas pa'i smin mtshams kyi khro gnyer
239b3 shin tu 'jigs shing 'jigs par byed pa'i spyan ser po dang ldan pa'o/ /de bzhin gshegs pa thams cad kyi rdo rje'i 'jigs pa chen pos 'jigs par byed pa'i spyan gyis
239b4 lta ba'i phyag rgya 'dis stong phrag brgya bzlas pas 'grub par mdzad do/ /de bzhin gshegs pa thams cad rjes su chags pa dang / dgug pa dang / gzhug pa dang / dbang du bya
239b5 ba dang / 'bebs par nus pa'o/ /thams cad nam mkhar sbyor ba'i ting nge 'dzin dang / lan gcig brjod pa tsam gyis khams gsum ma lus pa'i rdo rje bdud rtsi la sogs
239b6 pa'i bdud thams cad dang / de bzhin gshegs pa thams cad la gdug pa dang / drag po dang / rab tu gtum pa dang / ma rungs pa'i sems can rnams dang / mkha' 'gro
239b7 ma drag po thams cad dang / gang zhig nyan thos dang / rang sangs rgyas rnams te de dag kyang thal bar rlog par 'gyur na/ dgra bo la sogs pa gzhan rnams lta smos
240a1 @#/ /kyang ci dgos/ don yod cing thogs pa med pa dang / dngos grub thams cad dang / las kyi tshogs rnams la dgongs shing mchog tu grub
240a2 pa'o/ /de nas bcom ldan 'das thugs rje chen po'i thabs shin tu drag po 'di'i man ngag gi bzlas pa ni/ sna'i dbugs phra ba nyid kyis bden pa'i rdo rje tshig gis
240a3 grub pa'i yid kyi 'dod pa'i las thams cad kyi dngos grub kyi tshogs rnams la dam pa'i mchog tu grub pa'o/ /hUM/ de nas mchog tu gsang ba'i rdo rje rnal 'byor gyi dbang
240a4 phyug ma'i lha chen po rnams kyis bshad par bya ste/ de la thog mar re zhig rdo rje chen po 'dod pa'i me 'bar ba zhes bya ba'i lha mo chen mo rdo rje gzhu dang mdang gtod pa'i
240a5 spyan g.yon pa ste/ rdo rje spyan gyis lta ba'i phyag rgya 'dis thams cad sgrub par mdzad pa dang / sgeg pa dang bcas shing g.yo ba'i spyan gyi zur gyis gzigs pa'i
240a6 phyag rgyas btab ba tsam gyis thams cad la rgyas 'debs par mdzad pa dang / don yod cing thogs pa med pa dngos po thams cad dang / las kyi tshogs rnams
240a7 la dgongs shing mchog tu grub pa'o/ /de bcom ldan 'das yum 'di'i rdo rje phra mo'i g.yon pa'i khro bo'i bzlas pa ni yid kyis 'dod pas dngos grub thams
240b1 cad dang / las kyi tshogs rnams la mchog tu grub pa'o/ /hrIH/ gnyis pa ni rdo rje chen po 'dod pa'i me 'bar ba'i dam tshig gi lan zhes bya ba'i lha mo ste dbus su
240b2 rang gi lhag pa'i lha bstod pa'i zhal 'dzum pa'i spyan cung zhig 'dzums shing / dga' ba chen po rdo rje'i spyan gyis lta ba'i phyag rgya 'dis thams cad sgrub par mdzad pa dang
240b3 tsum pan dang / 'khyud pa la sogs pa'i reg pa'i phyag rgyas btab pa tsam gyis thams cad la rgyas 'debs par mdzad pa dang / phyag rgya thams cad 'joms par mdzad
240b4 pa dang / thams cad kyis gsod par mdzad pa dang / don yod cing thogs pa med par dngos grub thams cad dang / las kyi tshogs rnams la dgongs shing mchog tu grub
240b5 pa'o/ /de nas bcom ldan 'das yum 'di'i bya rog gi mgrin pa'i dbyangs kyis rdo rje ngang gi khro bo'i bzlas pa ni yid kyi 'dod pas dngos grub thams cad dang / las
240b6 kyi tshogs rnams la mchog tu grub pa'o/ /hUM/ gsum pa ni rdo rje chen po'i 'dod pa'i me 'bar ba thal bar rlog pa zhes bya ba'i lha mo chen mo ste/ bcom ldan 'das kyi
240b7 rdo rje chen po dang / kha T+wAM ga'i rgyal mtshan 'chang ba dang / sgeg pa dang bcas pa'i bzhad pas smin mtshams kyi khro gnyer gyi khro bo'i spyan te/ rdo rje chen po'i khro bo ki li gi
241a1 @#/ /la khro bo'i spyan gyis lta ba'i phyag rgya 'dis thams cad sgrub par mdzad pa'o/ /badzra zhes bya ba dang / ru lu ru lu ru lu h+ni zhes bya ba tsam gyis
241a2 bdud thams cad 'joms pa dang / don yod cing thogs pa med pa'i dngos grub thams cad dang / las kyi tshogs rnams la dgongs shing mchog tu grub pa'o/ /hi/
241a3 bzhi pa ni rdo rje chen po 'dod pa'i me 'bar ba thal bar rlog pa 'chi ba slong ba zhes bya ba g.yon bsnyems pa g.yas pas rang gi spyi bor rdo rje dril bu bskyod par mdzad pa/
241a4 sgeg pa dang bcas pa'i spyan shin tu gdangs pa ste/ rdo rje rgyal po drin gyi spyan gyis lta ba'i phyag rgyas thams cad sgrub par mdzad pa/ thal lcag la sogs pa dang /
241a5 bzhad gad dang / rdeg pa dang / phyag rgyas rgyas btab pa'i 'chi ba thams cad slong bar mdzad pa/ don yod cing thogs pa med pa dngos grub thams cad dang / las kyi
241a6 tshogs la dgongs shing mchog tu grub pa'o/ /de nas bcom ldan 'das yum 'di'i dril bu'i dbyangs kyi rdo rje khro bo'i bzlas pa ni yid kyi 'dod pas dngos grub
241a7 thams cad dang / las kyi tshogs thams cad la mchog tu grub pa'o/ /Sh+Ta/ de la sogs pa mtha' yas mchog /chos dbyings mnyam dang mi mnyam pa/ /
241b1 nam mkha'i khams ltar grangs med cing / /rdo rje nyi ma las byung ba/ /nam mkha' kun gyi gnas skabs kyi/ /dkyil 'khor 'di la rab zhugs pa/ /rdo rje mchog gi
241b2 rnal 'byor gyi/ /dbang phyug ma lus kun nas 'bebs/ /de nas rdo rje rnal 'byor pa ston pa des rnal 'byor pa rang gi logs dag tu dgod pa yin te/ /zla ches dkyil
241b3 'khor rnam pa yi/ /dkyil 'khor du ni dgod par bya/ /bkod nas thams cad kun mchog gi /dngos grub dam pa bsgrub par bya/ /thams cad dgug dang mchod pa che/
241b4 bdag byin brlab sogs grub pa yis/ /shin tu gsang ba'i dkyil 'khor de/ /brtag pa dang ni bsgrubs nas kyang / /rdo rje 'dzin kun slob dpon gyis/ /rdo rje slob ma
241b5 rnams gzhug bya/ /de la re zhig thog ma kho nar slob dpon gyis bcug ste tshogs kyi dkyil 'khor du dam tshig gsum gyi byin gyi rlabs kyis rdo rje rnal 'byor ma rnams
241b6 logs dag tu bzhag nas skyes pa rnams kyang gzhug cing byang chub kyi sems kyis rdo rje chen po'i khro bo'i dam tshig dang sdom pa dag len du gzhug par bya'o/ /khye'u
241b7 dang / bu mo rnams rab tu bzhag la tshogs dang bcas pa'i rang nyid kyis zhugs te bsrung ba dang / bskyab pa dang / sba ba thams cad bya'o/ /de nas 'dir slob ma
242a1 @#/ /gzhug pa'i cho ga rgyas pa ni/ /byang chub sems ni bla med pa/ /mchog tu bskyed pa byas nas ni/ /gar byas spyi bor thal sbyar mchod/ /
242a2 slob ma thams cad gzhug par bya/ /ci 'dod pa yi dngos grub bskyed/ /slob ma me tog dor du gzhung / /rnal 'byor ma ni gang la babs/ /de dang de yi lha mo
242a3 'grub/ /de nas gdong g.yogs bkrol nas ni/ /rnam pa kun tu yon blangs nas/ /rdo rje pad+ma'i dbang bskur gyis/ /dam tshig gsum ni gsal bar sbyin/ /'dir
242a4 mna' bsgag pa dang / dbang bskur ba ni de nyid do/ /de la 'dir dam tshig gsum sbyin pa ni 'di yin te/ /mi phyed pa dang so sor rtogs/ /gdug pa thams cad
242a5 gnon pa dang / /sangs rgyas kun dngos rdo rje ste/ /byang chub sems ni che zhing brtan/ /mtshon cha de ni rgyal kun gyis/ /kun tu bzang po'i lag tu sbyin/ /bstan
242a6 pa thams cad grub pa'i phyir/ /de phyir phyag na rdo rje yin/ /de nas rdo rje nyi ma me ltar 'bar ba'i mchog tu gsang ba ni/ /rtag tu chags pa las byung khro/ /rdo rje
242a7 sems dpa' gdul bya'i phyir/ /rdo rje nyi ma me ltar 'bar/ /mchog tu 'jigs par byed pa yin/ /de nas mchog tu gsang ba'i rdo rje rnal 'byor gyi mkha'
242b1 'gro ma rnams kyi gsang ba mchog gi de kho na nyid ni/ /rdo rje nyi ma 'char las byung / /de bzhin gshegs pa'i grib ma 'di/ /sprul te ma lus bdung la sogs/ /gdug
242b2 pa'i khrag ni gsol bar spyod/ /ces bya ba ni gsang ba mchog gi de kho na nyid do/ /de nas 'dir mchog tu gsang ba'i chos nyid 'bebs pa'i dril bu ni/ /shin tu gdug
242b3 cing drag pa dang / /bdag po drag po'i bu rnams dang / /shin tu gnyid ni log pa dag /rdo rje mchog ni 'dzin pas gsungs/ /zhes bya ba ni bcom ldan 'das kyis gsungs
242b4 so/ /mchog tu gsang pa'i chos nyid 'bebs pa'i rdo rje kha T+wAM ga'i rgyal mtshan dang / ba dan gyi dril bu thams cad 'bebs pa dang / rab tu sgrub par byed pa dang / thams
242b5 cad ltung bar byed pa dang / slong bar byed pa'o/ /de nas rnal 'byor mchog gi dam tshig ni/ khrag chen ga bur dang bcas pa/ /tsan+dan dmar dang sbyar ba ni/ /tshogs kyi
242b6 nang du rab zhugs nas/ /rdo rje dang bcas rdo rje 'dzin/ /srin lag mthe bo'i rtse mo yis/ /nam mkha' thams cad sbyor mchog ldan/ /zla ba'i btung ba bzhin myangs na/ /
242b7 rtag pa'i dngos grub thob par 'gyur/ /'dod pa kun la longs spyod cing / /ci 'dod pa ni bsten bzhin du/ /nam mkha' kun mchog sbyor pa yis/ /dngos grub thams
243a1 @#/ /cad thob par 'gyur/ /nam mkha' kun mchog sbyor ba yis/ /nam mkha' thams cad ces brjod cing / /rdo rje'i phyag rgyas btab pa yi/ /'jig
243a2 rten gsum yang bza' bar bya/ /dngos grub las dang de bzhin bde/ /'di la cung zad mi 'grub med/ /las kyi tshogs kyi dngos grub kyis/ /dngos grub ma lus sgrub
243a3 par 'gyur/ /don yod mchog tu grub pa dang / /gdug pa thams cad gnon par byed/ /sdug bsngal kun 'phrog dpal dang ldan/ /rnal 'byor 'di ni las kun byed/ /
243a4 ces bya ba mchog tu gsang ba'i bcom ldan 'das rdo rje sems dpas gsungs so/ /de nas/ /ro dang bza' dang spyod pa gar dang glu/ /rol mo'i mchong pa sogs kyis
243a5 mgon la mchod/ /phul ba de yis rdo rje bla ma che/ /dad bas bdag dang gzhan rnams mchod par bya/ /myos byed myos byed btung ba ni/ /ci 'dod par ni bsten pa yis/ /
243a6 rdo rje nyi ma me 'bar sogs/ /ji bzhin rjes 'gro'i bzlas pa bzla/ /rang gsang cho gas blangs pa yi/ /glu dang rol mo gar rnams dang / /sna tshogs phyag rgya'i mchod pa
243a7 dang / /khams gsum rnam rgyal la sogs pa/ /bud med tshogs dang bcas pa yi/ /mchod pa rgya chen thams cad dang / /ci 'dod pa yi longs spyod kyis/ /
243b1 mchod pa byas nas rab tu bsgrub/ /ces bya ba mchog tu gsang ba bcom ldan 'das rdo rje sems dpas gsungs so/ /de nas de bzhin gshegs pa thams cad 'dus pa la
243b2 sogs pa'i dbugs dbyung ba sbyin par bya ste/ /'gro ba kun gyi khams rnams kyi/ /phra rab rdul dang mnyam pa nyid/ /rtog pa'i rgyal po grub pa ste/ /sangs rgyas la sogs
243b3 mchog grub pa'o/ /gang zhig blo ni dpag med pa'i/ /khyad par du ni dmigs mi 'gyur/ /de bzhin gshegs pas bde ba ni/ /dam pa thams cad bsdus pa'o/ /zad pa
243b4 thams cad zad 'gyur dang / /'phel ba thams cad 'phel bar 'gyur/ /gang zhig mthong bas mi snang 'gyur/ /gang nas kyang ni 'jigs med byed/ /drag po dbang
243b5 po nye dbang zla/ /nyi ma mkha' 'gro tshogs dkyil 'khor/ /khros nas yi ge hUM tsam gyis/ /ma lus pa ni thal bar byed/ /rnal 'byor mkha' 'gro ma'i dkyil
243b6 'khor/ /mchog tu zhugs te mthong nas ni/ /sdig pa kun las rnam grol te/ /khyed rnams dang ni rab tu gnas/ /sar khyod 'chi ba yod mi te/ /khyad par du
243b7 ni ngan 'gro med/ /gzhan gyis mi thub mi sod cing / /cis kyang mi 'jigs dga' bar gyis/ /shin tu srid pa'i dngos grub rnams/ /ston pa'i mchog tu gyur
244a1 @#/ /pa yin/ /dam tshig sdom pa grub pa 'di/ /rtag tu yang ni bsrung bar bya/ /sangs rgyas kun gyis mthun par gsungs/ /dam pa brtag
244a2 pa'i bka' yin no/ /byang chub sems ni spang mi bya/ /dam chos de bzhin dam tshig dang / /slob dpon smad par mi bya ste/ /gang phyir rdo rje 'dzin kun de/ /sems can
244a3 kun la phan phyir dang / /theg pa thams cad 'grub pa'i phyir/ /gdug pa 'dul bas dag pa zhes/ /rdo rje mchog ni 'dzin pas gsungs/ /shin tu gdug cing
244a4 gtum pa dang / /bdag po'i grogs po bu rnams kyang / /phyag rgya'i rnal 'byor mngon spyod kyis/ /shin tu gnyid ni log tu gzhug /rtag tu rang gi dam tshig srungs/ /
244a5 rtag tu de bzhin gshegs rnams mchod/ /rtag tu bla ma la yang dbul/ /de la phul na 'bras bu che/ /de bya ni sangs rgyas thams cad la/ /rtag tu byin pa nyid du 'gyur/ /
244a6 de byin bsod nams tshogs rdzogs te/ /tshogs las dngos grub mchog tu 'gyur/ /deng khyod skye ba 'bras bur bcas/ /gang phyir 'di la rab tu gnas/ /dam
244a7 tshig rgyal po dang mnyam par/ /sangs rgyas kun gyis byin gyis brlabs/ /sangs rgyas rdo rje 'dzin rnams kyis/ /de ring khyod la dbang bskur bas/ /khams gsum
244b1 gyi ni rgyal srid che'i/ /stobs dpal 'khor los bsgyur ba yin/ /rdo rje dam pa'i gsang mchog rnal 'byor ma'i/ /mchog gi dam tshig gsang ba mthong nas ni/ /bdud la sogs
244b2 pa'i sha yang zos nas ni/ /de bzhin gshegs sbyor thob nas khyod grub yin/ /zhes bcom ldan 'das rdo rje sems dpas gsungs so/ /dpal mchog dang po las/ mchog
244b3 tu gsang ba'i rdo rje rnal 'byor gyi mkha' 'gro ma'i dkyil 'khor gyi cho ga shin tu grub pa'o// //de nas 'phags pa spyan ras gzigs dbang phyug gi mchog tu gsang
244b4 ba 'gro ba 'dul ba'i cho ga ni/ /ras la bcom ldan bri bar bya/ /pad+ma gar gyi dbang phyug gtso/ /glog gi 'khor lo yongs 'khor ba'i/ /'khor ba'i rnam 'phrul gar rnams
244b5 kyis/ /pad+ma la sogs phyag mtshan bri/ /phyag rgya 'khor lo ltar mdzad pa/ /de yi logs ni thams cad la/ /khro gnyer ma sogs bri bar bya/ /drag po la sogs phyag
244b6 mtshan gzugs/ /pad+ma'i lha mo pad+mar bcas/ /dkyil 'khor der ni brtag byas nas/ /gsang ba'i dkyil 'khor dam pa ni/ /mtshon cha mchog gi cho ga yis/ /thams
244b7 cad byas nas 'di brjod bya/ /de nyid sangs rgyas bcom ldan 'das/ /spyan ras gzigs kyi dbang phyug ste/ /'dul ba'i thabs kyis dag pa yi/ /rol ba'i gar ni
245a1 @#/ /mdzad pa yin/ /zhes bya ba ni mchog gi rdo rje ste/ /ji ltar pad+ma dmar po ni/ /gnas kyi nyes pa sna tshogs kyis/ /tshon gyi nyes pas mi gos pa/ /
245a2 de bzhin khams gsum dag pa'o/ /zhes bya ba ni mchog tu gsang pa'i chos nyid kyi dril bu'o/ /cho ga gang dang gang dag gis/ /'gro ba rnams ni 'dul 'gyur ba/ /pad+ma
245a3 dag mchog rnal 'byor bdag /de dang de yis dag par bya/ /zhes bya ba ni rdo rje thams cad kyi chos kyi dam tshig go /de nas ji lta ba bzhin du pad+ma gar gyi mchod pas
245a4 mchod la cho ga thams cad rjes su spyad par bya'o/ /de nas bcom ldan 'das nam mkha'i snying po don thams cad grub pa'i cho ga ste/ /nyi ma'i dkyil 'khor bris nas ni/ /ras
245a5 ris de ni blo gros che/ /ljang gu bai DUR+ya dang mtshungs/ /nam mkha'i snying po bri bar bya/ /de yi pad+ma gcig la gnas/ /de yi 'od kyi 'khor lor brten/ /dbang bskur ma dang
245a6 gtor ma dang / /rgyal mchog mnga' bdag mchod pa 'o/ /gsang ba'i dkyil 'khor dam pa de'i/ /'khor lo brtag par byas nas ni/ /mtshon cha mchog gi sbyor ba yis/ /
245a7 cho ga rgyas pa ji bzhin pa'o/ /de ni rdo rje mchog gi ni/ /nyi ma 'di ni dam pa ste/ /de bzhin gshegs pa thams cad mthong / /nam mkha'i snying po bcom ldan 'das/ /
245b1 bsam pa thams cad yongs rdzogs mdzad/ de nas chos kyi rin po che'i dril bu ni/ /bsam pa grub pa thams cad kyi/ /nor gyi bsam pa grub pa mchog /de yang 'dod pa rab
245b2 grub phyir/ /'dod las thar pa bde ba che/ /zhes bya ba'o/ /dman min rnams ni sbyin bya'o/ /'dod pa kun gyi bde ba rnams/ /bdag nyid dang ni gzhan rnams la/ /bsam pa
245b3 thams cad rdzogs phyir ro/ /zhes bya ba ni dam tshig gi mchog go /dam tshig 'di yis mchog tu ni/ /rdo rje sems dpa' bde ba chen/ /myur du yang dag dam pa mchog /mi
245b4 'gyur mchog ni grub par mdzod/ de ltar gsang ba mchog gi tshul dag ni/ /ji bzhin cho ga mchog tu rgyas pa ste/ /mchog chen de ni rtog pa thams cad kyi/ /khyad par
245b5 dngos grub thams cad 'grub par 'gyur/ /dpal mchog dang po las/ /rtog pa thams cad kyi bsgrub pa'i cho ga'o// //de nas grub chen thams cad kyi/ /sgrub
245b6 pa'i mchog ni bde ba che/ /rdo rje sems dpa' phyag rgya che/ /rtog pa kun mchog grub pa'i phyir/ /snod ma yin pa'i sems can gang / /sdig pa thams cad byed rnams
245b7 la/ /mthong ba la sogs sems can don/ /sems dpa' chen pos mdzad pa yin/ /mthong med long ba de rnams ni/ /bsod nams med sogs rtags ldan la/ /rdo
246a1 @#/ /rje sems sogs sems dpa' mchog /mthong ba'i thabs kyi rgyu rnams ni/ /rdo rje sems sogs sems mchog gi /sku gsung thugs kyi rdo
246a2 rje yis| |dam tshig mchog ni bcing ba ste/ /dam tshig 'da' bar dka' ba'o/ /rdo rje sems sogs sems dpa' yi/ /gang phyir sku rnams brtan pa ni/ /de yi phyag
246a3 rgyar grags pa ste/ /dngos grub kun phyir de dag sprul/ /gang dag gzung ba tsam gyis ni/ /rdo rje sems dpa' la sogs mchog /mthong zhing mngon par mthong ba nyid/ /
246a4 mchog bsdus nyid du gyur pa yin/ /phyag rgya bcings pa tsam gyis ni/ /gang phyir bsdus par 'gyur ba ste/ /rdo rje sems sogs sems dpa' rnams/ /nyams pas
246a5 'jigs pas 'grub mi 'gyur/ /ci ltar rgyal po rnams kyi bka'i/ /rtags kyi phyag rgya 'da' dka' ba/ /phyag rgya gsang ba kun gyis kyang / /'da' bar nus pa ma yin
246a6 no| |sangs rgyas nyid dam rdo rje 'dzin/ /de ltar bskal ba bye bas kyang / /thob par mi 'gyur myur du ni/ /ci ltar phyag rgya mchog gzung ba'o/ /ji ltar 'dul ldan 'jig
246a7 rten ni| |de ltar dngos grub gsungs pa yi/ /de yi thabs ni phyag rgya ste/ /dngos grub thams cad mchog tu byed/ /gang zhig bcings pa tsam gyis ni/ /'dus pa bde ba chen po
246b1 rnams| |rdo rje sems sogs skad cig gis/ /byin gyis brlab pa brtan par mdzad/ /ces bya ba'o/ /de nas 'di gsungs nas bcom ldan 'das kyis mkhas shing mchog tu phra ba
246b2 dang | zab pa dang / rgya che ba/ bsam gyis mi khyab pa/ /mchog tu dag pa/ thog ma dang tha ma med pa/ /mi zad cing zad pa med pa/ /don yod cing thogs pa med pa/ shin tu mchog tu
246b3 dga' ba ma lus pa'i bde ba chen po dang / yid bde ba ma lus shing lus pa med pa'i sems can gyi khams thams cad kyi dngos grub chen po'i dbang phyug chen po mchog tu
246b4 mi 'gyur ba'i dngos grub thams cad kyi mchog rdo rje dbab pa rnams kyis rab tu sad par mdzad nas/ /bde ba chen po'i rdo rje gsang ba'i don yod pa'i mchog gi gsang ba
246b5 zhes bya ba'i mtshon cha mchog 'di mchog tu gsang ba'i cho ga rgyud phyi ma'i mchog byin gyis rlob par mdzad pa'o/ /de nas de bzhin gshegs pa thams cad kyi dam tshig
246b6 gis bdag la byin gyis brlab pa bsgrub pa gcig pu'i cho ga bshad par bya'o/ /zhes bya ba bcom ldan 'das rdo rje sems dpas gsungs so/ /nyin re sngon du lan gcig
246b7 tu| |phyag rgya che dang snying po bzlas/ /kun gyi phyag rgya rab grub pa'i/ /bdag byin brlab pa gcig pus 'grub/ /ces bya ba ni mchog tu grub pa'o/ /de nas mchog tu gsang ba
247a1 @#/ /bdag la byin gyis brlab pa gcig pu bsgrub pa'i cho ga mchog tu grub pa ni/ /lan cig dam tshig gsum mchog tu/ /gsang ba dman pa'i
247a2 khang bar ni/ /rdo rje la sogs thob bzung na/ /rdo rje can gyis byin brlab 'gyur/ /de nas shin tu mchog tu gsang ba'i bdag la byin gyis brlab pa gcig pu bsgrub pa'i
247a3 cho ga rgyas pa'i khyad par shin tu mchog tu grub pa ni/ /rdo rje dril bu kun bdag nyid/ /sna tshogs phyag rgya'i skur bdag ldan/ /phyag rgya kun gyi rnal 'byor bdag /rdo rje sems
247a4 dpa' nyid du 'gyur/ /grub pa'i cho ga 'di yis ni/ /rdo rje sems dpa' yang dag bsdus/ /kun mchog dngos grub chen po yi/ /dbang phyug chen po nyid byin brlabs/ /don
247a5 yod rab tu bdag byin brlabs/ /rang bzhin gyis ni thams cad du/ /mdor na phyag rgya thams cad ni/ /rang nyid bcings nas grub par 'gyur/ /bdag byin brlabs
247a6 dang don yod phyir/ /myur du 'bad med dngos grub rnams/ /las kyi tshogs kyis bsgrubs pa yis/ /dngos grub kun myur 'grub par 'gyur/ /'di yis cung zad mi 'grub
247a7 med| |dngos grub las dang de bzhin bde/ /thams cad byin brlab bsgrubs pa yis/ /mi 'gyur ba ni kun grub byed/ /ces bya ba bcom ldan 'das rdo rje sems dpas
247b1 gsungs so/ /dpal mchog dang po las/ /dngos grub thams cad byin gyis brlab pa'i cho ga mchog tu gsang ba zhes bya ba'o// //de nas yang mchog tu gsang ba'i
247b2 rnal 'byor thams cad kyi cho ga rjes su bshad par bya'o zhes bya ba bcom ldan 'das rdo rje sems dpas gsungs so/ /de la thog ma kho nar re zhig don yod pa'i phyir ni rnal
247b3 'byor gyi skad kyi dbyings so/ /'di yang brtson pa yin no zhes bya ba ni skad kyi dbyings kyi don to/ /gang gis brtson pa zhe na/ /smras pa/ rang gi lhag pa'i lha rjes su dran par
247b4 sbyor bas na rnal 'byor ro/ /slar yang gzhan ni yang dag par bsdu ba dang / yang dag par kun tu sbyor ba dang / yang dag par sbyor ba zhes bya ba ni rnal 'byor brjod pa'i
247b5 rnam grangs so/ /gang yang dag par kun tu sbyor ba yin zhe na/ /rang gi lhag pa'i lha rjes su dran pa'i rnal 'byor rjes su bsgrubs pas rang gi lhag pa'i rnal 'byor bsgrub
247b6 pa'i sbyor ba zhes bya'o/ /de la ci ltar thams cad kyi rnal 'byor yin zhe na/ /dam tshig gi rnal 'byor ni thams cad kyi rnal 'byor zhes bya ba yin no/ /de bzhin gshegs
247b7 pa kun gyis kyang / /'da' ba ru ni mi mdzad pas/ /phyag rgya dam tshig ces su bsgrags/ /yid kyi gzugs ni brtan phyir ro/ /zhes bya ba ni dam tshig gi don to/ /de la rjes
248a1 @#/ /su bsgrub pa'i rnal 'byor ni dam tshig gi rnal 'byor te thams cad kyi rnal 'byor zhes bya'o/ /'di lta ste/ /rdzas mang po yang dag par sbyar bas
248a2 sbyor ba zhes bya ba grub pa de bzhin du/ thams cad kyi bdag nyid kyi phyag rgya'i sbyor bas yang dag par kun tu sbyor bas na thams cad kyi rnal 'byor ni dam tshig gi rnal
248a3 'byor ro/ /de la ci ltar na thams cad kyi bdag nyid kyi rnal 'byor yin zhe na/ /sangs rgyas kun bdag yang dag sbyor/ /ci ltar dbyibs dang sku dang ldan/ /bdag nyid bdag
248a4 nyid nyid la ni/ /bkod nas rjes su bsgrub par bya/ /zhes bya ba ni rang gi dam tshig rnal 'byor thams cad kyi rnal 'byor zhes bya'o/ /de la rjes su bsgrub pa ni/ /lhag pa'i
248a5 lha ni gang gang gis/ /phyag rgya gang dang gang 'ching ba/ /de dang de yi rnal 'byor gyis/ /phyag rgya de dang der sbyor bya/ /zhes bya ba'o/ /de nas mchog tu gnas pa'i rab
248a6 mchog gi rjes su sgrub pa'i cho ga rgyas pa mchog tu shin tu grub pa ni/ /bdag ni sangs rgyas thams cad nyid/ /gzi brjid can ni nyid kyang yin/ /rang gi lha'i
248a7 rnal 'byor gyis/ /de phyir bdag nyid brtag par bya/ /phyag rgya thams cad kyi rnal 'byor chen po mchog tu gsang ba zhes bya'o/ /de nas mchog tu shin tu gsang ba'i
248b1 mchog gi rjes su sgrub pa'i cho ga rgyas pa'i khyad par shin tu mchog tu grub pa ni/ rang lha'i sbyor ba ji bzhin du/ /sna tshogs phyag rgya'i dbang bskur ldan/ /phyag rgya kun
248b2 bdag rnal 'byor bdag /mi 'gyur mchog tu grub par 'gyur/ /rtog pa thams cad kyi sna tshogs pa'i dam tshig mchog gi rnal 'byor ni yang dag par kun tu sbyor ba zhes bya'o/ /
248b3 de nas gzhan yang slar mchog tu shin tu gsang ba mchog gi rjes su sgrub pa'i cho ga rgyas pa'i khyad par mchog tu grub pa las kyang shin tu mchog tu grub pa zhes bya ba
248b4 ni| |rdo rje sems dpar bdag sbyor ba'i/ /ji bzhin dbyings dang skur ldan pa/ /kun bdag phyag rgya'i rnal 'byor bdag /mi 'gyur mchog ni grub par 'gyur/ /'di ni sangs
248b5 rgyas thams cad kyi/ /dam tshig gsal ba'i rjes 'gro ba/ /rnal 'byor kun bdag grub pa ste/ /gsal zhing shin tu grub mchog yin/ /'di yis mi 'grub cung zad
248b6 med| |dngos grub las dang de bzhin bde/ /las kyi tshogs kyi dngos grub dang / /dngos grub ma lus myur du 'grub/ /ces bya ba ni gsang ba'i dam tshig gi rnal
248b7 'byor te shin tu mchog tu rab tu grub pa'o/ /'dod pa kun la longs spyod cing / /ci 'dod par ni bsten pa yis/ /rnal 'byor dag ni 'di dag gis/ /rang gi bdag
249a1 @#/ /nyid rab mchod bya/ /zhes bya ba 'di ni de bzhin gshegs pa thams cad kyi shin tu gsang ba bla na med pa theg pa chen po'i dam tshig chen po'i
249a2 rnal 'byor de bzhin gshegs pa thams cad kyi dpal gyi rang gi dam tshig gi rnal 'byor dga' ba chen po'i dpal rdo rje don yod pa'i dga' ba'i dam tshig rnal 'byor
249a3 thams cad kyi bla na med pa'i bcud kyis len gyi mchog gi dngos grub kyi rnal 'byor gyi rgyal po de bzhin gshegs pa bcom ldan 'das dpal rdo rje sems dpa' 'o/ /
249a4 rdo rje sems dpa'i mchog gi tshe dang / na tshod gzhon pa dang / nad med pa dang / gzugs dang / kha dog dang / gzi brjid dang / mthu dang / stobs dang / spro ba dang / dngos
249a5 grub mchog thams cad dang / dpal dang / skal ba bzang po dang / dga' ba chen po dang / shin tu bde ba dang / yid bde ba thams cad la dam pa mchog tu grub pa'o/ /
249a6 ci srid ma lus shing lus pa med pa la ma lus ba'i dngos grub chen po dam pa thams cad kyi dbang phyug chen po'i bdag nyid la sogs pa'i dngos grub thams cad kyi
249a7 las kyi tshogs mchog tu grub pa ste/ rgyas btab pa tsam gyis skad cig gis rab tu grub ba yin no/ /de'i rgyu gang gi phyir zhe na/ 'di lta ste/ sbyod pa phyag rgya la rag
249b1 lus| |phyag rgya rnal 'byor la gnas pa/ /rnal 'byor khyad par gyis bsgrub bya/ /rnal 'byor dam tshig gis sgrub byed/ /sems ni stong pa sgyu mar mtshungs/ /lus dang bral bar
249b2 ma grub ste/ /lus de yang ni rtsig pa 'dra/ /bya ba med cing sems dang bral/ /sems kyang lus dang bral ba dang / /lus kyang sems dang bral ba ni/ /grub pa ma yin de bzhin 'di/ /
249b3 phyag rgya rnal 'byor chos gar brjod/ /ci ltar lus ni sems kyis dang / /sems kyang lus kyis 'grub 'gyur ba/ /de bzhin phyag rgya rnal 'byor gyis/ /rnal 'byor dam tshig bsgrubs
249b4 pas so/ /de ltar dam tshig rnal 'byor dag /phan tshun du ni bsgrub pa'i phyir/ /phan tshun du ni rtag bdag nyid/ /de bzhin gshegs par grub par 'gyur/ /zhes bya ba ni shin tu
249b5 mchog tu gsang ba mchog tu grub pa bcom ldan 'das rdo rje sems dpas gsungs so/ /de la ci ltar phyag rgya thams cad dang rnal 'byor dag rjes su sgrub pa yin zhe na/ /phyag
249b6 rgya sku ni brtan pa'i phyir/ /de yang bde bas brtan par 'gyur/ /sdug bsngal gyis ni g.yo 'gyur ram/ /yang na 'chi ba thob par 'gyur/ /de ni rnal 'byor sems las byung / /yid bde
249b7 ba yis rab tu bsgrub/ /yid mi bde bas g.yo ba 'am/ /yang na 'gog pa thob par 'gyur/ /de phyir 'bad pa thams cad kyis/ /phyag rgya rnal 'byor rjes sgrub byed/ /dka' thub
250a1 @#/ /med cing nges pa med/ /bde ba dga' bas bsgrub par bya/ /zhes bya ba shin tu mchog tu gsang ba bcom ldan 'das rdo rje sems dbas gsungs so/ /de
250a2 la dam tshig thams cad kyi rnal 'byor rjes su sgrub pa'i bde ba de gang yin zhe na/ 'dod pa kun la longs spyod cing / /ci 'dod par ni bsten pa yis/ /rang gi lha yi rnal 'byor
250a3 gyis| |bdag dang gzhan rnams mchod par gyis/ /zhes bya ba'o/ /de bzhin gshegs pa thams cad mchog tu gsang ba bla na med pa'i theg pa chen po'i yang dag par rdzogs
250a4 pa'i byang chub theg pa chen po'i yang chen po'i rnal 'byor bcom ldan 'das rdo rje sems dpa' mchog tu bde ba zhes bya ba'o/ /de la dam tshig thams cad kyi rnal 'byor rjes
250a5 su sgrub pa de gang yin zhe na/ /dka' thub nyes pa mi bzad pas/ /sdug bsngal ldan pas myur du bskam/ /sdug bsngal gyis ni sems g.yeng 'gyur/ /rnal 'byor la ni
250a6 sbyor ba min/ /de phyir ci 'dod la spyod pa/ /kun za de bzhin thams cad byed/ /ci 'dod bya ba la spyod pa/ /ci 'dod par ni spyod pa spyod/ /gang dang gang du 'chag pa dang / /
250a7 dgod pa 'am ni smra ba 'am/ /gang yang de ru ji bzhin te/ /dkyil 'khor du ni ma zhugs sam/ /sgrib pa rnams dang ldan pa 'am/ /rang gi lha yi rnal 'byor bdag /tshig
250b1 gis kyang ni de bzhin 'gyur/ /de nyid rnal 'byor 'di yis ni/ /thams cad nyid ni bsgrub par bya/ /ngan spyod sdig pa thams cad kyis/ /rnam pa kun tu gnod mi 'gyur/ /'dod pa chen
250b2 po kun bdag nyid/ /dbang phyug dam pa 'grub par 'gyur/ /thams cad rdo rje 'dzin rgyal po/ /kun mchog dbang phyug dam pa 'o/ /sangs rgyas byang chub sems dpa' nyid/ /rnal
250b3 'byor 'di yis rnyed sla na/ /dngos grub rnams dang las mchog gi /tshogs rnams gzhan lta smos ci dgos/ /don yod mchog tu grub pa dang / /phyag rgya thams cad rjes grub
250b4 byed| |dpal ldan sdug bsngal kun 'phrog pa'i/ /rnal 'byor 'di ni mi 'gyur mchog /ces bya ba mchog tu yid bde ba bcom ldan 'das rdo rje sems dpas gsungs so/ /de
250b5 la rnal 'byor thams cad bcing ba ci ltar yin zhe na/ /bsam pa med cing thams cad smra/ /de bzhin thams cad bsams nas kyang / /ye shes tsam la snyoms 'jug pa/ /rang
250b6 bzhin nyid du snyoms par zhugs/ /de la ci ltar rnal 'byor thams cad bcing ba dang / /lung bstan pa yin zhe na/ /rang gi lha yi sbyor ba yis/ /dngos grub thams cad rab sbyor bas/ /
250b7 ye shes tsam la sbyor ba 'dir/ /rnal 'byor zhes ni brjod pa yin/ /zhes bya ba ni phyag rgya thams cad kyi rnal 'byor gyi cho ga mchog tu shin tu gsang ba zhes bya ba'o/ /de nas
251a1 @#/ /bcom ldan 'das kyis thams cad rnal 'byor dang / rnal 'byor chen po dang / shin tu rnal 'byor bcing ba dang / lung bstan pa gsungs te/ rdo rje
251a2 sems dpa' bdag sbyor bas/ /mchod pa kun gyis rjes sbyor ba/ /rnal 'byor thams cad rab sbyor 'di/ /rnal 'byor zhes ni brjod par bya/ /de la 'di ltar brjod bya ste/ /de
251a3 nyid chen po 'di grub ste/ /mchog gi bdag nyid 'di nyid ni/ /shin tu mchog tu gsang ba ste/ /so so'i skye bo la brjod min/ /rdo rje slob dpon slob ma mchog /de nyid dad pa'i
251a4 rjes 'brang la/ /thams cad rnal 'byor cho ga sbyor/ /gzhan rnams la ni rims kyis so/ /'di la sgrub med cung zad med/ /dngos grub las dang bde ba dang / /thams cad rnal
251a5 'byor rjes bsgrubs pas/ /mi 'gyur thams cad sgrub par byed/ /rnal 'byor cho ga gsal ba 'di/ /gcig pu'ang gang la yod gyur na/ /gzhan gyis mi thub mi sod cing / /
251a6 bdud la sogs pas non mi 'gyur/ /de la rgyal po rdo rje 'dzin/ /rdo rje sems dpa' de bzhin gshegs/ /kun mchog dngos grub chen po yi/ /rnal 'byor dbang phyug rab
251a7 grub 'gyur/ /zhes bcom ldan 'das rdo rje sems dpas gsungs so/ /dpal mchog dang po las/ /shin tu gsang ba'i rnal 'byor thams cad kyi cho ga mchog tu gsang
251b1 ba'o| |de nas rtog pa thams cad don yod cing thogs pa med pa mchog tu mkhas shing phra la rgya che zhing zab pa/ bsam gyis mi khyab cing shin tu tshad med pa/ ma lus shing lus pa
251b2 med pa'i mchog gi dngos grub la sogs pa'i dngos grub thams cad rab tu sgrub par byed pa mchog tu grub pa'i phyag rgya'i rgyud bshad par bya'o/ /zhes bya ba phyag rgya thams cad kyi
251b3 ye shes kyi rgyud bshad par bya'o/ /zhes bya ba phyag rgya thams cad kyi ye shes kyi rgyud bcom ldan 'das rdo rje sems dpas gsungs so/ /g.yon pa'i phang par dgod pa yi/ /zhabs kyi
251b4 pad+ma ci bde bar/ /sems dpa'i skyil mo krung bcings te/ /rang nyid lus ni drang por 'dzin/ /rdo rje gsor bas kun las rgyal/ /mchog gi dngos grub kun gyi phyir/ /sku gsung thugs
251b5 kyi rdo rje yis/ /rdo rje sems dpa' nyid du 'gyur/ /'dis ni rdo rje sems dpa' 'am/ /sangs rgyas nyid ni gzi can nyid/ /dngos grub kun gyi dbang phyug yin/ /tshe 'di nyid la 'grub par
251b6 'gyur| |zhes bya ba thams cad kyi bdag nyid bstan pa'i bcom ldan 'das rdo rje sems dpas gsungs so/ /dkyil 'khor du ni ma zhugs kyang / /phyag rgya chen po yongs bzung
251b7 par| |bde bar gshegs pa rnams kyis kyang / /phyag rgyas mchod cing bkur bar 'gyur/ /gang gis 'di mthong phyag byed dang / /bstod pa dang ni mchod par byed/ /ston pa
252a1 @#/ /mthong dang phyag byed dang / /de yis bdag po mchod par 'gyur/ /dngos grub kun gyi tshogs chen po'i/ /bde ba phun tshogs dbang phyug che/ /
252a2 phyag rgya chen pos grub 'gyur te/ /rdo rje sems dpa' gnyis pa 'dra/ /lha la sogs pa'i dngos grub kun/ /las kun gyis ni bde ba yang / /phyag rgya chen po'i byin rlabs
252a3 kyis| |khyad par du ni rab tu 'jug /de yis mi 'grub gang yang med/ /dngos grub las dang de bzhin te/ /phyag rgya chen po'i byin rlabs pas/ /bsgrubs pa'i stobs kyis
252a4 mchog kun 'byung / /de nas thog ma dang tha ma med pa'i rdo rje sems dpa' la sogs pa'i sems dpa' chen po kun gyi dkyil 'khor chen po thams cad kyi dam tshig
252a5 dang | chos dang / las dang / gdon mi za bar dgug pa dang / gzhug pa dang / 'bebs pa dang / rjes su chags pa dang / dbang du byed pa dang / sgrub pa thams cad dang /
252a6 mchog gi sgrub pa dang / mchog gi sgrub pa thams cad kyi dam tshig chen po'i phyag rgya bde ba chen po'i rdo rje'i gsang ba'i dam tshig ces bya ba'o/ /de bcing ba ni 'di yin
252a7 te| |sor mo thams cad mnyam sbyor bas/ /rdo rje thal mo zhes brjod do/ /kun mchog nang du bsdams pa yis/ /rdo rje bsdams pa bshad pa yin/ /rdo rje bsdams pa'i
252b1 nang du ni/ /mdzub mo mthe bong yang dag sbyar/ /g.yas pa'i mthe bong rtags kyis ni/ /rtse mo bkug nas btsir bar bya/ /mda' lnga bsdus pa bcings nas ni/ /dbus ma bcings
252b2 pa'i nang du gnas/ /mthe bong mthe'u chung rdo rjer bsdams/ /de yi dang po'i rdo rje mchog /rdo rje bsdams pa de bcings nas/ /dbus ma'i rdo rje lcags kyu gnyis/ /dgug pa'i tshul
252b3 ni de nyid kyis/ /rang gi snying gar lcags kyus 'debs/ /lcags kyu'i rgyal po 'di yis ni/ /rdo rje sems dpa' rgyal po che/ /dga' ba'i rdo rje lcags kyus dgug /slar yang nye
252b4 ba'i snying po sgrub/ /snying gar brdeg pa drag po ni/ /rjes su chags pa'i me yis gdungs/ /snying po 'phrog pas dbang gyur dgyes/ /myur du byon nas grub par 'gyur/ /zhes bcom
252b5 ldan 'das chags pa chen po dang / bde ba chen po rdo rje chen po bcom ldan 'das rdo rje 'chang chen pos gsungs so/ /de bzhin du de bzhin gshegs pa thams cad dang / byang
252b6 chub sems dpa'i rdo rje la sogs pa dang / brtan pa dang / g.yo ba'i dngos po thams cad rgyas btab pas 'ongs te myur du 'grub par 'gyur ro/ /gal te ma 'ongs nas 'jig par
252b7 'gyur ro/ /bde ba chen po rdo rje don yod pa'i dam tshig ces bya ba'i snying bo mchog gi phyag rgya'o/ /rdo rje mchod yon rdo rje thal mo shin tu rab tu brkyang ba'i thal mo'o/ /de nas dang
253a1 @#/ /po'i rdo rje'i phyag rgya dbus ma'i rdo rje gzung ba'i me tog gi lcug mas bzla bar bya'o/ /rdo rje'i chu dang / rdo rje'i khu tshur gyis dbang bskur na thams cad
253a2 kyi bdag po nyid dang / tshe 'phel ba la sogs pa'i dngos grub thams cad la dgos pa yin pas btung ba byas na sdug bsngal thams cad 'joms pa yin no/ /de nas dang po'i
253a3 dkyil 'khor du 'jug pa'i phyag rgya ni/ /ba dan gsum dang kha T+wAM ga /bcings na ci nus par ni dga'/ /rdo rje gar bskor dgrol ba yi/ /yongs su bskor bar 'dzin pa che/ /
253a4 ka pu ta yi kha sbyor ni/ /spyi bor bzhag ste phab nas kyang / /sgeg bcas mdzub mo mthe'u chung sogs/ /bkrol nas rdo rje can la dbul/ /'di yis dkyil 'khor ma zhugs
253a5 kyang | |rdo rje slob dpon nyid thob 'gyur/ /rang nyid zhugs pa tsam gyis ni/ /mchod pas don yod grub phyir ro/ /yongs su rdzogs pa ma tshang ba/ /yang na slar yang ci snyed pa'i/ /
253a6 me tog la sogs mchod pa yis/ /thun mong dngos grub kun 'grub pa'i/ /ba dan gsum mchog kha T+wAM ga /sgeg bcas mtha' ma la sogs bkrol/ /glog 'gyu mchog tu
253a7 bskor ba yis/ /rdo rje gar zhes de bshad do/ /sgeg mo dga' ba'i rdo rje ni/ /rdo rje gar gyi mchod pas mchod/ /sgeg pa dang bcas pa'i 'dzum pa'i mig gis phyag 'tshal
253b1 pas rdo rje sems dpa' dang de bzhin gshegs pa thams cad kyang rjes su chags par byas nas phyag byed du gzhug pa'o/ /rdo rje thal mo bskor bas ma lus par byas nas thams cad
253b2 la bstod pa'i phyag rgya'o/ /de bzhin gshegs pa thams cad lcags kyu mchog ni rdo rje bsdams pa'i mthe bo bstan pa'i skyil mo krung mdzub mo gnyis bkug pa'i lus can dbus
253b3 ma mnyam pa'i kha 'bus pa'i mchog gi yan lag spyi bor bzhag la g.yas logs su thams cad la cod pan bcings la mdun logs rdo rje khu tshur gnyis kyis mdud pa'i
253b4 tshul byas te/ phreng ba bcings pa byas la sgeg pa dang bcas pas mthe'u chung la sogs pa bkrol te logs gnyis la dar dbyangs 'ching ba'i tshul byas la mnyam pa'i thal
253b5 mo rgyas btab pas rdo rje sems dpa'i dbang bskur bar 'gyur ba yin no/ /de nas bde ba chen po'i rdo rje'i bdud rtsi'i chus dbang bskur bar bya ste/ thams cad kyi rdo rje slob
253b6 dpon nyid dang rdo rje 'chang chen po nyid du 'gyur ba yin no/ /rdo rje khu tshur gyis rdo rje rtse lnga ba rdo rje'i 'od zer 'bar ba'i rtse mo can kha dog dmar po sbyin par bya'o/ /slob mas kyang
253b7 slob dpon la yon phul la de nas me tog la sogs pa'i dbang bskur ba thams cad kyi slob dpon las rdo rje thal mo bskor ba'i phyag 'tshal ba'i phyag rgyas blang bar bya ste/ @#/
254a1 /de ltar na dkyil 'khor thams cad kyi cho ga'o// //de nas dngos grub thams cad kyi dbang phyug grub pa'i rdo rje 'chang chen po rgyal po sgrub
254a2 pa'i phyag rgya'i rgyud ni/ bde ba chen po'i gsang ba chen po'i lcags kyu rang gi snying po'i sngags lan gcig brjod pas rdo rje sems dpa' spyan drang ba'o/ /sems dpa'i
254a3 skyil mo krung dang ldan pas rdo rje gar gyi mchod pa dbul bas glog 'gyu ba'i gar dang / rdo rje khu tshur yongs su gzung bas bsnyems pa dang bcas pa'i rdo rje mtshon cha la sogs
254a4 pa bsgreng bar byas la sgeg mo dga' ba'i rdo rje mas phyag bya'o/ /rdo rje glus ni glu len cing / /bzlas pa'i don ni ci bde bar/ /rdo rje gar gyi mchod pa yis/ /yang dag mchod na
254a5 myur du 'grub/ /de las dang po'i rdo rje'i gsang ba'i glu 'di dang po la sogs pa rnams kyis blang bar bya ste/ /thams cad bde ba dam pa rjes su chags pa'i thugs/ /rdo rje
254a6 sems dpa' khyod ni rab tu dga' ba yin/ /bde ba chen po brtan zhing 'thor bar bdag gyur cig /so sor rtogs nas myur du bsgrubs shing phyag 'tshal lo/ /rdo rje'i glu ni
254a7 'di nyid kyis/ /bde chen la ni lan cig bstod/ /rjes su chags nas shin tu dgyes/ /brtan par gyur nas sgrub par 'gyur/ /phyag rgya chen po lan gcig tu/ /snying pos
254b1 bdag byin brlab par bya'o/ /shin tu g.yo med lce rtse dang / /so dang mchu gnyis yang dag ldan/ /rdo rje ngag ni dbyangs dang bral/ /rigs kun rab tu sgrub par byed/ /ri bi ta sogs
254b2 hUM gi glu/ /rgyan ldan ci 'dod ci nus par/ /drug ldan la sogs snyan pa'i glu/ /ci 'dod gra ma rA ga'i glu/ /rab dga' rdo rje mchog gis ni/ /gan dar ba yi glu mchog blang / /ngag
254b3 'di ni mchog tu grub pa yin te bzlas pa thams cad la dgos pa ji srid mngon par 'dod pa'i bzlas pa'o/ /bzlas pa'i don ni nye ba'i snying por shes pa yin te/ rdo rje sems dpa'i
254b4 sgrub pa'o/ /phyag rgya chen pos rang la byin gyis brlabs nas/ rdo rje'i lta bas de bzhin du blta zhing rdo rje bsnyems pas 'dzin cing yi ge hUM gis glu'i bzlas pas bcom ldan 'das pa bsgrub
254b5 par bya'o/ /lan gcig bsgrub pa ni ji lta ba bzhin mngon par 'dod pa'i bzlas pas so/ /de nas de'i 'og tu ji ltar mngon par brtson pa dang / ji ltar 'dod pa dang / /ji ltar
254b6 mngon par 'dod pa dang / ji ltar byin gyis brlabs nas yi ge hUM gi glu'i bzlas pas dga' ba chen po rdo rje don yod pa'i dga' ba'i shugs kyi rdo rje sems dpa' la sogs
254b7 pa'i dngos po thams cad ji lta ba bzhin du 'dod pa dang / ji ltar dga' ba sgrub pa'o/ /de nas phyag rgya chen po ni/ /sku gsung thugs kyi rdo rje yis/ /ji bzhin gzugs kyi rjes
255a1 @#/ /'brangs pas/ /mtshan ma'i phyag rgya yang dag ldan/ /sems dpa' chen po rang nyid 'gyur/ /de nas dam tshig gi phyag rgya ni bde ba chen po rdo rje bshad
255a2 pa'o| /'di las rdo rje mda' la sogs pa'i 'byung ba yin no/ /'di lta ste/ /phyi rol du kha bltas pa'i mdzub mo gnyis bkug pa tsam ni rdo rje'i mda' 'o/ /mthe bong yongs su
255a3 bcing ba ni rdo rje ki li ki la'o/ /mthe bong gnyis kha phye nas mdzub mo gnyis kyi rtse mos dbus ma 'dren pa'i srin lag dang / /mthe chung mnyam pa'i kha phye ba ni rdo rje chu srin no/ /
255a4 brla gnyis la bskor zhing gnas pa ni rdo rje 'dod pa'i dbang phyug ma'o/ /rdo rje thal mo rang gi snying gar bskor bas sgeg pa dang bcas pa'i mig gis blta zhing mgo pos phyag
255a5 byas la spyi bor bzhag la phab ste gyen du gtor ba dang / 'og tu blugs pa dang / mthe bong sbyar nas bskor ba dang / rab tu byug pa ni me tog dang / spos dang / mar me dang /
255a6 dril bu dang ldan pa'i rdo rje mchod pa rnams su brjod pa yin no/ /phyi'i mtshams rnams su rdo rje thal mo snying gar bskor bas sgeg pa'o/ /kha la yongs su bskor nas spyi bor
255a7 'jog pa'o/ /g.yon pa'i mdzub mo bkug pas g.yon pa g.yas pas bkug pas rdo rje pi wang sgreng zhing rdo rje glus mngon par bstod pa'o/ /rdo rje khu tshur gnyis
255b1 kyis gar byas la spyi bor rdo rje thal mo bcing ba'o/ /rdo rje bsdams pa nang du bcings pa'i g.yas pa'i mdzub mo lcags kyu'o/ /mthe bong gnyis kyis mdud pa'o/ /mdzub mo
255b2 dang mthe bong gnyis kyis mdud pa'o/ /gnyis kyis nang du mthe bong bcings pa'o/ /de nas gsang ba'i dam tshig rnams ni bde ba chen po rdo rje dam tshig gi gsang ba'i lcags kyu
255b3 ste| de las byung ba ni/ /mthe mdzub rtse sbyar dbus ma'i rtse/ /mig 'bras ltar byas 'dzin pa'o/ /dbus ma rdo rje'i 'og tu ni/ /mthe bong gis mnan btsir bar bya/ /rdo rje 'dren pa dang
255b4 'dra ba/ /srin lag mthe'u chung kha phye ba/ /bskor nas pus mor bzhag pa ste/ /gzhan rnams thams cad ji bzhin bshad/ /dam tshig gi rdo rje 'bebs pa mdzub mo gnyis
255b5 bkug pa rdo rje khu tshur ro/ /de las dam tshig gi phyag rgya ni rdo rje dang bcas pa'i khu tshur gnyis kyis so/ /'di lta ste/ g.yon pa bsnyems pas g.yas pa gtad pa'i tshul gyis snying
255b6 gar gzung ba ni rdo rje bsnyems pa'o/ /gtod pa dang bcas pa'i snying gar 'dzin pa'o/ /rdo rje gtod pa'i tshul ni ki li ki la'o/ /rgyal mtshan sgreng ba'o/ /bsnyems pa gnyis gtod pa
255b7 ni 'dod pa thams cad kyi rdo rje dbang phyug ma'o/ /mtshams rnams su rdo rje gar ma bshad pa'o/ /sgeg mo la sogs pa yang de bzhin no/ /rdo rje sgo ba rnams kyi ni g.yon pa'i
256a1 @#/ /mdud pa lag pa g.yas pa steng du byung bas rdo rje bka' bsgo ba byed pa'o/ /des g.yas pa bstod pa'o/ /mdzub mo dang / mthe bong mkhrig mar bzung
256a2 ste mdud de btsir ba'o/ /rang gi snying gar dril bu dkrol ba'i tshul lo/ /'di rnams kyis thams cad dgug pa dang / bcing ba dang / gzhug pa don yod par bsgrub par bya'o
256a3 zhes bya ba yang gsungs so/ /ji bzhin grub pa'i mtshan ma rnams/ /dngos grub chen po myur du stsol/ /dang po'i phyag rgya dge 'di dag/ /dkyil 'khor med pa rnams kyang
256a4 'grub/ /de nas dngos grub med pa sgrub pa'i phyag rgya chen po bcing ba ni/ /dang po'i rdo rje phyag rgya bzhi'i phreng ba'i tshul du bsgrub par bya'o/ /gzhug pa dang / dgug pa dang /
256a5 brtan pa dang / las rnams lta bas so/ /rtags dang / lte ba dang / snying ga dang / dbang bskur ba dang / spyi bor gzhag par bya'o/ /dbus ma'i rdo rje snying ga dang / rtags dang /
256a6 kha dang / dbang bskur ba'i gnas su gzhag nas btung bar bya'o/ /mdzub mo dang / dbus ma dang / srin lag dang / mthe'u chung gi rdo rje'o/ /dpung pa dang / snying ga dang /
256a7 lce dang / spyi bor gtod pa'o/ /nam mkhar bskyed pa dang / mdzub mo dang / srin lag 'bar ba dang / snying gar dga' ba dang / rang gi lus la bskor ba'o/ /thams cad
256b1 bskor nas dbang po kun la gzhag par bya'o/ /dbus ma'i rdo rje dbang po thams cad la reg pa'o/ /rang gi las byas pas so/ /dbang bskur nas de bzhin du dngos grub byed pa'o/ /
256b2 sa la bzhag nas bya'o/ /thams cad du bskor nas yid kyis sprul par bya'o/ /'dzum pa med pa'i khro zhing 'bar la g.yo ba ni lta bas blta ba'o/ /bza' ba dang / btung ba dang /
256b3 rked pa bskyod pa dang / spyi bor bka' bsgo ba'o/ /thams cad du bskor zhing thams cad du dran pas so/ /mthe'u chung dang / mthe'u bong dang / dbus ma'i rdo rje bzhi snying gar bya'o/ /
256b4 mdzub mo gnyis kyis yi ge hUM dang bcas pas dgug par bya'o/ /dbus ma'i rdo rjes dpral bar 'phred la mig byed pas so/ /rang gi snying gar bcings la g.yo ba med cing
256b5 ma btsums pa'i lta bas sa 'og tu blta zhing ha hUM d+haM zhes brjod par bya'o/ /gnod sbyin la sogs pa'i gdong pa bris nas rdo rje dgug par bya'o/ /'og gi phyogs su bzhag na
256b6 rtag par 'gyur ro/ /kha'i dbus su bzhag na rab tu zhugs par 'gyur ro/ /phyag byas na mchod par 'gyur ro/ /snying gas grub par 'gyur ro/ /cig char du sor mo thams cad
256b7 dral ba ni yid kyi las so/ /bcings nas dzaHhUM baM hoH/ dbus ma'i phyi rol tu bcings pas spyi bo dang / snying ga dang / kha dang / phyogs rnams bskor ba'o/ /snying gar bzhag
257a1 @#/ /nas rang gi rdo rjer bsgom pa'o/ /rang nyid byang chub sems dpar bsgom pa'o/ /rang nyi de bzhin gshegs pa rjes su dran pa'o/ /rang nyid rdo rje 'chang
257a2 chen por rjes su dran pa'o/ /de nas las kyi tshogs thams cad bsgrub pa'i phyag rgya'i rgyud ni/ rdo rje gar las byung ba'i phyag rgya rdo rje 'chang bdag dang de bzhin gshegs pa thams
257a3 cad kyis kyang don yod cing thogs pa med pa'o/ /rdo rje sku mchog gi gtsug tor gyi las ni rdo rje bsdams pa btsir ba dang / dbus ma'i nor bu dang / bskor ba dang / sor mo thams
257a4 cad kyi rdo rje dang / sor mo lhag ma'i 'od zer gyi 'khor lo'o/ /khro bo rdo rje khu tshur gnyis kyi phyogs kyi 'khor lo bskor zhing bskor ba'o/ /khar bskor ba'o/ /snying gar phab cing
257a5 'bar bar byed pas phyogs thams cad du rdo rje 'bar ba'i ra ba ste/ khro bo chen po 'bar ba'i rdo rje dag gis kyang 'jug par nus so/ /dam tshig brjod par bya'o/ /bsgrub pa la brtsam
257a6 mo/ /rdo rje sems dpa'i rdo rje lta bu'i 'phrog pa rnams kyis gsum dang / bzhi dang / phyir ldog pa dang / rtag tu 'byung ba dang / dpag tu med pa ni bskor zhing btsum pa med pa'i
257a7 mig gis rab tu zhi ba'o/ /rdo rje khu tshur gnyis kyis mthe'u chung gi lcags kyu'i mdud pa dang / mdzub mo gnyis mnyam pa'i las ni snying gar rab tu bzhag pa'o/ /bya ba pa'o/ /
257b1 mdzub mo'i rtse mos gnan par bya'o/ /dgod pas rab tu bzhag pa'o/ /yongs su bskor nas de bzhin du mdzod spur bzhag par bya'o/ /kha T+waM ga gnyis kyis rdo rje bcings pas
257b2 mthe'u chung rdo rje'i legs par byed pa'i tshul gyis nye bar 'phel ba'o/ /bsdus pa'i don gyis tshul lo/ /rdo rjes bteg pa'o/ /thal mos 'phrog pa'o/ /rdo rjes brdung ba'o/ /rdo rje bsdams
257b3 pa'i mdzub mo gnyis bkug cing bsnyams la nang du bzhag ste mthe'u chung gnyis kha phye ba'i mche ba ni rdo rje gnod sbyin gyi phyag rgya'o/ /des mthil dpral bar brdab pa'o/ /mdzub mo'i
257b4 sen mo brud pa'o/ /dbus ma'i rdo rje brtan pa'o/ /byabs nas myur du phyag rgya bkrol ba'o/ /sor mo sbyar nas rdo rje gtsug tor ro/ /ba dan gsum pa gnyis kha gyen du kha bltas pa dang /
257b5 'og tu kha lta ba'i mdzub mo dang / dbus ma'i mdud pa byas la mdzub mo dang / dbus ma de dag 'dus pa'o/ /rdo rje hUM mdzad kyi las so/ /mdud pa btsir ba'o/ /cig char du phyag
257b6 rgya bkrol ba'o/ /btsir nas dral ba'o/ /dbus mas bsnun te nam mkha' las ltung ba'i tshul lo/ /slong ba'i tshul yang ngo / /ba dan gsum pa gnyis mnyam pa'i mthe'u chung rtse mo'i
257b7 rdo rje dbus ma mdud pas yongs su bskor ba la dbang bskur ba'i gnas su mdzub mo'i rtse mo bzhag pa'o/ /dbye ba ni yi ge hUM gis so/ /gdon las dgrol ba ni yi ge hUM gis so/ /'chi
258a1 @#/ /ba slong ba ni yi ge a yis so/ /tshe 'phel ba ni yi ge hUM gi glus so/ /shin tu bsrung ba ni yi ge haM gi chos kyi ngag gis so/ /pad+ma chen po bcings nas
258a2 ji srid 'dod pa'i bzlas pa 'am/ yang na pad+ma'i khu tshur g.yon pa bsnyems pas mar dang / til mar dang / til dang / 'bras dang / khams kyi phye ma sbyin sreg mchog tu grub
258a3 pa ste/ oM ni ba ra Na sarba d+harma tA badzra ha ni haM/ oM bi ra dzo bi ga ta/ sarba d+harma badzra ha ri Ni haM/ oM saM no pa sarba d+harma pra ti bi d+ha badza ha ri Ni haM/ /oM ni ri mi ta sarba d+harma tA badza ha
258a4 ra Ni haM/ oM swa b+hA wa b+ha sa ra sarba d+ha rma ha ra Ni haM/ /ka ta gnyis kyi rdo rje bsdams pa legs par byed pa'i tshul gyis sen mo brud pa'o/ /'og dang steng du rdo rje bdams pas bskyod
258a5 pa'o/ /rdo rje bsdams pa'i mthe'u chung la sogs pa bkrol bas gar ro/ /rdo rje bsdams pa'i mdzub mos ngag 'byin pa'o/ /bde ba chen po rdo rje don yod pa'i dam tshig gi lcags
258a6 kyus brtan pa dang / g.yo ba'i dngos po thams cad la rdo rje sems dpa' la sogs pa rnams gzugs brnyan gyi tshul gyis gsal bar ston pa dang / sgra brnyan gyi tshul gyis
258a7 sems can thams cad dang bdag nyid la bden pa thos su gzhug pa'o/ /rdo rje khro bo'i khu tshur gnyis bcings nas rdo rje lta ba'i las so/ /'di lta ste/ 'dzum med pa'i lta ba
258b1 sbyin pa'o/ /mig 'bras steng du yongs su bskor ba'o/ /btsum pas myur du ltung ba'o/ /'og nas blang ba'o/ /byab pa yang ngo / /rdo rje khu tshur gnyis bcings nas mdzub mo bkug
258b2 cing yongs su bskor te mche ba rnam par gtsigs pa'i 'jigs pa'i gdong gi g.yo ba med pa nyid do/ /yan lag thams cad glod par 'gyur ba'o/ /rab tu gnyid log cing kha
258b3 gdangs pa'o/ /rang gi snying gar brdeg pa'o/ /myur du myang ba'o/ /rdo rje khu tshur gnyis bcings nas kha gdangs te 'jigs par byed pa'i kha dang ldan pas skra gyen du brdzes pa'i spyi
258b4 bos 'og nas gyen du bslang bar bya ba'i las ni yi ge b+ho dang / rdo rje khu tshur mnan pa dang / yi ge hUM dang bcas pa'i yan lag gi mchog gi sdigs mdzub dang / rang nyid myur du khros
258b5 pas ltung ba'o/ /rdo rje gnod sbyin gyi phyag rgya srin lag dang / mthe'u chung mnyam pa kha phye ba'i ba dan rgyal mtshan mchog gi dpung rgyan gyi las ni phyag 'tshal ba dang / dgod pa dang /
258b6 lce bskyod pa dang / dpung ba gnyis bsnyems pas bstod pa dang / rgyal mtshan bsgreng ba'o/ /sems dpa'i skyil mo krung gis gnas shing rdo rje gsar ba nyid kyis ni nam mkha' dbugs
258b7 gtor ba dang / kun tu g.yo zhing btsums pa'i lta bas char 'bebs pa'i tshul dang / khro bo rdo rje nyi ma me ltar 'bar ba'i bzlas pa dang / lta ba dprog pa dang / drang bas yan lag bskor
259a1 @#/ /zhing thams cad rab tu 'bar bar byed pa 'bebs pa'o/ /rdo rje bsdams pa'i rdo rje dran ma'o/ /rdo rje bsdams pa'i g.yon pa'i mdzub mo bkug pa'i shing
259a2 bu g.yas pa'i mdzub mos bsdus pa ni rdo rje pi wang ngo / /rdo rje bsdams pa'i lag mthil dag mnye ba'o/ /kha 'bus mnyam pa'i dbus ma lce'o/ /rab tu dga' ba'i rdo rje'i phyag
259a3 rgya'o/ /bde ba chen po rdo rje mchod pa'i las ni dang po'i glu'i bzlas pa ji srid mngon par 'dod pa'o/ /g.yo ba med cing dgod pa dang / dgug pa ni rab tu dga' ba'i rdo rje'i
259a4 lta ba'i lcags kyu mas so/ /rang gi ma mchu so dag gis nang du yongs su bzung ba'o/ /rang gi dbang po bskyod pa'o/ /rab tu dga' ba'i rdo rje'i gar gyis yid kyis 'dod
259a5 pa'i bka' bsgo ba yang ste/ bcom ldan 'das rdo rje sems dpa' la sbyor ba des kyang 'da' bar mi nus na brtan pa dang / g.yo ba'i dngos po gzhan lta smos kyang ci dgos/
259a6 rdo rje thal mo'i mthe bo gnyis sems dpa'i skyil mo krung gi mdzub mo sgreng ba ni bcom ldan 'das rdo rje sems dpa'i rdo rje'i sku mchog ste/ 'di skad cig gcig tsam bzung
259a7 bas shin tu byin gyis brlabs nas bcom ldan 'das bzung zhing mchod nas sgrub par 'gyur ba dang / dngos grub thams cad la grub pa dang / dgos pa yin no/ /spyi bor
259b1 bzhag steng nas g.yas su bskor bar bya'o/ /sa la bzhag nas khro gnyer gyis gyen du drang bar bya'o/ /gnod sbyin gyi gzugs brnyan bris la de'i snying gar gzhag par byas nas
259b2 mngag gzhug tu 'gyur ro/ /dbang phyug chen po'i gnas su khro zhing bzlas par bya'o/ /ma mo'i gnas su bcing ba la yi ge b+h+yo sbyar bar bya ste/ ma mo 'khor dang bcas pa thams cad
259b3 kyis bsnyen bkur ba dang / rol mo la sogs pa'i bka' bsgo ba thams cad byed par 'gyur ro/ /rdo rje gsor ba'i phyag rgyas khro ba dang bcas pa'i bzhad pa'i gdong gis las
259b4 bltas te bsgrub pa bya'o/ /dbang phyug chen po rkang ba g.yon pas mnan la yi ge hUM sbyar bar bya'o/ /'dod pa'i dbang phyug rdo rje'i mdas bsnun te/ de nas 'og tu kha blta bar
259b5 bzhag ste gsor bar byed pa'o/ /rdo rje gsang ba'i mchod pas bde ba chen po'i dam tshig gces bya ba'i bshad pa'o/ /thams cad rdo rjer byed pa ni rdo rje khu tshur gnyis kyis go cha
259b6 bcing bar byas la spyi bo dang / dbang bskur ba'i gnas su gnyis gnyis bzhag la logs gnyis la gnyis dang / phreng ba'i tshul gyis de bzhin du dar dpyangs bcings
260a1 @#/ /pas so/ /g.yon du rdo rje mda' 'phang ba'o/ /rdo rje bsnyems ma'o/ /phyag rgya chen po yang ngo / /dpal mchog dang po las/ phyag rgya thams cad kyi
260a2 rgyud kyi cho ga rgyas pa'o// //de nas de bzhin gshegs pa thams cad kyi phyag rgya'i rgyud ni sems dpa'i rdo rje ma'o/ /de bzhin gshegs pa thams cad kyi khu
260a3 tshur ro/ /rdo rje rin chen gyi dbang bskur ba byas na rdo rje rtse lnga pa 'od zer dang bcas pa sbyin par bya'o/ /mchod pa ni mnyam pa'i thal mo ji lta ba bzhin du gyen du gtor ba
260a4 la sogs pa rnams kyis so/ /de bzhin gshegs pa'i khu tshur gnyis bcing pa ni g.yon pa'i mdzub mo phyir rol tu kha bltas pa g.yas pa'i khu tshur kha bltas pas
260a5 bzung ste/ de bzhin gshegs pa thams cad kyi byang chub mngon par rdzogs pa'i byang chub mchog gi de bzhin gshegs pa thams cad kyi khu tshur zhes bya bar brjod pa ste/
260a6 don yod cing thogs pa med pa 'di bcings pas bla na med pa yang dag par rdzogs pa'i byang chub las phyir mi ldog pa dang / 'bras bu dang ldan pa dang / bdud la sogs
260a7 pa gzhan gyis thub par mi 'gyur ro/ /phyag rgya 'di gang gis bcings pa de ni de bzhin gshegs pa nyid du rtogs par byed pa'o/ /de mchod na de bzhin gshegs pa thams
260b1 cad mchod par 'gyur ro/ /de la phyag rgya chen po thams cad kyi cho ga rgyas pa'o/ /dam tshig gi phyag rgya ni pad+ma chen po'i/ /rdo rje'i phyag rgya'o/ /de bzhin gshegs pa thams cad du rtogs
260b2 par byed pa'o/ /de mchod na de bzhin gshegs pa thams cad mchod par 'gyur ro/ /sku mchog ni bshad do/ /rdo rje las kyi phyag rgya bshad pa'o/ /rdo rje thal mo 'og tu brkyang la
260b3 mthe bong dang / mdzub mo rtse mo bcings pa snying ga las bteg ste dbang bskur ba'i gnas su rtse mo rab tu bzhag pa ni rin chen ma'o/ /de nyid gyen du kha lta ba'i mdzub mo gnyis phyir
260b4 bkug pas rdo rje pad+ma'o/ /sems ma rdo rje ma ni phyi rol tu dbus ma bcings pa'o/ /chos kyi phyag rgya'o/ /de nas las kyi phyag rgya ni rdo rje khu tshur zhes bshad do/ /g.yon pa chos gos
260b5 dang bcas pa rang gi snying gar gtod pa'i tshul gyis bzung ste/ g.yas pas sa gnon zhing rab tu rgyal bar byed pa zhes bya ba ste des bdud kyi stobs rnams 'joms pa'o/ /de nyid yongs
260b6 su bskor te gyen du kha lta bar bzungs nas gzengs bstod pa zhes bya ba ltung ba slong bar byed cing lung ston par byed pa'o/ /de nyid chos gos mtha' mar pad+ma'i 'dab ma kha
260b7 'byed par byed pa chos 'byung ste/ chos thams cad sbyong bar byed pa'o/ /de nyid ba dan gsum gyis bzung ba slong bar byed pa ste gdon mi za bar dngos grub rtsol ba'o/ /'di
261a1 @#/ /rnams g.yas pas las byed cing don yod pa dang / bcings pa tsam gyis 'grub pa'o/ /lhag ma ni ci lta ba bzhin du bzung bas so/ /de nas las kyi phyag rgya
261a2 rnams ni de bzhin gshegs pa thams cad kyi khu tshur nad gzir ba'o/ /mig yongs su sbyong ba'o/ /snying gar gzhag pa'o/ /byab pa'o/ /khu tshur gyis 'phrog pa'o/ /bza' ba'o/ /
261a3 khros nas gtor bar bya'o/ /phur bu gdon pa'o/ /rting pa la brdeg pa'o/ /yi ge oM bris nas dbyi bar bya'o/ /so rnams kyis gzung bar bya'o/ /yi ge hUM dang bcas pas brdeg
261a4 par bya'o/ /mtshon cha bris nas dbyi bar bya'o/ /kun tu sbyin sreg bya'o/ /dur ba'i sbyin sreg bya'o/ /spyi bor bzhag la lta bas bya bar bya'o/ /steng du kha T+wAM ga gzung ba'o/ /rang
261a5 gi khyim du bskor bar bya'o/ /rang gi khyim du gzhag par bya'o/ /'jug par bya'o/ /snying ga las gdon par bya'o/ /lus la bskor bar bya'o/ /ngag 'byin pa'o/ /snying gar
261a6 btsir bar bya'o/ /de bzhin gshegs pa thams cad kyi phyag rgya chen po ni sku mchog go /brtan par bya'o/ /dbang po la gzhag par bya'o/ /kha la'o/ /de nyid du bskor bar
261a7 bya'o/ /dpral bar gzhag par bya'o/ /snying gar ro/ /dpung pa gnyis la'o/ /brla gnyis la'o/ /phreng ba bcing ba'o/ /dbang po rnams la'o/ /spyi bo la'o/ /gdong pa
261b1 la'o/ /kha las bton nas so/ /thams cad du bskor bar bya'o/ /phyogs rnams su bskor bar bya'o/ /rang dang / gzhan dag de bzhin gshegs pa rjes su dran pa'o/ /snying ga
261b2 las rjes su dran pa'o/ /snying gar bzhag nas dga' ba bskyed par bya'o/ /sangs rgyas nyid bskyed par bya'o/ /sangs rgyas thams cad nyid bsgom pa'o/ /phung po lnga la bzhag
261b3 par bya'o/ /rdza mkhan gyi 'khor lo ltar bskor bar bya'o/ /lus rjes su dran pa'o/ /lce gzhag par bya'o/ /yid kyis mngon par gdung bar bya'o/ /gtong pa rjes su dran pa'o/ /
261b4 tshul khrims so/ /byams pa'o/ /brtson 'grus so/ /ting nge 'dzin no/ /shes rab bo/ /ye shes so/ /stobs so/ /thabs so/ /nges par brjod pa'o/ /gzungs so/ /sa'o/ /spyod pa'o/ /
261b5 so sor yang dag par rig pa'o/ /ma 'dres pa'o/ /chos so/ /las so/ /lus sna tshogs so/ /sems can gyi don no/ /sangs rgyas kyang don no/ /lus so/ /dag go /yid do/ /rdo rje
261b6 chen po'o/ /oM bo d+hi tsit+ta badzre/ oM sa man+ta b+ha tre tsA R+ye b+hi/ oM tsin+tA ma Ni/ oM a ni ro d+he/ oM dzi ti bi ra ba ra te/ oM sarba dz+nyA ne/ oM mahA rA ga d+harma te/ o bid+ya ka ba tse/ oM badzra
261b7 dr-i D+ha tsit+te hUM/ oM sarba ta thA ga ta/ oM swa b+hA ba bi shud+d+ha d+harma tA dz+nya na bi shud+d+he/ oM karma bi shud+d+he/ hUM sum+b+ha badzri Ni phaT/ oM karma rA ge /oM badzra badzri Ni/ oM hUM sarba d+harma ni/ oM
262a1 @#/ /hrIHoM a kA ro mu khaM/ oM pradz+nyA pA ra mi tA ye/ baM hUM/ oM aM/ oM sarba ta thA ga ta kA yA gre/ oM sarba ta thA ga tA b+ha bi shud+d+he/ oM sarba ta thA ga ta
262a2 tsit+ta badzra/ a/ de nas de bzhin gshegs pa thams cad kyi ngag gi phyar rgya ni dbyangs shin tu zab pa'i sgra dang ldan pa'i phyag rgya'i chos kyi ngag ste/ de bzhin gshegs pa
262a3 thams cad kyi ngag thogs pa med par 'grub pa'o/ /de nas bzlas pa ni rjes su dran pas so/ /bsgrub pa la de bzhin no/ /las la nye bar sbyor ba ni de bzhin gshegs pa
262a4 thams cad rjes su dran pas so/ /de bzhin gshegs pa thams cad kyi phyag rgya bcing ba'o/ /de nas rdo rje nyi ma me ltar 'bar ba'i phyag rgya bcing ba ni de la phyag rgya chen
262a5 po ni bdag nyid thams cad kyi rjes so/ /dam tshig gi phyag rgya'i rgyud ni rdo rje bsdams pa nang du bcings la sor mo thams cad kyi 'bar ba'i dkyil 'khor gyi nang mthe
262a6 bong gi rdo rje bzhag la khams gsum pa thams cad bsreg pa dang / 'tshed pa dang / thal bar byed par nus te bcom ldan 'das kyis kyang dbang du byed par 'gyur ro/ /
262a7 de nyid kyi g.yon pa'i sor mo sdigs mdzub bya zhing g.yas pa'i lcags kyus dgug par byas na thams cad dgug pa'o/ /rdo rje hUM mdzad kyi phyag rgya ni khro bo'i rdo rje khu tshur
262b1 gnyis pa'i rdo rjes mthe'u chung gi lcags kyus bcings te/ des bsdigs mdzub bya zhing las thams cad dang / dngos grub thams cad nyams su myong ba yin no/ /rdo rje thal
262b2 mos mdzub mo bcings la khro gnyer thur du gzhag par bya zhing me stag tu myur du 'phro zhing g.yo ba ni rdo rje khro gnyer ro/ /thams cad sreg par byed pa dang / thams cad 'dul
262b3 bar byed pa dang / rab tu 'dul bar byed pa ni khro gnyer gyi phyag rgya'o/ /rdo rje thal mo legs par bskor bas g.yon pa'i mdzub mo lcags kyu ste/ dgug pa dang / gzhug pa
262b4 dang / bsgrub pa thams cad la don yod pa'o/ /rdo rje pad+ma dbus mnyam pa'i kha 'bus kyi mdzod do/ /rdo rje pad+ma ni thams cad gcod par byed pa'o/ /rdo rje bsdams pa ni mthe bong
262b5 dang mdzub mo'i gdu bus g.yas pa'i hUM gis mdzub mo bzung ste/ thams cad dgug pa dang / gzhug pa dang / mchog tu grub pa'o/ /rdo rje hUM mdzad las byung ba ni g.yas pa'i
262b6 mdzub mos g.yon pa'i yi ge hUM bzung ba ste gzhu rgyud 'dren pa zhes bya ba thams cad rjes su chags par byed pa dang / 'bigs par byed pa'o/ /rdo rje bsdams pa las rdo rje hUM mdzad
262b7 kyi mchog go /rdo rje bsdams pa'i g.yon pa'i rdo rje khu tshur g.yas pa'i rtse gsum gyis mtshan pas yongs su bzung ba ste/ thams cad dral bar byed pa'o/ /rdo rje hUM mdzad kyis
263a1 @#/ /g.yas pa'i khu tshur gyi mthe'u chung yang dag par brkyang ba g.yon gyi lag pa'i steng du bzhag pa ni kha T+wAM ga sgreng ba ste/ gdug pa thams cad kyi
263a2 phyag rgya phye zhing dral bar byed pa dang / rgyas 'debs pa dang / gsod pa dang / za ba la sogs pa'i yo byad thams cad g.yas pas 'khor lo bzung ba'i tshul gyis gtod cing
263a3 dor ba ste/ thams cad gcod pa dang / gcod par byed pa'o/ /rdo rje chen po'i khro bo'i rdo rje'o/ /g.yas pa'i rdo rje 'bebs pa dang / sbyor ba spro zhing g.yo ba'i 'dab ma
263a4 can gyi ba dan gsum pa'o/ /rdo rje bsdams pa'i mthe bong dang / mdzub mo gnyis kyis rdo rje las byung ba'i srin lag mnyam par sbyar zhing mthe'u chung kha phye'o/ /dpal
263a5 thams cad byed pa dang / rnam par rgyal bar byed pa dang / gdug pa thams cad 'joms par byed pa dang / thams cad 'bebs par byed pa'o/ /rdo rje sems dpa'i dbang
263a6 bskur bshad pa'o/ /rdo rje'i rigs thams cad kyi ni /rdo rje thal mo mnyam byas la/ /mdzub mo gnyis kyis dar dpyangs bcing / /mthe bong srin lag rdo rje ni/ /yongs
263a7 su bskor te dbang bskur ro/ /'bar ba'i rdo rje rtse lnga pa phyag nas bzung bar bya'o/ /ci 'byor pas slob dpon la yon phul te dngos grub thams cad kyi mchog phun sum
263b1 tshogs pa rnams 'grub par 'gyur ro zhes bya ba bcom ldan 'das rdo rje sems dpas gsungs so/ /rdo rje phyag rgya rdo rje ti rin ti ri las 'byung ba ste/ don yod thams cad sgrub par
263b2 byed pa'o/ /de nas las kyi phyag rgya bzhi ni dam tshig gi phyag rgya'i lha mo rnams so/ /de nas bcom ldan 'das kyi las kyi dam tshig ni rdo rje khu tshur g.yon pas bsnyems pa thams
263b3 cad sgrub pa dang / g.yas pa'i rdo rje khu tshur gyis rdo rje gsor ba ste 'dis thams cad brgyal ba dang / 'bar ba dang / sreg pa dang / ltung ba dang / rgyas btab pa dang / gsad pa
263b4 dang / slong ba dang / khams gsum las rnam par rgyal ba dang / brtan pa dang / g.yo ba thams cad la nges par sbyor ba dang / dngos grub dang / mchog thams cad bsgrub
263b5 pa'o/ /de nas las kyi phyag rgya ni rdo rje khu tshur sdigs mdzub dang bcas pa'i mdzub mo ni khro bo'i rdo rje khu tshur ro/ /de dag gi las dam tshig gi phyag rgya'o/ /mdzub mo'i sor mo
263b6 gnyis kyis thams cad dgug pa'o/ /snying gar cig shos dang / g.yas pas gdug pa thams cad gcod pa'o/ /mkhrig ma'i mdud pas g.yas pa'i khro bo 'gugs pas
263b7 thams cad dgug pa dang / rab tu gzhug pa'o/ /gtod pa dang bcas pa'i mda' 'phangs pa'o/ /de bzhin du rdo rje rtse gsum pa la sogs pa'i rdo rje gar gyi sbyor bas rang gi phyag
264a1 @#/ /rgya gyen du 'phangs pa'o/ /las kyi dam tshig gi phyag rgya gyen du 'phangs pa'o/ /las kyi dam tshig gi phyag rgya gnyis su byas la rdo rje thal mo rnams
264a2 kyi las kyi phyag rgya ste/ rdo rje gar gyi sbyor bas rang gi dam tshig gi phyag rgya steng du dor ba ste/ thams cad las rgyas gdab pa dang / bsgrub pa dang / gsod pa dang / 'bebs pa
264a3 dang / 'tsho bar byed pa ni rdo rje gar gyi mchod pa'o/ /de nas ngag gi phyag rgya ni sprin gyi sgra sgrogs pa'i hUM yi ge hUM phra ba'i sgra dang bcas pa khro zhing gsal ba'i khro bo'i rdo rje ngag
264a4 go/ sgrub pa'i don bsgrub par bya'o/ /de nas ma grub na las kyi phyag rgya bcing ba'o/ /sgrub pa ni de bzhin du phyag rgya chen po lan cig tu bya ba'o/ /las la nges par sbyor ba ni
264a5 khro gnyer gyis so/ /rdo rje hUM mdzad las byung ba'o/ /ske tshe dang bcas pa'i til mar rnon po'i sbyin sreg ni g.yas pas so/ /de nyid kyis btang ba'o/ /de nyid kyis thams cad
264a6 'ching ba'o/ /g.yo ba med pa nyid do/ /gnyid log pa bstan pa'o/ /khro bo'i rdo rje lta ba'i sdigs mdzub bo/ /phyag rgya glod par gyur ba'o/ /mdzub mo gnyis yang dag par sbyar
264a7 nas phye ba'o/ /de dag nyid kyis gdu bu bcing ba'o/ /mche bas btsir ba'o/ /de nas dral ba'o/ /g.yas pas brdeg pa'o/ /mdzub mo gnyis kyis 'bar ba'o/ /g.yas pa'i
264b1 mdzub mo g.yon pa ltung ba'i tshul lo/ /mdzub mo gnyis kyi 'bar bar phye ba'o/ /gcod pa'o/ /mdzub mo gnyis kyis sor mo sbyar ba'i rtse mo gcod pa'o/ /lag pa gnyis drag tu
264b2 mnye ba'o/ /thams cad du sor mo thams cad dor ba'o/ /gcig char du phyag rgya dgrol ba'o/ /drang zhing g.yo bas sdigs mdzub bo/ /g.yas pa'i mdzub mo gdengs ka bskyod pas
264b3 sdigs mdzub bo/ /g.yas pa'i mdzub mo mche bas bzung ba'o/ /du ba dang / dgod pa dang / rgyud pa la sogs pas bstan pa'o/ /mdzub mo gnyis kyis se go la rdebs pa'o/ /g.yon
264b4 pa'i steng du g.yas pa nye bar gzhag pa'o/ /so la rab tu gzhag pa'o/ /bskyod par bya'o/ /gar bya ba'o/ /'byin pa'o/ /brlab par bya'o/ /thams cad du brlab par bya'o/ /ha har
264b5 dgod pa'o/ /bskor ba'i dgug par bya'o/ /drang bar bya'o/ /gtang bar bya'o/ /yongs su bskor nas nub par bya'o/ /de nas dor ba'o/ /myur du dor ba'o/ /de bzhin du kun nas 'dren
264b6 pa'o/ /de bzhin du gyen du drang ba'o/ /rang nyid kyis nga ro bya'o/ /ngu bar bya'o/ /bdag nyid la brdeg par bya'o/ /snying gar brdeg par sbyin par bya'o/ /rang nyid kyis rang gi skra 'bal
264b7 bar bya'o/ /sdang bar sdom pa'o/ /rang gi gos bstod par bya'o/ /khro bos de bzhin du 'bar ba ston pa'o/ /g.yas pas mdzub mo lcags kyu'o/ /de nyid kyis rab tu gzhug pa'o/ /
265a1 @#/ /g.yas pa'i se gol lo/ /g.yon pa'i se gol lo/ /lce reg pa ni mdzub mo gnyis kyis so/ /yan lag la ba spu g.yas su bskor bas 'khyil/
265a2 ba'o/ /ltung ba la sogs pa byed pa'o/ /dus su bsgom pa'o/ /khro bo'i lta bas shing drung rnams la yid kyis 'dod pa'o/ /de bzhin dus la'o/ /lte ba'o/ /smin ma'o/ /so'o/ /phu'o/ /
265a3 phyag rgyas brdeg pa'o/ /rgyal mtshan bsgreng ba'o/ /khro bo dang bcas pa'i 'jigs byed kyi lta bas so/ /mdzum pa med pas lta bas so/ /de bzhin du 'bar ba 'ching bas so/ /
265a4 phyag rgya bskor ba'o/ /gtsug tor las mdzub mo'i rdo rje gzhag par bya'o/ /de bzhin du snying gar ro/ /phyag rgya de dgrol ba'o/ /phyag rgya zur du bslang ba'o/ /mdzub mo'i rtse mo
265a5 brtan par sbyar ba'o/ /lta bas steng nas 'og tu ltung ba'o/ /'og nas gyen du 'dren pa'o/ /yi ge hUM khros pa'o/ /'jigs byed kyi lta bas so/ /rdo rje kha T+wAM ga dral ba khro bas so/ /
265a6 rdo rje snying gar bsgom pa'o/ /rdo rje rtse gsum dral ba'o/ /gdug pa'i dkyil 'khor gzhig par bya'o/ /yi ge hUM gis so/ /ha'o/ /g.yas su dbugs dbyung ba'o/ /de nyid
265a7 kyi dong rtse gsor ba'o/ /khro bo'i lta bas bzhin du'o/ /khu tshur g.yas pas mnan te g.yon pas so/ /bzung nas dgug par bya'o/ /dong rtse gsor ba ni gnyis kyis so/ /
265b1 g.yon pa'i dril bu dral ba'o/ /de bzhin du rdo rje hUM mdzad kyi g.yas pa'i khu tshur g.yon pa'i rdo rje khro pos mnan te/ mthe'u chung gi gdu bu dkrol ba'i khu tshur gyis 'phrog par
265b2 bya'o/ /g.yas pa'i dril bu dral ba'o/ /tshegs dang bral ba ltung ba ni yid kyis so/ /'khor lo dral ba'o/ /rtse gsum dral ba'o/ /rdo rje hUM mdzad kyi g.yon pa g.yas pa'i rdo rje
265b3 khu tshur gyis mnan te/ de bzhin du gdu bu bkrol bas 'phrog par bya'o/ /rdo rje dang / byang chub sems dpa' dang / de bzhin gshegs pa thams cad dang / rdo rje 'chang chen po
265b4 rjes su dran pas mdun du bsgrub par bya'o/ /rdo rje khro bo rgyal po'i phyag rgya'i rgyud do// //de nas 'phags pa spyan ras gzigs dbang phyug gi phyag rgya'i rgyud ni pad+ma
265b5 chen po rdo rje'i thal mo kha spub pa dbu ma dang / mthe bong dang / mthe'u chung kha phye ba'i 'dab ma bzhin pa chos nyid thams cad thob pa dang / thams cad rjes su chags par byed
265b6 pa'o/ /phyag rgya chen po rnams ni de bzhin no/ /dam tshig phyag rgya rdo rje pad+ma bshad pa'o/ /pad+ma'i rigs rnams kyi rdo rje bsdams pa las byung ba'o/ /de la pad+ma de bzhin
265b7 gshegs pa rnams ni nang gi rdo rje bsdams pa las byung ba'o/ /de bzhin gshegs pa'i pad+ma pang par gyen du kha phye ba lta bu'i ting nge 'dzin gyi ming can gyi phyag rgya pad+ma'i
266a1 @#/ /spyan zhes bya'o/ /rdo rje pad+ma chen po'i rdo rje pad+ma snying gar rdo rje bcing ba rdo rje pad+ma'i chags pa zhes bya'o/ /pad+ma chen po'i bdag po'i mdzub mo mnyam pa
266a2 'og tu kha lta ba pang bar bzung ba pad+ma'i sgrol ma zhes bya ba'i phyag rgya'o/ /pad+ma chen po'i ba dan rin po che gnyis bzung zhing des pad+ma sbyin pa'o/ /'di rnams kyi chos nyid thams
266a3 cad las thob pa dang / thams cad rjes su chags pa dang / srid pa'i sdug bsngal gyi tshogs thams cad las sgrol ba dang / bsam pa thams cad yongs su rdzogs pa'i
266a4 shin tu grub pa zhes bya'o/ /rdo rje rtse gsum dral ba'o/ /de nas pad+ma'i lha'i bdag po rnams kyi phyi rol gyi bsdams pa las byung ba'o/ /de la don yod pa'i rgyal po ni 'og tu
266a5 mdzub mo gnyis kyi kha 'bus pa khro gnyer la gzhag par bya ste/ pad+mo'i khro gnyer gyi spyan no/ /rdo rje bsdams pa kha gyen du 'bar ba ni mgrin sngon gyi'o/ /g.yon pa'i mdzub
266a6 mo bkug pa mthe bong yongs su bzung ste/ dung gi dbyibs de g.yas pa'i mthe bong bsgreng ba bteg ste/ mthe'u chung mnyam pa'i kha 'bus pa'i pad+ma dang / sor mo lhag
266a7 ma yang dag par brkyang ba'i 'khor lo ni khyab 'jug ma'o/ /pad+ma las byung ba'i mdzub mo gnyis bkug pa'i lcags kyu dang / sor mo lhag ma kha phye ba'i pad+ma las byung
266b1 ba'i zhes bya bya'o/ /rta mgrin gyi ni mdzub mo gnyis shin tu sbyar ba'i lcags kyu rgod ma'i kha shin tu rab tu brkyang ba'i srin lag gi rtse mo dang / mthe'u chung dang gnyis rab tu
266b2 brkyang ba so sor phye la g.yon g.yo zhing bzung ba ni pad+ma'i lcags kyu zhes bya ba'o/ /'di rnams kyis dbang bskur ba thams cad dang / las thams cad dang / grol ba thams
266b3 cad dang / dgug pa thams cad kyi dngos grub don yod pa'o/ /de bzhin gshegs pa'i sku mchog gi ting nge 'dzin gyi phyag rgya bshad pa'o/ /de nas las kyi phyag rgya ni kha T+wAM ga
266b4 bcings nas pad+ma'i rigs thams cad kyi dam tshig gi phyag rgya ji lta ba bzhin du gzung bas so/ /ngag gi ting nge 'dzin gyis gzungs dgug pa ni chos kyi ngag gis bzlas pa'i
266b5 don shes pa'o/ /pad+ma chen po bcings nas yid kyis sbyin sreg bya'o/ /sems kyis zhi bar bya'o/ /dngos po bsrung bar bya'o/ /rnam par sbyang bar bya'o/ /zhes bya ba bsgrub par
266b6 bya'o/ /las thams cad pa'i phyag rgya'i tshogs so/ /'phags pa spyan ras gzigs dbang phyug gi phyag rgya'i rgyud do// //de nas nam mkha'i snying po'i phyag rgya chen po
266b7 de bzhin no/ /dam tshig gi ni phyag rgya rdo rje rin chen te mthe bong dang / mdzub mo'i sor bzhi'i rtse mo bsnyams nas 'og tu rab tu bsdus te/ /dbang bskur ba'i rdo rje thal
267a1 @#/ /mos dbang bskur ba thams cad thob pa'o/ /des ji lta ba bzhin du dbang bskur ba'o/ /rdo rje de nyid snying gar ro/ /gyen du kha blta ba'o/ /de nyid khu
267a2 tshur ro/ /khu tshur spyi bor bzhag la me tog la sogs pa'i mchod pa dbul bar bya'o/ /'di nyid dbus su bzhag nas las kyi phyag rgyar gzung ba'o/ /dbang bskur ba thams
267a3 cad kyi rin po che'i gter gyi mchod pa thob pa'i don du yang dag par rdzogs pa'o/ /bcom ldan 'das kyi las kyi dam tshig ni gsal ba yongs su rdzogs par byed pa'o/ /g.yon
267a4 pa'i khu tshur snying gar bstod nas g.yas pa nor sbyin pa bkrol ba'o/ /nor bu'i khu tshur gyi phyag rgya'i nyid kyis so/ /snying po'i ngag klu'i rgyal pos bzla ba ste bka' bsgo zhing de
267a5 bzhin du las la nye bar sbyor ba'o/ /gal te ma grub na dbang bskur bar gnas pa'i rdo rje rin chen gyis nam mkhar las thams cad kyi bka' bsgo ba'o/ /chos kyi phyag rgya
267a6 thams cad kyi tshogs ni 'di'o/ /don yod thogs med grub pa dang / /las kyi tshogs ni sgrub pa dang / /ngag gi phyag rgya'i bka' bsgo ba/ /thams cad myur du mkha' las
267a7 byung / /zhes bya ba bcom ldan 'das rdo rje sems dpas gsungs so/ /dbang bskur ba thams cad kyi cho ga rgyas pa'o// //de nas phyi'i rgyud ni phyag rgya chen po ni
267b1 g.yon par kham phor dang g.yas na mda' gtod pa'o/ /de rnams kyi dam tshig ni 'jug pa la bya ste/ lag pa gnyis kyi mthe bo dang / mthe'u chung gi gdu bus lu gu rgyud bcing
267b2 bar byas la mdzub mo dang / dbus ma dang / srin lag bsnyams te rtse gsum pas mtshan pa ni ming po rnams kyi'o/ /ji lta ba bzhin du bzung bas lha mo rnams kyi'o/ /rdo rje
267b3 bsdams pa'i dbus ma dang / srin lag gis sor mo'i rtse mo bzhi la mdzub mo dang / mthe'u chung bzhi'i rtse mo 'dus pa ni lha mo rnams kyis 'da' bar dka' ba'i dam tshig go /
267b4 sring mo bzhi'i dkyil 'khor gyi phyag rgya'o/ /gang gi tshe dkyil 'khor gyi brtag par ma nus na de'i tshe 'di bcings te bltas na dkyil 'khor brtag pa dang / mthong ba dang / mchod
267b5 pa ci dgar 'grub par 'gyur ro/ /gdengs ka can gyi dbang po rnams kyi ni mthe bong bcings nas phyi rol tu kha bltas pa'i sor mo'i gdengs ka sgreng ba ste/ klu thams cad dgug
267b6 pa dang / gzhug pa dang / bcing ba dang / dbang du bya ba'i dam tshig ste/ gal te 'da' bar byed na 'chi bar 'gyur ro/ /lto 'phye lag pa ste thams cad sgrub par byed pa'o/ /
267b7 dbus ma srin lag bzhi'i mdud pa legs par byed pa'i sbyor bas nye bar gtod cing bsdus la mthe'u chung gnyis kyi rtse mo gnyis kyis brdeg par bya ste/ nye bar 'phel ba dug
268a1 @#/ /thams cad 'bar ba'o/ /kun nas bsdus na dug thams cad 'ching ba'o/ /'di nyid kyis dug thams cad bza' ba dang / 'pho ba dang / dug med
268a2 par bya ba'o/ /gdug pa'i dkyil 'khor ni rdo rje khu tshur gyis bzung ba'i rdo rjes khros nas myur du gzhig par bya'o/ /phyi'i phyag rgya'i rgyud do// //de nas bcom ldan 'das
268a3 thams cad mchog dbang phyug dam pa sna tshogs pa'i phyag rgya ni/ /rdo rje thal mo mnyam gzhag nas/ /ba dan gsum ni yongs su bzung / /rdo rje khyab 'jug ces bya ba/ /dor na
268a4 thams cad gcod par byed/ /rdo rje 'khor lo'i phyag rgyas nyon mongs pa'i dgra thams cad kyi mgo rnams bcad nas mchog tu byung ba thams cad grub pa'o/ /mthe'u chung mthe
268a5 bong dang sprel ba'i/ /lag gnyis steng dang 'og tu ni/ /dbus ma gsum gyi rtse gsum mtshan/ /rdo rje 'dzin ma zhes sgrub pa'o/ /rdo rje dam tshig phyag rgya rdo rje gtum pa'i dbang
268a6 phyug ma zhes bya ba don yod pa'i dam tshig go /rdo rje pad+ma mnyam gzhag nas/ /gang der ci bzhin de bzhin du/ /shin tu thob dka'i sangs rgyas kyang / /bsgrub pa bzlas pas
268a7 sgrub par byed/ /rdo rje chos nyid ces bya ba'i phyag rgya sgrol ma'o/ /mdzub mo bsdams pa'i phyi rol dgug /mthe bo rdo rje bkab pa ste/ /rdo rje chen po'i nor bu ster/ /zhes
268b1 bya ba ni rdo rje nor bu zhes bya ba'i phyag rgya'o/ /de nas thams cad kyi dbang phyug dam pas bsgrubs pa'i dngos grub thams cad kyi tshogs kyi phyag rgya'i rgyud ni 'di yin te/ /de la dang
268b2 por re zhig dang po'i dngos grub brgya rab tu sgrub par byed pa'i phyag rgya rab tu sgrub par byed pa'i phyag rgya chen po stong du 'gyur te/ ci lta ba bzhin du dam tshig phyag rgya mtshan rnams
268b3 kyis lag pa g.yas pa dang / g.yon pa dag gi rdo rje chen po'i sbyor bas las thams cad kyi dngos grub sgrub par byed pa'i stong pa nyid du 'gyur te/ rdo rje bsdams pa nang du
268b4 bcings pas so/ /de ltar rang gi phyag mtshan gyi khu tshur rdo rje gar las byung ba'i phyag rgya stong dang po'i las kyi tshogs brgya sgrub par byed pa'i rdo rje las byed pa gsum mo/ /de
268b5 ltar lag pa g.yas pa dang / g.yon pa'i gcig shos kyis las thams cad rab tu sgrub par byed pa'i las kyi phyag rgya stong bzhi pa'o/ /de ltar ma lus pa'i phyag rgya bcing
268b6 ba ni lag pa gcig gis phyag rgya thams cad bcing ba rab tu sgrub pa'o/ /de ltar 'gro ba don kun tu/ /'khor dang dam tshig las dang bcas/ /kun mchog dbang phyug dam pa ni/ /
268b7 rdo rje sems dpas sgrub par mdzad/ /de ltar gsang ba rgya chen rmad du byung / /mchog tu 'gro ba thams cad sbyong byed pa/ /mchog dang po yi bla ma bla na med/ /gsal ba'i rgyud ni nga
269a1 @#/ /yis yang dag bshad/ /dpal mchog dang po'i rtog pa'i rgyal po las/ rigs thams cad kyi phyag rgya'i rgyud do// //de nas ston pa
269a2 rdo rje 'dzin/ /gsang ba kun gyi bdag brtan pas/ /de nyid phyag rgya'i rgyud chen po'i/ /mtshon cha dam pa 'di gsungs so/ /de nas bcom ldan 'das rdo rje sems dpa'i rtog pa
269a3 thams cad kyi gsang ba'i dkyil 'khor gyi rtog pa'i tshogs mchog tu mkhas shing phra ba/ rgya che la zab pa/ bsam gyis mi khyab pa/ tshad med pa/ gsal zhing mnyam pa
269a4 med pa/ bla na med pa'i bla ma/ mthar thug pa med pa'i dngos grub kyi gsang ba bsgrub pa ma lus shing lus pa med pa'i dngos grub thams cad kyi las rnams sgrub pa po
269a5 don yod cing thogs pa med pa bshad par bya'o/ /zhes bya ba bcom ldan 'das mchog tu gsang bas gsungs so/ /ma mchu so rnams kyis bzung la dga' ba chen pos
269a6 dang po'i rdo rje'i lta bas blta zhing byed pa dag gis ma lus shing lus pa med pa'i dngos grub thams cad kyi las kyi tshogs rnams sgrub par byed pa'o/ /bde ba chen
269a7 po'i gsang ba chen po'i rdo rje rdo rje can zhes bya ba'i phyag rgya'o/ /de bzhin gshegs pa thams cad kyi bzhad pa chen pos dgod cing brtan pa'i rdo rje lta bu'i byed pa dag
269b1 gis de bzhin gshegs pa thams cad kyi las rnams sgrub par byed pa ste/ de bzhin gshegs pa thams cad kyi spyan zhes bya ba'i phyag rgya'o/ /khro gnyer dang bcas pa/
269b2 khro bo'i rdo rje lta ba dang bcas pa'i byed pa dag /sna'i dbugs chen po'i yi ge hUM gis rdo rje thams cad kyi dngos grub ste/ rdo rje nyi ma ltar me 'bar ba'i lta ba'i spyan zhes bya ba'i
269b3 phyag rgya'o/ /de bas cung zad 'dzum pas dngos grub thams cad kyi las kyi ye shes kyi rdo rje lta ba'i byed pa rnams kyis mchu mnyam pa'i ting nge 'dzin rdo rje la sogs pa'i dngos
269b4 grub thams cad kyi las kyi ye shes kyi tshogs rnams sgrub par byed pa ste/ pad+ma chen po'i spyan zhes bya ba'i phyag rgya'o/ /bsnyems pa dang bcas pa'i ting nge 'dzin gyis phra bar 'dzum
269b5 pa'i lta ba'i byed pa rnams dang / bzhin mdzum pa dang bzhad pas nam mkha' la dngos grub thams cad kyi las kyi tshogs sgrub par byed pa ste/ rdo rje chen po ni nor bu'i spyan zhes
269b6 bya ba'i phyag rgya'o/ /don yod thogs med grub pa dang / /bden pa'i bdag nyid 'jig pa med/ /sangs rgyas kun dang bdag nyid kyang / /gsang ba'i phyag rgya legs grub stsol/ /
269b7 dkyil 'khor du ni ma zhugs kyang / /de nas de phyir mchog dang po/ /bcom ldan rdo rje sems dpa' mchog /dang po shin tu mkhas shing phra la zab cing rgya che ba bsam gyis
270a1 @#/ /mi khyab pa ste/ /mchog gi mchog ni dang po dang / /mchog tu gsang ba dam pa ste/ /'dzum pa'i phyag rgya la sogs tshogs/ /rdo rje sems dpas
270a2 gsungs pa yin/ /rdo rje 'chang chen slob dpon ni/ /mchog tu dang zhing rab dga' bas/ /snying po la sogs rnams med kyang / /myur du thams cad sgrub par byed/ /snying
270a3 po phyag rgya sngags rig pa/ /sgrub pa 'di ni rmad byung ste/ /dngos grub thams cad rab sgrub pas/ /ma grub rnams kyang 'grub par 'gyur/ /gang zhig grub par ma gyur dang /
270a4 bsod nams phun tshogs mi ldan na/ /bdag nyid dam ni rdo rje sems/ /bsgrubs na de ni myur du 'grub/ /gal te rdo rje sems dpa' mchog /snying po sogs dang nye
270a5 snying pos/ /bsgrub pa byas kyang ma grub na/ /'dzum pa'i phyag rgyas bsgrub par bya/ /de phyir gsang ba'i btsun mo 'di/ /rdo rje sems dpas rab dga' byed/ /rdo rje sems
270a6 dpa' dga' ba che/ /dgyes pa de yis myur du 'grub/ /de nyid chen po 'di grub pa/ /dam pa mchog gi bdag nyid ni/ /gsang ba mchog tu bsod nams ldan/ /so
270a7 so'i skye bo la brjod min/ /de nyid grub pa'i rjes 'brang ba'i/ /rdo rje sems dpa'i grub pa gang / /gal te dngos grub mchog 'dod na/ /de bzhin gzhan la sbyin mi
270b1 bya/ /gang gis grub par ma gyur na/ /de la de nyid sbyin par bya/ /de nyid 'dzum pas myur du ni/ /bdag byin brlabs pas 'grub par 'gyur/ /de nyid chen po dag pa 'di/ /rdo rje can gyi
270b2 mtshon cha mchog /phyag rgya'i rgyud ni bla med pa/ /mchog tu gsang ba bshad pa yin/ /de nyid dad pa'i rjes 'brang ba'i/ /rdo rje slob dpon kun mchog la/ /gal te dngos grub
270b3 mchog 'dod na/ /gzhan rnams la yang de bzhin sbyin/ /phyag rgya'i rgyud ni gcig pu 'di/ /bdag nyid gang la yod gyur na/ /bdud la sogs pa rnams kyis ni/ /mi thub pa
270b4 dang mi sod 'gyur/ /de la rgyal ba rdo rje 'dzin/ /kun mchog dngos grub kun gsol ba/ /kun gsol kun byed thams cad du/ /bka' bsgo ba kun grub par 'gyur/ /dpal
270b5 mchog dang po gsang ba'i bla ma dam pa'i dpal rang gi dam tshig gi bla na med pa'i mchog tu gsang ba'i phyag rgya'i chog ga'o// //de nas bcom ldan 'das dpal
270b6 mchog dang po rdo rje sems dpa'i mchog dang po mchog tu mkhas shing phra la zab cing rgya che ba bsam gyis mi khyab la mtha' med cing shin tu mtha' yas pa tshad med cing gzhal
270b7 du med pa/ bla na med pa/ don yod cing thogs pa med pa'i mchog gi de kho na nyid kyi snying po mchog tu gsang ba'i snying po mchog tu gsang ba zhes bya ba thams cad kyi mchog
271a1 @#/ /gi dngos grub chen po'i bdag po nyid la sogs pa'i dngos grub thams cad kyi las kyi tshogs mchog tu mi 'gyur ba'i dam pa bla na med pa'i
271a2 gsang ba dang / rab tu dga' ba thams cad dang / bde ba dang / yid bde ba'i dngos grub kyi mchog sgrub par byed pa dang / mchog gi phyag rgya'i rgyud bshad par bya'o/ /zhes
271a3 bcom ldan 'das rdo rje sems dpas gsungs so/ /tsum pa na dang / 'khyud pa la sogs pa'i bcom ldan 'das mchog dang / rdo rje sems dpa'i phyag rgya thams cad ni dga'
271a4 ba chen po dpal rdo rje don yod pa'i dga' ba'i dam tshig rnal 'byor zhes bya ba ste thams cad rnal 'byor zhes bya bar gang brjod pa'o/ /de gang dang / gang la nye bar sbyor
271a5 ba de dang / der bcom ldan 'das ni/ /kun mchog dngos grub chen po yi/ /dbang phyug chen po lhag pa'i lha/ /byin rlabs mchog ni brtags mdzad nas/ /rdo rje sems
271a6 dpa' myur du grub/ /tsum pa na dang / 'khyud pa la sogs pa'i reg bya'i rgyas btab pa tsam gyis kyang ma lus shing lus pa med pa dang / lhag ma med pa thams cad kyi
271a7 mchog dbang phyug chen po'i bdag nyid la sogs pa'i dngos grub thams cad kyi las kyi tshogs yid kyis 'dod pa grub par byed pa yin no/ /zhes bya ba shin tu mchog
271b1 tu gsang ba'i phyag rgya'o/ /rnam par 'phrul ba dang bcas pa'i 'dzum zhing g.yo ba'i mig gi zur gyis lta ba'i phyag rgya ste/ /bcom ldan 'das kyi dga' ba chen po'i rdo rje don
271b2 yod pa'i mda' zhes bya bas rgyas btab pas thams cad rjes su chags pa dang / dgug pa dang / dbang du bya ba dang / dngos grub mchog la sogs pa'i dngos grub thams
271b3 cad kyi las kyi tshogs yid kyis 'dod pa rnams sgrub par byed pa'o/ /'dzum zhing chung zad phye ba'i mig gi lta ba ni mchog tu dga' ba'i dpal rdo rje spyan zhes bya'i phyag rgya
271b4 thams cad sgrub par byed pa ste 'dis lta zhing btung bar bya'o/ /'di ni bcom ldan 'das kyis rab tu dga' ba chen po dpal rdo rje don yod dga' ba'i bcud kyis len gyi
271b5 mchog gi dngos grub ces bya ba'i phyag rgya ste/ tshe zad pa thams cad kyang 'dis rdo rje sems dpa'i na tshod gzhon pa dang / nad med pa dang / gzugs dang / stobs dang / gzi
271b6 brjid kyi stobs dang / spro ba dang / dngos grub kyi mchog thams cad dang / dpal dang / skal pa bzang po dang / dga' ba chen po dang / shin tu bde ba thams cad dang yid
271b7 bde ba dang / dngos grub kyi mchog thob pa ste/ ji srid dngos grub kyi mchog thams cad kyi las kyi tshogs mchog tu dam pa grub ste/ bcom ldan 'das yum gyi rgyas
272a1 @#/ /btab pa tsam gyis skad cig ma gcig gis grub pa'o/ /bsnyems pa dang bcas pa'i g.yon pa'i mig dgod cing gtod pa ni/ bcom ldan 'das
272a2 dgyes pa chen po'i dpal rdo rje don yod pa'i dga' ba'i rgyal mtshan mchog gi dpung rgyan zhes bya ba'i phyag rgya ste/ 'dis rgyas btab pas thams cad las rnam par
272a3 rgyal par byed pa dang / phyag byed du bcug pa dang / rab tu sgrub par byed pa dang / ji srid mchog thams cad grub cing dngos grub chen po'i dbang phyug nyid rab tu sgrub
272a4 par byed pa'o/ /sgeg pa dang bcas pa'i lta ba dang / 'dzum pa dang / gsod zhing phyag 'tshal ba dang ldan pa ni bcom ldan 'das kyi phyag rgya phyag 'tshal ba'i phyag rgya ste/
272a5 dga' ba chen po dpal don yod pa'i dbang phyug gi ki li ki la zhes bya ba'i phyag rgya ste/ 'dis rdo rje sems dpa' la sogs pa'i brtan pa dang / g.yo ba'i dngos po
272a6 thams cad la rgyas btab pas 'dud par gyur nas dngos grub mchog thams cad la sogs pa'i dngos grub thams cad kyi las kyi tshogs kyi mchog gi dam pa'i
272a7 dngos grub kyis 'grub par 'gyur ro/ /rnam par 'phrul pa dang sgeg pa dang bcas pa'i 'dzum pa'i zhal nyid ni bcom ldan 'das mchog dang po rdo rje sems dpa'i
272b1 dga' ba chen po'i dpal rdo rje don yod dga' bas rnam par 'phrul pa brtson ba zhes bya ba mchog tu gsang ba'i rdo rje 'dzum pa'i phyag rgya ste/ 'dis bcom ldan 'das rdo rje
272b2 'dzin pa thams cad kyi slob dpon mchog dang po'i glu ni/ /kun mchog dngos grub chen po ni/ /dbang phyug chen po lhag pa'i lha/ /rdo rje 'dzin kun rgyal po ste/ /mi 'gyur mchog
272b3 ni 'grub par 'gyur/ /rnam par 'phrul pa dang bcas pa'i sgeg pa'i 'dzum pa'i phyag rgyas rgyas btab pa tsam gyis thams cad kyi dngos grub chen po'i dbang phyug chen po'i
272b4 bdag po nyid la sogs pa'i dngos grub thams cad las kyi tshogs yid kyi 'dod pa rnams grub par byed do/ /sarba ku ru ya thA su khaM zhes bya ba brjod de/ /de bzhin gshegs
272b5 pa thams cad kyi gsang ba theg pa chen po'i mdo sde'i dbang po'i rgyal po bcom ldan 'das phyag na rdo rje de bzhin gshegs pa thams cad kyi phyag rgya ste/ de bzhin gshegs
272b6 pa thams cad kyi theg pa chen po mngon par rtogs pa'i gsang ba'i rdo rje byin gyis brlabs pa zhes bya ba 'di rang bzhin gyis 'od gsal ba'i phyir/ chos thams cad rnam
272b7 par dag pa la sogs pa ma lus shing lus pa med pa'i de bzhin gshegs pa thams cad kyi chos nyid thob pa'i ye shes dang / mngon par shes pa dang / mchog gi
273a1 @#/ /dngos grub la sogs pa'i dngos grub thams cad kyi las tshogs rnams sgrub par byed pa'o/ /rnam par 'phrul ba dang bcas pa'i 'dzum zhing
273a2 smin ma'i khro gnyer rdo rje lta ba'i phyag rgya ni bcom ldan 'das kyi khro bo ki li ki la zhes bya ba'i phyag rgya ste/ 'dis rgyas btab pas rdo rje sems dpa' la sogs pa'i brtan
273a3 pa dang g.yo ba'i dngos po thams cad rjes su chags pa dang / dgug pa dang / dbang du bya ba dang / 'bebs pa dang / gzhug pa dang / gar dang / glu dang / rnam par
273a4 'phrul pa ston pa dang / bden ngag thams cad dang / grol ba dang / pra dbab pa thams cad bsgrub pa dang / sgyu ma thams cad dang / rmad du byung ba thams cad so sor
273a5 ston pa dang / sna tshogs pa'i gzugs thams cad kyis bya ba ston pa dang / thams cad la rgyas btab pa dang / gnod pa dang / gdul ba dang gsod pa dang / thams
273a6 cad phyir 'dren pa dang / thams cad sgrub pa dang / mchog gi dngos grub la sogs pa gzhom du med pa'i dngos grub thams cad kyi las kyi tshogs rnams sgrub par
273a7 byed pa'o// //thams cad dag pa'i ting 'dzin gyis/ /thams cad mnyam pa nyid kyi gzugs/ /sna tshogs pa yi bya ba la/ /rab 'jug mchod pa byin
273b1 gyis brlab/ /rdo rje pad+ma zhes bya ba ni/ /bcom ldan 'das 'phags pa spyan ras gzigs kyi dbang phyug gi phyag rgya ste/ thams cad rnam par sbyong ba dang / srung ba dang / yongs
273b2 su sbyong ba dang / rims thams cad dang / dug dang / sbyar ba'i dug dang / gdon dang / nad dang mkha' 'gro ma'i phyag rgya nye bar zhi ba dang / shi ba yang dag par gso ba
273b3 dang / dbang phyug thams cad thob pa dang / gzugs sna tshogs pa'i bya ba thams cad la rab tu 'jug pa la sogs pa'i don grub pa'i dngos grub mtha' yas pa de bzhin
273b4 gshegs pa thams cad kyi ting nge 'dzin gyis rab tu byed pa'o/ /nam mkha' phra bar bskyod pa dag gis rol zhing rnal 'byor thams cad kyis rjes su chags par bya ste/ 'di
273b5 la bcom ldan 'das nam mkha'i snying po'i rdo rje byin gyis brlabs pa zhes bya ba'i phyag bya ba'i phyag rgya ste/ 'dis rgyas btab pas bcom ldan 'das rjes su chags shing
273b6 dgyes pa dang / brtan par rjes su chags nas nam mkha' thams cad kyi bdag nyid kun gyis dngos po nyid kyi phyir bsam pa thams cad yongs su rdzogs pa dang / mchog
273b7 gi dngos grub la sogs pa'i dngos grub thams cad kyi las kyi tshogs yid la 'dod pa rnams sgrub par byed pa'o/ /zhes bya ba yang gsungs so/ /mchog dang po
274a1 @#/ /ni mchog nyid du/ /gsang ba dam pa gsungs pa yin/ /mig sogs phyag rgya rgyas btab pa'o/ /rdo rje sems dpas gsungs pa yin/ /rdo rje
274a2 kun 'dzin slob dpon gyi/ /tsum pa na dang 'khyud sogs kyis/ /thams cad rnal 'byor rjes bsgrub ste/ /myur du kun la rgyas gdab bya/ /snying po phyag rgya sngags rig pa'i//
274a3 sgrub pa 'di ni rmad byung ste/ /grub pa med pa rnams la yang / /dngos grub thams cad rab sgrub byed/ /gang la dngos grub med gyur dang / bsod nams phun tshogs med
274a4 pa yang / /bdag nyid rdo rje sems dpa' 'am/ /rgyas gdab myur du 'grub par 'gyur/ /gal te rdo rje sems dpa' mchog /snying po la sogs nye snying pos/ /bsgrub bya
274a5 grub par ma gyur na/ /tsum pa sogs kyis rgyas gdab bya/ /gang phyir gsang ba'i phyag rgya ni/ /dngos grub kun gyi bde dam pa/ /rdo rje sems dpa'i mchod pa mchog
274a6 de yis myur du 'grub par 'gyur/ /de nyid chen po 'di grub pa/ /mchog gi bdag nyid dam pa ste/ /mchog tu gsang ba bsod nams ldan/ so so'i skye bo la brjod min/ /
274a7 rdo rje slob dpon slob ma mchog/ /de nyid dad pa'i rjes 'brang la/ /gal te dngos grub mchog 'dod na/ /sbyin te gzhan la sbyin mi bya/ /phyag rgya'i rgyud 'di 'ba' zhig
274b1 gi /bdag nyid gang la yod gyur na/ /bdud la sogs pa thams cad kyis/ /mi thub pa dang sod mi 'gyur/ /de nas rgyal po rdo rje 'dzin/ /kun mchog dngos grub kun stsol ba/
274b2 thams cad mdzad cing thams cad mkhyen/ /thams cad sgrub par mdzad pa yin/ /zhes bya ba bcom ldan 'das rdo rje sems dpas gsungs so/ /dpal mchog dang po las/
274b3 mchog tu gsang ba zhes bya ba'i phyag rgya'i rgyud phyag rgya bcu pa rdzogs so// //de nas mchog tu mkhas shing phra la zab cing rgya che ba bsam gyis mi khyab pa shin
274b4 tu mtha' yas pa tshad med cing gzhal du med cing brjod kyis mi lang zhing rab tu khyab pa mchog tu grub pa zhes bya ba'i phyag rgya'i rgyud bshad pa'o/ /zhes bya ba bcom ldan
274b5 'das mchog tu grub pa'i rdo rjes gsungs so/ /de la phyag rgya bcu ni bdag nyid thams cad bskyed par byed pa'o/ /rdo rje sems dpa'i phyag rgya chen po'i bde ba chen po'i rdo rje
274b6 don yod pa'i dam tshig las byung ba'o/ /sngon du dang po'i dngos grub thams cad mchog la sogs pa'i dngos grub thams cad kyi las kyi tshogs myur du sgrub par byed pa ste/ de
274b7 la 'di ni sku'i phyag rgya ste ba dan gsum pa dang / kha T+wAM ga'i phyag rgya bcings nas g.yon ba dril bu dang bcas shing g.yas pa bslang ba'i tshul du byed pa ste/ sgeg pa dang
275a1 @#/ /bcas pa'i mdzub mo la sogs pa bkrol ba'i gar gyis rdo rje 'dod pa'i dbang phyug ma gtod ba ste/ thams cad kyi mchog dngos grub chen po dbang
275a2 phyug chen po'i mchog gi phyag rgyas dga' ba chen po'i dpal rdo rje don yod pa'i dgyes pa'i dam tshig dngos grub kyi rnal 'byor gyi dbang phyug ma zhes bya ba ste/ des rdo rje
275a3 bsnyems ma yongs su btang bar byas na dngos grub bzhir 'gyur ro/ /rdo rje bsnyems ma de nyid kyis rgyas btab na thams cad kyi mchog gi dngos grub chen po'i dbang phyug
275a4 chen po'i bdag nyid mi 'gyur ba'i mchog go /mda' gsor bas rgyas btab na rdo rje lha mo rnams kyang rjes su chags par byed na bud med gzhan rnams lta smos kyang ci
275a5 dgos/ rdo rje ki li ki las rgyas btab na lha dang / lha ma yin gyi bud med thams cad kyi bud med thams cad rol bar byed cing ma grub na yang thams cad sgrub par nus
275a6 pa yin no/ /chu srin gyi rgyal mtshan sgreng ba'i phyag rgya 'dis thams cad las rnam par rgyal ba dang / gsod pa'o/ /rdo rje 'dod pa'i dbang phyug mas yongs su dgod cing
275a7 phreng ba dor ba'i sngags dang / phyag rgyas btab pa tsam gyis 'dod pa thams cad kyi dbang phyug thob pa'o/ /mchog tu gsang ba'i ras ris kyi phyag rgya ci lta ba bzhin du
275b1 brjod par bya'o/ /bde ba chen po rdo rje don yod pa'i dam tshig gi mchod pas rab tu dga' ba la sogs pa'i mchod pa thams cad thob pa mi zad pa'o/ /rdo rje gtod pa'i phyag
275b2 rgyas srid pa gsum thams cad bskyod pa dang / dbang tu byed pa'o/ /rdo rje hUM mdzad kyi phyag rgya dang / rkang pas lha'i gzugs brnyan mnan cing rgyas btab nas sdigs mdzub byas
275b3 te/ lha la sogs pa'i sems can de dang de ring por mi thogs par rgyas btab pas bka' bsgo ba thams cad dang las rnams byed par 'gyur ro/ /stan mthon po la skyil
275b4 krung phyed pas 'dug ste/ rkang pa g.yon pas rdo rje sems dpa'i gzugs brnyan yang mnan nas rdo rje gsor zhing rdo rje sems dpa' mnan nas/ dngos grub yid du 'ong ba
275b5 thams cad dang phun sum tshogs pa rnams nyams su myong na lha la sogs pa'i sems can rnams lta smos kyang ci dgos/ /g.yon pa'i rdo rje khu tshur gyis rang gi rtags
275b6 bzung nas g.yas pa rdo rje la sogs pa gtod pa'i tshul gyis 'dzin cing / yid la 'dod pa'i lha'i bu mo thams cad la rgyas 'debs shing stobs kyis rol bar byed
275b7 pa'am/ sgrub par byed pa ste rdo rje sems dpa'i phyag rgya chen po'o/ /de nas dam tshig gi phyag rgya ni bde ba chen po rdo rje don yod pa'i dam tshig las byung ba ni bcu ste
276a1 @#/ /snying gar sen mo 'drud pa'o/ /lcags kyu brdeg pa'o/ /g.yon pa'i lcags kyu la g.yas pa de gzhug pa'o/ /lcags kyu'i rtse mo btsir ba'o/ /
276a2 phan tshun sems brud pa'i snying gar byas pa'o/ /lce mnyam par byin pa'o/ /snying gar rdo rje brtan par rab tu bzhag pa'o/ /rdo rjes byab pa'o/ /rtse ba'i phyag rgya yang ngo / /'di
276a3 rnams kyi dngos grub dang / phun sum tshogs pa dang / bde ba dang / phyag rgya dang / dam tshig dang / dkyil 'khor dang / chos dang / ye shes dang / las dang / bde
276a4 ba chen po thams cad kyi dngos grub rnams don yod par thob par 'gyur ro/ /de nas gsang ba'i dam tshig gi rdo rje bsdams pa las byung ba'i las bcu ni dbus ma'i
276a5 lcags kyus so/ /kha sbyor gyi nang du rdo rje sor mo rnams thams cad kyi las so/ /mthe bo rdo rje'o/ /de nyid kyis mthil gnyis su brud pa'o/ /mdzub mo rdo rje'o/ /de nyid kyi
276a6 lcags kyu gnyis so/ /dbus ma'i rdo rje'o/ /de nyid kyis sor mo'i rtse mo bcing bar bya'o/ /srin lag gi rdo rje'o/ /de nyid kyis sor mo'i rtse mo dag gi rol mo'o/ /mthe'u
276a7 chung gi rdo rje'o/ /de nyid kyis mthe bo gnyis kyi sen mo bcing ba'o/ /'di rnams kyis btab pas rdo rje sems dpa' la sogs pa'i dngos po thams cad sgrub pa dang /
276b1 rjes su chags pa dang / dbang du byed pa dang / dgug pa dang / rol pa dang / chags pas bcing ba dang / thams cad smrar gzhug pa dang / gar byed du gzhug pa dang /
276b2 dgod du gzhug pa dang / gsod pa'o/ /de nas las kyi dam tshig gi phyag rgya bcu ni rdo rje gar gyi mchod pa lha dang / lha ma yin gyi bu mo thams cad dang / bu mo gzhon nu ma
276b3 thams cad brtan par rjes su chags pa ni rdo rje lta bas so/ /rab tu dga' ba'i sgrub pa ni ma mchu nang du g.yo bar byed pas myang ba dang / btung ba'o/ /chags pa brtan zhing
276b4 ltung ba ni dbugs ring por gtong bas so/ /de nas las 'dod pa thams cad kyis dbang phyug thob pa ni dpung ba gnyis gtod pas so/ /thams cad kyis mchod par
276b5 'gyur ba ni snying gar gzhug pas so/ /yod pa thams cad rnyed pa ni mig dgug pas so/ /'dod pa'i chags pa bskyed pa ni dbus dang bcas pa'i smin pa'i gdong
276b6 gis lta bas so/ /thams cad 'bebs pa'i cho ga ni rang gi snying phra bar bskyod pa'i las rnams kyis so/ /'dod pa'i chags pa gsad pa ni dbugs btang bas rang nyid
276b7 ldang bar byed pas so/ /'dod pa thams cad kyi rjes su spyod pa la sogs pa'i las thams cad kyi byed pa ni bka' bsgo bas so/ /de rnams rdo rje sems dpa' la
277a1 @#/ /sogs pa'i brtan pa dang / g.yo ba'i dngos po thams cad la yang nye bar sbyor na don yod grub pas skad cig nyid kyis brtan zhing mi 'gyur ba'i
277a2 dngos grub kyis rgyas btab na 'grub par 'gyur ro zhes bya ba bcom ldan 'das rdo rje sems dpas gsungs so/ /de nas las kyi phyag rgya bcu ni rdo rje bsnyems ma'i
277a3 phyag rgyas thams cad bsgrub pa'o/ /rdo rje mtshon cha mas thams cad las rnam par rgyal ba dang / rjes su chags pa'o/ /rdo rje ki li ki las rab tu dga' ba'i reg bya dang /
277a4 dngos grub thams cad bde bar grub pa'o/ /rgyal mtshan sgreng bas 'thab mo thams cad las rnam par rgyal ba'o/ /rdo rje 'dod pa'i dbang phyug mas bdag po chen
277a5 po nyid do/ /dus kyis mchod pas mchod par 'gyur ba nyid do/ /rdo rje gsor bas thams cad 'dul ba'o/ /rdo rje dor bas thams cad gsod pa dang / thams cad
277a6 'phrog pa'o/ /g.yon pa bsnyems shing g.yas pa'i rdo rje khu tshur gyi las rnams kyis sgyu ma dang / rdzu 'phrul thams cad dang / so sor ston pa dang / rmugs pa
277a7 dang / rengs pa dang / gnyid log tu gzhug pa dang / bskor ba dang / bskrad pa dang / 'bru dang / ltung ba 'pho ba dang / dbang du byed pa la sogs pa'i las
277b1 thams cad sgrub par byed pa'o/ /rdo rje sems dpa'i dam tshig gi phyag rgya bcu ni rdo rje thal mo las byung ba'o/ /rdo rje sku mchog gi dngos grub thams cad do/ /mdzub mo
277b2 gnyis kyi lcags kyus dngos grub thams cad do/ /rdo rje gnod sbyin gyis bdud thams cad la sogs pa'i gdug pa 'dul ba'i de nyid kyis mthe bo'i rdo rjes bkab pas
277b3 thams cad rnyed pa'o/ /de nyid kyi mthe bo gnyis bcug pa'i gtsug tor rdo rjes thams cad bsrung ba'i mthe bo rdo rje nang du bcug pa de nyid kyis rdo rje sems dpa' la sogs
277b4 pa'i sems can thams cad rjes su chags pa dang / dgug pa dang / dbang du byed pa bsgrub pa'o/ /mthe'u chung rdo rje sor mo gnyis kyi rtse mo gnyis mdzub mo gnyis kyis
277b5 legs par bzung bas mthe bo ni dpal dgug pa dang dbang du byed pa'o/ /rdo rje gnod sbyin gyi rgyal mo de nyid kyis nor thams cad dang / dpal dbrog pa'o/ /de nyid kyi
277b6 dbus ma gnyis kyis srin lag gnyis kyi rtse mo yongs su btsir bas bdud la sogs pa'i gdon las grol ba dang / dbang du byas nas las thams cad la sbyor
277b7 ba'o/ /rab tu dga' ba'i rdo rjes yul thams cad kyi mchog sgrub pa'o/ /de nas gsang ba'i phyag rgya rab tu dga' ba'i rdo rje las byung ba'o/ /sems dpa' mnan
278a1 @#/ /nas rdo rje lha mo rol tu gzhug pa'o/ /de yang rab tu dga' ba'i rdo rje chen pos rgyas btab pas so/ /rdo rje dang bcas pa'i rab tu dga'
278a2 ba'i rdo rjes so/ /de bzhin gshegs pa thams cad kyi chags pa dang bral ba'i 'khor los so/ /mdzub mo dang / dbus ma dang / srin lag gi 'khor lo bsgreng bar
278a3 byas la mthe bo dang mthe'u chung mnyam la dral bar bya ste/ rab tu dga' ba'i rdo rje bsgrub pa de kho na nyid kyis rgyas btab cing bsgrub par 'gyur ro/ /btsir bas
278a4 'dod pa thams cad rab tu sgrub par byed pa'o/ /mdzub mo lcags kyus 'dod pa thams cad kyi bde ba dgug pa'o/ /mdzub mos phrag dog la sogs pa'i 'dod pas
278a5 thams cad kyi sdug bsngal rab tu zhi ba'o/ /rtag tu bskyod pas rab tu dga' ba 'bebs shing de nas bsgrub pa'o/ /skye gnas g.yo bas bud med dang / skyes pa dag
278a6 gi rab tu dga' ba la 'jig rten las 'das pa'i 'dod pa thams cad kyi bde ba chen po shin tu mtha' yas pa'o/ /kha sbyor btsir bas ji srid 'tsho'i bar du 'dus
278a7 pa dang bral ba yang ngo / /rtags kyi sen mo g.yon pa'i mthil brud pas shin tu brtan pa'i 'dod pa la chags pa nyid du 'gyur ro/ /gzhan gyi 'dod pa la mi
278b1 lta zhing gzhan la mi 'gro bar shin tu bde ba dang / yid bde ba ster ba'i bud med thams cad 'grub par 'gyur ro/ /skye gnas su sen mo brud pas skyes bu rnams so/ /de
278b2 nas thams cad kyi bdag nyid kyi gsang ba'i phyag rgya bcu ste/ de la lus thams cad kyi phyag rgya ni rdo rje khu tshur gnyis kyis 'khyud la ma mchu so rnams kyis bzung ste/ rmongs
278b3 pas bde ba ster du gzhug /bsgrub pas rab tu dga' ba'i dngos grub kyis rdo rje sems dpa' shin tu 'grub par 'gyur ro/ /mchog dang po'i dngos grub kyis su ra ta s+t+waM
278b4 zhes bcom ldan 'das la brjod cing de kho na nyid bskul bas grub par 'gyur ro/ /rab tu dga' ba'i ye shes kyis thams cad sgrub pa'o/ /lag pa g.yon pa'i khu tshur
278b5 gsang bar reg na thams cad bsgrub pa'o/ /bde ba chen po rdo rje las byung ba'i rdo rje chen po'i lta bas thams cad grub pa'o/ /smin ma gyen du bteg pas ltung ba slong
278b6 ba'o/ /rang gi ma mchu nang du myang bas skal ba bzang po chen po sgrub ba'o/ /rang gi lce bskyod pas rang nyid kyi bden pa thams cad dang / de kho na nyid gsal zhing mi slu
278b7 bar smra ba'o/ /rang gi lus la 'bebs pas gzugs thams cad yongs su bsgyur ba ste/ rdo rje sems dpa' 'am/ sangs rgyas su yang 'gyur ba yin no/ /rang gi bdag
279a1 @#/ /nyid rdo rje bsgoms pas nam mkha' la 'gro ba'o/ /de nas dang po las thams cad kyi phyag rgya bcu ni rdo rje thal mo kha T+wAM gso/ /dngos grub thams
279a2 cad rdo rje khu tshur dag gis so/ /de bzhin gshegs pa'i khu tshur dag gis dngos grub thams cad do/ /thams cad gsod pa ni khro bo'i khu tshur dag gis so/ /thams
279a3 cad sbyar ba ni pad+ma'i khu tshur dag gis so/ /nor thams cad dbrog pa ni nor bu'i khu tshur gyis so/ /thams cad 'bebs pa ni thams cad 'bebs pa'i khu tshur gyis so/ /
279a4 thams cad gar byed du gzhug pa ni kha T+wAM ga gtor ba'i khu tshur dag gis so/ /thams cad smrar gzhug pa ni mdzub mo mnyam pa'i lce'i khu tshur dag gis so/ /thams
279a5 cad bskyod pa ni brtan pa'i khu tshur dag gis so/ /thams cad gzhug cing don yod par bsgrub pa ni rdo rje lcags kyu'i khu tshur gyis so/ /de nas rdo rje khu tshur gnyis
279a6 kyis ci 'dod pa'i lag pa'i sor mo'i phyag rgya bcu ste/ don yod cing thogs pa med par skad cig mas myur du grub par byed pa 'di lta ste/ /pi wang dang / gling bu
279a7 dang / rdza rnga dang / mu kuN+Da dang / cha lang dang / rnga bo che dang / rnga zlum dang / rnga pa Ta ha dang / guny+dza dang / ti mi li ste/ 'di rnams kyis rgyas btab na thams cad du
279b1 rjes su chags pa dang / dbang du byed pa dang / 'bebs pa dang / rims dang / dug dang / sbyar dug dang / gdon las grol ba dang / gsod pa dang / 'thab mo las rnam
279b2 par rgyal ba dang / phun sum tshogs pa thams cad thob pa yin no zhes bya ba gsungs so/ /'dod chags chen po rnam dag phyir/ /rdo rje sems dpa' chen po yin/ /phyag rgya'i
279b3 rtog pa rab tu brtags/ /rdo rje slob dpon slob ma mchog /de nyid dad pa'i rjes 'brang la/ /rtogs pa tsam gyis skad cig gis/ /don yod kun grub bde bar gsol/ /zhes
279b4 bya'o/ /dpal mchog dang po las/ mchog tu grub pa zhes bya ba'i phyag rgya'i rgyud rdzogs so// //de nas mchog tu mkhas shing mtha' las 'das pa tshad
279b5 med cing gzhal du med pa ma lus shing lus pa med pa'i mchog gi dngos grub chen po'i bdag nyid la sogs pa'i dngos grub thams cad kyis las kyi tshogs mchog
279b6 tu dam pa grub pa zhes bya ba rdo rje gar las byung ba'i tshogs thams cad kyi phyag rgya stong bshad par bya'o/ /zhes bya ba bcom ldan 'das rdo rje sems dpas gsungs so/ /
279b7 phyag rgya chen po mnyam gzhag nas/ /sgeg bcas mdzub sogs bkrol ba yis/ /las kyi phyag rgya chen po rgya/ /thams cad gar gyis bsgrub par bya/ /bde ba chen po rdo
280a1 @#/ /rje gsang ba'i lcags kyus khyad par du las kyi phyag rgya bcing ba ste brgya phrag dang po mchog tu bsgrubs te rdo rje dam tshig lha mo rnams kyi
280a2 phyag rgya'o/ /rdo rje bsdams pa bcings nas ni/ /kha sbyor nang du gsal ba ste/ /mchog dang po yi gsang chen gyis/ /las kyi phyag rgya rgya gzhan yin/ /zhes bya ba rdo rje
280a3 lha mo gsang ba thams cad kyi phyag rgya'o/ /rdo rje las kyi mchod pa che'i/ /thal mos sbyi bor bzung nas ni/ /las kyi phyag rgya grub pas na/ /dbang po rnams dang sbyar
280a4 bar bya/ /zhes bya ba rdo rje thams cad kyi mchod pa chen po'i lha mo rnams kyi phyag rgya'o/ /rdo rje bsnyems mas gar bya zhing / /sgeg bcas mthe'u chung sogs bkrol
280a5 bas/ /de nyid bcings nas gar bya zhing / /phyi ma 'di ni 'byung ba yin/ /zhes bya ba rdo rje thams cad kyi las don yod pa'i dam tshig grub pa'i dbang phyug chen po'i mchog
280a6 gi phyag rgya brgya'o/ /rdo rje thal mo mnyam gzhag nas/ /thams cad kyis ni bsgrub par bya/ /mchog dang po yi las chen po'i/ /phyag rgya mchog ni gzhan yin
280a7 no/ /zhes bya ba rgyal mo thams cad kyi phyag rgya/ mda' lnga bsdus pa bcings nas ni/ /las kyi phyag rgya bde ba brgya/ /rab tu dga' mchog sgra bkrol bar/ /bde ba
280b1 nyid du mngon par sbyar/ /zhes bya ba rdo rje thams cad kyi mchog tu gsang ba'i 'dod pa ma'i phyag rgya'o/ /sku gsung thugs kyi rdo rje yis/ /ji bzhin phyag rgya mchog sbyor bas/ /
280b2 las kyi phyag rgya sna tshogs brgya/ /mchog dang po ni rab tu brtag /ces bya ba rdo rje thams cad kyi sku gsung thugs kyi rdo rje lha mo'i phyag rgya'o/ /rdo rje lha mo'i kha T+wAM ga /lus kun
280b3 gyis ni gar bya zhing / /rdo rje gar mchog glu blang zhing / /dang po'i phyag rgya chen po zhes bya ba'o/ /ji ltar gong du rgyas gsungs pa/ /rol mo mchog gi phyag rgya'i tshogs/ /
280b4 rol mo brdung zhing glu len pa/ /phyag rgya kun gyi gsal ba brgya/ /zhes bya ba rdo rje thams cad kyi lha'i bu mo'i tshogs kyis phyag bya ste phyag rgya stong mchog tu grub pa'o/ /de la
280b5 sogs pa mtha' yas mchog /chos dbyings mnyam dang mi mnyam pa/ /nam mkha'i mtha' ltar grangs med pa'i/ /phyag rgya'i rgyal mo grub mchog ster/ /kun mchog
280b6 dngos grub chen po yi/ /dbang phyug chen po'i mchog grub phyir/ /nam mkha' kun gyi go skabs kyis/ /dkyil 'khor 'dir ni rab tu zhugs/ /dam pa mchog tu grub par
280b7 byed/ /mchog gi dam pa rgyud chen po/ /dam pa mchog gi dngos grub ster/ /rdo rje slob dpon slob ma mchog /de nyid dad pa'i rjes 'brangs la/ /phyag rgya kun gyi tshul
281a1 @#/ /'di ni/ /bstan par bya ste gzhan la min/ /de ltar mchog tu mi 'gyur dam pa'i dngos grub bde ba yi/ /mchog tu rnam dag rdo rje bde grub
281a2 mtha' yas 'bras bur ldan/ /dpal mchog dang po'i gsang ba'i de nyid mchog gi sku'i tshul lo/ /mchog tu rtag pa'i rtog pa'i tshul 'di yongs su mthar thug
281a3 pa'o/ /dpal mchog dang po las/ dam pa mchog tu grub pa zhes bya ba'i phyag rgya'i rgyud rdzogs so// //de nas sems dpa' chen po kun/ /rdo rje 'dzin dang
281a4 bcas pa'i mchog /rdo rje 'chang chen gtso bo ni/ /mgon la bde gshegs rnams kyis gsol/ /kun mchog nam mkha' chen po yi/ /dngos grub dbang phyug rab grub
281a5 phyir/ /rtog pa thams cad kun bsdus pa'i/ /de nyid sems dpa' chen pos gsungs/ /rnam rtog med pa'i chos rnams la/ /rtog pa'i don 'di gang brjod pa/ /gang
281a6 gis rgyud 'di phyi ma la/ /dang po'i gnas mchog ji ltar lags/ /de bzhin rdo rje sems dpa' nyid/ /rab dga' nyid dang bzang ba nyid/ /rdo rje bsnyems bdag ji
281a7 ltar lags/ /sems dang sems dpa' ting 'dzin dang / /de bzhin rdo rje rdo rje 'dzin/ /rdo rje 'chang chen nyid dang ni/ /byang chub spyod pa ji ltar lags/ /bdud
281b1 dang bdud las rgyal ba nyid/ /byang chub sangs rgyas ji ltar lags/ /rdo rje gtum po mthar byed nyid/ /phyag na rdo rje ji ltar lags/ /ji ltar dang po'i rigs byung dang / /
281b2 'dod pa thar pa ji ltar lags/ /ji ltar mgon po rnam gsum dang / /khyod ni ji ltar thams cad nyid/ /dang po'i snying po ji ltar byung / /de ci nye snying ji ltar lags/ /bde
281b3 chen rdo rje chen po yi/ /don yod dam tshig ji ltar lags/ /dkyil 'khor zhes bya ji skad gsungs/ /de yi rnam smin ji ltar bu/ /thig gdab ba dang brtag pa yis/ /dngos
281b4 grub ji ltar gsungs pa lags/ /gsang ba lnga yi de bde ba/ /ji ltar gyur pa ji lta bu/ /dkyil 'khor bdag po rnams dang ni/ /rigs rnams gsal ba ji ltar lags//
281b5 thams cad dbang bskur de nyid dang / phyag mtshan tshogs kyi de nyid dang / /thams cad dgug gzhug mchod pa che/ /bdag byin brlabs sogs sgrub pa che/ /de ni de nyid
281b6 gsang ba dang / /don yod pa ni mchog nyid de/ /mi 'gyur dam pa 'grub pa'i phyir/ /thams cad bdag cag rnams la gsungs/ /zhes bya ba bcom ldan 'das de bzhin
281b7 gshegs pa thams cad kyi mchog gi mdo gsungs so/ /de nas ston pa rdo rje 'dzin/ /rtog pa kun gyi bdag po ni/ /the tshom tshogs rnams gsan nas su/ /'di yi lan
282a1 @#/ /ni gsungs pa yin/ /de la rtog pa'i don gyi rgyud ji ltar yin zhe na/ rnam rtog med pa'i chos rnams las/ /sems can don yod yongs brtags
282a2 bas/ /des na rtog par gsungs pa ste/ /rtog pa yongs su dag phyir ro/ /de nas rgyud phyi ma ji ltar yin zhe na/ rgyud ni rgyun zhes bya bar bshad/ /phyi ma sngar dang
282a3 yang dag byung / /de nyid gsang ba'i gsang ba dang / phyi ma dang bcas rgyud du 'dod/ /de la dang po gnas zhes bya ba'i rgyud ji ltar yin zhe na/ nam mkha' kun
282a4 la rab tu gnas/ /rdo rje kun mchog rang bzhin mchog /bde ba chen po dga' ba che'i/ /grong khyer der ni mi 'gyur mchog /ces bya ba bcom ldan 'das rdo rje
282a5 sems dpa' rtog pa thams cad kyi rtog pa'i de kho na nyid ces bya ba 'di gsungs so/ /de la thog ma tha ma med pa'i rdo rje sems dpa' ji ltar yin zhe na/ nam
282a6 mkha' skye ba mtshan ldan phyir/ /thog ma tha ma med pa'i mchog/ /sems dpa' rdo rje che rang bzhin/ /rdo rje sems dpa' zhes byar brjod/ /de nas bcom ldan
282a7 'das de gang yin zhe na/ dkon mchog dngos grub chen po yi/ /dbang phyug chen po lhag pa'i lha/ /rdo rje 'dzin pa kun gyi rgyal/ /rab tu dga' ba mi 'gyur mchog
282b1 de la bcom ldan 'das dga' ba chen po nyid ji ltar yin zhe na/ nyes pa med cing shin tu rtag/ 'dod chags kun gyi rjes chags pa/ /de nyid 'di yis gsang ba 'di/ /
282b2 'dod chags chen po dga' ba che/ /de la ci kun tu bzang po nyid ji ltar yin zhe na/ shin tu dag pa kun gyi mchog /gdod nas grol ba de bzhin gshegs/ /kun tu
282b3 bzang po kun bdag nyid//byang chub sems dpa'i cho ga mchog /de la rdo rje bsnyems pa'i bdag po bcom ldan 'das ji ltar yin zhe na/ kun mchog dngos grub
282b4 chen po yi/ /dbang phyug chen po'i phyag rgya'i mchog /rdo rje dbang phyug chen bstod pas/ /rdo rje bsnyems pa'i bdag po'i bdag /ces bya ba ni bcom ldan 'das mchog
282b5 dang po'i skyes bu'o/ /mchog dang po yi de nyid 'di/ /rdo rje sems dpa' gang gang brjod/ /dngos grub kun gyi 'byor ba rnams/ /de la thams cad 'grub par 'gyur/
282b6 zhes bya ba mchog gi de kho na nyid bcom ldan 'das rdo rje sems dpas gsungs so/ /de nas de'i 'og tu las kyi bya bas bcom ldan 'das thams cad kyi mchog
282b7 nyid du bshad par bya'o/ /zhes bya ba bcom ldan 'das rdo rje sems dpas gsungs so/ /de la bcom ldan 'das thams cad kyi sems can ji ltar yin zhe na/ bsam
283a1 @#/ /gyis mi khyab rgya che ba/ /thab dngos kun bde mi 'gyur ba/ /thams cad khyab cing dri ma med/ /byang chub sems ni bdag brtan pa/ /de nas 'di'i
283a2 las kyi khyad par ni/ /sems nyid brtan pa nyid sems pas/ /ting 'dzin de la mnyam par gzhag /rnam shes las ni rdo rje kun/ /rdo rje las ni 'dzin gyur te/ /bcom
283a3 ldan 'das rdo rje 'dzin ji ltar yin zhe na/ sems dpa'i byin rlabs sbyor ba ni/ /bdag la byin rlabs mchog bsgrub pa/ /nyin re sgrub par byed na des/ /rdo rje sems
283a4 dpa' nyid thob 'gyur/ /de la bcom ldan 'das kun tu bzang po'i spyod pa ji ltar yin zhe na/ snying stobs rdul dang mun pas kyang / /gang phyir sems can don gyur
283a5 pas/ /de phyi nga ni kun tu bzang / /byang chub spyod pa'i rjes 'jug pa'o/ /de la ji ltar bcom ldan 'das bdud nyid dang 'dul bas rgyal ba ji ltar yin zhe na/ sems
283a6 nyid kho na bdud nyid de/ /sems nyid de bzhin gshegs pa'o/ /rang sems gdul bar bya ba'i phyir/ /bdag ni bdud nyid gyur pa yin/ /de la ji ltar bcom ldan
283a7 'das mngon par rdzogs pa'i byang chub dang / sangs rgyas yin zhe na/ rang sems so sor rtog pa'i phyir/ /byang chub sems mchog rdo rje nyid/ /de phyir de nyid sangs
283b1 rgyas nyid/ /bdag byin rlabs mchog grub phyir ro/ /de la ji ltar bcom ldan 'das phyag na rdo rje yin zhe na/ mi phyed so sor rtogs pa dang / /gdug pa thams cad nges
283b2 par gnon/ /sangs rgyas kun dngos rdo rje ste/ /byang chub sems ni brtan pa bdag/ /kun tu bzang po'i lag tu ni/ /mtshon cha de ni rgyal bas byin/ /brtan pa thams cad grub
283b3 pa'i phyir/ /des na phyag na rdo rje des/ /de la ji ltar dang po'i rigs las byung ba shes pa'i rgyud yin zhe na/ shes rab pha rol phyin pa yum/ /yab ni thabs la mkhas pa
283b4 ste/ /rdo rje sems dpa' gdul bya'i phyir/ /rigs rnams rab tu byung ba'o/ /de la ji ltar bcom ldan 'das 'dod dang / thar ba yin zhe na/ bcom ldan 'das ni chags pa
283b5 che/ /dngos grub thams cad rjes chags phyir/ /dngos grub thams cad mi 'gyur bde/ /bde ba chen po zhes brjod pa'o/ /de la ji ltar bcom ldan 'das rnam pa
283b6 gsum yin zhe na/ bdag ni dus gsum mtha' yas phyir/ /nga ni srid gsum gdul bya'i phyir/ /gsum mchog 'jig rten gsum kun phyir/ /'jig rten gsum
283b7 pa khams gsum nga / /de la ji ltar bcom ldan 'das thams cad nyin yid zhe na/ nga nyid brtan pa thams cad bde/ /bsod nams kun mchog che ba'i phyir/ /g.yo
284a1 @#/ /ba sems kyis 'dus byas phyir/ /sgyu ma thams cad nga yin no/ /zhes bya ba rang gi las kyi bya ba'i de kho na nyid rdo rje sems dpas gsungs
284a2 so/ /de la ji ltar dang po'i glu byung ba shes pa yin zhe na/ srid pa shin tu grub pa yi/ /dbang phyug chen po mchog grub phyir/ /gzi can sems can don mdzad phyir/ /
284a3 bskal ba thog mar bcom ldan gsungs/ /de nas de gang yin zhe na/ 'dod chags chen po bcom ldan 'das/ /rab tu dga' ba mi 'gyur mchog /gsang ba'i
284a4 phyir ni snying por brjod/ /yi ge hUM ni mi 'gyur mchog /de nas nye bar snying po yi/ /de kho na nyid shes pa ni/ /de nyid gsang zhing gsang ba dang / snying po rab tu brjod par
284a5 bya/ /snying po'i rjes su sgrub par 'grub/ /nye ba'i snying po nyid du brjod/ /de la ji ltar bde ba chen po'i rdo rje don yod pa dam tshig gi bshad pa'i rgyud yin zhe na/ /dngos
284a6 grub kun gyi mi 'gyur bde/ /bde ba chen po zhes brjod do/ /rdo rje de nyid don yod grub/ /dam tshig 'da' bar dka' ba'o/ /zhes bya ba'i mchog gi dam pa'i glu bcom
284a7 ldan 'das rdo rje sems dpas gsungs so/ /de la ji ltar dkyil 'khor gyi don shes pa yin zhe na/ ji lta gnas dang 'khor lo dang / ji ltar dgod par 'gro ba
284b1 dang / /'khor dang bcas pa dgod pa gang / /de 'dra'i 'khor lo mchog gis sprul/ /de nas rnam par shes pa ni/ /rdo rje sems sogs lha rnams kyis/ /'khor lo mngon sum
284b2 mthong ba yis/ /rtag pa'i bsod nams ci 'dra ba/ /phyir na bris na'ang de bzhin no/ /de nas thig gdab pa'i cho ga ni/ /shes rab can gyis dkyil 'khor bris/ /phyogs kun mnyam
284b3 pa nyid dmigs la/ /shar dang nub dang byang dang lhor/ /thig bzhi btab pas dkyil 'khor brgyad/ /rdo rje thig gis yongs bskor bar/ /ka ba brgyad kyis nyer mdzes shing / /sgo
284b4 bzhi rta babs kha khyer dang / /dra ba dra phyed la sogs brgyan/ /der bdag po'i don shes pa ni rdo rje sems dpa' ji lta bu zhe na/ nam mkha' skye ba mtshan ldan phyir/ /thog
284b5 ma tha ma med pa'i mchog /sems dpa' rdo rje che rang bzhin/ /dpal mchog dang po zhes byar brjod/ /de nas bcom ldan 'das de gang zhe na/ kun mchog dngos grub
284b6 chen po yi/ /dbang phyug chen po lhag pa'i lha/ /rdo rje 'dzin pa kun gyi rgal/ /rab tu dga' ba mi 'gyur mchog /ces bya ba bcom ldan 'das rdo rje 'dzin pas gsungs
284b7 so/ /de nas spyan ras gzigs dbang gi /pad+ma rA ga dang mtshungs pa/ /thams cad dag pa bla na med/ /rdo rje sems dpa' rang bdag nyid/ /spyan ras gzigs kyi
285a1 @#/ /dbang phyug nyid/ /de nas pad+ma'i rigs kyi de kho na nyid ni/ /rdo rje chos ni rab grub phyir/ /sems can thams cad rnam dag phyir/ /pad+ma chen
285a2 po'i rigs dag pa'i/ /ting 'dzin ye shes kun nas bsdus/ /zhes bya'o/ /de la ji ltar nam mkha'i snying po yin zhe na/ /thams cad nam mkha'i bcom ldan 'das//
285a3 sems can bsod nams mthong zhing che/ /nam mkha'i snying po sems dpa' dang / /de nas nor bu'i rigs kyi ni/ /dbang bskur ba dang gter dang ni/ /rdo rje rgyal
285a4 mtshan mchod pa che/ /nor bu chen po'i rigs grub pa/ /bsam pa thams cad yongs rdzogs pa'o/ /zhes bya ba dkyil 'khor thams cad kyi de kho na nyid chen po bcom
285a5 ldan 'das rdo rje sems dpas gsungs so/ /rdo rje rigs thams cad kyi dbang bskur ba shes pa ni/ sangs rgyas rin chen rdo rje phyed/ /rdo rje rin chen rdo rje la/ /spyan
285a6 ras gzigs la rdo rje sku/ /nor bu nor bu 'dzin pa'o/ /de nas mchog dang po'i phyag mtshan gyi de kho na nyid do/ /kun mchog dngos grub chen po yi/ /dbang phyug chen
285a7 po'i mtshon cha che/ /gsang ba lnga yi de nyid che/ /rdo rje rtse lnga zhes brjod do/ /de nas rigs thams cad kyi phyag mtshan gyi de kho na nyid shes pa ni/ sangs rgyas thams
285b1 cad sangs rgyas nyid/ /sna tshogs bya ba rdo rje can/ /'jig rten dbang phyug rdo rje chos/ /nor bu nor bu bsags pa'o/ /zhes bya ba dbang bskur ba thams cad kyi phyag mtshan gyi de
285b2 kho na nyid bcom ldan 'das rdo rje sems dpas gsungs so/ /de la ji ltar thams cad dgug pa'i rgyud yin zhe na/ rtog pa kun gyi gsang chen gyi/ /rdo rje lcags kyu dril
285b3 bcas pas/ /bkug te de nas rjes bsgrubs pa/ /dril bu nyid kyi ba ba yin/ /ji ltar mchod pa thams cad kyi cho ga yin zhe na/ rtog pa kun gyi gsang chen gyis/ /rab tu
285b4 dga' bas mchod nas ni/ /glu dang rol mo rnam 'phrul bas/ /mchod de slar yang rnal 'byor mchod/ /de la ji ltar dngos grub thams cad kyi byin gyis brlabs pa'i dam
285b5 tshig chen po'i de kho na nyid yin zhe na/ rtog pa kun gyi gsang chen gyis/ /phyag rgya kun gyis legs byin brlabs/ /dam tshig chen po 'di nyid kyis/ /rang nyid bsgrubs
285b6 nas snying po bzlas/ /thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems pa'i bdag po'i
285b7 bdag /ces bya ba mchog dang po'i skyes bu'o/ /de la ji ltar rang lhag pa'i lha thams cad kyi sgrub pa chen po'i rgyud yin zhe na/ /brtan pa dang ni g.yo ba dang / /rtog
286a1 @#/ /pa kun las bsgrub bya gang / /rang gi lhag pa'i lha sbyor bas/ /de dag thams cad bsgrub par bya/ /de nas thams cad rjes su sgrub pa'i rgyud ni/
286a2 rdo rje dril bu 'dzin gyur nas/ /rdo rje dril bus rab sad cing / /rtog pa thams cad rjes bsgrubs pas/ /mchog dang la sogs 'grub par 'gyur/ /de la ji ltar 'bad pa
286a3 med pa thams cad sgrub pa'i rgyud yin zhe na/ bsgrub bya ci 'dod bsgrubs nas ni/ /phyi nas ji ltar 'dod pa yi/ /ci 'dod spyod pa la spyod cing / /thams cad byed cing
286a4 thams cad bza'/ /langs pa'am ni 'dug pa 'am/ /gang dang de ru 'chag pa 'am/ /dgod pa dang ni smra ba 'am/ /gang der ji bzhin de bzhin no/ /dbang po gang dang
286a5 gang lam gyur/ /de dang de yi ngo bor bya/ /mnyam par bzhag nas rnal 'byor gyis/ /rang gi lhag pa'i lha sbyor bya/ /de nyid rnal 'byor 'di yis ni/ /thams cad nyid ni
286a6 bsgrub par bya/ /sangs rgyas kun dngos thams cad ni/ /rtag tu mthong zhing grub par 'gyur/ /dam tshig chen po de nyid ni/ /mkhas pa gang zhig dad pas klog /de ni
286a7 sdig kun dang bral bas/ /dngos grub kun gyi dbang phyug 'gyur/ /zhes bya ba dam tshig chen po'i de kho na nyid do/ /de ltar dpal mchog dang po'i cho ga ma nyams
286b1 mchog gi bla ma gsol/ /mchog tu gsang ba bsgrub pa'i cho ga bde mchog myur du grub phyir gsol/ /rdo rje mchog 'dzin dang bcas bde gshegs sras bcas rnams
286b2 kyis byin brlabs pa/ /bde chen dam pa rdo rje 'dzin pa dga' chen mchog gis de gsungs so/ /dpal mchog dang po las/ mchog tu gsang ba'i cho ga /de nas ston
286b3 pa rdo rje 'dzin/ /mkha' ltar thug med kun tu 'gro/ /sangs rgyas kun gyis bstod nas ni/ /rtog pa'i mthar thug don gsungs so/ /bdag gi snying po dang 'di mchog chen
286b4 gso ba yin/ /mtha' yas pa dang thog med mthar thug med pa ni/ /mchod bya chen po thams cad rnams kyi tshul chen po/ /nam mkha' dang mtshungs mchog gi dngos
286b5 'phel gsol/ /de ni sus kyang mthar thug byed par nus pa min/ /sems can rnams ni dman la zhen cing nyung la dga'/ /dad pa med cing slu ba byed la ma sbyangs
286b6 pa| |rtag tu rjes su chags shing chags bral la chags pa/ /de rnams la ni phan phyir 'di ni mthar thug pa'o/ /gang gi khyim na 'di gnas gang gis rab tu bsgrub pa
287a1 @#/ /'am| |yang na ji bzhin gsungs pa rtag tu 'dir sgrub byed/ /so sor nyams su myong ba'i mthu yis thams cad du/ /bdud kyi las tshogs
287a2 rnams kyis de ni gnod mi nus/ /rdo rje 'chang sogs sku ni gang gis sgrub byed pa/ /gzugs brnyan la sogs thams cad 'dir ni ji bzhin gsungs/ /des ni thams
287a3 cad so sor nyams myong nus par ldan/ /bdud kyi las tshogs rnams kyis de ni gnod mi nus/ /gang zhig rdo rje la sogs gzugs brnyan la sogs pa/ /ji ltar 'dod
287a4 pa 'di dag thams cad sgrub par byed/ /rab tu 'dod pas yi ge hUM las bris nas ni/ /'dod pa'i dngos grub de yis ster zhing thob par 'gyur/ /rgyal po rnams kyis
287a5 rnam par sbyangs par mdzad pa ni/ /gang la don kun dag phyir mdzad par mi 'gyur min/ /'di ni bgegs byed bdud rnams kyang ni yod ma yin/ /rtogs pas dngos
287a6 grub 'phel zhing byin gyis brlabs pa yin/ /nga ni bdud nyid mi 'gyur brtan med nyid mi 'gyur/ /brtan pa nyid phyir nga ni brtan par mdzad pa yin/ /rtag pa 'di ni mchog
287a7 chen gang gis sgrub byed pa/ /de la nga ni dngos grub myur du sgrub par byed/ /dngos grub chen po la thams cad du rjes su chags shing shin tu mnyes pa dang / shi na
287b1 tu brtan pa dang / shin tu rgyas pa dang / rtag tu rgya che bar 'gyur ba yin no/ /gang zhig mchog gi rgyal po'i snying po sgrub byed pa/ /rgyal ba thams cad dgyes shing rgyal ba dgyes
287b2 par mdzad/ /de dag grags pa chen po thob nas bde ba'ang thob/ /de phyir 'di la dad cing gus par bya ba yin/ /de nas rgyal ba rnams kyis bcom ldan 'das la legs so zhes
287b3 bya ba byin te/ yab mchog sangs rgyas sras ni legs so legs/ /sras mchog sangs rgyas sras ni legs so legs/ /rdo rje mchog ni rdo rje 'byung ba legs/ /dam pa'i
287b4 chos kyi bdag nyid legs so legs/ /sangs rgyas rnams kyis yang dag byin brlab pa/ /rtag tu mi 'gyur don yod grub pa che/ /ji ltar dang po'i grub pa de bzhin du/ /phyi
287b5 nas kyang ni de bzhin grub par 'gyur/ /de ltar dag chen gsungs nas ni/ /sras dang bcas pa'i sangs rgyas rnams/ /rdo rje sems dpa' chen po yi/ /gsungs la rjes su
287b6 yi rang mdzad/ /dpal mchog dang po las/ rtog pa'i rgyal po thams cad kyi mchog rdzogs so// //thugs dam pa'i snying po tho lding du rgya gar gyi mkhan
287b7 po paN+Ti ta mkhas pa chen po maN+t+ra kA la sha dang / sgrub bsgyur gyi lo ts+tsha ba lha btsan po dge slong bla ma zhi ba'i 'od kyi zhal snga nas bsgyur cing zhus te gtan la phab pa// //
288a1 @#/ /lo ts+tsha chen po rin chen bzang po yis/ /dpal mchog dang po'i rgyud 'di bsgyur ba la/ /bar bar dpe ma rnyed pas ma 'gyur nas/ /bdag gis
'bad pas dpe btsal rnyed pas bsgyur/
CLOSE WINDOW