CLOSE WINDOW

H425
བོད་ཡིག

/ //rgya gar skad du/ shrI badzra tsaN+Da tsit+ta gu h+ya tan+t+ra/ bod skad du/ dpal rdo rje gtum po thugs gsang ba'i rgyud/ dpal gtum po phyag na rdo rje la phyag 'tshal lo/ / 'di skad bdag gis thos pa dus gcig na/ 'og min gyi gnas lcang lo can gyi pho brang na sku dang / gsung dang / thugs dang / yon tan dang / 'phrin las gzigs pa'i bde bar gshegs pa thams cad chos kyi sku las longs spyod rdzogs pa'i sku dang / sprul pa'i sku dang / rdo rje'i sku dang / mngon par byang chub pa'i skus 'gro ba'i don mdzad do/ /brjod med don gyi gsung dang / dgongs pa brda'i gsung dang / tshangs pa dbyangs kyi gsung dang / dbyer mi byed pa'i gsung dang / rig pa byin gyis brlabs kyi gsung gis 'gro ba'i don mdzad do| |chos kyi dbyings kyi thugs dang / me long lta bu'i thugs dang / mnyam pa nyid kyi thugs dang / so sor kun rtog gi thugs dang / bya ba grub pa'i thugs kyis 'gro ba'i don mdzad do// gnas dang / gdan khri dang / 'khor dang / 'dul ba'i zhing dang / sku 'od zer bsam gyis mi khyab pas 'gro ba'i don mdzad do/ rgyas pa dang / dbang dang / drag po dang / lhun gyis grub pa'i 'phrin las kyis 'gro ba'i don mdzad do/ /de'i tshe de'i dus na bcom ldan 'das rigs lnga dang rigs gsum la sogs pa'i sangs rgyas kyis sems can 'dul ba'i @#/ /dus la bab par gzigs nas ma chags pa'i thugs rjes rnam pa sna tshogs pa'i sprul pas 'gro ba'i don mdzad pa'o/ /de'i tshe na lha ma srin shin tu drags pa dang dregs pa'i ru dra zhen chags kyi dman gnas pa/ nga rgyal gyi ri rab la gnas pa/ phrag dog gi rlung sems la 'tshub pa/ gti mug mun pa'i g.yung drung na gnas pa/ de lta bu dag 'dul ba'i dus la bab par gzigs nas de bzhin gshegs pa thams cad thugs gcig tu gyur te mi gnas pa'i ye shes chen po las rdo rje'i rigs dang / bud+d+ha rigs dang / rin po che'i rigs dang / pad+ma'i rigs dang / las kyi rigs su gyur te/ so so'i yum dang chas nas bzhugs te thugs 'dus pa'i phyin gyis brlabs las thams cad kyi rigs kyi sangs rgyas sku bai DUR+ya'i rang bzhin ltar sngo ba/ sngon po snang ba/ sngo bar gyur pa/ rin po che in+d+ra ni la ljang gu lta bu'i kha dog tu snang ba/ lcang lo can gyi cha byad/ phyag na rdo rje bsnams nas thugs kar brtan pa byung ngo / /byung bar gyur to/ /de'i mthu dang stobs kyis 'jig rten na gnas pa'i dregs pa can btul te dam la btags nas byang chub mchog tu sems bskyed do/ /dpal rdo rje gtum pa thams cad gsang ba'i rgyud las/ gleng gzhi'i le'u ste dang po'o// //yang de'i tshan nyon mongs pa la gnas pa'i sems can zhi bas mi 'dul bar gyur pa dag gnas pa las rigs lnga'i bcom ldan 'das rnams kyis gsang ba'i bdag po la bka' bsgo ba ste/ kye gsang sngags dang / rig sngags dang / gzugs sngags kun gyi bdag po zhi bas mi 'dul ba'i sems can la thams cad khros pa'i tshul gyis gdul bar gyis shig ces bka' stsal to| |oM badzra pA Ni kro d+ha kro d+ha hUM hUM zhes ched du brjod pa lan gsum ched du brjod pa las gnod sbyin gyi sde dpon chen po lag na rdo rje sngon po can mche ba gtsigs shing 'tsham pa/ mig ma ma dag gi phung po ltar 'bar ba/ dbugs dur khrod kyi me ltar 'bar ba/ 'jigs pa'i nga ro bskal pa'i dus mtha' ltar sgrog pa/ lag pa dang rkang pa'i klu'i rgyal po nor bu dang nor rgyas kyi bus brgyan pa/ klu'i rgyal po nag po dang nye nag pos se ral khar brgyan pa/ klu'i rgyal po dga' bo dang nye dga' bo 'bar bas rna cha byas pa/ sprul gdug pa 'bar ba za ba/ bya bzhin rgyas pa/ smin ma ser nag dpral ba la bsdus pa/ gshin rje'i cha byad can/ lce glog ltar 'gyur ba/ gsus po che sbrul za ba/ lag pa'i thal mo brdabs pa'i sgras 'jigs par byed pa/ klu'i rgyal po 'dab bzang ska rags su bcings pa/ a la la zhes 'jigs par byed pa/ skrag par byed pa/ rgya mtsho'i zabs su dpag tshad brgyad khri yod @#/ /pa rkang pa'i pus mo tsam du phyin pa/ dbang po dang nyi ma phrag pa la khur ba/ klu thams cad brlag par byed pa/ ha la'i gang rgyangs chen pos dgod pas kun tu 'khrug par byed pa/ khams gsum 'jigs shing skrag par byed pa/ klu rnams 'chi bar byed pa zhig byung ste/ rang gi gzungs sngags 'di ched du brjod do/ /tad+ya thA/ b+ho b+ho ba na nA ga a d+hi pa ta ye/ i daM nI lAm+ba ra d+ha ra sha rI raM/ badzra pA Ni hri da yaM/ yaHsa mA ti kra ma tha/ mu ku la uta sa da naM b+ha bi Sh+ya ti/ tad+ya thA/ bud+d+ha bud+d+ha bi bud+d+ha bi bud+d+ha/ mA ti kra ma thA/ ha ra ha ra nA gA NAM/ pra ha ra pra ha ra nA gA naM/ ts+tshin+da ts+tshin+da gA hr-i da yA ni/ b+hin+da b+hin+da nA ga mArma ni/ b+hi shIR+yan+tu nA ga sha rI raM/ bi s+pho Ta ya nA ga na ya na ni/ tad+ya thA hUM phaT/ nA ga bi dA ra NA ya phaT/ nA gota sA da nA ya phaT/ nI lAM ba sa nA ya phaT/ a pra ti ha ta ba la pa rA kra mA ya phaT/ kr-i tAn+tA ya phaT/ kr-i tA n+ya rU pA ya phaT/ ro Sha NA ya phaT/ trA sa mA ya phaT/ ku b+hAN+Da ud sA da nA ya phaT/ pre ta pi shA tsa bi nA sha ka rA ya phaT/ yak+Sha a pasma ra bi nA sha ka rA ya phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sarba big+h+Na bi nA sha ka rA ya phaT/ sarba sha trUM saM g+ha/ bi nA sha ka rA ya phaT/ nI lAm ba ra d+ha ra badzra pA Ni rA dz+nyA ba ya ti swAhA/ de skad ces bka' stsal ma thag tu dregs pa can phal pa dag ri mo bzhin g.yo ba med par gyur te/ brgyal rab tu brgyal ba las phyir dran pas sangs nas 'di skad ces gsol to/ /kye gsang ba'i bdag po/ khyod ni thugs rje'i mnga' bdag kun gyi mgon dang skyabs su gyur ba lags na/ bdag cag gi sdug bsngal 'di las thar par mdzad du zhes gsol to/ /de nas dregs pa can de dag dam la btags te dbang bskur dam tshig phog nas byang chub tu sems bskyed do/ /dpal rdo rje gtum po thams cad gsang ba'i rgyud las/ dregs pa can phal pa btul ba'i le'u ste gnyis pa'o// // de nas 'jig rten gyi dregs pa can dag shin tu yang dregs par gyur ba dag 'di lta ste/ klu rgyal rigs kyi rgyal po rgya mtsho zhes bya ba dang / rje'u rigs kyi rgyal po kun nas gdugs zhes bya ba dang / bram ze'i rigs kyi rgyal po chu lha zhes bya ba dang / gdol ba'i rgyal po shI la bu ka ra zhes bya ba dang / bdud kyi rgyal po skos rje drang dkar dang / gza' rgod chen po dang / dkar po bung gi thob tshugs can dang / btsan gyi rgyal po dmar po srog len dang / gshin rje'i rgyal po dmigs pa dang / ma mo'i rgyal mo mkha' dbyings kyi yum gshin rje'i srid mo phung byed re ba ti la sogs pa dang / shin tu dregs pa can gyis 'jig rten phung bar byed pa dag ma thul ba las longs spyod rdzogs pa'i sku lngas/ kye gsang ba'i bdag po/ @#/ /dregs pa pho mo dag thul bar ma gyur te/ thams cad kyi thabs kyis dregs pa nyon mongs pa 'dul bar bya'o/ /zhes bka' stsal to/ /dus gsum gyi sangs rgyas thams cad kyang gsang ba'i bdag po la 'di skad ces gsungs so/ /'jig rten gyi dregs pa 'di dag 'dod chags la gnas pas sems can la rnam par 'tshe'i/ kun gyi lus dang srog ma rungs par byed pas khyod kyis thams cad khros pa'i tshul gyis thul cig ces bsgo'o/ /phyogs bcu'i zhing khams rnam par dag pa na bzhugs pa'i sangs rgyas dang / byang chub sems dpa' dang / rigs so sor kun nas 'dus pa rnams kyang gsung gcig gi nga ros 'di skad ces gsungs so/ /gsang ba'i bdag po/ khyod shin tu khros pa'i tshul ston la ma 'phyis pa'i stobs kyis dregs pa can thul cig ces bsgo'o/ /gzhan yang rig sngags dang / gsang sngags dang / gzungs sngags kyi bdag po thams cad 'dus te rigs kyi bdag po dang / rigs kyi yum dang / rigs kyi khro bo dang / rigs kyi sprul pa dang / rigs kyi pho nya mo la sogs pa thams cad 'dus nas mgrin gcig tu bka' stsal pa/ gsang ba'i bdag po/ /gdul bya'i zhing 'di dag zhi ba'i cha byad kyis mi 'dul bas zhe sdang dang / gdug sems su bcas pa/ nyon mongs pa rang dga' mar spyod pa/ 'dod pa'i skom gyis gdungs pa 'di dag khyod kyi mthu'i stobs kyi shin tu khros pa'i cha byang ston la ma 'phyi bar myur bar rab tu thul cig ces bka' bsgo'o/ /de nas sku mi snang ba ye shes chen po'i ngang la bzhugs so/ /dpal rdo rje gdul po thugs gsang ba'i rgyud las/ khro bor bka' bsgo ba'i le'u ste gsum pa'o// // de nas rigs lnga yum gnyis su med pa'i mkha' las thugs rje'i khros pa'i sa bon hUM mthing nag ha la nag po'i mdog lta bu 'od zer sna tshogs 'bar ba/ rab tu 'byung ba/ kun tu rab tu 'bar ba dag byung ste/ de'i byin gyi rlabs las thugs rje'i byin gyi rlabs las e mthing nag dang / yaM sngon skya dang / raM khaM dmar nag dang / suM ser nag dang / raM dmar nag dang / keM dkar skya dang / sna tshogs pa'i b+h+ruM 'phros par gyur to/ /de dag gi 'phro 'du las gru gsum mthing nag ni nam mkha' dang / sngo skya rlung zla gam dang / dmar nag rak+ta'i rgya mtsho dang / ser nag zhing chen sa gzhi dang / dkar skya keng rus ri rab dang / sna tshogs rin po che'i gzhal yas khang mthing nag rdo rje rgya gram las lhun gyis grub pa'i dkyil 'khor du gyur to/ /chos nyid mi 'gyur lhun gyis grub pa'i lte ba mthing nag zlum po 'phrin las rnam pa bzhis lhun gyis grub pa'i rgya gram gyi rtse mo phyogs bcur 'phro ba/ bar @#/ /mtshams rin po che sna bzhi las lhun gyis grub pa/ gru chad rin po che ljang gur snang ba/ sgo bzhi rin po che sna bzhi tshad med pa bzhi'i 'phrin las su snang ba| sna tshogs kyi rgyan rang bzhin du snang ba rang byung bar gyur to/ /de nas hUM mthing nag khro bo'i sa bon de las sna tshogs rdo rje phra mo'i 'od tsha tsha ltar 'phro ba/ rdo rje phra mo'i 'od zer las rdo rje lcags kyu phra mo bsam gyis mi khyab pas 'jig rten gyi dregs pa can kun dang / srog la rngam pa'i srin po pho mo sna tshogs pa bkug ste gzhal yas khang gi phyi rol tu shing rtsa ba nas bsgyel ba bzhin du gyur te ri mo bzhin g.yo ba med par gyur to/ /mthu'i byin gyi rlabs kyis 'khor lo'i lte dbus su rdo ba bsgyur ba bzhin du gyur to| |de bzhin gshegs pa thams cad kyis kyang sti ra baM zhes brjod pas srin po pho mo dran pa rnyed de mdun du gyur to/ /dpal rdo rje gtum po thugs gsang ba'i rgyud las/ gzhal yas khang lhun gyis grub pa'i le'u ste bzhi pa'o// //de nas thugs rje khros pa'i hUM mthing nag 'od 'bar ba las de bzhin gshegs pa kun gsung gcig gis a b+hi ro Sha Na hUM zhes gsungs pa las khro gnyer bsdus shing zhal bgrad pas dug gsum rtsad nas gcod pa'i mche ba zur gsum gtsigs pa/ de ltar 'bar ba'i cha byad du snang ba zhig byung ste/ 'jig rten gyi khams chen po gsum g.yos/ rab tu g.yos/ kun tu g.yos/ kun tu rab tu g.yos par gyur to/ /dpal rdo rje gtum po thams cad gsang ba'i rgyud las/ 'bar ba'i khro bo khros pa'i tshul du bskyed pa'i le'u ste lnga pa'o// //de'i tshe de'i dus na dus gsum gyi theg pa'i bdag po thams cad 'dus te/ ye shes kyi mkha' gsang ba'i bum pas 'bar ba'i khro bo de'i lus kun bkrus te ye shes kyi bum pa'i chu rgyun gyis dbang bskur ro/ /dag par 'khru bar byed pa'i nye shing ba dang / sgrib pa sbyong zhing kun tu skyob par byed pa'i phur mo'i thal ba dang / chos nyid kyi rtsa dang / ye shes kyi bcud mar la sogs pas 'gro ba rnams kyi tshul dang ldan pa'i phyir dbang bskur ro/ /ye shes kyi khro bo de lus la sim zhing rgyas te bde ba skyes par gyur to/ /de nas rigs thams cad kyi bdag po sangs rgyas lnga yum dang bcas pas bde ba la snyoms par zhugs te gnyis su med pa'i mkha' las ye shes kyi yig 'bru k+ShiM mthing ga dang / k+ShiM dkar mo dang / k+ShiM ser po dang / k+ShiM dmar po dang / k+ShiM ljang gu dang / k+ShiM sna tshogs kyi mdog tu snang ba dag thon te gsung gcig gis skyed skul gyi sngags bka' stsal pa/ hUM e yaM raM khaM su raM keM bruM/ a b+hi ro Sha Na hUM/ oM nyi ma sa sla la nAM ga ru Da tsa le tsa le @#/ /hUM phaT/ ces gsungs pa las ye shes las sprul pa khyung mthing ga dang / dkar po dang / ser po dang / dmar po dang / ljang gu dang / so so nas sna tshogs pa 'dus pa'i khyung lus dkar ba/ gshog pa sngo ba/ rwa ye shes spu gri 'bar ba/ gdug pa can 'dren cing za ba/ 'bar ba'i khro bo'i thugs rje la gnas par gyur to/ /lus kha dog lnga la mchu gnam lcags kyi rdo rje las grub pa/ gshog pa nam mkha'i mtha' ma khebs pa/ mig gser zhun ma bzhin du snang ba/ gdug pa'i sprul rigs bzhi so sor za ba dag spyi gtsug dang / dpral ba dang / rna ltag g.yas g.yon dang / dbu'i ltag khung la sogs par gnas so/ /rigs so so phyag mtshan so sos dbang bskur te/ de bzhin gshegs pa'i rigs kyi bdag pos 'khor lo spyi gtsug tu byin te/ oM sarba ta thA ga ta kA ya badzra swa b+hA wa At+ma kou0f85haM/ zhes gsung zhing 'khor lo byin no/ /gsung gi rigs kyi bdag pos kyang / AHsarba ta thA ga ta wA ka badzra swa b+hA ba At+ma kou0f85haM/ zhes gsung zhing chos kyi 'khor lo mgrin par bzhag go /thugs kyi rigs kyi bdag pos kyang / hUM sarba ta thA ga ta ma hA tsit+ta badzra swa b+hA wa At+ma kou0f85haM/ zhes thugs kar rdo rje bzhag go /yon tan gyi rigs kyi bdag pos kyang / swA sarba ta thA ga ta rat+na gu h+ya a b+hi Shiny+tsa mAM/ zhes rgya gram dang lte bar rin po che 'bar ba bzhig go /las kyi rigs kyi bdag pos kyang / hA sarba ta thA ga ta karma gu h+ya a b+hi Shiny+tsa mAM/ ye shes kyi khro chung sku chung la spyan che ba/ rdo rje dang sdigs mdzub 'dzin pa/ dkar po dang / dmar po dang / ser po dang / ljang gu dang / mthing ga la sogs te sna tshogs pa'i khro chung thon no/ /thon par gyur to/ /de dag gi byin gyi rlabs kyis sa chen po 'di rnam pa drug tu g.yos/ rab tu g.yos/ kun tu g.yos/ kun tu rab tu g.yos par gyur to/ /sreg pa'i bskal ba'i sgra tsam yang grag par gyur to/ /de dag tshur 'dus shing nam mkha' la babs nas 'khor lo 'bar ba'i lte dbus su gnas pa las de bzhin gshegs pa thams cad kyi gsung gcig gis/ ro Sha Na yak+Sha gr-ih+Na gr-ih+Na phaT ces gsungs pa las ye shes kyi khro bo sku dug ha la nag po'i mdog ltar 'tsher ba/ ye shes rngam pa'i spyan gsum bskal pa'i glog ltar 'khyug cing gdug pa nyi ma'i 'od zer bzhin gang la bltas pa brlag nus shing tsha ba/ smin ma rngam pa'i glog drag po bzhin ser nag tu 'bar bas gti mug dang / nyon mongs pa'i mun pa sel bar byed pa dang / sma ra ser nag la ye shes kyi me 'bar ba/ nyon mongs pa'i bag chags sreg pa/ nyon mongs pa gti mug 'joms par byed pa'i glang po che'i ko rlon gsol ba/ nyon mongs pa'i zhe sdang 'dul ba'i @#/ /rtags su gcan gzan gyi rgyal po stag gi sham thabs bgos pa/ nyon mongs pa phrag dog 'dul bar byed pa'i gzig gi mgo bos brgyan pa/ nyon mongs pa'i 'khor ba ma spangs pas zhing chen gyi g.yang gzhi gsol ba/ sbrul dkar khras dbu brgyan pa/ ser khras mgur chu byas pa/ dmar khras phyag gdub byas pa/ ljang khras sked bcings byas pa/ nag khras zhabs gdub byas pa/ dug gsum ngang gis mi spong bar nyon mongs pa'i sha khrag gsol ba/ sku dang gsung dang thugs dang ldan ba'i thod pa skam po dang / rlon pa dang / ne phreng gis sku la brgyan pa/ chos nyid skye ba med pa'i don dang ldan zhing 'khor ba khrag zhag dang 'dra ba la thugs rjes gzigs pa'i phyir zhag gi zo ris kyis sku la brgyan pa/ theg pa chen po'i dbang gis thams cad 'dul ba'i phyir thal chen gyi tshom bus sku la brgyan pa/ chos nyid skye ba med pa'i don dang ldan zhing dbu 'bar bar cha byad du snang ste/ dbu skra sngo nag la ral pa'i cod pan gyis bsgyings pa/ zhabs g.yas pa brjid pa'i tshul gyis bskum nas gnas pa/ zhabs g.yon pa drag po'i tshul gyis bgrad nas gnas pa/ srog la rngam pa'i srin po pho mo brdzis pa/ phyag g.yas pa na rdo rje rtse lnga rdeg pa'i tshul du 'dzin pa/ g.yon pa na sdigs pa'i mdzub mo 'phyar ba dag tu snang ba zhes rgya gram dang / ral gri 'bar bas yan lag bzhi la las kyi byed pa por dbang bskur ro/ /dam rdzas bdud rtsi rnam pa lngas dbang bskur nas 'phrin las thams cad kyi byed pa por dbang bskur te/ de yang gnyis su med pa'i rol pas so/ /dpal rdo rje gtum po theg pa gsang ba'i rgyud las/ de bzhin gshegs pa thams cad kyis 'bar ba'i khro bo la dbang bskur ba'i le'u ste drug pa'o// //de nas dpal rdo rje gtum po lag na rdo rjes sdigs mdzub ni/ bsgreng / rdo rje ni/ sbar nas 'bar ba'i khro bo'i lta bas kun tu bltas te spyan ni/ bzlog /zhal ni/ bgrad nas rngam pa'i sgra skad ni/ ha ha/ hUM hUM/ a la la/ aM aM/ d+hi d+hi/ ho ho zhes pa'i byin rlabs las phrag pa gnyis rab tu 'bar te rdo rje khro bo dkar ba/ rnam par dkar ba dag mtha' yas pa thon to/ /dpral ba rnam par 'bar ba las khro bo mthing ga sna tshogs pa thon to/ /mgrin pa rab tu 'bar ba las khro bo dmar po rnam par dmar ba dag thon to/ /thugs ka rab tu 'bar ba las rdo rje khro bo nag po rab tu 'bar ba sna tshogs pa thon to/ /sku lte ba rab tu 'bar ba las khro bo ljang gu rab tu 'bar ba dag thon to/ /'bar ba'i khro bo de dag kyang 'bar ba/ rab tu 'bar ba/ kun tu rab tu 'bar ba/ me lce lta bu ste/ shin tu rngam pa/ shin tu 'jigs pa/ dgod pa'i mdog @#/ /tu snang ba/ log sred can dag la gshe ba'i mdog tu snang ba/ thams cad thugs rje chen pos kun la khyab pa/ thugs zhi ba dang / rgyas pa dang / dbang dang drag po dang / 'phrin las bzhis sku'i dngos po shin tu bsgyur te 'gro ba'i don mdzad do/ /zhal nas rngam pa'i sgra sgrog pa de dag kun kyang khro bo'i stang stabs dang / mchong pa dang / 'gying pa dang / rtse ba dang / spyan bgrad pa dang / mche ba gtsigs pa dang / khro gnyer mi bzad pa gtsigs pa shin tu mi bzad pa'i khro bor sprul te rtsi mchog gi rgyal po ma gi ta'i drir ldan pas gdug pa can kun gyi snying rab tu rul par byed pa de lta bu'i 'bar ba'i khro bo de dag sprul/ rab tu sprul par gyur to/ /de nas rngam pa'i gsung gis drag po'i sngags bka' stsal pa/ oM badzra tsaN+Da/ oM pi pu li/ oM badzra tsaN+Da pra ba ra nA ga /oM badzra tsaN+Da ma hA nA ga hr-i da ya/ A brte/ dz+wa la dz+wa la/ sarba nA ga hr-i da yA ni/ A warte dz+wa li/ sarba nA ga hr-i da yA ni/ ki mi ki mi/ nA ga ku la ni bi d+h+waM sa ni/ ha na ha na/ sarba nA ga duSh+TaM/ hr-i da yA ni/ da ha da ha/ sarba duSh+Tan nA ga ban+d+ha ni/ pa tsa pa tsa/ pa tsa ya pa tsa ya/ sarba duSh+TaM nA ga nAM/ a kra ma a kra ma/ sU tra ma sa ka ra bi ma li/ bi kra ma/ ma hA nA ga te dza ba re swAhA/ zhes pas de dag thams cad yur yur por gyur to/ /stong gsum gyi stong chen po'i 'jig rten gyi khams rnam pa drug tu g.yos/ rab tu g.yos/ kun tu rab tu g.yos par gyur to/ /dpal rdo rje gtum po thugs gsang ba'i rgyud las/ dbang du bsdus pa'i le'u ste bdun pa'o// //de nas dregs pa can de dag zil gyis mnan pa'i phyir rdo rje nam mkha' la gsor bas dregs pa can de dag shing lo rlung gis bskyod pa bzhin no// de nas rngam pa'i gsung dang / brjid pa'i sku las 'di skad gsungs so/ /khro bo'i rgyal po nga nyid kyis/ /srid pa gsum na gnas pa yang / /thams cad ma lus zil gyis mnan// rigs bzhi klu rgyal 'khor dang bcas/ /gzi byin drag pos mnan par bya/ /nga ni mthu stobs bdag po ste/ /rngam pa'i gsung dang brjid pa'i sku/ /phyag rgya drag pos zil gyis mnan// zhes ched du brjod pa brjod nas brjid gnon gyi phyag rgya zhes bya ba bcas te phyag sor mo bsnol te mthe bong gnyis dang mthe chung gnyis so sor rtse sprad nas brkyang ngo / /phyag gi mthil 'khor lo can yang thur du bstan te shin tu mi bzad pa'i sngags bka' stsal pa/ oM badzra tsaN+Da badzra pA Ni hUM hUM/ ga ru Da b+hak+She hUM hUM/ dzeM mA la ba ri tsi/ tsi sri tsa hUM phaT/ ces ched du brjod pas dregs pa can dang klu thams cad myos rab tu myos nas bka' bzhin bgyi'o/ /zhes gsol to/ /de dag thams cad kyang myos pa'i chu drag po 'thungs pa lta bu'am/ @#/ /skyes bu gnyid kyis gdungs pa lta bu ste/ de dag thams cad kyis mgrin gcig tu gsol pa/ kye ma/ gsang ba'i bdag po bcom ldan 'das/ rig sngags bdag po khro bo'i rgyal/ /khyod kyi rig sngags dmod pa yis/ /shin tu mi bzad rab tu myos/ /'bangs su mchi zhing bka' bzhin 'tshal/ /thugs rje can gyis bdag cag la/ /rab tu dgongs shing 'bangs su mchi/ /slad ma rnams la 'tshe mi bgyid/ /ces dam bcas so/ /dpal rdo rje gtum po thugs gsang ba'i rgyud las/ dregs pa can zil gyis mnan pa'i le'u ste brgyad pa'o// //de nas sum cu rtsa gsum gyi lha'i sde dpon chen po brgya byin zhes bya ba ga la ba der 'ongs te mchod pa'i yo byad rnam pa sna tshogs pas mchod nas rdo rje khro bo de la 'di skad ces gsol to/ /kye khro bo'i bdag po chen po/ /dregs pa gdug pa can 'di dag ni/ shin tu ma rungs par gyur na/ 'di dag brid nas bstan pa gnas pa'i thabs kyi spro ba mdzad du gsol zhes gsol ba las/ lha'i dbang po nyon cig /klu rnams kyi rdzas rnams rdzas sna tshogs pa bsags la/ bdag nyid kyi lus dag cing gtsang bar byas la longs ma spyad pa'i ras dkar po bgos te mngar ba dang gsur ba'i dri zhim po dang ldan pa'i thig les lus byugs la bu ram dang / sha kha ra dang / sbrang rtsi mur bar byas la zhag bdun nam dgu'i gong nas kha zas ngan ba spang bar bya'o/ /lus kyi rnam pa la rma bya'i sgro lnga btsugs te shes rab can gyis bya'o/ / klu'i sman sna tshogs pa dang 'jam pa'i 'bru bsres pa'i phye ma mngar ba'i chus sbrus te ri lu sha rtug gi 'bru tsam brgya rtsa brgyad bya'o/ /klu sman rnam pa tha dad pa yang blugs te dkar gsum la sogs pa dang ldan par bya'o/ /de nas thugs rje chen pos gzigs te/ klu'i rgyal po 'khor dang bcas/ /dga' dang gus pas spyan 'dren gyi/ /brtse zhing gdungs pas tshur shog cig /dga' zhing gus pas mngan mi sems/ /kun kyang brtse bas tshur shog cig /ces bka' stsal pas de dag kun gyi dbang po kun kyang shin tu dwangs par gyur nas sha rid la sbrang ma 'dus pa lta bu ste/ kun kyang dga' ba'i mdangs dang chas nas gang na ba der 'khod do/ /sngags bka' stsal pa/ nA ga rA dza sa ma ya swAhA/ zhes bka' stsal pas/ kun kyang tshim par gyur to/ /de dag kun gyis kyang mgrin gcig gis dam tshig gi rim pa phul ba/ dpa' bo chen po khro bo'i bdag /khyod kyi bka' las 'das gyur na/ /bdag cag rnams kyi mgo lus snying / /dum bur gas nas rul bar shog /tad+ya thA/ oM tsa TA tsa TA/ bi tsi Tu/ sha tha sha tha/ swa tsa rA tsi te swAhA/ zhes gsol to/ /dpal rdo rje gtum po thugs gsang ba'i @#/ /rgyud las/ gdug pa can bka' la btags pa'i le'u ste dgu pa'o// //de nas yang dbang po chen pos gsol pa/ /kye rdo rje khro bo dag /dregs pa can 'di dag shin tu ma rungs par gyur na/ la la ni/ rus pa chag cing grugs/ /la la dag ni/ tshe'i 'du byed mtha' la gtugs su nye/ la la dag ni/ nam mkha' lding dbu'i gtsug tog na gnas pas len pa'i sdug bsngal gyis gzir/ la la dag ni/ khrag bskams/ la la dag ni/ sen mo dang yan lag chag /la la dag ni/ gti mug gi gnyid log pas byang chub kyi snying po mi shes/ la la dag ni/ rtsa dang rgyus pa chad de nad rnam pa sna tshogs kyis gdungs/ la la dag ni/ lus kun tsha ba'i nad kyis nyam thag /la la dag ni/ rtse shing ming yang mi grag /la la dag ni/ nyon mongs pa rgyas te sems bskyed pa rjes su dran yang de bzhin gshegs pa'i zhal mi mthong / la la dag ni /yi dwags kyi khams lta bu ste kha zas kyi skal ba dang mi ldan na/ 'di dag gso ba'i thabs bka' stsal du gsol zhes gsol pa las/ lha'i dbang po dag /dbang po'i lag pas ni/ lag pa chad pa sos par 'gyur ro/ /chu srin sde mos ni/ sen mo chag pa sos par 'gyur ro/ /nA ga ge sar gyis ni/ byang chub kyi sems bskyed pa rjes su dran par 'gyur ro| |nA ga puSh+pa sa ni/ klu'i gnas me tog gi nags tshal du 'gyur ro/ /gu gum gyi dri chen pos ni/ de ma yin pa thams cad bsregs nas klu'i sna la bsnams pa tsam gyis sngon byang chub mchog tu sems bskyed pa dran par 'gyur ro/ /'bras yos kyis ni/ klu'i nad thams cad 'tsho bar 'gyur ro/ /thang ka bya rgyus spru shel gyis ni/ rtsa rgyud chad pa sos par 'gyur ro/ /ga pur gyis ni/ rtsa ba'i nad sos nas lus kyi bcud kun tshim par byed do/ /dar le brgan gyis ni/ ka ru nas 'jigs pa las skyob par byed do/ /mtshan dang / bye tshan dang / gcer bu dang / rgyal po'i chad pa dang / sa g.yo ba dang / gzhan gyi rig sngags kyis gnas 'gul ba dang / phur bus 'debs pa las thar par byed do/ /mtshal gyis khrag bskams pa sos par byed do/ /dung gis rus pa chag pa sos par byed do/ /ras skud dmar pos ni/ /srog 'gags pa tshangs pa'i tshe dang ldan par byed do/ /dkar dang mngar gyis zhal zas ro mchog brgya dang ldan par byed do/ /de dag kun kyang rin po che'i bum pa'am/ kham por lta bur mchu lnga bar blugs nas sbas na/ gang nyams pa de sogs par 'gyur ro/ /dpal rdo rje gtum po thugs gsang ba'i rgyud las/ klu gso ba'i le'u ste bcu pa'o// //de nas lha'i dbang pos gsol ba/ kye rdo rje khro bo chen po/ /'di dag bsdigs na ji ltar @#/ /bsdigs/ /gegs dag gcad pa ji lta bu/ /brlag par bya ba ji lta bu/ /rdo rje khro bos bka' stsal pa/ /nyon cig dbang po rnam par rgyal/ /bsdigs pa bya ba 'di dag go/ shin tu khros bcas mgo bstod la/ /mkha' lding ka rur sprul par bya/ /rdo rje khro bo 'tshol ba gdon/ /phyogs bcur rdo rje spro bar bya/ /hUM hUM hUM/ badzra tsaN+Da oM A|na ga pra tha pra tha/ hUM nA ga nA sha ya phaT/ ces bka' stsal pas dregs pa can de dag lus la bcad gtubs kyi sdug bsngal byung gis dgos te 'phral nyid du gdug pa can de dag shin tu bred par gyur te bka' bzhin du nyan no/ /shin tu 'jigs sngags nas bcom ldan 'das thugs rjes gzigs su gsol zhes bka' nyan no/ /de nas gegs bcad par 'dod na/ /sbyin sreg bzhin las bya'o/ /gang na bder chab snyams la/ /nag po dre dang ldan par byug /zur gsum sum brtsegs thur du brko/ /kha khyer thams cad rdo rje nag /dbus su gzhal yas rgya gram bri/ /se skyer gdug pa'i shing dag la/ /zur gsum khru do'i tshad du brtsig /logs la rak+ta'i tshar tshar gtang / /tsher can nag po zur gsum shig /brag nag skyes pa'i tsher nag shug /sor ni 'dun bdun tshad du bya/ /ma du zur gsum sor gsum tshad/ /'bru chan nag po rak+tar sbyar/ /ming bya sbyin sreg rab tu sbar/ / brgya rtsa brgyad de nyi shu gcig /dmigs pa che ge'i ling+ga ni/ /dri ma khrag dag dang / /skra dang rkang rjes gos la sogs/ /tshogs par pags la a mu kaM/ de la dza hUM baM hos dgug /yi dwags gang gnas mtshon pa bla/ /sbrul gdug dmigs pa'i gzugs su bya/ /gnon par byed pa mtshon byas dza/ /snying gar bris la nga rgyal mdun/ /thun brab gdab sngags bskor bcas dbul/ /mA ra ya dang bcas pa'o/ /nag po'i chas mgo ra stan sa/ /stod g.yogs sngon po phu rung nag /g.yang gzhi srid pa'i spyi blugs mgo /dgang blugs mchog chen gzar bus bya/ /kham skyong zur gsum rdzas rnams gsag /mchod sbyin nga dang mgon byed la'o/ /me yi lha yang nga nyid do/ /mA ra ya phaT/ suM b+ha ni suM b+ha hUM/ sbyin sreg byas pa'i thal ba la/ /nga yi gdung du bsgrub par bya/ /nang du dgra bo'i brda yang gzhug/ yang seng ldeng phur bus gzung / /mtshams kyang sna lnga'i tshon gyis dbye/ /de nas de la dmigs pas so/ /oM badzra tsaN+Da swa b+hA ba d+harmA d+hA tu a/ oM badzra rat+na pany+tsa traM/ oM badzra a mr-i ta pA Ni swAhA/ oM badzra A ko Ta ya mud ka ra badzra ha na ha na hUM/ oM badzra tsaN+Da badzra b+ha ba ye swAhA/ oM badzra ar dze bir dze swAhA/ oM badzra a mr-i te A yu She swAhA/ oM badzra tsaN+Da ma hA ro Sha Na hUM phaT/ bruM ska ni ska/ oM badzra d+harmA te swAhA/ oM badzra tsa N+Da @#/ /pra ma ta na ye swAhA/ tsaN+Da puSh+pe swAhA/ dag pa chen po bde ba'i mchog /ye shes rdo rje tho bas brdung / /de las byin rlabs de la blugs/ /ye shes tho bas nyon mongs brdung / /dmigs pa dza mar dag gis dgug /ma gtun rdo rje rgya gram nyid/ /gnas nyid lha yi gzhal yas khang / /thams cad lha yi na bza' ldan/ /de gzhug bdud dang nyon mongs mnan/ /nga nyid du yang 'gyur bar bsam/ /tsaN+Da puSh+pa ye swAhA/ mtshan dang dpe byad rgyun mi 'chad/ /dang por sbyor bas mchod par bya/ /ba yis bkru bya spos kyis byug /shin tu gtsang ba dag gis phyi/ /zhes gsungs so/ /dpal rdo rje gtum po thugs gsang ba'i rgyud las/ /dregs pa can tshar bcad pa'i le'u bcu gcig pa'o|| //de nas lha'i dbang pos gsol pa/ /kye ma gnod 'dul khro bo'i rgyal/ /dregs pa srung ba'i thabs ni gang / /srung thabs rnam pa du dang ldan /gnod 'dul chen po bka' stsol cig /nyon cig dbang po kun gyi bdag /sngags rdzas ting 'dzin 'dus pa bzhi/ /dngos te dgongs pa thams cad byed/ /rdo rje brag dang rin chen tshul/ /dug dang me bzhin mtshon cha 'dra/ /dus min 'chi las rab tu zlog /sangs rgyas kun gyi mthu dang ldan/ /de 'chad dngos grub mchog chen 'thob/ /ngal du kun tu zhugs dang mtshungs/ /sangs rgyas kun gyi sras su dgongs/ /gang zhig gsang sngags 'di 'chang ba/ /kun gyis nga dang 'dra bar mthong / /gang zhig gsang sngags 'di 'chang ba/ /nga nyid rgyun du de na gnas/ /'jig rten du ni bde ba 'byung / /'das dang sangs rgyas kun dang mtshungs/ /rtsibs bcu dbus dang bcu gcig la/ /yig 'bru khyams bcas brda bri'o/ /chu 'khyags dag la yungs kar ro/ /gru char la ni sa zhag mo/ /gzhan la srad bu sngon po la/ /mdud pa re la re re'o/ /chu 'am yid ni rang la'o/ /sha ri raM dang ma g+hi ta/ /gser dang rma bya gru pa'i sbu/ /bal tshon sna lnga'i srad bu la/ / tsakra bris la mgul dang gtsug /mo g.yon pho g.yas bsrung bar bya/ /chus ni yams dang dug las thar/ /maM sa dri dang rak+ta dang / /khu ba chu dag sbyar ram bza'/ /sangs rgyas lnga yi dngos grub ste/ /kun gyis spyad par bya ba yin/ /mdze dang rlung gi gnod pa sel/ /tshe ring lus kyang rgyas pa yang / /byang chub dkar dmar mdangs dang ldan/ /yams dang mi gtsang dngos po sel| |dri yi chu yi yon tan ni/ /klad rkang pho log grang ba sel/ /shin tu zab ste gsang ba'i mchog /skal ldan rtogs pa rnams kyis spyad pa las/ /skal med blo dman rnams kyis ga la yin/ /zhes gsungs so/ /dpal rdo rje gtum po thugs gsang ba'i rgyud las/ /srung ba'i 'khor lo'i le'u ste bcu gnyis pa'o// //de nas lha'i dbang pos 'di skad ces @#/ /gsol to/ /slad ma'i tshe slad ma'i dus na sems can gdug pa can gyi dug bsal ba'i mtshan nyid dang / zhugs bstan du gsol/ /nyon cig dbang po chen po legs par rab tu yid la zungs shig /mtshan nyid rnams ni/ 'di lta ste/ rus pa sha dang pags pa dang / /rtsa dang khrag dang nang grol lo/ /bcud dang chus te lus kyi stobs/ / lus kyi rtsi dang mdog dang dbyibs/ /reg pa chu dang chu ser dang / /klad pa lha ba lus kun la/ /zhugs sa rnams ni bco brgyad te/ /'on kyang gcig sogs grangs kyis brtag /rus pa la zhugs pa ni/ lus skem pa dang / zug gzer che ba dang / na thang nge ba dang / thig ler na pa'o/ /sha la zhugs pa ni/ lus bebs se 'dug pa dang / lus lti se 'dug pa dang / mdog nag pa dang / dri ma ngan pa sngar 'ong ba dang / sha ro 'byung ba'o/ /pags pa la zhugs pa ni/ sha 'phrig pa dang mdog skya ba'o/ /rtsa la zhugs pa ni/ lus spring ber ba dang / rtags de ni/ bzlog dka' ba'o/ /sbrid lug dang ni sprid lci dang / /tsha ba 'dzag dang tsha rab dang / /tsha ker ba dang tsha breng ba/ /lus la sogs pa tsha thang ba/ /tsha ber ba dang yan lag brab/ /khrag la zhugs pa ni/ sna nas khrag kyang skabs su 'dzag /tsha ber ba dang lci yor ba/ /gdong pa rtag tu dmar ba dang / /'o ma'i spris ma ltar 'ong ngo / /nang grol la zhugs pa ni/ glo snying mi bde skyug ting nge / /snying 'dar snying yang mi dga' ste/ /de na bzlog par dka' ba'o/ /bcud la zhugs pa la bzhi ste/ sa bon mi 'byung mtshan mi ldang / /khu ba skyo ma'i mdog tu 'ong / /khu ba dwangs snyigs phyed nas 'ong / /chu la zhugs pa ni/ gsum ste/ sbugs chu rgya skyegs khu ltar 'ong / /sna chu rtag tu skya bor 'ong / /mig gi cha yang rta par 'dzag /dug ba ser bu byung tsam gyis/ /gzhan pas rab tu myur bar 'jig /lus kyi stobs la zhugs pa ni/ sgyid lug pa dang skyi zhum pa/ /lus kyi rgyu ba nyal nyal 'ong / /lus kyi rtsi la zhugs pa ni/ rtsi la sogs te lus kyi dri/ /bya yi pags bzhin sang gis 'gro/ /mdog la zhugs pa ni/ lce ni btsod kyi mdag bzhin 'ong / /dbyibs la zhugs pa ni/ lus kyang gnyer chung dag gis khengs/ /sor mo byi ba'i mjug ma 'dra/ /reg pa la zhugs pa ni/ sna rtse la sogs lag rtse rnams/ /tsha yam tsha ber lus gtse ba/ / g.ya' bar 'ong ba dag yin no/ /chu ba la zhugs pa ni/ /yan lag rengs shing na ba dang / /sha 'bur ba dang grang sing sing / /yan lag tshogs rnams khol ba 'o/ /chu ser la zhugs pa ni| chu ser la lnga ste/ za khol khol/ za tsag tsag /tsha ljibs ljibs/ lus la chu lgang yod pa'o/ /chu lgang byung nas rid mi lus/ /lus la 'brum rjes sran ma 'dra'o/ /de ni bzlog @#/ /par sla ba'o/ /klad pa la zhugs pa ni/ mgo bo phying phying skrangs pa dang / /'thom dang bem me ba dag dang / /skra rnams nul gyis byi la sogs/ /lha ba la zhugs pa ni/ gdong pa tsha lam lam 'ong ba dang / grang ser ser 'ong ba'o/ /de ni/ bzlog par sla ba'o/ /lus hril gdong yang thal skya'i mdog /de ni bzlog par dka' ba 'o/ / shin tu khro bo'i klu rnams ni/ /rtags dang mi ldan thugs kyis 'ong / /bzlog dka' rma tshogs mi 'tsho rtags mi ldan/ /bzlog sla gzhan yang yan lag phra ba dang / /sbom dang thung dang rengs la sogs/ /klu'i mtshan nyid du shes par bya'o/ /bzlog dka' rma tshogs mi 'tsho rtags mi ldan/ /bzlog sla gzhan yang yan lag phra ba dang / /sbom las las 'byung ba dag kyang yod/ /de dag gi ni mtshan nyid ni/ /mkhas pas so sor shes par bya'o/ /nad gzhi las byung sman sogs dang / /'phrod pa'i zas ni phan pa yin| |nad rnams gzhan ma yun mi rtag /'di 'dra'i mtshan nyid shes par bya/ /shes nas myur du brtson 'grus kyis/ /sna tshogs thabs le ma rmongs pas/ /zlog pa'i las la 'bad par bya/ /chu yi thigs pa phra mo yis/ /dus su byung ba rdo ba 'bigs/ /gdug pa'i dbang can zha ring yang / /le lo dang bral rtse gcig sems/ /rgyun du lha sgom bzlas brjod kyis/ /gdug pa'i nad las thar par nges/ /rtsol ba che la som nyi bral/ /gang bsams de las mi 'grub med/ /'khor ba'i phung po srog bcas la/ /mngon sum nyid du mthong 'gyur gyi/ /brtson pa dor bar mi bya'o/ /ces dpal gtum po chen pos gsungs so/ /dpal rdo rje gtum po thugs gsang ba'i rgyud las/ mtshan nyid brtag pa'i le'u ste bcu gsum pa'o// //de nas lha'i dbang pos 'di skad ces gsol to/ /bcom ldan 'das slad ma'i dus dag na/ gdug pa can gyi yi dwags rnams/ /dug rnams dbyung na ji ltar dbyung / /mchod pa'i las rnams ji ltar bya/ /chos kun bdag pos bka' stsol cig /ces gsol to/ /bka' stsal pa/ lha'i dbang po nyon cig /mchod pa'i las dag byed 'dod ni/ /gnyis dgon gtsug lag chu mig 'gram/ /mtshe 'u lteng ka khron pa'i steng / /dbyar zla gsum la gnas par bya/ /dbyibs legs ran mdzes byi dor bya| |ba yi rnam lnga sbos dang dri/ /thig le lnga dang ldan par bya/ /dbus su hUM bri gsal bar bya/ /oM phA pho phai phoM/ /'di dag gzhi las rdzogs par bskyed/ /klu yi rgyal po rgya mtsho ni/ /lus dkar rin chen sbrul mgo gsum/ /lag na rin chen sdong bu 'o/ /klu yi rgyal po kun nas gdugs/ /sprul mgo gnyis pa kha dog ser/ /rin chen 'bar ba lag na'o @#/ /chu lha mgo lnga kha dog dmar/ /lag na pad+ma 'bar ba'o/ /klu rgyal shing la bu ra ka /lag na sprin phung kha dog ljang / /rgyal dang rje dang bra ma ze dmangs/ /so so'i rigs kyi rgyal po ste/ /spra tshil zha nye bag zan la/ /gzugs su yang na mdzes par bya/ /sems can 'khor gyis bskor bar bya/ /klu sman sna tshogs dkar dang dmar/ /tshogs par byas la mchod sbyin bya/ /kham phor sbu gu mchu lnga par/ /blugs la kha bcad gnas su sba/ /gso bar bya ba'i las ni rab/ /spyan drang gdan dang phyag skyabs bstod/ /smon lam la sogs rgya cher bya/ /bden pa bdar zhing bsdig par bya/ /dug rnams dbyung ba'i las dag ni/ /raM yaM khaM las byung ba yi/ /'khor lo rnam gsum me rlung chu/ /sreg gtor bkru bya stong nyid kyis/ /'khor lo chen po gnas par bya/ /hUM las gyur par ldan par bya/ /bzang skyob pa dang dogs nyes dang / /mnyam dang ldan pas mchod pa bya/ / de nang de bzhengs mtshan nas brjod/ /nya stong dus mchod sri zhus bskor/ /des ni don rnams 'grub par 'gyur/ /dpal rdo rje gtum po thugs gsang ba'i rgyud las/ dug dbyung zhing mchod pa bstan pa'i le'u ste bcu bzhi pa'o// //de nas de bzhin gshegs pa thams cad kyi bdag pos bka' stsal pa/ /dus ngan tha mar gyur pa'i tshe/ /sdig la mi 'dzem mi dge spyod/ /mtshams med byed cing chos bskor 'jigs/ /mdzed dang shu ba g.yan pa dang / /bskams dang zha grub gzhogs phyed na/ /de'i tshe nga yi bstan pa 'byung / /nyon cig dbang po 'khor gyi mchog /log sred gdul dka' gdol pa can/ /zhi bas mi 'dul gang zag gi /gshed du 'khor lo 'di bskos so/ /kro d+ha rA dza'i gzungs bcas la/ /rdo rje rgya gram mtha' bskor rdo rje'i ra/ /brtson 'grus bzhi ldan dbus dang lnga ru de'o/ /de las rgyas pa dag tu bskor 'dod na/ /de la khyad par khyams dang yi ge ni/ /bcu gcig ldan byas mtshon re'i ming rus gcar/ /khyams gcig hUM dang ming rus mang na sbrag /dbus khyams sngags bri mang na de dang sbrag /gcig la rdo rje hUM bar mang na gcar/ /rkang pa mos ma shigs na pho yi las/ /de ma byung na pho mo sbrag pa'i las/ /bsod nams can gyi skal bzang ma thul na/ /srid pa'i gtong zlog 'khor lo dkrugs te bskor/ /ro ras la bri bya rog 'ug pa'i sgro/ /smyug gu byas la gdan nag yig sngon 'bri/ /dri dgod shing bsregs bong khrag bong dug sbyar/ /dbus dang btson khang bzhi por hUM bar bcad/ /dgos pa kun byed las rnams thams cad kyi/ /sngags 'di pho dang mor bri bar du bsad/ /oM badzra tsaN+Da ma hA ro Sha Na hUM phaT/ pho dang mor bskor rabs chad @#/ /pho mor gzhug /dbus kyi hUM btags srad bu tshangs bug dbyung / /yak+Sha kha phaT phyogs bzhir gzhag par bya/ /rdo rje rab tu hUM bar de bar gzhag /dug sna khrag snas ga 'u nag por byug /gu gu rgya tshil tshil chen ra lug rmang kha ni/ /khu ba nag pos bya bar rab tu shis/ /bong gri nag po'i rdog ma dri rgod shi skra dang / /yugs sa mo yi skra shad skud pas dkri/ /yugs sa mo yi dor rtas dril la sba/ /pho mo'i thod pa steng 'og rgya gram bri/ /ri rab mnan byas mtha' gnyis dang po bzhi/ /bang rim sngags bris steng du rgya gram dgab/ /rgya gram 'og khung steng du khru do'i tshad/ /bang rim bzhi la sngags 'di sku gsung thugs/ /nga yi ri rab dag tu mtshon phyir bri/ /oM laM hUM laM staM b+hA nAM| oM badzra tsaN+Da nA zhes gsungs so/ /dpal rdo rje gtum po thugs gsang ba'i rgyud las/ /drag po 'khor lo'i le'u ste bco lnga pa'o// //de'i tshe de skad ces bka' stsal pa'i mthus 'jig rten gyi khams kyang g.yos/ rab tu g.yos so/ /'jig rten gyi khams thams cad la la ni/ g.yas su 'khor ba'i tshul gyis 'khrugs so/ /la la ni| g.yon du 'khor ba'i tshul gyis 'khrugs so/ /la la ni/ bla 'og dgye dgu'i tshul gyis 'khrugs so/ /la la ni/ mtho dman dang grum pa'i tshul gyis 'khrugs te/ de dag na gnas pa'i gdug pa can thams cad rab tu myos nas kha nas khrag ngan skyugs pa dag kyang bskus te/ thams cad kyang gan ba der thad du 'dus nas phyag 'tshal te mgrin gcig tu skad kyis 'di skad ces gsol to/ /kye ma/ snga ma ma mthong khro bdag 'jigs pa'i sku/ /rab tu grags pa ya mtshan e ma ho/ /thugs rjes dgongs shig bdag cag 'bangs su mchi/ /de las 'gal na dmyal bar ltung bar shog /ces gsol zhing 'khod do/ /de nas bdud kyi rgyal po skos kyi bdag po bdud bye ba 'bum phrag dang bcas pas mgrin gcig gis srog gi snying po phul ba/ bcom ldan 'das/ /bdag cag gi rig pa 'di bzhes su gsol/ /oM nag po tri Ta tri Ta tri ling tra ta ha ke Na/ bdag cag gi rig pa 'di gang na gnas pa der bdud kyis 'gal bar mi bgyid do/ /gang yid la dgongs pa de grub par bgyid do/ /phas byad sngags dang sbyor ba btang ba yang phyir ldog go /de nas gza' rgod chen po rA hu la 'khor gza' 'bum phrag dang bcas pas mgrin gcig gis rang rtags srog gi snying po phul ba/ shu shu rak+Sha tshal pa kro d+ha kro lI shwa ra/ rA hU la/ tsa ti tsa ti| bdag cag gi rig pa 'di gang na gnas pa der gza' rnams kyis 'gal bar mi bgyid do/ /phas btang ba yang slar de nyid la mchi'o/ /'di 'dzin pa la ci 'tshal ba yang @#/ /stsol bar bgyid do/ /de nas dkar po dung gi thor tshugs can la sogs pa'i rgyal po 'khor 'bum phrag dang bcas pa lhags nas mgrin gcig gis rang rtags srog gi snying po phul ba/ pra ma Na pu Di da Sha a brtA rA dzA/ d+ha na rak+Sha tsi ta phyung tsita rA dzA phyung / rA dzA tsit+ta gtubs/ /bdag gi rig pa 'di gang na gnas pa der yul 'khor dang dpag tshad du 'gal bar mi bgyid do/ /phas btang ba yang de nyid la slar mchi'o/ /de nas btsan dmar po srog len btsan 'bum phrag du ma dang bcas pas mgrin gcig gis rang rtags srog gi snying po phul ba/ A bi shwa rA dzA tri liM/ bdag cag 'khor dang bcas pa rnams 'di las 'da' bar mi bgyid do/ /phas btang bar gyur kyang de nyid la mchi'o/ /de nas gshin rje'i rgyal po dmigs pa zhes bya ba 'khor dang bcas pas mgrin gcig tu rang rtags srog gi snying po phul ba/ ya ma rA dzA ya ma tsit+ta/ bdag gi rig pa spyod pa der bdag gi gnod pa mi spobs lags te/ /gnod pa'i rgyun spangs nas phas btang ba yang slar de nyid la mchi'o/ /de nas ma mo'i rgyal mo mkha' dbyings kyi yum lnga dang / bdud kyi gshin rje'i srid mo srid pa'i phung byed re ma ti la sogs pa ma mo'i tshogs dpag tu med pa dag gis rang rtags srog gi snying po phul ba/ rag mo mA mA ru lu snying kha rak+Sha dza bA lam ma b+h+yo b+h+yo/ bdag cag gi gsang ba'i sngags 'di spyod pa der srung ba dang / bskyab pa bgyid do/ /'khor dang bcas te bka' gzhan bgyid do/ /phas btang ba yang slar de nyid la mchi'o/ /de nas klu 'khor dang bcas pas mgrin gcig tu rang rtags srog gi snying po phul ba/ /nA ga rA dzA nA ga ni/ gang na rig sngags kyi rgyal po spyod pa der bdag klu'i gnod pa'i rgyun spong ngo / /phas btang ba yang slar de nyid la mchi'o/ /zhes so so nas rang rtags srog gi snying po phul te dam bcas so/ /de nas dbang po chen pos khro bo'i bdag po de la 'di skad ces gsol to/ /srid pa'i dbang po 'di rnams kun/ /'khor los bzlog na ji ltar bzlog /zlog thabs khyad par bka' stsol cig /bka' stsal pa/ nyon cig lha yi dbang po khyod/ /mA ra ya'i tsakra dag las/ /so so'i man+t+ra 'khor bar bri/ /byad sngags phyir bzlog de la yang / /sa ma ya dang bzlog btags so/ /mchu gsum snying lpags med pa'i thod pa dang / /ro nye sbal shugs phag thod rnal gri mo/ /dri rgod skyung ka thod chen nang dag tu/ /rab tu drag tu bskor te 'khor lo gzhug /'od 'gro 'grul srang rgya gram lam dag tu/ /e dong bru byas rgya sol mi khyir/ /rta khrag rme khrag nag pos sbyangs la bsku/ /dbus bcug mtha' skor mnan pa'i las dag bya/ /yang na thun du sbags la @#/ /khros pas 'phang / /zhes gsungs so/ /dpal rdo rje gtum po thugs gsang ba'i rgyud las/ /dregs pas srog gi snying po phul ba dang / mngon spyod drag po'i las kyis bzlog pa'i le'u ste bcu drug pa'o// //de nas lha'i dbang pos gsol ba/ kye/ bstan pa 'jig pa'i dus dag na/ /thun gyis tshar gcad bstan du gsol| |bka' stsal pa/ lha'i dbang po nyon cig /rdzas dang sngags bcas ting 'dzin gsum/ /khros pas zhe sdang bskyed par byed/ /zhes dang dran pas gdug rdzas gsag / yungs kar yungs nag ske tshe til/ /gze ma skyer ba se ba'i tsher/ /thun sngags 'di bzlas brnags kla brab/ /a mu kaM ni gtor ma 'am/ /mtshan ldan ka pA la ru gzhug/ oM badzra tsaN+Da ma hA ro Sha Na hUM phaT/ mA ra ya thun phob/ dbang po la yaM/ srog la yaM/ tsi ta la yaM/ go ro ta na la yaM/ gzas pa'i mtshan smos rdo rje'i thog tu dbab/ /gang dmigs gzas pa'i mthu dang rdzu 'phrul rnams/ /bdag la bsdu byas rtog pa'i bag chags bkru/ /sngags 'dir rol cig brjod cing b+ha ling dgril/ /oM ba liM ta/ ba liM pU dza ar+g+haM pra tIts+tsha hoH/ badzra kro d+ha tsaN+Da/ ba liM khA hi kha hi/ badzra kro d+ha tsaN+Da ha ha ha/ he he he/ b+ha Ta swAhA/ sbrul dang sbal pa nya dang chu srin snying / /sha chen khrag chen longs spyod rnam pa kun// shes rab mchog gi phyag rgya cher bsams la/ /yaM gtor raM bsreg khaM bkrus bdud rtsi'i mchog tu bsgyur/ /a mr-i ta dag sngags 'dis sbyang bar bya/ /oM AHhUM sarba pany+tsa a mr-i ta/ badzra a mr-i ta hUM hrI thA/ oM ma hA rak+ta dz+wa la raM khaM/ khA hi khA hi/ hUM hUM hUM/ hA hA hA/ phyi nang gsang ba'i mchod pa rgya mtsho'i tshogs/ /dngos su 'byor dang yid kyis sprul pa kun/ /phyogs bcu'i zhing khams gang bar rab dmigs la/ /skyo med dad pas nyin mtshan brtson par bya/ /mi dmigs mnyam bzhag ye shes rab ldan pa/ /sku gsung dus gsum sangs rgyas thams cad dang / /sems dpa' sems ma khro bo khro mo'i tshogs/ /mchod pa chen po de mnyes sbyin bya'i sems can tshim/ /zhes gsungs so/ /dpal rdo rje gtum po thugs gsang ba'i rgyud las/ /thun drag mchod sbyin gyi le'u ste bcu bdun pa'o// //de nas lha'i dbang po la sogs te ri rab dang / /bar snang la sogs pa la gnas pa'i lha thams cad kyi me tog dang / phreng ba dang / spos dang / phye ma dang / lha'i na bza' dang / zhal zas dang / rgyan sna tshogs ba dang / bdug spos dang / /sil snyan dang / /byug pa dang / sgra sna tshogs pa dang / spos sna tshogs pa thogs nas lhags so/ /'jig rten pa de dag kyang rang rang gi mchod pa sna tshogs pa thogs nas lhags te zhes dang gus pa byas te thams cad kyang @#/ /mgrin gcig gi nga ros gsol pa/ khro rgyal sku la dri ma mi mnga' yang / /dkar chab mngar chab spos kyi chab/ /sman chab bdud rtsi'i chab la sogs/ / khyod kyi sku la khrus chab gsol/ /A ha ra hUM/ ga bur bzang drug sman gyi dri/ /a ga ru dang du ru ska/ /gla rtsi spos kyi dri la sogs/ /'gags pa med par shangs la 'bul/ /d+hu pa pU dza me g+ha hUM/ rin chen lnga yi me tog dang / /chu las skyes dang thang las skyes/ /yid kyis sprul pa'i me tog rnams/ /rdo rje 'dzin gyi dbu la 'bul/ /puSh+pa pU dza me g+ha hUM/ 'bru yi mar me rtsi yi mar/ /'dam bu snang gsal rin chen sgron/ /spobs pa bcud len sgron ma rnams/ /khro bo gtum po'i spyan la 'bul/ /A lo ke pU dza me g+ha hUM/ rnam lnga'i spos dang sman lngar sbyar/ /ra sa ye dang a mr-i ta/ /rdo rje 'dzin la dri mchog 'bul/ /gan+d+he pU dza me g+ha hUM/ ro mchog brgya ldan bdud rtsi mchog /bde bar bzhes te dgyes par dgongs/ /a mr-i tA b+ha ra hUM/ kun tu grags pa'i sgra rnams ma lus dang / /dam chos sgra sgrog sil snyan 'bul/ /s+pha ra Na khaM zhes mgrin gcig gis gsol nas de nyid du spro ba'i tshul gyis gnas par gyur to/ /dpal rdo rje gtum po thugs gsang ba'i rgyud las/ /dregs pa'i 'khor dag gis sri zhu dang gus pas mchod pa'i le'u ste bco brgyad pa'o// // de nas rdo rje khro bo des dregs pa'i 'khor de dag la dam tshig ched du spyad pa 'di bka' stsal to/ /mi gnas mtha' las 'das pa sems nyid mchog /sna tshogs cho 'phrul 'byung bas kun gyi gzhi/ /ma bcos rang bzhin rkyen gyis byas pa med/ /de la gnas na rang dam bsrung ba yin/ /de bzhin gyur kyang 'od 'gyed ched du blangs/ /nor bu 'bar ba ma mthong ston pa dang / /thugs rje'i byin gyi rlabs kyis gdung ba'i nad sel ba/ /bdud rtsi lta bu'i tshig gis tshim byed pa/ /kun gzhi'i yul du nus pa'i dbang 'bogs shing / /thugs rjes skyob par mdzad pa'i mgon po dang / /dus gsum sangs rgyas kun bas gnyan pa ste/ /snying bzhin skyo med rmi lam nang du bskur/ /ngag gi rdo rje chu bo'i rgyun bzhin drang / /skyo med nyin mtshan dus su brtson par bya/ /rdo rje'i phrag par mi gseng bsdams la drangs/ /rdzun med tshig gis dam pa de la bstod/ /bshad pa'i dbang rnams rab tu ma bstan na/ /rdo rje'i lce la bdud rtsi 'jig gyur kyang / /gzhan la zer thigs 'ga' yang spro mi bya/ /gsang 'os gnyer gtad sngags dang mtshan rnams gsang / /dus gsum 'gyur med rdo rje'i sku mchod de/ /na dang 'chi sogs las kyi rnam smin dang / /sdug bsngal mi bzad nyam thag ci byung yang / /lhag par dran pa bskyed de rjes su gzung / /'gro nyal 'dug za spyod @#/ /lam rnam pa bzhir/ /mi brjed shes rab dag gis rjes su gzung / /slob dpon mtshang dang gsang tshig yi dam lha/ /srog gi phyir yang rtag tu mi spong ngo / / bzhi pa de bzhin de la de mi sems/ /dran pas rjes su de la gzung bar bya/ /smig chu rgyun bzhin brtul zhugs bya ba bskyed/ /de las 'gal ba'i brtul zhugs rab tu spyad/ / rdol zhing zag 'gyur dug can smad pa'i snod/ /de ru mu tig bdud rtsi mi blugs ltar/ /thabs kyi spyod pas rnam dbye shes par bya/ /dpag tshad kun tu nyams pa rnam par spong / / de dag 'gal na rdo rje dmyal ba yi/ /sdug bsngal chu bo reg cing bzod dka' bar/ /dus gsum rnams dang nga yis brjod mi nus/ /gzhan nas gzhan 'phang thar ba'i dus kyang med| |ma nyams rgal dkar 'gro bar gdon mi za/ /nga dang dus gsum kun kyang de la dgongs/ /gang la dmigs pa'i 'bras bu chud mi za/ /phyogs skyong rnams kyis dam skyong de la srung / /zhes gsungs so/ /dpal rdo rje gtum po thugs gsang ba'i rgyud las/ sa ma ya bkod pa'i le'u ste bcu dgu pa'o// //de nas 'khor de dag la ched du brjod pa 'di brjod do/ /nyon cig 'dus pa'i 'khor rnams kun/ /don dam dbyer med phyogs cha kun dang bral/ /mi len mi gnas mi spong mi 'gog cing / /rang bzhin gnas pa dal 'chos su med/ /rtog pa'i gnas min phra ba'i spyod yul min/ /dngos por mi gnas mtshan ma kun dang bral/ /sgro dang skur bas de la dpag mi dpogs/ /stong pa ma yin tha snyad de las 'das/ /mi gnas mi rtog rkyen gyis bskyed pa med/ /dngos bral kun gyi mtha' 'das brjod du med/ /'di zhes nges pa de la mtshon du med/ /dus gsum bdag po sangs rgyas thams cad kyi/ /yab yum shul dang kun gyi dngos po yin/ /sems can 'jig rten khams kyi rang bzhin dang / /bud+d+ha 'jig rten khams kyi rang bzhin kun/ /gcig ste rnam grangs yongs kyis de las med/ /gang yang ma 'gags gcig tu nges pa med/ /tha snyad brjod bral sangs rgyas kun gyi dngos/ /de ltar grol ba rnal 'byor mchog gi lam/ /phra ba'i sgo mo rnams kyis rjes dpag dka'/ /de la spro dang bsdu ba'i dbang po med/ /gzugs dang kha dog rnam pa gang du yang / /de nyid ma grub de la gnyen po med/ /'byung ba chen po nam mkha'i rang bzhin la/ /khu rlangs 'ja' tshon na bun sprin la sogs/ /than brag lhags rlung la sogs gang byung yang / /nam mkha' chen po de la g.yo ba med/ /dang po byung yang de yi ngang las byung / /tha mar zhi yang de yi ngang du zhi/ /de dag de yi nang du 'ubs kyis chu ba/ /yangs so che 'o nam mkha'i khog par gnas/ /khams gsum sems can dus @#/ /gsum sangs rgyas rnams/ /don dam nga yi rang bzhin nga nyid yin/ /kun kyang dge dang sdig sogs gang byas kyang / /rang byung 'phrul ldan de la 'phel 'grib med| |rang byung ye shes rgyu rkyen dngos po med/ /sems can sangs rgyas gnyis shes rtog gi bu/ /de la dbye dang ming dang yig tshogs med/ /ces gsungs so/ /dpal rdo rje gtum po thugs gsang ba'i rgyud las/ gzhi byang chub snying po'i rgyu'i le'u ste nyi shu pa'o// //de nas dregs pa'i 'khor de dag ngo mtshar du gyur nas mgrin gcig gis 'dzum pa'i mdangs kyis mngon par bstod pa/ e ma ho/ /rdo rje sems dpa' sems dpa' che/ /rdo rje 'dzin pa kun gyi rgyal/ /rdo rje rdo rje 'dzin pa che/ /rdo rje sku ste che ba po/ /mi shes dri ma kun 'joms pa/ /sangs rgyas kun pas sngar sangs rgyas/ /'gro ba'i mgon la phyag 'tshal bstod/ /rdo rje lus te lus kyi mchog /lus rnams tha dad rnam sprul cing / /lus dman pa dag 'jigs par mdzad/ /lus kyi nges don gting dpag dka'/ /rdo rje'i sku la phyag 'tshal bstod/ /rdo rje 'bar ba cher 'bar ba/ /'bar ba'i 'od kyis sdang ba 'joms/ / rdo rje shugs te shugs che ba/ /rdo rje'i mtshon chen phyag 'tshal bstod/ /phyag na rdo rje ye shes che/ /zhal gyi rdo rje sdang ba 'bigs/ /rdo rje mche ba rno ba che/ /che ba rgya mtsho gsung chen bstod| |rdo rje pad+ma byang chub che/ /thugs nyid sangs rgyas rang byung ba/ /rdo rje rgya che thugs kyi mchog /rdo rje rnal 'byor thugs chen bstod/ /'jigs byed drag po nag po che/ /rdo rje 'jig byed sdang byed pa/ /sgrub dka' sgrub legs yon tan che/ /yon tan rdo rje mchog legs bstod/ /rdo rje khro bo drag po che/ /ha la ha la nag po che/ /rtog pa'i dus ngan rnam par sbyong / / rdo rje sems dpa' phyag 'tshal bstod/ /ces mngon par bstod do/ /dpal rdo rje gtum po thugs gsang ba'i rgyud las/ 'khor gyis mngon par bstod pa'i le'u ste nyi shu rtsa gcig pa'o// //de nas lha'i dbang pos 'di skad ces gsol to/ /kye rdo rje khro bo khyod/ dus ngan bstan pa mi gnas tshe 'jig rten khams su chu 'khyags dbab pa'i thabs bka' stsal du gsol/ bka' stsal ba/ nyon cig dbang po chen po/ /'jig rten phung bar byan nA ga'i chu 'khyags dbab/ gsang ba'i las rab 'di ni rab tu nag /na mo bud+d+ha ya/ badzra tsaN+Da mahA ro Sha Na hUM phaT/ oM badzra tsaN+Da/ ki li ki li/ tsaN+Da mo ra ci na/ tsaN+Da tsaN+De/ nA ga ban+d+hA ya phaDa swAhA/ sor brgyad seng ldeng phur bu gu gul dang / tshil chen sme khrag byug cing bdug /rtsa gzir sngags bshams gdags pa bca'/ /thog ma'i gong nang grangs med bzlas pa'i mchog /klu gnas btab na khyung gis mi thar 'ching / / @#/ /phyogs btab ldog 'gyur zhing btab 'bu srin za/ /ldum ra rta bres gnag ra ra lug gnas/ /btab na mi skye ri snyil chu yang ldog /phal ba'i grong dang rgyal po'i pho brang sgor btab na/ /phal pa'i grong 'jig rgyal po'i khor gyi mi/ /'byer zhing nad kyis thebs 'gyur phyung na thar/ /nA ga'i gnas btab thams cad 'ching bar 'gyur| |nag po gnas su song la las 'di bya/ /byang bltas chu mig rngom dang ngan skyibs nag /mgo na rdo nag dregs pa chags pa yod/ /gnas der e nag 'dom bzhi rtse mo lho| |dkar nag rdo ba glang dmar rwa skyed bya/ /skam po dum bzhir phyi rol khrag dug nag /ra khyi mi khrag bskol bya ting 'dzin bsam/ /ga ru'i sprul pa mang po shin tu gces| |dkar nag dung bas dran bskyed dbang du bsdu/ /de nas khyung bskul ba zhes bya ba 'di gsungs so/ /hrIH/ dpag bsam shing las bzhengs pa'i ga ru Ta/ /ye shes gshog pa 'bar ba gser gyi mig /rdo rje'i mchu sder thogs med lcags kyu can/ /ri rab rtse nas rgya mtsho'i gting du sleb/ /klu rgyal gdan du 'dings shing klu phrug zas su za| |klu rnams bka' las ma 'da' chu 'khyags phob/ /brjid gnon man+t+ra mu tras zil gyis mnan/ /nA ga rA dza phuT+Ta phut+ta/ stong bzlas bshams sprel ban+d+ha chu mig brdab/ / klu gzugs sprul mgo bdun sngon sgyed kar bzhag /mgo la khrag byung 'di nyid rtsa brgyad bzlas/ /nA ga nA ga la khrag nad mgo la phob/ /nA ga mgo la khrag thun rbad/ rtsa brgyad brjod cing thab bya khrag lhag dang / /thal 'jim b+han+d+ha chu mig nang du brdab/ /thog dang ser ba ji ltar 'dod bzhin 'ong / /nA ga'i gzugs ni nag po gel chags che/ /mig nas glog 'gyu kha nas khrag ser 'bab/ /de ltar bsams na klu 'khrug ser ba 'bebs/ /dpal rdo rje gtum po thugs gsang ba'i rgyud las/ /'jig rten thog ser gyi le'u ste nyi shu rtsa gnyis pa'o// //de nas yang lha'i dbang pos zhus pa/ mthar thug drag po'i las kyis ji ltar dbab/ /rdzas dang sngags bcas drag po'i sbyar thabs gang / /sba gnas dus tshod mdzes pa gang la bgyi/ /srung ba'i go rim bcas pa ji ltar lags/ /zhes zhus pa las/ bka' stsal ba/ nyon cig skal ldan lha'i dbang po/ /rdzas dang sngags bcas drag po'i sbyor pa 'di'o/ /mdze sha mdze tshil thod pa tshil chen dud/ /gzhob rnams blugs te spra ba'i me dang sprod/ /yugs sa'i zhabs dril khar nag bcings byas la/ /chu mig 'gram sar seng ldeng phur ba gdab/ /ston zla ra 'bring gza' rgod rgyu dus gtad/ /skya rengs shar dang nyi phyed nya la gtad/ /rdzas mchog ma phyung chu 'khyags nyin re 'bab/ /de nas klu rnams @#/ /kun gyi gnyen po rak+ta tsa muN+Di zhes bya ba 'dis bskul bka' stsal to/ /hUM| sku ni gnam lcags 'bar ba la/ /dmar ser me yi ral pa can/ /dmar ser mi yi ral ba can/ /khams gsum srid gsum kha na khyer/ /srid pa gsum ni lto na 'phyo/ /ya 'gal gnam la ma 'gal sa/ /nyi ma'i sman dang spyan nas 'char/ /zla ba'i skyin tang zhal nas 'char/ /ri rab rtse dgu phyag na bsnams/ /mi bzad 'bar ma gtum chen mo/ /phyag na rdo rje'i bka' nyan ma/ /'dul ba'i gnyen po klu 'dul ma/ /thugs dam klu yi ban+d+ha 'dren/ /zas su klu yi sha la za/ /klu yi gnas ris dbang du sdud/ /sngags bka' stsal pa/ oM nA ga zhung thun/ dz+wa la dz+wa la/ ts+tshin+da ts+tshin+da/ b+hin+da b+hin+da/ phaDa phaDa swAhA/ las kyi go cha drug ni rab tu gces| |log gnon gyi sngags bka' stsal pa/ nA ga li du ma la ya sa do ma d+he ba ku ru hUM hUM/ dzaHdzaHb+h+yo b+h+yo/ 'khor lo tshul du lus la'o/ /zhes gsungs so/ /dpal rdo rje gtum po thugs gsang ba'i rgyud las/ mthar thug drag po'i las kyi le'u ste nyi shu rtsa gsum pa'o// //de nas 'khor de dag gis zhus pa/ bcom ldan nyid kyi mtshams bcad ji ltar gzung bar bgyi zhes gsol ba dang / bka' stsal pa/ 'dul ba'i tshogs nyon cig /nga'i rang bzhin ni/ dus gsum gyi bde bar gshegs par rtogs par byos shig /nga'i rang bzhin ni/ skya ba med par rtogs par byos shig /nga'i rang bzhin ni/ 'gag pa med par rtogs par byos shig /nga'i rang bzhin ni/ stong pa nyid du rtogs par byos shig /nga gang yin pa de ni/ gsang ba'i bdag po'o/ /nga gang yin pa de ni/ rdo rje sems dpar rtogs par byos shig /nga gang yin pa de ni/ khams gsum rnam par rgyal bar rtogs par byos shig /nga gang yin pa de ni/ gtum po chen po nyid du rtogs par byos shig /nga gang yin pa de ni/ chos so/ /chos kyi phung po'o/ /zhes bka' stsal pas de bzhin gshegs pa thams cad dgyes shing dga'o/ /dpal rdo rje gtum po thugs gsang ba'i rgyud las/ yongs su gtang ba'i le'u ste nyi shu rtsa bzhi pa'o// //rgya gar gyi mkhan po a bA yu ga ta'i zhal snga nas zhus nas bod kyi lots+tsha ba chos kyi brtson 'grus kyis bsgyur ba rdzogs so/

CLOSE WINDOW