CLOSE WINDOW

H403
བོད་ཡིག

bod kyi lo ts+tsha ba dge slong shAkya ye shes kyis bsgyur cing zhus te gtan la phab pa'o// //rgya gar skad du/ ri gi A ra li tan+t+ra rA dza nA ma/ bod skad du/ ri gi A ra li'i rgyud kyi rgyal po zhes bya ba/ dpal rdo rje mkha' 'gro la phyag 'tshal lo/ /'di skad bdag gis thos pa dus gcig na/ bcom ldan 'das ri gi rnam pa'i e waM sdom pa la bzhugs so/ /gnyis med gnyis kyi rnal 'byor gyi/ /A ra li dang ri gir brtags/ /ri gi rnal 'byor dbang phyug gtso/ /de la A lis zhus pa/ /gnas kyi rnam pa du zhig lags/ /nye gnas rnam pa du ru 'gyur/ /de la zhing gi rnam pa du/ /nye zhing rnam pa du ru gsungs/ /tshan do rnam pa du ru brjod/ / @#/ /nye ba'i tshan do rnam pa ru/ /de la 'du ba gang zhig lags/ /de bzhin nye ba'i 'du ba ci/ /de la dur khrod rnam pa du/ /nye ba'i dur khrod ji ltar lags/ /de la lha mo ri gi che/ /rnal 'byor rnal 'byor cher gnas pas/ /A ra li dang bder go bar/ /sa bcu rnams ni rab tu che/ /gnas ni shar gyi lus 'phags so/ /de bzhin du ni ba lang spyod/ /gnas ni byang gi sgra mi snyan/ /gnas ni de bzhin 'dzam bu gling / /gling bzhir lha mo bzhi dang ni/ /ri rab spyi bor ri gi bzhugs/ /A ra li dang mnyam sbyar bas/ /gnyis kyis mnyam sbyor gnyis med las/ /si sa'i 'dod pa'i lcug ma dang / /bde chen de bzhin sdom pa ma/ /ljang gu ser mo btsod mdog dang / /dmar mo ru ni yongs su grags/ /zhal gcig ma ni phyag gnyis dang / /g.yas na chu gri 'dzin ma ste/ /g.yon na rnal 'byor lhung bzed nyid/ /gcer bu mgo skyes grol ba'o// A ra li yi sku mdog gnag /spyan gsum phyag drug A ra li/ /ri gi sngon mo spyan gsum ma/ /phyag gnyis zhags pa lcags kyu 'phyar/ /rdo rje ra li'i phyag gnyis kyis// ri gi dge ba'i bshes gnyis 'khyud/ /g.yas kyi phyag gnyis dag tu ni/ /rdo rje dang ni cang te'u brtags/ /gzhan dag tu ni dgra sta dang / /thod par mgo bo 'dzin pa nyid| |gnas su sems dang nye ba'i gnas/ /sa dang chu dang me dang rlung / /'dir yang lha mo rnam pa bzhi/ /kha dog dbye ba gong ma bzhin/ /mi bzad rnon po sgyu ma che/ /mthon po gsung gi 'khor lo la'o/ /shar sgo de bzhin du ni zhing / /nye ba'i zhing ni lho ru 'gyur/ /tshan do ha ni nub kyi sgo/ /nye ba'i tshan do ha ni byang / /wa dang ma he nyid dang ni/ /rta mgrin glang po'i rgyal mtshan nyid/ /'di rnams sgo dang sgo ru ni/ /kha dog dbye ba gong ma bzhin/ /gsung gi 'khor lo'i mtshams rnams na/ /'du ba nye ba'i 'du ba nyid/ /sku yi 'khor lo'i mtshams su ni/ /dur khrod nye ba'i dur khrod nyid/ /sku gsum 'khor lo'i mtshams su ni/ /dmyal ba dag ni rtag tu bri/ /sku la grang ba'i dngos po bzhi/ /gsung la de bzhin tsha ba bzhi/ /ri gi A ra li'i sbyor ba ste le'u dang po'o// //lha mo ri gi snying rje che/ /A ra li ni nyid kyis zhus/ /ji ltar 'khor lo'i mtshams brgyad du/ /dmyal ba brgyad ni rnam par sgom/ /ri gis bka' stsal pa/ ji snyed pa'i sems can gyi bsdu bas bsdus pa sgo nga las skyes pa dang / mngal nas skyes pa dang / drod gsher las skyes pa dang / brdzus te skyes pa dang / gzugs can dang / gzugs med pa can nam/ 'du shes can dang / 'du shes med pa can de dag thams cad A ra @#/ /li dmyal bar 'tshed par 'gyur ro/ /de rnams gdon pa'i blos e baM rnam par gzhug par bya'o/ /stong pa nyid ni bsgoms nas ni/ /hUM ni snying gar bsgom par bya/ /hUM las sna tshogs rigs bdag yin/ /rdo rje las ni A ra li/ /'byung ba nyid du 'gyur ba nyid/ /mang du brjod pas ci zhig bya/ /oM baM rnam pa ches gsang bar/ /sangs rgyas rin chen gab tser ni/ /rdzogs pa'i dkyil 'khor du ni 'gyur/ /oM A ra li ri gi pheM pheM pheM b+h+yo swAhA/ char dbab pa'i cho ga bshad par bya'o/ /sa yi bdag po blangs nas ni/ /nor rgyas bu ni mkhas pas bya/ /thod pa sbyar mar bzhag nas ni/ /ba yi 'o mas dgang bar bya/ /de yi sbyor bas bkang nas ni/ /nges par srad bu nag pos dkri /chu yi 'gram du rang song ste/ /ri gi A ra li sbyor bas/ /sngags pas sngags ni khri bzlas na/ /klu ni 'khrugs par char ba 'bebs/ / rmi lam gyi las bshad par bya ste/ rnal 'byor bdag gi mal 'og tu/ /da du ra yi khu ba dang / /dur khrod sol ba bsres pa dang / /'ug pa'i sgro rtsa'i smyu gu yis/ / ro dkris dmar po'i gos la ni/ /bsgrub bya'i ming ni rang gis bri/ /de la rnal 'byor ma 'dug nas/ /A ra li ni khri ru bzlas/ /oM A ra li ri gi pheM/ a mu kang ke/ ma me taM swa p+naM daR+sha ya b+h+yo swAhA/ khra dgug pa bshad par bya ste/ rna tshol brtag par byas nas ni/ /gong bu mdun du dgod par bya/ /ri gi A ri li'i sbyor bas/ /dbugs kyi gong bu dgug par bya/ /khab kyi phyag rgya mchu byas nas/ /dang po lce yi byed pa pos/ /ji ltar che ba'i gong bu bzhin/ /shes rab can gyis sbrang chen dgug /bab kyi phyag rgya gnyis pa ni/ /mgrin skras dal gyis yongs su gzir/ /'jug pa'i las yang dag par rab tu bshad par bya ste/ ji ltar spyod pa'i gzugs bltas nas/ /bdag nyid ri gi yi gzugs su/ /ri gi A ra li'i sbyor bas/ /mgo ni 'og tu rnam par bsgom/ /oM badzra A ra li phaT ya to ta ya pheM pheM swAhA/ rengs par byed pa bshad par bya ste/ dgra bo nyid kyi lce la ni/ /bu ram gong bu bsgom par bya/ /oM ri gi g+hu T+Ta g+hu T+Ta sha hUM phaDa/ 'khru ba rab tu bshad par bya ste/ dgra po'i dri mas gzugs brnyan bya/ /de yi skra yis dkri bar bya/ /tsha ba gsum gyis kha bkang nas/ /gzugs brnyan kha ru bzhag par bya/ /oM A ra li ma me a mu kaM kaM kaM sor ye phaDa phaDa phaDa swAhA/ dbang du bya ba la| bdag gi g.yon pa'i mig tu ni/ /e baM rnam par bsgom par bya/ /de yi g.yas pa'i mig tu ni/ /rdo rje 'phro ba'i rnam pa bsgom/ /de dag 'dus pa'i sbyor ba ni/ /ri @#/ /gi A ri las sbyor bas/ /mdzes ma dbang du byed par 'gyur/ /bdag nyid bsrung bar bya ba dang / /gnas ni sbyang ba nyid dang yang / /ye shes 'khor lo gzhug pa dang / thugs sogs byin gyis brlab pa dang / /yan lag dgod par bya ba dang / /de bzhin lha yi dbang bskur dang / /lha mo rnams kyi sngags 'byung ba/ /A ra lis ni rtag tu bya/ /oM dang AHhUM byin gyis brlab/ /de nyid gsum ni rigs gsum 'byung / /byin rlabs las ni 'grub par 'gyur/ /las rnams thams cad rab sbyin dge |snying dbus rang gi sa bon gyi/ /lcags kyus A ra li phyung nas/ /ye shes 'khor lo dgug par bya/ /bkug nas dam por bcing bar bya/ /dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ sarba sid+d+hi m+me pra yats+tsha e h+ye hi b+ha ga baM ti ri swAhA/ spyi bo snying dang de bzhin mgrin/ /lte ba gsang ba'i gnas su ni/ /zhags pa'i phyag rgya'i sbyor ba yis/ /dam po la sogs bcing bar bya/ /ha ha hi hi de bzhin du/ /hu hu ho ho de bzhin te/ /lus kyi gnas ni brgyad rnams su/ /yan lag dgod par bya ba nyid| |spyi bo mchan khung lte ba dang / /kha dang de bzhin mig gnyis dang / /rkang mthil gsang ba nyid du ni/ /yan lag dgod par rab tu grags/ /sngags ni rim pa yis ni mtshon/ /lag pa ba spu'i khung kun nas/ /ri gi'i 'od zer spro bar bya/ /lcags kyu'i phyag rgyar rab sbyor ba'i/ /yang ni phyis ni bsdu bar bya/ /re gi hUM saM kaM maM saM nyid| |thugs kyi 'khor lor rab tu grags/ /gaM tAM maM yuM zhes bya ba/ /gsung gi 'khor lor grags pa'o/ /dzaM maM hAM kaM aM nyid ni/ /sku yi 'khor lor rab tu grags/ /ri gi sngags kyi gdon pa ni/ /rim pa yis ni mtshon par bya/ /rang gi snying las 'od zer byung / /lcags kyu'i phyag rgyar rab sbyor bas/ /phyogs bcur rnam par bzhugs pa yi| |rdzogs pa'i sangs rgyas des bkug nas/ /cho gas 'dod pas mchod nas ni/ /dbang ni blo dang ldan pas blang / /oM sarba ta thA ga tA DA ki n+ya nu ga ta ma hA b+hi She kA nud nu zhes/ bdud rtsi lngas gang bum pa ni/ /sangs rgyas lnga yi rang bzhin gyi/ /des ni lha rnams dbang bskur bya/ /lha yi dbang las bde ba nyid/ /oM sarba ta thA ga ta DA ki n+yA b+hi She kA badzra swa b+hA ba At+ma kou0f85haM/ gru gsum me'i sa bon gyis/ /snang byed rnam par bsgom par bya/ /snying gar hUM las rigs bdag nyid/ /de nyid kyi ni de ru 'gyur/ / de nas rdo rje las byung kun/ /rdo rje gur dang ra ba nyid/ /ri gi A ra li gnas su/ /bdag nyid rtag tu bsrung bar bya/ /dmyal ba brgyad ni thod pa yi/ /dkyil 'khor @#/ /'phar ma gsum gnas pa'i/ /mkha' 'gro ma yi dra ba sdom/ /'khor lo g.yas su bskor ba yin/ /zhabs g.yon brkyang ba'i A ra li/ /sems kyis 'jigs byed mnan nas ni/ /ri gi shing la mngon zhon pa/ /zhabs la zhabs kyis bskor bar bya/ /rnal 'byor ma kun thod par gnas/ /gar gyi rkang pas phyogs su gnas/ /tsha dang grang ba'i rab dbye bas/ /mtshams su thod pa brgyad po yin/ /las thams cad rab tu bsdus pa zhes bya ba'i gleng gzhi'i le'u ste gnyis pa'o// //ri gi A ra lis zhus pa/ /brda yi rnam pa du zhig lags/ /de la lha mo ri gi ches/ /brda ni yang dag rab tu phye/ /brda ni chen po ts+tsho ma bcu/ /bdag nyid sngon du byed pa nyid/ / gang gis rnam par shes tsam gyis/ /sgrub po dngos grub thob 'dod na/ /gnas ni dpral ba'i rgyab tu 'dod/ /ngos ni nye ba'i gnas nyid de/ /pus mo tshan dor 'gro bar 'gyur/ /dpral bar nye ba'i tshan do nyid/ /lag pa g.yas pa 'du ba nyid/ /g.yon pa nye ba'i 'du ba nyid/ /rna ba g.yas pa dur khrod gnas/ /g.yon pa nye ba'i dur khrod do| |snying ni zhing du yang dag 'gyur/ /lhag ma nye ba'i zhing nyid dang / /tshong rdal nyams dga' tshong 'dus dang / /ma mo'i khyim du rtag tu lta/ /brda yi rnam par shes par bya| |rang gi mtshan ma rang gis ston/ /ril bu mig sman la sogs pa/ /mchog ni rab tu smin par 'gyur/ /A ra li yis lha mo zhus/ /ye shes dam pa ji ltar lags/ / gang gis rnam par shes tsam gyis/ /sgrub po dngos grub thob 'gyur ba/ /'bras phyir byang chub thob 'gyur ba'i/ /ting 'dzin lha mo ri gi ste/ /mchog tu bde ba chen po nyid/ / bsrub dang srub byed las byung ba/ /kun mkhyen ye shes yang dag 'byung / /sems ba thams cad yongs su spangs/ /dbang po thams cad bzlog par bya/ /dgon pa dben pa'i gnas su ni/ /gnyis gnyis thams cad rnam par spangs/ /mig dag steng du bzlog nas ni/ /smin ma'i dbus su sems byas na/ /mi bzad mun pa'i gzugs su ni/ / sgrub pos dang po mthong bar 'gyur/ /phyis ni rna ba g.yon par lcug /dal gyis dal gyis 'gul bar 'gyur/ /yan lag can gyi bde ba gang / /de bzhin phyag rgya chen po/ bde| |phyi yi phyag rgya ngang gis 'jigs/ /de yis ye shes kyang ni 'jig /bde ba chen por rtogs pa'i phyir/ /de yi ye shes phyag rgya pa/ /'di nyid ye shes chen po nyid/ / rang gis rig pa'i rang bzhin can/ /gzhon nu'i dga' ba ji lta bur/ /gzhan du brjod par mi nus so/ /lhan cig skyes pa'i rnal 'byor 'di/ /sems can gsol 'debs @#/ /sems kyis ni/ /sems can kun la snying rje yis/ /'di ni rnal 'byor gtso bo nyid/ /'di la goms pa'i rnal 'byor gyis/ /nam mkha' mnyam pa'i sems kyis ni/ /snying rje mthu chen rnal 'byor pas/ /'grub 'gyur 'di la the tshom med/ /dang por mun pa mthong bar 'gyur/ /gnyis pa dkar dang du ba 'thul/ / gsum pa me khyer rnam pa ltar/ /bzhi pa ya ba'i me tog bzhin/ /lnga pa sprin med ye shes ni/ /rang bzhin yang dag rig pa spangs/ /sprin med nam mkha' lta bu ni/ / de yod thams cad mkhyen pa'i rgyu/ /rtag tu goms pa'i rnal 'byor gyis/ /rtse gcig sems kyis ri gir 'gyur/ /ye shes bdud rtsi rtag 'thungs pas/ /bkres pas zil gyis mi non cing / /skom pa yis kyang zil mi non/ /rga dang na bas gzir mi 'gyur/ /'di yis thabs kyi rnal 'byor gyis/ /ri gi thams cad rig par 'gyur/ /de nas rnal 'byor pa chen po/ /A ra li ni nyid kyis ni/ /dam du 'khyud par 'o mdzad pas/ /ri gi la ni gus par zhus/ /e baM ma yA ci zhig bshad/ /e yi rnam pas sa ru bshad/ /baM gi rnam pa de bzhin chu/ /ma ni me zhes bya bar brjod/ /yA yi rnam ba rlung du gsungs/ /ri gi sdom pa ci zhig bshad/ /ri gis bka' stsal pa/ ri gi mkha' 'gro mar ni gsung / /sdom pa dam par gyur pa 'di/ /ri gi e baM sdom pa ni/ /e baM rnam pa rna bar gnas/ /ri gi sna yi rtse mor ni/ /rtag tu ri gi bzhugs pa yi/ /ye shes dam pa 'di nyid ni/ /kun mkhyen ye shes de yi bdag /'byung ba chen po bzhi gtan la dbab pa dang / brda'i le'u ste gsum pa'o// //ri gis bka' stsal pa/ de nas rnal 'byor chen po yi/ /a ra li ni nyid kyis ni/ /rang bzhin mdzes pa nyid la zhus/ /dkon mchog gsum la gnod byed pa'i/ /khrag ni ji ltar dgug par bgyi/ /nus la sogs pas mdun du ni/ /ya ba'i me tog bzhag nas ni/ /rang gi khrag ni dgug par bya/ /ri gi nyon cig goms pa yi/ /nas ni nyi shu kha smad 'byung / /phyi nas khrag ni dgug par byed/ /lha ni dral ba bshad par bya/ /spyi bor 'bar ba bsam par bya/ /'bar ba'i phreng bas khyab nas ni/ /der ni sngags ni bzlas pa bya/ / oM he ru ka pa taM phi ba tA ya/ ri gi A ra li'i sbyor bas/ /lha la phyag byas 'gas par 'gyur/ /A li kA li yan lag mnyam/ /'di dag gnyis dbus rang sa bon/ /rang gi sa bon nyid kyis ni/ /rang gi phyag rgya rnams yin te/ /phyag rgya las ni lha rnams 'byung / /oM shU n+ya tA dz+nyA na badzra swa b+hA ba at+ma kou0f85haM/ lcags kyu phyag rgya lag gnyis @#/ /kyis| |mthe chung phan tshun lcags kyu'i tshul/ /dbu ma yi ni sor mo gnyis/ /mthe bong rgan pos gzir bar bya/ /sdig mdzub gnyis kyi zhags pa nyid/ /rdo rje ral gri zhags chen po/ /chos kyi ye shes gang zhig gzhan/ /ri gi nyid du rab tu grags/ /'phags pa'i bden pa bzhi yis ni/ /si si la sogs rab tu grags/ mi 'jigs pa ni bzhi yin te/ /mi bzad la sogs rab tu grags/ /bsdu ba'i dngos po bzhi yis ni/ /wa la sogs pa rab tu grags/ /phyag drug 'gro ba drug tu gsungs/ / spyan gsum srid pa gsum du brjod/ /'jigs byed bdag gi sems nyid de/ /zhabs kyi rtsa bar bsgyel ba nyid/ /dga' ba la sogs sa bcu ni/ /gnas sogs yang dag rab tu grags/ /pha rol phyin drug phyag rgya drug /thod pa nam mkha'i dkyil 'khor nyid/ /e baM ma yA'i dbus gnas pa'o/ /bdag nyid kyis ni de ltar bsam/ /'chol ba kun gyi mtshan nyid kyis/ /thams cad rgyud du yang dag gnas/ /gri gug ma rig gcod pa nyid/ /thod pa dag ni snying rje che/ /ri gi A ra li yi sgra/ /cad te'u hUM de'i sngags bzlas pas/ /dgra sta chos kyi 'byung gnas brjod/ /rdo rje rdo rjer rab tu grags/ /mgo bo nyon mongs pa yi bdud/ /thod pa nam mkha' dag pa 'di/ /lcags kyu ri gi ze 'bru ste/ /de bzhin zhags pa dag pa nyid/ /ngang gi dag pa bsdus nas ni/ /lus ni mchod rten dag pa ste/ /skyil krung gdan du shes par bya/ /'dzam bu'i gling gi snying por gsungs/ /gnyer ma gsum rtag lta ba nyid/ /lto ba yang ni gzugs su 'gyur/ /mgrin pa yang ni mgrin par brjod/ /kha khyer mgo bor shes par bya/ /spyi bo gdugs kyi phreng bar brjod/ /mig gnyis zla ba nyi ma nyid/ /'phan ni mgo las skyes pa yin/ /rus pa bde bar gshegs pa'i gdung / /de phyir rang byin rlob par 'gyur// de phyir sangs rgyas gzugs brnyan lus/ /rnal 'byor ma yis rtag tu mchod/ /rang gi ngo bo sangs rgyas su bshad pa'i le'u ste bzhi pa'o// //rgyal po chen po zas gtsang 'di/ /A ra lis ni yang dag phye/ /de la ri gi sgyu ma che/ /'gro ba thams cad shes rab dag /don grub rdo rje sems dpa' ste/ /lha mo sa 'tsho phyag rgya'o/ /sgra gcan bzang po bde ba che/ /sgyu ma'i gzugs kyi spros pa las/ /sgyu ma chen pos 'tsho nyid/ /rdo rje sgyu ma'i rnam 'phrul bas/ /don grub lhan cig skyes dga' nyid/ /sras ni bcom ldan rdo rje can/ /yab ni rdo rje 'chang bar grags/ /yum ni sgyu ma chen mo yin/ /de nyid phyag rgyar rab tu grags/ /mthe bong rgan po rdo rje yin/ /lte ba chos kyi @#/ /'byung gnas gsungs/ /sgyu ma chen po'i rnam 'phrul bas/ /don grub nyid ni gzi brjid can/ /ngo bos 'gro ba sangs rgyas nyid/ /lha mo ri gi nga tshig nyon/ /las la spyod pa rab brtags pas/ /lus can rnams ni rtag tu gdungs/ /dga' ba yang ni shi shir gsungs/ /mchog tu dga' ba 'dod pa ma/ /dga' bral dga' ba bde chen ma/ /lhan cig skyes dga' sdom pa ma/ /mi zad ma ni 'o ru gsungs/ /rnon mo yang ni 'khyud mo nyid/ /sgyu ma skyed la sgyu ma che/ /mthe bong mchu ni 'jib pa nyid/ /dga' ba'i rtsod pa wa nyid de/ /sbrang rtsi btung bas ma he nyid/ /rtog pa yis ni rta mgrin te/ /'o byed glang po'i rgyal mtshan no/ /rdo rje ra li 'dod chen can/ /'dod pa ma ni ri gir brjod/ /thabs dang shes rab rang bzhin gyis/ /'gro ba thams cad rnam par khyab/ /si si rnam pas dmyal ba bzhi/ /de bzhin ha yi rnam pa bzhi/ /'khor bar ji ltar spyad pa ni/ /mya ngan 'das pa mi 'gal lo/ /rdo rje A ra li nyid ni/ /khu bar yang ni 'gyur ba yin/ /ri gi bde ba chen por gsungs/ /ri gi A ra li sbyor bas/ /rdo rje sgyu ma zhes byar brjod/ /bud med sgyu ma'i spros pa yis/ /'gro ba thams cad rnam par rmongs/ /bud med sgyu ma sangs rgyas nyid/ /sgyu ma thams cad spel bar byed/ /snying po'i sngags ni/ oM A ra lI b+h+yo b+h+yo ha ha ha ha/ si si si si mi gsal bar bzlas so/ /gnyis kyi nye ba'i snying po ni/ /ha ha ha las rgyas pa la sngags gang ni/ de yi sngags su rab tu bsngags/ /snying po yi ni sngags yin no/ /nye ba'i sngags kyis bskul ba yin/ /sgom pa bde chen myang ba ste/ /de bzhin dam tshig mchod pa nyid/ /thams cad kyi ni dam tshig la/ /mi las skyes pa rab tu bsngags/ /klu gzir gnyis 'thung dam tshig ste/ /rmi lam rta ni rab tu bsngags/ /bsad la ma he dam tshig go /dbang la khyi ni rab tu bsngags/ /khrag dgug pa la dam tshig ste/ /'jug pa de bzhin rnga mo nyid/ /rengs pa la ni ne'u'i sha /kha na ma tho med rnyed pa/ /gal te bsad par byas na ni/ /de tshe rnal 'byor mas mi 'grub/ /sems can bskyab sems rnal 'byor pa/ /'grub 'gyur 'di la the tshom med/ /dkyil 'khor khru ni bzhi par bya/ /sgo khyud sor ni gnyis su gsungs/ /logs la yang ni sor gnyis yang / /sgo khyud kyi ni kha khyer la/ /sor ni bcu gnyis dag tu gsungs/ /lha yi snam bu sor gnyis te/ /rta babs sor ni bcu drug nyid/ /sgo las sor mo gnyis kyis ni/ /rdo rje phreng ba de bzhin bya/ /dkyil 'khor snying po zlum po ste/ /phyogs bzhi kha dog @#/ /bzhi dang ldan/ /kha dog lnga yi rdul tshon nyid/ /srad bu lnga zhes bya bar brjod/ /gser dang yang na dngul nyid dang / /mu tig dang ni byu ru dang / / mu men yang dag bsres nas ni/ /rin chen lnga ni shin tu gzhug /lha yi grangs kyi bum pa nyid/ /rnam rgyal bum pa ches che ba/ /bum pa dkri ba nyid du ni/ /sgrub pa po ni dam pas bya/ /dang por sa ni yongs dag bya/ /gnyis par thig sogs gdab pa dang / /lnga pa'i dkyil 'khor bri ba dang / /de bzhin snga bar sbyin sreg nyid/ /'jig rten skyong ba dbang po dang / /lha mo khyod ni dbang du gyur/ /dkyil 'khor 'di ni bzhengs par bgyi/ /'od srung ma yis bgegs med mdzod/ /ji ltar bdag nyid nags de bzhin/ /rtag pa nyid du gtor ma sbyin/ /mtshan mo thun gcig gnas pa ni/ /mkhas pas dkyil 'khor mnyes par bya/ /gtor ma'i sngags ni/ oM sharga ti ka sa ne nA ka ro mu khaM sarba d+harmA NA A d+ya nut+pan+na twata/ sa ni yongs su bzung dus su/ /bgegs ni skrod par byed pa'i sngags/ /oM a na sa ta na na Ta staSh+Ti ya ma ba ru Na ku be ra ka swA tsa s+tha Ne khu tiSh+Ta d+haM rak+ShaM ku ru ta me bi ra traM/ cho ga'i mtshan nyid dang / nges pa'i le'u ste lnga pa'o// //ri gi A ra li'i rgyud kyi rgyal po rdzogs so// //rgya gar gyi mkhan po ka yas+tha ba ga ya d+ha ra'i zhal snga nas dang / bod kyi lots+tsha ba dge slong shAkya ye shes kyis bsgyur cing zhus te gtan la phab pa'o/

CLOSE WINDOW